محتوى القصة
صبح نهار جديد...مع فاات لعصر بشوية و شميسة بدات كاتطفى وحرارتهاا قلاات...
كانت واقفة رانيا بكسوتهاا الصيفية و نضاضر فوق من شعرها قدام باب دارهم...معاها عتيقة بجلابيتهاا و فولار خفيفة على شعرهااا لي بااينين بعض خصلاتو من لقداام...و معاهاا سيمو داير اديه فجيبو كايتسنااو فسمااعيل ينزل...
شافت رانياا فمݣانتها و نطقاات بقلق:تعطل بزااف...هادي كااملة صلى ؟؟
عتيقة: داباا ينزل صبري شوية و نتي شاعلة فيك لعافية غا بوحدك...
سيمو:هههه اناا على نيتي جااي كانجري بزربة بااش مانعطلكمش ساعة غا زربت رااسي...
هضرتو اللخرة جات فودن سماعيل نيشاان و هو خارج من داار...قرب لعندو عاقدهم و قال:شنوو..تنادم معاك لحال حيت جيتي بكري...مكرهتيش تعطلناا و تخليناا معلقين كانتسنااوك؟!
سيمو : لا الله اودي...غير خفت لا دهايبي صاحبي يسد داكشي علاش...
اسماعيل: و يسد الى بغا يسد و يعيط علينا حتى حناا نطرقو معاه .. و شكوون قالك اصلا حناا غادين عند صاحبك؟!..لحاجة سواقية و لي لابسهاا كلشي معند بنتي ماادير بيهاا...
رانياا بزربة نغزاات مهااا بااش تدوي معااه....عتيقه زيرات على شفايفها و نطقاات محمرة فيه:سمااااعيل...
رد عليها ببرودتو:خليني نهضر مع دري...(شاف فيه) سمع غانديكم عند وااحد السيد صااحبي عندو دااكشي ديال الرفيع...هو لي غانتقدااو عندوو...
سيمو غير سمع سيد صاحبو هو لي غادي يتقدااو عندو و هو يبلع ريقو...عارف لقضية غاتكوون حاامضة... رانيا تنهداات بعمق تقول غادة على عينها مع اسماعيل لي عارفااه اشغايختاار الى مشاا معااهم...كاطلب الله مايوقعش شي مشكل و سيمو يفقد اعصابو و يصدقو قالبين لمحال بلي فيه... بلخصوص اسماعيل لي محاملو مقابلو عريس لبنتو.. كايقلب ليه غير على السبة...
ووصلو للقصارية و داهم ديريكت لعند الدهايبي صاحبو لي غير شافهم و هو يرحب بيهم تقول كايتسنااهم...
جبد ليهم ݣاع لأنواع تاع خواتم الزواج لي عندو باش يختارو منهم...
شكيلات لي جبد ليهم خواتم من دهب لصفر...انيقين و خفااف..ديال الزواج فيهم حجيرة وحدة لامعة...
شاار سيموو لوااحد منهم بصبعوو عجبو و قال مخااطب الدهايبي:عفااك عطيني هداا نشوفوه...
سمااعيل و سع شوية من نضراتو و قرب لعندو نااطق بتسااؤل:فين فين لي قلتي؟!!!
نقزاات رانياا بابتسامة كاتشير ليه:هداا ابابا..حتاا اناا عجبني...
داار فيهاا نضراات تااع من نيتك كاتدوي...
الشي لي خلى ابتسامتهاا التلاشى شوية بشوية....
نطق سماعيل موجه هضرتو لسيمو عاقد على غبااشتو:تاا ماالك حمااقيتي...باغي تلبس بنتي سلك...فينماا تلبسو يبداا يجرحهاا فصبعهااا....وزيدوون الفااهم فين بااقي دهب الصفر مووضة...
سيمو بقاا محاافظ على تباتو صابر ليه...وخاا قربو لعفاارت يشطحوو فوق راسو...
نطق بهدووء:و كوون مكانش اسي سمااعيل موضة ݣاعمة يكوون باقي كايتبااع...و تمنو ديماا طاالع معمروو مكااينزل...
سمااعيل:اناا بنتي مغاايجي فصبعهاا الى دهب لبيض...هو لي واازن و عااطي لعيين...مكايشريوه غير دوااقة....أماا دهب لصفر من والى كااياخدوو...لي عندو ولي معندووش....
رانيا تدخلاات عارفة طرح غايسخن:احم...ههه حتاا نتاا ابابا دهب دهب...كلهاا عندوو قيمة
اسماعيل خاطب الدهاايبي بطلب كايشير بصبعو للخواتم لي فلڤيترينة لي حداه:جبد ليناا هاادو عفااك نااخدو منهم...
رانيا غير جاات عينيهاا عليهم و هياا تشهق فخااطرهاا...كانو خوااتم رااقية بزااف كاتلمع من بعييد...عاطياا لعين دياال بصح...من دهب لبيض محجرين حجر حقيقي...
دغيا جاات عين اسمااعيل على لخاتم لكبيير فيهم...شاار ليه اجبدوو ليه و هز كايبتااسم عااجبوو:ماشاء الله...هااداا هو لخااتم و الى فلا....من دااكشي رفييع...
راانياا شاافت فيه و عقداات حجباانهاا...جاايهاا كبيير بزااف و محجر بلا قياس...وخاا رااقي و فخم فمنضرو و لكن مااشي من ستاايل لي كايعجبهااا وعااد بااينة غايكوون غاالي...
مدوو ليهااا و قاال: هااكي لبسييه نشوفو فيدك...
سيموو مسح على جبهتوو محااول يتكالماا بلكشاايف...متفهم انها بنت وحدة لي عندو و من حقوو يتعلق بيهاا...ولكن جاايه هاادشي دياالو مباالغ فيه...فلأصل هماا لي خااصهم يختاارو لخااتم لي بغااو... وهو لي خااص يقيسوو ليهاا مااشي هواا...عارفو كايدير هاكاا غير ضد فيه بااش يجعروو ..صاابر وزايد فصبرو على ود رانياا و بس... واخاا شحاال من مرة كايبغي يتشكى من معاملة باهاا لمستفزة و لي مبينهاا ليه بلعلالي...
نطقاات رانيا برفض كاتشوف فيه:لا ابابا لا ماعجبنييش...
اسماعيل مداهااش فهضرتهاا و نطق مخاطب الدهايبي:بشحاال هداا عفاك؟!!
رد عليه بلطف:ليك نتاا حيت معرفة دياالناا غايبقى لييك بسانك ميل ديغام...
رانيا طرطقات عينيهاا من تمن:لا لاا..غانشوف وحد اخر ....
اسماعيل: قيسييه بعدااا عااد حكميي..
رانيا بحدة: وااا لا ابابا ماعجبنييش هياا ما عجبنييش...واناا مغااديش نلبس شي حاجة ماعجبانييش...
نقز السيمو:صافي مبغااتوش غانشوفو وااحد اخر...عطاا الله فين نختاارو...مكاينش غا هداا...
سمااعيل نطق مخااطب نفسو بكتووم:مممم تا اصلا طاالب عليهاا....(شااف فرانيا مخنزر)شنووو فيهاا الى خديتيه...غزاال عااطي لعييين...فين غاتلقااي خااتم بحاالو منخوي...(شااف فعتيقة لي واقفة حدااه ماتنكرش حتاا هياا عجبهاا)ولا لاا اعتيقة؟!!!
عتيقة:زوين ولكن شوفهاا هياا شنو بغاات
رانيا: اباباا رااه اناا لي غانلبسووو...هداا مغاناخدووش...مشارجي بزااف و اناا كانميل لحاجات لخفيفة مااشي بحاال هاكاا...و زيدون تقيل على صبعي غايقنطني...
اسماعيل خلاهاا على خااطرهاا ماابغااش يضغط عليها...نطق ماااد ليهاا تختاار:شوفي شنو. عجبك فهاادو و طلقيناا...
داارت ليه خااطرو و ختاارت من لخوااتم لي قداامهاا بلا ماتمشي لوحدين اخريين...عزلات وااحد فيهم ساامبل و انييق جاهاا مع يديهاا زويين..عجبهاا بزااف و رتاحت ليه وحتاا سيمو عجبو
نطق مخااطب سيد:بشحاال كايبقى هدا؟!!
جاوبو بهدووء:ربع الف درهم... وغير ليكم نتوماا...
رانياا كانت بغاات تراجع جاهاا غالي...يلاه غاتحيدوو ولكن حبسهاا سيمو وقال:جا معااك زويين غير خليه...مغاايجيش فصبع شي وحدة كيفهاا جاا فصبعك...
نطقاات هامسة بشوية: ولكن غاالي..
سيمو:حتاا حاجة ماتغلى عليك...
بتااسماات ليه بخجل فرحاانة و فكل مرة كاايزيد يكبر فعينيهاا كتر وكتر... كااتشووفو وخاا على قدو ولكن كاايدير لمستحيل بااش يرضيهاا و يخليهاا فرحاانة...
خلص لسيد بشيك بحكم مكانش هاز لمبلغ كامل...او بلأحرى ممعولش عليه معول غير على نصو....
خرجو يكملو شرياان تاع الدهااز لي بقاا...يلاه بعدو سيمو و رانياا على سمااعيل و هو يشد فعتيقة معاجبوو حال:شتي كيفااش هازة ليه من داباا...باغة تولف ليه من داباا الرخااا...
ردت عليه عتيقة ناهضة فيه:هنينا و زييد..راه بااقي تابعناا شلا مايتقضى وااش غانبقااو نتلااجوو فزنااقي...
سمااعيل:اناا هااد لمݣرد محااملو مقاابلوو وااقف ليااا هناااا(شاار لعنقوو) بزز بااش بااش كانكمل فيه شوفة...لي مصبرني هو داك لورت لي مابقيناا عرفناا عليه حتاا خباار
عتيقة:بنتك بااغااه...سدينا...صاافي خليناا نمشيو بركة من كترة لهضرة...
خنساء لابسة عليها كسيوة خفيفة داخلة لدارهم حسات براسها قنطااانة فلمحل مع رانيا مكايناش وحتى عبدو ماحلش المحال مشا يجيب شي سلعة ولفاتهم معمرين عليهاااا ... تلاقات مع العربي كالس فالصالون شاد التلفازة سلمات عليه بايسة ليه يدو
العربي : الله يرضي عليك ابنتي...
خنساء كلسات : امييين ياربي
العربي : شفتك جيتي بكري اليوم ؟؟ ...
خنساء ساطت : عيييت اليوووم كنت كانستف ديك الروينة لي جبت دسلعة وعاد رانيا مشات تشري شي حوايج خاصينها لدهاز ... ايوا قنطت واصلا الحركة عيانة هاد الاياام ... مكاين مايدار
العربي : اه الله يكمل عليها بالخير ياربي ... داك الولد ضريف الله يتاويهم بالخير ...
خنساء : امييييين ... فين هي نسرين ؟؟؟ ..
العربي: مشات مع عمتك للسوق يتقضااااو ... جراتها معاها راكي عارفاهااا ...
خنساء ابتاسمات : هههه اييه ... انا غانوض نبدل علياااا ...
زادت من تما وطلعات لبيتها بدلات عليها لبسات بيجامتهااا يلااااه كلسات فوق الكوافوز كاتمسح الميكاب ديالهااا وهو يصوني ليها التلفون بانت ليها ابيل فيديو من عبدو ... ابتاسمات وجاوبااات حااطااه فوق الكوافوز ونطقات بصوت عدب وصدرها باين من فوق بيجامتها قداااش ... كادوز القطن على وجهها : اش تمااا ؟؟؟ ...
عبدو شاف فيها وعينيه ديريكت مشااات لدرعانهاا لي باينين مع لابسة نص كم كايشقشقو بالبياض وهربهم بالخف : عند بالي غاتكوني فالمحاال سديتي ؟؟؟ ...
خنسااء كاتمسح وجهها : عييت وجيت فحااالي .... نتا ساليتي شغالك ؟؟ ...
عبدو بايجاز : ويي راااه حطيت سلعة وعكزت نستفها حتى يكون سيمو ونتعاونو عليها ... واصلاااا كتافي كايحرقوني الجهد ليها والو ...
خنساء بطنز : ههههههههه شرفتي شرفتي .... قرب يفوتك الفووت
عبدو : وايييه ... نيت بغيت نسولك ؟؟ ...
خنساء : وي شنووو ؟؟؟ ...
عبدو قرر يتشجع : اش بان ليك نعطيو لبعضياتنا فرصة اخرى ...
خنساء خرجات عينيها : كيفااش زعمااا ؟؟؟
عبدو نطق بصوت باح : زعمااا غير نعطيو فرصة لعلاقتنا ... زعمااا مانبقاوش اصدقاااء نحاولو تقربو كتر ماتعرفي نتفاااهمو ... فصراحة مابقيتش قاد نصبر كتر من هاكا ... انا وياك ماشي ديال الصداااقة ... انا كانبغيك دبصح اخنسااء ... اش بان ليك ؟؟
من بعد هضرتو اللخرة خنساء تبلوكاات...حطاات لقطن من يديهااا و بداات غير كااتشووف ملاقياا مااتقول...هياا عارفاا اعجابوو ليهاا ومشاعرو تجااهها...ولكن صدمهاا ملي جاهاا فااص وقاليهاا لي كااين و فعلاا صداقة اخر مكاايفكر فيهاا تكوون بيناتهم...مضنتهااش واش تكوون فدااك الوقت بضبط وتجي بديك الزربة...بحالا كان كايتسنى غير ترطاب و تحل ليه لباب بشوية و يجيهاا نيشاان... تبلوكاات و ماعرفات بااش تجااوب...
عبدوو بقاا سااكت قلبو كايضرب...تسناهاا تدوي و هياا بقاات فنفس الوضعية مرادة عليه لا بأه لا بلا..
عااود نطق برجاء: خنساء دوي قولي شي حاجة ماتبقاش ساكتة...
خنساء هربات عينيهاا من الكام:عبدوو من لأحسن نبدلو لموضوع مااشي وقتوو...
جاوبهاا بنرفزة:علااااش مااشي وقتوو... عطيني سبب وااحد لي مخليناا مانقدرووش نكونو مع بعضياتناا...
تأففاات خنساء شادة على عينيها و حلاهم... كاتحااول تفكر بطريقة بااش تتهرب من طلبوو...
بلع ريقو و قال كايحرك رااسو:اااه صافي فهمت...باقا شاادة من جيهتيي على داكشي لي وقع سنين هاادي...باقاا مبغاااش تنسااي و تطوي صفحه ياااك...
زيراات على يديها حتاا تبرزو لعروق فيهااا...حابسة راسهاا بزز بااش ماتعااودش تفكر شنوو طرى...و بلخصووص كليمااتو ليهاا لي باقا لحد السااعة كاتسمع عندهاا مناسيهااش...مزاال كاطلع و كااتنزل فيهاا...
خدات نفس معمق حبسااتو فدااخل دياالهاا وقالت بهدوء مامحاولة ما تبين ليه والو:لا مااشي على دااكشي...اصلاا كايبقى مااضي..مات و دفنتووو
عبدو بإلحاح: خنساء...عطيني فرصة...نسااي لي فااات....كانقسم ليك بلي خلقني و خلقك حتااا نتي لوحيدة لي بغيت فحياااتي...معمرني قدرت نساااك... صورتك كاانت ونيستي وانا بين ربعة لحيووط...كاانبغيك و كاانتوفى على تراااب لي كااتمشي علييه...
خنساء خرجت تنهيدة حاارة من صدرهاا وقالت: عبدو عفااك راا...
قاطعهاا مكمل على هضرتوو:مكااايدوزش نهاار الى ماافكرتش فييك...حااولت نضغط على رااسي مرااات و مراااااات و لكن مقدرتش..حتاااا ملي كنتي مزوجة نتي عاايشة حيااتك وانااا لعاافية شاااعلة فيااا...ووخاا هكاااك ضغط على رااسي و حااولت نبعد نخليك طرونكيل...كانقول نكدتهاا عليهاا مرة منعااودهااش...خليهاا تعيش هاانية مع راجلهاا الله يسهل عليهاا...هكاا كنت كانصبر رااسي فكل مرة كاانتفكرك فيهاا...ولكن دابااا لااا...تبدل كلشي...نتي حرة و مابقاا عندي لااش نصبر رااسي...لااا ماانقدرش... وبلخصوص رااني ملي كاانشوفك كل نهاار قداامي...و شحال من حاجة تصلحاات بيناتناا بجوج...
خنساء رمشاات لعدة مرات متفااجئة من هضرتووو...دااكشي كاامل مخبييه كاايقلب غير على لفرصة فين يحطووو....
قااالت بإجااز محااولة ماا امكن تتهرب من طلبوو: معرفتش... من بعد اعبدالله من بعد...بدل هااد لموضوع...مااشي وقتوو ...
مسح على وجهوو بإحبااط شديييد...هكااك خلاتو معلق معارف رااسو من رجلووو...و لو بصيص امل معطااتوش ليه...
نطق بنبرة يأس:واخاا لي بغيتي...ولكن ديري فباالك مزاال غااندويو فيه...و عن قريب...
خنساء دارت راسهاا كاايعيط ليهاا شي حد بااش تسل منوو:هاااني جايااا بلااتي...صافي خاصني نقطع...بسلامة حتااا لغدااا.....
فلبلاصة قطعاات عليه متسنااتو حتاا يدوي..حااطة تيليفوون بنزعااج....شاادة على راسهااا بيديهاا بجووج كااتخمم...و معاارفة شنوو غاادير بضبط...لحااجة لي عارفة انو لاح ليهاا لبااص...و غاايبقاا لاصقهاا مغاايتفااكش...حافضااه مااا و عاارفااه مزيان كيف دااير...
صباح جديد طل على المدينة باين من اولو غايكون سخون وشاعلة فيه العافية من اشعة الشمس لي ضاربة ... كالسة رانيا فالكرسي هي وخنساء قررو يجيو بكري يستفو السلعة باش ماتبقاش تابعاهم لعشية فالوقت لي كايكونو الكليان وضربو تسييقة للمحل ولات ريحتو غزاالة وبردوه شوية من الحر ..
سالاو شغاالهم ووجدو قهيوة كلسو كايتحتتو عليها ويتعاودو على لي طرا الباارح ورانيا كاتعاود بحرقة : لهلا يوريك اصحبتي المكازة لي دخلنا ليهاااا يمشي يضرب ضورة على الاتمنة يشوف الحاجة الغاالية هي لي تعجبو ويقولي شوفيهااا ... سيمو مسكين ولااا حمر بقوة الفقسة وحابس راسو غير بزز ... لي محتاجة ولي مامحتاجاهاش خديناهااا ...
خنساء ضحكات : ههههههه ولاهيلا زوينة هاااادي ... ياختي كلمة الحق تقال باباك عيق تااني ... وا نتي عارفة سيمو جيبو على قدو خاتم ب 4000 درهم تمن باش يشري دهاز كاامل ... حشوومة ...
رانيا : واش عند الميت مايدير قدام غسااالو ... عييت معاه ووالو وحتى ماما ماعجبهاش الحال ولايني مافجهدها مادير ...
خنساء : يااختي الله يحسن عوانو ... كون مكانعرفش عمي اسماعيل حق المعرفة نقول غير كاتزيدو فيه ... وكان منعرفكش ازكي نقول الحاج المكي ... راه سيمو داير فوق الجهد فصراحة ...
رانيا ساطت :لهلا يوريك راااه غير صابر نهااار ينوض غايسمح فجمل وماجمل ...
خنساء : هههههههه واا من حقو غايولي يقول اشداني لشي زواج ومايجي منو ... راه كايقوليك ماتكلس فقهاوي مايدلاو علينا قلا*ي ... هي ديالو مسكين هههههه
قاطع حوارهم واحد الكلياانة داخلة هازة فيدهااا ساشي ... خنساء غير شافتها كحلات بالعما موالفة تقضى عندهم وكاتفقسها بتبعكيكها .. ناضت دايرة ابتسانة صفرة : اهلااا الهاام ... مرحبااا ...
الهاام : يرحب بيك الخير .. صافا عليك هانية ؟
خنساء بايجاب : الحمد لله يسول فيك الخير ... اش حب الخااطر ...
الهام بنفي : لا احبيبة ماجيتش نشري ... ( حلات الساشي لي فيدها جبدات منوو كسوة شراتها من عندهم يوماين قبل ): هاد الغوب جاتني مزيرة وبغيت نبدلها...
خنساء هزات حاجبها وخداتها من عندها كادقق فيها النظر قرباتها لنيفها شوية وشمات فيها ريحة بارفاان باينة ملبووسة من الطيارة ... نطقات : ولكن االهام هادي راه ملبووسة .. وعاد نتي قيستيها هنا وجاتك مزياانة ... مايمكنش ناخدها من عندك ونتي ديجا لابسااهااا وجايباها من بعد يوماين
الهام خرجات فيها عينيها : لاا انا لبستها وحيدتها مساليتش هااد يوماين باش نجيبها ليك ..
خنساء محاولة تبقى مكالمية ماعندهاش مع هاد النوع بالمرة لي كايبغي يستحمرها : الله يهديك االهام الكسوة ملبووسة راه باااينة ... وحتى واحد مايبغي يردها ليك ... واش ناخدها عندك وتبقى واحلة فيا وماشي حتى شي حاجة رخيصة انا براسي واخداها بتمن ..
الهام بغات تحمر فيها : شوفي الله يرحم الواليدين انا الكسوة معاجباتنيش ومجاتش قدي هي عشرين ... مغاديش توحليها فيا بزز ...
خنساء هنا طلعات ليها القردة مابقاتش قادة تسكت ليها وهي كاتهز واخا غالطة وباغاها بزز تشدها من عندها واخا عندها الحق متاخدهاش حيت ديجا كرفصاتها : ايوا الالة مني ماعجباتكش ماتاخديهاش من اللول ... خليها تسنى رزقهااا بلا هااد الفعايل الخااوية ... وباش نجيك من لخر انا مامرجعاهاش ... والكليان كايقيس هنا تفاديا لهاد المشااكيل ... داكشي علاش بلاما تفرعي ليا مخي وانا اصلا مناقصنيش ...
الهام رفعات صوتها : الالة واش باغا تاكليتي فرزقي ولا كيفاش كسوتك هاهي وردي ليا فلوسي ... ولا راه غانديرلك شي شوهة لي تهزك من هاد المحاال بما فيه
رانيا شافت فيهم مابغاتش تدخل حيت عارفة خنساء قادة بشغلها
خنسء خنزرات فيها: شكون لي باغي ياكل لاخر ... زوينة عندك هادي ... بوس ليا *كي ولا نبكي ... ( مدات ليها الكسوة ): شدي هادشي واعلى مافخيلك ركبيييه ...
الهام بايجاز : ياااك هادي اخر هضرة عندك ؟؟ ... كلامك لخر ...
خنساء بايجاب : ايييه والمخير فالحيوط سطحي راسك معاااه ... زوينة هاادي هضرنا مهاها بالادب عند بالها غاتركب ليا فوق راسي ... ولاهيلا دخلناه من السمرا ح_وا لينا المرا
ضربات فيها وزادت خلاتها واااقفة ... الهام غززات على سنانها كاتحلف فيها وزادت من تمااا مغززة باينة فيها ماتسرطاتش ليها بالمرة ...
دقائق من مشية الهام حتى تمات راجعة للمحل ومعاها واحد الشااب شعريني ضارب حاجبو وداير كيبية على راسو وشعرو مطولو من لور جامعو ببانضا واشم فدراعو مقصد المحال ديال بنت الساايب ... غير شافتو رانيا ووقفات شداتها الخلعة باينة فيه شمكار ... نطقات : ناري هادا جاي مقصدنا ... جابت الحمية ال*حبة
خنساء هزات حاجبها ونطقات مخاطباها بنبرة امرة : نتي غير خليك حدا لاكيس ...
خنساء وقفات مقابلة معااه وهو طلعها وهبطها وحك على لحيتو : صباح الخير الاخت ...
خنساء شافت فالهام واقفة وراه دايرة فيها نظرات ابتسام فرحانة بالشمكار لي معاها... نطقات دايرة يدها على جنبها : ياكما كاين باس الاخ ؟؟ ...
ضحك جنب : هاي هاي كاتخززي ... واخا نجيك من لخ ... الساطة ديالي بغات تبدل كسوتها ورديتيها مقلقة وانا مزال ماتزادش لي يقلق ليا المادام المستقبيلة على وجه الكرة الارضية ... نخصر لمو لافيشور ... اش بان ليك ترديها ليها بالتي هي احسن ...
خنساء ابتاسمات باستهزاء ونطقات بتحدي واخا من الداخل شاداها الخلعة حيت بحال هاد النوع مكايعرفش يتفاهم ولكن ماباغاش تبين ضعفها : والا مابغيتش ( غمزاتو ): اش غادير ؟؟ ...
هز فيها حاجبو المضروب مطول فيها الشوفة ... وهو يزعم مزير ليها على درااعهااا ناطق تحت سنانو : ماتعصبينيش ولا برب مغايعجبك حاال ...
باقي ماكملش كلااام جاتو كروووشية على وجهو هبطااتو للارض من حيت لاا يدري ...
عبدو نزل شااانق علييه جاعر وعينيه حمرين فحال قطرة ديال الدم : شكووون نتاااا اولد **** بااش تحط عليها يديك المسخيييين .... ( تحت سناااانو مغزز *: ليووووم غانحفر لاصل حسك قبرك هناا ونسقيه بالبوول ال*وااد .. ..
خنساء بلعاات ريقها هي براسها صدمها ماعرفاتو منين جا ورانيا ابتاسمات عارفة عبدو نفسو حارة وغايوكلو ما كلا الطبل نهار العيد ...
عبدو عاود ضربو وعروقو بارزيين العافية شاعلة فيه مني شافو حاط عليها يدو كايستقوااا على خنساء : كاتهز صحتك على الدريااات ال*اااااامل ... ليوم نحر اصل موووك ... يااا البرهووش ...
خنساء شافتو كايضربو وهي تقرب ليه باغا تبعدو وعباد الله مجموعين كايتفرجو : عبدو عبدو صااافي طلق الزبل ...
الدري : غا بلاتي على ال*حبة دموك .... ال*واااد ( غفلو وضربو وتفك نايض )
عبدو غزز سنانوو : ليووم نفرع ال*امل بوك او ****.... سير **** ...
يلااه غايشدو ودري خشا يدو فجيبو جاابد موس ضربو بيه لدراااعو جرحو حتى خلا دمو ساايل ... عبدو شد على يدو ودري غير شاف دم ضهشر وزاد كايجري جار دريا لي معاااه هاارب ...
عبدو كان باغي يتبعو وهما يشدوه الدراري وخنسااء لي قلبها زدح فالتسعين فاش شافتو مضروب : اويلي .. فين غادي ودماياتك كاتجري ... حماقيتي !!
عبدو شاف فجرحة كانت غير خفيفة فدراعو ومع دم سخون سال بالجهد ...
رانية جاابت بزربة القطن والفااصمة عطاتهم لخنساااء لي شداتهم من عندها : خاص تمشي لسبيطار ...
عبدو مغزز : لا بلاااش مكاين لاش ... غا بللاتي نشد والديه ونورييه ... فلت من يدي ال*واااد ...
خنساء بلا حول : هنينااا عطيتيه علاش كايقلب ... لي ضربنا قاعو ما يهمنا صداعو ... ياكما باغي ترجع لحباسااات المعاندة فالحزاق راه كاتخري ...
رانيا : بنت الحرااام عند بالها غاتخلعنا بداك زويزو ديالها
خنساء بايجاز : بحال داك النوع كايتعنااا بشماكريااا لي( جمعاتها ): تفوو ... عطاها ربي تقبة منين تحزق رضتها باب رزق
عبدو : السلكوووط .... برب ماتبقى فوالدييه ( غمض عينو من الدوا لي حرقو )
خنساء كاداويه بحدر : ضريتك؟! ...
عبدو هز فيها عينو وشااف ساهي ناسي الم الضربة ناطق وهو فايه : لااااا ... مزياان
رانيا صغرات عينيها من نظراتهم وابتاسمات وخلاتهم زادت محاولة تفرتك الجقلة لي تجمعات قبل مايجي سيمو حتى هوااا وينوض القيامة ...
جواايه اليل..يلااه تعشاات خنساء مع داارهم...جمعاات الروينة مع نسريين...بانت ليهاا نصيرة مزاال شاادة التلفاازة مسهراهاا...و هياا تسلت طاالعة لبيتهاا...بقاا باالهااا مشطوون معااه...لدرجة غير نقباات معااهم فلعشاا مقدااتش تااكل...
سداات لبيييت و جبدااات التيل كااتصوني علييه...مكسلة فووق السرير كلاتلعب بخصلة من شعرهاا مدوراهاا على صبعهاا كاتسنااه يجااوب...
عبدوو غير قشعهاا هياا لي معيطة و هوو يووسع ابتساامتو حتااا لحد...فعلا كاان متوقع اتصاالهاا...
غير دوز لخط دغياا نطقات خنسااء بنبرة كلهااا انتوية:الوو....
عبدو:ايهاااي على نااس تاني معيطين ليااا...
خنساء ميقاات:ابلاا مااتحل بزاااف...بغييت غير نسول فيك كيف بقيتي...ياا كماا تزااد عليك لحاال؟!
عبدوو بغااا يطلعهااا عليهاا :اااه..زعماااا...ماتوحشتيش تهضري معايااا دااكشي علااش عيطتي ليااا....زعماا زعماا...شوفي وكاان...
خنساء خنزرات:هاااا لي مابغينااش...نتومااا رااه مخااصش لوااحد يضصركم علييه...دغيااا كااتيقووهااا...
عبدوو بتااسم:واخااا الالة...لحمد الله (شااف فدرااعو لي ملوية عليهاا لفاصمة) بعداا معااطياانيش الصدااع بزاااف غير مرة مرة كاتزدح...
خنساء:ماايكوون بااس...(سكتاات توااني وقاالت بنبرة حنينة)احم...سمحلياا بزااف...هاادشي كاامل وقع بسباابي...
عبدوو زااد بتاسم و نطق بتعجب:بنت السايب كااتقوول سمحلياا...(كمل مطولها) و اااا معجيييزة هااااادي...و هاااد الصوواب كاامل ماامولفووش فييك صرااحة...
خنساء هزات على حاجبهااا:ماالهاا جاتك عجب....عاادي علااه غاانكدبهاا...فعلاا هاادشي لي طرى ليك وقع بسباابي و طبيعي نطلب السمااحة...
عبدو حس بقلبوو كاايفرفر بلفرح..نطق بااغي يتبتهاا:هااانية الالة مكااين لااش طلبي سمااحة....على ودك انااا نطيييح فلعاافية بلا مانفكر...تي بربي شي ولد لمرى يقيسك نفصل اصل موو على ربعة..؟.كلشي نديرروو على قبلك كلشي...
خنساء سكتاات لتواني مبتاسمة بشكل خفيف و ردت عليه هاتفة بإجاز: شكرا..ربي يخليك...
عبدوو:انااا غير ترضااي عليااا و يحن قلبك هااديك هياا دنياا و مااافيهاا...لحياااااة السعييدة...
خنساء غير سمعاات ديك "يحن قلبك" عرفاااتو علاااش كاايدق...
عبدوو كمل بنفس النبرة:اوى اشمزاال درنااا....
خنساء ببلاهة:فاااش...علااش كاادوي...
عبدو:بلا مااتريݣلي علياا...عاارفااني مزاال علايااش كاندوي....وبلا مانحتاااج نبداا نعااود نفس دييسك....غاتكوني حفضتييه...
خنساء:مكاااتنساااش يالطيييف....قلناا ليك من بعد و نردو عليك...مااتحكرش تااني
عبدوو:من بعد من بعد... كااتهضري بحالا غااتصنعي صواارخ متلاا...و صااافي الله يهديييك..شوفي انا شحاال من حاجة كانديرهااا على ودك ونتي واالو....
خنساء:شنوو دابا غاانبدااو فلمحااسبة؟!!
رد عليها بجدية:نجيييك من لخر صبري تقااادة... مابغيتش نبقااا معلق هاكااا...داباا يا اه ياا لااا...جيني من لخر و عطيني خلااصة لقول....
عم الصمت فلمكالمة لتوااني...و هو كااايتسنى فجواابهاا على احر من لجمر...
قبل مااتكسر خنساء الصمت بضحكة مغرية:هههه مالقييت ماانقول...غلبتينيي...هزييت يدي معااك
عبدوو نااض من بلااصتوو جمع لوقفة...نااطق موسع نضراتو:كيفاااش غلبتينيي؟!!....وااش صااافي...قبلتي يااااك...قبلتيييي....
ردت عليه بكاامل تبااتهاا عاضة على شفايفها: اااه ...كيف كااتسمع...
بعد اسبوع
صباح جدييد طل على المدينة... سيمو كايحل الباب ديال دارو ومن ورااه رانيا واسماعيل لي عاقد غوباشتو ديال المعقول كايخصر فكمارتو ...
سيمو ابتاسم بترحيب : مرحبا بيكم ...
رانيا رمشات بابتسامة عذباء : شكرااا ...
اسماعيل تقدم وهو كايميق ونطق : مرحبا بينا داخلين للفيلا ديال مشيش ...
سيمو حرك راسو بلا حول : ماتعرف ربي اش مخبي لكل واحد ( سد الباب وشاف فرانيا غامزها ): كيف جاتك دار ؟؟ ...
رانيا كادور عينيها .. كانت شقة متوسطة فيها جوج بيوت واحد للنعاس ولاخر لكلااس وحماام وكوزينة وصاالون على قدهم مفرش بشكل بسيط وزوين ... برطما عادية لشخص متوسط الدخل نقية وبسيطة ...
رانيا باعجاب : زويينة ... عجباتني ..
اسماعيل شاف فيه : كاريها يااك ؟؟؟
سيمو بايجاب : اااه كاااري ... مدة هاادي الحمد لله صراحة السيكتور طرونكييل والبلاصة نقية ...
اسماعيل طول فيه الشوفة : ايوااا مزيان منين كااري .. غايجيك ساهل تطلقها ...
سيمو هز حاجبو باستغراب : ولكن علاش غادي نطلقها .... مافهمتش صراحة شنو بغيتي تقول ؟!
اسماعيل حك على لحيتو ونطق بايجاز : حيت ماييمكنش بنتي تسكن فهاد الدار ...
رانيا خرجات عينيها : اءء علااااش ابابا ... الدار زوينة مافيها مايتعاب... باقا نقية وعاد البلاصة شعبية ومزياانة ...
سيمة بلع ريقو : ولكن شنو لمشكل لي ماعجبكش فالدار اسي اسماعيل ؟؟ ...
اسماعيل باستهزاء : واش نتا حماقيتي باغي تسكن بنتي فهاد القفص ديال 60 ميترو وهي ساكنة فدااار قدها قد الخلااا طاج ينسيك فلاخر ... ( حاسم ): كيف قلت ليك غانشوفو شي دار اخرى ... لي يعيشو فيها جوج مزوجين ماشي زوفري ديااال رااسو باغي غير فين يحط جنازتو يرتاح ...
سيمو حك راسو بلا حول : ولكن اسي اسماعيل حنا غير جوج دناااس ... ديك الساعة مني تكبر العائلة شوية نبدلو ... ولااا ماتعرف يسهل الله ونشريو شي دويرة ديالنا ... ماعرفنا الخير فين
اسماعيل بنفي : اييه ضروري مور الزواج غاتقلب على شي دار تشريهااا ... ولكن حتى دابا راااك غاتزوج غاتكون عاائلة وغاتولي عندك مرا غايجيو عندها عائلتها حباابها فين غاتحطهم بالسلااامة فهاااد القفز ديال الكانار ... انا هضرتي قلتها غانشوفو شي برطمة اخرى والسلااام ...
رانيا رمشاات شادة على راسها مالقات باش تجاااوب غير كاتشوف ومسلمة امرها لله ...
سيمو تنهد محاول مايزيدش يكبر الموضوع ويصدق معااه فشي حوايج مايبغيهم حد : وااخا لي بان لييك ... انا غانحاول نقلب على شي بلاصة مناسبة ...
اسماعيل : بلاما تعدب رااسك انا كانعرف واحد السمسار هو غايتكلف ويقلب ليكم غاندوي معاه اليووم ونمشيو نشوفو الديور ... ( شاف فرانيا ): يللاااه نمشييو ... نخليو سيهم العريس يودع دارو حيت رااه من هنا للقدام مابقاش غايعيش فيهاا ...
رانيا عينيها غرغرو بالفقسة وهي كاتشوف فسيمو عرق جبهتو تبرز بكترة ما ضاغط على راسو وباها غير مكايزيد يستفزو كتر و كتر ... شافت فيه باعتدار ونطقات بخفوت : سمح ليا عافاك ...
سيمو حرك راسو بايجاب وشد ليها فيدها بمعنى ماشي مشكل بلا حتى رد ... وهي زادت من تمااا تابعة باهاااا ... غير خرجو وسدو الباااب وهو يخنزر طالعة ليه بالمعقوول : الله يعطيني الصبر ... مابقاااش عندي فين نزييد نتحمل هاااااد الشيبة العااصية ... ياربي قدرني ياربي ....
زدح سوااارت فوووق السداااري مكشكش وتنشر حااط يدو تحت راسو محاولي يرخي اعصاابو لي تشحنوووو بمسبة نسييب الغفلة لي عطاه الله ...
عبدو كان فالكوزينة كايغسل شي مااعن يحيدهم على حياة حيت عياانة ... عوج وجهو فور ما حس بنوع من الردة والحموضة طلعاات معااه ... حط داكشي لي فيدو وزاد نيشان للحمااام رادو علييه ورجع داكشي ... هز حاجبو وهو كايشوف الصفوورة لي تقياها كاتبان فحال الكييح ... كب الماا مدوز داكشي وهو باقي كايحس بمعدتو كاضرو ... شااف فوجهو فالمرايا وهو كايمسحو لي صفاار وولا شاحب بطريقة غريبة ... حس براسو ماشي هو هاداك ومعدتو مؤخرا ماشي هي هاديك بالمرة وحتى الارهاق كتر عليه ... تنهد محااول يتجاوز الامر ماباغيش يمرض راسو بالوسواس على والو ... خرج من تمااا راجع للكوزينة بان ليه التلفون ديالو كايصوني ... ابتاسم فور ما شاااف نمرتها وجاوب : الو خنيفيستي ...
خنساء كانت فالمحل : اهلا ... فين غبرتي هاد الصبااح ؟؟ ...
عبدو ضحك : كاع هادا وحش ولا شنووو ؟؟ ...
خنساء بلا حول : زعما نتا الواحد غير الا بغا يكبر ليك البعرة ...
عبدو : هههههه غير فدار .. الواليدة عياانة يمكن يسالي سيمو واحد الغرض ويجي يحل ... انا الا ولات شوية ونجي مابغيتش نخليها بوحدها ...
خنساء بتأسف : اااه الله يشافيهااا ... مايكون باس ان شاء الله ... ونتا مال صوتك مبحوح مريض؟؟ ..
عبدو : لا غيير يمكن ساط فيا البرد كانبيت شرجم بيتي محلول ... غالبا هو لي صمكني ...
خنساء : اااه داكشي رد البال مع هاد البرد ديال الصيف كايمرض ...
عبدو : يخليلي لي يخااااف عليا انا ... وحق ربي الا توحشتك الخنفوسة ...
خنساء ابتاسمات : يتوحشك الخييير ... شنو درنا غانخرجو بعدا عشية ولا غاتكون مشغول مع الواليدة ؟...
عبدو : غانشوف الا ولات شوية ضروري نتشاوفو ... نتلاقاو مني نجي تما ياك نتي غير فالبوتيك ..
باقي ماكمل كلامو دخلااات حياة لي جات هضرتها فودنو عارفاه معامن كايدوي من هضرتو ... عينيه كايلمعو ميقات فيه وهو شاف فيها ونطق : من بعد وندويو واخا ...
خنساء عرفاتها هي لي غاتكون جات:هههه اووك ... حتى نتشااوفو ...
قطع وهي تخنزر فيه محلفة : عااار ربي واش مباغيش تحشم ...
عبدو تنهد : اش درت تاني ؟؟؟ ...
حيااة بتمياااق : راها مديوورة ليك اصلاا ماشي عاااد غاتدير ... بااز يا وليدي لوجهك باااز .. مالقيتي معاامن ... بحال الا مكاينش من غير بنت السايب فالعاالم .. تقطعوا الدريات ...
عبدو بلا حول : اه الواليدة مكاينش غيرها فالبر ... والله يرحم باااك سيري ارتااحي لييك راك عيااانة ...
حيااة هزات يدها : مكاين لي مرضتي من غييرك ... يا شتي واخاااا تلاقا سما مع الارض ... بنت الساايب مغاتكونش ليا عروووسة ... ( دوزت صبعها على الحيط راشماها ): وهااااهي خليهاا فباالك .. ولاهيلااا بقات ليا غير وحدة ضارباها بجوج تطليقاااات نديهااا ليك نتا باقي عزري ...( زايدة كاتمتم ): ايوا خلاااص هي لي بقااات فالحساااب ... اش قرب شوكة عند زك العريان .... الله يخليه كنس بالخلا
ضربااات فيه شاعلة هو حك على لحيتو ... فك جرة خنساااء وناضت ليه مووو لي صعيب توافق لييه ويمكن من المستحيلات عارفها راسها حجرة ...
حط يدو على جبهتو لي عرقاانة ودرعاانو حتى هماا على غير العاادة : اوااه كاااع هادا صهد زعماا ...( هز مشوار مسح جبهتو بتأفف ): ياربي السلامة...
كمل شغااالووو كايغسل الماااعن حتى سالاهم وعاد زااد كايوجد شي حاجة خفيفة ياكلووهااا ..
كانت نسرين مع عصام فسنااك ݣالسين كاايتغدااو بعدماا دارو و تسركلو مع راسهم حتاا قرب لعصر...
هزاات نسرين طرف تااع لبيتزاا عاضة فيهاا بشراهة و نطقاات مستمتعة بلذتهاا:مممم توحشتهاا بزاااف...ريووݣي طااحو عليهاا لبارح بليل...كون ماجيتينيش ناكلهاا كون عواااج فياا شي قنت
عصاام جابت ليه الضحكة و هياا معمرة فومهاا لحد تقول عمرهاا كلاتهاا:ههه بشوية علييك و نتي لي شافك يقول اول مرة غاتاكليهااا...راه غاتوحل ليك تصدقي مجيفة لينا هنا...
هزات كتاافهاا بلا مبااالات و دارت لي بقاا كاامل ففمهاا و نطقاات كاتقطع فطرف اخر:يقول لي بغاا يقوول....و لكن بصراحة ليووم صاارعينهااا جااات ناااضية بجهد...
هز طرف من لبيتزا تاعو لي قبالتو وقال:عادية مااشي شي حاجة...
نسرين كاتمدغ ودوي: يااك مزال غاتديني للمحل تاع صيكان لي تحل جديد فسونطر ڤيل؟!!
عصاام:لبلاكااار قرب يريييب...وااش هاااد شري شري ماطلعااتش ليك فرااسك...
غوبشاات بملامحهاا وردت عليه:وياا رااجلي لعزيز فيك غا شفوي...قبل ماانخرجوو تبداا علياا واخاا واخاا نديك فينما بغيتي...غير نعتبو لباب و تبداا فنݣير و تسقرييم...اسيدي غا يلاه نمشيو ليه نشوفو غير شنو جايبين مناخدوو واالو....
عصام:واخاا الالة هاا حناا غانديرو ليك خااطرك عندك غا لاتلصقي لياا تاني فشي بيااسة و تقولي منهاا نخلااق...غاتخلصيهاا من جيبك
نسرين هزات كاس تاع لي فيه لموندا و قالت:هههه لا لا ماتخاافش...كلمة وحدة...
بااقين كايهضرو وكيااكلوو حتااا وصلهاا ميسااج...شاافت بطرف لعين فتيل تاعهاا بان ليهاا ميسااج من صفااء هيا لي مسيفطاا... بلعات ريقهاا و هزاات على تيليفونهاا و قالت و هياا واقفة ناطقة بإبتسامة مصطنعة:حبيبة انا غانمشي لطواليط و نرجع...
حرك ليهاا راسو و كمل على ماكلتوو عادي...بخطواات سريعة مشات للجيهة لحمامات و شعلات تيل بااش تقرى لميسااج و هياا تخرج عينيهاا بصدمة شاادة على فمهاا...لقااتهاا مسيفطة ليهاا يديهاا هازة بيهاا عراام تاع لكيناات و كاتبة ليهاا "نسرين المسامحة...اناا غاانمووت...هاكاا حسن بزااف على نبقى نتعدب و انا حية"
دغياا دوزاات لابيل معيطة ليهاا كاطلب فخاطرهااا ماتكونش شربااتو...
لحسن لحظ جاوباتهااا فلبلاصة كاتنخصص بلبكاا:اهى اهئ...اناا صافي غاادي نمووت...غادي نمشي من هااد دنياا لي تلاقيت فيهاا غير مع شمايت ولغداارة ... و لي ماابغاا حتاا حد فيهاا يعااوني...
نسرين: صفاء نعلى عليك الشيطاان حمااقيتي...رااه قلت ليك غاادي نلقااو شي حل...عنداااااك ديريهااا...تزيدي دنب على دنب؟!!شنوو غاتقوولي للي خلقك؟!!
جوبااتهاا هااتفة بلغواات بنبرتهاا الباكية:وااا كاانتعدب عرفتي شنااهياا كانتعدب...سيدة داايرة معايا من هناا لغدا...قاالت لياا الى فتي غداا ماتجييش عندي...واناا باقة لداابة مااالقيت حتاااا درهم من لفلووووس لي طاالبة لياا..اهى اهئ..نݣلس حتااا يقتلوني اللهم نقتل راااسي...حيت نستااااهل نستاااهل
نسرين:شششش صافي صاافي...من هنااا لغداا يكوون خير..عنداااك تهوري و ديري شي مصيبة فرااسك...
صفاء كااتشهق بحرقة:اهئ اهئ...لمصيبة درتهااا لرااسي و لي عطاا الله عطاااه...لمساامحة اختي لمساامحة...
نسرين صدرهاا ضيااق عليهاا و عينيهاا غرغرو قطعاات ليهاا فلقلب نطقات بنفعاال: راااني قلت حتااا لغداا ويكوون خير...غاادي نشوفوو منين نضبر ليك على لفلووس...غير صبري
صفاء بتنخصييص:وااش بصح؟! عفااك اماا شوفي كيفااش ديري...غاانتسنااك من هناا لعشية تردي عليا و إلى والله العلي العظيم حتاا غاا نقتل رااسي...
نسرين تنهدات بحرارة و قطعاات الخط... رجعت لعند عصاام محااولة ماا تبين ليه واالو...نقباات شوية فلبيتزاا تسداات ليهاا الشهية ... قالت ليه يرجعوو لداار حساات براسهاا عياانة...واافق بلا مايحكر مخليهاا فخااطرهاا...
رجعو لداار... عصام غير حطهاا و حل ليهاا لباب و مشاا يتقهوى مع واحد من صحاابو و يخدم معااه شي تخربييق....
فلبلاصة دخلات لبيتهاا نيشاان و حلاات لبلاكار بيديهاا لي كايترعدو بستمراار...قلباات تحت حوايجو بااش تأكد وااش مزاالين لفلوس محطوطين...و كيفماا كاان متوقع كاانو مزاالين...
فديك لحظة نسرين كانت فصراع قوي مع دماغهاا لي مامطوعهااش تهزهم...ولكن لعاطفة كانت قوى...لبكاا لي كاتبكي صفااء كايتسمع فمساميعهاا غير هو...و زيد عليها حلفاات الى مالقااتش لفلوس ودارت لإجهاض غا تقتل راسهاا...خاافت عليهاا بزااف بلخصوص انهاا باينة من نبرة صوتهاا بلي ماغترددش ديرهاا...لعااطفة عماات ليهاا عينيهاا...مخلاتهااش تشوف و لا تفكر فلعواقب نهائيا...
قالت غاا تاخد ليه لفلوس...و تعطيهم لصفاء بااش تفك جرتهاا و من هناا للخر تاع شهر بيدما صيفطات ليهاا عمتها لفلوس...غاترجعهم لبلاصتهم و هو مغايعيق بوالو بحالا مقاستهمش اصلا....ديجا مدة كبيرة و هو حاطهم فلبلاكار ناسيهم و مداهمش للبنكة كيفما قاليها...يعني اللهم تعااونهاا و تعتقهاا...و لا يبقااو محطوطين مامديور بيهم واالو فلوقت لي كااين انساان على حافة الموت و فأمس لحاجة ليهم...
تشبعات بهااد لأفكاار مزيااان...تشجعاات و طولات يديهاا لي كاترعد بلخوف و هزااتهم...
صوراتهم و صيفطات تصويرة ديك ساعة لصفاء وقالت ليها
"هاهما لفلوس ضبرت ليك عليهم...فصبااح يكونو عندك... ويااااك ديري شي فضيحه فرااسك"
صباح جديد ... فالمحل كاان عبدو وااقف كايوجد واحد الموكيط لواحد السيدة لي واقفة معاه ... تكون تقريبا داخلة فالتلاتينات لابسة دجين سليم وشوميز انيقة ... عندها حقها وشعرها مسبسب على ضهرها وباينة فيها بشوشة وكاتعرف تهضر ... شادة معاه الستون وهو كايسورجي ليها شنو بغات ...
عبدو : واييه دابا التمن ولا طاالع فينما مشيتي ... حتى حنا كايسولك الكليان كاتحشم تقوليه تمن كاااع ...
الكليانة : واييه الله يصاوب وصاافي ... بنادم ولا بااش داخل الشهر باش خاارج .. مابقى يقدر يوفر واالو ...
عبدو خدام : ههههه واييه ... كايطلب غير يكمل شهر بخلصتو كاعما كايفكر فالتوفير ...
الكليانة شافت فيه كاترمش ونطقات بتساؤل : ولاهيلا ... هاد المحال ديالك ولا غير خداام ؟
عبدو بايجاز : شركا فيه انا وواحد السيد ...
الكليانة محاولة تعرف عليه : مزيان الله يسهل الامور ... خدمة ديال راسك بعدااا مهني ... تشد كونجي وقتما بغيتي وتسافر مع المادام وقتما قالها ليك رااسك .. متابعك حد ...
عبدو ابتاسم : هههههه ماعندي مادام هاد الساعة ههههه ...
الكليانة وسعات ايتسامتها : وايلي باقي مامزوج ... ولاهيلا صدمتيني ...
يلاه غايجاوبها وهي تنطق خنسااء لي جاات الجملة الاخيرة للبنت على مسامعها ... مطلعاها ومهبطاها بعينيها كون كانو قرطاس كون تيرات فيها : وشنو لي صدمك الغزااالة بالسلااااامة ... اول مرة تشوفي رجل عااازب ولا كيفااااش ؟؟؟
البنت ضارت شااافت عندها هازة فيها حاجبها : ماافهمتش الاخت!! ...
خنساء ميقات فيها بلاما تجاوبها وقربات عند عبدو ونطقات كاتشوف فيه بتحلاف : ساليتي مع السيدة ابب ...
عبدو ضحك وعينيه لمعو من كلامها وغيرتها لي بااانت عليهاااا واصلا هي ماخباتهاااش فخطرة ... نطق بايجاااز كايطوي للسيدة الموكيط : اه ساااليت احبيبة ... ( غمزها قدام الدرية ): توحشتك
خنساااء وسعات ابتسامتهااا: عطي للسيدة شغلها راه بان ليا طولات فالوقفة ... غايكون عندها مايدار ...
البنت فهمات رااسها ونطقاات واخدة من عندو : شكرا اخوياااا ... ( مدات ليه الفلووس ): الله يسر ..
زادت من تماا وخنسااء متبعة ليها العيين كاطلع وتهبط كلاااتها بعينيهااا ...
عبدو شاف فيها وضحك عاجبو الحاال : الله الله على المغياارة ...
خنساء : السيدة كاتلوط بيك عااين باين ونتا كاتفرنس ليهاا ... عاجبك الحال ...
عبدو دار راسو مكلخ : هااء .. وا السيدة ما قالت والو ... فين هو هاد التلواط ... كانت غير كاتسنى نسالي ليها شغلها ودينا وجبنا فالكلام ...
خنساء ميقات : ايييه زعما نتا مافهمتيش ... شوفاتها كانت غتاكلك وعاد كاتفرنس مني عرفاتك مامزوجش ...
عبدو ببلاهة : مارديتش لبال انا لهادشي ... يمكن نتوما العيالات كاتفهمو بعضياتكم كتر ...
خنساء : كون ماحليتيهاش ليها ماتزعمش عليك .. ولكن معامن داوية ... كون كااان البريق يعيق كاعما يعطي زكو الحريق ...
عبدو بطنز : خهههههه غير بردي ونتي شعلات فيك العااافية ... انا اصلاا مكانشووفش من غير حبيبتي وخنيفيستي ...( شد فيدها ): حتى بنت المرا ماتعمرليا العين غيرها ...
خنساء جرات عندها يدها لايشوفهم شي حد : ممم باااينة ... عليها لي جا تفرنس ليه ... مافراسكش راااه الضحك بالقوة كايتقب سوة ... الله ينعل لي مايحشم...
ضربات فيه وزاادت كاتضحك ماتنكرش انها بصح غارت منهااااا وشي حاجة الداخل كلاتها بالمعقول ولكن عجبها الحال مني ماعطاهاش اهتماام ...
عبدو وسع ابتسامتو خاطبها : الله الله على التمر عطاني بالظهر وخلاني مضهشر ...
خنساء دارت شافت فيه بلا حول كاتضحك ودخلات لمحالهاااا وهو دخل يكمل شغالو
كانت رانياا خارجة مع سيمو خاشية يديهاا فدراعو كاايتمشااو مع بعضيااتهم
نطق مبتااسم:وشحاال توحشت نخرج معااك راس فرااس غير اناا ونتي...ياا لطييف و واليديك مبقااوش مفارقيناا...بلخصوص داك بااك...
رانيا: وييه بصح تحرمناا من بحال هااد لخرجة حتاا اناا توحشتهااا...ولكن راك عارف..دابا مع توجااد رااه ماابقيتش اصلا غانساالي بااش تشوفني...
سيمو وقف و هز على حاجبو:كيفااش واش مابقينااش ݣااع غانتشااوفو...اشهاااد لقراار تااني...ماايكون غير جااي من عن سي اسمااعيل...بااينة...
رانيا:الله يهديك..تا مالك مع بابا غير كلمة جوج تلصق فيه كلشي...اناا قصدت مابقينااش غانتشااوفو على حسااب لوقت لي مغايبقااش عندي...رااك عاارف مابقا واالو...و بااقي تابعاني شحااال من حااجة...(كملات بخجل)احم و عااد مخاصكش تشوفني بزاف بااش نجمع زيني...
رد عليها ضاحك بتعجب: هههه تجمعي زينك...و جديدة هااادي..
رانيا:ويييه...بااش لي شافني فعائلتك نهار لعرس يقول سيمحمد ختاار و عرف اشختاار...
سيمو حط يديه على وجهاا كايتحسس خدهاا الناعم وقال: مزال واخدك فيهاا الشك علااه غا جيت و طحت فيك...(زااد قربها حتاا تلاصق كتفهاا مع صدرو) رااني ديت و عرفت اشديييت...كااع زين تااع لبناات تجمع عندك نتي...
بااقين فنفس الوضعية و هو مزال كايتغزل هايم فتفاصيلها....و هو يشوفهم منير لي كاان داايز من نفس لبلاصة...فيكساا فيهم عينييه كايشوف فيهم بنضرات كلهاا حقد...بلخصوص على سيموو..مكرهش فديك اللحظة يتلاح عليه و يبعدو على رانياا لي كانت قريبة ليه بشكل مخلي لعاافية تشعل فيه لدااخل بلا مايشعر...
غير قرب لعندهم و همااا يقشعووه...
رانياا شافت فيه بشمئزااز... بلعاني شبكاات صباعهاا مع صبااع سيمو مزيرة عليه كاتقلي ليه سم بعينيهااا...
زااد قرب لعندهم كاايطلع فيهم و ينزل شادااه الشمتة و هو كاايشوف فكيفاش مشادين ... و لخاتم تاع الزوااج لي دايرة رانيا كايبري من بعيد مزين هااديك الشدة و عاطيهاا قيمة كتر...
سيمو خنزر فيه و بطريقة لي كايشوف فيهاا فراانياا و نطق بنبرة قوية:و كووولهااا بعينيك نتااا ݣاااع و تهناااا....
منير بقوة الفقصة لي حااس بيهاا مقدرش يرد عليه بحتاا كلمة...
رانيا بزربة سرعات خطواتتهاا و جرااتو خايفااه لايصدق مشاابك معااه:سيمووو صاافي عفااك يلاااه...
سيمو زااد خنزر ونطق كايهلل:واا الله و علم..الله يعميهاااااا لشي قرد حااط عينوو على حااجتي...بربي حتااا نتقبهم ليييه
منير عقدهم فتسعين وقال زاافر بعصبية معول على خزيت:معاياا اشرفة؟!!
يلاه غيرد عليه صااعر و هياا تقاطعو رانياا مبعدااه:و صاافي سيموو زيد نمشيو فحاالنااا...
تخطااوه مبعدين علييه رامقاه رانياا بنضرات كلهاا احتقاار...وهو بقااا متبعهم بطرف لعين كايتحسر فدااخل دياالو عليهاا...معرف بحقهاا حتاا شافهاا مع غيروو...زير على قبضة يديه ودار مكمل على طريقو ناادم فلوقت لي مبقاا ندم غاايفيد بواالو..
فجردة كبيرة مبردة و لخضورة عااطية لعين... فوق واحد من لكراسة المخصصين للمارة كانت ݣالسة نسرين و حداهاا صفااء...
حلاات نسرين صااكهاا و جبداات منو جوى لي دايرة ليهاا فيه لفلووس...
شاافت فيهاا صفااء بعيوون بااكية و قالت:حتااا قلت صاافي ݣااع لبيبان تسدوو فوجهي و لقيتك نتي...معرفت بااش غانرد ليك هااد لخير لي درتي فياا..وخاا نبقاا ندعى معاك عمري كامل مغاانوفيش ليك حقك...
نسرين بتاسمات بخفووت و خاا عاارفة دااكشي لي داارة مخاااصوش يداار نهاائيا...هازة لعصاام لفلوس بلا خباارو الى عرف كحاالت عليهاا بلكحلااات...يديهاا يقطعهاا ليهاا بلا مايرمش...
خداات جوى و عطااتو ليهاا:بلا جميل اصفاء...ماابغيتكش ضيعي شبابك و نتي مزال صغيرة...
صفاء:منين ضبرتي عليهم...كنتي قلتي لياا معندكش؟!
نسرين بلعاات ريقهاا وقالت بنبرة باحة:هزيتهم لراجلي بلا خباارو...درت دااكشي لي معمرني فكرت نديرو شي نهاار...
صفاء وسعات نضرتها وقالت بإمتنااع مصطنع مرجعاهم ليها:لا لا...منقدرش نكون سباب فشي مخااسمة مابينك و مابين رااجلك...غير هااكي رجعيهم ليه...وشكرا بزااف اختي بحالا عطيتيهم ليااا...
نسرين دفعات ليها يديها:عيقتي اصحبتي...انا بغيت نعطيهم ليك..راه غير حاطهم...ملي غاتسيفطهم ليك عمتك غانردهم ليه...لخر تاع شهر مابقا ليه والو...فكي حريرتك بعدا و يحن الله...
صفاء عمروو عينيهاا بدموع...تلاحت عليهاا معنقاهاا كااتشهق:اهئ اهئ...خيييرك معمرني غاادي نسااه غاادي يبقاا محطوط فوق رااسي حتااا نمووت....الله يعطيك كل مااتمنيتي فخااطرك...
نسرين بعداات عليهاا و قالت كااتدوز يديهاا على دراعهاا بحناان: امين يااربي...و هاادي دير ليك لعقل لمرة أخرى..عمرك تيقي...
صفاء خشاات لفلوس فصااكهاا و قالت:هاادي و توبة...عمرني باقي نعااود نشووف فشي شمااتة و لا نتييق بيييه...
نسرين قالت بتسااؤل: وااش دابا غادي تمشي عند سيدة؟!
صفاء:اه دابا خاصني نمشي... من هنا لعندهااا...راه كاتسنى فياا مخاصنيش نزيد نتعطل عليهاا
نسرين:وداركم شنو درتي معاهم؟!
صفاء:سلكتهاا معاهم بكدبة شنو غاندير...قلت ليهم غانباات عند صاحبتي...ملي تقااد لياا سيدة لمسائل غانبقاا عندهاا حتاا نقدر نوقف على رجلي...عاد نرجع لداار
نسرين:تبغيني نمشي معاااك؟!
دغياا ردت بخوف و هياا واقفة:لا لا هياا كاتأكد و تعاود مانجيب معايا حتاا وااحد...راك عارفة اصحبتي دااكشي لي كادير ماشي قانوني غير مخبعة خايف لا تفضح...مكااين لااش تمشي معايا...
نسرين حتا هياا ناضت وقفات رادة عليهاا بلا مااتحكر:اه واملي هاكا صافي...سيري اختي الله يسر ليك ويكمل هاادشي بسلامة...
صفاء:اميين يااربي...شكرا بزااف مرة أخرى
ودعااتهاا نسرين راجعة فحالهاا حاسة بخاطرهاا مقبوط عليهاا على غير العادة..لتوااني شرداات بتفكيرهاا فشنوو ممكن يدير ليها عصام الى حصلهاا هزاتهم....نفضاات لأفكاار من عقلهاا بزربة...مابغاتش تعطي لموضوع اهمية...وكملات طريقهاا لدارهاا عاادي حادرة راسها...
تسناتهاا صفاء حتاا غبراات على انضارهاا... مسحاات دموعهاا..بتاسمات بشر و هزات تيل مدوز لابيل غادة خارجة من الجردة و نطقاات بهدوء:صاافي شغل نضيتوو...باان عندي داباا..
دقاائق حتااا و قفاات قدامهاا لوطو سايقهاا شااب عشريني...
ركباات فيهاا بعدماا طبعاات قبلة على شفاايفو و قالت كاتحل فصااك:شنوو قلت ليك...مطنݣة و سااهلة نااخد عندهاا لفلووس...جوج دمعاات و شوية دراامة...(هزاات جوى كاتشير ليه)جبت بيهاا هاد لعااقة كااملة...
خطفهم من يديهاا مخرج لفلوس من جوى و قال موسع ضحكتو بخبت حاك على نيفو بعنف و قال:تي عرفتي شحااال من شمااا كاينة هنااا...صاافي اناا ونتي اتيتيزة دياالي غاادي نطيروو من هااد لعاالم...ارااا براااع....و غانبدااو من هااد ليلة...
لبساات نضراتهاا و قاالت كاتشوف فزااج: تحرك تحرك دغياا لا تصدق راجعة و تشوفناا...دووور مية....عفط و حيد علينااا من هناااا....
تعاشات العشية وعبدو كاالس هو وسيمو وحيااة كايتعشاااو ... حاطين طاجين خفيف ديال الكفتة بحكم ماتقلوش فالغدا جاهم جوع ...
كياكلو فهدوووء ... سالاو ونااضت حياة باغا تهز طبلة ووقفها سيمو :غا خليك الخااالة انا غانجمعها ...
حياة : الله يرضي عليك اوليدي ...
عبدو : غير حطهم تما دابا نوض نغسلهم ...
مشا سيمو لكوزينة وعبدو شاف فحياااة لي شادة التلكومند كاتفرج فمسلسلها
نطق بتساؤل : الواليدة واخا نسولك عافاك ؟؟ ...
حياة : اياااه الله يسمعنا خير...
عبدو قاد الكلسة مقابل معاها : علاش مكاتحمليش خنسااء ... واخة عمرها دارت فيك العيب ...
حياة شافت فيه عارفاه علاش كايدق : وشكون قاليك اوليدي انا مكانحملهاش ؟؟ ...
عبدو : ياااء وافينما ندوي معاها ولا تشوفيني معاها تبداي تنكري ليا
فوق راسي ...
حياة : هانتا قلتيهااا فينما تكون معاك ولا تدوي معاك كانكر عليك نتااا
ماشي هي ... يعني المشكل فيمن ؟؟؟ ... فيك نتا اكبيدتي ... اما هي
مادارت ليا والو بااش نكرها والا مانحملها ...
عبدو هز حاجبو : وشنو المشكل ! ... اش فيها زعما الا كنا بجوج ...
حيااة عقداتهم : لااااا لاااا لاااااا ... هي لي ماتكونش لييك ... مانتا من
سهمها ماهي من سهمك ... السيدة مزوجة جووج مراااات ومطلقة ...
غاتجي تاخد واحد غزري باقي ماشاف ماتشوف فين عمرك شفتي
هادشي ...
عبدو حك على لحيتو : ياااء وشنو الفرق بين وحدة مطلقة ووحدة
لااا ... يااك المهم عندك معامن غانكون فرحاان ... وانا راااه خنسااء
كانبغيهااا ... ماشي كانتفلااا ... دبصح الواليدة راااه هي لي باااغي
نكمل معاها حياتي ومكايهمنيش تكون مزوحة حتى عشرين مرة ...
حيااة بلا حول : انعل الشيطان اهاد الولد ... واش تقاضاااو البنات من
الدنيااا ... عارفين اسيدي بنت الساايب شهوة منهااا بلااااااارة ... مراة
وقااادة والف رااجل يتمناها تكون لييه مراااا ... وعارفينك مولفهاااا
ودخلتيها لداك الراااس ومابغيتيش تخرجهاا ... ولايني اولدي حنااا
راااه ترابي واليدينااا ... وماعدينااش بالمراة المطلقة كتااخد العزري ...
ماعندها معنى ...
عبدو : ولكن الواليدة ...
قاطعااتو : انا اوليدي بغيت ليك غير مصلاااااحتك ... بغيتك تااخد بنت
تكون عويتقة عمرها مداات يديها للحناااا ... نفرحو بيييك ونكبر بييك
قدام النااااس .. ماااشي خنساااء لي ضرباات فالزواج حتى عيااااات ...
وهزاااات وطيحااات ... السيدة رااااه طاااالع ليها الزواج فمخهاا غدا
ولا بعد غدا ماتصدقش ليها حتى نتااااا وتقوليك باي باي اشيغي فين
غانوليو ديك السااعة ...
عبدو بتأفف: ماالك الواليدة على هااد الهضرة دابا ... واش الا طلقااات
دارت جريمة ... ا راه كيف حلل الزواج حلل الطلاااق ... ومافرق الريوس غير باااش ترتاااح .... زااش غير لي طلقاات تدفن راااسها وصافي تموت مامنحقهاااش تعيش ولا كيفااش ؟
حياااة : اييه ومافراسكش راااه ابغض الحلال عند ا الطلاااق .. وانا راه ماقلتش ليك السيدة راها مرتاكبة جرييمة ... ولايني راااه نهااار يجيب ليها ربي راااجل لي يواتيها مطلق ولااا هجاال ولا مانعرف ليبه
من غيييرك رااه غاياخدها ... نتااا لاااا والسلاااام ...
عبدو سخط : بهاد العقلية المرييضة غانبقااو ديما لور لور .. عندكم
المراة فحاال شي روبو الا تزوجاات رااه ولااات بيريمي ... والمشكل كاتلقى عدو المراة هو مرا فحااالهاا ...( ضرب على طبلة دافعها ناايض ): ماااعرفتش انا فيييه باغين توصلو بهاااد التخلف ديااالكم ...
زاد من تماا ساااخط وهي خنزرااا ناطقة بعزم : ايوااا غا خلينا
متخلفين يا انا يااا السايبة هنااا ... وسير خودها بلااا بياااا ...
طلع لبيتو راادخو حتى وصل لعندهم التحت ... سيمو تنهد من الكوزينة
عارفهم علااش منوضينهااا حاول عدة مرات يهضر مع حيااة ولكن لي
فراسهااا فراااسهااا .. بغا يخليها فخاطرهاا حتى يلقاو شي حل لي يرضيهم كاملين..
نسرين كانت فلكوزينة كاتزوق واحد لكيك تشهااتو و صيبااتو..باقة كاتقاد شكولا فوقو بهدوء حتاا سمعات عصام كايغاوت من بييت نعااس
بصرااخ قوي وااصل الصوت حتاا لعندهاا:فين مشاااااو كنت حااطهم غير هنااا...نسرييييين...واااااا نسريييين
نسرين محساات حتاا طيحاات دااكشي لي كاان فيديهااا بفزع قافزة معرفات باااش تبلااات
تمشاات لجهت لبيت بخطوات سريعة حتاا وصلاات لقدام لباب و هياا تجمد فوقفتهاا مقدراات تزيد حتاا خطوة رجليهاا قربو يخواو بيهاا...كااتشوف فيه واقف قدام بلاكارو كايرون فيه بعصبية بيديه...قلبهاا ضرب فتسعيين... ديريكت عقلهاا مشاا لفلووس لي هزاات ليه بلاا خباارو
قربات لعندو و قالت بتلعتم:ش..شنو..ماالك..علاايااش كااتقلب
عصام بنرفزة شديدة:كاانو غيير هناااا...غييير هناا...واااش طاااارو دااارو جنحيي!!!؟؟
نسرين حاولاات تبت رااسهاا واخاا مابقاا ليهاا واالو وطلقهاا بلخلعة..بلعاات ريقهااا بصعوبة و قالت:واااشنووو..اش مشااليك؟!!
عصام شافيهاا جاامع مابين حواجبو حتاا لحد و راد عليها بعصبية:مغااااتكوني غيير نتي لي هزييتهم..باااينة على شكوون لي كاايدخل لهاااد لبييت من غير انااا وياااك؟!!
نسرين فديك اللحضة ودنيهاا بدااو كاايصفروو ودم قرب يجمد فعروقهاا بلخوف لي حااط بيهاا من كل جيهااا كاتقول مع راسهاا
"هاادي لخرى لياا الى موقعاتش شي معجزة و مصفهااش لياا مانقولهاا لحد"
نطقاات بنبرة مخنوقة قربات تبكي: ع.. عصاام...بلا ماتعصب..هانتاا شوو...
قاطعهاا بنفعاال و هو مزاال كايرون فحواايجو:نتي لي ضااربك الله على الجمييع...فينماا نحط شي ورقة تلخدمة ضرووووري توضريهاا و تخلي ديلمي كاانقلب و نهبش بحااال شي حمق...داابااا هااهماا لورااق مشاااو...فين غاانلقاااهم تاااني فييين؟؟؟...
نسرين هزات حاجبهاا وقالت كاتساؤل بإجاز :وراق تلخدمة؟!!
عصام داار عندهاا شااف فيهاا:اييه همااا علاش كانقلب...ملي دخلت لدااار
نسرين تنفسات الصعداء واخدة نفس معمق محاولة ترخي بيه راسهاا و وزفرااتو بمهل....بحالا شي حد كان قاجهاا و رخف عليهاا...
نطقاات مخنزرة فيه: شحااال من مرة كانقوليك داكشي ديالك تلخدمة ماتبقااش تجيبو لداار رااه كاايتلف مابين حوايجي و لكتوبة ديااولي؟!! خلييه فخدمتك...
رد عليها بلغواات: واناا شحااال من مرة كاانقوليك ملي تلقاااي ل*رى ماتبقااايش تقيسيهم رااك كاتغبريهم ؟!!!بحاال كاندوي مع لحيط اعباااد الله مع لحيط!!!
نسرين:وصافي بلا مانبقااو نترااضو هناياا...الى بصح حطيتيهم هنا راه مغايمشيو فيين..(شاافتو بداا كايلووح فلحواايجو لي فلبلاكار و قرباات عندو بزربة حابسااه بمتنااع)غير حيد من هنااا اناا غانقلب فيه...شوف جيهت لكواافوز دياالي يقدرو يكونو تما
ستاجب ليهاا و مشاا كايقلب عقلو مرفووع و مشطوون بلمزياان باغي غير يلقااهم...و نسرين كاطلب الله فخاطرهاا مايرضش لبال لفلوس راه مكاينينش بين حوايجو و يبقاا نااسيهم...
باقي كايقلبو حتاا وقفو صوت تيلفونو كايصوني ليه واحد صاحبو..دوز لابيل و خرج من بيتو يهضر معاه..مخلي موراه نسرين كاتقلب و تقلب مالقاتهم بين كتوبتهااا لي مستفة فلمجر تلكوافوز حتاا سخفات...عرفاات بلي هياا مولاتهاا..مؤخرا ولات فينماا تجمع بيتهاا ضروري ماتوضر شي حاجة..مامركزااش نهائيا و دماغهاا مامعهااش...
حطاتهم ليه فوق سرير بااش يشوفهم...و هزاات تيل كاتصوني على صفاء تشوفهاا فين وصلات فحريرتهاا وبااش فكااتهاا مزاال...نهاار كامل و دمااغهاا مشطون من جيهتهاا...هزات حاجبهااا ملي لقاات تيل ديالهاا طافي... عوجاات شفايفهاا بستغراب و قالت ممكن تكون مزالة عيانة و مباغة حتا واحد يبرزطهاا..دخلات لوتساب سيفطات ليهاا ميساج كاتقوليهاا فيه الى شافتو تاصل بيهاا و بلي بقات مشوشة من جيهتهاا ومن بعد خرجات من لبيت و رجعات تكمل داكشي لي بداات...
هبط سيمو فسونطر فيل قدام واحد الاقامات فشارع محمد الخاامس هاز على حاجبو كايشوف واش لوكاليزاسيون لي سيفط لييه .. مستغرب من الموقع لي عطااه واش من نيتو جايبو لهاد البلاصة ... ماتيقش وزاد من تما طاالع فالساانسوور حتى وصل للبطرمة لي حدد ليه ودق ... كانت راانيا فالدااار واصلة بيها لعظم حتى هي كانت مصدومة مني جابها باها لدار .. مكانتش متوقعة منو يوصل لهاد الدرجة ويكتف لسيمو ذراع بهاد الطريقة مع حلات عينيهااا مغرغرين بالدموووع وااحلة ليها البكية فحلقهااا ... نطقات بصوت خاافت : على سلامتك دخل ...
سيمو حس بيهااا ماشي هي هاديك ودخل بلا رد ... كايدور عينو فالدااار باااينة فيهاا 200 ميترو ... كبييرة قداااش ومجهزة ومقااادة على حقهاا وطرييقهااا ... بلع ريقو والدم هرب من وجهوو وهو كايحاول يستوعب البلاصة لي هو فيهاا ... واش هادا تسطى ... كانت داار كااطل علىى شاارع كبيييير وسط المديينة ... وبالكون قد السخط والبيووت كتار وكبااار ...
اسماعيل شاف فيه وبانتليه صدمتو : مرحبا بنسيبي على سلامتك عند بالي غادير بناقص كااع
سيمو شاف فيه : لا لااا ...(سلم عليه) لاباس عليك ..
اسماعيل : الحمد لله
سيمو مد يدو لسمساار ليكان واقف حدا اسماعيل : سلام اسيدي ..
السمسار : وعليكم السلاام ...
اسماعيل بعجرفة زايدة : ايوا امحمد كيف جاتك الداار ...
سيمو حرك راسو بلا حول : زويينة ... ( باقي مامستوعبش والصهدة طلعات ليه مع راسو ): تبارك الله كبييرة ...
اسمااعيل : مزياان مني عجبااتك داكشي لي بغينا ...
سيمو بلا رد شاف فرانسا وهاد المرة بنظرات فشكل .. حاس برااسو صاافي صبرو تقااضا ومابقا عندو فين يزييد يستحمل ... هاد المهزلة لي طااارية طلع ليه اسمااعيل وتصرفااتو فرااسو ...
رانيا تنهداات ملاقية مادير والا ماتقول باااهااا خرج ليها فالعووود ديال المعقوول وكتر بزااف على سيمو ... لي اكيد هاد المرة صعيب باش يصبر تاني ..
اسماعيل :انااا بعدا عجباتني الدار .. اسوا ادرارينتوما اس قلتو؟؟ ..
سيمو دور ليه وجهو وباينة معاجبو حال : شنوو غانقولو ؟؟ ...
اسماعيل بتفسير : هاد الدار مزياانة ليكم يااكو
السمسار : حتى الا ماعجباتكمش راه كاين من غييرهاا وحسن منهااا ..
اسماعيل : اشوا اشبان ليكم
سيمو هز حاجبو وشافنيشاان فالسمسار: شحاال اشريف الكراا بعدا ؟؟؟ ..
السمسار نطق بايجااز :رااه داايرة 5000 درهم شهريااا بلا الما وضو ... وهاد التمن رااه غير ديال سي اسماعيل لي معرفة وحاولت مع مولااهااا اما راه تستاهل كتر
سيمو خرج عينو بصدمة مامتيقش شنو كاايسمع بالزربة عينيه حماارو وعرووق وجهووو برزو فدقة ..
قرم حجباانو سيمو وهو يحول نظراتو لاستهزاء ناطق بطريقة غريبة وباينة وصلات بيه لعظم : كيفاااش ؟؟؟ ... ( خنزر داير عند اسماعيل ): ياااكمااا اسي عند بااالك راني طاااشرووون ولااا وزير الماااالية ... ماااشي عيقتي شوية ؟؟؟ ...
رانيا رمشااات بصدمة ماقدرات تنطق بحتى كلمة ... عارفة مزيان سيمو مني كايشعل كايولي واحد اخر ...
اسماعيل بايجاز : ومني اوليدي ماقادش على الكرا والزواج اش داك لييه. .. ولا غير سمية رااني غانعيشهاا اميييرة... الفم سااااهل والتطبييق واالو .. الشفوي مكاينش لي مكايعرفش ليه ...
سيمو زند عليه راسو بالبيااان مابقاش كايقشع قداامو ... حاس براسو وصلااات بيه للعظم محااول يتبت غير بزز لايمشي يدير شي حاجة يندم عليها من بعد : الزواااج رااه ارزاااق اسي اسمااعيل ماشي عقود غاتسنيهاا على هوااك وبشوورطك ... انا هاد الحمااق دياالك ماابقااش عندي فين نهزو ... ولاهيلااا قااالك نكري بنص مليوون الهباال هادااا ..
رانيا بلعااات ريقها بانت ليها القضية غادة وكاتزند .. نطقاات محاولة تهدن سيمو : محمد تكااالماا الله يرحم الواليدين ...
سيمو شاف فيها ونطق : شوفي ارانياا مغانكدبش عليك اناا صاافي هاذاا جهدي ... ماابقااش عندي فين نزييد ... مغانضحكش عليك ونقولك غانعيشك فهااد المستوى لي باك كايخطط ليه ... انا جيبي على قدي وكلشي عارف هااادشي ... نتي على راسي وعيني وراكي عاارفة بلااصتك ولايني باااك رااه عيق بالبياااان برب حتى عيق ...
اسماعيل خنزر : هاي هاي شتك كاتعطيني فالوجه ... تقادو الكتاااف ولا كيفاااش ؟؟؟
سيمو الا زاد معاه فالهضراا غايوصل معاه لما هي وما لونها : شوف اسي اسماعيل انااا باغي الدرية ... الوضعية كيف كاتشوفها قداامك ... ماخبيت عليك وااالو ... من غير هااادشي راااه مكاااينش ... مغاديش نسرق بانكا باااش نرضيك
شاف فرانيا باعتدار بلاما يزيد كلمة وتحرك من تمااا طالعة ليه القردة ديال المعقووول ... عينيه حمريين بالاعصااب .. عيا يكاابر على قبل حبو لرانيا ويتحمل احتقار وتصرفاات اسماعيل لييه ولكن هاذا جهدو مايقدش يدير شي حاجة فوق طاااقتو ويحمل راسو مصاريف مستحيل يقد عليها بالمرة ... ركب فموطورو وزاد من تما مكسيري ...
اسمااعيل اعتادر من السمساار وخرج هو ورانيا من تما هابطين مع الدروج دمووعها مغرغرين فعينيهااا ...
اسماعيل بعتاااب :شفتيه كيفااش نفخ عليا ريشو وماحتارمنيش قداامك ... هاذا هو لي مصدعااني بييه ... شوية ويضربنييي ...
رانيا كاتنخصص : ولكن ابابا رااه نتا لي عيقتي علييه ... فين بغيتي توصل بهادشي دياالك ..
خنزر فيهاا : ياااك الالة وليتي معاااااه ... زيدي قدااامي قبل مانتبعك لييه ... الله ينعل لي مااايحشم ... ولاهيلااا كادااافع علييه ... البرهوووش ولا يحل فموووو تقول كايدوي مع قرينوو ... الله يخليها سلعة ..
رانيا عضاات على شناايفهاا حاابسة لبكية حاسة براااسها مخنوووقة خاصها غير شوية وتفركع بالبكاا ماحيلتها لباها لي ساخط على سيمو بالبياان ولا لسيد لي كاتبغي ولي حاسة بيه هز فوق طاقتو حتى تفركع ... ركبو فطااكسي وزادو والهم لي هاازة متقل علييها وخانقهاا ...
مع جوايه الضهر عبدو كان ݣالس فدارهم كايتغدا مع سيمو لي شاد يديه معندو شهية لماكلة...اعصاابو مشحوونة مزياان محااول يتكالما غاا بزز...
قال مزير على يديه بعصبية شديدة:مريييض هداا...بالله حتااا مرييض...نهز 5000 درهم كاملة نحطهاا فلحيوط كل شهر...معرفت شنو قاليه رااسو... بحالا كانطبع فيهم...قلناا دهااز بغاه على حقو و طريقو...تسلفنا و تكلفناا زيرت رااسي حتاا تخنقت و لي حط عليها يديه و بغاها لبنتو كانقولو خوود ماشي مشكل...و لكن يشدني يعلقني بلكرا غاالي لهااد لحد لااااا مانقبلهااش...
عبدو:وصافي برد حتا نتا...زعماا راك عارفو كيف دااير...من لول مبين ليك بلي عزيز عليه لبخ و لبريستيج لخااوي...ماشي جديدة عليك
سيمو مسح على وجهوو لي تحقن بدم:تااا رااه واحد جلااخة لاقاني معاها الله...كوون ماا معزة رانيا بربي حتااا نديير بناااقص من هااد صدااع كااامل و نݣلس دياال رااسي بسباابو... عرفتي قبايلة غير على وجهااا اماا كنت غاانعطيه وااحد جوووج كلمات جهد لي عمرو ينسااهم...كايسحاب ليه واااش لفلووس هماا كلشي...
عبدو:واش غانقوليك...الله يهديه عليكم...راه لصبر حدوود...كوول كوول داباا يفرجهاا ربي...
سيمو:سد ليااا ديلمهاا هااد شهية ݣااع...يييخ
عبدو بهدوء: وتااا كووول اصحبي....(كمل بهدوء مقرب لعندو لخبز) لوليدة كل نهار ولات معروضة لجيهة...طيب لينا فلغدا وتخرج...
سيمو بتساؤل:على فين معروضة ليوم؟!
عبدو: على مقالت غادة عند دوك جيرانا لي فراس الدرب...بنتهم عندها لخطبة ليوم...
رد عليه سيمو بطنز : غاوجد تاني ودنيك...غير تدخل غاتسمعك داك اديسك لمعلوم ديال ديما...
عبدو:هههه وييه...ولكن عن قريب...غانتهنا منو (غمزو و دار الدغمة ففمو و هو مبتاسم)
سيمو هز حاجبو بستفهام...رمش و قال:شنوو زعماا...غا ضرب لكحل فلبيض ولا شنوو؟!
عبدو:بحال داكشي...فكرت و عاود فكرت...و لقيت بلي مكاين لاش نبقا نضيع فلوقت...غادي نطلب يد ديك لخنيفيسة لزوااج...عيييت اخويا مانتسنااا...مابقيتش قادر...صااافي...غانجيهااا نيشاان ونقولها ليها...
سيمو تنهد...معرفش لاش مارتاحش للموضوع...نطق و قال بنبرة امتناع:انااا جيتيني بحالا زربتي...باقي شوية لحال و زيدون ماشي بزاف باش دخلتو فغلاسيون...
عبدو حرك سبابتو بنفي: لا مزربت ماوالو غاجاب ليك الله...هدا هو الجهد...انا ناوي لمعقول...ومكاين لاش نبقى معطل...هاد لوقت لي كانضيعو غير غاندمو عليه من بعد الى بقينا معطلين
سيمو:وااش متاكد...الله يهديك خلي شوية مزال عاد طلب يديهاا...ماتنساش اصحبي بلي غا مؤخرا شوفة مكانتش كاطلعها فيك... زعماا بهاد الزربة تحن و تبغي تزوج بيك...
رد عليه بإقنااع: تاا راه رطاابت...خنساء انا لي كانعرفهاا مزياان....كون كانت شادة من جيهتي مزال...مكانتش غاتبدل تعاملها معايا... ومن هادشي كامل...اناا غير غانلوح الصنارة و نشوف شنو غاطلع...غانديرها ياربحة ياادبحة...
سيمو قرى الإصرار فعينيه...بان ليه معول و مصمم و مستحيل يتراجع...
سكت تواني و قال: والمهم نتا تعرف...ولكن هاحنا نديرو خنساء قبلات و قاديتو لأمور ...نسيتي لحنانة راه مابغتهااش...كيف غادير معاها...
عبدو ضحك:ههه لحنانة حالها سااهل...ملي تشوفني شاد فحبال الصح مغاديش تعكس ليا...تخاافني نݣلس ليها هناا بلزوااج ... وهياا غاتحمااق باش تشوفني مزوج و تشوف ولادي...
سيمو خرج نفسو بتتاقل و خاا ممارتاحش نهائيا و جايه متسرع بزاف فقراارو..وخاص يتقل شوية عاد يفكر فموضوع زواجو بخنساء
نطق برجاء:صافي لي بان ليك..اللهم يسر...
يتبع...
عفاك كمليلينا قصة رائعة ومميزة شكر لكي