محتوى القصة
الأجواء ديال الحمام دازو غزالين بحال أي عرس من الأعراس الغرب بتقاليد وبالهمة وشان لا من جيهة العروسة ولا من جهة العريس .. عنبر غسلات عليها فركاتها إبتسام كانت کالسة فالعشية فبيتها كتمشط شعرها .. دخل عليها الروطال وسد الباب وقف وراها هزات فيه عينيها وتبسمات حيد ليها المشطة من شعرها هز السيروم دارو فيدو فركهم بزوج وبدا كيماصي ليها شعرها وفروة راسها وهي مستحلياها وعاجبها الحال .. هز المشطة وبدا يدوز ليها على شعرها
الروطال : أظفريه ؟ ( حركات ليه راسها بالإيجاب ظفر ليها شعرها ونوضها جارها بشوية ݣلس على نموسية وجابها فوق منو مݣلسها حط يدو فوق كرشو على حجبانو وقهقه فرحان فاش حس بالحركة ديال البيبي ) وليدي حبيبي فرحان بباه مك حرماتني منك لبارح
عنبر ( معنقاه من عنقو ) علاش ماتقولش بنيتي قلتي وليدي ؟
الروطال : خرجات بوحدها متعرفي يكونو ولاد ولاد ولاد وبنات العلم لله
عنبر ( هزات ليه راسو بايساه من شفايفو بوسة تملكية ديال الغدايد مخلية فمو حمر ) أناكلك شي نهار
الروطال : علاش ازين شي نهار ( باسها فعنقها عاض ليها حلمة ودنها ) دابا نيت الحب موحشك طواسلك
عنبر ( وقفات توجهات للباب وسداتو شافت فيه ورجعات لعندو كتشوفيه بعيونها النارية وقفاتو لعندها واقف بلا هواه ) كون تشوف انا شحال موحشاك وشحال مشهياك الكبيدة ديالي أولد قلبي ..
الروطال تزاد معاه الزايد ، جرها كيقبل كل قنت فيها وهي يديها كيتسراو على صدرو وعلى كتافو مزولة ليه تيشورت .. كيما كيدير ليها كدير ليه بضوبل العقل ترفع عندهم بزوج مابقاوش عاقلين حتى كانو واحد ..
متكية على صدرو العاري كتلعب بصباعها فصدرو لي كيتخللوه شعيرات رجولية ، هزات راسها فيه شافيها ونزل بشفايفو بايسها وهي كضحك
الروطال : حلاوتك العسل الحر ومايوصلش ليها .. تستاهلي نوزنك بذهب والياقوت أبنت فاطنة
عنبر ( ضحكات بأنوثة ) وشتي بعدا ( دوزات يدها على وجها كتلعب فلحيتو اكتيڤات مود الأنوثة وتحلوين ونطقات ) ولد قلبي بغبت نطلبك طليبة وأنا حاملة وهازة فكرشي احبيبي ومخاصنيش نتعصب ولا نتقلق ولا نبكي
الروطال ( شافيها ) وشكون هاد المرعود المسخوط لي يقلق ليا الفتيلة ديالي أمري احبي شنو تم ؟
عنبر ( حنحنات ) حاجة بسيطة والله
الروطال ( غمزها ) دوي شنو ؟
~~~~~~~~~~~
بلاصة العروسة ديال الحنة تقادات وتصايبات ، حياة الداخل فالبيت بقفطانها لي كان فالبيض ومطروز بالأخضر طرز فاسي .. شعرها دايرة ليه الظفرة وجها خالي من المكياج
رشيدة ( ناقشة يديها ) الصلاة على النبي الله يحجبك ياربي
حياة ( تنهدات وشافت فمها وففاطنة لي كانت کالسة معاها ) ماما بغيت نقوليك شيحاجة كنت مخبياها عليك ( شافت فيها رشيدة بإستغراب) با جا عندي للخدمة شحال هادي سول عليا وجا
رشيدة : كيفاش ولاش جا شنو بغاك ؟ وعلاش ماݣلتيهاش ليا ؟
حياة : مجابتهاش الوقت ، سول وجا ودوينا طلب مني السماحة قالك مرتو كانت ساحرة ليه ودابا بغا يدير العمرة وبغا يتسامح معايا
رشيدة : وتي شنو ݣلتي ليه ؟
حياة : قلت ليه المسامحة حيت انا أصلا مكنحس بوالو من جيهتو باش نحقد عليه .. ومشا بحالو مابغيتش نخبي عليك داك الوقت ضرني خاطري ولكن دابا عادي
رشيدة ( تنهدت ) الله يسمح ليه
حياة ( وقفات توجهات عندها بإبتسامة وعنقاتها ) الله يخليك ليا ياربي ولهلا يخطيك عليا ( شافت فتودة ) الله يخليكم ليا كاملين ربي عوضني بيكم
تودة ( عنقاتها ) الله يكمل عليك بالخير الغالية العزيزة ( تدق الباب ودخلات عليهم سميرة ) دابا انا اش ندير مع هاد البنت منين انجيب ليها انا الهندية .. جاها الوحم عليها
تودة ( كضحك ) وينوض يونس يقلب عليه اويلي ستغفرت الله العظيم راه مرتو هاديك لي توحم ( دخلات عليهم إبتسامة دايرة طبلية ومحنية يديها )
إبتسام : نقاشة راها جات ، العونيات شوية ويدخلو ( كتشوفيهم ) مالكم ؟
حياة : رجاء كتوحم على الهندي
إبتسام : بغيتي تݣولي الزعبول ، انا نسيفط مصطفى يجيبو ليها يلاه وجدي راسك شوية يجيوك البنات يهبطوك وديري اشوية دزنيݣة اصاحبتي ( هزات عكر 24 ساعة من جيب طبلية ) هدا راه منتفرقش عليه ( دارتو ليها الحناك وقرصاتهم ليها ) ايوا شتي زين دابا ( باستها ) صبري متخرجيش حتى نرقيك وندير شوية دالحرمل أعوذ بكلمات الله التامة من كل شيطان وهامة ومن كل عين لامة .. أنا جايا
حياة ( كضحك ) واخا ( جاها ميساج هزات تيليفون تبسمات وهي كتقراه " مابقى والو وتكوني ديالي واخا أنتي راه ديالي ومكتوبة ليا من نهار حطاتك مك وجدي راسك " ميساج خلاها تبسم وتنهد بإرتياح وفرحة ..
ليلة الحنة نشطوها العونيات حياة عمرات يديها ورجليها كتعشق الحنة وكتحماق عليها .. عنبر نقشات حتى هي بحنة بوحدها فيها غير سكر والما دسواك ودأتاي ، وباقي البنات كولشي نقش صبع خفيف .. تقاليد الفرح الغرباوي دوزوه أول بأول مادازت الليلة حنى ولات حياة كتكمع بنعاس ..
الغد ليه فصباح واقفة قدام المرايا بجلابة دوبياس التحتي فشيبي والفوقي فالبيج جمعات شعرها ودارت فوق منو شال حريري فالبيج تنهدات تنهيدة طويلة هزات ساكها دارت فيه لاكارط ديالها لبسات صندالة فرجليها مريحة صيفية وخرجات ..
التحت كان طارق بشوميز فالاورق سماوي مع سروال دجين ساعة رجالية فيدو .. أول ما حطات رجليها وهزاا راسها فيه تصدمات كان مقاد الحالة الشعر لي كان شادو هذا شحال مابقاش محسن ومقاد اللحية تبسمات بلاما تحس ريحتو كضرب فيها .. إبتسام بدات كتصلي على النبي وتزغرت
طارق ( كيعيط ) الواليد ( خرج عبد الخالق كيقاد فساعتو ) يلاه باش منتعطلوش
علال ( تم خارج بجلابة خفيفة باردة هماوية وبالعكاز ديالو ) واش توما ناويين تمشيو بلا باين العروسة ولا ؟ ( حياة مشات عينها للعلال كترمش بعينيها شافت فرشيدة لي غرغرو عينيها بحال هاد المناسبات كتحاجي الأب ديالك يكون معاك سندك ..
حياة ( بحشرجة فحلقة ) اتمشي معايا ابا علال ؟
علال ( هز حاجب ونزل الثاني ) وكاينة شي بنت غاتزوج ومايكونش معاها باها ولا ياكما كتحسبيني براني ؟
حياة ( تبسمات مغرغرين عينيها بدموع توجهات لعندو باست ليه يدو وراسو ) الله يخليك ليا ابا علال تاج فوق راسي
علال : ويلاه اسيادنا طلقونا .. ركبو مع طارق فطوموبيلتو والباقي بقا باش يكملو داكشي لي خاص يوجدو للعرس لي غايكون فالليل ..
~~~~~~~~~~
خرجو وهوما مخطوبين ورجعو وهوما مزوجين ، فرحتها كبيرة فرحتها براجل لي عطاها الله لي كبر بيها تكبيرة كبيرة فصداقها لي مكانتش ضناها ولا على بالها .. فرحتها بالعائلة لي ولات عندها كولشي كيبغيها مكاينش شي حد كيقلل منك ولا يحسبك براني كولشي سواسية ..
- ماقدش ينفارد بيها ماقدش يعبر ليها شحال فرحان وهي دابا مرتو الوقت مكانش وكان خاصهم ضروري يوجدو للعرس ويستقبلو الناس لي غايجيو .. كيما هو غرم على الروطال وعلى عصام وعلى عماد تغرم عليه من عند ولاد عمو ومن عند رجال العائلة .. من ورا الغدا حضرات النݣافة هي والبنات لي معاها هي فطوموبيل والبنات مع الماطريال والعمارية فطوموبيل ..
ياسمين : هذا أول عرس فالعائلة غايكون العيالات بوحدهم ورجال بوحدهم
دنيا : ماشي بوحدهم نيت نيت اهو كل واحد فقاعة والقاعات راه محلولين على بعضياتهم
يسرى ( كضحك ) ضحكني طارق جابب دوك لي كيمنعو التصوير غايوقفهم عند الباب ، لي دخل يحط تيليفونو
دنيا : انا بغيت نصور اختي والله لا حيت تيليفوني
يسرى : وغير البراني ، أما العائلة لا ومن حقو ياختي راه مكايناش الثقة واخا هكاك
دنيا ( دايرة روروات للݣصة ) ماعرفت فين درت پاور بانك ديالي ( وقفات ) أنا جايا .. خرجات هبطات التحت كتقلب عليها فصالة مالقاتهاش خرجات على برا هي خارجة وهو داخل شوية وتخرج فيه
عز الدين ( طلعها ونزلها ) مكاينش سلام فبلادكم ؟
دنيا ( هزات فيه عينيها ) السلام عليكم
عز الدين : كيفاش بلانك انتي ، مبدلة علينا النمرة ومن نهار جينا مامسوقاش زعمة مدوزناش قليل
دنيا ( تبسمات ) الحمد لله منين مزال عاقل بلي مادوزناش قليل
عز الدين ( دور لسانو وسط فمو ) بدلتي لون شعرك ، جاك زوين الصراحة حتى لول كان زوين ( بقات ساكتة ) متوحشتينيش ؟
دنيا : هاء وعلاش غانتوحشك مثلا ( دفعاتو ودازت ) .. ضار كيشوفيها دوات مع عصام حيدات ليه الباور بانك وتمات راجعة
عز الدين ( وقفها بكلامو ) أنا بعدا توحشتك
دنيا ( وقفات تنهدات تنهيدة طويلة وضارت عندو ) يتوحشك الخير وربح ( عطاتو بظهر وطلعات )
عز الدين : القويسحة نص بلاصة ..
الناس بداو كيوصلو .. وصادف دخولهم مع دخول الاوركسترا لي ايبداو يقادو المتريال ديالهم نسيم لي مزال ماوصل ، ليكيپ الخاص بتصوير كانو فم كل قاعة لي جاي براني كانو كياخدو منو التبليفون يديرهم فساشية مع الإسم ديالو .. البعض الفكرة تقبلها وكاين لي ماعجبوش الحال .. كل واحد خدا بلاصة من غير البلايص لي حدا الݣلسة كانو للعائلة ..
الداخل ݣالسة كتقاد فوجها مكياج خفيف ونفس الوقت راقي .. لبسات التكشيطة ديالها لي كرات فالݣرونة مع شال فالغوز بيبي حريري لبسات ساعتها وخاتم دزواج والبراصليات ديالها مع صندالة ديال المناسبات مريحة للحوامل ، هزات ريحتها رشات منها هزات ساكها وخرجات مع خرجات مع ركلها
عنبر : أي وحبيبي وزين ديالي شميتي ريحة الدجاج بدغميرة دابا نعرݣوها بزوج ، توجهات للبيت الكبير فين كانت النݣافة ..
دخلات عليهم ضارت عندها حياة لي كانت لابسة تكشيطة فنقري كتحمق مع شعرها لي بقا مطلوق بمشيطة خفيفة وتموجات جاتها مع المكياج الراقي لي برز ملامحها كتحمق
عنبر ( تبسمات ) ماشاء الله ماشاء الله ( شافت فحنان الميكاب أرتيست ) جات كتحمق تبارك الله عليك أحنان
حنان : ربي يخليك احبيبة .. كملات ليها الروتوشات .. دخلات عليهم دنيا لي مكانتش أقل روعة هازة تيليفون وتكشيطتها
دنيا : ويتي ويتي على الزين والفن والفسورات .. ساليتو ؟
حنان : سالينا الوقت لي اتدخل فيه علمونا .. هبطات دنيا للعند البقية ياسمين ويسرى ، ياسمين هازة بنت يسرى كتراري بيها خرجاتها على برا
ياسمين : والفنة والحبيبة ديال خالتها والمشاغبة اشنو اشنو الكبيدة أممم ( هزات راسها على غفلة جاو عينيها فعينيه لابس شوميز فالݣري مع ڤيست فالكحل وسروال فنفس اللون ءاعة رجالية شعرو ممشوط اول مرة من نهار شافتو اتشوفو لابس الكلاص .. كان واقف مع الروطال لي كان لابس كومبلي فالكحل ماشط شعرو اللور حداه عماد لي كان فكامل اناقتو لا هو لا عز الدين ولا راشد ولا عزيز كاع رجال العائلة كانو فكامل اناقتهم .. دورات وجها ورجعات دخلات ..
وصلات طوموبيل من نوع الرونج .. بلاصات ونزل منها نسيم ستقبلو الروطال خرج العريس لي لابس كومبلي فالكحل ريحتو الروجلية عاطية والابتسامة على وجهو ستقبلوه ودخل للقاعة ..
وقفو البنات ديال النݣافة على برا إستعدادا باش يدخلو يخرجو حياة جات النݣافة لعندهم أشرات ليهم وطلعو باش يهبطو حياة بدات زغاريت وصلاة على النبي تودة وسعاد ورقية والبقية دخلو للقاعة شدو بلاصتهم من غير ابتسام وأسماء والبنات مع أريناس وليلى بقاو حتى يدخلو مع العروسة .. النݣافة عياط على العربس باش يهبط مع عروستو خلاهم طارق وتبع النݣافة ..
خرجوها للعندو كان عاطي بظهر ، ضار لعندها قلبو تلهب روحو تهزات ورجعات دقات قلبو تسارعو ورجفة سرات فداتو كلها .. كتبان نقية وبريئة وراقية بحال أميرة فألف ليلة وليلة تبسمات وهي كتشوفيه شد فيدها وهو مزال مخطوف بشوفتها مكانش الوقت ديال الهضرة كان ضروري منهم ينزلو هبطو بصلاة على النبي وعنبر اللور شادة تكشيطتها وصلات التحت لقات الروطال واقف مد ليها يدو وشد فيها ..
الروطال ( قرب ليها ) كيبان ليا نخطف حسك من هاد العرس نسقي الجوف الملهوف
عنبر ( ضحكات ) أنت ديما ملهوف ( جراتو شادة فيدو داخلين مع خوها ومع حياة .. الكاميرا مان لي كان كيصور كل لقطة .. الموسيقى بدات ونسيم بدا كيغني للدخلة ديال العريس والعروسة العائلة كيصورو فدخلة ݣلسو العرسان فالݣلسة ..
طارق ( قرب من ودنيها وهمس ) هاد الزين كاملو ولا ديالي تي فين كنتي مخبية عليا هادشي
حياة ( تبسمات دقات قلبها مرتافعين غالبها الستريس والخلعة ) متزيدش عليا فيا الخلعة
طارق ( تبسم ) اينا خلعة فيهم أزين ديال لي تابعك ولا ديال هنا ؟
حياة ( شافت فيه يدها كترعد ) هنينا والله ماشي وقتها ربي لي عالم بيا
طارق : كولشي زين أزين .. رتاحي ( هز يدها وباسها تحت الكاميرا )
العائلة كولشي نايض يشطح .. ياسمين بردات غدايدها فشطيح لي شافها يقول مكتعرفش لا هي لا دنيا بردو غدايدهم .. عينين زوج دناس من بعيد حاضيينهم وقانيين عليهم ، أريناس مكانتش قادة تشطح الحشمة غالباها الروطال كان مع الرجال وعينيه مع عنبر لي كتشطح بيديها
- جا الوقت لي تبدل فيه اللبسة بلبسة الثانية لي كانت فالخزي راقية كلها منبتة وطارق بلبسة الثانية لي كانت فالبلو مارين دخلوهم النݣافات بصلاة على النبي من الجديد
الروطال (وقف من بلاصتو وتوجه للباب دالقاعة دالعيالات حاضي عنبر ، وقفات دنيا توجها للعند نسيم همسات فودنيه شافيها وتبسم ماشر ليها بحجبانو هز كرسي كان حداه وحطو القدام شاف فعنبر تبسم ليها وأشر ليه بيدو للجهة الكرسي ، الروطال بانو علامات الإنزعاج على ملامح وجهو مكانش باغي ولا عاجبو ولكن مكانش قاد يخسر ليها الخاطر لي مصبرو هو الرجال لي بعاد وتصوير دالبراني لي مكانش ..
عنبر (هزات الميكرو وشافت فحياة ونطقات ) واعدتك نهار عرسك نغني ليك الله يكمل عليكم بالخير والله يخليكم ليا ( بدات الموسيقى وبدا صوت عنبر المبحوح الصوت لي سمعو أول مرة نهار الموسم لي نهار سمعو بقا لاصق ليه فودنيه وعقلو لي بسبابو سماها زينت التبريحة نطقات وهي عينها عليه )
يا أنا فيـن نخـبيك أنا يا من المـوت أنـا يا العزيـزة علـيا ، أنا دوقـتيني حلاوتـك يانا وسـخيتي بيا .. انا الله يا سيـدي وزلالـة العـينين كتـرشي ، أنا الهـدا لاويـن لا تلـومو حرشـة العينـين ، الله يا سيـدي حتى حبيـب مايلومـوه النـاس وأنا ياك أداتي ماصبـرتي ماكبـرتي ، وأنا ݣولو لحبـيبي بـصحة بضـاض لي عـملتي فـقلبي جديـد ..
وقفات من بلاصتها بشوية عليها وتوجها للعندو وقفات قبالتو والعينين كاملين عليهم .. شدات فيدو وشافت فعينيه بكل حب رجعات نطقات وكل كلمة كتخرجها كانت عليه هو ..
عينـيا وإلى بكيـت سامح ليا , سـامح ليا بضاض ورشـوق بنيا ، سـامح ليا الـغرام ماعـمل شـرعية ، تانا عيـنو كحـلة حاجـبو خروبـي .. تانـا عيـنو كحـلة حاجـبو يعلـى .. دادا يا دادا ومـي لالة الهـوى غربـاوي ومـي لالة يجـرح ويـداوي ومـي لالة جـيتي مـاجيتي وݣاعـلا تـجي والحـال يجيبك مي لالة ومابيـن العـرصة وبيـن الريـاض وطـال الميـعاد .. ومـي لالة ومـشيت نخـلف ومـابقى صـبر بضـاض يـتلــف ..
كملات غناها وعطات الميكرو للنسيم لي كمل غناه جرها الروطال لبرا منفارد بيها على عيون الناس .. طلقات من يدو وعنقاتو كتستنشق ريحتو
عنبر : كنبغيك كنبغيك فوق البغيان بضوبل
الروطال ( جر وجها دارو بين يديه مقبل شفايفها بكل حب ) هاد الݣلب كونما بغاك كنت نݣلعو وندير ݣلب خور فبلاصتو يبغيك وكون عندي جوج ݣلوب نعطيهم ليك ..
- داز العرس على خير وبيخير الكل كان فرحان وأولهم حياة لي ركبات فالعمارية وفرحتها كتبان كاع الحاضرين .. جا وقت اللبسة الأخرة البيضا لي بيها تسيفطات مع عائلتها وتوجهات هي وطارق للأوطيل كان غير فالقنيطرة يدوزو فيه ليلتهم قبل لا يسافرو ..
- ݣالسة ساهية فوق نموسيتها كتخمم شافت فجهة لوخرا لي حداها كيما هي متقاستش هبطات راسها بين يديها كتفكر منعسش حداها مباتش فالبيت مامالفاش ليه تنهدات تنهيدة طويلة ، تدق الباب ودخلات ماجدة لعندها ..
ماجدة : عنبر ماشفتيش الپلاك ديالي ؟
عنبر ( شافت فيها فاشلة وماعندها خاطر كتحس بشيحاجة انورمال ماهياش مورالها هابط ) لا ماشفتوش
ماجدة ( غوبشات ݣلسات حداها حطات يدها على ظهرها بتساؤل ) مالك واقعة شيحاجة كتحسي بشيحاجة ؟
عنبر ( تنهدات وشافت فيها ) فاروق عمرو مبات برات البيت لبارح مع العيا نعست هو لا منعسش هنا
ماجدة : واش مخاصمين ؟
عنبر : لا ولكن لبارح واخا هكاك كان كيبان ليا مقلق بزاف .. كان كيضحك غير بزز ( تفكرات البوسة لي باسها وتعنيقة وضحكة لي ضحك فوجها لي كانت ماشي ضحكة من القلب وكيفاش سيفطها تݣلس بلاصتها حتى يسالي العرس )
ماجدة : زعمة حيت غنيتي ؟
عنبر ( جاتها البكية ) هادشي لي مرضني انا والله مادرت فيها شيحاجة كنت فرحانة غير بطارق وبحياة وكنت مواعداها نغني فعرسها .. كان عليا نغني فحنتها لي كنا غير العيالات بيناتنا بززت عليه يخليني نغني ، فديك اللقطة جاني الوجع فكرشي ( رجعات بذاكرتها اللور فاش طلباتو )
فـــلاش بـــاك
الروطال (ناض من حداها كيشوفيها عاݣد غوباشتو ) داوية من نيتك اعنبر بنت ليك ديوثي نخلي مرتي تغني واش انتي مريضة دفنيني حسن ومتݣوليهاش
عنبر ( برجاء ) قسما بالله منشطح هانت 5 دقايق انا غير فرحانة بخويا وحياة ، واعدتها شهوتي نعطيهم هاد الكادو
الروطال : اشمن كادو ولا ***** خلينا ناسيين دوبل فاص
عنبر : ياك كل واحد ايكون فجهة شنو فيها
الروطال : وهداك لي جاي يغني شابة زهوانية ، ولي معاه العدايات راه رجال اشريفة .. واش كتقلبي نفلعص مك من شي قنت خليني متاقي فيك وجه الله ..
عنبر ( شدات على كرشها بالوجعة لي شداتها والضو لي شحطها لظهر ) اااااااااااح أمممممم
الروطال ( نقز حداها ) مالك ؟ شتي شتي هاعلاش دوينا
عنبر ( شافت فيه عينيها مغرغرين طاح عليها اضيم هرموناتها مخربقين ولات اعلى سبة ) والله منشطح افاروق قسما بالله نكلس و5 دقايق ونݣلس بحالي الله يفرحك متخسرش ليا خاطري ..
الـــــواقـــــــع
عنبر ( تنهدات تنهيدة طويلة) عارفاه غير حيت خاف عليا خلاني فاش شاف الوجع شدني .. بحال الى مارضاش فهمتي مارضاش حيت غنيت ماتسرطاتش ليه
ماجدة ( زفرات بضيق ) فاروق نفسو حارة ومكايرضاش وكيغير على حاجتو ، وصراحة ومتقلقيش مني مادرتي فيها مايصلاح
عنبر ( شافت فيها ) ندمت انا كنت بغيت انفرح بخوتي .. راه شتيني حتى ديك 5 دقايق ماكملتهاش حيت بالعينين كاع عليا وتخنقت ماقديتش نكمل دغية نساحبت نيتي ماشي خايبة
ماجدة : ولكن هو راه بنفسو مغايرضاش أصاحبتي ، حتى الهرمونات لاعبين عليك
عنبر : سبحان الله العظيم منين درت 4 شهور وليت كنسى وليت شي حوايج لي كنت مطورة فيهم والله حتى وليت مكلخة فيهم كنت نفهمها دغية مابقيتش وليت خاص تشرحي ليا بالخشيبات عاد نفهم حتى فاروق لاحظها
ماجدة ( شدات ليها فيدها ) راه نورمال هازة روح فكرشك الهرمونات كيتخربقو ماديريش فبالك
عنبر : بقا فيا راسي بقا فيا فاروق والله ( تحل الباب ودخلات عليها تودة مغوبشة )
تودة : تي اش ديك الحالة البارح درتي اݣولي ليا تي اش ديك شوهة ماحشمتي ماتسحييتي راجلك ناعس فبيت الضياف باينة كعيتيه ..
عنبر ( هزات راسها فيها غرغرو عينيها بدموع ) فين ناعس أشمن بيت ؟
تودة : البيت لي حدانا انا وباك ، الضو ليل كامل وهو شاعل السيد مسكين منعسش .. هبط للجردة شحال وهو وعماد تم يهديك الله ابنتي بغيتي تفرحي بخوك وحياة فرحي بيهم فالحنة
عنبر : وراه ندمت راه شتيني ماكملتش كاع وكلست لأرض ، عند بالي درت طايلة ساعة غير عورتها بقا فيا هو والله ( وقفات ) نمشي ندوي معاه ( فنفس الوقت تسمع صوت ديال شي حاجة تهرسات)
تودة : سلامة ياربي أش هادشي ( عنبر قلبها كيضرب صوت التهريسة جاي من نفس الكولوار فتحات الباب كتجر فرجليها المنفوخين توجهات للباب البيت بغات تحلو كان مسدود
عنبر ( كتدق ) فاروق فاروق حل ليا الباب ( كتدق وتعيط )
فنفس البيت وبضبط فالحمام واقف قبالت المرايا لي ولات كلها مشخشنة كاع الحر بردو فيها .. لابابو كولو دمايات لي هابطين من يدو عينيه حومر عرق فراسو غايطرطق مابغاتش دوز ليه مابغاتش تسرط واخا حاول يسرطها حاول يتغاضى بلي صوتها سمعوه خوتو وعز الدين وبوبكر ورجال العائلة ... مابغاتش دوز ليه حاول يدير بوجه حموليتها كان خايف عليها ولكن مقدش ليل كامل عينيه مشافوش النعاس ( دور راسو جهة الباب لي تنفس بصعوبة وتوجه للجهة الباب بخطوات ثقيلة دور الساروت وحل ليها عينيها مشاو نيشان ليدو لي معطوبة ودماياتو سايحة شدات على قلبها دوخة جاتها بخوف نطقات )
عنبر : اويلي مالك ؟ ( جات طل مها وماجدة )
الروطال ( بصوت تقيل قاصح بارد ) سدي داك الباب معاك
عنبر ( رضات الباب وتبعاتو بخوف ) اش وقع ( شافت زاج فالحمام مشتت ودمايات ) علاش درتي هكا ( هبطو دموعها )
الروطال ﴿ ݣلس فوق الفوتوي وشافيها بعينين حمرين عمرها شافتو بهاد الحالة خلعها ) باش منعطبش شيي حد عطبت راسي
عنبر ( هبطو دموعها سخان كان كيشوفيها مقادش ينوض يمسح دموعها وهو ݣلبو من الداخل مقسوم مايقدش يتقبل حاول حاول يسرطها مݣدش ) انا سباب ياك ؟
الروطال ( تبسم شمر على نيفو قايسو بدمو ) مابغاتش دوز ومغاديش دوز حاولت ندوزها مابغاتش .. مارضيتش ( غوت محروݣ ) مرتي صوتها يتنشواو عليه بغيت نجغمها ماتجغماتش دوزتي حمالتك ابنت الناس على خير مكاينش شي **** لي يخسر ليك الخاطر لي تشهيتيه يحضر لي بغيتيه يحضر جيتي لخر وخورتيها لزمتي عليا شيحاجة لي كون كنتي فحالتك طبيعية نعلݣك من شفار عينيك ونشنق راسي ومنقبلش بيها ( وقف غادي جاي بحال الهبيل التنفس ديالو مامنتاضمش صدرو كيطلع وينزل ) راجل راجل ( كيغوت ) ونغمهم تاكانݣول شوفليا راجل ونغم ليا بنادم ومرتي ( ضحك بهيستيريا ) مرتي تنشواو عليها بالمزيان
عنبر ( كتسمع ليه كتمقت راسها كرهات راسها بقا فيها الحال وبقا فيها هو لي عمرها شافتو هكا من نهار تزوجو ) والله ماقصدت أفاروق بالله العظيم
الروطال ( شافيها مغوبش ) هدا هو البلان تي ماقصدتيش فرضتي عليا واحد الحاجة لي كون غير دوزت على راسي ودفنتيني ولبستي عليا البيض ومنحسش بهادشي لي كنحس بيه
عنبر ( وقفات بغات تسد ليه فمو رجع راسو اللور ) متقولش هكا الله يرحم باك حشومة عليك شنو ندير باش تسمح ليا ؟
الروطال : انبدل الساعة بلوخرا مباغيش نݣول شيحاجة ولا ندير شيحاجة لي غاندم عليها حيدي اعنبر ( بإنفعال ) حيدي ( حيدات من قدامو حل الباب خرج قدام ختو وتودة لي تخلعو من المنظر ديالو .. دخلو عند عنبر لي ݣلسات فوق نموسية كتبكي وتشهق ..
خارج هو وعماد من المستعجلات خيطو ليه يدو ودارو ليه الفاصمة ركبو فطوموبيل عماد هو لي سايݣ
عماد : البلان لي ݣلت لك هو لي غادير وترتاح مع مخك
الروطال ( شافيه ) شكون لي ضبر فيه ؟
عماد : جا مع النݣافة انسوني لياسمين نسولها ونمشيو لعدو ( حرك ليه الروطال راسو بالإيجاب هز عماد التيليفون سونا لياسمين سولها على لادريس ديال النݣافة عطاتها ليه قطع معاها وشدو الطريق عندها للقنيطرة )
عنبر ( شافت فيها نيفها منفوخ بالبكا ) واش كاين معاه ؟ فين مشاو ؟
ياسمين : كانو فسبيطار خيطو ليه يدو ، وطلب مني عماد لادريس ديال النݣافة
ليلى : لاش بغاها ؟
ياسمين : قال بلي باغي نمرة الكاميرا مان ، الى ماخفت نكذب غايقوليه يمسح اللقطة لي غنات فيها عنبر
عنبر ( حطات راسها على السرجم ظهرها كيظرها وكيشحطها بحال الضو والوجع ) أمممم
ليلى ( شافت فيها ) مالك واش الوجع ؟ ( عنبر حركات ليها راسها عاضة على شفايفها مغمضة عينيها كتنفس بشوية عليها )
دنيا : ساكها ديال الولادة واجد ؟ متعرفي يشدها الوجع نكونو اواجدين
عنبر ( من تحت سنانها كتدوي بصعوبة) وراه خاص نولد فكازا فالكلينيك لي اتولدني فيه الطبيبة ديالي منقدش نولد هنا ( شوية بشوية بدا يرخفها الحال ) اووووف صافي بدا كيدوزني
دنيا ( كدوز ليها على ظهرها ) نوضي تمشاي شوية ( شدات ليها فيدها ونوضاتها كتمشي فيها )
~~~~~~~~~
فجهة اخرى فلوطيل واقفة لابسة اونسومبل صيفي جامعة شعرها دارت ليكغو ديالها .. هزات راسها فيه ماعجبوش الحال تبسمات وجاتو من اللور عنقاتو
حياة : وحبيبي مالك مقلق ؟ ياك غاديين لشهر العسل وغانكون انا وياك لبارح راه عييت والله مابقى عندي العظم الصحيح
طارق ( ضار عندها خاشيها فيه ) والله يا مك حتى هادشي ايخرج منك بضوبل انا نݣولك هاد الصبر كامل لي صبرت علك ايخرج منك ( لتاهم شفايفها بين شفايفو بقبلة طويلة.. جرها وجر لاڤاليز وخرجو من سومبر فتجاه الدار
توجهو لحدا دار الضو دخلو مع واحد الزناقي فين نعتات ليهم وعطاتهم النعت ، كيبان ليهم محال حاط الماعن ديال الأعراس وقفو عندو
عماد : خويا الله يحفظ عبد الكريم داك الكاميرا مان فين ساكن ؟
.... ( جا عندهم ) المحال ديالو راهو ولكن راه ساد هو راه ساكن فزنقة لولة لا الثانية اتبان لك طوموبيل فيها سميتو
عماد : واخا خويا الله يحفظك (توجهو لزنقة لي قاليهم بانت ليهم طوموبيل اونفاص مع باب الحديد بيض دق عماد مدة وهو يخرج ) السلام عليكم خويا لاباس عليك
.... : الحمد لله اخويا مرحبا دخلو
عماد : الله يحفظك أخويا زربانين ، غير بغيناك فواحد البلان
.... : دخلو دخلو ( دخل عماد وروطال دار كانت موايان دري صغير كيلعب ݣلسو فالمراح كان حاط بيسي ديالو ) تشربو شيحاجة ؟
الروطال ( كان على أعصابو ) لا اخويا الله يحفظك بغيناك على واحد لافير لبارح فاش كتي كتصور واحد اللقطة فين غنات واحد السيدة عفاك بغيناك تقطعها تمسح من الوجود ماتبقاش
.... : واخا أخويا مرحبا ( فتح البيسي كيطاپي فيه دور ليه م الشاشة كانت اللقطة على عنبر ) هادي ياك ؟
الروطال : اه اخويا هادي
.... ( رجع الشاشة قدامو جاب اللقطة من ليمن وليسر وقطعها ومسحها توجها لپوبيل ومسحها منها ) هاهي اخويا راه تمسحات قدام عينيك
الروطال ( بإرتياح ) الله يحفظك وسمحلنا على هاد الدخلة
.... : ݣلسو شربو اتاي بعدا
عماد : زربانين اخويا الله يحفظك ، خرجو من عندو ركبو فطوموبيل راجعين .. ضار شاف فخوه كان باين الارتياح على وجهو ) شوية دابا ؟
الروطال ( بلاما يشوفيه ) ماكرهتش نغسل ودنين لي كانو تم ومخهم باش ينساو
عماد : ماعليش .. تصادف الوصول ديالهم مع الوصول ديال طارق ) فين أسي العريس
طارق ( شاف فالروطال وغوبش ) أش تم ياك لاباس مالك ؟
الروطال ( دخل ) من بعد ( داخل الداخل كانو مجموعين توجه نيشان لعند العيالات كولشي ݣالس من بينهم عنبر لي كانت فالكوزينة كتمشى مع دنيا غير شافتهم من السرجم جات بزربة بلاما يشوفيها كانت وراه هضر بصرامة وبصوت رجولي قاصح ) الله يرحم الوالدين لي صور عنبر لبارح وهي كتغني يمسحو دابا ( شي كيشوف فشي كان باين فيه نيت جاعر واقف طارق اللور مفاهم والو حياة لي ماعرفات واش تسلم عليهم ولا تفهم شنو واقع ) مابغيتش ي فيديو فيه هي كتغني يدور عند شي حد كل واحد يجبد تيليفونو ويمسح
إبتسام : انا كاعما صورت ولا كان عندي الوقت نصور .. ياسمين ودنيا وماجدة لي صورو جبدو التيليفونات مسحو الفيديو
ياسمين : هانت مسحتو .. ، دنيا وكذلك وماجدة وراوه أسماء حتى هي مسحات كانو هادو الوحيدين لي صورو عنبر اما لي بقى حد ماصورها والبراني ديجا تحيد ليهم التيليفون .. الروطال كتافى غير هز راسو عطاهم بظهر عنبر تبعاتو كتعيط عليه
علال : لا حول ولا قوة الا بالله العلي العظيم
عبد الخالق : وراه من حقو الواليد
طارق : توما اش واقع ؟
عنبر ( طالعة فدروج ) فار ( غوتات لربي لي خلقها ) ااااااااااااااه ( كولشي نقز من بلاصتو بجرا للعندها الر طال ضار لقاها شادة على كرشها مخرجة عينيها ) اوووف اووووف
الروطال ( بجرا رجع للعندها شد فيها ) تنفسي تنفسي ( شاف فختو ) حوايجها دغية طيري ( شاف فعنبر ) تنفسي تنفسي بشوية بشوية ..
عنبر ( بصعوبة ) خاصني نولد عند الطبيبة
الروطال : ݣادة تصبري ؟
عنبر ( دوزات لسانها على فمها ) أه أه غانصبر غانصبر ..
دخلوها الفرمليات .. جات الطبيبة ديالها دخلات وهو بقا على برا ، خلطو عليهم كاملين شي كيتسنا معاه شي كيتسنى على برا هو كان ربي عالم بيه
طارق ( كيطبطب عليه ) خير العزيز خير
الروطال ( ربي كان عالم بحالتو كاعما مسوق ليدو لي مرة مرة كتعطيه الصداع ) تعطلو بزاف هادشي كامل ولادة ؟
عماد : أصاحبي زير شوية الله اعلم شنو كاين
الروطال : خايف لا يكون واقع ليها شيحاجة كون غير دخلوني للعندها
عصام : لاش اتدخول اتولدها معاهم .. تودة وسعاد ورقية كيقراو فالقرآن مخلوعين ربي عالم بيهم ، تودة هازة كفوفها لسما وكتدعي ربي يدوز كولشي على خير ، رجع الروطال باللور ݣالس فوق الكرسي شاد على راسو رجليه كيترعدو كيتفكر فاش كانو فطوموبيل وكطلب منو السماحة عض على شفتو عينيه مغرغرين ( وقف على غفلة بحال شي واحد شاعلة فيه العافية )
الروطال : بزاف عليا انا هادشي بزاف عليا
أدريس ( وقف شد فيه ) أولدي اولدي رجوع لله ، شوية ديال الصبر دعي دعي معاها
.... (حلات الطبيبة الباب وخرجات مبسمة ) على سلامتها ومبروك عليكم راه خرجناها كترتاح فبيتها و ( قاطعاها الروطال قبل لا تكمل كلامها )
الروطال : فين هي اشمن بيت ؟
.... ( خرجات الفرملية ) فطاج الثاني الشومبر 12 ( ماسول لا على البيبي لا على حد كان عينو اعليها يعرفها كيف بقات مشا كيجري طلع فلاسانسور مخليهم تابعينو توجه للبيت دخل كانت متكية فبيت كبير مصبوغ بالبيض لابسة بيجامة ديال القطن طويلة بيدين مشبكين وشعرها مغطياه بزيف فالبيض بارد ودايرين ليها فوق منو بونضو فيه وريدات ضارت عندو وتبسمات بقا واقف حابس البكية بسنانو دازت عليه ساعة بحال الى عام كان خايف ضيع من يدو قرب ليها بدون مقدمات شد راسها بين يديه وباسها فشفايفها بوسة طويلة حط جبهتو على جبهتها كيتنفس بصعوبة )
الروطال : على سلامتك على سلامتك
عنبر : الله يسلمك ( تبسمات ) مالك مخلوع ؟
الروطال : كنت خايف توقع ليك شيحاجة ياك داز كولشي مزيان ؟ ماوقع ليك والو ؟
عنبر : الحمد لله ، كانت الطبيبة اتحولني للبلوك الفتيح ولكن الحمد لله غير ولدت غيبت ( ضحكات ) اااححح ( دخلو عليهم البقية كيباركو ليها كولشي كيبارك مها باها عمها جدودها خواتاتها كولشي
الروطال ( يلاه تدارك الموقف شافيها ) شنو ولدتي ؟
عنبر : اويلي علاش ماسولتيش طبيبة ؟
تودة : علاش هو فين كان عاقل هو عقلو كان عندك غير أنتي ابنيتي ( قاطعهم الدقان تحل الباب ضارو كاملين للفرملية لي دخلات وتبعاتها الثانية وثالثة ورابعة والخامية وسادسة الروطال تشوكا فاش كيشوف 6 ديال ليبيبي ماعرف باش تبلا )
.... : مبروك عليكم
الروطال ( كيرمش وقف مصدوم كيشوف فليبيبي حميمرين وزعرين كيشوفيهم ويشوف فعنبر وفالباقي ) واش واش هادو ولادي ؟ مايمكن ( شاف فعماد لي شاد الضحكة بزز تفكر نهار ݣاليه غاتولد فرقة ديال الكرة ماحسش براسو شنق عليه ) أنت سباب كضحك عليا
عماد ( حيد ليه يديه كيضحك عارف بلي الخلعة ودهشة خلات عقلو يحبس كان باين من وجهو بلي دايخ وخاصو يرتاح تجمع عليه العصاب ولي وقع ليه مع ولادت عنبر بانت على وجهو ) تا ريح أصاحبي تهدن او ههههه ( ماقدش يحبس من الضحك )
أدريس : ماشاء الله ماشاء الله
عنبر ( كتدوي سخفانة ) ختي واقيلة راه غلطي فشومبر انا راه ولدت غير ولد واحد ( دخلات عليهم وحدة من الفرمليات لي كانو مع عنبر فالولادة )
.... : شيماء راه قلت ليك شومبر 15 ماشي 12 ( دخلات هازة بيبي فيدها مغطي بيزار فوق راسو طقية فزريرق تبسمات ودخلات عندهم ) ها ولدك يتربى فعزكم ( الفرمليات لوخرين طلبو السماحة على سوء تفاهم لي وقع حطات البيبي حدا عنبر ستأذنات وخرجات الروطال ݣلس على طولتو دايخ )
أدريس ( قرب يطل عليه كان صغير الفيم صغير وطقية فزرق مع لبيسة دزيادة ) ماشاء الله تبارك الرحمن الله يحفظو ويكبرو على طاعة الله
طارق ( كيعيط على روطال ) تا زيد شوف ولدك أصاحبي ( كيضحك ) عطيوه يشرب
عنبر ( كضحك بعياء ) مفايت عليه والو باينة على وجهو ( وقف علال وتوجه لعندها تحنا باس ليها راسها وزررها ( هز البيبي وأذن ليه وحطو شاف فروطال ونطق برزانة )
علال : نوض اولدي نوض ( تنهد الروطال وتوجه للعند ولدو هزو كيشوفيه تبسم بلا ما يحس تخلطو الأحاسيس ديالو جاتو الرهبة إحساس غريب كيحس بيه الواحد فاش كيولي أب )
هزو بين يديه كيضور بيه مابقاش باغي يحطو ، الفرحة باينة فعينيه وتبسيمة لي مابغاتش تحيد من شفايفو
علال ( تبسم وشافيه ) واش نويتو تسميوه ؟
عنبر ( شافت فروطال ) أنا والله ماعرفت حيت مادويناش ݣاع فسميات
الروطال ( شافيها وفجدو ) أتسميه انت أبا ( رجع حطو ليه بين يديه )
علال ( تنهد كيشوفيه ) ربي مكتب ليه السمية الله يجعلها اسم مبارك إن شاء الله ويجعلو من الذرية الصالحة ( هز عينيه فيهم ونطق ) يتسمى عبد الرحمان
الروطال : اللهم يسر عبد الرحمان حيدر ( تبسم ) عجباتني
عنبر : حتى أنا ( رجعات براسها اللور بإرتياح كتشوفيهم فرحانين بولدها تنهدات وبداو عينيها كيتغمضو بنعاس )
~~~~~~~~~~~~~~~~~
فدارها وفبيت نعاسها .. حداها الكونا عبد الرحمان ناعس محطوط كولشي حداها ليكوش وݣاع لي كيخص البيبي أما هي شادة تيليفونها كتقلب فيه تدق الباب بشوية ودخلات مها هازة بلاطو فيه القتبان ديال الكبدة والخبز ديال الشعير وروز مشرمل مع شلاضة ..
تودة : هاكي كولي ابنتي يطيب لاخور ونزيدك
عنبر ( جرات البلاطو لقدامها فوق الطبلة تقادات بشوية عليها ) حياة مشاو ؟
تودة : مشاو صباح بكري ، كولي العشية إن شاء الله ندير ليك الحسوة مزيانة ليك يطيب ونجيب ليك
عنبر : فين هو فاروق ؟
تودة : خرج ابنتي ماعرفتو فين مشا كولي ماحدو سخون ( خرجات تودة من عندها وهي بقات كتاكل بشوية عليها حتى تحل الباب ودخل الروطال هاز فيدو واحد البلاستيك فيه شي وراق)
عنبر ( هزات راسها فيه كتمدغ ) فين كنتي ؟
الروطال ( باسها وتوجه جيها الكونا ديال ولدو نزل وباسو وݣلس مقابل معاه ) كان عندي غراض قضيتو وجيت ( ضار عندو ) كيكتحسي ؟
عنبر ( كتكمل ماكلتها ) الحمد لله
الروطال ( طلعها ونزلها ) صدر تبندر عندك ازينة تبريحة
عنبر ( جاتها الضحكة شوية ماتوحل ليها ) خليني ناكل فخاطري تبندر لخاطرو راه عامر حليب
الروطال ( تنهد ) حسدت ولدي فهاد اللحظة ، ولينا محرومين
عنبر : رجوع لله ههههه واش هبلتي
الروطال ( خرج الوراق من ديك البلاستيك ومدهم ليها ) تكملي وسني على هاد الوريقات
عنبر ( غوبشات شافت فيه بإستغراب وشافت فالوراق كتمسح فيديها هزاتهم بين يديها ) ديالاش هادو ( كتقرا شنو مكتوب شافت فيه مصدومة ) واش ( بلعات ريقها ) واش كتبتي الدار ديال طنجة بسميتي ؟ ( كانت عندو بتبت ڤيلا فطنجة )
الروطال ( هز براسو ) هي والبارطما لي هنا والأرض لي فجديدة
عنبر ( غوبشات ) وعلاش انا مابغيت والو
الروطال : وانا بغيت من حقك خاصني نضمن ليك حقك مابغيتش يجي نهار يبداو ولادك يتخاطفو ݣدامك واخا انا غانربيهم كيما رباني با
عنبر ( غرغرو عينيها بدموع ) الله يحفظك لينا وتبقى معايا وبجنبي لهلا يحرمني منك انا براكة عليا اتكون معايا ونصبح عليك ( نزلو دموعها )
الروطال ( مسح ليها دموعها وجرها عندو ) لاش هاد الدموع الله يهديك انا باغي نرتاح من جيهتك الحمد لله بمشروعك ديالك ملكك وحتى انا خاصني نضمن ليك مستقبلك ولادي بغيتهم يعولو على ريوسهم كيما عولت عليه انا ..
عنبر ( عنقاتو ) الله يخليك ليا لهلا يحرمني منك ياربي ( هزات عينيها فيه جر وحها بين يديه مستمتع بشفايفها لي مكايبعش منهم تدق الباب وبعد عليها بزربة حلات تودة الباب ودخلات هازة قطبان طالع معاهم الفار )
تودة : هبط اولدي تغدا
الروطال ( وقف ) ندوش ونزل ( باس ليها راسها ) محناكم معانا
تودة : لاواه اوليدي عدابكم راحة راكم وليداتنا ( حطات لعنبر تاكل وهزات القتبان الخاويين ) كولي ماحدو سخون ابنيتي ( دخل الروطال يدوش وعنبر رجعات كتاكل وعقلها مع تصرف لي دار الروجال جيهتها ) ..
فجهة اخرى الفرحة لي كانت فرحانة رجعات غبينة فاش نزلات بيهم الطيارة .. الحال كان سخون ضايرة بيهم الخضورية الإستغراب بدا كيتسلل لدماغها خصوصا فاش لاحظات بلي الناس لي ستقبلوهم كلهم أفارقة تزاد معاها الزايد فاش ركبو فرونج روڤر وبداو يبانو ليها الحيوانات شافت فيه ونطقات
حياة : جايبني لسينيݣال ؟
طارق ( تبسم ) لا احبيبي جبتك لكينيا غادي يعجبك الحال
حياة ( ولات كتغزل فصوف تعصبات كلها كترعد شافت فيه وبإنفعال نطقات ) واش باغي تحمقني ولا كيفاش واش الناس كيدوزو شهر العسل فأفريقيا مع الحيوانات أطارق مالك خضر
طارق ( غوبش) كيفاش خضر شتك بحال الى ماعجبكش الحال !!
حياة : لالا فرحانة مخاصني غبر على مزيناتي ، أنا صهد ديال المغرب وكنولي بحال السلاوية لاوية ، وجايبني هنا لي الموت .. جايبني عند السبوعة والقرودة وللفاع طارق واش باغي تحمقني واش هكا كيدوزو ناس شهر العسل ( جاتها البكية )
طارق : عند بالي درت طايلة
حياة : الناس كيمشيو لماليزيا ولا اندونيسيا ولا بالي الطبيعة زينة ، ولا يمشيو لإيطاليا ولا سبانيا بلاصا الرومانسية
طارق ( هزهز براسو ) ماݣلتي عيب ( سرطها كان عند بالو غادي يعجبها الحال دوا مع السيد لي سايݣ بيهم بانت ليها رونج وقفات ورجعات منين جات هز تيليفون ضاغط على شفتو معصب لاغي ريزيرفاسيو فاللوطيل مادواش معاها وحتى مادواتش معاه رجعو للوطيل خلاها ݣالسة ومشا دوا لي تم متبعاه بالعين ومستحبية البرودة لي فالمطار )
حياة ( رجع ݣلس حداها ) شنو درتي ؟
طارق : بغيت غير بالي وأندونيسيا دابت تمشي ليهم العذاب
حياة : انت لي عذبتينا كون ادرتيها من الاول ، انا مشوقة لشهل العسل جايبني عند الغوريلات ( دورات وجها متكية براسها )
طارق : طيارة من هنا ل ساعتين فيك الجوع ؟
حياة : لا مافياش بغيت اشيحاجة باردة ( ناض من حداها ورجع وهو فيدو عصير ديال المونݣ مدو ليها ݣالسين حتى وصلات الوقت ديال طيارتهم دازو من جميع الإجراءات وطلعو لطيارة شادين بلايصهم ..
~~~~~~~~~~~~~
وصلو لأندونيسيا توجهت لواحد من الاوطيلات لي معروفين تم خلاها ݣالسة وتوجه للإستقبال ، هازة عينيها كدورهم فكاع الجويه الجو واخا كان دافي ولكن زوين مع قطيرات ديال الشتا .. جا السيد لي مكلف بالبابز خدا بالزهم شد طارق فيدها وتوجهو للشومبر ديالهم لي كانت كطل على منظر لي كان زوين ، دخل خدا دوش هو لول عاد هي توجهات لدوش دوشات خرجات لبسات عليها نزلو تغداو كلاو فالمطعم لي تم ورجعو للشومبر ينعسو يرتاحو باش يخرجو فالليل ..
فنفس النهار وبليل ، لبسات عليها كسوة فالبيض نص كم مع صندالة فالأحمر وساك فالأحمر .. أما هو لبس اونسومبر سروال رجالي فالبيج لولان مع شوميز ديالو ساعتو الرجالية شد فيدها وخرجو هو وياها معنقها من كتفها وهي معنقاه من ظهرو
طارق : نتعشاو دابا ؟
حياة : يلاه ( توجهو لواحد المطعم لي كان مكتوب فيه حلال كان ديكور ديالو زوين طلبو العشا هزات راسها فيه ونطقات وهي شادة فيدو ) سمحليا عذبتك معايا
طارق : عذابك راحة أنص بلاصة المهيم ترضاي وتكون فرحانة وعاجبك الحال
حياة ( تبسمات ) الله يخليك ليا احبيبي ومايحرمنيش منك
طارق : وكولي ليا مزيان الليل طويل أزين ( غمزها ) ..
حياة ( عضات على شفايفها والحمورية طغات على وجها ) الجو زوين
طارق ( راشق عليها ) ومزال يزيد يزيان ويزيد يزند ويهيج
حياة ( ضحكات ) وصافي عيقتي ( قاطعهم السرباي لي جاب ليهم العشا ) كول كول
طارق : هادشي غير غادي يهرني مزال انا كنتسنى فصح والعمل شوى ازين دورو على جوج جوايه
حياة ( بدات كتاكل ) الوجه لي يحشمو عليه الناس والله ماعندك ..
تعشاو خلص وخرجو معانقين كيدورو الدنيا عامرة الناس أنواع كل واحد منين جاي قررو يرحعو لوطيل .. رجعو دخل هو الاول سبقها يدوش وبقات هي حلات الباليزة ديالها كتشوفيها جبدات دوبياس فالاحمر شبكة مع شوميز فنفس اللون ليكريم ديالها أو بارفان مزال ماحلاتوش مع خرج هزات داكشي فيديها وقف كيشوفيها وفيديها لي مرجعاهم اللــور ..
طارق ( لاوي عليه الفوطة من الفوق عريان قطرات ديال الما نازلين مع صدرو الملط عضلاتو مطراسيين كيشوفيها بإستغراب غموها ونطق) أش تم أش مخبية وراك ؟
حياة : مامخبية والو اندخل ندوش ( بزربة تخطاتو ودخلات سادة عليها كتسمع فيه )
طارق : وبلاما تزوقي انا بغيتيك ناتيغيل ، مافيا لي عمر بالصقلي والمداني ( خلاها كضحك حطات دوك الحوايج خدات دوش خفيف خرجات منشفاتش راسها بزاف دهنات راسها بالكريم evoluderm ديال monoi ريحتو فنة دهنات داتها كلها ، خدات واحد المسك بودري دارتو فأماكن النبض عاد حلات الريحة لي خدا ليها valentino donna born in Roma رشات منو .. شافت راسها فالمرايا بداك دوبياس وشوميز قفزها بدقان لي كيدق
طارق : خرجي ريحتك عطات انفرع عاد الباب
حياة ( حنحنات وتنهدات قلبها غادي يخرج من بلاصتو ) وبشوية عليا ( ضربات بشعرها مخلياه فازݣ على راحتو ) انا جايا ( دورات البوانيي وحلات عليه لقاتو واقف لابس غير شورط صغير طلعها ونزلها كيسكانيها بعينيه كانت بحال شي خوخة ولا توتة ريحتها ضربات فيه شللاتو وشللات ليه العقل ..
طارق ( تنهد عاض على شفايفو ) منين غانبدا مك منين ( بدون مقدمات هزها غارق فنعقها كيستنشق حلاوتها .. حطها فوق النموسية نازل بثقلو عليها ..
باديها من شفايفها كيحاول يخليها ترتاح وماتبقاش مكنززة بين يديه .. عمرو حط يدو عليها من نهار دارو العرس وهادي ثاني مرة ليهم هاد المرة ناوي يكمل لي بداه وتكون ليه بجسدها وروحها ، من قبلاتو كان باين فيه عارف شنو كيدير ومحتارف خلاها الدوب بين يديه كيقبل كل شفة بوحدها عاطيها حقها مخلي انفاسها تقطع وترجع .
بوساتو خلاوها ترفع كل خلية فيها فاقت يديها ولاو كيتساراو على ظهرو العاري وكيجرو راسو للعندها .. شفايفو مكتفاوش بشفايفها تسراو على وجها نازلين للعنقها مخلي طابع امتلاكو على كل قنت من جسدها ، شوميز لي كانت لابسة تحيد بقات غير بدورياس لي بدا كيزول فيهم واحد بواحد .. ماحساتش براسها حتى تهزات منين الجزء العلوي فيها خدا عقو من شفايفو بدا كيصضر منها انين مابقاتش قادة مزال تصبر كتفركل برجليها .. روحها كتحس بيها بغات تزهق وحتى هو مكانش اقل منها وصل لدروة ديالو ترفع وجهو ولا حمر مابقاش قاد مزال يزيد فصبرو .. زول الشورط الصغير هزات عينيها لي كانو معسلين رجع ليها الخوف وترعيدة من داكشي لي شافت عينيها مكاتخيلش راسها تكون تحت منو وهو بهاد الشكل والحجم .. قبل مايرجع للعندها تهزات من بلاصتها جارة ليزار مغطية بيه
حياة : واش انا انكون تحت منك ؟ اش هادشي منقدش اويلي منقدش
طارق ( فشلاتو ) كيفاش متݣديش تي أش كتݣولي جايباني حتى لهنا وكتدخلي وتخرجي فالهضرة
حياة ( جاتها البكية ) هادشي راه بزاف
طارق ( جابت ليه ضحكة ) شنو لي بزاف ؟
حياة ( توترات غادية جايا) راه انا لحمي عزيز عليا وانت راه هادشي ( شافت فيه بعينيها وهرباتهم ) وانت راه هادشي بزاف غير طبيعي
طارق ( كيضحك ݣلس هكاك عريان فوق نموسية ) واش انتي شوية لاباس ؟ مالي انا لي صانعو داكشي رباني الحمد لله بنادم مامبلي كولشي هو هداك
حياة : نأجلوها
طارق ( وقف ) والله المعبود لا تفاكيت معاك ( تم جاي عندها ) أجي اكبيدة ( حياة هربات للحمام فوق البوطاجي لي محطوط فيه البرودويات داتها كلها كتبان من ليزار كيبانو تفاصيلها .. كانت خايفة ومصدومة ماكدباتش نهار قالت ليه قدك قد النخلة ، بلعات ريقها كلها كترجف
حياة : أش هاد المسخ لبس حوايجك احبيبي عفاك البرد عليك
طارق : تي كيفاش المسخ أشريفة راك مرتي نزلي ولا نزلك يلاه كتي دايبة بين يديا دابا ولا المسخ واش تي شوية لاباس ؟
حياة : والله منزل شوف هانتا كبيدة ديالي اليوم عيانين خلينا غير نرتاحو
طارق ( هز حاجب ونزل الثاني ) 4 يام ازين وحنا مرتاحين اقسم لك برب الكعبة الى اليوم غان ناكلك نزلي هاد جهد خليه لمن بعد ( غمزها )
حياة ( قلبها غادي يخرج ماعرفات مدير خلعها وخافت جميع تهيئات جاوها لبالها شيطان بدا يوسوس ليها بلي ايجيها نزيف رجليها فشلو عليها بدون وعي نطقات ) طلقني انا ماشي ديال الزواج انا اهبيلة ..
طارق ( كيضحك ) غير غادوݣي البنة ونشوفو واش اتبقاي شادة فهضرتك أجي ( على غفلة منها جرها هازها على ظهرو وهي كتغوت وتركل بين يديه دخل بيها لبيت النعاس لايحها فوق النموسية وهي كتشوفيه ) دابا منين نبداك أزين أممم ؟ ( نزل بثقلو عليها كيبانو ليه عينيها تشقلبو حبس كيحرك فيها والو غيبات كيفيق فيها والو ) هادشي مزال مادرنا والو وغيبتي والى درنا شنو غاديري ..
~~~~~~~~~~~
- فاقت الصباح ماعرفاتش شنو وقع مزال البارح منين غيبات .. ولكن تأكدات بلي ليلتهم ماكملاتش فاق مكانش عاجبو الحال ومقلق خرجو ناويين يتوجهو لبالي مع الوقت بدا كيتطلق معنقها .. داير فبالو بلي ايبقا يخاول معاها بشوية حتةدى ترتاح هو مغراضوش فالفراش بضبط ولكن راها مرتو ومن حقو .. غادية معاه وسط الزناقي وشوارع لي حمقوها الجو واخا كان مزموت ولكن دوك نقيطات الشتا محليين الأجواء معنقها من ظهرها وهي مخشية فيه الطبيعة حمقاتها دخلو لواحد الشارع فيه الحوانت
طارق : أجي شوفي واش عجباتك شيحاجة
حياة : مشهية شي ݣلاص بعدا ، وقفو عند واحد الحانوت ختارت واحد الݣلاص بلاستيكة ديالو مصورة فيها المونݣ والكوكو خلصهم كتحل فيه جبداتو وقفات مصدومة .. هو بدورو وقف كيشوف مالها عض على شفتو حابس الضحكة
حياة ( بلعات ريقها كتشوفيه بإستغراب) شنو هدا ؟
طارق ( قهقه بضحكة رجولية عالية ) مابغيتيش دوقيه وهو حي هانتي غادوقيه وهو ݣلاص
حياة : اش هاد الوسخ والمسخ مابغيتوش بناقص( بان ليها طارو دزبل لاحتو)
طارق : وانتي لي بغيتي تجي لأندونيسيا وبالي كون بقيتي مع القرودة كاعما تشوفي هادشي ( تمخشات فيه مكملين المسارية ديالهم كلاو على برا ومارجعو للوطيل حتى العشية ..
- هاد المرة ماخلاتش الخوف يسيطر عليها .. متكدبش تعذبات ولكن كان محاول عليها ومافورصاش عليها ، بتعامل ديالو معاها وحنانو خلاها تستسلم ليه وتسلم ليه راسها .. عدريتها زينات ليزار لي كانو ناعسين عليه خداها بين يديه فوسط صدرو معنقها دغية غمضات عينيها وستسلمات للنعاس بالعيا ..
باقي سيمانتهم دازت كلهم حب ، لا على برا لا لداخل ماسخاتش ترجع ولكن كان ضروري مايرجعو على قبل السبوع ديال عبد الرحمان ..
فجهة اخرى وعند كاتب عمومي کالسة ياسمين وبوبكر .. سناو على الكونطرا خرجات هي وياه على برا جبد السوارت من جيبو ومدهم ليهم
بوبكر : مبارك ومسعود اللهم يسر
ياسمين ( فرحانة خدات من عندو السوارت ) الله يبارك فيك شكرا بزاف سمحيليا عذبتك معايا
بوبكر ( بصوتو الرجولي ) مرحبا مكاين حتى عذاب ، على وديت الصباغة ( كيتمشاو ) كاين واحد الصباغ كنعرفو يقضي ليك الشغل خدمتو مزيانة
ياسمين : لهلا يخطيك أدير فيا خير نخلي ليك السوارت تقد تكلف ليا ( شاف فيها بنص عين ) الى بغيتي ومغانعذبكش احيت انحضر لسبوع ديال ولد ختي
بوبكر : ماعندكش مشكيل تهناي ( خدا منها السوارت جبد تيليفونو مدو ليها ) قيدي نمرتك
ياسمين ( خدات تيليفونو سجلات نمرتها ) هاهي شكرا بزاف
بوبكر ( حرك ليها راسو ) مرحبا ( طلعات فطوموبيلتو مشات عاد ركب فطوموبيلتو شاد الطريق لدارو ) ..
فدار أدريس حاضر علال الراس الكبيرة لي بلا بيه مايمكن يديرو حتى حاجة هو العمارة ديالهم وفاي فرح كيكون فقلب دارو .. على برا حاضرين الرجال موقفين زوج حوالا كبار بݣرونهم دب**ح الروطال الأول والثاني وخلا الݣزار يكمل الزغاريت الدار ناسها فرحانين بزيادة ديال ولد ولدهم الكبير ..
دايرين قاعة كبيرة فجردة بنهار حضرو الرجال وريحة الطياب عاطية .. وبليل العيالات ، هبطات عنبر من الفوق بتكشيطة هماوية ثوبها فدهبي والاخضر ملكي مع زيف فذهبي هماوي ، مع ذهبها لي كان جابليها هازة وليدها بين يديها دخلات على العيالات رحبات بيهم تصورات مع الروطال لي كان لابس جلابة فالأخضر ودخلات فحالها عند العائلة
خارجة بسروال ديال الجبادور وشوميز تقليدية هازة تيليفونها كتدوي
دنيا : ولا عثمان الى مالقيتيش بلاش .. باش تجيب ليا ديك القهوة مابغيتهاش مداقها خايب حتى الكليان ماعجباتهم ( سكتات كتسمعو ) واخا صافي الله يسهل عليك واخا حتى أنت تهلا فراسك ( قطعات ضايرة كان وراها واقف خلعها ) خلعتيني اويلي مالك واقف هنا ورايا ؟
عز الدين ( كيشوفيها ببرود ) معامن كتي داوية ؟
دنيا ( دورات لسانها وسط فمها ) وعلاش كتسول وفاش غايهمك ؟
عز الدين : دنيا سولتك معامن كنتي داوية
دنيا : وحتى أنا راه قلت ليك شكون انت باش تسولني ( تبسمات ) شفتك مزال مارجعتيش للفرنسا
عز الدين : وفاش غايهمك الى رجعت للفرنسا ؟
دنيا ( برمات شفايفها ) مكايهمنيش انت تعرف ( جات تتخطاه جرها من دراعها خشاها فيه عنقها )
عز الدين : كترطاي بزاف شششششش بشوية عليك مالك على هاد جهد ( كيدوز على ظهرها كتحاول تملص منو مابغاش يطلقها زاد خشاها فيه ) ترخاي ششششش ترخاي ( سكتات وسط يديه ) توحشتك والله القسم الى توحشتك ( بعدعا كيشوفليها فعينيها المدمعين ) علاش كتبكي واش بغيتيني مابقيتش ندويك باغياني نرجع بحالي ؟
دنيا ( شافت فيه ) انت راه قررتي تمشي وماعلمتينيش بحال الى مساوية والو
عز الدين : مكنتش باغي ندير شيحاجة ندم عليها ، انتي خوت صاحبي مابغيتش نخلق معاه العداوة
دنيا ( بقات ساهية فعينيه مابغاتش تفهم شيحاجة مكايناش ) علاش ؟ علاش مالك ؟
عز الدين ( تنهفس بصعوبة ) حيت مكنشوفكش خوت صاحبي ومكنشوفكش فيك ديك شوفة ديال صحبة كنشوفيك حوايج كثر
دنيا ( ببلاهة ) واش كتبغيني ؟
عز الدين ( تبسم ) شنو بان لك ؟
دنيا ( كترمش بعينيها مامتيقاش نطقات باول حاجة جات على بالها ) هي تزوج بيا ؟
عز الدين ( ضحك ) كيفاش عاودي عاودي ؟!!
دنيا ( عاد عاقت براسها ) ماقلت والو نسا ماديرش فبالك
عز الدين ( شد يديها ) بالله لا نسيت ( كيشوفيها بشك ) واش كتحسي بشيحاجة من جيهتي ولا غير جابليا الله شوفي فيا ( هزات عينيها فيه قلبها كيضرب بجهد ويديها كيترعدو ) كتبغيني ؟ ( بلعات ريقها وهزات براسها تبسم ورجع جرها لعندو معنقها ) اوووووف على خلعة عيشتيني العذاب هاد الأيام
دنيا : وانت لي خليتيني ومشيتي ماشتيش كيفاش حسيت
عز الدين : عند بالي كتحسبيني بحال طارق ( شد ليها وجها ) واش هادشي لي ݣولتي شوية هدا على زواج بصح ؟
دنيا ( تزنݣات وحدرات راسها ) وصافي زلقات ليا من فمي
عز الدين : هي مابغيتيش تزوجي بيا ؟
دنيا ( شافت فيه بزربة ) لا ويلي بغيت قالاك مابغيتش
عز الدين ( كيضحك ) ندخلو ندوي مع عمي عبد الخالق ومع طارق
دنيا : اويلي دابا ؟
عز الدين : واش انا 6 شهور وزيادة وانا كنتسنى وبغيتيني نتسنى دوزي ݣدامي ( شوية تفكر ) معامن كنتي داوية ؟
دنيا ( كضحك ) امع عثمان على قبل القهوة لي كنبيع
عز الدين : عثمان نسايه كاين انا فهمتي أنا ( بتأكيد وصرامة جرها غادي بيها وصلو للعند الباب وطلقات منو هربات وهو توجه للعند الرجال توسط عبد الخالق وطارق وهي كطل عليهم من سرجم كيدويو كيبان ليها طارق تبسم وعنقو وهو بدورو باس يد عبد الخالق )
ياسمين ( نغزاتها ) هي صافي القلوب تصافاو ؟
دنيا : باش عرفتيها ( الفرحة كانت باينة من عينيها )
ياسمين : وا بنتو ليا بزوج ( كضحك بدا تيليفونها كيسوني طلعات ليها نمرتو ) بلات انا جايا
دنيا : جايا امممم سيري احنينتي سيري
ياسمين ( بعدات فتحات الخط ) ألو نعام اسي بوبكر .. الحمد لله الله يبارك فيك
بوبكر : شفت ليك الصباغ غدا غادي يبدا .. ݣلت ليه بغيتي لون البيض داخل فيه شوية ديال السومو من الوسط .. والباب يكون فالسومو
ياسمين : أياه الله يسهل عليك وسمحليا عذبتك
بوبكر : مكاين حتى عذاب مرحبا تهلاي فراسك
ياسمين : حتى انت تهلا فراسك بزاف ( قطعات معاه دخل للواتساب دخل لستوريات لايحة تصاور من السبوع وفيديوات لايحة تصويرة ديالها ضاحكة مع خواتاتها .. وصورة اخرى هازة عبد الرحمان بين يديها خرج من الستوريات وسيفط ليها ميساج فالواتساب فيه " الصباغة راه غايكملها فنهارها فاش يكمل غادي نصور ليك "
ياسمين ( رجعات عند دنيا طلع ليهت ميساجو تبسمات وجاوباتو " صافي واخا "
~~~~~~~~~~~~~
محال ياسمين دقة دقة بدا كيتقاد وكيبان ، بوبكر كان واقف معاها واقف على كولشي برجليه مامخليهاش تبان وهادشي لي عصبها
ياسمين : وراه من حقي نوقف على شغالي بيدي ابوبكر اويلي
بوبكر : وسيري لداركم واش انا وݣفت عليه من لول صباغتو دازت على يديه ، وفينيتو على يدي حتى البلاكارات على يدي وسلعتت اتستف على يدي
ياسمين ( جننها ) واش انت هبيل كيفاش على يدك واش مشروعك ولا مشروعي
بوبكر : غير رجال لي كاينين هنا ، جلايلك يبقاو كيتلاوطو هنا مع رجال بنا ليك كاينين فباريس سيري اياسمين لخيمتكم
ياسمين : كيفاش خيمتنا بوبكر راه عيقتي
بوبكر ( بالغوات ) وسيري لداركم الهضرة ماشي معاك انتي مع جدك سيري لداركم تبقاي دوري بيا انفوت فيك شي دقة
ياسمين : دكتاتوري مريض انت والله حتى مريض ضربات برجليها وتمات راجعة للدار عند جدها
واقفة قدام المرايا كتقاد فراسها حسات بيديه على مرشها معنقها خاشي وجهو فعنقها
طارق : كون ادرنا بناقص من هاد العراضة مكنشبعش منك ( دورها عندو ) كيبان ليا نشد شي كونجي خور
حياة ( تعلات على صباع رجليها باستو وعنقاتو كتستنشق ريحتو لي كتحمقها ) أيام الله كلها ديالنا احبيبي ، حشومة عنبر عرضاتنا ومنمشيو ونسيتي بلي الخطبة ديال دنيا مابقا ليها والو
طارق : خارجين ليا فعودي ( لصقها معاه كيشوف فعينيها ونطق بجدية ) مابغيتكش تشربي الفانيد بغيت نولد ولادي احبيبي الروطال شهاني فالولاد
حياة ( ضحكات ) انا اصلا مناوياش ناخود شيحاجة ، حيت حتى انا مشهية شي فنكوش ولا فنكوشة منك يكون كيشبه ليه
طارق ( كيشوفيها بكل حب ) كنت حاس بلي كاع لي داز عليا وصبر لي صبرت ربي غادي يجازيني وجزاني بيك الله يخليك ليا
حياة : اللهم آمين وليا يلاه نمشيو ( هزات ساكها وخرجو بزوج فدار عند عنبر كانت دايرة صدقة وعارضة عليهم كاملين الدار عامرة كولشي مجموع )
عنبر ( ݣالسة لابسة عباية مع شالها ) ماما قاليا بابا ناويين ديرو عمرة
تودة : اياه ابنيتي إن شاء الله انا وخالتك سعاد وباك وعمك أدريس انمشيو مجموعين إن شاء الله ياربي ..
الروطال : الله يديكم على هير ايمتا ناويين ؟
تودة : الى بغا الله ورا مادير دنيا العقد انمشيو العݣوبة ليكم كاملين إن شاء ( شافت فعنبر ) مابغيتش ابنيتي نخليك
الر طال : انا معاها اخالتي ، وكاينة مرت عمر دويت معاه مرتو اتكلف بشغال دار كاملين وهي تكلف بعبد الرحمان
عنبر : بغا يجيب ليا مربية ولكن مابغيتش بغيت ولدي نربيه انا الى زهرة تكلفات بدار راه غادي دير فيا خير كبير
سعاد : الله يعاونك ابنيتي ويكملك بعقلك المربيات راه مافيهم ثقة مكاينش لي ايخاف على ولدك ݣدك أنتي
- جاو الطلبة وݣلسو الرجال بوحدهم والعيالات بوحدهم قراو ماتيسر من القرآن ، ودعاو مع الجميع تحط العشا تعشاو مشاو الطلبة وبقاو غير العائلة
عماد ( راشقة ليه ) يوسف صافي نوا يكمل دينو
الروطال : وايلي على سلامة هي حتى انت وليتي من السلالة ديال تعرس قبل لا تهرس
راشد : انت لي فتحي داك الباب خاصنا نتفارضو لك ونديرو لك شي كادو مبربخ يا أخي
الروطال ( دافع كبير معنݣر ) واشنو خاص اروطال يبدا ليكم تبعوه فجلايلو .. ولكن زين مادرتو الواحد هو لي يتزوج والله يطعمنا حلال ( الكل رض بآمــيــن .. )
عصام : هي با يوسف نيش على جارتكم ؟
عماد ( كيضحك ) لصق لصقة ديال الغدايد ولكن حتى لبنت تستاهل درويشة
عصام ( تبسم ونطق ) وبما أنو مجموعين بغيت نݣوليكم كيبان ليا غانخاوي عمران
الروطال : أرفد أمعلم ( كيضحك ) هالي ݣلت خاص غير روطال يبلز بلزو وراه
عصام : تا مالك مصطي دير مدار خوك ولا رحل من حداه
عماد : ومبارك مسعود العݣوبة لينا أنا وعزيز وراشد وبا طارق
طارق : أنا مكرهت من غدا نكذب عليك باغي شي نونوس ولا شي نونوسة ( كملو جماعتهم على ضحك بحال عادتهم واخا يوقع لي يوقع كيبقاو عائلة متاحدة مع بعضياتها ساسها المحبة والإحترام ) ..
أي حب نقي وجاي من القلب مافيهش قلة النية وساسو الثقة كيكمل بزواج .. على حقو وطريقو شحال بكات وقالت صافي مغايكونش ليها ولكن هاهي اليوم لابسة تكشيطة بيضة مطروزة ومنبتة بحجيرات .. حداها هو بكامل أناقتو والعدول ݣالس كيوثق حبهم بعقد حلال عقد ديال زواج حفلة بين العائلة فقط بلا هاراج بلا صداع الراس المهم عندها هي ولات ملك لمحبوبها لي بغاتو ، شحال تعدبات فاش فسخات خطوبتها ولكن دابا كتحمد الله وتشكرو بلي جاها العوض ..
عز الدين ( قرب من ودنيها ونطق ) واش انا علمتك بلي مابقيتش راجع للفرنسا ياك ؟
دنيا ( تبسمات ) ماعندك مدير بيها حبابك وناسك هنا ( تنهدات وشدات فيدو ) وحتى انت ادير زريعتك هنا ( شافت فعينيه التأثر عرفاتو تفكر والديه وختو وكملات كلامها ) هادو كاملين عائلتك وانا هي دارك عرفتي شحال كنبغيك
عز الدين ( شافيها بكل حب ) وأنا كنموت عليك ( ضحك ) ولكن مغانساش بلي انتي لي طلبتي مني الزواج الأول
دنيا ( خنزرات فيه ) وصافي .. عيط عبد الخالق على ياسمين مشات لعندو
عبد الخالق ( اشر ليها باش تݣلس وݣلسات ) دوا معايا جدك جاو فيك الخطاب
ياسمين ( بإستغراب) شكون ؟
عبد الخالق : بوبكر ولد الحاج دوا مع جدك وبغاك لزواج ݣاليه يسولك ويسولنا وباشما كان نجاوبوه
ياسمين ( غوبشات ) وعلاش مقالهاش ليا انا ( شافت فباها ) اويلي ابابا واش انا نمشي نسكن فسوق الأربعاء ؟
عبد الخالق ( تنهد وتبسم ) مابقاتش أبنتي فسوق الأربعا ولا فجبل بقات فراجل لي تحطي جنبك حدا حنبو وتأمني على راسك معاه .. بوبكر ولد الناس وراجل تعولي عليه وانتي تعرفي جربتي ابنتي تزوجي براجل لي بغيتي انتي وراه شتي كولشي ݣدام عينيك وكي کلت لك انتي تعرفي فكري وݣولي ليا شنو نݣولو لسيد ( ناض من حداها وخلاها كتخمم )
ياسمين ( هزات تيليفون دوزات نمرتو كتسنى فيه حتى جاوبها بعدات على الدار خارجة للجردة ) ألو واش دويتي مع جدي عليا ؟
بوبكر ( بهداوة وصوت رجولي ) ومنين عارفة هادشي راك عارفة بلي دويت معاه
ياسمين : كان خاصك تدوي معايا انا ، وزايدون انا وياك مكنبغيوش بعضياتنا
بوبكر : سمعي أياسمين ، انا واحد الراجل لي عندي 42 عام فعمري ماشي ديال نجيب وندي معاك فالهضرة ونتحاب معاك داكشي نديرو وانتي حلالي .. وانا كون ماكتيش عاجباني وعارفك تصلاحي ليا وشفت المعدن ديالك فهاد الشهرين لي دازو راه مندويش مع جدك
ياسمين : هانت قلتيها شهرين راه مزال خاص نتعارفو
بوبكر : شوفي ابنت الناس داك تخربيق وروينة ديال ندوي معاك فنصاصات الليل ونشد معاك الجماعة بلا موحب شرع ماعديش معاها عجبتيني نويتك للخير راني قصدت داركم .. اتݣولي ليا مطلقة فخباري وأقسم لك برب الكعبة ماتلݣاي معايا مشكل الحمد لله عندنا خواتاتنا ولي نرضاوه ليهم نرضاوه لبنات الناس نديرك فعينيا .. مشروعك نوݣف معاك فيه أهو انا راه منݣدش نخوي هنا كتي تقبلي تعيشي معايا هنا نديرك تاج فوݣ راسي وفداري وأنتي تعرفي وباشما كان علميني خليت ليك الراحة ( قطع عليها خلاها ساهية وكتخمم تفكرات نور الدين خسرات سيفتها فاش تفكراتو .. تفكرات بوبكر وتصرفات لي كيدير معاها رجولتو تبسمات واخا كيعصبها تنهدات تنهيدة طويلة تمات راجعة وقفات مقابلة مع باها أشرات ليه جا عندها ونطقات بكل أريحية ..
ياسمين : أنا قابلة أبابا ..
~~~~~~~~~~~~~~~
بــعــد مـــرور 15 ســنــة
الشمس حارة كتݣدي فشهر كان 20/8 ، فدار ديال الجديدة واقفة عنبر فالكوزينة كتوجد الغدا
حياة ( دخلات عليها لايحة عليها شال مع عباية باردة ) ودوزي تغداي راه حطينا زعمة خاصنا نخرجو دغية الخمسة ديال توصل
عنبر : واخا انا جايا طارق مشا ؟
حياة : مشا ودا ياسر معاه هو ونور ، ويلاه زيدي .. جابت عنبر شلاظة وتحمعو على الطبلة
ماجدة : عندك غير عزيز يفلت ليه رضا من يديه وسط الزحام
سعاد : ياويلي على يفلت ليه رجوع لله يا هاد البنت راه مع عمامو ومع جدو كولي كولي ( خرجات تودة من البيت كانت متصلي ݣلسات كيتغداو )
تودة : سونيتي لختك ؟
حياة : سونيت ليها لاباس عليها سيمانة جايا غاتجي هي ودراري ( سكتات وكملات ) خويا راه خرج من الحبس
رشيدة : ربي ربي تلاݣيتي معاه ؟
حياة : لا قالتها ليا هي ، خرج سيمانة لي فاتت وشافليه راشد خدمة فواحد الفيرما ديال صاحبو
رشيدة : ايوا مزيان علاش دنيا مجاتش ؟
ياسمين : مشات هي وعز الدين لفرنسا عند لوسها .. ودارتها حجة البنات باغيبن يشوفو عمهم ويفوجو شوية
تودة : وكولو خلاص وسربيونا بقينا غير حنا ( تغداو بالخف جمعو ديك الطبلة مل وحدة باش تكلفات بدلو عليهم وخرجو ياسمين ساݣت طوموبيل وحياة كوموبيل لوخرا متوجهين للموسم مولاي عبد الله أمغار ) ..
وصلو بلاصاو طوموبيلات ونزلو خياة سونات للطارق .. خرج عندهم هاز بنيتة لي كانت كتشبه للحياة ، فعمرها 5 سنين
طارق : تعطلتو
حياة : فين هو ياسر ؟
طارق ( أشر ليها براسو ) لداخل مع عبد الرحمان ومحمد أمين كيوجدهم فاروق
حياة ( حطات يدها على قلبها ) خايفة والله ، بحالهم بحال تريكتهم كولشي خارج حامق على الخيل وتبوريدة
طارق : الله يهديك ، تشوفي دراري لي معاهم أصغر واحد عندو 12 عام وݣليولين مزال ولادنا تبارك الله ماتعطيهمش عمرهم .. زيدو دخلو
- دخلو متوجهين لبلايصهم ، ادريس وعبد الخالق ݣالسين عماد وعصام حتى هو .. عزيز مݣلس حداه ولدو رضا حداه ، اما عماد بنتو كانت ݣالسة حداه فرحانة كتشوف بعينيها غير شافت ليلى ومشات لعندها ݣلسات عندها ..عصام لي عمران كان مسافر مع صحابو أما بنتو سيليا ݣالسة حدا أريناس شادة الصوفة ددا كتاكلها ، ݣلسو كاملين مترقبين دخول الفرقة ديال السربة الصغار لي كان من بينهم عبد الرحمان ولد الروطال او محمد أمين ولد بوبكر وياسر ولد طارق .. الروطال كان هو لي مكلف بيهم هو وبوبكر
طارق ( حط نور للحياة ) ها نور معاك انا نمشي نشوف دراري ، خلاهم وتوجه للعند الروطال لي كان واقف عليهم برحولتو وهيبتو شعرو الرطب لي كيتخللو الشيب 15 عام دازت مابدلات فيه والو زادتو هبة او كاريزما ديال الخمسينات مزال هو هو بنفس الهيئة بنفس البنية والوسامة غير مزاد كثر وكثر ، كان واقف كيقاد لولدو اللبسة عبد الرحمان لي كان نسخة طبق الأصل من باه .. بوبكر لي تكلف بباقي دراري كيقاد ليهم اللبسة والخنجر
حياة ( فجهة أخرى قربات من عنبر لي ظايرة نظاظر الشمس فوق راسها لابسة كسوة طويلة فوق منها فولار طويل مغطي ظهرها وصدرها كلها مع سباط مشبك وليبات فرجليها يدها مزينة بخاتم زواجها مزال على نفس الملامح الجميلة ) قلتي للفاروق على داكشي ؟
عنبر ( ضارت عندها تبسمات من ݣلستها ومنظرها وتصرفاتها تبدلات من ديك البنت لي كانت متسرعة فتصرفاتها لي كتصرف بعفوية ومكتفكرش فالحاجة للمرأة لي كلها ثقالة ورزانة والكلمة الموزونة وتباتة الزمان والأمومة والمسؤولية علموها وبدلوها) لا مزال ماقلت ليه والو ، حتى العشية ونقولها ليه علم الله شنو غايقول
حياة : رزق جابو الله شوفي سبحان الله العظيم ، غير رجعتو من العمرة وربي جاب تيسير
عنبر ( تنهدات ) الحمد لله الخير وقتما جا مزيان ( بدا المقدم كيقدم الفرقة ديال الروطال كتشوف جهة ولدها وهي مفتاخرة وفرحانة كل وحدة فيهم لا حياة ولا عنبر ولا ياسمين كانو فرحانين بولادهم دازت تبوريدة كيفما بغاها الروطال فرحان بولادو حيت كيسميهم ولادو من الموسم توجهو لواحد الريسطو كبير ديال الحوت فجديدة محتافلين بولادهم عنبر جرات الروطال لعندها وهمسات فودنيه ) الى ربي رزقك ببنية ولا وليد من مورا 15 عام شنو غاتقول ؟
الروطال ( شافيها وتبسم ) غانݣول مرحبا بعطية الله ياكما ( هزهزات راسها بالإيجاب بلع ريقو ضام يدها مقبلها ) الله يجعلها زيادة الخير وربح ( تنهد كيشوفيها بكل إفتخار كيشوف فهاد المرأة لي حداه لي بغاها المرأة لي كافحت ولي كملت قرايتها ونجحات فيها ونجحات فخدمتها وفدورها كأم وكأحسن زوجة حبيبة وصديقة ) الله يخليكم ليا والله يخليك ليا الفتيلة لي منورة قنديلي ..
عنبر : لهلا يحرمني منك الكوينيدي ديالي كنبغيك بزاف لهلا يحرمني منك أعمارت داري او ولد قلبي
عبد الرحمان ( قاطعهم محنحن ) الواليد باغي ندوي معاك
عنبر : اش هاد الواليد تاني قول بابا بابا
عبد الرحمان : الواليدة فعمري 15 عام واش انا مزال ديال ماما وبابا
الروطال : دوي اولدي أش تم ؟
عبد الرحمان ( كولشي الأنظار توجهو ليه كيتسناوه شنو غايقول ) انا ومحمد أمين وياسر عوالين باغيين نديرو كروصة انبيعو فيها الروايح ديكونط العطلة هادي نحركو يديني وندورو مصيريف
حياة ( شافت فولدها ) كيفاش مصيريف واش حنا مخصينكم من شيحاجة ؟
ياسر ( لي كان نسخة من طارق ) وبغينا نعولو على ريوسنا شنو فيها أول على بابا كيفاش بدا امن زيرو هو وعمي نيت
محمد أمين ( شاف فباه ) مافيها والو ابا انت اصلا كتݣوليا الواحد يعول على راسو من الصغر
عنبر ( شافت فروطال لي كان مطول الشوفة فولدو ) غادي تخليه ؟
الروطال ( شافيها وتبسم وإبتسامتو تحولات لقهقهة رجولية شاف فطارق لي بدورو فهمو وضحك الضحكة لي تحولات لجميع أفواه ولاد حيدر لي فهمو ضحكت خوهم ومعناها رجع شاف فعنبر ونطق ) شنو بان لك ؟
عنبر ( فهماتو علاش ضحك تبسمات وخشات يدها فدراعو ونطقات وهي كتشوفيه ) بانت ليا قصتنا غادي تعاود من جديد ..
الــنـــــــهايــــة
تــمــت والــحـمــد لله
بغينا الجزء الثاني ديال القصة يكونوا ابطالها ولادهم
رواية واعرة كعما سخيت منها 😭
حبييييييييييت مسخيييتش بيها 🥹❤️🩹 اكتر من رااااااااااائعة 💗
صراحة زوينة وعجباتني