محتوى القصة
زهير: (وصل لبلاصة للي صيفطلو فيها وليد حيت كانو غير فلمستعجلات لقاهم فلكولوار واقفين كيهضرو وقف عليهم) مالها؟
وليد: غير الطونسيو هبط ليها!!
زهير: كفاش غير؟؟ واش الطفلة مزيانة؟؟
وليد: واه واه بيخيير راها ترتاح شوية
زهير: (شاف فهند) ياك غير بالليل كانت مزيان؟
هند: والله معرفت طبيبة قالت غير مع لعيا وصاافي كتوقع مرة مرة
زهير: (هز حاجبو مستغرب أما هند شافت فوليد للي دغيا فهمها وحنا ودنيه واخا كان بعيد عليها بشي سونتيميترات)
هند: عنداك تقولو على شنو قلت ليك باش ميتجبدش صداع عاود (وليد حرك راسو باااه جا حداه زهير) أنا ندخل عندها (دخلت وخلاتهم بجوج لقاتها غير كتشوف فسقف مع تحل لباب ضارت وراسها تقيل عليها لقاتها هند) زييين دلعالم كبقيتي؟
أمال: (بحزن) لباس
هند: (شاف فالسيروم كان قريب يسالي.. شدت فيدها لوخرا للي مدايزش فيها السيروم) شوفي فالجهة لمزيانة (بصوت خافت) نتي مزالة بنت يعني داك الكلب غير ظحك عليك مقاسكش خلاك عايشة فالعذااب وهادشي لاش باغي يوصل ديما تكوني تحت صباطو خدا ليك بنت عمك فلوسك وزعما بكارتك غير باش يشوفك مذلولة وحانيالو الرااس ولكن لا بينيلو العكس
أماال: (جامعة لبكية) ولفلوس؟
هند: (تبسمت) لفلوس حنا للي كنديروهم ازييين باش غينفعوه لفلوس ونتي كتشوفيه غير كلب وحتى من شيماء لحماارة عندها شي ياماات ويلووحها
أمال: (كتبكي) ماشي شغلي فييها تمووت الا بغات غير يبعدووني
هند: للي ما فيه نفع دفع ابنتي برا كاين واحد غير سمعك سخفانة جا كيطير شااريك بلغاالي مضيعيييهش
أمال: هءءء مبغييت حد اهند كولهم بحال بحال انا بغيت غير نقرا ونعيش معاك
هند: اهيا رجعتي ليزبيانة؟؟
أمال: ها!!
هند: ليوبيانة هي لبنت لي كتبغي لبنت سحااقية زعما
أمال: (قرنت حواجبها ماسحة دمعتها) ديما عقلك فيه لوسخ
هند: ههه سيري تبعديني منعيش معاك متعيشي معايا انا باغا نتفك منك ونعيش مع حب قلبي ونتي مزالة لاسقة فية
أمال: حشمت من وليد درك يعييق بية
هند: غير الا كان كيعلم الغيب فرحي ومتبينييلهمش راك محطمة
أمال: راه ملاين
هند: (زفرت) الطماع يطيح يطيح براكة عليك غير زهير يعطيك الضووبل ارا غير ظحكي فوجهو مسكيين راه ه..(مجات تكمل حتى سمعت لباب كيدق) حم دخل..
زهير: (دخل زهير غير شافتو أمال قادات الجلسة) مالكي شنو طرالك؟؟؟
أمال: حم والو
زهير: كيفاش والو وعلاه سخفتي واش خوك كالك شي حاجة عاود ولا خلعك؟؟
أمال: لا لا والله ما هو
زهير: وشكوون؟؟
وليد: هه بشوية على لبنت
هند: ههه جات معاك بوليسي اشااف
زهير: (غير كيشوف فأمال عينيها حومر باينة شابعة بكا قربلها وهي متوترة بأسئلتو للي كتحس براسها باغا تهضر وتعاود ليه تبكي ولكن هو بالظبط لي مخصهاش تهضر ولا يعرف)
هند: واقلة صافي السيروم سالا نمشي نقولها لطبيبة (خرجت وزهير جر وليد وخرجو تسناو طبيبة جات دخلت عند امال شوية جات خارجة على رجليها شادة فذراع هند طار زهير خلص وبقى برا كيتسنى وفبالو محمد هو سباب حيت كانت مزيانة حتى جا وهو شاف خوفها من وعاد وليد كان عاودلو شحال كتخاف غير بانتلو وصلها بعينو حتى لطموبيلة ديال هند للي ركبات حداها اللور ووليد جا عند زهير)
وليد: نوصلهم ونجي تواليك
زهير: ياكما خوها للي جا عندها
وليد: لا كنت معاه ياله وصلتو لوطيل وانا جيت عندهم
زهير: وماالها؟؟
وليد: ههه الطونسيو اصااحبي وحتى صاحبتها كالتلي ماكلتها قليلة داكشي باش داخت
زهير: اممم انا نتسنااك.. صبر (مشا حانوت خدا شي تخربيق عواصر شكلاط بيسكوي جاي بميكتو كيطل عليها كانت مبيناش باينة متكية حيت غير راس هند للي باين حاني عطاه لميكا) تقوت على متوصل للدار ونتا رجع دغيا عندي....
فتيحة: (عيات تصوني على بنتها والو مكاجاوبهااش) هاااكااوا صافي لبنت طغااااات
علي: الله يهديك أما راه محمد معاها
فتيحة: وفين عمر محمد غااب كد هااكا ياااك بسبابها كولشي كيتكلب واش لولد عرسو مبقالو واالو وهو تايه فوجدة
علي: انا نهبط للحانوت
فتيحة: (بقات هازة تيليفونها وعاكفة على راسها ودايرة جوج حامضات على نواضرها فقسة يمشي يشري جهاج بلا خبرها غتصفيها ليييها وامال مكتجاوبهاش زاد خلاها شاااعلة...)
~~~~~~~~~~~~
هند: (هبطو بقات امال مسنودة على هند) ها لبخوشة عندك
وليد: (مد لامال لميكة) هادي صيفطها ليك زهير كالك كولي ولا غيلوحك من سطح
أمال: (تبسمت حشمانة) شكرا خوويا عفاك متكولهاش لمحمد
وليد: سيري ترتاحي نتي
أمال: (تمشاو طلعو للدار وهوما ساكتين دخلو للشومبر كانت خاوية هند عونات هند حتى حيدت حوايجها لبست بيجامة وهي تسمع تيليفونها كيصوني طلعلها الحقير ضربها ضرب فالألف جاوبات) الو
وليد: بلا مديرو شي فطور قبل لفطور نخرجو كاملين لشي كاافي
هند: اه مرحبا
وليد: مرحبا اشنيييولة (قطع وتبسم وصل عند زهير لقاه كيتسناه وساد المحال) كملتي؟؟
زهير: (ركب حداه) ديني عند داك خينا؟
وليد: شكون؟
زهير: هداك محمد
وليد: وعلاش؟؟
زهير: يا غتديني يا غنمشيلو برجلي ولا عرفتي غنمشي حسن بووح (شدو من ذرااعو) طلب اصاااحبي
وليد: وصاافي غنمشيو بجوج...
~~~~~~~~~~~~~
شيماء: (دخلت كتكسل لقات لبنات جاو وأمال ياله غدخل لسداريها باش تكى) جييييتو؟؟
هند: (شافت فيها مخنزرة) جينا
شيماء: وغتنعسو مغنقادوش لفطور؟
هند: خوك عارضنا
أمال: (غير كتشوف فشيماء ودموع كيتجمعولها تماااك وفنفسها كفاش هاانت عليك العشرة!!!)
شيماء: اممم كاع مفخبااري (شافت فامال كتشوف فيها هكاك) مالكي نتي؟؟
أمال: (بانفعال) شغلك؟؟؟؟
هند: اماال
شيماء: هه بشوية عليك ابنتي
أمال: الله ينعل نهار للي كلرت ولكيتك فيه نتي بنت عمي الله يعطيييك مصيييبة تلهااي فييها وتنسايني علييييك وبعدني مني ديريني ميتة الخرا تفوو على بنات يكونو بحااالك
شيماء: (صدمتها ولوخرا وجهها رجع حمر بكترة مفهمت واالو)
هند: غبري اشيماء من وجهها دابا
شيماء: (مشات كتعوج مفاهمة واالو ورداتها غير حرقة ديال خطوبتها من أنوار)
هند: قلتلك متبيني والو
أمال: (مغددة) مكرهتش نوض نتفتها ونشبع فيها طرش ونتي تكولي منبينش
هند: كولي شوية ونعسي راه الا مرديتيش صحتك غتجيبيها فرااسك
أمال: معرفت منين يدووز
هند: يدووز براكة غير تهنيتي من أكتر حاجة كانت غتعكس ليك حيااتك
أمال: (زفرت معصبة كلات شوية شرلت دوليبران وغطاتها هند وظلمت لبيت)
هند: (كانت لابسة بيجامتها خرجت لقات شيماء جالسة حداالحاجة حداها تيليفونها كتخربق فيها) الحاااجة لباس
الحاجة: الحمد الله ابنتي فين امال؟
هند: جات عيانة شوية وتكاات واليوم عارضنا وليد لفطور
الحاجة: عيطلي ولدي زهير كالهالي بحرا ترتاحو ابنتي
شيماء: واش بالصح العرس مور عيد صغير
هند: داكشي للي سمعت
شيماء: بففف دابا السيمانة جاية خاصنا نرجعو
هند: ومتوحشتيش مك ترجعي تشوفيها
الحاجة: ونتي ابنتي ماماك فين كاينة؟
هند: (بتنهيدة) فبلجيكا هي وبابا ولكن كل واحد مزوج تماك (مبغاتش تقولهم على هاد العام للي جاو يدوزو رمضان هنا وجايبين ولادهم ومنين مقبلتش تشرك شومبرتها مع بنت واحد منهم فضلو لوخرين عليها وبدليل منين خرجت من عندهم شي شهرين مسول فيها حد ولا قالها اجي دوزي رمضان معانا من غير جدااها....)
وليد: بلعقل اصاحبي
زهير: مالي ماشي ن*** استغر الله (خرج من الطموبيل ووقف خدا لوطيل تم محمد جاي جيهتهم...)
وليد: (زفر تم خارج من الطموبيل دار يدو فجيبو تفكر الورقة للي هز لهند للي طاحت ليها عاود دخلها حتى يكون بووحدو ويجبدها اما دابا يمشي عند دوك الجوووج....)
~~~~~~~~~~~
ضربت 5 دلعشية دراري كانو كيتسناو لبنات والحاجة هبطو لتحت جات الكاملة كتفهم فين ماشيين
الكاملة: (باستغراب) فين بالسلامة؟؟
الحاجة: عارضنا صاحب زهير
الكاملة: هممم كولي نسيبنا وهاد نسييب مبنالوش حنا ولا ممعمرينش ليه العين
الحاجة: الا ما فيك حيا سيري كوليهالو بحال بحالك حتى يانا غير معرووضة
الكاملة: وماالي نااقصة باش نمشي لقهااوي نطلب مااكلة
الحاجة: (زادت وخلاتها كتهضر حيت الا رفعت صوتها غير شوية الكاملة للي غتجي غير فيها.. مبرداتش ليها مشات عند شيماء للي واقفة حدا لبنات)
الكاملة: وهاد خوك ما فييه صوااب يكولها غير لولدي
شيماء: (سكتت حيت ديجا معصبة من لكلام للي قالتلها أمال)
لكاملة: اودي يا ودي ولدي فين طااااح
شيماء: زدتي فيه لا
هند: (هزت حاجبها كتشوفها)
الكاملة: ضربي كاغدع
شيماء: (شافت ملقات حد قريب من غير لبنات هضرت بشوية) سمعي.. انا غنتزوج بولدك انوار ماشي بيك نتي للي كل شوية جاية طلي علية وتسمعيني هضرة للي ماما هي التالية مكتسمعهمليش خليني محتارمااك على اساس نتي عكووزتي وانا خطيبة ولدك للي غنكون مرتو
الكاملة: (بقات مصدومة فيها) يااك اشيطانة بنتي على حقيقتك
شيماء: غتبعديني ولا نوريك شياااطن علاش قاديين
أمال: (مقدرتش متسمعش هاد الحوار الشيق أما هند قربات دخل بحنكها حداااهم)
الكاملة: اوا مدوزتها عليك منتسمااش
شيماء: سيري تخرااي حتى نتي
الكاملة: (بقات مصدومة منواتش منها هاد لكلام فمرة جاو دراري)
شيماء: خالتي عفااك ياله معانا
الكاملة: (غير ساكتة)
شيماء: (شافت فخوها) بقى فيها الحال حيت معيطتيش على انوار
وليد: لا كالهالو زهير
شيماء: (تبسمت وشافت فيها) ولدك للي نسا مكالهاااش لييك معلييهش مع الخدمة وصياام نسا نخلييوك على خير خالتي بسلامة (زادت ركبت مع خوها فطموبيلتو لقداام أنوار ركب مع زهير والحاجة ولبنات بقاو كيتشاوفو بيناتهم)
امال: شيماء هه رجعت وحدة ماشي طبييعية والله
هند: ههه بزااف ميبقاش فيك الحال
أمال: اودي غير تقيلني علييها حيت مرة اخرى غنفركع مها هاد الرمانة والموت للي يتسنى فية غيكون كيتسنى فيها حتى هي
هند: بففف منك نسااي دااكشي وركزي عفااك فزهير شو غير كيفاش كيشوف فيييك
أمال: (زادت وخلاتها) زيدي زيدي
زهير: (حاضيها غير قربت ديمارا قاطع عليها طريق)
الحاجة: أليييييك اولدي
أنوار: (بقا كيشوف فأمال للي واقفة)
زهير: (طل براسو) طلعي ركبي الا مبقاتش بلاصة أنوار هبط لحݣ علينا بطموبيلتك
هند: (جات حداها كظحك) لا غركبو مع وليد
زهير: (قوس عينو لايح ليهم الهضرة) تاليتي نفرشك اغيثة...
هند: (حلات فمها وخرجت عينيها ممتيقاش شنو سمعات منو حدها هز حاجبو بحال كيقلي ليها السم)
أمال: ههههه
أنوار: (مفاهم والو ولكن كيشوفو انسحام كبير بين هند وعمو لمعقد) هي شي عرااسية قريبة أمّا
الحاجة: ههه نشاعالله اوليدي
أنوار: (تبسم باستهزاء) هادشي فشكل (لبنات مشاو وزهير زاد ركبو مع وليد وأمال شافت فهند واخيرا شي حد ظحكها هاد نهار)
هند: (معصبة) شتك ظحكتي
أمال: (مقدرتش تسكت وفنفس الوقت متفاااجئيين.. كفاش عرف!!!) ههه
هند: أمااااااال
شيماء: (ضارت عندهم) علاش كظحكو
أمال: (مبغاتش تجاوبها اصلا من شحال وهي تعطيها النخال ولكن وجه وليييد) غير النكتة للي عاودات ليك خالتي لكاملة
شيماء: (جمعت التبسيمة وهزت حاجبها مخسرة وجهها) هاهاها مزال مشفتي واالو للي جا فطريقي نديرلو ما كتر
أمال: وي شفت ههه
وليد: (حاضي هند للي عاد كانت كظحك ودابا مخرجة عينها بحال شي وحدة مصدوومة) حمم أمال كبقيتي
أمال: (مبغاتش شيماء تعرف) لباس لباس الحمد الله مشا محمد؟؟
وليد: لا مزال
شيماء: شنو كيدير هنا؟؟
وليد: معرفتش
شيماء: (عوجت فمها يعني مبغيتش نكولك) اممم مغيديش أمال معاه؟؟
وليد: الا مشينا راه غنمشيو كااملين
أمال: بالصح
وليد: اجي نتي بقيتي هنا على حساب قرايتك وانا كنشوف لبنات كل نهار كيمشيو يقرااو الا نتي منين مغراضكش فلقرايا جلسي حدا مك
شيماء: هااء راه كتجيب امال داكشي وكنخدمو فالدار انا وياها
وليد: وعلاش متمشيش نتي برجليك؟
شيماء: غير كنصبح نااعسة
وليد: نعسي فدااركم ماشي جاية لديور عباد الله تنعسي
شيماء: (مرضاتش) أنا راه بقيت هنا فوجدة حتى على حساب أمال
أمال: علاش بقيتي على حسابي؟ عفاك مدخلينييش فداكشي دياالك اشيماء
شيماء: (صدمتها وضارت عندها) يااااااك هدا هو خيري
أمال: أحااي هه أشمن خيير؟؟
وليد: (شاف فختو) اشمن خير؟
هند: (كتفكر فحريرتها عرف زهير اذا حتى وليد عرف وكفاش وليد لدابا مقالها واالو وعاد قال غنفرشك داااخت)
شيماء: بففف راه الا بغيت نرجع لتاوريرت عائلتها هي مغيخليوهاش تبقى هنا.. هوما مصيفطينها غير حيت انا كاينة هنا ولا نسيتي نتي؟؟
وليد: هه راه نتي هنا غي حيت امال كاينة معاك
شيماء: (بسم قلبت وجهها كتشوف فطريق)
أمال: (تصدمت واش بالصح داافع علية وقداام ختو للي خلاها حالة فمها.. بابتسامة وشافت فهند للي غير حانية راسها زعما واش سمعتي شنو قال ساعة لقاتها فعالم اخر.. صافي مجوباتهاش حيت وليد جاااوب ووفى معرفتش علاش حست بحقها رجع ولو بنسبة قلييلة من ديما كتعايرها براك جيتي هنا غير حيت انا هنا... وصلو لقهوة كانت خارجة شوية على وجدة.. نزلو أمال كطلع سرواالها كانت لابسة سورفيت سروال على شكل كولون ولكن من لتحت مجايش لاسق مع رجليها ولفوقاني كابيتشو وااسع تحت ركابيها مع فولار مقاداه ليها هند مزيان وسبرديلا مع شافت فلقهوة تفكرت مبقالها ريااااال تحسرت على فلوسها ضارت باش تسد لباب لقات أنوار كيشوف فيها طلعاتو وهبطاتو بتعابير ديال القرف على وجهها) تفووو (شقلبت عينها وزادت مخليااه غير كيشوف مسمعهاش ولكن قرا شفايفها تبعها بعينييه منين شدت فذرااع هند جاتو مبقااتش سااهلة كما كانت شحال هادي زدح باب الطمووبيل بالجهد)
زهير: (ياله هابط) دييها معاك ودير خامية حسن
أنوار: هه ديال با نشخشخ مها كااع
زهير: هي ناخد طموبيلتي من عندك
أنوار: ها ها هااا حتى انا حاط فيها فلوسي ماّا هضري مع ولدك كلمة جوج يݣولي عاطيك جوج فراااك
الحاجة: ههه زهييييير
زهير: ها هو (شاف فأنوار) بكي اختي بكي (دارت مو يدها فذراعو كما مولفها ومشاو حدا لوخرين للي كانو واقفين كيتسنااو...)
هند: (داز من حداها زهير مكرهاتوش غير يشوف فيها واالو خلاها كتقلا بووحدها ندمت كاع لاش هضرت معاه دخلو ديجا كانو مريزيرفيين كانو موجدين ليهم طابلة طويلة كما كاين شي عائلات تمااك جلسو..)
وليد: هنا بيفي محلوول لفطور لهيه (ضارو كيشوفو كان بيفي كبييير وباين داكشي مظخم) للي بغا شي حاجة يمشي يجيبها
شيماء: واااو هادشي زوين (ناضت من بلاصتها) واش نجيب الي بغيت!!
وليد: هه واه (مشات شيماء وتبعها وليد) بشوية عليك اديك شنيولة
أمال: حم الحاجة شنو تبغي نجيبلك
الحاجة: للي جبتي ابنيتي
أمال: (ناضت امال وتبعتها هند غير بتقالة ماشيين أمال عجبها هاد الديكور أول مرة تشوف هادشي اما هند ماشي اول مرة أصلا ممسوقااش وقفو هزو بلاطو لوحدة فيهم طباسل فحجم متوسط كتشوف معرفت متهز كولشي كان باين بنين وزوييين حتى من سباكيتي كولشي كااين هزت زلافة كانت صغيرة عمرت تشيشة وفطبسيل حطت ستيك ديال دجاج وشي شوية دالخضرة مصوطية وبريوة ديال لحوت وملوية بالشحمة دارت هادشي فصينية وزادت خدات اتاي وشي تميرات سلو وشباكية للي كانو فطبيسلات صغار واجدين وبيضة مسلوقة وداتهم للحاجة بغات تحطهم ولقات زهير جالس معاها كيهضرو حشمت منو.. حطت الصينية حدا الحاجة هز عينو فييها كيشوف فيها وهي كتهرب من دوك الشوفات)
أمال: حم بغيتي شي حاجة اخرى الحاجة؟؟
زهير: راكي حتى نتي عيانة او لا؟؟؟
الحاجة: (ضورت وجهها) مالكي ابنتي؟؟
أمال: (بتوتر) لا لا مزيان
زهير: (اشارة بعينيه لكرسي) جلسي نتي ممزيانة واالو (بقات كتشوف فيه) ياله جلسي (جلست اونفاص معاه وحدا الحاجة للي كتبسم) انا نجيبلك باش تفطري
أمال: (حمدت الله للي محشمهاش قدام الحاجة ومقالش راه فاطرة وكانت فصبيطار صباح ناض وبقات حانية راسها)
الحاجة: متديش عليه ابنتي هو كيكون ظريف غير يعرف الواحد مريض ومعانيش بصحتو يتقندش
أماال: (تبسمت) لا هو ظريف
الحاجة: نهار مات باه دازت شي كتر من 3 سنين منطق بشي كلمة كانو دايزين كناوة من حدا الدار وانا عيت منديه لطبا ونداوي بدوا لعرب حتى حاجة مقدات فييه منين كانو دايزين داك نهار جربت وخرجت عندهم طلبتهم على زهير وبغاو يعاونوني والله ابنيتي معرفت شنو عطاوني فداك الكاس ولكن للي شفت واحد فيهم دفل فيه حشااك
أمال: عزك الله
الحاجة: جبت داك الكاس عطيتولو يشربو وݣالولي غدا يصبح مزيان وكيهضر عطيتهم شي براكة من لفلوس ولماكلة لغد ليه فقت على غوات ولاد خوه عبد الله وعبد الوافي تابعهم زهير وحجر الدنيا والدين نازل علييهم وكيطردهم من لبلاصة للي فيها جنان دابا هههه من تمااك وهو مݣنوي للي نقص منو ولا غيرو بشي كلمة عرفي داك نهار حجر كاع داك الشانطي غيتبعو
أمال: هههههه
الحاجة: هه ايييه ويعرفني شنو مشرباه فداك الكاس يا بنتي
أمال: هههه يردم عليكم ݣاع دوك ديور بلحجر
الحاحة: هههه الله يخلييه لية ابنتي هو ضو عينية باش كنشوف هاد الدنيا واخا يتعصب يتقندش للي دار كيجيني على ݣلبي سمن وعسل
أمال: (تبسمت) امين الحاجة حتى هو يبغيك بزاااف الله يخليكم لبعضيااتكم
الحاجة: امييين ابنيتي ويخلي ليك واليديييك (حنات راسها وامين خرجات ليها غير بالسيف لا علاقة بين معنى الأبوة وبين واليدييها.. حتى صدممها شافت بلاطو تنزل حداها طرطقت عينها ماشي عمر طبسيل هو مشا عمر لبلاطو نيشان شافت فييه)
زهير: فتاتة منبغييهاش تبقى تم
هند: (جلست حداها كظحك) ههههه خااصك تااكلي
وليد: اهيا باغي تبيت لية بنت عمي فصبيطار
أمال: (حشمت وشافت فداك لبلاطو للي جابلها الجوع شكون كان يقول عادي للي صباح كانت تفكر تهرب وتقتل راسها دابا كظحك من قلبها وكتشوف اهتمااام كبير ليها شافت فهند لقاتها كتبسم معاها أما زهير حاضييها غير بنص عييين...)
أنوار: (جاي هاز بلاطو هو وشيماء جلسو اونفاص بعضيااتهم شاف فأمال لقاها كظحك وبلاطوهوما مصطوكي ووليد كيهضر معاها شاف فشيماء للي كتشوف فيه) كولي كولي
شيماء: ههه راه مزال موذن
أنوار: ههه موذنش غير عندنا
شيماء: ههه نجيبلك شي حاجة اخرى احبيبي الا تشهيتها
أنوار: (قربلها شوية وبصوت خافت) فوكاش يكمل دا رمضان نوريك شنو مشهي
شيماء: هههه (حنات راسها عاضة شنافتها) غيسمعوك
أنوار: ويسمعو.. (هو اصلا كتعجبو شيماء من ناحية الزيين وعاد كتبغيه لدرجة مكتفرقش عندها انوار عاد كولشي من بعد وهاد الحب مخلياااه مسيطر عليها وهي عارفة وعاجبها الحاال داكشي باش قال الا حتى تزوجتها عنااد مغنخسرش حيت فكل الاحوال كتبغيه وهي عاجبااه نسبيا.. هند شافت فزهير لقاتو ياله كلا شوية وناض من حدااهم خرج لبرا.. دازت دقيقة ووقفت)
أمال: فين ماشية؟
هند: (مكاينش للي كيفرشها قدها) لطواليط تمشي؟؟؟
أمال: (حشمت وحنات راسها كتاكل خلات وليد كيتبسم اما انوار قوس عينو طواليط على شمال وهي مشات خرجت كتسلت لاتيراس فين مشا زهير وللي معرووف كياكل شوية يكمي ويرجع يكمل تبسم باستهزاء وغير مكيتأكد علاقة عمو بال**** ديال هند...)
هند: (شافتو كان عاطي بظهر كيشوف فسما وفوقو دخان عرفاتو كيكمي) حم
زهير: (ضار لقاها هند) بغيتي شي حاجة؟؟
هند: كفاش قبيلة قلتيلي نفرشك اغييثة
زهير: ههه كما راك تفرشي فراسك دابا
هند: انا عرفتك عارف ازهير مغتقولش داك لككلام من لا شيء غير واش حتى هو عارف؟؟
زهير: (تبسم نتر من لكارو ولاحو تحت صباطو عافس عليه) سيري كملي فطوورك
هند: عفاااك قولي
زهير: وراه بااينة غير هو بهييمة
هند: يعني معارفش
زهير: عارف ولا معارفش عرفيه براسك وتهناااي (شافها بحال توترت بحال خاافت) تعاونيني نعاونك رطبي راس ديك عيشة دمييعة
هند: هههه والله وتعرفني شنو كنقول فغييبتك حتى تشكرني
زهير: شااكرك الالة غير كملي هادشي وراك تكوليلها انا مزيان ومقسحة هاكا لوكان ديري العكس شنو راح دير؟؟
هند: هههه (كيعحبها منين كيهضر بلكنتو الوجدية القحة القاااسحة) عفااك متقولوش
زهير: نفكر (حلت فمها فييه) هه ياله سيري كملي مااكلتك انا مغندخلش فحاجة للي ضر شي حد هو خويا ونتي ختي ولكن نصيحتي حطي كولشي فوݣ الطبلة.. (مع تنهدت وعطاتو بظهر رجعو ملامح وجهو ككان عاقد حواجبو وكيفكر شعل كارو اخر وبقا عاصر عليه...)
هند: (رجعت حداهم وبقات كتاكل لقات أمال وقفت) كملي
أمال: والله مݣديييت
هند: لا اصاحبتي زيدي شوية
الحاجة: (كتبغي ظحك معاها) نتي باغا كرط وجدة يتبعك حتى لتاونات هههه
وليد: ههه فخبارها لبلان
الحاجة: (ياله جات ظحك شافتو جاي) شششت (جلس زهير حداهم عاد بدا يطحن كملو ماكلتهم بقاو كيجمعو أنوار وشيماء مخلينهم على خاطرهم كيوريها شي حاجة فتيليفونو كأي مخطوبين كيخططو لحيااتهم الزوجية السعيدة المستقلة وحيت كاينين حداهم هانية...)
هند: (بشوية) رتاحيتي شوية
أمال: (بتنهيدة تبعاتلها ابتسامة) عندك الحق حتى حاجة متستاهل
هند: برااافو عليك وفلوس من غدا نحطلك واحد شوية فلكونط ديالك على منفكرو كنديرو لرزقك
أمال: لااااااا اه..
هند: مكنشاوركش صافي غنكملو هاد اليوماين غتمشي لداركم ومنين ترجعي غندخلو نديرو فولكونطاكط
أمال: شنو هدا
هند: داكشي ديال الدفاع عن النفس غترتاحي والا بغيتي نبداو من غدا عند وحدة شي جوج سوايع مهم تريحي راسك شوية وصافي
أمال: (كتشوف فيها وعينيها دمعو) نتي راكي حسن من ختي
هند: (هزت كتفها) عارفة ههه خلينا من هادشي ديال دراما زهير دايرلي الشونطااج بييك
أمال: كفاش
هند: قالك منين ترطابي معااه عاد يفكر ميقولش لوليد علية زعما انا هي غيثة
أمال: ههههههه
هند: بشوية ازمرة غتفرشينا
أمال: هه واخ واخة هند والله اختي حتى كنبغييلك غير الخير ݣوليهالو نتي
هند: بقات يوماين اش غنݣول
أمال: الاااا غتمشي معايا لتاوريرت ولا نهرب والله حتى نهرب
هند: (عوجت فمها) ربي لا مصقرينا نتي نحطوك غير هنا من مور لقهوة لقاوك جالسة فبلاصتك كتبكي وتندبي
أمال: (جمعت الظحكة) دابا نفرشك حتى انا اغيييثة (شافت فيها هند ولوخرا كتقليلها السم)
هند: يييه جات معااك اعيشة دميعة كخلاها زهير...
أمال: انا عيشة دميعة؟؟
هند: (رجعت كتاكل عارفة ومتاكدة زهير مغيقول والو لوليد ووليد يا عاارف يا كيتغااابا.. شافت فامال رجعت كتنقب من بلاطوها شافت فلحاجة للي ميلت الراس ونعسات تبسمت هدا هو حالها ها هي كتشوفها داوية معاك حتى كتميل راسها شافت فانوار وشيماء كيتفرجو فشي حاجة فتيليفونو كيظحكو مع بعضهم بحال عمرهم اذااو وحدة شافت قدامها كان وليد وزهير كيهضرو راجعين بلكراسا اللور شوية وباين فيه موضوع جدي شوية) أمااال
امال: اممم
هند: والو والو (جبدت تيليفونها دوزت نمرة ديال جداها مع شد الخط ناضت من فوق الطبلة) الوو (كولشي شافها ناضت مشات هي كتهضر مبعدة شوية)
زهير: (حول شوفتو لامال كانت كتاكل وبحال سااهية مكرهش يمشي حداها يهضرووو يزيد يعرفها من راسها ماشي من للي كيعاودولو عليييها دار ذراعو فوق الطبلة ودار يدو تحت ذقنو كيلمسح فلحيتو)
وليد: مهم نتا خاصك هاد المرة ترد لبال
زهير: اممم (حس براسو عيق عينيه مبغاتش تحايد من علييها) نخرجو شوية
وليد: عرفتي شنو خليك نتا مع لبنات وانا ندي الحاجة للدار
زهير: (شاف فمو لقاها ناعسة) صاافي طيحتي الراس؟ ماا واا مااا
الحاجة: (هزت راسها مع كان صقير وحتى للي كيهضرو كيتحددتو بشوية) اولدي
زهير: انا ندييها خليك نتا
وليد: (جاتو على الخااطر) صافي
زهير: ياااك على كلبك (وقف شد فمو للي دارتلهم باي باي ومشاو وليد شاف فأنوار لقاه مع ختو كيهضرو وكيوريها شي حاجة محدو تحت عينو راه مزيان شاف فهند للي لقاها متبعاه كتحس بيه باغي يهضر وكيشد فراسو)
أمال: (تزيرات وخبرت هند) أنا نمشي طواليط كوليلي فين كاينة؟
هند: معرفتش
أمال: ياك عاد كبيلة مشيتيلها
هند: يا ختي غير مكتفرشي نوضي قلبي عليها
أمال: (ناضت بوحدها كتقلب حتى لقاتها ودخلت)
وليد: (بقات بوحدها) مزيان؟
هند: (تبسمت) مزيان..
وليد: امم غتمشي معانا لتاوريرت؟؟
هند: معرفتش صرااحة هه عارفة راسي منقبولاش أكترية عند مامات أمال
وليد: (باشارة زعما متديهاش فيها) مكايناش غير هي تماك
هند: حشمت كل مرة مقلزة تماك (طرطقت عينها كما هو دارت يدها على فمها) سمحلي خرجت
وليد: ههه سبحان الله
هند: ههه مهم خلينا فهضرتنا دير راسك مسمعتي واالو والله حتى حشمت
وليد: لا لا مرحبا بيك نتي وحدة من لبنات
هند: (تبسمت) ولكن تماك نتوما محافظين ونتا عارفني كدايرة
وليد: ونتي ككتشوفي راسك؟؟
هند: محتارمة راسي ومحتارمة للي ضاير بية وعمرني آذيت شي واحد
وليد: بغيت نسولك
هند: هم
وليد: كتصلي
هند: اه
وليد: كتصلي كتصومي مزيانة مع الناس شنو ناقصك؟؟
هند: ناقصني راجل باش نكمل ديني ههه (جمعت الظحكة لقاتو مطرطق عينو فيها حتى طرطق كيظحك خلا حتى دوك التنائي كيشوفوو.. شوية ناض أنوار)
شيماء: فين ماشي؟؟
أنوار: هاني جااي
أمال: (غير خرجت من طواليط مشات لاتيراس كتشوف فالدنيا مربعة بيدها كتحاول تعرف شنو غدير كدير مقاارنة واش أمال ديال دابا هي للي أول مرة جات هنا لهاد وجدة تنهدت كتعيا تبني فراسها وغير كتمشي لدارهم كولشي كيرييب اليوم دافع عليها وليد غدا واش غيكون معااها اليوم اهتم بيها زهير والحاجة واش غدا غيكونو معااها اليوم ظحك عليها أنوار وشيماء واش هند ديما غتكون للي تخرجها من حاالتها.. مزعزعها من أفكارها غير يد جراااتها شافت لقات أنوار عياات متنتر حتى بعد من لاب القهوة ودفعها على الحيييط)
أنوار: (مخنزر) تحلك الفم ****
أمال: (مكانتش متوقعاه يجي
ولا يهضر معاه وزايدها بالوقاحة)
أنوار: ياله خرجي مااا عندك ولا تعرفي غير تخبعي من مورراهم
أمال: (خايفة منو كتعيى تشجع وغير كيوقف قدامها كتفكر مدااز علييها وأكترية اليوم عيشها خلعة لمدة كتر من شهرين وصدقت كذوب وعاد الشفرة خلاتو كيعربط ويربب عليها ويهددها غمضت عينها وشافت فيه ببرود) غير تحااايد من كداامي ولا غنعيط لرجال هوما للي يتفاهمو مع شمااتة بحالك
أنوار: (شدها من فكها مزير مقرب منها وهي كتحاول دفعو) شماااتة هو للي علم علييك
أمال: (باقي شادها حيت هو أقوى) باش علمتي الكلب؟؟ بدوك جوج دريالات للي ديتيهم باردين راه نسيتي واحد 10 الف مديتهاش ولا مكفاكش الوقت!! فكرني مرة مرة لوح تماك لفلوس باش تلقى كدير ضور الحركة
أنوار: (تبسم) مرحبااا اصلا حاطك فبالي نهار نشوف ظحكتك نكلبها على مك وباشما
أمال: (ميتة بلخلعة) خلعتيني
أنوار: ههه كنعرفك مزيان وعارفك مخلووعة وميبقاش فيك لحال فلوس حرام هكا كيديرو دغيا كيطيرو
أمال: وااه بحال ولاد لحرام (رجع زير على فكها)
أنوار: مرة جاااية غن...
شيماء: أنواااار!! شنو كدييرو (دفعاتو امال)
أمال: مرة اخرى تحط يديك علية الحماار نورييك الله ينعالها حالة تفوووو على جد باباك لكب (غير شافتو جاي طارت من حداه رجع ضرب غرس برجلو شتتو كان معصب وكلامها كان كبير رجعت طلت عليه دارت علامة إكس فيدها) والله مطفروو اشماتة وغتبقى شمااتة وكبييرهم (هربت قبل حتى ميجي مشات للحمام وسدت عليها) أحااااي اليوم يذبحني....
شيماء: (شادة انوار من ذراعو) صاافي احبيلي متديش عليها هي غير كتغير منا
أنوار: طلقي داااابا
شيماء: نطلقك غير نتا متبعهاش هي هادشي للي بغات من ديما مولفة بالشووهة
أنوار: (بصبية) طلقي اشيمااااااء (طلقات منو خلاتو كيغلي من لدااااخل أما هي غير بردت شوية خرجت من لحمام مشات حدا هند ووليد جلست بهدووء وبقات كتاكل)
وليد: فهمتي خدمتي دابا
هند: (هي ديجا عارفة حركت راسها باه) وي دابا فهمت ووو بالصح بغيتي تجي هنا للمغرب (محسوش بأمال للي جات جالسة حداهم)
وليد: والله معرفت هنا كاين مشاكل وتماك كاين مشاكيل ووو حتى منين جا زهير وخوا علية تماااك متقبلتهاش
هند: بالصح غتكون ولفتيييه.. وعلاش مديرش واحد الحاجة مزياانة فتح مشروعك هنا خدم لهيه وهنا
وليد: (مد يدو) دخلي شريكة معايا
هند: هههه مغنفيدك بواالو
وليد: ههه صعييب
هند: علاش صعيب المحال عندك تماك دياالك وكولشي قانوني ألف واحد تماك يبغي يخدم على رااسو واهم حاجة يكون بورااقو يعني متخاافش منو اااوا غيكون ضرووري تحتك شي فلووس
وليد: هههه كملي
هند: دير لمشروع للي بغيتي
وليد: ماشي ساهل اهند تفتح مشروع هنا راه خاصك ملاااين
هند: ندخل شريكة معاك
وليد: نتي فرملية وانا باغي التجارة كغنديرو نتلقاو
هند: نديرو فرماسيان هههه
وليد: هههه مفكرتش فهادي
أماال: هاء فرماسيان ونتي ماشي طبيبة؟؟
هند: (خلعاتها) نتي هنا.. نوضي ضربي ضورة يضرب فيه لهوا
وليد: ههه خليها عليك كبقيتي شوية؟؟
أمال: الحمد الله دابا شكرا اخويا عفاااك متكولهاش لمحمد
هند: فين شيماء؟
وليد: (ضار ملقهاش فبلاصتها لا هي لا أنوار) انا نوض نشوفها (ناض مشا يشوف)
أمال: راها مع داك لكلب فالجردة دابا يخرج فيها كدير شي حاجة
هند: ونتي ماالك.. هي للي بغات
أمال: (عاودات ليها شنو وقعلها) مخليتلوش كلب أحاااي اهند ويرجع يديرلي شي حاجة
هند: يمشي ي**** معندو ميديرلك هداك غير خواف مرعووود تبقاي تخرجي عينيك فييه ولكن ماشي فبلاصة تكونو بوحدكم
أمال: (تنهدت هزت بتي بان كتاكل) مبقيت حاملة نشوفو غير يبعدني
هند: (شافت فشيماء جاية جلست زعفانة) مالكي هههه
شيماء: (كتعوج) وااالووو
هند: غيييي شتك معصبة... زهير تعطل
شيماء: تحرموها علية غير يانا!!!
وليد: (من بعد ممشا للجردة لقاهم غير جالسين مع شافوه طرطق عينو فشيماء للي ناضت ودخلت وهو جلس مع أنوار للي عندو شي ضشااااش عليه) اوا
أنوار: مزيان.. لكاغيط بغيت نديرو مور العيد صغير
وليد: واا هاد الهضرة خاص تكولها لنسييبك
أنوار: وااه وااه غير نمشي لدار نكولها لبا باش يهضرومع داااركم
وليد: أهم حاجة نتا إنسان مثقف وخليتي ختي تكمل قرايتها
أنوار: وااه منين باغا لقرايا علاش انا نحايدها ليها واخا فالدار مكيبغيوش هاد السيجي يتفتح
وليد: اممم (منين كيبغي يهضر معاه كيحس بيه غير مرحب بييه ناض من بلاصتو) نمشي حدا لبنات نشوف زهير واش جا
أنوار: (حرك راسو باه) واه (غير مشا رجع غووبش) عائلة ل**** (كان كيتسنى من أمال تجي طلبو وترغبو على لفلوووس وخصوصا عرف هاد لفلوس هوما للي عندها)
فلاش باك
أنوار: (كان ديجا سارق كارت كيشي هداك جاي لفلاش باك ديالو من بعد واحد الحدث... كان جالس هو وشيماء كيهضرو وكتشكيلو على معاملة خوتها للي كيتقرززو معاها فلفلوس) بلعكس كنشوف مهليين فراسكم
شيماء: وااا غي حيت أمال سارقة فلوس من خوتها
أنوار: كفاش!!! أمال تسرق؟
شيماء: هههه عرفتي الا محضيتيش راسك معاها تسرقك ونتا كظحك مسكينة ماشي لخاطرها حتى هي دارهم مكيعطيوهاش فلوس اوا هي شي 6 سنبن ولا كتر كل مرة كتسرق ليهم شي حاجة حتى جمعت حصيثة كببرة شي 10 دلمليون حطاتها فلبانكا
أنوار: امممم هادشي كامل من لحشومية
شيماء: كاين شي حشومية سراقة
أنوار: (بقا غير ساكت كيسمع) زيدي
شيماء: شنو تزيد صافي سرقت دوك لفلوس وبيهم باش قدات شحال من حاجة فيها من شعرها لصباع رجليها
أنوار: اوا ونتي
شيماء: لا لا واخا هكاك بابا وخويا وليييد وحتى ماما ممخليني مخصووصة حتى شي حاجة....
باك
وليد: (صونا على زهير سمع صداع) فينك ابا زهير مجااايش؟؟؟
زهير: (معصب) لا غير جيب لبنات واجيو ولا بدلوالجو تمااك نيت حسن (قطع)
وليد: اممم مغيجييش (كان ديجا خلص) نمشيو ولا كزال باغيين تزيدو شي حاجة
أمال: (لبلاطو مكانش بقا فيه بزاف استغربت للكمية للي كلات) انا كلييت بزااف
هند: يا ختي الله يعز لحكام
شيماء: (عوجت فمها ناضو من تماك أنوار ركب مع وليد ولبنات اللور كان صقيير مشاو نيشان للدار حيت كولشي مسخسخ..)
زهير: منعقلش عليك اعبد الواااافي التصريح خرجتو كبيل ودرت ديكلاراسيون راه مشا دابا غتهزو بوحدك
عبد لوافي: (كان باغي يشريها لزهير ولكن دابا الا رجعو فسين وجيم للي عطاه سلاح يكر بجوج تصرفيقاات.. خرج من الدار معصب مكرهش داك لفردي للي عندو يجبدو يخوييه فراس زهير كيكرهو منين كانو ثغار وهو كيكره فييه وخصووصا منين لاخر حرك وهو بقا فالمغرب كيضرب تماااارة)
فاقو لبنات وهاد لمرة فاقت معاهم شيماء لبسو حوايجهم ونيشان للمعهد
شيماء: بففف (ميتة بنعاس) خليوني انا فالطموبيل نكمل نعاسي
هند: سيري لسيتي راه قريب نعسي على منكملو
شيماء: وصليني
هند: واش حمقة مبقاش الوقت خرجي خرجي (خرجو من الطموبيل شيماء مشات لسيتي ولبنات دخلو حيت اخر حصة غيدخلولها مع وصلت شيماء حدا باب لحي سمعت صوت كلاكسون مجهد ضارت لقات محمد وقفت جامدة حتى خرج عندها جاي وووجهو بارد مكيتفسرش)
شيماء: حم محمد صافا؟؟
محمد: (طلعها وهبطها بلا ميجاوب خلاها حايرة كتر وخايفة)
شيماء: اممم مبروك عليك
محمد: اخر وحدة نتسنا منها مبروك هي ق*** الله ينعل ط***** **** تعلودي دوري بساحتي مرة اخرى غنتفاهم مع ***** (هز صبعو بتهديد) أماال بعدييها داك تنوعير وت*** ديالك خلييه بعيد عليييها ولا غنخرج ف**** هاد المرة هضرت بفمي (دفل حدا رجليها ومشا مخليها متبعااه مصدوومة كسيرا طموبيلتو وزاااد مع طريق مطير نعاس من عينيييها بقات غير وااقفة كتستوعب كلامو للي كان قااااسح وبزااف... رجعت عند لبنات للمعهد وبقات غير برا كتفكر فكل كلمة قاااالها حتى خرجو لبنات كل وحدة خارجة من قاعة) صافي كملتو؟؟
هند: امم صافي أمال علمتيهم باش يصيفطو ليك فلواتس
امال: وااه
شيماء: (شافت فأمال للي مكتخسرش على شيماء حتى شوفة عاد لبارح داكشي دأنوار ودابا محمد للي جااس كيهددها على حسابها) عرفتو شكون جا عندي هنا كيرغب ويزااوك ههه كالك نحبسو هاد لعناد (حتى وحدة مسولتها شكون) محمد
أمال: (هزت راسها ممتيقاهاش) علاش غيرغبك وهو كيشري لمرتو كادوياات
شيماء: وتيقتي نتي داااكشي
أماال: بانلي نتياشيماء للي عايشة فشي عالم ديالك بووحدك محمد خرجك كن بالو والا باقي يحس شي حاجة من جيهتك راه غير الشمتة وصاافي
شيماء: اوو دابا وليتي كتحسي بخووك
أمال: وراه كاع شربنا من كاس واحد ومن عندك نتي ولكن دابا تمووتي متهزش شعرة منا غير الا كان كانبو ياله ياله
هند: كتحطي راسك فشي موااقف (زادو حدا الطموبيل وهي تابعاهم كتفقس) بعدا الحاجة غيجيو بناتها يكملو معاها رمضان
أمال: ويييه مسكينة متجلسش وحد..
شيماء: زعما نتي شنو حااسبة فرااسك
أمال: (ببرود) بناادم
شيماء: شتي نتي والله متوصليني حتى فظفر صبر رجلي صغير
أمال: وشكون كالك باغا نوصلك ولا نكون بحالك
شيماء: حساابلك نخلي وليد يتجوج وحدة بحالك
أمال: هه واخا بردتي شوية؟؟ هند واش مشينا ولا باقي غنسمعو هادي كتبلبل عليينا راه كتكهم والله
هند: نتوما بجوج مكتفاهموش متبقاوش تهضرو
أمال: هضري معاااها هي اما انا والله مكنشوفها حتى
شيماء: هكااوا زعما شتيني انا غير ميتة ونشوف وجهك للي داير بحال شي غربال كولو متقب بلحبووب كيعيف ووجهك بحال شي معزة عامر زغب
أمال: (ضرتها فخاطرها) زيدي شنو اخر
شيماء: نعيا نحسب منساليش ولكن مك للي كتعبر عليك من حكلها متحملك ماقبلك غير حنا للي كنا غالطين فييييك
هند: شيمااااااااء
شيماء: اوا دابا عاد زيدي نمشيو (شقلبت عينها وطلعت راكبة فرحانة حيت أمال معرفتش باش تجاوبها أمال طلعت ركبت وحتى هند زادو نيشان للدار)
أمال: (هزت مرايا من صاكها شافت وجهها للي زغب كبر وبان فمصطاج شحاال هادي محيداتو) حم هند (صيفطات ليها ميساج مرضياش تقولها قدام شيماء.... ندوزو لكوافورة نخايد زغب) راني صيفطت ليك ميساج ((شيماء عوجت فمها هند جبدت قراتو وكملت الصوكان للدار مدخلاتش غير من حدا لباب ضارت عند شيماء))
هند: حنا باقي عندناشي حاجة نتقداوها لمرت محمد
شيماء: (عوجت كمارتها) شلااااااا (خرجت ودخلت شافت هند قلبت الدورة ومشاو دخلت كتنكر محملاش راسها ونظمت كاع علاش فاقت ومشات مع لبنات...)
زهير: (جالس فدارو جمع فواحد القنت هو ووليد السلعة للي بقاتلو غيديها للمحال ديالو حتى تدق فلباب خرج لقا عبد الله شاف فيدو كانت خنشة فصفر) جبتووهم
عبد الله: متديش على عبد لوافي والله معرفت لر** فين كان يفكر منين عطاه لداك لهبيل دصاحبو
زهير: (شد الخنشة) راه هو نيت للي هبيل جالس يتصاحب مع واحد من قبيلة لغذااارين
عبد الله: خليك مول لعقل باا راه مبقاكااااد على شي صداع
زهير: انا مكندير صداع اعبد الله حاجتي ميقيسهاااش حتى يكون داكشي قانوووني حسبت 360 حبة لقا 360 حبة ماشي ناقصين جووج راه فيها مشااكيل
عبد الله: حتى دابا موقع والو هادشي قرب يتفرق
زهير: ارا الله يحفظك وكول لخويا غدا فلوسي بغييتهم محتاجهم
عبد الله: ياك نتا التالي كتدي
زهير: لا بغييتهم دابا
عبد الله: واخا خويا ..... (مشا ولاخر سد لباب شاف فوليد)
وليد: اوا على سلامتنا
زهير: (لاح ديك الخنشة) هادشي طلعلي فصحتي9 سنين وانا نبيع فيه كل مرة نكول توقع شي بروبلييم وهاد ولد خويا راه 10 فعقل
وليد: اودي فيه المشاكل ولكن بفلوسو باش طلعنا شوية
زهير: اوديييييي
وليد: زيد نكمل (صونا تيليفونو كان محمد جاوب) افييين... بالصح.. غدا كاااع... هههه لا لا غدا .... واخا تهلا.. (قطع) محمد مشا
زهير: غتمشيو غدا؟
وليد: والله كاره هاد المشية ولكن لفااميلا معندك كيف دير لها
زهير: بلعكس تمشي تشوف باك ومك وخوتك تجلس وسطهم العائلة كبييرة تبارك الله
وليد: اممم كاينة
زهير: كولي مساخيش واخد رااحتك مع مولات الطابلية
وليد: هه تعرفني ديال هادشي
زهير: اودي انا للي غنتحنسر اما نتا راك دايها معاااك.. وحتى داك محمد كفرني شماااتة تكول معيشها امييرةباش داك نهار كيتهز
وليد: هههه والله حتىخرجلك لعقل ابا زهير...
فلاش باك
محمد: (وقف حدا زهير للي بغاه شخصيا) السلام عليكم
زهير: (حتى هو هاز راسو وبنفس نظرات محمد) عليك السلام بيخير؟؟
محمد: الحمد الله
زهير: حنا هنا ونتا جالس فاوطيل
محمد: زهير نتا عارف لبلان للي درتي وهادشي معجبنييش ماشي هادشي للي نعرف عليك
زهير: دابا للي بغا يدير لحلال ممزيااانش
محمد: مع ختي؟؟؟
زهير: ومعامن بغيتني نديرو معاك؟؟؟ بلعقل امحمد ختك باغيها لجوااج ماشي ل.. رااك فااهم
محمد: قيلها عليك اخاي زهير راه كاينين بنات الناس أما أمال غنعطيها لولد عمها
زهير: (استفزو) مكنسولكش لمن غتعطيها ختك مجوجها مجوجها كنتسناها هي تكول واااه باش نديها
محمد: (هز حاجبو) دوخاتك الشمش يمكن
زهير: مكاااين والو نتا للي راك تبانلي ماشي فمجاااجك وختك غنديها غير نتا متركزش بزاف معايا انا جيت عندك هنا ونيتي صاافية معندك لاش تبقى فلوطيل وانا هنا
محمد: (شاف فوليد)
وليد: صافي خليه على راحتو ازهير
زهير: (حس براسو كيتعصب) مخليه مالي جارو بلكوردا
محمد: ختي معندها كلام معاك؟
زهير: لوكان كنت تعرف ختك مكنتش تجي تݣول هاك
محمد: (زفر) انا داك نهار معجبنيش الحال دخل هكااك بيني وبينها
زهير: (شافو كيبرر) واش انا كنشوفها زرݣة كولها ومنسولش اصلا مفكرتش حتى نتا للي تكون داير فيها داك لفضيحة
محمد: لا متسولهاش كاين عندها رجال للي تهضر معاهم نيشان
زهير: سمع انا مباغيش المشاكيل معاك ولا مع حتى وااحد متݣوليش رجال ووجها كان هكاك عطيني غير سبب واحد يخليك دير فيها هااكاك
محمد: (هو براسو نادم وحس بزهير زمتو وزهير حس براسو كيدابز ماشي كيصفي لخوااطر على قبل أمال)
زهير: عارف ختك ومن حقك دير معاها للي بغيت ولكن ممنحقكش ضربها هكااك نتا عارف ضربتيها ومعاجبكش الحال ومراضيش على للي درتيه.. كيف بغيتي واحد باغيها للخير والحلال يبغي يشوفها هكااك وميسولهاش ويعرف منها...
محمد: (بقا كيشوف فيه كفاش كيهضر على امال ختو للي مكانتش فحسبااتو ومعلبالوش بيها) يكون خير
زهير: لخير كااين خاص غير بنادم يكون صاافي
وليد: (طرطق عينو كيطرطق صبااعو فهاد صااحبو للي جا باش يصفي لخواطر ساعة غير كيزيد يكفسها)
محمد: مهم سمحلي مممم غنݣدش نمشي معاك
زهير: وتبقى هنا فلوطيل
محمد: معليش خليني على خاااطري
زهير: أجي غير فطر معانا
محمد: والله حتى راني مع صااحبي غير خليوني على خاطري
زهير: مرحبا مهم انا هنا للي بغيت مرحبا وختك راها مع مٌا مهلية فيها بحال بنتها
محمد: (حرك راسو باه.. زهير مشا للطموبيل كينكر مبرداتلوش ديك غيعطيوها لولد عمها بقا معاه وليد عاد رجع عندو..)
باك
داز داك نهار عادي لبنات جاو معطلين وجههم كيشعل شيماء غير بقات كتشوف موالفين كيديوها معاهم.. وجدو فطور خفيف حيت كانو دايرين كسكسو بلقديد عاد امال كانت موجدة مخامر لطاجين لدراري حيت كيجوعهم طعام دخلو يجمعو حوايجهم
هند: مسخيييتش والله
أمال: (بتنهيدة) حتى أنا يا ختي ولفنا الحاجة
هند: انا مرة مرة نجي نطل عليها على متجي
أمال: عفاااك اهند ياله معاياااا عفااك وحتى مريم شحال رغبااتك
شيماء: (عوجت فمها) هند ياله معايا نتي عارفة ماما شحال كتبغيييك
هند: لا لا مصااالحش
أمال: دابا نشوفو
هند: تشوفي عينك في كفاك ههه
أمال: هههه (بقاو كيظحكو وشيماء مفاااهمة واالو كملو وطلعو لسطح مع شعلو الضو وخرجو يطلو لقاو زهير ووليد تماك أمال بلا متحس تبسمت وكفاش متبسمش قدام أكتر ناس محسسينها انها إنسان عاد الاهتمااااام) حم سلام
زهير: (هو بقا غير كيشووف فيها... وليد زاد حدا الحيط الي قاسم ما بين سطحو وسطح مو) لباس!!
أمال هند: الحمد الله ونتا
وليد: الحمد الله هاد الليبة ما فيهاش البرد بزاف
هند: اه الجو زوييين
وليد: باينة كيعجبك الصيف؟؟
هند: ويييي حسن من شتا بزااف بعدا كتلبس بياسة وهانتا متبرد اما شتا لبرد فيك فيك
وليد: هادي فكرتي حتى انا
أمال: انا بعدا يعجبني شتا
زهير: (زاد الحيط بشوية حك لحيتو وتكى على الحيد) رواحي نتي لَّهْنْ ݣوليلي شنو يعجبك (أمال حنات راسها)
وليد: مكتݣشرش
زهير: أمل رواحي (هزت راسها فوليد) رواحي واش عاد تسنايه يݣوليك سيري
وليد: ههه هنينا البشار راه تحشم
هند: (ضارت عندها) سيري اصاحبتي (ضارت عند زهير تبسمت) خونا زهيييير
زهير: (تبسم جنب وشاف فأمل) ياو روااحي خاصني معاك وااسطة باش تجي نݣولك جوج كلماااات
أمال: (بعدت) انا نهبط عند الحاجة
زهير: ويا جدك ومتجييش (محسوه حتى نقز الحيط كان قصير شوية ومشا عندها وقف حدااها كيمسح يدو) ݣوليلي كتعجبك شتا؟؟
هند: (ضارت عند وليد زعما كمل وخليهم يهضرو)
أمال: (تبسمت حشمانة) واه
زهير: وشنو ياخر؟؟
أمال: معرفت
زهير: صافي سخيتي تمشي غدا
أمال: (شافت فيه) والله مسخيت ولفت بلحااجة وبجنااان
زهير: (بالزربة) وانا؟؟
أمال: أحااي
زهير: (دار يدو فجيايو) جنان وولفتيه علية وانا واالو؟
أمال: حم فوكاش غتحل المحال
زهير: نهار ترجعي
أمال: (شافت فيه لقات واحد الشووفة فشكل جاتها رهبة كبيرة منها وفنفس الوقت حسات بإحساس فشكل دغيا هربات عينيها من عينيه ومن شكلو للي كان وااقف بكل ثقة وكتافو وااقفين بكل معنى ݣااابض)
زهير: أمل.. (تشجعت وشافت فيه) عطيني نمرتك
أمال: ها
زهير: أبردييي علييك راه نيييتي زييينة معاك اديك الطفلة
أمال: (بهمس) حشومة وليد..
زهير: مال وليد شغلو انا باغي نهضر معاك نعرف حاااجة للي نتي مباغاش تݣوليهالي ݣدامي ماشي باش نجرجر بيك سوااايع انا هو للي متخافيش منو أمل
أمال: بفففف
زهير: (ظحكاتو) ههه طلعت ليك فراسك من دابا
أمال: لا لا لاااااا والله انا غير حشمت
زهير: (تبسم وقلب وجهو ورجع شتف فيها مصاربة غير مع حزام بينوارها كتلعب بطرافو وكتحل كاع ستريس لتمااك كولشي كيلاحظو فيها ماشي باغي يزيد يعرفها ولكن كيلقى راسو هاكا مهتم بأصغر تفاصيل تفاصييلها) عطيني النمرة ونكتب ليك جنان
أمال: هههههه (ظحكها حتى تقوسو عينيها ودارت يدها على فمها)
زهير: وا هكاا نبغييك ظحكي راه تابعك معايا غير الظحك والخير وأي حاجة تمنيتيها وكانت فاستتطااعتي توصلك ابنت الناس ݣبل متحلي فمك عليها...
أمال: هه (تبسمت من كلامو)
زهير: كملتي قرايتك؟
أمال: لا مزال باقي لفااك مبديناش كاع الامتحانات
زهير: مزيان هي غتواي ترجعي؟
أمال: (جمعت الظحكة) واش كالك خويا محمد مغرجعش؟؟
زهير: لا مالكي تخلعتي
أمال: لا غير يسحابني كالك مرجعش
زهير: (شافها طلقات معاه فالهضرة) علاش ضربك داك نهار
أمال: (رجعت حنات راسها وحواجبها تشركو) معرفت كان معصب
زهير: ديما يضربووك هكا؟
أمال: (رمشت 3 دلمرات متابعين) أجيو العرس
زهير: (فهمها كتبدل الموضوع) كتعرضي علية للعرس (تبسم) باغاني نجي؟؟؟
أمال: باش تكلع القنط
زهير: القنط غيتكلع بيك نتي اكلييع الكلب خاص غترطابي شوية
أمال: هه أنمشي
زهير: والنمرة؟
أمال: (تبسمت وقلبت وجهها)
زهير: (دار يديه فجيابو من ديما قامعاه ولمشكل عاجبو الحاال وهادشي كيزيد كتر يخليه مربوط فييها) واخا دابا نصيفطليك برية.. منين مباغاش تعطيني نمرتك
أمال: ههههه
زهير: وااخا سيري هبطي
أمال: بسلامة (ضارت بالزربة ماشية لباب سطح ومتأكدة كيشوف فيها لدرجة تلفت ليها المشية زادت زربت حتى وصلت وهبطت فلبلاصة)
زهير: (زفر ظااحك مبغاش يقجر علييها ضار لقا هند ووليد قراب كيهضرو نقز سطح وهند ضارت)
هند: مشات أمال؟؟؟
زهير: واه هربت
وليد: (شاف فهند بمعنى حتى نتي سيري)
هند: اوك انا غنمشي نتبعها كنا كنجمعو حوايجنا باي (هبطت كتجري تمشي تنتف أمال للي مبقااتش وممكملت الهضرة مع وليد انا زهير جبد كارو وبقا كيكميه جا وليد جلس حداااه)
وليد: شنوو؟؟
زهير: صافي غير نفتح لمحال مور لعيد غنمشي لدارهم
وليد: بحرا نكون انا بااقي
زهير: نكملو ونمشيو لفاس نيشان؟؟
وليد: هه ديها فراااسك
زهير: هااا هو (كملو جمووع عبطو مشاو تسحرو صلاو لفجر وكل واحد دخل يتكى زهير نعاس هرب عليه كيفكر فيها بزااف غدا غتخوي الدار وغتباان بلاصتها بزااف كان كيدخل للدار فرحاان باش يبدل حوايجو ويمشي عند مو فين كانت هي واخا قليل فين كان يشوفها إلا وجوودها كان داااير حس تمنى جواب من عندها تريحو ويجيبها لداارو تعمر علييه شوية سمع الحس وقف وخرج لقا وليد لبس حوايجو) فييييين
وليد: هه منعستيش؟؟
زهير: حرم علية نعاس يا خويا
وليد: هههه اعجبااتني فيك بنت عمي ابا زهير
زهير: (تكا على الحيط) غتمشيو بطموبيلة ديال هند
وليد: واه هادي درت مع مولاها غردهاالو
زهير: سمعتها لبارح كتقنع فيك
وليد: ههه (وقف) ياله خويا تهلا وشكرا بزاااااف والله يخلفعليكم
زهير: الا خلف حشوو سير هبط انا جاي (هبط وليد هاز صكادووه وباليزة لحق عليهم لقا لبنات لتحت وحتى الحاجة معنقاها هند والحاجة شادة فذراع امال للي مع صباح بانتلو زويييينة بان لفرق نهار جات فاللول ودابا تسالمو مع الحاجة للي بكات عليهم مسخياش زاخا بناتها غيجيو فالعشية ولكن ماشي بحالهم.. بداو يركبو زهير حل لباب لأمال من الجهة الاخرى ركبت حشمانة منو حنا) طريق سلامة
أمال: الله يسلمك
زهير: غيتوحشك جنان ههه
أمال: ههه (وقف سد لباب ومشا عنق مو للي كتبكي دارولهم باي باي حتى غبرووو...)
زهير: بنت اللدينة ولافة
الحاجة: (ضرباتو بشوية لكرشو) هه وبنت اللدينة لاش؟؟؟
زهير: ههه (كيحك بلاصة ضربتها) سيري طلعي ترتاحي انا شوية نمشي نجيب السخرة
الحاجة: الله يرضي عليك اوليدي
زهير: اجي ياك بعدا خلات ليك نمرتها
الحاجة: (مشات كظحك هو رجع مشا لدارو فرحت لفرحتو وشافت ولدها مرتاح مع فكرة يتزوج بأمال وحتى هي مشافت من لبنت غير الخير والإحسان عكس شنو سمعت من عند مها للي مرة مرة كيبغي يدخلها لوسواس وكطردو.. بلعكس لقات بنيوتة حشوومية كظحك ومكتبسلش كتحتارم الي كبير علييها كتصلي ملتازمة بحجابها فرق كبير بين لي شافتو وبين لي سمعت ودنيها... أما زهير لبس عليه نعاس هارب عليه مشا حل المحال ديالو كيكمل داكشي للي قاد عليه بوحدو وكما رسموه معاه وحتى هند عوناتو بزاااف فالتنسيق وفلباج للي حطات وحتى دراري للي بغاو يخدمو عندو وعندهم خبرة فمجال البيع ولكن مغيخدمهم حتى يرصي أمورو ويدير كليان ديالو...)
~~~~~~~~~~~
شيماء: (هزت حاجبها من كلام زهير لأمال شدو طريق وبقات فحلقها حتى قربت لأمال بهمس وخبراتها) اوييلي عليك أمال واش نتي كضوري بصاحب صاحبتك
أمال: (باستغراب ضارت عندها) كفاش؟؟
شيماء: على زهير
أمال: (تبسمت) اااه اوا شنو ندير تبعت حرفة بنت عمي (بعدت من حداها ولسقت فالسرجم مبعدة من كلامها الباسل.. وتفكرت زهير كلامو وغزلو فرق كبيييير بينو وبين أنوار واخا لاخر كان يسمعها كلام معسول ولكن ديما كانت ناقصة ديك الجدية للي فزهير لكلمة للي خارجة من فمو تحسها خارجة من قلبو ويديرها ويموت معاك فيها برااكة غير وااقف فوجه محمد شافت فشيماء لقاتها نعست ووليد وهند شادين موضوووع وباين مهم تبسمت ليهم وتكات براسها مغمضة عينها كتفكر غير فدارهم وفهاد لمجية كل ما مشات لتمااك قوية كترجع مهرسة وسبابها مها وخووتها.. مساافة جوج سوايع ونص وصلو أمال قلبها بدا يضرب ومعدتها مكمشة ديما نفس الإحساس معمرها رجعت فرحانة لدارهم وصل وليد بلاصة الطموبيل هبطو لبنات جا محمد للي كان حدا المحال جالس سلم على وليد ولبنات جبدو حوايجهم شيماء جايبة غير صويك صغير زعما راني ممطولاش وأمال وهند جايبين باليزة وحدة جامعين حوايجهم فيها وخلاو شي حاجة فدار الحاجة عاد شانطة ديال ووليد وصلو لدرووج جا محمد هز شانطة ديال ختو وطلع دروج شيماء غير متبعاه لبسو مبدل ستيل بحال وليد عكس داك الدرابل للي كان كيلبس طلعو لبنات)
أمال: وجدي رااسك
هند: ههه هانية
شيماء: هند ياله طلعي معايا واش حمقة تجلسي فهاد الدا.. (مكملاتهاش لقات محمد خرج وسمعها)
محمد: عودي شنو كلتي نتي!!
شيماء: (طلعت كتجري فدرووج قبل ميسمعها خل ودنيها عاود)
محمد: (شاف فلبنات) زيدي دخلو (شاف فهند) ختي مرحبا بييك (بصوت مرتفع) مييييييي (زعزعهم... جات فتيحة كتجر رجليها من وجهها باين باغيااهم)
فتيحة: مرحبا بيييكم (أمال كما العادة دارت الواجب باستلها يدها وراسها ومدت حنكها.. جا دور هند سلمت حتى هي) دخلو دخلو )
بنات انا كنت ديجا كتبتها شامة فية كورونا ومرضت مرضة خايبة وتأكدت حيت خرجت التحليلية بوزيتيف جوج دلمرات ودابا كنشرب دوا مكنقدش نهز التيليفون بزاف ولكن كنحاول نكتب ليكم باش منغبرش بزاف وغير نولي مزيان غرجع نلتازم بوقتي ونكتب كيف كنت
أمال: (وهند غير كيتشاوفو دخلو كانت الدار كتشعل بحال ديما وريحة لحريرة عاطية فيها نعاس ولكن متحلمش) حم هند اجي دخلي تنعسي
فتيحة: ايييه زيدي ابنتي نعسي ترتاحي
هند: براك الله وفييك اخالتي (دخلت لبيت أمال لقات سداري بلبونجة ديالو مفرشة بكاشة يعني دارت بحسابها وهادشي راجع لمحمد) غتكاي نتي؟؟
أمال: أحااي برااكة غير هاد الاستقبال هههه
هند: هااء معييتيش
أمال: (بتنهيدة كتلبس بيجامتها) تكااي شوية ترتاحي (خرجت من تماك مخلية هند ترتاح مرتاحة بعدا منين خلاتها مها دخل لقاتها فلكوزينة كتعجن) حم ماما نعاونك
فتيحة: زيدي زيدي القايدة راه مرت خوك غتجي تفطر معاانا
أمال: (فنفسها علم الله اش درت ولا مدرتش عاود) وااخا شنو ندير
فتيحة: داك شغل للي كنتي طيري وديريه عند الحاااجة على الله يكون غير بشي ربح
أمال: (عرفتها شنو كتمعني) ندير بطبوط
فتيحة: لواه مالي عارضة على الشرف ديري شي شهيوات مزياانين مرت خوك اول عراضة ليييها
أمال: (بفرحة) مرحبا بييها
فتيحة: ونتي للي مرحبا بيك أما هي الله يرضي عليها مكتغيبش علية ماشي بحالك خرجتي موليتي بغيتي ترجعي لداركم
أمال: (مكتبغيش تجاوب معاها) اممم ندير بريوات
فتيحة: وشنو ياخر؟
أمال: للي بغيتي أماما
فتيحة: ديري داكشي لمعمر وديري شي حاجة دوز لحريرة راني حيدتخا عليك منين تكملي ردي شي طاجين باش نتعشااو نمشي نخبز انا (أمال تنهدت دارت فواطة وجلست كضرب برجليها ويديها وتسربي باش تعجب مها شوية...)
~~~~~~~~~~~~~~
نعيمة: (فرحانة ببنتها دخلت معاها لبيتها وبقاو كيهضرو جبدت شيماء كتبدل) بنتي عكوزتك مشراتلك والو
شيماء: لا
نعيمة: (جاتها عجب) وحتى خطيبك؟؟
شيماء: لا علاش خاص يشريو
نعيمة: اوا من باب صواااب ابنتي معلييهش رتاحي ابنتي
شيماء: (هزت كتفها) اوا صاااافي حتى نتي لمهم هو كيحمتاق علية
نعيمة: اممم متغريش ابنتي بزاف راه العشرة للي كتحكم
شيماء: والله اماما الا كنهضر معاك بالصح
نعيمة: ابنتي راني يانا للي فيتااك فدشي
شيماء: (كتجمع شعرها سفنجة) برااكة غير هو ختارني وجا خطبني
نعيمة: كل مرة تݣولي جا خطبني وختارني علاه مالكي ناقصة يد ولا رجل راه بلفرحات عليه يتزوج بيك ويتناسب معانا
شيماء: وداكشي للي كيكولي حتى انا
نعيمة: نعسي نعسي حتى تفيقي ونهضرو نوجدلك شي شهيوة ابنتي
شيماء: (باستلها يدها) للي درتي امامااتي.... (خرجت نعيمة سدت لباب عليها ومشات عند وليد للي كمل صلا وداخل لبيتو)
نعيمة: وليدي نوجدلك شي حاجة
وليد: للي درتي أمييييمتي توحشت أي حاجة من يديييك
نعيمة: الله يرضي عليك احبيبي (دخل لبيتو جبد تيليفون صونا على زهير)
وليد: فيين أبا زهير
زهير: وصلتو؟؟؟
وليد: ݣبيل شوية على مدخلنا توضيت وصل..
زهير: واشا راك تعاودلي قصة حيااتك ݣولي أمل واش راها لباس؟؟
وليد: ههه لا نتا فرفرتي
زهير: هه تلاح راه معلق كنكمل تركاب تريااات
وليد: سييير حتى نفيق ونصوني عليك
زهير: أش انݣجدر بييييك زللللللللݣ...
كريمة: (كتلبس جلابتها) ياله ابنتي طلقي راااسك
مريم: (لبسات جلابة فالشيبي خيطاتها لها فتيحة فلعقيد ودارت كاب فلبيج من لفوق) كجيت أماما
كريمة: على مزيينك ابنتي عنداك تنساي دوك لمليويات للي كاديتي (خرجو لقاو محمد فوسط طموبيلتو تبسمت حيت مكانتش فتيحة كالتلها راه غيجي عندكم غير شافهم هبط باس راس خالتو) الله يرضي عليك اوليدي كون معذبتي راسك الدار راه غير فالدورة
محمد: (حل لكوفر وهز طبسيل من عندها) فوكما بغيتو تخرجو عيطيلي
مريم: (كتسبل فعينيها ومقدااها فرحة رتاحت شوية من هاد لجييست واكترية عرفت شيماء جاات شد من عندها الطبسيل دارو فلكوفر ورجع حداها)
محمد: لباس عليك؟؟
مريم: الحمد الله اخويا ونتا؟
محمد: الحمد الله طلعو (فتح لباب لخالتو ولمريم وهو مشا جلس بلاصتو ركبت كريمة هازة رااسها زعما شوفو اجيراني راجل بنتي ككيتعامل معانا أما مريم فرحااانة على واالو مهم جا عندها صاك مسافة دقيقة وها هوما فالدار طلع دوك طباسل وهوما تبعووه كانت نعيمة ياله دااخلة حتى هي)
نعيمة: نهار كبيييير هدا (سلمت علييهم) بنتي مريم لباس عليك
مريم: لباس الحمد الله اخالتي ونتي وكوصلت شيماء ووليد؟؟
نعيمة: الحمد الله يسول فيك الخير
كريمة: على سلامتهم الالة نعيمة
نعيمة: الله يسلمك احبيبتي دخلو راه فتيحة مكداعا فرحة
كريمة: مرت الغاالي عندها عزييزة وغاالية هههه
نعيمة: الله يتبت غرسهم ويكمل عليهم بالخير (دخلو لقاو فتيحة وامال وحتى هند كيوجدو خرجت عندهم فتيحة وضرسة العقل كتبان ليها بلفرحة رحبات بييهم ودخلاتهم للصالون)
أمال: معرفت واش نمشي نسلم ولا لا
هند: ههه وراه خاصكي تمشي
أمال: معرفت ولا كولشي كيجيني تقيل على قلبي كتر من للي كان واخا مريم عزيزة عندي
هند: لا حشومة غير سيري ديري صوابك واجي انا نبدا نستف فطباسل
أمال: يا ختي سمحيلي كتجي لتماارة
هند: يا ختي غير ترضى علينا فتييحة هدا هو المهم ههه
أمال: ههه (حيدت فواطتها وقدات حالتها شوية مسحت على وجهها شوية دلما مسحت بذراعها) انا مشييت (خرجت نيشان للصالون غير شافتها مريم وقفات مشات سلمات بليمن فين كانت جالسة نعيمة)
نعيمة: اهلااان اهلااان بلغزييولة اموولة (سلمت عليها بحرااارة عاد دازت لخالتها كريمة للي كتعبرها بعينيها وجاتها صحاحت شوية عاد مريم للي سلمت عليها حتى هي فرحانة)
أمال: مرحبااا بييكم
نعيمة: بنتي جيتي ومطلعتيش عند مرت عمك
أمال: والله اخالتي كلت مور لفطور ونطلع عندك لكيت ماما بوحدها ومبغيتش نخليها
فتيحة: اوا سيري كملي وبداي تحطي
نعيمة: (تبسمت معاها ومشات امال.. شافت ففتيحة) خليها بعدا غير ترتاح
كريمة: ييه اختي جات على تمارة
فتيحة: اشمن تماارة ههه شوية دلعجينة تمارة
نعيمة: وبااااااز أنا شيماء مزال جخيرها كيتسمع
فتيحة: كخلات عائلة راجلها
نعيمة: لباس عليهم حتى هوما زربانين بغاو يدورو لكاغيط مور لعيد صغير اوا وانا وباها راحنا نتشاورو فهادشي وعاد نهضر معاها
فتيحة: اوا لمعقول ميهرب منو حد بغا لكاغيط يديروه باش يبقاو على خاطرهم
نعيمة: انا كيهربلي الخاطر من لعقيد وجلس تسنى فوكاش العرس
كريمة: انا محمد خوشني نهار كالي والو درت لاكط مور لعيد العرس ولكن كلت فيها خير
نعيمة: هكاك مزيان ياك كملتو جهاجكم
فتيحة: (زفرت بفقسة) قرييب قرييب
نعيمة: اوا نخلييكم تطلع نحط راه خليت سناء بوحدها
فتيحة: اربي لمهبطو ونفطرو جمييع
نعيمة: مصااحش افتيحة راه لولاد عاد جاو غدا ولفطور عندي ان شاء الله حتى نتي اختي كريمة ومريم بلاتي ونهبط عندكم (مشات تخرج وهي تبعتها هند عنقاتها) اهلااااان بنتي وماالكي مطلعتيش
هند: بحال بحال اخالتي بقيتمع امال ودابا نطلع
نعيمة: (قوست عينها فيها) مالكم ابنيتي؟
هند: واالو اخاالتي غير بقيت مع امال وصاافي
نعيمة: عافا حبيبتي كوليلي
هند: مكاين واالو اخالتي نعيمة انا بلاتي ونطلع
نعيمة: واخا بنيتي خليت ليكم الراااحة....
حطو لفطور فدار فتيحة كما العادة رجال بوحدهم ولعيالات بوحدهم وهادشي حتى عند الحاجة هي وبناتها وبنات بناتها وحدهم ورجال مع زهير فالصالة تحط داك لفطور وبقا كيشوف فين داك زوااق للي ولفت عينو واخا ماشي غير امال للي كانت كطيب وتقاد بووحدها ولكن كانت لمستها كااينة من نهار اللول طاح عليه الضيم والقنط...
مينة: (أخت زهير) اوا ما كوولي ولا معجبكش هادشي راه حتى بناتي يعرفو يديرو شهيوات
الحاجة: ههه لا بنيتي هادشي زيين ونعمة ربي كولها زييينة غير لبنات خلاو بلاصتهم
عيشة: (اخت زهير) واش شي وحدة فيهم باغي يديها زهير
الحاجة: مزال معرفنا ابنتي لمكتااب
عيشة: وا شووفلك وحدة من دوك لبرهوشات دات ولد لكاملة ووحدة حاطة لعين على خونا مسويهلاتش
الحاجة: لا بنيات على مزيناااتهم
عيشة: نتي للي مزيينك اما للي جات تظحك عليك وتزيييد...
مينة: مكلتيناش اما فوكاش زهير يفتح حانوتو
الحاجة: مور لعيد ابنتي نشاعلله
مينة: اممم ومكااالكش على الدار لتحت (شافت فيها مها) اوا منين ناوي يتجوج خاصو يعطبنا حقنا نختفو يتدها بشي عقروووشة تخرجك حتى نتي من هنا بعدا نضمنو دار لتحت تجلسي فيها
الحاجة: عاود ابنتي لعواشر هااادي
عيشة: مكلنا عييب أما حقنا هداك للي ضااع لمووت ولحيا خاصكي تردي لولدك لعقل...
~~~~~~~~~~~
فتيحة: (كياكلو وتزيد لحدا مريم وترحب بييها هند غير كدور عينها وتبسم أما أماال ماي بنت تقرساات منين شافت فمها عاطية كاع اهمامها لبنت اخرى هي معندهاش مشكلة مع مريم عندها مع مها..)
مريم: الله يخلف
فتيحة: كواي ابنتي بش تصحاااحي
كريمة: كولي ابنتي راه عكووزتك كتسمنك لولدها ههه
فتيحة: ههه وشنووو رجال وعرفااافهم شنو يبغييو
أمال: ههه (شتفت فأمال) واقلة انا ميقبل علية حد (جمعت الظحكة نسات راسها وهضرت لقات مها مخرجة عينها فيها) غير نظحك
فتيحة: راكي ظحكة نييييت نوضي جمعي الطبلة (ناضت مرضيااش كتجمع وحتى مريم ناضت واخا عيات فتيحة تحلف ليها هند للي مخلاتهاش فين تنوض بقات كتجمع معاها وهند غير كتشوف وتسمع لحديث دوك جوووج حتى صونا تيليفونها)
هند: سمحولي نجاااوب
فتيحة: واخا ابنتي خودي راحتك (جاوبات هند حدااهم باش ميشكوش)
هند: الووو الحاجة لباس عليك
الحاجة: الحمد الله ابنتي ونتوما خليتو علية لقنط
هند: حتى نتي الحاجة بقات بلاصتك والله قريبب ونتشاوفو ان شاء الله
الحاجة: ان شاء الله ابنتي فين أمل نصوني عليها متجاوبش
هند: راها كتغسل لمعاان (دارت يدها على لميكرو) خالتي نعطي التيليفون لأمال
فتيحة: (عجبها الحال تشاورها وحتى هند دارت هكاك باش دير بلاصة عند فتيحة) اييه ابنتي عطيهالها
هند: (وقت هند) أمااال امال (جات عندها امال كتميح فلفواطة يديها لفازكين) هاكي الحاجة
أمال: (تبسمت) السلام عليييكم
زهير: عليييكم السلام
أمال: (جمعت الظحكة وبقات كدور عينها تصفاار وتخضاار شافت فيهم فرشت رايها براااسها أما هو كيتسنى يسمعها ومو حشماانة من قبيلة وهو هضري معاهم هضري وغير عرفها غتهضر مع أمال خطفلها التيليفون كيظحك) حم ألوو
زهير: (دخل لبيت وسد عليه لباب) كوصلتي؟؟
أمال: حم الحمدالله (دخلت للكوزينة وهند مستغربة من نبرة صوتها للي تبدلت تبعتها)
زهير: داز نهار باسل بلا بيييك
أمال: (مصدوومة كتشوف فمريم) بالصح؟؟
زهير: حداك شي واحد؟؟
أمال: امم واااه
هند: (وقفت حدا هند ودارت ودنها)
زهير: شفتي وكان خليتيني نجي عند والديك كاع متحشمي هاااك
هند: (تبسمت) حم مريم حبيبة سيري جلسي انا نكمل مع أمال
مريم: واخا ختي
هند: (قربت لمايك) شتي ابا زهير هانا درت معاك لمزيان
زهير: ههه وشي كلييمة الالة أمال
أمال: احااي راه يسمعني شي حد يذبحني
زهير: باش نحرك ديك الدار بمااا فيها
امال: ههه كدايرة الحاجة
زهير: ولد الحاجة لبااس عليه خاصو غير لمرااا
أمال: ههه بسلامة
زهير: تسناااي خااصك شي حاجة؟؟؟
أمال: لا
زهير: ها نمرة ما عندك الا بغيتي ولا ضراتك شي حاجة صوني غتلكايني عندك
أمال: اممم
زهير: ياله قطعي باش منزيدش نقجر علييييك... (قطعت وشافت فهند وهي كتبسم) هدا راه هبييل
هند: (شدت تيليفون) راه نتي للي هبييلة اححح اقلبي وشي واحد يدير على قبلي هاااكا بربي حتى نكر لحزااق كاامل ونمشي عندووو لسق فيه بيدي وبرجلي...
زهير: (رد التيليفون لمو) معندهاش الريزو وقطعت
الحاجة: ههه منين اوليدي هااك ياله نديو صوابنا ونمشيو نخطبو الطفلة
زهير: (زفر مباغيش يخيب صورة عائلتها فعينين مو) حتى نفتح المحال اما
الحاجة: حتى انا اوليدي عجباتني أمال دريويشة وظريفة ومربية
زهير: (فرنس) وزينة
الحاجة: حشششم ونتا تقزدرتي
زهير: (هز يدها باسها) ميمتي هي للي تسمعلي
الحاجة: كااينة اوليدي الله يكمل علييك بالخير وياااااا ربي فينما حطيتي رجلييك تيسر...
زهير: (باس راسها) مخاصك والو؟
الحاجة: خيرك كاين اوليدي وحتى خوتاتك مخلاو مجاابو
زهير: انا نمشي للدار نتكى شوية (خرج من تمااك داز على جنان جلس فيه شوية على مكمى جوج كواااار وشهوتو هاد الساعة غير أمال يهضر معااها تونسو ويونسها.. ناض نيشان لدارو حيت منااعسش وعياا.....)
~~~~~~~~~~~~~
أشرف: (كيشيش شاف فأنوار للي كان كيهضر فالتيليفون مع خطيبتو قطع وهو يحايد التيو من فمو وبخ الدخان فسما) فششششكل عندك هادشي العشيير
أنوار: سمووو هوااا
أشرف: كنتي مع وحدة ومشيتي تخطب بنت عمها غير باش تفقس اللولة للي نعستي معاها وكانت عاجبااك بزااااف
أنوار: ههه اشمن عاجباااابي (هز تيليفونو وجبد تصويرة ديال امال نهار اللول فاش جاو هي وشيماء قبل ميمشيو لصالون كانت حالتها بدوك لحوايج وموسطاج اراك من بعيييد ورالو التصويرة) واش انا تعجبني هاد لمااااركة
أشرف: (تمعن التصويرة هي امال) هههه ولو
أنوار: شيماء حتى الا مشيت معاها متحشمكش زوينة وفوورما وبنت عائلة هاد أمال والله وكان تعرف للي عرفت علييها حتى تبهر السيدة مولها كذووب بلا السرقة ونفخ من هنا داك الحشمة وتبوزيق على على خووك للي كان حمييييدة
أشرف: وااالو تعيا تشكرلي فييها
أنوار: وكاع لا هي غتولي مرتي انا وانا متفهم معاها وعجباني اللهم بعدا هي ولا وحدة من دوك لكوفرات فين كانت لاسقة الوالدة
أشرف: غير باغي تعمر راسك بييها هاديك للي كظحك عليها وباغي تكرهها صحة هي لي جابتلك تمااام
أنوار: (غوبش وبقا كيكمي) كتخربق
أشرف: راه نتا للي كتخربق داخل بين بنات العم تلقا وحدة مبقات كتشوف فلووخرا
أنوار: (بعصبية) هنيييينا ابنااادم وكلام على مرتي مكااااينش
أشرف: ها هوو...
~~~~~~~~~~~~~
شيماء: (لسقت فمها للي مبغاتش تهبطها معاها واخا هكاك لسقت فيها.. لبست احسن ليجامة عندها ودارت ذهب للي شحال ومها تشريلها عاد للي جابولها فلخطبة نبالة وخاتم وسنسلة لوات شال عليها مخلية الكصة على جنب ودارت ميكاب خفيف ورشت من الريحة الغالية للي جابلها وليد وهبطت مع مها دخلو عند فتيحة للي مجمعين حاطين كاس اتاي مع حليوات مشكلين وشي بريوات بقاو من لفطور)
نعيمة: واحد السلام عليييكم (كولهم ضارو ومنهم مريم للي شافت فشيماء شنو لابسة وكدايرة وعاد ريحتها للي جاية من لبعد رحبو بيهم ودخلو وجاو هند وأمال للي كيشوفو فشيماء كفاش مقادة وجاية تشالي بذهبها بحال بغلة لقبوور.. وشيماء كتعبر فمريم بعينييها)
شيماء: مبرووك عليك امريم
مريم: الله يبارك فيك اختي
شيماء: (سمعت صوت محمد كيعيط لمو)
فتيحة: مريم نوضي ابنتي شوفي راجلك شنو بغا
شيماء: هاء خو عيطلك نتي اخالتي
نعيمة: (مرضاتش) ونتي ماالك
مريم: (تشجعت) حم انا نوض (ناضت لقاتو فالصالة) بغيتي شي حاجة
محمد: (تبسم معاها) شي كاس ديال اتااي
مريم: ها واااخا (مشات للكوزينة جابت صينية صغيرة وطبسيل وكاس عمراتلو كاس اتاي وشوية دلحلوة)
كريمة: لبنت تلفت هههه
مريم: ههه (دات الصينية ويديها كيرجفو حطاتلو داكشي حتى وصلت لحداهم)
محمد: مريييييم
فتيحة: سيري حداااه لاش جاية حدااانا (ضارت عند نعيمة) يا ختي تفقص هو يبغيها تجلس حداه وهي غير حشمانة
نعيمة: ههه لبنت حشووومية (شيماء مورا ظهر مها كتشقلب عينيها وامال وهند غير كيشووفو ويتغامزو بيناتهم....)
يتبع...
التعليقات
لا توجد تعليقات بعد، كن أول من يعلق.