محتوى القصة
عنبر : مرحبا ( هزات ديك البنت تيليفون وبدات كتصور )
.... : البنات جيت اليوم ناخود البيبوش ، ولقيت هاد البنات كيبيعو القهوة والبيبوش فالواد هنا فالقنيطرة .. عرفتو واحد البيبوش كيحمق بنين شهوة منو اما القهوة معطرة غزالة ماتلقاوش بحالها ..( سلات الستوري ولاحتو فالأنستغرام وفتيك توك خلصاتهم ومشات ) سلاو الخدمة ورجعو للدار عيانين وفرحانين بلي دخلوه فداك العشية عنبر هزات تيليفونها سونات لتودة طمناتها عليها ودخلات دوش ..
~~~~~
كانت كالسة فبيتها حتى تدق الباب ودخل هاز بواطة كبيرة حطها وݣلس قدامها كانت عاطياه بالظهر جا قدامها ݣلس مدور ليها راسها شافت فيه مقلقة ..
طارق : حميشتي مزال مقلقة مني ؟
دنيا ( تنهدات ) نتفتيني ودفݣتيليا لي صوص ديالي ، وقلتيلي شوهتك بين الناس .. بقا فيا الحال حيت شفتك كيفاش وقفتي مع ياسمين ويسرى بقا فيا الحال خصوصا قدام الناس وصاحبك
طارق : فين عمري قستك ولا ضربتك ولا غوت عليك .. وفين عمري كان كيهمني هضرت الناس ولكن مارضيتش ݣدام صاحبي جاي كيݣوليا واحد القطة كتبيع الكريب حسيت بيك غدرتيني ، انا وياك مالفين كنتسارو ونتعاودو ولي كاينة كتحط فوق الطبلة .. انت الوحيدة لي كنعاود ليها الشادة والفادة عليا ومكنخبي عليها والو خواتاتك ومكنعاودش ليهم لي فمصارني وانتي لا واخا انتي صغيرة ولكن عقلك ناضج كنحس بيك قريبة مني جاتني الشمتة مارضيتش داكشي باش خرجت لي خرجت ومديت عليك يدي
دنيا : كنت بغيت نقولها ليك ولكن بغيت حتى المشروع ديالي ينجح عاد نقولها ليك ..
طارق : انا عدويا الغدر ادنيا ناوية على شيحاجة جي عندي الالة منعطيك فلوسك انا نعاونك افديك الكروصة ونكون عارف وعالم على كولشي يجي صاحبي يبدا داوي القطة ولا الخ** مارضيتش ماحملتش راسي وماعجبنيش البلان وخرجت لي خرجتو .. واش انا عمري هزيت عليك يدي واش عمري مسيتك ولا ضريتك ؟ ودوي واش عمري قستك ؟ ( حركات راسها بنفي ) ولكن تغدريني وتخبي عليا حسيت بشمتة من ختي انتي راه ختي وصاحبتي وكولشي فيك ابنادمة
دنيا : وهادشي علاش بقا فيا الحال وصدمتيني ..
طارق ( جرها لعندو عنقها ) سمحيليا الله يعطيني الݣرض فهاد ليدين لي تحطو عليك
دنيا : الله ينجيك يتݣرضو لعدوك
طارق ( كيعيبها ) يتݣرضو لعدوك باز والله يا مك ومزال تخبي عليا شيحاجة نتفاهم معاك
دنيا : ضيعتي ليا لي صوص ديالي
طارق ( ضحك ) ليصونص نشري مليون منهم كاع عينيا نعطيهم ليك .. لي بغيتيها نديرها ونخلص حق الحميشة ديالي
دنيا ( تبسمات ) تجي تبيع معايا لكريپ ؟
طارق ( بصدمة ) انا ؟ ( خنزرات فيه .. حدر راسو باستسلام ) واخا الالة نبيع معاك سيمانة كلها انا معاك صافي مصالحين ؟
دنيا ( عنقاتو ) مصالحين ..
- فجهة أخرى 📌
خرج من الاوطيل .. ركب فطوموبيلتو يلاه باغي يديماري سونا ليه التيليفون ميساج من عند عصام فالواتساب مكتوب فيه " دخل لهاد الرابط تشوف " تم تم دخل ليه طلع ليه ريل فالأنستغرام هز حجبانو كيشوف فالڤيديو .. دور لسانو وسط فمو مشا ليزابيل دوز نمرت طارق ..
الروطال : با طارق .. بغيتك فواحد البلان ..
ساهية فتصرف لي دار معاها .. كتراجع تصرفاتها وكتسول راسها واش دارت شيحاجة لي غالطة حتى وقف عليها مفيقها من سهوتها ..
راشد ( برزانة وبصوت رجولي مهدن ) فاش كيجي شي كليان سوا بنت سوا راجل كيبغي يشم شي ريحة .. كنرشوها ليها فيدو هو حيت ايخصها تبرد عاد يشمها ويحكم عليها واش مزيانة قاصحة ولا باردة مغاترشيهاش فيدك وتبقاي ماداها ليه .. هادشي علاش لبارح دويت فهمتي اليالي ولالا ؟
ليالي ( هزهزات راسها ) فهمت سمحليا اخر نرة تعاود
راشد : الله يرضي عليك ( سكت ورجع كمل ) كيبقيتي ؟
ليالي ( تنهدات ) الحمد لله واخا كيبقى داك العيا ديال الرواح ولكن الحمد لله ماشي بحال الأول
راشد : تغديتي ولا مزال ؟
ليالي : لا مزال
راشد : رضي الزاج ويلاه نتغداو .. حمزة مزال معطل شوية كاينة واحد ريسطو زوينة هنا
ليالي ( بتردد ) هانت
راشد ( قاطعها ) الى غاتݣولي لا غير نساي
ليالي : لا ماشي هكاك ولكن .. الصراحة ( تبسمات ) انا ماعنديش مع دوك ريسطوات كيحطو ليك شويكيك فطبسيل
راشد ( كيضحك) غير سدي الزاج اليوم اتاكلي أحسن طنجية ماشي بحال ديال المراكشيين ولكن كوميم غاتعجبك
ليالي ( رضات عليه بنفس الابتسامة ) واخا انا جايا .. هزات ساكها رضات داك الباب وتبعاتو ..
~~~~~~~~~~~
فالقهوة ديال عبد الخالق وإدريس ، كان واقف كيتسنى فيها تجي بانت ليه الطاكسي وقفات نزلات منها لابسة جلابة صندالة شال مغطية بيه راسها .. غير شافها تبسم وتوجه للعندها
إدريس : مرحبا بيك
سعاد ( بتوتر ) ربي يخليك .. تبعاتو للفوق لاطيراس .. ݣلسات فطبلة لي جر الكرسي ديالها حطات الساك ديالها مشتتة الانظار ديالها على ݣاع الاتجاهات .. متفادية تشوف فيه جا السرباي خدا الطلب ديالها وديالو حتى هو ومشا ..
سعاد : القهوة زوينة الله يدخلها علبهم بصحة وسلامة
أدريس : اللهم آمين ولفتي شوية ؟
سعاد ( تنهدات ) ضروري مغادي نولف واخا حالة ولدي فاروق معاجبانيش
أدريس : فاروق ݣاد بصوالحو ماشي ولد 10 سنين أسعاد .. الدراري كبرو ولاو رجال وكل واحد يضبر لمحاينو مغانبقاوش تابعينهم وناسيين راسنا
سعاد ( بلعات ريقها ) ايوا ضروري راه وليداتنا هادوك
أدريس : سعاد واش انا معيط عليك هنا ندويو عليا انا وياك ولا على الولاد ؟
سعاد ( حنحنات ) علاش حنا مالنا ؟
أدريس : سعاد الله يرحم الوالدين مافيا لي يبقى يجبد فالهضرة .. انا راه عمري مانسيتكش تصويرتك ديما هازها معايا كونماشي المرحومة ولي وقع معاها ولادي كانو غايكونو منك .. ولكن المكتاب براكة ضيعت الوقت مع وحدة ماتستاهلش عييت ومليت شحال داز عليا جا الوقت حتى انا نشوف فيه حياتي ونعيش لي بقى ليا فالعمر مع المرأة لي بغيت نهار الأول ..
سعاد ( تسنات السرباي حط ليهم شنو طلبو ومشا ) أدريس واش حتى كبرنا داكشي راه مكتاب ومقدر مكتاب لينا مانتزوجوش ومنكملوش .. الاقدار
أدريس : حتى انا ماݣلت والو .. ولكن ربي سبحانه ماجمعناش غير هكاك من بعد هاد السينين كاملة ، لي نطولوه نقصروه انا باغيك على سنة الله ورسوله .. ديك الهضرة ديال كبرنا وحشومة غير نسايها تعطيني كلمة مرحبا مغاتعطيني غانشوف مع الحاج وانتي تعرفي ..
فالمحال ديال ماجدة واقفة مع الكليانات لي كانو كيتقداو .. كل وحدة كتعطيها صوابها حتى مشاو فرحانين وعاجبهم الحال خرجات على برا الطل على دري لي سخراتو للحانوت هزات راسها كيبان ليها وقف بطوموبيل ديال باه وتم جاي لعندها قاصدها .. بلعات ريقها متصنعة البرود
عزيز : الزين هانية
ماجدة ( هزات حاجب ونزلات الثاني ) هانية الحمد لله وانت لاباس عليك .. بنتي ليا ناشط ياكما خطبتي ؟..
عزيز ( دور لسانو وسط فمو داير يديه فجياب سروالو ) مالك شتك معاجبكش الحال .. وفرضنا كاع كنت باغي نخطب عندك شي مانيع ؟
ماجدة : ومالي أنا سوقي شغلك هداك وحياتك هاديك .. علاش جاي لعندي شتك مابقيتيش كتسوݣ طاكسي !!
عزيز : طلع ليا السوݣان فراسي .. جيت نشوفك نطل عليك ونسولك
ماجدة : يسول فيك الخير شكرا علاياش اتسولني ؟
عزيز ( بجدية ) شفتي الفيديو لي تلاح .. فيه حياة وعنبر فالقنيطرة حدا واد سبو كيبيعو البيبوش
ماجدة ( خرجات عينيها ) حلف بالله لا ماشتوش ( جبد عزيز التيليفون جبد الفيديو مدو ليها شداتو من عندو كتشوف ) أويلي هي فالقنيطرة وحنا كنقلبو عليها غايكون وصل لخويا
عزيز : بانية غايكون وصل أنا ݣلت غاتكوني شتيه
ماجدة ( باغية تقلي ليه السم ) لا ماكنتش مسالية
عزيز : وشنو عندك ؟
ماجدة : وانت شغلك شنو عندي وماعنديش اخويا عزيز ( موركة على خويا )
عزيز ( خطف ليها التيليفون او وقف قدامها عاض على شفتو ) شي نهار هاد الدرݣوم لي ولا عاجبك غانسدو ليك انا نݣولك ( رجع بخطوات لور ومشا مخليها كتشوفيه مبلݣة ) ..
~~~~~~~~~~
وصلات 5 ديال العشية خداو طاكسي متوجهين لخدمتهم .. نزلو خلصات حياة الطاكسي مشا توجهو للعند الݣارديان لي كيخليو عندو الكروصة داوهت للبلاصتهم ورجعو للبرمة .. شعلات عنبر البوطة دارت عليها الݣاميلا ستفات زلايف بلاصتهم .. جاب ليها الكارديان الكراسة وطبيلات صغار ديالهم قادات الكليسات وحياة بدات كتصايب فالقهوة ..
- داز شوية دالوقت بدات كتعطي ريحة القهوة وريحة البيبوشة البنينة ، بداو الناس كيجيو كياخدو يا البيبوش يا الما يا مرة القهوة .. عنبر بطبلية ديالها لابسة تحتها كسوة فالموڤ مع شال فيه الݣري والموف داكن والبارد والكحل حنيكاتها حومر .. كانت زايدة فالوزن صحاحت وتقادات فورمتها ، حداها حياة لي لابسة اونصومبل بارد فلورونج
عنبر ( مرة مرة كدور عينيها فالأرجاء حاسة بإحساس فشكل ) مرحبا بيك الالة كلسي تم .. كانت فرحانة بخدمتها عاجبها الحال لا هي ولا حياة مكايݣلسوش الأرض من كترة الكليان ..
غربات الشمس وبدا كيظلام الحال وجهة الواد عمارت بلاصة طوموبيلتو بعيد ونزل منها .. لابس سروال فالكحل توب مع تيشورت كحل وكويرة كحلة ملامح جامدة خالية من أي مشاعر .. شاف للجهة فين كاينة كان عامر عندها كترت الناس خدا بلاصة فواحد الطبلة جر الكرسي وݣلس أونفاص معاها .. قاني عليها ماحركش راسو مقابلها مصغر عينيه ومسرح رجليه لافت الانظار ليه ، كانت مبسمة وكتسربي فالكليان حتى هزات راسها قشعاتو طاح ليها الما فركابي بحال الى تكب عليها الما البارد على راسها 4 شهور مشافتوش .. شافتها فين كتشوف تبعات ليها العين بان ليها حتى هي خرجات عينيها مكوانسية ناسية الناس لي قبالتها .. قربات لودنيها ونطقات بخوف كلها كترعد :
واش واش الروطال هداك ؟ اويلي الفيديو شاف الڤيديو أصاحبتي خرجات من بالنا بلي الى تنشر كولشي غايسيق لينا الخبار
الروطال ( تبسم ليها بشر بمعنى طرتي حتى عييتي ولقيتك)
عنبر رضات عليه بنفس الإبتسامة .. ضحكة بينات سنانها ضحكة لي فهم مغزاها بلي أنا لي بغيتك تعرف فين كاينة وأنا لي جبتك حتى لعندي لهنا .. رجعات بيعا الذاكرة للبارح فاش وقفات عليها البنت لي طلباتها باش تصورهم .. كانت باغية تدوي معاه ولكن كانت خايفة ونفس الوقت مراضياش طاحت عليها البنت بحال الميمون فكرات مزيان الى صوراتها وتنشر الڤيديو هو لي غايلقاها ويجي لعندها ولي فكرات فيه هاهو وقع وهاهو قدامها كيشوفيها بشوفات مامفهومينش .. ماعجبوش كيفاش تستفزو بضحكتها وبلي إكسپري بداك الفيديو خلاتو يلقاها او وصلات لي بغات ..
دورات حياتها راسها بالعة ريقها .. حتى كيبان ليها طارق واقف على طوبيلتو مقابل معاها تبسم وأشر ليها بيدو داير ليها حركة ( اندوز عليك من الود لودن بلعات ريقها وقربات من جديد لعنبر ونطقات ) كيبان ليا العائلة كلها هنا ..
ݣالسة تودة كتفرج هي ورشيدة وسميرة وليالي بيناتهم متكية .. دايرة رجليها على واحد المخدة كتريح رجليها من الوقيف ديال النهار وشادة تيليفونها طالعة نازلة فالفيسبوك حتى ناباتها تودة ..
- ليالي أجي نسولك أبنتي ( شافت فيها ليالي ) شي خبار على خوك والو ؟
ليالي ( تنهدات ) سيمانة لي فاتت مشيت للحومة .. وݣالو ليا بلي تشد كان خدام مع شي بزناز وتشدو كاملين ، أخرتو أخالتي كان غايتشد ديك طريق كتدي للحبس ولا القبر وانا على داكشي لي شفت منو من صغري مغانمشيش عندو .. خليه يتربا مرابانا يرجع ليه عقلو ..
تودة : الله يهدي ماخلق ابنتي ..
ليالي طلع ليها ميساج فالواتساب مكتوب فيه " مساء الخير لاباس عليك " دخلات للنمرة طلعات ليها تصويرة راشد .. حسات بالبرودة طلعات معاها قلبها كيضرب بلعات ريقها ماعرفات باش تجاوب .. بقات مدة عاد رضات عليه " الحمد لله بيخير وأنت" .. بزربة خرجات من المحادثة قبل لا يجاوب دخلات للأنستغرام كتلف الوقت تفادات الميساج لي جاوبها تم تم حتى تلفها على ميساجو الڤيديو لي طلع ليها .. دغية جمعات الکلسة مخرجة
ليالي ( بلهفة وصدمة ) خالتي فاطنة عنبر .. فيديو فيه عنبر ( مشات عندها عاطياها تيليفون شداتو تودة مخرجة عينيها فالفيديو) كتبيع فالبيبوش هي وحياة فالقنيطرة
رشيدة ( سمعات سمية بنتها وقفات مقربة للتودة كطل ) اويلي ستغفرت الله العظيم .. البيبوش والقهوة معطرة واش هاد البنات هبلو ؟!!
تودة ( غير كتشوف وساكتة شافت فيهم ) غايكون هاد الفيديو وصل لراجلها .. بحال والو يكون شد الطريݣ عدها هاد البنت ماعرفتها فاياش كتفكر ولاياش تخطط وعلاش ماݣالتهاش لينا
رشيدة : اختي غدا نشدو طريݣ عدهم
تودة ( خنزرات فيها ) أش غاتشدي الفهايمية .. نسيتي بلي بنتك هازة من جيهتك على الكذبة لي كذبتي عليها عدك الزهر لي كتدوي معاك مرة مرة .. وعنبر بأشمن وجه غاتشوفيها ( رشيدة حدرات راسها ) الحمد لله لي هوما بيخير وعلى خير
رشيدة : غايبقاو شادين فݣلبهم بزاف .. 4 شهور هادي وهوما الغابير الضهير كونما تيليفون
تودة : أنا امنين بنتي على خير وكتسوني ودوي معايا هداك هو الفضل وراس المال عدي .. نخليها على خاطرها حتى تفش حامدة ربي وشاكراه امنين كنسمع ديك كلمة ماما من عدها واخا تكون مزال شادة فخاطرها من جيهتي منمشي عدها منوصلها منزيرها منقجر عليها حتى تجي بالخاطر والهدى .. رشيدة رجعات لبلاصتها شادة حنكها وتخمم فهضرة تودة مرة مرة ترجع طل على الفيديو مع تودة ..
رجعات ليالي لبلاصتها مسيفطة لحياة ميساج .. عاد تفكرات راشد مشات شافت شنو كتب ليها لقاتو مسيفط ليها " مدام انتي مزيانة حتى انا مزيان " تبسمات ورضات عليه ب " شكرا اسي راشد ربي يخليك " رد عليها تم تم " هاد سي انتفاهمو عليها من بعد تهلاي فراسك وتصبحي على خير " طلعات ليه الڤي مدة عاد جاوبات " ومن أهل الخير "
في وقت ما من الحب ، ستدرك بأنكَ لا تتعلق بشخص ما لذاته فحسب، بل تتعلق بكل شيءٍ يخُصه... مدينتهُ التى يقطنها، أهلهُ وأصدقاءهُ، وأشياءهُ البسيطة، وحتى طريقة حديثه ولهجته، وبعض مفرداته التى قد تكون جديدة، بل غريبةً، عليك .. ستجد نفسكَ تتحدث مثله تماماً، بكل رغبة وبراعة واستمتاع ، ستشعرُ بأن روحاً أخرى تمكنتْ منكَ، وسكنت جوار روحك .. ودون شعور، ستجدُ نفسكَ قد فتحت لها أبواب ذاتك لتحتل كل جزءٍ فيك .. والغريب أنكَ ستفرح بهذا الاحتلال وتدعو له بطول البقاء والرفعة ،وحين يأتي عليك ليل الانفراد بذاتك، وتكون وجها لوجه مع شخصكِ الحقيقي، سيأخذك الشوق والحنين لحضن من تهوى، حتى وإن كان بعيداً عنكَ وتفصل بينكما آلافاً من الأميال .. ستدرك حينها أن القدر وحده هو من سيحدد موعد لقاءكما الأول وزمانه ومكانه .. وسيجعل منكَ هذا اللقاء القدري مع من تحب شخصاً آخر، ويكتب لكَ من تلك اللحظة ميلاداً جديداً، واسماً جديداً، ويجعلك تصبح أقوى مما كنت تظن، حتى وإن كان كل شيء ينهار من حولك. وعلى حين غفلةٍ من زمنك الخاص، ستجد أصابعكَ تمتد للاقلام والأوراق لتدون على صفحات أيامكَ تفاصيل اللقاء الأول وأمنيات تكراره .. وستفكر في ألف طريقة ووسيلة، رغم خيبات الأمل أحياناً، وقلة حيلتكَ أحياناً أخرى، فى جعل القمر يسامر النجوم كل ليلة ..وحين تشعرُ ببرودة الفراق وصقيع البعد وقسوة الحقيقة، ستتمنى أن تُعيدَ لكَ يد الحنين أي شيٌ منه ، وسيكون ما دونته من كلماتٍ فقط بمثابة ذراعين تحتضنكَ وتهدهدُ على وجعك وحزنك ..وستتجلى أمام عينيك حقيقة العشق وكنهه .. وستدرك حينها أن الحب ليس لقاءاتٍ يومية ولا محادثاتٍ متلاحقة، وأن هذا الشعور الذي بين جَنَبات صدركَ أعمق من هذا كله .. وستدركَ أيضاً بأن من تحب ما هو إلا مرآة ترى ذاتكَ من خلالها، حين تتوه منكَ نفسك ولا تعود تجدها أو تراها ..وستجدك تحمل من تحب بداخلك، أينما ذهبت وأينما حللت.. وستصل مع مرور الوقت إلى فترة تشعر بها بالتشبع والاكتفاء، وستكون حصيلتك الوحيدة قلباً تأوي إليه، مثلما يأوى المنهكُ إلى وسادتهِ هارباً من التعب والوجع كل ليلة .. ستدرك مع الوقت أن حصيلةَ الحب الحقيقي قلبٌ صادق تلتجأ له وتحتمي به، وكتفٌ تتكئ عليه، وصدراً تلقي عليه رأسكَ دون تفكير...
وستعلم أن حلاوة الحب وروعته تكمن في أحدهم .. باضاءة بقعة حالكة من الظلام فى زاوية من زوايا قلبك .. بقعة كنت قد أهملتها ونسيت أمرها مع مرور الأيام والأشخاص الخاطئين في حياتك .. وستعلم أن كل شيء قابل لأن يتكرر ما عدا اللحظات التي تعيشها مع من تحب، وأن لا شيء يَعدِل لهفة ودهشة اللحظة الأولى في أول لقاء .. وستعلم أيضاً أن ليس هناك أجمل من أن تجد من يُحب الجزء السيء فيك، والذي تجاهد في أن تخفيه عن الناس،
ولا تجد ضيراً في إظهاره أمامه وحده.. وأن تجد من يحب مزاجيتك المفرطة التى قد ترعب وتنفر الجميع منك، ومن يبقى بجانبكَ حين تهزمكَ نفسك والظروف والآخرين أن تكتشف أن أحدهم يخفي لكَ حباً أكثر مما كنت تظن .. أخيراً ستدركُ إن وجدت هذا الشخص، وهذا النوع من الحب، أنكَ لن تعود بعده بخير، وأنك لن تستطيع أن تتجاوزه مهما فعلت، وأن المساءات كلها من دونه ناقصة، والصباحات بعده عاجزة أن ترسم على وجهكَ ابتسامة واحدة .. وستتضحُ الحقيقة جلية أمام عينيك، بأنكَ من دونه لست تشبه ألوان الطيف في شيء، وأنكَ في الألوان لست إلا لوناً رمادياً باهتاً، وأنَّ قلبكَ بعد حبهُ بالذات، مهما تفعل أو تحاول، لن يكون بخير، ولو وقعت في الحب ألف مرة .. [ حـديـث مـع نـفـسـي : فـاروق حـيــدر ] ..
- وقف بخطوات بطيئة بكل هبة لافت الإنتباه ديال بعض البنات لي كانو ݣالسات كياكلو البيبوش حتى وقف قبالتها ..
الروطال ( بصوت بارد ونظراتو عليها مكتعرفو فاش كيفكر ولا شنو كيوسوس ليه شيطانو ) بشحال الزلافة ؟
عنبر ( بصوتها الانثوي الهادئ) 5 دراهم
الروطال ( اشر ليها بحجبانو ) ديري واحد الزلافة ومعاها كاس ديال البلول ( عطاها بظهر ورجع لبلاصتو ) .. حياة مكانتش عارفة واش تركز معاه ولا مع طارق لي غير فكرات فيه ضربات فيها ريحتو ..
طارق ( واقف قبالتها ) شحال كاس ديال القهوة ؟
حياة ( بلعات ريقها ) 5 دراهم للكاس
طارق : واحد الكاس الله يحفظك فيها العشوب ياك ؟
حياة ( بلاما تشوفيه ) اه اخويا معشبة ( عمرات ليه الكاس مداتو ليه حط ليها 5 دراهم هزاتها ورجع جهة طوموبيلتو )
- عنبر هزات زلافة البيبوش وكاس ديال البلول .. حطاتهم ليه قدامو بلاما تشوفيه ورجعات للبلاصتها متفادية تشوف فيه .. تلهات مع الناس الدنيا كانت عامرة مع الصيف مكتخواش بكري ولكن كان خاصها تجمع باش يرجعو بحالهم وقف عليها الروطال .. هزات فيه عينيها جاو فعينيهنيشان كتحاول تلمس فعينيه شي حاجة لي توريها فاش كيفكر ولكن ماقداتش تعرف .. حط ليها 20 درهم فوق الطبلة حطاها بظهر وتوجه لطوموبيلتو تحت أنظارها ديمارا وزاد .. مافهمات والو فهاد التصرف لي دار شافت فحياة لي شافت فيها ولي بدرها دارت للجهة فين كان طارق مالقاتوش ..
حياة : هادو فين مشاو ؟
عنبر ( هزهزات كتافها ) ماعرفتش .. بحال الى جاو قالو لينا هاحنا لقيناكم ومشاو ، .. كملو خدمتهم حتى لل 10 ونص وبداو كيجمعو الكمية ديال البيبوش سلات لا هي ولا القهوة داو الكروصة للعند السيد لي كيخليوها عندو هي والكراسة .. الفلوس داروهم فساك وقطعو شانطي كيتمشاو باش يشدو طاكسي ..
عنبر : نشدو شي شوارما ولا شي بيتزا مافي لي يوصل ويكلس يطيب وانا العظم الصحيح ماعنديش
حياة ( كتجر فرجليها عيات ) حتى انا والله ( سكتات وشافت فيها ) واش جات عادية طارق وفاروق لي جاو مادواو معانا ما والو .. خداو بحالهم بحال الناس ومشاو هادشي حاني فشكل
عنبر : حتى انا جاني فشكل ( وقفو عند يا مال الشام خداو شوارما خلصو وتمو خارجين رضات عنبر الصرف )
حياة (صبري نجيب جوج كانيطات ديال الحامض ونرجع .. خلاتها حياة مشات الحانوت جابت جوج كانيطات ورجعات عندها ) اجي نمشيو من شارع لاخر ونشدو طاكسي نيشان
عنبر : يلاه .. خشات يدها فدراع حياة غاديين قطعو شانطي للجهة لوخرا قبل لا يوقف وقفات طوموبيل من ليمن ولوخرا من ليسر حبسات عنبر وحياة كيشوفو فجنابهم نزل الروطال من طوموبيلتو وطارق من طوموبيل لوخرا .. بقات عنبر واقفة كتشوفيهم حتى وقف قدامها ..
الروطال ( بصوت رجولي تقيل وبارد مغطي راسو بكاسكيط كحلة عينيه مكايبانوش ) عندنا مايتݣال أمدام ( شاف فطارق وأشر ليه براسو ) تكلف .. مجات عنبر فين تستوعب كلامو حتى حسات بحياة تنطرات من يدها جارها طارق وهي كتغوت ..
حياة ( بالغوات ) طلق مني واش انتي مريض وطلق ابنادم طلق
عنبر ( غادية لجيهتو ) فين غادي بيهت انت واش هبلتي ولا مالكم تريكة حمقة ( تجرات من دراعها بجهد )
الروطال : راه ݣلنا ليك عندنا مايتݣال ( دخلها لطوموبيل وسد عليها .. الغوات ديال حياة قل منين دخلها لطوموبيل وسد عليها بقا واقف حتى شاف طوموبيلت طارق تحركات عاد طلع دار السمطة وديمارا ..
مادواتش معاه ولا شافت لجيهتو بقات حاضياه شنو كيدير حتى كتشوفو وقف فغابة معمورة .. شافت فيه بنص عين فتح السمطة ونزل ضار لجيهتها .. نزلات بلاما تدوي او وقفات حدا واحد الشجرة جامعة يديها وكتشوفيه .. بقا واقف مدة كيشوفيها جا قبالتها تكا على المقدمة ديال الطوموبيل مربع يديه وكيناظرها بعينيه لي مكايبانوش ليها فاش كيخممو ..
الروطال ( هز صباعو بربعة ) 4 شهور و 10 يام ابنت العم ( عوج فمو وتبصم مشمر على نيفو ) وصلتي حتى لأهرامات امدام بلا موجب شرع .. زوفرية مع مخك ماعندك عائلة ماعندك راجل ياك ؟
عنبر ( هزات فيه راسها وتبسمات ) جايب الخبار تبارك الله وانا كنقول مايمكنش متكونش قلبتي وماعرفتي عليا والو ماشي من عوايدك
الروطال ( شمر على نيفو كيحاول ما امكن يضبط اعصابو مايديرش شيحاجة لي ممكن يجي نهار يندم عليها تفكر نهار جبد ليها لسانها وشنو وقع خدا نفس طويل مورك على عينيه ) كنتي كتسنايني ولا هي كان خاصني نكون جن كحل باش نبان لك
عنبر : كتحسيني بحال الى كنتي خايف عليا ( ضحكات ) وانت كنتي زاهي مع الخليجية ديالك .. فالوقت لي أنا كانو تابعيني لي مكايتسماو ..
الروطال (تقاد فالوقفة وتم جاي عندها بلاما تحرك من بلاصتها ) أنا ماقلبتش عليك ؟ ( وصل قبالت وجها لونفاص بالغوات حتى قفزات من بلاصتها ) أشريفة الوقت لي انت كتجري فيه كي عويطة كنت تابعك كون تلفتي وراك اتلقايني انا وخوك .. ولكن معامن مع ضباب أشريفة سوني عيطي ليا علمي ولكن لا انت مرأة حرة كدير الي فراسها عاجبها راسها وكتفكر غير فيه .. ضرت مراكش انا وخوك كلها بلاصة بلاصة ماخليت عليك قنت وانت مكايناش فهاد العالم وجايا دابا داوية خاوية ..
عنبر ( بإنفعال ) وشكون لي مصور ليا مع ديك زعطوطة .. فالوقت لي انا كنت ناوية نرجعو بزوج ونتسامحو حيت عرفتك خبيتي عليا لمصلاحتي حتى كنلقى تصاورك .. مع خيتي وبلا حشمة كتقولي راه قاليا خرجتي من دار ..
( بلعات ريقها كتحاول تسترجع انفاسها ) شكون قالها انا خرجت من دار الى ماكنتيش انت ؟ شكون فخبارو من غيرك والعائلة بغيتي تشوف ميساجها ( جبدات التيليفون كضارب مع الساك ديالها مشات لانستغرامها وجبدات الميساجات لي كانو مزال وراتهم ليه ) هاك قرا هاك ..
الروطال ( خدا منها التيليفون كيقرا تعصب هز تيليفونها وضرب بيه مع الشجرة حتى شاشة ملها تهرسات نفاعل مابقاش كيشوف قدامو ) وأنتي تيقتي تيقتي بلي انا انشوف فديك ال**** داكشي لي داز بيناتنا والعهد لي عطيتك تيقتي ( ضرب يدو بالبونية مع الشجرة مخليها تهز من بلاصتها )
عنبر : ومنين عرفات منين عرفات .. ماشتيش حالتي كيكانت وانا هاربة مشيت اعلى نهار لمراكش .. هربنا انا وحياة مابغيتش نتاصل بحتى واحد فيكم حيت خايفة عليكم خايفة توقع ليكم شيحاجة قلت للحياة بفمي انرجعو بحالنا لكازا .. ونعطي راسي فرصة معاك حتى كنتصدم بتصاورك وبهضرتها باش غانحس اقولي باش ..
الروطال : عيطي ( بالغوات ) دوي سوني متهربيش .. عمى كان بيني وبين ديك الميكروبة شيحاجة وݣلتها ليك ݣتليك مكندخلش الخدمة فحياتي ماكلتهاش حيت خايف منك كلتها حيت بصح .. وانت تقتي بهضرتها ماكلتيش راه تݣد تكون تلاݣات امع شي واحد من الفيرما وتسولو تݣولو غير فين مالين يدار يݣولو ليها بلي هزيتي باليزتك ومشيتي .. يحسابليك راسك عايشة فالخلا حتى واحد مايظي خبارك هادشي نسيتيه زدتي خلفة ومشيتي ليا يالالة لمصر تفججي أنا شنو ( بالغوات ) أنا شنووووووو عندك انا شنووووو
عنبر ( بالغوات ) شنو ندير شنو بغيتي ندير كولشي تجمع عليا .. نعرف والديا كانوو سارقيني وانت ولد عمي ومي لي رباتني هي مي .. كولشي جايني دقة وحدة واش يحسابليك مشيت لمصر نتفجج 4 شهور وانا كنتعالج عند طبيب نفساني ( حلات ساكها بإنفعال جابدة دوا ) هانت شوف شوف دوايات شوف على عينيك .. نهار حسيت براسي وليت مزيان رجعت بحالي انا بشار حاجة تابعة حاجة ( بدات كتبكي ) موت والديا مزال صوراهم هنا كيفاش ميتينين موتة ماتبغيها للعدوك .. لي وقع ليا مع بدر داكشي لي عرفت ولي زاد كمل عليا هو تصاورك موسح تغرز فقلبي .. كاع داكشي لي وقع معايا مكانش قصح من داكشي لي شفت بعينيا ( هبطو دموعها سخان ) تشوف السيد لي رتاحيتي ليه وبغيتي تبداي معاه وفتحتي ليه قلبك كيخونك
الروطال ( بالغوات ) ماخنتكش ماخنتكش ( ضرب يدو مع نفس الشجرة حتى تسمع طرطيق صباعو مخليها شادة على فمها خلعها بعصبيتو وغواتو ) قلبت عليك مدينة فمدينة ماخليت فين سمحت فداري وخدمتي وانا كنقلب داركم مافخير عايلتك مافخير خوك مافخير ماخلينا عليك حتى بلاصة .. فلاخر بلعاني مخلية وحدة تصورك باش توصليها لينا ..
عنبر ( مسحات دموعها ) كنت بغيت نعيط عليك وماقديتش .. كنت بغيت نقوليك بلي ( بلعات ريقها ) خاصنا نتفارقو ( قاطعها وهو كيضحك ماخلاش ليها الفرصة باش تقولو بلي بهدرتهم دابا فهمات شحال من حاجة ويقدو يصلحو شحال من حاجة )
الروطال ( كيضحك برعب حتى سكت وقرب ليها كيشوفيها بحال شي هبيل ) نتفارقو ( غوبش مغزز سنانو ) شتي انا تحطيت فطريقك وتسلطت عليك غير باش نمرضك .. غانولي بحال ظلك تبغي تشمي غير الهوا طلع معاك ريحتي وتسكنلك داتك نهار لول امدام ݣلت ليك مكاينش فكاكة مني نوريك الفراق بشحال كيطلع ونوريك تهربي بشحال كيطلع غاتمرشي بيا .. غاتندمي على نهار لي ݣاليك هاد العقل ( حرك ليها راسها ) تهربي ظلك ابنت عبد الخالق انا هو ظلك بحال القرين ديالك ..
عنبر ( خلعها كتحرك راسها ) انت مريض انت انت خاصك تعالج حتى انت
الروطال ( تبسم ) بيك مريض بيك وغانمرضك
عنبر : انا مراجعاش معاك لدار اديرها فبالك .. انت ماشي دالمفاهمة الناس يتفاهمو بالعقل وانت لا
الروطال : العقل ههههه العقل فكري فيه نهار لول .. بغيتي غير اللعب انا مولاه ( قرب من ودنها بهمس ) والله حتى تندمي على النهار لي فكرو رجليك يعتبو داك المطار .. والله حتى تمناي كون رجليك تحشو وماعتبيتيش برا بلادك ( بعد عليه ) ݣلتي ليا مراجعاش معايا ياك اصلا حتى واحد ماطلب منك ترجعي ( تبسم ) غاخليك فبلاصتك حسن ..
- عطاها بظهر ركب تبعاتو هي بحدر كتشوفيه خايفة منو .. عمرها شافتو فهاد الحالة طاح لعقلها فاش قاليها البنت لي كان كيبغي هاجرات هاربة منو .. طيح ليها الما فركابي ماخلاها كاع تدوي ولا تكمل ليه ولا تعبر كيما كانت بغات دغية سكتها بتصرف ديالها وحشيتو جاها بحال المعصور .. طلعات للطوموبيلتو محركين من تم وهي جامعة يديها وكتشوف فيه بقنت عينها ..
وقف بيها وقفة وحدة فمهدية فجهة لي كانت خاوية البحر التحت وهوما الفوق .. الدنيا كانت عامرة من الجهة الأخرى .. من غير الجهة لي كانو هوما فيها خاوية غير وقفات طوموبيلتو نزلات صاعرة خرج تبعها واقف كيف جبل فوق منها ..
حياة ( مخرجة فيه عينيها وهاوة صبعها فوجهو ) شكون أنت لي دير معايا هاد المسايل .. جارني بحال شي كلبة ياكما تسحابني خدامة عندك ؟
طارق ( داير يديه على جنابو ) الى كان عقلي ينفعني راك خدامة عندي أشريفة
حياة : كناااا وكنتو وصرنا وصرتو .. هادشي قبل 4 شهور وقيلة .. وأصلا أصلا كملت الشهر وماشديتش حسابو يعني انا كنتسنالك شهرية ديال شهري
طارق : جميلك غير فحلان الفم افليفلة .. نهار شتك نهار لول عرفتك شيطانة كطيري مع الطيور لفعة .. حيت كون كنتي بعقلك كون رضيتي لختي عقلها متبعيهاش فهبالها وتشعلي العوافي
حياة ( خرجات فيه عينيها ) نشعل العوافي ؟! انا دابا لي شعلت العوافي ولا ولد عمك لي خان ختي .. ياك ديك الخليجية مسيفطة ليها تصاورهم ومسيفطة ليها ميساج عارفاها خرجات من الدار شكون قالها ليها الى مكانش فاروق ؟
طارق ( بعصبية ) أنتي مال مك مصمرة مالك .. واش عارفة فاروق شحال قلب عليها .. الوقت لي كنتو هاربين من كازا كنا تابعينكم حتى سرطاتكم الأرض .. تبعناكم لمراكش ماخلينا عليكم لا حاحا لا ملاحة واحد دايخ ماخلا قنت على مرتو باغي يهبل .. مسالي قبو هو للخيانة كون ماحيدنا ليه سيدة من يدو كان غايق**تلها ..
حياة : وباش غاتعرف هي ؟
طارق ( بإنفعال ) كون كنتي كتبغي لعنبر الخير وتبغي ليها مصلاحتها كون سونيتي ليا ولا لراجلها .. ويفكوها مجموعين مغاتبقاوش دردفو من قنت لقنت
حياة ( يبسات فبلاصتها كتشوفيه بعينيه الكبار لي دغية عمرو بدموع واقفة ليها البكية فحلقها ) دابا انا مكنبغيش الخير للعنبر ( بدا فمها كيترعد ) انا سمحت فكولشي وتبعتها غير باش منخليها .. سمحت فخدمتي وقرايتي وكولشي باش مانخليها بوحدها ( نزلو دموعها تحت انظارو ) بقيت فمدينة بعيدة على دارنا وتبعتها للهنا للمدينة عمري جيت ليها باش منسمحش فيها عرفتي علاش ( قربات ليه وهي مغددة ودموعها نازلين ) حيتاش كنبغيها حيتاش ختي ختي شكون انت ؟ شنو كتكون انت لي جاي تحكم عليا خوها ؟ بزعطة بزعطة الى خوها من دمها أنا أنا ( كتأشر للراسها ) انا لي ختها ياك ليالي صدقات ختي .. ولكن عنبر ماشي غير ختي روحي واخا صدقات ماشي بنت خالتي ولكن دمي نعطيه ليها روحي نعطيها ليها .. باش تجي تحكم عليا أنت والو أنت ( بدات كتشهق )
طارق ( تنهد نادم علاش خرج ديك الهضرة من فمو ) أنا ماقصدتش هادشي
حياة ( بالغوات ) شنو قاصد ديما فمك كيخرج القطران داك نهار طعنتيني فشرفي .. وديتي تقليد ودابا تاني شكون انت
طارق ( رما يدو يشدها ضرباتو بيدها ليدو ) أهي هداي .. ݣلت ليك سمحيليا ماقصدتش
حياة ( دفعاتو) وبعد مني قصد ولا ماتقصد بعد مني ( فغفلة منها علاين متزلق ليها رجليها كونما يدو لي جراتها خاشيها وسط صدرو متغلغلة ريحتو لوسط نيفها يبسات بلاصتها فاش حسات بيديه معنقينها قاصحين قلبها بغا يخرج من بلاصتو .. هزات راسها كترمش فيه بعينيها لي عامرين دموع كيبريو نيفها الحمر وخدودها شعرها لي كان مجموع تحل من البانضة .. لسانها تبلع كتشوف فعينيه لي كانو كيسكانيو ملامحها عينيه الكبار لي ماكنتيش كتعرفي سر نظراتو ليها منهم .. ولات بحال شي ورقة ديال الخريف كترعد بين يديه ، تبسم بخبث فاش بغات تنزل وجها مرجع نظراتها ليه بصباع يدو لي هزو وجها ليه .. بدون سابق إنذار نازل بشفايفو ملتهام شفايفها فقبلة لي كانت قصيرة بسباب الدفعة لي دفعاتو مخرجة فيه عينيها ) واش انت مريض ؟
طارق ( دوز لسانو على فمو عاض على شفتو بوسة من شفايفها كانت كفيلة تخليه يعرف بلي اول مرة شي حد يقرب ليها .. حاجة لي نغماتو وعجباتو جاتو على الݣانة يشوف عينيها كيخنزرو فيه محاملاهش تبسم ونطق ) مالك أش واقع ؟
ماوقف بيها حتى قربو للدار .. فتحات السمطة ونزلات بحذر كتشوفيه بقنت عينها هزات ساشي دالماكلة وسدات الباب يلاه نزلات براسها بغات تدوي معاه ديمارا وزاد مخليها مصدومة فالفراغ لي خلاه ..
عنبر : واش خلاني بلاكة ؟ شوفلك بوبريص لاخور.. توجهات لدار جبدات سوارت حلات ودخلات .. فتحات الباب الدار كانت مظلمة عرفات بلي حياة مزال ماجات حطات ديك الماكلة وهزات تيليفونها كتسوني عليها حتى جاوباتها ..
عنبر : ألو فينك ؟ مالك واش كتبكي ؟ صافي واخا ( قطعات ونزلات التحت كتسناها ..
جاييين فطريق مكتدويش معاه شادة يديها عندها .. حتى وصلو لزنقة بلاصة طوموبيل نزلات حياة عند عنبر
عنبر : مالك ؟ واش واقعة شيحاجة ( شافت عينيها حمرين بلبكى ونيفها حمر ) واش كنتي كتبكي ؟ جاوبها طارق من وراهم
طارق : ݣلت ليها كون بغات ليك الخير كون رجعات ليك عقلك وهي فهماتها كيف بغات
عنبر ( بجدية ) مكاينش فهاد الدنيا لي باغي ليا الخير قد حياة .. ومكاينش لي كيبغيني وسمح فكولشي على قبلي من غير حياة مخاصكش تقوليها هكاك اطارق
طارق : حتى حنا كون تعطاتنا الفرصة أعنبر كون درنا كثر من جهدنا .. كنا كنتسناو غير النهار لي تعرفي فيه بلي حنا خوتك وبلي عندك والديك وعندك باك ، واش عرفتي شحال قلبنا عليك من نهار هزيتي رجلك من كازا وحنا تابعينكم كنقلبو ماخلينا قنت سمحنا فخدامينا وفراسنا وفينما ݣالينا شي واحد كاينة هنا كنمشيو نقلبو ماخلينا قنت ماقلبنا فيه .. مراكش ضرناها كلها او والو .. واش فخبارك باك طاح فيها زوج مرات بسكر وكيعطي لݣلبو ..
عنبر ( كتعض على شفتها وترمش بعينيها بزربة ماباغياش تبكي) يحسابليك بلي حتى انا فرحانة ومرتاحة مخاصني خير .. دازت عليا علاش كون تربيت معاكم غانكون هنا ؟ كوراه مكملة قرايتي عندي خويا لي نحط عليه راسي وعندي خواتاتي وبا وجدي وعمي .. كون تربيت معاكم كون كاعما نتلاقى مع بدر وحتى كون تلاقيت بيه مكانش غايستغلني حيت عندي عائلة فكتافي ( ساحو دموعها ) فخبارك كنت متبعة مع طبيب مزال حتى دوايا مساليتوش حتى انا راه بحالي بحالكم أخويا ( كلمة خويا لي خرجات بعفوية من فمها حركات ليه قلبو خلاتو قصر المسافة لي بيناتهم واقف قبالتها جارها خاشيها فحظنو معنقها .. طلقات العنان لدموعها حاسة بصدر حنين صدر خوها الاخ حاجة كبيرة ، تحسي بلي عندك سند لي تحطي عليه راسك إحساس زوين وغريب بنسبة ليها تكونات بين يديها مرتاحة بحال الى لقات الظالة ديالها بقاو على ديك الحالة مدة حتى بعدها كيمسح ليها دموعها )
طارق ( كيحاول يضحكها ) أنتي ودنيا فولة وتقسمات على زوج .. كتشابهو فكولشي دايرين ليا فيها الحرات الغرات لي كيعولو على راسهم كل وحدة دايرة ليا كروصة فشكل
عنبر ( تبسمات ) علاش حتى دنيا دارت كروصة ؟
طارق : إيه الالة شتي .. ( دوز يدو على وجها ) خاصك تعرفي واحد البلان من اليوم راه عندك خو فكتافك ، لي يقيسك بنص كلمة نحش لمو ركابي .. لي تقالت عليك خفافت عليا نديرك فعينيا .. لا انا لا باك لا عائلتك أنا مغانبزز عليك والو دابا .. عارفك عاظ راجعة وهاد البلان ديال غادية للمصر ندويو فيه من بعد رتاحي وفكري مزيان وخممي غير هو عرفي ، بلي عندك دار وعائلة كيتسناوك ( باسها فجبهتها شاف جهة حياة لي كتنخنزر فيه تبسم وغمزها عاطيهم بظهر طالع لطوموبيلتو ديمارا ومشا )
- حياة تنهدات وطلعات للدار تابعاها عنبر ، حياة دخلات لطواليط تغسل وجها أما عنبر بدلات حوايجها سخنات ديك الشاورما وحطاتها تسنات حياة حتى ݣلسات فطبلة باش يتعشاو ..
حياة : شنو درتي مع فاروق ؟ .. بدات عنبر كتعاود ليها مع كل جملة حياة كتخرج فعينيها ) اويلي هدا والله حتى هبيل واش بعقلو ( جاتها الضحكة )
عنبر ( خنزرات فيها ) ماضحكيش اعنبر والله هادشي راه مكايضحكش
حياة : وراه هادشي جاني فشكل هههه .. حب صعيب هدا ( كتاكل )
عنبر : هدا راه الحماق الله يستر ياربي .. الله يجعل السلامة حيت انا فاروق بدا يخلعني
~~~~~~~~
أݣادير
- قدام الكلوب واقفة طوموبيلت عماد ، راكب معاه سفيان كانو بكامل اناقتهم البارفان الرجولي كيعطي مخلط مع ريحة الݣارو لي كان كيكمي فيه سفيان
سفيان ( رما لي بقا فالݣارو ) واجد ابا عماد ؟
عماد ( تبسم وبصوت رجولي تقيل غامزو ) على مولانا ..
دخلو بليكارط لي كانو خداو قبل الموسيقى مجهدة وعالم أخور فداك الكلوب .. كتستغرب وتسول راسك واش انا كاين فالمغرب نيت ولا كنتخايل عماد كيدور عينيه يمين وشمال كيشوف فداك الهيث ، توجه هو وسفيان لواحد الطبلة کلسو العارضات لي كانو كيشطحو غير بالمايو فوق واحد الحديدة لابسات غير ليبا شبكة .. صغر عينيه كيشوف فداك المنظر لي قدامو رجال لابسين سراول كحلين ومن الفوق عريان هازين عصا فيها العافية .. خسر سيفتو جاياه الرضا من داك المنظر لي كيجيب للغما لي جاي مع خطيبتو او صاحبتو أجواء كتخنق بنسبة للناس لي ما مالفينش داك القنت .. اما لي مالفين عندهم عادي ومستمتعين بوقتهم جا السرباي وقف عليهم سفيان خدا كوكتيل بالكحول أما عماد لي عمرو شرب تلف فالاخير خدا موخيتو ..
سفيان ( شاف فعماد ) كيجاتك البلاصة ؟
عماد ( برم شفايفو ) كيقيي .. اهاد 5 دقايق وتخنقت اصاحبي اش هاد الويل الكحل
سفيان ( ضحك ) ماشفتي والو أصاحبي .. قاطعهم السرباي لي حط ليهم المشروبات ديالهم ومشا ، هزو جغمو منو وحطوه باش مايلفتوش الإنتباه كولشي نايض يشطح ويردح من غيرهم هوما .. حاضيين كل قنت فداك الكلوب .. وقف عماد همس للسفيان بلي ايمشي للحمام ، فعلا توجه لطواليط وسد عليه الباب ..
- فجهة اخرى دخلات للڤيستير لبسات الطبلية ديالها جمعات شعرها سدات الجهة لي كتحط فيها ساكها وخرجات تبدا خدمتها .. كانت عيانة نهار كامل وهي كتقلب على شي بديل والو مالقاتش
كريم ( سرباي فالكلوب ) تعطلتي اليوم ياك شي باس مكاين ؟
ليلى ( تنهدات ) نهار كامل وانا كنجري كنقلب على شي خدمة .. والو ياخويا مالقيتش عييت
كريم : نصيحة مني شري معرفة ، هاد الوقت المعارف هوما لي يخدموك أما باش غير تجي وتخدمي صعيب الحال أختي
ليلى : طلعات ليا هاد البلاصة فراسي قسما بالله .. كنكره راسي كتر مانا كارهاه هاد المنظر كيجيب ليا الرضان
كريم ( تنهد ) اودي طرف دالخبز صعيب شنو نݣول انا لي سينين وأنا معاهم ، ولكن مابقاش ليا بزاف نخوي من هنا عرفتي شنو ( جرها من يدها بعدها شوية على تم ) صبري واحد شهر إن شاء الله انا او ولد الخال انديرو واحد المشيريع بحول الله هو لي كنت كنجمع ليه تخدمي معانا .. غانديرو واحد سوبير مارشي على ݣدنا أش بان لك ؟
ليلى ( بفرحة ) حلف بالله اخويا كريم سير الله يسهل عليك نصبر والله حتى نصبر اخويا ( غرغرو عينيها ) خيرك عمري نساه
كريم : حنا خوت اختي .. منبغيش ليك هاد القنت وانتي بنت الناس اشوية دصبر يكون خير يلاه سيري للخدمتك ( هزهزات ليه راسها مشات وهو مشا يكمل خدمتو خرج عماد من وراهم متبع ليهم العين بزوج ) ..
سفيان ( هز فيه راسو فاش رجع ) تعطلتي
عماد ( مصغر عينيه متبع العين لليلى ) تعطلت على العامر ماشي على الخاوي
سفيان : هي شديتي شي حوت ؟
عماد ( شافيه ) جوج حوتات صغار يديونا للكبار .. بقاو تم ݣالسين عاصرين مكان حتى حاجة جديدة ، من وراها خلصو وخرجو كيتسناو على برا
سفيان : غانزل نركب فطوموبيلتي أنت تبع البنت وأنا غانشوف طريق لاخور
عماد : صافي مشات .. نزل سفيان ركب فطوموبيلتو بقاو عاصرين تم حتى ل 4 دصباح تمات خارجة ليلى ومعاها كريم بقا واقف كيدوي معاها شوية .. هزهزات ليه براسها ومشات ديمارا عماد تابعها .. شافها حتى شدات طاكسي تبعها حتى للحومتها شافها فين وقفت وفين طلعت .. وهادشي حتى بالنسبة للسفيان لي تبع كريم وشافو فين دخل ..
كـــازا📌
مجموعين على الطبلة ديال الفطور .. عبد الخالق كيخمم وكيسمع لولدو ولكلام لي قاليه بالحرف الواحد ..
عبد الخالق : دابا واش منمشيش نشوف بنتي انا نبقى نابت هنا
طارق ( بصوتو الرجولي كيبعث على الإطمئنان ) دويت معاك الواليد خلي ليها شوية ديال الوقت .. يلاه جات وتأنسطالات شوية دالوقت صبرتي الكثير بقا غير القليل ( شاف فدنيا ) غاهو بناتك بزوج خرجو ليك من جنب وحطة دايرة كروصة بغرير بشكلاط او وحدة دالبيبوش
دنيا ( شافت فيه ) سميتو الكريپ ماشي بغرير باز .. وراه مامسيتش بلي خاصك تجي تعاوني ( شافت فباها ) بابا غير صبر شوية حتى أنا توحشتها وبغيت نشوفها ( تنهدات ) ولكن انا بغيت ختي للدوام داكشي باش مخلياها على خاطرها .. سونا الباب شوية ودخلات يسرى ( سلمات عليهم وݣلسات )
يسرى ( شافت فيهم ) واش شفتو الفيديو ديال عنبر ؟
دنيا : هادشي علاش لقيتينا داويين دابا ، بابا بغا يشوفها ولكن بغينا نخليو ليها شوية ديال الوقت
يسرى : بصح خليوها هي تبغي تشوفكم انتوما درتو الجهد معاها خليوها هي دابا لي غاتجي لعندكم ( شافت فدنيا) واش درتي كروصة ؟
دنيا ( بهدوء ) أه علاش ياكما حتى انتي أديري ليا بحال ياسمين لي سمعاتني الهضرة ؟ هامها غير راجلها ..
يسرى : لالا بالعكس اختي الله يكمل عليك بالخير .. برافو عليك ديري لي بغيتي انتي ولي ترتاحي فيه ، دابا نجي انا ومحسن ناكل عندك مشهية نيت الكريب ..
دنيا ( بإبتسامة ) مرحبا بيكم ... كولي حتى تشبعي انت راه دابا جوج دنفوس الله يفك وحايلك على خير ..
يسرى : اللهم آمين يارب ( وقف طارق ) صافي غادي جيت انا وانت مشيتي
طارق : عندي مايدار ازين خاص نكمل شي خدمة .. باش نزل مع هاد نص بلاصة للعين دياب حاكمة عليا المحكمة ( خلاهم ومشا )
يسرى : باش حكمتي عليه ؟
دنيا ( هزات كاس ديال اتاي شربات منو ) قلقني وباش نتصالحو حكمت عليه ينزل يعاوني واحد سيمانة ( بتساؤل ) شكون قاليك على الكروصة ؟
يسرى ( شافت فباها لي ناض ) بابا غادي القهوة ؟
عبد الخالق ( تنهد ) ياه ابنتي ( وقف بحال الى تفكر شيحاجة ) عمكم راه ناوي يتزوج
دنيا ( خرجات عينيها ) وايلي على يتزوج وشكون ؟
عبد الخالق ( هز سوارت طوموبيل وتيليفونو) سعاد خالت فاروق انا مشيت ( خلاهم وخرج )
دنيا : وشوفيليك عمي باغي يرجع الحب القديم ( ضحكات ) قولي أش قالت ليك ياسمين ؟
يسرى ( كدير فالكوفيتير والفرماج فالخبز ) عارفة ياسمين كيفاش دايرة طبيعتها .. مخاصهاش تخسر البريستيج ولا تسمع شي هضرة من راجلها وعائلتو ( عضات من الخبز ديالها ) ولكن ضرت فيها ماتخافيش عارفاني الحق منسكتش عليه ..
دنيا : حتى بابا ضار فيها وضار حتى فطارق .. ولكن طارق انا عادراه حيت خبيت عليه ومارضاش حيت عرف قدام صاحبو وبطريقة مازويناش داكشي باش حكت عليه يخلص الحق ..
يسرى ( كضحك ) عبرتي ( دلات شفايفها ) تشهيت طيحان مشوي والله وخفتو يزرق ليا وجهي
دنيا : كولي لي تشهيتي داكشي كيجيني أكذوب .. لي تشهيتيها ماتخليهاش فنفسك
يسرى ( كتشوفيها بترجي ) تمشي معايا ناخدو ؟
دنيا ( كتشوفيها بقنت عينها ) بقاي تشوفي فيا بااز .. نطلع نبدل حوايجي ونمشيو ..
بعد مرور يومان
فاقت الصباح هي وحياة دارو الروتين ديالهم اليومي .. اليوم كان عندهم روپو خملو الدويرة وشمشوها وعاد مشاو للحمام .. جاو عيانين العظم الصحيح ماعندهمش تغداو بلي قسم الله وتكاو شوية كان ضروري يخرجو يتقداو العطرية والعشوب لي كيدير فالقهوة والبيبوش باش يوجدو البيبوش ديال الغد ليه ..
راجعين كيجرو فرجليهم دازو عند الݣزار وقفو عندو يتقداو ..
عنبر : سلام عليكم عفاك اخويا دير ليا واحد 30 درهم ديال الكفتة ( بدا كيطحن فديك الكفتة نغزاتها حياة شافت فيها ) مالك ؟
حياة ( أشرات ليها بحجبانها ) شي كرايين جداد هادو ؟!!
عنبر ( كتحقق ) شكون غايكون كراها ؟ كون شفناها هي لولة كون كريناها
حياة ( ميقات فيها ) عندك فلوسها باز ياختي ، ماسمعتيش سي العربي قالينا بلي حيت مول الدار نزلها وطلعها موبل طالب فشقق الثمن احنينتي ( عنبر خدات الكفتة وخلصاتو قطعو شانطي وهوما عينيهم على ديك البيكوب لي كينزلو منها الأثات ) لي عاجبني فهاد الموبل ادوك البالكونات ديالهم تݣلسي وتقهاوي تم يا سلام ..
عنبر ( هزهزات كتافها ) حتى حنا عندنا ݣلسة فين تبان هاد البالكون ، حنا بعدا السطح عالي ولكن البالكو ايكلسو فيه ايتقابلو امع دارنا ولا زنقة صافي ..
حياة ( ضحكات ) قنعتيني الصراحة .. دازو للحانوت خداو البيض وطلعو لدار ، حياة وجدات العشا وعنبر عمرات أتاي وݣلسو كيتعشاو وكيتفرجو فتلفازة ..
~~~~~~~~~~~~
فجهة أخرى وبضبط فشقة عصام .. حل الباب ودخل هاز واحد الساشية ديال الدوا لاح سوارت وتوجه نيشان للبيت ديال ولدو ، كانت كالسة حدا راسو دايرة ليه كمادة على جبهتو ..
عصام ( مشوش ) أمضرا نزلات ؟
أريناس : شوية مابقاتش كيف ݣبيلة ( هزات فيه راسها ) واخا تݣلس حداه تكمل بينما صايبت ليه ماياكل حيت خاصو ضروري ياكل شيحاجة عاد ياخود الدوا ..
عصام ( هزهز راسو ) واخا .. خدا بلاصتها دخلات هي للكوزينة .. كانت ديجا مطيبة الخضرة دارت فيها حتى الثومة مساتها كانت بردات شوية هزات الميكسور وطحناتها ورجعات سخناتها .. غير سخنات دارتها فزلافة ورجعات للعندهم للبيت .. نوضوه بزز عصام شاد للعمران راسو منوضو وهي كتشربو فالحسوة .. من وراها عطاتو الدوا ويشرب الما ورجع يتكا بقات مدة حدا راسو حتى غفا ونعس ..
أريناس ( شافت فعصام ) مسيكين نعس
عصام : شكرا بزاف سمحيليا عذبتك معايا وتعطلتي على داركم .. انا مغانݣدش نخليه بوحدو انعيط على مول طاكسي دري كنعرفو يوصلك حتى للدار
أريناس : واخا .. داكشي لي دار وصل مول طاكسي نزل معاها موصيه يوصلها لباب الدار ، ركبات مشات وهو بقا واقف متبع ليها العين دار يديه فجيابو وطلع لعند ولدو ..
~~~~~~~~~~
فاقت فصباح .. غسلات وجها حكات سنانها لاحت عليها عباية مخلية حياة تعمر أتاي وهي هبطات تجيب الخبز وقفات عند مول الحانوت
عنبر : عمي أحمد واحد زوج كوميرات
أحمد : مرحبا بنتي ( بقا كيضحك معاها شادة جماعة معاه )
- واحد الكوميرا أشريف ( حسات بظهرها تشوك عليها وشداتها تبوريشة صوت ماغريبش عليها ريحة لي حافظاها تغلغلات لنيفها بزربة ضارت جا وجها فوجهو نيشان بلعات ريقها بصدمة مطلعاه من صندالة البيتية لي لابس للكيطمة ديال الدار قبل ماتستوعب سمعات سي أحمد كيقول )
أحمد : أنت هو جارنا الجديد لي سكنتي فالعمارة ديال سي المحفوظ ؟
الروطال ( عينيه عليها تبسم ونطق بصوتو الرجولي تقيل لي غالبة عليه رنة دالخطر ) هو هذا ..
كلامو نزل عليها بحال شي سطل دالما بارد تكب عليها .. بلعات ريقها مزيرة على الكومير ومشات بجرا طلعات للدار دخلات وسدات الباب حطات داك الخبز فوق الطبلة ، حياة كتشوفيها بإستغراب :
مالكي ؟
عنبر ( ݣلسات ) فخبارك شكون سكن فدار لي أونفاص معانا لي شفنا لبارح ؟
حياة ( بنفي ) لا شكون ؟
عنبر : فاروق ( خرجات فيها حياة عينيها مصدومة ) هاد الشوفات هوما ليدرت أنا فاش شفتو ، تصدمت هي فاش سولو عمي أحمد واش انت الجار الجديد قاليه أه جيت كنجري ..
حياة ( شدات على فمها ) داكشي لي قاليك هو لي دار بالحرف كيبان ليا تسطى اختي هبلتي راجل ( جاتها الضحكة )
عنبر ( خنزرات فيها ) ضحكي انتي لي واتاك الضحك ..
حياة ( بجدية ) شغتي لي مايديرش عليك هكا غير رجعيه لدارهم .. انا ماكرهتش شي واحد يدير ليا بحال هكا
عنبر ( ذافت فيها وهزات يديها للسما ) ياربي ياربي تجيب ليها شي راجل لي يقطع فيها الزاي ياربي الحبيب ..
حياة ( ضحكات) أميــــــــــــــــن ..
~~~~~~~~~~~~
أكـــاديـر مديــرية الأمــن📌
عماد : (حيد تجاكيط ديالو حطو على الكرسي جرو وݣلس كيشوف فدوك 4 لي قدامو .. دور عينيه عليهم كلهم حادرين الراس ومتبتين من غير ليلى الوحيدة لي كانت كترعد كترمش ودموعها هابطين شعرها مخربق النص داخل فالبانضة ونص خارج كتشوف قدامها ربي عالم بحالتها .. مكفاهاش الزمان وشنو دار ليها وشنو داز عليها دابا كملاتها حتى بالبوليس وتجرجيرو على شي حاجة هي معارفاهاش)
عماد( حنحن بصوتو رجولي ونطق ) دابا شنو غانباتو هنا ؟ أنتي معاك داوي ( هزات فيه راسها عينيها العسليين كترمش وتمسح دموعها ) غاتحبسي عليا داك تهرنين ولالا ..
ليلى ( بصوت أنثوي بريىء ) والله أشاف مادرت شيحاجة انا خدامة عادي الله يرحم الوالدين .. أنا مافهمتش علاش انا هنا ؟
عماد : واش انا ݣلت ليك درتي أنا سولتكم سؤال ساهل ماهل واش كتعرفو مزيان عبد الغني بوفاس ولالا ، واش ( مورك على كل كلمة) عارفين بلي داك الكلوب لي أنتوما فيه غير باب على فعايلو واش فخباركم بلي كيشري ويبيع فالحش**يش والغب**برة ( شافيها ) وفالبنات ( بدات تبكي من جديد فاش سمعات هادشي ، ضارت بيها الدنيا واش هي هاربة من الكلوب ديال المراكش وتحرش لي كانت كتعرض ليه باش طيح فبزناز .. داخت ومابقاتش كتشوف قدامها .. خبط البيرو فعفعها كمل على بيها ) وسكتينا البشار أبنادمة سكتينا ( عينيها تقلبو ولات كلها كترعد بالخوف فنفس اللحظة طاحت على وقفتها ) ناض من بلاصتو بخطوات سريعة نزل على ركابيه هاز راسها كيفيق فيها حلفات لا فاقت ) بلاان عاوتاني ( بدا كيعيط ) ياسين ياسين .. دخل واحد من دراري لي خدامين معاه ومع سفيان ..
عماد : هزها ديها للبيرو ديال سفيان ݣوليه يشوف معاها حتى تفيق ..
ياسين : واخا شاف ( هزها بين يديه بحال الورقة داها للبيرو ديال سفيان اما عماد بقا مع البقية رجع للبيرو هاز فيدو ليكارط ديالهم فيدو ... بقاو 3 ديال دراري ومن بينهم كريم ..
.... 1 : شاف أنا يلاه خدمت جديد ، والله مكنعرف شيحاجة من غير داكشي لي ݣلت ليك وحتى الباطرون راه مكايجيش للكلوب بزاف ..
.... 2 : الأغلبية ديال الوقت كنخدم بنهار ماشي بليل أسيدي .. وفأي كوان بحال هدا غاتكون الخدمة كدور تحت الدف بليل ( شافيه كريم )
عماد ( لاحظ شوفات كريم للدري لي خدام معاهم ) هااا هذا بلان كنشوف شي ميساج ضايرين هنا تحت الدف ياك أبا كريم ؟
- خرجات من دار لابسة أونصومبل طويل صيفي بارد سروال مفضفض فالبيسطاج مع قميجة ديالو طويلة فيها الوريدات بالبيج والأخضر مع صندالة فالبيج وساك فنفس اللون ..قطعات الشانطي وقفات كتسنى فطاكسي حتى وقفات على غفلة طوموبيلتو قدامها .. خلعها وفعفعها وحسات بتوتر فاش شافتو ، نزل الزاجة وبإبتسامة كتسلب العقل نطق بصوتو الرجولي بداريجتو لي ممزوجة ببعض الكلمات الخليجية الخفاف ..
راشد : صباح الخير ليالي طلعي
ليالي ( بتوتر ) صباح الخير اسي راشد .. لا راه انا كنتسنى طاكسي بلاما تعدب راسك
راشد ( بحزم ) نعذب راسي غانهزك .. الطوموبيل راه هزانا بزوج حمزة شاد هاد النهار انخدمو انا وياك الراس فراس داكشي باش يلاه طلعي ..
ليالي ( بقات كتشوف حتى عيات ) واخا ... طلعات حداها دايرة السمطة ديمارا وزاد ، ريحت باندوش الرجولي مع الريحة ديال العطر لي داير طلعو مع نيوفها ، شافت فيه بنص عين مسكانياه .. فقمة الوسامة ورجولة والأناقة ديالو كتكوني حداه كتحسي براسك كاينة حدا راجل .. حس بنظراتها عليه وتبسم حسات براسها وقلبات وجها للجهة لوخرا
راشد ( طلق موسيقى خفيفة ) ليالي عاودي ليا على راسك شوية
ليالي ( شافت فيه ) بحالاش ؟ شنو بغيتي تعرف ؟
راشد ( برم شفايفو ) كولشي فين تزاديتي وكبرتي .. لي عارف هو ماماك الله يرحمها وختك صدقات هي حياة
ليالي : ماعندي مانسالك جايب خبيرات تبارك الله عليك
راشد : عادي خدامة عندي غانعرف عليك كولشي
ليالي ( شافت قدامها ) تزاديت فسطات وجيما لكازا فاش كانت عندي 12 عام من داك الوقت وانا هنا .. عندي خويا كبر مني ولكن محبوس ( شافت فيه ) وبابا سامح فينا من بكري لحد الساعة ماشفتوش مزوج مرأة وحدة أخرى وعندو ولاد أخرين ، ومرتو الأولى هي مامات حياة ( عاودات ليه لي كاين نيشان مكتحشمش من هادشي ولا تحني راسها لي بغاها يبغيها كيما هي ) وهادشي لي كاين عندك شي سؤال خور ؟
راشد ( بإبتسامة ) لا نفطرو حسن
ليالي ( غوبشات ) والخدمة ؟
راشد : الخدمة تسنى الجوع مكايتسناش ..
~~~~~~~~~~
فالعشية حدا عين الذياب واقفة هي وخوها قدام الكروصة .. الناس مجموعين عليهم بحال النحل
طارق ( بإبتسامة خدام معاها كيسربي فشي بنات بالهمس ) كيجاك خوك ؟
دنيا : باز ليك وبسيف أخويا جاي ضارب عليا الحطوط وروايح .. وبغيتي مدوخش ليا الكليانات دابا ايولفوك يوليو يجيو يسولو عليك
طارق ( غمزها كيضحك ) خفتي ندي ليك الكليان ولا نخسر ليك البيع .. انتي لي بغيتي نجي نبيع معاك تحملي مسؤوليتك ( شاف فواحد البنت) مرحبا بصحة وراحة
.... ( شافت فيه بإبتسامة ) شكرا
عز الدين ( وقف عليهم ) واش انا حول ولا كنشوف مزيان
دنيا ( خنزرات فيه وهمسات لخوها ) مكنحملش هاد صاحبك قسما بالله
طارق : جيتي ولا جابوك ، فيك متعاون زيد بيع حتى انت تعلم لحرفى دير لي ينفعك
عز الدين : أنا درت لي ينفعني وساليت .. شي كريپا بكريمة البيستاج الله يعزك العود
دنيا ( تحت سنانها ) بصريصرة ..
النهار كاملو وهي كالسة فداك البيرو عيات بغات غير لي يجي عندها يسول فيها ولا يقوليها شيحاجة .. فجهة أخرى كانو مزال ݣالسين فالبيرو ولكن هاد المرة مكانوش جوج دراري مشاو كان غير عماد وكريم لي عيا وماكرهش يمشي النهار كلو مشوجرينو فالكوميسارية مرة ينزلوه لتحت مرة يعبطوه .. خايف بزاف لا ضوسيه يتوسخ
عماد ( شاف فكريم ) با كريم النهار داز والشمس بدات كتغرب وانا ماعندي مايدار ومسالي شوف انت ..
كريم ( تنهد ) واخا ولكن راه هادشي لي غانݣول راه واعر وانا مابغيتش شي حاجة تأديني وانا يلاه باغي نبدا مشروعي
عماد : إلى عطيتك الكلمة درجال او واعدتك شعرة وحدة ماتمس منك وتخرج منها ساهلة ماهلة أش غاتݣول .. كون كنا فكازا غانݣولك سول عليا تعرف
كريم : واخا انا سينين هادي باش خدام عند سي عبد الغني .. وكنشوف كولشي بعيني ولكن ساكت وغير الوجيبة لي خلاتني نشهد وكاع لي ݣلتي انا عارفة وعارفو مزيان وعارف حتى فين كيضربو ضربتهم الصحيحة ..
عماد : فطريق تارودانت ياك ؟
كريم ( بنفي ) لا طريق تارودانت داوي على الݣراج لي عندهم تم هداك أتخربيقة تزربيقة .. تحت الكلوب كاين واحد لاكاب وداك لاكاب دايزة طريقو للمرصا نيشان من تم فين كيدوزو السلعة نيشان لا بنات لا حش***يش
- عاود ليه كولشي بتفصيل .. حتى من لي خدامين معاه ودايرين اليد فاليد عطاه سمياتهم
كريم ( حك حاجبو ) نهار 12 فشهر 9 عندهم واحد الخرجة وهو براسو غايكون تم ، ويدو ليمنا واحد كيݣولو ليه أزعري ݣاع ليزافير ديال عبد الغني عندو الى شديتو هداك حسبو راسكم شديتو عبد الغني
عماد : أشمن وقت غايكون هاد البلان ؟
كريم : نهار 12 جات بسبت مستغلين الفرصة ديال الكلوپ عامر ، مع 12 كيضربو ضربتهم
عماد ( تبسم ) الله يرضي عليك أبا كريم ( هز لاكارط عطاها ليه ) شكرا
كريم : انا أصلا كنت كنتسنى هاد الشهر يدوز ونخرج .. ولكن كيبان ليا نخرج قبل حسن ليا
عماد : حتى هذا بلان .. وقف كريم خرج وعماد بقا واقف دخل عليه سفيان عطاه عماد كاع المعطيات لي عطاه كريم
سفيان : وخيتي لي لداخل شنو نديرو معاها
عماد ( ضرب جبهتو ) نسيتها أصاحبي ( خلاه وخرج مشا للبيرو عندها لقاها كالسة وكتبكي ) انتي مزال كتهرنطي ؟
ليلى : انا راه مادرت حتى حاجة .. وكان خاص ندخل للخدمتي قبيلات ودابا غايجريو عليا
عماد : خدامة ليا فلانازا ، خدامة فبلاصة كلها وسخ ومافرحاناش بيها
ليلى : اه مافرحاناش ولكن ماعنديش البديل .. هاني دابا انمشي ايجريو عليا اسي زوبير والله مايدوزها ليا بالله
عماد ( هز ورقة وستيلو مدهم ليها ) شدي كتبي نمرتك هنا ، نضبر ليك فخدمة ونسوني ليك انتي كنتي خارجة منها كنتي خارجة ( كان غادي ورجع عندها ) هلاكارط ديالك خلي الورقة فوق البيرو
ليلى ( براحة ) واش صافي نمشي ؟
عماد ( شافيها ببرود ) ياكما عجباتك الݣلسة هنا ؟
ليلى : لالا صافي شكرا الله يرحم ليك الوالدين .. خرج من عندها أما هي كتبات نمرتها خلاتها فوق البيرو هزات ساكها وخرجات كتجري من تم ..
راجعين بالليل جارين رجليهم عيانين .. دازو خداو البيض والخبز من الحانوت
حياة ( نغزات عنبر ) واش هداك فاروق ولا انا حولة ؟
عنبر ( هزات راسها فالجهة لي وراتها كيبان ليها ݣالس مع ولاد الحومة حاطين كرسي فوق منو صينية وبراد ديال اتاي وكيلعبو الكارطا ) انا هاد راجل قسما بالله حتى غادي يخرج ليا العقل
حياة : كيدار حتى تصاحب مع ولاد الحومة وهو يلاه جا ؟ دغية تخلط معاهم وكالس يشرب أتاي معاهم سيد ولا بحال ظلك ماتفنفني لا هكا لا هكا
عنبر : دافع عليا كبير وماباغيش يتصالح ونفس الوقت لاصق فيا وزارع فيا الرعب لا حول ولا قوة إلا بالله العلي العظيم زيدي اختي نطلعو زيدي ( طلعو قدام عينيه حاضيهم )
الروطال : الشباب انا جاي كملو انتوما ( غمزهم )
- طلعات عنبر وحياة للدار ، حلات حياة دخلات وعنبر خلاتها وتوجهات للسطح كتحيد الحوايج لي منشورين حتى قفزها صوتو لي جا من وراها
الروطال : اش هاد الوقت لي كتجي فيه أمدام ؟
عنبر ( شادة على قلبها خلعها ) راه يلاه العشرة مالفة مكنجي حتى العشرة ونص والصيف هدا ودنيا عامرة
الروطال : شهر 8 بغا يسد الباب داخلين على الخريف أمدام رضي البال شوية
عنبر : بغيت نعرف لاياش باغي توصل ؟ لاش ساكن هنا واش حاضيني ولا كيفاش ؟
الروطال ( تبسم ) علاش غانحضيك ؟ الحومة مقيدة بسميتك ولا عندك فيها النص ؟ نسكن فيما بغيت ندير ݣيطون انا ݣاع تشاورتي انتي مع شي حد نهار قطعو رجليك المطار ..
عنبر : كتقلي ليا السم دابا ؟
الروطال ( أشر لجبهتو ) مكتوبة هنا كوثر ، صاحبتك انا نقلي ليك السم ؟ خرجتي طوعي الالة عنبر
عنبر : منين مݣروح من جيهتي لهاد الدرجة علاش ماباغيش تفكر راسك مني
الروطال ( قرب ليها وهي راجعة باللور ) مابغيتش الحاجة ديالي كتبقى ديالي حتى كيديها الله .. شتيه ( وراها صبعو لي فيه الخاتم ) غادي يبقى هنا ( كتشوف ليه فعينيه برهبة حسات بيدها تنطرات وجرها وحاجة باردة دخلات فصبعها ) وهدا غايبقى هنا نهار تفكري تحيديه غانحيد لأصلك الصبع من الجدر .. بغيتي غير المرض والحماق ودوبل فاص الفتيلة انتي لي قلبتي عليها .. ݣلت ليك تقاي شري وخلينا ترونكيل ولكن مول الفز كيقفز ( جر ليها راسها ملصق شفايفو مع شفايفها بقوة مغرقها فبوسة طويلة قاصحة كلها عتاب على الهجر والفقدان حاسة بشفايفها كيوزوزو من حر البوسة لي باسها طلقها حتى تردخات مع الحيط تبسم لاحس الدم لي كان على شفايفو ) دمك حلو بحالك مرة مرة شوفي المرايا وشوفي الامارة لي غاتݣولك بلي انتي ديال فاروق تهلاي ( غمزها ومشا )
- شدات عنبر على شفايفها لي كيوزوزو .. غير السداري لي شدها طاحت فوقو جات عندها حياة لي شافتها من قنت السرجم
حياة : واش انتي لاباس ؟
عنبر ( هزات فيها راسها وحركاتو بنفي ) لا قلبي غايخرج من بلاصتو
حياة : تفو الهيماجي لاخور
عنبر ( خنزرات فيها ) متقوليش عليه هيماجي ( قلبات عينيها ) شحال توحشتو وتوحشت ريحتو وطولتو وضحكتو وفمو ويك ويك اعباد الله على المسوفج ديالي ( كتشوف فخاتمها لي رجعو ليها لصبعها )
حياة ( مصدومة فيها ) أنا عند بالي تقلقتي انتي فرحانة وعاجبك الحال .. فمك حمر تقول قارصك النحل ( كتشوفيها كيفاش ساهية وكتبسم )
عنبر ( شافت فيها ) لا قارصني راجلي ياختي واخا مريض ولكن والله حتى توحشتو
حياة ( وقفات ) دايرة فيك عقلي نوض نوجد مناكلو .. قاتلك راجلي عيني فيه ويخ منو وشوفي دابا كيفاش تصالحيه هو حالف حتى يمرضك ويرض ليك لي درتي فيه بضوبل
عنبر : صراحة من حقو .. لا سماحة لديك بنت الحرام من فعلها دعبلة لي دخلات بيناتنا كيف سوسة ( تبعاتها للدار حطات الحوايج فوق سداري )
حياة ( فالكوزينة ) والله يجمع شملكم ويدير ليكم شي تاويل واخا هاد كوينيدي ديالك كيبان ليا مناويش على الخير انا ولا كيخلعني بهادشي
عنبر : حتى انا خالعني ونفس الوقت واخا هكاك شيحاجة عندي لداخل عاجبني الحال
حياة ( تفكرات طارق والبوسة لي باسها بلعات ريقها طاردة لي وقع من أفكارها ) يكون خير إن شاء الله.
تعشاو مرة عينهم مع تلفازة مرة مع المقيلة دالبيض وماطيشة لي قدامهم
حياة : أجي مال فاروق فصباعو شتو داير ليهم جبيرة ؟
عنبر ( مانتابهاتش حتى قالتها ليها حياة شافت فيها بخوف ) اويلي كاعما رضيت البال والله العظيم الى بصح حيت نهار كنا فالغابة ضرب يدو مع الشجرة حتى طرطقو صباعو .. وقيلة نوض نشوفو
حياة ( جراتها ) واش هبلتي تمشي دقي عليه ودراري فالحومة يشوفوك طالعة عندو .. شكون فيهم عارفكم مزوجين حتى واحد تولي تابعاك الهضرة
عنبر ( ݣلسات كتخمم فهضرتها ) بصح عندك الصح حتى واحد معارفنا مزوجين .. نسوني عليه ولكن لا منسونيش صافي حتى نشوفو من بعد ..
حياة ( بتردد كتشوف فعنبر بغات تدوي وحشمات ولكن مامالفاش تخبع عليها شيحاجة ) عنبر ( شافت فيها ) بغيت نقوليك شيحاجة خبيتها عليك
عنبر ( غوبشات ) الله يسمعنا خبار الخير مالكي دوي ؟!!
حياة ( حطات الخبز من يدها ) داك نهار فاش مشيتي مع فاروق تدويو وقلت ليك طارق داني لجهة البحر وغوت عليا ( مزال كتشوفيها متبعة معاها ) شدني ووو ( بلعات ريقها ) وباسني بزز
عنبر ( حلات عينيها على تواسهم ) شناهو اويلييي طارق !!
حياة : أه وبقا كيضحك عاجبو الحال .. وقالي بلي باين حتى واحد ماعمرو قاصني
عنبر : شوفليك الزلمومي بوراس كاعما باينا فيه بلي فيه هاد الفعايل
حياة : متقولي ليه والو هادشي يبقى هنا الله يعطيك الستر انا اصلا بغيت نسى داك نهار ولي وقع فيه
عنبر تبسمات وسكتات مابغاتش تدوي ..
~~~~~~~~~
- صباح جديد كان غير عند ناس اخرين اما ناس أخرين كان عادي ، خرج من دار بكامل اناقتو ريحتو ضربة فالحومة .. كانت فوق السطح كطل عليه حاضياه بان ليها خرج للشارع راكب فطوموبيل عمرها شافتو راكبها طوموبيل عادية ماشي بحال لي عندو ديمارا ومشا ..
حياة : علامن كطلي ؟
عنبر ( شافت فيها ) فاروق شتو خرج من دار لابس ومقاد الحالة ركب فطوموبيل عمري شتها عندو ومشا علم الله فين بديك تبوݣيصة ..
حياة ( برمات شفايفها ) ماعرفتش
عنبر ( ضرها راسها ) انتي كتدوي مع ماجدة ولا دنيا ؟
حياة ( شافت فيها ) وهو الصراحة مزال كندوي مع ماجدة وديما كتسول عليك الصراحة تقال
عنبر ( كلسات حداها ) قلقلي ليا السوق شنو كاين ، جاني هاد تبوݣيصة والاناقة فشكل ياختي
حياة ( ضحكات ) مالك خفتي لا يكون فاروق باغي يضربها بتزويجة ؟
عنبر : شكيكو البلا .. شوفي شوفي قلقلي لينا السوق أصاحبتي
حياة ( ساست يديها ) واخا الالة ..
الطرب الأندلسي كان خدام فدار وريحة ديال البخور عاطية فالڤيلا كلها .. خرجات ماجدة على برا كدوي فتيليفون وكتشرح بيديها بان ليها عصام داخل هو او عمران شاد ليه فيدو مشا كيجري عند علال ..
عمران : با سيدي توحشتك
علال ( هزو فوق رجليه ) حتى انا توحشتك أولدي ( باس ليه عصام راسو سلم عليهم وݣلس ) كونما جابتك هاد الوجيبة كاعما تجي موجه كلامو للعصام ..
عصام ( تبسم ) والله ابا إلى غير مع الوقت والخدمة
علال ( بصرامة ) الخدمة مالك عندك شركات ؟ عصام توݣض معايا ياك لاباس شنو وقع ݣاع ؟
عصام ( تنهد تنهيدة طويلة من نهار تشدات مو وعرف لي كانت كدير مابقاش عندو الخاطر وتبدل داك الضحك ونشاط لي كان مابقاش ) يصاوب الله أبا ..
علال ( سيفط عمران للعند جداه للصالة لوخرا ) حتى منكونش كنعرفك عجينة يدي أولدي .. من نهار وقع لي وقع مع مك وانت ماهواش واش انت لي ݣلتي ليها دير لي دارت وتطغا وتفوت الحد مالك اولدي على هاد الحالة .. مزال صغير وبغيتي تشرف راسك قبل الوقت
عصام ( دوز لسانو على شفايفو ) الشمتة ابا واحلة ليا هنا ؟ ماتنساش ليا نهار مشيت عندها وجرات عليا .. دايراها ݣد راسها ومزال طاغية مكتردعش
علال ( حط يدو على فخض عصام مطبطب عليه ) ولدي واخا تكون مك كيما بغات تكون ، سير زورها ( شافيه عصام ) داوي معاك اولدي الى زرتيها هادشي لي كتحس بيه ضروك مغايبقاش غاترتاح سير وسول وعاتب وريح راسك اوليدي ..
عصام : نمشي واخا دارت لي مايدار وطغات وتجبرات ابا
علال : واخا دير لي دارت سير اولدي ريح بالك الله يرضي عليك ، ورجع لحياتك ونصيحة من جدك شوف شي بنت الناس عمر ركاني دارك براكة من هاد تازوفريت العمر كيفوت الحنين الغالي
عصام ( تبسم باس ليه يدو ) إن شاء الله لهلا يخطيك أبا الله يخلي ليك صحيحتك ..
أدريس ( ݣلس لابس سروال فالبيض وقميجة فنفس اللون مع جلابة من الفوق فالݣرونة ) هاواحد السلام عليكم
عصام ( مقشب معاه ) سي العريس كاين شي خلعة ؟
أدريس ( ضحك ) بحال الى اول مرة نتزوج نكذب عليك ( شاف فساعتو ) خوك جاي ولا باقي ؟
عصام : دويت معاه يلاه خرج من دار
أدريس : بغيت غانعرف فين كاين ؟ دارو مكاينش فيها فين قاطع الحس
عصام ( خبط على رجلو ) مقابل رزقو
علال : عنبر !!
عصام ( ضحك ) وياااه
علال ( تبسم ) شابه ليا الله يرضي عليه الواحد هو لي يحضي عراضو وشرافو مايتفافاش عليه
أدريس : والله يحنن القلوب ونتجمعو كاملين مع ديك البنت مسكينة ، نرجعو ليها اشوية من لي ضاع ليها
علال : أنا راه شاد رقية غابزز ، ݣلت ليها تخليها على خاطرها حتى تفش وتجي هي تبري علينا حنا مباركين قربات لينا ومباركين بانت ..
طارق ( وقف عليهم) هاواحد السلام عليكم امجمع الحباب ( باس لجدو راسو وسلم على عمو مقشب معاه بحال عصام ) خاصنا غير عماد
أدريس ( تنهد ) الله يسهل عليه .. فالجهة الاخرى كانت رقية مع البنات يسرى وياسمين ودنيا وسعاد لي كانت ݣالسة لابسة واحد الجلابة فشيبي مع زيفها كيتسناو غير الروطال يحضر باش هو يمشي معاهم للعند العدول ويكون حاضر .. ختارو كولشي يديرو بسيط عقد عند العدول والغدا وطلبة صافي .. جا عبد الخالق حتى هو العائلة كانت مجموعة ولكن كانت ناقصة من غير عنبر ..
- دخل عليهم الروطال سلم على باه وجدو ݣلس معاهم شوية وهما عيطو على سعاد باش يمشيو للعند العدول يتكاتبو .. الحشمة كانت غالبة عليها عمرها ضنات ولا جات لبالها بلي السيد لي بغاتو اول حب فحياتها غايجي نهار من بعد سينين وغادي تجمع معاه مجاتش للبالها بتاتا حدرات راسها معنقها الروطال من كتافها ركبات اللور حداها أدريس .. الروطال القدام سايݣ وحداه علال .. توجهو للعند العدول تسناو واحد الشوية ودخلو دازو من جميع الإجراءات وأخيرا تكاتبو او ولات مراتو الحاجة لي كانت كتمناها هادي زمان تحققات من بعد أعوام خداو الروسي وخرجو راكبين مع الروطال ورجعو للدار ..
خدامة مع واحد الكليان مرة مرة عينيها كتجي فعينيه كيتبسم ليها .. كتحاول متبسم وتركز مع الكليان عطاتو شنو بغا مشا مشات نيشان توجهات لطواليط سدات عليها شادة على قلبها هزات راسها فالمرايا وجها حمر ..
ليالي : ياربي الحبيب أش هادشي كيوقع ليا ؟ علاش كنتزنݣ فاش كيبقى يشوف فيا ( غمضات عينيها صورتو جات بين عينيها تبسمات بلاما تحس عاضة على شفايفها تنهدات تنهيدة طويلة فتحات عينيها جامعة الضحكة كتخاطب راسها ) رجوع لله أليالي متحلميش وتشوفي بعيد خليك غير حدا رجليك فين انتي وفين هو .. شوفي غير شنو عندو شوفي غير طوموبيلتو واحد بحالو يرضى بوحدة خوها حباس وباهت سمح فيها منين كانت صغيرة .. نهار غايبغي غادي يبغي وحدة ݣرينتو من سهمو ( طلقات الروبيني غسلات وجها كتنش عليه هزات الپاپيي دوزاتو على وجها رماتو قدات شعرها ضارت حالة الباب كان وجهو لوجها نيشان )
راشد ( بإستغراب وجدية) معامن كنتي داوية ؟
ليالي ( هزهزات كتافها ) مع حتى واحد علاش ؟
راشد : كيفاش مع حتى واحد وانا سامعك بودنيا كدوي الداخل ( مغوبش )
ليالي ( يلاه اتقولو والله مادويت مع حد ) وعلاش هاد الأسئلة والى كاع دويت ندوي معامن مابغيت انا وقيلة راه حرة .. وزايدون تيليفوني خليتو لهيه دخلت غسلت اوجهي حيت صهد هادشي لي كاين ( جات تخطاه ولكن يدو رضاتها )
راشد ( من تحت سنانو بصوت غالبة عليه نبرة التحديد ) ديك انا حرة حيديها من فمك ازين مابقاتش واكلة معاك .. مابقيتيش حرة
ليالي ( نزلات عينيها ليدو لي شادة فيدها ) وعلاش سي راشد انت باطرون ديالي ماشي من حقك تحاسبني
راشد ( تبسم ) كاع الحق لي كتعرفيه عندي وأنا مولاه ، شوية دالوقت وغايولي بالقانون ( طلقها ) ديري عقلك الله يرضي عليك خليك زوينة كيف كنتي وظريفة
ليالي بقات كتشوفيه مافهمات فكلامو والو ولا بالأحرى مابغاتش تفهم باش ماتصدمش فالأخر
~~~~~~~~~~
حياة كتخرج فالفراش للسطح .. لابسة بيجامة ديال الدار وشعرها عاكفاه بزيف حياتي
عنبر ( كتخمل الكوزينة ) الصراحة فرحت لخالتي سعاد تستاهل والله ، ماكرهتش ندوي معاها نبارك ليها
حياة ( وقفات عليها هازة مخدة فيديها ) وعلاش متسونيش فيها مافيها والو السيدة ماصرفات فيك الخير عمرك شفتي عيبها .. سوني عليها أصاحبتي
عنبر : مابقاتش ليا نمرتها بقات فتيليفون لي مشا ليا ..
حياة ( حطات ديك المخدة وهزات تيليفون من فوق طبلة لي فكوزينة ) انا نجيبها ليك ( بقات كتكتب لماجدة خدات من عندها النمرة ) هاكي قيدي
عنبر ( خدات نمرة وديك ساعات دوزات لابيل يدها كترجف وقلبها كيخبط )
فجهة اخرى كانت راكبة فطوموبيل حداها أدريس راجلها .. بدا تيليفونها كيسوني جبداتو من ساك
سعاد : ألو ( بانت الصدمة على وجها ) عنبر بنتي ( شاف الروطال فالمرايا طالق ودنيه معاها )
عنبر : مبروك عليك أخالتي سعاد الله يكمل عليك بالخير لا انتي لا عمي أدريس
سعاد ( عينيها غرغرو ) اللهم آمين أحبيبتي خاصانا غير انتي ( ادريس كيأشر ليها باش تعطيها ليه ) هاعمك أدريس بغا يدوي معاك ( عطاتو التيليفون )
يتبع...
التعليقات
لا توجد تعليقات بعد، كن أول من يعلق.