محتوى القصة
بشرى: (دخلت عند الحاجة من بعد مسمعت عيشة كتهضر فامال بالخايب وأنها مكتعاون مزالو فنيانة وممربياش ومافيهاش الخير فمها للي مريضة وجاية مع راجلها للي مكتخليهش فين يتنفس... لقاتها كتمسد رجل الحاجة...
تبسمت معاهم)
زيوونات طليت على ولدك لقيتو نعس
أمال: واه راه مشا الحال ونعس مسيكين
بشرى: ظحكتيني بدوك لوسايد للي ضايرين بيه بانية حيووط ههه
أمال: ههه كيهبلني بنعاسو
الحاجة؛ حار بحال باه
أمال: حݣا مبانتليش زهير حتى لعشا مكانش معاهم
بشرى: سولت راجلي ݣالي خرج وتبعو أنوار شو فين زادو
أمال: اييييه.. (حطت رجل اليمنى وهزت ليسرى)
بشرى: كيف بقات ماماك؟!!!
أمال: شوية وصااافي
بشرى: لباس عليها وخوك؟!
أمال: (رمشت بالزربة) الحمد لله.. (بقات كتمسد رجلين الحاجة... بقاو ساكتين حتى سمعو جخير الحاجة) نعست (حطت ليها رجليها بشوية غطاتها وخرجو من لبيت كان صقيير كولها فين تلاح ينعس)
بشرى: فيك نعاس؟!
أمال: معرف نعيط على زهير مموالفالوش يسهر هاك وعاد الخدمة عندو بكري حتى وليد للي يشد عليه بقا فتاوريرت
بشرى: نشوف نيت حتى داك أنوار فين راه؟؟ (كولها جبدت تيليفونها كتصوني مكاين حتى رد) مكيجاوبش
أمال: (جات تقطع وتشد اخر لقطة) الووو
أنوار: (بحرا كيقدر يهضر) امااال
أمال: زوهير!!!!
أنوار: (بصعووووبة)
درت كسيييدة.... راني فلوتوروت..... قريييب لوجدة....
أمال: (طرطقت عينها مصدووومة الصوت مبدل ولكن هي شدت درت كسيدة بقات مبرقة عينها حتى شدت التيليفون بشرى عليها من بعد مسولتها شنو واقع ولوخرا مصدوومة)
بشرى: الو الو زهير فييينك
أنوار: انا.. اناااا.... (بحرا كيتنفس) درت كسيييدة.. راني فلوتوروت مبعيييدش بزااف من وجدة
بشرى: اوييييلي انا دابا نݣولها لبااا.. (قطعت زعزعت أمال للي معرفت مدير ولي بدات تخيل راسها بلا زهير تمووووت ومتبقاش بلا بييييه...)
راه منين كيهضر غيكون بيخير ان شاء الله..
انا نمشي نوض خووتي حتى أنوار معرفتو فين زاااد (بقات أمال كتبكي تابعة بشرى مشاو فيقو لكبير وحتى عبدالله وعبدالوافي ووجه باهم غلب وعرفو أنوار خدا طموبيلة ديال باه وبقاو كيصونيو عليه حتى طلت عيشة من دار للي صلح أنوار حيت نعسو تماك)
عيشة: شي تيليفون من ݣبيل وهو يصوني راه فبيت أنوار وأمال ولكن راه ساد لباب ودا الساروت
بشرى: (عاوداتلها شنو وقع بقات تويل وأمال زاد معاها الزايد كتبكي فصمت مخلووعة مكتعرفش تعبر بحال هاكا تندب وتغوت وتنتف شعرها عاودت صونات مجاوبش رجعت صونات)
أمال: زهير حبيبي واش نتا لباس!!!
أنوار: (كيبغيو عينيه يتسدو ويرجع يحلهم) نبغيييك أمال...
زهير: (بقا ماشي جاي غيحماااق سمعو لفجر) استغفر الله العظيم واش دوك للي كنتو عايشين معاهم وحوووش
وليد: براسي مفااهم والو
محمد: (حاني راسو بين رجليه...) واش أمال عمرها عاودلتك دشي؟!!
زهير: (بعصبية) ختك موحال حتى واش تكون سامعة بهاد لحكاااية
محمد: حتى يانا فالدار مكنت عارف واالو... تكون مرت عمي عارفة شي حاجة
زهير: نتا كنتي عااارف
وليد: سمعت هضرة دااايزة وصاافي
زهير: هضرة دايزة وساااكت ومزال مخليين الكلب ها أمال ها ختك وحتى نتا مرتك مقاالهااااش
محمد: مرتي؟!!
زهير: علاه مبغيتش تفهم هي لاش هربت عندك لوجدة وكانت غير تبكي وخايفة ترجع لدااركم
محمد: (بلع ريقوو)
وليد: كان هضر راك عارف لاح شي هضرة تما فين ضاربو وجات
زهير: (خبط يد مع يد) يا خلا دااار بوووه وكان طلݣوني عليه نمضغ مو
محمد: كفاش مرتي وكفاش نتوما عارفين وانا لا
زهير؛ خفنا عليك من الحبس ابنااادم هاحنا وحلنا دابا كوولنا
وليد: غير يصبح صباح نعيط لديك المحامية اصلا غيتفهمو حاالتنا
زهير: غيتفهمو حالتنا هي الا مدوه... (شاف محمد كيهلل وعرووقو باغيين يطرطقوو باغي يخرج عندوو سكتو بجوج بقا فيهم حيت كولشي تجمع عليه دقة وحدة بقاو كيهدووه شحال جا بوليسي حيح عليهم على صداع للي دارو الليل كامل مخلاوهمش فين يرتاحو..)
هند: عندهم فالدار منعسوش الليل كامل كيصوني على وليد ومحمد فاللول صونا وفالتالي تطفاو بجوووج نبيل وادم خرجو يقلبو فصبيطار فين ناعسة فتيحة ووالو ملقاو واالو بقاو كيقلبو المدينة ولبلايص للي معروفين كيمشيو ليهم.... حتى جاهم لخبار ان علي تشد مهرب لحشيش...
شكو حتى هوما ومشاو للكوميساريا ولكن معطاوهمش خبااار حيت القضية فيها لحشيش وكان تدخل حتى من رجال الدرك الملكي..
اب مروى: حتى هو نفس الحالة كفاش علي تشد وشكون للي بيع بيهم وبيدق والعملية كانت سرية بزاااف عارف هو والݣاردكور ديالو وعلي ومول السلعة للي حط فلووسها مسبقا...
لكبير: (بلغو بالكسيدة للي وقعت ومشاو خايفين عليه أمال أضرت تمشي معاهم واخا عياو يمنعووها مسمعت لحد والحاجة مقالولها واالو خلات ولدها فامانة ليلى ومشاات كتدعي يكون بيخير وكتبكي تابعااهم اومبيلونص كما قال كان بعيد على لبياج غير ب20 كيلومتر لقاو الطموبيل داخلة فداك لحديد لي كيكون فجناب والطموبيل مقلووبة شعلو لبيل طلو عليه حتى كولشي كيتفاجئ بانوار) ولدي ولدي
أنوار: (كان ميت بالبرد والحريق وحتى الخوف راه كان ظلام فظلام واي واحد يجي يݣريسيه يقتلو ويزييد) اممم
لكبير: فين زهير
أنوار: (بحرا كيهضر) تاو.. تاااوريييرت (بقاو كيحاولو يجبدووه نقذو غير ل air bag للي كيكون فلفولون طرطقو ديك لبالون وتعاونوا جبدوه بشوية عاد ركبووه فلبياص أمال غير كتشووف وترمش عاد حست بلبرووودة وبقات كتحمد الله ان للي كاين ماشي زهير ماشي حبيبها هدا....
غير انوار)
قلبوه مكانش شي مشكل كبير او نزف من غير بعض الخدوش على وجهو ورجليه وكلاها فصدرووو ركب معاه خوه عبدالله فلوملبيلونص صونا لكبير على العائلة للي تشوشو على زهير وعلمهم انه أنوار مول لكسييدة
أمال: الو هند واش زهير تماك
هند: معرفت اختي اصلا حتى وليد ومحمد غابرييين
أمال: حتى زهير بفففف تخلعت بزااف (بقات كتبكي) حسابلي دار كسيدة
هند: شكون دار كسيدة
أمال: أنوار الحمد الله بعدا مكانش زهير
لكبير: (ضار كيشوف فيها مع ظلام هي مشايفة شكون حداها ولا للي موراها للي شاغلها بالها زهير يبان وتعرفو بيخير..)
هند: بففف هادشي تيمرض عرفتي شحال وحنا تنقلبو عليهم وداك لحمار جانا خبارو انه تشد مهرب لحشيش
أمال: علي؟!
هند: اه
أمال: الله يعطيه غباارة الله يعطيه مووصيبة الله ياخد فيه الحق الله يعطبووو كتر مراااه معطووب
لكبير: بنتي اش هاد دعاوي فأنوار واش دارلك
أمال: ها!!! لا راه كندعي فخويا
لكبير: وعلاه؟!
أمال: (دهشرها) دابا هو ضرباتو مرتو بموس وخاف من باها ومشا شهد فمو هي للي ضرباتو وشدوها فلحبس ودابا راه شدووه مهرب لحشيش
لكبير: (بقا غير كيشوف دابا عاد فهم لبلان)
أمال: عفاك اعني متݣولها حتى لحد انا دايرلك نتا بحال بابا والا ݣلتيها لهم غيبقاو يعايروني عاود بدشي
لكبير: (بقات فيه وهي مزال دايرة التيليفون فودنيها) الله يطبق سراحها ابنتي معندك مناش تخافي وللي هضر معاك رواحيلي
هند: اوييييلي كفاش مشدودين
أمال: شنو وااقع
هند: وليد ومحمد وزهير راهم مشدودين فالحبس حيت ضربو الكلب منين كانو جايبينو
أمال: الحمد لله اللهم الحبس ولا كسيدة.. عمي راه حتى زوهير تشد فالحبس....
ادم: (عيا يهضر مع لبوليسي باش يطلقهم واالو حتى يجي لكوميسير للي راهم مشغولين مع داك لحشيش واخا غير جوج كيلو ولكن راه خااام..
مخلاوهمش حتى يشوفوهم... رجعو فحاالهم كان ليل بلوونش عند صحاب وجدة وتاوريرت...)
~~~~~~~~~~
أصبحنا وأصبح الملك لله...
أمال2 بشرى كولشي فصبيطار اما أمال هزت ولدها ومشات التاكسيات شدت طريق لتاوريرت..
أنوار: (كان كلاها فصدرووو وسخانة شاعلة فيه) اماااال...
امال2: (تدهشرت كان ناعس وكيهتر بسميتها شافت فمها ظحكت وتغامزوو هي خالتها بشرى بقات غير كتشوف وهي عارفة شكون أمال للي مقصودة...)
حم
عيشة: شديلو يدو ههه راه راجلك متحشميييش
بشرى: حسن نعيط لطبيب سخانة وااعرة فيه...
(خرجت جابت فرملية جات عندو تشوف سخانة خرج كولشي باش يخليوه يرتاح وعاد للي مشا يرتاح مدام عرفو زهير بيخير حيت لكبير مقال واالو...)
~~~~~~~~~~
أمال: (شدت تاكسي صغير لدار عمها فين دخلات كانو تماك من غير رجال للي راهم يفكو فالكوميساريا...) الا امرت عمي
نعيمة: بنتي شكون جابك
أمال: جيت فتاكسي.. (حيدت شالها رمااتو بكترة الصهد وحطت ولدها فوق السداري) علاه تشدو عاود؟!!!
نعيمة: علاه فوكاش تشدو؟!!
هند: لبارح.. لبارح اووووف غيكونو مشدوش راسهم منين شافو داك وجه لكلب
شيماء: ولكن راجل أمال لاش يجي من تاوريرت
أمال: واه زوهير لاش يجي فداك الليل
هند: حقا أنوار كيف بقا
أمال: (مخسرة كمارتها) مزال حي
نعيمة: امااال حشوومة ابنتي راه ولد خووه..
أمال: وياله نمشيو نشوفووهم
هند: تتقلبي على زهير يقطع ليك رجلييك لا!!!
أمال: دابا منين تشد هداك يقدر يرجع فكلامو وميبقاش شاهد على ماما
نعيمة: الله يهدي ما خلق وصااافي...
~~~~~~~
اب مروى وصلو لخبار راه علي للي بلغ على راسو وكيتسنى غير يجبد سميتو هو يخرج يخرج ولكن يصفيهاالو...
جا الكوميسير شاف فداكشي للي تماك استدعاهم ب3 كانو متافقين يوريو الفيديو باش يفهمو ردة فعل ديالهم علاش نفاعلو حتى كيلقاو احمد وادم وجايبين محامي طمرووو وقالو غير على ود شنو دار فموو زهير شهد فيه لبوليسي حيت ضرب خلص الغرامة 800 درهم ولوخرين 300 درهم لواحد.. خرجووو من تماااك
زهير: شي دعوة شيييينة فية من نهار وطيت داااركم وانا فلغراامة
وليد: (كان معصب وجابلو الظحك)
محمد: (مشا يهضر مع المحامي باش يظغطو على علي يعتارف وميبقاش متاهم مو... باغي يفهم بزااااف...)
وليد: هادشي بلا ميتذكر
زهير: على زين واش يذكر فيه....
محمد: (كمل مع المحامي للي زادو على المحامية تقاااتل باش يجبدها من الحبس ولكن الاحساسيس للي كانو قبل ماشي هوما هادو للي فيه داابا كيحس بفراااغ قاااتل جمووود تفكيرو وااقف بحال باغي غير يدير شنو ربي آمروا بيه... عندو أسئلة كتيييييرة وحتى من بااااه تفكر ليلى فاش كانت كتمنع علي يقرب لبناتها دارتلو
...طن!!!...
يمكن حتى هي عارفة شنو كاين شاف دراري واقفين كيتسنااو حشم هاد المرة بزاااااف من زهير ماشي حيت جا يدافع على مرتو ولكن ماشي عائلة للي تشرف يتنااسب معاها... حنا رااسو وتمشى على رجلييه من الجهة الاخرى فين كانو هوما ملهيين كيهضروو... رجلييه دايينو للمقبرة والشمس ضاااربة فراسو ممسوقش ليها ولا العطش ولا الجوع للي يوماين مكلا فيها واالو...
تفكر كفاش ختو تعدا عليها وحتى شيماا للي كان حاط العين وكان باغيها عروووسة لييه وعاد مريم غيحمااااق وصل لتمااك دخل لقبر باه نيشان جلس فوق طوبية كان تماك أول مرة ميقرا لا قران لا يدعي بقا غير كيشوووف ودماغو كيسول وكيلووووم كيشوف فسميتو وتاريخ وفااتو نهار للي ختو تطردت من الدار ومن رحمة مها وخوتها للي اصلا مكانوش كيحنو فيها...
معرف شنو يدير وفين يعطي كولشي تخلط عليه ودماغو حبس...
شاف لما كيترش على القبر هز راسو كان عمو هاز بيدو ديال 5 لتر كيرش وكيتمتم بفمو تبسم معاه وبقا غير كيشوف وقف كيقرا ايات من القران الكريم بصوت مسموع عاد هز كفوفو لسما بقا كيدعي مع خوه عاد شاف فمحمد للي غير ساهي)
احمد: ولدي!!!
محمد: (وقف وباين فيه عياء كبييير) جلس اعمي
احمد: (دارلو إشارة باش يجلس جر طوبية جلس اونفاص معاه) مالك اولدي
محمد: مالي هادشي كاامل ومالي؟!!!
احمد: خوك غياخد جزائو الا ماشي هنا غيكوون فالدار لهيييه
محمد: كنتي تشوف كيف كانو يديرو مع أمال!!!!
احمد: الله يهدي ماااا خلق كنت ديما نهضر مع خويا نردلو العقل ساعة واالوو
محمد: ماشي فشكل داك الكره ونتا عارفها متهزش الراس فحتى واحد
احمد: (زفر حرك راسو بلا براسو من ديما كان كيستفسر على هاد القضية) ولكن دابا الحمد لله ختك عايشة مرتاحة مع راجلها وفاميلتو
محمد: انا بعدا ممرتاحش فسمو دوزت عليها والضرب للي كنت نضربها ومخليينها بحال شي هم عندنا فالدار
احمد: الله يسامح اولدي الا بقيت تفكر هاكا مغتكونش مرتاح الدنيا هي هادي مرة نغلطو مرة لا وربي كيسامح
محمد: (مقادرش يقولو شنو عرف بقا ساااكت حتى ناضو بجوج وخرجو ماشيين على رجليهم للدار....)
على مفاق أنوار ورجع احسن كانو متجمعين عليه وهو كيقلب عليها رجعت ٱدمان مكتفارقش عقلو كل نهار كيدعي يبعد منها ميعاودش يفكر فيها حتى كيلقى راسو كيفكر غير فيها...
وقف عليه باه كيسولو على صحتو وشايف الخوف فعينيه...
أنوار: راني ملييح ابّا متخافش
لكبير: علاه كنت صايݣ فديك الوقت وفين كنت ماشي؟!
أنوار: غير بقيت صايݣ وصافي
لكبير: (ممتيقوش) فين كنت ماشي
بشرى: با خليه يتݣاد فصحتو ويجاوب
لكبير: (حرك راسو باه كفاش هو صايݣ فداك الليل ومعطوب وزهير حتى هو مشا فداك الوقت وكان غير كانت مرتو تم ممكن!! بقاو معاه مشا جاب الحاجة شافت أنوار للي بين ليها راه مزيان باش متخلعش عليه...)
امال2: حم أنوار كيف بقيت؟!
أنوار: الحمد لله (شافها كتفرنس جات عمتو كظحك حتى هي مفاهم والو تبسم) واشتا!!!
عيشة: سخاين فيك ونتا تهتر بسميتها
أنوار: بسميت من؟!
بشرى: بسميت مرتك أمال
أنوار: (لعب بلسانو فوسط هاز حواجبو) هانتوما ݣلتو سخانة لعبت علية
امال 2: (حشمانة) ماامااااااا
أنوار: متحشموليش مرتي راه دغيا كتغرق فحوايجها
امال2: (قربت تزغرت بالفرحة)
أنوار: ماااا مجاش زهير؟!
عيشة: معرفناه لله مشا وتبعاتو على النبووري ديك فليفلة ديالو يا لاطيييف كطير مع طيوووور
بشرى: تبعت راجلها اعمتي مداارت والو انا وكون كنت انا نتبعو راه عيطلها
عيشة: راكي تيقيييها لفنيانة لووخرا
أنوار: مالكم دابا؟!!!
عيشة: والو والو اوليدي غير هضرة وصافي
أنوار: كتزيدو فيه لبنت ماشية معاكم بالنية ونتوما تكطعوها فيها
عيشة: (دارت قرب حسابلها غيجي منها...)
~~~~~~~~~~~~
أشرف: (كان مكتائب غير بوووحدو محامل حتى قنت فداك الدار بلا بيهم معرف ميدير حتى طياب نسا عليه كيجيب غير من برا فكل قنت كتبانلو شيماء وبنتو كانو معمرين الدار)
شكون ݣااالهم انا معااارفش بقيييمتهم!!!!
(شاف راسو مبقى عندو لا صحاب لا والو دراري للي كيخدم معاهم فقط اما من الخدمة للدار حتى القهوة والشيشة للي كان مبلي بيهم مبقاش كيدور بيهم...
هز تيليفونو قلب فلكونت ديالو كان باغي يشري شي سلعة عاد خرجات جاب ورقة وستيلو كيكتب شنو غيخصو وشنو غيصرف فكر يعيط لزهير الا بغا يعطي لامال لفلوس تشريلو حوايج لشيماء..
صونا على شيماء لقاها مرونة عندهم وكولشي راه مزال مجموع تمااك.....)
زهير: (مع دخلو للدار هو وليد كيسمع صوت أمال كتكركر هز حاجبو) واش جيب دي لهن؟!!! (تقدموو كيلقاوهم مجموعين حناو راسهم كيحنحنو حيت عياو يدقو مسمعووش وحتى وحدة ملابسة فولارها عاد بالزربة كل وحدة لبست....
وقفو ماشين جيهتهم)
نعيمة: الله يا ولادي شنو وقعلكم لبارح؟!!
وليد: راكم عارفين سمو طاري (مشا للحمام مخلي هند كتغلي معاطيهم حتى لوقت)
زهير: واش جابك نتي هنا؟!!!
أمال: (تدهشرت) تخلعت عليك
زهير: وعلاه تخلعي؟!!!!
أمال: (شافتو كاعي) حيت لبارح ݣلبنا عليك وملݣيناكش حتى عرفت راك فلحبس
زهير: تحركي ياله
أمال: (صدمها ردة فعل ديالو هي كانت غتموت بالخلعة عليه وهو كيف كيعاملها وعاد قدام كولشي حنات راسها ومشات لبيت)
نعيمة: صلييوو على نبي اولدي هي جات حيت خافت عليك
زهير: وداكشي علاش انا غوت عليها واش معناتها نخليها فالدار فوجدة نصبح لݣاها جات لتاوريرت خالتي نعيمة انا هادشي ميعجبنييش مخليها مع مّا وكنت هاني فمجااجي ماشي باش نولي نلݣاها شادة طريق مع راسها
هند: ولكن هي جات على قبلك
زهير: داك نهار هضرنا وبانلي كلامي مراهش يتسمع (الا بقات هنا غتعرف علاش تشدو واخر حاجة يبغيها هو تزيد تعقدلو...) امااال
نعيمة: ولدي جلس تغداو بعدا
زهير: معليش اخالتي نمشي راه مخلي الخدمة...
وليد: (كان توضى وخرج عندو) دخل توضى صلي وسير (مشا يصلي)
نعيمة: عمك احمد الا جا وملݣاكش يزعف منك
زهير: (شاف أمال مزال مجاية مشا يتوضى اما هي غطرطق محملتش شنو دارلها متوقعاتهاش منو نهائيا...)
مريم؛ خويا وليد فين محمد؟!!!
وليد: ها هو درك يجي
هند؛ اوا ونتا مغتقولش علاش دخلتو الحبس
وليد: راها باينة شفناه مشديناش راسنا ودخلونا
هند: اوا وزوهير للي جاي تيجري من وجدة حتى هو مشدش راسو
وليد: (شاف كولشي كيتسنى تبرير) ونتي ماالك ياك شرحتلك عليا يانا لاش كتݣلبي على للي بعيييد عليك (دخل للصالون يصلي مخلي هند عينيها وساااعو بالصدمة)
نعيمة: ندخلو للكوزينة نوجدو لغدااااا هييييند شيماااااء سناااء نتي امريم سيري شوفي أمال...
بقاو جالسين فصمت أمال وهند غير كيخنزرو فدوك الثنائي للي دخل فيهم طول وعرض كان الجو مكهرب حتى من نعيمة سدو عليها مبغاوش يعطيو شي سبب مقنع كلامهم هو كلامهم... وليد بقا كيشوف فختو كفاش داك الكلب وصلها وحتى هي كانو مشددين عليها ولكن شكون يشك فأقرب الناس ليهم.. شاف فامال مولات النصيب الاكبر من التعاسة فهاد العائلة والضربة جاتها من اقرب الناس ليها مها وخوها وباها...
تم داخل محمد للي ملامح وجهو كبرو 10 سنين فيوماين مريم مزعمتش تهضر راه شافت جوج تجربات فاشلين قدااامها
نعيمة: محمد ماالك اولدي
محمد: (هنا شد الدمعة فعينو بالسيف) انا ندخل لحمام (مشا واحمد دخل حداهم)
احمد: لݣيتو فلقبر دباه لا حوله ولا قوه الا بالله العلي العظيم من نهار مشا خويا وهاد لفاميلا اللور اللور
وليد: (عفط على رجل زهير باش ميهضرش)
زهير: حاااايد اصاحبي رجليك.. اشمن فاميلا اعمي احمد سمحلي على هاد لكلام ولكن بنتو كانت ولكلها من عندهم كاملين سوا حي ولا ميت
أمال: (واش شوية يدافع شوية يغوت عليها قدام كولشي)
زهير: (صقيييير تم محمد داخل للصالون.. فيه ميهضر ولكن الا تݣرع راه هي لي غتضر كتر.. حتى احمد عارف الوضع عند دار خوه مكانتش هي هاديك ديما صدااع ديالو هو وفتيحة)
فلاش باك
احمد: (غواتهم كتر بزااااف) نعيمة سمو طاري لتحت عاود
نعيمة: معرفت اخويا كل مرة ينوضو يتقاتلو انا عييت مندخل بيناتهم هلك داك الولد عصى
احمد: ياكما شدو يكمي؟!!
نعيمة: ݣالتلي فتيحة شدو يكمي فسطح ولكن متقتش هاد لعصى ماشي ديال الكميان ياك هو براسو كيكمي وفالدار ݣاع
احمد: (زاد غوات فتيحة) انا نهود قبل ميطيح شي رووح.. (هبط لقى مصطفى خوه شاد حبل غليض ومركن فتيحة وعلي فالقنت كيعطي فيهم على جهدوو لولد كانت ياله فعمرو 11 عام فالسيف باش شدوو عاد تم جاي محمد ووليد للي كانو فالحانوت وعندهم ديك 16 عام بحرا تشدلهم مصطفى ولكن سبب الضرب مباينش بزااف حدو كيقول نعاودلكم بجوج تربية ...)
من تماك وهو فينما شد علي يضربو يقمعو قدام الناس الوحيد للي خرج من لقرايا حتى لواحد نهار ضرب أمال حتى تهرست من تماك كان الصخط عليها كتر من علي كبرت وهي كل مكيزيد العمر كتعامل بقسوة حتى بقاو كيهضرو على زواجها من نبيل وهو مكانش عندو المشكل حيت بنت خوه وكانت عزيييييزة عندو بحال شيماء واخا كيعيى يدافع عليها وكيلقى غير البرود من جهة باها ومن جهة مها حتى تقدم محمد يتزوج شيماء ومنين مقبلتش بنتو مقدرش يبزز عليها وتبقى على رقبتو وكان حتى واحد العامل مبغاهاش تكون عرووسة عند خووه للي هوما اصلا عايشين عداااوة قاااتلة وجاه الرد انه حتى هوما ميزوجوش أمال لنبيل مكان حتى شي تعلييييق حيت مابغاش يخسر خووه ماشي الوحيد حيت عندو جوج اخرين ولكن هدا كان الاقرب ليه....
عدنا
تحط لغدا كولشي غير نقب حتى واحد مكان بخاطروو ولا كلا من غير شيماء للي شادها الهيمري وحشمت من راسها حيت كولشي مقلق وهي الشهية ماشي غير مفتوحة كانت مشرݣة...
زهير: هو هدا نتشاوفو فساعة الخير اصلا ولد خويا داير العرس مرحباااا بيكم نبدلو الجو شوي (كولشي بارك ورحب بالفكرة هوما نساو موضوع أنوار شنو دار مع شيماء حيت وجه لكبير والحاجة وزوهير كبيييير باش يبقااو شادين فخااطرهم من جهة برهووش.. ناض احمد طلع عند باه لدارو لفوق)
ياله أمال
أمال: واخا نهضر غير مع محمد شوية
زهير: (تشافو هو ومحمد) علاه واش أتݣولو؟!!!
أمال: غير نسولوا على فين وصلت ديك القضية وو نعرف
زهير: معندك متعرفي لكلب لبارح تشد والا فيه ذرة الإنسانية شوي راه غيعتارف ومو تطلݣ
أمال: (بقا فيها الحال على معاملتو ليها شافت فمحمد حتى هو غير ساااكت وموقفش كان من شحال هادي هو كيجرها ويقولها دابا غير صاااقر وزاد حنا رااااسو يعني حتى هو مغيهضرش....)
وليد: حتى حنا يمكن نمشيييو
هند: اليوم؟!!!
شيماء: وخطووبتي؟!!!
نبيل: اشمن خطووبة صااافي مبقى عندك فين تمشي
شيماء: شنو؟!
نبيل: غتغبري علية ولا نعطيك للكماارة البرهوشة
وليد: مااااال جدك نتا عاود
نبيل: رجوع لداك خينا هو للي ميكوونش....
زهير: زيدي راه الا بقيت دقيقة غنطردݣ
وليد: (بعصبية شاف فشيماء كتبكي) واش نتا مريييض راه راااجلها هداااك
نبيل: جوااااجهم باااطل من اللول وسول شكون ما بغييييت
زهير: علاه مثلاا بااطل
نبيل: سمو ماشيين غير بجوج مجوجين من بعد شوهتهم
زهير: شوهتهم بجووج نتا لاش دابا عاد جاتك النفس مشفتكش قبل ماشي تݣلب عليها وتجيبها للدار
نعيمة: اسكتوووو اسكتو درك يسمعكم بالامم ونتا انبيل يهديك الله
نبيل: الا رجعاتلوو متعاودش تدخل بهاد الدار لا هي لا هاد لملݣطة دلبن (قبل متكملها طار عليه محمد كيضربو فوجهوووو)
محمد: باغي تكون بحال داك الكلب للي هو دوزو على أمال تجي نتا دوزو على ختك والله حتى لوووحك من جرف
نبيل: (مصدوووم من محمد خرج مزادش كلمة من ديما محمد كانت عندو هبة عليهم وكيحتارمووه)
محمد: بزاااااف هاد العائلة سيري نتي مع راااجلك (لامال) عيط للسيد يجي يدي مرتو براكة من هاد تبرهيش نتوما عارفين هو باغيها وهي باغياااه بيناتهم بنت علاه دايرين العقدة فالمنشاااار
وليد: باش يتصالحو مع بّا (محمد سكت..) دخلي اشيماااا لبيتك (تبعاتها هند كتخنزر فوليد نعيمة بقات كتبكي مشا محمد كيرغبها ويطلب سماحة حتى عنقااتتو مشدش راااسو ودموعو ساالو أمال مريم بقاو غير كيشوووفوو)
مريم: (مشات حطات يدها على ظهرو) محمد ماالك؟؟!!
محمد: (مسح دموعو بالخف وشاف فيها مطولا) علاه مݣلتيلي واالو على داك لبغل وسمو دارلك
مريم: (بقات غير كتشوووف)
زهير: حححن حنا مشييينا محمد (دارلو إشارة باش يبقاو على تواصل هز يوسف وجر أمال للي بقا فيها خوها وكنا العادة كتبقى مكتفة مكتعرف شنو دير... هبطو ركبو فالطموبيل وهي تنطق امال)
أمال: دابا عاد فهمت جيت باش متخليش محمد يقتل داك لكلب حيت عرف شنو كان كيدير لمرتووو
زهير: الله يرضي عليك بقاي نتي غير بحال هاكا
أمال: كفاش؟!!
زهير: واااخا على جدك نوريك تجي وحدك
أمال: (نفخت حنوكها) سير تبعد مني كتغوت علية قدام كولشي وانا للي خفت عليك تموت فديك لكسيدة
زهير: اشمن كسيدة
أمال: ولد خوك دار كسيدة يمكن كان جاي من موراك ولا معرف (وساعو عينيه) راه بيخييير....
هند: (دخلت لبيت وتم جاي عندها وليد نخلاتو عيا يحاايل ويهضر واالو) بغيت نمشي لفاس
وليد: يفووت غير دشي ديال شيما ونديك لفاس ومن موراها نديك لفينما بغيتي
هند: ولييد قولي علاش دخلتو لحبس وكان دخل غير محمد ولا حتى نتا معاه ندوزها ولكن باش زهير يجي من وجدة (حركت رأسها بلا) مغدووووزش....
انا ماشي تنبرك عليك ولكن نتا عارف اسرارك كيبقاااو مخبيين عندي
وليد: مكاين والو اهند
هند: مبغيتكش تبقى مأزم بووحدك انا ويااااك واحد كما أنا تنبغي نشرك معاك كولشي الخيب وزويين حتى انا تنبغيك تقاسم معايا شنو تيضرك ممكن نخفف عليك
وليد: (عض على شنافتوو جبد تيليفونو وخدم لفيديو بقات كتشووفو) ها علاش جا زهير طاااااير وها علاش دخلنا الحبس قبل منقتلووه فيدين البوليس
هند: (شهقت ودارت يدها على فمها مصدووومة) اوييييلييي
وليد: واش هادشي كان يتشرح ݣبيل؟!!! وكان كولشي (مزال مصدومة وحركت راسها بلا) النار شاااعلة فية مكرهتش غير نقتل مو ونتهنى حاس براسي تشمت
هند: (معندها متقول فكرت غير فامال للي مجايبة خبار) مخصهاش تعرف هادشي
وليد: داكشي باش قسح معاها زهير
هند: مسكينة وحتى شيماااا ومريم ولد لحرام هدا خاصو يتعاقب ويتحاكم على هادشي
وليد: وحالة أمال وشيما ديك السااااع؟!!!!
هند: غيتفهمووو الا لقاوه غيخاد الجزاء ديالو وزايدون هوما بجوج خاويين لمدينة ونحاولو ميرجعوش لهنا باش ميعرفوش
وليد: زعما نديكلاريو
هند: ويفلت منها؟! راه الا جات شحال من وحدة دير هاكا راه حتى واحد ميبقى يخاااف ويرجع هادشي عااادي راه زنا المحارم وديك الكلبة دمو واش مكانتش عارفة؟!!!
وليد: محمد غيخرجلو لعقل
هند: مخاصش هادشي يبقى مستوور أوليد هو دار فيديو قداااش.. ولكن علاش غيعتارف بهادشي؟!!
وليد: كان كيقول غيمووت ذليييل لااااخر
زهير: (مخلالهاش الوقت فين تفكر كيجبد معاها الهضرة مرة تجاوبو مرة تنخلو منين كتفكر لغوات للي غوت عليها قدام الناس... حتى وصلو لوجدة) عارفة فين داوه
أمال: انا ديك الساع عقلي كان غير معاك
زهير: ابردييييييي يخليلي ݣليع لݣلب لي عقلو معايا حتى يانا ريتي سخفتها معاك من نهار عرفتك وانا جري جري
أمال: هااا
زهير: هااااكا شفتك فالݣمرة ههه (أمال مفهمت والو) هاري تيليفونك نهضر مع خويا يݣولي فين نمشي
أمال: وايلا سولووك علاش مشيت لتاوريرت؟!!
زهير: انا عارف واش نݣول (عطاتو التيليفون هضر مع خوه عطاه عنوان المصحة وتمو ماشيين) معرفت تيليفوني فين طاحلي
أمال: كان مع أنوار هو للي جاوبني باش عتقناااه
زهير: (بحال تصمك وشي حد ضرب ودنو بحديدة حتى بقا كيسمع طررررررننننننننن... سكت التيليفون عند انوار وللي دار كسيدة وهو فلوتوروت بحال والو كان ملحق بيه يعني شاف لفيديو هي كتشوف غير ردة فعل ديالو للي تبدلت وصلو لتماااك...
سولو فريسيبشن على شومبرة وطلعو عندو كانت أمال2 عيشة وبشرى معاه دخلو أمال كترجع ديما اللور زهير شاف بحدة فانوار)
زهير: سلاااااام.... (هز حاجبو فانوار) واش طرا!!!!!
أنوار: اممم (شاف فلوخرين) نبقاو بوحدنا (خرجت أمال هي اللولة تبعاتها بشرى عاد امال2 جرت مها وخرجو وبقاو جوج جوج....)
كنت باغي لحݣ ليك التيليفون
زهير: اممم واش شفت أنوار تيليفوني بلا كود وانا عارفك بقشاااش
أنوار: اممم دابا من..
زهير: داكشي للي شفت يتمحى من دماااغك صواااالح مرتي منبغي حتى حد يعرفهم
أنوار: مكنتش باغي نن
زهير: انواااار (بصرامة) منعاودهاش مرة أخرى عارف نيتك كانت زينة ولكن صوااااالح مرتي كيبقاو بعااااد عليك وعلى اي وااااحد
أنوار: (بقا ساااكت) واخا
زهير: براااكة عليك متغامر برووحك لحديد ماشي ديالك هاد الساااعة خطيييه عليك
أنوار: يا صااااحبي راك كتخلعني انا نيتي كانت زينة
زهير: انوااااااار مسح داك لميمواار ديالك... وتݣعد عرسك بقاالو سيماااانة بلا متحشمنا وتبقى توجع علينا
أنوار: ههه واااااه....
مريم ومحمد دخلو لبيت عاوداااتلو كولشي شنو وقع ومبغاتش تأكد على مو انها عرفااات باش متزيدش عليه ومن كلامو كيبين راه حاقد حتى على مو... معاودلهاش شنو وقع مع أمال وشيماء حيت عندو غيبقى سر مدااام عندهم رجالاتهم سولاتو علاش داافع على شيماء كانت غيرة بريئة منها وكان المثل شرح بسيط انها بنت عمو ومبغاش يشووف نفس السيناريو كيتعاود وان خاص كولشي يولي يعرف حدودو وتفكيرو حاااليا واش يرجع لوجدة ولا يكمل فتاوريرت هاد الايام حتى يعرف شنو غيدير واول حاجة هي غيبيع واحد الارض كبيرة... قرر يستمتع هو وختو بلفلووس باه للي خلاهم واكيد مغيناسش بنات ليلى...
ليلى للي مزال بغا يكون معاها حدييييث طوييا اكيد عارفة شي حاجة راه هي الحضن الحنين للي كان ديال باااه اكيد عاود ليها وعرف من طريقة الحنان على أمال وتعاملها عارفة شنو داااز عليها يمكن كان تانيب الضمير كيخليه يعاود ليلى حقيقة أمال بلا زواق ولكن هادشي مكيبررش شنو دوزوو عليها وخلاوها بلا شخصية مكتعرف لا تعبر لا تقول لا وشحااال من حوااايج....
~~~~~~~~
زهير: (كملو الزيارة وتمو خارجين حيت أنوار بلعشية يخرج ماشي شي حاجة خطييرة للي تخليه ينعس تماك... صايݣ) فيك شي جوووج
أمال: لمووووووووت
زهير: اممم واش الجديد ابنت مّا
أمال: زوووهيييير
زهير: ݣوليلي أمال فيامات كنتو تقراو فلفااك شيما بنت عمك كانت تعرف أنوار
امال: اممم
زهير: ونتوما كنتو صحابات يعني كنتو تعرفووه
أمال: زوهير السيدة مجوجة ونتا مزال تذكر فصحاابها
زهير: مذكرت حد راه كان خاطبها نتي نهار الخطبة علاش مكنتيش
أمال: حيت غرت منها (بحركات فوجهها)
زهير: ههه ݣااااع
أمال: غير كنظحك معاك داك نهار كليت ماكلا الكلب من لعصى هههه محمد شدني سلخني ولكن حتى انا كانت اول مرة نرد عليه الضرب (هزت كتافها) غلبني صراااحة
زهير: وعلاش ضربك
أمال: الموصيبة ديال شيمااااا كانت.. تأ زووهير حشومة نهضرو فاعراض الناس
زهير: ياا تبارك الله على لالة فقيهتي منين تجمعو نتي وهند تنساو الاعراض تشدوووها طووول فيهم
أمال: هههه هانتا محمد كان باغيها لجواج وهي كانت باغية لاخر ويمكن كانت عاطية كلمة لخويا الا داك نهار تصدم
زهير: وجا بردها فيك
أمال: (تبسمت تفكرت داك نهار) احاااااي ميتنساليش داك نهار فاش حيحتي عليه
زهير: (نفخ فصدروو) اذباااايلك باش تعرفي شكون واݣف معاك
أمال: (شقلبت عينها) طحتي فية من أول نظرة
زهير: بوسة.. (شافت فيه) مالك انا تبعت البوسة فالكار؟!!
أمال: اولا مبستكش نتا بست راسي
زهير: اممم تيقتك
أمال: (بقات كتݣمݣم هبطو كلاو بقا كيلعب زوهير ولدو مع الحمام للي مجموع فديك الساحة حتى صونات الحاجة دازو خداو ليها شي تخربيق عاد مشاو لتمااك فجو ظاحك بحال ماشي هدا هو للي كان غيقتل خوها فالليل....)
الحاجة: (فرحت بمجيتهم حيت كتوحشهم وخصوووصا يوسف للي ولفااتو ورجع كينعس حداها حتى كتينعسو عاد يدخل زهير ولا أمال تهزو من حداها باش ميعنكشهاش فنعاس... جلسو مجموعين كيتعشااو زهير للي سولو علاش مشيت فداك الوقت كيجاوب بنسيت شي وراق مهمين ويسكت بوحدووو خوه للي عارفو كان محبوس ولكن مسولوش قدام الناس حتى ينفارد بييه أنوار كان حداهم جالس داير ديك لعيبة ديال العنق وصدرو كيمسد بومادة قبل مينعس باش يخفاف لحرييق... بقاو كيتافقو على توجد العرس عيشة مصرة دير عرس لبنتها وانوار مصر يدير غير الطلبة والفقهة فليلتو تافقو بيناتهم وكولها شد داارو... دازت يوماين أمال على تواصل مع مريم ووحتى محمد لدابا علي مزال معتارف ان للي ضربو مرتو ماشي مو.. واخا لفيديو للي عند لبوليس وعطاه لهم محمد مقطع اي معلومة اخرى مداخلاش فديك الليلة يعني محايد اقوال انه تكرفس على ختو وبنت عمو وا البضاعة للي تشد ليها ديال اب مروى مخليه شغلو هداك خلا غير المقطع فين تكلم على للي ضرباتو مروى حيت كانو كيدابزووو بتلاتة...
دار شيماء تافقو مع اشرف من هنا ل10 ايام ويجي على ميزيدو يقنعو احمد باش صافي يساااامح ولو يبدا يساااامح....
هند ووليد مشاو لفاس حيت باها علمها ان الفيلا خاوية هاد الايام فيها غير مها للي بغات تبقى شوية تماااك..
وصلو لقاو ام هند فحالة خايبة ضد ضعاافت بزاااف حاولو يخرجووها يبدلو الجو للي كتفاجي عليها هي غيثة بنتهم كتبقى تلعبها وتنعسها حداها ودوك الجوج لقاوها من الجنة والناس ورجعو لأيام تمعشيق والحب... يبقاو سهرانين برا يدخلو يبقاو هاك بلاك يفيقو معطلين يخرجو يتغداو مجموعين يبقاو مع غيثة ومها شوية ويخرجها وليد هو باغي هند متفكرش فالاحزان وتبقى غير لبكى وفنفس الوقت براسو كان محتاج هاد النوع من التغييير)
وليد: والله عاد وليت نحس بروحي مزوج
هند: ههه ياااك
وليد: غيثة كبرت اجي نديرو شي فشي
هند: هههه مزال الحال
وليد: اممم صراحة فكرة نبقاو هنا زيينة
هند: ههه ماما شوية وترجع فحالها
وليد: اااااه إذا رجعو لوجدة
هند: (تنهدت.. ممتنة لوليد حيت كيبين ليها داك الحب للي افعال ماباغيهاش تقلق باغيها ظحك تنشط تفرح تنسى داك الحزن واخا هي عمرها تنسى جداتها ولكن الطريقة باش كيعالج الامور مخليااها مرتاحة...)
خاصنا نرجعو لتاوريرت.. حقا مغتحضرش لداكشي ديال انوار؟!
وليد: كتا هانيين لاش تجبدي حسو
هند: انا غير قلت
وليد: سمو نحضر لداك لبرهوش براكة غير ما وبا غيمشيو
هند: كنت بغيت نحضر صراحة
وليد: الا بغيتي نمشيو سيري نتي مع ما وانا نشوف الخدمة فين وصلت ورجعو لتاوريرت باش نفضييو حريرة شيماااا
هند: مزياااااااانة
وليد: ورواااحي نݣولك شكون للي مزيااان على دشي كامل....
وليد وهند وحتى ام هند شدو طريق لوجدة مخلينها معاهم على الله تخرج من الاكتئاب للي فيه.. غير وصلو هو مشا للخدمة وعند ومها مشاو لدار الحاجة للي كانت مقلوبة كيوجدوو وحيت سخون الحال رجال غيعشيوهم فالوسعة للي قدام ديوور وغيقادو بطبيلات كانت فكرة لكبير طلعو لدار الحاجة فيها كانو غيطيبو هند مفهمتش عرس أنوار يعني يطيبو فدارهم لاش دار الحاجة عاد فهمت نسا لولاد لي تعكسو والحاجة استقبلت طياب يكون فدارها لقلت أمال وليلى جامعين الدار مقادين لݣوتي على حسابهم
هند: ولمعان؟!!
أمال: غيجيبو شي مرا تغسل مّا حلفت من اللول يدار كولشي ولكن منحطش يدي فلما (كتقولها وكتلعب بحواجبها مع ابتسامة شريرة)
ليلى: ههه وانا نخليك
هند: عندك زهر بالحاجة
ام هند: (تبسمت غير كتشوف كانت واحدة فكرة غالطة على أمال وعمرها ظنت تكون بين بنتها وبين بنت من نوعية أمال صحابات ساعة لقاتهم بحال لخواتات وأمال للي بدلت فبنتها شحال من حاجة... ناضت أمال وهند يوشوشوو بعيد عليهم وبقات ليلى معاها اما الحاجة مشات تكلم لكبير للي كاين لتحت...)
امال: ݣوليلي معرفتيش شنو واقع تم؟!
هند: للي قالك زوهير هو للي كاين
أمال: زعما غي حيت خافو على محمد
هند: (حتى عرفت شنو تحت راسها) ضروووري وليد هو للي عيط على زهير
أمال: اممم ممكن.. کوليلي مغوتش على مريم مسكينة مكانش صالحلي نسولها على خاطري كنت نخافو يكون معاها ويتقلق
هند: لا لا بلعكس صراااحة تبدل محمد هو للي يمكن طلب سماحة اوديييي بقا فية خووك بزاف رجع حالتو مسكييين
أمال: بالصح... (عوجت شنافتها كتفكر من ديما كانت كتشوفو قوي وبحال شي حيط دابا غير مهدود) وماما؟!!!
هند: مزال تتسولي فيها
أمال: (بتنهيدة) شنوما داااارت راه.. صراحة بقات فية تخيلت وكان يوسف شي نهار يطعني هكاك نمووووت
هند: لا لا بعد الشر اش جاب يوسف لداك لكلب حشومة ݣاع تقارني
أمال: ماشي كنقارن راني اما للي عشت معاهم وكنت نشوفها شحال كانت كتحمااق عليه وكتبغيييه وفالتالي ضار عليها.. راه بسبابو (سكتت)
هند: هضري
أمال: اودي خلي داك جمل راااݣد ياله نخرجووو عندهم حشومة تبقى ماماك بوحدها
هند: لا قولي شنو بسبابو
أمال: والله اختي مكنبغيش نتفكر ݣاع داكشي خليهم بينهم وبين مولاهم انا ممسمحاش (وحلت ليها لبكية) والله ممسامحة صافي ݣلبي رجع كحل من جيهتم... (بلعت ريقها) تبقى فية وااااه حيت كتبقى ام وولدها غدرها ولكن باش نسااامح من ݣلبي مݣدييتش....
أشرف: (مشا عند زهير منين عرفو جا طلب منو باش أمال تقدا ليه شنو خاص يدي.. كان ممكن يشاور مرت عمو ولكن مابغاش شي شوبوهات ويعرفو القصة ديالهم وتبقى علكة على فامهم...) لععععععززز
أنوار: (كان فالمحال ديالو هو وخووه حطو عند زوهير ولاخر دخل المحال ديالهم شاف أشرف زوهير مجموعين مشا عندهم) سلاااااام عليكم
عليكم السلام
أنوار: أشرف واش بدلت النمرة شحال وانا نصوني واالو
أشرف: (كان مبلوكيه) مطلعش عندي
أنوار: عنداك متجيش غدا راه عندي العرس
زهير؛ اشرف ديالنا ميحتاج العرضة
أنوار: ضرووري تجي نتا ومالين الدار
أشرف: (هنا كفسها خنزر فيه) نشاالله
أنوار: (فهم راسو) هوما نسا يتعارضو بيناتهم انا كنت باغي نوصلك نتا نݣولهالك
زهير: مزال نتوما مديرو عقلكم
أشرف: ماااݣلت والو عادي هضرت ݣلت نشااالله
أنوار: أشرف منين رجعت معندي لا صحاب لا والو من غير زهير عارف روحي غلطت وقو*** معاكم كاملين والله حتى ندمت وكتر
أشرف: دابا غير بغيتو تكبروها انا مݣلت والو وزايدون نتا مدرتلي والو انا غاضني الحال واش درت لزوهير اما انا مقستني بوالو مجاياش نحااااسبك على كذووب نتا اصلا مدرتيهمش
أنوار: (بقا غير كيشوووف)
أشرف: نتا فاهم وانا فاااهم والا على مرتي كنتي خاطبها مكتبش الله تزوجتها يانا وكانت لية احسن زوجة الحمد لله على كل حال
أنوار: الحمد لله...
زهير: درك هادشي للي ݣلتو مليييح.. ياله خويو عليا من هن
أشرف: انا مشيت حتى تݣولها لمالين الدار
زهير: صافي كون هاني يفوت غدا العرس ونجيو عندك المحال (مشا أشرف رجع لخدمتو)
أنوار: واش بغا؟!!!
زهير: ديها ف*** شوية اصاحبي وماشي كل مرة تنݣز وتبقى تبين راه كاين شي حاجة وهي اصلا مكانش الفلم عرفتو من اللول
أنوار: راني غير كنزبلها مرة مرة
زهير: اوا زير شوية أشرف راه حتى هو نفسو فنييفو تبقى تعرف واش تخرج معاك راه ماشي كتجمعو على صحباتتكم راه مرتو ماين بنتو
أنوار: اودي الله يسمحنا وصاافي
زهير؛ واش درتي فالمحال ديالك؟!!
أنوار: صافي تفاهمت مع المعلمين يخدمووه
زهير: مزيان والسلعة امتى دخل
أنوار: مزال نرجع لفرنسا ونشووف....
ياله نمشيو الحلاق
زهير: صبر واحد ربع ساعة غيجي شي كليان نسالي معاه وهانا معاك....
وصل نهار العرس أنوار لابس جبادور ومجلس بنتو فحجرووو وكيتفكر مرتووو دعا ليها بالرحمة هي ومو وبقا كيلعب معاها وكيعاود ليها شنو كاين هاد نهار...
دخول ولخرووج كتاار أمال مرة تشقى مرة تهرب لبيتها ترتاح مكانش شي شقى للي خايب حيت ليلى وحتى نعيمة لي جات وعاد نسا ديال ولاد لكبير للي عيطاتلهم الحاجة يجيو يعاونو حيت حست بيهم بغات يلوحو عليهم كولشي... اما هند مهمة وحدة كيعطيوها هو لبز حيت كتعرف ليهم وكتشد الخاطر... وصل الليل وبداو الفقهة كيجيو وبدخلو الساحة تقادات بضواو وطبيلات وبريزونطاوها مزيان بالكيسان طباسل لمنادل وبلاصة الفقهة بووحدهم مع ميكروات للي طل من سطح غيشوف داكشي زوييين... بداو الفقهة كيذكرو الله ويقراو القران وحتى الناس كان جو زوييين وليد للي كان حالف ميجيش جابو زوهير بالسيف وحضر لدوك الاجواء.. وشكون ميسمعش ذكر الله والقران وميرتاحش...
عند لعيالات للي كانو قلال جوج طبلات جالسين كيسمعو حيت الموسيقى كانت ممنوعة تحت طلب أنوار للي لباولو الطلب... بداو كبسربيو لعشا زهير ووليد أشرف كانو حلقة وصل مع السرباية للي بداو كبسربيو الناس قدمو دجاج محمر عاد لحم بالبرقوق واخر حاجة كسكسو مسكر مع المكسرات عاد الديسير... جاو السرباية قادو بلاصة مولاي السلطان للي غيجي نسا طلعو واغلبية غاانس ايزار باش ميبانوش ويصلاحلهم يطلو على خاطرهم من سطح... خرجوو أنوار لابس سروال جبادور وتيشورت عادي بقاو رجال كيذكرو باسم الله ولعيالات للي فسطح كيصليو على نبي ويزغرتوو...
هند عجبوها هاد الاجواء وداك ليزار للي غانسة وبقاو غير كيزغرتو هي وامال طالقين حلقهم بما ان رجالاتهم معارفينش المواقع ديالهم فين كاينة...
جلسو أنوار اونفاص لطوابل للي وبقاو حتى هوما كيصليو على نبي وهوما كيلبوس الجلباب المغربي ودارولو حنة فيديو على شكل دائرة قد درهم فيدو بجووج كان جو يقشعر له الابدان نسا يزغرتو ورجال كيذكرو باسم الله عاد بدا الشيخ كيدعي معاه بالذرية الصالحة والزواج المبارك عاد ناض كل راجل كيغرم كولها وباش سخااه الله... كملو رجال بداو يمشيييو وتيريتور كيجمع لكراسة ديالهم ويحطوهم فجنان حيت غدا عندهم لعيالات فلغدا ولكن ممعروضش كولشي حيت الأغلبية مشاو لدار لعروسة.... أنوار طلع عند الحاجة باس ليها يدها وراسها وهي كتبكي وترضي عليه ودعي معاه صونات عيشة ابيل فيديو كتوريهم الحنة ديال بنتها كان شطيييح والدنيا مقلوبة دعات معاها حتى هي وفرحت بيها
أنوار: ياله نديك اما عندها
ليلى: بيك الحاجة ولا تشوف عروووستك
أنوار: ههه بية بجووج ونشوف حتى اموولتي
أمال: (مشافتش شحال كان كيقولها هاد امولتي)
الحاجة: ياله اوليدي نمشيو عندها نشوفوها حتى هي باش ميغيضهاش الحال (فعلا داو الحاجة وخا أنوار وعيالات خوتو للي خاصهم غير فين يهربو أمال وهند مبغاوش يمشيو وبقاو كيجمعو الدنيا اما حتى لمعان تغسلووو ولكوزينة كتشعل..
دخل زهير)
زهير: امووول تبغي تمشي؟!!
أمال: لا لا ما فياااش
زهير: لبسي عليك نتي وشنيولة دصاحبتك نديكم راه خاصني نغرم لبنت خويا اااااح اݣلبي شحال حطيتهم اليوم سخااان
امال؛ ههه وانا معلياش الله
زهير: طلبي درهم لوح مك من درووج خليني بعدا نكمد هادو للي مشااو (خلاو بزهم مع ام هند للي مشات لدار هند ترتاح ومشااو دخل زهير وأمال عطاها جوا باس جبينها هو موالف ديما مقشب معاها وهي حشمت خرج وبقات أمال وهند كيشطحو مسمعوش من عند عيشة مرحبا بيكم دارو طرح وخرجو عند زوهير كيظحكووو راجعين للدار...)
زهير: شطحتي ازين؟!
امال؛ هههه واه عرفتي ختك عيشة بقات غير كتشوف محملتنيش
زهير: (خنزر فيها حتى جمعت الظحكة) هاديك عيشة راه ݣد مك من اللول ݣلتلك غتݣولي خالتي ولا عمتي شي حاجة دالاحترااام
أمال: غير زلݣتلي
زهير: كيزلݣ لك غير لكلام الشين شي حاجة زينة الصحرااااا وحميد زاهيير
هند: (ضربت الطم شادة الظحكة على صاحبتها للي كتسمع على قلبها محاضرة على احترام للي كبر منك واخا يكون هو خايب وصلو لدار هند حيت المسافه قرييبة هبط زوهير مشا يجيب ولدو للي نعس وكان مكيرضعش فالليل وكان خلاه جابو ملوي فكاشة مدو لامال... شداتتو بقات صااقرة حيت عارفة زهير طبعو واخا عارف ختو قاسحة معاها وحتى هو من ديما معاها وكيوقف ضدها ولكن ميبغيش تقلل من احترامها قدام شي واحد واخا يكون هو...
وصلو كانت حتى العائلة ياله وصلوووو هبطوو كان أنوار لابس الجابادور ولديك الدرهم للي تحطت فوق حنتو كيقشرها بيها... شاف فامال دغيا حنا عينو ومشا لدار باااه دخل لقا بنتو ناعسة فنموسيتها جلس كيفكر فموضوع أمال للي تبرزط بيه وكل مكيشوفها ومعاها عمو النار كتشعل فيه تفكر بنت عمتو للي رجعت مرتو حلالووو معاطيهاش وقت بغا يبقى يفكر فيها بغا يبغييها بغا يعيش حياااتو معاها ومع بنتو جبد تيليفونو صونا عليها ابيل فيديووو كانت مزال فالكوشة فين خلاها مزال لاوية شال عليها ودايرة ميكاب زوين تفكر انه لدابا مشافش شعرها)
زييينة مزال مبلوكية تم
امال2: ههه مزال (شحال فرحانة لدرجة بكات بالفرحة منين جا لحنتها ولبنات شافو عريسها شحال زوين ومدام جا الا كيبغيها) حم فين ليلا
انوار: (دورلها الكاميرا) راݣدة
امال2: مسيكينة غدا جيبها عندنا
أنوار: غدا نتي للي غنجيبك عندي (شافها طرطقت عينها شادة الظحكة تفكر فاش كان كيقول لامال شي حاجة كتحشمها ودير نفس ردة الفعل) ياله تاكوني وحدك
امال2: حم واخا (قطعت بقات كتشوف فلبنات للي شادين فيها وكيظحكو وهي كظحك من عينها) وصااااافي
عيشة: (فرحانة بنتها وحمدت الله على ولد خوها للي كيعامل بنتو مزيان) نوضي اخديجة جيبي تقاشر والجورنال نديروهم ليها
امال2: غنعس بيها اماما
عيشة: ضروووري ابنتي باش تخرج ليك
أمال: معرفت غنعس ممرتاحااش
عيشة: اوا للي بغا العسل يصبر لقريس نحل باش غدا تصبح ليك فيدك حمرااا وتبان فتصاور...
عند انوار بدل حوايجوو دوش وتكى فبلاصتوو بقا كيفكر فقضية أمال وخوها للي تكرفس عليها ومن هضرة زهير للي قلبها عليه باين مكتعرفش شنو طرا خوها براسو فلفيديو كان قال حتى وحدة معارفة... تفكر نهار بغا يتكرفس عليها وغير حبو وضميرو للي مخلاهش يديرها جلس هاد الموضووع عندو حساس كيحاول يخرجها من رااسو والو.. هز شرب لما ورجع تكا مغمض عينيه كيحاول يفكر فأي حاجة الا هي......
اصبحنا واصبح الملك لله....
فاقو جري من هنا ومن هنا سميرة مقدرتش تجي من امريكا خايفة من زهير حيت عاق بيها هي من مور لبلان ديال لكلاب...
خلاو دار أمال سوكور الا كانو لعيالات كتار باش دخلهم للصالون عندها من بعد إذن ديالها صونات عليها مريم مشات لجنان باش تاخد راحتها فالهضرة دارت ابيل فيديو معاها كتشوف كانو فالمحكامة
أمال: واش الجلسة اليوم ݣاع مݣالهالي محمد
مريم: (كانت دايرة ليكيت) اودي محمد ݣاع مولا كيف كان
أمال: علاه مالو
مريم: رجع عصابي بزاف
أمال: ههه وراه كان اصلا عصابي
مريم: ههه انا عرفتو كان مهدن شوي اودي بقات فينا خالتي
أمال: واش ماما راها فالمحكامة؟!
مريم: واه جابوها ݣبيل عرفتي كيف ولات (صيفطاتلها تصويرة فلواتس) شوفيها انا والله منين شتها تخلعت
أمال: (خرجت من لابيل وبقات كتشوف التصويرة تصدمت على مكانت فتيحة غليضة وواققو رجعت بحال شي كميشة وزادت كبرت 20 عام وغير كتشوف... بقات غير كتشوف)
مريم: امااال اماااال
أمال: هم (رجعت لابيل) نعام
مريم: شوفي خوووك (ورااها علي للي حتى هو ضعااف) يخخخ على شماااتة ... محمد محمد واش ندخل
محمد: (بعصبية) من الدار ݣلتلك مغدخليش حتى يعيطو ليك تشهدي وتخرجي تجلسي هنا تسنايني..
(دخلو وتسد لباب حيت قدمو طلب تكون جلسة مغلقة حيت المحاكمة فالاصول وغتكون شوهتهم كبيرة فتاوريرت.. )
مريم: مخلانيش ندخل
أمال: متديش عليه مسكين راه مساهلاش
مريم: اودي مصااب غير ميشهدش فمك زوور (جات مروى كانت لابسة جلابة ولاوية شال عليها ومعها باها مريم دورت الكاميرا أمال كتشوف وقاطعين الهضرة)
مروى: مريم صاڤا!!!
مريم: الحمد لله ونتي؟!!
مروى: الحمد لله...
مريم: واش حتى نتي جاية تشهدي
مروى: وي
مريم: وغتشهدي زوور ولا بالحق
أمال: مريم!!!
مروى: وسووقك
اب مروى: متجاوبيهاش نخلي زبل
مريم: واه سوقي حيت للي لداخل راه خالتي للي غيدخلها ولدها الحبس مرا كبيرة كيف غتنعسي ونتي عارفة هادشي
مروى: ديها ف*** (مريم تصدمت راه الدنيا عامرة رجال.. شافت فالتيليفون)
أمال: متعاوديش تهضري معاها ولا تجاوبي معاها راها غير شمكارة وباها كتر شنو غتسناي منها
مريم: هانتي تشوفي اختي
أمال: متسوقيش ݣاع لدوك الناس نتي شنو غتشهدي؟!!!
مريم: معرفت اختي يمكن حيت جبدني فلفيديو
أمال: اشمن فيديو؟!!!
مريم: لفيديو للي صيفط علي لمحمد باش عرفوووه راه مهرب لحشيش (أمال بقات كتشوف وحتى اب مروى كيشوووووف.....)
امال: مفخباري حتى فيديو صيفطيهلي نشوفو
مريم: كاين فتيليفون محمد براسي مخلانيش نشوفو دابا نݣولو يصيفطوولك يمكن ݣاع راه عند راجلك
أمال: معرفت.. بحال واالو.. (عيطو على مريم وخاصها تقطع) غير تخرجي عيطيلي انا نتسناك
مريم: واخ (قطعت ودخلت شافت فعلي للي مينطينو فيدو وواقفين حداه جوج بوليس وشافت فالكرسي المقابل معاه فتيحة للي غير ساااهية وعينيها فالارض.. ) حم سلام (شافت فمحمد للي عاقدهم وجالس اللور مع المحاميين للي دار على مو.. طرحات القاضية اسئلة روتينية على مريم جاوبت وهي مضهشرة عمرها ظنات توصل لهادشي.. سولوها على نهار الحادث قالت انها كانت فوجدة وأنها مبقاتش ساكنة من شحال هادي)
القاضية: واش عمر علي تحرش بيك
مريم: (حشمت شافت فمحمد للي غمض عينو وحرك راسو شافت فعلي للي حتى هو هاز راسو كيشوف وشحال كتكره هاد لوجه) واه
القاضية: كيف كان هاد التحرش وعلاش مخديتيش الإجراءات القانونية ضدو
مريم: خفت (القاضية عطات راحة نسبية باش مريم تجاوبها وكان كان القاضي راجل مكانتش تجاوب فخاطرها) خفت ندخل سوسة بين لخوت ومحمد يمشي يدير شي حاجة لخوه
القاضية: ماشي سبب هدا راه كما تعدا عليك نتي كان ممكن يتعدا على بزاااف
مريم: انا خليتها فݣلبي هزيت راسي ولحݣت براجلي لوجدة
القاضية: وكيفاش كانت علاقة فتيحة مسعودي معاك
مريم: (بعفوية) هي راه خالتي.. اااا كانت مزيانة من ديما كانت باغياني لولدها ووو اي دار كيكونو نقاشات فيها
القاضية: كفاش كانت علاقتها بولدها علي
مريم: كان هو عينيها كانت تبغيه بزاااف الا مرض هو تمرض الا مكلاش متاكلش كانت تفضلووو على راسها
فتيحة: (تبسمت بتهكم وكانت اول ردة فعل دير منين بدات المحاكمة.. خرجت مريم لقات نعيمة وراجلها جاو جلست حداهم دخلو حتى هوما بقات غير جالسة دخلت مروى شوية سمعت الاصوات علات لداخل ولبوليسي تم مخرج محمد من تماك)
مريم: مالكم؟!!!
محمد: ديك السلݣوووطة جالسة تعوج تم
اب مروى: اجمع راااسك البشار
محمد: وسير ت*** نتا ويااها ياكما حسااابلك غتخلعني ونبقى حاني ليك الراس... (عموو جروو مخرجوو خرجت هي وجهها حمر دخلت نعيمة شهدت حتى هي خرجت باكية بقات فيها فتيحة... خرجو المحاميين عرفو فتيحة مغترجعش لطبيب غتمشي الحبس هي وعلي حتى الجلسة الجاية...)
أمال: (عيات تسنى مريم تصوني والو خافت تصوني وتكون مزال لداخل فالقاعة حتى سمعت سميتها ضاارت لقاتو هو)
نعام!!!
أنوار: واش موݣفك فهاد الشمش؟!
أمال: ونتا مالك؟!!
أنوار: ميمكنش نبداو صفحة جديدة؟!!!!
أمال: مالي كتاب باش نبدا صفحة جديدة معاك
أنوار: محسابليش مزال مقلقة مني لدااابا ممكن تنساي ونساا واش فات!!
أمال: مقلقة!!!! هممم سمع نݣولك انا منين كنشوفك مكنحسش براسي مقلقة منك حيت هاد الإحساس كنݣولوه لشي حد كيعني لينا شي حاجة ونتا مكتعنيلي واالو بحالك بحال ديك الحجرة للي للي حدا رجلك (بقا كيشوف فيها)
وحتى الكره مكنكرهكش نهار جيتي عمى وكتزحف
(هز حواجبو بجوج لهاد المصطلحات للي قاسيين منها)
محسيت بواالو لا مقلقة لا مكرهة حيت بالصح مكنحس بواالو من جيهتك بلعكس فاش كنشووفك كتجيني الردة كما كيݣولو الاشمئزاز باش شي حاجة (عوجت وجهها بحال شمات ريحة خانزة)
معرفت منݣول ولكن راه وصلك شنو بغيت نوصل ليك
أنوار: (حرك راسو باه) نتمنى
أمال: (كيستافزها بهاد الكلمة وهاد البرود) متبقاش تبعني فينما مشييييت الله يرضي عليك
أنوار: بغيت نرد ليك فلوسك أمال
أمال: (ضارت عندو هازة وجهها لسما) للي شفرتي
أنوار: واه للي شفرتهم ليك باغية تعرفي كفاش شفرتهم
أمال: مبغيتش نعرف حتى حاجة منك ودير فية خير الا شفتني دير راسك مكتعرفنييش حيت انا للي غنمشي عند زوهير نسرسب ليه كولشي
أنوار: مكنت غنݣولو واالو وعمري غنݣولو شي حاجة انا جبت هضرت معاك كانت نيتي زينة نساو كولشي نتي مرت عمي (بلع ريقوو مع الحرقة ديال هاد الكلمة للي قاسحة وتقيلة على لسانو وكاويااااه فقلبو) نتي مرت عمي وانا خوووك
أمال: على زين خوتي للي كانو عندي باش نزيدك حتى نتا (تمات ماشية وكتفكر يمكن الا نسات داك الخلاف وقللت كرهها ليه زهير ميعيقش هو قال ميعاودش وحتى هي مغتعاودش ولكن الا بقات كتبين كراهتها زهير غيبقى يبحث وأكترية زهير اي حاجة ديالها كيبغي يعرفهاا.. ولكن مقدرتش تنسى ولا تعاود تيق فيه حااارت خاصها ضروووري تهضر مع هند صونات مريم عليها بقات مجمعة معاها لتحت عاودات ليها كولشي وللي قالو ليها حتى محمد.. تنهدت حتى وهي بعيدة واصلها داك الصهد وبقات فيها مها وزادت كرهت المدعو علي....)
كريمة: والله إلا والله وحدة مها فالحبس وحالتها حالة وهي راها تعرس مع الناس ومخلية عائلتها تيليفون هو التالي مكتهزوش تسول فيهم
مريم: ماماااا!!!
كريمة: وحتى من نعيمة وكان ماشي كانت شاهدة هي واحمد موحال واش كانو جاو هاد صباح يحضرووو
مريم: ماماااا راه محمد يسمعك
كريمة: يسمع... باش يعرف شكون واكلو ݣلبو عليه وشكون عدوووه
مريم: وا ماما راه يدوور فيك سكتي
كريمة: كنت نݣول على أمال دريويشة وحانية الراس ساعة غير تجوجت دارت لݣروون تݣول ف.. (سكتت منين دخل محمد)
ولدي جلس تشرب كاس اتاي
محمد: كبي شي كاس اخالتي... مريم (جبد 1000 درهم مدهالها) خرجي مع مك شري سمو خاصك نتي ولبز والا خصاتك شي حاجة عيطيلي نجي عندك
كريمة: (طرطقو عينها من هاد الاهتمام)
مريم: فين غنمشي امحمد
كريمة: عيييب تسولي راجلك فين ماشي واش مكتحشميش
محمد: مريييييم!!!!
مريم: والله منسمح ليك الا درتي شي حاجة عاااود خليهم يدبرووو راسهم امحمد
محمد: (هز داك الكاس وخرج طلع لسطح يكمي شي ݣااارو.. حتى خرجت شيما من بيت التصبين فين حاطين ماكينات الصابون) انا نهود
شيماء: لا غير خليك انا هاودة... (شافتو ماشي هو هداك اصلا كولشي ملاحظ وكيهضر عليه) مالك امحمد؟!
محمد: مماليش
شيماء: انا عارفة باش كتحس ولكن الا بقيت هاك راه غادي ضيييع داك باين مرت خوك راه بزناس معندو ميخسر الحبس عندو بحال لما يدخل نهار سيمانة ها هو خرج
محمد: وجاتك ساهلة سمو دارو
شيماء: خويا الصراحة.. حتى واحد فيهم مساااهل نتا عارف وانا عارفة
محمد: (بقا كيشووووف فيها) كبرتي وليتي تعطي الهضرة
شيماء: هههه شوي
محمد: (تبسم ولكن ابتسامة موصلاش لعينيه هز عينو شاف فيها هاد لبنت راه كان كيحماق عليها كانت من اكبر احلامو ولكن دابا كيشوفها بحالها بحال امال) خاصك شي حاجة
شيماء: لا الحمد الله
محمد: باقيين خوتك مزيرين معاك
شيماء: (تبسمت) حتى واحد مكيشوف فية
محمد: هه معليش الوقت كينسي.. (هز حواجبو) كينسي بزااااف دلحوايج
شيماء: (حركت راسها باه.. حنات هزات الشبكة) بسلامة (هبطت دروج هو رجع شعل ݣارو جلس فوق صندوق ديال لخشب وبقا كيكمي ويدك الدكة....)
أمال: (مشات لبسات قفطان قدات وجهها خفيف لوات شال عليها ياله غتخرج دخل زهير) سلام
زهير: واش داك التعكيرة؟!
أمال: هاء راه عرس
زهير: مسحي علية ديك روينة
(دخل للحمام رجع حل لباب وشاف فيها)
تسنايني...
(دخل عوجاتو ومسحت لعكر وهزاتو حتى تمشي لهيه وتعكر بقات كتسناه خرج كان موضي)
أمال: شنو بغيت ازهير
زهير: واش دارو اليوم فالمحكمة
أمال: (عاوداتلو شنو عرفت) عندك لفيديو للي صيفط علي لمحمد
زهير: (هز حاجبو) شكون ݣالهالك
أمال: مريم
زهير: (حك لحيتو) لا كان صيفطو غير لمحمد.. علاه واش بغيتييه
أمال: بغيت نشوف شنو ݣال وصافي
زهير: معندك مديري بداك زبل سمعي مّا راه خرج ليها الحج هي وخويا
أمال: (فرحت) بالصح والله احسن حاجة نمشي نݣولهالها
زهير: متݣولي دابا والو راه من صباح وانا فالمقاطعة كنݣاد لوراق
أمال: غتفرح بزاف 10 سنين وهي تسنى مسكينة
زهير: امممم
أمال: بحال معاجبكش الحال
زهير: داكشي دلبارح معجبنيش أمال (بقات كدور عينيها)
أمال: واش تخلي داكشي يقلقك لزهير
زهير: راه بيناتنا عقد نكااح ابنت الناس وداكشي ماشي تخربيق والا كان عندك نتي تخربيق راه فيك الديفو حيت انا نشوف روحي معاك فحل وفاايتها لهيه..
(كبر صلاتو وبقا كيصلي بقات هي غير كتشوف رجعت كتعيا هاد الايام وهو مكيتفهمش حيت عندو هادشي ما فيهش لعياااا وكيبغيها تجاوب معاه ماشي تكون خشبة مزال كتحشم فشي حوايج وهو عيا ميتسنى الحشمة طير...
كمل صلاتو شاف فيها باينة تقرست)
متݣولي لمّا والو حتى يسالي العرس
امال: واش مقلق مني
زهير: واه
أمال: تأ..
زهير: درك سيري وعاودي كلامي فودنك انا ترجع لمحال (تبعاتو حتى مشا باش كتقتلو مكتحزرووش كتخلي عقلو غير معاهاا اما هي جلست حتى صونات هند عليها تجي وقفت ومشات حيت عارفة دوا زهير...)
هند: مالكي شفتك مراشقاش ليك
أمال: (مقردين بوحدهم فلكوزينة ديال سطح كيكالو من طبسيل رجع من عند لعيالات ديال دجاج) والو
هند: قولي اصاحبتي
أمال: زوهير ديما كيبقى يغوت عليا على داكشي ديما ديما شي مرات كيجيني كيتفرق معايا على داك تخربيق
هند: اولا هداكشي مسميتوش تخربيق راه ضرووري منو فزواج
أمال: تخربيق
هند: انا للي غنمشي نخطب معاه الا بقيتي بهاد العقلية
أمال: تخربيق حيت شي مرات الواحد مكيكونش فرااسو راه سهير ديال يوسف مزال كرضع وهاد الفقسة ديال ماما وتمارة ديال الدار شي مرات كنعيا كنبغي غير نحط راسي نعس
هند: هضري قوليهالو
أمال: ݣلتهالو زهير يتفهممك فكولشي الا هادي معندوش شي حاجة سميتها عييت صافي بغا بغا ݣالك حتى هو كيكون ضارب تمارة ولكن منين كيجي عندي كينسى كولشي
هند: واش كل نهار
أمال: (حركت راسها بلا) لا
هند: حمدي الله ماشي كل نهار
أمال: كاينة حاجة اخرى انا اهند راه مزال كنحشم مزال كنبغي نبدل حوايجي وانا بوحدي هو لا خاصو نبدل حداه وديما نتعرى
هند: عادي أمال
أمال: شنو للي عادي وشنو حلاوتها الا بقيت ديما حداه ملطة.. (هند هنا سكتت) معندها معنى الواحد كيبقى بالسر ديالو راه ماشي مكنلبسش المقزب کاع ولكن باش يبقى يدخل فية فين نبدل حوايجي ونتصرف عادي مكتعجبنيش (سكتت مدة كتقلب على كبدة فداك الطبسيل وهي تهز راسها) اولويز حتى هو كيقولي تبدليه حدايا اشمن حيا بقى بيناتنا
هند: هههه زوهير راه كيعاملك بحال بنتو شي مرات
أمال: اومالي يانا بابا غنبدل اوليز حداه
هند: ههه شوفي راه حتى وليد هاكاك غير انا متنحشمش منو
أمال: حيت نتي اهند عندك عقلية وانا عندي عقلية راه ݣلت لزهير نتبدل ولكن ماشي ݣاع هاكا انا هاكا مرتاحة علاه يخليني ندير حوايج ممرتاحاش فيهم
هند: وي بنادم ديما تيقلب على راحتو
أمال: (بقات كتشوف فالسرجم حيت سمعت صوت حتى بانت ليلى وواحد لمرا) صافي حتى لمن بعد ونهضرو
هند: عندك الحق فديك لعيبة للي قلتي لعرا لعرا بزاف تيطلع فالراس
أمال: هااااا الله يرحم باك دابا بديتي تفهميني
هند: حتى انا غنجمع ونطوي
أمال: ههه اجي نغضبو عند مّا
هند: ههه ناري قبيلة شحال ظحكت عليك كانت غضربك
أمال: وييييه منين كتݣنوى حتى هي كترجع كتر من ولدها مّا كولشي تفوتو ليك الا شغل الدار ياديريه مݣاد يا جلسي
هند: وحتى نتي مجاتك تخبعي التشطيبة تحت الزربية حتى كانت حداه
أمال: وراه نسيتها مورايا ولدها مخلالي عقل
هند: هههه علااام نتوما...
جاو عائلة هند للي فسعيدية يحضرو العرس ويبدلو الجو كولشي كيلبس هند وأمال كراو تكاشط هبااال.. قادو رياسهم مزيان لبسو وليداتهم البلدي يوسف جبادور بالاخضر الملكي وغيثة قفيطين فلبوكار دارو شيلانهم لبسو ذهب ديالهم دخلت الحاجة لابسة قفطان جوهرة فلبيج وفمها غير تبارك الله وما شاء الله... تجمعو لعيالات للي غيمشيو للقاعة وداكشي قليل حيت الأغلبية مشاو عند عيشة فين كاين شطيح ورديح...
هبطو لتحت أمال خايفة من ردة فعل زوهير حيت قدات راسها ها رموش وهند تهلات فيها غير لعكر للي دارتو خفيف حيت مركزة على لعينين
الحاجة: بنتي دخلي جيبيلي يزاري نغنسو
أمال: هنا!!! (شيرت لدار انوار)
والحاجة: واه كنت مجمعة مع خالتك لطيفة وحطيتو تم
أمال: (دخلت أمال كان لباب غير مردود والضو مطفي شعلات الضو وشافت فالصالون كان ليزار فوق لكوان دخلت جابتو مع راجعة شافت أنوار لابس كوستيم ويدو فالكرافطة وعينيه عليها كيطلعها من لتحت حتى لوجهها أول مرة يشوفها كقادة راسها هاكا تبدلت بزاااااف او بالأحرى زيااااانت جات باغية دوز)
أنوار: امال.. أمال صبري مالكي مزروبة
أمال: (خنزرت فيه وهو مركز عينو فعينيها للي صرعاتهم هند) بعدني
أنوار: (متبسم) شكون ݣال تحضري لعرسي وتݣادي فيه
امال: انوااار (شافت حدا لباب وخفضت صوتها) أنوار واش نتا مزال عايش فداك العام الناس راه كتكبر
أنوار: كنهضر معاك بحال ختي
أمال: سبحان الله من ديما دوك العايقين كيكونو مكلخين
أنوار: ههه صراحة
أمال: عيش اخويا حياتك وخليتي عليك فالتيساع والله كنت مرتاحة.. تفووو (تمت خارجة)
أنوار: (تبسم كيعجبو الحال يعصبها رجع لبيت دار بارفان وجات ختو عندو وخرجوو بقاو كيصليو على نبي ويزغرتوو الا أمال مبعدة كتسمع على ودنها من عند زهير لي كينݣر ينݣر ومبغاش يسكت يربب ويغوت ويحلف فيها)
أمال: دابا غير بيناتنا معجبتكش
زهير: (سكت كيشوف فيها كتبسم وذبل فعينها) واش دايرة فعينيك
أمال: اناااا!!! واالو هاكا عيني
زهير: يا سبحااان الله.. سيري غسلي وجهك
أمال: عفاك ازهير (هز حاجبو) عفاك احبيبي اكبيييدة اعويناتي احياااتتي
زهير: اممم (ميق فيها) على مزينك بنت
أمال: زينة ولا خايبة (كتعوج وتشقلب عينها) مطيحاك ومخلياك هااابل علية
زهير: (عض شنافتو لتحتانية مغزف عليها) غير ديال ***
أمال: (خرجت عينها) زوووهير
زهير: مكاين لا زهير لا نمي سيري نقصي علية داكشي وفالليل عندنا هضرة اخرى..
أمال: واخا...
ركبوو مشاو للقاعة عياو يقنعو أنوار يدخل غير يتصور ووالو مبغاش اخر حل عطاهم يتصور هو ومرتو فالجردة...
وصلو للقاعة تعرضو لعائلة لعريس ودخلو كولشي كان فيه عنصر نسوي من المصورة لهادوك للي كيهزو العمارية لكولشي الواحد كياخد راحتو ودايرين ممنوع التصوير أمال شطحت لدرجة حيدت فولارها هي وهند وللي بغا يحيدها مكاينش حس رجال... تعشاو لعروسة خرجت باش تصور مع لعريس وخرجو معا الحاجة للي بغا يتصور معاهم أمال وهند ممسوقينش لدوك تصاور كمل العرس مع 12 دالليل وبداو يتفرقوو ركبو فالطموبيلات وبقاو طيط طيط طيط حتى للدار باش يكملو العادااات ديال دراري للي من نهار عقلو على راسهم وهوما كيديروها عيا أنوار يتهرب والو مرخاااوهش مشاو لجنان وهو دخل هو مرتو وتسد عليهم لباب....
هند: (توادعت مع أمال حيت عندها ضياف مها وباها وولادو وعمها ومرتو.. أمال مشات لدارها مسحت داك المكياج نعست ولدها مباغياش ديك جماعة حيت بقات عيشة بايتة معاهم وكولشي مجموع تماك.. طرفت راسها لبست غوب دونوي بلبينوار ديالو خلات شعرها مطلوق ووجها صافي بلا مكياج حيت عاد دارت سوان هي وهند وكتكون مرتاحة نفسيا منين كتكون دايراااه... طفات الضو ومشات للصالة فين كاين داك لبالكو لكبير جالسة فكرسي دايرة رجل على رجل حيت كولشي مشغول حتى واحد مكيطل فالسرجم ولا من سطح...
دماغها ساااافر لتاوريرت حتى سمعت طرااااااااق... صوت لبارووود فسماااا زعزعها هزت راسها كتشوف منين جات صوت هاد الطلقة واالو مكاينش ومباينش دخلت حيت شكت با فيكون فسطح الحاجة يا فسطح لكبير وبجوجهم للي طلع وحنزز فدار زهير غتباتلو أمال جالسة... دخلت وهي متبسمة تفكرت نهار الدخلة ديالها نهار زهير ضرب لباروود وهو مداخلش بيها غير باش يبعدوو منو...
تفكرت مها للي كانت متقفااها وحايدوه وكذبت عليها وقالت ليها باقي فيك..
غوبشت كتفكر دوك الايااام فين مها لقاتها واقفة فدروج مع نبيل للي سولها عادي على شيماء...)
فلاش باك
أمال: لا كنمشيو نقرااو مكنسلتو مواالو
نبيل: راه صاحبي تما فلكوليج كيعاودلي كولشي ردو بالكم والله حتى نوريكم
فتيحة: (بلغوات) اماااال.. طلعي
نبيل: سلام امرت عمي
فتيحة: طلعي نتي....
أمال: (خافت) راه كان كيسولني على شيماااا
فتيحة: دخلي ابنت لحراااام (ضربتها لظهرها حتى تزعزعت وتسمعت بحال طبل) دخلي
نبيل: راه امرت عمي كنت غير نسولها
فتيحة: مقنت لبنت وتݣول تسول عيينك فيها هضر مع عمك مع خووتها ماشي دير هاكا راها من دمك وبنت عمك لا حول ولا قوه الا بالله العلي العظيم
نبيل: (مفهمش هاد الزربة هو ڤري كتعجبو أمال ودابا مرت عمو سهلتلوو طريق) اوا غير تكبر شوية (كانت عندو 18 عام) وحتى حنا نديرو فلوس
فتيحة: اوا باااااز.. (دخلاتلو فكرة انه بالصح كان كيضسر عليها تم طالع مصطفى) حشووومة هادشي ولكن ماشي منك نتا من الكلبة للي لداخل ومدايرة لا بحساب باها لا بحساب خووتها رجال... (دخلت من بعد ملاحت قنبولة فوجههم خلات نبيل كيبرق فعينو ومصطفى مخرج عينووو وأمال كتولول خاااايفة من اللي جاي..
فتيحة شافت فشيمااا)
فتيحة: انا نوريك للي مشيتي تشكاي لباك على علي لبارح مخلياااه هرسوووو
أمال: (كتبكي) والله اماما الا هو للي ضربني لبارح انا مكنتش عارفة هداك راه حقو دلغدا
فتيحة: انا نوريك على خر يامي وليت ناكل لعصا عليك
أمال: راه نتي للي مشيتي كطاكي عليه حتى جات في (دخل مصطفى ووجهو مكيتفسرش) والله ابابا مدرت واالو
فتيحة: اوا شد لبنت للي كتعصينا عليها شادة ولد عمها وجالسة عليه تجوجني ما تجوجني يا ويلي يا ويلي مخلاتلي وجه واش هادي درك تفكر فشي جواج وهي ياله تقرا فالسابعة (جلست تعمرو وتبين أنها ماشي أول مرة وحتى نعيمة واحمد تشكااو من هاد القضية مضربها مواالو خلاها هكااك غااضب عليها رجعت فتيحة كل مرة تلوحلو هضرة توسوسو على بنتو وتزيد الطين بلة وكمل احمد للي بقا كيظحك حدا خوه وكيقولو نبيل غيتجوج امال ولاخر محسووس وكيتيق كلام فتيحة.....)
عدنا
أمال: (ضارت كتشوف شكون دخل لقاتو زهير تبسمت جا عنقها من اللور وهي مستحلية) سمعتكم كضربووو القرطااس
زهير: ودابا جاي نضرب *****
أمال: زووووهييييير
زهير: هه (شم عنقها وباسو فوق شعرها) ابردييييييي على هاد رويييحة بحال الهيروييين ديالي
أمال: لحشايشي لااااخر ههه
زهير: هه باش فكراتك هاد الليلة
أمال: اممم (زادت دخلت فيه ولايحة راسها على كتفو) نهار تزوجت احسن راااجل فالدنيا
زهير: ااااح صافي قرب زيدي
أمال: هههه هبييل
زهير: (دورها عندو نسا انه كان مقلق منها مستمتع بالجو وحتى هي كانت متجاوبة معاااه ناسية كولشي وعايشة معاه الحياة...)
أمال كانت ناعسة فحضن زهير للي حسها كانت باغياااه بزااف وحس حتى بحزنها واخا مهضرووش غير كترة تنهيداتها وهي ناعسة فهم ان شي حاجة مغيرااها بقا حاضنها الليل كامل
عند انوار كانت اسرع دخلة يمكن حتى لبوسان مباسهاش بزاف 15 دقيقة كانت كافية زول ليها لحوايج وقضى الغراض كأنه واجب غير محبب يمكن حتى جسمها معاقلش عليه كيف داااير مع دخل ناض من عليها لبس حوايجو خلاها غير كتشوف هاد الزربة هز ديك جويجة للي فيها قرطاسة وحدة وطلع لسطح الحاجة للي خاوي حيت عارفينو غيطلع لتماك طل واش كاينين حدا النافورة بانتلو أمال جالسة فلبابكو بشعرها مطلوووق ورجيلاتها للي باينين معريين بقا كيشووووف فيها وعينين كولهم حزن ندم حس ضيع جوهرة من بين يدو جوهرة كانت غتنور حيااتو كان كيبغييها كان مرتاح معاها علاش ضيعها وهاد المرة ملام حتى واحد وخصوصا شيماء حيت الغلط لكبير والاول ديااالو كفاش متاقهاش وهي كانت معاه بنيتها وكانت صفحة بيضة... زفر زفرة طويييييلة وضرب لباارود فسمااااا مخلي الدخان والريحة شافها تفافااات تبسم نصف ابتسامة بقات كطل وهو مكانش باين ومغيبانلهاش ونساااحبات بهدوووووء... ومن ديما كان انسحااابها بهدووووء......
بقا تماك مدة سمع صحابو كيضرو لقرطاااس... كان ممكن يكون فرحان ولكن نهائيا الفرحة مدخلتش قلبو..
سمع زغاريت لتحت عرف دخلو عند مرااتو.. مكرهش فهاد اللحظة يعرب يجلس بوحدو يصفي دماااغو شوية.. شاف دراري خارجين من جهة جنان خوتو طلعو للدار مع ولاد عمو وعائلتو للي جاو من المدن صحابو للي ركب فطموبيلتو ومشا شاف زهير جاي لدااارو قلبو بقا كيضرب بالزربة حسدووو غيدخل غيلقى حبيبتو للي بغاها من زمان كتسنى عمووو وهو عارف عموو شحال كيبغيها اذا باينة غيدير معاها شي حاجة هاد الليلة العافية شعلت فيه.. حتى وبغا يخرج مغيخليوهش بقا هكاااك مدة جالس غير ساااهي عاد هبط كان صقييير فدار الحاجة هبط لدارو دخل سد لباب مشا لبيتو لقاها جالسة فوق النموسية لابسة بينوار بيض ساتان وشعرها مطلوق ولكن ملقاش لعروسة للي كانت قبل ميدخل عليها فرحانة والحب غيخرج من عينها لقا دوك العينين كولهم دموووع بقا كيشوف شحال مكرهش يمشي يجلس حداها ويبكي لنفس السبب للي كتبكي عليه هي.. غير كاين فرق هي بريئة وهو لا...
انوار: أمال مزال مرݣدتي؟!
امال2: (كتمسح عينها) مزال كنت نتسناك فين مشيت؟!!
انوار: (عطاها بظهر كيبدل حوايجو) غير سمعت جاو عندك وبغيت نخليكم على راحتكم
امال2: (بقا فيها الحال حيت مكيناش اللهفة.. مملهوفش عليها كما كانت متخيلة ان الراجل كيكون ملهوف على عروستو.. هو حتى الدم مقلبش عليه)
انوار: (لبس تيشورت وشورط) مغتنعسيش
امال2: حم لا غنعس.. (كحزت مخلية ليه بلاصتو جا تكا دار وسادة على وسادة وشد تيليفونو طافي الضو بقات كتشوف فيه والرجفة فيها كنحس براسها غتسخف موقف خااايب مكرهتش تغوت تبكي تفهم هاد البرود كااامل بحال للي ناعسة حداه ختو ماشي مرتو للي ياله دخل عليها... اذن لفجر شافتو متزعزش) اممم مغتصليش
انوار: خاص ندوش
امال2: (فعالم القصص ولا اي وحدين كيتبغاو كيدخلو يدوشو بجوج ويصليو.. هكا كانت متخيلة وهكا كانت باغية.. شككها فراسها واش هي خايبة لهاد الدرجة معجباتوش يمكن فيها شي ديفو.. غتحماق ݣاع للي فرحاتو هاد الايااام تقلب فهاد 4 سوااايع دالجحيييم للي عاشتها وهي معاه....)
أصبحنا وأصبح الملك لله...
هند: (ناضت مع صونيط الريڤي طلت على بنتها للي ناعسة فنموسيتها كانت ناعسة مشات دخلات للحمام خرجت صلات دهنت وجهها بليكخون ودارت عمر خفيف مع خط ايلينر بدات كتلبس حتى نزاعج وليد من صدااع وفاق طل عليها لقاها كتقاد الشال) صباح الخير حبيبي غير نعس راه مزال الحال
وليد: فين ماشية؟؟!!
هند: الخدمة اليوم الاثنين ولا نسيت؟!
وليد: (طرطق عينو من بعد مرمش بالزربة بحال كيوݣض راسو شاف فيها وتقابل فالجلسة معاها) فين؟!
هند: ل.......لخدمة!!!
وليد: هضرنا داك نهار لا؟!!!
هند: انا حسابلي غير هضرة دااايزة كنتي معصب وملقيت متقول وقلتي ديك الهضرة
وليد: يعني هضرتي غير كدوز من ودن وتخرج من الودن التانية
هند: بففف ولييد واش بنيتك غنحبس من الخدمة ماشي هاكا تافقنا
وليد: (قوس عينو فيها مزيااان وهي كتهضر.. هو ماشي ضبع ماشي اول مرة يتحسس من داك طبيب)
هند: نتا عارف الخدمة شنو تتعني لية وانا مرتاحة وعاجباني خدمتي نتا براسك تتفتاخر بية
وليد: حطي حوايج اهند بلا ديك بلا بلا ديال واالو داك لكلينيك هو لي مغتمشيلوش (لاح لفراش من عليه ووقف وهي غير كتشوف يمكن مصدوومة حيت مخداتش هضرت بجدية داك نهار ومضناتوش يكون بهاد الجدية)
هند: كتهضر بنيتك... بنيتك أوليد
وليد: وااا بالرب لا حطيتي رجلك تم (بقات كتشوف فيه) دابا مفاهمين
هند: (جاتها لبكية) لا غنمشي
وليد: (ببرود) هاحنا نشوووفو (دخل للدوش وبقات مصدوومة شادة فنيتة فيدها للي كانت باغية تقاد بيها الشال جلست فوق النموسية قلبها كيضرب والعصبية بدات كطلع ليها الرأس خرج موضي مشافش فيها مباشرة لبس فوقيتو كيصلي غير وقف وقفت عليه)
سيري اهند ترتاحي
هند: بغيت نمشي لخدمتي
وليد: لكلينيكات عطااهم الله ديبلومك مطلوب فاي بلاصة ولكن تم مغتخدميش
هند: انا تماك مرتاحة
وليد: (بنظرات قاسية شاف فعينييييها) علاش؟!! سمو للي مريحك تم؟!!
هند: (بلعت ريقها) ولفت صحاباتي تماك والناس كنعرف خدمتي مزيان
وليد: (ببرود.. كحز من حداها كيلبس حوايجو) هند متستحمرينيش مبغيتش ناقش مرتي شنو للي كيخليها مرتاحة فداك لكلينيك حيت بيان سيغ ماشي لحيوط وماشي المرضى للي كل نهار كيكون مريض لي كيخلينا مرتاحين هو الناس للي ضايرين بينا وكنشوفهم كل نهار
هند: هاكا كتشك فية
وليد: (لبس خاتمو دزواج وهز سوارتو مقرب ليها) مكنشكش اهند حيت الا شكيت هاديك حاجة اخرى ونتي عارفة اش كيعمي... انا تايق فيك ويمكن اكتر انسان كنتيق فيه هو نتي داكشي باش بغيت تبقى ديك الثقة زوينة بيناتنا ومبغيت حتى حاجة تزعزعها.. نتي عندي غاالية غالية بزاااااف (خلاها واقفة... خرج نيشان هبط لتحت هز الطموبيل وزاااد للخدمة.....)
زهير: (من بعد مفاقووو مطلقها زهير حتى كمل على ليلتو وللي عاجبو انها كانت مندامجة معاه لدرجة خلاتو على خاطرووو يشقلبها كيف بغاااا وبنظراتها ليه كتجذبوو كتر وكتر.. دوشوو بجوج فاق ولدها كملات بالزربة والظحك واااصل لفين نشفت راسها ومشات كترضع ولدها خرج لاوي فوطة عليه كانت عرياانة لابسة غير سليب وكترضع ولدها ودايرة رجل على رجل....
أول مرة تكون بهاد الجرئة بقا غير كيشوف فيها وهي كتبسم وباينة كتلعب بلسانها ودوزو على سنانها شافتو ***)
أمال: زوووهير رجى فالله
زهير؛ (دار يدو على صدرو العريان فوق قلبو) ابردييييييي وياااا محياااني
أمال: هههه زوهير سير عاود دوش باش تصح ليك صلا
زهير: (قوس عييينو فيها حس بحميمية زااايدة نغزة ولكن هو للي طلبها.. شافها كترضع) متوݣفييش شوي؟!!
أمال: هههه تُوْأ تُوْأ..
زهير: وكلت عليك الله يا بنت مّا (بقات كظحك دخل للدوش طلق الرشاش بما بارد هاد لمرا نشف راسو تماك خرج بينوار كانت لبست حوايجها ورجعت كترضع ولدها غير كظحك عليه وهو كيلبس...)
ياااا غبري عاود
أمال: (حدها تبسمت جا هز ولدوو كيلعب ويظحك معاه بدلاتلو أمال وخرجو مشاو لدار الحاجة حيت اليوم لفطووور دلعروسة للي كيكون بتقاليد دياالو الخاصة...) مصالحش نخرج اليوم مجاتش نخليهم وحدهم والله...
زهير: صافي نهضر مع اشرف نخليوها غدا باش لاربع نمشيو معاه
أمال: صافي ان شاء الله...
زهير: سيري احبيبة شوفي واش كاين شي فطوور جيبيهلي حدا مّا
أمال: واخا حبيبي
زهير: يا ر** وريني هاد الكاس مناش شربتي نزيدك ونعاودلك فيه
أمال: ههه سكرت بحبك
زهير: هانا على امووول واحد وعاريتي (مشات من حداه بغا يضربها فترمتها مما موالف وهي تخرج فيه ليلى سلم عليها ودخل حدا مو...
حتى جابتلو أمال لفطور وهي مشات فطرات مع جماعة للي تماك كولشي عيالات... وناضو باش يجمعو الدار حيت مع 1 غيجيبو عائلة لعروس لفطور....)
يتبع...
التعليقات
لا توجد تعليقات بعد، كن أول من يعلق.