بنت السايب الجزء 12

تعاشات العشية.ونسرين متكية فوق السرير كاتسنى لعصام باش يدخل باش تدوي معااه بخصوص خنساء وتنفد ليها طلبها كيفما واعدااتها...كاتصوني عليه فتيل ديالو وتعاود مكايجاوبهااش...تنهدات بعمق متأكدة أن مهمتهاا بااش تقنعووو مغاتكونش سااهلة عليها ابدا...دقائق حتا تسمع لباب تحل ودخل منو..

نسرين غير شافتو وهيا تجمع لݣلسة...نايضة عندوو بزربة مقابلة معااه

نسرين مغوبشة بملاميحهااا:ماالك على هااد تعطيلة كاملة مامولفاش ليك ...علااش كانصوني ليك فتيليفونك و مكاتجااوبنييش؟؟!

عصاام خنزر فيهااا فعلا طالعة ليه لقردة بلمعقوول نطق بهدوء:موراالي هاابط بلمزيااان...مااكاان فيااا لي يجااوب شي حد..حتاا من لخدمة بزز وفووق نفسي بااش خدمت

نسرين بحدة :انااا ماشي أي وااحد..انا مرااتك...واخاا تكون مغروسة فييك حتاا لعضم خااصك تجااوبني..مااتعرف تكون شي حاجة مهمة وبقصوحية رااسك ضييع؟؟!

عصاام عقد فيها حجبانو...ونطق مخسر ملاميحو بنزعااج:حيدي عليا من قداامي حسن لييك.... رااسي ساعر و ماافياا لي يتناݣر معااك...

اكتفى بكلماتو ليهاا وتوجه لبلاكار يجبد منو لحوايج بااش يبدل...قرباات عندوو نسرين وحطاات يديهاا على كتفوو بحنان ناطقة بشوية:انا عارفااك علااش مقلق...سقتي لخباار لداكشي لي بغاات دير خنساء يااك....

جاوبهاا بعصبية فكرااتو فيهاا..نهاار كاامل وهوا معصب بسبتهاا:اييه سقت لخباار لهباال لي باغة دير خنساااء...سقت لخبااار للحماق و تصطية لي باغة ديير..وعلى صبااح الالة فطراتني بفقصتهاا وزاادت

نسرين كادوز على ضهروا بحنان :مكااين لااش تعصب عاادي ماالهاا هيا لولة ولا لخرى لي غادي تطلق وترجع لداار باهاا....وزيدون فحاالتهاا حسن انهاا طلق من عدناان..

عصاام:اش كا تخ*ري...غامازيداا ليهاا فهااد تخربيق تاعهاا...هااديك رااه مرضاات فدماغهاا وباغة تمرضناا حتاا حناا معااهاا...قوة لفشووش لي فششناهاا هو لي خرج على ديلمهاا.....

نسرين:إوى أسيدي رااه جاات عندي قباايلة بااش ندوي معااك ونقوليك بلي مابقاتش باغة تبقا دقيقة وحدة مع عدنان ... داكشي لي خلاهاا هزاات قلوعهاا وجاات لداار باهااا ... قالت ليك نونو كحل عيونو هواا لي مانبقااش معاااه ...كاتهضر معايا وبدموعهاا فعينيهااا..رااه كاتعاني بزااف أعصاام والله

عصاام مسح على وجهوو مغدد:اناا لي ماامبغاااش يتفهم لياا هو علااااش باغة طلق منوو...اش وقع بيناتهم حناا وصلو لطلاااق..كاانو بخيير متفاهمين عايشين مزياان عمر شي مشكل طرى بيناتهم...غا حتا ناضت بغاات طلق...لحمااق هذاا برب تالحمااق

جاوباتو كاتهضر فكامل هدوئهاا مبردة الطرح... وازنة هضرتهاا محااولة ما أمكن تخليه يواافق واخة فداخل ديالهاا حاسة بلي صعييب يتقبلهااا....

نسرين:مبقااوش مفاهمين أعصاام...صاافي حرارت لعيشة بيناتهم...وصلو لمفترق الطرق..هادشي لي كااين

عصاام بنفعااال:تي وااش كادوخي عليااا ولاا شنوو...غا مبقااوش مفاهمين تنووض طلب الطلااق...واازوينة هاادي....قوم ربي العالمين مزوجين وحرام واش كاين تفااهم بيناتهم...وعاايشين كأي كوبل بخير مساايرين الوقت...الى جا غالي ماتفاهمش مع لاخر ينوض يطلق...كلشي غايفرتك الجقلة

نسرين بلغواات:وااش تبقى معاااه بزز..اويلي؟؟!

عصاام حمر فيهاا شوفة فقصااتو:ونتي ماالك سووقك...تبقى معاه بزز ولا بلخاطر أش مشااليك..مالك على هااد تنقااز لخااوي..زعمااا لهاااد درجة بقاات فييك وقلبك حن وبغيتهااا تعييش مزياان...

نسرين سكتات تواني كادور فعينيهاا..بلعاات ريقهاا ونطقاات بجدية :واا عصاام الله يهدييك...ماشي بقاات فياا..اناا مع لحق كانشوف لمنطق..وملي جات عاودات لياا لقيت هضرتهاا على صوااب ومقالت عيب فطلاقهاا معااه

عصاام صغر فيهاا عينيه:أشقاالت لييك؟؟!

نسرين قبل ماتهضر شداتو من يديو ݣالسين فوق سرير..محااولة تقنعوو بهدووء وتاكل ليه دمااغو وتخليه يقبل غير بلفن....

نسرين:سيد كبييير علييهااا...مبقااوش متفااهمين فشحاال من حااجة...قدييم فعقلووو..داا وجاب فزماان كلشي طلع ليه فرااسو...تفكريهاا هياا فشكل وهوا فشكل أخر...بحالا لاقيتي الما مع الضوو...وزييد على هاادشي كاامل ولي كوب الزيت على العافية ولاا عندهم مشكل حتاا ففف(سكتاات ممكملاهااش)

عصاام تساؤل بهتماام:كملي ماالك سكتي... فأش؟؟!

نسرين (دارت دائرة بصباعها بجوج...ودخلات فيها سبابتهاا وخرجااتهاا...حركة خلاات عصاام إتشوكاا فبلاصتوو مخرج عينيه)احم فهمتي..

رد عليهاا وهوا مزال تحت تأتير مابقا عاارف مايقوول...لون ديال وجهوو تخطف...ولسان تربط لييه:واايلي...بصح...و..و شكوون قاالك هاادشي؟؟!

نسرين مرفعة نبرة صوتهاا : نعل شيطان أعصام مالك ضبعتي....لوااه كنت معاهم فلبيت وشفتهم...واا قلنا ليك هيا جاات عندي وعاوداات ليا هاادشي....وطلبات مني نقولهاا ليك...حيت حشماات منك...اكيد هضرة بحال هادي مغاتقولها ليك لاا نتا لا عمي لعربي

عصاام تلقى صدمة تلاتية فداك لأتنااء...مسح على وجهوو بجهد حااس بالخنقة...بحالا ضربة ونزلات ليه على الرااس نيشاان ..لساانو جمد عليه...سكت شوية و نطق بتحسر: ماابقاا عندي مانقوول..تحدوو ليااا...

نسرين:هاادشي لي كااين...وهدا هو سبب رئيسي لي خلاهاا طلق منوو..على وديت لفراااش بلخصوص...

عصاام كايحااول يفهم: كيفااش زعماا وااش جهدوو سالا فمرة وحدة مابقااش قادر على والو ... مكاتبانش فيه كااع ... السيد باقي شاد فراسو زعما

نسرين كاتحاول تفسر لييه بشوية : ماشي مسألة سالا ولا مبقااش قاادر على واالو...هيااا بااقة صغييرة جهدهاا فووق جهدو...بااقة دك ودردك...وهواا رااه كبر وجهدوو قلاال وعااد شحاال من تزويجة دوز وزيد عليهاا لعمااين لي دازت فزواجهم زادت قللات ليه جهد بلمزياان....اوى و مابقااش مقنعهااا...سيد مع دخلة مع لخرجة نيشاان دغياا كايعيااا ويقوليهاا ساليناا ويخليهاا كاتلوى ... نهاار على نهاار داكشي كايتزااد وصبرهااا كايتقادا..وطبيعي تبغي تخلييه..اللهمة تݣلس بلاش ولا تبقى تعدب

عصاام فيكسى عينيه فجيهة وحدة مضور هضرتهاا فراسو نطق متنهد بعمق: كنت عارف بحالا علمني الله بلي غااتوقع فهااد لمشكل...سيد كبيير دا وجااب فدنياا حتاا خوى ليه الجهد وحتاا سلاح بداا كايحطوو ... وبااش تشوفي صݣوعية ماتلقا غير معاا خنسااء وبلى مااتفكر لسقاات فييه لسقة وحدة ....

نسرين لواات فمهاا بداات كاتفرح حساات بيه غاايتشد ليهاا:اوى الراجل ديال لعشريناات مااشي هواا ديال لخمسين ... اي عاام تحيد من لعمر رااه كاايدي من الصحة وجهد ماتقولش رااه كايدوز غير هاكاك... وخنساء صبراات حتا مابقاتش صبراات ... ويلى فكرناا غير بلعقل غالقااوهاا عندهاا الصح...مدام بيناتهم فرق فلعمر فرااه غاايكون حتااا فجهد...دغياا واحد كاايعيى...وهيااا بفمها تشكاات و قالت لياا مابقااش مقنعني فلفرااش...وطبيعي فهااد الحاالة طلب الطلااق...تبقى عاصرة معاه شبابهاا وتعدب باش تسمى مزوجة...لا مايمكنش...

عصاام نااض وقف داير اديه على فموو كايغزز صبعوو بلغداايد:نهااار لول هااد تزويجة دياال الزعتر مدخلااتش ليا لدماغي...ماحملتهاا ما قبلتهااا..لا أنا ولا عمتي ولا لواليد كناا بغيناه يتزوج بيهاا....قلناا ليهااا ݣلسي تبتي حتا يجيب ليك الله شي وااحد قددك...وهياااا لااا...غير سمعاات لفلووس وبغااات طيير...قالت لييك خلييوني انا لي عارفة مصلااحتي..اننااا عاارفة شنوو كانديير..عااارفة لخرى...تصحاابنا حنا ديك ساعة كناا غاادويين مكاان عندناا ماايدااار....هاا نتييجة داباا..هايااا رجعااات مطلقة..دااكشي لي خفنا منو طحنااا فيه...بسبااب قصوحية رااسهااا ضيعاات رااسهااا...تفووو شحاال عااصية يالطييف

نسريين بقاات سااكتة مخليااه كايخاسم...كانت متوقعة ردت فعلو..أكيد ماشي ساهلة عليه يتقبلهااا....

نااضت قرباات لعندوو ونطقات دايرة يديها على دراعو كادورهاا عليه:صاافي تكاالماا...هانتا ݣاع تعصبتي اشغااتستاافد...لي عطاا الله عطااه...وربي الى كمل الرزق فشي بلاصة...مغاديش نزيدوه فيها...وماشي خنساء اللولة ولا لخرى لي غادي الطلق....شنوو غااتخليوهاا تبقاا معااه...تفني شبابهاا مع واحد شرف وهرم وزماان رشااه...

عصاام بصراااخ : واااشكوون لي بزوو عليهااا شكووون...يااك هياا لي بغااتو تعوم بحرهااا معاااه..ضبر راسهاا..نهاار اللول نصحناهاا مابغااتش تسمع...

نسرين : وااش هياا كانت عاارفة بلي غاايوقع هاكا ... حتى هي ماكرهاتش ... أعصاام رااه مدام دارت طلاق فراسهاا فرااه مغااتحيدوش...ويلى رجعاات عندو غير غايتزادو لمشاكل...نتااا كاتعرف خنسااء الى صممات على لحااجة مكاتهناا حتاا كاديرهاااا...دابا تهدن وعرف كيفااش تدوي مع بااك...ختك داباا راه محتاجاك كتر من أي وقت فاات...وقف معاهاا...

عصاام بقاا مطول فيهاا شوفة كملاات نسرين بنفس النبرة باغة تبتو كتر: اناا غير نصحتك وصاافي...والى خليتوهاا معااه راكم غاتجمعوو غير دنوبهاا مسكينة...

ماينكرش عصاام انه حس بتأنيب كيتسلل لضميرو فديك اللحضة ... بقى وااقف حااير.... معاارف وااش يدير بهضرتهاا ولا يحاافيهاا...طلااق خنساء من عدناان مبغااهش نهائياً حيت راه ماشي ساهل .. ولكن فنفس لوقت مبغاش ختو لوحيدة ولي كايعزهاا بزاف تعدب أكييد مغاايبغيش ليهاا الضرر ... خصوصا فمسألة بحال هادي ...

اصبحنا واصبح الملك لله ... فاقت خنسااء كاتكسل على الدقاان فالبااب ... ناضت مخصرة كمارتها فور ماسمعات نسرين كاتغوت باسمها ورا الباب ... حلااات مخنزرة : ياااك لاااباااس ؟؟؟ ماالكي على هاد الدقااان مانخافوش ...

نسرين مكرفطة : اشمن صباااح والظهر قرب يودن ... هبطي تفطري رااه عمي العربي وعصاام كايتسنااوك ...

يلاه بغات تزيد وهي توقفها : اجي لهناا شنو درتي بعدا ؟؟؟ دويتي معااه ؟؟

نسرين شافت وراها لايكون شي حد ونطقات : وي دويت معااه وراااه البارح ليل كامل وهو يتقلب حلف النعاس لا داااه مني هضرناا ... كاايفكر مسكيين ...

خنساء ابتاسماات : مزيااان ... وشنو قالك ؟؟

نسرين : وا نتي كاتعرفي خوك مكايعطي لحد راس الخيط ومكاتعرفي اش تحت راسو ولكن انا راه درت جهدي وكتر كاااع

خنساء ميقات كاتشوف فيها بمعنى راك مخلصة : بسيف ديريه راااك مدايراش خيير ... ( غمزاتها ): راك واخدة المقاابل و بزااايد

نسرين : مممممم ... بصحتي وراحتي والله يعز لي جاتو الفرصة لعندو واستاغلها على احسن وجه ( بايجاز ): هضرتك هادي اصاااحبتي الغزاالة ...

زادت من تما كاتعوج هاابطة وخنسااء متبعة ليها العين كاتحلف : غير تعوجي تبووزاااي دابااا ياا بنت نجااة عطااتك الوقت ولاايني حسابي معااك من بعد ... نسااالي لييك ونشوفوا شكون غايضحك فلخر ...

خرجات مشات للحمااام غسلاات وطرفاات عليهااا ولبسات حواايجهاااا ... هبطاات لقاتهم كايفطروا مجموعين بحكم عصام ماخدامش الصبااح ...

نطقاات : صبااح الخير ...

العربي هز فيها عينو باقي سااخط وهبطها كمل فطوروا بلاما يجاوبها

عصام بهدوء : صباح النور ... كلسي فطري ...

حركات راسها بواخا وكلسااات كاتفطر فصمت كاتاكل وهي كاتشوف فباها لي مادورش وجهوا لعندها ... عرفات عصاام باقي مادوااش معااه ... تنهدات وكملاات مااكلتها ...

العربي خنزر فيها : اليوم فالعشية داير مع عدنان باش نشوف شنو المشكل ... خااص نسدو هاد الموضوع وترجعي لداارك ..

خنسااء هزات فيه راسهاا بالعة ريقها ودورات وجهها جهة عصاام لي تنهد بلاما يهضر ... شافت فنسرين بمعنى واش كافلاي عليا ...

نسرين فهماتها وقرصاات عصااام لي ساااط ... ونطق مخااطب باااه : الواليد ... خاص ندوي معااك قبل ... ملي تسالي فطورك اجي معاياا للبيت ...

خنساء عضات على قنوفتها بتوتر ونسرين ضحكات ليها عارفة عصاام اكييد غايقدر يقنع باااه ... العربي نااض من تمااا وعصاام تبعوا للبيت لااخر .... سد عليهم الباااب

خنسااء قربات ليها : فنظرك غايقدر يقنعوا ؟؟؟

نسرين كاتشرب قهوتها : هادااك راااه يقنع الجنون ... الا داار الحاجة فراسو بيه ولا بيهاا ... علااه ماااشي خووك ( حركات ليها راسها بعجرفة ) ...

خنساااء : على مولاانااا ... هاد الموضوع خااص يتحل اليووم ... مابقاش عندي الجهد نصبر ...

نسرين : ولايني مافكرتيش فان عدنان يقدر يشد العكس ...

خنساء : لا مغاديش يشدو .... عدنان انا لي كانعرفوا مايقدر يفرض راسو على حتى واحد ... الا شااف كلشي متافق على الطلاق وانا مصممة مغاديش يتعكس ... نفسو عزيزة عليه

نسرين : ايوااا على الله ... كايكون غا الخيير ...

خنسااء كالسة على الشوك شادااها الخلعة ... خايفة باهاا ماايتفهمش ولا مايقتانعش بهضرة عصاام ... كادعي الله فخاطرهااا تفك من هاد الزواااح وتخرج رااسهااا بلاا مشااكل ...

عصااام كلس مقاابل مع باااه ... معاارف منين يبدا الكلاام ولااا اش يقدم ولا يوخر ... كايفرك فيديه بحيرة حس براسو متوتر بلا قيااس ... طبعاا مااشي ساهل يدوي مع باه فموضوع بحال هاكااا ... ومعارفش حتى كيفاش غايشرح ليه الامر ...

العربي هز فيه حاجبو : وا دوي غانبقاو شوف فيا نشوف فيك اطاجين الحوت ... طلقنا فااش بغيتيني ؟

عصام تنفس : فصرااحة اباا بغيت ندوي معاك على خنسااء ...

العربي معصب : اياااه ديك الموصيبة شي نهار غاطرطق فيا شي عرق ... بقا لوالديها غير الطلاااق ... سالينا كلشي فحال الا الطلااق غير سااهل ...

عصام شد على راسو باينة مغايديش يفهمو بساهل ... عارف طبع بااه : اييه عرفت ... ولكن ابااا خاصك تعرف شي حاجة

العربي باستفسار : يااك لابااس شنو كااين ؟؟

عصام هز النفس : فصراحة ابااا ... خنساااء ماشي غير جات وبغات تطلق ...

العربي قرم حجبانو : وعلاش بالسلامة بغات الطلااق؟؟؟... ( خرج عينو ): ياكماا راجلها داار ليها شي حاجة خايبة ولا كايعرف شي وحدة اخرى

عصاام : لا لا مايمشيش بالك بعييد ابااا ... ماشي داكشي ... الموضوع ماشي هاكااا ... ( بتأفف ): ماعرفت منين غانبدا ابااا ...

العربي بنفااد صبر : واااا طلقناااا اولدي .... بداا من اللول راااه هبطتي ليا السكر غير بهاد الملاااغة ... طلقناااا...

عصاام حط على لحيتو : اش غانقوليك ابااا ... المهم هي راه دوات مع نسرين وفهماتها انها مابقااتش مرتااحة مع راجلهاااا ... حيت هو مابقااش صاالح ليها اباااا ... ( تلف ): بفففففف ... هو..

العربي شد على رااسو : واااش دابا غادوي ولا غاتبقى دخل ونخرج عليا فالهضرة ...

عصام ولا كلو عرقاااان غير بالتوتر والحشمة : واخا اباا لي ليها ليها ... المهم رااه عدنان عياااا ... عيااا جسدياااا ومابقااش مقنع خنسااء فالفراااش ...

العربي خرج عينوو مخصر كمارتوو : تااا اش كاتقول كيفاش مابقااش مقنعاااا ... علاااش مااال السلكووطة اش بااغااا لي يقنعهااااا ... ( شعل ): هاااديك البنت غاادي تحمقني كيفاااش مابقااتش قااانعة تااني اش كاتخربقوااا ...

عصام عرفوااا مافهمووش تنهد : لا ابااا غير حااول تفهمني رااه ماشي هكاااك ... ( ساااط ): دابا كيفااش غانشرح لييك ... الموضوع وماا فييه هو ان عدنان كبير بزاااف على خنساااء وهي باقااا صغييرة ...

العربي بعدم فهم : اييه وفين كاين المشكل يااك هي لي بغااتوو كبيير ... اش دخل شي فشي ؟؟

عصاام : اييه اباااا هي لي بغاتووو كبيير بصح ... ولكن رااه المشكل فالفرااش ... مني كايكون تفاوت فالعمر ... رااه كايكون حتى فالجهد واش فهمتيني

العربي كايسمع ليه حال فمو مافهم حتى جملة من لي قااليه

عصاام : لي بغيت نقوليك هو انه هو وياهااا مابقاوش صالحين لبعضيااتهم حيت هو خاصو شي وحدة لي يكون جهدها على قدو ماشي بحاال خنساااء ...

العربي بدا الفاار كايطلع ليه من رااسو مابقى فاهم حتى لعبة ... مادخلااتش ليه هاد الهضرة لراسو وماستوعبهاااش اصلاااا بالنسبة ليه هادشي غير خاوي .... نطق مكشكش : واااش نتااا باغي تحمقني ولا مااالك اش ساااير تخربق عليااااا هناااا ...

عصام حار : والله اباا ماعرفت كيفاش غانشرح ليك ... هادشي راه معقد شوية .. مابغيتش نخرج معااك لبيس ...

العربي : غير خرج خرج اسيدي هاني كانسمعك فهمني انا معاكم مابقات ليا فهاامة وليتو تعرفوا فكلشي

عصام بتأكيد : ابااا رااه السوفل ديال راجل صغيير ماشي هو ديال وااحد كبيير ... جوج مني كايتزوجوا رااه كايكبرو مع بعضياتهم وقوتهم كاتنقص وكاتلاشى مع بعضياتهم ... ماشي فحال مني كايكوون فرق فالعمر وحدة يلاااه بدات حيااتها وواحد سالا وفضااا ... راه مكايبقاش توازن

العربي مخصر ملاميحو .... ضرب على طبلة مجنن : واااش بغيتو تسطيوني ولا مالكم ... اش هاااد الهضرة الخاااوية .... ( ضغط على فكو ): راه انا لي غانخرج معاااك للعيب ( طلقها بلا شعوور معصب ): علااش بالسلااامة دااكشي لي عندك نتااا ماعندووش هوو ... ( غمض عينو ): الله يهديك اعصاام خرجتيني على طوعي كااع ... لا حول ولا قوة الا بالله ...

عصام حك راسو : الله يهديك هو نتاا ابااا ... رااه ماقلنااش ليك العكس ... لي عندي عندو وعندك حتى نتااااا ... راه كلنااا رجاال ولكن ....

تنتر طلع ليه الدم : مابقيت بغيت مانفهم .. هاد الهضرة ديالكم غير الخوااا الخااوي ... الرااجل راااه رااجل فاي عمر ... وليتوووو طبااا بلاا موجب شرع ... واااه لي ماعمرو كااان بغيتووو توريوه لينااا ...( نااض صاعر ): بحال الا حنااا عمرنااا درنااا الولااااد ... ولااهيلااا قاالك الجهد .. كايلعبوا المرااطون هماااا ...

عصام فنفسو جهلوا : هاا علااش عمركم طفرتوووه مع عيالاتكم كلشي عندكم بالجهاالة ياربي السلااامة ... حسن عوانهم كاتعرفوا غير هزي رجليك ارا بسم الله ...

العربي : اش كاتكَمكَم تمااا ... اش سااير تكَول ...

عصاام شمر على نيفو : والو اباا غيير اجي كلس خلينااا نتفااهمو ... الله يحن علييك ...

العربي نفر : هاني .. اسيدي دوي ... الله يخرج هاد الطرح بسلاام

عصام دورها فراسو مني مافهموش خاص يلعب ليه على الشك حيت هو عارف مزياان ان صعيب على اي مرااا تصبر لهادشي : شوف ابااا راااه انا مداويش غير هكاااك ... العوااقب ديال هاادشي كاتولي بالفضيحة ... انااا راااه خاايف على خنسااء ... الدرية باقااا صغييرة والشيطاان الله ينعلوااا ... انا راه خاايف الا راجلها ماقدرش يعطيها حقها اش غايولي يجي فبالها ديك السااعة ... راه ماشي غير الراجل لي خاصوا يقلب حقو ... حضر معايااا عقلك راه انا عارف مزياان اش كانقول ليك ... راااه خنساااء من حقهااا تبغي طلق ماشي سااهل تبقى فهااد الوضع ...

العربي شد راسو كايسمع باصغااء دخل ليه الوسواااس ... عارف ولدو مستحيل يكون فصف ختوو غير هكااك ... بعقلوااا ومغايبغيش خنسااء تطلق الا مكاانش عندها الحق وكان الموضوع صعيب ..

عصام كمل بتباات : البنت باقا صغييرة بصح هي زربااات وهي لي دارتها لرااسهااا نهار اللول ... ولكن نتاا عارف الا كانت هي غلطاات مايمكنش نحاسبوها هاكااا وغير حيت هي لي اختارتوو ندفنوها معااه باش نحااسبوهااا ... هادشي راه بالارزاق والمكتاب

العربي شد راسو بحيرة : ولكن اعصااام رااه طلااق هااادااا طلاااق ... واااش عارف تمن هاادشي راااه ماشي سااهل ...

عصاام : اييه اباا عاارف ولكن رااه ماشي هي اللولة ولا اللخرة لي غادي تطلق ... والمرا المطلقة راه ماشي عييب وااش غير الا كاان بنادم جااهل نزيدو معااه فالغلط ... دير فيا التقة اباااا طلااق خنسااء من مصلاااحتهاا ومانكدبش علييك اباااا اناا مانقدرش نخلي ختي معدبة بحااال هااكااا ... ماتسخااش علياااا نعاقبهااا على غلط الطيش هااكااا ... هي مادارت حتى حاجة حراام ... تزوجاات على سنة الله وغادا طلق بالشرع والقانون ...

العربي حرك راسو بلاا حول : اوليدي واش انا بغيت الضرر لبنتي ولاايني رااه خاايف عليها من هضرة النااس وشنو غايتبع هااد القراار ...

عصاام حط يدو على كتفو : كون هاني ابااا ماعند بنادم مايقول وخنساء ماشي شي وحدة لي غاتحشم حيت مطلقة ولا غايأتر فيها هادشي ... ولي جرب يدوي عليهااا حساابو غايكون مع بااها وخوهاااا ...

العربي : ايوااا والسيد اش غانديرو معااه .. اش غانقولوا ليه ...

عصاام : غاندويو معاه بالعقل وغاتفاهمو معااه ....( شافو بدا كايتبت ): انا قلت ليك ابااا ونتا تعرف لي يصلاااح

العربي بايجاز : انا هادشي معااجبنييش اعصام ... تجي عمتك تدوي معاها ونشوفوا السيد ويحن الله ...

عصام : وا عنداك اباا تمشي تبلزها معاه وتقول ليه ها شنو قالت عليك ... راااه حشومة ومايرضاش ونصدقوا فالصدااع ... خلي كلشي يمشي بالسيااسة وانا ندوي معاه بالعقل ...

العربي تمطق : من نهااار قريتو ووليتو تفهمو فهادشي والدنيااا ضربها الخلااااا ... والمراا ولااات تعبر وتقيس فالرااجل ماابقاات هضرة ... جيل قلة الحياااا ...

عصام: ايوا راه كل وقت ووقتو ... شحال من وحدة تغصبات فشبابها مع راجل قد باها بلا خااطر وماقدراتش تدوي

العربي : مممم لقيتوها سلكاتكم ... الله ينعل لي مايحشم

ناض زاايد من تمااا خلااه ورااه شاد على راسو كايتنهد ...

تعاشات العشية والعربي وعصام وقفوا بالموطور قدام دااار عدنان ... هبطوا بهدوء ودقوا فالباب ... عدنان كان فانتظارهم سمع الدقان ونااض حل الباب ... نطق مع ابتسامة : اهلاا سي العربي ... ( سلم عليهم ): عصام تفضلوا ...

عصاام تقدم : كلشي بيخير الحمد لله ونتا ؟؟

عدنان عينو على الباب كأنه كان متوقع حضور خنساء معاهم ... تنهد ونطق بايجاز وهو كايسد الباب : الحمد لله على كل حال ... تفضلوا كلسو ... تشربو شي حاجة؟؟

العربي : لا لا اعدنان غير كلس مقادين على والو ...

عدنان بتأكيد : غير عصيير بعداا ...

عصام : لا شكراا لهلا يخطيك ...

عدنان حرك راسو بايجاب وكلس : على خاطركم ... احم كنت غادي نجي عندكم نيت هاد العشية كون ماعيطش ليا عصام قالي راكم غاتجيو ...

العربي حك على لحيتو : اييه ... مافيها باس بحال بحال ... هاحنا جينا حنا

عدنان كايفرك يدو : عندك الحق

عصام بغا يدخل فالموضوع : اكيد غاتكون عارف علاش جينا ... احم الوضع ديال زواجك نتا وخنساء هو لي جابنا ...

عدنان : ااه ... فصراحة ماعرفتش شنو المشكل لي خلاها تاخد قرار بحال هاذا وتخرج من الدار وتطلب الطلاق من الفوق ... حنا كنا مزيانين بصح كايطراو نقاشاات ومشاكيل ولكن مانضنش ان هادشي كايوصل حتى للطلاق ... تفاجئت

عصام تنهد : اييه بصح اي علاقة مكاتسلمش من المشاكل هادشي طبيعي ... وعارف مزيان ان مشية خنساء بديك الطريقة ماعندها معنى ... كان على الاقل تعلمك وتهضروا ولكن راك عارف العيالات غير مدرماات وعندهم كلشي بالجهالة وبلا تفكير ... كاتغلب عليهم العاطفة

عدنان : ماشي مشكل ... فصراحة انا ماكرهتش نلقاو شي حل لهادشي وترجع لدارها كيف كانت وراه مايخصها خير وحتى حاجة ماغادي تبدل ... غاتبقى فوق راسي ونساو كاع هادشي

العربي شد على راسو ماعرف مايقول ولا شنو غايدير ... كايسالي معاه بالصواب والادب لي فيه ... غير كايتنهد ومخلي عصام يشوف شي حل هو تحدو لييه معاها ...

عصام شمر على نيفو :حتى حنا اعدنان ماكرهناش والله شاهد ... حتى واحد مايبغي الطلاق لختو ولا يفرقها على راجلها ... خصوصا الا كان انسان فحالك ... ولكن مكاين مانخبي عليك حنا دوينا مع خنساء وعاودنا ... وهي مصممة بزااف على قرار الطلااق ...

عدنان بلع ريقو كان متوقع هادشي حيت مني خرجات هكاك وخلات ديك الرسالة عرفها اتاخدات قرارها : ولكن اعصام راه ماشي غير اجي وقول بغيت نطلق ونتا مول العقل ... ضروري خاص سبب للفراق حيت راه هاذا زواج ماشي لعب الدراري الصغاار ... سمح ليا ولايني راه هادشي لي دارت مكايدارش ...وماعندو حتى معنى

عصام تنهد ماباغيش يجبد معاه ابدا شنو قالت وباغي يحل الامور بلاتي هي احسن : متافق معااك ... ولكن شنو لي حسن الفراق بالهداوة والعقل ولا الشوهة والفضيحة والعداوة بين العائلات ... انا فاهمك مزيااان راني راجل بحالك ... ولكن فنفس الوقت مانقدرش نبزز على ختي زواج هي مابغاش تبقى فيه ... ماشي ضروري يطراو مشاكل كبيرة باش ناس يتفارقوا ... ولكن الا جوج مابقاوش مفاهمين يستحسن يتفارقوا خوت والا الروينة ودعيني ندعييك ... ونتا عاارف مزيااان ان رااه مكايناش المرأة لي كاتبغي الطلاق غير هكاااك ولكن مني مكاتبقاش مرتاحة مع الرااجل ولا للعلاقة الزوجية راه يستحسن تنساحب منها واالا تنغص فيه عيشتووو ... ويصدقوا معدبين بعضيااتهم ...

عدنان حط على شعروا كايسوط وشاف فالعربي : اش كاتقول اسي العربي فهاد الكلااام ... واش كايبااان ليك هادشي معقول ...

العربي هز فيه عينو حاير : اش غانقوليك اسي عدنان ... انا كون جات عليا راااه مانبغيش بنتي تخرج من دار راجلها بالمرة ... ولايني كيف قاليك خوها راحنا دوينا معاها وعاودنا ودرنا لي فجهدنا وهي واقفة عصااا ... واش نجيبها هنااا بسيييف باش نرضيك ولا نرضي راسي ونرضي ناس ... راه مايمكنش ... انا راني باهااا ومانبغيش ليها الضرر كيفمااا مانبغيهش ليك نتا والا رجعتها ليك بلا خاطرها رااه غانكون غرست ليك السم فدارك ... بنتي وانا لي عارفهاااا ....

عصااام : ماغانحتاجش نوريك ختي رااك عاشرتيها وعرفتيها ... فنظرك الا جريناها من يدهاا وحطيناها هناا بزز .. وقلنا ليهااا رجعي بلهلا يطريه ليك .. واش عارف عيشتك كيف غادي تولي معاها ... كنأكد ليك راااه عمرك تحلم بالنهار البيض ... وغاتنسى خنساء القديمة ... غاتخليك هي طالب الطلاق منها غير باش تفك منها ... الا دارت الحاجة فراسها مستحيل تحيدها منو

عدنان بلع ريقو شاد على راسو : لا حول ولا قوة الا بالله ... مافهمت والو والله ... كون غير كان علاش بعدا مغاديش يبقى فيا الحاال ... ولكن هاكا بلا سبب راه لا يعقل ... تنعس تفيق تلقى مراتك طالبة طلااااق ... كيف غاتجيك

عصام : راه ماشي بلا سبب ... حرام الرزق اعدنان ... يمكن نتا ماتكونش حاس ولكن هي غاتكون مابقاتش مرتاحة فهاد الزواج ... ومني كايولي طرف ماباغيش العيشة راه كاتخياب ومكايبقى عندها معنى ..

عدنان شاف فالعربي : اياااه واشنو المطلوب دابا مني ؟؟؟

العربي : انا لي عارف اولد الناس للبنت باغا طلاقها ... ورااه غادي ترفع دعوة فالمحكمة ... وماكرهناش تيسر الامور ويكون داكشي حِبي ... كيف تلاقيتو خوت تفارقوا خوت هادا ماكان ... بلا صداع بلا مشاااكل ومريضنا ماعندو بااس ... وراااه غانعاود نقوليك هادشي فوق جهدنا

عدنان هز فيه حاجبو : وساهلة عندك ... غير نجي ونطلقها هكااك

عصام بتفهم : رااه ماشي كانفرضوا عليك ... نتا راه عندك كامل الحق ماتوافقش على الطلاق وتردها لبيت الزوجية شرعا وقانونا ... ولكن ماتنساش ان المرأة من حقها تختار واش تكمل ولا لا ... وراه فحالتكم ماعندكم ولاد لا والو رااه غايطلقوها الا شافوها مصممة وبلاما تسنانا حنا ... يعني قدما شديتي الزكير مغادي تستافد والو من غير الصداااع ... خنسااء راااه هي لي اختارت تزوح بيك النهار اللول وبكامل ارادتها وحنا ساندناها وحتى دابا هي لي اختارت تطلق منك براحتها وحتى دابا غانوقفوا معاهااا ... وانا متأكد انك انساان واعي وعارف راه مكايناش المرأة لي تبزز عليها شي حاجة خصوصا وحدة فحال خنسااء... ونتا راه مغاتبغيش تعيش مع وحدة فارضينك عليهااا ...

عدناان حك لحيتو محاملش البلان : ولكن اعصام

قاطعوا العربي بايجاز : شوف اعدنان نتا فوق الراس والعين وكون ماكنتيش عزيز راه نمشيو نيشان للمحكمة وبيناتنا الشرع والقانون ... ولكن راك ولدنا وديالنااا والله يعمر ليك الدار ... وهادشي حتى واحد ماينكروا ... تهليتي فبنتنا ودرتيها تاج فوق راسك الله يكتر خيرك ويجازيك ... ولايني راااه البنت هادااا قرارها والطريق لي جمعاتكم تفرقكم نتا غاترتاح وحتى هي ... الله رااه ملاقااا الريوس غير باش تفرق والطلاق راه محللوا مولانا ماشي حرام ولا عيب ... وانا الا بغيتي رايي راه البنت حلفاااات لا باقي رجعااات وغير غاضيع وقتك وخلاااص ... دير للما منين يدوز وخلينا نفكوا هادشي بيناتنا بلاا روينة وحد ما دا خبارنااا

عدنان من طبعوا مكايبغي يبزز على حد حتى حاجة .. ونفسو عزيزة عليه والا رفضاتو شي مرأة مايمكنش يبقى جاري ورااهااا ... تنهد ونطق بحصرة : اش غانقوليك ... الله يدير شي تاويل ديال الخير ... الا هي باغا طلاق حتى انا مغاديش نفرض عليها راسي واخا راني مراضيش على قرارها ... ولكن هي حرة فاختيار حياتها ونتمنى ماتندمش من بعد ..

عصام براحة : هاذا المضنون فيك اعدنان ... كون متأكد اننا مراضيينش كاملين ولكن على قبل راحتها ماعندنا مانديرو ...

العربي غير صابر بزز محاملش هادشي بالمرة ولكن بنتو قطعات ليه الجنااح : الله يسهل عليك ... ولي فيها خير الله يديرهاا ... ( وقف ): يلاااه اعصااام ..

عدنان : بلاتي عفاك ....( زاد من تما وحل المجر جبد منو التلفون ديال خنساء مدو لعصام ): هاذا خلاتو عطيه ليها وقولها تعيط ليا ... باش نتفاهمو على امور الطلاق ... كنت باغي تجي نسمع هادشي من فمها مي ضروري ندوي معاها واخة غير فالتلفون ... أكد عليها تصوني عافااك

عصام شدو : اوك ضروري غاتصوني ليك ... وحنااا حتى نتشاوفوا باش نتلاقاو مع المحامي ( عدنان حرك راسو بايجاب ) ....

العربي : خلينا ليك الراحة هاد السااعة اعدنان ...

سلموا عليه مودعينووو وهو سد الباب ورااهم حاس براسو غايتفركع ماعارفش كيفاش غايدير بلا بيها وهو ولفها بلا قياااس ... غايرجع لحياة الوحدانية تاني ... هادي اول مرة يرتاح كليا مع شي مرأة ويحس بفراغوا عمر ولو انه مزوج قبل منها ولكن خنساء غييير لولين ... خلاتو يبغيها ويرتاح ليها بلاما يمسهااا ولا يقيسها ... فهماتو ان الزواح ماشي علاقة جنسية وصافي وانماا تفاهم واحترام حنان وعطف واستقرار ... خلاتو يستاقر ويرتاح فحياااتوووو بالمعقول ... ولو ان زواجهم كان شكلي نوعا ما مي حس بيهاا فعلاا زوجة مميزة ومستحيل ينساهااا ولا ينسى لي دوز معاها واخا يتفارقواا ...

العربي شاف فعصام كايسووط : إلااا ديك المزغوبة ديال ختك ماندماتش على هاد الرااجل لي ضيعات مانتسماااش انا الساايب... ماخصر بحتى كلمة العيب ... اش ناقصوااا اااااااااش بغيت غا نفهم ...

عصام تنهد : الله يهديك ابا السيد راه بعقلوا وعارف اش بغات الوقت وراه فهم ان البنت مابقاتش باغاااه ولا خاصو يدير العصا فالرويضة باش تهنا نتا ...

العربي : الله يخليكم بالخلااا .. زيد زييد ... تريكة الوييل ... قلت ليك خلينا نتسناو عمتك حتى تجي تحاول معاها ولايني نتا معكس ...

عصام : خير البر عاجله ... ورااه اخرتها باينة عمتي ماعندها مادير ... يلاااه اباا نشربو شي قهوة نرتاحوا عافااك ونسا علينا هادشي ....

العربي ساط : مممم الله يعطينا وجهك .. زيد زيد ...

ركبو فالموطور وزادو متاجهيين للقهوة والعربي حلف لا سكت من النكيير ...

صباح جديد ... دقاات خديجة بجهد كاتردخ فلبااب ... معصبة طالعة ليهاا بلمزياان..تصرف خنساء مع خوهاا لوحيد متصرطش ليهاا بلمرة...داكشي علااش جات حتاا لعندهاا تستفسر وتشووف شنوو وااقع

نسرين كاتمشى بخطواات سريعة بااش تحل :وبلاااتي بلاتي هاني جااياا اويلي يكماا يسحااب ليكم ݣالسين حداا لبااب

مع لحلة بانت ليهاا خديجة وهياا تبتااسم كاتنحنح اسحابهاا حد أخر : احم..خديجة هادي نتي...لاباااس عليك..

خديجة مخنزرة محاملة تهضر مع حد:لحمد الله...كاينة خنساء..

نسرين حسات بيهاا معصبة..نطقاات بزربة حالة ليها لباب:اه كااينة...دخلي غانكلمهاا ليك....

دخلاات خديجة وهياا عاقدااهم فتسعين...دقائق حتا نزلات عندهم خنسااء بعدماا علمتهاا نسرين..نازلة بشوية عليهاا مبردة طرح عارفاها أصلا لااش جاياا...دخلات لبيت لقاتهاا مقندشة ومن تعاابيرهاا باينة شااعلة ومزندة...

رسماات ابتسامة على ملاميحهاا وقرباات عندها سلمات عليهاا : اهلا خديجة نهار كبيير هاادا كيف دايرة لاباس عليك

ردت عليهاا بإجاز : هاد ساعة لحمدالله..

خنساء :اوى لحمد الله...شنوو تبغي تشربي..اتاي ولا قهوة.. ولا واقلة حسن نعمرو واحد لبراد مشحر(شافت فنسرين) : عفااك احبيبة ديري لينا كاس تاع اتااي

خديجة وقفااتهاا زاادت تعصبات ملي شافتهاا كيف كاتعامل مبردة الطرح وهيا ناار شاعلة فيهاا : لااا ماادير وااالو...اناااا مجايااش بااش نضايف جايااا نقوليك جووج كلماات ونوض نتݣعد نضرب لبااب

خنسااء بنفس البرود :اييه واخاا مرحبااا...

خديحة شافت فنسرين عاقدة حجبانها مع بعض :الى جات على خااطرك وخاا تخلينا بوحدناا..بغيت نهضر معاها بيني وبينهااا...وسمحيلياا نوضتك...

نسرين ميقاات فيهاا مجاوباتها بوالو جاها تصرفهاا مستفز وجمعات نوضة مخليااهم بوحدهم خرجاات من لبيت وهيا تنطق خنساء بهدوء كاتقااد فلݣلسة :اوى...فااش بغيتني اخديجة؟؟!

خديجة شاافت فيهاا بحدة :بااز والله الى باااز...مزاال كاتسولي زعمااا معاررفاانيش لااش بااغاااك؟؟!...(زادت غوتاات): وااه غااحتاا فقتي يا بنت النااس وهزيتي قلوعك ودرتي من هناا زادو و ضربتي لبااب...مرااعيتي لا لعشرة ولا طعاام لي مشاركين...وزاايداهااا طالبة طلاااق...يااك هااادا مايسوى عندك خوياا مسكين...

خنساء ردات بعض لخصلات من شعرهاا ورى ضهرهاا بعجرفة : اناا مااشي غااجيت وخرجت من الداار...كااين سبب مقنع وهو لي خلاني نديرهاا...حيت مكااينااش لي كاتخرج من داار راجلهاا غير هاكاك...

خديجة : وشنوو الالة هااد سبب لي خلااك تخوي وتخلي عدنان بحاال لحنش لي مقطوع ليه الراس مفااهم والوو...قولي شنوو هااد السبب بغييت نعرفوو!!

خنساء : داكشي بيني وبين عندناان..انا مغانقدر نقوليك واالو...صاافي كمل رزقي فديك الداار هاادشي لي كااين ....

خديجة : وااش كادوخي علياا...قولي ليااا شنو وقع بينااتكم حتاا تشتت شملكم هاكاا بلاا متبقااي دوري علياا...

خنسااء:مكااين ماتعرفي أخديجة...دااكشي بيناتنااا....وزيدون حتا واحد مكايعرف شنو وقع بين زوج حتاا طلقو من غير الله...سرهم كاايبقاا مدفوون معارفو حد ... من لخر تفارقناا بحال كيفما كايتفارقو جوج مبقاوش مفاهمين..هذا مكاان

خديجة زاادت تعصباات ردت عليهاا مرفعة نبرة صوتهاا بشكل غير مسبوق : ياااك هااداا هوااا خيرو..هادشي بااش جازيتي دااكشي لي داار معااك...سروو وغزاا فيه الله حيت كان داير معااك لمزياان حاطك تاج فوق راسو....سروو حيت كاان معيشك كيف لقايدة فديك الدار لي خرجتي طاجااا منهااا .... لمخيرة اخنساء فلحاجات دياالك غير كاتحلي فمك على لحااجة كاتوصلك مضوبلة... هاادشي علااش خرجتيي...طلع ليك لخيير ولخميير فرااس...عيااك: (سكتاات تواني وكملات كاطلع فيهاا وتنزل معوجة شنوفتهاا): ولاا حيت واااااقلة...مولفتيييهش

خنسااء خرجاات عينيهاا محمراهم فيهاا كلشي حتا لإهاانة مكتصرطش ليهاا...جوبااتهاا هازة حااجبهاا :ايوااا اييوااا جمعيي رااسك اشريفة...شتك بحالا كااتعيري فياا بلعلالي وفداارناا من لفووق...نعلي شيطاان وعرفي اشكااتخرجي من على فمك حسن لييك ... والخير راكبني فدار باااا من ساسي لراسي ... مني تبغي تدوي عليا شللي فمك بالعنبر واليااسمين وخرجي الكلاااام الشرييفة

خدييجة بنفس الحدة محقدة فيهاا شوفة مغددة بلمعقول: وماالني كدبت...راااه غاا النفاخة الى نفختيهاا بنفس كتر من دااكشي لي مولفة كاتفرݣع وطير من بين اديك...هيااا دياالك نتي...خوياا طااح فداار غفلوون...عيشك أحسن عيشة مكنتي ݣااع تحلمي بيهاا...عطااك كتر من قيمتك..وعلقك فبلاصة عالية على لي مولفة... وحطك فموضع كبييير وكبيير بزاااف عليييك ... داكشي علااش مشيتي وخليتيه...بحاالك صغيير مامولفش لخيير ولكبراانية...

خنساء خنزرات فيهاا : غانقوليك جوج كلمات ... كون ماكنتش بصح بنت الدار الكبيرة وومولفااش بلكبراانية كيف كاتقولي...مغااديش تجي دقي فبابنا النهار لول..وتجي طلبي وترغبي فيدي من عند عائلتي لخوووك...(كملاات كاضحك جاانبيا): ههه من غير الا كنتو دار صغيرة وكاتختاروا عرايسكم من الديور الصغااار بحاالكم ... هاذا كلام اخر تاني ( غمزاتها )

خديجة نااضت وقفاات مخسرة فيهاا شوفة:سرناا حناا لي جينا عندك برجليناا نهاار اللول...نستااهلوو..الله ينعل والديه داك النهاار لي بغينااك فيه وختاريناك عروسة لينااا...ماادير حسنة ماايطرى بااس...

خنساء نااضت وقفاات تقاابلات معاهااا:شنااهوااا كيفااش مادير حسنة مايطرى باس؟؟...يااكمااا لقيتوني كانطلب وبقيت فيكم وصدقتو عليا ديك تزويجة ودرتوو فياا خيير...(عاوداات ضحكاات بستهزااء) : ههه مفخبااريش....(زادت غوبشاات بملاميحهاا حاسة بأعصابهاا تشحناات مكالمية غير بزز): حتاارمي رااسك أخديجة متخلينيش نقوليك شي كلمة لي غاتبداا تنغز فييك...خليني معاااك مزياانة ... انا خرجت من دااار باااا وراسي فوق السمااا وبالكبرانية والشااااااان والمرشاااان ... حسني الفااظك وعرفي اش كاطلقي ... والااا نتي كلامك قطران راااه كلامي سم ...

خديجة : صاافي سالات لهضرة بيناتناا..لي كناا مشاركينو قسمنااه..داباا الله يهنييك..ودييك الداار داباا تجيك خباارها فلقريب...غاانجيب ليهاا لالة لعيالات لي تعرف بقيمتهاا وتكون قادة بمولاهااا...وتعمر بلااصتك لي خليتي...غيير تسنااي دابا توصلك لخباار

خنسااء باستهزاء : داباا عند بالك كاتفقصيني بهااد لهضرة...دخلي ليهاا لالة لعيالات ولا دخلك وانااا ماالي ...سمعي نقوليك واحد جوج كلماات علقيهم فودنيك...شتي هااديك الداار رااه مبقاات كاتهمني فواالو..ملي خرجت منهاا ضربت عليهاا وماعندي غرااض فشنوو غاايطرى فيهاا من هناا لقداام... نعاااود نقوولهاا ليك مابقا عندي غرااض لا بيهاا ولا بموولاهااا..غير تهناااي....رااه اناا لي خليتهااا بخااطري ماشي هياا لي خلااتني ... ( هزات فيها الشوفة ): هلا هادي لي ضراتك حيت موالفة نتي لي تسوسي العياالاااات بقى فيك الحال هااد المرة ... خسارة طحتي فيا ماشي فحالهم

خديجة طلعاات فيهاا ونزلاات بنضراات غاضبة وجوبااتهاا كااتسووط بلأعصااب : كون كان فيك لخيير كون بقيتي فيهااا ... داباا الله يعااونااا ويعااونك

كتفاات بهضرتهااا وداارت غاادة فحاالهاا..نطقاات خنساء بلغواات مسمعتهاا ليهاا:اوى الله يعااون الجميع...متنساايش تسدي لباب مووراااك

خرجاات خديجة شااعلة من عندهاا بلمعقوول..ردخاات لبااب وزاادت لداارهااا... خنساء ݣلساات فووق سدااري كااتغزز فصبااعهاا وكاتهضر مخااطبة نفسهاا بنفعاال :فقصااتني خلاتني كلي كانغلي كلي... والاهيلا قاالت لييك ممولفااش لخيير...عااد قطر بيهم سقف غير لباارح وباركين كاايتبوزااو على عباد الله ...غاانتوماا لي عندكم..ييخ...الله يااخد الحق فلي كاان حيلة وسباب حتاا تربط فهااد الزويجة ووصلني لهااد لماصل حتا وليت كانسمع لهضرة على ودني ... ( بدعااء هازة صباعها للسما بالغدايد ): الله ياااخد فيك الحق عععععععععع

يلاه كادعي وهي تسمع الغوات من باااب داار ... خرجاات عينيهااا عاضة على قنوفتها فور ما سمعات الصوت ديااالمن ... اللون طار من وجهها وناضت قافزة كلها كاتقفقف : الله ياااربي الله جااات ... *ودتها بالمعقوول ...

نصيرة مكشكشة داخلة كاتغوت وسط الدار : فينك اديك المسخووووطة .... الله ينعل جد وااالديك ياا السلكووطة ... خرجو رجليك الشواااري وليتي ديري مابغيتي ... فيينك يااا المووصيبة

خنسااء البولة شداتها عارفة مزيان تلقى مع كلشي االسلاك الا نصيرة مامعاها هضرة ...

نصيرة دخلات للصالون لقاتها واقفة الرعدة شاداهااا ... ونسرين تابعاها من اللور كاتجري...

خنساء كاتقفقف : هاالعااار اعمتي غير خليني نشرح ليك عافااك ( طلعاات فوق السداري هاربة ) ...

نصيرة شاعلة فيها العافية: تخافي ماتحشمي السلكوطة .... وااش والديك ماعندك حكااام ... تزوجي وقتما قالها ليك راسك وتطلقي منين يقولها ليك ... السييييبة فالبلاااد ....

خنساء خايفة : والله اعمتي حتى عندي سبب ... رااه ماشي غير قالها ليا راسي ... بردي وخلينا ندويو الميييمة .... الله يخلي ليك ماعز عليك

نصيرة بلا تفكير طارت عليها هبطااتهاا خااشيااها تحتها : فااااش غاتدوي فاااش ... مخلية خديجة كاتحل عليا فمهاااا فالتلفون ودابا فالزنقة عاطياني النخاااال السلام هو اللخر ماقالتوش ليا وهازة خنافرها للسما من تحت فعايلك ...( كاتليطها فالقرص ): واااش واالدين طاسيلتك ماعليك حكااااام ... لقيتي السيبة اشييخة ...

خنساء تحت منها كاتقرصها : عافااك اعمتي وماالكي مصعورة خلينا غير ندوييو ااااااي ... ايييي ... حراام عليك غير فهمي بعدا عافااك ... هاا العاار ... هء هء

نصيرة : اش غانفهم اش .... ديك النهار بغيتي تموتي باش تزوجي بيه ودابا طلع ليك فراسك الم*بوتة .... وليتي باغا تفكي منوووو .. عند بالك الزواج لعب ... ولا صافي كبرتي وليتي ديري لي قالك راسك وتمشي على هواااك ... انا لي غانعاود لوالديك التراابي نورييك التسلكييط على اصوولوااا .... رخيت ليك الحبل زغتي .... الطلااق قاالت لييك ... والله اليوم بيا ولا بيك يااا الكاريتة ...

خنسااء كاتشوااا وهي عاطياها لقرييص فالفخااض : واااااااع وااابااااا ... بااااااااا ... حرااام علييك اعمتي ...

نصيرة : اليوم تاكلي ماكلا الطبل نهار العيد يا مزغوبة الليام .... ( كاتجبد ليها لحمها بالقرص وتشويها من التحت )

دخل العربي سمع الغوات من على الباب ونسرين واقفة فباب الصالة باغاا تفكهاا ولكن خاافت تجمعهاا معاهاا بخصوص انا نصيرة كانت غير كاتشير بيديهاا وكاتعطيهاا فينماا جاات مكايهمش مبردة فيهاا غدايدهاا بلمعقول .... شافيها لعربي ونطق بالغواات : نصييرة ... طلقي الدرية حماااقييتي ولا مالك ...

نصيرة بالجهالة : خليني نربي والديهااااا ... خرجوا رجليها الشوااري

قرب جرها عليهااا وهي كاتغلا بالاعصاب وخنساااء كاتشهق بالبكااا : شتي شتي اباااا .... حكراات عليااا هء هء ...

نصيرة : وباقي عند والديك الوجه باش تدوي يااا الكلبة ... ولايني غير بلااتي علييك باقي ماساليتش معااك ... غير حتى نشدك ...

العربي بايجاز : نصيرة واش هاكا زعما غاتحلي المشكل لي عطا الله عطااه صااافي خليها علييك ... العصا ماعندها فاش تفيدك

نصيرة صاعرة : شتي مكاين لي خرج على هاد البنت وعوجها قد هاد الفشوش دياالك ... هاكا درتي النهااار لول وخليتيها على خاطرها تزوج براجل قد باهااا ... وهانتا دابا كاتعاود نفس الغلط ... وغاتخرج على حياتها تااني ...

العربي بالغوات : يااااك اشريفة ايوااا يلاااه يلاااه سيري ديها ليه وقولي ليه هاني جبتها ليك بزز حيت عياتني ... شدها عندك نتا لي تعرف ليها ... واش عند بالك هي سلعة نسيفطها ليه بلا خااطر بااش بنادم مايدويش عليها ... الزواااج بالمكتاب وهما حرار الرزق بيناتهم وسدو عليا هاد الموضووع صااافي ...

نصيرة كرزات على سنانها : غيير بلاتي اخويا شتي هادشي باقي يرجع لا عليك لا عليها بالنداامة وقول مانبهتكش ... البنت ولات دير لي قالها رااسهااا بلا شواار حد ... ونتا غير كاتزيد ليها فيه

خنسااء عارفة عمتها كادوي غير من خوفها عليها لا غيير ... تنهدات كاتمسح دموعها : عافاك اعمتي راه والله مالخاطري ... ( حدرات على راسها )

نصيرة شافت فيها مغددة : عند بالك المرأة مطلقة راه كاتعيش بيخير وهانية بلا صدااع ... غير عولي الشريفة على حياة اخرى ...راه مارجعتيش ديال راسك كيف كاتحسبيها... ومغاتحسيش بهادشي دابااا حتى دور عليك الياام ... وتولي عايشة فالحبس وكلشي محسوب بالميزاان وتفرجي وقولي نصيرة قاالت .. خباارط يجيبوها اللخرين ابنت خويااا

زدحاات يدها مع الطبلة وزادت من تما وصلاات عند لباب كانت نسرين باقا واقفة نهضات فيهاا بلغواات:حيدي علياااا نتي من قدااامي....

نسرين فلبلاصة حيداات حادرة راسهاا مقادرااش تزيد معاها لهضرة خايفة منهاا...

طلعاات نصيرة للبيت شاعلة كاتنݣر واكلاها النفس على بنت خوها ... عارفة مزيان من بعد الطلاق اش غادي يتبعها وكيفاش غاتعيش ... كاتعرف الناس والعائلة والكلاام لي مكايرحمش ... وللاسف مجتمعنا كايتقدم حتى كايعيا ولايني هاد الامور راسخة فينا وفطرية ...

خنساء تنهدات : بففففف ... ولات المرأة الا طلقات راه مرتاكبة جريمة ... التفكير ديال الويل ...

العربي بالغوات : كل كلمة قالتها عمتك راه عندها فيها الحق ...والا عند بالك راك درتي الطايلة راه غير كاضحكي على راسك ...

زاد وخلاها ورااه كاتسوط.... هبطات راسهاا ليديهاا ولقااتهاا حمرة بداات كتدوز عليهاا بصباعها باش تبرد

نسرين عضات على قنوفتها عاجبها الحال : كلااتك اصݣعة كلااتك...درتيها لراسك ابنت السايب ...

خنزرات فيها خنسااء : غاتمشي ولا الغدايد لي فيا غانردهم فيك ... بدلي الساعة باخرى

نسرين هزات على كتافها : الله يستر ... قلبي فين تخوي غدايدك... منك لحريرتك واناا مالي

تخطاتهاا ضاربة فيهاا و دخلات للكوزينة خلاتها شادة على راسهاا ... كاتقول لاهما هادشي والا تفضح وتولي سيرتها على كل لساان ... لاهما مطلقة والااا فاسدة ... النهار اللول تزوجات بعدنان غير باش تستر راسهااا وكانت معولة غاتفرق عليه شي نهاار حيت ماكاتشوفش راسهااا معااه ... حاولات تبغيه ولكن ماقدرااتش ... بصح كاترتاح ليه ولكن ماشي هو الراجل لي حلمات بيه ... وماشي هو لي كاتشوفوا مناسب ليهاا ... شافت الطريق الاقل ضرر باش على الاقل تحافظ على شرف عائلتها وتصون كرامتها وكرامتهم من غلط ارتاكباتو فلحظة طيش ...

طلعات لبيتها ساخطة ... كلسات كاتمشط شعرها ونصيرة حداها كاتقاد حوايجها عاطياها النخال مكاتشوفش فيها اصلا ... صونا ليها التلفون لي عطاها عصام ... شافت النمرة وساطت عاضة على قنوفتها بتفكير بلاما تجاوب ... عاود صونا مرة اخرى ... تنفسات بعمق وناضت من تمااا طلعات للسطح ... بلعات ريقها وجاوبات بهدوء : سلااام ...

عدنان ابتاسم حيت جاوباتو : وعليكم السلاام ... لاباس عليك ؟

خنساء ببرود : الحمد لله ... ونتا ؟؟

عدنان تنهد : بيخير كانحاول نتعود على الوضع الجديد لي حطيتينا فيه ...

خنساء شدات على راسها كاتحاول تكون هادئة : مممم مزيان ...

عدنان حك على لحيتو : البارح جا عندي باباك وخوك ...

خنساء : حتى انا اليوم جات عندي ختك ... ودارت الواجب ... احم ... المهم قالي عصام بغيتيني فاش ؟؟

عدنان : خنساء واش نتي متأكدة من القرار لي تاخدتي ... واش سخات عليك علاقتنا ... ( بنبرة هادية ): سخيت عليك انا ؟؟

خنساء باسى مكاتبغيش تخصر ليه .. معزتو عندها خاصة : سمع اعدنان ربي لي عالم شحال ولفتك ومكانتك خاصة عندي ولكن مانقدرش نكمل ... مانقدرش نكون ليك زوجة ... مابقيتش مستحملة ... تخنقت من العيشة لي عايشيين ... انا ماشي المرأة لي تناسبك والله ... والا بقيت معاك غير غادي نعدبك معاياا ...

عدنان كرز على قبضة يدو : باغاا تعيشي مع واحد قدك ... هاذا هوو السبب ...

خنساء بغات تلعب ليه على الكرامة حيت عارفة هاد النقطة بضبط هي بوان فيبل ديالو : حاولت نحارب فرق العمر لي بيناتنا ولكن ماقدرتش ... نهار تزوجت بيك ماكنتش كانفكر فهادشي وضنيت ان العيشة لي غاتوفر ليا غاتريحني ولكن من بعد مابقيتش مستحملة ... سمح ليا عافااك ... لي بغيت منك هو تطلقني وبلا صدااع ... عافااك

عدنان غمض عينو : اوك اخنساء مغاديش نبزز عليك ... ولكن نتي عارفة المسطرة القانونية ... راه اكيد القاضي غايقول شنو السبب للطلاق وعلاش اتاخدتو هاد القرار ... واخا يكون بالتراضي رااه كاين جلسات ديال الصلح وهادشي غاياخد وقت ...

خنساء : عاارفة وانا مستعدة لهادشي وكلشي غايمشي بالقانون ... غانقولوا اننا مابقيناش مفاهمين كأي جوج ... واتافقنا ننهيو هاد العلاقة بالتراضي ... وديك الساعة كلشي غايمشي كيف بغينااا ... حيت بجوج غانوافقو على الطلاق ( بتأكيد ): هادشي الا ماشديتيش العكس ...

عدنان : انا عمري فرضت راسي على شي حد ... والا نتي مابقيتيش باغا هاد الزواج غايسالي ... حيت عمر حاجة بزز مكاتكمل ... انا نهار لول خديتك بخاطرك ... وحتى دابا مغاديش نتعاكس ...

ابتاسمات كانت عارفاه كايفكر هاكا : شكرااا ... هادشي مزيان ليا وليك ...

عدنان : ايوا وشنو غانديرو مني يقول القاضي واش الطلاق قبل البناء ...

خنساء خرجات عينيهااا : اءء ... مانقدروش نقولوا راه قبل البناء انا دارنا كلهم عند بالهم راه زواجنا حقيقي ... درت هادشي بااش حتى واحد مايدوي فيك راك عارف ( كاتدور عينها باغا تاكل ليه الدماغ): الا جيت دابا قلت ليهم راااه هادشي مكاينش غانولي فالمشااكل ... وحتى نتا راك عارف اننا من اللول تافقنا قدام الناس زواجنا عادي ... مكاين لاش نغيرو هادشي دابا ونخليو بنادم يدوي عليا وعليك ونجبدو علينا النحل ... ولا لااا ؟؟( بالعة ريقها خايفااه يعتارض )

عدنان ماشي من مصلاحتو يدخل فهاد لي ديطاااي ... خصوصا ان المشكل تحل لي عندو غايجبد عليه هضرة بنادم اجا ما فكو تاني : اااه واخا ... ولكن نتي راه ...

خنسااء مقاطعاه : شغلي انا قادة بييه ... نتا غير تهنا ... والا عطاوني شي حقوق انا مستعدة نردهم ليك بيني وبينك من بعد الطلاق ...

عدنان ابتاسم : هههه ... الفلوس اخر حاجة نفكر فيها ... نتي غاتاخدي حقوق النفقة والمتعة واخا مكاين والو ... وكلشي غايمشي كيف بغيتي ... ( باسى ): انا كنت باغيك نتي ... ماشي شي حاجة اخرى ...

خنساء بقا فيها ولكن مصلاحتها كاتبان ليها اهم من كلشي وفوق اي واحد : عافاك اعدنان بلاما تصعب علينا الامور ... نتا راه تقدر تعيش حياتك كيف بغيتي ... من دابا للفوق ... كيف قلت ليك هادشي فصالحنا بجوج ... غير نساني

عدنان بفقدان امل : اوك لي بان ليك ... انا غانتافق مع عصام على كلشي ... وهادشي غايبقى بيناتنا ... داكوغ ...

خنساء براحة : اوك ... شكرا بزاااف اعدنان ... وسمح ليا ...

عدنان بحزن : الله يسمح لينا كاملين ... نخليك دابا وتهلاي فراسك ...

خنساء : حتى نتاا ... باي ... قطعاات ورسمات ابتسامة واسعة على وجهها : واخيرا غانتهنى من هاد المشكل لي خدا مني عمااين ... اووووف ... الله على رااحة ...

هبطات كاتحمد لله وتشكرواا حيت كلشي تيسر ليهااا ومشااا كيف بغااات ..

كانت نجااة ݣالسة فداار نسرين جاية دوز عندهاا لعشية...دخلات نسرين لبيت بصنية أتااي فيديهااا يجمعوو علييه...ديما كاتفرح بزاااف ملي كاتجي مهاا لعندهااا...وديجا كانت قنطانة حيت بقاات بوحدها فدار كلشي كان خارج...

نسرين ݣلساات حداهاا:ههه معرفت أشطرى حتاا جابوك رجليك لعندي....

نجااة:واغاا كنت دايزة وقلت نجي نطل عليك..نيت جايبة ليك معايا شي حااجة...

نسرين كبااات كاس أتااي شافت فيهاا بهتمام:شنو جبتي ليااا؟؟!

نجااة كادور عينيهاا على دار :قبل بعداا بنتي لي بوحدك فداار...فين مشاات خنسااء...

نسرين حركات كتفهاا:معرفت ليهاا...راها خرجاات..حتا هياا حريرتهاا حريرة مع تزويجتهاا لي خرجاات لاروب...ولات غير عاقدهم معايا ياربي سلامة...داكشي علاش مكنشدش ليهاا سوق امتا دخلاات ولا خرجاات...

نجااة:تي شكون كان يقول عدنان غايخلي خنسااء...وهماا كاانو هااه(لاصقاات صباعهاا مع بعضيااتهم) ماتقوليش بيناتهم شي مشكل...عوينة وتݣرجاات فيهم الله بحضر سلامة

نسرين بتأسف:وييه هااد الدرب يالطيف تلاقااو فيه غير لحضاية..يبقااو تابعينك حتا يطيرو لحاجة من يديك....اوى الله كمل الرزق معندهاا مادير..

نجااة:كون راه نصيرة علم الله اشدارت ملي ساقت لخباار..تلقايهاا حيحاات

نسرين عضاات على شفايفها:نااري لهلا يوريك اشدارت لخنساء...كلاتهااا وعطاتهاا حتا شاطو ليهاا... جاب الله عمي لعربي جاا وفكهاا منهااا...بصرااحة راه هياا لي رباتهاا وبحال مهااا...عادي يبقا فيها لحال حيت غاطلق...

نجاة صغرات فيهاا عينيهاا كلاوهاا لفضول باغة تسوق لخباار:نتي زعماا معاارفااش علااش غاايطلقوو؟؟!غاا هكاك حتاا ناضو وبغااو يفرتكوو شمل؟؟!راك مع خنساء فنفس الداار..غاتكوني عارفة عليهاا الشادة والفاادة...

نسرين بلعاات ريقهاا مبغااش تقوليهاا سبب...عارفة مهاا كاتجمع مع لعيالات فدرب وواخا تسكت حتا تعياا غادي تفضح السر..نطقاات بتلعتم مهربة عينيهاا:أحم..و..وهماا غير مبقاوش مفاهمين وصاافي...

نجااة باغا تسل ليهاا لساانهاا: مبقاوش مفاهمين؟؟...غير قولي صراحة راكي بنتي وكنعرفك ملي كاتبدااي تلوني هاكاا رااك مخبياا شي حاجة...(كملات بتأنيب)يااك وليتي كاتخبي على ماماك...دغياا داروك فصفهم....

نسرين بخنقة:لاالا مكانخبيش عليك...لي كااين قلتوو...

نجااة:لاا مقلتييش...زعماا غير حيت متفاهموش تنوض تطلق..تخلي لخير ولخمير وتجي لداار باهاا...وااش كاين شي قط كايهرب من داار لعرس...اناا لي كانعرف خنسااء...شتي واخاا متفاهمش معااه غاادير لعجب بااش ترجعو مفاهم معاهاا صحة....غير قولي قولي.... علااش تفاارقو؟؟!

نسرين تنهداات فمهاا كايكلهاا بلمزياان مكرهاتش تقوليهاا ولكن غير فكرات هضرة خنساء وتهديدهاا الواضح وهياا ترااجع مقادة على مشاكيل..حدراات راسهاا ونطقاات:ب..بصراحة أماما قلداتني مانقول واالو..وانا منقدرش نخرج شي هضرة من على فمي لي ندي عليهاا دنوب...هااداا مكاان

نجاة كدور راسهاا بعدم قتنااع:ممممم خفتي تدي دنووب...أحياناا وكاان... يعلم الله اشلغجو ليك يابنتي حتااا خلااو هضرتهم تمشي عليك..ولي قالوهاا هياا لي كااينة...

نسرين خرجات عينيهاا: الله يهديك أشمن لغجو لياا..واش هادي هضرة تقاال...قلت ليك سيدة قلداتني وانا منقدرش نخرج سرهااا هادشي لي كاين

نجاة ماتنكرش ان راسهاا ضرهااا بااش تعرف شنو خلى خنساء طلق...ولكن سكتاات ومبغاتش تحكر على بنتهاا...

نسرين بتاسمات بغاات تبدل لموضوع:اوى شنو جبتي لياا

نجاة كاتحل صاكهاا:أه فكرتيني...(جبداات ميكة عامرة)هاكي هاادو شي عشوب كنت وصيت عليهم يجيوني من لبلاد ولبارح عااد وصلوو...خوديهم غليهم وشربيهم على ريق رااه كايحيدو لبرد...

نسرين خداتهم من عندهاا:لهلا يخطيك عليا ...(كملات كتقلب فيهم)وزعماا مزياانين يقدرو ينفعو معايا...

نجااة:وهادشي لي كايقولو تشربهم لمراة شهر من بعد تغسل فلحمام....غير تنعس مع راجلهاا كاطيح حاملة ..نجربو حنا مخاسرين والو نتمنااو من الله يتفك حزاامك يابنيتي خلااص وتحملي...

نسرين برجااء شديد:اميين..صاافي غاتهنااي غاادي نشربهم...

نجااة:عطيهم حتاا لراجلك ياخدهم..رااه يقدر يكون عندكم لبرد بجووج..غير شربوهم ماتخافو واالو

نسرين:اويلي اماما وااش كاتصطااي علياا...عصاام غايبغي يشرب هاادشي..الى عطيتهم ليه غايكبهم عليااا...غاا أناا وصاافي اما هو منعولش عليه..

نجااة ندباات حنكهاا:ياا بنيتي ماشبهتينيش فلقفوزية واالو غير خبز ربي فطبݣو..عرفتيه مغايبغيش يشربهم يالحمقة...شديهم غليهم ليه فأتااي..ديريهم ليه فحريرة...صيبي دجاجة معمرة وخلطيهم مع شرمولة وعمريها بيهاا وعطييه ياكل...ماالك مطنݣة مكتعرفيش تصرفي...واش انا دايمة لييك....

نسرين بخوف:اييه ويلى عااق بياا وهوا على نقشة قبيح فيااا...اجاا ما فكني منو الى عرفني كاندير شي حاجة من مور ضهرو...(كملات كاتحرك سبابتهاا بنفي)لا لا بلااش غير خلييه

نجااة بعصبية:اييه خلييه وخليك حتاا نتي...بقااي هاكاك خايفة منو حتاا يفووتك لوقت ويمشيو لولاد بلمعقول..ديك سااعة رااه مغاديش يحير فيك غااادي يجيب لالاك لي تولد ليه ودير ليه تريكة..ونتي خلي لخوف ينفعك....

نسرين قلبهااا ضرب عوجاات شفايفهاا بشكل طفولي:حرام عليك اماما كاتخلعي فياا بحال هاكا...اصلا انا كانعرف عصاام حنين ݣاعمة تعطيه خااطرو يديرهاا..مايبغيهااش لياا...

نجااة:وهواا مايديرهااش ولكن كااين لي غاادي يبداا يزنزن عليه بحال الدبانة فلحاال سخوون،وياكليه دماغو حتاا يديرهااا...

نسرين وسعات نضراتهاا:شكوون؟؟!

نجااة:شكوون من غيرهاا..ديك لعݣرب تااع نصيرة لي كاتقلب ليك غي على سبة بااش طيرك من هااد الداار

نسرين بإجااب:فهاادي عندك الصح ماكدبتيش فيهااا...هاديك تبغيهاا فياا...صافي والله حتاا نشربهم لييه ونشربهم حتاا اناا..هاد لولاد ندير على ودهم لي مايداار بااش يجيو ...على الله هااد لعشووب غير يقضيو شي حااجة...

حركات ليهاا نجااة راسهاا بموافقة كاتدعي معاهااا باش الله يجيب ليها تيسير وتحمل...سالاو لهضرة قرقبو نااب حتا شبعوو....لعشية كاملة وهياا عندهاا حتا قرب يودن لمغرب عااد مشااات نجاة لداارهااا

وردة ⚘على وردة⚘ قالو ماذا جرى ... قلت انا الميمة قلبي مجروح 💔

وردة ⚘وردة⚘ قالو ماذا جرى ... قلت انا الميمة قلبي مجروح 💔

كية 🔥 على كية 🔥قولو لي كواني ... لي مشا وخلاني علاش بالو هاني 😌

كية🔥 على كية 🔥قولو لي كواني ... لي مشا وخلاني علاش بالو هاني 😌

دمعة😢 على دمعة😢 قولو لحبيبي ... لي مشا بلا رجعة هادي هي دنيا 👣

دمعة😢 على😢 دمعة قولو لحبيبي ... لي مشا بلا رجعة هادي هي دنيا 👣

〰️〰️〰️〰️〰️〰️〰️〰️〰️〰️〰️〰️〰️〰️〰️〰️

👑 بلسان خنساء 🖤 :

التمسك بالجروح القديمة ...يجعلنا عالقون ..ويمنعنا من الاستمتاع بحياتنا الحاضرة ❤ لذا فلندع الماضي يخبو في النسيان ...

انا الان اترك تجارب الماضي تمضي في طريقها...

بعد تلات شهور انا احرر نفسي واحرر الآخرين ...

ليذهب كل منا لتجارب حياتية جديدة يا عدنان ...

انا الان استقبل حاضري بالتفاءل والمحبة بدونك 😍

واعرف بأن الخير فقط ينتظرني ...كل يوم ..كل يوم ......

واعلم كذلك ان الشر سيأتيني من حيت لا ادري ... كل يوم ... كل يوم

ها انا الان انثى مطلقة ... اجل مطلقة ... مطلقة وراضية بقدري ...

ها انا الان انثى حرة ... اجل حرة ... حرة وسأصد كل من اراد كسري

خنساء اليوم بامل جديد ... بطموح كبير ... وبحلم جميل 🖤

وقفات قدام مول الحانوت بمؤهلاتها الفايضة ... وشعرها كيف العادة مسبسب ... ضاربة فيه الشمس كايبان دهبي ... وماكياجهها فوجهها مايخطاهاش ... حطاات الفلوس فاق الكونطوار : الحسن عطيني باكية ديال اتااي النسمة ...

الحسن : هي اللولة اخنسااء ... شنو اخر ؟؟

خنساء بتذكر : وعبر ليا واحد نص كيلو ديال ديك القهوة المعطرة لي كاتجيب من البلااد ...

الحسن : مابقااتش عندي ... غير طلقت المادام خوها قطعها عليا مابقاش يسيفطها ...

ضحكات : وعلاش غايسيفطها ليك ونتا مرجع ليه ختو للدار ... هي تفكيتي وناوي تعمر العش تاني بشي شلحة ...

الحسن : ماكرهناااش .. ( ابتاسم ) : كون ماكنتي مربوطة مانلقاش حسن منك ...

خنساء باستهزاء : ماموربوطة وااالو وداك القاضي لي طلق سراحك طلقو ليا حتى انا ... ولايني الحسن مانصلاحش ليك ماشي ذوقي ...

الحسن : غير شوفي وكاان رااه مايخصك خير ...

هزات فيه حاجبها : ياكما تبغيني نقول لعصام راك طلبتي يدي على المبااشر ... زير معانا الشريف الله يهديك ...

الحسن : لا لا اش جابنا لشي عصااام الله يهديك اختي خنسااء راه غير ساير نقجم معااك وخلااص ...

خنساء : يلااه عطيني باكية القهوة مزياانة ...

مدها ليها خدات الصرف دازت للمخبزة خدات البتيبان سخون يفطروا بييه ... واتاجهات للدار نيشاان ....

دخلاات نسرين لكووزينة كاتنهج بلعياا..دازت لتلاجة هيا اللولة جبدات منهاا قرعة تااع لماا باردة... كبات لماا فلكااس ونزلاات عليه كاامل

تحت أنضار نصيرة لي هزات فيهاا حاجبهاا:هاادشي كااملو عياا من الشقا؟؟!

نسرين حاطة يديهاا على سدرهاا كايطلع وينزل:معرفت مالي وليت كاندير غير حاجة وحدة وجهدي كايتقادة يالطيف...

نصيرة:اوى نتي عزيز عليك تجبدي فلقنات وتحكي الركاني وتجفي كل النهاار..وبسيف تمارة تقادي ليك الجهد...

نسرين:اشغااندير انا هاكاا دايرة..حاارة فشقاا منرتااح حتا نقي دنياا ونخليهاا تشعل عااد كانبرد

نصيرة:هااد لحداكة ديريهاا حتاا فطيااب..راه ماشي شقاا بوحدو لي بغات ليك لوقت...

ردت عليها مخنزرة:وانا كرهت اجيني طيابي بنين..ولكن لغالب الله..البنة ربي قسمهاا بحال كيفما قسم الرزق...معندي مااندير..وزيديون دابا كااينة خنسااء مهنيااني فطيااب...(كملات كدور عينيهاا)فيناهياا بعداا وااش من قبايلا وهياا خاارجة تسخر وباقي مجااتش..

جاوباتها بزعفة:هاانتي تشوفي...خلاتني كانتسنى هنايا وخرجاات غبرة...كون خرجت جبت السخرة لراسي كون قضيت لغرااض...لفقصة..

باقي كايهضرو عليهاا حتاا دخلاات هازة السخرة فيديهاا...نسرين عوجاات شنوفتهاا كاطلع فيهاا وتنزل..كانت خنساء لابسة سورفيت فلبلوسياال جات مع طايتهاا هياا هاديك..وعاد تواتات مع لون تاع بشرتهاا...جامعة شعرهاا كوتشفال وليحاهاا فجنب كتفهااا...

نطقاات نسرين وهياا باقة كاتشوف:على سلامة...عااد جيتي حجيتي مع رااسك فهااد السخرة..فين كنتي ساايبة حتا لداباا؟؟

خنساء بإجاز مطلعا حاجبهاا:ونتي ماالك؟؟!..

نسرين بنفس النبرة:ياك مشيتي غير لحانوت..لبسي غير جلابيتك وسيري بلا متلبسي هاد السورفيت لي كاتبان من فوقك كاتشقشق معلمااك كاملة وعاطية لعيين...لي شافهاا يبداا يحقق ويطول الشوفة...

خنساء دارت فيهاا نضرات ديال منيتك وردت عليهاا بنرفزة: سووقك؟..شغلك؟... لبس لي بغيت أشماليك..مالك عزيز عليك تخشي نيفك فكلشي...مهاديكش الله دخلي سوق جوااك..ولاامكتعرفييش...

نسرين:اناا غير قلت ليك...نتي رااك مطلقة داباا وخاصك تحتارمي لوضع لي نتي فييه...اشوفك شي حد خاارجة بهاد لباس...مغياينعتكش نتي..غايعطي لعيب لرجالة لي فهااد الدار لي خلاوك تخرجي هاكاا...الجيران تلاقااو فدربنا غير لحضايا..باغين غير فمن اهضروو...

خنساء بعدم هتمام هازة على كتفهااا:مالهم هااميني ..لي عندو فمو يدوي تايعياا ويسكت...مالني غادي نحير فيك ولا فيهم...

نسرين خرجات نفس بصوت مسمووع ونطقاات وهياا خارجة:الله يحضر السلامة..كلمة الحق مكاايبغيهاا حد...

كملاات هضرتهاا وخرجاات...شافت خنساء فجيهتهاا ونطقاات معصبة مخاطبة نصيرة:ماال هااد الزفتة واش جاتها تاني الحالة علياا ولا شنووو؟؟!

نصيرة عقداات فيهاا حاجبهاا:راا عندهاا الصح... منيمتى الالة لبنات سيفتك تسخري سكنتي فلحانوت علم الله شكون شادك كاتحتي معااه..كتر من ربوع ساعة ونتي خاارجة فين الله وعلم

خنساء خرجات عينيها:عمتي منيتك شتك وليتي كااتحسبي لياا الدقاايق وقتااش دخلت وقتااش خرجت

نصيرة:معلووم نحسبهم...(طلعاتها ونزلاتهاا)وزيد عليهاا حتاا هااد لبااس لي لابسة رااه ماهواش...اشوفك باك ولا خوك خارجة بيه اجاا مسكتهم...لمرة الجاية لبسي شي حاجة مستورة...(يلاه كانت خنساء غاتهضر وهياا تقاطعهاا)اييه كنتي مولفة تلبسي هاكة وتخرجي ملي كنتي باقة بنت عويتقة مادة يديهاا لحنا... ومكان كيدوي معااك حد...ولكن دابا لااا رااك مطلقة اخنسااء...(يتأكييد)مطلقة..ونتي عاارفة دراري هناا فدرب... عينيهم كاايغلييو..غير يشوف شي وحدة دايزة ريوݣهم كايدلااو عليهاا...وبلى مانهضرو على هضرة النااس..وشنو غايقولو عليناا...هادييك حاجة أخرى...

خنساء:حتاا نتي غاتبدااي تقولي لياا لاا ناس غاايهضرو ويقولو..هااد تخربيق اناا رااه كاايجعرني..كااتفقصوني ملي كاتبداو ضربو لحساب لبشاار...

نصيرة: حناا شنو عدناا من غير النااس...عاايشين وسط الناااس..وبزز منااا خاصناا نضربو ليهم لحسااب...وندير ليك وااحد لقضية فباالك رااه مكاينعتوش لبنت لي باقا شادة الركنة فدار باهاا...كاينعتوو لمرى لي طلقااات...وكاايرضو ليهاا لبااال كتر من لخرى...

خنساء عينيهاا شاعلين تعصبات:داابا شنوو عندكم اهم؟؟!اناا لي بنتكم..ولاا ناااس؟؟!بغيت غير نفهم..وااش نتحبس فداار ونݣلس فيهاا بلا راحة ونلبس حواايج مبااغاش نلبسهم بااش يبقااو ناااس على خاطرهم...اعمتي رااه عمرهم مغايترضااو غيير رتااحي...

نصيرة:حناا مقلنااش لعكس...راحتك هياا لولة...غير داكشي لي كنتي مولفة مغاايبقااش...

خنساء بلغواات:داابا شنوو...ولش عوالين ديروني فلحبس حيت مطلقة...مكفاكمش لحبس ولخنقة لي كنتو دايرين لياا ففترة لعدة..تلت شهور واناا بحال لمربوطة...داباا ملي سالات غاتعاودو تزمتوني تااني كتر من لول...شتو مايجيكم ملييح...شدو شي بيت دخلوني ليه وسورتو بسااروت مزياان وسجنوني فيه منخرج مندرج مايشوفني حد باااش ترتاحو بلمعقول..علاااش حيت مطلقة.....واااا لحماااق هادا أعمتي لحماااق

جاوباتهاا نصيرة بلغوات بداات كاتشعل:وشنوو بغيتي الالة...تبداي تخرجي ودخلي وقتما قالهاا ليك مخك وتلبسي لي بغيتي بحالا معلييك حكاام...ادوي؟؟!

خنساء زفراات بضيق واضح:غانقوليك واحد لهضرة باش بلى منبداو نتصادعوو هناا...تلت شهور ونتوما دايريني فلحبس...دابا بركة...لعدة ومايشوفني حتا راجل رااه داازت... الله يرحم الوليدين رخفوو عليااا شوية...رااه هااد لخنقة لي داارين ليااا رااه بزاااف...تقهرت بيهااا

نصيرة بإصرار:انااا لي غانقوليك واحد لهضرة...ديك لحيااة تاازوفريت لي كنتي مولفة نسااايهاا..سمعتيي شنوو قلت نسااايهاااا...حيديهااا من بااالك...وحتااا دااك طوطيح وسير هناا وجي من هنااا وصاحبتي وزبل...نساااايه....كاااتسمعي

خنساء لسانهااا تلعتم:ع..عمتي رااا...

نصيرة بحدة:صاااافي...سديناا لموضووع...نتي لي بغيتي طلقي...فتحملي لمسؤولية...ضبري لمحااينك مع طلااقك...(كملات بنبرة تهديد)وداباا كنحلف ليك بالله الى مبغيتيش تشدي دوك رجلين شوية وتحطي قااعك للأرض...حتااا نحرش عليك خووك...ورااك كاتعرفيه ملي كااينووض...ديك ساعه غاتشوفي لحبس ديااال بصح...وخليناا مزياانين مع بعضياتناا الله يرضي على بنتي..

خنسااء طلع ليهاا لخز بلمعقول ضرباات فلأرض بعصبية وخرجاات فحالهاا لبيتهاا...هادشي ديال لحكاام طلع ليهاا فوق راسهاا..مبقااش قادرة تصبر عليه...كل خطوة وللات كاتخطيهاا كاتحاسب عليهااا...ولات مقيدة بلمزياان..حاكمينهاا مامخلينش ليهاا لمجاال فين تململ...حريتهاا تزعزعات بمعنى الكلمة من النهاار طلقاات من عدناان...

خنساء طلعات للبيت وتليفونها كايزنزن فصدرها ... جاوبات مبتاسمة : وافين اساطة ... غبرتي ...

رانيا : ههههه غير الدار وصافي زعما الا ماسولتش انا ماتسوليش وتقوول ...

خنساء كلسات : هههه ولاهيلا راك فالبال غير كانتلاهااا ... وخلاص ...

رانيا : شنو نخرجو ليوم شوية نبدلوا الجو ...

خنساء تنهدات : واش كاضحكي عليا ... انا راه ولا عندي الخروج والدخول بالحساب ... ماعندي كيف ندير

رانيا : ومايزيدوش فيه تاني اش هاد الحماق ...

خننساء ساطت : هانتي تشوفي ... تقول خديت الحكم بالسجن فحالة صراح ماشي الطلااق ... حسن دوزي عندي نتي انا غانتسناك واخا ..

رانيا : داكووغ انا شوية نكون عندك ... نقرقبوا شوية الناااب ..

خنساء : اوك طلعي نيشان للبيت انا تما ...

رانيا : داكوغ

ودعاتها وقطعاات وكلساات شادة التلفون طالعة هابطة فالفايس ... وحاطة حداها طبسيل ديال الكاوكاو كاتنقب منو مرة مرة ... دقائق قليلة حتى سمعات الدقان فالباب وحلات رانيا طايرة عليها معنقاها : ياختي شحال توحشتك ...

خنساء سلمات عليها : حتى انا احبيبتي ولاهيلا ... غبرتي عليا هاد الليام تقول عام ما شفتك ...

رانيا : هههههه يااك بعدا ... ايوا صافا عليك كيف دايرة الاجواء هنا ...

خنساء دلات شنايفها : كيف ديما وصافي ... كلشي حاط عليا العين تقول غا انا لي طلقت فالعالم كاامل ... المهم هو تفكيت هاذا هو الاهم ... خليهم يديرو لي بغااو

رانيا : اييه فكرتيني ...مابقيتيش شفتي عدنان مني صدر حكم الطلاق ...

خنساء : لا من الجلسة اللخرة صافي مابقيت شفتو مباشرة ... مي صونا سول فيا واحد النهاار مسكين وكايعيط لبابا بعد لمرات ...

رانيا : احسن مادرتي اصلا ديك التزويجة غير تزرفتي فيها وخلااص ... دابا عيشي ليا الحياااة وتبرعي ( غمزاتها ): راك وليتي بوكو لعااقة ...

خنساء : اش غانتبرع حتى نتي ... داكشي درتو فالبنكة حتى نشوف اش ندير بيه مابغيتش نخسروا باش نلقى علاش نرجع الدنيا والزمان هادي ... وماعرفت من هنا للقدام اش مخبية ليا الوقت

رانيا بايجاب : مزيااان وحتى ذهبك ردي البال راك ماشي بوحدك ... مانحتاجش نوصيك ...

خنساء : كوني هانية ... خلينا من هادشي دابا وقولي ليا اش درتي مع منير ..

رانيا ميقات : اش غاندير معاه راه باقي مجرجرني معاه حتى نشوفوا هادشي فين غايوصل ... راكي عارفة عاد خدم بالديبلوم لي خدا مامستاقرش مزيان مي على العموم راه داير جهدو ...

خنساء بتأكيد : مانحتاجش نوصيك اصحبتي ... راه مافيهم تقة ... عنداك يمشي ياكل ليك الدماااغ ... رااه مايدوموا ليك غير دوك جوج قطراات ديال الدم ... ماتفرطيش فراسك واخا يكون لي بغا يكوون ...

رانيا بابتسامة : كوني هانية ... اصلا كانشوفوا مرة فالسيمانة وغير بالخف مع الخدمة دابااا ولا اوكيبي ... شتي انا غير مني هز راسو وبعد على الطريق العوجة ... هادااك هو كلشي ... وراه باقي الوقت قدامنا لا زربة على صلاح

خنساء : ايواا مزياان بعدااا ... حتى هو راه ضريف وولد النااس ... غير نتي كوني مراة

رانيا : هاد الساعة شفت منو غير الخير ومن هنا للقدام الله واعلم ...

بقاو مجمعين كايهضروا ومقرقبين الناب مع بعضياتهم هضرة تديهم وهضرة تجيبهم ... سالاو و ناضوا كايعاونو نصيرة فالكوزينة ...

يتبع...