محتوى القصة
أمال: (متبسمة وهي كتشوف زهير داخل وباينة عاجبااه شنو دااارت دخل ببنطوفة ديال لبيت كيشوف هز حبة ديال الشكلاط وعينو فيها دارها فمو مشا باش يسلم عليها مدت حنكها حتى هبط كيبووسها وقسم الشكلاطة فالنص ومن فمو لفمها تلفت من شنايفو لسانو الشكلاطة بعد وهي تسرطها هكاك قرس نيفها) كيف داز نهار؟؟
زهير: (كيشوف شمع عجباتو هاد الحركة.. رجع شاف فيها) زييين وزاد زيان درك
أمال: (تبسمت) توحشتك
زهير: باغية تسكتي لمّا لݣلب!! شمع ضواو (شدها من يدها ودورها معنقها باس كتفها وهو كيلعب فكرشها للي عريانة) وعلاه كضرݣي علية خييري
أمال: ههه
زهير: دخل يدو تحت جاكيط ديالو وجبد اونڤولوب فلبيض وحطو حدا وجهها.. باش نسو جدو هاد لغيار
أمال: (شافت مكتوبة تحليلات مختبر السلام) شنو هادو؟!!
زهير: (هو كيبوس عنقها وهي كتعنكش) تحاليل للي ݣلتيلي
أمال: درتيهم؟!!! وعلاش متسنيتش نمشيو بجوج؟؟؟ (دارت عندو متبسمة عاجبها الحال)
زهير: على الله متعاوديش تݣولي لواه كتفسد والحرام راه الواحد كيغلط ولكن كيندم وكان ممكن منݣولش غير الوقت للي ݣلتها كنت حمار
أمال: هه واه
زهير: واه كنت حمار؟!! (حركت رأسها باه كظحك) واااه اجدك ݣلبي عندك ديري مابغيتي فيه... ياله حليه
أمال: مكيهمش شنو فيه (على اساس الا حلاتو غتعرف تقرا شنو فيه)
زهير: ولاه دلفضيحة كاملة
أمال: (تعلات على ريوس صباعها وعنقاتو) شكرا بزاااف ازهير
زهير: (لاح دوك التحاليل للي ديجا عرف شنو فيهم)
نسااو علينا احبيبي هادشي وخلينا عايشين حياتنا...
(باستو فعنقووو وتبسم باغي يخليها تبدا تزعم عليه.. بعدت شوية ورجعودغيا بالزربة شدها كيبووسها حتى بعدت كتلهت)
أمال: انتعشاو.. (حرك راسو بلا وهو كيشوف فيها ديك الشوفة ديال نشدك منطلݣكش) راه يبرد
زهير: وهدا للي سخون واش نديرو فييه لعشا يتسخن وهدا؟!!
أمال: ههه زوهييييير تأ انتعشاو من ݣبيل وانا واݣفة نطيب ليك
زهير: (مابغاش يخسر ليها وهو عارف تابعهم الليل كاامل) اممم واه جيبي هاد لعشا الآلة انا ندخل ندوش باش المذاق يجيك هو هداك
أمال: اشمن مذاق
زهير: (غمزها) درك تعرفي ههه... (دخل خلاها كضور عينها خرجت مشات للكوزينة سخنت داكشي للي مزال سخون شوية حطت العصير فكويسات مقادين سكسفات على الاطباق مزيان وبدات كتوصل لبيت نعاس مخلية دو خااافت شعلت التلفاازة دارت فلم خرج لابس سروال وتيشوورت حيت لبيت دافي.. شاف فلعشا متبسم)
هاد الليلة حلات خاص غير شي بيرااات
أمال: احااي استغفر الله
زهير: هههه نسكر جدك وندير فيك مابغييت
أمال: ههه جلس تاكل (جلس كياكل ويشكر فيها ويبوس يدها هز كاس العصير ضربو دقة وحدة وهي مزال كتشوف فيه حتى هزها من تماااك حاطها فوق لكنابي وهي كظحك حتى بدا كي*** فجو رومانسي...)
بشرى: (بقاو مصدومين مفهمو والو كانو حاطين التيليفون فوق الطبلة مكالي مع قرعة ديال لما فتانية سمعو غوات وشي ضو بحال النار وتقطع الاتصال مع مهم.. تشاوفو بيناتهم)
واش صار؟!!
عبد الله: عاودي صوني (هزت بشرى التيليفون كتصوني أبيل ڤيديو كطلع ليها غير appel يعني مدخلاش الكونكسيون صونات على دعاء نفس الشي حتى أنوار رجعت صونات ابيل عادية تيليفوناتهم مطفية من غير انوار دخل معاهم الصهد كولشي وقف كيعاود يصوني بين مهم وبين انوار)
بشرى: اويلي ياكما طرات شي حاجة؟!!!
عبد الوافي: هاديك ماين دعا معندكمش نمرتها ياكما الريزو للي ݣطعوه على لمطار
عبد الله: وعلاه انوار تيليفونو كيصوني وميجااوبش من ديما حمااار مكيهمو حد
بشرى: (بقات كترجف وضارو بيها نسا خوتها) شي حااااجة ماشي هي هاديك واش مطار دولي قدو قداش غيتقطع الريزو فيييه (بحرا كتنفس) شغلو التلفاازة جات تكون شي حاجة
جيهان: واش جاب التلفازة درك اختي بشرى
بشرى: شعليها عفاااك (جلست ودراري مزال فمحاولات الاتصال كيصونيو بين أنوار وبين مهم..
تشعلت التلفازة وناضت هزت التيليكوموند كتزرب) فين هاد زمر فيييين
عبد الله: (خطفلها التيليفون) علاش كتݣلبي واش حنا فمنا ولا فالتلفازة
بشرى: ديرلي اخبار لفروونسي (حط التيليكوموند ممسوقش لتفاهتها اما هي بقات كتقلب ملقاتهاش هزت تيليفونها دخلت لانستغرام حتى كتصدم بخبر من هيسبريس (نفجيرات عنيفة في مطار باريس الدولي ) طرطقت عينها دخلت صفحات فرنسية ويدها كيرجفو للي مصور من برا المطار للي مزال الاطفاء كيطفيو العافية للي فيه للي كيصور الضحايا للي برا ودميااتهم سيارات الاسعاف معمرة الدنيا البوليييس بقات كتنهج بحال جرات شي 3000متر.. بقاو كيشووفو فيها)
مممـــمااما!!! (لبكية فحلقها موحلة كلامها بحال شي بيبي كيتعلم الهضرة ومكتبغي تخرجلو حتى كلمة وااضحة)
مـــاا………مااااااامااااااااااااا (بقات كتغوت وضرب فراااسها) خويااااا مااااااامااااااا
كولشي تصدم معارفينش شنو شافت ولا قرات ولا عرفت ولكن ردة فعلها خلاتهم يتزعزعووو عبد الله رجليييه فشللووو مقدرش يوصل لختو عبد الوافي بلع ريقووو ومشا هز التيليفون من عند ختو كيشوف لايڤ من موقع الحدث مباااااشرة كيشوف المطار للي مزالة العافية شاعلة فيه ومو وخوه ونساابهم كانو لدااااخل حط يدو على عييينو قلبو كيضرب لعيالات رغم الكاملة وقسااوتها مرة عليهم الا بقاو كيغوتووو حدا بشرى دراري صغار جاااو.. شوية تفتح لباب كان باااهم مخلووع عليهم وتتبعاه ليلى
لكبير: مااااالكم؟!!
بشرى: (كتبكي صوتها كيتقطع) ماااماااا (مقدرتش تهضر)
لكبير: مالها مك ياك راها مشات العمرة
ليلى؛ (مشات عند بشرى شدت فيها شافت فيها) شنو وااقع مال ماماك ابنتي؟!!!
عبد الوافي: (جلس كيبكي ولكبير باغي يفهم) مّا ابّا المطار فين كانت هي ووو (طرطق كيبكي) هي وخويا صغير وبنتو ومرتو ومها فجروووه فجرووووه الكفرة بالله ورزاااونا فيهم (بهاد الكلمات زادت حدة لبكى ولكبير طرطق عييينو مصدووووم حيت العشرة مكتهون غير على ولاد لحراام واخا يكون مصرف فيك الشر.. والفاااجعة ولدو للي مابغاش يسمحلو ولا يسمع صوووتو محس حتى طااااح جااالس فمنظر محزن ليلى براسها كتبكي حيت من طبعها حنيييينة دفنها متنساهاش ولكن حنييينة... بشرى مقدرتش تصبر حااسة بخنقة غير كتغوت وتعيط ماما خووويا مشاااو خرجت لبرا حدا النفوورة وتغوت وتابعينها لعيالات كيبكيييو..)
بشرى: (بحرقة كبيييرة) ماماااااااا (بصوت باح) انواااار.....
زهير: (وقف كيضور فعينييه خلا أمال مكوزة للي براسها دغيا داارت شافتو حل الزاج وطل بين السرجم ولغوات كيتزاد)
واش صاااير هنا؟!!!
أمال: (تحشات تحت لملاية.. كتنهج) معرفت
زهير: (شاف لعيالات كيف كيبكييو وليلى حتى هي واقفة ودايرة يدها على وجهها) هاني جاي (لبس سروالو وتيشورتو)
أمال: لبس عليك ازهير راه لبرد برا (رجع لبس قبية ودار كاسكيط ) واش نجي حتى انا؟!!
زهير: لا.. (قاد مسائلو وهبط بالزربة خايف تكون وقعت شي حاجة لخوه.. حل لباب كيسمع ماما أنوار سول ليلى للي واقفة بعقلها وكتبكي) واش صاير اختي ليلى
ليلى: لا حول ولا قوه الا بالله العلي العظيم الكاملة كانت فالمطار للي تفجر وكان معاها حتى أنوار وعائلتو
زهير: واشتا؟!!!!
ليلى: هادشي للي عرفت كانو كيهضرو معاها حتى تقطع فاش قلبو لقاو المطار تفجر لا حول ولا قوه الا بالله العلي العظيم.. شوف خوووك مسكين جاع توقعلو شي حاجة
زهير: (تصدم دخل لقا خوه جالس مصدوووم وولادة كيبكيو.. جلس على ركابيه) خووويا
لكبير: (عنقو) ولدييييييي مشااا يا خويا مشااالي ولدي (وكيبكي زهير براسو مفاهم واالو كيواااسي خووه وݣاع لوقاات للي دازو زوينين هو وانوار دازو قدااامو وحتى الكاملة واخا دارت معاه فعايل خايبين ولكن مينساش كانت كتهلى فمو مرة مرة دمعة حااارة نزلت منو واخا للي كان حتى واحد متبغيلو شي مووتة هاكااا وأكترية أنوار حيت موضوع السرقة تناسااااه من شحااال هادي...)
لكبير: خويا نتا للي راك تمشي لبراا سير داابا انا نعطيك لفلووس سييير اخويا وجه ما سير
عبد الله: واه اخويا سير غير عرفنا واش صاااير واش راهم حيين ولا ميتيين
زهير: واش انا منبغيش نمشي
عبد الوافي: (بحزن ودموع فعينيهم)
شوقنا منا وهوما وبنتو واش حيين
زهير: راه الا المطار فيه هادشي كيف ندير ندخل لتمااا؟!!!!
لكبير: (كيبكي جات ليلى عنقااتو) عفاااك اخووويا غير نعرفووو (زهير معرف ميدييير الباسبور مزال عند المحامية وداك لمرات كانت قالت لوليد ممكن يساافر وحيت معندو سوق ممشاش حتى جاابو من المكتب ديالها... بغا يبوسلو يدو وهو يبعد يدو)
زهير؛ ياو واش راك دير اخويا (باسلوب يدو ورااسو) نشاعالله يكون خيير
لكبير: درك؟!
زهير: درك.. متݣولو لمّا والو متفيقش على خلعة راه اصلا الطونسيو عندها طالع بزاف... (وقف مشا خارج كيتنهد من هاد المنظر وشحال صعيييب فراق الأم والاخ وبهاد الطريقة وهي بعييييدة عليك ومعارف واالو... مشا لدااارو... لقا أمال مزال فلفراش عريااانة شافتو هكاك مفهمت واالو مشا نيشان عندها وعنقها بكل جهدووو)
أمال: شنو واقع ازهير؟!!
زهير: الكاملة وانوار ومرتو بنتو ماين مرتو كانو فمطار وشي واحد فرݣعو
امال؛ وماتو؟!
زهير: (زفر) يعلم الله... (بقات مصدومة شاف فيها) خاص نمشي لتماا دابا
أمال: (بسرعة) لا لا لا معندك فين تمشي
زهير: حبيبة خاص نمشي بعدا نعرف واش حيين ولا ميتين صحابي ݣاع فلبجيكا مراني نعرف حد فباريس
أمال: لا لا واش تماك كيفرݣعو ونتا تمشي لا والله ومتمشي تم..
زهير: (مقادرش حتى يهضر) اماال متزيديش ما بية (بوجه حزين) خويا لتحت وولادو شحال يرغبوو راه مهم وخووهم معندهم حييييلة وانا منݣدش منعاونش وانوار واخا دار هكاااك الا منساش شي لاااخر
أمال: (عمرو عينيها لدموع خايفة عليه) عفاااك متمشيش
زهير: متخافيش غير غنعرف وغرجع
أمال: عفاااااك (رجع عنقها وبقا شحاااال هكاااك.....)
الحاجة سمعت الهرج وفاقت هبطت عندهم عاودو ليها ولكن بلا تفاصيل على الله زهير يمشي ويجيب اخبار زوينة... بقات أمال معاها كتواسيها واخا شحال وهي ترغب زهير ميمشيش ولكن الواااجب كأخ وكعم خاصو يلبيييه.. مشا عند وليد للي محلو لباب حتى بقا كيضرب حيط بيت نعاس ديالو بالحجر هبط عندو
زهير: (عاودلو كولشي) عندك نمرة ديال المحامية
هند: (الي كانت كتصنت طلت براسها) اش بغيتووها؟!!
زهير: خاص تعطيني باسبور ديالي.. خاص نمشي دابا لمونتروي Montreuil هي للي قريبة لباريس بشي 18 كلم
هند: ونسيتي اخويا زهير بسبابو كنتي غدخل الحبس وبسباب مو كانت أمال غتموت
زهير: (زفر) الله يسااامح غير يكونو حييين هوما يظلو يبيعو فينا وحنا نشرييوهم
هند: الله يسمعكم خبار الخير
زهير: اميين واش عندك نمرتها؟؟!!
وليد: (بقا ساكت الا جاوب باه ها مشكل الا جاوب بلا صاحبو غيزيد يوحل) صبر نشوف واش بقااات
هند: (هزت حاجبها) راها باقية غير عطيهالو (شاف فيها بحال كتحلف فيه دار راسو مكيشوفهاش)
زهير: رواح معايا نمشيو عندها
هند: واخا انا لبس حوايجي (بقاو كيشوفو فيها زهير خرج كيكمي تفكر راسو مدوشش ركب فطموبيلو ومشا بالزربة دخل لدارو كيدوش طلع وليد ميقدرش يقولها بقاي مابغاش تزيد تعكس معاه هبطت ملقاوش زهير كان خلا ميساج لوليد يتعطل ربع ساعة)
علاش بقات النمرة عندك؟!
وليد: راكي عارفاني اخر حاجة نهز التيليفون ونبقشش فيه
هند: وعلاش اصلا عندك نمرتها
وليد: (شاف فيها ولاح ذراعو على كتفها وعنقها) راكي عارفة احياتي المشكل للي كان دزهير
هند: وعارفها فين ساكنة
وليد: انا لا ولكن شماتة دأشرف عارف
هند: مزال مغتصلح معاه
وليد: لا.. (وقف زهير لطموبيلتو داير كاسكيط والقب زادو من سكات نيشان لدار اشرف قربو..)
زهير: صوني عليها أوليد
هند: (بقات غير كتشوف زهير عزييييز عندها ميمكنش تبرهش فالوقت للي فيه دابا...)
وليد: الو السلام عليكم.. (عرفاتو بقات غير مبهوضة كيصوني مع 11 دالليل!!!) الووو
أحلام: حم عليكم السلام صافا وليد؟!
وليد: الحمد لله اختي سمحيلي صدعتك فهاد الليل كنت بغيت شي حاجة منك
هند: كفاش شي حاجة منك دخل نيشان فالموضوع
أحلام: (سمعاتها) اهاااه مرحبا
وليد: باسبور ديال زهير صاحبي باغيه واش صالح باش يخرج بيه دابا عادي زعما!!!
أحلام: اه داك نهار قلتلك صاالح ليه واش تبغيوه دابا حيت الطموبيل خليتها لميكانسيان (هند كتغدد)
وليد: معليش ندوزو عند اشرف يورينا فين ساكنة ونديوك للمكتب ديالك
أحلام: واخا انا نتسناكم فين باغي يمشي عندي صاحبي بوليسية كطبع فالمطار باش تسهل عليه لمشية
وليد: زهير فين غتمشي؟!
زهير: Montreuil...
هند: (بقات شادة وليد فالطموبيل كتشغلو بأي موضوع مخلاتوش يطلع المكتب مع زهير هبط زهير جايب لباسبور ديالو وحتى من الطيارة قطعات ليه لبيي من تيليفون ديالو شكرها وهبطو باش يوصلوها جلست حدا هند اللور.. لي جلست حداها وهي مكرهتش تقجها)
زهير عطيني نقطع ليك لبيي بلا متمشي ضيع وقت تماك
أحلام: قطعتلو (تبسمت)
هند: وعلاش تتعيي راسك
أحلام: عادي مكاين حتى إزعاج
هند: (لوات شنايفها) ممكن!! (قلبت وجهها وصلها لدارها نزلت بغا يهبط زهير ومخلاتوش باش ميتعطلش حيت الرحلة للي قطعاتلو بقات ليها ساعة ونص.. كملو طريق) ظرااافة الزااايدة
وليد: هند!!!
هند: سمحلي بنادم للي تيكون ظريف كتر من لقياس كيكون فراسو دغل اه تعاون الواحد ولكن ماشي تلسق (مجاوبوهاش زهير صونا على أمال للي خلاها مديرونجيا طمنها وعطاها الجديد شي ساعة لاروب كانو فمطار الدولي أنݣاد وجدة هبطو مخلاهمش يدخلو جوج وصى عليهم مو وأمال خلالهم سوارت طموبيلتو ودخل مهاز واالو معاه فقط وراقيه باسبور ديالو مشا طبع تكمل الإجراءات القانونية داز صرف الدرهم للأورو ومشا كيتسنى صونا على أمال ابيل فيديو شافها كانت دايرة الفولار للي غير لايحاه عليها وشعر باين)
زهير: ݣادي شعرك (دخلت صباعها كتقاد لفولار) صافا!!!
أمال: (بحزن مبغاتوش يمشي خايفة عليه) لباس ونتا؟! وشحال تجلس
زهير: معرفت احبيبة نشوف نݣلب والله بروحي داايخ وتاالف
أمال: موحال يخليوك تمشي لباريس ياك فيها تفجر داكشي ياكما يفجرو حتى المطار للي فديك لمدينة
زهير: هه كيعجبني التفائل للي عندك
أمال: وخفت عليك ازهير
زهير؛ (حرك راسو) كيف بقا خويا
أمال: طاحت سخفت بنتو وداوها لصبيطار
زهير: أمل كتهضري بحال مم... (شافها كتهضر بطريقة ممسوقاش) ومّا فينها؟!
أمال: راني بززت عليها تمشي للدار عرفتي مسيكينة رجعت صفراا عطيتها دوا وتكاات شبعت بكاااا وهي مرييضة
زهير: (زفر) خليك معاها احبيبة بلا متمشي تقراي وتخليها
أمال: احاااي واش عاد تݣوولها ازهير
زهير: (سمع نداء المسافرين باش يمشيو للطيارة)
غير نوصل نعيط عليك خلي تليفونك حداااك ومديريش صيلوونص يدي الدار وبقاي مع مّا للي خصاااتك کوليها لوليد
أمال: واخا
زهير: لفلوس راكي عارفااهم وين كاينين انا غنبقى كل شوي نصوني علييكم (شاف فيها) تهلاي في روووحك (قطع ومشا باش يطلع يركب... طلع للطيارة شحااال ممشا شوية وطاارت بيهم والحديث كولو على الارهاب وان داااعش هي للي تبنات التفجير للي وقع فمطار بارييييس... شاف شي وحدين كيبكيو يمكن يكونو بحالو حتى هوما ماشيين يقلبو على العائلة ديالهم للي كانو غيجيو ولا يسافرو... مسافة ساعات قليلة وصل لمدينة مونتروي كمل الاجراءات للي كانت مشددة لي نفعاتو هو جنسية ديال بلجيكا للي عندو اما للي جاي سياحة ولا ڤيزا شددو معاهم.. خرج وكما اي مطار كاينين تاكسي للي كتوصلك فين بغيت مشا يتفاهم باش يوصلوه لباريس مع اول واحد قالو 1000 اورو (10000 درهم مغربية) قلب الدوورة كينݣر)
من المغرب وجاي ب700 درهم بقا كيشوف زاد على رجليه المطار كاين فوسط لمدينة وباريس بعيدة عليها غير ب18 كلم سول على لباصاات مشا ركب ب 5اورو وصلاتو لباريس للي واخا 4 صباح كانت مقلووبة بهاد التفجيرات شد تاكسي نيشان للمطار وقلبو مزير عليه...
هند: (راجعين فطريق) زعمااا الا كانو بالصح ماتو شنو غيدير زهير
وليد: غيجيب يدفنهم هنا
هند: نتا عارف فيها بزاف دالاجراءات والفلوس
وليد: وسمو يخليهم تم
هند: اوا هوما للي بغاو يمشيو لبرا انا تنشوف الواحد منين تيكره بلادو ويمشي لبلادات الناس الا حتى دفين معندو باش ينفعو الا تدفن هنا
وليد: هي دابا انا وكان مت نتدفنولهيه غي حيت مشيت نخدم تماك
هند: علاش ازمر نتفايل على راسك هاكا من اللخر أنوار والكاملة تعداو خدوودهم مع أمال وكرهتهم ماتو الله يرحمهم ولكن راه تعدااو وبزاف
وليد: هند دعي معاهم بالرحمة
هند: الله يرحمهم ولكن زهير تكرفس على وحدين تكرفسو عليه معندها معنى
وليد: باه ومو رغبووه ونتي عارفة زهير وانا ونكون فبلاصتو نمشي.. (مشاو نيشان لدار الحاجة هند مشات عند امال كيتعاودو ووليد بقا مع لكبير وحتى شي جيران جاو ولبارك ديال الطموبيلان عمر وبقا للي بقا حدا لباب ومنهم ميرسيدس فالكحل...
كولشي كيتسنى خبر من عند زهير للي يطفي العافية يا ماتو با ممتاوش مهم ميبقاوش غشااام ومعارفين واالو)
~~~~~~~~~
زهير: (عيا كيشوف يقلب بعينيه كيسمع للي خرج من المطار الأغلبية ميت ولا مات فطريق ولا فحالة خاايبة وساعاااتو معدوودة... مشا عند بوليسي عرف براسو وبغاويسول على سمياات ولكن مزال متعرف واالو عاد كيقادو الاجراءات وحيت عربي خلى شكوك عليه من طرف بعض العنصريين للي كيعتابرو اي عربي مسلم إرهااابي ومشا لبلادهم فقط باش يدمر ويفجر...
تبعووه وهو ماشي يشد تاكسي لصبيطار وقفو عليه 4 وحدا بنت لابسين جيلي ديال لبوليس بداو فالاسئلة ديالهم ولكن بطريقة غير حضااارية وفيها استفزاز ليه كأنه متهم زهير كيجاوب معصب دمو كيفوور وباغي يكالمي الطرح.. حتى تدخل واحد كيهضر معاهم باستفزاز وبرووود وان القضية داخل فيها والا كان التعامل هاكا غيمشييو واكيد كانت المخابرات المغربية لحماية التراب الوطني للي كتستاعن بيهم الدول الأوروبية فهاد المواقف)
يونس: (للي قراو قصة سيدتي غيعرفوه) معاك يونس ظابط مخبارات
زهير: (مكره) زهير.. عندي محال ديال الاثاث ههه
يونس: ههه شكون العائلة للي كتقلب عليها
زهير: ولد خويا ومو ومرتو بنتو وماين مرتو
يونس: فاشمن طيارة زعما فين كانو ماشيين
زهير: للعمرة مرت خويا بوحدها هوما غير وصلووها
يونس: اممم الأغلبية كولشي داوه لصبيطار تماك غتلقى سمياات
زهير: شكرا الشاااف
يونس: عرفتي شنو عطيني سمييتهم (جبد طابليط بقا زهير كيفتي واول اسم كان انوار ياله جا يفتي لكنية) أنوار المومني؟!!
زهير: واه واااه هو واش حي؟!!!!!
يونس: (كيقلب شنو المعطيات الي عندو)
زهير: واش ميت؟!!!
يونس: معرفتش للي كان فاللول حالتو خطيرة لبنت للي لقاو فطموبيلتو واش بنتو؟!!
زهير: (مرفوع) يمكن!! انا عاد من لمغريب شفنا هادشي غير فالتيليفون
يونس: اممم قاسحة على العائلة
زهير: (زفر) بزااف (جبد ݣارو كيكمي) خاص نرووح لعندو يرحم والديك نسولك على الكاملة امعني
يونس: (قلب وشاف هز حواجبو) الله يرحمها
زهير: (صااط) كولنا ليها
يونس: (شاف صااحبو كيعيط) هاني جااااي (دارلو بإشارة يتسنى) عطيني نمرتك الا حتاحبت شي حاجة (عطاه زهير النمرة وشكرو ومشا... زهير كمل طريق لصبيطار بعدا عرفهم فين كاينين صونا على أمال)
زهير: حبيبي مزال فايقين
أمال: واه.. زهير مّا طلع ليها الطونسيو وهند دݣات ليه الشوكة
هند: (مخرجة عينها بصوت خافت) قلتلك متقوليهالوش
زهير: (عض على شنافتو) الا شتوها عيات بزاف ديوها لطبيب أمال الا تزادت عليها غير شوي ديها لطبيب مّا خليتها فعنگك
أمال: راها ما حتى انا
زهير: الله يرضي عليك وبلا متخبي علية شي حاجة.. منحبش تخبئ علية شي حاجة للي كان وكيف ما كان ݣوليهلي.. سيري احبيبة عند بشرى تعطينا سمية مرتو
أمال: واش عرفتي شي حاجة عليهم
زهير؛ الكاملة للي عرفت.. ماتت الله يرحمها ويغفر ليها
أمال: الله يرحمها.. (قطع ومشا فالتاكسي وهي مشات لعندهم كانو جابو بشرى مبغاتش تقول شي حاجة حيت مغتعرفش وحاسة برااسها متأثرة ولكن البروود ماشي فالدم كتر مكتشفاش ولكن منسااتش وبحرا كتقنع رااسها باش تساااامح...)
شنو سمية ديال مرت خوك
بشرى؛ واش حي عفاك اختي ݣوليلي حي
أمال: نشاعالله يكون حي زهير مزال كيݣلب
بشرى: سميتها دعاء لوينوس
أمال: (استغربت من لكنية.. صونات على زهير وبشرى تابعاها)
الو سميتها دعاء لوينوس.. لا منݣدش نݣولهم مكم ماتت بقاو فية والله
بشرى: (بغوتة وحدة) مااااااامااااااااااااا
أمال: (ضارت مخلووعة جاو تجمعو على بشرى وأمال مشات لدار الحاجة باش تواسي ولا تعنق داكشي مكتعرفوش ومكبراش فيه..)
زهير: (وصل كما فكر ممنوع يدخل شي وااحد والصحافة والناس كتبكي وعاد للي جاي بشمعو من تقاليد ديالهم والورد وتصاور الضحايا بقا تمااك حتى سمع لوينوس.. ضار كيقرب حيت سمع منهم كلمة والله) سلام واش نت ما من عائلة دعاء لوينوس؟!!
..؛ وي شكون نتا
زهير: عم أنوار جيت نݣلب عليه
...: (بتأثر) مخلاوناش حتى ندخلو (بقا كيبكي جا واحد كيواسيييه قلبها فرونسي) بنت ختي كانت صغييييرة ومرحة مزال كانت باغية تعيش الحياة من شريك حياااتها
زهير: (ياله جا يهضر وهو يشوف داك لکاوري باس هاد خالها من فمو وكيعيط باسم mi amor بقا مصدووم وهو يغوووبش) الله يعطيكم ݣلبة تفووو على بشااار (بعد كيخنزر كان عندو أمل بعدا غير يعرفهم واش حيين ولا ميتين) تفووو (مابغاتش تسرط ليه شافهم مشاو حدا شي جماعة ووحدة منهم لابسة جلابة ودايرة لفولار واخا مكيبغبش يهضر مع نسا ولكن الحاجة.... زاد عندها) سلام عليكم شريفة واش عرفو واش صاري بيهم؟!!!
...: (كتمسح دموعها) معرفتش انا كنقولهم يعطيوني غير لبنيتة ناخدوها معانا
زهير: واش بنت انوار؟! انا عمو
....: حبيبي أنوار (بقات كتبكي)
زهير: واش مات؟!!!
...: معرفت (عصباتو بهاد لبكا ديال لبريستيج) انا مامات anno
زهير: هااا !!!
....: أنييس (شيراتلو بيدو لنفس الشخص للي هضر معاه فاللول) خو مامات دعاء
زهير: هاااه وانا نݣول مهم اشريفة الا عرفتو شي حاجة الله يرحم بيها الواليدين ݣولوهالي
....: واخا (مشات حداهم وهو جبد ݣاارو خوه من فوقاش وهو كيصوني أمال وليد كولشي كيصوني غير صونات مو جاوبها)
زهير: الو مّا
أمال: علاش مكتجاوبنيش خلعتني عليك
زهير: احبيبة والله راني مقجوج هنا معارف مندير
أمال: هاك مّا (بحرا كتهضر مسكينة وتبكي حيت تأكد خبر موت الكاملة كالماها شوية وعطات لأمال معنقة ليلى.. بعدت من حداهم) الو واش فطرت كليت شي حاجة؟!!
زهير؛ اودي منين يدوووز
أمال: متخليش راسك بالجوع احبيبي
زهير: (منتابهش حيت شاف دوك الجماعة خرجت عندهم شي وحدة لابسة لباس الممرضات)
ݣطعي أمل بلاتي ونهضر معاك..
(مشا حداهم للي فهم ام دعاء مزال فالعناية المركزة هي ودعاء يعني مماتوش وهو ينطق)
وانوار المومني؟!!!! (كولشي شاف فيه حيت حتى واحد مسول عليه مشات لفرملية ممسوقاش بقا زهير كيعربط عليهم حيت باين حياة أنوار مكتعنيهمش... دازت ساعات بقا منشووور هكاك وغير الدنيا مكتزيد فزحاام والبوليس كيزيدو يبدو الناس على المستشفى للي رجع عاااامر...
قرر يجاوب خووه)
اخويا
لكبير: (سخفان حيت مريض بالسكر) ݣوولي اخويا واش ولدي حي ولا ميت
زهير: معرفت اخويا منين جيت وانا هنا نتسنى للي عرفت مرتو ومها حيين ولكن راهم فحالة واعرة
لكبير: وبنتو؟!
زهير: للي سمعت موقع ليها والو (حتى هو جاتو فشكل هاد موقع ليها والو وكولشي كان فالمطار)
لكبير: يا ربي سمعنا خبار الخير
زهير: اميين خويا بشوي على صحتك انا غير نعرف شي خبار نتاصل بييك
لكبير: الله يرضي عليك الله يرضي عليك.....
عند داك الحاجة وولادها كان عزا ولكن بلا ميت يدفنوه ولا يتسامحو معاه لكبير واخا فعايلها الا قرر يتفكر ليها غير الحاجة زوينة وشحال صبرت معاه فاللول كل شوية ينوض يصلي يدعيلها بالرحمة ولدو أنوار وعائلتو يتلقاو على خير...
الناس تجمعو بزااف خوتاتو للي كيبكيو على ولد خوهم وحتى على الكاملة للي كانت موتة خااايبة وأكترية كانت باغية تمشي للعمرة العائلة تجمهرت الجيران كولشي كاين... أما أمال شغلها الشاااغل هو الحاجة متعييش راسها لاسقاها بحال خياالها وهند بشانطتها للي فيها لابراي ديال الطمونسيو والسكر وشي دوايااات... احمد ونعيمة سمعو الخبر شدو طريق واخا فعاايل أنوار والكاملة الا العائلة تلقاها فجنبك وقت الشدة ولمحاين كتواسيك وتعاونك باش سخاها الله وقدرت عليه...
زهير: (الليل ظلم وشتا كطيح والناس مزال مجمهرة لقمة مطااحتش ففمو من لبارح كيشوف عائلة دعاء كيسولو غير عليهم وعلى لبنت وفوقما حشر راسو وسول على أنوار كيبقاو يضورو عينيهم بحال مكيعرفووهش وممسوقينش لييه... وهادشي استااافز زهير حتى بدا يعربط)
....ياااو راه كان واحد منكم يا الجيييفة خلا باه وكولشي وجا لعندكم ودابا راح تسولو غير على بنتك وهوما دايرين رووحكم متعرفوووهش
انيس: الله يخليك حنا ماشي فحالة للي تهضر معانا هاكا
زهير: نتا بعدا اداك الز*** مرانيش نهضر معاك لوكان جيتني فوقت يااااخر نحر والديييك
انيس: بففف التخلف دالمغاربة (ضار عند صاحبو) شفتي احبيبي علاش متنبغيش نهبط للمغرب
زهير: (غيتفرݣع بالاعصاااب شاف فلمرا) نتوما تعرفو ناس هنا سولو غير واش أنوار كاين ومكانش هنا نعرفوه غير حي ولا ميت
....: (هاديك لمرا) اصلا هو سبابهم اش داهم يمشيو معاه للمطار بسبابو هو راهم فخطار وبغيت دابا نسول عليهم!!!
زهير: راه قدر الله هدااك
انيس: بعد من ماما
زهير: الغمة يا ولد ال**** وبربي يا الزاامل ومضرݣ علية كمااارتك حتى نشرݣ والديك وندخل لمك مصارنك حجرة بحجرة
انيس: (شاف بوليسي وهضر بالفرونسي) موسيو هدا تتيتهجم علينا وباغي يقتلنا بحال والو يكون من هادوك المتشددين (ݣاع للي تماك شهدو باه بقا غير كيشوف البوليسي جاي قااصدو سولو على اسمو وشنو جاي يدير هنا للي شفعلو شوية الجنسية البلجيكية ولكن واخا هكاك داوه يديرو تحقيق معاه بقا غير كيشوف واش غيطايف مع لبوليس وهو طالب السلة بلا عنب... مينطووه وركب فالطموبيل وزااد ندم ݣاع علاش يهضر معاهم ولكن وكان بقا تماك كان غيضرب شي واااحد... عياو يهضرو معاه والو مكيجاوبش مباغيش يجاوب وهو معصب وصل لتماك بقا جالس كيتسنى نووبتو للي جات من بعد ساعة ونص...
دخل كانت أسئلة روتينية للي جاوب عادي)
مكنتش كنتهجم كنت كنسولهم على ولد خويا للي مزوج بنتهم واش حي ولا لا
...: كولهم قالو كتهجم عليهم
زهير: يمكن حسو بيا معصب شوية في حيت ملقيتش ولد خويا وللي كنسول مكيجاوبنيش جاتهم طريقة كلامي فيها تعصب
....: غتبقى هاد الليلة هنا باش تسني محضر
زهير: ليلة!!! (تفكر) واخا ندوز مكالمة
...: عندك حق فمكالمة وحدة
زهير: (جبد تيليفونو كيقاب على سميت لبوليسي يونس صونا كيتسنى يجاوب واالو بغا يعاود لبوليسي شد لبراي.. زفر زهير وجا لبوليسي مينطو واخا معندو علاش يتمينط ولا يدخل الحبس الا الامور هاكا ماشية وهو خارج صونا لفيكس جاوب لبوليسي حتى عيط لزهير وعطاه لبراي حدا ودنو)
الووو يونس انا زهير للي تلاݣيتك ݣبيل حدا المطار
يونس: اش كدير فالكوميسارية اصاحبي
زهير: هاد ولاد **** هاد نهار نواوها فية والسلام (طرطق يونس كيظحك) الا مافيهاش شي صدااع رواح لعندي
يونس: هه انا قريب ليك...
يونس: (من بعد يونس مخرجو بالنفوذ ديالو زائد هو مدار واالو خرجو برا) اجي معايا (ركب معاه زهير كان بوحدو) لقيت ولد خوك؟!!
زهير: حتى خبر
يونس: (صونا تيليفونو جاوب وهو كيسمع صداااع) الووو
عيشة: (بعصبية) هبلوووني هاد ولاادك
يونس: (دار إشارة لزهير باش يتسناه خرج ومشا ضلل من شتا) تي ماال مك غير محيحة
عيشة: بزااف ايوونس ولاو كيحشموني قدام الناس رجعت من عيد ميلاد قبل حتى ميبدا
يونس: هههه اش داك لشي ولاد منين مقداش عليهم
عيشة: كظحك!! كظحك ايونس كان علية نخلي ليك داك لكينة انا للي جبتها فراسي وصدقت ب6
يونس: قنية ديالي هههه (قطعت عليه كيظحك حيت شيبووها اما منين كيكون هو واحد مكيتزعش من غير لبنات دخل) عندي ولادي مهبلين مهم
زهير: الله يخليهم ليك شحال عندك؟!
يونس: 6 ههه 4 دلولاد وجوج بنات 3 لولاة توام
زهير: تباااارك الله من ديما انا هااابل على توام
يونس: الله يرزقك بيهم (تفكر كفاش حتى حملت عيشة بدوك 3 وكفاش الجو فاش ولدااتهم) ربي منين كيبغي يرزق انا طبيب راه ݣطعلي لياس وݣاالي مغتولدش اوا خوووك كل مرة فالعام ماشيلو بولادي نسلمو عليه هههه
زهير: ومال ر** باش يݣول هاااك قاري فزحاام
يونس: (لقا كيظحك تفكر عيشة منين كانت كتعطيه مانع الحمل حتى تسببت ليه فعقم )
معليش كولشي كيجي من مور الأزمة حلو نتا معندكش وليدات
زهير: مزال هاد السااعة ياله تزوجنا شي 9 شهور
يونس: عييش حياتك شوي.. (حرك راسو وقلب وجهو كيشوف) شوف لبس جيلي غدخل معايا نتا متهضرش
زهير: لصبيطار؟!!!
يونس: اه.. الا معاونش ولد بلادي وهو محنسر شكون نعاون!! هادو وكان ماشي حاجتهم والله ميديرو لينا اعتبار
زهير: الله يحفظك اخويا خيرك جامي نساه رواح عندي لوجدة (معرف ميقول... زادو وزهير كيعاود ليه شنو دار ليه ولد خوه حتى ختمها) ولكن واش ندير انا على ولد عمي وولد عمي وانا على لبرااني منݣدش نسمح فيه ومندير واالوو
يونس: كتبقى الشمتة والفلوس للي كتخدمهم بعرق كتافك
زهير: حنا للي نديرو فيهم دراااهم راهو يروحو ويجييو بنادم للي يبقى فيه لافووت..
زهير: (لبس داك الجيلي للي عطاه يونس كان داير كاسكيط غوبش باغي يتقمص الدور واخا من ديما كيكره لبوليس.. شاف الصحافة للي كيسولو ويونس قداامو دافع صدروو واقف باستقامة تبعو حتى دخلو صبيطار قلبو تزير عليه... مشا نيشان يونس كيسول فالاستقبال على اسم أنوار المومني وزهير حداه على اعصاابو)
....: داخل فعملية
يونس: عملية ديالاش؟!!!
زهير: يعني حي الحمد لله ياربي
...: عملية على رجلو وحتى الراس ديالو كان برا المطار وطاحو عليه شي حجر
يونس: اممم امتى يخرج؟!!
زهير: سولو على دعاء لوينيس وحتى بنتهم يمكن ليلى ولا لولا
يونس: ممكن تشوفيلي دعاء لوينيس وليلى
زهير: المومني (بتشكيك) يمكن الا خلاوه يدير هاد لكنية
....: (كتقلب فالسيستيم) اممم للاسف مدام دعاء ماتت وبنتها راها فقسم الاطفال عندها ضريبات فالراس حيت كانت فالطموبيل وطاحت بقوة الضربة
يونس: اممم شكرا زهير شي سمية اخرى
زهير: مها
يونس: (تبسم وسولها بلباقة وحتى هي عطات الخاطر حيت من الامن الام مزال فخطر كبير ونسبة النجاة 0.0001... شكرها ومشاو يشربو قهوة) لبراكة فراسك بعدا ولد خوك مزال حي يربي لبنت
زهير: لا إله إلا الله مكرهتش اخويا نمشي نصلي....
(مشاو خرجو من تماك نيشان لمطعم سوري دخل هو يصلي ويونس جلس داير ابيل فيديو مع ولادو للي حمر فيهم واي شكوى من عند عيشة غيكحلها معاهم رجع كيهضر مع عيشة للي غير كتشكى بقا كيشوف فيها وأكترية اليوم منين تفكر مع زهير شحال من حاجة دازت بيناتهم شاف فشعرها للي كانت دايرة ليميش اما هو الشيب عمر نواظروو)
يونس: مال مك حتى كنبعد وكتزيااني
عيشة: (شقلبت عينها) ديما ختك تيتييزة نتا للي شرفتي
يونس: هه ياااك بانلي توحشتي نعمر لمك ديك الكرش
عيشة؛ الا اخويا غير ظحكنا متندمناش.. يويوووو عرفتي شنو كناكل
يونس: (كيحك فلحيتو) اممم
عيشة: (شادة بنانة خشاتها فقرعة ديال نوتيلا ودارتها فمها متبعها وهو عاض على شناافتو وهي كتغريه)
يونس: يهديك الله اعويييش راها غير بناانة عنداك تلف ليك وتحطيها فشي قنت اخر
عيشة: (وقفت) بزاااف عليك
يونس: وتخليني انا مق** هنا (شاف زهير جاي) حبيبو من بعد ونهضرو وبعدي البنان عليك (قطع وهو كيظحك...) تعشااو وزهير للي حلف حتى يخلص عاد خرج صونا على لكبير)
زهير: اخويا... مهم أنوار مزال حي الحمدالله ولكن دخلوه يدير شي عملية على رجلو وراسو وبنتو حتى هي ݣالو راهي مليحة ومرتو ماتت الله يرحمها ومها فحالة خطيرة (سمعو كيبكي وكولشي كيبكي بقا فيه قطع وجبد ݣاارو كينفس بيه شوية..)
دازت يوماين الوضع هو هو ممنوع للي يدخل لصبيطار لتشديد أمني حيت وقع انفجار اااخر ولكن كانو خواو المطعم الفرنسي للي كانو مقصدينو ومكانش ضحايا بشرية... الوضع ففرنسا مأزم والعرب مشكوك فيهم بشكل خاص من طرف العنصريين والمتعصبين يونس غبر كيخدم خدمتو باش يجبدو هاد الارهابيين وزهير من لوطيل لصبيطار نهار الرابع مع وقف فبلاصتو المعتادة كيشوف ديك لمرا هازين بنيتة صغيورة فكاشة شك تكون بنت أنوار قرب حدااهم وهو يشدها انيس
زهير: بنت انوار؟!!
انيس: هادي بنت دعاء وللي غتكون بنتي من اليوم
زهير: واالدها من ز** ومن ز** والله متطلݣ لبنت لفكك مني شي واااحد
...: اشريف راه بنت ختو
زهير: كفاش بنت ختو (تجمعو شي بوليس) كفاش بنت ختو عطيني كارت ناسيونال ديالك انا بعدا عمها وانا اولى باش تبقى عندي زااائد نتا غير مؤهل باش لبنت تبقى عندك (جبد زهير باسبور ديالو... كيهضر مع لبوليس) علاش عاطيين لبنت لييه ولا ضرووري نكون شااذ جنسي باش تعطيوهالي هو عمرو يكون مرا واخا يݣطع *** ويخيط بلاصتو ****.. والبنت معرفناهاش حتى واش برااات 4 أيام من مور الانفجار يخرجووها شي حاجة مشكوووكة
لبوليس بقاو كيتشاوفو وحتى دوك الناس للي شادين لبنت حيت اصلا معرفتهم فديك صبيطار للي خلاتهم يتوسطو ويخرجو لبنت
زهير: انا بغيت ندير محضر المرة اللولة تعداو علية بالسب والعنصرية ودابا خاطفين بنت صغيرة مها ياله ماتت وباها بين الحياة والموت فين دايينها واشمن ورقة ضمن لينا انهم غيعتانيو بيها ميمكنش شاذ جنسي عندو اضطراب فالهرمونات ديالو وممتوازنش غيعتاني ببنت عندها 6 شهور
انيس: انا راه خلاها
زهير: مبقيتش خالتها يا *****
انيس: مكنسمحش ليك
زهير: (ببرود) انا بغيت ندير محضر لبنت من كنيتي وصلبي وتأكدو لبنت خاص تبقى عندي ومن دابا غندير محاامي (غير داوي)
انيس: لا محامي لا جوج خودها للي غتجي من مور أنوار معندنا منديرو بيها
زهير: باينة متشدلكش وبقات تاكلك (لبوليس متاقو لا فهداك لا هداك وزهير عندو الافضل تبقى لبنت لداخل يعتانيو بيها غير على ميعرف شنو يدير عيطو على فرملية للي جات دخلاتها ودخلو هوما للإدارة.. شاف فيهم)
باغي وراق لبنت
انيس: حتى يخرج ولد خوك ويعطيهم ليك (كيقايلو السم بحواجبو) هدا الا خرج حي
زهير: (عض على شناافتو مغدد ميقدر يدير واالو) واااه حتى دي هضرة غير المرة جاية منين نجي نهضر معاكم ݣدموولي شي راااجل معندي كلام مع نسااا..
هند: (دخلت لطواليط دارت بيبي ومنين مسحت لقات نقيطة ديال الدم) بففف جاات (ناضت دارت اولويز خرجت لقات وليد مزال نااعس حيت رجع كيعيى والخدمة رجعت كولها عليه فغياب زهير لبست حوايجها لوات شال عليها للي بدات كتولفو من مور ديك الليلة للي دخل عليها حلف عليها شعرها ميبانش واخا كدير ديك القضية ديال زلق ليها مهم عتابرها بدااية.... هزت سوارتها كانت نعيمة واحمد كيفطرو حيت جلسو معاهم هاد الايام مواسااااة لعائلة أمال.. جلست فطرت معاهم حتى نطقت)
نعيمة: بنتي بلاتي نمشيو نطلو على شيما
هند: واه اخالتي ونتا عمي؟!
احمد: لا
هند: اوكي.. نخليكم دابا تعطلت على الخدمة منين نبغي نجي نصوني عليك
نعيمة: واخا بنتي الله يرضي عليك تبغي شي حاجة لغدا
هند: للي درتي اخالتي (خرجت واحمد غير كيشوف تمنى بنتو تكون بحال هند محتارمة لكبير وصغير وخا لسانها شي مرات كيطوال فحدود المعقول وهو كيسميها بساالة الا عزييييزة عندو غير هو موضوع الخدمة ممقتانعش بيها ولكن مخليه رأي شخصي حيت شايف ولدو مرتاح وعاجبو الحال وحتى من صحتو فهاد الايام بانت فيه... ولكن باش يمشي عند بنتو مستحييييييييل...)
~~~~~~~~~~
أشرف: (الحال كما هو عليه.. مكيهضر معاها حتى فشي حاجة من غير لبنت وحتى من طبيب النفساني كيديها كل جمعة بلا أسئلة منو.. كان حدا بنتو شادة صبعو فيديها حتى غفات ونعست وهو متكي حداها فالنموسية لدابا مزال معرف واش أنوار حيت ولا ميت ولكن فكل الاحوال مبغالوش موتة بحال هادي ماشي مبغالوش الموت غير مبغالوش موتة ديال الإرهابيين معاه مو ومرتو وبنتو حيت حط راسو فالموقف كانت قااسحة... جات داخلة شيماء للي كل نهار كيشوفها كتلبس غير كولونات بتريكوهم وشعر كتقادو وديما معكرة وروايح..)
كيف بقيتي دابا اشيما شوية؟!!
شيماء: (واخيييرا سول) الحمد لله (جلست حدا رجليه للي بعدهم)
أشرف: ولفتي مريم شوية؟!
شيماء: (حركت راسها باه ولكن بدون مشاعر)
أشرف: مكتحسي بوالو (بقات كتشوف فيها) كتشوفيها هي سباب عذاابك كتݣولي وكان ماشي هي وكان راني دايرة ما بغيت ماشي مزوجة بأشرف
شيماء: (معرفت متقول)
أشرف: (شاف فبنتو وباس يدها وحيدها من صبعو وجلس) مغنبززش عليك تبقاي فوكما تبغي تمشي سيري ولكن هي تبقى معايا
شيماء: (بلعت ريقها) ورضاعة
أشرف: نتي وضميرك
شيماء: انا كنشوفك نتا للي جالس معايا بالسيف واخا فكرة جواج وكولشي منك حتى منين ديتني لعدول مشاورتينيش وحتى صداقي مسولتيش واخا فشرع خاصك تسول ماشي تحط بقيمتي
أشرف: نحط بقيمتك!!! راه انا للي حاط من قيمتي ومزوج بيك
شيماء: (جاتها لبكية) صافي طلݣني
أشرف: (شاف دموع قربو ينفاجرو مع عينيها) مكنبغيش نهضرو فهاد الموضوع ولكن مبغيتش نزيد نحبسك عندي وانا عاارف معاطيكش حقك كمرااتي
شيماء: (سكتت حيت حلقها نشف وحاسة بشي حاجة واحلة ليها)
أشرف: (لدابا مبغاش يقولها على أنوار وعائلتو) انا نمشي للخدمة
شيماء: بغيت نرجع نقرا
أشرف: (ظحك باستهزاء) بحال كيف كنتي تقراي العام للي فات!!! محدك مرتي لا محدك مرتي غتݣادي اااه ومنين جبدنا الهضرة فولارك ميحايدش من راسك لبسك يكون مستور ممنوع المكياج وروااايح وعينيك فلرض والخروج ممنوع غير الا كان للضرووورة
شيماء: لبس من لحوايج للي شاري لية ولا لفولارات للي كل نهار شاري لون مناش لبس وانا من نهار تجوجتك بيجامة مشريتيهالييييش ااه ولا نسيت منين جات خطيبتك ولا صاحبتك كتصدق عليك دوك شرااوط كون هاني لحتهم بميكاتهم
أشرف: (قا غير كيشوف) واااخ حتى حاجة مبعييدة نخرجك وشري للي بغيت انا متفاهمين دابا!!!!
نهار الخامس خلاوهم يدخلو ولكن غير المقربين.. دخل زهير سول على فين كاين أنوار وللي فرحو هو كاين فغرفة عادية ماشي فالعناية وسول حتى على ام دعاء للي مزال حالتها حرجة بزااااف... مشا للغرفة شايف كولشي جاي بالورد الا هو هاز غير باسبوورو للي منجيييه شوية... وصل شاف حتى من حدا لباب كاين باقات ورود الا ديالو قلب وجهو لقا حتى شي غرف مفيهمش...
زهير: (دخل شاف فأنوار وحل عينو موسعهم راه ولد خوه رجليه بجوج مݣبصين ومفروقين والفرملية ياله كتغطيه والمشكل فاصمة ملوية على راسو وحتى على عينيه قرب) انواااار
أنوار: (كيقلب على مصدر الصوت وكيميز شكون) هااا
زهير: (شد فيدو وهو مصدوم من حاالتلو عاد شي شهور كان كيقلب عليه باش يقتلو وداابا شفو وبقا فيه) انا زهير
أنوار: (شداه لبكية) فينها مّا
زهير: (غمض عينو فهاد الموقف ورجع حلهم وهو كيشوف فأنوار للي لا حولة ولا قوة ليه) الله يرحمها ويغفر ليها
أنوار: (بقا كيبكي بحال شي ولد صغير لدرجة زهير عينيه تضببو... بقا كيلووم راسو فموت موو حتى جات فرملية كدݣ ليه إبرة مهدئة) ودعا وبنتي؟!
زهير: حتى مرتك الله يرحمها وبنتك غنمشي نشوفها داا (شافو مكيتحركش شاف فلفرملية) علاش مݣلتولوش على الام ديالو (كيهضر بلفرونسي)
...: لمريض ياله كمل العملية على عينيه وكان ممنوع نقولو ليه شي حاجة
زهير: واش عمى؟!
...: مزال معرفناش حيت دخل لعينيه الزاج (خرجت وبقا زهير كيشوف صونا تيليفونو وكان ابيل فيديو حيت كولشي كيتسنى يشوف أنوار اليوم جاوب كان خووه ومن موراه متجمهرين العائلة كولها)
زهير: انا حداه ولكن حتى واحد ميهضر ولا يغوت هو ياله دݣو ليه إبرة باش يتكالما
لكبير: وريني ولدي (ضور زهير الكاميرة لانوار ختو بشرى مقدرتش تشد راسها بقات كتبكي بهستيرية وهي كتشوف خوها فديك الحالة وحتى خوتو كيبكيو هرب لكبير من حداها كيبكي فصمت) ݣلتلو على مو
زهير: واه دابا وداكشي باش دݣولو برا حيت بقا يبكي ويلوم فراسو
لكبير: (دار يدو على عينيه كيبكي واحمد مصبرو عطا التيليفون لامال)
أمال: (شافت فأنوار وزهير غير بان وجه أمال قلب الكاميرا لوجهو) زهير كيف بقيت؟!!
زهير: (زفر) تمااااارة (كانو عينيه نايمين بلعيا الجسدي والمعنوي) وكان كانو ورااقك مݣادين وكان جبتك معايا حيت بالصح باغيك تكوني حداايا
أمال: (حست بقيمتها كبيرة عندو) واجي
زهير: فين نجي احبيبة وانا هنا نشوفو محݣةر وباغيين يديو بنتو وهو مهرس من رجليه بجوج ومكيشوفش تبغي نخلي واحد معدوم بحال هاكا؟! (حركت راسها بلا)
كنواعدك مغنتعطلش (كان متأثر حيت حط راسو فبلاصتو ميمكنش يفيق نهار ويقولو مرتك ومك ماتو وهاد الجوج بالظبط للي خاص براسو عااايش على قبلهم... جات بشرى خدات ليها التيليفون)
بشرى: عفاك ازهير نبووسلك رجليييك تهلا فخوويا الله يعطيك ما كتمنى عفاااك متخللليهش وحدوو تم (كتبكي) متخليييهش راه مبقااالو حد.من غيييرك
زهير: مرانيش هبيل نخليه وحدو
بشرى: (بحرا كتقدر تهضر بشهيق) وبنتو فينها؟!!
زهير: (كان وصل لغرفة دراري صغار مخلاوهش خل يشوف غير من برا براسو مكيعرفهااش حيت كانو 3 قلب الكاميرا) معرفتش شكون فيهم
بشرى: (من ديما كيوريهالها أنوار ويصيفط تصاور والفيديوهات عرفااتها) راها راها (كانت كتبكي جاتها لفرملية عطاتها البضاعة) وماين دعاء؟!
زهير: منعرفهاش وللي سمعت حالتها خااايبة..
دازت سيمانة زهير كل وقت زيارة كتلقاه حدا انوار للي متقبلش حالتو وموت مو ودعاء للي عرف بقيمتها خلا زهير حااير معرف ميدير حيت كيتسناه يرجع لطبيعتو باش يعطيه او سوريه وراق لبنت يهبطها للمغرب حيت ميعرفش فأي لحظة يديوها لوخرين ومتأكد مغيتهلاوش فيها... مفكو غير يونس للي بان هاد نهار وطلبو باش يوقف معاه فهاد القضية ديال يدي لبنت المغرب... يونس هضر مع شي صحابو بوليس من فرنسا وقالولو الا الاب سمحوليها تهبط مع عمو تهبط حيت الام للي غتمانع ماتت وهو الوصي الوحيد ديالها وعاد لبنت بجنسيتها ميتخافش عليها.. خاص غير أنوار يعطي الموافقة بالوراق... دخل عندو زهير ويونس
زهير: أنوار
أنوار: (غير كيسمع صوتو كيحس بالأمان شوية وخصوصا من بعد تهديد انيس ليه باش مغيورث حتى حاجة منهم وميطمعش يعاود يرجع لدار ام دعاء...) زهير
زهير: هانا هنا (شد فيدو) شوية دنهار؟!
أنوار: بشرى ماتت حتى هي؟!
زهير: لا مزال مع هي ودعاء كانو تابعينك فاش خرجتي ومنها كانت سابقاها شوية
أنوار: كانت مّا بوحدها منين ماتت
يونس: لا حول ولا قوه الا بالله العلي العظيم (خرج متأثر مو كتر من 30 عام باش ماتت ومزال هابل عليها اعساك هدا)
زهير: دابا خاصك تقوي رااسك باش تنوض ونديو مك تدفن بااك وخوتك بغاوها تدفن فوجدة وخاصك تنوض على بنتك للي دوك شلاهبية بغاو يديوها
أنوار: نهار نموت ويديوها
زهير: نوض دااابا
أنوار: (بقا كيبكي كفاش ينوض ورجليه بجوج مهرسين وحدة كولها حديد وماشي بعيد تكون إعاقة مدى الحياة بقا كيكالميه زهير قالو بقات يوماين باش يفتحو لباندة على عينو ويخليو غير فاصمة عليهم) عميييت ازهيييير عمييييت... جمعت ذنوووب العااالم
زهير: کول الحمد لله كولشي مع الوقت يتصلح وحتى عينيك طبيب ݣال مزال كاين أمل باش يتعالجو
أنوار: (غير كيبكي) ݣلبي دمر اخويا (بقاو غير ساكتين رجع طبيب عندو وخرج هو حدا يونس)
زهير: خويا خيرك جامي تستاهل حم باك الا موصل عندي نتا والفاميلة لوجدة
يونس: ان شاء الله غير لقى شي وقيتة نجيو.. حتى نتا مرحبا بيك عندنا فالمحمدية.. مهم زهير كيعيطولي دابا يبقى الاتصال بيناتنا....
زهير: الله يعز بيك اخويا... (يونس مشا فحاالو حيت مغيوليش يتلقاو (حاليا)....)
...دازت يوماين كان زهير جار أنوار فكرسي متحرك وداير نظاظر كوحل ولباندة على راسو حيت كانت جرحة فراسو كبيرة.. مشاو لجهة ديال الاطفال جابو لبنت شدها زهير كانت شبه أنوار تبسم وعنقها
زهير: (جات فرملية جرت أنوار حتى باب صبيطار هنا أنوار كيسمع الضجيج) واحد لبوليسي هو للي غيمشي معاك للدار باش تجيب وراقك
أنوار: ونتا؟!! متمشيش معايا؟!
زهير: دارولي عدم التعرض وخاص باش نسبق للمطار على حساب المرحومة.. (حس بيه خايف) راه معاك بوليسي معندك مناش تخاف جيب وراقك كاملين ووراق بنتك نتا غير هضر وهو غيجيب ليك شنو بغيت حوايجك وكولشي خليهم مغيݣدو يديرو بيهم والو حيت مزال ترجع على حساب العملية (حرك راسو باه... جا داك لبوليسي مشا معاه أنوار وزهير مشا للمطار باش يكمل الإجراءات حيت النقل كان على حسابهم 20000 درهم وهادشي سهل الامور...)
أنوار: (دخل للدار كانت فيها العائلة ولكن هو مكيشوف والو غير لبوليسي للي جارو فداك الكرسي حتى واحد مجا عزاه فمو او دعاء مرتو مكانوش هاكا قبل ب15 اليوم كان غير بوسى فية نبوس فيك ونتا حبيبي وعشيري كيسمع اصوااتهم لا شي وحدين سمعهم كيظحكو واكيد غيفسرها كيظحكو على شكلو وصل لبيتو حيت كولشي كان منظم شنو قال لبوليسي كيلقاه بلاصتو هز وراقو ولفلوس للي تماك اما لكونت ديالو للي فالمغرب وللي فرنسا معمرهم... خدا وراق بناتو جرو للبيت فين كانت كتنعس مو مكيشوف والو ولكن ريحتها مزاالة بكاا حتى شبع كيقاب بيدو حتى تعكل شدو غير لبوليسي) بغيت نجمع حوايجها
...: ممنوع تهز شي حوايج حتى ترجع المرة جاية هاكا سنيتو على المحضر وحتى هوما ممنوع يهزو شي حاجة
أنوار: حوايج مّا اش دخلهم فدشي (مسح نيفو وخرج كتافو طايحين وظهرو عوج حاط يدو على راسو ولبوليسي مخرجو تحت انظار للي شفق وللي كاره نيشان وصلو للمطار كان زهير واقف كيتسناه ولبنيتة هابلة بلبكى ممعاهم حتى شي وحدة للي تعرف ليها أنوار طالق يديه كيقلب على مصدر الصوت مشا عندو زهير حنا مدخل ليه شدها أنوار كيبغي يقرب وجهها لوجهو معنقها) جاعت يمكن
زهير: معرفت منعطيها (دخلو كانت فرماسيان لداخل أنوار خدا ليها حليب رضاعة حتى ليكوش وطلب للي من تماك تبدل ليها وإنسانيا بغات تعاونو وهي كتشوف حالتو قدات لبنت ومشاو نيشان طلعو للطيارة بقا كيبكي ويعاود مو شحال كانت فرحانة داك لمرات جاية كظحك واليوم راجعة ميتة وعاد للي عاودو لحمها غير تجمع.. ساعات كانو فمطار وجدة زهير شاد لبنت وانوار شاد فذراع زهير للي حس بانه رجع مسؤول على هاد الجوووج من ديما كيتحمل المسؤولية... مع كملو الإجراءات يتسناو يعطيوهم غير الكاملة خرجو حتى كتبان العائلة لكبير جا كيجري وحنا كيعنق أنوار للي بدا كيبكي واحد بواحد كيعنقوه ويتأسفو لحالتو اما زهير واقف هاز لبنيتة وهو كيقلب على أمال ساعة مكيناش معاهم جات بشرى هزات لبنت تبكي وتبووووس بقاو هكاك عاد جا لكبير كيعنق ويسلم على زهير ويشكرو راه كتر من 15 اليوم وهو واقف معاه جاهم لبوليسي للي علهم الصندوق ديال الكاملة برا خرجو كاملين وحيت ممنوع يتحل ركبو فطموبيلاتهم ونيشان للدار وسابقااهم طموبيلة ديال البلدية للي مكتوبة فيها لا اله الا الله...
~~~~~~~~
هند: (شادة التيست وممتيقاش خرجت برا حدا امال) حاملة أمال حاااااملة
أمال: ههه حمقة مبروووك عليك
هند: (بقات مصدوووومة) ولكن داك نهار هبطت مني قطرة
أمال: رجع فهضرتو هههه
هند: (بقات كتنقز وتغوت عاد تفكرت) لا لا دابا خااص نجمع ***
أمال: جمعي غير فمك هاد الساعة زباله هبطي نمشيو للدار نݣولوهالهم
هند: لا لا ماشي وقتها وزايدون خاص يعرف وليد هو اللول واجواء الموت
أمال: كنت بغيت نمشي للمطار ولكن داك لاخر بففف ياله نمشيو
هند: أمال وبربي وتݣولي شي حاجة والله حتى نفش لمك الترمة عارفة ترمتك عزيزة عليك كتر من عينيك
أمال: ههه زيدي وكان احااااي وشحال فرحت ليك
هند: ان شاء الله حتى نتي نفرحو بيك فالقريب
أمال: امييييين... (مشاو لدار الحاجة تخلعو منين لقاو الجماهير تما منين سولو الطموبيل قريبة مشاو حدا الحاجة للي طااايح عليها الضيم حتى كدخل الطموبيل ديال البلدية بداو لعيالات يغوتو وصلو الطموبيلان لوخرين أمال شافت زهير شيراتلو حتى كتشوفو كيجبد أنوار هو وخوه عبد الله خرجوه وقادة الكرسي ودغيا غطاو ليه رجليه ومن دوك نظاظر كوحل ومن اشارااتو باين عمى تشاوفو هند وأمال حيت زهير مكان قال واالو)
هند: ناااري كيف رجع؟!! واش عمى؟!!
زهير: (جر أنوار يدخلو وولاد الكاملة ولكبير وشي وحدين هزو صندوق الكاملة ودخلوه تحت لغوات نديب ولبكى.... كانو بغاو يحلووه ولكن زهير) معندكم متحلو فيه ديما تفكر مكم كيف شفتوها اخر مرة بلا متعذبو وتحلو عليها الصندوق وهي مممم خويا راه كانت فانفجار ماشي موتة عادية بلا متحلو (كيحاول ميزديش يمرضهم ساعة العكس قلبهم فيه العافية جات أمال حداه دار يدو على كتفها وباس راسها) بلا متحلووه تسامحو وللي دارت ليه شي حاجة (شاف فامال) يسمح ليها راه اخرتها مووت وكلنا ليها (دمعو عينيها وهي كتفكر شنو داز عليها) الله يسمح لينا ويسمح ليها ويغفر ليها (خلا الطايح كتر من الواقف وللي واقف غير شاد راسو بالسيف كولشي مشاعيرو مخلطة جر أمال وبعد من دوك الاجواء)
حتى حاجة ما بالسيف عليك احبيبي الا ݣديتي سامحي وغتكوني ديني الاجر والا مݣديتيش داكشي يبقى ديالك نتي (محست حتى حطت راسها على صدرو وهو كيطبطب فظهرها....)
أشرف: (وصل بطموبيلتو لدار زهير كانت الجوقة حطها بعيد نفسو مظطرب باش يعاود يتلاقة بانوار مرة أخرى للي حسبو ميت وتسامح معاه ولكن دابا هو مميتش!!!
دخل لدار للي عامرة بشار وفالصالون لكبير صندوق عليه ايزار فالاخضر وللي كيبكي حداه ومعنقو صور عينو كيقلب على أنوار حتى كيبانلو مجرور فكرسي متحرك وعليه كاشميرا خفيفة على رجليه ونظاظر كوحل وفتصمة على راسو تفكر اخر مقالو على شيماء حس بغضب كبير ولكن كيحاول يقنع راسو انه فحالة ماشي ديال يتقاتل معاه تقدم لاخر غير حاني راسو باين كتر من مدمر شاف فلكبير عيطلو وهو راسو لأشرف الي ياله بغا يهضر ولاخر بقا كيدور راسو أشرف حس بانه غير مرغوب شاف فيه بحال مكيعرفووش شد فيدو لكبير)
لكبير: صااحبك جا اولدي (أشرف شاف فلكبير باستغراب حتى دارلو إشارة انه مكيشوفش هنا تسعق أشرف مكيشوفش مكيتمشاش مرتو ومو وماتو شاف انه تعااقب وبزااف نزل أشرف)
أشرف: أنوار!! لبركة فبرااسك
أنوار: (بصوت مخنوق وكيرجف حاني راسو) ممشا معاك باس اخويا
أشرف: (معرف ميقول عاد كان جاي ودااعس على قلبو غير وجه لكبير وزهير ولكن مظنش يلقاه هاكا جا خوه جرو باش غيمشيو يصليو عليها وقف متبعو قلب بعينيه على زهير والو مكاينش قرر يكمل الاجر حتى لدفينة ويمشي بحالو... جاو دراري يهزو الصندوق ومنهم زهير خرجو تحت لبكا ولغوات ديال الفاميلة اما أنوار جارو باه للي مرض فراسو مشاو على رجل وللي مقدش مشا بالطموبيل تابعهم... )
هند: (جاها ابيل خاصها تمشي للعيادة) أمال خاص نمشي تبغي تمشي معايا؟
أمال: لا منخليش مّا وحدها راكي شفتيها اختي (مشات هند وبقات أمال معرفت علاش رجعولها ݣاع دوك الأحاسيس الخايبة من جهة الكاملة ومن جهة أنوار مقدراش تسامح بسهولة وهي باها ياله كتحاول تنسى كراهيتوو ليها للي جاية من فراااغ.. بقات مع الحاجة غير صاااقرة شي جوج سوايع وتمو جايين معمرين الدار أمال مقدرتش تخرج حيت كاينين رجال وزهي مغيقبلش بهاد التصرف... بقات كتسنى حتى كتشوف أنوار مجرور تفكرت أول مرة شافتو وشنو كان إحساسها حتى لهاد نهار بغاتو كرهاتو ودابا!!! رجعت شافت فيه بحدة مزال كتكرهو... واخا هادشي للي وقع ليه الا إحساسها هو هو...)
مّا تمشي ترتاحي شوي؟!!
الحاجة: (بتعب) لا بنيتي حشومة الناس
أمال: مّا نوضي نمشيو نوجد ليك شي حاجة تاكليها وتشربي دواك بلاتي وارا منجيو نجلسو
الحاجة: حشومة بنتي أمال
أمال: انا نمشي نجيب ليك زهير (شافتها مبغاتش تنوض قدات شعرها تحت شالها كتقلب حتى لقاتو حدا انوار كيهضر معاه) حم زهير.. مّا عيانة ومبغاتش تمشي ترتاح
زهير: درك نهضر معاها انواار هادي أمال مرتي
أمال: (بلعت ريقها شافت فيه غير حاني راسو وملامح وجهو باردين بحال عايش فشي قوقعة من الصدمة) انا غنمشي للدار نوجد ليها متاكل
زهير: طرحي عينيك وسيري (حركت رأسها باه خرجت كما المتوقع الدنيا عامرة طلعت للدار كانت عامرة بلعزاية وخوتات زهير المستقبلين هزت دوا الحاجة ومشات للثلاجة هزت الهضرة للي سلقتها صوطاتها وخلات عيشة كتفقس حيت عتابراتها برهوشة وكارهة للكاملة صوطات شوية ديال دجاج دارتو فطبسيل وللي تما غير كيشوف هوما كيجريو يتسخرو ويخطو الزبدة والعسل والزيتون للناس وهي كتقاد لغدا تجاهلات شوفااتهم غلفت الطبسيل بالاليمينيوم وسربيتة جات خارجة وهي تعرض ليها عيشة)
عيشة: محشمتيش نتي راعي غير لولادها ولكبير
أمال: مدرت وللو كنوجد لغدا لمّا للي خاصها تشرب دوا وحتى حد مداها فيها وهي مسكينة غير مكااابرة.. (دازت وخلاتها طلعت لسطح ونقزت صونات على زهير يجيب الحاجة عندهم للدار جابها وهي كتعرج وقف على راسها حتى كلات وشربت دوا دخلاتها أمال لبيتها تكاتها وخرجت عند زهير)
مترتاحش ازهير حتى نتا؟!
زهير: معليش حتى الليل.. (جارها بقا معنقها شحال.. )
زهير: (شاف فيها) فالليل غيجيو شي رجال باش يجلسو فالصالون
أمال: واه يجييو انا نݣاد الدار
زهير: عارف الكاملة كانت بغات تقتلك وغير عتقناك وشحال من حاجة ولكن واش تݣدي تسمحيلها
أمال: (حنات راسها) الله يسامح غير باش نبكي (شافت فيه) مممااا مهبطت حتى دمعة
زهير: من حقك احبيبة وانا منبغيكش تبكي بغيت غير قلبك يكون متسامح مع الوقت بروووحي مكنت کاد نسامح ولكن منين مشيت لان وشفت الحالة وحتى أنوار بففف خلاتني نفكر بنادم معندوش الوقت باش يحقد اللهم يتسامح ويخلي الواحد لربو
أمال: (حركت راسها باه.. هزت يدها وحطاتها على حنكو كان سخون شوية) فيك سخانة؟!
زهير: (شد يدها وباسها) غير لعيا
أمال: وضعافيت مكنتش تاكل مزيان
زهير: درك ناكل فيها هند تمشي تجلسي حداها
أمال: عيطولها الخدمة ولكن راني جالسة مع مريم
زهير: متحاكيش معاهم فشغل متحاكي حتى مع شي حد تماك وللي ݣالك شي كلمة متجاوبيهش رواحي لعندي يانا
أمال: وااخ (باسها فجبهتها وتمو هابطين هو مشا وهي جمعت الصالون اصلا نقي ولكن مسحت الغبرة وطلقت بخور فالدار خرجت مشات لحدا مريم كان حطو لغدا جلست حداها وبقات كتاكل) يا ختي من ديما كنحماق على طعام لݣنايز
مريم: انا كنت غنطيح بعظامي باش ناكلو وليت كنموت على طعام نهار نديرو ونهار لا
أمال: كتوحمي عليه تبقاي تجي عندي ونصاوبو ليك
مريم: واخا (بقاو كياكلو وكاين للي عيب على أمال حيت راه لوستها للي ماتت خاصها تبكي وتخنخن ومتاكلش ولكن لا شافوها غير جالسة مع مرت خوها وعاد جاية كتغدا بحال مواقع والو... جاو عيالات كيجمعو وناضت أمال ومريم مشاو يطلو على الحاجة وجلسو تماك حتى جات هند مطولتش معاهم ومشات لدارها نقاد مفاجئة لوليد...)
~~~~~~~~~~
شيماء: (قطعت مع مها للي عاد قالتلها شنو واقع بقات غير مصدوومة بغات تسول على أنوار ولكن مقدرتش دخل أشرف وجلس غير ساااهي) سلام
أشرف: عليكم السلام
شيماء: نجيبلك تغدا كنت كنتسناك
أشرف: وعلاش متغديتيش واش ناسية راك كترضعي
شيماء: حسابلي غتجي تغدا وتسنيتك
اشرف: العصر هدا وفين عمري ݣلت ليك تسنايني لغدا
شيماء: علاش كتهضر معايا هاكا؟!! (بقات بنتها كتغوت.. بانفعال) سكتيييييي نتي
أشرف: (وقف مخرج عينو فيها) ااااخر مرة تغوتي عليها هاك
شيماء: (كتنهج) نغوت صوووتها كيديرلي شقيييقة نغوت حتى نشبع
أشرف: نتي راكي هبيلة ما فيهااااش (بقاو دموعها هوادين هز لبنت وبقا كيراري بيها اما هي دخلت لبيتها شبعت بكى حتي دخل عندها)
لبنت بغات ترضع
شيماء: رضعها نتا
أشرف: واش ديلملتك هبلتني وكان كنت نݣد رضعها متزيديش دقيقة هنا وديك الساااع سيري عند زلاااالك راك رجع نيييت
شيماء: (شافت فيه)
أشرف: (قرب ليها) ودابا نوضي مسحي علية دموعك ورضعي مريم (بلغوات) نووووووضي (لبنت تهزت بصوتو وهي دارت يدها على وجها كطااكي بقا كيراري بلبنت) اخر مرة نتغاوتو حداها منبغيش بنتي تكبر معقدة تكملي رضااعتها وغتمشي فحااالك نتي مستحيل تكون أم بزااف عليك الأمومة..... متعرفيييلهاااش!!!
وليد: (مشا للدار باش يبدل حوايجو على حساب لݣنازة لقا الضو غير فبيت نعاس مع حل لباب لقاها لابسة جلابة كانت خيطاتها بخياطة مخزنية فالكحل ولحمر ودايرة شال فنفس اللون مع ميني بوط فلكحل) هانا على الزااز كبيدة راه ݣنااازة ماشي عراسية
هند: علاش العرس غتلبس هاكا؟!!
وليد: (باسها) التيتيزة ديالي (تبسمت ودخل للدوش سدات عليه بلا ميجي حيت كان شاعل الرشاشة عاد لسقت ملصقات على شكل اثار رجلين ديال دراري صغار فلون غوز وشيبي فالأرض تابعين للنموسية وحطات فوقها بواطة ومشات للكوزينة جابت طورطة حطاتها فوق الطابل دونوي وجوج طباسل وموس عاد دارت شميعات صغار بقا كيدق)
حلي اهند
هند: صبر اصاااحبي (شعلت شميعات للي كانو على شكل سهم للطابلة للي فوقها الطورطة لاحت وريدات حومر فوق النموسية ضايرين بلبواطة رشت من ريحتها عليها وعلى لبيت زولت الشال وطلقت شعرها شعلت موسيقى إيطالية ونقسااات الصوت.. طفات الضو عاد حلات لباب....
مع فتحو كان لابس بينوار شاف فهاد الديكور شاف فيها وفنفسو كيقول واش وقتا وهي عارفة شنو وااقع!!! مهضرش غير كتبسم ياله غيمشي عندها شاف فالارض ملصقات للي كيعطيو الضو فاش كيتطفا (بحال نجيمات للي كيكونو فبيت نعاس) كانو رجيلات صغييورين تبسم تبعهم وهو يلقى بواطة فلحمر توقع شي كادو لقا وريقة مع غير شمع للي مشعول كان صعيب يقرا قرب الورقة)
Je t'aime bb
نتمنى الكادو للي غنعطيك يفرحك....
وليد: (شاف فيها متبسم) نتي عندي احسن كااادو
هند: اممم كمل (شاف فالسهم زاد تشوق كتر عض على شنااايفو حيت شنو ما كان الكادو حمقااتو هاد الحركة منها بزاااف.. تبع السهم كانت طورطة شعلت شمع لكبير للي كان فالطبلة وعطا الضو اكتر فلبيت.. هزت الطورطة للي كانت صغيرة تقريبا كيلو وجاية طاالعة هزااتها وعطاتو الموس تعجب) وغير كمل اbb (شد لموس) قسمها فالنص (قسمها وهو كيظحك حس بالموس وقف فشي حاجة شاف فيها كانت متبسمة حيد لموس وجبد كانت سكاتة عامرة بلكريم قربت لعندو وهو غير كيشوف ومدت يدها للي فيها التيست)
وليد؛ حاملة!!!
هند: (حركت رأسها باه وهي كتبسم)
وليد: حلفي بالله (حط ديك الطورطة وشغل الضو ورجع بالزربة بحال شي ملهوف شاف التيست للي فيه جوج شراطي حل فمو وشاف فيها حتى بقا كيظحك جرها عنقها بالجهد) الحمد لله يا ربي الحمدلله (هي كظحك بعدها وشاف فيها والفرحة غتنقز من عينيه جيدا باسها بحرااارة مصدووم معىطارف ميقول وهي هاد الفرحة للي فيه كافيااها وبزاف ومن تعامل مع مريم وحنيتو عارفاه غيكون احسن أب بقا كيشوف فهاد المفاااجئة للي كانت احسن فرحة) كنبغيك بزاااااف اهند (بعد عليها هز يديها وباسهم بجوج) كنبغييك بزااف هدا ماشي غير كانو هادي راه الفرحة التانية فحيااتي
هند: وشكون الفرحة اللولة
وليد: (راسها فجبهتها) نتي (جرها جلس وجلسها فوق رجليه) فوكاش عرفتي
هند: (الابتسامة مفارقاتش وجها) صباح
وليد: وعلاش مݣلتيلي والو
هند: وفين عنصر المفاجئة والفرحة ههه
وليد: حيااتي نتي فخباارك
هند: اه ههه
وليد: دابا واش هادي حالة نمشي بيها لعزو نبقا غير نظحكلهم تم بحال لهبيل
هند: ههه (قطعت مورسو ديال الطورطة وحطاتو فطبسيل هزاتو وحل فمو وكلاتو) نن حشوومة نديرو الواجب ديالنا ونفرحو فدارنا على خاطرنا (بقا كريم حدا شنايفو هبطت لحستها بشنايفها محس حتى جبدها من شعرها بشوية كيبووس وحتى هي منسااجمة معاه كتخلييه بلا عقل...
وقفت مبعدة)
حم وليد ياله نمشيو
وليد: ههه ياااك واخا المرضية ديالي (ناض وهي بغات تجمع داكشي مخلاهاش كيلبس وهي جالسة كيهضرو ويتغزل فيها باغي يهضر ويقول شحال من حاجة ولكن الوقت معندهمش دارت الشال عليها خرجو وهوما كيتغزلو فبعضياتهم وصلو دخلات لدار الحاجة فين كاينة أمال وهو مشا عند زهير باغي غير يجمع فمو من الابتسامة ومتبانش الفرحة فيييه....)
داز لعشا وكولشي تفرق لبنت نهاية فيها بشرى للي بقات فيهم حتى دعاء بزاااااف وكولشي كيدعي ليها بالرحمة والمغفرة طلعو أنوار لبيتو للي جاتو هيستيرية ديال لبكى وخاص للي يدݣ ليه الشوووكة الحاجة كتصوني على هند للي جابتها
الحاجة: بنتي دݣيلو شوكة راه غير يبكي مسيكبن وعويناتو مرااض
هند: لأنوار؟!! (شافت فزهير)
زهير: انا نݣولها لوليد (بقات هند ساكتة حتى حرك راسو باه زعما راه بغا) دخلي اختي (دخل معاها زهير كانت بشرى ختو للي كتبكي.. شافت فيه حاالتو ضعااف وعينيه فيهم الفاصمة بجوج ومقادش حتى يتحرك على حساب رجلو متنكرش انه بقا فيها شوية)
هند: أنوار انوااااار (والو كيتفكر مو فديك الحالة وبنتو للي بقات بلا دعاء براسو عاد حس بغيااابها.. جبدت الشوكة كتقادها عاونها زهير وباه باش يهدأ من الحركة عرا ذرااعو ودݣااتها ليه بقات ففمو غير *انا للي قتلت ما* حتى بدا صوتو كينقس ونعس غطاتو ختو وطفاو الضو وخرجو... شوية بان وليد مشات حداه هند)
لكبير: (للي ولات حالتو حالة) لا حول ولا قوه الا بالله العلي العظيم (فهاد الوقت كانت ليلى نعسات بنتو حدا ولدها للي تلهات معاه حيت تقريبا نفس العمر... كولها مشا يرتاح من بعد أيااام كحلة داازت عليهم بشرى نعست قريبة لخوها مخلية لبنيتة فأيدي أمينة حيت شافت طيبة وحنية ليلى هاد الايام... خرجو دوك تلاتة)
زهير: شكرا اختي هند عييناك معانا
هند: لا لا متقوولش هكاك غير هو واش صافي مبقاش غيشووف؟!
زهير: طبيب دار معاه من بعد 3 شهور يرجع باش يدير شي عملية المشكل فواحد رجلي للي غيبقى عرج بيها
هند: اممم مسكين
زهير: وراك شفتي من نهار لݣيتو وهو هاكا مكينعسش غير بليباري ودوايات
وليد: قااسحة مو ومرتو فنهار واحد الله ينجينا من المضرݣات وصافي
زهير: امييين سيرو ترتاحو شوية
وليد: نمشيو (دار يدو على كتف هند) هند مبقاتش هازة غير راسها ولات هازة جوج
هند: ههه حمق
زهير: (تبسم) ساااابݣك فزوااج ابنادم لاش طاااير
وليد: هههه كولشي بلمكتاب
زهير: (متبسم) ونعمة بالله مبرووك عليكم اسيااادي والله يكمل بالخير بعدا شي واحد يعيطلي عميي ماشي بحال لبغال ديال ولاد خويا للي كبر مني
وليد: ههه مكاين غير با زهير
هند: الله يبارك فيك اخويا عقبال ليكم
زهير: اميييييييين... نسالوك الزردة ابن عمي
وليد: غدا
زهير: مشااات ههه ياله سيرو ترتااحو (خبر زوين ومفرح ولكن جا فوقت للي النفسية مريضة شوية... مشا يطل على خوه لقاه جالس مع ولادو مبغاش يتطفل مشا عند مو لقا أمال جالسة بوحدها من بعد مشرلت مو دوا ونعست.. عيط ليها ومشاو لدارهم للي نعسو شي عائلة تماك عندهم حيت جاو العائلة من الأنحاء... طلعو لقيتهم وسد لباب وهي دخلت للدوش وجداتولو دوش لقاها لبست بيجامة خفيفة حيت طالقة الشوفاج)
أمال: حم نديرلك مساج
زهير: مكرهتش احبيبي (حيد تيشورت نيشان نعس على كرشو حتى هي حيدت التيشرت بقات غير بديباردور بقات كتزيت يدها وتمسد ليه ظهرو كتفافو جنابو رقبتو.. حسان بيه ترخى) تمااااااك
أمال: (بقات كتمسد عنقو وهي جالسة تحت ظهرو شد بيدو رجليها وطلع كيتحسس فخاضها بقات غير كضور عينها بقات كتماصي حتى تقلب وجلسها فوق🍌 للي كان منصب)
أحاااااااي ازهير
زهير: مال مك باغي نعزي
أمال: ههههههه (جبدها كيبوس فيها علات وجهها) واش ماشي حشوومة وعاد كنت حاالتك وانا كنکلب كيف ندير منخليكش فهاد الحالة
زهير: واش جاب شي لشي؟ وزايدون هاكا غتخليني مرتاح كتر
أمال: (عضت شنافتها) اممم
زهير: اممم وبزااف (قلبها تحتو وكملو شنو مكانش ناوي يديرو تحفظا ميخليش صوتها مسموووع....)
أشرف: (فاق على صوت بكى بنتو بالجهد ناض مشا لبيت لقا شيماء كتغوت ودايرة يدها ودنيها) مالها
شيماء: سكتها عفاك سكتها مكتبغيش تسكت ݣاااع
أشرف: (تخلع على بنتو حيت بكاها ماشي عادي كتعصر ورجع وجهها حمر وشنايفها زوورق) واشتا درتي للبنت (هز بنتو خايفها تكون دارت ليها شي حاجة شاف فشيماء للي جالسة جبدها من شعرها) واش درتيلها؟!!!!
شيماء: وااالو (كتبكي) والله والو هي مكتبيش تسكت رضعتها بدلت ليها والو مكتسكتش
أشرف: (كيدي ويجيب فراسها مزير على شعرها) واش همك غير مكتسكتش ومصدعاااك يا الق*** طرا لبنتي شي حاجة نحر مك (مشا لبيتو حط بنتو فوق لفراش وغير مكتزيد تغوت تلفااتو لبس قبيتو وجر صنداالتو الشك نيشان لشيماء دارتلها شي حاجة... لقاها لبست حتى جلابتها ودارت شاالها تبعاااتو ركبو فالطموبيل) وحق ربي المعبود حتى ندبحك يا *** غير صبري راكي تݣلبي عليها (هي ساااكتة مشاو كلينيك دخل لبنت المستعجلات للي ديما حاضر فيها طبيب اطفال وقفو عليه وهو كيقلبها واشرف كيعاولو حالة بنتو من نهار تزادت... دارلها حتى ليكو والسبب كان ليݣاز واغلبية ترابي كيكون فيهم ولا كيرضعووه من مهم خنزر فشيماء للي غير كتشوف بقات فيها بنتها هبطت كتلبسها حويجاتها للي كانو موسخين واشرف زاد كفر من اهمالها لكبيييييير ولكثييييير.. مشا جبد فلوس من ݣيشي رجع خلص وركبو فهدوء والبنت ناعسة.. شاف فيها)
ميمكنش هادشي دياااالك انا غنجيب وحدة للي تݣابلي لبنت
شيماء: حنان!!!
أشرف: حنان ولا غيرها اي وحدة غتكون حنينة على بنتي من غيرك نتي
شيماء: (جاتها لبكية وقربت لبنت لحضنها كتر) لا انا للي نݣااابلها
أشرف: صافي اشيمااا انا اصلا عمرني حسبتك مرتي ودرت بزااف فوق طااقتي
شيماء: (حست بخطر كبيير) مغنخليهالكش
أشرف: ونمووت ومنخليهالكش الله يجعلني نقتلك ندخل الحبس ونعطيها لمك تربيها خير متبقى عندك
شيماء: (بحال طرشها) راه بسباابك نتا... (صوتها كيرجف) راه نتا للي تعديت علية وحملتيني وانا مبغيااش علاش كتجي تلومني ونتا عاارف شنو داااير وعمرني خرجتها حتى من فمي كولشي عداااني خوتي ماما بابا للي لدابا مزال يسخط فية واخا هكاك مݣلت حتى شي حاجة لشي واحد
أشرف: علاش مݣلتيش
شيماء: مݣديتش
أشرف: ماشي ديالك حيت نتي لفعة خاصها تلوح سمها لاي واحد فطريݣها سوا اداها ولا لا
شيماء: (كلامو كان قرطاااس جرت بنتها لأول مرة عنقتها كتبكي) ديني للدار (ساݣ كيقلب على فرماسيان وهي كتفكر حتى ويديها لدار خوها مغيقبلوش بيها غير الا كانت لبنت معاها زائد أشرف مستحيل بفرط فبنتو وغتنوض حرب فغنى عنها وهي براسها ولفت بيها وصلو للدار طلعو بسكات كلامها ميتنسااش وبقا كيتعاود فودنيه وحتى هي كلامو فيقها وخلاها غير حاضية لبنت للي فأي لحظة مهددها يحايدهالهاا....)
يتبع...
التعليقات
لا توجد تعليقات بعد، كن أول من يعلق.