بنت السايب الجزء الثامن

غير وشوشات ليها وهي تبدا :

اشداايرى ليه عاجبااه ...اشديرى ليييه

هادي نسرين عاجبااه اشديرى لييه

(توسعاات ابتسامة نسرين ووقفاات وسط الصالون كاتشطح وتلوز وتحرك فيديهاا يمين وشماال عااجبهااا لحااال كايغنيو عليهاا)

اشدايرى لييه عاجباه....اشديرى لييه

ياا وبداك لعويناات سالبااه اشدايرى لييه

اشدايرى لييه عاجباه....اشدايرى لييه

يا وسيدي عصاااام عاجبااه واش داايرى ليييه

اشدايرى لييه عاجباه....اشديرى لييه

يا بديك الضحيكة عااجبااه اشديرى لييه

اشدايرى لييه عاجباه...اشدايرى لييه

يابلحياا ولعرااض عااجبااه اشدايرى لييه

شطحاات نسرين ودردكاات خااوية هوايشهاا فشطيح مامقصرااش من جهدهااا..وحتا لعيالات ناضو حتا همااا وحدة مورة وحدة كايشطحوو...مفوجيين مع ديك اللعابة لي منشطااهم هياا ورباعتها...دودور وتغني بسمياتهم وتمدح فيهم بااش يغرموو ليهاا..وزيد يحمى الطرح كتر وكتر

سالات النقااشة لخنسااء وجاااو لبناات لعزباات من لحضوور حتاا هماا يرشموو معاهاا صبيع..متفائلين ان حنتهاا غاتكون فال خير علييهم...دخلوو صينياات ديال أتاي لضيااف..ومعااهم ااطبااسل دياال الحلوة بالأشكاال...تفرقوو على لحضوور لي كاانو نااشطيين ومستمتعيين بالأجوااء ديال العرس...نݣافة تسناات خنسااء حتا نشفات ليهاا الحنة...زولوهاا ليهاا بدبليج ديال الفضة والقطن...ونوضااتهااا مطلعاهاا لبيتهاا منݣفاهاا بزغااريت وصلاة على النبي باش تبدل علييهااا...

نصيرة كانت لابسة قفطانهاا لخفيف و طول لوقت مشمرة على دراعهاا واقفة على شغلهاا بيديهاا مامهنيهاا حد... غادة جااية على الطياابة كااتوصي فيهااا ومرقبااهاا بااش تحمر ليهاا وجهاا بين النااس..وعاد كاضور على الحضور كاترحب بيهم وتاخد عندهم الكادوات..وتشووف لي ناقصااه ولا بغاا شي حااجة كاتحضرهاا لييه ... مزاكلة حتى حاجة بلاما تغيزها...

لبسات خنساء لبستهاا التانية...قفطان ابيض اللون فخم منبت من لفوق لتحت بلحجر مذهب...ولبسات ليهاا معااه اكسيسوارات دهبية من تاج انيق بحوالقو وكولي متوسط عنقهاا...و مضمة هماوية ذهبية.... مغطيين ليهاا وجهاا بفواال خاص بلعريساات خفيف هاابط حتا لتحت متبتينو ليهاا على تاجهاا ....دخلات لصاالون بزغااريت..لعابات كانو محيحين...ݣلسات فبلاصتهاا وجاو بعض لبناات من عائلتها وبنات دربهم كاياخدو معاها تصاور...سكتو اللعبات من الغنى ملي سمعوو صوت الدقة جاية... بمعنى ان الدفووع وصل....خرجوو بعض لبناات ولعيالات ونصيرة معاهم قدام الباب واقفين كايتسنااوهم..ولبعض لاخر لي بقا من لحضوور كايطل من الشراجم ديال الصاالون كايتفرجوو...عدنان تعمد يجيب الدقة من راس الدرب باش كلشي يسيق لخباار لزاوجو بخنسااء...كان وقف بين ستة الرجاال لابسين جبادوراات وكل واحد فيهم هاز طيفوور فووق رااسو....وصلوو لبااب الداار وحطوو دووك الطياافر ولحيحة ناايضة مع الدقة لي صوتهم ساابقهم كاايهزو الدرب وكاايحطووه...خرج لعربي باش يستقبلهم مع عصاام وشي رجال من عائلتهم لي حضروو....كايرحبو بيهم ويشطحو ناشطين مع لعريس ونااسو

لعربي فرح بلخصوص وهو كايشوف شنو جاب عدنان لبنتو..لي كبر بيهاا وخلى راسها معلي ومرفوع بين النااس...عرااو دوك الرجاال على الطيافر لي محطوط فيهم دفوع لعروسة...وكلشي بقاا كايشوف شنو جااب ليهااا...داكشي كاان كتيير وكايحمق متقدرش تحيد عليه لعيين..دفوع على حقو وطريقوو...لي تخيلتيهاا من داكشي لي كاتحتاجو لعروسة محطوط فيه...لحاضرين فيكسااو عينيهم فدوك طياافر...هالي كايشوف بنضرات اعجاب و فخر...وهالي كايشوف بنضرات غيرة وتمني....شطحوو وحايحيوو مع الدقة لي كانت مسخنة الطرح..نااشطيين مع رااسهم بلمزياان...ومن بعد دخلوهم لقلب لداار بمرحباا وزيد لقداام.... وتوجهو لصالون لفين بارزة لعروسة بكامل اناقتهاا....حطوو قبالتهاا دوك الطيافر محلولين....وقرب عندهاا عدناان بخطوات تقيلة يݣلس حداهاا انيق فلباسو وحتى فالزين مخاصوش رغم كبر السن ... مكانش نهائيا متوتر...كايتصرف عاادي بحالا ماشي هو لعريس...وهادشي راجر لكترة تزويجات لي دوز حتا ولا عندو لعرس ولبرزة بحالا كايلعب....قرب لعند لالة لبنات وعرى ليهاا وجهاا وطبع قبلة على جبهتهااا...

عصام يلاه غايدخل وهي تجروا نسرين من الكول ديال قاميجتو باغا تاكل جنابها : اجي هنا ...

قرم حجبانو : مالكي ياك لاباااس؟؟ ...

ندبات على وجهها : اويلي واش شفتي ؟ ... شفتي اش جاب ليها واش قشعتي داكشي ولا لا ؟؟

عصام بايجاز : ايه شفتو علاااش ؟؟؟

ضربات على فخضها : اويلي على غداايدي وعلى محايني ... واش هاداك دفوع ولا دهاز ديال اميرة ...

عصام تنهد : غاتبداي تاني ... هنينااا وزيدي ندخلوا خلي هادشي يدوز على خير ( زاد وخلاها مابغيش يكتر معاها لهضر لايصدقو مصادعين وناااس كاينة)

نسرين بنبرة مخنوووقة: ياااربي يااربي تصبرني غادي نتفركع اويلي غادي نطرطق غادي نحماااق ...

تفقسات باغا تاكل جنابها وهي كاتفكر هاداك الدفوووع شاعلة فيها العافية ...

سالاو الناس المااكلة لي كانت متولة ومقادة على حقها وطريقها كلشي كايشكر فيها بحكم نصيرة كاتعرف الطيابة مزيااان وداارت ليها داكشي ديال الفريع ... وجدوا الخواتم فالبلاطو لي كانو فيه جوج كيسان ديال الحلييب ... فوقوا جوج بواطاات خواتم ديال خنساء بحجرة كبييرة قدو قداش ديال الذهب كاينسيك فراسك عزيز عليها العمورية ... وديال عدنان كلاس وشيك خفيف ديال الرجال ... لبسوهم لبعضياتهم مع الحليب والتمر والصلاة على النبي كلشي فرحاان ...

طلعات خنساء لبيتها هي ونصيرة توجد راسها باش تمشي ... لقات قميص خفيف ديال الخروج ديال العرايسات موجداه معاه شال ديالو وشربيل فضي ...

خنساء حطات عليه يدها بنعومة وهي تهز عينيها فبيتها : غانتوحش هاد البيت بزاااف ...

نصيرة كاتوجد ليها الشنطة الصغيرة لي غاتدي معاها داكشي لي غاتحتاج فالدخلة من روايح وكريمات ... نطقات وعينيها على داكشي : ياك غاتوحشي غير هاد البيت ولي مونسك فيه لا ...

خنساء ابتاسمات وهي كاتبدل : نتي راك الكل فالكل وحب الابدي شكون يقدر ينساااك ... ماتخافيش كل ويكاند تلقاينس هنا نطرطقوا المرارة لشي نااس

نصيرة : خهههههه لي فيك ماهناااك ... ات الشنطة : هانتي هادي هبطيها فيدك ودخليها معاك هاد الليلة ... ( وهي كاتشوف فيها ): بلاما نحتاج نوصيك راك عارفة اش تابعك هاد الليلة ... كوني مرااا

خنساء تنفسات بعمق كاتحاول تكبت داكشي لي عندها الداخل وماتبين والو ولكن النار شاعلة فيها : كوني هاانية ... راني ماشي درية صغيرة

نصيرة بتأكيد: هاني كانعلمك راه الراجل مكايعرف لا عمر لا سيدي زكري كاتوصلي ليه لداكشي وكايوليو كلهم فحال فحال ... تقلي وتبتي وماتحشميش منوو ... ترخاااي معاااه ودوبيه فالفراش راااه الا هاد الليلة دوزتوها عسل غاتبقاو ديما تفكروها ....

خنساء بلعات ريقها كاتجاوب غير بزز : واخا ... ماتخافيش

نصيرة : اااه وماتنسايش الصباح حوايجك نحوايج راجلك جمعيهم ... وعنداك تنساي كَارسونو ( السليب ) وداكشي لي فيه ... صبنيه داك الصباااح وعاد فراشك جمعيه وديريه حتى هو يتغسل كوني مرة حرة غرة مانخاف عليك ابنيتي راك تربية يدي ...

خنساء : واخا اعمتي واصافي ... هنينا راه غير كاتخلعيني هكااا ... انا عارفة اش غاندير ... غير كوني هانية ( ابتاسمات ): عمر عدنان مغادي ينسا هاد الليلة فحياااتو ... وغاتبقى ديما فدمااغوا ...

نصيرة : هكاااك الله يرضي على بنتي ... يلااه يلاااه سربي رااه باااك دروك يبدا يغوت ..

كملات معاها الجميع وردات عليها زيفها دايراه من الفوق طايح عليها وشعرها مسرسب على الجناب واللور واصل لخصرها ... خرجوا لقاو النااس تقريبا مشاو كاملين بقاو غير شي عائلة قراب وشي عيالات غايعاونوا فالجميع ... كان كلشي مجموع قدام الباب ونان مع العربي كايوصي فيه ويعاود ...

عصام شاف فيها : على سلامة لالة العروسة ...

خنساء ابتاسمات حادرة عينيها : الله يسلمك ...

نسرين : ايوا الله يكمل بالخير ويعطيكم الله الذرية الصالحة ان شاء الله ...( بطنز ): تشوفوا وليدات وليداتكم ان شاء الله

خنساء خنزرات فيها يلاما تجاوبها وقربات عند باها هزات فيه العين .... غير لمحات عينيه لي حمرين بالدموع بزز حابسهم وهي تنفاجر عليه معنقاااه كاتشهق : سمح ليا ابااا ... سمح ليا ودعي معايااا

العربي قلب كايتقطع بالنسبة ليه خنساء الوردة لي مصوية حياتو وهاهي غادة تخليه بوحدو وتخوا عليه الدار ... حاط يدو على ضهرها كايطبطب عليها : انا راضي عليك دنيا واخرة ... الله يكملك بعقل تهلاي فراسك ...

خنسااء بعدات كاتمسح دموعها : كون هاني اباا ...

قربات عند خوها عنقاتوو وسلمات على عمتها وكلهم بحال الا غايعطيو عينيهم ... مقادرينش اتفارقوا معاها كانت مضوية عليهم الدار ومفرحاهم ومدخلة البهجة لقلوبهم كاملين

عصام شاف فعدنان : مانحتاجش نوصيك عليها راك بعقلك ... ديرها فوق راسك وحطها فعينيك

عدنان : كون هاني عليهاا ... خنساء غاتكون كلشي فحياتي و غانديرها على راسي غير تهنا من هاد الناحية ...

عصام : راني عارفك بعقلك وكاتعرف الصح من الغلط ... ونتا مول العقل الا غلطات ردها لصواب

عدنان : واخا الله اودي ... الله يسر ان شاء الله ...

سلم عليهم وودعهم... خرجو هو و خنسااء ..حل ليها عدنان بابا اللوطو القدامي بلباقة ركبات ومشا بخطواتو التابتة ركب حداهااا..غير وياه بوحدهم... اما خديجة ملي طلعات لعروسة تجمع حوايجها تمشي هيا جا راجلها داهاا ورجعات لدارهاا دايرة معاهم حتا لصباح وتجي لعندهم...ديمارة عدنان اللوطو ونطالقو طرييق كلهاا وخنساء حادرة راسهاا كاتلعب بصبااعهاا...متنكرش انهاا كانت متوترة..وحتا شوية لخوف كان مسلل ليهاا ولكن مبغاتش تعطيه أهمية..

نطق عدنان بتساؤل باش يكسر الصمت:احم..ياكماا عيتي؟...

جوباتو بنفي و بنبرة خفيفة:لا لا معيتش

رسم بتسامة على ملاميحو ونطق :بصراحة جيتي زوينة بزااف..كاتحمقي..ههه عاد قدرت نقولها ليك

ضحكاات ليه بلطف:الله يزين اليامك...شكرا

رد عليها بترجي وهو فرحاان: تزيان يامي معاك إن شاء الله

بتاسمات ليه بلا ماترد عليه بواالو...غاديين بللوطو فصمت وخنساء عاودات حدرات راسهاا ماهزاتوش بالمرة صدرها كايطلع وينزل بالجهد ... وقف وهي تقفز كدوز انضارها على دار : وصلنا

عدنان بابتسامة : اه وصلنا على سلامتك فدارك اللالة البناات ...

حدرات راسها بحشمة : نهبطوا ؟؟؟

حرك راسو بايجاب : هي اللولة ... لي قالتها لالة خنساء ماتعاودش

عسلات فيه عينيها : يخليك ليلي ....

ضحك وهبط من تما حل ليها الباب بلباقة وهبطات هي وياه ... شد ليها فيدها وزادو تموا للدار ... حل الباب ودخلوا فهدوء ... وهي كادور عينيها فالدار باعجاب مكانتش متوقعاه عندو الذوق لهاد الدرحة رغم انها لاحظات هادسي فهاد الايام لي كانت كاتخرج معاه ولكن الدار واتاتها اكد ليها انه ذو ذوق رفييع وكلاااس بالمعقول

ابتاسم : تبغي ترتاحي هنا ولا باغا تدوشي

رمشات عينيها : ماكرهتش ندوش صرااحة ... ونحيد العيااا ...

_ اهاه ... ( شار جهة البيت ): رااه البيت ديالي فيه الحمام ... احم بغيت نقول ديالنا ...

عضات على قنوفتها بغنج : ماشي مشكل ...

زادت كاتمشا بخطوات تااابتة للبيت وهو ورااهلا كمتبع ليها العين ولمؤخرتها كيفاش كاتلعب وتزعزع باغراء كبيير ... حلات الباب ديال البيت لي كان واسع ومأتت حتى هو بالوان هادية وباردة غالب عليها الابيض ... ووسط السرير كان محطوط شوميز دو نوي حريري ... غير شافتو وسعات ابتسامتها بمكر وهي كاتخطط وتبلاني فراسها ... قربات وهزاتووبيدها بهدوء ودارت جهة عدنان لي كان واقف وراها مترقبها ... دارت ليه ابتسامة ساحرة كاتذوب وقربات عندو بهدوء كاتمشا على صباع رجليها ... وقفات مقابلة معااه مكاتفصلها عليه غير مسافة صغيييرو وهي كادير نظرات غريبة خلاتو يتوتر بلاما يشعر .. حرطات وجهها اصلااا مغرية بلا مجهود .... حطات يدها على صدروا بكل جرأة وهي كاتحركها بحنان ... ونطقات بصوت كايفتن : شكراااا ( عضات على شنايفها كاترمش ) : كايحمق بحال مولااااه ...

دورات يدها عنقوا بتحلوين وتهزااات حتى وصلا لطولتو وهي مسبلة فيه عينيها : كون ماتزوجتش بيك ... كون حماقيت

تصدم من كلماتها وجراتها الكبيرة واغرائها لي طير ليه عقلوا : كاع هاذا حب زعما راه زواجنا تقليدي ... كيفاش غاتبغيني وتحماقي عليا ... ونتي مكاتعرفينيش اصلااا ...

قربات شفايفها بالهداوة لودنوا وهي كاتهمس ونفسها خلااااه يرتاعش ويغمض عينيه بلاما يشعر ... خاطباتو بحنان : وشكون قالك انا عاد شفتك وبغيتك ... ( كاتحلون فالهضرة): اياااام وانا حاطة عليك العين ... وماحيدتكش من بالي ودماغي وماتهنيت حتى وليتي راجلي وتاج فوق راسي ... ليالي واياام وانا نسهر ونفيق غير عليك ... ( بلعات ريقها وزادت رققات صوتها مدوزة يدها على حنكوا وعينيها فيعينيه ): وحلف راسي لا هنا

نسرين كانت حاطة يديهاا على راسهاا..هازة حامضة بليد لخرة كاتشم فيها...وجهاا شاحب وعينيهاا قربو يدخلو عاطيهاا الرااس لحريق ممخليهااش تنعس فراحتها...

نطقاات بألم:أييي رااسي غاايتفرق عليااا...اربييي اشهاادشي؟؟

دخل عصاام هااز فيديهاا كينة ديال الراس وكاس تاع لماا...

قرب لعندها..ݣعدهاا بيديه ومدهاا ليهاا

عصاام:هااكي شربي هاادي...على الله يفوتك الحاال شوية

خداتها من عندو و طرطقاتها فمهاا مدوزاها بجغمة الماا ورجعات تسندات على لمخدة

كاتهضر مغمضة عينيها:نحلف عليهاا حتا لعصاب لي شدوني فرااسي...

عصاام هز حاجبو فيهاا ورد بتساؤل:واشنو عصبك بسلامة حتا وليتي فهاد لحالة؟؟

نسرين كاتهضر بتتاقل:علااه لي شااف داك دفووع ودوك لخيوراات لي جات لختك مايتعصبش...سيد مخلا ماجاب ليهاا..كلشي بقاا حال فمو فداكشي...اويلي بزااف تااني..مالو على هاد التضيوع كامل..راه تبدير ماكيبغيه لا ربي لا عبدو..علاه هياا غاتلبس داكشي كولو..

عصاام خنزر فيهاا:ونتي سوقك مرتو هاااديك...يجيب ليهاا ويتهلى فيهاا كيفما بغااا...نتي اشمشاليك...

جوباتو وهيا كاتنهد:نااري سعداتها..عمر شي وحدة فدرب جاها داكشي لي جا لخنسااء...لا بزااف تااني على الزهر

عصاام غوت:شتتك بحالا كاتحسدي فيها بلعلالي وقداامي منن لفووق..مامرݣتيش؟؟

نسريين حلاات عينيهاا وخنزراات فيه مارضاتش حيت نعتهاا بمحسادة:متغوتش علياا راسي مفرووق على جوج ربي لي عاالم بيه...وزيديون مالني بنت ليك عرياانة نحسدهاا على شرااوط ..(خسراات ملاميحهاا بنزعااج)إوى صاافي مالقيت ماايداار

رد عليها بهدوء ولا حاافضهاا مدوزهاش عليه:ممم الله يجعلني نتيق

قرباات عندو مصغرة عينيهاا:دابا غير قول لياا..نتا زعماا فايت ليك دخلتي لهااد لمعماعة دياال الدفوع..شحاال يكون تقام عليه داكشي كاامل؟؟!

عصام سكت تواني وجاوبها بنبرة تفكير:واش غانقوليك..الصراحة تقال باينة خسر فلوس صحيحة فداكشي... تقريباً نقولو تقام بشي جوج المليون هيا لقليلة و بلى منحسبو ذهب...

نسريين خرجات عينيهاا:اويلي جوج المليون كلهاا وبلى ذهب...(غمضاات عينيهاا بألم ورجعاات تسنداات على لمخدة مقربة ليها لحامضة كاتشمهاا)الله راسي..الله يااربي غايتقسم علياااا غايتشق..كاانمووت بلحرييق كاانمووت

عصاام زفر بضيق:ياهااد لخليقة عطي الراحة لراسك شوفي حالتك كيف ولاات

حلات عينيها فيه و جوباتو معصبة:ماال حاالتي ماالهااا كيف جااتك؟؟... هالعاار إما عطيني شوية سكات و دوز طفي ضو خليني نتكا نتسنط لعضامي فخااطري...

عصام حمر فيهاا:شنااهياا عطيني شوية سكاات؟؟شتك بحالا وليتي كاتحكمي فيياا...

نسرين عاد عاقت براسهاا دارت بتساامة جانبية ونطقات بتحلوين:ااءءء...حاشا احبيبي واش نتحكم فيك وعلاه انا نقدر...غيير كانضحك معاك ماتزيدش فييه

جاوبهاا بحدة جعراتو :هاد ضحك لباسل طلعيه معااك مدريهش معاايا.. متشوفينيش راخي لديلمك لحبل وتبغي طلعي فوق رااسي...وهاادوك لعينين لي ولاو كايخرجو من بلايصهم على لفلوس راه غاانطفيهم لجد بووك كااتسمعي؟؟

عوجات نسرين شفايفهاا بشكل طفولي وهزات كتفها بلا متجاوبو بوالو،خايفة لا تفيق عليها داك جن العصبي لي ساكنو ويصدق مخلطهاا بلا مايتردد...حطات ديك لحامضة فوق لكوافوز ودارت تسرحات فوق سرير محاولة تنعس...عصام ناض حيد تيشورت لي كان لابس بقا عرياان من لفوق وداز من بعد لسرير تمدد حداهاا وتغطى...مستسلمين بجوج لنوم عميق راجع عليهم لعيا تاع لعرس

عدنان حس بالصهدة طالعة معااه وهو كايشوف قدامو اميرة كاتمشا على رجليهااا جوهرة مقابلة معاه وكاتقوليه كلام حلوا .... ماقدرش يزيد يشوف فيها ... رجع جوج خطوات لور ونطق : احم ... انا غانخليك تبدلي وترتاحي وتحيدي العيا شوية ونرجع عندك اوك ...

ابتاسمات بمكر وحرطات راسها بايجاب : اييه واخا ...

زاد وهي توقفوا : عدنان ...

دار جيهتها : وي ؟؟

نطقات بتعناب : ماتعطلش عليااااا يا نور عيني ...

ابتاسم وحرك راسو بموافقة وزاااد سد عليها ... وهي غير الباب تسد خصرات كمارتها عايفة الوضع لي فيييه ... بخطواتها تابتة وقفات قدام المراية كاتشوف فراسها ... جمالها وزينها واغراءها لي من ديما كانت كاتحلم تجيب بيه راجل لي تبغيه ويبغيها ... هاهي دابا كاتستعملوا مع واحد بحال عدنان لي مستحيل كانت تفكر ولو تفكير طلع فيه الشوفة هي اللخرة

حطات يدها على خدودها والدموع تحجروا فعينيها ... صورة عبدو بانت بين عينيها لي حقداتهم بلاما تحس بكره كبييير ... نطقااات بغصة : نتااا سباااااب نتاااا .... نتاااا الله يا فيك الحق ... الله ياخد فيك الحق ... كااانكرهك ... كااانكرهك

غمضات عينيها وحلااتهم كاتحاول تكالمي راسها ونطقات باصرار : لا لا مخاصنيش نتعصب .. نوبتو جاااية وغادي نفدي فيه القديم والجديد ... دابا خاصني نركز على هدفي ... الا ضيعت هاد الفرصة غانضيع معاها ... اليوم بالضبط خاصني نكون خنسااء بنت السايب ...

ابتااسماات كاتحاول تخفي حزنها وغضبها ودازت للدوش هازة معاها الشوميز ... طرفات بالخف ولبسات عليهاا وقاداات ميكااب خفيف مسائي ... مخلية شعرها على راحتو بوكلي ... دارت خلخال خفيف فرجلها وكورميط رقيقة فعنقها فقط ... وخرجات كاتمختر ... شافت راسها فالمرايا باللون الاحمر لي عطا لجمها الابيض لوون اخر كايفتن .... ابتسامات بضحكة عريضة وعينيها كلهم اصرار وتحدي ... توجهات للسرير وتنشرات فوق منو فحال شي حووورية ... غير سمعات خطواتو قرابو وهي وتشد شعرها كاتحلون وتلعب بيه باغراء ...

عدنان تقدم دخل لابس شورط خفيف وتيشورط مع هز عينو لمحها فوق السرير عينيه حوالو ... بلع ريقو وهي كاتزيد ترمش بعينيها ببراءة وتبتاسم فوجهوا بضحكة كاذوب الحجر بلا حشمة ماهبطاتش العين بالمرة ... حركات يدها بهدوء وشارت ليه بحركة يجي لجنبها ...

بلاما يفكر رجلييه داوه لعندها وهو مرفوع وهايم فجمااالهااا لي يخلي اي واحد طاايح فيه ... وهايم فتفاصيلو ... جسد ديال انتى مغربية بالمعقول ... وازنة وفخاضها عامريين من النوع لي ممكن يعجب اي رجلي عربي قح ...

كلس حداها وهو كايدقق فيها بلا حتى كلمة ... نطق بهدوء وهو حاط يدو على يدها : ماعندش بالي غاتكوني مطلوقة فحال هاكا ... صدمتيني فيك

هزات حاجبها : علاش زعما شنو المشكل ؟

عدنان بايجاز : قلت غاتكوني متوترة وحشمانة

ضحكاات بصوت عالي شيخاوي : ههههههههه ... علاش كاينة شي حاجة لي خاصها توترني وتخلعني

عدنان : كانعرف بيلا البنات فهاد النهار بالضبط كايكونو متوترين وخايفين

خنساء هزات حاجبها باستفهام : وعلاش زعما ؟؟ ... شنو السبب؟؟

عدنان بشرح : حيت طبيعيا هادي كاتكون اول ليلة ليهم مع شي رجل ...

خنساء ببلاهة : اييه مزيان .. ( سبلات عينيها ): وحنا اش دخلنا فهادشي ؟؟

قرم حجبانو : مافهمتش ؟؟ .. كيفاش اش دخلنا حنا ؟؟

خنساء قادات الكلسة مقابلة معاه : لي بغيت نقول هو هادشي كايكون فالحلات الطبيعية ... ( شارت ليهم بجوج ): ماشي فحالتنا حناااا

خصر كمارتو : علاش مال حالتنا حنا مافهمتش ؟؟

دوزات يدها على شعرها ماعلا بالهاش : ممممم شوف نتااا

صغر عينو مفاهمش شنو كاتقول : مافهمتش شنو باغا توصلي ليا من هضرتك

تنهدات بطنز : دابا شنو باغي نديرو حنا فهاد الليلة ؟؟ يعني شنو كاتسنا مني ؟

عدنان بنفاد صبر : واقيلة راه حنا مزوجين وخاصني ندخل بيك كيف كايديرو كااع الناااس ... ولا بالسلامة نتي هادشي مضارباش ليه حسااب

رفعات من ضحكتها باستهزاء بالجهد :ههههههههههههه شنووو قلتي .... ههههههههههههه نتا غادخل بيا انااااا

(طلعاتو وهبطاتو باحتقار ): نتا هههه بيا انااااا ... ضحكتيني والله

عدنان فقد اعصابو عينيه ولاو حمرين : شنو لي كايضحك فهادشي مافهمتش ؟؟؟

ابتاسمات فوجهوا مجبدة ليه حناكوا وهو معصب : تسنا هاناا جاايا ماتعصبش دابا باااقي لي يعصبك غير صبر ...

ناضت من حداه كاتمختر وهو متبع ليها العين ... حلات المجر لي حداها وجبدا منو جوااا .... رجعات كاتقرب عندو وهي كاضحك وشتتات الصور ديالو فالعياادة قداامو فوق السرير : هاذا الكادو ديال عرسنا باش ماتقولش نسيتك ...

خنزر بلا شعوور وهو كايشوف فدوك التصااور وداار عندهااا مصدوم وعينيها حمرين بالاعصاب : منيين جبتي هادشي ؟؟؟

خنساء بايجاز قربات ليه : ياك احبيبي قلت ليك بيلا من شحال هاذا وانا حاطة عليك العين

خبط داكشي عليها ونطق جاااعر : شنو نفهم من هادشي ؟؟؟

قربات ليه كتر بتحلوين وحطات يدها على صدرو : لي خاصك تفهم اروحي .. هو انني ماتزوجتش بيك حبا فيك ... وانما تزوجت بيك حيت نتا مناسبني وغاتليق ليا

ضحكات ليه : وباش تعرف بيلا انا ضريفة ومربية ماعندي غراااض ( شافت فحجروا ): بداكشي لي ماعندكش وماتقدش علييه ...

ناااض غايتفركع شنق عليها بيدو مكاليها مع الحيط وعروقو خارجين : واش عند بالك لعبتي عليا دابا ولويتي ليا يدي ... ( ضاغط على سنانوا خانقها ): وعلاش انا الالة كانمشي عند داك الطبيب ... كانشوفيه ويشوف فيا متلااا

طلقها ساعر كاطلع النفس بزز ويديه مطراسيين فعنقها وداز جهة المجر هز منو الدوا رماه عليها ضاربها بيه : ماكنتش مربع يدي باش تجي وحدة فحالك تلويها ليا وتطلع معايا القالب وتزير على اليد لي كاضرني كاتفهمي

خنسااء رسمات ابتسامة عريضة و ضغطات على شفايفها باستفزااااز : تو تو تو تو بصح احبيبي ... ( بطنز ): هي تداويتي وبريتي ( غمزاتو ): وولا كاينوض لييك ... خسااارة مايحسابليش ... واهي ضيعت هادشي كولوا وتضرب ليا فالزيرووو ... ( باستهزاء عينيها فعينيه ) : جهدي كولوا ضاع غير هكاك وغانخرج لا ديدي لا حب الملوك ... بفففففف ضعت ضعت ( كاطنز)

ضحكاات : خساااارة ضعت ... مممممم ايوا مافيها باااس نصبر انا ونخرج يدي خاويين ولكن فمي عااامر ... نضرب ليك بعدا الطر ...

خنزر فيها : واش مكاتفهميش ... كانقوليك راني مابقيتش مريض داويت ... ماعندك ماتشوهي

خنساء كارتمش فيه : ااااه رااني عرفت ... ( لعبات بشفايفها ): حتى انا راه قلت ليك غادي نقولها للناس ونوريهم هاد التصاور ... ونتا قول ليهم راك داويتي وبريتي ... وماتنساش تبين لاولاد اوجيه كاملة ... ( خفضات صوتها ): رااك رااجل ... اي واحد تلاقيتي معاااه بين لييه بااااش يتيق بيك ويكدبني انا وعيالاتك اللولين بجوج وهاد التصاور ... دخل باولاد اوجييه كاااملة ... يلااااه يتيقو بييك ... 😉 اش بان ليك ؟؟ ( هازة فيه حاجبها بتقة )

كرز على سنانو مزير ليها على يدها دافعها على السرير حتى خبطها : منييين تسلطتي عليااااا ... منيييييين

خنسااء ضحكات : انا هي عزائيل لي غادي ياخد حق عيالاتك اللولين لي سستيهم بالباطل وبلا ذنب ... ودابا يا غادير معايا شي حل يناسبنا بجوج ... يا غادي ترجعني لدارنا ونقول ليهم راه لقيتو ماشي راااجل وماارضااش ودار ليا كيف اللولين ... ولا تقدر دير حل لراسك يرضيك ويرضيني ونقولو لختك راه قضينا الغرض وكلشي على ما يرام ومريضنا ماعندو باااس ... وهاحنا خوت وحباب ( ابتاسمات ليه بضحكة ساحرة ): ولي تقالت على سي عدنان خفافت عليا وانا راه مخايباااش بالعكس ...( ببراءة): ضريفة وباغا ليك الخير

تنهد بنفاد صبر حس براسو مربوط من يديه كلامها كولو صحيح وهو اصلا باقي مابرا مزياان كيفاش غايجه ناس الا فضحاتو : مافهمتش ... شنو الهدف ديالك من هادشي ... لاش باغا توصلي؟؟

لعبات بشعرها كاتفرنس وحركات صباعها : لعااااااااقة .... الفلوووووس ... عوووماااااار .... بغيت نعيش مخاصني وااالو ولي بغيتها تحضر حتى لعندي ...

غمض عينو وهو كايشوف جرئتها ... حاول يبرد معاها : وشنو فيها الا درنا زواج حقيقي ... علاش هاد التبرهيش كااامل ... ولي خصااتك على راااسي ... مالكي باغا تصعبيها على راسك وعليا

ضحكااات باستهزااء : واش باغي تعرف علاااش ؟؟؟

حرك راسو بايجااب ... وهي تبتاسم : حيت انااا ماشي الة للتجارب تشوف فيها قوتك الجنسية فين وصلاااات فالتحسن ... ( سبلات فيه عينيها وطلعاتو وهبطاتو ): ماتقدش عليااااا ... بالمختصر المفيد ... احم مغاااديش تقَّنعني ... مغاتقدش تلبي ليا رغبااااتي حيت مكاين بااااش

زفر بعصبية : غاتندمي على هاد الهضرة ... كاتفهمييي ... غاااتندمي اخنساااء

خنسااء بتحدي : سييير فكر مزيااااان فهضرتي ... الا بغيتي ووافقتي قدام الناس غانكون لييك مرأة ونص وكاع الناس غادي يقولوا مزوج بلالة البنااات والا مامسلككش تقدر الصباح تحط لي شوانطي فالباااب وانا غانفهم راسي وغانعرف شغلي

زدحها مع السرير شاااعل وشاف فيها بعينين حمرين.... يلااااه غايزدح الباب وهي تنطق : وتقدر تجرح يدك وتقطر فيه جوج قطرات وتوري لختك السروااااال هههههه غاتكون كاتسنااه كتر من دااارناااا هههههه ....

حمر فيها و خرج من تما خلاها وراااه كاتضحك وتطلب الله تكون عرفات تلعب ليه على الوتر الحساااس ... عارفة مزيااان بيلااا عدنان من النوع لي مغاديش يرضا بالمرة يتفضح وهي عرفات كيفاش تفشلوااا واخا يبغي يبين للناس بيلا راه مابقى فيه والو ولكن شكون غايتيق بيه وهو مزوج جوج مرات وهادي التالتة وحتى وحدة ماكملات معاه الشهر ....

صبح صباح جدييد..عدنان ݣاالس مفكسي انضارو على جيهة وحدة كايفكرر..عينيه كاانو حمرين بسهيير..مانعسش ليل كامل وهو كايفصل ويخيط مع رااسو...حاط قدامو كاس ديال لقهوة كايسمم بيها داتو لي تحرقاات...خنسااء لواات ليه دراعوو ديال بصااح..فكر وعاود فكر...وملقااش من غير يدير بهضرتهااا...بنسبة ليه هيا معندهاا ماتخسر الى شوهاتو...ولكن هو غادي يخسر بزااف...يفضل يمووت ولا طيح سمعتو مابين النااس لي كايضربو ليه لحساب وعندو قيمة عندهم...مايرضااش أبداً يشوفو فيه شوفة ناقصة...فلحضة لعن راسو ولعن معاه حتا دقيقة لي مشا خطبهاا فيهاا...غدرااتو بديك لبراءة ولكلام لحلوو..كانت عافية مخبية تحت الرماد...شيطان يجي يتبرك منهاااا...ماعرفهااا على حقيقتهاا حتا فات لفووت....

حطاات خديحة يديهاا على سرسار كاتصوني... تواني حتا حل عليهاا عدنان لباب...بتااسماات...وبادلهاا نفس لإبتسامة ونطق:اهلااا..صبااح لخيير

خديجة :صبااح نور..صبااح لحبق وريحاان ياامولااي سلطاان....

بتاسم ليهاا بمجاملة ربي بوحدو ليعالم بيه من لداخل غير مكابر وصافي...وسع حلة لباب ورد عليها بهدوء:زيدي دخلي ...

دخلاات خديجة ومشاات ݣلساات فوق لفوطوي لي كيتوسط قلب الداار....دايرة رجل على رجل محيدة لفولار من على شعرهااا باش تبرد

ناطقة بتسااؤل: اوى كيف صبحتي من لعيا تاع لباارح؟؟

عدنان ماعندو ݣانة لهضرة غير مسايس معاهااا..(محاول يبان عادي باش مااتحسش بشي حااجة):لحمد الله بيخير..

خديجة دورات عينيهاا على دار:ا واحد خنسااء ݣاعما بانت لياا...مزاالة نااعسة

غير جبدات ليه سميتهاا وهو يزير على قبضة يديه..خدا نفس معمق ورد عليهاا بهدووء: لا فاقت خليتهاا داخلة لحماام...

خديجة بتاسمات بخفوت وردت عليه بنبرة مطولة:مممم..خليتيها داخلة لحماام

حرك ليها راسو بلإجاب ودور عينيه عارفهااا غاتكون حامية فيهاا لبيضة متشوقة تعرف شنو وقع بليل..واش نيت تݣعد ميمونو وتشافا ولا وقع ليه بحال ديما..

مبقااتش خديجة قادرة تصبر قرباات شوية عندو ونطقاات مصغرة عينيهاا فيه بهتماام:قوليااا..كيف دازت ليلتك..

تنحنح عدنان بتوتر..رد عليهااا وهوا كايقاد لكول تاع قاميجتو: احم...نعاام

ضحكات من خجلو..حساات بيه حشمان منهاا:ههه وانتااا غير ݣمݣم وانا نفهم...امضراا سبع وضبع؟؟!

شاف فيهاا شوفة مطولة لسانو تربط مقادرش يجاوبهاا..او بلأحرى معارفش باش يجاوبهاا هااد لمرة...ماهياا الى تواني دازت وهياا تنزل خنسااء عندهم هابطة مع درووج..لابسة بيجامة بيضة بسرواال توبهاا حريري ناعم..مع بينوارهاا عاقدهاا فجنب...دايرة ميكااب خفيف كايباان وجهاا منور على صبااح...مرجعا شعرهاا لجنب دايرة ليه ضفيرة...هازة فيديهااا إزاار باينين عليه قطرات دم بشكل بااهت...موجهاه لجيهتهاا عن قصد بااش تشوفو...دورااات خديحة عينيهااا على خنسااء غير لمحااات داك ليزار وشنو علييه وهياا توسع إبتساامتهااا...

خنسااء قربااات لعندهم دارت راسهاا متفاجئة ملي شاافتهااا...

نطقاات وهيا كاتسلم عليهاا:صبااح لخيير..مايسحاابلييش نني هنااا

خديجة نطقااات وهياا كاتشوف فييديهاا لي هازة ليزاار ماباغاش تحيد عليه لعيين:عااد لقيتيني جييت...لاباس عليك كيف صبحتي...رتاحيتي شوية

خنسااء ردات ليهاا لبال: لااباس...احم لقيتيني غادة نصبن...(شاافت فعدنان)كون غير طلعتي عندي وعلمتيني بلي خديجة هناا...(حدراات رااسهاا وخدودهاا بداو كايتزنݣو بخجل مصطنع) حشمت ݣااع منهاا والله...

عدناان وسع نضرااتو ليهاا بصدمة..وهوا كايشوف فيهاا كيفاش كاتصنع قداام ختو... لي شافهاا يحلف عليها ماشي هياا لي كانت معااه لبارح كاتباان ملاك منزل ماتحركش دجااجة على بيضهااا... شمتاتهم كلهم بديك الضراافة وطلعاات ماسهلاااش...

خديجة ضحكاات:دنياا هانية مكاين لاش تحشمي..علاه اناا براانية علييكم

خنساء بتسماات ونطقات بلطف:واخا تسمحي ليا نحط هادشي من يدي ونجي...

حركات ليهاا رااسهاا بموافقة..خنسااء شافت فعدناان غمزاتو بشوية بلى مترض ليهاا خديحة لباال و تخطاتهم كتمشى بلعباار وخديجة تبعاتهاا بطرف عينيهاا حتا ختافات على أنضارهاا...شافت فعدنان

نطقات وهياا كاتهضر بشوية غااطير بلفرحة:على سلااامتك أخوويا طلق الله سرااحك...والله الى فرحت لييك

سكت تواني و جوبهاا وهو معااجبوو حاال:الله يسلمك...بعداا غير ترتااحي من جيهتي..شحال ونتي هازة همي...

خديجة: علاه الى مهزيتش همك ووقفت معااك وقت الشدة..معامن غانوقف...امتى تكمل فرحتناا..نهاار لي يرزقك الله بشي وليد ولااا بنيتة لي يعمرو عليك هااد الداار

رد عليها وهو متنهد بحرقة:ان شاء الله..

بتاسم ليها بجنب وهو من لدااخل كايتقطع بحرقة كبيرة..معندوش حل أخر الى يكدب على ختو لي شحاال وهيا كاتسنااه ابرى بفاارغ الصبر...ولكن معندو ماايدير...لكدوب بعض لمراات هماا لحل لي كايتلقاا باش نرقعوو مشاكيلناا ونخبييو بيهم لحقيقة لمرة

وجدات نصيرة بمساعدة نسرين الطبااسل لي غايمشيو للفطور مغلفااهم...كل طبسيل واش حطو فيه...هاا لمسمن هاا رغايف معسلين..لبغرير...و كروااصة بلأشكال...وعاد طبسيل ديال التمر معمر باللوز ولݣرݣااع وزيد عليهاا لحلوة مستفة فوق البلاطو ديالهاا...خرجو داكشي قادوه فاللوطو لي كرى عصاام..وستفو معااه حتا لحوايج ديال خنساء بحكم انا دفوعهاا كامل خلااتو مداات منو واالو...

سالااو و قربات نصيرة لباب لقدامي ديال اللوطو بااش تحلهاا وهياا تحبسهاا

نسريين:نصيرة الله يرحم الولدين خليني معاك مزياانة ورجعي ݣلسي اللور

نصيرة هزات فيهاا حاجبهاا:شناهوا..عاودي شݣلتي؟؟

نسرين:كيف كاتسمعي...رجعي اللور راه بلاصتي هاادي...

نصيرة:بلاصتك!!!ياكماا مكتوبة عليهاا سميتك وأناا ماشتهاااش...ارجعي ابنيتي تكمشي اللور حسن لييك

نسريين:وااش مكاتفهميش..راه بلاصتي هادي و حداا رااجلي ومن حقي نݣلس هناا...

نصيرة رقات صوتهاا كاتعيب فيهااا لاوية فمهااا:قالت ليك "رااجلي" إوى صاافي ابحرى ماولى عندك حتا نتي الراجل..الله ينجيك من المشتااق الى دااق...شتي هداك لي كاتقولي عليه رااجلي وكتعنااي بيه...راه اناا لي ربيتو و ورديت منو رااجل و درت منو لكاينة حتا ولا قاادر يتزوج بييك...

نسرين تغددات:بلى ماتبقاي تجملي علينااا...طيبتيناا بهااد ربيتيه ربيتيه...ودابا بركة من كترة لهضرة و حايدي خليني نركب فبلااصتي...

نصيرة بتأكيد:ياويلى نسميك مرى حرة غرة ركبي فيهاااا

نسرين بتحدي:يلااه وريني نشووف شنوو غاديري بسلاامة

عصاام خرج من الدااار لقااهم مزاال منااقشيين..هز حاجبو فيهم

ونطق بتسااؤل:اشكااين مالكم مصاادعيين

نصيرة مرفعة صوتهاا:جابك الله تشوف مرتك...قالت ليك بلاصتي هادي ومغاتركبييش حدااا رااجلي...

دور عينيه عند نسرين محمر فيهاا شوفة..دغياا قلبهاا ضرب من شوفاتو ليهاا..

نسرين ببنفي:لا لاا..مقلتهااش ليها بهاد اللفظ غير زادت فيه...انا غير قلت ليها ركبي اللور بااش مدوخش..هادا مكاان

نصيرة:الله يمسخك يا لكداابة...مالكي كاتبدلي لهضرة ملي كاتشوفيه...تخافي ماتحشمي...

عصاام خاطب نسرين بإجااز كايحل اللوطو: مادوخش حنا غاادين شادين طريق لشمااال...طلعي رجعي اللور ونقصي شوية من الصدااع

نصيرة بتااسماات بسعادة دفعااتهاا باش تخلي ليهاا لمجاال وحلات لباب بعجرفة راكبة وهيا مستمتعة...

نسرين خنزرات فعصام.. لعاافية شعلاات فيهااا:إييه والى ماابغيتش؟؟

جاوبهاا بحدة:الى مابغيتيش غاترجعي تقودي لداار...علياا بلمين مانتي غادة معاناا..يلااه ختااري...

ضرباات رجليهاا مع الأرض بعصبية مارضياااش...

نسرين بنبرة مخنوووقة:اناا ديماا محݣورة معااكم ديمااا... حشومة عليكم هادشي لي كاديرو لياا والله

كملات هضرتهاا وركبات اللور راضة وجهاا لشرجم زعفاانة...عصام حرك راسو وطلع ركب حتاا هوااا ديمارة اللوطو وتوجهو لعند خنسااء

نصيرة كالسة فالصالون حدا خديجة كايفطروا مجموعين ونسرين حداها كادور عينيها فالدار حوالو ماقدراتش تنزلهم بالمرة كاتشوف فالاتااات لي غير الفرييع و داكشي كلااااس على حقو وطريقو ... ضاغطة على شفايفها بالفقسة والحرقة قاتلاها من الداااخل ...

خنساء هزات فيها عينيها : ايوا انسرين كيف جاااتك الداار ؟؟

نسرين فاقت : اءء ... شنو قلتي ؟؟

خنساء بطنز : قلت ليك كيف جاتك الدااار

نسرين دارت ضحكة صفرة : زوينة تباارك الله ... عمي عدنان عندو دوق ...

خنساء ميقات فيها : يزين ياااامك ... ( شافت فعدنان لي شاد التلفون ): سيدي عدنان ...

هز فيها راسو باستغراب : وي ؟؟؟

خنساء : انا غاندخل شوية مع عمتي نوريها البيت واخا ...

حرك راسو بايجاب بلاما يجاوبها اصلا ماعندوا ليها كاانة صابر غير بزز حتى يمشيييو الناس ...

خديجة : الله ياودي احبيبة الدار دارك عاد تشاوري ... نتي مولات الدااار والري ريك والشوار شوارك ...

نسرييين بفقسة تحت من سنانها : لايييه الزهر ولمن عطاااه الله ... ماشي غير جات وعمات عينيها على الشارف ... السيدة عرفاااات فين حطااات الرجل ... ( ساااطت ): يااربي صبري غايطرطق فيا شي عرق شي نهار بغدايدها ...

خنساء شافت فعمتها وزاادت هي وياااهااا للبيت دخلوااا وسدو عليهم الباب ...

خنساء : ياربي السللااامة هاديك نسرين شوية وطيح السقف بعينيهااا .... فلااات الدااار والسم غادي يقتلها الله يحفظ

نصيرة كلسات : باااسهاا فرااسهاا .... خلينا منها دابا وقولي ليااا ... كيف دازت ليلتك ... ياك بعدا كلشي مزيااان

خنسااء ابتاسمات : الحمد لله كلشي داز هز هاداك ... وتيسر ولله الحمد ...

نصيرة شافت فيها بتساؤل : متأكدة ... ( خفضات صوتها ) : وديك الهضرة لي كايقولوا عليه الناس مامنها وااالو زعماااا ...

خنسااء خرجات عينيهاا : اينااا هضرة ؟؟؟

نصيرة : احم ... وكايقولوا والله اعلم ... فيه العيييب

خنساء : اويلي لاااا غير هضرة خاااوية هاديييك ... مكاين حتى حاجة السيد صحيح فصييييح مخاصوا حتى خييير ... بصح بيناتنا فاارق السن ولكن عاااادي كلشي هو هاداك ...

نصيرة :، ايواا لابااااس كنت هازة الهم ... كيف جااك بعدا ياكمااا قبيح ولا كايتصرف معاك خااايب

خنساء : وا هاد الساااعة مزيااان ... وراه ماتعرفي بنادم علاش مطوي حتى تعاشرييه نتمناو خيير

نصيرة : ان شاااء الله ...دوزي دوزي نخرجوا .. يقولو ليك خليناااهم بوحدهم ...

خنساء : واخااا ... خرجوا هي ويااهاا لقاوهم كايجمعوا الطبلة ويردو داكشي لي بقا لي تلااجة ... وعدنان شااااد الجورنااال ديالو ..

نصيرة : يللااه انسرييين ... رااه دروك يجي عمك ومايلقى غدااا ...

نسرين : باقي الحااااال ... مالكي زربانة

نصيرة حمرات فيها : راني قلت ليك يلااااه ... واش غاتباتو هناااا ....

نسرين تنهدااات ماسخاتش بالكلسة فالدااار ... عوجات كمارتها وهزات صااكهااا : هااااهي واجدة ...

خديجة : تسناوني حتى انا غانمشي معااكم يلاااه نوجد الغدا لولاادي ... ومنها نيت نخليو العرسان على راحتهم ...

خنساء : ولاهيلا غير ونستونا صراحة ... زيدو كلسو شوية ....

خديجة : يخليلي مرت خويا المصواابة ... حتى نرجعوا من بعد ( نسرين ميقات فيها )

خنساء : على راحتك ... مرحبا بيك فاي وقت بحال دابا فحال قبل راكي عارفة ...

خديجة : الله اودي ماتحتاجيش تقوليهااا ...

نصيرة : يلاااه خلينا ليكم الرااحة ..

عدنان : ياكما نوصلكم ؟؟؟

نسرين يلاااه غاتنطق وهي تقاطعها نصيرة : لاااا غادي نمشيو غير على رجليناااا ... الحااال قريب باغيين نشموا الهوااا

حرك راسو بايجااب ونسرين عوجات قنوفتها مفقوسة ... سلموا عليهم وخرجوااا اتاجهوا للدار

عدنااان سد الباب وراااهم ودار عندهااا مخنزر ساااخط ... نطق بعصبية : لااااش باااغااا توصلي بهاد التصرفااات ... مافهمتش شنو العيشة لي باغانااا نعيشوها وحنا واحد كايشرق وواحد كايغرب

عوجات قنوفتها : بفففف كاضلمني حرااام علييك ...

عدنان : انا عند بالي مزوج بملاااك ... ساعة طحت فحية سااامة ...

شهقااات باصطنااع : هااااااء ... اناااا .... نووووووو .... عييييب عليييك

عدنان : شتي كون درتي التمتيل غاتمشي فييه بعيييد ... موهبتك غييير ضااايعة

خنساء ابتاسمااات : لااا بالعكس مضايعاااش ... الحياة اصلا عبارة على فيلم ... كل واحد كايمتل على لاااخر ... وواحد كاينافق واااحد وهي غادة ... وانا غييير واخدة غير الدور ديالي فهااد الفييلم وكانمتلوا على احسن وجه ... الفرق احبيبي فالابداااع وانا مبدعة فدوري وبزاااف كاااع ... ( قربااات ليه حاطة يدها على صدروا ودغيا بدلات المود وبدات ترمش ببراءة ): وانا فصراحة ارااجلي العزيز ... مباغاااش نعيش معاك فالصداع وشد ليا نقطع لييك .... الا كنتي معايااا زوين وخليتينا نعيشوا هانيين غادي تشوف غير دور الملاااك لي غادي يهزك من الارض للسحاااب ... والا مابغيتيش كل نهار غاتبقى تفطر وتغدا وتعشا غير على سم اللفعة لي طحتي فيهاااا ... ونتا ليك الاختياار

خنزر فيها مبعد يدها علييه بانزعاج : نتي مريييضة .... وخاصك تعااالجي ... مستحيل تكوني نوغماااال ... خاااصك تشوفي شي طبييييب تداوي راسك

خنساء تنهدات وجراتو من يدو كلساتو مقابل معاها ... حطات يدها على يدو ونطقات بهدوء : شوووف اعدناان غاندوي معاااك بصراااحة ... انا عارفة بيلاااا كنت وقحة معاااك ومن اللول بينت ليك وجه خااايب واي واحد فبلاصتك كان غادي يهز ليا حوايجي ويرميهم فالباب بلاما يضرب الحساب لحتى واحد ... ولكن نتا لاااا مادرتيهاش يااااك ... عرفتي علااش ... حيت عارف ان مصلاحتك معايا وحتى انا مصلاحتي معاااك ... الا ساعفتيني كانواعدك اني غانكون ليك زوجة صالحة و كانقسم ليك نحطك فوق راااسي ... ايااااه انا بصح ماشي ملاااك لي شفتي من اللول ولكن انا غير مراا كادافع على راسها الا شافت راسها غاتخرج خاسرة ... مانكدبش عليك انا تزوجت بيك حيت باغا نعيش معاك مزياان ماديا وفلول ماكونتش صريحة معااك ولكن راه حتى نتا كدبتي عليا وعلى لي قبل مني وماقلتيش لينا انك مريض ... واش هادشي من حقك لااااا ... واش فنظرك الزواج وتبدال العيالات هو لي غادي يعالجك ... انا الا سعفتيني تابع العلاج ديااالك ونسااا عليك الخوا الخاوي ديال هضرة الناس والطبيب لي غادي يحدد ليك ايمتا ممكن تكون قاد تعاشر شي مرأة ... حاول ترضا بهادشي لي عطاك الله وان شاء الله غادي يجيب الله التيسير وانا راه غانكون ديما فجنبك ونساندك ولي تقالت عليك خفافت علياااا ... والله مايخصك معايااا خير ... فكر فهضرتي مزيااان ... والا بغيتي نعاونك ونكون معاااك غير بين لياااا وانا مغاديش نبخل علييك راني قلت انا ماشي شي وحدة خايبة ... ( ابتاسماات ): انا غانوض نوجد لغدا مشهي شي حاجة ؟؟

عدناان وقف : لاااا ديري لي عجبك ... راه الكوزينة قداامك ... ( بتمياق ): الدار دار والراي ريك

خنساء سيفطات ليه بوسة فالهوا : مواح .. اوك انا غانوجد ليك طااحين باللحم والبرقوق فاعل تارك تاكل عليه صباااع يديك ...

خنزر فيهاااا وزاد مخليها وراااه كاترمش عارفة بيللاا رااه هضرتها غاتخليه يرطاب شوية بشوية ويتقبل الواااقع وهادشي لي باغااا حتى هي ... حيت مايمكنش تبقا تهدد فيه وحتى لايمتاا غاتبقى على هاد الحال ... بما انها دوزات الليلة بسللاام ورداتو هو لي فيه ديفو ... باغاا تكسبوا ليهااا دابا باش تقدر تهنا

هزات تليفونها ودخلااات للكوزينة لي كانت مجهزة بكلشي كاتبري ... حلات التلااجة جبدات منها اللحم وشنو غاتحتاج وقلبات البلاكارات هزات الطاجين ... شعلات تليفونها وصونات ابيل فيديو لرانيا

خنساء ابتاسمات : اهلا الحب

رانيا : هاي هاي هاي على عروستنا منورة على الصباااح ... ياختي ياااختي طاح عليك السر ...

خنساء : هههههه يااك بعدا ... لهلا يخطيك ازين ... مالكي ماجيتيش اصحبتي معاهم ...

رانيا : والله ماكرهت ولكن راكي عارفة بقات سيمانة للامتحان وانا يلاااااه نلحق نسالي داكشي لي بقا ... مافيا لي يزيد عام اخر مكاين حتى معامن نتوانس هههههه

خنساء : ههههههه الله يسهل عليك احبيبتي ... قراي قراااااي ... وجيبي لبااااك ...

رانيا : خههههه قالتها هاديك لي جابتو بمونسيون باااز

خنساء بعجرفة : ههههه وانا ماجبتش الباك ولكن جبت راااجل ياختي بطخي بيااان ( très bien ) اش بغيتي كتر

رانيا : ههههه لا من هاد الناحية ماعندي مانقول ... نجحتي بدرجة عالية ... ايواااا كيف جاك الزواااج

خنساء : خهههههه حتى نحس بيه مزيان ونقوليك ... دابا باقااا جدييدة ... اجي كنت باغا نسولك على شي حاجة ؟؟

رانيا : وي قولي

خنساء حطات الموس لي كانت كاتقطع بيه البصلة ودارت شافت جهة البيت لايمشي يخرج عدنان ونطقات بخفوت : احم ... واش شفتي عبدو هاااد الايااام ...

رانيا قرمات حجبانها : اش فكرك فيه تاني ... خنساااء ديري عقلك نتي يلااااه قلتي بسم الله ...

خنساء سااطت : حماقيتي لاااا ... واش انا كانبان ليك ديال هاد الفعاايل ... بغيت غير نعرف على قبل واحد البلااان ... وراكي عارفاني مغانقوليك واالو يعني بلاما تسولي ...

رانيا : لي فيك ماهناك اختي .. التوبة التوبة ....

خنساء : وااادوي اصحبتي ... طلقينا

رانيا : ديك النهار شفتو كنت مع منير وجا عندنا ... المهم دوينا عادي راكي عارفة وزاد ... ولكن ياااختي حالتووو ماتشوفيش فيهااا .... ولا كايشفي ... كحاااال وضعااااف بللاا قياااس

خنساء خنزرات : الله يزيدو من عندي ... ممممم هي قولي ليا باقي كايكمي

رانيا : هاداك الا مازاااد ماينقص ... قالي منييير قلبها سكرة ... ولا يجي لدارهم بالكاااو ... وكايبيع داك السم لدراري ويمشي يشبع قصاير مع رااسو .

خنساء عضات على قنوفتها بتفكير : مممممم هكاااك ... ايواا لهلا يعفو عليه ... سيري سيري خليني نوجد الغدا لراجلي شديتيني بالهضرة

رانيا صغرات فيها عينيها : نتي غير سلي ليا فمي حتى تعياااي وفلخر جري علياااا وخليني كانفكر فشنو فداك الراااس

خنساااء ضحكات : باااش تحيدي منك الفضوول شوية ... يلااااه تلااحي

رانيا : بسلااامة سلمي ليا على سي سيد ...

خنساء : مبلغ ابب ... قطعااات و كملااات الغداااا وراسهااا خدااام كااايفكر ويبلاااااني بتركيييز كبيييير ...

خنساااء سااالات توجاااد الغدااا وحطااتو فوق الطبلة متولااه ومقادااه بطريقة كاتشهي ... خرج عدناان كاينشف شعروا من الدوش وريحة الطيااب ضرباتو لنيفواا ... بلاما يشعر نطق : الله على ريحة كاتحل النفس ...

خنساء هزات فيه رااسهاا مبتااسمة : وانا الشوفة فيك كاتحل ليا النفس اراجلي العزيز ... ( قربات خدات الفوطة من يدو كاتنشف ليه بتغناج ): بصحة والراحة الدوش اسيد الرجاال ...

عدنان هز فيها حاجبوا :سبحان مبدل الاحواال ... غانزيدك سمية اخرى من غير الحية ...

خنساء وسعات ابتسامتها : شنو هي احبيبي ...

شدها من شعرها مقربها عندو : حرباااية ... كل مرة ولون وكل مرة ووجه وكل مرة انسانة وحدة اخرى ... كانحاول نلقى ليك غير شكل واحد واااالو ...

ابتاسمات مدوزة يدهاا على ذقنو : وهادشي علاش انا خنسااء وحدة لي كاينة فهاد العاالم ... حيت مكانشبه لحتى وحدة ... والا كان عندي غير وجه واحد غايجيك الملل اشيغي ... ضروري من التغيير ( غمزاتو )

عدنان بعدها وقرب للطبلة : شنو وجدتي للغدا ؟؟

حلات الطاجين معسل منظروا كايفتح الشهية : طاجين باللحم والبرقوق ... ومتأكدة عمرك غادي تكون دقتي فحالو فحياتك كااملة

عدنان بهدوء : تايقة فراااسك

خنساء : بطبيعة الحااال ... انا غانجيب العصير ونجي ...

زادت من تما للكوزينة جابت العصير وحطاتو وكلسات مقابلة معاه قطعات ليه الخبز : يلاااه بصحة والراحة ..

خدا من عندها وذاق من الطجين كايتبنن فيه : ممم الله يعطيك الصحة بنيين نييت ...

خنساء : قلتها ليييك ... انا كلشي نزبلها فيه حتى للطياب لاااا ...

حرك راسو بايجاب بلاما يجاوبهااا وكمل ماكلتو وهي كاتشوف فيه كاتبلاااني كيفااش غاتدوي معااه ... تشجعات ونطقات : احم بغيت نسولك ؟؟

عدنان كياكل : شنووو ؟؟

خنساء كادور فعينيها : داباااا نتااا عندك غير هاد الصاكا لي هنا ولااا عندك وحدين اخرين فبلايص اخرى ... حيت قلتي ليا كاتسافر بزاااف ...

عدنان : وي عندي جوج اخرين فطنجة ووحدة اخرى هنا فالسونطر ...

خبدات حجبانها : تباارك الله

عدنان باستفهام : علااش كاتسولي ؟؟

خنساء : لا والو غير بغيت نعرف ... فكرتيني بغيت شي فلوس ...

هز فيها حاجبوا : لاااااش ؟؟؟

خنساء : كيفاش لاااش بغيت نخرج نتقدا بغيت نتسارااا شوية ... غانبقا لا ريال لا جوج مايمكنش ...

تنهد ودخل يدو فجيبو جبد منها كاارط ديال البانكة : هادي ديالك وراه الكود فالورقة ... حطيت ليك فيها شي حاجة صرفي منها ... ورااه فيها لي يكفيييك مدة طوييلة غير ماتصدعيش ليا راسي وخليني ناكل فخاطري عافااك ...

خداتها من عندو فرحاانة : اححح عليك لهلا يخطيك عليا اتااج راسي يا عمارة داري ... اودي الله لا يحرمني منك ...

ميق فيها : براكة من البحوووط براااكة ... ( وقف ): انا غانخرج عندي شي خدمة ... بلاما توجدي العشا غانجيبو معايااا ...

خنسااء : احم اييه واخا ولكن دير فبالك انا غانخرج شوية نبدل الجو ونجيب شي حوايج خاصين الداار ... و شوف شي نهار تكون فيه مسالي نتغداو مع دارناا ...

عدنان : ان شاااء الله ... ( يلاااه زاد وهو يدور عندها ): الا قنطتي دوزي عندي نتعشاو على برا حسن مني تسالي شغاالك

خنساء ضحكاات : هههههه ماكرهتش ... صافي انا غادي ندوز عندك للصاكا

عدنان : مممممم بلاااما نحتاج نوريك فين راااك عارفة ... غاتكوني حفضيتها من كنتي حاطة عليا العين كيف قلتي ...

خنساء : ههههههه بحال داكشي ... انا غادي نسالي وندوز نعيط ليك تخرج عندي ...

عدنان : اوك ... زاد لبس عليه وخرج يقضي شغلوا ... وهي جمعات بالزربة الماعن دارتهم فلاماشين وخدماتها ولبسات عليها جلابتها لي جاتها فالدفوع ... لبسااتهااا وقادات حااالها ... دارت ميكاب مجهد كيف ديما مع عدسات فالاخضر وطلقات شعرها على رااحتو مبوكلي وهزات صاكها خشات فيه قشاوشهااا ولاكارك لي عطاها عدنان وخرجات شدات نيشااان للبنكة خرجااات 1000 درهم دارتها فبزطامها ورجعاات للدرب ... توجهات نيشان لدار شوكة سفلية ... صونات فيها وعينيها على الشرجم ...

طلات عليها مرأة خمسينية غير شافتها ابتاسمات : خنساااء زارتنا البراااكة ... تسناااي تسناي نحل ليك دخلي ...

خنساء بادلاتها الابتسامة : لا اخالتي رشيدة بلااما تعدبي بغيت غييير هيتم واش كاااين ؟؟؟

رشيدة : ايييه وفين عندو يمشي راه عاطيها غير لنعاس وصريط والمريط وشي مايشيط ...

خنساء : كلميه ليا عافاااك ...

رشيدة : وغير دخلي بعدا شربي غير براد ديال اتااي الله يرضي عليك ..

خنساء : مرة اخرى اخالتي ... مزروبة دابااا ...

رشيدة : ايوااا على خااطرك مبروك مادرتي بعدا ... ولاهيلاا راكي عارفة الحاالة الرجلين على قد الحال ماقديتش نجي ....

خنسااء : معدورة اخاالتي ... مايكون بااس ... الله يبارك فيك

رشيدة : انا نكلم ليك داك المسخوط راه باقي خامر ... ودوزي مرة اخرى ...

خنساء : ان شااء ... ودعاتها وهي بقات كاتسنى فالشمس ...

دقائق قليلة حتى اخرج دري عشريني شعروا مبعتر بالنعاااس ... كايكمع

هيتم : اهلااا بنت الساايب الغزااالة ... اش فكرك فينااا ؟؟؟

خنساء مدات ليه يدها سلمات عليه : ههههه واغير الوقت وخلااص رااك عاارف ... وحتى نتااا غبرتي من نهااار خرجتي من القراية مابقيتي تباان ...

هيتم : واااراك عاارفة كل مرة وفيين نضبروا على الصرف ... ونهار مايكون مايدار غير الدار والنعاااس ...

خنساء طلعاتو وهبطاتو : بااينة باااينة ...

هيتم : واااش ... قالو ليا ضربتيها بتزويجة ... زيانيتي العفريتة ...

خنسااء : ايوااا راه قالو ليك تزوجت مابقيتش ديال راسي برااكة من التعنااب ...

هيتم ضحك : هههه عندك الحق ... دابا الاحترام وااجب ....

خنساء : الرضاااا ... بغيتك فواحد البلااان اخويااا ومابغيتكش تحشمني ...

هيتم : الله اودي شحال عندنا من خنساااء ... امري الغزاالة وانا نفد ...

خنسااء خفضات صوتها : احم ... ولكن بيناتنا ... مابغيت حد يعرف ...

هيتم : وااايلي مكاتعرفينيش .... صم بكم مااتخافييش ...

خنسااء : بغيت تغيز ليا الشغل لعبدو ... يقرقبو علييه صحاب الوقت ... ( غمزاتو ) : راااك فااهم

هيتم هز حاجبوا : وااايلي ... قارياهاا فيه اش باغاا عند السيد ...

خنساء خنز ات فيه : دابا ياا غادي تقضي ليا غرض بلااا هضرة خاااوية ... يااا غادي نشوف لي يقضيييه بلااا كترة الهضرة ...

هيتم : وشحاااال غايجيني فهاد لافييير ؟؟؟

خنسااء جبدااات 500 درهم من الصااك : هادااا نص ... والااا غيزتي ليا الشغل غانعطيك بحاالهااا ... ولكن مابغيتش الصداع والمشااكل كلشي يكون فالحفظ والصوون ... مقاادة على صداع الراس والتجرجير

حك على لحيتو : ولكن راكي عارفة ... البلان مغاديش يكون سااهل باش نسيفطهم يقرقبوا علييه ... خاص يقرقبوا عليا انا لول ... وهادشي راه تمنوا غالي الساااطة ..

خنسااء شمرات على نيفها بابتسامة عريضة وقلبات فيه الشوفة : ياااك العشييير ... ( خنزرات فيه ): واش عند بالك غادي تلعب عليا العشرة وتبروفيتي فيا ولا كيفاااش ... واقلة نسيتي بيلا هاد فعايل المزنبيق حنا لي علمناهم ليك الساااط ... ودابااا غاتسمعني مزياااااان وعطيني وذنك .... شتي الف درهم واخا تخدم عليها نهار وليل مغاديش توصلها ولا تلحق تجمعها فشهر ... والا اسيهم هيتم يحساب ليك انا غانزيدك الساانتيم على هادشي راه غير كاتحلم وكاتعرفني ماعنديش مع الملاغة ... ودابا غاتقولي كلمة وحدة بلاما نبقاو نحفيوا الحجرة على الخوا الخاوي ... يااا غادي تقضي ليا الغرض ... يا نشوف لي يقضييه لياااا ... اش ضهر ليك ( غمزاتوا )

هيتم : باااز لييك .. باقا نتي هي نتي ... مكايشد معاك لا حق لا باطل ... كراابة ....

خنساء بعجرفة : ايوا الله يخلينا فصباغتنا ياربي ... شنو قلتي ... ( مدات ليه 500 )

شدها من عندها : كوني هاانية الليلة تجيك خبااارووو ... كوني هاانية

خنسااء : هكااك نبغييك ... نخليك دابااا وتهلا ليا فخالتي رشيييدة ... ( زادت )

هيتم متبع ليها العين : واااي واااي على الطرف ...( دارت حمرات فيه وهو يلبدها قالبها ): بغيت نقول الله يجيب لينا بنادم فحالك ناكلوا معاااه طرف الخبز حلااالاا طيباااا ....

ابتاسمات واتاجهات نيشاان للصاكة ديال عدنان وراسها مرفووع كاتفكر واش هادشي لي دارت صحيح ولا لااا ...

ضربات مسافة الطريق على رجليها كاتمنظر وتساراا ماحساتش حتى وصلات قدام الصااكا ديالو ... يلاااه جبدات التلفون تصوني ليه وهي تراجع ... تولااات شعرها بهدووء كاتشوف راسها فالجاجة ديال الفون ... وتقدماات دااخلة بلااا حشمة بلااا حيااا كاتمختر وتعوج وتمنضر ... كانت دايرة فحال شي سيبير مارشي ديال الكاارو و ماجاوره ... دلاات شنايفها باعجاب وتقدمات لبلاصة فين كايخلصوا ... ابتاسماات للراجل لي واقف فيها : احم مسا الخيير ...

السيد شافها وتبسم باعجاب : مسا الورد والياسمين والاقحواان والنرجس ... اش حب الخااطر الغزااالة ... شحال من باكية بغيتي وانا نوع نحضروا حتى لعندك كاعما تعدبي ودخلي تقلبي ...

خنساء حطات يدها على الكونطواار مبينة ليه الخااتم قدو قداااش : بغيييت موول شي ...

هز حاجبو فالخاتم ونطق : وشكون نقوليه امولااات الخاااتم ...

دارت ضحكة صفرة : قولييه ... مراااتك لااالة خنسااء ( ضغطاات عليهاااا ): مرااااااااتووووو ...

بلع ريقوا كايرمش : احم ااااه سمحي ليا الالة خنسااء ... احم انا نعلموااا ... ماديريهاش مني قلة الصوااب ...

حركات راسها بلا حول : خليتي فيها شي صوااب باااز .... سير كلموا ليااا سيير ... بليتكم وحدة ياربي السللاامة

يلاااه غايمشي وهو ويتم عدناان خاارج ... شافها وتنهد : على السلاامة ... جيتي بكري لااا

خنسااء تعلات وسلماات عليه : الله يسلمك ... ساليت شغلي وقلت بلاما نرجع للدار وجيت نيشان لهنا ... ياكما باقي ماساليتيش ...

حط يدو على كتفها : نووو ساليت ... ( شاف فالراجل ): انا غامشي سد بكري ليوم الا مابقى مايدار

_ واخا اسي عدنان ... احم ومبروك مادرتي ...( خنساء ميقات فيه بمعنى الله يمسخك )

عدنان : الله يبارك فيك ... يلااه الله يعااون ...

زاد هو ويااهاا وخرجوا ركبواا فاللوطو : فين باغا تعشاااي ؟؟؟ ...

خنساء : ممممم مااعرفتش مشهية دجااج .. اش بان ليك نمشيو ل kfc

عدنان : اااه بوون ... نمشيييو اللالة علااش لااا ...

خنساء بابتسامة عريضة : يخليك ليلي ...

حرك راسو بلاما يشوف فيها وزاااد من تمااا اتاجهواا نيشاان للسونطر وقفوا قداام kfc ... وهبطوا بجوج بيهم ... شافت فيه ودارت يدها فيدوااا حتى دخلوااا ... طلب ليها شنو بغااات ... خدااو طلبيتهم وكلسوااا فطبلة مقابلين مع الزاج لي كايطل على الشارع ...

خنساء بهدوء هزات فيه عينيها : فصرااحة اعدناان ... بغيت نقوليك شي حاجة ؟؟

عدنان : شنو هي ؟؟؟

خنساء : احم ... انا عارفاك دابا محاملنيش وقلتي بيلا لعبت عليك ... ولكن بصح مابغيتش نبقاو عايشين فهاد الضغط ... ماكرهتش تحاول تخليني نبين ليك الجانب المزيان ...

عدنان مسح على فموا : مممم بما انك جبدتي الموضوع وبغيتي ندويو بصراااحة ... نقدر نعرف علاااش دايرة هادشي كاامل ... حيت موضوع انك تزوجتي بيا على قبل فلوسي مادخلش ليا لراسي بالمرة ...

خنساء خرجات عينيها : اءء مافهمتش ... شنو بغيتي تقول

ابتاسم من توترها : واش كايحساب ليك انا عندي الكرون ولا كيفاااش ... مكانفهمش ... جيني نيشااان اخنساااء وقولي ليااا السبب الحقيقي لي خلاااك تلعبي هاد اللعبة كاااملة ...

عبدو كان متكي فبيتو حتى سمع الصداع فباااب الدااار ... حيد الكيت من ودنوا ... وخرج طل من السطح ... بانو ليه جوج ديال البوليس وااقفين كايهضروا مع حياااة كرز على سناانووو وهبط كاايجري ...

حياااة مخاطباهم : مافهمتش اناا ... كيفااش غادي تقلبوه علااه ماالو اش داااير ...

عبدو هبط عريان من الفووق : شنو وااقع ( شاف فالبوليسي ): ياااك لاباااس الشاااف ؟؟؟

خنساء خرجات عينيها : اءء مافهمتش ... شنو بغيتي تقول

ابتاسم من توترها : واش كايحساب ليك انا عندي الكرون ولا كيفاااش ... مكانفهمش ... جيني نيشااان اخنساااء وقولي ليااا السبب الحقيقي لي خلاااك تلعبي هاد اللعبة كاااملة ...

خنساء كادور فعينيها : اش كاتخربق ... انا قلت ليك بيلااا نتا الرجل الوحيد لي غادي يوفر ليا لي بغيت ... وانا ماعنديش صبر لي يهز هبال برهوش غاتجيه عليا المراهقة ... محتاجة لراجل بعقلوا ( حطات يدها على يدو ): بحااالك لي يهز هبالي ويصبر عليا ... ماشي لي يبدا يفرع ليا مخي فالخوا الخااوي ...

عدنان ابتاسم باستهزاء وبعد يدو : واش عند بالك اخنساء هادشي غايسلكك ... نسايني انااا وشنو المشكل لي عندي ... واش مبانش ليك بيلا هاكا كاضيعي غير شبابك وراسك ... ما فكرتيش انك غاتبقاي بلااا ولاااد من هنا للقدااام ... ولا حتى هادشي ماعندك بيه غرض ... ( بنفاد صبر ): هاد الهضرة لي كاتقولي مايتقبلها حتى عقل ... يستحسن تصارحيني ...شنو كاااين وشنو السبب لي خلاااك ترمي راسك فهاد الزوااااج ... حيت واخا تقولي قلتي نتي ماشي انسانة طمااعة تبيع راسها وشبابها على قبل جوج فرنك ...

بعدات عليه عينيها لي غرغروا بالدموع ... ماكرهاتش فهاد اللحظة تصارحوا وتقوليه ولكن ماتقدرش تييق ... هي راسها وكاتشك فيه بقا غير وااحد اخر ... بلعاات ريقهااا وحاربات دموعها وشافت فيه بتقة : احم ... اياااه عارفة بيلا نتا متايقش بشنو كانقول وماعمرك غاتيق ... ولكن كون متأكد انني ماباغاا نآديك فوالو بالعكس باغاا غير نعااونك وحتى نتا رااك غادي توفر ليا كااع لي غانحتااج ... علااش مكبر الموضووع

عدنان تنهد بعدم تصديق : ديري فبالك هادشي لي كاديري دابا ماعندو فين يوصلك ... انا معارفش ابنت الناااس فين باغاا توصلي اصلااا ... ايه عارف انني ماشي شي واحد لي غادي يمتل عليك دور الانساان المتاالي ودرت اغلاط كتييرة ... ويمكن دخولك لحياتي غير هاد الايام خلااني نحل عيني على بزااف ديال الحواايج ... ولكن مزاال لدابااا مامتيقش هضرتك والسبب ماقنعنيش ... كانتمنى يجي النهاار لي تصارحيني وتفتحي ليا قلبك ... حيت ماعمري غانحيد هاد الموضوع من بالي

خنساااء غمضات عينيهاا : اش بان ليك نكملوا غدانا داباا ونسدو هاد الموضووع ...

حرك راسو بايجاب : ممممم بالصحة والرااحة ...

خنسااء تنهدات الماكلة وحلاات ليهاا مابقاتش قادرة دوزها خايفة عدنان يبقى يفكر هاد الموضووع ولا يكتاشف سرها ... مابااغاااش تخرج على راسها وهي يلاااه قاالت تهنااات وهو باغي ينكدها عليها ...

كملات ماكلتها غير كاتنقب وخرجوا من تما اتاجهوا للدار ... هبطوا من اللوطو قدام الدار يلاااه غايدخلوا وهي تسمع جوج عيالات كايدويو حدا دارهم

هزات حاجبها كاتصنط : ايييه ياااختي مسكينة هو الوحيد لي عندها الا طرات ليه شي حاجة يسكت ليها القلب ...

_ يااختي الكبدة صعيييبة ... وحتى وحدة ماتبغي الضرر لولادها الله يكون فالعون ومني كاتكون كبدة وحدة كاتجي قااسحة الله يحفظ ولادنا وولاد المسلمين اجمعين ...

_ امين يااربي ... على الله يدوزها ويرجع لميمتو ساالم غانم ... ياربي تشافيه يااربي ليهااا ...

خنسااء سمعات الحواار وعقلها مشا ديريكت لماماة عبدو ... كيفاش غاتكون حالتها الا مشا ولدها للحبس وهي صحتها على قد الحااال ... هما كايهضروا على ام ولدها مريض ... كيفاش غاتكون حالة وحدة ولدها غايمشي لبين جوج حيوط وهو لي عندها ويضيع شبابو ... كيفاش ممكن تقبلها ولا قلبها يستحمل هادشي ... غرغروا عينيها بالدمووع وهي كاضغط على شفايفها والندم كيااكل فيهااا ... قاطع تفكيرها صوت عدنان : يلاااه مغاديش دخلي ...

خنسااء هزات فيه عينيها تايهة : اءء ... اااه واخااا ...

تقدماات للدار وعقلهاا غاايب كلوا مع الغلط لي ارتاكبات وكيفااش تصرفات بهاد الطريقة بلاما تفكر فللعوااقب ... فكرات غير فراسها وكيفااش تشفي غليلها بلاما دير حساب لحتى واااحد ...

دخلاات نيشاان للبيت هزات تليفونها واتاجهات للحمام سدات وراها الباب ... دخلاات للفايس كاتشوف الكونط دياال هيتم واش باقي عندها ... دخلااات لميسانجر وصوناات علييه .... جوج مرات عاااد جااوبها ... نطقات بعصبية : علاااش مكاتجاوبنيش ابنااادم ...

هيتم : يللاااه سمعتو ... ماال زين مكشر ؟؟؟

خنساااء غمضاات عينيها باسى : قضيتي الغرض ولا مزااال ؟؟؟

هيتم : قضيتووووو ....

ضربات يدها مع الحيط بعصبية : بفففففف ... اهاه وشنووو ؟؟؟

هيتم عوج شفايفوا : ولكن كلشي تضرب فالزيرووو ... لقاو عندو غير الاستهلااااك ... وراكي عارفة فهاد الحاالة غير كايبقااو يسمعوك الهضرة وخلاااص ... دغيا فكو معااه الجرة ... طلع نزق مكايحطش داكشي فالداار

خنسااء خرجات عينيها وحطات يدها على قلبها براااحة : ماشدوهش ؟؟؟

هيتم : داوه معاهم ديك الساااعة ولكن من بعد طلقووه ... مازيرووش معااه ... ولكن كوني هاانية انا غاديي....

قاطعاتو : لا لا لا ... صافي مادير واالو ... بلاااش ... غير خلييه ...

هيتم ابتااسم : ماالكي السااطة انبك الضميير ولا كيفاش ... شتك دغيا تراجعتي ...

خنساء بلعات ريقهااا حسااات براحة كبييرة : بحال داكشي ... المهم فلوسك غدا غانسيفطهم ليك مع رانيا وشكراا بزاااف على البلاان ...

هيتم : الله اودي ... على الراس والعيين ... فوقتماا احتاجيتيني انا فالخدمة ...

خنسااء ميقاات : لهلا يجعلني نحتااجك ... يلاااه رول رول ...

هيتم ضحك : تهلااي ليا فراااسك ... وماتزابييش ...

قطعاات وهي كاتشوف راسها فالمرايااا ... كانت غاترتاكب ذنب كبيير عمرهاا تسمح لراسهاا علييه ... كون وقعات شي حاجة لمووو فين غادي توصل .... تنهدات براحة العشية كاملة وقلبها مزير عليها بسباب هاد الموضووع دابا عااد تهناات ..

ابتاسماات وخرجات بدلاات عليها حواايجهااا وتخشاات نيشاان ففراشها حساات بالعيااا ...

عدناان دخل للبيت لقاهاا غاطسة فساابع نووماات ... للحظة سرح فتفاصيلها براءتها كيفااش كاتباان وهي ناااعسة ... لاعلاقة بمني كاتفيق ... قرب بهدوووء لعندها ... كان راسها معدب ... قاد ليها النعاااس وتكااا حداهاااا مدة وهو كيتأملهااا ويدقق فيهاا حتى داااه نعااااس فجنبها

اصبحنا واصبح الملك لله ... فاقت خنساااء كاتوجد الفطور وتقااد الطبلة وتولهااا ... كان باقي عندها المسمن والرغايف من الفطور سخناتهم ... خرج عدنان مبتاسم موحش ريحة الطياب فالدار كايشمشم... من شحال هاذا وخديجة لي كاطيب ليه وتجيب كلشي وااجد من دارهاا ...

خنسااء شافت فيه : صبااح نور و السروور ... كيف صبحتي اراجلي الحبيب ...

عدنان : بيخير الحمد لله ... فقتي بكري اليوم ماحسيتش بيك

خنساء : فقت ولقيتك ناعس مابغيتش نفيقك ... كلس كلس تفطر ... عارضين علينا الدار اليووم للغدا ديرها فبالك

عدنان : علاش شنو المناسبة ؟؟

خنساء : خالتي وولادها جاو السيمانة الفايتة من فرانسا ... واليوم جايين يتغداو معاناا رااك عاارف ماقدروش يحضروا لضريب الصداق ... وغايجييو اليووم للدار ...

عدنان : مممم اوك ... انا مع 11 ندوز عندك باش نمشيييووا ... بالحق نلقاك واجدة غير نكلاكصوتي عليك تهبطي ... ماتخلينيش نص ساعة كانساين ...

خنساء : لا لا كون هاني ... انا الوقت هو الوقت ...

عدنان : اييه ايييه باااينة ... كبي ليا شي كاس ديال القهوة ...

خنساء : هي اللولة احبيبي ....

كبات لييه وكلساات كاتفطر هي وياه فهدووء من طبعوا مكايديوش بزااف خصوصا فوقت المااكلة ... كملوا ولبس عليه وخرج خلاها كاتجمع الدار والروينة ...

يتبع...