محتوى القصة
- ݣالسين فصالة الداخل كاملين مجموعين.. علال كيتوسطهم حداه عنبر شاد ليها فيدها .. الكل كان من غير يسرى وياسمين ..
علال : بالعربية تاعرابت أنا لي جمعتكم هنا .. وانا لي ݣلت لرقية تعيط عليكم ، ( شاف فتودة ورشيدة ) وسيفط لي يجيبك الالة تودة ودابا سيفط لي يجيب بنتي حياة باش نتجمعو كاملين ويتصافاو الخاطر وكل واحد يݣول لي ضارو ونسدو هاد الحتيت ونتجمعو بحال كاع الناس ( شاف فعنبر) ݣولي ليا ابنتي اش ضرك علاش خويتي وطجيتي وخويتي البلاد وسمحتي فكلشي ؟
عنبر ( تبسمات ) أنت بعدا أجدي سولتيني ( رمات عينيها للروطال لي كان ݣالس مقابل معاها وساكت كيشوفيها ) أنا اجدي نهار عرفت بلي الناس لي رباوني ماشي والديا بقا فيا الحال جاتني صدمة ورا ختها .. كنت بغيت نبعد نرتاح ونفكر وفاش تبعونا دوك العصابة ومشينا للمراكش انا وحياة مشينا غير زعمة باش نشتتو الانتباه ديالهم وكنا للغد راجعين .. وكنت ناوية نتصالح مع فاروق حتى وصلوني تصاورو هو وديك الخليجية بقا فيا الحال بزاف ماحسيت براسي شنو كندير ..
الروطال ( قاطعها ) وتيقتي ، هادشي كاعما درتو انا لي كنتي كاذبة عليا
عنبر : فاش كذبت ؟
الروطال ( ببرود ) لا والو غير البروش عاطيه ليك الراجل الاول ومخلياه عندك سوڤونير
عنبر : انت راه مسطي ، يحسابليك مخلياه حبا فيه خبيتو حيت مجابتهاش الوقت نعاود ليك وزايدون داك البروش كان من حقي من حقي على سينين لي كان كاذب عليا فيهم ومعذبنيني تريكتو
الروطال : البروش لي كان حاط حياتك وحياة الناس لي ضايرين بيك على الموس ياك ؟
عنبر : ماكنتش عارفة عند بالي بروش غالي أه .. ولكن مافخباريش بروش ساوي الملاير ( شافت فجدها ) مشيت انا وحياة لاكادير مع السيدة لي تلاقينا بيها فمرزوکة للبنانية وهي لي قتارحات عليا نمشي معاها لمصر وضبرات للحياة فخدمة عند واحد النصارنية .. فاش مشيت للمصر كنت كالسة معاها مربية لبنتها وكنتعالج عند طبيب نفساني حيت كانو كيجيوني كوابيس بليل ، كنت منقدش نعس بوحدي الى مكانت حياة معايا .. مرة من المرات فاش كنتدا فأكادير فلاكوت غير عتقوني كنت غادية وسط البحر وانا معاقلاش كان ضروري خاصني تدخل طبي نتعالج ( تنهدات تنهيدة طويلة) هنا عرفت بلي سيرين كانت كتعرف دوك الناس ماليين البروش كانت بيناتهم خدمة وهي لي تدخلات بيني وبينهم ورجعت ليهم البروش ، وقبل منجي للمغرب كنا خارجين نتعشاو فواحد ريسكو ديال واحد المغربي وبصدفة هداك السيد كان هو حسن الݣزار سيفط للعماد ( شافيها الروطال حيت مكانش فخبارو هاد التفصيل ) وعلمتو وعطيتو لادريس من بعد سقت لخبار بلي تشد .. هي فاش رجعت بحالي للمغرب والقنيطرة ..
رقية : الله على كبيدتي الله وشحال داز عليك ابنيتي
عنبر ( شافت فيها ) أسمحيليا امي بعت السلسلة لي عطيتيني
رقية : نشري عشرة لبنيتي وحدة مساوية والو دات الباس اتكوني تي بيخير وعلى خير هذاك هو رباح عدي يانا
علال : دازت ابنتي ( طبطب على يدها ) القلب سميح دابا ؟
عنبر ( تبسمات ) كونما كانش سميح منكونش هنا أبا سيدي ( باست ليه راسو )
علال ( شاف فعبد الخالق ومها ) ومك ابنتي وباك ؟
عنبر ( شافت فيهم كتفكر بقات ساكتة ) القلب سميح من جيهتهم ولكن صعيب عليا نبقى نمشي نزور كل واحد فدارو أبا ( قربات لودمو كتوشوش وهوما كيشوفو فيهم بدا علال كيضحك عاجبو الحال )
علال ( قرصها من حنكها تحت انظار الروطال لي عاض على حنكو من الداخل هو كتبورد عليه ودابا كتكركر ) تي فين كنتي مخبية يا هاد البنت حتى انا فكرت فيها ( شاف فروطال ) وراجلك ابنتي شنو هي شروطك ليه ؟
عنبر ( شافت فيه وتبسمات هازة صدرها كتناظرو بعينيها البنية ) اول حاجة نكمل قرايتي .. ومنين نكمل قرايتي يخليني ندير مشروعي انا عارفاه مامخليني مخصوصة من والو ولكن مشروعي ماشي بضروري نخدم فيه انا نقد نخدم فيه الناس لي محتاجة .. ثالث حاجة ديك الغيرة لي كتخنق وطجج وداك الحبس ينقص منو ، رابع حاجة يتشاور معايا فشادة والفادة كيما انا هكاك .. خامس حاجة الى بغا يرجعني لدارو يدير لازم مغانرجعش غير هكاك كيما كيديرو الناس .. وسادس حاجة يسمح ليا الى غلط فحقو حيت ماكنتش فوعيي ..
علال : الله يرضي عليك أبنيتي ( شاف فروطال ) أش ݣلتي اولدي ؟
الروطال ( تنهد حاك لحيتو ) على مولانا لي بغاتها على العين والراس أبا .. ولكن القرايا صعيب عارف لافاك كيدايرة دابا كترت دراري داخلين خارجين ودابا بنادم ولا يطمع فبنت 15
عنبر : راه انقرا عن بعد غير الامتحان لي انمشي ندوز ( شافت فباها )
عبد الخالق : مݣالت عيب اولدي الى غاتقرا فدار ونهار الامتحان توصلها انت مافيها عيب
الروطال ( حاصروه مالقى مايݣول هزهز براسو ) على مولانا مرحبا ( شافيها بمعنى حتى طيحي بين يدي
علال ( وقف ) ونخليو النسا بوحدهم ونتحركو حنا لهيه غدا عدنا شلا مايدار ( بقاو غير العيالات عنبر مخشية فتودة معنقاها ورشيدة مجمعة مع البقية ماوصلاتنا عنبر ماقربات ليها .. كادواتش معاها نهائيا ، تهزات دنيا هي وماحدة ݣلسو حدا عنبر شادين فيها مجمعين معاها موحشينها ..
- تحل الباب ودخلات عليهم حياة سلمات على رقية وعلى تودة وسعاد والبنات .. جات حتى للعند مها بتردد سلمات عليها
رشيدة : ايوا ابنيتي مابقاو عندك والدين .. مابقات عندك ام لي ديري ليها حسابك وليتي هازة ساكك ودايعة بلا موجب شرع
حياة : كيفاش دايعة بلا موجب الشرع ، واش هكا غاتلݣاي ليا الناس يݣولو توحشتك على سلامتك
رشيدة : مالي أنا لي مجرية عليك ؟
تودة : بديتو تاني
حياة : لا بلاتي اخالتي فاطنة راه وقيلة نسات ( شافت فمها ) شكون كذب عليا وعلى عنبر أنا ؟ شكون لي باها جا سول فيها وكذبتي عليا قلتيلي عمرو جا سول فيا من حقي نعرف با جا سول عليا
رشيدة : ( خرجات فيها عينيها ) شكون لي ݣالها ليك .. باك كون بغا كون عاود جا مامرة ماجوج ماشي جا غير مرة وحدة وزاد خلفة وانتي منين جبتي هادشي ؟
حياة : تلاݣيت مع سعيد فلاكوت سكران بيلا ضايرين بيه العيالات وݣالها ليا
رشيدة ( بدون وعي ولي فصالة ساكتين ) وانتي أش داك لبلاصة فيها الشراب باش تلاقاي بيه .. علم الله شنو كنتي كتصنعي فديك أكادير ومعامن كتي تخرجي غفلت عليك عيني زغتي ودرتي مابغيتي
سعاد ( عضات على شفتها ) اويلي اختي رشيدة اويلي حشومة عليك حياة مربية ولاواه
رشيدة : بنات اليوم اختي الى غفلتي عليهم علم الله أش يديرو ..
حياة ( حبسات البكية فحلقها كلها كترعد مك طعنك فشرفك وقدام الناس كتمناي الموت ألف مرة ولا شي حفرة طيحي فيها .. نزلو دموعها سخان على خدها او وقفات ) الى بغيتي تعرفي واش قاصني شي حد غير تهناي عمر ولد المرا حط عليا صبعو الصغير انت تربيتك وماتقتيش فيها .. هكا الناس كيتلݣاو لبناتهم انتي هي انت عمرك تبدلي ( خرجات كتشهق ضاربة فطارق لي كان واقف سمع كولشي )
عنبر ( وقفات جايا للجهة رشيدة ) انتي مريضة خاصك داواي خاصك تشوفي شي حد لي يداويك .. كنقول غادي تبدلي ساعة انتي هي انتي فبلاصة متبدلي براسك وتكفري على الغلط لي درتي فحقي وحقها كطعني فبنتك قدام الناس .. ياحسرة انتي لي مربيتها ديك البنت كتمناها اي وحدة تكون بنتها كبابل وكتخدم بدراعها .. وعمرها خلات شي حد يغلط فحقها ويحط عليها صبعو ودايرة قيمة راسها .. ونهار جيت تعاونا بزوج بينا وعايشين بلي قسم الله ( حركات راسها ) الله يهديك على راسك وعلى بنت والله يسمح ليك .. ( خرجات من الصالون شدها طارق )
طارق : غير خليها تبكي حتى ترتاح
عنبر : لا أخويا هي عمرها خلاتني وانا مغاديش نخليها .. ديك بنت الناس والله ماتستاهل هادشي لي دارتو ليها كون كاتعرفها وعارفة بقيمتها وعارفة البنت لي عندها شنو ساوية متخرجش هادشي على فمها خلات كولشي كيسمع ، ربي دابا باش غاتحس البنت وهي تݣاليها هادشي قدام كولشي
طارق ( طبطب عليها ) سيري لعندها دوي معاها وديها تشوف الخيل تمشى شوية ( خرجات تودة )
تودة : انا جايا معاك ابنتي فين هي بعدا ؟
طارق : راه خرجات .. تودة وعنبر خرجو للعندها وطارق ررجع للصالون عند الرجال..
خرجات على برا كتقلب عليها لقاتها ݣالسة على واحد الفوتوي وكتبكي .. كتشهق بالبكا حالتها تبقى فيك ، مشات لعندها ݣلسات حداها جراها لعندها معنقاها كتسكت فيها .. ݣلسات حداها تودة من الجهة لوخرا كدوز ليها على ظهرها ، تملصات حياة من عنبر وعنقات تودة كانت محتاجة تعنق شي حد قد مها تحس بالحنان والأمان ..
تودة ( كتواسيها ) صافي اكبيدتي صافي ، ماديش عليها عارفاها مبلوزة مكتعرفش تهضر
حياة ( كتشهق ) ماشي قدام الناس أخالتي انا ماشي برهوشة راني بعقلي .. طعن فيا وفشرفي واش عمرك شتي ام كطعن فشرف بنتها كون بغيت ندير كون ظرت نهار حطيت رجلي فكازا وكنت انا وعنبر بوحديتنا مغاديش نخلي حتى نمشي لأكادير ..
تودة : عارفة ابنيتي عارفة لي كاين .. وعارفاك بنت وݣادة وحافظة سواريك مك اشافت داكشي لي وقع داك نهار مع داك خينا الشيطان ولا كيلعب عليها
حياة ( شافت فيها ) الشيطان اخالتي على شي وحدة لي مامربياهاش لي سينين وانت معاها وربيتيها على يديك حافضاها ما ضراتني اخالتي فقلبي
عنبر : انا لي شفت اماما حياة كيكانت .. انا نقولها قدامها واخا مرات كتكون غير نية وكتصرع ولكن تعولي عليها متخليش شي حد يلعب بيها .. وكانت خدامة وكضرب تمارة وتجمع
تودة : واش انا توريني حياة ( مسحات ليها دموعها ) صافي ابنيتي
حياة ( رجعات كتبكي ) انا لي ضرني هو ماعرفت فين غاندير راسي وفين غانمشي .. عنبر دابا اترجع لدارها وانا غانبقى بوحدي فقنيطرة مامالفاش ليا
تودة : اويلي وداركم ابنيتي تي فين خليتينا ؟
حياة ( شافت فيها كتحرك فراسها ) والله لا حطيت رجلي فديك دار اخالتي صافي .. منين وليت نسمع الهضرة ونتطعن فشرفي مابقا مايتقال خالتي صافي ..
عنبر : غاتجي معايا ، الدار كبيرة يجري فيها الخيل رجلي برجلك
حياة ( شافت فيها طايح عليها ضيم كبير مالقات علامن تحط الراس لا أم تحن فيها لا بو .. الام لي كل مرة تبدل مرة تكون معاها بحال أي أم مرة كتكرها فكولشي ) مايصلاحش اختي انتي وراجلك وانجي انا خايبة لمعاودة
عنبر : مكاين لا خايبة لا زينة رجلي برجلك خليك هنا انا جايا ( خلاتهم ورجعات الداخل تقابلات مع صالون الرجال كان اونفاص معاها وحداه طريق أشرات ليه براسها باش يتبعها .. ناض من بيناتهم وتبعها للبرا غير شافتو بلاما دوي جراتو من يدو لبعيد او وقفات كتشوفيه ) كتبغيني ؟
الروطال ( صغر عينيه بشك ) أش واقع ؟
عنبر : سولتك كتبغيني ؟
الروطال : كونما كنتش كنبغيك مغانبقاش تابعك ونقلب عليك دوي شكاين ؟
عنبر : نطلبك طليبة ومترضهاش فوجهي ( كيشوف فيها بمعني دوي ) بغيت حياة تمشي معانا لدار
الروطال : واقع شي بلان كاين شي مشكيل ؟
عنبر : حياة وقع مشكيل بينها وبين مها وماعندها فين غاتمشي الى رجعت انا لدار
الروطال ( بصوت رجولي ) ولاش كتشاوري هاديك دارك كيما هي داري .. تعيطي لمن مابغيتي الدار واسعة وعريضة
عنبر ( بفرحة وقفات على صباع رجليها معلية باستو فوجهو ) الله يخليك ليا ( يلاه اترجع للعند حياة وشدها من يدها مرجعها لعندو )
الروطال ( كيشوف ليها فعينيها بعينيه اللوزية لي مزينين برموش طوال فحمية ) ضاحكة علي بهاد البوسة صاحبتك انا فين صحيح ؟
عنبر ( تملصات منو ) حتى تجيب لي دب**يحة ودير اللازم ونشوفو الكبيرة اولد قلبي
الروطال ( عض على شفتو ) أح على مك والعسل لي كيخرج من فمك فاش كتوصلي لي بغيتي
عنبر ( قهقهات بأنوثة ) غير كيبان ليك ( هربات منو مخلياه مكوي فقلبو والكية داها معاه مرجعها للصالون ) ..
فنفس العشية وفكازا بضبط .. فالمحال ديال العطور كانت خدامة قريبة تسالي خدمتها كانو عندها زوج ديال الكليان كملات معاهم هزات ساكها دارت فيه تيليفونها وتمات خارجة .. شوية بدا تيليفون ديالها كيسوني ..
ليالي ( جبداتو حلات الخط ) ألو خالتي فاطنة .. الحمد لله ( بقات كتسمع ) وايلي والحمد لله على سلامتكم اخالتي والله حتى فرحت ليك .. واخا عطيها ليا .. ألو عنبر كيدايرة اختي توحشناك بزاف .. موحال ودابا مع الخدمة راكي عارفة خاصني نسولو نشوف واش يعطيني ..
عنبر : انا نقولها لطارق راه حتى هو باطرون ديالك ونسيفط شي حد لي يجيبك انتي وخالتي سميرة ودراري .. صافي ازين تهناي ( قطعات معاها عطات تيليفون للتودة وخرجات من المراح كان واقف طارق هو والروطال على برا مجمعين ) طارق خويا
طارق ( ضار عندها مبسم ) عينين خوها
الروطال ( تنهد حاك على نيفو ) بدينا بعينين ودنين ..
عنبر ( ميقات فيه ) الله يستر ( شافت فطارق ) ليالي عيط ليها باش شي حد يجيبها هي وخالتي سميرة ودراري .. وقالت بلي خاص تقولها لداك شريكك قلت ليها حتى انت باطرون ديالها .. تعطيها شي يامات تحضر معانا الله يسهل عليك
طارق : تهناي انا نعيط على راشد ونݣولو يجيبها هي ولوخرين
عنبر ( تبسمات ) الله يخليك ليا اخويا العزيز ( شافت فروطال بنص عين كتقلي ليه السم )
الروطال ( محرك صباعو ) نتفاهمو من بعد على هاد لويان العينين الفتيلة .. خلاتهم كضحك ورجعات للعند العيالات ..
ليالي خشات تيليفونها فساك .. وقفات كتسنى فطاكسي كتشير بيديها حتى وقف ليها واحد ركبات عطاتو لادريس وشدات الطريق للدار .. وصلات خلصات ونزلات دخلات لدار ءلمات على سميرة وعاودات ليها ..
سميرة : سونات ليا فاطنة ݣبيل وعلماتني الحمد لله مسكينة هامنين تجمعات مع كبيدتها هاديك هي دنيا ومافيها العݣوبة تشوف ميمتها ماحدها فالحياة ..
ليالي : حسن عوان خالتي والله حتى كتبقى فيا ، خاصها تمشي تشوفها الموت والحيا ماعرفنا شكون السابق
سميرة ( تنهدات ) اودي صعيب عليها الحال تخاف من خوتها .. وهوما مشرارين خاصها دي معاها الحمية الى بغات تمشي تشوف مها
ليالي : الله يصاوب ليها ياربي انا نوض نبدل عليا نتوضى ونصلي ونجي .. قالت ليا عنبر نجمع شي باليزة صغيرة ماعرت شحال يݣلسو تم ؟
سميرة : والعلم لله ابنتي .. ، ناضت ليالي للبيت بدلات عايها توضات ودخلات لبيتها تصلي ، غير سلات بدا تيليفونها كيسوني كان راشد بلعات ريقها وحلات سرجم قبل لا تجاوب ..
ليالي : ألو
راشد : ياك ݣلت ليك بليل فاش تخرجي انا لي نوصلك .. انتي مال راسك يابس بحال الحجر
ليالي : راه ماشي هكاك .. جا طاكسي ركبت فيه مغانبقاش انا فزنقة كنتسنى
راشد : ماکلناش ليك بقاي تسناي ، كاين المحال ݣلسي فيه حتى نجي الله يهديك اليالي ، مكنحملش هاد الخصايل الله يرضي عليك ( بقات ساكتة ) المهم غدا وجدو راسكم غدا انجي نديكم لسوق الأربعاء
ليالي : قالها ليك طارق ؟
راشد : اه الالة ݣالها ليا .. العشرة نلݣاكم واجدين
ليالي ( قاطعاتو ) راشد واش مقلق مني ، هضرتك معايا فشكل !!
راشد ( سكت حيت اول مرة تعيط ليه بسميتو حرفية ) مكنحملش نعاود الهضرة بزاف ديال المرات .. كتحسسيني بحال الى باغي نلعب معاك انا راه كبرت على هاد البلانات أليالي ، الى كنت كندير معاك هكا حيت ناوي معاك بزاف دالحوايج اليالي من شحال هادي ديريها فبالك .. الى بغيت نضيع وقتي راهم كيروز المهم تصبحي على خير ( قطع عليها التيليفون خلاها ساهية فكلامو مامتيقاش ودنيها وشنو سمعات )
جميل أن تشعر أن هناك في زاوية ما من هذه الكرة الأرضية من يفكر فيك و يتألم لك و يهتز لآلامك و أشيائك الصغيرة .. فأحياناً تشعر بأن روحك قد التقت روحاً مثلها لا تبعثر تلك اللحظة، ولا تفوّتها توقف عندها جيداً وأوقف كل شيء آخر حتى تتأكد من تلك الروح. وحين تتأكد أنها فعلاً تشبه روحك لا تفلتها ..
~~~~~~
شادين الطريق للسوق الأربعاء .. هي كالسة اللور مع دراري وسميرة القدام حدا راشد
سميرة : سمحلنا اوليدي عذبناك معانا
راشد ( عينيه على الطريق ) مكاين حتى عذاب أخالتي على راس والعين
سميرة : الله يرضي عليك .. الطريق كلها وهوما ساكتين ، هي حاضياه بنص عينها مرة تشوف فطريق مرة فيه هو لي كان قاني عليها من المرايا ديال الطوموبيل ..
- وصلو للسوق الأربعاء .. تلقى ليهم طارق رحب بيهم ليالي وسميرة ودراري دخلو للعند العيالات وصلو مع ميقات الغدا ريحة الطياب كتعطي ، ليالي كتعنق فحياة وفنعبر مخشية وسط منهم البنات مجموعين فقنت والعيالات على جموع فقنت اخور ..
ليالي ( بقات غير ساهية وكتسمع للهضرة البنات ) ولا حشومة عليها .. وحشومة تقول هاد الهضرة
دنيا ( تنهدات ) أودي بعض الامهات غير بسمية الله يسمح ليهم ( غمزاتها ماجدة باش تسكت ) بلاما تغمزيني أماجدة كنقول لي كاين .. هاهي عندي انا نيت عمرها سولات فيا ياك حتى من طارق كانت رايما ليه اعلى وديت باغية تزوجو .. منين مابغاش سدات عليه مابقاتش كتدوي معاه وهو الحنين فينا مسكين ..
ماجدة : هاني انا عندي نيت وكبرت معاها .. لا حنان لا والو عصام مشا زارها بحال الى ماوقع والو ، كاين شي ناس بحال الى مدايرين والو مكايحسوش براسهم غالطين ..
حياة : انا مي دارت معايا شحال من فالطة .. ولكن كنغمض عيني كنقول هي تربات هكا ولا رباوها هكا وكنسكت فمي وكنميك ولكن بزاف حتى انا بنادم تجرحني قدام كولشي نتقبلها من اي واحد ولكن مي دبح**اتني ..
عنبر ( طبطبات على يدها ) ماديريش فبالك دابا تعرف راسها غالطة الله يهديها ..
( صوت علال الرجولي كيعيط ) عـــنبـــر
عنبر ( جمعات الوقفة ) نعام ابا
علال : عيطي على مك ابنيتي وأجي ( شافت فيها تودة بمعنى شنو كاين ) ماعرفتش ( لبسات بانطوفة هزات شالها لاحتو عليها لابسة ݣندورة ديال جداها واسعة .. تبعاتها مها وتوجهو للصالون فين كان ݣالس علال وعبد الخالق ) أجي ابنتي ݣلسي ... ݣلسات عنبر وحداها تودة ، جات رقية وݣلسات حتى هي حداهم مبسمة مزينة يديها بشرتلة ديال الذهب ..
علال ( حنحن حاط يديه بزوجهم على عكازو كان غالب عليه واحد الهبة او واحد الوقار .. من عينيه كايبان ليك بلي دا فزمان وجاب ودوز بزاف شاف فتودة ونطق بتبسيمة كتبين سنيه لي مزال ماشاء الله صحاح وبيضين بناء على صحتو وماكلتو الصحية والبلية لي عمرو طاف جيهتها )
سمعيني أبنتي وسمعي هضرتي مزيان .. مانبغيش ليك الضر انا مغانحكمش على النهار لي درتو فيه شرع يديكم وتزوجتو بلا موجب شرع بلا والدين .. غادوز حيت جبتو ليا هاد الفريخة هاد النوارة ، ودابا ابنتي خاص تصلحو لي درتوه وتجمعو على ود بنيتكم وتعاودو تصايبو ليها وريقاتها باش تسجل بسمية باها ومها ..
عبد الخالق : با سمحليا غانقاطعك ( شاف فتودة ) انا واخا مادرت والو ماسمحتش فيك وربي شاهد عليا .. وكونما مرض بنتي والله منخليك ورجعت قلبت عليك فكل عام كنرجع نقلب او والو ربي بوحدو لي عالي وعالم ببلاصتك عندي .. الى قبلتي ݣدام با وبنتنا انا باغي نجمعو شمل ولي مادرناه هادشي شحال نديروه دابا ونتزوجو بشرع والقانون وكي ݣال با نسجلو بنتنا بسميتنا كيما خاصو يكون ...
علال ( كيشوف فتودة لي حابسة البكية ) شوفي ابنيتي لي ضرك ضرنا ومقامك غالي بحال ولادي وكثر .. نحلف بيميني لا خليت شيحاجة ضرك مدامني فالحياة ، حسبيني باك ( كلمة لي ساهلة من فمو ولكن عندها هي فتحات جرح قديم نزلو دموعها لي تحولو لشهقات )
عنبر ( عنقاتها ) ماتبكيش اماما الله يسهل عليك خاصك تكوني فرحانة
تودة ( من بين دموعها ) واخا نبغي نفرح ابنتي صعيب صعيب عليا نفرح وانا حبابي بعاد عليا وميمتي بعيدة عليا ( بدات تشهق ) ميمتي لي ماشتهاش منين كانت عندي 16 عام بغيت انشم ريحتها ونعنݣها مايحس بيا حد ..
علال ( وقف وجا كلس حداها باس ليها راسها ) والله ابنيتي حتى نمشيو كاملين رجلنا برجلك حتى تشوفي ميمتك ويتصفاو الخواطر مايكون الخير من هنا للقدام
تودة ( شافت فيه ) الله يطول فعمرك اعمي ( كتمسح دموعها )
علال : واش ݣلتي ابنيتي ؟
تودة ( تنهدات تنهيدة طويلة) لي درتيه اعمي انا قابلة بيه
علال ( تبسم وشاف فولدو ) والله يجعل كولشي مبارك ومسعود ..
- الحياة عبارة عن مراحل كندوزو من بزاف ديال المطبات كنتعرضو لصدمات لي ممكن تأثر علينا بزوين ولا بالخايب ، على حسب الإنسان واش قوي واش ممكن يتحمل ولا من نوع لي فاشل وضعيف وشخصيتو منعدمة الى كنتي من نوع الأول كتوقف وتكمل منين بديتي والى كنتي من النوع الثاني كتستسلم وتسد عليك يا كتدخل فإكتئاب ويجي نهار وتنهي فيه حياتك .. يا كتبقى ساد عليك وتلتاقط جميع الأمراض النوع الأول كيكون إيمانو قوي بالله سبحانه كيكون مخلي مخلي مصيرو لله وعارف بلي غايعاونو أما نوع الثاني كيكون إيمانو ضعيف بزاف وهو لي كيستسلم ويسد عليه ..
• عائلة حيدر بكبيرها وصغيرها دازو من بزاف ديال الحوايج خايبين ، عائلة لي لاباس عليها ولي معروفة فالبلاد ولي شافها يقول موحال واش دازو من مشاكل وعراقيل .. وهوما لي داز عليهم كثر من زغب ديال الراس ولكن الحاجة لي زوينة فيهم كيشدو بيد بعضياتهم وكيتعاونو بيناتهم ويفوتو ديك الحفرة ويكملو طريقهم .. من الجد للولاد او لولاد الولاد وعمر ربي حشمهم حيت عمرهم ظلمو شي حد ولا كلاو شي حد هادشي علاش دارو بلاصتهم بين الناس والكل كيبغيهم من غير الناس لي حقودة لي مكايبغيو حتى راسهم ..
• داز أسبوع واحد الدار كانت عامرة غير المقربين والحباب ريحة الطياب عاطية وريحة البخور .. الطلبة دار معاهم علال بنهار ، العيالات فصالون ورجال بوحديتهم .. كيتسناو فالعدول يجي باش يكتب العقد ديال عبد الخالق وتودة .. وهوما ݣالسين كيتسمعو دقايقية والغنا وتطبال شي كيشوف فشي بإستغراب ..
ياسمين : شنو هذا ؟
عنبر ( جاها الفضول ) نطلعو للسطح نشوفو .. طلعات عنبر تبعاتها دنيا وياسمين وليالي وحياة .. أما يسرى ماقداتش سخفانة بالحمالة ، تعلات عنبر وطلات كيبانو ليها دقايقية وشي دراري هازين كترت الطيافر والكادوات والروطال واقف جار ضروبة حداه طارق وعصام .. خرجات عينيها شادة على فمها شافت فالبنات وشافو فيها كيضحكو ..
حياة ( كضحك ) هانتي اختي جايب ليك الهدية باش يرضك وتواطاي شوية
دنيا : براڤو عليك اختي هكاك نبغيك عطي ديما لراسك القيمة ، حيت الى مابغيتيش انتي راسك وعطيتي قيمة لراسك وكبرتي براسك عمرك تسناي من شيحد يبغيك ولا يعطيها ليك ( شافت فيها ياسمين كتسمع لختها لي مامزوجة مادايا قزمان وفاهمة الحياة مزيان عكسها هي لي خايفة على راجلها يتقلق ولا على عائلتو تنهدات تنهيدة طويلة حتى شافت فيها عنبر بانت ليها مغيرة )
عنبر ( شدات ليها فيدها ناسية روطال لي جايب الهدية ) مالكي أختي ؟
ياسمين ( بإبتسامة باهتة ) من بعد اختي ونعاود ليك ماشي وقتها هدا
عنبر : والله حتى تقولي
ياسمين : اويلي حشومة خاص تهبطي
عنبر : والله حتى تقولي ، مالكي اش كاين ؟
ياسمين : هضرة دنيا فكراتني فراسي .. وليت كندير اي حاجة على ود نور الدين غير باش مايتقلق غير كنراري بيه وبعائلتو .. خاصهم مايتقلقوش هوما ديما يكونو فالأولوية
دنيا ( شافت فيها بعدم تصديق ) كون اكنتي هكا من دار نقول هادي طبيعتك وانتي ماشي هكا .. واش انتي حمقة راجلك اه طيعيه فالمنفعة وفصح ماشي فالغلط دارهم عليك بالاحترام والمودة منقلل عليهم الحيا منفوت معاهم الحد ونفس الوقت حتى هوما مايفوتو معايا الحد الاحترام واجب بينكم بزوجكم كل واحد يعرف لي ليه ولي عليه ..
عنبر : عندها الصح مدفݣيش حتى للحد وتكون عندك شخصية كيما كديري ليهم اعتبار .. حتى هوما من المفروض يديرو ليك اعتبار هاد الوقت الى حنيتي الراص يديرو عليك البردعة ويركبو عليك ونفسك اولا .. واخا يجيو الولاد نفسك هو لولة عاد راجل عاد الولاد عاد الشغال ديال الدار لاش كديري هكا مافهمتش ناقصك يد ولا رجل
ياسمين : كنخاف كنخاف لا يوقع شي حاجة ونتفارقو وانا كبرت
دنيا ( هزات صبعها وقلزات ليها ) هاكي اويلي على كبرت 36 عام كبرتي واش انت مريضة ؟ ومبايناش فيك كاع كاينة لي حتى دارت 40 عاد جاب ليها ربي رزقها وكاينة لي دارت 50 ديك الهضرة ديال لي فاتت 30 راه كبرات هضرة ديال البراهش والبرهوشات لي ماقريات ماواعيات ماعندهم هذف مساكن فحياتهم .. كابرات بين عقليات سطحية تخربيق الخاوي وديري العز لراسك حيدي عليا عصبتيني ..
- عنبـــــر والبــــنات فينكم
ياسمين : خليونا من اللغى دابا خالتي سعاد كتعيط علينا .. هبطو البنات وخرجو على برا عبد الخالق وأدريس واقفين وعلال كولشي كيتفرج .. قرب الروطال بضرورة حتى للقدام عنبر او وقف
الروطال ( بصوتو الرجولي الثقيل ) التكبيرة وكبرنا والهدية وجبنا .. جاي طالب راغب فيك ترجعي لدارك وعمرك تخرجي منها حتى يفرقنا الواحد الأحد أبنت عمي شنو ݣلتي ؟
عنبر ( ماكرهاتش تجرو تعنقو اشادة راسها كتشوفليه فعينيه شوفات خلاوه يتبسم حيت قراها وعارفها باش كتحس .. كتحماق عليه وعلى كلامو الموزون وعلى رجولتو لي كتحس بيها واخا هي بعيدة عليه تنهدات ونطقات ) :
مرحبا بلي جا محمل ومجمل عرف بقيمتنا او وزنها بذهب .. وقدام الجماعة والراس الكبيرة الحنين كنقوليك قبلنا بالهدية أولد العم والكلمة لي نعطيها ليك ومنرجعش فيها هي عمري نخوي دارك ونكون مرأة صالحة وأم لولادك معاك على الفرح والقرح ، وجنبي عمرو يفرق جنبك الى مافرقنا لي خلقني وخلقك ..
- إحساس لي جاها غريب .. فهاد الدار تزوجات بيه وتجمعات بيه واخا مكانتش عارفاه ولد عمها وهاهي اليوم من هاد الدار كبر بيها باش ترجع لدارو معززة مكرمة .. وصل العصر جا العدول تجمع علال وعبد الخالق حداه وتودة لابسة جلابة فالشيبي مع واحد الشال فيه الصقلي فالبيج ، تكتب العقد بيناتهم ولي مداروهش هذا شحال داروه اليوم ولات مراتو بشرع والقانون .. الزغاريت تعلاو فدار والكل كيبارك عنبر الفرحة كانت مضوبلة عندها خرجات على برا فواحد القنت ݣلسات ونزلو دموعها كتبكي حتى عيات ..
- خرج كيقلب عليها لقاها فالقنت كتنحط .. بخطوات واسعة وقف عند راسها جرها مخلوع
الروطال : مالك اش وقع ( بصوت زعزعها ) تي شكون بكاك ياهاد الخلقة ؟
عنبر ( كتمسح فدموعها ودموعها كيهبطو ) حتى واحد راه غير
الروطال ( قاطعها ) وتي دوي ابنادم شكون بكاك نعطب مو اش كاين ؟
عنبر : واحد الاحساس فشكل .. كنت بلا والدين بلا عائلة وهاني دابا وسط عائلتي والديا هاهوما تزوجو دابا فرحانة ومامتيقاش راسي والله العظيم ، هاني عندي خواتاتي وخويا وجدودي او ولاد عمي ( هزات فيه عينيها لي كيبريو بدموع شافت فيه ببراءة ) وعندي انت
الروطال ( تبسم مدور لسانو وسط فمو ) مالي انا ؟
عنبر : فيك ولد عمي وفيك ( قبل لا تكمل جرها مخرجها من الباب مدورها لور الدار مقنتها ) علاش جبتيني هنا ؟
الروطال ( مكوانسي عينيه مع تفاصيل ملامحها ) باش نسمع على خاطري ومايدخل علينا حد كملي أݣلبي كملي
عنبر ( عضات على شفتها الحمورة غزالت وجها ) فيك ولد عمي وراجلي وحبيبي وتاج راسي لي كنبغيه وكنحماق عليه ( قاطعها زادح راسها مع الحيط ملتاهم شفايفها ببوسة طويلة كينتشي بنعومة شفايفها ونفسها لي كيضرب فنيفو حتى بعداتو بيديها كتسترجع أنفاسها ) اويلي ( ضحكات ) واش هبلتي ؟
الروطال ( كيدور لسانو على شفايفو خدا نفس طويل عينيه كلاوها ) علاش انتي كتخلي ليا العقل باش نوزن .. انت هي ديك الفتيلة لي كتݣدي العافية لي شاعلة فهاد عبد ربه
عنبر : ويلاه نرجعو
الروطال ( هزهز راسو ) تقلتي الحساب أمدام وغادي نتحاسبو ابنت قلبي
عنبر ( بتحدير ) ماتبقاش تسرق ليا كلامي
الروطال ( جرها ملصقها مع صدرو معنقهو ) مكاينش بيناتنا سرقة ابنت القلب انا وانتي واحد ازين ديالي
عنبر ( زربات عليه تعلات وعنقاتو من عنقها ) الله يخليك ليا
الروطال ( هزها للعندو ) وليا ( نزلها باس ليها راسها ورجعو هي وياه معمقها من كتفها راجعين للدار
جاو الطلبة تجمعو مع رجال فصالون .. والعيالات مجمعين فصالون لاخور تحط الغدا تغداو الناس ومن وراها رجعو الطلبة دعاو وقراو ماتيسر من القرآن ومشاو ..
ليالي دايزة للكوزينة حطات واحد الطبسيل تمات راجعة حتى تلقى ليها راشد .. مدوى معاها من نهار وصلهم حتى شافتو قدامها دابا
راشد ( قرب جيهتها ) وجدي راسك نوبتك قربات ( ضرب فيه ومشا بقات متبعاه حتى فيقاتها حياة من سهوتها )
حياة : شنو قاليك ؟
ليالي ( بالها معاه ) قاليا وجدي راسك نويتك جايا ( شافت فيها ) شنو بغا يقصد ؟
حياة ( ضحكات ) زعمة وجدي راسك ضربو الكحل فالبيض زاهية عراسات ودجاج بدغميرة ( خلاتها ومشات على برا ) ..
- فالݣلسة لي على برا ݣالسين الرجال بوحدهم عصام الروطال وطارق وراشد .. مجمعين وجابدين بزاف ديال المواضيع داويين فيهم
طارق ( موجه كلامو للروطال ) خوك ناوي يعمر دار فخبارك ؟
الروطال : وايلي ( شافيه ) وهادشي مافخباريش شكون هادي لي قرقتي عليها ؟
عصام : البنت لي كتقابل عمران .. بنت درويشة ظريفة وعمران كيبغيها مغاديش نلقى معاها مشكيل ولا نخاف على ولدي منها
الروطال ( بجدية ) اهاه والبنت ؟ بغات ؟
عصام ( هز راسو ) واه بغات
الروطال ( كيشوفيه ) وهاد البنت جايبها تزوج بيها نيت وتكون مراتك نيت نيت توسد فخضها ولا غير باش تݣابل ليك ولدك وتعمر الكوزينة ؟
عصام ( برم شفايفو ) كيفاش زعمة ؟
الروطال ( غمزو ) انت فاهم وانا فاهم الى كنتي غاتجيبها غير على ود ولدك .. وتعمر دار وتشوفيها وتشوفيك خلي البنت فدارهم حتى يجي لي يستاهلها ويبغيها
عصام ( غوبش ) هي أنا منستهالهاش أخويا ؟
الروطال ( تقاد فالݣلسة ) تستاهل كل خير ماݣلناش هادشي .. ولكن باش تجيبها وتعامل معاها بحال شي برانية خلي البنت عليك ، حيت من حقها تبغي وتبغى ومن حقها تسند على راجل يسخن كتافها وفراشها متكونش اناني .. انا عارفك مزيان من نهار طلقتي ماحطيتي عينك على بنت المرا منبغيش خزيا يظلم معاه بنت الناس فكر مزيان وخمم
- عصام بقا غير ساكت وكيفكر فكلام خوه مابقاش دوا مسرح رجليه ، طارق فوقت من الأوقات سهى حتى سونا ليه التيليفون جبدو من الجيب مغوبش بعد عليهم وفتح الخط ..
طارق : وي
ثورية : نسيت ماماك سري ، معرفتيني ميتة ولا حية
طارق ( حك حاجبو ببرود ) انت لي خليتيني نݣطع ، كنت فكل وقات نسوني نسول
ثورية : حيتاش بغيت ليك مصلاحتك ، كون ساعفتيني هاهي البنت تزوجات بمهندس دولة وأنت بقا تابع ليا باك
طارق ( بصرامة ) الى مسونية باش تدوي على با ، غير ݣطعي حسن .. با تزوج وكيما هو نساك ومابقاش كيدكرك حتى انت ماتبقايش دكريه
ثورية ( غوبشات ) حتى شاب عاد بغاو يعلقولو حجاب شكون هاد شويرفة لي قبلات عليه ؟
طارق ( عصباتو ومرضاتو ) غير تهناي مشارفاش بحال اللوزة ويلاه عندها 50 عام .. ومكاين لاش تعرفي شكون هي الواليدة خليني محتارمك خليتي مزال داير بتربية با لي انتي مكتحمليش ومقدرك وعاطي بتيساع عند بالي معيطة تسولي فيا ساعة لي فيه شي علة فيه .. الله يهديك تصبحي على خير ( قطع عليها راجع لعندهم معصب معاود ليهم الحوار لي دار بيناتهم )
الروطال ( طبطب على رجلو ) نسى وميك ماديرش فبالك
راشد ( قاطعهم مبدل الهدرة ) الخوت ناوي نكمل ديني
الروطال ( شافيه ) توما مالكم شي مجمر كبير هذا فوسخكم كلكم وليتو باغيين تزوجو شي ريح هذا دايز
طارق ( كيضحك ) شكون ؟
راشد : ليالي ، ماكرهت هاد الليلة نطلبها من دارهم أش بان ليكم ؟
الروطال : بلاااان ولكن دابا مجاتش خاص طلبها بشرع والقانون ومن دارهم أصاحبي شوية ديال الصبر وانت حامية فيك البيضة ..
راشد : حيت انت عمرتي جنابك محاسش بيا
الروطال ( تنهد ) اودي بقيتو تابعينا حتى ركباتنا البرودة ، الحاجة لي كتبعوها مشات ..
~~~~~~~~~~
خارج من الخدمة مع 9 .. جاي بشوية مخدم الموسيقى فاتح السرجم مخرج يدو ويد سايݣ بيها .. حتى لقى راسو دايز من الشارع لي كاين فيه المطعم بانت ليه واقفة حدا السطوب كتحاول توقف طاكسي .. توجه للجهتها او وقف منزل الزاج لوخرا نزل براسو مشافتش فيه حتى عيط عليها ..
عماد : ليلى ( شافت فيه ) طلعي
ليلى ( جات لعندو ) لا اسي عماد بلاما نعدبك انا كنتسنى طاكسي
عماد ( بجدية ) دوينا معاك طلعي ( بلعات ريقها حلات الباب وطلعات دارت السمطة مكمشة على ساكها )
ليلى : شكرا سمحليا انعذبك ( هزهز ليها براسو ديمارا سايݣ وسكات كان هو سيد الموقف حتى هرسو بسؤال ديالو لي وترها وشوفا لي دار فيها )
عماد : ليلى منين بلادكم ؟
- توترات وبلعات ريقها حسات بالخلعة طلعات مع رجليها وقلبها كيضرب بزربة شافت فيه ونطقات :
علاش ؟
عماد ( عوج فمو ) فضول ، حنا البوليس سبحان الله الڤيس ديال الفضول كيدݣ فينا ( شافيها ) علاش كاين شي موشكيل ؟
ليلى : لا مكاين حتى مشكيل .. حنا الأصل ديالنا من أزيلال ولكن دارنا ساكنين فالجديدة
عماد ( بقا ساكت حتى نطق ) ومن جديدة جيتي لأكادير تخدمي العجب .. نورمال الناس كينزلو للكازا يخدمو
ليلى ( تنهدت ) المكاتيب انا خدمت فالاول فمراكش .. عاد جيت لأكادير ( كتافات بهاد الهضرة ماعرفاتش علاش سكتات وكدبات وخبات ولكن مكانتش قادة تيق واخا هو لي ضبر ليها فالخدمة ..
عماد ( وصلها قريب لزنقة فين ساكنة سكت طوموبيل وشافيها ) على سلامتك هانتي وصلتي بيخير وعلى خير ماخطفناك ماهربنا بيك
ليلى ( هزات ليه راسها ) شكرا الله يجازيك بيخير ( حيدات لاسنتيى ونزلات سادة الباب بقا متبعها بالعين حتى دخلات بقا واقف كيدورها فدماغو جاتو من هضرتها بحال الى مخبية شيحاجة ومابغاتش تݣولها ديمارا طوموبيلتو مرجع الموسيقى وشد الطريق لدارو ) ..
~~~~~~~~~~~~
جاتها غريبة يجمعهم بيت واحد شحال كانت كتمنى تكون معاه وكتخيل حياتها معاه .. ولكن داكشي مات من شحال هادي منين كانت كتقلب على بنتها وداكشي لي داز عليها احساسها مات ودفناتو ، ݣالسة فوق الفوتوي وحالة سرجم وساهية فسيناريو ديال حياتها حتى دق الباب ودخل .. شافت فيه ورجعات شافت فسرجم سد الباب وجا لحداها وكلس تنهد ونطق بصوت هادي ..
عبد الخالق : فاطنة ( شافت فيه ) مزيانة ؟
تودة ( شافت فيه ) الحمد لله لي عندو صحيحتو يحمد الله ويشكرو
عبد الخالق ( حك جنب حاجبو مقاد نظاظرو ) سمعيني افاطنة انا عارف لي داز عليك ماشي قليل ، ويݣد داز علك ماكثر مني يانا وحتى واحد فينا معاش هاني .. ولي مدوز القليل دوز الكثير داز علينا العذاب وموصلناش لهنا هانيين شلا حوايج خايبين انا بعدا ، كان محيلتي للخدمة ولا دار ولا ولادي مني البو والام نطيب نݣابل كونماشي الواليدة الله يخلي ليها صحيحتها لي كانت تهز معايا الحمل وحتى انت داز عليك القهوة وظلم لي دزتي منهم هادشي كاملو فاهمو ولكن ( شافت فيه ) بغينا نتحمعو على قبل بنتنا ندوزو لي بقا لينا فالحياة مع بعضياتنا وباش نجيك نيشان .. انا ماتزوجتش بيك غير على وديت بنتي حتى على ودي انا ، عمري شفت فشي مرة فحياتي من نهار عاشرتك وبغيتك وربي شاهد عليا وبحال دابا عندي بحال هذا شحال ..
تودة ( تنهدات وتقابلات معاه ) سمع اعبد الخالق ، أنا محاقداش علك حيت عارفة ماخليتينيش من ݣلبك عارفاك مجبور وعارفة لي داز علك .. ولكن حتى انا مزال مهمومة وربي عالم بيا خايفة ميمتي يتوسدها التراب وانا منين كان عدي 16 عام ماشفتاش الموت والحياة هادي اعبد الخالق ، مݣاداش نفرح واخا بنتي رجعات ليا وتجمعنا انا وياك ولكن كنحس براسي ناقصة بلا ساس بلا هل
عبد الخالق ( جر يدها شدها ) ربي كبير وربي شاهد عليا وهاد ليلة الجمعة مغانرتاح حتى تشوفي ميمتك وتجمعي معاها والى ماݣديتي تشوفي خوتك انا نمشي ونجيبها حتى لعندك انتي غير رتاحي ..
تودة ( غرغرو عينيها ) بصح ؟
عبد الخالق : حتى حاجة ماصعيبة المهم اتكوني فرحانة ومرتاحة ( تبسم وباس ليها راسها ) ..
- خرجات من الحمام ملوية فالبينوار .. جامعة شعرها بفوطة هزات بيجامة ديال النعاس وحوايج ديال الداخل من دوك لي جاب ليها ، دارت ديودورو ديالها وسبراي ديال اللحم من لي كادو لي خدا ليها .. لبسات حوايجها وحيدات فوطة من شعرها يلاه بغات تنشفو تحل الباب ودخل عليها هزات راسها فيه ..
الروطال ( كيناظرها بعينيها كيدور لسانو وسط فمو مبسم ) الزين بصحة تحمحيمة
عنبر ( جاها الضحك ) هذا راه غير دوش ماشي حمام ..
الروطال ( نقز فوق نموسية ) كولشي زين احوبي خايب غير بلاش ( خشا راسو تحت يدها مخرج راسو لكرشها عاضها من صدرها من فوق بيجامة )
عنبر ( نقزات من بلاصتها ) اويلي واش حماقيتي ولا جهلتي ؟
الروطال ( كيشوفيها منشوي بريحتها ) اه جهلت ديري معايا حل أبنت عمي .. مابقاش فيك هاد السيد مسكين ، مابقاش فيك الستاتي بورزة
عنبر ( تكرشخات بضحك ) شكون هاد ستاتي بورزة تاني ؟
الروطال ( عض على شفتو ) لي معذباه وكاوياه بنارك لي من نهار داق حلاوتك مانساك .. واش عارفة لمك شحال وانا صايم ( جرها خاشيها فيه ) برب العالي لا تفكيت معاك ..
عنبر ( كتحاول تملص وتضحك ) ولا مجاتنيش هنا فدار والله
الروطال ( شافليها فعينيها ) نشدو طريق دابا لظارنا اش بان لك
عنبر ( متكية فوق منو شعرها الفازݣ على وجهو ) عرفتي تشهيت نمشي لديك الدار لي حنيت فيها .. كتحمق والله واحد المنظر فيها كيهبل
الروطال ( هز حاجب ونزل الثاني ) ديال الحاج أحمد دابا الحب ماطلبتي الموجود أجي ( جرها )
عنبر : اويلي بهاد الحالة واش هبلتي ؟
الروطال ( ضار كيشوفيها خاصها تمرض زول قبيتو لبسها ليها ودار ليها القب ) دابا مزيان أمدام أجي .. جرها من يدها مخرجها وهي تابعاه ، كان الصقيل فدار التحت خرجها على برا مركبها فطوموبيلتو ساد عليها طلع حداها كتشوفيه كضحك جاها اهبيل .. ديمارا وشدو الطريق مسافة وقف قدام واحد الدار كبيرة ) أنا جاي ازين ..
- مقابلاه كيدق مدة تشعل الضو فدار .. فتح واحد الشاب قد الروطال بقا داوي معاه دخل بقا شوية ورجع ماد ليه سوارت فيدو رجع لعندها غمزها من بعيد طلع لطوموبيل وشافيها ..
الروطال : اليوم نكركب مك من كاع جوايه السطح يشهد علك
عنبر ( كضحك ) الممسوخ لاخر
الروطال : ممسوخ وكيموت فك ( باسها ففمها بالخف مديماري ومكمل الطريق
ݣالسين فبيت واحد كيتعاودو مزال مداهمش النعاس
دنيا : غير حتى وقف عليا هو وخويا طارق ، عرفتي داك نهار شنو دار ليا شوهني وداك الصوص كلو تكب بكيت البكا لي عمري بكيتو فحياتي بقا فيا الحال بزاف ..
حياة ( حاطة حداها قاغط فيه كاوكاو معسل ) حشونة عليه مكانش خاصو يدير ليك هكا كولشي كيتحل بالعقل
دنيا : فلول بقا فيا الحال من بعد عذرتو حيت انا وطارق مكانخبيو والو على بعضياتنا حس بشمتة منين خبيت عليه .. ولكن باين كولشي من داك راس الحربة دصاحبو عز الدين
حياة ( هزات فيها عينيها ) غير كيبان ليك والله حتى ظريف ( عاودات ليهم على نهار تخاصمات مع طارق ودافع عليها) تلقايها مانوا والو وقاليك طارق بلي مكانش عارفك ختو
دنيا : والله ماعرفت
حياة ( بإبتسامة ) الله يخليكم لبعضياتكم بعد المرات كنقول كون عندي شي خويا كاعما يوقع ليا هكا .. كون حن فيا فبلاصة مي وبا
ياسمين ( جراتها عنقاتها) حنا كلنا خواتاتك ماشي غير حيت مامشاركينش الدم راه صافي ، الحمد لله شاركنا الطعام والعشرة وإن شاء الله نشاركو حتى دم خوي راسك من هادشي الى رجعنا للكازا رجعي لبسونطر وكملي قرايتك يوصل شهر 12 دفعي للباك ليبر وانا ودنيا وماجدة نعاونوك راه كل وحدة والمادة لي عندها معاها ..
حياة ( فرحانة حسسوها بلي ماشي بوحدها ) لهلا يخطيكم عليا
ماجدة : شحال عندنا من حياة غير وحيدة .. فعلا كانت عزيزة عليهم ماشي غير مجاملة دارت بلاصتها فقلبها بطيبت قلبها وبيوضيتو ماشي وحدة خايبة او غدارة ولا كضرب من تحت عندها غير نيشان نية وحنينة وهادشي علاش عزيزة عندهم .. ،( بدا تيليفون ماجدة كيسوني طلعات ليها نمرة عزيز نساحبات تحت أنظارهم وتوجهات للبالكو سدات عليها فيه ) ألو عزيز
عزيز : تي مالك مكاتجاوبيش ؟ من صبيحي كنسوني معامن أنا ؟
ماجدة : وراه كان عندنا العقد ديال خالتي تودة وعمي .. داكشي باش ماشفتش تيليفون وكنت كالسة مع البنات
عزيز : اهاه ومݣالش ليك راسك تشوفي الابيل وتجاوبي ( سمعات الهضرة وصوتو كيبعد )
بهيجة : حيد الحمار تبقى دوي مع درية بحال هوكا ألو بنتي ماجدة لاباس عليك مبارك ومسعود
ماجدة ( تكوانسات مصدومة وحشمانةو) الله يبارك فيك أخالتي كيدايرة انتي لاباس عليك وعمي عبد العالي
بهيجة : هاهو حدايا كيسلم عليك ( ماجدة غرقات فحوايجهاا كيفاش دوا معاها وتكلم معاها هكاك قدام والديه ) مديهاش ابنيتي على هاد بوراس يديه يضاربو مع رجليه
ماجدة : لالا هانية أخالتي
بهيجة : قولي ليا ابنيتي وينتا ناويين ترجعو بسلامة إن شاء الله ؟
ماجدة : كنقولو غدا إن شاء الله
بهيجة ( تبسمات ) ايوا صافي مزيان الله يجيبكم على خير تاديري ابنتي وعطي نمرت باك للعزيز راه بغاها عمك وتهلاي فراسك احبيبتي الله يرضي عليك ( عطات التيليفون للعزيز )
ماجدة ( مزال مكوانسية حتى فيقها عزيز من سهوتها ) أجي اش قلتي ليهم ؟
عزيز ( بعد على دارهم ) ݣلت ليهم لي خاصو يتݣال كنبغيك وباغي نجي لداركم .. والواليدة بالفرحات عليها خاصنا نشوفو غير سيادتكم واش تقبلو علينا خوتك عارفيني ماشي شي أوم دافير على ݣدي
ماجدة : وزربال اعزبز وحشمتيني مع خالتي حشونة عليك
عزيز : واش مباغيانيش ݣوليها
ماجدة : لا بالعكس غير .. ( قاطعها )
عزيز : مكاين لا غير لا غيرو الله يرضي عليك .. سيري ترݣدي ورتاح ليا مع راسك خاصك راحة باش تكوني منورة ليا وهاد المرة نسوني جاوبي ( قطع خلاها غير كتشوف وهي مزال على ديك الصدمة خرجات لعندهم هزو فيها راسهم التيليفون مزال لاصق على ودنيها هزات عينيها فيهم )
دنيا ( بإستفهام ) مالك ؟
ماجدة : عزيز دوا مع دارهم وباغيين يخطبوني ..
حين يعطيك أحدهم الحب ؟؟
إما ان تبادله بأكثر من هذا الحب ،
او منذ البداية ارفض حبة لك !!
لا تعطية حب مؤقت ،
كن أكبر من ان تتسلي بالمشاعر لفترة ،
لا تخذل من احبك وتتركة بلا سبب ، كن وفيا فقط ..کلتَاهُما
تَعلَّمت وجهًا واحدًا لِـ الحُبِّ..،
ولم ترَ منه وجهَه الآخر..؛
الحُبُّ بِلا عطاءٍ علاقةٌ ٱنتِهازيَّة..،
والحُبُّ بِلا أخذٍ علاقةٌ ٱنتِحاريَّة..!!
الحُبُّ الحقيقيّ
أخذٌ وعطاءٌ مُتبادَل غير مشرُوط ..
- أول خيوط الشمس لي تسللات عليهم وهوما واقفين واحد ورا الثاني .. هي لي كانت لابسة غير سوفيطما ديالو كبيرة عليها مغطية جسدها العالي شعرها مطلوق على راحتو طويل .. يديه معنقين كرشها عريان ملابس والو من غير البوكسور خاشي راسو وسط عنقها كيستنشق الريحة ديال لحمها الريحة الحقيقية .. الدنيا خاوية شاهدة عليهم غير الحيوط وشجر دازت ليلة طويلة منعسوش فيها حتى صبح الصباح .. ليلة كانت كلها شوق للداك البعد لي كان بيناتهم فرحتها كانت كبيرة وهي بين يديه كتناظر الشمس لي طالعة بعينيها وكتستمشق الهوى النقي ..
عنبر ( ضارت للعندو بين يديه حاطة يدها على عظلاتو كتحسسهم بصباعها مبورشاه مشات عينيها لواحد الندبة عندو فصدرو لأول مرة تلاحظها غوبشات ونطقات ) منين جاتك هادي ؟
الروطال ( غارق فعينيها تنهد ) مديريش فبالك
عنبر : ولا بغيت نعرف ( شافت فعينيه لي كيحمقوها كتغرق وسط منهم كتحس بالأمان وهي كتشوفيه وبلي هاد الشخص لي قدامها غادي يحميها )
الروطال ( بلع ريقو وتبسم بحال الى عادي عندو ) غير سوڤونير ديال الحبس
عنبر ( خرجات عينيها ) واش ضربوك ( شافتو ساكت ) بغيت ليهم ضربة إن شاء الله
الروطال ( باسها فقنت عنقها مبورشها ) عادي مزيان تاخدي سوڤونيرات من البشار باش تعقلي على لي داز .. وكتعلمك ابب بلي بنادم اشكال وانواع وكل واحد شنو مخبي وراه
عنبر ( طولات فيه الشوفة ) بحالك أنت
الروطال ( غوبش بإستفسار ) علاش مالي أنا ؟
عنبر : شحال من حاجة مزال معارفاهاش عليك .. بحال البيت لي فلاكاب لتحت ولي مسدودة ومكتخلي حتى واحد يدخل ليه ، وبحال الديكورات ديال الخشب لي فدار .. وزيد عليها عمري ةصلت اللوطيل ديالك ولا شفتو
الروطال ( تبسم ) ياك الالة وقيلة نفكرك راه ماولينا سمينا على عسيلة حتى لهاد الأخر من وراها وقع لبلان لي وقع .. حنا يلاه ݣلنا بسم الله أمدام كولشي غاتشوفيه وتعرفيه وتحفظيه ݣاع ..
عنبر ( تبسمات ) وماكرهتش نسافرو عاوتاني قبل لا تبدا القرايا
الروطال ( قبل شفايفها كيشوف فعينيها كيفاش فرحانة ) نسافرو أمري وانا نفد لفين باغة تمشي ؟
عنبر ( كتفكر ) نمشيو للمراكش شنو بان ليك ؟
الروطال : نمشيو لمراكش ، لفينما بغيتي نمشيو ( عنقها عصرها خاشيها فضلوعوو)
عنبر ( باست صدرو معنقاه ليها ) الله يخليك ليا
الروطال تقابل مع وجها ملتاهم شفايفها جارها من جديد للبلاصة لي شهدات على حبهم ليلة كاملة ..
ݣالسين على الطبلة ديال الفطور وماجدة غير كتدور فعينيها باغية تدوي خاصها تقول لباها على الناس وتقولو راه بغاو نمرتو .. خوها ولد عمها كولشي كالس وحتى واحد ماسول على فين الروطال وعنبر متفاديين اي إحراج من بعد تردد كبير نطقات ماجدة بتخوف
بابا ( شافيها ) شي شي ناس بغاو يدويو معاك ( شافيها عصام وطارق )
طارق : شكون هاد الناس وعلاياش ؟
ماجدة ( شافت فيه الخوف راكبها مخايفاش انو دارهم يقولو لا ماشي من توبنا عارفة دارهم كيدايرين ولكن خايفة وحشمانة ) بغاو يدويو معاه باش ( حنحنات ) يخطبوني
أدريس ( غوبش ) أيوا ( شافيهم ) حاس براسي بحال الى كاين فالموسم ديال إيميشيل دزواج .. واش فاروق حل ليكم الطريق ولا كيفاش بلانكم
دنيا ( هزات يدها ) انا بعدا اعمي خارجة من جماعة الحرية زينة
حياة ( بصوت باهت ) حتى انا بحالك ( شافت فيها مها ونطقات )
رشيدة : لي هرب لزواج هرب لطاعة الوحدة اخرتها دارها والى لقات شي ولد الناس تزوج ودير كانونها .. حياة بلعات ريقها او وقفات مابغاتش تشوف جيهتها ..
سعاد : فين غادية أبنتي ؟
حياة : غير نشرب أخالتي ونرجع ( خلاتهم ومشات للكوزينة خاشية وجها فسرجم ولات كتعصبها وكتنيرڤيها كتجيها باغية تسيطر عليها وقدام جماعة مكتحاولش دوي معاها الراس فراس )
دنيا ( موجهة كلامها للرشيدة ) الزواج ماشي محور الكون اخالتي .. وشحال من وحدة تزوجات ماطفراتوش الوحدة تقرا وتعلم وتفقه ودير شي صنعة فيديها الدوام هذا حيت هداك ولد الناس راه يقد يجيك بحال الأمير وفاش تعاشريه كتلقايه مسمار مصدي غير كيتقب ليك العين ..
سميرة ( تنهدت ) عندك الصح ابنيتي الله يرضي عليك ويرحم من رباك وقراك .. رشيدة سكتات من بعد الكلام لي قالت دنيا
عصام ( حاول يبدل الموضوع حيت الجو تكهرب ) وشكون هاد الناس أعروستنا ؟
ماجدة ( شافت فيه ) وصافي أعصام واه
عصام ( تبسم ) ومالي اش ݣلت تي مالك منكرية ابوحدك
ماجدة ( شافت فباها لي كيتسناها تجاوب رجعات حياة للبلاصتها مدوزة تودة على ظهرها بحنان ) عزيز ولد عمي عبد العالي
مالو عزيز سلام عليكم بعدا ( دخل الروطال هو وعنبر )
أدريس ( شاف فولدو ) ختك جايينها الخطاب ولد سي عبد العالي
عنبر ( بإستفهام ) واش عزيز حلفي بالله
الروطال ( جر الكرسي وݣلس وهي بدورها ݣلسات حداه شاف فختو ) وانت فايتة كدوي معاه جايبة وداية معاه فالهضرة ( بجدية )
ماجدة ( بزربة نكرات ) لا انا فاش كيكون فالمناسبات كنعرف غير ماماه كنت زرتها زوج مرات فدار تغديت معاهم عرضو عليا ومكانش هو ݣاع .. من داك الوقت فاش دخلت للمغرب وكان كيوصلني بطاكسي بحال اي كليانة .. الروطال دور لسانو وسط فمو كيشوفيها وهي حادرة راسها
الروطال ( حك حاجبو بارم فمو ) وهوما ناس الله يعمر ليهم دار عزيز راجل كپابل يُعَول عليه بنفسو مكايعول على حد والديه من اطيب خلق الله
أدريس : حتى سي عبد العالي رجل مزيان من خيرة الناس ( شاف فبنتو ) عطيهم نمرة راه سي عبد العالي كان بغا يشدها من عندي ونسيت انا ونسى هو )
الروطال ( شاف فختو ) واش هو لي سونا ليه ؟
ماجدة ( بإنكار ) لا ماماه لي سونات ليا لبارح وطلباتها ليا
الروطال ( راض يدو ورا ظهر الكرسي كيقرص فظهرها قريصات خفاف ) ايوا يكون خير .. يجيو ويحن الله ..
- دخلات لدارها وراها حياة لي كانت حشمانة .. الدار ريحة النقاوة كتعطي فيها باين بلي جا شي حد سيقها وخملها طلع ليها الروطال البالز للفوق ونزل للعندهم ..
الروطال : رتاحو أنتوما انسيفط ليكم على الغدا .. انا خاصني ندوز للخدمة ( حياة مشات للجهة لوخرا مبعدة عليهم .. شد لعنبر فيدها ) عطيها شي بيت يكون مقابل مع جردة مفوج لي ترتاح فيه حاولي تخرجيها من داك المود لي هي فيه
عنبر ( هزهزات ليه راسها ) ضروري تهلا فراسك ومتعطلش
الروطال ( غمزها ) موحشاني وضربي وقيسي معانا الزايد
عنبر : باز ( باسها وخرج ) .. تبعات حياة لقاتها خرجات لاجردة ݣالسة مغمضة عينيها ) أنتي هنا
حياة ( شافت فيها ) هاد الجريدة شحال زوينة ومفوجة بزاف أجي مقاليكش فاروق شنو غايدير فالحوايج لي خلينا فالقنيطرة والكروسة تاعنا والكراسة وداكشي .. جبنا أحوايجنا صافي
عنبر ( ݣلسات مقابلة معاها ) لا قالي خرجي هاد السوق عطيتو السوارت وخليتو منو ليهم .. شتي قبيلات خالتي رشيدة ماعجبهاش الحال
حياة ( هزهزات راسها ) شفتها والله اختي مابقا كيهمني شيحاجة .. انا بغيت غير نرتاح سبحان الله العظيم ، كنتي كتقولي انت مضرورة فخاطرك وها نوبتي انا بعد المرات كنقول واش مامكتابش عليا نفرح .. عمري فحياتي حتافلت بعيد ميلادي ولا جاني شي كادو عمر حسيت بمي فرحانة بيا تفرقات على با تزوجات بسعيد .. ولات دايرة ليه الخاطر كثر من بنتها وشوفي دابا حالتي بعد المرات كنقول يمكن ايكتاب عليا نبقى هكا ..
عنبر : ستغفري الله .. الى ماعشتيش انتي هادشي انتي لي غادي ديريه فاش تقراي وتخدمي إن شاء الله اتبرعي راسك براسك وتفرحي براسك
حياة : هادشي عارفاه اعنبر ولكن كاين فرق بين تفرحي راسك براسك وبين كتحسي بشي حد كيفرح بيك حنا راه غير ضعاف فهمتيني حنا حساسين واخا نمتلو القوة حتى نعياو كنبقاو ضعاف
عنبر : هذا غير إختبار من عند الله سبحانه وتعالى وداكشي لي جاي غايكون زوين خاص غير يكون عندك حسن الظن
حياة : يكون خير .. دوزو ديك العشية بزوج وصلهم الغدا ديالهم تغداو وراتها عنبر بيتها قدات فيه حوايجها وتكات وحتى عنبر بدورها تكات ترتاح ..
~~~~~~~~
بعد مرور أسبوع
فدار أدريس طبلة فيها حلويات والفواكه الجافة ، ݣالس عبد الخالق وادريس اما تودة كانت فالكوزينة مع سعاد الفوق كانت ماجدة مع بنات عمها وحياة لابسة قفيطين خفيف وسامبل شعرها مصايباه بواحد ظفيرة خفيفة جات مع شعرها مع واحد البروش ديال الشعر ..
عنبر ( ݣالسة فوق نموسية ) شوفو ليكم الخوينزة غارقة حتى لودنين وحنا اخر من يعلم
ماجدة ( كضحك ) حشومة عليك أعنبر والله حتى كتحشميني
عنبر : أحيانا عليك قاتلك حشمانة لا انتي لا داك بوراس دعزيز ولكن صراحة تقال عزيز ولد الناس ، عمري نسا الوقفة ديالو معانا انا وحياة نهار حطينا رجلينا هنا ..
ياسمين : الله يكمل عليكم بالخير إن شاء الله
ماجدة ( تنهدات ) اللهم آمين .. سيفط الروطال ميساج لعنبر علمها بلي راه كاين التحت وبلي راه وصلو الناس
عنبر : الناس وصلو
ماجدة ( شافت فيها ) حلفي كاعما سمعتهم البنات فيا الخلعة والله العظيم
حياة : ماتخلعي ماوالو ( وقفات عند راسها عطات يديها عليها قرات عليها المعوذتين ) غير بشوية عليك ومايكون الخير .
كالسين الرجال فصالون مع عزيز لي كان فكامل أناقتو شوميز فالبيض مع سروال فالكحل وسباط فنفس اللون .. جايب الورد وشكلاط جايب زوج روايح وعاد زوج بيجامات ستقبلوهم أحسن إستقبال العيالات كلسو مع بهيجة ورجال مع عزيز وعبد العالي .. تعمر اتاي وتحط ضايفوهوم ومن البعد الأخد والرد والجماعة فكاع الحوايج نطق عبد العالي
عبد العالي ( بإبتسامة بشوشة ) المهم اسي ادريس كيف سبقلي دويت معاك وݣلت ليك .. سباب المجية ديالنا لدارك أسي ادريس على وديت بنتي ماجدة جاييين طالبين راغبين فيها لولدي عزيز ، انا ولدي منشكروش ليك راكم عارفينو ومعاشرينو وقصدنا شريف وجينا داقين باب الكبرانيين ودار الناس الملاح ..
أدريس : وجهك خير اسي عبد العالي .. حتى انتوما ناس عزاز وبلاصتكم كبيرة عندنا ومانلقاش لبنتي حسن من ولدي عزيز مرحبا وألف مرحبا
عزيز ( شاف فالروطال ) أش ݣلتي أخويا فاروق ؟
فاروق ( ببهدوء ) أنا ختي الى عطيتها لك عارفك غاتهلا فيها وديرها فعينيك .. انا غير نسمعها مزيان وعمرك اديتيها ولا عݣرنيها وتخاف الله فيها هداك هو المهم عندي ..
عزيز ( بجدية وتقالة وصوت رجولي ) وانا لي ضرها ضرني كثر منها وضربة لي تبغي تجي فيها نتلݣا ليها .. عمر الحاجة الخايبة تشوفها معايا
عبد العالي : والله يجعل كولشي مبارك ومسعود ولهلا يحاشمنا ياربي ..
بهيجة ( فصالة العيالات ) وفين هي عروستنا ؟
سعاد ( وقفات ) انا نوض نعيط ليها .. طلعات عند البنات دقات عليهم فالباب ، حلات ليها دنيا ) يلاه الناس التحت بغاو يشوفوها
دنيا : واخا هاحنا جايين .. ماجدة شادها الخوف سعاد نزلات ب 2 دقايق تبعوها نازلين كيصليو على النبي هابطين مع الدروج لي كانو مقابلين مع الصالونات بزوج بيهم هز عينيه بانت ليه لابسة البيض بحال شي حورية .. مانزلش عينيه عليها دخلات لعند العيالات حادرة راسها سلمات على بهيجة لي كتشوفيها بحب وسلمات على أخت عزيز إيمان لي كرشها باينة بالحمالة كتشوفيها عجباتها كثر من التصاور
إيمان : ماشاء الله على مرات خويا شحال فنة .. انا اختي صافي رضيتك مرات خويا
تودة : إن شاء الله ياربي الله يجعل كولشي مبارك ومسعود
- تسمع صوت إدريس عالي بجملة " العيالات غادي نقراو الفاتحة " الكل هز يديه وماجدة مقاداها فرحة منين الأمور تيسرات وغادية مزيان "
تودة ( سلاو الفاتحة او وقفات ) الصلاة والسلام على رسول الله الى جاه الى جا سيدنا محمد الله مع جاه العالي رورورورورورورورورورورويي ( زغرتات 3 ديال المرات ) .. دوزو ديك العشية زوينة مفاهمين على الخطبة الكبيرة وضريب الصداق تكون فشهر 11 يلاه يوجدو ياخدو حويجات اما دار عزيز كانت مفرشة ومقادة من غير بيت نعاس لي بغا ماجدة تقادو على دوقها .. خداو ليهم تصيورات تعشاو وجا الوقت لي غايمشيو فيه ..
طارق ( من ورا مامشاو ) وكان خاصنا ابا عماد
أدريس : واياه أولدي كاع المناسبات لي كيدوزو ناقصين بلا بيه ، ديك لابيل خفيفة ماشي بحال الى كان
طارق : والله المعبود مساست الوقت مالفين نكونو مجموعين ولا كيجيني هاد الهيث فشكااال ..
الروطال ( خبط ليه ظهرو ) تبعني باغيك .. تبعو طارق على برا ) بغيتك تكون حاضر ناضر واحد سويمينة هكاك ولا واحد 10 يام
طارق : فين صاد ؟
الروطال : غادي انا وختك نضربو واحد تسافيرة صغيرة .. خلي عينيك على الخدمة ، حياة انشوفلها عمر يولي يوصلها لسونطر ويرجعها
طارق ( هزهز براسو ) واخا معلم تهنى ..
- واقفة عنبر مع تودة كيتعاودو بعيد مرة مرة كتمشي عينيها لباها
عنبر : ونعلي شيطان اماما اويلي سيمانة وانتي كتأجلي فالمشية لدارك رجوع لله
تودة : والله ابنتي مساخية بداري ، راه حوايجي مجموعين وماسخيتش نخويها جاتني فشكل وكيغاندير نحط رجليا فديك الدار ونبدا من الاول
عنبر : وكيما حنا ولفنا راه اتولفي حتى انتي .. راه مابقاتش دارك هاديك .. ولات بحال زاوية فينما توحشتيها زوريها وشوفي هلها وحتى هوما يجيو عندك وانتي كترضي ليا عقلي ودابا مصغرة عقلك
عبد الخالق ( وقف عليهم ) الله يرضي عليك أبنتي ، انا مط ماعرفت منين غانشدها الله يهديها
تودة : تحاميتو باز
عنبر : وخليوني نسافر وانا مرتاحة من جيهتكم ( شافت فعبد الخالق) بابا تهلا فيها ورض ليها البال بلاما نوصيك ( شافت فتودة ) وحتى انتي اماما تهلاي فيه ورضي ليه البال وعندك يغفلك ويدور بالحلاوة راه قاتلي دنيا مرة مرة كتغفل
عبد الخالق : ديك نص بلاصا الشكامة ، سيري ابنتي فوجي مع راسك الله يرضي عليك ولكن بلاتي انا جاي ( مشا مدة ورجع هاز بواطة فيدو ) هادي كنت شريتها وخبيتها ليك كنت باغي نعطيها ليك )
عنبر ( شداتها من عندو حلاتها كانت سلسلة ديال الذهب فيها علاقة بحال الݣمرة ومنحوت عليها سمية مها وباها وهي عجباتها وفرحات بيها شافت فيه وعنقاتو ) زوينة بزاف أبابا الله يخليك ليا هاك ديرها ليا فعنقي ( خداها من يدها وركبها ليها )
عبد الخالق : بصحتك
تودة : بصحتك ابنتي تلبسيها بالهنا والفرحة
عنبر ( عيط عليها الروطال ) انا خاص نمشي بلاما نوصيكم
تودة : وصافي عرفتي شنو ماحدك مسافرة غدا .. خلي حياة تبقى معايا حتى تجي ويكون سونطر قريب ليها نيت ياك أعبد الخالق ؟
عبد الخالق : اياه تولي نيت توصلها دنيا
عنبر : صافي انا انقولها ليها .. مشات عنبر للعند دنيا علماتها والأخيرة وافقات نيت ماتبقاش بوحدها ، خرج الروطال وعنبر شدو الطريق أما حياة ودنيا رجعو لدار عبد الخالق ، ياسمين مشات لدارها وتودة وعبد الخالق توجهو للعندها لدار خداو البالز ديالها وتوجهو لدارهم ..
- الليل كلو عزيز وهو كيدوي مع ماجدة كان فرحان بزاف بحال ولا كثر منها .. تفكرو الأيام لي دازو واللقاء ديالهم كيفاش كان ، أما فجهة تودة لي كان غريب بنسبة ليها تحط رجلها فدار غير دارها وتبدا من جديد جاها فشكل وغريب بزاف ..
دنيا لي كانت ݣالسة مع حياة حتى بدا تيليفون حياة كيسوني طلعات ليها نمرتو فتحات الخط قدام دنيا ..
حياة ( بهدوء ) ألو خويا عز الدين .. الحمد لله بيخير وأنت لاباس عليك ... أمع الوقت أخويا وصافي والله سمح ليا
عز الدين : غير بلاتي دابا تخلصي الفالطة .. فين شاداها ؟
حياة ( شافت فدنيا لي كتصبغ ظفارها ) أنا عند دار عمي عبد الخالق ، لقيتينا انا ودنيا خت طارق مجمعين
عز الدين ( تبسم ) فتحي مكبر الخط ( حياة دارت لي قال ونطق ) وفين الجمرة شاعلة توحشنا داك الكريب عندك مادرتي معانا والو
دنيا : تاكل فيه جغديد .. عطيني بتيساع وفوت عليك ساحتي ، والله عندي لا موال دقتيه
عز الدين : وشتي دابا انتي ماشي بروفيسيونال ، الكراهية راه مخداماش لك مع الخدمة .. واخا يكون عدوك خاص تسربيه وانا عييت ندوق فالكريب بحال ديالك مادقت ( شادة راسها بزز مابغاتش تعايرو ) داوي معاك بصح حاليا ماشي طالقها علك برافو عليك ..
دنيا ( ببرود ) شكرا وتصبح على خير
عز الدين : حياة تهلاي أختي فديك السودانية لي حداك وتهلاي فراسك ( قطع )
دنيا : تفو شحال عاجبو راسو
حياة : انا والله حتى كيجيني ظريف ( عاودات ليها لوجيست لي دار معاها وكيفاش تصرف خلاتها داخل ليها العجب وكتسول واش بصح هدا داك طناز نيت ولا شي واحد خور .. ) ..
مع 6 ديال الصباح فاقت خدات دوش خفيف .. لبسات كسوة فالبيستاج باردة مع شال فالأورونج باردة وصندالة فنفس اللون .. دارت الإكغو ديالها فوتو وايت وملمع شفايف نظاظرها ديال الشمس دارتهم فوق راسها ، هبطات التحت خرج لاڤاليز ديالو وديالها دارهم فطوموبيل .. كان لابس سروال خفيف ديال لولان فالبيج مع تيشورت فنفس اللون وكاسكيطة فالبيج ..
الروطال : ساليتي ؟
عنبر : أه ساليت صافي ( مدات ليه سوارت ) خليهم عندك الى بقاو عندي كيتجلاو ليا .. شدهم عندها سد الباب توجه للعند عمر لقاه عاصر على اتاي وحاط الخبز سخون وزيت البلدية وصاه على الدار وعلى الخيل ورجع للعند عنبر متأكد من الباب واش مسدود عاد طلع للطوموبيل .. ديمارا وشد الطريق كتحس براسها فاشلة مشابعاش نعاس وعمرها فاقت فهاد الوقت بحال الى بايتة فعرس
الروطال ( شافيها ) فيك النعاس ؟
عنبر ( تاوبات ) والله الى في النعاس ( رض ليها الكرسي اللور رجع بحال شي فوتوي طويل )
الروطال : رتاحي دابا حتى نوصلو ونفيقك .. داكشي لي دارت تكات وداتها عينيها ، كان مخدم القرآن حسات براحة على صوت القارئ ونعسات حتى حسات بيدو كيململ فيها وكيعيط عليها
عنبر ( حلات عينيها كتشوفيها بصوت تقيل ) وصلنا ؟
الروطال : وصلنا ( تقادات فالݣلسة كتاوب شافت فساعة كانت 9 ) قادي زيفك ويلاه نفطرو ..
عنبر هزات راسها كانو واقفين فواحد الشارع فيه القهاوي تنهدات كتشبح هزات ساكها وخرجات سادة الباب سد الطوموبيل وشد ليها فيدها داخلين بزوج .. خداو طبلة على برا الشميسة كانت حارة
الروطال ( قاد ليها شالها من اللور ) رتاحيتي شوية ؟
عنبر : اه الحمد لله قبيلات راه وليت بحال شي وحدة مجلية ( دخل ليها واحد الخصلة من شعرها جا السرباي خدا الطلبات ديالهم ومشا )
الروطال ( تسرح فبلاصتو مقابل معاها ) علاياش ناوية من هنا للݣدام شنو باغية ديري ؟
عنبر ( شافت فيه ) دابا بغيت نكمل قرايتي ، انا ماشي انخدم بيها ولكن بحال الى قلتي بقات فيا ديك الحرقة ديال القرايا لي ماكملتش ، وقلت ندير مشروع
الروطال : المشروع ضربيه على حسابي
عنبر ( شافت فيه ) واش غادير ليا مشروع .. ولكن بابا قالي هو لي بغا يدير ليا المشروع جات حشومة ..
الروطال ( بجدية وصوتو الرجولي لي غالبة عليه بحة رجولية مميزة ) انتي مرت من ؟ وعلامن محسوبة عليا أنا أمدام داك المشروع انا لي غانديرو وحتى لوكال كاين وغايعجبك
عنبر ( تبسمات ) بصح بصح فين ؟
الروطال : ݣولي انتي بعدا شنو باغية ديري ؟ .. قاطعهم السرباي لي حط ليهم الفطور .. الروطال جر الصينية باش يقلب أتاي وهي بدات تشرح ليه
عنبر : عرفتي بغيت ندير كافي ماشي قهوة قهوة داك شكل لي كتعرف لا بغيت ندير بحال ستار باكس الفكرة هو دابا ستار باكس من المنتوجات لي داخلة فالمقاطعة والى دقتيها اتبان ليك عادية ( كيشوفيها مركز مع هضرتها ) علاش لي منديروش بحال ستار باكس وتكون ماركة مغربية وبسمية مغربية وبنفس نمط ونزيد معاها مثلا محليات ، بحال كوكيز وزيد وزيد ..
الروطال ( دور لسانو وسط فمو ) بغيتي تݣولي لي غايجي اياخود قهيوة ديالو الكاس فيه سميتو والى بغا يزيد شي لعيبة بحال كوكيز ولا شي حلوة وكيمشي فحالو مكايبقاش ݣالس ؟
عنبر ( كتدهن الفرماج فالخبز ) أياه ايكونو غير لي خدامين .. ونديرو حتى لاليڤريزو لديورة وحتى للخدمة شي حد خدام مايقدش يخرج ياخود كيسوني نصايبو سيت فالانترنت ديك ساعات .. ونديرو دراري ( شافيها بنص عين تبسمات ) اسمع دراري هوما لي يصايبو القهوة ومنها شحال من دري مسكين ماخدام ماردام هكا نعاونو حتى شباب والبنات فبلاصة الحلويات والكوكيز وليكيك ، وعاد دراري لي غايليڤريو اش بان ليك ؟
الروطال ( بإعجاب ) مخيرة الفكرة .. ديجا كاين واحد خونا كنتعاملو معاه عندو واحد سوبيرمارشي خاص بالقهوة ولكن راه قهوة قهوة نيت
عنبر : مزيانة وحاجة خرى .. نديرو قهوة عادية وحلويات عادية ونديرو قهوة لناس لي ديابيتيك مساكن وحلويات حتى هوما لناس ديابيتيك باش كولشي يشرب وياكل ويتمتع
الروطال ( شافيها بحب ) كنموت على أصل مك ( تبسمات ليه بحب فرحانة ومتحمسة للفكرة لي فبالها )
عنبر : فين جا المحال لي قلتيلي ؟
الروطال ( كياكل ) حتى تشوفيه بعينيك ازين ( غمزها )
فالبيت لي كارية .. حاطة ساكها دايرة فيه الشارجور ديالها او واحد ريحة صغيرة وليكغو ديال الشمس وتيليفون ديالها الصغير ، كانت حاطة حداها واحد الألبوم كتشوف التصاور لي فيه كدوز هم ودموعها هابطين كتفكر الذكريات لي دازو وداكشي لي دوزات أيام زوينة لي من وراهم عاشت الحوايج الخايبة مابقاتش حلات ليها الدنيا من داك الوقت .. تنهدات معنقة داك الألبوم رجعاا للبلاصتو هزات ساكها وسوارت سدات البيت وخرجات .. دازت خدات رايبي ونص خبز فيه فرماج غادية وكتاكل وقفات كتسنى فطاكسي حتى وقف طلعات وشدات الطريق للخدمتها ..
وصلات خلصات طاكسي ودخلات .. كانو دراري بداو الخدمة ديالهم ..
سمير ( دري معاها ) صباح الخير ختي ليلى كيصبحتي ؟
ليلى ( حطات ساكها ودارت طبلية ) الحمد لله أخويا بيخير هاد الساعة ، سير عمر جا ولا مزال وقيلة تعطلت شوية
سمير : لالا الوقت هو الوقت غير تهناي ، سير عمر مكاينش هاد يوماين مسافر .. بداو الخدمة ديالهم النهار ديالها كان عامر بزاف ماوصل الليل حتى رجليها كيحرقوها بالوقفة اليوم كان عامر على الأيام الأخرى .. خرجات خدات طاكسي دات البيض معاها لدار طيباتو وتعشات صلاة ونعسات طايحة دودة ..
~~~~~~~~~~
أيام دازت وكل واحد فين عايشها ، فكازا واقفين عند مول البيوتة ديال النعاس وشمس حارة ديال العصر
عزيز : شنو بان ليك فلاخر البيج زوين لا ؟
ماجدة : ماعجبنيش ( ݣلسات على واحد الكرسي ) هداك كاع الناس مطليين بيه ، الاغلبية كنشوفهم مفرشينو بغيتو شيحاجة تكون سامبل ومميزة
عزيز ( عصباتو وهو عدوه يبقا يدور كيحاول يدير معاها الخاطر ) زين الله يرضي عليك هذا ثالث واحد نشوفوه وماعجبك عندو والو
ماجدة : واش ناخد شيحاجة ماعجباتنيش اعزيز ؟ راه بيت النعاس ايبقى لدوام حتى يسهل الله ويتبدل فالمستقبل بغيت حاجة زوينة فالݣري ولا سومو بارد ..
عزيز دار ليها الخاطر وتوجهو لمݣازة اخرى ، حتى لقات لي بغات دفع فيه عزيز على اساس من بعد يكملو ويجيبو للدار أما الكوافوز خداتو ديال الخشب فالقهوي زوين .. من وراها دازو ياكلو ماتفارقو حتى ل 7 ديال العشية فاش رجعها للدار ..
مشات معاها دنيا وعبد الخالق للسونطر هوما لي رجعوها ليه وتدخلو ليها .. خلاوها دوزات الحصة الاولى ديالها خرجات من السونطر مع 1 بقات واقفة مدة كتفكر بلعات ريقها بتخوف شيرات لطاكسي وقف ركبات عطاتو العنوان .. وقفها قدام الموبل خلصاتو او نزلات هزات راسها فالموبل وطلعات البلاصة لي كانت معمراها وخلاتها كانت عمرات ..
.... : وي مدموزيل بغيتي شيحاجة ؟
حياة ( تنهدت ) كاين موسيو طارق ؟
.... ( كتشوفيها بفضول ) عندك معاه شي رونديڤو ؟
.... : لا ماعنديش انا من فاميلتو قوليه حياة عفاك ( دورات لسانها وسط فمها وهزات تيليفون ) وي موسيو طارق ، واحد البنت بغات تشوفك .. سميتها حياة داكوغ موسيو ( شافت فيها ) تفضلي .. توجهات حياة للبيرو ديالو دقات وحلات هز فيها عينيه بإستغراب
حياة : سمحليا جيت فهاد الوقت بغيت نهضر معاك عفاك
طارق ( أشر للكرسي ) كلسي ( كلسات ) تشربي شيحاجة ؟
حياة : لالا مابغيت والو .. بغيت غير ندوي معاك الى حات على خاطرك ( ماعطاتوش الفرصة زربات عليه ) بغيتك تشوفليا شي خدمة .. البلاصة هنا عمرات الى قديتي تشوفها ليا فشي بلاصة والى كان لبيرو لي لهيه مزال خاوي نرجع ليه الى جات على خاطرك ..
طارق ( رجع بظهرو اللور ونطق وهو عينيه عليها ) بلاصتك مزال تم مزال ماعمراتش تݣدي ترجعي ليها الوقت لي بغيتي
حياة ( وقفات ) شكرا بزاف وسمحليا برزطك انا غدا إن شاء الله نبدا فاش نخرج من سونطر ( جات راجعها او هو يوقفها بصوتو التقيل )
طارق : وسوارت ؟
حياة ( ضارت عندو ) سمحليا نسيتهم ( فتح المجر ومدهم ليها شداتهم عندو وتبسمات ليه إبتسامة باهتة ) شكرا .. عطاتو بظهر وخرجات هاربة .. كانت كتحاول تفادى تشوفيه من نهار لي وقع بيناتهم ولكن كان خاصها ضروري اليوم تجي تشوفو مافيها لي يرجع يبدا يقلب على خدمة وشوف تشوف واش تلقاها او واش يقبلو ليها على توقيت جاب الله الخدمة عند طارق لوخرا كانت مزال ماعمرات وهادشي من زهرها ..
~~~~~~~~~~
في مرحلة ما من العمر..
نحتاج استراحة ، ونكتفي بهذا القدر..
من المعاناة والمشاحنات .
نكتفي من العتاب والشجار والخلاف..
نكتفي بما مر من العمر في مشاهدة أشخاص.. وعلاقات سرقت أجمل لحظات الحياة دون..
أنْ نشعر ..
نعم لقد استنفذنا طاقات من الغضب..
والتعصب والإصرار على امور فاشلة..
ومشاعر ضاعت هباءً ، وصداقة هشة..
أفقدتنا راحتنا النفسية وسلبت مِنا الأمان ..
- دوزات معاه أحسن الأيام فمراكش ، ماخلاوش بلاصة مامشاوش ليها ومضارو فيها وماكلاو فيها .. والليل كيضمهم بيت واحد كيعبرو فيه على أحاسيسهم للبعضياتهم .. كان كيعاملها بحال شي أميرة مكايناش الحاجة لي مكتخسرش ليها الخاطر بحال البيبي .. كل نهار كيعبرو فيه على المشاعر الكثيرة لبعضياتهم معوضين الايام لي دوزوها وهوما مفارقين ..
- سايݣ بيد ويد شاد بيها يدها مرة مرة كيبوسها وهي فرحانة
عنبر : واش علمتيه بعدا ؟
الروطال : لا بغيت حتى نوصلو ونعلمو إن شاء الله
عنبر : أحسن حاجة درتيها هي هاد المشية حتى انا توحشت نشوف عماد مسكين .. منين عرفتو ولد عمي ماشفتوش ݣاع ، وبغيت نمشي لتغازوت ونشوف لاكوت ونركب فالباطو
الروطال ( شافيها ) واييه انتي الطيارة وركبتي فيها بقا ليك غير الباطو بوحدو .. بحال الى زعمة اكادير اول مرة غادي تمشي ليها
عنبر : وصافي تبقى تفكر فيا .. وزايدون راه فاش مشيت ماضرتش على خاطري وماكنتش فالوعي ديالي ݣاع وأصلا معاك انت احبيبي بحال الى أول مرة نمشي ليها ..
الروطال ( عض على شفتو ) أحيانا على حسك .. وصلو لأكادير قربو للوكال لي كان وراه شحال هدا وسونا عليه علمو ، خرج عماد كيجري فرحان ومتفاجئ .. عنق خوها تعنيقة كبيرة سلم على عنبر مرحب بيها
عماد : عفارت أنتوما ولكن خدمتوها ناضية ( شاف فعنبر ) فين أبنت العم
عنبر : هاحنا هههه
الروطال : اخويا راه صعراتني هالكها جوع
عماد : صبرو انا جاي ( مشا للمديرية وتم راجع هاز سوارتو ) كاين واحد ريسكو واعر نديكم ليهم .. طلع حدا خوها وعنبر اللور ، غاديين كيدويو وخالقينها حتى وصلو لقدام ريسطو بلاصة الروطال ونزلو .. تمو داخلين عماد رما عينيه مبانتش ليه ، توجهو بلواحد الطبلة ݣلسو عاد بانت ليه هابطة .. عنبر توجهات للحمام تغسل يديها او وجها .. سمير أشر لليلى للطبلة ، ضارت بان ليها عماد مشات لجهتهم وقفات عليهم ..
ليلى : سلام عليكم سي عماد مرحبا بيكم ( مدات ليهم الميني )
عنبر ( وقفات وراها ) ياكما دومونديتو؟ ضارت ليلى شافت فيها وعنبر بدورها شافت فيها مخرجة عينيها شاهقة
ليلى ( تلاحو ليها الميني من يدها شادة على فمها نطقات بصوت مغنغن ) عنبر
عنبر ( فمها كيترعد ) ليلى هادي انتي ( جراتها عنقاتها )
ليلى ( كتبكي وتنخصص وتبوس فيها ) عنبر والله حتى انتي اختي ( كولشي كيشوفيهم مستغرب ) قلبت عليك حتى عييت خليتيني ومشيتي حݣروني اعنبر تكرفصو عليا وعدبوني( كدوي بلا عقل و كتبكي رجليها فاشلو عليها كونما عماد لي شدها ݣلسها و ناس كامل لي فريسطو كيشوفو فهاد المنظر .. واولهم عماد وروطال لي علامات الإستغراب والإستفهام على وجهم ..
يتبع...
واش غطلع ليلى خت عنبر؟؟