محتوى القصة
أمال: خوك راه هنا
شيماء: (كتنشف فشعرها) آدم!! مكالتليش ماما جا معاها
هند: لا وليد
شيماء: (شهقت) بالصح... اللله توحشتو مسيكيييين عمرو جا فرمضاان واش راه برا؟
أمال: لا مشا كلك لحقي بيه
شيماء: (عجبها الحال تهضر معاها أمال) عفااك أمال متبقايش مخاصمة معايا وهازة فقلبك
أمال: ههه انا مهاازة واالو راه نتي للي هازة السم فقلبك أما انا الحمد الله نقية مع كوولشي غير الله يشاافيك وعفااك متبقايش ديريني حماارة وتعاملي بحال موااقع واالو قدامهم وااخا غير على وجه خالتي نعيمة وخووك أما منين نكونو بوحدنا ديري رااسك مكتعرفينييش
هند: (قلبها ف100 كتفكر غير فمجية وايد للي خسر عليها ميساج أنا فالمغرب شنو بغا يقصد ةاش صافي بان كولشي وعقت بيك ولا مزال ضان انه بالصح كاينة وحدة سميتها غيثة دااخت وصدعوها غوات لبنات للي مكانتش رادة لبال لكلامهم)
شيماء: (كتغوت) عيقتي كاااع مالي سارقة ليك مك
هند: هيييه هيييه مالكم عااود شيماء قلبي على أمال أمال كتافقنا متجاوبيهاش
شيماء: بجووج حكرتو علية حتى وحدة مبقات تحملني ونسيتووه هو للي ختارني هو للي جا يخطبني باش نحلف ليكم مكنتش دايرة عليها
أمال: وعلاش قبلتي؟؟
شيماء: نتي عاارفة خاصني نقبل ولا كانو يجوجوني بالسيف علية
أمال: هههه واش ديما معتابراني حماارة هااكا عرفتي خويا محمد واخا يتجوج ولا يزمر ولكن الحمد الله مبقاش مع وحدة بحااالك
شيماء: غير خطب وخطب حيت أنا مبقيتش باغااه ولحتو
أمال: لا حبيبتي هو تزوج وتهنى منك
شيماء: يتجوج ولا يمووت حدها تبقى خداامة للعقروشة ديال مك وق*** فالليل لخوك فب(طارت عليها أمال كتنتف وحتى لوخرا مزكلاتهاش ديما كيغفلو هند مكتكونش دايرة حساب لاشتباك بالأياادي ومع لوخرا شعرها فاازك دغيا كيتلوى فصباع أمال للي كتجيها لعصى ولكن مبغاتش تطلق من شعرها)
هند: ويلي على بنات الهم (جاتها ضربة من أمال للي كضرب على راس شيماء باش طلق منها) طلقو يا لكلبات دابا يدخل شي حد.. أي كضربي يااا لحماارة (مفكاتهم غير بستة ستيين كشييفة كل وحدة دفعاتها فسداري) مالكم جهلتو ياك صافي تفااهمنا
أمال: (بعصبية) هي للي تجبدني بقالي معاها شبر ديال صداع ونقتلها كااع
هند: شيماء واش مبغيتيش تفهمي
شيماء: هي للي مبغاتش تفهم
أمال: (كتنقي زغب من صباعها حتى جمعت كمشة ولاحتها على شيماء) انا بعدي مني (شيماء شداتو فيدها) بعدي مني الخنز
شيماء: وااخا أمال نتي للي بديتي
هند: شيماااااااء عيقتي نهار اللول تفاهمنا قدام الناس نتعاملو عادي بيناتنا بتلاتة معندك كلام معانا
شيماء: حتى نتي اهند
هند: اه اشيماء عرفي غلاطك شنو درتي عاد حلفي فبنااادم ودابا لبسو بجوج حوايجكم وزيدو نمشيو قبل ميجيييو وتفكري اشيماء داك الكلب كان كل نهار كيظحك على بنت عمك ويوهمها غتكون عروسة فالدار للي نتي راكي ماشية ليها عرووسة حسي بيها وغتفهمي علاش تقلبات عليك
أمال: والله مكتهمني لا هي لا هو (خرجت من تمااك نيشان لاحمام وهي كترجف مكتقدرش على لمداابزة شافت وجهها فلمراية فيه طبايع حومر شوية غسلت وجهها مسحاتو جمعت شعرها وخرجت لبيت لقات كل وحدة كتلبس حتى هي لبست سورفيط طويلة ولوات شال عليها وهند حتى هي لبسات بحال أمال تقريبا غير هي حايااها سورفيت على طايتها ماشي وااسعة شيماء بنترة هزت اتروسة دلمكياج ومشات قدات وجها ولكن داكشي خفييف بحال دارت لفييلتر وفنفس الوقت يبان طبيعي رجعت عند لبنات ملقاتهمش هبطت مكرهة ولات كتاكل لعصى من عند أماال وهادي عمرها طااحت ليها لبال لقاتهم لتحت كيوشوشو غير شافوها زادو بتلاتة وبصدفة حتى زهير ووليد وانوار جايين...)
زهير: (دار يديه فقبيتو كيشوف فأمال منسوق حتى لحد أنوار عينو على شيماء للي معنقة خووها وحتى لاخر فرحان بختو ومرة على أمال للي لاسقة فهند بحال لاسقة فمها أما هند كتحسب هنا نسخف هنا يشوف فية ويجي يقولي نتي هند لا نتي غيثة وجهها مبين انها عادية ولكن لداخل ديالها موقفة راسها بالسيف..) دخلو اختي لداخل
أمال: (جرت هند ودخلو كضور عينها فالدار طلقت تنهيييدة على لكذووب وعلى بصييص أمل للي كان عاطيها أنوار)
شيماء: (دايرة يد من مور ظهر وليد وحتى هو ومتمشيين) توحشتك بزااااف
وليد: حتى انا اشنيولة (وشوش ليها) أمورك هانية
شيماء: (فرحانة) الحمد الله اخويا (أنوار من مورااهم شاف فمحمد ككيعامل أمال ووليد كفاش كيعامل ختو)
وليد: سيري مع صحاباااتك (هز راسو وتبسم مع لبنات وهند مقدرتش تخرجها عكس ءكال للي تبسمت لييه)
شيماء: ياك باقي
وليد: باقي شي يامات هنا مع زهير عندي شي غرااض نقضييه
شيماء: مغترجعش مع ماما وبابا؟؟
وليد: لا (هند غير كتبلع ريقها)
شيماء: (تبسمت ومنين خوها هنا احتمالية تلاقى بأنوار على خاطرها مكيناش ولكن ماشي مشكل المهم عندها هو خطيبها وقريب يرجع راجلها.. جات الكاملة لقاتها حدا لباب مشات جرتخا كتعنق فيها)
الكاملة: مرحبا بلغاالية مرت الغااالي دخلي ابنتي داارك هاادي
شيماء: (استغربت ولكن عجبها الحال) الله يخليك اخالتي
الكاملة: بغيت نستقبلك ابنتي بتمر ولحليب ولكن مزال مودن ههه
وليد: ههه (شاف فزهير) ندخلو؟؟ (مشاو رجال)
أنوار: تهلاي الوالدة فشيمااء
الكاملة: عاد توصيني على بنيتي (أنوار مشا متبع دراري للي تسناوه وهند متبعة وليد شافت فأمال للي دارتلها اشارة بصبري ممسوقينش لشيماء)
الكاملة: دخلي ابنتي مرحباا بييك (دخلو غير وصلت شيماء حدا الصالون كولشي بقا كيشوف فييها جاو جهان ونزهة سلمو عليها ورجعو للكوزينة كيفصلو فشيماء للي كانت زويينة ولابسة مزيااان جلست حدا مها وحتى أمال جلست حدا نعيمة مخلية هند فغيبوبة مع رااسها مدار حتى ردة فعل كيبين راه عرفني اذا معرفنيييش وجاي يتلاقى غيثة ولا شنو هاد الغرض للي عندو فوجدة...)
نعيمة: (ضارت عند أمال) معيطتش ليك فتيحة ابنتي
أمال: (بحزن حركت راسها بلا)واش بالصح خويا تجوج
شيماء: اه بالصح اماما واش تجوج؟؟؟
نعيمة: مزال مدار العرس لبارح دار العقد حتى يفوت رمضان ويديرو حفلة دلخاتم
شيماء: هااااء كاع مكالوها ليك اأمال
أمال: أنا هاد الأيام مبقى حد كيكولي شي حاجة
نعيمة: (عرفاتها حشات لبنتها الهضرة على الخطبة)
شيماء: ماما كوليلها داك نهار واش كان فخبارما غيجي شي حد يخطبني
نعيمة: ياك كتيقي فخالتك نعيمة والله ابنيتي مكان عدنا شي خبر
أمال: ههه راني غير نظحك اخالتي مبرووك عليها واخا كنا باغيين نقرااو ودابا منين غتجوج غرجع حتى انا فحاالي
شيماء: اوا الله يسهل عليك حتى نتي
أكال: انا باغا نقرا ماشي نتجوج الله يسهل علية فقرايتي ولا فداك المعهد للي دايرة نربح شي حاجة فهاد العام
نعيمة: (حست بالجو مكهرب) هند هند واااا هند
هند: (تفافاات) هاا عيطتيلي اخاالتي
نعيمة: فين ساهية ابنتي ههه
هند: اوديييي غير لقرااية وصاافي
نعيمة: الله ينجحكم ابناتي حتى نتي اشيماء بنتي هضري معاه وݣولو بغيت نقرا راه كيبان ولد الوقت وفااهم شنو كااين
شيماء: واه يبغييلي كما بغالي نكمل هاد العام يبغيلي للي طلبتولو مسكين اراا غير نطلب
نعيمة: (قوست عينها فيها على هاد الجملة)
أمال: مبغيتش نرجع اخاالتي لتاوريرت بغيت نكمل قراايتي
شيماء: (ميقت فيها) وهانتي قريتي غتخدمي!!
أمال: باغا نقرا ماشي باش نخدم عارفة مغيخليونيش نخدم ولكن بعدا تكون عندي شهادة (شافت فنعيمة) حتى المعهد هاني حبستو فهاد رمضان باينة غنضيع فكولشي
نعيمة: وعلاش مكتمشيش
أمال: شكون يديني اخالتي هانتي شفتي ساكنين بعااد باش نبقى نمشي ونجي ودارنا ݣالولي الا رجعتي لسيتي غيجيبك خووك ونتي عارفة ككيدوزوها علية تماك
هند: هااء أنا ندييك ازمر حسابلي نتي للي مبقيتيش بااغا
شيماء: (بقات كتبسم مع للي كيتبسم معاها وتشوف فالصالون حتى أذن المغرب وبداو لبنات كيحطو فشهااوي وغير داكشي المغلق جوج طابلات لعيالات وطابلة لرجال)
الكاملة: (وقفت بفواطتها ولابسة بيجامة جديدة ودايرة شال جديد) مرحبااااا بيكم ومرحبا بنساابنا وعرووسة ولدي لغزاااالة
شيماء: (تبسمت حشمانة) براك الله وفيك اخالتي
نعيمة: (تبسمت) لالة لكاملة جلسي معانا
الكاملة: هانا جااية احبيبتي (مشات للكوزينة جابت شي تخربيقة وجلست حداهم ياكلو ويهضرو هند عقلها راه فالصالون لاخر وأمال كتكول انا للي كنت غنكون فبلاصة شيماء للي فرحاانة خدات بلاصتها ماشي سااهلة نسات واحد بغاتو بزااف كان أول واحد يبغيها ويحن فيها ولكن الوحش للي فيه مخلاهش يكمل فالتمثيلية ديالو لماكلة مبغاتش دوز لييها غير كتنقب واخا كان خير ربي فوق الطبلة ولكاملة كرمت ووفات وغير ضور وتفتاخر بجمال وصواب وأخلاق شيماء.. حست بواحد الوحدة خاايبة محست غير وقفت ومع كانت جالسة فالطرف خرجت ومرد ليها حد لبال.. خرجت من الدار ولبكية واحلة لييها دارت مع الضورة نيشان لجنان للي كانت الظلمة طايحة والريح كيحرك شجر بقات كتبكي هزت تيليفونها جديد وصونات على مها مجوبتهاش فكرت شحال تشجعت وطلقت شهيف زفير ورجعت صونات على محمد للي دغيا جاوبها) االو
محمد: الو
أمال: علاش تجوجتي ومݣلتيهاليش واش لهاد الدرجة ممعتابرينييش اخويا منكم
محمد: (بعصبية) متحمقينيش حتى نتي (قطع وبقا كيكمي لكارو للي عمرو جا لفمو ودابا كيكميييه.. أما هي بقات غير مبلقة عينها ديما غتبقى فااشلة فعينيها حتى منين تشجعت وبغات تحاسبهم على إهمالهم ليها كبنت وكأخت معبرووهاش يعني هي مكايناش حتى فحسبااتهم جلست فوق الأرض منها لتراب وبقات تبكي وتخلط كوولشي عليييها)
زهير: (كان غير كلا شوية ستأذن مع كاس ديال القهوة وخرج كيكمي من مور الدار يرد مجاجو شوية حتى قشع شي وحدة مع ظلام مبانتلوش ولكن شكلها معرفوش أضعف وحدة فييهم بقا مبعد وهي كتهضر فالتيليفون حتى شافها جلست قربت كيسمع بكاها مستغرب واش وقعت شي حاجة لداخل ولا شنو.. قرد اونفاص معاها حط كاسو دلقهوة ولاح لكارو بعييد)
زهير: لاش دلبكى ݣاع!!!
أمال: (خلعها وهزت راسها كتشوف فيه واخا ظلام ولكن كاين شوية دلݣمرة للي تخليك تميز ملامح معامن كتهضر)
زهير: نهار اللول شفتك فالكار عجبتيني (تبسم) درتي هاكا واحد الحركة بوجهك خلاتني تابعك وسامح فللي ورايا صدرتيني وهااانية رجعت ظااحك كانت عجباتني فيك ديك الظحكة ودابا وليت كنشوفك مهمومة وهازة تقل جبال على كتاافك هزيها اختي منين خفاافت حتى حاجة متستاهل تبكي دوك لعوينات عليييها ديري يقيينك فالله وكوولشي غيكون زيييين
أمال: (زادو دموعها تسرسبو وبصوت مخنووق والنوون غابرة ليها من وسط الحروف) تخنقت
زهير: الله ينعل بو هدا للي يخنقك للي ظرݣݣ بخيط ظرݣيه نتي بحييط وزيدي من موراها باب دلحديد ظحكي ومولاها ربي ياو بربي حتى ظحكتك تنسي جد بابايا ݣاع همومي
أمال: (بقات كتمسح دموعها وتبسمت لهضرتو وزيد اللكنة الشرقية القحة محليا كلماتو جديين)
زهير: نوضي من لبرد راه مزال طامع يكونو عندي دراري (طرطقت عينها ومشات لابتسامة عاد كان مصواب وبعقلو وقفت بالزربة خلاتو هاز راسو تابعها ومشات بالزربة وقف كيشوف فيها) ونفضيييييي البكااية حوايجك
أمال: (بلا متحس نفضت وتبسمت هضرتو كانت كافية تسكتها من لبكى وتخرجها من داك الغمة للي كانت كتستاعد باش تعتااكف فيها وتبقى علاش انا وعلاش كدا....)
أمال: (مع ضارت لقات وليد خاارج وداير تيليفون فودنو غير شافها قطع وتبسم معاها) ها خويا وليد لباس؟؟
وليد: لباس (باستغراب) فين كنتي؟؟
أمال: انا والله كنت غير هنا كنتمشى وصاافي
وليد: هههه بلا حلوف تيقتك
أمال: شكرا
وليد: لباس عليك؟؟
أمال: (بتنهيدة) الحمد الله
وليد: ومالك على هاد التنهيدة
أمال: هه غير جاات
وليد: دخلي من لبرد ووراك عارفة هنا
أمال: واه واه بسلامة (دخلت مع لباب لقات أنوار واقف شافت فيه بخوف مزاال كتخاااف منو كتحسو بحال شي وحش غير شوفتو كتخليها ممرتاحااش وعاد زيد شوفاتو لييها كل دقيقة كتكول غيعاود.يتكرفس علية ولا يشوهني ويكول مشيت معاه برجلي بغات ظوز ووقف ليها)
أنوار: بعدا سهلت ليه الحفاري وطبعت ليه منين يدووز وكبغى
أمال: (هاد لمرة فهمااتو أنه بالصح تقبها خلالها منين دوز.. داازت حانية راسها من خيبة أمل فيه كبييرة وقلبها واجعها شنو ݣالها متقدرش تجاوب وتغوت وضربو كااع حدو يفرشها وغيتييقوه راه هو الرااجل أما هي غتعتابر سلكوكة للي مشات معاه بخااطرها واخا استغل حبها وعطاها كينة للي خلاتها تنعس ولكن فاخر المطاف راه مشات معاه برجليها.. وحتى من خوتها ولا عائلتها مغيتيقووهاش حتى حد ميتييقها اللهم تحني الراس وتسكت... لقات كولشي جالس والطبلة مجموعة جلست حدا هند للي كانت مرفووعة)
هند: فين كنتي؟
أمال: (بحزن) غير خرجت هنا وصافي
هند: بففف مرضت أمال فرااسي بغيت نهضر معاه كان كيصوني علية مجاوبتووش
أمال: صيفطيلو ميساج ݣوليلو أنا هي هند
هند: ماشي بالساااهل خاص نعرف بعدا علاش غبر ديك 10 أيام
أمال: معرفت أختي تلاݣيتو برا
هند: بالصح وشنو قالك؟؟
أمال: سولني واش لباس وݣالي دخلي فحالك هنا زعما ميصلاحش يهضر معايا
هند: فاش؟؟ فاش بغا يهضر معاك زعما؟
أمال: لا زعما هاكا نهضرو عادي
هند: بففف تلفت أمال والله حتى كنقول صافي عرفني ومن شوفتو قبيلة كيبان بحال عمرو عرفني
أمال: شوفي نتي قوية علية غتمشيلو نيشان وݣوليلو شكون أنتي حسن ميعرفها بووحدو
هند: وكغايدير يعرف
أمال: معرفت ولكن يقدر يعرف لكذوب شحال قدهم يدوومو
هند: كتزيدي ما بية
أمال: حيت منبغييكش تضري كتر اللهم يعرف وتماك غيعرف واش تكملو ولا لا و100% مغيلقاش حسن منك راه شافك شحال من مرة وعرفك كداايرة وخالتي نعيمة كتبغيييك شكون بحاالك وأهم حاجة شيماء مغيصلاحش تاخدو ليك حيت خوها ههه
هند: ههه والله مفيا للي يظحك
أمال: (بتنهيدة) واحد ݣالي ظحكي ومولاها ربي
هند: شكون هاد لواحد
أمال: (تبسمت وقلبت وجهها حتى كتشوف الكاملة جاية بصينية ومقصدة شيماء للي جالسة فوسط عائلتهم كانت جايبة زلافة فيها تمر معمر وكاس حلييب فيه العسل بداو داك النفاق الخاوي وهوما غير كيتفرجو)
هند: لا علاقة صرااحة أني وااي... (رجعت شافت فتيليفونها كان كيصوني حتى قطع عاد صيفطاتلو ميساج) صباح الخير عاد طفات عليك الشمعة وتفكرتيني...
وليد: ههه هي توحشتيني
هند: ممسالياش دابا اوليد (حطاتو مفقووسة باش يبرر غيابو كيسولها واش توحشتيني وكيظحك) وااقلة غلطت مكيبغيني موالو غير ولف نمرة غريبة مونسااه وصاافي
أمال: ها
هند: واالو.. شنو نمشيو هاد المسرحية للي هنا غيلفاتني
أمال: حسن براسي تخنقت ولكن خالتي نعييمة
هند: اممم (رجع صونا عليها وليد مجوبااتش حتى شافت نعيمة وقفت) خالتي
نعيمة: (كانت ياله قطعت شي مكالمة) نمشييو ابنتي سناء خليتها وحدها
شيماء: عفاك اماما باتي معانا راه وليد مزال غيبقى هنا شي سيمانة يمكن
هند: (هزت حاجبها معرفت تفرح ولا تخلع ولكن هادي هي الفرصة ناضو كيتسالمو جات الكاملة هازة ساشية عطاتهالها كاادو خرجات كان راجلها ووليد وأنوار والحاج فلباب هزت عينها فيه شاف فمو وجا لعندها)
نعيمة: ياله اولدي معايا
وليد: الوالدة راني هضرت معاك (باسلها راسها وشاف فهند للي كتشوف فيه ودغيا هربت عيينها توادع مع مو وباااه هضر مع السلعة باش يتبع بااه وهو بقى وااقف مع دراري) شيماء
شيماء: (مشات عندو وحتى هو تلاقاو فالنص) تبغي تخرجي نتي ولبنات
شيماء: اممم (شافت فأنوار)
وليد: (خنزرت فختو) بنيتك ابنتي زيدي تحركي الا بااغا تخرجي ولا غنتبعك لمك (تفافااات كانو ديجا لابسيين مشات عند لبنات كتشوف غير فهند)
شيماء: خويا وليد بغا يخرجننا
هند: انا ما فية للي يخرج ونتي
امال؟؟
شيماء: عفااكم خرجو راه يحسابلو مبغيتش نخرج معاه على حساب أنوار
أمال: (شافت فهند) نحشم نكولو لا (دارتلها اشارة بعينيها وحركت راسها زعما هدا هو الوقت)
شيماء: شنو كتوشوشووو
أمال: لا واالو غير كنعاود لوليد على كوولشي اصلا مبقاش كيهم حدي ناكل قتلة دلعصى ونكمدها
شيماء: (طرطقت عينيها جا وليد) نن...ننمشييو
وليد: (كان كاري بوجو نوع سيارة رباعية الدفع طلعو لبنات ركبو اللور) أنوار لحق علينا
أنوار: (مكره كان باعي شيماء تركب معاه) وااه
زهير: انا بعدا ركب معااك (طلع ركب وضار شاف فأمال) مرتاحة داابا؟؟
أمال: أحاااي (قالتها بشوية.. طرطقت عينها وقلبت وجها لهند زعما واش سمعتي)
هند: امم واحد قالي ظحكي ومولاها ربيي
زهير: (تبسم ولمس على لحيتو طلع وليد ولاح عينو لهند وجلس ديمارا وتبعو أنوار كينكر محاملش يبقى بووحدو شنو معنى يتبعهم بووحدو مشاو نيشان لقهوة هبطو ودخلو لداخا حيت كان الجو بارد شوية وجلسو مجموعين) شهوتي نضرب شي سونديتش ديال كراان سخون مع هرييسة يااا سلاااام
هند: اااه شحال مكليتها
شيماء: (غير كتشوف ودور عينها لأنوار للي توحشاتو ومن نهار وقع داكشي مولات شافتو لا طلب منها تشوفو حتى من السرجم ولكن هاد نهار منين كيدور ويرحب بيها فدارهم ويوصي مو وعيالات خوتو خلاها فرحاانة.. هند كتخطف الشوفات فوليد للي كيخرب فتيليفونو وأمال راه 4 دلعينين عليها واحد بحب واحد بكره هزت عينها فوليد وتبسمت معاه بالمثل جا السرباي دراري طلبو قهوة نص نص وزهير ناض) طلبو للي بغيتو انا نجلس هنا (ضار لطابلة اخرى تبعو وليد وأنوار بقى معاهم وزهير جبد كيكمي كارو ويهضر مع وليد)
أنوار: حبيبة شنو تشربي
شيماء: للي بغيتي احبيبي
هند: يععع هادشي كيخلي بواحد يرد
أمال: (حست باستفزاز كبير لدرجة مقدرتش تسكت واكترية منين كاين وليد) اصلا كاينين جوج زلالات ختاري للي مسخ كتر وردي عليييييه
أنوار: (طرطق عينو وتحت لسانو كيهضر وهو بحال كيحلف عليها) عرفي شنو تكولي وغنووض نخمج ليك لافيشور ديالك
أمال: هه نووض
هند: (تبسمت وشافت فأمال كفاش كتقليلهم السم ولاحظات يدها كيرجفو عرفااتها خايفة ولكن دافعة الصنطيحة ووجود وليد مخليها مخيفااش منو عكس من نهار تفارقو)
شيماء: تحلك الفم
أمال: بنت عمي مغتبغيش نسمك شي حاجة قدام رويييجل دياالك عرفتي انا مهامني لا نتا لا هي
أنوار: وشكون مسوق لييك للي عندك خدييتو
شيماء: كفااش
أمال: وقتي؟؟ هانية انا للي عطيتو ليك بخااطري ضرووري باش نجربو هاد الدنيا ونبقاو واقفين خاص نوطااو فالغييس
شيماء: (حسابلها خدالها شي حاجة اخرى)
أنوار: غتسكتي ولا غنوض لق**** مك
أمال: (وجهها رجع حمر) نعااام غوت مكنسمعكش (السرباي جاب كانيطات دلموناظا للي طلبو لبنات) هاك برد
أنوار: (كيتااااكل غير بوحدو وكان ماشي للي اللور عاطيينها للظحك ينوض يورييها علاش قااااد)
أمال: غاالط الا حكرتي علية وكتلي مفظهري حد
شيماء: أنوار مال هادي؟؟؟
أنوار: (وقف مع بيض رجع حمر بالأعصااب) مزال نوري لمك
أمال: اوك (غير عطاهم بظهر طلقت نفس بحال كانت شداه مدة وعاد قدات تنفس شافت فهند ممتيقاش)
هند: هاكا نبغيييك
شيماء: ياك اهند كتشجعيها على هاد تبرهيش والله وكان ماشي خويا للي كاين
أمال: اش عندك ماادييري كااع طلعتيلي فراسي نتي وهضرتك لباخسة غتعلي صوتك غنشوهك داابا مع خووك والا زدتي كبمة غنكولو على لمصاحبة مع محمد خويا وبالدلييييييل
شيماء: (بقات مطرطقة عينها)
أمال: كوليني يييخ مبقيتش حاملة حتى الشووفة فيييك صاافي من هاد نهار عتابريني مت وانا دوزت لبكى علييك ودفنتك شحاال هادي
هند: صافي هنيييونا
شيماء: (تغرغرو عينيها وقلبت وجهها)
هند: منين هادشي كاامل من نفس لواحد للي قالك ظحمي ونساي الهم
أمال: (خبراتها) أصلا ممتيقاش رااسي شنو كلت أحاااي درك يحلفوها فية
هند: ههه معندهم ميربحو (غمزتها) من مورااك رااجل غير نتي حلي عيينييك.. (رجعت لنبرة صوتها) اه وديري فبالك من غدا غترجعي للمعهد
أمال: (حركت راسها) وااه غدا نمشي خاصني نشري شي ماكنة
هند: كنعرف واحد عندو جوطية زوينة ونقية دايرها فكرااج نمشيو نشوفو واش لقاو عندو شي وحدة
شيماء: (هزت كانيطتها كتشرب لبنات كيهضرو ممعبرينهاش حتى جاو دراري جلسو حداهم زهير خبر أنوار للي ناض خلص)
أنوار: مشيينا!!!!!
وليد: مشيينا (ناضو خرجو ركبو فالطموبيل وسقييير وقف حدا واحد عندو كريسة) ها كراان اسيدي
زهير: معلم (هبط ورجع طل من لباب) تاكل؟؟
وليد: لا واالو شوف مع لبنات
زهير: (شاف فأمال) تاكلو؟؟؟
أمال: (تبسمت وقلبت وجهها)
شيماء: (كاعية) انا مفيااش
هند: حتى حنا وااكلين بزااف مصاب غير نهضمو
وليد: (مضاارش غير كيسمع مشا زهير ضرب جوج نصووصة حتى أنوار هبط يااكل كملو وشدو طريق هبط زهير ووليد بلوكا جهة باب هند للي كتحاول تحلو هبطت أمال وشيماء ووليد ضار عند هند) هند صافا!!!!
أنوار: (شاف فشيماء) شتهم كيتعاملو معاك خاايب!!!
شيماء: (مرضيااش) كنديرو لخاطر لأمال رجعت بحال شي هبيلة راك شفتيها قبيلة
أنوار: متعطيهاش داك لوجه مرة جاية ديرلك هاكاك رعفي مها وانا برااسي مزال نوري ***** مها...
زهير: (واقف بعيد كيشوف فأمال للي كطل علاش هند مزال مهبطاتش مشا جيهتها) مهبطاتش
أمال: (شافت فيه مزالة حشمانة من كلامو وتلميحاتو) معرفت علاه مهبطتش
زهير: طلعي وتسنايها لفوك لبرد عليك
أمال: وهند؟؟؟
زهير: ها هية غتلحك بيك
أمال: (حركت راسها باه وتماش دايرة طلعت لدار وتأكدة هند راها كتحاسب من وليد أما داك التنائي المقزز هكا سماتهم نخار على نهار كتنساااهم ولكن وصمة العار للي طبعها بيها أنوار مغتنساهااش وكل نهار غتبقى دعي فييه وعمرها تسمحلو وحتى باش تحااسبو دااز وقت كبيير للي متقدرش تبت فييه اغتصاابو ليها)
أنور: (ضار ملقاش أمال وهند حسابلو طلعو) سيري حتى نتي
شيماء: علاش مكتلكاش بية بزاف من داك ن..
أنوتر: حبييبة خوك هنا وزايدون انا فاش كنشووفك مكنقدرش نشد رااسي علييك وعاد رمضاان رحميينا راه غير نشوفك ن***
شيماء: (حشمت وفرحت فنفس الوقت) صافي هاني مشيييت (مشاات ظاحكة بحال مخاصها خييير وفاااهمة مفهوم الخب بالمقلووب زهير جلس فالنافورة وأنوار مشا طلع للدار مسخسخ براكة غير فاق بكري وجالس بلا هوااه مع نساابو.. أمال وليد ضار كيشوف فهند للي مطرطقة عينها)
وليد: سولتك
هند: (بلعت ريقها ورمشت جوج مرات مصطانعة لبرودة) صافا.. الحمد الله ونتا؟؟
وليد: الحمد الله.. (شاف الشال فوق شعرها واخا كيبانو خصلات من شعرها وعاد حوايجها عدس للي كان شافهم داك لمرات وفلبلاصة دازت قدام عينو عريانة منين دخل عليها لبيت وبالتلفة دخل عندها وسد لباب.. غمض عينو كيحكهم بجوج صباع كيطرد دوك الوساوييس)
هند: نمشي؟؟
وليد: (فقد التركيز ديالو قلب وجهو وهو كيهضر) كتعرفي غيثة؟؟؟
هند: (ضربات قلبها بداات كجهاد وتنفسها مبقاش طبيعي بحال كاجري فشي مراااطوون وحتى من عينيها وسااعو) شكون غيثة؟
وليد: نتي كتعرفي غييثة مزيان وبحال واالو تكوني نتي للي عطيتيها نمرتي وكتعطيها خباري من شيماء هي فرملية بحاالك
هند: (وااش كيحماق علية واش عارفني انا هي غيثة ولا هدا فخ ولا شنوووو!!!)
وليد: دوونك كتعرفييها
هند: لا مكنعرفهاش وانا ماشي فرملية انا ياله كنقرا
وليد: كتقراي على فرملية وكان عندك سطاااج متحتاجيش تكذبي اهند معتابرك وحدة من العائلة هطا اعتابرييني
هند: (لسانها وااكلها تقول انا هي هند حتى خرج عينو باشارة هضري.. بلعت ريقها) مكنكذبش
وليد: (عض على شنافتو لفوانية وقلب وجهو) واخا ختي هند شكرا وسمحييلي حيت شدييتك هكا سيف علييك
هند: (جاتها لبكية) شكون غيثة؟ كما نتا سوليتيني حتى انا كنسولك
وليد: منين نعرفها غنعرفها علييكم هادي الا مكانتش كتكذب (شاف فيها) مشكلتي نسامح فكولشي حتى لكذووب
هند: (بلعت ريقها وتبسمت ابتسامة موصلاش لعينيها) وي حتى واحد مكيبغي لكذوب
وليد: انا زايد نغزة مكناسمحش عليه واخا يكون المبرر أقوى
هند: (حركت راسها باه) مكتخدم معايا ولا مكتقرا معايا حتى وحدة بهاد سمية يمكن كاذبة فسمية
وليد: دوماج الا كانت كاذبة فسمية.. مهم ختي هند بلا منشدك غدا الا بغيتي نخرجو مجموعين تبدلو الجو اما دابا (شاف فالساعة) مشا الحال سيري ترتاحي
هند: (حركت راسها فااشلة وعرفت مكاين مستقبل معااه بصارح العبارة مغيسامحش على سمية اوا شي لاخر تنهدت) تصبح على خير (قبل ميجاوب خرجت وسدت لباب طلقت زفرة موراها ملامح وجهها تبدلو وبقات كتبكي وهي ماشية لدار الحااجة تحت نظرات زهير للي شافها كتبكي وكتحاول تزرب باش دخل تخبع... بلاصة وليد الطموبيل مزيان ونزل شاف زهير فين جالس كيكمي مشا جلس حدااه)
وليد: صدقت مكتعرفهااش...
شيماء: (استغلت هند مكيناش) شنو كنتي كتمعني قبيلة نتي وأنوار؟؟
أمال: شيماااء واش مكتعيااش عفااك الله يرحم ليك الواليديين ديري اعتبار صغيير للقرابة للي بيناتنا عفااك متعضرييش معااايا
شيماء: وعلاش أمال ضرب وخليتك ضربي عايرتي سبيتي حشيتي معاااني وهضوور هادشي مخلاكش تبردي
أمال: اش غنبرد؟؟
شيماء: من خطبتي انا وأنوار
أمال: بففف هداك سميتو غذر ماشي منو بقدر مكان منك نتي فهمي هادي اولا تاانيا انا بالصح بردت وبردت منك بزااف مبقيتيش كتعنيلي وااالو بحال كنتي ميتة بحال حية شي حاجة كتر؟؟؟
شيماء: تبدلتي بزااف
أمال: ياا ربي اشيماء تجي الوقت للي منبقاش نشوف حتى وجهك والله منقدرش ناافق بحاالك صافي عييت منك انا ماشي عبدة عندك نتي هاكا كنتي حاسباني ولكن انا داكشي للي كنت نديرو معاك حيت كنت نبغيك بحال ختي
شيماء: حتى دابا باقا ختك ياك صافي مبقاش كيهمك أنوار
أمال: مااا معرفت كيف نفهمك نسااي انوار شوية راك قربتي تعبديه انا كنهضر علية وعليييك
شيماء: كنت نبغييه من نخار اللول شفتو نتي كنتي طرديه وانا كنت نتمنى يجي عندي وجا ومقدرتش نطردووو حيت هو كالي صافي مبقاش معاك ومبقيتوش متفاهميين ونهار خطبني والله مكان فخباري قبل
أمال: (كتشوف فيها باشمئزاز) تخليني نعس حيت هضرتك كضر فالرااس
شيماء: (بتنهيدة) وااخا أمال ولكن نتي للي تبدلتي على قبل رااجل ماشي أنا (عطاتها بظهر وأمال بقات كتشوف فيها باستغراااب مفهمااش هاد انفصااام الشخصية للي فشيمااء مرة ضربها مرة حتى تكون هي ولوخرين يعيشو الحب قداامها ودابا ترغبها دخلت هند حنيكاتها حوومر وعينيها ذاابلين خرجت أمال من بلاصتها ومشات حدا هند للي جراتخا ومشات للكوزينة وسدو لباب عليهم)
أمال: ماالكي؟؟؟
هند: (دارت يديها على وجهها) صاافي انا وليد عمرنا نتلقااو
أمال: واش كلتيهالو ولا عرف ولا شنووو!!!
هند: لمح ورجع ضاار خربقني سولني عليها والله مفهمتو ولكن فهمني حاجة وحدة للي واااضحة لكذزب ميخلييهش يزيد مع الوااحد الضربة وبصاارح العبارة قالي الا كانت كاذبة فسمية مغنكملووش الا كان عارفني غيكون بينهاالي
أمال: بففف وعلاش مكلتيلوش انا هي غيثة
هند: لحاال كتقوليلي قولو يبلوكيك من حيااتو كنبغييه أمال وكتر متخيلي غيعرف وغينساني وغنحاول نكمل ونقوي رااسي ولكن مبغييتش نتهرس
أمال: هند الا كان يبغييك مغيخليكش يغضب ولكن ميسمحش فيييك وليد والله حتى قلبو زويين وبيض ماشي بحالهم كاااملين هو شابه لخالتي نعيييمة
هند: (زفرت) نتي للي كتقويني قوي راسك وياله نمشيو لطبيبة
أمال: (تبسمت بمرارة) كبيلة هددني يصيفطلي فيديو ديال داك نهار
هند: صيفطولك
أمال: مجبتش داك التيليفون يقدر يكون صيفطولي غدا نمشيو نشووفو هند منين فقت لقبت كولون لبيض فيه نقيطات ديال الدم حتى لكرسي كانت فيه نقيطة صغيرة مسحها قدامي وووو وولتحت كان ضارني لبولة كانت تحرقني شنو كيعني هادشي؟؟
هند: يقدر يكون جرحك
أمال: هند هو الا شافني غير عرياانة صافي هادي كاافية
هند: كافية فااش واش كتهبلي علية واش مشيتي معاه بخااطرك؟؟
أمال: صافي نسااي موضووعي كنفكر فشي حاجة وغنديرها
هند: فاش
أمال: كنفكر دابا تهضري مع وليد بنمرة غيثة
هند: لا غنقولهالو وانا كنشوف فييه ماشي تسنيت شحال باش نصيفطهالو ميساج
أمال: (شافت فالساعة كانت 2) غنسخن صحور
هند: (بغير نفس) غنبدل ونجي نعمر أتاااي
وليد: صدقت مكتعرفهاش
زهير: (حرك راسو) صباح صوني عليها وكولها نتلقااو بغات مرحبا مبغاتش صافي قلب علييها
وليد: وي داكشي للي عواال ندير يااا صاحبي نكره لكذووب نتا داك نهار غييثة كبانت ليك
زهير: اصلا مجااتش.. نوض نطلعو لداري راه صاط لبرد فينا مزياان
وليد: نمشي لشي اوطيل باش منصدعكش اصاحبي
زهير: (وقف عاطيه بظهر) نعت ليك شي واحد ولا عارفو (زاد مخليه كيظحك)
وليد: ههه أهم حاجة هي صوااب للي فييك (طلعو للدار ياله بدلو ولمطو واحد النموسية ديال واحد جابها من دار الحاجة باش ينعس فيها وليد حيت كما ذكرت دارو خاوية فقط بيتو للي معمرو طلقو الشوفااج فداك لبيت وسدوه باش يسخن حيت من ديما خاوي... صونات الحاجة على زهير باش يجي يتصحرو هو ووليد مجاتش هاد لمرة يصيفطوه وياكلو فوق لفراش مشاو بجوج دخلو لصالة للي حدا لباب يعني ميحتاجش يشوفو لا كوزينة للصالة فين كيجلسو لبنات لقاو كولشي محطوط لييهم.. هند واقفة فلكوزينة كتقطع فرماج ديال السفير (معروف تقريبا غير فوجدة ولكن مبقااش) وحطات فطبسيل شافت فشيماء) هاكي ديه ليهم
شيماء: منمشييش سيري نتي للي صااحبك كاين تماااك
هند: (مخليااها تفكر راه زهير هو صااحبها باش مديرش شنو دارت مع أنوار واكترية باانت هي محملاااش سعاااادة أمال.. هزت الطبسيل مكرهة زفرت عارفة أمال تعطيها راسها ومتعطيهمش الطبسييل دخلت للصالون حانية رااسها حطات الطبسيل وخرجت مخلية زهير كيضرب ملاوي دالشحمة ووليد كيشوف فيها وفشعرها للي مطلووق عاد كانت قبيلة سترااه عوج راسو وبقا كيااكل)
وليد: نسهى شوية لقات صطتي فهادشي
زهير: اوا متسهااش نساامعش بغض البصر
وليد: هاد غض لبصر دايز فية غير أنا
زهير: هه انا غرضي شرييف نتا مزال مضارب غير مع نماري دالتيليفون حل عينييك البهييمة
وليد: (باستغراب) كفاش
زهير: حل عينييك وكووول بقا تابعني يانا (رجع كياكل ووليد فضل ياكل من بعد ويفكر ولا غيبات بلا صحور.. جات الحاجة حداهم من بعد مكلات غير شوية من شوية ديال لبلبولة مجمعة معاهم شوية مخلية لبنات كياكلو بسكاات كل وحدة وفين دماغها غير سمعو لماعن كيتقرقبو عرفو الحاجة كتجمع الدنبا ناضو أمال وهند جلسوها وكملو شغل مكينعسو حتى كيجمعو الدنيا..)
هند: غتفيقي صبااح بكري
أمال: واه
هند: اوكي (ريكلت السااعة ملقات حتى ابيل ولا ميساج من عندو تنهدت ونعست هاد لمرة بلاما تفرج فالمسلسل للي متبعة (manifest نصحكم بيه البنات مسلسل طوووب)
~~~~~~~~~~~
أصبحنا وأصبح الملك لله
وليد: (واقف فالسرجم كان ياله فاق حتى كيشوف هند خارجة بالزربة طلعت فطموبيلتها ديمارتها تسخن 5 دقايق هبطت أمال وركبت معاها وخرجو كن تمااك كان لباب لكبير محلوول هز تيليفونو صونا على شيماء واالو مكتجاوبش عارفها مزاالة نااعسة.. دخل لبس حوايجو هبط بشوية مشا لاطموبيلة للي كاري ومشا نيشان لمحال ديال زهير لقاه مضارب مع شي معلم على حساب شي شغل) ماالك اعشيري
زهير: (معصب) كلتلو كاد **** هنا ودايرها عوجة من لفووق وفالنتلي جاي يتحاسب على لفلوس يكااد غير زمر مزيان ويااخد فلووسو
وليد: ههه كل رمضان كتصبح دابز مع ذباان وجهك
زهير: قيلني علييك
وليد: با زهيير هادشي مزال مبدبتي وراك تعصب
زهير: ولييييد حط علية دوك لحواايج ودووز تخدم (وليد بابتساامة حط جاكيطتو وعلقها)
وليد: باقا الطريفة هي هي؟؟ 70 درهم لنهار
زهير: مالك غتعاودلي الكبص طرق جوج مسامر وهنينا
وليد: ههه مرحبا من موراها بغييتك فبلان...
وصلت هند أمال لمعهد وهي مشات لكلية ديالها تشوف مع لبنت للي عندهم بحث مشترك فين وصلات اما هي كولشي وجدااتو وحفضااه ما.. دازت ساعة ونص هند كانت كتسنى أمال حدا لبرد للي خارجة بورااق وشي ساشية فيها شي ثوب ودوك تخربيقات جلست وحطاتهم اللور
أمال: عيييت
هند: هه كنتي كضربي الباالة
أمال: ههه بقينا واقفين هاد الوقت كاامل عرفتي عطاتني نكاد واحد لكسيوة قصييرة
هند: اممم مون ستيييل اوا ولفرونسي؟؟
أمال: غدا
هند: اوا زيدي راه تابعنا لفطور ولكن قبل ندوزو لسيتي
أمال: (بتنهيدة) مبقيتش حاملة نجلس تمااك
هند: هي الا تجوجتي بزهير وهانتي ضمني بقاااء الا الأبد
أمال: ههه منظنش يقبل بوحدة متقووبة
هند: حلق لحماام ميخلي زهير فغبينة
أمال: كفاش هاد حلق لحمام؟هند: شحال من وحدة ديفيرجات زعما تقبها صاحبها كتمشي دير حلق لحمام.. لحمام كتكون فيه واحد جليدة كتكون عامرة دم كتمشي طبيب كيخيطها ليك خونا حميدة كيدخل ظاحك وفمو عامر ريووك كيدخل كطرطق لعيبة كينزل الدم
أمال: (شهقت) أحاااي
هند: شي كلاب يستاهلو ولكن كيبقى فيك الحال فولاد الناس
أمال: (بقات كتفكر) وحتى شي بنات ميستاهلوش
هند: متفكريييش برااكة غير داكشي للي درنا وترمتك لدابا لتراس مبغاش يتحاايد منو دااكشي
أمال: (غوبشت) لا لا منقدرش نظحك على شي حد اصلا انا غنهرب
هند: هه هربي ومحمد وعلي بعدا يلقاو خدمة اخرى يتلهاو فييها
أمال: شتييهم غير مسوقيلي
هند: مغيقلبوش عليك حبا فييك نتي عارفة علاش يقلبو باش يتبتو الفحولة ديالهم
أمال: غنهرب لقنت ميعرفونيش فييه
هند: اوك عطيني لادغيش ديالك
أمال: نهضر بالصح
هند: ومنيز باغا تكبتييها فرشي لخرا كاامل ومتمشيش بوحدك فالرجلين ماشي وحدين ناشطين ونتي كضيعي فحياااتك (ديمارات وزادت مخلية أمال مخها سرررررررح دازت اكسبري من محال زهير ومن حسن حظهم واقف زهير ووليد كينعتلو شي حاجة حتى كتبانلهم طموبيلة ديال هند للي تفرزها مزيان ميني كوبر فلحمر وكيكتسميها هي وكاع لبنات خالتي مييينة...) يااااااااااخخخخ
أمال: (ضارت بحال الطوبيس شافت فيهم مع كانت ملهبة مسافتش منين دازت هند حتى كتجي عينيها فعينيهم وداراها وليد اشارة باش يحبسو) حم كالك حبسي
هند: خراااا
أمال: علاش دزتي من هنا
هند: (ضارت عندها) الدووودة ومديير (وصل عندهم وليد وشافت فيه) سلام
وليد: راجعين للدار؟؟
هند: (كتوتر فشوفتو حكت جبهتها مبعدة تركيزها) وي
أمال: هي مشات للكلية ديالها وانا المعهد
وليد: (شاف فهند للي كتشوف قدامها) مزياان شيماء مكتمشيش معاكم
أمال: كانت صابحة عياانة مكدتش تمشي معانا
وليد: اممم (شاف فزهير للي بقى بلاصتو واقف مربع) واخا سيرووو ولا مزال تقضيو شي غرااض؟؟
أمال: لا نمشيو بحرا نݣادو لفطوور
وليد: اممم شي زردة عاود
أمال: ههه مشهي شي حاجة اخوويا
وليد: للي طيبتووه اختي ياله بلا منشدكم
أمال: بسلامة (هو مشا وهند متبعاه من لمراايا حتى مشا وهي ديماراات) مالكي مكنتيش تا تجاوبيه
هند: الا مبغاش غيثة نشوفو واش يبغي هند
أمال: ههه امممممم
هند: (عيباتها) امممم بݣرة لوخرا
وليد: مالك مجيتييش؟؟
زهير: نمشي بريحتي كتݣلب وزايدوون ماشي النوع للي يتلسق.. زيد زيد ݣولي فين كانت ؟؟؟
هند: (غير وصلو للدار لقاو الكاملة دايرة ملحف عليها وجاية من جيهة ديال جنان) سلام خالتي
الكاملة: (طلعوأكترية هند للي مديراش الزيف وجاتها فشكل) وعلييكم السلام لباس عليكم؟؟
هند: الحمد الله اخالتي ونتي بيخير؟
أمال: (غير كتشوف فيها وتفكر استقبالها لكنتها جديدة)
الكاملة: لبااس.. فين كنتو؟؟
هند: اممم فقرايتنا
الكاملة: وشيمااا؟؟
هند: صبحت نااعسة مقدرتش تمشي اليوم
الكاملة: (عوجت فكها) اوا لمرا منين تجوج قرايتها وديبلومها هو زماانها
هند: اممم خلينااك على خير بحرا نمشيو نقادو لفطور
الكاملة: منين نتي ابنتي؟؟
هند: انا من فاس
الكاملة: ايييه واشتا جابك ديري هنا فوجدة
هند: (تبسمت) لقراية
الكاملة: وحدك؟؟؟
هند: (بففف) اه
الكاملة: ياا خيتي على بنات اليووم موليتو تخاافو
هند: ههه هنا لوحدة كتقساااح ومكتبقاش غير خاايفة راه رجعت بحال لمرا بحال الرااجل
الكاملة: (خيبت كمارتها) اوا الله يهديكم
هند: اميين اخالتي نخليوك منصدعووكش
الكاملة: اممم (مشاو وبقات تبعبرهم ولاحظات أمال للي سكووتية مكتهضرش وغير كتشوف بعويناتها مصمصت الحامض بشانيفها معجبة فبنات اليوم ومشات لدارها تدي لكرافس لجهان للي بغات ترد لحريرة.. مع دخلو لبنات لقاو شيماء فلكوزينة كتعجبن لمخاامر للي طلبهم ليها وليد من بعد متسحر بيهم شكرهم وقالتلو انا للي مقدااهم بدلو لبنات حوايجهم توضاو صلاو ومشاو طلو على الحاجة للي من نخار جاو لبنات وهي مكتحطش يدعا فلما ولقات الوقت للتسبيح للي مكيحايدش من يدها وراديوها صغير للي كيعلمها تحفظ القران شاريه ليها زهير كل مرة كتحفظ شوية.. عاد دخلو عند شيماء)
هند: غنقاد اليوم لي كرييب بالكفتة والفرماج
أمال: وانا؟؟؟
هند: عاودي لينا لمخامر دلبارح
شيماء: راه عجنتهم
هند: وكان غير مزربتيش أمال كيجيوها مفشفشييين كتفكرني غير بديال مي لااالة احح وشحال توحشتها
شيماء: اوا بحال لحال
أمال: انا ندير مطيشة بالكفتة ونجبدو دوك لبريوات دلحوت للي كادينا نقليوهم وبرااكة
هند: اووكي (بداو يقادو فطوورهم مرة مرة للي يهضرو ولا ينكرو على شيماء للي كل مرة كتلومهم علاش مكيدخلوهاش معاهم فالهضرة حتى كملو دارو جوج أنواع دلعواصر وحطو الطبلة مقادينا حتى دراري وجدو ليهم طبلتهم باش يتجنبو الإحرااج أذن المغرب دخلو دراري هزو تمر كسرو صيام وبداو يصليو خلاو لبنات كيسمو لصوت زهير وهو كيقييم صلاة كملو وجلسو يااكلو)
زهير: وتكولي نساا باش رجع للمطلوع والزيت
وليد: ههه براسي طلعت لية ماكلة الزنقة فصحتي اححح بانلي خبز مايدييه لبرااني
زهير: (ضربو لقرفادتو حتى لاخر جاااف) اش كلتي بغيتي الخبز؟؟
وليد: (شاد فبلاصة الضربة وكيحكها لحط لكاس بتشنتير) مريييض اصاحبي!!!
زهير: ومتبقاش تبرهش معايا فدشي اوليييد ومتندمنيش لاش كلتلك هادشي عندي مافيهش الظحك نتا صاحبي وكتر من خوويا فهم
وليد: (ملقى ميكوول من غير كمل ماااكلتو وفبالو أمال كيدير مقاارنة بشحال من هادي لقاها عزييزة عندو لااا غييير وبكترة مكيشفق عليها كان باغي يتزوجها زيد على أخلاقها مهم ملقاش راسو منجااذب ليها بحال زهير كملو لماكلة وبقاو مجمعين على السلعة للي هبطو قبيلة ودخلوها للمحال) والله تبانلي نكمل طريطات للي باقيين للي فداك المحال تم تبيعو ونجي ندير شي مشروع لحالك هنا
زهير: نتا مشي أمورك تما مزيان!
وليد: واها هكااك راه توحدانيت قتلاتني ومخلات حتى حاجة بحلاوتها
زهير: اوا دي معاك لمرا
وليد: غير اجي وتزوج
زهير: اوا خليك معقدها حتى يطيب من يدييك لحماام
وليد: اودي غير على غيثة مبقاتش تجاوب بانلي غنطلع عند الوالدة ترسيلي مع شي وحدة نطلع نكاد ليها لورااق ونديها معايا
زهير: سيير الا ضورتي العام هانا هانتا
وليد: وشنو ندير
زهير: غتهز نصليو ترااوح
أمال: (ناضت من فوق الطبلة حيت سمعت تيليفونها كيصوني كانت نساتو فلكوزينة لقات نمرة ديال مها قلبها كيضرب عمرها حسات بداك الإحياس ديال مها توحشتها وتبغي تهضر معاها ديما كتحس براسها مزيرة جاوبات وهي تبان صورة ديال مها كظحك والضرسة المذهبة للي زارعة فمها كتباان ومقربة وجهها بزاف لكاميرا ابدا واش توحشات هاد الوجه ولا حنااات ليه) حم سلام
فتيحة: (شافت فبنتها) هاكي مرت خووك بغااتك
أمال: (باستغراب من وقااحة مها ولكن زفرت مبمكنش كل مرة غتبقى تحزن على نفس الحاااجة كما قال زهير للي ضرقك بخيط نضرقو بحييط تبسمت) لباس؟؟
مريم: (كانت لابسة شال فلبيض فيه زواقات فالذهبي وباينة لابسة جلابة ودايرة مكياج خفيف عبارة عن كحل وفارااجو ولعكر خفييييف) الحمد الله اختي ولا نكول لوستي ههه
أمال: (بابتسامة) عيطيلي باشما بغيتي
مريم: (كتسنى تكولها مبروك) كدايرة مع لقرايا
أمال: مزيان الحمد الله
مريم: (شافت هضرتها محدودة) الدار ناقصة بلا بيك كنت بغيتك تكوني اليوم
أمال: (عرفت دارت لاكط) مكتابش مبرووك عليك
مريم: الله يبارك فيك تختي ولعقبة ليييك (شافت فمها) واها هاني جاية راني نهضر مع أمال
الخالة: اممم اوا لعقبة ليها متعطليش حناك راها عيات وبغات تنعس
مريم: نمشي اختي راه بغاو يحايدولي تقاف للي دارولنا صغار ما ووحنا
أمال: (بغير فهم) شنو؟
مريم: تقااف.. مهم أمال هاني ناخد نمرتك ونبقاو نهضرو
أمال: واه (قطعت وبقات كتخمم فهضرة ديال مريم حتى دخل زهير متكية على لبوطاجي لقاها حاطة التيليفون فوق فمها وكتخمم حتى خلعها بضخامتو منين وقف كيعمر كاس دلما شافت فيييه)
زهير: فاش راك تخممي عاود
أمال: هاا واالو
زهير: واالو كاع؟؟ (هبط على داك الكاس شربو حطو) الحمد الله.. (شاف فيها) باغي نهضر معاك فبزااف ولكن نتي مزال معكسالي حقي فيك أمال باش نهضرو على خاطرنا
أمال: (كيضهشرها بكلامو مكتلقة متقول من غير كتبقى دور فعينها)
زهير: (ضار عندها كولو كيشوف فيها) غدا غتمشي تق.. (دخلت مو وهي كتعيط)
الحاجة: زهير ز.. (لقاتو فلكوزينة وكانت حتى أمال للي وجهها حمر) ولدي بغيت شي حاجة
زهير: (ضار عندها متبسم) جيت نشرب لكيت امل هنا (شاف فأمال) تبغيو تخرجوو؟؟
أمال: (يااا ربي تشق الأرض وتبلعني ياا ربي غير يسكت)
الحاجة: بنتي لبسو حوايجكم وخرجو معاهم تبدلو الجو
زهير: (درع مو بيد) تزيدي معانا حتى نتي
الحاجة: لا وليدي مافياااش
زهير: مالكي عياانة؟؟
الحاجة: لا وليدي غير كنشرب داك دوا كينعسني
زهير: (شاف فأمال للي دارت فريييو وهربت زفر وشاف فمو) هادي هي لهلا يطيح حبنا على معقدة
الحاجة: هههه (ضرباتو لكرشو حيت هي هداك هو حدها)
زهير: (حط فبلاصة الضربة وهو كيتبسم) نهبط عند وليد على ميوجدو لبنات ( خرج طل فلبلاصة للي كان ياكلو فيها لقاها هي نيت كتجمع وعاطياه بظهر بغا يدخل يهضر وشد راسو حنا الراس وهبط فحاالو...)
مريم: (حيدت حوايجها كاملين حتى من الملابس الداخلية ولبسات غير بيجامة وااسعة وجابو شي عواد كباار (كان ديال المنسج هو واحد الألة بسيييطة قديمة كانو كيطلعو بيها زرابي دالخيط) بقات حناها من باها كتقول شي حاجة ومها كانت تابعاها بطاسة فيها لما كتلوحو على راسها بحال كتغسلها شعرها كملو الطقوس ديالهم الغريبة وجابت فتيحة بينوار ولواتو على مريم)
فتيحة: راني وجدت ليك ابنتي الدوش سخون شللي بلما للي فسطل لحمر
مريم: لهلا يخطييك اخالتي (مشات للدوش دارت شنو قالولها وخرجت عندهم لبسات حوايج كانت جابتهم ليها فتيحة كولشي جديد) خالتي أمال متجييش؟؟
كريمة: بالصح اختي لبنت خوها دار الكاغيط وهي معربة باااز لييها معندها محنة على خوتها
أمال: بلعكس أمال ضريييفة
فتيحة: اوا شنو نديرلها طريق راها تعرفها لاسكة فديك لقرايا بحال راها طفروو
كريمة: قرسييها راك طالقة ليها اللعب كتر من لقيااس
فتيحة: لحمها ما بقى يكر فيه لا عصا لا وااالو حنى خوها طلعاتلو زعااف مبقى يديها فيها
كريمة: اوا غتبقى ليك فراسك غير نتي
فتيحة: على للي سمعت شي حد باغي يخطبها اش نكولك اختي كريمة راه لباس عليه بدارو وبفلوووسو وغير هو ما تستي من لعزاارا وعاد مو دريييوييشة
كريمة: هاااه وشوفييلك الميمون لمكعد وانا هزالها الهم
مريم: (مستغربة من كلامهم بحال كيهضرو على أمال وحدة اخرى...)
~~~~~~~~~~~~~~
أمال: (تفكيرها بقا مع مريم وهضرتها وكلامها راه جمعها معاها كلمة *حنا* يعني حتى هي معاها وحتى هي مثقفة ومها مقاالت ليها واالو بلعكس عاد كانت تقلبها راسها ترون علييها مكرهتش تسول شيماء ولكن مبقاتش تييق فيها باش تهضر معاها وفهادشي بالظبط ضربت الطم حتى تولي تهضر مع مريمللي تفهمها كتر من حقها تعرف هادشي راه معنية بيييه... كملو جميع للي غسل لمااعن للي جمع لليوت للي جففت الدار عاد مشاو لبسو حوايجهم غير خرجت شيماء للحمام فين كتقاد وجهها)
هند: زهير للي قالك نخرجو؟؟
أمال: (تبسمت) والله ميحشم وكداام حتى مو
هند: هههه شنو قاالك؟؟
أمال: معرفت هه شي مرات والله منفهمو للي شافو من لبعيد ميكولش هبيل هاكا
هند: الحب كيخلييك بلا عقل شكون قال نبقى تابعة وليد وانا للي كنت دافعة كبير على الأمة ها واحد مرمدني مزيااان
أمال: ههه ولكن ه.. (سكتو منين دخلت شيماء كيخليوها منوية تقلبو عليها قلبة وحدة قادو راسهم حتى هوما داكشي خفيييف لبسو وأمال لبست كسيوة تحت الركبة مع ميني بوط واكيد ليبة غليضة ودارت فوقو مونطو زوين خلاتو محلول وهزت صاك من ديال هند والشال دارتو بطريقة مرخوفة مباين حتى زغبة وفنفس الوقت ممبينش وجهها مقجوج كانت جات زويينة هند حتى هي لبسات مزيان وطلقت شعرها شيماء غير كطلع وتشوف فيهم)
شيماء: نمشيو؟؟ عفغكم متبينوش قدام خويا وليد حيت رجع كيسولني مالكم معايا (مجوبوهاش خرجو هبطو لقاو أنوار حتى هو لتحت شافت فيه شيماء للي شحال صونات ليه مجاوبهاش وقفت حداااه) علاش مكتجا بنيش
أنوار: كلبي على *** هاد الساااعة
شيماء: (شافت فيه بحزن) شنو درت ليييك؟؟
أنوار: (معصب) كل مرة مخرجيني بحال معندي صواالح من غير هاد تخربييق....
أنوار: (طلع لطموبيلتو محاملش يمشي معاهم أكترية داير مع دراري صحابو يخرجو وتوحش الشيشة للي ضرباتلو فراسو وكتر من 15 اليوم مقااسها.. حس برااسو مكتف وماشي بالسييف عليه وهادشي هو ممولفووش وابسط لحوايج مكتركبش حتى حدااه تبعهم فطموبيلتو كانو مشاو نيشان لمحال ديال زهير) بففف طلعلي ف** *** هاد زمر (ملقاش فين يحط طموبيلتو كانو هوما هبطو وقف حداهم بطموبيلتو) نقلب فين نحطها ونجي
زهير: راها بلاصة حدا حانوتكم
أنوار: هاني غنرجع (ديمارا ومشا نيشان لقهوة ديال الشيشة فين داير مع دراري.. أما لوخرين دخلو للمحال لقاو مصطووكي بالأثاث للي باقي بميكتو وشي كراطن)
وليد: غدا جيب دراري لاش تهبط لليتهبط وللي تخليه فالواجهة
زهير: وداكشي لاش جبت لبنات مكاين ما حسن من ذووقهم
وليد: (صغر عينو فيه وشاف فلبنات) شنو بان ليكم
هند: (شافت لفيترينات) هنا دير هادشي ديال لكريستال باش الا شي كوبل جا جايب معاه ولادو ميخربقش فييهم وعاد يباانو منظر ويتعرفو عندهم ثمن ميمشيلهم غير للي قااصدهم
وليد: (باعجاب) وي فكرة زوينة
هند: (تحمست) وكما فالمحالات لوخرين ديري هنا جليسات بحال كتوريهم شنتيو بطوابل وديكورات وزرابي ديالهم ءهم حاجة الديكورات والاضوااء كتجذب الواااحد وفكرة دير مكتب ديالك ومكتب دلبانكة لفوق جاية زويينة
زهير: شنو كلتي امل؟؟
أمال: (حلت فمها هي كاع مهضرت كانت متبعة مع هند) واه ضواو وتريات كيكونو زوينين (مكالها عقلها)
زهير: كولشي كاين باقي شي سلعة للي مزال مجاتني داكشي ديال الالكترونيات وعاد باقي النص فدااري نجيبو
هند: انا غنفتح ليك باج فلفايس والانستغرام نصورو ونديرووهم على مدير الافتتاح
زهير: مغنتفتح حتى لمور رمضان
هند: وي حسن
وليد: ضاايعة خاصك ديري شي مشروع
هند: نعاونك الا درتي شي واحد
وليد: كنفكر صرااحة
هند: مرحبا شنو باغي دير
وليد: بحال هاد خونا نفتح اونفااص معااه
زهير: ههه مرحبااااا رزق على الله للي مكتابلو شي يوصلو
أمال: هه (مكرهتش تكون بخال هند كتهضر حتى بغات تكول افكارها ولكن متقدرش برااكة غير دماغها الباطني كيهضر شافت فشيماء للي مقنتة وغير ساهية حمد الله حيت مجااش داك لبغل شافت فزهير حاني كيهز من لكرطونة شي حوايج قربولو وحتى هي تشجعت وقربت كانو شي ترياات وشي مااعن وديمورات ديال لكريستاال خطيرين غير الشووفة فييهم كتبهر ولكن غير سمعت الثمن طرطقت عينها لغلاااااااا..رجعت راسها اللور كتشوف شي أثاث اللون فيه شحال زوييين ولكن باين بزاف خاصو عاد يتمونطا بقات كدور كتشوف حتى لقاتو من مورااها)
زهير: عجبك هادشي؟؟؟
أمال: زوييين بزااف
زهير: تعودي عليها خدمة راجلك أمال: ههه أحاااااي
زهير: كولي غدا غتقراي؟
أمال: انا غنمشي للمعهد كنتعلم للللخيااطة (شافت فيه ديجا كانت قالتها لأنوار وظحك عليها)
زهير: (بإعجاب) مزيااان وقربتي تاخدي ديبلوم؟
أمال: (تحمست) لا باقيلي شي شهرين اصلا مكنتش نمشي بزاف ودابا كنمشي كل نهار
زهير: وشنو كتخيطي زعما حوايج دلباس التقليدي ولا العصري ولا شنو
أمال: واه لحوايج
زهير: مزياان ها واحد كلياان
أمال: ههه حتى هند كالتلي تكون كليانة
زهير: (بعينين معجبييين بييها) انا كلياان ديال لعمر عمرني نبدلك
أمال: أحااي (كملت طريقها شادة التبسيمة وهو متبعها حتى وصلت حدا هند ووليد للي كيهضرو فالخدمة رجعت قلبت وجهها شافت فيه لقاتو مزال متبعها لسقت فهند)
هند: (كتبعدها بيدييها من اللور مصدقت كيهضرو هي وياااه أما شيماء مهيااش فهاد العالمغير كتخمم فللي مستغلش الفرصة باش يشوفها ويجلس معاها...)
هند: (مرضاتها أمال للي كتلسق فيها باش تكلم ليها وهي فعز كتشرح لوليد داكشي ديال لبيب فمواقع التوااصل ضارت عندها مخرجة عينها) مااال مك
أمال: بقااي معايا
هند: لاش غنبقى معاك لاش لااااش
أمال: (بصوت خاافت) هداك كيبقى يحشمني بداك لكلام ومكيحايدش عينيه علية
هند: (مفقوسة) نمشي نضربو لييك!! نتي حتى لقيتي للي ينك عليك انا حتى الشووفة وبالزز كحزي لهييه ولا غنشتف على ختي (ضارت عند وليد متبسمة وهادئة فوجهو لقات ابتسامة على وجهو) كما قلتلك....
أمال: (مشات كتشوف فداكشي ديال لكراطن مجات فين تهز طبسيل كان تقيل حتى زلق ليها من يدها وتسمعت شرااااخ كولشي ضاار عندها وشيماء للي حداها قفزت)
شيماء: اويييلي شنو درتي اديك لهبيلة؟؟؟
أمال: (جاتها لبكية منين شافت زهير جااي) والله مكنت بغيت نه..
زهير: ههه غير بشوية علييك عنداك نتي تكوني تجرحتي
أمال: (بقات غير كتشوف فيه ومحرووجة وندمااانة لاش كاع مشات تفنكش) سمحاي عفااك والله مق
وليد: (مشا حداها) صافي موقع واالو
زهير: ورااه موقع واالو دكدكي مو هادشي كاامل كااع غير متخلعييش
شيماء: اش داك اصااحبتي لهادشي
وليد: وشنو وقع طبسيل وتهرس
زهير: أمل
أمال: ها.. والله مدرتها بلعااني احاااااي علية
زهير: هههه (شحال كتعجبو بهاد الكلمة حنا جمع الزااج هز عينو فيها لقاها بغاات تبكي) يا صافي اديك الطفلو واش على طبسيل دايرة هاد الحالة (وقف بصوت منخفض) نتي كلبي وشخشختي مو بقا طبسييل (بغمزة) ظحكي ومولاها ربي (دا الزاج خلاها متبعااه شافت فهند للي خارية بالظحك عليها هي ووليد أما شيماء طالع معاها السم ماشي من أمال ولكن من انوار للي لداابا مزاال مباان..)
وليد: أمال فشكل كتخاف وكتحشم بزااف
هند: بالسيف المحيط فاش ترباات فا... (شافت فيه هز حاجبو) ههه ماشي داكشي فاش كتفكر
وليد: باقي عاقل نهار اللول كلتيلي (كيعيبها) واش مبغيتيهمش يكونو صحبااتي ونخرجهم من ديك العائلة المعقدة
هند: هههه حيت عصبتيني حكمتي علية بلا حتى متعرفني
ليد: وي فري صراحة خاص نطلب منك سماحة ماشي من عوايدي نحكم على المظاهر ولكن حتى نتي كنتي مممم مباالغ فييه
هند: حم شوية
وليد: (هز حاجبو) شوية؟
هند: شوية ديال بزاف وصااافي
وليد: ههه وااخا
هند: ولكن فية بزااف دلحوايج زوينين
وليد: شكااار رااسو
هند: (تبسمت وقلبت وجهها)
وليد: (بقا كيشووف فيها والشيطان او الوسوااس مجا فين يلهيه حتى جابلو تصويرة ديال هند عرياانة خلا تفكيرو مشوش) شيماااء
شيماء: (جات عندو وكتحاول متبينش عصبيتها) شنو اخويا
وليد: مبانليش انوار
شيماء: عيطولو شي صحاابو دابا شوية ويجي (هند مشات عند أمال)
هند: افين التفتاافة
أمال: والله نقصدت تفو ندمت كاع علاش جيييت
هند: ههه وكول الشي وعاجبو الحال تهرسييلو ونتي مرعوودة صاافي زلق لييك عاادي
أمال: كتكولي هاكا وصاافي راه حشمت يخ مكانش علية نهزو
هند: مرة اخرى نكون نهضر مع وليد تجي تبرزطيني نتف ختي
أمال: ههه شنو كالك!!!
هند: (بننهيدة) يا ختي تنحبووووو
أمال: ههه حمقة وحتى هو بانلي هضر وظحك معاك
هند: معلووم هاد الزين كاامل ومزال يتلف
أمال: (بصوت خافت) وغيثة؟؟
هند: شااكة فيه عاايق وحتى الا مكانش عاايق انا غنقولها ليييه
أمال: مزياان الله يخليكم لبعضيااتكم ونشطح فعرسكم
هند: هادشي الا مشطحتش انا اللولة فعرسك هههه
محمد: (صوناتلو مو كان اصلا حدا لباب مبقى كيجمع مع حتى واااحد) هاني حدا لباب
فتيحة: ههه وغير دخل دابا مبقى حد براني
محمد: مي تخرجي ولا نمشي
فتيحة: (مشات لوسط الدار) حشوومة اوليدي دخل سلم غير على مرتك ونتا من صباح منين درتو الكاغيط موليت جيتي
محمد: (ياله بغا يجاوب وهو يسكت مباغيش يظلم معاه مرتو على ود كلبة) انا ندخل (قطع زفر ودخل لداخل كانت العائلة مجموعة مريم غير شافتو بقات كتلون كانت جالسة فالطرف جلس حداها) كاس دلما أمي؟؟
مريم: انا نجيبو ليك (مشات طايرة هزت كاس شافت فيه كان مظبب مسحاتو مزيان عمراتو ودارتو فبلاطو صغير وجاية بيه وخايفة ليطيح لييها فرحاانة من ثغرها وهي كتبغيه من نهار بلغت وفتيحة كتعيطلها بكنتي وعرووستي حتى رجع محمد حلم ليها تقبلاتو بكولشي فييه معندهاش مشكلة يكون صعيب ولا عصبي المهم يكون رااجل لي تقدر تعول عليه ويكون ظهرها والأماان دياالها وصلت ومداتبو الكاس شافها وتبسم ابتسامة موصلاش لعينييه فقط مجااملة شرب وبقات حانية حط الكااس وهي حطت لبلاطو فوق الطبلة رجعت بغات تجلس حتى شافتو وقف) مريم اجي معايا (فتيحة تبسمت وغمزت ختها للي حتى هي ظحكت اكترية على بنتها للي شداتها التلفة)
الكاملة: سيري ابنتي تكلمي لراجلك
مريم: (مشات وهي كتفرك يدها دخل لبيت اخر وتبعاتو بفا حال لبتب جبد جوا صفر من جيب جاكيطتو ومدو ليها)
محمد: ها صدااقك ابنت خالتي
مريم: لا لا بلاش
محمد: ههه شنو للي بلاش راه حقك هدا ابنتي
مريم: (ظحكها بهاد بنتي) ههه الا كنتي مزير في.
محمد: (تبسم) هامي رزقك شري بيه للي بغيتي وللي خصااتك كوليهالي
مريم: الله يقوي خييرك اولد خالتي
محمد: امين.. صافي سيري رجعي عندهم (مشات وبقا كيشووف هاد لفلوس شحال وهو مخبعهم لشيمااء بغا يفهم غير علاش كذباات عليه ولكن الا وقفت حداه مغيوسلهاش غيسلخها ولا يقتلها داكشي باش أيد فكرة ختو تمشي معاها ومتجيش هنا تفكر امال منين كانت عيطاتلو علاش مقالولها واالو عيك) مييييي وياله
فتيحة: تمسووو بخيير نمشي راه عيا هاد نهار خدم من بكري (لبست صابوها ولوات عليها كاب غليض وخرجت عندو للطموبيل) ولدي مجلستيش حتى تعشا وهوما كانو دايرين بحساابك
محمد: مكلتيش بأمال على جواجي
فتيحة: كلتها
محمد: عيطتلي كالتي ماا فخباري واالو
فتيحة: هاديك من صغرها هبييلة ها مرتك تكوولك
محمد: اممم وفوكاش تجي؟؟
فتيحة: معرفت اولدي
محمد: كفاش معرفت كولها تجي هاد لياام ولا منويلاش تحضر لعرسي
فتيحة: عله فوكاش العرس؟
محمد: مور لعيد صغير (خلا مو حالة فمها بقات 15 اليوم موجدت واالو وحتى لوخرين مدايرينش على العرس دابا وكحد أدنى دايرين مور العيد لكبير..)
فتيحة: اولدي راه مزال موجدنا والو حتى حوايج مرتك ممخيطينش
محمد: ضبر راااسكم العرس من مور عيد صغير (طلع فدرووج بالزربة مخلية مو تابعاه كتولول وكدوز نمرة ديال ختها)
فتيحة: اعتقي اكريمة
كريمة: اويلي مالكي
فتيحة: محمد كالك لعرس من مور عيد صغير
كريمة: هااء واش هادا هبل؟؟ مموجدين واالو وحتى من حوايجها مواجدينش كولشي
فتيحة: (داخلة للدار) غدا صباح اجي عندي نمشيو عند خباطة للي حدايا دغيا كتوجدلي حوايجي...
أنوار: (داخل عينييه حوومر مبوق بريحة الشيشة لقى أمال هي وهي كيوشوشووو شافها كتبسم استفزااتو مخصهاش ظحك ولا تفرح خاص ديما تحني الراس وغير كتبكي شاف فوليد ولا حيت دابا حداها حبيب لقلب..) السلاام
شيماء: (غير شافتو مشات حداه) فين كنتي
أنوار: توحشتيني ازوينة ديالي
شيماء: حشومة عليك مشيتي وخليتيني
أنوار: (مهددددن) واا حبيبة دراري بغاوني ضرووري أما انا مكنسخاش بالزين ديالي (تبسمت وهاد الحوار داز حدا لبنات) انا نشوف دراري (مشا وبقات هي كتقرب حدا لبنات)
شيماء: شنو كتݣولو؟؟
هند: واالو كنهضرو غير على طيااب بغينا غدا نديرو شي فطور زويين حيت الحاجة قالتلي بغات تعرض عكوزتك وولادها
شيماء: بالصصصصصصصح هادشي فخباريش
هند: اوا عري على ذرااعك من لفجر فيقي تقاادي
شيماء: وماالي على حالتي غنتعاونو كاملين
أمال: (عوجت فمها حتى سمعت دراري كيهضرو على لمشياان خرجو هوما وخرج أنوار حتى هو مخلي لوخرين كيطفيف ضواو)
وليد: عنداك تنسى داك الزاج متخرجووش ههه
زهير: احح علاش مفكرني هاد بنت عمك داخلة علية بربح
وليد: ههههههه نخلصووه ليك
زهير: وماالي غنزݣلك
وليد: هههه مسكينة كتحشم
زهير: (تبسم خرجو وطرق المحاال وصل حداهم وركب حدا وليد كيشوف فلمرايا كتبانلو أمال حيت هي جالسة من موراه هند عاد شيماء.. داهم للدار حيت حتى واحد مكان باغي يااكل كولشي شبعان غير وصلو لبنات طلعو للدار ودراري بقاو مجمعيين...)
أمال: (شافت فالساعة كانت 11) هه وليت ندخل حتى ل11 دالليل والله الا سبت تعرف ماما ذبحني ومحمد يدفني
هند: ههه رمضان هدا معليييهش نمشي نبدل اولويز ونجي (أمال هزت تيليفونها وطلعت لسطح مشعلتش الضو بقات كدوز نمرة ديال مريم لي قبيلة صيفطات ليها نمرتها صونات عليها واتس حيت معندها روشارج فنمرتها ومن حسن حظها لقاتها حالة) الوووو
مريم: سلام ختي لباس عليك؟؟
أمال: الحمد الله واش ساليتي داكشي للي ݣلتيلي ݣبيل؟؟
مريم: اودي راحنا مفقوسين
أمال: علاش؟؟
مريم: محمد داير معانا العرس من مور عيد صغيير وحنا اختي مموجدين واالو من غير شي قفيطنات كانت توجدهم لية ماما
أمال: (بقا فيها الحال ها العرس تحدد وهي مكالولها والو وها مريم مها كتفكر ليها بحال نعيمة منين كانت تخيط لبنتها على متجوج) الله يكمل بالخير اختي
مريم: امييين اجي باش توجدي معايا
أمال: (مبقاتش كتحمل ديك لبلاصة وديك الأرض) ان شاء الله
مريم: والله حتى تلفنا جاب الله ماما فتيحة غتديني غدا للخياطة للي كتوجدلها حوايجها
أمال: (تبسمت بحزن على كلمة ماما فتيحة) دابا يوجدو ليك الا خاصك شي حاجة ݣوليهالي نجيبهالك معايا
مريم: (حشمت) واخا ختي دابا نكتب ليك
أمال: امم.. ݣوليلي شنو هاد تقااف
مريم: تقاف للي درنا صغار انا معقلت ولكن هوماللي ݣالولي راه تقفونا انا وياك ولبنات لوخرين منين هوما تجوجو حيدوه ليهم وانا اليوم حيدوهلي
أمال: علاش حيدوه ليك
مريم: ههه باش خوك يدخل علية ههه
أمال: هه متديش علية كنسول هادشي
مريم: مبيناتناش راحنا خوتات
أمال: واه... زعما وكان محيدوهش ليك
مريم: كان خوك يضربني بشي فردي ويݣولهم فين الدم ملكيتهاش بنت ههه هادشي الا هو قدر (حشمت تكمل وامال وسااعو عينيها)
أمال: فهمت
مريم: مكنتيش عاارفة؟ أمال نݣولك واحد السر ومتݣولهمش انا للي ݣلت ليك
أمال: والله منݣول
مريم: (بصوت منخفض) ماما فتيحة كانت تبغي تخوفك فاش كانت تݣلبك أما هي عارفة راه ميوقعلك واالو بتقااف
أمال: (تحرجت) بالصح!!
مريم: والله عفاك متݣوليلهاش غتفݣع مني
أمال: لا لا متخاافيش (شافت دوزيام ابيا كانت هند) مريم سيري تنعسي باش غدا تفيفي بكري
مريم: واخا ختي تصبحي على خير
أمال: تصبحي على خير (قطعت وبقات هي مقردة كتعاود كلام مريم فباالها...)
أصبحنا وأصبح الملك لله
ضربت 9 صباح كانت أمال دايرة ريفيي باش تفيق على حساب المعهد بحرا كتحل عينيها حيت مكينعسو حتى لفجر للي كيكون مع 6 شافت فهند مغطية راسها لبارح ضرها لحريق دلغيكل بزااف مقدرتش تنوضها وقفت مشات للحمام على ريوس صباعها قضات روتينها توضات ومشات صلاة وفصلاتها كتدعي يكون موقع ليها واالو ولكن داك الدم هو للي محيرها والثقة لكبيرة للي عند أنوار انه بالصح دخل علييها كملت ومشات لبست نفس الكيطمة باش مشات لبارح كتجيها مريحة مدارت والو فوجهها لوات شال عليها واول مرة غتزعم تخرج بووحدها خداتها تحدي بينها وبين راااسها هزت مونطو فيديها وودارت صكادو فظهرها للي فيه داكشي باش كتقرا.. لقات الحاجة جالسة برا حدا لباب مفرشة بوشروييط طالقة رجليها وسادة التسبيح
أمال: (تبسمت وباست ليها راسها) الحاجة صباح الخير
الحاجة: (باستغراب حيت مكيفيقو حتى 12) صباح الخير ابنتي
أمال: لبرد عليك هنا الحاجة
الحاجة: يعجبني نجلس هنا مرة مرة فين ماشية ناي؟
أمال: المعهد
الحاجة: بوحدك ابنتي؟؟
أمال: نخرج نشوف شي تاكسي
الحاجة: موحال واش تلقاايه ابنتي وحتى دراري مزال ناعسين الي يوصلووك
أماال: لا لا الحاجة معليش اصلا نتمشى حتى انا شوية شحال مخرجت مشيت
الحاجة: اوا سيري ابنتي وردي لبال لرااسك
أمال: (تبسمت) براك الله وفيك الحاجة بسلامة (مشات كتشوف فدار الكاملة فين ساكن أنوار وكانت اول مرة تشوف فالدار ولكن ماشي خاايفة حاايرة تاايهة فدوامة دالأسئلة ولكن ماشي مرعووودة منو خرجت من لباب لكبير كيبانلها لفياااااا قليل ديور بحال ديالهم ومتجي توصل لدار اخرى حتى ضرب على رجل مساافة للحظة خافت وبغات ترجع) نهار زعمت زعمت على الخلا أحااي نرجع لجااع يشدني شي حد... لا لا معندو ميوقع اصلا رمضان هدا شكون يفكر يآذي... ببفف تجمع عليها الخوف وكوولشي وفالتالي خرجت وعينيها كيدوورو وحتى من الطموبيلات غابرين بقات ماشية وجميع الكواابيس كيجيييو فبالها شافت فالساعة لقات دازت نص سااعة ومزال موصلت حتى لرونبوان باش يبانو التاكسيات وغير يدوز شي دري ولا راجل كبير ولا صغير من حداها كتكمش مكتبينش ولكن من لداخل ديالها كتخااف وجميع السيناريوهات كيطيحو فباالها حتى سمعت كلاكسوون مجهد ضاارت بالخلعة لقات وليد وزهير وقفت وباينة فيها الخلعة حتى تقابلو معاها...
وليد: علاش خارجة وحدك؟؟
أمال: كان خاصني نمشي للمعهد وهند مريضة مبغيتش نفيقها اصلا منعستش مزيان وݣلت لقى شي طاكسي
زهير: طلعي ابنتي واش كاين شي طاكسيات فهاد صبااح ومنين لݣيتي صاحبتك مريضة اجي عند ولد عمك
أمال: (اول مرة يهضر معاها هاكا.. حلت لباب طلعت وزاد بيها)
زهير: (كانت مو للي صونات عليه غير عرف نوض وليد بالسيف عليه ضار شاف فيها) هضر معاك شي حد؟؟
أمال: لا
زهير: اصلا الصحرا وحميد زااهير شكون هاد لمهبول للي يخرج فهاد صباااح
أمال: هه (قلبت وجهها كتشوف حتى سمعت وليد)
وليد: حقا مبروك على خووك وخا معلمناااش حتى لبارح فالليل عاد مصونيلي
أمال: ههه بحالي بحالك حتى انا عاد سمعتها لبارح وماشي حتى منهم (لحسرة) نتا بعدا حتى صونالك
وليد: وااايلي خاافك تعينييه
زهير: (ضاير كيشوف طريق على اساس ممسوقش وهو دماغو شاد ورقة وستيلو وكيسجل)
أمال: ههه معرفت
وليد: تݣلب ݣلبة وحدة
زهير: (هنا تفكر فاش كان فصبيطار فاش مرضت مو وكانو لبنات وشوية جا محمد اللقطة للي أمال ختو ركبت اللور وشيماء ركبت حدااه بيناتلو كانت شي حاجة بيناتهم ووليد كيتشكى من محمد للي تقلبهاد الايام للي شيماء تخطبت لولد خووه يعني المسألة داخل فيها تمعشييق وعاد كان عارف محمد ديجا خطب شيماء ومعطوهاالوش بقا كيحلل ويربط الامور حتى وقفت الطموبيل)
وليد: هنا؟
أمال: واه شكرا اخويا صدعتكم (هبطت من الطموبيل)
وليد: لا عادي ابنت عمي.. مرة اخرى انا نبقى نوصلك.. شيماء مكديرش معاك ليكور؟؟
أمال: لا كدير بحالي كنتعلمو لفرونسي بجوج وهند كتعلم الطبخ ووالإسبانية
وليد: وعلاش مكتجيش
أمال: ها.. كتعكز وصاااافي هه
وليد: اممم ياله سيري دخلي
زهير: سولها معاش خارجة نجيو عندها
وليد: اه معاش خارجة؟؟
أمال: لا لا معليش نشد تاكسي
زهير: (طل عليها) معاش خارجة ابنتي
أمال: 12 ولكن بغيت ندوز لسيتي نجيب شي حاجة غير سيرو والله
زهير: سير نتا مع 12 نكونو هنا.. تهلاي فراسك وعنداك تمشي وحدك
أمال: (حشمت) بسلامة... (دخلت مع لباب سمعت الطموبيل تحركت وطلت برويييسها كظحك بعدا لقات للي يجيبها دخلت لداخل اليوم قرات ساعة ديال لفرونسي عاد مشات لقسم لخياطة لقاتهم بداو كملت الحصة معاهم مخيطة الكسوة لي كانت فصلات هي عادية ولكن عجبها الحال وحتى للي كتقريها عجبها الحال كما البقية للي قادوها مزيان خرجت فرحانة صونات عليها هند للي كانت فاقت شرلت دوا وشي عشوب تبختهم ليها الحاجة وكانت مزيان)
هند: واش نجي نجيبك؟؟؟
أمال: (خرجت لقات طموبيلة ديال وليد) لا راهم كاينين
هند: ههه اييه الالة وكان غير نضت مشيت معاك صباااح...
وليد: (فيه لموت دنعاس ولكن زهير شادو معاه بالسيف) مشينا؟؟
زهير: مالك مزرووب الطفلة بغات تمشي لسيتي ياااك!!
أمال: (حشمانة) لا لا ماشي مشكل
زهير: سير لسيتي (وليد مقلوب بنعاس صااك حيت كان قرييب مكملاش جوج دقايق بغا يدخل بالطموبيل ومخلاهش لعساس) صافي دخلتي نتي هاحنا نتسناااوك
أمال: (تحرجت) معلييهش غير سيرو
زهير: يا صاافي سيري قضي شنو خااصك وهاحنا نتسناوك (خرجت أمال ووليد تكا على لفولون)
وليد: ييييه ابا زهير سخيخ والدية مزياااان
زهير: ونخليو الطفلة كضرب لكيلوميطراااج الرجلة دلكارطووون
وليد: حنيييين امسكيين وهادشي مع كوولشي ولا غير معاها
زهير: بلع فمك وهنيها.. كفاش بعدا قضية عرس خوها وهي مفخبارهاش
وليد: كيف سمعتي حتى نتا
زهير: هادشي فشكل عندكم
وليد: شتي محمد رااجل معقول مزيان غير دماغو راه مݣلوب هاد ليااام
زهير: اممم... (خلا داك التحليل للي دارو فراسو ليييه ميمكنش يكولو راه ختك كانت تخرج مع ولد عمك واصلا مسوقووش فهاد الموااضيع... أما امال مشات لشومبرتها لقديمة حيت مزال عندها سوارت قلبت على كارت كيشي حيت حتاجتها بزاف مبقاش عندها ريال واالو ملقاتهاش لدرجة زعمت وقلبت فحوايج شيماء راه ديجا سارقة ليها فلوسها كان عندها ساروت بلاكارها قلبت تحت حوايجها لقات جوج جواياات جبدتهم لقات واحد مكتوب فيه أمال واحد مكتوب فيه والو جبدات لفلوس لقات 2500 درهم فجوا عرفت داك للي كان عطاها محمد باش تعطيها وهي لهفت عليهم ردت جوايات بجوج مقدرتش تاخدهم حتى تاخدهم وشيماء كتشووف وكارت كيشي مبانتش مبقالهاش رياال وهند للي كتعطيها وكترت رجعت لبلاكار هزت جوا ديالها دارتو فصااكها هازة كتافها بلا مبالاة) اصلا فلوسي هادو هي للي سرقتهم لي.. (رجعت لشومبرتها عودات قلباات حتى فواحد صوييك حتى كتلقى دوك لحوايج ديال ديك الليلة ملويين بطريقة عشوائية قلبت فسروال دجين لي تماك لقات بزطامها صغير للي فيه كارت ناسيونال وكارت كيشي فرحت بزااف كانت شااكة فشيماء داتو لييها قلبتهم لقات غير كارت ناسيونالي وهي كارت كيشي مكتحيدهاش من تماك حتى منين كتيري لفلوس فلبلاصة كتردهم ليها لقات ورقة مطوية صغيرة حلاتها لقاتخا مكتوبة بستيلو كحل *بغيتيها اجي طلبيهالي* مفهمت واالو ولكن باين هدا انواااار.. هو للي سرقها!!!) هااء هو عندو لفلوس للي معنديش لاش يسرقهالي الله ياخد فيه الحق كولشي بغا يسرقوولي (ناضت معصبة جمعت داكشي للي مكتحملش تشوف غبرت الصاك تحت لبايااص وردت لغطا للي نازل حتى الأرض هزت شي حوايج وخرجت كدعي فانوااار مبفااتش كتحمل فيه الشعرة ندمت ندمت ندمت حيت عطاتو فرصو يدخل لحياتها ويقلبها سفااعا على علااها كتر مكانت مقلوووبة خرجت عندهم لقات زهير واقف متكي على الطموبيل غير شافها مشا عندها هز الصاك للي كان خفييف..) لا لا معليييهش
زهير: اري لهنا.. باقا محتاجة شي حاجة؟؟
أمال: (تبسمت مجاملة) شكرا بزااف صدعتكم معايا فهاد صباح
زهير: (مجاوبهاش مشا حط داكشي فلكوفر طلعت هي بانلها وليد جابد عليها بنعسة فوق لفولوون طرطقت عينها حتى زهير خبط باب لكوفر للي تعكس زعزع فيها وليد طلع ركب لقى لتخر مضهشر خرج ومشا حل لباب على وليد) هبط اخويا مزاال باغي نعييش وندير لولاد
أمال: (غير كيقول لولاد كتفكر كلامو منبن قالها نوضي من لبرد راه مزال باغي لولاد كتبسم وتقلب وجهها)
وليد: (مشا ركب فالجهة الاخرى ولاخر صااك فجو ديال سكاات وليد ميت بنعاس وزهير مقطوع وأمال لكحت جاها لعطش وصلو أمال هزت صكادو ديالها وعطاها زهير صاكها)
زهير: منين تبغي تخرجي لشي قنت عيطيلي متعاوديش تخرجي هنا بووحدك
أمال: براك الله وفيك اخويا
زهير: لوااه بااك انا سيري خلينا نكملو صياامنا.. (شدت الشانطة ومشات من حداااه كطير....) ݣالك خويا من صباح وانا معاها ودابا خوويا (مع كان مقطوع) صبري نوري لجدك خوويا شحال تقاام علييييك... (مشا كينگر نوض وليد) نوض اخويا فالتالي ربحنا كلمة خويا
وليد: ههه مجات فية غير يانا.. (طلعو لدار زهير وكولها مشا جبد عليها بنعسة أمال امال لقات لبنات بداو يوجدو لفطوور...)
شيماء: (كتقاد فشهااوي وتقول مقداات ضرووري خاصها تخلي الكاملة تبغييييها) هند اجي ذوقيلي لحريرة
هند: بففف مرضتيني اهند شبعت قبل حتى مناكل معااكم (مشات ذاقت) مسوسة
شيماء: بفف خفت نزيد لملحة وتكون هي كتقلل الملحة
هند: وراه هي معرووضة لي عجبها تاكلو وللي معجبهاش تخلييه وزايدون طيااب زويين
شيماء: بالصح؟؟
هند: بففف شيماء اخر نصيييحة الكاملة مكتبغيكش بينتها ليك الف مرة انوار غير كيستااغل غباااءك وصاافي باغي يفقس أمااال لا غييير محدك فاللول متزيدييش تخسري راااسك
شيماء: (طلع معاها السم) انا عارفة شنو كندير
هند: نصحتك حيت ديجا دوزنا العشرة ودازت عشرة زوينة وبسبااب هادشي ديالك ضيعتي 3 ديال النااس متزيديش تخسري كتر
شيماء: كتهضري على محمد؟؟ ههه داتو غير مريم غبي ومع غبية لا هو كيحمر لوجه لا هي شي زيين راه كالوها الزبلة كتقلب على ختها فلبحر ومنين تلقاها تلسق فيها
هند: ههه هاد المثل راه عليك نتي اصاحبتي ههه بااز انا نقاد العصير راه بينا بزااف (خلاتخا ومشات كتقاد هبطت امال من سطح فين خبزت الخبز ورجعت طلعت كتجري جابت لاطة كبيرة ديال بسيطيلات صغار معمرين دخلت للكوزينة دردرت عليهم سكر كلاصي والقرفة وزوقاتو بوريدات منين بدا رمضان وهي كتعلم هاد شهيواات للي عمرها خلاتها مها طيبهم كملت وستفاتهم ف 4 طباسل جات هند قلات بغرير معمر بجبن غمساتو فلعسل ودردرت عليه بيسااش مطحون وستفاتو ف 4 طباسل شيماء بقات كتحط الزميتة وشباكية وبريوات وتمر والبيض وجبدت زلايف)
شيماء: انا نستف هادشي حيت انا للي كنعرف هادشي ديال التاويل (مشات بصينيتها وخلات لبنات كيضحكو عليها)
هند: عمرها تبدل
أمال: ههه وكان غير جات على هكا اوديييييي (شوية دخلت الكاملة) حم خالتي!!
الكاملة: سلااام تبارك الله عليكم (دخلت شيماء كانت ديجا تقادات حيت هدا وقت باش يجيو شعرها ديراه كوب شوفال ولابسة بيجامة زوينة ووجها ديجا مقدااه خفيف وخا عيات هند تحشيلها الهضرة راه رمضان هدا واالو... )
شيماء: خالتي لباس؟؟؟
الكاملة: لباس.. ونتي؟؟
شيماء: الحمد الله اختي اجي دخلي حدا الحاجة
الكاملة: اممم هادشي للي قاديتي لفطوور شيخك مياكل واالو من هادشي ضروري خاصو دوااز
شيماء: لا لا رااه مزال عاد كنحط
الكاملة: امممم (دخلت نزهة هازة جوج طباسل) الله يرضي عليك ابنتي (عرات على دوك طباسل كانو طباسل كبار عامرين ملاوي) جاب الله مرت لوسك طيبت دشي (شافت فلبنات) هههه كشتو ناس لقدام معزيش عليهم شهاوي دلوقت
هند: خاصهم يذوقو باش يعجبهم
الكاملة: اوا على الله بنتي شيكاء سيري ستري شعرك راه رجال غيبقاو داخلين خارجييين (خرجت خلات شيماء كتغدد ولبنات غير كيشووفو)
هند: هدا راه غير الشونتيو اشيماء
شيماء: (الدخان خارج ليها من ودنيها ونيفها بكترة مكتصوط كملو لحطاان الطبلة كانت عاامر ومزوقة بلمزيان دخلت شيماء كانت مديراش الزيف كفتات عليها الكاملة جلسو وهو يأذن المغرب)
الحاجة: (بإعجاب كبير) تبارك الله على بنياااتي
الكاملة: (مكتقدرش دير تعاليق باايخة قدام الحاجة) الله يعطييهم الصحة
جهان: (كلات بسطيلة وزادت من داكشي كامل للي محطووط كتاكل بلهفة) هادشي زيين البنات
شيماء: ههه بصحتك احبيبتي الله يفكك على خير
جهان: العقبال لييك اختي
شيماء: (تبسمت) امين
الكاملة: وشووفلك بنات اليوم من شحال هادي يكولنا شي حد هكا نحشمو ودابا أمين ويلحنووها
الحاجة: وقتنا ماشي هو وقتهم كل جيل كيمشي مع وقتو هانتي شوفي غير شهااوي بكري كنا حدنا ملاوي بغرير بطبووط والا تهلينا نظيرو خبزة معمرة أما دابا عينك تشبع قبل كرشك
هند: فمك كيخرج منو غير لعسل الكببييييدة
الحاجة: ههه وكولو مرحبا بيييكم بنتي نزهة بنتي جهان مرحبا بييكم....
اب انوار: (كياكل وطالع ليه الدم كمل ودار اشارة بعينيه لزهير للي طلعو لسطح) سلاح تسرق منو
زهير: اشمن سلاح؟؟
أب أنوار: جويجات
زهير: ومعرفتوش شكون؟
أب أنوار: لا والمشكل وراقيهم مزال مخرجو من العماالة والا دار بيهم شي حااجة
زهير: انا للي غنمشي فييها.. فين كتحطو سلاح باش تهز هااكا
أب أنوار: سلاح مكيعرفو حد فين حاطيينو
زهير: اوا للي عارفو فين محطوط هو للي هزو
أب أنوار: وولادي لاش غيهزووه
زهير: اوا ولادك شوف لمن كيعطييو سرهم انا من شحال هادي كلتلك اخويا السر الا عرفووه كتر من جوج دالناس غير هلل بيه للدوار كااامل
أب أنوار: عبد الله وعبد الوافي نهار كامل وهوما يكلبو
زهير: غير يݣلبو انا شتهم كيفطرو معانا ناشطين بحال مخاصهم خييير
أب أنوار: تما..
زهير: سلاح خااصو يباان اخويا شوف مع ولادك لمن ݣايليين مرجعتش للمغرب اخويا باش نبقى طالع هابط فالمحكماات راه باغي نبدا مشروووع والسمعة هي للي غتخدم علية
أب انوار: (تلف) انا غنحرك التيليفون لصاحبي باش نݣولو واش نديرو شي سرتافيكة راه سلاح تسرق لينا
زهير: (غوبش حرك راسو لاه لاخر هبط منين سمع واحد من ولادو كيعيط.. هز باكية ديال لكارو جبد واحد شعلو كيكمي بشوية عاد كان ناااشط ضرووري متكوون شي حاجة تنكدها علييه ولكن شك عبد الله صاحبو من الجيران للي كان جدهم سباب فموت باااه... شم ريحة دلحراق طلع للكوزينة لقا الدخان خارج من لفراان حلو وهو الدخان دير بوووف بقا كينش بيدو وطفا الفران من لبوطة لتحت حتى سمع جرا جاي جيهتو كانت أمال شعلت الضو لقات دخااخن)
أمال: أحااااااااي (قربت شاااهقة وحشمانة دوك كرواساات رجعو حمووم شافت فيه لقاتو مغووبش) غير سمحلي عفااك والله نسيييتهم كنت هب....
زهير: (طلق التكشيرة من وجهو) هههه بعدا تعجبيني هاكا منين تبقاي مديماريا فلهضرة نحس برووحي عاجبني الحال
أمال: أحاااي (قالتها بشوية)
زهير: (خرج اللاطة) أبردي على هاد أحاااي دياالك
أمال: (بشالها ضرقات تفرنييسة شافت كرواسات للي رجعو جمر وهي تجمعها كتويل فنفسها.. شافتو حط اللاطة فوق لبوطاجي وكيهز دوك كرواسات للي كيخليو لحموم فصبااعو)
زهير: شي غوسيطا جديدة هادي؟؟
أمال: ههه ميحسابليش يتحرݣو
زهير: معلييهش غير مرة اخرى ردي لبال لبوطة ممعاهاش اللعب غير تكملي منها طفي البوطة عاد تحركي من حدااها
أمال: انا والله الا نسيت مكنتش بغيت نخليهم يتحرݣو
زهير: وراه خاايف عليك نتي ابنتي ماشي على لعجيين (شافها طرطقت عينها حنحن) سيري وكاان هبطي
أمال: (معوداتهاش معاه هبطت كتولول غاابو من بالها أما هو رجع كيفكر فحريرتو جبد تيليفونو وحتى هو حرك نماري لمعارف...)
أمال: (جلست حدا هند وخبراتها) لݣيتهم رماااد
هند: ههه الشووهة
أمال: الشوهة لكبيرة هي لݣيت زهير هو للي فلكوزينة كيتمنظر فداك لعجب
هند: ههههه (ظحكت مجهد حتى كولشي ضار عندها شافت فالتلفاازة) كيقتلوني بالظحك
الحاجة: الله يخليك ديما ظااحكة ابنتي
هند: اميين الحاجة ويخليك لييينا ويطول فعمرك
الكاملة: (غير كضور فعينها معاجبها حاال.. ناضو لبنات كيجمعو الدنيا امال للي غسلت لمااعن مسالاتهم حتى تهدات وعاد فايقة بكري)
هند: نطلعو لسطح؟؟
أمال: واه بغيت نيت نهضر مع مريم
هند: شتكم تصاحبتو
أمال: ظريييفة دابا تعرفيها وتبغييها
هند: ابدا نبغي وحدة كانت حاطة لعين على لكبيييدة ديالي
أمال: هادشي الا كان بالصح.....
يتبع...
التعليقات
لا توجد تعليقات بعد، كن أول من يعلق.