بنت السايب الجزء 11

نسرين قلبهاا كاايضرب كاتقلب بزربة جوباتو مرفعة نبرة صوتها:وااا ذهب ذهب لي سلفاتني خنساء معرفتوو فين طااار...

غير سمع عصام سمية الذهب وهو يجمع لوقفة نايض بخطواات سريعة لجيهتهاا مخرج عينيه:كيفاااش الذهب...وااش هبلتي ولا هرب ليك لعقل...كااين شي حد كاايساافر وكاايدي معااه الذهب ومادياالوش من لفووق...وااش حمااقيتي

نسرين دمووع تجمعوو فعينيهاا ردت عليه كااتغوت:دابااا بلى ماتبداا تنݣر عليااا...قلب معااياا ولاا سكت هاالعاار ماااتكملش علياا(رجعاات تحناات على الصااك كااتقلب فييه بنرفزة عقلهاا غاايخرج)ناااري أميمتي مشيت فيهاا.. ومنين غاانجيبو ليهااا الى مشااا منين

عصاام دفعهااا بعصبية وبداا حتا هواا كاايقلب فداك الصااك وكايجبد فلحواايج لي بقااو..كايجبد ويحط على سرير حتاا خوااه واالو مكااينش حسوو..بداا كايحل الجيوبة الصغاار كاايقلب فييهم حتا هماا واالو ماكينش ليه لأتر

نطق عصاام مخنزر فيهاا:مكااين واالو هنايا..وااش متيقنة درتييه هنااا...

نسرين بنبرة بكااء:واا معقلتش معقلتش... ولكن اناا حطيتو فهااد الصااك فين مشااا (ضرباات حنكهاا)نااري يااعصاام كحلتهاا مع ختك واجاا ماافكني معااها...اشغاانقووليهاا

مسح على وجهو محااول يتهدن ويتحكم فأعصابو...يلاه غايجوبهااا وهو يدور عينيه فوق لكوافوزة وبان ليه صاك صغير تاع ليد محطوط:قلبتي صاك لاخر لايكوون فييه...هوا لي كنتي هازة ملي دخلتي...

دوراات نسرين حتا هياا عينيهاا ومشاات هزااتو...كاتقلب...توااني حتاا جبدااتو ملوي فمنديل ديال لحرير صغيير...عااد رجعاات فيهاا الرووح...

نسريين تنفساات بعمق :اووف حمد الله... غير تخلعت على واالو...درتو هناا غيير نسسيت

عصاام قرب لعندهاا وضرب ليهاا يديهاا لي هازاه بجهد حتا طااح دااك الذهب تشتت فلأرض:هااد لخرى لي مكنحملش...داابا كون بصح مشاا فين غاانوليو..هاا سنسلة هاا لبراسلي هاا سرتلة... منين غاانبدا ليهاا لغرييم تااع هااد الزبل؟؟!...نتي رااسك وشي نهاار غااتنساايه فشي قنت حسبلاك هااادشي...

نسرين محااولة تهدنو عرفات راسهاا زبلاتهاا:وصاافي أعصاام بلى ماتعصب...موقع والو هاهواا لقينااه..

رد عليها شااعل :وكووون ماالقيينااهش فين غاانوليو.. غاتݣلسي تاني تعطيهاا لبكاوات ونديب حيت هادشي لي كاتعرفي ديري...و انا لي غاانوحل فيهاا...مااااال أصل مك كاتعلقي فين تفلقي؟؟...

نسرين بلعاات ريقهاا حتا هيا حسات بخطورة لموقف بلخصوص ان لحاجة لغالية مكاين معاها لعب ولا تفلياا

نطقات كاتحاول تفسر ليه:رااه كنت رااضة معااه لباال... والله و ماتسالني حلوف حتا كنت حاضية معااه..راه غير معا الزربة معرفتش كيفاش وقع حتا حطيتو هنايا ونسييت...

عصاام بحدة محقد شوفتو فيهاا:شتي بااقي لمرة جايا تسلفي عندها ولا غيرهاا شي دهب ولا نمي رااه منعرفكش...بربي حتاا نوريك نجووم فعز النهاار وهانا علمتك...عندك عندك معندكش معندكش...بااش تبااني على ضهرهاا وتبداي تصوري على تريكتك بذهوبات وملي يوقع شي مشكل نولي انا وااحل لااا ماانقبلهااااااش

نسرين بغاات غير تسكتو خاايفة يجمعهاا معاها :وصاافي بلى ماتبقى تغوت الله يهديك راه غايسمعك باك...صافي انا غنرضو ليهاا ومابقيتش غاناخدوو...

عصاام محمر فيهاا شوفة كايتحلف:وهاااااني هضرت...الله يعميهاا ليك تحفا ليك الجرية وتمشي تاني تنقزي تاخديه...

كمل هضرتو وضرب فيهاا وزاد خاارج من لبييت رادخ عليهاا لبااب معصب..

نسرين شافت فجيهت لباب مغوبشة:بااش دير فيك النفس وتاخد لياا بحاالو ݣالس كاتغوت وتخاسم علياا..هادشي فاش فالح...(داارت إديهاا على راسهاا بتحسر)أوووف اسيدي ربي ..داباا شنو غاندير ملي تحلف عليا منعاودش ناخدو من عندها..وانا نص فعائلتي عارفينو ديالي..باش غانجاوبهم الى سولوني فيناهوا؟...تفوو على نحس..راه كايقولوها " لي مكسي بديال الناس عريااان"

خنسااء وجدات لغدا وراسها تايه فالافكار ماعرفات شنو كايتسناها من هنا للقدام ... سمعاات صوتو هابط من الدروج ... بلعات ريقها ورسمات ابتسامة بزز على وجهها ... هزات الطبسيل ديال الديسير تحطوا فالطبلة لي وجداتها مخاطباه : كلس غانجيب الخبز درتو يسخن ونجي ...

عدنان بايجاب : اوك ...

زادت من تما وهو حل الطاجين كايشم ريحتو لي كاتشهي ... جابت الخبز وكلسات مقابلة معاه : وجدتوا بالزربة ... ماعرفت كيف جا ؟؟

عدنان مد يدو كايدوق : ممممم ... بنيين الله يعطيك الصحة ... هادوك اليدين عندك فيهم شي وصفة سحرية ...

خنساء بضحكة باهتة : ايوا شتي بعدا ... بالصحة والراحة اسيدي ...

عدنان كياكل : الله يعطيك الصحة ... ولاهيلا كان فيا الموت ديال الجوع ... توحشت طيابك ... وليت مبلي بيه حتى حاجة مكاتجيني بنينة ...

خنساء كادور عينيها : اااه ... احم .. ماقلتيش ليا كيفاش هاد يوماين ... كنتي عند طبيب ... مافهمتش ؟

عدنان حاني كاياكل : وي ... كنت فالكلينيك ...

هزات حاجبها : وعلاش ياك لاباس ؟؟؟...

هز فيها عينو مبتاسم : درت العملية والحمد لله كلشي داز على ما يرااام ...

خنسااء كانت كاتشرب الما وهي توحل ليها : اكح اكح اكح ... اكح اكح ...

عدنان : حلاال ... شربي المااا ...

رشفات من الكاس لي كان فيدها كاتضرب على صدرها وتنفسات : اكح... ( بصدمة ): ك..كيفاش درتي العملية ... ياك كنتي معارض هاد الفكرة وشحال هاذا سديتي موضوعها ...

عدنان : درتها فيد الله والطبيب اكد لي ان ماعندي حتى خيار اخر ... وتوكلت على الله ...

خنساء البكية شداتها حابساها غير بزز : اءء ... اهاااه ... و..وشنوو؟؟؟

عدنان وسع ابتسامتو : الحمد لله نجحات العملية مية فالمية ... وتهنين من اكبر مشكل كان فحياتي ...

خنساء غمضات عينيها كارزة على سنانها : ااه ... احم ( ضغطات على قبضة يديها كاتفكر فكيفاش غاتحل هاد الحريرة دابا ... السبب الوحيد لي كان مخليه صابر عليها هاد المدة كاملة هو مرضوا وتخوفوا من انه يتحشم قدامها ... وواخا كان كايحاول يتقرب منها كانت كاتمنعوا بهاد الحجة وكاتهرب منو ... شحال من مرة حتى قربو يدخلوا فالعلاقة الحميمية وكاتمنعوا فاخر لحضة ... ولكن دابا شنو العذر لي غادي تدير ليه اكيد هادي هي اللخرة ليها ) ...

عدنان هز فيها حاجبوا : شنو مغاديش تباركي ليا ... وتقولي ليا على سلامتك ؟؟

خنساء تضهشرات ... حاولات تمالك راسها وتضبط اعصابها راسمة ابتسامة صفرة على وجهها : هههه اءء لا بالعكس ... فرحت ليك بزاف اعدنان ... غير جاتني على غفلة راك عارف ماقلتيلي والو ... داكشي باش استغربت ...

عدنان شاف فيها ومد يدو حاطها على يدها مسبل فيها عينو : من اليوم اخنساء غانبداو حياة جديدة ... حيااة مختاالفة على لي فاات...

خنساء البولة شداتها ... اشمن حياة كايدوي عليها ... كيفاش ممكن تواجهوا بالحقيقة ... حسااات بكلشي ضاع ليها فرمشة عين ماعرفات باش تبلاااات ... حتى نزلات عليها هاد المصيبة من حيت لا تدري وهرسات ليها كاع داكشي لي بنات ... بلعات ريقها وسحبات يدها بهدوء دايراها فعنقها بتوتر : فصراحة صدمتيني اعدنان ... كون غير قلتيها ليا نمشي معاك ... حشومة عليك

عدنان ضغط على يدو محاول يتكالما ويدوزها : لا ماشي ضروري ... كنتي غاتبقاي مشطونة على والو ... وحتى انا كنت متخوف بزاف ... اعوام وانا كانتجنب هاد العملية وكانقول راه غادي نلقى شي حل غيرها ولكن فلخر رجعت عليها ... والحمد لله كان كلشي ميسر ...

خنساء صدرها كايطلع وينزل بالجهد : اه الحمد لله ...( وقفات كلها كاترجف ): س..مح .. ليا غانمشي للحمااام ...

زادت من تما بالزربة بلاما تشوف وراها وبرمشة نزلوا الدموع لي كانت حابسة ... بخطوات سريعة دخلات للحمام سدات عليها ... شافت فالمرايااا ودارت يدها ففمها كاتحاول تكتم شهقاااتها ... ودموعها شلاااال ... عمااين ... عماااين وهي مخلية هاد السر فقلبها ودارت لي قدات عليه باش مايتفضحش وماتوصلش لهاد اللحظة ... كاتبكي ودموعها شلال ... حسات فالدنيا كحلة فعينيها ... انسانة ضحات بشبابها وحياتها وقلبها دفناتو مع راجل قد باها غير باش تهنى من هاد العار و تغطي على الغلطة ديال حياتها ... من نهار وقع لي وقع وحياتها لور لور ... عمرها ارتاحت وكل نهار خايفة تفضح ... ودارت لي مكايدارش على قبل باش مايوصلش النهار لي يتعرف فيه كلشي ولكن ماشي ديما كاتمشي الامور كيف بغينا وماشي ديما كاتكون لصالحنا ... ضروري شي نهار غاتقلب الامور وغاتمشي فالعكس ديال الاتجاه لي بغينا ...

طولات شوفة فراسها ... كاتشوف الزهر لي عندها فهاد الدنيا ... كاتشوف مكتابها لي طبعا ماتقدرش تختاروا ... كاتشوف الدنيا لي مارحماتهاش وكانت ديما فيها المرأة لي كاتحارب باش تعيش غير بوحدها ... عمرها قالت لشي حد هز عليا شوية الحمل ... دارت حوايج مستحيل ديرهم شي وحدة غير باااش تبقى صامدة وماتسمعش شي حاجة تخليها تحشم ولا تهبط راسها ولكن اليوم كاتشوف راسها تايهة معارفة مادير ... ماعندها حتى حل ولا مخرج من هاد الموصيبة لي طاحت فيها ...

شهقاتها كاتعالى وسط الدوش : هء هء هء ... صافي مشيت فيها .... هادي اللخرة ليك اخنسااء ... هئ هئ .... مشيت فيها ياربي مشيت فيها .... اش غاندير دابا ( كاتهضر بهستيرية ): اويلي وغادي يتضرب ليا كلشي فزيرو ... اش غادي نقوليه دابا ... كيفاش غانشرح ليه وانا عماين دايرة ليه العصا فالرويضة ورادة ليه اللومة ... اويلي غايسيفط ليا الطلاق التلاااات وبطايطاي من الفوق وشوهتي غاتولي على كل لسااان ... اويلي وحدي ... هئ هئ...

كاضرب رجليها مع الارض بهستيرية كلها ولات حمرة كاتشوف فالفراغ تايهة وسط دوامة من الافكار والعتاب واللوم ...

بلعات ريقها وهزات النفس بشوية كاتحاول ترد الروح فراسها .... مسحات على دموعها ويديها كايرجفوا بلاما تحس كاتستجمع قوتها : شوووو ... تهدني اخنساء ... نتي خاصك تهدني دابا وتفكري بالعقل ... اكيد غاتلقاي الحل ... شووووو .. اكيد مغاديش ضيعي كلشي ... (كاتسوط بيدها ) : شوووو ... تهدني ...

غسلات على وجهها لي ولا حمر بالبكا ... ودوزات عليه الفوطة ... كاتحاول ترد ابتاسامتها لوجهها وترد فيها الروح ... خدات نفس عميق وخرجات من تما مامبيناش ورجعات للطبلة ...

عدنان بتساؤل حس بيها مافرحاتش بالخبر : واش عيانة ؟

خنساء ضحكات : هههه لا لا... غير يمكن الشمس جيت فيها الصباح هي لي ضرباتني شوية لراسي وصافي ...

عدنان بايجاز : ممممم ... اوك ... كولي ...

حركات راسها بواخا وهزات كاتنقب معاااه مابقاتش الماكلة بغات تدوز ليها بالخلعة ... سالاو وناضو جمعواا الماعن بجوج وعدنان مشا لبيتو يرتاح ... دارتهم فلاماشين يتغسلوا ... وجمعات الروينة لي بقات كاتلاهي الوقت ... وراسها كايخمم فشي حل لحريرتها ... عيات تقلب على شي مخرج مالقات والو ... راسها ضرها غير بكترة التفكير ... سالات واتاجهات للبيت ... لقات عدنان متكي شاد التلفون ديالو ... نطقات وهي متاجهة للبلاكار : عدنان غانخرج شوية عند رانيا دايرة معاها نتلاقاو ... نتا غاتخرج ولا غاتبقى غير هنا غاتحتاجني

عدنان : لا لا انا عندي شي خدمة برا خاص نشوف شي سلعة تعطلات ... غير سيري ...

خنساء : داكوغ ... اااه راني دزت عند الدهايبي قيست دوك الدمالج ... راه جاو هما هادوك ... قالي هاكي ديهم درت معاه حتى دوز وتكمل ليه لي بقا انا راه دفعت النص من داكشي لي كنت جامعة ...

عدنان بايجاب : واخا غاندوز عندو ... واخا ماعرفتش اش غاتخركَي بدوك القجاوج كاملين ... وكون غير كنتي كاتلبسيهم بعدا ...

خنساء تنهدات ناطقة تحت منها بصوت خافت : هاداكشي هو لي غادي يخرج ليا من هاد التزويجة على ما بان ليا غير الله يحفظ مع الله يستر ...

عدنان : شنو قلتي ؟؟

خنساء ضحكات ليه : هههه ايوا راك عارفني مبلية بيهم ... ودابا صافي نعول عليك يااك ...

عدنان : واخا كوني هانية ...

خنساء : لهلا يخطيك عليا ...

لبسات عليهاا جلابيتها نفسها لي كانت لابسة الصباح ودارت عليها درتها غير فعنقها ... وهزات صاكها وخرجات من تما ... عيطات لرانيا سولاتها واش فالدار واتاجهات لعندها ... مسافة الطريق حتى وصلات عندها ... دقات فالبااب وهي تحل ليها عتيقة مبتاسمة : اهلا خنساء زارتنا البراكة الحبيبة

خنساء سلمات عليها : ربي يخليك اخالتي ... كاينة رانيا ؟؟

عتيقة : دخلي دخلي طلعي عندها راها فالسطح مقلزة شادة داك المشقوف كيف ديما ...

خنساء : واخا انا غانطلع عندها ...

زادت طالعة فالدروج لقات رانيا ناشرة بونجا تحت الباش لي دايرين فالسطح للظل ... متكية ماتغير فيها والو من غير تقطيعة الشعر لي قصراتو ...

خنساء : نتي شي نهار غاتموتي منشورة ياربي السلامة ...

رانيا تكعدات كاضحك : علاه شكون كره يموت منشور مراااح مع راسو ...

خنساء ربعات كالسة حداها : ياختي سعداتك بهاد العيشة ماهازة هم لحتى حاجة بيييخييييير ... مبرعة

عطاتها الصبع : ها لي مبرعة ... كرهت انا نخدم وندمر ... باااز ياااختي راه قلهرنا غا القنط والروتين ..

خنساء : شنو درتي فالتكوين لي قلتي ليا .. خرجتي الباك ديالك من لافااك ؟

رانيا : اختي سحبتو منها بالحق تعطلت فالتسجيل فالتكوين ايوا وهاني منشورة تاني عماين مور الباك مادرت فيها حتى وزة غير النعاس ... وكل نهار نصبح ونمسي على نكير عتيقة ... انا ياختي ماكرهتش ندير شي مشروع ديال راسي مابقيت قادة على قرايا صراااحة ... ولكن نتي مافيك فايدة قلنا ليك يلاه نتشاركوا واخا نعرف نتسلف ونتكلف ونديرو شي بروجي حلفتي لا درتي شي خرية ...

خنساء ساطت : الكانة للخدمة ماعنديش ... نهار ترشق ليا غانجي عندك نتي لولة كوني هانية ... خلينا داباااا من هادشي جيت نفوج عندك ماشي تعرضي عليا مشاكلك وهمومك ...

رانيا : بااااز ياااختي لي سمعك يقول ماعرفت اش ناقصك ونتي عيشتك ديال الاميرات ...

خنساء تنهدات : اودي الله يلعن كاس البلار لي نشرب فيه المرار ... خلينا ساكتين عافاااك ... اش بان ليك نخرجوا هاد الويكاند ...

رانيا : انا الا كنتي غاتخلصي عليا نمشي معاك حتى للمريج الله اودي ... كاين شي حد كايكره حاجة فابور ههههه

خنساء ضحكات : الله يمسخك ياختي ... قاطعاتهم عتيقة لي طلعات لابسة عليها جلابيتها خارجة : رانيا هاني غانمشي عند خالتك حياة نشوفها ...

رانيا بايجاب : واخا ماتعطليش لايجي با مايلقاكش ...

عتيقة : واخا ... شايلاه ارضاة البنية

زادت وخنساء هزات حاجبها باستغراب : علاش حياة رجعات ؟؟

رانيا : اييه جات البارح من نهار مات عمي حسن مسكين وهي عند ختها ...

خنساء : اااه الله يرحمو مسكين ... مشيت بغيت نعزيها فاش مات لقيتها سافرات من تما كانسول فيها كايقولولي باقي ما جات ... ايوااا الله يكون فعوانها ماشي ساهلة

رانيا : ايه تشوات فيهم بجوج ... مات بالفقصة من نهار تحبس عبد الله وهو طايح حتى دا مول الامانة امانتو ... ايوااا الله يفرجها على ولدها يخرج يونسها ...

خنساء بدلات الموضوع الفقصة ديال الصباح خلات نار الكره لي كانت طفاتها تزند ... مابغاتش ذكروا ولا تجبد سيرتو : نوضي .. نوضي عمري لينا شي كاس ديال اتااااي ... نردو بيه المجاج ...

رانيا وقفات : هي اللولة ... يلاه نهبطوا ...

زادت هي وياها هبطوا للدار ... عمروا اتاي وكلسو عليه موضوع يجبد موضوع حتى ظلام الحاال وخنساء خرجعات رجعات لدارهااا ... كان السقيل وكاااع الضواو طافيين .. هزات حاجبها كاتشوف فساعة ماموالفاش لعدنان يتعطل لهاد الوقت ...

زادت بخطوات شعلات الضو حاسة براسهاااا عيااانة ... مع الدورة خرجات عينيها من منظر الطبلة لي واجدة قدامها مزوقة بالورد الاحمر كاتحل النفس ... عشاء رومانسي بكل ما للكلمة من معنى ... واقف حداها عدنان لابس كوستيم انيق فالاسود ... راسم ابتسامو هادية على وجهوا ... قرب عندها بخطوات تابتة وهي مصدومة فشنو كاتشوف ... نطق بصوت باح : على سلامتك الغزالة ديالي ...

هز يدها بكل لباقة وطبع قبلة خفيفة عليها خلاها مضهشرة تالفة ماعرفات ماتقدم والا ما توخر ... كاترمش بدوك العينين مشوكياااا ...

جرها معاها وهي حسها مقطوع فقط نظرات الدهشة والصدمة بادية على ملامحها ... قاد ليها الكرسي بكل رقي ... كلسات راسها مرفوع ونطقات بتلعتم : اءء عدن....

قاطعها حاط صبعو على فمها وشاف فعينيها نيشااان : شووووو ... بغيت هاد الليلة تكون زوينة وهادية ... بلا صداع ... انا فرحان وبغيت نتشارك معااااك نتي هاد السعااادة ... اخنسااء

خنساء تربط ليها لسان بقات غير كاتشوف فيه ... وهو خشا يدو فجيبو جبد ليها بواطة حلها كانو فيها الدمالج لي وصاتو عليهم ومعاهم خاتم فنفس الموديل ديالهم ... شافت فيه : اءء شريتي لي الخاتم ديالهم ؟؟

جبدو من البواطة وشد يدها ركبو ليها : مكاينش شي يدين حسن من يديك غايلبسوه ... بالصحة والراحة ...

خنساء الدموع تحجروا فعينيها ... ماعرفات شنو دير واش تفرح ولا تبكي ... عجبها لو جيست ولكن عارفة مزيان اش كايتسناها مور هاد العشا واكيد داكشي مناش خايفة هي ... نطقات بخفوت : شكرا بزااف مكانش عليك تعدب راسك والله ...

عدنان قرب وطبع قبلة خفيفة على شفايفها خلاتها ترتاعش ... بعد ناطق : علاش انا شحال عندي من خنساء ... تستاهلي كتر ...

وقف راجع لبلاصتو كلس مقابل معاها : فصراحة ماطيبت والو من هادشي هههههه ... الله يخلف على الريسطو ...

خنساء ضحكات فوق النفس : ههههه زوين هادشي ... الله يعطيك الصحة ....

ابتاسم شار ليها تاكل ... وهي ابتاسمات هازة الفوشيط كاتنقب مابغاتش دوز ليها الماكلة وراسها كاتفكر فهاد الحريرة لي تابعاها ... كاتشوف الحماس والفرحة فعينين عدنان ... من ناحية ما باغاااش تصدموا فيهااا وتخيب امالو حيت هاد الوقت لي دوزات معاه خلاها تكتاشف طيبة قلبو وضرافتو لي ديما مبينها ليها ... وواخا كايغضب عليها دغيا كايرجع وكايلقى اعذار لاي خطأ دارتو معاه ... ومن ناحية اخرى خايفة على راسها وماتايقاش فيه حيت فهاد المسألة بالضبط ماتقدر تيق حتى فراجل ولا تنوي انه ممكن يتفهم ... عارفة مزيان تفكير الرجل المغربي ومتأكدة انه ممكن يكون جنتلمان فأي حاجة الا فموضوع الشرف والعرف لي هما كايحسبوه فديك جوج قطرات ديال الدم لي كاتنزل ... كايربطوا حياة ومصير اي فتاة بقطرات من الدم ... ندمات على النهار لي عرفات فيه عبدو ولا عاشراتو ... ندمات على اللحظة لي خلات رغبتها تحكم فيها وطيحها فهاد الموصيبة لي كاتحس بيها لعنة مغاديش تفرق عليها ...

تعشاو فجو هادئ وعدنان كل مرة كايحاول يكسر الصمت وهي كاتجاوب معاه بمشقة النفس غير مسايسة معااه ... ناض غسل يدو وبقات هي كالسة كاتسوط وتبوخ راسها زاند عليها ... حتى رجع وقرب بهدوء للكرسي فين كالسة ... ماشعراتش حتى جا حط يدو على كتفها وقرب لعنقها ونطق فودنها : هاد ليلة غاتكون طويلة ... وجدي راسك ...

خنسااء خصرات كمارتها باسى ونطقات بتلعتم : مم...مافه..متش ...؟؟

عدنان جرها من يدها منوضها : اجي معايا وغاتفهمي ...

زادت تابعاااه موكلة امرها لله ما عارفة مادير ... زاد للبيت وحلوا كااان مزوق بالشمع والورد ... كأنه فراش ديال عروسين يلاه مزوجين وغادي يدوزوا ليلتهم الاولى ... غرفة مزوقة بكل ما للكلمة من معنى .... هرب الريق من فمها وهي كادور عينيها فالبيت ... سد الباب بالجهد خلاها تقفز من بلاصتها من بلاصتها ...

عدناان جا من وراها ودور يدو على خصرها خاشي وجهو فعنقها : شحال وانا كانتسنى هاد النهار لي غادي نقرب ليك فيها بلاما نفكر فشي حاجة ولا تمنعني شي حاجة ... ( دوز يدو بحنان على شعرها ): ماعرفتش كيفاش قدرت نصبر على هاد الجمال كامل هاد المدة ... فغيمون كااان خاصني ايفووغ كبييير .. وحتى نتي ماكنتيش سهلة المنال ( ضحك بابتسامة حتى تغرسوا نيابو فشفايفوا )

خنساء غمضات عينيها والدموع نزلوا على خدها بلاما تشعر ... كيفاش غاتخرج من هاد الموصيبة ... عدنان هبط يدو للتحت كايحيد ليها الجلابة فهدوء وهي كاتشهق فصمت ... تجمدوا عليها يديها ورجليها ولسانها تسرط بالمرة ... بقات بملابسها الداخلية وهو كايمرر اصابعوا على لحمها النااعم ... دورها عندو هز وجهها بيدو ملاقي عينيهم مع بعض : كل نهار كانزيد نتأكد انني مزوج باجمل وارق انسانة فهاد الدنيا ...

خنساء دارت ضحكة صفرة ... وهو نزل عينو لشفايفها وجبدها بزربة متكيها مع الحيط مكاليها ويدو ... حطها على جنبها ... غير حسات بيها باردة فوق منها والتبوريشة طلعات معاهاااا ... وضغطات على سنانها ماباغاش هاد المرة تنسى راسها ... زيرات على يدها كاتحاول تخلي رغباتها فالجنب وتفكر بعقلها فشي حل يفكها بزربة من هاد الحريرة ...

قرب عندها وطبع قبلة على شفايفها وهي مخياه على هواه مقادراش لا تجاوب معاه لا والو ... غير واقفة وتابتة بحال شي تمتال ... بقا مدة وهو كايداعب شفاهها كأنها كايتسناها تجاوب معاه ويحس بيها وبعد فمو ... هبط مع عنقها دقة دقة كايبعتر قبلاتو وهي الصهدة بدات تطلع معاها بشوية بشوية ... تعيااا تحبس راسها ولكن جسمها دغيا كايتجاوب مع المداعبة ... وصل لفرقة صدرها وزاد قرب ليها كتر حاط حجروا لي فرح فور ما حس بيه بسرعة تأتر من وجود انتى معااه ... خنساااء الهرة بدات كاتحس بيها تحتها ... خصوصا من بعد ما فمو قاس صدرها وشي حاجة قاسحة حسات بيهاااا تحطات فوقها ولامسااتها ... عدنان يد مكاليها بيها واليد الاخرى كايحل بيها السمطة ديال السرواال دياالو ... بقا غير بالبوكسر ... داز نيشان للقاميجة نصلها بالخف ... خنساء مابقاتش قادرة تقاوم راسهاااا وعقلها طار فعالم النشوة لي حسات بيها ... حطات يدها لي كايرجفوا على صدروا ... غير حس بيها وهو يبتاسم وعاود رجع لشفايفها كايبوس وهاد المرة تجاوبات معاه ... صدرها كايطلع ويزل بالجهد منغامسة معاااه فالقبلة وهو ويدو كاتسارا على جسدها ... بحركة خفيفة ردها لفوق السرير متكيها وجا فوق منهااااا ... وبيدو كايحاول يسل ليها الضوني لي لابسة خلاها غير بالسوتياااام ... وكايوزع قبلاتو على جسمها وصوت انينها كايطلع ... مابقاااتش عااقلة على راااسهااا ولا شنو كادير ... عااايشة معااه اللحظة بكل احاسيسها وجوارحهااا ... وصل لكرشها غادي هابط معاها بالبوسان حتى وصل للسترينغ ... ابتاسم بالع ريقو ولا هااايج بااغي غير ايمتااا يمارس معاها ويشفي فيها غلييلووو ... كاينهج بصوت مسموووع مابقاش قادر يصبر عليها ...

خنسااء كااانت مغمضة عينيهااا مزيرة على المخدة بيدها ... وهو حط يدو على السترينغ لي لابسة يلاااه بغااا ينزلوا ... غير حسات بيه فحال الا ضربتيها بطرشة ... خرجااات عينيهاا بصدمة واعية على شنو كادييير ... وبعدااتووو بالجهد نااايضة من فووق النااموسية هربانة مخلياه مشوكي كاينهج حاس بالحرارة واصلة ليه للراس ...

عدنان عينيه حمرين بحر النشوة : مالكي ؟؟؟ اششش...

خنساااء كلها كاترعد وكاترجف هازة فيدها بينوار كاتزيدو عليها وكاتدوي بتقطع : مانقدرش ... انا ... مانقدرش اعدنااان سمح ليا عااافااك ..

عدنااان خصر ملامحوا بعدم فهم : شنو لي ماتقدريش .. واش تسطيتي اخنسااء عارفة راسك شنو كادير ولا لاااا ... ( بصوت عالي ): واش عارفة الوضع لي انا فيه داباااا ولا لااااااا ... ( كولو عرقاان )

خنساء خايفة : غير سمح ليا عافااك اعدنان انا مايمكنش ليا ...

عدنان جاهل : كيفاش مايمكنش ليك ... واش تسطيتي ولا مااالك ... ( غمض عينيه كايحاول يخفض نبرة صوتو ): خنسااء ... ماتعصبينيش كتر عافاااك ماباغيش نغلط معااك ..

خنسااء هزات النفس كاتحرك راسها بنفي : مانقدرش ... لاااا

عدنااان ضرب يدو مع الحيط بعصبية : علااااااااش ماتقدرييييش علااااااااااش ... اش هاااااد ال*لاوي ... واااااش .... باغاااا تحمقيني معااااك ولا كيفاااااش ... مااتجهلينيييش

خنسااء شداتها الخلعة من عينيه ونظراتو الجاعرة ... رجليها مابقاوش هازينها باغا غير تبردو : عدنان سمعني .. حنا ماشي هادشي علاش تافقنا ...

كرز على سنانو ضاغط على الحروف : خنسااااااااء ... واااش عندك شي عقل ولا ماتكسابيهش ... على اشمن اتفاق كاتدوي ... ياك كل مرة دايرة السبة بالمرض لي عندي ... ايواااا شنوو وقع دابااا ... ياااك مابغيتيش تكوني فأر التجارب ايواااا هاني الالة دابا قدامك صحيح فصيح فين كاين المشكل .... علاااااااش دايرة العصا فالروييضة ابناااادمة علااااش

خنساء كادور عينيها معارفة باش تجاوب : المشكل اني مامستاعدااااش بالمرة ... ما قااادراااش حاااول تفهمني ...

عدنان سد عينو بنفاد صبر : شنوووو غانتفهم ... عامااااين وانا متفهم هاد الحماااق ديالك وداير راسي بوهالي وماكانفهمش ومسطي .... ولكن حتى لهنا وبراكة اخنساء يااا غادي تعطيني سبب مقنع تخليني نعدرك بيه ياااا غااادي يكون ليا معاك كلام اخر ... هادي ماشي هضرة كاتقال فهاد اللحظة ... واش عارفة المعنى ديااال تنوضي داااباااا من الفراش

خنساء شافت الخلعة مامسلكاهاش وهي تحمر عينيها بداك شوية الجهد لي عندها دافعة الجبهة : سمع اعدنان ماتشوفنيش ساكتة وتبدا تغوت عليها ... انا مباغااش هادشي ... مامستاعداش ليه دابااااا ...

عدنان باستهزاء : واش كاتفلاي عليا لااااا ... لااياااش مامستاعداش بالسلاااامة ... ( شد راسة بجهااالة ): راااااه خرجان العقل هاذاااا ... نتي الالة الا باقا صغيرة انا رااااه حياتي كلها كانعاني باااااش نرتاح من هاد الهم ... وندير وليداااات لي مغاديش يتسنااااوك نتي حتى تستاعدي ...

خنساء الرجفة قاتلاها من الداخل ولكن من برا وجهها قاسح مخرجة فيه عينيها : اسيدي انااااا ماباااااغااا ولاااااد ... شكون قاليك اسيدي انا باغا شي ولااااد ...

جعر بالمعقووول مابقاش عارف اش كايقول حس براسو سخط بالمعقول : نتي الا مباغاااااش الولااااد عطا الله بنااات النااااس لي باااغين ولاااادهم ...

خنساء : ياااااك اسيدي صافي درتي الجناااح داباااا ... باغي تسوسني ... صافي ساليتي بيااااا وقضيتي حاااجة ... خرجتي ليها طاي طاااي ( كاتحاول تقلبها ليه )

عدنان : فراسك غير كاتخوري ... انااااا كاندوي بلوجيييك ... شنووو لي مانعك قوليه لياااا ولكن هاد لا لا بلا معنى راااه ماايمكنش ... ( هز التيشورط ديالو كايلبسو مابقاش قادر يزيد معاها الهضرة حس براسو تخنق وغايدير فيها شي حاجة يندم عليها ) : غانجيك من اللخر اخنساااء حيت بصح مباغيش نخرج معاك للعيب ... انا مابقيتش صغييير لي يتسنااا هاد التفلية ديااالك .. كنت كاندير ليك حساب من قبل وكانقول حتى نصح وديك الساااعة مغايكون حتى اشكااال ولكن على ما بااان لياااا كنتي غير دايرة السبة وصافي ...

خنساء شافت القضية غاتحماااض قالت تسلك هاد الليلة وتشوف شي حل غدا : وصافي اعدنااان .... خلي ليا شوية الوقت نفكر ... ( كاترمش ): عافااااك ...

خنزر فيها مخزز بالمعقول مابقى باغي والو اصلا بالاعصاب لي دارت ليه مارضاااش بالمرة والشك قهروااا : من هنا للصباح اخنساااء بغيييت هضرة بعقلهااااا تقنعني ولااااا لي جمعناااا يفرقناااا والسلااااااام ... ( عروقوا بانو ): وماغاديش نزيد معاك الهضرة ... مانيش دري صغير تفلاااي عليا بالخوا الخاوي

زاد من تماااا زادح الباااب شاااعل ودخل لبيت اخر رااسو غايتفركع علييه ... اي رجل فبلاصتو كان يدير هكا وكتر خصوصا فموقف فحال هاااذاااا ... مابقى فاهم والو وماعرف اصلا فاش يفكر ولا باااش يبرر هادشي ... حتى قال صافي دنيا ضحكات ليه وكلشي ولا فصالحوا خرجوا ليه كاع الحسابات فالصوا ...حس براسو غادي يطرطق بالمعقول

خنساء كلسااات فالسرير كاتشهق وتبكي حارت بيها اليام ماعرفت ماتقدم ولا ما توخر ولا شنو دييير ... كانت باغا تلقى ليه شي سبة ولا تقول فيها لي غيكل ولكن حتى لايمتا ... شحال ما طول غادي تحصل ... خاصها حل نهااائي لي يخليهاا تفك بالمرة وهاد المرة القرار خاص يكون حاااااسم ولو يطلب منها تضحية بشش حوايج... مايمكنش تبقى هاكا ماهي مزوجة ما هي مطلقة ... شحال قدها تصبر وشحال قد عدنان يصبر عليهااا ... عماااين راااه طولات فوق القيااس وخااص تهنى وتفك الجرة باشما كان ... والاهم ماضيعش هادشي لي دارت وتصدق مفضوحة ... حطات راسها على المخدة فكرة تديها وفكرة تجيبهااااا بلا نتيييجة ... عياااات تلاقي وتخيط وتخدم فهامتها ولكن مانفعاتها فوااالو ... راسها ضرها غير بكترة التخمااام وحلف النعااس لا جااهااا ... ماغفاتش ولا نزلوا رموشها حتى قرب الفجر عاد غلبها النعاس ...

اصبحنا واصبح الملك لله ....ناضت خنسااء بشوية عليهاا...كاتحل عينيهاا بتتاقل...خسراات ملاميحهاا حاطة يديهاا على عنقهاا كادير ليه مسااج خفيف صابح متشنج عليهااا.... معرفااتش امتا داتهاا عينيهااا ... ليلة كاانت طوييلة بزااف مكاانتش ساهلة عليهاا أبداا ...كانت من أصعب الليالي لي دوزاات... لدرجة بقات لوقت كاامل وهيااا كاتفكر...كاتفصل وتخيط فدماغهااا وتخطط غير بلعقل...محاولة ما أمكن تااخد لقرار لي بنسبة ليهاا أصعب قرار غاتاخدو حيت يقدر يبدل بزااف فحيااتهاا...او يغيرهاا كليااا...

نااضت مدوزة يديهاا على وجهاا محااولة تصحصح.....تمشاات بخطوات تقيلة..دخلاات لحماام غسلات عليهاا وخرجاات... خداات نفس معمق حابسااه فدااخل ديالهاا...كتستااعد بااش تنفد داكشي لي خططات ليه وتصاارعاات بزااف مع عقلهاا باش يتقبلوو ... عفطاات على قلبهاا عفطة وحدة وختاارت تضحي بلحيااة الوردية ورفااهية لي عاايشهاا مع عدناان...سيد لي مااشفت فيه غيير لخيير..ولكن مقدراااتش تكمل فطريقهاا معااه...خاايفة بزااف تعطيه الضوء الأخضر وتندم ... من أعمااقهاا مكرهااتش تيق فيه وتقوليه لحقيقة... ولكن تخوفهاا من أنهاا تغدر وتفضح خلااها ترااجع مية خطوة للوراء وماتقوليه واالو...فاايت ليهاا دارت التقة فأعز النااس ليهاا وطعنوهاا فظهر وكحلو دنياا فعينيهاا...داكشي علااش قررات تخلي كلشي مورااهاا ومتلفتش لييه...بمجرد مكاتفكر أن غلط دارتو فسااعة فلحضة طيش كلفهااا ضرييبة كبييرة...فكل مرة كاتلقاا رااسهااا خااصهاا تخلصهااا كاتلعن دقيقة وتانية لي مخدماتش عقلهاا فيهاا....وخلاات غريزتهااا تحكم فيهااا... عينيها غرغرو بدمووع وهياا كاتشوف فيديهاا كايحلو فلبلاكاار لكبير وكاايجبدو منو شانطاتهااا وكاايحلووهاا بااش توجد ديرر فيهاا حواايجهااا... عضاات على شفاايفهاا بحرقة مسحاات دمعة كانت غااطيح من عينيهااا وضعفهااا كتر...خرجاات نفسهااا بزربة..وجبداات حواايجهااا كلهم كاتستف فييهم بعزم كبيير وتعاابير جاامدة على وجهااا....معندهااش حل أخر.... جبداات كلشي مخلاات حتااا حااجة...ݣااع حواايجهاا جمعااتهم...وحتاا مكياجهاا رواايحهاا بردوياات لي كاتستخدم وتقوول وااش خلاات حااجة وحدة متعلقة بيهاا كادور فديك لبييت...سلاات من جمييع..بقاات ليهاا غير صامصونيط دياال الذهب تبتاتهاا بإحكاام فشانطاتهاا التاانية لي جبدتهاا من بعد...جووج شاانطاات عاامرين مسدودين بإحكاام موقفاهم عند بااب بيتهااا...هزاات عباية من عباياتهاا لبسااتهااا جمعاات شعرهاا كلو لاويااه لفووق...تنهداات وبداات كاادور عينيهااا على لمكاان لأخر مرة كأنهاا كاتودعوو ... شي حاجة فداخل ديالهاا كاتقوليهاا بقااي ولكن عقلهاا ممطوعهااش نهائياا بااش تزيد دقيقة وحدة فدااك داار ...

تنهدات بصوت مسموع وابتسامة باهتة ترسمات على وجهها : كنت متأكدة غايجي نهار لي نخوي هاد الدار وولكن مكنتش عارفة غاتكون صعيبة لهاد الدرجة ... ( ضغطات على قلبها لي تزير عليها )

قبل مااتخرج مشاات بخطواات سريعة حلات لمجر تااع لكوافوز جبداات منوو اجوندى كان ستيلو محطوط وصطهاا..حلااتها كتباات فييهااا...كاتكتب ودمووع لي كانت حابسااهم كااينزلو على خدهااا شلاال ...سالاات حروفها و قطعاات لورقة... وحطااتهااا فوق لكافووز حااطة فوقهاا ستيلوو بااش تير لإنتبااه...سلااات وخرجاات هازة شانطات بجوج كل وحدة فيد مستحملة تقلهم...كااتسلت فدرووج بااش مااديرش لحس ابداا وتفيقوو...وصلاات لباب..حلااتو بشوية وخرجااات فحاالهااا مخلية وراها حياة وعيشة عمرها توقعات تعيشها شي نهار .... كون شي حد قالها غايطرا ليك هادشي وتزوجي فهاد الظروف وتمشي بهاد الشكل اكيد كانت غاتضحك عليه وماتيقوش ولكن القدر عندو كلمتو ....

فااق عدناان صابح عاقد غوبااشتو على الصبااح...نااعس فلبيت لي مخصصينو لضيااف لي كايباتو عندهم .... ناض من سرير ولبس تيشورتو عليه لي كان محيدو بسبااب الصهدة لي طلعاات منو بليل وحلفاات ماتنزل غيبر بمشقة ساعاات ليل كلهاا وهوا كايتشوى فوق السرير ... وكايتخيلهاا ويتخيل تفااصيلهاا ولمسااتو لييهاا ...

نزل مع الدرووج هاابط لكوزينة....كااان سقييل فداار...عند باالو مزاالة نااعسة ومبغااش يفيقهاا..أو بلأحرى مابغااش يشوفها مقلق زعمااا من بلان تااع ليل...صايب قهوة كحلة كيفمااا مولفهاا قااسحة بلا سكاار... شربهااا وطلع يوجد بااش يلبس عليه يمشي لخدمة...مع حل لبيييت وهوااا يوسع نضرااتو...مكاان فييه حد...بداا قلبوو كايضرب وهواا كاايقرب لجيهة لبلاكاار لي كاان محلول كايصفر ماافيهش حواايجهااا...وحتى شانطاات مهزوزين....بلع ريقوو بصعووبة مخرج عينيه ... تشوكاا فبلاصتو ماقدر يزيد حتاا خطوة...فهم تلقاائياا انهااا مشاات من الداار....و"لكن علاااش؟؟!كيفااش مشااااات؟؟!ماايمكنش لااا ماايمكنش!!!! ... واش خدات كلامو فحالة غضب بجدية وخلاتو!! "

بزااف ديال لأسئلة كاايطرحهم علليه دمااغو وماالاقي ليهم حتااا جوااب....الصدمة والدهشة مسيطرة علييه بلمزيااان....مسح على وجهووو محااول يتكاالمااا ويرخي فيه النفس لي تحبساات فداخلو وحلفاات ماطلع...بااقي دااير إديه على فموو مزير عليهاا وهيا تباان الرساالة محطوطة فوق لكوافوز كاتسنااه يحلهااا...قرب لعندهاا وهزهاا كلوو كايترعد...فشل بالمعقول رجليه مابقااوش هاازينوو ...ݣلس على سرير بااش يقراهاا يستوعب كلمااتهااا على أمل يفهم اشنوو طااري....

"بلساان خنساء"

✍️🖊️🖊️"عدنان"... انا عارفاك غاتكون كاتقرى لكلمات فهااد الرسالة وملامح الدهشة مرسومين على وجهك...وفدااخل ديالك ممصدقش انني مشيت بلا حتا مبرر.... مكانعرفش نزوق الكلام ولكن بصح كانكتب ليك ودموع فعيني ...حيت ماسخيتش نمشي ونخلييك ... دوزناا وقت زوين مع بعضيتنااا.... لحضاات غاتبقاا محفورة فداكرتيي ومغانسهاااش حتا لأخر نهاار فحياتي ... مغانساش تعاملك زوين معايا وحنيتك وعطفك ومساندتك واي حاجة زوينة قدمتيها ليا ... ولكن ليوم جاا لوقت بااش نمشي ... كنكتب ليك حروف هاد الرسالة وهماا خارجين من قلبي لي كايتقطع من حر الفرااق حيت بصح الولف صعيب ... كانكتب ليك وكنتمنى حاجة وحدة... أنك ماتكرهنيش حيت مشيت وخليتك ...أنك ماتحقدش علياا...أملي الوحيد هو تبقى صورتي زوينة قداام عينييك واخا غلطت فيك ... حااولت أعدناان...والله حتاا حااولت ... ولكن مقدرش نبقى معااك ونكون زوجة ليك بكلشي ... مااقدرتش ... انا ماشي المرأة المناسبة ليك ... بصح قرار زواجنا كان بالموافقة ديالي وبرضاي ولكن مايمكنش نكمل فهادشي .. نتا انسان طيب رغم كلشي و حتى واحد مامعصوم من الخطأ وعارفة مزيان شنو فقلبك ... مابغيتش نعطيك وعود خاوية وكلهاا أوهاام لي عارفة راسي مغانقدرش نوفي بيهاا شي نهااار ... مابغيتش نضيع راسي ووالاهم نضيعك معايااا .... داكشي علااش قررت نمشي...ماشي إهانة فحقك أو نقص منك لاااا ابدا بالعكس نتا رجل متالي تمناه اي وحدة يكون من نصيبها ... ولكن شي حاجة فوق طاقتي ومااشي بيدي ... معرفتش كيفااش غانعتادر ولكن غانقوليك ... سمحلي عفااك ... سمحلي...وبلا ماتحااول معايا باش نرجع ... حيت هياا لي ماغتكوونش ...سمحلي الله يخليك ... وتفهمني لاخر مرة ... كانتمنى من كل قلبي تخلي الامور مزيانة بيناتنا وتسهلها عليناا بجووج ... شكرا بزاااف على كلشي ....(خنساء)🖊️🖊️

لااح عدناان الرساالة من يديه ... مفيكسي عينيه فجيهة وحدة مقادرش يرمش... حااس بودنيه كايصفروو بطوونسيوو لي طلعاات لييه فلبلااصة....بلع رييقوو بصعوبة..غمض عيينه وحلهم بتتاقل..وجهوو طلعاات معااه لحمورة...مااامصدقش ابداا أشنوو طااري...كان يقدر يتوقع كلشي الا تمشي وتخلييه...ولفهااا لدرجة كبييرة ومتقبلش فرااقهااا ولكن مشاات...اه هياا صاافي مشاات ومبقااتش غااترجع...كانت معااه لباارح...ولكن رجعاات غير ذكرى عابرة فصباااح..مابقاا ليهاا اتر...من غير ريحتهاا لي كايحمااق يشمهاا هياا بوحدهاا لي كادور فلبيت..وأكيد مور أياام قليلة غاتمشي حتاا هيااا... تماماً كيفماا مشاات خنسااء وبلى ماتودعوو .... هز التيل ديالوو كايحااول يصوني ليهاااا وهوا يتسمع حدااه .... خلاتو تماا ومادااتوش .... مااشعرش بدااك لاعصااب وسكر لي طلعاات فييه حتاا ردخ تيليفوونو فووق لأرض... شااد رااسوو بيديه بجووج تاالف مقاادرش يستوعب شنوو وااقع ....

خنسااء وقفات قدام دارهم بحوايجها مطولة الشوفة فيها ...

تنهدات وتنفسات بعمق : ياربي تعاوني ياربي ... اجا ما فكني معاهم دابا غير الله يحفظ ...

خدات نفس عميق كاتستجمع بيه قوتها وتقدمات للعتبة كادق ... تحل الباب وهزات عينيها داك لي كانت كادعي مايكونش فدار هو لي حل ليها ... عصام هز فيها حاجبو باستغراب وفالشانطات لي وراها .. نطق بتعجب : خنساء !!!

بلعات ريقها محاولة تكالما : اهلا عصام ... ( دغيا قلبات المود وغرغروا عينيها كاتشوف فيها باسى وتبوحيط )

عصام فهم من نظراتها وخصوصا فاش شاف جهة الشانطات استنتج مبدئيا انها غضبانة ... حيد ليها من الطريق وهز عليها الشانطات : دخلي ... دخلي ...

تقدماات كاترمش بزربة باش تعمر عينيها بدموع عاطياه بظرهها داخلة للصالون وهو تابعها حط الباليزات فالكولوار وزاد عندها ...

خنساء هزات فيه راسهاااا وهي تطلق بكيتها تحلفي عليها مظلومة وحاكرين عليها : هئ ... هئ خوياااا ... هئ هئ... ( كاتلهط والدموع شلال عاطياها لبحوط )

عصام ما فاهم والو : شووووو ... مالكي اخنسااء ؟؟؟

خنسااء حادرة راسها وخاشية وجهها بين يدها كاتنين بصوت مسموع وهوو كايحرك راسو بلا حول ... قرب ليها كلس وحط يدو على ضهرها : خنساء شوفي فيااا ...

مابغاتش تهز راسها كاتبكي بالجهد كاتدعي الله فخاطرها تلين ليه قلبو ببكاها عاد تدوي معااه ...

عصام ساط بنفاد صبر : وا دوي معايا ونتي كاتلهطي ... شنو واقع مالكي ؟؟...

خنساء هزات فيه راسها كاتشهق تقولي السيدة قاتلينها ... عينيها ولاو حمرين بالبكا ووجها تنفخ تحلفي عليهااا مضلومة وواخدين ليها حقها ... صدرها كايطلع وينزل بزربة : انا ... هئ هئ .. انااا ... هئ ... ( طلقات تاني دموعهاااا مابغاتش تسكت ليه بالمرة ) ...

عصام هز حاجبو عصباتو ماعندوش مع البكا وصبرو قليل ... نطق كايحاول يبرد غير بزز : صافي سكتي انا غانجيب ليك شوية المااا تنفسي ... وندويو واخااا ...

كاتحرك راسها بايحاب ودموع نازلين على خدها متابعين : هء هء هء واخا .. هء هء ...

ناض زاد من تما متاجه للكوزينة وهي هزات فيه عينيها حتى مشا وهي تنفس ... حبسات التخنصيص تقول ماشي هي كانت كاتلهط دابا : اش غانقوليه ... اويلي اليوم يصفيها ليا مافيهاااش ... غير الله يخرج هاد الطرح بسلااام وخلااص ...

سمعات خطواتو وهي تقلبها بكا تاني ورجعات لتخنصيصها ... هو قرب مد ليها المااا : هاكي شربي وبردي فيك النفس ... يلاااه ...

خدات من عندو الما كاترمش بدوك العينين فازكين بالدموع .... شرباااات كاتدير راسها كاترد النفس ومحاولة تحبس البكية زعما ....

عصام شافها بردات وحبسات من البكا ونطق بتساؤل : ايوا دابا قولي ليا اش كاااين ؟؟

خنساء دلات شنايفها ونطقات بزربة : مابقيتش قادة اخوياااا ... عييت عيييت ولاهيلااااا مابقاش عندي الجهد ... عييييت وملييييت اووووف

عصام زربات عليه : واخا غير دقة دقة .. مناش عييتي ... واش تخاصمتي مع عدنان ؟؟..

خنساء حدرات راسها محركاه بمعنى" اااه "...

عصام باستفسار : ولكن علاش ... شنو طرا ؟؟؟

خنساء هزات كتافها : تخاصمنا وصافي ... ( كدور عينيها )

عصام خنزر : كيفاش تخاصمنا وصافي ... اش كاتخربقي واش نتي جايبة شوانطك محزمة ومرزمة وكاتقولي ليا تخاصمنا وصافي ...

خنساء : اييه دابا نتا همك غير حيت جبت شوانطي خفتي نتقل عليك ... ياااك ( بغات تدورها عليه )

عصام قرم حجبانو: راااه غادي نلاكَيها معاااك ... كانسولك حيت خاصني معرف شنو المشكل ... باش نعرف كيفاش نحلوا ...

خنساء بلعات ريقها مشجعة : مكاين ما تحل اعصام ... مابقى مايتصلح ... داكشي لي جمعنا يفرقنا انااا بغيت الطلاااق ...( طلقاتها وبقات كاتفرك يدها كاتسنى ردة فعلوا )

عصااام خرج عينو فيها ونطق بالجهااالة : الطلااااااااااااق ...

خنساااء قفزها من بلاصتها بغواتو: واش نتي تخورجتي ولا تسيطيتي ولا مالك على اينا طلاق داوية ؟؟؟ ... خرج لوالديك العقل ... غير اجي وقول بغيت الطلاق ...

خنساء : ايه اخويا بغيت طلاقي ... مابقيتش مرتاحة فهاد الزواج ...

خصر كمارتو معيبها : بغيت طلاااقي ...( بنهضة ): انووضي ابنتي فيقي شوية من الكَلبة ... قالت ليك الطلاااق ... علااش بسلااامة الالة شنو هاد المشكل لي غايوصلكم للطلاق كاااع ...

خنساء : مكاين ما تعرف لي خاصك تعرف هو انني مابقيتش باغا هاد الزواج وخاصني نطلق هاذا مكاااان ...

عصااام شدها من دراعها مزير عليها : واااش كاتبوهلي عليا ولا كيفاش ... شناااهي هاد مكااين ماتعرف ... عند بالك غاتجي تقولي باغااا طلااق غانمشي للمحكمة ندير ليك الخلع ونطلقك منووو ... سااهلة عندك نتي ... واااش دخول الحمااام بحال خروجو الشريفة ...

خنساء عرفاتو غادي يتعكس متأكدة انه مستحيل يتقبلها لا هو لا باها ... بدات تدمع تاني مزير على يدها : وااا طلق مني .. هء هء ... نتاااا كاتعرف غير تغوت ... مكاتحاولش تفهمني ...

عصاام شد على راسو : اش غااادي نفهم واش قلتي ليا شي حاجة باااش نفهمهاا ... اش دار ليك هاد الراجل لي غاتبغي منو الطلاق ... خاصني سبب قنعيني الالة علااش باغاا هاد الطلاااق ....

خنساء ماعندها ماتقول : مابقيناش مفااهمين ومامرتاحااش معاااه ... مابقيتش باغااا هاد الزواااج ... واش نبقى مزوجة بزز ...

هز فيها حاجبو : ياااك الالة علااه حنا زوجناك بزز .. ياك نتي لي كنتي غاتموتي باش تزوجي بيه ولا صااافي طلع ليك فالراااس ... الزواج لعبة عند جد والدييك ... فوقتما قالها ليك راسك تزوجي ونهار ترشق ليك طلقي ... واش نتي عند والديك شي عقل ولا ماتكسابيهش ...

خنساء باصرار : وشنو غير حيت انا لي بغيت الزواج مامنحقيش نطلق ... زعمااا اناا كارهة فييه ...

عصااام طلع ليه الدم : شوفي اهاد البرهوووشة ... بلااا تجهليني على الصباااح ... مكاااين طلااق ... كاتسمعي ... نتي لي بغيتي تزوجي وتحملي مسؤوليتك ... انا نهار لول نبهتك وجيتك للخاطر ونتي وقفتي عصااا ... وداابااا غاتخلصي ... الطلااق هو لي مغاديش تحلمي بيه ... وراااجلك انا هاد العشية مني يجي الواليد غانمشي نفهم منو شنو واااقع ... وشتي داك الطلااق غير بلاامااا تحلمي بيه ... هادشي الا ماكنتيش نتي لي مزبلاها

خنساء زيرات على يدها : ياااك اخويااا هادي هي توقف معاياا وتساندني ... ايوااا الله يجازيك بالخير ...

وقف مغدد : نوقف معاك فالخوااا الخاااوي ... هاذاا راااه زوااج الالة ماشي لعب الدراري الصغاااار ... وماشي من اول مشكل كانقولوا الطلااق ... كون جات على هاكااا كوون هواااا النااس فرتكوهااا ... الوااحد كايتصرف بعقلوا ماشي بالجهااالة والخفة ... والا مكانش سبب لي يخليك طلقي والله لا طلقتي ...

خنساااء ضغطاات على شفاايفهااا : ياااك انا لي توزجت وانا لي غانطلق علاااش كاتبغييو دخلوااا راسكم فكلشي وتعكسوا ...

هز يدووو باغي يجمعها معاها وهو يردها متمالك اعصابو خنسااء غمضات عينيهاا قلبهاا كايضرب على جهدوو...نطق عصاام بحدة مخنزر فيهاا: غير ارتاحي وحطي راسك على جنب الراااحة ... ( بغضب كاايغوت ): دااااك الطلااق لي مغاااديش يكووون ... نهار لول راه ماضربك حد على يديك نتي لي بغيتيه واختاريتييه ودااباااا باشمااا كاان صبري علييه ... ( خنزر فيها مغدد ): ماعندناش البنت لي طلق على وااالو ديريهااا فمخك ...

زاد من تمااا وهي ضربااات رجلها مع الارض سااخطة ونطقااات بعصبية مسمعاها لييه : وا والله حتى غانطلق بيك ولا بلااااا بيك يلااه ... وداابااا تشوف عععععععع

عصاام خرج وزدح البااب وهي كلساات شادة حنكهااا مغددة ... معاارفة ماادير فهاااد الحريرة كيفااش غاتفكها واشمن سبة غاتعطيهم ... وباش غاتبرر هادشي ولا تشرحوا ماعندها حتى مبرر يخليهم يوقفوا معاهااا ...

عدنان كالس كايفكر فشنو غايدير .. مابغاش يمشي للدار عندهم حيت عارفها مغاتهضرش معاه دابااا ومعارفهاش اصلا واش مشااات عندهم ولا لاا .. ومعارف اش غايقوليهم ... تنهد وهز تليفونوو كايصوني

لخديجة : الو ختي خديجة لاباس عليك؟؟

خديجة : الحمد لله اخويا نتا لابااس

عدنان شاد على راسو : الحمد لله ... عافااك اختي بغيت نسولك ..

خديجة : الله يسمعنا خير .. شنوو؟؟

عدنان : نصيرة عمة خنساء واش كاتكون اليوم فالدار ولا فالخدمة ؟؟

خديجة : وا على حساب ما عارفة غدا عاد كاتجي ... موحاال وااش كاتكون فالدار اليوم .... علااش ياكما كاين بااس ؟؟

عدنان : خنسااء هزات حوايجها ومشات من الدار هاد الصباااح ...

خديجة بصوت مرتافع : اويلي على مشااات ... كيفاااش وعلاااش؟؟؟ ... شنو وقع بااش مشااات ؟؟؟... اش درتي للبنت حتى مشااات ؟؟؟

عدنان تنهد : مشات وصااافي ... تناقشنا فليل الصباااح لقيتها هازة حوايجهاااا ومكايناااش ... بغيتك تصوني على عمتها باش نعرفها واش فالدار ولا لا ... ساعة مكايناااش ...

خديجة بايجاز : لا لا خنساء ماشي ديال هاد شي مية فالمية درتي ليها شي حاااجة حتى البنت طجااات ... غير قولي شنووو كاااين علااش داابزتووو ... اويلي ياكماا حطيتي عليهااا يدييك ؟؟؟

عدنان سااط : وااش حماقيتي ولا ماالك .. ماتندمينيش حيت عيطت ليك ... قلت ليك غير تناقشنا ومشااات ... واش انا موالف نحط يدي الله يهدييك ... دابا شنو ندير واش نمشي لدارهم ولا شنووو ؟؟

خديجة : لااااا خليك بلاتي ... ايمتا مشات بعدااا ؟؟

عدنان كايحك لحيتو بتوتر : هاد الصباااح ... قالي مول الحانوت شافها خارجة بكري جارة حوايجهااا ...

خديجة : ماتمشيش دابا عندهااا ... غايكون دمها باقي حامي وغير غادي ترونوها نتا وياهااا ... العلم الله اش صرفتي فيهااا مسيكينة ...

عدنان بالغواات : خديييجة واش كاندوي بالشينوية راه قلت ليك غير تناقشنا بحال كاع الناس ...

خديجة : المهم ... خلي حتى العشية وانا نغدي الدراري ونجي عندك نشوفو شي حل بينما تكون بردات ... ماعندها فين تمشي من غير دارهم ... غير تهنى ... انا نجي يدير الله خيير ...

عدنان بنفور : صافي صافي وااخااا .... انا غانتسناااك ...

خديجة : واخا اخويا .. ماديرش فبالك مايكون غا الخيير ان شااء الله ...

عدنان : امين ... الله يعااون ... قطع عليهااا وبقااا كايسوك ويتنهد ... عندها الحق يستحسن يخلي حتى لعشية عاد يشوف اش يدير دابا ... مكاين لااش يزرب ... واخااا على حساب رسالتها كانت متاخدة قرارها ولكن مباغيش يستسلم ... خاص ضروري يدوي معاهاا فااس ... نااض من تمااا وخرج سااخط غادي لخدمتو يلاهي الوقت حتى تجي خديجة ويشوف معاها شي حل ...

خنساء غادة جاية فبيتهااا يدهااا ففمها كاتفكر فشي حل ... اشنو غادير مع باها مني يجي وشنو غاتقوليه ... اكيد مغاديش يتقبلوها هكاااك وغايخصها ليهم شي سبة لي تخليهم مايرفضوش هاد الطلااق ... وهمااا براسهم يجيو معاااهااا ... غادة جاية كاتفكر فحيرة ودمااغهااا كل مرة واش يفتي عليهاااا وكادرس من الجوااانب مالقااتش لي يسلكهااا ... لي جاتها فالبااال كاتلقى فيها شي تغرة باغاا شي حااجة لي ماتحصلش فيهااا وتخليهم يقتانعوا بيهااا ... ساعة وهي كاتمشي وتجي فحااال المنشااار ... هزاات حااجبهااا وكلسات فجنب السريير ... عاضة على شفايفهااا والشيطان لي فراسهااا كايفتي عليهااا ... رشقات ضاربة يد مع يد : اياااااااه علاااااش انااا مصعباهاااا وهي ساااهلة ... اااه ... مكاينش لي غايفكني من هاد البلاان قد نسرين ... هي لي غادي تنفعني ... ( خنزرات ): ععععع نسريين غاتنفخ وتبوخ عليا تاني وتبورد ...

طلعات النفس : هاد المرة اخنساء خااصك تقاديهااا ماعندك ماديري .... غاتوكلي امرك لله وتسايسي معااهااا حتى تفكي الجرة ... غير بردي كلشي غايتحل ان شااء الله ... خاصك تركزي مزياااان وتقادي اش غاتقولي ليهاااا ...

بقاات كاالسة كاتفكر وراسهااا خدااام كايفصل ويخيط ويلاقي مركزة مزياااان ...

نسرين مشات بكري تشوف ماماها ورجعاات حالة الباب ... دخلاات : اوووف ... وليت فحااال الشارفات نتمشى شوية ونعيااا يااربي السلااامة ...

زادت دااخلة .. هزاات حاجبهاا فور مالمحااات الشانطااات مخاطبة نفسها: هادو ماشي باليزاات خنسااء ... اش كايديرو هنااا ...

حطات ساااكهااا فوق السداري وزادت طاالعة فالدرووج متاجهة لبيتها الفضوول قاتلهاا باغاا تعرف اش وااقع ... كاتجري فالدرووج وتخطوي مع حلات مكانتش فيه ... دلات شنايفها بخيبة ... سمعات صوت الدوش خدام حدا البيت عرفاتها داخلة دوش ... تنهدات : ياااه على زهر مالقات ايمتا دوش غير دابا ... بفف ... مالي هاااكاا فياا الفضول مااشي سوقي اصلااا ...

هزات على كتافها وزاادت من تما دخلات لبيتها ترتاح ..

خنساء دوشات وسالات وبدلات عليهاااا حوايجهااا ... سمعات الحس فالدار عرفاتها جاات ... تقدمات جهة بيتها كاتستاعد لشنو غاتقول ... نسرين كانت فبيتهاا حانية على لكوافوز لكبيرة لي كادير عليهاا لميكاب ديالهاا...كاتمسح فيهاا وتعااود...باقة على نفس الوضعية حتا دخلات عليها خنساء واقفة عند باب لبيت

خنساء:نسرين مسااالية بغيت ندوي معااك....

نسرين تقادات فوقفتهاا بشوية عليهاا وهزات فيهاا حاجبهاا:اش غاتنتݣااول انا ويااك بسلاامة؟؟!

خنسااء غمضات عينيهاا كاتحاول تشد معاها لخاطر ... واخا كادير معاها لي دارت خضرة ومكاتكَرش بالخير ... تنهدات مكانش عندها حتا خيار الى تجي لعندهاا..كون كان ماتحاشيهاش ليهاا:دابا واش مسالية اه ولا لاا؟؟

نسرين حطاا لبونجة لي كانت كاتمسح بيهاا من يديهاا ولفضول بدا كايتسلل ليها باش تعرف شمو بغااتها خصوصا ان قبيلة عرفات كاينة شي حاجة ماهياش :اه صافي ساليت.. دخلي..

دخلاات خنسااء وسداات لبيت عليهم...نسرين بقاات مراقباهااا وزادت عقداات حجبانهاا فيهااا...

ناطقة بستغراب:او... تي شتك سديتي عليناا لباب ݣااع..مامولفااش لييك...لهاد الدرجة لموضوع حساس؟؟......يااك لبااس

كلساات خنساء على طرف سرير وقالت بهدوء :كلسي بعداا ونهضرو

نسرين قربات لعندهاا بخطواات تقيلة ݣلساات حداهاا:هااني الالة ݣلست..خباار لخيير..شنو بغيتي تقوولي

خنسااء سكتات تواني وتشجعاات وقالت برجاء: بصراحة بغيتك تعاونيني فواحد لحاجة...

نسرين ضحكاات بستهزااء معوجة قنوفتهاا:هههه كيفااش؟!منيتك كادوي...بنت ساايب بقدها وقامتهاا كااملة جاية طلب بنت نجاة بااش تعااونهااا...ههه اش طرى وجرى فملك الله...

خنسااء خسراات ملاميحهاا بنفااد صبر: شتي معندي لا لݣانة ولا لموراال لهااد لهضرة لباسلة ديالك...وغاباش تعرفي كون محتاجيتكش ديال بصح مكنتش غانجي عندك ...

نسرين حساات بيهاا كاتهضر بجدية..وملاميحهاا جامدة...عرفات ان لموضوع عندو أهمية كبيرة...صغراات عينيهاا ونطقات بهتماام: نعاام فااش محتاجني؟؟!

خنسااء : بغيتك دوي ليا مع عصاام

نسرين بتسااؤل:ندوي مع عصاام؟؟!علااش اشغانقولييه...

خنسااء تشجعاات ونطقاات بإجاز :بغيت نطلق من عدناان...

شافت فيهاا نسرين بدهشة..تصدماات بحالا صرفقتيهااا... سكتات تواني كاتستوعب شنو كااتسمع..مامصدقااش..خرجاات عينيهاا وقالت بنبرة

مرتاافعة :كيفاااش...بغيتي طلقيي؟؟...

خنسااء ردت بهدوء كانت متوقعة ردة فعلهاا:اييه بغييت نطلق وداكشي علاش جيت عندك بااش تعااونيني...

نسرين:اويلي اخنسااء اويلي... وااش من نيتك باغة طلقي...كاتدوي بصح

خنساء عصبتهااا:مالك مطنݣة واش موضووع بحال هادا كايضحكو فيه النااس...

نسرين:و.ولكن علااش...علاش بغيتي طلقي منو...كنتو عايشين مزيان ومتفاهميين...مخاصكم خيير ... علاقتكم كايضرب بيهاا لمتااال ... وزاايدون نتي لي بغيتيه نهاار لول وتحديتي عائلتك باش تاخديه...كون ماتزوجتيش بعدنان كنتي غاتحمااقي ... شنو طرى بيناتكم دابا حتا بغيتي تاخدي قرار بحال هادا وطلقي؟!!

جوباتهاا خنساء ببرودة :عدناان مبقااش مناسبني..مابقيتش مفاهمة معااه...وانا مايمكنش لياا نبقى على هاد لحاال..الى كملت فهاد الزواج غادي نكون ضيعت رااسي..ونقدر نضيعو حتا هواا معاياا

نسرين زادت صدماتهاا..ردت عليهاا مامصدقااش: كيفااش مابقيتيش مفااهماا معااه...وااا شنو واقع بيناتكم

خنسااء:هواا...ممم... بصراحة مابقيناش مفاهمين بحال الول ... لقيتو مامناسبنييش...بيناتناا فرق فلعمر وحتاا فتفكير...وزيد عليهاا(سكتات شوية حتاا ستجمعات انفاسهاا باش تدوي وقالت): حتاا فلفرااش ماكيقنعنييش..مكايلبيش لياا رغبتي كيفمااا بغييتهااا...انا صغيرة علييه...احم راك غاتكوني فاهمة بلى مانبدا نشرح

نسرين بتعجب لسانهاا تربط وهياا كاتسمعهاا: و..ولكن من إمتا مبقااوش تجااوب بيناتكم فلفرااش....واش من لبدية ديال زواجكم؟؟!

خنسااء : لاالحقيقة تقال ملي يلاه تزوجناا راه كان شوية...اما فهااد التوااخير ولاا غا كايرݣع...

نسرين :بلحق اخنسااء نتي غاتكوني عارفة حسن مني...الى كان غير على هاد لمشكل...راك تقدري تخلقي تفاهم بيناتكم..وحتا فلفراش غير بلعقل غاتعرفي كيفااش توصلي لرغبة ديالك واخاا يكون جهدو قلال...غيير صبري معااه

خنسااء بعصبية غوتاات: اناااا اللالة عييت مانصبر..باات الصبر درتو معااه ولكن صافي مابقيتش قادرة..او..سيد مكانجي فين نوصل ونبدا نتلوى ... حتى كايكون هو كمل جمع وطوا وناض يغسل علييه....

شافت فيهاا نسرين مطولة الشوفة حالة فمهااا فعلا صدماتهااا مكانتش متوقعاهاا نهائياً ... كانو كايباانو ليهاا متفااهمين بزااف..لدرجة شحال من مرة كاايطيح ليهاا لعجب للإنسجاام لي كان بيناتهم وهمااا بينهم فرق فلعمر....

خنساء هرباات عينيهاا للأرض دايرة راسهاا محطمة دغياا جمعاات دمووع فعينيهاا كاتهضر بنبرة مخنوقة:هء هء...متخايليش لحرقة لي فقلبي قدااش...ربي لي عاالم بيهاا..حااولت نكمل فزوااجي مع عدناان والله حتاا حااولت ولكن ماقدراش مزال نصبر...سيد اوولد سكوول فعقلو ... فلوقت لي انا بغيت ندير شحال من حاجة ونشوف لحياة..لقيتو طلع ليه كلشي فرااسو...وعااد زيد عليهاا مابقاا قاد على واالو...شنو نبقى مضيعاا معااه شبابي حتا نندم...

‌

‌كملات هضرتهااا ودارت اديهاا على وجهاا كاتبكي...نسرين تأسفاات فخااطرهاا شافت فيهاا بشفقة أول مرة تبقا فيهاا خنسااء بحكم عمرهاا شافتهاا كاتبكي قدامهاا ... ماحسات حتا دارت اديهاا على كتفهاا كاتسكتهاا

نسرين:صاافي بلى ماتبكي...دمووع مغاايبدلوو واالو...ملي مابقيتيش بغيتي تبقاي معاه نتي حرة...حتا واحد مغايبزز عليك...ولكن كون غير عاودتي فكرتي شوية ونعلتي الشيطاان...رااه ماخاصك حتا خير فزواجك...غدا ولا بعدو غادي طيحي نادمة حيت ضيعتيه ... خنسااء عرفتي شحاال من وحدة كاتمنى لحيااة لي عايشاها مع عدناان ... كلشي متوفر لييك ... لي طلبتيها وحليتي عليهاا فمك كايحضرهاا...مانقصك خيير... عرفتي وضعيتك بشحاال تبدلات على شحال هادي

خنسااء بزربة كاتحرك رااسهاا:انا مابقا عندي غرااض فواالو... فكرت وماخديت هاد لقرار حتا عرفت لاش خدييتو...دابا واش غاتعااونيني ولا لا...

نسرين اكييد ماشي فصاليحهااا تجي خنسااء تاني لداار...وهياا ماتفكات منهاا حتا بياضو عينيهاا...ختارت دير معاها محاولة باغة تقنعهااا غير بلفن بلا ماتبين ليها بلي مابغتعهااش ترجع عندهم مرة أخرى

نطقات بهدوء كاتحاول تسايس معاهاا:ولكن هادا رااه الطلااق..طلااق اخنسااء..وااش عرفتي شنااهياا الطلااق..ساهلة فلفم ولكن صعيبة فلوااقع...ديك لحياة لي كنتي عايشاها فهاد الدار ونتيا بنت غيير نساايهاا وضربي عليهاا حيت مغاتبقااش الى رجعتي مطلقة...دابا غايزيدو يزيرو علييك...ولحكاام غايتزااد..شحال من حاجة مغايبقااش من حقك ديريهاا..اناا غير قلت لييك ونصحتك

خنسااء بنفاد صبر : بلى ماتبخي ليا دماغي بهااد لهضرة راني عارفها ... مافكرت فطلااق حتاا درت بحسااب كوولشي...لي بغيت منك دابا انك تدوي مع عصام وتحاولي تشرحي ليه لمشكل..انا نحشم نعااود لييه رااك عاارفة...بغيتك تحااولي تقنعيه بأي طريقة باش نطلق وفأقرب وقت...

نسرين بنزعااج:ولكن راا...

خنسااء بحدة محمرة فيهاا شوفة: انسرين...مرة وحدة فحياتك ديري شي حاجة مزيانة معايا وعاونيني فهاادي ... ديري غا بوجه ديك الصحبة لي كانت بيناتنااا....وااه واش ياربي السلامة نتي لهاد الدرجة ميعولش عليك لواحد تقضيلو لغرااض...

سكتات نسرين حتا عياات وهيا كاتشوف فيهاا..عارفة بلي خنساء مصرة على الطلااق..واكيد غادي الطلق منو مدام دارت هاد لفكرة فراسهاا فغاطبقهاا طال زمان ولا يقصار...بتسماات بشوية وتشيطين لي فدامغهاا دار أمارش وبدا كايخدم..جاتهاا لفرصة ولقات بلي خاصهاا تستاغلهاا...وتسمسر فخنسااء محدهاا محتاجها...

نطقاات بلإجااب دايرة بتسامة جانبة:اييه مرحباا... واخاا نعااونك علااش لا..ملي جيتي لعندي وطلبتيني والله منرضها فوجهك...(حدرات عينيهاا على لبراسلي لي لابسة خنساء هداك لي كان هداه ليهاا عدنان باش يراضيهاا..بكترة ما هوا عاجبهاا وعزيز عليهاا مكاتحيدوش من يديهاا ونيت كايجيهاا زوينن لي شافو كايعجبوو.. كملات نسرين لاوية فمهاا غامزاهاا باش تفهم): احم غير هوا الوستي الغزالة..كل حااجة وتمنهااا

خنساء خسرات فيهاا شوفة و هبطات عينيهاا عرفااتهاا وفهماتها طايرة شنو قصداات...تنهدات ماقدراش تفارق معاا داك لبراسلي...ولكن فسبيل انهاا تهناا من مشكل كبير يقدر يطيح فوق راسهاا ويقدر يخرج ليها على حياتهاا ويهدم شحال من حاجة بناتهاا ختارت تضحي بييه...يلاه حلات السدادة ديالو وهيا توقف...حسات بخنقة مقدراش تحيدو من يديهاا راجعة بيهاا داكرة لنهاار لي هدااه ليهاا عدنان... مزاال مفكرة شحاال كانت فرحات بيه داك نهاار...

فيقاتهاا نسرين من سهوتهاا مادة يديهااا:ويلااه طلقي طلقي...دهب معاطاك ربي غير هواا..باش ݣااع جاك هاد لبراسلي وسط داكشي كامل لي عندك..ماتكونيش سقرامة و اريه...

خنساء خنزرات فيهاا : اييه وشكون ضمن ليا بصح غا تهضري مع عصام وتحاولي تقنعيه باش نطلق..ماشي غاتاخدي هاد لبراسلي هكاك باطلا وضرببها بنكرة....

ردت عليهاا كاتبتاسم بعجرفة : سمعي احبيبتي ... مكااين لي كايعرف لراجل قد مرتوو ... وسوارت خوك عصام راهم عندي...غير تهنااي ديري فيا التيقة وطلقي داك لبراسلي...متخاافيش انا ما كنغدرش لواحد..وكلمتي نمووت فيهاا...يلااه طلقي

خدات خنساء نفس عميق وخرجاتو بمهل...حلاتو وعطاتو ليهااا..خداتو من عندهاا نسرين بزربة خاطفاه من يديهاا خايفاهاا لا ترجع فهضرتهاا..دغياا ركباتو فيديهاا ونطقات وهياا كاتمنضر فيه بإعجاب عينيهاا دلااو علييه:الله شحاال غزاال...من نهاار شفنو عندك وانا كنتمنى يكون عندي واحد بحاالو نديرو فيدي...وها هوا ولى عندي...(شافت فخنساء)صاافي الحبيبة كوني هاانية...انا عارفة كيفااش ندوي مع عصاام...(غمزاتها كاضحك)غير رتاحي وعتابري رااسك من هاد ساعة رااك وليتي مطلقة...

خنساء دارت ضحكة استهزااء مستحيل تيق فنسرين وهي ما باغا الشوهة لا ليها لا لعدنان ومستحيل تخلي شي حد يهضر عليه .. خصوصا هي عارفة مزيان طبع نسرين واكيد غاضرب ليها الطر ... يلاه بغات تنوض نسرين تشوف البراسلي فالمرايا وهي توقفها خنساء راداها مكلساها ونضرات قوية فعينيها : اوبس بلاتي الغزالة بلاتي ... مزاال واحد النقطة ماتفاهمناش عليها

نسرين بتساؤل : شنو ياكما رجعتي فكلامك ...

خنساء ضحكات : فنظرك انا من الناس لي كايرجعوا فكلامهم نوووووو ... ولكن اعروستنا الغزالة باقي عندي ليك شي هضرة بغيتك ديريها فبالك ...

نسرين : شنووو ؟؟؟

خنساء بحدة : ياااا ويلك ... يااا ويلك اصاحبتي الحبيبة نسمع هادشي لي قلت ليك فجهة اخرى ولا كادور برا الدااار ورااك فاااهمة شنو بغيت نقول ... طبع خويا وبا وعمتي كانعرفهم مزيااان مستحيل يخرجوا هاد الكلااام للعتبة ... يعني الا شي حاجة دارت براااا غاتكون من عندك حيت مكاينش لي لي فراسو .... ( هزات فيها حاجبها ): والا نتي عارفة مزيااان رد فعل خوياا الحبيب مني يعرف مراتو الغزاالة اش كانت كادير قبل الزواااج ... وبربي مانحير فيك ولا نهز ليك الهم ... غانقوليه كلشي ونجيب السحت حتى لهنااا يشهد فيك ويأكد ونتي عارفاني نديرها نفوتها لهيه وما جاتني فوالو ... داكشي علااااش مني غاتقضي ليا الغرااض بغيتك تفقدي الذاااكرة تفورماطي داك الراااس عندك وراااك فاااهمة 😉

نسرين بلعات ريقها ... عارفاها ديرها وتفوتها لهييه ... شافت فالبراسلي ونطقات بموافقة : صافي غير تهناااي ... هضرتنا غاتبقى هناااا ...

خنسااء ابتاسماات : هكاا نبغييك ... ودابا هاحناا تفاهمنااا ... ليلة تدوي ليا مع عصاام داكوغ ...

نسرين بايجاز : ضربي هاد الموضوع عليا ابنت الساايب ...

خنساء ناضت من تما زاايدة ... خرجات وسدات الباب خصرات كمارتها : يخخخ على طماااعة تفووو ... مزال غاطيحي بين يدي الغزاالة وداك البراسلي عمرك تحلمي يبقى ليك غير بلاااتي ... نفك هاد الحريرة ونبالي بيك ... اخرتك معايااا مغاتكونش على خير

زادت داخلة لبيتها مرتاحة نسبيااا من جهة عصام حيت عارفة نسرين كاتعرف مزيااان تهضر وخصوصا عارفة خوها غايفهم هاد المسألة وهو لي يقدر يقنع العربي ...

العربي كايحل الباب ديال الدار والتلفون فودنو : واخا ... غير كون هاني ان شاء الله مايكون غا الخير ... الله اودي على الراس والعين ... راك عاارف بنات الوقت هاكا دايرين خاص الواحد يسايس معااهم ... اناا غانتكلف غير ارتاح نتا ... يبرد الدم شوية ونديرو شي حل ... مرحبا مرحباااا ... الله يدير لي فيها الخير ... الله يعاونك ...( مسايس فالهضرة ): تهلا فراسك ... بسلامة ..

حيد التلفون من على ودنو ... غير قطع وهو يغوت على حر جهدو شاعل : خنسااااااااااااااء ... خنساااااااااااء ...

كانت متكية فبيتها قفزها من بلاصتها وقفات بلهلا يطريه ليهااااا كلها كاترعد : ميمتي ميمتي ... واجاا مافكني معااا السايب دابا ... بفففففف ...

العربي بصوت عالي : هبطي عندي هنا الساااايبة .... هبطي هبطي .... خنساااااااء ...

بلعات ريقها قلبها كايزدح بالخلعة كاتعرف مزيان باها مني كاطلع ليه كايولي واحد اخر ... هزات النفس وخرجات من بيتها كاتجري هابطة عندو .... نسرين فالكوزينة دايرة ودنها على البااب طالقاهم ...

خنسااء قربات عندو كاتفتف : ... باااا .. ( بغات تحني تبوس ليه على يدو وهو ينترها مكشكش )

العربي : خليتي فيها نتي شي بااا ولا عمي ... واااش وجهك هاداك ولا قفااااك ...

خنساء سبلات فيه عينيها : علاه مالي اش درت ابااا ؟؟؟

خنزر مخزز عليها : باااز لديك السنطيحة عندك الجبهة صحييحة ... وااش كاينة كاتخرج من دار راجلها بلا خبارو مخلياااه تالف معارفها فين صدااات هازة شطايطها بلا سبة ... واش الناااس كايكبرو ويديرو العقل ونتي غادا وكاتفلسي ...

خنساء دلات شنايفها حانية راسها كاتسمع مقادراش تجاااوب ... اصلااا هو كايحدهم ليهااا مكاتقدرش تجابه معاه ...

زاد فنبرة صوتو : والله كون ماحشمت ياااحتى نوريك فعاايل البراهش والهباااال .. ونرد لوالديك ضهرك رطب من كرشك .... ولايني جيتيني قدي فالطول والعقل لاروب ... واش مكاتحشميش على هبالك ونتي فهاد العمر ... تفافيفيتي واش هادو فعاايل كايدااارووو ...

خنساء عاضة على قنوفتها كاتسمع بلاما ترد وعينيها فالارض مني كايكون معصب كاتدير منو الحدر ... واصلا ماعندها باش تجاوبو ...

العربي : لقيتي السيبة لوالديك ... ولايني هو هو لي ضسرك بالفشووش داكشي لي خليت ليك انا كملوا هو ... نتي ماااشي ديااال الخاطر والكبرانية ... الله يخليه كنس بالخلاااا ... ( بالغوات قفزها ): طلعي لبيييتك الله يغبر ليك الشقف ... الكلام ماشي معااك .. مع الراجل نشوفوا هاد الحريرة .... تريكة الويل ... ( موجده صبعوا ): بيتك مانشوفكش قداااامي .... مخلياني معارف مانقول لراجل وليت غير كانتفتف معاه... درقي عليا كمارتك ...

خنساء هزات على كتافها ... عارفااه ماعندوش مع الطيران وكان خاصها تعلموا انها جات للدار مايسمعهاش من عند عدنان ومايعرف مايقوليه ولا شنو واقع وحتى خرجتها من الدار فالصبااح بلا ماتعطي خباار عصباااتو ... ساطت وطلعااات لبيتهااا كاتنفخ وتبوخ فحال الرابووز ... وهو دخل للصالون مكشكش : ماتخليونا نخدموا فخاطرنا ماتخليونا نرتاحوو ... كاتزوجهم تقول تهنيتي وهما غير مزايدينك فالصداااع ... الويييل ... ولايني راه لي ماشبه لبوه حراااام ... خرجوااا ليا المساااخط ما داااو من مهم وااالو ... الله ينعلواا كنس ..

كلس فالصاالون ونسرين كاتضحك فالكوزينة مستمتعة بالفرااجة ... يلااه غاادور وهو يغوت باسمهااا خالعها : نسرييييين ... وااا فييين هو ... هااد الغدااا ولا نخرجواااا نقلبواا عليه حتى هو براااا ...

نسرين بتوتر تفافات : اييه اييه هاااهو اعمي واجد انا غانحطواا ...

العربي عاقدهم : طلقينااا حتى نتي ... غير الخطية على ختهااا عندي فهاد الدار حتى حد مافيه الربح ...

بقااا كاينكر معااجبوا حااال ... ماعندوش مع داك خيطي بيطي من دار الراجل لدار الوالدين خصوصا بهاد الطريقة وبلاما تعلموا لا هو لا راجلهاااا ...

يتبع...