محتوى القصة
وليد: (صونا على مو ابيل فيديو فالليل منين كان داخل من الخدمة مكره من هاد العيد للي كيدوزو بوووحدو وهاد السبب مخليه يكره الغربة وما فييها) أمّي
نعيمة: (شحال بكات على جلاسو بوحدو) اولدي
وليد: لباس كدوزتو نهاركم
نعيمة: وكيدووز اوليدي بلا بيك (خرج من التلاجة بواطة كان مشرمل فيها لحم ودار شواية ديال الضو كتسخن)
وليد: حتى نتي امي ان شاء مزال الوقت ونعيدو مجموعين
نعيمة: نشاعالله
وليد: سمو درتو مع شيما
نعيمة: اوليدي واالو کالت مبغات جواج
وليد: راها فعمر جواج وحميد مناقصو خير هضر معايا ݣبيل وݣالي يخليها حتى تكمل الإجازة ديالها وتخدم ݣاااع
نعيمة: معرفت اوليدي
وليد: دابا نهضر معاها انا للي غنتفااهم معاها السيد معقول معندوش مع تلاوي الخاويين
نعيمة: يصاااوب الله اوليدي
وليد: (حرك راسو) انا ماشي باغي لوحدها لاي حد السيد بالصح معقول قرا معايا وزيد حتى من لقرايا باغيها تكمل ويعاونها دير مستقبلها مكنشوفو ناقصو حتى عييب
نعيمة: حتى يانا اوليدي وحتى مو الله يعمرها دار نعرفها مزياااان
وليد: غدا ونهضر معاها (شاف هند كتصوني) انا ندخل هند معانا
نعيمة: (دارتلو إشارة كانت ماشية للصالة وكان كولشي تماك)
وليد: صافي بلاش حتى تكوني وحدك (تبسمت قطعت معاه وهو شد هند) هنوودة دياالي
هند: بيبي
وليد: سمو كديرو؟؟
هند: واالو جالسة فجنان على ميجي زهير وأمال مشاو يجيبو باش نشويو شي حاجة والحاجة عيات مشات تنعس مسكينة
وليد: وجالسة وحدك؟؟
هند: راه غيجيو داابا مشاو غير للدار
وليد: اممم (محس غير نطق) شيماء جاو خطبوها شي ناس
هند: بالصح؟!! الله يكمل بالخير
وليد: بالصح راها معكسة
هند: اممم اوا كولشي بالزز الا زواج للي بالخاطر
وليد: مختالفناش ولكن السيد مزيان بوظيفتو مع الدولة يخليها تكمل قرايتها وانا كنعرفو مزيان الله يعمرها دار هو وفاميلتو
هند: اوا عطيوها الخاطر وهضرو معاها
وليد: وي فوكاش حناك تجي
هند: شي 10 ايام وتجي (تبسمت) علاش تتسول؟؟
وليد: كفاش علاه نسول علاه معارفاااش
هند: ههه شنو تتشوي
وليد: شي لحيمات جبتهم لبارح شرملتهم وهانا
هند: اممم بصحتووو
وليد: الله يعطيك الصحة بداو فداك لبلان
هند: اه دوزنا قبيلات زهير شفنااه كانو كيحفرو لكااڤ
وليد: على ميكملو لكاڤ نكون جيت ونشوف شي بلان زيين
هند: (وقفت كتمشى) عرفتي شحال فرحااانة
وليد: (تبسم) بالصح
هند: بزااااف أبيبي (حست يضربة فترمتها تزعزعت ضاارت ووجها مصدوووم مخرجة عينها)
وليد: ماالكي!!
هند: (رمشت عينها وشافت فوليد للي كيتسنى يعرف مالها)
وليد: باسم الله عليك ابنتي ماالك!!!!!!
أمال: (كيهرها زهير) أحااي ههههه حشومة خلينا هند وحدها حتى الليل ههههههه واش معييتش هاد نهار
زهير: اليوم حالف بيماااني حتى نسلخ 3 دلحواالا
أمال: أحاااي عليك لزهير راك غير تحشم فية ومّا تفيق تلݣااانا هاك
زهير: (مكاليها فحيط) مّا غير جات وجوجاتني
أمال: ههه
زهير: (حط جبهتو فوق جبهتها) دابا سمو ما فيهاش!! راه ابنت العبد كنكون فوسط الناس وانا جالس نتخيل فيك متعيقيش علية وتكاايسي
أمال: (شافت فيه والفرحة مغرقااها وباينة من ملامح وجهها) كنبغيك
زهير: (تبسم وحنا باسها فشنايفها بشوية) على هاد لكلمة نمشيو عند صاحبتك ولكن فالليل يا جدك تݣولي هاك ولا هاك نكتف والديك وندير ما بغييت فيك
أمال: ههه وتسخاا بية
زهير: بحلااوتها اݣلييع ݣلبي درك تجربيها... (تبسمت هاربة ضربها فترمتها بالجهد حتى قفزت) أبردييييي
أمال: هه (حشمت تحك بلاصة ديال الضربة هزت بواطاات شدهم من عليها وتمو هابطين من بعد مطفاو ضواو...)
~~~~~~~~~~~
عبد الله: (واقف كيشوف فيها وميل عينو لصدرها للي كأني اصلا لابسة كابيتشو واسع ومباين منو واالو)
هند: واالو غير تعكلت
وليد: (مشا حط كيشوي)
هند: (هبطت الكاميرا) اش بغيتي الق*** الله يحرق والديك الكلب (هزت دغيا الكاميرا) وليد بقا معايا على ميجي زهير
وليد: (كيقلب دوك لحيمات) مكنتش ناوي نݣطع عل(ضرب تيليفونها بالخف حتى طفا)
عبد الله: سمو دابا ازين (هند بقات مصدووومة تغوت يجي زهير للي مكيعرفش يتفااهم بعدت اللور كتشوف فيه بقرف مكتحملووش)
هند: سير من هنا حسن ليك
عبد الله: (مقرب ليها) ݣربي ورواحي لعندي راه معايا مخصك خير يا الزيينة (بغا يشدها)
هند: (دفعااتو) بعد مني الحماااار (شافت المجمر للي شاخض حداها) والله حتى نرميييه عليك سيييير بعد.. (شدها فيدها.. بلغوات) بعدنيييييي (هاد الغوتة جات فودنهم وهوما داخلين لجنان فين طرطق زهير عينيييه ومشا كيجري لايح لبواطات دلحم)
زهير: عبد الله!!!!!!
هند: (شافتو جاي كيجري هنا خاااافت أمال جاية كتجري ولكن ماشي نفس السرعة ديالووو)
عبد الله: (كيدور عينو) ياو راه جيت نشوف يمن
زهير: (دفعو بونية وتلاح معاه فالارض) الله يحرق ديلمها سلعة
هند: زهييير عفااك مت
زهير: (وقف بدوك جنون هز داك لمجمر ورمااه عليه بجمرووو.....)
نعيمة: (حطو لعشا وجالسين كيااكلو حتى نطقت) سناء بنتي كوولي
سناء: (مشهية تاكل الكبدة ولكن طبيبة مانعااها عليها) واخا خالتي
نعيمة: شيمااء بنتي شتك مكليتيش من صبااااح
احمد: حݣا راه جا عندي ݣبيل حسن للقهوة (شيماء طرطقت عينها) ݣال شي يوماين يجيو هو وعائلتو
نعيمة: مرحبا بييهم
شيماء؛ انا مبغيتوش مبغياااش نتجوج علاه مكتفهموونييش
نعيمة: (خرجت عينها) شيماااااااااااااء
نبيل: شتي شحال ضسرتوووها
ادم: لاه نتي مبغياش تجوجي كاين شي حد كيهرب من جواج
شيماء: باغا نقرا
احمد: تحركي خرجي علية من هنا (بصوت عالي حتى قفزها) ياااااله (ناضت من حدااهم)
نعيمة: (بقاو مكملين ماكلتهم حتى شافت احمد ناض) كول احمد
احمد: (شاف فيها) ديري لبنتك لعقل انعيييمة انا راني معطيات الكلمة للناس حتى شفت راحتها ومصلاحتها هي اللولة
نعيمة: (حركت رأسها باه) يكون خير (مشا من تماك)
ادم: مي راه بالصح شيما زادت فيه انا مكنبغي لا نغوت لا نضربها على وجهك نتي ووليد ولكن راه شي حوايج
نبيل: هاد ضسااارة هي للي خرجت عليها ولكن بالسيف نتوما للي كنتو طالݣينها مع ديك تمشي لوجدة
نعيمة: نتا غتسكت ولا متعاودش تهضرني بقااالك غير بنت عمك تجبدها
نبيل: يااااا والله حتى نقتلها (ناض خارج ونعيمة غير كتشوف جمعات داك لماكلة مخلاتش سناء تقيس لماعن غسلات لماعن جففات الكوزينة ومشات نيشان لبيت شيماء للي كانو حنوكها طايبين بلبكى)
شيماء: متجوجونييش أماما
نعيمة: وكان غير مكنتش عارفاك ميتة على جواج
شيماء: (طرطقت كتبكي) والله مبغيت نتجوجو هو كيعاودو عليه صعيييب
نعيمة: مصعيب واالو السيد ابنتي معقول وعندو غير مع نيشان وهو الراجل للي يقووم بيك وهضر مع خوك وليد وݣالو نخليها تكمل قرايتها وتخدم ݣاع الا بغات
شيماء: وااا مبغييييش انا بغيت واحد يكون ماشي من هنااا ويكون دمااغو متفتح وانا کاع دابا مبغيت جواااج
نعيمة: سمعي اشيماء انا نتساار معاك ابنتي نفرح ليك كولشي ولكن حتى لهاد تجويجة باااك للي عاطي الكلمة فيها وخووتك كاملين باغيين والسيد السمعة ديالو سابقااه قاري مثقف وواعي بوظيفتو وباغي يعاونك فمستقبلك شنو بااغا كتر؟!!
شيماء: (ضاقت) مبغيتووش اماما
نعيمة: واش باغيا شي حد اخر كتهضري مع شي حد؟؟ شي واحد مواعدك بجواااج
شيماء: (فبالها وكان غير جا وبان شهر قبل كانت تلسق فيه بيديها وسنااانها) لا
نعيمة: وشنووو ابنتي مالكي مهبلاني
شيماء: عفاااك اماما رغبييهم والله حتى نقتل راسي الا جوجتووني بيه
نعيمة: ابنتي نعلي الشيطان وديري عقلك راه وقت جواج هدا حتى انا بغيت نفرح بيك ونهز وليداتك وحتى باك ابنتي
شيماء: ومبغيييت ولاااد مبغيت واالو بغيتكم غير تبعدووني وتعطيوني التيييقااار ديروني مكيناااش (نعيمة بقا فيها الحال ناضت واخا فاللول فرحت حيت جا خطبها إنسان بحال حسن)
نعيمة: (بتنهيدة) الله يهديييك ابنتي الله يهديك على راااااسك.....
شيماء: (مشات تسلتات جاابت لبيسي شعلاتو دارت لفايس ديالها واالو معقلاش على فايس أشرف كتبت سميتو حمزة أشرف واالو معقلاش وبحال والو تكون بلوكاااتو.. جلست وراسها تقييل عليها كتفكر غير واش خوااا فيها ولا لا...)
~~~~~~~~~~
أشرف: (كان مشا لفيݣيݣ دوز العيد مع العائلة واخا معندوش والديه ولكن بقات علاقتو مع عمامو وخواالو كان متكي حتى جاه عمو) زيد اعمي
عم أشرف: مرحبااا بولد خووويا (كيشوف فيك) الله يرحم المرحوم
أشرف: اميين اعمي
عم أشرف: ݣبيل مشيت لقبور
أشرف: وااه كل ماجيت هنا كتمشي نترحم
عم أشرف: الله يرضي عليك اولدي
أشرف: امين
عم أشرف: متنوضش تجوج اولد خويا
أشرف: (تبسم) عندك لية شي عروسة اعمي
عم أشرف: ها بنات عمك خيرنا ميديييه غيرنا (أشرف ضرب الطم) فكر مزيان اوليدي كضرب تماارة اللهم ضربها على العاااااامر دير وليداتك اوليدي يونسوووك ودير مرتك حط عليها الراس راه الوقت كيمشي ماشي كيوݣف
أشرف: (كيفكر) يكوون خير اعمي
عم أشرف: نشااعالله اوليدي باك مزال جالس معانا
أشرف: غير غدا حيت خاص رجع نحل المحال دري للي شاد عطيتو شي 15 اليوم حيت بعيد فخرييبݣة
عم أشرف: وااااه!! زيد جلس اوليدي كمل غير عييدك
أشرف: واا الحمد الله منين جينا وتشاوفما وعيدنا جميع (حرك راسو باه) دابا رجع اعمي دابا رجع
عم أشرف: داركم اوليييدي (ناض عمو وبقا هو جااالس كيفكر فكلام عمو 30 عام شافها كاافية باش يفكر يدير مرتو وولادو وينسى عليه أيام تازوووفريت ويعيش فلحلال... خرج من داك لبيت كيتصاادف مع بنت عمو كتشطب حدا لباب بقا كيشوف فيها ولكن ماشي شوفة عادية كيعبرها بعينيييه واش تعجبووو واش تجيه على لݣااانة باش تكون مرتو ولكن بحكم لباسها الوااسع وحتى الشال لاوياااه مزيان على راسها تمشى ببطئ حتى ضااارت كيحنزز فوجهها وهي حشمت)
....: خاصك شي حاجة اولد عمي
أشرف: لا غير كنت امم كنت بغيت نشرب
....: (حطت الشطابة حانية راسها دازت من حداااه فين بعد نيفو بشوية معجباااهش الريحة للي دازت من حداااه بقا واااقف هو فهاد قضية ديال نقا حاااسم فيها جابتلو تبسم بلباقة هز الكاس من بلاطو شرب وردو)
أشرف: شكرا اختي (تم ماشي) تمساي بخير (مشا لبيت وسد لباب عليه على مجا ولد عمو للي كينعس تمااا....)
عبد الله: (كيغوت بحال شي جروو شي حد شدو وبقا كيعطيه بشي مشحاط.. كيتلوى فتراااب ووقف كينفض بيدووو) الله يحرق ديل ملتك الق*** (مشا جيهتو بغا يضربو وشدت فيه أمال)
أمال: (خايفة عليه) صاافي أزهير عفا
زهير: (بعد يدها وتم ماشي جيييهتو ولاخر هااارب كيعرج ويدو فوق حجرو ملقا زهير غير كيبغي غير يهز لحجر يتبعو كيلقى فيدو غير تراااب وربيع للي بجنون كينتفو من الأرض تبعاتو هند بجرا)
هند: عفااك ازهير الله يرحم ميييمتك فهاد نهار
زهير: (ضار عندها معصب وشاف قداااامو حاس بريتو غتخرج خلاها ومشا زربااان لقا عبد الله واقف حدا النفوورة حاني سخفااان للي غير شاف زهير دخل لدارهم وسد لباب عارفين نقطة ضعفو خوووه وفنفس الوقت حس بالشمتة للمرة التانية من جهة ولاد خووووه واحد شفرو فرزقو والتاني تبسل على امااانة عندو وهند عندو ختو صغيييرة ومرت خوووه وخت مرااتو عندها بزااف ديال الصفاات والاهم عزييييزة عندو محس حتى ضاار من ظهر ديال الدار شاف فسرجمو فين كان الضو مشعووول هز حجرة وشرب فالزاج للي غير تشقق تحل كانت جيهان) كلمي لكلب درااجلك
جيهان: (مفهمت والو) مكاينش اخويا
زهير: ݣولو لمرة جاااية نتا للي غتكون معلݣ فبلاصت سݣااايط (مشا جيهت لبنات مكره وحوايجو مالقين دايرين 111 شافهم واقفين وجمر مشتت وبدا يخمد)
زهير: سمو دارلك؟؟
هند: مدار والو اخويا الله يحن عليك بعد من المشاااكل نتا عارف شنو كاااين
زهير: موووت وحدة كاينة الواحد الا معاااش هاااز راسو غير يروووح يدفن راسو تحت ترااااب
هند: والله مداار والو نتا جيت وهو هرب
زهير: واش ديما كان يوݣفك؟؟
هند: لا لا والله اول مرة (شافت فيها امال بلا متحس زوهير حاضيها للي خلاه ميتيييقش حيت عارفها باغية غير تهدن الامووور)
أمال:
زهير: اممم جلسو انا نمشي نجيب لعواد (جلسو وهو مشا مكره جاب لعواااد واحد الراس باغي غير يمشي عندو معندوش مشكلة قاااتل ولا مقتوووول ولكن مهدن راااسو غي حيت أمال فحيااتو ومزال باغي يعيييش حياتو معاها وعاد مو للي غتموت الا وقعت ليها شي حاجة عاد خوووه لكبير للي مريض وغيزييييد جاب لعواد تحت نظرااتهم كيشعلو شاف فامال) فين دوك لبواطات؟؟
أمال: علاه كتغوت علية يامنا؟؟
زهير: (طرطق عينو) يانا؟!!!
أمال: ݣبيلة دفعتيني وݣاع مدييتها فية ودابا كتغوت علية
هند: ههه السيدة ولفتيها لخنات
زهير: وهانتي تشووفي اختي حنا فين وهي فين (لوات شنايفها) يهديك الله ابنتي راه وكان منتي مووس واحد يفكني من داك لكلب (وقف) وااااخر مرة يعاود شي يوݣفكم ومترووحوش لعندي (شاف فهند) الهضرة معاك حتى نتي ماشي غي حيت امانة عندي لا حيت نتي ختي صغييييرة بربي لمرة جاية حتى نشوط والديييكم بجووج.. (ناض شاعل لبيل كينݣر وكيقلب على دوك لبواطات للي مفكر لاحهم فالدخلة)
هند: هاكا اختي لهييه بهضرتك والله حتى خفت يعاود يرجعلو
أمال: حتى انا والله
هند: عرفتي شنو اليوم غتاصبيييه ا
أمال: أحااااي وشنو راكي تݣووولي
هند: عادي رااجلك مع يدخل لبييت هبطيلو سرواااالو والله زهير حتى ينسى سميييتو
أمال: احااااااي لا لا منݣدش هاااااااء واش هبلتي ولا شنو
هند: جربي والله حتى يعجبو الحال.... (جا عندهم كيستف فالشوااية وفراسو مطااارق وغيديييرهم... وأمال مشات كتعاونو تحط فطباسل وهند وقفت كتقلب على تيليفونها للي لقات لانكساابل تشقق) تفوو على حيوان الله يعطيك لفتق (شعلاتو وطلقت كنكسيون لقات وليد مصوني بزااف معرفت واش تصوني ولا شنو كتباتلو.. صوري بيبي تعترت طاحلي التيليفون وياله شعلي دابا (طلعت جوج شرطات ولكن متقراوش وحتى هي رجعت حدااهم والرجفة للي فيها بدات تنقض...) تعشااو بصمت هو غير كيمد ليهم ومكيااكلش مخليينو على خاطرو حتى هزت أمال لحيمة وحطاتها حدا فمو حل فمو وهو مغوبش وهي كتبسم معاه..)
عبد الله: (كان دخل للحمام نيشان حيت كولشي تفرق حيد حوايجو كان بين فخاضو محرووݣ وحدا صدرو وعنقو بقا غير يلعن ويسب لبس حوايجو وهو معݣوور من بعد منفضهم وطلع لبيتو فين كانت جيهان واقفة كترااري بولدها غير دخل)
جيهان: فين كنتي؟!!!!
عبد الله: كنت مع عبد سلام صااحبي علاه
جيهان: (حطت ولدها بشوية فناموسيتو ودوزت الريدو) شوف شنو دار داك لمسعوور ديال عمك ولا معرفت لحظة اشنو كيجيييك
عبد الله: (مطرطق عينو) غدا ونتفاهم معاه
جيهان: حتى هو هاكا ݣاال غدا ويتفاهم معاك
عبد الله: اممم صافي سيري تنعسي
جيهان : شنو واااقع اعبد الله واش دابزتو ولا شنو؟؟؟
عبد الله: غير متفاهمناش على شي حسابات
جيهان: مالك كتعرج
عبد الله: غتنعسي ولا غنهز حوايجي نهبط للصالون
جيهان: صافي هاني سكت (بقات كتشوف فيه هز حوايجو ومشا للدوش بقات غير كتحنزز حتى جا مبدل)
عبد الله: فين ديك لبومادة دلحريݣ
جيهان: (مشات لقجر جبداتها) فين تحرݣت
عبد الله: رجلي (خرج للدوش برا دهن وهو مقصح ورجع نيشان تحشا فبلاصتو حتى هي تحشااات وصقر..)
~~~~~~~~~~~~
زهير: (سد باب سطح ) راه الساروت فبيت ما ولكن بلا مطلعي لتم حتى لصباااح وهاني غادي نسد لباب عليك والا بغيتي شي حاجة صوني علية
هند: ههه واااخ ابا زهير
زهير: (حرك راسو باه وتم خارج مكره طرق لباب ومشا لدارو كينݣر متصرطاتلوش فداارو ومحاااسش بالأماااان... دخل لدارو سد لباب وطلع فدرووج طافي ضوااو دخل لبيتو لقا أمال لابسة شوميز دونوي فلحمر وطالقة شعرها ودايرة عكر حمر باينين شناايفها من لبعد تبسمت وبانو سنيناتها.. شاف فيها وضار سد لباب هي حمااارت مولفة شي ردة فعل منو مشا جيهتها بملامح مكيتفسرش محسات بيه غير عنقها وذقنو حطو فوق كتفها شد يدها ودورها على ظهرو) ياااو غنتفرݣع أمل
أمال: (تبسمت) راك حرݣتييييه شنو باقي باغي ديرلو
زهير: عارفين ولاد لكلاب مكنݣدش لخويا ولمّا
أمال: (زادت كتعنقو حتى هي)
زهير: الله نعل جدها طااااسيلة جووج خووت شمااايت ماشي ماشي رجااال
أمال: (يدها معنقاه حطت يد على عنقو كتلمس وهو كيتحسس من دوك اللمسااات ويحني راسو موترااه بدوك اللمسات للي هي سهااات وبقات كتلعب فعنقو حتى وقف خالعها) امم مالك؟!!
زهير: سمو كنتي ديري داابا
أمال: (توترت) كنت نوااسيك
زهير: يااك! اجي راه باقي واحد خووونا مزال خاصك توااسيه
أمال: (حلت فمها وهو يهبط يشلقمها ويدو كتزرب باش يحل السنسلة هي كنبغي غير تساااير معاه حتى شد يدها وحطها فوق 🍌 بغات تجر يدها وهو يشدها مزير عليها حاطها فوقووو وبيدها كيطلع ويهبط مخليها مشوكية ومبلوووكية حتى ختمووها بطرح للي حاول يكوون معاها خفييف ظريف ولكن كما العادة....)
أصبحنا وأصبح الملك لله...
زهير: (مع فاق بانلو غير عبد الله فلبلان واحسن حاجة فكر هي يهز مو وأمال وهند ويمشيو يغبرو لسعييدية ضار لقا أمال جابدة عليها بنعسة باش كتعجبو مكاين غير لعرااا شاف فصدرها للي صغير واخا من ديما كان كيعجبو لكبر.. محس حتى قرسها فييها بشوية والو منااضتش كحز عندها عاضها بشوية وهي تفييق مزعزعة بحال كل مرة كتهز لغطا وتخبي رااااسها) هههه يااا محااااينك هادشي باش عاجباااني ديما حاضية رااسك راه غير راااجلك اݣليييع ݣلبي
أمال: كل صباح كتخلعني
زهير: (تبسم) وروااااحي نحايد ليك الخلعة ونكوييك عليها (بقا كيضحك وهي غير كتشوووف حتى هجم عليييها)
~~~~~~~~~~
محمد: صافي هضرنا غدا غنمشيو نشووفوها ونروحو فحاالنا
فتيحة: والله لا مشييت
محمد: انا ومريم ماشيين بغيتي ياله مبغيتيش امي معندي منݣووولك (خرج وخلاها كتردح وتبعاتو مريم كتغشل راسها غير باش متبقاش معاها الراس فالراااس حيت متااهماها هي للي كتعمرلو راااسو)
~~~~~~~~~~~~~
ادم: (كان كيخرج صندوق ديال لمونادا وشي تخربيق ديال مشماش برقوق لوز اكاااجو وهو يدخل محمد) فين اولد عمي
محمد: شي عراااضة دي؟؟
ادم: علاه مݣااالك با والو
محمد: لا سمو كاين
ادم: غدا شيما جاايين فيها الخطااااب
محمد: (هز حواجبو بجوووج) مزيااان الله يسخر (تبسم وكانت ابتسامة غير عااادية معناها انه محس وبوااااالو) الا كانت شي حاجة نعاون عيطلي
ادم: غدا غير يهضرو ضرووري مطلع نعشا معانا على ميشوفو شي وقيتة ويكون وليد رجع
محمد: علاه فوكااش يرجع وليد
ادم: شي 15 اليوم باش مشا ݣول باقي شي سيمانة ولا كتر ويرجع
محمد: اوا الله يجيييبو على خير مهم انا غدا روح نشوف ختي لوجدة اوا نشاعالله الليل نكون هنا
ادم: مزيااان سير شووف ختك ماشية مرت عمي؟؟
محمد: (مكره) اودي رااااك عارف سمو كاااين
ادم: صبر وصااافي اولد عمي (طلع معاه شي تقدية للدار دخلو من بعد محنحنوووو كانت شيماء فبيتها غير سمعت صوتو كيهضر لبست شالها وخرجت عندو)
محمد: واه نشاعالله نمشيو نشووفوها
نعيمة: تهلا اوليدي فديك لبنت راها يتيييمة ونتا بلاصة بااها
محمد: داكشي للي كاين (خرجت شيماء شافها شاف فمرت عمو) حݣا مبروووك على شيما الله يكمل بالخير
شيماء: (تصدمت حيت اخر حل وإنقاااد عندها هو)
نعيمة: (بدوك الشوفات للي كدير بنتها خافتها تبزݣلها عاود) الله يبارك فيك اولدي (مشات حدا شيماء) اجي ابنتي معايا (جراتها ودخلاتها لبيت وسدت لباب عليها مشا محمد) واش هبلتي
شيماء: (تنهدت تنهييدة طوييييلة) خليوني عليكم اماما مبغييتش نتجوج وغدا غنݣووولها ݣدااام كولشي
نعيمة: اوا سني على عمرك ابنتي (خرجت وهي ترجع دخل مقوسة عينها) علاه مبغيتيش تجوجي؟؟؟
شيماء؛ هكاااك بغيت نعيش وحدي وهادشي للي راك ديرو فيه حرااااام
نعيمة: حرام؟؟ حرام حيت بغيناك تجوجي وتعيشي حتى نتي حياتك وديري وليداااتك
شيماء: معندي منديير بشي ولاد اش غنݣجدر بيهم اصلا كنكره شي حاجة سميييتها لبز
نعيمة: يهديك الله ابنتي لولاد راه هوما للي مزينين هاد الدنيا
شيماء: عليها دايرين لية قييمة....
أمال: (راكبة اللور هي وهند وميغنييو مع اغنية ايمن السرحاااني والمختااري وأمال عزيزة عندها هاد الأغنية من نهار غناها عليها زهير فاش كانو راجعين من طنجة... شاف فمو للي جالسة حدااه كتهز ومرة مرة كتحرك كتيفاااتها بالرݣااادة)
زهير: يهديك الله الحاجة سمو خليتي للبز للي اللور
الحاجة: خلييهم ينشطو عيييشو حيااتكم ابناااتي (بقا كيظحك وهوما كيصفقو ويغنييو وصلو لسعييدية وهبطوو أمال كانت لابسة شوميز فلموطارد فيها حزام رقيق فالخصر مع سروااال بيض وصبيبيط فلموطارد مع صاكو فلبيض وفيه تويشية فلموطارد وشال ملون بيت لموطارد ولبيض ومقادة وجهها خفييف بزااااف وهند لابسة تيشورت طويل حدا الركبة فيه فتيحات فالجنب مع سليم دجين وسبرديلة بيضة وشعرها جامعاه كوب شوفال وحتى دايرة غير مكياج خفييف انا الحاجة لابسة جلابة فلبيج وعاد غانسة ايزاار زهير مشا حدا امال فين كان الشال هارب وباين شعرها قادوولها كيهضر معاها)
زهير: تبقاي تکادي دشي أمال
أمال: والله حتى كيبقى يزلق
زهير: يا انا للي زاااالݣ فييك (تبسمت زادو دخلو لوطيل للي كان مريزيرڤي فيييه نيشان خرجو برا فلبحر أمال طرطق عينها فرحااانة)
أمال: يااااااه لبحر
زهير: (متبعها كفاش فرحت بحال شي بنت صغييرة) رواااحي معايا (شافتو ݣلع سبرديلتو وحتى هي حيدت صبااطها) ݣلتهاااالك (رجعت لبسااااتو دغيا مباغيش رجليها يبااانو شاف هند جرت الحاجة ومشاو جلسو فطبلة تبسم باش كتعجبو هند كتفهموو.. شد يد أمال وزاد جاارها وهوا لبحر كيضرب فيييهم)
أمال: اول مرة نقرب هاااك هههه (وصلو. حداااه بقاو واقفين حدااه) زوييين بزااف
زهير: يسخن الحال ونجيو نعوومو
أمال: (فرحانة) بالصح؟!!
زهير: عمري ݣلت ليك شي حاجة ومدرتهاش
أمال: ههه لا
زهير: اوا الله يرضي على بنتي تبقاي تسبقي اي حاجة ݣلتهاالك... دوزو نهارهم غير فالظحك والنشاااط تغداو بقاو شحال عاد تمو راااجعين لوجدة للي داك نهار عبد الله مباااانش
زهير: مّا غدا خو أمل جاي هو ومرتو
الحاجة: مرحبا بيهم اوليدي
زهير: بغيت شي وليمة مطرطقة ليييهم
الحاجة: على الراس والعين راهم فاميلتنا حتى دوووك ....
~~~~~~~~~~~~~
أصبحنا وأصبح الملك لله...
شيماء: (لبستها مها قفيطين خفييف بالسيف عليها وأكترية منين سمعت باها كيحيح برا لبست شالها حالفة مديرش نقطة ديال المكياج وفكرت لهرووب مسيطرة عليييها ولكن كفااش غديير عيات تفكر مها حاضياااها وحتى الا سلكت وهبطت لتحت خوتها وولاد عمها وعاد الدار فلغدا كانو عارضين يعني الدار مسطووومية وملقاات جهد شافت فلمراااايا بقات كتحنزز فيها مزيااان وقلبها كيضرب فكل الاحوال الا مهربتش مصييييرها تموووت مكرهتش ضرب رااسها قبل ميتفرش وتموووت بشوووهة كبر وتخلي وصمة العاااار لعاىلتها وللي كيهمها فيهم مها وخوها.... كتر لغا فالدار وعرفتهم جاااو.. دخلت سناء)
سناء: شيما نوضي تكلمي لخالتي
شيماء: سيري **** علية نتي عااود
سناء: (جمعت الابتسامة وضارت ماشية ناضت شيماء كتصووط وخرجت بان ليها غير باب الدار محلول كولها فين ملهي وكيهضر....)
زهير: (متبسم مع محمد للي واقف حدا أمال وداير يدو على كتافها وهز يدو) طريق سلااااامة
محمد: (متبسم من بعد نهار دوزو معاهم كبروو بيه هو ومرتوو وشاف ختو عايشة عيشة الملووك وعندها قيمة كبيييييرة)
أمال: صوݣ غير بشوي اخويا
محمد: تهلااااو فبعضياااتكم
مريم: بسلاااامة (كدير باي باي حتى زاد محمد باش يوصل قبل مباذن لعشا)
أمال: (بالفرحة دارت يدها من مور ظهروو) ݣاع مسخييت يمشيييو
زهير: نمشيو عندهم احبيبي
أمال: (جمعت الظحكة) ها لا لا منخلييش مّا وحدها
زهير: هههه واااه ابنت مّا (تم جارها داخلين وكان فاتجاه دارو)
أمال: منمشيوش عندهم؟؟
زهير: لا باغي نطلݣ عظااامي
أمال: وا سيير على منمشي نجمع الدنيا ونلحݣ بيك
زهير: أمل هادي باش نكونو متفاهمييين فيها محدي نكوون معاك فالدار نلݣاك ديما تفركلي حدااايا رجلك على رجلي منين نكون فمحالي سكني عند مّا على منجي
أمال: (فرنست من هاد الحب وهاد الاهتمام) وااااخ
زهير: هاكاك الله يرضي علييك (وصلو لدارهم وخرجت لكاملة كتجري لقات زهير)
لكاملة: زهير دي ولدي عبد الله لصبيطار
زهير: (هز حاجبو) علاه فين عبد الوافي
لكاملة: (مخلوعة) مشا للمحال ياله زيد وليدي لصبيطار معرفت سمو وقعلو منعس مشافو مرتاااح (جات راجعة للدار)
زهير: (دور ساروت دارو) ولدك يبان ݣداااامي نحرو من لودن لودن (ضارت مطرطقة عينها وهو دخل ساد لباب وأمال غير كتشوووف مبغاتش دخل حيت شافتو غووبش وخلاتو على خاطرو... اما لكاملة ريتها بغات تأكلها دخلت كتخطي وتدعي فيييييه باسوء الأمراض....)
أمال: واش هاد خالتي الكاملة ممزيانش
زهير: نتي أموول علييك غير بالاحترام السلام السلام وتسعي اللور متجمعي معاها فوااالو وحتى بناتها
أمال: واخ
زهير: عندك هند صاحبتك برااكة.. العشرة كتكون حدها جوج يدخل التالت يتفرتك المجمع...
~~~~~~~~~~~~~
شيماء: (هابطة فدروووج بلا حس دازت حدا دار عمها كتسمع صوت مريم للي كظحك وكتعاود على آمال لعند ليلى خسرت كمارتها وهي كترجف وقلبها غيسكت بالخلعة الا تحصلت ذبيحة نيشااان... ياله فتاوي للجهة لمظلامة دخلت فمحمد لي كان عاطي بظهر وكيكمي خلعاتو ضاار لقاها واخا ظلام ولكن عرفها) محمد عفااااك عتقني مبغييتش نتزوج هدا هانتا متزوجة انا وياااك خلي مريم مهم غير تجوجني
محمد: (لاح لكارو) ابنت عمي يهديك الله واش وقت كنت عاطيك وقت كنتي نتي دايراااني سوكووور ودابا جاية لعندي تجوجني انݣووولهاالك شتي نهار دخلت على مريم وليتي تبانيلي (خسر كمااارتو) خليني موقرك على وجه عمي وخووتك ومك للي مديراااش بقييمتهم ودابا ترجعي ولا غندير فيها خووووك وغنعطي لمك سلخة (بقات غير كتبكي)
شيماء: راه مبقييييتش بنت غيقتلوووني ونتا عارف حسن للي باغي يخطبني شحال قاااسح....
محمد: (ببرود) هادشي علاه لاصݣة فية!! باش نكون حميدة ونستر مدااار الزلال للي كنتي معاه
شيماء: (كتبكي) هو هرب وخلاني هء هء..
محمد: نتي للي بغيتي تكوني حمااارتو كنت باغي نعيشك كما بغيتي ابنت عمي ولكن نتي درتي طريݣك ودابا ضبري راااسك (زاد قدامها وهي بقات كتشوف كتمسح دموعها حتى شاف ادم خارج كيجري غير قشعها جاي ليها وقفو غير محمد) رَيَّضْ
ادم: (جاهل عليها بغا غير يشدها) والله يااامك حتى نعلݣك من شفااار عينيييك يا الكلبة باغيا ديرينا علكة ففااااام الناس
محمد: هنيينا ݣلتلك ريض ختك ها هي هنا ودابا غطلع ومريضنا معندو باااس (ضار عندها بوجه بااارد وأكترية منين عاوداتلو شنو كاين مبقاش كيضويييها) طلعي نتي
شيماء: (زادت كتبكي وطلعت بعرض بطيييئ... كنسمع فخووها غير كيتحلف ومحمد كيطفي غضبو انها برهووشة ومكتعرفش تفكر وغير طيش منها.. زاد كلامو كيذبحها لقات مها صفرة بالخلعة للي غير شافتها عينيها عمرو بدموووع وواقفة شابكة يديها وباين عليها مخلوووعة)
نعيمة: ياااك ابنتي هدا جزاائي (بقات وااقفة وشيماء غير كتبكي دخلت نيشان للدوش كتبكي الدم.. ومها حدا لباب رجليها فاشليين عليها وبحرا قادة توقف شافت محمد مطلع ادم للي شادو كيهضر معاه.. تنهدت دخلو وهي سدت لباب خايفة لبنت تهرب عاود ومفهمااش علاش هادشي كااامل... مشات دايرة ابتسامة على وجهها قدام الناس باش متزيدش تبين كتر ودارت إشارة بعينيها لسناء زعما راه جات)
....: فين شيماء بنتي نشوفوها؟؟
نعيمة: لبنت عندي الحاجة حشماااانة شوية وتجي
...: (تبسمت) غير بشوية عليها..
شيماء: (شافت راسها فلمرايا وحست انها ضااااعت حتى من محمد اخر حل عندها الشوفة منو ولات قااااسحة وكلامو قرطااس ودابا كتسني على موتها وشوووهة لعائلتها حنات كتغسل وجهها مسحاتو بفووطة شافت راسها باينة باكية خرجت من تماك نيشان لبيتها ملقات غير تجبد اتروس ديال مكياجها وطلات لوجهها كتخبع اثار لبكة قدات الشال على وجهها وفعينيها غير مها وديك الشوفة والكلمة للي قالت ليها وحتى وقفتها وهي كتسنى بنتها واش ترجع ولا لا... خرجت حانية راسها حتى دخلت لعندهم الصالة للي كانت حتى فتيحة للي طلعووها كتعرج فدرووج كولشي ضار وقفت نعيمة ومشات حداها مقدرااش تشوف فيها)
نعيمة: زيدي ابنتي سلمي على الناس هادي الحاجة زاهيرة ماين حسن (شيماء عينيها فالارض دايرة ابتسامة خفيفة متصنعة الترحاب سلمات عليها وعلى عمتو وعلى للي موجووود وجلست حدا الحاجة للي كتشوف فيها وتبسم ناضت نعيمة مشات للكوزينة نيشان لبابو عمرات كاس دلما)
ليلى: (هي للي كطيب) امدرا انعيمة
نعيمة: (بانهيدة حركت رأسها باه مقدتش تهضر)
ليلى: بشوية على لبنت ياكما مفاهمة مع شي حد اخر راكي عارفة هاد الوقت غير وقتكم شديها وهضري معاها
نعيمة: هضرت اختي هضرت وݣالتلي مكاين حد (جلست فكرسي غير ساهية ليلى بقات فيها نعيمة وجاب الله هي للي مشات طل على شيماء وملقاتهاااش انا وكان معرفت فين تمشي.....)
دازت ديك الليلة على خير وشيماء غير حادرة الراس وللي تقالعا كتحرك راسها باه.. الخطوبة غتكون من بعد يوماااين ولاكط حتى يجي وليد حيت حسن مزروب وبغا يرحل لوجدة وهو عااااقد والعرس حتى مور امتحانات شيماء ونيت حتى الا خرجت معاه تكون بيناتهم علاقة رسمية باش واليديها يرتاحو.. غير مشاو الناس والعائلة طارت لبييتها شادة لباب عليها مدورة السااروووت مخلية ادم غير كيخبط فبابها مخلي نبيل وباه مفاهمين وااالو جراااتو موو للكوزينة وهي بقات هاطيااها غير لبكى..
~~~~~~~~~~~~
نعيمة: (كانو كيستفو الحلوة والداخل والخارج كتير حيت غيديرو خطوبة كبيرة فيها تلباس لخواتم الدار تسيقت وتعطرت ونعيمة طلقت مبخرة فيها بخوور ديال الحج طياب كولشي موجووود تقريبا كيوجدو غير شنو يتحط فكاسكروووط...)
فتيحة: شت بنتك من نهار جاو يهضرو فيها مخرجتش حتى لغدا اليوم مجاتش تاكلو معانا وعاد فالليل خطبتها
نعيمة: (معندها خاطر) اش بغيتيها افتيحة
فتيحة: واها سمو بغييتها؟؟ علاه مجااات لا تعاون فحلوتها وتجلس معانا لا تجمع مع لبنات
نعيمة: وحدة عندها خطبة بالليل لاش تعاون انا مها نخدم عليها بالضووووبل
ليلى: متديش عليك اختي نعيمة مموالفااش بلبنات حدها كبرت دراري وصاااافي اما لبنت للي عندها لاحتها فالتووووش خلات لبرااني حاامق عليها وهي غير عݣداااهم عليها
فتيحة: اسمعي نتي رجلي وقربت نوݣف عليهم
ليلى: فين غتوݣفي فالحبس؟؟
فتيحة: لا دخلييلو نتي وداك لحرااامي للي فكرشك
ليلى: (ناضت وهي تجرها نعيمة) بزااف عليك يا السحاااارة انا نيت للي نشك ديك لبنت للي كارهاها علاش (هزت حاجبها بحال عااارفة شي حاجة وهنا فتيحة غير بقات مطرطقة عينها مولاتش هضراااتها)
نعيمة: فتيييحة نعلي الشيييطان وكبري عقلك
فتيحة: (بلغوات) مريم مرييييييم
مريم: (خرجت كتجري من لكوزينة) نعام اخالتي
فتيحة: (بعصبية) رواااحي هودي معايا لتحت
مريم: خالتي راه المسكووتة (الكيكة) فالفرااان
نعيمة: نعلي الشيطان افتييييحة فين هااودة وحنا عدنا الفرح
فتيحة: يانا يا ديييك فداارك نتي وسمو تختاااري ونتي زيدي ݣداامي ورجعي وليلااا عرفتك هضرتي مع دي غنتبرا لراااجلك وباااك هااا ودني منك
ليلى: سيري تزمري وبعدي لبنت عقدييها كما عقدتي بنتك (مريم شدت فذرااع فتيحة معاونها تهبط.. لحقت بيها نعيمة لحدا لباب)
نعيمة: فين ماشية افتيحة
فتيحة: على ميجي الناس نطلع.. (هبطت ونعيمة دخلت كتنهد.. مع وصلت لدارها لتحت جات ضايرة ترجع)
فتيحة: سمعي نتي داك تقزقييز ديالك مخدااامش معايا تشدي لارض مرحبا بيك ابنت ختي تعوااجي نردك عند مك
مريم: علاه سمو درت اخالتي
فتيحة: سولي رااسك هااااا ودني جلسي متبعة ديك العاقسة زيديها على لولاد للي مݣديتييش حتى تحملي بييهم (هاد النقطة كتذبحها متهنات حتى بكاااتها ودخلت للدار كاااعية حتى من بنت ختها رجعت غير تهتر بليلى حتى من محمد للي ولا كيلح باش تسكن معاهم على طووووول.... كانت غطلع عند )
الكاملة: (كتسنى فجيهان حتى خرجت من بيت ولدها) امدرا ابنتي؟؟
جيهان: درتلو قوة دوايات اخالتي شرب كينة ونعس مسيكين دازت عليه بالليل منعس مشااافو
الكاملة: ااااح على وليدي وشتاا حرݣو ابنتي؟!!!
جيهان: والله معرفت ݣال تحرݣ وهو يدوش ولكن هاد لحريݣ لي فيه بحال حطيتي جمرة عليهم اخالتي وحراام واش بغى يعطي راس الخيط ومنين لسݣ فيه يهضر يتفݣع
الكاملة: (باستغراب مفهمتش ولكن حقدها على زهير للي مبغااش حتى يعااونو ويديه لصبيطار وكملها باغيا فيه ومكرهش يزيدو كولشي جا يطل الا هو ومرتوو...) اندخل يانا نهضر معاه
جيهان: غير غيبقى يغوت عليك اخالتي خليه ينعس وبلاتي وهضري معاه
الكاملة: لا حولة ولا قوة الا بالله العلي العظييييم الا كان من عند الله مرحبااا بيها الا من عند العبد الله يااخد الحق فييه....
جيهان: اميين ولكن اخالتي معرفت لااه نݣول الدقة من عمو
الكاملة: (خرجت عينها) زوهير!!!
جيهان: ولاه عندو شي عم من غيرو غير مبغيتش نهضر داك نهار للي جا محروݣ فيه داك لمݣنوي ضرب جاج بيت نعاس جاب الله غير تشقق هانتي يفيق عبد الله ودخلي شوفيه طليت عليه وݣالي غندبح راجلك وغير كيتحلف فيه
الكاملة: (مطرطقة عينها وخاصها غير السبة على زهير) باش نتبعوو لييه الله ينعل اصلو الجحمووم لاااخر انا نوري للكلب... (ناضت مفقووسة مشات للكوزينة كتقاد فلغدا بلفقاايس حتى بانتلها أمال حانية كتݣلع ربيع ولا معرفت شنو داكشي.. غسلت يديها وهي كتنݣر وتدعي مسحتهم وخرجت لاوية ليزار عليها كتزرب لعندها لقاتها مزالة كتحايد البصلة الورݣية باش تقاد لزهير ملوي دالشحمة للي كيعجبو هزت راسها من الظل للي كان فوق راسها لقاتها الكاملة)
أمال: حم سلام خالتي
الكاملة: يخوييلك جنااب وركاابي لا نتي لا الجحموم دراااجلك
أمال: (كضور عينها) حشومة خالتي لاش تݣولي على زهير هاااك
الكاملة: (مخرجة عينها) نݣوولها وكيبغيت يا الخااانزة يا للي مك سامحة فيك ولكن عاد عرفت علاه سوووسة يا الكلبة خليتي ولادي يكرههم عمهم للي طلع بودييينة (أمال مصدووومة وكترجع باللور والكاملة كتعاير وتسب حتى وقفها أمال الحيط صغير ديال لبير)
أمال: شوفي خليني محتارمااك حتى انا راه نعرف نجاوبك.. العيب اخالتي سااهل بغيتي شي حاجة يجي زهير وݣوليها ماشي تخليه حتى يمشي وتجي تبردي فية غدااااايدك
الكاملة: راكي تجاوبي فية وتردي الهضرة
أمال: واه ردها علاه نتي وقرتيني ولا مشفتيش لكلام للي ݣل.. (غفلتها وهي كتهضر ودفعتها بكل قوتها فدار لبيييير فين غوتت اماال بجهدها)
الكاملة: اوا لݣاي دابا علامن تردي (ضارت شافت مكاين حد وحتى وكان شي حد كانت تسمع غوات ردت ليزار عليها وزادت مخلفة لدارها متلفتتش من موراها وفبالها غتمووت وممسوقالهااااش مهم بردت غدايدها وغدااايد ولدها رجعت للكوزينة فين كتشوف فداك لبير وكتطيب لغدا بحال موااااقع والو....)
الحاجة: (فاقت من نعاسها قلبت على أمال مكيناااش وحتى هند مشات لمدييينة تقضي شي غرااض بقات غير كضور فالدار لقاتها عاجنة ملاوي وحاطة فوق لبوطاجي الشحمة عرفتها بغات تقاد لزهير ملاوي الشحمة للي كيعجبووه مشات للصالة فين كانت التلفازة مشعولة وتيليفونها فوق الطبلة جلست هازة التيليكوموند دارت Hannibal كتفرج فالعهد مسلسلها المفضل على ميأذن العصر صونا تيليفون أمال طلت بانت تصويرة ولدها تبسمت شكت تكون مشات لدارها تكى شوية ولا دوش هزت تيليفونها وعرفت دوش)
زهير: (شاد التيليفون بين كتفو وودنو ورديه مشغولين كيكتبو فدفتر لحساب وهو كيحسب السلعة) حابيبي
الحاجة: (حشمت جامعة التبسيمة) اوليييدي (بحال مسمعت والو)
زهير: جلسي تنقزي عندي حتى تسمعي شي حاجة مهيااش
الحاجة: هههه الله يرضي عليك اولدي
زهير: هه امين فينها امول
الحاجة: راها فدارها يمكن
زهير: كفاش يمكن؟!
الحاجة: انا وليدي عاد فقت من نعاس ملݣيتهاش فالدار ݣلت تكون فدارها
زهير: اممم اوا مزيان منين تجي ݣولها تصوني علية
الحاجة: واخا وليدي
زهير: خاص شي حاجة امّا
الحاجة: وحتى تجي اوليدي راك عارف واشتا غيكون هاد لياامات
زهير: دااير حسااابي امّا
الحاجة: الله يرضي عليك اولدي ويقوي خيرك
زهير: امييين (قطع ومشا يكمل شغلو والحاجة بقات كتفرج وكتسنى امال تبان...)
~~~~~~~~~~~
وليد: (كان خارج من المطار جار باليزة وصاكادو فظهرو تبسم منين شافها واقفة لابسة تيشورت فلكحل طويلة مفتوح من جناب طالقة جامعة شعرها كوب شوفال وسروال كوير وصل حداها فلفرحة مدات حنكها وهو يهز حاجبو بعدت معوجة فمها) هه صاڤااا
هند: لباس ونت؟!!
وليد: ههه الحمد الله.. مال مك ݣالبة كمااارتك
هند: وغيييير بوسة
وليد: نتي خاصنا نجوجووك ابنتي
هند: اوا حنا مخطوبين وقربنا نتزوجو وانا كنبغي نسلم عليك
وليد: ههه تقلبات الآية
هند: راه بحال بحال للي حلال علينا حلال عليكم
وليد: بديتي فتفلسييف
هند: توحشتك
وليد: ههه هبييلة (مشا الكوفر حلو كيدخل حوايجو مشات ركبت هي وطلع حداااها كيطرطق فعنقوو) كولشي مزيان
هند: الحمد الله
وليد: (بقا حاضيها غيااكلها بعينييييه وشحال توحشها ورجعات كل ليلة كيشووفها فمناامو بقات كتهضر وتعاود وهو غير حاضيييها)
هند: حقا فين غنمشيو
وليد: حم للدار دااري
هند: وفوقاش غتمشي لتاوريرت
وليد: غدا صباااح تمشي؟!!
هند: مصااالحش غتكون العائلة كولها
وليد: ومن بعد
هند: راك عارف حتى نتزوجو حسن ونكون معاك فينما بغيتي
وليد: حتى هدا ري...
8 دالليل.....
كانو عائلة ديال حسن جاو ومحملين معاهم من توااب بيجامات حتى من حولي كبييررر جايبووو مكبر براسو مزياااان استقبلو وليد وباااه للي كانو لتحت طلعو وللي من موراه هازين صينيات كل وحدة وشنو فيها ها تواب ها بيجامات ها حوايج من صبااط للشال للصاك حليب تمر معمر تقدية على حقها وطريقتها نبيل دخل الحولي فالكراااج رابطو تماااك وصلو لدار نعيمة فين بداو صلا وسلااام دخلو رجاال للصالون صغير ولعيالات للي كانو بزااف فالصالون لكبير فين كانو حتى بعض من عائلة نعيمة واحمد.. استقبلووهم أحسن استقبااال وبحكم ملتزمين نوعا مااا مكايناش الموسيقى حيت كولشي مخلط حطو شنو موجدين وليلى دخلت عند شيماء حيت نعيمة مكتهضرهاااش لقاتها لابسة قفطان فلبيج مع شالو ومداايرة لوجهها واالو غير جالسة وساااهية ماشي من عاااادتها تجلس بلا مكياج استغربت من هاد الحالة ديالها حتى شكت غير معلن الشيطان حيت من نهار ولدت بنات مبقاتش كتهضر فلبناااات...
ليلى: شيمااا نوضي ابنتي ها ناااسك جاو
شيماء: (خنزرت فيها) ناسي؟؟ سيري خرجي علية عفاااك
ليلى: فييين باغية تمشي بهاد شيوونية (قسوحية) للي فيك ها حتى من مك نهار خطبتك مخليااها تبكي
شيماء: وسيري ت*** علية
ليلى: حمارة عيااات نعيمة مسكينة تبربي ونتي خرجتيلها من الجنب (بغات تهزها تختابرها) الله يحسن عوااانها كولشي مشاالها فالزيرو من تبرهييشك خرجتي على عائلة كوولها (شيماء طرطقت عينها مصدووومة واي واحد منوي كيفهمها عوجة خلات ديك ردة الفعل ديالها تزيد تأكد ليلى شكوووك فرااسها.. خرجت مباغاش تيق شنو فبالها نيشان للكوزينة ولكن دااايخة فرااسها... اما شيماء قلبها كيضرب بغات تعرف غير كفاش هااقت بيها واش عاقت ولا غير شكااات ناضت لمرايا شافت راسها شناايفها رجعو بوويض طلات لكامرتها شوية دلمكياااج تبين شي تزنيييݣة مزيفة حتى جات سناء عندها للي مدات ليها صينية للي هزاتها قبل مدخل دارت ابتسامة خفييفة املها ان هاد الرااااجل توهمو و دير شي لعبة للي تسلكها... دخلات وكولشي كيصلي على نبي مها عاد بدات كترجع فيها الروح وهي كتشوف بنتها عرووسة زويينة واخا مفهمتش هاد التعكاس ولهرووب... بقات جالسة حانية راسها على اساس حشماانة حتى نوضووها تخرج مشات لبيت فيه 3 سدادر وتلفاازة ملمط ومقااد على حقو وطريقو دخل حسن للي شافتو كان سمر فزينو ما بيهش معندوش اللحية فوجهوو تحسينة عادية لابس كوستيم طوييل ورقيق كشكل مقبول وباينة فيه رااجل ديال الوقت واخا عينيه كيبينو شوية ديال الصراامة جلس فالسدااري للي حداها وهي السداري للي فلوسط حانية راسها من ديما كتحمااق على الزييين ولفلووس ولكن ماشي للي بحال حسن... من بعد مهضر وعرف براسو سولها نيشان)
حسن: يااك باغية تجوجتيني بخااطرك؟!!
شيماء: (شافت فيه ورجعت حنات راسها مكرهتش تݣول لا) واه
حسن: (تبسم) نكولو مبرووك
شيماء: الله يبارك فيك
حسن: للي نواعدك فيه ابنت الناس اللي بغيتيه وحليتي عليه فمك فيكون حااضر ولكن غتكوني معايا معقولة
شيماء: (تبسمت وسكتت كتشوف فالارض حتى ناض من بعد مستأذن وبقات بوحدها كتفكر وتفكر ودير فبالها) حتى حاجة مبقاات صعييبة...
عند رجال دخل حسن للي جلس حدا وليد للي قالو ختك راه موااافقة تاافقو على صداااق وحتى على العقد من دابا سيمااانة حيت حتى هي خاصها ترجع لوجدة على قبل قرااايتها للي شجعها مزياان عليها وعاارفو غيكونو من شروطها حيت هكا فهمو وليد... قرااو الفاااتحة جا حدااهم لبسها الخااتم وخرج تحط العشاا وخرجووو
وليد: (مشا عند ختو لبيتها دخل وسد لباب) ياك باغية بخااطرك
شيماء: يااك كتشوفو من مصلحتي نتزوجو انا درت بكلامكم
وليد: (حس بيها مباغيااش) حسن مفييه ميتعااب
شيماء: مكنعرفوش اخويا باش نهضر ولكن باينة صعييب ومعقظ
وليد: للي معقول اشيماء رجع صعيب ومعقد
شيماء: (زفرت) حتى دابا مݣلت واالو انا غنتزوج وتهناو من شيماء
وليد: (جا بجاوبها وهو تيليفونو كيصوني نمرة ديال هند قطع عليها جا يهضر ورجعت صونات عرف شي حاجة مهمة) وي هند مشغ..
هند: (كتبكي) هء هء.. وليد ملقيناش امال...
الحاجة: (مخلاو فين قلبو عليها فدارها وفدار الحاجة)
الكاملة: اوا هاد الخرجة ديالها مهيااش الحاجة
الحاجة: واشتا!!!
الكاملة: والو مݣلت وااالو حتى تبااان وهي تݣوول فين عطات وطجات
الحاجة: (مداتهاش فيها دخلت هند للي كانت باينة كتبكي وحااسة صاحبتها بيها شي حاجة ولا شي حد داها تكرفس عليها أسوء الاحداااث فرااسها مقدرتش تبقى هكاااك هزت تيليفوونها كتصوني على وليد قطع ورجعت صونات)
وليد: وي هند مشغ..
هند: (طرطقت كتبكي) هء هء وليد ملقيناش امال
وليد: (ناض خرج من بيت ختو للي ممسوقااش كتفكر غير فحريرتها) كفاش؟!!! (دخل لبيتو سد لباب) كفاش ملقيتوهاش ولاه راك تبكي؟؟
هند: (كتمسح دموعها) كنت خرجت على ود داكشي للي قلتلك شريتو جيت لقيت الحاجة بوحدها قلبت عليها فدارها والو ودابا 10 دالليل مزال مباانت
وليد: وزهير؟!!!
هند: عاد قلناها لييه وراه جاي
وليد: وفين تكون مشات واش قلبتو فالدوش
هند: لا واالو مكيناااش هء هء غتكون وقعت ليها شي حاجة هي مسكينة مكتخرج مواالو شي حد تكرفس عليها
وليد: اعووذ بالله انا نکلب فين نجي
هند: (كتمسح دموعها) فاش غتجي؟؟
وليد: نشوف شي كورصة... (جمع حوايجو فوقما جا لدارهم كيرجع طااير لوجدة من بعد شي مشكلة كبيرة هز صكادووه واخا مفااهم واالو ولكن أمال راه هي وشيماء فكفة وحدة صونا على زهير مجااوبش لقى مو جالسة فلكوزينة ساااهية بوحدها من بعد مكل وااحد فين تفرق ينعس) مي غنمشي لوجدة
نعيمة: علاه اوليدي؟!!!
وليد: براسي مفاهمش ولكن (شاف من موراه قرب جر كرسي جالس حداها مخليها غير حايرة) أمال ملݣاوهاش هند عيطتلتي ݣالت من مور لغدا مولات بانت
نعيمة: اويلي استغفر الله
وليد: مهم غنشد شي كورصة نمشي
نعيمة: هز طموبيلة دباك اوليدي راه كيهزها غير نبيل يطوطح بيها
وليد: مكيبغيهاش بّا؟!!
نعيمة: لا وليدي.. سير وبقا تعيطلي ااح على بنيتي (ناض باسلها راسها خرج نيشان هز سوارت وهبط لتحت كيريکل فالطموبيل داز سطاسيون عاد شد طريق لوجدة...)
شيماء: (كانت كتشوف فالهدية للي جاتها لعريس جاب ووفى تحسرت كانت غتكون حتى هي عرووسة فرحااانة براسها وحتى لعريس ماشي شي واحد للي خايب بلعكس مقبوول وراجلي تمناااه شحال من وحدة ومو حتى هي جاتها بحال الحاااجة بقات غير كتبكي نااضت كتقلب فماريووها لقات تيليفونها للي كانت هرسااتولها مها جابدااتو وجلست كتمسح دموعها دارتو كيتشارجا وهزت بواطة ديال التيليفون جديد للي جابو ليها حسن كان من نوع هواوي ماشي شي واحد للي وااو ولكن هكا فكر يجيبها تيليفون شعلاتو كان ديجا مقاد فيه شحال من حاجة وحتى من نمرتو كاينة تمااك وهدا دليل انها ضرباااتو على شعا شعلات للي مهرس لقااتو خدااام ونيشان مشات كتقلب على شنو بغات.....)
أنوار: (كان خارج من الخدمة ركب فطموبيلتو وبقا جالس غير معصب ولكن هادشي مكيبينووش قداام دعاء للي خاصو يكون جنتل وديما رومانسي وظااحك.. ممتيقش ان أمال تزوجات وشكون عمووووو غير كيتفكرها دموو كيبقى يفووور كفاش تزوجها ووليد تفكر شيماء الي كانت غدير اي حاجة باش تكون معاه واش كذباااات!!!! رااسو غيتفرݣع ورجوووع للمغرب مبقاااش ماشي على لوراق ولكن مخلاش بلاصتو زويييينة عاد خاايف من زهير ومن باااه صونات دعاء غمض عينو زاااااافر وكسيرا لداار واليدين دعاء)
ام دعاء: بنتي باقا تدووخي؟؟؟
دعاء: وي مامي ولكن مسكين أنوار ممخليش من جهدووو
ام دعاء: اوا راك مرتووو وزواج هو الحلو والمر
دعاء: اه ولكن هو راه تنحس بيه تيبغيني كتر من بزااف
ام دعاء:وا حيت بنتي تستاهل تبغى كتر من بزااف ديال بزاااف
دعاء: ههه يخليك لية امامي ربي عطاني غير الناس للي تيبغيوني (حطت يدها على كرشها) وحتى ولدي ولا بنتي غيبغيوني بزااف
ام دعاء: الله يفكك على خير احبيبتي (سمعو صوت أنوار داخل لابس كوستيم بلا كرافاااط وهاز بواطة فيدو مع وردة حمرا للي ناضت دعاء بالفرحة مشات عنقاااتو.. مها عجبها هاد الاهتمااام منو وعرفاتو فاااهم فنسا مزياااان...)
~~~~~~~~~~
زهير: (داخل صااااعر فبالو فين غتكووووون!!! لقا هند ومو جالسين فالصالون حدا بعضهم وقدامهم الكاملة وباين مخلووعين.. قارن حواجبو) مزاال مباانت؟!!
هند: (وقفت) لا.. زهير امال ميمكنش تغبر غير هكاااك
الكاملة: ياك موالفاالها تهرب
زهير: غتسكتي نتي ولا انسى راك ݣد مّا
الكاملة: ياك اوليدي
زهير: (مجاوبااهش خرج تبعااتو هند للي ضار عندها) واش وقعت شي حاااجة اختي غير ݣوليلي
هند: بلعكس (بقات كتبكي) اخر حاجة خليتها بغات تطيب ليك مسمن بالشحمة هاكا قالتلي باش منين نرجع نجيبو ليك للمحال
زهير: (غيحمااق معرفش علاش جاتو فبالو عاود هربت حيت لبارح فاش نعسو نسا راسو مفورصي عليها ونفس المشكل ولكن كيرجع يقول قلبها كبيير ماشي ديال وحدة للي غتهرب من راجلها على ود هاد المشكل بانت فعينيييه الخوف خرج مشا لدارو وعند تابعااه كيقلب لدرجة بحال كيقلب على قطة الدار غلاها مزياااان حتى من بلاكارات قلبهم سطح كولشي قلبو خرج من تماااك حااار منين غيبداااا وقف حدا الناافورة كيدووور يشوف فدار دار مو دار خووه وهند حداه تاالفة.. رجع لدارهم كيعاودو يقلب دخل للكوزينة مزال لعجين والشحمة فوق لبوطاجي وهي طيح فبااالو مشات لجناان تجيب بصلة وربيع بالزربة خرج وهند غير تابعاه نيشان لجنان شاعل لبيل وحتى هي حتى شافتو كيعيط بلغوات)
زهير: أمل
هند: اماااااااااااااال
زهير: (بقا كيعيط ويقلب بلبيل مدة.... حتى شاف صنداالتها حدا لبير خرج عينو ووقفت هند حداه منين شافتو وقف شاف فلبير للي كان طالع على الارض غير بشي 30 سنتمتر طل وشاف فوسط لبير وخرج عينو....)
هند: (دارت لبيل مطرطقة عينها حتى يدها بقاو كيرجفو وهي طلقها) امااااااال هء هء امااااااال (جلست على ركاابيها كتويل وضرب حنااكها)
زهير: (غير مصدوووم كيشوفها غير شعرها للي كيبان كيعوم فلما وݣضااتو غير غواات هند وبكاااها تلف معرف ميدييير حنا كيعيط واالو مكتجاوبش مينكرش جااتو لبكية وخووفو تكون ميتة واخا عارف لبير مغااارقش ولما للي فيه مواصلش متر مشا كيجري من تماك وهند مزالة غير كتبكي وبكل حسرة كتفكر ذكرايتها مع الاخت للي مولداتهاش ليها مها وفنفس الوقت مقداااتش تولي تطل وتشووفها فديك الحاالة حتى جا زهير كيجري وتابعبنو العائلة شافتو كيعݣد كوردة مع حديدة تمااك مزيااان لحق عبد الوافي كيجري)
عبد الوافي: واشتا صاير هنا؟؟؟؟
زهير: ضوييلي اعبد الوااافي (شعل بيل تيليفونو وحتى هند بقات ضويلو وااخا رجليها فاشلين ولكن حسااات بصييص أمل كااين... بقا كيتسلق بشوية حتى وصل ليها طلق من لحبل وهبط فداك لما لقاها متكية على خشبة جااارها للي فلممسها كانت بااااااااااااااااااااااااردة يديها ممساعفينووش باش غير يقيس النبض فعنقها بقا ميزغزعها وكيعيط بسميييتها حط يدو فوق صدرها حس بالنبض ولكن باقي تاالف وحااير عنقها مزياان ورجع كيشد فلحبل للي صعااب باش يطلو بجووج)
هند: (بصوت باكي) واااش حية؟!!!!!
الحاجة: (على هاد لكلمة للي وصلت حدا هند طاااحت سخفت ليهم كتر لغوات زوهير والحب غير كفاش يطلع ملقى غير حزم لحبل عليهم بجووج وبقا كيدير جهدو كاااامل باش يطلع وحيت سبرديلتو فزݣاات كتزلقلو منين كيبغي يطلع ولكن ميأسش طلع شوية بشوية حتى وصلوووو كانو شعلو بروجيكتووور لي كيعطي الضو لجنان جا عبد الوااافي كيعاون للي خرج معاه أمال وطلع زهير دغيا شاف فمو للي مكسلة فالارض تلف ها مرتو وها مووو شاف فأمال للي وجهها زرق كيقيس فيها غير واش حية حتى جات هند كتجري قلبت نبض أمال فعنقها زوهير كيدير يدو فنييفها باغي غير يحس بيها كتنفس
هند: حية حية حية خاصنا نديوها لصبيطار (ناض مشا عند مو للي كانو كيوقفووها لعيالات وبحرا كتوݣض)
زهير: (بخوف) واش مليييحة امّا؟!! (بحرا كتحرك راسها مشا عند أمال للي هزها بين يدو كيمشي بالزربة تابعاااه هند هنا الكاملة غير كضور فعينها ركبها فالطموبيل وزاد مكسيري راكبة معاه هند لقاو وليد ياله باغي يدخل حل زهير السرجم) جيب مّا ولحݣها بينا لفين كانت خدامة هند (زااد طااااير شاف فلمرايا فهند للي حاطة أمال على رجليها) عاودي شوفي واشتا راهي تنفس مليح (هند كتقلبها كانت متأكدة واقعة معاها شي حااااجة... نص ساعة وصلووو نيشان ليرجونص دخلو كيجريييو وهو واقف مربع يدو مخرج عينييييه مفاااهمش شنو وقع فهاد نهاار كان كووولو راااغن وكيتسنى غير يسمع شي حاجة تفرح حتى شاف وليد بحرا جار الحاجة للي باينة سخفااانة حتى هي دخلووها ليرجوونص يعربولها طونسيووو...)
وليد: راك رااغن
زهير: (مكيجاااوبش غير سااهي مفااهم والو عاد صبااح خلاها صحة وسلام ودااابا هازها نصف جثة واش واش واش....)
وليد: سمو وقع ازهير؟!!
زهير: معرفت واش صرااا حتى لݣيتها فلبير مليووحة وعلم الله شحال من ساعة وهي تمااك تغوت
وليد: (تصدم وبقا غير ساكت مو كتصوني قطع مجاوبش حتى خرجت هند للي ركابيها فازݣين)
هند: (تنهدت بحرا كتقد تهضر) دارو ليها السيروووم قصص
زهير: واش هي مليحة اختي؟؟
هند: مزيااانة دارو الاسعافات الاوليه مشاربة لا ما لا واالو (بحرا كتهضر) خلعااتنا عليييها غير هي مجروووحة من يديها وظهرها
زهير: (زفر وجلس مقرد كيرد النفس)
وليد: هند سيري شوفي الحاجة راه حتى هي دخلووها لديك الشومبر (مشات هي ووليد كيطبطب على كتف زهير خرجت طبيبة وناض زهير عندها) ختي مرتي واش راااهي ملييحة؟؟؟
طبيبة: للي من طرف هند؟؟
زهير: وااااه
طبيبة: لا الحمدلله نقزاااتها كانت قالتلي لقيتوها فبير
زهير: واه ولكن مغاارقش وحتى لما مكانش طاااالع عاد هي كانت واقفة على ركابيها ومتكية على خشبة
طبيبة: وي قالتهالي هند ان شاء الله واحد شوية وتفييق غير خاصها حويجااات
زهير: واه نمشي نجيبهم ليها غير حم (وليد فهمو ورجع اللور) مكانتش حاملة؟!!!
طبيبة: اممم مقلبتش صرااحة ولكن مكانش عندها شي نزييف الله يستر انا غندخل نتأكد (دخلت وهو رجع واخا 20 يوم باش تزوجو ولكن فكر تكون شي حاجة جات هند طمناتو على مو للي طونسيو طلع ليها شوية ولكن دݣولها إبرة وراها مزيااانة مشا عند مو للي فايقة وهند ووليد مشاوو لدارهم بدلت وجابت بيجامة لامال ببينوار ودغيا رجعووو هنا زهير عرف أمال محاملاش وحتى الا كان مباينش دخل عندها كانو شنايفها زووورق ووجها مائل لسمورية شعرها باقي فاازݣ وشحال بقات فيه وذبحااااات قلبووو... جات هند خرج هو كيقلب شرا باكية کارووو وبقا غير كيكمي على شوية كان يخسرها عيطاات ليهم هند دخلو كانت أمال كتبكي مشا زهير كيعنق فيها ويطبطب)
زهير: صااايي راهي كووولشي مليييح احبيييبتي
أمال: (كترجف) خخخفت بزااااف ازهير (بقا معنقها مدة كيبووس راااسها وهي غير كتبكي كتفكر شنو داااز عليها منين لاحتها وجات على ظهرها وبقات كتغوت وتزااااوݣها ترجع خااافت بزااف خصوصا منين بقا كيظلام الحال واخا الݣمرة مضوية الاااا ريتها غتخرج بلبرد وبالخووووف للي طاغي عليها حتى سخفااات وهي كتشهد خايفة توقع ليها شي حاااجة......)
جات الحاجة عند أمال للي عنقااتها وبقاو كيتبكاااو وعند كتشهق فقنت اخر
زهير: ݣلبتووها مناااحة يااا وصاافي الطفلة راهي مليحة نمشيو نݣلعو علينا دلحوااايج
أمال: (تبسمت بلا خاااطر زااادو جار امال بداك الكرسي المتحرك حيت مقادااش تحرك وهند مسندة عليها الحاجة ركبو وزاادو كانت شي الوحدة أمال والحاجة راكبين اللور وحدة متكية على التانية زوهير كيشوف فيهم من لمرااايا اعز جوج دالنااااس خلاوه اليوم غيحمااااق)
زهير: أموول حبيبة شوية؟؟
أمال: (حركت رأسها بشوية) الحمدلله
زهير: (بغا يشوفها ولكن ماشي وقت حيت شاف خوف فيها عمرو شافو حتى منين كانت كتهرب من دااارهم وصلووو خرجنا بشوية بحرا كتقد تمشي تجمعو الكاملة وعريساااتها حيت ياله لكبير هاابط أمال غير شافتها محست حتى تنفضت من عند زهير للي شاد بيدها وذرااعها ومشات نيشان عند الكاملة للي مخرجة عينها حتى جراااتها من راسها مخلية كولشي مصدوووم القوة للي اصلا معندهاش تزااادت فيها كتنتف من شعرها من بعد مطيرت الفولار عليها عضتها فوجهها كيبغيو غير يفكووها)
الحاجة: (تصدماات وزعزعت زهير للي تصدم غير لعريسات للي كيبغيو يفكوها وهي بحال لݣراادة عليها.. غير شافتها هند بغات تمشي شدها وليد)
وليد: فين ماشية
هند: نضرب حتى انا مع صاااحبتي باينة دارتها شي حاجة
زهير: (مشا كيجري فاش شاف نزهة كضرب فظهر أمال باش طلقها) شدي يديك ولا نکردها ليييك (شاف فأمال للي ممفكااش مضرب بنيتها والكاملة كتغوت ربي للي خلقها مشا نترها هازها من تماااك وهي غير كتغووووت دخلها لداارهم والحاجة معرفت تبع ولدها ولا كل على مرت ولدها لكبير للي مرمدااتها مرت ولدها صغيييير ومفهمااش أمال ظريفة لي عاد رجعات من لموت علاش داارت هاكا...)
زهير: أمل!!!
أمال: (عينيها كيتغمضووو بحال بغات تسخف وقلبها كيضرب ف100)
هند: (تبعااتهم) أمال واش راكي مزيااااانة
زهير: موحاال راهي داايخة (داها لبيتو لقديم حطها وخطااها كانت كترجف بلبرد) ختي سيري سخني ليها حليب نمشي نبدل علية دغيا باش منعمرهاش ما
هند: وااخا
زهير: (خرج لقا الكاملة ضايرين عليها ولادها سد باب دار مو وبعينيه كيتحلف يطلع شي حد عندها يفرتكو مها هاد الليلة لدرجة بقا وااقف تمااك جا عبد لوااافي) شووف مرتي مزال نسمعووها مديرش شي حاجة هكااااك
عبد الوافي: زهير كنعرفك راجل حقااني وهي مرا كبيرة راه ومنها قربت تݣطعها ليها
زهير: يمكن تسكنت فلبير فاش كانت فيه نهار كامل
عبد الوافي: (شافو كيدافع على مرتو) الله يهديك ازهير هضر بالعقل هي طاحت فلبير ومنبغيوهاش ليها ولكن مي توفرها راه ݣد مها
زهير: كااينة انا غدا نهضر معاها (شاف الكاملة للي كتغوت وودنها عامرة دمااياات حتى دخلو لدارهم عاد مشا بالزربة بدل حوايجو ورجع دغيا عند مرتووو وشربها لحليب بلويزة بالسيف عليييها وتكا حداها كيطبطب عليها...)
زهير: (كان كيأذن لفجر وهو غير مزال كيقرا القران من للي حافظ على أمال حيت مقدتش تنوض مرة تبقى ترجف مرة حتى تنعس وتنوض قااافزة عرف الخووف لعب عليها مزياااان وسؤاال غير شنو داها لتمااك وشحال من مرة نبهها على لبير متقربش لييه.. حس بيها ترخاات ونعسات ناض من حداها خرج لقا مو ياله خارجة من الدوش موضية) الله يقبل امّا
الحاجة: كبقات اوليدي مرتك
زهير: معرفت مممنعست مشاافتو غير كتخلع
الحاجة: ولاه سااهلة بنيتي شحال وهي مرمية تم يكون عقلها خرج من بلاصتو
زهير: تكون الكاملة للي لاحتها؟؟؟
الحاجة: (حتى هي شاكة) اوليدي الباطل وااعر
زهير: وااه وااعر ولكن نقسم ليك بالله (خرج عينة) يا مّا وتكون هي حتى نحرها من لودن لودن وفينما بغات تصدق تصدق
الحاجة: ولدي وانا؟؟ ومرتك لمن تخلينا؟؟
زهير: ربي للي كيتهلى امّا باش وحدة تلوحلي مرتي فبير ودير معلى بالها وااالو لاا
الحاجة: (خاافت) نعيطولها لجدارمية اوليدي راه ضيع رووحك
زهير: ضيييع اصلا لا هي لا ولادها شي نهار بمسبت شي حد فيهم الحبس ندخلو ندخلو اللهم اليوم ولا غدواااا
الحاجة: اعوذ بالله اوليدي استغفر مولاااك ورواح صلي مع مك شي ركعااات
زهير: (حرك راسو باه وهاد المرة داير فبالو مكاين لا وجه خويا لا ما حيت الظغط للي ولا عليه كتيييير.. مشا توضى خرج لقا مو جالسة تسناااه ومخلوعة على ولدو وشكها فالكاملة كبيييييير واخا عيااات مستغفر مولاها ولكن ردة فعل أمال مبينة كولشي وااخا ياله باش جات عرووسة عندها الا حفظاااتها وميمكنش طاااول على مكبر منها هكاااك.. صلا بصوت مرتفع وباين من صوتو معصب واخا عيا يهدأ راااسو كملو وبقاو جالسين فوق صلايتهم هازين تساابح فيدهم)
زهير: لوكان كانت حاملة لوكان ممشيتش نݣلب عليها تم ومشيت لقنت اخر نݣولو متغرفش ولكن شحال ݣدها تبقى عايشة تم واش هادي هي الأمانة للي جبت عندي
الحاجة: اوليدي راه مزال معرفناها الكاملة
زهير: (خرج عينو) هيييي من نهار كبرت وانا عارفها شرااانية ورضعت ولادها الشر بلاك غير خويا من تم وتشعل فديك الدار العااافية
الحاجة: الله يرضي عليك اولدي نعرفك مكبر عقلك
زهير: فدي لا منكبروووش شحال ݣدني ندير بلوجووه
الحاجة: (عرفاتو مخبع شلاااااااا حوااايج بقات كتستغفر وحتى هو مربع رجلو حتى سمعو غوات أمال ناض يجري لقاااها واقفة فوق النموسية شعل الضو) الله على بنيتي
زهير: (هبط أمال للي كانت واقفة بحال وحدة مخلخلة وجلسها حاط يدو على راسها كيتمتم بفمو باياات قرٱنية الحاجة مشات للكوزينة دارت ليها حليب بلويزة هند حتى هي مشات عند الحاجة جابولها شربولها زهير بالزز عليها وتكاااها خرجو وهو بقا كيتلمس فشعرها) نمشيو احبيبي نساافرو
أمال: عفااك شعل الضو ازهير
زهير: (شعلو غير من حداااه) واشتا صرااالك أمول؟!!!!!
وليد: (فاق بكري بصونيط ديال مو للي خبرها بشنو وقع قطع صونا على هند مجاوبتش عرفها تكون مزال ناعسة دار روتينو الصباااحي ومشا نيشان عندهم.. فين صونا على زهير للي حل عينو غير بالزز حيت منعسش بالليل خرج عندو لبرا ) فين
زهير: منين كدخل للمغرب ونتا تجري مكترتاح غير لهيييه
وليد: اخووويا غير الله يعطينا هاد تمارة وفوسط لحباب ولا تم مكاين حتى الا مت يجي يطل عليك
زهير: اوديييييي سلااااك
وليد: عطيني سواارت المحال
زهير: والله منݣولك لا (جبدهم من جيب كيطمتو) ها هوما موجدهم
وليد: ههه وايلي ابا زهير (شدهم) بغينا غير نديرو صوااب
زهير: هانتا دراتيه ووفتي ݣاااع
وليد: مرحبااااا
زهير: واحد المحال شتو مزال متحل
وليد: هضرنا انا ومحمد اصلا راهم جايين شوية ويوصلوو
زهير: اممم مزيااان طلع تفطر
وليد: حتى نفطر مع دراااري
زهير: اوا زلݣ (تم ضاير وصل حدا لباب شاف وليد مزال واقف وداير تيليفون فودنو هو ينطق) معندنا بنات يتلݣاااااو
وليد: هههه
زهير: مزرووب تعيط ليهم خلينا غير نفكوو جدها هاد لمنامة (طلع للدار لقى مو فااقت مشا باسلها راسها وجلس حداها فوق كرسي) ما راه جايين حباب أمال
الحاجة: بالحݣ؟!!!!
زهير: واه جايين يطلو على بنتهم
الحاجة: وسمو ݣالتلك أمال؟؟
زهير: مݣالتش
الحاجة: (خايفة بزاااف حرب غتنوووض واش زهير الا مشا ضرب لكاملة ولادها ولا خوه لكبير غيسكت وغتنوض حرب كبيرة ومن جهة لبنت للي كانت غتموووت شنو ذنبها فهادشي حااارت هو مشا لبيت أمال كانت ناعسة مكمشة مشا خرج رجع لجنان مشا حدا لبير فين كان موس والبصلة وربيع مقطعين من تمااك ولكن بلاصتهم بعيدة على لبير حتى باش يقولو طااحت ولبير راه فيه درجة كبيرة باش تزلق مع ضار لقا خووه عاقدهم)
لكبير: واشتا للي صرااا لباارح
زهير: للي صىا هو مرتي كانت مرمية فدلبير
لكبير: اوا ولكاملة وللي باتت فصبيطار كيخيطو ليها جيهة ودنها على كبرها تجي مرتك ضربها
زهير: خويا أمال مضربش هكاك
لكبير: (بعصبية) ومزال تزيييد تخرج عينيك
زهير: (هو كيحتااارم خوه بزااااف زفر وقلب وجهو)
لكبير: وكان ماشي كلمتي للي مسموعة وكان راه مشاو ديكلاراو لبارح بمرتك
زهير: يديكلارييييو واشتا يتسنااو لكاملة تݣول للي عندها وأمال تݣول للي عندها وݣبل اخويا سولها ݣولها باه الطفلة للي متهزش الراس فلعباااد ضرب وحدة كبر منها
لكبير: والمعنى
زهير: المعنى راه باين اخويا (زاد وخلاه جابد باكية دلكارو كيكميها...)
~~~~~~~~~~
هند: (مشات حدا أمال للي فيقااتها بطلب من الحاجة يعرفو شنو كااين) واش رماك شي حد
أمال: (بغضب واول مرة تخصر الهضرة) الز**لة للي رماتني
هند: الكاملة!!!!!
أمال: منين جا امها الكاملة هاديك الز**لة الله يعطيها موصيييبة والله منسمح ليها...
سميرة: (طلعت كتحيح من دروووج) والله يا مك يا لبرهووشة حتى نقتلك ونمشي علييك الحبس نوريك ضربيلي ماما والله يا المسخة يا المعفووونة يا للي لااااحتك مك لعندنا وتهنااات منك ݣوولي كنتي ضربي مك يا الكلبة
هند: (خرجت ليها) ليبييه ايييه ياااك لباااس اشرييفة
سميرة: داااار حناااا هادي نتي للي سمو راكي ديري عندنا خرجي هاد السوووق ولااا لا دارتك البرهوووشة محاااامية عليها (باغا دخل ووقفت ليها هند والحاجة كتزرب صلاتها باش تفك)
هند: قييسيها باش ميلقااو ميجمعو فيك
سميرة: ولا يا جدك نتي ويااااها نجمعكم فركنة وحدة
هند: ناري خلعتيييني الا فيك شي جهد عطي (خرجت امال)
سميرة: بااااني الا سميييتك مراااا ومزغرتة عليك مك (أمال بالفقسة ماشية جيهتها نيشااان غير شداااتها هند كتبعدها)
أمال: جاااية تكملي مدااارت قتاالة رواااح ديال مك
سميرة: بزااااف عليك ماااما وماوصلييهاش طلݣيها نتي تخرجي عليييينا من هنا جاية صبري على راااسك هنا
امال: جمعي خووتك كاملين خلطييهم فكرش مك وميطلع حتى واحد فيهم مرااااجل ولكن مجابوووهاااش من برااا وحدة سااامة شنو غتولدنا انبياااء!!
هند: لا وحاسبين رأسهم من المبشرين
الحاجة: هند أمال دخلو لبيت (سكتو وهند جارة أمال للي حست بيها غير خاصها ضرب) سميرة دااركم
سميرة: حنا شتك كداافعي عليها واش ماما معزيزاش عليك واش الفيرزيات فيك لهاد الدرجة
الحاجة: مك دفعتلي مرت ولدي لبير وبرووحها كانت تݣلب معايا وهي راميااها ديك الرمية
سميرة: واش غتيقي هادي واش ماما بانت ليك قتاالة
الحاجة: ولاه منتيقهاش بنتي متكذبش علية
سميرة: هادي بنتك وماما للي شحال وهي عرووسة ولدك هزاتك نتي ويااه وملقات فيكم خير تفووو على عائلة دلويي(شافت أمال جاية كتجري دخلت فيها بحال شي ثوور طاحو بجوووج ولكن أمال فوقها دغيا نااضت وجلست عليها جارها من شعرها وكتخبطلها راسها فالارض ولكن سميرة مع صحيحة دغيا تنفضت منها ياله غضرب دخلت الحاجة ولغوات كتر زهير كان لتحت كيسلم على محمد وادم ونعيمة ومريم وشيماء للي جاو يطلو على أمال حتى سمعو الغوااات طلع زهير كيجري كيبانلو كولها وفين منتوفة والحاجة فالوسط ولمعااايرة)
أمال: مك للي لاحتني (جات فودنوو)
زهير: (مطرطق عينو) هي للي لاحتك؟!!!!!
أمال: (كتبكي) واااه هي للي لاحتني حيت مبغيتيش تدي ولدها لصبيطار بقات تغوت علية حتى لاحتني رغب (شافووه طاار من حدااهم وكولشي تبعووو ومنهم سميرة للي طااارت كتغوت)
سميرة: سدوووو لبااااب سدوووو لبااااب (كانت جيهان على القرص طرقاااتو محمد والجماعة مفااهميين واالو غير كيشووفو زهير محيح وكيربب عليهم كاملين مشا لديك النفوورة كيهز لحجر للي مشنتف وضايرة بيها وبدا كيضرب فالدار وكيعيط باسم الكاملة ومع كينيش بدا بسرااجم للي كيتسمع ديك تشااااااخ.....)
شيماء: اويييلي شنو واااقع
نعيمة: (مواالفة كتشوف زهير مرزن) سكتي نتي
محمد: هدا راه مكيبدا الحجر غير الا شي حد وطااا علييه (ضار عندهم كولشي مصدووم ومنهم ادم) مرت عمي طلعووو نتوما (جراتهم نعيمة وطلعو)
محمد: (شاف الحاجة هابطة كتبكي ووجها حمر) سمو واااقع الحاجة
الحاجة: عتق يا وليدي اليوم يطيح الرووووح عتقوووو (محمد مشا عند زهير للي مخلا حتى سرجف فالوااجهة صحيييح والمشكل مكاينش للي كيهضر مشا جيهتو وخايف غير من تنيااااشو تجيه شي ضربة فالراس)
محمد: اخااي زهير نعل الشيطان (لاخر غير كيربب)
الحاجة: اوليدي (ضار عندها)
زهير: طلعي امّا لاتكفرينيييش تا نتي
الحاجة: لمن تخليني أوليدي ولكن تخلي ديك ليتيييييمة فكر اوليدي بعقلك
محمد: راه بالصح اصاحبي يمشيييو يديكلارييو بيك ونتا عندك محاالك خاص الصورة تبقى مزيااااانة معندك مدير بشي حباااسااات
أمال: (خارجة كتبكي) زوووهييييير
زهير: (شافها كانت بلا فولار وهو يتسيف) غطلعي ياااا جدك سشتري روووحك ولا نردم مك هنا (معاوداتهاش رجعو هي وهند طلعووو)
سميرة: (قشعت مها للي باينة خرجت من سرحم لكوزينة وكطل برويييسها مشات عند زهير) عمي اجي غير نهضر معااك
زهير: تحركي من ݣدااامي نتي
محمد: لا حولة ولا قوة الا بالله العلي العظيم (شاف ختو راجعة عندو دايرة فولار كبير) سمو واقع أمال
أمال: زهير عفااك
زهير: (حمر فأماال عينو)
محمد: فهموني غير سمو واااقع وكوقعلك نتي طحتي فلبيير
أمال: (سكتت وهي حانية راسها من شوفة زهيير)
سميرة: عفااك اعمي كبر عقلك خلي كولشي يتحل بالعقل علاش ديما كتسبݣو هادشي
زهير: (شاف فأمال وهدن من صوتو) سيري طلعي (تيليفونو مسكتش عارف غيكووون خووه للي مشا للخدمة ولا ولد خووه ولا وليد هزو قطع على شكون ومشاافش راسو كيفوووور)
محمد: دابا فهموني غير سمو واقع
زهير: هانتا غتعرف دارو (فودنو صونا شحااااال عاد جاوبوووه) معاكم زهير (عطاهم سمية ولكنية وفين سااكن بالظبط) مرتي لباارح كانت وحدة سميتها الكاملة**** بغات تقتلها لاحتها فبير
محمد: (طرطق عينو)
زهير: واه (عطاه لادريس بالظبط وقطع شاف فمحمد) ها سمو وقع (محمد غير حال فمو مقال ختو رتااحت وعايشة مرتاحة ساعة هنا لقتيييلة نيشان وهادشي زهير قرااه فعينييه أمال مشات عند زهير كتبكي)
أمال: عفاااك مديييرش شي حاجة للي تخليك بعيد علية والله منݣد نعيش بلا بيك والله حتى رجع لداك لبير ولوح راسي فيييه عاود
زهير: (تبسم بلا خااطر) باش نجي نردمو على مك
الحاجة: (جات الحاجة كتعنق فولدها للي كتحس بيه متشنج وبزاف...)
يتبع...
التعليقات
لا توجد تعليقات بعد، كن أول من يعلق.