محتوى القصة
شيماء: (بقات غير ساكتة كتبكي سيلونص... جا زهير للي مكيشوفش فيها علمها تهبط هبطت حتى أمال دخلو عطاوها سوارت ومشات طلعات لدوزبام ايطاج علمها زهير باش متخرجش حتى يجيو عندها.. حنات راسها بحال شي مدلولة وطلعت نيشان للشومبر مع دخلت طلقت حلوقها كتبكي وتندب جلست فوق الناموسية كضرب فحنكها فخاضها بكل حرقة.. اما لتحت زهير وأمال ركبو فالطموبيل)
أمال: شنو دابا؟!!!
زهير: شفتك أمال وليتي ترادي معايا بزااااف
أمال: هااء لالا انا م...
زهير: ميعجبنيش تعاودي ترادي معايا الكلمة للي نݣولها نسمع واااه حيت مغتݣولش للي يضرك (سكتت زاد بالطموبيل)
غدا عندك الامتحان كولشي عندك هنا؟؟؟
أمال: واه
زهير: ياله سيري طلعي ترتاحي شوي فوكاش تمشي لفاك
أمال: مع 7 ونص
زهير: درك نجي نديك
أمال: علاش راك مقلق مني؟؟
زهير: ماشي منك منيرڤي وخلاص محاابش روحي ندخلها فهاد تخلوييض
أمال: نتا كديرها على حساب وليد
زهير: (زفر) سيري طلعي ترتاحي شوي راه مشا الحال
أمال: ونت؟!!!
زهير: انا نمشي للدار (حركت راسها باه بقا فيها الحال مقالهاش تمشي معايا طلعات للدار وهو زاد نيشان عند دار أشرف.. طلع لتماك لقاه ياله دخل حتى هو حلو لباب مع دخل لقا فراغي دلبيرة فوق الطبلة القطعة الشيشة)
غير للي يعيط على البوليس
أشرف: (مكره) غير يجيو
زهير: توݣض معايا شوي.. واش غدير؟!!
أشرف: (زفر حاني راسو ساااكت... هز راسو) معرفتش
زهير: هي خاص طلق وراجلها للي فاهم غيدير طلاق شقاق
أشرف: يعني خاصها العدة
زهير: غيدير طلاق قبل البناء هادي ما فيهاش العدة
أشرف: (بقا غير كيشوف مغوووبش حتى تبسم باستهزاء وهضر بفقسة) كولشي داز عليها وانا نهزها
زهير: باش تعاود تربط *** مرة أخرى ودخل سوق راااسك طير مطيرش نتا ماشي باها ولا خوها (حيت عاودلو)
أشرف: (مشا جلس مفرق رجليه ومقوس ظهروو.... تاااالف.. دخل زهير جلس) ودارهم؟!!!!
زهير: هو الا طول غدا غيفرتك المجمع يعني حتى دارهم غينكروها
أشرف: واشرف يوحل فيها... غير باش نعرفو هو ولدي باااش؟!!!! شكون ݣال مكانتش تلعب من مور داك نهار راه اصلا غير قبل منديرلها شي حاجة حصلتها مع شي حد من فاميلتك
زهير: الغلط منك لاش ماشي عندها!!! مدرتي اعتبار لية ولا لخوها للي كيتعامل معاك
أشرف: (بندم حنا راسو غير كيصوووط... )
زهير؛ مهم للي بانلك ديرو انا مروح..
أشرف: (بقا متبعو حتى مشا.. اما هو غير كيشوف يتعصب يتغدد يتصدم عمر تخيل الامور تمشي معاه معكسة لهاد الدرجة....)
أصبحنا وأصبح الملك لله
وليد: (باس جبهة ديال هند للي ناااعسة على طرف كتفوو وحالة فمها ودايرة رجليها على رجلو للي ممضروباش.. تبسم) هند
هند: امممم
وليد: مص القضيب حرام ولا حلال؟!!!
هند: (بحرا استوعبت شنو قاال حلات عينيها مطرطقين وشافت فيه) شنو قلتي؟!!!
وليد: (تبسم) صباح الخير
هند: لا لا قلتي شي حاجة بلا هادي
وليد: مقلت والو قلت غير صباح الخير
هند: لا لا وليد قلتي شي حاجة ميمكنش انا سمعت شي حاجة اخرى
وليد: شنو سمعتي احبيبة
هند: قول نتا ونقوولك
وليد: ههه قلت صباح الخير
هند: (نواها) صباح الخير.. (شافت فيه بإستغراب يمكن بالصح غير تهيأ ليها..) كيف بقيت احبيبي؟؟
وليد: الحمدلله على مع نعستيلي على رجلي حسيت بيها حتى هي غتلحݣ لختها
هند: بالصح!!! ويلييييي والله مديت ما جبت
وليد: (عنقها بيد تكاها على صدرو حتى قفز شوية بعدت عليه خايفاه يتعدم) معليش معليش احبيبة
هند: نمشي نوجد ليك لفطور
وليد: خليك معايا نتي
هند: ضرووري تشرب دوا باش نضرب ليك الإبرة وتحرك شوية
وليد: يخليلي لفرملية ديالي
هند: هههه وشنو حسابلك عندك زهر
وليد: (متبسم بحب) بزاااااااف... (ياله لبست بينوار خفيف وجمعت شعرها... مع غتخرج ورجعت ميل راسو فيها)
هند: خاصك تمشي طوااليط؟؟؟
وليد: واه درك النوض
هند: انا نديييك (مشات عندو كتبغي تنوضوو.. ملقى كيف يتهرب منها ناض وعاوناتو حتى وقف) تسند علية
وليد: صافي راه کاد نمشي
هند: ولا تسند علية (دور يدو على كتافها واليد التانية فيها العكاز وتم ماشي حلت لباب كان كولشي تقريبا فايق..) صباح الخير (كولشي رد عليها وكيسولو وليد كيف بقا دخلاتو للحمام وبقات واقفة)
وليد: سمو!!
هند: بول
وليد: (هاد الجرأة معندهاش نهاية) واخا خرجي
هند: نعاونك
وليد: ههه فاش؟؟
هند: ههه معرفت نهز معاك شي حاجة
وليد: (مطرطق عينو ومتبسم) خرجي اهند.. (خرجت وهي كظحك خلات نعيمة كتبسم اصلا كولشي شافهم دخلو طواليط بجوج للي معجبوش الحال وللي ظحكاتو.. بقات حدا لباب دازت شي 5 دقايق فتحت لباب ودخلت كان ياله سد لساش) هند!!!!
هند: وصااافي.. اجي نغسل ليك وجهك (جراتو بشوية غسلات ليه وجهو حتى من سنانو حكاتهم ليه بشيتة ديالها مشطاتلو شعرو وخرجاتو لصالون حدا رجال) انا نجيبلك دوا باش تفطر عاد نضرب ليك الإبرة
وليد: واخا مدااام (تبسمت عاد مشات باست لباه يدو ورضى عليها وشي لاخر تبسمت معاهم وخرجت حدا لعيالات....)
زهير: (فالمحال ديالو خدام ومعندوش عقل طمأن على وليد غير بالتيليفوون.. وصلت 12 كان غارق خدمة صونا على أمال للي مجاوباتش فاللول.. رجع صونا وشدات)
اموووول كدوزتي
أمال: (تبسمت) مزيااااااان الحمد لله
زهير: اوا مزيان الآلة داكشي للي بغينا
أمال: فينك واش حدا لباب؟؟؟
زهير: لا حبيبي مجييتش غير شدي شي طاكسي وسيري للدار ولا رواحي عندي نتغداااو
أمال: صافي واخا نجي عندك
زهير: ياله متعطليش.. (قطعت وهي كتهضر مع لبنات حتى وقف قدامهم مسؤول عن شؤون الطلبة)
فيصل: (صاحب خوها محمد لي ذكرت فبداية القصة) امال التاقي؟!!
أمال: واه انا
فيصل: (مد يدو) انا فيصل معقلتيش علية يمكن.. انا المسؤول هنا على شؤون الطلبة للي كنت عطيتك الروسي فأول العام
أمال: (جمعت يدها وحنات راسها) سلااام
فيصل: (تحرج وجمع يدو بلبلاقة) سمحيلي.. كيف دوزتي
(لبنات بعدو منها وبقات بوحدها)
أمال: مزيان الحمدلله
فيصل: شنو لماتيير للي دوزتي؟؟؟
أمال: (بقات كتشوف هدا شنو بغااا) دوزت الانجليزيه وعلم الاجتماع
فيصل: الا بغيتي نعاونك فشي حاجة مرحبا عندي ماستر فعلم الاجتماع
أمال: شكرا
فيصل: فين خوك محمد
أمال: هنا فوجدة.. سمحلي غنمشي
فيصل: صبري.. مالكي مزروووبة؟؟
أمال: تعطلت على راجلي
فيصل: راجلك؟!!! مزوجة؟؟
أمال: واه علاش؟!
فيصل: محسابليش مزوجة
أمال: سمحلي (حنات راسها وزادت خلاتو غير كيشوف ومتبعها... اما هي حمدت الله للي مجاااش زهير عندها ركبت تاكسي ونيشان لعندو.. لقتااتو مشغول طلعات المكتب ديالو جلست كضور عينها شافت الشال للي كانت عطاتولو كادو معلقو فالشماعة ديال لحوايج تبسمت... دخل عندها هاز جوج طاكوس فبلاطو مع جوج كانيطات)
زهير: زين توحشنا طيااابك
أمال: هه رجع للدار ونطيب ليك للي بغيتي
زهير: هاد الساعة غير *** للي طايب وباغي ****
أمال: (كيخليها كضور وترمش فعينيها حط لبلاطو ومشا هبط الريدو على الزاج ودار عندها متاجه وقفها كيبوووسها بشغف مكيخليلهاش حتى فين تنفس خانها بعضة فشنافتها التحتانية)
زهير: ياااا جدك توحشتك...
أمال: (فرنست) حتى انا
زهير: عييت من هاد لبعد كل واحد فين ينعس
أمال: ياك غير لبارح للي نعست عند هند
هند: ولبارح ݣليل؟!!!!
أمال: ههه (جلست.. جلس حتى هو كلاو وهي كتعاودلو داكشي دالامتحان وهو كيسمع كمل مسح يدو وجرها بشوية وهي مزالة شادة النص فتاكووس جلسها فوق حجرو) زهير درك يجي شي واحد
زهير: كملي واش كنتي تݣولي (بقات كتاكل وتعاود وهو كيحكها فوق منو حتى ديرونجاات راه كتحس بيه وقفت شادة الظحكة)
مال جدك؟!!
أمال: والو بغيت غير نعقل على الماكلة
زهير: رواحي ونشريلك واحد اخر
أمال: ههه باااز... (سمع شي واحد كيعيط ليه وقف كيقاد مسائيلو باش ميبانش وهي كظحك وتاكل خرج وخلاها على خاطرها...)
هند: خويا ادم عفاك حل لباب غندخل نضرب لوليد إبرة
اادم: واه اختي (حل لباب كان حسن) اهلان بالسي حسن فين هاد لغيوووب
حسن: (ببرود كيشوف فيه)
ادم: دخل فين هي شيما؟!!!!
حسن: علاه بالسلامة هي مجاتش هنا؟!!! (دخل هاز راسو ومعصب كان كولشي تماااك) مهم تروح وين بغات تروووح انا جاي باش نفضييييها
نعيمة: (قلبها غيسكت وخاااايفة من لفضيحة شافت راجلها للي وقف وجاي جيهتهم) دخل اولدي وفهمنا سمو واقع
حسن: للي واقع بنتك متصلاحش لية انا درت توكيل لبا فتاوريرت يدفع طلاق وبغيت نكون معاكم اخر مرة ولد الناس وجيت نعلمكم
احمد: علاه اوليدي سمو وقع عاد كنتو هوما هادوووك وفين هي بنتي
حسن: بنتك روح قلب عليها راسك (وليد كيزرب يخرج وعند كتحاول تعطلو حتى زاد برجل كيقفز خرج.. شافو حسن وليد بديك الحالة)
كما دخلنا هوا فهاد زواج نتفارقو خوووت
وليد: (كيتسناه يقول السببب) فين هي؟؟
حسن: (ياله بغا يقولو على زهير ساعة ملقى من عند زهير غير الخير عاد هو للي نبهو باش ميضيعش حياتو على موسخة)
بنتكم غنطلݣها قبل البناء ونتوما فاهمين
وليد: صوالحك يرجعو ليك
حسن: (حرك راسو باه خلا كولشي مصدوم كان باغي يبقى مع هاد العائلة ولكن رجوولتو متسمحلوش يبقى مع وحدة غذاااارة بغات تظحك عليييه ياله تم ماشي وهو يوقف ادم)
ادم: نفهو درك علاش باغي طلݣها ماشي نهار اللول بغيت جواج ودابا جاي تݣول طلاݣ
حسن: (هز حاجبو ببرود) شي حاجة بالسيف
وليد: ادم خلي السيد يمشي
حسن: بلاك ندوووز
احمد: عندو الحق يعطينا غير علاه بغا يطلݣ هدا راه جواج ماشي لعب دراري صغار
حسن: بنتكم مزال عقلها صغير وانا باغي مرا ديال زمان شي حاجة اخرى معنديش ها بنتكم عندكم كما خديتها نهار اللول والا بغيتو تديوها لطبيب مرحبااااا (كولشي سكت.. وليد كيشوف فيه باغي يفهم واش خبا عليها ولا معارفش ولا جا شي سباب اخر ولا هي دارت عقلها)
الطب تطور وغيبين واش انا اللول ولا شحاال (بقاو مطرطقين عينيهم مصدومين وهو هبط عاد رتااااح من الهم هادشي مقالوش لدارهم ومكانش باغي يقولو حتى لدارهم هي ولكن... )
كولشي بقا كيشوف جاب الله عائلة سناء خرجو وفتيحة مكايناش
ادم: سمو راه يݣووول هدا
نعيمة: (شافت فاحمد للي باين تصدم وعينيه خرجووو) سي احمد!!!
احمد: ولدي ݣاد تمشي لتاوريرت؟؟
وليد: ݣلس ابا بعدا نهضرو
احمد: (بعصبية) معندي منهضر
ادم: ولد لحراااام شوف للي ݣلنا رااجل وعطيناه ختنا (كولشي شاف فيه يا مسمعش يا مفهمتش واخا راه باااين)
وليد: با صبر نعيطو ليها تج
احمد: (خرج عينو وشاف فولدو) اليوم لعزووو ديالها اليوم دفنتها
نعيمة: (كتبكي بكل حرقة مشات هند كتواسيييها... وليد بقا وااقف مكتف معارف ميدييير هادشي مناش كان هااااارب سبا فراسو كولشي حيت وكان ماشي لكسيدة ووكان طلقها منو وموصلوش لهاد الحالة الاحساس للي حس بيه نهار اللول هو باش كيحس باه ومو مبغااهمش يحسوو هاكا شاف فبااااه عينيه خااارجين وكيحاول ميحنيييش راسو واخا غير بيناتهم باش ميتسماااش بنتو طيحات بيه انا نعيمة بكاااها حرقلو قلبو لدرجة مكرهش يبكي معاها شاف فهند داااايرة شنو خاص يدار وموفية تنهد وهو واااااقف سطااات من غير شهقاااات نعيمة.. اما ادم ظن ان باه سخط على بنتو حيت عقلها صغير.. شي ربع ساعة وهوما على هاد الحال حتى احمد ملقاش ركابي علاش يوقف وجلس ووجهو مزال فحالة صدمة غضب وانكساااار... مشا وليد كيجر رجلو وجلس فكرسي)
وليد: (بصوت مكسور) هند دخلي مي لبيت
هند: اجي اخالتي معايا
احمد: مكاين جلاس ولدي ياله نمشيو روحو لدارنا
وليد: صبر ابا
ادم: دابا فينها هاد البرهووشة شتو جاي وحدو وكفاش كما داها رجعنا وهي كانت معاه من شحال دي؟؟؟
وليد: خرج نتا ضرب دورة ولا سير دي نسابك يتغداو فشي قنت ومتجيبهم حتى الليل (ياله بغا يهضر وهو يغوت) ياله سييييير ماشي وقت باش يجيو يحضرو على هادشي
(ادم غوبش هز الساروت وخرج معاودهاش مع خوه لكبير.)
جاب الله نبيل مشا لوجدة
احمد: فضحتنا المسخووطة وانا للي كنت ديما هاز الراس
وليد: حتى دابا هااازو عارف حسن منين ݣال مݣالها لحد راه مݣالها لحد
احمد: وكيندير اولدي نعيش وانا عاااارفها سمو داارت وعارف راااجل فهاد الدنيا عااارف
وليد: (بقا سااااكت معارف فاش يفكر ولا شنو يدير وتسائل ديالو فينها هي؟؟؟؟... نعيمة لداخل كتبكي وتقول مبكاااات وهند غير كتحاول تواسيها عاودات ليها كولشي شنو وقع وحتى على لحمل للي مزالة حااااملة... )
~~~~~~~~~~~~~
زهير: (من بعد هند مصيفطات ميساج لامال قالتها لزهير)
شتي الطيراااان
أمال: بالصح معارفينهاش حاملة
زهير: داكشي لاش كنت انا نجري باش ميعرفوووش
أمال: تأ اوووف ودابا شنو
زهير: غنوصلك احبيبة للدار بقاي مع مّا معندك متروحي ديري تم انا نمشي نشوف هاد الموصيبة ونعرف واش يديرو
أمال: متمشيش عندها وحدك
زهير: امال الله يرضي عليك ابنتي واش انا غنديها فيها انا راه كنجري لوجه صاحبي وفاميلتو....
أشرف: (كان جالس مربع يدو ووجهو كيتفسر فحالة وحدة معصب معصب معصب..... وصلات نوبتو وعلماتو السكرتيرة باش يدخل.. ناض دخل وسد لباب من موراه)
أحلام: (هزت راسها) اهلااااان بالسي أشرف زارتنا البراكة
أشرف: (جلس وشاف فيها) بغيت نسول على شي صوااالح
أحلام: اه مرحبا ياك لباس؟!!
أشرف: بغيت ندير داك تحليل الأبوة بلا منتجوج ولكن بغيت داكشي قانووني
أحلام: اممم حنا فالمغرب ماشي فاوروبا يعني تحليل الأبوة الا تبتات عليك هي غترفع عليك دعوة القاضي من اول ميشد القضية غيحكم باش تزوج بيها
أشرف: والعدة؟!!!
أحلام: (هزت حاجبها) كفاش العدة؟!!!
لا لا نتا خاصني قهوة معاك انا نمشي نجيبها
(ناضت وهو بقا غير ساااااقر فكرة زواج منها ممتقباهاااش.. تمت جاية جايبة معاها جوج قهيوات حطات وحدة حداه وهي بقات كتشرب)
كفاش قضية العدة عاودلي من اللول باش نفهم
أشرف: وحدة كنت معاها تزوجت لقات راسها حاملة قبل كيدخل عليها راجلها
أحلام: وباش عرفتيه منك
أشرف: (بقا سااااكت شحال)
أحلام: سمع اول حاجة خاصك تمشيو ديرو ليكو غيبان بالظبط فوقاش حملات نتا عاقل على نهار للي كانت معاك فيه (حرك راسو باه حافضو بنهار وبالساعة)
مزيان هاكا غتعرف انها منك الا!!!!!!!!
أشرف: امممم
أحلام: اما العدة من الناحية القانونية الا راجلها دار طلاق قبل البناء مغتكونش عندها عدة او نفقة ومعندها متسالو
أشرف: (وقف) نݣد نحتاجك أحلام.. (ببرود) نتي عارفة هادشي يبقى هنا
أحلام: عيييب شنو كتعرف علية (خرج مفقوووس معارفش فين يحط الراس اما هي استغربت كتعرفو من النوع للي ديما داير الاحتيااااط... رجع للخدمة ديالو معندو ݣااانة صونا على زهير مجاوبوووش معرف ميدييير صونا على أنوار للي ديبلوكاه.. جاوبو دغيا)
أشرف: كون راجل مرة وحدة وقيلنا من لكذوووب
أنوار: غير هضر
أشرف: شيماا للي كنتي خاطب عمرك نعست معاها
أنوار: (استغرب) علاه؟؟؟
أشرف: ݣول باش نعرفوا هاد الدعوة للي رفعت عليك راه غير دخل المغرب غتشد
أنوار: (طاحلو فالنقطة للي كتخلعوو) ياك هي تجوجت
أشرف: كنتسنى
أنوار: وتمشي ت**** ديك بنت **** يا بربي لوكان لݣيتها نحر مها من لودن لودن بقالي غيررديك المسخة نعس معاها والله يحرق.. (سمع طيط طيط...
رجع صونا عليه لقاه مشغوول جلس كيفور كفاش رفعت عليه قضية.. مبقالو حتى حد لمن يهضر ويسول على راسو)
زهير: (من بعد موصل أمال راجع فطريق صونا على وليد للي مجاوبوووش عذرووو حيت عارفو فين كيدوووز صونا على أشرف للي شحال صونا عليه.. )
واشتاا!!!
أشرف: خاص نديها لطبيب نتأكد
زهير: حتى يطلݣها راجلها
أشرف: خاص نشوفها اخويا زهير نهضر معاها
زهير: تسناني ݣدام اوطيل **** (قطع ونيشان لتمااك عندو من بعد شي نص ساعة كان حداه هبط)
ياله نطلعو.. (تبعو طلعو عندها للشومبر دقو وبقاو كيتسنااو حتى حلت كانت صفرااا وحااالتها حاالة.. مطولش فيها الشوفة)
حسن راه ݣال لداركم كولشي وغيطلݣك
شيماء: (شهقت كتبكي صااافي عارفة النهاية كغتكون مع عائلتها بقات كتبكي وهوما كيشوفو فيها)
أشرف: شحال عندك من شهر (مكانتش كتجاوب عارفة مها باش دابا كتحس باااها اما حتى وليد شااافت وغيكون كتر ندمت ندمت ندمت ومنفعااتها نداااااامة)
وهضري شحال عندك من شهر
زهير: خليها داابا وسير جيب ليها متاكل (شاف فيه أشرف) واااه غتجييب راه حاملة بولدك (شاف فيها) عنداك تخرجي منهنا حتى نعرفو واش غيطرا معاك
(زااااد وخلا أشرف كيشوف فيها وهي كتبكي... محركات فيها وااالو مكرهش يكمل عليها)
أشرف: زيدي معايا نمشيو لشي طبيبة
شيماء: (كتبكي بشهيق) عفاااااك خليييني راه للي فيا كافيني هء هء هء
أشرف: (بحقد) انا بغيت لمك العذااااب كما راكي معذباااني فحيااااتي ولكن شووووو باش يحلفووو رجال والله حتى ندمك (زاد مخلييها تبكي وتقول مبكاات... بقات هكاك فديك الحالة لباب محلول عليها وهي كتندب حتى تلاحت بلاستيكية حدا رجليها كان هو سد لباب بالجهد ومشا....)
~~~~~~~~~~~
وليد: (كولشي مصدوووم وكيفكر... هو غيطرطق من الشووووهة للي شحال وهو هارب منها ناض كيعرج من بعد مألمو منظر باااااه للي باين انه واكلها واخا كيبين القوة..
مشا حدا مو للي لداخل كانت دݣات ليها إبرة باش تكالما ونعست ودموعها فعينيها.. زفر)
كبقات؟!!!
هند: الحمد لله على كولشي
وليد: شفتي علاش كنت نجري
هند: تأ معرفت منقوولك أوليد وباباك؟!!!
وليد: انا نشوف معاهم يمشيييو لتاوريرت ونزربو طلاق غير تبان ديك الكلبة فين مشات
هند: (مشات حداه دار يدو على راسها) اجي ترتاح شوية راه مخاصكش تجهد على رجلك (جراتو كان باه مزال جاااالس ومطرطق عينيه بقا فيهم دخلاتو لبيت جالسين ساكتين مكاين ميدار ولا يتقااال...)
حسن: (كان خدام فالمكتب ديالو وعقلو طااير حتى سمع كاين شي تدريب مفكرش جوج مرات مشا قيد سميتو كان التدريب فالحاجب لمدة 3 شهور كان غرااضو هو يبعد من مدينة وجدة للي كارهها حاليا.. دارو هي التالية مقادرش يدخل ليها.. كمل خدمتو خرج صونا عليه باه بداك الموال ديال حشومة وعلاش طلق وهوما ناس مزيانين حتى طرطق)
واش مزال مدفعت طلاݣ؟!!!!
الاب: اولدي نعل الشيطان واش نتوما حتى قرب عرسكم
حسن: اما حسن قبل العرس ولا من مور العرس وانا ديك لبنت هي للي منجوجش والا سمعت أبا نتا ولا ما ولا واحد فيكم عيط لديك العائلة وبغا يرووونجي وجهي متعاودوش تشوفوووه
الاب: لا حول ولا قوه الا بالله العلي العظيم.. اولدي غير ݣول علاه؟!؟
حسن: هكاك أنا مبقيتش باغي نتجوجهاا واش بالسيف متفاهمنااش انا باغي شي وحدة بعقلها وهي برهوووشة وبلا ماݣولي دارهم انا غنتجوجها هي ماشي دااارهم ودابا ابا سير دفع للمحكمة
الاب: راني فيها جيت مع ولد خالك وريل ليهم طلاق واخا حشمت نوري ليهم وجهي
حسن: هوما معليهم والو وحنا معلينا والو.. والحمدلله منين وݣفت هنا جيب من عندهم سمو حكمت المحكمة
الاب: واخا وليدي الله يهديك وصافي
حسن: الا بعدت منها غنكون مزيان (قطع قلبو ضااارو ولكن عقلو كارهها هي مكيناش فدارهم ومكيناش فدارو معرفش فين زادت مشا لدارو لقا زهير كاين تماك تأفأف)
ياك لباس؟!!
زهير: سمع انا راه ماشي ضدك لوكان كنت يانا منعرف واش كنت ندير.. انا بغيتك مضيييعش فلحباسات
حسن: علاه راك دخل راسك فهادشي ونتا بعيد عليه
زهير: صاااحبي وليد راه خووويا الا جات الموت نمووووت معاه.. نتا عارف وليد مزيااان راه كان يظل يشكر فيك وفرحان بهاد نسووووبية
حسن: (زفر قالب وجهو) مكتابش
زهير: مهم دارهم راه وم..
حسن: وسمو بغيتني نردها؟!!!
زهير: لا
حسن: للي علية وغنطلع معاها راجل كما ݣلتي على حساب وليد للي شفت معاه غير الخير سباب طلاݣ مکلتووش شي سيمانة وتخرج براااتها يردووولي نص رزقي للي خسرت عليها اللهم يمشي لبنت الناس ولا يبقى ليها.. الله يرحم بيها الواليدين ݣولهالهم
زهير: ريض... حتى حد مفخبارو عارفني شي لعبة ومبغيت حد يعرفني اما رزقك راه غيرجع ليك
حسن: اممم.. الله يعاون (طلع فحاالو وزهير معرفش أشرف شنو دار والا مابغاش يتجوجها غينوض صداع اخر.. ركب فطموبيلتو ومشا لخدمتو داز نهار هكاك لا جديد...)
~~~~~~~~~~
الغد ليه فصباح كانت صايݣة متبعة طموبيلة ديال ادم
هند: ماشي وكان بقينا فوجدة حسن؟؟؟
وليد: هند !!! (شافت فيه ودارلها إشارة بعينيه على مو للي جالسة اللور ورداها على عينيها)
هند: (تأفأفت من لداخل ديالها مباغياش تمشي لتاوريرت قادة تقابل وليد بووحدها فوجدة وفنفس الوقت إقناعو خلاها تبغي حيت مبغاش يخلي واليديه فهاد الحالة بووحدهم وحس براسو خاصو يكون تمااااك واخا واحد العقل باغي يعرف غير راها ختو؟!!!!!!!! ....)
الحاجة: (كانت فسطح كدير شي خلطة لأمال فشعرها (حبة الراس والقطران) وجالسين كيتعاودووو)
مسكينة نعيمة بقات فية
أمال: واه حتى انا بقات فية
الحاجة: وفيها درك بنتها؟!!!
أمال: معرفتش
الحاجة: أليكي ابنتي تمشي ترافݣي معاها راه داك لمݣنوي عندك يدير فيك شي غرييييبة
أمال: اودي انا شحال هادي غسلت يدي عليها
الحاجة: ياكما أنوار هو للي ظحك عليها
أمال: معرفت امّا
الحاجة: (كتموت على لحفير ولمعاودة.. ياله جات تهضر شافت الكاملة طلعت حدااهم.. أمال شقلبت عينها قالباااهم لجهة الاخرى)
الكاملة: (خيبت وجهها من الريحة) الݣطرلان؟ واش راكي ديري الحاجة
الحاجة: والو كنݣاد لبنيتي شي حاجة
الكاملة: اممم ݣولي فيه لݣمل
أمال: (خنزرت فيها وهي كتهضر جلست حداهم) هي نتي للي درتيهلي
الكاملة: غير هبيلة وناضو يجوجوووك
أمال: (قفزت وقفت وبقات كتحير فوق راس الكاملة) ها لݣمل ها لهبييييلة (بعصبية) واش مبغيتييييش تبعدي مني اديك الز***
الحاجة: (جابت ليها الظحك) اويييييلعداااا أمااال وااااماااال
الكاملة: (بعدت كتنفض درتها) الله يعطيييك مصيييبة يا بنت لحراااام وااا عقلي الا خليييتها فييييك
أمال: واااسيري تخراااي بقاي حاضيااااني يا الشااارفة سيري حضي راااجلك للي بغا يتجوج علييييك
الكاملة: وراكي تسمعي فيها الحاجة؟؟؟؟
الحاجة: واش متفرقيش طريݣها الكاملة لبنت مبغاتكش دخلي الحبس ونتي مزال تابعاااها
الكاملة: ياك الحاجة حتى نتي فطريݣها
الحاجة: انا فطريݣ الحق الكاملة قيلي عليك لبنت وعطيها التيقاار
الكاملة: واااه الحاجة وااااه دغيا نسيتي خيييري ومشيت وراه البز (ردت ليزار ديالها وهبطت مغزفة على أمال مفقووسة ماحيلتها فدارها للي شاربة الفقسة ديال الدار جديدة للي كتأثث ماحيلتها لدار عݣوزتها للي كانت فيها الري وشوار ومن نهار رجع زهير مبقالها ري تمااك وحتى على راجلها....)
دازت سيمانة كانت دار نعيمة كئيبة كولشي فخبارو شيماء طلقات كاين أسئلة علاش مجاتش وفين هي نعيمة كتكتافي انها فوجدة كتكمل قرايتها ادم متقبلهاش هو ونبيل ولكن باااهم ناضلهم نهار قالهم سميتها متبقاش تذكر فالدار وكان حاااااسم فقرااارو وليد غير كيشوووف حتى نهار جات برية فيها طلقااها وخاص ترد نص من صداق للي عطاها ولكادويات وذهب
وليد: (كان باغي هادشي يتسالا بلا شوهة طوا لورقة على ربعة وردها فجوا ببرود) خاص نمشيو نجيبوها
احمد: (بعصبية) فين نجيبوها؟!!!
وليد: وسمو تبقى دير تماك ابا بوحدها معرفناااها حتى فين راها
احمد: (وقف مطرطق عينو) حتى حد ميعاود يجبد سميتها وللي بقات فيه يلحݣ بييها.. (هند معجبهاش الحال) ياك نتا للي كنت تݣوول خليها علييكم خليها تقراااا ودير مستقبلها هاااا بنت عمك منين زيروها خوتها وحكمت فيها مها هزاااتلهم الراااس وراها عايشة قااايدة فدااارها بسباااابك بسباابك نتا ومك مشات لديك وجدة
هند: (متسرطاتش ليها يتقلب كولشي على وليد وهو للي كان ناوي غير الخير زائد نفسيتو تحت الزييرو..) واش هو اعمي للي قالها سيري تفلاي
احمد: (غوت عليها) دخلي سوووق رااسك نتي (تصدمت) معدنااااش لعيالات للي يدخلو فكلام رجااال
وليد: متغوتش عليها ابا هي مݣالت عيييب (شاف فهند) سيري لبيتك
هند: انا غير مبغيتش ترجع اللومة عليييك
احمد: (بعصبية جاتو بحال تحداتو) خرجي لبيييييييتك
وليد: (زفر بعصبية شاف فباه ورجع شاف فهند للي دموع فعينيها)
سيري لبيتك اهند
(ناضت قبل متخرج من الصالون طلقات شهقة ديال لبكى خلاتو باغي يعزز سنانو)
هند ابا مقاستك فوالو باش تغوت عليييها
احمد: مدخلش وكلامي ساليتو من هاد نهار كلمتي يانا للي ماشية
وليد: (وقف وقف عكازو) تمشي علينا كاملين ابا ولكن ماشي على مرتي (خرج كيعكز وضار شاف فيه)
لبنت خاصها ترجع لدار باااها وديك الساااع حكم فيها كيف بغيييت وعاود ربيها ݣااه وماشي غير نتا للي تصدمت فيها حنا ݣاع ولا مباتلكش حالة ما للي من نهار جينا ونتا كترد ليها كولشي (خرج مكره اصلا من نهار جاو والأجواء مكهربة.. مشا عند هند للي كتبكي فبيتها حتى الضعف بااان فيها سد لباب ومشا لحداااها كيتلمس فشعرها حتى جبدها ليه فوق صدروو كتبكي وتشهق)
هند حبيبة مسحيييها فية والله معارف منݣوووول ولا ندير
هند: (كتشهق) بغيت نمشي فحااالي
وليد: غدا نمشيو
هند: (كتفكر فنعيمة للي حالتها حاالة ولكن حتى راسها بقا فيها بقات غير كتبكي ووليد كيطبطب عليييها براسو حااااير وتحط بين 4 ديال النيران مو للي حالتها بلبكى والمرض باه كيدابز مع موسطاااجو مرتو للي من نهار دار لاكط وهي فمشاكل عائلتو وختو للي متسرطاتش ليه كيفاش بقات بووحدها غلطت بزاااف ولكن خاص تجي لدار باها تعاقب عمرها تخرج يضربووها ولكن تجي لدار باها ماشي تزيد دير شي فضيحة مااااا كتر....)
أمال: (جالسة فالصاالة ودايرة التيليفون على ودنها) غير صبري اختي والله مكرهتش وكان كنت تما
هند: مكرهتش أمال والله ولكن عارفة ميخليكش زهير تجي
أمال: (سكتت حيت معرفت متقول.. تمات الحاجة داخلة بوحدها كتحايد ليزار للي فوق الجلابة.. ناضت باست ليها راسها)
جيتو امّا؟؟ فين زهير
الحاجة: مشا ابنتي يطل على دار صااحبو ويعلم الخدامة باش يديلهم طعام
أمال: صافي غير خليك انا ندخل نسݣي (دارت ليكيت على ودنيها والتيليفون دارتو فالصمطة ديال السروال) الوووو
هند: (تنهدت) ويييي أمال... حقا مقلتش ليك ليوم جا طلاق ديال شيماء
أمال: بالصح!!! تأ بقات فية ولكن بقاو فية لوخرين بزاااف
هند: وحتى انا نبقى فيك
أمال: نتي بزااف والله خايفة غير يسمعوك شي هضرة
هند: باه قبيلة شوية ويضربني قالي مندخلش فكلامهم واخا معذوور الا معجبنيش الحال يدور فوليد وخالتي نعيمة بحال هوما للي قالولها سيري زهاااي
أمال: حسن اهند متعاوديش دخلي
هند: دخلت وندمت ولكن والله منخرج من هاد لبيت بففف قنطت أمال بزاااااف هنا حسيت براسي غنطرطق عاطيااها غير لبكى بفففف بغيت غير نت*** وملقيتش كفاش
أمال: هههه أحااااااي ووليد؟؟؟
هند: الاخ معطوووووب (جاتها الظحكة) هههه بغيت نرجع
أمال: ديري السبة بالخدمة ورجعي
هند: فكرت فيها والمدير راه داير معايا كتر من بيخير قالي حتى لشهر جاي ومن واحد الجهة عزات علية خالتي نعيمة بزااااف راه متتهضر مع حتى واحد من غيييري وغير تتبكي مسكييينة أكترية منين عارفااها مزالة .....
أمال: الله يصاااوب وصاافي (سمعت زهير كيعيط باسمها) هاني هنا
هند: ياله سيري حتى لمن بعد ونهضر معاك
أمال: واااخ (قطعت تم داخل زهير) جيت؟؟
زهير؛ معامن كنتي تهضري
أمال: مع هند (عاوداتلو بالحرف شنو واقع) وراه جاتهم ورقة طلاق
زهير: (حرك راسو باه) دخلنا لهاد المعمااعة بالسيف علينا
أمال: (مكتلقى متقول سݣات جوج ݣصاااعي) ديلهم و ونمشيو ناكلو فجنان؟؟؟
زهير: النوو بدا يطيييح
أمال: صافي ناكلو غير هنا (هز الݣصعة من بعد مدارت عليها منديل وشي معاالق وتم ماشي عندهم بطموبيلتو اما هي مشات مسحت الطبلة حطات كيسان لبن ومعالق لبست بينوارها ودارت شالها غير ملوياااه عليها تم داخل لكبير باستلو يدوو وجلس من بعد مرضا عليها)
ها هو زهير درك يجي
لكبير: (جبد جوا مدولها) هاكي ابنتي الا خصااتك شي حاجة ݣوليهالي
أمال: (شداتها مفاهماش قلباتها لقات فلوس وهي تحشم بغات تردهم ليه) لا لا عمي لكبير والله حت..
الحاجة: لمااا بنتي لكبير راه بحال بلاك الا عطاك شي حاجة جمعيها
أمال: (تبسمت حشمانة) شكرا اعمي
زهير: (حنحن من لباب) أمووول حطينا نتغداااااو (دخل غسل يدو فاالحمام دخل لقا خووه جلسو كيهضرو فالخدمة حتى جاية أمال هازة الݣصعة ناض زهير) ݣولها ابنتي نجي نهزها عليك راه الا جينا نعبرووهم لݣاوها تقل منك
أمال: احااي
زهير: (بشوية) غير نتي زايدة عليها بجوج (غمزها وهي بقات كتفرنس وجلست بقات كتاكل فرحانة ݣاع للي فهاد الدار كيعيط عليها بنتي حتى من راجلها... الكلمة للي تحرمات منها فدااارهم....)
منين تغداو الحاجة مشات لبيتها ترتاح ولكبير خرج زوهير جرةامال لدارهم وطلعت لبيتهم
زهير: الامتحان ساالا
أمال: هههه ياله هاد صباح فية رݣااااد
زهير: (هز حاجبو) اهيااااا واش بغيتي ترجعينا لتك***
أمال: واااا زوهير
زهير: (ياله بغا يجاوبها صونا تيليفوونو كان أشرف) ها مݣال طبيب (جاوب) وي
أشرف: واش ندير؟!!!
زهير: واش منين كنتي تن** سوليتيني؟؟؟؟
أشرف: راه مبغيت ندي حتى شي ذنب
زهير: ياااا محاااينك ويا ذبااايلك الذنب تقيد عليييك ومديرش فيها مظلووووم كما غلطت هي غلطت نتا بجووجكم درتوووها م****
أشرف: ودابا
زهير: طلاݣها خرج بغيت تعتق الا كاين ما يتعتق سييير خطبها تجوجها
أشرف: نخطبها من دارهم
زهير: ومالك غتخطبها من عندي؟!!
أشرف: راه غير غتولد غنهز ولدي ولا بنتي ونكركبها
زهير: بيناتكم
أشرف: (زفر مكره) حتى طلݣ
زهير: جا طلاݣها هاد نهار
أشرف: دابا الا مشيت نخطبها غيݣولولي باش عرفتها طلݣات
زهير: ضبر لرووحك
أشرف: (تلف معرف ميدير) راه الا زادت كتر من هاكا غادي غير تزيد تكفاس
زهير: واش نݣووولك ابن عمي مخدمتيش فيها رااااجل من اللول (قطع عليه وجلس كيفكر اما أشرف داييخ وتااالفة بيه هز ساشي دلماكلة ومشا لوطيل عندها.. طلع للشومبر عندها دق ناضت حلات مع شاف فوجهها غوبش نخسر كمااارتو تحت عينيها كووووحل وعينيها ذابلين شنايفها بياااضوو بشرتها صفراا وللي قربلها كتر موسطاج خفيييف نايض اما لبيت كيقلب بريحة دلعرق.. حنات راسها من شوفاااتو شاف فكرشها واش هو حيت عارفها حاملة ولا بالصح كرشها تنفخات شوية حيت كانت غير بكولون وتريكو..)
حسن طلݣك هاد هاد نهار
شيماء: (زاد قلبها وجعها وهي كتفكر ردة فعل دارهم للي مقلبوش عليها وبانت صافي نكرووها)
أشرف: بقا فيك الحال؟!!!
شيماء: (سالو دموعها كتبكي وكتبغي تمسحهم بيدها دغيا)
أشرف: هاني فين علمتك غنتجوجك هاد ليااام غير تولدي ونعرفو ولدي ولا بنتي غتكركبي علينا وضبري لروووحك فقنت ااااخر
شيماء: (زادت كتبكي كتر معندها فين تمشي ومبقا حد يقبل عليها... حط لاح لميكة كما موالف كيدير سد لباب بالجهد وهي طااحت كتبكي منين سالات بلا متحس مشات كتقلب فالميكة تاااكل والقهرة كتااااكل فيها ...)
محمد: (كان لقى سكنة قريبة للمحال ديالو جا للدار فين مو مزال كاينة معاهم) مريم مريم
فتيحة: سمو بغيت اوليدي
محمد: غير باش تجمع لحوايج باش اليوم نمشيو للدار جديدة
فتيحة: وجلسوو هنا ونتا تكون جااار بنت عمك
محمد: علاه مفخباركش تطلݣات
فتيحة؛ حااااي!!! شيما بنت نعيمة طلݣت؟!!! من فوكاش
محمد: (مجاوبهاش بقات كتعيطلو واالو ممشاش عندها.. لقى مريم كتجمع لحوايج للي علاقتهم متوترة شوية بفضل فتيحة...) مرياامة جمعتي حوايجنا
مريم: هاني نجمع
محمد: وصاافي احبيبة طلقيييها
مريم: حلف متجوجها
محمد: شكوون شيما؟!!!!!
مريم: هاااااااه كتفكر فيها باش عرفتني غنݣولها هي
محمد: ههه واش صايط ليك الريح فداك لعقل ولا سمو علاه زعما نتجوجها ملݣيت مندير نمشي نمشي نتجوجها
مريم: والا رغبك عمي احمد ولا وليد
محمد: واش بنتلك دري صغير!!! ها عهد الله عمرني نتجوج شيما رتاحيتي؟!!!
مريم: (بقات كتشوف فيه) انا نتيقك ولكن
محمد: صافي هنينا عرفتي منين تشوف الدار جديدة غتعجبك
مريم: (تبسمت وبقات كتطوي لحوايج متمنية حاجة وحدة فتيحة تمشي لدارها وهي لسقت فيهم وكان غير ساكتة...)
~~~~~~~~~~~~
نعيمة: (بصوت مبحوووح وبحرا كتقدر تحل عينها مزيان مزيان) هند سدي ابنتي داك لباب
هند: (طرقاتوو ورجعت عندها شادة فيدها) خالتي راه واحد بغا يتزوج شيماء
نعيمة: (شافت فيها ممتيقاش)
هند: هو للي.... بغا يصلح غلاط ديالو ولكن معرفش كفاش يجي يخطبها من عندكم
نعيمة: (بتنهييييييييييدة طوييلة) يتجوج بيها منو ليها بلا ميجي هنا
هند: خاصهم ضروري ورقة ديال طلاق
نعيمة: (سكتت شحال) فين هي وشحال عندها
هند: هي كاينة فواحد لوطيل وو داخلة فالرابع
نعيمة: الله يا ربي الراااابع وانا معارفة وااالو وها هي تجوجاتو وبغات ترجع داك لوليد مسكين كدييييرلو وكدير تشرح
هند: (معرفت متقول) معرفت اخالتي المهم يتزوجو باش الولد يتسمى فالحالة المدنية
نعيمة: ضبر راااااسها ابنتي ضبر راااااسها (هند بقات معاها كتبزز حتى وكلاتها شوية دق وليد حلاتلوو هند لباب... دخل عندها للي يديه تكتفووو بمرض مو للي ماشي غير جسدي جلس حداها) وليدي كيف بقيت (حرك راسو بعينين ذاااابلين)
سيرو رجعو لوجدة نتا ومرتك
هند: لا لا منخليكش ونتي هاكا (شاف فيها وليد) ياك أوليد غير خلينا وزهير راه تيطل على الدار
وليد: من.. (سمعو غوااات برا قفزوو كاملين حيت كان صقيييير فالدار حتى كيجيهم غوات مجهد....)
هند: (طاااارت من حداااهم كان غوات سناء فبيتها دخلت عليها لقاتها كتبكي وصلت حداها كانت بقعة فالنانوسية حيت كانت مفرشاه فغوووز وباين)
طرطقت ليك سقية؟!!!!
نعيمة: (لحقت مسندة على الحيط ووليد بقى برا لبيت) سنااااا مالك احبيبيتي؟؟؟؟
هند: خالتي خاصها تمشي تولد
نعيمة: الله يا ربي على بنيتي عيطووو لادم يجي عاونبها اهند توݣف الا ݣداااات نمشي نجيب ليك حواايجك
سناء: (كتوجع) راهم مجموعين اخاالتي ووووووووووو عتقووووني كنموووووووت
(شدت فظهرها للي قلتلها بحريق مكيتوصفش... لبساتها هند شالها وعبايتها بلا متسدها ليها نعيمة تلفت بقات كتشوف شنو ينقصها صونات على مها باش تعلمها رجعت صونات على احمد وادم طلع كيجري داهم وليد لصبيطار لاول حاجة دورو مع القابلة للي كتعرفها نعيمة دخلوها تولد وبقاو برااا حتى بقات نعيمة كتبكي خافت على لبنت ولكن حتى حرقة بنتها فيها شحال كانت كتمنى بنتها تحمل حلالا مع راجلها وتقاابلها حتى تولد وتربي وليداااتها بقاو شي ساعة حتى خرجت القابلة)
ادم: امدرا سمو ولدت وكيف بقات مرتي؟؟!
(مكانوش قلبو على جنس لبيبي حيت عندهم حرام... )
السعدية: ولدات وليد.. الله يتربى فعزكم لالة نعيمة مبرووك عليك الحفييد
نعيمة: (تبسمت بعينين ذابلين) الله يبارك فيك اختي السعدية حتى دوزي عندي للدار
السعدية: خيييرك مغرقني (مشات وبقاو كيتبادلو التهاااني... دخلو عند سناء للي كانت صفرااا جات مها جايبة ليها الماكلة وحتى وليد وادم خرجو جابولها الكفتة مشوية بقاو كيشوفو لوليد للي بدل الجو شوية وكل واحد كيقتارح سمية)
هند: ماماه للي تعذبت عليه هي تسميييه
ادم: (تقرص) لا انا للي نسمييه
هند: (حست بيه) وراه حتى نتا باباه من حقك تسميه
احمد: الولد تسمى (كولشي شاف فيه) انشاعالله سميتو مصطفى على سميت خويا الله يرحموو
سناء: (تبسمت ابتسامة صفرا حيت كانت باغية تسميه من الاسامي جداد للي خارجين)
ادم: أحسن مدرت الواليد (كولشي عجباتو سمية الا سناء ومها ولكن طمرووو.. حتى نعيمة رحبت بالفكرة حيت من نهار مات خوه وهو كيقول للي تزاد عندو ولد اللول نسميوه بسميت خوويا اما هند كتفكر الا مشا حتى مات باين وليد واخا متبغيهاش مستحييييييل تسمي ولدها احمد حيت مغيعيطولوش بيها مشكولة غيخسرو عليه حْمَدْ... كملت الزيارة سناء بقات معاها مها واخا نعيمة لحااات باش تبقى معاها وتقابلها ولكن المرض باين فيها بزااااف.. رجعو فحاالهم فرحانين وكلها كيقول لمن كيشبه....)
سناء: (كتبكي) كنت بغيت نسميه ألاء هء هء هء
ام سناء: وصاافي اكبيدتي بحال بحال الولد راه مسمي فسماااا
سناء: لا انا كنت باغية ألاء ماشي مصطفى علاه هو شارف باش يتسمى مصطفى
ام سناء: وا بنتي ديري خاطر شييخك ياك حتى هو مهلي فيك
سناء: تهلية وحدها وولدي نسميه يانا كيف بغيت
ام سناء: نعلي الشيطان ابنتي راه الا بقيتي تبكي غيمشيلك لحليب
سناء: يمشي يرضعوه هوما نيت....
أصبحنا وأصبح الملك لله
فتيحة: (ماشية فتاكسي هي ومريم حيت وصلهم لخبار سناء ولدات وخاصهم يمشييو واخا مريم مرحبتش بالفكرة ولكن خاصها تمشي)
شحال صغيرة عليك سنا؟!!!!
مريم: (عرفت الموضوع فين غيمشي) بشي 3 سنين
فتيحة: لعجب ولاو صغاااار يولدون ولكبار يباركو ليهم
مريم: واه شفتها
فتيحة: (تقرصت) كفاش شفتيها؟!!!!
مريم: خالتي الا بقيت نهضر بزاف كندووخ
فتيحة: (خسرت كمارتها وقلبت وجهها كتنݣر.. وصلو لتاوريرت كان علي كيتسناوهم حدا محطة التاكسيات لكبار سلمت عليه فتيحة ومريم حنات راسها)
علي: عاد زيدي تهزي علينا
فتيحة: زيد اوليدي متديهاش فيها ومتعاودش ضوور بساااحتها راه صدقت لفعة
مريم: (فنفسها) تلوى عليكم بجوج (ركبت اللور ومشاو لدار نعيمة فين كانت موجدة فطور سناء ودايينو لصبيطار) خالتي مبروك على سناااا
نعيمة: امييين احبيبتي عݣباااالك حتى نتي نشاعاللله
فتيحة: ماااا بانليش فيها اختي نعيمة
نعيمة: ويلي استغفر الله افتيحة علاه شكون نتي للي تݣولي يبان ولا ميبانش ربي هو للي كيكتب لبنادم استغفري لموولاك...
فتيحة: (لوات شنايفها وفراسها خاصها تزوج علي باش يولد ولادة وحتى هي يكون عندها حفيد حتى تفكرت...)
بلحݣ شيما بنتك تطلݣت
نعيمة: (بحزن) مكتااابش
فتيحة: هي كانت تمشي نبات معاه ومكتااابش
نعيمة: (بحزم) فتيحة الا بغيتي ميدور فيك حد ويسمعك كلام يبكيك متجبديش حس شيماااا
فتيحة: وعلاه؟!!
نعيمة: انا ݣلت ونتي ديري للي يخرجك امرت لوسي ااااه وحݣاااا حفيدي راه سميناه مصطفى
فتيحة: (عوجات فمو) على فعاليو الزينيييين
نعيمة: اذكروا أموااتكم بالخير
فتيحة: حتى يكون هلا فيها شي خير ولد لحراااام الله يحرݣووو فينما كااان (زادت نعيمة مخليها مريم طلعت للدار كتعاون فشقا اصلا لقات نعيمة جايبة لمرا للي كتخمل ليها بقات غير كتعاون هند فلغدا للي كيديرو حتى من الحلوى دفعات كولشي والزميتة (سلو) ماين سنا هي للي مقاداااه...)
~~~~~~~~~
أمال: معرفت امّا هربلي خاطري من ديك لمدينة كااااملة
الحاجة: وكان ݣديت ابنتي انا نمشي معاك
أمال: نتي راكي عياانة معندك فين تمشي وحتى زهير واش يخليني نمشي ولا لا
الحاجة: هضري معاه ابنتي ونهضر انا ونخليو لمݣنوي يبغي
أمال: هههه مݣنوي نييييت....
أحلام: (وقفت عند اشرف للمحال للي رجع كيدابز مع ذبان وجهو) كوكوووو
أشرف: (هز راسو مغوبش) أحلام!! مليحة؟!!!
أحلام: الحمد لله فين غاابر اسيدي هاد المدة متقوليش تزوجتي بلا متعرضني
أشرف: (معندو خاطر) واش باغية أحلام على صباح
أحلام: ههه لا لا باينة معندك خاااطر (حطات لبيسي ديالها) بغيت دوسيات كولشي يدارو فكلي وفورماطيلي لبيسي تقال بزاااف
أشرف: واااخ
أحلام: ݣولي شنو درتي فحريرتك
أشرف: مزال مكاين والو نساااااي
أحلام: اممم واش طيحات؟!!
أشرف: احلااام حم باااااك قيليني هاد سااعة مراشقالييييش ندوي عليها
أحلام: واخا سيدي ݣولي امتى نجي من موراااه
أشرف: فلعشية
أحلام: هادشي باش كتعجبني خدمتك مزروبة ومتقوونة (ياله بغات تمشي وهي ترجع) ݣولي كيف بقا صاحبك وليد
أشرف: (بحال ضرباتو بطرشة) مصااحبيش هو غير معرفة
أحلام: وكيف بقا هاد المعرفة ديالك؟؟
أشرف: راه مزيان أحلام بيسيك رواحيلو بلعشية... (مشات من حداه كظحك حيت مولفاه منين متكونش رشقالو اما هو باغي غير كيف يدير يخرج راسو من هاد لحريرة....)
~~~~~~~~~~
دازت سيمانة كانت ذبيحة ديال ولد سناء محمد كان داز على أمال وداها لتاوريرت تحت توصياااات زهير ليه وليها... مع دخلت لديك الدار حست باحساس فشكل محملتهاش وباش هدنت راسها انها مغتبقاش فيها راه مسألة يوماين وترجع فحاااالها دازت من حدا دارهم قلبها تقبض دغيا قلبت وجهها وطلعت لدار عمها فين كاين تعشاق على نبي دخلت متبسمة هازة كادو فيدها سلمت على للي جا فوجهها ومن حسن حظها مها كانت فلكوزينة.. دخلت لعند سناء للي لابسة قفطان جوهرة مخيط بالراندة وهازة ولدها للي لاوياااه فكاشة خفيفة فالشيبي
أمال: مبروك عليك ختي سناااا (سلمت عليها)
سناء: الله يبارك فيك اختي وهݣبااالك حتى نتي
أمال: (تبسمت) أمين (حنات باست لوليد فجبهتو وحطات فالتنية ديال ليزار ديالو الدخلاني 500 درهم) كيف بقيتي؟!
سناء: يجيك الخير اختي نردها ليك فساعة الخير... شوية اختي دازت علية موت كحلة
أمال: الحمدلله على سلامتك بعدا فين مرت عمي؟!!!
هند: كلبااااااااااااا فوقاش جيتي (ضارت أمال وناضو تعانقو بحال متشاوفوش أعواام خرجو كيهضرووو ويتعاودو.. لقاو نعيمة سلمت عليها بحرارة ورحبت بيها كما موااالفة نحسو حتى دخلو بيت هند ووليد وسدو عليهم)
ناري يا أمال وليت تنحس براسي محبوووسة هنا بغيت نرجع فحااالي ومقدرتش نخلي وليد هنا وحتى خالتي نعيمة تتقطع فالقلب متشوفيهاش هاكا ظاااحكة فالليل راه ديما بااااكية حتى تتشدها شقيقة
أمال: يا ختي بقات فية
هند: حرت والله كنشوف شي حوايج متيعجبونيش الا هضرت وحلة والا سكت كنبقى نتكل بوحدي....
أشرف: (وقف على راس زهير فالمحال ديالو للي غير شافو كحل بلعمى تسناه حتى كمل مع شي كليان) واش ندير درك؟!!
زهير: (بقا ساكت شحال الا مشا عند وليد عارفو مغيخرجش حي حيت غيعرفوه مولاها)
سمع بغيت تجوجها هزها وسيرو لعدول راكم كباااار ومن بعد ضبر رااااسكم
أشرف: راه غنطلݣها منين تولد
زهير: بيناتكم غير باش تكون على بال راه بجوج بيكم غالطين ماشي غير هي باش بلا متبقى دير فيها مظلووووم راهي تخلص حتى هي وحتى نتا خاصك تخلص
أشرف: خاصني ورقة طلاݣها
زهير: طلبها لراجلها
أشرف: غيعرفني
زهير: (بتهكم) خايف منو (خلاه غير كيشوووف) صبر نبلع المحال ونعيطولو الا بغا يدير شي حل (بقا أشرف مقروووص من كلمة زهييير حتى ناض خرج.. تبعو بعينو وكمل خدمتو هز تيليفونو صونا على أمال)
افين ابنتي منين وصلتي لدواااركم مصونيتي
أمال: (كانت كتشطح وكتلهت) والله حتى بقيت ملهية هنا وهنا بقات بلاصتك هنا
زهير: فين فطب****
أمال: (كضور عينها بحال سمعوها للي ضايرين بيها.. هربت لبيت نعاس ديال هند مع تحل لقاتهم كيتباوسو بالصدمة دخلت وسدت لباب)
الوووو
وليد: حم (حنا راسو قالب وجهو وهند كتخرج عينها فيها وطردها بيدها حتى وعااات وخرجت)
مال دي؟؟؟
هند: اجي نكملو بعدا
وليد: هههه جمعي حوايجك غدا غرجعو لوجدة
هند: بالصح؟!!!!
وليد: (حرك رجلو للي كانت مضروورة) وسمو بااانلك
هند: ييييييس (خلاتو كيظحك وخرجت ملقاتش أمال للي طلعت لسطح)
أمال: الو كتسمعني
زهير: صافي اختي هدا هو الثمن... (جاوب أمال من بعد متخلص فسلعتو)
امالكي اديك الطفلة؟!!!
أمال: أحااااااي دخلت على هند وراجلها
زهير: واااايلي واش كانو يديرو
أمال: زهيييييير (شافت فعلي ونبيل فسطح مقنتين كيشوفو فيها ساطت ريح خفيفة وشعرها للي مصايباااه تحرك خرجت عينها)
أحااااااي
علي: حمارة هبطي الله ينعل ديلمك طالعة بسااالفك لسطح ݣدااام لعزاااارا (مشات كتجري وزوهير لقط شنو قال علي)
نبيل: ضيعتونا اصاااحبي وعاطيين الخبر ياكلو لبراااني
علي: اش تݣجدر بلخلا (بحقد) مكيجي من موراها غير لخسراااان تفووووو على نهار للي... تفووو وكان قتلها شحال دي وكان تهانينا منها
نبيل: (براسو كيجيه فشكل هاد الكره كامل اختو ولكن ممسوقش منين متزوجهاش..)
ديك مرت باك مولاتش بانت
علي: الله يعطي لمها الحبس من عندي لا هي لبناتها (تفكر شحال كانت حاضية معاه وقدامو كانت...)
#فلاش_باك
ليلى: إسراااااء اجي ابنتي
إسراء: (كتجي دموعها فعينيها لعند ماماها) مامااا
ليلى: مالكي احبيبة كتبكي؟؟؟
إسراء: ضربني عمو علي
ليلى: (كان متكي فالسداري للي حداها ضارت خنزرت فيه ورجعت شافت فبنتها) وعلاش ضربك؟!!!
إسراء: مدرتلو واالو اماما كنت متكية كنتفرج وضربني
ليلى: لا لا خاصني نقلبك ابنتي هدا مفيييه تييقة
علي: (غير حااااقد ومكيهضرش من ديما كتخليه يحس انه خطر على لبنات صغار... هزت بنتها دخلاتها لبيت كتسول فيها بلا تقلاب باش متحرجش بنتها وهادشي تكرر شي 5 دلمرات على طول الجلسة للي جلستها معاهم...)
#عدنا
~~~~~~~~~~~~~~
زهير: (ربب وغوت على أمال مزيان حيت طلعت بلا فولار قطع وجلس فبلاصتو كيتحلف فخوها علي للي من نهار اللول محملو متصرطلو.. بقا شحال معصب حتى مقدرش يهضر مع شي مليان طلع المكتب ديالو رجع صونا على محمد)
واشتا دشي للي سمعت فيه امحمد واش انا مصيفط ختك معاك باش تفوج شوية وݣلتي ترد بالك معاها حتى نسمع من التيليفون خوك قاعد يتحلف فيييها
محمد: (مفاهم واالو) سمو وقع؟!!!
زهير: داك خوك بربي وميقيل عليه أمل نخسر الا زوج يطرو من لمازوزط
محمد: صافي صافي انا نشوف سمو واقع
زهير: ويقيلها عليه تخرج حتى عريانة مسوقووووش فيها.. (قطع معصب)
يا مك نشدك نݣطع ليك دوك جوج زغبات للي فرحانة بيهم (عارف انها نسات ومتأكد مغديرهاش بلعاااني ولكن جنو مكيحمل حد يشوفها براسها عريان وأكترية نبيل للي كان عارفو حاط العين عليها...)
~~~~~~~~~
شيماء: (مزالة فنفس الاوطيل للي جابوه ليها وكل نهار كتوصلها الماكلة وحتى أشرف مبقاش كيجي عندها دابا 15 اليوم وهي تماك لا تيليفون لا إنسان كيطل عليها غير بوحدها حتى من لحوايج باش جات باش راهي باقية.. الدوش دوشت مرة وحدة حيت مكتقدرش تمشى بزااف وحيت ممسوقاش اصلا النظافة لا لوالو عينيها ذاابلين وتحتهم رجع زرق كتحس بحركة غريبة فكرشها للي بانت فهاد 15 اليوم الحرقة المعدية قتلاتها منين تفيق يا تبكي يا تاكل حتى من السرجم مكتحلوش تشوف ضو نهار ولا تشوف الناس حدها الدري صغير للي كيوصل ليها الماكلة... توحشت ماماها بزاااااااف توحشت اياام العز للي كانت عايشة فيه عرفت كولشي دابا حاااقد عليها شحال كانت من شحال هادي كتمنى تعيش بوحدها ومنين جربت داابا حياة بلا عائلة مقدرتش محاولة الانتحار معمرة راااسها حيت كتشوف حياتها تسالات كتشوف حياتها غلط فغلط.. ممكن تهرب راه حتى حد ممسوقلها ولكن فين تمشي والا ولدت كفاش دير وفين تولد وحتى كتاف الخدمة معندهاش...
سمعت الدقان وناضت كتجر فرجليها لابسة تيشورت طويل يمكن كان ديال حسن مبين فيه لكريشة شوية .. وكولون وشعر مشنتف باين ممشوطش أياااام... حتى من الموسطاج باين الا ركزتي الشوفة فيها حواجبها تغووفلو شوية حلت لباب وهي كتعرج لقات أشرف.. حنات راسها اما هو بقا غير كيشوف فهاد الحالة بان فيها الضعف بزاف شاف جهة كرشها للي بانت منفوخة شوية.. اشمئز من كمارتها ومنها كااااملة بغا يدخل ضرباتو ريحة خانزة مكانتش مجهدة ولكن ريحة نعاس ولعرق رجعاتو اللور)
أشرف: يخخخ تفووووو معندكش لما باش دوشي الخنز؟؟؟
أمال: (منين قطع عليها زهير وغوت وهي مكمشة لتحت حدا لعيالات مناضت شطحات متغدات شافت هند للي كتعيط ليها ناضت تبعاتها لبيت سناء) مالها كتبكي
هند: معجبتهاش سمية ديال ولدها صراااحة عندها الحق
أمال: (قرستها بشوية) سكتي راه غيدورو فييك
هند: قلت غير كلام الحق
أمال: ݣوليه بينك وبين راسك اصاحبتي (شافو نعيمة بحرا كتقدر تهضر وترغب فسناء باش متبكيييش.. انا أمال بقات غير كتشوف براسها متبغيتش تسميه مصطفى ماشي حيت سمية معاجباهاش ولكن الشخص ميستاااهلش تفكرو من مور مماتو... تفكرت باين زهير للي كولشي كيذكرو بالخير وباين كان مزيان معاهم سميتو العربي بقات كدور عينها واش حتى ولدها يتسمى المعطي!!!! شافت فهند)
هند: مالكي (لوخرا حركت رأسها بلا) تخيلي احمد يموت ويسميو ولدي حْمَدْ
أمال: هههه حشومة عليك كتفايلي على عمي
هند: وغير قلت (بقاو مجمعين حتى سكتت سناء للي الا سمعها ادم كتبكي على سمية ينوضها معاها... خرجو كيعاونو جمعو الدنيا حيت فالليل كاين رجال دوزو نهارهم أمال باتت مع هند حلفت متهبط لدار باها ولا دخلها بلا زهير واخا خوها محمد كاين...)
~~~~~~~~~
فتيحة: ولدي منين بنت عمك طلݣت وشت كولشي غضبان منها علاش متجوجهاش نتا ياك من اللول كنت حامق تجوجها
مريم: (وققلها لما فركاابي وهادشي مناش كانت خايفة ديما شافت فمحمد بعينين دامعين)
محمد: واش راك ترݣعي امّا
فتيحة: اوا لحم الا خناز يهزوه ماليييه علاه تخليها مليوووحة فوجدة وحدها دير بوجه عمك ومرت عمك وولادوو
مريم: (خافتو يقتانع دخلت لبيتها مبينة ليهم ان هاد الموضوع معاجبهاااش)
محمد: (زفر) علاه راكي تقهري فمريم زعما كانت هي عينيك وبنت ختك
فتيحة: انا مݣلتلكش طلݣها انا بغيتك غير دير خير فبنت عمك راه كولشي كيتشمت فيهم واش ترضااها لييهم
محمد: (بقا غير كيشوووف مو معارفة وااالو)
فتيحة: معرفت لاه طلݣها شي كيݣوول طلبت لغلا شي كيݣول لݣاها مع شي حد كولها واش يݣول
محمد: هكاك راه ياكلو فلحمها جوج تلݣااو متفاهمووش اللهم يتفرقو قبل ميجي شي بز
فتيحة: اوا تجوجها نتا وردها لدار باك خليها هي هنا ونتا دي مرتك معاك لوجدة
محمد: يهديك الله اما
فتيحة: مݣلتش ليك تجوجها دابا فكر فكلامي ودير بوجه عمك ومرتو للي دايراك بحال ولدها وحتى ولاد عمك للي كبرتو خوووت... واااااه حشووومة نخليو لبنت مليوحة فوجدة....
نتا غير فكر اوليدي وݣلبها فرااسك مزيان ومتنساااش نتا من ديما باغيييها وها هي جات لوقيتة وغتجيييك وهي مطيحة الراااس والكلمة هي كلمتك والشووورة شوورتك تجوجها تولد ليك وليدات وخلي مريم حتى هي بنت ختي ومنبغيش ليها طلاݣ وزيد راها مهلية فيك تم فرق بيناتهم وحدة لهيه وحدة هنا وهادشي ما عيييب ما حرااااام نتا غير غدير خير فلحمك ودمك...
أصبحنا وأصبح الملك لله
هند كتعيا تخبع فرحتها ولكن مكتعرفش كطير بحال شي فراااشة وليد غير حاضيها عمرات ليهم نعيمة طاسات كبار للي فيهم الحلوة للي فيه الزميتة حتى دجاج ولحم الخبز الديسير كيكة كولشي حطاتو باش يديوه
وليد: لكوووفر صغير اما
نعيمة: عنݣووووهم
وليد: (تبسم ولكن شوفتو فمو وهي ضعيييفة والظحكة مولات كتبان غير بوجود مصطفى صغير مخلية همو كيكبر ويزيد يكبر... جمعت هند حوايجهم وخرجت صاكو وباليزتها)
صافي؟!!!
هند: (مشات عنقاا نعيمة) خالتي ياله معانا تبدلي الجو
نعيمة: (حركت راسها بحرقة) ولدي خود معاك ورقة طلاق ختك مدها ليها
وليد: (خرج عينو) سمو!!!!!!!
هند: حم عندها الحق أوليد الا بغات تعاود تزوج عطيها ورقتها وضبر راسها (خنزر فيها وبقات كتشوف فيه تفكرت)
#فلاش_باك
زهير: (صونا على أمال صباح بكري اصلا كانت على القرص مجاهاش نعاس وراجلها مقلق منها.. بصوت لاح شوية مخلط مع صوت نعاس)
صباح الخير
أمال: صباح الخير لباس عليك؟!!
زهير: الحمد لله ونتي؟!!
أمال: ملباااسش نتا ݣاع مهضرتش معايا لبارح
زهير: بلا منعرعر على جدك هاد صباح فينها هند؟!!
أمال: علاه؟!!
زهير: أمل صباح الله الا حداك وحدها دوزيهالي
أمال: (بقا فيها الحال فيقت هند) بغاك زهير (ناضت هند شداتو)
هند: وي خويا زهير
زهير: ختي هند شوفي كديري قنعي خالتي نعيمة تهضر هي مع وليد باش نتي تبقاي بعيدة وتكون فكرة ديال مو باش يجيب ورقة ديال طلاق ختوو
هند: واش غتزوج باشرف؟!!
زهير: واه
هند: الحمدلله بعدا غيصلحو غلاطهم
زهير: عنداك نتي تݣوليها لوليد خليك بعييدة على هادشي باش متجبديش صداع على رووحك
هند: واخا خويا....
ركبت هند ووليد عمرو الكوفر وحتى اللور وأمال ركبت مع محمد ومريم للي باينة الاجواء مكهربة بيناتهم ياله غيقلعو بان علي كلاكصوونا عليه وليد باش يحايد من طريق ولاخر بقا كيترفع عليه ويهز يدوو.. ومع لاخر مغلغل خرج عندو شنق عليه
محمد: ااااخر مرة يا ر** تعاود تهز علية
علي: وطلݣ وبنااادن طلݣ
محمد: (كيديه ويجيبو وباين معصب) هاني فين ݣلتهالك وختك بعد منها مدويهاااااااش متشوووفش حتى فيها عندها راااجلها يحكم فييها
علي: نحكم فيها ونحكم فكوولشي
محمد: (طلقو وجمع معاه بطرشة هنا وليد خرج من الطموبيل اما لبنات ب3 خاريين بالظحك)
وهااااود حكم دااابا
علي: (شد فحنكو مراضيش جاب الله مكانش شي حد) نتا حݣااار حيت باك ظلمني ومكتبلي وااالو كتحݣرني
محمد: سير ت***
وليد: (كيجر محمد) زيييد اصاااحبي واش نتا مرييض داير عقلك فبرهوووش (محمد مشا لطموبيلتو ووليد مشا لطموبيلتو) براكة من الظحك واش بغيتيه يدور يݣولك شي كلمة نهبط لوالديه نكمل عليه
هند: اححح بغيتها فيييه متنحملوووووش (صاݣو وزااادو مرة موسيقى مرة يهضرو انا طموبيلة ديال محمد صقييير من غير أمال للي كتقلب على نقاط ديالها فتيليفونها....
وصلو لوجدة محمد حط أمال فلفاك باش تقلب على راسها حيت بانو النتائج... اما هند ووليد مشاو لداارهم )
مع وصلو دخلو
هند: عيييت
وليد: انا واقلة نمشي عند زهير (سمعو الدقااان.. دار حل حيت شكل تكون أمال ولا زهير حتى لقاه اشرف)
اشرف؟!!!
هند: (هربت من تماك حيت عارفة الموضووع ولكن قالت بعدا غير يجلسو شوية)
أشرف: حم انا كنت سولت عليك ݣالولي مشيتي لوجدة كنت ضرووري باغي نهضر معاك نتا عاد نمشي لداركم
وليد: (باستغراب) سموو؟!!
أشرف: نمشيو لشي قهييوة ونهضرو
وليد: ݣولي سمو الموضووع
أشرف: عرفت ختك طلݣت والا قبلتو علية بغيت نديها
وليد: (تصدم مفهمش ومستوعبش) سمو؟!!! وباش عرفتها تطلݣت ومنين تعرفها نتا
أشرف: منين كانت مخطووبة بأنوار
وليد: (شك فيه يكون عارف كولشي ولكن علاش هو غيتحمل غلط دارو صاااحبو مكرهتش الارض تحل وتبلعووو ولا هاد الموقف)
كان خاطبها صاااحبك ودابا باغي تخطبها نتا
أشرف: كولشي أرزاق
وليد: (بقا غير كيدور عينو ويخنزر مفاهم واالو وممستوعبش هادشي تسعق)
مفهمتش!!! هي راك كانت مجوجة ون
أشرف: صافي متفاهمووش ودابا انا باغي نتزوجها راك سمعتي داك نهار اصلا كنت نݣلب وملݣاااش حسن منكم
وليد: ول..
أشرف: شوف حنا ولاد الوقت مكيناش ديك القضية مطلقة ممطلقة
وليد: (سكت غير كيتشووووف عكس أشرف للي كيهرب من شوفااتو)
~~~~~~~~~~~
أمال: (خاارجة فرحااانة واخا مكانش شي معدل كيفرح الا دخلات كولشي فرحت بزاااااف عرفت انها ممكن تعطي بزااف حيت هي مخدمتش شي خدمة للي تنجحها فوقت قصييير وها هي نجحت جبدت تيليفونها صونات على زهير للي مجاوبهااش كان مخلي تيليفوونو فالمكتب قطعت بوجه حزين حست باهمال من جيهتو ومشات لجهة ديال التاكسيات كتسنى.. حتى وقف عليها وااحد)
...: الزين منتقهوااوش
أمال: سير تبعدني نتا عااود
....: (كيهلل عليها) اسير ت***. يا الق*** كبرنااه ليكم ابنات لافااك
أمال: سير الله يعطيك مصيبة
....: (ضربها بطرشة حتى ضااارت وتجمع الناس وهو كيخسر فالهضرة سمعات تيليفونها كيصووني اما هي كتبكي حيت كان هو وصحابو عاد كيخسرو الهضرة والناس كيتفرجوو هزت تيليفونها جاوبت بصوت كيترعد)
اجي ازهير عندي (بقات كتبكي ولاخر مزال كيخصر الهضرة......)
هند: (غير كتصنت خافت ينوض شي صداع مكان قدامها غير تصوني على زهير للي جاوبها.. بصوت خافت)
خويا زهير راه جا أشرف كيهضر مع وليد برا
زهير: (مغووبش شاد طريق لفاااك) غير توقع شي لعبة عيطيلي (قطع كيسب فطريق للي عامرة... مسافة ربع ساعة كان حدا لفااك هبط من الطموبيل مزروووب كيقلب بعينيييه بانتلو أمال حدا شي بنات.. بعصبية)
فينو هاد لكلب
أمال: (حنكها حمر فيه جرحة صغيرة خلاها خاتم صبعو... بصوت مخنووق)
مشاااو
زهير: (صعر منين شاف حنكها هكاااك.. مخرج عينو)
فييييين وشكووون دووو؟!!!!!
أمال: مكنعرفهمش
زهير: (كانت الجوقة مزال شوية)
شكون للي يعرف هاد ولاد لكلاااااب ولا كاين غير شمااااايت هنا تخلييييو برااااهش يغوتو على عيالات ونتوما تفرجو فيييهم (حتى حد مكيهضر.. مشا جر أمال من يدها داخل لفااك)
وريني هاد الإدارة دزبل فين كاينة؟!!!!
أمال: (زادت خافت كتر... وراتهاالو ولكن الإدارة باش دخلها هيهاااات... بقا تماك شحال حتى بدا كيعرعر عاد جاو شافو مااالو عاد عيطو على لبوليس باش يشوفو كاميرات يجبدوووهم بقات أمال كتعاود شنو وقع معاها)
زهير: متعرفيش تهزي حجرة تفلݣي ديلمو تشقفيييه (بقاو كيهدنوووه حتى كتبو محضر خداو ماتريكيل ديال طموبيلة للي شداتها كاميرا ديال باب لفاااك عاد تم خااارج)
من هاد نهار متعاودي تعتبي هنا
أمال: (غير صااااقرة... ركبو فالطموبيل عاد ضار عندها كيحقق فوجهها مزيان شد وجهها بيدو دور حنكها) كتعدمني
زهير: واش فينما خليييتك وحدك نجي لݣاااك مضروووبة
أمال: (شداتعا لبكية) وشنو ندير
زهير: علاه منين كملتي صواالحك متصونيش علية
أمال: كنت بغيت نشد تاكسي كما موالفة ونجي لعندك
زهير: غير للي يكمل على والديييك ولكن درك لݣاااااهم (ديمارا وزاد كاعي اما هي جاتها خݣرة حتى الفرحة ديال النجاح محستش بيها شافتو صايݣ لدار وليد وهند مهضرتش.. وقفو تماك ورجع شاف فيها)
واكلة؟!!! (حانية راسها مقلقة) بلا الصفݣة (قالها وهو كاز على شنايفو) واكلة شي حاجة فكرشك
يا واش يا جدك مكتعرفييش ترفدي حجرة ضمغي الكلب
أمال: وراه كانو 3 وحتى انا عايرتو
زهير: واش ݣلتي؟!!
أمال: ݣلتلو شمااااتة
زهير: يااااامحياااني ويا ذباااايلي حرااااشي شوية ابنت مّا.. هودي وكان هودي الا محرݣتيش اعصاب جد مي شي نهار متكونيييش فرووووحك (هبطت منفخة وهو محاملش يشوف ديك الطبعة فوجهها طلعو درووج كان لباب محلووول وأشرف جالس تماك مع وليد وسكااااات)
أشرف واش راك دير هنا؟!!!!!!
الحاجة: مرحبا وليدي انا معندي منݣول داكشي يبقى دياالك
لكبير: براكة غير خليتها على رݣبتي
الحاجة: يتيييمة وربي يسااامح اوليدي حتى نتا راك ضربتيها لمرااا
لكبير: غدا غنعقد وشي سيمانة غيجيو
الحاجة: مرحبا وليدي
لكبير: (جالس كيقيس فلحيتو للي بيضة وفيها زغيبات كوحل مشتتين وعمامة مزينة راسو ولابس سروال وتريكو ومع باقي صحيييح شاد راسو)
تروحي معايا
الحاجة: مݣدييت اوليدي ركابي فاااشلين سير الله يسهل عليك نتا وياااها والله يدخلها عليك بزاااايد رزق غير هو اوليدي مااااا حد الكاملة فرݣبتك خاصك تعدل
لكبير: (برزانة) فلمصروووف كما هي كما لوخرا اي حاجة تخصها توصلها اما حتى ولادها راه خدااو حقهم وزيااادة شي حاجة اخرى مكيناااش
الحاجة: الله يهديكم الله بهديييكم
لكبير: اميييين اما متبرزطييش رووحك انا عارف واش ندير... (وقف)
روح لمحااالي باش نطلݣ دراري يجيو يتغدااو
الحاجة: حتى بنتي أمال تعطلت
لكبير: درك لݣاها مع زهير ويجيو يتغدااو ݣولي اما ياك الكاملة قالت عليه بنت عباد الله
الحاجة: لا لا متخممش
لكبير: (باستهزاء) باش كنت مجوج قتااالة رواااح (خرج نيشان لخدمتو جات لكاملة كتجري محد كيكون مع مو صباح كامل الا كاينة شي حاجة جديدة)
الحاجة: ولدي وصاااني باش ميديرش شي حاجة من ورااك ماشي خووف منك حيت نتي غلطتي بزاااااااف الكاملة ولكن باش يطبق شرع الله هو غدا غيتجوج
الكاملة: (طلقت حلووقها) ويك ويييييييييييك اعبااااااد الله نسااااا العشرة وتماااااارة للي ضربت على ولااااادو ومو وخوووووه
الحاجة: بنتي واشمن تمارة ضربتي علية وعلى زهير؟!!!!
الكاملة: (كتجبد وتنتف نواضرها) كلااااااني فشبااااابي وفصحتي ومااااشي يجيب الضرة علية
(كتبكي وضرب صدرها بحرقة)
حيت عرفني يتيييمة وماااا فظهري حد ومعندي فين نجي وفييين نمشي (بقات كتجبد تغوت والحاجة غير كتشوف مقادة تنوووض تواسيها مقااادة وغوت عليها منين كتسمعها كتقول الله يااخد فيك الحق..... )
وليد؛ (ناض سلم على زهير) فييين
زهير: دخلي ابنتي دخلي
أمال: (دخلت حانية راسها) سلام (مقشعتش هند هربت نيشان لبيت هند)
زهير: يا صاااحبي وكان لݣيت واحد لكلب هاد نهار وكان راكم تجرييييو تݣلبو على شي محااامية
أشرف: (كان خاايف يفرطووو) حم مزيان منين حضرت كنت باغي نخطب ختو هضرلو علية شحال انا مزيان
زهير: منين جاك!!! (جلس كيقاد ساعتو) الا جواج يبدلك وصااافي اما مكنعرف عليك حتى حاجة تفرح
أشرف: (تصدم وكيظحك ببلاااهة) الاااا اصاحبي ضيعنا الصورة مع نسييبنا
زهير: بيناتكم
وليد: (مدخلاتلوش راااسو كيهضر بحال زعما معاارفش واش عندها مشااااكل. عائلتها سمحات فييها وفنفس الوقت مكرهاااش تجوج تستر رااااسها يمكن هاكا شي نهار واليديها يسااامحووها ولكن للي كيعرف شكون يبغي يتزوج وحدة كانت مع صااااحبو واخا فلحلااال واش عاارف مشكلتها مع أشرف... مرضاااتش يهضر ويعاودلو معرف ميقول مبغاش يتفضح قدام صاااحبو وخوووه راه موضوووع شرف هدا ماشي شي حاجة سااااهلة... هادشي كان حاضييه زهير للي عرفو تلف وعينييييه ذباااالو عكس داك الانسان للي كان ديما كيشوف الابتساااامة والتفاااائل فعينيييه زفر وخرج عينو فأشرف باش يهضر)
أشرف: خاااي وليد واش درنا نمشيو لناوريرت؟!!!!
زهير: (خرج عينو فيه مبغااااش صاحبو يتحرج)
أشرف: (تلف) ولا هوما يجيييو هنا
زهير: نوووض يانا ندي أمل لدار نمشي بعدا نطل عليها (مشا لبيت) أمل اماال (خرجت من بعد دقيقة على ملوات شاالها ودخلو لبيت اخر)
أشرف: حم وليد انا عارف كاينين شي مشاكل ونشاعالله كولشي يتݣااااد مع الوقت
وليد: شمن مشاكل وفين هي درك
أشرف: هي كاينة فواحد لوطيل
وليد: (بلع ريقو وباينة فيه العصبية.. جبد بزطاااامو مغووبش هز ورقة طلاقها... وحطها فوق الطبلة)
ضبر راااسكم أشرف الا عاودااتلك مزيان هي مبقات عندها بلاصة بيناتنا براااامة غير هربت برووووحها
أشرف: (تأنيب الضمير كياكلو)
وليد: بسلامة (هز أشرف الورقة وحاس بوليد مقهووووووور بقا حاني راااااسو سااااهي)
أشرف: نشاعالله كولشي يتݣاد
(لا رد خرج أشرف كيلعن راسو ألف مرة على هادشي للي كان عندو دخل فيه 100 💯 حيت من اللول مشغلوووووش فيها....)
يتبع...
التعليقات
لا توجد تعليقات بعد، كن أول من يعلق.