محتوى القصة
راكبة معاه فطوموبيل ضايرة على جنبها وكتشوفيه شادة فيدو ومبسمة .. ماكرهاتش تشدو ديرو فشي خبزة وتاكلو
الروطال ( شافيها بنص عين مبسم مبين على سنيناتو وضحكتو لي كتعشقها ) واش دابا انا فينما بغيت نمشي لشي قنت نديك ولا كيفاش بلانك ؟
عنبر ( تبسمات كتشوف فيه ببراءة ) أه وأصلا دابا غاظة نشوف محالي ( صغرات عينيها ) جيتيني بحال الى ضعافيتي لا ؟
الروطال ( عينيه مع الطريق ) أنتي حشيتي ليا ركابي ومابغيتينيش نضعاف على ودك خاصني نولي نضرب لحم العود
عنبر ( كضحك ) ياودي ياودي على الطاقة هذا هو نحرت بيك الليل ونهار ومنعياش
الروطال : ماعييناش احبيبي الحمد لله مزال سوفل نضربيك 500 كيلوميتر ونرجع متخميش ( شافيها كانت كتشوفيه مبسمة إبتسامة إستفزاز ) بغيتي تجربي دابا نيت
عنبر : اويلي من نيتك اكنضحك معاك أكوينيدي ديالي ( قرصاتو من حنكو ) .. كملو الطريق حتى وصلو للمحال بلاصة ونزلو بزوج شاد ليها فيدها فتح الباب ديال الزاج ودخلو طلقات من يدو فاتحة فمها فجمالية المحال كيما تخايلاتو وعطاتو ديكور طبقو وحسن بألف مرة كدور فراسها وفعينيها كتمس فكل قنت الڤيترينات السمية لي ختارت ROTAMBER COFFEE اسم جامع بين سميتها ولقب فاروق كان هدا هو الاختيار ديالها
الروطال : كيف جاك ؟
عنبر : كيحمق ميفما تخايلتو عرفتي متحمسة والله ( شافت فيه بكل حب توجهات لعندو واخدة وجهو بين يديها طابعة قبلة على شفايفو بقوة ) كنموت عليك أنا ( بالغوات ) وكنبغيييييك
الروطال ( كيضحك ) مجنونتي ايمتا بغيتي ديري الإفتتاح ؟
عنبر : دابا مابقا والو للعرس عماد نهليوه حتى يدوز إن شاء الله ونديرو الإفتتاح
الروطال : عرس عماد وعرس راشد نسيتيه تي راه زاهية عراسات وبحال والو خوك جاي فطريق
عنبر ( كضحك ) اللهم أدمها نعمة وحفظها من الزوال
الروطال : البلان هو عماد ماباغيش عرس باغي يدير طلبة ݣالك ويرولي هو ومرتو لشي قنت وبا ماباغيش هاد البلان
عنبر : ومايمكنش يبزز عليه كيما مابززش على عصام حتى عماد راه من حقو .. باغي يمشي هو ومىتو ويسافرو مابغيينش العرس وصداع الراس وأصلا عماد ماعندوش مع داك الهيت
الروطال : باش عرفتيها أنتي ؟
عنبر : عرفتها راه سمعتو فاش كنا تزوجنا وقالو طارق العقبة ليك قالو ماعنديش مع صداع الراس ، الطلبة والله يجعل البركة
الروطال : كل يدير لي عجبو يلاه أزين نوصلك ونود الخدمة ( داها للمحال ديال مها وهو توجه للخدمتو ) ..
طارق ( كيحاول يكالمي راسو ) حياة حياة الله يرضي عليك دويت معاك بالخاطر مسحي داك ستوري
حياة ( ببرود ) وحتى أنا قلت ليك مامنحقكش تقوليا شنو نمسح وشنو نخلي ، واش انت خطيبي لا واش انت راجلي لا واش داوي فيا لا أنت غير خو بنت خالتي اتقولي عنبر ماشي بنت خالتك انقولك خالتي تودة خالتي وعنبر ختي ويلاه اطارق عفاك خلينا نكملو الخريجة نشوفك من بعد ( قطعات عليه )
دنيا ( طرطقات بضحك ) انتي راه مايمكنش ههه خليه مزيان فيه ولكن أجي بعدا نسولك هادشي لي كديري فيه زعمة وليتي كتبغي خويا ؟
حياة ( مستغلة الفرصة ديال ليالي وياسمين لي دخلو واخا كانت قريبة منهم كاملين او واخا ليالي ختها وكيتعاودو فكولشي ولكن دنيا كدوي معاها بأريحية وتعاود ليها كولشي ) الصراحة ماعرفتش كنحس بشيحاجة فشكل والله واخا وقع لي وقع بقا واقف معايا فهاد 3 شهور لي دازت مامرة مازوج داني للعند طبيب ( تفكرات فاش كان كيوصلها للطبيب وكيفاش كتنزل وكتلقاه واقف كيتسناها ) وقضية هو لي دفع ليا للباك عمرني نساها والله شي حوايج فشكل والخريجة لي خرجنا اخر مرة عمرني نساها والله ..
دنيا ( تنهدات تنهيدة طويلة ) طارق والله مكاين بحالو مكنقولكش هكا حيت خويا ولكن راه بصح حنين مكاينش بحالو .. هز دقة ديال ماما من صغر حيت هو الكبير فينا نهار مشات كان عاقل مزيان على داك نهار ومع ذلك عمرو كرهها واخا حنا عمرنا مشينا عندها هو لا كان كيزطم على راسو وكيمشي يشوفها واخا عارفها بلي بغات غير تستغلو ..
حياة ( هزات براسها ) نهار لي جا فيه با لعندي هو لي وقف معايا كان باغي يخرجني من ديك الحالة لي أنا فيها
دنيا ( حطات يدها على كتفها ) شتي منين دار معاك هكا راه بصح كيبغيك
ياسمين ( طلات عليهم ) واش غانباتو هنا دخلو خلاص ..
~~~~~~~~~~~~
فالكوزينة واقفة لابسة سروال ديال القطن فالأحمر مع الفوقي ديالو شعرها جامعاه الفوق كتقاد فالغدا .. حسات بيديه على كرشها ونيفو لي خشاه فعنقها كيشمشم فيها وكيبوس فكل إنش فعنقها
أريناس ( ضحكات ) وعصام وعصام
عصام ( كيقبل فيها ) عينين عصام زين دعصام شنو الحب شنو
أريناس : سير دوش باش نتغداو خاصك تجيب عمران
عصام : عمران غايجي راجل مو يديه باش يشوف ختو ماماه ولدات ازين ديالي ( دورها عندو ) هاد نهار انا وياك الراس فراس أزين الغالي
أريناس ( تبسمات متنهدة حاطة يديها ورا راسو مكتشبعش مو ومن معاملتو ليها ) هي اتخرجني
عصام ( دايب فعينيها وتفاصيلها ) نخرج الكبيدة فين بغيتي تمشي ؟
أريناس : شي بلاصة تكون زوينة
عصام : مكاينش شي بلاصة زين منك الحب ، واخا الالة نديك فينما بغيتي خلي هاد الغدا ( طفا البوطة ) باغيك ضروري الكبدة ( هزها بين يديه كتلعب برجليها وكضحك )
أريناس : واش أنت مكتشبعش
عصام : واش كاين لي كيشبع من العسل الحر تي حمقة ولا مالك ( دخلها للبيت النعاس ساد الباب برجلو حطها فوق نموسية نازل بتقلو عليها ، بدا السونيت ديال الباب حبس لي كان غايبداه مغوبش ) شكون هاد الحمار لي جاي فهاد الوقت
أريناس : سير شوف
عصام : خليه تم حتى يمشي ( رجع الباب سونا مامرة مازوج ) مش طبة كحلة هادي تفو ( مشا حفيان حل الباب خارج وكيزبل فتح باب الدار كان اونفاص قدام طارق ) أش تم اش تم اعباد الله أش تم ( مغزف )
طارق ( دخل شاعل ) حياة اتجهلني أصاحبي المرض برب العالي داك شوية ديال العقل لي بقا عندي اطيرو لملتي
عصام : مالها ياك تفارقتو شحال هذا
طارق ( خنزر فيه ) تفارقنا ***** لي تفارقنا شتي ديك درية من نهار حطيتها هنا ( أشر لراسو ) ماعندي عليها فراق ودابا كاع والله لا تفاك مني
عصام ( هز حاجب ونزل الثاني ) بضاض دخل ليك مع العظام ومنين اخويا هذا كامل حب فيك لاش جاي فارع ليا مخي مكتعرف لي كيعيش الحياة ماعرفتي لي كيلبي نداء
طارق : وحس بيا انت بعدا راه كاينة حداك أش نݣول انا لهاد المعزة لي مخرجاها مني ݣلنا ليها مسحي ستوري ݣاتلك اش بيني وبينك
عصام : عندها الصح مالك كاتب عليها بزنطيط مغرف ولا بقزيبة الفار تا مالك اخويا مريض وجاي باغي تمرضني ، سير دي كارطونة دسكر وخطب وضرب الكاغط وعيش أمونعيش وخليني نعيش هالعار
طارق ( بقا كيخمم عاض على شفتو ) حتى هذا بلان تهلا ( ضرب على كتفو وخرج )
~~~~~~~~~~~~~~~
فرانة قدام القهوة ديال باه وعمو نزل من طوموبيلتو قطع الشانطي ودخل كيقلب بعينيه كيبان ليه باه وعمو ݣالسين
طارق ( جر الكرسي ) السلام عليكم
أدريس : وعليكم السلام ( شاف فخوه ورجع شاف فيه ) أش لاحك علينا جاي بحال الرعدة ياك لاباس ؟
طارق ( شاف فباه وفعمو ) شوفو ليا شي حل انا هزيت يدي صافي ماشي غير انتوما بزوج تجمعتو مع لي بغا ݣلبكم وانا نبقى بحال ليتيم وبراكة صافي
أدريس ( جاتو الضحكة ) بضاض كيرشي العظم
طارق : وكيهلكو ماشي غير كيرشيه ديك نص بااصة خرجات ليا من جنب نجي ندوي معاه كتݣولك شكون انت وشكون تكون بقات غير تغنيها ليا بحال كمال العبدي ( شاف فباه ) الواليد اتخطبها ليا اليوم قبل غدا اندير ضريب الصداق وكولشي
عبد الخالق : وهي باغياك بعدا ؟ نسيتو هبل تربح لي درتو ياك كل واحد صد لطريق
طارق : كان يا مكان انا تعلمت وهي تعلمات الواليد ( بصوت مرتافع حتى كولشي ضار عندو) كنبغي ديك درية وغاتكون ديالي وبرب العالي لا خليتها لشي حد الى ماديتها انا لا حلمات بشي قمقوم خور يديها
عبد الخالق : الرجوع لله ( كيدور فعينيه فناس ) شوهتينا كولشي كيسمع
طارق : لي بغا يسمع شغلو هداك ماشغليش دير ليا حل ياك ساكنة عندك سوني ليها دابا ترجع لدار ندوز نجيب شكلاط والورد وغدا نشريو الخواتم وندفعو للوراق يخرجو نديرو ضريب الصداق
عبد الخالق : سلاولي اولدي واشريف تافين غادي مالك على هاد الزربة
طارق (بجدية ) الواليد اتدوي معاها دابا وݣودامي ( كيأشر ليه لتيليفون ) يلاه الله يرضي عليك تدي رضاة ولدك وقفت معاك وقف معايا ولا وديني وما أعبد حتى نحرش عليك خالتي فاطنة ختار
عبد الخالق ( بإستسلام ) واخا ( هز التيليفون دوز نمرتها ) ألو حياة .. الحمد لله أبنتي الله يرضي عليك .. لالا بغيت انݣولك ترجعي بكري شوية لدار باغي ندوي معاك ( شاف فساعتو ) ديك 6 مزيان صافي الله يرضي عليك ( قطع وشافيه ) تهنيتي ؟
طارق ( وقف ) العز ( باس ليه راسو ) ومتعطلوش انا انمشي نتقدا شي لعيبات ( طبطب على ظهرو وخرج فرحان من عندو ) ..
خرجات هي وياهم من المحال بقاو واقفين ب 3 بيهم من غير سميرة لي بقات الداخل
رشيدة ( بتساؤل ) واش کلتي أش بان لك تسجلي معايا أصاحبتي نعرفو نقراو القرآن بعدا ونشدو نوامر ونعرفو فين نمشيو ونجيو اويلي
عنبر : ماما سيري خالتي عندها الصح توانسو مع بعضياتكم ومنها ديري شيحاجة تنفعك
تودة : صافي واخا ( جبدات بزطامها عطاتها لاكارت ) هاكي سجليني معاك
رشيدة ( شدات من عندها لاكارت ) حياة واش مناوياش ترجع لدار طولات أخويتي
تودة : وبراكة يلاه تكفاي مع دوك جوج ، خلي درية دابا تابعاها القرايا وعاد الخدمة قريبة ليها ومونساني انتوما راه موانسين تي وسميرة ودراري ، يلاه هاحنا مشينا ( قاطعهم صوت سونيت ديال تيليفون تودة كانت نمرة عبد الخالق فتحات الخط ) ألو عبد الخالق الحمد لله .. اياااه ( شافت فرشيدة ) ياه كاينة معايا حتى هي .. واخا واش دابا نيت وصافي نشدو طاكسي وغانجيو واخا الله يهنيك ( قطعات ) عبد الخالق بغانا نجيو لدار وحتى انتي أرشيدة ( شافت فيها )
رشيدة : الله يسمعنا خبار الخير
عنبر : ويلاه الجو مغيم دروك تصب شتا .. ، خلاو سميرة بوحدها فالمحال وهوما شدو الطاكسي للدار ..
~~~~~~~~~~~~~~
من ورا ماوصلوها للدار دخلات حطات داكشي لي تقدات ، دخلات للبيت بدلات عليها .. دخلات للعند دراري للصالةن لقاتهم كيحفظو
ليالي : فيكم الجوع ؟
عمران : خلات لينا ماما سوندويتش كليناه ولكن دابا فينا الجوع
ليالي : انا نوجد ليكم لليپاط لي كتعجبكم .. دخلات للكوزينة كتوجد ليهم مياكلو بدا تيليفونها كيسوني كانت نمرتو تنهدات حيت توحشاتو فتحات الخط ) ألو
راشد : حبيبي الغالي لاباس عليك ؟
ليالي ( بعياء ) الحمد لله وأنت كيبقات ختك ؟
راشد : شوية ولكن مزال ماخرجات من الكلينيك هادشي باش سونيت عليك
ليالي : هي مغاتجيش هاد السيمانة ؟
راشد : لا مغانقدش نخليها سمحيليا بزاف ، كنت باغي نجي ولكن هانتي كتشوفي
ليالي ( بقا فيها الحال ) واخا أراشد ماعليش المهم نخليك دابا خاص نوجد لدراري مياكلو ( قطعات ليه على وجهو ) 4 شهور هادي وحنا كل مرة تخرج لينا حاجة من جنب مرة الخدمة مرة سفر دابا الولادة مافهمتش انا هاد الزهر الزين لي ماعنديش ݣاع ( جاتها البكية ) .. كملات توجاد حتى سونا الباب تنهدات طافية على لاصوص مسحات يديها ونزلات مع دروج حيدات زكروم وفتحات الباب
ليالي ( واقفة مصدومة كترمش وهي كتشوفيه ماعرفات تفرح ولا تغوت ولا تنقز ) لا واش كضحك عليا ( كضحك وتجمعها )
راشد : وليتي كتقطعي عليا التيليفون ياك ؟ دابا منين نبداك أممم ؟ مغاتعنقينيش ؟
ليالي ( بلاما تحس عنقاتو هازها بين يديه ) والله مامتيقة
راشد : توحشتك بزاف
ليالي ( طلقات منو كتشوف فجنابها جراتو دخل ) ندخلو على الناس ايمتا جيتي ؟
راشد : غير واحد ساعة هادي ديت البكاج للدار وجيت عندك نيشان ( كيأشر بعينيه ) فيا جوع مندوقوش طيابك ؟
ليالي : لا كاينين دراري ودار مكاين حتى واحد وأنت خاصك تمشي ( تبسمات )
راشد : كتجري عليا وأنا موحشك
ليالي : أه كنجري عليك باش تعلم تفلا عليا يلاه سير حشومة وجيران راك عارف
راشد ( بتهديد ) مابقا ليك والو أزين ونكون انا وياك راس فراس ( على غفلة خطف بوسة من شفايفها حل الباب ومشا مبسم مخليها غارقة فحوايجها بالحشمة ..
شارجة طوموبيل ماخلا نوع ديال الشكلاط ماخداه ماخلا بوكي دالورد مجابو .. حتى من لاطارط لي عرف كتعجبها من الخرجة لي خرجو ولي كانت ديال الحامض جابها حتى هي .. وحتى من السكر جاب زوج كراطن حمل وجمل داز لدارو بدل عليه لبس سروال كحل وتريكو فالقهوي طالع فالكول رش من پارفان ديالو ورجع ركب فطوموبيلتو مديماري لدار باه ..
ففدار عبد الخالق كولشي تجمع كانو مشوشين من جهة عبد الخالق لي جمعهم .. ݣلسو جميع فصالون شي كيشوف فشي
الروطال ( داخل من الباب عاݣد غوباشتو ) أش تم ياك شي باس مكاين ( ݣلس حدا عنبر )
عبد الخالق ( مكالميه بيدو ) كل خير أولدي كل خير ( همس لأدريس ) شفتي مول الحريرة اش دار هاهوما تجمعو وهو علم الله فين هو
طارق ( من عند الباب هاز الورد والشكلاط فيدو والعساس هاز معاه داكشي لي جايب ) سلام عليكم متعطلتش عليكم ( حط داكشي وݣلس )
عنبر ( كتشوف فداكشي لي جايب ) خويا واش غادي تخطب ؟ ماعلمتوناش نلبسو اقفاطنا ( شافت فروطال ) هادو مالهم انا راسي بدا يزند عليا
الروطال : راه ݣلنا ليك سي مجمر حامي شعل فيهم
عنبر : من نهار تزوجتي وهوما تابعينك بحال سربيس ديال طباسل ، انت لي كنتي مدرݣ عليهم
عبد الخالق : سمحوليا جمعتكم ولكن هاهو السبب ( شاف فرشيدة ) لالة رشيدة جبتك لهنا باش نݣوليك بلي طارق باغي حياة على سنة الله ورسوله
عنبر : اويلي عاوتاني واش كتلعبو حابة ؟
تودة : سكتي أنتي
عنبر : كيفاش سكتي وهوما أصلا مكايتفاهموش عقلتي اخر مرة شنو وقع ؟
طارق : كنشك فيك واش عدوتي
عنبر : ماشي هكاك انت راه خويا حبيبي ( شافيها الروطال شافت فيه ) ماشي وقتها الله يرحم باك ( رجعات شافت فطارق ) وهي ختي ولكن انتوما مكتفاهموش
عبد الخالق : ونسولوها هي بعدا نشوفو شنو غادي تݣول ( شاف فحياة لي كتشوف وساكتة ) أش بان ليك أبنتي ؟
حياة ( وقفات ) واخا ندويو شوية ( موجهة كلامها لطارق )
رشيدة : هاهوما دابا يدابزو ثاني ( شدات على راسها خرجات حياة وتبعها طارق وقفو بعيد .. عنبر ودنيا وياسمين كلهم ناضو قدام سراجم كيطلو مراقبينهم )
حياة ( وقفات مقابلة معاه ݣلسات بشوية دارت رجل على رجل وجمعات يديها ببرود وبكل لباقة نطقات ) شنو هادشي درتي أطارق ؟ زعمة أنت عمرك تعلم ياك ؟
طارق : بحالاش زعمة جيني نيشان حيت هاد تلاويك فالهضرة ماعنديش معاه
حياة : واش هكا كيطلبو الناس لزواج ؟ ماموجدين جايبنا من زنقة مخلوعين كنݣولو علم الله أشنو ولقع سلام عليكم جاي نخطب واش انت بعقلك ؟
طارق ( ببرود ماحي الابتسامة من على وجهو ) بحالاش واش دابا لي كيبغي الحلال وكيقصد باب الوحدة ولا ماعندوش العقل خاصو يرولي بيها الزناقي ياك .. يبوس ويعنق ويمس حتى يشبع هادشي لي بغيتي ؟
حياة : هاعلاش كنقولك مكتفهمنيش ، قلت ليك تشاور قولها ليا أنا داكر معايا
طارق : واش خليتي فيها مداكرة ياك ݣلت لك تجي ندويو سادة التيليفون فوجهي وداك ستوري لي بلعاني مخلياه حكاني أحياة انا صافي عييت وكبرت على هاد تخربيق الخاوي أبنت الناس ..
حياة ( وقفات ضاربة بشعرها واقفة قبالتو كتشوف فعينيه كيفاش كيشوفيها كيفاش معصب وقفات قريبة ليه ضاربة فيها ريحتو ) كتبغيني ؟
طارق ( بلع ريقو ملاحظة عظمة أدم لي كطلع وتهبط تنهد تنهيدة طويلة كيشوف فعينيها شفايفها تفاصيلها خرج نفس سخون من فمو بصوتو الجوهري الرجولي التقيل نطق وهو كيشوف فعينيها مامحركش البؤبؤ ديالهم ) واش كون ما البغو ديالك هالكني ومرشيني كنت غانجي نخطبك بحال الى كنخطف البلايص ؟
حياة ( قهقهات بأنوثة حتى دمعو عينيها ) ومالك ماقلتيهاش ليا ومالك على هاد الدخلة ؟
طارق ( بجدية ) حياة انا هوكا داير عندي نيشان منݣدش نتبدل
حياة ( تنهدات ) وانا كنبغيك كيما أنت ومابغيتكش تبدل
طارق : وهادشي لي ( سكت كيحاول يستوعب شنو ݣالت ) عاوديها الله يرحم باك كيفاش لا بلاتي دوي عاودي اش ݣلتي
حياة : لي فاتو الهدرة يقول سمعت
طارق ( جرها من يدها ) وديني وما أعبد حتى تعاودي ، تي واش ديما كتخرجيها راه اول مرة رحمي هاد عبد ربه عاوديها
حياة ( شافت فيه بكل حب كتشوف فمميزاتو الرجولية ) انا مابغيتكش تبدل بغيتك تبقى هكا حيت انا كنبغيك هكا وبغيتك هكا ولكن زواج عندي شروط
طارق : تي أش عندك من شروط من بعد هاد الهضور والله مامفارق معاك ( جرها راجع بيها للدار )
حياة ( كضحك ) وخليني ندوي
طارق : حتى لداخل ودوي ( رجعو لعندهم البنات شافوهم تقادو فالوقفة كيتسناو ويشوفو بعينيهم )
حياة : انا موافقة ولكن بشروط وقدامكم كاملين
طارق : قرايتك تكمليها الخدمة لا انا قاد بيك بغيتي ديري شيحاجة من دار منݣولكش لا
حياة : وحتى انا ماقلتش لا شروطي دير ليا عرس وتجيب ليا نسيم حداد ( طلقات من يدو وݣلسات ) قدام عمي وقدامهم
طارق : ماعنديش ݣرام دالمشكيل حتى انا باغي زرود وعرسي يضرب 7 يام فسوق الأربعا كاينة شي حاجة أخرى ؟
حياة ( شافت فيهم ) نقراو الفاتحة وقيلة
روطال ( قرب يهرب ليه مع هاد زوج ) قراو الفاتحة وكان قبل لا يسيفطونا لبويا عومار كون اكان محلول ..
عبد الخالق ( هزهز براسو بلاحولة ) نقراو الفاتحة أزلدي نقراوها
خرجات من الطوموبيل ديالها لي بلاصاتها قدام القهوة .. دخلات كتقلب بعينيها بان ليها واقف عكازو حداه ومقابل مع البحر حتى وقفات عليه
دنيا : سلام ( شافيها نزلات سلمات عليه بالوجه ) لاباس عليك ؟
عز الدين : الحمد لله وأنتي ؟ وقيلة بلاما تجاوبي كتباني ليا بيخير
دنيا ( والفرحة باينة على وجها ) أه والله المود عندي طالع ( قدات شعرها) انفتح كيوسك ( بإبتسامة )
عز الدين ( تبسم مهزهز براسو مصغر فيها عينيه ) مزيان الالة ايمتا هادشي ؟
دنيا : وغير هاد الصباح أصاحبي راه أنت أول واحد نقولها ليك قبل كاع من طارق ودار
عز الدين ( كان بارد فتعاملو ) علاش زعمة أنا الأول ؟
دنيا ( كتشوفيه بإستفهام ) أش هاد السؤال من نيتك وحيت حنا صحاب قراب من بعضياتنا عشران واش دوزنا قليل فهاد الشهور لي فاتت
عز الدين ( تنهد ) بصح مادوزناش قليل وقفتي معايا وقفة عمري نساها ليك
دنيا ( بلعات ريقها ماسحة الإبتسامة من وجها ) مالك واقع شيحاجة ؟ ( قاطعهم السرباي لي حط ليهم الموني وخلاهم )
عز الدين : نفطرو بعدا شوفي شنو بغيتي ( نزل عنيه كيشوف وهي مراقباه من تحت عينيها مافهماتش مالو فهاد الصباح جا سرباي ) انا بغيت براد ديال أتاي البيض بالخليع والخبز دشعير
دنيا ( شافت فيه ) انا بغيت قهوة وبتي بان طوست مع الكونفيتير ( هزهز ليهم براسهم ومشا ) مغاتݣولش ليا شنو واقع ؟
عز الدين ( رجع بظهرو اللور ) ايمتا عرس عماد ؟
دنيا : فهاد لاسومين ولكن هو راه مداير عرس ، غتنديو الدهاز لدار العروسة تما غاتكون القاعة الرجال بوحدهم والعيالات بوحدهم فعائلتها ممنوع الإختلاط
عز الدين ( هز براسو بارم شفايفو ) مزيان أحسن ماعندو مايدير بالهراج وصداع الراس ( شاف جهة البحر ورجع شافيها ) الكيوسك ايكون نيت حدا البلاصة القديمة ؟
دنيا ( هزات براسها ) أه تم نيت باش مايمشيوش ليا الكليان انشوف شي بنت لي تعاوني دابا ايتزاد عليا الضغط ، أنت ايمتا اتزول الحديد شفتي طبيب لبارح مابغيتيش تخليني نمشي معاك
عز الدين : مكاين لاش مشيت راسي مالي دري صغير ( جاب ليهم السرباي الفطور بداو كيفطرو )
دنيا ( شافت فيه ) ماقلتيش ليا شنو قاليك الطبيب على ود الحديد ؟
عز الدين : مزال واحد 6 شهور هكاك هاد نݣد نحيدو ، ماعنديش مشكيل اصلا الراس عامر دابا مزال تابعيني حوايج خرين
دنيا : بحالاش ؟
عز الدين ( بلع اللقمة لي فمو ) غانرجع للفرنسا ( هزات راسها فيه الصدمة بانت على ملامح وجها حبسات من الماكلة مصغرة عينيها مغوبشة )
دنيا ( بلعات ريقها ) واش كدوي بصح ؟
عز الدين ( بنفس الملامح ) علاش بنت ليك كنضحك ، راه طولت هنا مالف كنضرب شهر شهرين نشوف القهوة كيغاديا والمحال واش غادي مزيان وكنرجع
دنيا : أشمن محال ؟
عز الدين : بيم كاين فالمعاريف كنجي ونشوف الأمور ونزيد خلفة مع الطريق اهاد الكسيدة لي شداتنا ( ضحك )
دنيا ( تنفسات بعمق ) أه دابا الكسيدة لي شداتك وأنا ؟
عز الدين ( كيضحك ) مالك انتي الهبيلة تيليفون راه بيناتنا
دنيا : وإيمتا اترجع لهنا ؟
عز الدين : والله ماعرفت يݣد العام جاي ( برم شفايفو ) على حساب حتى طارق راه كاعي حيت مغانحصرش للعرسو ولكن خاصني نكون تم على ود واحد الكافي باغي نديرها انا والخوادري
دنيا ( تبسمات ) أه مزيان داكشي باش معيط عليا لهنا ياك ؟ باش تسيفط معايا وأنا جايا فرحانة كنعاود ليك اهاه وإيمتا غادي ؟
عز الدين : الطيارة عندي هاد الليلة مع 8
دنيا ( عضات على شفتها بالعة ريقها كتحس بحلقها كيضرها ) مزيان طريق السلامة ( تبسمات واقفة ) الله يديك على خير تهلا فراسك ( هزات ساكها )
عز الدين : فين غادية ؟
دنيا : بحالي عند بالي حنا بصح صحاب ولينا عشران وقراب لبعضياتنا كيبان ليا انا بوحدي لي كنت كنفكر هكا وكنحس هكا ( غرغرو عينيها بدموع ) خليت ليك الراحة ( ضربات فطبلة حتى تزعزع الما من الكاس وخرجات من القهوة ودموع مغطيين عينيها ..
معنقة المخدة ديالها ودموعها نازلين كتمشي وتجي بظهرها مربعة كتشهق بالبكا
حياة ( كدوز ليها على ظهرها ) بغيت انعرف مالك على هاد الحالة كاملة ، وهو راه ايرجع مالو ايبقى حياتو كاملة
دنيا ( كتمسح فدموعها ) بقا فيا الحال بحال الى انا مكايناش ماعبرنيش ماعلمنيش أحياة ، السيد مرتاح مخاصو خير وانا جايا عندو فرحانة انا لي حمارة
حياة : وصافي راه غادي لخدمتو ماشي غادي يدور أصاحبتي
دنيا : مغاديش تحسي بيا ( كتدوي بإنفعال ودموعها نازلين ) انبدل نمرتي والله لا قفل عليا مزال يعطيني ابتيساع ( شافت فساعة كانت 9 تفكرات انو دابا ايكون فطيارة عمرو عينيها بدموع وطرطقات بالبكا كتشهق )
حياة ( جراتها وعنقاتها ) صافي متبكيش أختي والله ماحملت نشوفك بحال هكا
دنيا ( كتدوي وتشهق ) والله لا دويتو الكيدار انا لي حنارة تابعاه وكنسمح فخدمتي ونخرجو انا
حياة ( بقات كتسمع ليها حتى فرغات لي فقلبها تنهدات تنهيدة طويلة وشدات ليها فيديها ) دنيا نسولك ومتقلقيش مني ( شافت فيها دنيا كتحاول تهدن هزات ليها براسها ) واش كتحسي بشيحاجة من جيهة عز الدين ؟
دنيا ( سكتات كتخمم ) مكنحس بوالو علاش ؟
حياة : حيت هاد الحالة لي انتي فيها راه ماشي ديال وحدة عشيرها مشا سافر ، ديال شي وحدة مقاداش تخيل راسها بلا داك الواحد ومقاداش تسرط ليها وبلاما دوري فيا .. حالتك حالت وحدة كتبغي واحد وماقداتش تقبل بلي ماتشاور معاها حيت كون كنتي كتحسبيه أعشيرك وصديق ديالك اتجيك عادي ايبقى فيك الحال ولكن ماشي لهاد درجة ..
دنيا ( شمرات على نيفها ) اشمن تخربيق ( ناضت من بلاصتها ) مزال كاعما صليت العشا اندخل نتوضى ( خلاتها فالبيت ودخلات للحمام سدات عليها حطات يديها على لاڤابو وشافت فالبرايا ساهية سيناريو ديال يامها معاه داز من قدام عينيها الشيء لي خلاها طرطق بالبكا فصمت ݣالسة فالقنت دالحمام معنقة رجليها وكتبكي ) ..
~~~~~~~~~~~~~~~
فدار والديها مشتها كتلعب ودور فدار وهي ݣالسة لابسة بيجامة سخونة كتستف مع تودة وسعاد فدهاز فطيافر كل حاجة فبلاصتها ..
تودة ( شافت فماشا المشة ديال عنبر ) وديك الخانزة داك الفوتوي روكشتيه
عنبر : خلي عليك بنتي ( شافت فيها ) لعبي أكبيدتي لعبي بنتي الفنة
سعاد : لاش بدلتي ليها سميتها ؟
عنبر : لولة جاتني معنكشة هادي ساهلة ماهلة ( شافت فمها ) خاصني نشوف البنات لي يخدمو فالمحال دراري ايتكلف فاروق
سعاد : نزلي شي إعلان وختاري شي بنات لي يكونو بصح محتاجات ولي يكونو قادات بخدمتهم فهمتي ماشي دوك زويزويات لي تشد جماعة والحتيت الخاوي وتخلي خدمتها
عنبر : داكشي لي بغيت ندير ( هزات كاس دالما وڤيتامين ديالها شرباتو ) بغيت احتى يفوت هادشي دعماد وراه راه جاي عرس حياة الوقت مشارجي
تودة : هاد المحال ديالك مسكين ماعرفت ايمتا أيكتاب ليه ، وعاد ليالي نسيتيها ؟
عنبر ( كتقاد فبلاطو النوݣا ) الله أكبر وشحال قدني نعقل راه كترو تبارك الله
سعاد : الله يزيد فالأفراح ياربي ( وقفات ) أنجيب ديك سامسونيط حتى هي نديرو ليها هاد لاصو
عنبر : اه ضروري هي وختها ، مشات تجيبها بدا كيسوني التيليفون ديال الدار جات نعيمة هزات تيليفون جاوبات .. جات لعندهم هازة تيليفون
نعيمة : عنبر شي واحد بغاك
عنبر ( غوبشات حيت الروطال الى بغاها ايسوني فتيليفونها ) شكون ؟
نعيمة : ماعرفتش شي حد ݣال سميتو بدر ..
عنبر شافت فيهم مغوبشة بإستغراب رمشات او وقفات حتى حبساتها تودة بيديها
تودة ( بصرامة ) ݣلسي الأرض انا لي غاندوي معاه ، لاش معيط ليك راك مرت راجل ( توجهات للتيليفون وجاوبات ) ألو لا مها هادي اشنو بغيتي أش كاين مزال ماعييتيش ماباغيش تزما ( بقات كتسمع لكلامو شافت فعنبر لي كتشوفيها ) سمع سمع انݣوليك جوج كلمات .. الله يشافيك ويعافيك حنا ماشي ݣلبنا كحل نتمناو ضر للواحد الله يشافي كل واحد الى تبدلتي تبدلتي راسك ( سكتات كتسمع لكلامو تنهدات ) اولدي البنت براجلها وباش عرفتيها أصلا كاينة هنا ومكايناش فدارها ؟
بدر : لݣيت اهاد النمرة هادشي باش سونيت انا بغيتها اتسمح ليا بغيت انرتاح
تودة ( تنهدات ) بقا معايا ( شافت فعنبر مبعدة تيليفون ) باغي يطلب منك السماحة على كاع لي وقع
عنبر ( تمشات لجهتها وشدات تيليفون من عندها ) وي ألو
بدر : عنبر عنبر سمحيليا الله يرحم الوالدين سمحيليا باغي انرتاح
عنبر ( ببرود) المسامحة ابدر الله يسامح غير الله يرحم الوالدين فوتني وفوت عليك هاد النمرة ( قطعات )
سعاد : حتى لدابا عاد باغي يطلب السماحة الله يمسخو
عنبر ( ݣلسات ) متݣولو والو لشي واحد فاروق يسيق الخبار يݣلس يعرعر علينا .. قاطعهم دخول حياة وراها طارق ، داخلة بحال الرعدة معصبة وهو وراها مغوبش
سعاد : مالكم نتوما ياك لاباس ؟
حياة ( أشرات بصباعها ) شوفيه هو مالو انا ماماليش العصاب ( شافت فيه ) هادشي علاش كنتعصب وكندابزو حيت انت مكتفهمنيش
طارق ( شافيهم ) اعباد الله حكمو بالحق واش انا نبقى صابر الدورة كاملة حتى سيدة تكمل إمتحان مريضة انتي فمخك لا
عنبر : وراه عندها الصح خاصها توجد للباك باش تشدو ماحيلتها ليه ولا توجاد العرس
طارق : واش زواج غايمنعها ؟
سعاد : وصراحة اوليدي ديرو خطوبة دابا وتوجدو على خاطركم وبينما حتى هي دوزات الإمتحان ديالها ..
طارق : دوزو تݣولك بلاتي حتى يخرجو نتائج شوية دير بلان خور
حياة : ندوز الامتحان ونكملو الغد نتزوجو صافي كلمة وحدة ومنها نيت نوحدو على خاطرنا نديرو خطوبة بعدا مالك هوكا .. الخدمة وياك ݣلست منها ودرت لي بغيتي وحتى انا دير ليا لي بغيت
طارق ( شد راسو بين يديه وقف شافيهم ) تحاميتو ياك ( شاف فحياة ) هاهو مبدل الساعة ( خرج )
سعاد : كاعما دي عليه دابا يتفش
حياة ( وقفات) انوض نبدل ونجي نعاونكم ، طلعات الفوق بدلات عليها ونزلات التحت كتعاونهم ..
~~~~~~~~~~~
أكـــاديـــر
فالمكتب ديال العميد واقف هو وياه راس فراس .. تبسم العميد وعنقو مطبطب على ظهرو
.... : خسارة لينا الصراحة تݣال الله يوفقك وبون كوغاج
عماد : شكرا بزاف على التعامل اسيدي الصراحة ستمتعت بالخدمة معاكم داز وقت زوين الصراحة
.... : تهلا فراسك ( عطاه التحية وخرج من عندو فتجاه المكتب ديال سفيان دق ودخل )
سفيان ( هز راسو فيه ) هي صافي جا الوقت ( وقف جا لعندو )
عماد : صافي هدا هو الوقت تهلا فراسك وتيليفون بيناتنا ( عنقو ) والى جيتي لكازا مرحبا بيك
سفيان : عارف لي كاين ( طبطب على كتافو ) ماسخيناش بيك أصاحبي تهلا فراسك ومبروك عليك مسبقا كون كان الكونجي كون حضرت ليك
عماد ( ضحك ) تسالني عراضة أسيدي يلاه خليت ليك الراحة ( خرج عماد من المديرية لي نهار دخلها كانت مهرس ألف تهريسة خارق فدوامة خايبة واليوم هاهو خارج من هنا وهو مرتاح وحاس بلي الدنيا عطاتو فرصة جديدة ) ..
دخل الكازا فليل جوايه 9 مشا نيشان لدار باه لقاهم تماك مجموعين .. بيتو وجداتو ليه سعاد تعشاو مجموعين فجو عائلي ، بقاو هوما لداخل وهو وخوتو ولد عمو خرجو على برا للجردة .. الجو واخا كان بارد ولكن كان زوين
عصام ( كالس كياكل فزريعة ) والله كون ݣاليا شي واحد ايجي وقت وتكون مزوج وؤوطال يكون مزوج ، وأنت غاتزوج انت وهاد المخلوق منتيقش
عماد ( تبسم ) وهانت تشوف انا براسي ومامتيقش ( شاف فطارق ) أنت مالك ݣالب وجهك
الروطال : كاعي حيت المدام مابغاتش تزوج دابا باغية حتى تكمل القرايا ودوز الإمتحان
عماد : ومن حقها ( شافيه طارق ) وصبر أصاحبي مالك ياك لاباس ؟ كلنا صبرنا
طارق : حيت انت دغية اطرق المسمار كيتي انا خاصني نتسنى 7 شهور كاملة
الروطال : غير 6 شهور أشمن 7 شهر 6 غادوز الامتحان وديك ساع غيز ليا الأمور
عصام : دير الخطوبة الكبيرة بعدا بينا ݣاديتو أموركم
طارق ( نشر رجليه ) اودي ديك المعزة خرجات ليا من جنب كاع ديك الشطارة ليا فيا ضرباتها فزيرو
الروطال : راشد راه كاين هنا .. حتى هو غايتبعك بشوية زاهية عراسات أولاد الحاج
عماد ( حك جنب حاجبو كيشتت أنظارو فالڤيلا ) سبحان الله هاد الدار كيكانت وكي ولات ، مكانت فيها بنة شوف دابا ماجدة تزوجات كولشي تزوج الواليد حتى هو
الروطال ( حنحن ) عندك شي خبار على ( بلع ريقو ) خديجة ؟
عماد ( تنهد ) عادي هي هي حتى حاجة ماتبدلات ، موصي واحد السيد كيدي ليها تقدية وداكشي لي خاصها ولكن نكذب علك مݣادش نمشي نشوفها
طارق : وغير زطم على ݣلبك وسير ماعندك مادير أجمي
عصام ( شاف فطارق ) باش تسمعو لي سمعاتني جوج كلمات اتݣولهم ليهم تسممو ، عمركم طفروه انا ساخطة عليكم هكا دارت معايا فاش مشيت شفتها
الروطال : المهم رضيتي الضمير ديالك ودرتي لي عليك ومشيتي شفتيها لينك وبين مولاك أديتي الواجب .. تقبلاتك ولالا داكشي كايخصها هي
عماد ( تنهد ) غانشوف كيفاش ندير إن شاء الله يصاوب الله ( وقف ) الخوت خوكم عيان نتقاشعو غدا إن شاء الله ..
- طلع لبيتو سونا على ليلى دوا معاها شاد الخط حتى طاح التيليفون مو يدو بنعاس
دازو دوك يوماين غير فتوجاد حتى وصل نهار ديال العقد ديال عماد وليلى ..
ماشي ضروري فأي زواج غايكونو زوج ديال الناس كيبغيو بعضياتهم قبل .. وماشي اي زواج ناجح ضروري يبدا بعلاقة حب بزاف ديال العلاقات بداو بزواج تقليدي ونجح وكاين لي منجحش ، وبزاف ديال الازواج كانو كيبغيو بعضياتهم ودوزو مدة طويلة بزاف ونهار لي تزوجو دوزو ندة وتفارقو .. كيبقى كولشي بالمكاتيب والأرزاق لي شافو دابا غايقوليه زربتي وحدة عرفتيها فشهر ورتاحيتي ليها وحسيتيها هي مرتك غايجاوب ويݣول .. أنا راجل مغربي قح ولي نرضاه لخاي غانرضاه لبنات الناس ومدام ديك السيظة رتاحيت ليها وحسيت بيها غاتكون مراتي مكاين لاش نبقى نأجل ونخيط فطرقات وهادشي علاش تربا من باه ومن جدو ومن عائلتو كاملة ... ناس ديال المعقول وماعندهمش مع التلاوي وتضياع الوقت فاش يحسو براسهم مرتاحين لديك السيدة كيقصدو الباب .
- خرجو من عند العدول وفيدهم الروسي ، هزات راسها فيه بإبتسامة والفرحة فعينيها تقد تقول بلي مزال ماولاتش كتبغيه والخب غادي يجي مع العشرة ولكن كتحس براسها مرتاحة وفرحانة .. كتحس بالأمان وهي بجنبو عارفة بلي هاد السيد لي ولا راجلها بلي غادي تعول عليه فأي حاجة وغادي تويد الوسادة وهي مخايفاش .. وحتى هو نفس الحاجة مايكذبش إلى قال ولفها ومكايدوزش نهارو الى مادواش معاها وعارف ومتأكد بلي الحب غادي يجي مع العشرة وهوما فدار وحدة ..
عماد ( بهمس ) مبارك مسعود أمدام
ليلى ( تبسمات ) الله يبارك فيك .. شافت فباها وتوجهات عندو عنقاتو بارك ليها عاد جا دور ديال أدريس باست ليه يدو مبارك ليها وعماد حتى هو هكاك مع باها
أحمد : ويلاه عاد نشدو الطريق ، طلع عماد القدام هو وأدريس واللور كالسة ليلى بجليليبة فالبيج هي باها .. سايݣ وحاضيها من المرايا
- فكازا كانو شدو الطريق من غير أدريس لي كان ضروري خاص يسبقهم باش يحضر للعقد ، عنبر ركبات مع الروطال هي ومها وسعاد .. خلات ماشا للعمر العساس باش يرض ليها البال هو ومرتو ، طارق هز عبد الخالق و رشيدة وحياة ودنيا ختو أما ياسمين مشات فطوموبيلتها غادية بيسرى معاها ، وعصام مع أريناس وعمران كولشي شدو الطريق جايين بدهاز للدار جد ليلى
عنبر ( كتقاد فجلابتها الهماوية دالحضتر دايرة براسليات ديالها ديال الذهب ) قالت ليا ليلى بلي داروه فدار جدها حيت كبيرة
تودة : حسن منين دارو هكا الى كان عندهم الضيق ( سكتات ورجعات سولات ) واش اليوم غادي تحني ؟ ..
عنبر : اه اتجيها النقاشة فاللعشية إن شاء الله ، غير نقريو ندخلو نعلموهم
الروطال ( هز راسو فشمس لي ضربات فيها مد يدو وهبط المرايا على وجها ) رجعي بالكرسي اللور شوية ..
عنبر : واخا ( هزات قرعتها دالما شربات منها )
سعاد : أش ݣالت ليك الطبيبة ؟
عنبر ( شافت فيها ) لا الحمد لله الريجيم غادي مزيان نبقى غادية هكا غايكون كولشي بيخير.
سعاد : إيوا الحمد لله .. تكات عنبر براسها على الكوسان الروطال طالق القرآن ، كل مرة كيسوني عليه عماد كيشوفو فين وصل ..
- فدار العروسة ريحة ديال الطياب عاطية ، العائلة كلها مجموعة الخالات وبناتهم او العمام او ولادهم كولشي مجموع .. أم العروسة سعدية محنية يديها ودايرة طبلية ديالها
.... : وشوفلك الهويعة دليلى ماعرفت فين ضبرات عليه الزهر ولمن عطاه الله
.... : قالك الالة عائلتو خانزة فلوس لاباس عليهم ، على ربي يكون مزال فيهم شي واحد عزري ( ضحكات )
.... : ايوا متعرفي فبلاصة عرس واحد نديرو زوج ( قهقهت بأنوثة وميوعة )
سعدية ( وقفات) عليهم لبنى لمياء اويلي انتوما كالسين هنا والحناية كتقاد فالݣلسة مكاين لي يوقف معايا
لمياء : واخا خالتي دابا ( ناضت طايرة من بلاصتها تابعاها ختها )
وصلو دار العريس وخرجو دار العروسة بصلاة على النبي ملقيين ليهم .. كانو هازين الطيافر فيهم الدهاز والدقايقية لي جابهم طارق معاهم ملقيين لبهم بالحليب وتمر كولشي ناشط وفرحان ، دخلو العائلة الداخل للصالة فين كاينة العروسة .. كانت ݣالسة الوسط لابسة القفطان ديالها فالبيض مطروز بالخضر عنبر أشرات ليها بيدها بمعنى واش تكتبتو .. حركات ليها راسها بأه ، كلقات عنبر 3 ديال زغاريت وعنقاتها ݣالسة حداها
عنبر : مبروك عليك ( طلات على النقاشة كانت بدات ليها فرجلين بدات ليها بنقش زوين فاسي )
ليلى ( بإبتسامة ) الله يبارك فيك ( سلمو عليها تودة وسعاد والبقية كولشي تشتت فالصالة ونظرات هي سيدة الموقف خصوصا من عائلة العروسة أما رجال مشاو للصالون لاخور
لمياء ( بمهس ) شفتي رجال العائلة كيدايرين
لبنى : هداك خو العريس الكبير كيحمق داير الخاتم فيدو .. هداك هو لي مزوج بديك ختنا لي كانت كتغني
لمياء : لي عندهم الزهر كانت غير شيخة وداتو شان وهمة وحنا لي بنات ديورنا مساومنا حد ، اودي الله يعطينا زهر المسݣدات
لبنى : وشتي لاخور خوهم الصغير سمعت بلي حتى هو مزوج لاخور الطويل شنو كيجيهم داك بو شعر ؟؟؟
لمياء : يمكن ولد عمهم غزال تبارك الله ، حتى داك الزين لي معاهم بحال شي خليجي فن ولكن حتى هو داير الخاتم
لبنى : ماشي غير لي دار الخاتم راه مزوج أزين
( وحدة فالخالات ) واش هدا عرس بنت خالتكم ولا موسم ديال ايميشيل وجمعو راسكم شوية وبراكة من الخفة وعطيو لناس بتيساع .. لا هداك لا هداك مخطوبين وبقاو شادين النميمة فعباد الله
الأم : مالك معاهم افتيحة ؟
فتيحة : شوفي بناتك لي شادين نميمة فعباد الله وباركين يتخيرو فرجالة وهوما بعيالاتهم .. كون تحيدو منكم ديك الخفة واللسان الطويل كون تزوجتو شحال هذا ولكن ديك الخفة ولسان ماضي ودراع ݣاضي خرجات عليكم الله يعفو عليكم ( خلاتهم ومشات )
لمياء ( تجننات ) سمعتيها اماما ؟
الأم : عدها الصح مشوهات ومدودات طايبات غادي تحرمو عليا نديكم لشي قنت الهضرة ماشي هنا حتى لمن بعد ..
جاو اللاعابات وبدا الطرح كيسخن الغنا وشكيح مالقا لي يديه ، من غير عنبر لي كانت كتشطح بالكلاس خايفة من الروطال لا ينوض ليها ، نقشات العروسة وسالات وبداو بنات العائلة كينقشو صبع صبع حتى من بنات عائلة العريس دارو حقهم فالحنة ..
- وصلات العشية وجا الوقت ديال العشا اللاعابات سلاو كلاو ومشاو ودخلو الطلبة فصالة دالرجال كيقراو القرآن ... حطو للعيالات العشا تعشاو الدجاج واللحم وديسير كبرو بيهم تكبيرة كبيرة ، عنبر عيات وكانت باغية غير تنعس ولكن مكانش يمكن حتى يحضرو للفطور
سلاو العشا ورجال حتى هوما تعشاو الطلبة سلاو بدعاء للعرسان ومشاو .. ليلى حيدات ليها مها الحنة وداتها لبيتها فين غاتكون هي وعريسها
سعدية : بلاما نوصيك ابنتي صافي
ليلى : واش ضروري اماما ؟
سعدية : اوبلي على ضروري كولشي مجموع شنو بغيتيهم يݣولو علينا بنت سعدية خرقات العادة ومالقاوهاش بنت انا نعيط على راجلك ( باست ليها راسها وخرجات )
من بعد مدة دخل عماد لعندها بالݣندورة ديالها كيشوفيها بإستغراب
عماد : شنو واقع ؟ علاش عيطات ليا خالتي واش كاينة شي حاجة ؟
ليلى ( بلعات ريقها وشافت فيه بتوتر مقاداش تزݣي فيه الشوفة ) عماد دابا هانت هو من العادة ديالنا خاص راجل يدخل بمرتو باش يخرجو الصباح للعائلة داكشي باش عيطات ليك ماما
عماد ( هز حواجبو بصدمة ) شناهو كتفلاي عليا لا ؟
ليلى ( وقفات شدات ليه فيدو ) عفاك دوي غير بشوية راه هادو هوما العادات وتقاليد فهاد الجوايه وفعائلة ماما ، مزال عائلة بابا ماعندهمش هادشي
عماد ( ببرود ) واش حتى باك فاش دخل بمك دارو ليهم هاد البلان
ليلى ( بلعات ريقها ) أه هكا داىو ليه ولكن بابا كان فداك الوقت صعيب شوية ، حيح وجرا عليهم ونوض روبالا قالهم اجيو كاع دخلو معانا أنتوما .. ولكن خوالي وخالاتي هادي هي العادة عندهم
عماد ( جمع فمو كيعض على باطن حنكو ) دابا انا لي ناوي مندخل بيك حتى نخرجو من هنا خاصني نخرج ليهم السروال ( تبسم وجمع تبسيمة فنفس الوقت ) وسمعي مزيان أمدام دوك تقاليد ديال الكيلو ماعنديش معاهم ومتربيتش عليهم بيني وبينك فهمتي خرجي ݣوليها ليهم
ليلى : منقدش اعماد عفاك فهمني
عماد : هاد الخرا الخاوي ماعنديش معاه ، يمشيو يدب**حو شي دجاجة يطبلو بد*مها داكشي لي بقا د*م مرتي يشوفوه ليا البشار
ليلى : وشنو غانديرو ؟
عماد ( كيدور فعينيه بان ليه السرجم مشا لجيهتو حلو كان قريب للأرض وطوموبيلات واقفين من الجهة لوخرا سد السرجم ورجع شافيها ) انخرج نتسخر لبسي جلابتك وجدي بالزك
ليلى : بالزي مجموعين بقات غير هادي ( أشرات ليه الوحدة ) بالز لوخرين جمعنا فيهم دهاز وراه عندك فلوكفر علاش ؟
عماد ( بجدية وصرامة مأشر بيدو ) سمعي اليلى كنتي محسوبة على داركم جدك وعائلتك ومزال كتي محسوبة على والديك ، دابا انتي محسوبة عليا انتي مراتي أنا لي نݣولط اديريه فهمتي ؟
ليلى : فهمت
عماد : الله يرضي عليك نجي نلقاك واجدة ، وقبل لا ندخل عندك انسوني لك اطلي عليا وتلوحي ليا باليزتك فهمتي ، ومن بعد اتنقي انتي
ليلى ( بانو بوادر الصدمة على ملامح وجها ) اويلي واش غانهربو بحال الى سارقين وشنو غايقولو وجدي والديك والديا ودار
عماد ( غوبش ) مكايهمني حتى واحد فاش بنادم يولي يدخل ليا فعظامي وكيتسناو فيا نخرج ليهم د**م مرتي راه البهلان هذا .. ماتخلينيش نخرج شي كلمة ماهياش وليلتنا هادي الله يرحم باك نشدو الطريق اندوي مع داركم ..
ليلى ( تنهدات مكان عندها مدير وحتى هي مامستاعداش للدخلة وعيانة باغية اترتاح وزادتها مها بهادشي ) صافي واخا ( قرب منها باس ليها راسها وخرج غير هو هرج دخلات مها
سعدية ( كتشوفيها ) اش درتو ؟
ليلى ( بإنفعال ) اويلي اماما واش اتبقاي داخلة عاينا بحال هكا راه هادشي تخربيق الخاوي راه حرام فدين الى فخبارك ، عماد ماعجبوش الحال راه كعا وخرج مشا للبرا
سعدية : وبنتي واش انا كرهت فيه اش ايقولو خالاتك وخوالك
ليلى : لي ماقدو فمو يتقب جنبو اماما انا مغاديش ندابز مع راجلي على هاد الخوا الخاوي ، خلي حتى يرجع ونحاول معاه راه ماعجبوش الحال
سعدية : حاولي معاه الله يرضي عليك ، راه كولشي كيتسنى ( قلبات ليلى عينيها ماحملاتش هاد تخربيق لي كتقول فيه مها خرجات السعدية من جهة وليلى لبسات جلابتها من جهة ، سمعات حس طوموبيل شوية سونا عليها حلات السرجم لقاتو واقف أشر ليها بيدو هزات الباليزة بشوية باش متفرݣع لاحتها ليه شدها حطها فالكوفر )
عماد : نزلي
ليلى : واخا ( هزات على جلابتها وقفطانها وبلغتها بشوية طلعات فسرجم مدات رجليها بشوية ونزلات شدها من خصرها للعندو جرها ركبها فطوموبيل ديمارا وشد الطريق ) ..
خرج ادريس من البيت كيدوي فتيليفون على برا غوبش كيحك فراسو
ادريس : ومن حقك وانت تعرف لي يسلكك ، غير هو كون علمتي .. وايااه متافق معاك زكل واحد وعوايدو كيما هوما هادو عوايدهم حتى انت من حقك تݣول لا ولا أه ... صافي اولدي سير اللهم يسر ( قطع معاه ) ، دخل الداخل وقف مأشر لسي أحمد لي جا عندو
أحمد : أش كاين اسي أدريس ؟
أدريس : ماعندي منخبي عليك أسي أحمد .. عماد راه دا ليلى ومشاو ماعجبوش داكشي ديال العادات وخرجو سروال وداك التخربيق ، جاه عيب وحشومة وماشي من عوايدها وحرام حتى فالدين داكشي كيبقى بيناتهم هاديك الحرمة ديالو
أحمد ( تنهد وحك لحيتو ) أش غانݣولك اسي أدريس هكاك دارو ليا نهار تزوجت بمها .. ومنكذبش عليك نوضتها سباط معاهم هاد الناس جهلو ماعرفتش منين جابو هاد العوايد
أدريس : عماد راسو قاصح فهادشي ودمو سخون مكايبغيش شي حد يفرض عليه شيحاجة ، ومغايبغيش خوتو يشوفو عدرية مرتو
أحمد : عندو الصح انت خرج هاد السوق هذا أسي أدريس وسمحولينا ( دخل أدريس وأحمد مشا لعند مرتو )
السعدية : ولكن أحمد أشنو نݣول لخواتاتي ؟
أحمد : غاندوي مع با محمد ، انتي خرجي هاد السوق وخواتاتك حتى يزوجو بناتهم ويهزو ليهم علامهم فوق الجبل الخوا الخاوي كون كانو يعرفو ربي كاعما يتبعو هاد تخربيق ( ضرب فيها ومشا )
من بعد السعدية دخلات عند اهل العريس باش يمشيو لواحد الدار اخرى يباتو فيها .. كانو مفرشين البيوت ومقادينهم ، غير هوما مشاو للدار اما رجال بقاو فدار اخرى ديال واحد الحاج جار سي محمد .. خوات دار العروسة بقاو أعائلتها كثر اللغط والهضرة عائلة سعدية ماعجبهم الحال حيت هاديك عادة عندهم وعتابرو هادشي لي دار قلت الصواب ، أما عائلة أحمد جاتهم عادي وعجبهم الحال
فوقت من الليل وفواحد من الأوطيلات ديال جديدة ، خرجات من دوش شعرها فازݣ كان دوش هو قبل منها .. هزات واحد سوال وشوميز ديالو هاصين بنعاس لبساتهم وݣلسات كتمشط فشعرها حاسة بنظراتو عليها قلبها كيضرب باغي يخرج من بلاصتو ..
عماد : ماسوناتش عليك ماماك ؟
ليلى ( هزات براسها ) أه سونات قاتلي الغد نعلمها واش زعمة كولشي داز مزيان على قبل الفطور
عماد : ماشي مشكيل ( هز براسو ) غير هو حنا مغانرجعوش إن شاء الله غادي نسافرو
ليلى ( ضارت لعندو ) اه عرفت قلتها ليها هي بغاتني غير نعلمها
عماد ( ناض من بلاصتو وقف قبالتها شد فيدها وقفها ) ليلى اليوم مغايوقع والو بغيت تعلميها غير باش طمنيها ماعنديش مشكيل ، انشوف كيفاش ندير وطمنيها باش ترتاح وتريح لي معاها
ليلى ( دوزات لسانها على شفايفها ) واش اليوم ( ماخلاهاش تكمل حط يدو على فمها )
عماد : عارف مزيان بلي مخلوعة وبلي هادشي جديد عليك ، ومزال ماولتينيش حداك ومدوزناش شي وقت كبير داكشي باش دابا غانعسو نرتاحو ونعسو حدا بعضياتنا ونعنقك بين يديا ( تبسمات ) وغدا نسافرو فاش نحس بيك مرتاحة غادي نغفلك ( غمزها )
ليلى ( عنقاتو ) لهلا يخطيك عليا ( هز ليها راسها ونزل بشوية لجهة شفايفها طابع قبلة طويلة على شفايفها خلاتها تهز من بلاصتها لأول مرة شي حد يقرب ليها هكا حرك مشاعرها وقلبها كيضرب ولات كترعد بين يديه حس بيها وتبسم عاجبو الحال فصل البوسة وعنقها خاشيها فضلوعو )
عماد : اجي ازين دقلبي نعسو نرتاحو أجي
ليلى : شنو ادير غدا على قبل داكشي ديال .. ( سكتات )
عماد : نجرحو ركبتنا ولا شي قنت فينا ، اش نديرو لمكتوبنا كولشي على ودك ازين ( تبسمات جرها نعسها حداه وطفا الضو خاشيها فصدرو مصبر راسو عليها بقات هادئة بين يديه كتستنشق ريحتو حتى داها النعاس ) ..
الغد ليه فاقت كتشبح كتقلب بعينيها مكانش حداها ، ناضت كتحاول تحل عينيها بزز حتى بان ليها خارج من الحمام هاز فيدو لاشوميز ديالو
عماد : صباح الخير رتاحيتي ؟
ليلى : الحمد لله ( شافت فالقميجة كان فيها نقاطي حومر ) شنو داكشي فيدك ؟
عماد ( حطها ليها فوق نموسية ) هاكي ازين صوري لماماك باش ترتاح وتريح عقلية العجب ديال خواتاتها ونوضي دوشي باش نفطرو نشدو الطريق
ليلى ( وقفات متجاهلة القميجة) اويلي ضرباي راسك فين ؟
عماد ( باس ليها راسها ) حتى انت حريحة خفيفة راه غسلناها وكولشي هو هذاك يلاه نوضي ( بقات غير ساهية وكتشوف فهاد الشخص لي مغاها تبسمات هزات القميجة وتيليفونها صورات كضحك وسيفطاتها للمها ورسلات ليها اوديو ) هانتي اماما رتاحيتي ( بقات شحال حتى دوشات عاد لقاتها جاوباتها )
سعدية : الله يفرحك كيما فرحتيني الكبيدة هكاك نبغيك ابنتي الله يرضي عليك ويفرحكم تهلاي فراسك وفراجلك
- خرجات ليلى مالقاتوش ، لبسات واحد لونسومبل يديها ورجليها وضاحت فيهم الحنة كثر وكثر .. لبسات سباط فرجلها وشعرها جمعاتو كوتشوڤال رشات ريحتها .. تحل الباب ودخل كان لابس سروال دجين وتريكو
عماد : واجدة ؟
ليلى : أه واجدة
عماد : دويتي مع ماماك ؟
ليلى : اه دويت وجاوباتني فرحانة ( تبسمات )
عماد : ايوا مزيان داكشي لي بغينا ( خدا من عندها البالز نزلهم دارهم فطوموبيل خلص الشومبر وخرج كانت هي كالسة فبلاصتها كدير فليكغو مقابلة مع المرايا ) اندوزو نفكرو هو لول ونشدو الطريق صافي ؟
ليلى : واخا
~~~~~~~~~~~~~~~
تحط الفطور صواني وبرارد اتاي والبرقان ديال القهوة ، المسمن بطبوط العسل زيدة الحلوة كولشي تحط وعمرو الطوابل .. عنبر كان فيها الجوع دخلات طول وعرض من غير العسل والحلوة ماقرباتش ليها القهوة شرباتها مسوسة كلات ولكن كانت مقيسة ..
سعدية : ربي خليكم حتى تغداو
تودة : لاواه اختي سعدية نتلاقاو إن شاء الله فساعة الخير ، ماتنساوش إن شاء الله السبت جاي
سعدية : إن شاء الله ضروري ، تسيفطو مع العائلة ، وعائلة سعدية لي كانو ماعجبهم حال رجعو فرحانين فاش وراتهم سعدية عدرية بنتها
الروطال ( سد الباب مبسم ) الجن الكحل دارها ولكن بصحتو
عنبر : شكون عماد شنو دار ؟
الروطال ( شاف فحياة لي ركبات وتبسم ) من بعد ونعاود ليك البلان ، ديمارا وشدو الطريق كاملين لكازا ..
من ورا أي مناسبة كدوز كترجع الحياة الروتينية ، وكل واحد كيرجع لشنو كان كيدير قبل وفين وقف حتى حاجة مكتبدل ولكن بعد المرات الناس لي تعودنا على الحماس ديالهم .. كيتبدلو بين ليلة ونهار كيرجعو ساكتين ومهدنين وكيجاوبوك بإبتسامة وحدة لي كان مكالميها ومنسيها غير الكيوسك لي كانت كتوجد فيه ..
فجهة اخرى خرجات من الدوش لبسات بيجامة سخونة وتقابلات مع المرايا صوت ديال الشتا على برا كيجيب النعاس كانت مشهية الحريرة شهوتها فيها ، ريحتها كانت عاطية من التحت
عنبر ( كتشوف راسها فمرايا وتمس فوجها ) بحال الى غلاضيت ( حسات بيديه حاوطو كرشها خاشي وجهو فعنقها )
الروطال : كيفاش انتي زعمة أممم مكايناش شي لويلة راه وليت محروم منك أمدام
عنبر ( ضارت عندو ) وشنو غادي نديرو ؟ خالتي وماما هنا وعرفتيهم ايبقاو معايا حتى نقرب نولد
الروطال ( كيبوس فيها ) دابا شنو منشوفكش بداك الموزون وبداك الكولون ديال النمر ( كيبوس فكل بلاصة فيها مامخليش ليها المجال تدوي
عنبر ( عنقاتو من عنقو ) هي تشد لينا شي شومبر عندك
الروطال ( منغم بريحتها ) هي لي متعاود أحبي شنو بان ليك الليلة ؟
عنبر : ولا ابيبي اليوم كاينة الحريرة مايناسبنيش وزايدون فين داكشي لي قلت ليك جيب ليا وشهوتي فيه ، هادي هي الحبيبة ديالك ومراتك ( كدلع )
الروطال ( هز حاجب ونزل الثاني ) الرادكو جاك الالة ومايغلاش عليك ، خلي غير يفوت الإفتتاح ديال المحال ديالك وانا معاك احبيبي وداخل على واحد المشروع حطيت فيه الصحيح جاك هو ومضمة الى طلعنا فيه صارو..خ
عنبر ( عينيها كيبريو ) وايلي حلف بالله
الروطال : فين عمري ݣلت لحبي شي بلان ومكانش أم ( رجع كيبوس فيها )
عنبر ( كضحك) وبراكة اعيشة البواسة ومكتشبعش
الروطال ( شافيها دايب تزاد معاه الزايد ) الفم لي مايبوسش هرسو أزين ( باسها فعنقها هز سوارتو ) هاهو غادي ( غمزها ) غدا وجدي راسك اوجدي ليا الموزون احبي
عنبر : ممسوخ
الروطال : بيك العمر ومتنسايش ليا الكولون دنمر ، دابا عمرتي الركاني ولا عندك متحركي
عنبر : ياك وقبل ؟
الروطال ( ضحك ضحكة رجولية ) ومنكدبوش كنتي بحال عود السبسي ولكن كنموت على موك كيما تي انا مشيت ازين ..
هو خرج لخدمتو وهي نزلات التحت عندهم ريحة الحريرة كتعطي ، حطات الماكلة لماشا والما وخلاتها كتلعب وتوجهات لصالون تغطات وتكات كتفرج فتلفازة .. أما سعاد وتودة جمعاتهم كانت كتسمع من الكوزينة ..
دوزات معاه أحسن أيامها مكانش كيطلب منها شيحاجة متفهم الوضعية ديالو أنهم تعرفو فمدة قليلة وبلي هي حشومية .. كانو دارو روتين بداوها من أصيلة للعرائش لشفشاون كيخرجو بجوج مشادين فكل لقطة كيتصورو كتحس براسها فرحانة وبقلبها كيخفق ليه فكل للحظة ..
المحطة ديالهم هاد المرة كانت طنجة ، توجهو لواحد المطعم تغداو فيه بالحوت .. ومن بعد خداوها برجل دوران
عماد ( كيشوفليها فعينيها العسليين وشهوبية شعرها ) عييتي ؟
ليلى : لا بالعكس عاجبني الحال وفرحانة ومرتاحة
عماد ( تبسم ) داكشي لي بغيت غدا 7 يام باش تزوجتا غادي يخصنا نرجعو ضروري ، دايرين عشا فدار عندنا
ليلى : صافي إن شاء الله
عماد ( زول خصلة من على جبهتها راضها ورا ودنيها ) ماسولتينيش فين غادي نسكنو ؟
ليلى ( شافت فعينيه لي كيعجبوها وكيخليوها تسرح فيه وفوسامتو الرجولية ) مكايهمش المهم غانكون معاك
عماد ( تنهد عاض على شفتو ماكرهش يبوسها فهاد اللحظة ) الصراحة انا دافع فواحد البارتما هادشي مافخبار حد حيت ماكنتش ضامن ومتأكد بلي غانرجع لكازا ، دابا غانديپانيو بواحد الݣارصونيير باش نكمل الدويرة ديالنا ونبداو نفرشو على دوقنا أش بان لك ؟
ليلى ( هزهزات كتافها ) صافي مزيان ماعنديش مشكيل ( سهات فيه فهضرتو وحركاتو وكيفاش مزال صابر عليها )
عماد : مشينا ؟
ليلى : يلاه .. ، كان المغرب فات رجعو للدار لي كراو فطنجة دخلات هي دوش خلات حوايجها على برا ناسية حتى بينوارها .. خدات دوش سخون مع كان الجو بارد وديجا صابة الشتا حتى سلات عاد تفكرات البينوار
عماد ( جا لعند الباب ) ليلى ساليتي ؟ نكوموندي على العشا
ليلى : واخا عفاك مد ليا البينوار راه نسيتو ( مشا جاب البينوار كانت مبسمة الباب دفعو على غفلة عليها )
عماد : هاك ( سكت مامكملش كلامو فاش شافها هكاك كانت بحال طريف ديال الثلج بالبيوضة ديالها شعرها مطلوق فازݣ وريحة باندوش كتعطي منها بلع ريقو تزاد معاه الزايد )
ليلى ( حشمات ومرݣات ماعرفات شنو تغطي ولا شنو تخلي واش ترجع تخبى ولا تهرب ) عماد خرج خرج اويلي خرج
عماد ( رجولتو تحركات قلبو كيضرب كان حفيان ) تي كيفاش خرج اعماد خرج خليتي فيها شي عماد ( غمزها ) خليك بحال هكاك ( علق البينوار مزول تريكوه مقرب منها وهي كلها كترعد شداتها الخلعة .. جرها من يدها خابطة مع صدرو وهي فازݣة لحمها سخون على لحمو
ليلى ( كلها كترعد ) عم (قاكع كلامها فاش شفايفو ختارقو شفايفها بقبلة طويلة مخليها تيه وتحس ببزاف ديال الأحاسيس .. هاد المرة القبلات ديالو كانو غير المرات لي فاتو يديه كانو كيتساراو على الجسد ديالها الرطب لي زادو جننوه ، حيد من شفايفها وقبلاتو تفرقو على عنقها وعلى أجزاء من صدرها تزاد معاها الزايد ولات كتحس براسها مرفوعة )
كان متمرس فهادشي لي كيديرها خلاها تغيب على العالم لي كانو فيه وتحول لبلاصة أخرى ماحساتش بيه فاش خرجها من الحمام وهو هازها مفاصلش شفايفو على شفايفها حاطها على نموسية مكمل مابداه .. أي بلاصة فداتها خدات حقها من لمسات والقبلات ماحساتش بيه فاش زول الباقي فحوايجو ونزل بتقلو عليها مخليها تسيح وتيه فيه ودوب
- حسات بيدو باغية تفصل باش يكمل زواجهم فاللحظة تشنجات رجع للمداعبات ديالو وهي رجعات كتغرق من الجديد على غفلة منها طلقات أنين وغوتة خافة موركة بظفارها على كتافو قامشاه عرفات راسها وحسات بلي مابقاتش كيف كانت هي دابا مراتو بروحها وبجسدها ، العافية شعلات فيها ودموعها هبطو .. يديه جرو الكوفرلي وغطاها شدها خشاها فحظنو معنقها ماوصلش لي بغاه حيت مابغاش يفورصي عليها هو ماتزوجهاش للفراش هو تزوجها حيت عجباتو ولقا راحتو معاها وحيت قلبو بدا كيميل ليها مغايجمعهم غير ليلة هوما أيام وليالي أرا مايتمتع
عماد ( باسها وهز راسها كيشوف ليها فعينيها المدمعين ) شوية ؟
ليلى ( حشمانة ) غير شوية وصافي
عماد : سمحيليا أكبيدة ( ناض وقف هزها تبسم ونطف وهي معݣورة ) جا الوقت لي ندوش ليك فيه باش نخرجو ونعشي الكبيدة ديالي ( باس ليها نيفها فتح باب الحمام برجلو ودخلها للحمام حطها وسد الباب وراه كانت متفادية تشوفيه وهو عريان الحمورية طاغية على وجها .. طلق الما السخون دوش ليها بحال سي بنيتة صغيرة لواها فالبينوار وخرجها ) لبسي حوايجك بينما دوشت صافي ؟
ليلى : واخا ( غير دخل دورات وجها كيبان ليها دليل عدريتها فوق دواك ليزار لي تم زولاتو لواتو حشمانة هوات حوايجها لبساتهم وتلوات فبلاصتها كتسنى فيه يخرج يجيب شنو ياكلو حاسة بجوع بحال الى عمرها كلات ..
النهار كان عامر كيما فڤيلا أدريس كانت عامرة موجدين السابع ديال ليلى وعماد لي كانو شدو الطريق فصباح .. وصلو للدار ستقبلونم بصلاة على النبي وزغاريت والحليب والتمر
الروطال : دابا كيفاش البلان واحد معرس وعندو السابع وانا مالي
عنبر ( كتوجد فراسها ) ولا وحشومة واه حنا مالين كنتجمعو كاملين
الروطال ( دوز يدو على لحيتو بعصبية ) وداك البيت لي موجد انا شنو نديرو فيه
عنبر : وصافي حتى لمن بعد
الروطال : سمعي امدام السابع بنهار ماسي بليل ، والله المعبود لا تفاكيت الليلة هي ليلة ، دي معاك قشك ( جات تدوي قاطعها ) راه دويت كنتسناك التحت ..
- سلمات أمرها لله قدات شالها وهزات لي اتحتاج فواحد الساك ونزلات عندو خرجو شدو الطريق للدار باه ، الدنيا كانت عامرة او والدين ليلى وجدها او واحد زوج خلاتها حتى هوما كانو ..
~~~~~~~~~~~~~~
فوحدة من الغرف فالأوطيل ديال الروطال النموسية كانت كلها ورد الشومبر ريحتو كتحمق ، رمات رجليها داخلة كدور فعينيها عجبها البيت كان حسن من البيت لي كانو فيه اخر مرة ضارت وراخا كان واقع مربع يديه كيشوف فيها
عنبر : البيت كيحمق عجبني
الروطال : انخرج نجيب شيحاجة ونجي نلقاك واجدة ازين ( غمزها خاطف بوسة وخرج ) ، ستاغلات الفرصة زولات حوايجها لبسات داك الكولون منمر او واحد البودي كان معري من جهة الصدر دخلات للحمام قادات حالتها رشات من ريحتها ، رجعات الداخل لقات تيليكوموند خدمات التلفازة وبرونشاتها مع يوتيوب مخدمة الموسيقى وبضبط موسيقى شرقية كتسناه يدخل ..
الروطال ( دخل هاز بواطة فيدو كبيرة وقف كيشوفيها كالسة فوق نموسية بميوعة ) أش هاد زين عاطيه ليا ربي أنا لي مزوج
عنبر ( قهقهات بأنوثة عينيها على يدو ) شنو لي فيدك ؟
الروطال ( غمزها ) خليها من بعد ( زول القبية ديالو لاحوها عاطيها بظهر الموسيقى تبدلات ضار لجهتها لقاها واقفة محزمة بدات كتمايل بيديها بشوية عليها دايرة بحساب حمالتها كتمشي من هاد الجهة لهاد الجهة وهو مبسم عاجبو الحال
- جات قبالتو خاطفة بوسة من شفايفو كتحكك عليه مجعراه ، محمقاه بحركاتها وميوعتها والأنوثة لي فيها خصوصا غلاضت وعمارت زادت زيانت كثر وكثر شدها خاشي وجهو فعنقها مستنشق ريحتهة ماخلاتش لي ݣرام ديال العقل ، جرها حيت صافي مابقاش قاد يصبر على حركاتها دخل معاها فقبلات ماليهم حد ولا عدد هي وياه ولاو جسد واحد طايرين فالهوى خلاها طير بحال كل مرة كيعاشرها وهادشي لي كيزيد يحمقها كان خطير فكل مرة كيكتاسف قنت فداتها وهي لي بدورها ولات كتجرأ وتكتاشف قنات فيه كيما كيدير كتعلم منو ..
دخل دوش وخرج بالبينوار ديالو مبسم كيمسح شعرو
الروطال : نوضي الحب دوشي باش نتعشاو
عنبر ( تبسمات واقفة ) واخا .. دخلات دوشات وخرجات ملوية فبينوار ) شنو داكشي لي فالبواطة ؟
هز ديك البواطة وحلها مدها ليها تصدمات حطات يدها على فمها من جمالية داك المنظر لي قدام عينيها .. كانو طوانݣ وبراصلي ديالهم مع خاتمهم وسلسلتنم غليضة وكبؤرة هابطة حتى للجهة الصدر أما الوسط فكانت كتوسطو مضمة كلها منبتة بالحجر خضر بحالها بحال الأونسومبل لي معاها تصدمات ماعرفات باش تبلات ياك قاليها داخل فمشروع ومغايقدش ياخد ليها لي بغات هي كان اختيارها بسيط بغات غير رادكو وهو جايب ليها هادشي لي غايكون بالقليلة ثمن كولشي واحد 30 مليون ولا 29 مليون )
عنبر : واش واش هادشي ديالي انا كنت بغيت ( الروطال حد يدو على فمها ونطق بصوتو الرجولي التقيل وهو كيشوف فعينيها )
الروطال : حتى حاجة ماتغلا عليك ، بغيت مشوفك لابساهم نهار سبوع ولدنا ولا بنتنا هو وتكشيطة لي دفعت لك توبها
عنبر ( غرغرو عينيها) ولكن راه بزاف المحال عاد ساليتيه وانت لي درتيه وماخليتي بابا يعاونك بوالو ، ودابا هادشي
الروطال : من نهار دخلتي لحياتي والخير زاد كيتكفح عليا من كل جيه هدا رزقك مال دنيا مايكفيكش لي ربي رزقني بيك ( جرها عنقها وهي كتبكي ربي جزاها على صبرها تمرمدات وتكرفصات تحݣرات وبكات وفالأخير ربي جزاها أحسن جزاء بأحسن راجل حيت قلبها صافي وبيض وعمرها بغات الشر لشي واحد ) ..
بعد مرور أسبوع
فالصالة الكبيرة ومن ورا ماخرج العدول ، ݣالسة بتكشيطة هماوية فالبيض منبتة بالحجيرات حداها هو .. بالجلابة منخوية فالبلو مارين وبلغة فالبيض ، لي يشوفو مايقولش هدا خليجي غايقول هذا مغربي ، وقفات معاها رشيدة بحال مها لي وقفات معاها راشد كبر بيها تكبيرة كبيرة ماخلا مجاب ليها فدهازها ..
- كانت موجدة باسبورها وباليزتها باش تسافر هي وياه للعند ختو تعرف عليها ومنها يدوزو شهر العسل
الأيام كانت دايزة روتينية دنيا مشغولة فخدمتها وحياة فقرايتها كيديها طارق وكيجيبها ، اما عنبر لي كانت متبعة مع الطبيبة ديالها على الحمالة ومع طبيب السكر امورها كانت مزيانة ومضبوطة .. ماجدة لي كانت كتناسق بين خدمتها والدار حياتها هي وعزيز كانت زوينة بزاف ضروري من نقاشات ولكن كانو كيحلوها بالعقل ، عنبر لي كانت ناوية دير الافتتاح دالمحال بدقايقية ختارت تجمع العاىلة ودارت الطلبة الروطال تكلف بدراري لي ايخدمو وهي تكلفات بالبنات وبدات الخدمة فالمحال ديالها لي كان ضروري من الأيام الاولى يكون فيها ركود ولكن من بعد دارت صفحة فالأنستغرام كتحط فيها تصور وفيديوات وكتخلص عليها
- بداو الناس يتقداو وبداو يديرو اشهارات من راسهم وحتى المؤثرين جاو يدوقو وعجباتهم الكافي وسورڤيس لي فيها صفحتها بدات طلع ولات دير حتى لاليڤ غيزو
ݣالسة مادة كرشها وهوما ضايرين بيها الحوايج مشتتين فكل جهة جداد كلهم فلون الصفر حيت مكانوش عارفين الجنس دالبيبي
طارق ( دخل هو والعساس هازين كارطونة كبيرة ) صافي غير هنا
عنبر : اش هذا ؟
تودة ( كضحك ) علاش مݣالكش راه مشا يشري ليك كونا وباك جايب ليك الپوسيت
عنبر ( كضحك حاطة يدها على كرشها ) ماخليتو ليا منشري لا انا لا فاروق ( هزات راسها فحياة لي غارقة فكتوبتها الامتحان مبقاليش غير 3 يام ) وأنت ازين اش اتجيبي لولد ختك ولا بنت ختك ؟
حياة ( هزات فيها راسها كانت ضعافت من قلت الماكلة وخلعة الامتحان ) انا وطارق واحد
عنبر ( هزات مخدة شيرات عليها ) عقلي الخانزة المطوطة
طارق ( كلس حداها ) تي هداي وانت طبزتي وليتي بحال اورونجينا ( كيضحك معنقها )
عنبر : كتعيب ومعنقني وباز أخويا لوجهك ، بقاو ليا غير ليبرودوي ماعرفتش شنو ناخود ليه ؟
دخلات ياسمين شعرها بدا يطوال شوية ضعافت وطايتها ولات مقادة من نهار طلقات وهي سبور والماكلة الصحية
ياسمين ( ݣلسات ) على حسابي كاينة صاحبتي ففرنسا اتسيفط ليا كولشي من تم انتي ولديلينا اهاد الفنكوش ولا فنكوشة ورجعي اللور
عنبر ( حطات ظهرها براحة ) الله على راحة شحال زوين يدورو بيك عائلتك وانت مرتاحة الله يخليكم ليا ( طاح عليها الضيم )
طارق : الرجوع لله اشريفة تي مالك تخربقو ليك الهرمونات
عنبر ( شافت فيه ) بغبت نقولك حتى تجرب وتحكم ساعة حياة لي اتهزو فكرشها ماشي أنت ( شافت فمها وجاها سؤال لبالها غريب ) ماما فين مشات الكمانجة ديالي ؟
تودة : راه داها راجلك علاش مکالهاش لك ؟
عنبر : لا مقاليا والو ، شنو بغاها وعلاش داها ؟
طارق : وانتي لاش بغيتيها ؟
عنبر : والو انا غير سولت وصافي جاتني لبالي تفكرتها .. نديرو هاد الحوايج فالبالز ، كحزات تودة البالز لي كانو محطوطين حطو فيهم كاع الحوايج من غير ساك كان لونو صفر خاص بالبيبي ، هداك دارو فيه حوايج لي اتحتاج نهار تبغي تولد
ياسمين : معاش انمشيو لدار عماد ؟
تودة ( كتقاد مع عنبر ) وهوما عارضينا ورا العصر نديرو معاهم كاسكروط ونتعشاو معاهم ( شافت فطارق ) تايا شتي دارو ؟
طارق ( حك حاجبو ) الصراحة والله ماشتها حتى انا بحالي بحالكم اول مرة نضربو العفطة تم .. واخا راه عيط عليا قبل ولكن مساليتش نحك راسي ( شاف جهة حياة ) براكة عليك تي رتاحي شوية
حياة ( شافت فيه ) وطارق راه مابقا ليا والو اشمن راحة فيا الجوع انوض نشوف مناكل
طارق ( وقف ) خليك انا ندومندي ليك
ياسمين ( تبسمات ) والله يجيب لي يدوموندي لينا حتى حنا
طارق ( جرها من شعرها ) ندوموندي ليكم كاملين ( خرج على برا وبقاو هوما )
~~~~~~~~~~~
عزيز دخل للدار ، لقاها فالكوزينة كتوجد الغدا حط واحد الكارطونة مغلفة بالپاپيي كادو دخل عندها شافت فيه مادة ليه فمها باسها وݣلس
ماجدة : شنو جبتي ؟
عزيز : لي وصيتيني عليه ازين دعزيز ( لاح سوارت ) رشيد سونا عليا ( ضحك ) مرتو ولدات
ماجدة : وايلي مبروك عليها قلتيها للعنبر ؟
عزيز : لا حتى نتلاقاو العسية ونݣولها ليها ، بلاما تسربي ابشوية على الاغدا اندخل نعس شوية عييت ..
ماجدة : ودوش بعدا
عزيز : لا الحب حتى نفيق ( هزات ليه راسها ودخل للبيت تلاح على كرشو فوق النموسية عيان ) ..
**********
فجهة أخرى وفمديرية الأمن هز سوارت طوموبيلتو وتيليفون خرج من بيروه توجه للبيرو ديال يوسف ، فتح عليه الباب وطلع عليه
عماد : وعنداك تعطل أصاحبي ورا العصر تكون عندي
يوسف : تا لا انسالي هادشي لي فيدي ندوݣ لدار ندوش وهانا عندك انت ساليتي ؟
عماد : اندوز عند العميد نأكد معاه ونمشي ، اندوز نشوف الباتيسري نجيب شي لعيبات هاهو مشا ( مشا للبيرو ديال العميد أكد عليه عاد خرج شد الطريق الباتيسري خدا داكشي لي وصاتو عليه ليلى ومن تم لدار )
- كانت واقفة فالكوزينة كتقاد فداكشي لي وجدات للكاسكروط اما العسا كانت دايرة مع واحد السيدة كتصايب للمناسبات موصية على البساطل دالحوت واللحم مبخر وعاد ديسير البارد ، دخل عماد توجه عندها للكوزينة حط لي فيديه وتوجه للجهتها خاشي وجهو فعنقها بايسها
عماد : هادشي زين جبت معابا حتى الغدا عارفك اتكوني تدهيتي ومساليتيش توجديه
ليلى : لهلا يخطيك عليا ، ساليت كولشي اندخل ندوش ولا دوش انت قبل ؟
عماد : لا غير سيري انتي سبقي والى بغيتيني نجي ندوش ليك هانية عندي ( غمزها )
ليلى ( ضحكات حاطة الطبلية فبلاصتها ) لا احبيب قلبي انت غير خليك مرتاح ( جات تخرج من الكوزينة ورجعات لعندو بتساؤل نطقات ) شفتي ماماك ؟
يتبع...
التعليقات
لا توجد تعليقات بعد، كن أول من يعلق.