محتوى القصة
أنوار: (كيصوني عليه واالو مكيجاوبش حيدو من ودنو مكره) ففف انا مبقى حد كيجاوبني
عبد الوافي: اودييييي من نهار جا وهو داير فيها ݣاابض وغير هو للي شاد سما بيدو
أنوار: مداار والو اخويا اكتر واحد داخل سووق *** هو زهير باغي غير يكبر راسو وصاافي عكسنا حنا للي حدنا كنتخلصو من عند بانا وعاد يزيد يتحكم فيينا بحال شي بز وحابسنا معاه فديك الدااار
عبد الوافي: اوا دير بحالو
أنوار: (قوس عينو) ضرووري غندير خاص غير فلوووس (كيطيحو نقيطات ديال شتا) بففف غتشدنا شتا هنا وهو هز الطموبيل وزااد
عبدالوافي: عااود صوني راه خاص نرجع للمحاال...
أنوار: (كيصوني واالو صونا عليه حمزة)
حمزة: فين العشير؟؟؟
أنوار: (معصب) هاهوا مزال حاصل.. (شاف فساعتو) بقى تمااك متحركش حتى نجي ورد لبال مزياااان
حمزة: ها هو....
~~~~~~~~~~~
زهير: متݣوليش تابعك هاد طريق كاملة ومنصدقش مولاها؟؟
أمال: (صدمها مفهمتش شنو هاد لبوسة للي كيهضر معاها هاد لهبيل) شنوو شششنو هاد لبساالة نتا وا..
زهير: (قاطعها كيهضر بشوية) لا لا بلا متكملي وتݣولي شي غلاط انا شفتك وجيت عندك (تبسم) شنووو!!!
هند: (تبسمت وشافت شيماء للي قرب راسها يخرج عندهم من بين كراسهم باش تسمع شمو كيتقال)
أمال: (بتوتر بعدت وجهها حتى بغات تدخل فالسرجم) عفاك بعدني انا منصلاحش ليك سير سير جلس فبلاصة اخرى يمكن تالفت ليك ولا معرفت
زهير: (كيشوف غير فعينيها حتى قلبت وجهها) عطيني نمرتك
أمال: (طرطقت عينها خايفة منو حسابلها غير هبيل تسلط عليها.. مكتشوفش فيه) عفاك بعد مني سير جلس لهييه (لكار زاد بيهم قلبت وجهها ليه ورجعت دوراتو حيت عينو مبغاش يحايدهم من عينيها والمشكل مبيانش فيه هبييل شاف فيديها مكاينش الخاتم.. وقف ومزال كيشوف فيها وهنا لبنات شافو فيه مزيان تبسم عطاها بظهر وبقاو متبعينو بتلاتة)
زهير: وقف هاد لكار اشرييف (وقف لكار للي شاف فبلاكة وعرفو حدو وجدة.. هبط ولاخر زاد ومشا رجع كيتمشى لطموبيل للي بقات فسطاسيون وكيفكر فشنو داار بدا حس الرجوولة الي غبر منين تبعها كينوض ويسب فراسو شنو دار مدام شافها بلفولار الا محجبة وعاد بانت خايفة) كفاش مفكرتش واش تكون مها ولا باها معاها ولا مجوجة جيتي ابا زهير حتى لهنا وتبرهشتيييي (مرة يظحك على راسو مرة يغوبش منين عرفها يا غتشوفو هبيل يا برهووش ضار لقا الكار غبر) فين غنولي لݣا هاد الطفلة!!! (وصل لطموبيلة ديال أنوار هزها ومشا لعندو للي غير وقفو طلعو ركبو)
أنوار: فين زدتي اصاحبي مخلينا هنا؟؟
زهير: غير هنا.. عبد الوافي داك صاحبك الي كيبيع ويشري فلحديد معندوش لماتر؟
عبد الوافي: عندو
زهير: حتى نمشيو للمحال ديالو نشوف شي وااحد
عبد الوافي: (كيطنز) وايلي زعما راك بوكو حبة شري احسن بروييطة نيشان
زهير: (مسوقلوش عارف الهضرة معااه منافعة بواالو والا تزايدو غيقلبوها غير بونياات.. كيتفكر غير منظرو المبرهش قدام لبنت ولكن مندمش حيت تبعها هو ماشي ديال هادشي.. كسيرا وداز من جهة المحطة عاد خفف السرعة طلق غينو كيشوف مباينش داك لكار باينة دخل لداخل كييرا لوسط لمدينة فين كاين محال خوه هوما نزلو تماك وهو مشا دخل لمحالو فين الخدامة بداااو لتحت دخل معاه قفة فيه فطور للخدامة بدل حوايجو ولبس حوايج مكرفسين ونزل كيخدم على قلبو باش يشيط لفلووس وهو ديجا عندو خدم مع بناية...)
شيماء: (بقات حاالة فمها وشافت فهند) واش شفتي
هند: ههه ششششفت (مشات جلست حدا أمال) يا ختي زهر للي عندك
أمال: ههه احاااي هدااك يمكن شي هبيل
هند: واش كاين شي هبييل لابس وبديك لفوورمة وديك اللحية اربيييي انا وتزعزعت اخوووتي
شيماء: (وقفت طالة عليهم) باش نحلف لييكم أمال دايرة لقبول عند شي فقيه ولا شي شواافة
أمال: (تقرسات ومبيناتش) هههه وااه درتهم بدوك لفلوس للي صيفط محمد معاك داك نهار ياله كفااوني ياكما نورييك لفقيه اشيماء ههه
شيماء: (دارت قرب وجلست فبلاصتها مخرجة عينها محملاش تفرش)
هند: ههههه اه اه فين كنتي مخبية هاد لكلاشااات شيماااء عطااتك فهادي
شيماء: (رجعت طلت عليهم بظحكة صفرا) هه أمال ظحوكية منين كتبغي
أمال: (قلبت وجهها حتى حسو بالكار حبس وقفو نزلو هزو شنطاتهم ومشاو لتاكسيات صغار ركبو نيشان لدار الطالبة) الللللللللله توحشت هنا
هند: (جارين باليزاتهم) أماااال واش مزعزعكش داك الزين قبييييلة انا صورتو مزالة بين عييني
شيماء: وكان شفتي انا
أمال: هههه وراه خلعني هو زوين ولكن هبييل وباين بااسل
شيماء: زهرك غير فلباسلييين مكاينش شي واحد كيحمر الوجه من دوك للي كيجييوك
أمال: ويييه المهم هوما للي كيبقاو تابعييني مكلوح راسي على حد
هند: (حلت فمها فأمال) كترتي اصاااحبتي عليينا هههه
شيماء: (جمعت الظحكة وزادت سااقرة عارفة أمال دابا مقلقة عليها وإلا علاش كتحشيلها الهضرة هااكا وصلو لشمبرتهم وهند دخلات لشومبرتها) أماااال
أمال: اممم
شيماء: (مشات حلات بلكارها وهزت جوا للي عطاها محمد نقصت منو شي حاجة خباتهم تحت حوايها ودات لأمال جوا) انا والله حتى نسيييت داك نخار راه حتى ديالي بقا
أمال: (غير كتشوف فيها حيت هي مغرضهاش فلفلووس بكتر مغراضها فديك العلاقة زوينة للي كانت بيناتهم)
شيماء: (بقات كتبكي وحطاتلها جوا فيدها وهي مشات جلسات فبلاصتها) والله منويت فيها شي حاجة نتي عارفة راه عندي لفلووس واالله حتى نسييتهم وخرجلي من بالي نعطيييك
أمال: (شافتها كتبكي وعزت عليها مشات عندها ومكتقدرش تعنق حيت مكتقدرش ممولفااش هاد الأجوااء) وصاافي وصاافي متبكييش انا غير ظحكت معااك راه محمد بقا كبغوت علية قالي انا لفلوس كنضرب عليهم تمااارة ونيت مكانش عندي باش حتى نجي هنا حيت راكي عارفة كولشي فكارط كيشي ولفلوس للي بقاولي داتهم ماما ومرجعاتهمليش
شيماء: لا نتي بقبتي كتحشيلي الهضرة قداام هند
أمال: وراه غير ظحكت معاك كما حتى نتي كظحكي معايا
شيماء: هانتي مزالة كتحشي فية الهضرة
أمال: هههه هاني سكت والله غير راه رشقاالي
شيماء: (مسحت دموعها) حيت تبعك هداك!!!
أمال: أحااااي (وقفت كتحايد شالها) كنت غنظحكلو فوجهو (تبسمت) شتييه كدااير
شيماء: زوين بزااف يا أماال سعدااتك بزهرك والله خليهلي ههه
أمال: ههه خودييه ههه اشمن زهر راه حتى هو يبغي غير يتفلى علية وصاافي
شيماء: ولكن زويين شنو كان كيقولك
أمال: ها واالو كالب فير عطيني النمرة ومبغيتش مكيحشمش حتى هو
شيماء: وفين شافك شفتو هبط من لكار
أمال: راه تبعنا هههه (دارت يدها على فمها)
شيماء: الا عرف أنوار غ..
أمال: الا بغيتي تكوليهالو كوايها اصلا مبقييتش نسوق ليييه (وقفت) خاص نبداو توجاد الامتحاان نمشي تنسخن الماكلة للي عطاتنا خالتي نعيمة باش نتغداو روحو شوية ونبداو لقراية (بقات كتحرك تبدل وهزات لغدا تسخنو وشيماء غير متبعاها بعينيها متفاجئة فيها حيت غير هاد نهار حشاتلها الهضرة ما مرة ما جوووج شافت تيليفونها كيصوني حسابلها مها هزاتو بشوية حتى بانلها أنوااار تلفت ورجعت قالبة للتيليفون وجهو.. قلبها كياكلها تجاوب وعقلها متحكم فيها متجاوبش بدلت حوايجها ولحقت على أمال تعاونها اما هند فشومبرتها واكلينها يديها تصوني على وليد لي نقص لغااها وهادشي ضاارها فخاطرها حتى جاها ميساج من عندو) *اليوم كملات 4 ايام الخايبة مزال مهداك الله ترجعي لوجدة!!! عندي بزااف ميتقااال معاك...*
بنات تعطلت علييكم حيت كنت مشغولة شوية انا مزال غنحط...
هند: (كيجيبلها الظحك منين كيعيبها فالقاف ديالها.. رتاحت منو نسبيا حيت خافتو يشك فيها انها هند ويبعد عليها من داابا وخا كان تعامل ديالو زويين عكس أول مرة شاافها جاوباات *أنا غدا غنشد طريق زدت حتى الاحد حيت مسخيتش بمي لالا.. ولكن الا بغيتي تصوني وتهضر نجاوبك* مجوبهاش بدلت حوايجها ومشات عند لبنات باش تغدا شدات فأمال) والله يا ختي حتى فلتييه
أمال: امبغييت حد واش هدا غيشوف فية غير هكاك راه باينة بغا غير حاجتو بحال هدااك
هند: هنا هدااي علية للي موووهم دابا هو خاص دخلو كاع لموديل باش تهناو من راطرابااج
أمال: واه انا راه خاصني غير نرااجع مزياان وحتى نتي اشيماء يااك
شيماء: (ساهية) امم
هند: وحضري عقلك لقراية هادي اشيمااء الامتحان الاثنين
شيماء: واه واه انا عييت بغيت نعس
هند: (ناضت جمعت الدنيا حيت هي للي فنوبتها لبنات بقاو فشومبرتهم وهي مشات تنعس ترتاح..)
~~~~~~~~~~~~
أنوار: متأكد شفتيهم
حمزة: واه حطاتهم التاكسي ودخلو حارين شاطات دياالهم
أنوار: (صونا على أمال للي مزالة طافيااه) بنت ال**** لاعبة علية العشرة غير خليها عاجبها **** مصيرها طييح فيدي وندير فيها مبغييت
حمزة: صاحبي الق*** عطاهم الله لبنت باينة ماشي ديال هاد العالم
أنوار: هاكاك كان كيبانلي حتى انا ولكن التزݣزييݣ للي فصحااب حجابي عفتي متلݣااهش فوحدة كتهزو صباح وليل
حمزة: معرفت اخويا نتا تعرف.. دابا شنو غنبقاو عاصرين هنا
أنوار: رااه طموبيلتك هزها وسييير
حمزة: تهلا من بعد ونتقاشعو (هو مشا ولاخر بقا تمااك كيحس بالشمتة منها صونا على هند كيعطييه طاافي حتى هو عاود صونا على شيماء مكتجاوبش كسيرا وزاد للمحال حيت كيحاول يرضي بااه ويخدم مدووبل داز نهار كولو حفاضة لبنات مرة مرة يرجعو يظخكو على للي تبع لكار ومرة هند طلق فيديو ديال وليد للي حيح فليلة ديال الحنة حتى طلع ليهم أبيل من عند الحقير وشيماء ركزت
شيماء: واش نمرة خويا؟؟
هند: (هزاتو بالزربة) زمر لواااه (وقفت) انا جااية
شيماء: (كتحرك راسها) مصااحبة من مورانا وكاين فبرا
أمال: (كتقرا فلوراق ديالها) هاد الأنتروبولوجيا مبغااتش دخلي لراااسي وكتلفلي
شيماء: هههه نتي غرقتي فهاد لحفاظة
أمال: (حيدت لوراق وشافت فيها) شيماء هاد لقراية هي للي غتزيد فقيمتي وباغا ركز فيها باش منفكرش فبزاف دلحوايج خايبيين وعاد باغا نزييد نعمر راسي ونقرا لفرنساوية ولا لونكلي كااع وندير شي ديبلووم
شيماء: مزيان
أمال: واه مزيان ابنت عمي وحتى نتي خاصك تكوني هاكا وتبعي مداارت خالتي نعيمة واخا مخدماتش وتزوجات واحد معقد ولكن نهار كتوقف وتعضر كولشي كييمع ليييها عندها متقوول وعاد لقراية كتخلييك واعية ومتقفة
شيماء: (حسات بيها تبدلات ومعجبهاش الحال حيت بكلماتها دابا بانت حسن منها) واه عاارفة واصلا عواالة نديير هادشي
أمال: اوا هي الا نضتي قريتي راه لفااك خادي مغنششكش ههه
شيماء: شلاااا وريتيني جوج كلمات ندمتيني عليهم
أمال: غير كنظحك والله هههه (كملو حفاظتهم غير عياو دخلو لبلايصهم شعلو تيليفوناتهم بجوج للي فلبلاصة وصل ميساج وصونا عليها جوابات) شوف انا غنرد ليك ت..
أنوار: حبييبة عفااك سمحييلي عارفك أ..أموولة مقلقة مني بزاااف ومن حقك احبيبة وأنا درت حوايج مكيداروش مع ملااك بحاالك انا انا بغيت نتزوجوو صاافي مبيقييتش باقي نبعد علييك غنديير كولشي للي باغاااه غير رجعي لية احبيبة...
أنوار: (حسها مكيتسمعش) أماااااال حبيبة جاوبييني راه قرب الفرخ يفرفرلي
أمال: (جابلها الظحك) هههه (دارت يدها على فمها)
أنوار: (تبسم وشاف فلمرايا كيحك فشعرو) عرفتي ونشدك زعما موور زواج نفدي فييك لقديم وجدييد وللي جاااي سخسختييييييييني معاك ابنت الناااس
أمال: (نفخت شنايفعا) نتا سمحتي فية (هنا شيماء قلشت ودنيها)
أنوار: حمااار انا كنت حماار غلطت بزااف ولكن احبيبة والله حتى رجعت مكملاش سااعة رجعت ݣلبت عليك داك الليل بحال شي حمق ومرتاحيت حتى جيت شفتك
أمال: (غير تفكرت شنو وقعلها جمعت تفرنيسة وغوبشت)
أنوار: عاارف ضرييتك بزاف أمال ومكاين حتى شي عذر لية عتابريني كااامبو داك نهار وكان ماشي عرس ولد عمك كنت باغي نخطبك نيشان بلا حتى منعلمك
أمال: (قلبها زدح) تخطبني؟؟
أنوار: واااه صاافي بغييت ندييك لداري وتكوني مرتي نتهنى من هاد العذااب ونتي بعيييدة علية من نهار مشيتي مبقيت كناكل ولا نعس حتى الخدمة قلييل فين كنمشييلها بغييت نرد مجااجي ومجااجي هو نتي أموولة صاافي عييت نكاابر جيت حتى ليييك وتقاداولي
أمال: (تلفها عمرو هضرلها على زوااج هكا حيت غير سيمانة اقتانعات أنه كان باغي غير يتفلى وصاافي ودابا كيرغبها تزوج بييه وعاد كيبينها هي قوية وهو ضعيف قدامها عكس كمان كيحسسها قبل)
أنوار: أماال حبيبة جاوبييني ندير للي بغييتي غير باش ترجعي تيقي فية واش نمشي غدا نخطبك؟؟؟
أمال: (زادو وساعو عينيها بكل نية) لا راه عندي امتحان غدا
أنوار: بقاي نتي هنا دوزي امتحان دياالك وانا عاارف حبيبتي قرااية وغتفاليدي كاع ليمودييل
أمال: (تبسمت)
أنوار: انا ندي واليدية نمشيو نخطبوك راه عرفت الدار ولفاميلة هههه
أمال: صدمتيني داك نهار
أنوار: حتى انا الطرشة صدماتني وفيقااتني بينتلي راك بنت النااس وتستاهلي ندخلك لداري وانا فرحااان.. شنو ݣلتي
احياتي صافي نرسي معاهم غدا وحتى تكملي امتحان ديالك تمشي لداركم ونعاود نجيب عائلتي يشوفوووك ونتافقو على العقد والعرس
أمال: (مصدووومة معرفت متقول راه كانت كتبغييه ومنين بغات تنسااه هو رجع كيبغيها كتر وكتر وكيهضر على زواااج ولعرس بقات غير كتسمع وتشوف وخيالها سررررررح)
أنوار: أمال راه مبقييتش كنعس ريحيني وݣولي واه
أمال: حم عفاااك غدا راه عندي امتحان وبغيت نعس
أنوار: واخا حبيبة غدا ونهضرو تبغي نجي ندييك لفاااك
أمال: لا غتدينا هند
أنوار: واخا نشوفك من بعد
أمال: لا عفااك خاصني نحفظ
أنوار: انا ببغيت نشوفك غير باش تعطيني الأوكييي نمشي لداركم
أمال: أنوااار
أنوار: ݣلييع ݣلب أنوار
أمال: (كتجمع ابتسامتها) متمشيش حيت الا مشيت غيردوني لتاوريرت وانا باغي ندوز هاد الامتحااان
أنوار: انا راه عمرني نمنعك من لقرايا ولا حتى الخدمة نوقف معاك حتى توصلي فينما بغييتي غندييرك فعيني ونسد عليييك هدا وعد مني
أمال: (غير حاالة فمها مصدوومة منو بزاف واش هدا أنوار للي كيهضر لدرجة حيدت لكواش من فوقها وجلست مربعة رجليها)
أنوار: عفااك غير تيقي فية
أمال: معرفت
أنوار: نخليلك الوقت للي عجبك انا نتسناك حياتي كااملة
أمال: (معرفت متقول تلفها) غنعس!!!
أنوار: بغيتي تنعسي؟؟
أمال : واه مشا الحال
أنوار: نطلب منك طليبة وعفااك ديريها.. خلي تيليفونك مشعوول
أمال: اممم انا غنردو ليك
أنوار: (سكت مدة) أموولة حيااتي وحبيبتي ونوور عيني سيري ترتاحي وانا غدا نهضر معاك نشوف كدوزتي امتحانك وت.. (سمع طيط طيط هي بكترة متلفها قطعت وبقات كدور عينيها بحال شي حمقة محست غير شيماء ناضت فداك ظلام وجلست حداها) خلعتيييني مزالة فايقة؟؟
شيماء: سمعتك كتهضري مع أنوار ياااك!!!
أمال: (بتنهيدة) واااه
شيماء: شنووو
أمال: شنو؟؟
شيماء: واش كتخبي علية؟؟؟
أمال: مكنخبيش اشيماء راه تلفت والسيد كيرغبني باش نسامحو وقالي غدا يدي مو وباه ويمشي يخطبني من دارنا
شيماء: (حلت فمها) شنو؟؟؟؟؟
أمال: معرفت اشيمااء خربقلي راسي والله حتى رجعت نعس ككنت وبيخير وها هو خربقني
شيماء: (غير كتسمع ومع ظلام مكيبانوش لبعضياتهم مزيان وهادشي من حسن حظ شيماء للي دموعها داروو طريقهم ناضت بشوية كتمسح بكم تريكوها ورجعت بلاصتها) لبرررد اوا ونتي شنو بغيتي؟
أمال: (رجعت حتى هي تكات) معرفت.. تصبحي على خير
شيماء: (بصوت خافت) تصبحي على خير... (حتى وحدة منعست فييهم كولها وفاش كتفكر ولكن الشخص واااااحد....)
شيماء: (سمعت جخرة من عند أمال عرفتها نعسات شافت فيها) سعداااتك كولشي كيجي حتى لعندك شنو زايد فيك ومعنديش انا يااك انا زويينة علييك وكلبس خسن منك وطايتي حسن منك وحتى من ماما وخويا ميبغيوني علاش كولشي كيجي عندك غير نتي (فكرة ان أمال دايرة شي قبوول تغلغلات فراسها وحتى الا مكانتش عارفة مها غتكون دايرااه لييها شافت فسقف وطلقت تنهييدة) انا من ديما حسن منك أمال وغنبقى.. نتي عزييزة عندي وبزااف ولكن مغنخلييكش تااخدي كوولشي وانا نبقى غير كنشوف...
~~~~~~~~~~~~~
اصبحنا واصبح الملك لله
أنوار: (فيقو باه مع بونبيير) صباح لخير ابا
أب أنوار: بتي هنا؟؟؟
أنوار: (مسح على وجهو) وااه ابا هاني باقي حتى ففراشي
أب أنوار: نوض تفطر راه تابعنا الخدمة.. وداكشي للي كنت ݣلتلييك
أنوار: شنو؟؟
أب أنوار: مك غتشوف مع بنات ختها ولا بنات ختي ونساليو هادشي
أنوار: (دغيا وقف وتبع باه) لا لا صاافي انا غنرسي وغتمشيو معايا نخطبو
أب أنوار: (شاف فيه ممتيقش) شكون دي؟؟
أنوار: منين غتمشيو وتعرفوها هي ماشي بنت هنا
أب أنوار: (حرك راسو باه وهبط فدروج من لداخل رتاح حيت ولدو رجع كيفكر بعقلو وغيدير وليدااتو للي غيخلييوه يتبت شوية فطرو مجموعين ومشاو للخدمة خدم وعاون حتى فلهزاان ديال السلعة خلا بااه غير كيشوف فيه ومرة مرة كيقلب فالساعة باش توصل 12 ويمشي عند أمال... أما فلمحال للي قدامهم زهير داير كاسكيط ولكيت ولابس حوايج مكرفسين بالسيما وكيدخل فخناشي وكيدندن الرااي.. شاف فأنوار كيهز كراطن حيدت لكيت وصفر ليه حتى داار) شي حمااار مااات
أنوار: هههه لا يهوودي
زهير: كمل واجي خدم معايا
أنوار: (خسر كمارتو)
زهير: وراه غنخلصك فنهارك اصااحبي ولا باغي طلع المشوررع ديالك بالفاتحة
أنوار: (دخل مخليه كيظحك رجع لكيت ودخل اخر خنشة حتى جاو لمعالمية باش يكملو ويديرو لݣبص..)
~~~~~~~~~~~~~
هند: (جالسة فقهيوة بوحدها حتى صونا وليد مجوباتش حتى رجع صونا) تسنييتك لبارح وكاع مسولتي فية
وليد: والله مساليييت بقيت من حاجة لحااجة وغير كملت بكترة تسخسييخة نعست وعاد فقت دابا
هند: (بدلع) وملقيتيش حتى دقييقة لية
وليد: (تبسم) دوزيها هاد لمرة
هند: الااااا بقيت كنتسنااك الليل كامل
وليد: ياله حكمي علية باش بغييتي
هند: شي تصوييرة راني توحشتك وشحال مشفتك
وليد: ههههه (كتسالي معاه بالجرأة ديالها) هاد التصويرة راه من حقي انا للي مكنعرفكش ݣااع ومنين جبدتيها داابا بغيت نشووفك
هند: حتى ندير لافوت
وليد: لا واالو يا تصويرة يا نصوني عليك ابيل فيديو
هند: اممم مكاينش شي خيار تاالت؟؟
وليد: كاين فݣووس الا بغيتي داابا ختاري يا تصويرة يا ابيل فيديو
هند: هههه شد طيارة واجي شوفني نيشان
وليد: محسابليش الطيارة خلاهالي با ومفخباريييش
هند: هههه وماباغيش تشوفني؟
وليد: نتي للي مباغانيش نشووفك
هند: خايبة أنا ما فيا للي يتشااف
وليد: قاابل عارف زهري غير مع لمكوفرات ونيت بحرا تحايدي علية العين
هند: (حلت فمها) يااااااااك
وليد: ونتي للي ݣلتي
هند: صافي انا خاصمتك
وليد: كفاش هاد خاصمتك
هند: زعما مقلقة منك
وليد: ݣولي فكعاانة نيشان مالك كتزوقيها
هند: هههه اوييلي شنو كتقول
وليد: وشنو دابا منشووفكش باش الا كنتي زوينة فالليل تلقايني فوجدة ونشد طريق لتاوريرت نهز واليدية ونمشي نخطبك فاس
هند: اممم والا كنت خايبة
وليد: هانتي فدار باك مشفتيني مشفتك
هند: هههه نوض نوض تفطر انا نهار تشوفني غتقول واش هاد الزين كاامل كيبغييني
وليد: (تبسم ولعب بلسانو فمو ودار يدو تحت راسو) علاه نتي كتبغيني اغيثة؟؟؟؟
هند: (عضت على لسانها وغمضت عينيها وضربت الطم مجاتش فبالها تربط لساانها)
وليد: (تبسم) وريني تصوييرتك الفاسية
هند: حم لااء حتى تشوفني مباشرة
وليد: راسك قااسح
هند: شييي شوييييش
وليد: كتبغيني يا الصكعة وانا معاارفش بقيتي فية
هند: (حشمت) وصااافي دير مقلت واالو
وليد: قلتي قالك مقلتش
هند: نتا كتهضر بالݣا متبقاش تعيبني
وليد: هه انا نوض نحنجر ونولي نصوني علييك
هند: حم بالصحة
وليد: الله يعطيك الصحة الالة اجي واش خدامة تليوم ولا جالسة فالدار؟؟
هند: (شافت فالقهوة) عاد غنمشي
وليد: مزيان تهلاااي الخاايبة
هند: واخا ازويين
وليد: وكنشقشق بالزين
هند: ههههه (قطع وهو كيظحك ناض هز حوايج من باليزتو للي حنا شم مزالة رييحتها كاينة واش كيتخيل ولا رشات فحوايجو كاملين هز بينوار ودخل يدوش...)
~~~~~~~~~~~~
أماال: (خارجة صفرا عيات تخيل فامتحان ديال لفااك ومحسابلهاش صعيب حاسة كل موديل كيعادل امتحان لباك كاامل واخا هكااك جوباات مزياان ومجهودها ممشاش باطل.. شدت فذراع شيماء) شنو درتي
شيماء: (بارتياح) هداك للي كان جالس حدايا عطاني كولشي
أمال: (بفرحة) يا ربي نجحو بنقط مزياانة ونديرو شي حفلة بتلاتة
شيماء: بغيتي تݣولي ربعة
أمال: شكون الراابع؟؟؟
شيماء: أنواااااار ياك ݣالك نتزوجو
أمال: زيدي زيدي انا ݣاع منسامحو هو سمح فية وكنت غنموت داك نهار (هزت يدها) وها لطراس للي يبقى يفكرني بديك الليلة
شيماء: بنيتك أنواار كامل بغا يتجوجك ونتي كتݣولي منسمحلوش واش هبيلة
أمال: هو زوين علية بزاف ياك؟؟
شيماء: ونتي راك عارفااها اصاحبتي شوفي غير ديك الطولة ولبااسو ووجهو صافي كتر منا حنا للي بنات
أمال: (بخيبة) وعلاش منين هو حسن مني هاكا علاش يرغبني لبارح فلليل وبغاني نتجوجو يمشي عند ملكات الجمال للي يواتيوه
شيماء: كلام الليل ݣاع متيقييه يا لهبييلة زيدي زيدي حنا تاليتنا غرجعو لويسات فدار وحدة نبقى نجي نطلب ليك ملييحة وحامض ههه
أمال: (بظحكة صفرا خرجو كاع لفرحة للي فرحاتها منين جاوبات على الامتحان وحسات براسها فاهمة شحال من حاجة حتى كيتصدمو بيه واقف حدا طموبيلتو متكي عليها غير شافهم وقفو وتمشى لعندهم بكل فخاامة ونافخ صدرو وصل حداهم وحايد نظاظرو ونظرو لأمال)
أنوار: كتكوووتة ديالي صافا؟
أمال: (تشاوفات هي وشيماء ورجعو شافو فيه)
أنوار: كدوزتي امتحان ديالك احبيبة؟؟
أمال: (قلبت وجهها متوقعاتش غيجي زاد قرب بغا يشد يدها ونتراتها) شنو كديير
أنوار: (عينيه فعينيها) توحشتك
شيماء: (كتشوف فيه بحزن كبييير بغات تفك يدها من ذراع أمال ولوخرا زيرت عليها) نخليكم بوحدكم
أمال: عفاك بعد مني نتا ضريتني بزاف انا عطيتك التيساع حتى نتا عطيهلي
أنوار: اجي نهضرو فالطموبيل
أمال: (حركت راسها بلا) لا هاد الطموبيل بيها سمحتي فية عرفتي شنو كان غيوقعلي واصلا وقع (بعنين مدمعين حنات راسها) صافي اخويا انا ماشي دياالك
أنوار: عفاك أمال نهضرو غير شوية غير سمعيني وديري للي بغيتي
أمال: (جرت شيماء معاها خلاوه واقف تبعها ووالو مكتهضرش مشاو نيشان لتاكسيات للي مستفين ياله بغات تحل لباب ورحع سدو متحكم فأعصابو) خليني عفاك
أنوار: أماااال متزيديش تصعبييها عليينا
أمال: (القوة باش دارت هادشي كااامل تسالااات بقات كتشوف فيه وفعينييه للي باين باغي يهضر معاها)
أنوار: متخاافيش مني غتكون شيماء معانا
شيماء: لا نمشي انا نخليكم بوحدكم
أنوار: (شاف فشيماء) لا غتمشي معانا حشومة نخليوك تبقاي بوحدك
شيماء: (قلبت وجهها من نظرااتو) واخ...
هند: (صونات على أمال) فييينكم شتكم مزال مصونيتو (جغمت من لعصير ديالعا) كدوزتو؟؟
أمال: (جاوبات وأنوار هز عينو فلمرايا كيشوفها كانو بجوج جالسين اللور) حنا مع.. هدااك امم أنوار
هند: شنوووو؟؟ واش حمقة ياك صاافي ساليتو؟؟ اش كدييري معاه؟؟
أمال: اممم
هند: فينكم داباا؟
أمال: حنا راكبين معاه غيوصلنا لدار الطالبة او صاافي
هند: انا جاية
أمال: (قطعت وتنهدت كتشوف فيه وهو حاضيها من لمرايا تبسم)
أنوار: (صايݣ) شنو ندير بااش تسمحيلي
أمال: (دغيا قلبت وجهها)
أنوار: نحلف لييك بالله حتى هادشي للي فنيتي غير للي فبااالك غلطت وبزااف ولكن.. عطيني فرصة خرا
شيماء: (كتشوف فيه بغل وكتسمع أما أمال غير كتسمع كتحس براسها عندها قييمة منين واحد بحالو ميرغبها وهي راافضة اذا عندها قييمة وكما قالتلها هند ولات شخصيتها كتقوى... وصلو ودار عندها بنفس النظرات للي كيطيحوها)
أنوار: كنوااعدك منعاودش نحاادي فييك
أمال: (حشمت من شيماء ومرضاتش) انا اصلا مكنخلييكش (حلت باب الطموبيل ونزلت وطلات عليه) عفااك متبقاش تصدعني انا راه بنت الناس (ضارت وطرطقت عينها ممتيقاش شنو قالتلو دخلت راسها فكتافها وتبسمت بانتصاار على قلبها للي حن لييه... محست غير بيه تبعها وقف قدامها) أنواااار شنو باغي مني؟
أنوار: باغيك نتي
أمال: ممتيقااكش
أنوار: يااك أمال صافي كولشي تنسى
أمال: نتا محااسش بية شنو داز علية ديك الليلة للي سمحت فية راه كان بغا واحد الشمكار يضيعني ولعساس بغا يطردني (هزت يدها) عاودت درت لغرااز ليدي ودارنا وكان ساقو لخبار من المديرة ولا لعساس ݣالهم دخلتها مع 3 دصباح يقتلووني ونتا جاي لدارنا وحابسني فوسط حمام دار عمي وكان جا شي وااحد وشافنا شنو كان غيوقعلي
أنوار: كنت غنحامي علييك أمال ومغنخليش للي يعاود يقييسك صافي نسااي داك زمان للي كانو حاكرين علييك غتولي ديالي ومكاينش ولد لمرا للي غيولي يقيسك ولا بكلمة
أمال: (بقات كتشوف فيه وشحال تمناتو من شحال هادي يقول هاد اكلام تحس براسها محمية من شي وااحد)
أنوار: (زاد قربلها) انا مزال فكلامي باغي نتزوجك عطيني الاوكي نمشي اليووم
أمال: (بلعت ريقها) انا كنحس بلداخل مريض نتا درتي معايا حوايج خايبين ميتنساوش
أنوار: غنسييك وليييام توريييك
أمال: (شافت هند للي جات ومشات حدا شيماء وباينة كيهضرو عليها شافت فيه للي عينيه كيرغبووها) معرفت
أنوار: هانتي منديرونجييكش عارف خاصك تركزي فالامتحان ديالك دخلي لبيتك فكري مزيااان فكري كااين واحد كيبغييييك
أمال: (هزت عينها فيه أول مرة يقولها كنبغيك)
أنوار: واااه نبغيييييك يا جدك ونمووت علييك
أمال: (فلتت ليها ابتسامة)
أنوار: (بتنهيدة تعب) واخييرا شفت لويزاات ظحكو
أمال: (قلبت وجها كتبسم)
أنوار: نمشي نجيب ليك غدا كولي رتاحي ومن بعد راجعي وفالليل جاوبيني باش غدا نمشي لدااركم
أمال: (بقات غير كتفكر ممتيقاش واش بالصح هادشي) انا نمشي ندخل وعفاك متمشيش لدارنا
أنوار: سيري احبيبة منين نجيب لماكلة نصيفطهالك مع لعسااس
أمال: (شافت فيه وكتزيد تضهشر حتى لخروج مبقاش كيبززو عليها تلفها.. حنات راسها وضارت دااخلة مخليها متبعها شوية ولبنات تبعوها للي حتى وحدة مكتشوف فيه دار نظاظرو ومشا لسناك للي كان كيعجبها دموندا 3 ديال طاكوس وسلطات وعصير جابو وعطاه للعساس وخلالها ميساج *حبيبة لغدا عند لعساس هبطي هزييه نمووت فييك...* أما لبنات لداخل غير كيتشاوفو من بعد معودات ليهم شنو تقاال بالظبط حيت كلامو ماشي سااهل باش يتنسى...)
هند: معرفتش اختي هاد السؤاال ماشي لية سولي رااسك واش نسيتي شنو دار فييك
أمال: لأ منسبتش
شيماء: (فبالها) ~~~وحتى انا منسيتش~~~
هند: شيماء ياله نمشيو نجيبو داك لغدا ههه ميمشيش خساارة
أمال: (تبسمت وحكت فروة شعرها من لقداام ومشات للبالكون كتشوف فبرا حتى دخلو لبنات حطو لغدا كلاو وهضرتهم غير على أنوار للي لسق فيها باش يخطبها)
هند: أمال ديري ديك القضية ديال تبعي لكذاب حتى لباب الدار
أأمال: خفت نتبعو ويمشي بالصح نتي عارفة ماما والله حتى يردوني دااابااا وعاد يبقاو يسولو منين عرفتيه وكدا وانا باغا ندوز الامتحان كنفكر غير فيها دابا
هند: اوا كما قال الايام غتبين سالي الامتحان وغيبان
أمال: (سكتت) نتي بلاصتي شنو ديري
هند: معرفتش حيت صعييب واحد كنت باغاه وحامقة عليه دار معايا فوت كبييييير راه كبييير نييت وشوية رجع بغا يتزوجني وكيرغبني فاللول منبغييش ولكن نخليها للوقت نشوف واش بالصح يستاهلني!! ديما ديري فباالك ماشي أي واااحد يستاهلك ونهار غتلقااي الرااجل غتشدي فيه بيديك ورجلييك ولكن فحدوود المعقوول
شيماء: وباش نعرفووه رااجل
هند: حيت الراجل فيه 4 دلحواايج مخااصش ينقص منهم حتى وحدة
شيماء: شنو هي؟؟
هند: اولا الكلمة يكون قد كلمتو تانيا ذراع يجيبها من فم سبع تالتا جيبو خاص يكون عاامر ماشي مليونير مهم للي يعيشكم ويعيش ولادكم رابعا للي حدا جييبو
أمال: (تبسمت حشمانة) الله يمسخك
شيماء: شنوو هواا هادا؟؟
هند: ال** ازيين
شيماء: هااااااء وكفاش نعرفووه حتى هدا
هند: هدا احبيبة نتي وزهرك نهار عرسك وتعرفيه يا طيحي فسبع ولا ضبع ولكن كولشي كيدااوا المهم تلاتة لواالة خاص يكوونو وهادشي موجوودين واقلة فمحمد
شيماء: (عوجت فمها) اوا صااافي
أمال: واه بالصح هو فيه
شيماء: (خسرت وجهها) بنيتك بحالة كتشكري فداك شماتة دخووك
أمال: متݣوليش عليه شمااتة اشيماء ونتي مشفتي منو غير لخيير وعلى قبلك رجع كيتبدل
هند: (حتى هي استغربت حيت كدافع عليه ولكن فهمت أمال الا دار فيها شي واحد شي حاجة زوينة قد حبة ديال رمل كتكر فيها خوها بين ليها شووووووووية دالاهتماام ورجعت كدافع علييه)
شيماء: شنو دار على قبلي
أمال: شيماء نتي براسك عارفة محمد باغي يتقرب منك ويتزوجك وعارفة الا تزوجك غيحااول يرضييك بأي حاجة
شيماء: وانا مبغييتوش
أمال: ݣوليهالو متجرييهش بحال شي ضبع الا نتي مبغيتييهش مريم بنت خالتي غتمووت وتزوجو وهي بفمها ݣالتهالي وحتى هو ميبقاش كيحلم بييك
شيماء: والله لا كاان ليها
هند: اوا رسي على جيييهة واش باغاه ولا لا
شيماء: دابا حنا خلينا فموضووع أنوار وزايدون انا مبغييتش نسكن فتاوريرت بغيت نخوييها ولا لا؟؟ أمال كما حتى نتي باغا تخويها حتى انا هكااك وكتر كاااع
أمال: خوييها ولكن متلعبيش على شي واحد باش مدوورش الدنيا ويتلعب بييك
شيماء: ياااااااااااك أماال اواا الله يكتر خييييرك (ناضت معصبة)
أمال: شيماااء شيماء (لبست مونطووها وخرجت برا لبست بنطوفتها وخرجت) مقصدت واالو بففف يمكن زدت فييه
هند: دابا تبرد وترجع
أمال: مقصدت واالو واللله تفوو وكان غير شديت فمي انا غير مبغيتهاش ضر لا هي لا محمد عارفااه الا عرفها كتلعب عليه غيقتلها كاااع
هند: وداكشي للي كنظل ننصحها الله يهدييها
أمال: تأ مكنبغيهاش تقلق مني... نخرج نقلب علييها
هند: تسناي نجي معاك (لبسو منطوهم وجررو بنطوفات خرجو عندها كانت غير فالجردة وباينة باكية بقاو كيضحكوها حتى هزو طموبيلة هند ومشاو يقلبو على كلاص) نااري كنمووت عليه حتى انا صيف وشتا
شيماء: حتى انا يا ختي عرفتي وليد كان كيعمرلي الثلاجة بييه ولكن لبغولة لوخرين مكيبغيوش يجيبوهلي غير الا رغبتهم ماما وݣالتلهم هي للي تاكلو
هند: (غير كتسمع سيرة ديال وليد كتفرنس)
أمال: بااااز لاباني فلبرد
هند: لعاار عنداك تقوليلو لبااني هههه ويلي على حالة كاع لابسين بيجاماات وخرجيين شوهة
أمال: هههه عادي (دخلو لبنات يدومونديو ويجيبو لأمال عصير وهي تسناتهم حتى جاو وجلسو على برا مجمعيين)
هند: (حتى قشعت) أماااال راه هداك للي تبعك داك نهار فلكار
أمال: (قلبو وجههم كيشوفو قاطع طريق لجيهتهم وهاز سطل ديال سباغة)
شيماء: ايماااا طلع صباااغ هههه
أمال: (تبسمت) ومالو صبااغ؟ (غير جات عينو فعينيها قوس عينو كيتأكد واش هي!!! أما هي هربت وجهها ما حدو كيقرب وكيلقاها هي تبسم وبقا كيشوف فيها وهي كتهرب ولبنات كيشوفو فييه ويظحكو على أمال للي بغات تخشى تحت الطبلة محست غير داز من حدااهم ومشا مكمل فطرييقو للي المحال قريييب يحط سطلو ويبدل ويرجع عندها....)
شيماء: (تبعوه مشا ودخل لشي محال) هههه الحيحة كاملة وصدق غير صبااغ
هند: ومالو صبااغ ماشي رااجل عرفتي كانت أمنيتي نتزوج شي واحد يكون حرايفي كيكونو حوورش اختشي
أمال: هههه بعدا مصدقش هبييل
شيماء: يا ختي الا معندكش زهر مع داركم عندك زهر مع الرجاالة
أمال: بااااز (كتفوه) فية نعاااس
هند: (كملو لكلاص ياله غتنوض حتى كيبانلها راجع ولكن مبدل حوايجو تبسمت وشافت فأمال للي عاطية بظهر) هاا هو رجع
أمال: (خرجت عينها ولكن مضارتش حتى وقف حداهم وتقابل مع أمال وكان داير يدييه فجياابو ياله بغا يهضر وهو يسمع)
عبد الوافي: (للي تبعو منين جاه السيد للي بغا سلاح وبقا غير وااحد) زهييير وااااا زهييير
زهير: (هز راسو ورجع شاف فأمال للي كتشوف فييه دار اشارة بيدو) دقيقة (مشا عند عبد الوافي عاقدهم) سمووو سمووو؟
عبد الوافي: السيد كيتسناك على حساب داكشي
زهير: (بعصبية كيهضر تحت لسانو) عيطلي فالتيليفون
عبد الوافي: راه عيا با يصوني علييك نتا للي مكتجاوبش
زهير: (جبد تيليفونو لقاه سيلونص) صافي سير انا جاي
عبد الوافي: والسيد!!!!
زهير: يتسنى (عبد الوافي معندوش معااه ولكن منين هو جاب السيد عندو ربح ومشروع زهير وقف فحلقهم وكولهم بغاو يجمعو فلوس ويديرو شي حااجة تبعو زهير حتى مشا وضار لقا غير لكرااسة غووبش قرب للمحال طل لداخل مكاين واالو) 🤭وااه دغيا كملت دقييقة!!! (مشا رجع للمحال وكيدور من مورااه واش رجعو أما لبنات كيضحكو ويشدو فأمال)
هند: والله هدا عجبني على أنوار مشا مسكين بدل حوايجو وتقاد وفالنالي خويتي بييه
شيماء: تلقاي المعلم ديالو راه كيسمعو فالهضرة
أمال: ههه (مشاو لدار الطالبة تفرقو أمال غير هزت تيليفونها لقات3 ليزابيل من عند أنوار وميساج *حبيبة رتاحيتي* حطت تيليفونها وعقلها مشوش وكأي وحدة بحتلها نية غتخربق فدماغها واكترية الا كان الحب الأول وأول واحد بين ليها الحب والحنان.. حطت يليفونها وتكات وتفكيرها غير فيه أما زهير بكترة مكان كيفكر فيها ونهار شافها بغا يهضر معاها على الأقل يجيب غير النمرة جا بلان وخربقلو هادشي طلع الثمن على هدااك)
زهير: بغيتي مرحبا مبغيتيش انا براكة علية نعطيه غير لولد خويا يلعب بيه
أنوار: (وسااعو عينيه واصلا هو بااغيه)
....: (لاخر حط لفلووس هز أمانتو وخرج بلا حتى كلمة زهير حسب شي خاجة عطاها لعبد الوافي وشي لاخر دارو فجيبو)
أنوار: ضور معايا
زهير: ودوك الخدامة شكون يخلصهم نتا؟؟ (مشا بدل حوايجو ورجع لبس لحوايج لوخرين وفبالو فين يعلود يلقاها وفالتالي قتانع الا كتاب يعلود يشوفها مكتاابش صافي ماشي فالنصييب... دازت أيام الامتحانات على لبنات أنوار موقفش من الاهتماام المصااعف بأمال للي مزال معطااتوحتى شي اوكي واغلبية الوقت غير كتسمع منو وهو ميرغب ويعطيها شنو باغي يعيش معاها وكلامو غير على زواج وتكون مرتو حتى ولفت منو هاد لكلام وبدا يدخل ليها راسها انها تعطيه فرصة وليد وهند علاقتهم كل نهار كتزيد تكبر باغي يشووفها ولكن فالاعماق باغي يشوفها مباشرة واخا كيزن على تصاور الا مكيصرش بزااف وشيماء مرة تجاوب محمد مرة لا حتى جاهم ابيل فيديو من عند نعيمة وجالسة حداها فتيحة)
شيماء: االلله سالينا الامتحاان وتهنييينا
نعيمة: شحال عندكم ابنتي ديال العطلة
أمال: (ياله جات تهضر وهي تسلقها شيماء)
شيماء: سييماانة... سيمانة بحرا نرتاحو فيها ونمشيو للحمام ياك البنات
هند: (شقلبت عينها وهي خدامة فلاب توب ديالها دايرة نظاظر وكتكتب موضوع البحث دياالها)
فتيحة: ومتجييوش؟؟؟؟
أمال: نجييو
فتيحة: غدا ركبو
شيماء: الله اخالتي الدنيا كتكون مدكسة غدا وزييد عاد جينا رتاحو غير شوية راه مكناش نعسو بالحفاضة
نعيمة: عيطات الحااجة مت صاحب ولدي ووالو عرضات عليكم
فتيحة: ماجااياش يمشيو بووحدهم وكان كنا حنا معاهم بعدا
نعيمة: لا لا السيدة معقوولة افتيحة ولدها صاحب وليد شي عشر سنين هادي
فتيحة: اوا هي الا تزوج شي وحدة فيهم
نعيمة: ههه لوااه حتى نتي اهند سيري معاهم
شيماء: اوييلي اماما فين غنمشيو وحنا معرفينهاش حتى فين كتسكت ومكنعرفو فوجدة وااالو
نعيمة: ولدها غيجي يديكم من دار الطالبة
أمال: (كانت دايرة تلاقى مع أنوار ولكن جاتها من الجنة تزيد تعرفو مزيان واش يصبر)
شيماء: معرفتش أمال هند شنو بانلكم دارها بعيدة على لمدينة وكالك فيها جنان
هند: اهاه نبدلو الجو شوية
أمال: (هزت كتفها وشافت فمها) للي بغيتو ماما واش نمشي؟
فتيحة: سيري وبقاو معاها متخرجووش وعينيك فالارض
أمال: وااخ...
أنوار: (تعصب ولكن مكالمي رااسو) وااخا ابّا
أب أنوار: (تعجب فولدو للي هاد الايام غير واه واه) وفوكاش نمشي نجيبو ليم لمرا؟؟
أنوار: غير تبرا شوية ونمشيو
أب أنوار: (برضى) الله يرضي عليك اولدي انا بغيتلك مصلاحتك ومشوݣ نشوف وليداتك قبل منمووت ومشرووعك غنعاونك فيه اولدي نتا غير زيد جمع وانا معاك
أنوار: (فرح) الله يخليك لينا ابّا ويطول عمرك (خرج لبرا عاد جمع التبسيمة) بلان دلق**** (صونا على عبد الوافي مجاوبش وهبط فدروج لقاه جالس مع مرتو مشا عندهم وجلس) كفاش هاد بلان ديال السلعة للي غنمشيو ليها لفنيدق ياك السلعة لمخيرة كتخرج من مليلية
عبد الوافي: جهان سيري عمري كاس اتاي (ناضت مكرهة من أنوار حيت كانت علاين تقنع راجلها تمشي شي يامات لدارهم فتازة ترتاح من لوحم) لفنيدق غنمشيولها على حساب شي سلعة كاين مولاها تمااك فسبتة ومكيناش فمليلية وهنا فوجدة كنجيبوها غير حنا
أنوار: وعلاش غنمشيو حنا هاد لمرة
عبد الوافي: ضرووري خاص نمشيو ولا يفرقوها غير بيناتهم ويوصلنا الديشي وعاد تماك نايضة تخلويض ماشي بحال سلعة مليلية تماك الا مرديتش لبال شي مرات كيبدلو لكاشي يعطيوك لقديم ويشدو جديد
أنوار: وانا لاش نمشي؟
عبد الوافي: حيت نتا للي غتفاهم معاهم نهار كنتي نتا كتقرا انا وخوك خرجنا نخدمو علييكم نتا وداك البغل وبّا للي قاري غيبقى حيت مرض
أنوار: اممم دابا يولفها فية طبيبعة...
عبد الوافي: غير ولف با شحال قدو يبقى كيشد فطريق
أنوار: نتا غير هضرة جوج تبدا تمن علينا... (خرج مكره كان ناوي يتلاقا مع أمال للي كيحاول يقااد صورتو قدامها ويرجع العلاقة للي كانت بيناتهم مشا لدار زهير ملقاهش مشا عند جداتو للي قليل فين كيمشي ليها طلع نيشان لسطح فين مشعول الضو لقاه تمااك واقف فكوزينة للي فسطح كينش على لمجمر بباش يزند جمر كتتى ويطيب طويجين للي قاد والجدة جالسة كتغني غيوان وجادة وهو كيحرك راسو وشادلها الخاطر حتى دخل أنوار)
أنوار: اللللله توحشنا شي طويجين من دياولك
زهير: جلس راه قرب يطييب
االجدة: (باسلها يدها وراسها) الله يرضي عليك اوليدي كداير مع الخدمة
أنوار: تماااااارة امّا وعاد زيد بّا صيفطني غدا نمشي مع عبد الوافي على شي سلعة وباينة غنطول
الجدة: ما فيها باس اوليدي بااك راه عيان دابا اما شغلو راه كيبغي يوقف عليه هو
أنوار: (زفر) معلييش.. زهير تروح معانا
زهير: الخدامة اصاحبي عندي فالمحال
أنوار: وغير غدا
زهير: واا لا.. مّا غدا كتبيلي شنو خاصك باش نجيبو فصباح قبل منتدهى مع المعالمية
الجدة: واخا وليدي وجيب حتى شوي دسقااطة
زهير: هههه جايين لعندنا بز
أنوار: جاي شي واحد؟؟
زهير: واه شي ناس
أنوار: مهم انا لتحت على ميطييب وعيطلي (هبط وهو كيدوز نمرة ديال أمال للي جاوباات) الحووب
أمال: (دخلات نيشان للموضوع) بغيت نݣولك غدا ميصلاحش نتلݣااك
أنوار: علاه؟
أمال: معروضين عند شي نااس (كتسناه يغوت ولا شي ردة فعل متماش تقطع عليه.. ولكن بقا ساكت)
أنوار: مبغيتيش تشوفيني؟
أمال: لا ماشي هكاك ولكن جات عراضة على غفلة ودارنا ݣالولي سيري
أنوار: واخا
أمال: مزعفانش!!!!
أنوار: وانا نزعف من الزين ديالي؟؟ مجايااش المهم تكوني مرتاحة وفرحانة
أمال: (تبسمت) حسابلي غتبدا تزعرط عاود
أنوار: انا كنزعرط؟؟
أمال: ههه واااه
أنوار: وااخا لالة مقبوولة منك غي حيت نتي أموولة ديالي وانا نيت غدا غنسافر على حساب الخدمة واخا كنت غنأجلو وكنشوف كندير غير باش نشوفك...
أمال: لا لا غير سير الخدمة هي اللولة
أنوار: عندك نتي.. أما أنا عندي نتي هي اللولة
أمال: (بفرحة) تبدلتي
أنوار: هه بحالاش؟؟؟
أمال: معرفت رجعتي زوييين
أنوار: (تبسم وشاف فسماء وهو داير يدو فجيبو) زوين حيت كنبغيييك
أمال: (تبسمت بفرحة حتى سمعت شي واحد كيعيط باسمو) كيعيطولك؟؟
أنوار: وااه
أماال: وا سير تكلم
أنوار: مكنسخااش بلويزة ديالي
أمال: ههه غي سيير
أنوار: عارفك ياجدك كتسخااي مهم انا نتعشى ونصوني عليك
أمال: وااخة (قطعت ومشات حدا لعند شيماء للي كتقاد ماسكات فوجهها) الا مشديتيش ولدها ما فيييدكش
شيماء: هههه نشدو ونفووتو لهييه غير مكتبغييش ندير راسي فهادشي
أمال: اممم تقتك ههه (مشات عند هند تشاور معاها مع بغات دخل سمعاتها)
هند: لااا أولييد ماشي داابا
وليد: شنو للي ماشي دابا الا ملبساش الزييف ديالك دييرييه اليوم مغنعس حتى نشووفك انا دقيقة ونصوني عليك ابيل فيديو
هند: (قطع شافت فالتيليفوون شنو غديير مالقاات غير طفي لكونيكسيون شوية وطفات التيليفون بمرة حتى دخلت أمال كتفرنس) مالكي؟؟
أمال: شكون ولييييييييد للي كتهضري معااااه؟؟
هند: (هزت حاجبها فيها) وتييي ماالك
أمال: وغييي مولي كاع كنعاودو لييك ايرارنا وناي مخبياهم عليينا
هند: بففف اودييييي
أمال: واش وليد ولد عمي؟؟؟
هند: (قوست عينيها فيها بحال كتهددها) تهضري قدام شيماااء نذبحك
أمال: (شهقت) واش بالصح وليييييد؟؟؟
هند: (عصبتها) لا (سكتت دايرة يدها على خدها أما أمال مفهمتش واش وليد ولا لا.. مشات جلست حدها) واش وليد ولا لا؟؟
هند: (شافت فيها حسابلها صافي راه فهمات راه وليد) أمااال مال مك مضرووبة فداك المخ
أمال: علاه؟؟
هند: عرفتي شنو نوضي خليني نعس
أمال: ومتعشايش؟؟؟
هند: مافياااش (ناضت أمال مخلية هند خاايفة من ردة فعل ديالو منين طفات التيليفون ولكن راه مخاصش يشوفها دابا خاص حتى يجي ويشوفها نيشان حيت تماك غيحكم نيشان ولهضرة فاص ماشي هي من مور سلووك أما لبنات تعشاو وكولها فين جبدت عليها..)
**اصبحنا وأصبح الملك لله....
زهير: (فاق بكري مشا هز طموبيلة ديال عبد الوافي لي خلا كانت من نوع بارتنير فلبيض للي كيجيب بيها مرة مرة شي سلعة.. مشا لمرجان هاز ورقة للي كتب لبارم ومو كتفتي جاب كاع داكشي للي تمااك وزاد شي سقااطة رجع للدار لقا مو كتوجد فلغدا) الله على روييييحة
الحاجة: وشنوو تكول مك شرفاتت
زهير: واايلي على شرفتي ونتي لعرس مجلسوك من شطيح غير برغيب
الحاجة: (ظحكت حشمانة من ولدها) والله اولدي الا فكروني فيامااتي
زهير: (هو براسو بدا اول برطية واخر وحدة كنين مشاو شيووخ كان مغدد على شي عرس) مزيان هوما للي بناتهم فداك الطالبة
الحاجة: واااه وحتى شي صاحبتهم كانت تمااك معاهم على مزيناتها اوليدي
زهير: (شاف فيها زعما فهمتك) خاص شي حاجة اخرى؟؟
الحاجة: واه مزال خااص اوليدي
زهير: سمو؟؟
الحاجة: شي عرووسة لوليديي
زهير: ما حطينا شي فطور الا كاين ومنين لبنات يبغيو يجيو عيطيلي باش نمشي نجيببهم (حطاتلو فطور) كولهم الطموبيل فاللون لبيض ياك جوج بيهم
زهرة: لا تلاتة اوليدي.. (فطر وناضت زهرة فرحانة بلوناسة كطيب وتحاول تقااد ليهم أيض حاجة يتشهاوها بنات بعاد على داارهم.. اما هو مشا كيخدم حتى عيطاتلو مو بمشي لدار الطالبة مكانتش بعييدة أما لبنات لبسو لباسهم عادي الا شيماء للي تقادات مزيان ولوات شال عليها مبينة شوية من شعرها من لقدام)
أمال: ويني ويييني هههه
هند: يا ختي غير عرووس ضبري ضبري على رااسك
شيماء: معلوووم ههه (خرجو هازين صاك فيه بيجامات كيظحكو) قلعو البنات الا بانت شي طموبيل وااعرة عرفووه هو
هند: هههه بااااز (قاو مستفات تمااك وهند واكلها قلبها باغية تشعل تيليفونها على ود وليد حتى وقفت بارطنير حداهم حاو فمهم كاملين فزهير للي مزال مشاف فيهم تشاوفو بيناتهم وشافو فأمال حتى ضار شاف فيهم نزل كيشوف فأمال كانو 3 دلبنات واش فري عوما للي غيدي لداارو)
زهير: (نيشان عند أمال) من عائلة وليد؟؟؟
شيماء: (غيرحالة فمها وقربت حدا هند كتنغز فيها حسات بالدم سخن فراسها وبغات طيبح كوومة)
زهير: ههه هضري (بقا متبسم) وزهههههر عندي هاد صباااح.. صباااح زيييين...
أمال: (خرجت عينها فييه وزادت حدا لبنات)
زهير: (تبعها بعينيه) ياك نتوما عائلة ولييد
هند: (الا عول على أمال تماك بقى كيسول) حم اه نتا ولد الحاجة؟؟
زهير: واه طلعو نوصلكم (حل لباب طلعت هند معاها الصاك وتبعاتها شيماء للي مصدوومة وأمال بقاو كيتشاوفو حتى تبسم وشاف بعيييد ورجع شاف فيها) طلعي
أمال: (حنات راسها وطلعت سد لباب من موراها بشوية وطلع لبلاصتو وكاع الأعين علييه جاتو بؤزااغ كفاش هاد الصدف للي كيلاقيوهم هاكا صاك مكسييري ولبنات باغيين غير ينفاردو يهضرو أما شيماء غير حشمت تبكي أما مكرختش يحطها وتبقى تليد وتخبط... سكات مولاش هضر باش ميزيدش يحشمها كتر ضربو مساافة حتى وصل خرج حل لباب رجع وهو عينو فييها دخل الطموبيل لداخل خرج حل لباب ليها خرجت حانية راسها وتبعوها لبنات حتى سمعت)
الحاجة: مرحبااااا مرحباااا ببنياااتي (لبنات تبسمو ومشاو سلمو عليها وحدة وحدة) ولدي اجي هز غدااااك
زهير: (كان ساهي فيها حتى حرك راسو باه دخلو لبنات حشمانين وهو موراهم طلعو درووج وأمال بكترة محاسة بيه حاضيها تعوجت ليها رجليها فدرجة وخانتها التانية كانت بغات طيح حتى كان موراها مكاليها)
الحاجة: باسم الله عليك ابنتي
زهير: (دغيا وقفها وهبط درجة) بشوية علييك
أمال: (حشمت حتى ما قدت تزيد تبقى تمااك ومان خوالها طريق تهرب هند ظحكات بشوية وشيماء شافت فيها شوفة ديال راك درتيها بلعاني وصلو للدار للي كانت نقية هوما وصلاتهم الحاجة للصالون وهو عوط للكوزينة بقا واقف حدا لبوطاجي هي عجبااتو وهاد الصدف زوييينة ومكرهش ياخد نمرتها غير يزيد يعرفها واصلا فبالو المعقوول.. ولكن وجوودها هنا فالدار الدار ديالو جاتو فشكل وحدة كان كيتينى غير امتردى يعاود يشوفها ها هي داابا هنا قداامو.. دخلت مو لقاتو واقف ساهي ومربع يديه)
الحاجة: ولدي الخبز ها هو غتجيبو الكاملة ولغدا راه درتو فلكومووط للي موالف كتدي فيها
زهير: هااا..
الحاجة: (باستغراب حيت من ديما موكض معاها) زهيير مالك
زهير: والو واالو فين لغدا
الحاحة: لفوق اولدي
زهير: عنداك تعيي راسك انا فلعشية ونجي (خرج من تماك طلع للكوزينة للي فسطح جاب غداه ونزل نيشان للطموبيل دخل جلس فيها وهو غير كيشووف تبسم رجع ماشريال ونيشان لخدمتو أما لبنات كانو كتر منو فالصدمة حتى دخلت الحاجة بصينيتها وقفات هند للي فالجنب هزاتها عليها)
هند: الحااجة باش نتافقو بلا متعيي راسك معانا
الحاجة: لواااه ابنتي مجيتكم شحال فرحاتني
هند: الله يكبر بيك الحاجة ويطول فعمرك ونبقاو نهجمو عليك كل ويكند حتى نطلعو ليك فراسك ههههه
الحاجة: مرحبااااا بييكم ابنيتي الدار داركم فوقما بغيتو ولدي زهيير يجيبكم حتى لعندي
شيماء: ربي يخليك الحااجة
أمال: لهلا يخطييك الحاجة
الحاجة: (مشات حطات حليوات والفاكية والكعك حتى دخلت الكاملة هازة طبك فيه الخبز سخون) دخلي الكاملة (دخلت وشافت فلبنات) هادو هوما بنيااتي للي جايين من تاوريرت يقراو هنا
الكاملة: مرحباا بيكم كدايرين مالين داركم بيخير؟؟
هند: (المتحدثة الرسمية) الحمد الله اخالتي يسول فيك الخير
الكاملة: هانا الحاجة حطيت الخبز حتى لعشية ونجي ندير كاسكروط معاكم نمشي دابا راه دراري مكاينيتش مشاو سافرو والحاج بقى بوحدو
الحاجة: واخا بنتي سيري الله يرضي علييك (بقاو لبنات مجمعين مع الحاجة وغير اغلبية همد للي كتهضر اما دوك الجوجات مصدوميين وراتهم لبيت فين يبدلو مع دخلو سدو لباب)
شيماء: (شافت فأمال) واش صااحب زهير هو للي كيظل تابعك؟؟؟؟
أمال: برااااسي تصدمت
شيماء: ياكما تهاضرتو فالعرس؟؟
هند: واش نتي حمقة هو تابعها فلكار باش يشد النمرة ونتي كتقولي تشاوفو
شيماء: لا لا بزااااااف هادشي
أمال: شنو للي بزاف؟؟
شيماء: (تحصلت) بزاف على هاد الصدفة
هند: حتى هو باين جاتو فشكل ولكن هههه زوين بزاف أماال والله حتى عندك زهر
شيماء: هه بزاف على زهر بربي حتى فتيحة دايرة ليك القبوول ونتي عاارفة ومبغيتيش تكري
أمال: (تصدمت فيها)
شيماء: ومع ديك الطيحة للي درتي فدرووج زدتي دوختيه فييك ولايني راه طلع غير صبااغ واخا مفهمتش كان برا وخويا كال جامع فلوس وفالتالي صبااغ
هند: (خرجت عينها) شيماااء.
أمال: زيدي اشيماء هرجي شنو عندك
هند: اوييلي واش حماقيتو راه حنا عند لمرا للي كتسنانا برااا ديرو عقلكم
أمال: سمعي ااااااا أبنت عمي سحور ولا لقبول ولا داك تخربيق للي نتي معمرة رااسك بيه انا مكنآمنش بييه وعمرني نفكر نديرو باش نستف رجال علية والطيحة تيقي ولا ما تيقييش ومااع متيقييش حيت كلتي شي هضرة للي نعيا نهضر للي فراسك فرااسك
شيماء: (عاد طلعت معاها راه بان السم فيها)
أمال اخر وحدة ظنيتها تهضر فية هاكا
هند: الله ينعل الشيطان راه هي معرفتش توصل ونتي أمال مولات لعقل
شيماء: انا مقصدتش شي حاجة خايبة
أمال: وشنو نسمي هادشي باااز اشيماء ديري عقلك وفهمي انا ممعتابراش الراجل هو كولشي فالدنيا
هند: ولخرااااااا السيدة كتسناانا زدتو فيييه تفوو (بدلت حوايجها وحتى لبنات بدلو خرجو لاويبن الشال عليهم عند المرأة البشووشة للي من أول نظرة ترتاحي معااها وباينة فيها قنطاانة وباغا غير مغامن تهضر وتجمع)
أمال: حم الحاجة عفاك فينو طواليط؟؟ حم حشاااك
الحاجة: متحشمييش ابنتي ديري هاد الدار دار واليديييك (شيرت ليها فينو) راه هو ابنتي (ناضت أمال ولبكية فحلقها مابيها لا طواليط لا والو غير زيراتها لبكية من كلام شيماء للي جرحها ومظناتوش يجي منها وهي أكتر وحدة عارفااها.. دخلت بكات حتى طاابت.. وهنا زهير للي مبغاش يطلع باش ميعيقش ولكن راه نسا الخبز طلع وبقا غير فم لباب ياله بغا يعيط وهي تخرج أمال من الحمام الي جاي فالدخلة ديال الدار مع خرجت عاطية بظهر سدت لباب بغات تطفي الضو وهي يبان ليها كيشووف فيها جاتو فشكل بلبيجامة طوييلة سروال وبينوار ديالو مكيبين والو ولكن جاياها زويييينة ومع دوك للي خارجين جداد كيبينو الواحد صحيح)
زهير: (بانلو عينيها حومر) لباس؟؟
أمال: (حنات راسها) الحمد الله
زهير: شنو سميييتك؟؟
أمال: هاا (دخلت مخليااه بلاكة وهو متبعلها العين بقا مدة تمااك عاد عيط على مو للي غير تسمع صوتو قلشو خرجات عندو)
الحاجة: ولدي نسيت شي حاجة
زهير: (تم داخل) الخبز
الحاجة: ههه هاد نهار راك غير تاالف
زهير: لهلا يوريك للي متلفني أما (مع كان قريب لبنات أمال باا متحس تبسمات مهلية هند كتنغز فييها وشيماء ضاربة الطم محملاتش تبان مسموومة حدااهم رجعت الحاجة حطت لغدا ولبنات تكلفو بغسيل لماعن وجمعو الدنيا وطلعو حداها لسطح للي مقاداه بالغرس وجليسة زوينة كتعاودلهم على شلا حواااايج..)
الحاجة: بنياتي نهبط نشرب دوا ونتكى واحد نص ساعة عليه ورجع
هند: (وقفت) انا نهبط نديرلك مسااج لرجلييك
الحاجة: لواااه ابنتي
هند: ههه راني فرملية الحاجة وخدمتي هي هادي (الحاجة واخا حشمت ولكن ركابيها ضارينها هبطت هند معاها لبيتها الحاجة تكات وهند دارت لبومادة ديال لمساج فيديها وبقات كتماسي بشكل محترف مخلية شيماء كتشوف فامال بحقد حتى نطقت مبدلة ملامح وجهها)
شيماء: معرفت شنو سميت الحاجة
أمال: (قالبة وجهها) معرفت
شيماء: باينة عجبتيي ولدها زووهيييير هه
أمال: (شافت فيها) نسيتي شي حاجة مزال مݣلتيها
شيماء: حشوومة عليك دغيا كتفهميني غلااط
أمال: ههه واش نتي لباس غير ݣبيلة متاهماني بسحور أنا وماما ودابا كتݣولي كنفهمك غلاط والله حتى بالصح كنت فاهمااك غلااط اشيماء
شيماء: كفاش
أمال: راك فهمتي
شيناء: (قربات ليها) راه غير تصدمت كان عاجبني هاد السبااغ وصاافي اما دابا بلاش واخا مفهمتش واحد الحاجة خويا وليد كان گالنا عندو لفلوس وهدا دايزة فيه الصدقة من عندي باينة شي واحد كيزلع لفلوس ومبلي الله بعدو مني
أمال: (ميقت فيها) على سلامتو منين طلع سبااغ ومداهاش فييك
شيماء: ياااااااااك أماال
أمال: شيماء عفاك متهضريش معايا انا طالعلي الدم منك ومنبغيش نݣولك شي حاجة للي تفݣعك مني
شيماء: وعفاك متبقايش مقلقة مني راه والله مكنبقى فرااحتي والله حتى كلمة من للي كلت ݣبيلة مخرجت من قلبي
أمال: (قلبت وجهها) متعاوديش تݣولي على ماما كتسحر ولا هاد لمرة والله منعاود نهضر معاك
شيماء: الااااا أنا ݣاع مقصدت هاكا (سمعت صونيط فتيليفون أمال أطلات لقات أنوار كيصوني) ها حبيب القلب كيصوني
أمال: شيماااااااااااء (هزت تيليفونها وقطعت ورجعت حطاتو) ما فيا لي يجاوب
شيماء: (حلات فمها فيها وبقات غير كتشوف حتى رجع كيصوني عليها دارت سيلونص ووقفت حدا شي غرس ديال الورد مخلية شيماء غير متبعة العين ليها حتى طلعت هند حيدت الشال علييها وتنفست بفرحة حيت مرتاحة وحيت لقات وليد مخليلها ميساج *وااخا على جدك المشعككة* يعني ممقلقش علييها وهادي أهم حاجة لقات مل وحدة فقنت جلست وهزت من كاسها ديال أتاي وجغمت )
هند: من ديما كنت كنتمنى نعيش هاكا وتكون عندي شي جرييدة ونبقى نغرس فيها حتى تولي فييرمة
أمال: (رجعت حداهم) هههه حتى أنا ولكن ماشي فيرمة كاع بغيت بحال هاكا منها نمتع عويناتي منها نطيب منهم
شيماء: (لوات شنايفها) سمحولي الواااحد يطلبها كبييرة
هند: معنديش مع طمع
شيماء: علاه للي تمناها كبييرة طمااع
هند: وي.. طماع حيت عارفااك اصلا نتي طميميعة هههه
شيماء: شتكم بجوج مابقيتوش حاملييني (بقات تبكي) نمشي فحاالي من هنا هئ هئ (شدتها هند)
هند: وغير كنظحكو ازمر نتي منين كتشدي فشي وحدة فينا كنتقبلوها ونتي لا
شيماء: لا نتوما كتحشيو فية الهضرة
أمال: (ممسوقالهاش لدرجة ناضت من حداهم دهلات الصينية ومشات غسلات لميعنات لي كانو قلال حتى دخلت شيماء كتعنق فأمال)
هند: وصاافي ازمرات تصاالحو راكم خواتاات
شيماء: والله مكنبغيييك تكوني مقلقة مني أماال
أمال: (حاسة براسها مقدراش تسامحها حاليا) ضرتيني فخاااطري
شيماء: والله مقصدت عارفة راسي حماارة والله مقصدت
هند: (بترجي) أماال حشومة حنا هنا نبدلو الجو نتوما راكم خواتات مرة مرة هاد البكرة كيسخن عليها راسها
أمال: غير هاد لمرة
شيماء: (باستها فحنكها) صافي
أمال: هههه باسلة
هند: عقلكم صغيييير اجيو نجلسو على متجي الحاجة (شافت فأمال) وولدها هههه
شيماء: (ياله بغات تهضر وهي تكسيري)
أمال: ههه أحاااي حمق والله ههه معرفت كندير منين يرجع
هند: (جلسو) عجبك؟؟
أمال: لا انا مع أنوار وراه صافي غنتزوجو
هند: صافي سامحتييه
أمال: مع الوقت
هند: حتى حد ممبززو عليك
أمال: تبدل والله حتى تبدل ورجع كيبغيني كتر وكلامو غير على زواج وكل نهار كيندم وكيطلب مني سماااحة
هند: سبحان مبدل الأحواال....
زهير: فين اولدي
أنوار: (مكره) غير تعذبنا هاد نهار مكاينة سلعة ݣالك حتى لغدا فظهر تفووو على زمر وشو تشووف واش تجي مكاين غير للي يتيري فعدو ر*** كامليين
زهير: تكاالما وبعد الرب عليك فلكلام ابنااادم
أنوار: زهيير مانيش فبرجي قييلني عليك
زهير: ها هو (قطع ورجع لخدمتو لي غير كيزرب فالخداامة متهنى حتى صيفط كولشي موالف كولشي كيخدمو بشوية وعلى أقل من مهلو أما هاد لعشية غير كيزرب داز لهري خدا سقاطة بلكرااطن حتى عمر كرطونة داز لكبلة ديال الديسير خدا منها ورجع للدار وهو فرحان ومستغرب من هاد الصدفة للي عتابرها اشارة ان هاد لبنت صاالحة واخا مزال باغي يعرفها قبل ميضرب الكحل فالبيض وصل للدار قبل المغرب خرج هزت لكرطونة وميكات ديال الديسير وتم داخل بيهم لدار مو وهنا لبنات كانو مستفين فسطح شافووه)
شيماء: ههه شتو حاالتو؟
هند: يا ختي رااااجل سعدات هادي للي غتكون مرتو باينة مرضييييي وكيجيبها من فم سبع
أمال: وباينة جيبو عامر
هند: خاص نعرفو غير للي حدا الجييب (ظحكو بيناتهم وشبماء غير كتشوف)
أمال: صراحة يبان ظرييف ولكن زااايغ
هند: هههه زااااايغ
شيماء: مفهمتش خويا وليد باينة عليه حالة الخاريج وهدا بحال راجع من تماك مطروود
هند: كترتي مكنتيش هاكا فاللول فلوس فلوس فلوس زعما ماشي شي وحدة للي محتاجة
شيماء: (ضربت الطم هي غير كتبغي تصغرو باش متقولش راه أمال ديما واخدة غير للي وااعر)
الحاجة: نعااام اولدي (ناضت شادة على ركابيها) اااااح (جات أمال عوناتها) الله يرضي عليك ابنتي
أمال: (تبسمت) امين (بقات معاوناها حتى وصلت للباب باش تنزل دروج)
الحاجة: صافي ابنتي انا نهبط الله يرضي علييك ويكون منك (هبطت ومنساتش كلام فتيحة على بنتها واخا مكتبانش فلبنت الا بغات تحاافظ على لبنات للي جاو عندها أمانة لقات كرطونة كبيرة قلبتها لقات فيها بسكوايت شي حلاوي مارشميلو شكلاط وشي ديسير تبسمت سمعت الدوش خدام مشات عمرت أتاي ليه وحطات شي حليوات حتى كتسمع حسو خارج لابس كيطمة فلكحل ولاوي فوطة على عنقو كيمسح شعرو)
زهير: لبنات لفووق؟
الحاجة: وااه (جلست كتكبلو اتاي) كدازت عشيتك اوليدي؟
زهير: الحمد الله (بشوق) لبنات ونسوك شوية؟؟
الحاجة: ونسوني الله يرضي عليهم وهند دَلْكَتْلِي رجلي
زهير: اممم خت وليد سميتها هند
الحاجة: لا ختو سميتها شيما وبنت عمها أمال وصاحبتهم هند
زهير: (فنفسو وباش نعرف من هادو سميتها هي) اممم مزيان
الحاجة: ياكما نخطب لوليدي شي وحدة فيهم هههه
زهير: (كياكل) واه
الحاجة: بالحݣ!!!
زهير: حتى نوريك شكون
الحاجة: (حسابلها غير كيظحك) هههه الله يعطيك الخير
زهير: انا نمشي لداري رتاح شوية باش لبنات ياخدو راحتهم فالدار
الحاجة: وااخا وليدي (ناض زهير للي مكرهش يطلعلها للسطح خرج ونيشان لدار كيحل بابو بشوية وكيشوف فسطح دار مو والو كيبان غير الضو للي مشعول دخل لدارو ونيشان لسطح جبد باكية ديال لكارو وجبد كارو منو شعلو كيكمي غير بشوية وهو كيشوف فسطح للي مكيبان فيه واالو ولكن صوتهم كيتسمع حيت سطوحة ملاقيين.. لاح لكارو ومشا هبط لبيتو وتفكيرو غير فيها باغي يعرف غير سميتها ونمرتها حتى صونات ليه مو يجي يدي لعشا.. خرج مشا لعند مو على بالو
لبنات راه مزالين فسطح حتى دخل نيشان للصالة لقاهم جالسين مجمعين على قصرية فيها تريد بلحمام دغيا رجع اللور ودخل للكوزينة ومينكرش فهاد جوج ثواني قشعها جالسة كتحشي فوجهها ومع رتاحت مع الحاجة محشمتش فلماكلة للي موحشااها.. جات مو حطاتلو فالصالون بوحدو)
الحاجة: بصحتك اولدي نمشي حدا لبنات
زهير: وا واه سيري امّا (بقى كياكل بووحدو وتفكيرو فهاديك للي قشع فمها عامر تبسم وبقا كيااكل صعييب واحد كيفكر فشي وحدة X وشوية يلقاها فدارهم وبيناتهم فاصل غير حيط ومعارفش حتى سمييتها...)
زهير: (ناعس فبيتو للي فدارو وهي مبغاتش تغيب من بالو كان يفكر فيها قبل ولكن ماشي كااع هاكا لي الشيطان كيوسوس ليه يمشي عندها وربي كبيير قلب للجهة الاخرى) عمرها كانت ليك نسهر ونفكر (كان غير كيحط راسو كينعس شاف الساعة كانت 1 دالليل وهو من11 وهو متكي ناض لبس قبيتو ودار القب على راسو هز باكيتو وطلع لسطح كان الزفزافي دلبرد تكى على الحيط كيشوف فسطح للي قدامو الضو ديالهم مطفي حول شوفتو لبيت فين ناعسين حتى تماك ااضو كان مطفي) جا معاك نعاس وانا طيريهلي (كمل كاروه وهبط لبيتو...)
~~~~~~~~~~~
اصبحنا واصبح الملك لله
وليد: (جالس فخدمتو وتفكيرو فهاد خيتي للي ولف بييها ملقى راسو غير صونا على زهير) افيين ابا زهير
زهير: وا غبووور هادي
وليد: غير مع تماارة دلخدمة
زهير: حتى انا هكااك اخااي
وليد: الله يحسن لعوان ما حيلتك للخدمة والمعلمية ولا تبع لكيران
زهير: (خيب وجهو) شهاد لحمووضة على صباح
وليد: هههه مزال ملݣيتي مولات دعوتك
زهير: (بفقسة) اودييييي (منين عرفها ممكن تكون ختو وهو جامع راسو) باينلي قرررربت
وليد: هي نجي
زهير: حسب راسك هنا الله ينعلها حاالة مشاركني فكوولشي مغتهنى حتى نشركو كولشي
وليد: اش تما؟؟؟
زهير: (جغم من الدكة ديالو) شنو درتي نتا مع لفرملية
وليد: غنعطيك سمية وغتسولي علييها
زهير: مسالي قبك لا!!!
وليد: برجوولة زهير قضيلي هاد لمنامة
زهير: سير اولييد سيييير داكشي للي بقالي
وليد: انا نصيفطلك لادريس.. ݣولي لبنات بيخير؟
زهير: (زفر) بيخيير مونسين الواليدة
وليد: يبدلو جو الامتحانات الله يخلف عليكم ويكتر خيركم
زهير: واااايلي زعما معرفت شنو دايرين لييهم سير سييير (قطع ولاخر صيفطولو لادريس ديال المصحة للي كتسطاجي فيها هند حتى ترشق لاخر ويقاب..)
زهير: (دخل عندو عبد الله قاه كيخوض السيمة) فييين
عبد الله: والله حتى عبرتي الواحد هو للي يوقف على شغلو بيدو
زهير: ضروري
عبد الله: سمعت جاو شي بنات لعند مّا وم.. (هنا زهير هز عينو محمر فيه قبل ميكمل كلامو) غير بغيت نعرف بناتمن؟!!!!!
زهير: ولاش باغي تعرف
عبد الله: غير بغيت نعرف
زهير: سير راه شي كراطن الجليج هزهم هبطهم ونخلصك فنهارك
عبد الله: راه حاضي المحال اصاحبي
زهير: (ببرود) انا بانلي حاضي غير لبنات.. جمع رااسك اسي دوك لبنات راه أمااانة عندي وتهز وسير قابل شغلك (خرج لاخر كينكر حيت مكيحتارموش حيت هو كبير عليه ب 10 سنين أما زهير غير زاد غووبش كنل ديك السيمة عطاها للمعلم غسل يدو وصونا على مو) مّا لباس
الحاجة: (كتقاد كسكسو بطلب من لبنات للي أصرات علييهم يقولو شنو مشهيين هي كتبركشو وهوما كينقيو الخضرة وكيعاودو ليها شنو كيوقع فالحي) الحمد الله اولدي ونتا؟؟
زهير: الحمد الله..
الحاجة: (قاست بحنكها مكبر الصوت) ولدي واش نزيد حساب صحابك؟؟
زهير: لا جا غير لمعلم يݣاد شي حاجة وغيمشي
الحاجة: اوا نتسناوك لغدا
زهير: اممم شوية ونجي.. بسلامة.. (قبل ميقطع) واش خاص شي حاجة؟؟؟
الحاجة: جيب لبينة اولدي
زهير: واخا مّا.. قطع كمل مع المعلم خرج نيشان للمحلبة شرا 5 لتر من لبن ونيشان للدار وقبل ميطلع مشا نيشان لدارو طرف راسو حيت الدوش مخدامش فيه لبس سورفيط مشط شعرو ولحيتو رش عطر خفيف عاد داز للطموبيل هز لبن وطلع للدار قبل ميدخل حنحن) السلاااام عليكم ماااااا..
لبنات بقاو كيضورو عينييهم والحاجة نطقت
الحاجة: دخل اولدي دخل (دخل لقاها جالسة فالارض كتبركش وتكسكس ولبنات واقفين حدااها)
زهير: (دخل حط لبيدو فوق لبوطاجي) السلام عليييكم (شاف فلبنات) لباس؟؟ (باس راس مو.. لبنات نطقو بشوية *الحمد الله*)
الحاجة: على سلامتك اولييدي
زهير: (خطف الشوفة دغيا وحيدها فأمال للي حنات راسها) الله يسلمك امّا برا
الحاجة: نحطلك شي كويس اتاي؟؟
زهير: (ضار بغا يهضر مع مو وجات عينو فأمال للي تبعاتو) شربت فالخدمة (دار يدو على كرشو) هاد الساعة باغي ناااكل اتاي مبقى كيݣر فواالو قتلنا المسووس
الحاجة: هههه واخا وليدي شوية ونجيبو لغدا
زهير: (شوفتو غير فأمال للي تبسمت وعطاتو بظهر وهو دخل للصالة) مشاااطلكش ابا زهيير...
زهير: (جلس 5 دقايق جاتو شحاال دلوقت) مّااا تمشيو تغداو فجنان؟؟؟
الحاجة: (استغربت من ولدها للي نهار كيجي شي غريب مكيوليش يبان ودابا العكس.. شافت فلبنات) تمشيو
هند: (شادة الضحكة) اهاااااه عمرني كليت فجو بحال هكااك
شيماء: حتى انا (أمال حشمت تقول وااه.. ميمكنش عند الناس وتشرط برااكة غير محسساهم راه دارهم التانية وكتر.. قربولها لبرمة وبقات كتسقي كملات
ليهم وسكات ليه طبيسيل بغات توقف مقدتش وقرباتلها هند مداتلها يدها ووقفاتها أمال مسحات لبلوول للي طاح فالأرض حتى سمعاتها كتعيط لولدها ضارت للحيط حتى دخل كيحنحن)
زهير: راه ݣاديت ليكم بلاصة تماك انا نهز لݣصعة (حنا هزها وهي عاطية غير بظهر طالقة لما على واالو خرج وهزت شيماء طبسيلو للي مسكي وحطاتو فوق لبوطاجس كولعا وشنو هزات ها الي هزات لكيسان وبيدو دلبن ولي هزات معالق وخرجو مدورين على الحاجة أمال عاد طلقت عينها كتشوف فديور للي بتلاتة للي تقريبانفس الفورمة ونفس صبااغة شكل ديال الدخلة ديال كل باب مقاادة وعاد فيزان كبار فدا لبيبان ودايرين واحد لقنت كبير كيحطو طموبيلاتهم مسقفينهم بالقزدير والسلحة لوسط كاينة نافورة صغيرة مافيهاش لما ضاير بيها غير شوية ديال ربيع مشاو لمور الدار للي كاين جنان صغيير لقاوه جالس تمااك بوحدو ومصايب بوسايد كلسة ليهم وطابلة صغيرة ديال الخشب مدورة حاطها الوسط وفوقها الكصعة كان منظر زوييين وكيرد الروح أمال هربت ليها الشووفة لييه لقاتو كيشوف فتيليفونو للي جالس كيفيلمي فيها وهي كتشوفو محس غير بشيماء وقفت عليه هز عينو حطت الطبسيل ليه فالارض فين مفرش حصيرة صغيرة)
شيماء: بصحتك
زهير: (شاف فالطبسيل) شكرا
شيماء: انا شيماء خت وليد
زهير: (هز عينو فيها وتبسم) مرحبا ختي
شيماء: (ضارت ومشات حداهم جلسو كياكلو وهو عطاهم بظهر كياكل وحيد سميت شيماء من القائمة اما لبنات كياكلو ويظحكو مع الحاجة خداو تصيورات كبو لبن شربو)
الحاجة: ولدي تشرب لبن
زهير: واااه (مسح حدا فمو وناض جهة مو هز كاس مكيعيقش فالشوفات ظار شرب حط لكااس ومشا كيتمشى اما لبنات كملو وبقاو جالسين كيتمنظرو وأمال تيليفونها مهدااش من الصونيط متهنات حتى طفاتو ناضت هند كتصورهم وتبوزا وتصور)
الحاجة: (بدا يلعب عليها نعاس) نووض ابنيااتي نشرب دوا ونتكى عليه نص ساعة
هند: نديرلك مساج بحال لبارح؟؟
الحاجة: (حشمت منها) منعذبكش ابنتي
هند: لااا مكاين حتى عذااب الحااجة راه قلتلك خدمتي وانا نعطيك نمرتي الا بغيتي نبقى نجي عندك نرة مرة ونيت نهضر ليك نع طبيب كنسكاجي معاه ديال لعظام
الحاجة: الله يكتر خييرك ابنتي الله يكون منك ويرضي علييكم كاملين (مشات هند معاها وبقات شيماء وأمال حدا الكصعة للي مبقاش فييها)
شيماء: شفتك من نهار جينا مهضرتي مع أنوار
أمال: مصااالحش ݣدااام المرا
شيماء: دابا يتقلق
أمال: (هزت كتفها) خاص يفهم
شيماء: (تبسمت) تكبرتي عليييه
أمال: اممم شنو نݣولك ابنت عمي والله متكبرت ولكن شنو داز علية ديك الليلة مخلانيش نديرلو لحساب بزااف وااه باغاه ولكن مزالة غضبانة منو
شيماء: بالصح مدار فيها ما يصلح تخيلي وكان تكرفس عليك داك شمكاار؟؟
أمال: نااري والله حتى نقتل رااسي
شيماء: الله يستر وصاافي وهو فيين مݣالكش نتلقااو؟؟ حيت ݣلتي هاد لياام مبرزطك
أمال: راه مساافر
شيماء: اييه داكشي باش
أمال: انا ندي لمااعن
شيماء: لا بقاي نتي هنا كنعرف كتعجبك الطبييعة انا نديهم
أمال: الا ميصلاحش تهزييهم بوحدك (وقفت مشات جابت الطبسيل للي كلا منو زهير للي بقاو فيه غير لعظام حطاتو فوق القصرية جات تهز الكصعة حتى سمعاتو جاي)
زهير: خلي علييك انا نهزها
أمال: (حشمت منو) لا لا معلييش
زهير: (حنا وشاف فييها) وااايلي انا هنا ونتي تهزي تقل (هز لكصعة وشاف فيها) شنو سمااك الله
أمال: (حنات راسها حشماانة)
زهير: مكنبسلش عليك باغي نعرف سميتك
أمال: (تزيزنااات.. جات شيماء وقفت حداها)
شيماء: أماال كولي للسيد سميييتك ههه هي حشوومية شوية
زهير: (شاف فأمال) سمية زيييينة (مشا ولبنات بقاو متبعينو.. حتى تبعوه دايين لكيسان..)
هند: (جات خارجة وتلاقات بزهير فلكولوار) واحد دوا مزياان للحاجة انا غنهضر مع طبيب يكتبو ليها
زهير: (كوليه بحوايجو الا تهليتيلو فمو) واه اختي
هند: انا خديت نمرتها غير ناخد ليها رونديفو نعيط ليها وجيبها لعندو
زهير: الله يكبر بيك اختي شكرا واش نعسات
هند: اه شربت دوا ديالها ونعست
زهير: الله يكتر خييرك اختي (حنا راسو وزاد خرج فدروج لقا لبنات طالعين فدرووج بقا واقف مبعد حتى طلعو دازو وهبط نيشان لدارو يرتاح شوية... اما لبنات جمعو الدنيا ورجعو لجنان وهنا هند حيدت الشال)
هند: لبنات بديت كنولف الشاال
شيماء: (حيداتو) غير كيبان ليييك
هند: سكتي الشيطان
شيماء: ها ها هااااا
أمال: (جبدت تيليفونها بقات كتصور المنظر ودارت سيلفي حتى هزت عينها فديور لقات شي واحد كيطل) شيماء ديري شالك راه شي واحد كيطل
شيماء: (ضارت شافت) يعاودها لمخو (بقات كتصور وتبووزا.. وفقنت اخر تحطت يد فافاااتو)
نزهة: علامن كطل اعبد الله
عبدالله: (دخل وسد السرجم) واالو سيري سخنيلي لما
نزهة: (شوفة راني عاايقة بييك) لما سخون فالدووش
عبد الله: اوا حرفي لهيه ندوووز (خلاتلو منين يدوز وهي حلت السرجم لقات لبنات واخدين راااحتهم خبطت السرجم ومشات عند لكاملة للي جالسة فالصاالة)
نزهة: شكون هاد الشيخات للي جابت الحاجة
الكاملة: اويل استغفر الله سكتي دابا يسمعك شي حد اش كربك لييهم باش تكولي عليهم هكااك
نزهة: اوا شوفي شنو كيديرو فجنان واش مفراسهمش هنا راه عايشين رجال وحتى لمعزر
الكاملة: علاه شنو يديرو؟؟
نزهة: طالقين سواالف وكيشطحو
الكاملة: (خرجت عينها) والخاجة معاهم
نزهة: لا هوما غير بتلاتة
الكاملة: اممم (ناضت وخرجت من الدار حتى كتلقا أنوار ياله دخل بطموبيلتو فرحت برجوع ولادها) على سلااااامتكم اولدي (أنوار غير عااقدهم) علاش معلمتونيش نخلي ليكم لغدا
أنوار: عبد الوافي هود نتا انا مزال عندي شي شغل
الكاملة: دخل اولدي حتى نتا ترتاح
أنوار: مرتااح اميمتي خاصني نقضي شي حااكة مع صااحبي وغرجع
الكاملة: عنداك اوليظي تبات برا
أنوار: (شاف فخووه) السلعة للي بقاتليهنا غندوزها للمحال ونحطها تمااك
عبد الوافي: (بتعب) صاافي هنيتني نيييت ومتكصرش بزااف
أنوار: (رجع ماشرياال ونيسان لدار الطالبة عند هادي للي نبقات بغات تجاوبو)خغة2
أمال: (كتفوه) لبنات فوكاش نمشييو؟؟
هند: غير تفيق الحاجة
شيماء: هند الحاجة بغاااتك باينة تخطبط لولدها
هند: ههه علاش لا ياك نتي بعدا مبغيتيهش ومقنعكش انا لعدا عجبني
أمال: (كتفرنس وضورات وجهها)
ياكما هو الحقيييييير
هند: (شافت فيها ممتيقاش ياك سمعاتها قالت وليد واكداتلها راه خو شيماء كاااع) موحال واش تنجحي أمال
أمال: (بخوف) علاش؟؟؟
هند: (شقلبت عينها) مهم.. (شافت فأمال) هدا خييرلك من أنوار
أمال: (قرنت حواجبها) الااااا انا مع أنوار ميمكنش نخوونو
هند: خونو!!!! شكاتخوري نسيتي شنو داز عليييك
أمال: منسييتش ولكن راه تبدل
هند: هدا رااهرااجل أمال هدا هو للي تعولي عليه يوماين عرفتو وعرفت كفاش كيعامل مو باين راااجل وبذرااعو
شيماء: (غير كتسمع وكتشوف فهاد أمال للي كولشي كيحماق عليها)
هند: وااخا غدا غنمشيو نتسجلوفداك التكوين راه ب 800 درهم لشهر
شيماء: ههه اوييلي درتوها بالصح
هند: ياله حتى نتي تلفي وقتك راه فيه صنعة واللغة أمال ختارت لونكلي وانا الاسبانية
شيماء: معرفتش انا ياله كنقرا قرايتي
هند: اشمن قرااية ونتي وكان منقلتيش والله متعمري ديك الورقة
شيماء: المهم فهمت شنو تكالي هههه
أنوار: (عيى يصوني والو مكتجاوبش تيليفونخا مطفي وهند باينة مبلوكيااه صونا على شيماء للي ناضت دخلات لطواليط وجوبات) ماال أمال طافية تيليفوونها
شيماء: (عوجت فمها) كتسول غير عليها؟؟؟
أنوار: (بعصبية) علااش طافية تيليييفونها؟؟
شيماء: مبغاااتش تهضر معااك
أنوار: (سكت) علاش شنو وقع؟
شيماء: شوف حنا عند شي ناس وهي حشمات تهضر حدااهم
أنوار: دوزيهالي
شيماء: هي راه حدااهم
انوار: ونتي مكنتيش حدااهم
شيماء: علاش انا بحاالها
أنوار: اممم مهم كولها راه كنصوني عليها من لبارح كولهاتشعل تيليفونها
شيماء: واااااخا (قطعت) رقااص ديالك أنا تفووووو (خرجت من الحمام لقات الحاجة فااقت وجالسة حدا لبنات) نمشيو؟؟
الحاجة: بااتو ابناتي
شيماء: نمشيو الحاجة حتى لمرة جااية غدا غنبداو التكوين وراكي عارفة
الحاجة: (حركت راسها باه مسخياش بييهم) اوا قرايتكم هي اللولة ابنياتي وسبت وحد جايين روااحو تواالية
أمال: ان شاء الله الحاجة الله يخلف عليك وسمحيلنا الا صدعناااك
الحاجة: (طبطبت عليها) مرحبا بنيتي داااركم هادي اجي فوكاش ما بغييتي
هند: الله يكبر بيك الحاجة ويطول فعمرك
الحاجة: اميين ابنيتي ونوض نكاد ليكم كاسكرووط
هند: لا لا والله حتى شبعانين ياله تغديينا (بقات تحلف وهوما يرفضو بلبااقة حتى غلبتهم وناضت وهوما مشاو لبيت للي عطاتهم بدلو حوايجهم حتى صونا أنوار عند شيماء ومجوباتش)
شيماء: حقا أنوار صونا علية كالك شعلي تيليفونك
أمال: نسيتو مطفي
هند: (لوات شال عليها) نسيتييه مطفي كاع؟؟
أمال: هههه والله (شعلاتو وهوما يوصلو بواط فوكال على الجهد) احااااااااي اليوم يزعرط
هند: هههه (خرجت لقات الحاجة جمعاتلهم داك سقاطة للي مكملةهاش وشي طواسي ديال كيكة مسمن حلاوي كعك زيت بلدية زيتون كحل وجبن مخلات معطاتهم شكروها بزااف وعيطات على ولدها للي كان نعس باش يجي يوصلهم بدل حوايجو ومشا لعندهم شيماء حضااتومن السرجم للي بانلها ومشات حدا لباب حتى قرب يطلع وهي تسمعلو)
شيماء: أمال واش خطييبك قرب يرجع؟؟ (بقات كتمشى حتى جرت أمال بحجة كتقاد ليها الشال أما هو طلع مفاامش واش هي مخطووبة ولا شنو لقاهم بجوج كيوشوشوو كان اليوم غيهضر مع وليد علييها منين قرب حداهم سكتو)
الحاجة: ولدي وصل لبنات
زهير: واااه (هز لكرطوونة وخرج لبنات ودعو الحاجة وخرجو تبعووه كان وااقف كيفكر حتى شافهم حل لباب دخلو وعينو فأمال مكرهش يسولها نيشان ولكن حسن غيهضر مع ولد عمها للي صااحبو وعشيييرو ولكن حس براسو ديرووونجا وربط حشوميتها صوااب منها باش تصدو ومتهضرش معاه حيت مخطووبة صاك بيهم لتمااك نزلو ونزل حتى هو جبد من لكوفر لكرطوونة وحطها ليهم حدا لباب وهوما تابعينو بتلاتة دار) انا راه خوكم لكبير للي حتاجيتووه مرحبا
هند: شكرا اخويا وسمحوولنا
زهير: (كيهضر ومغوبش عكس للي كيكون بشوش) لا لا بلعكس ونستو الوالدة ومرحبا بييكم (شاف فأمال مقدرش يصبر) واش نتي.. (سكت فضل يهضر مع وليد نيشان باش ميتعداش حدوودو) الله يعاون (مشا لطموبيلتو ولبنات متبعينو مفاهمينوش اما هو كسيرا نيشااان..)
هند: مالو؟؟؟
يتبع...
التعليقات
لا توجد تعليقات بعد، كن أول من يعلق.