بنت السايب الجزء 29

هزاات خنسااء اختبار الحمل مركزة عليه الأنضار كاتفحصو بعينيهاا بدقة...عضات على شفايفها بعدم تصديييق داير يديهاا على فمهاا...أه..طالعين جوج خطوط واضحين فاللون الأحمر على الاختبار..كدليل اكييد ومؤكد على انهاا حاملة وقريباا غادي تولي أم....خرجات من لحمام وهياا مزال هزاه كاتشوفيه مقدراش تبعد انضارها عليه...وصلات لبيتهاا وسدات عليهاا الباب مسندة من موراه...لي لحظة عينيها دمعو،قلبهاا ضرب،وطلعات انفاسهاا بتسارع...حطات يديهاا على كرشهاا بحنان كادوزها بشكل دائري...كانت مشاعرهاا مخلطة وهياا كاتحس بقطعة صغيرة فداخل ديالهاا كاتنمو وكاتستاعد باش تجي لدنيا...

توسعات ابتسامتهاا على ملامحهاا عاودات قربات الاختبار لعند عينيهاا لي كايلمعو بفرح غير مسبوق...

نطقاات بسرور وبصوت متقطع:ح..حااملة...أنااا حاااملة..(زادت زيراات على كرشهاا)اااه حاااملة...يااحليلي غاانولي أم..ههه مقااادرااش نتياق....

تمشات بخطوات سريعة وݣلسات على سرير...مسحاات على وجهاا بسعادة مكرهااتش تغوت بأعلى صوت...احساس جديد مغطوسة فيه منسيهاا كلشي،تفكرات مهدي وبداات كاتخيل ردت فعلو الى سااق لخباار....أكيد الى عرف غاادي يطير بلفرحة..بلخصوص وهو من شحال هادي كايتسنى حملهاا كتر منهااا...متشوق يشوف ولدو ولا بنتو ويعيش اللحضة معااهم...تنهدات وهيا مفكراه بعييد عليهااا...دابا الوضع تغير مابقااتش بوحدهاا...وبزز منهاا خاصهاا تناازل وترجع لمياه لمجريهاا معاه سوى بغات ولا كرهات...

غمضات عينيهاا وأحاسيس مخلطة حاطو بيهاا معرفاتش كيفاش توصفهم سعادة،سرور،شوق وحتاا الخوف من المسؤولية الجديدة لي كاتسناهاا...ولحياة المجهولة لي غاتعيشهاا ملي تصبح أم...

حلاات عينيهااا ورمشات بتتاقل...وابتاسمات بتفاؤل كاتستبشر خير و كادعي الله فخاطرهاا يتمم حملهاا و يكمل كلشي بخير....

جواايه الضهر...عصام كان ݣالس كايتسناا فلغداا يتحط وحداه لعربي ..

نطق بنفاد بنفااد صبر:ويلااه انسرين خفي يديك راه بغيناا نتغدااو مااشي نديرو كسكروط...

نسرين هضرات مرفعة صوتهاا من لكوزينة:وهااني جايا...جوج يدين لي عندي خدامة بيهم تسنااا جرااو عليك...

لعربي:وصافي شوية ويتحط خليهاا ماتزربهااش لاتصدق حارقااه...صبر و نتا جوعك حاار شابه لعمتك ..

عصام هز حاجبو بتساؤل:فيناهياا خنساء بعداا تجي تعاونهااا...معرفتش فين غاااطسة...

لعربي بداا كايعيط ليهاا:خنسااااء وااا خنساااء...

مرت توااني حتااا نزلاات لعندهم مبتاسمة...مستريسياا معرفاات كيفاش تجبد معاهم لموضوع...

شافهاا عصاام وخنزر:تي وااقلة وليناا عارضين عليك...مالك غا حاجبا فديك لبيت يااك لابااس...

ݣلساات وقالت بتوتر كاتفرك صباعهاا مع بعضهم:عندي شي هضرة بغيت نقولهاا ليكم...

عصام وسع نضراتو وضحك بجنب:ههه شنوو صافي عفا الله وهداك ترجعي مع راجلك؟!!

خنساء خداات نفس عميق وزفراتو بمهل...تشجعاات وقالت:احم...هو فصراحة...اناا حااملة..

بجوج بيهم تصدمو...نسرين يلااه كانت جايبا لخبز فسلة...تشوكاات من أخر هضرة سمعاتهااا حطات داكشي لي هازة فوق طبلة وقاالت بعدم تصديييق مخرجة عينيهاا:كيفاااش...عااودي شنوو قلتي؟!!

العربي ترسماات ابتسامة خفيفة على ملاميحو ونطق بنبرة فرحة:وااايلي بصح ابنتي...

رد عليه بإجاب:اييه اباا بصح

وسع ضحكتوو مقدااتو فرحة نطق بسروور:اوى مبروووك عليييك...الله يجعل كلشي مبارك ومسعود...

خنسااء بإمتناان خدودهاا توردو بلحشمة:ربي يخليك ليااا أباااا...

عصام خربق ليهاا على شعرهااا:مبروووك عليييك...ايهاااي على لخوينزة حتاا هياا قالت ليك غادير التريكة هههه

خنساء ضحكات بخجل حادرة راسها حشماانة منهم...نسرين ݣلساات على سداري وقالت بنبرة مخنوقة عينيهاا عمرو بدموع:م..مبرووك علييك...الله يجعلو يتربى فعزكم...

خنساء طلعات فيهاا عينيها حساات بيهاا تأترات خصوصاً انهااا مهووسة بلحمل ومتشوقة ليه...

بتاسماات ليهاا وقالت بلطف:امييين ولعقبة ليك ان شاء الله...

نسرين محساتش حتاا نزلات دمعة من عينيهاا مسحااتهاا دغياا وناااضت طاالعة لبيتهااا شادة على فمهاا بحرقة... عصاام تنهد من حالهااا....بقاات فيه بزاف ومابيدو مايدير ليهااا...

نطق العربي كايشوف فخنسااء بجدية: اوى اداباا اخنيستي مابقاا عندك مااتقولي...غاترجعي لرااجلك..بركة ابنتي من قصوحية الراس الله يرضي عليك...

خنساء بقاات ساكتة وحدرات راسهاا معرفات ماتقول...

عصام:باا عندو الصح...لحمد الله لي رزقك بهاد لحبالة بااش تكوون سبب لرجوعكم...نعلي شيطاان والى مافكرتيش فراسك...فكري فولدك ولا بنتك لي جاين فطريق...شنو دنبهم يبقااو بعيدين على بااهم...

العربي زااد بغاا يقنعهاا:على وجه دااكشي لي فكرشك ديري للماا منين يدوز.... اوى اشقلتي؟!!صاافي مواافقة...

خنساء تنهدات وشافت فيهم بتفكير...فعلا جاتهاا هضرتهم على صوااب...داباا مابقاتش بوحدهاا...وفسبيل الحمل الجديد لي تنعمات بيه...ضروري من تضحياات وتناازلاات...

سكتات تواني و نطقات بموافقة:صاافي واخاا...يكوون خيير...

العربي زاااد فرح...قرب لعندهاا وطبع قبلة على جنب جبهتهاا:الله يرضي عليك ابنتي ويسر ليك مع رااجلك...

جاوبتو برجاء: أمين ياربي..

العربي دور يديه على كتفهاا بحنان:شتيي غيير بالصبر كلشي كايفووت...نتي تصبري من جيهتك وهو من جيهتو وهادا هو الزوااج...غاتعيشو فيه الخايب وغاتعيشو فيه الزوين....وندير ليك واحد لقضية فباالك...راه حتااا واحد فهاد الدنيا مكامل...وحتاا زيين مخطاتو لولة...واناا ابنتي بغيت نشوفك مكبرة وليداتك مع راجلك مااشي بعيدة عليه

بتاسمات ليه بحنان تحدرات على يدو بايساهاا وقالت:ان شاء الله اباا ماايكوون غاا خاطرك...والله يطول عمرك حتاا تشوفهم كايكبرو قداام عينيك...ولاادي و ولاد عصام...

العربي برجاء:يااربي امين الله يفرحهم حتاا هماا(شااف فعصاام وقال بصوت هادئ )طلع اولدي عند مراتك...و قوليهااا الى ربي كان مكتب ليك شي حاجه راك غاتشوفيهاا حتا نتي...ونزلهاا تغداا معانا....

نسرين ملي طلعاات وهياا ممددة على سرير دافنة راسهاا فوسط مخدتهاا كااتبكي وتشهق...حل عصام لبااب ولقاها على داك لحاال...شااف فيهاا بشفقة متحسر على حالهاا

قرب لعندهاا ونطق محااول ينوضهاا من بلاصتهاا:نسريين...وصاافي بركة...دابا غابغيت نفهم هاد لبكااا لاااش؟(سااط ملي شاافهاا زاادت فوتيرة البكااء مباغاش تستاجب)اووووه بلااا ماتعصبيني تااني ونووضي حبسي من لبكاا...

جرهااا من يديهااا بجهد حتاا نااضت وتلاحت عليه معنقااه كااتبكي على كتفوو:اهئ اهئ...علااش اناا معنديش الزهر علااش...علااش حتااا انا مانفرحش بولدي ولاا بنتي أهئ أهئ...كااع لي لمزوجاات لي كانعرف كايتمتعو مع ولادهم الى انا بوحدي(كملاات بنحييب)حتاا لإمتاا غاانبقاا هاكاا كانشوف نااس كاايجيو من موراياا ويحملو وانااا لااا...عييت اعصاام والله حتاا عييت...

سكت مخلييهاا تفرغ داكشي لي فداخل ديالهاا...حاافضهاا وعارفهااا كاترتااح غيير بلبكاا...

دوز يديه على ضهرهاا وقال بخفووت:داباا شنو بغيتي؟!!

نسرين بنبرة مرتاافعة:بغييت نكون أم..بغييت نسمع كلمة "ماما" خاارجة من واحد صغير كايعيط بيهاا ويترمى فحضني أهئ أهئ...بغييت لولاااد...

بعدهاا عليه بشوية..حط يديه على حنكهاا كايمسح دموعهاا بصباعو بلطف وقاال:ولكن الله مابغاهمش ليناا...واش غاانعصيو قدرو؟؟!..نهاار لي غايكتااب رااك غااتحملي...الله يهديك بلا ماتبقااي تبكي بحال شي درية صغير كاتشوف لعبة عند صحباتهاا وهياا معندهااش...نتي معندك ماديري...وزيدون ياك متبعاا الدوى...صبري شوية وماتقنطيش...

نسرين حيدات يديه من على حنكهاا وطبعاات قبلة وسطهاا...شهقاات بحرقة وصدرهاا كايطلع وينزل ناطقة بتنخصيص : سمحلياا أعصاام...سمحلياا لحقااش خمس سنين قربات دوز من زواجناا واناا مقدرتش نفرحك بشي وليد ولا بنيتة...سمحلياا عفااك...

عصاام بتشنج:ستغفري لمووولاك انسريين...وااش نتي لي مقدرتيش تفرحيني بشي ولد ولا بنت ولاا قدر الله هو لي كايتصرف؟!...نعلي عليك الشيطان...حناا بجووج مابيديناا واالو....كلشي بيد مولاناا...ونهاار لي يكتااب راه غادي نفرحو..الى مكاانش مكتااب معندناا مانديروو...

طلعاات عينييهاا لسماا وقاالت برجاء شديد :ياااربي تفرحني...يااربي كيفماا عطيتي لغيري عطيني حتاا انا وماتخلينيش محروومة...

مسح عصام على كتفهاا كايسايس معاهاا...عارف ان ماشي ساهل عليهاا تقبل الوضع...بحال كيفما قابلو هوا

بتاسم بتفاؤل وقال:وصاافي حبسي من لبكااا...ونوضي غسلي وجهك بااش نزلو نتغدااو..رااه كايتسنااونااا...

نااضت نسرين كاتمسح فوجهاا ومشاات تغسلو...غادة وتنخصص فطريق....ماتنكرش اناا قلبهاا كايتقطع ملي كاتسمع بحمل جديد تاع شي وحدة.. وكاتمنى تكوون فبلاصتهااا وتجرب دااك لإحسااس لي متشوقة ليه بلااقياااس...كاضل الدعي الله بإلحاح بااش حتاا هياا تجرب إحساس الأمومة شي نهاار...و مزاال عندهاا امل فانو يتحقق...

كاان مهدي ممدد على سرير...مخنووق وحالتو حاالة... حاس بناار شاعلة فيه معارف كيف يطفيهااا...خنساء هاد لمرى ندمااتو مزيان على فعلتو معاهاا...وعطاتو درس عمرو ينسااه...مكانش يسحااب ليه غاتوصل بيهم الأمور لهاد لحد...عيااا معاهاا وهياا محجرة قلبهاا عليه فخطرة معاطياهش لحق حتاا يعتاادر ليهاا...مسح على وجهو وتعابير حزينة طاغية على ملاميحو...فيقو من سهوتو صوت تيل كايصوني...شاف شكون لي معيط..كانت ملاك لي متاصلة...

دوز لابيل ونطق بعيااء:وي ملااك...

ملاك وسعااات ابتسامتها قلبهاا الضرب ملي جاوبهاا...دارت غير محاولة وصدقاات

نطقاات بنبرة صوت خفيفة:اهلا مهدي لاباس عليك...

مهدي:لحمد الله...ياك لاباس واقع شي بروبليم فلكافي ؟!!

ملااك بنفي:لاا لاا مواقع والو لأمور كلهاا على مايرام بحالا نتاا كااين...

جاوبها بإجاز:اوكي مزيان...

ملااك ترددات فلول...شوية وهياا تزعم ناطقة بفضول:يااك لابااس أمهدي...انا عارفة مامنحقيش نسول وتقدر تقمعني ݣاع مي ماشي مشكل...ولكن غيابك طول بزااف على القهوة... مامولفاش ليك...واش عندك شي مشكل؟!!

مهدي تنهد بعمق وجاوبهاا بإحبااط:هاني قلت ليك عندي مشكل ولا ماعنديش...بااش غايفيدك ؟

ردت هاتفة بإصرار ناطقة بصوت عدب:نتاا لي غايفيدك...حيت غادي تفرغ علياا قلبك...ومن بعد غاترتااح...تيق بياا غاترتااح...

المهدي مسح على وجهوو فعلا كان محتاج فداك لوقت لي يسمع ليه...حاس براسو باغي يدوي معاها...

نطق بنبرة يأس:تجمعو علياا من ݣااع الجواايه..هادي تلوحني لهادي...نعااس مابقيتش كانشوفو...غير ياربي تحلهاا وصافي أماا تقهرت....

ملااك بتسمات ملي بان ليهاا باغي يهضر ومامنعهااش ولا قطع عليهاا...

قالت برقة ونبرة فيهاا ليونة باغاا دوبو:شوف امهدي...ايااا مشكل تعرض ليناا فلحياة...فرااه عندو حل... وطال الزمان ولا قصار غاادي يدوز...خاص غاشوية الصبر وصافي...(تحنحات قبل ماتنطق كاتساؤل بهتمام)احم...واش شي مشكل مع خنساء يااك؟؟

المهدي زفر بضيق بلا مايهضر...زادت ترسمات ابتسامة خبيتة على ملاميحهااا ملي تأكدات انهم منوضينهاا وللاوضاع بيناتهم متوترة وعلى المحك....

عضات جنب شفايفها ونطقات بتحلوين:بعض المرات مكانكونوش عارفين بقيمة لحاجة حتاا كاتحيد من بين يديناا... وخنساء الله يهديهاا..واحد بحالك امهدي يتوزن بدهب وصعيب يتلقاا فهاد الزمان...حيت بحاالو قلال وقلال بزااف...

المهدي دوز يديه على جبهتو وماحسش حتاا بتاسم وقال: اوى الله يجيب لي يقول الحق...

ملاك قلبهاا فرفر ضحكات وقالت: ههه اوى صراحة تقال...واحد كامل مكمول بحالك...همة وشان مافيه مايتعااب...انا واخاا يخلق معايا لمشكل نردو فيااا ومانتجاحدش ولا نتخاسم معااه...وخااا يوقع لي يوقع ويكون هو لي غاالط مانديرهااش....

المهدي طلعاات ليه شوية المورال غير بلهضرة...سيد تحل وولى واخد رااحتو فلابيل لي خلاتو مهدن نااسي همومو بشكل عجيب...

سكت توااني قبل ماينطق متساؤل :ملاك بغيت نسولك....

ردت عليه بإجاب:وي سول مرحبا...

مهدي بهدووء:عندك شي واحد فحياتك؟!!

ملااك رمشاات بفرحة من سؤال...قربات ضرسة لعقل تبان ليهاا من الضحكة لي رسمااتهاا...لواات خصلة على صبعهااا

وقالت بنبرة رقيقة قلبها كايفرفر:مممم...كايهمك تعرف..؟!!

يلااه كان غايجاوبهاا وهو يقفو صوت ميساج واصل فلوتسااب...بعد تيليفون من ودنو.... غير شااف ميسااج من خنسااء وهو يخرج عينيه مقااد فݣلستو...دغياا قطع على ملااك مابقااش مسوق ليهاا...و بزربة طااير دخل لعند خنساء يشوف شنو مصيفطاا...

وسع نضراتو ورجعهم على حدهوم و هو كايشوف فتصويرة قدام عينو كاتخص الصبيبيط صغير تاع بيبي...بدا كايكبر فيهاا بصبااعو لي بدااو كايترعو...تلف وقلبو ضرب بشدة...مامتيقش داكشي لي كايشوف...فرك عينيه بقوة كايضن انو فحلم...بلا مايفكر جوج تلخطراات وهو يدوز لابيل لخنساء لي كانت ݣالسة فوق سرير كاتبتاسم وكاتسناا لإتصاال دياالو...

بانت ليهاا لابيل وهياا تجاوب بهدوء:ألووو...

مهدي بتلعتم معاارف ماايقول:خ..خنسااء...تصويرة..صبااط..لبيبي..شهااادشي مسيفطة رااني بحالا تصرفقت....

خنساء ضحكات بجنب:ههه غاابشوية عليك ونتاا شاداك التلفة غاابحدك...

مهدي:شنوو هاادشي لي مصيفطة مافهمتش؟!!...

خنساء تسندات ضهراها على لمخدة عاجبهاا تخليه تالف وتلعب ليه أعصابو:ممم متأكد مافهمتيش...غير شوف وكاان...

مهدي نااض وقف وحلقو نشف نطق كايطلب فيهاا بشدة:عفاااك لمييمة إماا دقة دقة عليااا رااني تلفت...نتي عاارفة هااد لأيام داازو علياا كحليين وربي بوحدو لي عالم بحاالي...مابقاا عندي فين نزييد...ياكماا كاتفلااي ولا كاضحكي علياا وبااغا تلعبي بياا باش تزيدي تجعرينيي...

خنساء جاب ليهاا الضحك بلمعقوول حبساتهاا غير بزز...

ردت عليه بزعاف مصطنع:منيتك كاتدوي...موضوع بحال هادا كايضحكو فيه نااس...(سكتات تواني رسماات ابتسامة مشرقة على ملاميحهاا ونطقات بنبرة خلااتو مشوكي بصدمة) ااه بصح...اناا حاملة أمهدي...ومابقاا ليناا بااش نشوفو ولدناا...غير تسع شهور وماكملااش ههه

مهدي شهق بعدم تصديييق وغوووت وسط التيل على حر جهدو:لاااااااا مااايمكنش نتي حااااملة...أااااه ياااربي واااش كاانحلم....

هبط ساااجد للأرض كاايحمد الله وكاايشكروو...فرحاااان مقاادرش يوصف شعورووو فدييك اللحضة بحالا لقااا شي كنز غاالي وتمييين...

عااود غووت بأعلى صوتوو مقادرش يدخل النفس:ماتخااايلييش...(عااود لتااقط انفاااسوو بصعووبة وكمل بلهفة سدرو كاايطلع وينزل ووجهو رجع حمررر)اوووف.....ماااتخيلييش احياااتي فرحتي قدااااش....دنياااا صغااارت بياااا بكترة الفرحة....(نقز على طولتووو كاايضحك)الحمد الله...الحمد الله...

خنساء سمعاات تدرديف دياالو:اناااري بشوية عليك أصݣع ...

نادية طلعاات كاتجري لعندو مخلوعة رجليهاا فشلوو عليهااا ...كانت كالسة متكية فلبيت لتحت سمعات لغوات معرفات باش تبلات...حلاات لباب وقرباات لعندو بخطواات سريعة لقااتو مزال شااد التيل كايمشي ويجي فلبيت فحالة هيستيرية...

قربات لعندو وشداات فيه بيديهاا بجووج محااولة تهدنو:بسم الله عليك اولدي بسم الله علييك...

مهدي بلهفة تلاااح علييهااا معنقهاا شوية ويطيحهاا للأرض... نطق كاايهضر بزربة: حاااملة اناادية والله حتا حاااملة.... خنسااااء حااملة...

نااادية خرجات عينيهاا بدهشة:نعاام...ك...كيفااش حااملة...شكوون قاالهاا ليك؟!!

مهدي بعد عليهاا وقاال كايشير ليهاا لتيل:هاااهياا مزااالة معاياا فتيليفون...هياا لي قاالتهاا هيااا

خدااتو من عندو دغياا ونطقات مخااطبهاا: خنساء بنتي لابااس...وااش بصح هاادشي لي سمعت...

خنساء بإبتساامة:ااه عندوو الصح...قريب غادي يجيك حفيد ان شاء الله...

نادية وسعاات ضحكتهاا بسعاادة ونطقات بإمتناان كبيير:مبرووك علييك احبيبة فرحتيني بزاااف

خطف ليهاا المهدي التيل ونطق بلغواات:شتييي ليوووم نهااارك...فلعشية هااني عندك نجي نرجعك....وجدي راسك...

خنسااء خرجات عينيهاا وردت عليه كاتغوت:اويلي حماااقيتي...تاا كيفااش فليل غاترجعني...برد فيك دم ونتاا حاامي...

جااوبهااا بإصراار شديد:وبحلوووفي ماغنخلييك غاانجي هيااا غاانجيي...مايمكنش تبااتي نتي وولدي فبلاصة من غير داارك وبعيدة علياا...وتقوووولي..

خنساء ضحكاات:ههه الى بغيتي تجي جي...ولكن اناا لي عاارفة فقااش نرجع...

سالات معاه الاتصال فرحانة برجوعهم مرى أخرى...دغياا دوزاات لخط عالما نصيرة بخبر حملهاا وطالباهااا بااش تاخد نهار من خدمتهاا وتجي تعاونهاا يوجدو ليهم لعشاا...

وصل اليل... خنساء كاانت فبيتهاا كادير أخر اللمسات قداام لمراية...لابسة قفطان جوهرة فصومو محزمااه....و بمكياجهاا الخفيف هاد المرة مع عكر وردي باش برزاات ملاميحهاا وليلونتي فلݣري مكتفة رموشهاا بماسكاارة زادهم طول على طول...السر ديال لحماالة طاايح عليهاا مخليهاا منورة فديك اليلة...

طلقاات شعرهااا على طولتو لاوية خصلاتو لتحتانيين بلبابيليز... مكتافية فلأكسيسوارات بحلقاات دهبية فودنهاا وخاتم زواجهاااا مع ݣورميط فليد....

نطقاات رانيا بإعجاب:ايهااي...والله يااختي حتاا وتااتك لحبالة...

نصيرة كانت حداهم كاتكحل فعينيهاا سمعاتهااا وطلعات فيهاا لحااجب:خمسة ولخمااامس ولحرمل فلكمااامس...قولي تبارك الله ابينتي راه عااد بداات...

رانيا:هههه غااتهنااي عيني محارااش ماتخافيشااي ...ان شاء الله يكمل كلشي بخير...

طلعات عندهم نسرين وقالت بنزعااج:نصيرة اجي شوفي هااد الدجاج راه طااب خفت لا نقلبو يصدق مفرتت لياا...

نصيرة خنزرات فيهاا:تي غااقولي لياا ملي كاانو لبناات كايتعلمو الطياااب نتي فين كنتي خاامرة وواش كنتي كاديري؟؟!...وزعمااا علمتك كيف ديري ليه ماهياا مرة ماهياا جووج...والو عقلك حجرة فطيااب...

نسرين سااطت:شلااضة لي قطعاات خنساء راني قاديتها فطبسيل شي لاخر تكلفي بيه وخليني نمشي نبدل عليااا راه نااس قربو يجيو...(شافت فخنساء وقالت برجااء) عفااك عطيني داك لعكر ديالك لي فلبوردو بغيت نديرو ومعاك حتا ديك لبلاك...

خنساء حركات راسهاا و هزااتهم عطااتهم ليهاا...

نطقاات نصيرة ميقة فيهم:داكشي فاش فاالحين...غير الزوااق تشمتو بيه لواحد...اماا شي حاجة اخرى الله يجيب...

ردات عليهاا نسرين غادة خاارجة مبغااش تجاحدهااا:الدجاااج غايتحرق انصيرة...وبقااي مقاابلة لهضرة...

مشاات لبيتهاا توجد راسهاا وخنساء تأففات:معرفت ماالو على هااد الزربة أصلاا...كوون غير يبقااا حتاا لغداا ويجي ولا حتاا لبعدو ݣااع...(زادت عوجات شفايفهاا بشكل طفولي مخفضة صوتهاا)ماافيااا لي يشووفو ليوم...

نصيرة تنهدات شادة على راسهاا:الله يابنت خوياا وحسن عوان هااد الراجل معااك وكيف غايدوز هااد تسع الشهوور...ولحمل جااك علييه...ليه الله مسكين

رانيا ضحكاات:هههه يصبر وخاا بان لياا غاتبيتو خنساء فزنقة...ماافيهااش هههه....غااادوز عليه بلمعقوول...

نصيرة قداات زيفهاا...ݣفضات وهبطاات تكمل توجااد لعشااا...بقاات رانياا مع خنساء فلبيت كايهضروو...شوية وهو يتسمع صوت اللوطو كإشاارة بلي وصلوو....

راانياا طاارت لعند الشرجم ونطقات كاتضحك:هااا سي سيد دياالك وصل...

خنساء قربات لشرجم وطلاات...كانو يلاه نزلو...مهدي كاان هااز بوكي تلورد فيد...وفليد لاخرى هاااز سااشي فلبلوماغين...لابس كوستيم فنوااغ ومطراسي اللحية داير بلحالة تقول جااي يخطب...

دقات نادية...و قربات لعندو سارة ونطقات بطنز كاتدوي بشوية عند ودنو:وأخيراً ماركيتي لبيت...هههه فليسيطاسيو...

مهدي غوبش فيهاا:شتك مابقااوش عندك لفرانات...كوني تحشمي...

سارة بدات كاتقاد ليه فلكول تاع لقاميجة:ههه وغير كانضحك معااك...ماالك تعقدتي...

ناادية قالت بتساؤل:اشكا توشوشو تم نتوما بجوج؟!!مالكم...

مهدي:لا وااا..(سكت ممكملهااش وهو مطلع عينو على شرجم باانت ليه خنساء كاطل....وشعرهاا مرمي على وجهاا لي منور فديك اليلة...بقااا سااهي مقادرش يبعد انضارو عليهااا...كايشوف فيها بعشق....وحتاا هيا كاتبادلو نفس النضراات ...هاد لمدة لي غاابت عليه كانت بنسبة ليه مدة طويييلة بزااف مقدرش نهاائيا يستحملهاا...كل نهاار كايدوز وهو بعيد عليهاا كايزيد يتخنق كتر وكتر...بقااا مطلع عينوو مطول الشوفة حتاا فيقو عصاام كايعيط ليه)

عصاام:واامهدي سبحاان الله غااتبقااا فلباااب...

مهدي عاااد ستعقل وضربتو لفيقة..معرف امتا حلو لباب ولا امتاا دخلو وخلااوه... خنساء خدااات ليه عقلوو كااامل...وتلفااتو على لقبلة...سااحرااه وسالبااه بمعنى الكلمة....

دخلو لدااار وسلموو عليهم...كانو فرحاانين بزااف بمجيتهم...وفرحتهم لكبيرة كانت برجوع المياه لمجريهاا وبحمل خنساء لي كان سبب فرجوعهم مرى اخرى...

دخلو لبيت وݣلسو كايهضرو مع بعضيااتهم لعربي يدور يدور ويرحب بيهم معاارف فين يحطهم....مرت دقائق احتاا نزلاات عندهم خنساء مبتاسمة...شافهاا مهدي وهو يفيكسي عينيه عليهاا...كان مشتاق لضحكتهاا بلااقياااس...بلخصوص انها كانت باينة فيهاا مرتاحة والسعادة زادت زيناات ملاميحهاا بشكل واضح...وعاد بانت فداك لقفيطين كاتشقشق...

سلماات عليهم ونادية وساارة باركو ليهاا الحمل ودعاو معاهاا تمر الأمور على خير وبخير...

قرباات وݣلسات حداا نادية لي شدات ليهاا فيديهاا وقالت:اوى لحمد الله لي تصلحاات الأموور بيناتكم....

نطق لعربي بابتسامة:الحمد الله...ونطلبو سيدي ربي ميعااودش يدخل الشيطان بينااتهم...

المهدي بإقتنااع:غيير تهنى أبا العربي...هااد لمخاسمة داارت لياا لعقل...معمرني بااقي نفرط فمرتي ولا نخسر ليهاا واخاا يوقع لي يوقع...

نطقاات نصيرة بإمتناان:اوى نشكرو الله ملي غير تصلحو الخوااطر...وهادي دير ليكم لعقل...لخساام راه غير كايرهق...مافيه فاايدة...

نادية: هادكشي لي كااين...(خاطباات المهدي بابتسامة) احم...ويلاه امهدي عطي لمرتك لكادو لي جبتي ليهااا...

المهدى بتاسم ونااض لعندهاا...هاز الساشي فيديه...قرب وجبد منهاا بواطة فنفس لون الساشي...حلهاا كان فيهاا كولي الرقيق انييق وراااقي فالفضي مرصع بلحجر ومغلف بدهب لبيض شاريه خصيصا لصلح...عارف نقطة ضعفهااا شنو هيااا... خنساء غير شاافتو وعينيهاا لمعو بسعادة خفية عاااجبهاا ...فرحاات بيه فرحة قداااش حاسة برااسهاا طااايرة....ناضت وقفات مقابلة معااه...رجعاات شعرهاا لجنب...حيد مهدي الكولي من البوواطة دارت عاطياه بضهر وركبو ليهاا برقة على عنقهاا...سالا وباس على راسهاا...تحت أنضار العاائلة لي فرحاانين ليهم بزااف ولعيالات كايصليو على نبي...وكاايدعيو معاهم بااش تجعلهاا أخر مخااسمة بيناتهم...

تعشااو مع بعضيااتهم وسالااو...وصل لوقت بااش يمشيو ولكن خنسااء مكانت جامعة حوايجها وماموجدة ماواالو...طلبات منو حتاا لغد ليه وتمشي معااه...بزز بااش خلاهاا تزيد ليلة أخرى معاهم...وداير حتاا بوجه نادية لي طلباتو وقالت ليه مافيهاا بااس تخليهاا حتاا توجد راسهااا فخاطرهاا...تسنيتي هااد لوقت كامل ماشي مشكل الى زدتي تسنيتي حتاا لصبااح وجي تديهااا...ستااجب ودعوهوم ومشاااو...كايحس المهدي برااسو رتاااح مرة أخرى...مواعد نفسو بلي غاايبدل طبيعتووو معاهاا...وغااينقص من لغيرة الزايدة لي كانت غاتكون سباب بااش يخسرهاا نهائيا....وغاايحاافظ عليهاا وميعاودش يدخل معاها فشي مخاسمة مرى أخرى...

صبح صبااح جديد...عتيقة واقفة قدام باب دار دحياة كاتهضر معاهاا...

قالت كاضحك:يااختي كاتفرقناا غير زنقة وحدة ويااربي السلامة مكانتشااوفو على شحاال...

حياة:وهاانتي تشوفي...هم الدنياا مكايسليش الله يستر...نهاار كايدوز غير فسير هناا جي من هناا...

عتيقة برجاء:اوى الله يخلي همهاا فيهاا...

حياة:شحاال من مرى دزت لمحال تقديت منو ولكن مكانلقااكش...كانلقاا غاا رانياا..

عتيقة:ااه دابا ملي تعلماات وليت كانخليهاا ونخرج .. مهنية شوية على المحاال ماشي بحال قبل...

جوباتهاا كاتضحك:هههه وبعدااا هداهاا ليك الله بغاات تعاونك وعقلهاا بغاا ديك الحرفة..اماا بناات ليووم صبرهم قليل كلشي تلهى مع تيليفون مبقااو بغااو يديرو واالوو...

عتيقة:وختي بعداا لحمد الله هااديهاا الله هااد الساعة معمرهاا تشكات لي كانقوليهاا ديريه تديرو...اصلاا رانياا مرضية عندي ماتخسرش لياا لخااطر...بغيت ربي يفرحهاا بشي ولد نااس ونشوف وليدااتهاا يااربي...

حياة برجاء:اميين الله يفرحهاا ليك أختي...

عتيقة نطقاات بهمس:حقااا مقلتش ليك أخر لأخباار...

حياة قربات لعندهاا وصغرات عينيهاا:الله يسمعناا خير...

ردت عليهاا بتحدير:ولكن ياا حيااة عندااك تخرجيهاا من فمك... واايااك تقوليهاا لشي حد فدرب

حياة غوبشاات بملاميحهاا:اعود بالله...عمرك سمعتي هضرتك فشي بلاصة؟؟!غير دوي شنو؟؟!

عتيقة:قالت لياا بنتي بلي بنت السايب حاااملة...

أخر هضرة قالتهاا عتيقة جات نيشان فودن عبدو لي كان نازل مع الدروج خارج يتسخر...وقف فبلااصتو جاامد و مشوكي من شنو سمع...بالع ريقوو بحرقة حااس بغصة مريرة فحلقو...عض على شفايفو بقسوة وهو كايقاوم داك الشعور لي كايتسلل لقلبو وكايهاجمو فكل مرة كايشوفهاا فيه ولاا كايسمع عليهاا شي خباار...

رسم ابتسامة ميتة على ملاميحو الجامدة ونطق مخاطب نفسو بكتوم كايحاول يصبر راسو:هياا دابا عايشة حياتهاا مع راجلهاا وقريب غايفرحو بولدهم...(كمل بنبرة أمرة)دابا خاصك تنساهاا أعبدو...بزز منك خاااصك تنسهاا وخاا مابغيتيش...

كملاات عتيقة لاوية على شفايفهاا:وعرفتهاا حاملة غير من عند رانيا...أمااا نصيرة تلاقيت معاها غير لبارح بليل..مقالت لياا واالو ضاربة الطم...ساترين لقضية مباغين يسيق حد لخباار حتاا يتبت مزياان خاايفين لايوقع ليهاا ماوقع لنسرين...غير حملاات كلشي عرف وصدقات ݣااع مفرحانة بيه...

حياة :اودى الى كان ولد دنياا مغادي فين وخاا يقولوهاا لمعرفت شكوون...لحااصول الله يتبت لغرس...

نزل عبدوو بااش يخرج فحالو...سلم على عتيقة ومشاا مكمل طريقو لمخبازة...مع الدخلة لي دخلهاا وهياا تباان ليه خنساء واقفة كاتقداا للفطور....تنهد بعمق مطول فيهاا الشوفة بتحسر كبييير...ضاغط على قبضة يديه...حااس بجوهرة غاالية كانت فيديه ضيعهااا وعطاهاا بدم باارد لواحد اخر كايتمتع بيهاا قدام عينيه وهو مقادر يدير واالو بحالا مربوط...معرف بقيمتهاا حتاا فاات لفووت...

تقدم عبدو لجيهتهاا ووقف وراهاا...خداا نفس معمق مستنشق عطرهاا معمر بيه صدرو...عااد نطق بهدوء:سلااام...

خنساء سمعاات صوتو وتبلوكاات...دارت عندو بتتاقل وبملامج جاامدة مكاتحمل حتا تعبير...طلعااتو ونزلاتو وقالت بإجاز:وعليكم السلام...

عبدو عرفهاا مغادويش معااه أو بلأحرى مباغاش لا تشوفو ولا يدويهااا من لأساس...بتاسم بخفوت وقال:لاباس عليك اخنساء...امورك هانية؟؟!

سكتتات تواني مخرجة نفسهاا بصوت مسموع...وردت عليه ممكتراش معاه لهضرة:هاد ساعة لحمد الله...

بزربة دارت خدات لخبز ولبتيبان شوكولا...خلصاات وزادت يلاه غاتكمل طريقهاا وهياا توقف...مفكرة هضرة رانياا وداكشي لي قالت ليهاا عليه...هو مابغاا ليهاا غالخير وحدرهاا من خطر داير بيهاا ومهددهااا....

دارت عندو ونطقاتءءء...عبدوو...

طلع فيهاا لعين بزربة وقال قلبو كايضرب: نعاام؟!!

يلاه كانت باغة تشكرو على شنو دار معاهاا...وهياا تراجع فلبلاصة مفكرة فعلتو معاهااا...وقالت مع راسهاا

"علاش نشكرو بسلامة...هادي أقل حاجة يقدر يديرهاا معاياا من بعد داكشي لي دارو فياا"

نطقاات دغيااا مهربة عينيهاا عليه:لا صافي واالو...

لاحت ليه هاد لكلماات لقليلة وكملات على خطاويهاا فتجااه دارهم...عبدو بقاا متبع ليهاا لعين حتااا ختافات على أنضارو...فهمهاا بلي بغاات تشكرو وتراجعاات...

حرك راسو بلاحول: خنساء يا خنساء...عمرك تبدلي(سكت شوية قبل مايكمل وهو مبتاسم بجنب) أ لخنيفيسة...

وصلاات لعشية مع فات الضهر بشوية... خنساء كانت كاتسد فشانطاا ديالها من بعد ماجمعات حوايجها كاملين وتأكدات انهاا مانساات واالو.... دقائق حتاا وصل مهدي لعندهاا ووقف كايتسناا فيهاا فلوطو تاعو تخرج لعندو..ودعاات عائلتهاا واحد واحد...ووصلوها حتاا لعند الباب...مهدي سلم عليهم هز الشانطة تاعهاا دخلهاا للوطو...ركباات معااه...ديماارة وزااد...

غير بعدو شوية على داار وهو يشد فيديهاا ونطق مقاداه فرحة برجوعهاا:ياااك انااا مكنحلمش...نتي رجعتي لياا مرى أخرى...ياااك...

خنساء ضحكاات:هههه لا لا غارتااح راك فايق و مكاتحلمش...اناا معااك دابااا...

مهدى حيد نضراتو الشمسيه شاف فطريق وهز يديها وطبع قبلة عليهاا برقة:كاانوااعدك معمرنيي مزاال نخليك تبعدي علياا حتااا دقيقة..واخاا يوقع لي يوقع... مستحيل ندير شي حاجة لي تقلقك ولا تخليك تمشي وتخليني مرى أخرى...

خنساء بتاسماات ليه بلا ماترد بحتاا كلمة...كمل مهدي بنفس النبرة كايشوف فطريق:ماتقدريش التخيلي هاد الاياام لي مشيتي فيهم علياا داازو أطول اياام فحيااتي ومكفسيييين...حتى حاجة مبقات عندهاا معنى بنسبة لياا..كلشي مشاا معااك اخنسااء...بحالا ملي جيتي لداركم خديتي كلشي...(شاف فيهاا وقاال بتنهد) فغيابك رجعت دات بلا روح...وقلب نبضبو مكايتسمعش...

خنساء زيرات على يديه:وهاادي دير ليك لعقل لمرى أخرى...وتعرف بلي لصبري حدود...اييه غانبقااا مستحملااك ومستحملة طبعك واحد لمدة...ولكن من بعد مبقيتش غاانقدر...واخااا نحااول ونقااوم...تيق بياا مغانقدرش...

مهدي : خنساء راني تبدلت...هاد لمخاسمة خلاتني نراجع شحال من حاجة فياا...(بابتسامة شاف فيهاا بنضرات عاشقة و كمل)كانقولهاا وكانعااودهاا...نتي كلشي فحيااتي...نتي هيااا لهوى لي كانتنفس...قلبي كايضرب بحبو ليك...وحياتي معندهاا معنى بلى بيييك...ومكاتسوى عندي وااالو...(رجع باس على يديهاا بشوق)الله يخليك ليا أعمري...

ردت عليه بإبتسامة وبنبرة رجاء:أميين...ويخليك لياا حتاا نتااا...

مهدي رجع لبس نضاضرو زاد شوية فسرعة ونطق مكمل على طريقو: كااينة وااحد لمفاجئة كاتسناك فداار...وانااا متأكد غااتعجبك...

خنساء بحمااس:شنووو هياااا؟!!

رد عليها كايضحك: ههه اوى الى قلتهااا مابقااتش غاتكون مفاجئة...صبري مابقاا والو ونوصلو...

سكتاات خنساء ولفضول متسلل ليهااا معرفات شنو يكون موجد...كملو على

طريقهم ومهدي طريق كولو وهو يمدح فيها ويعتادر ويواعدهاا بلي لأمور غاتحسن بيناتهم وغاتكون أخر مخااسمة غايدوز منهااا...

وصلو لداار لقاات ناادية كاتسناا فيهم باش تحط لغداا ياكلو مجموعين...سلماات عليهاا ومهدي شد فيديهاا مطلعهاا لبيتهم....

وصل لقدام بابو لي كان مسدود وقال:غمضي عينيك بعداا عااد نحل..

خنسااء دارت ليه خاطرو وحطات يديهاا على عينيهاا كتبتاسم... مهدي حل لبااب وبقاا غادي بيهاا بحدر بااش ماطيحش...

مهدي مبتااسم:يلااه حليهم داباا..

مع حلاتهم وهيااا توسع نضراتهاا بندهاش...دارت يديها بجوج على فمهاا وعينيهاا كايلمعوو بإعجاب كبير من داكشي لي كاتشوف قدامهاا...كان مستف على سريرهم بلكااامل حويجاات تاع لبيبي بالوانهم الهاااادية لي كاتفتح النفس..وعااد لألعااب منتاشرين فلبيت كاامل...فرحاات بيهم قدااش تأترااات ومحسااتش حتااا عينيهاا غرغرو بدمووع....مهدي بتااسم ليهاا بحناان وقف وراهاا قرب لعندهاا لوى يديه عليهاا كايتحسس كرشهااا...وطبع قبلة ورى عنقهااا

نطق هاامس عند ودنهاا:كيف جااتك لمفاجئة...؟؟!

خنساء دارت عندو ودوراات يديهاا على كتاافو ونطقات كاتبتااسم وتشوف فيه بحب:كاايحمقووو...عجبووني بزاااف..بزااااااف...

بعداات شوية عليه وتمشات بخطواات قليلة مقربة لسرير...هزات واحد لبيسة صغيرة تاع تريبية وقالت كاتضحك:ويتي ويتي شحاال غزيولين....دااباا ولدناا غاايكون هااكاا هههه....

رجعااتهاا لبلاصتهااا ودارت لعندوو معنقااه بحرارة وهو مدوز يديه ورى ضهرهاا مزير عليهااا...بعدات عليه وبااقي سدرهاا ملاصق معااه...نزل عينيه لشفايفهاا كان متشوق يدوق طعمهم لي توحشو...ونزل عندهم فلبلاصة ملتاهمهم و منغامس معاهااا فقبلة مطولة تخالطو فيهااا انفاسهم بجوج كلهاا شووق كاينسيو بيهاا داكشي لي دااز...فرحاانين ببعضيااتهم مرى أخرى....

لعشية تعشاات وضلام خيم على لمدينة...كانت نسرين يلاه جمعاات الروينة فاش كلااو...حطات لماعن فلكوزينة حتاا ترجع ليهم من بعد مافيهاا لي يغسلهم...وداازت لبيتهاا...يلاه قربات لبيت وهياا تقل خطاويهاا كاتسمع بهتماام لعصاام كايدوي بشوية فتيليفون ورااد الباب مسادوش...دارت بعض لخصلات ورى ودنهااا وطلقااتهاا كاتصنت عليه...

عصام هاتف بهدوء مخفض صوتو:اييه أخوياا بغيتهاا لدو بيخصون..وي كيك بلجينواز ماشي ݣلاصي يكون على شكل قلب مغلف بلكريمة بنكهة لفريز...صافي شكرا غداا ندوز ليهاا....الله يعون...

نسرين خرجات عينيها على حدهم رجليهااا فشلوو عليهااا...ضرباات على حنكهاا وقاالت بصدمة:اويلي وحدي...اويلييي هادا لمن باغي كيك على شكل قلب ولجوج تنااس....اناااري يااكمااا

قبل ماتكملهاا حلااات علييه لباااب بقوة ونطقات مرفعة صوتهااا عاقدااهم فتسعين:لمن بااااغي بسلاامة هااد حلوة لي على شكل قلب.....(زااادت غوتااات)معاااامن باااغي تاااكلهااا؟!!!

عصام داار عندهااا متفاجئ... بقاا هاادئ هز حاجبو فيهاا وقاال:كنتي كااتصنطي عليااا ولا شنوو؟؟!

نسرين قربااات لعندوو وجوباتو بصرااخ:سووولتك جاااوبنيي...لمن بااغي هاااد لكيك...دويييي

عصام شااف فيهااا ببرود ورد عليهاا بنبرة تاابتة:بغييتو لواحد سيدة...نااكلو انا وياهاا الراس فرااس...عندك شي ماانيع....

نسرين طرطقاات فيه عينيها حتااا لحد...بحالا صرفقتيهااا فديك اللحضة...حلقهااا نشف ودم تسقط من وجهاا...

نطقاات بتلعتم حاسة برجليهااا فشلو عليهاا وولاو هاازينهاا غاا بزز:ش..شنووو...ع..عصاام واش عارف رااسك شكااتقول؟!!بااغي تقتلني لاا؟؟!

عصام بتاسم بجنب وكمل بنفس النبرة:ايه عارف راسي شكانقول...سولتيني جااوبتك...

بداات كاتنفس بصعوبة حطاات يديهاا على سدرهااا حاسهاا براسهاا قرباات تخنق دم هرب من عروقهاا...يلااه كاانت غاتجاوبو وهو يوقفهم صوت تيل ديالو كايعاود يصونو...شااف شكون ودوز لابيل وقال:نعاام ؟!!....بلاتي عااود شنو قلتي ماسمعتش...

دغياا حيد تيل من ودنو داير مكبر الصوت مقربو لعندهاا بااش تسمع...

هتف السيد بتساائل:قلت ليك واش سمية "عصام" و "نسرين" نكتبهم بلعربية ولا لفرنسة؟!!!

عصام جااوبو فلبلاصة مخنزر فيهاا لحد:لا اخوياا ماتكتبهاا لا بلعربية ولا فرونسي ماابقيتش غااناخدهااا...

سيد:واخاا مرحبا اسيدي...

قطع عليه بقااا مركز فيهاا شوفة... زيراات على شفايفها عرفات راسهاا زبلاتهاا بلمعقول معااه هااد لمرى...

قرب لعندهاا وهياا حاادرة راسهاا للأرض مابقااتش قاادرة تهز فيه لعين...

نطق بندهااش هااز فيهاا حاجبو:نسيتي عيد زواجناا أنسرين؟؟!...

بقااات حاادرة راسهاا وزاادت كاتحسر فداخل ديالهاا بلاا ماتنطق متمنياا لأرض تشق وتبلعهاا معرفااتش كيففاش وقع حتاا نساات دااك النهااار المهم لهم بجووج....وزعماا فلمدة كاملة تااع زواجهم هيااا لي كانت كاتفكروو؟!!ومعرفااتش حتاا كيفااش عطاتهاا خاطرهاا تشك فيه وتغلط فحقوو وتقول مع رااسهاا كايوجد يحتاافل مع وحدة اخرى..

بقاات على نفس لوضعية مقدرااتش تهز فيه لعين مبغااش تشوف نضراااتو ليهاا نهااائيااا...

كمل بحدة:طلعي راسك و شوفي فيااااا....(شاف ملاميحهاا تجمعو ولااات حمرة وغمضاات عينيهاا بشدة كاتستاعد باش طيح دموعهاا وغوووت بنبرة قوية مقفزهاااا)ماااااتبكييييييييش...

شد ففكهاا بقوة حتاا تجمعو حناكهاا بجوج فيديه مطلع رااسهاا بزز وهياا حاابسة لبكية فصدرهااا...شفايفهاا كايترعوو...

زير عليهم بعنف مكرهش يخلطهاا فديك لحظة

قاال بنبرة غليضة محقد فيهاا أنضاارو:ولينااا فشك ولمحاااسبة ياااك....متستااهليش لوااحد يكبر بييك...بربي ماتستااهليه....(كمل بتوعد) عقلي مزياااان على شنوو درتي...

رخى منهااا بجهد شافيهاا مطلعهاا ومنزلهاا مخسر فيها الشوفة....دااز ضاارب على كتفهااا...هز مونطوه وخرج فحاالو رااضخ عليهاا لبااب...

هيااا ندباات على حنكهااا وعضااات على ضفرهاا بعصبية حتاا كان غايتنتر من بلاصتو...ݣلسااات على سرير شاادة على جبهتهااا....حشمة وفضيحة حاسة براسهاا مغطوسة فيهم ديك اليلة.... مزال مقدراااش تستوعب شنوو داارت...شك عماهاا وخلااهاا تهيييج ومتحكمش فأعصاابهاا وتنفااعل مواجهااه بشي حاجة غااالطة من أسااسهاا...

خنساء خرجاات من لحمام كاتمسح هازة كنينيكس كاتمسح ففمهااا...ݣااع دااكشي لي كلاات فنهاار كامل فرغااتو...حاسة براسهااا عياانة و معندهاا لخااطر لواالو...قرباات لجيهة السرير وتكااات باااش ترتاح...يلااه تسنداات على مخدتهاا باغا تنعس وهيااا تنوض بزربة مغمضة عينيهاا بنزعااج...

ونطقات شادة على نيفهاا:اووووف وااش هادا حمااق كان كااينعس لياا فوق مخدتي؟؟!(عودات شماتهاا بشوية وهيااا طلع منهاا ترويعة)يععععع اوووف...اشهااد لبرفاان ولااا كااايدير؟؟!حااالتووو

هزاات لمخدة بزربة لاحتهااا فلأرض...يلااه غااتنووض تجيب وحدة اخرى وهو يدخل مهدي يلاه جاا من لكاافي....

نطق بابتسامة:اهلااا بلقمر لي مضوي علياا لبييت....شتي ملي مكاااتكوونيش هنااا...كاايكون مضلم وكحل لݣلسة فيه تقنط...

عوجاات شفايفهاا فيه:اجي.. علااش كنتي كااتنعس فوق مخدتي؟!!

جاوبهااا كاايضحك:هياا لي كاانت ونيستي فغيبتك...

حيد جااكيط دياالو بقاا غير بلبودي لي مزير على عضلاتو...وبداا كايحيد فمݣاانتو...بقااات خنساء متبعة ليه نضراتهاا كاطلع فيه وتنزل عابرااه بعينيهااا ونطقات هاازة حااجبهاا: قطعتي لاصاال؟؟!

دار عندهاا ورد عليهاا بنفي:نوو علااش؟؟

خنساء:حيت باانت لياا لفورمة دياالك بحالا خسراات...(نااضت عندو حتاا تقابلات معااه..وبدات كاتنعت فكرشو بصبعهااا)هاانتااا شوووف...حتااا شوية تلكريشة باانت عندك وباااينة غااتزيد تنفخ....بفففف بدل بدل لاصاال وشوف شي واحد أخر راك غير كااضيع فيه لفلووس....

مهدي حدر عينو كايشوف فكرشو ورجع شااف فلمرااية كايباان عاادي وماافيه حتاا فرق...

رد عليها بتفسير:لا لا يمكن غير لبوودي هو لي مبيني ماشي نورماال...(شار لدراعو)هاانتي شوفي كلشي فبلاصتوو...وحتاا لكرش مكااينااش ݣااع..معرفتش كيفاش بانت ليك ولات عندي...

خنسااء زادت صغراات عينيها ودوراات وجهو لجنب ونطقات موسعة نضرتها:يااااه أول مرى نرد لباال لدورة تااع ودنييك...يااسبحاان الله كااتباان فشكل...

مهدي جاابت ليه الضحكة السيدة ملي دخل وهياا تعجب فيه تقول أول مرة غاااتشوفو....يلااه قرب لعندهااا وهيااا تحبسووو

حااطة يديهاا على نيفهاا: حبس ماتقربش....اشهاااد الريحة فيييك....

حل فيهاا فمووو ونطق بستفهااام:على شمن ريحة كاادوي أخنساااء؟؟!

بعداات عليه بخطواات راجعة بلور وقاالت مخسرة ملاميحهااا محااملااهش:هااااد الريحة لي فييك محملتش نشمهااااا خااانزة خاانقاااني بعد ماااتقربش لياااا بعد من حداااياااا دخل دوووش

مهدي:نعلي شيطاان رااني عااد دوشت غيير مع صباااح قبل مانجيبك من داااركم...

داارت عااطيااه بضهر ومشااات حلاات الشرجم تااع لبيت وقفة حداااه كااتهوى....

خنساء:بلااا ماتجااحد معاايااا و سير دوش....الى كان كايسحااب ليك غانخليك تدخل تنعس فلفراش بهااد الريحة رااك كااتحلم....

دخلات ليه الشك حتاااا تحناا وبداا كاايشمشم فرااسو...ريحتوو عاادية مكاااين وااالو...تنهد عاد فهم بلي لوحم هو سباب وهو لي ولا لالعب عليهاااا

ونطق دااير معاها لخاطر: واخااا اناا غاندخل ندوش...باقا شي حاجة اخرى أحيااتي....

خنساء بنفعاال ضرباات مخدتهاا لي كانت مليوحة فلأرض:ااااه....أخررر مرة تنعس ليااا على مخدتي واخاااا نكوون مكاااينااش...راااه عندك ديااالك....

مهدي محاااول يهدنهاا:صاافي صااافي كلييغ....مااتعصبيش رااك حاااملة....

هز فووطتووو دغيااا داارهااا على كتااافو ودخل بخطوات سريعة لدووش طاالق الرشااشة بااش يسخنوو....

خنساء خداات الجااكيط لي يلااه حيد باقا نقية هازاهاا بجوج صبااع عايفة ريحتهااا وحطااتهااا فسلة تااع التصبين بااش تغسل...ومن بعد جمعاات شعرهااا لفووق و جبداات عليهاا بااش تبدل...

خرج المهدي من الدوش كايمسح فشعروو...ݣااع لبردوياات لي باانو ليه فلحماام كبهم فلماا وغطس فيه...لبس عليه حواايجو..وقرب لعندهاا وتكاا بجنبهااا فسرير....

ونطق كايضحك:بقيتيي على خااطرك دابا..مممم

خنسااء قربات لعندو ستنشقاات عطرو وقالت: ودابا يييه...اماا قبايلة شوية ونتقياا ليك هناايااا...

قرب يديه لعندهااا وحطهاا على حنكهاا :هدووك غير هرمونات الحمل مأترين عليك...جااك لوحم عليااا وحسن عوااني ههه(زااد تحسس خدهاا المورد) فخباارك جاات معااك لحماالة...زادتك جماال على جماال...

بتاسماات ليه بلطف شوية وهيااا تنهد مغوبشة بملاميحهاا: مممم هاحنااا غانشوفو وااش غاتبقااا تقوول هااد لهضرة من هناا لتسع شهوور....ملي تكبر لياا لكرش وضهري يتقوص ونولي كانتمشاا بحاال شي بطة...ولا غاتقلب هضرتك...

مهدي: غاااتبقااي ديمااا زوينة عندي ومعمرى لياا عيني...غير تهناااي زينك ديمااا غايبقاا فاتني يا بنت الساايب...

سكتاات توااني ونطقات برجااء:ناااري مهدي مشهية نااكل وااحد لحاااجة....

جوبهاا فلبلاصة:شنوو؟؟!

خنساء:تشهيت نااكل لبنيني ديال باا علي لي فدربنااا...نااااري وغيير تفكرت و وريووݣيي طااحو....ديني دابااا لعندووو الى ماكليتووش مغاايجينييش نعااس...

مهدي بستفهاام:وليل هاداا مغاانجيو نوصلووو لدربكم حتاا يكوون سد...خلي حتاا لغداا ونطرݣو ليك معايااا....

خنساء:لا لاااا عفاااك دابااا...رااه كايبقااا حااال مكاايسدش بكري...(شداات فيديه كاترجااه بحراارة)وعفاااك دير ليااا خااطري وديني نااكلو...

مهدي تنهد...كل مرى كاايزيد يتأكد انهااا غااادوز علييه ودياال بصح فهااد تسع شهووور...

نطق مسلم امرو الله:وخااا يلااه الالة...نوضي لبسي عليك انااا غانمشي نديمااري اللوطو....ومتعطلييش

بتاسماات ليه فرحاانة طابعة قبلة على خدو...ناااض من حدااهاا هز جااكيط تااع لكوير من لبلاكاار تااعو لبس عليه فرجلو وهبط ساابقهااا...نااضت فكاات شعرهااا ماشطااه بلخف...لبساات عليهااا...باقة كاادير أخر رتوشات قداام لمراية...

وهيااا ترخى حااسة بنيوفهااا جايبين ليهاا واحد الريحة زوينة وغريبة بنسبة ليهااا مقدرااش تميزهااا...

نطقاات مبتااسمة:الله على ريحة وشحاال كاتحمق....معرفت فين شماهااا؟؟!

بداات كاتشم فرااسهاااا ونطقات بستغرااب ناافي:لا لا هاادي ماااشي ريحتي...

بان ليهاا بارفان جديد تاع مهدي محطوط فوق لكواافز هزاتو حلاتو قرباتو لنيوفهاا وهياا تخسر ملاميحهاا:فففف...ومااشي ريحتو حتااا هو....

قربااات لبلاكاار وبداات كاتشمشم فيه حتاا هو مالقااتهااش فيه...حكاات على شعرهاا وقالت بإحبااط:الله يااربي وفين نلقااا هااد الريحة وشحاال كاتحمق....(داارت لجيهت شرجم ولوات فمهاا كتساؤل)يمكن شي واحد كاان دايز وداايرهاا وجابهاا لهوى لعندي....اااه يمكن...

سمعاات لكلاكصوون تااع مهدي كإشارة منو بااش تنزل ومتزيدش تعطل عليه...هزاات صاكهاا لايحة فيه التيل تاعهااا وزااادت خرجاات لعندووو....

وقف عبدو مع سيمو مكبط مع رااسو بحكم كاان لبرد فداك اليل...

نطق بطلب دااير يديه فجيبو:كيف لعاادة اباا علي...

رد عليه بتساؤل:غتاكلوه هناا ولا غاتديوهم؟!!

عبدوو:لا غناكلوهوم غير هنااا...

حرك ليهم راسو بلإجاب وهماا مشااو ݣلسوو كايتسنااو يوجد ليهم داكشي لي طلبوو...

وصل مهدي وخنساء لبلاصة لي كايبيع فيهاا با علي لبنيني لي مختص فيه كاايصرعوو....دااير طبيلات صغاار غير فزنقة كاايبيع ويشري فشاريع...غير شاافت الشوااية وشماات ريحت لكفتة وصوصيص كاايتحمروو وعينيهااا لمعوو وريووݣهاا سااالو...مانتبهاااتش لعبدو لي كاان ݣاالس مقاابل معااهاا...شافهاا و مع مهدي وقلبو ضرب بقااا مفيكسي عينيه عليهااا بلاا مايبعدهم...

خنسااء:افيين ابااا علي لابااس علييك...

طلع فيهاا عينيه وجاوبهاا بترحيب:اهلا اهلا...لابااس اشخباارك..

خنساء بمجاملة:لحمد الله...هاانتااا الله يعطيك الستر ..وجد ليااا جوج مهااورين كيفماا كنت مولفة نااخد عندك....

رد عليها بإجااب:اييه مرحبااا...

كملاات بعفوية:واهاانتاااا كتر لياااا لبصلة مزياان متحنش فيهاااا...ولفرمااج حتااا هوااا...وعندااك تنسى لحاااار...لحااار لحااار...وعاافك حمرهم لياااا مزيااان....

رد عليها كايضحك:هههه كوني هاانية راني عاارف اشكايعجبك...غااتهناااي...

عبدوو بقااا غيير مرااقبهاا كيفااش كاتهضر وكاتختاار شنوو تااكل مشعرش حتاا لقااا رااسوو كايضحك من حركتهاا الطفولية وعفويتهاا لي باقي محتاافضة بيهاا واخاا داازو أعواام...تحت نضرات سيمو لي كايشوف فيه وتنهد فخااطروو بأسى...عارف قلبو كاينبض ليهااا وعقلو غير كايشوفهاا كايغيب...وبااينة حبو ليهاا كايتزااد نهار على نهاار واخاا بعيدة عليه...

نطقاات خنساء كاتقاد فلݣلسة مخاطبة مهدي بتساؤل:علااش مختريتي واالو...مافيكش الجوع؟؟!

مهدي بتااسم وشد فيديهاا بحناان كايتحسسهاا بصبعو تحت نضرااات عبدو لي جمع ضحكتو خداا نفس معمق حاابسو فدااخل دياالو وبقاا مدقق فيهم النضر

مهدي:اناا فرحاان ليووم بلاا قيااس برجوعك ليااا...تخيلي معااياا لفرحة سداات ليااا الشهية...مقاادش نااكل

خنساء بتاسماات ليه بحب...تحطو سندويشات وهيااا تهز دغياا واحد منهم طااايرة بيييه...عضاااتو بشراااهة وخااا سخون ولفوار طالع منوو مهمهاااش...

مهدي كايضحك:هههه غااابشوية عليييك غاايحرقك...

متسوقااتش لييه وكملاات كتاااكل بتلدد وتلتااهم بشرااسة مغمضة عينيهاا مستمتعة بلمدااق...

ردت عليه كاتمضغ وتنش جيهت فومهاا مبردة لحرارة لي شعلاات فشفايفهاا:مممم.... واااعر واااعر...بنيييين فينماا كناكلو كايجيب ليااا الله بحاالا أول مرة غندوقووو...كاايسطينييي بلمعقوول

ساااح ليهااا شوية من لاصوص لي فيه جنب فمهااا....مهدي حرك راسو بلاحول ضحكااتو...جبد واحد لمشوار من جيبو ومسح ليهاا بيه كايبتااسم بإعجااب...سالا وحط يديه على خدوو هااايم فيهاا موحش تفاصيلها لأقصى درجة مقادرش يبعد عليهاا لعين...

خنساء سرطات الدغمة عااد رضات ليه لباال ونطقات كاتضحك:ههههه مهدي وااش غاتبقااا تشوف فيااا واناا كناااكل خوود ليك شيحااجة دوز بيهااا الوقت....

رد عليهااا مهدي ببتساامة عادبااء مدوباهاا :قلت ليك بركة عليااا غير نتي قداامي داباا...(كمل كايشوف فلبنيني)عرفتي شنوو... دوقيني من هاداا لي عضيتي منووو....

بتااسماات وطولات دراعهاا عاطياه يعض وااكل من يديهاا...

عبدو بلع ريقو بحرقة...وهو كايشوف فيهم بتحسر كبير باين على ملاميحو وكيفاش كايبانو منساجمين مع بعضيااتهم بشكل وااضح...نااض جمع لوقفة ومشاا قالب الدورة غاادي فحاالو مقاادرش مزاال يشوف فيهم...ندم كيااكل فيه وكايعصرو عصير من لداخل فينماا كايشوفهااا...وشعوور قوي كايتسلل لقلبو وكايهاجمو مقاادرش لا يتغلب عليه ولا يقااوموو...مكتااب عليه يشوفهاا عايشة حيااتهاا مرتااحة مع راجلهاا ومعندوو مايدير الى يلوم نفسو حيت فيوم من لأيام كانت ملكو وضيعهاا بإرادتوو....

تبعوو سيموو كاايتنهد مدور يديه على كتفوو كايطبطب عليه عاارف صاحبو كايعاااني ونار الفراق كاتحرق فأعماقو بلا رحمة...حدر عينيه بتفكير مكمل مع عبدو طريق لدارهم وهو كايفكر فكيفاش غاايخرج صاحبو من هاد لحالة ويخليه ينساااهاا فخطررة وخاا صعيب لحال... ولكن مبغااش يشوفو مزال مأزم بسباب واحد لإنسانة لي مكملة حياتهاا فرحاانة وهو عاايش معدب...

خنساء سلاات مكلتهاا ضااربة دول جوج بنيني على قدهم بوحدهاا وكون كان فيهاا مايزيد التالت كون زادتو غير شبعاات...خلص مهدي ومشااو فحاالهم ركببوو فلوطو...يلاه غاي ديمااري وهو يوقفو صوت التيل...جبدو من جيبو وخنساء رماات عينيهاا...بانت ليهاا سمية "ملاك" طالعة فشاشة لهااتف... غوبشاات فلبلاصة بملاميحهاا مخنزرة للحد....

مهدي يلاه غاي ديمااري وهو يوقفو صوت التيل... جبدو من جيبو وخنساء رماات عينيهاا...بانت ليهاا سمية "ملاك" طالعة فشاشة لهااتف... غوبشاات فلبلاصة بملاميحهاا مخنزرة للحد.... هزات حاجبها محققة فالاسم وهو ساط بنفور وقطع

خنساء هزات فيه عينيها وباين فيها العافية شاعلة : لا جااوب علااش قطعتي ؟؟؟

المهدي : غاتكون بغات شي حاجة على قبل الخدمة

هزات حاجبها معلياه : فهااااد الوقت المهدي !!! ..

المهدي تنهد : راه شحال هاذا مامشيت للخدمة من نهار مشيتي ماعتبت تمة غير مرة ولا جوج ... داكشي علاش كاتصوني باش الا كانت شي فاكتورة نخلصها ... غاتكون سيفطات ايمايل ومني مجاوبتهاش بغات تعلمني ...

خنساء عقدات غوباشتها والقرودة بداو يطلعوا ليها للراس : تبارك الله عليك راك كاتقرا افكارهاا مزياااان قبل كاع ماتهضر معاها ... ماعندي مايتسالك ...

المهدي ابتاسم : اوووو شنو زعما كاتغيري علياا ... ( وسع ضحكتو وهز يدها عندو طابع قبلة ): كاتولي زوينة كتر احبيبتي

خنساء قلبات عينيها جارة عندها ماداخلش ليها البلان لراسها : مكانضحكش المهدي ... هاد الاخت بدات كاتطلع ليا فراسي غير باش تكون فراااسك ... وصبري من جهتها قريب يتقاداا دخل مزيان هاد الهضرة لمخك وسد عليها ... والا ما بغاتش تفهم راسها هي تعرف وانا نعرف شغلي معاها ... راه قالوها زمان الحر بالغمزة والعبد بالدبزة ... دنوبها على راسها

دورات وجهاا كاتقاد سمطتهاا بنرفزة ... نطق مهدي محاول يهدن لوضع ومايخليهاش توسوس بهاد الموضوع حيت عارفهااا مغاديش دوز الموضوع بالساهل .. نطق بحنان : واش دابا غانخصرو ليلتنا على قبل هاد خيتي ... الله يهديك احبيبتي ...

خنساء دارت عندو بجدية : من الاحسن تعرف شكون لي كايخصر لينا مزاجنااا واش انا ولا شي حد اخر ... يلااااه يلاااه نمشيو بحالنا عيييت باغاا نحط راسي ...

المهدي ساط بلا حول ماباغيش يزيد يتجاحد معااهاا ... خنساء عضات على قنوفتهااا حسات براسهااا تعصبااات بلا قيااااس وغير محاولة تستاعيد الشيطاان ... شافت فيه كاعما داها فكلامها ونطقات تحت منها : عيات موت الحمق ما تعض فشاربها, قاليها من جهتي غير قطعيه .... واخااا نعيااا نطبل .. هاد خيتي خاصني نبالي بيها انااا ... امااا هو مغاديش يبرد ليا القلب غير كانخوا المااا فالرملة ... ولايني راه ماتعرف لمراا غير لمراااا ... والله يا بنتي يا ملاااك وما نوريك نجوم فسمااا مستفين وتحسبي فيهم وتعااودي مانيش بنت الساااايب ...

خنزرات فهمدي حتى هو عصبها ببرودو و تنهدات ما باغاش تسرع وتعطي للموضوع كتر من حجمو او بالاحرى ماباغاش تكدب راجلهاااا وتنقص منو حتى مع راسهاا بالنسبة ليها تقة اهم حاجة وابدا واش دخل شي حوايج فحال هادو لراسهااا على الخوا الخاوي ... ولكن ملااااك غاتحاسب معاها بطريقتهااا وغاتوريها حدهاا بالمعقول باش عمرهااا تفكر تعاند معاااها ومن الفوق تنبش ورا ظهرهااا.... شدو طريقهم واتاجهوا للدار فصمت ...

النص ديال الليل وعتمة الظلااااام غمقات سماااء المديينة ... المهدي كان ناعس خاشي وجهو فعنق خنساء غارق فنومو ... خنساء تقلبات كاتحل عينيها بتتقال كاتشمشم بطريقة غريبة ... تكعدات مبعدة عليه كاتحرك نيفها فطريقة هيستيرية كاتحسس ريحتو ... لقاتها ماشي هي : اويلي ديالمن هاد ريحة .... غانحمااااق ( بلعات ريقها مستنشقة ): الله شحال زوينة انااااري...

ناضت من بلاصتها كاتحاول تقلب بنيفها فحال شي سلوكي ... حلات باب البيت خارجة كاتحاول تكتاشف منين جايااا ... حاسة بشعور غريب مخليهااا تحمااق وتشم هاد الريحة لي فنيفهاااا وتزيد تستنشقهااا وتشبع منهااااا مطيرة ليها العقل ...

المهدي حس بيهااا وناض تابعهاا حاضيهااا بعينيه كيفااش كااتشمشم عاارفها لاعب عليها الوحم ... متبع ليها النظر وكايموت بالظحك على حراكاتهااا ...

عضات على شنايفهاا فحال شي هبيلة كاتحك على راسها : اويلي غادي نتسطى ... ريحة من هادي ... اش هااادشي ياربي اووووووف ...

شافت جهة بيت سارة متساؤلة مع راسهاا : زعما تكون ديال سااارة ...

تمشات بشوية على صبااع رجليهااا كاتستل تحت انظار المهدي لي بقا ليه شوية ويسخف بالضحك تابعها كايحاول يشوف شنو باغا تصنع .... حلات باب سااارة ودخلااات بشوية كانت مجبدة فبيتهااا ... قربااات لعندهااا حانية عليهااا كاتشمشم فيهااا محاولة ماتفيقهااش ... عوجات وجهها فاش مالقاتش فيها نفس الريحة معوجة قنوفتها وزادت للكوافوز كاتقلب بارفاناتها وااااالو حتى وحدة ماديااالهااا ... قطعاات الياااس بتأفف وتمات خارجة مع ضورة لقات مهدي قدامهااا خلعهاااا نطقااات قاااافزة : اناااااااري .. خلعتيني دير الحس ونتاااا جاي كاتستل ... طيح بنادم من كرش مو

المهدي ضحك : انا بان ليا هاد بنادم غايحمق ليا مو قبل مايخرج ... مالكي غادة كاضوري فهاد الليل وتشمشمي فحال السلوكي .. ضربك جن

ضرباتو على كتفوا : اويلي واش ماشميتيش هاد الريحة شحال زوينة ماعرفتها ديالمن غااانحماااق معاها ... النهار كامل وهي فنيفي

المهدي كايحاول يشم رغم انو عارفها غير كاتوهم هاد الريحة وجابها ليها نيفها مع الوحم : لا ماشميت وااالو ... ماتكونش ديال ساارة ولا نادية ...

خنساء بنفي محبطة : لا لا هما عارفة رواايحهم ... هادي ماعرت فين شميتها ...

المهدي : وا غير وصفيها ليا كيف دايرة ولا ديالاش ؟؟

خنساء بقلق كبير : ماعرفتش امهدي ماعرفتش .... بغيت غير نشمها ونستنشقها ... غير كاتوصل لنيفي لحمي كولو كاينمل ويبورش علياااا ... بففففف

حط يدو على كتفها محاول يهدنها : صافي الباطرونة ديااالي ... غدا نسولوهم واش شي وحدة بدلات البارفان ديااالها ... الا مالقيناش نشوفو شي حل اخر ... ماتفقسيش رااسك ... يلااه نعلي الشيطان ودوزي تنعسي ...

جرها وهي عقلهااا غايب مع ديك الريحة كاتحاول تفكر ديالمن ... حاسة براسها فحال شي مدمنة تقطعااات من بليتهااا .... لحمها كولو منمل علييها غاتحماااق ونيفهاا حلف لا استغنى على ديك الريحة ... حطاات راسهاا على المخدة محااولة تنعس مع غمضات عينيهااا وهي تحلهم مخرجاااهم محركة راسها بلاااا كأن شي حاجة طاحت فبااالها وحاولات تنفيهاا ناطقة بتأفف مع راسها : حبوبة فوجهي حكيتها سال دمها خليتها زاد همها ... لاا لااا مايمكنش ..اوووف

عضات على قنوفتها نافية الفكرة وغمضات عينيهااا ناعلة الشيطان من شنو طاح فمخهاا ...

اصبحنا واصبح الملك لله ... كانت رانيا خارجة حدا المحااال دايرة على راسها درة عكسة جامعة بيها شعرها وحانية جامعة عليهاا بزااف ديال المشاااش لي ولفو يجيو عندها طل صبااااح تعطيهم يااكلوا .... شارية ليهم الكروكييت ... منساجمة معااهم : هانااا احبيبة يلااااه كولي ... هههههه ...

كاتفرنس فرحانة كاتحماق على القطوووط بلاا قيااس نقطة ضعفها... سيمو كان جاي جهة المحااال يتسخر لحياااة لي سيفطاتو يجيب باش يفطرو ... مع دار وهبط عينو بانت ليه قبالتو بداك الشكل ... وهز حاجبو باستغرااب مشوكي فيهاا ... وكيفااش كاتبتاسم مع المشيشاات وتدوي معاهم بحال الا كانو بناادم ... حقق فيهاا وهو متبت عليهااا عينووو ساهي ... اول مرة يلاااحظ ملامحهااا الطفولية وبراءتهااا ... ماعمرو شاف فيها بهاد الطريقة وشحاال كاتباان كيوووت بشكل رهييب ... حروفها الكحلين خلااوه يندااهش بشكل غير مسبوووق وحركاتها الطفوولية شوكاتو ... مدة وهو متبع ليها العين كيفااش كاتعامل ... حتى هزااات فيه عينيهاااا شافت فيه وهو ساهي ... رد ليها الباال وعاق على راسو وشمر على نيفو كايحنحن : احم ..احم

قرب عندها بخطوااات ووقف حداها : سلااام ..

رانيا ناضت حاسة بنظراتو فاش كان ساهي وتروها وجاوها فشكل ... نطقات بالعة ريقها : شنو بغيتي ؟؟ ...

سيمو بايجاب : اااه ... سخراتني خالتي بغات نص كيلو ديال الكرص من لي كتاخد ...

رانيا : اااه واخا ... انا غادي نغسل يدي ونعطيك ..

زادت من تما مسربية الخطوااات عاطياه بظهرهااا كادور عينيهاا بتوتر ماعرفاتو منين نزل عليهاا ... وقفها بصوتو : اري نوكل المشيشاات بينما جيتي ...

دارت عندو ونطقات باندهاش : اءء كيفااش ؟؟؟

سيمو : ياك كنتي كاتعطيهم يااكلو ...

حركات راسها بايجااب ومدات ليه الكروكيت ... كمل ليهم داكشي لي بقااا على لقطيطات لوخرين لي جاو تجمعوا وهي دخلات غسلات يدها وحيدات ديك الدرة فوق راسهاا ناطقة تحت منها : كايتسيف ياربي السلاااامة ... ( دورات عينيها ): بصح زوين ( ضربات على راسها ): السوق حامي والدلال رامي والشاري عور ... زوين قالت لك ... داكشي لي بقااا

خرجات جمعات ليه الكريصات لي بغااا و دوبلاات ليه ساااشي ماداه ليه : انا درت ليك زوج ساشيااات حيت قصتي القطوط ...

وسع ابتسامتو بطريقة ساااحرة ... عمرها شااافتها فيه حتى بانو غماازاااتووو واعرين محفورين فحنكو .. شوكاهاااا حيت اول مرة تشوفو كايضحك من قلبو وتشوف الابتساامة على محياااه ... بقات كاترمش ببلاهة وهو خدا من عندها مخاطبها : شكرااا ...

خلصها مخليها وراه مصدومة حالة فمها متبعة ليه العيين وهو غادي كايضحك ... شوية صغر عينوو ملاااحظ تفرنيستووو مشركة ... وعقد حجباانووو بانزعااااج ... مخاطب راسو بعتااب : لا زيد شركو زيد ... بففففف ...

حرك راسو بلااا حول وزاااد كمل طريييقو لداااار منداهش فراسو كيفاش ضحك معااهاااا وسها فيهاا بديك الطريقة بلاما يحس ...

فدار الساايب داخلة نسرين للكوزينة موجدة طاااجين متول على حقو وطريقو محاولة ما امكن يجي بنييين على الاقل غير شوية دايرة لي فجهدهااا ودومونضات على نفس الحلوة على شكل قلب لي كااان طالب وصلالتهااا .. سالات الطياااب وطلعااات لبيتهااا قادااات حاالتهاا موجدة راااسهااا لابسة كسوة حمراااء كاتحمق ماركية لاطااي دياااالها بسميطة فالاسود ودايرة ميكاااب خفيف على وجهها واكسيسوارات انيقة مع الباك دمارياج دياالهاا طبعااا ... مخلية شعرهاا مسرح مطلوق على رااحتو ... رشااات باااارفااان ديااالهاا كاتستنشقواا وتشوف فراسهاا باعجااب كبييير جااات كاتسطي ... هزات السااشي لي فيها الشميعااات والورد لي شراااات ... هبطاااات حطااات الطبلة بعدماا شافت فالساااعة لقات الوقت لي كايوصل فيه عصاام قرب ... شعلات الشمووع مزوقة بيهم الطبلة وريحتهم منعشة المكااان ... وفرتتاات اورااق الورد الاحمر والابيض فجناااب الطبلة ... غدااااء روومانسي بمعنى الكلمة ليل كامل وهي تخطط ليييه باش تصاالح راجلهااا وتعتاذر على شنو داارت ... خصوصا مني قالها العربي راااه معروض قالت هادي هي الوجيبة ... كلسااات كاتسنى وعينيها على السااااعة كاتبتاااسم وتنفس الصعدااء ... عضااات على شناايفهااا ماقدااتش تصبر وتزيد تسنى وهزاات على تليفوونها صووناات عليه ... صغراات عينيهاا فور ما شداتهاا العلبة الصوتية ... نطقات محاولة ماتوترش : غاايكون طفا ليه التلفون وجااي فالطريق ... اصلاا وقتو هادي دابا يدق ... غير تهدني انسرين ..

حركات راسهااا كاتنش دايرة لي فجهدهاا باش ماتخصرش موراالهااا وتبقى هاادية حتى يجيي ..

فالقهوة عند مهدي كان كاالس فالبيرو دياالو وبااينة فيه الفرح والنشااط من ملااامحو .. داير الكيت فودنووو كايتمزك ويخدم فنفس الوقت والضحكة على وجهوااا موسعهاا ما قااااداااه فرحة ...

دقااات ملااك فالباااب ماسمعهاااش وحللااااات ... هز فيها عينو وحيد الكيت : ملااك ..

ملااك : دقيت وماجاوبتينيش ودخلت ...

المهدي : اااه سمحيلي ماسمعتكش ...

ملااك قربات كالسة مقابلة معاه : قاليااا يحيى بغيتيني ...

المهدي ابتااسم ليهاا : وييي بغيتك ...

شافت فيه باستغرااب كبير والسعاادة باااينة على وجهوا بشكل واااضح ... نطقات بتسااؤل : كاتبان فرحاان واقعة شي حاجة !!

المهدي زاد ابتاسم : وعلاش مانكونش فرحااان .. الامور كلها الحمد لله ...

ملاك بلعاات ريقهاا دايرة ضحكة صفرة : اااه هي تصلحات الامور بينك وبين خنساء

المهدي : وي الحمد لله كلشي مزيااان

حركات راسهاا بايجااب شادااها الفقصة والغدااليد كانت مستافدة من مشكلتهم ودابا غاتعاود من اللول ماحملاتش الوضع بالمرة ...

المهدي حل المجر ديااالو وجبد منو ضرف مادو ليهاا : هاادو فرقيهم على الدراري وطبعااا حتى نتي ...

ملاك خداتو من عندو مصغرة عينيهااا : اءء ... اه ولكن باشمن مناسبة ؟؟

المهدي ضحك : ايواا راه ...خاصك تقولي ليا مبرووك ....

ملاااك بعدم فهم : مبروك ... اااه حييت رجعات بينكم الامور مزيااانة ...

المهدي بنفي : لاااا ... خاصك تباركي ليااا حيت عن قريب غاانولي اب ...

ملاااااك خرجاااات عينيهاا فحاال الا ضربتيهااا بتصرفيقة والدم هرب وجهها ولا لونهاااا صفر بالصدمة ماقاادرااش تستوعب شنووو سمعاات بالمرة ودنيها كايصفروا عليهااا ..

ملااك واقفة فلحمااام قدام المرايااا عينيهاا حمرين بالدمووع حاقدة بالمعقوول كاتغسل وجهها بالماا بارد ويديهاا كايترعدو وكلام مهدي بان خنساء حاملة باقي كايتعاود ليها فودنهااا ما قاادرااش تخطااه .. حاسة بروحهاا غاتخرج والنفس غاتقطع فيهاا بقوة الفقسة لي شاداها من الداخل ... حقدات عينيهااا ونطقااات بانفعاال كاتحلف : غير صبري عليا بيا ولا بييك اخنساااء .... والله ماتفرحي بهاد الولد وراجلك غانطيرو من يديك ونتي مجايبة خباااااار ... بربي المعبود ماني مفاكة معاااك .... مسحات وجهها كاتحاول ترتب خصلات شعرها وخرجات من تما طالعة ليهاا ...

نسرين زدحات تليفونهااا فوق السداري معصبة عياات ماتصوني على عصام والو تليفونو طااافي وماجاش فوقت الغدا.... عضات على قنوفتها بفقسة كاتشوف فداكشي قدامها نهار كامل وهي توجد فراسها وفالغدا باش فلخر يضرب ليها كلشي فزيرو ومايجيش حسااات بالغدايد ركبووهااا ... هزات تليفونهاا وصونات على صفاااء تفرغ عليها وتخوي قلبهاا لي غايتفركع بالفقسة ...

صفاء : اهلااا نسرين صاافاا عليك حبي ...

نسرين نازل عليها الضيم : الحمد لله ... اختي ...

صفاء جاها صوتها فشكل : مالكي ياك لاباااس ؟؟؟ ... كيف داز غداك بعدا ؟

نسرين عضات على قنوفتها وعينيها دغيا عمرو بالدمووع : حتى نكونو كليناه بعدا ... هاهو باقي جامد فوق الطبلة ... ضيعت جهدي غير هكاك فلخر سي سيد كاعما جاااا وخلاني منشورة .... لا تاعي بقا لا وجهي تنقى ...

صفاء : مجااش وااصوني علييه اصحبتي نتي ...

نسرين بنرفزة : صووونييت الالة وتليفونو طافي النهاااار كااامل ... ماموالفاش ليه يجي لغدا ومايعلمنييش ... ماعرفتو فين غاااطس ... النهار كاامل وانا واقفة على رجل باش نوجد لييه وهو كاعما مسوق ماشي هنا اصلااا ...( هزات على كتافها وعينيها دمعوا ): اناا عييت اختي غانمشي لداارنا هاذا بااينة دارت بيه شي وحدة تلوات عليه وتلفاتو على القبلة حتى مابقاش عارفني كااااع ... وحتى باش نواجهوا مانقدرش

صفاء بتحدير : تي ما موك تخورجتي ... كيفااش نمشي لدااارنااا حماقيتي ... بغيتي تخوي ليه الساااحة ويلقى مااا بغاا .. راه والله وتخرجي نتي من هنا يدخلها هي من هنااا ... تصحابك غايعقل عليك ولا يجي يطلبك ... والله ما يحير فيك وديك الساعة نتي طلعي القااالب ...

نسرين لحيرة : ايوا اش ندير يجي تاني نقربلها معاااه غانجبد على مخي غير نحل ونتسمى انا لي غالطة فلخر ... بغى يهز الدجاج ما لقى غا لعجاج هي ديالي يانا

صفااء : تيي مال حسك منوونخة ضربييه بالبارودي .... عطيييه ميييكة وماتبقايش تعمري معااه سوق بزااااف ... وتكبري لييه البعرة بحالا هو محور الكون ... تعاملي ببرود والا كانت شي وحدة راااه مع الوقت حتى حاجة مكاتخبى ربي غايفضحو قدااامك ويجيبو حتى لعندك ... شحال قدوو يخبي يطيح يطيييح ...

نسرين رمشات مدوراهاا فراسهااا جاتهاا هضرتهااا معقولة : واخاا ...عندك الحق بلاما نزرب

وندم

صفااء : اييه خلي داك الغدا هكاااك وهو راه جاي جااي الا مجاش دابا فالعشية ولا فليل ... المهم ماعندو فيين .. ومني يجي عرفي كيفاااش تعاااملي معاااه وماتخليش ليه فين يشدك ويقلب عليك السمطة ...

نسرين بايجااب : واخا اصحبتي لهلا يخطييك عليااا ... نوض نقاد هاد الميكااب بعدااا راه كولي تجلخت حتى يجي على خااطرووو ...

صفاء : هكاااك يرضي علييك ... فخاااطرو مازبانينش .. يلاااه نخليك احبيبتي وتهلاي فراسك ..

نسرين " باي باااي ازين ديااالي ...

قطعااات معاهاا مخلية داكشي فوف الطبلة دايرة بكلامها وطلعااات قادات الميكاب لي تجلخ ليها بالبكااا ... وكلسات كاتسناااه يجي ...

فالدار مع جواايه العااصر نسرين سمعات الباب كايتحل عرفاتو هو ... بلعات ريقها محاولة تحكم فاعصابها فبيتهاا باش ماتعصبش ... عصام دخل ديريكت للصالون باانت ليه الطبلة مقادة ومصايبة على حقها وطريقهاا ... ابتاسم باعجااب ...

نسرين هبطات عندو بلباسها واناقتهاا ... دار شاف فيهاا وزاد وسع ابتساامتو : نتي لي وجدتي هادشي ...

نسرين بنفخة: وشكون فنظرك غايوجدو الجنون ...

عصام جمع ضحكتو من اسلوبها ونطق باستغراب : مااالك !!

نطقااااات عافطة على الحروف : وجدتو على قبلك ... ( مطولاااها ): على قبلللللللك ... ولكن لا حياة لمن تنادي ..

عصام بتساؤل : عيطتي ليا ؟؟؟

حركات راسها بايجاب بلا حتى كلمة ....

عصام بشرح : طفا ليا التلفون وكان عندي اجتماااع تللهيت معاه عليها تعطلت مالقيت فين نعلمك

دارت ضحكة صفرة مجاوبة ببرود : ماشي مشكل اصلا ماسولتكش

عصام عرفها زعفانة منو ومغيرة شاف فطبلة وبتاسم وهي تنطق : عجباااتك؟؟

عصام محاول يراضيها : كاتحمق بحال لي صايباتها ...

ضحكات فوق النفس محاولة ماتبين واالو وتصرف عااادي رغم الشك لي قاتلهااا معولة تنبش من وراااه وتعرف شنو مخبي علييهااا راسهااا .... شكهاا كياكلهااا من الداخل ومامخليهاش تهنى وكل نهار كايزيد كتر من قبل على اتفه الاسباب ...

عصام قرب عندها وجرها من خصرهاااا مزير عليهاا خااشي وجهو فعنقهااا ونطق تحت ودنها : جاااتك اللبسة خاطيرة كااتهبلي لجدك .... بومباااا برب ...

حركات راسها بايجاب بلا حتى ردة فعل وبعدات علييه مقادراش ابدا تجاوب معااه وهي كاتغلا من الداخل : انا غانسخن الطجين غايكون فيك الجوع ...

عصام هز حاجبو حاس بيها ماشي هي هاديك جاتو فشكل .. يلاه زادت وهو يشدها من دراعها متسائل : متأكدة مكاين والو ؟؟

نسرين حيدات يدو من عليها بهدوء تاام ونظراتهاا باردة دايرة ليه ابتسامة جانبية : مكاين والو احبيبي ...

زادت مخليااه وراااه مستغرب من حالها ولكن مابغاش يزيد يحكر عارفها حال واحواال مخليهاا حتى تفش وتقوليه على خااطرها .. ماعطاش للموضوع اهمية بالمرة

يتبع..