محتوى القصة
هند: (ناضت من بلاصتها حيت سمعات الهضرة بزاف شافت شيماء مزالة ناعسة) شيمااااااء شيمااااااااء (ناضت هزت لاتروس ديالها دارت ميكاب خفيف ومشات كتنوض شيماء) نووضي ازمر راه مك واحلة فشغل بوحدها
شيماء: (مزال فيها نعاس) اممم راه عيييت (بقات كتنوضها حتى سمع تيليفونها كيصوني ونيشان عرفاتو وليد هزت تيليفونها تبسمت وجاوبت) الووو
وليد: (ياله فااق وباقي فيه نعاس ولكن خاصو يفييق) درتي خصلة متماااش معايا
هند: (تبسمت وعضت شنافتها كتشوف فلمرايا) شنو هي؟!!!!
وليد: (ناض من بلاصتو مضهشر) راني فالمغرب
هند: (شهقت متصنعاها) نووووو
وليد: هه ويييي مجات هاد مك لالة تعيط ليك غير فالوقت للي كنت بغيت نديرهالك مفاجئة ونجي نشووف الفاسية
هند: واش بالصح جيييت (ضارت تشوف واش شيماء فايقة)
وليد: والله ودابا راني فتاوريرت
هند: وعلاش معلمتينيش قبل؟
وليد: وشنو هي المفاااجئة مهم منين مشفتكش فوجدة غنجي عندك لفااس
هند: (طرطقت عينها) بالصح؟
وليد: (زفر) عني غير 4 اايام مقطع الي وروتور اما كنت باغي نشووفك
هند: (بقات ساااكتة وكتخمم وكان عرفها على حقيقتها واش غيكون باقي باغي يشوفها)
وليد: كوصلتي بعدا؟؟
هند: مزيان
وليد: ومك لالة
هند: ههه حتى هي مزياانة توحشاتتني وبغات تشوفني
وليد: واليديك كاينين تماك
هند: امم يقدرو يجييييو
وليد: عنداك تقلقي رووحك معاهم.. مهم انا غنقطع بلاتي ونهضر معاك واخا (قبل متجاوب قطع وبقا فبلاصتو حس براسو بدا يواالفها تفكر أمال للي خوه مزال حاط لعين علييها ومستحييل يفكرها ليه مرا ولا غينوض صداع كبيير.. وقف هز حوايجو ودخل دوش أنتك رااسو دار بوني على رااسو ولبس سورفيت فلكحل خرج سلم من بعيد على العائلة للي جات ودخل للكوزينة عند مو..) مييي... (لقا هند كتمسح شي كيساان) شنو كدييري؟؟
هند: (توترت وبقات هازة الزيف باش كتمسح) و ووالوو
وليد: نتي ضيييفة حشوومة دخلي لهنا
هند: لا لا عااادي (دخلات نعيمة)
وليد: لبنت ضيفة ومدخلينها للكوزينة
نعيمة: اولدي عييت فيها هي للي الله يرضي عليها بغات تعااون
هند: عادي اصلا مكندير واالو (ضارت كتمسح وركابيها مهازينهاش عياات تجاابه وتقسح راسها وجات حتى لعندو وكتفشل مقدراش حتى تشوف فيه أنا هو خرج نيشان عند شيماء للي مزالة نبغات تفييق مشا كيزعزع فيها حتى ناضت مفافية)
وليد: تهزي تعاوني مك شنو هاد لبساالة مخلية صاحبتك تخدم ونتي جالسة مكسلة هنا
شيماء: ها هاني غنووض اخويا غير دااتني عيني
وليد: (خرج عينو) وتهزي (خرج كينكر نيشان هبط لتحت لقا أمال طالعة فدروج وقف شاف فيها هي للي حنات عينيها) أمال! كبقاتلك يدك؟؟
أمال: (نسات سكوتش ملوي على يدها جبدت يد لبينوار باش ضرقها) لباس
وليد: (باين على وجها الحزن) مالكي؟؟
أمال: (بغات تبكي وباش تنقد الموقف مسحت نيفها باليد المضرورة وهنا بان سكوتش للي هاد لمرة شدها من ذراعها) ها كندير سكوتش باش نزير عليها ومتوجعنييش راه عندي لفااصمة
وليد: (غير كيشوف فيدها وشاف فوجهها طلق من ذراعها ونزل خلاها غير متبعاه.. كيلوم رااسو علاش مخطبهاش من شحال منين كانت مو وختو كتعاودلو عليها وهو مكانش بااغي ودابا منين شير خوه عليها وشافها مبغاتش تحتيدلو من باالو زائد كتبقى فيه بزااف فوقما شافها كيبان فوجهها غير لبكى.. نزل حدا محمد جلس حداه) بانتلي يد ختك ماشي مزيانة
محمد: (عمرو يشك فوليد) كفاش
وليد: معرفت بنتلي ناشي هي هاديك يمكن منفوخة سير جيبها نديوها لصبيطار
محمد: وباش عرفتيها
وليد: (شاف فيها شوفة ديال بنيتك) راه كلنا ليك دزت وشفتها سير جيبها اصاحبي راه ذنوب ديك لبنت علييكم (مشا مكره لطموبيلو وبقا فييها كيفكر... شاف فمحمد للي طلع للدار قلب عليها مكيناش ومزعمش يطلع لدار عمو للي عامرة نسا خدو وصل نص دروج ديالهم وبقا كيعيط)
محمد: أماااال أماااااال (سمعاتو شيماء وطلات عليه بلا شال خلاتو غير كيشووف)
شيماء: محمد!!! كتعيط لأمال؟؟
محمد: سيري دخلي راك مديراش لفولار
شيماء: (قاست شعرها بيدها) امم نسييت انا نعيط لييها (تبسمت معاه ودخلت خلاتو غير كيشوف حتى خرجت ختو مخلووعة)
أمال: (خافت منو) ششنو
محمد: هبطي (هبط وخلاها هابطة موراه خاايفة وصلو حدا دارهم وضار عندها هز يدها لقاها ملوية بسكوتش وصبعها زراق ويدها منفوخة شوية) مالك مديراش الفاصمة؟
أمال: (كانت خايفة حسابلها عاق بيها مصاحبة هاكا مقالها عقلها) ملقيتهاش فالدار
محمد: سيري لبسي انا نتسناك نديك لصبيطار (بقات حالة فمها أول مرة فحياتها خوها يهتم بيها هاكا مواالفة كانت كتمووت وعمرو سول فيها مشات لبسات مونطو طويل ديالها ولقاتو مزال حدا لباب هبط وهبطت من موراه نيشان لطموبيلة دبال وليد للي غير شافها خرج) عندها منفوخة
وليد: ركبو (ركبت أمال اللور متفاجئة بتغيير محمد وعلاش كيعاملها هااكا وشافت فوليد وتنهدت عارفااه هو للي قال لمحمد عليها من نهار تلقااتو وهو كيعاملها مزياان تفكرت أنوار الي حتى هو فاللول كان كيعاملها مزيان ومحدها كتبغيه وتعلق بيه وهو كيتبدل حتى رجع غرييب عليها وصلو لصبيطار دخلو سوناو ليها الجرحة ودارو فاصمة مكان عندها والو ووصاوهم متقيسش لما حتى يبراو لغراز باش ميتحلوش رجعوها من سكات)
محمد: صافي سيري طبعي للظار انا غنجيب ليك دوا
وليد: (بلا ميحس) بعدي من لما
أمال: ها وا وااخا شكرا.. (هبطت حانية رااسها حتى طلعت للدار نيشاان...)
أمال: (مشات عند لبنات لقات لعيالات بداو نشااطهم ويغنوييو تبسمت من ديما كان حلمها تحضر لشي عرس هااكا دخلت حشمانة حيت مكتقدرش تجمع مع الناس بزااف واخا هادوك للي كانو غير العائلة.. دهلت للكوزينة فين كانت شيماء كتشطح ودايرة فواطة كتغسل شي ميعنات وهند كتستف الحلوة ولملاوي باش يحطو كاسكرووط ) ههه النشاااط
هند: فين كنتي السايبة مبقيتيش عقلتي علية منين جيتي هنا
شيماء: اربي شنو بغاك محمد ههه
أمال: (جلست فوق لكرسي) متيقوش الا قلت ليكم داني لصبيطار هو ووليد
هند: وليد؟؟
أمال: واه اصلا هو للي قال لمحمد خاص ختك تمشي لصبيطار تلاقيتو فدروج وباينة بقيت فيه مسكيين
هند: اااه هو حنين فيييهم
أمال: بزااااااااف
هند: (تبسمت كتحس بالغيرة علاش معرفتش ولكن فنفس الوقت فرحاانة مختارتش إنسان وتعلقت بيه غير هكااك)
أمال: علاش ظحكتي
شيماء: واقلة كتفكر بحالي بحال والو وليد يخطبك
هند: بعيد لبلا واش كنفكر بحاالك
أمال: ياااه عاوتااني رجعنا ولييد عمرو يفكر فية الهبيلة انا راه بحال ختو دخليها رااسك (هنا فتيحة كانت كتصنت عليهم دخلت وهوما يسقرو.. شافت فبنتها بحدة حتى تلقاتها) ماما بغيتي شي حاجة
فتيحة: اجي تبعيني (حطت صينية خاوية وتبعاتها أمال دخلاتها للصالون بعيد على لبنات ودفعاتها حتى جالسة) حاطة لعين ابنت لحرام على خو للي بغا يديييك؟؟ (كتندب حنوكها) احاااي يا غدايظي مدوؤة بيها ولاد عمها وجالسة تخير
أمال: (بخوف) واالله والله محاطة عيني على حد
فتيحة: سمعتكم بودني ولكن انا هزييت يدي علييك لكلام مع خووتك (زادت مطرطقة عيينها وقرباتلها طلعات معاها لقرسة فذرااعها) والله يا بنت لحراام ولقاك كدووري حدااهم حتى ندبح مك تفووو من نهار تزاديتي ونتي مطيحة علية الذل (خرجت من حداها خلاتها كتبكي وشادة فبلاصة ديال القرسة مسحت دموعها عاد ناضت خرجت كتسلت نيشان لسطح كل مكتجي الفرصة كتبكي وخصوصا على أنوار كان بعدا هو للي منسيها فكولشي ساعة صدق كتر منهم ومتكذبش انها متوحشاتوش بلعكس توحشاتو ولكن توحشات أنوار للي عرفات نهار اللول.. مشات لبيت الصابون غسلات وجهها مع هارجة من باب سطح حتى كتسمع الهرج ديال رجال تلفت مكان غير دخلات لداك لبيت وبقات سااقرة ها خوها محمد وعلي ووليد ادم نبيل وشي دراري اخرين بقات كتندب حتى دخل نبيل عندها لقاها واقفة)
نبيل: بنت عمي شنو سايرة ديري هنا؟؟
أمال: والو والو كنت طلعت هن..
نبيل: (سمعاتو كيعيط) محمد محمد (زادت تفافات بحال تحصلات مع شي واحد.. جا محمد لقا ختو مع نبيل نسا واش طلع معاهم بقا غير كيشوف وشحال كيكره ولاد عمو يشوفو فختو)
محمد: (غير شافت) اش كدييري نتي هنا؟
أمال: (لقات طنجرة وحنات هزاتها) وصاتني خالتي نجيبهالها
محمد: صافي سير نتا
نبيل: انا غير لقيتها وقلتهالك
محمد: وراه سطح دارهم زعما لقيتها فشي واد سييير اصاحبي هاني جااي (خرج نبيل ودار عندها) ملقاكش مرة اخرى فسطح هبطي (جات خارجة بالطنجرة) حطييخا وتحركي (تبعها مضرقها بجسمو الظخم حتى نزلات وهو رجع حدا دراري للي طلعو لخزانة باش يقادوها فسطح أما هي منين مضربهاش قدامهم راه بيخيير زادت كرهات نبيل للي حاقد عليها وحسابلو كانت مخبعة كتهضر فالتيليفون مع شي واحد... نزلت بقات حدا هين مها للي غير دور دورة وتحنزز فيها وجدو لعشا وهوما ناشطين وهي كتخدم غير علاش قداات باش متفرعهاش يدها وحتى مها مكافاتهاش بشغل القااسح باش متسماش بنتها خدمات على نعييمة كملو غسيل دجاج جات وقيتة ديال لعشا حطولهم تعشااو وجمعو لحلوى للي قادو فسطولة أما ديال زواق راه كلفت حلواتية هي للي تقادها لييها جمعو الدار عاد هبطات فتيحة شي وحدين من العائلة يباتو عندها.. من حين حظ أمال باتت بوحدها فبيتها حيت اصلا صغير ياله هاز نموسيتها وماريو صغير وشي دبش.. سدات لباب بأمر من مها فرشت لكواش ودخلت لفراشها محايدة عليها لفولار كتشوف فسقف طفات الضو وجبدت التيليفون للي مخبياه فوق لواط ديال الوسادة ديالها شعلاتو لقات بواط فوكال ديالو وميساج *مبغيتيش تجاوبي اوا وجدي رااسك* مفهمتش شنو بغا حتى صيفطاتلو ميساج *بعد مني* وهو يصوني فلبلاصة بشجااعة قطعت عليه ورجعت طفات تيليفونها (رداتو فين كانت مخبياه خلاتو بحال المجنون كيسب ويرجع يصوني...)
داز نهار كيشقاو فصباح ويوجدو للعشا ديال رجال.. امال وهند وشيماء كيشطحو ويظحكو غير كتجي فتيحة كيتفرفو حيت أمال عاودات ليهم ان مها فهمات غلاط ومن الأحسن ميبقاوش يتوشوشو حداها باش متزيدش تصعبها على راسها جا الليل فين الطلبة فسطح كيقراو ما تيسر من القرآن ودراري هوما كيسربييو كان بإمكانهم يجيبو تريتور ولكن مكيبغيوش لبراني يتسارا عندهم.. كولشي مجموع فدار نعيمة وشي عيالات معروضين كاينين فالصالون واخرين كاينين فدار جد أمال للي فوق دار عمها كاع لبنات لابسين قفيطنات الا هي للي لبسة بيجامة طويلة جابتها معاها حيت عارفة مها مغنخليهاش تلبسها نهار الحنة ولكن دايرة فولار مأنتك ماشي مع البيجامة ودايرة فوندوتان وفاراجو باش متعيقش وعكر غير شوية ماشي فلون شفايفها.. بقات كتسخر لمرت عمها ومكتخليهاش دير شي مجهود وهادي كانت وصية وليد... سمعت شي واحد كيعيط طلات برويسها
وليد: (غير طلات عليه تبسم) امال عيطي لمي
أمال: (بابتسامة) واخا خويا (مشات وبقى متبع ليها العين الا كتاب وتزوجات خووه عمرو يعاود يضرب الضربة فهاد الدار ماشي كيبغيييها وكيعشقها ولكن عزيزة عندو وفشكل.. جات مو قالها شنو خاص ومشا وهي دخلت بابتسامة كيف ديما.. سربااو الناس كملو القران عطاو لعشا لرجال ولنسا للي معروضين للي مشا مشا وبقات غير العائلة حتى هوما تعشااو وهبطو رجال للي بقاو من العائلة العيالات فالصالون صغير للي كيشوف فالصالون لكبير دخلو ادم لبيتو لبس غير الملابس الداخلية (سروال قندريسة فلبيض وتيشورت فلبيض لاسق) شدت شيماء صينية فيها شمع منقوش والبيض والحنة ونبيل شاد بلاطو فيه حوايج خوه ومو هازة صينية فيها الخنجر منقوش ومحجر كولشي مقاد خرجوه من لبيت بصلا وسلام وحتى رجال كيصليو على نبي بالأمداح (اللهم وصلي علييك ارسوول الله) كان صوتهم زويين كولشي جاتو القشعريرة وهند غير كتصور عااجبها الحال أول مرة تحضر عرس هااكا وتكون فحنة ديال رجال للي حتى هي بالطقوس دياالها.. حطو كرسي قدام الفقهى للي بقاو واغلبية رجال من العائلة وجلس لعريس مقابل معاهم كيقراو القران بصوت عاالي ختموها بالدعااء لييه دخلت لقوسط الصالون شيماء ختو لابسة قفطان جوهرة فلبيض مخيط بالراندة فلونو قاداتو ليها ماماها وشال فلبيض هزت لحوايج وبقات كتلبس خووها تحت الزغاريد والتعشااق بغات ديرلو شوية ديال لكحل حلف ميديرو دارولو خاطرو رشات شوية دلعطر عليه جبد 500 درهم وعطاها ليها باستلو يدو وخرجات ودخل باه بسلهامو لبسو الخنجر ياله غيمشي وهو يتم وليد دخل بواحد طبل صغييير لابس جبادور فلبيض مع سروال قندريسة وبلغة فلبيج كيبرح ويقول *حناوييييين أحنااوين* (يعني حطو لغراامة ديال حتى لعريس) خلا كولشي كيظحك بدا الصرف كيتحط والمناافسة بين لعمام ولخوال كان جو زوييين وهند غير كتشوف وأمال نساات كوولشي بقات غير كظحك مصدوومة بوليد للي كان بعقلو وداابا واقف فوق طبلة كيضرب طبل ويجمع لفلوس مع تباارح شرقية خطييرة وللي عطا شي غراامة كيتبرح بيها لمولاي السلطان.. هند مع مجابتش الكادو شافت شيماء للي كظحك خطفات ليها ديك 500 درهم للي عطاها خوها وقدات الشال لكرونة للي كانت لابساه معاه قفيطين فلكرونة ديال جوهرة ومشات جهة وليد وكتحس بالحشمة وهاد الإحساس شحال قلبت عليه تشجعت ودارت للي ليها ليها.. شافها جااية وكانت زويينة وباينة حشماانة مدت ليه لفلوس شدهم وأول مرة غيتبسم معاها) وهادي فخاااطر للي معندو خاااطر 500 درهم ملكية من عند (شاف فيها كانت كتفرنس) هند.. هند صاحبة ختي الله يخلف عليك الالة ونردوها ليك حتى حنا فسااعة الخييير... (صافي لقلووبة خرجو من عينيها وبالتلفة مرجعاتش حدا لعيالات جلسات غير حدا واحد الراجل حتى شافها ودارلها إشارة بعينو زعما نوضي عاد ناضت مشات حدا لبنات كملو السهرة وادم جمع حصيصة مزيااانة خبعاتهالو نعيمة أما شيماء غير عقدااهم مشات حداها هند)
هند: هههه نردهالك ازمر
شيماء: (وراتها يدها) وراك جرحتيني
هند: ههه مشفتكش والله (كملو داكشي ديالهم ومشاو لعند عائلة العروسة خلاو شيماء كتموت بلفقسة حيت مدوهااش مشاو غير لكباار)
هند: ومتزيديش فييه
شيماء: (كتقاد فلوسايد) راني ختو علاه ميديونيش كنت بغيت نشوف لعرووسة
أمال: حشومة اشيماء ماماك مخلياك تجمعي الدنيا وتقومي بالدار ونتي بغيتي تخويها راه كتقول مخلية بنتي هي للي حاضية الدار
هند: مكتفهمش اختي هادي والله حتى مفششاك بزااف
أمال: (بتنهيدة كملت جميع واخا هكاك فوجت جلسو من بعد مشطبو الدنيا وجففوها حتى لغدا صباح عاد يسيقو) غير كنشعل تيليفوني لقاه مصوني ومصيفط ميساجات
هند: بلوكيه وتهناي
شيماء: واه بالصح بلوكيييه
أمال: (سكتت) غرد ليه زبلو
هند: اربي متقوليش كتحني لييه
أمال: ههه بحال معرفانيش اهند صاافي انا عييت منو بعدا هو ساهل حاالو منبقاش عارفااه بحالة عمرني شفتو وعرفتو...
هند: كفاش!!!
أمال: انا تزاديت مختاريتش ماما ومختاريتش بابا ومختاريتش خوتي وحتى شيماء مختاريتهاش هههه (لوخرا تقرساات)
شيماء: ياااااك أمااال!!!
أمال: وغيير ظاحكة ازمر مهم هدو مختاريتهمش ولكن أنوار انا للي اختاريتو وكما ختاريتو نهار اللول نبغيه ساهلة نختار منبقااش نعرفو حتى حاجة مغتربطني بييه نتعذب شوية ومن بعد نسى
هند: اووووو أبهرتيني ڨواالا هكا نبغييك حَبيبتي
شيماء: (حطت تيليفونها) بديتي تصعاابي ابنت عمي
أمال: ياااك ابنت عمي كنت عاجباك وانا مغبوونة
شيماء: حم لاااا
أمال: اوا هي الا بقيتي فجنب ختك
شيماء: شنو كتخربقي ههه
أمال: متديش علية كترت المونادا ودخت ههه (ضربت فيد هند وبقاو كيضحكو.. جبدت هند تيليفونها وبقاو كيتفرجو ففيديو للي صورات وليد فيه.. غير سمعو الهرج سكتو ومشاو للكوزينة يتسناو فنعيمة تعاود ليهم.. رجال جلسو يرتاحو كيتحدتتو حتى بداو يتفرقو للي هبط فحالو وللي تستف ينعس فالدار وللي طلع لدار جدهم..نبيل دخل للكوزينة)
نبيل: أمي جيبي لكواااش (أمال قلبت وجهها محملاهش)
نعيمة: واخا وليدي (مشات توريه منين يهز وهو يجرها)
نبيل: شوفي مع صاحبة بنتك نخطبوها
نعيمة: هههه (ضربت فكتفو) الله يمسخك اولدي سير سيير وهبط العين على بنت الناس ولا نݣولها لباك
نبيل: وراه باغي نتزوج
نعيمة: سير سييير دي لكواش للناس ونتا لي شتيها باغي تزوجها (دا لكواش.. أمال ومها وشي عيالات هبطو ينعسو وكولشي دخل يرتاح.. مع أمال دخلات للبيتها وحيدات شالها وبيجامتها بقات غير بكولون وتريكوه دخلو خووتها وسدو لباب بقات كتفافا هزت بينوار لبساتو ومحمد مدور وجهو)
محمد: (شاف فيها) شنو داكشي سمعت
أمال: (جمد ليها لما فركاابي) ش..ششنو؟؟؟
علي: (بغا يضربها وهو يشدو محمد) خليني نوري للموسخة (دفعو محمد للي كيهضر بشوية)
محمد: سكت الحمار واش باغي دير الشووهة؟ (شاف فأمال للي قربت تسخف شاف فيها شوفة ديال لقتيييلة) لكلام ماشي داابا
أمال: شششنو درت؟
علي: حاطة العين الكلبة على ولاد عمك كااملين
أمال: (تسعقات وبلعت ريقها عرفت مها وصلات ليهم الهضرة للي فالأصل غاالطة ولكن علاش وصلاتها ليبيهم!!) اناااا!! أنا محاطة لعين على حتى واحد (هنا علي شدها من فكها ياله غينزل عليها حتى جرو محمد)
محمد: تحرك ابنادم باغي دير الشووهة (شاف فأمال) مزاال حسابي معاك متسالاااش (خرجو خلاوها غطييح وفعلا طااحت على وقفتها مصدوومة وكان كانت الدار خاوية يقتلووها كرهت كرهت مها كوولشي منها هي مشات طرقات لباب وجلست فبلاصتها غير كتحلف فييهم وتسب وتعاير وتخطي هادشي للي كيبرد عليها حتى نعاس للي كان فيها مشاااا.. شعلت تيليفونها للي دغيا طلعات لأنوار راه شعل ولكن مكتبش ليها ومصوناش غير حاطو حدااه وجاالس أما هي دخلت للكونكسيون كتقلب على فيديوهات ديال الظحك باش تنسى شوية الفقسة للي حساتها من جيهة مها أما حتى خووتها مكتعتابرهمش...)
~~~~~~~~~~~~
زهير: (جالس مربع رجليه وحاط رجلين مو فوق فخاضو وكيمسدهم لييها بكريم ديال الحار) نعطيه فلوس حسن ونتي الا بغيتي دي كادو سيري لداري ختاري شنو عجبك وديه ليهم.. غير هو واش ݣادة تمشي؟؟
الجدة: (بإصرار) نمشي علاه منديرش صواب مع الناس وانا عارفة ولدهم عزيز عندك وشحال من مرة سول فية مسكين
زهير: وي ولييد بحال خوويا مدوزناش قليل فالغربة
الجدة: ومغترجعش اولدي تماك؟؟
زهير: لا غرجع راه رزقي مزال تمااك غير هنا غنكون كتر وصاافي
الجدة: اوا فضي من تمااك اوليدي
زهير: (تبسم وهز رجليها وباسها حطها وغطاها) وشكون كره امٌا يكونو عندو بزااف دلمشاريع ويدخل درااهم من جوج بلايص
الجدة: هه خاصك تكون قانع اوليدي
زهير: والله حتى حاامدو امييمتي ولكن زيادة الخير خيرين ومنكذبش عليك بغيت نشري شي بلاد ندير فيها الزيتون
الجدة: اييه ان شاء الله اوليدي الله يرضي علييك وفينما حطيت رجلك تربح
زهير: أمييييييين (وقف غطاها مزيان) غدا غنمشيو فصباح الا كتاب
الجدة: ان شاء الله اوليدي..
زهير: تصبحي على خير
الجدة: ݣداامك الخير اوليدي (طفا عليها الضو خلات غير الضو ديال لفايووز للي خفيف ومشا لبيتو للي فتفس الدار دخل مع حط راسو مع نعس بكترة لعيا...)
اصبحنا وأصبح الملك لله.. ( 6دصباح كولشي فاايق من غير شيماء للي ملوية فلكاشة وهند حتى هي للي نعسات معطلة بكترة معوداات فيديو ديال وليد للي خلق جو الظحك فليلة الحنا أما لتحت فتيحة فيقات بنتها تعاونها فلفطور للي غتحط لراجلها وولادها للي مطيحين العين من ختهم مشاو هبطو لخدمتهم وبقات كتجمع من موراهم ومها جلسات شافت فيها)
أمال: (تشجعت) انا محطاش العين على حتى واحد من ولاد عمي.. وحتى ونكون مكانش خاصك تݣوليها لخوتي واش تبغي يقتلوني وولادك يتلاحو فلحبس انا ومعندك غراض فية اوا وولادك تحرمي منهم؟؟ (لوخرا غير مطرطقة عينها هزت صينية أمال ومشات للكوزينة شادة فقلبها جاها تأنيب الضمير علاش هضرت معاها هكااك ولكن الليل كاامل منعستش بالفقسة وغير بانت مها وقربت حداها دارت يدها على وجهها كتحميه من شي ضربة حتى سمعتها)
فتيحة: بالله بااااااااالله ودييني يا بنت الهم ولقاك كدوري بشي واحد منهم ولا مجمعة مع ديك الماسخة للي جايبينها معااكم ولا كتبحلسي على نعيمة غنجي يانا نذبحك بيدي ومنها ولادي ميوسخوش يدهم فموسخة بحاالك (خيبت وجهها) ولد وربي وفالتالي تجي تسبك
أمال: (خرجت عينها) انا سبيييتك
فتيحة: (هدت عليها ضربها ولوخرا عودات نفس الحركة باش تحمي وجهها وهي توقف) وزايدة تخرجي فعينييك يا العوجة لمكشرة نتي هاد لمديينة زيغاااتك شميتي ريحت بيطانك ونتي طلعي لسما
أمال: (مزالة مخبية وجهها)
فتيحة: (جرتها من فولارها حتى هبطاتو على وجهها) شووفي فية (ضارت أمال شافت فيها وطلعت لفولار خايفة) اليوم نشوفك نضتي تشطحي ولا بقيتي الظحكي داك الظحك الماسخ نقتل مك غتجلسي جنبي بجنك على الله شي وحدة تشوفك وتدييك علية نتهنى منك (أمال غير كتسمع ورادة لبال مع يدين مها خايفة من شي ضربة.. خرجت مها وهي تبع ليها صبع)
أمال: هااا للي نتجوج (رجعت قدات لفولار الضرب ولا السب ديالها مبقاش كيݣر فيها بقات كتعمر أتاي وعاقدة حواجبها كتسنى غير امتى نعيمة تعيط ليهم باش طلع تفوج على قلبها تفكرت وليد شنو دار لبارح ظحكت عمرها توقعاتو هاكا كملت خلات لمعان فلبوطاجي مقدرتش تغسلهم غير بيد وحدة خرجت لبيتها لبسات بيجامة اخرى جديدة واسعة وطويلة دارت ميكاب خفييف مباينش عاد قدات فولار مناسق معاها مشات سدات لباب بالساروت ورجعت لوسادتها جبدت تيليفونها شعلاتو كتسنى ميساجات من عندو ووالو تنهدت) كولشي كان باين غير انا للي كنت معمية (رجعت طفاتو وخبعاتو فوسادتها خرجت من بيتها من بعد مطفات الضو وسداتو لقات مها كتحط لفطور وكتعاونها بنت خالتها للي ديما مها متعايرها بيها وبجماالها وشقااها لمتول تبسمت ابتسامة صفرا ومشات للكوزينة كتعاون حتى هي حتى دخلت عندها بنت خالتها) مريم لباس؟؟
مريم: الحمد الله ونتي؟؟ فوكاش رجعتي من وجدة؟؟
أمال: لول لبارح (كتجاوبها قد سؤالها حيت طبيعي شي وحدة من نهار حليتي عينيك فالدنيا ونتي كتعايري بييها مغتكونش عزيزة عندك)
مريم: سعداااتك يا ختي كيعاودو على وجدة زييينة
أمال: واه
مريم: مكرهتش حتى انا نمشي ونقرا بحاالك
أمال: (كتمسح بوطاجي) معندكش لباك؟؟
مريم: لا ولكن مكرهتش نمشي لتمااك وندير التكوين
أمال: حتى هنا كاين التكوين
مريم: هههه انا بغيت غير نخرج من هنا
أمال: هههه ناري رباو فينا الكره ولينا باغيين غير نطجو
مريم: شنو ݣلتي
أمال: والو والو انا جااية نمشي نحط الزيت
مريم: هاري عليك انا ندييييه
أمال: (عطاتها وبقات كتكمل شغلها حتى سمعت صوت نعيمة اوطوماتيك فرحت خرجت وسلمت عليها سلام حاار) فقتو امرت عمي؟؟
نعيمة: من ݣبييييل... طلعي فيقي غير شيماء راه فقستني ابنتي لبنت كتعاون لبنات وهي خاامرة خفت ينوض شي حد من خووتها ويضربها
فتيحة: احاي فين غطلع ولمعزر مزال تمااك
نعيمة: لا راه كولشي نعس لفوق عند سْدِيموحْ (سيمحمد هو شيخهم)
أمال: واش نمشي اماما؟؟
فتيحة: سيري وعاوني حتى نتي... (تبعاتلها العين حتى مشات وجرت نعيمة للكوزينة) اربي وديك الماسخة للي عندكم فالدار
نعيمة: الااا فتيحة حشوومة واا لبنت مكتشوفي منها غير صوااب متݣوليش عليها هكاك وحنا عدنا لبنات
فتيحة: مااشت صواب علاه منين يجيها ولدك باش تمشي تحنيلو لبارح وتغرم ݣدام عباد الله
نعيمة: هههه ونمنعوها!! لبنت شافت كولشي كيحط لفلوس ودارت بحاالهم الله يخلف علييها
فتيحة: باااز الا حتى مخفتيش على ولادك خافيها طمع فمولا دااارك
نعيمة: هههه لا يا ختي داك لوسواس ديالك متلسقيهش فية وكملي وطلعي باش توقفي على كولشي راه نتي هي للي كتعرفي تمشييلي كوولشي (فتيحة كيعجبها تقولها نعيمة هااكا..)
أمال: (طلعت لقات هند كتقاد لوسايد) هههه تمجهدتي كنعرف منين كمتكوني لهيه فراشك حدو مسكين كيتشمش من لويكاند لويكاااند
هند: ها ها ها فضحيينا ازمر
أمال: ههه فين ديك لمعكازة
هند: حلفات الكلبة متنووض
أمال: انا نمشي عندها (مشات وتبعاتها هند عيات تفيقها وهي تشهق) ولييييد لا مضربهااش اخويا ها هي غتفييق
شيماء: (ناضت مفافية وقفت بالخوف منو ملقات والو غير لبنات ميتين بالظحك تنترت) خلييونا من هاد تبرهييش البنات راه راسي ضارني وخاصني نعس
هند: هههه لبعابع لواه من امتى ازمر فيقناك بكري ومدرتيش السبة براسك ولا كرشك (ناضت لوخرا مشات تغسل وجهها وأمال جمعاتلها بلاصتها) جيتي زوييينة أمال
أمال: بالصح؟؟؟
هند: غير هي لبيجامة وااسعة بزااف
أمال: هادشي للي لبست وماما جاها صافي راه خرجت طريق هههه
هند: علااامة ديك مك
أمال: (تقلبو ملامحها) علامة وسكتي مهم خالتي نعيمة ݣالتلي ندخلو لبيتها ونستفو لحلوة فطباسل للي نفرقو على لعيالات
هند: اه قالتلي صباح حتى انا اليوم غيتغداو عندنا لعيالات وفالليل نمشيو نحضرو البرزة ديال لعروسة ونجيبوها معانا وغدا هي غدير لبرزة هنا
أمال: واه هههه
هند: علاش ظحكتي
أمال: ظحكتيني منين ݣلتي اليوم لعيالات يتغداو عندنا
هند: وراه وليت منكم ههه
أمال: كتر نتي ختي لي مولداتش ماما
هند: (باستها) يا ختي عراسكم شحال زوينييين لوحدة كتفرح براسها بلمزياان
أمال: هههه حتى عراسكم
هند: زعما!! كيجيني غير قوة لبروتوكول وصاافي اما هنا لا حتى من تنقية ديال دجاج ناشطين فيها أما حنة رجاال هههه دازت احسن ليلة والله
أمال: ههه وليد صدمني فيه
هند: عجبك؟؟؟
أمال: شوفي هو راه خوويا خويا خويا وصاافي.. هو مستحييل يشوف فية شي شوفة من غير أنني ختو (دخلت شيماء هازة فوطة كتمسح فوجهها)
شيماء: شكون هادا للي كيحسبك ختو
أمال: وليد
شيماء: مكنظنش
هند: ربي نتي بالظبط سكتي
شيماء: هههه عرفتي نبيل مشا عند ماما ݣالها خطبيلي هند
هند: (غوبشت) هدا مرييض فرااسو حاالف ميتزوج ميخلي خوه يتزوج كولشي حاط العين عليه
أمال: ههههه الله يا ربي تهنيييت
هند: (خنزرت فيها) نتي تهناي وانا يلسق فية برووسي
شيماء: هههه كنتخيلك مرت خويا
هند: (شقلبت عينها) حصلك الشرف
شيماء: غنديرلك فيها لووسة
هند: وانا غنكرهك فحيااتك الا بغيتي تبومباي علية هههه
نعيمة: (دخلت) بنتي على سلامتك منين فقتي زيدي تفطري فلكوزينة
شيماء: (باستها فحنكها وعاد يديها) واخا ماما (مشات فطرات.. أمال دخلت لبيت مرت عمها كتستف الحلوة تبعاتها هند كتقاد معاها وشيماء مشات غسلات الديسير باش تستفو لعيالات بداو يدخلو للي كيتجيب السكر للي كتجيب لكادوات للي كتجيب فلوس شيماء مشات لبسات قفطان للي لبسات لبارح قدات مكياج خفيف وشعرها جمعاه كوب شوفال ودارت ذهوبات ديالها مع كدور بفواطتها للي قدات ليها ماماها قصيرة ومطروزة بالطرز الفاسي حساب بتيليفونها ميصوني هزاتو وجوبات) خويا وليد؟؟
وليد: شيماء ݣول لمي توقف حدا لباب غيجي شي حد
شيماء: واخا (مشات عيطات لمها ومشاو حدا لباب)
نعيمة: دخلي خوك غيشووفك هاكا ميعجبوش الحال
شيماء: وغير نشوف هاد صاحبو
نعيمة: (خرجت عينها) دخلي (زادت غير شوية تخبعات حتى كيبان ليها وليد طالع فدروج معاه شي واحد ومرا كبيرة ماشي شااارفة كااع ولكن كبيرة فلعمر لابسة جلابة فلبيج توب جوهرة مخيطة سامل ومدورة عليها حايك فالفلبيج وعلى وجهها الابتساامة.. سلمت عليها سلام حاار) مرحبا مرحباااااا بالحااجة نهار كبييير هدا مجيتك عندي تسوى لكنووز
الجدة: الله يكبر بيك ابنتي مبرووك مرااكم ديرو لولدكم والله يكمل عليه بالخير
نعيمة: اميين الحاجة دخلي (شافت فصاحب وليد) على سلامتك اولدي
زهير: (بابتسامة) الله يسلمك اخالتي ومبرووك على ادم..
نعيمة: عقباالكم حتى نتوما ولا مناوييتش
وليد: خاي زهيير زيد قبل ميبداو عااود بداك الديسك
الجدة: ههه اييه هربووو.. يا باسم الله (دخلت كظحك اما وليد وزهير هبطو لتحت للطموبيل فين باقي أنوار جاالس وغير كيفكر وكيشووف كيحاول يربط داكشي للي فباالو مع للي عاارف...)
شيماء: (دخلت عند لبنات لبيت نعاس مها) نااااري يا لبنات واحد لبوݣووص صااحب وليييد معروض حتى هو وجايب مو كيحمق كيحمق
أمال: ههه وسيري تسخري عليها وتبقاي تشطحي قدامها باش تخطبك
شيماء: بلا مندير هادشي احبيبة نعجبهم
هند: امممم شكاار رااسو
شيماء: وراه خااصكم تشووفوه رااه بووكووص لقلدة والوقفة يا مااااامييييي
هند: هههه وهي الا ضرتي بييه
شيماء: وانا كرهت خويا يذبحني الا حتى بنت قداامو
أمال: (كتستف فالحلوة وعاجبها شغل للي كدير) شيماء واش حتى هاد سطل نديروه
شيماء: شو انا فاش كنهضر وهوما ممسوقينش
هند: اش بغيتي نديروليك ونتي عارفة هنا مخاصش نبانو لرجال
شيماء: هههه دغيا تأقمتي فالجو
هند: تآمني بالله الا عجبني الجو هااكا
شيماء: غير كتݣوولي
أمال: الا تعيشي مع خالتي نعيمة يعجبك مع ماما منظنش هههه
هند: هههه (بقاو مجمعين حتى صونا تيليفون هند غير لقاتو أنوار قطعت عليه وعاود صونا على شيماء للي غير شافت نمرتو خرجت كتجري مشات لبيتها وسدات لباب)
شيماء: حم ألووو
أنوار: شيماء لباس؟؟؟
شيماء: (بفرحة) الحمد الله ونتا؟؟
أنوار: صافا فين أمال؟
شيماء: (عوجت فمها) ها هي فالدار
أنوار: (جالس فطموبيلتو وهاز عينيها فالدار للي فيها فسطح لخزانة) كملتو عرس خوك؟
شيماء: لا اليوم عاد روااح
أنوار: (كيزيد يتأكد) كانت ݣالتلي أمال خوك وليد هو للي كيتزوج يااك
شيماء: لا ماشي وليد خويا ادم وليد هو للي كاين على برا
أنوار: (كيشوف فوليد) صافي
شيماء: اوا نتا لباس بغيت نعرضك ولكن عارفااك متجيش ههه
أنوار: نجي علاش منجييش (قبل متهضر قطع عليها عودات صونات عليه وقطع عليها)
شيماء: يخخخ حاسب فراسو أمال أمال أمال ها هي لاحتك ومبقاتش بغااتك لواحد كيمشي غير للي مكيبغيهش (خرجت مكرهة من لبيت وندمت علاش رجعت صونات عليه وواخا هكاك كدير أعذار ليه يمكن وقفات حداه مو ولا باه مشات كتعاون غير فتفااتف وحتى نعيمة ممعولاش عليها عارفة بنتها معندها ذراع للي تهز عرس)
~~~~~~~
وليد: والله حتى صرعتييها منين جييت وجبت معاك الواليدة
زهير: راه كاين حتى ولد خويا
وليد: واه شفتو (مشا جيهتو وحل باب اللوطو) معول تبقى هنا الأخ
أنوار: (بابتسامة صفرا) لا غير كنت كنݣاد شي حاجة (خرج وسلم عليه) مبروك عليكم
وليد: الله يبارك فيك اخاي أنوار ياله طلعو ترتاحو
زهير: (حل لكوفر وجبد لكادو) هادا من عند الواليدة (وجبد جوا) وهدا مني أما هاد خينا مجااب واالو
أنوار: (تحرج وجبد من جيابو 400 درهم) لا لا كاين
وليد: هههه مكتمركش اصاحبي
زهير: ههه (ضرب على كتف أنوار) زيد وكاان ونتا عقلك ممعاكش (طلعو نيشان لدار جدو فين مجموعين رجال أما أنوار مطرطق عينو اعسااك تبان وغتباان واخا يعرف يدخل يقلب بيت بيت برااكة غير هاد 3 ايام للي نعاس معرفلو طرييق.. جلسو فالصالون ووليد هبط عند مو للي وجداتلو الصينية ومحمد تابعو هاز حلاوي وداكشي ديال لفطور )
محمد: مرحبا بيييكم
زهير: الله يكبر بيك اخويا
وليد: وهدا هو محمد ولد عمي
أنوار: (غير شافو عقلو عقل نهار شافو مع أمال.. بقاو مجمعين مرة على الخدمة مرة على مشروع زهير وانوار غير ساااكت فقط كيتسنى واش تبان هي ولا وحدة فدوك تلاتة...)
أنوار: (كيوشوش فوذن زهير) واش هادي هي دارهم؟؟ زعما ديال وليد؟
زهير: لا هادي دار جدو ولتحت ديال باين وليد وللي لتحت ديال عمو كما بحالنا عايشين مجموعين غير حنا مفرقين وهوما فبرطمة وحدة
أنوار: اممم باينين ديور كباار.. شفت حس لعيالات مكينينش
زهير: (شاف فيه شوفة ديال بنيتك) اجمع راسك اشريف
أنوار: وايلي عرس بلا تيتييز
زهير: أنوار هنييينا
أنوار: (عوج راسو وجبد تيليفونو صونا شداتو بواط فوكال قطع ورجعو لجيبو) هاحنا غنشوفو
زهير: (مجمع مع الناس وعاطي صواب)
هند: (دخلات لكادو لبيتها وحلاتو لقات ترية وعجبااتها) وااو ديال لكريستال
نعيمة: على مزيناتها ياك ابنتي؟؟
هند: بزاااف
شيماء: غتكون غاالية
هند: وي كتكون ساوية عاد هادي كبيرة راه ساوية نييت
نعيمة: مساكن الله يخلف عليهم مالين الدار لكبيرة (جبدت جوا من صدرها) عطاو حتى لفلوس
شيماء: (تحلو عينيها) الله اماما جوجيني بييه
نعيمة: ههه والله ويطليك منعطلوه ابنتي نصيفطووك دابا نيت معاه
شيماء: وشحال طلبي فية فصداق؟
نعيمة: نطلب منو اسمااحة ابنتي (طرطقو لبنات كيظحكو) سربيو ݣادو الحلوة لعيالات راه بداو كيجيو بنتي أمال منين تكملو ݣادو شي 11 بلاطو للي نحطو من دوك للي وريتك صباح
أمال: (عاجبها الحال تكلف فالحلوة وحسات براسها مرت عمها دارت ليها قييمة) واخا خالتي نعيمة (غير خرجت دخلت مريم)
مريم: نعاونكم؟؟
شيماء: (بابتسامة صفرا) لا حنا راه كافين.. عفاك سدي لباب معاك (لوخرا خرجات)
هند: شكون هادي
شيماء: بنت خالة أمال بنت لحرام حاطة العين على محمد
هند: وييينو غرتي
شيماء: وحااطة حتى على خويا وليد كتشوف للي صدقلها فيهم
هند: (جمعت الظحكة) بسااالة هادي.. (كملو الحلوة وكلامهم على العرس وعلى فين يرجعو وموضوع أنوار مكيتذكرش.. كملو خرجو من لبيت من بعد مسورتوه ومشاو لبسو قفيطنات خفاف من غير أمال للي معندهاش وعطاتها نعيمة واحد ديال جوهرة فلموف كانت خيطاتو ليها ولكن منين شافت أمال معندهاش قالتلها راه خيطت ليك نتي وشيماء فرحت بييه بزااف ومها غير كضور عينها للي لبسات قفطان موبرة اخر مكااين) بااااز علاش كتعاملها هاكا واش ماشي بنتها
شيماء: بنتها يا لالة دابا خالتي فتيحة نهار كانت حاملة بأمال دازت عليها حمالة خاايبة بالمشاكيل مع جداتي الله يرحمها كانت قاسحة معاها الصراحة وبكترة صداع ولداتها بكري بالعملية ووقع ليها ايموراجي (نزيف) اوا وحيدولها لوالدة باش متموتش
هند: امم
شيماء: وهي كانت مزالة باغا تزيد تولد اوا بهكاك كرهات بنتها وكانت بغات تقتلها كااع وهاد عمي كان بغا يتزوج ݣالك مزال باغي لولاد وناض صداع ديال شحال وأمال للي كتجي فيها الدقة حتى تݣاد ومبقاتش عينو فزواج ولكن معروفة عليه عينو مزݣولة
هند: هااء وشنو دخلها هي فهادشي؟ اااه صراحة صعيبة الوحدة تحايد ليها الوالدة ولكن ترضى بقضاء الله ماشي تردها فبنتها للي خاص تحط الراس عليها
شيماء: اوا شرحي نتي هادشي لمرت عمي.. كرهت بنتها وكرهت حتى دراري فيها شي مرات كطيح عليها لباطل غير باش ميحنوش فيها أما واحد باها معندوش مع لبنات ومكيشوفش فيها وقدام الناس كيبقاو يديرو تصااور الخااوية
هند: لا حولة شي نهار ديك لبنت طج
شيماء: وحتى وطج شكون سوق ليها
هند: منظنش الا كانو كيقلبو ليها غير على السبة ميخليوهاش تغ... شش صافي ها هي جاااية اوااا شنو غتلبسي اليوم
أمال: (فرحانة فالقفطان للي هبطت لبساتلو شال) كجييت
هند: تووتة الحووب
شيماء: شوف ماما راها خرجات وجابت ليكم من عند النكافة 2 ديال تكااشط وحدة ليك وحدة لهند وانا خيطاتلي معاها
هند: علاش عليها مسكيينة
شيماء: وراك حتى نتي ختنا
أمال: انا كنبغي ماماك بزااف
شيماء: حتى هي (وقفت كتعوج) مهم نمشي نشوف الحااااجة واش خاصها شي حااجة
هند: هههه فيين كنتي الحاجة من شحال هادي؟؟؟
شيماء: (عرفاتها شنو قصدات مشات عند ماماها كتوصيها على حوايج مرت خوها تمشي تجبدهم من لباليزة باش غير يمشيو لعيالات يشتفوهم فطيافر بقاو لبنات كيسربيو ومرة مرة يشطحو على اغاني ديال لعيالات للي خدامين بالبندير للي كيكون جهة كتقول غنااية والاخرين كيردو عليهم.. هند غير كتسفق محفظاش الاغاني وفنفس الوقت عجبها الجو بزاف دخلات شيماء كتشطح بكتيفااتها لعيالات كيزغرتو بغات تنوض هند وقفات كتهز فكتافها وممشياش مع الايقاع ولكن كتحااول وغير كظحك أما أمال غير كظحك وكتصفق هادشي كيفرحها بزااف جات وقيتة ديال لغدا ناضو لبنات مشاو لعند الطياابة وبداو كيسربيو ها دجاج محمر من موراها لحم بالبرقوق واللوز والأناناس عاد الديسير دوزو الشلال ورجعو عاود لشطييح..)
وليد: (جالس حدا دراري هز تيليفونو صونا على غيثة لثالت مرة والو مكتجاوبش واستنتج انها مشغولة مع داارهم صيفط ليها ميساج *منين تكوني مساالية صوني* فلبلاصة شيطان وسوس ليييه فوجدة كل مرة صونا ولا صيفط ميساج كتجاوب ودابا فاس مكتجاوبش ياكما!!!! محس حتى صيفطلها ميساج *غيثة بغيت نشووفك* رد تيليفونو وشاف زهير كيشوف فيه ومقوس عينيه ) فااااتك بزاااااف
زهير: هههه ݣول نشووف
وليد: من بعد (شاف فأنوار) ياكما ولد خوك كيكمي وبغا يطلع لسطح
زهير: لا مكيكميش مهني
وليد: تبغيو تخرجو ضربو شي دوييرة
زهير: واه داكشي للي نديرو
وليد: انا راك عارف مصالحليش غير نبغيو نمشيو غنصوني عليك باش تجيو
زهير: (وقف ودار اشارة لأنوار يوقف) التيليفون بيناتنا (ناض حتى انوار فكل خطوة كيتمشاها عينيه كيدورو ويقلبو خرج من لباب سمع غنا ديال لعيالات هابط فدروج بالعرض البطيئ عكس زهير للي حنا الراس ووصل لتحت وصل للطبقة مكيبانلو والو بقا هابط وكيتمنى غير تبااان حظو عاونو بزااف كان كاره هاد تسافيرة منين جا لقى للي مطيرة نعاس من عينيه هي للي ساكنة تماك.. هبطو لتحت كان شي بز صغير كيلعب وكاين للي حدا طموبيلتو مشا كيجري كيطرد علييهم)
زهير: بشوية عليهم راهم غير بز
أنوار: (بعصبية) للي ولد شي يربيه ماشي غير ولد وطلق للزنقة
زهير: اهيااا جمع رااسك راحنا ضياف عند الناس ونتا محااامل حد هبط كواريك شوية (زاد مخليه وانوار تابعو حتى وصلو)
عارف معندك مجااج وانا جبتك هنا تبدل الجو شوية وتبعد من وجه خويا ولكن شوووية توااضع ݣالسين عند الناس ونتا غير حاني الرااس
أنوار: اودي غير طايرة لي وصاافي انا هوما مدارولي والو
زهير: ومنين عاجباك السيدة هاكا خطبها وتجوجها وديها عندك للدار وهانتا مهني
أنوار: اشمن جواج ولا خرا انا مكره من با واش هو كلمة جوج نوض تزوج انا ومحاملش نبقى ساكن تمااك وهو بغا غير يزيد يربطني تمااك
زهير: وماالها السكنة تماك؟
أنوار: معرفت مكنجلسش على خاطري تمااك
زهير: غير وقيتة وغدوز وزايدون نتا نهار كامل داالع كيجيبك غير الليل
أنوار: وداك الليل علاش داوي
زهير: هدا جهدي معااك نتا مزال مبغيت دير عقلك فرااسك باش تفكر شنو دير فمستقبلك وتقلب كدير تكبر رااسك عقلك عامر غير بزهووو.. (بقاو مجمعين وكيتمشاو فالأرجااء بلا طموبيل كان الجو زوين داافي ومغيم..)
~~~~~~~~~~~~~~
فدار العرس فرقو الحلوة ولعيالات بداو يخرجو لبنات دخلو لبيت نعاس مهم للي جاو طيافر وفرقو دهاز لعروسة فيه وكاينة لمسة ديال هند للي كتعرف تقاد وتأنتك
شيماء: ماما نمشي لكوافورة نݣاد وجهي
نعيمة: (ميقت فيها) على الله نلݣااك دايرة شي مكيااج (مشات وخلات بنتها كتنݣر)
أمال: اختي نتي مجهدة من امتى كنديرو المكياج هنا باش ديريه اليوم
شيماء: اوا راحنا فعرس
هند: (كتقرا ميساجات وليد وكتويل حدها صيفطاتلو *صوري مجاوبتكش مشيت للحمام مع مي لالة* بقات تفكر فموضوع الصورة ميمكنش تصيفطهاالو وميمكنش تصيفطلو شي بنت اخرى مبقاتش بغات تزيد تكذب بقات غير كتعراق وهي منأكدة الا عرفها هي هند غيقطع كولشي على الأقل مزال بغاتو يزيد يولفها) شيمااء بيتك عاامر ببنات خلاتك وبغيت نبدل حوايجي عراقيت بزااف وهنا كيدخلو بزااف
شيماء: سيري لبيت وليد للي مكيدخلو حد
هند: (بتوتر) وهو ميجيش؟؟
شيماء: لا لا انا نحضييك (هزت هند حوايجها كاملين حتى من سليب مشاو لبيت وليد هي دخلت وشيماء بقات حاضية حتى عيطات ليها مها مشاات وهي متأكدة مغيجي حد.. هند حيدت حوايجها كاملين ياله غتهبط سليب حتى دخل علييها وليد كانت عرياانة حدها دارت يدخل على صدرها كتخبي بكترة التلفة دخل عندها وسد لباب من مووراها خلاتها غير كضور عينها ممستوعبااش شنو وااقع وهو كتر...)
وليد: (بقا غير كيشوف فيها وهي غير كضور فعيينها شاف للي عمرو مشاافو ولا حلم يشوفو فهاد الوقت.. مفهم واالو طلعها من رجليها لفخاضها للي بوويض نقيين نبشة وحدة مكيناش وباينة مهلية فراسها مزيان أما هي تزيزنات عقلها وقف معرفت شنو ديير حدها كتزير على يدها باش ضرق صدرها شاف فوجهها وفمو محلول بخال شي بوهالي غير حس على راسو ضار دخل فلباب بحال شي مجنون عاد حل لباب سدو بالجهد وبقى برا كيستوعب شنو شااف.. شاف فسروالو وخرج عينيه حس براسو بووحدو للي كاين فالدار حتى سمع)
شيماء: ولييد شنو كدير هنا؟؟ عنداك دخل اخويا راه هند لداخل
وليد: ( بلع ريقو ضاهس فيها بالزربة ودخل للحمام للي من حسن حظو كان خاوي شاف فلمراايا وصورتها بين عينيه عريااانة خلات حلقو ينشف.. أما هي بقات بحال شي وصلة غير واقفة وعينيها مكيرمشوش.. دخلت عليها شيماء وفافااتها خافتو هو يرجع)
شيماء: ولبسي دغيا راه قربنا نمشيو معرفت الطموبيلات واش يكفيو ولا لا فينما كانت شي قندوحة جات حقا نمشيو نديرو صواب معاك الالة نعييمة بنت بنت بنت خالة جدت ماما جااو يييخ على عائلة واها نجمعو طموبيلات تاروداتت كاملة ميكفيوش (لوخرا مزالة واقفة ودايرة يدها على صدرها) وااا لبنت لبسي ونتي جالسة عريااانة وليد على بونت يدخل عندك ههه وكان دخل عليك غيسبق الدخلة على ادم وانا وكنفها فييكك ههه
هند: (حنات كتلبس حوايجها بالزربة دارت ستيك ديال العرق لبسات التمشيكة لموف لي كرات ليها نعيمة كانت زوييينة وفعينين هند كانت غاية تحزمت وهزت اتروس ديالها ومرايتها كتقااد وبالها ممعاهاااش جمعت شعرها بشكل أنييق ودارت شال كبيير لاويااه لقات شيماء كتشوف فيها) مالكي؟
شيماء: بغيت نصحاح بحاالك
هند: زمرة عليييك.. واش خووك كان هنا بغا يدخل؟
شيماء: اممم واه هند قاديلي وجهي بحالك
هند: لاا ختي مخاصنيش صدااع مع ماماك هي مبغاتكش تقاادي صاافي هكا راك جاية زويينة ديري شي فوندايشن وشوية فراجو براكة علييك
شيماء: اووووف وقاديلي نتي (قداتلها شنو بغات خرجت شيماء وهند بقات كتجمع دوزانها وحوايجها هزت عطر ديالها ومشات لوساادتو رشات وحتى من باليزتو رشات فيها وهي كتبسم رشت رااسها وخرجت لقات وليد عاد خارج من الحمام بقات وااقفة وهو شاف فيها وقرب)
وليد: (باغي يهضر وكيتعلثم) مكنتش شفتك تمااك علاش دخلتي لبيتي؟؟
هند: (حانية راسها) شيماء قالتلي نبدل فبيتك حيت خاوي ونتا مغتجيش لييه
وليد: (عاد هز عينو حنزز فيها مزياااان ياله جا يهضر لقاتها حنات راسها وزااادت بقا وااقف حتى جات مو)
نعيمة: ولدي واش صافي خوك لبس؟؟
وليد: ها!!
نعيمة: والطموبيلات زدتو شي حاجة؟؟
وليد: (بالتلفة خلا مو كتهصر ودخل لبيتو خلاها غير كتشوف ومشات تشوف مع نبيل اما لاخر منين دخل وريحتها مغلغلة فالشومبر بدل حوايجو لبس كوستيم فلكحل جبد تيليفونو وهو كيستغفر الله) افين ابا زهير
زهير: هانا لتحت
وليد: اه مزيان انا نزل عندك (قطع ومسح على جبهتو) اش هاد الرييحة دزمر (هز كلينيكس كيمسح نييفو خرج من تمااك شاف فالحاجة دغيا دار ابتسامة على وجهو مشا عندها كانت جالسة فالصالة بوحدها وكاين كترة خيطي بيطي) الحاااجة ياكما عيييتي
الحاجة: لااا اوليدي بلعكس عااجبني الموضع هنا وعائلتك مخلاوش من جهدهم معايا الله يرضي عليكم كااملين
وليد: امييين اميمتي ياك تقدي تمشي معانا
الحاجة: نمشي (جمع معاها شوية وناض عينيه كيقلبو على لحييمة للي شااف ساعة غبرت هبط لتحت والناس بداو يهبطو ولعريس فوسط منهم بزغااريت غير وصلو لباب سكتو وبداو يتفرقو على الطموبيلات... وهو يقشعها وهي غير كظحك وكتقلب هي ولبنات فين يجلسو حتى مشا عند ختو) اجيو ركبو معايا (مشاو ركبو وأنوار من لبعيد مقوس عينو فيها واخيييرا شاافها وغير متبعها.. وليد غير بطرف عينو حاضي هند للي مكتشوفش فيه حل ليهم لباب ركبو مع أمال بغات دخل كتجي عينها فمحمد للي مخرج عينو فيها وباينة كيقولها تركبي نذبحك رجعت اللور وليد مكابدينش هنا حنات راسها ومشات حدا خوها)
محمد: (من تحت لسانو) طلعي للدار مكاين لاش تمشي
أمال: (تصدمت وشافت فيها بعينيها مغرغريين) علاش؟؟
محمد: هكااااك
أمال: عفااك خليني نمشي (بدات تبكي) انا غير مع لبنات والله مكندير وااالو عفااك اخويا عفااااك...
زهير: (شاد مو للي كتمشى بشوية وفرحانة بأجواء العرس وتهلاو فيها مزيان ركبها فطموبيلة ديال أنوار للي حاضي أمال عاطياه بظهر وواقفة مع خووها كيشوف) مّاا الا عييتي بقاي مرتاحة هنا
الحاجة: لا لا وليدي نمشي وغير نعيا نݣولها ليك
زهير: (عجبو الحال) شفتك نشطتي هنا؟
الحاجة: فااجييت اوليدي مع هاد الناس وسمعت شي غناياات شحااال مسمعتهم
زهير: هههه ياااك الالة اوا الله يخليك ديما هاكا (باس ليها يديها وضار عندها انوار)
أنوار: هاي هاي على الظحكة وكان حسابلنا وكان جوجنا زهير شحال هادي ونشطتي
الحاجة: هههه ونتا مزال مهدااك الله
أنوار: لااااا أمٌااااا متكونييش بحالهم
زهير: هههه هدا راه مزال خاصوو ترابي واش تزوجوه يتكرفس على بنات الناس
أنوار: صرااحة انا راه مزااال صغيير (ركب زهير حداها وكانو شي عيالات ملقاوش لبلايص ركبو معاهم أنوار تلفاتلو أمال منين ضار عند جداتو.. تحركو الطموبيلات بطيط طيط طييط.. ضارو فلمدينة ومشاو لدار لعروسة للي استقبلوهم بلغيااطة نزلو ودخلو العريس بوحدو للقاعة المتنقلة للي حدا لباب ولعروسة لداخل كتسنى تبعوه نسا بزغاريت وطياافر شيماء فالمقدمة باش تشوف العروسة حطو داكشي الوسط ولعريس تصور مع عروستو حايد ليها لفوال باسها فجبهتها ومن بعد خرج حدا عائلتو وصحابو عاد طلعو للصالون فين مجموعبن رجال بوحدهم دايرين الامداح وحتى لعيالات كانو دايريلهم الأمداح حطو لعشا كلاو فحو الظحك للي كل طابلة دايرة النشااط ونعيمة مجلسة حداها الحاجة وفتيحة وأمال وشيماء وهند و4 ديال لعيالات اخرين)
شيماء: مريض هدا للي مخلاكش تجي هنا يخ مكيتهناو حتى كيبكيوك
فتيحة: (سمعتها فتيحة) شيمااء شنو هاد لبسالة غتسكتي ولا نوريييك
نعيمة: (خرجت عينها) شيماااااء
الحاجة: (عاد نتابهت وسمعت فتيحة)
فتيحة: غتقتلني هاد لبنت بلفقاايس انعييمة
نعيمة: (كتديها على قد عقلها باش تسكت) الله يهدييها ويهديينا
فتيحة: شي نهار يقتلها خوها بالخفة للي فيها شي نهار دير شي فضيحة وحنا مݣادين على شي فضايح
أمال: (هي وهند مجمعين كيهضرو على لعروسة والاجواء وهند كتعاود ليها شنو وقعلها فالعرس فاش كيطيحو عليها البااطل حطو لعشا ولعروسة بدلت ولبست تكشيطة للي مخيطالها نعيمة فدهاز دخلو الطورطا ولخواتم دخل ادم لبسو لخواتم خداو تصاور ورجع خرج طلعت لعروسة لبست اللبسة البيضا وهبطت وهي كتبكي مسخياش تفرق مع عائلتها للي تابعينها كيبكييو وهاد اللحظة أغلب لبنات كيدوزو منها ركبات مع العريس فالطموبيل المزوقة مطولوش فالعرس بزاف بحكم هوما محافظين كانت شي 12 دالليل ضارو فالمدينة عاد مشاو للدار للي كانت نعيمة ولبنات وفتيحة سبقو ووجدو حليب وتمر ولمراش باش يستقبلو لعروسة غير حطاتها تقدمت شيماء كتعطيها لحليب وتمر معمر وحتى لخوها شربت من موراها وعطات لهند للي كظحك ودوزو لأمال للي حشمت بزااف وخصوصا كيشوفو فيها شربت وحطاتو عاد جاو الغياااطة كيضربو الضربة الخااصة باش طلع لعروسة لعند راجلها (هادي غيعرفوها ناس الشرق) عطاوها بيضة فميكة صغيرة هزتها بيدها وضرباتها فوق باب الظار غير طاحت مها هزاتها بجرا وخباتها فكمها خايفة يسحرو لبنتها عاد شدت فذراع راجلها وطلعو للدار ولعيالات تابعينهم اما رجال بقاو لتحت للي اصلا كانو مبعدين وصلت لدار نعيمة دخلوها نيشان لبيت ادم للي مقااد على حقو وطريقو سدت نعيمة لباب على ولدها للي خاصو يركز على مرتو وطلعو لدار الجد فين عطاتهم لبنادر ينشطو شوية ورجال طلعو لسطح فين غيضربو البرطياات والحساب مع الغياااطة... أنوار شاف كولشي مجموعين فسطح وهو ضرووري خاص يشوف أمال دار راسو كيهضر فالتيليفون وهبط بقا واقف حدا باب دار أمال وغير كيدوز شي حد كيدير راسو كيهضر فالتيليفون وكيتسناها تبااان والو مبانتش دارها فبالو يتلاقاها وربي كبير.. دوز نمرة ديال شيماء مكتجاوبش وحتى هند عاود صونا على شيماء للي جاوباات هاربة من صداع)
شيماء: الووووو
أنوار: ݣول لأمال تهبط عندي ولا انا للي غنطلع عندها فينما كانت
شيماء: (وقفت مصدوومة.. مشات طلات من السرجم كانو بزااف الطموبيلات حتى شافت ضو تيليفون كان هو كيدير ليها باي باي عاود رد التيليفون لودنو) انا كنتسنى اشيماء (قطع وطلع دروج 5 دقايق كتبانلو هابطة وصفرا فوجهها ممتيقااش راهوا هنا وجاي كيهددها من لفووق وكيحفر ليها على شي فضيحة بقات وااقفة بعيد)
أنوار: هبطي..
أنوار: (كترجف وخايفة من الجرأة ديالو للي قالت اليوم هاد العرس يتقلب جناازة.. هضرت بشوية) عففااااك سيير
أنوار: هبطي غنهضر معاك وسيري
أمال: (تشجعت وصوتها كيرجف) لا سير ولا غيقتلوني هنا (ياله جات راجعة طلع وهو يتبعها مشدها غير حدا دار نعيمة للي لباب مردود والضو مطفي سد ليها فمها وحتى هي مغتغوتش كتحاول غير تفك منو وحاسة براسها غطيييح بلخووف دخلها لأقرب باب كان حداه وولي كان الحمام سد لباب وغير ضو ديال الزنقة للي ضارب غير حايد يدو تشجعت بكترة الخوف والغضب كولشي تجمع هزت يدها حتى لفوق وسرفقااتو.. خلات عينيه مطرطقيين ممتوقعهاش منها) بععععععد منييييي...
أمال: (سرفقااتو خلات عينيه مطرطقين) بععععععد منيييييييي
أنوار: (زاد مخرج عينيييه ضرب يدو مع الحيط للي حداها حتى تفافااات مقرب لييها هي للي دورت وجهها كيحسابلها غيخمج ليها وجهها.. زاد قنتها مبعدها على لباب باش ميتسمعش كلتمهم) بربي بربي وتعااودبيها مرة اخرى حتى تلݣاااي رووحك تحت ترااااب
أمال: (بخوف) بعدني انا مبقيتش كنحملك
أنوار: (غير كيشووف فبالو يتكرفس عليها بلعصى على هاد تصرفيقة للي عمرها بنت لمرا تجرأت تمسو وفنفس الوقت مقدرش براكة غير كترجف وباين الخووف غيخلييها طيييح.. بغات دفعو وشد ليها يدييها) مزالة كتفكري تعاوديها؟؟
أمال: (بترجي) عفاااك أنوار طلݣ مني نتا عاارف دارنا يقتلووني عفااك طلݣ الله يرحم ميييمتك طلݣ مني
أنوار: نطلݣ... ولكن تبقاي تجاوبي على تيليفونك متخلينيش مرة اخرى نجي برجلي
أمال: (باغا غير تفك) عفااك انوار متكونش حتى نتا علية خليني نمشي عفاااك أنواااار
أنوار: انا غنمشي ولكن تيليفونك نبغي يكون فودنيك منين نصووني
أمال: (حركت راسها بلا) راه منقدرش صاافي سالينا عفاك بعد من طرييقي انا منصلاحلكش
أنوار: (كيصرطها) نهار للي نبغي نتفارق فيه معااك انا للي غنݣول فوكااش
أمال: عفااك طلقني راه خوتي يقتلووني (كتبغي غير تفك راسها وهو كيزيد يشدها زادت كتنتر) طلللللللق طلللق أنواااااااار
أنوار: (دفعها مع الحيط) غنصوني وتجاوبي ولا هاد لمرة غندخل لدااركم (ياله بغا يرخف عليها وهي تنتر حلت لباب وخرجت بجرا بقا هو تمااك كيفكر فين ديك لبنت للي كانت كدووب من كلمة من شووفة منو أكتر وحدة بينات ليبه أنه ماتلو الحووت بنت عرووبية مدمدمة معرفش كفاش يطيحها خرج من تمااك مصادف مع وليد داخل تبسم)
وليد: فين اصاحبي زهير كيݣلب علييك
أنوار: هههه مالي بز غير تزيرت معرفت فين ندخل وجيت هنا ياك هاانية
وليد: الدار داارك الحبيييب الا حتاجيت شي حاجة ݣولهالي انا ولا واحد من دراري
أنوار: الله يعز بييك (طلع ببطئ نيشان لسطح جلس حتى كيشوف زهير هز عصى هو ووليد ودخلو كيلعبو لعلاوي دارو لحسااب مع الغيااطة ودارو احسن برطية.. اما أمال هبطت نيشان لدارهم خاايفة دخلت لبيتها مصدوومة واش جا على قبلها وكفاش عرف داارهم وكفاش حتى زعم وهضر معاها فقلب دار عمها ودلع دروج كيقاب علييها عقلها غيحبس واش هدا حب منو للي جا يقلب عليها حتى لهنا معرفتش تقكر حدها سمعات)
فتيحة: شو فييين تلݣااها دابا ݣلبت عليها الدار كاملة اولدي راني خفتها تفضحنا
محمد: (مخسر وجهو) كفاش تفضحنا امي لبنت تلݣايها فلكوزينة ولا كتسخر ماشي كلمة جوج كتبداي تݣولي تفضحنا شنو كديير كاع هاد لبنت الناس كاملة شيفاها حانية الراس الا نتي
فتيحة: ياك اولدي كتكذبني
محمد: مكنكذبكش ياك غير كتجي عندي كتݣولي راها ضسرات كنمشي نقتلها عصى ياك العرس غير حاضيها مدايرة والو مكتهزش العيين حتى فخوها عاد تهزو فولاد عمها ولا نسااب
فتيحة: اوا فيينها دابا هاااا
أمال: (تشجعت وفتحت لباب وخرجت) انا غير جيت نبدل حوايجي جاني لبرد بالتكشيطة وبغيت لبس بيجامتي
محمد: (شاف فمو) اوا شنو دابا؟؟؟ ها هي حدااك سدي عليها باش تهنااي ونتهنى حتى انا فمخي (طلع لسطح كاعي وفتيحة غير كتشوف دخلت أمال لبيتها بدلت حوايجها وخرجت لقات مها مكينااش تنهدت على الأقل متيقهاش هاد المرة.. أما فتيحة طلعت كتفكر فشيماء للي قالت لهند راها هبطت تلاقاه... طلعت أمال خايفة غير من جنابها جاع يخرج ليها من شي قنت طلعت حدا لبنات للي قتلهم الفضوول عاودات ليهم شنو وقع وبقاو غير سااكتين حتى يكونو بوحدهم ويهضرووو على رااحتهم..)
لعرس كمل وبحكم هوما ملتازمين مكاين لاسروال لا والو رجال للي كانو مزال سهرانين كملو برطياتهم الغياطة مشاو للي مشا لدارو وللي بقا كولشي فين تلاح ينعس زهير ووليد نعسو فدار جد وليد للي مخصصة غير لرجال والحاجة عطاوها بيت وليد
هند: (كانت بغاتو بنعس على ريحتها باش يبقى يفكر فيها) شيمااء شفتي ولدها هاد الحاجة؟؟
شيماء: لا بانلي غير من ظهرو.. شنو جاب أنوار هنا
هند: مجااتش فبالي كااع يجي ياختي هدا تخاافي منو شمااتة لاخر عارف عائلتها صعييبة وجااي تفوووو
شيماء: جا حتى لهنا على حسابها وݣالت ليك صرفقااتو من لفووق ومبغاتش حتى تهضرو وكطردو يستاهل صرااحة واش باغي ينوض ليها صدااع وديك الخرية ديال مها سمعاتنا قبيلة كنهضرو ومشات حرشت ولدها ووصلاتهالو سخوونة شتي ݣلتلك كتحرشو
هند: ويييه الله يعطيها العذااب كفراتتي.. غيكون رجع فحاالوو ونتي متبقايش تجاوبيه فالتيليفون حسن
شيماء: امممم (تحشات بلاصتها)
نعسي حيت غدا غنفيقو بكري
هند: علاش عاود؟؟
شيماء: لفطور ديال لعروسة
هند: وخوك امتى غيمشي؟
شيماء: بعد غدا فصباح يمكن هكا سمعتو ݣال لماما وحنا فوكاش نمشيو؟؟
هند: شي 4 ايام ونمشيو راه مبقى والو لامتحانات ديالكم أما انا مزال حتى لشهر 4 عاد عندي سوتنونس
شيماء: بففف 4 ايام كااملة
هند: باااز انا ومنك منسخااش بمامااك
شيماء: غير كتݣولي راه خوتي صعاب حتى انا شتي وكان مكانش وليد حسابلك هاد الظحك والنشاط يكون والله متحلمي بيهم وعاد منين يمشي بففف
هند: وليد فينما كان كتكون الفرحة
شيماء: بزااااف (تكاات فبلاصتها كتفكر وعذاب الضمير كيذبحها غمضت عينها وتفكرت نهار كانو فلكوزينة رجعت حلاااهم مبااغاش تفكر لقات هند كتشوف فسقف) معيتيييش؟
هند: بزااف لدرجة رجلي كضرني ممولفاش تماارة واخا هاد تمارة بحلاوتتها
شيماء: ولكن بنتي مرتاحة كتر هنا
هند: (تنهدت) بزااااااااااف اشيماااء (عطاتها بظهر) نعس قبل ميطيرلي..
~~~~~~~~~~~~~~~
أمال: (منين قالها تشعلي تيليفونك معودات شعلاتو حيت هارفة غيصوني كتفكر غير فاش جا شنو كان غيوقع وكان حصلهم شي واحد فلحمام بجوج والضو مطفي وكان خو نيت دارلها شي حاجة حتى ميسيقلها لخباار نفضت هاد الفكرة وحولات تنعس....)
~~~~~~~~~~~~
أصبحنا وأصبح الملك لله 11 دنهار كولشي كيفطر رجال لفوق ولعيالات لتحت عاد العائلة للي كتوجد لعائلة لعروسة للي جايبين لفطور دبنتهم وجايين
هند: (كتجمع بغفلة طلت فبيت وليد للي مجمووع شمت ريحتها مزالة ولكن ممجهدااش خرجت سادة لباب مشات عند شيماء للي عيطات ليها دخلت لبيت لعروسة للي ناعسة ولابسة بيجانة فلبيض وطالقة شعرها)
شيماء: سدي لباب واجي شوفيها
هند: شنو نشوف؟؟
شيماء: كيضرها تحتها بزااف
هند: (شافت فلبنت للي حشمانة) انا ماشي طبيبة خاصها تمشي لطبيب
سناء: لا لا اختي ادم ݣالي راه شوية وتبرااي
هند: اختي انا تخصص ديالي ماشي هادشي وووو (شافت لبنت تقلبو ملامحها لحزن) واخا انا نشووف (لوخرا حشماانة هزت رجليها هند دارت بيل لقات الدم مزال جديد) واش عاد دخل بيك
سناء: (حشمانة) حم لا لبارح
هند: مولاش قاسك؟
سناء: حم لا قاسني بزااف
هند: خااصو يحاول عليك راك مجرووحة
شيماء: داك لبغل كاع ميفهم هادشي
هند: شوفي نتي باينة ناشفة وهو مزرووب خاصك تشري شي مزلق على الأقل اما راه معندك والو
شيماء: هههه نتي باغا طلقيها تݣولو مزلق يݣولها صافي نتي خبرة ههه
سناء: اختي خفت منو
هند: اوا يدهنو غير بزوييتة بلدية بعدا ههه (بقاو كيظحكو حتى دخلت نعيمة)
شيماء: ماما سناء راه بغات تݣولك شي حاجة وحشماات هاحنا خارجين حنا
نعيمة: ݣولي ابنتي متحشميش دابا انا ماماااك....
أمال: (عاد لقات لبنات) كنت نݣلب عليكم
هند: شنو درتي نتي فحريرتك
أمال: منشعلش التيليفون اختي انا صافي داك نهار ݣلت منبقاش نهضرو
هند: عبرتي على مو.. (بقاو كيعاونو حتى جاو عائلة لعروسة جابو لفطور وكادويات للي جاو فلعرس جلسو مجمعين كلاو شنو جاابو حزمو لبنت حيت مبقاوش كيتسناو حتى للسابع ومشااو)
الحاجة: (عيطلها ولدها باش يمشيو وقفت كتقاد فلحايك ديالها وجات عندها نعيمة تسالمو) هانتي بنتك راه بحال بنتي تجي مرحبا بيييها حتى نتي الالة فتيحة مرحبا ببنتك راني ساكنة بوحدي فالدار وولادي بجوج كولها وداارو يجيو يݣلعو لقنط ويونسوني حتى انا
فتيحة: ربي يخليك الحااجة واخا راه عندي واحد لبنت كطير مع طيوور
نعيمة: لوااه افتيحة (تبادلو نواامر بيناتهم ووصلو مع الحاجة فين كان زهير وانوار كيتسناو سلمو عليها ولاخر غير كيضور عينو هبطو ومشاو فحاالهم متسرطاتلوش على الايليفون للي متشعلش وخلاتو بلاكة الليل كامل وهو يصوني حلفها فيها ومشا طايرلو المجاج بلمزيااان...)
داز داك نهار للي عندو شي بلاد مشالها وللي عندو شي دار روح ليها وبقات غير العائلة الصغيرة حاطين لعشا رجال بوحدهم ونسا بوحدهم للي رحبو بلعرووسة وخلاوها تحس وحدة منهم كملو ناضو لبنات كيجمعو للي كتشطب وللي كتغسل لماعن وللي كتمسحهم وتردهم خلاو كولشي نقي لنعيمة
نعيمة: الله يرضي علييكم أبنياااتي
هند: عادي اخالتي مدرنا واالو
أمال: (سمعت مها كتعيط ليها) انا نهبط بسلامة علييكم (مشات كتجري خافت مها تغوت عليها ساعة مقالت واالو خدها وصاتها منين تفيق تعجن ليها ملاوي بزاايد)
نعيمة: بنتي هند حتى نتي سيري لبيتك ترتاحي راك منين جيتي ويديك فلما
هند: لا بالعكس والله حتى فوجت بزااف
نعيمة: داركم ابنتي اجي فوقما بغيتي شيماء اجي معايا
هند: (حطت لفوااطة ومشات ياله غدخل لبيت بانلها بيت وليد محلول وصوتو وظحكو كتسمعو مزال فالصالون مشات لبيتها هزات لعطر ديالها ودخلت لبيتو كترش وتعاود وكترات ففراشو ووسادو خرجت بالزربة ودخلت لبيت شيماء وقلبها كيضرب خافت تحصل بدلت حوايجها وتخشات فبلاصتها تدفا من لبرد وتفكيرها غير فيه هزت تيليفونها لقاتو مصوني جوج مرات تبسمت بمكر وصونات علييه حتى بغا يقطع وهو يجاوب)
وليد: على سلامة لااة غيثة
هند: هه الله يسلمك
وليد: وهاد لفرحة
هند: حيت توحشت نسمع صوتك
وليد: احااولي علية اديك لبنت راه مم... حاولي الله يرضي عليك
هند: هههه مدرت واالو
وليد: مزال مترجعي؟
هند: شي 4 اياام
وليد: (قوس عينو) وفوكاش نشوفك؟
هند: (تبسمت وفبالها راك شفتي كتر مخاصك تشووف)
وليد: هنا كتسكتي.. غيثة!!!
هند: وي
وليد: قسمي بالله مكنتي فعرس خويا؟؟؟ والله حتى غنتيق ولكن حلفي
هند: (خرجت عينها) اوبيلي شنو كتقول؟
وليد: جاوبي اغيثة.. وااه ميمكنش منين غتعرفيني ونتي بنت فاس وساكنة فوجدة وانا كاين فبلجيكا واصلي من تاوريرت؟؟؟ اللوجيك ابنت الناس
هند: (ضربت الطم)
وليد: واش كتعرفي ختي شيماء؟؟
هند: امم لا
وليد: هضري اغييثة انا باغي نعرف غير منين كتعرفيني يمكن نكون حتى انا كنعرفك حسي بية وحدة كتدوي معاك 3 اشهر ومعرفهاش والاياام راه كتربي الولف والعشرة والولف صعييب ابنت الناس
هند: (لسانها تربط حتى كتبغي تقولو انا هند وكتسكت خايفة يزيد يكرهها) كنت بغيت نخليها حتى تشوفني مبااشرة خفت منعجبكش
وليد: يعني كنعرفك؟؟
هند: اممم
وليد: كنتي فالعرس؟؟
هند: (كتعراق) لا (هي الوحيدة للي كتقاقي وغيطيرها انها هند الا قالت اه كنت)
وليد: وااخ واش قريتي معايا فلفااك؟؟
هند: عفاك اوليد خليها حتى تشوفني
زليد: وااخا غيثة انا غنقطع دابا تصبحي على خيير (قطع وباينة معجبوش الحال وحتى هي حسات بيه مقلق وخدات قرار غير غيمشي فحالو غتقولو شكون هي وللي بغا يطرا يطرا اما هو مع دخل لبيتو شم رييحتها هي هند للي فوقما كانت حداه ولا دازت كتخلي ريحتها حتى رجع حافضها حك نييفو للي حس بيه ولا فيه الديفو بدل حوايجو وهز كيطمة ودخل دوش زاخا مشا الحال يحايد عليه العرق عاد رجع لبيتو للي من دون بيوت الدار كاملين مقلوب بريحتها لدرجة شك واش القرعة ديالها مهرسة تماك قلب والو.. نشف شعرو بلفووطة ودخل لفراشو للي فينما عطا وجهو كاينة ريحتها نعس عليها بكترة لعيا واستحلاها لدرجة استحلم بيها وهي عريانة....)
~~~~~~~~~~~~~~
أمال: (متكية ففراشها وتفكيرها فأنوار واش الحب للي جابو حتى لتاوريرت وقلب عليها دار بدار باش لقاها ولا شنو فلحظة تبسمت منين حساات ببه بالصح كيبغييها واها دار معاها أغلاط مكتغفرش ومغتسمحلووش ولكن كفكرة يكون واحد زويين كيبغيها هاكا عجباااها نعست بكترة لعيا ولكن أنوار مغاابش عليها)
~~~~~~~~~~
أنوار: (وصلو معطلين حيت صاك غير بشوية على حساب الجدة للي داخت فطريق ومنعساش مزيان زيد كلات للي مخصهاش تاكل ونشطت مع لعيالات منين كانو كيغنيو نسات رااسها) مّا واش بيخير؟
الجدة: (متبسمة كعادتها) بيخيير اوليدي خاصني غير نعس (هبطها زهير للي حس براسو بدل الجو مزيااان وديفولا)
أنوار: زهير هضر مع خوويا
زهير: سير نعس فبيتي انا غنهضر معاه
أنوار: ولا بغيت نمشي لشي قنت
زهير: اوا الا هاكا بيناتكم واش نتا مكتردعش هو مزال مكيشوفش حتى فيك الشوفة ونتا مزال باغي تمشي تقصر (مشا دخل مو ترتاح مخلي أنوار فوسط طموبيلتو عاود صونا ووااالو حطو وبقا فوسطها مدة حتى هز عينو لقا باه فالسرجم كيشوف جيهتو بلا ميحس هز تيليفونو وخرج ودخل لدارهم نيشان لبيتو نعس...)
اصبحنا وأصبح الملك لله
وليد: (معنق نعيمة) وصاافي امي شوية وغنكون عندك
نعيمة: (كتبكي بحرقة) مسخييتش بيك اوليدي زييد معانا غير سيمانة
وليد: مصاالحش امي أما نجلس معاك حتى نطلع ليك فرااسك راه قطعت 4 ايام وغير لقبت برومو ديال راس العام
نعيمة: (عنقاتو) كتخلي الدار علية خاااوية اوليدي (هي كتبكي وهند من اللور كتنخسس حتى سمعت)
شيماء: وصااقي اماما راه شوية ويجي وزوجيه وخلي مرتو هنا غيبقى يجي كل سبت وحد
وليد: (ضار بشزف ختو وهو يشوف هند كتمسح دموعها استغرب وفبالو اااو هادي كتبكي علية!!!! قاب عينو اصلا بسبابها ناض على صباح يتسلت باش يدوش) هااا ادم ونبيل ومرت خويا سناء معمرين عليك وحتى شيماء غير تكمل امتحانها غترجع تجلس حتى ترجع تبدى لقراية (شيماء زفرت.. كمل المشهد درامي هبط وخوتو هبطو معاه شنو عاطياه مو ياله غيركب حتى قشع هند للي دغيا حيدت رااسها غووبش ركب وشد طرييق...)
دازت 3 ايام منين مشا وليد للي كانت هضرتو قليييلة مع غيثة للي حسات بييه مبدل بزااف.. كانت فالليل أمال كتجمع حوايجها حتى دخل عندها خوها
محمد: خاصك فلوس؟
أمال: (توترت معرفت متقول)
محمد: تسلاولك لفلوس للي صيفطت ليك مع شيماء؟؟
أمال: (بقات غير حانية راسها مصدوومة وهو فهمهامبقاوش فلوس)
محمد: انا نجيبلك فلوس وبقاي تحااولي راه حنا للي كنضربو تمارة عليهم ونتي كتخسريهم بلباارد (خرج من تماك تشجع وصونا على شيماء للي كانت كتجمع حوايجها هي وهند حتى جوبات)
شيماء: الوووو
محمد: انا فسطح طلعي عندي (قطع طلع حتى تبعاتو خايفة من خوتها للي كيجلسو تمااك دخلت وهي تلقاه وااقف كيتسناها) شيماء محدك هنا واش نهضر مع باااك
شيماء: (صدمها) حم سلام بعدا
محمد: السلام من بعد ونتسالمو كبغيتي واش نهضر مع باك قبل متمشي؟؟؟
شيماء: عفاك ماشي دابا بابا غيحبسني من لقرايا
محمد: ميحبسكش انا نهضر معاه
شيماء: والله مغيخليني نرجغ انا عارفااه وحتى نتا عارف كفاش كيفكرو عفااك امحمد خليني نقرا غير هاد العام عفاااك
محمد: زعما نصبر هاد العام كاامل واش مضرووبة فراسك راه بزااف
شيماء: عفاااك امحمد شوف نكملو هضرتنا فالتيليفون خووتي غيطلعو واصلا غير هربت نتا عارف هاد الطلعة هنا متمااش والله طلعت غير على قبلك (كتهضر ورجليها ماشيين لباب) انا نمشي نهضرو فالتيليفون (هربتلو قدام عينيه زفر وبقى تماك كيفكر فكلامها وحيت كيبغييعا خلاها على خااطرها على ميشوف نتائج السوميستر الاول وعاد يشوف شنو غيدير... هبط لبيتو هز فلوس وعطاهم لمو للي عطاتهم لأمال وهي كتنكر ووصاتها تزيدها من لبيجامات فاش ترجع وصل صباح ولبنات فاقو وهبطو لتحت ببليزاتهم)
نبيل: وكان غير هضرتي امي معاها باش نمشيو نخطبوها
نعيمة: سكت انبيل
محمد: (كانت عندو السلعة بزاف مكرهش يوصلهم باش يزيد وقت كتر مع شيماء سااعة مصلاحش) الكار غيحطكم فالمحطة وشدو تاكشي لدار الطالبة متهضرو مع حد
هند: (شداتخا الضحكة كانت بعيدة كتشوف فمحمد كيوصي لبنات وعينو فاضحينو كيشوف غير فشيماء) خالتي نعيمة ضكرا بزاف حيت عرضتيني (ضارت سلمات عليها وسلمت حتى على فتيحة للي كتشقلب عينها وتعوج فمها حدها مدت ليها حنكها وصافي)
نبيل: يصبرو حتى للسيمانة جاية ويمشيو
نعيمة: عندهم الامتحان اولدي مصاالحش
نبيل: تخربيق...
داهم محمد لمحطة ديال لكيران نزل هبط شانطة ديال شيماء وخلى لوخرين يضبرو راسهم
هند: هههه وليد جنتلمان عليهم
أمال: ههه كفااش؟؟؟
هند: زعما كيعرف بتعامل مع لمرا
أمال: وااه يا ختي بزااف
هند: ههه شوفي خووك
أمال: (ضارت كتشوف) ههه رجع يبغيها نيييت (لكار كلاكسونا)
شيماء: حم خاصني نمشي
محمد: صافي سيري بسلامة (مشا لطموبيلتو وهي مشات حدا لبنات طلعو لقاو الكار عامر جلسو اللور شيماء سبقات أمال لبلاصة حدا السرجم)
أمال: حشوومة عليك اشيماء انا كندووخ
شيماء: حتى انا كندوخ جلسي اللور راه باقي لبلايص
هند: انا مكنقدرش نجلس حدا السرجم
أمال: (شافت اللور فين كاين دوك 4 دلكراسا جلست لقدام فين جالسة واحد لمرا) عقلي فيها اشيماء
شيماء: ههه راه حتى انا كندووخ
....: (ديك لمرا) انا بنتي راه غنهبط غير فواحد الدوار هنا
أمال: (فرحت) شكرا اخالتي (تحرك الكار أمال دارت ليزيات وكتمزك فتيليفون هند حتى وصلو لدوار ونزلت ديك لمرا وأمال جلست مرحة فجوج بلايص ومرة مرة كضور تفقس شيماء للي كيضحكو بيناتهم.. حتى قراو 10 كلم لوجدة وهوما يشوفو شيماء طيرت الشال وبدات كتماكلي بقاو كيظحكو عليها.. وقف لكاار حاط شي ناس كانت تمااك محطة ديالهم.. شافت هي فالزااجة كتقلب على وجهها لي مباينش مزيان جبدت عكر من جيب كبوطها وغير هدات على شنايفها باش متعيقش ويبانو حومر طبيعيي بقات كتمااصي مزياان حتى كملات.. كتخيل راسها كتهضر مع أنوار بكل ثقة وكتقول انا مبقيتش باغاااك بقات كتعوج راسها يمين وشماال عاجبها رااسها وفرحانة حيت رجعات اخييرا تهنات من داك العذااب للي كديرلها مها وحتى ضرب خوتها.. ضارت يمين شمال مالقات حد كيشوف وزادت حنات حيدات لفولار ولاستيك للي تطلق حركات راسها باش شعرها يتحرر ويتنفس شوية حكاات فروة شعرها من لقدام باست الزااجة كأنها كتبوس رااسها وكتقول
أمال: أحاااي ونحاايد هاد الدرة حتى نبان احسن وحدة هنا... (رجعت لفولار كتقادها)
فهاد لوقت واحد حاضيها كان واقف حدا طموبيلتو مصكاني حركاتها حتى باست الزااجة تبسم وبقا متبعها حتى زااد لكاار ركب دغيا وكسيرا من موراه وتبعوو مخلي للي كانو معاه متبعينو كيعيطو ليه مفاهمين واالو..
أنوار: زهيييير زهييير فين مشا هاد خينا
عبد الوافي: معرفتلو
لكار محبسش وهو مزاال تابعو باغي يعرف مولات لبوسة حتى بغى يفقد الامل وممتيقش راسو كيترووهق هاكا شاف لكار دخل لصطاسيون ووقف وهبطو شي درااري منو تسناها واش تنزل منزلاتش مشا ضرب الدورة لبلاصة فين جاالسة شافها كانت كتقاد فولارها مفكرش جوج دلمرات طلع عندها كيقلب فلبلايص حتى لقاها ولقا بلاصة للي جنبها خاوية لبنات غير كيتشاوفو شكون هدا؟؟.. خلعها منين جلس حداها
زهير: سخفتييني
أمال: (مفاهمة واالو) شكون نتا؟؟
زهير: (شاف فيها) ديك لبوسة ديال قبيلة (بغمزة خفيفة وهو كيشوف ملامح وجهها) لية!!!
أمال: ( خنزرت فيه) شنووو؟؟
زهير: متقوليش تابعك هاد طريق كاملة ومنصدقش مولاها!!!!
يتبع...
التعليقات
لا توجد تعليقات بعد، كن أول من يعلق.