محتوى القصة
- صباح لي كان روتيني عند البعض وهو منهم فاق دوش وجد الفطور ديالو فطر شرب كاسو ديال القهوة .. لبس ساعتو هز سوارت طوموبيلتو ونزل متوجه للخدمتو هي لولة عاد يمشي يدي أريناس ومينة للعند الطبيب واقف فسطوب مخدم هيت راديو وصوت ديال مومو .. تيليفونو سونا كان يوسف نقص الصوت دراتو وفتح الخط ..
عماد : بايت تحلم بيا ؟
يوسف : انت ناعس مع قبك فبيتك وانا ناعس مديكالي فطوموبيل ضلوعي غايتهرسو
عماد ( ديمارا مكمل سوݣان ) وايلي
يوسف : خونا لبارح ورقتو فالقهوة تبعتو ولكن مشا نيشان لدارو ، السيد ساكن فسيدي معروف الاخ فواحد البارطما .. واحد طوموبيلة ميرسيديس
عماد : واش بقيتي عاس عليه ليل كامل ؟
يوسف ( شاد قهوة فيدو كيشرب فيها ) واش غانديرو لمكتوبنا اجمي ( غوبش ) ݣطع دابا خونا نزل سير لمن بعد
عماد : تجيب ليا بلانو مطرق لي طلبتيها تحضر
يوسف : وحتى نشوفو ( قطع)
× فجهة أخرى ×
كتحل عينيها متقلين راسها كتحس بيه تقيل ضرها ونيوفها مخنوقين وجها كتحس بيه سخون .. كتحس بثقل عليها نزلات راسها بشوية ليدو لي عريانة معنقاها دورات عينيها فالبيت فاللحظة تفكرات كولشي غمضات عينيها عاضة على شفايفها غارقة فراسها حطات يدها على وجها نادباه .. دورات راسها بشوية لعندو كان غارق فنعاسو بشوية بدات كتسلت من تحت يديها هابطة من نموسية زاحفة على يديها ورجليها هزات كسوتها وحوايجها لاحت عليها الكسوة بالكالسية .. فتحات الباب غادية على ركابيها حتى خرجات وسداتو بشوية ضرباتها بجرية حتى لبيتها سدات عليها كتسترجع أنفاسها ..
عنبر : أش درت انا أشمن وجه غادي نشوفيه ( غمضات عينيها سيناريو لبارح رجع ليها خلاها تبسم عاضة على شفايفها متنهدة تنهيدة طويلة ) .. حطات يدها على راسها وجها كان سخون .. عرفات بلي لعقاتها من لبارح باش كان واقفة فالبابكو ومخلية سرجم محلول ..
جبدات بيجامة قطنية مع حوايج داخليين نقيين ، دخلات للحمام قضات حاجتها شعلات فيها العافية ، توضات بالما ديال الوضو لي كان عندها ودوشات.. دارت البروطيج ديال القطن ولبسات حوايجها وشعرها نشفاتو شوية وخلاتو على راحتو .. خرجات من البيت بالبانطوفة ديالها دقات على سهام لي فتحات ليها ..
عنبر : سهام ختي الى بغيتي هبطي التحت وجدي فطورك انا صبحت مريضة فيا الرواح .. انهبط ناخود ليا شي دوا ونرجع نعس
سهام : ممزيانش تشربي الدوا على الجوع
عنبر : اناكل واحد المورسو ديال كيكة مع كاس دالحليب ونرجع نعس
سهام : ندير ليك شيحاجة ؟
عنبر : لا ارتاحي ( خلاتها وهبطات لتحت ) حطات مورصو ديال الكيط فطبسيل .. دفات الحليب ماخلاتوش حتى يغلي هزات شي دوا كان فصندوق ديال دوايات دارت كولشي فبلاطو وطلعاتو لبيتها سادة عليها ..
مكلكمة فالكوڤرلي ديالها .. عينيها مدمعين فيها السخانة وتبوريشة الدوا محطوط حداها سمعات الحس على برا وصوتو مع سهام زادت طلعات الكوڤرلي على راسها قلبها كيضرب والخلعة فيها ، البوانيي ديال الباب ضار ودخل لعندها .. غمضات عينيها والبرودة طالعة ليها من رجليها مزيرة بيديها على الكوڤرلي حسات بيه ݣلس حداها حاط يدو عليها منزل الكوڤرلي بقات مغمضة عينيها حط يدو على جبهتها ورجع غطاها سمعات تقرقيب ديال البلاطو .. بقات على ديك الحالة حتى سمعات الباب تسد طلقات نفس طويل وعرات وجها كان هز داك البلاطو ..
رجعات تغطات كتشوف فسقف ساهية عينيها بداو كيتغمضو ماعرفاتش شحال داز الوقت الباب تحل ودخل ..
الروطال : عنبر ( بالهداوة ) عنبر ( فاقت بيه ومابغاتش تحل عينيها جابت ليه الضحكة ) نوضي شربي هاد الحسوة وخودي هاد دوا ..
عنبر ( مزال على نفس الوضع ) مافياش فيا النعاس راه خديت دوا
الروطال : ونوضي براكة من تبهليل زيدي ( جرها من يدها تقادات فالݣلسة عطاها زلافة فيها الحسوة شداتها بيديها حناكها حمرين وشعرها مطلوق ) يلاه شربي .. بدات كتشرب وهي متحاشية الشوفة فيه
الروطال : حنا ݣلنا زعمة حيدنا ليك البرد ساع غامازاد ضربك ( قلبات وجها وحلات ليها ) دابا مالك ݣالبة وجهك شوفي فيا واش دايرة جريمة ؟
عنبر ( حالة عينيها ابزز ) راه غير لبارح ضربني البرد فاش كنت حالة البالكو ..( رشفات من ديك الحسوة فيها الزعتر عجباتها )
الروطال : كاع هادي حشمة فيك .. لي يشوفك دابا مايݣولش هادي لبارح لي كانت كتخرج ديك الهضرة على فمها
عنبر ( وحلات ليها الهضرة ) أشمن هضرة ؟
الروطال : كنتي كتݣولي زيد السبع
عنبر ( غرقات فحوايجها ) براكة من طنز افاروق والله حتى مريضة حشومة عليك ( جاتها البكية ) انا بلا هادشي غارقة فحوايجي متزيدش عليا لي فيا كافيني ..
الروطال ( قرب منها ) دابا لاش هاد الحشمة واش حنا مصاحبين عنبر حنا راه مزوجين .. أنتي مرتي داكشي لي وقع عادي يوقع بين راجل ومراتو وكان خاصو يوقع نهار لول
عنبر ( شافت فيه ) ولكن انا وياك تزوجنا نهار لول على حاجة وحدة أفاروق ..
الروطال ( دور لسانو وسط فمو ) عندك الصح ولكن كنتسناو مزوجين بشرع وبالقانون .. وداكشي لي وقع بيناتنا حلال وكنا راضيين بيه بجوج وانا منادمش عليه واش ندمتي ؟
عنبر ( حركات راسها بلا ) لا ولكن انا اصلا السباب انا لي كليت داك العجب كونماشي انا مايوقعش لي وقع ..
الروطال ( هز ليها راسها شافت فيه ) شحال هادي وانا ونتي تحت سقف واحد عاشرتيني وعرفتيني أش ساوي .. شتي كون بغيت راه كنت نحبس ونسيفطك لبيتك كون كانت الغريزة هي لي محكمة فيا ( بقات كتشوف فيه مصدومة ) ولكن انا كنت باغي ومندمتش وكنت عارف مزيان بلي تستاهلي تكوني تحت مني ونسخن بيك فراشي ( تبسمات وغرقات فحوايجها ) مزال ليام بيناتنا ومزال غانعرفو واش غير ليلة ودازت ولا غاتعاود .. ولكن حاس بيها غاتعاود مامرة ماجوج غاهو غاديري فبالك واحد البلان ( شافت فيه ) ديري فبالك ( خبط بصبعو على راسها ) مكاين مني فراق ازين غير نساي تربطي بهاد عبدو ربه حياتك كلها وشربي الحسوة وشربي دواك وانتي اماتش واحد واش دار فك باش تنوضي من هنا ..
عنبر ( كترمش ) لفين ؟
الروطال : داكشي لي فرقنا عليه البيوت راه شركناه .. شفنا كولشي أزين واحد الخالة عندك فجدر الفخض حلواااا ابنت فاطنة ( عضات على شفتها وحناكها توردو بالحشمة والمرݣة ) شنو هي ديك الله اكبر باغية تودني من نيتك
عنبر ( كضحك ) وفاروق حشومة عليك وصافي راه كتحشمني
الروطال : ماحشمتيش عاضاني وناتفاني والقميش وكتݣولي الحشمة انت زاندة بلا حوت
عنبر ( قهقهات بجهد ) وفاروق وحشومة عليك .. وأصلا انا مرتاحة فبيتي
الروطال : لا ازين مكاينش بيتي صافي لي عطا الله عطاه .. عيوب بعضياتنا شفناهم ( بجدية ) ومكاينش شيحاجة بزز اعنبر كيما كان لبارح بالخاطر عمرو مغايكون بزز ( هزهزات راسها وكملات شريب الحسوة ، غير سلاتها عطاها دواها .. جرها من يدها غادي بيها بحال البنت الصغيرة لبيتو زول الغطا تكات وغطاها ) ..
الروطال : مشهية شيحاجة ؟
عنبر ( رمات عينيها لجهة عنقو كانت طبعة زرقة فيها زادت غرقات بالحشمة) لا شكرا ..
الروطال ( باسها فجبهتها ) رتاحي ( نزل الرواقات وخرج مخليها غرقات فنعاسها مرتاحة ) ..
نزل مرتاح ومبسم دخل للأتوليي ديالو .. قطعة من الخشب جديدة وباشر فنحت ديالها ..
" فجهة أخرى كان مزال قاني عليه .. طلع لطوموبيلتو وشد الطريق او هو وراه حتى شافو وقف فپرانس بلاصة طوموبيل نزل منها ويوسف وراه .. بقا مݣابلو حتى شافو دخل للواحد لوطيل هز التيليفون وسونا لعماد
يوسف : خونا دخل لأوطيل المامون ..
عماد هز حاجب ونزل الثاني وقف من الكرسي ديالو ضاير هز سوارت طوموبيل :
خليك تم انا جاي
يوسف : علاش غاتجي يݣد سيد جاي يتقوى ولا جاي يزهى
عماد : مالف كتخدمها بعقلك ( هابط مع دروج ) جيتي تالهادي وتكلختي كاين شي زهو فصباح .. مكاتبدا عندهم الحفلة حتى ليل ( قطع ورجع سونا تيليفون كيسوني مجاوبو حد .. طلع فطوموبيل ورجع سونا شحال عاد تحل الخط )
عنبر ( بصوت تقيل مخنوق ) ألو
عماد : مريضة ولا ناعسة ؟
عنبر : طايحة برواح مالك ؟
عماد : لوطيل لي كتي خدامة فيه شنو سميتو ؟
عنبر : أوطيل المامون
عماد : عارفة شكون كيجيريه ؟
عنبر : وديك ساعات كان رشيد .. ولكن فاش خدم معايا خرج من تم لي شادو هو واحد السيد ففرنسا ولكن هو مكاينش ومكايجيش خلاه لختو هي لي مقابلاه واحد زلمومية
عماد ( سايݣ بتركيز ) شنو سميتها ؟
عنبر : سميتها فرح راه داك نهارات جات لهنا لدار كتعرف فاروق وكتعرف ماماك يمكن ..
عماد : واش هي لي نتفتيها ؟
عنبر ( بصوت تقيل ) وصلها ليك فاروق أه هي
عماد ( هنا دخلو الشك تفكر فاروق فاش قالو عنبر نتفاتها حيت تحرشات بيها وبلي كتميل للبنات .. كان كيعرفها معرفة بعيدة من طرف مو) صافي مزيان سيري الله يشافيك
عنبر : آمين ( قطعات ) .. وصل لفين عطاه يوسف النعت بلاصة طوموبيل بعيد نزل على رجليه وجا لعند يوسف دق عليه فزاج حل الطوموبيل ودخل لعندو ..
عماد : ياكما مشا ؟
يوسف : كون مشا اتلقاني حاصل هنا الكلاخ
عماد : كترض دقتك .. عرفتي شكون مول هاد الكوان ؟ ( يوسف حرك راسو بنفي) مولاه واحد خونا عايش ففرنسا الوالي وختو هي لي شاداه دابا السيدة دكورية
يوسف : وايلي ؟ شكون كاليك هادشي ؟
عماد : عرفت وصافي
يوسف : ديتي ختنا لطبيب ؟
عماد : ديتها دازت الحصة لولة ورجعتهم للدار .. السيدة مصدومة ديال بصح عطاتها غير لبكا فالحصة لولة مدا منها الطبيب لا حق لا باطل
يوسف ( تكاد فالكلسة ) هاهو خارج .. تا ورق ليا شكون هاديك ؟ متݣولش ليا هي ختنا ؟
عماد (هبط راسو ) غير يركب عفط وراه .. بقاو قانيين عليه كيدوي معاها هي دخلات وهو ركب طوموبيلتو غير ديمارا تبعوه
يوسف : واش غانبقاو غير تابعينو ؟
عماد : حسب راسك هاد نهار ݣيد كدور توريس فالمدينة وخليك تابعو حتى طيح الشمس وتظلام الوقت ونباليو ..
~~~~~~~~~
حالة صفحة ديال الخدمة فالبيسي وكتحاول طبق داكشي لي قاليها .. جاها ميساج من عند ليالي
- غدا السبت نخرجو لشي بلاصة قنطت
حياة : صافي واخا حتى نجي بليل ونشوفو فين نخرجو
ليالي : واخا .. شوية بدا تيليفونها كيسوني كانت نمرتو وليد
حياة : ألو .. اهلا وليد الحمد لله وأنت .. الحمد لله ربي يخليك أه غير الخدمة والقرايا .. لا اليوم لا قلت حتى للغدا إن شاء الله ونشوف فين نخرج .. وايلي بصح غاتجي لكازا ؟ مزيان مرحبا بيك .. ولكن راه اتكون معايا ختي ... صافي تيليفون بيناتنا يلاه بسلامة ..
فسوق مينا واقفة كتسنا لابسة سروال دجين تيشورت كاسكيطة على راسها وسبرديلة .. تم جاي واحد السيد قبالتها سلم عليها ..
دنيا : فين هي الأمانة ؟
.... : خليتها لهيه ، سبقها وتبعاتو كيف شافتها كيف لقاتها قلباتها مزيان من كاع جوايه لا يكون فيها شي خبشة ولا شلخة ، لقاتها هي هاديك جبدات بزطامها وعطاتو الفلوس كاملة. .
دنيا : حسبهم بعدا ( حسبهم وتبسم )
.... : الله يسخر الالة ( عطاها تحية ومشا بحالو )
دنيا ( هزات تيليفونها دورات نمرة كتسنى ) الو مهدي صاڤا شوف مول تريبورتور لي قلتي ليا مسالي ؟ أه جي وجيبو معاك ياك الكراج ديالكم مسالي كي قلتي ليا ؟.. صافي الله يحفظك ليا اخويا انا كنتسناك انسيفط ليك لوكال ( قطعات ) ..
~~~~~~~~
ناعسة غارقة فنعاسها تشعل عليها ضو بدات كتحل فعينيها بتتاقل رمات عينها لسرجم كيبان ليها الشمس غربات غايكون فات المغرب
الروطال : الفتيلة خمرتي
عنبر ( بلاما تشوفيه مزال مامتقبلاش شنو وقع وحشمانة ) شحال الساعة ( كتحس براسها كتقطر بالعرق دوا لي عطاها عرقها )
الروطال : 8 هادي ( ضار لجيهتها غمضات عينيها حرك راسو بلاحولة حط يدو على جبهتها ) السخانة نزلات ( حط يدو على عنقها تقرصات ) خاصك دوشي ..
عنبر : لا مافياش والله عظامي تقال
الروطال : براكة من ضسارة خاصك دوشي ترتاحي باش تعشتي تشربي دواك غدا تصبحي بومبا
زول عليها الغطا كيحاول ينوضها بزز منها
عنبر : صافي انا غانمشي ندوش فدوش ديال البيت لاخر
الروطال ( شافيها ببرود هاز حاجب ومنزل الثاني ) وهذا مالو ؟
عنبر ( بلعات ريقها كتفادة تشوف فعينيه ) حيت تم كاين برودوياتي وحوايجي وبينواري
الروطال ( بإبتسامة ) أتهناي ازين حوايجك كاملين غاتلقايهم فالماريو مع حوايجي برودوياتك راهم فالحمام لداخل هوما وبينوارك اتهناي
عنبر : (بإستغراب صوتها مرخي ) ايمتا جبتيهم ؟
الروطال : فاش كنتي ناعسة .. ندخل نعاونك ؟
عنبر : لا شكرا اندخل انا صافي .. طلقات من يدو وتوجهات للحمام سادة عليها غارقة فحوايجها ، حلات عينيها فدوش لي كان رجالي وكبير على داك لي كان فبيتها برودوياتو محطوطين لاحظات كيفاش كانو محطوطين دياولها حطات يدها على حناكها سخانين زولات دوك الحوايج .. طلقات الما وتخشات تحتو مستمتعة بداك الما ..
سلات لبسات بينوار هزات حوايجها دارتهم فسلة ديال الصابون .. وخرجات مكانش فالبيت رتاحت توجهات للدريسينغ ديالو فتحاتو ، حوايجو مستفين كل حاجة بوحدها الكلاص بوحدو سبور بوحدو تقليدي كذلك سبابطو كولشي مرتب .. مافيهاش لي يبقى واقف يبقشش فتحات جهة لوخرى لقات حوايجها كيما كانو حطهم ماحساتش بيه فش دخل وفاش حط كل حاجة فبلاصتها ..
هزات ملابس داخلية وبيجامة مع تقيشرات نقيين لبساتهم .. نشفات شعرها ورجعات لبلاصتها تكات عيانة .. حل الباب ودخل هاز بلاطو حطو حداها عطاتها ريحة الحوت ..
الروطال : اتشربي هاد الحسوة تنوضي تجري غدا
عنبر ( كترمش بعينيها كتشوف فزلافة قربات كتشوفيها ) ديالاش هاد الحسوة ؟
الروطال ( ببرود ) ديال الحوت فيها الكروڤيت ( قاطعاتو )
عنبر : لالا مابغيتش الله يخلف .. جيب ليا اشي ديسير ناكلو
الروطال ( جابت ليه الضحكة ) علاش واعرة أصاحبتي تي ريحي والله حتى تشربيها
عنبر ( شافت فيه بعياء ) فاروق لا بلاش والله حتى مريضة عاوتاني نصدقو واحلين
الروطال ( قرصها من نيفها ) مغايوقع ليك والو بالعكس هادي اتشربيها تاخدي دواك وتنعسي اتكوني بيخير .. شربيها الله يرضي عليك عندي مايدار غارق خدمة ..
عنبر ( شتفت فيه وتنهدات ) واخا .. هز الزلافة والمعلقة وبدا كيشربها بحال الى بنتو ماشي مرتو ماعتارضاتش أصلا مافيهاش العظم الصحيح ، متفارق معاها حتى شرباتها كلها بنتها ماتمدقاتهاش بشم لي مشا ليها ..
الروطال ( زول داك الكوفرلي وغطاها بمانطة خفيفة .. فتح دوا عطاه ليها وعطاها الما ) شربي .. شربات الدوا وتكات فبلاصتها .. مغمضة عينيها حسات بشفايفو على راسها بايسها طفا الشو وخرج تبسمات ورجعات ستسلمات للنعاس من جديد ..
تودة واقفة فالكوزينة كتستف فالخضرة فثلاجة واقفة حداها رشيدة كطل على طاجين ديال الكفتة والبيض وجلبانة لب فوق البوطة ..
رشيدة : تبارك الله اللحيمات عند داك سي حسن على مزيناتهم طريين
تودة : كولشي عندو طري وزين تبارك الله حتى الخضرة ( شافت فيها ) واخا هو بيني وبينك مكنقدش عليه وحق الله العظيم
رشيدة ( ضحكات ) علاش حيتاش السيد باينة فيه كتعجبيه
تودة ( خنزرات فيها ) رجوع لله أرشيدة واش حنا ديال هادشي وباش عرفتيه مامجوجش ؟
رشيدة : والى كان مامزوج ولا مطلق ولا ميتة ليه المرا والله علم اصاحبتي .. مالك راك صغيرة وزينة عدهم 60 عام وكنسمعهم ديما كيدويو مع داك عبد العزيز العبوبي باغيين يتزوجو الحلال راه ماشي حرام ..
تودة ( تنهدات ) اشمن زواج حليت حتى حريرتي مع بنتي نقلب على زواج .. ماشتيش باها ابارك ويسوني عليا وكنطفي عليه حتى عيا وشد تيقارو مالي على صداع الراس انا باغية انكون بيخير مع بنيتي هداك هو الرباح ..
رشيدة : ايوا الله يصاوب (سلاو من الكوزينة مشاو كلسو فالمراح شاعلين تلفازة شادين الأولى فيلم مغربي ) حياة جيبو طاجين والخبز ..
سميرة ( خرجات من بيتها ) سلمات عليكم رجاء
تودة : غبرات مابقاتش دوز كاع
سميرة : اهي او ولدها ياختي .. واخا هكاك ولادتها حارة وحتى الوليد بسلامتو حار
رشيدة : كانت تاكل الهريسة داكشي باش خرج ليها حار
حياة ( حطات العشا ) هاديك اهضرة امي حتى انتي ..
رشيدة ( ميقات فيها ) سيري تي اش كاعرفي كاع لي كياكلو الحار فالحمالة كيخرجو ولادهم حارين .. مكاريجعوش حلقهم لفمهم ( شافت فسميرة ) ياكما نازل ليه الحلق ؟
سميرة : لاواه داتو لشي وحدة وراتها ليها جارتها كالت ليها مافيه والو ( حطات ليالي الخبز وكلسات ) ..
حياة : غدا غانخرجو انا وليالي
رشيدة ( كتقطع فالخبز شافت فيهم ) لفين بسلامة ؟
حياة : ندورو راه شحال هادي ماخرجناش كاع .. كاينة واحد الكافي زوينة غانمشيو ليا ونمشيو ندورو فالمول
رشيدة : ونمشيو كاملين
حياة ( شافت فيها ) مي واش فينما انخرجو اتخرجو معانا طاشما اويلي ستغفرت الله العظيم ولاواه
رشيدة : ياك لحسك ولينا طاشمة مراضياش بينا ؟
حياة : ماشي مراضياش ولكن واش نتمو غاديين كاملين بحال الى معروضين .. بغينا نخرجو احنا البنات انا وليالي وبحال والو اتخرج معانا حتى ماجدة
تودة ( خنزرات فرشيدة ) واش تي هبيلة فينما كانو خارجين صغارات تلصقي فيهم ( شافت فحياة ) سيري ابنتي غير متعطلوش الله يرضي عليكم المغرب تلقاكم هنا
حياة : كوني هانية أخالتي ( رمات ليها بوسة فالهوى ) .. كملو العشا ديالهم هزو البنات الماعن غسلوهم .. كلسو كيتفرجو شوية سونا وليد لحياة دخلات لبيتها دوات معاه
حياة : ديك 1 إن شاء الله غانخرجو من دار انتغداو على برا .. صافي إن شاء الله واخا ( تبسمات ) حتى انا متحمسة نشوفك والله .. ( بقات مدة كدوي معاه حتى قطع ) كانت فرحانة وعاجبها الحال وهي كدوي معاه .. تنهدات تنهيدة طويلة فاتحة ماريوها كتشوف شنو غاتلبس فالاخير حطات سروال دجين .. وشميز بحال شكل ڤيست فالخضيضر وسبرديلة بيضة حطاتهم وجداتهم .. هزات تيليفونها سيفطات ميساج لماجدة ..
حياة : زين غدا مع 1 انخرجو من دار صافي باش توجدي راسك ( بقات مدة عاد جاها الجواب )
ماجدة : داكوغ بيبي ..
واقفة قدام المحال ديالها كتسد فيه .. تيليفونها دايراه فساكها دايراه على جنب غير سدات دارت سوارت فساكها ضارت كيبان ليها واقف على الطاكسي داير رجل على رجل كيشوفيها من سروال دجين لصندالة العالية .. للبودي لي بلا يدين فالبيض شوية من بوطها عريان شفار لي مركباهم تم جاي قاصدها ..
عزيز ( ببرود ) سلام هانية ؟
ماجدة ( بنفس البرود ) صاڤا وانت ؟
عزيز : الحمد لله ( مسكانيها بعينيه ) سونيت عليك مجاوبتيش ؟
ماجدة : مارضيتش البال لتيليفون داكشي باش ، علاش واش بغيتي شيحاجة ؟
عزيز : لا غاكنت دايز من هنا ݣلت نوصلك ليل هذا ( طلعها ونزلها ) وانتي بهاد اللباس ، وفمقام ختي وخوك فمقام خويا وراجل ختي ݣلنا نديرو الواجب
ماجدة ( دوزات لسانها على شفايفها ) ربي يخليك ( بهدوء ) بلاما تعذب راسك غايجي واحد لامي ديالي غانتعشاو اونصومبل وغايوصلني ..
عزيز ( برم شفايفو تبسم ببرود ) مزيان ( شاف فشعرها ) بصحة الكويپا
ماجدة : الله يعطيك الصحة كيدايرة واحد خالتي بهيجة وعمي عبد العالي ؟
عزيز : كون بغيتيهم كون مشيتي شفتيهم ، شاركتو الملحة وطعام
ماجدة : دايراهم فبالي إن شاء الله .. خاص غير تقاد الأمور نشوف شي بنت تولي تكلس ليا وغانزورهم
عزيز : ياك غدا ماخداماش جي شوفيهم ، مرحبا بيك ..
ماجدة : merci ولكن غدا خارجة مع حياة وليالي .. أنا منين انبغي نجي انعلم طاتي بهيجة ناخود نمرتها من حياة (وقفات طوموبيل فالكحل ) عزيز خاصني نمشي تهلا فراسك وميغسي حيت تفكرتيني أخويا ..
ضربات فيه وتوجهات لطوموبيل .. ضار متبعها بالعين شافها طلعات لطوموبيل كيحقق فلي راكب حتى ديمارا ومشا .. عض على شفتو بالع ريقو مفاهمش لاش جا يشوفها ويدوي معاها ولاش معصب دابا ، ركب فطاكسي وشد الطريق لدارهم ..
ننجرف في كثير من الأحيان نحو دوامة الإعجاب بالمظاهر والانبهار المزيف الذي يلازمه بعد حين التعلق الذي ينغرّ به القلب وتستلذ به المشاعر، وما هذا إلا فخ ينحدر به صاحبه نحو هاوية الصدمة وانكشاف الحقيقة المكنونة التي كان العقل مغشيًّا عنها منذ أول لحظة خاضها المرء في برهة الدهشة والانقياد نحو سحر الانجذاب، فمن كان معدنه أصيلًا يتضح ومن كان معدنه مزيفًا يظهر على حقيقته عند الشدائد فعاشر الناس لتدركَ أصلها ، فحقيقة المرء بالعشرة تسطع ..
فاقت من النعاس بكري .. فطرو مجموعين بحال العادة ، الشقا ديال دار سرباتو هي وليالي ودخلو للبيت وحدة كتصايب شعر الثانية ..
ليالي : معاش غانتلاقاو معاه ؟
حياة : حتى نتغداو قال عندو مايدار عاد يجي عندنا كاينة شي كافي قال فدار بوعزة واعرة نمشي نتقهواو فيها ..
ليالي : ماخصناش نتعطلو كيف قالت خالتي فاطنة
حياة : مغانتعطلوش ، يلاه نوضي تلبسي خلاص .. ناضت ليالي لبسات كسوة ربيعية طويلة مع صنيديلة وصاكها رشات من بارفانها طلقات شعرها .. حياة وجدات راسها سونات ليها ماجدة علماتها بلي راه خرجات من دار ..
حياة : صافي حتى حنا سالينا .. قولو يحطك حدا الكرة الأرضية ونتلاقاو تماك صافي .. يلاه بسلامة ( قطعات ) هزات ساكها دارتو على جنب رشات من بارفانها وخرجات من بيتها هي وليالي ..
رشيدة ( مقابلة مع الكولوار كتشوفيهم ) سمعي هاديك طيبيبت ، المغرب تكونو هنا وتيليفونك سيري سكتيه بلعاني عارفة قوالبك انا علمك زلا راه لي نديرو ليك مانعاودو ليك ..
حياة ( جرات ليالي ) راه دوينا لبارح امي هاحنا مشينا .. هبطو مع دروج
رشيدة : ݣلبي مامهنينيش انا على هاد جوج
تودة : شحال فك نسيتي يامك باز .. راه بحال هوكا غاتبعدي بنتك كوني ݣوطة وجريها ليك وخليها تعاود ليك باش متمشيش للبراني ديريها فجنبك صاحبتك ، إلى بقيتي ديري معاها هاد المسايل غير غاتبعديها علك وانا نݣولك .. رشيدة كتسمع ليها وساكتة ..
- خرجو البنات خداو طاكسي داهم للفين قالت ليه حياة .. نزلو خلصاتو لقاو ماجدة كتسناهم من تم توجهو لواحد المطعم كاين فبرانس دخلو كومونداو وقتهم داز بين الماكلة وسيلفيات مع بعضياتهم حتى سونا ليها وليد ..
حياة ( بإبتسامة ) اه سالينا .. انا غادي نسيفط ليك البلاصة واخا صافي ..( وقفات ) انمشي نغسل يديا ..
ماجدة : حتى انا .. ناضو كاملات غسلو يديها فادو العكر سلاو نزلو خلصات ماجدة وخرجو على برا ، سونا وليد للحياة قاليها فين واقف توجهو لعندو حياة سابقاهم وليالي شادة فماجدة حشمانة ونفس الوقت مخلوعة ..
ماجدة : شكون هذا واش كتعرفو مزيان بعدا ؟
ليالي : اه قالت خدام كوميسير فمكناس .. كتبان ليهم واحد رونج فالكحل واقفة واقف حداها شاب فثلاثينات ضارب لبسة انيقة ساعة رياضية ريحتو رجولية عاطية زوين فوجهو داير نظارات شمسية ، سلمات عليه حياة باليد وجرها سلم عليها بالوجه ..
وليد ( كيشوفيها بإعجاب ) صافا نهار كبير هذا لالة حياة
حياة : ربي يخليك ( ضارت عند البنات ) ليالي ختي وماجدة صاحبتي
وليد ( سلم عليهم بنفس الإبتسامة ) مرحبا مشرفين .. طلعو ( طلعات ليالي وماجدة لور وحياة حداه ) .. ديمارا وشد الطريق كيدويو فبزاف دالمواضيع حياة كانت فرحانة وماجدة وليالي مشاركينهم الحتيت ..
وليد : الكافي لي قلت ليك لقيتها عامرة .. كاينة وحدة فرباط خطيرة ݣلت نمشيو ليها نضربو نيت دويرة
ليالي ( خرجو عينيها بلاما تحس ) ولكن راه ساعتين من هنا لرباط انتعطلو
وليد ( شافيها من المرايا ) ساعتين فتران ولا الكار اما طوموبيل راه قل الالة المغرب تكونو فدار غير رتاحو ( شاف فساعتو) واصلا مزال الحال يلاه الوحدة .. الواحد خاصو يستغل الفرصة ويستمتع بوقتو ولالا ( شاف فحياة بإبتسامة )
حياة : بصح غير خو مخاصناش نتعطلو
وليد : الله يهديك .. راكم امانة عندي غانديكم فالامان ونجيبكم فالامان كوني هانية أزين ( غمز ليها بعينيه خدم الموسيقى وجهدها مخدم حاتم عمور مشيتي فيها ) .. شد طريق وحدة عينيه على الطريق ومرة مرة كيشاركهم الكلام
- مدة ساعة ديال المكانة .. دور طوموبيل وشد طريق خرا ضيقة باين قليل لي كيدوز منها .. ماجدة شافت فليالي وليالي نغزات حياة من قنت الكرسي ...
حياة ( حسات بواحد البرد طلع مع رجليها ضارت شافت فيه لقاتو مركز مع الطريق ) واش هادي طريق الرباط ؟
وليد ( شافيها وتبسم ) شنو بان ليك انتي ؟
بعد المرات الحب كيطيحك فشي ماصل مكتلقى ليهم تخريجة .. كتلقى راسك غارق حتى لراسك وصعيب تهزو كتولي تقول واش غايجي نهار لي غانفك هاد الحبل لي ضاير ليا على عنقي ولا غادي نبقى مخنوق بيه حياتي كاملة .. وهاد الحب واش صحي ولا مرضي وغايهلك صحتي شي نهار والأهم واش المشاعر ديالك لشخص حقيقي وصحيح ولا لخيال وسراب وغايتبخر شي نهار ..
- فبلاصة لي كلها ظلام من غير واحد شوية ديال الضو داخل من واحد السريجم صغير واصل الضو ديال للكرسي لي كان فالوسط .. ݣالس عليه شخص لي رجليه ويديه مربوطين عامرين حوايجو بتراب راسو مرخي الدم نازل من نيفو او فمو .. بدا كيحل عينيه بشوية كيحس بداتو كلها مدݣدݣة عليه وجهو ضارو بدا كيهز راسو بشوية مدوز لسانو على فمو فيه العطش والجوع ..
- تحل الباب ودخل عماد لابس سروال دجين كحل شوميز فنفس اللون او واحد الݣاط .. داخل معاه يوسف هاز قرعة دالما فيدو .. توجهو لقبالتو ݣلس عماد قفازي ويوسف واقف ..
عماد ( ببرود ) وتسخسختي أمعلم ( شاف فيوسف ) خونا بقا فيا ايكون واكح ديال بصح روي ليه عطشو
يوسف : هي لولة ( تحرك قبالتو حل القرعة ديال الما وكبها ليه على وجهو ) ودابا روي عطشك أحبيبي ..
عماد ( تبسم ) وشتي هاحنا تهلينا فيك باش متݣولش حنا حݣارين وخايبين اسي ياسين ياك ياسين ماشي مهدي ياسين ولا عثمان
يوسف : لالا ياسين لاكارط ديالو مكتكدبش او وراقيه مكايكدبوش حتى هوما وايلي ( شاف فعماد ) وعرفتي اصاحبي باه الحاج محمد الى مشا حتى عرف ولدو أش كيدير وايلي وعرفتي شنو البلان .. السيد مزوج ومخلي المرا فالعروبية مع دارهم وهو كالس على لالة ومالي وتقرقيب السطالي ..
عماد ( ضحك ) خايبة حتى لمعاودة ومو الحاجة الغالية مسكينة الى ساقت لولدها اش كيديري .. غير يوجدو ليها بلاصة فروضة ..
ياسين ( هز راسو كيشوفيهم مابقاش ليه الجهد بصوت تقيل ) والديا مدارو والو والديا بعاد .. هادشي دايرو أنا عطيو لوالديا بتيساع
عماد : ماشي انت لي غاتݣولينا شنو نديرو ولي منديروش ( شاف ف يوسف ) فخبارك خونا طايح فختنا فرح مسكين كيموت على تراب رجليها وكتلعب بيه بحال الكانيش ..
يوسف : وايلي ماعندي منسالك جبتي خبارو .. ودابا سمع ليا الواعرة ختنا هي لي كتخلصو ولي ݣالتها ليه كيديرها ولكن بقى فيا ابا عماد مافخباروش بلي ختنا مكتبغيش الرجال ( شافيهم ) كتبغي العيالات وهزك الما ابا ياسين بقيتي فيا واعداتك بزواج وهي متݣد تزوج بشي راجل ..
ياسين : كذوب بغيتو غير تجرو ليا لساني
عماد : ههههه والله حتى بقيتي فيا ، تا فيييق أمعلم ختنا دكورية لعباتك على صباع يديها دارت فيك مابغات واعداتك بزواج بغيتي نوريك ( وقف جبد تيليفون وجبد صورة فرح شي حد مصورها من بعيد فالقنت ديال باب الشومبر مع وحدة فوضع خايب شفايفها على شفايف لوخرا ) وتفرج ليا فحبيبة قلبك ..
ياسين ( بقا مخرج عينيه كيرمش بزربة مامتيقش شنو كيشوف قدام عينيه تعصب وماعرف باش تبلا بقا ساهي كيتفكر شنو دار على ودها شحال من مرة عتارف ليها بلي كيبغيها وكيموت عليها واخا كانت كبر منو كان باغيها ديما كانت كترضو .. وكانت كتواعدو تفكر كان باغي يتزوج بيها كان مستاعد يطلق مرتو لي خلاها فالبلاد ويتزوجها شحال من مرة حاول يقرب منها وصداتو الدنيا ضارت بيه وداخ ماعرف راسو من رجليه كان مستاعد واخا تقزلو لوح راسك فالواد يلوحو هز راسو فيهم ) واخا نكمي ݣارو ؟
يوسف : مرحبا الله أودي ( جبد كارو من جيبو دارو ليه فمو وشعلو ) تكيف ليا مع راسك .. بقا كيكمي فداك الݣارو حتى كملو ..
عماد : ودابا شنو اتݣر ولا نخليوك معانا فهاد الكوان واحد ليلة خرى .. والى ماݣريتيش راه هنا تبقى أكون هاني حنا نيت ماسخيناش بيك ..
ياسين ( تنهد مغلغل من جهة فرح حس براسو حمار وستغلاتو وستغفلاتو ) والى ݣلت غانتشد انا مابغيتش نتشد والديا الى ساقو الخبار غايمشيو فيها ..
عماد : مافكرتيش فيهم شحال هذا يلاه بانو ليك ؟
يوسف : حتى كيطرا لي طرا عاد كتفكر والديك
ياسين : الحب لي عما ليا العين .. غانݣوليكم كولشي من لول لخر ولكن ضمنو ليا نرجع بحالي لدارنا وحتى واحد فيهم مايسيق الخبار .. هادشي لي غانعاود ليكم غايسهل عليكم الطريق ايبقى ليكم غير النص مابقى عندي منخسر أصلا البنت لي بغيت من قلبي ضحكات عليا عليا وعلى لي معايا ..
عماد : واش داير معانا شونطاج ؟
ياسين : ماشي شونطاج ولكن انا كنت كنجيب ليهم غير ضواسة مادرت لا بيدي لا برجلي لي كانت كطلبو مني فرح كت كنديرو
يوسف : ودابا دوي
عماد : دوي ويكون خير
ياسين : عطيني الكلمة
عماد ( شاف فيوسف ورجع شاف فياسين ) عاطيك الكلمة يلاه دوي ..
فجهة اخرى كانت طوموبيلتو مزال غادية .. غير الخلا مكاين حتى دار ولا حتى واحد فداك القنت طوموبيلت وليد بوحدها لي غادية ..
حياة ( بدا كيدخل معاها الزايد والخلعة شاداها ) وليد فين غادي ؟
وليد ( ضحك ) غادي نزهاو ازين كيعجبكم الزهو
حياة : اشمن زهو ( شافت فالبنات) من نيتك ؟
ليالي : خويا واش من نيتك رجعنا عفاك
عماد ( ضحك ضحكة رجولية رنانة ) هاي هاي هاي على رجعنا دخول الحمام بحال خروجو أزين الى رجعتو شكون غايهز الق*** حشونة وخايبة فحقي
ماجدة ( غوبشات ) اش هاد الأسلوب واش هاد المستوى صاڤا پا انت ... راه بنات الناس لي معاك واش عارف خويا شكون ولالا سول على عماد حيدر مفتش فالبوليس ..
وليد ( ضحك ) حيدر حيدر عندو ختو سويهلة بحالك .. بنات الناس كالك بنات الق**** ماشي الناس بنات الناس ازين مكايطلعوش مع من والا لطوموبيل ويشد بيهم الطريق
حياة : انا تقت فيك بنتي ليا ولد الناس داكشي باش ركبت معاك .. فين مشات ديك الهضرة لي كنتي كتقول فتيليفون
وليد : وانتي حمارة وريح لي جا يديك لي دوا معاك كتيقي بيه شتي حنا اكبر ولاد القاف .. الى لقينا شي طواليط محلولة ضروري منبولو فيها .. وانتي صدقتي محلولة وساهلة وهبيلة ونية كاتلك بنت الناس بنات الخرا انتوما ، بنات الناس ( بصوت مرتافع مكشكش خلعهم ) بعزهم فديورهم مايركبوش مع شي بنادم فطوموبيل فهمتي واخا يكون خاطبها اشريفة ..
ليالي ( جاتها البكية ) خويا قسما بالله الى أول مرة نركبو مع شي واحد الله يرحم ليك الوالدين ..حنا راه مزال بنات ( غرغرو عينيها بدموع )
وليد : سدي عليا كابينتك
ماجدة : شوف أنت ...
وليد ( بالغوات حتى نقزو من بلاصتهم ) وقطعو الحس مانسمعش شي وحدة منكم .. تريكة الق***
ليالي ( شافت فحياة ) انت سباب اختي انتي اش داني انا أش داني فكيها دابا ..
وليد ( خنزر فيها ) مابغيتيش تسكتي ياك ؟
ليالي : صافي أخويا هاني ساكتة .. بقا غادي حتى وقف حدا واحد الشجرة .. بلاصة ونزل ضاير ورا الطوموبيل جابد شيحاجة ورجع فتح عليهم ..
وليد : نزلو ( بقاو كيشوفو فيه غوت ) ونزلو أبنادم .. نزلات حياة كترعد وليالي وماجدة كيشوفو فيه ويشوفو فجنابهم بخوف ..
وليد ( لاح واحد الموزون للماجدة ) تحزمي
ماجدة : شنو ( جاتها البكية )
وليد : وتحزمي الخرا ( شداتو ماجدة بين يديها رجليها كيترعدو ) ويلاه واش انباتو هنا تحزمي ولا نربطك شنو بان ليك ؟
ماجدة ( عضات على شفايفها كتهزهز راسها ) واخا واخا ( كتعقد فداك الموزون وكتبكي )
وليد ( لاح واحد الميكرو لليالي ) شدي انتي غني
ليالي ( بهمس ) واش هدا هبيل
وليد : اش ݣلتي ؟
ليالي ( كترعد راسها ) والو اخويا والو نغني والله حتى نغني
وليد : يلاه انتي غني وهي تشطح بالي ..
هزات ليالي داك الميكرو خدماتو .. كان اليكتريك وبدات تغني جيبها فم وݣول صوتها مرعود بالخلعة ..
وليد : وشطحي أبنادم بغيت نشوفك كتهزي البوط يلاه ..
ماجدة مكانتش كتعرف تشطح الخلعة كملات عليها .. كترعد المؤخرة ديالها بحال الى مركبين ليها الضو ..
وليد : اش هاد شطيح ديال شابة نبيلة ، وشطحي مݣاد ابنادم .. حياة غير كتفرج فيهم خايفة ومعارفاش نوبتها شنو غايكون فيها الى هوما غناو وشطحو هي شنو ..
ليالي : وسالبة سالبة وسالباني يابنت مي خاطري هاني وعلى حبيبي ويامن جاني ( كتعاود فالجملة ما مرة ماجوج ) ..
وليد ( خلاهم كيغنيو ومشا للكوفر جبد جوج قراعي ديال البيرا ورجع مدهم للحياة لي حلات عينيها على تواسعهم فيه ) حليهم
حياة ( حسات براسها أكبر منحوسة على وجه الكرة الأرضية شداتهم عندو فتحاتهم طانو كانيطات ومداتهم ليه ) هاك
وليد : شربيهم ليا .. قربات حياة منو كتشربو وهو واقف على طوموبيلتو كيتفرج فليالي لي كتغني وماجدة لي كتشطح .. بقاو على داك الحال ماجدة عيات رجليها ولاو مبرمجين يتحركو بوحدهم ..
وليد : وتحركو لالا انتوما مامعاكمش الخاطر ( رجع للكوفر لور حياة بزربة هزات حجرة باغية ضربو بيها ولكن طاحت من يدها فاش شافتو جبد جنوي طاح ليها الما فركابي ) وشطحو مزيان القوم أندوز على مكم وحدة بوحدة ..
ماجدة ( ولات بحال الى كدير الايروبيك ) هاني هاني ..
ليالي ( بزربة ) يا واخا جونيمار قلبي لي بغاك الحمار الوليد الوليد انا جيت انا جيت انا جيت جونيمار .. هز جوج كانيطات اخرين مدهم لحياة وهي كترعد حاسة بالبولة اطلقها .. حلاتهم وبدات كتشربو وهو كيتفرج مبسم ومنغم وفرحان ..
وليد ( هز يديه ) صافي حبس ( شاف فحياة ) ازين نوبتك جاتك الهويعة ( كيأشر بداك الموس ) اليوم انا وياك نطلعو للقمار ( رجع بخطوات اللور جبد واحد ساشية ورجع لعندهم .. ماجدة عيات ݣلسات الأرض رجليها مابقاوش هازينها ) ..
وليد ( مد لحياة ساشية ) هاكي جبديه ( بدا كيحل فسمطة دسروال ..
حياة ( بدات كتبكي فاش شافتو كيحل فسمطة ) وليد الله يرحم بيها الوالدين ..
وليد : والديا ميتين حلي ساشي ولا برب المعبود نݣزركم جملة وحلي ( بالغوات )
حياة ( فتحات الساشي وجبدات شيحاجة باردة كانت قاصحة ومصنوعة من المطاط وقفاتها كيبان ليها عضو ذكري صافي رجليها فشلو ليالي ݣالسة حدا ماجدة وكتبكي كتنخصص ) ش شنو هذا
وليد ( حل سمطو ونزل سروالو والبوكسور ومد ليها مؤخرة ديالو ) يلاه بداي
حياة ( هازة العضو فيديها ) اش غانبدا ؟
وليد : وخشيه ابنادم ( مد ليها المؤخرة ديالو ) .. ماجدة صافي فشلات .. ليالي ماعرفات تبكي ولا ضحك كولشي تجمع عليها ..
حياة ( نازلين دموعها ) والله مانقد اخويا وليد .. انت زوين وراجل حشومة هادشي
وليد ( كيغوت ) انا ماشي راجل وأنا ماشي راااااجل .. وخشييييه ولا غانخشي فيك هاد الم*وس ندوز عليك ..
ليالي ( كترعد ) خشيه ليه خشيه .. حياة قربات منو يدها كترعد مقاداش ، مرضات وخاطرها تروع كتشوف فديك الحالة واحد زوين ونقي بديك الحالة ، وهي فداك الوضع ضارت بيها دنيا .. كتشهق بالبكا
وليد : واش غانباتو برب العالي ، حتى ندوز عليكم بغيتو ترجعو سالمات خشي ..
ماجدة : وخشيه صافي بغينا نمشيو ( كتبكي )
ليالي : عيطي على شي واحد فخوتك اصاحبتي ( سمعها وقف على غفلة جر ليها ساك لاحو .. لايح ساك ليالي جر ساك حياة ولاحو )
وليد ( هز الجنوي ) دابا شنو ؟
حياة ( ستسلمات عيات وتهدات ) صافي واخا واخا .. رجع مد ليها مؤخرة ديالو .. بلعات ريقها وخشات داك العضو دقة وحدة بداك الكره والغل والعيا وسخط لي شدها والبكية والاحتقار والحݣرة لي حسات بيها من جيهتو ومن جهة كاع رجال .. تفكرات باها لي تخلا عليهم وهدا لي دار لبهم هكا الشفار لي سرقهم اول مرة جاو .. دفعاتو دقة وحدة كدفع على حر جهدها هي مبردة غلها وهو مستمتع..
ليالي وماجدة غمضو عينيهم كيسمعو غير الانين ديالو .. حياة كانت مغمضة عينيها ومكملها حتى شافتو طاح على ركابيه سخفان رجعات بلور مخلياه فيه طايحة على طولتها كتبكي عرقانة شعرها مشعكك .. كتشوف فداك المنظر كرهان راسها بقات غير ساهية ليد ورجل مابقاوش ليهم الجهد .. وقف مبسم وفرحان ومرتاح كيضحك كيشوفيهم ب 3 بيهم ..
وليد : الله يرضي عليكم ( جبد عضوو ومدو لجيهتهم كانو حادرات ريويهم حتى حسو بشيحاجة سخونة ، حسو راسهم مخلوعات لقاوهم كيبول عليهم خلاهم عامرات بول من شعرهم مسرسطات حتى بال على خاطرو .. الجهد لبكا مابقاش ولغوات مابقاش فشلو فشلة وحدة ..
وليد : هادي دير ليكم العقل توليو تركيو معامن مكان تهلاو الزيونات ( هز داك العضو .. رجع اللور هزات حياة فيه راسها ماحيلتها للبول لي عمرات بيه ولا لي وقع ولا ليه لي شافتو غادي راكب ..
حياة : اويلي فين غادي شكون ايوصلنا ( وقفات غادية عندو سد عليه الباب وديمارا راجع .. حساة تبعاتو كتجري اما ماجدة وليالي مابقاش ليهم جهد لجرا الخلعة فشلاتهم .. كان سريع حيت كان راكب فطوموبيلتو خلا وراه غير العجاجة ومشا
حياة طاحت فاشلة كتبكي وضرب فخاضها
ليالي : صافي هنا غانبقاو لمن غانعيطو لمن غانقولو حمارنا مشا .. لمن غانسونيو يجي يدينا وحنا فهاد الحالة كيفاش غانقولو راه وصلنا حنا ايرضو لينا اللومة حنا ..
ماجدة ( ساهية كتبكي ) مغانقدش نسوني لخوتي وانا هكا لمن غانقولها لمن غانعيط .. منقدش نمشي لدار هكا ايشوفني بابا هكا كيفاش اندير
حياة : انا انا سباب انا مولاتها انا لي جبتكم .. مابغيتش ندير عقلي بابا عجينة ريح لي جا يديني ( خشات راسها وسط يديها كتبكي )
ليالي : انت ماعليك والو حتى حنا كان علينا نديرو ليك العقل ولكن لي عطا الله عطاه ..
ماجدة : اللومة خديناها كاملين ماشي غير انتي .. نقولو انت مافكرتيش ايوا وهنا
حياة ( خسرات سيفتها ) تفو حتى يديا خانزين بالبول ( رجعات كتبكي وتشهق..
ليالي وماجدة جرو رجليهم لعندها معنقينها .. كلهم كيقطرو بالبول خانزات .. بقاو مدة وهوما ساهيات على داك الحال كيفكرو فالحل وشي تصريفة ..
حياة ( كانت عايشة صدمة فديك اللحظة الشعور لي كتحس بيه ماعرفاتوش شنو هو فديك اللحظة شافت فيهم ) نعيطو لعزيز ؟
× عــمـاد ×
جر كرسي حطو قبالتو بالمقلوب وݣلس حاط يديه على الحافة دالكرسي مقابل معاه كيتسناه يدوي ..
ياسين ( تنهد بإستسلام ) تعرفت على فرح شحال هذا شي 5 سنين دابا وانا معاها .. جيت لهنا باش نشوف خدمة ونترقع وجابتها الصدفة وتعارفنا ، وقفات معايا لݣات ليا خدمة وخدمت وعاوناتني حتى فالكرا داكشي باش لي كطلبو مني كنت كنفدو ( كح ) فالأول بدينا بالبنات لي كانو كيقلبو على الخدمة كنتوسطو ليهم باش يخدمو فالخليج .. من بعد عرفت بلي فرح كتوسط ليهم عند شي خليجي معروف فالإمارات وكيمشيو تم يخدمو فالفساد ، أنا ماتسوقتش لي كان كيهمني هو الفلوس كنسيفط لظارنا وحدايا فرح لي نهار على نهار كنزيد نبغيها
عماد : كتبغي وحدة بحالك بحالها .. مكاريب توما ( عض على شفتو ) كمل
ياسين : من بعد جات وݣالت ليا بلي عندنا خدمة كثر من هاديك .. وبلي الى قضيت ليها الغراض غاتعرفني على ناس كبار حيت ولات كتيق فيا بعينيها مغمضين
يوسف : شنو هو هاد الغراض ؟
ياسين ( شافيه ) نشمشم ونقلب ليها على بنات لي ماعندهم شخصية مدلولات .. باغيات غير يتزوجو ولا يكونو والديهم باغيين غير يتهناو منهم ، لي باها عيان ولا ماخدامش ولا مطلق مها المهم يكون عندهم شي خلل فالعائلة .. لي مغايتسوقوش للعريس لي يجي لبنتهم خاصو ايكون ملعق ، وداكشي لي درت سيفط واحد خونا كنعرفو كان كيخدم معايا شي بريكولات وهو لي جاب ليا واحد تنقنيقة على شي بنات ... كل وحدة ولحومة لي ساكنة فيها
عماد ( ببرود ) إيمتا بدا هادشي ؟
ياسين ( شافيه بالع ريقو ) شي عام ونص هكاك ولا عامين ؟
عماد ( عض على باطن حنكو شاد يدو بزز مابغاش ينوض يدݣو حتى يكمل عقلو حبس فاش كيتخايل بلي هادي عامين وشحال من بنت ماتت وشحال من واحد ساكت على بنتو ومادواش تعصب ) كمل
ياسين : دازت لافير لولة مزيانة وفرح رضات عليا .. وعرضات عليا لواحد السوارية كبيرة .. كديرها مرة فشهر كيتجمعو فيها غير هوما هوما تعرف على شحال من واحد ومنهم لي خدامة معاهم فرح وتابعة ليهم وهوما لي كيمشيوها وكيݣولو ليها شنو دير وشنو مديرش ..
عماد ( مركز معاه ) فين جات هاد الڤيلا ؟
ياسين ( كيشوفيه خايف ) الى مشيت حتى نعت غايعرفوني انا غايعرفو فين غانكون ويصفيوها ليا
عماد ( تبسم ) هادوك لي كدوي عليهم عندهم اقل حاجة واحد 30 عام ديال الحبس .. والى مادويتيش بالقليلة عندك واحد 15 عام دالحبس بغيتي دوزها ولا بغيتي دوزها حدا داركم ؟
ياسين : غايوصلو ليا
عماد : خرجك السوق أنت حتى واحد مغايوصلك دوي
ياسين : انا عارف فين جات عاقل عليها .. نوريها ليكم
عماد : مݣالوش لك شنو كيديرو مع دوك البنات ؟ ( بغا يقلقلو واش كان عارف كيحيدو ليهم أعضائهم ) ..
ياسين : كالت فرح بلي كيسفروهم للأوروبا كيخدموهم تمو فالبيزنيس .. مع رجال معروفين مرافقات وحتى فالفساد
عماد ( تبسم ) حتى فهادي قولباتك باش تعرف راسك كامبو .. ( جمع الإبتسامة ) مݣالتش ليك بلي كيبنجو هاد البنات وكيحيدو ليهم الكلاوي ديالهم والقلب واي حاجة فيهم كانت مامقيوساش .. واخرهم كيحرݣوهم ولا كيلوحوهم فالخلاوات صبر نوريك ( جبد تيليفونو وجبد صورة البنت لي لقاوها ميتة وقف وقابلها مع وجهو ) شوف تفرج تفرج ليا على عينيك شنو كديرو شتي وتخايل دابا مك ولا ختك ولا بنتك فهاد الحالة ..
ياسين ( مصدوم كيشوف فصورة هز راسو فعماد ) قسما بالله ماكنت عارف انا والله ماكنت عارف
عماد ( شنق عليه ) شنو الفرق ارعواني شنو ؟ زعمة داكشي لي كنتي كدير فرح .. توما مال جدكم مكتخافوش من لي خلقكم مكتحطوش بين عينيكم الموت ؟ ولا الطغيان الحلوف الطغيان والطمع عما ليك العين نهار توقف ݣدام لي خلقك شنو غاتݣول شنو موجد الميكروب أم ..
ياسين ( جاتو البكية ) كنت كنبغيها ( بدا يبكي ) تعميت كانت لي ݣالتو ليا كنديرو بعينيا مغمضين واخا نبقى على ضس كنت باغي انكون معاها
عماد ( دفل عليه ) لي فيك كافيك ( طلقو ) كمل
ياسين ( بقا مدة ساكت ونطق ) عندي واحد الكلي فدار فيها بزاف ديال ضواسة يݣدو ينفعوكم .. كانت خلاتها عندي فرح مخبيها فواحد الكوفر الڤيلا وغانوريها ليكم .. لي بغيتوها انا معاكم ولكن بغيت الامان مابغيتش والديا يسيقو الخبار هادي وتوبة الله يرحم ليكم الوالدين ..
عماد ( بدا يفك فالحبل لي مربوط بيه ) نوض ورينا فين جات ومنها ندوزو ناخدو لكلي وتكمل لينا فطريق ( جرو ) زيد ..
× طريق الرباط ×
ماجدة ( برفض ) لا لا ويلي على عزيز غادي نعيط على دنيا هي لي غادي تعتقنا ( جرات ساكها يدها كترعد جبدات تيليفونها فتحاتو .. مشات لنمرة دنيا دوزات الخط ) ألو ألو ( تعصبات ) ريزو مكاينش زفت ..
ليالي : وقيلة خاصنا نتمشاو شوية نقربو لشانطي ايكون تم الريزو .. ناضو كيسوسو فحوايجهم هزو سيكانهم جارين رجليهم .. الشمس بدات كتبرد كانت 5:30 ديال العشية عياو عاد قربو للشانطي جبدات ماجدة تيليفونها من جديد سونات لدنيا وهاد المرة شدات ..
ماجدة : وي دنيا عتقينا أختي .. انا وحياة وليالي كاينات فطريق الرباط طايحين اونبان .. ودابا ماشيش الوقت ديال نشرح ليك غير جي عتقينا دغية ( كدور عينيها ) ماحدانا حتى بلاكة لي عارفة هو كنا غاديين لرباط شوفي نسيفط ليك لوكال فالواتساب صبري صبري .. ( دخلات بزربة للواتساب سيفطات ليها لوكال وقطعات ) ..
حياة ݣالسة حدا واحد الشجرة وساهية .. عقلها مبلوكي هوما كيدويو وهي غير ساهية ، بقاو قرابة ساعة وهوما على ديك الحالة حتى كتبان ليهم طوموبيل ديال دنيا وصلات وتمات داخلة لطريق لي كانو واقفين فيها .. وقفات ونزلات مغوبشة كتشوفيهم ..
دنيا : اويلي ستغفرت الله أش هاد الحال ( خسرات سيفتها) اش هاد الريحة دالخنز ريحة البول ..
ليالي ( بدات كتعاود ليها ) وصاحبتي واش كازا صغيرة لي تمشيو لرباط حتى كاع الى بغيتو ديرو كافي كازا فيها قهاوي واعرين فين تݣلسو .. وانتوما واحد دار فيكم هادشي ( جاتها الضحكة ) ديك الساع فالوقت لي نزل وقبل مايهز عليكم الموس جوجات ينقزو عليه يطيحوه او وحدة تخبطو وهربو زيدو زيدو مافيكم فايدة بلاتي بعدو غسلو احالتكم ( جبدات قرعة دالما كل وحدة فيهم غسلات بشوية وجهم ويديهم )
طلعات حياة بلاما دوي هي وليالي اللور وماجدة القدام .. طلعات دنيا جبدات الريحة ديالها كترش حالة السرجم ديمارات وشدات الطريق ..
- من بعد مدة دخلو لكازا مع المغرب 7:30
دنيا : واش نديكم لدار بهاد الحالة ؟
ليالي : ادينا اختي نستاهلو لي غايوقع لينا باش عمرنا نيت نعاودو
ماجدة : انا اندوز معاك لدار منقدش نمشي هكا بابا غايكون فدار
ليالي : عمي وبابا كاينين فالقهوة كيكملو داكشي لي بقا ليهم .. قلبات الطريق لدار عند حياة ماحبسات حتى وقفات قدام الباب ، نزلات حياة غير ساكتة مخلية ليالي تابعاها .. دنيا مشات وهوما فتحو الباب وطلعو ..
فوق الطبلة حاطين كاسكروط .. كيسان اتاي مشروب فيهم خاويين وكيتفرجو تودة يلاه خرجات من البيت باللبسة ديال الصلاة غير شافت وقفات كتشوفيهم مصدومة ومخلوعة ..
تودة : اويلي مالكم أش هاد الحالة ؟
رشيدة ( يلاه كانت بغات تصلي سمعات تودة وخرجات زربانة كتشوفيهم ضربات فخاضها ) أويلي اش هاد الحالة تي أش واقع ( خسرات سيفتها ) أش هاد الريحة
ليالي ( بدات كتبكي عاد رجع معاها كولشي ) عفاك أخالتي متغوتيش
حياة ( قاطعاتها ) أنا لي درتها أنا سبب .. انا لي جريت ليالي وماجدة ومشينا تلاقينا مع واحد خونا تعرفت عليه فتيليفون ( مجات فين تكملها حتى طارت عليها رشيدة )
رشيدة : اويلي على بت لحرام اويلي على المنحوسة على المدودة على صݣعة ليامتعدا عليك تعدى عليكم ؟
ليالي : لا لا اخالتي مدار لينا والو حياة لي دارت ليه
تودة : اويلي تي أش دارت ؟
ليالي ( ݣلسات فالكرسي لي قبالتها ) جرني انا نغني وماجدة تشطح دانا لواحد الخلا فطريق الرباط ( كتعود بالخلعة والخوف وحابساها البولة ) وعطا لحياة واحد الحاجة قاليها تخشيها فيه ( كانت كتعاود بلاما تحبس ولا تخرج النفس )
رشيدة ( خبطات فخاضها وجها ) اويلي اويلي على بنت الحرام اويلي ݣلتها ليكم ݣلت ليكم مارتاحيتش ( شافت فحياة ) ݣلت ليك زغتي كلت ليك جيتي لهاد الدار بيضا وخرجو رجليك الشواري ( جراتها من شعرها ) ادوي ابنت الحرام يا صلݣوطة ( كضرب فيها وتنتف نقزات ليها على دراعها عضاتو حتى غوتات حياة ربي لي خلقها سميرة خرجات من البيت كتفك كانت كتصلي تودة كتفك)
تودة : وبراكة ارشيدة براكة ( البول غادي نع رجلين حياة لي كتبكي ) براكة اويلي ستغفرت الله بغيتي تق*تلي البنت ( بان ليها البول غادي مع حياة حيداتها ليها كتبكي وتشهق المكايج خاسر شعرها طالع لي طراس ديال الطرشة فوجها وقمشة فعنقها عطاتها ملخة عمرها عطاتها ليها ) اويلي شوفي البنت اش درتي ليها
رشيدة : ومزال ومزال مابردات ليا مزال على الخانزة السلݣوطة كون ازوجتك وتهنيت من طيران لي فيك .. ( شافت فتودة ) البنت مكاتش هوكا مكاتش المدينة خرجات عليها زاغت وتحلو ليها العينين
تودة ( مجاوباتهاش جرات حياة للحمام ) دخلي ابنتي دوشي وحيدي ديك الحالة .. ليالي سيري دوشي حتى انت سيري دخلي مع ختك ( جرات ليالي رجليها ودخلو لدوش ) حياة ݣلسات الارض كتبكي وليالي عنقاتها كتسكت فيها ..
تودة ( وقفات على رشيدة لي كترعد ) كنݣولك مكتعرفيش دوي وتصرفي فعايلك ديال الهيوش .. مكاينش لي غايطير هاد البنت ݣدك وهانا فين ݣلتها ليك شتي كون كنتي مرة حارة كون قربتيها منك كاعما تمشي تلاݣى مع زوافرية راس فراس بتخبية كون عاودات ليك.. وتنصحيها وديريها تحتك ولكن انت بحالك بحال داك لي طلقك هو لي كيعرف ليك نيت ..
× عماد ×
- دخلو لدارو لي كانت شقة صغيرة ماكبيراش .. مأتتة مزيان قراعي ديال الشراب كانو محطوطين على الطبلة ..
عماد : تيليفونك ( جبدو ياسين وعطاه ليه ) جيب الكلي .. دخل للبيت تابعو يوسف بقا واقف حاضيه فتح الماريو كان فيه الكوفر فتحو .. كيبان ليةسف شي فلوس ، جبد واحد الكلي سد الكوفر ومدها ليوسف ..
ياسين : فيها كولشي كاع لي غادي تحتاج
عماد : عندك پيسي ؟
ياسين ( هزهز راسو مشا رجع لبيتو جاب بيسي ومدو ليه ) هاهو ..
عماد كلس فوق سداري حط داك البيسي دخل فيه الكلي .. تأنسطالات عندو دخل لدوسيات كانو بزاف ، كل واحد كيدخل ليه كيتصدم فيه ، عبارة على تصاور كمش عينيه مغوبش .. فيديوات كانو ديال حفلات وجوه كثيرة كان خاصو يركز معاهم مزيان سد البيسي وحيد الكلي خشاه فجيبو ..
عماد : زيد ݣدامي .. خرجو من الشقة ركبو فطوموبيل شادين الطريق لي عطاهم ياسين .. بداو كيخرجو من كازا حتى حبسو فواحد البلاصة ، كانت اونفاص معاهم واحد الفيلا كبيرة ..
ياسين : هادي كيتجمعو مرة فشهر .. وفرح هي لي كتݣاد ليهم الݣلسة وكتوجدها
عماد : اخر مرة ايمتا كانت ؟
ياسين : الشهر لي فات وهاد الشهر مزال ولكن غتكون هاد الأيام ..
عماد ( شافيه ) مزال فبالك شي بلان ؟
ياسين : كنقسم ليك بغلاوة والديا عندي .. لي كاين عاودتو ليك بالحرف والكلي راه غاتلݣى فيها كولشي .. فيها حتى تصاور ديال العرسان لي كانو كيتقدمو لبنات واحد ضوسيي مكتوب فيه فرح غاتلقى فيه واحد جوج ڤيديوات ..
عماد : فخبارك بلان العرسان ؟
ياسين : اه ولكن هي كانت كتݣوليا بلي غايتزوجو فوق الوراق باش تجيهم القضية ساهلة الى غايديوهم للبرا
عماد : فرح فاش كتسالي من لوطيل فين كتمشي ؟
ياسين ( تنهد فضح كولشي ولي عطا الله عطاه ) واحد الكوان كاين فعين الذياب .. تم فين كتعمر من ورا الخدمة كتبقى تما حتى ل 5 دصباح ( عطاهم العنوان )
عماد ( فتح الباب ) نزل
ياسين ( دور راسو ) هنا ؟
عماد : تنزل هنا ولا نحطوك فعكاشة شنو بان لك ؟ ( بلع ريقو وحل الباب) عمري نشوف كمارت هنا غاتغبر فاش نبغيك غانجيك منشمش ريحتك كتخوطر هنا ( هزهز ياسين راسو ونزل فداك الخلا .. شاف عماد فيوسف ) كيبان ليا هاد الليلة غانشدو العسة أجمي ..
- فجهة أخرى ݣالسة فوق الفوتوي مقابلة مع تلفازة كتفرج مسرحة رجليها مغطية بواحد الكاشميرة .. طبسيل ديال ديسير محطوط
سهام ( خرجات من الكوزينة كتمسح يديها فواحد المنديل ) بغيتي شيحاجة نجيبها ليك قبل منطلع عند أمير ؟
عنبر : لا غير سيري سمحيليا عذبتك معايا
سهام : مكاين حتى عذاب بالعكس الى بغيتي شيحاجة عيطي عليا
عنبر : صافي كليتي شيحاجة ؟
سهام : لا كليت الحمد لله انمشي عند أمير لا يفيق .. طلعات وبقات عنبر مقابلة التلفازة .. هزات تيليفونها ميساجها ماتقراش من طرف حياة دخلها العجب ، يلاه اتحطو سونا كان الروطال ..
عنبر : ألو
الروطال : مشهية شيحاجة نجيبها ليك فاش نكون جاي ؟
عنبر ( عضات على شفتها مبسمة ) أه تشهيت شيحاجة ؟
الروطال : كبدة ولا سوسيط ولا كفتة ولا لحم راس مبخر ؟
عنبر ( ضحكات ) الصراحة تشهيت الكبدة وسوسيط بزوج ومعاهم شي مينيضة الى جات على خاطرك
الروطال : أحيانا عليك الفتيلة فاش كتبغي حاجتك واه واه يلاه سيري ( قطع ) .. تنهدات تنهيظة طويلة سونا تيليفونها من جديد كانت سعاد
عنبر : أخالتي لاباس عليك .. لا الحمد لله دابا شوية بعدا لالا لابسة مزيان هههه ... واخا عطيها ليا ( سكتات ) ألو مي رقية الحمد لله والله أمي الى كنت بغيت نجي نشوفك انتي وبا علال ولكن طحت مرضت ... ياك أنتوما مزال مطولين ؟ ايوا صافي مزيان نيت ماعندكم مديرو لهيه بوحدكم وصيف غايدخل صافي واخا أمي تهلاي فراسك الله يخلي ليك صحيحتك .. ألو خالتي سعاد واه مزال مجاش صافي واخا بسلامة ( قطعات )
- بقات كتفرج ومرة مرة كطل على تيليفون والو مزال طالعة ليها شرطة دخلها الشك .. دخلات للواتساب ديال ليالي سيفطات ليها " افين غابرين حياة سيفط ليها مكتجاوبنيش كيفاش زعمة محمعين بلا بيا ومخليين تيليفون مكتجاوبوش فيه ؟ " ..
بقات كتسنى مدة والو مجاوبتها لا ليالي لا حياة شكات وتزاد معاها زايد .. مشات ليزاپيل وسونات على تودة بقات مدة عاد جاوباتها
تودة ( بصوت باينة فيه مقلقة ) أبنتي
عنبر : اويلي فين غابرين واخا يكونو خاطفينكم .. كنسيفط لحياة وليالي والو واش محمعين وناسيين تيليفوناتكم ؟
تودة : لاواه ابنتي مامجمعين والو ( بلعات ريقها ) حياة وليالي فدوش ابنتي كيدوشو
عنبر ( كمشات عينيها ) اويلي داخلات بجوجات مالهم عليها ( كدقق فصوت مها ) ماما واش واقعة شيحاجة ؟
تودة ( دخلات لبيتها سدات عليها ) حياة وليالي كانو خارجات حياة كانت دوي مع شي واحد فتيليفون .. ودار معاهم يتلاقاو وداو حتى ماجدة خرجو ب 3 مشاو تلقاو معاه .. ايوا داهم لشي خلا فطريق رباط
عنبر ( تقادات فالكلسة مخلوعة ) اويلي واش دار ليهم شيحاجة ؟
تودة : حزم ماجدة تشطح وعطا ليالي تغني ، وعطا لحياة شيحاجة ابنتي باش تزيد ليه
عنبر ( ندبات وجها جاتها ضحكة والخوف ) اويلي ستغفرت الله العظيم وهوما ثلاثة وخلاو واحد يدير فيهم مابغا .. ديك ساع وحدة فيهم تهز شيحاجة تخبطو ..
تودة : نشرهم تم وباش كملها بال عليهم ركب فطوموبيلتو وسمح فيهم فداك الخلياني ، جاونا حتى لمغرب كيتسرسطو بالبالات
عنبر ( ماقداتش تحبس الضحكة ) ههههههه وهي ربي العالي سرهم ولاو يخرجو بلا بيا .. هادوك أذنوبي خرجو فيهم
تودة : كيشتي كون بغيتي تخرجي معاهم أيخليك راجلك .. نعلي شيطان بغيتي تخرجي يخرجك هو مالو هبيل يخليك دوري بحال العزري
عنبر : اش دارت خالتي ؟
تودة : مكاين لي غايجيب ليا نقطة ويهجج ديك البنت ݣد خالتك .. مكتعرف تعامل مع البنت وتقربها ليها والو ، شداتها عطاتها ق**تلة خلات لحمها كولو إمارات
عنبر : ناري راه هي سباب البنت مكتلقى لمن تعاود .. كون كانت قريبة منها راه كانت اي حاجة تعاودها ليها وتشاور معاها وتوريها شنو لي خاصها ديرو ولي مديرش ..
تودة : دويت معاها البنت جايا ربي عالم بيها وشداتها ملخاتها حتى طلقات الما
عنبر : غدا غانجي لعندكم إن شاء الله ونشوفها نيت وندوي مع خالتي .. انا نيت كون كانت مي فالحياة علاش ماكنتش غانتحتت معاها ونعاود ليها
تودة ( تقرصات ) هي دابا انا متعاوديش ليا ؟
عنبر : انتي هي الحاجة لي ربي عوضني بيها من ورا موت والديا ولي كنحمد ربي ونشكرو عليها .. الله يخليك ليا
تودة : آمين أكبيدتي آمين .. سيري نذزف ديك البنت مسكينة راه خرجو من دوش
عنبر : واخا اماما سيري تصبحو على خير ( قطعات) ..
- ݣالس قبالتها ، حاطة داكشي لي جاب ليها كتاكل بمهل وغير بشوية يديها فاشلين مزال مأتر عليها الرواح .. كانت شهوتها فشوى وجابو ليها كترش الملح والكامون وكتاكل
عنبر ( هزات فيه راسها ) مغاتاكلش ؟
الروطال ( برفض ) كولي بصحة ( تقاد فبلاصتو مرجع راسو اللور )
عنبر : واش مريض ياكما نكون عديتك ؟
الروطال ( شافيها ) عديني كولشي ديالك .. ماشي شيحاجة الخدمة والعيا وصافي ( سكت مدة ورجع كمل كلامو) المشية ديال إفران غانتسناو واحد شوية واخا المشية ديالها دابا ماليها معنى الناس كيمشيو ليها فالبرد يشوفو الثلج ..
عنبر : ماشي مشكيل نمشيو دابا ونمشيو حتى فاش يكون الثلج ( تبسمات ) حتى انا عيانة وبيني وبينك ( بلعات لقمة لي فمها ) بغيت نتهناو من هادشي ديال بدر وعائلتو ..
الروطال ( هز حاجب ونزل الثاني جاتو هضرتها فشكل ) علاش زعمة ؟
عنبر ( أشرات بحجبانها ) كيفاش علاش ؟ حيتاش بغيت نسد داك الباب نلوحو وراه ظهري ونتهنى مع راسي ونرتاح ونشوف حياتي .. حنا غاديين لقدام مكنرجعوش لور مابغيتش نبقى لاصقة فواحد القشة راشية معلقة فقلب السطح .. بغيت نهرسها ونلوحها فهمتيني
الروطال ( هزهز راسو ) مابقى والو داكشي باش ݣلت لك نأجلوها .. دويت مع عماد على لي ݣال راه طاح على شي لعبة لي غاتنفعو دابا بقا ليك داك ( عض على لسانو )
عنبر : فاروق بغيت غدا ندوز لدارنا نشوفهم ..ونيت نشوف داك خونا ( خنزر فيها ) بلاما تبقى تخنزر راه خاصك تصبر انا ومكرهتش كون شدو ندمغو ولكن معكلة ..
الروطال : غانحضيك من بعيد ، باش نديك لداركم
عنبر : صافي غانسيفط ليه ندير معاه فشي قهوة وصلني وبقا بعيد مايشوفكش حتى نساليو هاد الجرة صافي ؟
الروطال ( هزهز راسو )
عنبر ( بإبتسامة مدات ليه واحد الدغمة ) هاك هاد الكبيدة الكبيدة
الروطال ( تبسم ) وليتي عارفة البوطونة ديالي منين نشعل ومنين نطفى ( مد فمو واخد من يدها )
عنبر : وضروري راه 5 شهور ديال الزواج دابا .. واخا مزال شي حوايج فيك فيهم تخوخيش ولكن شي حوايج بديت نعرفهم
الروطال ( غمزها ) العݣوبة تولي تعرفي الحاج إيمتا باغيك تحني عليه وترحميه مسكين
عنبر ( فهماتو هي مزال ماتسرطاتش ليها حدرات راسها وتقلبات جهة التلفازة ) دير كاع دوزيم كاين واحد البرنامج اسمو طريق التحدي ..
الروطال ( تبسم ) علاش مكايديروهش نهار الخميس ؟
عنبر : اه نسيت دير نجم الشعبي
الروطال ( مستمتع بحناكها لي تزنݣو والحشمة ديالها لي مكرهش يحيدها منها ويطيرها ويتمتع كيف بغا معاها بلا بيها ) اهاه نديروه علاش لا ..
ماضارتش جيهتو .. كتاكل ومقابلة تلفازة عنقها تكوانسة
الروطال : عنقك غايضرك ..
عنبر ( كتدوي وعينيها مع تلفازة وكتاكل ) لا لا حقا دوات معايا خالتي سعاد ومي رقية
الروطال : دويت معاهم ݣبيل .. دزت عند الوليد للقهوة هو والعم
عنبر ( شافت فيه ) قربو يفتحوها ؟
الروطال : مابقاش ليهم بزاف .. شي 4 يام هكاك
عنبر : حتى ماما فاطنة قربات تحل المحال .. تكاتبات مع مولاه دابا غاتبدا تعمر شافت مع واحد السيدة وكتسنى فواحد السيد شافت عندو واحد جوج ماكن دالخياطة اتاخدهم من عندو بون أوكازيو ..
الروطال ( لاح عنبة فمو ) الله يسخر
عنبر ( شافت فيه بتساؤل ) فخبارك عماد سونا ليا لبارح سولني على ديك فرح
الروطال : ماݣلتيهاش ليا
عنبر : غير نسيت .. سولني على لوطيل لي كنت خدامة فيه وسولني شكون مولاه قلت ليه على ديك ختنا مشيتي قلتي ليه راه نتفتها ؟
الروطال ( دار راسو ماسمعهاش حك لحيتو او وقف ) أنا جاي ..
عنبر ( دورات راسها ) أم هربتي باز ..
حاط بيسي قدامو فالبيرو .. فجنابو كان ربيع ويوسف قانيين على البيسي ولي كاينين فيه الاغلبية كانو رجال أعمال ، مقسمين رجال وعيالات ربيع كان نازل بستيلو على واحد الملف كيقلب فيه ويشوف فالبيسي ويقيد .. مرة كيدويو يتناقشو ومرو يرجعو يقيدو جميع الملفات كانو خدامين على قدم وساق نتاقل من الفيديوهات للضوسي لي وراه دخل ليه كانو فيه تصاور ديال جميع البنات لي غبر ليهم الاثر ومن بين تصاور كانت صورة ديال أريناس ..
- وتصاور ديال رجال فثلاثينات من عمرهم كانو نفس الصور لي عطاو مواصفاتهم العائلات لقلال لي ديكلاراو .. لقا خريطة فيها عدة بلايص ماعرفش ديالاش ديك الخريطة
يوسف : مايكونش هاد الخريطة ديال القنات فين ناويين يدفنو فيهم كل وحدة منين يساليو منها
ربيع : عماد ورق ليا هاد القنت كبر اصاحبي صورة كبر ( كبرها مزيان ) ماشي هذا هو لوكال لي لݣيتو فيه ختنا لولة ؟
عماد : بلاااااان
يوسف : تاشوف ليا اساط هاد القونت هادي الدار ديال سيد لي جا ديكلارا
عماد : القنات لوخرين غايكونو دافنين فيهم بنات خرين ، وجدة الحسيمة .. طريق مرزوݣة وهي رب العالي
ربيع ( شد راسو ) تا كيفاش انديرو خاصنا نتفرقو
عماد ( شاف فيوسف ) غاتسوني على المراكز تشوف كل قونت واش شادينو البوليس ولا جدارمية فهمتي البلان ..
يوسف : تهنا .. رجع عماد كيقلب فضواسة لقى حريرة تابعة ختها .. تبييض الأموال تصاور ديال باسبورات بنات مسفرين للخليج وتصاورهم وليكارت ناسيونال ديالهم ، عناوين ديال ڤيلات فمدن أخرين الغرق ديال الملفات الكحلين موسخين فديك الكلي ..
يوسف : شوف هاد ضوسي نسيتيه
عماد دخل لضوسي كان ضوسي خاص بفرح
يوسف : ختنا باغية دوز كاستينݣ للبنات شطاحات ، باغية تحل كباري ولا كيفاش بلانها
عماد : ولا بغات تسيفطهم لشي قنت تلبق ليهم ضوسي خاسر ديال الدعارة الراقية
ربيع ( ضحك مد صبعو ) ولا سونطر ديال تدليك تفرج تفرج ( دخلو واحد الفيديو كان سونطر ديال التدليك فيه بنات بلبسة موحدة من جهة الصدر مفضوحة ومقزبة )
عماد ( شاف فيوسف وربيع ) كتبان ليا البنيقة غاتعمر
ربيع : مزال الصح ونسدو هاد الضوسي ونمشي اخويا نرتاح فشماعية مع مخي .. غير انا والمعاز ودجاج وياسلام
يوسف ( كيطرطق صباعو ) كون تشوف انا كنتسنى كونجية بريط والله المعبود
عماد ( سد البيسي فعلا كيما ݣاليه ياسين ملفات مݣيحين ومخيهين رݣاهم فالكلي خاصو دابا أصحيح ويطرق المسمار ) دابا بقات لينا ديك الڤيلا ، الى غاندخلو ليها خاصها تمخميخة كبيرة تنزل ليهم من فوق السطح ونص يدورها ويطرقها من كاع البيبان باش بنادم مايلݣى منين يدوز
يوسف : نعلمو العميد بالجديد بعدا ونبلانيو لدخلة ..
عماد : سير عالله ( سد عينيه بعياء وقف هاز تجاكيطو ) يلاه نتشاوفو غدا .. ( خرج وخلاهم ) توجه لطوموبيلتو .. سونا للعصام سولو على أمينة وأريناس طمنو عليهم ..
- وقف قدام واحد السناك .. نزل دخل دوموندا على جوج شوارمات وفريت أومپورطي تسنى حتى وجدو خلص وداز للحانوت خدا مونادا وسقاطة ومن تم شدها لدار ..
- الأحد صبحات ناعسة مابغاتش تنوض مابغاتش تشوف حتى واحد ولا دوي مع شيحد .. لحمها كولو كيضرها بضرب لي كلات مانعساتش بكري ليل كامل وهي كتبكي وساهية فالحيط وسيناريو ديال داكشي لي وقع ليها كيدوز قدام عينيها ..
تحل عليها الباب ودخلات عندها تودة ݣلسات على طرف النموسية كدوز ليها على شعرها
تودة : نوضي ابنيتي نوضي تفطري لبارح بايتة بلا عشا ودابا مانضتيش تفطري نوضي الله يرضي عليك ..
حياة ( بصوت باح ) مافياش أخالتي والله بغيت غير نعس الله يعطيك الستر
رشيدة : صافي خليها اتودة على خاطرها ( واقفة فالكوزينة ) ضربني وبكا سبقني وشكا دايراها ݣد راسها ومازال منيفخة
حياة ( ضورات راسها عندها عينيها حمرين ) والو امي زعمة ݣلبك مايحنش والو .. هادشي لي كديري معايا كان خاصك ديريه مع راجلك ( ݣلسات ) دابا عاد وليتي تغوتي وضربي هادشي بعدا مدرتيهش نهار راجلك كان باغي يزوجني بشارف ومدرتيهش فاش دا ليك الفلوس وخلاك انتي وخوتي .. عمرك غوتي على سعيد ولا دافعتي عليا وخرجتي عينيك فيه كيما كتݣولي انا تبدل فاش جيت لمدينة حتى انت تبدلتي ، فاش كنا فالعروبية كنتي حنينة معاه وانا كنتي تسكتي فيا ودابا لي خاصك ديري معاه هو كديري ليا
رشيدة : مزال كدوي وتحلي داك الدرݣوم
حياة ( بإنفعال ) أه نحلو شوفي اخالتي فاطنة كيكادير مع عنبر لي ماشي كاع بنتها .. تعنقها وتبوسها وتحن عليها وتخاف عليها ، داخلت عليك بوجه الله قولي ليا اخر مرة عنقتيني فيها ولا بستيني فيها ؟ من نهار جيتي لهاد الدار عمرك عنقتيني عمرك سولتيني اش ضارني ولا كيدازت عندي ليام لي كنت هنايا لا ( شافت فتودة ) ياك عرفاتنا انا وعنبر تكرفصنا ونهار حطينا رجلينا تكريسينا وكانو غايدخلونا للفساد كونما ولاد الناس عتقونا وتمرمدنا وتقبلاتها عادي .. هاد الضرب لي دارت ليا كون دارتو ليا لي سمح فينا وديرو لشفار لي ݣريسانا ولخانزة لي كانت اتخرج علينا ( كتبكي ) ..
تودة ( خنزرات فرشيدة ) صافي ابنيتي صافي الحبيبة
حياة : عمرها ماحنات عليا كيما كتحن على عمران وجبهان وتخشهم .. خرجت من القرايا حيت سعيد راجلها مابغانيش نكمل ومادافعاتش عليا وقاتليه لا بنتي تقرا بزز منك غاتقرا غير قاليها تكلس جات عندي كلسي من القرايا سعيد مابغاكش تقراي ، وبكيت عليها وتلاحيت على رجليها ومابغاتش هادشي كامل باش سعيد يبقى بخاطرو ومتخسرش ليه الخاطر ومايخليهاش ويخلي دارو ولا يجري علينا ( كتمسح فدموعها ) زيادتني لشقا نشقى ونطيب ونغسل حوايج سعيد الموسخين ونجي ندوي صبري صبري صبري .. نطيب ونخرج فشموشات ايكغو دشمس لاخرة ماعنديش بحال قراناتي وجحي تحرق ويديا تخرقو بشمس وطياب الخبز ..
( كتشهق وترد النفس ) كنسمع غير صبري حشونة عندك سعيد .. وياك تحمعي مع فلانة وفلانة سعيد مايبغيش متشديش التيليفون قدام سعيد ، سعيد هرس ليا تيليفون صبري متغوتيش عندك غايسمعك ماتقلقيهش ، جا شارب ماتبانيش قدامو بسيف بسيف منلقى حريتي ومنعاود ليك والو بسيف على القهرة وتمارة لي دوزت ومالقيتش مي مي ديال ݣلبي ( ضربات على قلبها ) لي توقف معايا وتشدني بسنانها وتفضلني على راجلها وعلى كاع الناس .. ودابا كتحاسبيني شتي واخا كون كان بغا يتعدا عليا مكتش نخليه مايدي مني باش ينقي سنانو ..
رشيدة بقات غير ساكتة وكتسمع ليها نفاج**رات عليها دقة وحدة وخرجات كاع لي ضارها من جهة مها ..
تودة : تكاي ابنيتي انا نجيب ليك تاكلي مانبقايش بجوعك .. مسحي دموعك أكبيدتي مسحي ( وقفات جرات رشيدة وسدات عليها الباب )
رشيدة : سمعتيها ؟
تودة ( غوبشات ) ومالها كذبات كنتي تموتي على سعيد ياك شحال كنا نفيقو فيك .. وانتي امضبعة ولا نسيتي يامك جري بتك لعدك وحوزيها واخا هكاك ݣلبها بيض وحنينة وحاجتها ماليها ، حوزيها ويكون فيك البو والأم وقربيها منك وكسبيها عدك ماضيعيهاش انا نݣولك دوريها فراسك .. راه كاع لي كالت ليك عدها فيه الصح نمشي نوجد ليها متاكل ماتبقاش بجوعها ( خلاتها واقفة كدور كلامها فراسها ودخلات لكوزينة )
سايݣ طوموبيلتو بملامح بارد .. عاݣد غوباشتو باينة فيه معصب من فكو لي كيضغط عليه من باطن حنكو .. يد سايݣ بيها ويد مخرجها من الطوموبيل ، سهام كانت اللور هي وامير وعنبر حداه
عنبر ( بلعات ريقها وشافت فيه ) واش غادي تبقى هكا معصب .. ها سهام معايا دابا مابقا عندك علاش تمرض راسك
الروطال ( خنزر فيها ) واخا يكون معاك المغرب على ݣدو مغاتبردش ليا ( بالهمس ) غيريها الله يرضي عليك مامبقاش داوي ..
عنبر سكتات عرفاتو مابغاش يهضر قدام سهام .. دورات راسها وسكتات بقاو هكاك حتى قربو للبلاصة فين دايرة مع بدر نفس المطعم لي كان تلاقى فيه الروطال مع ماريا اخر مرة .. هو لي قتارحو عليها كان وسط المدينة وعائلي ..
الروطال : غانبقى هنا ماتعطليش .. متخلينيش نعبط اعنبر الله يرضي عليك
عنبر : ودخل حتى انت وسير لكوزينة وبقا مقابلنا باش هكا ترتاح
الروطال ( فتح السمطة ) مخيرة عجبني تفكيرك
عنبر ( كتشوفيه بإستغراب ) واش كتهضر بصح من نيتك ؟
الروطال ( ببرود ) أش بان لك نزلي ( بأمر ) .. نزل من الطوموبيل تحت أنظارها هي وسهام لي كانت مبسمة جاتها الضحكة من المنظر ديالهم .. تمو داخلين هي وسهام وامير لي هزاه فالحمال ، عنبر وسهام توجهو لواحد الطبلة وروطال دار داكشي لي قالت ليه عنبر .. كتشوفيه من بعيد وكتحرك راسها بلاحولة ..
طلب المسؤول .. وحيت كانت عندو سمعة ومعروف خلاه يكلس فواحد القنت من ورا الكوزينة ، كانت بلاصة خاصة بالموظفين وعندها اطلالة على الجهة لوخرا هكا ايبقى مقابلها ..
كان على أعصابو كيحاول يتكالما ومايديرش شيحاجة لي تخرج على خدمة خوه .. كيبان ليه بدر داخل لابس لباس رياضي مع نظارات شمسية .. سلم على عنبر بغا يمد ليها وجهو مدات ليه يدها ورك على يدو بجهد مبرد فيها الحر ديال أعصابو .. كيبان ليه هز أمير كيبوس فيه وكيشوفيه دوز لسانو وسط فمو عاض على باطن حنكو طافي فيه الحر ..
بدر ( رجع أمير للسهام وشاف فعنبر ) أنكلسو هنا ؟
سهام ( وقفات ) انا انكلس لهيه نخليكم بجوج .. ناضت من حداهم خلاتهم بز وج
عنبر ( ببرود بارما شفايفها ) بغيتيني نجي وجيت بغيتي تشوف ولدك .. لي كدبو عليا وقالو ليا مكنولدش وهانت شتيه شنو بغيتي ؟
بدر ( كيشوفيها وفملامحها ) جا معاك الغلض .. بياضيتي وجا معاك حتى الفولار
عنبر : جايبني لهنا على هادشي ؟
بدر : عنبر شنو ندير باش تيقيتي غير ݣولي ليا ؟ راه انا ماعندي يد فهادشي راه والديا هوما ماليها
عنبر : ياك بعدا والديك ( بحزن مصطنع ) والديك لي لاحوني بحال جفاف .. والديك لي حيدو ليا حوايجي مالقيت مناكل حتى نزلت للكازا نخدم والديك هوما السبب باش خدمت شيخة
بدر : كنتي تقدي تبيعي البروش .. وتعيشي منو مزيان
عنبر ( خنزرات فيه ) كيبان ليا مك ماقالتش ليك بلي لقاوه عندي وحيدوه ليا ؟
بدر ( غوبش ) داوية بصح ؟
عنبر ( بغات توقف منعها ) حيد يدك .. منين انت مزال كتيق فيهم زتكدب فيا انا ماليها معنى
بدر : بالعكس اعنبر انا متيقك ( غمض عينيه وحلهم ) كلسي عفاك ( ݣلسات ) عنبر انا باغيك باغي نكملو ب3 انا وانتي او ولدنا طلقي طلقي وخلينا نرجعو احبيبة ..
عنبر ( تبسمات ) من نيتك عرفتي هداك لي تزوجت بيه تحدا مو وعائلتو كاملة باش تزوج بيا .. ضرب السمعة ديالو وخدمتو ومكانتو فزيرو وتزوج بيا انا لي بولدي وكنت شيخة أنت شنو درتي باش نخليه ونرجع ليك أممم ..
بدر : ندير لي بغيتي ( بتحدي ) لي طلبتيه نديرو غير نرجعو بجوج بغيت غير نعرف حاجة وحدة ؟
عنبر : شنو هي ؟
بدر : واش مزال كتبغيني ؟
عنبر ( بلعات ريقها عينيها غرغرو بدموع ) واش عرفتي شنو داز عليا فاش قالو ليا متي ؟ واش عرفتب شنو درت شعري قطعتو على ودك حيت كان كيفكرني بيك ( نزلو دموعها )
بدر : انا احبيبة هنا والله المعبود عمري نخليك .. واش مزال كتبغيني ؟
عنبر ( كتبكي ) واخا كاع لي وقع اه مزال مزال كنبغيك .. واش كونما كنتش كنبغيك اتلقاني هنا ولكن ابدر والديك عمرهم مغايخليونا نعيشو هانيين ايبقاو تابعينا .. سمحليا ولكن والديك غايبقاو ديما مورانا خاص شيحاجة تشدهم يتلهاو فيا
بدر ( كيخمم ) بحالاش ؟
عنبر : بدر انا عارفة والديك كيخدمو شي خدمة ماهياش
بدر : باش عرفتي ( غوبش )
عنبر : فاش قالو ليا متي سمعتهم كيدويو .. الى بغيتينا نتجمعو خاصنا نبعدو عليهم ولا يبعدو علينا هوما مابغيتش ولدي يعيش بين ناس كيخلوضو
بدر : انا مداخلش فداكشي لي كيخططو ليه ( قاطعهم السرباي حط ليهم عواصر )
عنبر : ولكن انت عارف عليهم كولشي .. وعارفهم مزيان غايبقاو ديما تابعينا .. والديك خاصهم يبعدو علينا شوف انت كيفاش دير تبعدهم من طريقنا باش نعيشو احنا بتلاتة بينا ، نعيشو بيخير مع ولدنا ونبعدو من هنا ..
بدر : كوني هانية غادي نلقى ليها تخريجة عمرهم مغادي يوصلونا ولا يقربو لينا عمركم غاتشوفيهم كنواعدك
عنبر : الى بغيتيني نتيقك بين ليا .. نهار تبين ليا غانطلب الطلاق لي عندي قلتو ليك ابدر ياانا او ولدك ولا داركم ( وقفات هازة ساكها ) سهام يلاه عطيه أمير يسلم عليه ويلاه نمشيو ..
يتبع...
التعليقات
لا توجد تعليقات بعد، كن أول من يعلق.