محتوى القصة
مريم: (سمعت فتيحة جات.. دارت شالها عليها وخرجت)
فتيحة: (جاية مسخسخة حيدت درتها حطاتها فوق السداري) الله يا سيدي ربي وكان غير دار علاه يترحم
نعيمة: اعوذ بالله افتيحة
فتيحة: وكذبت شتي ديك لمطيرة ككانت تفقس فية (هزت كفوفها لسما) يااااا ربي يااا ربي لهلا يتمم ليها داك لحمل شي موتة ليها ولييه
نعيمة: (هزت يدها) لا حولة (تمت ضايرة ماااشية فحالها.. ورجع تفكيرها غير فعرس بنتها..) مريم واااا مريم
مريم: نعام اخالتي
فتيحة: امدرا درتي ديك لخصااارة
مريم: (حنات راسها) اممم
فتيحة: بااااينة الفرحة من وجه الطراااح
مريم: (بقات غير وااقفة وحابسة البكية كتسمع لفتيحة) واخا خالتي
فتيحة: ولدي كل صباح صااابح مدوش لاااه محملتيش كيف نسا لاااااه؟!!!
مريم: معرفتش اخالتي
فتيحة: وسمو عاااارفة ياك نهار اللول ݣلت لك هزي من لييلتك
مريم: راه محمد للي مبغااش
فتيحة: انا الي نعرف ماشي هو شوفي كيف يدير لولاد ديك الجحمووومة ولدي يبغي لولاد
مريم: (طرطقت كتبكي) واش انا كرهت اخالتي
فتيحة: هادشي فاش حادݣة غير طيحي علية دوك دموووع سمعي ابنت ختي انا ولادي كولهم كوووم ومحمد وحدو وبقيت صااابرة غير باش نشوووف ولادو
مريم: ياك اخالتي هادي هي عزييييزة عندك
فتيحة: عندي عزيييييييزة ونفضلك على كولشي ولكن ابنتي ولدي من حقو يشووف راسو يولد ولادو ياك هادشي كلاااامك عمك منين مرتاحش معايا مشا تجوج كريمة وݣلتووو ما فيها عيييب
مريم: (كانت ڤري کالتها) انا نمشي نسݣي طعاام
فتيحة: إوا سيري ابنتي (ناضت لبيتها بدلت حوايجها وخرجت لقات علي جا من الجاامع) ولييدي (باسلها يدها) الله يرضي عليك
علي: مكان طعام؟؟!
فتيحة: ها هي مرت خوك تحط
علي: كيبانلي نوض نتجوج امي
فتيحة: بلفرحات اوليدي
علي: اوا ݣلبي على شي وحدة ولكن تكون زيينة
فتيحة: هههه جااتك اوليدي
علي: ونجي نسكن هنا؟؟
فتيحة: (باستغرااب) وعلاه فين تسكن؟!!!
علي: وااا معرفت با الله يسمح ليه ݣلع لينا كولشي وعطاه لولدك
فتيحة: ولاه داكشي للي شاف عليك ݣليييل
علي: عقل صغر
فتيحة: اوا لا نتا لا (سكتت منين مريم جابت الکصعة حطاتها وتمت ماشية) جلسي تاكلي؟؟
مريم: مݣديتش اخالتي
فتيحة: (بأمر) جلسيييييي.. (جلست مريم حانية راسها ممرتاحااش) ابنت ختي الا هضرت معاك راه هضرت على مصلاحتك ولمرا بلا ولاد بحال الخيمة بلا وتاااد انا بغييتك دووکي وتاادك مع ولدي وتفرحيينا معااكم
مريم: حم ان شاء الله اخالتي
فتيحة: اوا كولي ابنتي كولي راني خاالتك نغوت عليك ونسمع هضووور ومنخلي للي يقلل منك والا هضرت راه غي حيت دايراااك بنتي
علي: سمو واقع
فتيحة: والو اولدي كوول... (بقاو كياكلو ومريم غير كتنقب وصافي باش متحكرش عليها فتيحة...)
زهير: كمل بقا باااك معاهااا واشتاا يااااخر؟!
طريق: (شاف فأمال وشاف فزهير) سلام
زهير: دخل معايا نيشان منين تعرفها باش تݣوول بقا بالي معاك
طريق: (شاف فلخااتم فيدو) واش نتا راجلها
زهير: (معصب) بااها يانا
أمال: (بخوف) زهير هدا داك لبوليسي
زهير: (شاف فيها مخرج عينو) مشرفين
طريق: سمع انا كنت عرفتها ف
زهير: عرفتيها! زيد فين عرفتييها
أمال: زهيييير راه عاوني داك نهار فطنجة فاش هربت
زهير: لا نتي عاودي قصة حيااتك حسن
طريق: مكنتش عارفك هربااانة
زهير: (نفخ صدرو وااقف حدااه) هضر معايا اشريف انا.. عاونتيها شوووكرا شي حاجة اخرى دير راسك متعرفهااااش ماشي تجي توݣف عليها
طريق: سمع اخويا انا وقفت عليها حيت حسابلي بووحدها مكنتش عارفها مزوجة وهاربة منك (أمال طرطقت عينها شدت زهير من يدو كتجر)
أمال: اخويا انا مكنتش هربانة من راجلي كنت هاربة من ماما
زهير: (ضار مخنزر) واشتا تسكتينا ولا ننن..
طريق: مهم انا غير بغيت نعرف شنو وقعلها من داك نهار حيت شفتها كيف كانت وعاد خليتها فلكوميساريا وكنت
زهير: واااا شريف مرتي ها هي مزيااانة بلا متجي تخبر علية درتي خييير الله يربحك
أمال: (معرفت كتقول من غير غير كتشوف حيت هضرت غير كتزيد تكفسها)
زهير: (شد فذراع أمال) ياله (ضار لعندو) اااخر مرة توݣفها فشي قنت ومرة أخرى شفتيها دير رااسك متعرفعاااش (طلعو وهبطو) ݣالك بقا بالو معاها.. جيتيني دااير عقلي وكان (تم ماشي وجارها معاه ولاخر بقا غير كيشوووف مقوس عينو فييهم وفيها.....)
أمال: زهير.. وا زهير راك عدمتيني فيدي
زهير: (طلق منها كيهضر مكيشوفش فيها) متعرفيش يوݣف عليك تݣوولو متهضرش معايا
أمال: هو ياله بدا كيهضر نتا جيتي
زهير: ياكما ݣطعتها عليك
أمال: لا
زهير: لا غير شوفي وكان
أمال: تأ وااا زهير والسيد غير دار معايا داك نهار الخير
زهير: جوج كلمات تسكتي ولا متسكتيش؟؟ (نفخت حنوكها وشاف قداامها بقاو كيتمشااو حتى وصلو لصور لمݣازين بقا كيشوف فالبحر ومارينا ديال طنجة وهي كتسنااه يرغبها.. دازت شي ربع ساعة شافها لقاتها جلسااات) ياله نمشيو لشي قنت
أمال: لا
زهير: لا؟! تبقاي هنا؟!
أمال: نبقى حتى يجي ولد عمي هو يديني
زهير: ولدك عمك؟!! ومال ولد عمك هو للي جابك هنا ويحوس بيييك
أمال: نتا غير كتغوت علية
زهير: ولد عمك امل؟!
أمال: وعاود تقلق حتى فهادي انا اصلا للي ݣلتو مكيعجبكش ماشي غير نتا حتى واحد فهاد الدنيا مكيخليني نهضر غير سكتي سكتي سكتي فوكاش انا نهضر واخا منكونش نݣول هضرة زينة غير سمع وفهمني بشوي
زهير: (كيشوف فيها جاه ميساج هزو بالزربة صيفطلو لوكاليزاسيون)
أمال: سكتي أمل مديريش أمل نتي مكتفهميش نتي مكلخة واااااه بزااف والله شي نهار حتى نطج
زهير: تعاودي تحلفي نعلݣ مك
أمال: علݣني ولا علݣها دير للي بغيت...
دعاء: علاش احبيبو مبغيتيش نجلسو هنا.. الجو غزاااااال
أنوار: حبيبة متنسايش جيت على حساب با نشوفوووه غدا وديك الساعة ندي لحبيبتي فينما بغاات
دعاء: اممم اوكي
أنوار: ولكن قبل ستري روووحك
دعاء: مفهمتش
أنوار: (شاف ففخاضها) باغية تمشي تشوفي فاميلتي هاك؟!!!
دعاء: نوووو انا شريت جلابة
أنوار: ديري حتى شي حاجة على شعرك
دعاء: اممم وااخ (تبسم معاها وضاار كيشوف فطريق منين قشع زهير وقلبو كيضرب مشافش أمال معاه حيت حدو شافو مبقاش قاد يزيييد تممماك دقيقة... ندم ݣاع علاش سرقووو مخليه غيبوول على سرواااالو..) حبيبتي الا عييت ندخلو لشي سااحة استراحة
دعاء: واخا حبيبي….
~~~~~~~~~~~
وليد: (منين صيفطلو زهير لوكاليزاسيون كان قريب منهم قلب غير فين يباركي الطموبيل تمو جايين هو وهند) فييين
زهير: بلاتي ابن عمي بنت عمك راهي تسخسخ فية
هند: هههه واايلي
أمال: (سكتت معصبها جات عندها هند كتسلم عليها وجلست حداها)
زهير: أمل انا معجبنيش الحال يجي عندك (لا رد) هضري معا صاحبتك اختي هند
وليد: (جرو وزهير عاودلو كولشي ولكن بطريقتو) لا سمحلي اخاي زهير نتا للي غااالط السيد بالصح دار معاها لمزيااان وعادي يوقف يهضر معاها ويسول فيها عاد نتا تݣولو شكرا وكان ماشي هو كنتي تلݣاها فطنجة
زهير: لݣاها نفني حياتي هنا ونلݣااها
وليد: خلينا من هاد الهضرة اصاحبي وتحكم فغييرتك شوية نتا عارف أمال تقيييلة ماشي شي وحدة للي خفيفة
زهير: (شاف فيها) لهلا يوريك شحال سخسخات جدي بلهضوور
وليد: ههه من حقها (شاف فالجنة كان مزموت شوية) عرفتي مكرهتش شي عوومة
زهير: ياله نمشيو حتى انا باغي نغطس كاين مووضع مكيوصلوش فيه بزااف (مشاو أمال مكتشوفش فيه ركبت معاه وحتى لوخرين ركبو.. بقا معاها يسايس ويدلع حتى تطلقت معاااه)
أمال: وصافي صافي ازهيير هههه
زهير: (كيهرها من فوق ركبتها.. صااݣ ومن تمااك شدوووها لمنار هبطت لبحر ولكن بعدو شوية دخلو كيعوومو وأمال جالسة هي وهند للي لابسة كسيييوة كيهضرو وعاطيينها للظحك.. خرج وليد وجلس من موراهم فالرملة وزهير مزال لدااخل خرج دخل أمال ووليد مشا جلس فبلاصة ديال هند للي كانت كتحك فعنقها)
وليد: مالكي؟؟
هند: ديك التيكية للي تتكون فلحوايج.. (شافت فيه) متزولهاليش؟؟
وليد: ماااامممم
هند: وعفااك راه كلاتني
وليد: (وقف ماشي من موراها كيشوف قلبت لكسوة وهو يقشع طاطواج على شكل 3 ديال طيوور كبير متوسط صغير خرج عينو) واش دايرة طاطواااج
هند: هممم (عاد طلعت معاها) اه
وليد: بنيتك؟!!
مريم: الو محمد (حست براسها بغات تبكي) لباس عليك
محمد: لباس احبيبة ونتي بيخير؟
مريم: (بحزن) الحمد الله درت التيست هاد نهار (بتنهيدة) مطلعوش جوج شراطي
محمد: هههه غتحمقيني اديك لبنت انا مبغيت ولاد امريم انا مزال باغي نعيش معاك نسافرو نوسعو لمشروع وديك الساااع الا نديرو لبز
مريم: (تبسمت) بالصح؟!!
محمد: واا غير نتي باغيا تشرفينا ݣبل الوقت وصاافي
مريم: (كترتاح شوية منين كتهضر معاه) سمو راك دير دابا؟!!
محمد: (تكسل) واالو ݣاديت شي حاجة فالمحال ومساليش بكري راك شفتي ݣاع معيطت
مريم: معليش... كليت شي حاجة؟!
محمد: وااه
مريم: فوكاش ترجع؟؟
محمد: هي توحشتيني
مريم: هههه ضرووري
محمد: تبغيني نجي
مريم: (بلا متحس) نجي يانا؟!!!
محمد: هاي هاي على بنت خالتي بغات تجي وحدها؟
مريم: ههه نجي فلكار
محمد: واش باغية تجي؟
مريم: ها امم لا غير نظحك
محمد: لمرة جاية نجييبك معايا والا عجبااتنا العيشة هنا نتحولو هنا ولا حتى هاد المرة تݣوليلي لا
مريم: (بالزربة) لا لا منݣوولش
محمد: هههه اوا دابا تفااهمنا.. ليلى مزال مجات؟
مريم: (تنهدت) مزال.. توحشتها والله
محمد: ههه تواالفتوو انا توحشت لبنات
مريم: (بحزن) نتا كتبغي لولاد
محمد: عاد مولييت ولكن مزال مبغبت يكونو عندي ولاد باش بلا متحسسي
مريم: (تبسمت بلا خاطر) مزيان
محمد: راكي فبيتك؟؟؟
مريم: واه
محمد: متݣوليش غتنعسي دابا؟؟
مريم: لا مزال نطلع حدا خالتي نعيمة راها توجد على حساب عرس شيماء
محمد: (زفر تفكر مشكل ديال شيماء وهي هاد الزفرة ساافر بالها بعييد) اممم مزيان
مريم: واش بقا فيك الحال هي تجوج
محمد: كفاش؟!
مريم: لا لا واالو
محمد: واش بعقلك لاه يبقى فية الحال
مريم: صافي مݣلت والو امحمد
محمد: لا ݣلتي نتي مزال مبغيتي ديري عقلك شيماء راها كانت مليوخة حدااايا ومفكرتش حتى فيها اعساااك داابا عرفتي امريم سمو راكي تخرجي من فمك
مريم: والله مقصدت شي حاجة
محمد: واش هادشي عاد فيه قصدت مقصدت هاد الموضوع هضرنا فيه ألف مرة ݣلت ليك راه مكاين واالو منو ونتي كل مرة جابدااااهلي (ياله بغا يقطع عليها ورجع لودنو عارفها حساااسة وزادها حتى موضوع لحمل) مريم الله يرضي عليك نساااااي هاد الموضوع شيماااء واخا نكون حتى متجوجتكش نتي مكنتش نتجوجها
مريم: (تبسمت)
محمد: ياله نوضي سيري حدا مرت عمي منين تكملي نصوني عليك ونساااي عليك تخربيييق
مريم: وااخ
محمد: ياله بسلامة
مريم: كنبغيييك
محمد: ههه هبييلة...
وليد: واش بنيتك اهند (ضارت شافت فيه) طاااطوااج؟؟؟؟
هند: (حطت يدها على طاطو) ماااممم من شحال هادي
وليد: عرفتو من شحال دي بغيت نعرف غير علاه درتيه؟!!
هند: (معرفت متقول الطاطو عندها قديم شي كتر من 5 سنين)
وليد: علاه محيدتيييهش
هند: متتيتحيدش
وليد: (هنا صعر ووقف) غتحيدييييه ابربي لا بقا فلحمك
هند: متغوتش اوليييد تكااالما
وليد: ممكالميييش الآلة كفاااش مكيتحيدش ياكما حسااابلك قاااري تحت حجرة باش تݣوولي مكيتحيدش
هند: راه لحم كيتشوه الا تحاايد
وليد: ودابا لحمك ممشوهش بداك زبل للي داايرة
هند: وليييد عرف شنو تتقول كفاش مشوه
وليد: كيف سمعتييها مشوه الطاااطو عندي انا كيشوه لحم ومعنديييش نيقاش فهاد تخربيييق ونزيييد نصدمك الآلة (خرج عينو كيحرك يدو) لوشاااام حرااااام
هند: (بقات كتشوف فيه)
وليد: وااقلة مقرياش فالدين
هند: قاارية وعارفة
وليد: لا بااااينة غير من داك لوشااام شحال ونتي داايرااه
هند: فاش غيفيد نقوولك
وليد: لا هضري فوكاش درتيه شحال كان فعمرك
هند: (زفرت) منين كانت عندي 22 عام ولا 23 كنت مزال صغييرة
وليد: 22 عام راااك باااالغة وعارفة للي عليك وللي عندك ماشي صغييرة صغيرة هي 15 عام نتي كنتي طاااايشة
هند: وليييد متغلطش فية
وليد: نغلط مراكيش راسمة بطابااشير باش نسكت وندير فيها نعيييييوة
هند: (سكتت قالبة وجهها لبحر فين كان زهير دخل أمال لبحر)
وليد: شوفي فية وانا نهضر معاك من غدا غتشدي رونديفو باش يتحااايد
هند: (غووبشت وشافت فيه) لا لحمي غيتشوه
وليد: اصلا لحمك غيتستر ومغنشوفو غير انا وانا عاجباني هكااك مشوهة
هند: لا
وليد: (زادت صعرااتو) كفاش لا والله حتى تحااايديييه غتولي مرااتي وعندي حق عليك نبهك على أي حاجة خاارجة طريق
هند: رديتني خاارجة طريق اوليد؟؟
وليد: (هز حواجبو بجوج مطرطق عينو بحال مغزف عليها) غيتحيديه هي غتحيديييييه بغيتي ولا كرهتي بربي لا بقاااا داك تخرمييييز فظهرك
هند: (حست بالاستفزااز كانت نسااات قضية هاد لوشااام والمشكل كانت كتقول غيأتيريييه ويعجبو الحاال.. شافت فيه) مغنتفاهموووش ونتا معصب هاكا
وليد: هادشي مفيييهش مفاااهمة كاين ك ل وكاين بيض مكاينش ݣري غتحاايدييه وسداااام مدااام...
أمال: (من بعد مشربت شي 5 لتر ديال ماء دلبحر) صاافي مبغييتش نتعلم
زهير: هههه صبري شوية
أمال: (بغات تبكي عينيها كيحرقووها زميلها كيسيل) عفااك مبغييتش نتعلم غير ياله نخرجووو
زهير: واايلي امول جينا حتى لهنا والدنيا خااوية ونخرجوو هكااك
أمال: (خرجت عينها) أحاااااي باغي دير لكلام هنا؟!!
زهير: هههه (تكرشخ بالظحك من كلاااامها) ههه مفكرتش فيها صراااااحة ولكن عجبني تفكيييرك ههه
أمال: حم ولاه شنو باغي دير
زهير: تعوومي ابنتي تعوومي ههه من نهار تجوجتي ابنتي ونتي عقلك فزرق
أمال: شنو هاد زرق
زهير: واالو اجي ترخااي معايا
أمال: ااااا هاكا كتبدااها معايا (كتعيبو) غيييير ترخااي معايا مندير واالو
زهير: هههه يهديك الله ابنتي راني باغي نعلمك تعووومي
أمال: (مسحت نيفها) وووو متخورنييش
زهير: هااا لبساالات دابا انا نخور مرتي (شافت فيه ديك الشوفة ديال بنيتك قربت حداااه وهزها) هانتي ترخاااي ديري بحال ناااعسة (غمضت عينها) غير بحاال ماشي نعسي (حلت عينها) ترخااي مزيان احبيبي ومتزيريييش طلقي يديك بحااال هاكا بقا داير يدو تحت ظهرها تنفسي مزيااان (تبعت كلامو بالحرف) نساااااي كولشي شوفي غير فسمااا وحسي بحال راكي طاااايرة فسمااا ومعندك حتى حاااجة شاااغلاااك فكري غير فية (تبسمت محست قلبت وجهها شااافتوو كان بعيد بشي متر يعني بوووحدها كانت تخلعت بقات تخبط حتى وقفت) علاه وقفتي
أمال: أحاااااي علاه طلݣتني واش بغيتي نموووت
زهير: يهديك الله ابنتي روااحي (عاود قاادها وهاد لمرة مخاافتش بقات هكاك وهو تاابعها عااجبو الحال تستمتع...) داك لبوليسي هو للي عاونك داك نهار؟؟
أمال: اممم
زهير: متبسلش عليك
أمال: (بقات مغمضة عينيها) لا اصلا مسكين كان ݣالي وكان كا ساكن مع دارهم يديني معاه حتى تجيييو وحتى فاش وصلني للكوميسارية لكبيرة وصا علية تماك شي بوليس عرفتي راه بزااف للي خرجووهم بقيت غير انا وااحد لمرا تاالفة مسكييينة
زهير: اممم منين يوݣف عليك شي حد أمل باش منعصبش عليك ݣولو انا مع راااجلي سولو هو
أمال: واااخ
زهير: متعاوديش تهضري مع شي حد متعرفيهش
أمال: واااخ
زهير: متعاود
أمال: زهيييير خليني عااجبني الحاال صافي منعاود نهضر مع حد للي هضر معايا نتيري فيه عطيني غير شي فردي وكون هاني (رجعت غمضت عينيها وهو مقوس عينو فيها...)
محمد: (من بعد خصومات عليه شيماء مرة وجوج وتلاتة) سمو اشيماااا سمووو
شيماء: (كتبكي) عنداك امحمد تݣوولها لشي واااحد
محمد: (زفر) اش نݣول واش نهضر واش خليتي فيها ميتݣاال ابنت عمي عائلة ݣد لخصااارة مرمدتي بوجهها فالغييس
شيماء: هء هء ظحكوو علية امحمد
محمد: نتي ابنت عمي للي تغرييتي بالدنيا وطلعتي لفوووووݣ حتى هانتي شووفي حالتك والله مراكي تهميني نتي للي بقا فيا هو خوتك باك مك سمووو يديررو
شيماء: (كتمسح دموعها) انا غنقاد كولشي غير نتا متفرشنيش عفااك
محمد: مدخلينيش فهاد تبرهييش دياالك اشيماااا
شيماء: والله ممدخلاك عفااك غير واعدني متݣوولها لحد (سمعت طيط طيط طيط عرفاتو قطع.. بقات كتبكي حتى مبقاالها جهد... ناضت للكوزينة كبت أتاي وبقات كتشرب وندوز بخبيز حاافي غير باش تبقى واقفة على رجليها وكتفكر غير فردة فعل حسن منين خرج طالعاو الدم غي حيت مخلاتوش يقييسها)
~~~~~~~~~~
زهير: (بقا غير حاضيها مخلاتلو شنو يقول ولا شنو يفتي بقا كيشوووف فيها هي بنت متقلة ومرزنة بزااااف مستحيييييييييييل شي نهار عقلها يقولها خفاااافي.. بقا كيرش عليها لما وهي كظحك حتى خشاالها وجججها تحت لمااا فين وقفت كتفاافااا وكتكح) هههه دغيا تشربي فلما
أمال: كح كح كح زهييير كحح لما ماالح
زهير: نردو لييك حلو
أمال: (دارت يدها فجناابها) وكيف ديرلو
زهير: (شاف فيها وتبسم ابتسامة شريييرة خلاها تنوااا ولكن مفهمتش قصدووو مزيان)
أمال: صافي مبغييتش نعرف
زهير: شووفي وكااان رااه حلو
أمال: (عاارفة شي حاجة داااخل فيها🍌 ولكن شنو!!) لا لا معرفت ومبغيتش نعرف
زهير: (كيهز لما بيدو وخويه على ذرااعو) للي بااانلك أموول
أمال: (فبالها حتى تسول هند باش ماشي ديما تبان غبية ومكتفهمش رجعت نعساات فوق لما عاجبها الحال هو دخل كيعوووم وهي قلبت وجهها كتشوف الغروب متأملة وفرحاااااانة حاااسة براسها عايشة اجمل لحظات حيااتها وهاد اللحظات ميتعوضووش بكنووز الدنيا حط يدو على خصرها ووقفها بشوية)
زهير: مشينا احبيبة؟!!!
أمال: (تبسمت) شكرا بزااااف ازهير
زهير: (تبسم فرحتها وصلات وقاااست قلبو) كولشي ديالك اکليييع ݣلبي غير هو هاد شكرا واش كتشوفي ماشي ناااقصة
أمال: (كتفرنس) وشنو نݣوولك
زهير: دوي معنديش فيه بزااف بغيتك نمشيو لشوومبر وديري هاد نعسة ديال لميت وخليني يانا ندير مبغيت بلا اخ بلا اي ولا غير ݣوليهم حيد غير ديك (كيعيبها) حشومة عليك واش مكتحنش فية (ظحكت) كنتكرفس عليك يا جدك رااه غير كنكون نبين ليك شحال نبغيييك
أمال: ههه (زادت قداااامو وكيبقا يعكلها طيح وترجع توقف يعكلها وتعاود طيح حتى وصلو لبراا كانو وليد وهند بعاد عليهم... شافت لكسوة لسقات عليها وحتى هو خارج وكيتمنظر فيها)
زهير: خليها تنشف شوية عاد نتحركو لعندهم (عنقها بيد فوق كتافهو وهي دارها يدها من مور ظهرو وبقاو كيتمشااو بشوية وفنفس الوقت كيهضرو وحاضيين الغروب...)
أنوار: (وصل لدارهم من برا كولو كيرجف ولكن مصطااانع الهدوء شاف فدعاء للي وقفو فبوتيك بدلات حوايجها خدات جليليبة قصيرة شوية من الطول وحتى لكمام جاية مشيكة مع صنيديلة ديال الطالو ودايرة زييف مبين الفرقة ديال شعرها كوولو.. تبسم معاها) ديري راسك مشفتي ومسمعتي ومتݣولي وااالو
دعاء: ههه خلعتيني بحال داخلين عند ناس تيكرهووك راه واليديك احبيبة هادو
أنوار: بااا ديري راسك مكتسمعيش واشتا يݣوول (هزت كتفها متبسمة.. دخل بالطموبيل كولشي هو هو من غير دار زهير للي قشطع مبدلة سبااغة ديال براااا.. بلع ريييقو وتفااحة ادم كطلع وتهبط خرج طالق زفرة ديال الخوووف حتى شاف فمووو للي بانتلو ضعاافت شوية لابسة بيجامة ومع الفواااطة للي مكتحاايدش مقربة وكول ا كتقرقب من ذهولات للي لابسة فاتحة ذراااعها عنقاااتو بحراارة وحتى هو ولكن ماشي نفس درجتها)
الكاملة: توحشتك توحشتك أولييييد مشيتي وخليتي الدنيا كحلة علية
أنوار: (باس يدها) حتى انا امي
الكاملة: كرااك اوليدي علاه مشيييت علاااه (شافت فدعاء للي كتشوف بعويناتها) حم الحمد الله على سلااامك اوليدي بنتي (أنوار حل لباب ديالها) اجي ابنتي (هبطت دعاء كتبسم عنقاااتها الكاملة.. ودعاء كتشوف لبنات للي جايين عاد وحدة هازة بلاطو فيه جوج زلايف حليب وطبسيل تمر.. بقات غير كتبسم وتجااوب بأدب.. مفهمتش كولشي فرحااان ووكلوشي ظاااخك علاش هو كيوصي ويعاااود غيوقعو مشااااكل...)
~~~~~~~~
هند: (بقاو مدة سااكتين) انا نمشي
وليد: فين بالسلامة
هند: لشوومبر دياالي انا فاش عيطت عليك صباااح كنت باغية نبدل الجو ماشي تجي ديرلي هاااكا
وليد: مكنت باغي ندير وااالو ونتي عارفة شحال بااااارك على راسي ومخليد على حريتك اولهم شعووور ولعراااا ودابا منين هضرت على وشااام دايرة فيها الصحية وماعرفت سمو ݣلت
هند: كفاش لعرااا واش شفتني جالسة بدوييااااس
وليد: جلسي بييهم ومتعرفيني منعرفك ݣلبي نزطم علييه.. سمعي اهند سميني متخلف مجلج للي بغيتي ولكن بربي كلمتي مطييييح
هند:: اوووووووف (هزت شاابو دياالها بنتييير وزااادت وهو متبعها مغووبش معاااجبوش الحال كفاش مسمعااتش الهضرة منو تبعهاا)
وليد: واش مكتعرفييش لوشااام حرام
هند: عاااارفة
وليد: (تجنن) ولااااااه دااايراااه؟؟!!
هند: (ضارت عندو) قلتلك قبل منعرفك ومن شحاااال هادي واش مبغيتيش تفهم من شحاااااال هادي
وليد: وانا مالي من شحال هادي ولا لبااارح الموهيم يتحااايد واش نتي باغية تكوني قدوة لولاااادك بداك لوشااام
هند: (كيزيد غير يستافزها) كون هاني مع يكبرو مع نديروولهم
وليد: (زاد غووووبش.. هي شافتو هكااك زاادت كتزرب طالعة دروووج لووطيل.. اما هو تم ماشي نيشااان على لبحر... أمال وزهير جايين ظااحكييين طلعو بشوية نيشان لشومبرتهم فين دخلو دوشووو بجووج خرجو من الدوش وأمال مشات هزت تيليفونها للي كيصووني) الوو
زهير: شكون؟؟
أمال: (بشنايفها) هند.. شنو اختي؟؟... احااي مالكي.. انا جاااية (شافت فزهير وقطعت) واخا تخليني نمشي عند هند
زهير: مالها
أمال: معرفت عفاك خليني
زهير: ومالي غنمنعك على صاحبتك لبسي حوايجك وسيري (لبست دغيا كيطمة خفيفة لوات عليها شاال وخرجت كانت الشومبر ديالها اونفاص ليهم دخلت عندها وخلات زهير كيصلي)
أمال: مالكي خلعتيني عليك؟؟؟
هند: تخارينا انا ووليد
أمال: (حيدت الشال حيت شعرها فااازك وحيدا لفوقاني ديال لكيطمة) علاه مالكم
هند: شاف داك لوشام وبقا كيتهز علية تماااك (شاافو لباب تحل كان وليد أمال بكترة الصدمة هربت مور الريدو ديال السرجم وهو دغيا خرج كيلقى زهير خارج يقلب عليه)
زهير: مالك؟!! (شاف فلباب للي مزال شاد فلبوانيي ديالو) كنتي لداخل
وليد: كنت بغيت نهضر مع هند ساعة لݣيت أمال ملبساااش
زهير: وااشتا؟!!!!
الحاجة: (من طيبة قلبها هبطت حتى هي منين لقات جماعة وشافت أنوار فرحت ومشات حتى هي كتسلم عليه واخا دار ليها سلام ناااقص للي كولشي لاحظوا الا هي..) على سلاااامتك اوليييدي (شافت فدعاء) مرتك هادي
أنوار: اممم.. دعاء سلمي على الحاجة (جات دعاء سلماات عليها والحاجة كتعنق) بشوية عليها امّا راها حاملة
الحاجة: بالحݣ؟؟؟ (بابتسامة) الله يكمل عليك ابنيتي على خييييير
دعاء: امين الحاجة
أنوار: ااا زهير مراااهش
الحاجة: لا وليدي روح هو ومرتو ساافرو ولكن درك نعيطلو يجي توااليكم ويشوووفكم
أنوار: لا لا لا بلاش انا غنمشي انا ودعاء حدااهم بغيييت نديرهالو مفاااجئة
الكاملة: واه الحاجة عنداكي تݣوليهالو
الحاجة: واخا وليدي (تمو داخلين بدعاء للي كيرحبو بيها بقات غير سميرة واقفة مع خوها للي عاود لاحظاات تصرف خوووه)
سميرة: مزال مطولين اخويا
أنوار: غدا صباح نمشيو
سميرة: لوااااه سيمانة عاد سيرو
أنوار: لا لا تابعني الخدمة
سميرة: وغير يوماااين بعدا
أنوار: دابا خليني مني نتي واشتا درتي مع داك لبغل ديال راااجلك واقلة هنا حتى حد معرف لخباار
سميرة: (بفقسة) لا وسكتني كتبلي كوولشي لهيه وحتى الجنسية تقادات لية.. درنا طلاق اتفااقي هنا كولها مشا فحاالو
أنوار: حسن (كان راجلها تشد فالفسااد والمشكل مع رااجل وتصور ليهم فيديو هو وصااحبو وكانت ورقة راابحة ليها باش تلوي ذرااعو حتى جاو المغرب وطاالقو حبيا..) فين بّا؟
سميرة: راه فدار جدة عبرتي عليها ݣبيلة فقصاااتتي تݣول غير هي للي جوجت ولدها (كتعيبها) بنتي أمال بنتي أمال يييخ مها ومكتݣوولهاش فيها زييينة
أنوار: بلاتي وغتعاوديلي مزياااان هاد لبلاان
سميرة: غطلع عند با؟؟؟؟
أنوار: (زفر) الدار خاوية؟!!
سميرة: انا نطلع نشوووف (مشات طلعات وجاو خوتو درااري للي ساقو لخبار حيت لكاملة وبنتها مقالوها لحد حدهم قالو جايين ضياف عندنا... رجعت عندو)
سميرة: انواااار
أنوار: انا جااي (قلبو بقا كيضرب حس براسو غيسخف قبل ميوصل عند بااه طلع دروووج ضار لعند ختو) صافي سيري نتي
سميرة: حسن نبقى معاااكم
أنوار: لا غير سيري نتي اسميرة الا كانت شي حاجة غنعيط عليك
سميرة: متأكد؟!!
أنوار: وااه سيري وحظي معاك دعاء متخليهاش وحدها
سميرة: واخا خويا
أنوار: (طلع للدار سد لباب بالزكرووم من لدااخل ودخل لقااه فالصاالون جالس شاد القراان.. باه صدمووو منين وقف علييه) با
لكبير: وݣف تم...
سميرة: (دارت ودنها على لباب وبقات كتحاول تصنت...)
لكبير: وݣف تم المسخووط
أنوار: بااا سمعني بعدا وحكم
لكبير: (تضببو عينيه) معندي منحكم ياك زدتي ولحتي كولشي من موراااك لااااه نسمعك جيتي تشاااورتي وهادشي كاااامل ونݣولو ولدي صغير عقلوو طااايش ودرك يفهم غلطو ولكن باش تسرق عمك تسرقووو يا المسخووووط
أنوار: مسرقتش
لكبير: (بعصبية) سكككككك..
أنوار: هاديك راه كانت شادة حسيفة هية حيت متجوجتهاش ودااارت هكاااك
لكبير: وانا كنکوول مال خويا مولاش جبد سميييتك فمو لا وعاد كنزيد نلوومو ونݣوول خويا ممزياااانش شحال سرقتيلو الشفاار وهو منين مشا لبرا يخدم فلكرفي وهو هااازك وهاز هباالك وللي جالس ليتي فمك عليها تحضر حتى من الطموبيل هو للي شراها ليييك
أنوار: انا مسرقتوووش واش هو ݣالك شي حاجة
لكبير: (بقا كيبكي) حيت خااف على خوووه خويا رااجل بميااات راااجل ونتا غير شمااااتة خرج علية المسخووووط راني سااااخط علييك اليووم الدييين الا مت بلا متجي عندي
أنوار: (شداتو لبكية حيت واخا مفشش الا كيبغي باه بزاااف وعاد عمرو شافو كيبكي حتى لهاد نهار) ابّا غير سمعني
لكبير: (شد فيدو للي كتعطيه لحريق وكتحجر ليه) خرج المصخووط خرررررج (أنوار حنا رااسو وتم خاارج قلبو كيبكي الدم حل لباب لقا سميرة فاخر درجة هاربة طلع لسطح مخنووووق باغي يبكي ولكن مقااادش بقا تماااك غير كيشووف شاف فسطح دار عمو تخيل أمال كطلع لهنا وتصرف بأريحية لبلاصة للي كان على باللو حرمها منها وحلف متجيلها عرووسة جابها عمووو ورجعت مولات الدار نيشان ماشي غير مرت ولد مول الشي.. وهادي فقسة اخرى.. (شاف تيليفونو كانت ام دعاء كتصوني عليه زفر وهو يهضر بنبرة صوت كأنه فرحان) ويييي خالتي.. صافا كولشي بيخير... ههه دعاء خداوهاالي رااهم فرحانين بييها وكيسريوها لفيلا عندنا... لا لا عاااجبها الحال.. ضرووووري المرة جاية تكوني معانا.. لا لا مخااصنا واالو ݣوليلي غير نتي شنو تبغي نجيبولك من المغرب.... ههه ضرووري علاه نتي عندنا قلييلة راه نتي الكل فالكل... ياله بسلامة (قطع وخسر كمااارتو.. صونا على اشرف بريفي) أشرف انا أنوار بلا متقطع باغيك غير فواحد لبلاان
أشرف: وسير **** نتا وبلانااتك
أنوار: غير سمعني نتا رجعتي صااحب وليد وزهير راه كنشوف سطوريات ديالك شي مرات كتكون معاهم بغيتك غير تعرفلي الق*** ديال شيماء واش راها فوجدة
أشرف: (سمع شيماء تقلشو ودنيه)
أنوار: راني فالمغرب اخويا راه هي سباب با باش طاح وهي للي ورااتلو لفيديو
أشرف: مرة جاية غتصوني غنديكلاري بيك ولا بغتني نصوني على زهير نجيبو ليك المرة اللولة سكت حيت حسابلي فيك ريحة الرجلة شوية ولكن دابا ياااا دينك والله منسكت (قطع وبقا غير سااااهي...)
أمال: (طلت براسها) أحاااااي
هند: معرفكش هنا واخا هو عمرو اصلا مجا عندي لشي بيت لوحدي
أمال: واش مدابزين بزااف؟؟
هند: وي مناقشين بزاااف أمال كنعرف راسو قاااسح وعارفااه هااضر على مصلاحتي ولكن طريييقوو (كتزير) كتعصب كتعصب
أمال: (مزالة حشمانة غير من وليد للي دخل عندهم وهي هكاك) شوفي خلييه يبرد وحتى نتي بردي وهضرو غير بشوي (جلست حداها)
هند: المشكل مابغاش يتنقااش بشوية كولشي غوااااات وكيأمر فية بحال شي وحدة موووسخةة ووانا هادشي منقبلووش واخا نكون كنمووت على تراب رجليه (هزت كاس دلما تشرب بكترة الأعصاب يديها كيرجفوو مطاح غير على رجلين امال) اووو سمحيلي امووولة
امال: اعاادي عااادي
هند: حيديه نعطيك سروال على متمشي لشومبرتك (ناضت مكرهة كتقلب فباليزتها وأمال ݣلعت السروال.. هنا زهير دق جوج مرات ودخل لقاها شادة سروال فيديها ولابسة ديباردوور وسليب حمر وشعرها طالقاااه مزال فااازݣ.. تصدمت وتصدم وهند جلست فالارض)
زهير: مال جدك مك معرية
أمال: (بالتلفة) ممعريااش
وليد: عنينا اصاااحبي والله حتى مريض راها ختي بحال بحال شيمااااء
زهير: (عند بالو هاكا شافها وليد) واش يا ر** هبلني ولا ضهسك تراان باش راكي معرية هااااك
هند: (وقفت) خويا زهير راه منين دخل وليد كانت معرية غير شعرها دابا تزلع الما على حوايجها وانا (كتوريه الشانطة للي محلوولة) تنقلب ليها على حوايج ولا نيت نمشي نجيب ليها حوايج
زهير: (تاقها) اممم لبسي درك يضربك لبرد (خرج وسد لباب بالجهد وسافوفوليد للي طايراالو)
وليد: عيقتي
زهير: ونتا للي عرف واشتا تخرج مع فمك (جبد كارو)
وليد: (مديرونجي خاصو يهضر مع هند)
زهير؛ زيد نخرجووو زييد بنااادم تبقى تعرف واشتا تݣوول
وليد: راها ختي البشار
زهير: وتكون معرفت حتى اش بغات نكووون (خرجو لاتيراس) ݣول واشتا عندك؟!
وليد: (مغووبش) والو
زهير: هضر ابنادم
وليد: واالو ازهير واااالو (شافو زهير جاه معصب ديال بالصح.. هز تيليفونو صونا على هند الاّ مجاوباااتش..) زهير هضر مع أمال خرجو انا خاص نهضر مع هند ضرووورري
زهير: واش شي حاجة ماشي مليحة
وليد: (زفر) واه تݣالو بزاف دلهضور مكان خاص يتݣالوش
زهير: صاحبي غير للعقل واش نݣووولك شي حاجة (لاخر حرك راسو باه) هند بنت مزيااانة هانتا واشتا خديت من شحال من بنت جربتها قال الله وقال الرسول اغلبيتهم منافقاات مكنعممش ولكن هند نهار اللول عرفتها كيدايرة ومتبدلتش واخا هي للي لسݣات فيك وعارفة دماغك ككيفكر
وليد: مݣلتش العكس
زهير: معارفش واشتا بيناتكم ولكن لي عارف مضيعش ديك بنت الناس من يديك صعييب تلݣا وحدة بحالها فهاد الوقت
وليد: (شاف فيه) بنيتك تݣولي هاك ونتا ݣبيل على شوي كنتي باغي تريب علينا وانا بنت عمك لوطيل بلا سمو درتيها على ود لبوليسي الله يرحم ليك باااك الا مخلينا ساكتين
زهير: (بقا كيظحك وكيكمي)
وليد: سير ازهير خرج مرتك ساريييها راه بغيت نهضر مع هند
زهير: شحال تعطيني ونخرجها
وليد: واش بنيتك اصااحبي
زهير: شحاااال!!!!
وليد: والله حتى ش(شاف أمال كطل من شومبرتها) زيدها ف*** (تم ماشي بالزربة وزهير كيظحك شاف أمال لاح لكارو من يدو)
زهير: اموووول (طلت برويسها) لبسي وروااااحي
أمال: (على سبة خاص غير للي يخرجها) داابا نجي...
وليد: (دق فباب هند للي كانت جااالسة وغير ساااهية)
هند: دخلي أماال (دخل وليد وهاد لمرة سد لباب كانت جالسة فلبالكو دايرة رجلها فوق السور للي كطل منو وساااهية.. قربلها جر كرسي وجلس حداها كيشوف فااص شاافت فيه) شنو أوليد
وليد: مزال مكملنا
هند: اه بالصح مزال نتا مكملتي شنو كنتي كتقول
وليد: نتي عارفااني منين كنكون معصب مكنعرف منݣول (شاف فيها) هند واش نتي مشايفاااش داك لوشاااام ماشي فمحلووو
هند: (لا رد)
وليد: عارفااك درتيه فوقت مكانش للي يݣوولك هادي زينة وهادي لا
هند: درتو صغيير ملاااينش
وليد: (مكالمي أعصاابو بالسيف) فخبااارك الا وقعتلي شي حاجة الله يلطف ولا لولادنا الله يستر متقديش تبرعي لينا بالدم
هند: (شافت فيه واش بالصح هاكا كيفكر ولا غير عناد منو)
وليد: بنتك منين تكبر تجي تݣوولك ماما شفت ديك المغنية ولا الممثلة دايراااه بغيت نديرو نتي بيان سييغ غتݣوليلها لا باش غتجاوبك هي
هند: (منفخة) نتي دايراه حتى انا بغيت نديرو
وليد؛ متفامين داابا اهم حاااجة شنو تݣوولي لربي؟؟؟
هند: اوووف أوليد بحال قاتلة شي روووح
وليد: حبيبة ديالي (شافت فيه اوطوماتيك) كتبغيني (لوات شنافتها زعما واش سؤال هادا) يعني كتبغيني (عيبها ودار نفس حركتها) هادي كتعني هي كنبغيك
هند: وليييييييد
وليد: انا والله معجبني
هند: ومنين غنحيدو وتوسخ ديك لبلاصة
وليد: تأ مكنشوفهاش هاكاك كنشووفها مرتي غدير شي حاجة للي مزيااانة مع ربي ومع نفسها ومعايا حتى انا
هند: (لا رد)
وليد: (بقا كيشوف فيها) شنو ݣلتي احبيبة
هند: اصلا كنت غنحاايدو ولكن انا لي فكرت فيها من شحال هادي ماشي حيت نتا أمرتيني
وليد: (تبسم) مزيان
هند: بغيت نبقى بوحدي أوليد
وليد: مزيان (بقا جاالس كيشوف فين كتشوف رجعت شافت فيه وشقلبت عينها شادة التبسيييمة) شحال خاايبة كنا فالدرة صدقنا نرغبو على وشااااااام....
أمال: (بقاو جالسين فالقهوة كيتعاودو على بزااااف دلحواايج)
عمرك بغيتي ازهير؟؟؟
زهير: قبل منك؟
أمال: واه
زهير: حتى انا عجبوني بنات هضرت ولكن باش نشوف وحدة ونبغيها لجواج ديريكت هي نتي
أمال: (تبسمت) مزيان
زهير: ونتي
أمال: (بالزربة) عمرني
زهير: ههه امم زعما؟!!
أمال: كتشك فية ازهير؟؟؟
زهير: ههه دغيا ابنتي رديتيها شك غير سولت عادي راك مرتي دااابا وعارفك معدنك مزيااان
أمال: (بقات كتفكر شحاال) كان واحد بغا يتجوجني
زهير: (هز حواجبو بجوج) اممم اوا
أمال: صدق ولد لحرام
زهير: (هز حاجبو) ولد لحرام؟؟
أمال: واه اصلا ربي نجاني منو وصاافي
زهير: داكشي علاه مبغيتيش تهضري معايا فاللول
أمال: (خرجت عينها) لااااااااا
زهير: اممم (سكت مدة وهو يعاود يهضر) وعلاه كتعاودي عليه واش زعما ديجا هضرت وكفااه هاد ولد لحرام؟!!
أمال: (بلعت ريقها وبقات كتشوف فيه وكترمش دغيا ندمت علاش تحمست وعاوداتلو) حيت سولتيني انا اصلا ݣاع منعرفو
زهير: كفاش مكتعرفييش ونتي كتعاوديلي عليه
أمال: حيت انا كنبغي نݣوولك ݣاع داكشي للي كنعرف.. داكشي باش كلݣى راسي كنعاود ليك كولشي بلا منفراني ولا نحسب فكلامي
زهير: (سكت مدة) واه هاكا نبغيك اصلا تكوني معايا انا بغيت غير نفهم كفاش ولد لحرام
أمال: ولد لحرام هي ولد لحرام
زهير: اممم دابا شرحتيلي كتر
أمال: ههه معرفت شنو نݣولك ولكن هو كان يبغي يحوس ويلݣى بنت محلولة وانا مكنتش نبغي دشي مكنتش نعطيه ݣاع فرصة وصاافي
زهير: (حرك راسو باه) اممم (بدلو الموضوووع حتى جاو لكوووبل التاني وبقاو مجمعين...)
~~~~~~~~~~~~
أنوار: حبيبة هانتي هنا انا نخرج ونرجع
دعاء: (عجبها الأجواء تماك والترحيب الملكي للي ستقبلووها وحتى هي جابت كادويات من لكبير لصغير) اوكي بيبي
(خرج من بعد موصى عليها مزيان.. ركب طموبيلتو وزاد نيشان لمحال أشرف للي لقاه غيركب فطموبيلتو بقا تاابعو على باالو غيمشي لدارو حتى شافو ماشي لبلاصة اخرى بقا تابعو شافو وقف وحتى هو وقف بغا يعرف غير شنو حااضي شي ربع ساااعة بانتلو شيماء خرجت من شي دار طرطق عينو ممتيقش واش صااااحبو مزال عاجبااااه شيمااء ولا شنو ولكن للي دارت معاه شيمااء عما عينيييه.. عارف مكاين فوجدة لا وليد لا زهير خرج من طموبيلتو كانت مشات الحانوت للي حدااهم شوية خرجت حتى شدها من ذراااعها زااادحها من الحيييط)
شيماء: (ضااارت مخلووعة حتى كيبان ليها أنوااااار زادت خرجت عينيها منين جبدو وااحد من عيليييها دااافعو)
أنوار: يلعن دي* *** يا الق****
شيماء: (بصدمة حتى حلقها نشف وحكمتها الوخة) حسن!!!!!
سميرة: مرحبااااا بمرت خووونا لغزاالة ياا ختي شحال مزييبنك ياك اماما
الكاملة: مزييينها مرت وليدي الزييين دا الزييين
نزهة: (عوجت فمها وشافت فجيهان زعما سمعي على قلبك اما الحاجة غير جالسة كتخمم فحالة ولدها للي متقبلش ولدو ولا يشوف حتى فمرت ولدو للي حاملة..)
عيشة: (حتى هي معجبهاش هاد المدح لكبييير) وفين مك ابنتي؟؟
دعاء: ماما بقات فرنسا ولكن المرة جاية ضرووووري تجي (كتحاول مدخلش كلمة بلفرونسي فهضرتها احترااااما للعائلة ولنسا لكبار للي جالسة حدااهم)
عيشة: اممم وباك؟!!
دعاء: لا بابا معنديييش
الكاملة: الله يرحمو ابنيتي
عيشة: وفين تجوجتوو؟؟
الكاملة: عييييشة!!
مينة: ماالها راها غير تسول فمرت ولد خوووها
دعاء: معليش اخالتي.. حنا تزوجنا هنا فالمغرب وانا مشيت لفرنسا ولخق علية أنوار
عيشة: ايييه تجوجتو بلا خباار حد
الكاملة: فخبااااااري يانا وخوتاتووو
الحاجة: (غير كتشوف بعويناها) عيشة بنتي علاه تسولي فشي حاجة للي بعيدة علييك
عيشة: اوا منين لكاملة كانت عارفة شحال دي ومݣلتنا والو راه نيت بعيدة علينا وااخا جات حشوومة يتجوج وهو كان خاااطب بنت لالة نعيمة
دعاء: شكون!!
الكاملة: عييييشة
الحاجة: (بصوت وااحد) عيييش
عيشة: ههه مالكم؟؟ ويحاااه خلتووني كبيييييش لباااقي شوي دتااااي انزهة....
~~~~~~~~~~~~~~~~~~
زهير: (بقاو مجمعييييين وهو غير حاضي أمال كفاش كظحك وتجمع.. محس حتى جبد ݣاارو نسا رااسو شعلو بعد لكرسي غير شوية وبقا كيكمي.. كلامها كيتعاودو من فباااالو مبغاااش يتهضم لييه من نهار قرر يتزوجها مكانش بغا يطيييح اصلا فهاد السؤال ويسولها على شي حاجة كانت فالماااضي ولكن منين سمع بالصح كانت شي حاااجة جااتو فشكل.. ضربو وليد فرجلو هز عينيييه للي كانو نايمييين شاد لكارو بين صباااعو) ويي
وليد: ماالك
أمال: (شافت فيه) زهير؟!
زهير: رواحي أمل بغيتك (حطت معلقة من يدها وقفت فلبلاصة) نتلݣاااو بالمرصى تماك نتعشاااو
أمال: (مزال كان عينها تاكل داك لگلاص)
وليد: نمشيو مجموعين
زهير: (حط يدو فظهر أمال جارها بشوية.. خلص على كولشي وتمو هابطييين تابعااه وهو مكيهضرش حتى مشاو لبارك فين كاينة الطموبيل ركبووو فجو سااكت حتى نطقت حيت خلعها سكاااتو)
أمال: حم زووهير
زهير: (شاف فيها) امم!!!
أمال: زووهيييير مالك
زهير: كفاش ولد لحرااام مكنتش بغيت ندقق فهادشي أمل ولكن راسي داااااخ وكولشي ندسو فݣلبي وندير معلاباااايش الا شي حاجة ديااالك مخليااالي (ضرب راسو بشوية) دباانة كتزنزن هنا
أمال: (خلعها وطرطقت عينها)
زهير: (شاف هاد الخوف) مبغبتش نخلعك (شد يدها) انا عارف راسي بغل هاد الساااعة (حركت راسها باه) بغل انا؟؟
أمال: لا لا لا لا مݣ..
زهير: ههه (ديمارا الطموبيل) انا بغيت نفهم غير ديك ولد لحراااام
أمال: كتيق فية
زهير: كتر من راسي
أمال: هو (جا فباالها أنوااار) كان ديما بغا يهضر معايا وانا مبغييتش (زهير كيصوووك ولكن كوولو من شعر راسو لرجليه كيسمع ليها) بقا لاسف شحاال ولكن انا عرفتو كان بغا غيير يتفلى
زهير: باش عرفتيه (شاف فيها) عاارف معندكش خبرة فرجال داكشي باش راني نسول
أمال: لا معنديييش وانا كنعرفك غير نتا ازهير
زهير: أمال انا ماشي كنشك فيك
أمال: عفاك ردني نمشي نعس
زهير: (صدماتو شاف فيها لقااها كتشوف فالجهة الاخرى.. زفر ووقف على لييسر ديالو حط يدو على يدها وجبدتها حس بيها تقلقاااات ويمكن هادي أول مرة شاف قدااامو.. اما هي جاتها لبكية حتى كتبغي تعاود ليه على أنوار ولكن كتشوف فورقة طلاق بين عينيها وهي ممكن تسمح فالعالم الا زهير)
زهير: أمل (والو مضاارتش.. ندم علاش جبد معاها الهضرة غوووبش)
أمال: (ضارت شافت فيه) نتا الوحيد للي هضرت معاه وانا باغياه من قلبي نتا بوحدك للي تقت فيه وكنت كندعي ليل ونهار باش تكون مرتاح معايا وفرحااان نتا الوحيد للي حسيييتك رااجل فحياتي ونتا عارف شنو كنحس معاك وعارف مزياااان شكون انا غير الا بغا عقلك يوسوس فيه الشيطان
زهير: مقصدتش داكشي أمل انا غير سولت وصاافي
أمال: واخ شنو باغي تعرف وانا نݣولك كولشي
زهير: صافي للي بغيت نعرفو نعرفو (باغي يلطف الجو شد يدها) أمل ياو راني ݣلتلك مرانيش نشك فيييك وعمرها تكوون انا للي كنت عارف معمرك هضرتي مع شي حد
أمال: واش عمرك سولتيني قبل جوااج
زهير: ومخااصش نسول حتى من موراااه
أمال: لا نتا شكيت فية
زهير: يهديك الله ابنتي شكيت فيك هي جبت جنوية وشرݣتك ݣدااامي
أمال: (خرجت عينيها) حتى نتا علاش هضرتي من شحال هادي مع لبنات
زهير: ههه أمل حبيبة انا للي خربقلي عقلي هو ديك ولد لحراام کلت مکلتي هكاك غير الا دار شي حاجة معاك خاايبة
أمال: واه داار ݣالي نتجوجك وانا باغي غير المعقول ومشا تجوج وحدة أخرى داكشي علاه ݣلت ولد لحراام
زهير: (لعب بلساانو فوسط فمو... خوفو من حاجة وحدة تكون مزال كتفكر فيه قلب عينو للي شعلووو بالغيييرة بمجرد تهيأ)
أمال: صافي منين لݣيتو تجوج (دازو فعينيها دوك الذكرااايات ومنين ضربها محمد حتى بغا يقتلها على شيماء) مسوقتش عرفت راسي اصلا مكنت لا نبغيه لا واالو غير جاني فضول واش بالصح كان باغي المعقول وصاافي حمدت الله حيت عمرني عطيتو شي فرصة (ضار شاف فيها محتاج فالداخل يسمع هادشي منها) ولكن منين عرفتك نتا (بحال بغات تجيها الظحكة) حسيييت بكوولشي برهووش ونتا لدبوحدك للي راجل فهاد الدنيا
شيماء: (بصدمة) حسن
حسن: (كيخنزر فأنوار) شكون نتا الكلب للي تمد يدك على مرتي
أنوار: (براسو تصدم من كلمة مرتي شاف فشيمااء دفعو حسن بيديييه للي عطاهملو لصدروو حتى زعزعوو)
حسن: (لشيماء) تعرفييه؟!!
شيماء: (بقات غير كتشوف وزاد صدمها الطرف التالت للي جا)
أشرف: (كيجر فانوار) سمحنا الشااف هو حسااابلو واحد السيدة اخرى
أنوار: (شاف فأشرف ورجع شاف فلاخر للي تکااالتلو كلمة الشاف ومع عندو فيييه دغل خااف على رااسو ظن منه انه بوليسي.. شاف فشيماء بشر ورجع لاخر دفعو)
حسن: وجمع عينيييك وتحرك علية من هنا (شاف فشيماء) دخلي نتي لدااارك (الصدمة للي فيها خلات رجليها فاشليين)
أشرف: (شاف فشيماء) سيري اختي دخلي فحاالك
حسن: اهياااااا شكون نتا للي تهضر معاها (شاف فيها متسيف عليها) دخلي (بقات ديك السخرة للي جابت مليوحة فالارض ودخلت كترجف ومتأكدة أنوار يخوي لمزييييودة كاملة للي تشجع ورجع المغرب مخايف لا من بوليس لا من باه لا من زهير للي شفر مغيخااافش ويبقى سااااكت محست حتى سخفت حدا لباب مبينااش ليهم...) نعاود مرة أخرى لݣاااك كضوور بساااحتها نخرج فعدو ***
أنوار: (مهضرش جرو أشرف وحسن بقا متبعو بعينيه للي كيغلييو شاف دوك 4 بيرلي وشي طونيطات ضربهم برجلو جاو مخبوزين فالحيط... مشا يدخل لقاها مكسلة حدا لباب.. بالزربة هزها كتبغي تفلتلو ورجع هزها دخلها للدار للي كان لباب محلوول...)
أشرف: (جار أنوار غير غبر حسن دفعوو) واش ار** هبلني ولا تكلختي لاش جاي من موراااها
أنوار: ق*** لعبت ف*** حتى عيااات وناضت تجوج (جاتو بووونية من عند اشرف)
أشرف: الناس يفرحو بدرااهم جابوها بعرق كتاافهم ونتا (شاف فيه باشمئزاز) تبلبل بشي حاجة مكنتيش حتى ݣاااد ديرها
أنوار: درتها وكانو عندي تصااورها واش عارف الق*** للي ضربني على جاالها واشتا دااارت لبااا
أشرف: بااك نتا للي وصلتييه لهكاااك واش مشفرتييش عمك للي شحاال وهو يمد ليك درااهم وغير الصرف صحيييح
أنوار: (بعصبية) ونتا ماالك من هادشي
أشرف: (زفر وبقا كيطلع ويهبط فيه) بغيتي ترجل ياله سييييير سير عندها وهي مع رااجلها وترع فمك مزياااان عرفتي واشتا تݣوولو كان خاطبني وسمحت فيه والفقسة هضرااااتو تݣوولو فرݣعتيها ياله بين ليها ݣدام راااجلها
أنوار: (هو عارف عمرو نعس معاها من غير ليبيز كوجاك وشي مرا كان خدام بزاف صدرها ولكن لتحت كان عارفها لفعة وكان داير احتيطااتو الا تماااك واخا شحال من مرة تعارااتلو)
أشرف: بقات فتقبت هادي وتقبت هادي وأمال ههه (بطريقة استفزازية) أمال مرت عمك (لاخر قلش وطرطق عينو) حتى هي تقبتيها ولعبتي بيها شحال ولحتيييها (هز يدو) بيدي هزيت جويييجة وضربت فسما منين هو دخل عليها.. للي ظحكتي عليها تجوجت ورااسها مهزوووز لسما
أنوار: (زفر وقلب وجهو)
أشرف: هه دايرلي فيها كازانوووڤا والبنت للي شديتي كدووز فيها واااقفة هوما للي كانو يدوزو فيييك...
زهير: (من بعد كلامها بقا غير كيشووف فيها حس براسو ڤري غبي للي يجبد معاها هاد الموضوع اصلا وكان فكر امال الا جرحها غير شي موس كتقول عليه ولد لحرام.. جارها عندو حاط راسها فوق صدروو وباسها)
أمال: (بدلع) لا بعدني
زهير: ونوضي من فوݣ مني
أمال: (استحلات النعسة تماك) نتا للي شادني
زهير: ههه (زير عليها معنقها) متديش علية منحملش نبقى منووووغش ديري بحال عمرنا هضرنا فدشي
أمال: لا
زهير: وصاافي أموول
أمال: وااا لااا
زهير: وهنيينا ولا نتعرا على مك هنا أمال: (وقف راسها مبعدة) نتا ݣاع مكتبغيني
زهير: ابنتي حنا نعرفو نبغيو وكولشي ولكن متعاوديش تݣوولي بعد مني والله يا جدك شناايفك نݣطعهم ليك تكفيني فيهم شدݣ دلخبز...
~~~~~~~~~~
حسن: (كيطرش فيها بشوية) شيماااا شيمااااا (بقات كتشقلب وتخاااازل تحل عينيييها) نوضي نمشيو لشي صبييطار
شيماء: (كتحرك راسها بلا) لا لا انا مزيااانة
حسن: نوضي نمشيو لشي صبييطار (شافت فيه تفكرت أنوار واشرف كولشي تجمع عليها بقات كتنووض شوية بشوية وهو عاونها لقات وجهها وشعرها وعنقها فااازݣ باين رشها بلما شافت فيه) شكون هداااك؟!
شيماء: (بقات كتشوف فيه بلا مترمش) معرفتش
حسن: وعلاش جا وقفك
شيماء: راك سمعتي داك صاحبو شنو ݣال احسن
حسن: سمعت ومتيقتش
شيماء: حم الا متيقتيش نتا تعرف
حسن: اخر مرة نسولك وغنحاول نتيق فيك نتي ماشي فواحد مكنعرفووش
شيماء: مكنعرفوش انا خرجت نجيب شنو نااكل براسي مفهمت والوو واصلا نتا حضرتي لكولشي
حسن: (بقا كيشووف فيها طبعو العسكري مخلاهش يتييق ولكن علاش غتكذب وهو كيعرف عائلتها مزيان.. غيتنااسا ولكن غيبحث.. شافت فيه فاهمة مزيان هاد الشووفة للي كدار فيها من عند كولشي اصلا حتى واحد مكيتيق فيها وهي عارفة هادشي مزيان...)
شيماء: الا مكنتيش تيق فية ونتيق فيك بلا منكملو احسن
حسن: (هز حاااجبو) ياااك
شيماء: (شافت فيه) أول مرة شي حد غيديرلي هاكا نتا غتشك فية شنو نسميها هادي خووويا للي كيفهمني وعااارفني سااافر وخلاني بوحدي فالدار علاش حيت كيتييق فية ونتا للي رااجلي لا!!
حسن: (معرف ميقول حيت ضمصااتو ولكن غيسول ويعرف هداك للي باين كيتعارفو ومغدووزش عليه.. لمس على شعرها) نعلي الشيطان اشيماء هاد الهضرة مكتݣاالش
شيماء: عصبتيني (شدت فراسها للي داخ شد يدها وبقا كيشوف فيها متبسم عكس دمااغو للي خدام ومن طبعو مكيبينش شنو عندوو)
حسن: معليش نديرو مكاااين واالو
شيماء: (بغات تقلب عليه كولشي) لا عصبتيني بسبااابك سخفت حيت خلعتيييني بحال معرفت انا شنو داايرة
حسن: لا حبيبة منبغييكش تغضبي مني
شيماء: لا غضباانة
حسن: وشنو ندير باش متبقايش غضباانة راه انا للي كنت ناوي وطامع
شيماء: (دارت راسها مكلخة) مفهمتش
حسن: من بعد
شيماء: (بغات ترد الشال وهو يسبقها حايدو من فوق السدااري) حم حسن
حسن: امممم...
أمال: (من بعد متعشااو مجموعين رجعو لمنار ولكن مشاااو جلسو فلݣاازو كيطلو على لبحر.. أمال كتشوف بعويناتها فضااو للي باينين بعااد منين قالولها هاديك اسبانيا وهي ممتيقااااش هاد القرب كاااامل كانو كيهضرو وهي تنطق) سااااااهل الواحد يحرݣ من هنا
زهير: لا حول ولا قوه الا بالله العلي العظيم واش ابنتي دمااغك نتي عاامر غير بهادشي
أمال: لا والله مكنفكر نهرب
زهير: لا غير فكري
أمال: ههه ولا غير جاتني فشكل كنهضر على لوليدات مساكن للي كيبغيو يحرݣو يجييو هنا لطنجة ويعوومو
وليد: وسهلتي العومان أموول (ضار خنزر فيه زهير) زعما ابنت عمي
زهير: (مخسر كمارتو فيه وكيݣمݣم)
أمال: ياك ݣلتو غير 14 كلمتر
هند: ههه وسهلتييها
زهير: ياز هادي للي راهي تهضر على لعومان كتعكلها غير لكشكوشة
أمال: ههه يديرو شومبرير
زهير: أموول هادشي مافيهش اللعب يا يموت يا يوصل اما العومان راه صعيييب لبحر محدك كدخل لداخل وهو كيزيد يبرد زيد عليها الموجات زيد غير رجلك تشدها كلاكاااج وشحااال غير الله يحفظ وصاافي
وليد: نتا حرݣتي على مليلية
زهير: وااه يامات الغفلة على واحد القادوس فبني نصر خرجت فمليلية بقيت فالخيرية شي يامات وكنخرج نخدم تعرفت على واحد سبليوووني (زفر) فايتو انا غير غير بشهاادة واحد الانسانيه اصاحبي بقيت فيه وشافني كندمر داني معاه لكاطالونيا بقيت كنخدم فلفيرما ديالو نغسلو اللوطو ديالو نݣادو لݣازو شجر وكان مهلي فية مسكين مات وهوما يجريو علية الورااثة كانو باقيين عندي شي فلوس وفلوس للي عطاتني مّا منين باعت ذهبها (تبسم وهو كيتفكر) شحال وانا نݣلب باش شريتلها خو داك ذهب
وليد: مسكيييينة
أمال: مّا كتبغيك بزااف نتا هو عينيها
زهير: من تماااك مشيت لبلجيكا اوا بديت نجمع شوية بشوية ولكن دوزت العذاااب (شاف فامال) الواحد خاصو يدوز البرد والجوووع باش يحس بلفلوووس
هند: وجات لالة أمال وفرتكاااتلك لحصيييصة
أمال: (خرجت عينها) لااااااااا
زهير: وتفرتك مها ݣاااع مال لفلووس حسن من أمال
أمال: (كتقلي السم لهند) ياله مووتي
هند: ههه حمقة
وليد: تما فين عرفتك ههه فخباركم كان بغا يضربني
هند: ههه عادي
زهير: واشتا عادي اختي غيثة
هند: ههههههه صافي صافي انا ساااكتة
وليد: ههه (شاف فهند بكل حب وحتى هي هاد الشوفة زعزعاااتها وبقات كتشوف فيه)
أمال: ولا يديرو شي فلوكة (پاطيرة) ويديرو زعما بحال كيتسرااو ويهربوووز
زهير: لاتزيدوووهاش
وليد: ههه أمال ختي صعيب لواحد يحرݣ كاين البحرية كتشدهم حيت كلش غيقطعو من مدينة لمدينة راه من دولة لدولة فهمتي الا مشدوهمش هنا فالمغرب غيشدوهم ديال اسبانيا ويردووهم
أمال: اممم
زهير: واشتا ااااخر باش منين نبغي نݣلب عليك نعرف منين نبدا
أمال: هههه وماشي يانا للي نهرب راه غير كنفكر وصااافي منين شفت دوك لولاد مساكن ݣدام المرصة بقاااو فية كيتسناو كاميو فشحاااااال باش يتعلکووو والله يݣطعو فلݣلب
هند: ويييه مساكن...
حسن: (بقا كيشووف فيها مكدير حتى شي ردة فعل مخلياااه يبووسها كبغى ممتجاوبااااش معاه باش تبين ليه مكتعرفش بعد منها شوية) مزاااال على وعدي
شيماء: (تبسمت حانية راسها ماشي حشومة ولكن اشمئزاااز من رااااسها شحال تباااست وبااست فلحراااام ومنين جا لحلال كتصنع شافت فيه باينة طاااايح فيها غير كفاش كيقيسها وكيبووسها)
حسن: انا نمشي نجيب لك شي حاجة تعشاي بيييها ولكن الا ديريها زيينة ياله تباتي معايا وبقاي مونساااني حسن متبقاي هنا وحدك
شيماء: (بلبااقة) حسن نݣوولك الصراحة (حرك راسو باه) كنحسم من خووتي غدا وليد يجي مغيعجبنيش الحال يعرفني مشيت بت معاك فالدار بعدا فالعرس راه معندي هروووب ههه
حسن: ههه وااخا لالة لحشووومية
شيماء: شكرا بزاف حيت كتفهمني
حسن: هضرتك زييينة
شيماء: (تبسمت حانية راسها وفبالها غير أنوار للي رجع)
حسن: سمو تبغي تاكلي
شيماء: للي جبتيلي
حسن: بيتزا؟؟
شيماء: واه كتعجبني
حسن: انا نمشي منتعطلش عليك (ناض هز سواارتو صونات عليها مها جاوباات وهي طاافية الضو ومشات كتجري للسرجم كتشوف واش باقيين)
شيماء: راه معايا
نعيمة: معاك؟؟ ياكما فدارو ابنتي؟؟
شيماء: لا لا عند وليد غير غيجيب عشا ويرجع لدارو مبغيتش نمشي معاه
نعيمة: اممم مزيان ابنتي الله يكملك بعقلك
شيماء: اوا بحرا نعجبكم كما عاجبااكم لالة أمال.. (قطعت معاها وبقات تخمم وتفكر مشات لصااكها جبدت التيليفون لقدييييم شعلاتو وصونات على اشرف للي شدها) شنو جيتو كديرو عندي
أشرف: واش معاودة لراااجلك
شيماء: (تنهدت) الله يااخد فيك الحق
أشرف: والله ياخدو فيك نتي ابنت ***** للي حلالي رجلك بحال راك مولفة بز***
شيماء': وعلاش اصلا درتيييها ياك مكتحملنييش
أشرف: (مكره وهادشي للي مخليه غيهبل) واش معاودة ليه
شيماء: لا
أشرف: بفف واش راجلك فلميليتير
شيماء: يوطنو فلعسكر
أشرف: وحسباالك غديريها بيه حتى هو السيد باينة عليه ولد الناس ومعقوول لاش شداااه معاك الكلبة
شيماء: راه بززوووه علية (بقات كتبكي) شنو بغيتني نجي نرغبك وانا عارفة اخر واحد يتجوجني هو نتا
أشرف: (بعصبية) وجيتي عندي؟؟؟
شيماء: (صدمها)
أشرف: الله ينعل نهار للي فكرت حتى نشووف فكماااارتك
شيماء: واش كنتي غتجوجن (سمعت لباب تحل قطعت بالزربة ولاحتو تحت السدااري دلخشب.. دخل حسن هاز جوج بيتزات وجوج كانيطات وميكة فيها دانون وشي سقاطة) حم جيت؟؟
حسن: كنتي كتهضري مع شي واحد؟؟
شيماء: لا وااه ݣبيل هضرت مع ماما سلمت عليك
حسن: اممم مرحبا بسلامها اجي تاكلي محدو سخوون
شيماء: واه انا نغسل يدي (مشات من حداه وهو حاضيييها غسلت يدها ورجعت جلست وهو حدااها)
حسن: معاش غدا غتمشي لفاك
شيماء: 9
حسن: مزيان نكون ماشي للخدمة نيت وندووز عندك
شيماء: بلا متعذب راسك
حسن: اللهم نعذب راسي ولا نخلي مرتي كتعذب فالطاكسياااات.. مع الوقت ديري بيرمي ونشوف شي طموبيل على قدك حسن...
أصبحنا وأصبح الملك لله
أمال: (رجعت من طواليط شادة فكرشها من لتحت فيها لحرييق حسابها ليغيݣل ولكن مكان واالو.. رجعت لبلاصتها كانت 6 دصباااح بقات كتقلب حتى تغمضو عينيها..)
~~~~~~~~~~~~~
أنوار: (منعسش فخااطرو بااالو غير فاي لحظة يجي زهير واخا وصاا باش ميقولهالو حد ويخليهالو مفاجئة الا متااااقش وخصوصا من أشرف صاحبو ضار لقا دعاء كتفيييق) صباح لخير حبيبة
دعاء: (تنهدت بحال مكانتش نااعسة وجلست نوااتو جرها لعندو ونعسها فوق ذرااعو وهو كيشوف فيها) كنتي خاااطب؟؟
أنوار: (مدار حتى ردة فعل) واه
دعاء: كنتي خاطب منين تجوجتيني
أنوار: بعقلك ادعاء
دعاء: هاكا قالتلي عمك عائشة
أنوار: شوفي تيقي كولشي الا هاديك فخبااارك واشتا کالتلي
دعاء: شنو
أنوار: حتى دخلتي نتي ݣالتلي ها هي مرتك لفرنسا دي بنت عمك وتبقى فالمغرب
دعاء: (شهقت) اويييلي
أنوار: ههه واش للي عندو هاد لفرييزة يشوف شي وحدة أخرى
دعاء: حلف أنوار
أنوار: عاد نحلف ادعاء (تبسمت وباش ينقض الجو بدا فالمداعباات حتى ختموووها.... ناض مشا للدوش دوش وهو كيتفكر غير كفاش يدووز لشيمااء ميمكنش دوزلها بالسااااهل وعااد راجلها للي الا دارو فباالو غير بديكلاراصيووون صغيييرة ميرجعش لبرا.. كمل وهي تجي دعاء دوش هو هبط لتحت كانت مو وجدات طبلة متنوعة لفطووور ياله غيجلس دخلات الحاجة وبااه تصدم حتى وقف بحال شي ألف.. جلس باااه وهو مكيشووفش فييه)
الحاجة: هاني جبتو اوليدي وسمع كلام باااك
لكبير: (شاف فولدو) رد لفلوس
أنوار: كح كح كح (مشا عندو حنا كيبووسلو يدو باش يسكت) بّاااااا
لكبير: (جبد يدو مشمئز) عمرك تعاود تݣول بّا
الحاجة: لوااه اوليدي ولدك مزال صغيييير ومعارفش نتا شد بيدوو ماشي طلݣووو
لكبير: مّا راني عارف واشتا ندييير (دخلت الكاملة حتى هي تصدمت من وجود لكبير نفخت حنووكها على أساس جا يردها) براااكة غير السخط ورضا للي ݣلتيلي باش منطلݣش دلقتااالة
الكاملة: الله يسااامح الكبييير (كولشي تجمع أنوار كيحمد الله حيت دعاء كدوش ومحضراااش)
سميرة: لهلا يخطيييك علينا ابا
عبد الله: هاكا خيير ابا ماشي على عمركم تنوضو تطالݣووو
الحاجة: الله يكملك بعقلك اوليدي
لكبير: غير يرجع ولدي زهير غنجيب لمراااا (كولشي تصدم) وللي غتسكن هنا (تعلات نبرة صووتو) واللي معجبووو حال ولا يترع علية فمووو يخرج علية من داااااري
الكاملة: تجوج علية يانا؟؟؟
لكبير: راني نخير فيك على حساب العشرة تبغي تبقااااي تݣااابلي ولادك للي مزال متربااااو ولا هزييهم وسيييري (وݣف هاااز رااسو.. وتم ماشي لبييتو مخلي كولشي مصدووم عاد هبطت دعاء كدندن...)
مريم: (كانت كتشقى فلكوزينة عادي ليلى مزال مرجعت من عند دارهم حتى دخل علي غير شافتو مبقاتش عاطية بظهر) خويا بغيت شي حاجة؟؟؟
علي: (مد يدو فوق كتفها مع قصيرة عليه حال الروبيني كيعمر الكاس بقات غير جامدة بعدت وهو يطييح ليه الكاس) ااااااااااه واش لبشاااار
مريم: (معرفت متقووول من شدة الوقااااحة للي فيه وزاايدها كيغوت) واش مكتشوفييييش
مريم: راه نتا للي جيتي هاك ݣلت لك سمو بغيتي
علي: واش فدااارنا ونݣووولك سمو بااغي
فتيحة: (دخلت كتجري برجلها العرجة) اماااااالكم
علي: شوفي مع دي للي فوكما دخلت لكوزينة تبقى علية سمو بااااغي ولا غي حيت راجلها مكتووب ليه كولشي دايرة فيها مرت مولات الشي
فتيحة: (بقات كتشوف فيه) شربتي وخرج
مريم: والله اخالتي مكاين دشي انا كنسولو باش نوجدلو هو سمو بغا
فتيحة: (فاااااهمة ولدها حيت ماشي اللولة....) شرب اولدي وخرج مرت خوك مݣاالت عيب والا بغيت شي حاجة ݣووووولها من تسع
علي:. ياك اما حتى نتي كتحݣريني
فتيحة: محݣرݣ حد اوليدي محݣرݣ حد... (لاح داك كاس دلما فالارض حتى تشخشخ داك الماس مخلي مريم كترجف.. فتيحة بقات غير كتشوف ومشات للصالة فين حفرات السدااري للي كظل جالسة فيه.. )
~~~~~~~~~~~~~
أنوار: (زاد ديك لعشية مريسكي جمعو حوايجهم من بعد مشراو لدعاء شلا تواب ليها وامها وشي كادويات طبعا هو مول نص الفكرة مشا والكاملة كتغرد بدموووع جهة على ولدها وجهة اخرى للي على تالي يامها غتولي ظحكة ودخل عليها ضرة وكان غير غتجي وهي بعزها غتجي وهي حانية الرااس وراجلها مکاااطع معاها ندمت على نهار للي فكرت تقرب جهة أمال...)
دعاء: وكان غير زدنا احبيبي
أنوار: مزال نوليو نجيو (فرحت وصونات على مها فرحااانة كتعاود على هاد لمجية للي جاو وتهلاو فيها عجبو الحال بعدا شي ضووسي عندو مقاااد... قرر يمشي لسعييدية حيت دعاء باغية وهو سميرة للي غتجيبلو ݣاع لخبيرات ونيت مزال مسااالا من شي حاجة.....)
~~~~~~~~~~~~~~~
شيماء: واخا خويا الله يجييبكم على خير (قطعت خرجت لقات حسن مكيخليهاش فين تنفنف ديما حاضييها ركبت معاااه)
حسن: كيف غادية مع لبريباراسيوون
شيماء: مزيااان (شافتو بلا لبسة) مخدااامش
حسن: لا تمشي معايا لتاوريرت؟؟؟
شيماء: علاش غتمشي؟؟؟؟
حسن: واااه با خاصينو شي وراااق وخاص نهود نݣاادهم
شيماء: اممم مزيان
حسن: تهودي؟؟
شيماء: لا مصاالحش كتنريباري
حسن: راه مغنخليكش وحدك
شيماء: وليد وخطيبتو راه جايين
حسن: يااك!!
شيماء: والله
حسن: اممم زعما متمشيش مونساااني فطريݣ
شيماء: (تبسمت) مكرهتش ولكن خاص نبقى وعاد بنت عمي لاسݣاااني باش نعطيها التلخيص للي درت ونوريها بزاف وعاد خاص نجمع الدار ديال خويا وحتى خطيبتو حيت ساكنة فوق منو حيت غيجيو عائلتها باش هاد اليوماين يضربو الكاغيط
حسن: اممم اوا لا هاااك وااخ
شيماء: عفاك متقلقش مني
حسن: (قرس حنكها وتبسم صااݣ نيشان موصلها قبل ميهبط مد ليها 500 درهم) الا خصاتك شي حاجة عيطيلي
شيماء: شكرا بزاااف (تبسمت معاه وسدت لباب طلات عليه) طريق سلامة توصل صوني علية
حسن: لا غنشد بيك طريق
شيماء: (بابتسامة صفرا) انا نتسناااك...
زهير: (صايݣ ولابس ديباردوور مبروونزي من كتاافو داير نظاااظر ومرة مرة كيطل على أمال للي حداه حالة فمها وكتشخر) يااامحااايني وكاان خرجت مّا معايا خييييرلي ( تحركت وراسها تعوج) يا والله لا ݣاديتو ليك.. (بقا صاايݣ محس غير بيدو شادة لڤلون ووحدة كيݣااد راسها هبط لمرايا باش يضرقها من الشمس ومكمل الصوݣاان ومرة مرة كيشرب قهوة نص نص وصلو لمحطة الاسترااحة فتازة.. دخل فبلاصة مظللة على حساب أمال خلاها ناعسة سورت الطموبيل ومشا يدخل طواليط.. رجع لقاها مزال نااعسة ظحك ركب مع سد لباب فاقت مخلوووعة) باسم الله عليك
أمال: (داايخة كضور عينيها) وصلنا
زهير: لا مزال تاكلي شي حاجة؟؟
أمال: لا ما فياااش
زهير: حسن هنا كيشوطو الواحد يندموو جدو على اللݣمة
أمال: هههه (شاف فلمرايا كان بيونضية حتى شنايفها بالخف مسحاتها وشافت فيه واش عاق لقاتو مدابز غير مع شي كاميو رجعت قداات شالها شافت لون وجهها رجع مبروونزي شوية وهي شحال وهي تبيض فيه.. انزااعجاات كملو طريق ولكن هاد المرة مونس معاها ظاحكين وكيتعاااودو ناااسي شنو عاودااتلو اصلا قنعاااتو صونا عليه وليد للي حط هند فاس وهو شد طريق حتى صوناالو حسن)
وليد: اخويا حسن صافا؟!!
حسن: الحمد الله اخويا.. ݣووولياا واش راك جاي لوجدة
وليد: واه راني فطريݣ
حسن: انا ماشي لتاوريرت الا بغيت شي حاجة؟؟؟
وليد: لا خويا الله يحفظك
حسن: (كمل معاه الهضرة قطع وبقا حدا دار شيماء حاضيها معرفش علاش متااقش فيها حس باحساس خااايب مبغاش هاكا تبدأ علاقتهم ولكن نوغشااااتو بدوك جوج دراري للي شاف فعينيها الصدمة وماشي صدمة ديال واحد مكتعرفووش.. لا كتعرفو وكتعرفهم بجووج.. بقا تماااك حتى شافها خااارجة طرطق عييينو حنااا باش ميباانش حيت بحال كانت كتقلب على شي تااكسي.. شدات واحد ركبت وهو تابعها من اللور...)
~~~~~~~~~~~
الكاملة: (كتغوت) والله ويجيبلي شي مونيكا هنا لا نكون ناااحراااها وداااااخلة عليها الحبس
سميرة: اماما بردي واش مسمعتييهش راه يجي يجري عليك
الكاملة: (كضرب فصدرها) بغاك بغا يردني ظحكة ݣدام العادي والبادي
سميرة: بففف دابا تهضر معاه مّا
الكاملة: مك هضراااات وانا للي عارفة بااااك من شحال دي وهو عينو فالتاااانية ولݣااا السبة
سميرة: يهديك الله اماما راك غطيحيييي لينا هنا (الحاجة مبقاااش بغات تزيد دخل معاجبهاش قرار ولدها ولكن مكتشوفش الكاملة مظلووومة حيت كانت نيتها تقتل أمال ومندمتش بقات فدارها موجدة جوج دجاجات محمرين بالدغميرة مع ديك 1 وصلت طموبيلة ديال زهير خرجو ظااحكين وأمال منوية غير مع وجهها طلعو للدار مكانش لكبير حيت خرج عند صحابو لقاو غير الحاجة للي رحبت وفرحت بيهم غير كيكونو كتكون فرحانة حيت كيعمروو عليها.. وهوما كيتغداااو نطقت الحاجة)
الحاجة: بالحݣ اولدي مجاش توااليكم انوار؟!!!
أمال: كح كح (وحلت ليها)
زهير: فين يجي (عمر كاس دلما لأمال مدو ليها) بشوية عليك ابنتي (شاف فمو) فين يجي امّا؟
الحاجة: ݣالي نمشي عندو
زهير: فين ݣالك
الحاجة: جا هو ومرتو شي يوماين هنا
زهير: (كمل كيمضغ صرطها وشاف فمو) جا!!!!...
الحاجة: واه جا وجاب معاه مرتو
زهير: (مقوس عينو) واش أنوار رجع لهنا وجايب مرتو
أمال: (غير كضور عينيها الماملة وحلات ليها)
الحاجة: (شافت ولدها غوبش) واه
زهير: ولاه مݣلتيهاليش امّا
الحاجة: هو ݣالي متݣوليش لزهير حتى نجي ونتلاݣاه
أمال: (تفكرت نهار فلبحر عيط عليها شي واحد لحمها تبوووورش واش يكون هو؟!!)
زهير: (بقا سااااكت شحال محتاج يعرعر يصعصع يغوت ولكن عينين مو كيسكتووه) اممم هو راه مزال فالمغرب
الحاجة: يمكن اوليدي
زهير: اممم
الحاجة: (شافت فولدها رجع كياكل ولكن زعف شافت فامال زعما بحركة مالو دارتلها إشارة ديال معرفتش كملو ماكلتهم فسكااات.. حتى ناض غسل يدو وخرج نيشان لدار عمو كان لباب محلوول كانو كيتغداااو غير شافوه بقاو كيتساوفو بيناتهم)
زهير: سلام (هز تيليفونو) نمرة أنوار!!!!!!
سميرة: علاش بغيتيها اعمي
زهير: غير نشووفووه وصاافي
سميرة: (ناضت) واخا (شدت تيليفونها وفتات عليه النمرة باغية ترد علاقتها معاااه حيت غتحاااجو وفنفس الوقت معارفااش شنو ضاااير للي فااهمة مقلق منو بحال كنا تقلق كولشي منو فاش زاد ومقالها لحد.. خرج زهير نيشان مدوز نمرة أنوار للي كانو فلبحر مجاوبش.. رد التيليفون لجيبو ركب فطموبيلتو وزاد....)
~~~~~~~~~~~
شيماء: (كانت فالتاكسي صوناا على اشرف) أشرف انا غنجي عندك للدار
أشرف: (خرج عينو) واش هبلتي لاه جاااية
شيماء؛ نكملو الهضرة ديال لبارح نتا للي خاصك تلݣاالي شي حل (قطعت وبقات ماشية منين ݣالها علاش مجيتيش عندي وهي كتفكر فيه وفكلامو....)
~~~~~~~~
مريم: (شادة فحنكها من تصرفيييقة للي عطاها علي)
علي: انا تصرفقيني يا الق*** يا والله حتى ن**** مك يا الكلبة
مريم: (مصدووومة كانت فلكوزينة كتقاد لعشا حتى حست بيد كتخورها مع ضارت جمعت معاه بتصرفيقة وردهالها فلبلاصة) والله حتى نݣوولها لمحمد (بقات كتبكي) الله ياخد فيك فالحق
علي: راه غير قستك الحماااارة
مريم: (قلبها كيضرب) سييير بعد والله حتى نغوت
علي: سمعي نتي عاݣرة مكتحمليش وحتى وكان نديرلك شي حاجة مغتهزيييش
مريم: (زادت تصدمت وبقات غير مطرطقة عيييينها)
علي: سمو ݣلتي ابنت عمي؟!!!
شيماء: مع هبطات من التاكسي بانتلها بحال طموبيلة ديال حسن قلبها ضرب ودارت راسها مشافت واالو هبطت من التاكسي وهزت تيليفوونها صوناات عليه للي كان حاضيها مفهمش واش عاقت بيه ولا شنو! مجاوبش (رجعت التيليفون بلاصتو ومشات لباتيسري تمااك كانت كبيييرة دخلت شرات ورقة لبسطيلة وشي تخربيق اااخر وخرجت كتقلب على تاكسي وبعينيها كيشوفو واش كاينة الطموبيل تنوااااات واش بالصح.. ولات هزات التيليفون صونات عليه) الو حسن
حسن: (حاضيها) وي شيمااء
شيماء: من ݣبيل صونيت عليك مشدش ورجعت صونيت مجاوبتبش
حسن: خارجة؟!
شيماء: واه مشيت تقديت شي حاجة (وقفات ليها التاكسي) على حساب مرت خوويا
حسن: اممم
شيماء: هه عرفتي احسن عندك الصح خاصني طموبيلة تعنيني من التاكسيات
حسن: غير يصلاح تلݣاي وحدة
شيماء: لهلا يخطيك علية اراجلي (بقات معاه فالهضرة زوينة حتى رجع تابعها لقاها دخلات للدار مفهم والو واش ظالمها ولا شنو واخا هكاك لڤيس للي فرااسو مهنااهش حتى يعرف شكون دوك جوج دراري...)
~~~~~~~~~~~
محمد: (كان هو ووليد وراه كولشي وكيفاش تستف كان ݣراج طوييييل وكل بلاصة شنو مستف فيها ثلاجات من صغيرة لكبيرة ماكينات الصابون تلافز أي حاجة اليكتروونية للي حطو فيها فلوووس صحييييحة..) كجاااتك ابن عمي
وليد: (كيشوف داكشي عاجبو الحال وحتى من ضوااو للي كانو كتاار لاعبين على الديكوور) زييييييين
محمد: بعد غدا نحلوو ان شاء الله
وليد: وغدا نيت
محمد: حيت نتا معاك مرتك جاية معاك تݣوولها
وليد: هه اممم ݣوولي هكااااك
محمد: وسمو عاد
وليد: وااه غير داك لكلب دخوك امحمد ميبااانش عندي
محمد: (حرك راسو باه وبقاو مجمعين حتى بان عندهم زهير للي نهار كامل وهو غااابر دخل هو وأشرف)
زهير: سلااااام عليكم (دو السلام وأشرف كيشوف فوليد محاااملش رااسو واخا شيماء مفضحااتش ولكن هو عارف راسو فوق غاالط وبزاااف شافو المحال وبقا غير ساااكت شاف حتى فمحمد هو كان عاارفو مع شيماء وللي متأكد انه عمرو مسها بالعكس كان باغيها لزواااج هي للي لعبت بييه..)
وليد: (كانو بعاد عليهم) لکيتييه؟!!
زهير: مݣلبتش عليه تسنيتو يجااوب ولكن مجاوبش شمااااتة
وليد: واش باغي ترجع الحبس اصاااحبي
زهير: لا هاد المرة مغنخلي من موراايا واالو
وليد: علاش ناااوي ازهير؟
زهير: والو والوو.. مهم انا غنمشي منين خرجت کبيل موليت رجعت للدار
وليد: سيييير (تفرقوا محمد مشا مع وليد حيت شيماء للي موجدة العشا فدار هند ونيت هند رجعت من فاس...)
أمال: (كانت الحاجة نعست حيت دوا كيخليها تنعس بكري بقات بوحدها طلعت لسطح كتفكر كفاش هدا رجع واش مبقاش خايف هي ظنااتو عمرو يرجع لوجدة وحتى الا رجع من بعد شي سينييييين.. شدها حريق فكرشها كان بحال ديال ليغيݣل ولكن همها كتر سمعت باب الدار لتحت تحل طلت شافت طموبيلتو جاات هبطت من سطح تلقااو فالدار) جيت
زهير: فين كنتي؟؟
أمال: غير فسطح
زهير: مال وجهك صفر
أمال: فية شي حريق (رجعت كتألم وشدت فكرشها)
زهير: (قربلها حاط يدو فوق كرشها) بزاف هاد لحريق أمل لبسي نديك لشي طبيبة
أمال؛ حتى لغدا
زهير: (بعصبية) واش فوكما ݣلت ليك نديك طبيب تبقاي علية اليوم غدا اليوم غدا
أمال: علاش كتغوت علية
زهير: ݣلت ليك لبسي لبسي (دارت شالها وبينوارها عاقدة حواجبها وفنفس الوقت غير مكيزيد يجهااد شافها بحرا كتحرك شدها من ذراعها بشوية) جلسي احبيبة انا نمشي نجيب ليك جلابتك (بقات وااقفة وخرج مكره سيرة أنوار لعباات فدمااغوو واخا شحال وهو كيرووودي فرااسو انه صفحة وتقطعت.. جاب ليها جلابة وشال وتم راجع عندها لقاااهت كتبكي بلحرييييق هادشي غير كيندمو علاش كيتعامل معاها قااسح وااخا على ود صحتها.. بقا معاها حتى مبقاتش كتبكي هبطات بشوية مع درووج وركبت فالطموبيل وهو صايݣ بشوية...)
~~~~~~~~
هند: (كانت شيماء طيبات بسطيلة ديال دجاج مكانتش متقوونة 💯 ولكن دارت مجهوود وليد عيا مع محمد يطلع يتعشا مبغااااش مداابز غير مع تيليفونو باش تجاوبو مريم.. تعشااو وليد هبط وهند دخلت لبيتها ترتاح حيت شدات طريق وشيماء بقات كتجمع الدنيا وكتلهي راااسها .. بغااتهم حتى ينعسوو عاد تخرج...)
~~~~~~~~
مريم: (منين قالها هكااك بقات غير مصدووومة كتشووف محست غير بديك المقلة للي كانت كتشحر فيها البصلة هزااتها من يدها وعطااتهالووو الكماااارة خلاااتوو كيتقلى نيشان مشا لڤابو طاالق لما وكيعدغسل وجهو اما هي طاارت حلت لباب وطلعت لدار نعيمة فين كانت حتى فتيحة) عتقووووني غيقتلني خالتي نعييييمة عتقييني الله يرحم ميييمك
نعيمة: اويلي ماااالكي
فتيحة: تي مالكي؟
مريم: علي علي غيقتلني هء هء عتقووني منووووو
فتيحة: (عرفااااتو عااااود عاودها ولكن هاد المرة مع مرت خوووه) ابنتي بشوية وݣوولي سمو وقع اجي نهودووو
مريم: لا لا حتى يجي محمد منهودش
نعيمة: فتيحة مال لبنت
فتيحة: (مطرطقة عينها) كيشتي كنت معاااك براسي مفهمت واالو
مريم: عفااك اخالتي خليني نمشي ل
دااارنا
فتيحة: زيدي هودي
مريم: لا لا هء هء منهودش لتم
فتيحة: (هبطت معصبة لقااتو فالدار ونص وجهو حمر خبطت فرجليها) اويييلي مااالك
علي: معرفت لمريم كانت جاية لصاالة فين كنت جالس وتعكلت ݣاع لماكلة للي كانت هازة تكفحت علية بقات كتغوت خايفة لا نضربها يمكن....
فتيحة: (شداتو من لكوول) خوووك غيقتلك الحمار الا عرف دشي واش باغييني نموووت واش واحد يمشي لقبر واحد يمشي لحبس وتجي ليلى تفطحلي هنا
علي: راه مدرنا وااااه يااااااه مراكيش تسمعيييي
فتيحة: (كضرب ففخاضها وماشية حدا لباب كتعرج) اليوم تشوهك بنت كريييمة اليووم (طلعت وولا فيها الجهد للي يطلع بجرا لقاات نعيمة مجلساها فالكوزينة بووحدهم وكتشربها لماااا) ابنتي متخافيش هو براسو عرفك غير تعكلتي وتكفحت الماكلة علييه
نعيمة: سمو طاري
فتيحة: غير مريم كانت هازة لعشا تحطو تعكلت فالزربية وجا على ولدي تحرݣ من وجهو ولكن ݣالي راه تعكلت ومريم خافت يحسب ليها غيضربها واش هبيلة يضربك وهو بحال خوووك
مريم: لا لا هو بغا يتكرفس علية هو ݣالهااالي
فتيحة: (خرجت عينها) مريم عرفي الله يرضي عليك سمو راكي تبلبلي
مريم: والله اخالتي الا بالصح (شافت فنعيمة) والله امرت عمي مراني نكذب ولا نزيد شي حاجة
نعيمة: (تيقتها) استغفر الله
فتيحة: (مالݣات متݣول من غير كتخنزر فمريم تسكت.. طاحت عليها فكرة) هانتي نمشيو عند رااجلك انا بانلي توحشتي رااجلك وراكي دير دلبهلان علينا
نعيمة: اويلي على لبهلان واش سامعة لبنت سمو راهي تݣوول
فتيحة: راها تخربق واش علي يشوف فمريم للي بالسيف باش قبل بيها محمد.. سمعي امريم نتي عندي عزيييييزة ولكن باش تاهمي فولدي منقبلها وميقبلها حتى خوووه
مريم: (كتبكي) والله مراني نكذب
فتيحة: اوا مك مربااتكش انا نربيك ابنت ختي عرفي الله يرضي عليك (كتزيد تخرج عينها فيها) سمو راكي تکووولي واش باغية تنوض لعدااوة بين لخووت بغيتي واحد تصيقطيه لقبر واحد لحبس علاه يضسر عليك سمو فيك باش يجي يصير عليك ونت الجلدة على لعظم
نعيمة: نعلو الشيطااااان ونتي افتيحة هاد الهضرة مكتکاالش
فتيحة: صباح بكري نمشيو لوجدة هودي من موراايا وبقاي غير مشرݣة داك لفم (مشات. مريم بقات غير كتبكي وهي للي متأكدة حتى واحد ميتيقها من غير محمد...)
~~~~~~~~~~
زهير: (بقا صااايݣ بيد ويدو شد فيد أمال للي بلحريق كتزير على يدو مخليها واااخدة رااحتها وصلو لتكلينييك دخلو ليرجووونص ودخل معاها وطبيبة كتقلبها) واش حاملة اطبيبة (مكتجاوبوووش كدير ليها ليكوو) واش حااااملة
....: عفاك خليني ندير شغلي
زهير: (عصبااتو كفاش كتبعكك) حاولي بواه ولا لا مكنسولكش على شي حاجة مكايناش مرتي راهي توجع ونتي تنفخي هنا (بدا يعرعر) جييبونا شي طبيبة اخرى الله يرحم بيها الواليدين راه غنحطو فلووسنا هنا ماشي حجر
...: (بدات ترطب) اخويا انا كنديرها ليكو ومن بعد غنقولك شنو عندها
زهير: مكندخلكش فخدمتك ولكن سولنا وداكشي باين عندكم يا حاملة يا لا نعرفو منين جاايها هاد لوجع...
يتبع...
التعليقات
لا توجد تعليقات بعد، كن أول من يعلق.