بنت السايب الجزء 34

وقفو بعادين من لبيت بخطواات

ونطق عصام بضيق وااضح: بصراحة صحة خنساء غادة لور لور...لبنت عياانة بلاقياس...بحال هزيتي وحدة وحطيتي وحدة أخرى...دابا امهدي غانسولك لأخر مرة...وااش واقع بيناتكم شي مشكل لي وصلهاا لهااد لحالة كاملة؟...

مهدي تلون ودور عينيه للحضات قبل مايرجع تابت ونطق بهدوء: اشغايكون واقع اصحبي...لبروبليم رااك عارفو...سيدة مكاملاش اسبوع باش خسرات ولدهاا...وجرح مزال جديد..عاادي طيح فبحاال هاد لأزمات مرة مرة...مساهلاش عليها تقبلهاا ودير بحالا ماوقع والو...

عصام بنبرة منزعجة:ولكن المهدي غادة صحتهاا للهاوية...هادشي ماشي نوغماال...كاتحس بيهاا بحالا عندها شي مشكل ومخبياه فداخلهاا كايغدد فيهاا ويسممها نهار على نهار...

جاوبو بنفاد صبر:واش غانكدب عليك...الله يهديك راه مكاين والو...أي واحد فبلاصتهاا غايوقع فنفس لحاجة...

عصام خرج نفسو بمهل..حاس بلي واقع شي مشكل بيناتهم هوا لي موصلهم لهادشي كاامل..ولكن مابغااش يحكر...نفض لأفكاار من راسو ورجع لعندهاا...

لقا نادية وسارة خرجو...معاها غير نسرين فوق سرير وخنساء حداهاا شاردة بنضراتهاا الغير مفهومة...دايرة فيها محطمة،عينيها دمعانين وملاميحهاا تعبانة...عصام تنهد من حالهاا..قرب لعندهاا..طبع قبلة على جبهتهاا وݣلس على طرف سرير شاد فيديهاا بلطف

ونطق متساؤل بهتماام:شوية دابا؟!!

خنساء زادت دبلات ملاميحهاا وردت عليه كاتبوحط:معرفتش اخوياا شنو هادشي ولا كايوقع لياا...معرفت ماالي...

عصام طبطب على يديهاا:ان شاء الله دابا ترجعي بصحتك كيف كنتي وحسن ݣااع...مايهمكش لحال

ردت عليها نسرين كاتواسيهاا:انا حاسة بيك اخنساء..حيت دزت من هادشي لي دزتي منو بضبط...نعاس مابقيتش كانشوفو ها عصام قدامك سوليه...شحااال من مرة لقاني كانبكي بليل و ݣلس كايسكت فياا ويصبرني...حتاا قلت صافي غانحمااق...(غرغرو عينيها وكملات بنبرة حزينة)حر لكبدة صعيب...مايحس بيه غير لي مجربو..

خنساء طيحات دمعة بزز على خدهااا وقالت بصوت باكي:هء هء هاادشي بزااف... معرفتش واش نقدر نستحملو ولا لا..

عصام مسح على خدهاا:ششش ماتبكيش... دابا كلشي يفووت ويبقا غا تعاويد...ماتقنطيش من رحمة الله...

خنساء: هادشي لي وليت كانعيشو أخويا ماشي عاادي(بدات كاتحرك راسهاا بنفي هستيري)لا لاا ماشي عادي...معرفتش كيفاش نشرحو (كملات بجدية) مكانعقلش على راسي امتا غيبت...بحالا وليت كانترفع...

نسرين وعصام شافو فبعضياتهم بجوج دقة وحدة موسعين نضراتهم مصدومين من هضرتهاا...

عصام رجع شافيه وقاال بستفهاام:علاه فايت ليك سخفتي من قبل؟!!

خنساء حركات راسهاا:ااه وغير لباارح ملي كنت فدووش...

نسرين شهقاات متخوفة ودفلات فصدرهاا ونطقات بزربة:بسم الله الرحمن الرحيم..تي اشكاتقولي...نااري ياكماا فعايل هادوك لي مكايتدكرووش...

عصام شاف فيهاا وخنزر:لاواه الزعتر سكتيناا الله يرحم بااك...

باقين كايهضرو حتا دخل مهدي لعندهم...شافيه عصام مصغر عينيه وقاال:علاش ماقلتيش بلي حتا لبارح سخفاات تاني؟؟!

ماينكرش مهدي تنو بدا كايطلع ليه لخز ولكن بزز مكاالمي

رد عليه بإجاز:مابغيتش نشطنكم وصافي...

جاوبو بنفعاال:كيفاش مابغيتيش تشطنا؟!!ختي مريضة خاصك تعلمنااا.. دابا كون ماجيتش على غفلة ولقيتهاا فهاد لحال. مغانسيقش لخباار لهادشي لي طااري...

نسرين تدخلات ملي شافتو شعل بغات تهدنو:راه غير مابغاش يشغل بالناا...سيد نيتو حسنة...

نطقاات خنساء حتا هياا باغا تكالميه:صافي أعصام..انا دابا بخير..ملي دݣ ليا طبييب البرى حسيت براسي ترخفت ورتاحيت...

عصام شافيهاا طول يديه لعند شعرهاا ونطق كايتحسس خصلاتو بحنان:متأكدة؟!!!ياكما مخبية علينا شي حاجة...

خنساء سكتات ضاربة الطم..بلعات ريقهاا وشافت فمهدي عن قصد لي حس بيهاا تقدر تفرشو قراها من نضراتهااا ليه..

ونطق مخرج الضحكة بزز:هههه واايلي أصحبي الله يهديك وحتا نتا حالف حتا تجبد شي حاجة مكايناااش...شتي لمدام عندي قوية وغاترجع لياا حسن منقبل...(شاف فيهاا بتأكيد مبتاسم)ياك احبيبة؟!!

خنسااء بادلاتو ضحكة صفراء وحركات ليه راسهاا بلإجااب بلا ماتنطق...

عصام حس بالوضع مهدن بيناتهم...مابغاش يصدع راسو بشي حاجة مكاينااش...بتاسم بطمئنان ناض وقف...ونطق مخاطب مهدي:الى تزاد عليها لحاال ولا عاودات سخفات مرة أخرى انا لول نعرف واخا؟؟

مهدي بتاسم ليه:ان شاء الله مغايوقع واالو...بلا ماتشطن معاناا...غاهني بالك...

رد عليه برجاء:ماايكوون بااس...

مهدي:ݣلسو تعشااو معاناا مالكم مزروبين عااد دخلتوو...

عصاام:لا لا غاانمشيو خرجناا ودزناا من حداا الدار وقلناا ندوز نشوفو خنساء كيف بقات ݣاعمة عولناا...(شاف فنسرين لي باقة ݣالسة)أنوضي تكعدي ونتي عجبااتك لبركة...

نسرين هزات صاكهاا وناضت وقفات:يلااه خلينا ليكم الراحة والله يجيب الشيفاا...

خنساء:سلم لياا على با وعلى عمتي...وعنداكم تقولو ليهم راني مريضة وتهولوهم...عندااك أعصاام..

جاوبهاا بطمئنان:كوني هانية ماتخافيش..مغايسيقو لخبار لواالو...غير تصحي شوية ودوزي لعندهم يشوفوك..

خنساء:ان شاء الله...

ودعوهم ومشااو..وصلهم مهدي لباب ورجع لعند خنساء لي حسات بيه طالع وطفات الضو...معولة تضربهاا بنعسا مع لغرووب...محاملااش تشوف كماارتو...

صبااح جديد مشرق فيوم الاحد كايفتح النفس ... المهدي كان سايق اللوطو رااجع للدار جايب معااه شي سخرة وصاتو عليها نادية ... صونا عليه التلفون بانت ليه نمرة ملاااك لي مدة وهي كاتاصل بيه وقليل فين كايجاوبها وحتى الا رد عليها دغيا كايصدرهاا .... عرفها غاتبقى مصدعااه نهار كامل تااني بلي زابيل وهو يدوز المكالمة : الو ملاااك ...

ملاك فواحد من بوتيكات المول : صافا حبيبي .. فين غبورك ...

المهدي : الحمد لله ... غير الوقت وصافي ...

ملاك واقفة قدام المرايااا حطاها عليها كسوة كاتشوف كيف جاتها وتعوج : ايواا الحب اليوم الاحد مكاين حد ... بغيت نشوفك شوية بليز ... ماتردهاش فوجهي سيل تو بلي ..

المهدي : ماعندي كيف ندير املاااك انا خاارج نجيب شي لعيباات مشغول ... حتاال من بعد ..

ملاك باصرار : وعافااك امهدي بلييز نشووف على برااا .... انا فالمول دابا وزايدون نضربو ضورة ونمشيو فحاالنا ... بلييز ...

المهدي تنهد وقلب الفولون ديال اللوطو : داكوغ خليك تمااا انااا قريب لييك ...

ملااك بفرح : يخليك ليلي مون امووغ ...

قطعاات فرحاانة وهو شد طريق لجهة الموول يدير ليها خاطرهاا عارفهاا مستحيل تستسلم ...

مسافة الطريق حتى كان المهدي وسط الموول هابط هو ويااها خاارجين فحاالهم من تماا كاايضحكوو بعدماا خدات داكشي لي بغااات ...

ملااك شدات فيدو : ناري امهدي ماتصورش شحال توحشتك ... ماتبقاش طول الغيبة هاكاا ...

المهدي ابتاسم ليها : وا نتي عارفة الروينة لي كانت فالداار والتبرزيط ...

ملااك دلات شنايفهاا : واش فيهاا الا درتي ليا وقيييت حتى انا غير طل عليااا ( غمزااتو ): ونااخد بيزو نروي بيها العطش يشد ليا نهااار اخر فغيااابك ....

المهدي ضحك : ههههههه يشد ليك النهار ... باطري نتي ... هههههه باااز

ملااك زيراات علييه : الحب هاادااك قاالاااك ... هههه فين غاتديني داباااا ؟؟ ..

شاف فيها هاز حاجبو : لدارك فين غانديك متلاااا ... ياك قلتي اجي نتساراو فالمول ... ايواا المحالات كلهم ضرتيهم اش باقي اخر ...

ملااك بغنج متاجهين للبلاصة لوطو : وانا مكانسخااش بيك احبيبي ....

ابتاسم ليهااا بطنز : مممم تيقتك ... زيدي زيدي هنينااا ....

يلااه غايركبو فلوطو وسيمو وعبدو كانو دايزين بالموطور فالطريق مع دورة وهما يبانو ليه غايركبو فلوطو بجوج كايفرنسو ويضحكو مع بعضياتهم فحال شي كوووبل ... خرج عينو بصدمة ونطق بالغوات محاسش براسو : وقاااااااف وقاااااااف وقااااااف ....

سيمو ماعرف بااااش تبللااا ضرب الفرااان على غفلة قااافز كان غاايتقلب بيهم الموطور : مااالك اصحبي ياااك لابااااس ....

عبدو صغر عينو جهة لوطو وهي تباان ليه الانسة ملاااك كاطبع قبلو على خد المهدي وهو عاجبو الحااال ماشي فهااد العاالم وديماراااو ... فديك اللحظة لسان تربط ليييه وقلبو تهز من بلاصتو من المنظر لي كايشوف قداامووو مشوكي بالمعقووول كايرمش مزال ما قادرش يستوعب شنو لمح .... عقلو تشنج من صدممتووو ... واللساان تربط لييه بمرة تلف ديال المعقوول ...

سيمو مفيقو من سهوتو : تاا ماالك اسااط وقفتيني على غفلة وسط طريييق ؟؟ ...

عبدو بلع ريقو وشاف فيه ماباااغي يقولييه والو .. نطق بتلعتم : لاا غير تشابه ليا وااحد السيد ... عند بالي كانعرفوا.. اءؤ يلاااه نمشيو ...

سيمو بنرفزة : وايلي اصحبي موقفني هاكاا حيت تشاابه لييك كناا غانموتووو .... بففففف بعد المراات كاتبداا غير ت*ور ... برب حتى مرييض

عبدو ما جاوبو بواالو عقلووو غايب والمنظر كايتعااود فذاكرتووو ... ياكماا ماشي همااا وتشابهوو ليه .. ولكن واش غايكدب عينيه وهو مكايفصلو بيهم واالو واضحين وضوح الشمس ... مستحيل يغلط فيهم خصوصا المهدي شااافو ما هي مرة ماا هي جووج وحتى ملاااك ترسخات ليه فالذاااكرة مزيااان حيت عرفها علاش مطوية ... ولكن وااش المهدي كايخون خنساااء ... زير على قبضة يدوو بعصبية كبييرة ورااسو زند علييه بالمعقوول... كيفااش ممكن يدير هادشي ويشوف فغيرهاا ... كيفااش قااادر يخونهاا بهاد الطريقة الموسخة ويلعب مور ضهرهااا ... عينيه حمااارو بالتفكير فالموضووع وعقلو ماقدرش يتقبل الامر بالمرة حاس براسو مضهشر بالبيان ..

المهدي وقف قداام داار ملاااك موصلهااا بعدماا دازو تغداو بجوج .... ملااك قربات عندو بابتساامة وحطات يدها على دقنو : مغاديش تنزل معايااا ؟؟ ...

المهدي بنفي : لا حتى لمرة اخرى .. دابا ديجاا مشغوول ...

ملااك بتلحليح باغاا تطبق الخطة لي فكرات فيها ... غمزااتو بتحلوين : غاايعجبك الحااال ....

المهدي ابتاسم ليها جنب : خلي حتاال غدا نكون ضارب حسااابي ... اووك

ضحكات ليه بت*حبين قربات لعندو بالهداوة وحطاات شفايفهاا على شفايفو منغامسة معااه فقبلة حااارة خلاتو يترفع حتى اختالطات انفاسهم ... وبعدات ناطقة بصوت حنين مغري : غداا غاتلقااني وحدة اخرى ... غانصدمك احبي ...

وسع ابتساامتووو : نتي رااه صاادمااني بهااد حلااوة اللساان لي عندك ... ماعرت فين كانت عيني هاد الوقت كااامل ... حتى..

قاطعوا صوت التلفون لي صونااا .... ملااك غير بانت فيهاا نمرة خنساااء وهي تعقد غوبااشتهاا وطيراات ليه التلفون من يدو بالخف قطعاات عليهاا ...

المهدي خنزر جااعر من حركتهاا ونطق بانفعاال : اش درتشي ... وااش شوية لاباااس ولاا مااالك ابنااادمة ... ( ساخط ): علااش قطعتي عليهاااا مرضتيييي لااااا ...

هزات على كتاافهاا : حيت ماشي جوج دقايق لي غاتكون معايا فيهم غاتحرمهم عليا مراااتك ...

خنزر فيها شااعل وخدا من عندها التلفون بنفضة ضرب على الفولون بعصبيةو نااطق بالغواات : هبطي *ودي علياااا لداارك ... ( مغدد من شنو دارت ): *وديييي

ملاااك دغيا عمرات عينيها بالدمووع ديال التبوحيط وبداات تدمع علييه : عاااد كنتي تلحن علياا وعاطيهاا لكلاام لحلو ... ( عضات على شفايفهاا ): تلفوون منهاا خلااك تقبل وجهك وتولي واااحد اخر ( بغضبة زعما ): مزياان اسيدي زييد نستاااهل .. بين ليا بلي انا اصلااا غير لعبة عندك ومسااااوية وااالو الله يجازيك بالخير ...

المهدي مسح على وجهو منهد محااول يتكاالماا : ماشي هكاااك املااك ولايني هاد لعب البراهش ماعندنا مانديرو بييه ... داباا سيري حتى نشوف غداا ...

عوجات وجهها منفخة : وااا هاااهيااا غااادة ... سمح ليا مكانش خاصني نقااطعك مع حبيبة القلب

يلااه غاتنزل وهو يشد فيدهاا مرجعهااا باغي يراضيها : دااباا هنيناا وماتمشيش مقلقة هااكاا ( شاف فيها وضحك وهي هازة خنافرها ): ديري بحال الا ما طراا والو واخااا ...

حركاات راسهاا بايجااب معااجبهاا حااال بلاا رد ... اصلااا مبردة معاه الدم حيت الا زيرات معاه غايفرفر ويخليهااا وهادشي لي ماباغاش توصل ليه

المهدي حط يدو على خدهاا بحناان : وصاافي حيدي علياا هاد الغوباشة ... ماتخصريش هاااد الوجه المنور بالتقليقة مكاتجيش معااك ...

ملااك دغياا فرنسااات حتى باانت لبها ضرسة العقل وباستو فخدو : غانتوحشك اعمري من هنا لغدا ... عندااك تخوي بيااا ...

المهدي : تخواا بياا دنياا الا خويت بهااد الزين .. كوني هاانية غدااا ليلتناا طويلة 😉😉...

ملااك حلاات الباب وسيفطااات ليه بوسة فالهواااا وزادت فحااالهاااا فرحانة ومتحمسة وهو ديمااراا لوطووو متااجه للدار ...

تعاشاات العشية الظلاام بدا يحل على المدينة ... خنسااء كانت كااالسة فوق الكرسي قدام مراايتهااا كادير كريم مرطب لوجهها لابسة عليهااا بيجامة فالابيض مزيرة عليهااا مدفيااهااا وجامعة شعرهاا كعكة الفووق كاتباان مضوية ومنورة ... بشوية بشوية كاتسترجع اشرااقتهااا من الاجهاض لي طرااا ليهاا ولي خلااهااا تفقد طاقتهاا شوية ... المهدي كااالس عاطيها بالظهر متكي فوق السرييير كايرااجع شي وراااق ... سمع ميسااج فالتلفون ديااالو وهو يهزو دخل وقراااه ورد مبتااسم تحت نظرااتهاا ليه من المراايااا مترقباااه مني هز التلفون وحلو بشيمااا لي دغيااا ردات ليهاا الباال وقلعااتهاااا مرسخاها فراسها ...

خلاتو حتى ساالا وحطو فوق الكونطوار ونطقات باستفسااار : شفتي نادية شنو بغااتك ... قبيلة مني كنتي فالدوش سولاتني علييك ... يمكن بغات تسولك شنو دير لعشاا حيت هي لي غادي توجدو اليووم ...

المهدي : لا ماشتهااش غير دير لي بغااات ... ماعنديش مشكل ...

ميقات فيه بلعااني : اصلاا غير لي بغااا يكبر ليك الشااان ... ( معيباااه ): دييير لي بغااات ... راه كون مهامهااش رأيك كاعماا تحاشيهاا لييك وولكن معاامن هي لي دار صغيرة راه دار صغييرة

المهدي هز فيها حاجبو : شتك كاتعايري فيا بالعلاالي ... واش حناا مغانساليوش من هاادشي ...

خنسااء دارت عندو مخنزرة فيه منفضة : غاانسااليو اسيدي مني تعطيني براااتي وطلقني بلااا صداااع بللا مشااكل وتهنى مني وترتاح من صداعي ... تلاقينا خووت نتفاارقوااا خوووت

المهدي ببرود : بقااي تحلمي بقاااااي ... اناا عاجبني صدااعك ومونسني وجاني على كانتي ... مزياان الالة وداك الطلااق غير نساايه هو لي مغااديش يكوون واخاا تلاقااا السماا مع الارض ،( باصراار وااقف ): راه قلت ليك من عندي لقبر احبيبتي ... ايواا بردي فيك دم وخلي للما منين يدوووز ...

قرب ليها مجبد حنااكهاا : ماانسخااش بييك البااطرونة ديااالي ... سااكنة ومخيمة فالقلب احبي

خنزراات فيه مبعدة يدو بنفضرة : حيد عليا يدك الله يخليه كنس بالخلااا ...

ضحك ليهااا جنب : شتي داك الطلااق باش تهنااي مني وتشوفي غيري احبيبتي والله هو لا شتييه ... من الاحسن ديري عقلك وخلينا نرجعوا كيف كناا وااخااا باش نعيشو مرتاحين ...( غمزهاا ): اناا غانشوف الواليدة باش تبقااي على خااطرك ...

خصرات فيه كماارتهااا حتى سد الباااب وهي تنطق : مشياا بلااا رجعة ان شااء الله ... الله يجعلهم يصليوو علييك يخخخ على كنس ... قلبك انا بغيت تسكنو لفعة ( دورات وجهها لمرايا ): ولايني راااه مغاديش تلقى لفعة سمهاا كتر مني ... انا غانوريك

خنزراات ونااضت بشوية حلاات البااب طلاات من الدروج سمعااتو كايدوي فالكوزينة مع ناادية وهي ترجع سدات البااب مشاات ديريكت للتيليفوون ديالو حلااتوو ... دخلاات للواتساااب لقاات نمرتهاا هي لولة ... خصراات كماارتهاا وهي كاتقراا لميسااجات لي مسيفطة ليه غير ديال اليوم اما لي قبل كلشي ممحي ... كرززاات على سنانهاا وهي كاتقرااا (💬 ملاك : ماتصورش شحاااال غادوز عندي هاد ليلة طويلة بلااا بييك .. بغيت غير ايمتااا يجي غدااا ونكون بين يديك اعمري 💬)

خنساء حسات بخاطرها روع عليها وهي كاتقراا فدااكشي عاايفة هاادشي لي بينااتهم ... حااسة بالغتياان منهم كتر ما باقي فيهاا الحال من جهتوو

(المهدي 💬: غمضي عينيك حليهاا وهاناا وها الصبااح جاا ... المهم هو تبرعيني .... بغيت هاد ليلة تنسيني فلي قبل منها 💬) ...

(💬ملاك: غاتنسيك فكااع ليلاات لي دوزتي قبل ... ماشي غير ديالنا 😉)

خنسااء حركات راسهاا باستهزااء : الخرية كاتقلب على ختهاا ربعين عام حتى كاتلقاهاا ... رباعة العهر يخخخخ ...

عضاات على شفاايفهااا بكترة ما ولات كاتكرهوو وقلبها عمر حقد من جهتو مابقاش كايأتر فيها خيانتو بالمرة ومكايعني ليها والو همهاا الوحيد هو تنتاقم منوو وتخرج رابحة من هاد التزوييجة خصوصا باقل اضراار ...

سكريناات دااكشي بالنمرة بااش تأكد انهاا دياالو وحتى نمرة ملاااك وسيفطات داكشي لعندهاا فالتلفون ومحااتهم وخرجاات رداتو كيف كاان وحطاتو فبلااصتوو ... سيفطات كلشي لرانيااا قالت ليها خليهم عندك باش حتى الا تمحاو ولا لقاهم عندها تلقى سوكور ...

كلساات جنب السرير وابتاسماات : غاتمشي عندهاا غدااا اسي مهدي ... سير مافيهاا باااس حيت لمرة جايااا مغااتمش ليكم على خير ... زهاا لياا غدا مع راسك هههههه ولكن قبل غاادوز احبيبي معاياا ليوم ليلة عمرك تنسااهااا فحياااتك ... غاتبقى فدااكرتك طول عمرك ههههههه ... ونهاار غايجي الوقت ارتجلي حبيبي غانخرجكم بجوج بدقة عمر شي حد فيكم يتجاوزهااا ... انا لي غانكون كابوس حياااتكم مابقااش بزااف ( محقدة عينيهاا باصراار )

فنص الليل المعتم ... خنساء كانت متكية عاطية لمهدي بالظهر تحركات بشوية عليهاااا وقربااات بهدوء طلاات عليه باان ليها نااعس غارق فنومو .. دارت ابتسامة جانبية وقربات للمجر هزات منو الموس لي دارتو تمااا من قبل ... خربقاات شوية شعرهااا على وجهها وعضاات على قنوفتهاا محاولة تشد فراسها وتحبس الضحكة نطقات تحت منها : على بركة الله ... احم

تنفساات الصعداااء ودغيا حولات ملامحها للجدية وخرجات عينيهااا ... دورات عنقها لجهة ليمن ودارت ابتسامة جانبية مخرجة عينيهاا كاتشوف فيه بطريقة جنونية ... كاتوسع ابتسامتهاا بحال شي حمقة وقهقهتها كاتخرج متقطعة .... هازة فيدها سكيين كايبان فالظلااام كايبري ماضي كاينحر .... حكات على راسهاا كاترمش وعينيها علييه باين فيها الشر كأنها غير واعية على شنو كادير ... كادقق فيه عاضة على شفايفها وكاتفرنس ناعس قدامهاااا فسابع نومااات ... قادااات الكلسة ديالهااا مكالياااه برجليهااا وعينيهاا ذاابلين .... ملامحهااا شااااحبة كاتخوف ... وبشوية بشوية كاتقرب الموس لييه ....

المهدي حس بحركتها فنومو وحل عينو بتتاقل بالنعاااس ... مع لمحهااا واقفة على رااسو وشاف شنو هازة فيدهاااا خرج عينووو بدهشة وقلبو كان غايوقف .... نطق بتلعتم مضهشر ماعارف باش تبلااااا كايتمتم : اءء ... خنسااء ... شش.نو كا.ديري ... اء ... حماقيتي .... ( كايترعد وهو كايشوف فللمضاا لي فيدها ): خنسااء ... نعلي الشيطاان ..

دارت ليه ضحكة بوهاالية وهي كاتقرب ليه .. نطقاات بصوت خاافت كأنها ماشي هي لي داوية : ليووم غاتخلص ... القديم والجديد ..

المهدي قلبو كان غايسكت كايقفقف : خنساااء حيدي داكشي فيديك ... خلينا ندوييو ونعلي الشيطاان وااش حمااقيتي .... اش هادشي كاديري...

ضحكات جنب بطريقة جنونية وطلعاااات قهقهة عاااالية :هههههههههههه .... ههههههههههههههه .... ههههههههههههه اليوم غاتموت ... غااتمووووت ....

المهدي نقطة الدم مابقااتش فوجهو بالخلعة وقلبو غايخرج من بلااااصتووو بالرعب ... خايفهاااا تهور وتقتلو ولا ضربو تصفيها لييه ... كايشوف فيهاا ونظراتهاا ماامفهومينش بااينة فيها مصرة على شنو باغا دير ... مقادرش يتحرك ولا يمنعهاا خااايف يغلط وتصدق مآديااه ولا مآديها ...

بلع ريقو مسايس : خنسااء حبيبتي ... نعلي الشيطاان عاافلاك .. هاكا غاتآديني ولا تضربي رااسك ...

ضحكاات وزيرات عليه حاطة السكيين على حنكو لدرجة غمض عينووو مابقااش قاادر ولا كايشهد فنفسو ... ومايطلب غير السلااامة والفكاكة من هاد الحصلة ... ولا كايترعد : حبيبتي .. حيدي داكشي

خرجاات فييه عينيهااا وحيدااات الموس من على وجهووو وقرباااتو ليه جهة المعلم كاضحك : ههههههه ... ماتقولش حبيبتي ... خنسااء حبيبتي انااا ...

غمض عينو متأكد انها ماشي فوعيهااا وماشي هي لي كاتصرف بهاد الطريقة ... اكيد غاتكون مقيوسة وهادشي لي مخليهااا دير هااكة .. حاس بعقلو غايخرج من بلاااصتووو وهو كايشوف فيهاا مقادرش يتحرك بالمرة وكيفااش كادوز الموس من حداا حجرو وضحك وفعينيهااا نااوية تطيرو ليه من الجدر ... زير على يدووو وبداا كاينطق بللا عقل : اشهد ان لا اله الا الله... اشهد ان محمدا رسول الله... ( بتقفقييفة ولا كايشوف الموت قدام عينووو ومابقاااا غايفصلو عليهاا والو ) : اشهد ان لا اله الا الله و اشهد ان محمدا رسول الله

خنسااء كاتحاول ماتشوفش فوجهو بالمرة بااش ماتشتتش بالضحك وتصدق مخصرة كلشي ... قربااات يدهااا لحزاام الشووط ديااالو كااضحك : اليوووم غانطيرو لييه ... غانخليك بلااااش( كاتعلي ضحكتها ): ههههههه

المهدي البولة غاتهبط ليه وجهوو صفاار ديال المعقول : خنساااء ... ( تفكر انهاا ماشي هي ماعرف باش ينعتهاا ولا غييير كايخرج بلااا عقل ): خويااا ... خويا الجن ... عافااك ... ( شد راسو بتلفة ): اويلي اش كانقول اناا صاافي غادي نحماااااق ... لااا غايخرج ليا العقل ... ععععع

ماابقااش قاادر يحبس راااسو وحاس بسخونية فدماااغو بكترة الرعب لي ركبو ... خنسااء شاافت روحو غاتخرج بالخلعة وهي دور وجهها لجيهتووو لقاتوو صفر وباقي كايشهد ... وهي تبعد علييه ودلات شنايفهاا بهدووء كأنهااا ماداارت وااالو حكات عنقهاا حااطة الموس علييه بهدوء فوق منو ورجعاات لبلاااصتهاا تكااات وجرات عليهاا الغطاا مخليااااه كايلهت وروحو قريبة تخرج .... شاف فيهااااا وحط يدو على جبهتووو لي كلهاا كاتقطر وهز داك الموس محيدو من تماااا شفاايفو نشفواااا بالمرة ولاو زرقين .. مبقااش قااادر يهز رجلييه لي خواااو بييه كانه تشل بالمرة ... نااض من تماا مبعد علييها كايطلع النفس ويهبطهاا بصوت مسموع : لاااا هادي تسطاات ...هادي ولاات خطر علياااا ... لااااا خااصهااا شي حل مايمكنش هاادشي ... اووف ( شاف فالموس فيدو ): كانت غاتقلني فعز شبابي ...

شد على رااسو ناايض من تماا خباا داك المووس ودخل للحمااام غسل وجهوووا بالمااا بارد يحيد علييه الخوف لي حلف بحلوفووو لاا مشاااا ولقطة وهي هازة عليه الموس عند راسو ومن الفوووق دارتو على حجرو وكيفااش كااانت كاتشوف فييه مابغااوش يحيدو من باالو حااس براسو فكاابوووس ... وهاد الليلة ماعمرو ينساهاا واالاا تمحى من ذاكرتوو بالمرة ... وكيفااش غاتمحى وهو شاف الموت قداام عينووو ... غير كايهز راسو فالمرااياا كايتعااودو ليه اللقطااات بحاال الا باقين كايوقعوااا عاد دابا .... مسح وجهواا وخرج من تمااا كايشوف فيهاا باقاا نااعسة وغاطسة فنومهااا ... خنزر جاعر : نعسي نتي لي جاات معااك وانا طيريه ليااا ..

تنفس بنرفزة وخرج من تماا هابط لبيت الكلااس ردو علييه بااش الا جاات لييه يسمعهااا ولا خايف غير من خيالو ... تكااا حاط راسوو وحلف نعااسو لا زااارو بسباب مادات فييه وحتى الليل طواال عليه وما بغاا يحل نهاارو ...

خنسااء حسات بيه مشاا وهي تنووض كاتموووت بالضحك على حالتو والمنظر لي كاان فيه كون زاادت شوية كااان يسخف ليهاا ولا يسكت ليه القلب .. نطقاات كاتفرشخ بالضحك : هههههههههه خوياا الجن قاالك ههههههههههههههه .... هههههههههه لا ماايمكنش انااا راااه خااصني اوسكاااار ... موحااااال يعااود يجيه النعااس مور الليلة من اليوووم ههه خههههههه ...

جمعاات شعرهاا : الله على رااحة ( تنشراات فوق السرير بارتياح ):بلااصتك حسن منك هههههه ايواا انا داباا نظربهاا بنعسة مقاااادة ههههههههه ... لي ماعندو سيدو عندو لالاه المهييييدييي .. مزاال نوريك الغدر اش كايسواا ..

غمضاات عينيهااا وغطساات فنووم عمييق حاسة برااسهاا غاطير بالفرحة من منظرو وهو فديك الحاالة ....

اصبحنا واصبح الملك لله ... خنسااء كالسة عند رانياا فبيتهاا بعدمااا لقات مهدي خرج صبااح بكري فطرات فخاطرها وعلمات نادية راه غاتخرج ...

كالسة مجمعة معاها كاتعااود ليهااا لي وقع نااشطة : هههه خاصك تشوفييه ديك السااعة كي ولااا مني قراا ميطروون فالمرااايااا ... امااا البااارح صاافي تحدو ليه ولاا كايشهد اصحبتيييي ... ههههههههه مايمكنش ماكرهتش كون صورتو ليك فديك الحاالة وتفرجي سيد رااااه مااات بالخووف ...

رانيا ضحكات: هههههه ناري اساااطة .... كانتخاايل المنظر اويلي وقديتي تشدي فراااسك .... مايمكنش ههههههه ...

خنسااء : هههههههه ... لهلا يوريك وااحد الوقيتة صاافي كنت غااادي نطلق الضحكة ولكن غير صبرت راسي وصااافي هههههههه ... بداا يقفقف بحال الجريدة لي ضارب فيها الريح

رانياا : هههههههه ولكن واخا هكااك مابقااش فياا يستااهل كتر ... سرو نيت الخانز المحشر الزلاااال ... هاداك هو سهموو ...

خنساء تنهدات بعمق : عمري توقعت غانوصل معاه شي نهار لهادشي ... الراجل الوحيد لي دخلتو لقلبي وعطيتو كلشي فلخر بدلني بوحدة اخرى ... واليوم داير معاها يزهااو فليل مناقصو خير ... مابقى فييه لا ولدو لي ضاااع والااا حتى حااجة ال*ااامل ....

رانياا : ايوااا مني اليووم غادي غادي عندها هاادي هي الفرصة فاااش تقرقبي علييهم .. اش كاتسنااي ...

خنسااء بنفي : من نيتك اسااطة لااا لااا .. باقي خاصني نكرهو فيا باش يسيفطني لداارناا ... خاص يشوفوه شمااااتة عاااد ندير ليه ضربة حسي مسي .. وديك السااعة يبداا الحسااب ..

رانياا هزات حاجبها : ايواا وشنو ناوية داابااا ؟؟ ...

خنساء عضات شفايفها بتفكير : غدا نتي اجي عندنا للدار ياااكي ... وغاندير ليكم شوي هبل تربح وجبدي قداامو الفقيه والجنووون ومالين لمكان دخلي ليهم هادشي لراسهم ... وديك السااعة اقتارحي علييه تجيبو فقيه يشوفني ... وانا متأكدة هو صافي شم دقة الجنووون مغايقولش للا حيت ولا خايف على راسو ...

رانيا : ايوااا والا جاا الفقييه شنو غانديرو !! ...

خنساء : يااا الهبييلة الفقيه نتي لي غادي تجيبيه ... غاتقولي ليهم انا كانعرف فقيه مزياااان ...

رانيا شهقاات :اويلي وانا منيين غانجيب ليهم هااد الفقييه .. الله يهديك اخنسااء ...

خنساء : ركزي معايا اسااطة ... غاتجيبي ليهم هاد الفقيه لي عندنا فالدرب ... لي عند باالو راااه فقييه وهو مايعرف يدير الرقية حتى لرااسو ... المجمر عندو كايشعلو بالفاخر باارد ..

رانيا : ايوااا واش غادي نقولييه ... واش زعماا نعاود ليه الخطة ونقولو يعاوناا ...

خنساء خنزرات فيها : الله يعطيك عقل ... وااش تسطيتي لاااا ... شتي السر الا فاات جووج داااع .. بغيتي خباارناا تسييح ... هادي اصحبتي خوديها مني وصاية شتي الهضرة لي تقااال بين جوج دنااس مخاصش تسمعهاا تاالتة حيت صاافي ديك السااعة ماغاديش يبقى ليها اللجام ... نتي غير جيبي لينا فقيه الغفلة لي عند باالو بجوادو ... وانا خلي علياا الباقي ... ماعندو مايدي مني ...

رانيا ضحكات : واخاا الالة ... ايواا وورااهاا اش غاديري ؟؟...

خنساء ابتاسماات بشر : وراهاااا غاادي نعطيه الضربة لي تخليه من تماا يسيفطي لداارنااا ... ههههه الباقي راكي عاارفااه الغزاالة ديك الساعة غانفيضو الكااس ونجمعوا ونطويو ...

رانيا بابتساامة : شتي مايقد عليك غير لي خلقك ... غادي تلعبي عليه وفلخر تخرجي راسك منها وراابحة من الفووق وبداكشي لي بغيتي غاتشرطي علييه ههههه براافوو ... انا بعدااا كانوقف لييك احتراامااا هههه ..

خنسااء هزات حاحبهاا : سيهم مهدي عند بالو مزوج باي وحدة ونساا راه لي وااخد بنت الساايب .. خليه داباا عند بااالو راني فدار غفلون ومن بعد مغايعرف الدقة منين غااتجييه ... بيااا ولاا بيييه ...

كانت ملاك قبالت لمراية فبيتهاا ݣالسة مقابلة مع لكوافوز كادير أخر لمساات...لابسة كسوة فلݣرونة غامقة قصيرة حد الركبة مزيرة عليها معلمة تفاصيلهاا الأنتوية كاملة...مع اكسيسوارات بسيطة حلقات فودنهاا ومݣانة بݣورميطهاا فيدهااا...دايرة مكياج تقيل مركزة فيه على عينيهااا لي خدماتهم مزياان زادت زيناتهم بليلونتي فلأخضر الفاتح.... وحددات ملاميحهاا الشقراء بلكونطوغينݣ...بارزة خدودها بلفاغجو مع غوج اليڤغ احمر لونو متيير مخصص لسهرات...خلات شعرهاا مطلوق على رااحتو...رشات بارفان على عنقهااا...جمعات بيتهاا فين بدلات مطرفاهاا مزياان...حلات لبلاكار ديالهاا وهزات منو قريعة صغيرة...طولااات فيهاا النضر لي لحضاات وهياا كاتشوف فيها بعزم واضح....تواني وهيااا تسمع دقاان فلبااب عرفااتو جااا...هزاتهااا بزربة ودارتهااا وصط صدرهاا خاشيااهاا متبتاهاا مزياان...طرݣات لمراية شافت فيهاا وتأكدات انااا كلشي فيها مقااد...

مشات بخطوات تقيلة كاتقرقب بطالونهاا حتا وصلاات لبااب... رسماات بتسامة ساحرة على ملاميحهاا وحلاات لباب...لقاتو قبالتهاا داير يديه فجيبو...شافيهاا مبتاسم وهو كايطلعهاا وينزلهاا كايتفحصها بنضراتو لي كلهاا إعجااب وشهوة لطلتهاا الجدابة وكايعبرها بيهااا... عمرات ليه لعين بلمعقول حاس بعقلو كايطير لعندهاا فكل مرة كايجي ساحراه بتفاصيلهاا بلا مايشعر...قرب لعندهاا طبع قبلة فوق خدهااا ودااز لعنقهاا مستنشق عطرو وملصقهاا معااه...

نطق بصوت هاامس مغمض عينيه:غااقولي لياا فين كنتي مخبيا هادشي كاامل...فييين؟؟!كااطيري لعقل...(بعد عليهاا مركز فيهاا الشوفة)كااتحمقي....

ملاك:عوينااتك اروحي..ربي يخليك...(غمزاتو وكملاات)دخل...

تقدم بخطوااتو داخل لدار...هياا قبل ماتسد لباب...طلاات ياكما شي حد شافهم...تأكدات انا مكاين حد سدات لباب ودخلاات....لقااتو ݣالس قبالت الطبلة لي موجداهاا على حقها وطريقها وسط الداار...يلاه جات تݣلس فلكورسي لي مقابل معاه وهو يوقفهاا...

مهدي:لااا اجي ݣلسي هناا(شار لفخضو كايبتاسم) ليووم بااغي نوكل لغزالة ديالي بيدي...

ضحكات ملاك بإغراء حتاا تبرزو خدودهاا كتر...وقربات لعندو ݣالسة فوقوو...

نطقات بنبرة رقيقة لاوية يديهاا ورى عنقو:عجباتك الطبيلة لي وجدت ليك؟!!...

حط يديه ورى خصرهاا وقاال:عجباتني الطبيلة ومولات الطبيلة...لي جاات من عندك ازين ديالي...كاتحمق بحالك...

ملاك دبلات عينيها فيه وقالت بحنان:ماتخيلش أمهدي فرحتي قدااش ملي كانكون معاك...نتا هو لهوى لي كانتنفسو ومخليني عايشة...وقلبي كايضرب غير ليك...ولبلاصة لمخيرة فيه راك ݣالس فيهااا...وليتي كلشي فحيااتي...(طبعات قبلة على حنكو وكملات بنفس النبرة)أحيااتي...

لمهدي وسع ضحكتو حتاا لحد...ولا كايسمع لهضرة لحلوة غير من عندهاا...وهادشي مكايخليه غير يزيد يتعلق بيهاا كتر وكتر...وطبيعي لاحقااش عند مرتو ولا مقطوع عليه كلشي الجفاف مسيطر عليه بمعنى الكلمه....

نطق كايتغزل فيهاا خااشي وجهو فعنقهاا ريحة لي فيه فنة خلااتو يتييه وعقلو يزيد يغيب نطق ببحة رجولية:راااك م*ووووودة يااا الغزاالة ...كلشي فيك محطوط فبلاصتو ومايشبعش منك لوااحد...لوقت معااك ولا كايجيني قصيير...غير شوفة فهاد لعويناات كاتخليني نترفع...ونتييييه فييك....

ملاك دارت فيها حشمانة وقالت بإجااز:بصح

مهدي حط يديه فوق شعرها:نحلف ليك ازين؟؟!

ملاك:ههههه لا لا تيقتك مامولفااش فيك لكدوب...(ناضت بشوية من عليه)انا غادي نمشي نجيب لعصير باش نبداو لماكلة...خليتو كاايبرد...

حرك ليها راسو بلإجااب وهياا ناضت لكوزينة...جبداات لعصير من تلاجة...هزات القريعة لي كانت فصدرهاا حطاتهااا...هزات لبلاطو ستفات فيه جوج كيسان كبات فيهم لعصير...بتاسمات بشر وحلات لقريعة وخوااتهاا فكااسو كاااملة...

نطقات وهياا كاتحرك بلعاشق لعصير لي قبالتهاا:ودااباا عاااد غاايبداا اللعب ويزهى هههه....ليووم غادي تكون اكتيييف و زاايد نغزة اروحي...مغاتعرف واش تخويه برى ولا لدااخل...

رسماات بتيسامتهاا الخبيتة على ملاميحهاا ودااتو لعندو...رجعاات ݣلساات فوقو وهزااتو بيديهاا عطاتو ليه وقالت:هااك بلل حلقك بهاداا..صيبتو بيدي...غااادي يعجباااك الحبيب...

مهدي شربوو من يديهاا نازل عليه دقة وحدة بحالا كان شحفاان....سالا شداات ليه فيديه وقالت:عرفتي تسدات لياا شهية...توحشتك بزاااف...

مهدي:ههه مالناا مزروبين؟!! خليناا ناكلو بعداا..(غمزهاا وكمل)ليلة ليلتنااا...

ملاك هزات كتفهاا:واخااا لي بغيتي...

يلاه بغاا يبدا لماكلة هو يحس بصهدة طالعة معااه...شعوور مقادرش يميز نوعو...من غير ان رغبتو زادت تحركااات...وبداا كاينشط....حط لفورشيط من يديه وتلااح خااشي وجهو مرة أخرى فعنقهااا ريحتو جهلاااتو...هياا وسعاات ضحكتهاا عارفة دوى عطى لمفعوول....نااضت وقفااات وجراااتو لبييت...غير وصلو تلااااح على شفايفها ملتاهمهم بشوق...وهيااا حطاات يديهاا على سرواالو...كاتحل فسمطة وكاتستاعد بااش تجردو من جميع ملاابيسوو...نااوية طبق خطتهاا معاه فديك اليلة كما ينبغي...

بلسان الكاتبة:

ملي كايتخلط ليك لحلال مع لحراام...ملي كاتولي مغطوس فلخطيئة ومعارفش كيفااش تهز راسك منهاا...ملي كاادير دنب مكايتغفرش...و ملي غاتولي خبييييت وماكتفرقش مابين لغلط وصوااب...فارحب بولاد لحرام لي غايوليو دايرين بييك...ووجد لعقااب لي كايتسنااك....وعندااك تغني "ضلمووني"....

صبح نهاار جديد....مهدي بدا كايفتح عينيه بشوية بشوية...ضو ضربو فرااسو لي حاس بيه كايزدح...حط عليه يديه و حل عينيه بتتااقل...لقااا ملااك ناعسة على صدرو العاااري وحتااا هياا عرياانة مغطية غير بإزاار هياا ويااه...مسح على جبهتو محااول يدكر شنو وقع...ولكن مقدرش داكرتو مامساعفاه يتفكر واالو....عااقل انو كان فعلاقة حميمة معاها..ولكن تفاصيلهااا معارفهاااش بقاات فلوو فدمااغوو...حك عينيه...و بشوية عليه حيد ملاك من فوقو لي كانت غاطسة فنوم عميق...غطاهااا ونااض...لبس شورطو ومشااا ديريكت لحماام...خداا دووش سااخن تصحح بيه مزياان ووݣضو....خرج نشف عليه بلفوطة لبس حوايجو وخرج فحاالو...كانو ناس يلاه فااقو كل واحد غاادي لشغاالو باش يقضيهم...ركب فلوطو ديالو...وتوجه لقهوة...

خنساء كانت ݣالسة فلكاافي دايرة رجل على رجل هازة كااس تاع لكابوتشينو كاتلدد بيه مع صبااح...مقاابلة مع لباب تلقهوة راضة لبال لشكون لداخل ولي خرج... دايرة لكيت فودنهاا مجمعة مع راانياا...تواااني وهياا تبان ليها اللوطو ديالو كايصطاسيوني

ضحكات بستهزااء وقالت مخاطبهاا:يلااه سيري...هالحوت لااحو لبحر...تهلاااي حتااا نعيط ليك...

مع وقف مهدي وبانت ليه وهوا يحيد النضاضر من عينووو بصدمة...شافت فيه خنساء وبقاات هادئة فبلاصتهاا كاترشف من كاسهاا ببرودة...

قرب لعندهاا ونطق بدهشة بالع ريقو: خنساء؟؟!

طلعات فيه عينيهاا وقالت:اييه خنساء...جاتك عجب؟؟!...

مهدي قلبو ضرب ونطق بتلعتم:و..ولكن شنو كااديري هناا...وفهااد الصبااح...

خنساء رشفات من كاسهاا وردت عليه بكل تبات:جيت نشوفك واش وصلتي بخير...ونسولك وااش دوزتي لخدمة لي كانت عندك برى لمدينة مزياان...(فيكساات عينيهاا فعينه وكملات بملامح بتأكيد) ياك هاادشي لي قلتي لنادية لبارح..

مهدي زير على شفايفو وحرك راسو بلإجااب بلا مايدوي تحدو ليه...أخر توقعااتو هو يجي ويلقاهاا ݣالسة كاتسنااه...بداا كايحمد الله فخااطرو انو مجاش مع ملااك وخلاها ناعسة....

نطقات خنساء وهياا كاضحك بستهزااء:اوى كيف صبحتي؟؟!بنتي لياا بحالا مناعسش مزياان...ممم باينة لخدمة كانت عندك كتيرة...(كملات بضيق زاائف) تتتت حيااتي كايتعدب مسكين...الله يسمح لينا منك وخلااص...

صغر فيهاا عينيه وقال مغوبش فيهاا:كاتفلااي علياا ولا غاجااب لياا الله...

خنساء تسندات على لكرسي بعجرفة:و علااش غانتفلا عليك متلا؟!! (بان ليهاا يحيى دايز وهياا تعيط ليه) يحيى...جيب لسي مهدي واحد كااس تلقهوة قااصحة بااش يتصحح شوية...كايبان سهر بزااف بليل ...سهر بزاااف وماشبعش النعااس...(شافت لقاتو مخنزر فيها)ݣلس ݣلس ترتاااح...

مهدي رفع صوتو:داباا غامعطااك الله جاياا مصبحة علياا...راااه مكانرضعش صبعي..ماشي دري صغير باش تغمقي علياا بهاد لهضرة.. جيني نيشاان وقولي شنو جابك على صبااح لهنااا..

خنساء حقدات فيه الشوفة وردت عليه بنبرة قوية:بغيتي صراحة...انااا مجيتش على ودك...جيت على ود ملاااك...

مهدي دنياا دارت بيه...مامصدقش شنو سمعو ودنييه...نطق مخرج عينيه:جيتي على ود ملاااك!!!؟...

خنساء كانت متوقعة صدمتو ماجتهاش ردت فعلو غريبة...رجعات بعض الخصلات من شعرهاا ورى كتفهاا وقالت ببرود قوي:وي على ود ملاك...مالهاا جااتك عجب؟!

مهدي بلع ريقو بصعوبة محاول يسيطر على مشاعر الخوف لي تسللات ليه وقربات تخليه يتفرش...خدا نفس معمق محاول يضبط بيه راسو وقال بتساؤل:ولكن لاش بغيتيهااا؟!!

خنساء تحنات على ساشي كان حداا رجلهاا...هزاتو وحطاتو فوق الطبلة:بغيت نعطيهاا هاد لكادو...جابتو ليهاا نادية من ريف...

مهدي رمش بتتاقل وتنفس الصعداء...عااد رتااح نسبيا وقلبو دقاتو مبقاوش سرااع...ولا خايف غير من جناابو...ماكيتخيلش شنو ممكن يطرى الى ساقت لخباار...

نطق بهدوء مصنع:ملاك مزال مغاتجيش داباا...

خنسااء صغرات فيه عينيها بتشكيك:شتك شاد ليهاا لحسااب...وبااش عرفتيها بسلامة مغاتجيش داباا...

مهدي عرف راسو قرب يزبلهاا معاهاا...بقاا تابت وقال داير اديه فجيبو:وعلااش غانشد ليهاا لحساب؟!شنو بيني وبينهاا هياا ميتين؟!!سيدة عيطات ليا وقالت غاتعطل هاد صبااح..هادشي لي كاين...

خنساء نعلاتو فخاطرهاا وهيا كاتشوف فكمارتو شحاال مقزدرة...كايكدب عليهاا وعينيهاا فعينيه بلا حشمة بلا حياا...وهيااا عاارفاه مدوز اليلة عندهاا وزهى مع راسو بلمفيد معاها...ناضت غادة وهو يوقفهاا كايتوسلهاا بنضراتو:اجي عفاك معايا لبيرو..بغيتك...

كمل هضرتو ومشاا سابقهاا طالع مع الدروج...هزات الساشي فيديهاا و تبعاتو بخطوااهاا التقيلة...وصلات لعندو وسدات باب لبيرو

وقالت هازة حاجبهاا:شنو بغيتي؟!!

رد عليها بتحسر:وااش ملاحضتيش كيف وليناا عاايشين...هاد لحال لي ولينا فيه راااه طوااال وبساال.. معياااكش؟؟

خنساء بنبرة مرتاافعة:هاااااد لحال اشريف نتااا لي بغيتيه مااشي انااا...

مهدي قرب بخطوة لعندهاا وقاال: خنساء عفااك..كانترجااك اماا بركة...خلينااا نساليو هاد لخصاام...خلينااا نرجعو كيف كنااا...نساااي لي فااات لميمة اخنسااء...كانطلبك...وندير لي بغيتي غير رجعي لياا..هاد لخصاام كايقطعني..مابقيتش قادر عليه...

خنساء فكسات عينيها فعينيه وقالت:لحاجة لي غادي الدير هياا طلقني...رااك كاتحلم الى كايسحاااب ليك غادي نرجع معااك....

مهدي:طلااق هو لي ماغديش نطلق... نتي كاتقولي ليااا موت ماشي طلقني....حياتي بلى بيك ضلام ونتي لي مضوياها...كيف غانكون الى مشيتي وخليتيني...ربي لي خالقني وخالقك كايسمح...فعلاش ماتسمحيش نتي؟؟(كمل بإلحاح نابع من أعماقو وزاد قرب لعندهاا حتا مابقا كايفصلهم سوى خطوة)خلينااا نطويو صفحه الماضي...ننساو لي فات ونبداو صفحه جديدة...الله يخليك احبيبتي...

خنساء ضحكاات بجنب بستهزاء:ههه نبداو صفحة جديدة...سااهلة عندك تقول هاد لهضرة..حيت ماشي نتا لي كنتي فبلاصتي محبووس كانتسناا واحد بنادم تنزل فقلبو الرحمة يحن ويحل علييك..حيت مااشي نتاا لي شفتي ولدك كاايضيع (بتأكيد عينيها غرغرو)كاااايضيع ومقادر دير والو من غير توجع وتبكي...(صوتهاا تخنق وهياا كادكر فعلتو معاها) كااتسناني ننسا هاادشي ببساطة؟!!نلوحو مورايا ونرجع ليك بحالا حتا حاجة مطراات؟!خااصني نكون صخرة معند والديهاا حتا احساس الى بغيت نبداا معاك صفحه جديدة....دفتااار حياتنا قطعتيه امهدي...ونتااا لي خرجتي عليه بيدك...

رد عليها حاط يديه على درعهاا:الى تقطع نعاودو نجيبو دفتاار أخر...لمهم هو نبقااو بجوج...ماتخليني مانخلييك...انااا معترف اني غلطت فحقك بزااف...ولكن واش حنا ملائكة معصومين من لغلط؟!!(حط يديه على وجهاا كايتحسس خدها الناعم بحنان) ماتخيلش لفراغ لي كانحس بيه ونتي هاجرااني بحال هاكاا...قريبة مني وبعيدة فنفس الوقت...عقلي غايخرج من بلاصتو ونتي محااساش بيااا...

خنساء حيدات يديه من وجهااا محملاهش يقيسهاا: اخر مرة تحط يدك عليااا....شتي نقولك واحد لهضرة....رااااك مابقيتي كااتعني لياااا واالو...وااااالو...خرجتك من قلبي ومعمرك مباقي غاترجع لييه...

لااحت ليه هاد لهضرة لي تغرسات فأعماقو بحال لخنجر...وهو كايشوف نضرات الكره خارجة من عينيهاا... يلاه دارت غاتمشي وهو يشدهاا من يديهاااا بجهد جاارهاا لعندوو ملصق ضهرهاا على صدرو...شاادهاا بإحكاام مزير عليهاا متبتهاا معاه...محاول يتبت هيمنتو الدكورية عليهااا....نزل لعند عنقهاا ولصق معاه شفايفو منغم بريحتو لي توحشهااا بلاقيااس... خنساء غمضات عينيهاا مخسرة ملاميحهاا بنزعااج كبير..محاملاش داك لقرب لي ولا بيناتهم نهائيا..مشمئزة من ريحتو مبغااش تشمهاا ابداا...

نطقات كتحااول تفك منو كارزة على سنانهاا مغددة:مهدي طلق منييي طلق وبسع علياااا...

بقاا دافن راسو فعنقهااا لي لحضاات وهياا كاتنتر بعصبية شديدة مباغااش يقيسهااا...طلع وجهو وقرب لودنهاا ونطق بخفوت وبنبرة هامسة مغمض عينيه متلدد بقربو ليهاا:الله يهديك عليااا...صافي نسااي..راني كاانبغييك..بربي حتاا كانبغييك...دابا بغيتي ولا كرهتي...انا ليك ونتي لياا...معندك ماديري الى تقبلي هادشي...

خنساء جعرهااا تفكااات منوو بقوة دافعاه عليها...ولاات كلهاا كاترجف وترعد بلأعصااب...عينيهااا رجعوو حمرييين وهياا كاتشوف فيه محقدة فيه الشووفة:هااادشي لي باغي كايجي بلحب...بلمشاااعر... ماشي بالكبت لي فييييك...(وجهاات ليه سبابتهاا بتوعد)أخررر مرة تحط علياااا يدك..أخررر مرة....حيت اناا تقيييتك شحااال هاادااا...وخرجتك مني بطريقة لي معمرك ترجع ليااا فيهاا مزااال....

كملات هضرتها وخرجااات مفقووصة...فكل مرة كتأكد انو مكايحمل ولاو ذرة رجولة فداخل ديالو...مكبوووت وهموو لوحيد غير يشبع رغبتو...ولاو يكون بزز مكايهمش...خرجاات رادخة عليه بلباب بجهد...غادة بخطواات سريعة كاتمسح فعنقهااا ودراعهاا كاتفرك فيهم ريحتو لسقاات فيهاا محاملاش تشمهاا نهاائيااا مشمئزة منهااا....مخليااه موراهاا مغمض عينيه من كليماتهاا ليه لي كاتزيد كاتبت ليه انو مكااين رجوع بيناتهم غير كايضيع فلوقت....ضرب يديه مع لبيرو بقوة وعقلو تااالف معارف مايدير معاهاا...

مع نزلات مع الدروج وهيا تقشعهاا داخلة مع باب لكافي....ملاااك حتا هيا شافتهاا وهزات حاجبهاا....حاولات ماتبينش ندهاشها و قربات عند خنساء بخطوات بطيئة وهي كاتلعب بخصلاات شعرهاا ووقفات قدامهااا دايرة ليها ضحكة فوق النفس : صباح الخير مادام خنسااء .. كاتباني بيخير وعلى خير .. لدرجة شرفتينا على الصبااح فالقهوة ...

خنساء طلعاتها وهبطاتها ... كاتحاول مع راسهااا تشوف شنو الحاجة لي تخلي مهدي ينجادب ليهاا ... ماعرفاااتش شنوو هادشي لي خلااه يخسر مرتو وعائلتو على قبلو ... اكيد مغاتقولش شنوو لي ناقصها هي حيت بالنسبة ليها الانسان لي كايبغي مكايبداش يقلب على النقص ولا شنو خاص محبوبو ولا يفلي عيووبوو ... وانماا كيااخد ايجابيااااتوو والحوايج زوينة فيه ويخليهاا محور الصورة لي راسم علييه ...

حركات راسها بلا حول اصلااا كون ماشي داكشي لي مخططة ليه كون ساستو شحااال هادا وخلاتو ليها تطلا بيه كااع ولكن ماشي دابا ... نطقات بهدوء : صباح نور ... صبحتي ناعسة اليووم ...

ملااك عضات على قنوفتها وجاوباتهاا دايرة ليها ضحكة استفزاز : وييي ... سهرت الباارح فليل احبيبة عليهاا ماقديتش نفيق هاد الصباااح ... مي واخا هكاك صبحت فرحااانة واون فوغم

خنساء وسعات ابتسامتها ونطقات بهدوء : ايوااا مزياان بعد المراات الواحد مني كايكون متحمس لشي حاجة بزاااف وكايلقاهااا كايحس براسو ملك الدنيااا وكلشي ولا دياالو واخا فصراحة بعد المراات الحوايج لي كايجيو بالزربة كايمشيو بزربة ... ولكن مزيان الانسان يستاغل الفرص

ملاك هزات فيها حاجبهااا : كيفاش زعماا ؟؟؟ ..

خنساء دارت خصلة مور شعرها فودنها : هههههه ماشي مهم الغزاالة ... ( بتذكر ): فكرتيني جيت هنا باااش نشوفك ...

ملاك باستغراب : تشوفيني انا ؟؟؟ ...

خنساء مدات ليها الساشي لي كااان فيدهاا : وي حبييبة هاذا جاابتووو ليك نادية من الريف كادو ... تفكراتك بييه ... نتمنى يعجبك واخا انا عارفة ذوق حماتي زوين بزاااف ....

ملاك دارت ليها ضحكة صفرة وخداتو :اه شكرااا ... وصلي ليها شكري وقولهاا نردها ليها فساعة الخير ان شاء الله ...

خنساء : ههههههههه غاترديها احبيبة غاترديهااا كوني هانية ... ( دارت صاكها فوق كتافها ): ايوا نخلييك دابااا ...

ملاك : بسلاااامة علييك ...

خنساء يللااه غاتزيد وهي تدور بتذكر مصطنع : اااه وتمااا غاتلقااي شي حاجة من عندي ليك تماااا ... ماكرهتش حتى هي تعجبك ....

لاحت ليها هاد جوج كلمات وزاادت من تماا ابتسامتها على وجهها كاتمشي بكل تقة فراااسهااا تحت نظراات ملااك لي حلاات البوشيط لقات فيها كسوة ريفية وااعرة تقليدية خفيفة جابتهاا ليهااا نادية ... قلبات مزياان وهي تلقى لتحت ورقة من فئة 100 درهم وحدة اخرى ... قرمات حجباانهااا مفاهمااش لاش كاتعطيها هادشي : لا لا هادي صافي حمااقت ... شنو بغات تقصد ...

خنزرااات معصبة معاجبهاا حااال حيت الفكرة بدات كادخل ليها لراسهاا ولكن محاولة تنفيها ... مكاضنش ان خنساء ممكن تكون عارفة شي حاجة وتسكت هاكة ... مستحيل تسمح ليهااا تاخدو منهاا وتبرد لهاد الدرجة ... نفضات الفكرة من راسهاا اكيد عندها شي سبب اخر لي مخليهاااا تعطيها ديك 100 درهم ... حاولات تضبط راسهاا وماتعصبش وماتخصرش فرحتها ديال البااارح وتنكدها على رااسهااا ...

على طبلة الغداا لي كاتوجدها خنسااء وتقادهاا بالتااويل دايرة بيهاا نادية وساارة وراانيااا لي جات باش تغدا معاااهم وتشوف صاحبتهاا ... خنسااء حطات البلاطو ديال العصير : مرحبااا ياااختي كون ماطلبت وعاودت والله ماتجي تغداي معانا .. لي شاف

حالتك يقول نتي فمدينة وانا فوحدة اخرى ...

رانيا ضحكات : ايوا راكي عارفة عتيقة مني تشدني الصباح ماطلقني حتى للمغرب فداك المحل ...

سارة ضحكات : السيدة راااه فاام دافيييغ ... ياااك اراانياا ...

رانيا بطنز : هههههههه اييه كانلعبو هناااا ....

نادية سمعات الباب كايتحل : خنساء جيبي داك الطجين مهدي راه جااا ...

خنساء حركات راسها بايجاب وزادت للكوزبنة ومهدي دخل ديريكت للصالة بانت ليه رانيا ونطق بترحيب : اهلا رانياا زارتنا لبركة اختي

رانيا فوق النفس : الله يكبر بيك امهدي لاباس عليك ...

المهدي كلس : الحمد لله يسول فيك الخير و نتي مالين الدار كلشي مزيان

رانيا : الحمد لله ..

المهدي استنشق : الله على ريحة فالداار ... شحال توحشت طيااب خنساااء شحال هاذا ماشميت هاد الريحة

نادية ابتاسمات : دايرة واحد مولاي الطجين بالملج معسل حتى حقو وطريقو تاكل عليه صباع يديك ...

خنساء جاية بالطاجين : ايوااا كوول ماحد عطااك الله ... بحال والو ماتلقاهش من هنا للقداام ...

المهدي هز فيها حاجبو فاهمهااا مخصر فيها ملاميحو ...

نادية باستفهاام : علااااااش !!!!

خنساء ابتاسمات ليها : ايوااا راااه ماشي ديمااا كايكون الموراال لي يطيبوو ...

نادية : ههههه ايوا اللالة الله يخلي مورالك ديما طاالع ... قولو بسم الله

رانيا صحكااات جنب فاهماااهااا شنوو بغااات تقصد وعاجبهااا الدرو لي لاعبة علييهم وحتى هي مستمتعة معاهااا ...

سارة ماتصوقاتش ليهم خشاات رااسهاا فالطاجين كاااتاكل ما على بالهااش بهضرتهم ابدااا ... وكلهم قالو بسم الله وبداو يااكلوو بشكل عادي ... شوية هزو عينيهم فخنسااء لي بانت ليهم كتااكل بشرااهة على غير العااادة ... كاتاكل بزاااف بحاال الا شي حد كياااكل معاهااا وماشي بوووحدهااا ... طولو فيها الشوفة وهما كاينظرو لبعضياااتهم ماموالفااش ليهااا اصلاااا ... استغربو وخلاوهاا على رااحتهاا واخاا طاااح ليهم فيهااا العجب ... شوية وهي توحلها ليهم بصرخة منهااا ضااربة على الطبلة على حر جهدها قفزاااتهم : حبسووووووووووو ...

رانيااا قفزااتها جاتها على غفلة وساارة تخشاات فماماهاااا بخوف .. المهدي غير شااف فعينيهاااا وهو يعرف القضية غاتحماااض ....

نطقات مخنزرة فيهم وعينيهاا خارجين كأنها مرفوعة : برااااكة عليكم ... باغااا نااكل بووحدي ...

رانياا مامبينا والو نطقات بهدوء : خنسااء ...

دارت عندها مخرجة فيها عينيهاا بلااا حتى كلمة كاتشوف فيهاا بنظرااات غريييبة ...

المهدي بلع ريقو وهو يبان ليه الطبسيل ديال الديسير فيه الماااس وبداا يجمع فيهم رااد معاهااا البال ولي فورشيط لي فوق الطبلة هزهم ومدهم لساارة لي خايفة بلاا قيااس : شدي عندك هادو ...

خرجاات فيه عينيهاا سارة : علااااش؟؟ ....

خنزر فيهاا وهي تااخدهم من عندو خازنااهم ورا المخدة ...

نادية شافت فيها وحطات يدها عليها : بسم الله علييك ابنتي ...

خنساء شافت جهة سارة وبانت ليها خاايفة وهي تقرر تحبس بقات فيها ... رمشات عينيهاا وتنفسااات بصوت عاالي حاطة يدها على راسها بتبوحيط : اييي ... ( شافت فيهم بتعجب مصطنع ): شنو وقع ؟؟؟ ماالكم ؟؟؟ ..

نادية مابغاتش تحكر عليهاا عرفااتهاا ماشي نوغماال : والو احبيبة غير سهيتي شوية ...

رانيا طبطبات عليهاا : ماوقع والو ازين .

خنساء صغرات عينيهاا وناضت من تماا شادة على راسها : ايييي ... راسي ضارني غانطلع نتكا شوية ... بصحتكم

المهدي : تسناي نمشي معاك ...

خنساء بنفي : لا لا بغيت نرتااح غير كملو غداكم ... ( دورات وجهها وشافت فرانيا غامزاهاا وزادت طاالعة فحاالها ) ...

نادية تنهدات بضيق : هاد البنت مابقااتش عاجباني ... حالتهااا ولات كاتقطع فالقلب ..

المهدي : حتى اناا ... نهار على نهااار كاتزيد تمرض

رانيا دورات عينيها ونطقات : فصراحة بغيت نقولكم شي حاجة وماديروهاش مني قلة الصواب ودخلت فشغالكم ...

نادية : الله اودي ابنتي .. راك وحدة مننا ...

رانيا : خنساااء هاد الدقة لي فيهااا ديااال المس ... ضروري خااص يشوفهاا شي فققيه ...

نادية حتى هي دخلها الشك فهاد المسألة : فصراحة عندك الحق ...

نقزات سارة : مي سي باافغي مامي ... كاتأمني بهاادشي ... خنساء خاصها بسيكياطخ سي تووو ... سي نوغماال ابخي لي طرااا ليهااا تدمر نفسيتها... اشمن فقيه ولا شواافة ...

نادية : الله يهديك اساارة ... هادشي مافيهمش واش كتأمني بهادشي ولا نوو ... الجن راااه معروف وراه مذكور فالقران كيفما خلق ربي الانس راه خلق الجن .... وممكن خنساء مسكينة بصح تكون تقاست وحنا معارفينش والفقيه لي غادي يقولينا

نطق مهدي برفض : اناا مانقدرش ندخل على مراتي فقيه ماعرفتو اش يدير ليهاا نجي نبغي نداويها ونعورها ...

نادية :اييه داكشي علااش خااصنا شي فقيه تقة ... ماشي اي واااحد هادشي مافيهش لعب ... كاين لي كايرقي ويداوي بدكر الله ...

نطقات رانيا بزربة : ماما كاتعرف واحد الفقيه دقة ببطلة ... وكاع لي داز عندو تحرر من لي فيه بحال الا كاان غير كاايكدب ورااه تقة وعارف اش كايدير ( محاولة تقنعهم ): الا بغيتو نجيبو غدا يشوفهااا ... ومغانخسرو وااالو ...

نادية محاولة تقنع مهدي : مافيها والو الا درتي النية اولدي

المهدي طول فيها الشوفة كايتفكر لي جرا مؤخرااا ... مابان ليه حتى حل اخر من غير يوااقف ... حرك ليها راسو بايجااب واخااا مامقتانعش ولكن الا كان هادشي ممكن يساعدها حسن يجرب والا هاد الحاالة لي هما فيها ...

صبح يوم جديد...مع جواايه الضهر تقريبا... خنساء يلااه خرجاات من الدوش باقة ببنواهاا لاوية فوطة على شعرهاا المبلول...كلساات مقابلة مع لكوافوز هازة كريم مرطب بنكهة الفواكة كاتدهن بيه لحمهاا...سالات و هزات عطر تاع داات ورشاتو عليهااا...سمعاات لخطاوي جاين جيهت لبيت وهياا ترجع لابسة عليهاا بنوارهااا بزربة عاقداه فجنب و حيدات لفوطة من شعرهاا...دخل مهدي لقاهاا يلااه كاتنشف فشعرهاا...وجهاا منور وخدودهاا موردين باينة فيهاا تدويشة...مهضراتووش كيف لعادة...تنهد وقرب لبلاكاار...جبد منو شي حوايج من حوايجهاا طواال ومستورين حطهم على سرير وقال بنبرة أمرة:هادو هماا لي غاتلبسي...وديري شي زيف على دااك الشعر...راه لفقيه هادا لي غايجي يشوفك...

دارت عندو شافت فدوك لحوايج وقالت بطنز:لا عرفتي شنوو...لويني فشي مانطة حسن...(ناضت وقفاات ضاربة فيه غادة لبلاكاار) حيد حيد من قداامي...بركة علياا لفقيه لي جا يشوفني ماتزيدنيش بهمك حتاا نتااا...

مهدي بنفعاال :شنووو وااش عزيز عليك تجعري ديلمي بلعااني...تي مااالك على هاد لعنااد؟؟!

خنساء مداتهااش فهضرتو نهائيا وجبداات حوايجها عاادي من لبلاكار:حسن امهدي تمشي تبدل ساعة بخرى...بلاماتبداا تعرعر وتخلي خبارناا دييع...

بااقي كااتهضر حتاا دخلات عندهم ناادية شافت فخنسااء وقربات لعندها:صافي احبيبة دوشتي...لفقيه مابقا ليه والو ويجي مع رانيا...راهم فطريق

خنساء دبلات فيهاا عينيها ونطقات بتبوحيط معوجة شفايفهاا:ايه انا غادي نلبس داباا...

نادية حساات بيهاا حزينة..دوزات يديها على دراعهاا بحنان وقالت:بلا ماديري فبالك والو...راه هادشي عاادي وغير باش نحيدو الشك وصافي...حسن ماتبقاي هاكاا..نتي براسك مامرتحااش...

خنساء حركات راسهاا بلإجااب:اه بصح...

تسمع الصونيط فلباب.. نطقاات نادية كاتشوف فمهدي:هماا هاادو لي جااو...المهدي اجي معايا...

مشا معاهاا مهدي وهو كايشير لخنساء باش تلبس لحوايج لي حط ليهاا...ميقاات فيه وزادت كاتحيد لبينواار وتضحك فخااطرهاا كاتستعد طبق الخطة....

نزل مهدي و معاه نادية لقاات سارة حلات لباب لرانياا...

قربات عندهاا نادية وقالت كتساؤل بهتمام: بنتي شتك بوحدك...مجاش معاك لفقيه؟!!

رانياا:لا لا جا معايا...هاهو تابعني من لور غير كايتمشى بشوية داكشي علااش...

سارة قربات لعندهاا:اجي زعماا هادشي ديال جنون هو كايعرف ليهم ؟؟! يعني وااش هو افيكاس لهادشي...

رانيا بتأكيد:معلووم اصحبتي...دقة بطلة ..الى كان بصح مغايخليهش فيهااا...هاد لفقية كايعاودو عليه براكتو...وكايقولو مصاحب ݣاع مع جنون...وكايعرف ليهم مزيان...

سارة وسعاات ضحكتهاا حتاا تغمضو عينيهاا:ههههه شنووو مصااحب مع جنوون...وهيااا اناا مناسبا معااهم..هههه (حركات راسها بلا حول)ببففف تخربييق والله...

مهدي حمر فيهاا:ساارة طلعي لبيتك عفااك...

ميقاات فيه وقالت:داكووغ هااهياا غادة...خليكم مع جنونكم وفقيهكم...ݣود باااي....

مشاات طلعاات لبيتهاا سادة عليهااا...وتواني حتااا وصل لفقيه...كان كبير شوية فلعمر..لحيتوو كتيفة طاغي عليها الشيب بشكل واضح...لابس جلابة فلبيض...وطݣية فوق راسو...وهااز تسبيح فيديه...نطق بنبرة تقيلة:السلام وعليكم ورحمه الله تعالى وبركاته...

نادية بتاسمات ليه بلطف: وعليكم السلام اسيدي...زيد دخل...

يلاه فاات لبااب دور عينيه على دار وهو يوقف مسمر فبلاصتو... ونطق :يالطيف ياالطيف...اللهم لاااا نسألك رد القضاء ولكن نسألك اللطف فيه...يااربي تلطف بيهاا يااربي...

مهدي وسع نضراتو وقال:مالك اسي لفقيه اشكااين...

جااوبو فلبلاصة:فيناهياا السيدة؟!!

نادية:هااهياا فبيتهاا..هاحناا غا نديوك عندهاا....

رد عليهاا بجدية وااضحة فهضرتو بنبرة غليضة:غير خطيت عتبة لباب...لخبير ديالي خبرني بااش مانطلعش عندهاا بلا مجمر دخاانو طاالع...وهادشي مكايبشرش بلخييير...

وقف الفقيه قداام بيت خنساء والمجمر زااند فيدوو مغمض عينوو وكايقراا شي حوايج فنفسو متخشع فيهم ... معاااه نادية والمهدي ورانيا تابعينو من اللور ... غير حط يدو على القفل باش يحل البااااااب وهو يحل عينوو مطرطقهم : بسم الله الرحمن الرحيم... بسم الله الرحمن الرحيم ....

بداا كاايدور فالمجمر عند الباب ويكمكم تاني بصوت خاافت تحت نظراات نادية والمهدي لي متبعين ليه العيين ...

نطق كايشوف فيهم : السيدة هنااا مية فالمية ؟؟؟ ...

المهدي : اييه راااه هنا قلتها ليك من قبل اسي الفقيه ...

الفقيه : اييه ... ( عاود حطو يدو على الباب كايسمي الله ): بسم الله الرحمن الرحيم ... اعود بالله من الشيطان الرجيم

خنساء كانت وااقفة كاتسناهم يجيو من الداخل متوترة شوية ولكن كاتباان عادية ...

الفقيه هز فيها عينوو وهو يحوااال ... تلفو ليه الايات لي كاان يقراا والكلاام تفاارد ليه وهو كايطلعهااا ويهبطهااا .... ومع راسو مصدوم من الطولة والتجريدة والزين لي قدااامو .. مخاطب نفسو بشوية : اللهم ان كاان سحراا فابطله ... انا لي غادي نتسكن واقلة ...

شاف فالمهدي مخاطبو : خرجوا من هناااا ... خااص نبقى معاها بوحدي ...

خنساء غير سمعااتو وهي تجيها الضحكة بان ليها فعينيه غير شافهاا وحواال تسولو على القبلة تلف لييه فهاد اللحظة ... تقولو شنو هما المعودتين مايعرفهمش

المهدي هز فيه حاجبو : شناااهوااا ... كيفاااش تبقى معاها بوحدك اشرييف !!

الفقيه : جواادي مكايبغيوش الغااااشي ...( كايطلع ويهبط فخنساء بنص عين .. السيد النقطة طااحت ليه منين شاافهاا ): ومايحضرووش الا كان الزاايد ...

المهدي خنزر فيه : مكااينش الزاايد هنا وانا رااه راجلهاا .... غير دير خدمتك فخااطرك نتااا وجوادك مكاين لي يبرزطكم ...

الفقيه باجاز : واش نتا دابا غاتوريني خدمتي ...

المهدي طلع ليه الدم اصلااا هو مكايتيقش فالفقهة وعقلو خاصو غير سبة بااش يفكر فالوسخ ... نطق تحت سنانو بزز مكالمي : ياا غادير خدمتك اشرييف ياا غااادي نديرو حنا كااع بناقص من هاد الروينة كااملة

خنساء عرفاتو الا زاد كلمة وحدة غايكعا مهدي ويدير بنااقص كااع ويسيفطو فحالو وهادشي هي لي ماباغااش ... نطقات بهدوء : الله يخليك اسي الفقيه غير دير شغلك ...

الفقيه دار عندها بسمع وطااعة وصوتهاا الرناان شنج ليه الدمااغ : هي اللولة اللالة .. علااش لااا ...بسم الله على بركة الله ...

المهدي خنزر فيه وزاد جهة السرير كلس معاجبو حاال ..

الفقيه شار لخنساء : تكاااي هناا الالة ..

المهدي غير سمع تكااي وهو يشعل : تااا كيفااش تكااي !!!

الفقيه : ممكن تخلينا نخدمو الله يرحم ليك الواليدين..

نادية مخاطباه : الله يهديك اولدي خلي ااسيد يشوف شغلو ...

دور وجهو طاالع ليه الدم وخنسااء دارت مخيدة صغيرة فوق الطابي لي مفرشين وتكاات عليهااا ... قالها الفقييه ترخاا مزياان وتااخد النفس وهي كادير لي قالهاا بحال الا بصح وقرب لعندها المجمر كاايتلي بعض اللاياات فودنهااا وهي مغمضة عينيهاا بهدووء مكونسوطرياا معااه ... شوية وهوو يجبد قرعة من شكارتو فيها الماا ديال الرقية وبدا كايرش عليهااا ويقرا القرأن .. كايتلي اياات مختلفة اغلبها من اواخر صورة البقرة وصوتو كايضر فالرااس نوعاا مااا ...

بقااا على داك الحاال شوية وهو يقرب لعصاا ديااال فزكها حتى هي بماء الرقية وبداا يحطهااا على لحمهاااا بهدوووء ويهز ويعاود يحطها وهو مخنزر ناطق بنبرة امرة : خرج اعدو الله ... شنو جااابك عند هاد المخلوقة المغلوبة على امرهااا ... شنووو ... ادوي اعدو الله ... اش جااابك ليهاا واااش بغيتي منهاااا ... خرج اعدو الله ...

كايحرك العصاا بنفس الطريقة ويتلي بعض الايااات ويعاد يخاطبها : خرج اعدو الله ... مالقيتي فيين تعشش غير فجسم هاد المخلوووقة .... خرج اعدو الله وجاااوبتي خرااج ...

خنسااء تنفسات الصعداااء شوية وهي تبدا تحرك فراسهاا يمين وشمااال ... شار لمهدي يجي يشدهااا ويفيكسيهاا مزيااان وهي كاتنتر بطريقة غريبة وهستيرية كانهااا كاتاألم من الدااااخل او شي صراااع نايض عندهااا فجسدهااا ... وماحدو هو كايدوي وهي كاترطاااا لمهدي بين يدو بكل قوتهااا ... وبداات تكمكم بصوت خافت : نممن... مننن ... طل .ق .. منننم

الفقيه سمعهااا بدات كادوي بصوت غريب وهو يخرج عينوو هو برااسو ضهشر ... واخا كايدير هادشي مي غير كايدير لناس خاوية فعامرة ويلعب علييهم ... بلع ريقو محاول يتبت رااسو ويكمل على اش بداا : اخرج اعدو الله ... جاااوني اش جااابك ... اش جااابك لهناااا ... اش جااابك ... دوي اعدو الله ...

خنساء بدات تطلع قهقهة غريبة : ههه ... هههه ... ههه ... سير فحالك ... سييير فحاالك ... ولا مغادي يعجبك حااال ...

الفقيه هنااا تفاافااا ولا كايرمش هوو برااسو خاايف يتصرفق ولا توقع ليه شي حاجة .. هو موالف يقراا جوج حرووف وياخد وراهاا الفلوس لاغير ... القضية ولا فيها الجن .. تنهد كايمسح العرق لي بداا يتسرسب منوو مفاافي : علاااش جيتي وشكوون جااابك ... شكووون مول هااد الفعل دوييي .. شكوووون جااابك ... شكوون امرك تهجم على هاد المخلووقة .. ادوي اعدو الله

خنسااء بداات تقلب فعينيهااا والمهدي شادهااا غير بزز كاطير لييه فيدوو حاس برااسو ميت بالرعب متبت راسو غير بزز ..

نطقاات كاتعض على شفايفها : منن ... تخطاااتووو ... مااشي ديااالهااا ... ماااشي ديااالهااا تخطاتوو فالحمااام مممننن ...

الفقيه حاول يبقى مكالمي وزاد من سرعة تلااوتوو وهاد المرة كايقراا ايااات العداااب ... خنساء عرفااتوو كايقراا اياات العداب السيدة قبل مادير هادشي شبعاات تفرااج فالفديوهات بحاال هاكاا بااش ماتغلطش ... نطقااات كاتعلي صووتهااا وتضحك كأنها ماشي هي : منن هههههه ... ههههه الا عند باالك هاكاا غاتأديني هههههههههه ... ههههههه فراااه مااعمرك شفتي فحااالي ... مااااااعمرك شفتي فحااالي ... خليهاا ولااا غانديوهااا ليييك ... غانديييوهاااا لييك ... ( كاتنتر وترطااااا وتقلب على حر جهدهاااااااا لدرجةةة شوية وتفلت من يد مهدي مكملة كلاامهااا ): عطيييهاااا بالتيسااااع ومااتخاااف وااالوو .. هي فالاماااان خليهااا وماتخااافش ... خليهااا ولاااا مغااايعجبك حااال ...

الفقيه ضهشر بالمعقوول وهو كايسمع الكلاام لي كايقول الجن حس بالبولة غاتهبط ليه بين رجلييه مابقااش قااد يصبر وهو ينطق : الله ياربي وقت الصلاا هااذااا ... الظهر ودن اسي مهدي ...( ولا يدخل فالهضرة ويخرج ): اعود بالله من الشيطان الرجيم.. اعود بالله من الشيطان الرجيم

المهدي شااد خنساء لي كاترتا بين يدو بالجهد حلفاات لا حبساااات وخاطبة بعصبية : الله يهديك اسي الفقيه العاصر راه ودن قبيلة اشمن ظهر ...

خنساااء قشعااات مهدي ملااااهي وهي تهز رجلهااا بركلة نزلاااات علييه لمعلم حتى طلقهاا عينيه حواااالو كانت حالفاهاا فييه : اااااااي ايييييي ... اييييي ... ( شد فحجرو عينيه غرغرو بالدموووع زوااتو ديال المعقووول كلس فبللاصتووو جااامد عااض على قنووفتوووو كايتزبر .. ): ااء مممم ...

نادية مشاات عندو كاتشوفو والفقيه شد خنساااء لي بقااااات كاااتنتر تنتر لييه فيدو على حر جهدهاااا وهي تسخف جتة هاامدة بلااا حرااك ... الفقييه شافهااا هكاااك وهو يهبط ليه المااا للركاابي ... ماتنفس ورجعاات فيه الرووح حتى بدات تنين بشوية بشوية وتحل عينيهاا بتتاقل كاتنهج وصدرهااا كايطلع وينزل بالجهد

المهدي باقي مقسح : ياك لاباس اسي الفقيه ..

الفقييه : لا والو بااس ... انا نقراا عليهاا شوية ترتااح وعاد ندويو ...

المهدي حرك راسو بايجاااب محاول يوقف غير بزز معااونااه ناادية حتى وصل لسرير كايتمشاااا فرك بقوة حر الضربة لي عطاتو كاانت غاتفكس لييه بيضااتووو بركلتهاا ... كره الرقية والفقهة والجنوون ومايجي منهم ... كلا دقة ديال الغدايد لدرجة عينيه حماااروو

خنسااء من الدااخل حاسة براسهاا غاتنفاجر بالضحك على هاد المسرحية لي دارت فيهم وكل واحد فيهم متيق راسو اما سي الفقييه يديه ولاو يترعدو قداامهااا متبتة راسها بالكشاايف ... قراا عليها الفقيه شوية القرأن بااش ترتااح وحتى هي دارت ليه الخاطر وغمضات عينيهااا زعماا راه نعساات ...

غطات نادية خنساء بعناية وهياا ناعسة قادات راسهاا على لوسادة...وخرجوو بتلاتة بيهم هابطين مع لفقيه بعدماا سدو عليهاا لباب مخلينهاا ترتااح...

دخلو لصاالون وݣلسوو...نطق مهدي بقلق كبير وواضح على ملاميحو: دابا اسي لفقيه...أشنو بان ليك فحالتهاا...

هز لفقيه قرعة لما كانت فوق الطبلة..كوب لما فلكاس ونزل عليه دقة وحدة شحفاان...وقلبو كايضرب بخوف شديد....

هز مشوار من جيبو مسح بيه جبهتو لي عليها قطيرات تلعرق...

عاد جاوبو بضيق:واش غانقوليكم أسيادي...لقضية عندهاا صعيبة شوية...خليتوها حتاا فرد فيهاا لحال بزااف... كان من الطيحة اللولة تعيطو عليا نجي نقرى عليهااا ونشوفهاا...ماتخليوهااش حتا لقااو فيهاا مابغاااو...

نادية:كيفااش خليناها حتا لقاو فيهاا مابغااو؟!(كملات بنبرة منخافضة خايفة) هياا فعلا مقيوسة؟!!

جاوبهاا لفقيه بإجااب:هادشي لي كاين الالة...لبنت مملوكة و مااالكينهااا تلاتة...

مهدي وسع نضراتو ونطق بعدم تصديييق: شنووو؟؟؟

لفقيه بداا كايحرك راسو بتأكيد واتق من هضرتو:اييه كيف كاتسمعوو مملوووكة و ماالكينهاا تلااتة...كايتنااوبو عليهاا كل مرة شادهااا وااحد...ورااه كايضاربو باش ياخدوهااا...وهادشي بسباب السحور لي عفسات عليه...هو سباابهااا...

نادية شدات على راسهاا بصدمة...ومهدي زير على قبضة يديه مغدد...

رانيا نطقاات بنبرة باكية دايرة فيهاا محطمة:مسكينة خنساء...وفين كان مخبي ليها هادشي كاامل...

رد عليها لفقيه:مكتاب الله ابنيتي...انااا رااه لباارح ملي جيتي لعندي وقفووو علياا بليل فلمناام..جايين يخلعوني باش مانجيش لعندهاا

رانياا خسرات ملاميحهاا بخوف:بسم الله الرحمن الرحيم...

الفقيه:ايييه دااوي معااك بصح...واحد فيهم عندو عين فجبهتوو..وتااااني كسدة بلا راااس...اماا تالت مافيه مايتوصف

نادية شهقاات وبلعاات ريقها بهلع: يااربي السلاامة....

كمل الفقيه بنفس النبرة:واحد من هادو لي مالكينهاا جن من السند...وتاني من السوس..وتالت مخلط...ورااه مغايتهنااو حتاا يسااليو معاهاا ويتلفوهاا على لقبلة...الديار لي مديور ليهااا باش تكره راجلها وماتشوفش فيه... وهما باغين ياخدوهاا ليه ويزيدو يكرهوهااا فيه...

لفقييه نجح فأنو ينفخ ليهم رااسهم مزيااان ...كلهم تبدلو ملامحهم لصدمة ممزوجة بخوف شديد على خنساء...بلخصوص مهدي لي زير على شفايفو بقسوة بقات فيه بلاقياس وقطعات ليه قلبو...

مسح على وجهوو محاول يضبط اعصااابو وراسو وقال:دابا شنو لمعمول...واش غاتبقا هاكا؟...

الفقيه:واش غانقوليك...اناا غاندير لي فجهدي وكتر...غانصيب ليهاا لماا لي غاتولي دوش بيه كل جمعة مع الوقفة....وغادي نصيب ليهاا شي بخوور تولي تبخر بيهم حوايجهاا ولبلاصة لي كاتنعس فيهاا....(كمل كايتنحنح ويحك فلحيتو)احم...غير هو هاد لبخور كايجيوني من مكة غاليين شوية فتمن...

مهدي رد عليه فلبلاصة مقاطعو:ماتخممش للفلوس لي بغيتيهاا غانعطيهاا ليك وبزايد...والى مشاات حتاا صحات لياا مرتي بربي حتا نعطيك لي بغيتي وبلا تحاسيب...غير دير لي عليك...

لفقيه غاسمع حس لفلوس و فرح بتاسم فخاطرو بسعادة خفية و بداا كايحلف بإقنااع :غااتهنااا والله ياولديهم حتاا نخرجهوم منهااا يابزز يابلخااطر....راني الفقيه السوسي واجرك على الله...جااوني كفس من حالتهاا وتشفاو على يدي...(نااض وقف)دابا خاصني نمشي مانبغيش يدركني المغرب فزنقة خاصني نصليه فوقتو مع الجماعة...غادي نوجد ليهاا لمسائل ونقاد الأمور ونعاود نرجع عندهاا...وبإدن الله غادي نخرجهم منها..رااني(مهدي ناض وقف مقاطعو عارفو غايبدا يعاود فنفس الهضرة ومغايسااليش)

نطق وهو خارج من صالون:يلاه نوصلك لباب...

ودع الفقيه نادية ورانيا و مشاا هو ويااه حتاا لباب...مهدي نطق بتساؤل:شحال حسبتي علينا هاد لمجية...

رد عليه بهدوء:باشما سخااك الله اسيدي...نتا ووجهك(زاد قرب لعندو ونطق مخفض صوتو كاببتاسم)ومحبة الزوجة المصون عندكم...

مهدي تنهد:اودي الى جيت نعطيك على قد محبتها عندي هادشي كامل لي كانكساب نحطو ليك ومزال يخصني مانزيد...

لفقيه حط يديه على كتفو:الله يخليهاا ليك...راه عندك الأجر فهادشي لي كادير معاهاا...غادي يعلي درجتك ان شاء الله

مهدي:ان شاء الله...

جبد بزطامو هز منو داكشي لي كان هاز معاه...دعى معااه لفقيه وزااد مشاا فحاالو...مخلي موراه مهدي تاايه معرف فين يعطي رااس داايخ بلمعقول...

يتبع...