محتوى القصة
عنبر ( تنهدات تنهيدة طويلة) لي بغيت دابا هو نرتاح حتارم هادشي لي كنقول هالعار ماطلبتش شيحاجة صعيبة دابا مابغيت ندوي فوالو مابغيت ندوي لا فطلاق لا فزواج لا فيا وفيك لا فوالو .. بغيت غير نستوعب هادشي لي واقع معايا صافي خليني غير نرتاح راه كتخنقني هكا وانا مايدي لهادي ولا هادي ..
الروطال : فين غاترتاحي ؟
عنبر ( مهربة عينيها من عينيه ) غادي نݣلس عند دار عمي عبد العالي بغيت نرتاح شوية ونبعد .. ديك ساع نقد من بعد نكلس مع ماما فاطنة وعمي عبد الخالق ندوي معاهم .. دابا مقاداش نفكر كنحس براسي انا ماشي هي أنا
الروطال ( هزهز راسو ) واخا أعنبر ماݣلتي عيب رتاحي مع راسك .. غير داك الطلاق نسايه راه عمرو يكون انا علمتك خليني نوصلك
عنبر ( بترجي ) عفاك افاروق لا الله يرحم ليك الوالدين لا خليني ( عطاتو بظهر ومشات ركبات مع تودة وعزيز )
الروطال ( وهو واقف سونا ليه تيليفون طلعات ليه نمرت عماد غوبش فتح الخط ) على سلامة .. فينك سير هانا جاي ( قطع ركب فطوموبيلتو وديمارا لدار )
~~~~~~~~~
سعاد ( بعتاب ) وصراحة البنت مدارت حتى عيب من حقها يبقى فيها الحال .. كولشي فخبارو حتى ليها هي راه غاتحس بينا دورناها
عبد الخالق : انا كنت ناوي نݣولها ليها مها لي ماخلاتنيش لا هي ( شافت فعماد ) لا أنت اولدي
عماد : انا نحيا علاش ، كنا خايفين عليها كون ساقت الخبار شحال هدا كون وقعات ليها شيحاجة الحمد لله دابا تهنات وتهنينا حتى داك براهيم مات
أدريس : وايلي باش مات ؟
عماد : قت**لوه فالحبس ، ماعرفناش شكون ولكن شي واحد رشݣ فيه موس ومات
ماجدة ( شادة حنكها ) بقات فيا عنبر كنسوني ليها مكتجاوبنيش ، مابغاتش تجاوبني سونيت لحياة قاتلي بلي حالتها عالم بيها غير الله بوحدو مسكينة
دنيا : حتى انا حلفات لا جاوباتني من حقها تقلق علينا .. ولكن حنا كنا غير خايفين عليها ربي بوحدو لي عالم شحال فرحانة عندي ختي وكنت بغيت نقولها ليها ..
ياسمين : عطيوها شوية ديال الوقت أي واحد فينا يوقع ليه لي وقع ليها غادي نديرو نفس الحاجة ( تنهدات ) البنت كانت عايشة فكذبة خصوصا وللديها كانو ظريفين معاها وكيبغيوها راه غاتصدم فيهم ..
رقية ( حاطة يدها على حنكها ) مسيكينة بنيتي من هادي لهادي مكاتجيفين تݣعد الراس حتى تعاود تجيها الضربة من جهة خرى
طارق : بغيتكم تشوفو حالة فاروق متعرفوهش باغي يتسطى منين ݣاتليه طلقني حيت خبا عليها .. كيفاش دارتها بيا وصلتها لدار كركباتني جمعات حوايجها ومشات بحالها ..
ماجدة : فين هي دابا ؟
طارق : عند عزيز
عصام : هادشي ماجا غير فالوقت لي باغي نسافر فيه ..
ماجدة : متأجلهاش زعمة ؟
عصام ( بنفي ) حاس بنفسيتي مريضة ، باغي نبدل الساعة واحد سيمانة الى مامشيتش غادي نفا*جر
أدريس : مغاتشوفوش مكم انتوما ؟
عصام ( شافيه هاز حاجب ومنزل الثاني بنظرة عتاب وإستغراب ) نشوفوها دارت زينة باش نشوفوها .. واش نسيتي شنو دايرة ولالا واش نسيتي فعايلها وكتݣولينا الواليد نشوفوها ؟!!
أدريس ( هزهز راسو) كتبقى مكم أولدي واخا هكاك
عصام ( وقف ) أنا مغانشوف حد .. براكة أداكشي لي دارت فبنات الناس شحال من عائلة خلاتها مݣروحة فبنتها شحال من بنت مشات فعز شبابها الواليد مي هاهي ( أشر لرقية ) شي حد خور انا مكنعرفوش .. بغيت نزيد نݣلس ولكن واصلة بيا للحد خليت ليكم الراحة ( خرج بطوموبيلتو والروطال داخل بطوموبيلتو ) ..
وصلو تودة للدار مشات وتوجهو هوما للدار .. دخلات جمعات باليزتها قداتها سلمات على بهيجة وعبد العالي ..
عبد العالي : خلي ابنتي قلبك سميح وفكري بلي الله سبحانه عاطيك إمتحان يشوفك واش تقدي عليه وتصبري عليه .. الفرحة قريبة ابنتي خاص أصبر
عنبر : لهلا يحاشم أعمي لهلا يخطيك الله يخلي ليك صحيحتك ياربي ( باست ليه راسو ويدو وخرجات مع عزيز شادين الطريق لعند خو رشيد لي دارو معاه حدا واحد القهوة .. خلاها عزيز تم دخل جاب السوارت ورجع عندها فطريقهم للبراتما ) عزيز بااما نوصيك عفاك الى سونا ليك فاروق قوليه فقنا مالقيناهاش وبلي سونيتي ليا وقتلك مشيت لواحد لوطيل ومابغيتش نقوليك فين جا ..
عزيز ( حتارم الرأي ديالها ) واخا عنبر كوني هانية .. هانتي بلاما نوصيك الى بغيتي شيحاجة سوني ليا
عنبر : ضروري كون هاني ( وصلها للبارتما مكانش علال الكونسيرج كان واحد خور .. طلع معاها عزيز الباليزة ديالها ونزل )
سدات عليها الباب حطات السوارت وتنهدات تنهيدة طويلة ، ساهية فدار لي كانت فيها واحد نهار وعمرها ضنات ترجع ليها .. أول حاجة دارت هي دخلات للدوش تاخود حمام سخون وتبدل عليها حالتها ..
~~~~~~
دخل الروطال صاعر وصل لعند عماد بلا سلام لا كلام ..
الروطال : تهنيتي ابا عماد بردتي ( بإنفعال ) كالس علينا متدويوش متݣولوش ، الى ساقت الخبار هادشي غايخسر حياتها اتكون فخطر وسدينا دراقشنا وهانت كتشوف ..
عماد : فاروق ( بجدية ) كون ݣلناها ليها داكشي لي خفنا منو كان هو لي غايوقع... انا غادي ندوي معاها تكالما أصاحبي
الروطال ( ضحك ) تا كيفاش تكالما ومرتي مرتي هزات حوايجها ومشات بحالها انت ومها سباب
أدريس ( بتهديد ) فاروق دوي بشوية
الروطال : مغاندويش بشوية ، بغيت مرتي ترجع لدارها مرتي طالبة الطلاق الواليد سيدة طالبة طلاق ..
علال : فاروق ولدي ماشي هكا كيدويو الناس الله يرضي عليك .. حتى انت فهم البنت هليها ترتاح عطيها شوية ديال الوقت ويكون خير حتى حاجة مكتحل بعصيية كولشي كيتحل اولدي غير بالمهل أبالخاطر البنت مدازش عليها قليل ݣلس اولدي ݣلس ..
الروطال ( تنهد تنهيدة طويلة وݣلس شاد على راسو كيردد ) أستغفر الله العظيم..
بعد مرور 3أيام
- لبسات واحد الكيطمة ديالها فالخضر مع سبرديلة فالكحل فيها خط خضر وشال فيه الكحل والاخضر والفوشيا .. هزات ساكها دايراه على الجنب فيه فيه بزطامها فيه كارط ناسيونال وكارت ݣيشي ديالها بانت ليها البواطة دالبروش لي دارتو فساكها وبقا خلاتو تم حتى تشوف شي بلاصة فين ديرو .. هزات تيليفونها لقات ليزابيل ديال الروطال غمضات عينيها وتنهدات تنهيدة طويلة .. حالتها كانت مهدنة شوية على قبل دوزات نمرة حياة عاد فتحات حياة الخط ..
عنبر : الو حياة أمضرا خرجتي من القرايا ؟ .. معاش ادخلي لخدمة بعدا ؟ صافي واخا نلقاك برات القهوة انمشي نجيب باسبوري ونجي لعندك صافي واخا .. ( قطعات معاها ) خرجات من دار سدات الباب خرجات تحت انظار الكونسيرج لي رمات عليه السلام .. خرجات للجهة الشارع خدات طاكسي ديمارات طاكسي ومن وراها كانو زوج طوموبيلات توجهات للمقاطعة خدات باسبورها دارتو فساكها شيرات للطاكسي عطاتو سمية القهوة .. كان عندها إحساس غريب دورات راسها مغوبشة دخلها الشك تجاهلات الموضوع حتى وصلات للقهوة خلصاتو ونزلات لقات حياة كتسناها عنقاتها مسلمة عليها ودخلو للقهوة .. ضارت على غفلة وهنا زاد الشك عندها ..
حياة : مالكي ؟
عنبر ( بإستغراب وشك ) ماعرفتش بحال الى شي طوموبيل تابعاني .. شفتها من حدا دار ودابا فاش نزلت من المقاطعة بانت ليا وفاش دخلنا للقهوة عاوتاني ..
حياة : غير تشابهت ليك .. يلاه ناكلو فيا جوع وعطا الله منعاود ليك ( جراتها من دراعها وشدو بلاصتهم )..
فجهة اخرىى ݣالس خدام وعقلو مامعاهش مامرتاحش بحال الى كالس على شوك .. سونا ليه التيليفون فتح الخط وجاوب ..
الروطال : وي .. ايوا معامن هي دابا ؟ صافي واخا متحركش من تما حتى ترجع بحالها .. بحالاش ؟ واش ميقن ؟ واخا صافي واخا .. خليك تم متحركش ( قطع ) هز تيليفونو وسوارت طوموبيلتو وخرج ..
- ݣلسو فواحد الطبلة مطرفة .. حطات عنبر ساكها حداها متنهدة تنهيدة طويلة ..
حياة : علاش جينا للهاد القهوة وخلينا لوخرا ؟
عنبر : مارتاحيتش فيها اللهم هادي حسن
حياة : مخرجانا من الكوزينة والله إلى مسطية انتي ( تنهدات ) ديك الدار اختي مابقيتش حاملة ندخل ليها كون عندي فين نمشي كون صديت مي مابقيتش كنقد نشوفيها
عنبر ( هزهزات راسها ) حياة ( بجدية ) ماكرهتش نخوي كازا واخا هكاك عندي شيحاجة فقلبي مخلياني منسمحش لماما فاطنة ..
حياة ( شافت فيها بصدمة ) ياك سمحتي ليها ؟ واش كتي تكذبي عليها ؟
عنبر ( سهات ) كانو مخلطين عليا العرارم حتى عمي عبد العالي زادني بكلامو .. واخا داز عليها لي داز وتكرفصات ولكن راه كانت بعقلها كان عندها 23 عام ماشي شي وحدة لي صغيرة ..
حياة : ولكن راه مسكينة مكان فايت عليها والو مقارياش واش يحسابليك بحالنا حنا ؟ راهم قاريات وكدار بيهم
عنبر : عارفة ولكن واخا هكاك ماقاداش نتقبل هادشي .. بعد المرات كتسوني ليا والله مكنقد ندوي معاها بغيت نخوي ونبعد على كولشي ..
حياة ( بإستفهام ) حتى عليا انا ؟
عنبر : يلاه معايا .. يلاه نبداو من جديد نديرو يد فيد انبيع الذهب لي عندي ونبداو من الزيرو ، ياك ( بغات تقول خالتي ماقداتش تخرجها ) رشيدة خدامة مع ماما فاطنة فالمحال يلاه نمشيو انا وياك يوصل الوقت باش دفعي للباك ودفعي ليه ..
حياة : والقرايا لي كنقرا ( سكتات عنبر ) عطا الله المؤسسات ديال اللغة نبدا من جديد مالها تخلعني .. المهم نمشي معاك وفينما كنتي نكون أنا منخليكش بوحدك
عنبر ( تبسمات شادة فيد حياة ) حتى انا عمري نخليك
حياة : ايوا وفاروق والعائلة ؟
عنبر : دابا بغيت غير نبعد .. بغيت نخوي خاصني نبرا من الداخل ونرتاح الى بغيت نكمل حياتي ونتقبل هادشي فاروق الى بغا غايتسنى حتى يبرا الجرح لي دار فخاطري من جيهتو مابغاش راه يدير حل لراسو .. اما العائلة فاش نحس براسي قادة نكون بيناتهم راه ايلقاوني معاهم اما دابا احياة كنشوف أراسي بوحدي .. ( قاطعهم السرباي طلبو لي بغاو ومشا مخليها مكملة هضرتها ) بلاما تقولي ليهم والو حيت مغايخليوناش ماما فاطنة ندير وندوي معاها إن شاء الله..
حياة : إن شاء الله ..
عنبر ( وقفات ) نمشي لطواليط ونجي صافي .. خلات ساكها وتوجهات للطواليط كانت سيدة تم غسلات يديها دخلات هي قضات غراضها وخرجات كتغسل فيديها حتى تحل الباب عليها ( هزات راسها كان شخص لابس تجاكيط فالكحل سروال دجين نفس اللون وكاسكيط ) أخويا راه حمام العيالات هدا
.... ( بصوت رجولي) ولايني مطورة مع راسك دخلتي للقهوة لولة وخارجة من الكوزينة .. ماعندي مانسالك
عنبر ( صغرات عينيها ) شكون أنت ؟ ( بقات كتفكر ) أنت لي كنتي راكب فديك طوموبيل الكحلة واش سيفط فاروق تبعني اش هاد الفعايل ؟
.... ( بتهديد ) عندك واحد الامانة باغيها مغانأديك مغانوصلك .. فين هو البروش ؟
عنبر ( تزاد معاها زايد بلعات ريقها ) أشمن بروش ؟
.... ( دوز لسانو على فمو كيسايس معاها ) عنبر فين هو البروش لي عطاك بدر .. ماتخليناش نغلطو فيك ونديرو معاك مادرنا لباه لي دابا غايكونو كيرشو قبرو بزهر ( تبسم )
عنبر ( قلبها كيضرب الخلعة ركباتها من رجليها كلها كترعد تحل الباب ودخلات واحد سيدة وبنتها وهي تطلق حلقها ) وعتقو روح اعباد الله عتقو روح تهجم عليا .. بدات سيدة لي تم كتعيط وتعاير فيه فدقائق معدودة تجمعو عليه السربايا كيخرجو فيه ستغلات الفرصة وخرجات كتجري .. لقات حياة يلاه اتبدا الماكلة
عنبر ( هزات ساكها ) نوضي نوضي ( جرات حياة وخرجو كيجريو عاطيين رجليهم للريح )..
بلاصة الروطال طوموبيلتو نزل منها .. خرج عندو السيد لي كان تابعها
الروطال : فين هي ؟
.... : دخلات لهاد القهوة ، دخل الروطال للقهوة كيقلب بعينيه مبانتش ليه توجه للعند السرباي وقف عليه
الروطال : عفاك واحد زوج بنات يلاه دخلو غير واحد شوية هدا ؟
.... : واش واحد البنت كانت لابسة كيطما خضرا ؟ الى كانت هي معاها واحد البنت ، ݣالو بلي شي حد شكو فيه تابعهم وراه خرجو من الباب ديال الكوزينة دازو للقهوة لي التالية لي حدانا ..
الروطال : الله يحفظك ( خرج من تم كيجري مع زطم فالعتبة ديال القهوة بانت ليه طوموبيل ديمارات مكسيرية طلع لطوموبيلتو كيجري تابع نفس الطوموبيل خدا تيليفون مدوز ابيل للطارق ) وي طارق
طارق : أش تم هاني ؟
الروطال : عنبر شي حد تابعها شاك فداك الكيدار ديال داك الموسخ
طارق ( وقف خارج من خدمتو ) سيفط ليا فين انت .. تم تم سيفط ليه فين هو ركب طوموبيلتو وتوجه للعندو ..
~~~~~~~~~~~~
فاللحظة لي كتكون حاس بالخطر ضاير بيك عقلك كيتبلوكا مكاتبقاش عارف شنو دير .. كاع لي دايز من حداهم كيوقف يشوفيهم ويسول مع راسو مال هاد جوج بنات كيجريو .. كيجريو بلي عطاهم الله مم جهد معارفينش فين غادي بيهم رجليهم حبسو عند واحد الزنقة كيرضو الانفاس ديالهم ..
حياة ( قلبها غايسكت ) شكون هادو ؟
عنبر ( الكلام كيتقطع منها ) د دخل عليا الحمام قالك باغي البروش
حياة : واش البروش لي عطاك بدر ؟
عنبر ( هزهزات براسها وكطل ) أه هو ماعرفتش شكون هدا .. ولكن قاليا الى ماعطيتوش ليه يوقع ليا لي وقع لبراهيم .. على ماقال بلي براهيم مات ماعرفتش يمكن قت**لوه
حياة ( ضربات حناكها ) اويلي اويلي على قت**لوه ( غرغرو عينيها ) اويلي واش مغاديش نتهناو حنايا عطيهم اختي البروش مالنا حنا عليها
عنبر : واش يحسابليك الى عطيتو ليهم ايقولو ليا باي باي ازين .. سوا عطيتو ولالا ضروري يفوتو فينا شي ضربة
حياة : وشنو غانديرو ؟
عنبر ( كتفهمها بشوية ) شوفي المحطة راه قريبة لهما غانجريو على حر جهدنا نوصلو ليها الكار لي خارج نركبو فيه ..
حياة : علاش منعلموش شي واحد ؟
عنبر : شكون غانعلمو وحنا حتى واحد ماسايق ليا الخبار عندي هاد البروش واش انتي هبيلة ، بغيتي يهجمو عليهم حنا بعدا خفافات اصاحبتي نقصدو شي قنت بينما غبر ليهم الاثر ونشوفو شنو نديرو فهاد الويل لي معانا ..
حياة : صافي واخا لي درتي
عنبر : يلاه .. عاودو عطاو رجليهم لريح ، كانو تابعينهم حتى دخلو لزنقة كانت طوموبيل وحدة او وحدة ديال الروطال .. وصل عندو طارق خلا طوموبيلتو وركب معاه ..
طارق : فين هوما ؟
الروطال ( مكسيري ) انا مبانوش ليا لي بان ليا هي. طوموبيل لي قدام كانت مكسيريا
طارق : خاصنا نعلمو البوليس اصاحبي
الروطال : عيط على عماد علمو .. هز طارق تيليفون مسوني للعماد علمو ، طوموبيل طالياني لي كانت وحدة رجعو 3 غاديين فنفس المسار هوما شادين الشانطي وعنبر وحياة شاد الزناقي ، الطوموبيل لولا لي فيها ليد ليمنى لطالياني كانت غافلة على طوموبيلت الروطال ، بانت ليه عنبر وحياة لي قطعو شانطي لاخور ..
.... : راهوما راهوما عفط ( بالغوات ) عفااااط
طارق : راهوما راهوما عفط افاروق عفط .. كسيرا الروطال فايت طوموبيلات لوخرين كيكلاكسوني كيطلب الله مايشعلش الضو الأحمر فاللحظة لي حاضي مابقاتش بانت ليه عنبر صعر ومابقاش حاس على راسو سايݣ بجهالة ..
فجهة أخرى مزال كيجريو ضارت بانو ليها تابعينها وحدين كانو فشانطي لاخر وطوموبيل خرى من شانطي خور .. دورات راسها بان ليها واحد تريبورتور وقفات عليه كتلهت ..
عنبر : خويا عفاك وصلنا للمحطة مشا علينا الحال عفاك أخويا ..
.... : واخا أختي طلعو ، طلعات هي لولة عطات يدها للحياة طلعات بانت ليها واحد المانطة وريحة ديال الخضرة ، هزاتها وتغطاو بيها ، خرج من الزنقة مكسيري كيزعزع فيهم ..
خرج الكار من المحطة جهة السرجم كانت مضرقاه برواق مازولاتو حتى شد الكار الطريق عاد تنفسات ورتاحت ..
حياة : واش غانمشيو لمراكش فمرة وحدة ؟
عنبر ( شافت فيها ) ألا انباتو غير هاد الليلة غير بينما جليناهم ونرجعو بحالنا .. الى مشينا عندي ايتبعونا والى مشينا لدار هكاك ولي تيرا فبراهيم ساهل يتيري فأيتها واحد وبدم بارد ..
حياة ( كتدورها فراسها ) بصح ، ولكن واش عندك باش غانشدو لوطيل بعدا ؟
عنبر ( هزهزات راسها ) عندي كارت ݣيشي ولكن عاطيها ليا فاروق مابغيتش نجبد منها ( بالهمس ) غير نوصلو نشوف شي دهيبي نبيع سلسلتي نشدو لوطيل هاد الليلة وغدا إن شاء الله نرجعو .. هوما هاد الليلة ايبقاو عاسين على ديوراتنا منين غايشوفونا ماجيناش غادي يخويو سيكتور فهمتي
حياة ( تنهدات ) مي غاتشوش عليا خاصني نسوني عليهم نقوليهم بلعاني راني بايتة عندك
عنبر : صافي هكاك مزيان
حياة ( كتشوفيها شوفة طويلة حتى لاحت عليها سؤال جا لبالها ) علاش زعمة ماسونيتيش على فاروق ؟ خايفة عليه توقع ليه شيحاجة ياك ( شافت فيها عنبر بإستغراب ماتوقعاتش منها هاد سؤال بقات مدة وهي ساكتة ) وجاوبي خايفة عليه وليتي كتبغيه ياك غير ݣري العفريتة ؟!
عنبر ( بطرف عينها شافت فيها ) واش الخلعة خلاتك دخلي وتخرجي فالهضرة .. أشمن بغو الله يهديك
حياة : ايوا علاش ماسونيتيش عليه يعاونا ؟ولا على عماد ؟
عنبر : عماد براكة عليه غير لي وقع ومو لي تصدم فيها وتشدات .. الجلسة ديالها قربات وقربات تحكم وعاد عندو شي ندوة فدار الشباب ندوة كبيرة كيقدمو النصائح لشباب وللجيل الطالع نزيدو انا بهمي ماحيلتو لهادي ماحيلتو لديك مابقيتش بغيت نعكز على شي حد أحياة صوالحي نحلهم راسي ( تنهدات ) اما فاروق عندو واحد لافير خدام عليها .. لوطيل لي عندو فطنجة لي داخل ليه شريك هو وديك الخليجية يمكن غايتحل الفرع ديالو فدبي ( بلعات ريقها فاش تفكرات بلي كان قاليها راه غادي تجي للمغرب واحد يوماين على قبل الفرع جديد .. خرج هادشي من بالها فاللحظة ماعجبهاش الحال فكرة أنهم غايكونو بزوج دابا ماعجباتهاش هي فالكار هاربة وهو يمكن غايكون خدام مع عبلة خلاتها دوز لسانها على فمها وتعض شفتها بعصبية )..
حياة : واش ديك الفنة لي وريتي ليا .. قلتي ليا بانت ليك بلي عينيها فيه ، وانت باركة عليه طلقني هزك الما وضربك ضو
عنبر : علاش ( شافت فيها )
حياة ( هزات كتافها ) أنت وݣالسة عليه طلقني ونافخة عليه ريشك .. وهو الى جينا ندويو بصراحة ومتقلقيش راه مامنحقوش يقولك الحقيقة حيت لي منعاتو هي خالتي فاطنة وعماد.. هوما أه كاملين غلطو ولكن مقارنة بخالتي وعماد راه غلطو كثر وكونماشي محبتهم ليك وخوفهم عليك راه كانو غايقولو ليك لي كاين نهار الأول .. وعرفتي شكون غالط وخاصو يتحاسب هوما مي او والديك لي رباوك الله يرحمهم واخا مي هاديك ولكن مدارت فيها مايصلاح ..
عنبر : كتدوي بحال الى هادشي ساهل احياة .. هادوك الوالدين كانو هوما كولشي فحياتي عرفتي تعرفي بلي باك شافرك لمك لي ولداتك داك سيد ظريف راه خايبة حتى لمعاودة .. وأنا عارفة بلي عايلتي خباو عليا حيت كيبغيوني راه عاشرتهم وعرفت معدنهم ولكن حتى أنا بشار واش بغيتي نوض نزغرت ونفرح ونغوت ..
حياة : واش انا قلت ليك زغرتي عطي راحة راسك شي أيام وديك ساعة قرري شنو باغة ديري
عنبر ( تنهدات ) انا دابا ماشي فحريرتهم .. انا دابا فحريرتي
حياة : حتى فاروق الى ساق لخبار بلي خبيتي عليه قضية البروش مايعجبوش الحال .. يقولك مخبية سوڤونير دبدر
عنبر : الالة هذا راه ماشي سلسلة دنقرة جايبها ليا ومخلياها عندي هدا بروش .. كل حجرة فيه مكتشبه لختها وعلم الله شحال ساوي هاد البروش هو ثمن ديال الغدر وديال الكذوب وديال اللوحة لي لاحوني ضارهم ومنين تابعيني هاد خوتنا عليه عرفيه راه ساوي لملاير ، كون كنت عارفة هاد نوع تعطيه ليه ويدرق زلافتو راه هانية ولكن هاد نوع مايفاريها معاك حتى يسيل دم .. خاصك كالة صحيحة لي تفاصل بينك وبينو بلا ضرر ..
حياة : نسوني لمي ( حلات ساكها هزات تيليفونها لقاتو غايطرطق بليزابيل ديال طارق شافت فعنبر ) طارق مسوني عليا
عنبر : متجاوبيش حست تعطلتي على الخدمة داكشي باش سيفطي ليه ميساج قولو انا مريضة مغانجيش .. سوني لرشيدة علميها وطفي تيليفون ..
حياة داكشي لي دارت بالحرف سونات على مها ومن بعد سيفطات ميساج للطارق علماتو بلي مريضة ومغانقدش تجي ومن بعد اتجيب ليه شهادة طبية فيها 3 يام وطفات تيليفون ..
عنبر هزات تيليفونها ناوية تحلو ولكن رجعات على قرارها ورجعاتو لساكها ..
فجهة أخرى .. كازا قلبوها سفاها على علاها وتقول واش بان ليها الأثر داخ خصوصا منين وصل لطارق ميساج من عند حياة كتكذب وتقول بلي مريضة حس بشيحاجة تما ..
الروطال ( سايݣ عقلو مامعاهش شحال من مرة كيبغي يخرج فشي حد حتى كيوعيه طارق ) شي بلا تم اصاحبي لاش تكدب لاش متجيش لطريق علاش ماݣتلكش ش واقع !!
طارق : برب مافهمت شيحاجة ، عندها فرصة تعاود تݣول تابعينا ذي وحدين لاش كادبة .. شي بلان ماهواش أصاحبي ( شافيه) مايكونش داك الكيدار هو مولاها ؟
الروطال ( تعصب ) ماعرفتش لجد بوه ، حتى خوتنا طارو فسما سوني للعماد سوني ليه سولو ( سونا طارق للعماد )
طارق : امضرا ؟
عماد : لارض تشقات وبلعاتهم مكاينش ليهم الحس ، علمت كاع امراكز او والو مكاين حتى خبار .. انا غادي للدار رحمون
الروطال ( نقز ملهوف كيغوت ) عطيني لادريس أعماد
عماد : فاروق
الروطال ( قاطعو بجهالة ) عطيني لاضريس دابا ماتصعرش ملتي .. مرتي مرتي هاديك ابنادم مغانبقاش داوي بزاف ..
عماد ( ملا عليه لادريس ) فاروق ( قطع عليه ماخلاهش يكمل ) .. دور الطوموبيل مكسيري طاير كل مرة داخل من شارع متجاوز كاع الزحام باش يوصل دغية .. بلاصة طوموبيل ونزل كيجري تابعو طارق فنفس اللحظة وصل عماد .. وقف الروطال قبالت الباب كيخطبو بجهد بغا يكلعو حلات بنت فثلاثين الباب شعرها فالقهوي متموج ضرب فيها ودخل تابعاه كتعيط بالإنجليزية .. تبعو عماد وطارق ..
الروطال (وصل لوسط الڤيلا كيعيط بالغوات ) فينك الشماتة بان عندي ال**** ، نزلات نادية لابسة البيض جلابة وشال مغطي نص فشعرها ..
نادية : اش كاين ياك لاباس
عماد : فين ولدك ؟
نادية : أش بغيتي ولدي ( طلعاتو ونزلاتو ) أنت هو داك البوليسي رتاحيتي قتلت*ولي راجل ودابا بغيتو ولدي .. خرجو عطيوني تيساع ( الروطال مداهاش فيها خلاها داوية وطلع كيجري وهي تابعاه معاهم بنتها ) أجي انت لهنا والله حتى نربيوكم تفرقو على ولدي باغيين تق*تلوه لي حتى هو ..
- عماد من اللور وطارق حتى هو .. الروطال كيحل باب باب .. حتى دخل لاخر بيت حل بابو كيبان ليه مجبد فوق نموسية وجهو كولو خاسر يدو مديور ليها الݣبص .. تلاح عليه الروطال كشاكشو خارجين متجاهل الحالة لي فيها ..
الروطال ( شادو من عنق تيشورت من تحت سنانو جاعر ) فين مرتي ؟
بدر ( شافيه ببرود وحصرة وضعف كيخرج الهضرة غير بزز ) والله ما أنا
عماد ( كيحاول يفرق ) فاروق تكالما اصاحبي شوف احالتو تعطيك الخبار
الروطال ( مغزف) يموت كاع وانا مالي فين مرتي ، أقسم لك برب العزة وديني ومأعبد تقاس زغبة رقيقة منها ندفنك حي نخلي غير راسك ونجيب الناس يتيريو عليك حتى تموت موتة ديال جيفة ..
نادية ( كتحيد ليه يدو ) ولدي عاد خرج من لاكلينيك اليوم بعد لهيه .. سير قلب على مرتك فشي جايحة كولشي بسبابها هي ، هي لي دخلات راجلي للحبس هي لي خلات ولدي فهاد الحالة
بدر ( شاف فمو ) عنبر مدارت والو
الروطال ( جمع ليه فمو حتى تقصح ) هاد الفم الخانز مايدكرش سمية مرتي
بدر ( متجاهل كلامو ) أنا لي هزيت ليك البروش حيت ماقبلتيهاش تكون عروستك .. مافخباريش بلي هزيت البروش ديال كارلو وعطيتو ليها
طارق ( شاف فروطال ) أش كيݣول هاد الخ** ( شافيه ) تا أش كتݣول البعر دوي مݣاد أبنادم أشمن بروش وأشمن طنز العكري
بدر ( بلع ريقو كيحاول يشرح وهو مقصح رجليه خاصو 3 العمليات عاد يقد سوقف عليهم داتو كلها مشخشخة كيحس براسو جسد بلا روح ) فاش تزوجت بعنبر ماما كان عندها بروش ورتاتو على عائلتها كانت كالت اتعطيه للمرة لي انتزوج بيها
الروطال : واش اتعاود ليا قصتك حياتك قصة الناس أنا دخل فالمفيد ..
ختو : بشوية عليه مكاتشوفيهش كيف معطوب ؟
الروطال ( شافيها ) مكندويش مع العيالات ( شاف فبدر ) دوي انت
بدر : ماما مابغاتش تعطيه ليا نعطيه لعنبر حيت عمرها تقبلاتها .. وقبل منطلق عنبر خديت داك البروش عطيتو للعنبر وكنت قلت ليها راه غالي حيت كنت عارف راسي انطلقها قلت باش تبيعو تعيش منو ..
عماد : ومن بعد طلقنا أصاحبي أنباتو هنا
بدر : ماكنتش عارف بلي البروش فيه جوج ديال النسخ الأصلي منبت بالأحجار الحر لي كل حجرة فيه كتساوي الملاين ودياموند .. فيه 4 الحجرات حرين وقلال فالبلاد تنزانيت الأزرق والكساندريت وزمرد الأخضر والياقوت الأزرق وعاد 20 دياموندة وكل دياموندة كيوصل ليل وكتلون كل لون فشكل ..
طارق ( بقا غير كيسمع مصدوم ) كمل
بدر ( عيا وكيحس بالوجع فداتو ) والبروش الثاني قيمتو غالية ولكن فيه أحجار كريمة عادية .. ( كيحاول يهضر بصعوبة ) الواليد كان عندو أفير مع كارلو .. والبروش الأصلي كان أمانة عند الواليد أيجي وقت وغايرجع لبروش لمولاه أنا مكنعرف فالخدمة ديالهم .. ولكن هاد كارلو معروف بتجارة فدياموند المهرب وهاد البروش مهم عندو بزاف انا ماكنتش عارف داكشي باش غلط وعطيت للعنبر البروش الأصلي ومنين ساقو لبابا الخبار بلي تشد بغاوه وفاش لقاو غير العادي هوما لي ( تنهد ) ق**تلوه
عماد : وكيفاش هاد البروش كيشبه لبروش دمك ؟
بدر ( شافيه بعياء ) حيت الواليد لي قتارح عليهم داك الدايموند لي هربوه هو ودوك الأحجار يتبتو بيه بروش يكون كيشبه للبروش دالواليدة باش منين يخبيه عندو متدي هي متجيب ( مو كتسمع ومصدومة مكانتش عارفة بهاد القصة نهائيا كانت كتقول بلي راجلها مكيخبي عليها والو صدق مخبي بزاف ديال الحوايج عليها )
الروطال ( جعر ) ودابا مرتي هربانة من رعاوين خدمتهم مع باك .. ( تقدم لعندو جارو عماد )
عماد : صافي خليه افاروق ، عندنا مايدار حنا ماشي فيه هو ( شاف فبدر ) عارف هاد خونا لي تابعها شكون ؟
بدر : شفت وجهو هوما لي دݣوني هاد الدݣة على ود البروش ، باش نݣوليهم عندمن سميتو ماكسيم بارتوشتي ي*ه**و*د*ي مغربي ( عطاهم مواصفاتو)..
الروطال : انت لي ݣلتي ليه عندمن كاين البروش صدقتي رعواني وماشي راجل يالمراوي( غادي ليه شدوه عماد وطارق )
طارق : خلي بوه لي فيه كافيه حنا ماشي فيه اصاحبي دوز ( خرجوه غير بزز من تم رجع طارق بوربة عندو جمع دفلة فمو لاحها ليه على وجهو ) عندك الزهر شاداك هاد نموسية ومكنحݣروش على بنادم مع مو اما تشوف معايا لاخر ( خرج خلاه منزل راسو مغمض عينيه مضرور فكاع داتو) ..
- خرجو من تم معصبين ب 3 بيهم خصوصا الروطال ماتسرطاتش ليه تخبي عليه هادشي ..
الروطال : السيدة خازنة بروش غايغرقها وضاربة الطم وضاربة لينا حنا الطر .. تالفين كانت غاتݣولها ..
عماد : يمكن مجابتهاش الوقت باش تعلم ، يمكن بغات حتى تفوت المعماعة ديال هادشي لي كان وقع وتبينو الله أعلم شنو عندها
الروطال : الضسارة هاديك ، الحساب ماشي دابا الحساب من بعد خاصها غير تبان ويفوت هاد تلاوي وغاتكون هضرة خرى
طارق : تكايس أصاحبي بالمهل
الروطال : مكاين لا مهل لا ***** غايكون دوبل فاص ، كترت ضسارة كتولد الخسارة ( خنزر فيه طارق ) ماشي غير ختك غادخل ليا بين جلدة والعظم هاديك مرتي دمتي ماشغول حتى حد لا فيا لا فيها .. أباش نكونو مفاهمين أبا طارق
عماد : واش حنا دابا فختك ولا فمرتك .. حنا فالبنات فين هوما البشار تريكة فيها شركة ديال الحماق أقسم بالله ( خلاهم عطاهم بظهر ومشا)
طارق ( تبعو) فين غادي؟
عماد : نشوف شكون هاد ماكسيم بارتوشتي ولا ماعرفت لجدو ..
وصلو لمراكش .. شادة فيد عنبر غاديين كيتمشاو معارفين فين يعطيو الراس قبل مايقطعو الشانطي باش يشدو طاكسي وقفات عنبر وشافت فحياة ..
عنبر : حياة هاد الحريرة حريرتي بوحدي ، بالخلعة ولي وقع ليا ماعرفتش كيفاش جريتك معايا .. هانتي نعطيك فلوس التران ورجعي بحالك ..
حياة : والله منتحرك من هنا واش انت حمقة نجي حتى اليوم ونخليك رجلي برجلك ..
عنبر : انا مابغيتش ليك تكرفيص ، انا حريرتي نحلها بوحدي ماعرفتش فين كان عقلي فاش جريتك
حياة : واش انا بنت صغيرة ، واخا تجري عليا كنت غانتبعك والله لا خليتك ويلاه دوزي أختي راه هلكني جوع ..
- قطعو الشانطي للجهة لوخرا ، شيرات عنبر لطاكسي وقف ليها طلعو سولاتو على بلاصة الدهيبية وصلهم حتى لفين بغاو ومشا .. توجهو لعند أول دهيبي وقبل مادخل لعندو زولات السلسلة من عنقها بقات كتشوفيها ودخلو للعندو .. عطاها فالأول 3000 درهم ومابغاتش بقات معاه حتى عطاها 4200 حيت ماعندهاش الروسي ديالها شداتها وخرجو..
عنبر : ناكلو هو لول ونشدو لوطيل
حياة : واخا .. داكشي لي كان توجهو لواحد السناك شدو الدجاج مشوي كلاو كان هالكهم الجوع عاد سولات عنبر مول السناك على شي أوطيل وراها واحد كان أقريب تماك .. خلاصاتو وخرجو من تم فتجاه الأوطيل ..
- عطاوك ليكارت ديالهم خداو شومبر وحدة طلعو ليها الأوطيل كان نقي وزوين ماشي شي واحد كبير على قد جيبهم ..
حياة : بقات فيا اديك سلسلة لي بعتي اصاحبتي كاعما تستاهل كون عدينا ابلي كاين ياك غير ليلة وحدة ..
عنبر : واخا ليلة وحدة غايخصوني نيت الفلوس ايخصنا المركوب والماكلة هاحنا تغدينا وايخص نتعشاو ، ماشي مشكيل يخلفها الله كاين غيرها فدار ..
حياة ( تكات ) عييت والله العظيم
عنبر : حتى أنا عييت والله بغيت انحط راسي ونرتاح ، حطات ساكها حيدات سبرديلتها وتكات عي وحياة حتى داهم النعاس بزوج ..
- ماضرباتهم الفيقة حتى للمغرب .. فاقو دايخات غسلو وجاهم وݣلسو كيشوفو فبعضياتهم
عنبر : نخرجو شوية ومنها نتعشاو نيت
حياة : واخا حتى انا كانت شهوتي نشوف مراكش .. قادو حوايجهم عنبر قادات زيفها ، وخرجو مع بعضياتهم ضربو دويرة نزلو لساحة جامع الفنا ضربو فيها دويرة تعشاو ورجعو بحالهم .. بقاو مدة كيتفرجو حتى نعسو على أساس للغد ليه يرجعو للكازا ..
دازت ليلة هانية على الناس لي مافخبارهم مايتعاود .. وليلة كحلة على الروطال لي عيا بتقلاب ماقدش ينعس ماقدش يمشي لدارو ولا يشوفها خاوية بلا بيها مامرتاحش كيحس براسو انورمال وهي مكايناش .. مشا مع طارق لدارو يبات معاه باش للغد يكملو تقلاب يلاه بدات عينو كتغمض سونا ليه عماد ..
الروطال ( بعياء) أش تم ؟
عماد : لݣيت ديزانفوغماسيو على داك ماكسيم .. تزاد هنا فالمغرب ولكن خواها فالعشرينات مستقل فطاليان .. هادشي لي وصلني بغيت نزيد نقلب ولكن هاد كارلو خاصني سميتو وكنيتو كلها ..
الروطال : هي مكاين شاي ، هاد الوقت حنا لي جامعين يدينا علم الله واش تبعوهم واش وقعات ليهم شي حاجة هاد الݣلسة ديالي معصباني ..
عماد : وشنو غادير أخويا كيما حنا مالݣيناهمش حتى هوما مغايكونوش لݣاوهم .. أنتوما كنتو تابعينهم مامفواتينش بزاف ..
الروطال : اوووف صافي أعماد قطع ( قطع مع عماد شاد على راسو كيخمم عيا وتفكيرو عيا رجع راسو اللور جابد تيليفونو .. مشا لتصاورها مصورة بزاف تصاور وشي وحدين معاه فإفران معنقها .. كبر التصويرة كيشوف فيها حس بشيحاجة فقلبو كتاكلو ..
طارق ( خرج من بيتو كلس حداه) مزال منعستي؟
الروطال ( شافيه ) أش بان لك ؟
طارق : رتاح غدا نوضو بكري نكملو تقلاب ..
الروطال ( بحال الى تفكر شيحاجة) مايكونوش دازو لشي قنت ، مايكونوش مشاو لبلادهم ( وقف ) طاكسيات المحطة دالكيران
طارق : اتمشي دابا ؟
الروطال : بغيتي تݣلس شغلك هداك .. هز سوارتو وتيليفون
طارق : صبر انا جاي .. هز قبيتو وخرج معاه ، متغاضى على انو الوقت معطل ومغايكون حد جهة طاكسيات .. عقلو غايب مكايفكرش توجهو للطاكسيات مكان حتى واحد الدنيا ساقلة ، عاد شدو الطريق للمحطة دخلو كيسولو .
الروطال : عشيري نسولك الله يحفظك ( جا عندو واحد ) هاد البنت واش شتيها هنا فالمحطة ؟
.... : لا أخويا ماشتهاش ، كيشتي دابا راه كيدخلو كيران وكيخرجو كيران ولكن هانت ديك 8 دصباح غايدخلو الكيران لي خرجو اليوم ( هز واحد المدكرة وبدا كيعيط ) مروان مروان ( جا عندو واحد شاف فروطال ) اجي بعدا أشمن وقت جات للمحطة ؟
الروطال ( مابغاش يدخل معاه فتفاصيل ديال انو غير شاكين فيهم جاو للمحطة ) مع ديج 2 هكاك
.... ( شاف فدري لي معاه ) شكون لي كان خارج فداك الوقت ؟
مروان ( جبد مدكرة من جيبو كيقرا فيها ) كان إسماعيلية خرج مع 4 بلات نتأكد ( بقا كيتأكد ) 3 كان خارج صحراء ڤواياج فيه منعم
... : معاش غايدخل صباح ؟
مروان : 11:30 أيكون هنا
الروطال : فين كيدي ؟
.... : وهو كيدير كازا مراكش تزنيت كلميم ، دري ايجي غدا مع 11:30 جي سولو حيت مجاتش تسيفط ليه التصويرة وكدا راك عارف
الروطال : عارف أعشيري الله يحفظك .. غدا غانكون هنا إن شاء الله
.... : مرحبا اخويا إلى جيتي سول على الضو يجيبوك عندي نوقف مع خويا
الروطال : الله يحفظك ( دار تيليفون فجيبو وحيدو من تم هو وطارق راجعين للطوموبيل ) ..
وهوما راجعين لدار .. سونا عليه راشد مجاوبوش سونا على طارق جاوبو بقا مدة داوي معاه حتى قطع ..
طارق : عبلة دوات مع راشد كتشكى ليه
الروطال ( بعصبية ) تعاود لمخها تفرع ليا راسي انا مسالي ليها
طارق : ولكن بيناتكم خدمة .. الإجتماع ديال اليوم سمحتي فيه خليتيها مشوجرة تما السيدة مارضاتش وماعجبهاش الحال
الروطال : تعاود لجهة ضراها وإلى ماݣداتهاش تعاودها لشي جهة خرى طارق لي فيا كافيني دابا الله يرحم جدك ݣلب عليا ..
من بعد كلام الروطال مابقاش دوا معاه طارق ، رجعو لدار تلاح كل واحد ففوتوي وكانت هاديك هي نعستهم بالعيا ..
~~~~~~~
فاقت من النعاس مدݣدݣة ليلة كانت طويلة عندها ، شافت فساعة لي كانت معلقة فالحيط كانت 12 ، ململات حياة فيقاتها فاقو بزوج قداو حاجتهم نزلو لتحت حطو سوارت ديالهم وخرجو باش يفطرو ..
فجهة اخرى فالمحطة ديال ولاد زيان وصلات طوموبيلتو مزال بنفس اللبسة ، توجه كيسول على الضو وطارق معاه خرج عندهم ومعاه واحد السمر ..
الضو : هاهو اخويا السيد سولو
الروطال ( وراه الصورة ) خويا الله يحفظك هاد السيدة ركبات معاك ؟
.... ( خدا التيليفون كيشوفيها شاف فروطال ونطق ) اه لبارح هي او واحد البنت معاها كانو زربانات جاو فاش الكار غايخرج
الروطال ( بإنفعال ) لفين ؟
.... : لمراكش تم فين حطيتهم .. ولكن راه شي ساعة دالمݣانة دابا باش جاو شي وحدين سولوني وراوني هاد تصويرة نيت
الروطال ( بزربة) الله يحفظك ، مشا كيجري هو وطارق ركبو فطوموبيل وديماراو مكسيرييين عالمين عماد فتيليفون
طارق : ولاد الك... كيفاش جاو قبل خونا كالينا سيد ايكون مع 11.30
الروطال : صحاب الكيران مرة داخلين بكري مرة روطار ، زاد فسرعة مكسيري عينو غير يوصل فالوقت ومايكونش تعطل ومتوقع ليهم والو ..
مراكش
- خارجين من القهوة لي فطرو فيها شادين فبعضياتهم كيدويو ، قطعو الشانطي الشمس حارة والحرارة كانت شي 40 هكاك شدو طاكسي للمحطة وصلو خلصات عنبر مول طاكسي ..
حياة : ياختي الموت واكواك الحق كون غير مشينا لاݣار حسن من الكار
عنبر ( بقات كتفكر ) صافي واخا .. توجهو من المحطة ديال الكيران لعند واحد السيد سولوه على لاݣار وراه ليهم كانت تم مسافة شانطي واحد غاديين .. غافلين على طوموبيل لي خلاو قدام المحطة دالكيران لي متحركاتش ، دخلو لاݣار مع دخلة حبسو رجلين لي يتمشاو مابقاوش عندهم ، كتشوفيه جاي داير يديه وراه لابس الكحل وطربوش ضايرفوق راسو وكيشوفيها بإبتسامة ..
ماكسيم : شحال جهدك دوختينا ضاسرة مع راسك كطيري حسن عوان راجلك .. وعينك كبيرة
عنبر : والله وماتعطيني تيساع حتى نحمع عليك امة لا إله إلا الله
ماكسيم : ماتقديش أزوينة ( ضحك وقف قبالتها وهي شادة فحياة مخرجة فيه عينيه كتشوفيه كيقرب وهي كترجع بخطوة لور) الصراحة فلول كان عينيا غير فالأمانة لي عندك ولكن بيني وبينك ( غمزها ) شحال هادي كنقلب على شي وحدة بحالك تكون ديالي كتغامر مكاتخافش قاصحة ( كيفكر ) أم نسيت راك مزوجة ولكن هانية راجلك نݣدو نكركبوه ڤيديو خفيف ليا وليك هاهو مشا شنو بان ليك أزين ؟
عنبر ( شافت وراها كتبلع ريقها بانت ليها طوموبيل كحلة واقفة دورات راسها كيبان ليها بوليسي ومخزني جايين بصوت مرتافع ) اسيدي اسيدي .. جا البوليسي والمخزني قاصدينهم ..
.... : أش تم ؟
عنبر : بغينا الحمام عفاك
.... : اجي معايا ( ماكسيم ماقدش يدوي بقا كيشوفيها وكيتبسم بحال الى كيقوليها ماعندك فين تمشي أنا هنا الى قديتي تهربي غير ديريها .. مشات هي وحياة مع البوليسي والمخزني وهي توقف البوليسي
عنبر : سيدي هداك السيد لي كان واقف راه مع العصابة وتابعنا انا وبنت خالتي والى ماتيقتينيش نقد نعطيك نمرة المفتش عماد حيدر فكازا وتأكد ، راه انا غير بلعاني قلت ليك على طواليط هو راه تابعنا من كازا
.... ( غوبش ) وعلاش تابعكم ؟
عنبر : ماعرفتش يمكن كيخطفو البنات .. تقد تسوني ( هز راسو بان ليه ماكسيم غبر )
.... ( أشر للمخزني لي معاه ) خليكم هنا ، مشا هو والمخزني وقفو على ماكسيم كيدويو معاه فهاد اللحظة ستاغلات الفرصة هي وحياة خارجين من الباب لاخر ، غير وصلو لبرا طلقو رجليهم لريح ..
.... : عفط عفط راهم هاربين ، فنفس اللحظة لي تحركات الطوموبيل ديال رجالو وصلات ديال الروطال خارج كيدوي مع طارق
طارق : ماعرفتش شنو كنديرو أصاحبي هنا الى هربو ايكونو فشي أوطيل
الروطال : سولنا المحطة مشافهم حد نشوفو لاݣار اصاحبي متعرف وديك ساع نعفطو للمدينة نسولو فكاع لوطيلات الرخاص ( وقف الروطال كيشوف حركة فلاݣار فشكل البوليس كيقلبو توجه بدون مقدمات عند واحد فيهم ) الله يخليك اسيدي نسولك ( ماخلاش ليه الوقت لي يقولو لا ولا مامساليش ) كنقلب على واحد جوج بنات توضرو لينا وكنقلبو عليهم ݣالو لينا كاينين فمراكش
.... : عندك تصويرة ( جبد ليه الروطال تصويرة شافها وشافيه مخنزر ) وشكون انت ؟
الروطال : انا راجل هاد السيدة وهدا خوها
.... : عطيني سميتك ( كيتأكد )
الروطال : فاروق حيدر وهدا طارق حيدر
.... : خوك هو ضابط عماد حيدر ، هاد البنات عاد كانو هنا وشي واحد تابعهم على مݣالو هوما بلي شي حد فشي عصابة
الروطال ( تزاد معاه الزايد ) أياه اسيدي عماد خويا وداكشي لي ݣالو بصح .. وفين مشاو واش معاكم ؟
.... : لي كان تابعهم هرب ، وحتى هوما غبر ليهم الأثر خليتهم حدا الحمام ولكن راه مكاينينش خاصنا معلومات ضرورية باش نتحركو
الروطال ( شاف فطارق ) بقا معاهم عطيهم لي خاصهم خاصني نمشي نقلب عليهم ( خلا طارق معاه وتوجه لجهة الحمامات قلب لاݣار سفاها على علاها أخرتها خرج لطوموبيلتو ركب فيها وديمارا مخلي طارق كيعطي المعلومات لي عندو للبوليس ..
بعض المرات الانسان كيفكر بغباء العقل مكايبقاش حاضر كيبان ليك غير تهرب وترتاح .. مكتعيقش بلي هادشي لي كدير فيه مغايديك فين .. هاربات بلا عقل طالقين رجليهم للريح معارفين فين بانت ليهم غير واحد الپيكوپ طلعو ليها وتخباو ، فنفس اللحظة لي كانت طوموبيل تابعاهم طلع الراجل لبيكوپ ديمارا وشد الطريق .. مادواوش كيشوفو فبعضياتهم ساكتين كيشوفو فراسهم كيتحرك بقاو جامدات فبلاصتهم ..
× فمحل العطور ×
خدامة مرة مرة كتسوني على حياة مكتجاوبهاش .. الليل كلو كتسيفط ليها فالواتساب او والو حتى عنبر مكتجاوبش تيليفونها طافي .. حمزة كان خدام مع واحد الكليانة حتى دخل راشد شاف لجهتها كان باين فيها مشوشة ، سلم عليه حمزة اما هي شافت فيه وحدرات راسها ..
- ݣلس فالكونطوار ورا البيرو لي فوق منو پيسي عين على البيسي وعين معاها .. تحل الباب ودخلات عبلة جامعة شعرها للفوق لابسة كسوة صيفية زولات نظاراتها الشمسية وتوجهات بإبتسامة لعند راشد ..
راشد : عبلة ( وقف بإستغراب) أش جابك ؟
عبلة ( بإبتسامة كان باين فيها فرحانة ) مافي مرحبا مافي إستقبال راشد مو عوايدك حبيبي( ليالي كتشوفيها طالقة ودنيها )
راشد : عندي العرام دالخدمة ، تلاݣينا البارح
عبلة : رفيݣاك مابين عندك أخبار عليه ؟
راشد : داكشي لي فخبارك هو لي فخباري ولي ݣلتو ليك
عبلة ( ضربات بشعرها بإبتسامة ) انا عندي الجديد ، في عصفورة وشوشتلي وݣالتلي إنو بين فاروق وزوجتو مشاكل
راشد ( ببرود ) ومن بعد انا شغلي وأنتي شغلك
عبلة ( الحوار بالاماراتية ) شغلي اصلا من نهار الاول عرفت بلي ديك خيتي ماصلحاش ليه اسلوبها زنقوي .. ماعرفتش علاش فاروق تزوج بيها وشنو عجبو فيها حتى زواجهم جا فشكل ..
ليالي ( ماحساتش براسها حتى وقفات عليها ) وانتي شغلك دخلي سوق راسك اش حرق شطاطك أصلا .. ولا غرتي حيت مداهاش فيك
عبلة ( تصدمات منها ) وانتي مالك شكون انت ( شافت فراشد ) أش هاد الاشكال كتخدم عندك
ليالي : انا بزاف عليك وديك لي كدوي عليها لالاك بنت سيدك تعطيك بطرش وتزيدك
راشد : ليالي ( بصرامة ) رجعي لخدمتك
ليالي ( خنزرات فيه ) الى غاتخليها تبقا داوية ليا على ختي بالخايب مغانرجعش ، انوريها مقامها ونزل لمستواها ونطلع لمستوايا فهمتي ولالا ( شافت فعبلة ) الموسخة مو حجبان ..
راشد ( جر ليالي من يدها ) ليالي دويت معاك
ليالي ( نفضات يدها )مدويش على ختي هكاك الى ماقديتيش دافع وتوقفها عند حدها انا نوريها مقامها ..
راشد ( بلاما يحس شد ليها وجها مدوز يدو على شعرها ) تكالماي تكالماي ماديريش فبالك صافي ما وقع والو الله يرضي عليك( كانت كترعد بالأعصاب بين يديه ݣلسها مدوز على راسها ورجع عند عبلة ) سيري فحالك
عبلة ( بصدمة ) كتجري عليا انا اراشد فبلاصة ماتجري عليها هي كتجري عليا أنا
راشد ( بصرامة ) عبلة سيري فحالك ( بقات كتشوف مغزفة ضربات بطالونها وخرجات راكبة فطوموبيلتها معصبة هزات تيليفونها ..
عبلة : واخاااا ( توجهات للتصاور لونصات 3 فالأنستغرام حاجة عليها بيت شعري وتبسمات بخبث مع حطاتهم بارطاجاتهم ل 3 ديال ليكونط لي كانت هاد سيمانة كلها وهي كدوي مع زوج فيه وكتبقشش فواحد) الى مافرتكت ليكم الشمل وزدت غرقتكم منتسماش انا عبلة ..
هزو الراس كانو خرجو من المدينة وقفات البيكوب فواحد سطاسيون .. بلاصة البيكوب نزلات عنبر وحياة منها بلاما يشوفهم ..
حياة : علم الله فين حنا ؟
عنبر : والله ماعرفت ( كتشمشم ريحة الطواجن وشوا ) باينة شي محطة فين كيستارحو
حياة ( شافت فيها ) عنبر جاني الجوع اختي أصلا ماكليت والو فالفطور
عنبر ( كدور فجنابها ) واخا زيدي ناكلو ، ومنها نيت انشعل تيليفون غادي نسوني على فاروق يجي يدينا حسن لينا ..
حياة : قلتها ليك انتي راسك قاصح
عنبر ( بعياء ) محاساش براسي مزيان والله .. كنحس بمخي حابس معارفاش نفكر .. المهم زيدي ندمونديو ناكلو بعدا ونرتاحو نسوني لفاروق يلاه يشد الطريق لعندنا ..
- توجهو للقهوة لداخل .. حياة خدات طاجين اللهم وعنبر خدات كفتة ، دخلو لطواليط قضاو حاجتهم غسلو وجهو عاد توجهو لواحد الطبلة فالقنت ، بلاصاو الكيران وبداو الناس كينزلو كل واحد كيشد بلاصة وكيدوموندي ..
عنبر ( تنهدات تنهيدة طويلة ) داك ولد الحرام شنو يكونو دارو معاه البوليس زعمة مايكونوش شدوه ؟
حياة : والله ماعرفت لبوه انا دابا بغيت اناكل عييت بجري جري
عنبر ( بإبتسامة ) دابا ناكلو ونرجعو بحالنا ... جبدات التيليفون شعلاتو كانو بزاف ديال لي زابيل .. وميساجات ، طلع ليها ميساج من سمية لي خلاتها تستغرب دخل ليها الشك حسات بإحساس خايب بزاف ..
حياة : وسوني
عنبر : بلات .. ( الفضول قت**لها دخلات للانستغرام نيشان دخلات للميساج حسات بالما بارد تخوا عليها قلبها كيضرب وعينيها غرغرو بدموع دخلات للبوسط كتشوف فتصاور كانو تصاور ديال عبلة وهي مخشية فروطال .. وحدة حاطة راسها على كتفو او وحدة كتشوفيه بحب او وحدة هي وهو مقطعين كيك بحال الى كيحتافلو بشيحاجة تحت من تصاور مكتوب " لا عاد تسأل عيوني عن الدوق يكفي انها ساهمت في إختيارك ..
حياة ( كتشوفيها دموعها نازلين خلعاتها ) مالكي عنبر مالكي ياكما شي حد واقعة ليه شيحاجة مالكي ..
عنبر مجاوباتهاش دموعها نازلين دخلات لتعاليق كتقرا التعاليق وحدة بوحدة / الله عليكم تخبلون .. عبلة حبيبتي مبروك مسبقا .. / الله عليكم الله يحميكم من العين .. / عبلة حبيبتي ميتا نشوفك مخطوبة الله يحرسكم من العين .. مع كل تعليق كتزيد تبكي بحرقة حرقة لي ماحساتهاش فاش ساقت الخبار لوالديها ولا لغدر بدر بغات تغوت بغات تموت ألف مرة .. تم تم جاها ميساج من عندها دخلات ليه قراتو( الحوار بالخليجية) " شفتي أحسن حاجة درتي هي مشيتي بحالك وأحسن حاجة غاديري هي تخلي عليك فاروق دابا شفتي بعينيك معامن باغي يكون ديري شوية ديال النفس وطلبي الطلاق وماتخافيش غادي يتهلا فيك فالمتعة حيت تمتعتو بزوج نخليك دابا فاروق كيتسناني اه هاكي هادي نسيتها " رسلات ليها صورة أخرى هو سايݣ وهي حداه ودايرة سيلفي ..
حياة : وعنبر ( طيرات ليها التيليفون من يديها شافت فداكشي لي كانت كتشوف حطات يدها على فمها مصدومة ) أويلييييييييي على ولد الحرام
عنبر ( كتبكي كتنحط كاع لي فالقهوة كيشوفيها وكيتوشوش عليها كتنحط بغات تحماق شافت فحياة ونطقات ) انا خايبة واش انا خايبة لي ماعنديش زهر .. كان كيضحك عليا كيتفلا عليا أحياة بغيتو والله حتى بغيتو حليت ليه قلبي بديت معاه من الاول واش انا تزاديت فهاد الدنيا غير للعذاب والقهرة وتمارة وكل واحد كيزطم عليا عيييت ضحك عليا ضحك عليا وقالي مابيناتهم والو نهار جات للعندنا .. اش درت فحياتي عمري أديت شي واحد ولا ضريتو كنبغي الخير للكبير وصغير قلت ليه واش بيناتكم شيحاجة قالي الخدمة ونكر خلاني ضرقت وجهي وخدا راحتو شتيهم احياة شتيهم معاود ليها قاليها بلي مشيت بحالي معاود ليها كولشي أنحماق أحياة أنمووووووت ..
حياة ( قربات ليها عنقاتها كتبكي معاها بقات فيها وقطعات ليها قلبها ) صافي اختي والله مايستاهل حسبي الله ونعم الوكيل فيه ربي ياخود فيه الحق .. المؤمن مصاب ربي اختي كيمتاحن عبادو ..
عنبر ( دموعها ماحبسوش كتنخصص ) شحال قدي من بدر للفاروق .. فاروق حسيت معاه بحوايج عمري حسيتهم فحياتي بغيتو اختي بغيتو من قلبي حسيت معاه بكولشي كان واقف معايا كيخاف عليا واعدني وعاهدني عمرو يخوني ( كتنخصص) وانا لي قلت نرجعو ونبداو من جديد ..
حياة ( تنهدات ) كولشي بحال با سبحان الله العظيم .. كولشي مسقي بمغرفة وحدة ( حط ليهم السرباي الماكلة ) كولي ليك اشوية بعدا ماتبقايش هكا مسحي دموعك دوزتي ماكثر أختي بقا غير هادشي
عنبر : هادشي كثر ( شافت فيها ) فاروق بغيتو بغبتو اعباد الله بغيتو ( بنفي ) ماعندو منين يدوز انا ناكل المحنجر ماشي الماكلة .. خاني اعباد الله غدرني انموت أحياة أنموت ..
حياة ( وقفاتها ) رجوع لله دوزي غسلي وجهك أجي .. داتها لطواليط طلقات الما غسلات ليها وجها وداتها لواحد جريدة صغيرة تم خلاتها ورجعات لطبلة هزات ديك الكفتة وكاع اللحم دارتهم فديك 3 الخبزات ، مشات لعند السرباي طلبات منو قاغط وساشي عطاهم ليها .. دار فيهم داك الخبز ..
- عنبر واقفة عند واحد الشجرة ودموعها ناولين ودوك تصاور كيدوزو قدام عينيها .. كيدوزو دكرياتها معاه ولي دوزاتو ودموعها ماحبسوش حتى فيقاتها حياة من سهوتها عطاتها غير لسكات ورجعات مع حياة للطبلة شافت فحياة وسولاتها
فين تيليفوني ؟
حياة : خليتو هنا فوق الطبلة
عنبر ( كتقلب مالقاتوش ) اويلي تيليفون مكاينش أصاحبتي ( قلبو عليه الدنيا مكاينش )
حياة ( جاتها البكية ) تلفت خليتو هنا وديتك لطواليط ( سولو السرباي وناس لي تم والو مكاينش التيليفون تسرق القهوة عامرة شي داخل شي خارج ماعندهم مايديرو مايقدوش يقلبو الناس لي داه ايكون مشا بحالو ) واش فيه تصاور ياكما فيه تصاور ؟
عنبر : التصاور لي فيه مابقا عندي بيهم غراض ( هزهزات كتافها )بلاش مابقى عندي بيه غرض ، ماجا منو فير البلا ماعندي مندير بيه ( تبسمات ) كل مرة دنيا كطرشني طرشة جديدة تزاديت غير لتمرميد يلاه نمشيو
حياة : فين ؟
عنبر ( شافت فيها ) حياة ماحد الكيران هنا أختي رجعي للكازا أما أنا مكاين لاش مقاداش نحط رجل تم تحيد ليا قلبي من بلاصتو صافي لاش صالحة لوالو ، وأصلا دوك المساخط تابعيني أنا بلاما تبقاي تابعاني معدبة معايا انا فينما كتب ليا ربي نكون راه انكون تبقاي معايا ضيعي فقرايتك وخدمتك( تبسمات ونزلو دموعها ) غادي نموت أختي فاروق شواني بغيت نغوت اعباد الله قلبي كيتشوى أختي قلبي مات مات ..
حياة ( عنقاتها ) والله منخليك بالله رجلي برجلك فينما تحطيتي نتحط واخا تلاحي فالعالية نتبعك انتي ختي والله منسمح فيك واخا نموت .. العصا لي ضربك تجمعنا بجوج .. ربي كبير وهادشي لي كندوزو منو غير حلمة وأنفيقو منها أنا معاك واخا تمشي للخر دالبلاد ..
عنبر ( كتبكي ) فيك خير اختي فيك خير ( تنهدات وخرجو بزوج بينما خلصو حياة هازة ساشية وخرجو على برا ساهية هزات راسها وتنهدات كتشوف يمين وشمال بان ليها واحد الكاميو واقف ومولاها واقف حداه كيشرب توجها لعندو وهي جسد بلا روح ) عمي عفاك نسولك ( شافيها ) تقد تدينا معاك
.... : فين غاديين أبنتي ؟
عنبر : فينما كنتي غادي نمشيو معاك
.... : غادي لمرزوݣة نوصل شي سلعة وغانرجع
عنبر ( شافت فحياة ) نمشيو معاك عفاك توصلنا الله يرحم ليك الوالدين ( مخنوقة بدموع نيفها منفوخ وحمر )
.... : واخا ابنتي طلعو
كل شوية كيشوفو وراهم ياكما تابعهم شي واحد ، عنبر كانت ساهية كتشوف فطريق العقل ديالها خاوي تصاور الروطال كيدوزو قدام عينيها .. أما حياة لي كانت كتشوف فطريق معارفاش لاخر ديال هادشي شنو غادي يكون مدة وهوما هكاك حتى وقف مول الكاميو وشافيهم ..
.... : بنتي انا حدي هنا وصلنا انا غادي نشد الطريق للبلاصة خدمتي نوصل السلعة ..
عنبر : صافي اعمي الله يسهل عليك
.... : اتنزلو هنا ابنتي غير صحاري والخلا والقيفار
عنبر : ياه اعمي صافي الله يرحم الوالدين ، نزلات حياة وعنبر ومول الكاميو زاد
حياة : ودابا فين غانمشيو شنو غانديرو ؟
عنبر ( بقات كدور فعينيها ) والله ماعرفت
حياة : مول الكاميو راجع ( بان ليها راجع حتى وقف قدامهم )
.... : بنتي والله ماعطاتني خاطري نخليكم هنا بايتة عندكم شيحاجة مغاديش نحكر عليكم .. انا غادي لواحد لوبيرج هنا خدام فيه الى بغيتو تمشيو معايا مرحبا
عنبر ( بإبتسامة ) واخا اعمي ( ركبو معاه وشدو طريق لوبيرج ... وصلو ليه كان كبير حداه واحد القيطون كبير واقفين بزاف ديال الطوموبيلات ديال التوريس واحد رونج وا ميني بيس نزلو من الكاميو دخل السيد السلعة تعطل شوية مخليهم واقفين كيشوفو حتى تم خارج هو واحد المرا لي ستاقبلاتهم كانت مراتو دخلو معاها للكوزينة حطات ليهم لي قسم الله .. بقاو مدة كالسين كيرتاحو رجعات فيديها ملاحف مرحبا بيهم بدوك الملاحف وتبسينة على وجها ماسولاتهم لا منين لا شنو كيديرو لا والو
رحمة : مرحبا بيكم ابنياتي خرجو شوية تساراو الى بغيتو شوفو هنا كيف داير يعجبكم ..
عنبر : واخا اخالتي .. خرجو بدوك الملاحف واخا معارفينش ليه ، غاديين وفالباب على غفلة اتدهل فيهم بنت تكون عندها 6 سنوات ( بصوت حازم انثوي وباللهجة لبنانية من وراها )
.... : كارمن بشويش عليكي شو إلنا يلاه عتزري
كارمن ( كانت بنت غزالة عينيها بحال لون السما فصفاها وزروقيتها ، شعر مطلوق زعر شافت فعنبر ونكقات بخجل ) أسفي مانتبهت
عنبر : ماشي مشكيل ما وقع والو
.... : انا أسفي هيي هيك ، بتاخدها لعب ونط طول اليوم
عنبر : لا عادي ( هزات ليها راسها وخرجات هي وحياة كيتمشاو تمى السكات كان هو سيد الموقف عنبر كتفكر بغات تلقى اشي حل كتحس براسها ضايعة وشي عرق فمخها غايطرطق عليها ) خاصك تسوني على ماما فاطنة علميها بلي اتكلسي عندي شي أيام باش مايشتوش حد فيهم ..
حياة : واخا ( هزات التيليفون شعلاتو دخلو ليها ليزابيل من عند طارق تجاهلاتهم سونات لتودة دوات معاها وعلماتها قالت ليها راه كتسوني لعنبر تيليفونها طافي قاتليها راه خاسر حتى تصايبو وبلي كاينة فالحمام كدوش وقطعات )
مشاو لواحد كرسي ݣلسو الدنيا كانت مختالفة تما .. التوريس داخل خارج هزات حياة راسها فلوبيرج كتخمم وتسول شكون يكون مولاه وكيفاش جاتو فكرة يبنيه فهاد المنطقة .. دورات راسها جمدات فبلاصتها فنفس اللحظة قلبها كيضرب كترعد حطات يدها على عنبر ونطقات
حياة : عنبر عنبر ماشي هادوك هوما لي كانت تابعينا ؟
عنبر ( شافت فين كتشوف حياة كتبان ليها طوموبيل فالكحل شبيهة للنفس طونوبيل لي كانت تابعاهم .. نازلين منها شي رجال وقفات بلاما تير الانتباه ) غادي دوري بشوية وماتعيقيش .. ضارو بزوج كيتسملو ماعارفين فين يعطيو راس الى دخلو لوبيرج غايعيقو ويبانو ليهم بانت ليهم رونج كحلة محلولة مشاو ليها مخشيين فيها مضرقين .. مدة وهوما على داك الحال حتى نقزو فبلاصتهم ..
.... : شو بتعملو هون ؟
بقات واقفة كتسمع لعنبر وهي كتعاود ليها .. ماخبات عليها والو من غير قضية البروش لي ماجبداتوش
.... : ماتخافو السيارة الي شفتو هاي لا إلي وهدولا رجالي .. يمكن بس تشابه فسيارة من كثر هروبكن وخوفكن صرتو تشوفو اي سيارة شبه السيارة الى كانت وراكن ..
حياة : الله ياربي الله متنا بالخلعة ( تنهدات ) انبقاو حياتنا هكا ولا كيفاش
.... : عنبر سمعيني اول شي عرفك على نفسي أنا سيرين من لبنان مستقرة بأغادير ، شو رأيكن تروحو معي على أغادير هنيك ترتاحو ( قاطعاتهم بنتها )
كارمن : مامي مراح نورح ؟( شافت فعنبر ) مو انتي البنت الحلوي يالي ضربتها راه تروحي انتي معانا كمانا ؟
سيرين ( شافت فيهم ) مابتعرفو تكون حياة جديدي إلكن هنيك شو رأيكن ؟
~~~~~~~~~~~~
عيا بسوݣان قلبو مراكش كلها مالقاوهمش بحال الى تحلات الارض وبلعاتهم .. نهارهم كلو فمراكش او والو واش كاينة شي خبار ورا المغرب راجعين للكازا حتى بدا تيليفون الروطال كيسوني كان عماد .. فتح الخط مجاوب ..
عماد : خونا يلاه ساعة باش شد الطيارة لطاليان رجع بحالو
الروطال : شكون واش داك ليه***دي ؟
عماد : ياه هو ، غايكون جاه لوردر يرجع .. حيت الى مشا البوليس دخل على الخط غايتمنع باش يخرج من المغرب اللهم ؤزرب براسو يخرج من هنا قبل مايتصدر قرار ضدو مكانش معول على هادشي عوال يشد البروش ويرجع حسي مسي .. عنبر لعباتها مزيان فاش علمات البوليس ديال لاكار والبوليس علمو جميع دوريات ديال المراكش ، مابقا ليه حتى حل يا البروش ويتشد هنا ولا يزهق براسو ..
الروطال : انا مكايهمني لا هو لا غير لي هامني هي فين غاتكون طارت راسي غايحبس ( دخلات ليه دوزيام ابيل كان عصام ) عماد قطع ( قطع عماد وفتح الخط مع عصام ) أش تما
عصام : راه انت لي اش تما واش دوك تصاور لي كيدورو فسوشيل ميديا .. حديتك ضاير فكاع المواقع انت والخليجية
الروطال ( غوبش ) أش كتخ*** أنت ؟
عصام : شي تصاور لايحاهم ديك عبلة ديالك انت وهي ، وحاطة عليهم الحب والغرام دايرين بوم دابا يوصلو للعنبر وفكها معاها واش هاديك مريضة ؟؟
الروطال : قطع ( قطع على عصام ومد تيليفونو لعصام ) شعل هاد الويل شوفليا شنو كيدور فداك زبل ديال الانستغرام
طارق ( خدا من عندو التيليفون شعل الكونيكس ودخل كيدور بداو يطلعو ليه المنشورات تصدم ) واش هاد بنت **** مريضة ف **** ولا مال جد امها هي لي بقات لينا شد
الروطال ( وقف طوموبيل شاف داكشي لي مليوح تزاد معاه زايد زاد جهل وصعر راسو غاينفاجر كولشي تحط عليه دقة وحدة ماحيلتو ليها ولا لهادشي هو كيطلب غير دير عقلها ترجع ويلقاها الى شافت هادشي والله لا بقى شافها خبط تيليفون وزاد كسيرا ) غانكره ****** فهاد المغرب برب لا هليتها تعفط مزال هنا ..
طارق ( كيشوف فيه وفطريق كيفاش مكسيري بجهالة مكايشوفش قدامو عينيه تغمضو خايف غير لا يتݣلبو فشي قنت ) بشوي اصاحبي
الروطال ( الصمت )
× أكادير ×
فوحدة من الفيلات المتواجدين ب " إليغ " بلاصات طوموبيل ديال سيرين وراها طوموبيل ديال لي ݣارد ديالها .. نزلو البنات معاها دخلو للفيلا ، كانت راقية ومفرشة بفراش عصري
سيرين : أهلا وسهلا فيكن ( كتعيط ) أحلام أحلام ( جات المساعدة كتجري )
أحلام : وي مدام
سيرين : جهزي الحمام ببيت لضيافي اوكي ( هزهزات ليها راسها ) غادي طلعو دوشو بعدا ترتاحو بينما وجد العشا صافي اجيو معايا
كارمن : مامي بادي فرجي البيسين لا عنبر وحياة وبدي ياهن يشوفو غرفتي وتخت تبعيتي بليز
سيرين : مو هالا حبيبتي بدنا ناخود شاور الأول وبعدين نفرجيهن الڤيلا كلها وتورجيهن تختك اوكي ؟
كارمن : اوكي .. طلعو البنات مع سيرين وراتهم البيوت فين ايكونو .. أول خاجة دخلو دوشو كانو محتاجين ليه فديك تسخسيخة لي دوزو ، حطات ليهم بيجامات يلبسوهم ويبدلو عليهم بينما تصبنو حوايجهم ..
- فاش نزلو التحت كانت طبلة العشا واجدة وكولشي واجد .. كلسو مجموعين كياكلو حتى دوات عنبر
عنبر : فاش خدامة أمدام سيرين كاتفهميني بعدا ؟
سيرين ( ضحكات) طبعا بفهمك زوجي الله يرحمو كان مغربي من اب مغربي وام لبنانية ، كانت عندو شركة لإستراد وتصدير وعندو أراضي هون بالمغرب لما مات ، كل شي بيملكو كتبو بإسمي بس انا ما قدرت استقر هون عيلتو كل مرة هاجمين عليي نشان هيك عم تشوفو الرجال على برا .. بيجي هون بس كل شغل زوجي الله يرحمو نقلتو لمصر وستقرت هونيك ..
عنبر : مزيان الله يرحمو
سيرين : ايليلي عنبر شو عم تفكري تعملي يعني انت اخدت القرار انك تبعدي عا بيتك وعلى زوجك .. انا بعرف إنو الخياني كتير صعبي بتكسرنا تكسير
عنبر ( تنهدات ) مزال معارفاش والله حتى تالفة ولكن الى سهل ربي بغيت نخدم ( ماقداتش تدكر ليها البروش ماتقدش تيق فيها دابا ) وديك الساعات غادي نرفع دعوة ديال الطلاق نكدب عليك الى قلت ليك عارفة شنو كندير ماعرفتش واش غير كنخربق ولا شنو كندير !!
سيرين ( وقفات ) تعالو نخرج على برا أحسن .. خرجو للجردة ݣلسو جابت ليهم المساعدة القهوة والكيك ) عنبر عندي إلك إقتراح إذا بدك طبعا إنتي وحياة ( شافو فيها بإهتمام ) انا من هون لا اربع إيام راح إرجع على مصر ليش متروحو معي وتشتغلو معي .. انا بدي مربية لبنتي كارمن بروح عاشغل وبتبقى لوحدها مع المساعدي وهي ترتاحي وتفكري كثير منيح شو بدك تعملي مابتعرفي تكون هاروحة بداية جديدي لا إلكن تنايناتكن ؟
حياة : ولكن انا راه ماعنديش باسبور عنبر مزال عندها انا لا ، وانا منقدش نسافر واخا هكاك نبدل المدينة ممكن البلاد لا .. وأصلا بغيت ايبرد هادشي ونرجع بحالي ( شافت فيها عنبر وهي ساكتة كملات كلامها حياة وهي كتشوفيها ) سيري انتي أعنبر عندك باسبور ياك عاد خرجتيه وهازاه معاك سيري منها ترتاحي وتعرفي اش غايخرجك
عنبر : ونخليك لا اختي
حياة ( شدات ليها فيدها ) شتي انا غير تكوني بيخير وعلى خير هداك هو المهم عندي .. ومالك انتي أتبقاي عمرك كامل ديريها بحال شي رحلة تريخي فيها بالك وتعرفي راسك من رجليك تبعدي على كولشي ماتعرفي تلقاي راسك
عنبر : عمرك خليتيني ونخليك أنا
حياة : انا الى عجباتني أكادير تبقى فيها ( ضحكات ) توصي عليا مدام سيرين ( شافت فيها )
سيرين : تأمري حياة مابتركك شوما بدك يصير معندي اي مشكلة
عنبر : والڤيزا ؟
سيرين : كلشي عليي الفيزا لمصر بسهولة عندي معارفي بطعطلي هم ابدا شو قلتي ؟
بلاصة طوموبيلتو قدام الڤيلا لي كانت كارية .. نزل وتابعو طارق خايفو يدير شيحاجة ماهياش ، سونا فالباب بقا مدة عاد حلات ليه المساعدة دخل دافعها كانت فصالون لابسة بيجامة دنعاس خفيفة طالقة شعرها كتفرج سمعات الحس وضارت شافتو تفاجأت وقفات بإستغراب متصنعة الصدمة ..
عبلة : فاروق ( مجات فين تكمل حتى هز يدو على حر جهدو ونزل عليها لوجها بتصرفيقة حسات بحنكها طار من بلاصتو توزويز والحر خلاو دموعها يغرغرو )
الروطال ( جرها من شعرها وهي كتغوت كتحس بشعرها غايتنتݣ ليها من بلاصتو ) انا اليوم نبرد ليك ديك دودة لي نابتة ليك ف **** دوي ابنت ***** لايحة تصاور داز على جد امهم قرن وزمارة وحاطة ليا شعر ال**** باغية تشريها ليا مع مرتي
عبلة ( هربات منو ) ياك تخاصمتو ياك خرجات من دار شمو بغيتي واش انت معمي مكتشوفش لي حداك .. شحال وانا قدامك واش عارف نهار وصلاتني خبارك بغيت نموت ( الحوار بالخليجية
الروطال : وموتي موتي ، انتي غير موسخة واكلك دوك شوية دالفلوس لي عندك ، سيري شري بيهم كرامتك مكاين حتى فرق بينك وبين البركاصة ديال زبل بجوجكم بحال بحال طوارو كتشابهو ( تلاح عليها جارها من شعرها ) دابا اتحطي ستوري وبوسط واتݣولي بلي لي بيني وبينك غير خدمة وبلي هداك غير مقلب درتوه ليا دابا
عبلة ( كتبكي ) ولكن
الروطال ( زير على شعرها حتى غوتات ) دابا يلاه ( هزات تيليفونها حيدات البوسط وحطات بوسط وهي كتبكي حر شعرها او وجها لي كيحرقها حطات ستوري ونشرات داكشي لي قاليها حتى من ليكونط لي تواصلات معاهم ينزلو الخبر علماتهم يمسحوه وينزلو تكديب )
عبلة : صافي عفاك طلق صافي
الروطال ( جرو طارق كينهج ) برب الكعبة لا مزال ماحطيتي رجلك فهاد البلاد .. وداك الزبل لي ساني فيه انا وانتي نسايه سالا كنقسم ليك بديني وما اعبد لا خليتك تحطي فيها الرجل .. خرجو طارق مخلينها كتبكي لربي لي خلقها شادة على وجها ..
~~~~~~~~
فجهة اخرى كانت ناعسة مرة تحرك رجليها مرة يديها .. جبهتها عرقانة كتنين وتضرب بيديها بدات كتغوت على حر جهدها .. تحل الباب ودخلات عليها حياة كتجري كتفيقها
عنبر : هاهوما هاموها بغاو يسرقوني بغاو يديوني
حياة : بسم الله عليك اختي عنبر عنبر ( فاقت مخلوعة ) كتحلمي كتحلمي
عنبر ( كترعد راسها ماوعياش بحال شي حمقة ) ب ب ( كتخرج الهضرة بصعوبة ) با بغا يديني احياة بغا يديني معاه هو وماما جاو باغيين يديوني معاهم غايديوني ( شافت فيها ) كولشي بغا يديني كولشي باغي يسرقني غايسرقوني
حياة ( تخلعات عليها عنقاتها ) رجوع لله مكاين حد غايديك أصاحبتي بسم الله عليك ( كبات ليها الما وعطاتها تشرب ) صافي نعسي رتاحي راه غير كتحلمي ..
عنبر ( جرات يدها ) نعسي معايا متخلينيش لا يجيو .. تنهدات حياة تنهيدة طويلة وتكات حداها عنقات ليها عنبر يدها وغمضات عينيها كتنين ناطقة بكلام مامفهومش ..
كالسين على طبلة ديال الفطور كيفطرو ، وسيرين كدور فتيليفونها شافت فعنبر لي تحت عينيها زرق ونطقات ( الحوار بلبنانية )
الڤيزا للمصر ساهلة كتخرجي غير زرقة من سيت مكتحتاجش الوقت نهار ولا يوماين .. كلفت واحد دري خدام عندي هو غايخرجها ويجيبها ليا انتي غير تهناي ( عنبر مكدويش غير الصمت ) اش بان ليكم نخرجو شوية فليل
حياة : واخا اختي منها نيت عنبر تبدل الجو ( حركات سيرين راسها ورجعات لتيليفونها كتفرج فواحد البودكاست للواحد دكتور ديال الطب النفسي ..
- أي واحد فينا ( الحوار بالعربية ) عندو تركمات وكيوقعو ليه صدمات لي كيأثرو فنفسيتو خصوصا الى كان عندو إكتئاب قديم ولا صدمة دازت فحياتو .. الصدمة ورا أخرى كتولد إنفجار ولا غياب الوعي عن الواقع المريض كيولي يتصرف بلا عقل كيخرج من حالة ويطيح فحالة حالتو مكتخليهش يتعلم من داكشي لي وقع ليه هاد الشخص كيخصو تدخل طبي عاجل حيت فاي لحظة ايولي يتعرض لنوبات ممكن تجيه عن طريق الصرع ولا عند طريق نوبات هلع او كوابيس كتراودو هاد الشخص كيكون غير سليم فتفكيرو او تصرفاتو ( بقات كتفرج عنبر ناضت وتوجهات حدا البيسين وݣلسات ساهية عينيها كيشوفو غير تمرميز وغير الخيالات والكفولة ديالها كدور فحلقة مفرغة .. كلسات حداها حياة كتشوفيها مخلوعة عليها ومن حالتها
خارجين بليل كيتمشاو جنب لاكوط عنبر غير كتمشى بلا عقل .. حياة مجمعة مع سيرين وكارمن شادة فيد عنبر كدوي معاها ولكن والو واش كتجاوبها ..
- قبالتهم كيسمعو صوت رجولي سكران كيدوي بجهد جار معاه وحدة معرية كتر مامغطية وقف وبدا كيضحك بجهد
.... : واش هادي حياة ولا كنتخايل طوالو لمك رجلين وصلتي لأكادير
حياة ( شافتو تصدمات شمأزات من حالتو وكمارتو لي مكتحملش ) وانت شغلك حالتك ويامك انت هو انت الله يغبر ليك الشقف الموسخ ( دفلات عليه ) تفو على حالة الويل الميكروب
سعيد ( جاي لجهتها حتى وقفات ليه سيرين ماشرة لواحد الكارد معاها شدو ) جايبة الحمية معاك ابنت رشيدة مافيك خير بحالك بحال الموسخة دمك .. سيري سوليها سوليها نهار باك جا كيسول عليك وجرات عليه ( كيضحك ) مشا مسكين بحال الكلب بغا ايشوفك جرات عليك بحالك بحالها ( بعدو من تم الݣارد غادي مع ديك خيتي وكيعاير صوتو واصل لعندها بقات واقفة مصدومة كيفاش باها جا سول عليها ومها مقالتهاش ليها كيفاش قدات تخبي عليها هادشي واش هاد مها مكتعلمش ݣاع بقات واقفة مبلوكية فبلاصتها )
سيرين : حياة شوفي انتي منيحة ؟ ( كارمن جات كتجري عندهم )
كارمن : مامي عنبر هونيك عالبحر ، مابدها تكلمني انا كثير خايفي ( مشات سيرين كتجري هي وحياة لي فاقت من سهوتها كيجريو فرملة كتبان ليهم داخلة بحوايجها وسط الماج .. دخلات حياة بلاما تفكر هي وسيرين جروها وهي حرف واحد مانطقات بيه خرجوها كلهم فاسݣين .. حيدو من تم راجعين للطوموبيل سيرين بقات فيها عنبر بزاف بقات فيها الحالة لي فيها كان باين الوضعية ديالها النفسية مامستقراش ..
~~~~~~~~
ݣالسين ب 3 كيحاولو يلقاو حل عماد علم صحابو كاملين حاطين خطط منين يرجعو يبداو فتقلاب
الروطال : متكونش سافرات برات البلاد ؟
طارق : لا مايݣدوش حياة ماعندهاش الباسبور راك عارف المؤتمر ديال نهضة العقار مشيت ليه بوحدي .. كان خاصني نديها معايا واصلا كانت غادفع ليه هاد ليام هاد الاحتمال احيدو من دماغك
عماد : 100 فالمية سيدة وصلوها تصاورك ، مغاديش تكلخ باش مدويش معاك .. وزيد عليها اخر مرة بان تيليفون فالمحطة دالاستراحة لي مشيتي قلبتي فيها وياك السرباي كالك كانو وكانت كتبكي ربي لي خلقها خلات كولشي كيتفرج فيها وتيليفون لي مشا وتسرق ليها وݣالو لك ركبو مع سيد عندو الكاميو المشكل تم مالݣيناش الكاميرات
الروطال ( تجنن ) ديك الموسخة تاقيت فيها وجه الله .. ندوز على مها وماتبردس ليا خاصني غير نلݣى عنبر غانحماق اصاحبي مرضت برب العالي
عماد : انا داير كثر من جهدي ولكن الى مبانتش كاع خاص نعلمو دار مايمكنش يبقاو فدار غفلون اخويا أباش نݣولك ، انا مابقاش ليا وغانمشب للأكادير هاد ليا لي بقاو غاندير فوق جهد مرتك انت ولكن راه بنت عمي منبغيش ليها ضر ( طبطب فوق رجلو ) غانلݣاوها اصبر وتفهمها حتى هي هادشي لي كدوز منو مساهلش هادشي كامل غايتحل تهنى ..
~~~~~~~~~~~
فمطار المسيرة واقفة لابسة واحد اللبيسة جديدة مع شالها واقفة هازة ساكها فيه كاع حاجتها يدها فيه باسبورها او ديك الورقة لي خرجات من الأنترنت ..
سيرين : حياة ( باللبنانية ) انا وصيت عليك مدام فلورانس الصالير لي غاتعطيك غادي تهلا فيك ومنها نيت طلقي لسانك فاللغة السكنة راه اتكون عندها هكا نيت باش تقدي تسيفطي لداركم ..
عنبر : واش متاكدة بغيتي تبقاي هنا ( بصوت باح )
حياة ( بحزن ) أه كنت بغيت نرجع ولكن عندمن عند مي لي كادبة عليا ، ومخبية عليا شلا حوايج لي سخاني بيه الله نسيفطو ليها على ود خوتي ونبينا عليه السلام لي انديرو فكازا نديرو هنا نيت انتي اسيري ومتخميش ليا
عنبر : نوصل ناخود تيليفون باش نبقى ندوي معاك ( تنهدات ) وباش ندوي حتى مع ماما فاطنة اتوصلها مابقيتش فكازا اتوصلها اللهم ندوي معاها ( جا الوقت خاصهم يدخلو باش يكملو الإجراءات عنقات عنبر حياة مغرغرين عينيها بدموع كتعنق وطلق كتوصيها على راسها وتعاود )
حياة : سيرين تهلاي فيها راها عينيا وختي لي كنبغيها
سيرين : فعيوني واذا حتجتي اي شي خبريني أوكي ( عنقاتها سيرين وشكراتها حياتها على وقفتها معاهم كاين ناس كنكونو كنعرفوهم سينين وكيخيبو ظنا وناس كنعرفوهم فمدة قصيرة وكيصدقو أحسن ناس )
عنبر : سوني على ليالي متخليهاش كي الحنش ماتنسايش راها ختك كيما انا ختك
حياة ( مسحات دموعها ) ضروري كوني هانية ( شيرات ليها بيدها وهي كتنخصص عنبر وسيرين وكارمن دخلو حتى مابقاوش بانو وحياة تمات راجعة باش ترجع مع شيفور سيرين يوصلها لدار النصرانية بدا تيليفونها كيسوني كان طارق تم تم حلات الخط مجاوبة بانفعال ) أش كاين أش بغيتي ؟
طارق : مال جدك كدوي هك فينكم ؟ واش انتوما مراض فين هزيتو الراس انت فلفلة حارة ومݣيظين بجوج دايرينها يغرق فيها جمل مخبيين البلا عندكم وساكتين
حياة : وراه نساتو البشار نساتو عندها وزايدون انتوما لي كتحلو فمكم شوف ولد عمك اش دار كيخون فختي بلا حشمة بلا حية وزايدون حنا بيخير يبعد منا اكحل الراس
طارق : غانشد جد مك الفلفلة انحيد منك ديك الاناكوندا لي راكباك فينكم البشار ؟
حياة : حنا فالحدود ديال موريتانيا صافي دخل سوق راسك اهيلك ( قطعات عليه )
طارق ( مغزف شاف فروطال وعماد ) تݣد تجبد منين دوات ؟
عماد : غانشوف دابا ..
يتبع...
التعليقات
لا توجد تعليقات بعد، كن أول من يعلق.