محتوى القصة
محمد: (حط كاسو فوق الطبلة) جلسي مالك حطيتيه وهربتي
مريم: معليهش نمشي نخليك منصدعكش
محمد: وشكون كالك كتصدعيني
مريم: (طلعات معاها التزنيييكة جلست فطرف السداري للي جالس فيه)
محمد: ههه راك مرتي امريم
مريم: (حشمت وحنات راسها كتخبي الفرحة.. أول مرة يجلسو بجوج بيهم)
محمد: صبري انا نجيبلك شي حاجة (وقف خلاها متبعااه غتموت بلفرحة مع خرج باش يمشي لبيتو لقا لعيالات فالصاالة ومنهم شيماء للي مزينة ومقاادة متوقعش وجوودهم) السلام عليكم (مجاو فين يردو حتى دخل لبيتو معصب كره شوفتها ظنو أنها عمرها تعاود تحط رجليها فدارهم من بعد لكلام للي قالو ليها جر باليزة كبيرة ودوزها من حداهم مفاهمين واالو ودخل بيها لبيت التلفاازة)
كريمة: سمو داكشي
أمال: هادو كادويات شراهم ليها فاش كنا فوجدة
كريمة: (بفرحة) هاااااه (شافت فختها زعما واخا كتخبعي) وشوووفليك محمد
فتيحة: (مفراسها ميتعاود) وشنووو راه كلتليك لمباركة هي للي تكون مرت محمد
شيماء: (عوجت فمها وفبالها هادشي كامل غير باش يفقسها) هند مغطلعييش
هند: لا غنطلع
أمال: لا واالو تباتي معايا
كريمة: (جاها لفضول) شنو جابلها امال
أمال: ههه كولي شنو مجابش لييها
كريمة: نتي ممشيتيش اختي
فتيحة: (مرضياش) راكي عارفة دوك تفاتف خلييتهم للبز خوما يعرفو درك حوايج بنات اليووم
نعيمة: اللهم باارك تلبس فيهم وتهااود راه جات للدار لكبيييرة وحتى مريم دريويشة تستاهل الحاجة الزينة ليييها
كريمة: اميين احبيبتي والله يكمل على شيماء بلخير وعكباال لبنات للي باقيين
شيماء: (غتفركع وشافت فحقد فأمال)
أما عند محمد حط لباليزة حدا مريم للي شافت فيها باعجاب ظنها شرالها غير باليزة وفرحت بيها بزاف
محمد: (تكااها حدا رجليها وحل السنسلة وهي دير فووف ولميكات كيتخرششو.. شاف فيها) بصحتك الالة هادو ختارتهم ليك ختي غيعجبووك راه جريتها فشموش كتشريهم ليك
مريم: (بفرحة مع ابتسامة عريضة) شكرا اخوويا بزاافمحمد: (كظحكو منين كتكولو خويا وهدا دليل على احترامها لكبير لييه) هانتي شوفيهم على خااطرك نطلع انا لسطح شوية (خرج بكاسو خااوي وقف عاطي بظهرو لشيماء) عمري امال (عمراتلو امال تحت نظرات مها كفاش عمري امال هي بوحدها للي كانت كتكب ليه أتااي عمراتلو كاسو هز وخرج)
كريمة: (وقفت) ياله نوضو نشوفو شنو جابلها
نعيمة: ههه متهنيتييش
كريمة: والله يا ختي متهنييت (ناضو كاملين دخلو عند مريم لقاوها مقردة فالأرض معرفاش باش تبدا) تباااارك الله (بداو يشوفو ها بيجامات حوايج لتحت غير لفريع ولوينات زوينين عاد شي 12 دوبياس ها لمشبك ها سرينغ وشي 5 غوب دونوي عاد 3 دلكسيوات بصيكانهم وشيلانهم وصبيبطاتهم)
أمال: لباليزة صغيرة راه فيها داكشي دلحمام صبري نجيبها ليك (مشات جابتها ليها كان بينوار فلبيض سامبل مع فوطات ديالو وبينوار رجالي فلكري عاد فوطة كبيرة متوسطة وصغيرة بشكل انييق وشي برودويات)
كريمة: نباااااارك الله هادشي زييبن
مربم: ماما راه امال للي ختارت هادشي كاامل
كريمة: رااكي تكوولي ابنت ختي
أمال: هند للي ختارت
نعيمة: (شافت فبتها للي طلع معاها السم بنتها وحفظااها حاسة كاااينة شي حاجة ماهياااش ولنتها هي لمستبعدة.. أما فتيحة معجبها واالو اصلا كفاش لبز هو للي يختار جهااج واش هاد ليجامات وزوااق)
كريمة: فتيحة مكلتي واالو
فتيحة: انا للي علية لبلدي للي غتبان بيه اما هادشي حدو بيتها دنعاس
كريمة: كااينة الله يعطييه الخير بقاو كيجمعو داكشي
نعيمة: غزاال هادشي تلسي فبه وتهاودي ابنتي
مريم: ربي يخليك اخالتي نعيييمة
شيماء: اممم زوين
مريم: شكرا (جمعو لبنات داكشي ودخلوه لبيت محمد سدو لباب ومشاو جلسو معاهم)
هند: شيماء اجي
شيماء: (ناضت جلست حدا هند وأمال جالسة حداها مريم) عيقتو قدام ماما والله
هند: ومزال نهار يخليك داك لكلب وتجلسي لا محمد لا امال لا هند لا مك لا خووتك
شيماء: مالنا على هاد لفال
هند: محد لوقت اشيماء مضيعيش رااسك مع داك لكلب
شيماء: بففف هند داكشي ديالي انا نعرفو غير متعيقوش قدام ماما
هند: واخا لالة اوا شنو بالك محمد شوفي شنو جاب لمرتو نتي انوار شنو جابلك؟؟؟
شيماء: بنيتك كتقاارني انوار بمحمد هههه نااري والله حتى جبتياي الظحك
هند: استغفر الله نيت واش نقارن راجل بشماااتة
شيماء: هاد شراوط للي جابلها مسااوي حتى هاد نبالة للي جابلي انوار واش مشغتوش لحوايج للي جابلي بلا هااادشي أنوار راه عندو لفلوس على محمد زيد الزييين يا ختي للي فيه كيصطي وعاد كيعرف يهضر ويلبس ميحشمكش حتى الا خرجتي معاااه
هند: هادشي الا خرجك معاه
شيماء: (هنا تقرست) نتي عارفة وليد معقد مكانش يخليه يخرجني
هند: وليد معقد؟؟؟؟؟؟ باااز وسمع اوليد على قلبك تقاتل وخليها تقرا باش دير قيمة ليها ودير مستقبلها وكولشييجيبولك وفالتالي صدق معقد
شيماء: سكتي ازمر راه مانا غتسمع انا زعما عنيت فهادشي ديال لملاقية كان مانع علية
هند: حيت خووك ومرتاحش لداك وجه الز* للي نتي معاااه
شيماء: نبدلو الموضوع.. أمال راه كدوور ليك بزهير
هند: (شهقت) حلفي باللللله
أمال: (سمعاتها ضارت عندها مع ابتسامة عريضة حيتنعيمة خضياااهم) الذييب مكيعاود غير فعاايلو.. تأ علاش كتفرشيني داابا اشيماء
شيماء: هههه شي حاااجة نت ما مخبيين
امال: ههه باااز (رجعت كتهضر مع مريم)
هند: واش بالصح كدورلي بزهير صافي حتى انا غندور ليها بوليد
شيماء: وتخليلها زهير واش نتي هبيلة وكفاش وليد واش بالصح تصاحباات معااه هاااااه داكشي علاش خويا وليد كان هاز شووكتو علية علية كوليلي مخلااات مكالتلو علية
هند: اوا شتي
شيماء: بنت لحرااااام
هند: والله حتى خاصكي تعالجي اشيماء
أمال: مريم اجي معايا للكوزينة (ناضت معاها ومشاو جمعو داكشي للي فالصالة امال كتغسل لماعن) حم كفاش قضية ديال تقاف وداكشي
مريم: عنداكي يسمعنا شي حد (مشات سدات باب لكوزينة ورجعت حداها كتهضر بشوية) لمشكل فحنة للي ماتت وتقفااتك
أمال: كفاش
مريم: انا كانت تقفاتني حنا فاطيمة وهي للي فكاتو لية داك نهار للي كلتليك ونتي كانت متقفاك حنا خديجة الله يرحمها وهي للي خاصها تفكلك داك تقااف
أمال: دابا المهم هو حتى انا متقفة
مريم: واه ولكن متخافيش درك خالتي تكلب ليك على للي يحايدولييك (تبسمت) كالولي فيك الخطااب
أمال: (تخلعت) شكووون
مريم: دوك الناس للي كنتي عندهم
أمال: (قلبها تهز) لااااا راه شيماء للي خطبها هدااك
مريم: بالصح خالتي كالها محمد راه واحد بغااك
أمال: فوكاش كالها لها
مريم: منين مشيتي داك نهااار
أمال: اااااه (بدات كتشلل حسابلها هاد المرة منين جا من وجدة تفكرت زهير)
مريم: افيين غبرتي
أمال: لا لا والو انا معاك فوكاش العرس بالظبط
مريم: تالت عيد
أمال: مبقى وااالو
مريم: يا ختي راني مخلوعة بزاااف هههه وفرحاانة واش شفتي خوك شنو شراالي
أمال: هه والله منو راااسو
مريم: انا خايفة غير يكون باغي يفقس شيماء بية
أمال: لا لا غير نساي شيماء مبقاش كيشوف حتى فيييها وحتى داك نهار مشافتناش حتى خارجين نشريو راه كبيلة معرفهاش واش كاينة حتى هنا منين عيط ليييك
مريم: زعما ختي حلفي بالله
أمال: ولهب.. (دخلت هند وشيماء)
هند: زييين مزال كادويا انا وامال موريناهلك
مريم: (بفرحة) لهلا يخطيييكم
شيماء: شبعتي كادويات هاد نهار امريم فرحيلك شوية
هند: لا لا باين محمد سخييي وبزااف
شيماء: (عوجت فمها) جابلك ذهب؟؟؟؟
شيماء: جابلك ذهب؟
مريم: (شافت لخاتم فيدها) واه جابلي خاتم
شيماء: غيير خااتم لا اصاحبتي راه خاصو يشريلك براسليات سنسلة حوالق نبااالة (قالتها كتشير بيدها) حشومة نتي عرووسة وعريااانة
مريم: انا للي جا من عندو زوين
أمال: دابا يشريلها
مريم: (بقات ساكتة حتى جات كريمة دات بنتها مشاو ونعيمة طلعت ومشات معاهم حتى هند.. بقات أمال كتعجن مخااامر حتى دخلت عندها مها كتشوف فيها صحااحت على للي كانت ولوجه رجع مرااية)
فتيحة: كفاش نتي قضييتك لي مشيتي تشري جهاج
أمال: راه محمد للي خرجني بالسيف علية
فتيحة: بالسيف عليك!!! اش راكي تنوعري وخليتي خووك مدلدل تحت جناااحك
أمال: (بخوف) مدرت واالو أماما
فتيحة: لغمااا واش سااحرة لخووك
أمال: ههه (جاتها تصرفييقة بقات شادة فحنكها مطلساها بالزيت للي كانت كتغمسهم فزلافة باش كتخبز ولكن هضرتها جابتلها الظحك)
فتيحة: من نهار تزاديتي محملتك مقبلتك كنتي ترضعي مني وكنكول ياربي داكشي للي كترضعو يكون سم (أمال غير كتسمع ودمعتها لاسقة فشفاار عينيها)
فتيحة: بسبااابك تنغست علية حياااتي ووليت صباط عند بااك حرمتيني من لولاااد ومزالة كتزيدي تحرضي ولدي علية للي مكاانش يهز عينو فية ودابا كلمة جوج يكولي نخوي
أمال: (متقدرش تجاااوب أما عندها بزاااف متقوول... شافت مها سكتات بزقت عليها وزااادت تنهدت ومسحت دمعتها دغيا شوف غير لبارح كانت الحاجة كتشكر فيها وزهير كينقز سطوحة على نمرتها ومخداهاش ودابا مها كتسمعها كلااام خاشة واش شي ام تقولو لبنتها وتسبي فيها شي حاجة ربي للي مكتبها ليها مسحت بكمها الدفلة على وجهها ورجعت كتحايد لمخمرة للي تحرقات وخبزت وحدة اخرى ودمااغها سااارح... حمدت الله بعدا هند محضراتش لهاااادشي)
~~~~~~~~~~~~~
داز نهار عادي طيبت فطور ومها مكتهضرهاااش قنطت ولفت هند للي غتفطر معاهم تحت طلب نعيمة حطو فطور فسكااات كياكلو حتى نطق علي
علي: نتي ديري حساابك رجوع لوجدة مبقااش
أمال: علاش؟؟؟؟
فتيحة: والله مبقيتي تحشمي
محمد: هنيييونا بغينا ناااكلو
أمال: (كتسنى محمد يهضر باش يدافع عليها واالو تغرغرو عينيها بدموع كفاش متجرعش هي غير من لبااارح وحسات بالضييقة هنا وكتحسب دقااايق فوكاش تمشي من هنا فلبلاصة جابلها فبالها زهير منين قالها الا ضراتك شي حاجة عيطييلي ولا ولييد وليد للي غيعتقها حتى سمعت)
محمد: تكمل لعام ديالها وتجلس هنا تبقى تمشي غير فالامتحانات الا كتاااب
أمال: (عاد تنهدت مهم باقي غترجع من غير تمرة مولاتش كلاتو.. كملو جمعت الطبلة غسلت لمعان عودات جفاف خفيف ندمت كاع علاش جات.. ياك نعيمة عرضاتهم علاش مطلعووش وخلاوها حتى لغدا سمعت الدقان مشات كطيير لقاتها هند دخلااتها للبتها كتعاود لييها)
هند: واا لمهم بعدا خلااوك تكملي العام
أمال: لا لا مغرجعش (رجعت كتبكي) حتى لفلوس للي كنت طامعة فيهم باش نهرب سرقوهملي
هند: وعلااااش لهرووب ها زهيير شاارييك وبلغاالي شوفي غير شنو كيدير على قبلك
أمال: لا انا مبقيتش نتيق كاااع
هند: عارفة خرجتي من عند داك شمااتة مريضة فخاطرك ولكن زهيير والله حتى فشكل رجوولة وبزااف عطييه فرصة وعطي لراسك فرصة وغير بشوية علييك ولكن متهربييهش منك وكووني اناانية شوية رجال راه حتى هوما كيدوزو وديما باغينها نيو هوما اول وحدين فحياة لمرا
أمال: زعما ميعرفش
هند: بلاتي داركم مغيخليوكش ترجعي الا هربتي والله حتى يقلبو عليك يجبدوك يجبدوك وااخا يكون اخر حاجة يديروها فحيااتهم مك غتكرفس علييك بلمزياان ومن جهة كاين زهير والحاااجة كيبغيييوك ومقدرين قييمتك وغت(سمعو الدقان مجهد فباب بيتها)
أمال: نعاااام
فتيحة: خرجي راه لعجينة فااااضت ابنت لهم (تشاوفو لبنات بيناتهم خرجو للموزينة هند كترد لماعن وتمسحهم وأمال كتخبز وتنهد مواااكلة واالوو.. حتى شافت هند هازة سطلة فيها زواقة بلموف)
هند: هدا غيصححك بروتين
أمال: (بقات كتشوف فيها) ههههه
هند: هههه ظحكي ومولاها ربي
أمال: (بتنهيدة) استغفر الله.....
هند: (لقات عصير لافوكا باقي فالثلاجة) هدا علاش تنقلب (دارت جوج معالق كبار خلطاتو وعطاتو لأمال) هاكي شربي باينة شي واحد من جحوش دخوتك باغي يربي لكيلواات
أمال: (شداتو وشرباااتو دكسة وحدة) اممم بنييين
هند: (كتقرا ديك سطيلة) ديال لفاني عرفتي ككيرد شعر كديريه مع زريعة لكتان وزيت لكوكو ومعلقة دلبروتين وديريه على شكل ترطيبة زويين غير خاصو يكون شعر نقي
أمال: نيت بدا شعري كيرجع ككان (بتنهيدة) حرش كرد وحالتو حاالة تفووو علاش انا هكا حتى من جيييه ممكاادة
هند: ولااا ديما فكري فالخاجة لمزيانة باقي غتكملي هاد العام
أمال: وهادي حاجة زويينة راه غنكمل غير عاام وشووف تشوف من بعد واش غيخليوني نمشي ندوز الامتحانات وانا من داابا كنحلف ليك بالله واللله مغيخليوني ماما وتجبدلي صدااع نهار نبغي نمشي
هند: بففف محمد غيوقف معاك
أمال: وكان بغا يوقف يخليني نكمل حتى ناخد الإجازة اهند
هند: وشنو الحل نتي زهير معااجبكش
أمال: (شافت فيها ولوخرا هزت حاجبها)
هند: عاجبك؟؟؟
أماال: نتي راكي حمقة
هند: نتي للي غتكوني حمقة وهبيلة الا معجبكش شيماء للي قربت تقتلنا كاملين على أنوار عاجبها زهير ههه
أمال: هاديك ما بيهاش أنوار هاديك باغا كولشي تعجبو شيماء حتى من محمد للي مكتحنلوش شو كبيلات جات نقاادة وكتعيااق على مرتو
هند: كفاش كنتي متحملاها هاد لعمر كامل
أمال: مكانش أنوار كانت مزيانة مكنتش مناافسة لييها
هند: من هادشي كااامل متعرفي شنو ربي مكتب ليييك ياك كلامك هداك ونتي كتامني بالله هو للي غيتصرف ااه ونزييدك وليد الا مشا حتى تشدلي فالخط راه عمرني نعتارف لييه كنت مع غييرو من قبل ربي سترني علاش نوض نفضح راسي
أمال: والا عرف
هند: غنكون مجوجااه ههههه الا عرف يعاودها رااسو مبقاش داك لوقت للي لبنت مكتخرج من دارهم غير لدار راجلها ومن دار راجلها لقبوور صافي ولات المعادلة متكاافئة كيف ما هو مجرب حتى لبنت متجرب غير كل وحدة وشنو كاين للي كتفوت الخطوط الحمراء وكاين لا
أمال: (بحزن) غلطت منين هضرت مع أنوار ضيعني
هند: فاش ضيعك ونتي باقة بنت بنوووت وعاد متقفة واش كتعرفي لبلان ديال متقفة راه ميقدرش يدخلو فيييك كيفشل يعني حتى احتكاك مكاااينش
أمال: بالصح؟؟ باش عرفتي
هند: سولت خالتي نعيييمة يعني تقاف هادشي شنو كيعني منين كيصدق هو مكيقدرش حتى يقييسك اصلا موحال حتى واش يق*** ليه
أمال: وداك الدم؟؟
هند: الدم خاص نمشيو نشوفووه كداير حيت كاين فرق بين دم صبوحي ودم عادي وغاالبا غير بغا يخوفك ميمكنش مرعوود بحال هدااك يغتاااصب يخااف تمشي تعاودي لخوتك ولا لوليد يعصروووه
أمال: والله معرفت اختي زهير ميقبلش وحدة تصاحبات مع ولد خووه
هند: (تبسمت) وانا هضرت على زهير؟؟؟
أمال: هااء
هند: هههه قوليها لزهير وتهنااي
أمال: (حنات راسها كتبكي دموعها كانو على سبة)
هند: (مشات حداها كتواسيها) دابا ماماك تندم على هادشي وترطع تبغيييك
أمال: (حركت راسها بلا) العالم يتبدل إلا هي ولا خوتي حتى من محمد مقااادرش يتبدل راه كبرو على سمها
هند: وصاافي من لبكى شيماء دابا دور الدنيا علييها
أمال: (كتمسح دموعها) مشغلييش فشيماء أنا مسخيتش نخسرو اهند
هند: أنوااااار؟؟
أمال: لا لااااخر
هند: (خرجت عينها) اوييلي واش كتبغييي زهييير؟؟؟؟
أمال: لا ولكن عزييز عندي وهو كيديها فية بزااف
هند: مكتحسيش براسك كتبغيه موحشاااه شي حاجة
أمال: مكنبقاش نحس بالخوف منين كيكون
هند: (تبسمت) اعتراف خطييييير هدا اصاااطة هههه زهير والله حتى رااجل تعولي علييه ونتي مغمضة عينك عرفتي وكان جاني انا ومكنتش كنبغي داك لمسرول دوليد والله منزكلو
أمال: ههه ومنين يعرفك كنتي مع ولد خووه؟؟
هند: منين غيعرف من انوار ميقدرش حيت نتي المظلومة نتي حبيتي كلب ومصدقش عمرك عطيتييه شي حااجة وحتى نهار بغا ياخد معرفش شنو فجهدو
أمال: وتصاور للي عندو
هند: الا ورا تصااور أول واحد غيمشي فيها من عند خووتك أما نتي غتكوني ديك السااعة هااااربة.. شفتي اختي أمال والله مغنخليييك نتي عليك داابا هو قراي وخودي ديبلووم ديالك مبقالكش بزااف فلخيااطة وغير غرجعو عندنك واحد شهر تاخدي ديبلوم ديال لانفورماتييك... داز داك نهار هند طلعت باتت لفوق صبحو كيوجدو لفطور حيت كانو عارضين عائلة امال وحتى كريمة وبناتها وراجلها أما ولادها وبنتها كولها مجوج بدارو فتيحة مكتهضرش مع أمال ومع مكاين شغل بقات مقابلة غير تيليفونخا لوااتس وكتقاد واحد لكسوة كتكمل ليها تخياااط طلعو فطرو شيماء كانت لابسة مزياان ولكن لسوء حظها ومكانتش متوقعة محمد مبغاش يطلع... دازت الأيام أمال كتشرب من داك العصير وكدير شي حركات كما كدير هند ساعة فنهار غير فرق هند كتحبس لماملة وأمال كطحن واها مها ديما مسمماها بالهضرة بقات سيمانة للعرس بداو تمارة دلحلوة للي قادوها ونعيمة للي كتعاون بذراعها وبكلامها زوييين وجدو كولشي وغدا العيييد...
هند: (جالسة كتخمم فوليد للي مهضروش من اخر مرة كانو فوجدة مكيتلقااوش ودايرة احتياطاتها احتراام لنعيمة كانت عند أمال سيقو الدار مزيااااان حتى جاها ابيل من عند جدااها) ألوو... حتى انا توحشتك بزاااف (بحزن تنهدت) والله منقدر نجي وهوما تماااك شوفي امي لالة حتى واحد فيهم مكلف راسو يعيطلي ويقولي اجي تعيدي معانا وانا بووحدي هنا مغربة تقول مقطوعة من شجرة.. هءءءء.. صافي امي لالة انا عند صااحبتي كيعاملوني عاىلتخا مزيان وانا تنبغييهم... حتى يمشيو ونجي.. ااه هادشي فاش خادكين غير فلفوس يصيفطووهم... عفاك متفقسيش معايا امي لالة أنا والله مزيانة وهنا كولشي كيعاملني مزيان بحال وحدة من بناتهم... غير يمشيو نكون عندك والله عفااك غير متقلقيش نتي... واها بسلامة... الله يبارك فيك ويطولي فعمرك احبيبتي.. (قطعت كتمسح دموعها ردات التيليفون لبينوار وكملت تجفاف ومحمد كان فبيتو تصنت لكلامها وفهم شوية قصتها.. داز داك نهار هند مستغربة من حاجة وحدة هو حوايج لعييد للي مشراوش لأمال حتى من مها منين عاشرات أمال عمرها شراتلها ولا صيفطاتلها حتى سليييب عكس شيماء للي بخطيبها وشراولها لحوايج بلا لحوايج للي صيفطو عائلة الرااجل كملو لفطور وكولها تفرق يصلي كملو امال وهند كيوجدة مسمن نص طيبة لفطور ديال العيد حتى صونا تيليفونخا كات الحاجة)
هند: ههه حاسة زهير هو للي مصوني (جاوبات) ألو
الحاجة: السلام عليكم ابنتي
هند: اهليين والله حتى توحشتك لباس عليك؟
الحاجة: الحمد الله ابنتي ونتي لباس عليييك ؟
هند: الحمد الله الحاجة الله يطول فعمرك مبرووك عواشرك بشي حجة ان شاء الله
الحاجة: اميين ابنتي فينها امال مبقاات سولات كاع من داك نهار ياك راها لباس
هند: ها هي بغات تهضر معاك (عطاتها التيليفون كظحك)
أمال: السلام عليكم (متوقعاه زهير)
الحاجة: وعلييكم السلام ابنتي لباس علييك
أمال: (تبسمت) الحمد الله الحاجة ونتي لباس؟ مبرووك عيييدك
الحاجة: الله يبارك فيك ابنتي (طار التيليفون من ودنيها)
أمال: سمحيلي مكنتش نعيط ليك مكنتش معبئة
زهير: ديك السااعة ݣوليها
أمال: (دارت يدها على فمها شااهقة وقالتها بشوية) حاي..
أمال: (شهقت ودارت يدها على فمها بصوت خافت) حااي
هند: ههه زهير؟؟
أمال: (حركت راسها باه)
زهير: مبروك عواشرك بعدا
أمال: الله يبارك فيك
زهير: (بقا ساكت مدة وحتى هي كتجمع الظحكة بالسيف) فوكاش تجي
أمال: فين؟
زهير: (زفر) هو مكرهتش تجي عندي لداري بصيفتك مرتي ولكن كيبانلي مزاال مقسحة داك الرااس معايا
أمال: (تبسمت ودارت يدها على فمها باش ميسمعهاش)
زهير: خاصك شي حاجة؟؟
أمال: حم لا
زهير: انا بعدا خصااني نتي
أمال: ههه وصافي
زهير: اصلا مكلت واالو
أمال: ماما كتعيطلي
زهير: يخليلي ماما.. سيري وكان اصلا مراابح معاك حتى كلمة زييينة (شافها مزال مقطعت) واش خاصك شي حاجة أمل؟
أمال: (تبسمت) لا شكرا (قطعت وشافت فهند) مكنعرفش كفاش نجاوبو
هند: خلييك على طبيعتك
أمال: (بتنهيدة) مع أنوار كنت ديما نبرك على راسي ونكول كلام للي هو بااغي ندمت اهند علاش هضرت معاه كنتفكر كنبغي نموووت
هند: عادي احبيبتي ميمكنش نعلمو على الناس من قبل واش خايبين ولا مزيانين بعدا وقع داكشي باش عرفتييه على حقيقتو اما وكان راه مجوجك ولايحك لمو ترس علييك وتصدقي من حبس لمنفى
أمال: (حركت راسها بلا) واخا تفارقت معاه مزاالة مكتفة كندير نكول لزهير راه كنت مصاحبة مع ولد خووك راه صافي غيمشي فحاالو
هند: لا هو باينة كيبغيييك
أمال: قد مكان يبغيني يكرهني اهند أنوار راه غدااار يعلم الله شنو يكول نتي وكان كنتي بلاصتي شنو ديري
هند: بصراحة؟؟
أمال: وااه
هند: مكنت نكول والو لزهير غير الا سولني شي نهار واش عمرك تصاحبتي وغنعاود داكشي للي بغيت انا باش تبقى صورتي زويينة فعينييه أما الا مسولنيش مغنعاودش وانوار الا هضر غنخرج عينيي فييه
أمال: وتصاور؟؟
هند: نهار يحط تصاور غيعرف حتى هو غيمشي فيها راه عائلة كتهضر غير بلقرطاس
أماا: لا لا انا مبغييت صداع الرااس
هند: نتي سولتيني الا كنت فبلاصتك حيت أمال لواحد الا كان أناني فمصلحة نفسو مرة مرة كدووز وخصوصا نكون مديراش الغلط ومظلوومة
أمال: (بتنهيدة) معرفت
هند: نساااي عليك الا مكتبلك راه معندك منو هرووب ودابا زيدي طلعي معايا لسطح نجيبو دوك زرابي راه تمشي تنوض شي عجاجة
أمال: هههه عرفتي كوليتي نفكرك نهار اللول ههههه
هند: يا ختي للي يعرف وجهكم كبغيتيييه يرجع والله حتى فرحاانة ومن قلبي خااص غير نتي تكمل فرحتك وديك لكلبة للي لفوق توكض شوية
أمال: اودي هاااادييك صاافي راها هبلات لاحتنا كاملين على قبل كلب
هند: نسااي انا نمشي نطلع لسطح ندخلهم بعدا لبيت الصابون (دارت شال على شعرها وطلعات لسطح لقات فتيحة ونعيمة تمااك مطلعين بوطات صغار على حساب طيااب دخلات زرابي للي كانو صغار غير ديال لكولوارات وبيت نعاس)
نعيمة: عذبناااك ابنتي معانا
هند: لا اخالتي مكاين عذااااب
فتيحة: لااااا لا تعذبتي ابنتي اااو من نهار جيتي ونتي ݣاااطعة ݣلييبك
هند: ههه عادي والله (هبطت لتحت بغات تدخل لعند شيماء تجيب حوايجها حيت غدوش مع أمال لقات وليد حدا لباب تبسمت) فييين
وليد: فيين نتي مبقيتيش تباني
هند: انا غير هنا فدااركم تحت سقف واااحد هههه
وليد: (كتشعلو بكلامها تبسم معااها معارف ميكوول)
هند: نخلييك غنمشي ندوش لتحت عند امال
وليد: دوشي هنا (فلبلاصة حضرت صورتها وهي عرياانة غمض عينو كيهرب هاد التصويرة من دمااغو)
هند: لا معليهش راها سبقاتني نخليييك (دخلت لقات شيماء معصبة مع تيليفونها للي كتصوني على انوار ومكيجاوبش خدات حوايج وهبطت لقات وليد واقف حدا لباب غير سمع زطيم فدروج ضار شاف أما هي دارت راسها مشافتو ودخلت للدار كتفرنس) مقسح رااسك كول نبغيك اهند وهني راااسك....
جا نهار العيد صغييير داز عادي غير فدار فتيحة للي كانت الحركة حيت يوماين ويبدا العرس كانو كملو الحلوة بلا للي دوموندات عليها وفتيحة جلست فواحد القنت وبدات تعرض الناس لبعاد اما للي قراب راه تعرضو.. شوية بقات كتعيط على أمال...
فتيحة: أمااااااال أمااال
أمال: (كانت فبيت محمد كيقادوه هي وهند مشات كتجري عندها بالسيف وهي من داك نهار قاطعة الهضرة عليها) نعام اماما
فتيحة: كتبيلي نمرة الحاجة نعرض علييها بعدا نديرو صوااب وتكول هاد لبنت فيها شي حاجة زوينة ودارهم مصوابين
أمال: (جبدت تيليفونها للي كل نهار علي كيجي كيقلبو ليها شدت تيليفون من عند مها وطبات نمرة ديال الحاجة) واش نهضر معاها
فتيحة: ييه هضري ودوزيهالي (تسنات امال مجوبتهاش وهي دير نمرة ديال لفيكس)
أمال: (شد الخط) ألوو السلام عليكم
زهير: (مع محافضش نمرتها غير جاوب) أمل؟؟؟؟؟
أمال: حم واااه (شافت فمها) كاينة الحاجة؟؟
زهير: واش واقعة شي حاجة؟؟
أمال: (غتموت بالخلعة) لا لا (شافت فمها للي كتقوس عينيها فيها) كاينة الحاجة اخويا
زهير: خويا!! عاود امل خويا
فتيحة: (غير سمعت منها كلمة خويا زادت طالقة سطولاتها وكتشوف فبنتها)
أمال: راه ماما بغاتها
زهير: اممم كولي نسييبة حدااك ماااااا وااا ما رواااحي ولا عرفتي امل قطعي انا نصوني فتيليفونك ما واجعينها رجليها
أمال: واخ (قطعت وقلبها كيضرب فل 100 شافت فمها) ولدها للي جاوب ها هو غي (سمعت تيليفونها كيصوني كانت نمرة دلحاجة حمدت الله مصوناش بنمرتو وهوما خاصهم السبة علاش) هاكي جاوبيها
فتيحة: على ربي يا ديك لفريفرة تكوني دايرة شي حاااجة (جاوباات لمرا وامال مشات لعند هند كما العادة كتعاود ليها كوولشي)
هند: ههههه كيصطيني زهير بهادشي للي كيدييير
أمال: ههه تخيلي وكان عاقو بية
هند: عاقو بيك مالكي شنو تديري مك للي قالتلك صوني ونتي طحتي فولدها ودوزلك مو راه بهادشي للي كديري عاد يفهموك غلاط ونتي مدايرة لا بيديك لا برجليك... (دوزو دوك اليوماين غير فشغل الدار وجا نهار لعيالات وفتيحة مشات جابت دهاز مريم من عند الخيااطة وفين كانت مخيطة لمريم جوج تكشيطات و4 دلقفاطن وليها تكشيطة وقفطان ولأمال وبأمر من محمد قفطان موبرة أما هند مشات كراات لبسو وبدا الماراطون...)
~~~~~~~~~~~~
أشرف: ومغتكولها لحد
أنوار: نتا هبيل راك نتا وحدك للي كلتهالو دااابا
أشرف: ههه غتشريها مع باااك ومك اعشييري واكترية الا عرفو شنو كااين
أنوار: مغيعرفووش ابنااادم
أشرف: اوا ومرتك
أنوار: حتى ديك الق*** ديما لاسقااني
أشرف: ها مكلنا
أنوار: منين كتفيق وهي تصوني باغية تعرف فين انا وشنو كليت ومعاامن انا الوالدة ومكتبعنيش هااكا طلعتلي ف***
أشرف: نهار اللول يموت المش غوت عليها مرة وحدة مغتوليش تزعم مرة اخرى
أنوار: اوديييييي مهم نتا ديك الدار خوييها دعاء غتجي
أشرف: صييحبييك أنا
أنوار: أجمع ق*****
أشرف: هههه (كيغنيها) مرتي وصااحبتي انا كيندييييير.....
شيماء: (كتبسم بالزز) اااه معلييهش حنا بغييناكم تفوجو شوية منين الحاجة عياانة ونتي مقابلااها صاافي
الكاملة: (محاملاهاش) اممم اوا الله يهنيييك (قطعت كتدعي فيها) الله يعطيها غبااارة
أنوار: ههه كتدعي على مرتي
الكاملة: اش بغيتي بديك لبوية اوليدي محملتها مقبلتها مممصوابة ما كربت تصواااب
أنوار: غي حيت من اللول مبغيتيبهاش
الكاملة: راها لفعة اولييدي دير بااالك راه أنا للي مك وخاصها تهزني فوك رااسعا ممحتارماانييش
أنوار: خرجيني أمي من هادشي دلعيالات نتوما بيغيتوني نتزوج ها هي
الكاملة: انا بغيتك تجوج للي عليها القيمة وبنت دارهم ومحتارمة أما هادي وااالو مضوي عليها غير عائلتها للي ناس مزيانين ودرااوش
أنوار: اوا هدا هو لمكتاااب (هز تيليفونو وخرج...)
~~~~~~~~~~
شيماء: (حمدت الله حيت مجاتش ولكن كانت باغية أنوار يجي للي فالشك يقدر يجي) ماماااااا راهم مغيجييوش
نعيمة: اممم لبسي وهبطي تعاوني لبنات
شيماء: اماما واش انا عرووسة ونعاون
نعيمة: منيبين جاتك عرووسة ابنتي هبطي وحني داك الراس شوية ونتي غطرطقي بووحدك شتك نهار تخطبتي ونتي نييفك فيما
شيماء: (كتمازح) معلوووم راني دااية سيد رجااال
نعيمة: (ميقت فيها) عيقتي جوااج راه غير مكتااب ماشي شي حااجة للي تبهااي بيها كداام بنات فاميلتك
شيماء: بفف مااامااا
نعيمة: لبسي وهودي عاوني الناااس ياله (مشات شيماء كتلبس بنفيييخ مرضيااش تخدم فعرس محمد صااحبها لقديييم تسناتها نعيمة حتى لبست واخا تعطلت علييها خرجت لابسة قفطان موبرة جديدة ودايرة كاع ذهوباتها ومكياجها للي كان خفيف)
نعيمة: بااااز زيدي زييييدي (هبطو لتحت لقات لعيالات كيزرعو فلغنا وفتيحة مقدااها فرحة مشات شيماء كتقلب لقات هند خدااامة بنيتها)
هند: جييتي
شيماء: اويييلي مالكي على هاد الحاالة فين هند للي كنعرف
هند: حتى تجي شيماء للي كنعرف (تهزت من تماك من بعد مستفت الديسير مشات عند أمال للي كاع لمااعن علييها) نعاونك؟
أمال: لا لا غير سيري اختي شوفي ماما (دخلت شيماء. وامال قلبت وجهها)
شيماء: شتيني انا باغا غير نهبط ماما للي هبطاتني بالسيف علية
هند: شيماااااااء
شيماء: واا هي للي فوكما شافتني كتقلب وجهها
هند: باااز اجي معايا تعااوني ولا نسيتي عرس خووك
شيماء: مضربت حد على يدوو بقالي غير نعاون فعرس داك لمخنخن (خلاتها هند كتهضر بوحدها ومشات كتعاون غداو لعيالات وجمعو الدار باش فالليل غيكونو رجاال محمد رفض باش يدير الحنة دازت ديك الليلة ولبنات مهدودين طاااحو دووودة موجدين لغدا فين غيمشيو باش يروحو لعرووسة....)
أصبحنا وأصبح الملك لله
دعاء: هههه والله ممتيقة
أنوار: (عنقها بيدو) تيقي
دعاء: (تعلات شوية برجليها اصلا هي طويلة وباستو فحنكو ماسحة دغيا بيدها طراس لعكر للي فحنكو)
أنوار: دهاااااد هنيينا واش راحنا فبيييت نعاس باش دير هااك
دعاء: حيت تنبغيييك
أنوار: بغي كيف بغيتي فبيت نعاس ماشي فزناااقي (طلق منها معصب وهي رجعت لاسقة فيه)
دعاء: صافي سمحلي ابيبي انا حسابلي عااادي
أنوار: عادي منين نكونو بوحدنا وزايدون ماشي عادي هنا فوجدة.. صبري هنا ندوز شي تيليفون (خلاها وبعد شوية صونا على باه) با راه داك الحساب كانل جمعتو وخليت كل حاجة فجوا كما مولف
لكبير: الله يرضي عليك اوليدي
أنوار: امين ابّا مهم انا بغيت روح شوية ودراري صحابي معروضين لعرس فالناظور
لكبير: مغتمشيش لعرس نسابك؟؟
أنوار: بزااف ابا طريݣ ومݣاد حتى نصوݣ غيصوݣ غير صاحبي وصااحبي شحال وهو يرغب باش نمشي عندو نفرح معاه وݣاع صحابي ماشيين مجاتش نݣردعو من دون دراري
لكبير: نتا تعرف اوليدي غير عيط عتاذر منهم حيت حتى حنا ممشيناش
أنوار: الله اودي ضروووري مهم غير نوصل نعلمك
لكبير: واخا اولدي الله يهنييك....
(قطع وطلع لطموبيلتو نافخ صدرو وهي خايفااه يتقلق طلعت وجلست حداه شدت فيدو) صافي موقع واالو
دعاء: (ظحكت بطحكة طفولية) كتغيير علية
أنوار: علاش عندي من غيرك باش نغير علييه.. هه مهبوولة (زاد صاايك نيشان لسعييدية....)
~~~~~~~~~~~~
شيماء: (فاقت لقات ميساج من عند أنوار *حبيبة ديالي خرجتالي شي خدمة ضروورية راكي عارفة داكشي ديال السلعة انا شاد طريق منين نوصل نصوني عليك بوسة لييك* فرنست حيت شحال مسمعت منو كلام زوين تجبدت عاد ناضت خرجت لقات كولشي فايق غيفطر) صباح الخير سنووووءة كيف بقيتي من ديك الطيحة هههه
وليد: وهاادشي كيظحك؟؟
شيماء: (جمعت الظحكة) انا غير بغيت نظحك معاها (شافت فسناء) عنداك تقلقي مني والله غي حيت بقينا كنظحكو لبارح محسابليش معدمة
سناء: (كلاتها فرجليها حتى رجعت كتعرج غير نعيمة للي مسداتها ليها) لا ختي هانية...
وليد: جلسي وكاااان
شيماء: (جلست اونفاص معاه) ماالك اخويا منين جيتي ونتا محاملنييش؟؟
وليد: ( فلاش باك كان فطموبيلتو متكي كيتسنى زهير يجي وهو يدوز انوار من حدا الطموبيل كيهضر فالتيليفون
أنوار: والله حتى توحشت دوك شنيفاات احبيبة... هانية وها هو رمضاان كااع.. غير خاص تشوفي كديري تسلتي عندي (ومشا مخلي وليد غيهبل معرف حتى كفاش يضربو وهو معارفش واش ختو المعنية ولا لكلب كيلعب بذييلو ولكن واخا هكاك حس بإحساس خاايب من جهة ختو اما الا عرفها هي...) شاف فيها) مكااين والو شوفي غير نتي واش دايرة شي حاجة
شيماء: (ببراءة) والله اخويا مداايرة واالو غير رجع معايا كيف كنتي
وليد: كولي كولي (حول نظرو لمو) مي راه اليوم غيجي زهير صااحبي
شيماء: غيجي زهير؟؟
وليد: (عصباتو) شووف هاد لبرهووشة غتهنينا ولا لا
نعيمة: ماالكي نتي كطييري
نبيل: نتوما للي ضسرتووها
شيماء: مݣلت وااالو مالكم؟؟
وليد: مهم غيجي غيجلس معانا هنا فالدار
نعيمة: مرحباا بيه اوليدي غتجي حتى الحاجة حيت عرضاتها فتيحة
وليد: مووحال راها عيانة شوية حتى تجي تخطب نيشان يمكن
شيماء: (باستغراب ضحكت) غيخطبو هند من هنا ههه من عندنا؟؟؟
وليد: (ضار عندها مخنزر) كفاش؟
شيماء:: (حست براسها فرشات هند) لا واالو
وليد: (طرطق عينو) هضري الويييل كفاش غيخطبو هند من هنا؟؟!!!
أمال: (فاقت مسخسخة على نكير مها الي فوق راسها) هاني نايضة
فتيحة: تنعسي متنوضي عرس خوك اليوم ونتي خااامرة الله يعطييك مرضة للي تخليك تشدي لفرااش وشوفي ديك الساااع شكون يكابلك تكعدي الخاانزة تكدي (قرنت حواجبها ووقفت) على شعر كدااير تفوو كاع لاليااتك شعرهم مسبسب الا نتي حتى حاجة فييك مزييينة
أمال: (شافت فهند للي مزالة نااعسة) صاافي راه لبنت غتسمع
فتيحة: وتسمع بعدا هي خيير منك يا لكلبة (خرجت كتنكر لقات بنات خلاتها وبنات خوتها لوخرين خدامين أما أمال مكرهة شافت فتيليفونها مفهمتش لاش مصوناش مع السبعة كانت السبعة ونص دارت شالها ولبست بينوارها وخرجت بشوية وسدت لباب على هند للي غير سمعت لباب تسد حلت عينها اصلا شكون ميفيقش على صووت فتيحة ونكيرها.. بقات فيها أمال تنهدت وناضت فداك ظلام لبيت حتى هي بينوار حيت باقي لبرد لوات شال وخرجت نيشان للموزينة فين لقات امال كتسخن لمسمن وكتعمر فأتاي)
أمال: فقتي؟؟ (صوت خافت) ياكما فيقاتك ماما
هند: لا علاش جات فيقاتنا مسمعتهاش (مبغاتش تحرجها)
أمال: سيري جلسي على منحط لفطور
هند: اري نعاونك قالاك نجلس..
~~~~~~~~~~~~~~~
نعيمة: غير طلقها اولدي دابا تهضر
وليد: (شادها من بينوارها موقفها) هضري ابناادم
نبيل: (معارفش حتى علاش ضاير لفيلم) عطي لمها
نعيمة: (ضارت عند نبيل) لا مزيان تباارك الله
شيماء: (بخوف) رااه غي حيت سمعت الحاجة كتݣول لزهير بغيتك تجوج هند وهو وهند مفاهمين على هادشي
وليد: (بقا كيشوف فيها طلق منها) ݣالتها ليك هي
شيماء: (مبغاتش تفرشها) لا مݣلتهاليش غير سمعت الحاجة كتݣوولها ماالك اخويا تعصبتي علية ياك نتا باغي تجوج أمال
نبيل: (بلغوات) شنوووو هواااا؟؟
وليد: (هز يدو بغا يضرب شيماء للي غوتت وتخبعت فظهر مها)
نبيل: كفاش نتا باغي تجوج أمال؟؟
وليد: سمعتيها مني الحمااار؟؟
نييل: سمعتها من ختك للي كتحط الرااس علييها وتظل دافع عليها
وليد: اوووو من بعد
نبيل: مغتجوجش وحدة حاط العين عليها انا وبحال والو تكون مرتي غدا
نعيمة: (بغات تنتف راسها) اويييلي واش بغيتو تشوهوني مع عبااد الله جالسين دابزو على بونوبيير
شيماء: (تخلعت) شنننو ݣلت اماما
نعيمة: لغمة يا لكلبة
وليد: (زفر) أمال مغتجوجها لا أنا لا نتا
نبيل: هاااااه هي كنتي حاط العين علييها ولا ݣولي مصااحب معاها
وليد: (شد من كول حوايجو وضربو لراسو بريوسية) هادي باش مرة أخرى تحتارم خوك لكبير وتحتارم بنت عمك الحماار
نبيل: (شد فراسو معصب) انا ضربني انا
نعيمة: (كتويل) اوييييييلي على لولاد كيتقااتلو ݣدااامي
وليد: صاافي امي (نبيل بقا وااقف ميقدرش يضرب خووه لكبير واخا حقد عليه وخاف على مو وهي كتويل وتضرب فحنوكها وفخاضها عنقها وليد) صاافي كلب وهاصو يتربا باش يعرف شنو يخرج من ديك لكابيينا
شيماء: (كتبكي وواقفة حداها سنااء) اشداني نهضر هءءء...
نبيل: (خرج من تماك ضارب الطبلة للي مبغاتش تقلبلو حيت تقيلة وخرج)
وليد: وصاافي انعيييمة مااوقع وااالو
نعيمة: (كتبكي) كضااربو قداامي وكتقااتلو وتكولي موقع وااللو
وليد: خويا صغير وكربييييه (شاف فشيماء) تهزي نتي لبسي مكااد وهبطي تعاوني دار عمي مي هادي راكي رخفتيلها زيري شوية
شيماء: شنو درت اخويا هءءء
وليد: غتحركي من ݣدامي ولا نكمل بيك (هربت وتبعتها سناء)
نعيمة: (جلست لاكحة عطاها وليد تشرب) كنت باغية ليك اوليدي امال
وليد: مي أمال ختي حرمت علية نهار فكر نبيل يتجوجها امال كتبقى ختي ختي وصااافي
نعيمة: عاارفة اوليدي متديش على خووك
وليد: هداك دمااغو صغير مكيفكرش داك العقل عندو غير متقل فداك الراس.. (باس راسها) نوضي لبسي وهبطي غند الناس متخافيش انا غنتبع داك لكلب
نعيمة: مضربوش اولدي
وليد: ههه لا منضربوش غير على وجهك هه كوني هانية نووضي
نعيمة: الله يرضي عليك اوليدي (ناضت مفقوسة دخلت لبيت شيماء للي كانت كتبكي وسناء كتسكتها مخلاتش ليها)
شيماء: والله اماما الا حسابلي عاارفة
نعيمة: اش عارفة يا لكلبة اش عاارفة
شيماء: واالو واالو انا مكلت واالو علاش كتردولي كولشي
سناء: صافي اخالتي الله يخليييك هي راه مقصدت واالو
نعيمة: لبسي حوايجك وهبطي سناء بنتي متهبطيش نتي راه مزال رجلك كظرك انا سبكت ولا عرفتي مبقات فيك تيقة (تسناتها تلبس وبالخوف منها مدارتش لمكياج وملبستش حتى ذهبهل وهبطت من مور مها...)
أمال: (واخا صابحة على كلام مها للي رجع سم الا مبقااتش كتركز معاها تغبن وتبكي وتقوول علاش انا ولات تسمعو من ودن وتخرجو من لودن لوخرا ممسوقااش.. كانت كتهضر مع مريم للي كتسنى راجل عمها يجي يديها لكوافورة) هههه متخلعيش الحمقة
مريم: والله اختي الا خاايفة
أمال: متخلغي واالو كولشي غيدور ان شاء الله مزياان دابا فكري غير فمكيااجك
مريم: ههه كالتلي مانا كحالياي فوجهك بالخلعة
أمال: وظااكشي باش كلتلك متخلعييش
فتيحة: (باغوات) أماااااااال
أمال: ياله باي باي ماما كتعيط بلاتي ونصوني عليك (قطعت عارفة زهير هو للي مصيفط ليها سوايع ولكونكسيون ودايرة عين ميكة مشات عند مها للي كتندب باش تشوف معاها فين لمضمة ديالها قلبت معاها وهي كظحك فخاطرها منين كتسمع ما كتقوها سرقتيلي مضمتي لقاتها وعطاتهالها وخرجت بحال ممسليااش لكلامك)
نعيمة: بشوي على لبنت راك عيقتي معااها
فتيحة: وااا غير التلفة مع العرس
نعيمة: باااز... (كان كولشي مستف كولشي مقااد جلسو فااصالون كيشربو أتااي) غتديو لهدية داابا
فتيحة: وااه نديوها ورجعو حتى الليل عاد نروحو لعندهم
نعيمة: والله احسن مدرتو انا داك نهار بقيت شادة معايا بناادم وتهلكت
فتيحة: اوا فعرس وليد ديري هاك هههه
نعيمة: اودي غير كنهضر نهار لكبير عندي هو عرس وليد
فتيحة: اوا لبنات عطا الله وعلى عينيك (على امال)
نعيمة: نهار ينعتلي نمشي انا ݣلتهالك داك نهار منتدخل فحد حدي نعاونهم برضى ودعوة الخير وندير عيالاتهم بناتي... (((سمعو الغيييطة)))
فتيحة: (تفافاااات) ها هوووما ها هووما جاااو نوضي يا نعيييمة (لبسو جلالبهم وقادو الحالة... غيمشيو غير الناس لكبار جات امال كتجري مع مها وكتمد لخوها علي صباسل الحلوة للي مستفين بلا لكوربات ديال الخضرة والديسير للي مستفين فلكرووسة عاد حولي على قدو فهووندة وبداو يخرجو فجهااااج)
هند: والله حتى تمنين نهبط معااهم نشوف داك المنظر
أمال: صبري شوية ونطلو من السرجم
هند: اجي معرفتيش واش زهير جاي
أمال: الاااااا واش هبيلة هو مكيحملش محمد هههه
هند: وييه غيكون معرضووش (مشاو كيجمعو الدنيا كانت مزالة مقااادة) هانتي هنا جالسة بووحدك
شيماء: واش نتي مصاحبة مع زهير؟
هند: ونتي مالك بانتلك فيه حتى هو
شيماء: متزيدينييش حتى نتي (صونات على انوار واالو مجاوبش دخلت للفايس لقاتو لايح تصويرة باينة جالس فقهوة مهم حاط حداه قهوة ومبين شوية ديال لبحر رجعت صونات) اللو أنوار فيينك
أنوار: عاود اشيماء
شيماء: وغيير احبيبة بغيت نعرف شفتك لايح تصويرة فلفاايس واش نتا حدا لبحر
أنوار: واه ياك كلتلك غنسافر
شيماء: ااه وجبتو السلعة
أنوار: ماازااال
شيماء: اممم واخا
أنوار: ياله حبيبتي بسلامة شوية ونصوني راني جالس مع رجال دابا
شيماء: بسلامة حبيبي...
أمال: هههههند ههند (جات هند كتجري حلات السرجم وشدااتو أمال سدااتو..) أحاااي متعيقييييش أصاااحبتي (حلو لفدريش غير ديال السرجم بشوية وتلاسقوو ريووس كيتفرجو فلغيااطة وفجهاج للي كيبان زوين مستف فلكراارس ولعيالات دخلو لطموبيلات زادت لهدية شوية ورجال اللور شهقت هند)
هند: (حلت السرجم وشيرت بصبعها) شوفي شووفي شكوون هههه والله حتى عرفتو غيجيي
شيماء: (مشات للسرجم لاخر وبقات كطل هي وشي بنات)
أمال: (اصلا قشعاااتو منين محمد كيظحك وعطااه عصى غليضة ودخلو لوسط.. كان لابس شوميز فلبيض وسروال كحل لاطوال فوقو جاكيط كان كيحرك فكتافو مع ايقااع طبل والغيطة وكيشطح مع وليد ومحمد غير بشوية ورزاانة هند كتشوف فأمال حتى دفعت سرجم تزدح مع الخيط هز زهير راسو للي راد لبال مع سراجم دغيا جبداتو امال وخلاتو ريوسهم باين)
امال: ههه واش حمقة
هند: خلييه يشووف هههه
زهير: (حبس لغياااطة وجبد 200 درهم من جيبو) هااادي لخوونا ولمولاي السلطان محمد من بلاد الشييح الرييح وتسقط وسمع هادي وتمعن.... اييييه ولااا ينفع صبر عليييك يا كحلة العاااج .. كنتي طردييني وزاد يا سرب الاااااام بحر عشقك من بكري هااايج وانا غرقت وسط المالح اسقيييني واسقييييي وليييد الله يفرج وزهير الا غااص مسكييين مسااامح... (بدات الغيااطة وطبل كيضربو وووليد ضرب بعصااتو لعصى زهير)
هند: مفهمتش مزيااان ولكن لميساج راه جااي ليك نتي دييرييكت ههه
أمال: (كتفهم شوية فتبااارح تبسمت وسدت السرجم) سكتي سكتي...
زاد موكب العرس دايين لهدية لمريم رجال بقاو تمااك ممشاوش غير هز عينو بانتلو كطل تخنزيرة منو جبدت راسها خاايفة وجلست فين كاع للي كان كيطل جاالس زفرت كااارهة الوضع
شيماء: ياااربي فوكاش ننمشي لدااري ونتهنى من هاد لمعقدييين (شافت شي بنات كيشوفو فيها هزت نيفها لسمى بتكبر ومشات حدا أمال وهند للي كيظحكو) بقات غير ساقرة ممتيقاش هي كااينة فعرس محمد من نهار عقلت على راسها وهي عارفااه كيبغيييها وغير من ابتسامة منو كتخليه كيتبسم ويبقا فااهي فيييها ودابا ها هو عرس غير جهاااج كان واااعر متقدرش تعتارف بهادشي قداامهم ولكن كان زوين بلا لبيت للي دخل فيه كولشي جديد وعصري حتى من لكبص قادو بضوااو أنوار عمرو قالها بغيت بيتنا يكون كدا وكدا....
هند: قوليلي شنو قال فديك التبرييحة راه فهمت منها غير 200 درهم هههه
شيماء: (دغيا نسات مشكلتها) انا نفهمك شنو كالك حبييب لقلب
هند: ههه قولي
شيماء: مهم على للي فهمت مبقاش قاد يصبر بعييد عليك الالة وهو غارق فبحر عشقك مهم هااكا.. عجباتني التبريحة ولايني مسخووط قدامهم ومكيحشمش
هند: وشنووو هدااك هو الفارس المغواار للي تكوني معاه ومتخاافي غير من للي خلقك
شيماء: هههخ واش غيخطبك من عندنا
هند: علاش اختي بنت ليك مقطوعة من شجرة وزايدون بحالو منحتاجش عاد يجي ويخطبني غنخطفو نيشان لعدول ههه
أمال: هههه مكتحشميييش
شيماء: انا ويااك امال مالقيناش للي يدير علينا هاكا
أمال: هااء وداك لبغل ديال خطييبك مغيديرلكش هااكا لا لا سمحيلي الا مبرحش عليك غير خلي زبل لمووو
هند: هههههه
شيماء: ها ها ها قتلتيني بالظحوكات حتى انا دايرة راسي فبايرة (وقفت هازة خنافرها مخلية لبنات كيظحكو عليها)
هند: شنو بانلك السيد قداام العالم قالك كنبغيييك
أمال: (تبسمت) معرفت اختي كفاش واحد بحاالو يبغيني وكيدير هااك وكداام خويا من لفوق
هند: اه انا على قبل هدا والله منفكر تانية
أمال: (بتنهيدة) معرفت اهند
هند: تقدؤي تخيلييه مزوج وحدة اخرى؟؟
أمال: (بحزن) لاااا ميكدش
هند: ههه وعلاااش ميقدرش شوفي غير خووك راه كان كيتسطى عليها ومن صغر وفرمشة مشا خطب ودار لاكط ودابا ها هو معرس وقدام عينييها
أمال: زهير ماشي بحال محمد زهير راه راااااجل
هند: ويينووو على راااجل هههه بغيتو يسمعك بربي حتى يبقى يبرح ويشطح من هنا لصباح هادشي الا ممشاش جاب لعدوول هه
أماال: نوضي نوضي نجمعو الدنيا
هند: ها هي ناايضة يا لاطيف شغلكم واش كيتسالا كاع منحتاج ندير شي ريجيييم
أمال: اختي غير سمحييلي صافي سيري جلسي
هند: وزززمر مكتعرفيش الظحك
أمال: وراه بالصح منين جيتي ونتي فتمااارة
هند: ونتي ماالك انا عجبااني هاد تماارة (ناضو جمعو الدنيا وأمال مسحت لكيسان ووجدت صواااني باش منين غيجيو غيبغيو يشربو أتاي ستفت الحلوة وقدات كووولشي شيماء طلعت لدارهم للي كانت خااوية حيت سناء داتها معاها نعيمة كبرة ليها.. بقات غير جالسة بوحدها حست بنغزة فقلبها وقرنت حواجبها بغضب ممزوج بحزن صاافي اليوم محمد عمرو يولي يفكر فييها ولا حتى الا فكر صااافي هو رجع ديال وحدة اخرى شافت فتيليفونها من 1 أنوار مصونااش ودابا 6 دلعشية اصلا مبقاش كيصوني بزااف حست بغمة فقلبها كبيرة ناضت مشات لبيتها بدلت حوايجها وجبدت التكشيطة للي مشات كرات اخر مكاااين وفاللون لبيج دارت شال مذهب ودارت ذهبها كولو وقدات مكيااج زويين ولكن ممعيقش مدارتش لعكر حتى يبغيو يمشيو حيت خوتها كيفهمو غير لعكر رشت بارفاانها وبقات جالسة بحزن) دابا انا علاش طالعلي الدم يااك انا للي سمحت فييه (شيطانها) واش نتي كديري مقاارنة بين انوااااار وبين محمد!! (عقلها) وفينو هاد أنوار (شيطانها) خدااام مهم هو ختارك نتي وباينة تحدى مو للي مكتحملش الشعرة فييك... (زفرت ناضت هازة كااب وهبطت لتحت مخلية كاع لبنات حالين فمهم فييها وهي غير هزة مشقووفها ومتبعة اخبار انوار شكون جيمااه وشكون كومونطا لييه....)
محمد: (كان بسلهاامو كيحرك براسو لأي واحد بارك لييه.. مشا عند وليد وزهير للي واقفين بعيد كيتحددتو وزهير كيكمي ومتبع كلام وليد وقف حداااهم داير عين ميكة على التبرييحة للي باينة لعمى علامن مقصوودة..) مرحباا ببا زهير
زهير: (لاح لكاروو عفس عليه) باش متشدش فيك الريحة..
محمد: لا لا خود رااحتك العزيييز ياله طلعو للدار
زهير: لا بلاش غير خلينا هنا
محمد: سموو زعما حيت مجيتش لدارك غتردلي الصرف
زهير: هه لا لا حااشا واش حنا دراري صغاار وكان مكنتيش عزييز منجييش نفرحك معااك
وليد: (تبسم وفنفسو كيقول.. الله يمسخك واش جااابك محمد)
محمد: ويااله طلعو لفوك (شاف زهير مبغاش يطلع) وياله اصااحبي كبر عقلك انا داك نهار غير كنت معصب
زهير: (مكانش باغي يطلع ولكن عارف محمد مجاش على حساب شيماء وبراكة غير داك نخار جيست ديالو منين مرضت مو وجا باش يشوفها وعاد هو خو حبيبة لقلب كنا قال وليد مخاصووش يشد لعناد باش ميكوونش خصاام كبير) واخا سيدي (طلعو ودخلو للصالون للي جاي مع الدخلة لقو شيماء جالسة تماااك بوحدها دايرة رجل على رجل وسااهية غير شافتهم وقفت ومحمد قلب وجهو بحال كيقلب على شي حد ووليد باشارة زعما نوضي خرجي تبسمت مع زهير وظازت حدا محمد فين خلات ريحتها للي دغلاتلو حتى لمصاارن)
محمد: دخل اخااي زهير مرحباااا (دخلو جلسو كيهضرو على الخدمة.. شيماء طارت لبيت فين كاينة أمال كتقاد طلامط وهند كتبرد ظفارها بلمبرد)
هند: هاي هااي لبستي نتي كااع تكشيطة غزاالة شيماء نسيتي راسك وحسابلك نتي هي لعروووسة
شيماء: (بافتخار) ورااني فحكم عرووسة وزايدون للي لبستو كيجي معاايا (ميقت فيها هند) مهم زهير راه فالصاالون
هند: وشنو بغيتيني نديرلو
شيماء: امممم علية حطيلهم بعدا غير كاس أتااي انا مصالحش حيت كاينة داك زمر دوليد
هند: اممم واخا أمال دخلي من مورايا الحلوة هه
أمال: ههه سيري بعدي مني نتي (مشات هند قدات صينية واتاي أمال كانت ملقمة لبرارد ولما كيطيب حيت لوخرين راهم جايين كملات تعمار اتاي للي تعلماتو معاهم وشيماء هزت بلاطو من الحلوة)
هند: غتجي معاايا
شيماء: وشنووو نخليك بوحدك
هند: بااز (لوات الشال عليها وقريت حناكها حيت نقطة دلمكياج مكيناش فوجهها وزادت تابعاها شيماء للي لابسة طالو وكتمشي غير بشوية على حساب التكشيطة للي طويلة دخلو للصالون وهوما يسكتو محمد غير شاف شيماء جاية قلب عينو لهند ونتض شد عليها لبلاطو للي باينة جاها تقيل حيت جايباه كبير هاز 30 كاس وهوما بيهم غير 3)
محمد: ختي هند محنااك معانا
هند: لا لا خويا بلعكس الله يتمم كولشي على خيير ويتبت غرسكم ان شاء الله (وليد شوفاتو ديال واحد نعجب ومقادرش يحبس عينو عليها أما زهير كيقلب واش غتبان التالتة للي تلاتلو معاها ورجع بحال مرااهق ساعة غير لهوا حطت شيماء لحلوة وهزت عينها فمحمد للي والو مكيشوفش فيها كان داير تحسينة زينة ومطراسي اللحية للي كانت خفيفة ولكن اصلا حروفو كوحل عاد السلهام مبينو فشكل قلبت عينها وخرجت من مور هند ممسوق ليها حتى واحد مع خرجو من الصالون دخلو لعيالات مجمعيين وفتيحة دخلت نيشان للكوزينة لقات امال وشي بنات خالاتها مجوجين للي كيستف الحلوة للي كتعمر اتاي وللي كتسخن ملاوي حطو داكشي لعيالات ورجال للي لتاحقو بداك التلاتي كلاو ولعيالات للي ناضت تلبس ولي كتقاد راسها فتيحة دخلت لبست تكشيطة الي كانت خيطات وقادات راسها بذهوبات وسوكت فمها ودوزت خط ديال لكحل على عينيها أما امال كاع لبنات لابسين تكاشط زوينين الا هي للي لابسة قفطان هادي موبرة فلكرونة خياطة ساامبل حتى من هند كرات تكشيطة زوينة)
هند: حتى مك راسها قااسح معندها معنى حتى تجوجي عاد لبسي تكشيطة عقلية ديال لخراا
أمال: الحمد الله بعدا على هاد القفطان ههه (دارت كاب كحل فروور كراتو ليها هند وكيتشد باكسيسوار زوين فيه حجيرات فلكرونا لبست شربيل فلكحل وقاداتلها هند وجهها مزيان مضرقة ليها اي طاش ولكن مباينش ميان من غير باينة دايرة اي لاينر مع مسكارة وعكر خفييف ماط جات زوييينة بزااف اما هند اليوم حلفاتها فولييد.....)
محمد: (واقف قدام لمراايا لابس كوستيم ديالو ودار فوقو سلهام كحل انييق تفكر شيماء للي لعشية كاملة وهي كتبان قدامو مقاادة ومأنتكة نفض هاد الأفكار للي لسقو فباالو ومبغاوش يمشييو ولكن فكرة للي كيحاول يدخلها وبالسيف على الطنطوون ديال طنطوون راسو اليووم عرسو ومربم رجعت مرااتو وأماااانة فعنقو... رش من ريحة للي جابلو وليد ودهن لحيتو للي بانت لامعة مع ريحة ديال العود خطييرة دار خاتمو لأول مرة كيديرو دخل عندو وليد للي نو لوزيير دياالو)
وليد: اححح شهييتني فشي عراااسية
محمد: ههه اوا زعم متخلينيش مزطم بوحدي فهاد الليلة
وليد: ههه علاش لا!! بانلي ݣاع ولاد غازي غيتجوجو هاد العام ههه..
محمد: لمكتاب.. يااله نمشيو (مع خرجو مع لعيالات بداو بصلا وسلاااام صدمووه بحال كانو كيتسنااوه دار تبسيمة خفييفة فشنايفو ومسا حدا رجال للي نااضو وكولشي هابط لتحت.. فتيحة شافت بنتها مقااادة عصرت شنايفها كتحلف هبطو كامليين كيشوفو فين يركبو وليد سوارت طموبيلة هند بقاو عندو من نهار جاو شيماء متبعة محمد لقاتو ركب فراانج كحلة خطيييرة مزوقة بالورد تبعت مها للي جراتها ومشات ركبت مع باها ومرت خوها وماين سناء.. أما لبنات مشاو يركبو فطموبيلة هند للي جالس فيها زهير ووليد ياله غتدخل امال للي حشماانة حتى سمعت)
على : أماااااال (مشات عندو دغيا متبعها زهير) طلعي ركبي لمك هنا (بلا متهضر طلعت جلست اللور مع شي شي عيالات العائلة حيت عارفة هادو اوامر مها حيت محمد رجع محتارم هند بزااف عكس علي للي لمح لفتيحة يتجوجها ونوضات عليه رويينة حيت هي سلݣووطة ومتصلاحش للعائلة.. مخلي زهير قارن حواجبو عليه ولكن ممنحقووش يهضر هند تأفأفاات ودخلت ركبت اللور...
هند: كنت باغيااها تركب معاانا
زهير: معليش خوها أولا.... هاد الساعة
وليد: معليش... تحرك الموكب كيطوطو بالطموبيلات ضارو دورة فلمدينة هاد مشات لدار حناين امال للي ماتت حيت الدار كبيييرة ومصلوحة عكس دارهم للي صغيرة وعلى قد الحال.. هبطو بزغااريت ودخلو لداخل فين كانت مريم لابسة تكشيطة فلبيج ودايرة فولارها ومن لفوق فواال مغطي على وجهها دخل غيرهو متوتر تحت انظار لعياالاات وجلس حدا مريم دخلت مصورة صورااتهم بجووج أما هو كما خبراتو مو للي كتفرتس ومفتاخرة بولدها حايد لفوال على مريم وباس جبهتها كانت زوييينة بزااف.. ناض من تماااك دغيا دايرين بيه مو وخالتو خايفين من شي تقااف يلسقووه فيه.. ناض من حداها عاد زفر عمرو جلس وسط مجمع لعيالات لا وعاد يبوس مرتو وهي لمرا الوحيدة للي كيبوس جبهتها هي مووو حس بإحسااس فشكل وهو خارج صير شوفت شيماء ليه للي كانت محيداتش عينيها عليه قلب عينيه هاز حاجبو لقا وليد وخوتو على برا عاد رجعو لعيالات هو دخل للصالون فين كاين رجال ولعيالات راهم ناشطييين.... ناضت مريم بدلت مرة اخرى وقبل مدخل مشات لبيت صغير كانو مقادينو بجلسة من عند لكوافورة وفتيحة مشات رغبت وزااوكت محمد باش يجي يتصور مرتاح حتى لقا غير مريم بووحدها بلبسة اخرى دار صواب معاها تبسم فشي تصااور)
محمد: صاافي!! ولا مزال نزيدو نتصورو
مريم: (غتمووت بلحشمة وهاد منين كتفكر بقاات شي ساعة ولا جووج كاع ويدخل عليها كتزيد تخااف) لا لا شكرا براكة.. الله يخلف عليك اخويا
محمد: هههه كتعجبني فيك هاد خويا
مريم: (غير ظحك فرنست بوحدها كتشوف تبسيمتو للي زويييينة ونااااذرا فااش كتشووفها فيييه)
محمد: انا غير معنديش مع هاد الجو وصاافي الا بغيتي تصوري عاود ݣوليهاالي ولكن بلاش فالصالون
مريم: هه (تبسمت) شكرا
محمد: انا مشييت (قرب لودينها شوية) جيتي زويينة.. (خرج مخليها غتسخف بلفرحة دخلت حدا لعياالات ونوضاتها هند وأمال وناضو لبنات كيشطحو ودايرينخا فلوسط فرحااانة بعرسها وعرييسها وبكووولشي...)
فتيحة: (مشات بدلات هي وختها ولبسو وجدياات خيطو بحال بحال غير لوان مخاالفين كيرحبو بعباد الله حطو لعشا للي كان تلاتة دجاجات فطبسيل ولحم مزوق بلبرقوق وللوز عادي الديسير ولمونادا كملو ومريم مشات تبدل دخلت عندها امال وهند كانت كتلبس لاغووب)
هند: جيتي زوييينة احبيبة الاه يكمل عليك بلخير
مريم: الله يبارك فيك اختي عكبالك (تبسمت مع هند مفهماش خالتها للي قالتلها راها منزياناس سلكوطة وبغات دور بمحمد كملات ليها النكافرة اخر روتووش)
أمال: هند صوريني معاها قبل مدخل (تصورو بتلاتة ودارو سيلفيات كيظحكو مخففين على مريم للي ولات كتشدها لبكية خرجو بيها بصلا ونبي كان محمد حدا باب الصالون قبل ميدخلو بقات كتصور فيهم المصوييرة عاد دخلو يديرو روتين لعرااسات خت مريم عطاتهم صينية فيها زلايف طاوس فيهم حليب وزلافة صغيرة فيها تمر معمر بحشوة اللوز شربوه لبعضياتهم وكلاو تمر لبستها الخااتم تحت زغاريت رد ليها لفوال وبداات تبكي شاف للي قدامو كولشي كيبكي وكيسكتو فمريم طل على مريم لقاها كتبكي بشهييق دور يدو علييها كيهمس لييها)
محمد: صاافي راه الدار حدا الدار وتبارك الله على خالتي راه مكتخرجش من عندنا ههه وصاافي ابنتي
مريم: (ظحكت فوسط بكاها وشافت فيه ولمصورة خدامة كتصور وطلعات ليهم أحسن تصويرة جا مها تعنق وخولاتها خوتاتها كولشي كيعنق الا امال معندهاش مع هاد الجو اصلا فاق الشيء لا يعطييه مكتعرفش تحزن معاك ولكن باش تعبر مكتعرفش من غير هند... خرجو بيها وموسيقى ديال لغيطة برااا وكتكون موسيقى خااصة بلعروسة منين كتخرج من داار بااها سميتها لاكليك (بغيت نوريهالكم ومبغاش يتقادلي لفيديو) كانت موسيقى كدخل فالصميييم ركبت مع محمد كتكمل بكااها وهو كيسكتها شيماء غير كتشوف مرة تنهد مرة تزفر وخصووصا فاش عنقها كولشي ركب فطموبيلات طموبيلة فتيحة وشي جوج سبقو للدار للي كانت حداهم باش يوجدو ولوخرين ضربو دورة خفيفة من لمديييينة مع وصلو طلع محمد دروج وكاينة مو لابسة قفطان موبرة كولو منبت وهازة صينية فيها حليب وتمر ومريشة ديال ماء زهر دخلو تحت زغااريت رجال بقاو لتحت ولعيالات طلعو لدار نعيمة شيماء بقات غير كتشوف كتحس باحساس خااايب لدااخل وكتكذب رااسها بانها مكتحسش برغبة فلبكى... أما محمد ومريم دخلو لبيتهم ساديين علييهم فهاد اللحظة أمال باوامر من مها باش تجمع طباسل ديال الطاااوس وبكترة لعيا هزات امال ستة دقا وحدة كلار باش جات تخطي تعترت فقطانها وطاح كولشي من بين يديييها فتيحة طرطقة عينها حتى قرب مومو عينيها يخرج خبطت ففخاضها)
فتيحة: ااااااااااوييييلي هلى بنت لحرااااااام
أمال: (نشف ليها لما فركااابي مع كانو غير بجووج شكون يفكها) واللع مدرتها بلعاني أم.. (جات مليوحة عليها طيرات ليها الشاال هربت امال لوسط الدار تعطلت بسدادر جات فوقهم وتابعاها فتيحة كديرلها اشارة تهضري نذبحك وفيدها تيو دلبوطة للي غير شافتو أمال تسعرت هزت وسادة صغيرة دارتها على وجهها وحمااتها لغواات قبل مضربها فتيحة ولا حتى تقيسها كتغووت وتزييييد خلات فتيحة كطليها غير تسكت ولوخرا طلقت حلووقها مزيان)
فتيحة: سكتي سكتيييييي (هنا خرج محمد كيجري لابس سروال دلكيطمة وتريكو مقلووب)
محمد: شنو واااقع (شاف ختو ناعسة دايرة وسادة على وجهها كتغوت ومو هازة تيو غير سمعاتو سكتت وشافت فييه) واش هبيلة لاش باغية ضربيييها عاااااود
فتيحة: (كتفافا) والو اوليدي دخل حدا مرتك (سمعو الدقان لباب كان محلول ولكن مبغاوش يدخلو ومنهم زهير للي عاس حدا لباب يفهم هاد لغوات للي جاي من دار أمال)
محمد: وااااا بعدي من لبنت سموو دارت كاع باش هازة تيو عليييها
فتيحة: (بلخلعة) واالو اوليدي غير سير حدا مرتك
محمد: واش ندخلها حداايا باش نتي تبعديها (هربت فتيحة للكوزينة وأمال غطست بلحشمة) نوضي طلعي لفووݣ نتي متبقايش حدااها (أمال ناضت بحال مدارت واالو وهو دخل كينكر لبيتو تلاقات بكريمة)
كريمة: شنو واقع
أمال: (بحت وضرها حلقها) والو غير التلفازة كانت مجهدة (تخطاتها وخلات فتيحة كتندب وضرب فخاضها اما أمال خرجت وزهير حظاها منين شافها مزيان مشا من تماك وهي طلعت لفوق شداها الظحكة ولخلعة خفااافت منين دافع عليها محمد)
وليد: آآآش تماااااا...
زهير: معرفت شكون هاد المعزة للي كانت تغوت...
وليد: ههه ياكما لعروووسة
زهير: (جبد كارو كيشعلو فمو نتر منو وصاااط) الا كان محمد هو للي مخلي مرتو تغوت رااه فحل ولد فحل
وليد: ههه لا لا ماشي لديك الدرجة
زهير: نتا شخصيااا مزالك فييرج باش تعرف ولا لا
وليد: هههه (ظحك جالسين صاقرين حتى نطق) من نهار جيت هنا مهضرت مع هند
زهير: فدارنا يا جدك كانت السيييبة
وليد: هههه هنا كنخليها تبقى محترمة فعينين كولشي عارف عقلية دلخرا للي كااينة باا كل شوية ها علي ها نبيل باغيين يخطبوها
زهير: ههه وااايلي اوا باالي
وليد: (حرك راسو باه)
~~~~~~~~~~~~~~
كريمة: (دخلت صفرا عند فتيحة للي كانت تخبط وطباسل الطاووس مهرسين وماشي واحد بزااف كملات الباهية وداكشي فاش شكااات) اختي شنو كااين راه غنمووت بلخلعة
فتيحة: (قربت طيح بالاعصاب وبانت فوجهها) وااالو وااالو
كريمة: (شافت فوسط الدار الضو مطفي وكولشي مطفي)
فتيحة: (سدات باب الكوزينة وهضرتهم غير بصوت خااافت) لاش هبطتي راه حشومة تهبطي هنا اكريمة
كريمة: وداك لغوات علاش بنتي كانت تغوت ياك بعينييك حضرتي تقاف محيدناه حتى عقد ولدك عليها
فتيحة: فين مشا باالك حتى نتي
كريمة: ولاش داك لغوات كاع للي لفووك كانو يهضرو وكاين للي كالت واش ملكاهاااش بنت باش ضربها
فتيحة: اوييييلعدا؟؟؟؟ راه لكلبة دأمال للي كانت تغوت
كريمة: أمال بنتك؟؟ وعلاه
فتيحة: (قالتها ولفقسة قجااها) هرستلي السلكوطة 6 دطباسل الطااووس منين جيت نضربخا طلقت زواااكتها
كريمة: (دارت يدها على فمها) الله يعطيبها مصيييبة طيرتها مني كلت غير بنتي مسيكييينة
فتيحة: بنتك راه مع راااجلها ومريم هي ميتشكش فيييها انا طالعة لوالديهم نغطيهم علاش يقلبو بزااااف علييهم مرت محمد يوصلووها حتى لظفرها
كريمة: ولاااايني هاد أماال حماارة والله ما مربيا اختي كاين للي يدير هاد لفضيبحة ونهار العرس خلات بنادم يحل فمو على بنتي ومكملاها مهرسة طباااسل (جلست فوق كرسي) الله يلكيييها لييها
فتيحة: اميييين بنت لكلبة رزااتني فييهم انا بغيتها ترزا فصحتها كما رزاتني فيها انا
كريمة: بفففف دابا يتعوضوو ليك متبقايش مفقووسة على وااالو
فتيحة: أنا بقى فية غير ولدي خارج من ليلة دخلتو باش يفرق بيناتنا مسكين هاز الهم من صغروووو
كريمة: (شهقت) ويلي على حشوومة... وضربها؟؟
فتيحة: كيدير يضربها وهو حتى تريكوه لابسو مقلبوووب
كريمة: ويلي وييلي تلقااي بنتي تكون ماتت بلخوف هي اصلا سيمانة مكلات منعست وزادت هاد الليلة
فتيحة: جمعي معاايا وكاان هادشي (جمعو داك الجااج وفتيحة قربت ريتها تخرج بلفقسة بقاو فلكوزييينة مجمعين بشوية حتى كملو جميع فتحو باب لكوزينة وخرجو سادين لباب وطلعو لعند دار نعيمة ظااحكين باش ميبينو واالو قدام العائلة للي تسنى غير تشفى فيييك....)
أمال: (مع دخلت كاع الأعين مشاو لييها دخلت نيشان للكوزينة فين كاينة نعيمة وشي بنات وحتى شيماء) خالتي نعيييمة (جات عندها نعيمة وتبعاتها شيماء باغا تعرف شنو واااقع دخلو لبيت ودخلت حتى شيماء)
شيماء: واش ملقاهاش بنت
نعيمة: حماااارة اش هاد لهضوور خرجي للكوزينة حدا لبنات
شيماء: خليني نعرف اماما وهضري نتي
نعيمة: خرجيييييي (خرجت شيماء كتصووط وميتة باغا وعرف لغوات للي تسمع) مالكي ابنتي؟؟
أمال: ههه درت داكشي للي كلتيلي غير قربت تضربني بديت نغوت
نعيمة: هههه طيرتيها منا خلعة هكااك دييك مك معرفت شنو فرااسها عندها بنية على مزيناتها ومعرفااش قيمتها
أمال: (كيعجبها كلام نعيمة معرفت هاد الرااحة للي حسات بيها واخا عارفة مغدوزهاش ليها ولكن خدااتها تحدي صاافي لحمها غيولي عزيز عندها) شكرا اخالتي نعيمة وكان ماشي لغوات وكان راه لحمي مزوق ههه بلا محمد للي خرج من بيتو عرفتي داافع علية وكالها الا مبعدتيهاش ندخلها عندي هههه ظحكتي خلاها حشمانة وهربت
نعيمة: هههه الله يعطيك الخير امال (سمعو الدقان حلات نعيمة كانت فتيحة وكريمة قشعت امال ودخلت للبيت ومع شيماء وهند كانو قراااب حتى هوما مشاو حدا لبيت)
نعيمة: وجه اللله متقييسييها افتيييحة والله وتقيسيها منبقى نعرفك
فتيحة: (بشوية) الله ياااخد فيك الحق الساايطة الله يعطييك المووت
أمال: (مخبعة من مور نعيمة) والله مدرتها بلعاني
فتيحة: (معصبة بزاف) انا بغيت ليك لموووت يا الجحموومة يا الشاايطة يا السلكووطة انا بغيت ليك شووهة عمرك تهزي الرااس فييها يا الق***
نعيمة: اوياي نعلي الشيطااااان (هند قرنت حواجبها)
كريمة: بلا متعصبي راسك اختي فليلة ولدك
فتيحة: خلاتلي فين نفرح ولاايني نيت راها غايرة من بنت خالتها حيت حتى حد محاشااها لييها لاااا وجالسة تخير بين ولاد عمها
نعيمة: فتييييييحة سسيري جلسي حدا ضياافك راك بديتي تهترييي
فتيحة: انا ماشية الجحمومة ولكن راكي طيحي بين يدييي الله يخليك تبكي على عمرك يا لكلبة (خرجت تبعتها كريمة بقات شيماء وهند كيشوفو فأمال للي دموعها كيجريييو على خدها وملامح وجهها جامديين ضارت عندها نعيمة)
نعيمة: صافي ابنتي متديهااش فييها راه ديك مك عشرة فعقل (كطبطب على كتفها) صاافي ابنتي برااكة من لبكى
أمال: (بصوت كيرجف) والله اخالتي ولاد عمي كوولهم كنحسبهم خووتي
نعيمة: ابنتي واش عاد توريني فيك راك مربية مع بنتي غير ديك مك الله يهدييها (بتنهيدة خرجت محتارة فهاد فتيحة وكان محضرتش فولادة أمال تشك واش هي مها أما هي بقات تمااك ممصدوماش من كلام مها اصلا من ديما كتقولو بقى فيها الحال حيت كولشي سمع جات عندها هند كتعنق فيها وشيماء بقات كتشوف فيها)
هند: متديهاش فييها
أمال: (شدها لحريق فمعدتها عاود مفافااهم غير زغااريت خرجت شيماء كتجري فهمت صافي محمد دخل علييها وفتيحة كتشطح حداهم وهازة تيليفون مشات من حداهم ودخلات لبيتها)
هند: صاافي ازمرة واش عاد غتعرفي مك
أمال: (حركت راسها بلا) ياله نخرجو (خرجو وأمال عاقدة حواجبها كتفكر واش غتبقى حياتها كاملة هااكا بداو شطيييح وهي جالسة عقلها هااااارب هبطت مها وخالتها باش يشوفو مريم لقاو محمد فلكوزينة هاز كاس أتااااي واقف لابس كيطمة ديالو وسااااهي حتى سمع هضرتهم وعطاهم بظهر كيكمل شريب أتااي)
فتيحة: ولدييي
محمد: اممم
فتيحة: خالتك بغات دخل تشوف مرتك
محمد: دخل (دخلت كريمة وقرب لمو) داك تخربيق ديال السروال مكاينش ومتسولووهاش علييه ولا بربي حتى نصعر (حط داك كاس اتاي وتخطاها مخليها كتسمم بوحدها دخلت تبعت ختها لقاو مريم مزالة ناعسة ولابسة لغوب بيينوارو للي شراتلها أمال)
كريمة: امدرااااا ابنتي
فتيحة: تبااارك الله على بنيتي مبرووك علييك (شافت فختها للي كتساين بنتها توريها) نساااي راه راجلها مانعها تورينا شي حاجة
كريمة: هاااء
فتيحة: اااااااوا راجلها وحكم ياك ابنتي ممريضاش
مريم: (باحراج) لا لا مزيان اخالتي
كريمة: جمعي ابنتي صباااحك
فتيحة: (ضارت عند ختها) خفتينا نسحرو لبنتك اختي
كريمة: اوييلعدا اش هاد لهضوور انا مخلعاني غير ديك اللفعة للي جايبين للدار....
كولشي تفرق وللي مشا ينعس وللي ففراشو مقادرش ينعس ومنهم شيماء للي حاطة تيليفونها شافت أنوار مصوني عليها قلباات التيليفون وبقات سااهية كتفكر فمحمد للي مبغاش يمشي من باالها أمال تحتها كاين بيت أمال للي ناعسة حداها هند باش مضربهاش نعيمة كانت جالسة وكل مرة كتزيد تحقد على مها حريق فمعدتها مقدااش تنعس بييه...
أصبحنا وأصبح الملك لله...
كولشي فاق موجدين فطوور متول وفيه كوولشي وأمال غير كتهرب من شوفات مها وقربها ليها.. حطو كوولشي رجال مفرقين لفوق فدار نعييمة فين مجموع هو وولاد العائلة وحنينو وعمامو وحتى زهير ولعيالات بووحدهم لتحت فرحانين بمريم للي لابسة قفطان موبرة غلييض بحرا كتقدر تجلس كانت هند قداتلها شعرها ودارت ليها مكياج خفييف وخلاو ليها سعرها مطلوق بحكم كاينين غير عيالات وعاد السر للي طالع علييها.. وهادشي مخلي شيماء غتاكلها بعينيييها وغير كتميق ففرحتها داز من حداهم محمد لي هبط من لتحت داز من حداهم حاني رااسو
محمد: مريم اجي
مريم: (حشمت ووقفت ناصت ودخلت عندو لبيت سد لباب من موراها)
كريمة: ههه ولدك سخن على بنتي افتيحة (كولشي كيظحك الا شيماء للي جاتها هضرة باااسلة)
فتيحة: رااجلها ولا نسيتي راااسك المغياارة هههه غرتي من بنتك
كريمة: هههه الله يمسخك (شوية خرجت عندهم مريم بوجه مصدوووم) مالكي ابنتي
مريم: غير محمد علمني نجمع حوايجي باش نساافرو
كريمة: هه وماالكي مخلووعة؟؟؟ هبييلة موافتش تساافر بلا بية وقليل أصلا فين كتسافر
مريم: (جلست مريم) لا راه غنسافرو بعيد
هند: الشمال؟؟؟
مريم: لا كالي برا المغرب
شيماء: كفاااااش (زطمت عليها مها بصابوها حتى دمعو عينها جبدت رجليها غير بالسيف)
كريمة: (كولشي تصدم شافت فختها للي باينة مفراسها ميتعاود هند كولشي مصدوووم ) فين برا؟؟
مريم: بلجيكا يمكن ولا فرانسا ولا معرفت انا وخلعني
نعيمة: لاش تخلعي ابنتي راجلك مهلي فيييك ودايك تسرااي الله يديكم على خير ويجيبكم على خير
مريم: (تبسمت) ربي يخليك اخالتي (أما شيماء غير كتشووف هاد تصرفيقة للي نزلت عليها كتر من ليلة العرس والدخلة برا مرا وحدة اصلا مكانتش حتى حاطة احتماالية يسفرها ولا عارف شي حاجة سميتها شهر العسل محست حتى نطقت)
شيماء: وماايمكنش تكوني معرفاش وباش قاد ليك لوراااق
مريم: معرفت
هند: يمكن فاش كان فوجدة 100% حيت كان مسغول كيقاد لوراق كل نهار مريوومة بصحتك احبيبتي جيبيلي الشكلاط معااك
أمال: (فرحت ليها1 واخا حتى هي مصدومة) حتى انا
مريم: ههه نجيبلكم كاع للي بغيتو
شيماء: (تخنقت مقدرتش تبقى تماك والا ناااضت غتبينها مزيااان.. أمنيتخا دخل عند محمد تغوت وتعاالا كنا مواالفة تفهم منو حاجة وحدة واش صاافي نسااها بهاد السهوولة للي مخليه يدير عرس ويدخل عاادي كأنه من زماان وهو حامق يتجوج مريم ومكملها بشهر العسل فبراااا!!! غتهبل لداخل ديالها كاين بركاااان دالغضب محااس بيه حد حتى وجهها مفااهمش كانت كتسطانع الابتسااامة والهدووء....)
يتبع...
التعليقات
لا توجد تعليقات بعد، كن أول من يعلق.