محتوى القصة
طلعات خنساء مع رانياا لبيت لفوق...سداات خنساء لباب وتقابلات مع رانياا وحيداات زيف من فوق راسهاا معصبة..
نطقات بتساؤل:قولي لياا...وااش قلتي شي حاجة لعبدو؟؟!
رانياا بعدم فهم: كيفاش واش قلت شي حاجة لعبدو؟!!اشنو غانقول ليه؟؟!
خنسااء ضغطات على هضرتها:وااش قلتي ليه شي حاجة على هادشي لي مساريين؟؟!
رانيا وسعاات نضرتهاا: اشغاانقوليه اويلي من نيتك؟!!!
خنساء:اوى راه هضر معايا قبايلة...وقالي "مزاال غاندويو ملي غاتسالي هاد لمسرحية ديالك" وقولي لياا دابا...كيف جاتك هضرتو؟!!زعمااا هاد بناادم لي يقوليك هاكا معارف واالو؟!!
رانيا: اخر وااحد اخنساء نقوليه شي هضرة هو عبدو...ماايمكنش اسمع مني ولو نص كلمة...
ردت عليهاا خنساء حاطة يديها على جبهتها:وااتي سيد كايهضر تايق فرااسو...بحالا عارف شي حاجة...
رانيا قربات لعندهاا بغات تهدئهاا شافتهاا ولات منرفزة وعلى أعصابها: ماتصدعيش راسك اصحبتي...باينة معارف والو غير جاب ليك الله...وزاايديون ماتنسايش راه درب كامل ساق لخباار بلي راك مريضة وهو واحد واحد منهم....
خنساء رفعاات صوتها:وعرفناااه فباالو بلي انا مريضه...ولكن بااش عرف بلي هادشي كااامل غير مسرحية...وهو جااي كايقولهاا لياا هااكا بصريييح العبارة و فوجهي
رانياا طولات فيهاا شوفة لي لحضات وعوجاات شفايفهاا بعدم معرفة: وهداااي علياا...معرفت منين جااب لخباار...ولا شكون لي قاليه شي حاجة...
خنساء حكاات على شعرهاا تاالفة بلمعقول غادة جايا فلبيت عقلهااا تشطن بهضرة عبدو...
رانيا:صافي دباا نسااي...خلي يدوز ليووم ونشوفو بلانو من بعد...نتي غير لبديهاا حتاا وكاان نساليو ليه...
خنساء بضيق:خفت ارانياا يكون عارف شي حاجة خفت...
رانيا سكتات تواني ونطقات:عرفتي غداا سيري عندو..وقولو ليه بااش عرفتي...
خنساء خرجت فيها عينيها:وااش حماقيتي...نمشي لعندو ونقوليه اه حقاا باش عرفتي هادشي لي كاندير غير مسرحية..ولي نتفترض مفرااسو واالو...نوض انااا ونفضح راسي براسي...بحال لبزناز لي وقفوه لبوليس باش يسولوه على طريق وهرب حيت هاز لحشيش....
رانيا: اوووف حتااا هو هاد عبدو معرفت منين خرج ليناا...صافي صافي...غير هني بالك...واخاا بصرااحة...(سكتات مامكملاهااش)
خنساء:بصراااحة شنو؟!!دوي
جاوباتهاا كاضحك:هههه اوى اختي راه تقدري دوزيهاا على لي كاينين فوق لكرة لأرضية كاااملة...الى عبدو...(غمزاتها وكملات)راك عجينة يدو اسااطة...نستي راك كبرتي نتي وياه فقنت وحدة... سيد حاافضك مااا
خنساء ميقاات فيها:اوى خلااص...داكشي لي بقااا... سكتي عفاك..قولي شي حاجة معقولة ولا بلاش ماتدوي...(هزات زيفهاا لاحتو على راسها)عرفتي شنو خلينا نزلو دابا عند الطلبة غايكونو جااو..ومن بعد نشوفو قضية هاد لحريرة لي معرفتها منين تسلطلت علينا...بحالا اناا هانية ناقصني غا ولد حياة نزيدو فلحساب....
رانيا وقفاتها بتدكر: اجي ديك لابليكاسيو لي دخلتي فتيل مهدي..خدامة؟!!
خنساء: معلوم خداامة...بيهاا كانراقب تحركااتو كلهاا...كانعرفو فين دخل ومنين خرج...محدو هاز تيل فجيبو...
رانيا بتخوف:نااري عندااك يعيق بيهاا...
خنساء بتاسماات بتقة:ههه شناهواا يعيق...كاتصطااي.. ابداا واش غايقدر يشووفهاا... مخلصة عليها زبابل دلفلوس وزايدون ملي دخلتهاا خفيتهاا ماتبانش كيف قالولي ... مكايبان والو فتيليفون ...ولكن لابليكاسيو راهاا خدامة كاتسجل
رانيا وسعاات ضحكتهاا:ههههه نااري ياختي وماايقد علييك غير لي خلقك...
نزلات خنساء مع رانيا لتحت ومشاو لكوزينة يعاونو نصيرة ونسرين فتوجاد...صوت الطلبة كايقرااو كايتسمع فداار كاملة...عطااو لناس ياكلو...كلاو وسالاو...والطلبة دارو الدعااء ومشااو ...وحتاا لحضور لي كانو عرضو عليهم كلهاا مشاا لداارو...دار خوات بقاو فيهاا غير هماا بحكم عرضو غير على الجيران وأقرب المقربين من العائلة....
صباح جديد مشرق حامل فطياتو خبايا كتيرة لابطالنا من ورا اشعة شمسو الذهبية ... فالمحل عند عبدو كان كالس سيمو كايدير شي روتوش لشي زرابا غايجيو ليهم ماليهم ... وحداه عبدو كايستف فالموديلات الجداااد لي عاد وصلو ...
سيمو بتساؤل : غاتكون مسالي هاد العشية ؟؟؟ ...
عبدو ملاهي مع داكشي لي كايدير : غالبا الا ماخرجش ليا شي بلااان من الجنب ... علاااااش ؟؟؟ ..
سيمو : عندي واحد الغراض غانقضيه ... بغيت نعرف واش تقدر تبقى فالمحل ...
عبدو دار لجهتو متذكر كلااام منير .. هز فيه حاجبو بتساؤل : فكرتيني ... كنت نيت باغي نسولك على شي حاجة
سيمو بطنز : سول مواااالف تاخد الاذن زعما ههههه ...
عبدو بهدوء ماباغيش يدخل معاه نيشان فالموضوع : ماشفتيش رااانيااا هاد يوماين ؟؟!!...
سيمو طلع فيه عينو باستغراب وحط لي فيدو ناطق بعدم فهم : رااانيااا !!!... وعلاش غانشوف ديك بناادمة اصلاااا ... ديك الاخت انا ماكرهتش تفرق من ساحتي ومانبقاش نشوفها قدامي ... اش عندي ماندير بكمارتها
عبدو هز حاجبو : مممممم مزيااان ... ايواا مانعرف تاني .. قلت شكون عرف مور هاد العداوة تقلبوهاا محبة . .
سيمو بانفعال : شكاااات*ور بعقلك لااااا ... انا الشوفة هي اللخرة مكانحملش نطلعها فيهاااا بكترة مكانحملهااش ... بقا غير شي حاجة اخرى ....
عبدو جاب ليه الضحكة ماباغيش يبين لييه ولكن من طريقة هضرتو حس انه داكشي لي كايقول فوق النفس وغير كايغطي بيه على شنو لداخل ... بغا يزيد يشعلو ويستافزو : ايوا مزياان حسن نييت ... اصلااا نتوما مكاتفااهموش مع بعضياااتكم
سيمو رمش فيه جاب ليه الله فحاال الا ماباغيهش يكون معااهااا راسو بدا يرسم ليه شلااا حوايج فمخو نطق معاجبو حال : اييه مكانتفاااهمووووش ...
عبدو شمر على نيفو حابس الضحكة من التوتر لي ضهر على سيمو : ممم مزيااان .... ايوا رااه كاين لي غادي يتفااهم معاهاااا ... ( باغي يخليه يحس بالخطر من جهتهااا بااش يحاول يفهم مشاعرو كتر .. كمل هضرتو ): وكايتسنى غير اشاارة وحدة منهااا ويجي كاايجري وهو كايفرنس ...( غمزو ):انا غانمشي نجيب شي سخرة ونجي ...
خرج من تما خلاه مشوكي من كلامو ... لحاجة الوحيدة لي جات فبالو ان عبدو عينو فرااانياااا وبغاا يبدا معاها شي حاجة .. مجاش لبالو بالمرة انه قاصد شي حد اخر ... حس راسو تخربق : اءء ويااك هو كايبغي خنساااء ....( حك على لحيتو ): ويااك عااد كاانت رانيا بحال ختوووو ... شنو زعما دغياا بدل ليها النظرة ... لااش كايلمح هاداااا ...
قرم حجباانووو خاصر ليه المجااااج : ولاهيلااا قالك كاين لي يتفااهم معااهااا ( خنزر من راسو ): واناا مال ديلمي اصلاا فهااادشي .... يتفاهم معاهاا ولاااا يكلس ... اش هااد النم ... ( زدح لي فيدو مخصر ): يخخخ على نهار كيف دااااير .... بااين من صباااحو ... ولااايني لي مصبح على سميت وحدة بحاالهاا كيف بغاااه يكوون ....
زير على قبضة يدو معصب وحاس بمورالو خااااسر بالبيااان من الهضرة لي قاليه عبدو خصووصااا انه شك بيلاااا ممكن يكون ناوي شي حاجة مع رانيااا بعدما فقد الامل فخنساء عليهااا قاليه ديك الهضرة وبغاااه يعرف حدو معاهاااا .... ولكن لي محيرو كيفاااش قدر ينسااا حب قلبو بهاد السرعة ويفكر فرانيا ولاا غير بغااا يحاول يبدا معاها من لول .... شنوو ممكن يكون غير نظرتووو ليهااااا ... حس براسو مبرزط بالبيااان ورااسو زااند عليه بقوة الاحتمالااااات لي طاحو فبالو ...
كان عصام ݣالس فبيروه فلخدمة قبالة لبسي ديالو....شوية وهو يقاطعو صوت تيل كايصوني...شاف شكون وهو يهز حاجبو ملي بان ليه مهدي هو لي متاصل...
نطق مع راسو قبل مايدوز لخط:اوى على سلامة...شي ناس عاد طفى عليهم الضو...
دوز لخط ناطق بهدوء:سلام و عليكم...
رد عليه مهدي:وعليكم السلام...خويا عصام صافا اش خبارك...
عصام جاوبو على قد سؤال محاملش يهضرو:لحمد الله هاد الساعة...بخير وعلى خير...
مهدي:ولاهيلا اخويا عارف راسي مقفرهاا معاكم...غير سمحو لياا وخلاص.مساليتش نجي نشوفكم....
عصام بنبرة تقيلة ختار يقصح معاه لهضرة غير بلفن:وي سيفغي ملي حطيتي ختي عندنا ونتا تغبر مساليتيش تجي تشوفهاا هيا بعدا لي مريضة...ولكن الدنياا هانية...ماشي مشكل الله يحسن لعوان
مهدي زير على قبضة يديه..حس بيه كايحشي ليه فلهضرة...
رد عليه منزاعج:عرفتي ياربي سلامة هاد لأيام راني غاارق من راسي حتا لرجلي...كاندير شي اصلاحات فالقهوة خداو ليا وقتي كامل...كنت غاندوز لبارح وماكتابش...
عصام خرج نفسو بصوت مسموع:ياودي قلنا ليك دنيا هانية.بلا ماتبقى تعطي فتبرريرات...كايقولو لغيب حجتو معاه....صاافي مامساليش هانية سير حتا وكاان تسالي...
مهدي زير على شفايفو وقال متساؤل:واحد خنساء لاباس عليهاا....
عصام قرم حجبانو من سؤالو...كان شاك بلي قاطع عليهاا لهضرة حتاا هياااا....ولكن مابغاش يضلمو ويدخل لهضرة لراسو...مي بهاد السؤال لي سولو صافي زاد تأكد مية فلمية من شك تاعو انو حقيقة....
نطق مصغر عينيه:علاه مكاتهضرش معاها باش تشوفها لاباس ولا لا؟؟!
مهدي حك راسو...حس انو حصل معاها وزمطو...نطق باغي يسلكهاا معاه بكدبة خايف لا يتفرش:لا لا كانهضرو...غير ليوم مزال مسولتش فيهاا...قلت معيط معيط اللهم نسولك نتا..هدا مكان
عصاام عاق بيه كايكدب...زير على ستيلو لي فيديه مكالمي معاه راسو غير بزز.:مممم..واخاا مزياان...هيا لاباس عليهاا...باركة فدار باها معززة مكرمة مخاصهاا حتا خير
مهدي:انا غير نلقا شي وقيت غدا...نسالي هاد الروينة ونجي نشوفهاا...
عصام قاطعو:لا حتا وكان تسالي شغالك على خاطرك وجي...راك محطيتيهااش فشي بلاصة برانية عليهاا...(مهدي يلاه بغا يرد عليه وهو يقاطعو)سمح لياا خاصني نقطع دابا، حتا دوز ان شاء الله ونهضرو....
مهدي تنهد بإحباط عرفو بغا غا يصدرو:واخا ان شاء الله وسمح ليا الى صدعتك
جاوبو بإجاز:لا دنيا هانية...
كمل عصام هضرتو وقطع عليه...لايح تيل فوق لبيرو بنفضة معصبو...نطق بسخط:
"وازوينة هادي...مرتو مريضة ربي لي عالم بيها...وهو بارك كايصلح فلقهوة مبرد السوق مع راسو...جايبها لدار بااهاا لايحهاا فيهاا مهني منهاا ومشا يقضي شغالو طرونكيل...ولاهيلا نتا لي عبرتي...."
حط مهدي التيل من يديه فوق لبيرو وهو يتسمع لباب تحل دخلات منو ملااك...لابسة سروال دجين مزير مع شوميز فنواغ خاشياها فيه وسميطة فنوواغ...مع مكياج صباحي واكسسوارات خفيفة حلاقات فودنيهاا وݣورميط فضية فليد...
طلع مهدي فيهاا راسو وبتااسم...بادلاتو بتسامة ساحرة على ملاميحهاا وقربات لعندو..كلساات فوق فخدوو مخشية فيه لاوية يديهاا عليه...
نطق مهدي بهدوء :ممم ناااس ودجين مزير...باغا تهاوشيني؟!!
ضحكات ملاك بإغراء وقالت:هههه لا لا غير جاب ليك الله (كملات بتساؤل بنبرة رقيقة تغلغلات فمساميعو بورشاتو)مالك اروحي...بنتي لي مقلق...
مهدي قرب طابع قبلة على جنب عنقهاا وقال:لا واالو...فين غابرة علياا ليوم...ههه عاد جيتي أنعاسة...
ملاك وسعاات ضحكتهاا بتحلوين غامزاه:هههه اناا بغيت نتعطل...باااش توحشني ومانطلعش ليك فرااسك...
مهدي حط يديه على شعرهاا:هاد الزين راه يكون قدامي ونتوحشو...حاشا واش يطلع لي فراسي...
ملاك عوجاات شفايفها:ممم قولي...باقي على اتفاقنا؟؟! ولا نسيتيه..
مهدي:ضروري..وعلاه انا نقدر نسا شي حاجة متعلقة بينا بجوج...كوني هانية...
ملاك ناضت من عليه ووقفات لاوية يديها على كتفو:اوى راه غانتسنااك...
مهدي بتاسم ليه وهياا بعدات عليه بخطوات عاطياه بضهر غاتمشي
وقفهاا وقال:بلاتي تسنااي..
ملاك دارت لعندو وهو هبط لكوفر لي عندو تحت لبيرو حلو وجبد منو أنڤلوب فيه لفلوس...عاود سدو بإحكام وقال مادو ليها:هاكي..هادو دياولك...
ملاك بتعجب:مي هادو لااش؟؟
مهدي:صافي بلا ماتكتري لهضرى وشدي...(غمزها)باش توجدي شي ݣلسة دايزهاا لكلام...وتوجدي لياا راسك ليوم صح ما يتمكن...تستاهلي كل خير ازين...
ضحكات ليه...قربات بخدو وطبعاات قبلة عليه وخداتهم من عندو فرحانة ناطقة بلطف:لهلا يخطيك علياا وخلاص...مايكون غير خاطرك احبيبي...ليوم غاندير ليك قصارة عمرك شتي بحالهاا...غاتنسيك فكلشي...
كملات هضرتها وزادت...بتاسم ليها مهدي بجنب متبعهاا بعينيه حتا خرجاات من لبيرو...وعاد رجع مكمل خدمتو...
خنساء كالسة فبيتها كاتستف فحوايجهاا كل حاجة حاطاها فبلاصتهاا ودهبهاا حتاا هوا مقاداه فصامصونيط وسادة عليهاا دايرة ليها لكوود...
دخلات عندهاا نسرين هازة لمصلوح فيديهاا ماداه ليهاا:هاهوا لمصلوح...خليه شوية فضو عاد خدمي بيه..باش يحدد ليك مزيان...
خنساء خداتو من عندها:ارى أختي الله يعطيك الستر...
شداتو خنساء برونشاتو فلبريز ورجعات يلاه غاتستف لحوايج...وهو يوقفهاا صوت تيل كايصوني...شافت شكون بانت ليهاا نمرة نادية طالعة هيا لي كاتصوني...تجاهلات لمكالمة ورجعات كااتستف فلحوايج عاادي...نسرين سرقات النضر وشافت بلي نادية لي كاتاصل...طاح ليهاا لعجب انهاا مابغاتش تجاوبهاا...
يلاه بغات تدوي وتستفسر...وهو يعاود تيل كايصوني مرة أخرى... خنساء تنهدات بملل..هزات تيل من لكوافوز ومداتو لنسرين
قائلة برجاء:هانتي عفااك...جاوبيهاا وقولي ليهاا خنساء ناعسة ماتقدرش تجاوبك دابا...ملي تفيق تاصل بيك...
نسرين طولات فيها الشوفة تواني وستجبات لطلبهاا...خدات من عندها التيل ودوزات لابيل ناطقة بهدوء:اهلا اشخبارك؟!!لحمد الله سول فيك لخير..اءء..اااه خنساء...(اكدات ليها بعينيهاا باش تقول لهضرة لي قالت ليهاا) لقيتيها احبيبة ناعسة..صافي غير تفيق ونقوليها تاصل بيك...هانية الله اودي...سلمي على سارة ومهدي.. مبلاغ بسلامة...
قطعات لخط ومدات ليها تيل وهيا هازة فيها حاجبهاا بستفهاام كبيير...
خنساء بتاسماات ليهاا وقالت:شكرا بزااف...
نسرين علات صوتها كاتساؤل لفضول قاتلينهااا:تي اشمن شكرآ...علاش مابغيتيش تجااوبيهاا؟!!(يلاه غاتدوي خنساء وهياا تقاطعهاا نسرين فلبلاصة كاتدوي بزربة) وااش وااقع بيناتكم شي مشكل؟؟ياكماا مخبية عليناا شي حاجة تاني حتا نسمعوها عند البراني؟؟(زاادت بنفس النبرة كاتسرسب بلا حباسات) واش مهدي كايسول فيك ولا لا؟!اجي قولي لياا كاتصدرييه حتاا هو يااك ؟!!تماما كيفمااا درتي لنادية؟؟؟ دوي دوي..
خنساء بقات ساكتة كاتشوفيهاا بصدمة حالة فيهاا فمهاا كاترمش بتتاقل...ونسرين كاتسناا الإجابة لݣاع أسئلتهاا المتعددة....
عودات نطقات بنفس نبرة :شوفي بلا ماتبقااي ديري فياا دوك الشوفاات وتهربي جاوبيني...
خنساء قاطعاتهااا:ابنيتي كالما كالماا خلاوهاا الطليان...تي منين كاطفااي انااري؟!..محفضينك ولا؟؟معندش بالي خوياا مزوج بأنسبيكتوور...
نسرين:نتي عندك هاادشي فشكل..اختي ديماا غامضة...مكاتعطيش لواحد راس الخيط واخا يكونو كايقطرو ليه....ماالكي هاكا!!؟حناا عائلتك ومن حقناا نعرفو..
خنساء بقات متبتبة عليها الشوفة عارفاها مغاتساسش حتاا تعرف شنو كاين...مافكراتش جوج لخطرات...دغياا دوراتهاا فراسهااا....
غمضات عينيهاا بتتاقل وبداات كاتحك ورى عنقهاا وفجنب درعهاا بطريقة غريبة ومامفهومااش...
نسرين هزات فيهاا حاجبهاا وقالت:ياك لاباس مالك...
خنساء عوداات فركاات دراعهاا:سسس اييي معرفتش مالي...بحال شي صبااع تحطوو علياا وقاسوني فدرااعي وعنقوو...يااربي شهاادشي...(غمضاات عينيهاا وبداات كاتقرى شي حاجة فخاطرهااا....شافت بنضرات متخوفة فنسرين وقالت)ناااري نسرين... شي حد قاسني بيديه غير دابااا ملي كنتي كاتهضري معاياا...
نسرين بعداات عليهاا بخطوة موسعة فيهاا نضراتهاا بالعة ريقهاا...مفكرة هضرة عتيقة وجنون لي مالكينهاا.... بزربة طارت لباب باغا تسلت لايصدق مصمكهاا شي واحد من ليما كايتدكروش
قالت بنفي:لا لا ماتخفيش مغايكون واالو...غير رتااحي شوية رتااحي...
كملات هضرتهاا ومشات طايرة بخطوات سريعة خارجة من لبييت سادااه عليهاا رجليهاا قربو يفشلو عليهاا بلخلعة..قلبهاا كايضرب بتخوف دغياا اللون تبدل فوجهاا....
غير سداات لباب...وخنساااء طاااحت كاااو بضحك عينيهاا دمعوو...شحااال ماضحكات من قلبهاا بديك الطريقة...
نطقات وهيااا شادة كرشهاا:هههههه ناااري والله حتااا بزاااف....وأخييرا لقيت ليهاا دواهاااا لخوافة لخرى....هههه وداباا تلاحي وماترجعيش عندي ، راني بجوااادي ونخااف يجمعوها معاك....
ظلااااام الحااال وليل غيم على المدينة ... سمااا صااافية زرقاااا غااامقة ونجوومهاا المحسوبين لااامعة ... قمر مكتمل كاايبري عاطي منظر هااادي كايفتح النفس ... ولكن واااش غاتكون ليلة هادية بحاال سمااهااا ولاااا غاتكون طويلة وشاخدة على غير العااادة ... حتى واحد مايقدر يتوقع شنو ممكن يطرا وفحياتنا مانقدروش نعرفوا خطواتنا حتى نخطااوهاا ونشوفو عواقبهاا ... بصح الحياة كاتبقى تجارب ولكن كل تجربة ممكن تخلي فينا اتر ... سواء زوين ولا خايب ... ولكن بعد المرااات كاتختالط علينا الامور التجربة لي كاتكون سعيدة هي لي تقدر تاخد مجرى اخر معاكس وتمشي بينااا لخطى التعاااسة ... وهنااا بالضبط الانساان ممكن يفشل ويتوقف فصراع قوي بينو وبين ذاتو ... حيت بالنسبة ليه مكايعرفش اشمن ذكريات يحتافظ بيهاااا ... وااش السعيدة لي قلبو تحفرات ولا التعيسة لي فعقلو ترسخات
فالدااار عند ملااااك لي كااانت لاااابسة شوووميز دو نوي خطييير باللون البيج على شكل كسيوة مشبك كولووو مع لي دو بييس ديااالووو تحت منووو مغطيين ليهااا غير العاانة و وصدرها لي كايبااان مبندر كايطل على براااا ... داايرة ميكاااب راااسخ خادمة عينيهااا بالوااان غاامقة برزااتهم كتر وعكر غووج كااايباان من بعييد ... مخلية شعرهااا مسرح على كتاااافهاااا فرااحتووو ...الجو حااامي و ليلة زااهية من لبدية .. بنشااط و فرحة كااتوجد فالطبلة لي كااالس قباالتها مهدي غير بشورط ديال النعاااس وصدر عريااان واخد راحتو كااينقب من الفواااكه الجااافة ومنغم بالمووسيقى و بمنظرهاا هي قدامو غادة جااية كاتحط على الطبلة العشاا ... قادات كرطاان بدجااج و صوص بيشامييل و عصييير تقييل بالفواااكه الجااافة ومكثرة فييه لوووز و ديسيير مقطع و مشكل في عويداات بشكل زويين ... حاسة بانجاااز كبير وهي كاتشوف راسهاا كل نهاار كاتزيد تقرب لمبتاغاااها .... والمهدي غادي وكايغرق فشبكتهاااا كتر وكتر ....
حطات البلااطو ديال العصير وهو يشدهااا المهدي من ذراااعهاااا جرهااا جلست على حجرو مدورة رجليها لجنب كضحك بغنج وتحرك كتافها بدلال و قال متلووف فحركاتها : شنو زعما هاد توجاد العشا مغاديش يسااالي خلاص ننن .... ( غمزها بتقالة و حط يدو على خدهاا كايلمسو بحنان ): انا راه غير الشوفة فيك مشبعااني .... بلاما تمحني راسك بهادشي وخلي سوفل محتاجينو
فرنساات عجبهااا لحااال : هههههههه انا اسيدي سااليت .... ( قرباااات لشفايفواا طاابعة قبلة منغاامسة فيهااا معاااه شفات بيهاا غليلهاا عاد بعدات شوية ): نتعشااو ولااا بغيتي شي حاجة قبل ( غمزاتوو بت*حبين ) ...
المهدي و قف جارهاا معاااه كايدور فيهاا على انغام الموسيقى : فرجينييي قبل هههههه ... هزي وحطي ووريني شنو كاتعرفي ديري ...
ضحكاات بقهقهة عااالية و نطقااات غارسة سنانها فشفايفهاا : الله اودي ... طلبتي غير الموجود ...
زادت بخطوااات تقيلة كاتمختر قداااموووو وقلباات الموسيقى للشرقي لااوية عليهاا موزون خفييف عازلة خصرهااا ... وبدااات كاتماايل بحركاات شيخاااوية و تفرنس وهو متبع معاااهااااا مستمتع والمورااال زااااهي كاايضحك وعينيه مسلوبة فيهااا كلو شهوة و رغبة فجسدهااا المغري عارية تماما قداااامووو : ههههه هااااااديييك ... هز ييي... زيدي هههههه ( عض على شوااربو بتلدد ) الله الله على الطرف ..
ماحدو هو كايدوي وهي كاتفرنس وتزيد فوتيرة شطييحهااا باغرااء .... المهدي الحرارة طلعاات معاه و سخن بالمعقوول مابقااش قاد يصبر عليهااا ولا يتحكم في رغبتو و هي كتماايل قدامو بلا سابق انضاار جرهاا عندوو متكيهااا فوق الفوطووي : تيي رااه الكاشوش حركتيه معااااك ... ازيين احححح بومباااااا ...
ملاااك كاتضحك وتعوج بتحلوييين مقحبن : عهههه كلشييي في خاااطر ( لواات يديها على عنقو ) ميدوو ديااالي ...
ضحك وهو كايحيد ليهاا الشوميز بيدوو بالخف مابقا عاقل لا على عشا والاا مااكلة ... حاس براسو باغي غير يخوي فيها رغبتو .... بقااات قدامو بدو بييس لي مامغطيين فيهاا وااالو ... نزل مع عنقهااا بالبوسان واللمسااات والمداعبااات وهي كاتنين حدااا ودنو بصوت منشوي كايزيد يهيجو كتر ... فكل بلاااصة داز منهاا بفمووو كايخلي فيهاا اتااااااار والنااار شاااعلة فيه من الدااااخل ولا كولو كاينهج وصدرو كايطلع وينزل على اتر الحراارة والرغبة لي ركباااتوووو ... حط يدوو فووق السليب لي لااابسة وهي تأوه بصوت عدب خلاه يبتاسم وتحت منووو هاايج باغي غير فيمن يقضي ....
صوت انيين وتأوهااات خاارجة من افوااههم وهو مكونسونطري معااهاااا ....صغر عينوو وهو كايسمع بعض الخبطات فالباااب ... بعد عليها شوية وهو مقيم حتى بغاا يجيبو وهو يقطعو الدقان لي هزهم من بلاصتهم
ملااك باستغراب : شكون ؟؟؟.
اامهدي هز عليه البوكسر لي مطرطق بسباااب المعلم لي واقف كي العلااام .... خصر كماارتوو : مايكون غير داك الكونسييرج ديال الويل ... مالقى ايمتاا يجي تاني ..
هبط عينووو لحالتوو ماقادرش يفكر بالمرة باغي غير يصدرو ويجي يكمل شغلوو لي بدااا فيه... ناطق تحت من سنانو : مايخليوك حتى ت*وي على خاطرك .... يخخخ
حاس براسو محصور تقطع فنص الطريق ... شار لملاك تكلس حيت ملابساااش وزاااد هوو لجهة البااااب ... مع الحلة وهو يهز حاجبو باستفهاام من نظراات الرجل لي واقف قدامو ... نطق منفض : نعاااام ؟!!...
_ جاوبو الشخص لي واقف قداامووو وهو هاز كارط تعريفية فيدو ملاقيها ليه مع عينو : معاااك البولييس ...
لمهدي تبلوووكااا....بقااا واقف فبلاصتو مصدوووم مخرج عينيه...حلقو نشف مامصدقش بلمرة أن لبوليس قداامو حصلووه متلبس بلجريمة...ضرب مية حساب وحساب فدماغو...الى هاد لحسااب...رجلييه فشلووو عليه مابقاوش هاازينو....
بلع ريقو ونطق بتلعتم محاول يبقا هااادئ:م..متشرفين...ك..كاين مانقضيو...
لبوليسي هبط عينيه بان ليه ملابس واالو من غير شورط ساتر بيه رااسو...دفعو لدااخل ودخلو لدااار....غير دخلو وهما تبان ليهم الأتار تاع لقصارة فارجاء المكان...
ملاااك غا بانو ليهاا وهياا طير هازة بينوارهاا لابسااه بزربة بحكم كانت غير بدو بيااس... عااارفة لقضية حاامضة...
نطق مهدي وقلبو كايضرب على جهدو دقاتو مابقا ليهم والو ويتسمعو:اشكاااين أشااف...مالكوم هاجمين عليناا..ياك لابااس...
لبوليسي عاود نزلو وهبطو:مزاال عندك لوجه بااش تهضر...زعماا معارفنااش لاش جاايين...
دور عينيه لملاك لي ملي سمعات لبوليس بحالا جمعتيهاا معاهاا بتصرفيقة....وسعات نضرتهاا بدهشة ... بدات كاتلتاقط أنفاسها بصعوبة صفااارت ودم هرب من عروقهاا بلخوف الشديد...ودقات قلبهااا تسااارعو
نطق بتساؤل كايشير ليها بيديه بشكل مستفز وبستصغاار و هو كايشوفيه:اشكاتجيك هاادي؟؟!
مهدي بلع ريقو من سؤالو...لسانو تربط ..ملااك بدااك شوية الجهد لي بقاا عندهاا ناضت لعندو...مقربة لمهدي واقفا وراه كانهاا كاتستنجد بيه...يلاه حطات يديهاا فوق من دراعو وهو يحيدها ليهاا بزربة...وهياا حادرة راسها معارفة شنو دير حصلة عمرهاا عااشت بحالهاا فحياتهاا....
عاود نطق البوليسي بتكرار...وبنبرتو القوية:راااني قلت اشكاتجيك مغاتجاوبنيش؟؟!
مهدي تشجع وقال بملاميح مستفهمة:ولكن علاياش غانجاوبك...انا راه مفاهم والو...
رد عليه بنبرة رسمية:مرتك كاتاهمك بلخيانة الزوجية...وهيا لي حركات الدعوة باش جينا لهناا...وفعلا ضبطنااك متلبس بالجريمة...نزيدك بااش تزييد تفهم ولا بركة
بلاا مايشعر وسع لحلة دياال فموو ونطق مطول هضرتو:مرتيييي؟؟؟؟
ملااك دغياا نقزات ولا كلهاا كاترعد نطقات بنبرة باكية:أويلي اشااف كيفااش لخياانة مايمكنش...
لبوليسي ضيق فيهاا حجم عينيه بستغراب:غانكدبو عليك أمدااام؟؟!...
مهدي صدمة تلاتية الأبعاد تلقاهاا....بحالا سطل تاع لما بارد او متلج تكب عليه....خنسااء عرفاات؟!!وهياا لي شكاات بيه؟!
غير اتخيل كيفاش وقع مقادرش يتخيل...تسمر فبلاصتو باغي غير يجبر عقلو بااش يتتقبل هادشي لي وقع ولكن واالو،مابغااش ابداا يستاجب ليه...
نطقات ملاك بصوت خاافت كاتقفقف كلهاا بلخلعة:نااري مهدي ياك قلتي ليا مريضة...كيفاش وصلاات عند البوليس...
مهدي محاوبهاااش..بقاا مفيكسي عينيه موسع نضراتو فدهوول كبيير كايحااول يستوعب هادشي لي نزل على راسو دقة وحدة فجأة بلا مايعول عليه ابدا....
حاول يضبط رااسو وقال:و...ولكن انا مرتي مريضة مدة هادي...كيفاش هيا لي حركاات الدعوة؟!!لا لا كاين شي غلط اشاف...انا متأكد...
رد عليه لبوليسي بهدوء:ايه ماقلتي عيب...حتا دابا غاتفضلو معانا...وغانعرفو جميع واش كاين شي غلط ولا لا..
ملاك نطقاات بنحيب ودموع فعينيهاا:فين غانتفضلو معاكم... وزيدون باش من حق كتاهمونا...هادا راه راجلي اشااف...
مهدي زير على قبضة يديه وقربهاا لفمو...زاادت غرقااتو...هيااا بتلفة بغاات غا تفك..اول ماجا ففمها طلقااتو بلا ماتفكر...
لبوليسي صغر فيها عينيه وقال:رااجلك؟؟..يعني مزوجين...(حرك راسو بستهزاء عارفهاا كاتكدب)اييه واخاا اري ليناا نشوف لاكط...(شافهاا جمداات فبلاصتها كادور فعينيهاا وكمل مرفع نبرتو بصوت حاااد)واا تحركي غانباتو هنااا...
حكات على شعرهاا وعضات على شفايفها...بلا ماتجاوب
لبوليسي ضحك بستهزاء:ههه ضونك مكاينش....(شاار لواحد من لبوليس لي معااه)وجد وجد لعماارية...دي علياا لبشار من هناا...خوي علياا السيكتوور...
ملاك بداات كاتنتر فبلاصتهاا وتحرك فرسهاا بهستيرية دمووع تحجرو فعينيهاا ناطقة بصراااخ:لااااا لاااا اناااا مغاااانمشي لحتاا شي بلاصة...
قرب لعندهاا لبوليسي وجرهاا من يديهاا بجهد ناطق بصوت غلييض:اسحااب ليك كانشاوروك هناا؟!ماالو لخاطرك...تحرررركي
شدهاا دافعهاا لجيهت لباب بعنف وشد فيها بوليسي أخر غادي منزلهاا شادهاا مزير عليهاا وهياا كاتبكي وتنحط كاطيحهم صحااح من على وجهاا...صوتهاا كايتسمع فدروج العماارة بحكم كان سقيل...
نطق مهدي كايشوف فلبوليسي محاول معاه لأخر مرة:هانتاا اشااف خليناا غير نتفاهمو...
رد عليه بصرامة:حتااا لكومساارية واراا ماتفااهم...دبااا يلااه....
مهدي زير على قبضة يديه واقف فبلاصتو... منزل عينيه عليه...كيف غيدير يخرج وهو شبه عااري؟...شافيه لبوليسي ورد ليه لبال
قال لواحد من رجال لي معاه:سير جيب ليه بااش يتستر سير...نتقاو فيه وجه الله مانخرجوهش مشوه هاكا..(عاود شافيه)اما بحالك حسن نيت يتشوهو وكلشي يسيق لخباار لفعايلهم...
مهدي حدر رااسو...ولحاصول فضيحه فووق السطيحة طاح فيها....تبهدل تبهديلة دياال لكلاب غطس غطسة وحدة ومابقاا كيف يدير يهز الرااس...تمنى يكون غير كايحلم ويجي شي حد ويفيقو...تمنى لأرض تشق وتبلعو...ولا يفكر فداكشي لي كايتسنااه.......مقادرش يدخل لعقلو بلمرة بلي خنساء ساااقت لخبااار...تحسر من أعمااقو على الوضع لي تحط فيه...معرف بلعواقب ديال داكشي لي كاان فيه حتاا فاات لفوت...تلاح فلوسخ وعواض مايضرب ويقيس نسااا راسو
قرب لعندو البوليسي وعطاه ازار بيض كان فبيت تنعااس...مهدي تنهد وخداه من عندو وسقل مقادر يحل فمو...ولا يخرج شي كلمة...أول مرة يحس براسو عاجز مستسلم لأمر الواقع لي ختارو بيديه ومالزمو عليه حد...هز هداك ليزار وحطو فوق كتافو على شكل سلهام..شدو لبوليسي من دراعو ونزلو مهبطو...مع لخرجة بانت ليه سطافيط كاتسنا فيه يركب...وملاك داخلة وسطهاا شفايفهاا كايترعدو بلخوف ولبرد بحكم داكشي لي لابسة خفيف بزااف... كاتبكي وجهاا رجع حمر بلبكاا وسدرهاا كايطلع وينزل بتنخصيص عقلهاا حاسة بيه غايخرج من بلاصتو..عياو ينهضو فيهاا بااش تسكتهم وهياا والوو تقول كايصمكوهاا....تبكي وتبكي وتعاااود...
و نااس من لعماارة كايطلو ها لي من لبالكون كايتسوقو لخبار ها لي من شرجم بيتو و ويتعجبو من لمنضر بلخصوص لحي محترم وكلااص ومعمرو شهد على شي حاجة بحال هاديك....
مرت نصف ساعة تقريبا حتا لقاو راسهم قدام باب لكومساارية....نزلوهوم كل بوليسي شاد واحد فيهم...تحت نضرات مراقباهم من بعيد بدقة....كان عبدو ݣالس فوق لموطور بلكاسك ديالو...لابس كويرة فلأسود....خرج عينيه على حدهم ملي شافهم لحمو شوك عليه....وهو باقي مراقبهم...مشمئز من حالتهم وهماا نازلين من السطافيط...مخسر كمارتو عاايف من داكشي كاتشوفو عينيه...كايشوفيهم بنضرات غير مقروءة وهما طالعين مع الدروج مدخلينهم حالتهم كاتشفي لعدا...باقي كايشوفيهم ويحدق بنضراتو كايحاول يلقاا غير تفسير منطقي لهادشي لي دار مهدي فخنسااء وكيفاش عطاتو خاطرو يخونهاا ووالو مالقااش ...
فلاش بااك
عبدووو سد المحااال ديالو حيت سيمو خرج يقضي شي غرض من العشية وخلا ليه الموطور مشا غير فطااكسي ... ديماااراااه غادي جهة الحوومة مع الدورة لي غايدخل لدربهم وهي تبااان ليه خنساااء خارجة من دار راانياااا كاتسلت فليل وعينيها فالتين زربانة كاتشوف وراها وقدامهااا بحدر ... هز حاجبووو باستغرااب وهو كاايحااول يحقق فملااامحهاااا واش هي ولا ماااشي هيي حتى فرزهااا : هادي فين غادة ؟؟؟؟ ....
فضولو جرو وماقدش يصبر وهو يدور لجيهتها مراقبها حتى ركبات فطااكسي صغيير وهو يتبعهااا فيين غااادة
نهاية الفلاش
بمونطو طويل انيق فالبيج دايرة تحت منو بودي كول مونطي وسروال سليم فاللون الاسود وكاد طااالع ... جامعة شعرها ذيل حصااان وميكاب ليلي واااعر خادمة بيه عينيها بارزااهم مزيااان وعكر نيود فوق شفايفها المنتاافخين ... غادة جاية فالكوميسارية بتوتر كبييير كاتفرك فيدها كاتسنى بفاارغ الصبر وعينيها على الباااب .. حاسة براااسهااا خااايفة لواحد الدرجة ماتصورش ... احسااس غرييب منتااابهاااا مخلي رجليهاا مايقدوش يهزوهااا وبزااف ديال التسااؤلااات فرااسهاا ... خاايفة مايكونوش لقاااوه عندها ويضييع جهدهاا كااامل على واالو وكااع لي بنااات يتهدم ... تعب ديااال مدة وتخطيط يمشي على والو غاتحماق فيها بالمعقووول ... اكيد متأكدة ان التلفون فيه لوكاليزاسيون دياال داارهاا ولكن الاا مالقااوهش تماا فين غااتولي كادعي ربي فنفسها يسهل عليهااا ويدوز كلشي كيف بغاات ...
كاتخيط فداك الكولوااار لي شااف فيهاا كاتجيب لييه الدوخة بالمشي والمجي ... سمعاات صوت السطاافيط وقفااات وهي تحل عينيها مخرجاااهم وقلبهاا كايزدح فالتسعيين ... مشاعر غريبة تسللات لقلبهااا ... رمشاات بتتااقل وبلعاات ريقهااا وهي كاتشوف فيهم مهبطينهم بجوج بيهم بديك الحاالة ... فلحظة توقف بيها الزمن مشووكياااا ولاول مرة من بعد ماعرفاات بخيانتو ليهاا كاتحس بقلبهاا كايتقطع ويتألم من الاعماااق ... مطولة فيهم الشوفة وصورتهم قداامهااا فحاال شي خنجر كايتغرس فقلبهااا ... رااجلهاااا وحبيب قلبهااا واول انسااان ينبض ليه فؤادهااا .... دمر حياااتهم بجوج بلاما يفكر على قبل شنووو ... على قبل نزوة خاااوية ماعندهاا اساااس هدم كااع لي بناااو ... منظرهم ماقدااتش تجااوزوااا ومهمى قوات كاتبقى انتى رقيقة حبااات وعطات كل ماعندهاا من المشاااعر وانكااسرااات بطريقة بشعة ....
بلعاات ريقهااا مااسحة الدمعة لي نزلااات على خدهااا بلا شعوور وهزاات رااسهاا وااخدة نفس عمييق وداازت لجهتهم بابتساامة عذباء كاتقرقب بطالونهاااا متقدمة عندهم ...
المهدي مع الهزة دعينو وهي تباان لييه قبااالتوووو ... خرج عينوو مشووكي ... اخر حاجة توقعهاا فحيااتووو يجي بهاد الطريقة للكوميساارية وبتهمة الفساااد ومراتو لي متاهمااه بالخياانة الزوجية ... فديك اللحظة تمنى كون الارض تشقااات وبلعااتوو والااا نظرااتهااا ليه وشووفااتهاا فعينيه البااردة ولي كاتحمل الجموود ... منظر خااايب عمرو توقعواا ولا طاح ليه على البااال حشماان وغضباااان وحزنااان من لي طاري ولموقف لي هو فيه
خنسااء وقفات قبااالتووو وطلعااتو وهبطاتو بايجااز ناطقة بنبرة مستفزة وشوفااات مستحقراه لاقصى حد : على سلااامتكم .... كنت كانتسنااكم بفارغ الصبر ...
(الكوميسير كايشوف مع البوليسي لي معااه شي وراااق )
المهدي بلع ريقو وشاف فيها : خنسا.....
ماخلاتوش يكمل هضرتوو ونطقااات باستهزااء : نووو احيااااتي ... ماشي داباااا بااقي غاندويو اناا وياااك من بعد فبزااف ديال الحواايج غير صبر ( ضحكات مطلعاااه ومهبطااه وحالتوو تحلف علييهااا غير زلايلي ديال الخلاااا .... شافت فالبوليسي لي كايشوف شمن نوع ديال الرجال هاذا لي يخلي مراة بحاال هادي ويخونهاا مع وحدة اخرى ): مابغيناش نعطلو السيد على اداء الواجب دياالو ( غمزاتو بضحكة )
ملاااك شافت فيهااا حاطة يدهاا على صدرهاا لي نصو كايباان كاتدير فيها نظرات كلها حقد وكره وعينيها حمرين بالبكااا ... منظرهااا منظر *حبة مقطرة جاياا من شي حفرة .. تعيفي تشوفي فيهاااا وتجيب ليك التقية .... روعاات ليهاا القلب
نطقات خنساااء وهي عينها فعينهااا : ملاااك الحبيبة ... ( بطنز ): ياكمااا فيك البرد ... بففففف ( ضحكات ): هههههههه غادي تولفي على البرد فسيلول راااك مطولة هنااا ... ( بتذكر ): ااااه ... كاتساليني واحد مية درهم خلاااص ليلتك مع راجلي اليوووم كانوااعدك نسيفطهاا ليك واخااا تكوووني فالحبس ... باااش تعرفيييي شحااال انااا كانفكر لييك ( شافت فمهدي ): ولييه ...( بهمس): فصرااحة عييت نقيمك وماسويتيش عندي كتر من *حبة 100 درهم لليلة
رماات ليهاا هاد جوج كلمااات وخلاااتهاا مشوووكية والطريقة لي استحقرااتهااا بيهاااا وقالت ليها بصريح العباارة انك مكاتسوااي وااالو وهي ربعااات عليهم يديهااااا بكل تقة وراسهاا مرفووع لسمااااا ... اما المهدي ماقدش يعااود يهز الراااس بالمرة واالاا يزيد يشوف فيهاا كتر كاره راسو وحيااتو والنهااار لي فكر يرمي راسو فهاااد الوسخ ....
نطق الكوميسير بصراامة : هبط عليا هااد الجووج من هناااا ...
زادو بيهم من تماا مهبطينهم فحال شي حشرات تحت نظرات خنساااء لي غير هماا زاادو وهي تبدل ملااامحهااا ضااغطة على سنااانهااااا بغييض وهي كاتشوف لحالة لي وصلااات ليهااا ... مغاتنكرش انهاا بغااتو من قلبها وتمنات عمر هادشي يطرااا ويكونو عايشيين هانيين ولكن للاسف كلشي مشا وتبخر ..
الكوميسير : تقدري تمشي امادام .... مابقى عندك ماديري هناا حنااا غانتكلفو بالاجراءات لي بقات ...
خنساء رمشااات فيه : اااه ولكن عافاك اسيدي بغيت نشوفو غدا ممكن ؟؟ ..
الكوميسير : لااا مايمكنش ... هما دابا غايبقاو تحت الحراسة النظرية 48 ساعة ... غانديرو معااهم محضر وغايتقدموو عند وكيل الملك ...
خنساء بتساؤل : ولكن ضروري خاص نشوفو قبل المحااكمة ...
الكوميسير : تقدري طلبي من المحامي ديااالك من مور المحضر يااخد ليك الاذن ... وديك السااعة تقدري تواجهي معاااه ....
حركات راسهاا بايجاب : واخاا اسيدي شكرااا بزاااف ...
ابتااسم ليها وزاد من تمااا وهي تنفساات بعمق مخرجة النفس وزاادت من باب الكوميساارية كاتماايل ... وقلبهاا كاينزف وهي كاتفكر انهاا غاتودع هاد العلااقة لي عطاات فيهااا كتر ما خدات باش تحاافظ عليهااا ولكن فشلاااات انهااا تستااامر ...
عبدو باقي واااقف قداام الباب ديال الكوميسارية وهي تبااان لييه خاارجة ومن ملاامحهاا بااين الحزن والاسى ... كأنها هاازة حمل الدنياا والدين ... ولو انها قوية وصارمة وشخصيتهاا صامدة ولكن داخلهاا رهييف واي حااحة كاتأتر فيهاا ولو مايكون رد فعل خارجي منهااا ولكن فداخلهاااا كااتألم .... بقا متبع ليها العين ماباغيش يمشي عندهاا ويزيد مابيهااا ويكمل عليهاااا حتى يشوف واش غاتلقى فاش ترجع
خنسااء كانت تاايهة فمشااعرهاا المبعترة والمدمرة ومنظرهم بجوج بين عينيهااا مابغااش يتحيد بالمرة وعينيهاا عامرين بدموع الحصرة والغدر والخيانة ... باقاا هايمة وهو يصوني ليها التلفوون ... جبداات وجاوبات : الو رانياا ..
رانيا فبيتهاا كاتدوي بالحس : اش درتي اصحبتي خليتيني هنا فحال الحنش المقطوع ليه الرااس ..
خنسااء تنهدات : رااااه جابوهم ... ( شداتها الخنقة ): لقاوهم بجوج فالداار كيف توقعنااا ...
رانيا دلات شنايفهااا حاسة بنبرة صوتها المتغيرة : واخا احبيبة حتى تجي وندويو ... ماتعطليش بزاااف راني خليت ليك الساروت تحت طابية لي فالباب وماما راها ناعسة عند بالهاا حنا فالبيت .. ماتعطليش وردي بالك فالطريق واخا ...
خنساء بايجاب : صافي اصحبتي انا شوية ونوصل راني قلت ليهم بايتة معاك غير بااش مانبقاااش مبرزطة بفين غادة وفين جااية ... غانشد طاكسي وهاني عندك ...
رانياا : يلااه انا كانتسنااااك ...
ودعاااتها وقطعاات كاتشوف فالطريق واش جااي شي طااكسي سااعة وااالو مشا الحاال والمركوب قلاااال الا مانعاادمش ... عياات تسنى وساطت : بفففففف ... هادشي لي نااقصني دااباااا ...
مع داارت وهي تلقااه واقف عليهاا بالموطور داير فوجهو الكااسك مقابل معاها ... ماعرفااتوش شكوون خنزراات هازة حاجبهاااا : ياااك لااابااس ؟؟ .
عبدو حيد الكاسك من وجهو : غاتبقااي هنااا كاتسناي ...
شافتوو وبحاال الا ضربتيهاا بتصرفييقة .... ماعرفاتو منين تسلط عليهاا ولا اش جابو لعندهاا غاا حتى خرج فحاال شي جن ... اكيد غايكون تبعهاا وشاف لي وقع هادشي الا مكانش عاارف قبل عليهاا لاح ليها ديك الهضرة داك النهاار ... نطقاات منفااعلة : واااش كاتراقبني ولا كيفااش !!!؟؟؟ ...
عبدو بهدوء : مكااين لاش نراااقبك اصلاااا ... ولكن من عند الله كايجيبني ربي فطريقك ... طلعي نوصلك رااه مغاتلقايش طااكسي هنااا دابا ..
خنزرات فيه مزيرة على يدهاا : واخااا نعرف نمشي على رجلي للدار مانركبش معاااك .. والمرة الجاااية ماتبقاش تعرض ليا فطريقي ولااا مغادي يعجبك حااال ...
زادت من تمااا كاتمشى على رجليها ضاربة فيه وعاطيااه بالظهر ... تنهد كان متوقع انها غاترفض تركب معاااه مجاتوش غريبة ... سكت الموطووور وهبط من علييه حاط فوقو الكاااسك وزاد جاارو حتى قرب لجنبهاا ونطق : اذن نمشيييو بجوح على رجلينااا ...
دارت مخنزرة فييه : واااش تسطيتي ولاا ماالك اش الفعاايل دياالل البرااهش كادير ...
رد عليها بهدوء : التبرهيش هو نخلييك هنااا بوحدك ونزييد ... التسطية هي ترجعي فنصاصة لييل على رجلييك ونتي بنت ... ماشي فعاايلي نخلي بنت دربي فبلاصة بحال هاكاا فهاد الوقت ونزيد بلاما نتسوق ( بتاكيد ): اي وحدة كانعرفها مغاتعطينيش خاطري نخليها ماشي غير نتي ...
خنساء ميقات فييه ديجا شاعلة خاصها غير معامن : الله على اخلاقك يا فخر العرب .... قرا هاد الزابور على شي حد اخر ماشي عليا ....
عبدو بلا حول : مغاديش نهضرك غير تهناااي .... الطريق كاملة غانمشي سااكت مزيااانةة.... ودابا لبديهااا وزيدي طلقيناااا ....
عوجات فيه كمارتهاا بللااماا تهضرو وزاادت قدااموو كاتمشى وهو وراااهاااا مبتاسم بخفوت ... توحشهااا بلا قيااس وتوحش عناادهاا وقسوحية راسهااا .... توحش معيورهاا وسباانهاا صراااعااتهم بجووج فكل مرة يتلااقااو ... توحش اي تفصيل صغيور فيهاااا ... واخااا عارف انهااا حزينة من الداخل على قبل لي وقع ولكن مغاديش يخبي فرحتوو وسعاتووو بهاد اللحظة لي فيهاا هوو ويااهااا ولو غالب عليها الصمت مي كاتعني لييه بزاااف ..
الطريق كااملة وخنساااء غادة فصمت مشاافتش وراها بالمرة دايرهاه بحال الا مكاينش كاتفكر فشنوو غادير من هنا للقداام وكيفاش غاتجاوز هاادشي وتنهيدااتهااا كايخرجو من الاعماااق بصوت مسموع واصل حتى لعندو ...
وصلو لدرب راانياااا وهي دور لقااتو وراها وااقف فراس الشارع وشار ليهاا غير بيدو ... خنزرات فييه محاملاااهش يعرف لي طرااا وزادت هزات السااروت ديااال البااب فين قالت ليهاا رانيا حلااات بالحس ودخلاااات بشوية باش ماتفيقش عتييقة ... عبدو غير هي دخلاااات وهو يزيد فحاالو متاااجه لدارو وحالها بالمرة معااجبوش ...
صبح صبااح جديد كايحمل فطياتو أحداات كتييرة
فالداار عند راانيااا هي و خنساااء فالبيت كاتجمع شعرهااا معولة تخرج ... هزااات صاااكهااا ودارت لعندها بشكر : لهلا يخطيك ارانياا ... عمري نساا ليك هاد الخيير ...
رانيا بعتاب : من نيتك اصحبتي حناا راه لبعضياااتنااا مابيناتناش هااادشي ...
خنساء : الله يخليك لياااا ...
رانيا : وااش دويتي مع نصييرة ؟ ...
خنساء بايجاب : علاه هي خلاتني ندوي على الصباااح نبراات عليااا بااش نجي ... قلت ليهاا راااه غانمشي للبنكة نقضي شي غراض عااد نجيي ... راكي عارفة خاصني نتلاقا عصام هو لول
رانيا بتردد : واش صافي غاتقولي لعصااام متأكدة ؟؟؟ ..
خنسااء : وي قررت ... نتي عارفة بيلاااا هادشي كياخد الوقت والروينة وطلع وهبط ومانقدش نبقى كل مرة نلقى سبة ... عصااام هوو لي غايفكني من هادشي واخاا متأكدة مغاااديش تكون سااهلة عليه ... وغادي نسمع لي عمري سمعت ولكن ضروري مايعرف .... ومكاين لي يعااوني فلي جاي من غيرو
رانيا حطات يدهاا على كتفهااا : الله يعااونك مايكون غير الخير ان شااء الله...
خنسااء ابتااسمااات ليهااا وجبدات تليفونهااا كاتصوني لعصااام لي كاان واقف قدام المرايااا كايقاد حواايجوو ونسرين منشورة حدااه باقا خامرة ... شاف نمرتهاا وجاوب بهدوء : سللام ..
خنساء بزربة : الو خويا عصااام واش بوحدك بغيت ندوي معاك ..
هز حاجبو باستغرااب وشاف جهة نسرين وزاد من تما خارج لوسط الدار راد الباب : وي ياك لاباس؟؟ ..
خنساء بلعات ريقهاا : بغيت نشوفك اخوووياا واحد شوية عندي موضوع ضروري ندوي معاك فيييه ...
عصااام بشطنة : وااش عندك شي مشكل واقعة ليك شي حاااجة ؟؟
خنستء : لاا انا بيخيير ... غيرر عندي فاش ندوي معااك ... انا غانخرج دابا من عند راانياااا ونتلاقاك فراس الدرب حدا الحاانوت عافااك وبللا ماتقول لحتى واحد شي حاجة ... ( برجاء ): خليها بيناتنا
عصاام باستغراب : واخاااا انا خارج دابااا ... (خايف عليها ): ياك نتي بيخيير متأكدة ؟؟؟
خنساء : والله حتى بيخير ... غير ماتعطلش عليا نمشيو لشي بللااصة ونهضرووو ...
عصام بايجاب فهم مبدئيا ان الموضوع عندو علاقة بمهدي حيت مكايناش شي حاجة تخليهااا تخرجوو بوحدو وبلاما يعرف شي حد : وااخاااا قسم وانا عندك ..
خنساء : واخااا اخويا بسلامة ...
قطعاات علييه ولبساات سبااطهااا وهبطات ودعااات عتيقة وخرجاات لفين قالت ليه كاتسنااه
خنساء مع عصاام ݣالسين و سط لقهوة...كاتفرك صباعهاا مع بعضهم وتعاود لييه...قالت ليه كلشي وكل مكايتعلق بخيانة مهدي ليهاااا...باستتناء انو كان سباب فإجهاضهاا....فكرااات حتاا عياات...ومالقااتش خيار أخر الى تعاود لخوهاا كلشي ...عارفاه انو عصبي وغاينفاعل واكييد مغاديش يدوزهاا لمهدي ابدا...ولكن ماختارت تعاود ليه الى و محتااجة ليه كتر من أي وقت بااش يوقف جنبهاا ويساندهااا...متأكدة انو غادي يعاونهاا بزااف...
عصام طول لوقت وهياا كاتعاود بقااا فيه مصدووم كايشوفيهاا مامصدقش بلمرة شنو كاتستقبل مساميعو...ماتوقعاااش نهائياا...تبلوكا فبلاصتو دمااغو حبس بلمعقوول....
خنساء تنهدات وقالت بتحسر من بعد مسالات: هادشي لي كااين..عاودت ليك كلشي ... خيانة داك لغدار كانت بحال لخنجر لي دبحني بلا رحمة...طلع اكبر شمااتة عرفتوو فحيااتي ...
عصام سكت تواني ونطق بدهوول مزير على قبضة يدو وعينيه ولاو حمرين بالاعصاب :ولد لحرااام...الكلب لاااخر.... ( مغزز ): شماااااااتة
خرج نفسو حااس بخااطرو ضاارو...وودنيه رجعوو كايصفرو بلأعصااب لي ملكوه وحاطو بيه فلبلاصة...تصدم من صحاابوو لي كاان معتابرو رااجل وأمنو على ختوو وكاان مرتاح من جيهتهااا ملي تزوجاااتو...كاان فرحاان...أخر مكاان غايجي فباللو هو غايخونهااا ويشوف غيرهااا شي نهار...ومع من ؟!! مع ملااك!!! عقلو لقاا صعووبة باش يستوعب...
خنساء مسحاات على شعرهاا للوراء وقالت بنبرة مخنوقة: الله ياخد فيه الحق...جاب لياا الله اخوياا بحالا هاد لمدة كااملة وهو غاكيمتل عليااا....كان داير ماسك على كمارتو...لي سمعو كيف كايهضر ويتعاامل يقول هنااا نبااات...(كملات بنضرات كلهاا حقد) : الغدااار...
عصام ضرب بيديه على الطبلة... بقوة حتاا تحركو لكيسان لي فوقهاا...صاافي اعصابوو تشحنوو ووصلو لقمة....تغدد
نطق كاارز على سنااانو يلاه غادي يوقف:انااا غادي نوريييه شنااهيااا يضحك على ختي...يسحاب لييه ماف كتافكش رجاااال....بربي حتااا ديلمووو ليووم يخلص....
شدااتو خنسااء من دراعو قبل ماااينوض:ݣلس فين بااغي تمشي؟؟!
نهض فيها بقوة ناتر دراعو من يدهاا: طلقي ...الى مكاانش لقاا لي يربيه لموسخ لاااخر انااا لي غادي نعاود لطاسيلتووو ترااابي...والله مااا نخليها فيييه....لا هوا ولا هاديك ل*حبة...
خنساء دوراات عينيهاا على لقهوة وخفضاات صوتهااا ناطقة بنفعاال: فين باغي تمشي عندوو لحبس متلااا ؟؟!...راه مشدوود دابا....
عصام سكت موسع فيهاا نضراتو ݣلس وقال بنبرة موجزة مامصدقش: كيفااش تشد؟؟!
ردات عليه وهيااا كاتحرك راسهاا بلإجااب:اه لبااارح فليل تشد ... ( سهمات فيه عينيها بمعنى انا سبابو )
جاوبهااا بستفهاام :ولكن ك..كيفااش وقع حتاا شدوهم؟!مافهمتش؟؟
خنساء: انااا صيفطت ليهم لبارح لبوليس وقرقبو عليهم...لقاااو نااس مقصريين...ضاااربين دنيااا بركلة مكاينينش ݣااع فهاد لعالم ...
عصام زااد تغدد :تفووو...لكلااالب...ترييكة ربعمية مكمشة الله يغبرهم ...
حولات خنساء ملاميحهاا لرجاء وقالت: دابا اعصاام بغيتك تعاوني...ومابغيت حتاااا وااحد يعرف بهاادشي....راه من غيرك نتا ورانيا ...حتااا واحد مافخباارو لي طاري ليااا ... بغيت هادشي يبقى بينااتناااا غير حنااا( بتأكيد ): تاااا واااحد
جوبها بتعجب بنبرة قوية:تي واااش هرب ليبيك...بغيتي تسترييه؟!...خلي اصل مووو يتشوه بن شماااتة لاااخر...فضحي ل*رى قالاك مابغيت حد يعرف
خنساء:اييه...واخاا...و عند بالك الى شوهتو غانستافد شي حاجة؟!...
عصام عقد فيهاا حجباانو وخنزر فيهاا:تي شتك من مورة دااكشي لي دار فيك كااامل بدم بااارد هااازة ليه لهم...مزااال كاتفكري لييه؟؟...جهلتي ابنت ميمتي ولاا مااال حسك ؟؟؟
خنساء بحدة:كاانفكر لرااسي ولداارناا ...الى فضحتوو اشغانربح؟!!!حتااا زفتة...من غير بنادم يبدا يحل فمو ويقول اءء حقااا مسكينة ݣاعمة تستاهل وخانهاا .... هادشي الى مقاالوش علم الله شنو دارت حتاا شاف غيررهاا...كون كانت جامعة راسهاا كون بقاا تابت معاها .. بللاماا ندوييو على اصحااب الموااعض والراجل مكايتعاابش ... وزيدون اخوياا اناا خاصني نخرج رابحة من هاد التزويجة...وبأقل اضراار ..
عصام جعرااتو بهضرتهاا رد عليهاا بسخط وهو هاز فيها حجبانو: اشمن اضرااار مزاال كاتهضري عليهم...كتر من هاادشي لي نتي علييه دابااا....
خنساء : دابا غير بالعقل اعصام لي نفترض ها اناا فضحتوو...وخليتو مجرجر فلحباساات...وماجتني فواااااالو نخلي سيرتو على كل لسااان..لكبير وصغير يعرف فضيحتو...ولكن رااه غادي يعكس ليا فطلاااق...غاادي يشد معاياا الضدد وغايبغي ينتاقم ݣااع...وشكوون لي غايخسر ديك سااعات...غير هااد بنادمة لي ݣالسة قدامك...وغادي نولي انا كانجري على طلاقي لرااسي وغير باش ناخد ديك لورقة لي تفرتكني معااه ... غادي نصدق مبرية ليه فكولشي ... ونخرج من هاد التزويجة لملاوطة،هازة يدي فوق رااسي..طالبة غتعادل فلخر...(كملات بتأكيد) : ماغنجني منها اعصاام غييير لفقاااايس....
عصام حرك راسو بلاحول ماسح على لحيتو ضاابط غدايدو بالكشايف ورد عليهاا بتساؤل: كتر من هاد لفقايس لي ركبووك...وهاد لمرض لي جااك حتا وليتي طيحي ماتعقلي؟؟!...
خنساء هناا سكتاات وبدات دور فعينيهااا ...بلعاات ريقهاا...حدرات راسهااا ونطقات بخفووت قلبهاا كايضرب : فصرااحة اخوياا ( بتردد طلقاتها ): انا مامريضااش...معمر مكان بياا شي حاجة...هادكشي كاامل درتو...بااش يجيبني لدارنااا....
عصام هنااا جمد فبلااصتو...حال فيهاا فموو كايحااول يستوعب شنو قاالت ويميز كلااامهااا لي بلونكا ليه المخ ....
نطق مطول هضرتو بصدمة مخرج فيهاا عينيه:عااااودي شقلتي؟؟؟
خنساء تنهدات وقالت بنبرة خائفة:اا..اخويااا مكانش عندي كيفاش نديير...انا عارفة بلي....
قبل ماتكملهااا بلا مايحس جرهااا من شعرهااا ناتفهاا منو بجهد جاارهاا لعندووو جاااعرر ...
وقاال ضااغط على هضرتووو:وماحشمتيييش ياالحماارة ... وحنااا عند باالناا مريضة بصح وهازين همك ...( غزز سنانو ) : سااعا هااد لوقت كااامل غيير مطلعهاا علينااا...ادويييي صافي لعبتي سطااج لخر
خنساء حطاات يديهاا على شعرهاا كاتحااول تفكوو من قبضة يديه..
ونطقات مغمضة عينيها بألم كاتزاوݣ فيه:ايييي...عصااام غيير سمعني...(زااد جر خصلاتهاا) عفاااك طلق مني وخليني غير نشرح لييك...عصااام لقهوة لقهوة نااااااس.. طلق عفااك وسمعني....
طلقهااا بعنف و عينيه شااعلين فيهااا بحدة:عند بووووك زهر ماجمعتهااااش معاااك ونوريك شناهيااا تبيدقينااا كااامليين...بنااا ليك قرودة ولا شنووو !؟...
خنساء حركاات يديهاا لجيهتو بتفسير محاولة تهدنوو : غير سمعني...مكااانش عندي شي حل أخر...كاان خااصو يتسمى شمااتة فعينيكم وفعينين نااس ... ونبين بلي لمرض هو سباااب حيت طلقني...هانتااا غير بلعقل...كون ماادرتش رااسي مريضة بااش غانبرر هااد الطلاااق.... اءء
عصام شد على رااسو بيديه بجووج : لا لا اناا عقلي حبس معاااك برب...واااش نتي بووحدك درتي هاادشي كااامل....( مشوكي من تفكيرها الشيطاني ): غاقولي ليا اختي وااش معااشرة ابليس ولا كايجيك شي حاجة؟؟!انااا عاارفك كااطيري وجنية حقك تهزيه تهزيه...واخا يبقاا فيك عرق وااحد كاايضرب...ولكن تكوني نمرووودة حتاا لهااد الدرجة رااه لحماااق ....( باستسللااام ): حفاااو لياا معااااك برب
خنساء بطلب :صافي دابا عفااك...بلا ماتبقا تغووت ودير لياا فتأنيب...انااا محتااجااك تعااوني راني ختك زعمااا وعارفني مادرت هادشي غير وكنت مضطرة ... ( برجاء ): بغيتك تلقاا لي شي محاامي ليووم قبل من غدااا....
عصام سكت تواني تنهد بلااا حول صحيح انه شمتاتهم حتى هما ولكن لي طرا ليه ممكن يخلي الواحد يدير اي حاجة وغير انها باقا صامدة ودارت شرع يدها فحد داتو انجااز مخليه فرحان بيها ... ساط وحط يديه على يديهاا بحناان : فصراحة انا معرفت مانقوليك تحدو ليااا...بغيييت نغوت ونقول علاااش درتي هاادشي..وعلااش ماصرحتينااش من لول ونسمعك من لمنقي خياارو بلمزيااان...ولكن لعبتيهاا نااضية وغيزتيهااا معلييييكش...(خنساء بتاسماات ورجعاات خصلات من شعرها ورى ودنهاا بلطف) : عبرتي على لحيوااان...وعجبني ݣااع لي درتي فييه...
خنساء ردت عليه بعجرفة:رااني بنت السايب واجرك على الله...
عصام: قلتي لي بغيتي شي محاامي؟؟
خنساء بإجااب:وي بغيتو يوقف معايا فإجراءات الطلاق...ويقاد لياا واحد التعهد لي غايسنيه لياا هدااك...بااش نكمل ضربتي معااه...وبزز منو يطلقني...ويعطيني ݣااع داكشي لي كانستااحق وخنافرو للأرض...(بداات كاتحسب بصباعها)من مؤخر الصداق ...وحقوقي لي غاتحكم لياا بيهم لمحكمة الى طلق...وعااد تعوييض على خياانتو لياااا بداكشي لي غانحدد ليه ..
عصام:انااا عندي واحد صاحبي محامي غادي يوقف معااك حتاا تاخدي حقك منو..نتي غاتجمعيهاا معااه من جهة ليمن...وانا غانعاودو من ليسر...
خنساء خرجاات عينيهاا وجاوباتو بتحدير:ناااري عصاام وياااك دير ليه شي حاجة...ماتوسخش يديك فوااحد بحال هدااك لميمة...
عصام بنبرة تهديد كايتوعد: بربي مغانخليهاا فيه...غابلاتي حتاا يخرج...الى خليتهااا فيه راني ماااشي راااجل...وديني حراام عليااا....نتي غير كملي معاه وخرجي سوقو من بعد...
خنساء خرجات تنهيدة حارقة من صدرهاا خاايفة لايدير ليه شي حاجة ويصدق فلحباسات على قبل واحد ݣاعمة يستاهل...ولكن مالقاتش كيفاش تمنعو...بلخصوص وهيا شايفة الإصرار وسط عينيه مصمم ومعول عليه....خرجااات هياا ويااه ومشاو ديريكت لعند المحامي لي كان صاحب عصام...استقبلهم وحكاو ليه على المشكل...عرف شنو المطلوب منو...وقاليهاا بلي غايبداا فلإجراءات فاسرع وقت ممكن...وضمن ليهاا بلي قضيتها ناجحة مية فلمية الا وقع ليها ... وانو غايسرع الإجراءات..باش تطلق وتاخد مستحقاتهااا فأقرب وقت....
👑 صباااح جدييد وبداية جديدة ،فرصة جديدة للحياة ، طريق جديدة لمشوااار اخر ممكن تصلح فيه اخطائك وتبدل فيه نفسك ، الا طحتي وخسرتي شي مرة مكايعنيش انك غادي توقف فبلاصتك وماتكملش ... طحتي اااه ، نووض وعوض فلي جااي ومايهمكش لي جرااا ولي مشااا ولي فاات
ديما تفكر ان السماا قبل ماتمطر كاتغيم ،نسا اي حاجة فالماضي وزيد لقداام وفكر فلي جااااي ... مكايناش شي حاجة سميتهااا فاات الحااال ولااا مابقااش الوقت ... بالعكس باقي الوقت الاااا نضتي من جديد ونفض عليك الغبااار وشووف قدااامك ،مستقبلك لي عندك فيه قدرة التحكم حيت لي ورااااك عمرو يتبدل ولا يتغير ...👑
كالسة فقااعة الاستقباال وحداها المحاامي دياالها من بعد ما طلعاات وهبطاات بااش تاخد اذن للزيااارة ... فيدهااا ملف غايغير حيااتهاا ويخليهااا تبدا صفحة جديدة دااافنة فيهاا ذكريات الماضي بحلوها ومرها .... كاتنفس بعمق وتستجمع قواااهاا ولي خااصهاا فهاد اللحظة بالدااات ماتلااشاااش ... وتظهر على محيااهاااا كيف واضحة على حلتهاا الانيقة .... لي كلها رقي وشياااااكة كلشي فيهاا متول ميكاااب صااروخي كيف العاادة و لبااااس كلااااس مع اكسيسوارااات انيقة مخلية شعرهااا على راااحتوو نااازل فووق كتااافهااا ....
تحل البااب وهي تهز عينيهااا فمهدي لي قباالتهاا حاالتو حاالة باانت علييه يومااين فالسيلوول بحال الا كلس مدة ... صفااار ووجهواا مابقاااش فييه دم ... هزات فيه حااجبهااا ورسماات ابتساامة استهزااء على ملاامحهااا : سلاااام مهدي ...
شااف فيهاا وتنهد مقرب عندهااا كالس قبالتهااا واكييد كلو ندم وحصرة وحزن على الحالة لي وصل ليهاااا محصر بزااف على الغلط لي دااار ولي ورط فيه راسو ... بلع ريقو ونطق : فرحت مني جيتي ....
وسعااات ضحكتهااا : حتى انا ماتصورش شحااال فرحت مني شفتك فهاااد الحاالة ... ( بعجرفة ): مذلوول هااكااا
المهدي تنهد مخرج النفس بعمق وشاف فعينيهااا باعتدار : انا عارف راسي مقفرهاا معااك ... ولكن اخ...
قااطعااتوو بيدهااا رافعاها فوجهو ماعندهاا لا جهد والا الكاانة لي تسمع تبريراتو وهضرتو الخااوية لي اصلاا مابقااتش كااتهمهااا ... نطقااات بتقة وعينيهاا فعينيه : ماااجيتش لهنااا بااش نسمع هااد الخزعبيلاااات ديااالك اسي مهدي ... ضونك بلاااماا تحفي الحجرة على وااالو حيت اصلااا هادشي لي غااتقول مكايهمنييش ( قربااات ليه الملف قبااالتووو ): خليناا ندويو فالمهم وبللاامااا نطولووو الكلاام فالخواا الخااوي ...
المهدي هبط عينو للملف لي قباالتووو : شنوو هادشييي ؟؟؟
خنساااء باصراار : حلووو وغااتعرف شنوو هووو ..
المهدي رمش وحل الملف بكل هدوووء وبشوية بشوية ملااامح وجهووو كايتغيرو وهو كاايقرااا فاسطر الوتااائق مامتيقش شنوو كااتشوف عينووو ومامستوعبش ابدااا شنووو كاايلمح ... كاايهز عينوو فيهااا ويعااود يرجعااا للملف كاايتأكد من شنووو كااايقراااا ... قرم حجبانوو بعصبية وسد الملف فوجهها بانفعااال : حمااااااقييتيي ولاااااا مااالك ؟؟؟ اششش هاااد التخربييق ؟؟!! ..
خنساء تنهدااات بانزعااج مصطنع وعاوداات حلااتووو قبااالتوو : هااذاا اتفااق سلمي غاانديرو انااا وياااك ... ولي غاتكون فيه مصلحة ليااا ولييك ... داكشي علااااش بللامااا تحااول تعقد الامور وخليناا نحلووهااا بالتي هي احسن ...
حك على لحيتوو وضحك بتلفة : لااا لااا نتييي مشيتيي بعيييد ... ( هبط عينو للورقة كايحسب فمتطلباتها لي فالتعهد): نرفع دعوة ديااال الطلااق علييك ... اااهااا و 15 مليون تعويض على الضرر .. هاااا المتعة وكاع حقوق بعد الطلاق ومن الفوق الارض دياال مؤخر الصداااق ... ( خنزر فيها ): وااااش هرب لييك ولااا مااالك ؟؟!!! ...
ابتااسمااات باستهزااء : ومزااال تااقيت فييك وجه الله وبعدت عيني على القهوة دياالك ... وحيت انا بنت النااس ودرت بوجه العشرة ماطلبتش لييك كتر من حقيي ... ( ربعاات يديهاا وداارت رجل على رجل بتفااخر ): وداباا ياا غاادي تسني وتوااافق على هاد الشرووط ونضمسو القضية بينااتناا وحد ما جااب خباارنااا ... يااا غاتبقى مشدوود فالحبس بتهمة االخيااانة الزوجية وسيرتك غايديهاا العادي والباااادي والعدو والصدييق ( غمزااتوووو ): الكرة فيدك ونتااا شوف الجهة لي ترضييك والطريق لي تسلكك
المهدي شااف فيهااا مغزز على سنااانووو مقااادرش يستوعب الموقف لي هو محطووط فييه ... لواات ليه الدرااع وعرفاات تشطحوو على رجل كيف بغااات ... غمض عينوو مغزز : لااا كاااتحلمي ... كاااتحلمي فالنهاار نتي ... ( معصب ضرب يدو مع الطبلة ): واااش من نييتك
خنسااء خرجااات النفس بنفااد صبر : مانحتاجش نفكرك امهدي شنووو ممكن يوقع الا عائلتك عرفوا بهاادشي لي طرااا ... والاا ولاات سيرتك على كل لسااان ... ( بتأكيد ): عماااااامك .... خواااالك ... ليي عااطيينك قييمة فووق السلك وتربيتك كاايتضرب بيهاا المتل فالعاائلة ( نطقاات ضاغطة على نقطة ضعفوا ): هادشي بلااماا نهضرو على ناادية الا سااقت الخباااار تو تو توو... مافكرتييش كيفاااش غااتهز وجهها قدااام لا فااامي ... سمعتك وسمعتهااا لي غااتوسخ ... ختك لي باقااا عااد بدااات حياااتهااا ... لي كليوون ديااالك فالخدمة ولي كل وااحد كاتنفخ علييه رييشك ... صحااابك وبريستيجك معااهظ
المهدي هي كادوي وهو كايزير على قبضة يدوو من اسلوبهاا المستفز والشوهة لي ممكن طراا ليه الاا دااع الخباار
خنساء وهي عاارفة كيفااش كايفكر ... لاعبة ليه على البوان فيبل : الا جيناا نشوفوو شحاال من حاجة غادي تفاادااهااا بهااد الااتفاااق غااتلقااوه ما سااوي والو قداتم مصلااحتك اولااا ؟!! ...
المهدي مكالمي راسو غير بزز : وليتي كاديري الشونطااج ... وصلتي لهااد المرحلة ..
ضحكااات باستهزااء : ههههههههه لااااا امهدي ... هاكااا رااه كاطيح من قيمتي ... اناا رااه وصلت لمرحلة ارقى من هاادي فلعب دياالي معاااك ... ( عينهاا فعينوو ): شي حااجة مستحييل طييح ليك على الباال ( ضاغطة على الحروف ): لعبت علييك العشرة وخليتك تكره عيشتك بهبااالي لي ماعندو اسااس من الصحة .... وجنوووني لي قربو يركبوك نتااا وهما مافياش اصلاا هههههه
المهدي خرج عينووو مشووكي وكلمااتهاا دخلوو لودنوو لي غير فرزوهم بداااو كاايصفرو بقوة الصدمة لي تلقااهاااا ... نطق مامتيقش : ك..كيفاا..ش ... شنو زعما دااكشي كامل غير لعبة ... ( مقادرش يستوعب ): لااااا لااا كاتفلاي ...
خنساااء ضحكاات يقهقهة عااالية مستمتعة بصدمتووو لي كانت متوقعاهاا وكيفااش هرب الدم من وجهو اخر حااجة ممكن طيحلو على البال .. نطقاات شاامتة فيه بالمعقوول كاضحك : ههههههههههههههههه .. وشنووو يحساابلييك غاانحمااق على يدييك .... ههههههههه ( باستهزاء ): تاااء انا على ماا باان لياا عطيتي لراااسك قييمة كببيرة بزاااف .. ونسيتي حااجة مهمة بزاااف ... ان هاااد الجاامع لي قريتي فيييه انا لي درت لييه الساااس ... والا عند باالك راااه لعبتي بيا وكنتي نتاا وديك ال*حبة دياال جوج درااهم مدورين عليا العشرة فرااك غااالط ... حيت الوقت لي نتووماا عند بااالكم زااهين ورا ضهري وانا مسايقة خبار زعما .... اناا كانوجد ليكم الدقة لي ماتهزوووش فيهااا الرااس ( بحقد ):، والا نسيتي امهدي مفكرك المتل كايقول ديرهاا فالرجاال ونسااهاا وديرهاا فنساا وتسنااهااا ... ولي ماعندو سيدو عندو لااااالااااااه ...
المهدي شد على رااسوو حس بالقاالب طلع معاااه ... الصهدة شداااتو وقلبوو غاايسكت بالشمت لي ضربااات ليييه ولي مستحييل ينساااهاا حيااتو كاااملة ... عمروو توقع شي نهاار تجي مراة وديرها بيه وتبيعو العجل بهاد الطريقة ... شد على راسو لي قريب ينفااجر والسينتااا كاترجع بلور للاحداات الاخيرة ... كيفاااش قدراات تصبر هاد الوقت كاامل وهي عارفاااه كايخوونهااا وما داارت حتى ردة فعل وكاتخطط فهدوووء باش تنتاقم منووو ... حس بعقلو ما قادرش يستوعب والرعب لي عيشاتو فييه مامتيقش ان كلشي غير كدبة ... خطتهاااا معااه كاانت مضبووطة وعرفاااات تنفدهاااا لدرجة ماحس بالدقة حتى طلع معاه القاالب
خنساء بهدوء تاام وبرود فنظراتهااا : وداباا خليناا نفااريو هاادشي وسني ليا على هاد الورااق رااه باقي عندي شلاا شغاال كايتسنااوني ( ضحكات ): ومن هنااا لوقت لي نقدم فيه التنازل لوكيل الملك ... عندك الوقت الكاافي باش تستوعب لي وقع .... ارااا ماتفكر فكيفاااش درتهاا بييك وبيعتك العجل ...( مستصغراه ): ارااااجلي العزيز
المهدي : الا عند باالك هاكاااا غاادي تخليني نسمح فيك راااه غييير كاتحلمي ( شاف فيهااا بندم وقرب يدو يدهااا بلا حول ): انااا عارف غلطي معاك كبير ولكن كانوااعدك غادي نصلح كلشي ... اي حاجة غاترضيك نديرهاا ... ( برجاء ): ولي بغيتيها تولي دياالك امهم ماتخلينااش نساليو هنااا ونضيعو لي بيناتنا بسبب نزوة
خنساء هبطات عينيها ليدهاااا وجراتهااا بعيفة : اخر مرة تحط عليا يدك الموسخيين .... دير فبااالك ماااعنديش الخاااطر لهاااد الهباااال ديااالك .... وشتي واخاااا يتقاضاو رجال فالدنيااا ونبقى غير انا ويااك فالارض عمري نرجع لواااحد فحااالك ... كاااتفهم ...
يلاااه غادي يجااوبها وهو يقرب المحامي حال الضوسي قدامو ونطق بنبرة رسمية : سمع اسي مهدي ... من الاحسن تسيني هنا باللتي هي احسن ... بلاااماا نحتاااج نقوليك الا طااحت القضية فيد القاضي شنو ممكن يطرااا وبشحاال غادي تقاام علييك دياال بصح ... غادي تخلص عليهاا بيااامك ومن جيبك ... وهاادشي لي طاالبة منك المادام ماشي كتر من حقهاا لي شرعو ليها القانوون ضوونك حسن ليناا وليك توااافق وتخليني نتكلف بالاجراءات باش تخرج من هنا فاقرب وقت وبلااا حتى مشااكل ...
المهدي هز فيه عينو وفخنسااء لي دايرة فييه نظرااات استحقااار ... عض على فكوو لاااعن السااعة لي فكر فيهااا يغدرهااا ويخونها مع غيرهااا .. بلع ريقو بلاا حول حيت ماعندو حتى خيار اخر غير يسني باش يخرج من هاد الورطة باقل اضرار وااخااا فراقو من خنسااء مامتبقلووش ولكن فهاد اللحظة بالدات يدو مكتفين ومااعليه غير يدير لي بغاات ... هز الستيلووو تحت نظراااتهاا وهي مترقبااااه بانتظاار ووقع ليهاااا : مزااال ماساالينااش اخنساااء ... مغااديش نخلييك ...
خنساء جراات عندها الملف بابتسامة : بالنسبة ليا كلشي سااالااا هنا ... ( بايجااز ): صاافي ساااليناااااا ....
من بعد يوماين ديال الطلوع والهبوط باش تسرع الاجرااءاات ديال التناازل سهل ليها عصام كااع الورااق لي غاتحتاااج وحتى المحامي دار لي فجهدو باش يخفف الاجراءات .... وااقفة فالمراايااا كاتوجد رااسهااا مبتااسمة ومرتااحة شوية انهاا قريب غاتهنا من هاد الكاابووس لي عااشت مؤخرااا وغاادي ترجع حريتهااا ... قااداات حااالتهااا وخرجااات من البيت تلاقاات مع نسرين كاتوجد الفطور .. شافتهاا ونطقاات بتساؤل : صبااح الخيير ... شفتك خاارجة تااني يااك لابااس ؟؟ ...
خنساء هزاات فيها حاجبهاا : عندي مايتقضى احبيبة ... وعااد رااه خاصني نمشي نشوف واااحد الراقي مزيان ندير الرقية راكي عاارفاااني مااشي نووغمااال ... خااصني نداوي رااسي حسن ماانخرج على شي حد اولااا ؟؟ ... ( مخوفاهاا ): ويصدقوا لي مالكيني مصرفقين شي حد اخر
نسرين غير كاتسمع حس هل المكان كاضرب الطم وتلبدها : اييه واخا الله يعااونك ... ماتعطلييش بزاف راكي عارفة با العربي هاد الليام على سبة بسباب راجلك لي مني دفنوه ما زاروه
خنساء : واخااا كوني هانية ... الا فاقت عمتي قوليها ليها مابغيتش نخصر ليها نعاسها ....
نسرين : واخاااا ...
ودعاااتهااا وزاادت من تمااا خاارجة من بااب الداار كاتدوي مع عصام فالتلفون علماتو انهاا غادة وشدات طاااكسي ومشاااات ...
قدام باب الكوميساارية ... خرج المهدي مصغر عينوو فاشعة الشمس الذهبية ونسيم الجو الزوين ... استنشق الهوااا النقي وهو حااس براسو كاان مقجوج ماشي محبووس كون زاد شوية تماا يجييف ... ومعااه المحامي دياالو لي صافحو : عى السلامة اسي مهدي ...
المهدي : الله يسلمك ....
المحامي : نشوفك فالقريب على قبل الدعوة ديال الطلاق ...
المهدي تنهد ،: واخاا غانوصل ونعيط لييك نتفاهمو على التفااصيل ...
المحامي : ان شااء الله .. الله يعاونك ..
ابتاسم ليه وودعواا وتم غادي يشد طااكسي مع دور عينو وهي تباان لييه وااقفة بوقفتها المعهوودة واناااقتها داايرة فييه ابتساامة صفرة وبااينة من نظرااتها مجاايااش باااش تسلم علييه ولا تقولو على سللااامتك .... مربعة يديهاا بجوج وعينهاا علييه ... قرب عندهاا بخطواات هادية وحالتو تشفي العدااا لباسو هو لخر غير معدي بيه : خنسااء ...
ردات عليه ببرود : على سلااامتك ...( شمتانة ): نتمنى تكون خديتي درس فادك شوية ...
المهدي باسى : براكة اخنساء واش ماعييتيش ... ماكفاتكش الحالة لي درتي ليااا وفين وصلنااا ... مزاال مابردتيش ..
خنساء باستهزاء : هههههه نبرد ... وشكون قالك اصلااا انا كانقلب شي حاجة تبردني ( بهدوء ): انااا كاندير غير شنو خاصو يدار معاااك ... اما البرودة من جيهتك شحااال هاذااا بردت ... ماشي عااد
المهدي قرب لعندها بخطواات محاول يراضيهاا : الله يخليك براكة من العناد دياالك ... نتي عارفة بيلااا انا كانبغيك نتي وعمري غانسمح فيك واخا يوقع لي وقع ... ملااااك مكااتهمنيش بالمرة كانت غير نزوة بالنسبة ليا ... عطيني فرصة نصلح غلطتي معاااك ... عاارف جرحتك بزاااف ولكن خليني نداوي هاد الجرح ... ( باستسللام ): انااا كانعتااارف بغلطي وكانطلب منك السماحة علييه ...
بنظرات بااردة وابتساامة انتصار على وجهها... مفيكسيا فيه الشوفة وهي كاتسمع لهضرتو الخااوية لي ما بقى ليها حتى طعم بالنسبة ليهاا ....
المهدي كمل كلامو باسف : اش بان نكلسو فشي قهوة ونهضرو شوية ... مجاتش هاكا ناقشو امورنا فالزنقة قدام الغادي والجاي ..مممم
لوات عنقها وضحكات باستهزاء : مافهمتش شنو لي باقي بيناتنا غانهضرو فيه ... فصرااحة انا لي كان كايهمني من عندك خديتو ووفيتي كاااع ... واي حاجة اخرى غتقولهاا مكاتهمنيش ضونك بلاما تعدب رااسك وتزيد تطيح قيمتك فعيني ...( باستفزااز ): حيت برااكة نيفوو لي وصلتي ليييه
المهدي بطلب : مغاديش ناخد من وقتك بزاااف ...ا...
قاطعاتو برفض : واناا ماعنديش اصلااا هاد الوقت لي نعطيك منو شوية ... ( طلعاتو وهبطاتو باستحقار ): خصوصا ونتاا بهااد الحااالة ... ( ضحكااات بقهقهة عااالية) : هههههههههه مجااااااتش عييب عيييب هههههههه ... ( بطنز ): شحااال هاذا مادوشتييش ... وحواايجك .. راااه ماعندهااا معنى ( مطلعاها عليه ): شفتي راسك فالمرااياا ...
المهدي سااط : خنسااء بلااا تبرهيش ... هنينااا ويلاااه ندويو ...
خنساء قلبااات علييه نظرااتهاا للصرامة مخنزرة : التبرهيش هو لي داير فراسك داابااا والهضرة لي ماعندها معنى لي كاتخرج ... جيت هناا باش نقوليك جوج كلمااات مغاديش نعاااوهم ... اليوووم قبل غدااا غاادي تمشي ترفع الدعوة ديااال الطلااااق .... مانبغيهاااش تعطل حيت راااك عاارف علااش سنيتي مانحتاجش نعاااود هضرتي معاااك ... مااعندك فيين ترااجع على الاتفاااق وديك الساعة مني تخرج ديك المعفونة عرس نتا وياهاا ولا ديروه وهي فالحبيبيس ... الاستدعااا بغيتهااا تكون عندي فالقريب .. مفهوووم ...
المهدي : هاادي اخر هضرة عندك .. صاافي بغيتي نفرتكو الشمل ...
باصرار فعينيهااا : مكاتعااود غير صلاااة على نبي ... ( وجهاات ليه صبعهااا ): الدعوة توصلني فاقرب وقت والا مغادي يعجبك حااال ...
زادت من تماا مخلياه ورااهاا مزير على قبضة يدوو ... حاااس برااسو مكتف وماعاارف مايدييير ... نطق مخااطبها بالغوااات وهي عاطيااه بالظهر : راااه مغاديش تهنااي مني بهااد السهوولة .... مغااديش نخلييك اخنسااء واخااا نطلقك بربي مغاادي نخليييك ديرييها فباالك ...
ميقااات وجهها مخنزرة وشاارت للطاكسي بيدهااا ركبااات وخلاتوو وراهاا كااينبح مامسوقااش ليه
👑👑 هُناك اشياء في حياتِنا لا تعُود ابدا مهما حاولنا ،، حتى وان عادت تعُود هشه مُبعثره دون قيمه ،، قد يمضي بك العُمر وانت تُحاول جمعها دون فائده💔🍂
يتبع...
التعليقات
لا توجد تعليقات بعد، كن أول من يعلق.