محتوى القصة
- البقية كانت مجموعة فالصالة .. عنبر بقفطان ديال جوهرة وشال ديالها مقاداه لابسة بلغتها الحنة ولات ليها ݣرونة .. ضايرين عليها البنات وبنات العائلة ومعاها رقية ݣالسة فجنبها شادين الجماعة فجو زوين .. فالجهة لوخرا ݣالسين الرجال مجموعين على الݣصاعي ديال الطعام لي جاب طارق ݣالس وسط خوتو او ولد عمو كيدويو فشلا حوايج
- الروطال : راه دويت معاك مامساليش اخويا دابا لشي شهر دالعسل عندي الخدمة .. الى ماوݣفتش عليها بيدي تخرج عوجة مغانجيش لدقيقة 90 ونريب كولشي ..
عماد : وديك 4 يام ديال إفران ؟
الروطال : تأجل مالك انت خلصتيها وكاع الى خلصتيها هانية حسبها وصلات ( حط المعلقة من يدو ) 3 يام وغانزيدها هنا بزز
عماد : وانت تعرف اخويا أنا غاݣلت ، انا وبقات ليا سيمانة فالكونجي ونرجع لمحاين تاني
طارق : وانت لي بغيتي أخويا ( شاف فالروطال ) عندي واحد الطلعة لطنجة إن شاء الله
الروطال : كنت غانطلع انا ساعة هنيتيني .. عندي الخدمة حتى لراسي خاصني نشوف شي ماركة جديدة نتعامل معاها من دا وجديد ..
- دخلات عليهم دنيا كتشوفيهم مبسمة شافت فروطال ونطقات بمزاح
واحد 2000 درهم
الروطال ( هز حواجبو بإستغراب ) كتساليها ليا ولا شنو ؟
دنيا : ولا افاروق الى بغيتي نحطو بلغة عنبر حط ليا 2000 درهم
الرطال : نشريو ليها وحدة جديدة مالنا عليها
علال ( كيضحك بثقالة او وقار ) لا اولدي العادة خلص يحطو ليك بلغة مرتك
الروطال : غاديين فالخسران معاكم ( جبد بزطامو كيحسب ) 1000 لي عندي هنا نطلع للفةق ونكنل ليك .. ( خداتها من يدو بيد وليد لوخرا خرجات البلغة لي كانت مخبية من ورا ظهرها ..
- رجعات ليهم فيدها الفلوس فرحانة .. اما عند رجال بداو كيتخاطرو بيناتهم حتى خسر رشيد
عصام : رشيد العادة عندنا اخويا الخاسر يا يخلص الخسارة ولا نركبو بالمقلوب فوق البغل ختار أخويا ..
رشيد ( كيضحك ) اخويا انا ݣدي ݣداش ونلكب فوق البغل لا نخلصو والدينا هاد الخطية شحال فيها
الروطال : حط لينا نيت ديك 2000 لي حطيت
رشيد : ياك اخويا انت خلصتي بلغة مرتك وانا نخلص لا نركبو هاد البغل حنا مالنا
عماد : صافي حط غير 1000 درهم بلاما نزمطوك
عزيز ( كينقب فاللوز ) السيد راه حتى هو بغا يدخول على زواج تكايسو عليه
طارق : هاي هاي هاي على با رشيد وغانشبعو زرود
رشيد : الا خويا ماعندي مع عراسات واحد 5 طلبة يقراو القران يدعيو معانا والله يخلف
علال : مزيان أولدي أحسن مغادير
عبد العالي : سعدات لي بدا حياتو بكلام الله اولدي مزيان الله يكمل بالخير .. حط ليهم 1000 درهم فوق الطبلة وتوخر اللور مكملينها بضحك والملاغة بيناتهم ..
عند العيالات وقفو الجارات باغيات يخرجو مالقاوش صنادلهم ..
دنيا : لي بغات صندالتها تخلص عليها ولا تخرج بلا بيها ( كضحك )
.... : ݣولي تي يالعفريتة مولاتها ( جبدات بزطامها فتحاتو عطاتها 5 دراهم عاد عطاتها صندالتها ) .. كل وحدة فجارات بدات تخلص على بلغتها ولا صابوها بلي عندها سوا جوج دراهم ولا 3 ولا لي كان ..
فصالة الرجال وبعيد على هضرت ولاد العائلة نطق إدريس :
ودوي معاها أخويا .. العرس سالة خلي يدوز السبعيام ودوي معاها بالخاطر فهمها لي وقع وريح ضميرك ..
عبد الخالق ( مربع يديع ساهي فنقطة معينة ودماغو خدام ) لݣيتيني كنفكر فيها نطلب منها السماحة .. والى بغات نوثقو زواج لي كان بيناتنا عند العدول وتكون مراتي غانحمد ربي ونشكرو ..
إدريس : أنت بعدا راه عندك حل انا لي ماعنديش
عبد الخالق ( شافيه ) علاش أنت مالك ياك باقية ليك جلسة وحدة ؟
- فالكوزينة مكملين على الحديث ديالهم .. تودة طالقة ودنيها باغية تعرف
إبتسام : إييه كيشتي دابا با وعمي إدريس وعمي عبد الخالق كل عام فاش يكون الموسم خاص يحضرو ليه .. قبل كاع ماولادو يكبرو ويولي فاروق القايد ديال الصربة .. عمي عبد الخالق فداك الوقت كانت مرتو سمحات( جبداتها ) فيه وفبناتها ولدها كانت غير مي لي تمشي تݣابلهم ..
تودة : هكاك فهمت إيوا
إبتسام : ݣاتليا مي كان تعرف على شي وحدة تماك كانت جايا هي وفاميلتها .. غير شافها دات ليه العقل ظريفة وكانت حنينة ( شافت فسعاد) يا صݣعة ف 10 يام بغاها بحال البغو ديال دروك
سعاد : وبسيف مايبغيها راه المرا ضوݣاتو المرار مسكين تلفاتو على القبلة سامح فولادها ومخلياه منو ليهم كونما مي رقية لي كانت ترض ليهم الباب معاه ..
تودة ( قلبها ربي عالم بحالتو هاد الهضرة كلها مهاماهاش باغية غاتزيد تعرف ) وشنو دار من بعد ؟
إبتسام : ݣال لمي كان تزوجها بالفاتحة كان معاها خالها .. يمكن دارهم بعيدة ولا ماعت ( قلب تودة ترفع دنيا بدات دور بيها ) هي فاش مرضت دنيا ديك المرضة الخايبة وجا بلا ميجال فاس ولات شوية رجع زعماكين باش يجيبها معاه حتى يطلق ويتكاتبو عند العدول ولكن ماݣاهاش .. وهادشي دازت عليه 26 عام تاتي كوراه السيدة تزوجات وبولادها ..
- تودة باقي دالهضرة مابقاتش كتسمعها ودنيها فيهم غير صوت واحد بحال شي تلفازة خاسرة ولا راديو خاسر وقفات كتجر فرجليها عاطياهم بظهر حاطة يديها على البوطاجي .. لقطات كيدوزو قدام عينيها فاش شافتو كانت حاسة بوجهو مألوف بنسبة ليها .. كان عندها واحد الإحساس فشكل بلعات ريقها كولشي تجمع عليها تخلطو عليها العرارم كتحرك راسها بشوية وتردد بينها وبين راسها بلي مايمكنش .. حسات بدنيا كتميد والارض تحتها كتمشي وتجي من وراها مابقاتش عقلات على والو ...
- ناضت إبتسام بجري كتغوت وتفيق فيها سعاد هكاك .. لي فصالون سمعو الغوات خرجو كيجريو سميرة ورشيدة اشافوها طايحة كيفيقو فيها ويتغاوتو .. عنبر شادة على فمها والخلعة راكباها كتجري للروبيني تعمر فالما تشربها والو .. خرجو الرجال بجرا
الروطال ( عاقد غوباشتو ) بلاتي بلاتي اصاحبي خنقتوها ( هز ليها راسها ) خالتي فاطنة ( كيضرب ليها حناكها ) خالتي فاطنة
عنبر ( دموع فعينيها ) نديوها لسبيطار مالها شنو وقع ليها
علال : هزها اولدي تكيوها على سداري بعدا حيدوها من الكوزينة
عبد الخالق ( مخلوع ) بلات بلات نهزوها .. هزها من دراع وروطال من دراع داوها لصالة تكاوها على السداري
رقية : جيبو الريحة إبتسام .. مشات ابتسام جابت الريحة ..
عنبر ( بخوف كدور فبلاصتها وتسول ) اش وقع ليها ؟
سعاد : كنا ݣالسين كنتعاودو وقفات احتى طاحت ماعرفنا مالها كنا بيخير وعلى خير ..
فاطمة : واش فيها السكر لا يكون طاح ليها ؟
سميرة : لاواه مافيها والو عمر وقع ليها بحال هوكا .. ، جابت ابتسام الريحة كتفيق فيها
عنبر ( عند رجليها ) ماما ماما .. فيقي اماما الله يعطيك الستر ، شوية بشوية بدات تحل عينيها شافت جهة عنبر ..
رقية : بنتي شوية ؟ كيكاتحسي ؟
تودة ( هزهزات براسها مدوراه توقفو عينيها عندو لي واقف عند الباب هو وإدريس والبقية ، بقات مطولة فيه الشوفة مفيكسياها فيه مخلية الكل يشوف فين كتشوف .. رجع ليها كولشي من جديد بحال لي تحل جرحها القديم .. غرغرو عينيها بدموع وبدات تبكي ) ..
رقية : بسم الله الرحمن الرحيم اش هادشي واقع يا سيدي ياربي الحبيب شي عين خايبة هادي ..
- كانو كيحاولو يسكتو فيها بلا فايدة .. غير كتشوفيه وكتبكي قلبو تقبض عليه وحس بشيحاجة ماهياش شوفة ديالها ليه مكانتش طبيعية حس بلي يمكن عقلت عليه وعرفاتو .. ماعرف راسو يبقى واقف ولا يخرج ولا شنو يقد يدير عطاتها لبكا بجهد .. عنبر تخلعات عليها وتلفات كولشي مخلوع لي يشمم البصلة ولي حط ليها سوارت فيدها ولي يشربها كل واحد وشنو كيدير .. بكاها تحول لنينان مغمضة عينيها حسات بالعيا وداتها تهدات ، شعلو التلفازة وخدمو القرآن لي بقا مطلوق بجهد جتى داها النعاس عليه ..
- ديك الرفيسة ماعرفوها منين دازت .. فيقوها باش تاكل ولكن مابغاتش تحججات بلي مريضة ويمكن طاح ليها طونسيو وضاربها البرد .. خيروها بين واش تبقى فصالة ولا دخل لبيت ختارت البيت مقاداش تسمع صوت شي حد ولا تدوي مع حد ولا تشوف فبنتها بغات غير تسد عليها وتنعس خايفة تفكر غادي تحماق ..
- تحت المانطة مغطية وساهية صوت ديال الطلبة كيقراو فالقرآن على برا وصل لمسمع ديالها .. ريحة البخور داخلة ليها من التحت الباب وهي حالة عينيها كتفكر غادي تسطى وتحماق .. الحاجة لي كانت باغياها شحال هادي ومع الوقت نساتها هاهي وقعات او وقعات بطريقة خايبة السيد لي بغاتو وكان اول واحد فحياتها لي بيناتهم بنية البنت لي كانت تحرمات منها هاهي دابا فدارهم .. وشكون عم راجل بنتها عمرها ظنات ولا توقعات بنتها يجي نهار تزوج بولد عمها .. عمرو عينيها بدموع وبدات تبكي ، تدق الباب وهي تغمض عينيها تحل الباب ودخلات رشيدة جايبة ليها العشا ودوا
رشيدة : فاطنة فاطنة نوضي اخويتي تاكلي مادقتي النعمة ( شعلات عليها الضو ) ضارت لعندها تودة عينيها منفوخين بالبكا .. شافت فيها رشيدة تخلعات ) اويلي اختي واش تزاد عليك الحال ..
تودة ( بصوت مخنوق ) سدي الباب ارشيدة سديه .. يلاه اتسدو وهي دخل عليهم سميرة .. شافتها فديك الحالة جات لعندها كتستفسر عينيها حمرين بالبكا وجها لونو مخطوف ..
سميرة : لالا هذا ماشي رواح هذا .. كون هاديناها لسبيطار
تودة ( شافتها سدات الباب وعي تنفاحر خاصها تخوي وتدوي ولا تحماق ) انا خاصني نغبر لشي جيحة انا منحوسة ماعندي زهر كانو يݣولوها ليا خوتي ومكتش كنتيقهم وكنݣول مكايحملونيش ودابا عاد وݣفت على هضرتهم ..
رشيدة : أعوذ بالله من الشيطان الرجيم استغفر الله العظيم .. تي ستغفري مولاك ولا تݣوليش هاد الهضرة كتي بيخير وعلى خير أش واقع ؟
سميرة : اش كاين أخويتي مالكي كتي صحة سلام
تودة ( كتحرك فراسها وفيديها ) واش عرفتو عنبر بيمن تزوجات .. واااش عرفتو بنتي بيمن تزوجات بنتي تزوجات بولد عمها وااا فاروق ولد عمها
سميرة ( شافت فرشيدة مزال مافهماتش تودة شنو بغات تݣول ) كيفاش ولد عمها ؟
تودة ( كدور فراسها ) وايه وايه ولد عمها ولد عمها .. ووو عبد الخالق صدق باها وهي ربي العالي لي خفت منو طحت فيه وانا فين غانصد ولين غانمشي وهي ربي فين غانعطي الراس
رشيدة : وغير بشوية اختي نفهموك .. باش عرفتي تي هادشي علاش انت عمو ماشتيهش كون هو كون عقلتي عليه
تودة ( خرجات فيها عينيها ) تي اش غانعقل واش هاد الراس لي شاف المحاين وداز عليه التكرفيص و13 عام يقلب على بنتو غادي يعقل .. وجهو مكانش خافي عليا كنݣول راه فايت ليا شايفاه ولكن ماعقلتش وماعرفتش فين حتى بداو يعاودو ليا صباح سعاد وإبتسام على السيدة لي كان يبغي .. لي تزوجها بالفاتحة وفاش رجع ليها مالݣاهاش ( بداو دموعها هابطين ) ..
رشيدة شادة على فمها وساهية مصدومة عقلها مزال ماستوعب .. اما سميرة غير كتشوف ودوز على ظهر تودة وتصبر فيها
تودة ( عاودات ليهم ماݣالو ليها بالحرف مرة تغلط فالهضرة بالخلعة وتلفة ومرة تسكت ) ودابا فين نعطي راسي شنو ندير ؟
رشيدة ( من بعد سكوت طويل ݣلسات فوق الكرسي ) وشوف سبحان الله العظيم الدنيا شحال صغيرة .. متزوج عنبر غير بولد عمها وشوفي عايلتها اش دارو عليها تݣول واش حنو ليها ودمهم جرا ليها ..
تودة ( كتمسح فدموعها ) انا انا لي فين انعطي الراس .. انا وشنو غاندير فمحنتي
سميرة : علاش اختي لي متدوي معاه وتݣوليها ليه وعلى ماݣلتي ليا راجل ماسمحش فيك بلعاني ، مسكين حتى هو دازو عليه المحاين ..
تودة ( شافت فيه ببرود ) حتى انا دازو عليا المحاين والعذاب .. تكرفصت بوحدي ومالقيت حنين ولا رحيم لي يوقف معايا هو مزال لقا دارهم معاه اما انا دارنا لاحوني وحد فيهم ماعرفني .. خوتي نهار ساقو ليا الخبار حاملة بالحرف ݣالو ليا ترجعي ندفنوك حية انت ولي فكرشك .. مدازش عليه لي داز عليا أسميرة يا والله لا ݣلتها ليه ولا عرفها يمشي يطرطضݣها ليها فوجها باش تسيف عليا وتنفرني بنتي لا اختي هي لي متكونش ..
رشيدة ( كتشوفيها ) ايوا وشنو غاديري ؟
- حلفات متقول حتى حاجة ليها وفينما بغات تزصل توصل .. دازت ديك الليلة عليها كحلة مانعسات حتى صلاة الفجر ودعات ربي ينور طريقها .. حسات بعنبر فاش نعسات ورا الفجر جات حلات عليها الباب طلات عليها باست ليها راسها وخرجات .. نزلات دمعة سخونة من عينيها ماحسات حتى نعسات ..
- غير فاقت دارت عليها زيفها او واحد الكاپ ونزلات .. كولشي كيطمن عليها ويسول فيها وهي كتجاوب بالهداوة سلاو الفطور لبست بلغاتها وعلماتهم بلي اتخرج غير تحرك رجليها فطبيعة الجو بارد ولكن الشميسة كانت سخونة .. مربعة يديها ورجليها سارحين بقا ليهم نهار ونص ويرجعو بحالهم بان ليهم واحد الصندوق .. توجهات ليه وݣلسات مسرحة رجليها وسهية حتى فيقها صوتو :
لالة فاطنة كيبقيتي ؟ ( هزات فيه العين كتشوفيه فاللحظة جاها لبالها نهار شافتو كان زين .. طولتو ورجولتو فداك الوقت عمرها شافت بحالها قلبها دق ليه من اول مرة طاحت عينيها عليه )
تودة : عقلتي عليا وبقيتي ساكت ياك ( تبسمات ببرود ) كيݣولو الرجال ݣنس غدار وعدهم الصح
عبد الخالق ( وقف قبالتها ) قسما بربي المعبود كنت غانݣولها ليك نهار عرس ياسمين افاطنة .. ولكن مكانش الوقت وحنى انت معقلتينيش
تودة : وانت جاتك من الجنات والناس ، سكتي وضربتي الطم تناسبنا وبقيتي ساكت خازن فضيحتك ياك ؟
عبد الخالق : عرفتي شحال وانا باغي نݣولها لك .. راه فاش شتك ضارت بيا الدنيا ماكنت عارف مندير منقدم ولا منوخر وفين نعطي الراس
تودة ( بإنفعال ) وشريف راه انا لي خاص نݣولها انا لي خاص نݣول فين انصد ونعطي راسي وشنو ندير .. عطيتك راسي وسمحتي فيا وزتي خلفة مع طريق عييت نقلب ونسول وماعرفت ليك طريق وكتݣوليا ماعرفتي متوخر كضحك عليا ولا على الوقت ؟
عبد الخالق : بنتي مرضات افاطنة كان عندها ميكروب .. شوية وكانت غاتموت ونضيع فيها وماعندي حد كونما مي ، المرا سمحات فولادها وزادت خلفة افاطنة الام لي تسمع بنتها محنة طايحة فسبيطار ومتجيش تشوفها وتݣولك سيفط ليا انا ابراتي لايحة الحمل عليا .. وهادشي كامل وبنتي اولات شوية جيت نقلب عليك باش نجيبك معايا ولكن مالݣيتكش سولت وجريت وجاريت وكنت فكل شهر كنرجع نسول ونقلب ولكن والو ، فينما جيت للموسم كنت كنقلب فكل عام ولكن بحال الى كنخوي الما فرملة ..
- فاطنة ( تغنغن صوتها وعينيها غرغرو بدموع ) العذاب لي تعدبتو انا اشريف متعدبو حد .. الويل لي شفت والقطران لي شربت منو واخا يدوز عليك لي داز مايدوز عليك بحالو
عبد الخالق : واش انا كرهت ولا درتها بلعاني يشهد ربي لي بغيتك وربي شاهد .. عاودت لمي عليك والعائلة كلها ساقت الخبار ، حتى من ولادي عارفين بلي كنت بغيت واحد سيدة كون كنت غدار كيكتݣولي .. كون وااا تزوجت ولكن لا بقيت عايش لوليداتي الواحد فاش كيبغي شي حد راه صعيب يخرجو من ݣلبو ..
تودة ( بنفس البرود ) فات الفوت اخويي على هاد الهضرة .. لي بيناتنا فضيناه ومشا
عبد الخالق : مزوجين افاطنة مزوجين راك مزال مرتي
تودة ( ضحكات مفقوصة ) باش مرتك احنيني واش تا كتحلم .. وا كنا وكنتو وسرنا وسرتو ݣاليك مزوجين علاش مافخبارك تزوجت وراك انا بعدا راني تزوجت الله يرحمو ويجدد عليه الرحمات ..
عبد الخالق : باطل افاطنة زواجك بيه باطل حيت انا وياك كنا مزوجين ، وعلاما سمعت وعرفت داك السيد مكان بينك وبينو والو تزوجتي بيه اباش تحاماي فيه
تودة ( عرفاتو سول ماجدة ) وبزعطة بزعطة .. مزوجين بالفاتحة انا وياك مابيناتنا لا ورقة لا برهان .. ( بإنفعال وغوات مخرجة لي فقلبها مقهورة ) وبسبابك انت ضݣت العداب وبسبابك ضربوني الحيوط بمسبتك ( بدات تبكي ) بنت حاملة كدردف ( شافتو تصدم ) علاش ماݣلتش ليك حملت ( دورات فراسها ) نسييت ماكلتها ليك كنت حاملة ، دارنا تبرات مني كار ماهوما مبريين خوتي ݣالو ليا تورينا وجهك ندفنوك حية انت ولي فكرشك .. الناس ينعتو فيا الكبير وصغير ينعت فيا بسلݣوطة جايبة كرش من الحرام وانا براسي ماكنت حاسبة لي بيناتنا كان زواج وجاي تݣوليا مرتي وسيييير تلعب مع ݣرانݣ وفوتني عليك أعبد الخالق ..
عبد الخالق ( كيحاول يستوعب انها كانت حاملة تصدم ) كنتي حاملة ؟ وفين هو ولا هي ؟
تودة ( بنفس البرود مسحات دموعها شافت فيه ونطقات بإصرار ) مـــات الله يرحمو غير تزاد وهو يموت ربي ماكتبش ليه يعيش ويتزاد لهاد الدنيا .. فوتني عليك اعبد الخالق دير راسك ماتلاݣيتيش بيا وهلينا هانيين وخلي الخيط لي بيناتنا هو زواج ولد خوك ببنتي الله يهنيك ..
عطاتو بظهر راجعة منين جات وهو وراها شاد على راسو مكاليه غير الصندوق لي كانت كالسة عليه ..
- ولات كطلب غير ايمتا يدوز الوقت يرجعو بحالهم .. فديك الليلة جمعو حوايجهم قادوهم عنبر حتى هي جمعات دهازها فالبالز ديالها فاغلب الاوقات مكتشوفش الروطال حتى فاش كتجي الفرصة وتشوفوها كيتعامل ببرود كان مريحها مبدأيا حسات بيه تفهمها وحتارم خصوصيتها وكلامها .. جا النهار السابع تجمعو فيه العائلة كان اخر نهار ولي غايشد الطريق لشي قنت غايمشي ليه .. تجمعو على الضحك والناقوس والغنا لابسة عنبر قفطان تكشيطها مطلوق وكيف العادة دخل عماد خو العريس العزري هو لي حزمها عاطياه البياض فيديه ..
- تغداو مجموعين وكل واحد فيهم ناض يلبس حوايجو باش يشد الطريق .. ودار الحاج علال لي كانت عامرة بالناس هاهي اتخوى .. إبتسام شدات نوامرهم كاملين وجا راجلها يشدو الطريق لمكناس فين كانت ساكنة أما أسماء جا راجلها داها للقصر الكبير ..
رقية ( موجهة كلامها للسعاد ) وتي شوفي ليك هادي جات بمرة وماݣالتهاش لينا
سعاد : وراه مجابتهاش الوقت ، مع العرس تلهينا عياتني الغربة لا حنين لا رحيم تم واحد البركة كنشدها نعيش بيها فديك دويرة لي عندي فدار البيضا ونتهنى مع راسي ..
الروطال ( ݣالس حداها ) رجلي برجلك تݣلسي معايا إن شاء الله
سعاد ( عنقات يدو ) لاواه اوليدي منصيبش .. عندي دويرتي الحمد لله نعيش فيها مستورة .. نولي نجي عدكم نزوركم وتجيو عندي إن شاء الله
الروطال ( بإصرار ) خالتي راه بربي الجليل لا تفاكيت معاك .. الدار ݣدها ݣداش تواسع عطاهم ربي نخليك تݣلسي راسك يلاه نحيد منك الفك والوحش اتجمعي حويجاتك وغاتمشي معانا ..
سعاد ( بإبتسامة ) أعفيني اوليدي الله يرضي علك
الروطال : راه دوينا مغانعاودهاش
سعاد : صافي واخا ولكن ماشي دابا مزال بغيت نزيد شي يامات هنا مع مي رقية .. واحد سويمينة ونجي نيت بيما ݣاديت واحد الوريقة نسيفطها ليهم ..يصايبها لي عصام ݣبل لا يمشي
الروطال ( هزهز راسو ) التيليفون بيناتنا .. نزلات عنبر لابسة جلابيتها .. محنية على رقية معنقاها بقوة كتبغيها وعزيزة عليها بزاف
عنبر : غانتوحشك امي رقية بقاي جي عندنا الله يعطيك الستر
رقية : نجي نجي أكميشتي نجي تهلاي فراسك وفراجلك تهلاو فبعضياتكم الله يبعد عليكم الحاجة الشينة .. ( شدات امير باستو ومداتو للمربية لي سبقات للطموبيل ديال عماد ركبات فيها اللور ، تسيفطو مع العاىلة وهوما متوعدين بللقاء اخور فالقريب .. كل واحد معامن ركب وعنبر ركبات فطوموبيل الروطال ..
علال كيوصي ويعاودو فيهم يوصي فالروطال على عنبر باش عمرو يأديها ولا يضرها ولا يعݣرها .. يديرها فعينيه ويخاف الله فيها
الروطال ( باس راس سعاد ) غاتلݣاي واحد الأمانة تحت وسادتك الى خصاتك شيحاجة علميني
سعاد : اويلي اوليدي حشومة عليك
الروطال : سعاد دوينا وصافي مديريش فيها عزة نفسي ..
سعاد ( ضرباتو لكتفو ) الله ميسخك ابوراس وليت سعاد واخا على حسك .. وتهلا فمراتك وعنداك تعصبها ولا تقلقها زوينة وظريفة حنينة وبنت الناس طحتي فناس الله يعمر ليهم الدار الله يرضي علك ..
الروطال ( باس ليها يدها ) غانتسناوك تهلاي فراسك .. عطاهم بظهر مشير ليهم وركبو فطوموبيل .. اللولين سبقو شدو الطريق بقات طوموبيلتو هي اخر وحدة ..
- الطريق كلها مادواهاش .. طالق الراديو وسايݣ بملامح خالية من اي إحساس
عنبر ( كاسرة داك الحاجز دصمت ) والله ماسخيت بيهم عائلتك الله يعمر ليهم الدار سعداتك بيهم ..
الروطال ( بلاما يشوف فيها ) حتى انت عزيتي عليهم لا انت لا عائلتك ..
عنبر : حتى هوما عزاز عليا والله .. كولشي كبير وصغير الله يخليهم ليك
الروطال : اللهم آمين ( سكت مدة ورجع تكلم ) خالتي اتجي تسكن معانا .. بغيت غير نعلمك
عنبر ( هزات كتافها ) مرحبا بيها الدار دارها ودارك انت ..
الروطال ( هزهز براسو مجاوبهاش ) .. شافت فيه بنص عين كان كينصرف بحدود وببرود داك الضحك وطنز قطعو .. ماخداتش الامر بأهمية نهائيا ضارت للجهة السرجم مقابلة الطريق وساكتة
الروطال ( بدون مقدمات عينيه على الطريق مخرج يدو من السرجم ) :
طليقك دخل لمغرب ..
- من باب مطار محمد الخامس خارجين .. سروال ديال الدجين فالكحل ومونطو شعرو الرطب كيتخللو الشيب داير نظارات ديال الشمس فجنبو مراتو بمونطو حمر وبوتيو فالكحل طالقة شعرها .. طلعو فطوموبيل الشيفور خدا البالز ديالهم دارهم فطوموبيل وطلع شاد بيهم الطريق .. من ملامح وجهو كان باين بلي معصب كتشوفيه ومقاداش تدوي .. تنهد وبعينيه ناظر الشانطي لي غاديين فيه كيدور فعينيه ويشوف فالبنايات لي تزادو اخر نهار حط فيه رجليه فالمغرب كانت عندو 21 سنة ودابا هاهو داخل للمغرب وفعمرو 57 سنة .. مكانش حامل يدخل ولدو قلب ليه كاع مخططاتو ..
- من بعد مدة وهوما فطريق دخلات الطوموبيل للڤيلا من ڤيلات حي كاليفورنيا .. كان واقف كيتسناهم خرجات مو عنقاتو ودخلات هي وياه معنقها من كتفها وهي من ظهرو .. باه ماسلمش عليه واحد فيهم ماعبر الثاني حتى ݣلسو فصالون الفيلا كانت نقية .. حط ليهم الشيفور البالز وخرج جات المساعدة خدات البالز ديالهم طلعاتهم للبيت لي وجدات ليهم ..
نادية ( متبعاها بالعين ) شكون هاد البنت منين جبتيها اولدي ..
بدر ( ݣالس على الكرسي فاتح رجليه ) غير تهناي ماشي انا لي ضبرت فيها ..
براهيم ( بنفاخة ) عارفينك خاوي وديما تاقب ليها العينين
بدر ( بإبتسامة ) خبث خاوي وجبت ليك الحفيد لي مجابوهس ليك بناتك شتي ابابا ..
براهيم : حتى تيقن بعدا بلي راه ولدك وندويو .. جايبنا من حد الدنيا على الخاوي
بدر ( كيشوفيه بنظرات النصر ) كونما شكيتي مغاتعتبش المغرب .. حيت ميت وحامق يكون عندك حفيد والى كان بصح من لحمك ودمك من سابع المستحيلات تسمح فيه كيما درتي مع بنتك ولا نسيتي ابابا
براهيم ( شاف فنادية مكره ) ݣولي ليه يسد فمو ولا غانعاود ليه الترابي
بدر : علاش كذبت .. ياك رباب تحديتي ماما وتحديتينا كاملين باش تجيبها وسط منا وتربا بيناتنا وخليتي ماما تقبل ببنت ولدتيها فالحرام ، داكشي باش عارف بلي مغاتسمحش فحفيدك من دمك ولحمك .. قضية نتاكدو غير كون هاني بديت ندير خدمتي ..
نادية ( دايرة رجل على رجل ماعجبهاش الحال ) انا بغيت غير نفهم كيفاش دارت حتى حملات .. ياك كونتي تعطيها فالفانيد بلا خبارها ياكما منكتي ليها شي نهار ؟
بدر : الصراحة مابقيتش عاقل ولكن منين سولت كاين بزاف دالحالات كتحمل واخا بالمانع .. يمكن نكون زݣلتها شي نهار
براهيم ( ضحك بإستهزاء ) شي نهار كان مع شي وحدة من صحاباتو ونسى ماعطاهاش الفانيد .. كنݣوليك هذا متعوليش عليه شتي هدا اخرتنا غاتكون على يدو هو .. ݣلت ليك ݣلسي انتي تكلفي ولكن انت كتر منو ديما تابعاني ولاصقة فجنابي ..
بدر ( وقف ) لاصقة فيك حيت مافيكش الثقة .. فالوقت لي انتوما داويين على هادشي كاين واحد الولد لي يݣد يكون ولدي ( بدات تيليفون دسالو كيسوني جبد التيليفون كان واحد من المعارف ديالو ) وي .. ( غوبش ) فين سيفط ليا نشوف .. واش متيقن مافيها تخرشيش زعمة ( بزعاف )صافي صافي قطع ..
- مشا نيشان للواتساب .. تم تم وصلو ڤيديو كان موخود من ستوري وحاطينو صفحات مغربية .. و3 تصاور محطوطين مع الڤيديو كمش يديه عينيه مفيكسيين مع التيليفون .. كتبان فيه بحجابها مغاتخفاش عليه بلباس مغربي تقليدي وفوق العمارية ..
نادية ( بإستفسار ) أش تم أولدي ؟
براهيم : شي مصيبة وصلاتو باينة
بدر ( هز فيهم راسو وشاف فباه ) كتعرف شي واحد كنيتو حيدر ؟
براهيم ( غوبش مغايخفاش عليه هاد الكنية الكنية لي مولاها داير حالة فالسوق واصل لبرات المغرب بالإستثمار والبيزنيس ديالو لا هو لا ولد عمرو ) علاش كتسول فين كتعرفو أنت ؟
بدر : حيت عنبر تزوجات يلاه وصلوني تصاورها .. ولي تزوج بيها سميتو فاروق حيدر ..
- دازت يوماين وهي فدار الروطال بيتها كان عاجبها .. واحسن حاجة كان كيطل على المنظر ديال الفيرما من برا رجليها كيحرقوها وياكلوها باش تشوف الأدهم ولكن مكانتش باغية صداع ومشاكل معاه .. فهاد اليوماين كيفيق مع الصباح يخرج ومايجي حتى ليل مكتلاقاش معاه نهاىيا وحتى خي ماعندهاش الکانة لي تدوي كتفكر غير فبدر لي عرفاتو كاين فالمغرب .. كنسول راسها نهار غادي يشوفها كيفاش غادي تصرف واخا عماد كان وصاها تبرد ولكن فداك الوقت مامتأكداش من راسها شنو غادي دير ليه ..
مالقات مايدار هزات تيليفونها وسونات على حياة أبيل فيديو
حياة : الحب كيدايرة ؟ أش كتعاودي ؟
عنبر ( نازلة مع دروج ) كنعاود ليام الملل ياختي شدني وحق الله العظيم .. الدار كبيرة وخاوية قنطت ماكرهت نسافر لشي قنت
حياة : علاش مغاتسافريش انت وفاروق ؟
عنبر : لا مغانسافروش ( دخلات لصالة ݣلسات ) عندو الخدمة خالتو غادي تجي تسكن معانا فخبارك ..
حياة : وايلي لا داك نهار مع سبقناكم .. ومافيها باش على ماشت منها الله يعمر ليها الدار وظريفة
عنبر : انا ماعنديش مشكيل وماعندي سوق دارو هادي .. يدير فيها لي بغا يجيب حتى الناس من سينيغال يسكنهم هنا .. انا شدني الملل اصاحبتي ( دورات راسها على الصالة وبرات الصالة ) كنفكر نربي شي مشة ..
حياة ( ضحكات) باش يخرجك انت وياها لزنقة عطا الله مايدار
عنبر : علاش اختي يخرجني انا وياها مالي اش دايرة .. فخبارك داك الميكروب ديال بدر دخل للمغرب ؟
حياة ( كانت ݣالسة وقفات) حلفي بالله وصلاتو الخبار وكيفاش ؟
عنبر : الله أعلم مكرهتش نشوفو غانجمع واااحد تنخيمة فاعلة تاركة ونلوحها ليه على كمارتو تفو الله يغبر ليه الشقف طارو دزبل ..
حياة : انت غير ماتزربيش ديري شيحاجة ماهياش اودني منك اعنبر .. كتشوفي الوليد ؟
عنبر : فبيتو الفوق مع المربية كيشربالحليب ديالو تبدل ليه وكينعس مسيكين .. مايغوت مايقلق كيف الأمانة ..
حياة : مسيكين .. عرفتي شنو جواد عارض عليا غدا نتغداو بجوج ماما الى ساقت ليا الغبار تنسفني غانݣوليها عندي غير شي خدمة ونرجع بالخف
عنبر : ورضي البال اهياتا عندك تقولي ليهم على بظر .. ماما فاطنة داك نهار كانت عيانة تمشي تمرض بمسبتي عرفتي كتخاف دغية وتبدا فتناوي
حياة : لا كوني هانية ميعندها الجلسة اللولة نهار الثلاثاء
عنبر : والله يغكها من داك الرعواني على خير .. المهم تيليفون بيناتنا ورضي البال الى تلاقيتو عاودي ليا شنو طرا
حياة : صافي كوني هانية يلاه ابب تهلاي فراسك ( قطعات ) ..
- ناضت عنبر كدور فالصالونات .. توجهات لواحد الباب كان مسدود حطات عليه يدها باش تحلو ولكن ماتحلش والو .. ماعرفات شنو غادي دير جات عندها وفاء
- لالة عنبر شنو تبغي تغداي .. ستيك دلحم بصوص بلونش ولي لليݣيم سوطي ؟
عنبر ( كمشات فيها عينيها ) ختي وفاء انا راه أعنبر ماشي نيكول سابا .. اختي مديري ليا والو انا لي غادي ندير الغدا اختي
وفاء : ولكن راه مجاتش انا لي كنطيب الماكلة فدار وللسي فاروق ( ماعجبهاش لحال دخل للكوزينة لي بنسبة ليها مملكتها )
عنبر ( عضات على شفتها مدوزة لسانها وسط فمها ) وحتى انا ازين ماݣلت ليك والو .. بغيتي طيبي لفاروق طيبي ليه لي بغيتي انا ماكلتي انا لي انقوم بيها .. ديك الماكلة ديال ستيك وريجيم ماعنديش معاها وحتى الى ݣاليك فاروق شيحاجة ݣولي ليه عنبر لي ݣالت ليا .. ضربات فيها وتوجهات للكوزينة كتبرݣم :
زوينة هادي حتى الماكلة ناكل بدوقك ..
- الكوزينة كانت كبيرة او واسعة كترت البلاكارات .. دخلات عليها وفاء كتشوفيها اش بغات تصنع
عنبر ( ضارت عندها ) فين هو الدݣيݣ الفرص .. او وريني فين دايرين العدس والحلبة الله يعطيك الستر ..
وفاء ( كترمش فعينيها ) واش بغيتي تصايبي رفيسة ؟
عنبر : اياااه علاش واش ممنوعة فدار ؟
وفاء : سي فاروق مكايحملش ريحة الحلبة دور فدار ..
عنبر ( بدات كتعصبها ) كنا وكنتو ازين وصرنا وصرتو دابا انا هنا وحتى انا راه مولات الدار اختي وفاء .. نطيب لي بغيت وناكل لي بغيت والبخور ومعكر الجو مݣال عيب وسيدك فاروق راه كان يضرب الراس مفور وانت كتقولي ليا الحلبة .. والله يرضي عليك جبدي ليا المسايل ..
- حركات وفاء راسها ماعجبهاش الحال .. هي بعدا فدار كطيب ليه غير الحوايج العصرية ، جبدات ليها الدقيق والعدس والحلبة وسمن حطاتهم ليها وتراجعات اللور ..
- كانت عندو دورة تشريفية فالمخبازات ديالو يشوف شنو خاص وشنو زايد واش الخدمة غادية مزيان .. من وراها داز للمݣازة الكبيرة كيتسنى فالكاميو لي غايجيب ليه الدݣيݣ .. سونا ليه التيليفون فتح الخط كيسمع من الطرف الثاني ..
- طارق خرجني من هاد اللعبة ماعديش معاها افوتني شوف مع راشد .. ودويت معاك اش عرفني انا فشي روايح اصاحبي كترت المراود كتعمي لعينين خليني غير فلي كنعرف ... ( دوز يدو على لحيتو ) راشد لي غاينفعك .. يدير معاه هاد البيعة وشرية وشوفليا دوك العطور العربية والبخورات فوز بعدا بالمحال لي لݣيتي تم ... المحال عجبك غيز مع مولاها الى تمشى ليك ديك ساع حل واحد هنا .. لالا انا افوتني ( شاف الكاميو جاي ) طارق قطع دابا من بعد ( قطع ) ..
- خرجو 2 ديال الشباب من المݣازة واقفين معاه وصل الكاميو نزل الدقيق .. جبد موس صغير من جيب سروال دجين لي لابس .. فتح ديك الخنشة هز من داك الدقيق كيقلب فيه فشمس فلاه بحال العادة حتى كيتأكد من السلعة هو ودراري لي معاه عاد كيدخلو الخناشي للمݣازة .. نضا امورو وعطاهم الحساب ريݣل أمورو فديبو ركب فطوموبيلتو مدوز نمرة مسجلها بنمس :
ألو فين انت ؟ .. واحد نص ساعة نلݣاك تم صافي زطمة وحدة لعندك ( قطع )
~~~~~~~~~~
- فالقهوة لي مالفين يتجمعو فيها .. ݣالس عماد شاد براد ديال اتاي شايف فساعتو ، وقفات طوموبيل فالبرلو مارين .. خرج منها يوسف عاݣد غوباشتو دخل نيشان عند عماد جار الكرسي وݣلس
يوسف : وعلى سلامة بخو العريس .. غبرتي حتى بياضيتي
عماد ( محرك راسو يمين وشمال لايح هضرتو ورا ودنيه ) اتاي ولا قهوة
يوسف : أتاي القهوة هلكاتنا فصحة .. جا السرباي خدا الطلب ديالو ومشا ..
عماد ( طلعو وهبطو ) غوفلتي تݣول كانو سادين عليك ..
يوسف : وشتي اغبرتي عليا أخويا حياتي ولات عداب ( كلامو كان نابع من شخص غارق مشاكل حتى لساسو دوز يدو فشعرو الكحل ورجلو كيرعدها )
عماد : قربلتيها عاوتاني واش انت اصاحبي مكتهدش ؟
يوسف ( شافيها مرجع ظهرو اللور ) ماعرفتيش واش نݣد نكمي هنا ولا مانعين التدخين ؟
عماد : نخرجو على برا حسن .. وقف هاز صينية ديالو وخرجو للبرا .. جبد يوسف بكية دالݣارو خدا منها واحد شعلو تحت عينيه كان زرق ( شاف فعماد ونطق بصوت مهرس )
كان بان ليك ظاليم ياك ؟
عماد ( رشف من كاسو ) عارفك عينك طويلة اصاحبي
يوسف ( ضحك بإستهزاء ) واش عرفتي السيدة لي انا مزوج بيها من يمتا كنعرفها اسي .. راه من لافاك وانا كنموت عليها كنت باغي غير يمتا نخدم باش نتزوج بيها يالي كتݣول عيني طويلة .. مايغركش المظهر أحبيبي اكنبرد على ݣلبي وطانز
عماد : وخويا انا مكندخلش فسواق لي بعاد على مخي .. عمري سولك اش واقع ولا شنو ضاير عندك فدار واخا حنا عشران ..
يوسف ( دوز على وجهو مكره كان باين فيه العيا ) عيييييت اخويا عيييت وصلات بيا لهنا ( أشر لحلقو ) ديك الدار برب العالي مابقيت حامل نزطم فيها الطلاق غادي يفاريها ونتهناو
عماد : اهدا رجوع لله أساط تا اش كترون .. يلاه دابا كتݣول كنت كنعرفها من لافاك كنبغيها وكدا اش تبدل ، المشاكل ماخطاو حتى دار ..
يوسف ( شافيه ) الحب حاجة وزواج وتسد عليك حاجة خرى .. قبل زواج كيبان ليك ازوين داك لي معاك كيبغي يبين ليك احسن ماعندو .. ومايوري ليك الفرصادة الثانية حتى كيجمعك بيه باب واحد وأجي تفرج .. السيدة عندي مو ودينة كتحكم فيها مها بزاف اخويا النسيبة ولات نابتة عندي فدار او مابقيتش حور فدار عييت ..
عماد : وراه مها هاديك لي ولداتها تجري عليها .. واش انت اتجري على مك ؟
يوسف : اصاحبي اقسم لك يمينا الواليدة كتجي لعندي مرة فشهرين ف 3 شهور وبزز الى طلبتها .. انا لي كنمشي لعندهم .. النسيبة راه كل سبت جايا وكاتبات تخايل معايا وليام العادية المدام عندي يوميا غادية عندها يوميا انا فدارنا ، الوقت لي باغي نرتاح فيه انا مع دماغي ومع مرتي كتݣلس ليا الصيف كنبغي لبس اشورط مكنݣدش .. والى مجات هي تجي ختها الدار مكتخواش تقهرت هادشي طلع ليا فصحتي .. باش توصل لتحراش حتى لهنا حباااس ..
عماد ( غوبش ) كتحرش عليك بنتها ؟
يوسف : ترا ݣتليك انا غارق .. واش انا اجيت وليت نضرب بيردات نغم بيهم مجاجي تا فين عمري انا كنت كنشرب الکارو ݣطعنا هاحنا رجعنا ليه الى بقيت هكا انولي نتقرقب .. السيدة ولات طلب فوق جهد بنت خالتي شرات الشرتلة حتى انا بغيت شرتلة ايݣولو عليا ماعنديش وراجلي مافيدوش تا واش انا مسخوط نشري شرتلة بمليون وكتر .. منجمعوش حنا لدواير زمان .. السيدة ولات تعاند مع بنات خالاتها لي عايشات على برا لي شراوه خاصها بحالهم ..
عماد ( بقا فيه ) دوي معاها حط معاها النقط على الحروف اصاحبي
يوسف ( ضحك ) وعيييت ندوي .. وكنقسم لك بالله مخاصها حاجة .. بغات تخدم ݣلت ليها مرحبا ضبر لينا فالخدمة رجعات ݣلسات ݣاتلك طلعات ليا فصحتي عاطيها مصروفة فالكونجي نسافرو برب الجليل مخاصها حاجة ولكن تحملني فوق طاقتي لا مرضت .. ولات تهز وتحط عليا وتخرج فيا عينيها ولي غايهرس هادشي السيدة ولات تمشي عند المشعودين باش تسحر ليا ..
عماد : وايلييييي حلف بالله تا باش عرفتيها ؟
يوسف : سمعتها داوية هي ومها .. شي واحد عطاهم شي لعبة ديرها ليا فالماكلة وترش ليا بيها حوايجي .. سيمانة وانا خاوي الدار كنبات غير عند الواليدة حتى توصلها الإستدعاء من المحكمة تبغي دير هاه ولا هاه انوريها الحجة عندي فتيليفون مسجلها يا تبغي طلاق إتفاقي ياتحمل مسؤوليتها ..
عماد : صدمتيني أساط لا حول ولا قوة الا بالله العلي العظيم .. كنت ظالمك اسمحلنا وصاف
يوسف ( تنهد ) ابنادم كيبغي يضحك باش ينسي وصافي ... مهم خلينا من هاد الروينة خوتنا راه دخلو للمغرب غير هاد صبحية
عماد ( بإنتصار ) حلف بالله هي طاحو فشبكة
يوسف : دابا غايبداو تشمشيم ديالهم ورا دري باش يعرفوه واش ولد ولدهم ..
عماد : حتى حنا موجدين ليهم غايعرفو لي بغاو .. واحد البخيخيشة زرعناها وسطهم لعبو على جوج جوايه ..
يوسف : لا هادي خدمتيها بالبيان ( رشف من كاسو ) ..
عماد : ولكن سمع عندي ليك واحد الخبيرة .. غانشد عليها الطريق غدا
يوسف : مزال عندك 3 يام فالكونجي رتاح فيها وستغلها عطيني انا هاد المشية .. باغي نغطس وسط الخدمة حتى نفيق ونلݣا طلاقي فيدي ݣوليا اش تم ؟ ( غمزو ) ..
~~~~~~~
- كانو يلاه تغداو جمعات حياة الطبلة .. دخلات الماعن للكوزينة غسلاتهم ، سميرة خرجات للعند بنتها تشوفها وتودة تكات فبلاصتها فوق السداري ..
رشيدة ( تنهدت ) أشمن نهار نشد فيه براتي نجيب لولادي الإنتقال خلاص
تودة : مابقا ݣد مافات الى ماعكسش هو راه دغية تساليوها
رشيدة : اشمن نهار ياربي ( شافت فيها ) ديك البنت مابقات غاتجي تسكن هنا ؟
تودة : رحيمة مغاتكاتب حتى لشهر جاي ان شاء الله وعاد ديك ساع تجي ..
- سونا الباب وخرجات حياة من بيتها هبطات مع دروج فتحات الباب ، كانت دنيا واقفة فاجأتها بالمجية ديالها ..
حياة : الزين ( سلمات عليها ) دخلي
دنيا ( بهدوء وتساؤل ) كاينة خالتي تودة ؟
حياة : اه كاينة راها الفوق زيدي دخلي .. طلعات سابقاها دخلات عليهم عاد تبعاتها دنيا ..
حياة : دنيا بنت عم فاروق .. تودة شافت جهة الباب كانت دخلات تقادات فالݣلسة ديالها
تودة : مرحبا بيك ابنتي ( دخلات سلمات عليهم وݣلسات ) حياة عمري اتاي ابنتي الله يرضي عليك ( شافت فيها مسولاها على العاىلة كلها ) ..
دنيا : كولشي بيخير اخالتي ( وهي كتناظرها بعينيها ) خالتي تودة واخا ندويو انا وياك بجوج الله يعطيك الستر بغيت فواحد الحاجة ..
- داك اللباس الرسمي لي كان لابس حيدو حط الطوموبيل فلاكاب ديال الأوطيل وهز السكوتر ديالو .. شد الطريق نيشان للمدينة القديمة فوحدة من القهاوي الشعبية دخل كيبان ليه ݣالس كيلعب ضامة وقف عليه غير هز فيه الراس ناض من بلاصتو مخليه هو لي ݣلس كيلعب مع الراجل لي اونفاص معاه .. وبعض الرجال واقفين كيتسناو شكون ايغلب حتى غلب هو ..
.... ( بإنزعاج ) ولا اجمي لا اكتحط يدك كتحكمها ..
الروطال ( كيضحك ) ماشي شيحاجة لي جديدة معروفة هادي أصاحبي ..
.... : نعاودو الطرح ؟
الروطال ( وقف) تسالني طرح ( حط يدو على النمس كان شخص فايتو الروطال شوية فطول لابس كويرة وداير الراسطة والݣادومة .. ملامح وجهو وسيمة رجولية خرجو على برا هازين جوج كراسة مبعيد على القهوة وݣلسو ) .. جا سرباي حط ليهم قهوة كحلة كيفما كايبغيوها ومالفين يشدوها ..
النمس ( جغم من كاسو ) الحانوت الكبير راه حطو للبيع
الروطال ( تبسم ببرود ) حلف بالله هي وصلات بيه العظم صافي باعو حمارو ..
النمس : بغيتك تشوف باه اش دار ليه .. ضرب ليه واحد الشوهة عالمية حقو خسرو فالقصاير و البيران ..
الروطال : داك الحانوت بغيتو ( بجدية )
النمس : جا فبلاصة مافيهاش الرواج مغاتسفال منو والو اصاحبي
الروطال : واخا نعرف نشريه ونصدقو .. المهم يكون ديالي
النمس : حسبو ديالك من غدا
الروطال : مغاديش نبان أنا .. الميكروب واخا تكون واصلة فيه العظم مغايبغيش يبيعو ليا
النمس ( جبد ݣارو شعلو ) أنت غير كون هاني هاد لافير غانضيها ليك أنا
الروطال ( شافيه بجمود ) والخبار الكبيرة ؟
النمس : ولدو الكبير طايح مع واحد الباطرونة فدرب السلطان .. السيدة خاترة فتاق****ت كتشد غير سنان الحليب ماليا 17 و18 عام
الروطال : ولاد ****** مخلي المرة او ولادو وداير مابغا كيعمر عندها ديما ؟
النمس : كل ليلة ولكن نهار السبت كتكون الدعوة مخلطة عندهم تم
الروطال : وجيران مالهم ماعلمو البوليس ؟
النمس : تا اش غايعلمو هذاك الدرب اصلا مق** ، حتى واحد مايݣد يدوي ولا يحل فمو
الروطال : الشيبة العاصية ديال باه سايق لخبار ؟
النمس ( دار رجل على رجل ) كون فبالو كون جاتك خبارو هزوه لسبيطار
الروطال : الى مافخبارو نعلموه ( شافيه النمس بخبث ) وشنو نخليو الحاج فدار غفلون مسكين ولادو حبابو خرجو ليه حاشية ..
النمس : ولكن نعلمو البوليس النقيو دنيا شوية عاد توصل لخبار لشيبة العاصية ..
الروطال ( ضحك برجولة ) هاباش كتجيني على الݣانة كتفهمني فالبلا .. نخليو البوليس يعلموه منو ليهم حنا غير دراوش غاديين جنب الحيط ( غمزو) ...
النمس : نفوزو بالحانوت هو لول
الروطال : الى نضيتي هاد الشغول حسب الحانوت ديالك ديري فيه لي بغيتي
النمس : مايحتاجش ابا روطال انت خويا عزيز مغانساش لي دوزنا .. والعشرة والخير ماينساهم غير ولد الحرام ..
الروطال : الى كنت خوك دبصح الحانوت غايكون ديالك .. انا خاصني انحيدو ليهم حتى لمن بعد وتجيهم للخبار الحانوت شكون داه ..
النمس : كون هاني .. وبلان الدريبة خليه ليا انا لي غانعرف ليه انت غاتوصلك خبارو توصلك .. الى تحبستي انت عام بسبتهم ولدو غايمشي فيها واحد 15 عام دالحبس ..
الروطال : المهم فيها حبس الكاس دالما لي شربوني منو .. غانشربهم من العوينة يدوݣ حلاوة الضسيسة واخا يݣلس فيها عامين براكة الشوهة لي غاتبعو
النمس : من نحية الشوهة كاع المارشي غايسيق ليه الخبار ..
الروطال : المهم هاهي فيدك ( وقف) خاصك شيحاجة ؟
النمس : لا عندي من داكشي لي عطيتيني والحمد لله خادمينها حلالا طيبا وكناكلو من الفاكية ديالها ( باس يدو )
الروطال ( ضرب على كتفو ) يلاه هو هذا ( دار نظاظرو حاط فلوس القهوة ركب فسكوتر ديالو ومشا ..
- دخلات هي وياها للبيت سدات تودة الباب ، بيت تودة كان كبير فيه نموسية بكوافوزاتها والماريو ، او واحد الفوتوي واحد التصويرة ديالها كانت باقي شوية صغيرة فتلاثينات .. السرجم كان محلول وريحة البيت زوينة ݣلسات دنيا على الفوتوي كان باين عليها الارتباك .. ݣلسات تودة حداها كتسناها تدوي اخر حاجة غاتفكر فيها تودة هو عبد الخالق يعاود للبناتو على لي وقع مأخرا وبلي هي السيدة لي كان عرفها ..
تودة : أش واقع ابنتي خلعتيني ؟
دنيا ( هزات راسها فيها يديها كيترعدو كتحس بيهم جامدين وعينيها كانو مغرغرين ) خالتي ( سكتات ) داك النهار ( بلعات ريقها ) داك نهار سمعتك انت وبابا فاش كنتو كتدويو ( تودة تشوكات وقلبها ضرب ف 90 )
تودة ( كتحاول تبرد ) بنتي داكشي داز عليها سينين مابقى منو والو .. اي واحد ابنيتي كيغلط وانا وباك غلطنا داكشي مشا
دنيا : ولكن انتوما كنتو مزوجين ماشي مصاحبين راه سمعت كولشي وبابا عاود ليا كولشي .. انا اصلا ( تغنغنات ) كنحس براسي انا سباب حتى بابا بقا هكا بوحديتو ..
تودة ( دوزات ليها على ظهرها ) أعوذ بالله ابنتي ستغفري الله علاش تي اش دخلك
دنيا : كونما أنا لي مرضت مكانش بابا غايخليك ويسمح فيك ويجي .. كوراكم مزوجين وبيخير وحتى حنا بيخير معاكم ، كون لقينا فيك الخير لي مالقيناهش فمنا كون تي ربيتينا واهلي يالخبار ..
تودة : ولكن باكم ابنتي رباكم احسن تربية وكبركم وقراكم وحنين فيكم ..
دنيا : ومنين انت عارفاه حنين علاش ماتعطيهش فرصة مسكين هو كان كيبغيك مدار لا بيدو لا برجلو .. كيما تعدبتي هو تعذب
تودة : مايصلحشاي أبنتي داكشي داز ومشا .. كنا وكنتو وسرنا وسرتو ( شافت فيها كانو عينيها هابطين بدموع ) اويلي يا دنيا يا بنيتي تي لاش هاد البكا ؟
دنيا ( دموعها تحولو لشهقات .. هزات عينيها فيها ) خالتي تودة نسولك وماسمحتش ليك الى كذبتي عليا ؟
تودة : سولي ابنتي سولي
دنيا : عنبر ختي ياكي ؟ عنبر هي تيلاد لي كذبتي على بابا وقلتي ليه مات وكتقولي بلي غير ربيتيها ياكي ؟
تودة ( البرودة طلعات ليها مع رجليها ولات كلها كترعد حاولات تنكر ) اويلي يا بنيتي والناس كامل عارفين عنبر انا ربيتها منين كانت صغيورة ، داكشي لي حملت بيه ابنيتي الله يرحمو ويوسع عليه ..
دنيا : كتكدبيش عليا أخالتي ، اصلا الشبه لي بيناتنا مدخل ليا شك .. راه كتشبه ليا انا وياسمين وانا كتشبه ليا بزاف كاع وكتدي لبابا فاش كان صغير علاش كتكذبي والله حتى حشومة عليك ( بإنفعال ) بابا مدار والو بابا عذباتو ماما فحياتو وكرهاتو فعيشتو داز عليه الويل مسكين كونما لقا مي لي عاوناتو علينا .. والله مايستاهل مسكين السيدة لي بغاها بصح هي انتي وبسبابي أنا خلاك وجا وغير وليت لاباس رجع يقلب علك كان ديما كيمشي للموسم يقلب عليك حرام عليك هادشي لي كديري فيه .. كتعدبيه وتنتاقمي منو على شيحاجة هو مدارهاش وماعندوش يد فيها وهادشي راه مايبغيه لا ربي لا عبدو ..
تودة ( ببرود ) هو لي مسيفط ياك ، الى كان هو انا وياه ابنيتي لي كان بيناتنا سالة سينين هادي ولي كان فكرشي الله يرحمو .. وعنبر الى كانت تشبه ليكم داكشي ديال الله سبحانه ..
دنيا ( مسحات دموعها ببرود ) واخا اخالتي ماقلتي عيب ، نمشي لعند عنبر ونقوليها خالتي تودة كانت مع بابا سينين هادي وحملات منو ولي فكرشها راه مات .. وبلي شاكين انت ختنا ونديرو تحاليل حنا ونوضو مع الطريق ..
تودة ( وقفات رجليها مهازينهاش ) هالعار هالعار منين خرجتو ليا هالعار كنت هانية مرتاحة مع مخي فدويرتي مع عائلتي خرجتو ليا من الجنب توما أش بغيتو عندي اعباد الله ( بدات تبكي ) ..
دنيا ( بالهداوة ) خالتي تودة حنا مابغينا والو ومادرنا ليك والو .. الى كانت ختي قوليها ليا انا اصلا قلبي عالمني .. عنبر عزيزة عليا بزاف اش فيها الى عرفنا ونتحمعو ونعوضو سينين لي دازت ؟
تودة ( بعياء ) فيها ابنيتي فيها فيها بنتي غاضيع مني ( شافت فيها ) عنبر الى عرفاتني مها عمرني نشوف وجها ..
دنيا ( غوبشات ) علاش اخالتي هانتي ݣلسي وعاودي ليا ..
- تودة ماكملات ليها حتى عينيها نشفو من الدموع .. عاودات ليها كولشي هزات راسها فيها كانت حتى دنيا كتبكي ..
دنيا : كنت كنقول ابابا لي تعءب ساعة انت كثااار منو .. واش هادو مكايخافوش سيدي ربي لي داو ليك كبدتك وشواو ليك قلبك
تودة : اييييه ابنتي 13 عام وانا كنقلب عليها ماخليت لا حاحا لا ملاحة الدنيا قلبتها عليها او والو .. علاش انا تزوجت بالقايد المعطي الله يرحمو اباش نکد للݣا بنتي فهاد الزمان الى ماعدكش شي كالة صحيحة هزك الما ابنيتي .. وربي كتبت المكتاب وتلاقيت بيبنيتي كبيدتي فالموسم ..
دنيا : سبحان الله العظيم ( تبسمات ) نهار شفتها والله حتى حسيت بواحد الحاجة فشكل فقلبي ( هبطو دموعها سخان ) قلتها ليهم بلي كتشبه ليا بزاف ولياسمين .. وفاش شفتها فالعرس خلاص ساعة هي راه ختي ( ضحكات كتبكي ) دابا عنبر ختي صغيرة ( عنقات تودة ) انا فايتاها بعامين عندي ختي وانا ماعلاباليش واش كاينة داز عليها المحاين وتمارة الكحلة وحنا كاعما حاسين ولا ظانين
تودة ( دموعها مابغاوش يحبسو ) كتشبهي ليها تي بزاف .. بغيتك تشوفيها فاش كانت صغيرة على مزيناتها كان شعرها ديما راضاه بحال دري ومع عندها واحد ريالة فشعرها بيضا ماكنتش تحملها ..
دنيا ( بعدات عليها مبهوضة ) حلفي بالله اخالتي واش بحال هادي ( دورات ودنها وحيدات خصلة من شعرها كانت فيها ريالة بيضة بحال عنبر )
تودة ( هزات حجبانها بإستغراب وصدمة ) يا سبحانك يا عظيم حتى انت فيك ؟
دنيا : انا وختي ياسمين فينا بزوج يسرى مافيهاش .. انا وياسمين كنصبغوها انا غير طارت ليا منها الصباغة دابا
تودة : حيتاش هي ماشي توحيمة .. انا كوت توحمت على شهدية ومكانش وقتها كي عاودت لك ، كونماشي الناس لي كانو يروفو عليا ويجيبو ليا مناكل نبقى بجوع .. ايوا منين ماكليتهاش فوقتها دابا راه فيما وصل وقت شهدية تشوفي عنبر يدها كلها طبايع حومر ..
دنيا : سبحان الله العظيم .. زيدي عاودي ليا عليها أخالتي
تودة : كانت تسلخ كاع بنات الدوار ( تبسمات ) ولكن صراحة كانو هوما لي يجبدوها .. يدها سابقاها تاخزد حقها بيدها حنينة بنيتي وقلبها كبير ومتسكتش على الحق ، واخا غدرها داك ولد الحرام ودوزها عليها مسيكينة بنيتي تكرفصات وتمرمدات ..
دنيا ( كتعاود تودة وهي تبكي ) ماكرهت نعنقها ونبوسها ونقزل لناس كاملين بلي راها ختي .. خصوصا طارق دابا هي مزوجة ولد عمها ومافخبارهاش مسكينة ختي ..
تودة ( شدات فيديها ) هالعار ابنيتي هاد الهضرة متخرج من فمك نبوس ليك يديك .. هادشي ستريه ابنتي الله يرضي عليك ..
دنيا : ولكن علاش اخالتي .. خاص هادشي كولشي يعرفو ونفرحو مع بعضياتنا ونتجمعو كاملين ونعوضو لي داز ..
تودة : لا ابنيتي لا ، عنبر يلاه عرفات بلي كان مزوج بيها ( عاودات ليها على لي وقع مع بدر ) نجي دابا نݣوليها لي رباوك وكنتي حامقة عليهم وتعدبتي فاش ماتو راه سرقوك مني وحق مولانا حتى غاتحماق .. راه كنت عاودت ليها لي وقع ولكن ݣلت ليها واحد السيدة لي وقع ليها هكا ، عرفاي ياش ݣالت ليا ݣاتلي كون انا لي وقع ليا هادشي غادي نحماق .. مابغيتش بنتي ضيع ..
دنيا : وشنو نبقاو هكا العمر كامل شي معارف شي .. ختي قدامي ومنقدش نقوليها انا ختك ؟
تودة : غير ماشي دابا .. غير بلاتي شوية بشوية الله يرضي عليك الى قلتيها ليهم غايمشيو يݣولوها ليها ..
دنيا : خالتي حنا ماشي دراري صغار ، الى بغينا راه انسدو فمنا وحد مايعرف بلي عنبر ختي .. نݣولها ليهم هوما وكنعطيك عاهد الله هادشي يبقى بيناتنا ومايوصلهاش هي ولكن هوما ضروري مايعرفو ..
تودة تحطات فموقف خايب بزااف .. داكشي لي كانت خايفة منو هو لي طاحت فيه ..
دنيا ( حطات يدها على يد تودة ) ولكن كيݣلتي بلاتي ماشي دابا .. المهم هو عرفت بلي عنبر ختي هادي بدنيا عندي ولكن اخالتي خاص ضروري الدار يعرفو الى ماشي دابا غايجي نهار وغايخصنا نݣولوها ليهم .. وديك ساعات نعرفو منديرو. .
تودة ( رتاحت نسبيا ) الله يرضي عليك ابنيتي الله يسهل عليك خيرك عمري نساه ..
دنيا : الخير هو لي درتي فينا وجبتي لينا بنت بحال عنبر ( تنهدات ) سعداتها عندها أم بحالك بحالنا حنا سينين ماشفنا وجه منا ..
تودة : ابنتي ربي مافرق ريوس حتى كل واحد وكيفاش كيخمم .. حسبيني بحال مك ابنتي وربي شاهد عليا وبيني وبينك الواحد كيرتاح فاش كيشارك همو كيحس بالحمل خفاف عليه .. غير هو كيف واعدتيني الله يرضي عليك خليها مستورة ابنتي احتى بعدا يدوز هادشي لي ناويين عليه ..
دنيا : علاياش ناويين وشكون هادو ؟
~~~~~~~~~~~
- دخل للدارو ريحة الحلبة كانت عاطية .. خسر سيفتو بدا يعيط من الباب
الروطال : وفاء وفاء ( جات وفاء كتجري ) أش هاد الريحة ؟
وفاء : والله اسي فاروق قلتها ليها .. قلت ليها سي فاروق مكايبغيش ريحة ديال الحلبة فدار ولكن هي ... ( قاطعاتها خارجة من كوزينة لابسة الطابلية او كلون وتريكو وبانتوفا فرجليها طوانݣ مدهبين طوال وشعرها دايرة ليه واحد الزيف فيه الموزون ) ..
- عنبر : تبارك الله حطيتيها ليه سخونة .. كون اخدموك معاهم فالبلدية تكوني مقدمة تولي تجيبي ليهم خبار سوق ..
الروطال ( بصرامة ) عنبر .. اش هاد الريحة ؟
عنبر : عمرك شميتي ريحة الحلبة ؟ فيا جوع تشهيت الرفيسة نديرها ياكما اخويا ممنوع عيب ولا عار
الروطال : ماعنديش مع ريحة الحلبة ، عطا الله مايدار ولا ݣولي لوفاء طيب لك
عنبر : نطيب راسي اخويا وأنا شهوتي فرفيسة والى قهراتك ريحة راه ساهل ماهل اراجلي حبيبي ( قدام وفاء ) اتخرج للجريدة تمتع ليا مع راسك بالجو حتى ناكل ودخل والى فيك الجوع نصايب ليك شيحاجة أكبيدة .. نساحبات وفاء تحت انظار عنبر
- الروطال ( طلعها وهبطها كن حالتها وحوايجها لي لابسة الكولون لي كان عازلها عازل ليها فخاضها وسيݣانها .. مبين ليها فورمتها لي اول مرة يشوفها واخا مكانتش باينة 100 فالمية حيت دايرة الطبلية كانت مبينة النص .. التريكو القصير لي مبين عنقها ولونو القمحي مع خالة فعظم عنقها ، عاد رجليها لي كيبانو بيضين مع تقيشرات قصار وبانتوفا فيها نونوس ..
عنبر : فيك الجوع ؟
الروطال ( مزول تطاكيط ديالو ) لا غير بصحة الى ساليتي بخري ولا ديري شي ريحة الله يرضي عليك ماعنديش مع هاد الروايح ..
عنبر : كون هاني نسالي وغانعطر بالعود القماري ونجفف بالعنبر تݣول كنطيب فعتوݣة ميتة ( سونا الباب ) حرك راسو بلاحولة و عطاها بظهر توجه للباب فتحو كمش عينيه عݣد غوباشتو ، واقفة قدامو هازة بوكي ديال الورد والإبتسامة على وجها كتشوفيه شاد فالباب مامخليهاش تدخل .. عنبر كانت وراه كطل براسها تشوف شكون لي سونا فالباب ومزال مادخل .. وعلاش فاروق شاد فالباب حتى سمعات صوت انثوي كيهضر ..
فرح : بونسواغ فاروق ( سلمات عليه بالوجه .. متجاوبش معاها بقا تابت على نفس النظرات والملامح الخالية من اي شعور ومن اي ردة فعل .. بعدات وبتساؤل ) صاڤا واش مغاندخلش ؟
- دنيا بقات شادة حناكها وساهية داخت وضارت بيها الدنيا .. بعد المرات كيكون حسن ليك تسد ودنيك وماتسمعش شنو ضاير وراك حيت حاجة كتجر حاجة خرى وهي غادية .. حتى كتولي غادية وغارقة فدوامة كبيرة .. هزات راسها فتودة وعينيها دابلة وصدمة باينة على وجها دوات بصوت بارد وضعيف :
دابا ديك العراسية كلها دارت على الخاوي .. وحنى كيحسابلينا بلي بصح ولد عمي كيبغي عنبر وتزوج بيها حيت كيبغيها ..
تودة ( تنهدات ) أنا عاودت ليك ابنيتي اباش تعرفي علاش مابغيتش نݣولها لعنبر دابا .. خايفة دير شي حاجة تصد لشي قنت ويأديوها دوك الناس حتى الى سالة هادشي وعرفات راه مكاين حد لي يمسها ولا يقرب ليها ..
دنيا : ولكن اخالتي هادشي راه مايبغيه لا ربي لا عبدو ضحكو علينا .. با ومي الى ساقو الخبار اش ايوقع ليهم مساكن ؟
تودة : شوفي انا منكدبش عليك انا ماكرهتش عنبر تبغي ولدي فاروق ولد الناس ومربي وشهوة منو .. على الله قلب بنتي يرطاب وهاد تزويجة تولي دبصح ويكون هو العوض لي عوضها ربي بيه .. عنبر تعدبات وداز عليها الويل وهاد الناس ابنيتي مامعوهم اللعب راه عاودت ليك اش دارو وعلاش مطويين ..
دنيا ( دوزات يدها فشعرها ) تلفت اخالتي تلفت فرحانة وخايفة وتجمع عليا كولشي وحق الله العظيم ..
تودة : دابا تجي وقتها ابنيتي اشوية دالوقت ابعدا نعرفو منديرو فهاد الحريرة .. خليها بيناتنا أشوية دالوقت الله يرضي علك .
دنيا ( بقات ساكتة مدة طويلة تنهدات وشافت فتودة ) واخا أخالتي انا غانسكت واخا هادشي مخاصوش يتسكت عليه .. وغايبقى بيناتنا ولكن عفاك الى بغا بابا يشوفك ماتمنعيهش تسنطي ليه حيت يستاهل تسمعي ليه .. ومكانش عليك تعدبيه وتقولي ليه ولدو ولا بنتو ماتت حيت كيما دارو ليك وكدبو عليك بلي بنتك ماتت درتي ليه انتي شنو الفرق دابا بينك وبينهم المهم انخليك منك لضميرك غير لي نݣولك الى فكرتي تݣوليها لبابا كوني متيقنة راه مغايخرجهاش من فمو حيت مغايبغيش لبنتو الضر .. ( هزات ساكها فتحات الباب وخرجات مخلية كلامها كيدور فراس تودة ) .. ..
~~~~~~~~~~~~~
- دخلات للكوزينة طفات على الرفيسة .. وبالها مع السيدة لي دخلات كتسول راسها شكون هادي لي سلمات عليه بالحناك وباين كتعرفو مزيان متسوقاتش نهائيا .. حتى حسات بيه دخل للكوزينة وقف حداها ناطق :
عندنا ضياف الى ݣديتي تبدلي حوايجك وتجي تسلمي
عنبر ( شافت فوفاء لي طالقة ودنيها ) واخا اكبيدة انا غير نبدل ونرجع ( شاف فوفاء ورجع شافت فعنبر حرك راسو وخرج ) وفاء ( شافت فيها ) شكون هادي لي جات ؟
وفاء ( بإبتسامة ) مدموزيل فرح معرفة ديال سي فاروق كتعرف ماماه وكتعرف العائلة واحد البنت زوينة وظريفة .. كانت مدام خديجة باغياها لسي فاروق ولكن ماكتابش ..
عنبر ( دورات لسانها وسط فمها طلعات وفاء ونزلات وتبسمات ) هممم مزيان .. حيدات الطبلية خارجة من الكوزينة داخلة للحمام حيدات ديك العكفة طالقة شعرها بارمة داك الزيف ورضاتو كيف البونضو رضاتو غسلات يديها .. كانت محطوطة واحد الديودوغو ديالو دارتها باش تلصق فيها ريحتو وخرجات ، مشات للكوزينة جبدات الݣصعة حطاتها شافت فوفاء :
وفاء شوفي ليا سيدك فاروق فين ݣالس هو وضيفة ديالو .. حدرات وفاء راسها وتوجهات للصالة شوية رجعات :
ݣالسين فصالون الصغير الالة
عنبر : مزيان .. بدات كتستف فالمسمن وتسݣي حتى عمرات ديك الݣصعة ، عمرات جوج زلايف دارتهم فصينية ريحة الحلبة والمساخن تعطي ( شافت فوفاء ) وفاء تبعيني بصينية الله يرضي عليك ..
- على برا ݣالسين كيدويو .. الروطال مجيتها مكانتش عاجباه ولا حاملها تجي كتجيه ضريفة ولكن فيها شيحاجة فشكل مكايرتاحش ليها
فرح : طاتي خديجة مقلقة منك بزاف أفاروق .. حشومة ماشي من صواب دير عرسك وهي محاضراش واخا ماشي هي لي ولداتك ولكن راه رباتك ولالا ؟
الروطال : حتى حنا ماݣلناش العكس ومكنتسناش شي واحد يݣوليا شنو ندير ولا منديرش افرح .. خليك فتيساع الله يرضي عليك .. هز عينو بانت ليه جايا هك جنب نيفو بالع ريقو ..
عنبر : مرحبا مرحبا زارتنا البركة .. حطات القصرية فوق الطبلة بلاما تشوفيهم عاطياهم بظهر وفاء حطات صينية ومشات .. وقفات ضايرة عندهم مستقرين نظراتها على فرح صغرات عينيها ودم جمد فعروقها كتحس بالبرودة طلعات ليها من رجليها عاقلة على وجها وملامحو بحال الى لي وقع وقع ليها غير لبارح ، وعلاش هي تقد تنساها تنسى هاد الوجه وهاد العينين لي كانو كلهم صدمة شحال هادي كانو شهوة وإعجاب ..
- فرح تصدمات واخا تعيا تفكر وتظن متجيش ليها لبالها بلي الشيخة لي تزوج بيها الروطال هي عنبر .. البنت لي عجباتها شحال هذا وكانت باغياها تكون ففراشها .. بحال تخوى عليها سطل ديال الما بارد ..
عنبر ( قلبها كيخبط كلها كترعد بإبتسامة ) وشوفي سبحان الله العظيم الدنيا شحال صغيرة أزين .. اخر مرة عرفتي شحال قلبت عليك عندك الزهر مالقيتكش ..
الروطال ( مافهم والو كيشوف فعنبر بإستفهام ) كتعرفيها ؟
عنبر : الله أودي
فرح ( سبقاتها خايفاها تفضح والبريستيج وبلاصتها تخسر ) الاوطيل ديال خويا كانت عنبر خدامة فيه كتغني .. صوتها غزال تبارك الله مايحسابليش هادي هي مراتك !!
عنبر ( قبل مايدوي قاطعاتو) ياكما بقا فيك الحال حيت داني ليك ؟ مايبقاش فيك الحال مزال تلقاي ماحسن مني ( غمزاتها )
فرح : دوماج قليل لي صوتها زوين بحالك أعنبر قلبنا على لي يرومپلاصيك ولكن ماكتابش .. حتى رشيد خلا الحمل كامل عليا وخرج ..
عنبر ( عاقت بيها خايفة واحد العافية كانت فقلبها مزال مابرداتش ليها ) ودوزي تغداي ازين ( شافت فروطال ) حبيبي السيدة ماحطيتي ليها حتى كاس دالما حشومة ݣاع ..
الروطال : انا غانوض نبدل خليكم انتوما بزوج
عنبر : يا والله لا نضتي ( شدات فيدو) دوز تاكل رفيسة احبيبي .. نوضي افرح شركي معانا الطعام جراتها من يدها مݣلساها بزز .. الجو كان مكرهب وهادشي كان حاس بيه هو تصرف عنبر دخليه الشك ، كان حاس بيها غادير شيحاجة من ملامحها وتصرفاتها كان قاريها ..
- عنبر : كولي مرحبا بيك .. الرفيسة راه كتحيد البرودة وكتحيد حتى دودة الله ينجينا وينجيك كاينة واحد دودة كتجي لرجال دابا ولات كتجي حتى لعيالات كيوليو طامعات فالعيالات بحالهم ..
الروطال ( بصرامة ) عنبر
عنبر : اويلي مالك حنا غير كندويو .. كنقوليها فوائد الرفيسة كولي كولي ( حطات ليها الفرشيط ) .. بدات فرح كتاكل كتنزل الدغمة بحال الشوك باغية غير تمشي بحالها .. كانت كتهز اللقمة تدوزها وحاضياها اما الروطال كان حابس الماكلة حاس بشي روينة غاتنوض شيحاجة دايزة ماهياش بيناتهم ..
فرح : الصراحة اعنبر خلييتي بلاصتك .. كنتي كتنوضيها وكتخلي كولشي تالف ، عرفتي افاروق كانت كتلف الشارف وصغير
عنبر : نسيتي حتى العيالات .. ( ݣرام دصبر مابقاش عندها ) داك القنت ازين خليتو لتريكتك تريكت القح*** وسحاقيات لي كيطمعو فالعيالات وكيسيفطو سليب ستريتݣ مع الخدامات الخانزة اخانزت الݣرصون ..
الروطال ( وقف مصدوم من هضرتها عمرها خسرات الهضرة قدامو ) عنببببببر
عنبر ( بيد ليحداها هزات موس ) تقرب ليا ندخلو فكرشك ( رجعات شافت فيها ) دوي الميكروبة ( فرح كتشوفيها مصدومة ) وعرفتي شحال وانا كنتسناك اتريكة الق**** امزغبة سو*** مسيفطة ليا خدامتك بلا حشمة عاطياها فانيدة وسليب باش تجيبني ليك داكشي باش داك نهار كتملسي ليا فشعري .. انت خاسك تشربي المساخن يحيدو ليك الدودة لي فيك باش ترجعي تبغي رجال يݣادو ليك الركاني والهرمونات لي خاسرين ليك ( وقفات فرح )
- طاتي خديجة كان عندها الصح أفاروق .. مالقيتي ماتدي ..
عنبر : وتا شوفليا مزال عندها الفم ( نقزات ليها على شعرها جراتها منو واخا قصير حتى غوتات ) انا نوري مك اطايبة يالي خانزة طيوبة
الروطال ( بغا يشدها ) عنبببببر واش انت مريضة
عنبر ( كتغوت ماشر لموس ليه مبعد راسو عارفها حمقة و وترشݣو فيه ) والله تقرب ليا حتى نرشݣو فيك ونعاود ليك الطهارة بالله المعبود نشركك انت وياها ( رجعات شافت فيها ) شربي ازوينة يتݣادو ليك الركاني ( خشات ليها وجها وسط الزلافة ديال البلول وهي سخونة .. مخلياها كتغوت لربي لي خلقها وكتركل تحت يديها .. لاحت الموس وهزات زلافة لوخرا كباتها عليها ، كتريش فيها محاساش براسها ولوخرا كتغوت .. الصالة ولات حالة الروطال كيفرق مالقى مايفرق ..
- وفاء ( ورا الحيط هازة تيليفون كتدوي ) وي لالة الشوهة الالة شوهة نتفات لالة فرح خلاتها حالة .. سمعتها قالت ليها ( كتعاود ليها شنو وقع وتقال ) واخا الالة خديجة كوني هانية (قطعات)
- الروطال كيهز فعنبر كيهزها بفرح يديها تكمشو عليها .. كتغوت وصعرات عينيها تغمضو
عنبر : انا طمعي فيا اقوم لوط انا طمعي فيا تسيفطي ليا السخارة ديالك .. ماعرفناك منهم ولا منو دوي اضربانة ( كتغوت ) وطلق مني طلق تانت بحالها الطول طول النخلة والعقل عقل القردة وطلقنيييييييي ازبل نوري لمها طلللللقققق ( كتفركل شاداها من صدرها كيجرها الروطال كيصدق جارهم بزوج بيهم بشدة لي شاداها ... دفعاتها فرح وهربات من يدها كلها رجعات حالتها برفيسة وجها مجروح بالفرشيطة لي خشات ليها وجها فيها ) ..
عنبر ( كتفركل بين يدين الروطال ) والله يامك حتى نبرد ليك الدودة لي فيك .. ديك طياب لي فيك انبردو ليك انا هي حفارة قبرك يالخانزة خانزة المسنون خانزة السندور مركبة الفم مركبة البزازل .. كلك مركبة بحال الپازل ( دفعاتو بجهد حتى طاحت عليه تكركبات من من فوق السداري كتحبو تحت الطبلة خارجة من تحتها هازة بانطوفتها وتبعاتها .. دفع الروطال ديك الطبلة معصب تبعها ..
- فرح فتحات الباب كتجري للطوموبيل تبعاتها عنبر حفيانة وهازة بانطوفة .. غير شافتها خلات الباب دطوموبيل محلول وهربات هي كتجري وعنبر كتجري تبعاها لوخرا لابسة البوتيو وعنبر حفيانة ..
عنبر : اجي اسبسبوية اليوم نعاود لطواسلك التربية نعاودك فلولادة تولي بحالك بحال عباد الله ..
- الروطال تابعها تعصب او وصلات بيه العظم .. كيعيط وتقول واش وقفات ، فرح كتجري عيات وعنبر تقول واش عيات .. كتبان ليها فرح غادية للبلاصة الخيل شوية متعكل وطيح ولا بغات توقف ، ماتوقف غير فجهة لي كان فيها الدهم دخلات ليها تابعاها عنبر مجات فين توصل حتى كتبان ليها فرح ترفعات وتلاحت بضربة لي ضربها برجليه .. تمات راجعة بيديها كتنين من ضربة لي تضربات متحس غيربيدين عنبر جارينها من شعرها ..
عنبر : اليوم نعطي لموك لمصاصط لي متكسابيش ، ݣلسات عليها كتعطيها ولوخرا كتغوت لربي لي خلقها جا عمر العساس كيجري .. الروطال لحق عليهم ، غواتهم وصل لسكان لي قراب .. الادهم كان كينقز ويلعب براسو وشعرو بحال شي واحد فرحان بحركاتو بحال شي حد كيشجع محبوبو ..
- الروطال ( هز عنبر بحال الريشة وامر عمر بصوت غليض وتقيل ) عمر دي فرح لطوموبيلتها مترجع حتى تركبها ..
الأدهم شاف مولاه شاد عنبر .. كيجلجل ويضرب برجليه .. معبر على العصبية ديالو من جهة مولاه ، الروطال ماحيلتو لغوات لي جاي من الأدهم ولا من عنبر لي كتركل بين يديه ..
عنبر : وطلقني وطلقني نشفها طلقني ( حتات على يديه عضاتو جات تهرب شدها ) ..
الروطال ( بعصبية ) رصاي اش هاد تاهيماجيت لي فيك واش انت مريضة ولا مال اصل موك
عنبر ( خرجات فيه عينيها كتضحك ) اااااه مريييييضة وغانمرضك معايا وغانحمقك شتي انا مريييييضة فمخي وهبيلة وشادة سوارت ديال برشيد تهنيتي دابا .. وهاد النرة بقا عرف اش كدخل عليا لدار
الروطال : اشريفة داري هاديك وندخليها لي بغيت اش مشا لمك انتي ؟
عنبر : مشا ليا مشا اكوينيدي ديك دار داري حتى انا وطرطق واقرب حيط حداه خبط راسك معاه .. واش عرفتي الميكروبة لي دخلتي شكون سحاقية كتبغي العيالات ( بإنفعال ) سيفطات ليا الفام دميناج جايبة ليا ݣرصون سترينݣ بحال صنضالة دصبع وفنيدة و النكهات ديال تيك تيكة والمونيكة وبغاتني نطلع عندها لشومبر ..
الروطال ( ماشدش حتى حاجة من لي ݣالت من غير تيك تيكة والمونيكة ) تيك اش ؟
عنبر : تيك تيكة ونمرة دشومبر ديالها .. ݣاتليك ندير معاها لي بغات وتهلا فيا على اخر يامي يطمعو فيا العيالات ..
الروطال ( كيحاول يكالمي راسو دوز يدو فشعرو عضتها مدات فيه لا حق لا باطل .. عض على شفتو كان حاس بفرح فيها شيحاجة ماهياش ولكن باش تكون سحاقية عمرو ظنها ولا جات لبالو ) واش هكا الناس كيدويو الهماج ؟
عنبر ( تبسمات إبتسامة ساحرة ) اه هكا ( حيدات زيفها وزغرتات تحت انظارو لي كلها إستغراب ) دابا عاد بردت ورتاحيت تبكي على مها المهم مانخليهاش فيا ولي ماعجبتو نفقصو ( جا عمر)
راه مشات أسيدي ( عاد عاقت براسها محيدة الزيف قدام عمر مشات طايرة كتجري من حداهم بحال البرق ) ضار مالقاهاش .. اشر لعمر يمشي بيدو ..
- الروطال : لا حول ولا قوة إلا بالله العلي العظيم .. تبعها كيحس بدمو كيوفر دخل كيقلب عليها لقاها مخشية فالقنت ديال الصالة مقربة ليها القصرية كتلݣم وتاكل .. وقف كيشوفيها مصدوم
عنبر ( فمها عامر ) شنو .. وحلتو فيا هاد الرفيسة حسبي الله ونعم الوكيل فيكم الله ياخود الحق ..
الروطال : دابا حنا لي ياخود فينا الله الحق ( بإنفعال ) السيدة خسرتي ليها لافيشور دكمارتها الصالة رضيتيها حالة .. خارجة بلا زيفك ݣدام الرجال واش باغية لمك ندير فيك شرع يدي ؟
عنبر ( كتلݣم وتكب البلول ببرود مجاوباه ) ماتبقاش تغوت أفاروق راه الغوات خايب وكيخرج على الصح ( خشات دغمة فمها ) فخبارك واحد جارنا كان عصبي جاه شلل تشلل عليه نصو الله ينجينا وينجيك والله العظيم ( كيشوفيها مامستوعبش واش هادي لي عاد كانت كتغوت وتجدب ومريشة سيدة كتدوي ببرود بحال الى فيها جوج ) والله وانت زين طولة وتجريدة على اخر يامك تݣلس فركنة انا بعدا راه مانقابلكش نطلقك ونمشي نشوف ليا شي جاپوني نمشي لشينوة ..
الروطال ( كان حاس براسو الى زاد دقيفة وحدة غايدير فيها شرع يدو وهادشي مباغيهش عمرو حط يدو على شي وحدة مايبغيهاش ليها ) غاتسالي ( بتهديد ) غاتجفي ديك الحالة وتلميط صبنيه تعاوديها نربطك
عنبر : واخا أبقى حلم .. الى صبنتهم اجي وشم ليا
الروطال : مريضة ( خلاها وطلع )
عنبر ( تنهدات ببرودة وراحة كتلحس فصباعها ) جات بنينة الله يعطيني الصحة ( بدات تعيط ) وفاء زيديني واحد نص زلافة دالبلول ..
- فالولفة وفشقة عماد طفا على الطاجين حطو .. يبرد أذن العشا دخل لبيتو صلى عاد خرج حط الخبز والمونادا شاعل التلفازة يلاه ݣلس سونا تيليفونو هزو كان يوسف
عماد : أش تم ؟
يوسف : حل ليا الباب ( قطع ) .. حل ليه الباب دخل طلع عاد دق عليه حل ليه ودخل مزول تجاكيطو بعياء وݣلس مغمض عينيه ) عيييت أخويا حانوت تعمرو بالبيع وشرا ولا هاد تمارة الكحلة
عماد : اخرتك ديرها دوك شارجي المعدة بعدا .. ناض غاسل يديه ورجع ݣلس ، هز الخبز كياكل معاه ..
يوسف ( بدون مقدمات ) البنت لي سيفطيني عليها مالݣيتهاش
عماد ( حبس الماكلة ) وايلي !! السيد ݣاليه مول سيكوك البنت مكتخويش داك القونت ..
يوسف : داكشي لي كاين نيت .. لݣيتو وسولتو ݣالك شي يوماين غابر ليها الأثر فاقو مالݣاوهاش .. عاود ليا على نهار لݣاوها مضروبة ويديها كانو مجروحين البنت على مݣال هو كاين باين فيها عروسة السيدة كانت محنية والحنة جديدة وعمر شي حد جا سول فيها
عماد ( حل المونادا كبها فالكيسان ) مݣالكش شنو سميتها ؟
يوسف : نهار اللول على لي ݣال هو فاش مرتو سولاتها مدة البنت مكاتش كدوي .. حتى لشي نهار يمكن كانت المرة والبنت الراس فراس بدات تسول فيها ݣاتليها سميتها لبنى من تم مابقات دوات ..
~~~ فجهة اخرى مسرحة فوق الفوتوي لابسة بيجامة جديدة من بيجامات سخان لي خدات طالقة شعرها على راحتو لابسة تقيشرات وشادة تيليكوموند كدور فتلفازة .. نزل مع دروج ريحتو سابقات لابس كيطمة رجالية بانت ليه ݣالسة دور راسو جهة الصالة بانت ليه زربية مهزوزة وتلميطة محيدة ..
الروطال : صبنتيهم ( شافت فيه ) الوربية وتلميط ؟
عنبر : عروسة مزال الحنة فيدي ( هزات يديها المنقوشين وراتهم ليهم ) ونصبن بغيتي الحنة طير ليا وانا مزال ماشبعت منها .. عطيتهم للوفاء سيفطاتهم يتصبنو .. مجاوبهاش توجه للكوزينة بقا مدة ورجع هاز فيدو جوج طباسل فيهم الديسير حط واحد ݣدامها او واحد ليه ݣلس مجبد بظهرو ..
عنبر ( هزات داك طبسيل وشافت فيه برزانة وصوت انثوي) سمحليا الى عايرتك قبيلات ولكن راه صدمتيني حيت كتعرف وحدة بحال هاديك ماضنيتهاش فيك ( شافيها مكمش عينيه ) وبلاما تشوفيا .. راه سيدة من صحابات الحال نهاىدر اول مرة نغني دخلات عليا البيت كتلمس فشعري مريضة هاديك ..
الروطال ( ببرود ) كتعرفها الواليدة مكنعرفهاش انا مسالي قبي نشري معرفة مع العيالات ..
عنبر ( كتاكل ) أصلا هاديك محسوبة عليكم منين كطمع فالعيالات .. المهم انا طلبت منك انت سماحة ولكن داكشي لي درت ليها والله ماندمت عليه ..
الروطال ( بتهديد ) نسمع مك كتخسري الهضرة نݣطع ليك داك لسان من جدر
عنبر : وصافي ماتبقاش تحكر راه ماحسيتش كنت معصبة
الروطال ( بصرامة ) شدي راسك كون خسرتي ليها وجها ولا ديك الفرشيطة دخلات فعينها عميتيها فين انوليو .. تدعيك تجيب عليك الحق
عنبر : ايخلعني الحبس نقولها للقاضي فوجهو بلي طمعات فيا .. ولا نݣوليها كتحرش براجلي والواحد كيموت على ولادو وبلادو نتفتها ساهلة انت كتبغي تصعبها افاروق وصافي والله ..
الروطال ( حك حاجبو ) متعاودش اعنبر متعاودش مغانعاودهاش معاك الله يرضي عليك .. خارجة عريانة كيشوفيك السيد واش انت مريضة ولا مال أصلك ..
عنبر : راه ماحسيتش وصافي واش انا حسيت راه صليت طلبت ربي يسمح ليا حيت خرجت بلا زيف ولكن راه مندمتش حيت شتفت عليها ..
الروطال : وزيري معايا ابنادم زيري (شاف فتلفازة ) ديري لينا فاش نتفرجو ( محاول يبدل الموضوع باش ماينوضوهاش سباط )
عنبر ( بحماس ) صبر .. دورات ليوتيوب كتكتب فسمية حتى عطاتها القناة .. كليكات على أول ڤيظيو .. بانت بنت شعرها طويل كحل والإبتسامة على وجها كتردد " هاي مرحبا بالهبيزات والهبيزين ديالي مرحبا بيكم ففيديو جديدة الضحية ديال اليوم سميتها ..
الروطال ( كيناظرها بعينيه بشك وكيرجع يشوف فتلفازة ) شناهو هذا ؟
عنبر : هادي واحد السيدة كتعاود على الجرائم سميتها صفاء واعرة أفاروق والله العظيم ( كيشوفيها كتدوي بكل عفوية ) عرفتي افاروق اوروبا الاغلبية دالجرائم لي كيوقعو كاتكون المرة هي لي كتقت**ل راجلها كتكون طامعة فالفلوس لي حاط ضمانة على حياتو سمع سمع وشي افكار مايجيوكش للبال .. ( سونا التليفون ) هزو الروطال شاف فشاشة حط الطبسيل وناض من حداها خارج دور راسو كانت كتفرج مركزة وكتاكول وتحرك رجليها يمين وشمال .. حل الباب ورضو مخليه مبسم و فتح الخط ناطق :
أش تم ؟
يتبع...
مكنتش متوقعة فرح هي نفسها لي كيعرف الروطال 😯