محتوى القصة
شيماء: (جلست فالفوتوي للي مقابل معاه ضار طفا الضو وبقا كيشوف فيها وهو كيحل دوك الساشيات.. توترت) حم عيييت
أشرف: واش عياااك
شيماء: غير طريق
أشرف: طريݣ انا للي كنت صايݣها ولبݣاج انا للي شارجيتو
شيماء: واخا هكاك غير لجلاس يعيي
أشرف: اوا ديري شي حاجة رووحك باش متبقايش عياانة
شيماء: هم!!!!
أشرف: عيااك لجلاس ديري حاجة ياخرى مثلا رواحي جلسي حدااايا نتفرجووو
شيماء: (عضت على شنافتها وشافت فيه دارت ابتسامة لعدم الارتياح ناضت جلست فالفوتوي الوسطاني ت يدها لشكلاك (فيريروو) حلاتها وحشاتها كولها فمها باقات صعوبة فلمضيغ وبقات كتعوج وتعوق فمها حتى سرطاتها)
أشرف: (قشرلها اخرى ومدهالها) يعجبك!!
شيماء: (شدتها من عندو) بزاااااف (عاود كلاتها كاملة فجو التوتر) حم زيد فالصوت
أشرف: (بحركات بطيئة زاد الصوت وحط التيليكومووند حك فموسطاجو وهو كيشوف فيها جالسة بحال شي تلميذة عينيها على السبوورة مكتلفت لا يمين لا شمال... تفكر أول نهار شافها فين كانت موال فيها شوية ديال الحشمة غير جا أنوار فبالو دار كاجو فمو كيلهي راسو اخر حاجة باغي يفكر فيها هو الماضي.. رجع شاف فيها راه تبدلت ماشي غير تبدلت تحولت حتى من صلا بوقتها خداها من عندها للي بغا وصلو باينة كتبغييه وكتحتارمو كتخاف منو وهادشي مريحة وكيشوفو فتحركاتها وتصرفاتتها حتى ضارت لقاتو ساهي فيها هاد النظرة مغريباش عليها..)
شيماء: نجيب لما..
أشرف: (هز قرعة دياال سيدي علي من تحت الطابلة وحطها) ها هو
شيماء: ههه
أشرف: واش ظحكك
شيماء: كولشي ضارب حساابو
أشرف: علاه حنا شوي فلبلاد
شيماء: ههه باسم الله.. (شربت وهو متبعها مقدرتش تغيط على رااحتها مبعدة فم القرعة وكتكب على فمها للي محلول مخلياااه كيتحرق من لداااخل كتر حطت القرعة سداها ومسحت بيدها حدا فمها) الحمد لله
أشرف: (حنحن وشاف فالتلفاازة كانت لقطة ديال البوسااان شاف فشيماء كانت حانية راسها.. ناض جلس حداها هز التيليكموند) وكان غير كيݣطعو هاد المسخ
شيماء: (شافت فيه كفاش هدا عاد كان جالس لهيه ودابا حدايا... شاف فيها بنص عين تيليفونو شعل الضو كان حداها تكا عليها مفهمت والو يد شدها من تحت ظهرها باش مطيحش ويد مدورها يهز التيليفون) ااااااشرف
أشرف: صبري (كان ميساج من عند الدري للي خدام عندو قلب التيليفون وبقا كيشوف فيها) نعام
شيماء: (معرفت متقول كان قريب ليها بزاااف.. النفس ديالو هي كتستنشقها... قرب ليها كتر حتى حط شنايفو على شنايفها بلا ميبووسها هكاك خلاهم 15 ثانية للي دازت دقااايق... عاد جبد شنافتها التحتانية باسها بشوووووويييية خلاها مغمضة عينيها اول حاجة جات على بالها ديك الليلة للي تكرفس عليها حلات عينها خااايفة عاود يقول كتسلم راسها ويدووز عليها عذااب كتر من الأول حس بيها جبدت شنافتها وسدت فمها بعد منها كيشوف فيها وعينيها مطرطقين)
أشرف: مالكي؟!!
شيماء: ها... واالو علاه
أشرف: (عينيه نايمين فيها كيهضر مثبت) مالكي اشيمااا؟!!! (قاس بيدو شنافتها التحتانية للي ميجبدها لذقنها)
شيماء: (لا رد معندها منقول وكتخاف تقول شي حاجة للي متعجبش...)
أشرف: (حس بيها مغيرة رجع اللور وجلست مبعدا شبر منو) نديرو شي فلم؟! واش يعجبك تفرجي
شيماء: حم للي بغيت
أشرف: للي بغيت نتفرج فيه مكاينش هاد الساعة يمكن (خلاها كدور عينها.. دار فلم مصري كوميدي وطلقو) غتبقاي معكووفة تم!!
كولي.... (حفنت فيدها وبقات كتاكل حتى نطق كيعاود نهار تفرج فهاد الفلم أول مرة وشنو الحدث للي وقعلو داك نهار....)
أشرف: (بقا متبع لفيلم ضار يشوفها لقاها جالسة حانية راسها طل براسو كانت ناااعسة... تبسم عجبو الحال وعجبو هاد الخوف منو حط التيليكموند هز من يدها الشكلاط هزها كانت فاقت ولكن دارت راسها ناعسة حطها حدا مريم من بعد مقاد ليها لوسادة.. غطاهم بجووج ومشا سد السرجم وبقا هو مقصر مع الفلم وتفكيرو كولو فشيماء ..)
*أصبحنا وأصبح الملك لله...*
أنوار: (كان سااهي حتى عطاه طبيب العدسات للي غيعوضو دوك نظاظر دارهم شاف فلمرايا كانو حسن بزاااف خلصو خرج مشا نيشان لمحال زهير كانت الدنيا خاوية طلع عند زهير وحيت كولشي زاج بانتلو أمال تماك كان بغا يرجع فحالو ولكن قشعووه وزهير قالو دخل.. دخل كانت هي جالسة فكرسي زهير وزهير جالس على لمكتب)
زهير: دابا مليييح
أنوار: امم.. (شاف فأمال لقاها حانية راسها كتشوف فشي وراق) الا بغيت سير وصل مرتك
زهير: لا هي مزال ترجع لفاك
أنوار: اااه مليح بقيتي فلفاااك!!! (هزت عينها مخنزرة فيه) لقراية زينة
زهير: أموول ياله نتغداو زيد معانا اداك الدحش (حرك راسو باه وللي خلا أمال محملاش هاد الموقف... هبطو تسنااوه واقفين بعاد جاو تمشاو على رجليهم لأقرب سناك)
أنوار: هنا كنت نعرف يديرو طاااكوس زين
أمال: (زعما حيت كان كيعرفها كتبغي طاكوس) حتى انا بغيت دجاج..
زهير: نتا أنوار
أنوار: بحالكم... (بقاو مجمعين) هادشي للي ݣالي بّا وهاحنا معاه فواش ݣال
زهير: درك تواتاااو مع الوقت
أنوار: شكون بقا مسوق ديما للي نبغيهم ميبقااوش فحيااتي
أمال: (خرجت عينها ودغيا دارت بحال مسمعت واالو ...)
زهير: شوف ربي واش دااير... (جات لماكلة كلاو) نوصلك لفاك
أمال: لا نشد تاكسي غير رجع للخدمة
زهير: انا رجع باش نطلݣ دراري يتغداو غير تكملي رواحي لعندي
أمال: واااخ.. (مشات من حداهم حاضيينها بجووج شدت تاكسي ركبت وزاد بيها رجعو للخدمة بقا معاه كيخططو شنو يدير واشمن مشروع يدير وفكرة زهير باش يبقى يمشي لفرنسا ويشري شي دار واخا تكون صغيرة عجبااتو..)
أمال: (جابت المحاضرات للي بغات وطلعت التلخيصات والشرح من عند لبنات خرجت صونات على هند) مرضتي والله وليت عايشة مخنووقة فداري مكنحملش نشووفو ولا حتى نسمع سميتووو
هند: مديريش هاكا قدام زهير راه يقدر يعيق
أمال: عرفتي ݣبيل قدام زهير كيݣول للي كنبغيها كامشي وتخليني معرفت واش كيحشيلي الهضرة وعاد كيبين انا كنبغي طاكوس لحمار لاخر كنكره داك الكلب الله يعطيه شي غبااارة
هند: (زفرت معندها خاطر) متديهاش فيه ومتبينيش لرااجلك راه عندك داك زهير كيفهمها وهي طاايرة فسماااا صافي ديريه بحال مكتعرفيهش بحال أول مرة تشوفيه ولبلاصى للي عمر فيها خويها
أمال: وراه داكشي للي كندير ولكن خفتو هو يمشي يشوهني
هند: علاش يشوهك مالك شنو درتي فملك الله تعارفتو 4 ولا5شهور متفاهمتوش وكلها شد طريقو راه هو للي يخاف على راسو يتشوه
أمال: (وصلت لمحال زهير) انا وصلت ݣوليلي كيف بقات حناك
هند: الحمدلله... الحمد لله
أمال: الحمد لله وفوقاش ترجعي؟!
هند: غدا ان شاء الله..
أمال: ان شاء الله سلمي عليها بزااف اختي.. انا غندخل يا ربي غير يكون مشا فحاالو.... (قطعت معاها دخلت كيبانلها هو اللول واقف كيظحك) تهجرو يا ولد لحرااام....
شيماء: (كانو خرجو سراهم مزيااان داو مريم لعبت دازو كلاو للي حطت يدها عليه كيشريه ليها.. كانت الفرحة غتنقز من عينيها بعد معاناة طويلة راجلها رجع كيحسسها انها مهمة وصوتها مسموع بنتها للي متعلقة بيها بزااف معا للي كيرجعو شوية بشوية هي وخوها بقالها غير باااها... كانت 8 دالليل) عييييت
أشرف: مزال نسهرو بحال لبارح
شيماء: (بقات غير الابتسامة مرسومة على وجهها والخلعة شدااها) وااه... واااه
أشرف: (باس يد بنتو للي جالسة فوق رجليه وكتاكل طبسيل فريت على ميجي لعشا) الا خصاتك شي حاجة ݣوليها قبل ميسدووو
شيماء: لا كولشي كاين الحمد لله
أشرف: كولشي؟!!
شيماء: (شافت فيه) وااه
أشرف: درك نشوفو فالليل
شيماء: ... بحالاااش!!!
أشرف: رااجل ومرتو واش للي مفهمتيش فيها... (خرجلها نيشان تحط لعشا بقا كياكل شاف فيها لقاها كتشووف) كولي
شيماء: همم واخ (بقات كتاكل شحال كان كيعجبها الحال يقول مرتو ودابا شدااتها الخلعة... كلات النص ناضو كما العادة هي طلعت ومعاها بنتها وهو كيخرج يدور...
صونات على هند والو مكتجاوبش حشمت من مها بقات متوترة صونات على امال فأخر لحظة جاوباااها منين طلعت لسطح...) الو أمال لباس عليك كداير مروان يوسف
أمال: الحمد لله اختي ونتي بخير مريم لباس عليها
شيماء: الحمد لله لباس لباس .. بففف شداتني الخلعة أشرف كيلمحلي باش ن...
أمال: (فهمتها ولكن مفهمتهاش علاش مخلووعة) وراه عادي راجلك ونتي حلالو
شيماء: منݣدش وليت نخااف
أمال: لا لا معندك مناش تخاافي باش هاكا نبداو صفحة جديدة
شيماء: معرفت بففف (تفكرت مشراتش موس لحسانة وهو كان كيأكد واش خاصك شي حاجة.. عاوداتلها وبقات تولوول)
أمال: شوفي صاكو دلحوايج يقدر يكون جايب معاه الطوندووز (مشات نيشان كتقلب لقاتو)
شيماء: كاين كاين...
أمال: (بتعالي) شتي... وليت نعرف
شيماء: ههه شكرا أمال
أمال: شيماء.. اشرف راه راجلك نسااي شنو دوز عليك داك شماااتة بدلي صفحة جديدة مع راااسك ومع راااجلك ديري بحال ياله تولدتي متفكري فحتى حاجة دااازت
شيماء: (جاتها لبكية كتاخد نصيحة من اكتر وحدة كانت كتكرهها وتحفر ليها قبر ديال لهموم والمشاكل...) شكرا بزاف أمال
أمال: راحنا دم والدم عمرو يرجع ما اشيماء ياله سيري راني كنحط لعشا مع ليلى.. (قطعت ضارت كان أشرف من موراها متكي على الحيط وداير يدو فجيابو) باسم الله الرحمن الرحيم اش كدير هنا
أنوار: (بقا غير كيشوف فيها مقتدى ينطق بحتى حرف)
أمال: (غوبشت جات ماشية بغا يشد فذرااعها محست غير بتصرفيقة طلعت معاه مكانتش قاسحة حيت يدها مبعدا على وجهو... خرجت عينها كتهددو بصوت غااضب)
ااااخر مرة تفكر تكون قريب لية هااااك مغنتسناش زهير هو يفكها بيدي غنقتلك
أنوار: (هز يدو بحال مستسلم)
مكنت غندير والو
أمال: (طلعاتو وخبطاتو بشوفتها)
اصلا مغتقد دير واالو
(زادت بالزربة خرجت وهو بقا ساااهي... اما هي وصلت للكوزينة قلبها كيضرب مسحت بيدها على وجهها وكملت شنو كانت بادية....)
هند: (كان الجو مكهرب بزااف فالدار عاد جات لبارح جداتها ستقبلاتهم دابا شادة فرااش شوية عيات جا طبيب كترغبهم غير يديوهة لصبيطار والجدة نون كلمة فمها نموت فداري... دارت يدها على راسها حتى كتسعها كتأن ناضت بالزربة شدت فيدها والبكية واحلة فحلقها) علاش راسك قاسح امي لالة ياله نمشيو لصبيطار
الجدة: (بحرا كتقدر تهضر) بنتي تهلاي فراسك وفبنتك وبغيها كما كنت نبغيييك باش تكون تايقة فراسها وفيك... (بحرا كتهضر) متخليش ماماك وحدها...
هند: (كتبكي) علاش كتقولي هاكا داليا حشووومة عليك امي لالة
الجدة: بنتي انا عشت حقي من هاد الدنيا وقنعت عيشي حياااتك حتى نتي ومنسمحش ليك الا غبنتي راسك... (بقات كتشقلب عينيها والتنفس كيدياق عليها)
هند: (مصدومة) مي لالة!!!! (شدت يدها ولوخرا كتحاول تشهد) مي لاااااالة (دخلو بناتها ورجلاتهم منين سمعو هند كتعيط خطفلها باها يد الحاااجة شافتو كيشهد ليها بقات غير مخرجة كتكذبهم فهادشي للي كيوقع... كولشي كيدووز بالزربة هي كتشوف غير جداااها او بالأحرى هي ماماها هي للي رباتها وكبراتها وصدقاتها منين العائلة كذبوها.. هي للي وقفت معاها فكوووولشي... وليد زعزعها بالجهد شافت فيه ولكن صووورتو مضببة فعينيها حتى سمعاااتو)
وليد: الله يرحمها اهند..
هند: (رمشت بالعرض البطيئ سمعت غوااات ولكن كان فودنها بحال تخرشيش صداااع شافت فجداها كانو دارو على وجهها لغطا ميلت راسها) عاد لبارح جينا وكانت عادية
وليد: (عرفها ماشي طبيعية ومصدوومة عنقها كانت بحال شي خشبة... شاف فيها) هند... حبيبة
هند: (طلقت منو ومشات حدا حناها عرفات لغطا ودخلت تكات حدااها)
خالتها: نوضي من تماك نتي
وليد: اشريييفة واش مكتشوفيهاش مصدومة!!!!
سعد: هضر مع ماما مقااد
وليد: رواح وريني كيف ندير نهضر (مو باه خوه محمد كانو خرجو كولهم تحت إصرار هند للي شافت راسها جابتهم وبقاو مهولين معاها...
شاف هند حتى هي غطت وجهها مشا عندها حيد لغطا من وجهها لقا تعابير وجهها كتبكي بلا صووت)
حبيبة مديريش فروووحك هاكا
هند: (طلقت بكاها بلغوااات وكتعيط على *مي لالة*...
حس بقلبو تزعزع عارف جداها المكانة للي عندها فقلب هند....)
وليد: لا حول ولا قوه الا بالله العلي العظيم انا لله وانا اليه راجعون (جر هند جلس ودار راسها فصدرووو كيطبطب عليها..)
اب هند: (كان متأثر بزااف عاد خرج مرتو سخفانة داوها لبيت اخر وكيشوف بنتو للي كتقطع قلبووو)
هزها اولدي
(وليد حنا هز هند لقاها شادة فيد جداها مابغاتش تطلقها... حنا على رجليها كيطبطب فوجهوبنتو للي كتبغي وعينيها مطرطقين)
بنتي الفقها غيدخلو يقرااو على جداااك (شافت فيه بوجه حزييييييييييين) عفاك ابنتي... (خشات وجهها فصدر وليد كتبكي هزها وليد خرجها من تماك خداها لبيتها لقديم... مع حطها خشات راسها راسها فلوسادة كتبكي عيا يهضر والو وقف هز تيليفونو صونا على للي برا باش يجيووو....)
شيماء: (نعست بنتها وماضت قدات حالتها واخا مكانت نعووومة الا مكانتش حشوومة وتشوك فقشاوشها... دعنا كريم جايباه معاها دارت ستيك لعرق عاد دهنت زيت جونسون ديال بنتها لبست ملابس داخلية جداد وعاد كولون وتريكو مزيرين على طاايتها شافت ديك الكرش صغيرة للي كتبقى من مور سيزاريااان صرطتها وشدت النفس باش تبان هي هاديك دارت سفنجة مرخوفة منزلة خصلات من شعرها... سمعاتو دخل قلبها زدح بحال اول مرة غتشووفو وتنفارد معاه واخا هي مآمنة انها أول مرة...
سمعت تخرشيش تبسمت عرفاتو جايب التخليطة دياالو هاد المرة مدارتش راسها ناااعسة طلات عليه شافها تبسم من عينيه)
شكلاط؟!!
اشرف؛ هه ضرووري عارفو عاجبك
شيماء: (مشات كتعاونو يحط وهو كيستنشق الريحة ديالها للي كانت طبيعية.. جلست) الشمال زوييين بزااف
أشرف: عمرك جيتيلو؟!!
شيماء: لا كنت كنسافر مرة مرة مع ماما لتازة وشي مرات كنمشيو لميسور ولا اوطاط ولا فاس
أشرف: علاش؟!
شيماء: خويا وليد للي يسفرما كان كيجي موحش باغي يجلس معانا ومنين كيسافر كيمشي مع دراري ولا كيجي فوقيتة للي ميصلاحش نمشيو لشي مدينة بعيدة وعاد بابا معندوش فكرة سفر فمرة (منتابهاتش كان بدل حوايجو قدامها.. جلس حداها) تݣولو يعطيك مليون ولكن متݣولوش نسافرو.. ههه ومكانش كيسخى بماما عرفتي شحال كيبغي ماما يعيى يتفرعن ولكن ݣدام ماما (تبسمت ... جمعت التبسيمة وطاحت دمعة فحنكها وشافت فيه) توحشتووو.. (كترمش بالزربة) توحشت نشوف فيه ويشوف فية توحشت يݣولي واخا عليك الجنية واخا كان قااسح معايا ولكن ماشي بزاااف ماشي بحال كما كان عمي مع أمال لا انا كان كيبغيني وكان كيبينلي داك الخوف فداك التشدد للي كان كيعانلني بيه (كتحك فجبهتها وكتلوم فراسها) انا سباااب (جيدها أشرف معنقها وكيماصي على ظهرها) انا سباااب انا للي قهرتو وشوهتووو
أشرف: انا للي تعديت عليك
شيماء: قبل متعدى علية كنت طغييييت وبزاااف واش تعرف كيف طلعت براسي لسماااا (بكات فحضنو حتى تفشت وخلاها على خاااطرها... بعدت منو كتمسح عينيها ونيفها) مصاااب يسمحلي شي نهار
أشرف: يسمح كما ضيعتك معاه انا للي نصاالحك
شيماء: بالصح؟!!!
أشرف: (حرك راسو باه) نشاااالله.. (بإبهامو مسح تحت عينيها) تبدلتي بزاااف رجعتي إنسانة اخرى ماشي شيماء لقديمة تستاهلي تسامحي وتعاملي مزيان
شيماء: (تبسمت.. فسخ شكلاطة وعطاها ليها حطها فمها عضات منها) زوين هاد الشكلاط
أشرف: (كلا من النص لاخر) دابا زاد زيان
شيماء: (فرنست وحنان راسها بالحشمة... هزلها ذقنها كيشوف فيها تبدلت الفرحة) انااا خااايفة
أشرف: مناش
شيماء: من.. من
أشرف: كنتي عاجباني بزااف فاللول معطيتينيش وقت اما كنتي غتلقاي معاملة واهتمام وللي كنتي باغياااه... (تحرجت حيت حبها لانوار لكبير كان مادي عاد زينو والنفخة و...)
كان صعيب علية نتقبل لبنت للي عاجباني مع صاحبي داكشي باش كرهتك
شيماء: ودابا
أشرف: ابردي... (غمض عين وخلا عين مفتوحة) ماشي كووووره ههه
شيماء: هههه
أشرف: وكان لݣيت وكانت نحيييتك فداك الوقت حتى(هز حواجبو بجوج) لعب بيا الشيطان اما مكانت عندي حتى نية باش ندير معاك دوك لفعايل ديال شمااايت
شيماء: كولنا غلطنا
أشرف: (عاد فهم علاش مكتلوموش وعلاش مقالت لحد على شنو وقع هي معتابرة داكشي للي دار معاها عقاب وتستاااهلووو بقا ساااهي فيها حتى وترها سكووتو حنا باااسها.. شد وجهها بيديه بجوج وتعمق فاالبوووسة للي زعزعاتها من لدااااخل ومكانتش بوسة عادية... وقفهم غير التيليفون كيصوووني بعد منها بقات مغمضة عينها تبسم.. عاد حلات عينها ودغيا حناتهم للأرض)
خلا دار بوووه وشكون هدا للي راه يصوني علية!!!
شيماء: (تبسمت فرحااانة وهزت كتاكل من داكشي للي جاب....)
كان القرآن مطلووق فلڤيلا.. بنات وعريسات الحاجة لبسو شال فالابيض مع جلالب باش يعرفو الناس شكون يعزيو.. وليد مكيشوفش صدمة فعينيهم بحال كيف هند واش كانو عارفين بموتها!!! مو دايرة الواجب واخا تريتور والخدامة قايمييين بخدمتهم الجردة كولها كراسة ودارو خيمات فالابيض كل وحدة فيها طبلة ديال عشرة دلكراسة جالسين رجال فيها العيالات لداااخل... وليد باغي يعاون ولكن حتى واحد ممعبرو تماك من غير اب هند للي شافو بحال ماتت ليه مو ماشي غير نسيبة... مشا جلس حدا محمد ادم وباه
احمد: مسكينة بحال كانت حاااسة
وليد: خاصني نديها لطبيب حالتها خايبة بزااف
احمد: نهار فيها اولدي مرتك راه من لعيالات للي قلالو فهاد زمااان تهلى فيها وزيد تهلى
محمد: بالصح اخويا
وليد: توصل غير أمال بعدا راه فمها كلمة وحدة بغيت أمال... (كان صونا على شيماء تيليفونها طافي صونا على اشرف) انا نصوني على راجل شيمااا
احمد: علاه
وليد: بّا راه ولا واحد منا (شاف فآدم) واحد منا غنعلموهم الا بغاو يجييو (صونا عليه جاوبو.. قالو الخبر عاد عرفو راه فالشمال وكان جواب أشرف صباح بكري قبل متدفنوها نكونو عندكم حيت الليل وغيوصلو حتى 3 او 4 دصباح معندها معنى...
قطع) غدا يجيو دا شيما وبنتو الشمال.. (زفر) انا نمشي عند هند (مشا دخل نيشان وتم طالع لبيتها ياله يفتح لباب خرج سعد طرطق عينو)
واش كنت دير عند مرتي
سعد: راه بنت خالتي اشريف
وليد: مكاين لا ولد خالتي لا خالتي قيل مرتي عليك ابنادم وبلا منݣلبوها حاجة اخرى هنا
سعد: ڤولكييغ (متوحش) (حسابلو مغيفهموش رجع وقف عليه)
وليد: عاود سمو ݣلت
ام هند: وليد سعد شنو وااقع
سعد: طاتي واش هدا حمق قالك منشووفش هند
وليد: طاتي!!
ام هند: سعد هضرنا اولدي فهادشي راجلها متيبغيش هاد لبسالات ومن حقو وخاصك تحتارمو
وليد: (ضار مصدوم كتر من كلامها.. رجع طلع لاخر وهبطو)
وكان ماشي طااتك كنت نوريك لڤولݣييييير كدااير
(دخل لقا هند جالسة فنموسيتها سااااهية... شعرها شبه مطلوق وجامعة رجليها عندها.. ظفارها كانو مصبوغين بلحمر والسروال مزير على فخااضها مكرهش يرجع يسلخوو.. ولكن حالة حبيبتو هكاك خلات قلبو يتقسم على جووج سد لباب ومشا عندها جلس حداها وجرها معنقها كيبوسها فراسها) عفاااك احبيبة مديريش فراااسك هاااك
هند: ميمكنش تموت هكاك
وليد: قدر الله احبيبة واش غنعرفو حسن من سيدي ربي
هند: مي لالة كانت مريضة
وليد: المرحومة باينة كانت مريضة
هند: مرحومة!!! (تزيرت بهاد الكلمة وبقات كتبكي وحاسة بالخنقة مكرهتش نجبد قلبها وريتها باش تهنى من هاد الإحساس.. عيا يطبطب يبوسلها راسها يهضر معاها واالو تكا راسها على حجرووو وحط يدو فوق راسها كيقرا القران عليها دخلت ام هند دار إشارة بيدو باش متعيطش ليها.. وكمل قراية القرااان وهي مغمضة عينها غير دمووع للي كل متحبس 5 دقايق ترجع تبكي...)
أصبحنا وأصبح الملك لله...
لبكى والغوات هند طايحة على نعش جداها كتبكي ومكتخليهمش يهزووها دخل وليد فوسط لعيالات جارها مع أمال للي غلباتها وهزو النعش وهي كتعيط لجدااها بحال غترد عليييها... خرجو رجال وهوما كيكبروووو ويددو عبارة لا إله إلا الله محمد رسول الله.... بقاو غير لعيالات هند بقوة لبكى والفراق للي جاها صعيييب مستحملتش هاد الحزن كامل سخفت طار بيها وليد لطموبيلتو مع أمال وشيماء.. داوها لأقرب كلينيك...
أمال: (شبعت بكا حتى هي وقاتلها حزن صاحبتها وحالتها... جات ام هند ونعيمة) علاش مݣلتولهاش راها مريضة اخالتي
ام هند: خفنا عليها قلنا حتى تجي لفاس
نعيمة: (بانفعال) لا اختي غلطتو ݣولوهالها تعرف.. ماشي كانت جاية طل عليها حتى ماتت ليها بين يدها واش عرفتي كيف غتولي... لبنيتة كانت بحال لوردة دابا شوفي كيف غتكون
وليد: (تخلع من كلام مو) لا لا ان شاء الله غتولي مزيان كنعرف هند
نعيمة: هند عقلها وكولشي كان مع جداتها واش عاد نݣولك اولدي نورمال كانت تعرف هي اللول منين طبيب ݣالكم ديوها لدار راه مغتكمل حتى سيمانة ݣولهالها لهند توجد راسها نفسيا وتقبلها شوية بشوية ماشي حتى ماتت لمرحومة
ام هند: (كتبكي) والله دخت حتى انا اول مرة خفت على بنتي تصدم ساعة كنت انا سبابها
وليد: لا خالتي ان شاء الله تولي مزيان (طاحت على كتفو كتبكي خرج عينو مموالفش هادشي طبطب بيدو وهزت راسها) درك تولي مزيان ان شاء الله تولي مزيااااان مع الوقت كولشي مع الوقت (خرج طبيب عارفين اصلا شنو فيقول شرحولو كان علق ليها السيروم ودݣ ليها إبرة باش ترتاح... مشات مها ونعيمة بقاو غير لبنات شوية جا باها وزهير )
أمال: (وقف حداها زهير محست غير تكات على صدرووو حيت تأثرت بزااف وداك صدر هو منين كتجيب الطاااقة لي محتاجاها مع صاااحبتها هاد الايام... زهير بيدو عليها وطبطب هزت عينها شافت فأنوار بقات غير كتشووف لدرجة وترااتو اما هي غير ساااهية)
أنوار: كيف بقات شوي؟!!
وليد: (مكيحملوووش يبان قداامو) شيمااا رواحي ندييك باش تقابلي لبز
شيماء: غير خلي.. (خنزر فيها اما هي مسوقاتش لوجود أنوار او بالأحرى مردانلوش لبال واش كاين تمااك... اما وليد باغي يتفادا بزااف دالمشاكيل...)
زهير: امول عييتي تمشي ترتاحي شوي
أمال: لا نبقى معاها وليد شد شومبرة غنمشي نجلس فيها معاها وصى حتى طبيب باش يشدها حتى لغدا ويطلقها
زهير: (زفر) لا حوله ولا قوه الا بالله العلي
أمال: كان خاص نكون معاها
زهير: (لمس على حنكها) وباش كنتي عارفة راه غتموتلها حناها
أنوار: (زهير للي كان كيعرف ماشي هو زهير للي واقف دابا مع مرتو..
خرجو هند داوها لشومبر تبعووها)
أمال: زهير واخا تجيبلي شنو لبس
زهير: واه.. دابا يوسف بقا مع مّا
أمال: (شافت فأنوار زعما بغيت نهضر ومصلاحش حنات راسها فمها ضار عند انوار للي فهم راسو وخرج دخل الشومبرة وسد لباب) جيبلي يوسف رضعو شوية وراني جبت لبراي نحلبلو شوية دلحليب باش تلقى مّا شنو تعطيه
زهير: وتكاي شوية على منمشي نجيب سمعتي طبيب راه مزال متفيق
أمال: واخا
زهير: سدي عليك لباب بالساروت
أمال: فصبيطار! راه مصالحش
زهير: وسدييه اجدك للي جا غيدق ونتي حلي لباب ديك الساع
امال: صافي وااخا....
كل العائلة مجموعة.. لعشا دار الغد ليه متسناوش 3 ايام كما القاعدة...
كان تنمر طفيف على عائلة وليد وعلى لكنة عائلة زهير للي حتى هوما حضرو ومقصرووش من الواجب تجاه هند وجداتها... ولكن فوجود اب هند للي ضار فيهم دورة خاايبة مبينوووش أمال شادة غيثة كتراري بيها باغية تمشي عند مها للي غير غاطسة راسها فوسادة ودايرة لغطا على راسها الا مبكات كتسهى بحال مكايناش فهاد الوجود...
وليد: (دخل عليها كان شال أمال هابط لكتافها غير شافتو حطات لبنت وقدات شالها) غير سمحيلي اختي كيف بقات هند؟!
أمال: (حركت راسها بحزن) غتقتل راسها
وليد: (صاط بنيفو ومشا جلس فالنموسية عرا لغطا كانت عاطية بظهر دار يدو فوق ذراعها) هند حبيبة براااكة عليك
أمال: شوفي غيثة باغية تجي عندك
هند: (كانت فقوقعة ديال الذكريات مع جداها.. كنسمع ولكن الهضرة كتوصل غير حد لودن)
وليد: حبيبة راني مخلوع عليك... هند!! هند (ناض ضار وجلس فين كتشووف وجهها صفر نيفها وتحت عينها حموومر ورموشها فازݣين) هند
هند: (شافت فيه ولكن شوفة مجردة من ݣاع المشاعير) بغيت غير نعس (دارت رمشة تقييلة) عييت
وليد: كولي شي حاجة ونعسي
هند: (حركت راسها بلا) مفياش عفاك أوليد (شافت فامال) تهلاي فغيثة
وليد: (بانفعال) كفاش تخلى فيها علاه نتي فين ماشية (كيكره تهضر معاه بصيغة انها مغتبقاش كاينة)
هند: (دمعو عينيها) متغوتش علية
وليد: (دغيا رطب كيرغب) صافي منغوتش عفاااك غير هبطي معايا كولي شي حاجة تمشاي شوية.. وت
هند: (دارت لغطا على راسها وسكت وصوت شهقااتها كيتسمع وفبالها وكان مجاتش عمرها كانت غتشوف جداتها وتودعها....)
أمال: انا نبقى معاها حتى تاكل (وليد ناض مأزم نفسيا خرج هبط لتحت مشا حدا رجال باها وعائلتو حيت العائلة وزهير مزال مجاو كانو كراو دار مجموعين...)
اب هند: (سولو غير بعينيه واش بغات تاكل؟!! حرك وليد راسو بلا وتبعها بزفرة)
الخالة: (جات حدا رجال وجلست) محدنا مجموعين نكملو الإجراءات ياك اسيدي عبد الرؤوف (راجلها ومحامي)
عبد الرؤوف: الا نتوما متفاهمين حسن دابا ياك اسي خالد
اب هند: للي بانلكم ورت مكم ديرو ما بغيتو
الخالة: راه القسمة باينة انا ومرتك وخويا عبد السميع.. شويش ويجي (سكات وليد كيشوف باستغراب كفاش كيهضرو على الورث و3 ايام باش تدفنت مها.. سها واش حتى هو وخوتو ف3 يفاريوها دخل خال هند للي عايش فكندا جلس وبداو يفصلو شاف اب هند خرج تبعو براسو كان طلع لفوق اما هو جاه لفضووول باغي يعرف باش غتسالي رماانتهم)
عبد السميع: انا لفيلا معندي مندير بيها ومنين ماتت مّي معندي فين نجي للمغرب وخوتاتي اغلبيتهم كنتجمعو برا كتر من هنا
الخالة: حتى انا كرهت هاد لفيلا نتفكر فيها غير موت ماما.. وحتى ختي هكاك
عبد السميع: اوا حسن تباع وتقسم علينا قسمة شرع والقانون (كولشي للي تماك متافق)
محامي العائلة: مرحبا ولكن المرحومة الله يرحمها فهاد نهار المبارك
الكل: امين
محامي العائلة: كتبت لفيلا باسم حفيدتها هند
الكل: (مصدوووم وليد رغم الحالة فاش عايش جاتو الضحكة وحشم يطلقها يحسابوه فرحان حيت مرتو ورثت فيلا... بقاو غير كيتشاوفو عارفين هند عزيزة عليها ولكن ماشي لدرجة تكتب ليها لفيلا للي ساوية وتخلي العقارات الاخرين...)
الخالة: يمكن غالط!!!
محامي العائلة: لا ابنتي مغالطشاااي المرحومة هادي 3 سنين باش كاتبة الفيلا باسم هند والتباقي غيتفرق بشرع والقانون
عبد السميع: (طلعو الدم) واش بقى!!!
محامي العائلة: باقي اولدي الفيرمة وشي بقع
عبد السميع: (شير بيدو طالع ليه الدم وقف ومشا شد الورقة قرااها عطاها لراجل ختو المحامي زعما تأكد)
كاينة غير هند!!!! هاد الفيلا حتى انا صااارف فيها وعاطي حقي فيها شكون هي باش تجي فالتالي وتاخدها باردة شي إن كاين تماااك
وليد: (ببرود) زعما حطات السيف عليها
الخالة: (منتابهوش لوجودو) هادي مسألة عائلية الله يخليك
وليد: كانت مسألة عائلية منين كنتو تفرقو فورث مكم وترابها مزال حتى ما نشف باين سيغ ماشي شغلي اما وشكون انا للي ندخل ولكن منين يݣول مرتي دايرة شي حاجة لا
عبد السميع: (باحتقار) نتا نتا هو راجلها!!!
وليد: لا ولدها
عبد السميع: اسمع اشريف واش سمااك الله هاد الفيلا ديالنا حنا مكاين لا هند لا واالو
وليد: (كيشوف فيه وكيفكر واش يضربو عاد يهضر ولا حتى يهضر عاد يضربو ولكن هو خالها مكرهتش يبرد فيه فقايس للي فييييه) لفيلا ديال هند
عبد السميع: (بظحكة استهزاء) بالسيف ما يفرح جا لقاها وااجدة ما خدم عليها مكانت مو فيها طاح من سما غناااه الله ورجعت فيلا فنصيييبو انا بلاصتو نقز بالفرحة (جردو من كووول شوميزتو مخلي سونتيم بين وجهو ووجه خالها)
وليد: لفلوس للي عندي تشريييك نتا وللي بحااالك مواݣف على حد والا المرحومة كتبتها لهند غي حيت عااارفة ولادها كيف دايرييين وعارفة بنت بنتها سمو معدنها (كيفاااكوه ومبغاش يطلقون ولاخر بكترة مابيض رجع حمر) كلمة خرى على هند نصيفطك تسول مك علاش مكتباتلكش لفيلا....
اب هند: (عيا يهضر مع بنتو واالو مشا عند لوخرا للي مردوش ليها لبال وجالسة فبيت معا حااازنة على فراق مها وعلى حالة بنتها للي كتلوم راسها) سامية... سامية
سامية: (مسحت بكلنكس على نيفها.. بصوت مخنوق) نعام
اب هند: واش نتي وهند علية
ام هند: (رجعت كتبكي) مقدرتش اخالد مقدرتش نحبس لبكى ماما شحال تعذبت مسكينة وكان غير مسمعتش منها وفاتها لبنتي مكانتش حتى هي فتصدم وتكون حالتها هكاك
خالد: (جلس متنهد) وكان سمعتي مني وكان قلتيهالها... معليش مع الوقت تنسى
ام هند: صعيييييب راه هي للي ربااتها راه كنت تنشوفهم ام وبنتها اما وشي مرات كيجيني راسي غير وحدة برااانية
اب هند: غلطنا بزاااف مع بنتنا وأكترية انا (عنق مرتو وبقات كتبكي فحضنو وحتى هو مقسح بزااف من جيهتهم بجووج... سمعو غوااات ناض كيجري هبط كيطل لقا وليد قاج عبد السميع... مع وصل طلقو وتم خااارج) شنو وااقع!!!
وليد: سول دوك جماعة شلاهبية للي مجموعين تم (خرج حدا لابسين جبد ݣارو وبقا كيكمي صونا تيليفونو جاوب كان زهير كيعلمو باش يجييو) بلا متجييو ازهير... الدعوة مرونة كيفرقو الورث... اااايه اسيدي من دااابا.... دوك اللي لباس عليهم هوما للي كيتحاسبو على لفرك فيك كيمشي.... اودي مرونة ياله كنت غنكسل خالها غير حشمت... الهضرة بزااااف مهم سير ديهم يفطرو فشي قنت على متبرد القضية باش يجيو يسلمو عليهم ويمشيييو... صافي.. واخا خويا ... (قطع زااافر راد لغدايد فداك الݣارو...)
~~~~~~~~~~~~~
أشرف: كفاش تمشي عند مك واش معارفاش شكون للي كاين فديك الدار
شيماء: انا غير ݣلت وصافي
أشرف: مݣلتيش وصاافي نتي عارفة داك الكيدار تم وباغية تمشي
شيماء: على أنوار!!!
أشرف: (كيتجنن) متعاوديش تݣولي سميتو على فمك ولا نهرس مك
شيماء: (جاتها الظحكة) راه كنت غير بغيت نشوف ماما كيف صبحت حيت شفتيها لبارح كيف راسها وجعها
اشرف: (معصب) سكتي... سكتي حسن منݣول شي حاجة للي تندمك (سكتت حيت بالصح معندهاش الطاقة للي يصدمها بشي كلمة تجرح ومبغياش فرحتها تقلب من بعد عام ديال المعاناة....)
جاو عائلة وليد من بعد اب هند مكالما الامور رحب بيهم حيت عارف لوخرين مغيعطيوهمش وجه...توادعو معاهم اما هند مهبطتش طلعو عندها لقلوها ناعسة أو دارت راسها ناعسة مباغية حتى واحد يعزيييها من ديما كانت مصواابة ولبقة وكتعطي الخاطر ولكن موت جداتها كسراااتها.... وتفهموووها مشات عائلة وليد للي تابعهم الخدمة مشا محمد ومريم لوجدة باش يوقف على الخدمة مشات ليلى ولكبير وداو معاهم الحاجة للي عيات شوية... بقا زهير وأمال ووليد وانوار شيماء واشرف للي جااتو عيب يكمل التسافيرة...
أنوار: نمشيو نديرو قهوة
أشرف: واه (غير باش ميبقاش حدا مرتو...) زهير تمشي
زهير: درك لحݣ عليكم... (دخل للدار كان وليد هاز بنتو وشيماء بنتها كتلعب حداها وجالسين فالجردة.. مشا عندهم) كيف بقات هند؟!
وليد: ياله لݣيتني نهضر عليها والو يا خويا خاص نديها لشي طبيب 3 ايام مكلات مشربت أمال محنة معاها حتى نعاس كتبقى تفيق بزاف وتخلع
زهير: يااا خو ماشي ساااهلة
وليد: وعاد هاد ليهود للي لداااخل السلامة منهم (عطا بنتو لشيماء) انا نمشي نطل عليها على الله تاكل غير شي حاجة
زهير: نمشي معاك
شيماء: خويا فين اشرف؟!
زهير: مشا هو وانوار للقهوة (مشااو وشيماء بقات غير مطرطقة عينها وكتقول..
"السلامة يا ربي"
طلعو بلا كيهضرو مع للي لتحت حيت جاو شي ناس كيعزيو لقاو مها وباها كيرغبوها تنوض ووالو دخل وليد بغا يقولها دير درتها ساااعة كانت روووح بلا جسد مغلفة فلكويشة جامعة رجليها هز لغطا على شعرها وحنا عندها بصوت خافت)
وليد: هند براااكة عليه واش مبقيناش فيك انا وغيثة (شافت فيه ولبكية على طرف شنافتها) صافي احبيبة من لبكى
زهير: (دخل كيحنحن) السلااااااام عليكم
أمال: (شافت فيه وتبسمت كانت هازة ولدها منعسااه.. ردو عليه بالمثل)
زهير: كيف بقيتي؟!
أمال: (حركت رأسها باتجاه هند) ونت؟!
زهير: الحمد لله على كل حال.. هند (بصوت رجوولي) هند خسرووو ليك لبيفان ولا واش!!!! (جر كرسي ودفع وليد بشوية) روووح لهييه
ام هند: (شافت فرااجلها ولاخر قالها بدون صوت شششت)
زهير: عرفتي نهار ما بّا ولا نݣولو تقتل ݣدامي (شافت فيه هند وكولشي سمع منو بتمعن) درت بحاالك وكتر مبغيييتش نهضر جابو للي قتل بّا للي هو عمي وقتلو عمي اخر وكولشي نسا وتعااايش بحال صافي راه ردييينا بّا (ام هند تصدمت اويلي على قتل ما قتل!!!)
هند: (بصوت باح) كنتي مزال صغير
زهير: (بحزن فعينيه بحال رجع 30 عام اللور) كنت صغير تقتل فدقيقة رجعت راااجل كبير ݣبت نحزن عليه بحاالك منهضرش مناكلش متشربش منعيييش فيمن جات الدقة!!!
هند: (كتبكي) فالحاجة
زهير: (حرك راسو باه) جات فمّا وجات فخوويا وحتى خوتاتي حيت تدفن بّا للي مات وبقاتلهم ݣسيدة فالدار للي كان يعزي رجع كيجي يعزي فية حتى انا مّا تبكي وتطلب غير نرجع نهضر شديتها 6 سنين حتى شفت المر وللمرار فاش عاشت مّا... (أمال دمعو عينيها أول مرة تأثر من قصة شي واحد... تالمت وهي كتشوفو كيعاود هادشي)
واش تختاري تقبلي قضاء الله وقدره ولا تعذبي وتعذبي للي دايرين بيك؟!!!!!
هند: (كتبكي) مبغيت نعذب حد انا غير مسخيييتش فمي لالة
زهير: وشكون فينا يسخى باللي نبغيوهم ولكن هادي كيشوفها هي سنة الحياة وبراسنا حنا غير ݣنازااات اليوم هاني واݣف على رجلي غدا غيدفنوني
أمال: (بلا متحس) الله يستر
زهير: (تبسم وشاف فيها ورجع شاف فهند) حناك مبغاتش دمووعك اهند بغات الصدقة عليها بغات تدعيلها بغاتك توݣفي على رجليك وتعيشي حيااتك كما هي عاشتها ربي هاكا خلقنا مرة نظحكو مرة نبكيو مرة نفرحو مرة نحزنو ولكن بغا منا صبر ونحمدووه ونشكروه على للي عطااانا
هند: (بتنهيدة) الحمدلله
زهير: ابرديييي وشحال شحفتيني كولي اديك شنيولة راه داك هيما فرعلي راسي
هند: (تبسمت بحزن) واخ
زهير: ارااااا داك بيبي
وليد: وااا زهير
زهير: وبيبي ابنادم ماشي نتا زعما اراو داك الحولي
هند: (متبسمة) شلاظة كافية
زهير: تحضر للي طلباتو ختي هند يحضر (مشات مها كتجري تجيبلها تاكل كولشي عجبو الحال وليد للي مقنت وفبالو كلات من عند زهير وانا لا....)
أشرف: (حرك القهوة من بعد مدار فيها سكرة.. جغم منها وحطها فوق الطبلة دار رجل على رجل وشاف قدامو كانت اول مرة يجي لفاس عكس أنوار للي عارف فاس وهو للي جابو لهاد القهوة) تعرف فاس مليييح
أنوار: (جغم من العصير) كنت نجي لهنا لظهر المهراز
أشرف: ها!!
انوار؛ لفاك (تبسم) كنت كنجي عند تورية تعقل عليها
أشرف: (تبسم جنب) وي.. (قوس عينو) حتى هي كنت دايز فيها ولا غير كنتي مطلعها علية
أنوار: (لعب بلسانو فوسط فمو تفكر منين قالو دزت فامال) هي دابا مرت عمي مجاتش نهضرو فيها
أشرف: ههه (ظحك بسخرية) مزال تفكر فأمال انا هااضر على مرت صاااحبك
أنوار: (غوبش.. شحال كان هارب من هاد النقاش) ياك كولشي بان
أشرف: وعلاه لكذوب
أنوار: مكنتش نهضر معاك على مرتك قليييل.. فين كذبت عليك
أشرف: (بقا كيشوف فيه هو قليل فين هضرة فشيماء ولكن دوك تصاور ولفيديوهات) كذبت وݣلتي حتى هي داايز فيها كما للي قبلها
أنوار: (بجدية) نتا عارف مكنتش نݣد ندير معاها شي حاجة نسااا واش وقع فلمااضي كنا صغار وبراهش دابا نتا عندك بنت وحتى يانا عندي بنت رجعنا مسؤولين أشرف وخاصنا نربييو انا باغي رجعو صحاااب محتااااج صاااحبي أشرف ولكن ماشي ديك الصحبة لقديمة صاحبي للي ينفعني ونفعو
أشرف: (من ديما كان كيلوم أنوار وكيكرهو حيت هو سباب ولكن ماشي هو للي قالو تبع وحضيها وتكرفس عليها بقا ساااكت وانوار كيتسنى جوااابو)
أنوار: عارف غلطت معاك اشرف
اشرف: (شاف فيه) بعد عليك مرت عمك
أنوار: (عينيه لمعووو) معنديش اصلا نية نكون قريب ليها راه مرت زهير
أشرف: زهير دار معاك للي مداروهش خووتك انا للي شفتو كفاه كان خاايف عليك تكون ميت
أنوار: ونتا
أشرف: (هزحواجبو بجوج وهز كاس القهوة) ترحمت عليك
أنوار: (ضرو خاطرو وتبسم) منين مكليش طعام علية كيف واالو
أشرف: هه... سمعتك خطبتي
أنوار: حتى انا سمعت
أشرف: غتعاود بلانك عاود
أنوار: لا لا غنتزوج بيها.. بنت عمتي غتفهمني ونفهمها والعشرة تحكم
أشرف: كولشي بيدك نتا (شاف فيه) ياك هاد بنت عمك كانت باغياااك على ݣووولتك نتا
أنوار: نشااالله يكون خير كان لكاغط غدا ساعة دابا يتأجل شي سيمانة
أشرف: (حرك راسو باه... مزال مصفاااش من جييهتو ومبغاش يكتر الهضرة على مرتو حيت الصراااع للي كان فيه خرج انه خاصو يطوي الصفحة وتعامل شيماء وكيف رجعات خلاه ينسى بالسيف علييه...)
هند: (كلات شوية من شلاضة وبقات معنقة أمال وليد وزهير خرجو... تفكرت حناها للي ماتت بكااات وجات مها عنقااتها كيبكيو بجووج.. بقات فيها..)
صافي براااكة عليك من لبكى
ام هند: (ظحكااتها) وااخا ماما
هند: (تبسمت) بغيت نمشي لقبرها
ام هند: نمشيو احبيبة غير براكة عليك حتى نتي شوفي غيثة والله قطعتلي فقلبي من لبارح وهي م ممم حسات بيك مقلقة
هند: (تفكرت شيماء فاش كانت نافرة من بنتها هاكا وقعلها جزيئا شدت بنتها كتعنقها وتشم ريييحتها) توحشتك اكبيدتي... تهلات فيك طاتي اماال
أمال: (شهقت) احااي نسيت مصونيتش على مّا
ام هند: ماماك؟!
هند: عدوزتها (خرجت أمال صونات على الحاجة كتطمأن على صحتها حيت تأثرت بزااف بموت الحاجة وعيات كانو مزال فطريق قطعت معاها هبطت لتحت بغات تمشي لحدا زهير لقاتهم عاطيين بظهر وجالسين اونفاص مع لابيسين ودخاخن طالعة معاهم تمعنت الشووفة كتشوف حتى وليد كيكمي أول مرة تشوفو كيكمي دارت يدها على فمها بحال ممتيقاش رجعت مشات دخلات لقلت شيماء خارجة وباينة ماشي على بعضها)
شيماء: مبانلكش اشرف؟!
أمال: هاء كيف يبانلي زعما
شيماء: واش كاين مع خويا برا
امال؛ لا كاين غير هو وزهير
شيماء؛ اويييلي اليوم تنوض شي روييينة
أمال: (بفضول) علاش؟!
شيماء: أنوار واشرف مشاو بجوج للقهوة
أمال: اممم لا لا معندك مناش تخافي
شيماء: انا للي عارفة أشرف غيبدا يحفر يحفر حتى يدير شي حاجة وبلاش هو محاااملش أنوار تفو الله يعطيييه غبااارة حتى كتݣاد حيااتي ويلي يبااان تفوووو
أمال: (نفس الاحساس ولكن متقدرش تيق فشيماء وتعاود معاها عادي) الواحد راه كيكبر وعقلو كيكبر وداك راه قرب يتجوج بنت خالتو
شيماء: اممم تجوج بيها يخخخ تهنية
امال؛ احاااي متݣوليش مزال ك
شيماء: ههه لا لا عنداك تكمليها مافكرينيش اصلا فين كان عقلي ديك الساااااع...
أمال: يحسابلي
شيماء: لا لا اختي انا باغية غير راحة لبال والتيقاار مبقيتش ݣادة على حتى شي تبرهيش نديييرو صافي درت ودارت بية بااااركة
أمال: صوني عليه
شيماء؛ معنديش الصولد
أمال: اممم (مستحيل تعطيها تيليفونها) ݣولي لوليد يصوني عليه حيت بغيتيه على شي سخرة لمريم وهاكا غيجازب ويجي دغياااا
شيماء: والله الا فكرة... فينهم مشفتيهمش
أمال: (تفكرت غتشوف وليد كيكمي وتوصلها لهند للي ماشي فمجاجها) شتهم ݣبيل.. خرجو يمكن خليهم يجيو (بانو جايين من موراها ضارت) ااااه مخرجوووش (وقفو حدااهم)
زهير: واش راكي ديري هنا
أمال: جيت باش ننن نݣولك تصوني على مّا ساعة راه هضرت معاها
زهير: حتى انا هضرت معاها.. (صونا تيليفونو كان انوار) نسيت انوار
أمال: جاوبو (وليد طرطق عينو فيها وشاف حتى ختو بحال كيتسناو لابيل)
زهير: (جاوب) نجي نفك ولا مزال (بعد من حداهم).. واه... لا معارفش صيفطلي لوكاليزاسيون انا نجي.. (قطع ورجع حداهم) انا مشيت للقهوة تمشي
وليد: نطل على هند ونجي (مشا وبقاو بجوج شيماء فيها فضول باغا تعرف الاجواء كدايرة لهيييه تشاوفو هي وامال)
أمال: زهير واش
زهير: واشتا!!!
أمال: لا والو شحال بقات رمضان
زهير: 15 اليوم
أمال: ايييه تابعني شحال من حاجة نديرها
زهير: نشالله روحو لداارنا وديري للي بغيتي (حط يدو على كتفها) عييتي؟!!!
شيماء: (نساحبااات حيت من حق اماال مدهلش راسها فهادشي وراجلها ممعاهش دغل وتبرهبش بقالها خوها تمشي تسولو)
أمال: شوية معرفت فوكاش نمشيو
زهير: خاص احبيبة غدا نمشي المحال بقى وحدة والسلعة جديدة وبجوجنا هنا
أمال: معرفت زعما حشومة نݣول لهند نمشيو حتى هي
زهير: لا صبري تكمل سيمانة
أمال: مّا مسكينة بقات وحدها
زهير: (كيعجبو الحال تهز الهم لمو عارفة حنينة واخا مكتعرفش تبين المهم حنينة فمو وفيه) راه معاها ليلى
أمال: واخا هكاك ماشي كيفي (جا وليد مستغرب من نفور هند معاه وردها انها مزال مأثرة...)
زهير: ياله احبيبي انا مشيت تبغي شي حاجة
أمال: (دارت إشارة براسها ليه زعما بغيتك نتا)
زهير: (تبسم حتى تقوسو عينيه) يا ݣلييييع مّا (ظحكت دارت مشات وحتى هو مشا....)
هند: (بكات حتى شبعت على قبره جداها للي مزال تراب جلست عليه ممسوقاش للغيث.. هضرت خوات قلبها توادعااات معاها.. واخا ممتقبلاش رحييييلها لامت مها وباها للي واقفين حداها غوتت عليهم علاش بخبيو عليها مرضها للي كان سرطان فالراس فمراحل متقدمة... لحق عليهم وليد للي دازت 3 سوايع مشا للدار ملقاهاش عيا كيصوني مكتجاوبش مخلية تيليفونها فالدار غير شافتو جاي هبطت عينها اتراب شداااتو بيدها وحطاتو حدا نيييفها مغمضة عينيها ودموعها سايلين)
الله يرحمك احبيبتي... (دارت داك تراب على حوايجها وبقات جالسة ساهية)
وليد: (قرد حداها) حبيبة
هند: (شافت فيه) علاش مبقيتيش حدا غيثة
وليد: بقات مع أمال وشيما (شد فيدها) نوضي باش تمشي دوشي تاكلي شوية وترتاحي
هند: بغيت نبقى هنا
وليد: غدا نعاود نجيبك
هند: ممرتاحاش تمااك بغيت نبقى هنا
وليد: (بقا كيشوف فيها يديه مربوطين شنو غيدير مكرهش يديها لوجدة) نوضي (نوضها كانت دايخة شدها جارها لعندو دار يدها فخصرها كيعاونها تمشي)
ياله
ام هند: غير سير اولدي انا مزال باغية نبقى هنا شويش
اب هند: غير سير اولدي (جر هند لي كولها تراب كيقاد ليها الشال للي كيزلق ليها خرجو من لقبور وصلو حدا طموبيلتها نفض تراب للي عليها وهي غير وااقفة سااهية جلسها دار ليها الصمطة... ومشا ركب شد يدها للي كانو باردييين)
وليد: تبغي شي حاجة احبيبة نديك تاكلي فشي بلاصة للي تشهيتيها
هند: (ببرود) بغيت نعس
وليد: لا تاكلي شي حاجة عاد تنعسي
هند: (تكات على زاج السرجم) مبغيتش أوليد راسي تيضرني بغيت غير نعس واش باقية لفيلا عامرة ديني لشي لوطيل
وليد: (جبد بزطامو كان فيه كارت ناسيونال وحتى بزطامها بقا تماك فيه كيقلب بعينيه لقا اوطيل ماشي شي حاجة وااااو.. خرج من الطموبيل ريزيرڤا شوومبر بانلو بوتيك حوايج دخل خدا بيجامة ربيعية مع دوبياس داز لسناك دموندا بيتزا وشلاضة مشا عندها عاونها توقف طلعو الشومبرة دخلها وبغات تمشي للنموسية) بلاتي دخلي دوشي (مد ليها الساشي) وكولي عاد تكاي
هند: وليييييد عفاك حس بية شوية
وليد: حاس بيك احبيبة داكشي باش غتسمهي هضرتي
هند: (لاحت ديك الساشي بالاعصاب) باغية نعس واش نشرحها ليك بالخشيبااات
وليد: (بقا غير كيشوف فيها) دوشي باش ترتاحي
هند: (بعصبية اكتر) بغيتني رتااااح هي الا بعدتي مني
وليد: مالكي معايا؟!!! انا باغي غير رااحتك
هند: راحتي هي تبعد مني
وليد: (تصدم فيها ولكن عقلو مزال كيقولو مزال متأثرة)
..هانتي دخلي دوشي رتا...
(مشات دخلات للحمام وزدحت لباب بقا غير كيشوف مفاهمش.. تفكر الماكلة للي دمونداها هبط لتحت خلصها وطلعها كانت مزال مخرجت من الدوش تصنت شمعها كتشهق دق)
هند ندخل؟!
هند: (مسحت على وجهها وطلقت الرشاشة عليها حتى شافتو دخل كانت صولو عريااانة مدخل معاه بينوار للي كاين فالخزانة وفوطة صغيرة) خرج (سد لباب حطهم وبقا كيشوف فيها) خرج أوليد واش حتى هنا مناخدش راحتي (لا رد قرب ليها كان لما بااارد)
وليد: بارد!!! واش باغية تقتلي رااسك (حولو لسخوون بعد لاح جاكيطتو هز قريعة صغيرة فيها شمبوان دارو عليها بقات كتعافر معاه شدها صحة غسل ليها شعرها واخا عمر بلما جاب داك لبنوار لبسولها ودار ديك الفوطة على راسها كينشف شعرها.. هزها خرجها بقا كينشف لحمها للي بحارة التهلو واخا معناتش بيه هاد الايام بقا كيبري ورطب... حيد لبنوار ونفسو كتشهى فيها لبسها لحوايج للي جاب بصعوبة شعرها بقا مطلوق فاازݣ معرفش فين دارت لاستيك جاب لماكلة) تاكلي بوحدك ولا نوكلك بالسيف عليك!!!!
وليد: (وكلها شوية كيشوف فعينيها للي مكتجيبهمش فعينيييه تفهم وضعها دخلت فلفراش مغطسة راسها بقا تماك كيفكر كفاش يرجعها كيف كانت.. حتى سمع تنفسااتها للي كدل على مها نعسااات شعل التلفازة وقطع الصوت.. جلس فالكرسي عينيه كيتفرجو وهو سااكت عارف بنتو بين ايادي أمينة ورحب بفكرة لوطيل حيت تماك كاين صداااع ديال الورث...
صونا على زهير علمو بشنو كاين وقطع)
زهير: (حط التيليفون فوق الطبلة) أشرف واش باقي ترجع للشمال ولا تمشي لوجدة
أشرف: كنت داير بحساب غير شي سيمانة ساعة دابا مبقات ݣانة وخاص رجع على حساب رمضان راك عارف الخدمة فصباح كتكون قليلة ماشي بحال مور المغرب
أنوار: كنت فالشمال؟!
أشرف: اممم ا
أنوار: مزيان.. انا مزال حاااير
زهير: دير ريسطورا انا عجبتني الفكرة
أنوار: والله معرفت واش بانلك أشرف
أشرف: شغلك هداك ابن عمي... جعت
أنوار: انا نديكم لقنت زيييين..
زهير: (صونات أمال هزو) وي أموول (ناض من حدااهم وانوار متبعو)
أشرف: (غير حاضيه) واش راك تسنى!!!
أنوار: والو.. نمشيو نتغداو
أشرف: اممم المشروع غدير داكشي للي يخرجك راك قاري وفااهم
أنوار: الا كان عندك فلوس ومعارف مدير بيهم واش المشروع للي تختار
أشرف: حرفة بووك (وقف كيعيط لݣارصون وانوار كيفكر فيها هو منين كان خدام مع باه كان طاااير فهادشي ديال السلعة ولكن شنو غينافس باااه ولا يدير السلعة للي مكيجيبش باااه تحمس وعجباتو الفكرة بغا يهضر لقا أشرف طاار واخا هكاك مشا عندو كيهضرلو على المشروع للي عطاه تلميح عليه...)
~~~~~~~~~~~
داز داك نهار فالليل زهير أنوار أشرف رجعو لدار للي كانو كارين وشيماء وأمال بقاو مع هند للي شدت بنتها شوية كترضعها وتشوف فيها... خرجت شيماء تجيب الصوبا لمروان وغيثة ومريم فقراعي ديالهم
أمال: هند واش غتبقاي هاكا
هند: واش اختي ساااهل هادشي (تنهدت) عرفتي شفت وليد كيكمي
أمال: (بقات كضور عينها)
هند: تصدمت فيه والله كنكره يخبع علية شي حاجة بحال هاكا عادي وكان قالهالي كنت نتفهمها على لقاه كيكمي
أمال: وحتى زهير كيكمي عادي
هند: راه ماشي المشكل فلكماية قد المشكل علاش يخبع واش كنتي عارفة
أمال: شتو ݣبيلة حتى يانا
هند: ومزال زايد فيه
أمال: اختي هند ݣاع متقلقي على هادشي راه فاايت واش مكتشوفيش كيراه مخلوع عليك وخايف ݣبيل شد داك خالك بغا يقتلو وكيݣولو تعاود تجبد هند نقتلك
هند: (باستغراب) علاش؟!
أمال: حيت المرحومة الله يرحمها كتبت ليك لڤيلا
هند: (كانت عارفاها او حاسة بيها حيت لمحاتلها شحال من مرة انها حتى الا ماتت تجي نتي وولادك لفيلا ديالك وقبل متجوج كانت كتقولها تجي لفاس نديرلك عيادة وتكون عندك عيادة وفيلا وتعيشي مزيااان الا حتى مت... واخا هكاك تأثرت)
الله يرحمها... انا مقلتش وليد خاايب ولا متيبغينيش ولا شي حاجة انا من صغري تنكره للي يكذب علية ويخبع صافي تيكمي يقولها غير قوليلي الصراحة واش هو كان تيكمي قبل
أمال: اختي وباش نعرف يانا اللي كنت عارفة وليد كان يكره الدخان وغير فاش تجوجت زهير شحال من مرة كان يݣولو بعد عليك راه يهلكك فصحتك
هند: يعني عاد عاد... حتى تزوجني يمكن ت.. (دخلت شيماء بدلت الهضرة) عارفاك باغية تمشي غير سيرووو اصلا الحاجة بانتلي عيانة
أمال: لا منمشيش ونخليك
هند: انا براسي غير يامات ونرجع حتى نتي احبيبة شيماء تعذبتي معانا وعاد جبناك من شهر العسل
شيماء: الا مكاين لا عسل لا والو
هند: علاش
شيماء: (تبسمت) مزال مكتاب
هند: الله يخليكم لبعضيااتكم....
وليد: (دخل للدار من بعد مكما ݣارو مفاهمش علاش هند كتصرف معاه هكاك وحتى لوطيل مابغاتش تبات فيه.. بقا كيعطس ونيفو سااايل وكيمسح دخل دوش لبس مزيان كيطمة ومشا جلس حدا زهير للي كيهضر مع الحاجة ابيل فيديو كانت مريضة بسخاانة وليلى مقابلها مكرهش فديك اللحظة شي حد يهزو ويحطو فوجدة بقا جالس على النار... قطع معاها وباينة كااعي)
مالك كيف بقات الحاجة
زهير: مريضة مريييضة
وليد: بففف كولشي كيجي دقة وحدة
زهير: نشالله صباح نمشي
وليد: ان شاء الله دابا تولي مزيااان
زهير: بقات فيها حناين هند بزااف عارف مّا منين كتنيرڤا ولا يبقى فيها الحال ديما كترجع بالمرض على صحتها
وليد: الله يشفيها
زهير: اميييين .. كيراها مرتك
وليد: (لوا شنايفو) معرفت مبقات تحمل فية الشووفة
زهير: علاه؟!
وليد: براسي حرت يمكن مع الموت
زهير: الموت علينا حق ونتا لاه شوف ياكما زبلتيها معاها فشي حاجة
وليد: لا لا فمرة.. غير مع الموت ماشي مشكل تفشش علية راه حست براسها تيتمت واخا عندها باها ومها....
~~~~~~~~~~~~
أصبحنا وأصبح الملك لله...
زهير: (علم أمال انه غيمشي وهي عندها الاختيار خلاها تفكر وناض توضى وصلا صلاتتو لقا أنوار فاق حتى هو) تمشي لوجدة
أنوار: نمشيو
زهير: واقلة نمشيو بجوج
أنوار: وامال؟!
زهير: معرفت صاحبتها ماشي هي هاديك (مقدرش يخليها من موراااه ولفها ديما حدااه وبغاها تولف ديما قربووو وفوق جهدو وطاقتو خلالها الاختياار)
أمال: (تحطت بين نارين شافت فهند للي كتقنعها تمشي) ياله حتى نتي
هند: (تبسمت حيت هي كتفهم أمال وعارفة نيتها) ماشي دابا
أمال: علاش ماشي دابا هادو للي بتقييم هنا غير المنافقين حتى يمشيو بحالهم ونجيو لهنا غيبقاو غير يفقسو فيك ونتي مريضة ووليد يبقى يضارب معاهم والله حسن ياله تمشي
هند: (كتشوف فأمال) واش نمشي وهي عاد ماتت
أمال: حناك فينما كنتي غتبقاي دعي معاها وكان غير كانو يحتارمو الميت هادو للي لتحت نݣول نمشي ونخليك راكي غتكوني مزيانة ولكن لا هوما منافقين ودابزو على الورث ف3 ايام وانا كنعرفك اخر حاجة تفكري فيها هي هضرت بناادم ياله نمشيو راه الحاجة مريضة ونتي بوحدك للي كداويها
هند: (بقات ساكتة شحال) تعلمني تقنعي الواحد
أمال: (فرحت) بالصح غتمشي؟!!! (جمعت الظحكة خوفا على مشاعير هند) غنتهلى فيك
هند: طلعيه حتى الوالدة ياك
أمال: ههه وهاكا كوني هند للي كنعرفها.. غدوزي رمضان معايا
هند: بحال العام للي فات شنو الجديد
أمال: اممم الجديد عندنا مروان وغيثة
هند: اهاااه.. (تنهدت واخا تظحك ساعة 59 دقيقة بالها مع جداتها وفرااقها للي جاها صعيييب...)
أمال: انا نجمع ليك حوايجك ݣلتيها لوليد
هند: انا نصيفطلو ميساج... (صيفطاتلو ميساج صونا فلبلاصة)وي كنا سمعتي... أمال لسقت فية شنو ندير
وليد: وفاش ݣلتها ليك انا!!!
هند: متديش علية أوليد... مهم انا تنتسناك نمشي نقولها لبابا وماما (قطعت خرجت من بيتها كانت خالتها للي خنزرت فيها وبقات كتمتم زادت قنعاتها قلبت على باباها للي رجع قريب ليها خبراتو عجبو الحال جات ماماها للي تقلقت شوية ولكن مبيناتش وختارت هاد المرة راااحت بنتها على هضرة الناس... جا وليد وزهير واشرف ركبو عيلاتهم وزادو نيشان مشاو لقهوة موناليزا خطاو فطور جماعي مشاركين طواابل.. )
أنوار: (كيشوف فامال للي كتبغي ظحك هند نفس الحركات الطفولية نفس الظحكة شاف فشيماء للي كتبسم مع أشرف كولشي مزوج مستااقر شاف فعمو لي مجلس لبز حداه كيوكلهم وخصوصا بنت أشرف للي كبيرة عليهم... زفر وشاف فلفووق)
أمال: احاااااي على هاد لبنت
أنوار: (شاف فيها وهاد كلمة احاي وشنو كانت كدير فيه)
هند: اماااال عصبتيني
أمال: تفرݣعي ݣاع مهم (بصوت خافت كتقلب ليها السم) غتكوني حاملة....
شدو طريق أنوار راكب مع زهير وكيهضرو فالمشرووع للي كيحاول يشرح ويوصل الفكرة لامال للي جبدت عليها بنعسة ممسوقاااش بشنو كيتقااال... كانت مسافة ديال 5 سوااايع وصلو لوجدة
وليد: (شاف فعند للي طريق كاملة لا كلمة لا جوج غير ساااهية عارفة قاسحة عليها بزاف هاد المجية كان داير على الاقل تجلس شي 15 اليوم وتبرمج عقلو على لجلاس... وقف خلص لوتورووت على لحقو بيه لوخرين...)
على سلامتك احبيبة
هند: (هزت راسها توݣدت بحال كتشوف فينهم) وصلنا؟!
وليد: واه.. دابا نمشيو لدار الحاجة ولا تبغي تمشي لدارك ترتاحي
هند: لا لا بغيت نمشي عند الحاجة
وليد: واخا (زاد فطريق طموبيلتو وطموبيلة ديال زهير مشاو لاتجاه دارهم واشرف مشا فاتجاه دااارو)
شيماء: حسابلي غنشوفو الحاجة
أشرف: حتى لعشية ونمشيو درك عندي شي غرااض فالمحال
شيماء: وكان غير خليتني نمشي معاهم حتى تجي نتا
أشرف: (بانفعال) نتي مريييييضة ولا مهبوولة ولا وااااش!!!
شيماء: علاش؟!
أشرف: باغية تجلسي فالدار للي جالس فيها داك خينا ياكما يحسابلك شي سبليوني ولا ݣاااوري وبالرب حتى نخرج فيك
شيماء: شنو درت دابا انا
أشرف: هااااا ودني ياو والله يا ديلمك حتى مصاااارك نݣطعهملك
شيماء: بففففف
أشرف: صوطي حتى تشبعي متلعبيش معايا اشيمااااا
شيماء: (مفهمتش هاد الانفعال كامل علاش هي نيتها غير تشوف الحاجة.. بقات ساااكتة حيت الحوار معاه وهو فهاد الحالة عقيييييم.. وصلو للدار طلعو مخلي داكشي للي كانت شرات حتى يطلعو من بعد حلها لباب دخلت ياله ضارت تهضر شافتو سد لباب بالساروت ومشا..) لا حول ولا قوه الا بالله العلي العظيم حاااال وأحوااال هاد السيد معرفتش منين نشدوووو (دخلت بنتها البيت... اول حاجة دارتها جبدت حوايج جداد ليها ولبنتها ودخلت للدوش... من بعد مدوشت خرجت بنتها رضعاتها شوية ونعست وهي مشات للثلاجة تفكرت كانت خواتها وغسلاتها كاين فيها جوج بيضات جبدتهم قلاتهم حطت فرماج زيت جبدت الخبز من لفريݣو سخناتو وكاس حليب كلات فالكوزينة باش مترونش غسلت لماعن ومشات لبيتها طفات الضو.. شافت فتيليفونها شعلت كونكسيون صيفطت لهند)
**Cc wsalto***
**Kont bghit nmchi l3akom omakhalanich hada**
(طلعت غير شرطة وحدة كتبين انها مشاعلاش كونكسيون... مشات لفايسبوك كتقلب فيه حتى غلبها نعاس حطات تيليفونها ونعست....)
أشرف: (كانت جات شي سلعة وحضرلها دخلات شافها خلص خلا الولد للي تماك كيستف لبياسات داز خدا 2 بيتزات ومشا للدار... دخل كان صقيير كيقلب لقاها ناااعسة.. مشا قرب ليها يفيقها تاكل زعزعها فيدها بصوت خافت) شيمااااا.. شيماااا
شيماء: امممم
أشرف: نوضي تاكلي
شيماء: كليييت
أشرف: (كيشوف فيها وريحة زوينة عاطية منها كانت دايرة زيف زولو ليها شعر مزال فاازݣ.. خرج من لبيت حط سبردتيلتو غسل رجلو دخل لبيت سد لباب وتخشا من موراااها بهدووووء قرب عندها شوية بشوية ضاارت عندو وكان أقرب من لهوا للي كيتنفسو حتى بغا يبوسها تخشات براسها فصدرووو دور يدو عليها وغمض عينو...)
اطمئنو على الحاجة للي نزلت ليها سخانة فرحت بمجيتهم تغداو كانت ليلى موجدة ليهم... بقات الحاجة معنقة هند للي تكات معاها ففراااشها خلاوها على خاطرها أمال دخلت لبيت بدلت حوايجها تم داخل زهير
أمال: زهير غترتاح؟!
زهير: اشمن راحة خاص نمشي للمحال نشوف واش طاري تم
أمال: ورتاااح غير شوية احبيبة
زهير: مصااالحش ازييين ديالي خاص نروووح نعرف غير واش كاااين
أمال: اممم ومتعطلش
زهير: (جرلها وجهها باسها فمها) وجديلي داك **** نضرب والديه هاد الليلة
أمال: احااااي (خرج جابلها الظحك.. سدت من موراه لباب بدلت حوايجها دارت الشال وخرجت مشات طلات على الحاجة وهند كانو ناعسين تبسمت سدت عليهم مشات للكوزينة لقات أنوار تمااك خرجت)
أنوار: أمال (خرجت مزروبة كانت بغات غير تشرب... تبعها كانت دخلت لبيتها زادحة لباب خرج من تمااك ونيشان مشا لداارهم شد بنتو ودخل لبيتو...
دخل عندو باااه هضرلو على العقد)
حشومة ياله السيدة ماتت
لكبير: ماشي درك حتى السيمانة جاية
أنوار: حسن خليها من دابا شي 10 أيااام
لكبير: 10 ايام بزاااف اولدي نبقاو غير نأجلو
أنوار: بّا اش بااانلك فمشروووع (بقا كيعاودلو افكارو ولكبير عاجبو الحال وواعدو يوقف معاه ودابا الا اص يشوفو شي محااال للي يكون فوسط لمدينة اما لكليان حالهم ساااهل للي جا وملقاش شي حاجة غيلقاااها عند انوار...)
~~~~~~~~~~~~
شيماء: (كانت بنتها كتلعب فوجهها فيقااتها لقات يدين على كرشها بغات دور مصلاحلهاش حيت كان مزيرهاا.. تبسمت شافت فبنتها)
شتتتت بابي نااعس احبيبة
(بقات كتحاور معاها حيت تربية بنتها كانت هادئة وكتسمع مكتعذبهاش هبطت لتحت ومشات لصندوق اللعاب ديالها وجبداااتو.. شيماء بقات مكوانسية حتى تشوك زغب لحمها منين دار يدو فوق ديالها)
أشرف: فقتي؟!!
شيماء: (صدمها واش نيشان تمااك)
أشرف: (باس جلدة ودنها حتى تبوورشاات ضورها عندو شاف فيها وهي مرة تشوف مرة تحني عينيها) شيمااا
شيماء: اممم
أشرف: زواجنا راه حراام هاكا خاصو يكمل
شيماء: كتشوفي مرااتك أشرف ولا لا غير مبزز عليك
اشرف: انا للي بززت روحي عليك ولدابا مزال مبزز رووحي وغنبقى مبززها
شيماء: (تبسمت كنتسنى غير كلمة كنبغييك منو)
أشرف: واش بانلك راه خاص نحلل زواجي بيك
شيماء: هه
أشرف: (قاس نيفو بنيفها) حتى تنعسي مريااامة راااه توحشت (شافت فيه) بيتي
شيماء: ههه صافي نتبادلو نمشي لبيتك ونتا رجع هنا
أشرف: فالليل واخا لݣاك كتخ** غنشد مك نتي ختاري فين تبغي اما انا ح*** ح***
شيماء: (خرج أشرف وبقات غير كتفرنس... تفكرت شحال من مرة حتى كتبغي تزيان وتقادلها كتعواج من شي جيييه استغفرت الله... اول حاجة دارت دخلت للدوش مرة أخرى ولكن عواالة تقاااد متخلي حتى زغبة فيها... معندهاش لاصير كان قدامها حل واحد جيلييت مشات بالزربة نشفت شعرها معندهاش بلاك ولا بابيليز دهناتو بسيروم أرݣان دارت جمعاتو وخلاتو طوب شوڤال وظفرااتو كان شعرها طوال شوية... صبغت ظفار رجليها بالاحمر ويديها فݣرونة دخلت لبيتو جبدت غوب دونوي للي كان شراه هداك نهار بقات كتبكي بنتها مشات عندها بدلات ليها رضعااتها وحطاتها كتلعب كان قالها غيجيب ماكلة من برا... دهنت لحمها من كريمة كانت عطاتولها هند وصلت 8 هزت بنتها عطاتها الصوبا وداتها لبيت تنعس وهي كترجف متوترة بزاااف نعست مريم.. لبست داك لغوووب شافت فلمرايا كانت خارجة ليها لكريشة شوية ودوك شراااطي حيت لحمها تشرط ومعنااتش بيييه.. لبست لبينوار للي حتى هو شبكة مشات للحمام غسلت سنانها وعكرت ودارت مسكارااا.. سمعت تيليفونها كيصوني مشات جاوبات كان هو) حم.... الوو
أشرف: واش تبغي فلعشاا؟!
شيماء: امم للي كان
أشرف: الروز بالحليب
شيماء: هههه مكناكلوش
أشرف: ݣولي اشيماء راني واڨف شاد الصف
شيماء: لازاااني
أشرف: واش دشي
شيماء: ههه ݣولو لمول سناك وهو يعرف
أشرف: واخ الآلة (قطع دموندا وحتى هو خدا من داكشي للي خدات تسنى داكشي خلصو ونيشان للدار طلع معاه شنو شرا حل لباب كان الهدوووء) شيمااااا
شيماء: (بقات فلكوزينة وااقفة... جمعت انفااسها وخرجت عندو مقدرتش تشوف فيه اما هو بقا واااقف كيطلعها من رجليها لراسها بشووووووووية..)
أشرف: مشيييت فيها
شيماء: اشرااااااف بلا والو حشمت من رااسي
أشرف: (قرب عندها حاط داكشي فوق لحويييط صغير ديال الصالون.. شد يدها مقربها لصدرووو) هادشي خاص يولي عادي بيناتنا
شيماء: (مقدرتش تشوف فيه نظرها حدو كتافو) صافي نسيت كولشي
أشرف: بحال اول مرة نعرفك
شيماء: (تبسمت) متبقاش تعايرني
أشرف: (هز يدها باسها) سمحيلي اشيماااا (شافت فيه دار صبعو فحنكها كيتحسسو برقة) غلطت معاك بزااف ولكن غيييرتي عماااتني
شيماء: الله يسمح لينا ݣاع
أشرف: (باس جبهتها مطولا... باس حنكها رجع باس شنافتها )
شيماء: (كان واقف شاد وججها بيديه وكيبوووسها حتى سخفها بعد شوية) نتعشاااااااو
أشرف: (نزل كيبووووس عنقها باغي يكتااشف بوان فيبل ديالها للي غير كيقيس بشنايفو عنقها كيحس بلحمها كيتبوووورش... بغا يبدا معاها دقة دقة حيت الجملة للي قال انه بحال عاد عرفها غيطبقها غينسى انها كتعرف دير شي حاجة غيتعامل معاها كعرووووس جديدة واخا عندها بوسان خطييير مخليااااه كيعرااق ويحماااار.. حنا هزها) يا جدك شحال راني نتشهى فيييييك
شيماء: هههه (الفرحة كتنقز من عينيها.. كتشوف فين ماشيين كان بيتو دخلووو حطها فوق النموسية وطلع فوووقها) حااايد صبااااطك
أشرف: وايلي اشيما واش وقت الصباااط
شيماء: ههه حايد صباااطك
أشرف: متعرفيش تݣولي حايد سرواالك (بقات كظحك حتى شافتو بالصح حايد سروالو وتريكوه بقا بالشوورط)
شيماء: طفي الضو
أشرف: (شاف فيها) نخرج الا بغيتي
شيماء: عفااااااك والله حشمت
أشرف: وشنو مشااايفش اعمري (طلع فوقها قبل متهضر بقا كيبوووسها وكيحايد حوااايجها حس براااسو غينفاااجر كتر من عام مدار شي حااااجة... دغيا زرب عليها حايد ليها حوايجها وحتى هو بقا كيبوس فلحمها كووولو مخليها منساجمة معاه غير هز ليها رجليها اول ذكرى جاتها منين حسن خشا فيها مووس تماااااك لحمها تبوورش ورجعت وفاااقت من داك الاحساس للي زرعوووو فيها.. حلت عينها مطرطقاااهم مكيتنشالهاش ديك اللقطة بالألم للي حساااتو.. بقات بحال شي خشبة زيرت على فخاضها)
أشرف: حلي احبيبة رجلك
شيماء: عفاك متوجعنيش
أشرف: متخافيش
شيماء: (خالفتو يتقلق منها حلت رجليها للي كيترعدووو دار يدو عليهم كيبغي يحبس داك رجيييف)
أشرف: شيماا تكلماااي متخاافيش (ظن منو خااافت حيت داك نهار تكرفس عليها)
شيماء: (حركت رأسها باه) واااخ
أشرف: (بغاها تكون منساجمة معاه كيف كانت فاللول.. رجع كيبوسها بشوية همس فودنها) متخاافيش (كيشوف فعينيها باش يلهييها حتى بدا كيدخل حس بيها مزيرة بزاااف وهي عاااضة على شنااايفها بلحرييق عنقها وبقا خدااام وهي كنحس بلمووووت لحريييق وغير كترجف حتى غوتت خاالعاه ولكن كان ديجا boom boom... شاف فيها وباس جبهتها كان إحساس زويييين عندو وهو كيحسها مزيرة بزااف بحال اول مرة قاااسهاااا... لقاها كتبكي وهو كيلهت)
مالكي؟!!!!
شيماء: مقدراتتش تهضر بالحريق
اشرف: (ناض من عليها وزادت غوتت حتى خرجو.. شاف كان دم قلييل مابغاش يزيد يخلعها... نسا شنو كان دارلها حسن...)
عادي احبيبة تعدمي حيت غير مرة وعلى شحاال
(لمووت دلحريق.. جاب كاشة غطااها لبس عليه شورط)
شيمااااا هانتي شوية وتكوني بيخير
شيماء: (غمضت عييينها كان حريييييق... كتحس غير بيدو كتلمس شعرها للي تشعكك.. مناض حتى وقفت من رجيف مشا دخل الحمام 5 دقايق وخرج لبس جاب لعشااا عيا معاها مابغاتش تعشااا)
عفااك بغيت غير رتاااح... غير نعس شوية قبل متفيق مريم (حرك راسو باه مشا تعشااا فاقت مريم مشا قادلها حليب عطاها شرباتو ورجعت نعست مشا عند شيماء قاس جبهتها كانت سخونة شوية ماشي بزاف زاد غطااها حيت ناعسة عريانة خلا باب بيت مريم محلول وحتى بيتهم ونعس حدا شيماء وكل مرة يتحسس واش كاينة سخانة....)
دازت الايام عند الأبطال... شيماء أشرف كيحاولو يبداو صفحة جديييدة وكل مرة كتغلب علىى مخاويفها من للي داز عليها واخا لحريق هو هو... زهير وأمال لا شيء يذكر روتين عادي هند جالسة فدار الحاجة ووليد بين الخدمة وبين محالو مع محمد ويرجع عند هند للي رجعت خلوية
أمال: هند غدا رمضان تبغي نخرجو شوية نمشيو نشريو شي حاجة
هند: مافياااش
أمال: لا غنخرجووو ودابا لبسي حوايجك
الحاجة: خرجي ابنيتي منين جيتو من فاس مخرجتو راه ممزيانش هادشي للي راكي ديري فيه
هند: (حركت رأسها باه شافت بنتها جايبها أمال ملبساها حوايجها هي ومروان ناضت لبست سورفيت مع سبرديلة لوات شاال عليها )
أمال: ديري عكر
هند: سييري تبعديني
أمال: اختي متخرجيش معانا ونتي مبهدلة هاكا
هند: ياااك الآلة نفكرك كيفاش كنتي
أمال: كاااان فعل ماااااض عطيني شنو عندك داباااا
هند: ههه (حيدت الشال دهنت واقي الشمس دارت عكر خفيف ومسكاارا شافت فراسها ضعاافت والضعف مكيجيش نهائيا معاها...) وليت حاالتي
أمال: انا حسابلي كنتي حاملة
هند: اش ندير بشي حمل دااابا راه غيثة مزال صغيرة
أمال: مسكييين ولد عمي محن
هند: (تبسمت) بقا فيك
أمال: راه خوويا الا مكنتيش باغيااه نجوجووه
هند: تتقلبي علية نتي
أمال: راك نتي للي كتݣلبي على شي حاجة ماشي هي هديييك (خرجت صونات على زهير علماتو هبطو من بعد إذن الحاجة للي جلست كتطيب بوشيااار لسحوور ركبو فطموبيلة ديال هند)
هند: يا حبيبة سمحت فيك حتى تغبرتي
أمال: وييييه
هند: (عنقت لفولون عاد ديمارات بقاو كيهضرو فواااضيع حتى وصلو لمدينة حطات الطموبيل ومشاو كيدوورو شرات أمال قريعات صغار ديال العصير عندهم غطاية خشب حتى هند عجبوها وخدات لدارها تحمست ودازو كيشوفو الجديد كانو ديكورات الاطباق على شكل رخامات ولا حجر أسود خداااو حتى تسلا ليهم فلوس للي خرجووو)
ويلي للي تبعك ازمر كنت باغية نشري شي حاجة
أمال: ههه ياله نجيبو لفلوس من عندهم
هند: حسن عوان زهير معاك
أمال: هو للي كيݣولي طططط ونعطيك لفلوس للي بغيتي
هند: هههه باااز كتساومي راجلك بالفلوس
أمال: ههه شي مرااااات (دازو خداو عصير وكيلعبو ولادهم دوك الطموبيلات ديال لحجر... شافتها كظحك بعدا وخرجت من داك العالم.. جاهم الجوع ومبقاوش لفلوس زمخرجوش كارت ݣيشي... ركبو ومشاو عندهم للمحال يجيبو فلوس...)
بففف مشاو فيها حلاقمي هاد الليلة
هند: هههه (حتى بكات بالظحك) نتي راك خسرتي....
يتبع...
التعليقات
لا توجد تعليقات بعد، كن أول من يعلق.