محتوى القصة
أصبحنا وأصبح الملك لله
هند: (فاقت فرحانة من بعد الاهتمام والفرحة للي شافت فعين وليد وحتى فواليديه منين عرفو الخبر.. لقات وليد ناااعس من بعد ماتش زوين دوزوه لبارح.. دخلت للدوش دوشت نشفت شعرها جمعاتو وخرجت دارت واقي الشمس عكر خفيف وشريطة ديال الايلينر مع ماسكارا لبست حوايجها لوات شال عليها ياله غتخرج حتى عيط بصوت باااح)
وليد: صباح لخير الهرااابة
هند: ههه محسابليش تفيق دابا (مشات عندو وهو ياله كيحل عينيه باغي يشوف واش فوجهها شي ميكاب.. باستو) متعطلش علية
وليد: (جات ماشية شدها من ذراعها جلس وقربها كيشمها) دايرة بارفان؟!
هند: نوووو هادي ريحتي عادي (قوس عينو ناضت كظحك خرجت حيت معطلة لقات نعيمة موجدة فطور حلفاتلها متخرج حتى تفطر لقلت وليد فاق قالها تسنى) وليييد راني تعطلت
احمد: وفطري ابنتي راك هازة فكرشك وخاصك تاكلي مزيان
هند: معنديش مع لفطور صباح اعمي
احمد: لفطوور هو للي يخلي الواحد موݣض ابنتي شتي تسمحي فكولشي الا لفطور (بقات كتسمع ليه حتى جا وليد جلس يفطر وهي كتفقس خاصها تمشي دغيا ومقدراش تقولو زرب ولا نوض أكترية احمد للي كيعطي محاضرة على أهمية لفطور...
كملو خرجو وهوما مقشبين كعادتهم حتى وصلها)
هند: خلي الطموبيل عندك احبيبة حتى تجي عندي مع 11
وليد: (سدها وخرج ماد ليها سوارت) كنصوݣ غير حيت مبقيتش باغيك تمرضي مع ااصوݣان اما مبقااي خاااطر فيه هاد الساعة
هند: (عارفة مزال عندو فوبيا من الصوݣان من نهار لكسيدة) اوكي بيبي انا نجي عندك للمحال
وليد: (بابتسامة) اوكي بيبي (ظحكت وهو بصبعو لكبير ديدو مسح لعكر للي مابغاش يتمسح) دايرة داك للي كيلصݣ
هند: (كتلعب بحواجبها) بووس ومتخااافش ههه لا متيزوولش
وليد: سيري وكاااان... (مشات ضارت عندو دارت باي باي وكملت طريقها اما هو شدها رجل حتى شد تاكسي للمحال...)
فيصل: (كان حاضي كولشي من مكتب المدير) مزوجة واحد معندوش حتى طمووبيل... بيزااااغ!!!
عبد الرحمن: (المدير) فيصل مكنعرفكش كتميل لمزوجات قيييل عليك السيدة
فيصل: شحال خاايبة وحدة متكملش معاك تفاارق معاك ونتا مزال مشاابع منها ولا اصلا كتفكر فلفراق بين ليلة ونهار بدلت النمرة عادي نتلقاها فلوجه مبقيتش باغيااك نسااا...
عبد الرحمن: وهادشي للي بقا فيك
فيصل: سي بقا فيا... ولكن دابا صافي تزوجت
عبد الرحمن: قولها لراسك وسير قابل خدمتك
فيصل: (هبط مشا عندها نيشان كانت دخلت عند شي مريض كما العادة العلاقة رسمية كبين اي طبيب ومريض... كملو الخدمة وبقا كيسمع الرابور ديالها) صافي مزيان مدام هند
هند: واش نقدر نخرج بكري؟!
فيصل: (شاف فالساعة كانت 10 ونص) شي غرض مهم
هند: ويييي بزااف (دار براسو إشارة شنو هي) شي حاجة شخصية
فيصل: اه مرحبا الا حتاجيتي شي حاجة انا موجود
هند: merci (مشات لڤيستيير حيدت الطابلية لبست لڤيست ديالها وصبااطها وخرجت نيشان لطموبيلتها فموعد مع وليد باش يمشيو عند طبيبة نساء للتوليد للي هي صاحبتها....)
زهير: (ضار بقا امال عاطية بظهر ونااعسة غطاها مزيان شاف فالساعة 10 ونص.. دخل نيشان للدوش حس براسو رتاح شوية خرج صلا لقاها مزال ناعسة.. خرج بشوية ومشا لعند مو يطل عليها لقا للي فطر فطر جلس حدا منين سلم عليها)
كيبقيتي امّا؟!!
الحاجة: شوية اوليدي فينها أمال
زهير: خليتها ترتاح شوي
عيشة: (جلست على هاد الجملة كتشوف فخوها) واش عندها شي كمارة علاش تحشم ولا لا؟! (هز زهير حاجبو وفنفسو صباح الله..) الناس تبكي وتندب هي غير مخرجة فدوك العينين وزايداها بالظحك ولكن للي ظحك يتبلى وللي استشفى فعبادو
زهير: تكلماااي لا يطردݣ فيك شي عرق أمال مظحكت على حد مستشفات فحد
عيشة: ها العيالات سولهم واش طيحت شي دمعة ولا حتى عاونات فشي حاجة
زهير: هه علاه تبكي؟!!! وعلاه تعاون؟! براااكة غير حضرت فجنازة وحدة كانت غتقتلها الله يرحمها خلينا نسدو دشي وديها فروووحك اختي عيشة نتي تعرفيني يانا بنت الناس نهار اللول ݣلت مكاينش للي يحاديها ونتي بالظبط
عيشة: ياااااك سمعي امّا جات طفلة لبارح وراهي يݣطع خاوتو معانا على جاالها
زهير: هاااااه طفلة يعني ݣدها ݣد بنتك واش نتي لبارح مودتي شي وحدة من بناتك تخدم؟!! واش الا شي وحدة دفنت وحدة من بناتك حية فبير وقااعدة تݣلب عليها معاك تبززي عليها تبكي فݣناازتها
عيشة: (كضور فعينيها)
زهير: بعدي الطفلة نهار متحتارمكش نتي وتقلل من قيمتك ديك الساااع رواحي تشكاااي شي حاجة اخرى لا
عيشة: سري يا ولد بويا
زهير: وااه سرك باش مرة أخرى رواحي تشكيلي من بنت ݣد بنتك.. كاين شي فطور امّا
عيشة: روح عند مرتك فداركم للي ديما سادينها وفطر
زهير: ديها في روووحك اعيشة هادي دااار مّا وماكلتي وشرابي هنا أحب من أحب وكره من كره
الحاجة: واش الناس داخلة خارجة ونتوما تناݣرو زهير حتارم ختك لكبيرة اوليدي الله يرضي عليك.. عيشة أمال راه وحدة منكم بنتي كما نتي بنتي كلمة أخرى منبغيهاش علييها وانا ديك لبنت بغيت نشوفها غير ظاحكة متبكي متهز متخمل.. (جات نايضة)
زهير: جلسي امّا
الحاجة: محدني فالحياة وواݣفة على رجلي انا نوكل ولدي ونوكل مرتو وولادو
زهير: الله يطول فعمرك (جبد تيليفونو كيخرب فيه وعيشة ناضت غير كتنݣر.. حطاتلو لفطور حيت مابغاش يدخل للكوزينة للي عامرة عيالات فطر مزيان مشا لدارو لقا أمال كتصلي.. كملت صبح عليها وسلم لقاها كتلبس باش تمشي)
تخرجي؟!!
أمال: فين؟!
زهير: معرفت مخاصك حتى شي حاجة شي ورقة تجيبيها من لفاك؟! شي حاجة مهم نخرجو
أمال: حشومة والناس خاص نمشي عند ما راه ݣاع مطليت عليها
زهير: من بعد (شافتو مديرونجي شوية لبست كيطمة هزت مونطو ديالها وخرجو لقا لكبير جار أنوار للي ديما داير قبو ونظاظرو وحاني راسو مشا عندهم وأمال تابعاه) أنوار بيخير؟!!
أنوار: (حرك راسو) الحمد لله
زهير: تبغي تخرج شوية؟!! مكاين لاش تبقى فهاد الجو
أنوار: مݣااادش
زهير: غير ياله حتى مرتي راه معانا
أنوار: (بهاد الكلمة هز راسو ولكن غير ظلام فظلام وغير فكرة ميعاودش يشوف مرة أخرى كتزيد تأزمو وبانت فملامح وجهو) غير بصحتكم اخويا
زهير: على راحتك
لكبير: نوض اولدي سير مع عمك ومرتو كتبقى هنا غير كتزيد تمرض ديه اخويا معندو ميجلس هنا (شافووه غير ساكت وأمال كضور فعينها هزوه بجوج ركبووه اللور وهزو كرسي ديالو داروه فلكوفر.. ركبت أمال لقدام ممرتاحااااش فمجيتو معاهم)
زهير: اموووول تفطري هو اللول ولا لفاك
أمال: حم (كانت 11 ونص) نمشي لفاك هو اللول (من وصولو ياله سمع صوتها)
أنوار: أمال!!!
أمال: (دارت راسها ݣاع مسمعاتو وقلبها قرب يخرج من فمها)
زهير: (شاف فانوار) بغيت أمال؟!
أنوار: واش مكيناااش مزال مركبت؟!! (عارفها ملائمة ميخفاش عطرها لخفيف) بغيت غير نطلب سماحة على واش دارت مّا
أمال: (شافت فزهير للي دارلها إشارة تجاوبو) الله يسمحنا كاملين
أنوار: (مقهور) اميين... امييين (بقا حاني راسو ركب زهير وشد فيد امال للي تبسمت معاه حس بيديها كيرجفو)
زهير: مالكي؟!
أمال: امم والو (دار يدو فوق فخاضها كالعادة وقرسها ظحكت وديمارا فسكات شافت لمرايا للي فالجنب بانلها أنوار حاني راسو غمضت عينها تفكرت أول نهار شافتو كيفاش كان عاجبو حالو وحاس براسو ودابا كفاش مكسووور وباينة القهرة فيه تفكرت ݣاع لحوايج الخايبة والكوابيس للي كان معيشها فيها تنهدت... حتى لقلت راسها فلفاك)
انا منتعطلش
زهير: غير بشوي عليك انا نتسناك... هاه الا كانت شي حاجة صوني (حركت راسها باه شافت فأنوار وخرجت مشات تجيب بوليكابات وقلبت على لبنات للي دارت معاهم عاد خرجت لقات زهير خارج من الطموبيل واقف حدا السرجم للي حدا انوار كيهضرو)
صافي!!
أمال: واه طبعت شنو فاتني ياكما تعطلت
زهير: لا مشينا نتغداو (حركت رأسها باه اخر حاجة كانت باغية تغدا مع راجلها ومعاهم صاحبها لقديم... ركبت بقا صايݣ مشا نيشان لبني درار لقهاوي ديال شوا هبط هبط الكرسي) امول رواحي شدي الكرسي (مشات حداه شدات الكرسي وهو هز أنوار شافت أمال كان لابس بحال شورط رجل فيها جبيرة والتانية فيها لحديد حطو فوق الكرسي وحط على رجليه كاشميرا مخلية لاخر مدمر نفسيا وجسديا.. جرو دخلو لداخل) انا جااي
أمال: نمشي معاك؟!!
زهير: غير خليك (مشا دموندا شنو بغاو ودخل طواليط)
أنوار: أمال
أمال: عفاك متعاودش تهضر معايا دير راسك مكتعرفنيش مك صافي ݣلت الله يسامح الله يرحم ليها ويغفر لها ولكن باش كل مرة نجبد معايا الهضرة لا.. (شافتو ساكت) ماشي خووف منك على شنو فات ولكن احترام عمك زهير للي دار على قبلك بزاف دلحوايج تفكرهم لييه
أنوار: (مخلاتلو ميقول) الله يكتر خيروو
أمال: امييين.. (قلبت وجهها كيجيها كيشوف من ديما عندها غير صورة أنوار لقديمة داك المستغل وشماتة وللي كيستقوى عليها...
اما هو حنا راسو كيلعب بطرف صباعو بالكشمير وباينة عليه حزن كبييير جا زهير كان صقيير)
زهير: أنوار شوية؟!!
أنوار: الحمد لله.. بغيت نرجع ازهير لفرانسا
زهير: علاش؟!
أنوار: بغيت نعرف دعاء واش تدفنت مها واش باقية حية ولا ميتة هادوك للي تم مكيجاوبونيش... معرفت واش ندير
زهير: عندك رزقك دخل ابن عمي لبلادك دير شي مشروع وݣابلو
أنوار: باش نݣابلو برجلي ولا بعيني
زهير: بعقلك الا كانت النية زينة ربي غيسهل عليك.. نتا ݣول الحمد لله ونسى ووݣف على رجليك حيت عندك واحد المسؤووولية اخرى هي بنتك
أنوار: (زاد تقهر صوتو كيرجف) مكانش للي يعرف يݣااابلها بحال دعاء
زهير: الله يرحمها (أمال غير كتشوف مكدخلش راسها حتى بكلمة)
أنوار: (بتنهيدة) امييييين.....
دازو أيام حالة أنوار هي هي غير فبيتو مكيخرجش كيجيبو بنتو يلعب معاها واخا مقادرش حيت عينيه باش يشوفها كظحك كتلعب كتبكي كتكبر مكاااينش لدرجة مبقاوش كيبغيو يدخلوها عندو على ميبرا شوية غير مكيزيد يضعااف والنفسية تحت الزيرو زهير وباه وحتى خوتو ممقصرينش اليوم الاربعين ديال مو مشاو لقبور باش يبنيو على قبرها وفنفس الوقت دايرين صدقة..
هند فرحانة بحملها للي كانت عندها شهرين وسيمانة اما مريم كرشها بانت ف4 شهور...
أما أمال كانت راجعة من لفاك فتاكسي ماشية عند زهير وصلت خلصااتو وشافت نفس لبنت للي ولات كتلقاها بزااف تماك دخلت كان زهير للي حدا لباب كالعادة
أمال: زهير شنو كدير هنا؟!!
زهير: ههه السلام بعدا
أمال: علاش ديما كلݣاك واقف هنا وماشي فلبيرو ديالك
زهير: صاڤابااا نتي ولا واش؟!!! طلعي درك نجي (خلاها غير كتشوف ومشا عند واحد من الخدامة للي معاه.. متحركتش من تماااك حتى هز زهير راسو لقاها مزال فين خلاها وساهية مكتشوفش فيه) صافي دخل كولشي فلحسااب... (مشا عندها)
اسبحااان الله
أمال: نتا كتخووني؟!
زهير: (هز حواجبو متفاجئ) مع الربعة ونص زعما؟!!
أمال: مكنظحكش وحدة كل مرة جيت هنا كلݣاها ونتا سبحان الله بالصدفة (شد يدها وزير عليها) ااااي عدمتني
زهير؛ كلمة خرا تهرس لمك فمك (شاف للي تماك كيشوفو فيهم جرها من يدها وخرجو برا)
واش هبلتني يا *** ولا واش؟!!!! وحق ربي وكان زدتي كلمة أخرى يا محاااينك نݣسم لساانك على جووج
أمال: (بقات غير كتشوف وترمش) نتا كتخوني وكتزيد تغوت
زهير: (عصباتو) شكون ݣالك نخوون فيك؟!!!
أمال: (خرجت عينها) شتك بعيني
زهير: درك نعمييهم لمك دوك لبيااات للي راكي تخرجي فية
أمال: (بقات كترمش بزااف وعقدت حواجبها)
زهير: (جبد ݣاارو كيكمي ويشوف فيها بقات كتكح حتى بغات تجيف بلعاني) بقالك غير تجبدي حلاقمك
أمال: كح كح اووووو كح كح
زهير: يهديك الله ابنت مّا واش للي عندو هاد لحماامة يشوف فشي قنت اااخر
أمال: شفتها بعيني متكذبنيش
زهير: واش بانلك تردو المحال يدخلو ليه غير رجال
امال: احسن ما ديير ياك الاختلاط حراام
زهير: ههه لتبقايش تحللي وتحرمي غير للي بغيتي طلعي للطموبيل درك نجي (فتح بلكونطاك شافها شادة فصااكها) ياااو طلعي خلاص (طلعت مشا جاب جاكيطتو ورجع طلع)
لمعيييصبة ديالي واش بيك؟!!!
أمال: ( لا رد قلبت وجهها حيت مكتحملش للي تقرب لزهير ولا تهضر معاه) انا غنشووف شكون هادي
زهير: منين تعريفها ݣوليهالي..
(خنزرت فيه)
ونعرف بعدا غير روحي معامن راني نخوون فيك هههه
(شقلبت عينها)
راني فيديييل معاك اݣليع ݣلبي وعمر شي وحدة من غيرك تحلالي (بحرا جامعة الظحكة بقا كيهرها فجنابها وفوق ركابيها حتى ظحكت وخرجت حزقة بلا متحس... بقا غير كطلب الله تكون غير هوا بلا ريحة حتى سمعااتو)
حزقتي ازين؟!!!
عيشة: (تجمعو هاد نهار على حساب الصدقة ولكن أمال وخدايمها للي جاتها ضاااسرة وماشي عرووووسة للي كتكون هي للي هازة الدار مكتخر موالو وفوقما يجيو يلقاوها ساعة واالو بلعكس هي كتنوض توجد بيدها فلكوزينة... جاتها مفششة بزاااف عكس داكشي للي عاودولها عليها يتيمة وديما حانية الراس ومها كانت مقرساها بشغل الدار وغير حانية الراس ونية ملقات والو بلعكس لقات خوها عاد كيوقف فوجهها وبصارح العبارة كيقولها دخلي سوق رااسك...)
مّا ست مرت زهير محاملة مكتوحم واش العام للي جا تبقاي غير تباركي لعيباد الله مكاينش نهار للي يباركو ليك نتي؟؟
الحاجة: كولشي بأجلو زين اعيشة
عيشة: العمر راه كيمشي مكيرجعش اللور امّا
الحاجة: للي كتابت علية ابنتي مرحبا بييها خلي عليك لبنت
عيشة: مخليااها اما راها نيت دايرة فيكم مبغاات تخملي ليها وطيبي ليها وتنقييها شكون بحالها لݣات عݣووز تخدم عليها
الحاجة: الله يعطي لبناتك شي عݣووز كيفي ههه
ليلى: (تبسمت شادة لسانها بالسيف) امييين ولݣاع لبنات والله اعݣووزتي مكاين بحاالك امال سعدااتها بيك لخير للي ملݣااتوش ففتيحة لݣااتو فيك
عيشة: غييير ظالمين ديك فتيحة ومنهم نتي
ليلى: انا؟؟ ههه ساليتي من أمال دزني لية اهااه مرحبا بعدا انا كاينة نجاوبك ماشي بحال أمال للي نقصتي عليها ذنوووب
عيشة: مبيني وبيييينك غير الخير والاحسان
ليلى: اممم واخا للي بانلك اعيشة نخليو خير وإحسان
عيشة: شتك بحالا باغية داابزي
ليلى: لا لا حاشة انا للي شفتك مزيرة شوية من جهة امال
عيشة: لهلا يحيييها ويحيي نهار للي نتزير على جاالها اما غير جابتني النفس على مّا
ليلى:. وااا صراحة الواحد كتجيبو النفس على مو وكيبغي يخدمها ويراعيلها أكترية الا كانت بحال مك راه قلال فالدنيا انا تكون عندي ام بحالها نهزها برموش عيني ومنݣولش اح ومنتسناااش للي تجي تهزها
عيشة: (بقات كضور عينها معرفت واش هاضرة عادي وتشكر فمها ولا كدفع ليها الهضرة.. شافت فمها للي كتبسم عنقااتها ليلى) نوض نشوف واش خص؟!!! واش هاد عرووستك متجييش لغدا فات وهي مباانت
الحاجة: اعيييشة نعلي الشيطان واش باغياه يسمعك عاود االهضرة
ليلى: عادي الحاجة بحال وحدة كتسول على بنتها.. ختي عيشة أمال نهار كامشي لفاك كتدوز عند راجلها كيتغداو برا ويجيو.. بلا متخلي ليها حقها... (قلبت وجهها للحاجة للي كتنغز فيها باش تسكت...)
شيماء: (بقات بنتها كتحرك يديداتها ورجيلاتها رجعت كتلاحظ كولشي عليها المونادا قطعاتها من داك نهار... كانت كدوش ليها وحتى هي دخلت دوشت لبست بينوارها وهزاتها من لبانيو ديالها للي خواتو ولبساتها حتى هي بينوار مع باغا تخرج كان ديجا تزلع ليها شمبوان فالارض وزطمت عليه تسمعت غوتتها وطاااحت 2 تواني تحل لباب كان أشرف هز بنتو من يدها للي كانت فوق كرشها)
أشرف: ياكما طااحت؟!!!
شيماء: لا غير ا.. (شافتو مشا كيراري ببنتو بالحر والضربة للي كلماتها فظهرها بقات فبلاصتها كتبكي... من نهار صبيطار مكاينة هضرة بيناتهم قليييل وغير على لبنت ولا احتياجاتتها للي أغلبية كيكون مقضي وجايب كولشي قبل حتى متسالا...
شافت حياااتها عذاااب لا عائلة كيديوها فيها لا راجل لا مستقبل باااين ناضت غير بشوية وهي كتشهق بلبكى وهاد الاهمال كأنها ماشي بناادم... مقدرتش توقف على ظهرها مقااد شدات غير فلڤابو خرجت مقوسة ظهرها دخلت لبيت لقاتو كيلبسها الحوايج وكيهضر معاها وكيظحكها..)
خرج خليني لبس حوايجي
أشرف: (بلا كيشوف فيها) صبري نكمل حتى انا اخر حاجة نبغيها غير نكحل عيني بشوفتك عرياانة
شيماء: (من ديما كيستتفزها شافتو كيلبسها تقااشر وهزها وخرج سدت لباب بالجهد حتى تخلعت لبنت وغوتت)
أشرف: (شد فراسها) متخافيش احبيبة (بغا يحل لباب لقاها سداتو) مزال نوريك الكلبة
شيماء: واه كلبة حيت باقا لداابا معاك باقية مع واحد مكبوووت مبغيتش نمشي معاه وناض تكرفس علية وحملني (كتبكي) وضيعلي حياتي وضيعني مع كولشي وفالتااالي كيدير راسو هو المظلوووم وللي قابل على ق*** ونسيتي راسك راك (وسكتت خلات دمو كيفووور... بقات كتبكي بحرقة بحال تحكم عليها تحمل حمل مباغيااهش ترضع وتسهر وتبدل ليكوش ماشي كأن ولكن بحال شي حاجة بالزز عليك لا والبني انكي مرتاحة ومخااصك واالو... بقات متكية فوق النموسية مقادرااش تحرك ولا تلبس عليها.... شوية سمعت الدقاان بشوية.. ظنت لبنت خاصها ترض وقفت غير بشوية كتألم وغير مقوسة حلت لباب لقاتو هو مخنزر دخل من بعد منعس لبنت وحطها فرولاكس ديالها)
أشرف: كملي (دخل لبيت وسد لباب) كملي نتي ق*** وانا واشتا؟!!!
شيماء: (مشات مقوسة للنموسية وتكات حيت مقادراش حتى تجلس) جيب التيو ولا اي حاجة يديك ضرب كيف بغيت (شافت فسقف ودموع عينيها هاودين)
أشرف: (بقا ساكت كيشوفها كتألم) مالكي عوجة
شيماء: حمارة كانت كدوش للأميرة ديالك طاحت وصافي ماشي شي حاجة مماتتش.. يمكن المرة جاية تمووت
أشرف: (بقا غير كيشوف اما هي كتغمض عينها بكترة لحريق وراسها عاطيها لحريق حتى كتشوف ضبابة...) فين تعدمتي؟
شيماء: (طرطقت كتبكي) ظهري
أشرف: (زفر.. مشا للكوزينة حل الثلاجة جبد ڤولتارين مشا عندها) دوري نمسد ليك (بقات كتشوف فيه) راه الا بقيتي هاكا غتزيدي تعكفي كتر (بحرا ضااارت هبط ليها لبينوار حتى لحدا ترمتها هز حواجبو بحال كيطرد الشيطان للي بغا يفكر يوسوس ليه شي حاجة عصر لبومادة فوق ظهرها للي حمر فشي بلايص غير هبطت على جلدها تنفضت حيد شعر من على عنقها وبقا كيماااصي مرة بشوية منين عقلو كيكون كيفكر ومرة كيزرب منين كيكون عقلو مداابز مع افكاارو....)
شيماء: (كتحس بلمساتو شي مرات بحال كيقرسوها فلحمها بقات كضور عينها عمر شي واحد مقاسها هاكا لا هو لا أنوار بلعت ريقها ويدو ماشي لترمتها شداتها تبوووريشة والخلعة حتى حبست يدو ووقفت الحركة كتسنى شنو غيدير حتى دار عليها كاشة)
أشرف: بقاي هاكا شي نص ساعة انا جاي (خرج من تمااك ميقدرش يقيسها وكل تصاورها جاو قداام عينو مع أنوار للي مزال فالحياة... جلس فالصالة كيرد أنفااسو اخر وحدة كان قاسها كان قبل ميتزوجها يعني شهوووور اطول مدة عندو كانت هي شهر اما دابا منين تزوج بقا بلاش.. شاف لبنت ناعسة هز سوارت وهبط لفرماسيان يجيبلها شي دوا يهمد لحريق.. طلع لقا بنتو ماشي فبلاصتها دخل لبيت لقاها كترضعها ومخبية فلفراش حيت عريانة ولكن مقسحة بزااف واخا كترضعها وهي ناعسة... حط دوا فوق كوافوز)
انا نجيبلك متاكلي وشربي هاد دوا غير كملي ليها رضاعة عطيني نݣابلها ومنين تفبقي عصري بز*** عاد رضعيها (حركت راسها باه.. مشا للكوزينة لقاها موجدة طاجين الدجاج والزيتون سخنو وحط ليها فطبسيل دار خبز فشبيكة وكاس ديال لما فبلاطو وداهم ليها خدا لبنت من عليها وخرج اما هي ناضت لبست حوايجها عاد جلست كتألم وهي كتاكل..)
~~~~~~~~~
...بعد أيااام....
أنوار: (...جالس صاااقر فالصالون كيتفكر أياامو مع دعاء للي ماتت واخر حاجة سمعها هي انا وانوار مزال صغار على العمرة والحج حتى نعيشو حياتنا عاد نمشيو للحج.. تفكر مو شحال كانت فرحااانة وهي باغية تمشي.. تنهد تنهييدة وهو كيحاول يتأقلم فهاد الظروف للي جات فوق رااسو... حس بشي حد هزلو رجلو ولكن متألمش) شششكون..
زهير: غتكون برااات هادي
لكبير: داكشي فاش فكرت راه الا حسبنا 3 شهور باش وقع للي وقع خاص نديوه لطبيب
زهير: درك نيييت (وقف اما أنوار غير متبع صوتهم) أنوار نديوك لطبيب يشوف رجلك
أنوار: واه.. (نوضوه خرجو زهير صونا على هند حيت للي فاهم تخصصها كيني يعني لعظاام صيفطاتلو لوكاليزاسيون.. مشاو نيشان لتماك دخلووه عند طبيب فيصل وهند واقفة حداه.. حل الجبص ودارو ليها الراديو على رجلو لقاها براات والهرس للي كان فيها برا كلام طبيب دخلو بصيص أمال انه يقدر ينوض على رجليه واخا ماشي بجوج ولكن رجل قاضية الغرض وعاد كلام هند انها غدير ليه الترويض... نظفولو رجلو من اثار الجبص خرجت هند عندهم)
زهير: أمدرا ختي هند؟!
هند: رجلو الحمدلله برات شوية ديال الترويض يدير العكاز ويوقف اما رجل التانية واااكلة لعصى وعاد لحديد مزال مجمع العظم مزيان
لكبير: وعينيه ابنتي؟!!
هند: ماشي تخصص ديالي اعمي خاص ضروري طبيب مختص ديال لعينين
لكبير: نشوفولو
زهير: انا كنݣول حسن يوݣف على رجلو ويرجع لفرانسا عند طبيب للي تبع معاه
لكبير: نشوفولو هنا وحتى يرجع تم ونشوفولو هو راه الا رجع ليه الشوف غيوݣف من لبكى شوي ويشوف حتى بنتو
زهير: للي بغيتي اخويا.. هند كتعرفي شي طبيب ولا طبيبة
هند: اممم نشووف نسول على شي واحد مختص
لكبير: معليش الا مكانش فوجدة
هند: كون هاني اعمي الحاج (رجعت دخلت بقات كتشوف فأنوار تفكرت ايام كيف كان وداابا بحال هزيتي واحد وحطيتي اخر وضعييف بزااف... بقا كيعيط ليها فيصل) حم وي دكتور
فيصل: من غدا غتبداي معاه الحصص هنا على حساب ليماشين وانا غنصيفط شي واحد يمشي عندو للدار
هند: انا نمشي
فيصل: (هز حاجبو) نتي؟!!!
هند: من العائلة.. (شدت فذراع أنوار كتعاونو ينوض لاخر غير كيشوف هو عارف معندهاش العائلة هنا) أنوار صافا دابا!!
أنوار: (بصوت خافت) الحمد لله اهند...
وليد: (منين سمع هند غدير الترويض لأنوار وهو شااعل... جا زهير باش يرومبلاصيه) مشاو؟!
زهير: واه بعدا عيوبي يݣد يوݣف
وليد: زهير فهمت ولد خوك ونسيت داكشي للي فات وهادشي راك دير معاه فيه كتر من رجوولة ولكن هند مبغيتهاش داويه
زهير؛ علاه؟!!
وليد: هكاك
زهير: على ضماانتي ابن عمي وزايدون نتا الا بغيت تكون معاهم فالحصة كون.. وليد غير خليها المقربين للي نعرفو حسن
وليد: (بقا ساكت حيت غيبغي زهير يعرف علاش ووليد غيبغي يعاودلو كولشي راه صحاب ومبيناتهمش يخبيو على بعضيااتهم...) معرفت
زهير: معندك مناش تخاف الا أنوار راه واحد لا حولة ليه لا رجلين لا عينين يعني غدير خدمتها باش تخليه يوݣف على رجلو وخويا ديما غيكون معاه فالجلسات وحتى نتا
وليد: ميمشيش بالك بعيد انا غير اصلا مكرهتهاش تخرج تجلس وتقابل راسها وكرشها
زهير: شتي ياما وكان كانت أمال خدامة فرملية والله راه يعجبني الحال كتجيني احسن خدمة للبنت هي فالصحة
وليد: اوا قريها حتى حاجة مبعيدة؟!!
زهير: واايلي
وليد: بحال هند تقرا فمدرسة ديال لفلوس 3 سنين وتخرج
زهير: وااااه... نݣولهالها واش تبغي حسن من ديك لفاك وصدااعها...
وليد: ولكن لقرايا ديالها صعيبة خاصها وقت ليها كبير
زهير: لا لا لا انا كنݣول عقلها يخوا ولكن نݣولهالها ونشوف واش تبغي.. ݣولي شتك ختك من داك نهار مسولتي فيها مشتوها كتر من 3 شهور ولا معرفت حتى من باك حلف متوطا الدار فاش كان هنا.. واه عرفنا غلطت وحتى لكيدار لاخر غلط ولكن ماشي لدرجة ديال تنكرووها
وليد: نتا بعدا وكان كنت فبلاصتي وكان راك ذبحتها
زهير: نهار لݣيناها مليوحة فدار حسن لݣيناها مذبوحة (شاف فيه وليد) متشوفش فية هااك واش نجي نݣولك رواح ومنعرف طريحتك وين تخرج!!
للي خلصاتو راه خلصااتو على الاقل خلي مرتك تروح طل عليها
وليد: (كيلعب بلسانو فوسط فمو كتجي حتى بقضية ختو للي هي قضية شرف وكيتلف.. ناض خرج شد تاكسي ومشا عند هند)
~~~~~~~~~~~~
هند: (حطت الطابلية لبست لمونطو ديالها قدات الشال للي ضرووري تبين شوية من شعرها من لقدام.. عودات ݣلوص خفيف وخرجت لقات فيصل حدا باب لڤيسيير) دكتور!!!!
فيصل: مفهمتش شي حاجة؟؟! كفاش هداك لمريض أنوار المومني من عائلتك ونتي هند الادريسي
هند: (تبسمت) ونتا شنو ضرك فهادشي؟!!
فيصل: عماين وانا تنعرفك اهند
هند: راه من عائلة راجلي شي حاجة للي باينة
فيصل: فين عرفتي هاد راجلك؟!
هند: ونتا مالك افيصل نهار اللول قلت خلي العلاقة بيناتنا علاقة رسمية
فيصل: (عض على شنافتو) كنهضر معاك على اساس صديق
هند؛ وشكون قالك محتاجة يكون عندي شي صديق الحمد لله حياتي عاامرة معنديش خصاااص
فيصل: قساحيتي
هند: (هزت حاجبها) من ديما انا هاكا.. دكتور سمحلي ندوز راجلي غيكون تيتسناني
فيصل: (خلا ليها مساحة) اهاااه.. ليلة سعيدة
هند: (مجوباتوش خرجت لقات وليد برا حدا طموبيلتها سلمت عليه بليبيز) بيبي
وليد: حبيبة.. نمشيو نطلو على مريم؟!
هند: بنت ختك؟!
وليد: اممم
هند: احسن حاجة والله.. ولكن منمشيوش بيدنا خاويين
وليد: حتى انا جبتها مع الخلصة ديالك
هند: ههه عرفتك طماااع من نهار اللول
وليد: انا بنتي نفورني عليك نتي وطاسيلتك ويشييط لخيير
هند: اه اه دريس جطو
وليد: سمو؟!
هند: والو والو عارفة حبيبي ميبخلش علية (ركبو فالطموبيل دازو مشاو خداو لبنيتة شي لعاب وشي تخربيق ديال دانون ديسير ومشاااو كيشوف فهند للي ماشية فطريق بلا حتى متشوف فلوكاليزسيون.. خلاها حتى وقفت)
وليد: أول مرة تجي هنا؟!!!!
هند: ااا نسيت نهار جينا ديما أشرف
وليد: نهار جينا ديما أشرف كان الليل وكنتي حاضية غير المحامية مكنتيش رادة باالك فطريق
هند: كنت
وليد: هند!!!!
هند: باغي تسمع شي حاجة مكيناش
وليد: ههه ملقيتوش كتصدموني غير ااااتي من عندك
هند: اممم حتى نهبطو حيت من مور مغنعاود ليك غادي ندابزووو وانا باغية نمشي نشوف الكتكووتة (حطت يدها على كرشها) بنتي حااامقة تشوف بنت عمتها
وليد: (كتمشيلو لنقطة ضعفو) واخا هند ديري ماااا علييك (خرج داكشي من لكووفر وزدح لكووفر حتى ضااارت وهي قيسها فعينها ولا فطموبيلتها قوس عينو فيها وهي تشقلب عينها...
طلعو وهي ترد لبال)
هند: اشمن ايطاج؟!!!
وليد: سيري وكان (تمشات معاه وصلو كان ديجا علم أشرف دقات هند فتح ليهم هاز مريم للي رجع كيهزها وكتحكم فراسها شوية)
هند: ويني ويني على لكتكووتة لغزييولة لحبيبة ديال مرت خالوووو (مدها ليها وهو عاجبو الحال شي واحد يبغيلو بنتو دخلت من بعد مقالت السلام وصوابها وليد معاجبو حال رحب بيه أشرف دخلو كانت الطبلة مزوقة)
فيها شيماء؟!!
أشرف: فلكوزينة شيمااااااا
شيماء: (قلبها ضرب شحال مسمعت سميتها منو كيعيط ليها غير هاديك.. جات عندهم كتحاول متبينش وجع ظهرها رحبت بهند وصلت لخوها مدت يدها ومدها حتى هو مقادراش تشوف فعينو) سلام خويا
وليد: سلام (جابت هند لبنيتة لوليد للي كيظحك معاها ويلعب وبقات هند كتجبد اللعاب وتعطيها)
أشرف: يعطيكم الخير
هند: راه وحدة منا هاد الخنوووزة (شظت فيها) غنااكل مك انا غنااكل هم هم هم (مريم كظحك كان شبه كبيير لأشرف وحتى لوجه الداير ديال شيماء.. عرفتي من دابا 6 شهور غتكون عندك بنت خاالو تلعبي معاها)
شيماء: حاملة؟!!
هند: (بابتسامة) ااه
شيماء: الله يكمل عليك بالخير اختي (ناضت بغات تكب العصير والألم فقلبها وعينها رجعت غريييبة عليهم مكتعرف والو عليهم شدت ظهرها خوها حاضيها)
وليد: مالكي؟!!
شيماء: (بغات تبكي من اهتمامو) والو اخويا
أشرف: كانت طاحت فالدوش
وليد؛ طاحت فالدوش ولا ضربتها
أشرف: الله يهديك أخاي وليد ياكما كيحساب ليك من رجال للي يشد مرتو ويبدأ غير يسلخ فيها
شيماء: (شافت فأشرف وهي كتمعن فالكلمة للي خرجت من فمو *مرتو*)
هند: زيدو ناكلو ونتوما غير تتناݣرو وزايدون ماشي قدام هاد لغزييولة (بقاو كياكلو وهضرتهم على مريم موضوع أشرف المفضل.. ناضت كنجمع معاها الطبلة وخلاو وليد واشرف كيلعبو معاهم على الله تقاد لخواطر)
مزال مباعدين؟!!
شيماء: (بتنهيدة) كتر من اللول
هند: واايلي اشيمااء ماشي ديالك اصاحبتي الراجل سااهلة تجرييه
شيماء: جيت ليه هو ووحلت
هند: موحلتي والو نفسيمن الطيران وكلامك يكون موزون ومتلوحيش راسك عليك ولا تحسسيه انه داير خير فيك وفنفس الوقت خدني الأنوثة تم الأنوثة تم الانوثة....
الحاجة: (دخلت للكوزينة لقات أمال كتقطع ربيع وكتبكي) بنتي مالكي تبكي؟!!
أمال: (طرطقت كتبكي) من ديما كنحس براسي معندي زهر
الحاجة: علاه ابنتي؟!!
أمال: (كتمسح دموعها) ديما فرحتي كتكون ناقصة
الحاجة: اويلعدا على لهبيلة راكي تبكي على لحمل درك نتفرج فيك منين تحملي وتولديه واش تبكي عليه
أمال: هااا
الحاجة: ابنتي استغفري مولاك للي هو الواحد للي عارف واش هو للي خيرلك
أمال: (بصوت مخنوق) استغفر الله ولكن امّا راه عييت علاه مكنحملش عمرني تمنيت شي حاجة ولݣيتها ضرووري نبكي وندب باش عاد توصلني
الحاجة: ماشي كلام دا ابنتي واش نتي تعرفي حسن من ربي (حركت راسها بلا) نهار يكتاب ليك ابنتي راك تحمليهم وتولديهم
أمال: (بتنهيدة حيت تعيا تبغي تخرج للي عندها فقلبها ومغتعرفش تعبر بشنو كتحس..)
الحاجة؛ (مشات عنقااتها) سيري ابنتي تجلسي انا نكمل عليك
أمال: لا لا غير خليك انا نكمل بقالي غير ربيع ندور بيه لحريرة
الحاجة: اربي لتعاوديش تبكي ابنتي راك طيبتي دوك لعينين
أمال: (حركت رأسها باه وباست راس الحاجة للي خرجت كتستغفر الله ولات كتحس بإحراج بحال عندها شي عيب ونقص فيها... رجعت كتكمل شغلها وطايح عليها الضيم طبيبة قالتلها معندها حتى مشكل وحتى لغيݣل للي مكتجيهاش مقادة عطاتها دوا باش تقاد ليها.. وحتى تحاليل زهير للي دار قراتهم هند معندو والو.. جات ليلى ومشات كتجمع معاهم ومكتبغيش تبين ليهم...)
~~~~~~~~~~
شيماء: (من بعد مودعو وليد وهند واها مزال خوها مكيهضرها مكيشوف فيها ولكن مجرد القدوم ديالو خلاها فرحانة وحبهم لبنتها كبر فقلبها... مشات تجمع واشرف فرش الطابية للي تقريبا بحال لبونج كيحطو فيها مريم باش تعلم تحبو)
عجبني الحال منين جاااو
أشرف: (بلا ميشوف فيها) اممم
شيماء: كتشوف خويا غيسمحلي شي نهار؟!!
أشرف: علاش وليتي تحسي برووحك غاالطة
شيماء: (مفهمتش واش سؤال ولا طنز) واه
أشرف: (هز حواجبو بحال متفاجئ) مزيان
شيماء: علاش نتا مكتحسش بية ندمت
أشرف: معلباليش بيك اصلا باش نحس بيك ولا لا
شيماء: (قلبها ضرب ومعدتها تزيرت عليها حنات راسها ومشات كتجمع الدنيا.. كان مشا الحال على طياب حتى من هند مبغاتش تعشا حيت مكتقدرش على ريحة ديال طياب لي كتهلكها بالردان..
رجعت عندو)
تجيب لعشا من برا؟!!
أشرف: (مخنزر فيها) طيبيه
شيماء؛ 11 ونص هادي وزايدون وقف مريم باش نعسها
أشرف: ومن بعد!!
شيماء: تشهيت طاكوس (من ياماتها مكلاتو يمكن اخر مرة كان مع حسن)
أشرف: وانا مالي تشهيتيه طيبيه مكنعمرش التلاجة غير هكاك
شيماء: (بلعت ريقها مشات تهز مريم وهو يحايد ليها يدها) نديها تبدل
أشرف: معامن تشاورتي
شيماء: مالك أشرف معايا؟؟
أشرف: مالي معاك؟!! مكنحملش نشوف كماارتك حدايا صووتك كنكره مو (بعصبية) دݣي من حداايا منين نشوف بنتي بغات شي حاجة نجي عندك.. تحركي من ݣداامي
شيماء: (بقات غير كتشوف مفهمتش هاد العصبية كلها) مالك معايا؟!!
أشرف: وتحركي ق مكملهاش تحركي متعاوديش تخليني نتعصب ولا نغوت ݣدام بنتي
(ضارت مشات لبيت ودموع فعينها اما هو بقا مغوووبش مواد صبعو لبنتو كتلعب فيه وساااهي... بقات كتبكي ناض هزها ودخل عند شيماء لقا عينيها ونيفها حمر)
رضعيها من حليبك ونعسيها.. (حنا عند بنتو باسها فجبهتها تم خارج وهو يهضر)
منين تنعسيها جمعي رويينة للي فالدار... (بقات غير متبعاه قلباتها بكا وهي كترضع بنتها بدلت ليها وكملت رضاعة حتى نعست ناضت من بلاصتها مشات كتجمع بلاصة فين لعبت بنتها والصالة ودخلت للكوزينة غسلت لماعن مسحتهم كما كيبغي وردات كل حاجة بلاصتها عاد رجعت لبيتها وقلبها ضاارها....)
أنوار: (عرف من واحد الصديق تماك ان ام دعاء مزال حالتها هي هي حمد الله حيت مصرفات فيه غير الخير رد التيليفون لبشرى)
بعدا وحدة تبقى حية
بشرى: (جلست بحزن) ممتيقاش أنوار منا ماتت دازت 4 شهور ومزال متيقت
أنوار: ݣوليلي لبشرى الصراحة واش بالصح مّا بغات تقتل أمال
بشرى: (بتنهيدة) الله يرحمها ويغفر ليها هاد الهضرة مكانش علاش تولي تجبد
انوار: علاه؟!!! واش دارت ليها؟!
بشرى؛ انواار خويا هاكا راك غير تمرض فرووحك صافي نسى
أنوار: (بتعب) بغيت نعس
بشرى: لا غنتسناو مرت وليد تجي نسيت اليوم عندك حصة معاها (غير صاااقر كلامو وماكلتو قليلة.. جات هند لابسة سورفيت ومعاها وليد للي معاجبوش الحال ولكن وجووه غلبو) سلام ختي
هند: سلام... كيف بقا أنوار؟!
لكبير: ابنتي واالو كل نهار يزيد ينقص حاجة
وليد: مغيرجع مزيان حتى ترجع ليه صحتو هو كيشوف راسو معندو نفع دابا (مشاو لبيت لقاوه كما خلاوه كان بقات هند كتخدم خدمتها كدير شي حديدات فركبتو
(....تخصص كيني ديرو عين ميكة كنحط المعلومات غير السطحية ههه...)
كولشي مرااقب وليد للي مغوووبش فاش كيشوفها كتقيس ركبتو وكيحاول يفهم العقل للي خارج انها خدمتها فقط...
هند: أنوار تقدر توقف؟!!
انوار؛ لا
هند: نجربو توقف مكيناش شي حاجة سميتها لا نتا غتوقف فكر غير فلوقووف
(شافت فلكبير باش يجي لقات وليد غياكل شنافتو دارت راسها مكتشوفوش... شداتو من ذرااعو وباه جا وليد حيد هند وشدو هو بقات غير كتشوف فيه)
حم أنوار غير بشوية عليك الا دخت قولها
أنوار: (بغا يوقف مقدرش مرة جوج حتى تكره) صافي صاافي
هند: أنوار متنساش بنتك خاصك توقف على قبلها وحتى على قبل عمي الحاج للي كيتمنى يشوفك واقف على رجلييك (بشرى ختو غير كتبكي)
ياله انواار (بغا يوقف والو كيدووخ رجع مرة أخرى كيحاولو معاه بالسياسة حتى وقف على رجلو للي ممهرساااش)
مزيان دابا مزياااان (كيلهت واخا هو راه غير وقف)
صافي دابا جلس
لكبير: ميتمشاش؟!!
هند: لا خاص فاللول غير يوقف ماشي كولشي خاص يديرو فاللول وهاد الخطوة مزيااانة.. أنوار كيف كتحس دابا؟!!!
أنوار: (كيلهت حرك راسو باه) ولكن مزال مݣاد نوݣف بوحدي
هند: المرة جاية.. دابا غير منين درت هاد الحركة راك حايدت عليك كتر من 50٪ ديال الخدمة
أنوار: (حس بهضرتها فيها طاقة إيجابية.. تبسم شوية) شكرا هند شكرا بزاااف
وليد: (كيهضر معاها بلغة انها معرفة من شحال هادي) ياله تمشي حتى نتي ترتاحي
هند: واخ.. أنوار غدا عندك حصة صباح وعشية
أنوار: واخا (مشات هند وجات ختو كتعنقو وهنا دخلو بصيييص أمل واخا 1٪ ولكن كان محتاجو) فينها لولا؟!
بشرى: عند ليلى
أنوار: جيبيهالي اختي.....
~~~~~~~~~
وليد: علاش فاش يهضر معاك مكيݣولش ختي
هند: معرفت
وليد: مكيعجبنيش هادشي
هند: (شدت فذرااعو) بيبي لمغياار... وليد بغيت نمشي نجلس مع أمال
وليد: هند نهار للي نتي غتجلسي معايا فيه غتمشي عند امال
هند: عفاااك بغيت نشوف شنو كانت تتخيط
وليد: وانا؟!
هند: نتا غمشي تقاد لية طاجين من دوك طواجن على منجي
وليد: فكرتيني شحال باقيلك باش تولدي
هند: ههه (داىت يدها🖐🏻) 5 شهوور اكبيييدة
وليد: مشيييت فيها ياا ربي...
أمال: (كانت كملت لبيسة للي خيطت وحطتها فلمانكان كتشوف فيها... دخلت هند عندها لبيت) واش باب الدار محلول
هند: اه (تسالمو) تبقاي تسدي دارك با زهير شوية يكتبها فجبهتك
امال: كنسى (شافت فللبسة) كيف جاتك؟!!!
هند: وااو صراحة وااعرة خاصها شي صوارية هي هاديك
أمال: ݣالك زهير فيها سقلي وكتبري
هند: هههه راكي عارفة هو معندوش مع هاد ستيل
أمال: كنت بغيت لبسها زعما داك نهار فاش تلاقينا أول مرة
هند: اممم الناس الرومانسية يا لالة
أمال: ههه دابا كيف ندير نقنعو يبغي
هند: تبحلسي كوجاك متخليك فغبينة
أمال: يععع مستحيل
هند: دوزيه بشكلاط ههه (جلست ورجعت وقفت شافت فلمرايا لكبير نفخت كرشها) بانتلي لكرش؟!
أمال: ههه لا
هند: لا بانت انا للي حاسة
أمال: ههه واخ دابا قوليلي انا راه ميمكنش يا نتقيا يا نعضو ما فيهاش
هند: (جلست..) نتي غير بوسيه وبعدي قولو المرة جاية نزيد شي حاجة اخرى
أمال: ههه زعما
هند: صراحة منظمنش ليك زهير ما تحطي فمك مع يشدلك راسك ميطلقووش حتى يطلقك ميتة
أمال: (كتحاول تنفض ديك الفكرة) يعععع منݣدش احاااااي لا لا لا
هند: اوا خليك هنا فالدار وتكمشي
أمال: مبقيتش نحمل نݣلس هنا وداك زمر كااين
هند: ياكما قالك شي حاجة انا عاد جيت من عندو
أمال: مݣالي مکلتلو ولكن محملاش يكون فشي بلاصة كاينة فيها انا مݣلت تهنيت منو
هند: السيد مدمر شتي هداك وكان كان واقف على رجل وكان شحال هادي شنق راسو مدمر ديال بالصح
أمال: (هزت كتفها) ماشي شغلي
هند: خلينا منو ونقصي شوية من العصبية وفكري كفاش تقنعي زهير تخرجي بيها راه بالصح كتحمق صاوبيلي حتى انا
أمال: ضروووري نوضي بعدا عطيني لقياس ديالك
هند: (ناضت وبقات كتعبر وقلبوها ظحك صونالها وليد خرجات عندو ماشيين للدار لقاو نفس الطموبيل ميرسيدس فالكحل بقا كيشوف فيها وليد) كتعرفو؟!
وليد: لا ولكن شي 3 دلمرات كنشوف هاد الطموبيل هنا
هند: ياكما هوما للي ساكنين لفوق
وليد: يمكن.. (بقا كيشوف حتى فاتوها هبط الزاج ديال الطموبيل تلاح ݣارو ورجع الزاج وزاااد ماشي فحاالو...) معندكش شي يوماين نمشيو لتاوريرت
هند: نشوف لويكاند
وليد: وااخ
هند: حقا الحاجة غدا عرضانا لغدا وقالتلي نقولها لشيماء تجي هي واشرف
وليد: بيناتكم
هند: اوكي بيبي غير باش تكون فرااسك....
أصبحنا وأصبح الملك لله
شيماء: (لبست جلابتها حيت ممنوع عليها العصري دارت شالها لبست مريم لبيسة جديدة راه شحال مخرجو من الدار وعمر شي واحد عرضهم لا مكياج لا ذهب اصلا معندهاش خاتم هو التالي معندهاش شافت فبنتها بتنهيدة)
جيتي زوييينة امريم (غير كتغاغي وتظحك تبسمت شادة فيدها)
منبغييكش تكوني بحالي منين تكبري (سهات مدة)
كيݣولو للي درتيه لمك يديروه ليك ولادك (شافت فيها) ماما كانت معايا مزيااانة بزااف وانا للي كنت كنفكر غير فراسي باغية الحرية لفلوس باغية كولشي يبغيني بأي ثمن (سمعت لباب تحل وهي تسكت كان أشرف للي وصل حداهم شافها او سكاناها شنو لابسة..)
أشرف: ياله
شيماء: واخا انا نهز الصاك ديال مريم (هزت الصاك فيه جوج لبيسات وليكوش واللهاية وشي لعب ديالها وفوطات.. هزت حتى مريم اما هي معندها صاك معندها تيليفون معندها واالو من غير لمكياج ولباغفان للي عطاتها هند.. لقاتو كيتسناها لابس مزيان ولبارفان عاطية فالقنت... شافت فصبعو كان داير خاتم)
شدلي مريم (شدها كيلعب معاها مشات لبيتها رشا حتى هي من لعطر ورجعت عندو مع شمها خرج عينو مهضرش خرجو ركبو فالطموبيل ومريم فبلاصتها اللور وهي ركبت حداه.. زاد فطريق)
أشرف: دايرة الريحة باش تعجبييه
شيماء: شكون؟!
أشرف: للي شبع فيك ***
شيماء: (سكتت وعينيها غرغروو اما هو غير كيصوط ويخبط فلفولون) هو عمرو نعس معايا
أشرف: بلا متهضري حسن (سكتت وغصة مخلياها مقجوجة فحلقها.. واخا يقول حسن كان رااجلها وقاسها بنية لحلال ولكن أنوار!!! وصلو للدار مع حل لباب يهز بنتو شاف لكبير جار أنوار لجيهتهم بغا يقولها طلع ولكن خلاها خرجت هي هازة الصاك وشافت لكبير للي مزال مكتقد تشوف فيه من اخر فعلة دارتها وكانت غتقتلو منين وراتو أنوار منين شفر زهير...)
سلام عليكم أنوار كيبقيت
أنوار: الحمدلله اخويا هاحنا...
شيماء: (بقات غير كتشوف فأنوار مكانتش عارفة حالتو حيت حتى واحد مقالها شنو كاين من غير الكاملة ماتت وانوار رجع هو وبنتو وواكلها فصحتو شافت نظاظر ومن حركاتو بحال مكيشوفش عاد الكاشميرا فوق ركابيه... مصدوومة واشرف مراقبها بنص عين)
لكبير: كبرت لخويينزة؟!!!
شيماء: (تبسمت بلا نفس وهي مصدوومة من انوار ومقهورة من اشرف) شوية اعمي
أنوار: (ميخفااش صووتها ولكن بقا حاني راسو فقط فهم عندهم بنت وشي لاخر مفصل مخمم محلل الامور...
شد لكبير لبنيتة وباسها)
لكبير: تبارك الله كتحبو شوية ݣدها ݣد بنت أنوار درك نجيبها يتلهاو شوية
أشرف: الله يسخر
أنوار: (هنا تصدم.. كفاش ݣد ݣد!! )
أشرف: طلعي اشيما للدار (مكيلقى حتى شي ردة فعل من عند انوار غير حاني راسو.. هزت بنتها وطلعت للدار)
لكبير: (باغي ترجع الصحبة بيناتهم واخا موضوع شيماء مخلي استفهام الا ولدو خاصو يخرج من العزلة ويرجع علاقاتو لقديمة مع عمو وصاحبو...) ها هو اولدي معاك سيرو لجنان زهير راه تم (شاف فاشرف وبعينيه ترجااه حرك لاخر راسو باه)
أشرف: اوا صاڤا؟!
أنوار: الحمد لله كيف راك مع خدمتك؟!
أشرف: مزيان الحمدلله على كل حال (ففمو بزااف ولكن ماشي وقتو جرو ماشيين عند زهير)
أنوار: (كيتفكر نهار شيماء ورات لفيديو لباه وهي دايرة ابيل فيديو معاه حتى طاح كوومة..)
شحال فعمر بنتك؟!
أشرف: ونتا ماالك؟!!
أشرف: ونتا مااالك!!
أنوار: (حنى راسو وهز يدو بحال استسلام) صافي واالو مݣلت والو
أشرف: (نقطة ضعفو هاد الموضوع وهو مشارجي خلوق.. جا قدامو) لا مصااافيش مخلوض ومخلوض بزااااف... ݣول لاااه راك تسول؟؟!؟
أنوار: انا سولت عادي حيت سمعت بّا ݣال يجيب بنتي تلعب مع بنتك داكشي باش سولت (لا رد) عارف غلطت فحقكم كاملين وعندكم الحق تكرهووني انا مبغييتش نجي للمغرب حيت عارف مبقااالي حد
أشرف: شغلك داااك ولكن انا خط حمر
أنوار: (بقا ساااكت شحااال) فاش غلطت معاك اشرف
أشرف: (مجاتوش يقول منين كدبت علية وقلتي تقبت شيماء ومشا عندها لقاها بنت حيت براسو شايف انه شمااتة كتر من انوار)
أنوار: زهير للي سرقتو ودرت شحال من بلان معاه خايب سمح سمح لواحد معدوووم نتا فاش اذييتك
أشرف: (بلا ميحس) حتى انا كنت نشوفك خويا ماشي صاااحبي لكدوووب ديالك دمر شحال من حاااجة
أنوار: على شيماء؟!! (جاي زهير عندهم بشوية منين شافهم كيهضرو حتى شاف..)
أشرف: (محس حتى شدو من كول عنقو باغي يوقفو وهو يغوتوانوار بحريق رجلو التانية للي كولها حديد دفعو زهير بغا يطيح وانوار تخبط على الكرسي طالع معاه صفوورية) ݣلتي شااابع فيها وانا لݣيييتها بنت هنا غدرتني اشماااتة
زهير؛ واش بيكم الق****
أنوار: (بقا ساااكت مفهموش بزااف حتى نطق) انا مدرت ليها والو داكشي للي شفت غير انا للي باغي بنادم يشووفو
زهير: (شاف وليد جاي) الله ينعل **** الا متسكتو ولا خرجو بجوج ت*** علية من هنا يا ر***
وليد: سمو كاين!!!!
أشرف: (بقا كيشوف فأنوار كفاش للي باغيك نتا تشوفو!! مزال باغي يستسفر ولكن وجود وليد بلا يزيد الطين بلة...)
وليد: مالهم؟!!؟
زهير: كيصفيو حساابهم زيد حنا نكملو (وليد شافهم بجوج عارف نقطة كانت مشتركة بيناتهم هي ختو!! مابغاش يفكر كتر فشنو واقه وعلاش وكفاش.. زادو وخلاوهم ضار زهير)
راكم بولادكم ***** ديرو عقلكم شوية (مشا مكره طلعو هاد الموضوع فرااسو حيت شاف شيماء خلصات وعارف أشرف مكيعاملهاش مزيان... اما وليد مباغيش يفكر)
أشرف: كفاش داكشي للي بغيت نشوف
أنوار: دابا الا سولت تجاوب عادي ولا غتنيرڤا!!!
أشرف: ݣول
أنوار: علاه تزوجت بشيماء؟!!!
أشرف: (بقا غير كيشوف هاد السؤال كولشي كيجااوبو هو مراضيش يقول السبب وشيماء ولا مرة فضحااتو)
كتاب (زهير رجع عندهم مخلي وليد كيحفرلو شي حاجة)
زهير: صافي منين كتاب سد الصفحة ولا ݣطعها مهم نسا براسك عندك ماضي ولا داير فيه الشريف العفيف
أنوار: (تفكر أمال للي خلات راسها معززة مكاينش للي يشير ليها بصبع)
أشرف: كيف ندير نسا وهدا طلع فوجهي
أنوار: مبقى ݣد ملفات ونروح
أشرف: حسن
زهير: أشرف ماشي هضرة هادي مرتك جامعك معاها بنتك للي كتحماق عليها وراها تكبر فكر فالجو للي غتربى فيه.. بلا منبين ليك راه الغلط الأكبر ديالك نتا ماشي هي (مشا رجع عند وليد شاف فأنوار بحال هو سباب كولشي)
مكرهتكش وكان متي ولا رجعتي لهنا..... (مشا فحاالو مخلي أنوار غير حاني راسووو بقد مكان دخلو بصيص أمل فهاد الحياة بقد مزاد تأزم وتخنق كتر....)
أمال: (جمعت روينة ديال لخيوط وشراوط خلات لبيسة معلقة دخلت للدوش دغيا قدات راسها ودوشت شافت زهير داخل مخيخ حدو قال السلام ودخل للدوش.. نشفت شعرها حيدت الدوڤي ولبست حوايجها كان خرج)
زهير غنمشي للجامع
زهير: واه جبديلي حوايجي الله يرضي عليك
أمال: (جبدتلو حوايجو شافتو معصب مداتهوملو) مالك؟!!
زهير: دوك لبرااهش كيدابزو على واالو ووليد كان تم تبرهيش وصافي
أمال: شكون!
زهير؛ (كيلبس) أنوار واشرف جالسين يحكو الضوسيات ديالهم (ضربها الضو) هبطيلي لبيل (هبطت لبيل صماطي على ظهرو)
اجي نتي شيما كانت صاحبتك مكنتيش تشوفيها مع انوار؟!
أمال: (بقات مخرجة عينها كتفكر باش تجاوبو) معقلتش
زهير: اممم.. (بقات كتعاونو فحوايجو باس جبهتها) فلعشية ونخرجو
أمال: واخ
زهير: مالكي؟!
أمال: واالو.. خاص نمشي للدار راه كولشي تجمع تماك (خرجو بجوج هو مشا للجامع وهي طلعت للدار دازت من الصالة كان انوار والحاجة تماك عيطاتلها) نعام امّا
الحاجة: كيف بقيتي درك ابنتي شوي؟!
أمال: (خرجت عينها فيها باش تسكت قدام انوار) لباس لباس
الحاجة: مكانش براني معانا ابنتي (طبطبت فظهر انوار للي غير سااكت.. شافتها مشات) ههه تحشم من نهار عرفتها متبدلت الله يعمرها سلعة
أنوار: واه باينة
الحاجة: ليبيه اولدي ومدااز على هاد لبنية لعذاب للي دوزاتو مداز على حد
أنوار: علاه؟! (اول مرة يستفسر من مور مقطع صلة بالحياة)
الحاجة: (لقاها بروالة) منين نبدا عاااست تكرفيس مع مها وخوتها لعزارة وحتى باها يا لطيف حتى فموتو مرحمتهاش مها طردتها من الدار وحرموها من الورث بااااطل شحال كلات عصى وكان ماشي زهير وكان قتلوها شحال دي
أنوار: علاه واش دارت؟!
الحاجة: والو سبابها نهار ولدتها مها مرضت مبقاتش تولد داروها سباب من تماك مشافت نهار سݣم فاللول ݣلت لا غتكون دارت علاه منين عاشرتها لݣيت مها لا حول ولا قوه الا بالله العلي العظيم لبنت درويشة متهزش راسها فالواحد وللي جا يظلمها ويزييد (اوتوماتيك جات فبالو شنو دوز عليها حتى هو)
أنوار: ولكن غير هاد السبة وعلاش خوتها بغاو يقتلوها
الحاجة: حيت وقفت فوجههم وهزت روحها وهربت لݣاها زهير فطنجة
أنوار: علاه هربت
الحاجة: حيت مبغاوش زهير منين خطبها
أنوار: وعلاش مبغاوهش ياك هي كانت باغية زهير؟!
الحاجة: هدا علية اوليدي المهم تعذبت وربي لݣاهم بجوج دارو الراس فالراس زهير شافها ݣال منديها غير هي ووفى بكلامو دارلها عرس على ݣدووو وتستاااهل بنتي امال
أنوار: (حرك راسو باه عارف جدااتو للي كان فالجعبة تحطو) انا حسابلي فالوقت للي كنت خاطب بنت عمها حسابلي خوها كان خاطبها
الحاجة: لا مخطبهاش هي مبغاوش وهي كانت تموت ومتجوجش بيه
أنوار: وليد؟!
الحاجة: الا وليد كان كيف خوها انا نهضر على خوه
انوار: اممم انا حسابلي وليد
الحاجة: لا وليد شحال وهو خاطب هند (شافت الوقت للي غيكونو يخرجو فيه من الجامع) هاني جاية اوليدي... (خلاتو غير ساهي تفكر كولشي للي دار لأمال وللي كان مشارك فعذااابها... دخلو رجال وتجمعو كيتغداو تحط الديسير وبقاو مجمعين ولكبير كيعاود على الصيد.. اما لعيالات ݣولها وظحك عليها حيت كان مجموع كولشي خرجو بشرى من جو لبكى شوية... اما شيماء مقابلة غير بنتها مكتقد تشوف حتى واحد من عائلة أنوار كتفكر نهار كانت كتطلق عليهم زينها وتكبر بحوايجها وذهبها للي بقا شي عند حسن ولاخر فدارهم... حتى من الجلابة كانت سواقية عادية والشال طوييل.. شافت جيهان ونزهة تغامزو عليها وقلبت وجهها.. حتى ناضت لبيت اخر كترضع بنتها وتبكي على اش وصلات ليه...)
دخلت أمال لابسة ديك لغوب ومقادة راسها فرحانة شيماء غير كتشوف فيها
هند: هاي هاي هاي على تبوݣيييصة اليوم زهير يحواال
الحاجة: ههه خاص نبخرك ابنتي صبري نجيب الشبة ولحرمل
هند: هههه حلفات متضيع دوك جميرات للي شاعلة.. الحاجة راه غتبقى فيها ريحة لبخور دابا يرقيها زهير هههه
ليلى: ههههه بنت اللدينة
أمال: (فرحانة ضارت بحال شي بنت صغيرة) عجباتكم؟!!
ليلى: بانلي غنبقى نجي عندك نتي تخيطيلي
شيماء: نتي للي خيطتيها؟!
أمال: واه
شيماء: زوينة بزااف الله يعطيك الصحة كنت كملتي فداك المعهد (قالتها بحزن)
أمال: واه.. راه مزال كيسجلو الا بغيتي تكملي انا راه دخلت دابا كنتعلم لبلدي
شيماء: (تبسمت بحزن عارفة مغيخليهاش اشرف) ان شاء الله بصحتك
أمال: الله يعطيك الصحة... (هزت تيليفونها كان زهير كيصوني) انا مشيت
هند: بصحتك حبيبتي تصوري وصيفطيلي (باست راس الحاجة للي رضات عليها وخرجت لعندو للطموبيل شافها وتبسم هز يدها باسها)
زهير: امحااايني واش نݣد نصبر حتى يدووز لعشاا (حيت واعداتو غدير داكشي للي بغا)
أمال: ههه زووهير
زهير: ݣليييع ݣلب رووح عمر زهير
أمال: وصاافي ياله نمشييو... (زادو مشاو فجو الظحك براسو محتاج هاد لخريجة اما هي كتقلب وتسنى غير الكادو.. وصلو لريستو المأكولات الشامية.. جلسو كان كلاص وهاااادئ بقات كتشكى فلبلاصة وهو حاضيها محست غير جار الكرسي بيها موصلو لحداه)
زوووهيييير
زهير: مرانيش نسمعك مليح وانا باغي نشبع عيني بالزين ديالي هاكا راني غاااية
أمال: (فرحانة) كنبغيك بزااف
زهير: حتى انا نحبك ونعشق فيك حتى لمووت..
(طلبو الكاملة للي معجبتش زهير ولكن طمر مباغيش يخسر فرحتها وعارفها أمنيتها تاكل هادشي للي كتشوف فالتلفازة.. كلا شوية وكيجمع معاها حتى كملو جبدت بواطة فيها ساعة ختارتها هي وهند من شي مارك.. شافها وهزها) ياو بسم الله (حلها عجبااتو)
علاه كلفتي روحك احبيبي
أمال: تستاهل (كتسنى منو كادوها)
زهير: (حك فلحيتو) تسالي احسن كادو مني اكبيدة غير صبري معايا هاد ليام مزير شوية
أمال: علاه مالك؟!
زهير: شي سلعة حطيت فيها فلوس وكتر من 20 يوم معطلة والخدامة مهم متمرضيش رووحك فهادشي (شاف فعينيها مباشرة)
نتي عندي احسن وأغلى كادو فحياااتي (عض شنافتو) غير للي يدير مك فشي ربع خبز
أمال: هههه
زهير: روحو؟!!!
أمال: ناكلو الديسير
زهير: خرجي من جدي الكادو
أمال: ههه ياك صافي مبغيتش
زهير: كولشي ديالك الحمامة ديالي غير نزربو باش لݣا مول كراان هو للي يشبعني (بقات كظحك طلبت ديسير كان زوين كلات منو جمعو شوية خلاها على خاطرها عاد خرجو ظاحكين دازو تعشى هو وحتى هي عاودات كلات شوية عاد رجعو للدار بالموسيقى ولغنا ديالو....)
زهير: (شاد راس أمال للي كترد فطواليط) بشوي عليك احبيبي
أمال: (رجعت حمراا فوجها) كح كح (بحرا كتنفس) عفاك براكة ازهير
زهير: (حنا عندها) مزال مدرنا والو احبيبي
أمال: (وقفها كانو بجووج عريانين عنقها مبقا كحل فبلاصتو وشعر مشعكك رجع هزها شافت فيه كتمسكن) عفااك براكة والله مݣااادة
زهير: (باسها بوسة صغيورة فمها) متخااافيش (حطها فوق النموسية ورجع كيبوسها بشوية حتى نعس معاها بكل رومانسية مدايرش كوجاك للي متحملاتش.. بلعكس حس بيها متجاوبة معاه مزيان لدرجة خدات المبادرة وهي طلعت فوقو.. خلاتو عاجبو الحال ومستمتع فديك الليلة... )
~~~~~~~~
أصبحنا وأصبح الملك لله...
أمال: (جالسة مع الحاجة كتقرا بوليكوب، حتى دخلت ليلى هازة ولدها جاد ولولا بقات كتشوف فيهم
حطاتهم فوق الزربية شافت فيها لبنيتة وظحكت مع أمال) ههه شحال مزييينها هاد لبنية
ليلى: وااه بسلامتها سكوووتية خسااارة مها ماتت قبل متفرج بيها
أمال: الله يرحمها
ليلى: عمركي شفتيها؟!
أمال: لا (حبات لبنت حتى لعند رجليها حنات هزااتها الشوفة ديالها والظحكة غير انوار بقات لبنيتة متكية على صدر امال)
حنييينة غتكون بحال ماماها...
(بقات كتلمس على شعرها للي بوكلي بحال ديال مها.. باستها فراسها بقات كتمايل بيها حتى تكات حيت منعساتش مزيان تعانقو وتعانقو مشات ليلى جابت كاشة وغطاتها.. )
هند: (كانت عند انوار فالدار للي رجع كيوقف وكيتمشى شوية فلماشين للي فلكلينيك... كان معاها لكبير للي كيشوف ولدو كيتسند على عكاز ودار هاد نهار 10 الخطوات بوووحدو حيت محايدين ليه اي حاجة تقدر تعكلو)
براااافو أنوار راك تتبرا دغياااا
أنوار: (تبسم وزاد خطوة) خاص دابا غير ندير عملية على عيني
هند: اه كاين طبيب ففاس
أنوار: انا باغي رجع لفرنسا دارو معايا 6 شهور (هز راسو) باقي خاص رجع لتم
هند: اوكي لبلاصة لي ترتاح فيها
لكبير: لوحدك يمشي معاك زهير
أنوار: واش ابا زهير ديما مسالي يديني راه عندو محالو وفاميلتو
لكبير: باش تعاود تمشي وحدك اولدي لا (حرك راسو بلا) لا متمشيش الا بغيت رضااتي ربي بنتك هنا عاود تزوج ودير محالك مشرووعك معندكش لفلوس انا نعطيك ولكن باش تعاود تمشي لديك لبلاد لا براكة غير خسرتي فيها مك ومرتك وصحتك
أنوار: (حنا رااسو شحال محتاج يسمع هضرة من عند باه وفنفس الوقت ضميييرو كل مرة كيزيد يأنبوو للي غدرهم لقاهم فكتافو)
هند: حم مهم انوار غدا نحاولو نخرجو نتمشاو شوية
أنوار: واه شكرا هند بزاااف كنعييك معايا ونتي واحلة في روحك
هند: خدمتي هادي اخويا.. عمي بسلامة (هزت صوالحها وخرجت مشات عند امال نيشان لقات زهير حتى هو داخل عوداتلو على حالة انوار مع دخلو لقاو أمال وبنت أمال معانقين وناعسين)
ههههه باينة عطاوهالها تنعسها
زهير: (تبسم) نعاااسة (مشا عند مو سلم عليها ودخل توضى نوضوها وجلسو يتغدااو) أمال واش نوصلك لفاك؟!
أمال: (مدوخة بنعاس) واااخ
هند: الا كنت مزروب انا عندي شي شغال تمام نديها معايا
أمال: وااخ
زهير: مالكي؟!!
أمال: والو فيا نعاس مفيا للي يمشي لفاك
زهير: ملييحة رتاحي غدا ونديك لتم
أمال: واخ...
أشرف: (رجع فوقيتة ديال لغدا دخل للدار لقا التسيااق وروينة مشا للكوزينة كيشم ريحة لحراق طل فلبيت لقا شيماء كتبدل لبنتها وليكوش عااامر💩 فالارض محلول)
شهاااااد لعفن يا ديك الموووسخة الله ينعل ديل*** فهاد نهار
شيماء: راه من صباح وانا هاك لبنت كرشها جارية وغير تبكي
أشرف: ݣااابليها هي لاه نايضة تحدااااݣي ولغدا محروووݣ تفووووو
شيماء: (بقات كتبكي كملت ليها هو مشا للحمام عطاتها لهاية وحطاتها فنموسيتها بقوة الأعصاب للي ركبهم فيها مشات كتقلب عليه لقاتو خارج وباين موضي)
انا ماشي موووسخة نتا للي وسختيني (كتهضر والحروف مقجوجين واحلة ليها لبكية والاعصاب وبحرا كتنفس)
نتا للي جاي عندي نهار اللول وكان مت ولا قستيني
أشرف: وكان كنت عارف روحي نجيلك ديك الليلة وكان انا بروحي ن..
شيماء: (بعصبية كتغوت وعيبات كلامو) نننن... وااا سير تخرااا من التااالي حاااسب رااسك نتا للي ساااترني راااه انا للي ساترااااك ومݣلت وااالو على تكرفيس ديالك ودااايرني خداامة على بنتي وعليك نتا انا ماشي خداااامة (كنغوت وودنيها مسدودين حاسة براسها مزال باغا تغوت باش يسمع باش كتحس) انا بنااااادم واش كتفهم بنااااادم ماشي حيوااان كديرلها شّاا شّاا رّاا رّاا نتا ماشي ربي باش تعاقبني حتى نتا رااااك موووسخ والا انا غلطت وندمت ودرت شي حاجة مع أنوار حيت كنت بغيتو وكان خاطبني ومواعدني بجوااااج وكنت حاسباااه راجلي
أشرف: (جات فالتالي وعوراتها) سكتي حسن ليك متخلينيش نعصى ربي فيييك
شيماء: عصيييتيييه عصيتيه نهار جيت وتعديييت علية وخليتني وااااحلة معاارفة مندييير عصيتيييه منين خليتني يتيييمة وانا عندي واليدية عصبتيييه منين داايرني خداااامة على بنتي الاله مبغيتها فاللول ودرتها هي سباب للي انا فيه ولكن منين فهمت لݣيييتك نتا للي متسواااش نتا سباااابي فعذااابي (كترعد وبحرا كتقد تهضر) الله يااااخد فيك الحق أشرف
أشرف: (بقا غير ساكت كيشوف ويسمع ليها)
شيماء: عيييتني بزاااف اللهم الزنقة ولا هاد الدل للي وليت عايشة فيييه (كتمسح دموعها وكتشوف فيه ساكت كيسمع ليها...
مشات بشوية لبيت شافت داك ليكوش هزاتو جمعاتو بغات تمشي للكوزينة ولكن فاااشلة مقدرتش ومبغاتش تساطح معاه..
خرجت يدها وحطاتو حدا لباب شافها وهي كترجف سدت لباب صوت شهقاااتها وبكاها كيتسمع أي حركة كيبغي يديرها كيجيو قدامو تصاورها فيديوهاتها مع أنوار... مشا للكوزينة وراسو خدام عقلبو كلوشي فيه كيتناااقش محس براسو غير كيكمل التسيااق غسل دوك لماعن للي تماك لاح زبل خرج مشا جاب ليها طاكوس وعصير وصلاد.. حطهم فوق الطبلة مشا لحدا بيتها بغا يحل ورجع شد يدو دق جوج مرات)
أشرف: خرجي تغداي راكي كترضعي (بقا شي دقيقة كيتسناها دار هز سوارتو وخرج من تماااك....)
ليلى: (باستغراب) أمال واش راها فيك؟!!
أمال: لا راها معطلة وداك شهر هبطتلي غير شي نقطة طبيبة ݣالتلي عادي حيت راني كنشرب ديك لكينة
ليلى: اممم (شافتها بغات تغمس فالعسل) متاكليش
أمال: علاه؟!
ليلى: مكتشهاي مكدوخي؟!
أمال: كظحكي علية اليلى والو مكاين والو وݣلتلك (بشوية) كطيح علية كل شهر
ليلى: واخا هكاك صوني على هند تجيبلك معاها التيست باش الا مكان والو درك نمشيو عند واحد الكسالة تهزلك الوالدة
أمال: مفيااش اليلى
ليلى: ياك باغية لولاد
أمال: وحتى لغدا والله مدݣدݣة
ليلى: (شافت الطبعة من مور ودنها) كولشي عرفك مدݣدݣة غير تبعي كلامي
أمال: (زفرت) واااخ (صونات على هند للي قالتلها عندها جوج فالدار وهي جاية فطريق) ها هي جاية (بغات ترجع تاكل)
ليلى: اديييك لبنت هداي
أمال: علاش غير لعسل
ليلى: واش مشهية لحلاوة؟!
أمال: هههه (حطات الخبز) واااا ليلى انا جاني غير الجوع وصافي....
~~~~~~~~~
فتيحة: (كانت فالخطبة ديال ولدها علي ومحمد معاجبو حال حيت مو بقات عليه اجي اجي بوحدك منين مشا لقاهم كيوجدو ومشاو كيخطبو تحط امام امر الواقع وشوية من دمووعها وتبوحيطها مشا معاهم معاجبوش الحال على ختو اولا)
بحال الا عرفت غتجي تجي وانا كنكون فوجدة تيليفون هو التالي مكتهزو تسول فية
محمد: بااااز والله حتى دابا عرفتها علاه مكدوورش لجيهتنا كاملين حنا من بكري محاسبين لها حساااب لا تحسبو هي
فتيحة: ظحك اولدي ونعل الشيطان فرح لخوك كما فرح ليك هو (بابتسامة) الحمد لله يا ربي جوجت وليداااتي وتهنييت (قوست عينها فيه) دابا الا نعيش حياتي انا
محمد: سمو هو
فتيحة: مالك كسمعتيها
محمد: باغا تجوجي
فتيحة: اوا الا كتابا وربي رااادها علية منݣووولش لا
محمد: (خرج عينو) نتي شوية غنصيفطك العمرة
فتيحة: باش تقتلوني كما دارو ولاد الكاملة لا لا أخيّي نتوما تلهاو فديووركم وخليوني عليكم
محمد: ياااااااو الله لا تجوجتي (خرج من تماك نيشان الجردة كانت فيلا فخمة وعارف باها بزنااااااس عيا يعارض وعلي وفتيحة بفم واحد هو بغاها... جبد ݣارو وبدأ يكمي صونا على أمال والو مكتجاوبيش عاد صونا على مريم عاود ليها كولشي وبرر ليها الموقف انه مكان فخبارو والو على هاد الخطبة ديال الغفلة....)
أشرف: (كان عند احلام فلبيرو كتعاود ليه على حالة حنان من بعد مفسخ الخطووبة وتخلى عليها)
أحلام ختي نهار الخطبة كنتي كاينة وݣلتلها واش كاين بلاا كذووب
احلام؛ ونتا قاد تزوج جوج؟!
أشرف: كنت انا ووشيماء غنطلݣو ولكن منين فكرت مليح بغيت لبنت ترضع ماشي من اللول نطحن ليها مصارنها
أحلام: أشرف زعما بيك غير رضاعة راه عارفاك وشيماء من قبل كانت عاجباااك
أشرف: لا لا لا نسااي داك الاعجاب مكان منو والو
أحلام: اوا وشنو للي مخليك مطلقهاش ونتا كارهها هاك
أشرف: مكارههاش هاديك ماين بنتي علاه نكرهها.. مهم حنان شفت فيها شي خصايل معجبونيش وکولها الله يسهل عليها اما انا لا..
أحلام: اخر هضرة؟!!
أشرف: (وقف) هضري معاها متعاودش تجي عندي للمحال (جبد 500 درهم) عطيها هادي
أحلام: واخا سيدي... قولي شنو دارو صحابك داك نهار.. اه نسيت نساابك
أشرف: خلينا أحلام من هادشي نعرفك بعقلك ماشي بحال صاحبتك لاسقة فواحد مزوج
أحلام: امممم واخ
أشرف: (مشا من تماك رجع لخدمتو كلام شيماء عارفو ومتيقن منو انه صحييح ولكن حتى هو متفهمش ليهم راه لوكان كانت مع شي حد اخر ممكن يدير عين ميكة ولكن هدا راه أنوار راه كبرو بجوج اسرار بعضياااتهم عندهم يعني كان خووه واخا خصايل لاخر وعاد لكلام للي كان كيسممو بيه عليها منين كان فالمغرب ومنين مشا لفرنسا خلاااه حاااقد...)
~~~~~~~~~~~
زهير: (كان راجع هو وانوار للي داه معاه المحال يبدل الجو واخا مكيشوفش الا ميبقاش فالدار.. عتاذر الف مرة على السرقة واخا هكاك حس باحراااج كبير عكس زهير للي نسا ورمى داك الموضووع من شحال هادي... وصل وليد حطو حدا دارو وهو كمل.. وصلو لقا أمال فلباركينغ وهند كتعيط ليها تجي جات طلات عليه مع أنوار كان جالس اللور)
امووول (سكت الطموبيل)
أمال: انا حاملة (بفرحة كبيرة بقا غير كيشوف)
أنوار: (حتى هو هز راسو واخا مكيشوفش..)
زهير: (بقا مصدووم كيشوف فيها)
هند: (صبعاااتها وضارت عند ليلى) هضرة دييما غتبقى خضرة باش توحد شي مفاجئة وتقولهالو بطريقة فشكل مينساوهاش مشات تعرضاتلو بحال كتݣريسييه
ليلى: ههه الفرحة مسكييينة راه مكانتش عايقة حتى براسها
هند: وغير توجد مفاجئة
أمال: (بابتسامة عريضة خرج من الطموبيل) عاد عرفتها
زهير: (محس غير جبدها عندو عنقها عنااااق كبير وباس كتفها وهي باست عنقو) ابردييييييي....
أنوار: (حنا راسو وبلع ريقو.. حتى تبسم) مبرووك ازهير
أمال: (بعدت منو شافت فزهير والضوء ضارب فاللمعة للي فعينو.. تبسمت ومسحت على عينو شد يدها وباسها فالكف) عجبك الحال؟!!
زهير: (بشوية ولكن مسموع لانوار للي كاين اللور..) غفلتيني اما نوريك شحال عاجبني
أمال: ههه هند غتحيح علية ݣالتلي ندير ليك مفاجئة وانا راه بحرا صبرت مݣلتهالكش فالتيليفون
زهير: (قرس حنكها بلطف حيت معرف ميقول دماغو خدام كيتخيل عندو ولاد كيعيطولو بابا دار يدو على كرشها) نموووسة بحرا هازة رووحك كديري تهزي هنا مومو
أمال: هههه أحاااااااي
أنوار: (على هادي تبسم تفكر منين كانت كتقولها وهي حشمانة ولا مخرجة عينها.. قلبو ضرو جات فكرة وكان كان بقا معاها وتزوجها هي مكان غيوقعلو والو من هادشي... وكان هو للي فبلاصة زهير فرحان بحمل مرتو.. رجع فكر فدعاء نهار عرفو وكانت فرحتها كبيرة ودارت مفاجئة مع حفل كبيييييير... زفر وبقا كيدعيلها بالرحمة شاف باب الطموبيل تسد وصقير تكا وعقلو سااااارح فهاد صبر للي عطاه الله مو ومرتو وعينيه ورجليه فدقة وحدة...)
الحاجة: (للي بكات بالفرحة طلعو عندها وهوما كيظحكو لقاوه هند كتسناها غير حشمت تقلز ليها قدام زهير) ولدي (جر أمال ومشا عنق مو للي كتبكي باس راسها وهو شاد فيد أمال وهي معنقاه غمزلها)
فرحت فرحت فرحت اوليداتني ومݣداااتني فرحة
هند: انا ݣاع مفرحتيلي هاكا
الحاجة: ههه كيفك كييفها (معرفت كدير تعبر ليها ملقات غير) وكان مكان دا أمال كنت نديك نتي
أمال: (جمعت الظحكة زهير خرج عينو هند معرفت ظحك ولا شنو غير ليلى للي ظحكت عارفة الحاجة الا تأثرت كتولي تدخل وتخرج فالهضرة)
زهير: مّا يهديك الله هند من ديما كانت بحال ختي نتي باينة باغية نشبع صفݣ هاد الليلة من عند وليد
الحاجة: لا ماشي هااك (شافت فامال للي تقرست وجمعت الظحكة) ماشي هكاك ابنتي زعما راه حتى هند عزيزة علية كييفك كيفها ماشي مبغيييتكش
زهير: مّا غير سكتي شااااربة دواااك ولا!!!!
ليلى: انا نديها تشرب
الحاجة: ابنتي أمال لتديش علية والله مااا...
أمال: لا لا امّا عادي والله..
الحاجة: (مشات عنقتها وحتى أمال ظحكت ولكن باينة مغيرة شوية... مشات للبيت وليلى كتلوم فيها بقاو التلاتي وااقف)
هند: معرفت وليد مالو تعطل
أمال: جلسي تعشاي بعدا (مشات دخلت للكوزينة تبعتها هند هراتها فجنابها متحركتش) هيييييند
هند: واش تقلقتي اصاحبتي
أمال: ألاااااااا
هند: ههه شفتي كنا غنكونو ضريرااات ههه
أمال: هههه زعما هاد مّا ههههه
هند: متدييش عليها
أمال: واش انا عارفاني ندي على مّا
هند: ندمت علاش قلت هكاك ناااري زهير غيكون تحشم
أمال: (فكرت أن الحاجة كانت عجباها هند ضروووري شكون غتعجبو أمال الا مها هي اللولة كرهاها.. دخل زهير)
زهير: (شاف فامال) حماامتي روااحي عاوديلي (جارها من خصرها تكا على لبوطاجي وبقا داير يدو فجنابها بقات كتعاود ليه كفاش حتى عرفااات)
هند: صراااحة شكيت فصباح ولكن هي قالت لينا لاااااا
زهير: سبحان الله حتى خرجتيه من راسك عاد كتاب....
زهير: (جلسو كيتعشااو وحاضي أمال للي حسها تقرست وكان ماشي مو للي قالت ديك الهضرة وكان شخص آخر كان غيصبنو مزيان ولكن كولشي الا مو وحتى مرتو ميبغيش لي ينغص عليها تعشاو ب4 حيت ليلى وقتها رجع مشغول بين ولدها وحتى ليلى للي ولفاتها وحبااتها بحال وحدة من بناتها...
داها للدار معنقها بيدو حتى لكبير عيطلو)
مكااانش ليلة ينساو زهير
أمال: احااااي زهير حشوومة
زهير: (مشا عند خوه) اخويا!!!!
لكبير: واش بقا أنوار عند مّا
زهير: (طرطق عينو ضار بالزربة كتر من جوج سوايع وهو فالطموبيل حلها كان جالس اللور صاااقر)
أنوار
أنوار: هم نعاام
زهير: ياااا هضر اصاااحبي خليييتك وزدت
أنوار: ههه سمعتي لولاد ونتا تسمح فولد خوووك دغيا بنتي على حقيقتك
زهير: ههه (مشا حلو لباب عاونو وقف عطاه عكازو وطلقو) وكان مجيتش
أنوار: ههه كنت نبات هنا واش ندير واحد معدوم لا عينين لا رجلين واش يدير
زهير: (جمع الظحكة) ياله ترتاح راه باك اليوم يصبني (زاد معاه بشوية أمال غير شافتهم حلت باب دارها وطلعت تسنى زهير لفوق تبعها لقاها جالسة جلس حداها) مال حبيبي؟!
أمال: بالصح ازهير بغيت تجوج هند فاللول
زهير: أمل!! واش بيك اديك الطفلة عااود يهديك الله كنتي فاللول نتي وهند وانا جيت عندك نتي متبدايش دخلي شي فشي مّا ونݣولو عقلها فرفر ومشارباش دواها ونتي!!!
أمال: انا حاملة
زهير: هههه من دابا امحااااايني باقي 9 شهور ديال لبكى وتخنخيييين
أمال: زووووهيير واش مّا للي كانت بغات هند
زهير: هانتي نهار عرفناكم وليد كان ݣال لمّا نتي هاضر فيك ولد عمك حسابلها بغيتي ومخطوبة ليه داكشي باش ݣالت الا هي مخطوبة نديو هند عاد أنا فهمتها راك ممخطوباش وݣلتلها حتى وتكون مخطووبة مغتزططنيش هاد الكلمة ديك الطفلة لهبيلة (قرس نيفها وظحكت) تكون ديال زهير وباااااس
أمال: هههه كداااب
زهير: ديما علاه انا شي نهار ݣلت الصراااحة
أمال: (بقات كتفرنس واخا يكون كلامو مزوق شوية الا المعنى انه هو بغاها وهدا كااااافي وموفي ديك الليلة مقاسهااش خاايف عليها حدهم كيهضرو بفرحة على لبيبي وغيتسناو الاثنين باش يمشيو عند طبيبة....)
~~~~~~~~~
شيماء: من داك نهار معاود هضر معاها وحتى هي خرجت شنو كان فقلبها هاد الساعة محتاجة غير تفوج تخرج من الدار مكرهتش على الاقل تمشي عند هند اما حتى أمال كتعاملها ببرود يعني علاقتهم مستحيل ترجع... حطت سمعت الساروت كان هو دخل شاف بنتو جالسة كتلعب غير شافتو مدت يدها وكظحك
أشرف: هانا على الزيين ديالي كتسنا بابااها (هز يدو كان جايب نونوس) شوفي بابا واش جاب للأميرة ديااالو
شيماء: (بلا متحس تبسمت تعامل مع بنتو وكيف كيحماق عليها وعاد من ديما مهلي فرااسو ومبووݣص حتى من لون عينيه أول مرة ترد لبال عينيه ملونين مرة كيبانو عسلي مفتووح حتى كيميل لخضر نفس عينين مريم...
مشا عنق بنتو هزها كيعطيها نونوس شاف فشيماء)
أشرف: كاين شي غدا
شيماء: لا
أشرف: واش!!!
شيماء: (رمشت عينها خاايفة من ردة فعل ديالو لحمها مبقاش قاد على شي ضرب ولكن بغات تطبق هاد الفكرة للي قالتها ليها ليلى) كنت مݣاابلة مريم ومكفاش الوقت باش ندير لغدا
أشرف: اوا !!!
شيماء: (بلعت ريقها) اوااايواا
أشرف: كنتراادو حنا فلغاااا واش نديييرو درك راك كترضعي ابنادم
شيماء: نخرجو نتغداااو (كتمنى يقبل بغات تخرج شوية تحس براسها كتنفس راضية تخرج بدوك درااابل غير تخرج)
أشرف: (حط بنتو) نوضي ݣادي لمريم شي حاجة تاكلها وانا نخرج نجيبلك متاااكلي (خرج وبقات غير جالسة تأفأفت.. كانت ديجا مقادة لمريم ماكلتها للي كتكون صووبة خفيفة... عطاتها تاكل حتى رجع جايب معاه دجاج مشوي مع الروز فريت شلاضة ولاصوص جاب ليه منادة وهي صلاد فروي.. حطهم مشات بالفرحة حطااتهم مهم اللهم هاكا.... جلست كتاكل وحتى هو هاز تيليفونو كيخرب فيه وياما خلاها غير كتفكر معامن كيهضر اما هو كيحسب غير لكريدي للي عندو باش يعلم صحاابو يخلصووه ..)
أمال: (دارت ليها طبيبة ليكو وزهير واقف حداها كيشوف فالشاشة كيبانلو. غير تشاش حتى وقفت وبان هيكل طبيبة مفهمتش كتقلب) هههه هداك هو
زهير: واش ولد؟!
أمال: (شاف فزهير) معرفت نتا بغيتي ولد
زهير: لا للي جابو الله (شاف فطبيبة) واش هو ولا هي مزيانين
طبيبة: بغيتو تعرفو جنس لبيبي؟!!
زهير: لا (هاكا حتى وليد دار لهند)
أمال: واش نعرفو من دابا هند حتى كملت 4 شهوور عاد ݣلتليها راه بان شنو عندك ومبغاش وليد تݣوليلهم
طبيبة: أمال من امتى مجيتيش عندي درتي ايكوغرافي
أمال: درتو غير المرة اللولة شي 4 شهور هادي
طبيبة: كتر حيت ميمكنش لحمل مبانليش
زهير: شحال. هي حاملة؟!
طبيبة: 22 سيمانة طالعة ف5 شهور أمال نورمال كان تحسب بشي حركة حتى لكريشة معندكش
زهير: (بصدمة) 5 شهور؟!!!
طبيبة: 4 شهوور ونص واش متتجيكش مجيتيش قلتيلي والو
أمال: لا كانت كتجيني (طارت لبلاكة بالصدمة) غير مخربقة وغير نقاطي كنتي ݣلتيلي غير مع لكينة
طبيبة: ديك الكينة خاصك تقطعيها
زهير: واش غديرلو شي حاجة؟!!!!
طبيبة: (تحرجات واش لحمل مبانلهاش فأخر ايكوغرافي حست هملت خدمتها واخا الناس كيشكرو فيها.. ولكن متبعتش حالة أمال مزيان كما موالفة حيت حتى لوخرا كتقولها جاتني وصافي)
سمحوولي على هاد رويينة (بقات كتكمل كتشوف ليبوطون ديال القلب الراس لعظام زهير كيلمس فراس أمال للي بجوج مصدومين...
بقات كتقولهم ان كولشي مزيان وكتشرح بالتفصيل حيت تصدمو وفنفس الوقت خاافو من ديك الكينة...
وغير أمال شحال شربت عشووب وكلات مسااخن... خلات أمال كتمسح كرشها ومشات للبيرو ديالها فين لحق بيها زهير)
زهير: واش الحالة ديال ولدي مزيانة؟! غير ݣولي للي كان انا راضي بالي مكتابلي
دكتور: ان شاء الله كولشي فيكون مزيان معندك مناش تخاف غنعطيكم ديرو شي تحاليل امم رااقب ماكلة ديال امال حيت ناقصة شوية فالوزن على للي كانت غنكتب ليها شي فيتامينات التحاليل من الاحسن ديروهم دابا وردوهملي غدا باش نعطيها شي دوا لبيبي صحتو مزيانة الحمد الله ربي اموسيو زهير منين كيكتب شي حاجة راه كتكتاب
زهير: ونعمة بالله (شاف أمال جاية تبسم ناض عندها جلسها عاد جلس) ولكرش علاش معندهاش الكرش
طبيبة: (تبسمت) كل وحدة والجسم ديالها (شافت فامال) انا فولدي أنس مكانتش عندي الكرش حتى لسبع شهور وفأمين الكرش خرجاتلي من 3 شهور سبحان الله كل واحد وكفاش
أمال: (تبسمت حتى ظحكت) هههه كنت غير فاقسة راسي وانا حاملة
زهير: مكتحسي بوالو
أمال: لا هههه (شافت فطييبة) واش عادي
طبيبة: عادي عادي غير شوية وغتبداي تحسي بركلات خفاف وشي حاجة كتحرك فلكريشة (كملت معاهم الهضرة خرجو فرحانين نيشان مشات أمال دير تحاليل خرجو تغداو وزهير قرب يطلب لموني كاملة غير باش تاكل داها للخدمة فين كانت هند ووليد كيتغداو فلمكتب)
هند: أمدرا شنو قالت ليك طبيبة وشحال عندك
أمال: عندي 4 شهور ونص ههههه
هند: (عوداتلهم أمال شنو كاين وهي فرحانة حتى زهير ولكن لداخل ديالو خااايف متاااقش فديك طبيبة وخاايف من دوك التحاليل)
اويييلي على مشافتش فليكو؟!!!!
زهير: ياك كاين شي غلط
هند: لا بزاااف بحال أمال متيكونش باين ليهم لحمل (ناااضت) هانا على صحييبتي غنديرو سبوع انا وياها قد قد (عنقاااتها بفرحة) مقالتش ليك شنو عندك؟!
أمال: مابغاش زوهير
هند: (عنقاتها مخبراها) معقديين
أمال: هههه.. (بقاو كيتعاودو وكتعاود ليها شنو قالت طبيبة هبط وليد كيخدم وشاد فزهير للي لبارح عرف خبر الحمل واليوم عندها 4 شهور.. عيطولو مع 4 على حساب التحاليل مشات أمال ومشات معاهم حتى هند خداوهم وهند قرااتهم)
زهير: أمدرا هند؟!!!
هند: انا بانلي مزيان نمشيو عند واحد طبيب ݣاوري كاين فلكلينيك للي تنخدم فيه
زهير: طبيب!!! لا لا
هند: شي حاجة مزيانة ازهير ونشوفو فرملية هي للي دير ليها ليكوو متبعش معاه ديما غير يشوف
زهير: (شدت فيه أمال حس بيها خاافت) واااخ (داااخ مشاو... من حسن حظهم كان باقي تماك ولكن مبغاش يدخل شي حد اخر...)
صافي روحو لقنت اخر
هند: انا نهضر مع دكتور فيصل (خلاتهم ودخلت عند طبيب) دكتور كنت باغية نطلب منك شي حاجة (براسها تبرزطت حيت بانتلها شي حاجة ماشي هي هاديك..)
فيصل: وي!!!
هند: دكتور مانويل بغيت ندخل عندو ولكن مبغاش
فيصل: مبغاش يدخلك نتي؟!! (هو عارف الاختصاص ديالو) نتي حاملة؟!!
هند: ماشي انا وحدة من لفاامي (عطاتو تحاليل) هي ديجا كانت متبعة مع طبيبة ودارت خطأ كبيييير مفهمتش انا كفاش مردااتش لبال لحمل وعطاتها تخيتمون ديال 4 شهور وعاد لبنت عطاتها لعشوب ودوك لمسااخن
فيصل: اممم واخا تسناي انا نمشي عند
هند: شكرا دكتور
فيصل: ولو حنا هنا عائلة وحدة (تبسمت خرج وخرجت عندهم كانو مخلوعين.. شوية عيطلهم فيصل مشاو طلعت عند طبيب هند للي كتشرح وزهير حتى هو فاهم وكيهضر من غير أمال للي غير كدور عينها نوضوها باش دير ليكو هند شرحاتلو انه ميمكمش يقيسها تفهم جات فرملية المساعدة دياالو..
نعست أمال خايفة زهرات على كرشها وحداها زهير حاط يدو على كتفها وكاين فاصل ديال ليزار بينها وبين طبيب والفرملية هي للي كتحرك ليها كيف قالها طبيب...)
زهير: واش كولشي مزيان؟!!!
~~~~~~~~~
محمد: (فرحان منين صونا عليه زهير وقالوو على الخبر صونا على أمال والو مكتجاوبش صونا على مريم قالهالها وعلما تصوني عليها ولكن مجاوبتش)
لعجب (رجع صونا على زهير كان تيليفونو طافي ولا معندوش الريزو)
انا بلاتي نجي احبيبة ياك كولشي مزيان؟!!!!
مريم: كولشي بيخير خاصنا غير نتا
محمد: (دارلها بيزو وهي دخل مو وبدات تبجق) ياله مريامتي بلاتي ونتشاوفو... (قطع وشاف فمو)
أمال حاملة
فتيحة: وسمو نديرلها انا
محمد: (وقف) يا غتݣادي معاها ولا رجلي متعاودش توطى هنا (خرج وبقات كتعيط ليه ضار معصب) سمو؟!!!!
فتيحة: فين ماشي
محمد: غنعطيك سيمانة وغنجي نديك (جبد فلوس كانت 1500 درهم) تقداي ليها شي حاجة للي مزيااااانة اللي مزيانة اما نفرحووها شوية نبينوو للناس للي عندهم راه عندها فاميييلا ماشي مݣطووووعة من شجرة... سيمااانة امّا وجهك وكلامك يكون ظاحكين معاها ولا باللله العلي العظييييم رجلي متعاودش توطى هنا....
يتبع...
التعليقات
لا توجد تعليقات بعد، كن أول من يعلق.