محتوى القصة
هند: الحاجة عيطااات وحلفات علينا ندوزو رمضان معاها
أمال: والله ما منمشي
هند: والله حتى انا مباغاش نمشي ولكن خير ندوزووه تمااك ماشي كولو غير شي يامااات
أمال: هند كتفلاي علية واش نمشي لدار واحد تفلا علية واحد عينو باغي جواج ودابز مع خويا
هند: هادشي كااانل عارفااه
أمال: معرفاش وحتى من خويا وماما مغيبغييوش وانا نبغيتش نشوف دوك الناس
هند: بففف بقات فية غير فرحة الحاجة
أمال: لا ختي اللهم راحتي نفطر بلخبز ولما ومنمشيش تمااك غير سيري نتي اختي
هند: واش حمقة نمشي ونخليك راه براسي عييت نقولها لا ونعتااذر منها وهي واالو
أمال: هي ضريفة ولكن لا مصاالحش وعاد لكلبة دشيماء تبقى تعيق علية تماااك
هند: صافي نسااي زيدي نمشي نقصييو راه خريت بالجووع (مشاو عركوها مزياان بالمعقودة ولبيض ختموها بغراف العصير الوحدة وتمو راجعين) خاصك ذووقي معقودة دبال فااس ناري فرمااج
أمال: فاس معروفة بالمعقودة
هند: واحد لبلاصة سميتها الصيرنوص تكون عندك غير 3 دراهم فالجيب تاكلي فااس فيها لمااكلة زوييينة ورخييسة حتى تمشي معايا
أمال: مكرهتش
هند: غنمشيو ان شاء الله نكمل هاد سطاج دلمرض ونمشيو نهربو واحد اليوماين
أمال: واااه (وصلو لسيتي لقاو أنوار واقف بطموبيلتو تمااك ومعاه شيماء دخلو خلاو لوخرين متبعيلهم العين)
شيماء: حتى من هند قلباتها علية
أنوار: معندك مديري بالمرض صافي جمعي رااسك راه غتولي مرتي وهاديك غير ق*** لا هي لا بنت عمك
شيماء: (سكتت)
انوار: ياله سيري نمشي نخدم على راسي شوية
شيماء: نبقى معاك
أنوار: واش هبييلة راه خدمتي مع رجاال هبطي اشيماء حتى لبلاتي ونصوني علييك
شيماء: كنبقى بووحدي بففف (هبطت)
أنوار: (طل عليها) لمرة جاية خرجي محتارمة على هاكا (زاد مخليها كتعوج فشنايفها ودغيا تبسمت حيت قرااتها غييرة منو دخلت غير بشوية صونا عليها وليد فطريق)
شيماء: الووو
وليد: لبرهووشة
شيماء: مبقيييتش راه تخطبت زعما
وليد: زعما.. صافا!!
شيماء: الحمد الله اخويا ونتا لباس عليك فوكاش تجي؟؟
وليد: مزال مطول تافقتو على العرس
شيماء: مزال حتى تجي نتا
وليد: حتى نشووف مهم رمضان بقاتلو يوماين با بغاك ترجعي للدار
شيماء: هااء ولقراية
وليد: داكشي للي كالتلو مي مهم هضر معايا زهير تمشيو عندهم للدار تبقاو مع مو ومنها نيت دوزو رمضان
شيماء: واش غير انا
وليد: لا نتي وأمال
شيماء: وهند
وليد: شغلها الا بغات تمشي معاكم تمشي
شيماء: وبابا بغا
وليد: وهو مبغاش فاللول ولكن منين عرف (غلض صوتو) غتجلسو فدار الحاجة مكاين لا خيطي لا بيطي وزعير تمااك حاااضي مزيان بغا
شيماء: (عوجت فمها) نيت معندو خدمة!!
وليد: شنو!!!!
شيماء: والو اخويا (بقاو كيهضرو حتى قطع طلعت لشومبر بغات تمشي عند هند ومزعمتش مشات لبيتها جالسة بوحدها..)
~~~~~~~~~~~~
فتيحة: (جالسة فالصالة كتكب أتاي مداتلو كاس) ولدي فوكاش نمشيو نخطبو بنت خالتك
محمد: ياك خطبتيها
فتيحة: هاااء ونتا متمشيش تشوفها
محمد: نهار الكاغيط غنمشي نشوفها
فتيحة: (فرحت حسابلها رجع فكلامو حتى صونا تيليفونو ناض من حداها ودخل لبيتو كيهضر) بنيتك اصاحبي واش السيد هاكا عيني فعينو كيكولي نذبحك الا قستيها
وليد: وراه خاصك تفرح ابنادم رااجل وغيدير ختك فعينو راه شحال هادي بغا يخطبها كيتسنى غير يكمل محال ديالو باش يجي عندكم وااجد
محمد: لا واالو متمشيش غرجعها هنا ومعندها مظير تماك نهار الامتحان نديها دوزو وترجع
وليد: ورااسك قااسح أمال وشيماء راه خوتاتي واش غنصيفطهم لبلاصة متمااش
محمد: بانلي ديك بلجيكة كلباتلك دمااغ باشمن صفة غتمشي ختي لتمااك
وليد: الحاجة راه بحال مها اصاحبي زهير راه بدارو بوحدو وأنوار راه ساكن فدارهم بوحدو يعني مغيتجمعووش كاااع
محمد: لا واالو معندها مدير تماك تجي تعاون مها فىمضان واصلا لقراية تنجح ولا لا معندها فين غتكمل
وليد: مدخلش عصبيتك فكوولشي امحمد
محمد: (سكت معصب بزاف كل نهار كيكول غينسى كيزيد غير يتعصب)
وليد: ها هوما جالسين مع الحاجة يفطرو مجموعين ولا يبقاو بووحدهم
محمد: ماشي شغلي يديرو للي بغااو وختك راه عندها للي يحكم فيها دابا متبقاش تجبدهالي
وليد: انا هضرت ليك على أمال مكاينش لاش تبقى بووحدها راه تما زهير وحتى بااه راه مانع عليهم شي حاجة سميتها الإختلاط...
فتيحة: (منين كالها محمد شنو كاين) بالصح باغي يتجوجها؟؟
محمد: اممم
فتيحة: (تعجبت حيت شافتو كداير) وسععععد عند ختك
محمد: كفاش سعد عند ختي كنهضرلك واش غتخليها تمشي
فتيحة: اوا داكشي نتا اولدي للي تكول فيه هضر مع بااك وشوفو بيناتكم.. كولي فوكاش يجييو يديوها
محمد: شكون بطاطا؟
فتيحة: أحااي اشمن بطاطا كنهضر على أمال
محمد: (ببرود متبع التلفازة) حيت جيتيني كتهضري على شي بطاطا ولا بصلة متقلة عليك هنا فالدار (شاف فمو) الا لكاوك تهضري عليها هكا كفاش غيديرو هوما معاها
فتيحة: (عوجت فمها) دوزلي نمرتها نهضر معاها (جبد تيليفونو صونا عليها كيوصلهم الصوت مقطع وبحال كتهضر فشي بييير) هاني نعيطلك عند شيمااااا... واالو مكتسمعنيش اولدي دوزلي نمرة شيما نهضر معاها فيه
محمد: (هز تيليفونو معصب دوز نمرتها للي حافظها كان مكتوب فيها جميلتي كز على سنانو بعصبية مسح سمية وخلا غير النمرة عطا لمو تهضر)
شيماء: (غير طلعتلها نمرة محمد تفافات) بففف اش باغي هدا عااود.. حم الو
فتيحة: الو شيماا حداك أمال
شيماء: اه مرت عمي لباس (عوجت شنايفها)
فتيحة: لباس ونتي بيخير
شيماء: الحمد الله
فتيحة: هاري أمال نهضر معاها
شيماء: (خرجت من الشومبر ومشات لعند لبنات دخلت لقات هند كتحايد لبوان نوار من وجه أمال) مرت عمي بغات تهضر معاك (ناضت هند شدت من عندها التيليفون شافت النمرة كانت مكتوبة عليها Med عطاتها لأمال)
أمال: الو
فتيحة: الو مال تيليييفونك مكيسمعش
أمال: وراه خااسر من شحال هادي
فتيحة: اوا ديه يتصااوب
محمد: كولها تشري شي واحد حيت كل نهار غنبقاو نعيطولها نشوفووها
فتيحة: سمعتي خووك
أمال: واخ
فتيحة: سيري عند الحاجة نتي وبنت عمك جلسي معاها فهاد رمضان
أمال: (تشجعت بزاف) لا انا نبقى هنا
فتيحة: كفاش لا!!! وليتي تجابهي معاايا
محمد: (دارها اشارة تعطيها التيليفون) سمعي سيري لتمااك ومعندك علاش تخافي الا وقعت شي حاجة عيطيلي
أمال: (فهمات هو باغي غير باش يضارب مع زهير يرجعلو الصرف) نبقى هنا حسن
محمد: علاش مبغيتيش تمشي؟
فتيحة: لا رغبها كااع لتمشي خليها تجلس تمااك ولا عرفتي رجعها هنا بعدا تجي طيب لفطور معايا ماشي مخلياني فتمارة وهي جالسة تمااك
أمال: (خافت ترجع) لا صافي نمشي
محمد: مهم الا ممشيتيش عيطي نجي نجيببك وكسمعتي شري تيليفون دابا نصيفطلك غدا لفلوس فلبوسطا وديري كونكسيون راه كل نهار غنصونيو علييك نشوفووك
أمال: (بعدم ارتيااح) واخ (قطع مفهمتش علاش بغاوها تمشي مكيخليوهاش تختار يا تمشي لعند الحاجة يا تجي للدلر دوزي الدكااكة عطات لهند التيليفون)
شيماء: شنو كالو ليك؟؟
هند: (ناضت مدات ليها التيليفون) صافي أشيماء سيري لبيتك
شيماء: حشوومة عليكم تخليوني بووحدي
هند: نتي لي بغيتي (سدت لباب خلات شيماء كتبكي ورجعت جلست حدا أمال) شنو كالو ليك
أمال: (بعصبية) والله مكرهتهم يمووتو كاملين ولا ينسااوني مهم ميعرفوني منعرفهم
هند: شنو كالو ليك؟؟
أمال: يا نمشي لدار الحاجة يا يجي داك زمر يديني للدار ماشي حتى تكولي تجي ابنتي اجي دوزيه معانا غنتوحشووك ومتبقايش بووحدك لا كالتلي جي ضربي تماارة ونيت نساي لقراية...
أصبحنا وأصبح الملك لله....
هند: هانتي منبقاوش بزاف نبقاو نمشيو ونجيو هنا
أمال: حتى واحد مفااهمني مبغييتش نمشي بلاصة فيها شيماء وأنوار
هند: متديهاش فيهم
أمال: شحاال قدني شيماء ختي من صغر تخطبت برضاااها لواحد كان كل نهار يبغي يشوفني ويكولي نبغييك ونتي مرتي حتى تكرفس علية
هند: راه الا بقيتي كتفكري هاكا عمرك تزيدي لقدام شوفيها من واحد النقطة المعهد ةلقراية كل نهار غتمشي وهاد لبلابص مغتكونش شيماء فييهم حيت أصلا معلبالهااش بشي قرااية وفنفس الوقت زهير
أمال: واش واحد غيبغي وحدة مشات مع شي حد كيجيييه وتقبها من لفووق
هند: بففف علاش متمشيش طبيبة نتي كلتي كنتي ناعسة
أمال: انا عاارفة
هند: باش عاارفة
أمال: مبغيتش اهند نعاود نسمع من طبيبة وتأكدها راني مرااا مبقيتش بنت عفااك فهمييني
هند: واخ نوضي نجمعو حوايجنا
أمال: واش لاخر للي غيجي يدينا؟؟ راه منمشيش معاه
هند: شتيني غير غركب مع داك لحمار
أمال: لا مكنهضرش على لحمار كنهضر على زهير
هند: امممم زهيييير
أمال: (جلست) صاافي منمشييش
هند: ههه وا غير نوضي غنمشيو بطموبيلتي (سمعو الدقاان) ها ختنا جااات
أمال: (مجوباتش ناضت كتجمع حوايجها وكتوبااتها) منمشيوش دابا حيت ضرووري نحضر لواحد الحصة فالمعهد
هند: حتى انا غنحضر اليوم حيت غنوجدو واحد الأكلة عزيزة على داك راس الطاارو
أمال: ههه حشوومة وليد زوين
هند: اهياااااااا
أمال: ههه مغيارة (ناضت كتكمل متجاهلين شيماء للي دقت شحال ومشات فحالها لبسو لحوايج ديالهم وهند قدات وجه أمال للي ضرابي بداو يبانو خفاف ولكن مع فونديشن مكيبانوش قدت شالها وخرجو لقاو شيماء واقفة حدا شومبرتها غير شافتهم دخلت زعما راني غضباانة منكم محشاوهاش ليها وخرجو نيشان مخداوش الطموبيل حيت المعهد فين مقيدين قريييب كل وحدة فين دخلت.... كملو الحصة ديالهم كان 5 دلعشية لقاو طموبيلة ديال أنوار واقفة ومعاه شيماء كيهضرو دازو من حداهم ممعبرينهاش)
أنوار: سيري عيطييلهم باش نمشيو
شيماء: (خرجت كانت لابسة شال مقادة وجهها شوية ولابسة كسوة حجابية تركية كانت جااية أية فالجمال) هند هند
هند: (ضارت وهي شادة فذراع أمال) وييي
شيماء: ياله باش تمشيو معانا
هند: نتي وختيييبك اختي وحنا لاش مخفتيش نحسدوك ولا نعيرو منك
شيماء: هيييييند
هند: (كتجرها أمال) غنجيو فطموبيلتي (مشلو وخلاوها واقفة رجعت عند أنوار)
شيماء: مبغاوش يركبو معانا
أنوار: هه تلاااات بيك أنوار تسنى كلباات يركبو معااك
شيماء: عفااك متقلقش رااسك
أنوار: ممقلقش انا معاجبنيش الحال يديرولك هااكا باش تعرفي شحال حقدو عليييك
شيماء: بزااف ولكن محدي معاك انا ممحتاحة حتى لشي وحدة
أنوار: الزيين ديالي صرااحة كنت مزرف فديك الزركة ظبنت عمك مخلي التووت وماشي لييها واقلة سحرات لية
شيماء: ههه بحاال والو راه معطيلهم هادشي
أنوار: واايلي
شيماء: والله
أنوار: هكاااااااااك وانا نكووول..... (زاد بيها ووقف فطريق الرئيسية للي منها غيدور باش يشمي للدار) نتسناوهم هنا باش ميتلفوش ومنها دخلو مجموعين
شيماء: واها حبيبي
أنوار: على هاد حبيبي (جرها من ذقنها وباسها فشنايفها) خاصك بووسة غير هو دغيا تعلمي
شيماء: (حشمانة) كندير
أنوار: غير نقرب ليك حلي فمك ههههههه...
هند: (هزو حوايجهم طلقو موسيقى وزادو مع طريق) نمشيو نشريو شي كادو للحاجة
أمال: زعما!
هند: اه ما فيها واالو نفرحوها كما هي فرحانة بيينا
أمال: ولكن نسيت ديك كارت كيشي ديالي كاع مزال ملقيتها
هند: انا نشريلها (دازو خداولها كاب فلبيض فروور)
أمال: (خارجة مصدومة من لمحاال) وا شحاال غالي
هند: هو هدااك ثمنو وعاد راه برومو
أمال: (طرطقت عينيها معجبة 1400 درهم وجاتها عادي) بزااف غير نلقى ديك كارت كيشي نعطيك لفلوس
هند: هه حمقة (دازو لفرماسيان) انا ندخل نجيبلك دوك لفيتامينات
أمال: (حركت راسها باه وحشمت من هند منين رجعو وغير هي للي كتصرف تجلات ليها كارت كيشي من نهار رجعو فحالهم وملقاتهاش وساكة بقات عند أنوار داك نهار وحتى دارهم معطاوها ريال حدو محمد صيفط ليها فلوس التيليفون فصباح كانت 2000 درهم شرات تيليفون (شيومي ريدمي 9) كان زوين وتيليفون للي عطاها أنوار طفاتو وخلاتو فمخبع فلبيت.. رجعت هند وزادو)
أمال: واش عاقلة على طريق
هند: (قوست عينها) عاقلة غير مهم عااقلة هي جات تقريبا برا على لمدينة شوية (صاكت وهي كتوصيها متديهاش فشيماء ياله غيدورو مع رونبوان كان أنوار واقف بطموبيلتو دازو من حداه وهو كان مجمع مع شيماء غير شافهم ديمارة وضوبلهم فطريق مخلي لعجاج من موراه أمال طلقت تنهيييدة عاد كان معاها هي ومكانش كيبغي يهز شيماء معاهم للي هي خطيبتو كفاش عطاتو خاطرو يتكرفس عليها ويبدلها كان يكولها كلام زوييين ودابا مرجعها بحال شي بنت الزنقة غزتها هند) اممم
هند: اسبحاان الله
أمال: والله محاملة نمشي
هند: صافي متخمميش بزااف يمكن تكون خير هاد لمجية
أمال: كفاش؟؟
هند: معرفت ولكن متفاائلة (شافتو وقف وهي تفراني هبط كيتكلظم عليهم حل لباب دلبرا ورجع طلع فطموبيلتو ودخل تبعاتو هند كتسبو لقات بليصة حطات طموبيلتها وخرجات هي وأمال للي كارهة هاد لمجية تفكرت فاش جات داك نهار شكون قاال هنا سااكن أنوار وهادي هي دااارهم واش قدر تولي تجمع معاه ولا صدفة ولا قدرها المشؤووم للي تخيرات واش تمشي لعند الحاجة ولا ترجع لدارهم تعيش العذاب النفسي والجسدي مع مها وخووتها للي خلاوها ديما تحت الرجلين.. قفزها صوت الحاجة)
الحاجة: مرحبا مرحبا ببنيااتي (سلمت عليهم بحماااس جات حتى شيماء ووقفت حداهم كتبسمة) اهلااااان بلالة لعرووسة لباس عليك ابنتي
شيماء: (حشمانة) الحمد الله الحاجة ونتي لباس عليك
أنوار: (وقف حداهم وباس راسها) ماا لباس!!
الحاجة: الحمد الله اوليدي
أنوار: شيماء تمشي دهلي معايا
الحاجة: لا يا وليدي معندها فين تمشي
أنوار: راه مرتي اما هه
الحاجة: سيير كون تحشم نهار ديك كاغييطك وديها دابا هي بنتي ههه (جارتها وشيماء كظحك وحشمانة فنفس الوقت هند كتميق فيهم ونسات راسها وأمال غير كتشووف)
أنوار: (مشافش فمرة جهة أمال.. شاف فشيماء) انا غرجع للخدمة دابا
شيماء: حم واخا
الحاجة: ياله ابنياتي طلعو
هند: أمال اجي (مشات أمال حدا هند) عندااك تديها فيهم
أماال: (هزت كتافها حزنانة) منافق ومناافقة
هند: قولي ز*** وق***
أمال: أحااي درك يسمعك شي حد يا لهبيلة
هند: (مدات ليها تشد لكادو وخرجت لباليزة لكبيرة للي كان فيهم حوايجهم بجوج جرت لباليزية) تعاملي مع شيماء عادي
أمال: غير تبعدني متهضرني منهضرنها (تبعو الحاجة للي مجمعة مع شيماء للي جارة باليزتها وصلو حداهم وطلعو للدار فدوزيام ايطاج دهلاتهم الحاجة مرحبا بيهم بكلامها الزين وابتسامتها البشوشة جلسو)
هند: الحاجة
الحاجة: (ضارت وهند زغزت أمال من يدها للي كانت هازة فيه كادو الحاجة حتى هزت يدها ووقفت أمال بلا متحس مدت ليها لكادو)
هند: كانت شراتو ليك أمال
الحاجة: (شافت فأمال وتبسمت معاها بفرحة) الله يخلف عليك ابنتي
أمال: راه هند لل
هند: بصحتك االحاجة هي حشمت تعطيه ليك هي حشوومية شوية
الحاجة: (عنقااتها وجاتها كبيييرة فعينيها) الله يرضي عليك ابنتي وحتى نتي معندكش متعذبيشرااسك
أمال: هم لا الحاجة تستاهلي (معرفتش شنو تكوول) شكرا
هند: (جابتلها الظحكة) ههه (جراتها من ذراعها تجلس والحاجة حست بحشمة أمال أما شيماء غير كضور فعينها جلست معاهم حيت كانت موجدة كولشي فوق الطبلة ياله كتكب أتاي حتى خلطت الكاملة.. شيماء وقفت)
الكاملة: مرحبا نخار كبيييييير هدا (سلمت على شيماء وحتى لوخرين وقفو أمال شافت فيها وكتكول هادي للي كانت غتكون عكووزتي) بنتي مجيتيش تشوفيني ولا معندك فية غرااض!!!!!
الحاجة: لواااه الكاملة فين تجي جلسي تشربي كاس أتاي
الكاملة: تجي مرحبا بيها راه دارهم حتى هادي ولا فاش كنتي تلقااي بأنوار مكانش يكولهالك
هند: (تبسمت بجنب.. أما أمال غير كتشوف بعينيها وشافت فالحاجة للي باين معجبهاش الحال أما شيماء كلا القط لسااانها)
الحاجة: (تبدلت نبرة صوتها) الكاملة جلسي تشربي كاس أتاي
الكاملة: (جلست حدا شيماء) يا بسم الله اري اشيماءشي طرف دلكيكة
شيماء: (وقفت قطعت بموس وحطاتو فطبسيل ومداتو ليها)
هند: حتى انا اشيماء (دارت ابتسامة فوجهها) قطعيلي احبيبة (شيماء كتاكل فراسها من لداخل بقاو كياكلو فصمت وأمال غير كتشوف والحاجة مجمعة مع الكاملة)
الكاملة: (وقفت) اوا نوض نمشي شيما تمشي معايا
الحاجة: الكاملة هضرنا هي معندها فين تمشي نهار يجيو واليديها غتجي معاهم راه كلنا هادشي صباح زلا ولدي لكبير مكالك واالو
الكاملة: (مرضااتش قدام لبنات) وااخا مكلتي عييب (شافت فشيماء) اوا مبرووك عواشرك ااااااا اعرووستي
شيماء: الله يبارك فيك اخالتي ويطول فعمرك
الكاملة: امييين (خرجت من تمااك مكرهة عارفة عكوزتها كتحدهم ليها ولكن مكتحملهاش دخل فعريسااتها واها شيماء زوينة وعاطية للعين ولكن هي كانت باغا عروسة اخرى لولدها للي لدابا ختها مقطعااها ولويسااتها كيحشيولها الهضرة من تحت لتحت..)
الحاجة: (شافت فشيماء) واليديك ابنتي مبغاوكش تمشي ومن الأصول متمشييش
شيماء: واه الحاجة داكشي للي كالو لي حتى أنا (كملو ماكلتهم وحلفو على الحاجة متنوضش أصلا كانت موجدة لعشا صونات عليها نعيمة ابيل فيديو) حم ماما
نعيمة: بنتي وصلتي عند الحاجة
الحاجة: (باشارة وهي متبسمة) اري ابنتي التيليفون
هند: اجي نبدلو حوايجنا (خلاو الحاجة كتهضر مع نعيمة ومشاو للبيت للي كانو فيه دييك لمرات.. سدو لباب وكل وحدة فتحت شانطة ديالها)
هند: ظرييفة عكووزتك اشيماء
شيماء: (عرفتها طانزة عليها) اوا عقباالكم بوحدة بحالها
هند: هههه حجارها يشدووها وييلي بغات ديرلك بحال شي خداامة من نهار اللول انا ديرلي هكاك منسكتش ولا لا أمال؟
أمال: ربي كيعطي لكل واحد على قد نيتو
شيماء: ياااك أمال تحل لييك الفم
أمال: كنت زيزوونة ومفخبااريش
شيماء: كتحماااو
هند: هههه اش كنحماو نتي للي نيتك نااقصة حنا غير كنهضرو والا بغيتي منبقاوش نهضرو معاه مرحبا
شيماء: (سكتت لبسو بيجامات ديالهم وشافت فأمال للي دهنت شي كريمات وجهها وعاد دارت بوودر خبات ليطاش) باغا تصيدي عريس وجايبة لكاادو
أمال: (مسوقاتلهاش خرجت وتبعتها هند كتميساجا مع وليد عاد تبعتهم كتصوط ولكن غير تفكر كلام أنوار وتغزلو ليها كتفرح وكتنسى جلسو مع الحاجة)
هند: الحاجة كاين شي شباكية شي سلو؟؟
الحاجة: كولشي موجود ابنيتي ولكن داك طياب ديالكم وااالو
هند: لا ظاكشي خلييه لينا نشبعووك شهااوي ياك أمال
أمال: ههه ان شاء الله
الحاجة: شيماء متديش فخالتك الكاملة راه غير بغاتك تمشي تشوفي داركم جديدة واخا هضرنا معاها وكلنا ليها راه مغتجيش
شيماء: لا ماشي مشكل
الحاجة: الله يكملك بعقلك
هند: امييين (كملو جموعهم وناضو حطو لعشا وهند باغا تعرف فين زهير للي كاع مبااانش أما هو راه فبيتو كبطل من السرجم وكيكمي وشاد الدكة فيدو)
زهير: (مكرهش يمشي يشوفها ولكن مجااتش أكترية منين كال لخووها علييها نتر كارووه منين شاف أنوار خارج وجلس فالنافورة صفرلو حتى طل) فييين
أنوار: ههه غتبقى عااس تمااك
زهير: سير تنعس
أنوار: نزل
زهير: لا
أنوار: انا نطلع مطلعاش مطلعااش...
أنوار: (طلع وخرج عندو زهير) داك لبيت باقي ممنوع
زهير : ديها فراسك اصاحبي اش باغي تكجدر بشي بيت نعاس
أنوار: ممشيتيش لعند ما جاو لبنات
زهير: هه وغير جاو لبنات نمشي بنتلك بو بناات بحاالك جالس كتحوم تماك بحال شي شفاار
أنوار: لا كنت غير كنتبرد
زهير: جمع *** أنوار فين عمرك خرجتي تبرد فهاد الوقت
أنوار: دابا غير بغيت نعرف واش بنيتك (قبل ميكمل لاخر ضار مخنزر) ماشي سوقي اصلان
زهير: هكاك الله يرضي علييك
أنوار: بعد غدا رمضان؟؟
زهير: اممم
أنوار: وغتبقى هنا بوحدك بعدا اجي غير تفطر معانا
زهير: أنوتر اش باغي فهاد الليل خوك كن صباح وهو فتمارة باغي ركد
أنوار: اممم تيقتك غتنعس
زهير: وكاع لا تيييق (كيخبطو فظهرو) غدا ونجمع مع ولدي فالليل دابا باغي نعس يالك زلك
أنوار: هاا هو زالك (خرج وهو كيصوني على شيماء) شنو زين منشووفكش
شيماء: (كتهضر بالحمام بشوية) الحاجة حاضيااتي ههههه
أنوار: طلعي لسطح
شيماء: أموار مصاالحش اما والله حتى بغيت نشووفك
أنوار: وصاافي طلعي مغيشوفك حد ما راه كتشرب دوا كيكوخها مكتفيق حتى لفجر
شيماء: وعائلتك
أنوار: كولشي نااعش
شيماء: (خافت) زعما!!
أنوار: باله انا نتسناااك راه على قبلك غنقز سطحنا وسطح عمي ونجي عندك
شيماء: علاه زهير عمك؟؟؟؟
أنوار: واه ياله سربي (قطع وبقات غير كتشوف زهير للي باغي أمال صدق عمو مسوقتش المهم هو أنواير يبقى ليييها.. خرجت كان الضو مطفي مشات لبيت لبنات لقاتهم كبجمعو ودايرين شي ماسكاات هزت شالها وتمات مسلتة ياله دارت لبيل فباب سطح لقاتو مسدود بالساروت والساروت مكاينش تمااك) بففف خرا حتى هنا حبس (رجعت للحمام وصونات عليه) أنوار
أنوار: طلعتي؟؟
شيماء: لباب مسدوود حناك سادة كولشي بالسارووت
أنوار: (كان ياله فسطحهم) اممم اوا سيري تنعسي غدا وشوفي كديري تاخدي الساروت ولا معرفت
شيماء: واخ تصبح على خير
أنوار: تصبحي على خير (قطع بقا تماك فسطح كيشوف فدار حنااه جبد بزطاامو للي كان داير فيه كورميط رقييق كان شراه لأمال فراس العام فين وقع المشكل ومعطاهش لييها.. تفكر داك نهار للي كان معاها مزيان حتى جاه ميساج من عند شيماء حلو وسمع)
شيماء: دابا نتي الا بغيتي تختاري بين وليد ونبيل شكون تبغي
أمال: وليد
شيماء: وعلاش وليد
أمال: زويين وظرييف وكيتعامل معايا زويين
شيماء: اممم يالالة عاجبك خويا وساااكتة ولا كولي بيناتكم شي حاجة
أمال: هههه (بقات كظحك وهنا تسالا الأوديو للي التكميلة ديالو) واش حمقة اش بيناتنا وليد راه خوويا نتي كلتيلي شكون تبغي يكون راجلك الا بززو عليك واحد من ولاد عمك وانا وليد كنشوفو خويا للي تمنيت محمد يكون بحال أما انا كنبغي غير أنوار...
أنوار: على الأقل شيماء كانت واااضحة من اللول عينها فية وبينات ماشي مرة ماشي جوج قطع داك لكورميط ولاحو بنت*** باغا تلعبها على جوج جوااايه ولكن غنربي الكلمة د**** (هبط لبيتو دخل يرتاح جاه ميساج طويل عريض من شيماء كتعبر على حبها تبسم وكمل معاها لمشااطية حيت لبنات ممعربرينهاش...)
~~~~~~~~~~~
أصبحنا وأصبح الملك لله...
زهير: (فاق بكري صونا على مو لقاها فايقة من لفجر كعادتها) راكي وحدك ولا معاك لبنات
الحاجة: واه مسيكينات مكيقدوش ينوضو دابا
زهير: بلا متفيقيهم براكة غير تمارة دقرايتهم انا جاي (مشا عندها لقاها كطيب المطلوع للي كل صباح كيفطر بيه فلكوزينة جات مو هازة لكادو) سمو دشي؟؟
الحاجة: (بفرحة) بنت سي مصطفى جابتلي هاد لكادو
زهير: أمل؟؟
الحاجة: اممم (مسح يدو بالزربة وشد لكادو هز لكاب للي كان حريير فلملمس وزويين ضرب على الثمن للي مزال معلق هز حااجبو
زهير: بصحتك الالة.. واخا راه غالي باش تشريه
الحاجة: غالي بزاف اوليدي؟؟
زهير: غي زعما مزالة كتقرا الواحد ميتسناش منها شي حااجة (بنصف ابتسامة) ذوقعا زويين.. خاصها غير تفتح عينها وتشوف فينا غيكون ذوقها كتر من وااعر
الحاجة: هاا!!
زهير: تهلاي فيها اماااا وخصووصا هي (كمل قهوتو وباس راسها) صوني علية الا خصاتك شي حاجة
الحاجة: الله يعرضك الخير اولدي...
الحاجة: الله يعرضك الخير اولدي (مشا وبقات تشوف عمرو قال تهلاي حتى فخوتاتو ودابا كيوصي على بنت سي مصطفى!! يمكن حيت جابتلي الكاادو نفضت أفكارها بدخوول لكاملة)
الكاملة: لالة الطالبية كاين شي فطوور
الحاجة: دخلي ابنتي مرحبااااا
الكاملة: (شافت فوق الطابلة صينية صغيرة فيها بريق دلقهوة وكاس باقي فيه التخت ومطلوع وما يرافقه) بانلي زهير جا فطر هنا
الحاجة: واه فطر كبييل
الكاملة: ياك درتو ميبقاش يجي هنا
الحاجة: (مشات كتجمع لميعنات) جا منين عرف لبنات مزال ناعسين
الكاملة: بسلاااامتهم مزال ناعسيين 8 هادي اش بقا من معاس
الحاجة: ههه عندك الصح انا نوضهم د يمشيو يكلعو الزيتون
الكاملة: (مصمصت الحامض وجلست) الحاجة وفهمي كلامي جاو ضيااف خاص يفهمو لفياق كيكون مع مول الدار ونعاس مع مول الدار
الحاجة: هوما ماشي ضياف ووحدة منهم غتكون مرت ولدك صغييير خاص تخليها تبغييك ماشي تنفرك باش تكول انا ماشية عند ناس يتهلاو فيا وحتى انا خااص نتهلا
الكاملة: نخليها تبغيييييييني وهادشي جدييد عندك الحاجة
الحاجة: علاه ابنتي نهار جيتي توالينا (عندنا) بززت عليك شي فياق ولا شي شقااا
الكاملة: (ضربت الطم) انا نمشي نفيق بعدا عروستي
الحاجة: الكاملة شيماء معندك فوكها كلمة عي راه خاااااااطبة ولدك للي هو اصلا معندو كلمة عليها داابا مترجعيناش صغاار كدام دوك الناس للي شفنا منهم غير الخير والاحساان
الكاملة: هاكا راه تصغريني كداامها ماشي كلمة جوج تنهضي فية (تغوتي علية)
الحاجة: لا حولا فين صغرتك ابنتي
الكاملة: (ناضت زعفاانة) السلام علييكم (مشات وخلات الحاجة مستغربة هي فاهمة منها انها مباغاش شيماء ولكن الحقد عليها علااش!!! مشات للصالون هزت نظاظرها ومشات لبلاصتها للي مفرشة فالأرض باش كتقرا القرآن فرااحتها...)
~~~~~~~~~~~
زهير: (صونا عليه وليد) فيين
وليد: (مكره) فن
زهير: مموالفاالكش تصووني على صباااح
وليد: انا عند لبوليس
زهير: (حط داكشي من يدو ووقف) كفاش يااك ورااقك ياله عاودتي كاديتيهم
وليد: اودي ماشي على وراقي
زهير: وشنو؟؟
وليد: لكلب للي كنت مخدمو عندي عطيتو ديك السلعة للي كنجمع باش يصيفطها فالمطاار بات ماا صبح وزاد خدالي شي فلووس من المحال جاب الله مكنخليوهمش تماك كاملين
زهير: و****** **** يخلف الله اصاحبي
وليد: 20 مليون ديال السلعة ازهير
زهير: خاص تردها لدااركم
وليد: فلوسي تقريبا كاع حطيتهم فالمحال للي شريت هنا ودرت مع واحد يجيبلي شي سلعة اليوم خاصني نعطيه فلوسو وبقاتلي شي طريكة غدا خاصها تقطع من لبانكا وفلووسك نتا
زهير: فلووسي انا مباغييهمش
وليد: راه مكنشكيلكش باش تسمح فحقك
زهير ***** داوي بالصح شحال خااصك دلفلووس دلبانكا
وليد: بلاتي ازهير كيعيطولي باش نعطيهم تصاور الكلب ديير الخير **** فولاد ******
زهير: صاافي برد سير كمل معاهم وانا كنتسنااك (قطع وبقا كيشووف فصاحبو للي راه غاارق وبوووحدو تمااك خير وليد كان كبيير حتى هو واخا هو للي صوفا وليد ودخلو يخدم ولكن قراية وليد هي للي وراتو شحال من حاجة وزاادت بالمحال حتى ولا معرووف فالمنطقة وكفاش كيتعامل مع الناس باش يرجعو يعني الا مكانش وليد مكانش يعرف يسير شغلو دازت ساعة صونا عليه) كملتي
وليد: مشكل اخر لكلب مدايرش لوراق وهادشي غيجبد لية صداع خدمت واحد معندوش لوراق
زهير: فففف ****** شوف راه هضرت مع واحد السيد غيجي عندك للمحال غيعطيك 15 مليون
وليد: لا لا لاااا
زهير: مكنشااوركش ابناااادم غيجي دوك لفلوس شري سلعة والا عندك زيييد باش تكمل ليهم رزقهم انا غدا نشوفلك شي حل وداك الكلب وجد تصويرة غيجي ألميرو (صاحب زهير) عطيه التصويرة كاميو ديال السلعة صعييب يهرب بييها هكاك غيكون مزاال تمااك
وليد: (دغيا قلبلو على الحل وعاونو غير بالتيليفون ملقى ميكول)
زهير: شوية ونصووني علييك وحل عينيييك ****
وليد: واش ندي ليك فلوسك لي...
زهير: لفلووس ماشي هوما للي يديرونا حنا للي نديرهم ولخاوة للي بيناتنا كلر من شي درااهم... (قطع وجلس فدرجة جبد كارو بشوية كماااه كيفكر السلعة للي كانت غتجيه من تماك فلوسها عطااهم لوليد بقات السلعة ديال تركيا وشي حاجة من مصر وداكشي للي عندو واخا كان طاامع فسلعة ديال ايطاليا تعجب النااااس ولكن ماشي خساارة فولييد يعوضهم الله.. بكل هدووء ناض يكمل فشغلو بحال ماشي عاد خسر فلوس شحال وهو يجمع فيهم أما وليد كان غيحمااق بكترة ما زهير دغيا فكووو بكترة محس بدين تقييل ماشي فلوس بكترة ما مسؤوولية بين ليه ان لفلوس واالو قداام خااوتهم هو عارف غيردهم لييه غير جاتو قاسحة وعو عارف زهير كيبني رااسو وعلم الله هاد 15 لمليون للي عند هاد السيد فاش كانت غتنفعو....)
أمال: (ضربتها الفيقة كانت 9 ونص تجبدت شافت فشيماء للي كانت ناعسة فالسداري للي مقابل معاها بيناتهم طبلة ناااعسة بقات كتشووف فيها كفاش طااوعها راسها دير هااكا كفاش فضلات واااحد على بنت عمها للي كانت تمووووت عليها)
هند: (حتى هي ياله حلات عينها) أماال
أمال: (مسحت دمعة وضارت شافت فهمد للي فالساداري للي للي حداها) صباح الخير
هند: (بصوت باح) صباااح الخييير (عودت تفوهات) مزاال فية نعااس ولكن حشووومة ياااك
أمال: (جلست) ههه الا بغيتي
هند: يا ختي رجعتي تكلاشي (شيماء صدعوها وعطات بظهر) غتكون الحاجة فااقت (تفوهت) من فوووقاااش
أمال: واه سمعت شي هضرة ديالها ورجعت نعست
هند: شيمااااااااء شيمااء عكوزتك لحبيبة تجي تلقااك مزالة نااعسة تطلقك قبل متجوجي ولدها
شيماء: بففففف
أمال: (وقفت كتجمع فرااشها وجبدت الطلميطة دارت لكاشة فلبلاكار للي تماك ستفت لوسايظ ومشات تجمع فراش هند ونتراتولها) مالكي؟
هند: ماالكي نتي
أمال: كنجمع
هند: نكون مريضة وااخا ولكن دابا غندي يديي راه قلنا ظرافتك الزايدة هي للي خلات بنادم رااكب عليييك
شيماء: (ضارت عندهم مغوبشة) شنو زعما هاد حشيان الهضرة على صباح
هند: باسم الله عليك ابنتي شكون سوق ليك
شيماء: (وقف) عيقتو علية بزااف واش صافي دغيا نسيتو صحبتنا رجعتو ديرو رااسكم بحال متعرفونيش
هند: ميشرفنيش نعرف وحدة بحالك اشيماء ماشي غنكولك خطفتي واحد بغا يتزوج بنت عمك حيت داك **** اخييييرا تهنات منو أمال لا حيت نتي درتي حوايج والله ق**** صوبييصة ومديرهاااش انا نعاود نصحك اشيماء فكري ألف مرة راه كضيعي رااسك بلا منفكرك ضيعتي وااحد كان معقد وبيك كان غيتبدل هربييي راك مغطفرييهش معاه ومع مووو للي باينة كتعزك وغديرك بحال بنتها فييقي اشيماااء راكي ماشية غير فالخسرااان... (أمال مكتهضرش معااها كملت هند جميع للي عاودات من موراها أمال حيت ملمطاتش مزيان وخرجو خلاو شيماء حانية راسها فاللأرض وكتشوف.. دخلو عند الحاجة للكوزينة)
هند: صباااح لخييير الحاجة
الحاجة: (بابتسااامة) صبااح لخيير بنياااتي (باسولها يديها) الله يرضي علييكم نعستو شوية؟؟
هند: خمرنا كاع هههه سمحييلنا خليناك بوحدك
الحاجة: نتوما هنا عند حنااكم بغيتكم متفيقو حتى تشبعو نعاس متنوضو من الطابلة حتى تشبعو فكرشكم
هند: (عنقتها) الله الله على الدلع وفين كان مخبع
أمال: هه
الحاجة: (كتعجبها هند بهاد التصرفات) ياله سيرو تفطرو انا نحط ليكم
أمال: هاء انا نحطو الحااجة عفاك غير رتاحي
الحاجة: الله يرضي عليك ابنتي وفين شيماء؟
أمال: بقات كتصلي وتجي (مشات كتحط لفطور حتى حات شيماء فطرو فالسرييع وجمعو الدنيا خلاو الحاجة تمشي ترتاح سيقو الدنيا وجا وقت لغدا واخا مكانش فيهم الجوع ولكن عارفين الحاجة فاقت فالنبوري تغداو هي ناضت شربت دوا ونعست وهوما بقاو كيستفو فالسلعة للي صيفط زهير على حساب رمضان مكملو حتى ناضت الحاجة لقات الكوزينة كتشعل وأمال كتقاد فالحرشة وهند كدير لي كخييب للي تعليمات ليهم لبارح مع صوص ديال الليمون)
الحاجة: (فرحت) الله يا بناتي واش جبتكم تشقااو
شيماء: لااا الحاجة مشقينا واالو غير جابتها الوقت باش نعلمهم شغل قبل منتزوج ههه
هند: ههه وييه مزال تعلمبنا بزااف راك ناابغة وخسارة موهبتك غصييع وتردم
أمال: حم الحاجة تشربي أتاي بلويزة؟؟
الحاجة: غير خلي عليك ابنتي انا نݣادو
أمال: لا لا وجدتلك براادك ياك بلا سكر
الحاجة: الله يرضي عليك ابنتي (سمعت تيليفونها هزاتو وجاوبت بلا متقرا سمية حيت مقريااش) السلام علييكم... ولدي زهير.. (خرجت كتهضر)
شيماء: ملاحظتوش مولاش بان ولدها باينة عندو شي دار كيصبغها وممياليش يجي
هند: هادييك غير الرجلة صعيب تعرفيها
شيماء: هههه ݣالي أنوار مصاحبة معااه
هند: اممم عندك دوري لي بيه حتى هو
شيماء: هههه زدتي فييه نخلي أنوااااار ونشوف ف... مهم غنبدا نحط بلا منݣول شي تخربيقة وانا منصظق أمال تصاالح معايا...
أمال: كتحاول مااااا أمكن تبعد من طرييق شيمااء ومتجاوبهاش ولا تهضرها وكتشوف فشيماء بحال شي حمقة مرة كتحشيلها الهضرة وتفااخر بخاتم خطبتها الشرعي وبأنوار شوية تجي ترغبها باش تهضر معاها مفهمت وااالو حدها كتجاوبها الا كانت الحاجة حدااها...
الحاجة: بنيااتي ولدي لسك فية نخرج ومبغيتش نخسرلو خااطرو
هند: اه الحاجة غير خرجي خودي رااحتك
الحاجة: لا لا تخرجو معايا وتفوجو شوية
هند: (بنصف ابتسامة) اه (شافت فلبنات) ياك أمال (حشمت تقول لا) شيماء!!
شيماء: نكولها لأنوار
هند: (ميقت فيها) اممم صافي الحاجة نخرجو واش داابا
الحاجة: واه بحرا تلبسو عارفة رحيل لبنات تقييل ههه (ناضو كيلبسو وهند كتقاد لأمال وجهها وميبقاوش ليطاش وعطاتها لبست كسيوة طويلة تركية ممبيناش الضعف بزااف)
شيماء: قاديلي حتى انا
هند: ياله غلبس انا (لبست حوايجها العاديين ولوات شال عليها باين شوية من شعرها احتراما للعائلة.. خرجو عند الحاجة للي لابسة جلابة واسعة وشال وكاب من لفوق)
هند: هاي هاي على الزيييين
الحاجة: (حشمت) الله يكبر بييك ابنتي حتى نتوما غزاالات الله يكملكم بعقلكم
....: اميين الحاجة
الحاجة: ياله نهودو راه الا زدنا تعطلنا غيبدى يعرعر
هند: ههه هاحنا واجدااات (هبطو لقاو فطموبيل ديال خوه كونغو اغلبية كيشريو هاد النوع على حساب السلعة غير شافهم لاح لݣارو خرج فتح لباب لمو لقدام شدت فيدو وركبت عاد فتح لباب لبنات وعينو على أمال شيماء غير متبعة ياله جلسو بدات شتا كتنش سد لياب غير بشوية على أمال ومشا ركب دار بوني فنفس تريكو للي لابس فلكروونة هند نغزت أمال فرجليها كان كيبان فشكل اول مرة يكون لابس حوايج مزيانين ويكون داير عطر.. بقا كيهضر مع مو وشيماء كتشوف من الزاج حتى صونا عليها أنوار جاوبات)
شيماء: الوو
أنوار: الزين ديالي
شيماء: (فرنست) اممم
أنوار: خرجتو كان كالي زهير غتخرجو تجيو لحدانا
شيماء: واه غتكون حتى نتا
أنوار: الزين ديالي خارج ومنشوفووش لااا انا نتسنااك مع ما ولييت نسرق الشوفة فييك
شيماء: ههه واخا (قطعت وهي فرحاانة ميمكنش يكون كيكذب وهو كلامو كولو زوييين وصلو خرجو)
زهير: هانا جااي
الحاجة: واخا وليدي (بقات كتهضر مع امال وتسول على أحوالها وهند قربت لشيماء)
هند: متبقايش تعيقي بزااف قدام أمال
شيماء: هاااء خطيبي منجاوبووش باش هي تفرح
هند: عيقتي الخراااا
شيماء: اوا صافي راه الصبااغ كيضل تابعها من قنت لقنت
هند: صبااغ!! حݣرتييه زعما بهاد الصيااغ للي كظلي تنعتيها بيه
شيماء: أنا محگرت حد هي للي متبقااش تحلم ويلي واش طامعة فخطيب بنت عمها حشووومة كااع تفرق لمصاحبة ماشي هو لمعقوول
هند: ههه وقحة والله عييت نشووف فبنادم لمقزدر وبحالك اختي مكااينش
شيماء: هيييند (بشوية) أمال كانت صاحبتو وانا دابا قريب نولي مرتو شكون العلاقة للي معترف بييها؟؟ ها الصبااغ تربح بييه..
زهير: (جاي عندهم زربان وتابعو أنوار نافخ صدرو وهاز راسو كيشوف فأمال باستحقار للي هي حنات عينييها من وجودو مزال مكتقدر تشووف فيه وفأي لحظة كتخااف يفرشها قدام شيماء الحاجة وزهير للي كتحتاارمو) مّا زييدي
شيماء: بفف (شبه مسمووعة) واش هدا غيورينا شي صباغة جايبها جديدة
أنوار: (قرب حدا شيماء) نجيب سوارت ونجي (حركت راسها باه)
زهير: ( دخل الساروت فواحد لعيبة فلحيط وطلع الريدو بان جوج بيبان ديال الزاج حلهم ودخل شعل الضو خلا المحال ضااوي ولاعب على الأضواء مبين صباغة للي دار ديال الياقوتة زوييينة دخلو كاملين وبقاو كيشوفو فالمحال وهو شوفتو مركزها على أمال واش يعجبها) بقاتلي السلعة للي جاية من تركيا نستفها وشي حاجة عندي ومزال من هنا لقدام نجيب شحال من حاجة حتى من لبانكا تفاهمت معاهم على حساب للي بغا يشري بلكريدي (حاول يشرح بالتدقيق باش تفهم مو وخصووووصا أمال للي كضور فعينيها)
هند: (عاد فهمت خدمتو ضارت عند شيماء للي حالة فمها) تخلعتي!!!! سدي فمك شوية واااقلة ختيييبك هو للي غيجي يخدم عند الصباااغ....
شيماء: (طلع مع وجهها السم وهي كتسمع زهير كيشرح لمو خدمتو وغير من المحال للي كبير وعاد 3 ديال الطبقات غيكون شي حاجة زوييينة شافت فيه للحظة كيسرق شوفات فأمال للي كتشوف حتى هي وباين على وجهها الإعجاب وعلاش مبباتش وزهير لبس مزيان بان واحد اخر عكس للي ولفو كيشوفوه وعاد المحال للي كيهضر غير على الدول وهادشي مغيصدقوش عليه يعني عندو فلووس للي غيستورد سلعتو من برا بقلت جامدة بلاصتها جا أنوار ودار يدو من مور ظهرها)
أنوار: مالكي واقفة هنا بوحدك؟
شيماء: كنتسنااك
أنوار: هبطو لتحت؟؟
شيماء: امم واش هاد زهير عمك
أنوار: واه شنو نمشيو حنا نضربو شي ضورة
شيماء: واش هو لباس عليه؟؟
أنوار: ونتي ماالك
شيماء: (خافتو يتقلق) غير كنسول وصافي كاع مكنت عارفااه عمك
أنوار: وهانتي عرفتي وهند عرفاه؟
شيماء: (حركت راسها بلا) موحاال
أنوار: (هز حاجبو) صاحبتو ومعرفاش
شيماء: هو مصاحب معاها هي ماشي مع أمال؟؟
أنوار: (غوبش) كفاش مع أمال هبييلة راهم طايحين بجوج شحال من مرة لقيتهم بجوج
شيماء: (ديرونجات من ردة فعلو على أمال) اوا أمال مصاحبة مع شي حد اخر
أنوار: شكون هدا
شيماء: وعلاش كتسول
أنوار: (شدها من فكها) اخر مرة تهضري معايا هااكا وا (سمع حسهم وهوما طالعين طلق من وجهها وعينيها كانو دامعين) خلينا مزيانين أشيماء
شيماء: (حنات راسها شادة لبكية)
زهير: عندي شي حوايج فالدار ولكن غااليين
هند: غديرلهم فيترينة ديال الزاج وحطهم تماك والثمن كتبو فورقة ولسقهم فيهم غير يكون من ظاك لورق للي دغيا كيتحايد باش ميضيعلكش الديكور
زهير: واه فكرة زيينة (شاف فأمال) ونتي شنو بانلك؟؟
أمال: (بتوتر) ها معرفت
أنوار: (مع هاد لكلمة ضار شاف فيها كانت كتعجبو من شحال هادي منين تكول معرفت) زهير حنا سبقناكم للكافي على متجيو
زهير: (شاف فشيماء) واه منتعطلوش غير هادي للي فراس الشاريع
أنوار: واه.. شيماء (زادت من مورااه وخرجو لبرا) وصاافي نتي للي كتعصبيني من داك نهار كلتلك انا عصبي كلتي نبغيك بعصبيتك ودابا بانلي لعكس
شيماء: والله حتى كنبغيك انا مكيعجبنييش تجبد سيرة أمال
أنوار: شكون هاد أمال للي تجي كداامك زيدي وخلي الثقة فرااسك (ركبو وزادو...)
الحاجة: (غير كتشوف مفهمااش بزاف المهم ولدها فرحان باينة فعينييه شحال تمنى يكون عندو مشروع دياالو فبلادو وها هو كيحققو تبسمت وشافتو كيهضر مع هند للي وتمنااتو يدير وليدات قبل متموت كاع ولادها عزاااز عندها ولكن زهير زاايد نغيييزة حيت دازت عليه بزااف فصغرووو وعلى قبل مو لاح راسو لبحر باش ميخليش مرة لولد تحكم فيها وتمن عليييها)
هند: حم أمال
أمال: اممم
هند: عقلتي دوك لعيبات للي كنتي شفتي فمرجان داك لمحال للي مكتوب فيه استقبال وكيعجبك بزاااااف
أمال: (بغير فهم) هم..
هند: للي فيه بيوت نعاس ديال تواركة ودوك ليفوتووي
زهير: (راد لبال معاهم) وي داكشي لي راني ندير فيه حتى يانا
هند: دابا فهمتي شنو غيكون هنا
أمال: (تبسمت هي عمرها عرفت هاد المحال) واه زوين
زهير: غير تجي السلعة اجي اجييو زعما غنجيبكم تشوفووها
هند: غيكون محاال هاي ملاااس علية فينما شفت شي فرملية ولا طييبة غنعت ليها المحال وعاد فكرة دير مع لبنكة مكتب هنا باش للي مقدش على لكاش يدير كريدي مزياااانة
زهير: مزيانة لية انا لبانكة تخلصني وهوما يبقاو ليهم
تريطات مع لبانكا (شاف فمو كتخالف فرجليها بحال كتريح على كل رجل) ما عييتي؟؟؟
الحاجة: (قادت الوقفة) لا وليدي
زهير: اممم ياله نمشيو نلحقو على أنوار
أمال: (بغير راحة مكرهتش تمشي فحالها ولا تجلس مرة اخرى مع داك لكلب فقهوة...)
نعيمة: واه حتى هكا مزيان نمشيو عندهم نهار ونشوفو بنتنا
مصطفى: معاجبانيش جلستهم تماك
نعيمة: الحاجة مراة مزيااانة كتبغيبهم وتهلا فييهم وحتى من شيماء كالتلي مكيجي عندهم حد حتى من ولدها جالس فداارو.... (هزت تيليفونها ودوزت أبيل فيديو مع شيماء لقاتها مداخلاش لكونكسيون صونات عليها عادي) ألوووو
شيماء: حم الو مامااا
نعيمة: لباس ابنتي؟
شيماء: (كضور عينها حيت كولشي سااكت وهي للي كتهضر حست بكولشي كيسمعها وكيشوفها) لبااس الحمد الله ونتي
نعيمة: لباس ابنتي دخلي للكونكسيون
شيماء: لا راحنا خارجين كاملييين
نعيمة: (وقفت ومشات للكوزينة) فين خارجين ومعامن؟؟
شيماء: غير للقهوة وكتسام عليك الحاجة
الحاجة: (فهمتها) سلمي عليها ابنتي
(لبنات بصوت واحد: سلمي عليها)
شيماء: (بابتسامة) كيسلمو عليك اماما
نعيمة: (عاد رتاحت) يسلم عليهم الخير سلمي عليهم اوا سيري حتى توصلي للدار وصوني علية
شيماء: واخا ماما بسلامة (قطعت.. وجا السربااي كل واحد وشنو دموندا وصل حتى لأمال للي حماارت بحال كيطلب منها كلوتها هو باغي غير يعرف شنو بغاات وهادشي زهير مقوس عينو فييها وكيلاحظ)
زهير: (مزال عينو فيها) أمل
أنوار: (شاف فيها ببروود زعما بنيتك واش كتحشمي واخا هو لمس حشمتها فالأيام اللولة ولكن من بعد تبدلت وعاد....)
أمال: (هزت عينها فيه) بببحال هند
هند: (جابتلها الظحكة حيت هند مزال مطلبت) شيز كيك فخومبواز وووو مونك (مشا السربااي وبقا سكااات)
أنوار: فوكاش غتوصلك ديك السلعة من بلجيكا؟؟
زهير: مزاالة معطلة شوية (بقاو كيهضرو بلخدمة والحاجة سااهية جا السرباي وعمر الطبلة من غير زهير للي جابلو قهوة نص نص)
الحاجة: هااء ولدي نتا متاكلش
زهير: (جغم منها) ديما للي كيخلص أما كيشرب نص نص ههه (بقاو كيظحكو أمال مع جاية اونفاص مع زهير وأنوار والحاجة مقدرااش تاكل واخا فيها لهيييمري كتاكل غير بشوية)
زهير: لواحد خاصو يحشم فكولشي الا لماكلة ياااك أمّا (هنا زادت حشمت كتر هند هزت راسها لقاتو كيخطف الشوفة فيها)
الحاجة: الماكلة مافيها حشمة كرشكم تحاسبكم
أنوار: على حساب واش لواخد كيحشم ولا غير كيمثلها (شاف فيه زهير باستغرااب) هاد لمرا عندي مكتاااكلش
شيماء: ههه لا كناكل
هند: (قربت لأمال) كولي ازميرة لحلوة كتحمق
أمال: (كلات منها) اممم زوينة
هند: (كتاكل وتهضر مع أمال باش ترتحها شوية وتخليها تااكل حتى أمال بقات معلقة من مور لوخرا كتسمع لهند للي كتعاودلها على وليد بصيغة يفهموها غير بجووج ومع نيت أمال عزيز عليها تسمع أخبارها مع وليد للي قصة حبهم كانت زوييينة... حتى كملت الحلوى للي كانت أقل ما يقال انها لذييذة هند كلات غير النص شافت فزهير) نطيرو باباها هاد الحشمة ههه
زهير: هه (أنوار كيزيد يتأكد هاد الجوج بيناتهم شي حاجة كملو قهوتهم ومشاو للدار هند والحاجة وأمال مشاو مع زهير وشيماء مع أنوار للي كان من موراهم غير وصلو لرونوان أنوار مبقاش من موراهم نيشاان بدا كبقلل حتى دخل لابيست طافي ضواو وضاو عند شيملء محايد لا سانتير)
أنوار: توحشتك ازين دياااللي....
زهير: (وصل هبطت مو كتوجع من رجليها) صبري نطلع معاك (دغيا طلعها فدرووج وهبط بالزربة لقا لبنات كيظحكو غير شافوه سكتو وبقات هند مبسمة شاف فأمال) نهضرو شوية!!!
أمال: (بعدم ارتباح حنات راسها)
زهير: بنت الناس غرااضي شرييف باغي المعقوول
أمال: (شافت فيه نفس لكلام كان أنوار كيقولولها)
هند: اممم انا نطلع
أمال: (شدت فذراع هند وزهير راد لبال لأبسط حركة منها)
زهير: واخا انا نتسنااك حتى تبغي تهضري غير ديري فباالك باغي لمعقول نيشان ولكن نعرفك بااغا حتى نتي.. طلعو ترتاحو وللي خصااتكم صونيو علية من عند ما
هند: واخا خويا شكرا
زهير: (مزال شوفتو فأمال) مبرووك عوااشرك
أمال: (شافت فيه) الله يبارك فييك اخويا
زهير: هند مبروك عواشرك اختي
هند: الله يبارك فيك اخوويا علينا وعلييك (أمال جرت هند وطلعو للدار تحت أنظار زهير للي جبد كارو كيكمييه.. صونا على وليد)
وليد: (جاوبو مفقوس داز نهار عندو كحل وعاد صاايم) اخويا زهير
زهير: وهاااد بنت عمك يا خويا كلمة مكتعتقنااش بيها
وليد: (معندو خاطر تبسم) انا للي ولد عمها ومكتقنعنيش
زهير: (نتر من لكارو بشوية وغوبش) زوينة هاد مكتقنعنييش
وليد: راه بنت عمي اشريف
زهير: بزعطة غير خلي ندخلها لداري اول واحد تشوفو من لبعد وتقلب طريق هو نتا
وليد: هههه.. (سكت مدة) عمرني نساالك هاد الخير الله يخلف علييك عليك
زهير: الا خلف حصدو... نسا ابناادم ودوز هاد لعواشر طرونكييل خونا يتشد يتشد وحتى الا متشدش فلوس لحراام مكيدومووش والخير للي درتي فيه وجزاك بالشر غيتقلب علييه طال زمان ولا قصاار
وليد: (زفر) مبقالي خااطر لواالو
زهير: رمضان هدا وهاد 10 اللولة فيها لخدمة مع لمغاربة مضيعش رزقك
وليد: راني مزال فالمحال السلعة تقريبا للي جمعت هاد 3 شهوور تبااعت وحتى من شي حوانت صغار بعت ليهم للي بقا كزلشي ماشي مزيان ولكن ديك الشمتة للي شمتني داك خينا مغتنياش ومتبردش حتى نشد مو نفلعس *******
زهير: كتحرق دمك على الخااوي ممرتاحش شد الطيارة ورواااح
وليد: واش بقالي غير لمجيان ابا زهير
زهير: هازها مناش تقاالت
وليد: واش انا داي ليك رزقك والمحال عواام ونتا تسنى فوكاش تحلو ودابا كتهضر هااكا
زهير: ويتعطل شهر شهرين عاام تبكي على مها كااااع مهم نتا تفك
وليد: ههه اوا وأمال ياك باغي تزوجها
زهير: وراه ديناها طمعناها بلمحااال واالو حراام واش تعرف سمو تحت راسها ههه
وليد: ههه لبنت راه كتحشم من حوايجها
زهير: باينة بزااف ولكن حتحسها هازة همووم الدنيا مقناطة كتر منك
وليد: هههه بغيتها تسمعك باش مدوورش جيهتك
زهير: على ربي غير دوور غير تكول شي كلمة
وليد: راه شيماء كتعيا معااها
زهير: واه حتى هند ديك لفرملية
وليد: علاش هي معاهم؟؟ فرملية؟؟
زهير: امممم (متبع طموبيلة ديال أنوار للي دخلات نساااااهم سمع وليد كيعيط ليه) صبر (شاف شيماء هبطت وبقات وااقفة) وليد من بعد ونهضرووو (لوخرا غير سمعت وليد دااخت كتر) ماالكم وفين بقيتو؟؟
أنوار: (شاف بقرف فكرسي شيماء لي فيه الردان ديالها وشوية على سرواالو) غير شيماء داخت يمكن خلطت فلماكلة (شاف فيها) طلعي للدار ترتاحي
شيماء: نغسلك هنا
زهير: طلعي اختي واها تغسلي وشنو راه يدير هاد لبغل (مشات شيماء محرجة غير كتفكر شنو وقع هي كتقزز اعسااك هو خاافت يدي شي نظرة علييها ولكن راه كانت ياله وااكلة وباش يدخل حجم هكاك لفمها راه غير صبع وتقيا اعساااك..... ومع الطموبيل هي عينيه غسلها على وعدو وسعدو ورشها بامعطر ديالها وجاب سبيراتور كينقي فيها وكينشفها عاد طلع للدار أما زهير بقا فبيتو بووحدو كيتسنى مو تعيطلو يجي ياخد صحور....)
هند: واش معجبكش زهير؟؟
أمال: كولهم كيكولو ديك الهضرة ديال انا باغيك لمعقول وبغيت نعرف غير واش نتافقو يااك هاكا كالي داك الكلب
هند: اه ولكن راه فرق بين داك الكلب وزهير
أمال: كاع رجال انا اهند مبقيتش كنحمل جنسهم غير يبعدو علية ونتي زعما راك عارفة شنو كاين
هند: اممم (جلست وشافت فتيليفونها بحزن) يوماين مهضر معايا وليد ومجاوبنييش
أمال: ياكما مبرزط مع الخدمة
هند: معرفتش.. هو كان كيهضر معايا بزااف راه شي مرات كيهضر معايا 90% من هضرتو مع لكليان ومكيقطعش
أمال: (بخوف) عنداااك شيماء تكوون كالتو شي حااحة ولا صوراتك ولا شي حاجة
هند: لا معندها متصور مني
أمال: اختي متيقييش عفااك متبقايش تجاوبييها راها كتخلعني
هند: اوييييلي على كتخلعك مالها بووعو
أمال: كتر هي عذاااارة تسناي منها اي حاجة عفاك اهند الا كنت عزيزة عندك متبقايش تجاوبيها ديري كما ندير انا منجاوبوهاش
هند: هكااك عاد كطلع لسما انا مهمانيش شيمااء انا باغا نعرف واليد مالو غبر اما الا كان بوديينة بحال أنوار معندي مندييير بيه
أمال: ياله نخرج حدا الحاجة (لبسو بيجاماات ومشاو عند الخاجة لقاوها دخلات تنعس) معرفت باش كيتسحرو غندير (سكتو منين شافو شيماء دخلت كتجري للبيت وسدات عليها) ندير بطبووط
هند: مزيان وانا نقاد فلو
أمال: لا نكادو واحد الخاجة شفتها فيوتيوب ساااهلة
هند: شنو هي؟؟؟ (بقات كتوريها حتى ناضت أمال كتعجن وهند متبعة خطوات المهلبية ودارو واحد مسوسة للحاجة) أتاي حتى لبلاتي يااك
أمال: (كتخبز لبطبوط) واه (شافت فالساعة للي معلقة فالحيط) راها 12 يمكن يكونو ياكلو داابا
هند: (هزت تيليفونها صونات عليه واالو مكيجاوبش) معرفتش (مشات لبيت دير تيليفونها يتشارجا لقات شيماء كتنشف شعرها) دوشتي؟
شيماء: اممم (لوات شعرها سفنجة ودارت درة ولبسات بينوارها سخوون)
هند: شفتي فين وصلتي دابا فنظرك هدا حب هدا هو للي يخاف علييك ويصوونك ويحتاارمك!!! (خرجت مخلية شيماء غير كتشوف فيها طلقت تنهيييدة وبقات جالسة تماك صيفطاتلو ميساج) مقصدتش نوسخ ليك الطموبيل (فلبلاصة جاوبها)
أنوار: نسااي
شيماء: حشوومة عليك غوتي علية هكاك واش انا عاارفة
أنوار: صافي اشيماء كلتلك نسااااي
شيماء: (معرفت متكتبلو وفنفس الوقت بغاتو غير يعتاذر راه غوت عليها غير من الصمطة لتحت.. حطت تيليفونها تحت لمخدة ديالها وخرجت عند لبنات لقات الحاجة حتى هي عاد خارجة من لبيت مضهشرة نسات راه عندها لبنات وخاصها تقادلهم صحور مع دخلت لاكوزينة لقات أمال دايرة طبسيل عامر بلمخامر واحد فوق واحد ومن لفوق طرف كبير ديال الزبدة مخلي نصها ذايبة على جناب لبطبووط)
الحاجة: يييه علاه مفيقتونيش ابناتي
أمال: (مطلعة لكمام حتى لذراعها) لا خالتي علاش نفيقووك
هند: الحاجة واش كتاكلو داابا هادشي للي قدات أمال خلاني بحال شي مريوووحة
الحاجة: ههه كولي ابنتي (شافت فأمال بامتنان) الله يرضي عليك ابنتي وتبارك الله علييك
هند: راه حتى انا صااوبت المهلبية
أمال: (تشجعت) واه هي للي عمراتو فلكيسان ههه
هند: هههخ مهم درت اللمسة وزوقتو باللوز من لفووق
الحاجة: ههه الله يرضي عليكم ابنيااتي (تيليفونها صونا جبداتو من فواطتها مقراتش سمية حيت مقريااش لفروونسي كتعرف غير العربية للي كتقرا بيها القران.. كان زهير) واه واااه اولدي لبنات الله يرضي عليهم وجدو كولشي... (شافت فأمال)
بنتي خلي جوج بطب
أمال: راه درت ليه ديالو بووحدو (جبداتو من لفران كانو 3 وفوقهم الزبدة)
زهير: (تبسم عرف صووتها واخا منطقاتش بكلمة وحدة مهم غيااكل من يديييها حك) راسو الله اربي مشا صيام مشا رمضان مشا الأجر.. (ناض لبس قبيتو الحاجة قدات ليه بلاطو من للي صاوبو ودارو حتى أتاي حطاتلو شوية ديال الديسير فطبسيل حتى سمعاتو جا وعيط كان تقيل عليها ومفاصلها كيضرووها)
هند: حم أمال هزي على الحاجة
الحاجة: لا لا بلا منعذبك ابنتي
شيماء: اري نهزو انا اصلا نت ما من صباح ونتوما تشقااو
هند: (هزت لبلاطو وعطاتو لأمل. ودارت ابتسامة عريضة) غيضربك لبرد راك عاد مدوشة (أمال هازة لبلاطووكتحنزز فهند علاش كدير هااكا وفنفس الوقت شافت فطيران شيماء وهادشي كيفكرها فشي حاجة.. تمشات حدا لباب وقلبها كيضرب لقاتو باقي بحوايجو وعاطي بظهر وهاز يدو بجوج قايس بيهم سقف باب الدار هزت عينها فيه طويل وعرييض) حم
زهير: (ضار لقاها هي تبسم متوقعهااش تجي وشاف فلبلاطو ويديها رقااق للي حمارو يمكن بتقل لبلاطو ولا بسخونية الطاجين فاش كانت طيب بغا شدو عليها وهي تسبقو حطاتو فالأرض فهم مبغاتوش يقيس يدها بحال قاارية غيوقع هاما حافظ على ابتسامتو الهادئة حنا وهزو كان مغطي بسربيتة كبيرة) الله يخلف عليك الالة
أمال: بالصحة الله يقبل (قبل ميجاوب دخلت)
زهير: يااو غير شوفيني تهربي (ضارت تبسمت وغبرت مع لكولوار أما هو تبعها حتى سمع حسها دخلت للكوزينة ظحك على راسو وخرج حتى هو مشا لدارو مع دخل بانتلو الدنيا مرونة معندو فين يااكل مشا لبيتو حط لبلاطو وبدا يااكل ويتبنن فلطبوط ويزيد يغمس فالزبدة وطبيسيل دلعسل الحر للي حطاتلو الحاجة ويدوز بأتاي سلا معاه كاامل وخلا داكشي للي بقا من بعد مشا غسل يدو وفمو ورجع بدل حوايجو حل لبالكو وجلس فكرسي كيكمي ويفكر شحال من حااجة... أما عندهم لبنات كياكلو وعاطيينها لجموع مع الحاجة للي كتمووت على جماعة ولقات معاامن.. تسحرو صلااو مع الحاجة وكولها فين مشات لموضعها تسخن عظامها)
شيماء: دابا شكون للي مصاحبة مع زهير نتي اهند ولا أمال؟؟
أمال: (مجاوباتهاش ضارت للحيط كتفكر فحريرتخا للي منستهااش وفكرة تشوف طبيبة مباغاااهاش مزاالة متشبتة بواحد لخيييط مبغاتوش يتقطع حيت نهار تأكدلها طبيبة غتهز حوايجها وتهرب وتخلي كولشي من موراها اللهم ها هي بااقية على واحد البصيص أما هند تفكيرها غير فوليد للي متبعة فوقاش حل لواتس وفوقاش سدو وحتى من ميساجاتها مكيقرااهمش مفهمتش مااالو فالتالي خلات الأمور تبقى هاكا..)
شيماء: نعستو؟؟؟؟
هند: شيمااااء خلينا نتصنتو لعظامنا الله يحفظك
شيماء: وغير بغيت نفهم فاللول كان كيدور بأمال ودابا بيناتكم شي حااجة
هند: شتك وليتي تعيطيلو بزهير مبقاش صبااغ (سقرت غير كتزفر حتى كل وحدة نعسااات...)
~~~~~~~~~~~
أصبحنا وأصبح الملك لله
وليد: (من فوقاش وهو فاايق عيطولو للكوميساريا باش يشوف واش شدو هداك للي سرقو.. لقاوه ماشي هو خرج مكره نيشان للمحال ديالو... أما لبنات فاقو حتى لظهر كان الحال بارد جمعو الدار سيقوها واخا الحاجة اعترضات ولكن مسمعولهاش عاد دخلو للكوزينة)
هند: اليوم نغرقوها شهاوي
أمال: ههه وشنو تعرفي ديري
هند: وااالو ولكن غنعاونكم
شيماء: وااه خاص نحطو طبلة مشكلة باش دخل عكووزتي ولكن البنات كولولها انا للي مطيبة
هند: هي الا بديتي شي حرييرة زيينة (بدات كتقاد لحريرة أمال صاوبات حشوة ديال خبيزات معمرين وهند قدات باط ديال بيتز *زلافة فورص ملح معلقة كبيرة زبدة دانون مسوس نيدو زعتر وعجناتها بماء دافي دارت جوج بيتزات وحدة بصوص بلونش (جبلي او فيلاديلفيا للي كاين مع زيتو ن كحل وزعتر عاد فرماج من لفوق) واخرى دارتها بدجاج شيماء دارت عصير فريز والليمون شافت راسها مدارت والو من غير حريرة هزت من عجينة ديال أمال ودارت حشوة دلكفتة قدات بيهم كرواسات معمرين)
هند: ههه غنديرولهم سيزي من نهار اللول هههه
أمال: غيخليونا نفطرو ويوصلونا لسيتي ههه غدا اهند نضربو انا وياك لبيض ومطيشة
شيماء: كتهضري بحال انا مكيناش
أمال: عندك شي شك (خلاتخا ومشات للصالون مسحت الطبلة لقات الحاجة تمااك) حم الحاجة نبداو نحطو؟؟؟
أمال: حم الحاجة نبداو نحطو
الحاجة: سمحولي ابنيااتي خليتكم تخبطو بووحدكم
أمال: لا الحاجة متكوليش هاكا
الحاجة: ديرو للي بغيتو ابناتي (كملت أمال مسيح الطبلة وبداو كيحطو الطبلة للي جابو طبلة صغيرة وحطو فيها أتاي وسوبير ديال لحريرة وعواصر خلاوها غير كتشوف فشهااوي للي حاجة تنسيك فحاااجة ولكن فنفس الوقت بقى فيها زهير للي غيدوزو بووحدو وهدا اول رمضان ليه من بعد الغربة للي دازت سنييييين)
هند: الحااجة فين سهييتي
الحاجة: هاا لا واالو ابنيتي الله يرضي علييكم عذبتو رااسكم
هند: ههه درنا ليكم السيزي
الحاجة: لاااا بنتي رمضان كيبغي شهييوات (كتشوف فالطبلة باعجاب هي حدها تعرف لداكشي لبلدي) نزيد نعذبك ابنتي جيبيلي شي طبيسلات نحط لزهير
هند: علاش ميجييش يفطر هنا
الحاجة: لا ابنتي مصاالحش
هند: علاش حنا كاملين خوتااتو وعاد هو هاد العام غيكون موحش رمضان مع العائلة حشومة ياكل بوحدو شنو لفرق بين هنا ولهيييه
الحاجة: (جاتها على لكانة ونطقت بشوية حيت كانو غير بجوج) الكاملة ابنتي غتبقى تبركم وإلا مشا سمعها زهير غينووض صداع على واالو داك نهار جا فطر منين كنتو ناعسين وبقات تبركم
هند: اوا يجي هنا يجلس فالصالة لوخرا وحنا لهيه
الحاجة: معرفت ابنتي على الله يبغي (جبدت لبها تيليفونها) شديلي نمرتو ابنتي هنا كولشي مكتوب بالفرنسوية (جبدات هند نمرتو وعطاتو للحاجة وناضت حدا لبنات للي مع دخلت)
أمال: شغلك هدااك اشيماء مكتهميني لا نتي لا هو
شيماء: اوا منين مكيهمكش هو لاش نافخة علية انا ديريه مكاااينش
هند: بففف عاود هاد الموضووع دواالو
أمال: ياكما غوتات الحاجة
هند: علاش؟؟
أمال: حيت طيبنا بزاااف أخااااي درنا لحشوومة
هند: ههه حمقة بلعكس فرحاات مسكينة شكون يطيبلها شهااوي كلتلها على زهير باش يجي يفطر فالدار
شيماء: راه ميبغييوش وعاد خالتي لكاملة الا سمعاتو جا وحتى أنوار
هند: (ميقت فيها وشقلبت عينها)
بنيتك الأخت واش حنا فدارو ودتيرين فيها مبغينا ونزيدووه يدوز رمضان صوولو
شيماء: بغيتو غير تنوضو علية صداع عاد هو كيبقى شي مرات يشوف فية شي شوفاات
هند: يا ختي راكي كتفتني بحال واالو حتى شييخك غيكون طاامع فيييك
أمال: ههه
شيماء: ههه والله لاحظوها
هند: ياله نمشيو نجلسو هضرتك اشيماء كتجيبلي الردان من ودني (خرجو نيشان حدا الحاجة مفاقو غير بلكاملة دااخلة غير شافت فالطبلة)
الكاملة: راكم تكوولو حادكات تبارك الله شيماء نتي للي طيبتي
شيماء: (ناضت سلمت عليها وباستلها يدها) شوية اخاالتي
هند: (حركت راسها وشقلبت عينها بحال شي منظر مقزز داز قدام عينيها مشات للكوزينة جابت طبيسلات وبقات كتعزل لزهبر ناضت أمال كتعلونها مكتقدرش تشوف فلكاملة)
الكاملة: مزال زهير مجا يدي فطورو
الحاجة: غيجي يفطر هنا
الكاملة: يفطر مع لبنات؟؟؟؟
الحاجة: يفطر فالصاالة
الكاملة: ياك كلنا الحاجة ميبقاش يجي (خرجو لبنات وحدة من مور وحدة)
الحاجة: (حطت التسبيح) استغفر الله الكانلة واش نسيتي هادي دار زهير يجيلها فوكما بغا
الكاملة: اييه يجي فوكما بغا ولكن مرت ولدي كاينة هنا وهاد لبنات حشوو..
الحاجة: الكاااااملة ولدي غيفطر بوحدو بعيد على لبنات ماشي ولدي سنين وهو غابر علية ودابا يمشي ياكل بوحدو بحال شي يتيييم
الكاملة: ول..
الحاجة: خرجي هاد السووق الكاملة واخر مرة تجبديه كدام لبنات انا مولات هاد الدار وانا للي نكول شنو يدار وشنو ميدارش
الكاملة: عبد لكبير مغيب..
الحاجة: انا للي مو ماشي هو الا معجبو حال كولو يجي لتوالية (عندي)
الكاملة: (وقفت) بقالك اعكوزتي غير طرديني
الحاجة: (هزت تسبيحها) جلسي تفطري مرحبا بيييك
الكاملة: اوا الله يهنيك اعكوزتي
الحاجة: الله يهنيك ابنتي.. (مشات عاد هزت عينها متبعاها من ديما الكاملة ممسوقاش لزهير ودابا كتهضر عليه بحال شي حد برااني وكان شي واحد فولادها متبغيلوش يبقى رمضان كولو فبيت بحال شي يتييم)
شيماء: ها هو صداع تجبدلي هكاااااك...
زهير: (جاي مع خوه فطموبيلتو وتابعو أنوار وخوتو) هدا مكان اخويا
لكبير: غير يصبح صباح نمشي معاك
زهير: لا لا انا نمشي نتا شوفلي غير شي كاميو يكون كبير باش يهزلي السلعة
لكبير: يمشي معاك أنوار
زهير: ههه الله يهديك اخويا كنهضرلك على سلعة صحييحة أنوار يراكة يهز غير راسو ويفيقلك يمشي يخدم
لكبير: لا لا راه رجع كاابض ويخدم على رووحو
زهير: على الله... (وصلو وبلاصاو الطموبيل مشا لدارو نيشان دخل دوش بدل عليه صلا المغرب للي أذن سمع تيليفونو كيصوني كانت مو وكان ماشي بكااها ميمشيش للدار لبس كيطمتو ومشا دخل كيحنحن) السلااااااام عليكم (ديجا أمال مكتحيدش الشال ديالها هند شافت فشيماء زعما ديري شالك ولوخرا كتديرلها اشارة بغباء زعما شنو مفهمتش... جلس فالصالة لقا داكشي منوع هز حواجبو بجوج) هااا لمعقوول (بدا ياااكل ويتبنن حتى جات عندو الحاجة بابتسااامتها خلات لبنات كيتفرجو فداكشي ديال دوزيم)
الحاجة: بصحتك اوليدي
زهير: (مسح يدو وفمو وباس ليها يديها وراسها) الله يعطبك الصحة اماا تهلاو فيك لبنات
الحاجة: الله يرضي عليهم مسيكينات مخلاوني ندير يدي فلما
زهير: (تبسم ورجع ياكل)
الحاجة: ولدي محد لبنت معانا نهضرو معاها وغير يسالي رمضان نمشيو نطلبوها نيشان من عند واليديها
زهير: (شاف فيها باستغراب) أمال؟
الحاجة: هاء لاه نتا باغي أمال بنت سي مصطفى؟
زهير: (رجع ياكل) واه
الحاجة: (بقات ساكتة شحال كانت باغيالو هند دخلاتلها للخاطر بزاااف وعاد أمال لكلام للي شهدت بيه فتيحة منساتوش شافها سقرت )
زهير: ما مالكي؟؟
الحاجة: واش اولدي نتا باغي أمال؟؟؟
زهير: واه علاه؟
الحاجة: انا يحسابلي تمعني ديما على هند
زهير: هند بنت ظريفة وبحال ختي ولكن أمال أما داخلالي لمجااج بلمزياان
الحاجة: (حشمت من ولدها) هء واه (وقفت وخلات متبعلها العين)
زهير: هاحنا رجعنا مقزدريين ارااك حشميني معا ما هاود وكولها لاا مبغيييتش (كمل ماكلتو بالزربة وطلع لسطح جبد باكية دلكارو يرد رااسو للي تزعزع ليه هاد نهار بلا بييه)
~~~~~~~
الحاجة: (منين دخلت وهي تشوف فأمال كتاكل بشوية وظحك مع السلسلة الكوميدية للي بادية فدوزيم بحال شي بنت صغيرة طلعتها شالها مكتحايدوش من نهار جات حتى من لبنات واها عارفين زهير كاين مدارووهش وخصوصا شيماء للي محجبة اما هند عرفاها مديراش الزييف... خاطرها ماال بزاف لهند وشحال دعات فالفجر باش ولدها يبغي يتزوجها هي ولكن هو بصريح العبارة كالها أمال وعاد كمل منين كال دخلاتلو لدماغ ومنين الرال شي وحدة كدخلو لدمااغ كتعششفيه كتر مكتعشش فلقليييب...)
دازو أياام فرمضان كل نهار شهيوات متنوعيين فالليل كيقلبو فيوتيوب ولغد ليه كيطبقووه زهير ولف وعجبو الحاال ماشي على شهااوي بقد مكيشوف أمال كل يوم واها شي مرات ثاانية فنهار ولكن كاافية عندو مهم عارفها فين كاين وغير فكرة ناعسة فداارهم مفرحااه كتر وكتر أما شيماء وأنوار بيناتهم غير التيليفون مولاوش تلقااو من داك نهار وهند وليد غبر مرة وحدة مكيجاوبش فتيلييفونو لدرجة شكت غيكون عرفها أما الحاجة من داك نهار وهي رادة لبال مع أمال السكووتية للي مشافت منها غير الخير وعاد قياامها فالليل ويااما سمعتها كتبكي فصلاتنا... اليوم السبت لبنات فاقو على هرج فالدار خرجت هند لفضوولية كهادتها حيت ولفت الدار وحست برااسها داارهم لقات جوج عيالات ماشي كبار بزاف ولكن تقادة ديال نعيمة وفتيحة...) حم سلام
مينة: وعلييكم السلااام
هند: بغيتو الحاجة؟؟؟
مينة: هههه انا مينة ابنتي بنت الحاجة نتي من دوك لبنات للي جيتو دوزو رمضاان مع ما
هند: اه (بابتسامة مشات كتسلم عليهم) سمحولي معرفتكمش
عائشة: الله يبارك فيك ابنتي (سلمت على بناتهم للي كولهم محجباات وللي لاحظات هند زويناات)
مينة: نتي للي خطباتك الكاملة لولدها؟؟
هند: لا صااحبتي ها هو غيخرجو (خرجت غير شيماء) هادي.. شيماء هادو عمتي أمينة وعمتي عائشة (سلمت عليهم وهوما كيطلعو ويهبطو فيها كانت كتكول عليها لكاملة مزويناش ساعة صدق العكس زوييينة لا فلوجه لا فلطااي دخلت الحاجة للي كانت عند الكاملة للي كتوجد الولييمة حيت جايين عائلة شيماء)
الحاجة: (فرحت ببناتها) مرحبااااا مرحبا ببنيااتي (تسالمو وجلسو مجموعين وشيماء وسطهم أما هند سلتت لبيت فين لقات أمال جامعة لبيت وجالسة)
هند: مالك مخرجتيش ههه
أمال: شكون جا؟؟
هند: بنات الحاجة وبناتهم خرجي سلمي عليهم حشوومة سولو فييك
أمال: لا لا مبغيييتش
هند: اويلي على مبغيتييش
أمال: اختي مكنعرفش نهضر مع الناس للي مكنعرفهمش وعاد حشمت
هند: ههه نوضي تخرجي اصاحبتي سلمي وخرجي (لوات أمال شال عليها وخرجت بالسيف ممرتاحااش مزال عندها رهااب من الناس للي مكتعرفش تصرف معاهم وكتحشم على واالو سلمت عليهم)
الحاجة: هادي أمال بنت عم شيمااء
أمينة: تبارك الله صعبيبة دوزو رمضان بعيد على داركم
الحاجة: راهم فداارهم نيت ابنتي (خرجت أمال وتبعاتها هند للي مشات لطواليط أما شيماء تحكم عليها تبقى تماك بكترة مكيسولوها.. مالقات أمال غير سطح طلعت لقات الدنيا مغيمة ولكن مزموتة ماشي شي برد قااسح طلت على السااحة للي فيها نافورة كانت بلاصة زوييينة شافت اونفاص فين ساكن أنوار قلبها تحسر شحااال كان كيوهمها بكذووبو وداابا ها هو بغا بنت عمها للي من ديما كان يهضر فيها خاايب ويطلب منها تبعد منها ومتيييقش فييها.... مزعزعها من سهاااتها غير صوتو)
زهير: مالكي؟؟؟؟
زهير: (هاد نهار ممشاش للمحال حيت معندو ميدير تماااك بقا غير فبيتو مريح طلع لسطح يبدل الجو شوية حتى كتبانلو أمال كطل على لتحت وكما العادة باينة كاعية ولا مقلقة مفهمش عيا يشد راسو ميمشييش حتى لقا راسو قرب وحيت بيناتهم غير حيط صغييير فاصل بين سطووح) مالكي؟؟؟
أمال: (خلعها) أحاااي
زهير: زيييدي على مي هاد صبااح
أمال: (مفهمتش جات بعات تهبط)
زهير: أمل وقفي غير نهضر معاك
أمال: (ضارت عندو زعما شنو)
زهير: شنو مقلقك اليوم؟؟
أمال: والو أنا غير طلعت وصاافي
زهير: (عينيه على عينيها للي كتهربهم) علاه مباغاش تزوجي بية؟؟
أمال: (طرطقت عينها فسؤالو) ها..
زهير: وااخا مسمعتيش هدا داك نهار شكون ضربك؟؟ خوك محمد؟؟
أمال: (حنات راسها)
زهير: علاه يضربك هكاك؟ واش ديما؟؟؟
أمال: (بغات تهبط)
زهير: تجوجي بية غندييرك فعييني ومكاين للي يخسر ليك خاااطرك
أمال: (بلا متحس ضارت شاف فيه كان زويين وبزاف وخدايمو كيزيدو يزينووه كتر وكان جاها قبل أنوار مكانتش غتييق واحد بحالو باغيها هااكا ولكن التقة مبقااتش عندها فمرة لا من جنس رجال لا حتى لبنات وعاد مشكلتها لكبيرة)
زهير: متفكريييش بزااف شارييك ابنت الناس وبلغاالي
أمال: (تنهدت وهبطت خلاتو متبعها)
زهير: والله مكاين للي كيعبر عليك كدها ابا زهير (جلس فكرسي فسطح ديال رولاكس كيشوف فسما من بعد تفكيرو فأمال كيفكر فشلاااا مطااارق...)
~~~~~~~~~~~~~
شيماء: (طارت عنقت مها للي جات لدار الحاجة جات غير هي وباها احمد) توحشتك
نعيمة: حتى انا ابنتي لباس علييك (شافت الحاجة ومشا سلمت عليها بحرارة) الله يطول لينا فعمرك الحاجة تهليتي فبناتنا
الحاجة: راهم بناتي ابنتي نورولي الدار وعمرووها علية الله يرضي علييهم
هند: (مشات عنقاتها) لباااس عليك
نعيمة: الحمد الله ابنتي ونتي؟؟ فين أمال؟
الحاجة: (شافتها هابطة من درووج ديال سطح) ها هي فين فتيحة مجاتش معااكم
نعيمة: مجاااتش ولدها غيعقد وراها مدهية معاه (ملهية)
أمال: (طرطقت عينها فبالها علاه هو خطب باش يعقد!!! سلمت على نعيمة محرجة منها من داك نهار ديال الخطبة للي كانت بحال شي هبيلة كتبكي متوااجهو)
نعيمة: وااخا فيك الجنية
أمال: (تبسمت محرجة وفنفس الوقت بقا فيها الحال) لباس امرت عمي؟
الحاجة: (كفاش خوخا غيعقد ومن ردة فعلها باين مفخبارهاش!!)
نعيمة: الحمد الله ابنتي
الحاجة: دخلو دخلو متبقاوش وااقفين (دخلت الحاجة وتبعوها للصالون كانو حتى بناتها جالسين تهارفو بيناتهم شوية خلطت الكاملة عندهم سلمت بحرارة على نعيمة للي خايفة على بنتها منها وهاد المرة غير ظحك ومابااغش تبين قدام لويسااتها شي حاجة وعاد تخاف قدام الحاجة للي دير هاك ولا هاك تحطها بوجهها وتوصل لكبير وتجبد مشاكل للي هي في غنى عنها وتبان صغيرة قدام شيماء.. داتهم للدار فين كانو عيالات ولادها لابسين مزيان ومقادين وحتى من شيماء دارت ميكااب خفيف زعما راه زينها طبييعي ومسرااارة وفدماغها كتقول هادشي مكيفطرش حيت غير هاريجي أما أمال وهند بقاو فدار الحاجة واعدين الحاجة يلحقو عليهم)
أمال:: سمعتي محمد للي غيتجوج ومسوقلي حد كالهالي
هند: هنااوك وكان راه مك كالتلك اجي ودوز عليك الدكاكة بلاش منها
أمال: حتى نكول محمد تبدل ولقى راسي غير نخربق
هند: (معندها كانة) خوي راسك منهم تعيشي مرتااحة عاود فقسي رااسك مقلنا بديتي تردي صحتك (تنهدت وشافت فتيليفونها للي سمعت ميسااج فاقدة الأمل فوليد للي كتر من 10 مولات صيفطاتلو ولكن متبعة فلواتس امتى دخل وامتى خرج تصدمت بميساج منو فلواتس دخلت بالزربة ونفسها كيتقطع وقلبها كيزدح ف ل1000)
وليد: أنا فالمغرب....
زهير: (منين عرف جاو نساب مشا لبيتو بدل علييه وهبط حتس براسو مرخي محتاج كاارو ضروووووري أمال خلاتو ميفهم واالو كان كيكول نهار نبغي زواج أي وحدة هضرت معاها فالمعقول غتسمعلو ويسمعلها ويتوكلو على الله أما هادي مباغاش حتى تسمعلو وفنفس الوقت شوفتها مرة فزمان منين كيشدها كتشوف فيه كتجذبو لا إراديا دخل سمع الهرج بحال حتى شي حد مصااايم وهادي حالة المقطووع دخل لرجال نيشان حتى حل عينو وتبسم) هدا نتاااااا
وليد: (وقف ومشا سلم علييه بحرااارة) هو هدا
زهير: طلق بعدا نسلم على الناس (مشا سلم علييهم وشاف فانوار للي جالس بابتسامة صفرا مموالفش يفييق فهاد الوقت ودابا ملزووم علبه يجلس حدا نساابو ويكبر بييهم ويدي ويجييب معاهم فلغا.. جلس زهير حدا وليد) كفاش نتا
وليد: (بلشارة بعينيه) من بعد
زهير: مكاين لا من بعد لا واالو دابا كولي شنو كاين
وليد: لبلان راه فراسك المحل تقريبا خوا من السلعة وتكرهت داك خينا والو مكاين ولكن رديت نص السلعة من واحد كان باعهالو جملة بنص الثمن
زهير: باغي فلوس؟؟
وليد: لا لا خلصتها وجبتها معايا غيديها الوليد معاه فطريك ولكن فلووسك مزال موجدو
زهير: عتابروه صداق بنت عمك
وليد: ههه والله ابا زهير مكاين بحااالك ضارب الدنيا ماشي غير بركلة
زهير: كولو لبنت عمك للي مكتشوفش حتى فكماارتي (بعد وجهو) كان خايب لهاد الدرجة
وليد: هههه (خلا كولشي كيشووف فييه) سمحولي ولكن هدا راه منين تلاكااه وهو هاكا
أنوار: ظحكونا معااكم
زهير: دخلك الصهد اولد خوويا
وليد: ههه نمشي نشوف ختي
أنوار: (شاف فيه بحقد وكفاش هو عشييق الخاينة وقف زعما راني خاارج معاكم حتى أنا)
وليد: اوا سي أنوار صاافا!!
أنوار: الحمد الله نتا مزيان.. على سلامتك
وليد: الله يسلمك مبروك عليك نتا وختي نبغييييك تحطها فعينيييك
أنوار: ان شاء الله
وليد: (حس بيه كيهضر بالزز زاد وخلاه خرج زهير حتى هو ولاخر جبد تيليفونو كيصوني على شيماء والو مكتجاوبش) باينة حطاه بعيييد
أنوار: صوني على بنت عمها
وليد: (هز عينو خنزر فييه ونفس الشي زهير) حنا فعائلتنا دايرين الحدوود بيناتنا ومحتارمينها بنت عمي اش غتكون نمرتها كدير عندي وانا كاين على برا ماشي حتى فالمغرب؟؟؟؟
زهير: (هز عينو لقا أمال كطل للي دغيا تخبااات)
أنوار: (ببرود) عادي كلت تكون عندك
زهير: (شاف فوليد كيتعصب) طلع عيط غير من درووج لبنات كيكونو لدااخل
~~~~~~~
أمال: (بخوف عايشة مع خوف هند) راهم لتحت بتلاتة
هند: بففف مبقاالي هرووب
أمال: حسن حايدي لكذووب اهند باش تعرفي راسك من رجلييك ميمكنش تبقاي عايشة فالخوف هاكا
هند: الهضرة ساااهلة
أمال: (حطت راسها فبلاصة هند ولكن عارفاها قوية بعيدة علييها بزااف.. سمعاتو كيعيط) كيعيط لختو
هند: راها كدوش.. خرجي عندو أمال كوليهاالو
أمال: لا يا ختي كنحشم منو
هند: انا منقدرش نشووف فيه
أمال: ومغتجاوبييهش
هند: لا حتى هو يقلب يهضر معايا مزال منتأكداش واش عرفني وعاد كتر من 10 أيام وهو غاايب.. (سمعوه كيعيط ويدق) غيدخلو سيري أمال عندو
أمال: (لوات شال ولبست بينوارها وبنطوفتها مقداش تخرج ولكن حشومة تخليه كيعيط وميجاوبو حد خرجت لحدا لباب لقاتهم بتلاتة تماك مستغربين علاش كاين صقييير) حم (ضارو عندها بتلاتة كل واحد وكميشوف فيها) سلام خويا وليد
وليد: وعليكم السلام من كبيل وانا نعيط
أمال: (كتحني راسها وتهزو) شيماء راها فلحمام
وليد: امم لباس علييك؟؟؟
أمال: الحمد الله اخويا على سلامتك
وليد: صافي حتى تكمل وتجيو
أمال: (هزت عينها كتلقى زهير وأنوار كيشوفو فيها غير زهير وجهو وكلامحو بحال كيسول ولا مفاهمش مهم تعابير وجهو هاكا أما أنوار مخمج كماارتو بحال شايف شي حاجة مقرفة منسااتش انه كل مرة عايرها من بعد الواقعة كان كذكر وليد وعلم الله شيماء شنو وصلاتلو ) واخ (دخلت خلاتهم واقفين غير ضار عندهم لوخرين دردبو مع درووج أنوار مشا لدارهم وزهير ووليد بقاو بجوج مشاو حدا النافوورة وجلسو)
وليد: هادي للي كنتي بنيت داك لمرات فاش جيت
زهير: (تبسم) اممم (شاف فوليد) مال بنت عمك هكاك
وليد: حشومية! عادي كل بنت هكاك خاصها تحشم
زهير: تأ حشوومية كتر من لقيااس كتحسها خاايفة فرق بين الحشمة والخووف (شاف فيه باستغراب) ههه مالك واخا مقااريش نعرف نميز
وليد: اودي خوتها عقدوها ديما الضرب مكيعاملوهاش مزيان
زهير: علاش
وليد: راه حتى خوتي هكاك مع شيماء غير انا كنطاكي عليها وحتى الوالدة قارية ومعندهاش ديك الفكرة لولد النافع ولبنت الضااارة
زهير: وهادشي يخليها هكاك
وليد: نفهمك أمال مكانتش كتخرج من الدار وحتى منين كانت صغيرة فاش تمشي تقرا يديها محمد ويجيبها علي منين خرجت من لقرايا مولاتش خرجت للزنقة كولشي ممنوع كولشي حشوومة كولشي عييب كبغيت وحدة بحال هادي تعيش عاادي...
زهير: وعلاش دشي كاامل حتى هنا فالعائلة لبنت مخاصش تخرج الا للضرورة ولكن منعقدينش هاكا
وليد: معقدة هانتا فهمتي أمال بالمعنى الصرييح ملقاتش مها فجنبها مبغيتش ندخل فهضرة لعيالات ونبقى نعاود ول..
زهير: لا لا عااود باغي نعرف.. نوض من هنا (تمشاو جيهة جنان) كول مال مها معاها
وليد: ههه واخا ولكن حدو لكلام هنا
زهير: (طانز) لا غي نكنل معاك غندخل عند نسا نجبد الحنا نحني ليهم ونعاود ليهم شنو ملتي هضر ا* استغفر الله هضر متزيدش تحرق دمي راه من صباح وانا طاالب على كاارو
وليد: مرت عمي كانت ولدت أمال ووقع ليها شي مشكل مهم مبقاتش تولد وعمي دازت 40 يوم طلب جواج حقا كزال باغي يفرخ اوا الذنب تلاح
زهير: على أمال!!!
وليد: من تمااك أمال بحال ديك القصة ديال ساندريلا ومرت عمها خوتها مقسحين معاها ومحمد كتعمرو مو عليها حتى هو الله يسمحلو محنينش فييها بقات لبنت معقدة هكاك
زهير: وعلاش خلاوها تجي تقرا فوجدة
وليد: معاااندة ختي جات تقرا حتى هي صيفطوها
زهير: وهي لليبغا خوك يتجوجها
وليد: الحمد الله متزوجهاش براسي مكنتش بااغي كانت غتبدل غير مكان إقامة الحبس واخا الوليدة تهلا فيها كتبغيها بزاف ولكن حسن
زهير: (هز حاجبو) نهار طحت ابا زهير طحت فوحدة معقدة غتكون مكتحملش جنس رجال
وليد: هههههه بربي الا راك تفوج علية ولكن نهار تخطبها غيعطيوها لييك وهي غترضى بنصييبها
زهير: لا لا نباغيش نتزوج وحدة سيف علية تبقى دعي فية ليل ونهار كلتها ليك داك نهار منخطبها حتى نعرف راها باغا وحتى هي حطاتني بوجهي نهار ضاربت مع جغل دولد عمك كالتلي لا جوج دلمرات مبغيتش نعاود نسمعها مرة تالتة
وليد: منقدرش نهضر معاها فدشي
زهير: لا خلييك بعيد ونتا ماالك فين وصلتي مع لفرملية
وليد: اودي هي للي جابتني الفقصة قاتلاني تماك اللهم نتجوج لقا شكون بتفقص معايا ههه قتلاتني الوحداانية وجيت على غفلة مهضرتش معاها شحال باش متلكاش كتكول حكا مشيت لفاس ولا هنا
زهير : ضرب لحديد محدو سخون (سكت مدة ودغيا هضر) وغير مها وقعلها هكاك ردت اللومة لبنت سمو دلعقلية دلحجر
وليد: اودي عيينا معاها للي فراسها فراسها
زهير: وغير مها تعقدهالي وانا نوحل فييها
وليد: هههه زهرك اجمي كما انا طايح فوحدة إكس
زهير: نتا ساهل حلك اليوم ولا غدا تشوفها وها نتوما بيخير اما انا راه مكتبغيش تعطيني وقت فمرة حتى نفهمها (جاي أنوار) قلب سيجي
وليد: ياك كتكول صاحبك كتر من ولد خوك
زهير: لهضرة الا فاتت جوج غير نجمع ناس لقبييلة حسن ونبرح وزايدون داكشي ديالي مكنبغيش يعرفو حد براسك وكان ماشي ولد عمها متعرفش
وليد: هههه يااااك
أنوار: فيييين.....
يتبع...
التعليقات
لا توجد تعليقات بعد، كن أول من يعلق.