محتوى القصة
جنب الوااد فالربيع كان مفرش طاابية صغييرة كاالسين علييهاا وحاطين فطور خفيييف كاينقبو منو وخنسااء عينها فالواااد كاتنهد ... فواحد اللحظة تفكرات ايامها مع عبدو هناا كانت عايشة مزياان ما ضاربة حساب لحتى حاجة كاضحك وتنشط صافي ... شوية بان ليها راسها شادة فمهدي وغادين فرحاانين فايامهم الاولى ... كاترمش بلا حتى كلمة ساااهية فذكرياتها المبعترة ...
عبدو بتسااؤل : ياكما تقلقتي حيت جينا لهنااا ... فصراحة هاد البلااصة كاتعجبني ووقتماا توحشت الماضي كانجي ليها
خنساء بابتسامة خفيفة : مممم مزيان ... ولكن انا عمري توحشت الماااضي ... وفصراحة ماكرهتش كون قدرت نساااه فخطرة كاع ...
عبدو كايشرب قهوتوو : وشكون كره يمحي لي بغااا ويخلي لي بغااا ... غير هو انا كون جاتني الفرصة غانمحي كلشي ... الا الحوايج لي كايتعلقو بيك ...
خنساء دارت شافت فيه : غير كاتعدب فراسك معايا اعبدو ... انا ماعمري غانحس من جهتك بشي حاجة ... اصلاا الجهد لي نعاود نبغي بيه شي حد ولا نفكر فيه مابقاش عندي ...
عبدو بايجاب : نسايني انا عارف راسي شنو كاندير ... بغيت نعرف واش باقااا عندك شي حاجة من جهة مهدي ... والا بغيتي الصراحة كاتجيني كل مرة كادوي عليه ولا كاتشوفيه كاتبدلي وكاتولي وحدة اخرى ...
خنساء : واش باقا كانحس بشي حاجة ؟؟ .. صراحة جواب هاد السؤال انا براسي معارفاااهش ... مكانحملش نشوفو ولا نتفكرو ... سميتو مكانبغيش نسمعهااا وكانشمأز منوو ... ولكن فنفس الوقت اي حاجة دوزتها معاه باقا بين عيني ... ماعرفتش واش غير باقي ماخرجتش من داكشي ولا حيت اول واحد نبغيه فحيااتي ولا حيت تغدرت ... والله ماعرفت ...
عبدو : فهمتك ... ولكن مكاتشوفيش بيلاا هاد الامر محسوم فييه ... السيد خااين وغدااار ... ولي دار معاك ماشي قليل ... وطفا بفعلتو اي حاجة زوينة بيناتكم
خنساء : اودي ... شتي المهدي واحد الجزء مهم فحياااتي ... ولكن عمرو غايرجع يكون منهاا ... الحاجة الوحيدة لي ضاراني كتر لدابا ... هي ولدي لي ضااع لياا ... وماقدرتش حتى نحزن علييه ... حيت فداك الوقت لي فقدتو مكاانش خاصني نطيح ... كاان خاصني نبقا قوية ... وصاامدة ونفكر وانا ناسية العوااطف ... تمنيت كون قدرت نبكي ونغوت فديك الوقت فحاي اي وحدة فقدات جنينهاا والحاجة الزوينة لي فحيااتهااا ... ولكن حتى هادي ماقدرتش ندييرهااا ... حيت للاسف كان عندي هم اخر نفكر فييه نهار عرفت حقيقة راجلي ... ( غرغرو عينيها ): واش عارف شنو هو اصعب احسااس ... هو انك تكوون عاايش بواحد الصوت الالم داخل دياالك وماتقدش تخرجوووو ... باغي تخوي قلبك ومقاادش ... وكاتكبت حتى الحزن دياااالك باش نكون قوية... ولكن الداخل مهرس ومشتت ... ولكن لي يشوفني من برا يقول هادي مكاتهدش ... والنفس عالم بيها غير ربي
عبدو هز يدو باغي يحطها على كتفها وعاود ردها عندو : فصراحة صعيب الموقف ... ولكن باقي الحال فين تعيشي حيااتك وتزوجي حتى نتي وتعاودي ديري وليدااات اخرين .... وتنساي اي حاجة دازت من قبل ... الحياة مواقفاش على مهدي ...
شافت فيه بابتسامة عدباء : بصح الحيااة ما واقفة لا عليك والا على مهدي ...
عبدو بلع ريقو فاهمها شنو بغات توصل ليه : عندك الحق ... حتى حاجة ماتستااهل ...
خنساء باستفزاز واقفة : حتى حد مايستاااهل ... ها الفطور فطرنااه ارا سواارتي ويلااه فحالنااا ...
عبدو تنهد نايض : واخة اللالة نمشييييو ....
وقف جمع داااكشي لي جابوو وزااد هو وياها من تماا ركبو على الموطووور وزاادو فحااالهم ....
النهااار تشمس وخنساااء وااقفة على شغلها فالمحل مع رانيا ... شوية وهو يدخل السيد لي جا عندهم من قبل ... ابتاسم بلبااقة واتاجه لعند رانيا : سلااام
رانيا بابتسامة : اااه مرحبااا بيك ...
الرجل : شكراا اختي لهلا يخطيك...
رانيا شارت ليه للكرسي : تفضل نسالي مع هاد السيدة وانا معااك ...
بابتسامة قاد كلستو كايتسناها تساااالي وعينو يهزها مرة مرة فخنساء وكايدقق فيها وهي خدامة مع الزبوونة...
سالات رانيا وقابلاتو : اش حب الخااطر ؟؟ ...
مد ليها يدو : سميتي ياااسين ...
رانيا بلباقة : اءء سمح ليا ... متشرفين سي ياااسين ... انا رانيا ...
ياسين بابتساامة : متشرفين ... المهم انا فصرااحة عجبوني دوك تلاتة لي موديل ديال الكساوي لي على برااا ... بغيت من كل وحدة عشرين بطايات مختلفة ...
رانياا بايجاب : وي فهمتك ... غير هو المشكل اننا حنا واخدينهم بتمن الجملة ضونك كانبيعوهم بتمن السووق وديجا هما غاليين شوية ... ونتا غاتاخد ستين بياااسة الا بعتهم ليك بنفس التمن غادي نكون ضيعتك ... واخا راه انا عندي الرباااح باشما كاان ...
ياسين :هههه فصراحة عجبني هاد لو جييست ديالك ... داكووغ انا لي موديل مابانو لي فحتى بلاااصة اخرى ... وفصراحة عجبوني بزاااف كايبانو كاليتي مزيانة ... انا كانخدم مع ناااس كبار فالبلاد ... بزاف ديال العائلات كانجيب ليهم الحوااايج يعني كانبيع بلكومونض معااهم ... الووغ رباحي مضمون حيت واخا نشري من عندك بتمن السووق غانبيع بكتر ... حيت المهم عندهم لكاليتي والحاجة تكون نقية ... ولكن بطبيعة الحاال مغانكرهش من عندك تمن ديال كليااان ديالكم ... الا جات على خاطرك ...
الكلاام كلو داز على مسامع خنساء لي متبعة معاهم بتدقيق ...
رانيا : وا اش غانقوليك ضروري غاندير معاك تمن مزيااان ... وان شاء الله تولي بصح كليان ديالنا ...
ياسين : كوني متأكدة الا السلعة كانت كاليتي ... غايكون عندنا بزاف ديال الرباح مجموعين ...
رانيا بايجاب : داكوغ واحد الدقيقة عافااك ...
حرك راسو بايجاااب وهي ناضت لعند خنساااء تشاور معاهااا : ااسيد بغا ستين بييس من لي موضيل لي براا بدي طاااي مختلفين ...
خنساء مطولة شوفة : ممممم سمعتو ... جمعيهم لييه وانا غانتحاسب معااه ...
رانيا : اوك انا غانجمعهم ...
خنساء ابتاسمات فوجهو ودازت لجيهتو : سلام اسيدي مرحباا بيك ...
ياسين وقف كايشوف فيها : شكرااا ...
خنساء : ضونك لاا غوب الكحلة نوغمالمون كادير 250 درهم جوبونس شفتي التمن مي حيت غاتاخد بزااف غاندير معاااك 200 درهم لبييس ... وبالنسبة لجوج لوخرين راه غاليين شوية مقارنة مع لي موديل لي موجودين غانخليهم ليك ب 350 درهم ...
ياسين حرك راسو بايجاب : مممم داكووغ ...
خنساء : بغيتي لكسيوات لي التمن ديالهم فالمستوى راه كتار عندنا غير هادوك لي على برا شوية تمنهم طااالع ...
ياسين : نووو هاادوك لي بغيت ... ( بابتسامة ): ضونك واخاا حسبي ليا طوطاال ...
خنساء : دااكووغ مرحبااا ...
حسبات ليه شنوو بغااا ورانيا وجدات لييه الكسيواات عطاتهم لييه ... وحتى هو خلصهاا كااااش بالتمن لي قالت ليه ... مشاا وهماا رجعو كملو خدمتهم بهدوووء .... ركب فلوطو ديااالو وهو كايشوف فالمحل مطول مدة مبتاسم جنب عاااد زااد كسيراا من تماا
مع جوايه لعصر تقريباً... عصام يلااه كاان جااي من لخدمة خدم غير لعشية وجاا...ماينكرش انو نهاار كاامل و دمااغو مشغوول عليهاا...بلخصوص انو تفكر بلي سالات لقراية عندهم فلفاك حيت قربو لإمتحانات...الشي لي مخلااهش يخدم فراحتو باغي غير يشوفهاا باش يستفسر.. وعاد كيف خرجاات مقادة ومصيبة خلا دماغو يتخربق بلمزياان...دخل لداار لقاا دنياا خااوية...نصيرة مشات عند صحبتهاا نهار كامل مدوزاه عندهاا...أحلام مع خنساء فلبوتيك....والعربي خاارج بارك مع صحابو كيف لعاادة...
نطق كاايعيط تجي تشد عندو تقدية:نسرييين...(عاود رفع صوتو)واا نسريين وااش نتي لفووق...
مرد عليه حد...قال مع راسو غاتكون فبيت النعاس سادة عليهاا داكشي علاش مسمعاتوش...دخل لكوزينة حط دااكشي لي لي جااب و طلع لبيت...حلو و هو يهز حاجبو...كايبان ليه كيفماا خلاه مع صبااح...يعني مدخل ليه حد..مافهم والو ...هياا مامولفااش ليهاا تعطل داك لوقت من صباح حتاا لعصر فلفااك...مدخلااتش ليه لدمااغو...هز تيل وتردد فلول بااش يعيط ليهاا...ولكن فتاالي قرر يدوز لابيل...تواني حتاا بداا كايصوني شوية وهيا تقطع عليه...بعد التيل من عليه بدهشة..زفر بعصبية و عاود عيط و هو يلقااه طاافي...زير على شفاايفو و مسح على وجهوو مباغي يسبق حتاا حدت وختاار يتسناها حتاا وكاان تجي فخاطرهاا وعااد يعرف منهاا فين غاطسة من صبااح..
داز لبلاكار خداا فوطتو وتوجه ديريكت لحمام خدا دوش سخون محيد بيه لعياا..من بعد ما لبس عليه مشاا لكوزينة وجد شي حاجة خفيفة كلاهاا...لوقت كايدوز...وهياا مكينااش..تخربق فدمااغو و تشطن...وعااد فينماا كايتفكرهاا كيفاش خرجات لعافية كاتشعل فيه بلا هوااه...عااود هز تيل كايصوني ليهاا ووالو بااقي طاافي...دازت شي سااعة ونص تقريبا و مزاال مجاات...وضلام مابقا ليه والو ويطيح...
نطق متساؤل مع راسو شااعل ضاغط على هضرتو:فييين مشااات هاادي فييين مشااااات...
باقي كايهضر مع راسو و هو يتسمع لباب تحل و هياا داخلة منو...لقااتو واقف ليهاا عند البااب كايسناا فيهاا...كيفماا كانت متوقعة تماماً...
قرب بخطوة و فيكساا عليهاا عينيه منيرڤي و قال:فين كنتي اشريفة حتااا لدابااا... وعلاااااش ملي صونيت علييك قطعتي عليااا..
نسرين ردت عليه بكاامل هدوئها:لا احبيبة ماقطعتش عليك...تيل ديشاارجاا ليااا...داكشي علاش مالقيت فين نعيط ليك...
عصام رد عليها بقوة:وفيييين كنتي بساالماا؟؟!
جوبااتو بابتسامة:اويلي دغياا وليتي كااتنساا...ياك قلت غانمشي لفااك..
عصام:اشمن لفاااك ولا ل*رى...(كمل بتشكيك)أصلا حتاا خرجتي واناا ندورهاا فدمااغي....ياااك قلتي ساليتو لقرااية لااش مزاال كااتمشي ليهاا؟!!
نسرين حركات راسهاا بلإجاب:وي سيڤغي ساليناا لقرااية...ولكن كنت مع صحباتي فلمكتابة كانبريباريو للكزاام لي مابقاا ليه واالو...
جاوبهاا حااس بصبرو نفد وقرر يدوي مبقااش متحكم فرااسو:من صبااح مخليااا داارك وقيالة فلفااك؟!! وعاااد خااارجة بهااد الحاالة...ياا مرااات الرااجل ياا حصرة...
نسرين دارت راسهاا متفاجئة هبطات راسهاا شايفة فلحواايج لي لابسة...وعاد شافت فيه ناطقة بندهااش:إناا حاالة مفهمتش؟!!
عصام زير على قبضة يديه وقاال مرفع صوتو:نسريين وااش هدااك وجهك ولا مسلفااه؟!!
ردت عليه ببلاهة:نو احبيبة وجهي...(قرباات لعندو باغا تشد فيديه)اجي قيسوو..
ضرب ليهاا يديهاا بجهد ونطق سااخط:واااش كاايتفلااا عليااا ديلمك و لا شنووو؟!! دجين مزير و طاالون ورواايح و صباايغ فلوجه وريحة منين ومنين كااتشم...
نسرين رمشات بتتاقل و قالت بهدوء وبعدم اهتماام لهضرتو:عاادي..لابسة عاادي... يااك خرجت هاكا قداامك مع صبااح و مقلتي لي واالو...وزيدوون واش حتاا واحد مابقاا يدور بحاالتو و يضرب لحطة و يفقص لعدو؟
عصام: ضربي لحطة ماالكي غااادة تقراااي ولا غادة معروووضة..(صغر فيهاا عينيه )ولااا وااقلة كااتسركلي ليااا فزنااقي و عااجبك لحااال...
ردت عليه معوجة شفاايفهاا:والله احبيبي متسركلت فشي زناقي...مشيت للفاك و جيت..والى متيقتينيش ندوز ليك دابا صحاباتي تهضر معاهم...(عاوداات بتاسماات و قالت بطلاقة)ههه بعض لمراات شحاال كاتزيد فيييه
عصام غدداتو .. نطر ليهاا الصاك من يديهاا...جبد منهاا سوارت الداار وقاال كايشير ليهم:هااد السواارت غاايبقااو عندي...بااش مرة أخرى تعاودي تعطلي تاني حتاا يقرب يضلم الحال وتلقااي لبااب مسدود غااا تبقااي فزنقة والله لا دخلتي وخاا يقطرو لييك...
ملي سالا كان كاينتاظر منهاا تبداا تغوت تااني ودير قياامة حيت حيد ليهاا سوارت الداار...لكن على لعكس تماما...ردات بعض لخصلات من شعرهاا ورى ودنهاا ونطقات مبتاسمة براحة:اه صافي غير خودهووم.. مزيان نيت كنت مبرزطة لا يطيحو لياا...هنيتني منهم احبيبي....
عصاام بقاا محدق فيهاا متفااجئ بهااد التغير الطفيف لي ولا فشخصيتهاا وكيفااش كاتباان كاالم ضاربة الدنياا بركلة... كأنها وحدة اخررى مكايعرفهااش...وهياا غير ليل كانت محيحة و كتغبن عليه ...
زااد خنزر معصب و قاال بتوعد محمر فيها الشوفة : ونلقاااك لمرى جايااا خاارجة بهااد الشرااوط بربي حتاا نشرݣهم فووق ضهرك... ولحفاااضة غااتحفيضيهاا هنااا ماشي فزنقة...(طلعهاا و نزلهاا و تم غاادي كاينݣر)ضسااارة رااه طلقت ليك اللعب بزااف...
عطاهاا بضهر و طلع لبيتو...وهياا بتاسمات بسعاادة خفية ملي شاافتو بداا كايغلي من لدااخل ونااقوص الغيرة وخاا مابغااش يبينو ولكن دق عندوو و عينيه فضحووه بلا مايدوي...
نطقات مخاطبة نفسهاا بنتصاار: ههه ولاهيلا بداات كاتصدق...راني حلفت بحلوفي حتاا نرجعك لياا غير بلبارد(جمعاات ابتسماتهاا وقالت)...والى مخليتكش ياوليدي يا عصاام تغلي من لدااخل وترطااب بزز منك... اجي سيل لياااا....
صباح جديد خنساء كانت كالسة فالمحل مع احلاااام لي جات تونسها بحكم رانيااا صبحات عليها لي غييكل وماقداتش تجي بكري ... مجمعين مع بعضيااتهم نااشطين المحل باقي خااوي والكليان باقي ما بداو يجييو ... الدنيا كاتكون مرخوفة فالصباااح ....
خنساء : يااحتي كون كنت شي موظفة كون راني هازة الهم لفياق لمشي ولمجي النعاااس والروتين ديال لبيرو ... دابا ديال راااسي بيخير .. مايتحكم فيا حد ما يامرني حد ...
احلام ضحكات : ولااااهيللااا .... واخا صرااحة كون ماشي ديك الفرونسي بنت الحرام لي عقداتني والله حتى نكمل تشهيت نكون استاادة ديااال العربية ولا الاجتمااعياات ... ولايني وقفات ليا فعودي ...
خنساء بطنز : ههههههه واااا شتي القراية ديال ماليهاا انا بعدا كان مرفوع عليا القلم فيهااا ... وتقول وااش كنت نرتاح فيها ... واخداها غير ضحك وزهو ونشاط وصلت لداك الباك غا بالنقلة وصوفيااات ودعاوي الواليدين هههههه ... وحيت مافيديش حصلت فييه ... شتي مزاال راانيا كانت كاتخدم وكاتقرااا ... غير عكزاات اما هي كون بغات كون كملات مور البااك دياالهاا مي ماشي مشكل فيها خير ...
احلام : وايييه ... شتي كون شي وحدة غيرك لي طلقات جوج مرات كون راها شاادة الركنة وقاهراها هضرة بنااادم وكلام العائلة تموت غير بالفقسة ... ولكن نتي تبارك الله علييك نضتي وخدمتي ودرتي مشروعك ورااك داافعة فداارك والله حتى مراة وقااادة ..
خنساء : اينعل بو البشاار من عندي انااا ... شتي هاد الهضرة ديال نااس هي لي مخلية النص فعيالات المغرب كياكلو العصااا ويقولو ضرب الحبيب زي اكل الزبييب ... يوحل ليهم فالقرجووطة ان شاء الله... تقول الحياااة كلها مبنية على داك بوركاابي ... مشاا واحد يجيو عشرة لي خلقو خلق غيرو .... ولا كاتقول ولااادي ... ولادك نهار يكبرو رااه كل واحد غايشووف حياااتو ونتي غاتلقاي راسك باقا تاكلي دق من عند حلووف والله لا عقلو عليك من جمعة لجمعة يجيو يطلو ويمشيو ... اودي غير خلينا سااكتين الله يدير لي فيها الخير ... فكرتيني فموضوع الدار كنت نيت غادة نمشي غدا بااش نسنيو عقد الملكية ....
احلام : الله يسر ليك احبي ولاهيلاا شتي واخا هكاك انا كانحييك ...
باقين داويين حتى خنساء هزات عينيها شاافت عبدو على برا كايشير ... خنزرات هازة حاجبها ونطقاات بنفضة : شنوووو بغيتيني تاني ؟؟؟؟؟ ...
عبدو بنفي : لااا ماشي معااك داوي مع احلااام اجي نقوولك ...
احلااام غير سمعاات سميتهاا ناااضت بجرى ماتسنااتوش يكمل خاارجة عندو ... خلاات خنسااء ورااهاا كاتعيط عليها دارت راسها كاعماا سمعااتهااا ... خنساء نطقاتو تحت منها : كَالُو لَلْحَمْقَة زَغْرْتِي، كَالْتْ لِيهُمْ الدَّارْ ضَيْقَة ... كاطير ياربي السلامة
ميقاااات مدورة كمااارتها حسات بقمعة خااايبة مني جاوباتو وقالها ماشي عليك ...
عبدو سلم عليها : صباح الخيير ...
احلام : صباااح نووور ... كيف صبحتي مزياان ؟؟؟ ...
عبدو : الحمد لله يسول فيك الخير ... نتي هاانية ؟؟ ..
احلااام بابتسامة سااحرة : كانعدييو ... بغيتيني ؟؟؟ ..
عبدو جبد تليفونو ودخل للفايس : اييه هاد الكونط ديااالك ؟؟ ...
احلام بايجاب : اه طلعتي ليا صديق مشترك عند رانيااا وسيفت ليك ياكما كاين شي ازعاج ؟؟ ...
عبدو ابتاسم ليها : لا لا بالعكس ... غير بغيت نتأكد واش نتي ولا لاا ... المهم حتى نسيفط ليك نمرتي مكانعمرش الفايس بزاف الا بغيتي سيفطيلي فواتس ...
احلام عضات على قنوفتهااا وقلبها فرفر بالفرحة نطقات بلاما تفكر : ااااه لا نمرتك عندي اصلاا ...
عبدو بعدم فهم : بصح ؟؟؟!! ...
احلام دورات عينيها عاد وعات على راسها : اءء ( حكات راسها ): ايييه راه جبدناك مع رانيا وخديت من عندها نمرتك لا نحتاجك ولا نبغي نسول فيك ...( بحرج ): المهم خليتها عندي وصاافي ...
عبدو ضحك فاهمها : اوك ماشي مشكل حتى تسيفطيلي منهاا ... ( بتدكر ): شحال فعمرك بعدا ؟؟؟ ...
خنسااء كاانت مرااقبة بايجاز حديتهم وهما كايفرنسو لبعض معوجة قنوووفتهاااا وهازة حاجبهااا قارمة عليهم ...
احلام بصوت حنين : 21 عاام ... ههه ...
عبدو بطنز : ههههه الله يصلح ههههههههه ... غير كانضحك باقا صغييرة بطول العمر ان شااء الله ...
احلام كاتفرنس : اميين ياربي ....
عبدو ؛ المهم نخليك دابااا غانمشي نكمل خدمتي ... نهارك مبرووك ...
احلاام مسبلة فيه عينيها : وليك حتى نتاا ...
زادت دخلااااات وهو مشا لمحاالو ... خنسااء مخنزرة غير دخلاات وهي تنطق : علااش كانغوت عليك منخلاني معيط عليها وزير الداخلية ....
احلام : وا صاافي رااه غير مع الفرحة مارديتش البال ...
ميقات فيهاا : الفرحة غوت عليك نيماااار .. الله يعطينا وجهك ...
احلام بضحك : ورااه كايشبه ليه خااصو غير ليميش فالشعر هههههههه ...
خنساء بتحدير : تقلي الغزالة ونتي خف منك مكاين راه قالك زمان لي تطوف ماتغزل الصوف
احلام : وراه قالو تاني ... لي تسنى عجينتو تخمر بلا خميرة شرك الصباح مع الظهيرة ... الواحد مافيها باس يدير خطوة الا بغا يوصل
خنساء حركات راسها بلااا حول بلا حتى كلمة واحلااام قلبهااا غايطير حيت دوات معاه خصوصا مني قالها نعطيك النمرة وسولها على عمرهاا القلوبة خرجو من عينيها ...
كانت أحلام ببجامتها فلبيت مع خنساء...ملي دخلات وهيااا تاابخة ليهاا راسهاا بلهضرة على عبدو...تسكت شوية وتعاود تجبد لهضرة عليه...
عاوداات نطقاات كاطوي فلحواايج و تهضر:اناا متأكدة مجاااش وسولنيي على عمري غير هكااك...كااينة شي إن تماا...
خنساء كانت قبالت لمراية كاتحااول طبق ماسك على وجهاا... نطقاات بتأفف:داباا سبحان الله بحالا انجااز وقع فحيااتك ملي سولك على عمرك...لا حولة معااك وخلااص
نطقاات احلام مبتااسمة: راااه ماضنيتهااش أصحبتي... عرفتي شنوو هاكاا يعيط لياا و يقولي شحال فعمرك...
خنساء:تبتي معايا...معايطش عليك بااش يسولك على عمرك..عيط عليك بااش يقوليك اناا مكندخلش بزااف للفايس لي صيفطتي ليا فيه..غانعطيك النمرة سيفطي فواتسااب..وهضرة جبدات هضرة و عاد سولك على عمرك...
ردت عليها أحلام بنفي:لااا مجبدنا حتاا هضرة...هاااكاااا نيشاان حتاا سولني على عمري... وعاد قالي واش بغيتي نمرة...
خنساء:بحاال بحاال عندي...
احلام بإصرار:داباا كون مكان عندو غرااض...كان غيسولني على عمري...ولا غاايقولي هااكي نمرة صيفطي لياا..ݣااعمة يتسوق لياا اصلاا...
خنساء خرجت نفسها بملل ورجعات تكمل شغلها قبالت لمراية مبقااتش باغة تجاحد معاها
عاوداات نطقاات احلام وعينيهاا كايلمعو: عرفتي وليت كانفرح ملي كانشوفو...دغياا دخل لقلبي بحاال شي نقيطة تلعسل هااكة تحطات فوقو...يااختي شحااال مقبووول و كايدخل لخااطر...
جملتهاا الأخيرة كاملة دازت على ودن نصيرة...لي وقفات مجمدة عند البيت ملي سمعاتهاا كاتهضر على شي ولد و كاتمدح فييه...كرزات على يديهاا مفقوصة...
نطقاات مخاطبة نفسهاا بكتوم: انااا معولة على شي وغاايخرج لياا شي أخر...لعفريتة تصاابت كااطير...خااصني نلقاا شي حل ضروري قبل مايفوت لفووت...
تنهدات ودخلاات لعندهم... أحلام دغياا طارت لتليفونها هزاه قالبة لهضرة على عبدو دايرة فيها لبراءة...
نصيرة نطقاات بهدوء كاتشوفيها: إوى أحلام بنتي مغااتوجديش ليناا تاني شي شهيوة للعشاا...
هزات فيها لعين و ردت عليها بلطف:مرحباا اعمتي على راس ولعين...
نصيرة:الله يرضي...نيت بااش عصام يدوق طيابك...مداقوش داك نهار فاش وجدتي ليناا لغداا...
خنساء شافت فنصيرة مستغربة و قالت بتساؤل:علااش فين مشاات نسريين؟!!
نصيرة خنزرات فيهاا ونهضاات:وااش هاديك مكلتهاا حتاا هياا ماكلة..بااسلة ماافيهاا مدااق الله يستر بحاالا ساحرين ليهاا فطيااب...خليناا خليناا نااكلو ماكلة بعقلهاا وبنبنة من ادين احلام...ياااك
أحلام ناضت جامعة لوقفة كاتلوي فشعرهاا:واخاا اناا غانوض نوجدو..شنو تبغيو تاكلوو..
نصيرة:لي وجدتيه ناكلووه غير طيبي ليناا (كملاات كاتضحك)هههه ودييري بحساب عصاام راه ليوم غادي يدووق طيابك...
أحلام بابتسامة:مرحباا..صافي هاني غادة نطيبو.. شوية و يكون وااجد...
دازت متخطياهاا ونصيرة بااقاات تابعهاا بعينيهاا ونطقات عاجبهاا الحاال كاتفرنس غير راسهاا:مرضية تبااركلااه..نقرة واشمن نقرة الله يحفضهاا...
خنساء صغرات فيهاا عينيهاا كاطلع فحاجبهااا بستغراب..واستغرااب كبير بدا كايحيط بيهاا... بلخصوص انهاا ولات كتلاحظ نصيرة فلأونة الأخيرة فينماا تهضر مع احلام ضروري دخل عصام فهضرتهااا...هياا اكييد مقدرااش تشك فيهااا...ولكن تصرفات نصيرة بدااو كايجيوهاا غرااب...الشيئ لي خلاهاا تبداا تنوى غير بوحدهاا...داعية الله فخاطرهاا مايكونش داكشي لي كاتفكر فيه بصح...حيت مغااايجي من موراها غير مشااكيل لي مغاتحدش نهائيا...
كانت رانيا فلبيتهاا شادة تيل داخلة الواتساب كادردش مع سيمو...كانت كاتكونيكطا وتبتاسم غير بوحدهاا وعينيها لاامعين... عتيقة وقفات عند باب لبيت وبقاات كاتشوف فبنتهاا كيف كاتباان فرحاانة وناشطة.. عارفة بلي سيمو كلا ليهاا الدمااغ و خلى عقلهاا طااير...باينة من وجهاا بلا ماتحتاج تدوي... تنهدات بإحباط وهياا كاتفكر كيفااش غاتفتحهاا فلموضوع وتقوليها واحد أخر لي غاتزوجي بييه مااشي هو.. وبااك راافضو اصلا و مبااغيهش...منين غاتبداا لهااد لهضرة؟!وكيف غادير تقنعها بيهاا؟
بقاات شاردة بتفكيرهاا حتاا فيقااتهاا رانياا من سهوتها: ماما و مااماا راني معااك دااوية...
عتيقة ستعقلاات و تقدماات لعندهاا..ݣلساات حداها و مسحاات ليهاا على شعرها بحناان كاتبتااسم:سعدي وفرحي ببنتي كبراات و ولاو لخطااب يدقو فباب داارهم...
رانيا ضحكات:هههه امضرا؟! صافي هضرتي مع بابا؟! هياا نقولهاا داباا لسمحمد...
خدات ليهااا عتيقة تيل مانعهاا:بلااتي...مالك فيك الزربة...
جاوبتها بتساؤل:ولكن علااش غانتسنى مافهمتش...ياك قلتيهاا ليه...
عتيقة خدات نفس معمق و قالت كاطبطب على دراعها:رااك نتي بوحدك لي عندناا...ومصلااحتك هياا كلشي...مايمكنش لا انا ولا باك نفكرو نبغيو ليك الى لخير ونشوفوك ديما لفووق...تقدر مصلااحتك ماتباانش ليك فشي أمور ولكن تباان لينا حيت واليديك وديناا وجبناا فزمااان وقريناا حروبو...
رانيا بلعاات ريقهاا...جاتهاا هااد لمقدمة لي بدااك ليهاا بيهاا مهاا غير بااش تبتهاا على شي صدمة جاياا فطريق... نطقاات بتساؤل:ماماا لااش هاد لهضرة كااملة داباا...(عاد كملاات بنبرة مخنوووقة قلبهاا بداا كايضرب)مبغاااهش ياااك....مجااهش فلمستوى وملااقيش فيه داكشي علاش كايقلب...ياااك هادشي لي كااين غااهضري و جي نيشاان زهري لمكوووز و اناا عارفااه..
عتيقة بغات تهدنهاا:لا لا ماتݣوليش هااكاا...الزهر لي عندك كاايهرس لحجر..و ميمونك ملي تݣعد...أتݣعد بخطرة جمع النوضة..
رانيا هزات حاجبهاا:ماا فهمتش.. كيفااش؟!!
عتيقة:جاااك واااحد لعريييس فاااعل تاارك...تمنااه اي بنت...بااك جاب ليك رجل إمرااااتي داااير لعااقة ديال بصح..غاايعيشك معززة مكرمة مغاايخصك معااه حتااا خيير...
راانياا خرجات عينيهاا حتااا لحد وقاالت بلغوااات:اويلي على امرااتي...اويلي أماماا اشكااتقوولي...وااش باا حمااق ولا خرج ليه لعقل حتاا يلووووحني هاااد لووحة...ويزوجني بوااحد مكاانعرفووش و من لفووق من بلاااد بعيدة...
عتيقة محاولة ترطب معاها:الله يهديك ابنيتي غير سمعيي
راانياا دغياا دارت يديهاا على ودنهاا كاتحرك راسهاا بنفي هستيري:لاااا لاااا لاااا ماتقولي ليااا عليه وااالووو...ماابغييت نعرف علييه حتاا زفتة...وااامبغيتووووش
جوباتها بصرامة محيدة ليهاا اديها من ودنهاا:وااا رانيا بركة من تبهرييش وسمعيني...
جاوباتهاا بغضب:اشغاانسمع.. وااش كاطنزو عليااا...وسيمو لي موعدااه شغاانقوليه...باااش غانفسر ليه هاادشي...نتبع وااحد كمرااتو عمرني شتهاا معرفة لا أصلو ولا فصلو منين ...غير حيت عندو لفلوس نتزوج بييه...واا خرجاان لعقل هدا..
عتيقة:رااجل كاامل مكموول...ولد عاائلة..بااقي صغيير..وخداام حلاااق عند لأمير فلإمراات... عرفتي شنااهياا خداام عند الأمير...الى تزوجتي بييه غااتكوني ضمنتي مستقبلك...وهزيتي رااسك...غاايعيشك لعيشة لي كااتحلم بيهاا أي وحدة فهااد الدنياا...لكااس مابقيتيش تهزييه...
ردت عليها بنفعاال:حتاااا سيمووو ولد عائلة...حتااا هو باقي صغير..خداام بكتاافو وربي مقسم رزقوو لي غاادي يعيشني بيه...وكااانبغييه و ماابغيييت حتااا شي وااحد من غيروو...يااا غنااخد سيموو يااا غاندير بنااااقص من زواااج كااامل...
عتيقة :ولواااه نعلي شيطااان...بااك رااه مبااغي ليك غير لخير وعاارف مصلااحتك كايفكر ليك..ارااانيااا رااه حياااتك غااتضمن الى تزوجتي بييه...سبعياام تلمشمااش دغيااا تساالي...وشنوو كاايبقاا فلخر...غير الصح و الجييب الصحييح...راه تخدمي نتي ويااه و زماان يغلبكم هاناا كانݣوليك
رانيا صاافي اعصاابهاا تشحنوو ناضت وقفات ناطقة بشراسة:وااش فخباارك هدااك لي بااغين لياا شحااال من وحدة كاايدير فحياااتو شي بشرع شي بلااا شرع...هاادوك الرجاال تلخلييج نصهم رااه مخلط لحلاال مع لحراام...غيير نولد معااه غاايسوسني وياخد ليا ولاادي من لفووق...عند باالكم جاايبين لياا راجل بحاالو فدنياا مكااينش...(بلغواات)راااكم جاايبين لياا غير لمشااكيل...وانااا نمووووت...نمووووت و منكونش لشي وااحد غير سيمووو....والى مشيتوو حتاا بززتو علياا هااد بنااادم لمعرفتش منين تسلط علياااا...غااتخرجوني من هااد داار فكفن بلاااصة عروووس....
كملاات على هضرتهااا وخرجاات من لبييت سااخطة مع لخرجة وهياا تساطح مع بااهااا عند بااب مع دورة..مدوااتو مكلمااتو ضربات فيه وداازت طاالعة لصطح يضرب فيهاا لبرد لغمة نزلاات على قلبهاا لي تخنق..
لحواار كامل سمعو اسمااعيل...وعرف رأي بنتو فلخطيب لي عااجبوو وبغااه ليهاا...بقاا واقف هاادئ فبلاصتو... عتيقة خرجات من لبيت وتلاقااتو... بملاميح حزينة بغاات تدوي و هو يوقفهاا بيديه بمعنى" بلا ماتقوولي والو لميساج واصل"...بتااسم ليهاا بحالا حتاا حاجة مطراات...وبخطواتو التقيلة تمشاا طالع لبيتو...عارف مزيان شنو غادي يدير...
فصبااح اليوم التاالي....سيمو سد المحااال ناوي يمشيي يقضي شي غراض عااد يدوز للدار ... يلاااه غايركب فالموطور وهو يوقف عليه اسمااعيل خاشي يدو فجيبو ....
سيمو ابتاسم ليه بلباقة : اهلاا سي اسماعيل ... لاباس عليك ...
اسماعيل بهدوء : الحمد لله بيخير ... نتا مزيان كيف غادي مع شي خدمة ...
سيمو : ولاهيلا من الحامدين الشااكرين ... ( بتسااؤل ): يااكما جيتي على قبل عبد الله راااه عاد مشا لداار ...
اسماعيل بنفي : لااا انا لي خليتو حتى مشاا وجيت باش ندوي معااك نتااا .... بوحدناا
سيمو بايجاب : اهااه مرحباا ... اش حب الخااطر ...
اسماعيل كايدوي بدم بارد : فصرااحة مغاديش نكتر عليك فالهضرة والكلااام ... واصلا لا انا لا نتا عندنا الوقت لي نضيعو ... سمعت بيلااا ناوي تخطب بنتي راانياا ودويتي مع خالتك فهاد الموضوع ...
سيمو بايجاب وتقة : ايااه ... الا قبلتو عليا طبعااا ... ماكرهتش وناوي معاها المعقول ...
اسماعيل ضحك : مزيااان اولدي الواحد يجي من الباااب ... وينوي المعقوول ... غير هو وكااان انا عندي ليك مااا حسن حيت حتى انا عزيز عليا المعقوول ...
سيمو بعدم فهم : فصراحة مافهمتكش اسيدي ؟؟ ...
اسمااعيل ابتااسم وخشا يدو فجيبو جبد شيك مكتوب فيه واحد القدر مااالي مدو لييه : هاااد الفلوس اولدي اعتاابرهم مقاابل باااش تبعد على بنتي وتخليها عليك فالتقاار ... وتعطيها التيسااع ... وبهاكا غاتشري راااحتك وراحتي وراحتها حتى هي ...
سيمو هز حاجبو عارفو مزياان علااش كايدير هاكااا .. رانيا دوات ليه على موضوع الخطيب وانه مصمم يزوجها وكان متوقع منو يجي عندو باش يدوي معاه ولكن ماتصورش انو يعرض عليه الفلووس ... بلع ريقو مغزز على سنانووو محاول يتكالما باش مايجبدش معااه العيب : شنو نعتابرك كاتبيع ليا ولا كيفاش؟؟ ..
اسماعيل ضحك : هههههه لا لا بزاف عليك نبيع ليك ... انا كانشري فراقك على بنتي ... وغايكون حسن لييك ... حيت راك مصالحش ليها ...
سيمو غمض عينو محاول يتكالمااا : ممم .... (ونطق بنبرة هادية غير بزز ): عرفتي شنو غانديرو اعمي ... نتا ماقلتي ليا والو وانا ماسمعت منك حتى حاجة ... غاندير راسي مادويتش معااك فهااادي ... وحتى بنتك رانيا مغانقول ليها والو على هاد التصرف ديالك باش مايبقاش فيها الحااال ... غايكون حسن تجمع فلوسك عندك ... ( محاول يتصرف معاه بالتي هي احسن ): الا قبلتي عليا انا راه بصح باغي بنتك ... وغانديرها فعيني ان شاء الله ...
اسمااعيل : وانا اولدي ماباغيش عينيك ماعندي ماندير بيهم ... وحتى بنتي ماعندها فاش تحتاجهم ... انا باغيها تعيش مزياان وماينقصها والووو ولكن نتاا ماشي هو لي غايقدر يوفر ليها المستوى لي انا بغيت نشوفها فييه ...
سيمو باقناع : ولكن راه حتى معايا مغايخصها خييير ... ولي طلباتها غاتجي لعندها .. غاتكون مزيانة
اسماعيل : معاك نتا غاينقصوهاا حاجاااااااات .... ( باستفزااز ونبرة صوتو هادية ): والا نتااا مكاتشووفش النقص فراااسك ... ( ضغط عليها ): انا راااه كانشوفو فيييك ...
سيمو دور وجهوووو كازر على سنانووو ومزير على يدوو كلااامو هانوو وكون كان شي حد اخر غايسمعو لي عمرو سمعو ولكن مايقدش على قبل رااانياا وحيت الا خرج للعيب غايتسمى هو لي خاايب وعمرو يحلم بيهاا ...
اسمااعيل دار ليه ابتاسمة خفيفة وزاد من تما عاطيه بظهرو ...
سيمو زير على يدو ونطق مسمعها ليه : غير هو اعمي انا الرجوولة عندي مااشي بشحاال فجييب ... والنقص عمرو كاان فالفلوس ... المهم لواحد مايكونش ناقص فعقلو وتربيتوو ... وغايكون خير ان شاء الله...
اسماعيل فهمو وضحك بللااما يشووف وراااه مخليه موراه وكمل طريقو
سيمو سم مغلل فحلقوو نفسو عزيزة علييه ومارضاش يسمعو ديك الهضرة ولكن مالقى ليه جهد وجاه من يدو لي كااضرو ... ماباغيش يغلط فحق باهااا حيت اكييد هو لي غايخسر فلخر ... ضرب يدو بعصبية مع الموطو ر كااااعي وهز الكاااسك دارو فوق رااسو وركب كسييرة شاااعل غايطرطق ...
خنساء دارت لكابسول فلمااشين تلقهوة..خدماتهاا وتسناات حتاا تكبات لكافي فلكااس و خرجااتو من لمااشين حطااه فلبلاطو صغير لي كان حداهاا...هزاتو و حطاتو قباالت راانياا لي دايرة يديها على خدهاا كاتفكر فمشكلتهاا الجديدة لي باين ليهاا انهاا مغتلقاا ليهاا حتاا حل...
نطقاات خنساء حاطة لقهوة قبالتهاا:هااكي... وصاافي اصحبتي...حتى نتي دايرة فيهاا ݣنازة بحالا معرفت شنو طاري...
رانيا بقلق:محاس بلمزود غير لي مخبووط بييه...الله يدير لياا شي تااويل...اماا رااني تفقصت بلمعقول...
خنساء شرباات من كااسهاا شوية... وقالت بهدوء:رانياا راه كايبقا بااك وعارف مصلاحتك...عدرييه راه غير بغاا يتهناا عليك..و من حقوو... و زيدون خطيب بحال هداك جامع مابين الصغر والفلوس أي بااب جاا قاصدو غايدخل ليه بلا دقاان...بلخصوص فهاد الزمان لي وليناا عايشين فيه...المعيشة صعابت ولواحد لي يفكر فمستقبلو ويأمنو... حسن مايعيش مكرفص فهاد لبلاد السعيدة لي والله و مكان عندك درهم حتاا تعيش فيهاا بحال جفااف...حتاا واحد مايعقل عليك...
رانيا بنزعااج:هادشي كولو لي قلتيه بصح...ولكن وااش نخلي لإنساان اي كانبغي و نمشي عند واحد غير حيت عندو لفلوس... منقدرش نديرهاا والله مانقدر...اناا و سيمو غانبنيو حياتنا بجوج طوبة بطوبة حتا نوقفو مع رجليناا.نصبرو... شحاال من وحدين كايبدااو من والو وكاايوصلو بصبر ولعزيمة حتاا كايديرو مستقبلاهم...
خنساء:اييه ومتنساايش شحاال من وحدين كايبداو من زيرو...وكاتصبر معااه مرتو حتاا كايوصل...غير كايدير لفلوس كايمشي يتزوج عليهاا...ونهاار دوي كايقوليهاا اشنو درتي هاادشي انا لي وصلت ليه...كايجيب عليهاا وحدة باقة صغيرة كاضوي كايجدد معاها شباابو حيت لاخرى كايكوون هلكهاا زماان وداا منهاا كلشي...
رانيا زيراات على سنانهاا وقالت بعصبية:خنسااااااء...
ردت عليها كاتضحك:وصاافي اصلا سيمو بااينة فيه ولد نااس وكايبغيك..مانضنش يديرهااش...مي رجاال مافيهم تيقة...تعياا تحضي معاهم و ماتعرف فين يعطيوك الدقة.... (طبطبات ليهاا على كتفهاا) نتي فكري مزياان متزربيش...الى بغيتي تفكري فراسك و تعيشي قاايدة بفلووسك و مايخصك كتاا خير...حركي انانيتك وخوديه..
رانيابإصرار:اناا فكرت،مغاانخدوووش و خا يبقا غير هو....شتي غير سيموو ولا بلااش...
جبداات ورقة صغيرة مطوية على ربعة من جيبهاا حطاها فوق الكنطواار.. خنساء كملات كاسهاا تلقهوة
و قالت بستغراب كاتشوفيهاا:شنوو هاادي...
ردت عليها بستفهام:معرت ليهاا محليتهااش...عطااتهاا لياا ماما مع صباح قالت لياا خلاها ليك بااك و قالك دخلي دوي مع سيد و هضري شوية تقدرو تفااهمو..(تنهداات بملل)كايحلم...
خنساء خداتهاا حلااتهاا...و هياا تحلهاا صغراات فيهاا عينهاا كاتقرى:حسين...(بداات كاتهجاا) تو..شنااهياا؟! توتة...حسين توتة...
(غير كملاااتهاا وهيااا تكرشخ بضحك وحتاا راانياا خرجاات الضحكة من نيتهاا وخا مكان فيها لي يضحك)
خنساء:ههههههه...شتي غااا من سمية يبااان لبرهاان.... شحاال ونتي كاتسنااي لعريس وفلخر غاتولي مداام توتة هههههه..ولكن مكاايهمش على وديت لفلوس كلشي يدووز...
رانياا كاضحك حتاا تغمضو عينيهاا:هههههه نهار باين من صبااحو....حتاا كون مكاانش سيمو... غير هااد توتة تخليني نترااجع مية خطوة لوور...
خنساء هزاات تيل دخلات لإنسطاا: يا والله حتاا نشوفو كيف دااير...
(طبات سميتو و بدات كاتقلب)
نطقاات رانيا بفضول:شنو طلع؟!!
خنساء بطنز:هههه لااا امدام توتة مطلع لياا والو...داخل يمكن بشي سمية اخرى..بلااتي نشوف لفاايس....
دخلات سميتو للفايس وهو يطلع ليهاا...غير دخلات خنساء لبروفيل و هياا تصفر:بشاااخ...شوفوني راه عندي لمرسيديس...عل لبدية بعداا...
جاات لصقاات حداهاا رانيا و بدااو كايبقشو فلكونط..داخلين لتصااورو...
خنساء بدات كاتكبر فواحد سيلفي ديالو:هاداا شحاال فعمرو بسلامة؟!
رانياا:ماما قالت لي يمكن كبر مني غير بشي عاام...كاايباان صغير يااك...
خنساء:يااولي شوفي حتاا اللحية يلاه نابتة ليه كاايبااان برهوش بحالا يلاه دخل لعشرين عاام...دقة مهازهاش....(كملاات كاضحك)هههه يوقفو عليكم شفاارة يخليك ويهرب...
رانيا ضرباتهاا:ههههه نتي رااك طلعتيهاا علياا هااد صبااح...
خنساء:ههههه شوفي ماايهمش.... لفلووس اختي لفلوووس..يديرهاا دينيرو......وخاا ݣليول طحني ليه سفوووف وبرعيه شهيواات...وتشوفي كيف غاايولي...ههههه غايترقع لك وخاا مبااين ليااا فيه مايترقع
رانياا:يمشي ي*ود عليااا الله يوكل ليه جغديد....يمشي عند موو ترقعووو....نخلي طولة وتجريدة ونمشي عند وااحد باقي لاصق فلارض...
خنساء:ياااااه تي ورقي ليااا سيلفياات فلقصر فين خدام....بشاااخ تي شوفي لحيوطة مصبوغين بدهب...غا ترياا لي مضوية عليه قدااش...اييييه خلاهاا مولاهاا حناا غامغطيين على شتاا...هااا لي عاايشيين...
رانيا بعدم اهتمام:حتااا نتي..هادشي ݣاعمة يدي لياا لعقل...اللهم بيت وكوزينة و لبال مرتااح...ولا لفلوس و مكاينة رااحة....
خنساء زادت هبطات و هياا توقف عند واحد المنشور نطقاات كاتضحك:"يذهب الحب...و تبقى الدكرياات"ههههه لواه كايبقا لبعر...سيد محن...تلقااي هاديك لي تفارق معاهاا و محطاش هاادشي
رانيا ميقاات:يخخخ باينة فيه عنيييبة...
خنساء زاادت غرقاات فلكونط ديالو كاتبقشش :بلاتي بلاتي...(فيكساات عينيها فصورة ديالو و نطقاات مطولة هضرتهاا)هاااااا....شي كبااري هدااا...
رانيا سكتاات لتواني و عاد قالت بتسااؤل مخرجة عينيها فصورة:لميخي كايسكر؟؟!
خنساء شافت فيهاا و عيباات:صبااح لخير عااد وصلك الريزو...واحد فكبااري أشغاايكون كاايدير...كايصلي فيه متلا...وراا بااينة كايضرب الطاااسة...
رانيا بجدية:صاافي هاناا لقيتهاا...غاادي نشوهوو غاانمشي دابا عند بابا نوريه نسيب لي عااجبو شنوو كايدير...
خنساء حبسااتهاا: لاااا...غاصبري... الى جيتي وريتيها ليه تقدر ماتشدش ليك بلخصووص و هو باغيه و معمر ليه عين...قادر وخا يشوف هاد التصويرة يخلق ليه أعداار...
رانيا:اييه وشنو انا نبقاا مربعة يدي كانتسنى فسقف ينزل علياا؟!!هو راه كايتسناني نهضر معااه ونتفاهمو...وزيد عليهاا راه عطاا لكلمة لبااه...
خنساء بإقناع:و قلناا ليك صبري...دابا راه لفايس ديالو عندي عطيني شوية لوقت...غير شوية...وديك ساعة نلقاا ليك شي حل لي يهنيك بخطرة من هااد لحولي ... غاصبري على خبيزتك حتا طيب
فالعشية كانت رانيا مع سيمو ݣالسين راس فراس فواحد الكاافي كايهضرو بجوج...
شد سيمو فيدهاا وقاال:شتي ادير بااك لي بغاا يديرو...بربي من غيري لا دااك شي وااحد...
رانيا بنبرة مخنوقة:احيااني..داباا تعياا...شحاال قدك تبقاا تابعني...ولمشكل با الى قال هضرتو مكايرجعش فيهاا...(مسحات على شعرهاا بنزعااج)هااادي هياا لي مكنت ضااربة ليهاا حتاا حسااب..
سيمو:رااانيااا...وااش كاتيقي فيااا؟!!(حركات راسهاا بلإجااب)لااا بغيت نسمعهااا من فمك...
زيراات على يديه و قالت:أه كانتيق فييك...وبزااف...
سيمو:صاافي...هضرة وحدة قلتهاا...باك بغاا ولا كره غاايلقااني وااقف ليه حسكة...ماامفااكش اناا ويااه و زمن طوييل...وغااادي يواافق بزز منو...و على حساابي غير رتااحي...
رانياا:شنوو غادي ديير؟!!
سيمو:لمهم غاتكوني لياا... كيفاش و علااش داكشي شغلي... نتي غير بقاي شادة فهضرتك وعندااك تقلبي علياا لفييستاااا...
رانيا بصدمة:مالني حمااقيت نديرهاا؟!!
سيمو:هاكا نبغييك...لمهم عندي تكوني نتي معايا...ومحدك باغة و فيدي عمري غانخليك...ديريهاا فباالك
ردت عليه بتأ كيد: حتاا اناا بياا ولاا بيهم...غانبقاا شادة فهضرة وحدة مغانطلقهاااش...و حتااا باباا الى مبغااش يدير بيهاا و زيرني بزز..مغنخافش منو و غانجيه فاااص..
سيمو بتاسم:رااني عاارفك كبابل و مرى دياال زماان...وصافي فكي عليناا هاد لغوبشة مكاتجيش معااك...خرجناا داباا خليناا نفوجو و نسااو عليناا لهم...
رانيا بتسماات و قالت:واخااا...
سيمو:هااد الضحكة هياا لي جابت ليا تماام نهاار اللول...(حدرات راسهاا بخجل)شتي أكتر حاجة وليت كانفكر فيها هاد لأياام...
رانياا بتساؤل: شنو ؟!!
سيمو:غير نحل عيني من نعااس...و نلقااك حداياا..أحم فلحلاال طبعااا...
رانيا ضرباتو على كتفو كاتضحك:هههه كوون تحشم تاا خرجتي ليها طاي طااي..
سيمو:نتي عارفاني لي على قلبي على لسااني...وانا راه وليت كانشوفك مرتي...غير نفضيو هاد لمشكل لي خرج ليناا من جنب و هاناا عندكم فداار جااي نخطب...
رانيا بابتسامة خافتة:ان شاء الله..الله يصاوب و صافي...
نهار جديد مع الظهر تقريبا ... عبدو كاان خارج من المحاال ديالو غادي يقضي شي غراااض بالموطور ديال سيمو ... احلام مع ضربات الضورة جاية للبوتيك عند خنساء وهو يبان ليها بالخف سرعات رجليهاااا كاتفرنس وقفات عليه : اهلااا ...
عبدو ابتاسم ليها : اهلا احلام صافا ؟؟؟ ...
احلام : الحمد لله يسول فيك الخير... هي غادي خارج ... ضرب بيا ضورة معاااك قنطت عافااك ...
عبدو تنهد عارفها مزعوطة فيه وكاتحاول تقرب منو : فصراحة مغاديش نضور غانقضي غير واحد الغرض على قبل المحل ... غير سمحيلي ...
احلام باحراج : اااه ماشي مشكل صافي مرة اخرى ... نخليك تقضي شغلك انا غانمشي عند خنساء ...
عبدو بلع ريقو مطول فيها الشوفة يلاه غاتمشي وهو يوقفها : ولاا عرفتي شنو اجي معايا نيت بغيت ندوي معاك فشي حاجة ...
احلام ضحكات : بصح ... واخااا ....
خلا الموطور فبلاصتو وزااد هو وياهاا بعدو شوية على الدرب خاشي يدو فجيبو ...
احلاام نطقات وهي كاتلعب بشعرها : البارح فرحت مني جاوبتيني فليل مني صونيت علييك .. عجباتني الهضرة معاك ... ونعست مرتاااحة
عبدو تنهد بلا حول : فصراحة بغيت ندوي معاك نيت على هاد الموضوع ...( وقف مخاطبها ): شوفي نتي بنيتة زوينة وباقا صغيرة ... عادي تنجادبي لاي واحد شفتيه تعامل معاك مزيااان وتصرف معاك بطريقة عجبااتك .. انا فصراحة فلول مابغيتش ندوي معاك فهادشي حيت ماباغيش نحرجك .. ولكن فنفس الوقت ماعطاتنيش خاطري نخليك كاتوهمي شي حاجة مكايناش ومغاتكونش ...
احلام بلعات ريقها هضرتو بدات كاتسرا معاهاا
عبدو كمل : بصح نتي كادخلي للخاطر وخفيفة على القلب وكادخلي للخاطر اي وااحد عاشرك غادي يبغيك ... ولكن شوفتي ليك رااه بحااال رااانيااا .. البارح مني سيفتيلي فليل وقلتيلي ندويو ابيل مابغيتش نخصر ليك مي راه مانصلاحش لييك ... تعاملي معاك مابغيتكتش تفهميه غلط ...
ابتاسمات بخفوت : اااه ... ولكن ...
نطق بتفسير : العيب ماشي فيك والله ... ولكن انا باغي وحدة اخرى ومكانشوفش غيرهااا ... وكانظن اني نقولك هادشي حسن مانبقى نوهمك بشي حوايج مكاينينش ... اولاا ؟؟
احلاام حركات راسها بايجااب بالعة ريقهاا : فهمتك ...
عبدو بشرح : مابغيتش تاخدي مني حساسية ... ولكن بصح مابغيتش نخليك معلقة ... ونتي تبارك الله بعقلك غاتفهميني ...
حكات راسها دايرة ابتسامة خفيفة على شفايفها صراحتو ليها عجبااتها واحتارمااتو كتر ... حسات بيه كايدوي معاها من نيتو وبحال اي واحد هاز ليها الهم ... ونطقات : هههههه انا فصراحة عند بالي مكاينة حتى وحدة فحياتك وقلت نتعارفو كتر وصافي ... ولكن مني هاكا احسن مادرتي مني جيتيني نيشااااان ....
عبدو ابتاسم عارفها باقا صغيرة واعجابها بيه غير عاابر وماشي حب كأي وحدة فعمرهااا تعجبات بشي شاااب داكشي علاش قالها ليهاااا فهاد الوقت باش ماتفكرش فكتر : مزيااان بعدا مني تفهمتي ...( برجاء ): ولكن عندي ليك واحد الطليبة الا جات على خااطرك .... وكانتمنى ماترضيهاش فوجهي ... اش بان ليك تعاوني خوك فواحد البلان
احلاام باستفهام : فاااش ؟؟؟؟؟ ...
عبدو نطق بطلب : نتي عارفة بيلا خنساء بنت جيرانا ... وكاتعرفي كتر مني راسها شحااال قااسح ...
احلام خرجات عينيهااا ماتوقعاتو يكون مزعوط فخنساء : ماتقوولش لياا خنساااء ... هههههههههههه وااايلي ... صدمتيني والله ...
عبدو : هي من جيهتها مكاين والو هاد الساااعة ... ولكن ماكرهتش تعاونيني وديري ليا الطريق ...
احلام ضحكااات مصدومة مافكراتش ابدا انه غايكون كايبغيها ... عاد رجعات السينتا لول وتفكرات كلاامها وعلاش كانت كاتقولو ليهااا ... بالنسبة ليها فهاد الحالة كان احسن قرااار انو صارحهااا حيت كون بقات بانية امل كتر غاتجيها صعيبة ... خصوصا ان خنساء بنت عمهااا وماتقدش توقف فطريق شي حاجة كاتخصها ولا تكون عائق بالنسبة ليهااا ... وماتفكرش ابدا فشي حاجة فحال هادي ... لي ديال غيرها بالنسبة ليها ماشي ديااالهااا ابدااا
عبدو بتساؤل : شنو بان ليك ؟؟ ..
احلام : وانا الا بغيتي الصراحة مكانضنش مكاين وااالو من جيهتك حييت هي غير عرفاتني كانفكر فييك ماعجبهاش الحال وحاولات تنفي ليا الفكرة ... باش نسااهااا
عبدو : هههههه لا لا ... انا عارفهااا مزيااان ... هي غاتكون قالت ليك هكاك حيت مابغاتكش تدخلي لراسك هاد الهضرة وهي عارفة مشاعيري جيتها ... اكيد ماباغاكش تصدمي عليهااا ... اما هي مكاتفكرش فيا هاد الساعة ...
احلام ابتاسمات عاجبها الحال واخا ماكتابش ليها ولكن متمنية السعاادة لبنت عمها وعبدو انسان ضريف يستاهلها اكيد مغاتبغي ليها غير الخير .. نطقات بابتسامة : وحتى انا عرفتك شنو باغيني ...
ضحك غامزها : قافزة مع راسك ...
احلام بعجرفة : وكون هاااني اسي عبدو ... انا غانبقى مزعوطة فيك قداامهااا وغانتقن الدور مزيااان واكيد غادي تكون نتيجة ... المهم عندي هو تهلا ليا فنت عمي رااه عزيزة عندي ...
عبدو : شتي الا صدق هاد البلان برب مانسى ليك خيييرك .... وخنساء رااه فعيني خاصها غير ترطاب ...
احلاام : ضوونك خليني نفكر فشي حااجة ونسيفط ليك شنو غانديرو فواتساااب ... ههههههه ولكن راااه غاتخلصني على اتعابي ...
عبدو ؛ هههه تستاهلي كل خير الله اودي ... المهم نعول علييك
احلام : كون هااني ... انا غانمشي نرجع دابا للدار ونتا سير قضي شغالك بيناتنا التلفون ...
حرك راسو بايجاب مرتاح حيت كان خايف انها تاخد شي موقف منو ولا تقلق ولكن كان هادا احسن حل بالنسبة ليه حيت مغايبغيش ليها المضرة ولا ينويها بشي حاجة مكايناش ويستاغلهاااا ...
زاد من تماا وهي ضحكات بخفووت اكيد بقا فيها الحاال شوية ولكن الاهم انه كان اعجاب وغاتحاول تجاوزو بشوية بشوية بحكم يللااه عرفاااتو وماوصلاتش لمرحلة تبغييه واا يصعاب عليها تخرجو من راسها ... والاهم عندها فهادشي انها غاتعاونو وكاتمنى بنت عمها تكون فرحانة معااه الا كتااب ليهاا ... زادت فحالها راجعة لداار تفكر فشي تنوعيرة تحرك بيها غيرة خنسااء باااااش تقربهم من بعضياتهم ...
تعاشاات العشية ورانيا وسيمو وعبدو كانو مجمعين قدام المحل كايهضرو فموضوع اسماعيل
عبدو : وا دابا ماعندكم ماديرو ... رانيا لي غاتعرف تقنع باهااا ... غايكون حسن بلاما دخل نتا ...
سيمو : مايمكنش اصحبي والا دار لي فراسو وناض زوجها بزز منها .. شنو غاندير ديك ساعة نبقى مربع يدي ديك الساعة ...
عبدو : اشمن الله يهديك غا اجي وتزوج بزز ... دابا الا بديتي كاتغنن عليه غير غايزيد يعكس ... ورااه كلشي كايدار بالمهل والعقل ... برد فيك الدم وخلي الامور تبرد شوية
رانيا بتأفف : انا حرت والله ماعرفت ماندير ... المهم غانشوف معاااه بعدا ويحن الله ... على ربي نبقى فييه ويدير ليا خااطري
عبدو : يكون خييير ان شااء الله ....
سيمو حك لحيتو معاجبو حال : اميين ياااربي ...
باقين كايهضرو وهي توقف اللوطو ديال ياسين قدام البوتيك ... هبط منهاا داير نظاظر كحليين كلاااس وضارب حطة انييقة بااينة فيه مستيليي .... دوز يدو على لحيتو وتقدم جهة المحال دار ابتسامة خفيفة لراانيا لي بادلاتو بيها وتوجه عند خنساء ...
خنساء بلباقة : مرحبااا بيك سي ياااسين ..
ياسين مد ليها يدو بمصافحة : شكراااا امادام خنساااء الله يكبر بيك ...
خنساء : مادموزيل ... نتمنى تكون بيخير ...
ياسين : الحمد لله ... سمحي ليا الا تسرعت مني قلت مادام غير ماتوقعتش وحدة زوينة بحاالك تكون مامزوجاااش ... مي واخا هكاك فرصة سعيدةة....
خنساء : ماشي مشكل لهلا يخطيك... اش حب الخااطر
ياسين : فصراحة سلعة لي خديت من عندك عجباتني وبغيت دوبل ديال داكشي لي ديت ... والا كانو موظيلات اخرى نشوفهم ...
خنساء : ااه وي ولكن دابا حتى لي موديل لي خديتي مابقااوش وفصراحة ماعرفتش واش غانلقاهم... مي تقدر ترجع عندي نهار سبت بحول الله غانكونو عاد تقضينا وغايكونو دي موديل زوينين غايعجبوك ...
ياسين : دااكوغ حتى هادا نظر ... ضونك ( جبد نمرتو ): هادي نمرة ديااالي مني تكون سلعة وصلات صوني ليا وانا غانجي ...
عبدو هز حاجبو ونطق بتساؤل لرانيا : شكون هاذا ؟؟؟
رانيا : واحد الكليان جديد خدا بزاف ديال لكساوي غالبا كايعاود فيهم لبيع ...
عبدو بتعجب : ولكن نتونا مكاتبيعوش بجملة مافهمتش علاش غايشري منكم بزاف ... العجب
رانيا : يمكن مالقاش داكشي لي بغااا وعاد حناا سلعتنا كانجيبوها من شمااال وماشي اي حاااجة رااك عاارف صحابات الواليدة لي مكلفين لينا مكاين غير الفريع ... ضونك عادي وزايدون كايدي ويخلص يدير بيهم لي بغااا حنا مالنا
عبدو سكت بقا مطول فيه الشووفةة كايطلعووا يهبطو منوي
خنساء بابتسامة : بووون سا مااغش ... انا غانعيط ليك مني تكون واجدة ...
ياسين : اوك ميغسي ... نخليك دابا نهارك مبروك ...
خنساء : شكراااا حتى نتااا ....
زاد من تمااا ركب فلوطو دياالو وعبدو تقدم عند خنساااء ناطق بتحدير : بحال هاد الانواع مافيهمش تقة ردي البال ...
خنساء خنزرات فيه : ونتا لي فيك التقة متلااا ... وزايدون ماشي سوقك شغلي وانا عارفة ليه غير ديها فجهة ضاارااك وقيلني علييك ...
شافت فالساااعة وميقات فيه هزات صاااكهاا وضربات فيه زاايدة .... وصات رانيا على المحاال ومشااات لبلاصة لي دايرة فيهااا مع عصااام على قبل عقد للملكية لي غايسنيو مع مول دار ... خلاتو وراها كاايسوووط بتأفف ...
صبح يوم جديد... خنساء يلاه دخلاات لداار غااطير بلفرحة و معاهاا عصاام يلاه جاو من عند النوطير تكاتبااات و شراات الداار لي كاانت بااغة و شهوتهاا فيهااا من شحال هادي...
دخلاات لقاات العربي ݣالس فلبيت معااه غير أحلاام...تقدمو لعندهم و سلمو عليهم...
نطق العربي بتساؤل كايشوف ف خنساء لي فرحاانة:أمضرا...كيف داازت لأموور...
ردت عليه مبتااسمة:لحمد الله ابا..كلشي دااز هو هدااك...خديت الداار و خلصتهااا..وقاليااا النوطير من هناا لسيمانة نرجع عندو نااخد الورااق و السواارت...
العربي بفرحة:إوى مبروووك علييك أبنيتي...الله يدخلهاا عليك برزق و تيسير...
خنساء برجااء:اميين يااربي...
أحلام:مبرووك عليك...هيااا غاديري ليناا فيهاا شي زردة فاعلة تااركة...
نطق عصام بطنز:ههه تي اشغاادير ليك هاادي...سقراامة الى عولتي على زردة من عندهاا...بقيتي تم...
خنساء وسعات نضرتها:ياااك...وهانتاا عقل...غير نشد السوراات نفرشهاا و غاندير فيهاا زردة معتبرة..وبلعاباات من لفووق...
عصام ضحك:هااحناا غاانشوفو...(نااض وقف)اناا غااانمشي نرتااح شوية بيدماا وجد لغداا...
مشاا طلع لبيتو...و العربي نااض حتاا هو يقضي شي غرض تابعو...
بقاات خنساء مع احلام كايدويو شوية و هو يصوني تيل دأحلام..شافت خنساء فشاشة و هياا تستغرب من سمية لي قراات هازة حاجبهاا...كان عبدو لي متااصل...فلبلاصة جاوبات احلاام و حنااكهاا تزنݣوو موسعة ضحكتهاا ناااشطة...
جاوبااتو كااتهضر بصوت خافت و فنفس الوقت نبرة انتوية حنينة:هههه شنو ؟!! ياك يلاه ساليناا لهضرة ولا مسخيتيش؟!!(شافت فخنسااء لي كاتشوفيهاا و باينة فيهاا تقرصاات...وكملات بنفس النبرة العدباء)ههه احم حتاا انااا..لا لا بزاااف...واناا نقدر نكدب علييك....
خنساء بقاات كاتشوفيهاا كفاش كادوي و كاتفرنس عاجبهاا الحاال و نااشطة....و كيفااش باينة فيهاا متفاهمة معااه وخاا غير مدة صغيرة بااش تعاارفو بحالا كايعرفو بعضياتهم من زماان...خرجاات نفسهاا بصوت مسموع ونااضت جمعااات الوقفة...كاارزة على سنانهاا معارفااش السبب لاش تحسساات هاكا...خرجاات من لبيت و دازت من حداا الويفي...عوداات ضاارت لقاات احلام باقة منغامسة كااتدوي و تضحك مستمتعة عاايشة اللحضة معاه...محساات حتاا مشاات طفاااتو...و عااد كملاات على خطااويهاا غادة لبيتهاا بحالا مدارت والو....أحلام عرفاتهاا هياا لي طفات لويفي قاطعة عليهاا لابيل...ضحكاات فخطرهاا و ديك ساعه صيفطاات ميساج لعبدوو عاوداات ليه شنوو طرى و كيفااش كانت ردت فعل خنساء..و عااد شنو داارت بااش تمنع عليهاا تهضر معااه
ضلاام طااح....كانت نسرين قبالت لمراية كادير أخر اللمسات كا توجد بااش تخرج...لابسة جلابة إڤاازي جاياا مع لطااي ديالهاا نااضية فلأزرق الفااتح مخيطة بلبااج و مطروزة جيهت السدر و جنااب الدرااع...جلابة خطيرة مفصلهاا خصيصا لحضور...كتفاات ب أكسيسوارات دهبية...سنسلة رقيقة ب حوالقهاا مع لبااݣ ديال لمغيااج و ݣوغميط فليد...معاا مكيااج تقيل شوية خادمة عينيهاا مزياان و مكحلاهم من راس لرااس مكتفة رموشهم جااين طاالعين و مخليين عينيها تباان مسحووبة... شعرهاا جمعااتو هاد لمرة على شكل كعكة نافخاهاا شوية و مخليه بعض لخصلات مرميين على وجهاا و جنااب ودنيهاا...
دخل عصاام لي كان تعطل فزنقة...شافهاا مطلعهاا و منزلهاا بعينيه كايشوفيهاا بتلدد...قرباات تجييب ليه التماام بهااد الشيااكة لي ولات عليهاا بشكل معتااد...بحالا السيدة مبقاا عندهاا شغل مقاابلة غير رااسهاا كاتقااد فيه مامقصرااش من جهدهاا...
مبقااش عصام معول يسكت كيفماا كاان مقرر من قبل...شي حاجة فداخلو منعااتو...
نطق متساؤل هااز حااجبو:لفييين بسلااامة فهااد لوقت؟!!
نسرين دارت لعندو ناطقة بلطف كاتحااول تزيد تبت الحوالق فودنهاا لا يطيحو:بنت خالتي و لداات لبارح...و ليوم عارضين علياا انا و ماما لرفيسة..غانتعشااو عندهم...و من تم غاندوز نبات فدارناا مغانجيش حتا لصبااح الى كتااب...
عصام قرب لعندهاا بخطوة غير سمع بنت خالتهاا و عارفهاا الى مشات غاتلاقاا مع ولاد خالتهاا تم لي كلهم عزارة...بمجرد تفكيير غايشوفهاا مزيزة و عااطية لعيين خلااه يتنرفز
نطق بنبرة قوية مقفزهاا: تييي وااش انااا وليت كانباان ليك بايدق فهااد الدااار و لا شنوو؟!؟!
نسرين حاولات تهدنو:مي داباا ماالك كاتغوت...
عصام:معااامن تشاااورتي حتاااا غااتمشي مقادة و مصايبة و غادة ناشطة بحالا مانقصك حتاا خير...
نسرين هزات لبرفان ديالهاا رشااتو جنب عنقهاا و قالت:لباارح قلتهاا ليك...ونتاا نخلتيني و مجااوبتيني لا بأه لا بلااا...اوى وسكووت علامة رضااا....
رد عليهاا بحدة:حتااا دابااا اناا كانجااوبك ب لااا...مغادااش...و ݣلسي تكمشي فداارك و نقصي شوية من هاد سير و اجي لزنقة...ولاا نݣرد ليك دوك رجلين لي خرجوو لشوااري هااد لياام...هااناا دويييت...
نسرين رسماات بتسامة خفيفة مامعاوداش معااه لهضرة و قالت:ايه واخاا نݣلس...ولكن راه ماما و خويا غايجيو يديوني...و غانقوليهم عصام مخلانيش نمشي...و شوف بااش تفكهاا معاهم ديك السااع...بلخصوص ماما واخدة عليك واحد نضرة مكااينش بحاالهاا...و حطااك فلبلاصة لعالية عندهاا
عصام صغر فيهاا عينيه:كاتلوي لياا ادي يااك...
نسرين:لاا احبيبي...غايجيو غانقوليهم لا مابقيتش غادة...علااش؟.. عصام مخلانيش...مالني قلت شي حاجة مكاينااش...
عصام نهض فيها بنبرة قوية:غااتقولي ليهم مريضة و غاتهنينااا..
نسرين بعفوية كاتحرك يديهاا:ولكن اناا مامريضاش..ضونك مغانكدبش على عائلتي...كيفماا حتاا نتاا مكاتكدبش على عائلتك...غانخليك منك ليهم...و قوليهم علااش حتاا مخليتنيش نمشي...شنو درت ليك...غاهكااك حرمتيهاا علياا...ولمشكل شااورتك...
عصاام تلف فديك اللحضة..عرفاات كيفااش تقدهاا معااه...مكرهش يغوت ليها فوجهاا و يقوليهاا كااانغييير عليك وعاارفك غاتلاقااي بولااد خاالتك و غايشفووك هاكاا و اناا مبااغيش حتاا شي عينين يتعجبوو بيك من غيري مي مقدرش...نسرين فداخلهاا قلبها كايشطح بلفرحة حيت خلاتو كايتقلا غير بوحدو معارف مايدير...وناار لغيرة كاتحرق فيه تجااههاا ... وخاا يعياا يخبي فيهاا ولكن مفرووش...
بقاا واقف كايمسح فجبهتو حاير كايفكر فشي حل..من جهة مباغيش يخليها تمشي..ومن جهة أخرى مباغيش يتحاشم مع دارهم لي واخدين عليه نضرة مزياانة اكيد مايقدرش يخسر معاهم...
نسرين شافت فيه مبتاسمة تسناتو يقول شي حاجة ووالو سيد سقل غادي جاي فلبيت بحالا تالفة ليه شي حاجة
وقالت:صافي مغانمشيش..وغانسلكهاا معاهم غير فتيليفون...ولكن أحبيبة بشرط...
فكسا عليها عينيه وقال بستفهاام مقرب لعندها:شنوو هو؟!!
نسرين:الى قبلتيه هو هداك...ما قبلتيهش ماشتيني ماشتك..نحيد حوايجي و نتكمش بلاصتي و الى جاو حل عليهم و شرح...(كملات ضاحكة) هههه هادشي الى لقيتي ماتشرح
عصام خنزر فيها وقال: وطلقيناا البشاار...
نسرين: غادي نصدرهم و مانمشيش..بشرط الى قبلتي تفرج معايا ..نسدو عليناا هاد لباب نطرقوه ... و نجيبو لبيسي و نقصرو على فيلم لي غانختاارو أنا ندوزو بيه هاد ليلة...ممم؟!! اشبان ليك...
عصام دورهاا فدماغو مزيان.. بنسبة ليه أحسن يخليهاا تحت عينيه من انه يعاند و مايقبلش شرطهاا و يخليهاا تمشي ويبقى كايتقلا لعشية كاملة على جمرة...
طول فيهاا شوفة و نطق بإجااز:صاافي مشااات..مواافق...
بتاسمات ليه مع غمزة فرحاانة...حيداات جلابيتهاا بقاات غير بلكلون مزير. عاازلهاا كااملة و ديباردو فوق منو مبين سدرهاا باارز تحتو...حلات شعرهاا جاي هابط مدخلة فيه صبااع يديهاا باش يتفك... تحت نضرات عصام لي كايشوفيهاا بقنت عينيه ويتنهد..لقدرة باش يضبط راسو عليهاا غادة و كاتقل نهار على نهاار...مابقا لو والو و يخرج على السيطرة...
جبداات تيل هضرة معا مهاا سلكاتها معاها بجوج كلماات...و من بعد هزات لبيسي تاعو خدماات فيلم من اختيارها طبعا...تكاات و جاا حتا هو مسرح حداهاا من بعد ما بدل عليه...مخلين لبيسي متوسطهم...
لفيلم كان أجنبي رومانسي و شااعل...عامر بدوك لقطاات تاع زائد 18... عصام كايتفرج و غير تجي شي لقطة ماهياااش و تلقاايه كايبلع فريقو...بلخصوص و هياا حداه و كاتيرو أكتر الى كانت لابسة لمكروز لي مبين مفاتينهاا كااملة بشكل واضح...قاوم حتاا عياا و صهدة طالعة معااه و جلدو بداا كاينمل من حر الشهوة لي متملكااه و بداات تسيطر عليه...بقاا صاابر و كايحس براسو بحالا غاطس فلماا و قاطع النفس قرب يتجيف...
بداا فينماا تجي شي لقطة معلومة كااا يسرعهاا بيديه دوز مايشوفهااش بااش ماتزيدش تهيجوو ...نسرين عاقت بيه و حبساات الضحكة.. فينماا تدوز شي لقطة كاتحط يديها على يديه بلعاني باش تزيد تبورشو و تقولو"خليناا نتفرجوو..مالك شارف فدمااغك"
هو غير ساكت و حابس عليهاا راسو بزز...لفليم بقاا شي ساعيتين تقريبا..تفرجو فيه كامل من لول حتاا لخر...
سالا و هو يطرطق عنقو بعياء متنفس الصعداء:ووواااو...ساعتين على قدهاا وانا غا مكسل...
نسرين ضحكاات:ولكن زويين...اشضهر ليك احبيبي نزيدو وااحد اخر...
عصام خنزر فيهاا و سد لبيسي راادخوو:قلناا واحد مااشي مية...سيري تنعسي...
نسرين سكتاات شوية....بتاسمات و قالت بنبرة عدبااء موجزة: شكراً...
هز فيهاا حاجبو بستغراب وقال: علاياش شكرا؟!
حكات على شعرهاا و قالت:حيت قبلتي تفرج معايا...مدة هادي مدرناهااا...
عصام نطق بستهزااء: وااا كتر فيك صواب هاد لياام...شكرا حتى على لفليم..زدتي فيه شوية لا؟
نسرين : مااشي عيب نقولو شكرا لأي حاجة...لعيب هو نبقااو مخبيين داكشي لي كانحسو بيه لدااخل...و نبقااو مبعدين على لي كانبغييو بسبااب لعنااد و قصحيت الرااس...
عصام صغر فيهاا عينيه:اه دابا كاتمعني علياا...و شكون لي خلاني اشريفة نبعد؟!! وشكوون سبب دياال هاادشي كاامل لي وصلناا ليه؟!(زاد كمل ضاغط على هضرتو)بسبااب غيرتك الزاايدة لي وصلاتناا لهادشي كاامل...
نسرين تنهدات:كاانعتاارف اناا سبااب...وي قلت عقلي داارتهاا لياا...لغيرة لكتيرة و لي ماليهاا معنى خلاتني ندير حواايج خاايبة...(حطات يديهاا شادة على يديه)ولكن احيااتي راه مااشي بيدي...كيفماا كانغير عليك...راه كاتغير علياا حتاا نتااا...
عصام بعد يديه و نطق بنفي:شكون قاالهاا ليك؟!!غااجاب ليك الله...
نسرين بتأكيد:كاااتغيير اعصااام اناا مااشي درية صغير شايفة كلشي على عيني... كيفااش ملي كانتقااد لعاافية كاتشعل فيك...حيت مكااتبغيش عينين يشوفوني من غيرك...حيييت كااتغييير...
بقاا مدقق فيهاا للحضات و قاال ضاحك بخفووت باقي مصمم يبقى فهضرتو: ههه هاادشي باين ليك غا نتي انا ݣاعمة شايفو...
نسرين:اهاااه واخاا... وباش كاتفسر لحيحة لي نوضتي علياا داك نهاار بسباب لبااسي...و بااش كاتفسر ليوم ملي مخلتينيش نمشي عند بنت خالتي لي نتاا عاارف خوتهاا غايكون فداار...شنوو كاتسمي هاادشي كاامل الى مكاانش غيرة؟!!
عصام بعجرفة:لي حاكم فمرتو عندكم كاايغير؟!! اش جاب هادي لهاديك...
نسرين:داباا غير كاتخبي شمس بلغرباال...كااتغيير كيفماا كاانغير حتاا اناا و لي حداتك منكرهش نفرسهاا بسنااني...(سكتات تواني ونطقات بنبرة تاابتة) كانغيرو حيت كاانبغيو بعضياتناا...حيت اعصاام مكانغيرو غير على اللي كانبغييوه...اما لي مكانبغيوهش..مكايهمناااش فواالو
عصام بقاا كايشوفيهاا ساكت مجااوب ولا حرك فمو بقا ساقل....
نسرين كملات بنفس النبرة:صاافي خليناا نساااو... صفحه و نطويوهاا... (بإلحاااح) عفااك بركة...غلط و خديت منو درس و تربيت عليه...حتاا لإمتا غانبقااو بعاادين هاكاا...حتاا لإمتاا؟!!!
عصام بقاا ملتازم الصمت و مانطق بحتاا كلمة...فدااخل دياالو حتاا هو بغاا ينهي هاد لخصاام و يرجع ليهاا...حاس بيهاا بصح ندماات و عرفت ثمن فعلتهااا...كل كلمة مخرجهااا كايحس بيهاا صادقة و نابعة من أعماقهاا...
نسرين تسناتو يرد عليهاا و مرد بواالو...خرجات نفسهاا بعمق..وقالت متنهدة:كانقول راسي قااسح...ولكن قسح من رااسك مكاينش فهااد الدنيا...اناا لي علياا درتوو..ضربت بجهدي كاامل نبقااو بجوج...ولكن صافي...حتا لهناا و حبس مابقاا عندي فين نزييد...هداا جهدي معااك...
كملات على هضرتهاا و دارت تكاات فبلاصتهاا بملاميح محبطة متمنية ليه ليلة سعيدة...
غمضات عينيهاا بتتاقل حابسة لبكية فقراجطهاا...مرت دقايق معدوده.. عصاام طول يديه وبلا مايشعر لقاهاا كاتسرى فجسد نسرين بلكامل...من ساقها وهو غاادي لفخضهاا مرورا بجنب كرشهاا ووقفهاا فوق صدرهاا ضاغط عليه...نسرين حلات عينيهاا قلبهاا ضرب بعدم تصديق...اسحاب ليهاا كاتحلم...بتاسمات بنتصاار عرفااتو رطااب وأخيرا خضع ليهاا و ساامحهاا.. دارت لعندو وابتسامة ساحرة مرسومة على ملاميحها...طولات يديهاا حطاهاا ورى عنقو مقرباه بيهااا لعندها...تواني حتاا خشى وجهو فعنقهاا طاابع قبلة عنيييفة فييه...عااود طلع راسو و داز لشفايفهااا ملتااهمهم بشوق كبيبر طابع قبلة مطولة عليهم مسااخيش بيهااا..عاد حس برااسو رجعاات فيه الرووح...كاايبووس ويعض بوتييرة سرييعة منشوى غاايب على الوعي...السقيييل فلبيت كايتسمع غير صوت دوك البوسات وتنهيدات المتباادلة دياالهم بجووج...حرر الرغبة ستولاات عليهم...وبلأخص عصاام لي لقاا راسو بلا مايحس من بعد ماحلف بين احضان نسرين مرة اخرى....لي نجحاات فانهاا تمتعوو فديك اليلة وتحرك شهوتو وتخلييه يدووب بين يديهااا...منغاامسين فعلااقة حميمية مطولة...مسلااو منهاا حتاا لبزوغ لفجر...مخلياا جهدهم يتسالا بلكااامل ويطييحو كااو بنعااس...واخدين جرعة اضاافية على غير المعتااد...جرعة نساات داك لخصاام لي فاات...وصلحاات جزء كبير من علاقتهم لي تهدماات...
خنساء وسيمو كالسين فالبوتيك كايفطروو ورانيااا كاترتب شي سراول ديال دجين كل حاجة فبلاصتها ومجمعة معاااهم ...
خنساء بتركيز : هاذا خاصو بللااان مغيز ديال المعقوول ياا اما نخلييو اسماعيل يتقنع بيلا مصاالحش ولا هو لي يتراااجع ويقول مابقاش باااغي ودير ديال داك لي قالو آش المعمول يا قاضي فعيشه، كال لو طلقها وانا ناخدها هههه ... حيت الا بقيتو غير على ضد واخا ماتبغيش تزوجي بهاذا غايشوف ليك واحد اخر ومايخليكمش هانيين ... هو داير فبالو باغي شي حد ملعق ومغايتفااكش واخا ماعرت اش ديرو .. وراه عين بنادم مايعمرها غي التراب ...
سيمو : انا غايطلع ليا الدم غانجر رانيا للعدول وغانديرو لاكط وديك السااعة يدير لي بغا ههههه ...
رانيا كاتطوي : هههههه الله يعطينا وجهك لي سمعك دابا يقول بصح ديرهااا ... انا راه طلع ليا هاد الموضوع فراسي كل مرة نرغب فيه ووالو حلف لا قتااانع شاد فكلمتو وقاالك سي توتة لي يصلاااح ولا بلاااش ...
سيمو حك راسو بحيرة : انا هرب ليا برب ... مابقيت عارف ماندير ...
خنساء شربات قهوتها : ... دقة دقة الشباااب راه الناس جوج نواع الأول يغير الحياة ولآخر يتغير مع الاوقات ... مغاديرو والو الا بقيتو تشكاااو ... الواحد يفكر بالعقل ويحط الخطط اما الهضرة مكااتجيبش الحلوول ... المهم خليو عليا هاد الموضوع نقلب على شي تنوعيرة وانا معاكم ...
سيمو : زعما غاتقدري تفكيها ؟؟ ..
خنساء ضحكات بعجرفة : ههههههه بان ليا باقي ماعرفتينيش ... قريب تعرف عليا مزيااااان غاتصدم هههه ...
رانيا : السيدة راه بروفيسيونيل ... يعوَّل عليها ...
سيمو بطنز : المرأة ان صدقت في الشر جيش ... مانخاافش عليك هههه ...
خنساء ميقات : بان ليك غير الشر رااه قالو حتى اذا احبت المرأة صدَقَت ...
باقين داويين حتى دخل عبدو عندهم مبتاااسم ووجهو منور صاابح ناااشط مع راسو وعينيه فرحااانين ظاهرين على ملامحووو ...
خنساء غير شاافتو عوجات كمارتها باقي مدازش ليها بلااان الباااارح كاينغل فيهااا
عبدو بابتسامة : صباح الخير ، بصحتكم ...
سيمو : الله يعطيك الصحة فين هاد التعطييلة ... مني مافقتيش جيت وحليت بلا بيك
عبدو حك راسو ضااحك : واييه مانعستش بكري لبااارح فليل وماقديتش نووض ...
خنساء شافتو كايفرنس وهزات حاجبها عرفاتو بات مقصر مع احلام فالتلفووون ... ميقااات مدورة كماارتهاا معاجبها حااال واخا كاتحاول ماتبينش ولكن شي حاجة لداااخل كتاكل فيها
عبدو وقف حدا رانيا قدام شي كسيوات كايشوف فيهم باعجاب ونطق باستفسار : هادو فيهم ل S ..
رانيا بتفاجئ : اااه كااينة علااااش ؟؟؟
عبدو : بغيت نشريها علاش غانسول متلااا الله يهدييك ...
خنساء خرجات عينيهااا مصدوومة السيد وصلات بيه الدرجة يشري ليها كسوة ومن الفوق عارف طااايتهااا وماشي اي حااجة من احسن الموديلات لي عندهااا ... كاااع لهاد الدرجة طورااات العلااقة بينااتهم ... عضاات على قنوووفتهااا مغددة بحال الاا شي حاجة كانت ديالها وخداوها ليهااا ... شي حاجة من حقهاا ومشااات ليها احساااس غريب انتابها ماعرفاتش تفسرو المهم انهم محاااملاش الوضع لي هما فيه ومعاجبهااش بالمرة
رانيا بتعجب : اهاااااا تشريهااا ... اياااه اسيدي نعطيك الحمرة ولا الزرقة هما لي بقاو ف S
عبدو بتفكير وحيرة واهتماام كبير ظاهر على وجهو : ماعرفتش ... نتي شنو باان ليك ناخد لواحد البنت سميمرة شوية ... اش غايجي معاها ؟
رانياا وسعات ابتسااامتهاااا : ههههههه هاااااي هاااي ... ايوا اسيدي مني هاكا خود الحمرة حسن ...
خنساء مزيرة على يدهاا كاطلع وتهبط بعصبية محاااولة ماتبينش ولكن احساسها غاالب عليها ... سيمو راد معاها لبااال كايشوف ويضحك بلا حتى كلمة ويتفرج عااجبو الفيلم
عبدو : داكووغ ...شحاال داايرة ؟؟ ..
رانيا : هي كادير 300 درهم ولكن ليك نتا ...
باقا ماكملااتهاا قاطعااتها خنسااء بنبرة صااارمة وباينة فيها مقندشة : 300 هي 300 مكاينش ليك ولا ماشي ليك ....
عبدو جاتو الضحكة ومابغااش يبين بقا كايشوف فيها وهي محقدة فيه الشووفة ...
رانيا شافت فيه : رااااك سمعتي البااطرونة شنو قاالت ههههه ...
عبدو : ماشيي خساارة ... ولكن اخنسااء جمعيها ليا فشي بوااطة زويينة على ذووقك ... ( غمزهاا )...
خنساء ميقااات فيه وشداتها من عندو ماباغاش تبين بيلا تحسسات قادااتهاا ليه وهي كاتنكر تحت منهااا .. ومداتها ليه ناطقة بهمس : تلبس فيها شووك نتا وياهااا ... ( تفكرات بيلا تقدر تكون لاحلام وهي تراجع على كلاامها ): اءءء غير نتا اما هي ماعليها والووو ...
عبدو خداهاا مبتااسم وهو حاس بيها كاتغلاا وتشواا من لدااخل ريحة شيااطهاا وصلاااتو وكان سااهل علييه يلاحظ ... نطق مخاطب سيمو : انا غانمشي نكمل داكشي لي بقا باش نحيدو عليا عندي غراض هاد العشية ..
سيمو : واخا الله يسر ...
زاد من تمااا وسيمو ضحك مخاطب رانيا وخنسااء : هادااا باينة طااح فشي وحدة مافيهاااش ...
رانيا بتفاجئ : العجب ولاهيلا صدمني ... شتيه نااشط غايطير بالفرحة . عينيه كايلمعو ماهو غا مراهق تزعط اول مرة فشي درية ...
سيمو بطنز : الحب صعيب وربطة زغبية ...
خنساء تقرسات ودورات وجهها بلاماا تجااوبهم ماعرفاتش شنو وااقع ليها ولات كاتحس بحال شي درية صغيرة حيدو ليها شي حاجة ولفاااتهااا وكانت ديااالها وجا شااركهاا فيها شي حد ... بحال شي وحدة كاانت عندهاا شي حااجة وماعاطيااهاش قيمة حيت ديماا ملكهاا نهاار حسات بيها غاطير منهاا عاد استوعااات عليها وولات كاتبان ليها دياالهاا ومخاص حتى حد يديها ليهاا ..
يتبع...
التعليقات
لا توجد تعليقات بعد، كن أول من يعلق.