محتوى القصة
وليد: (غير فاق صونا على شيماء ختو ولكن مكتجاوبش) بففف باينة مزاالة نااعسة غير قطع صونا باه.. السلام عليكم
مصطفى: عليكم السلام ياكما فيقتك اولدي
وليد: (كبحط فروة راسو من اللور) لا لاااا لاا انا فاايق من وااهلي
مصطفي: وومغتجييش؟؟
وليد: امم والله معرفت يمكن بلاتي نشد طريق يمكن حتى لعشية ولا غدا مهم باشما كان غنعلمك والسلعة راه للي صيفطتها معااه بقالتلو شي (شاف فساعة للي قداامو) شيي سااعة تقريييبا ويوصل
مصطفي: واه راني فيه نتسنى
وليد: خلي محمد ولد عمي للي يتكلف هو عارف شغلو
مصطفى: وااخا ولدي الله يجيبك على خير.. اه شتي ختك؟؟
وليد: واه
مصطفى: ياكما ضسراات؟
وليد: ياك تgوول هي تربيتك علاش غضسر.. با الطفلة جاية تقراا وراها داخلة سوق رااسها
مصطفى: اممم وعلى الله تعوااج.. وسير اولدي الله يرضي علييك
وليد: أميين بسلامة (قطع ورجع صونا على شيماء مكتجاوبش وصونا على محمد علمو بالسخرة للي كاينة فكراطن ديال لفرماج ميتحلوش قدام عمامو باش ميعرفوش أن سلاح عندهم حيت هاد التجاارة كيديروها غير من تحت الدفة.. قطع معاه ورجع صونا على شيماء للي جاوبااات) ماال ملتك مكتجاوبيش؟؟
هند: حم انا هند
وليد: (غوبش وبقا شاد التليفون ومحملعهش) علاش تجاوبي نتي فتيليفون ختي
هند: حيت هي ناعسة وانا شفتو كيصوني بزااف وعزات علية نفيقها وجاوبت باش متخلعش عليها وصاافي
وليد: (ببرود) فيقيها
هند: حم واخا (بعدات عليها التيليفون وتبسمت زعزعات شيماء للي غارقة فنعاسها بكترة سهيير) شيمااء نوضي راه خوك بغااك
شيماء: (دايخة بنعاس) شكون خوويا
هند: (بصوت خافت) وليد (هو غير كيسمع ويزيد يشرك فحواجبو ... دارتلها اشارة فالتيليفون) راه فالخط (مداتلها التيليفون ومشات تكمل حوايجها باش تمشي تقرا)
شيماء: (جلست كتحاول تواكض) خويا!!
وليد: (مغدد) تهزي من تماك بايتة عندها لمك؟؟ هادشي علاش وصيييييييتك؟؟؟ تgعدييييي
شيماء: (تفافاات) لا راه هند للي باتت عندنا
هند: (شقلبت عينها كتبسم من خوف شيماااء وباغا تكتااشف علاش هاد الخوف كاامل!!!)
وليد: شيمااااااااء g لتلك بففف (سكت مدة مكيبغيش يغوت عليها ومبغاش يكبر الموضووع) استغفر الله العظيم كبقات أمال؟؟
شيماء: (بلعت ريقها) أمال .. أمال مزيانة راها مزياان
وليد: متأكدة؟؟
شيماء: والله اخويا هانا كنشوف فيها كااع راها غير نااعسة حيت فالليل منعساتش مزيان حتى فااتها لحريق شوية داكشي باش تعطلنا
وليد: متخلينيش نردك لداركم اشيماء ديري عقلك.. انا غنشد طريق دابا للدار خاصكم شي حاجة؟؟؟
شيماء: لا خويا الحمد الله كولشي كااين
وليد: بسلامة (قطع وناض لبس حوايجو هبط فطر وشد طرييق... أما شيماء حتى قطع عاد تنفساات وشدات فراسها)
شيماء: أجدك سهرنا بزااف
هند: أنا مولفة سهيير
شيماء: شحال فالساعة
هند: 8 مهم انا غنمشي للكلية الا بغيتي تبقاي هنا بقاي الا خرجتي سدي وخلي الساروت عندك ياك مغتقراوش؟؟
شيماء: لااأ وراك شفتي حاالة أماال
هند: حسن وبلاتي الا قدات نخرجو نشريو لحوايج
شيماء: (فرحت) واه واه نيت خويا راه مشا فحاالو
هند: (تبسمت) راه غيرجع ويحصلك المسخووطة
شيماء: هههه لا لا مزال ميرجع وحتى الا رجع ماما غتقولي كوولشي
هند: يااا ختي تخاافي ومتحشمييش (مشات لكليتها وشيماء مشات حدا أمال للي كانت مزال نااعسة وجدات ليها لفطوور ونوضاتها بدلات لفاصمة ودوات رااسها عاد بقات وااقفة كتفطر حيت مكتقدرش تجلس...)
شيماء: (جالسة كتمشط فشعرها) أمال كنفكر نصبغ شعري
أمال: كيفاش بغيتي ديريه
شيماء: بحال هند فلقهوي واخا كنت باغا نصبغو بزعر باش نجي زوينة ولكن الا جاو على غفلة دوك زمر ولا مشينا غيقتلوني الا لقاوه زعر
أمال: حتى أنا بغيت نصبغو بحاالك وقالتلي هند غترطبولي بشي حاجة
شيماء: هههه غرجعو فناات يا بنت عمي
أمال: هههه غير منوليش نتحرق مرة اخرى يا ختي معندي زهر
شيماء: هههه منحوسة نتي.. وووو نتفو حواجبنا؟؟؟
أمال: لا لاا لاا الا هاديك منديروهااش
شيماء: نتي نفختي الترمة بقات فلحوااجب
أمال: لا واخا هكااك وزايدون حواجبنا زوينين هااكا
شيماء: شوفي هند كيفاش جايينها ناتفاهم وجايينها فنين
أمال: وعلاش للي دارتو هند غنديرووه وزايدون هند باغا تبدل من رااسها مكتسمعيهاش بغات تبت وترجع شادة طريق مزيانة
شيماء: بففف مهم خلينا فشعر بعدا (دوزو نهارهم غير فشومبر ديالهم مع ماسكات عطاتهم ليهم هند حتى جاات تغدااو بللي كااين ولبسو باش يخرجو واخا امال فيها السخفة الا شوقها للحوايج مخلي فيها الحمااس باش تبدل ستييل ديالها وتلبس بحالها بحال لبنات... اول حاجة كل وحدة سحبات من لكيشي فلوس للي يقدووها ونيشان لمحل كبييير فيه حوايج غير لفريييع خلا لبنات بلا عقل هند معاوناهم بذووقها وهوما كيشريو لدرجة أمال خدات 10 ديال لبسيات حجابية ولكن ستيلها زويين وسورفيت وشيماء خدات 4 دلبيسات بحكم هي ديجا عندها وهند مخدات والو هي مواالفة كل سيمانة تقدا لييها... قبل ميخلصو أمال لبسات وحدة منهم كانت فلمارو سروال لطواال فلقهوي مغلوق وشومييز قهوي مفتوح شوية من جهة صدر مزير وشوية فليدين لتحت فيهم شريشفات صغار.. خلصو ومشاو لمحال اخر فيه ملابس داخلية وبيجامات وهنا شيماء طرطقات عيينها)
هند: غبشوية عليك احنينتي
شيماء: ههه كنحمااق على هادشي
هند: نتي داركم خاصهم يزوجووك الدودة للي فيك راه رجعات حنش
أمال: هههه (بقات كتشوف حتى هي ومتبعة شيماء للي كتصطوكي بيجامات بحال هند حتى أمال خداات ولكن بيجامات مستورين ودات دوبياساات حيت مكانتش كدير سوتينات بحكم مها عمرها فكرات تشريهم لبنتها حيت مكانش عندها اصلا صدر ولكن ديما كانت كتشوف شيماء عندها وكتبغي بحاالها وخدات كولونات وديبردورات وتقاشر أي حااجة كتحتااح فلبس شرااتها وبذووقها خرجو محملين عاود خداو السخرة للطموبيل ورجعو يكملو بلاصة ديال صبابط والشيلان وهنا امال لبسات شال جاي مع لبيسة ودخلات بالزربة لبسات سوتينات للي هزو شوية صدر وجا مع لبيسة.. واخر محطة هو محل كبيير فيه انوااع ديال ميكاب وروايح ليبرودوي كولشي مجوود فيه وكانت هند للي مكلفة خداتلهم كولشي للي يبغيوه وهوما غير تابعيينها اخر حااجة وراتهم ريحات زوينين وخلات كل وحدة تختار ريحة للي ممكن هي تميز بييها حطو فلووس صحيييحة وخرجو من تمااك نيشان لاطموبيل ستفو السلعة ومشاو لشي كاافي يرتاحو وشيماء نعتات لهند لكافي للي مشاولها اخر مرة وعجبااتهم قبل ميهبطو)
شيماء: ندووشة قاديلي وجهي شوية شوفي ككنبان صفرة
هند: لا نتي زويينة
شيماء: وعفااك غير شوية
هند: واخا لالة (قداتلها داكشي خفيف فوندوتان فارجو عكر خفيف جات زويينة وعجبها رااسها شافت فأمال) نقاادلك؟؟
أمال: واه ولكن ماشي بزااف
هند: ها شيماء مباينش فيها (قدات لأمال وجهها وبان زوين ومورد وحتى من لعكر كان ماط وخفيف كأن لون شنايفها هكاااك عجبهم رااسهم وخرجو فرحانين مع دخلو للكافي لقاوها بلان عاامرة) اجي نجلسو فالتيراس حسن من هنا مخنووق
شيماء: كفاش!!!
هند: تبعوني (دخلو للكافي وخرجو من باب اخر وهنا حلو فمهم لقهوة من الجهة الأخرى حاجة اخرى جلسة فربيع وبيسين صغير مزوقينو بلورد وضواو مشغولين فيه حيت بدا ظلام يطييح عجبهم بزااف تبعو هند للي ديجا جات هنا وجلسو فطاابلة قريبة لابيسين وامال ماشي فخااطرها بلحريق) أمال واش مقدراش تجلسي؟؟؟
هند: أمال واش مقدراش تجلسي؟؟ نمشيييو؟؟
أمال: (من وجهها باينة ممرتاحاش جالسة ودايرة رجل على رجل غير باش متوعتش بزااف) كضرني شوية ولكن نصبر الجو هنا غزاااال
هند: (تبسمت) وي الأجواء فالليل كتبدل شي نهار غنديكم لسعيدية تماك علام اااااخر وفين يباان هنا لبحر والرملة والقمرة يا سلااااااااااام
أمال: زعماا نسااافرو؟؟؟
هند: قريبة مبعيداش بزااف كندير فيها سااعة حتى لساعة ونص كااع الا مشيت غير بشوية
شيماء: (متحمسة) واه واه نمشييو
أمال: (بقات كدور فعيينها) والا عااقو بينا سافرنا
هند: ميجيو فين يعييقو حتى رجعو ومنها تشوفو لبحر
أمال: وااااااه نموت ونشووف لبحر يا ختي
هند: لحال بقا كيبرد أما ندي ختي تعووم كاااع
أمال: هههه لا لا نغرق (بقات هضرتهم هاكا يتعاودو ويضحكو وشخص جالس قباالتهم كيشوووف وواخد رااحتو فيهم حتى صاحبو مد ليه الشييشة خداها من عندو نتر منها وكيبخ على أقل من مهلو وغيير بشوية كيدير بحال الذييب كيهز راسو لفوق يصووط بالعرض البطييئ ويعاود يشووف فيها)
....: ألعفووو اخووونا
....: (قوس عينو بعصى ديال الشيشة شير لبلاصة فين جالسين لبنات) عقلتي على ديك لبنية
....: (شاف فيهم بتلاتة) لا معرفت حتى وحدة فيهم ولكن للي بلا زييف قرطاااااسة يا خويا
....: (صااط الدخان) هااديك وااه هاديك هي للي داك نهار صوبات فولارها فالجاجة ديال اللوطو دياالي
....: (رجع كيشوف مزيان) لا مبقييتش عااقل عليها مزيان عقلت على غير لبلان ولكن لوجه لا..
....: حسن متعقلش على لوجه براكة تعقل غير على لبلان
....: هههه وغتبقى شوف فية نشوف فييك
.....: (تبسم منين شافها كظحك) زيييينة (وقف وتمشى بنخوة لعندهم شاف فأمال) ممكن نجلس
هند: (طلعاتو بنظرة وهبطااتو ولكن للي استغرباات واحد مبووكص مشاافش فييها لا نظرااتو كانو لأماال للي حنات رااسها) مرحبا اش حب الخااطر اسيدي
....: (مد يدو لهند) أنوار
هند: (بابتسامة) هند وهادي صاحبتي شيماء وهادي أمال
أنوار: (مد يدو لأمال) متشرفيين لالة أمال
أمال: (كتحك فيديها ومبلوكية مهزاتش رااسها وخلات يدو معلقة حتى كمشها)
هند: حم (تبسمت) أمال وشيماء مكيسلمووش
أنوار: (تبسم بلبااقة) سمحيلي مكنتش نعرف
أمال: (هزت راسها بشوية وبصوت خافت) ماشي مشكل
شيماء: (كاع مشافش فيها نظرااتو غير لأمال ومرة لهند للي كتهضر وهادشي زعجها ودارها فخانة اللامبلاة هزت كاسها دلعصير للي طلبات وبقات كتشرب وقاالبة وجهها ومرة مرة تحنزز فيه)
أنوار: بون بلا مندير إحراج وإزعااج ليكم كتر من هااكا أنسة أمال ممكن نمرة ديال تيليفونك؟؟؟
هند: (شافت أمال للي حانية راسها وحشماانة بحال كيتسناوها تقول واش موافقة على زواج حتى نغزتها هند وهضرت تحت لسانها) جاوبي السيد
أمال: (بإحراج وبصوت خافت) لا
أنوار: (هز حواجبو كأنه ممنتاضرش هاد الجوااب أما هند راه كتندب من لداخل وشيماء فرحاانة فيه حيت معبرهااش وكان مد يدو يسلم كانت غتسلم عادي.. تبسم بلباقة ووقف) سمحوولي على ديرونجمو (رجع لبلاصتو..)
شيماء: عبرتي على مو
هند: ضيعتيه اصاحبتي السيد كيبان ضريف وجنتل ومبووكص واش معجبكش
أمال: (تحرجات) راه عييب
هند: اش عيب طلبلك نمرتك ماشي قالك نمشي نعس معااك
أمال: أحاااي واش تgولي اهند؟
هند: زعما هو طلبلك غير نمرتك ومبسلش كااع
شيماء: (حطت لعصير وشافت فين جالسين دراري لقاتو كيشوف جهتهم) وباينة عجبتيه وهو زوين ولكن هي معجبهااش
هند: ممكن هه الأذواق تختلف ولا قوليلي وليييد للي فلقليب هههه
شيماء: وراه خويا حسن منو
هند: اممم شكاار لعرووسة
شيماء: قولي الصراحة اأمال شكون زوين وليد ولا هدا شنو سميتو
هند: أنوااااار
أمال: (وجهها حماار ودارت يدها على وجها) وصاافي حشموووو (هو عارف الهضرة غتكون علييه وغير دارت هاد الحركة ظحك حتى بانو سنانو بركعلى راسو ومحس حتى رجع ناض لعندهم وهوما محسو حتى لقاوه جالس حدااهم شاف فشيماء للي حظاها كتخنزر فيه) شيماء ياااك؟؟؟؟!
أنوار: شيماء ياك؟؟
شيماء: (توترات منين هضر معاها) امم واه
أنوار: (عمق الشوفة فيها ورجع شاف فأمال للي راسها قرباات تغرسو فالارض) كتشابهو
هند: (دارت رجل على رجل) بنات العم
أنوار: امم باينة الدم كيجر.. (رجع شاف فأماال) أمال (هزت راسها بشكل عفوي فيه وهنا شافها على خااطرو عحبااتو.. وزينها جا على كانتو) مرتابطة أماال؟؟ (تعطيييه كلوتها ومتجاوبوووش)
هند: شوف نجيك للصراحة أمال حنا للي بنات وبالزز باش تناخدو منها شويش دلكلام
أنوار: وعلاش
شيماء: (تشجعت) حيت هي حشوومية وممولفاش كتهضر مع شي واحد مكتعرفووش
أنوار: نتعارفو.. أماال (مزالة حانية راسها جابتلو الظحك) هههه وااالو كااع
هند: (كتشوفها وججها رجع حمر) هه لبنت كتحشم واش بغيتها ذووب
شيماء: هههه هي هااكا داايرة راه من العائلة ومكتهضرش معااهم
أمال: (كطلب الله فوقاش غير ينوض من حدااهم)
أنوار: (معرف ميديير اه عرف بنات حشومياات ولكن هادي راها حجرة حتى راسها مهزاتوش فيه وكلمة وحدة مربحهاش من عندها نوعا ما مرضااش من هاد الجموود للي فييها يعني معجبهاش ومحملاتوش وتأثيرو جا لعندها وتبخر) أمال واش نمشي؟
هند: حم لا خلييك الا بغيتي
أنوار: بعدا هي محملاتنيش
هند: لا لا هكا هي طبعها
أمال: حم انا نوض ل.. (وقفات وحيت عارفة لحمام فين كاين مشات بالزربة.. وقف أنوار بغا يتبعها)
هند: أنواار (شاف فيها) أمال وحدة حشومية بزااف تربات فواحد الوسط للي هادشي عندهم عييب
شيماء: واه يعني هادشي كيجينا غريب واحد مكنعرفوهش يجي بحال هاكا ويهضر معانا
أنوار: مفنيتييش نآذي غير بغيت نتعرف علييها
هند: واش ديجا شفتيها شي نهار؟ حيت هي ماشي من هنا غير جات تقرا فلفااك
أنوار: (هز حاجبو) مسكنينش مع عائلتكم؟؟
شيماء: (عجبها الحال تهضر معاه) لا ساكنين فدار الطاالبة
أنوار: (لعب بلسانو فوسط فمو) مزياان انا يغيت غير نتعرف عليها شفتها عجباتني وجيت قااصدها
شيماء: (شافت فيه كان زوين بزااف عينيه كووحل رمووشو مخليين عينييه حرشيين ويجذبووك تشوفي غير فييهم لحيتو كحلة وبشرتو بيضة الجسم ديالو باين سبورتييف واخا ضعييف ولكن طاي مقاادة ولابس تواشي قلال فيدو.. الطريقة باش كيهضر ويتبسم كانت تزييد تخليه زوين)
هند: شوف راها تعطييك كلوتها بجوج ومتجاوبكش
أنوار: هه وشنو لمعموول؟؟
هند: (تبسمت بجنب) داكشي كيبقى ليك
أنوار: (رجع شاف فالمدخل واش تباان ووقف) مبغيتش نزيد نصدعكم
شيماء: (متبسمة) لا لا مكاين حتى صداع
أنوار: شكرا نخلييكم على رااحتكم (ورجع شاف فلمدخل) ونيت لالة أمال متبقالش واقفة من مور الزااج بزااف هه (رجع عند صاحبو كيتبسم اما لبنات شافو فين كان كيشوف ولقاوها كطل برويسها شيرولها وهوما كيظحكو عاد تمات جاية عندهم جلسااات وهي محملاش هادشي)
أمال: (ممنتبهاش ليه جاالس قباالتها من الجهة الاخرى) بففف
هند: هههه والله حتى نتي بزااف
شيماء: (كتشوف فامال) واش زعما معجبكش؟؟ منين جلس وهو كيهضر غير علييك
أمال: (كعات) صافي نمشي أنا
هند: تي ماالكي السيد مقال حتى عييب بغا يتعرف عليك وصاافي مغيااكلكش
أمال: وانا مبغيتش
هند: من حقك وحتى هو راه فهم رااسو ومشا وااخا كيباانلي حطك فرااسو وأحسن طريقة باش تخلي الرااجل متعلق بيك هو تطلعييلو أكبر Vu حبيييت هاد الفكرة
شيماء: كفاش؟؟
هند: زعما ماشي غير يقولك عجبتيني تذووبيلو لا بلمهل كيتكاال بودنجال
أمال: (شربت شوية من العصير وحطااتو) حم هدا هو للي قلتلك عليه داك نهار اشيماء حصلني كنقاد فولاري
شيماء: اممم واااااه عقلت صراحة أمال زوييين بزااااااااف
هند: بانلي نتي للي طحتي فيه الزغبية
شيماء: لا لا لا لا هو جاي لأمال علاش نطيح فيه أنا
هند: اممم (شافت قبالتها كان وقف هو وصحابو وباينة غيتحركو ولكن ملامح وجهو مبقاوش مرتاحين كما شافتو فاللول دازو من جهة الاخرى ديال بيسين وخرجو) السيد كعا
أمال: (كتشرب لعصير وهزت كتافها زعما يعاود لمخو.. حطات لكاس) الحمد الله بنييين
شيماء: هههه نتي بووحدك
هند: لبنات فية جووع شنو بانلكم نمشيو ناكلو بيتزا (حركو راسهم باه اصلا للي قالتلهم نمشيو ليه يمشييو.. هوما غير متبعيينها وصلو لطموبيلة ديال هند ووقفو وأمال ضورات عينها غير شافت أنوار تكمشت حدا شيماء بحال كتخبا منو هاد الحركة خلاتو يزييد يكعا عمر شي وحدة دارتلو هكا حتى ليها ركبو وزادو وهو بقا غير متبعها...)
أنوار: (سايك كيشوف فطموبيلة ديال هند للي سابقاه وكيفكر فهاد لجيست للي وقعلو فالقهوة) فشكل هاد خيتنا
حمزة: لبنت يمكن بنت داارهم
أنوار: وهادشي للي باغي حتى أنا وحدة بنت داارهم ماشي معايا وحدة تقسم بيني وبين ز**** سواايع ونتسنى نووبتي هادي بعدا باينة الا كانت غتكون ديال وااحد
حمزة: هي نااوي تزوج
أنوار: الا كانت فالنصيييب وكانت شي وحدة معقوولة منكرهش وداكشي علاش بغيت نتعرف علييها
حمزة: تعرف سيف علييها
أنوار: (حط صبعو فراسو) حطيتها هنا ودخلات لدمااغ بهادشي للي داارت معايا
حمزة: وصلني أخويا لدوااري وسير نتا دير شنو يريحك
أنوار: (وقف فسطوب) راه التاكسياات اخويا انا عندي شي شغل
حمزة: هههه (نزل حيت عارفو مغيتفاكش مع أمال.. أما لاخر تبعهم فين يمشيو شاف غير هند وشيماء للي نزلو من الطموبيل تسنى أمال تهبط ووالو.. نزل من طموبيلتو ومشا كيدور كيشوف حتى قشعها متكية اللور تبسم ودق عليها الزااج غير شافتو جلساات وعينيها كيدوور دارلها اشارة باش تهبط الزااج ووالو لا حركة منها بغى يحل لباب لقا هند مسورتة طموبيلتها زاد تكره ولكن مخلي ابتسامة خفيفة فوجهو ياله غيبعد حتى سمع طموبيل جاية وروايضها كيتحكو بالجهد وباينة مولاها ممتحكمش فصوكان الناس بعداات ولكن الطموبيل جااية قااصدة لبلاصة فين واقف هو والطموبيل شاف فامال للي تخلعات وكتحااول تحل لباب مشا كيجري يشوف واش يحلو بقوتوو حتى تسمع زدااااااح مع الطموبيل للي قباالتهم ورجعات شوية اللور ضربات فطموبيلة ديال هند للي تخمجات شوية من لقداام.. أمال غتهبل بلكبى بلخووف وأنوار باان تخلع علييها دخل بجرا لدااخل غير قشع هند وشيماء خارجين يشووفو هاد الصوت لقريب منين حتى كيشوفوه قشع الساروت فيدها طيرولها وخرج بالزربة كليكا عليه وهوما يتفتحو لبيبان خرجات أماال مفزووعة ووقف حداها أنوار) واش بيخييير؟؟؟؟
أمال: (كترعد) الحمد الله (كتشوف الطموبيل للي تضربات وكان كانت هي للي فيها وكان كلاتها الناس دغيا تجمعو وهند وشيماء وقفو حدااه)
هند: أمال واش بخيير؟؟
شيماء: واش هادي كسييدة ويييييااااي
أنوار: أمال واش نتي مزياانة شووفي موقع واالو ( هي غير كتشوف دغيا البوليس للي فرومببوان حضرو وبعدو الناس على ديك لبلاصة)
هند: أمااال هضري اصاحبتي واش بيخير؟؟؟
أنوار: أختي وكان غير مشيتو دخلتو فحاالكم لبنت راها ترعد خلي لية نمرتك وانا نجيبلكم عشااكم
هند: شكرا خويا رااني خلصتو قالي داابا يوجد
أنوار: (بغا يشد أمال وهي تبعد بطريقة جمع يدو مكمشة) أجي غير جلسي (مشات جلسات فكرسي تمااك والخلعة قتلاها هي ممولفاش هاد الجو زحاام والدنيا عاامرة جااتها الرهبة وغير كتشوف وكتخيل راسها الطموبيل دخلات فيها هي.. حتى لقات أنوار نزل على ركابيه ومد ليها قرعة ديال لما) هاكي شربي
أمال: (مدت يدها متوترة خدات لما من عندو وشربات جغمة من مور جغمة وحبسات مسحت شنايفها بظهر يدها وسدات القرعة.. بصوت شبه مسموع) شكرا
أنوار: (وقف) متعاوديش تخليها وحدها فالطموبيل راه الكوارث متعرفيلهمش فوكاش ينزلو عليك
هند: حنا غير مبغيناهاش تعذب حيت عياانة شوية وقلنا رجعو دغيا بفففف هاد لحمار مال جد بووه واش كان سكراان ولا شنو!!!! تفووو
أنوار: طموبيلتك خاصها تgااد الا بغيتي خليهالي نقادها هاد الليلة وصبااح تكون عندك
هند: (بشك) بلا منعذبك
أنوار: مكاين حتى عذاب نوصلكم لفين بغيتو وصباح بكري تلgاي اللوطو دياالك عندك متخافيش مغنسرقهاش غير مبغيتكمش تمحنو الا خليتيها هنا غدا مغتلقايهاش
هند: وكفاش غديرلها نتا
أنوار: مترفديش الهم انا نعرف شنو ندير
هند: أوكي (دخلات مكرهة على حساب طموبيلتها للي تبجغات وفبالها كتقول هو ماشي شفاار للي غيسرق ليها طموبيلتها شو غير الراانج لللي عندو جابت عشااهم وخرجات لقاتو كيشوف فأمال ولوخرا ممسوقاش جابلها الظحكة طااح طيحة وحدة وقفات علمات لبنات انه غيوصلهم مشاو طلعو لطموبيلتو من بعد صراع مع أمال للي مبغاتش ووقفقات بالسيف عليها حيت مكاينش حل وحتى من التاكسيات هند قالتلها كيقلالو فالليل... ركبت هند لقدام ولبنات اللور أما هو متحرك حتى علم صاحبو للي صيفط ديباناج هز الطموبيل صوراتهم هند فيديو باش تخليه عندها عاد هو تم جاي ياله ركب)
أمااال: (بلا متحس تفكرت) أحااااااي كاااع حوايجنا بقاو تماااك...
أنوار: (مصدق سمع من فمها الهضرة وديك أحااي شحال طرباتو فودنيه... ضار عندها) حوايجك؟؟
أمال: حم واه
شيماء: صاافي راه مشااو كاع مكملت فرحتنا ابنت عمي بففف
أنوار: (غير سمع شيماء ديمارا وتبع ديباناج للي هاز طموبيلة أما هند متبعا بعينيها وعرفااتو غيدير فيها بطل ويجيب لحواايج تبسماات وقلبت وجهها لقاتو مضارب مع لمراايا يقادها باش يشوف أمال هزات يدها وقداتهالو غير شافتو غمزااتو زعما راني عقت بييك أما هو ركز بين الصوكان وبين لمراايا وكيشوف فأمال للي مقدرااش تجلس وغير كتعوج وصلو للكراج فين غتقاد الطموبيل نزل هو وبقاو لبنات للداخل هنا هند عرفاتو نيت غيقاادها ماشي غيشفرها ضارت عند أمال)
هند: يا لااالة السيد طاايح فييك
شيماء: ههه سعداااتك يا أمال
أمال: حشمووو
هند: هههه (هزت حاجبها) شكون قاال (ضارت كتشوف فيه حتى نزلو طموبيلتها ولقاتو كيتفاهم مع السيكلييس عاد جا عند هند مدااتلو الساروت حل لكووفر ولقاه بلااااان هبطات من الطموبيل كتعوج بكسيوتها لكحلة للي مبينة طايتها ومشات عندو) نعاونك
أنوار: لا معلهيييش غير سيري ارتاحي (بقا كيكمش فدوك لميكااات ويعمر لكوفر حتى كمل رجع للطموبيل.. كيحااول يهضرها بالسيف) أمال مقدية السوق كاامل؟؟
هند: ههه كتوجد للعرس
أنوار: (شاف فهند ورجع شاف فأمال) غتزوجي؟؟؟
هند: هههه وينووو لا لا غير كنظحك زعما حيت تقدات السوق كاامل هادشي للي قصدت
أنوار: حساابلي (وهنا أمال هربت ليها ابتساامة وقلبت وجهها هاربة لتحصل.. ومقشعها غير وهو داير اماارش تبسم معااها وكمل صوكاانو وسكااات) واش دار الطالبة للي حدا مصحة البستان؟؟
هند: وي (وصلهم لتماك من سكاات ونزلو خرج ليهم لميكات ديالهم ووقف حدا أمال كيحك فقرفادتو)
أنوار: مزال مهداك الله تعطيني نمرتك مغنااكلش غير غنتعاارفو
أمال: (حنات راسها متوترة من قربو) لا لا غير سمحلي (ومشات)
أنوار: وااخا لالة الا مكانتش اليوم تكون غدا.. هند غدا غتكون طموبيلتك هنا صاحبي قالي ماشي شي حاجة للي تشد اليد
هند: مزيان انا نيت غدا مقريااش فوقما جبتيها هاك نمرتي ومنين تجي هنا صوني علية وسمحلي صدعتك معاايا
أنوار: نو نو مكاين حتى شي برومليم ولا تبرزييط على الله شي نااس يحنو فينا وصاافي
أمال: (هربت من حدااهم ودخلت مكرهة) خخخ سلكوط...
هند: ههه هي هكا داايرة كتحشم بزااف
أنواار: أحسن حااجة.. ياله بلا منشدكم غدا نصوني علييك شيمااء تهلاي فبنت عمك راها خاافت قبيلة بزااف
شيماء: هه واخ (مشا هو فحالو عاد خرجت أمال باينة معجبهاش الحال) ههه أمالكي هربتي ياك شحال ونتي كتقولي مكرهتش للي يبغيني ويهرب بية
أمال: بففف هضرتو باسلة ميحشمش
هند: مقال حتى حاجة خاايبة شوفي غير كفاش خااف عليك وعلى ودك شنو كيدير
أمال: (هزت كتفها) ومالي gلتلو دير على حسابي شي حاجة هو للي لاسق فينا كي لعلك
هند: ههه بااااز شنو معجبكش فيه الحمقة
أماال: كوولو.. كاع مكيحيدش عينيه علية
هند: هههه وشنو بغيتيه يشوف فشيماء ولا فية
شيماء: (مرضاتش) وعلاش يشوف فية أنا؟؟
هند: غتهبلوني نتوما هزو هزو وياله نطلعو ونكملو هضرتها فلبيت راه عييت وقتلني الجوع...
أنوار: (رجع لدار وتفكيرو فطريق فهاد الحشوومية للي غتاخد وقت معااه وباين طويييل... صونا تيليفونو غير طلعات سميتها طفا الشاشة ورجعو لجيبو مع دخل لقا بااه حتى هو ياله دااخل.. باسلو يدو ورااسو) الواليييد عاد دااخل
أب أنوار: هههه الا بغيت اولدي
أنوار: ههه لا زعما حيت اليوم مكيناش الخدمة وكنعرفك الجمعة كظل فالدار
أب أنوار: غير خرجت أنا مك طلقنا رجليينا وروحنا شوية
أنوار: اممم اوا مزيان لوالدة بقات عند لمييمة
أب أنوار: واه.. متنساش غدا سير شوف مع سي السبعاوي راه بغا الزيت
أنوار: علاش جات السلعة
أب أنوار: واه جات وداوها دراري لديبو لبارح عنداك تنسى انا غدا عندي شي شغل ميمكليش نمشي عندو
أنوار: واخا (دخل أنوار لدار ونيشان طلع للطابق التاني فين كاين بييتو.. أنوار فعمرو 28 عام عندو باك مع ديبلوم ديال التسيير غير شد الديبلوم خرج يخدم مع بااه فالتجاارة للي كيتميزو بيها فوجدة وفالمنطقة الشرقية ككل عندهم ديبو كبيير فين كيوزعو السلعة على لهريات لكباار مكانوش لباس عليهم فاللول ولكن بإصرار باه وولادو و "خوه" كبرو ورجع عندهم اسم وسمعة بين التجاار... حيد حوايجو ودخل خدا دووش توضى وخرج صلى صلاة ديال نهار كاامل عاد جلس فوق نموسيتو مكره من الصونيط للي مبغاش يحبس جاوب مكره) وي
....: علاش مكتجاوبننيش
أنوار: بنيتك اسهام عاد كنا نهار كامل بجوج
....: اه كنا ولكن غير قضيتي غرااضك موليتيش دويتي معايا
أنوار: هانتي قلتيها صافي الغرااض تقضى علاش نولي نصوني علييك
....: يااااااااك!!!!
أنوار: سهام واش تخلصتي ولا لا؟؟
....: (بانفعال) واش حمق واش حسابلك أنا ق****
أنوار: (ببرود) لا
....: وعلاش كتقول هااكا
أنوار: داابا شباغا؟؟؟
....: صافي بنتي على حقيقتك
أنوار: (ببرود) مفهمتش واخدة خلاصك وبالدووبل وكتشكاي مgلتها حتى أنا للي تصيدت
....: واش تصطييتي أنوار واش راك شاارب شي حااجة أنا هادي سهام حبيبتك
أنوار: أنا كاع للي شقتها حبيبتي ازييين.. وغنجييك نيشان دوك روشارجات وحقا واقفة على 1000 درهم حبيبي بغيت 2000 درهم حقا تيليفوني تهرس ونجيبلك وااحد جديد مكنتيش تحلمي بييه بلا لباس منين نخرجك راه ماشي فاابور وحقي خديتو هاد نهاار واخا راه كما خديت أنا خديتيه حتى نتي وكنت بااغي نكمل ولكن داكشي دياالك مقنعنييش ومعجبنييش بغيتي دخلي لهاد الدومين خااصك تخدمي على **** مزيان باش لكلياان ميهربش منك (هاد لكلام خلاها مصعووقة وممتوقعاش منو هاد لكلام.. تصدماات فييه حتى لسانها تربط عاد صباح كان فرحان حيت غيتلقااو فمكان معزوول على العاالم ويماارسو الحب كما رسمهالها ودابا شو لكلام للي كيقولها محساات بصدمتها حتى سمعاات طيط طيط منين قطع عليها شافت فالتيليفون ودموعها شلال عاد تكات فوق السدااري منهاارة كتبكي على حلم ضااع وهي للي كان على باالها غيتزوجها وينقدها من الفقر... أما هو صونا على صااحبو) شوو غدا نبغي لقى ديك الطموبيل واااجدة... لا لا بغيتها صبااح حدها 11 نجي ناخدهاا... الله يحفظك ابن عمي.. (قطع وبقا كينشف فشعرو وغير كيتفكر سهام للي شحال وهو مشهي فوقاش يجيبها للبرتوش كما كيقوولو.. عاافها ومع هو واخد احتيااطو ومكيقربش للمكان الخطير للي ممكن شي وحدة تربطو بييها عاافها حيت ملقاهااش كما مواالف مع للي قبلها.. تفكر أماال) بايلي نتي غتكووني مبدلة على كوولشي وراااك وراااك الحشووومية...
هند: (كتطوي مع لبنات لحويجات للي شراو وهوما فرحانين بيهم وفبالها غير طموبيلتها للي خايفة ميرجعهااش لييها ويقلب علييها..) لبنات شوميزات متطويوهمش علقوهم باش ميتكمشوش ليكم
شيماء: (كتطوي وعقلها مرفوووع) واخ
أمال: (صونا تيليفونها من بعد 20 يوم مصوناو مسولو. توتراات وتخنقاات حطات داكشي وخرجات لبرا الشومبر خايفة من شي احراج فوسط لبنات) حم السلام
أب أمال: وعليكم السلام لباس الالة أمال؟؟
أمال: (بداو فطنيز) لباس ابابا ونتا بيخير كدايرة ماما وخوتي
أب أمال: وكان كنتي حداهم غتعرفي كرااهم وااايني نتي باغا طييري ولكن من بعد علييك حساابك غيكون طويل
أمال: (تقجات) علاش شنو درت أبابا؟؟
نعيمة: (مد تيليفون لمرتو ومشا كينكر) اديك التاايهة
أمال: (كتنش الهوا بيديها على وجهها) ماما لباس عليكم؟؟
نعيمة: لباس نتي رتاحيتي شوي منا؟؟ بردتي من واليدبك وخووتك يا لمسخووطة؟؟؟ خليتي مك محنة بوحدها فشغل الدار ومشيتي تييهي ودابا تنفعك فتيحة وبنتها
أمال؛ علاش اماما كتgولو هااكا انا عمرني درت ليكم ولا درت شي حاجة خاايبة
نعيمة: ونتسناك عاد ديري والله تاليتك على يدي كتقراي بعدا ولا عطياها للدوران؟؟
أمال: (بقلة نفس) كنقرا
نعيمة: يقراو عليك طنااوش اه اه ضساارة ديال هاد الجيل باش غتنفعكم هاد لقراية؟؟
أمال: لا رد.. واخا فقلبها بزاف متقول
نعيمة: ياله سيري (قطعت عليها وبقات أمال كطل من واحد السرجم كبيير على لهوول ديالظار الطالبة فين كاينين بنات جالسين.. اما لداخل شيماء غير عرفات أمال غبرات شافت فهند)
شيماء: نسولك وجاوبيني بصرااحة
هند: شنو؟؟
شيماء: ولكن خليها بيناتنا عفااك
هندد: وهضري ازمر ماالكي؟؟؟
شيماء: اممم شكون زوين أنا ولا أمال
هند: بجوجكم
شيماء: وغير قولي منتقلقش
هند: لا بالصح بجوج بيكم وكل وحدة وزيينها علاش كتسولي هاكا؟؟
شيماء: ها لا واالو غير بغيت نعرف
هند: (هزت حاجبها فيها) واش زعما حيت أنوار عجباتو هي ومجاش عندك نتي
شيماء: معرفت واخا مبغاتوش بقا لاسق فيها غير هي
هند: وهادشي للي غيخليه ميبعدش منها أمال زوينة زينها هادي زعما ولكن مقبوولة بزاااف وكتخلي لواحد يرتاح ليها واخا حشومية كتر من لقيااس ولكن هاكا كتجذب لوااحد يرتاح ليها
شيماء: واااه عندك الصح ووو أناا؟؟
هند: ههه حتى نتي زويينة وألف واحد يتمنااك غير صبري على رااسك وغيجييك الإنسان للي غيبغييك
شيماء: عرفتي حتى خويا وليد كيدير فيها هاد الشوفات للي دار فيها أنوار
هند: امم مزيان
شيماء: انا كنت باغياها لوليد ولكن الا غطلع هضرتها بالصح صاافي بلاش مبغيتش نتزوج خووها
هند: شوفي ربي للي كيلاقي ماشي العبد وحتى نتي زوينة وبزااف.. وميغركش نوع أنواار راه بااين من دوك الناس للي غير كيزهااو
شيماء: مفهمتش
هند: يعني ديال صحااب حاجتهم
شيماء: زعما؟؟
هند: كنعرف هاد النوع ولكن الا بقات أمال كديرلو هااكا غيطيح فيها طيحة م****
شيماء: هههه لا من هاد الناحية كوني هاانية غتبقى دير هاكا
هند: دابا نشووفو... واخا هكااك أمال مسكينة نااقصة حناان
شيماء: واه مسكيينة دازت علييها مهم عفااك متقوليش لأمال شنو قلتلك
هند: هههه واخا لالة لفاسية
شيماء: ههه فير كيعجبني نgول قققق..
هند: ههه بصحتك
شيماء: اوا فوقاش نمشيو للزيانة؟؟
هند: شكون
شيماء: زعما الصالون باش نصايبو شعرنا
هند: خلي السيمانة جااية فلويكاند نمشيو ونيت أمال تبرا من ديك لحرقة
شيماء: واخا وعلميني لمكيااج
هند: هههه واخا لالة نعلمكم كوولشي غير نبغي منكم تبقاو بهاد البرااءة متغركش الزنقة اشيماء راه الخايب فيها كتر من زويين
شيماء: (بلا مبالاة) واه واه... وو نديرو حتى لاصير
هند: هههه لا نتي بزااف
شيماء: بغيت نتهلى فرااسي ونرجع زوييينة وبغيت نصحااح
هند: لا كتر من هاكا لا
شيماء: نزيد غير شوية بحاالك هاكا
هند: انا هاكا وباغا نضعااف ابنتي
شيماء: لا لا ويااك نتي زوينة هاكا بزااف.. تعطلات أمال ياكما عطات نمرتها لهاداااك ومقلتهاناااش
هند: هههه كول.. (صونا تيليفونها وطلع سمية أنوار) اذا مكتهضرش معااه.. (جاوبات) ألوو...)
"شيماء"⤵⤵⤵⤵
أنوار: (متكي فبلاصتو وداير يدو مور راسو) هند صافا؟؟
هند: الحمد الله اسيدي ونتا؟
أنوار: صافا كبقات أمال بقا باالي معاها
هند: ههه باينة
أنوار: واايلي باينة فية!! كفاش طريقها هاد خيتي؟؟؟؟
هند: انا صااحبتها ماشي صاحبها باش نعرف كفاش توصلها
أنوار: اممم معندها حتى شي واحد فحيااتها
هند: لا
أنوار: هادي مزياانة.. هي حدااك بغيت نسولها كبقات
هند: هههه (شافت فشيماء للي كتحاول تسمع شنو كيتقال) مبغاتش
أنوار: ههه (ظاحك شاارب الفقسة) عمر شي وحدة دارتلي هاكا
هند: وياله نهار اللول باش عرفتيها ياكما بغيتها تجي تقولك كنبغيك ومنقدرش نعيش بلا بيك
أنوار: لا ولكن على الاقل غير تسمعني تكلم معايا هي ساادة علية
هند: اممم أنوار أمال بنت ملتازمة ومحتارمة ومن التالي هي بنت داارهم وهادشي خاطييها
أنوار: (تبسم بجنب) وهادا هو المطلوب
هند: معندهاش مع دخول ولخروج أنا كنعلمك
أنوار: باغا تهربيني هه
هند: هه لا لا غير تكون عندك فكرة هي ماشي ديال تفلية
أنوار: علاش باينة فية ديال تفلية
هند: مقلتش نتا هاكا حيت انا مكنعرفكش ولكن كنعرف أمال وكنعرف عقليتها والوسط للي تربات فيه هائلتخا وطاسلتها كربااوها وكدايرييين
أنوار: اممم نتلقاو؟؟ (صدمها حتى سكتات) الا بغييتي تعاوديلي عليها شوية بغيت نتعرف عليها
هند: اممم نشوف
أنوار: واخا لالة.. سلميلي على لحشومية ديالي (قطع وبقا متكي وتيليفونو محبسش من لميساجات بلا ميقرااهم دار مسح ليهم كاملين وصونا) سهاام واش نتي شوية؟؟ راه طيرتيلي لمجااج ديااالي
سلمى: (كترجف) انا تردني ق*** شكون نتا للي تعامللني هاكا
أنوار: (ببرود) وكفاش نعاملك؟
سلمى: ألف ألف واحد يتمناني وفالتاالي منين نتيق فيك ونمشي معاك للدار للي شحال ونتا طلب وترغب فية باش نرضى ديرلي هاااكا
أنوار: هادوك الألف الا لقاو داكشي للي لقيت انا غينفرووك
سلمى: (غير كيزيد يشعلها) الله ينعل ***** ***** ******* (سمعات طيط..طيط.. رجعات تصوني وهي كتبكي كتلقاه مشغول عرفااتوو بلوكاها مشات للفايس ديالو كتكتبلو ميساجات ديال السبان طواال وهو محاالش.. هبط للدار لتحت لقا باه جلس حداه) غدا مع 11 ولا ديك 12 غنخرج نقضي شي غراض
اب أنوار: أشمن غراض اولدي؟؟؟
أنوار: غير شي حااجة مييي وااا مي واش مكااين عشا
أب أنوار: خلي خوتك يجيو بعدا
أنوار: عييت الواليد شفتي هاد نهار فقت بكري وخاصني نعس بكري على حساب السلعة
أم أنوار: (الكاملة) ولدي نحط ليك اتاي على ميوجد لعشا
أنوار: علاش باقيين معطلين بزااف
ام أنوار: ها هوما اولدي عيالات خوتك عاد يgادو فيه كانو شي ناس gبيلة وتلاهينا معااهم وزيد خوتك مزال مدخلو من برا
أنوار: بففف 10 هادي
أم أنوار: (بغات تمازح معاه) وهي الا نضتي تزوجتي ومرتك طيب ليك
أنوار: انا فوكما طلبت شي حاجة كتربطوها بزوااج
أب أنوار: علاه اولدي متجوجش؟
أنوار: بناقص من شي عشا انا نطلع لبيتي
أم أنوار: ههه انا دابا نطلع ليك تاكل فبيتك منين مافيك ميتسنى
أنوار: واخ (طلع لبيتو وتبعاتتو من بعد ربع ساعة مطلعالو فيها دجاج مصوطي مع بصيلة وعصير ديال فروي حطاتو فوق كوافووز ديالو وجلست حدااه.. باسلها يدها) لهلا يخطيك علية الوالدة
أم أنوار: أولدي راه للي هرب من جو..
أنوار: لو تكملي كلامك بربي لمعبود مناكل
أم أنوار: بففف منك كاع خوتك تزوجو قدك معرفت نتا شنو باغي دير
أنوار: باغي غير نعيش حياتي ونهار يكتاب نgجدر غيكتااب
أم أنوار: وهاني فين gلتلك عام منزيدكش علييه (خرجات مخلياه كيقصي غير كمل حط الصينية حدا باب بيتو حتى يجيو يهزوها غسل يدو وفمو ومشا تجبد مكونيكتي...)
أمال: (جالسة فلهوول (لهول هو بحال صالون كبييير في الهواء الطلق كيكون فالمجمعات..) جالسة مطرطقة عينها بحال كتفكر فشي حااجة وهي كل همها علاش عائلتها كارهينها علاش كيعاملوها خاايب لهاد الدرجة قفزها تيليفونها للي كيفيفري شافت كانت نمرة ديال هند.. تنهدت ووقفات راجعة لشومبرا ديالها وصلات لقات لبنات جمعو روينة ديال لحوايج وهند كتفرق ليهم لمكياج وتستف ليهم دهاني كلها وديالها.. دخلات بابتسامة بااهتة فوجهها) سمحولي خليتكم مع روينة
هند: لااا متقوليش هاكا انا راه قاديتلك ديالك فهاد لاتخوس وديال شيماء فهاادي اصلا شاريين بحال بحال ولكن حسن كل وحدة بدياالها ومتشاركوش فيه فلمكياج حيت كل وحدة وبشرتها
أمال: (تقرصات حسابلها كتمعني عليها حيت فيها لحبوب) اممم شكرا اختي.. فين مشات شيماء؟
هند: خرجت حتى هي كتهضر فالتيليفون مع دارهم (شافت فيها مهمومة) مالكي؟؟
أمال: والو
هند: (جرت أمال من يدها وجلساتها فوق نموسيتها) داركم عاود؟؟؟
أمال: (بصوت مخنوق) معرفت مالهم معاايا لا ماما لا بابا لا خوتي حتى واحد فيهم مكيبغيني كيشككوني واش انا بنتهم والله ألف مرة فنهار نشك فرووحي واش بنتهم
هند: يمكن هوما هاكا ولفوو كما كيتعاملو مع دراري كيتعاملو معاك حتى نتي
أمال: (حركت راسها بلا) راه خوتي هوما الري وشوار فالدار راه فرق كبيير ويا ريت ويهدعاملوني غير ربع كيف يعاملو خووتي
هند: (كتبغي تخفف عليها) شوفي راه أغلبية الناس كيخافو على بناته وكيعاملوهم هاكا وحتى خووتك غي حيت خايفين عليك
أمال: مخايفيينش هوما بالصح يكرهو فية شوفي غير وليد كيدير على ختو
هند: حنين؟؟
أمال: فوقما تصوري لدرجة تقولي يا ربي نعيش غير مع خويا م
هند: ههه لا لا غتبغي تزوجي وشكون ي****
أمال: (حلت فمها) أحااااي على ماسخااااااا
هند: هه شوفي عائلتك ميمكنش تبدليهم هوما هاكا دايرين وسيف عليك غتقبلييهم حيت الا تقلبتي علييهم غتجيبيها فرااسك وداكشي للي كتعاودلي لقتييلة عندهم عادي اكترية الا لقااوك باغا تتت ااام شنو كيقولولها زعما تمردي علييهم زعما تعصاايهم
أمال: وشنو الحل راه هاكا شي نهار غنقتل رااسي أنا قبل حتى ميقتلوني هوما
هند: دابا ربي يفكها من عندو متعرفي منين ترجعي ترجعيلهم بشي رااجل يهنييك من هاد تماارة
أمال: هههه ميمكنش
هند: علاش راه عليك الطلب الالة ها وليد ها خووه ها أنواااااار (جبداتها)
أمال: (تبسمت حشمانة) حشمي
هند: لا منحشمش راه السيد عاد قطع معايا بغا غير يهضر معااك وزيد منين قلتلو مبغاتش قالي نتلقااك باش تهضريلي علييها انا عارفة هاد النووع قاافز اه ولكن باش يشد فيك هاكا راه نيت عاجبااه
أمال: (عضت شنافتها) واش انا زوينة؟؟
هند: ياااااا دي النيييلة على بنات سبااعي وهاد السؤاال
أمال: (بغير فهم) سموو!!
هند: زوييينة.. زوييييييينة وفنة ومسراارة وغزاالة وهاد التبديل للي درتي هنا بدلك 180 درجة تريمة يا لالة وصدر للي راك تجبدي ووجهك تنقااا من طراس دلحبوب وداك جوج كيلو دزغب للي الزاايد مبقاااش
أمال: (عجبها الحال وبلا شعور دارت يدها على حنوكها) حلفي؟؟
هند: غنضربك
أمال: هههه (حشماانة وكتهرب عينيها) شنو gاالك
هند: وييينووو غير قوليلي واش عجبك
أمال: ورااه كااابض مع رووحو
هند: كابض زعما هي زوين؟؟
أمال: (حركت راسها باه) ولكن مااسخ
هند: هههه يا لالة نتي كولشي عندك مااسخ ياله نوضي تعرااي (خرجت أمال عينيها) ازمر باش نديرلك لاصيير ونتي كتعاندي مع خووتك ذكوورة
أمال: هههه (مشات لكوزينة صغيرة وحطات حوايجها وبقات غير بديباردور وشورط)
هند: الصنطيحة غتخرجلك اسمييتك
أمال: وشنو ندير؟؟
هند: قبل مديري لفولار ديري لفرقة ومتزيريهش بزااف باش ميهربش ليييك..
..اصبحنا واصبح الملك لله.. فلهري لداخل مجمعين دراري بيناتهم...
وليد: واش نتا مرييض باغي تزوج لبنت صحا
نبيل: ياكما فية شي عيب اخاي وليد وانا مفراسيش
وليد: العيب فداك لعقل صافي غي حيت نتا ولد عمها خاصها تزوجك نتا
نبيل: واش فيها؟؟
وليد: للي فيها لبنات عطا الله وقيل عليك بنت عمك راه حتى ختك غيخصها تزوج بمحمد ولا نسيييت
نبيل: وعلاه متزوجووش رااجل ويجببها من فم سبع
وليد: بففف واش انا نفهمك من هنا ونتا تبزgل علية من هنا عرفنا محمد راجل وكدا ولكن ختك مبغااتش وعمك مغيزوجكش بنتو وولدو مباغيينوش
نبيل: بعني لبرهوشة للي دايرالنا لعصا فروييضة وزايدة محرضة لبنت ومخليين عشهم وماشين لمدينة يديييعو
وليد: نشك فيك واش قاري والله
نبيل: غي حيت نتا مشيت لبرا ووليت كتعامل بمنطق ليهوود أما كااع قرينا وشفنا بنات الجامعة كخارجين طريييق
وليد: عقل دل **** عندك واش نتا مريض فرااسك واش كاين شي زواج بالزز ألي عارف فالدين (دخل محمد مسخس وحوايجو عامرين بدقيق بقا كينفض من على كتافو)
محمد: وجلللللس ابن عمي وانا نخدم علييكم
نبيل: هههه وخويا معندي صحة لدوك لكيلوات للي ظلو تهزو
محمد: وتهز طلع لدار جيبلي شي دكة
نبيل: هي اللولة (ناض خرج ووليد متبعو كفاش كيسمع لمحمد وكيمجدو ضار عند محمد)
وليد: رااسو ياابس ولكن كلمة منك تخليه يحني الراس
محمد: نبيل مزال صغيير خاص لوااحد ميبينوش مكلخ وغيتعامل ويسمع لهضرة
وليد: اممم مزيان محمد عمرك خرجتي فوجتي نتا الوحييد فينا للي كتخدم تاكل وتنعس
محمد: وبييييخييير
وليد: لا اصااحبي خاصك ديفولا شوية هز اللوطو ديالك وسير حوس شوية
محمد: معنديش ابن عمي ديك لكاانة
وليد: لمرة جاية فاش نجي غنغبرو من هنا
محمد: انشاء الله.. حم دزتي لوجدة شفتي لبنات؟؟
وليد: وي
محمد: كيقراو شوية
وليد: كيقرااو شيماء ديما كتوريني شنو كتقرا وعاد خاصني نهضر معاها دير شي سونتر لفرونسي ولونكلي عندها واكلين لعصى
محمد:راك كتحلهم عينيهم كتر من لقياس اوليد براكة غير لفاك
وليد: واش فيها الا تعلمو الا الله اول كلمة وصانا عليها هي "إقرأ" نجي انا نقول لا
محمد: داكشي فداك زمان اما داابا كولشي كيخرج طرييق
وليد: لا لا لااا بناتنا مربيااات
محمد: اممم مزيان حتى انا بغيتهم يقراو ويبعدو من المشاكيل...
~~~~~~~~~~~~~~~
أنوار: (غير وجدات طموبيل ديال هند عيطولو مشا خدااها وداها لبنات بقا على برا حيت معندو حتى شي حجة باش يدخل صونا على هند للي دغيا جوباتو) اجي خودي اللوطو ديالك
هند: شكرا اخويا انا نازلة
أنوار: جيبي معاك أمال
هند: هههه نحااول (قطعت معاه لبسات صندالتها ومشات عند لبنات لقات أمال كتصبن) زيونات صباح الخير
أمال: صباح لخير عاد فقتي؟؟؟
هند: قبيلة شوية مهم دابا غنزل عند أنوار
أمال: (غير سمعت سميتو زلقات ليها تبسيمة) مزيان
هند: وطلبني تهبطي معايا
أمال: أنا لا لا لا أحااي مكيحشمش تفو
هند: هه وصاافي متيبسيش راسك
أمال: الاا ختي نحشم
هند: وغير زيدي اصاحبتي
أمال: لا لا (كتكمل تصبينها) هو مساالي gولو انا مبغيتوش يفهم راااسو يبعدني
هند: اهااااااه وااخا...
هند: (هابطة فدروج بمشيتها المتغنجة وبصبعها كتلعب بلفخونش ضارت عند) وسربي اصاحبتي
أمال: بففف معرفت كيف درت تبعتك فريك
هند: هههه حيت نتي ببساطة باغا تشوفييه
أمال: (جات ضايرة باغا ترجع فحالها وهي تشدها هند كظحك عليها) انا جيت غير معااك ماشي حيت بغيت نجي نشوف هاد زمر
هند: امم واخا واخا ههههه دابا غير زيدي السيد داير معانا بليزير حشومة نتعاملو معاه خاايب
أمال: دايرو معاك نتي أما انا منعرفو ميعرفني (سكتات من نكيى وغير قربو محساات حتى قدات لفولار وشافت فراسها كانت لابسة سورفيت جديدة زوينة مستيلية مع سبرديلة زوينة وشال ماشي معاهم ودايرة كريم واقي للشمش هادشي مخلييها حااسة انها داارت إنجاااز فحق نفسها مع خرجو كيلقااوه متكي على طموبيلة ديال هند كان داير نظاظر فلكحل مدورين ولابس كابيتشو خفيف فلgري وسروال جينز وسبرديلة مخلياه مستيلي ومبووكص غير شافهم وقف باستقامة ودار ابتسامة صغيرة من بعد ما فقد الأمل فأمال تنزل مد يدو لهند) نهار ملييح منين شفنااك (أمال قلبت وجهها شادة التبسيمة باش متفرشهاش)
هند: ههه.. شكرا بزااف (ضارت على طموبيلتها كتشوفها لقاتها عاد زادت تنقات مزيان) وااو رجعت جديدة
أنوار: (عينيه على أمال) زوينة بزاف
أمال: (هزت عينيها فيه باغا تسرق الشوفة فيه حتى لقاتو كيشوفها) حم (حنات راسها)
أنوار: (قربلها) علاش تحشمي بزااف
أمال: حم هييييييييند (كضور عينيها)
أنوار: هههه هند اجي عتقي صااحبتك
هند: ههه (جات حداهم) شكرا أنوار بزاف قولي بشحال؟؟؟
أنوار: (هز حاجبو فيها) بنيتك؟؟
هند: ضروري اخويا مكنبغيش نعيق على شي واحد
أنوار: حسبيها من خوك
هند: (تحرجات) لا لا مجيااش وماشي حتى نتا للي ضربتيهالي غنضسر والله ههه
أنوار: (شاف فامال) حسبيني انا ضربتها.. أمال معليش نتغدااو بجوج (هزت عينها مطرطقة عينها) ههه حتى صحاباتك يجييو
أمال: لا لا غير سمحلنا ميصلاحش
أنوار: أمال متيبسيش رااسك غادي غير نتغداو مجموعين ونرجعكم لهنا ياك اليوم الاحد مقاريينش
هند: أمال مافيها واالو نديروها جلسة تعاارف
أنوار: وي (بنظرات ترجي) عادي مغناكلكش
أمال: (حنات راسها كتحسبها فرااسها وبانت فيها ممرتاحااش)
أنوار: (بقا كيشوف فيها عرفها مغتبغييش) وااخا لالة تخليها مرة اخرى!!!
أمال: (عاد رتاحت) واخ (جات حداها هند وشدات فذرااعها)
هند: قلتلك لبارح شنو كاين
أنوار: بوون بلا منزيد نشدكم هنا عطيني غير نمرتك
أمال: (تبسمت وحركت راسها بلا بغات تمشي وشداتها هند) صافي ياله نمشيو
أنوار: (لعب بلسانو فوسط فمو) قوييسحة بزاااف (شافت فيه بنظرة بريئة) وزيييينة كتر من بزااف (تبسمت مكرهش يعاود يعرض عليها ولكن عاارف طريق مزاال طويل) بلا منزيد نشدكم غير طلعو هند الألوو بيناتنا..
هند: شكرا بزااف خويا (تبسم معاهم وتمشى بعيد حيت جا فطموبيلة ديال هند لبنات طلعو تحت نكير هند لأمال للي متعاملاتش مع أنوار مزيان حتى نطقت)
أمال: هند انا هااكا داايرة وميمكنش نتبدل غير حيت نتي منفااتحة خاص نكون بحاالك
هند: ولكن السيد عرضنا على لغدا عاادي
أمال: علاش يعرضني خويا راجلي با علاش نمشي معاه وانا منعرفو ميعرفني؟؟
هند: والا بغيتيه يكون رااجلك خاصك تعرفي عليه مبقاتش ديك العقلية ديال غير يشوفك تعجبيه ويمشي قاصد باب داركم ويخطبك خااص تعرفي دمااغو ويعرف عقليتك مزيااان راه كوولشي تبدل الالة الفاهمة...
أمال: الا كولشي تبدل أنا لا متبدلتش وعقليتي للي كبرت بيها ماشي بين ليلة ونهار غترجع اخرى فهميني راه غير باش كنهضر معاه هاكا مكرتااحش مكيعجبنييش الحااال
هند: اذا معاجبكش
أمال: (وجهها تزنك) معرفت ولكن معرفت والله مكنبغيش هادشي انا بغيت غير نفوج من داك لحبس فاش كنت عايشة وصاافي
هند: سمعييه شنو بغا يقوول انا براسي منبغييلكش الضر ولكن هو كيبان بااغي يتعرف علييك راه أي واحد درتيلو هاكا ميوليش يضرب الطلة فيييك
أمال: لا منقدرش راه الا خرجت معااه ودارنا عرفو يذبحووني وانا مزاال باغا نعييش ونشووف ونفرح ولبس ونساافر
هند: هااء ولكن داركم مكينينش هنا باش غيعرفووك
أمال: وإلا جاو على غفلة؟؟ راه فأي وقيتة يبانو هنا
هند: معرفت والله انا غير بانلي السيد جونتي وبااغي يعرفك قلت مافيها باس تعطييه وقيت وكنأكد عليها مقلتش ديري شي حاجة خاايبة غير سمعييه على الأقل فالتيليفون علاش متعطيهش نمرتك؟؟
أمال: امم مكيسمعش هاد التيليفون مزيان
هند: هههه وكاااان!! راه عندك فلوس وخرجي شري تيليفون جديد
أمال: والا شافوه عندي؟؟ راه gالولي الروشارج مديريهاش حنا نعيطو عليك
هند: بففف على معقدين شري تيليفون زوين خليه عندك ومنين تبغي تمشي لداركم خليه كاع هنا ولا غبريه مزيان وديما بينيلهم ديك لخرشاشة للي عطاوك
أمال: معرفت نخااف (وصلو للشومبر وحيدات شالها) والله معرفت
هند: اوا للي بان لييك صافي الا هضر معايا مرة اخرى نقولو متبقاش تصوني ونسانا علييك كما كان الحال لواحد راه عندو كرااامة ميمكنش غيبقى لاسق ونتي مباغاهش
أمال: (مزعماتش تقولها لا حيت واخا هكاك عاجبها هاد الإهتمام من هاد لغريب.. حنات راسها وضربات الطم وهند كتقرا ملامح وجهها شنو كيعنييو) حم شيماء تعطلات فالدوش نمشي نشوفها واش خاصها شي حاجة
هند: هههه سيري (هاكا بقات على هاد الحالة سيمانة وأنوار كل مرة مصوني على هند يا يطلب نمرة اماال يا يحااول يقنعهم باش يخرجو مجموعين وكل صباح كيقول صاافي قلب على زمر واش غير هي للي كاينة بنت كيلقى رااسو كيفكر فييها وبااغي يزييد يعرفها هاد الجموود للي من جهتها مخليه حااير وتفكيرو غير فييها عمرو دار على شي وحدة هاكا ديما الإعجاب كيكون متباادل وعلاقاتو ديما كيتسالاو بالفراق من طرفو ولكن حتى كيااخد للي بغا تحت ما يسمى بالحب وفالتالي كيقلب منين كيبغي الجديد.. أما أمال حتى شوفة مقاادة مكتكملها فييه هادشي كيزرع فلداخل ديالو الشك واش نقصات الجاذبية للي فيه ولا صافي ماتلو الحوت مبقاش كيعرف يصيد.. أما هي غير كتسمع هند كتهضر معااه كيبداو الألوان يتبدلو فيها عارفة الهضرة علييها ولكن باش تزعم وتهضر معااه مستحييييل وديما عقبة خوف من دارهم ومنو هو كيحضر فعقلها وكيخلييها خاايفة من واالو...
فاقو لبنات اليوم وبروكرام ديالهم يمشيو لكوافورة للي خدات ليهم هند موعد معاها باش يعناو بشعرهم وكل وحدة شنو ختارت أمال قطعاتو محايدة لمحروق من بعد جلسة ديال سوان فييه وعطااها طلة زوييييينة شعر بدلها أما شيماء كولشي دارتو بحال هند...)
هند: (من بعد مكملو هند دارت غير بروشينع..) ويينو على الزاااز وعارييتو ابنات سبااعي
شيماء: (زعمت وحيدات لفولار فوسط الطموبيل وشافت فلمرايا ديال لباب) بالصح جيت زوينة؟؟؟
أمال: واه جيتي فنة فنة أشيما
شيماء: (تبسمت ودارت عند أمال) حتى نتي ابنت عمي جيتي تهبلي عجبني لون شعرك كاع مكان يبان كحل هااكا وورجع كيبري منين قداتولك وحتى التقطيعة جات معااك
هند: خاصني لكااادو راه بدلتكم لافيشااج بجوج
شيماء: هههه والله مكذبتي ولكن للي زين راه زين
أمال: هههه وووااه
هند: التواااضع يا ختي كتعطيه صلية شنوو دابا نمشيو نتغدااو؟
شيماء: واه نمشيو و..حم عيطي على هدااك تأ أنوار يااك أنوار واه
أمال: (غير سمعت سميتو تبسمت حتى توردو حنوكها وقلبت وجهها للسرجم كتفرج فالدنيا وهي كتبان ليها زاااهية وزوييينة وقلبها كيدق مخلي احساس زوييين واصلها حتى للمخيخ)
هند: هادشي رااجع للالة أمال هي للي تقرر واش نعيطولو ولا لا (شافت فشيماء بنص عين) كما كان الحال الا كان غيجي غيجي غير على قبلها هي أما حنا معندو ميديير بينا
شيماء: اممم عارفة (رجعت شافت فلمراايا ودوزت صباعها ففروة شعرها كتلمس فشعرها للي رجع رطب بفعل لبروتين للي دارو هي وأمال وعاد عناو بيه مزيان شافت فوجهها للي كان شحال هادي شااحب والمسام كبار بحال شي بغريرة وكرجع دابا صااافي ورططب.. تنهدت من أعمااقها متساائلة واش مزال مغنعجب شي وااحد بحال كما أنوار تعجب بأمال خااطيها للي يزلل بكلمة ولا جوج ويزييد بحال كيتسناوها هي تبعهم.. لا هي بغات للي يرغب ويطلب كلمة منها بحال أمااال للي نهار اللول جات بفكرة أنها حسن منها.. كتبغييها ومكتحقدش عليها ولكن حسدااتها على حب أنوار للي متنكرش أنها حتى هي عجبها.. وقفو فسطووب وبقات كتحرك راسها مع الموسيقى للي طالقة هند وهي تسمع هند معوجة راسها)
هند: أنوااااااااااار
أنوار: (شاف لقى لبنات تبسم ومباشرة شاف فاللور بلاصة للي مواالفة كتركب أمال فيها لقاها كتشوف جهتو تبسم وحرك راسو كنوع من السلام شافها تبسمت) واخيييييييييييييرا (هند كانت متبعا شنو كيوقع وهي تفرشخ بالظحك أما شيماء كتشوف فيه بإعجااب وكتسائل واش منتباهش اللوك للي كانت بلا فولار ولكن عينيه كانو غير على أمال وباش كملها رجع ماشرياال شوية وتقاد معاها فالشوفة ونزل الزاج وهند نزلات لأمال الزاجة وتكى على لباب بكوعو وحط راسو عليه) زويييييينة.. لباس عليك؟؟؟
أمال: (زلقات ليها التبسيمة حتى بانو سنانها مهربة وجهها للجهة الأخرى وعاود رجعات شافت فيه بنص عين)
أنوار: (كيحقق فوجها للي زاد تنقى بحكم عاد خارجين من لكوافورة ولكن هو حاسبو جماالها الطبيعي حيت رجال مغينتابهوش لهادشي زيد هو مشافهاش فاش ياله جات من ديما شايفها مقاادة.. غير تبسمت تحلاتلو) وهاد التبسيمة للي مخلية جدي هابل باش نسمع منك غير نص كليمة
أمال: (كتر عليها حتى معرفت واش تشوف فيه ولا تحل الطموبيل وتهرب ولا تسخف ولكن منقذتها زادت بالطموبيل هزت رااسها مفاهمة واالو وطلات عليه لقاتو مزال واقف فبلاصتو جابلها الظحك) هههه
هند: غتصطي السيد اديك لبنت ههه
شيماء: (لوات شنايفها وهزت تيليفونها للي كيصوني لقات ميساج من عند مها بلا 20 ابيل للي مشافتهمش) ""علاش الكلبة مكتجاوبيش راحنا دخلنا لوجدة وجايين لعندك"" (شهقت وخرجت عيينها ممتيقااش) ويييييل الشيييييطااان راهم هنا
هند: شكون؟؟ (أمال راها عايشة الجو مع أنوار للي تابعهم وكتشوف غير بنص عييين..)
شيماء: (خايفة) ياله دغيا دغيا نمشيييو ويلي ويلي ويييلي الا ملقاوناش تماااك (لوات الشال على رااسها بالزربة مخبعة أي زغبة كتبان) راهم جااييين ماما وباينة بابا وخوتي
هند: (خرجت عينها) ووليد؟؟
شيماء: (كتقرب ليها حيت الموسيقى مجهدة ونساو ينقصوها) وااه غيكون هو للي جابهم تفوو تفوو سربي اهند عفاااك اختي سربي
هند: واخ واخ انا غنزرب نمشيو من جيهة الاخرى على الله ميكونش فيها هاد زحاام للي هنا
أمال: (مع مطلووقة الموسيقى على جهدها كاع ممسوقة ليييهم عقلها غير مع أنوار للي كيحاول يتبعها ومنين كيبعد كطل بروييسها حتى كتلقااه جاي وترجعو بحال لفاارة...)
أمال: (كانت عاايشة فرحتها وكتشوف أنوار تابعهم حسات بالطفلة للي لداخل خرجاات وكظحك بنيتها محساات حتى وقفو بالطموبيل حدا دار الطالبة شافت لبنات هبطو بالزربة هبطات حتى هي مستغربة من زجههم للي بابن ممرناحش) ماالكم؟؟؟
شيماء: (بلغوااات) بااااااز حنا فمشكييل قدو قد لخلااا ونتي جالسة كتمعشقي لينا هنا (وقفات حتى طموبيلة ديال أنوار قريبة ليهم)
أمال: (تصدماات كفاش تسيفات عليها وزادت وخلاتها ومرضااتتش قدام أنوار للي جاي وغيكون سمعها كتغوت علييها وطيحاات منها.. معرفت مدير حتى سمعت هند وقفات بين أنوار للي قرب لأمال)
هند: أنوار خويا عائلة لبنات جايين ودابا غيكوونو هنا
أمال: هىىىىىى كفاااش هنا وقتااش وفووكاااش جاااااو واش رااهم هنا!!! (دخلات كتجري وبقات هند كتشرح لأنوار للي مستوعبش ردة فعل أمال وخوفها لكبير وكفاش دارت منين سمعت عائلتها جاايين)
أنوار: وااخ ولكن عطيني بعدا غير نمرتها
هند: أنوار عفاااك متحطنيش فهاد الموقف منين تبغي هي غنعطيهالك
أنوار: (حك فلحيتو) وااخ بسلامة (مشا ركب وهي مشاات كتجري لحقات بلبناات للشومبر لقات كل وحدة فيهم كتلبس أمال لبسات لعباية لواسعة ديالها وشيماء لبسات جليليبة وجالسة منفخة وغير كتصووط على قدووم هادو المفاااجئ أما أمال معجبهاش الحال تغوت عليها بهاديك الطريقة وخصوصا كلمة كتمعشقي معجباتهاش فمرة وحسات بروحها رخييسة بهاد الكلمة)
هند: حم بلا متخلعو دابا غيجيو غيلقاوكم هنا وغتقولو مشينا جبنا باش نتغداو وهاحنا مزال بحوايجنا
أمال: (مغوبشة وحانية رااسها مكتهضرش)
شيماء: (هزت عينها فأمال) وييه خفنا وكان جاو لقاونا برا وبديك الحاالة والله حتى يردونا معااهم ياك أمال؟؟ (لا رد)
هند: اممم أمال عطيني جلابتك باش ميلقاونيش بهاد الحالة ويلقاو منين يشدوكم يخخ ركبتو فية الخلعة حتى أنا
شيماء: هههه الا لبستي حوايج أمال غيقتاتعو ههه نتي رااك بااينة من لبعيييد وعاد وليد عارفك ههههه
هند: شنووو زعما كفاش باينة من لبعييد بنتلك اختي دخل خرج فرجاال ولا شنو؟؟
شيماء: ولا بفف متدييوش علية راه غير مكنعرفش نهضر زعما وليد داك نهار تشاديتي معاه وشاف لباسك كدااير
هند: اوا ختي ربي للي كيهدي ماشي بناادم
شيماء: (مشات عنقات هند) وزمر ماشي هكااك تأ.. فهمي زعما خويا راه ديجا شاافك
هند: انا داوية على عائلتك أما خووك يعاودها ل***
أمال: (وقفات ومشات لطواليط شافت فلمراايا كان وجهها صاافي من غير شي حبيبات صغاار مزالة متبعة تريتمو ديالهم) قالك تمعشييق بساالة...
هند: عيقتي اشيمااء على أمال
شيماء: والله معرفت كفاش وقعلي غير تخلعت
هند: بانلي هاد أنوار غيبين فيك شي حواايج مخااصهمش يبااانو اشيماء (مشات لشومبر ديالها وشيماء بقات سااكتة كتلووم فرااسها كفاش متحكمااتش فرااسها وهي عاارفة أمال كتعتابر شيماء هي كوولشي فحيااتها سخطت على رااسها... سمعت صووت مها كيقرب ضاارت حتى كتفااجئ بماماها ومرت عمها واقفين ولمديرة ديال الدار كتوريهم الشومبر.. دارت ابتسامة عريييضة منااافقة على وجهها مع نغيزة ديال الصدمة) ماماااااا!!!! امتى جيييتو (مشات كتجري عنقاات مامااها) توحشتك توحشتك توحشتك (كتبوس فيها)
نعيمة: (معنقة بنتها ورتاحت منين لقاوهم كاينين حيت عارفة بنتها كانت غتمشي لكوافورة اليوم وتسافيرة جات على غفلة محست حتى قالهم وليد يالهو) حتى انا بنتي توحشتك كرااكي ابنتي.. فين بنت عمك؟؟
فتيحة: فين هي أمااال؟؟؟؟؟
شيماء: (طلقات من مها ومشات كتسالم مع مرت عمها للي كتعبرها وجاتها صحاحت) لباس عليك اخالتي فتيحة
فتيحة: لباااس!! نتي بيخير (كدور عينها فبيتهم) فيين ديك لبنت؟؟
أمال: (قلبها راه واصل لفمها من صوت مها للي سمعاتو من الحمام كانت كتمووت بلخلعة منهم تشجعت ودخلت بصوت خاافت) سلام
فتيجة: (ضارت عند بنتها وهي تزيد طرطق عيينها ماشي هاكا صيفطاتها تبدلات فهاد شهر بزاااااف) فين كنتي؟؟
نعيمة: ويلي عليك افتيحة هادي هي تعنقي لبنت وتشمي رييحتها راه شهر وهي غاابرة عليك مسييكينة..
نعيمة: ويلي عليك افتيحة هادي هي تعنقي لبنت وتشمي رييحتها مسكييينة راه شهر وهي غاابرة عليك بااااز اختي كنعيا نوصي فيك ونتي واالوو.. (رجعت شيماء وعنقات مامااها)
نعيمة: اوا هي للي خاصها تسلم ولا لا!! (جات أمال كدير الواااجب فقط لا إحسااس باست لمها يدها وسلمات عليها بلوجه وكتحس براسها مخنووقة وهي كتشوف شيماء وماماها كفاش العلاقة بيناتهم وكدايرة علاقتخا هي مع مها.. بقات فتيحة كطلعها وتهبطها) لباس!!
أمال: الحمد الله أماما ونتي بيخيير؟؟ مكنتش عارفاكم جايين
فتيحة: وعلاه بالسلامة باغية تعرفي
أمال: هاا غير زعما نقاد ليك لغدا
فتيحة: اممم على زين طياابك (خنزرت) اجي مال وجهك؟؟
أمال: (حطت يدها على وجهها متوترة)هممم مالو؟؟
غتيحة: (عصرت على فمها وعينيها خارجيين) اممم لا باينة كتقرااي (حطت صباطها ودخلات للشومبر للي مفرشين فيه موكيط على حساب لبرد وكان مرون بلحوايج) شهااد رويينة عايشين عيالات هنا ولا عزاارا
نعيمة: ياا لطييف منك افتييحة شحال فيك دنكييير مساكن جاو يقراو ولا يديرو لميناج
فتيحة: وغير يقادو بيتهم حشوومة هاد روييينة بنادم يجلس فنقا (جلست نعيمة وجلست حداها فتييحة كدور فعينها أما أمال باينة فيها ممرتاحااش)
أمال: ماما نجيبلك تشربي
فتيحة: جيبيي (شافت فشيماء للي كانت لابسة جليليبة) كنتو خارجين شتكم لابسين حوايجكم ياك ليوم حد مكاينة قراية؟؟
شيماء: واه لبسنا غير حيت مشينا حبنا الخبز ونيت مشينا صباح شرينا شي بوليكوبات من عند واحد لكوشك (عارفاها كغتفهم والو) وجيينا
فتيحة: اممم اوا جاااااات معاكم السكنة وحدكم قلت نجيو لقاوكم ضعافيتو ومساخيينش بينا ساعة صدق لعكس وااقلة تهنييتو منا
شيماء: لااا امرت عمي وانا بعدا نقد نسخاا بيكم ولا بمييمتي (رجعت عنقاها) شحال توحشتك عرفتي تعرفنا على واحد لبنت غزاالة غزاالة وضرييييفة بنت فاس
نعيمة: واه قلتيهالي هند ياكي؟؟
شيماء: واه شوية وتجي
أمال: (داخلة هازة صينية فيها جوج كيسان ديال لما للي غسلاتهم مزيان حيت عارفة مها موسوسة بشقا... مداتلهم هزو شربو وهي جلست فكرسي) ماما ترتاحي ياكما عييتي نفرش ليك هما
فتيحة: (جاتها بنتها تبدلات وجهها مكانش هكا لوخرا تهضر وهادي تحضي محست حتى نطقت) حسنتي لموسطاج يا بنت لحراام؟؟؟ (هاد لكلمة سمعاتها هند منين كانت داخلة بيجامة طويلة واخا ضيقة شوية استر حاجة عندها دايرة فوقها ريبيكا فلكحل ومدايراش المكياج فمرة وشعرها جامعااه سفنجة ولكن مشدات الظحكة غير بالسيف منين سمعاك ديك لكلمة.. دخلت مبسمة) حم سلام؟؟؟
شيماء: هند دخلي دخلي راه جاو موااااتنا داروها مفاجئة زويييينة بزاااااف
هند: (تبسمت) مرحبا بييكم (سلمات على فتيحة هي للولة للي غير مادة حنكها عاد سلمات على نعيمة للي متبسمة)
نعيمة: تبارك الله كدايرة بنتي لباس علييك؟؟
هند: الحمد الله اخالتي ونتوما كبقيتو مع سفر؟
فتيحة: (وقفت وهازة مناخرها) تبعيني نتي (خرجات وتبعاتها أمال محرجة قدام هند وقفو برا) شنو درتي لوجهك؟؟
أمال: (خايفة) مدرت والو أماما والله
فتيحة: (زادت مطرطقة عينيها) متكدبيش الحماارة زعما نتي ماشي بنت كرشي باش نعرفك؟؟ غير قولي شنو درتي منظربكش
أمال: كنن كنديير غير واحد لبومادة باش ميبقاليش لحبوب وصاافي
فتيحة: ولاش لاش كديريها؟؟ باش تعجبي رجاال؟؟
أمال: (حنات رااسها ولبكية فحلقها)
فتيحة: جلسي متبعالي نعيمة وبنتها راه غيخرجو علييك وكان بغيت نعلمك هادشي كنت طلقت ليك من شحال هادي ولكن مبغييتكش تخرجي مغلسة بحالهم
أمال: مكندير وااالو اماما غير كظلمووني
فتيحة: حسابلك فقسة ديال هاد لقراية والسكنة هنا غتنسى غير بالللاتي علييط هانتي راااجعة اللول للي يجي يخطب فيك غتجوجي بيه
أمال: (معندهاش الجرأة تجااوب ولا مها غتلقاها حجة باش تردها معاها وكل خوفها هو تعري ليها شعرها ولا صحتها )
فتيحة: وشكون هاد لكرطيطة عااود يعرف باك ولا خووتك كتمشاي معااها يورييوك هاد ضساارة للي كترات فييك (مكتجاوبش غير حانية رااسها) وتكلمي شكون دي؟؟؟؟
فتيحة: واا تكلمي خلاص شكون دي للي مرافgين معاها؟؟؟
أمال: (بصوت مخنوق) واحد لبنت أماما غير جارتنا هنا وصافي
فتيحة: جااارتكم (كتميق فيها) هه هاكااوا gالك جارتهم من امتى كانو عندنا الجيران باش تجي ديريهم هنا ولا ملقيتي لحكام عليك أبنتي
أمال: (مكمشة يدها على طرف من جلابتها كتفش فيه أعصاابها للي مخاصهمش يخرجو) ماشي هكاك أماما غير ساكنة حدانا وكنتلقاوها مرة مرة حيت عندنا كوزينة مشرووكة وحتى حمام وكنتش..
فتيحة: سكتييي.. (سكتات) منبغييكش تبقاي تشوفيها معندك مديري بصحابات راه غيخرجو عليك
أماال: واخا ماما (مافيها للي تقنع فيها.. جلست كطبخ لها راسها بأوامرها ونصائها للي منافعينها فواالو.. أما فالشومبر كانت نعيمة كتمرر صباعها فشعر شيماء للي رجع حرير وزوين بفضل لبروتين ولونو تبدل كانت ناعسة على حجر مها)
نعيمة: وحافضي عليه ابنتي باش يبقى ديما زوين هاكا
هند: (عجباتها نعيمة بزااااف) متخمميش اخالتي راه كنظلو نخلطو فشعرنا وفوجهنا
نعيمة: تبارك الله علييكم وحتى أمال رجعت على مزيناتها
شيماء: (تقرست وهزت عينها فيها) حسن مني أماما؟؟
نعيمة: واش حمقة بجوجكم زوينات غير هي مسكيينة تبلات بديك فتيحة لهبيلة
شيماء: حشوومة عليها والله تلقاها دابا كتسمعها خل ودنييها ولبنت مكدير واالو
هند: (شخصية أمال بقات كتوضااح لييها وعرفات شيماء علاش هي مطلوقة حيت مها ماشي بنفس العقلية ولكن للي كتسنى هو امتى ينزلو لتحت عندها فضول كبيييير تشوف فوليد للي من اخر مرة خلا فيها احساس فشكل.. ناضت مخلية لبنت تشبع من مها وتهضر معاها فخاطرها ومشات لبالكون ديالها كانت كتوقع غتلقاه تماك سااعة غير الشمش للي مطنطنة تمااك دخلات لشومبرتها فكرت حتى عيات ومشات تبين لحدااكة حطت 5 ديال لكيسان 3 بحال بحال وجوج مخالفين وجبدت عصير وحطاتهم فصينية وفطبيسيل شكلات باسطة مع بشكيطو وهي وشي بسكوياات)
نعيمة: بنتي ماشي حيت خليتك تقادي حاالتك تفكري راه راخياالك اللعب
شيماء: (ببراءة) اصلا مكنديرو والو أماما
نعيمة: حيت كنتيق فيك ابنتي منبغييش نسمع ولا نشوف عليك شي حاجة
شيماء: بحالاش أماما؟؟
نعيمة: دراري ديال داابا ابنتي غرااضهم غير يتفلاو غيعرفووك ساكنة بووحدك هنا وااليديك بعاد عليك غيستاغلو هادشي وي...
شيماء: يهديك الله أماما اشمن دراري ماشي حيت قاديت راسي تنظني فية هاكا انا دراري للي مستحيل نفكر نشوف فيهم
نعيمة: ابنتي انا وكان كنظن فييك غنجمعلك حويجاتك ورجعك معايا ونوريك الوجه التاني للي كفس من باك وخووتك
شيماء: (ضربات الطم وسكتات) حم بابا وخوتي جاو ياك؟؟
نعيمة: جا غير باك وعمك ووليد ومحمد مشاو يقضيو شي غرااض ومن بعد يجي خوك يشوفك باش يمشي فحاالو
شيماء: مسكيين كاع مكنسخاو بييه
نعيمة: (بحزن) ايييه على ولييدي وشحال كنتوحشو (هنا دخلات هند هازة الصينية فيها كولشي) علاش عليك ابنتي كتعذبي راااسك
هند: لا خاالتي مكااين عذااب بلعكس سمحوولنا راكي عارفة حياة الطالبات هههه
نعيمة: ههه دوزتها ابنتي (تفكرت أيامها) كولشي بحلاوتو داكشي علاش بغيت شيماء تجربها وتستااافد ماشي شي حاجة اخرى بغيت اجاازة بنقطة زويينة وراسها يكون عااااامر
شيماء: (مرضااتش) ح معرفت خالتي فتيحة وأمال فين زاادو...
فتيحة: عنداك تبقاي تلبسي بحال ديك شيماء هاديك راه بحال مها مكتحشمش الحمد الله للي بعد بلاها على بلاانا
أمال: (حنات عينها كتشوف راسها شنو لابسة وشافت فمها للي لابسة جلابة شبابية على للي لابسة هي) لباسها زوين أماما انا راه كنحشم نمشي هاكا لفااك راه يبقاو يظحكو علية منين كنبقى نعتر فهاد لعباية
فتيحة: ياااك ابنتي وباش بغيتي تمشي بشوميج دنعاس
أمال: (حنات رااسها وكل خوفها تنطق بشي كلمة للي تحول ضدها وترجعها مها للي كتقلب ليها على السبة)
فتيحة: اسمعي ادييك لهبيلة نهار تجوجي خرجي حتى عرياانة ديك السااعة نكونو وصلنا أمانتنا اما دابا راك مزال محسوبة عليينا
أمال: (هاد الجملة كانت بحال شي موس حااافي كيذبح فقلبها اه عاارفها قااسحة ولكن ماشي لهاد الدرجة كفاش هاد محسووبة علييهم ياك انا بنتهم لحمهم ودمهم كفاش محسووبة هاد السؤال بقا كيدور فراسها وهي كتشوف فعينين مها للي كيخلعووها..) كفاش محسوبة أماما عليكم؟؟
فتيحة: ها هي غتبدا تجبد وتمضغ علية فالهضرة زيدي دخلي (زادت ودغيا رجعات ضارت مقربة لوجهها لدرجة أمال خاافت وكحماية دارت يدها على وجهها كتحمييه حيت حسباتها غطرشها عاود) حاااااايدي هاد ليد (حيداتلها يدها وشافت فوجها) كتحيدي شعر من الوجه؟؟
أمال: (بخوف) لا غير ديك لبومادة دلحبووب هي للي كطيحو لية غير نقطها يعاود يرجع
فتيحة: (تاقت) اممم هاكا حسن اما كنتي مشييينك gاع بنات خالاتك حسن منك (زادت قدامها وأمال دارت يدها على قلبها للي كيزدح وتبعاتها لقات جو ديال الظحك مع نعيمة النشوطية وهند مطلوقة معاها غير دخلت فتيحة سكتت حيت حسااتها محملاتهاش)
هند: خالتي (مدت ليها كاس دلعصير)
فتيحة: (بنفخة) مكيعجبنيش هاد تخربيق للي تشربو هادا راه سم تقول معنكم دراع باش ديروه طبيعي
هند: (هزت حاجبها وشافت فأمال للي حنات راسها محرجة ودارت بوجهها) وغي حيت مع لقراية اخالتي مكتساليوش
فتيحة: اممم قرااية (قالتها بشوية) طفرتووه بكري
نعيمة: (صونا عليها وليد) ولدي راك لتحت.. واخ انا نقولها تنزل.. شيماء لبسي ولا راك لابسة حقا نزلي شوفي خوك وباااك حتى نتي أمال راه باك وخوك جاو
فتيحة: معندها لاش تنزل
نعيمة: اويييلي ويلا باها وخوها بغاو يشوفووها
فتيحة: يشووفوها على فعاايلها الزيينة نعييمة بحالا معارفااش هوما من اللول مبغاوهاش تجي هنا ومعاجبهمش الحال لبنت تجي تقرا وتخلي بلادها
نعيمة: لا حولة (ناضت ووقفات حتى بنتها اما أمال غير كتشوف بعويناتها مرضياش قدام هند مخنوقة باغا تبكي وتغوت ولكن مصبرة رااسها وحااسبة حساب كل كلمة تخرج من فمها وعارفة العقاب للي يتسااناها..)
فتيحة: حتى انا نهبط معاكم نييت
نعيمة: ولبنت تبقى بوحدها أمال زيدي أبنتي تهبطي
أمال: (شافت فمها باش تعطيها اﻹذن)
فتيحة: زيدي وكان ولكن رااسك متهزييييهش باش راه من صباح كاعي معشيسلعة بلا متكملي عليه نتي (باغا تبين لهند انها متحكمة فبنتها وان صداااقتها غير مرحب بيها مع بنتها.. ناضت أمال وفتيحة ماهنات حتى خرجت هند من تمااك فحالها وسدات بنتها لباب عاد مشات وحتى هند ماشي من لعاكزيين خلاتهم خرجو ورجعات لبيت هزت جلابة من ديال شيماء جاتها مزيرة بزااف رجعت هزات من حوايج أمال لقدام دارت فولار على رااسها للي لافخونش باينة فيه ونزلات مخبية ملقاتهمش فلهوول زعمت وخرجت لبرا لقاتهم تمااك مجموعين عاطيينها بظهر كتشوف فلوليد كفاش معنق ختو وحتى باها قريب ليها أما أمال وااقفة بحال ليتييمة حدا وليديها وخووها وهوما كيهضرو بيناتهم ألمها بزااف هاد المنظر وتفكراات رااااسها)
"فلاش باك"
هند: (دخلات كتجري لبيت فين لقات ماماها كتجمع حوايجها) ماما واش بالصح شنو قالتلي لميمة؟
أم هند: (كاعية) بنتي بعدي من هاد المشاكل الله يخلييك
هند: نبعد!!! انا راه عاايشة فوسطهم هاد المشاكل ولكن بعدا كنقول فالتالي كتصالحو وكنجلسو مجموعين بحال شي عائلة زعما
ام هند: هنننند هضرت معاااك
هند: (تجننات) راه عندي 20 عام واش فهمتي ماشي شي وحدة كترضع صبعها واش حتى دوزتو هاد العمر بيناتكم عاد بانلكم طلاق داابا!! وانا فين غنسكن ومعاامن معاك نتي ولا هو؟؟
أم هند: (بقات فيها بنتها ولكن هدا قرار لا رجعة فييه) تبغيلي ابنتي نعيش فالذل!! واش تب..(حتى بغات تهضر وهي تسكت) بنتي الله يرضي عليييك هاكا رااه حسن لية ولييك
هند: (كتبكي) وبابا؟؟
أم هند: غنبقاو عائلة ابنتي غير كل واحد غيعيش حياتو
هند: (مبغاتش دخل ليها لراسها) لا ماما عفاااك غير صبري انا معرفتش شنو دار ليك بابا ولكن معرفتش قوليلي غير شنو دااار
أم هند: (جلسات فوق السداري وجرات بنتها عندها) انا وباباك مبقيناش متفاهمييين
هند: صافي غير مبقيتووش متفاهمين غطلقو؟؟
ام هند: وباغاني نعيش مع واحد ممتافقاش معاه ممرتاحاش معااه
هند: (كتشهق) وسبحان الله الحاجة الوحيدة للي تافقتو عليها وتفاهمتو فيها هي طلاق؟
ام هند: بنتي انا راه غنبقى ماماك ونتي غتبقاي بنتي
هند: (وقفت كتمسح دموعها) عندمن غنعيش أنا؟؟
أم هند: (بتوتر) مع لميييمة
هند: كفاش مع لميمة كنهضر عليك نتي وعلى بابا
أم هند: هند نتي كبيرة مغتحتاجيني لا أنا لا بابااك
هند: ياااك!!
ام هند: اه وخااااصك تكوني متفهمة واش غترضاي تعيشي مع مرت باباك
هند: (شهقت) علاش بابا تزوج؟؟
أم هند: (كتحاول تكون قوية) فهمتي علاش مبقيتش مرتاحة معاه مكنتش بغيت نقوولك باش يبقى باباك ديما فعينيك مزيان
هند: (بقات غير مصدومة مكانتش متوقعااها حدها كانت كتقول يمكن حصلاتو كيهضر فالتيليفون مع شي وحدة ولا شافتو معاها جلسات وشافت فمها) كفاش تزوج
أم هند: عادي تزوج حيت هو ختار ميبقاش معايا بوحدي وحتى انا من حقي منعيش معااه
هند: و..علاش تزوج؟
ام هند: سيري سوليه ابنتي يمكن يقولك نتي الحقيقة ومنها يعرفك على خووتك (قالتها باستهزاء)
هند: (بلعت الفقصة) خوتي؟؟ علاش هو من فوقاش وهو مزوج
ام هند: (ربعت يدها وهزت حاجبها) معرفتش وياا ريت وكان عرفت مكنتش نقبل بشماااتة ندخلو لداااري انا عتييقة بنت القااع والباع يتزوج علية ويولد ويخليني فداار غفلوون
هند: (شافت فمها) فين بابا دابا؟؟
ام هند: معرفتش (رجعت كتستف حوايجها فشنطة كبييرة)
هند: (كتمسح دموعها بطرف تريكوها) وفين غتمشي؟؟
ام هند: بغيت نبقى بوحدي
هند: الا علية أنا راه اصلا مكنشوفكش ومكتجلسيش حداايا
أم هند: هههههند منقصاكشاااي أبنتي غتكبري وغتحسي بية
هند: (شافت فمها بحزن وغضب كبييير) مغنكووونش بحاالك باش غنحس بيييك حيت مغلموش غير هو بجوج بيييكم أماما مفهمتش اصلا كفاش تزوجتو وانا من نهار عقلت على راسي وكلها عايش حياتو بعيد على لتخر (خرجت من لبيت كتبكي ومخلية مها كتعيط عليها بلغواااات)
جدة هند: شنوو واقع ابنتي؟؟
هند: شوفي بنتك هئ هئ للي بغات تسمح فية فييك
جدة هند: لا حولة ولا قوة الا بالله العلي العظييم مصييبة هادي سيري ابنتي ترتاحي فليتك متعمريش راسك بهاد جووج ديها غير فقرايتك
هند: مبقيت باغا شي قرااية قبل متخرج بنتك قولها تحطلي لفلووس بعدا ينفعو بشي حااجة فحياااتهم (مشات للبيتها وشبعاات بكى وحتى مها استخسرات فيها تودعها ولا تعلمها غير فين ماشية وامتى ترجع من تماك وهي خاااوية كتمشي فقط تشوف لميمة زمرة مرة تصادف مع مها للي معندهاش مشكلة بنتها تعيش زووفري مهم كدير وااجبها وكل شهر كتصيفط ليها فلوس وباها كيثيفط الضووبل بلا تضاور ديال الجدة)...
يتبع...
التعليقات
لا توجد تعليقات بعد، كن أول من يعلق.