بنت السايب الجزء 18

بعدما خرجوا من القااعة مشاااو تغداو مجموعين فواحد المطعم قريييب ليهااا ... سااالااو وهو يصوني تلفون خنساء : الو عمتي ... ايه ايه ... لا حنا عاد لقيتينا تغدينااا .. نتوما عندهااا ... ايوااا صاافي هاحنا غانلحقوا عليكم ... واخاااا ... بسلااامة ... لا لا مغاديش نتعطلوا غير تهناااي ...

قطعاات وشافت فعصام : عمتي ونادية راه عند النكاافة كايتسنااونا نلحقوا عليهم ...

عصام شاف السااعة : انا يلااه نلحق الخدمة ... غير سيرو نتومااا ...

خنساء بايجاب : واخا لي باااان ليك .... يلاه انسرين

نسرين : انا غير عفيوني غانشد طاكسي نرجع للدار عييت بلا قياس وقتلني النعااااس ... غير سيرو نتومااا ...

المهدي : ايوا يلاااه غير نوصلوووك بعداااا ...

عصام : لا صافي بلاما تعدبوا وتصدقوا راجعيين غانشد انا وياهااا طاكسي غير من هنا وعاد نيت نهز موطوري ونمشي للخدمة غير سيرو ماتخليوهمش يتسنااو ...

المهدي : واخا لي بااان ليك ...

( يلاه غايجبد الفلوس وهو ينطق عصام ): بربي مااتخلص غير سيرو ... على حسابي هاد المرة

المهدي ضحك : ههههههه والله مانقوليك لا ... يلاه اخنسااء مانخليوهم كايتسناااو كتر ...

ناضت خنسااء : بسلامة اخويااا ... باي نسرين

عصام : الله يسر .... زادو من تما وهي دور نسرين عند عصام مخرجة فيه عينيهااا : ربي مالك على حاالتك السيد بغااا يخلص الغدااا لااش حااالف لييه ... راااجينااا نقضيوا غرضوااا .. واش شايطين عليك الفلوس ...

خنزر فيها ونطق بنهضة : غاتنوضي نمشيو ولا غاتنعسي هناااا .... زيدي قبل مانصدق ملاكَيهااا معاااك وسط الناااس ....

ساااطت منرفزة ونااضت تابعااااه حتى خلص باغاا تااكل جناابهااا وشدو طاكسي متاجهيين للدار ...

مسااافة الطريق حتى كان مهدي وخنساء قدام النكااافة لي دارو معاهم يتلاقاو حداااهااا استاغلو الفرصة ودواو مع بعضياتهم فراااحة ماحسوش بالطريق بالمرة ... هبطواا وتقدموا للمحااال لي كااان كبيير ومجهز باخر ما كاااين فالديزاااين والماااريااات واللبااااسي والطيااافر وكاااع مستلزمات الاعراااس ....

كانت نادية ونصيرة كايهضروا مع مولااات المحااال ... دخلوااا ووراوتهم الموديلات لي كاينين... اختاارت اللباسي لي بغاات خنساااء وكانو هما ديجا قرروا فالعمارية والمستلزمااات عجبووهاااا وخلات داكشي لي خداااو ... دارو مع النكااافة التاريخ وعطاااوها العربون وخرجوا فرحااانين ...

نصيرة نطقاااات بايجاااز : ايوااا هاذاا مصمار وطرقناااه ... اش بان ليكم ماحدنا مجموعين نمشيو نختارو الخوااتم ....

نطقات نادية متفاجئة : كيفاش نختارو الخواااتم .... على ما بااان ليااا هما لي خاص يختارو الخواااتم بينااتهم بلا بينااا ....

نصيرة بنفي : لااااا ... رجلنا برجلهم وزايدون انا بنت خوياااا ماتصيبش تختار بلا بياا ... اولا اخنساء

خنساء تنهداات طبعاا ماتقدرش تخصر الخاطر لعمتها ... حركات راسها بايجاب : اييه اعمتي ....

نادية حسات بيها غير دايرة الخااطر ومابغاتش تزيد تحكر ...

المهدي : يلاااه باش مانزيدوش نتعطلوا كتر ...

نصيرة : اييه اوليدي بحرااا نلحقواا ....

ركبوا فلوطوو متاجهيين لعند الدهايبي لي كان قريب فين هما ... دخلوا للمحاال كاان زوين بزاااف تقدموا جهة الموديلات بترحيب مول المحااال ....

خنساء شافت فالخواتم لي حط قبالتها بحيرة : هههه هادشي كلو زوين حرت فصرااحة ....

نادية : قيسي وشوفي لي غايجي مع يدك ... بعينيك مغاديش تعرفي تختاري ...

يلاه غاتهز خنساء واحد وهي تنقز نصيرة طارت على واااحد الخاااتم عااااااامر وكبير همة وشااان ... مداتو ليهاا : هاكي قيسي هاذااا على من زيناتو ...

نادية هزات حاجبهااا ماعجبهااش بالمرة جاها عروبي وكبير على يد خنساء ولكن ماقدراااتش تهضر حتى تشوف رأيها هي ...

خنساء خداتو لبساتو فيدهااا ماعجبهااش حسات بيه تقيل ...

نصييرة حمقها : جاااك فن .... جا مع يديداتك كايهبل ...

نادية شافت خنساء ماعاجبهاش الحال وهي تنطق بنفي : انا جاني بحال الا كبير عليها شوية ومجاهاش مع يدها ... ماعرفتش قديم ...

نصيرة فهماتها عوجة على اساس باغا تكايس على ولدها حيت الخاتم باين ساوي : اويلي لااا ما كبير وااالو ... هو هاااداااك ... همة وشااان رق من هادا راااه مغايبانش كاااع ...

نادية شافت فخنساء : اش بان ليك نتي احبيبة ....

خنساء حتى هي ماقتانعاااتش : غانقيس واحد اخر ونشوف ديك الساااعة ...

نادية ابتاسمااات ونصيرة عقدات غوباشتهااا ... خنساء بقات كاتختار هي ومهدي بجوج بييهم حارو بلاا قياااس ماقدوش يرصيو فواااحد ... حتى كاتقول هاذا لي ناخد ويبان ليهااا حسن منو ...

خنساء مخاطباهم : عاونونا رااه حرنا ...

نادية شيرات لواحد فبواطة اخرى من الذهب الابيض طلبات من مول المحل يمدو ليهااا : عطيني هاداك اسيدي عفااك ...

هزو جبدوا ليهااا وهي عطاتو لخنساء تقيسو : هاكي شوفي هادا غايجيك فن ...

خنساء بلعات ريقها جنها وجن الذهب الابيض ...عزيز عليها الصفر كاتحس فيه النخوة وكاترتاح لييه .... خداتو من عندهااا لابساااه ...

نادية حمقها فيدهاا : جاااك غزااال شيييك ... اش بان ليك امهدي ...

المهدي : انا غير لي بان ليها تاخدو كلشي كايجيهااا زوين ( غمزها )

نصيرة : لا لا هاد الذهب البيض مازوينش ... انا عيني مشات على هااداك لي عطيتك فلول ... على من زيناتو وباين فاليد ... هاداااك دااير كي النقرة ماعليه لا سر لا ملح ....

نادية : هههه لا الالة نصيرة بالعكس ... الذهب البيض رااه شيك على الصفر اون بليس غلااا منو وكايبااان طخو كلاااس ...

نصيرة : لا اخيتي الذهب الصفر هو باش كبرنا كاتلبسو العروسة هادشي عاد ولاااا ... انا بعدا ماقنعنيش ...

خنساء شافت القضية غاتحمى و هي ماقتانعات بحتى واحد فيهم ... شافت فمهدي لي حتى هو حار ماعرف مايدير ... نطقات فودن نصيرة بشوية : الله يهديك اعمتي ... بلاما تعصبي ... راااه بالخاطر كايتخاااد العسل من الشهد ... مغايخرج حد من هنا خاصر ليه الخارطر غيير خليني نتكلف ...

نصيرة شافت فيهاا وسكتااات مخلياهاا تصرف ... خنساء مدات ليه هاداك وهزااات واحد اخر متوسط فيه حجيرات خفاااف لبساتو جاهااا فن ... شافت فنادية : اش بان ليك فهادااا انادية ...

نادية ماتنكرش انه عجبها واخا ماعندهاش مع الذهب الصفر ولكن حجيراتو كايلمعوا عطاوه شكل اخر : زوييين ... هاذا بعدا حسن من لاخر ...

خنساء شافت فعمتها : ونتي اعمتي كيف جاااك ؟؟،

نصيرة برضى : زوين حسن من داك البيض ...

خنساء ابتاسمااات وشارت للمهدي بمعنى رأيك حتى هو عجبوا وهي تعطيه لمول المحال يجمعوا ليهااا ...

المهدي لوقت لي هما كانو كايشوفو فالخواتم ختار هو واااحد السرتلة دياال تلاتة الدمااالج متوسطين شار لمول المحال يعطيهااا ليه : هاداكشي لي قلت ليك عافااك ...

مدهاا لييه وهو يشد لخنساء يدهااا ملبسهااا ليهااا : وهادي اختاريتها انااا الا ماعجبااتكش تقدري تبدليهااا دابا نييت ...

خنسااء خرجات عينيهااا مبتاااسمة ونطقااات : اءء .. ولكن ...

قاطعهاا : مكاين ما ولكن ... بصحتك .. كيف جاتك بعدا ؟؟،

خنساء بفرح فرنسااات : ههههه زوينة كاتحمق ... شكرااا ...

نادية صحكات : بالصحة والراحة احبيبة ...

نصيرة فرحات لبنت خوها عاجبها الحاال : تلبسيهاااا فالنفاس ان شااء الله يااربي بصحتك ...

خنساء : الله يعطيكم الصحة .. لهلا يخطيكم ...

المهدي طلب من مول المحال يجمع ليه داكشي معاهم الخاتم ديالو لي اختار حتى هو ... عطااه الفلوس كاااش ديجا ضارب حساب للذهايبي واخا خرج عليه داكشي بلالة ومالي ولكن ماشي خسارة فخنسااء ...

خرجو من تمااا وهي تنطق نادية : ايوا انصيرة حنا باقي تابعانا الكوافورة لي قلت ليك نمشيو عندهاا نرصيو معاها .... اش بان ليك نخليو الدراري يمشيو يشربو شي قهيوة بجوج ويهضروا فخاطرهم رااه عندهم شلا كلاام خاص يقولوه قبل ضريب الصداق ...

المهدي ابتاسم لماماه لي عارفة طبعوا كيف دااير اكيد غايبغي يتفااهم مع خطيبتو فامور قبل العقد ويكونوا فراحتهم ...

نصيرة قرمات حجبانها : ولايني ....

قاطعها مهدي : الا كان فيها مشكل نمشيو معااكم هااانية ...

نادية شافت فنصيرة لي حشمات منو خصوصا انه درويش ومكايخصرش ليهااا بالمرة ... تنهدات : ايه واخااا ولايني مني تساليو وصلها حتى للدار ماتعطلوش عافا اوليدي ...

المهدي ابتاسم بايجاب : كوني هانية ...

نصيرة حركات راسهااا بواخا وشافت فخنساء غير بعينيهاا فهماتهاا انهاا كاتوصيهااا بلاما تدوي .. جاوباتها بنفس الطريقة انها تكون هانية ... سلمو عليهم وركبو فلوطو متاجهين للقهوة ديالو ...

هبط مهدي قدام القهوة هو اللول وعاد هبطات خنساء ضاااحكة وفرحانة غاااطييير مقاداهااا فرحة .... تقدموا جهة القهوة وهو قرب ليهااا وشد يدهااا مشبكهااا مع يدو .. شي لي خلااهااا تبتاااسم بلا شعور وقلبهااا زدح فالتسعين حسااات براسهااا غادة تسخف ... دخلوااا للقهوة كانت ملاااك وااقفة جهة لاكيس ... مع ضااارت وهما يبانو ليهااا داخلين اليد فاليد فخبارهااا موضوع الخطبة قالتها ليهاا نادية وشبعات بكا وفقسة عاد صرطاتها ... قرماات حجباانهااا وهي كاتشوف خنسااء داااخلة بكل اناااقة وشياااكة حواايجهااا ديال الفريع ... لابسة سروال فالخزي خطييير لااصق عليهااا مع تيشورط ابيض فيه العقادي جهة الصدر ودايرة عليهاا جااكيط فالماغون مفتوج جات اصوغتي مع اللبسة وصباااط عااالي واااعر فلون صاكها الابيض ... الشعر مسبسب ضارب لخصرهااا وميكاااابهااا بروفيسيونيل ... طايتها خطييييرة وزينهااا وااخااا بلدي فيه واااحد النخوة خااصة كاتعكس شخصيتهااا ... كانت متوقعة تشوف شي وحدة بلدية ومازويناش ... ولكن تصدمات من لي قدامها .... بلعات ريقها وخدات نفس عميق مصطانعة الابتسامة وقربات جهتهم ... خنساء كانت واقفة كادقق فالقهوة مزياان وهي توقف عليهم ملااك ضاحكة غير بزز ونطقاات فوق النفس : مرحبا مرحبا بالعرسان ديالنا زارتنا البركة ...

خنساء مع الهزة دعينيها كاتبان ليها صفريطة واقفة قدامها كاتفرنس وتعوج وباينة فيها السم من عينيها ... خنزراات ودغيا قلبات المود معوجة كمارتها مخنزرة والقردة طلعات للسطح كاتعرف مزيااان البشار من وجهوااا وكاتعبر الواحد من الشوفة اللولة ...

المهدي : اهلا ملاك ... كيف غادة الخدمة ؟؟

ملااك كاطلع وتهبط فخنساء : كلشي هو هاداك امهدي ... ( مدات يدها لخنساء بمصافحة ): غالبا ااتكوني نتي هي خطيبة المهدي ....

خنساء حسات بيها عينيها ماشي خوت وباينة من الطيارة عينها فمهدي وحاملاهاااااش قلعاتهاااا ... دارت ضحكة صفرة بحال ديالها وبادلاتها المصافحة : وي انا هي خنساء مرااات المهدي المستقبلية ... ( طلعاتها باستفزاز ): وسيادتكم ؟؟

المهدي ضحك ونطق : ههه ملاك هي المساعدة ديالي فالقهوة وهي لي مكلفة بتسييرهاا ... وفنفس الوقت صديقة ديالي من ايااام الدراسة ....

خنساااء هاديك خدامة معااه فالقهوة فهمااتها ولايني ديك صديقة ديالي مادخلاتش ليها لرااسها بالمرة وماعجباتهاااش ... بردات فيها النفس باقي غاتفهم مزياان حدود هاد الصداقة وفين واصلة ولكن ماشي دابا ... نطقات بهدوءمصطنع : متشرفين ...

ملاك بسم : الشرف ليا احبيبة ... ضونك نخليكم دابا ... مني تسالي امهدي غانكون فالبيرو بغيتك فشي حاجة داكوغ ...

المهدي : من بعد وسيفطيلي ايمايل داباا مغاديش نسالي ....

حركات راسها بايجاب عاضة على شفايفها تحت ضحكة خنساء المستفزة لي من دابا مادخلاتش ليها لخاطرهااا بالمرة حسات بيهاا غير كاتنافقها ومن الفوق شوفتها لمهدي وطريقة هضرتها معااه ماعجبوهاش فخطرة .... ولكن دابا مامسالياش ليهااا حتى يدوز العرس وغاتوريهاا بلاصتها وحدودها .... دابا عندها مطرقة فراسها خاصها تفضيها ضروري مع مهدي هي اللولة ...

كلسو تمااا وطلبو قهوة وخنساء خدات كافي كريم ... نطقات بهدوء : احسن ما دارت ماماك والله كنت باغا نيت الفرصة نهضر معااك فواحد الموضوع مهم ....

المهدي ابتاسم : هههههه ياااك الالة اوا الله يسمعنا خير ... فصراحة ماما دارت مزية ...

ضحكات ليه : وايييه ... ( جاب ليهم النادل طلبهم وشكروه وزااد ) ...

المهدي بتساؤل : ايوااا شنو هاد الموضوع المهم لي محير ليا لالة خنسااء...

خنساء تنهدات بالعة ريقهااا مترددة ... هزات نفس عميييق كاتحاول تكالما وتعرف منين تبدا الهضرة : فصراحة امهدي انا مابغيتش تفهمني غلط ... ولا تاخد الموضوع بشي حساسية ...

المهدي هز حاجبو : شنو كاين شطنتيني ؟؟ ...

خنساء تشجعااات وشافت فعينيه نيشاان ناطقة بكل هدوء : احم فصرااحة .. بغيت بقعة من البقع ديااالك كمؤخر صدااق ... تكتب فالعقد ديال الزوااج ...

المهدي هز حاجبو ورمش بتتاقل : كيفااااش ؟؟؟ ... (خنزر عاقد غوباشتو ): بقعة مؤخر صداق ؟؟؟؟

خنساء هادية : مابغيتش تشوفني مادية ... انا مابغيت لا دهاز لا صداااق لا ذهب هادشي كلو مكايهمنيش وماباغاهش ... ( المهدي كايرمش فيها بعدم استيعاب ) ... انا بغيت غير نعيش مرتاااحة ومابغيتش دخل هاد الشرط وتفهمو على اساس اني مكانتيقش فيك ...انا...

قاااطعهااا خابط يدو مع الطبلة وكاارز عليها ... دور عنقو عافط على شفايفو مني شاف كلشي دار جهتو ... ونطق مغدد بشوية : واش عارفة راسك اش كاتقولي ولا لا ... انا راااه مداخلش معاااك فصفقة اخنساااء

خنساء كانت متوقعة ردة فعلو ... بلعات ريقهاا : المهدي ماتعتابرش هاذا شرط للزواج .. هاذا فقط اقتراح ... سوا وافقتي ولا موافقتيش علاقتنا مغايتغير فيهاا واالو وزواجنا غايتم ... من غير الا نتا ماعجباتكش هضرتي وبغيتي تراجع ...

المهدي ضغط على كف يدو وباين فيه معصب وماعاجباهش هضرتها بالمرة ... حاول يتكالما اولا حيت فالقهوة وتانيا مباغيش يقول شي حاجة يندم عليهاا من بعد ... خفض نبرة صوتو : الزواج اخنساااء راااه كايكون بالنية ... وهادشي لي كاتقولي نتي راه شغل الشركااات وانا مادخلش معاك فاستتمار باااش نبداااو نحطو فالتعويضاات ( حمر فيها عينو مامتقبلش كلامهاا ): هاد الهضرة لي كاتقولي راه مكادخلش العقل ... وماعندها معنى اصلااا ...

خنساء عرفاتو شعل : ولكن امهدي غير حاول تفهمني ... كيف قلت ليك راه مغاديش تكتبها ليااا ولا تعطيهااا ليااا ...ر ...ه .

قاطعها بالغوااات : لا راااه كون قلتي كتبهااا لياااا غاندوزهاااا ونعطيك بعيني مغمضين ولايني تقولي لي مؤخر صداااق ... راه لي سمع هادشي غايجي فبالو شلاااا حوااايج ... مابغيتش صراحة نفكر بشي طريقة ماهياااش ولكن راااه فغيمون هاد الهضرة مكاتقااالش .... انا راااه مغاديش نتزوج بوحدة بزز منهااا .وفارض عليهاا راسي باش من البدية تبدا تفكر فالضمانات الى طلقاات ... انا عند بالي غانتزوج كاتبغيتي وتيق فيااا وكاتبادلني نفس المشاااعر ...

خنساء الدموع غرغرو فعينيهااا عارفة راسهاا غالطة ولكن باالهااا فيه مطارق اخرين كاتفكر فيهم وجاها هاذا انسب حل بااش ترتاح نسبيا من جهتهم : نتا من حقك تفكر هاكااا ... ولكن انا راه قلت ليك هادشي ماشي شرط الا مادرتيهش غانلغي الزوااج انا غير اقتارحت عليك .... انا مانقدرش نخلييك حيت بصح غانتزوج بيك حيت انا بغييت وماواخداش الموضوع صفقة كيف يحساب لييك

المهدي شد على راسو ماعرف باش يجاوبهاا صدماتو ومكانش متوقع هادشي ... ماشي حيت ماباغيش يعطيهااا ولكن جاب ليه الله بحال الا متايقاش فييه ... هو عارف مزيان انهااا ماشي من النوع الطماااع وهادشي بااين عليهاااا ولكن المسألة لي دايرة ليه الاعصااب هي عدم تقتها فيه وبالنسبة ليه مسألة التقة ضرورية ... عارف ان كل مرأة من حقهااا تحط الشروط قبل الزواج يوافق عليها الزوج ولا لا كاتبقى مسألة تفاهم بينهم وواخا هكاااك ماعجبوش التصرف ديالها بالمرة ...

خنساء شافات فيه بالعة ريقها وحابسة دمعتها ماتنزلش مابغاتش تحطو فهاد الموقف ولكن مضطرة وماعندها حتى حل اخر ... تنهداات ونطقات : انا غانمشي دابااا نشد طاكسي وبيناتنا التلفون ...

هز عينو فيهااا كايتنهد رمات ليه الجمرة وبغااات تزيد ...نطق : تسناي نوصلك ...

بنفي : لا غير خليك غانشد طااكسي ... من الاحسن نمشي بوحدي ... بسلامة ... ( حطات يدها عليه ودوزاتها بحنااان شوية ودموعها ينزلوا وخرجات من القهوة مخليااه وراهاا هاايم وسارح فدواامة من الافكاار كل مرة واش يقول ليه راسو خربقاتو بالمعقوول ) ....

خرجات خنساء من القهوة بزربة فحال الا هربانة من راسهااا محاملااش تصرفهااا ولا شنو كادير بالمرة ... جات تلفونها مدوزة نمرة رانيا لي كانت كالسة على الجمر كاتسناها تعيط ليها ... غير شافت نمرتها وهي تجاوب بالخف : الو خنساااء

خنساء بصوت حزين : قلتها لييه ...

رانيا بفضول : وشنو ؟؟؟ .... اش قاليك ؟؟

خنساء تنهدات باسف :تعصب بزااااف ... وتصدم ... بففف

رانيا : راني قلتها ليك اصحبتي انا مافهمتش علاش درتي تصرف فحااال هاذااا اصلااا ... طبيعي غادي يتقلق ويتعصب ... الموضوع راه صعيب واكيد غايفهمك غلط

خنسااء ساطت : يااااك الالة ... ومافكرتيش الا مور الزواااج تقلب عليااا وولاو المشاااكل بينااتناا وساسني .... رااه اصحبتي انا ماشي مزوجة لاول مرة ... راااه الا رجعت مطلقة لدارنا مرة اخرى بربي مغادي يرحموني ديك السااعة علااش غادي نرجع بالسلااامة ... واش نتي مكاتسمعيييش المشاكل لي كايطراو ورا الزواج ... وزايدون هادشي راه غير فحالة هو بغا يطلقني ماشي انا لي باغا طلاااق ...

رانيا : ومالكي اختي منوية .... ونيتك ناااقصة ... ديريها فيد الله ...

خنسااء : حتى انا راه قلت ليه سوا قبل سوا لا حنا غادي نتزوجوا ...

رانيااا : انا اختي ماعرفت مانقوليك ... ماتنسايش بيلا راكي قلتي كاتبغي هاد السيد سووو خاصك تيقي فيه ....

خنسااء ضغطات على شفاايفهااا عارفاها مغاديش تفهمها حيت مافخبارها مايتعاود : بسلااامة اراانيااا ... بااي...

قطعااات وشهقاااات ببكاااء مخاطبة نفسهااا : وانا كرهت ... كرهت نرتاح بحال النااااس ... كرهت نتزوج عاااادي كووون جات علياااا نتزوج بيه بلا رياال بلا جوج .... ولكن شكون غايفهمني ... شكون غاادي يفهم اني خايفة الماااضي يرجع ينكد عليا حياااتي .... خايفة الا تفضح المستور هاد الحب مايبقاااش .... خايفة مانلقاش لي يشد بيدي الا تعرف السر لي مخبية ... ( دموعها شلاااال كاينزلوا على خدها ): تمنيت نتزوج بحال الناااس ومانهز الهم لوالو ... كرهت فيه انااااااااا هء ء هء .... ولكن الا عرف شي نهار مهدي لي وقع وعرفو دارنا وساسوني باااش غادي نهز راااسي وانا بلا دااار بلاا دواااار .... هء هء ء هء ... والا عرفني غلطت مع شي حد قبل غايتقبلني ... واش غادي يتفهم ... مانقدرش نعرف واش غانبقى بنفس النظرة فعينو ... خايفة ينسى راه بغاني شي نهااار .. علاياش غانرجع ديييك الساااعة ... حياتي بسباب غلطة عمرها بغااات تقاااد ... باقا كانخلص تمن غلطة درتها فلحظة طيش ... ( انهاارت كاتبكي متكية على الحيط فالزنقة ): هء هء غلطة ولااات بالنسبة ليا لعنة ... وعمرهااا غاتفرقني هء هء هء ... ايمتااا غاانرتااااح ياربي ايمتااااا .. هء هء ... ايمتاااا ... ( كاتشهق وتبكي منهااارة كارهة رااااسهاااا )

بصوت الكاتبة : عمرك تخلي شرفك ولا تخلي شي حد يضحك عليك ... كوني انسااانة واااعية وعمرك تخلي رغبتك تغلب عليك .... ماتنسااايش ولو تكوني متفتحة ان الوسط لي عايشة فيه والمجتمع لي نتي فيه مكايرحمش ... ماتنساايش ان حتى حاجة فهاد الدنيااا مكاتستاهل تخلي انسان ينعت فيك ... حيت مكاينش لي يسمح ليك على غلطة بحال هادي ولا يتقبلهاااا ... غايشوفوك ديما وحدة سمحات فشرفهااا وخلااات انسان يستاغلهااا ... غاتخسري ماضيك وحاضرك ومستقبلك ... فكري فعائلتك كيفاش غايهزو راااسهم من بعد غلط مكايفوتش دقايق ديال المتعة ... فكري فالناس لي كايبغيوك وفكري فراسك هو اللول ... ماتكونيش ضحية لنزوة ممكن تولي لعنة تنكد عليك لي بقا من حياااتك ... غاتفقدي ذاتك وتفقدي هويتك وتفقدي شخصيتك ... ومكاين لي يوقفك مني طيحي ولا يقوليك غانمد ليك يدي وانك ضحية ... غاتكوني المتهمة الرئيسية والمذنبة الوحيدة ... ماتدمريش انسانة بناوهااا عائلتك وتعبو عليهاااا وجراااو باااش يحااافظو علييهااا تحت مايسمى الحب او الرغبة ... كوني انثى بقلبك ومرأة بعقلك وفكري قبل ماتخي اي خطوة ... باش مايكونش مصيرك الهلااااك فوسط غابة عامرة بالذياااب ... حيت نهااار غاتبغي تبداي حياتك من الزيرو وتقولي غانسى لي فااات هاد الماضي مغاديش يسمح ليك وغادي يبقى ملاحقك بحال شي شبح ... عيشي وفرحي ونشطي فحدود وخلي كل حاجة لوقتهاااا ... نهار غاتكوني زوجة فالحلااال غاتمتعي وتعيشي لي بغيتي وقتماا بغييتي ونتي مرتاااحة ومخااايفاااش ... حيت كل حاجة فوقتهااا زوينة ولي سبق العصااا على الغنم كايلقى راسو غارق فحفرة مظلمة صعيب تلقى فيها النوور ...

خنساااء وصلااات للدار حاسة براااسهاا عيااانة وراسهااا قاتلها بالحريق بكترة البكااا والتخمااام والتفكييير ... غير دخلااات لبيتهااا جبداااتهااا بنعسة بحوايجها لي عليهااا ماعاودااتش هزاات الراس بالمرة ... طلات عليها نصيرة لقاتها ناعسة عرفاتهااا عياااات النهار كامل وهي ضور وخلاتها ترتاح...

المهدي دخل للدار معطل ماشي على كاانتو عندو شلااا مطاارق فراسو كايفكر فيهم واهمهم هضرة خنساااء ولي خلاااتووو حاااير وتلفااتو بالمعقول ... معارفش شنو السبب لي خلاها دير هاكااا ولا كيفاش فكرات فهادشي ... تقدم كانت نادية متكية فوسط الدار شادة التلفاازة ... ابتاسمات ليه : المهدي على سللاامتك ...

المهدي بضحكة دابلة : الله يسلمك انادية ...

نادية هزات حاجبهاا : مالك ... شفتك مغير وااش مقلقاك شي حاجة ...

المهدي بنفي : لااا غير عياان وصافي اليوم كان طويل ... بغيت غير نعس ...

نادية بتشكيك : واش طرات شي حاجة بينك وبين خنسااء ؟؟؟ ... كاين شي مشكل ؟؟

تنهد : لا مكاين والو ... مابيني وبينها حتى مشكل .. كلشي مزياان غير تهناااي .. سارة فين هي ؟؟؟

نادية حالهاا ماعجبوش : راه طلعااات لبيتهااا تقراا عندها الامتحااانااات ومابغاتش تخليهم للسيمانة ديال العرس باااش ماتلاهااش راااك عارف مابقى ليهاا والو وترجع ... وزيد المشكل لي وقع بينك وبينهااا مخليهااا تجنبك راك عاارف

المهدي طلع نفس بصوت مسموع : اااه وااخاا .. انا غانطلع نعس ... تصبحي على خيير ..

نادية : نحط ليك العشااا بعدا ؟؟؟

المهدي : لا مافياش ماعندي منين يدوز ...

حركات راسهاا بايجاااب حسات بيه ماهواااش ولكن مابغاتش تحكر عليه ... زاد من تمااا طلع لبيتو بدل عليه ... وحط راسو على المخدة لاوي يدو تحت عنقو كايشوف فالسمااا ... الليل كامل وهو كايفكر فشنو غايدير وكيفاش خاصو يتصرف فهاد الموضووع حاار بالمعقوول .... بقا على داك الحاال حتى صبح الصبااح عاااد غفاا واحد شوية ...

☀️☀️اصبحنا واصبح الملك لله... فاقت خنساء على صوت تليفونهااا كايصووني ... خصرااات كمااارتهاااا مقلوبة بالنعااس ... هزااتوو وجاوبات بلاما تشوف شكوون ... بصوت ناعس : مممم ... ااالوووو

المهدي جابت ليه الضحكة بصوتها : هههه صباح الخير النعاااسة ... باقاا ماشبعتي نعاااس ...

خنساء غير سمعاات صوتو وهي تخرج عينيهااا ووقفااات مقاادة الكلسة : اءء مهدي ... لقيتيني باقا ناعسة ...احم صباح الخير

المهدي : ايوا مزيان باش تولفي نفيقك كل صباااح من مور الزواج ...

ابتاسمااات عاضة على شنايفها : هههه ... فصرااحة ماكرهتش من غدااا ...

وسع ابتسامتو : ياااك ... ايوااا على سلامتي سمعت منك شي حاجة زوينة ... ماعرت كيف طرا اليوم

خنساء سكتات بالعة ريقها ونطقات بخوف : مهدي واش مقلق مني ؟؟؟

حك على لحيتو وجمع ابتسامتو عرفها علاش داوية : لا علاش غادي نتقلق منك ؟؟

خنساء باسى : على الهضرة لي قلت ليك البارح ...

المهدي : لا مامقلقش منك غير تهنااي .. غير هو مابغيتش ندوي على هاد الموضوع ... ياك نتي قلتي بيلا هاد الشرط مغايغير والو سوا وافقت سوا لا ضونك نساي علينا هادشي ... ( سكت ونطق بهدوء ): واخا ؟؟ ...

خنساء ابتاسمااات فهماات انه ماوافقش ومابغااتش تزيد تهضر فهادشي مرة اخرى : اااه واخااا ...

المهدي : انا بغيت دابا تركزي غير فعرسنا لي مابقا ليه وااالو ... ونساي شي لاااخر ... حنا ما بقا ليما واالو ونكونوا تحت سقف وااحد ... وفصراحة وليت نحسب السوااايع ويجيوني تقال

ضحكااات عاجبهاا الحاال : ههههههه اااه ان شاء الله ...

المهدي واقف كايقاد الكرافاط دياالو والكيت فودنو شاد معاها الستوون : اليوم داير مع عصااام باش نمشيو عند واحد الدري كانعرفوووه على قبل الديسكو للعرس وعاااد غانشوفوا شي دراري ديال الدقة المرااكشية ... وراه غانوصلو للدار غانسيفط ليك ميساااج مني نقرب عندكم باش طلي عليا من الشرجم نشوفك ...

ابتاسمات مسبلة عينيهااا منهدة : احم واخااا اسيدي ... غانطل ...

المهدي بتأكيد : نعول عليك .... سييغ ( sûr )

خنساء : صافي راني دويت معاااك ... كون هاااني ...

بقااو كايدويو بحال الا ماوقع والو بينهم الباااارح والمهدي تصرف بشكل عادي ماجبدش معاها كااع الموووضووع ... ماحسوووش بالوقت هضرو بالسواااايع عاااد قطعااات وهبطااات تفطر

اسبوع داز على ابطالنا...دخلاات نصيرة لداار مع جواايه الضهر يلاه جات من لخدمة...وقفاات بدهشة و هزاات حااجبهاا من الروينة لي كاتشوف قدام عينيهاا...داار مقلووبة سفاهاا على علااهااا...كلشي مرون...داازت لبييت لقااتو كولو مقلوب حتا هو ولماعن لي فطرو فيهم بااقين محطوطين...دازت لكوزينة وهيا تزييد توسع نضراتهاا حتا هياا مرونة بحالا عمر شقا فيهاا شي واحد و لمااعن من ديال لعشاا محطوطين فوق لاڤابو مكاين لي غسلهم....

نصيرة مخرجة عينيها من لمنضر مصدومة:يالطيف ياالطيف... شهاادشي(كرزاات على يديهاا وغوتات على حرجهدها):نسرييين....خنساااء...أفيينكم نسرين...خنساااء...أويلي..أشهااد الروااين..اشهااد لوييل...هاادو شنوو كاايديروو...(غوتاااات)نسرييين

نسرين سمعاتها كاتعيط عليهاا و هبطاات عندهاا فاقت صبااح خداات دوش وفطراات..وطلعاات نعساات تااني...ولاات كااتحس برااسهاا مرخية بلااقياااس ومبقاا عندها خاطر لشقا لي مولفة

دخلات لكوزينة شافت فيها ونطقات بهدووء: صبااح لخيير...جيتي..

نصيرة بلغواات معصبة بلمعقول: صبااح الزفت...بااقي شي صبااح داباا..نهاار قرب يدوز ونتي يلااه فايقة...

نسرين كاتسائل بنزعااج:ماالك جايا شاعلة شنو كاين...

نصيرة عاقداهم فتسعين:قرجووطتي ابنادمة بغاات تخرج..عااد سمعتيني؟؟!وجاايا بشوية عليك بحالا يلاه كاتعلمي تمشي ولاخايفة لاارض طيح بيك؟؟دايراهاا بلعااني...

نسرين بنفضة:كنت نااعسة..شنوو بغيتيني لااش معيطة ليااا؟؟!

نصيرة:هااداك النعاااس هوواا لي وليتي كااتعرفي...شهاااد الروااين؟!...(كاتشير للمكان بيديهاا)شوفي دنياا كيف داايرة...جوج عيالات كتاافهم عراااض قدهم قداااش...ومقاادين حتاا يجمعو روينهم..الله ينعل الشبااب ولا صغر ݣااع على هااد لحسااب...نااس كباارين منكم وماتشدوهمش...ونتوما مقادرينش تجمعو حتا روينتكم لي رونتو...

نسرين هزاات حاجبهااا و حاطة يديهاا على كرشهااا:واقلة نسيتي رااني حااملة...مقادااش نجمع حتاا حااجة.. وخنساء هياا لي كاتقابل الطيااب والشقاا...ودابا مع توجاد تلعرس مابقاتش كاتسالي لهادشي كاامل...شنو نقوليهاا ديريه بزز؟؟!

نصيرة(دغياا دوراتهاا ليهاا):نقوولو خنساء مقابلة طيااب ودابا مكاتساليش كاتوجد لنهاارهاا معدورة..ونتي الالة شنوو كااديري...نهااار ومطاال نااعسة شادة ناموسية بااش مااتهربش...داايرة سبة بهااد لحماالة...لكااس ماابقيتيش تغسلييه...بزااف اويلي حشمي شوية ... على هاد لحسااب مغاتسالي هااد تسع شهور وتبلزي داكشي لفكرشك حتتا ينوض فيكم دوود ...

نسرين. بعصبية:شنوو بغيتيني ندير ليكم...رااني حااملة مكاانقدر ندير واالو....الى هزيت لحااجة كاطيح لياا من يدي بدوخة...واقلة ماكتعرفيش لحمالة كيف دايرة وكيف كاترهق لوااحد..غاداوية وصاافي

نصيرة حمراات فيهاا الشوفة مغددة بلمعقوول:اييه كيف قلتي انا مكنعرفش لحمالة...حيت ربي مكاتبهااش لياا نجربهاا...ولكن كاع النااااس لي حاملين وعاشرتهم...مااديرينش هااد لحاالة كااملة لي دايرة نتي...كاتلقاايهاا حاملة تخدم فزنقة وتجي تخدم حتااا فداار...ماااشي ضل نااعسة مجبدة وشاادة كرشهااا ومخللياا دنيااا خاامجة كاتسنى فنااس يطيبو ليهاا ويجمعوو ليهااا روينتهاا وروينة رااجلهاا....لمرى فزماان كااتلقايهاا مركبة ولدهاا فضهرهاا وكرشهاا لفمهااا..تحطب وتعجن وتجمع وتصبن...أماا دااباا كولشي موفر..ولي يشقااا مكاااينش

نسرين:هدااك زماان وهداا زماان...وااش باغاني نبداا نترس عليكم هناايا ونجمع ونجفف وانا حاملة وااحلة فرووحي....

نصيرة:لااا مترسيش علينااا...نتي غير ݣلسي خلي دنياا ݣااع مكرفصة بروينتك...وقولي راني حااملة... وزيدون كون كانت فيك لفايدة وباغا تشقااي...مغاتبقايش دوري عليا هناياا طالقة شعرك كاتشالي بيه وشادة داك لكرش وتبعصصي...

نسرين مرفعة صوتهااا:وماااا منقدرش على شقااا...وااش مكااتفهمييش...رااه لوحم جااني صعيب..ربي لي عاالم بيااا...لبااب مابقيتش كاانعتبوو...زنقة مابقيش كاانشوفهاا....رااك شتيني ملي كنت صحيحة...شقاا معمروو غلبني...داار كانردهاا كااتشعل..

نصيرة:كااناا وكنتوو واادااكشي رااه دااز كاانشوفو حناا دابااا...شنوو كااديري الالة من غيير نعااس...هاالماعن فين مسيبين...هاالبيوت ݣااع مرونين...لمااعن فين فطرتو مقد حتاا واحد فيكم يجمعهم...هااضهر ودن ولغداا بااقي مدااار...لاا صابوون تصبن...لا دنياا تنقاات شكوون لي غاايدير هاادشي...شكوون

نسريين خرجاات نفس بخنقة مغمضة عينيهاا وحالاهم بنرفزة عصبااتهااا...سااطت بصوت مسمووع

نصيرة:وبقااااي تصوطي عليااا تماااك بحاال راابوز...و دييك ليد حيديهاا من فووق دييك لكرش..رااه دري مغااينقزش لعندي راااه مشدوود...سيري جمعي دااك شعر و دوزي شمري على درااعك..وجي تشقااي..برااكة من لفشووش ابنت النااس رااك زدتي فييه

سكتاات تواني وجاوباتهاا بنرفزة :لي بغااا لي يشقاا عليه...يجيب خداامة...انااا مخداامااش عندكم فهااد الداار...كااتسمعي..ودخليهاا لرااسك

نصيرة ضرباات يديهاا مع لبوطااجي بجهد حتاا قفزااتهاا ونطقاات بجدية:اوى الى بغيتي تبقااي شادة يديك علينااا هنايا مكااديري واالو...سيري فحاالك لدااركم...هوماا يقبلو لييك على هباالك...دي فشوشك لخااوي لتيسااع...ماديريهش علياا..رااه طلع لياا هادشي ديالك فووق رااسي وقلز فيه

نسرين بحدة:وااخاا مقلتي عييب...الله ينعل لي بااقي يزيد دقيقة هنااياا...ملي مباغااش تعدريني لهلااا....حتااا اناا غاادا نمشي عند ماماا...حتاااا يجي عصاام ويلقا ليااا شي حل...

نصيرة بدوون تردد نطقاات:سيري...لبااب يخرج الجمل بمتااعو..لمااا وشطاابة حتاا لقااع لبيبر... من نهااار شفنااك مااشفنااا ربااح...داااك الراجل من نهاار بلاه الله وتزوج بيك ونتي قاهراه مسكيين..طيبتييه بمحاااينك...نااس دااو لعيالات وهوا دااا كاريتة...خزيييت...

نسرين مزااادتش معااهاا لهضرة وطلعااات لبيتهاا.. مفقووصة بلمزياان...نطقاات مخاطبة رااسهاا مغددة كاتحل فبلاكاارهاا كاتجبد منو لحوايج بجهد ولاات كلهاا كاترعد بلأعصااب:زويينة هااادي...سيدة حنااا كانقولو ليهاا مريضين عدريناا شوية رااه لوحم صعييب...وهياا مكاتسمعش...بحالا كانهضر مع لحيط....بلحق نستااهل سري وغزاا فياا الله...اناا لي خليتهاا دير لياا هاكاا أنااا...ولكن داابا صاافي مابقيتش غاانصبر...يجي يدير ليااا شي حل معااهااا...هادشي بزاااف

كملاات هضرتهااا كاتنݣر معولة تفااريهاا هااد لمرة..مابقاا عندهاا صبر لنصيرة ومعيااارهاا ليهااا...عتاابراتهاا تماداات عليهاا بزااف وزادت فيه..لبساات جلابيتهااا بلخف..وجمعاات شعرهااا...وهزاات صااك صغير حطات فيه شي حوايج دياولهاا...هبطاات بخطواات سريعة...حلاات لباااب وخرجاات راادخااه بجهد...

نصيرة خرجاات من لكوزينة وهزات حاجبهاا كاتشوف جيهت لبااب مكانتش ضناها غاتمشي..قالت غاتقلق غير شوية كيف لعادة وتبرد تاني وتنزل

نطقاات مخااطبة راسهاا بتعجب:أوو...شفت هاادي دارتهاا بصح وغضباات لداارهم....(سكتاات تواني هزاات يديهاا كاتعضر بفقصة)اوى سيري...مشيااا بلا رجعة.... طرييق لي داتك ماترضك...داايرة فيهاا غضباانة...وسيري حتاا وكاااان تفشي على خااطرك....

وصلاات نسرين لدارهم محطمة ومعصبة فنفس لوقت...دقاات وحلات عليهاا نجااة كانت يلاه سلاات لفطور...هزاات فيهاا حااجبهاا فور مشافت فيهاا وقرات ملاميحهاا الحزينة..بنتهاا ومغدوزهاش عليهاا الى كانت مغيرة... هبطاات عينيها لصااك صغيير لي هاازة..عرفاتهاا مقربلاهاا مع نااسهاا...تنهداات بعمق...ووسعات لييها حلة لباب بااش تدخل...نسرين غير دخلاات لداارهم وعينيهاا عمرو بدموووع...غا سداات نجااة لبااب..وهياا تلااح عليهاا معنقااهااا كاتنخصص بلبكاا:هء هء...ماامااا...هء هء

نجاة مسحاات على ضهرهاا بحناان :شششش ماتبكييش....

لواات يديهاا على ضهرهاا ودخلاتهاا لبييت...خلاتهاا نجااة حتاا بكاات على خاطرهاا خاوية قلبهاا عارفة بنتهاا كاتفاجى غابلبكاا ونحيط...سكتاات وعاوداات ليهاا كلشي من لول حتاا لخر خااوية عليهاا قلبهاا بلمفييد..

نسرين كاتمسح فنيفهاا بكلينيكس:هاادشي ليكااين اماما...حݣرااتني ومرعاتش لياا ولا قالت هاديك السيدة حااملة مقادااش على شقااا هء هء...زادت فيه بزاف هاد لمرة...

ردت نجااة بعصبية فقصهاا تصرف نصيرة مع بنتهاا:وعلااه مالهاا ركبهاا الصعر هادي ولاشنو؟...معارفاكش راك متقلة داباا...ياكماا انا عطيتك ليهم خدامة ومفخبااريش...

نسرين مسحات عينهاا كاتنخصص:هانتي تشوفي...حلفاات لياا مانبقاا ݣالسة..ݣالت ليااا شوفي شكون يشقاا عليك ولا سيري فحالك لداركم...هادشي بزااف علينااا...وانا اماما والله ملي حملت مابقات عندي ݣانة لا شقا ولا لطيااب...غير كانقرب ليهم خاطري كاضياق علياا..وراسي كايدووخ...مبقيتش كانقدر عليهم...

نجاة دوزاات يديهاا على دراعهاا بحنان:الله على بنيتي مسكينة وشكون حس بييك من غيري...شتي كنت عاارفاها...نصيرة راه مغاتقيلكش...كانقولك راها عݣرب وماتقديش عليهااا...

نسرين هبطات راسهاا ونطقات بنزعااج شديد:عييت اماما والله حتاا عييت..

نجااة:وخنسااء وااش مكاتعاونش فشقاا..حتا هياا شادة معاك الضد مكادير والو؟؟!

نسرين:لا لحق يتقاال خنساء من نهاار حملت وهياا لي هازة الداار..هياا لي كاطيب وتشقاا وتجمع...مكاتقول لياا ديري واالو...وفهااد لأيام لخرة مابقاتش كاتسالي مشغولة مع توجاد تاع لعرس..وانا اماما معندي حتا شي سلطة عليهاا باش نقوليهاا جمعي..مايمكنش...

نجااة:اوى وهاديك لعقروشة تصبر فهاد تسع شهور حتاا تفكي ..ودير لماا منين يدوز...مااشي تبقاا تنهض فييك وتفقصك ونتي حاااملة حتاا تصدق طاارية ليك ولا لدااكشي لي فكرشك شي موصيبة بمسبتهااا...

يلااه غااتجاولهاا نسرين..وهوا يقاطهم صوت تيل كايصوني..غير هزاتو ولقاات عصام وهياا تندب حنكهاا بصدمة

نسرين:ناااري اميميتي والى عرفني خرجت من الدار بلا شوارو مغايخلي فياا غير لي نسااا...(مداات تيليفون لنجاة كاتنطق بهستيرية)هااكي جااوبيه...قوليه نسرين مريضة..سخفاانة....كااتموت..قولي ليه لي بغيتي لمهم انا مكااينااش....

نجااة خنزرات فيهاا:وااش تصطيتي...هضري مع رااجلك وقوليه شنو كااين بركة من تبرهييش...يلااااه...

بقاات نسرين كتنهد و كااتشوف فتيل بحيرة مقادراش دوز لابيل خايفة منوو..عارفاه الى مشا حتا عرفهاا جات غضبانة لدارهم بلا خبارو مغايدوزهااش ليهااا بسااهل...

نجاة بنفاد صبر خدات تيل من عندهاا ودوزات لابيل ومدااتو ليهاا كاتهضر بشوية بااش مايسمعهااش:شدي جاااوبي..

نسرين بلعاات ريقهاا وحطااتو على ودنهاا ونطقات كاتفتف:أ..ألو..ع عصاام...

عصاام:وي نسرين..قولي لياا شنو خااص فداار باش نطرݣو معايا الى كنت جااي من لخدمة...ياكماا مشهية تااني شي حااجة..ماتخلينيش حتا ندخل وتبقاي علياا بغيت بغيت...

نسرين زادت عبسات بملاميحهاا خرجاات تنهيدة حاارة وردت عليه بنبرة باكية:اناا مكاينااش فدار أعصاام..ج..جيت لدارناا هااد الصبااح...

عصاام علا حااجبو وجاوبهاا متسائل حاس بنبرة صوتهاا ماهيااش:ولكن علااش مشيتي لدااركم على صبااح؟؟!ياك لابااس؟؟

نسرين سكتات تواني تشجعاات وجاوباتو:تخاسمت مع عمتك وجيت غضباانة لدارناا...صافي اعصام هادا هو جهدي معاهاا..زاادت فيه وبزااف...مابقيتش قاادرة نصبر ليهاا..واش نبقى معاها حتاا يطرطق فياا شي عرق بمسبتهاا...

عصام سمع كل كلمة بهتماام وااضح...زااد طلع حاجبو مخنزر...مسح على وجهو ونااض سد لبااب تاع بيروه بااش مايسمعو حد...

شافتو نسرين تعطل فجوااب ونطقاات بخوف:ا..الو عصاام..ك..كتسمعني؟!

عصاام رجع لبلاصتو ورد عليهاا معصب بنبرتو القوية دغياا طلعاات ليه لقردة:كانسمعك الخرى...كانسمعك...

نسرين شافت فنجاة وعضاات على شفايفهاا عارفة راسهاا قفراتها معاه....ملي تعصبات تصرفات بطيش ونساتو او بلأحرى مضرباتش ليه لحساب..كان همها لوحيد فديك اللحضة هو تغبر من على نصيرة وتحنتهاا....

بقاات ساكتة حتاا قفزهاا صوت عصاام كايغوت فتييل:شحااال من مرة قلت ليك توقع شي حاجة عيطي ليااا انا نفكهاا معاااك...ماالك مكاتسمعييش...مال رااسك قااصح وماكديريش بهضرتي...زعمااا طفرتيه دابا...ملي هزيتي قلووعك ومشيتي لدااركم....درتي مزية؟؟!

نسرين كاتحاول تفسر ليه:وهياا عصبااتني...فقصااتي خلاتني كولي كانغزل...مابقيتش قادرة نبقاا انا وياه فدار وحدة داكشي علااش هزيت رااسي ومشيت فحاالي...كمارتهاا مابقيتش باغا نشوفهاا...

عصاام زااد شعل:وااا دييك ساعة عيطي علياا..قولي لياا شنو كااين...مابغيتيش تشوفيهاا طلعي لبيتك وسدي عليك حتاا نجي ونفك لمشكل..عطا الله مايداار...مااشي تنوضي تخوي داارك...وتفݣعي وتغضبي على لخوى لخااوي...

نسرين:اناا ماشي غاجيت وغضبت...عمرني درتهاا ونتا عارفني..كاتوصل معايا لعضم مع عمتك وكانسكت..ولكن دابا وصلت معاها لحد...باركة علياا شقااي..الى مابغيتيش سيري فحاالك شوفي شكون لي يشقاا علييك....بزاااف مابقيتش قادرة نصبر... هياا مابغاتش تقيلني عليهااا...هادشي لي خلاني نهز راسي ونجي لداارناا..

عصاام زاادت عصباتو بهضرتهاا..تقول لي قالت بنسبة ليه معندهاا حتا مبرر بااش تخووي الداار وتخرج منهاا بلا خباارو...كان عليهاا تعلموو

نطق بنفعاال سااعر:اوى مزياان الالة...تبارك الله عليك على هادشي لي درتي...بغيتي دااركم... مشيتي ليهاا بلا خبااري...وبقااي فيهاا...(بتأكيد ضاغط على هضرتو)عنداااك...عندااك يقوليك رااسك ترجعي...

خنساء بعدما قالت ليهاا نصيرة اش طرا وسمعاتهاا خل ودنيها حتى هي على الروينة لي لقااات .... جمعااات داكشي ونصيرة ردات الغدا بحكم خنساء سيقات الدار كاملة ... سالات وطلعات لبيتهااا يلاه غاتحط راسهااا ترتاح وهي تدخل عليهااا راانيا مقفزاها : اهلا الحيباان

خنساء يدها على قلبها : اناري اصحبتي مالكي ديماااا هاجمة بلا موجب شرع ... ديري الحس راااه كايطيحي فيا النص ... مكانعرفك منين تسلطتي ...

رانيا طلسات مقابلة معاهااا : خلاص حتا نتي شحال بوحاااطية ... تخلعي ماتخاافي نتي ...

خنساء ميقاات : باااز لوجهك زعما الهضور عند ارا برع مكاين غير الله يعطيك صحيحتك جوابك على نابك ...

رانيا : منك تعلمنا ياااختشي ... شديت الحرفة ههههه ...

ضحكات : هههههه لا لا نتي على ماباان ليااا غادي تفوتيني تخيبرتي بالبيااان ... ايوااا اش كاتعااودي ؟؟؟

رانيا : كانعااود السيئات هههه ... وااالو يااختي غير الداار وتمااارة ونتي اش درتي فحريرتك ؟؟

خنساء : اينا حريرة ؟؟؟

رانيا : وااا مهدي شنو درتي معااه فالبلااان ... مابقيتوش هضرتو علييه ؟؟؟

خنساء بنفي : لا هو معاودش جبد معايااا وحتى اناا ضمست القضية ولبدتهااا حسن مانبقااا كانحك على الدبرة حتى نجيبها فقاعي ...

رانيا : ايوااا لابااس مني فهمتي بعداااا ... فين وصلتي فالتوجااد ... ماما راااه غاتبدا ليك الحلوة ديال الخطبة والحنة هاااد الايااام خليتها كاتقيد فالقوااام وقالت ليك على حسااابهااا ماضربيش ليها الهم ...

ضحكااات : ياختي لهلا يخطيكم عليااا ... قولهااا شكرااا ونردهااا لهاا فعرسك ان شااء الله ...

رانيا برجاء : امييين يااربي ايمتااا حتى انا يفرجهاا علياااا الله ونتهنى ...

خنساء : ان شاء الله ياربي ... مايكون غير الخييير ولي قلبو زوين عمرو يضييع ... كايقوليك كل توخير فيه خير

رانيا ربعااات رجليهااا بفضول : امين .... اجي بعدا قوليي لياااا ... خالتي نصيرة شفتها شاعلة كي الوقيدة مني دخلت مالهااا ؟؟؟ ...

خنسااء تمطقاات : نوضااتهااا تاني مع بنت نجاااة وهزااات شطايطها وزادت لدارهم على الخواا الخاااوي ...

خرجات عينيها : اويلي على مشااات لدارهم ...

هخنساء : وااايييه ... ولايني غير بلااتي مغاتهنا حتى تجيبهااا ف*رهااا ... مني يجي عصام يلقاهااا خاوية الدااار بلا خبااارو عند بااالهاا راااه دارت المزية ... كاع لي لعبت المعزة فقرون الجبال غتخلصو فدار الدباغ

رانيا : وعلاااش هاد الحاالة كااملة ؟؟؟

خنساء : غير على الشقاااا تناااكرواا تزايدو فالهضرة ولوخرااا كانت على سبة زادت ... ومانكدبش عليك اصحبتي شتي نسرييين طلعااات ليا فكَنتي .... والنفخة من الفوق بلا فايدة ... قالوها زمان دخانهم عمانا وطعامهم ما جانا .... كون ماااشي على وجه عصااام كون هووااا درت انا وياهااا شي طااب وشي مااا طاااب ولايني فوجه شي كايدوز شي

رانيا تنهدات : صافي اسااطة الصبر وصافي راااه مكاينش شي دار خاطيها الصداااع وميكي عليهااا حتى يفوتهااا الحااال راااه غاتجيب سبتهاا علييك ..

خنساااء مزات يدها بعياء : هادا الله اختي الجهد لي باقي يهز هبالهااا مابقاااش عندي .... عيييت بغييت غير ايمتااا يدوز هاد العرس ونهز قلوعي من هنااا .... طلعلي الخز ...

رانيا ضحكات : هههه انا على ما بان ليااا جاتك الدودة وبغيتي تاكلي الحلوة هههههه ...

ضحكات بلا حول : ياااختي سعداتك هازاهااا منين خفافت كون كااان عندي برود الدم ديااالك كووون رااني ماعرت فين وااصلة ...

رانيا : وااا تيي سيري مكاينش لي ينافسك فهااادشي ... وا المهم غير سايسي مابقا قدماا فااات .... الحاصول نوض نمشي انا رااه غير مسخرة وجيت نطل علييك بالخف ... حتى نشوفك من بعد

خنساء : واخا احبيبة وماتغبريش ...

سلماات عليهااا وزااادت من تمااا خرجااات وخنساء تكااات حاطة راسهاا على المخدة شادة الستون مع المهدي فالوااااتس ...

نسرين قلبهاا ضرب ودمووع تحجرو فعينيهاا لي خرجاتهم بصدمة.. نطقاات بتوسل:حراام علييك اعصاام نعل الشيطاان...راه ماشي هضرة هاادي..

عصام بلغواات عروق عنقو رجعو بارزين:شيطاان مدار لياا والو بااش نلعنو...بناادم لي داار لياا..ملي نتي فيك دااك تزريط بزااف وطيراان الخااوي وحامية فيك لبيضة بلا قيااس...فبقااي فدااركم حتاا تبردي بلمعقول...وشبعيهاا داباا....على الله غير مطلعش ليك فرااسك...

نسرين طااحو دمووع من عينيهاا وضرباات فخضهاا..معاارفة مدير معااه ولاا شنوو تقوليه...عارفة فهاد النقطة بدات مستحيل يتفاهم معاهاا...نجااة طلع ليهاا الدم عرفاتو غايقصح مع نسرين لهضرة و مغايقبلش تخرج غضباانة من الدار بلا خباارو...خطفاات التيل من عندهااا وخاطباتو بنفعاال غير مسبووق...

نجااة مخنزرة:الو ولدي عصاام...معااك نجااة..لاباس عليك

عصاام حط بديه على جبهتوو محااول يتكالمة ويرخي اعصابو لي تشنجاات: مالبااس ماوالو...شتي تاني هاد لماصل الزينة لي وصلناا ليهم....

نسرين قربات عندها تخشات فيهاا كاتسمع..قلبهاا كايضررب كاطلب الله يدير بوجه مهاا ومايعكسش معاها....

نجااة هازة حاجبها:غير قوول لياا اولدي فاااش مقصرة معاكم هاد لبنت..وااش عاجبكم هاادشي لي كاديرو فيهااا...من جيهة عمتك...ومن جيهة نتااا....وااه مراعيتوش ليهاا ݣااع وهياا زعما واحلة فروحهاا...حشوومة اولدي والله حتا حشومة...

عصاام بحدة:بنتك رااه مكاتسمعش...كاادير غير لي فرااسهاا...حاسبااني مكاينش...ملي نوضاتها مع عمتي...تعيط ليااا...تسيفط ميسااج..لعيب علياا الى مجااوبتش من غير الى مت...ولكن بااش تنوض تخوي بلا متقوول واالو...لااا منقبلهااش...

جوباتو بعصبية ممتقبلاش هضرتو:على هياااا غيير جات وخرجات من ضارهاا طااجة...راه عمتك هياا سبااب...هياا لي مقايلاهااش عليهاا...وخلاتهاا تخرج بلاخاطرهاا...الى كاان شي واحد خااصو يتلاام فهادشي كامل رااه هياا نصيرة...

(نسرين بداات كاتنغز فيهاا وتطلب بعينهاا بااش تبرد معااه ومتعصبش...حمرات فيهاا نجاة الشوفة بمعنى"خليني ندوي"وهياا تسقل"

عصاام مرفع نبرة صوتو:ياااك لمشكل عندهاا مع عمتي...اناا علاش تلوحني لتووش وتخليني معاارف واالو...امتا بسلامة كانت غاتقولياا راه طااري لمشكل كون معيطتش عليهاا بصدفة...حتااا نسمعهاا من قنت أخر...

نجاة تنهدات...جاتها هضرتو صحيحة...هيا عارفة بنتهاا مالي كاتعصب مكاتبقااش تعرف شنو كادير...كاتولي تصرف بلا عقل...

نجاة بهدوء كاتحاول ترطب معاه غير بسياسة: فعلا اولدي هياا دارت لغلط ملي معلماتكش...ولكن ماتشدش من جيهتهاا..راه ماشي لخاطرهااا...ملي تعصباات معرفاتش شنو كاادير...كيفماا كان لحال نعدرووهاا..اولا لا؟؟!

عصاام مسح على وجهوو:بعض المراات كايتحدو لياا معاها وحق الله...

نجاة: وزيدون راها مامشاات فين..جاات غير لداارهم...

عصاام:اه منوضاهاا و جات غير لدارهم..مامااتش غير داازو عليه لخيل...

نجاة:وانخليك مانعطلكش على خدمتك...سير حتاا تسالي وجي لعندي،بغييت ندوي معااك...

عصاام:وااقولي لنسريين...مزياان هاادشي لي داارت...داباا غانخلي خدمتي ونجي ندخل لسووق لعيالاات نبداا نفاري فمشاكلهم...مزيااان هاادشي...

قطع لخط معصب ونجااة رجعاات تيل لنسرين لي شداات على راسهااا سمعاات هضرتو كلهااا ولاات خاايفة من لاا توقع معااه فشي مشكل لي ماليهش لحل...عارفاه راسو عااصي ومكايسمعش ليهاا وملي كاايتعصب كاايولي واحد أخر معاهاا...

وقف عصام قدام باب دار نسرين...كان معصب حتا من خدمتو مكملهااش..جاي على وعدو وسعدو يفك هاد لمشكل لي نزل ليه على راسو فجأة هو اللول...نسرين كانت فبيتها ناعسة فوق سرير معنݣة واحد لمخدة بملاميح عابسة... سمعات السرسار وهيا تنوض تحل بحكم ماماها مشغولة مع توجاد لغدا فلكوزينة...توجهاات لباب وحلات وهياا تصدم ملي شاافتو قبالتها بملاميح جامدة عاقدهم فتسعين مايخفاش عليها الى كانت طالعة ليه... كون عرفاتو هوا كون سيفطات نجاة تحل... كان يسحاب ليها خوها يعقوب لي جا من لخدمة...

بلعات ريقهاا ونطقات وهيا راجعة خطوة للخلف مرعودة:ع.. عصاام.. جيتي..(محاولة تفلت منو)انا غانمشي نقولها لماما رااه كااتسنااك...

يلاه غادور بخطوات متسارعة وهو يتبعهاا بزربة شادهاا من دراعهاا بعنف مدخلهاا للداخل..ونطق بنبرتو القوية:اجييي ديلمك لهناا...

نسرين غمضات عينيهاا بألم كانت متوقعة منو شي ردت فعل بحال هادي:أااي عصاام دراااعي درااعي ضرتيني...

عصام زااد زير عليهاا محقد فيها شوفة شااعل:شحااال من مرة تصرعيت فجد بووك وقلت ليك ماديريش شيحاجة بلا شوااري...واش مكاتسمعييش؟؟ولاا كاديريهاا بلعااني؟؟

ردات عليه وهياا كاتحاول تفك دراعها من قبضة يديه كاتبوحط:هء هء طلق مني..انا ماشي لخاطري خرجت من الداار..راه عمتك هياا سبابي...

عصاام كايحرك فدارعهاا بنفضة غارس صباعو فيهاا وهياا مغمضة عينيهاا من الالم:مكاينااش تيليفوون...مكااين ميسااج ..علاااش ماتقوليهاااش ليااا...علاااش؟؟!

نطقاات نجاة من وسط الداار مرفعة صوتهاا كاتساؤل:أشكوون لي جااا أنسريين؟؟!

عصام: (طلق منهاا بجهد كمل كاارز على سنانو)عند والديك الزهر كاينة فداركم...اما كنت غانسى رااك حاملة ونوريك شناهياا تخرجي غضبانة من دارك وديري لي فرااسك بحالا أنا مكااينش....

نسرين دارت اديهاا على دراعهاا كاتبرد فيه وردت عليهاا معوجة شفايفهاا:هادااا عصااام لي جا اماما...(كملات بصوت خافت)..د..دخل...

خنزر فيهااا وزاد ضارب على كتفهاا...تلاقا مع نجاة فدخلة باس على راسها كيفماا موالف... وزاد دخل هوا وياها لبيت ونسرين تابعاهم من اللور...

نجاة ݣلسات:اوى اولدي لاباس عليك كلشي بخير؟؟!

عصام بهدوء:كنت بخير وعلى خير مع الصبااح حتا سقت لخبار لمشكل لي واقعة فيه هاد لمخلوقة مع عمتي...

نجاة:اوى اولدي دويو علينا وجيو علينا...عمتك زاادت فيه هااد لمرة..اويلي مراعاتش ݣاع للبنت راه حاملة مقادااش...بغاتها تشقا عليهاا بزز...راه دااكشي لي كانت مولفة فيها مع لحمالة مابقااش

عصام بضيق:اخالتي نجاة الله يهديك...را حتا نسرين كاتعصب معاهاا...كون مجبدات معاها لحبل تاني وبقات كاتعطى معاها كلمة مني كلمة منك...ݣاعمة يوصل بجوج لهاد لماصل...

نقزات نسرين ناطقة معبسة:اناا مقلت ليها واالو...وزيدون هياا لي جبدااتني...

عصاام هز حاجبو فيهاا:اه زعما غاتكوني سكتي... بربي واخااا تحلفي ليا وسط لما بلي متقابلتيش معاها مانتيقك...(صغر فيها عينيه)ماالك عزيز علييك الصدااع ولمشاكيل...نتي عاارفة عمتي كيف الدايرة وكاديري فيهاا الرااس..

نسرين بنفعاال شديد:مااال هاد عمتك هادي شنو تكون فملك الله حتا كلكم كاتخاافو منهاا ومكاتبغيوش تخسرو ليها لخاطر وكلمتهاا هياا لي كااينة...اناااري بزااف

عصاام خنزر فيهاا:كااين فرق مابين تخاف من شي حد وماابين تحتاارمو....وعمتي رااه بحاال مي الله يرحمهاا وفمقامهاا..وطبيعي مانخسرش ليهاا لخاطر واخا معرفت شنوو يطرى...واخا تكون هيا لي غالطة... (كمل محمر فيهاا الشوفة)ونقولها ليك قداام مك رااه وخاا نعرف نخسر معاك نتي لي مزوج بيك وهيااا لااا..مانقدرش

نسرين بنبرة بااكية:ياااك اعصاام يااك..لهااد الدرجة كاتفضلهاا علياا وكاتقولهاا ليا فوجهي...

نجااة قطعااتها:سكتي نتي ماتعصبيش راك حاملة مامزيانش ليك... خليني ندوي مع الولد ونتافهم معاه(شاافت فيه)سمع أعصاام...اناا عارفة بلي نصيرة مقطرة ليك من عينيك وعزيزة عليك...هيا لي رباتك ودارت منك راجل لي تمناه اي وحد يكون نسيبها ويتزوج ببنتها...وربي شاهد عليا نهار جيتي طلبتي يد بنتي فرحت بييك وقلت مغانلقاش حسن منك ليهاا حيت دايرة فكتافها راجل...ولكن رااه عمتك هاد لمرة مدايرة فيها مايصلااح...والله لعضيم كون مكانت نسرين حاملة وجات نصيرة تشكا ليا منها حيت مابغااش تشقاا كنت نجرهاا من ودنها قدامهاا ونوريهاا...ولكن دابا معندهاا ماتقول..واناا بنت وحدة لي عندي مغانبغيهااش تعدب وتمحن راسهاا وهيا واحلة فروحها الله بوحدو لي عالم بيها

عصاام تنهد ورد عليها بتبات:وااحتا انا مابغيش ليهاا تعدب...ماباغيش ليهاا تماارة ..فين عمرني قلت ليهاا هزي حتا لكااس..ملي حملات وهياا ناعسة مكادير واالو...وانا عادرهاا عمرني بززت عليهاا شي حاجة..حيت راه بصح لحمالة ماسهلااش...انا لي عصبني هو ملي مقالت ليا واالو...اما كون ملي وقع لمشكل مع الصباح هضرة معايا بلى مادير لي فراسهاا...كنت غانهضر مع عمتي ونقاد معاها لأمور عااادي...بلا مااتنووض هااد لهيلالة كاااملة وقربالة وغير على قبل الشقااا...وااالو لخوى لخااوي....

نجاة:اوى حتا دابا الله يرضي علييك هضر معاها.. قوليها تقيلها عليها حتا تفوت هااد تسع شهور..راهااا متقلة مقادااش..ولا انا لي غانجيب بنتي تݣلس عندي ونقابلها حتى يفكها الله على خيير وتولد عاد نرجعها لدارها..نبعدو ݣاع حنا من هااد الصدااعات كلهاا

عصام سكت تواني وتنهد...عارف نسرين طبعها صعيب و مكاتفاهمش مع نصيرة.. وفنفس لوقت عادرهاا..حيت حاملة..وشقاها قبل ماتحمل كان كايبرد ليه لقلب و الدنيا ديما كانت كااتشعل...معݣزهاا دابا وخلاها ترخى غيير لوحم وعارف حتاا نصيرة مساهلااش ولواحد خااصو نيت يضبط أعصابو معاها ولا غاينوضها ضدهاا..

مسح على وجهوو ونطق بهدوء:غاتبقى فدارهاا معززة و مكرمة حتا تولد ان شاء الله...انا غانهضر مع عمتي... (شاف فيها بتحدير)و حتاا هياا تسمح شوية فحقهاا ومتبقااش تجاحد معاها دير عقلهاا الى بغات تعيش معاها مزياان...

نسرين حدرات راسها ونطقات بصوت مبحوح:انا ديما سامحة فحقي..وعلى قبلك كانميك على شحال من حاجة كاديرها ليااا...غير بااش مانوضش الصدااع...وحتاا دابا غادي نعاود نحني الراس ونسمح فحقي...(هزات راسها شافت فيه) ولكن تهضر معاهااا..تقوليها تفرقني عليهاا وتخليني فحالي..راني مابقيتش قادة على صداعهاا...

جوبها عصام بإصرار:وصاافي مكاتعاود غير الصلاة على النبي...هضرة وحدة قلناهاا...يلااه نوضي تݣعدي نمشيو....

بتاسمات ليه نسرين بخفوت فرحانة وناضت تلبس عليها باش تمشي معااه...

نجاة طبطبات على ورى كتفو برضى:سااعف اولدي سااعف...الله يرضي عليك...

حرك ليهاا راسو بلإجاب بلا مايدوي...كايفكر فكيفاش غايقنع عمتو ويهضر معاها..مهمتو معاها مغاتكونش ساهلة بلمرة...

تعاشااات العشية و دخل عصاام ونسرين للدار وهي هازة خنافرهاا للسمااا وريشهاا كي الطاااووس ... تقدمواا للصالون كاانت نصيرة وخنساء شادين المسلسل كايتفرجوااا ... هزات فيهااا نصيرة عينيهااا وهي تنطق باستهزاااء : على السلاااامة ... تفشيتي برد عليك الراااس ...

نسرين خنزرات وشافت فعصااام بشكوى : واا شتي هاا لي قلت ليييك ... باغااا غير تفقسني ...

عصام ساااط ونهض فنسريين : طلعي لبيتك هاني جاااي ...

نسرين ميقاات معاوداتهاااش غا تاكل نصيرة بعينيهااا وزادت من تمااا مقندشة وغادة تفركع طلعااات لبيتهاا كيف قالهاا ...

عصام مسح على وجهوا ونطق بهدوء : عافااك اعمتي وداباا غانطلبك الله يرحم ليك الواليدين لامااا خلي عليك نسرين فحااالهاا راهااا حاملة دابااا وماقاداش على الشقا لي دارتو هو هاداك ولي مادارتهاااش ماشي مشكل ... ماتبقاايش تحكري على اي حااجة ...

نصيرة خرجااات فيه عينيهااا هازة حاجبهااا ودارت يدهاا على خصرهاا مقندشة : يااااك اوليدي ... شااارجااااتك النسيييبة ... جيتي حااامي ومعمر حتى تفركعتي عليااا بلا فرانات ... ايوااا الله يجاازيك هاذاا المضنون فيك ...

عصام تنهد بلا حول : الله يهديك اعمتي راااه ...

قاطعااتو مكشكشة : ايواااا اوليدي ياااا عصااام ملي وليت انااا الغاالطة والخايبة وانا العااايبة فهااادشي كااامل .. حتى داااباا طاااحت وجبرنااااهااا نولي حتى انا نجي ونريح ونكلس فحاال الناااافسة ... ماالي مشتاقة فتمارة نجي منهااا ونرجع ليهااا ... لي بغاا يخلي يخلي ولي بغااا يجلي يجلي .. نريح حتى انا عضاامي ونتهنى ... ( شارت لخنسااء ): وخلييو هااادي ترس عليك وعلى مرااااتك وتخدم عليهااا و تضرب الكرفي كي التراااسة ...

عصاام : ولكن اعمتي اش دخل خنساء فهاادشي تاني ...

نصيرة بعتاب : وااش عند بااالك الا ساااكتة ليكم راااه عاجبهااا الحااال النهاار وطالو وهي تجمع ورااا مراااتك وتنقي عليهااا ... ولالة العياالات كتاااكل وتشرب وتنعس فحاال القاايدة تقول غاتولد لياا المهدي المنتظر ... غا هي لي حاااملة والقطوووط ( كاتشوف فخنساء بالغدااايد ): ولايني سرهااا هي لي بوحاطية وبوهاالية لي جااا يعفس عليهااا نهاار تحتااج صحتهاا لداار رااجلهاا غاتلقااها تساست على بنت نجاااة ... ديك الساعة رااه غاتجي مرتك تعاااونهااا

عصاام دار فنصيرة : عمتي خنسااء خليهااا بعيدة علااش كادوي فبلااصتهااا ...

يلااه غاتنطق نصيرة وهي تكعد خنسااء مقااادة الكلسة : شوف اعصاااام انااا فاهمة راااه مرتك حاااملة ومتقلة الله يحسن العون ومكاتقدش على الطيااب ماقلنااا عييب الوحم الله يسمح لينا من حق الواليدين ... ولااايني اخويا دوي علينااا وجي علينااا راااه ماعندها معنى تبقى منشورة فكشينتهااا الكاااس ماتهزوووش .... راااه قبل كلشي لصحتهاا مامزياااناااش ... تعطيهااا لنعااااس حتى طيبااات سريييرهااا ولا طااالب الشرع ... ومانكدبش عليك اخوويا راه عمتي ماشي غير جااات ودوااات وزايدون مااقااالت عيب انا براااسي صرصدااتني ولايني كانشوف عندها الحق شكون غايدير الشقاا من غيرنااا هاذااا ماشي سبب يخلي مرتك نخرج تخوي الدااار وتدير فيهاا اليدين والرجليين راه دباز الحباب من العتبة للباب مكاين لاش يسمعنا حد اخر على والو ... ومن الفوق انا راااه نصبر اليوم وغداااا ويفيض الكاااس وهانااا ماكنتش شكوون غايشقا ليهاا نتا ولا بااا ...

عصااام غمض عينووو بحيرة راه عارف ان نسرين زادت فيه وعارف خنساء من حقها يطلع ليها الدم تهز حتى تعيا وتنفر ولااا مابين نارين ماحيلتو لعمتوو ماحيلتووو لمرتووو حس برااسو غايحماااق وماصااب جهد لحتى وحدة فيهم ..

نصيرة حطاات يدخااا على كتفو : الحمااالة اوليدي راااه مكاتجيش بالنعااس وهي تحمد الله وتشكروا كلشي عندهاا بيخيير كون غير كانت مضرورة بالله وبالعدر ولاايني هي صحة سللااام دير يدهاا فيد لووستهااا وتعااونهااا وهي رااااه ماشي شي وحدة لي خايبة غاتقولها ديري علااش مقااداش والعيب راه ماعليا ما على خنساااء مني يجي شي حد ويلقى الروينة العيب على العروووسة اما هادي شوي وتمشي لدار راجلهااا ... وراه كايقوليك لي مايخيط كساتو ويطيب غداتو ويحلب شاتو موتو حسن من حياتو ... ( بتأكيد ): رااه لي هز دقتها اليوم ماااا يهزهااا غداااا ...

زادت من تماا فكعاانة حيت دااار فيها بالنسبة ليهاا كاتشوف راسهااا ماغلطاااتش وقالت غير الصح ...

عصااام كلس وشد اااسو تحت انظاار خنسااء لي مكانتش باغا دوي ولكن دورتو فنصيرة ماعجباااتهاااش بالمرة ... شافت فيه بحزن وانتابها الندم علاش شكات عليه اصلااا ... وهوو لي فيه كاافيه

هز فيهاا عينو ورسم ابتسامة ذابلة على وجهوا ونطق بخفووت مخاطبهاا : اجي حداياا ندوي معاك اجي ..

خنساء بقا فيهااا قربات حداااه وشافت فيه باسى : مابغيتش تقلق مني اخويا ولكن راه عمتي مقالت ليهااا عييب ... قالت غير دير لي قدات عليه وصافي ...

عصام ابتاسم وقرب يدو مخربق ليها فشعرهااا: عارف عااارف ...عارف مزيااان اختي بيلااا نسرين كاتفشش فوق القياااس ... ولايني اخنساء نتي مرأة بحالك بحالهاا وغاتعرفي ان كل بنت من حقهااا ولو مرة وحدة تفشش شوية فهاد المرحلة ... ( حط يدو يدو على كتفها مطبطب عليهااا ): انا اختي من هادشي كامل ماباغي نضرك لا نتي لا هي .... وكلكم فمقام واااحد عندي وربي شااااهد ... داكشي علاااش بغيتك تعتابري خوك طلبك تعاونييه ... مابغيتش نتسمى مسخوط عمتي راك عارفة معزتها عندي ... وفنفس الوقت مابغيتش نبااان خايب مع مرتي .... ونتي لي غادي تفهميني ... لي قديتي عليهااا اختي ديريهااا ولي ماقديتيش خليهااا نجي ونعاااونك فيهاااا غير قوليلي والعيب والعااار يدي بيدك ... المهم نقصو الصداااع اناا راااه مابقيت عاارف لمن ندير الخاااطر ولا فصف من نجي لي درتو ماشي هو هاداك ... الا جات على خاطرك عتابري هاذااا طلب خاااص مني وساايسي معاااها نتي على الاقل ...

خنساء تنهدااات حااسة بيه مكاانة خوهاا كبييرة عندهاا بلا قيااس ويمكن اكتر رجل كاتبغيه فحياااتهااا هو عصااام من ديماا حبهاا ليه ومعزتو عندهاااا كبيرة وخاصة ... وماباغاهش يتحط فهاد الموقف ... عارفة انه محطوط فوضع صعيب ومالقى ليه حيلة ... ابتاسمااات ليه ماتقدرش تخصر ليه بالمرة وهو طلبها ولو دير فوق جهدها : كلامك اخويااا على راسي وعيني ... ولي تقالت علييك خفافت علياااا ... وعلى وجهك اعصااام لي خلاتها انا غانديرهاا ونقوم بيهااا غير تهنى من هاد الناااحية ... نتا بقاا غير على خااطرك وماتمرضش راااسك ... واخااا تبقى ناعسة النهااار كاامل مغانهضرش معااهااا ومانقولهااا هزي حتى داااك الكاااس من بلاصتو .... كون هاني

عصام : وعمتي نصيرة غاتكون تقلقات ..

حركات راسهاا بنفي : نتا ماتهزش ليها الهم عمتي ضربهااا على حساابي انا غانتكلف بيهااا ..

عصاام ارتاح نسبيا على الاقل من جهة خنسااء لي عارفهاا واخاا قبيحة دغيا كاترطاااب والا جيتيهاا للخاطر تاكلهااا بحوايجهااا وهي لي تقدر تهدن ليه الوضع على الاقل غير فالمدة لي باقا معااهم : الله يرضي علييك ... انا عاارفك مراة ونص ..

ضحكااات ليه : يااااك بعداااا ... اسيدي تبقى غير نتااا على خير هاديك هي الدنيااا ومافيهااا

عصاام : لهلا يخطيك عليااا ... ( وقف ): انا غانطلع نرتاااح شوية عييت ...

حركات راسهااا بايحاب وهو زاد من تمااا كايتنهد ... ساطت بلا حول معاجبهاااش حالة خوها بالمرة ... كاتحس بنسرين باقا ماعارفاتش تصرف فالحيااة الزوجية وتكسب رااجلهااا ... كاتحسدهااا على حاالهاا حيت ماعندها حتى مشكل لي يخليهااا تعيش فهاد الصداااع الا عرفااات تصرف ... نطقااات مخااطبة نفسهاا بحصرة : اييه يااا خويااا وفيمن طحتي وحتى اناا زدت ليك فيه وغطستي ما نضتي .... قاليك اعمى بن اعمى لي كيشوف الغيام فالسما ويدير حيكو فالمااا ... بفففف ...

ناضت من تمااا توجد العشااا قبل ماتنوض عليه شي قربالة اخرى ...

طلع عصام مع الدروج داز من حدا لببت ديال نصيرة ولقاهاا ݣالسة فوق سرير كاتطوي فلحوايج...طلعات راسهاا وبان ليها هوا وهياا تهبط راسهاا فݣعانة ماباغاش تشوف فيه...بتاسم بخفوت عارفهاا غضبانة منو وتعصيبتهاا حاارة....

نطق بتساؤل:عمتي واخا ندخل؟!

نصيرة بنفخة:مممم نسيتي شي حاجة ماقلتيهاش ليا وجاي تسمعها لياا دابا...هضر غا من تماا بلا دخل....كانسمعك

تنهد وقرب لعندهاا ݣالس فجنب سرير...وبااس على راسهاا ونطق بحنان بااغي يراضيهاا: شتي ݣااع هاد لبشاار لي فهاد العالم كاامل يتقلق مني وياخد من جيهتي وعندي هااانية يشرب لبحر مهاامنييش...ولكن نتي العزيزة مانقدرش نخليك مقلقة مني ولا نقدر نتخاسم معااك...وخاا نبغي ماانقدرش...والله مانقدر...حيت عندي غاالية بزااف..وتاوحد ماايجي فبلاصتك

نصيرة غرغرو عينيهااا شدات فيديه بحنان: اناا اولدي راه ماهضرت معا مرتك غير على مصلاحتهاا..اماا شقاا راه لي جا يديرو..ولكن راه داار دارهاا...ناس الى دخلو وشافو دنياا حالتهاا غايعيبو عليهاا هياا...وهاادشي هياا مافهماهش...عند بالهاا واش باغة نعدبهاا وهياا حاملة ومكانراعيش لييهاا...ولكن خليهاا تقول لي بغاات...ربي راه مطالع على داخل ديال أي واحد فينااا...

عصام:عندك الصح اعمتي فكل هضرة قلتيهاا كلامك هو لكبير...ورااك عارفة نسرين بعض لمرات كاتصغر عقلهاا حتاا كايولي قد ديال نملة...ماتديش علييهااا ومايبقااش فيك لحاال...ومسحيهاا فيااا..

خرجات نفسهاا بصوت مسموع وبدات كاتطوي بنزعااج:اودي شحااال قدي نبدااا نمسح فييك شحاال،مالها باقة صغيرة معارفااش...خليني خليني...

عصاام عاود باس على راسهاا :وصاافي اعمتي الله يساامح...

نصيرة حركاات راسهاا:مااشي مشكل دنياا هانية اولدي...غاهني بالك وسير ترتااح راه مامقلقة عليك ما واالو...

عصاام بتاسم وجاوبهاا برجااء:الله يخلييك ليااا (دار يديه فجيبو وجبد 200 درهم من بزطامو وخشاها فيديهاا)هااكي بااش تمشي لحمام وتاخدي الى خصاتك شي حاجة...

نصيرة بغاات ترضهاا ليه:لا اولدي مخاصني والو هاد ساعة غاشد فلووسك عندك الله يرضي عليك...

عصام باس على يديهاا لي مادا ليه بيهاا لفلوس:رزقك هدااك بصحتك...تستااهلي كتر و كل خيير

بتااسمات ليه وخشاتها فسدرهاا فرحانة:الله يقويهم عليك اولدي وعمرهم يخصووك...

عصاام: أميين يااربي ..(كمل كايعيط)نسرييين...نسريين...

نصيرة خنزرات:لااش كااتعيط ليهاا..لااش؟!

عصام:وصاافي اعمتي زعماا دوينااا...(عااود رفع نبرة صوتو)وااا نسريين...

نسرين سمعااتو كانت يلاه بدلات عليهاا ولبسات بيجامتهاا..هزات بينوار خفيف لاحتو عليهاا وخرجات لعندو...لقاتو فبيت نصيرة وهيا ݣالسة حداه..هزات حاجبهاا غاضبة:نعاام شنو بغيتني؟!..

عصام بهدوء:دخلي تسامحي مع عمتي يلااه...

وسعات فيه نضرتهاا بعدم تصديق...ونصيرة نطقات بنفي:ماتسامح معايا مانتسامح معاها..كلهاا يشد تيقاارو عندو...بغاتني نخليهاا عليهاا ونعطيهات تيسااع وهاناا مخلياهاا...

عصاام بطلب:ولوااه اعمتي بلا ماتبقااي شادة من جيهتك عليهاا..صاافي نساااي... وزعماا حناا كانوجدو لفرح وخااص لخواطر تكوون صافية..(شاف فنسرين غامزها)ويلاه دوزي تسامحي معاها...نعلي شيطاان حتا نتي...

نسرين خدات نفس معمق وخرجاتو بمهل مابغاتش تخسر ليه الخاطر ونيت باغة دير لما منين يدوز ماتبقاش معاديا معاها على والو...بنسبة ليهاا لموضوع مايستاهلش هادشي كامل.. .قربات لعندهاا باست على راسها ناطقة برجااء:الله يسامح...والى سمعتي مني شي كلمة معجباتكش مع الصباح..راه غير كنت كاعية... سمحيلياا...

طلعات فيهاا لعين سكتات تواني ونطقات برضى:ماشي مشكل...المسماحة

بتاسم عصام مرتاح نسبيا حيت لأمور تصلحات بيناتهم...

نطقاات نسرين مبتاسمة بجنب:هانا غادي نمشي نعاون خنساء فلعشا.. ملي يوجد نعيط ليكم...

كملات هضرتهاا وخرجات من لبيت... نصيرة بقات متبعاهاا حتا ختافاات عبى انضارهااا و نغزات على دراع عصام كاتهضر بشوية:وااشتي..راه دري الصغير الى مابكااش ماتهزووش مو و لكمون الى ماتحكش مايعطيش الريحة..هاهياا فهماات راسهاا.. كون جيت وجمعت الدنياا بلا مانقوليهاا والو..كون راه تلقايهاا تاني مجبدة نااعسة كاتسنا فلعشاا يوجد عاد تنزل تاكل بلا مادير حتى حاجة...ولكن مزياان بعداا ديك النوضة ديال الصباح مامشاتش خلاا...

عصاام ضحك بلا حول وناض يبدل عليه...ماتقادو لأمور بيناتهم ورضاهم

.. حتا بغا عقلو يخرج ماعرف لمن يعطي الراس...حل بلاكارو و جبد فوطة وبينوارو....ودااز يااخد الدوش يخلي فيه لعياا....حاس بنهاارو دااز طويل ومتعب..

يتبع...