بنت السايب الجزء 50

مع قرب لمغرب ... فالغرفة ديال عبدو متكي على سريرو ومعااه سيمو كاايعطيه عشاااه ... كيااكل ويخصر فكماارتو من الماكلة لي كايعطيوه حاااس براسو كايهبطها غير بزز بكترة ما بااسلةومافيهااش المداااق

عبدو بعد وجهوا ونطق بصوت باح ونبرة خافتة : برااكة .. هادشي مافيه مايتكاال حاشة نعمة ربي ...

سيمو : وايلي اصحبي ... واش غاتبدا تشرط من دابا... ونتا عاد بديتي هادشي رااه خاص تولفو ... شد شد باش تصح ...

عبدو : بفففف وارا ناكل بوحدي واش انا دري صغير غاتلقي ليا... ماشي زدتو فيه شوية ..

سيمو بلا حول : راااه مغاتقدش اصحبي ... الفتحة غاتعدبك ...

عبدو بنرفزة كايهضر تقيل : وغا ارا ... اناغانحاول ...

سيمو تنهد وقااد ليه الطبلة قريبة لييه باش مايتعدبش فالكلسة وخلاه ياكل على خاطروااا ...

رانيا كاانت هابطة للكافي تاكل شي حااجة طلعات لقاتو كياكل وابتاسمات : هاناا على المريض ديالنا برااا ...

سيمو : ماعجبوش الفشوووش ... مكايعرفش يتسغل الفرص عند بالو هاد اللطافة ديالنا معاه غاتبقى ديمااا ...

رانيا : ههههههههه ابعد من السيد خلييه فرااحتو ... انا بعدا غانفشش خويا عبدو حتى يبرا ويصح وينوض على رجلييه كيف كان وحسن ...

عبدو ابتاسم ليها : يتووب اختي ... وهي لا درتيها دابا وجبتي ليا ما ناكل قهراتني هاد الماكلة دسبيطار ..

رانيا : هههههه حتى لهادي نووو عندنا اوامر من الجهاات العليا ... حياة وعتيقة صدرو التعليماات وحنا غير كانفدو ... بغيتي يطلعوا دابا يتاهموني بمخالفة الاوامر انا ما قادة على صداع ...

عبدو بلع ريق باقي مكايقدش يكتر الهضرة بزاف : يااك .. الله يجازيك ..

سيمو : غاتمشيو دابااا ؟؟؟ ..

رانيا : اه جيت غير نطل عليكم ونهبط راهم كايتسنااو التحت ... وعاد غدا غانفيق بكري انا لي غانقابل البوتيك خنساء عندها شي غرض ...

عبدو غير سمع سميتهااا وقرم حجبانو مخنزر وحط المااكلة مابقاتش كااع باغا دوز ليه ... نطق بنرفزة : برااكة عليا ..

رانيا شافت فيه وتنهدات عرفاتو تحسس وهي جبداتها بلاما تقصد : احم .. المهم انا غانخليكم ... مني غانسالي غدا راه غانعاود ندوز عندك ...

عبدو بشكر : لهلا يخطيك ... سلمي على الوااليد ... الصباح جا لقاني ناعس ..

رانيا : مبلغ ومايكون باااس ... تهلاااو ...

سيمو قرب عندهااا وهمس فودنهاا : مني توصلي صوني ليا ....

رانيا بايجااب : ضروووري .... بسلااامة ...

ودعهاا وزادت من تمااا وهو قاااد بلاصتو فالفوتوي لي حداه بحكم مكايخليش حياة تبقى هو لي غايبات معااه هي عياانة ... اكدو ليها انها تمشي لدار مع عتيقة ورانيااا وترتااح ...

فمركز الشرطه... كان فلمكتب ݣالس عصام و خنساء قبالت الضابط كايعاودو ليه شنوو طااري...

من بعد معاطاوه المعلوماات قيدهم عندو...

نطق بتساؤل و هو مركز فلكتبة:فقاش قلتي ليا تختفاات؟!!

عصام:هاد صباح...رجعت من لخدمة مالقيتهااش...و انا راه مرتي مامولفااش تخرج بلا ماتعلمني...و عاد نص من حوايجهاا مهزوز مكاينش...

الضابط حط ستيلو من يديه و قال:اه هيا غير ليوم واقع هادشي...ضونك غاترجعو غدا فصباح ديرو لاديكلاغسيو...دابا مايمكنش...

عصام دار فيه شوفة تاع منيتك كاتدوي و قال: دابا مايمكنش؟!..و علااش بسلامة...

رد عليه بنبرة رسمية:لقانون هاكا كايقول...ضروري حتا دوز 24 ساعة على لإختفاء عاد يمكن لينا نتحركو...داباا لااا..

عصام ضرب يديه مع لبيرو بنرفزة و نطق مرفع صوتو فوجهو:تاااا كيفاااش حتاا دوز 24 سااعة...داباا خاصني نتسناا حتاا لغداا عااد تخرجو تقلبوو عليهااا؟!!

الضابط: سمع اسيدي بلا مانتغاوتو انا وياك هناا...حناا مكانديرو غير داكشي لي كايقول لقانون...لحااجة لي غانقدر نقوليكم دابا...هو رجعو لداار قلبو مزياان لاتكون خلات شي حاجة موراها لي تقدر تنفعنا فلبحت....راه قانونيا مايمكنش لينا نتحركو وخاا يوقع لي يوقع...

عصام زاد رفع صوتو:زبل هادااا مااشي لقاانون...تبقاااو نااعسين حتااا لغداا عااد تحركووو...يمووت لي بغاا يمووت...الى كانت لبنت فخطر و خاصهاا تنقد بزربة مغاااتحركوو حتاا تكووون مشااات فيهاااا....ماالكم دابااا شنووو كاديرووو؟!! بغيت نفهم

ضاابط نااض وقف ضاارب على بيروه: اشريييف...راك مغاتورينيش خدمتي...سيدة راااه مااشي قاصر لي نوضو نتجاراو نقلبو عليهاا من ساعتهاا فااش غبراات...راهاا ڤاكسيني...غداا فصبااح الى مبانتش رجع...خليني محتاارمك و منوصلش معااك لشي أموور مغاتعجبكش...

عصام بنبرة قوية:اسيدي دير غااا خدمتك و متحتاارمنيييش...

رد عليه الضابط بحدة: داباااا علاااش كااتقلب؟!!!...

عصاام نااض بغاا يتقاابل معااه و هيا توقفو خنساء خايفة يتزايد معاه فلهضرة ويصدق معتااقلو...

نطقات برجاء:صاافي اعصااام عفاااك يلااه نمشيو...الى بقيناا هناا راه مغانبدلو واالو...(جرااتو من يدو غادة بيه)وصاافي يلاااه....

خرجوو من لكومساارية و عصاام صااعر لعرووق تااع رااسو باارزين بلعصااب لي ركبووه...عااود هز تيل على أمل انهاا تجااوب...و كيف طوول الوقت...كاان بااقي طااافي....

كاان غايضرب بتيل لأرض جاب الله خنسااء حبسااتتو ونطق كايهلل وجهو تحقن بدم قرب يزرااق: ونااااري و نشد ديلمهااا مغاايفكهااا مني حتاااا وااحد... فييين اعباااد الله مشااات فيييين....

خنساء كاتحااول تبردو:تكااالمااا...غااادي نلقااوهااا غااتهدن ...هانتااا يلااه نمشيو دابا لداار و نديرو بهضرة لكوميسير...نقلبو ياكماا خلاات شي حاجة موراهاا لي تقدر تنفعناا وتنفعهم فلبحت...مااعرفتي

وداكشي لي كان...ستاجب ليها و رجعو لداار...ديريكت بدااو ببيت نعاس هو لول...قلبووه لدرجة فلاوه مخلااو بلاصة ماقلبوهااش..على الله تبااان شي حاجة تقدر تعاونهم يلقااوهاا...

عصاام و هو بااقي كايقلب فلبلاكاار...وقف فجأة هااز حاجبو و نطق مخااطب نفسو بستفساار:ولكن فين مشااو لفلوس لي كاانو هنا؟!!

خنساء نتابهاات ليه...طلعات فيه رااس و قالت بتسااؤل كاتقرب لجيهتو:لقيتي شي حاجة ؟!!

عصام رد عليها وهو كايشير لحوايجو لي فلبلاكار:شي فلووس كاانو هنااا...(شافيها بدهشة و كمل)تهزوو!!!

دورات عينيها لجيهت لبلاكار و صدمة بدات كاتطغى على ملاميحها... نطقاات بتساؤل : كيفااش تهزو؟!! واش قلبتي مزياان...

عصام غمض عينيه بعصبية و رجع كايجبد فحواايجوو و يلووح فيهم بجهد و يغوت: كاااانو هنااااا هناااا...حطيييتهم بيدي...(حبس الحركة للحضة و نطق بهتماام) شحااال طلباات منك تسلفيهاا ديك نهااار...

جوباتو بتدكر: وااقلة شي جوج تلمليوون...

عصام زير على قبضة يديه وقاال:هماا بضبط لي كااانو هناااا...(ضرب بااب تااع لبلاكار بجهد حتاا قفزاات خنساء من بلاصتها و نطق بصرااخ قوي) نااااري ياااعبااااد الله بغييييت غييير نفهم حاااجة وحدة من هااادشي لي طاااري و مقااادر نفهم واااالو....وااالو...هااا هيااا غبراااات..هااا لفلوووس تهزوووو....غاااانحمااااق

خنساء قرباات لعندو محااولة تهدنو حاطة يديها على كتفو:صاافي اعصااام رااه بااينة لعمى هياا لي هزااتهم...

عصام: واااش انااا قلت لعكس...راااني عااارف هياااا لي هزاااتهم....ولكن علااااااش اشنووو بغااات دييير بيييهم...و علاااااش خرجاااات من داااار...اشمن ارض صرطااااتهااااا....فييين مشااااات فييييين(شد على رااسو بتلفة حس بييه كاايزدح) قررررب يخرج ليااااا لعقل...

دخلااات نصيرة لبييت ملي سمعاات غواااتو و تدرديف ديااالو طلعااات كااتجري لعندهم...

نطقات محمرة فيه شوفة حتاا هياا هازة فقصة نسرين كتر منهم:واااش بااغي تجمع علينااا جيرااان؟!! يزيدو يعرفو بفضيحتناا حتااا هماااا....مااالك كاااتطعن فرااسك و كاتعصب فييه....شنووو وقع فملك الله حتااا دير هااد لحالة كااملة

نطق عصاام عااقدهم فيهاا:عمتي بلااا ماتزيدي تكملي عليااا حتاا نتي الله يرحم لك الواليدين...

نطقات نصيرة بنبرة قوية:اصلااا كملتي بلاا بياااا....و هاااديك لي كملاااتك رااهااا هزاات قلوعهااا و زاادت...و عوض مااتسد باااب دااارك و تحلفهاا فيها لاتزيد دخل ݣاالس كاتعصب فرااسك على قبلهاااا....صااافي ساالينااا مشاااات الله يهنيهااا....طريق لي داتهاا لهلا ترضهااا

عصام رد عليها مرفع صوتو فوجهاا:واااش عاارفة اشكاتقولي...عندك ساااهلة هاااد مشااات الله يهنيهاا...نيشااان...

نصيرة ردت عليه فلبلااصة:وشنووو حنااا لي جرينااا عليهااا...يااك هيااا لي جمعاات حوايجهاا حلااات باااب الداار و زاادت....واااا ولدي رااااه مشاااات بخاااطرهاااا مامشاااهااا حد...

خنساء نطقاات بنزعااج:عمتي قولي شي حاجة مقادة و لا بلااش...راها مرتو هااديك لي تالفة مااشي مشة...ومن حقو يدير عليهاا هاكاا و كتر...

عصام شااف فخنسااء و قاال: دابا هاادي لي طاارت و مشاات وهازة معاها حتاا فلوسي...فيين غاانلقاهاا

نصيرة سمعاات لفلووس تهزوو و هياا تشهق بصدمة... طرطقات فيه عينيهااا و قالت:اويلي على صݣع ليااام...هزااات ليك لفلوووس...مكفاهااااش خااارجة من داار رااجلهااا و زايداهاا حتااا بشفرة...(شاافت فخنسااء لي غمضات عينيهاا شادة على جبهتهاا و كملاات) اتبارك الله على مراات خووك لي كاادفعي عليهاااا....هربااانة و شفااارة من لفوووق...حتاا من لحصيصة شطباتهااا و زاادت...و لكن كايقولوهاا قليل الترابي ماعليه لووم...بسيف تبقاا فيكم و تجاراو تقلبو عليهااا

عصام نطق بنفاد صبر ضاغط على هضرتو:عمتي...

نصيرة:عجبك لحااال..لا عاااااار ربي ماقوليااا وااش عاجبك لحاال...بلحق سرك قسمااا بالله مابقيتي فيااا و خااا تخليك على ضس حييت تستااااهل...نهااار لول قلت ليك شوف شي قنت اخر راااه لبرهووشة فريفرة كاااطير...و نتاااا عجبك زواااق و لفصاالة...و بصحتك دااابااا....هااا بنت الشايطة شنو خرج منهااا(ضربات على فخضهااا غادة خاارجة) وزااايدهااا قاالبين عليهااا دنيااا من لفوووق كاايقلبو....و الله يعطيني غييير شوية من بروديت قلبكم يا ولاااد خوياااا...

خرجاات لقرودة كايشطحو فوق رااسهاا بلأعصااب و الفقصة الدعوى مخلطة عندها...

عصام كرز على يديه و ݣلس على سرير مرجعهاا لجيهت فموو مركز شوفة لجيهة وحدة لغدايد كايغليو فيه من لداخل تلف مابقا عرف مايدير...

خنساء شافت فيه بتحسر شديد...كايقطع ليها قلبهاا ملي كاتشوفو فديك الحالة عاجز مقادر يدير واالو و الوضع طالب منو يتحرك و مايضيعش الوقت....

نطقات بصوت هادئ و برجاء: ان شاء الله غادي نلقاوهاا...نسرين مايمكنش تخلي كولشي و تزيد...باينة شي قضية تم...

عصام نطق و هو مزال فنفس الوضعية محقد الشوفة:خرجي اخنساء بغيت نبقا بوحدي(شاافهااا ماتحركاتش و هو يغوت) واااش مكاتسمعيييش قلت ليييييك بغييييت نبقااااا بوحدي...

فلبلاصة ستاجبات ليه و خرجاات عارفا اعصابو تشحنوو بما فيه الكفاية فداك النهاار ومكاين لااش تزيد عليه حتا هيااا...

نطق بتوعد شديد و لعروقة تبرزو فيديه لي ضاغط عليهم بقوة: هرباانة و بفلوسي من لفوووق.....(حرك راسو)غاااادي نلقاااك...و غاااادي نتحاااسبو مزيااان انا ويااك ديك سااع...غااا بلاتي...

من بعد تلت يام لي دازت على عبدو فحال شهورة فالسبيطااار ... طلع ليه فراسو داك الجو ... رجع للداار بعدما عطاه الطبيب الادن وطبعا الموعد لي غادي يعاود يرجع عندو من بعد اسبوع باش يراقب حالتو ... كان متكي فبيتو وهو كايشوف فتصويرة خنساء معلقة قبالتو فالماريو .. من نهار رجعوا بجوج وهو دايرها تمااا ... كاان فرحان انه رجع معاهاا وحس بالدنيا ضحكات ليه ولكن فرمشة عين هاديك الفرحة تلاشاااات ... دخل سيمو هاز كاس ديال العصير فيدو وجداتو ليه حيااة ... شافو ساهي فالتصويرة ونطق بتساؤل : شنو وقع داك النهار ؟؟ ..

عبدو فاق من سهوتو وشاف فيه : اينا نهار ؟؟؟ ...

سيمو : نهار لي مشيتي دوي مع خنساء على زوااج .... طرا بيناتكم شي مشكل ياك ؟؟ ...

عبدو حك على لحيتو منهد : ما طرا والو غير ماتفاهمناش وصافي ... ( بلع ريقو بتهرب ): كل واحد غايشد طريقو ...

سيمو حرك راسو بايجاب حس بيه مقلق منها وضاربة فيه لجدر وهادشي ظااهر مايتسناهش يقولو لييه ... ولكن حاس بيه مباغيش يدوي هاد السااعة ... مابغاش يحكر مخليه على خاطرو حتى يرتاح وغايجي بوحدو يدوي معاه ...

عبدو بقا كايشوف فالتصويرة ونطق مخنزر : حيد عافاك ديك التصويرة من تم

سيمو هز حاجبو : واش ديال خنساء ؟؟؟ ...

عبدو بايجاب : اااه مدها ليا الله يحفظك ...

سيمو ناض حيدها ومدها لييه ... شاف فيها عبدو وحقد عينو بطريقة غريبة كانه كايشوف فعدوتو ماشي انسانة كايبغيها وقطعها على ربعة راميهااااا وهو مخزز ... تحت نظرات سيمو لي تأكد ان الموضوع كبير بينااتهم واكيد غاتكون دارت معاه شي فلاش خايب لي خلااه يضرب عليها بهاد الطريقة لدرجة كايحملش يشوف حتى صورتها من بعدما كاان كايتسطى غير باش يسمع صوتهاااا ولا يشوف فعينيها

عبدو : مابقا عندها مادير هنااا ... ( شاف فالعصير وباينة العافية شاعلة فقلبو ): ارا اخويا نبردو الجوف ...

سيمو ابتاسم :. هاك ونسا الهم ينساااك ... وميك حتى يحن الله ...

عبدو بايجاز : هاد المرة انا غانميك فخطرة كاااع ... والهم انا لي درتو لراسي على والو وانا لي غانرميه ...

سيمو : يكون خييير ...

عبدو خدا العصيير وشربو كايحاااول ينسى اولا الاصح يتناسى الجرح لي فقلبو من جيهتها ولي كايضرو كتر من داك الفتحة لي دار ... ضيع عمرو كامل وهو كايتسناهااا ويفكر فيها ومعمر بيها قلبو ... دار اي حاجة باش تسمح ليييه وتنسى الموضوع وتبادلو نفس الشعور ولكن فلخر لعبات عليه ومادارت حساب لحتى حااجة.... بسباب هوسو وحبو ليها مرض راسو وحياتو وطيح صحتو غير بكترة التخماام ... حتى من راسو هملو وفلخر جابهاااا غير فصحتو لي خانتوو ... مقرر وبشكل كلي انه عمرو يطوف بساااحتهاااا والاا يدكر حتى سميتهاااا على طرف لسااانووو ..

فالدار عند رانيا كالسة خنساء كاتبلاني هي وياهااا وكاتعاود ليها شنو فكرات لاسماعيل وشنو غادير باش يخليها تزوج بسيمو بلهلا يطريه ليه

خنساء بتأييد : صافي ديري البلان وشوفي على ربي والا ماصدقش ليك نفكرو فحاجة اخرى ...

رانيا : لا لا بابا وكانعرفوا كايتعفر قدام كلشي يجي حتال لعندي يحس بيا غانمشي فيها ينزل بزز منو ...

خنساء : ايواااا على مولااانااا ... مايكون غاا الخير ان شاء الله ...

رانيا : ماقلتيليش شنو ولا دار عصااام ؟؟؟ ... كاين شي خباار ...

خنساء : اش غايدير مسكين راه كايدور فاازناقي بحال الهبيل. ... تقول الارض تشقات وبلعااااتهااا خلاااتو غادي جاي للكوميسارية النعاس مابقاش كايشوفو ... ولا الدروبة يدور فيهم ويعاااود ...

رانيا : واش هاد مرت خوك عندها شي عقل ولا ماتكسااابوش ... عار ربي واش من نيتهااا ... علاش هادشي كامل دابا. .. عنداك تكون وقعات ليها شي حاجة؟؟؟

خنساء : اش غايوقع ليها .. الخبار الخايبة دغيا كاتوصل كون طرااات ليها شي حاجة كون سقنااا خبااارهااا ... انا متاكدة هاد المسخوطة غاتكون دايرة شي موصيبة. .. وخافت من عصام وطجااات ... شتي كون طرالها شي حاجة كون تعرفااات ...

رانيا تنهدات: ناري اختي حتى حد مالقاها كيف بغاااهااا ... حتى واحد ما هاني من المشاااكيل لي ماعندو هادي عندو لوخرة ...

خنساء : شتي نسرين مخها لي فيه المشكل .. وهاهي دابا غاتجيبها فراسهااا برب ويطيح عليها عصام حتى يخرجها منهاااا على هاد الفقايس لي دارت فيه خدمتو مكايمشيش ليها بمسبتهااا... وعاد راه عمتي حلفااات بحلوفها لا باقي عتباات عندنا لدااار ... وحتى با لي موااالف يبردهم عليهاا رااه مابقى لقااا باش يدافع عليهااا كايدعي الله غير تكون بيخيير ...

رانيا : الله يصاوب صاافي ...

خنساء طولات فيها الشوفة : عبدو خرج اليوم ياااك ؟؟ ...

رانيا بايحاب : اه الصباااح بكري جاو لداار ... راه بيخير علييه بلاما تبقاي شاطنة معاه راسك ...

خنساء بلعات ريقها : بغيت نشوفو ... ماكرهتش نمشي عندو مني تكوني غادة ...

رانيا شافت فيها : واش متأكدة ... نتي عارفة موقفوا كيف دااير منك ... ديك النهار غير. جبدت سميتك كحل بالعمااا ... كون غير تخليه يبرد ..

خنساء : ماغانتهنااااش الا ماشفتوووش غانمشي نشوف ولي بغا يديرو يدييرووو ... يتعصب ويغوت ويغضب المهم نشوفو ( بحرقة): خاطري كايضرني من جيهتو

رانيا تنهدات عارفاها مصرة :غا لي بغيتي اصحبتي ... نتي تعرفي ... على خاطرك

خنساء بايجاب : مني تكوني غادة علميني ...

رانيا : واخا ... ويلاه نهبطو نشربو قهيوة راه ريحتها واصلة هناا الواليدة ولات فيها بلية تشربها فهاد الوقت ...

خنساء : يللااه نيت رااسي هي لي خااصاااه ... تكعدييي وعطيني معاها شي كعيبات قاتلني جوع ...

كانت نسرين ناعسة فوق لفوتوي حازمة على جبهتهاا بزيف و دايرة فوقو يديهاا و مغمضة عينيهااا...

خرجاات وفاء من لكوزينة كاتحرك فلكااس دايرة فيه كينة كاادوب...ݣلساات حداهاا ݣعداتهاا من يديهاا بااش تݣلس و مدااتو ليهاا...

وفاء:هااكي شربي...غاتكوني خرجتي لجردة و شمس شقاات ليك الراس...

نسرين شداات عندهاا لكااس و نطقاات بنبرة عياء:لااا مخرجتش ݣااع...اصلا ركاابي بااش نتمشى من صبااح فااشلين علياا...و رااسي غاايقتلني...

وفاء: يمكن حيت هاد لأياام عطيتيهاا لكترة التخماام حتاا حفيتي دمااغك...هزيهاا منين خفافت حتاا نتي و رخفي على رااسك...

نسرين هزاات لكاس شرباااتو كاامل فدقة و حطااتو فوق طبلة...رجعاات تسنداات على لوسادة و قالت:كيف غااندير نهزهاا منين خفافت غير قولي ليااا...ماحيلتي لميمتي لي معرفت كيف غايكون بيهاا داباا...و ماحيلتي لي عصام لي غايكون قاالب عليا دنياا بااش يلقااني....تمنيت يدي كوون غير تقطعاات و ماحطيتش يدي على فلوسو...

ردت عليها بتنهد: وسير مع لمكتاااب معندك ماديري

نسرين ضحكات بستهزاء:كاان كايسحااب لياا راسي مشطرة و حتاا واحد مايديرهاا بياا...سااعة طلعات عندي غير شطاارت لغرباال...خلاوهاا ماليهاا يطلق دݣيݣ و يشد النخاال...نيتي لي خرجااات عليااا حتاا وصلت لهااد لماصل كااملة...وكيييف غاانديير نفكهاااا غااقولي ليااا...

وفاء: مزاال يفرجهاا الله...و هااديك لي وصلاتك لهاادشي كاامل ݣااعمة تخرج ليها سالمة داباا تسمعي خباارها...رااه دياال النااس عاافية...الى ماتحاسبات هنا غاتحاسب لهيه...

نسرين رفعت نضرها لأعلى و نطقاات بدعاء و بنبرة باكية:الله ياخد فيهاا الحق... و الله يسمح لياا حتا انا على هادشي لي درت فعائلتي كاملة...

بلعاات ريقهاا بصعووبة خسرات ملاميحهاا و هيا حاسة بردة طاالعة معاها،دغياا داارت اديها على فمهااا و ناضت كاتجري للحماام فرغااات ݣاع داكشي لي كلات رغم انهاا مكلات والو نهار كامل غير كاتنقب...

خرجات من لحمام هازة فوطة كاتنشف فوجهاا...رجعاات ݣلسات فوق لفوطوي مغمضة عينيهاا و جهاا مخطووف

و نطقاات بألم:ااااه اربي اشهاادشي...كانمووت اوفاء ختي كااانمووت...الله ياربي و تزادتني حتااا دوخة...

وفااء بقات غير كادور فعينيها مفاهمة واالو...شوية و هياا تصغر نضراتهاا بتشكيك...و قالت: اجي جااتك لغيݣل و لا فاتت و قتها؟!

نسرين و هياا باقة على نفس الوضعية: وشكون باقي شاد ليهاا شي حسااب... بقاات لياا غير هيااا...

وفاء سكتات لتواني و لوات شفايفها بتخمين:واقلة ياصݣعة رااكي حااملة...

غير وصلات ديك "حاملة" لمساميع نسرين و هياا تحل عينها فلبلاصة مخرجاهم دايرة لعندهاا مݣعدة فلݣلسة دغيااا توݣداات تقول ماملهاا والو...

و نطقاات بصدمة : شنوووووو؟!!!

وفاء:راه قلت وااقلة...حناا مامتأكديينش

نسرين:دووي باااش عرفتيهااا؟!!

وفاء: واناا صراحة معرفتهاا بوالو...غير هو هاادشي لي بيك دخلني شك...ها دوخة ها ردان ها رااس شادك نهار و ليل...يقدر يكوون لوحم...

ردات عليهاا نسرين و هيا باقة تحت تأتير الصدمة:عنداك يكووون بصح...(ضربااات على حنكهاا) اويلي و تكووون بصح...

وفاء:عرفتي شغااديري...باش نقطعو شك بخطرة.... اناا غانمشي نجيب تيست من لفرمسيان لي فدورة...بلخف مغانتعطلعش....

مشات وفااء هزات صاكهاا و خرجات لفرمسياان...مخليااا نسريين مزاال شاادة على حنكهاا و عينيهاا بداااو يغرغرو لعرارم تخلطو عليهاااا....

مرت ربع ساعة تقريبا حتاا رجعاات وفااء...غير حلات عليها نسرين لباب و هياا طير ليهاا ساشي خاطفاه بلهفة من يديهاا و مشاات كااتجري لحمااام....

من بعد دقائق و وفاء كااتمشي و تجي كاتسناا فيهاا تخرج و أخيراً خرجااات لعندهاا كاتماايل فلخطااوي...هازة تيست فيدهاا...ووجهااا زاد تخطف منو لون كتر ما هو مخطوف

قربات لعندهاا وفاء و قالت: امضرى؟!!

نسرين شافت فيهاا بنضرات غير مفهومة....كاترمش بتتاقل شديد من تأتير الصدمة لي لاعبة عليهااا...

نطقاات بزز بااش كاتخرج لهضرة حلقهاا نشف...مدورة لعندها تيست و جوج خطوط متوازين فلون لأحمر بااينين بشكل وااضح:انااا بصح....حااام...

قبل ماتكملهاا تقلبو عينيهاا.. فقدااات توازنهااا و جااات طاايحة على طولتهااا نيشاان للأرض...منقاطعة على لعالم الخارجي فاااقدة وعيهاا تمامااا...

قربات وفاء لعند نسرين لي كانت متكية على سرير مسندة ضهرها على لمخدة كتشوف فجهة وحدة مقاادراااش تهضر و لا تنطق من حر الصدمة بحتاا كلمة...صافي تقداو ليهاا بلمعقوول...دمووع محجرين فعينيهاا ...لدرجة بااغاا تنووض تغووت تبكي و لكن جهد واالو فااشلة بلمزياان...نزل عليهاا خبر الحمل كيف الصاعقة...

نطقات وفاء بتحسر كاتمسح على شعرها كحركة منها باش تهدئهاا:شوفي...معرفتي هااد لحماالة تكون جاات فوقتهاا باش تحل ليك ݣااع لمشاكيل لي طايحة فيهم...خاصك تفرحي اصحبتي...

نسرين دارت لجيهتهاا بتتاقل و نطقاات بصوت مبحوح:انااا دايرة شي دنب بلا مانعرفو فحياتي و هو لي تابعني بحاال شي لعنة....بزاااف على صݣوووعية...(كملات بنبرة مخنوقة) عرفتي شحااال و انا كانتسناا بليل و بنهاار بااش نحمل...ݣااع دواياات و لعشووب دزت عليهم ووالو...و مغاانطيح حااملة غير ملي تفاارفت مع عصاام و خويت ليه الداار....اهئ اهئ واااش انااا منحووسة لهاااد الدرجة؟!!!...

وفاء: بلا ماتبقااي تفقصي فراسك هاكاا و نتي حااملة...داباا لأمور زادت تعقداات عندك...خااصك تلقااي شي حل...و فاقرب وقت...

نسرين زاادت تبتات عليهاا شوفة.. مسحاات عينيهاا و قالت: كيفااش ؟!!

ردت عليها بجدية:ملي هربتي انسرين كنتي بوحدك...دابا و ليتو جووج...يعني لأمور تغيراات...

جاوباتهاا بتساؤل:كاتقصدي نرجع؟!

وفاء: هاانتي غير فكري...شنوو دنب راجلك مسكين يبقا فدار غفلوون و معارفكش حااملة و غايولي اب...يااك حتاا هو كاايتسناه على جمرة ....براكة غير لمشكل لي خبيتي عليه ومقدرتيش تواجهيه...عاد تزيدي لحمااله حتاا هيااا...

نسرين هبطات دمعة حارة من عينيهاا و قالت بإجااز: ماانقدرش...هو مغاادي يعرف واالو...لاا على لمشكل لي طاري ليا وبسبابو هربت... ولا على لحماالة...

وفاء هزاات حاجبهاا:شنوو غااتبقااي هرباانة عليه و على داركم حتاا تولدي؟!

نسرين:كييف غااندير نواااجهو غير قولي لياا...نتي مكاتعرفيش عصااام...الى شااف خليقتي غاادي يشق سمااا عليااا بااقي حتاا مادويتش...اسحااب ليك غاادي يتسناني ندوي و نقولو بلي انا حااملة...(كملات بنبرة اصراار) من سابع المستحيييلات نقولهاا ليه..و لا نوااجهوو...حاااليااا لااا تم لااا

وفاء تنهدات ملي شافتهاا مصرة على هضراتهاا و مغاتراجعش عليهااا...هياا بنسبة ليها نصحتهااا و لكن لقراار فلأخير كايرجع ليهاا و هياا لي كاتحددو...

جراات نسرين لغطاا عليهاا و دمووع معمرين عيينهاا...تكااات حااطة بشوية يديهاا على كرشهاا كااتحسسهااا...كاادعي الله فخاطرهاا تفرج عليهاا...حاسة براسهاا زاادت غرقاات كتر من لول...تجمعات عليهاا من كل جهة....و مشكلتهاا نهاار على نهاار كاتزيد تكبر...بلاا ماتلقااا ليهااا حتااا حل...

فالدار عند رانيااا كانت كاالسة عتيقة و رانيااا من بعد مامشات خنساء لدارهم ... حاطين الديسير من مور ماتغدااو

عتيقة : ومال خنساء مابغاتش تكلس تغدا ؟؟ ...

رانيا : راااكي عارفة بلان نسرين مشات تشوف خوهااا اش داار ... وعاد غدا غانمشيو نطلو على عبد الله

عتيقة :هكااك وغاتمشي معاك حتى خنساء ؟؟ ...

رانيا : اييه حتى هي بغات تطل علييه ... راهم جيران فالخدمة زعماااا ... وعادي يبقى بالها مشطون عليه ...

عتيقة : اييه ايييه جيران فالخدمة ... مافيهااا باااس زيارة المريض مزياانة .. ايوا ونتي اش درتي مع محمد ...

رانيا : اش درت مع بااا امااا محمد راني معااه مزياانة .. راجلك لي ماباغيش يتردع ...

باقي ماكملاتها حتى وقف هو داااخل عليهم ... نطق بتساؤل :. مال راجلها تاااني ؟؟ ...

رانيا ميقات بلاما تجاااوبو مدورة عليه كمااارتهااااا من ديك الوقت وهي نافخة عليه معاجبها حال ...

عتيقة : امضراااا فكيتي الجرة ؟؟؟ ...

اسماعيل كلس : اودي اش غانفك ... الا بقات الامور هاكة غايخصني ضروري نرجع هاد الايام نحل المشكل وعاد نعاود نجي

عتيقة تنهدات : انا كون جيتي عليا كون سمحتي فكلشي وجيتي درتي شي مشروع على قدك فبلادك وحدانا والا هاد تماارة دمشي وجي والغربة ...

اسماعيل بلا حول : الهضرة ساهلة اعتييقة معاارفة واااالو ... فهاد الوقت بنااادم مقجووج وهو خدام بقا غايعاود من لول ويدير مشرووع الله يهديك ...

عتيقة : ايوا الله يصااوب ...

رانيا نااضت منفخة وطلعااات لبييتهاااا ماهضرااتوش دايرة فيها غضبااانة علييه ...

اسماعيل : هادي مالهاااا واش باقي كاعما بغاات تفش ؟ ...

عتيقة : ومغاديش تفش واش ماشفتيش حالة الدرية كيف ولااات ... الماكلة غير بزز باش كتاكلها وهضرتها مابقيناش كانسمعوها غير سادة عليهاا فبييتهااا ... عار ربي برااكة من العكس وخلي دراري يديرو ما بغاو فحياتهم ... انا راه وليت خايفة على بنتي توقع ليها شي حاجة بسباب هاد الموضوع ...

اسمااعيل : اش عندها مادير الفشوش الخاوي دابااا تغضب وتنساااه مالو غا هو لي كااين ...

عتيقة : اييه اسيدي غير هو لي فقلبهاااا ... واش باغي تحرم بنتك من السيد لي بغاااتوو وحباااتوووو ...

اسمااعيل ناض : عااافاك اعتيقة راااه راسي مبرزط ماتزيدينيش حتى نتيي وفشوشهاااا .... لي فيا كافييني ..

عتيقة :. وااا اجي غير تاكل بعداااا ... غاتبقى بلا غداا

زاد من تما طالعة ليه بلامااا يجااوبهااا ودخل لبيتو تكا يرتااااح ..

فليوم المواالي....كاانت نسرين ݣالسة مع وفاء كايتغدااو بجوج...

نطقات نسرين و هياا كتااكل بشراهة فلݣلاص لي جابت ليها:الله يااختي غاتدي مني لأجر بهاد لݣلاص...محملااش ناكل شي حاجة من غيرو ݣااع...

وفاء: ولاهيلا ملي عيطتي عليااا كنت جاياا فطريق...و قفت على ودك حتاا خديتو فطريق عاااد جيت لعندك...عرفتك غاتكوني مشهياااه...

نسرين بتاسمات ليهاا و نطقاات:عمرني مغانساا هاادشي لي درتي معايا.... غايبقاا محطوط فوق راسي.....الله يرحم ليك الوليدين و يكتر خيرك...

وفاء:حتاا نتي..ماتقوليش هاكا...حناا لبعضياتنا...ليوما محتاجاني...و انااا غدا نقدر نحتاجك..و هياا غادة...هادي هياا دنياا...

نسرين:دااكشي لي كااين...

بااقين كايهضروو حتاا تسمع دقان فلبااب...

نطقاات نسرين بصوت خاافت كاتشوف لجيهتو:شكوون لي غاايجي...(خرجات عينيها)ناااري عندااك يكون عصاام...

وفاء:اويلي على عصاام...تي مالكي غامرعودة... وزيدون بااش غايعرفك هنااا...

(زاادت وتيرة الدقاان...ناضت وقفاات و قالت) سربي سيري دخلي لبيت و سدي عليك...اناا غانشوف شكوون...

بخطوات سريعة ناضت نسرين غادة لبيت سادة عليهاا...

مشاات وفااء تحل...مع لحلة وهياا طرطق فيه عينيهاا و حتاا هو طرطقهم فيهاا بصدمة...مكاانش عاارفهاا واش غاتكوون معاهااا..هااز جوج ساشيات كباار انيقين منفوخين...و واقف عند لباب جاامد مقدر يزيز حتاا خطوة

نطق بالع ريقو واحلة ليه لهضرة:ش..شكاديري هناا؟!!

وفاء طلعااتو ونزلاتو... خرجات نفس بصوت مسمووع لعفاارت بدااو كايشطحو فوق رااسهاا...

خنزرات فيه للحد و قالت:رااه وااقلة اناا لي خاصني نسولك هااد سؤال...(صغرات فيه عينيها معليا على حاجبها)ياااك ملي قلت ليك واش مسالي نخرجو اصومبل قلتي ليااا لاا غانمشي نجيب ولدي من لمطار غايجي ليووم...ممممم؟!!

وجهوو رجع حمر و مابقاا والو و لعرق ينزل ليه من على جبهتو ..حك على لحيتو لي طاغي عليها الشيب بشكل واضح و قال كايتلعتم:اءء..اممم...هو...اءءء...داباا فلحقيقة اناا كنت غاادي لمطاار...(بتأكيد) غااادي....و لكن عيط لياا الدري قالياا الطياار دايرة روطار لهيه...غاايتعطلوو...و قلت مكاين لااش نبقاا نتسناااا...و دزت من حدا واحد لبوتيك لقيتهم داييرين صولد و خديت عندهم واحد جوج صيكان و جوج صبابط و لبيسة...(حك ورى عنقو ملي شااف نضراتهاا رجعاات حارة فوجهو...و كمل مخفض صوتو) لنسرين مسكينة قلت نفرحهاا...

وفاء ردت عليه مطولة هضرتهااا و دمهاا بداا كايغلي:صيكان و صبابط و لبيسة لنسرييين...يااااك

دغياا جاوبهاا داير فيهاا تايق فرااسو:فسبيييل الله...مباااغي غير لأجر...و شوية الحسنااات نلقااهم غدا يوم الحسااب...لبنت مسيكينة مديومة قلت نسيهااا شوية....هادا مكااان...

وفاء سكتاات توااني صارطة على فقصتها لي بداات كاطلع معاها مكرهااتش تلااح عليه بقجة و قالت:و بديك نية تلقاا مولااك...

رد عليها مبتاسم:انا كون عرفتك هنااا كوون حليت بسااروت ݣاعمة نعدبك تنوضي...دقيت حيت مابغيتش نجي و ندرم على البنت...

وفاء: لا داكشي لي بقاا ليك...غير تدخل بلاموجب شرع على مرى مزوجة....

قاال ناطق بنفي:اعوودو بالله...مالني حمااقيت...(دور عينيه)فيناهياا بعداا كاعماا باانت ليااا...

ردت عليه بصرااخ:اشبغاايتيهاا...اشبينك وبينهاااااا اصلااا...حتاا تجي عندهاا و لا تسول فيهاا ولا تجيب ليهاا شي حاجة من لأصل بلا خبااااري

عرفهااا تزنداات...نطق بغاا يهدنهااا:واايلي افوفو دياالي نعلي عليك شيطان...مكااين لااش هااد تعصيبة كااملة...اناا قلت ليك بغيت ندير غاا لخير...(تقدم خطوة وقاال)خليني ندخل نسلم عليهاا لا تقوليك جيتي حتاا لهناا و ماشتسنيش...

دغيااا حطااات يديهاا على لبااب..وليد تاانية داارتهاا على خصرهااا..دفعاات عليه صدرهاا و قاالت بحدة:لكبيييير...دردب مع طرييق...سييير شووف ليك مااتقضي و فوت عليك لبنت...بلاااا ماتخلي لقنااادش لي مالكيني يخرجووو(يلااه بغااا يهضر و هياا تقااطعو بصراامة)و هضرناااا معاااك...سيير جيب ولدك و ݣلس معاااه...وقيل علييك هااد لبلاااصة....

شاافيهاا للحضات حرك رااسو و زاااد...قبل ماايمشي عيطااات ليه و قاالت:اجي بعدااا...طلق دااكشي لي جبتي...ارى لهنااا

مد ليهاا ساشيات وقال:وهاكي عطيهم ليهاا راه ديالهاا عندااك تنسااي...و ردي علياا وااش عجبووهاا ولا لاااا...

وفااء صااطت فوجهوو و ردخااا لباااب....دااخلة معصبة كاارز على شفاايفهاا بلغدااايد...وناار لغييرة كاتنهش فييهاا من لدااخل...داكشي لي كان كايدير معاها الشارف فلول ولا كايديرو مع نسرين...نفس لهتمام و لإعجاب قرااتو فعينيه...وعااد حسات بيه فلأونة لأخيرة مابقاااش عااطيهاا وقت....ديماا كايتحجج بأنو مشغول و مامسااليش...من نهاار دخلات نسريين فحيااتهم...تقلب...و حتاا ملي كاتلقاا معااه كايبداا يلوح ليها لهضرة عليهاا...و كيفااش كايبقا يوصي فيها ويعاود باش تهلى فيهاا

خرجاات نسرين من لبيت كاتسلت من بلحفاا بعدما سمعاات بااب الداار تسد و لحس تقطع...

قربات لعندهاا و قاالت: شكوون لي جاا...

وفاء شافت فيهاا بقنت عينيهاا و قالت بنفخة:غير سي سيد...جااي يقلب عليااا...

نسرين هبطات عينيها لسشياات:هااي هااي...هو لي جااب هاادو...خدااهم لييك؟!!

وفاء ردت عليها بعجرفة:و لمن غايجيبهم فنضرك...معلووم ليااا...

نسرين بابتسامة: اوى أختي بصحتك...الله يخليه لييك يبقااا ديماا مبرعك بليكاادو حتاا تقولي بركة...

خرجاات بتسامتهاا بزز تقول مخرجاها من لمعدة مرادة عليها بواالو...

نطقات نسرين:اناا غانمشي ندوش...نتي غير كملي غداااك...

كملات على هضرتهااا و مشاات هزاات فوطة و دخلات لدووش... نطقاات وفااء كااتشوف لجيهتهاا بحقد:بسبابك مابقاا عند هااد لغدا منين يدووز...شنوو داباا...انااا غااندير لخير و غايصدق لياا بومزوي... و نرجع دمدومة و تقلب علياا لبرادة؟!!

قرباات لجهة الدووش تاكداات انهاا مخدمة الرشاشة...و زااادت لبيت...مشاات لبلاكار فين مستفة نسرين حوايجهاا و جبداات تيليفونهاا...شعلااتو م ركبت ليه شارج ديالهااا...و بحكم كانت عارفة لكود حيت ديما كاديرو قدامهاا...دغيااا خداات نمرة عصاام قيداتهاا عندهاا...طفااتو مرجعااه لبلاصتهاا...

وخرجت هزاات صاكهاا و دوك ساشياات و ضربااات لبااب....

تعماات فديك اللحضة مابقا كايبان ليهاا والو قبالتهاا...من غير انا نسرين تقدر تدي ليهاا بلاصتهاا...و تخلي علاقتهاا بشاارف تهدم..

بعداات شوية على الداار و قبل مادور لخط.. ترددات فلول...و لكن تشجعاات و قاالت:سمحيليااا ولكن لفلووس عز لياا منك...الى خليتك هناا غانصدق اناا و ياك غير فلمشااكيل...لي ماتقدي عليهم لا انا لا نتي....

دغياا دوزاات لابيل ليه...كاان متكي فبيتوو دااير اديه ورااسو لي قرب يطرطق بكترة التفكيير...حتاا سمع التيل كايصوني...هزوو و حول ملاميحو بستغرااب ملي لقااا نمرة بريڤي كاتعيط ليه....

دوز لخط و نطق هاتف بهدوء:وي الو؟!!

ردت عليه قلبهاا ضرب:عصاام هداا؟!

جاوبهاا بإجاب:اه هو هداا...شكووون معايااا..

وفاء:مااشي مهم شكوون انا...تقدر تعتابرني فااعلة خير...لي عارفة مرتك فين كاينة....حل ودنييك مزيااان و سمعني....

عبدو كاان كالس فبيتوو وسيمو التحت شاد ماتس ديال الكورة كايتفرج بحكم حياة مشات للمارشي تقضى ... مكونسونطري مع اللعب حتى سمع الدقاان فالباااب وناض متااجه لجيهتو .. ابتاسم فور ما شاف رانيا شوية وهي تبان ليه خنساء وراهااا بلع ريقو عارف القضية موحال غاتخرج على خير ..

نطق بترحيب : اهلاااا ... مرحبا بيكم ....

رانيا : شكرااا الحيبااان ... كاينة خالتي حيااة ؟؟ ..

سيمو بنفي : لا خرجاات للمارشي شوية وتجي دخلو مرحبا بيكم ...

رانيا شافت فخنساء : نمشيو حتى نرجعوا ؟؟ ..

خنساء بتفكير واخا مجاتش يدخلو عندهم ولكن عارفة الا كانت حياة تقد تكون فراسها شي حاجة وتنوض ليها ولا يصدر منو شي تصرف وتحضر ليه لاهما تشوفو وهي مكايناش : لا غانطلو غير على عبد الله ونمشيو فحااالناا... حسن مني مكاينااش ...

رانيا حركات راسها بايجااب وتقدمااات واخاا عارفة الا شافها باها غايقطع ليها رجليها ولكن ماعندها مادير ماتقدش تخلي خنساء بوحدهااا وترجع ...

سيمو تقدم معاهم لصالون ونطق : تشربو شي حاجة ؟؟ ...

خنساء بنفي : لا لا غير. عافاك عبد الله واش فبيتو ... نشوفو باش نمشييو ... اصلا دخلة هاكا مجاتش ...

سيمو فهمها ... بغا يقولها من الاحسن ماطلعيش عندو راه مقلق عليك ولكن مابغاش يدخل نطق بايجاب : اه الفوووق ...

خنساء وقفات : رانيا طلعي معايا...

رانيا : غير طلعي هاني تابعاك دويو بجوج بعدااا ...

حركات راسها بايجااب وزادت من تما طاالعة لعندو لفووق ... سيمو شاف فرانيا ونطق : غير الله يحظر السلامة وصافي ... اليوم غايريبوو علينا هاد السطح ...

رانيا : اويلي غير سكت قلبي غايسكت اناااا بلاصتهاا .. قلتليها حتى لمن بعد وهي لي فيها ماهناهاا ...

عبدو كاان متكي على سريرو شاد التلفون داير الماتش لي بادي مكونسونطري معاااه حتى سمع الحس ونطق بلاما يشوف عند بالو سيمو : تااااا ضربتي ليا على بيييت عطاااهم ولااا ... ولد الهم زعزعهم ...

مع دور وجهو وهو يتصدم مشووكي ... بلا شعور قرم حجباانو وخنزر فيهااا حاط التلفون فالجنب .. ناطق بانفعال : اش كاديري هنا نتي ؟؟؟ ....

خنساء بلعات ريقها عرفاتو كااعي عليها بالبياان ... حاولات تكون باردة وماتبينش توترها وتصرف بشكل عادي : جيت باش نشوف كيف بقيتي ... مايكون عندك باس

دور وجهو عليهااا ماباغيش يزيد معاهاا فالهضرة : هانتي شفتيني واخا مكاين لاش اصلا ... لباب لي دخلتي منو راه باقي محلول كايتسناك ...

خنسااء تنهدات بلا حول عارفااه مقسح من جيهتها مابغااتش تدي عليه : شنو دابا كاتجري عليا ؟؟ ...

دور وجهو عندها وهاد المرة عينيه حمارو : واش كاتفلااااي ولا شنوووو!! ... لاش جايا دابا مافهمتش ؟؟؟ ... اش هاد الخوا الخااااوي كاديري فييه .... بغيتي التيساااع وهاااني عااطيه لييه ... شنو مزااال باغااااا ... بااقي شي حاجة كاتحرقك من جيهتي مزااال باغااا تنتاااقمي علييهااا ... بااقي قلبك مااابرد ( بلع ريقو من الجرحة لي عطاتو الحريق ): اشنوووو مزااااال بااغااااا ...

خنساء : عبدو الله يهديك ... خلينا غير نهضرو ... بلااامااا دير فيها داابا نتا لي مظلوم وانا ظاالمة ... انا ماجيتش هنااا باااش نتناقش معااك فهااادشي ... انااا بغيت غير نطمن علييك ...

عبدو تكعد من بللاااصتووو بلااماا يتسوق لجرحة لي غير بتحريكة بلااا تفكير منووو سيلاات الدم ... نطق شاااعل كايغوت بقوة جعراتو ببرودهااا و استهزائها من شنو دارت وهو باقي كلامها بين ودنو كايقتلو ... غزز سنانو حتى عروقو بااانووو : ماااابغيييش تجي عندي... ماتشوفيني مااانشوووفك .. بعدي غير من سااااحتي ... ماابقيتش باااغي نسمع حتى سمييتك ... انااا محيتك من باالي وحياااتي ... خليني فالتقاااار عاافاااك ...

خنسااء شافت فعينيه حقد عمرهاا شافتو من قبل ... القلب لي كاان كاينبض بسميتها فرمشة عيين ولااا كايكن ليها غير الكره لهاد الدرجة قسحاااتووو بفعلتها وجرحااتوو ...

عبدوو زدح الكاس لي كان فوق الكوافوز بعصبية : سيري فحااالك اخنساااء ... سيري فحااالك وماعمرك تجي عندييي ... فوتينيييي الله يحن عليك

خنساء عضات على شفاايفهااا : عبدو تهدن راك بااقي مريييض....

طلع سيمو ورانيا كايتجارااااو لقااوه معصب لديك الدرجة ووااقف غير بزز تشوكاو فبلاصتهم

عبدو بعتاااب : سيري فحااالك ... سيري فحااالك ابنت السااايب .... الله يرحم ليك الواليدين لامااا خليني علييك ...

تحرك لجهة الماريو بزز مابقاش كايحس كااع بصداع لي فالفتحة بكتر ما كايحس بقلبو شااعلة فيه العاافية ... جبد الصااك لي فييه كااع داكشي لي كاايخصهاااا .. تصاورهاا وديالو وهو معاهاا ودكرياتهم بجووج ... واي حاجة كاتفكرو فيهااا ... خرجو لبرااا بمشقة الانفس والعرق كايصبصب منووو ... حطوو فسطل ديال الحدييد وهز بريكاااا شعل العاافية فيييه حارق كااع داكشي والنار شااعلة تما كايحس بيها كاتحرق قلبو حتى هو وشرتارتها فعينيه ...

خنساء تشوكات فلاااصتهاا من منظرو وشنو كاايدير ... هاد المرة محاها فخطرة من حياااتووو .. توقعاات كلشي الا انه يحرق الحواايج لي سينين وهو محتاافظ بيهم عليهااا .. كانت عارفااه غايكون غضبان منها ولكن ماشي لهاد الدرجة كاااملة .....

نطق والريق مابقااش ففمو كايلهت : نتي دابااا بالنسبة ليا بحال هااادشي ... لي بينااتناااا سااالااا ...اه نسيت مكانش اصلاااا... غير فاحلااامي يااك ايواا هاهو دابا حتى فاحلااامي ولاا رماااد ... ( تقطعاات فيه النفس ورجليه مابقاوش هازينو كلس واتش على ركاابييه حتى الجهد لي يدوي تقاضا ): سيري ... فحاالك ...

سيمو جرااا ليه وهو كايشووف الدم خاارج من الجرحة لي تحللاااات لييه ...

خنساء بقاات مصدومة من حاالتووو والدرجة لي وصلااتو ليهااا ... دموع طااحو على خدهاا بلاما تحس وماقدراتش تقرب لعندو كااع ...

سيمو خافو يتزاد عليه الحال ولا تجي حياة وتنوض معاها روينة خرا : رانيا ديها وسيرو عافااك ...

رانيا حركات راسها بايجاب : ديه لطبيب واخااا. ... ضروري يشوف الجرحة ..

شار ليها بوااخااا وهي جرات خنساااء لي بزز باش زاادت ليها وعينيهااا عليه ماحيداتهمش وهو كايلهت والنفس بزز باش كاطلع فييه ودماياتو كااتجري ووجهو لي صفر ... دمووعهاا مابقااوش بغااو يحبسو بالمرة ... وهو روحو باغااا تخرج بالالم والصداااع لي كايحس بييه ... كايسوووط بالجهد بالحريق وعاد الاعصاب لي ركبااات فييه ولا كلو كايترعد ...

كاان عصاام هاابط مع الدرووج بجرية...كايدير فكل درجة جوج...هاابط كاايسد فكوييرتوو...دغياا خرج سكووتر و لبس لكااسك...مع ديماراه و هيااا تجي لعندو خنساء لي يلااه رجعاات من لمحل...

قربات لحداه بخطوات سريعة ملي شافتو كايزرب و نطقاات متسائلة بهتمام:فين غاادي زرباان؟!!

جاوبها بلهفة:لقييتهااا اخنسااء لقيييتهااا....

مع كمل هضرتووو و هواا يكسيري بسرعة كبييرة مخلي موراااه غاا لعجاااج...و خنسااء كااتشوف لجيهتوو وترمش بستغرااب مفااهمة حتااا لعبة...ماشرح ليهاا واالو خلاهاا تاالفة و زاااد...

مرت ساعة تقريباً عااد وصل للعنوان لي سيفطاات ليه وفاء...دور عينيه على لمكاان فعلا كاان خاااوي و لغااشي قليل...حتاا من الديور لي مجاورين باينة مطرقين و نصهم مهجوور...لقاا لباب لكبيرة تااع دار مفتوحه...للحضة شك فأنها مغاتكونش تم...و غير شي واحد بااغي يديرهاا بيه....نفض لأفكار من راسو و تقدم للداخل..دق و تسنااا من يحل عليه...

كاانت نسرين ݣاالسة كااتفرج شادة لݣلاص من يديها كتااكل فيه... نهار كامل وهو لي ففمهاا حاسة بيه كايبرد لحرقة لي طالعة معاها بسبب لوحم... سمعت الدقان و نااضت...قالت غاتكوون غير وفاء لي رجعاات لعندهاا...حيت خرجات بلا ماتعلمهاا...مشاات بزربة هازة لكلاص فيديهاا كتااكل فيه و غاادة تحل...

مع لحلة صدمة تلاتية الابعاد تلقاتها ملي شافتو وااقف عند البااب دااير ادييه فجيبو كايتسناها تحل...بلعاات داااك لݣلااص بصعووبة و خا اكاان مݣلاصي باارد جاها حاار فحلقهاا...محساااتش حتااا طيحاات الكااس من يديهاا جاا مشخشخ فلأرض...من بعد ايام قليله من الفرااق العين تقابلات مع لعين مرة أخرى....

قلبهااا ضرب على جهدووو....وودنيهاا رجعووو كايصفرو....

بعدات بخطوة و هياا باقا مخرجة فيه عينيها ونطقاات كاتمتم بنبرة بطيئة حلقهاا نشف:ع.. عصام!!!

جاوبها بهدوء مقرب لعندها بنفس الخطوة لي بعدات بيها: بضبط هو هداا...

دمووع تجمعوو فعينيهاا...خااطرها كايعلمهاا بلي هاادي لخرة ليهاا معااه...مقدرااات ترد عليه بحتااا كلمة...

ضحك عصاام بستهزااء متحكم فعصبيتوو لقصى حد وقاال ببرود مستفز:هه عند بالك هرباانة مني...مغاالقاااكش...

عوجاات شفاايفهاا لي كاترعد بشكل طفوولي..قلبهااا صافي مابقى ليه واالو ويسكت من كترة الضرب لي بداا كايتسمع...

هبطوو دموعهااا و هياا كاترجع بلوور و قالت :مغاااتخلينييش نشرح لييك ياااك؟!!

قبل ماتكملهااا طول خطوتو و شدهااااا جارهااا من جدر شعرهااا حتاا حسااات بعنقهااا غااايطرطق...

دورهااا لجيهت لحيط بقوة حتاا تردخ ضهرهاا معااه و قااال بلغواااات صاااعر:اشغاااايشرح ليااااا ديلمك يااالحمااارة....(حط يديو تااانية ضاااغط على فكهااا بعنف) نتييي تلعبيني على صبع يااا بنت لق*بة....نتيييي ترديني دمدووومة و تخلي شماااايت ينعتوووو فياااا ....نتيييي....

بداات كااتفركل بين يدو و هو مزيرهاا مزياان ملصقهاا مع لحيط مامخلييش ليهاا لفرصة فاااش تفاافاااا و لا تحرك...و لااا كاايباان ليهاا غير ضلااام...عرفاات نهارهاا معاه حكل و غير بيهاا و لا بيييه...

نطقات بصعووبة كااترجاااه و تنحط بين يديه:اهئ اهئ...انااا مزاااااوݣة فيييه ....لميييمة امااا طلقني و سمعني...خليني غاا نفسر لييك اهى اهئ....

عصام حط دراعوو على عنقهاا ضاغط عليهاا حتاا قربااات تجيييف و نطق بصراااخ قوي :سكتييييي حسك ماااننسمعوووش....باااقي عندك لوجه لي تدوي بييييه....كووون ݣلستي نهاااار لول قبل ماتهزي قلووعك و تهربي برب الكعبة ابنت الناااس حتااا كنت غاانسمع لأخر حرف غااتخرجيييه....ولكن حتاااا لهناااا و حبس....بااااش تبيدقيني و ترديني دمدووومة هااادي هيااااا لي مااانقبلهااااش واخاااا يبقاااا فيااا عرق واااحد كاااايضرب....

نسرييييين بشوية القوة لي بقااات عندهااا....حركااات على حر جهدهاااا يديهااا دافعاااه عليييهاااا....

تفكاااات منووو و ݣااع دااتهااا كاااترعد...جراااات بخوووف شديد غادة كااتجري...مع زطمااات على كااس لي مهرس و لݣلاص مكبووب فلارض و هياا تمشي بييهاا رجلييهااا مزلقااهااا...قرب بغااا يشدهاا ولكن فلتات ليه و جااات طااايحة على لكرسي تاع صلامونجي لي كان فلمرااح و قنتووو ضرباتهاا نيشااان جنب كرشهااااا زوااتهااا...تلاااحت طااايحة فلأرض بقوة شااادة على كرشهاااا بلوجع لي شدهااا حش ليهاا الركاابي فلبلاصة....شهقااات بألم حاااد لي كاايقطع فيهاا لدااخل...

و غوتة وحدة طلقاااتها مخرجاهااا من اعماااقهااا ناااطقة بصرااااخ: اااااااه كرشيييي.....عفاااااك أولدي لاااااا ماااتمشيييش تاااني وتخليني....لاااااا ماااتمشيييييش....اييييييي اربيييي كرشييييي....

عصام بقاا وااقف جاامد فبلاصتوو و هو كاايشوف فيهاا كايفااش كاتقطع قداامو بلوجع...قرب لعندهاا و حااول يݣعدهاا بيديه و لكن واالو مقدراااش تحرك كااتتغوت وتبكيي بلحريق مامخليهااش تعقل:اااااه اربيييي كرشيييي...كااانمووووت....كااانتقطع انااا وولدي.. كااانموووت اهئ اهئ....

عصام لوى يديه على كتفهااا محااول يݣلسهاا... بدااا كايمسح ليهاا على وجهاا لي رجع حمرررر محبووس فيه الدم و العرق ناازل من على جبهتها ....

نطق بقلق قلبوو كااايضرب على جهدوو مخلوووع عليهااا ديااال بصح:تكااالماااي ...مغااايوقع ليكم واالو...ترخاااي شوية ترخااااي...طلعي النفس واخااا

زاادت غوتااات بزز بااش كاتقدر تنفس مغمضة على عينيها بلحر و مزيرة على كرشهاا:ماااانقدرش....كااانتقطع...كاااانتقطع

و هماا مزاالين على نفس الوضعية دخلات وفااء بخطواات سريعة...سمعاات غواتهاا من لبااب لكبير عرفااات لقضية غاتكوون حاامضة...

غير شاافتهاا هكااك و هياا تحط يديهاا على فمها مخرجه عينيهاا و قالت بصدمة:اشدرتييي ليهااا...يااااك قلت ليييك حاااملة....

عصام بنبرة قوية:بطيرااانهااا زلقااات البشااار زلقاااات....وااااش بنت ليك حمااار غااندير ليهااا شي حاجة و هيااا متقلة

نسرين شاافت فيهاا و نطقاات بصرااخ لحر مجعرهاا:يااااك هااادي هياااا تيقتي فيييك....نضتي بيعتي بيااا لعندووو....يااااك الكلبة ياااك....(زااادت غمضات عينيهاا)ايييييي اربيي...

تحناات لعندها و شدااتهاا من يديها: راااه هاادشي لي خااصو يكوون....اصحبتي ماتقلقييش علياا رااه على قبل مصلااحتك درت هاكااا....

نسرين جراات يديهاا لعندهاا و نطقاات فعز الامهاا: بعدي منيييي ماااتقيسنييييش...اناااا مصاااحبت حد....مكااااين لي وصلني لهاااادشي قدكم يااا لغداااراات....الله ياااخد فيييكم لحق كلكم...وحدة وحدة كوووولكم...ااااااه كرشيييي

عصاام نااض وقف و هزهااا بيين يديه...محااول يتصرف بزربة و يعتق الى بااقي ماايتعتق...

نطقاات وفااء غاادة جيهة لباااب:لوطوو لتحت...راهاا محلولة...اناا نسد لبااب و نتبعك...

بزربة خرجهاا لزنقة و قاادهاا بمهل...تبعااتو وفااء لايحة ليه السوراات... و ركباات حداهاا كاتحااول تهدن فيهااا وهياا كاتوجع حااميااهاا لغواات... تنهدات بحرقة مابغااتش تخسر علاقتهاا بنسرين و لكن مكانش عندهاا خياار اخر...من غيير تعااود ليه كلشي بلا ماتنسى واالو... لبلان لي دارت ليهااا صفاء و لي بسبابو هرباات...و مأكدة ليه بلي ݣالسة عندهاا فداارهاا...و بلي قرييب غاادي يولي اب...

لعشية تعااشاات... عصام كاان ݣالس قداام لبلوك مفيكسي عينو على لباب كايتسنااه يتحل... دقيقه كاادوووز تقيييلة علييه كأنهاا ساعاات طوييلة....ملي دخلوهاا مبقاا خرج منهم حتاا وااحد...كاايتسنى على جمرة و كاايدعي الله فخااطرو يحفضهم بجووج...

صوناا تيل ديال وفااء لي كانت حتاا هياا كااتسنى مقلقة بخصوص حالة نسرين لي ماعرفاا كيف غايكون بيهاا...

جوباات بعصبية:اوووف درتي ليناا طيارة على اللوطو بحاالا معرفت شنو خليتي عندناا...هاااني غير نساالي و نوصل ليك زفتتك حتاا لباب الدارر غاارتااح...

قطعاات عليه...دار عندهاا عصاام محقد فيهاا شوفة...مدخلااتش ليه لخااطرو نهائياا...

لاح ليهاا السواارت لي بتلفة نساهم عندو وقال نافض على يدو :شدي هاا زفتاتو... شكراً....سيري دابا فحاالك دردبي الله يعااون العااوناات....

خداتهم من عندو بالعة لقمعة...ناضت و قفات و قالت:ماايكوون بااس عندهاا...ان شااء الله تكون بخير هياا و لبيبي...

عصام نطق بنبرة موجزة بلا ماايشوف فيها:ان شاء الله...

بتاسمات ليه بخفووت و كملات على خطاويها غادة فحاالهاا...بنسبة ليهاا دارت لي عليهاا و اصلا مكااين لاش تبقاا تم.... عارفة الى فاقت نسرين غاتزيد تسمعهاا خل ودنيهااا...فاللهم تمشي بكرامتهاا حسن ماتزيد تبهدل معاهم...

تحل لبلووك و خرجاات منو ممرضه كااتخرج السرير الطبي...قرب لعندهاا عصاام و قاال بلهفة:ختي امضرى...كيف بقااات...وااش بيخير؟!!

ردت عليه و هيا غادة:سمحلي اسيدي مانقدر نقولك والو...دكتوغ غا يخرج دابا و يقوليك شنو كااين...غير تسنااا...

غير كملاات هضرتهاا و مشات طايرة من قداامو....خرج نفسوو بنزعااج كبييير و ضررب على لحيط لقبلاااتو بعصبية...عقلوو و قلبوو كلهم بقاا لدااخل..مااحيلتو يفكر فيهااا هياا ولا يفكر فلبيبي....عقلو حااس بيه غايحبس...

خنساء دخلات هي والعربي كايتجاراو وموراهم نجاة ويعقووب تابعينهم بعدما عيط ليهم عصام عاود ليهم لي وقع من لول ... لقاو عصام غادي جاي فالكولوار كايتسنى شي خبار .....

العربي بتساؤل : امضرا اولدي كيف بقات ؟؟؟ ...

عصام: ماعرفت ابا دخلها طبيب وباقي ماخرج عندي حد .. هاني كانتسنى

نجاة شدات على راسها كاتنوح : الله على بنتي ... الا مشا حتى طااحلي فكرشهااا تهبل ...

عصام بلا حول : الله يهديك اخالتي نجاة ماتندمينيش حيت قلتها ليك فالتلفون ... لي فينا كافينا ..

خرجات فيه عينيها : ياااك ... علاش شكون سبابها ... العلم الله اش درتي ليهااا مني لقيتيهااا ... حتى وصلتيها لهاد الحالة ...

عصام : اش غاندير ليهاا ... راه هي لي فاش كان عقلهااا ...

نجاة ضرباات على فخاضها : الله على تريكة لاقاك بيها الله اكبيدتي .... قلتها ليها ومكاتسمعش. .. قلت ليها طريقهم مافيها رباح وهي لي فراسها فراسها ...

خنساء غير سمعاتها شعلات اصلا غداايد عبدو باقين واحلين ليهاا وزادتها ه هي كاتحشي الهضرة ماشعرات حتى دوات : نجاة خلينا محتارمينك الله يرحم بيها الواليدين ... يااكما عند بالك بنتك ملاك حتى هي راه دايراها يغرق فيها جمل... ومالو هو هبيل غايدير ليها شي حاجة وهي واحلة فروحهااا .. ولاهيلا هادي هي زلقت بيه رجليه طيح الباطل على البلغة ... زوينة هادي ...

نجاة شاعلة فيها العافية : يااك ابنت السااايب حتى درتو فيها مابغيتو ووليتو تدويو وراهاا .

خنساء القرودة طلعوا ليها : شوفي الله يرحم باك راه بنتك وراكي عارفة سومها حسن مني ... وفعايلها مانحتاجش نحسبهم ليك من نهار تزوجات وحنى دايرين غض البصر وميكيين وراكي عارفة الالة اش والدة الحنة حرشة و الحناية عمشة و العروسة فيها بو تفتاف مانحتاجش نقولها ليك .. ولكن باش طيحي البااطل على السيد وهو ماداير لا بيدو لا برجلو لاااا ... دعي الله يخرج الولد سالم من هنا حيت راه مكاينش لي غايشفع ليها من غيرو ..

نجااة بايجاز : اصلا حنااا مني تخرج من هنا مابقا عندنا مانديرو بيكم .. لي بيناتنا غانفرقووه. .. مني وصلنا لسبيطارات ينعل بوه زوااااج ... بناااقص ..

خنساء دارت فيها : لخاطركم نتوماااا ولاهيلا ضربني وبكا وسبقني وشكااا ... ياكما نفكرك فمداايرهااا ... الا هاد الزواج كان فيه الصدااع غير بخفة وقلة عقل بنتك لي ماعرفنااه واش تكسابو ولا لا ...

العربي بانت ليه بنتو غاتشعل ونطق مسكتهاا: صافي اخنساء ماشي وقتوو .. الله يرضي عليك

خنساء زمات فمها فوجه باها وهو ينطق عصام : زواجي انا لي غانقرر فيه ماشي شي حد اخر الالة نجااة وانا لي هامني دابا هو ومراتي وولدي يرجعو سالمين ... هادشي لي كانطلب ...

نجاة باصرار : مني غايخرجو غاتكون هضرة اخرى اسي عصااام غير بلاااتي ..

حرك راسو بلا حول مامجاوبهاش بالمرة حتى خرج عندهم الطبيب

عصام قرب عندو باستفسار : امضرا ادكتور ؟؟ كيف بقات!!

الطبيب : الحمد لله الامور كلها مزياانة ومدام نسرين بيخير ...

نجاة. : الحمد لله ياربي ... حمدتك ياربي وشكرتك...

خنساء بتساؤل : والبيبييي ... بيخير ؟؟؟ ....

الطبيب : غير كونو هانيين راهاااا بيخير ... والحمد لله حالتها الصحية على ما يرام غير تهناو ... مايكون بااس ...

فدار عند رانيا كانت متكية فوق سريرها كادوي مع سيمو وتسولو على حالة عبدو ...

رانيا مكسلة كاتلعب بشعرها : ايوا الحمد لله بعدا مني ماتحلااتش بزااف ... ناري فديك اللحظة خلعني .. تصدمت كيفاش كان شاااعل وعينيه حمرين ودماياتو كاتسيل ... نااري داك المنظر باقي بين عيني لدابا ...

سيمو : وا غير سكتي حتى انا ركابي مابقاوش عندي ... ماعرفتش شنو دارت ليه خنساء حتى كرهها هاكة ... تصوري حتى سميتها مابقاش كايحمل يسمعهااا ... انا رااه كنت عارف بيلا مقلق منها ولكن مني شفت حالتو فاش شافهااا تأكدت القضية كبيرة بيناتهم ...

رانيا تنهدات : وااا المهم حتى يعاود ليك هو .. راك عارف انا مانقدش نقوليك وهي لي دوات معاياا ... عبدو غير غايبرد ويقوليك ...

سيمو بايجاز : وي حتى انا خليتو على خاطرو حتى يبغي يعاود ويخوي قلبو. ... نتي غير حاولي تقنعي خنساء تبعد حتى يولي لابااس وينوض على رجليه ويكون خير ديك السااعة ..

رانيا بايجاب : ان شاء الله ... ايوا الحيبااان ماتوحشتينيش ؟؟ ...

سيمو ابتاسم : توحشتك ههههه وكلمة قليلة هاادي فحقك .. ولاهيلا مع كترة المشاكل هملنا علاقتنا ولينا من هادي لهاد الله يحفظ ...

رانيا : هههههههههه دابا يصاوب الله وقريب نتجمعوا ....

باقا كادوي معااه حتى دخل عليهااا اسماعيل ماعرفات. منين بعت قفزها من بلاصتها مطير ليها التلفون ...

سيمو سمع التعزيزة ونطق بتساؤل : حبيبة ؟؟ ... مالك ؟؟ ..

اسماعيل جاوبو عينو خارجين معصب : حبووبة هاداا ماشي حبييبة ...

سيمو عرفو هو وتنهد : سي اسماعيل لاباس عليك ...

اسماعيل بنهضة : اسيدي ما لاابااس واالو ... ماحدك مابغيتيش تفرق من ساحة بنتي مكاين بو خير ... عطيناا تيساااع وبعد منهاااا الله يغبر ليك الشقف ... حبيبة قااااالك ... الله يخليه كنس ...

قطع فوجهو مخليه شاعلة فيه العاافية ... رانيا خنزراات معصبة : اش هاااد الفعااايل كاادير ابابا واش حمااقيتي ...

اسماعيل بالغواات : نتي لي واااش تسطيتيي ... واش مباغااش تفرقي من هاااد المسخووط مااعيتيش ... رااه مغاديش تكوني ليه واخا تلاقى سما مع الارض غا تبتي وشدي الركنة...

رانيا اعصابها تشحنوا ونطقات بانفعاال معصبة : غااانكون ليه يااا هو يااااابلاااااش كاتفهم ... ياااا هو يااا الموووت واقسم بالله ابابا وماخليني نتزوج بيه حتى تلقاني درت شي موصيبة فراااسي وغاتكون نتاااا سباابي ... ،( كاتهضر بتقة وهي كاتشوف فعينيه ): قسماا بالله حتى نقتل رااسي وكاااعلا تبكي علياا ديك السااعة ..

اسماعيل خرج عينو مشوكي وهو كايشوفها كيفااش كاتدوي بصح وبجديةوباينة فيها مكاضحكش بالمرة ... حس بقلبو خفق خوفااا على بنتو واخا مابغااش يبين ليهااا .... ماجاوبهاااش زادح ليها. التلفوون فوق السريير وخرج خاابط البااااب على حر جهدو ... رانيا غير هو سد وهي تبتاااسم بشر وكلسات دايرة رجل على رجل وعاودات دوزات لابيل لسيمو تطمنو عليها ...

بعد مرور اسبوع

فبيت لݣلاس كان ݣالس العربي مع عصام لي طالعة ليه بلمزياان محااول يضبط اعصابوو و مايخرج شي كلمة خايبة قداام بااه...

نطق مزير على يديه: داباا الوليد عجبك هاادشي لي كايديرو فيه هااد النااس...هانتا مشيتي عندهم برجليك و مداروش بوجهك...شنو بغااوني نمشي نحيح عليهم عااد يتبتو معايا ؟!!

العربي رد عليه بتحدير:عندااك... بااغي تكب زيت على لعافية؟!! لبنت غير كاتوحم و معارفاش شنو كادير...رااه غاا لحبالة لاعبة عليهاا...كاتقول لا مانرجعش بفمهاا ولكن عينيهاا فاضحينهاا...غااترجعو ان شاء الله...لقضية غير ديال شوية لوقت...

عصام ضرب على طابلة:دابا كيفاش كاتقول لا و عينيها فاضحينها...لمهم هو شنو كايخرج مع لفم....و زيدون بغيت غا نعرف ابااا شكون لي غاالط...انا و لا هيااا؟....ملي لقاتني نااعل شيطان وباغي نرجعهاا على قبل داكشي لي فكرشهاا شنااتت و تزادت فيهاا ضلعهاا...يسحاب ليهاا باغي نرجعهاا على سواد عيونهاا ولا على فعايلها الزينة...مريضة هاادي...

العربي حمر فيه الشوفة: غااقولياا لمن شبهتي بهاد الصبر لقليل....تقل شوية اهديك الله...راه كايقوليك لمثل الى دبح لواحد لكلب لاخر مايسلخوش...هياا غلطات ايه ولكن حناا بعقلنا...الى لقينا نصلحو بيناتكم نصلحو...لفراق راه مكايبغيه لا ربي لا عبدو...

جاوبو عصام بنفس النبرة :هااد لفشوش لخااوي لي جايباه علياا راه مغانقبلوووش...صدقت اناا لي ليمني لافوت داباا...عرفات كيفاش دور لياا السمطة.....(كمل بجدية واضحة فهضرتو) شتي نقولهاا ليك الوليد من هناا...اناا راه مغانبقااش تابع واحد باغي نشريه و هو باايعني...

غير كمل على هضرتو و هياا تماا داخلة نصيرة بصنية اتااي فيديهاا و هياا كاتقول:لاواه لاواااه...هااد الهضرة تجي معاك تݣولهاا الى مكاانتش هازة و لدك و لا بنتك فكرشهاا..اماا داباا خااصك اوليدي تسااعف و دير لخاطر الله يرضي عليك

عصام:وااش كااين كتر من هاد لخااطر لي دااير معاها داباا..بقاا لياا غير نمشي نتحنى ليهاا عند رجليها و نزااوݣ فيهاا هاا لعاار اماا رجعي...تسطية بعينيها هاادي...وااش حتاا بااا مدااروش بوجهوو...و ديك مهاا عوض مادير ليها لعقل هياا لولة كاتزند فيهاا باش ماترجعش...

العربي زفر بضيق: ديك مهاا غاتبقاا تزنزن عليهاا حتاا تلقاا ورقة طلاق بنتهاا عند الباب عااد تبرد...

عصام بعزم: حتا انا دااكشي لي بان ليا غاندير...بنااقص ݣاااع...وخاا تكوون غاتولد لياا ولي العهد مغانبقااش صاابر لهااد الدرجة هاز هبالهاا...

نصيرة شهقت بصدمة:اويلي تسطيتي...و دااك دري مسكين شنوو دنبو فهاادشي كامل لي طااري يعيش بعييد على بااه...غير قدااش غادي يكون فيك اعصام الى دزتي من حداا شي راجل جار ولدو لمدرسة و لا مخرجو ونتا ولدك بعيد عليك...

نقز العربي و قال بإقناع:علاه نتاا عشتي بعييد على باك؟!!باش تعيش ولدك ولا بنتك بعادين عليك؟!

خداا نفس معمق بالع ريقو...مسح على وجهوو بقلق واضح و قال بخنقة:و اعباااد الله شنوو خااصني مزاال ندير و ماادرتووش.... راه صافي قريت نحط سلااحي معاهاا...عياتني و لخز طلعااتو فيااا

نصيرة:خااصك تصبر...حناااا ماسوقنااش فنسريين لي هامناا هو داكشي لي فكرشهاا...وعلى قبلوو نحنيو الرااس...انااا رااه ماانبغييش ولدناا يتربى بعيييد على دارهم...على وجهوو سااايس معااهاا... بركة من تجبااد لحبل...عطيهاا لخااطر...و مايكون غير لخير...(تبسمات) فششها ...لعيالات راه عزيز عليهم لي يفششهم...ماتعرف يكون جاها لوحم عليك و هو سباب ههه ...

عصام نطق بستهزاء: نفششها؟!! زوينة هاادي...(زااد كمل مخنزر) فعلتهاا مزال لدابا قداام عيني وباغاني نزيد نفششهاا و نصفق ليهاا...بحالا حتاا حاجة ماطراات... لا سمحيليااا اعمتي مكانعرفش ننافق...

نصيرة: يااك ربي عطاك نعمة النسيان...خدمهاا و نساا شنو دااارت...حيت معندك مااديير...طير تنزل...خااطرك مغاتخليكش تفاارق مع ولدك...(كملاات بحنان) غير شوفة فعويناتو ملي يتزااد تنسيك هم دنياا كامل...ماشي غير فعلتهاا...

عصام نااض وقف مدخلاتش ليه هضرة نصيرة لدماغو...بنسبة ليه اخر حاجة يديرهاا يبدا يفشش فنسرين باش ترطااب...و لمشكل هياا لي غالطة فحقو

نطق بحدة و هو كااعي:صاافي دااكشي لي بقاا ليااا...باش نيت نزيد نطلعهاا فوق رااسي كتر ما هياا طاالعة...تخربيق تاع واالو..من لخر غانجيها نيشان و نقوليها رجعي..مابغاتش ديك ساعة غاتكون هضرة اخرى سالينااا...

كمل على هضرتو و زاد خرج فحاالو من لبييت...

نطق العربي بتحسر داعي لله برجاء:الله يهديهم على عقلهم...

نصيرة سكتاات لتواني...خرجات نفسهاا بنزعااج و قالت: و الله العلي العظيم..بحلووووفي ياا لعربي كون مكاانت حااملة لخليتهاا تدخل لهاد الدار يا اناا ياا هيااا...(ضرباات على يدها مفقوصة) ولكن شدااتني فليد لي ضرااني..عندهاا زهر كايهرس جباال ماشي غا لحجر

العربي تنهد بعمق و قال: مكاين لي غايشيبني قد هاد دراري لي سعدهم رااݣد فزوااج...غا وحدة مطلقة جوج مراات و لاخر كل ساعة مقربلها مع مرتو...لاحولة و خلاص الله يصاوب من عندو...كوبي كوبي واحد كاس تأتاي كون راه برد...

فقهوة دمشق فاولاد اوجيه كان كاالس سيمو واسماعيل فالجردة ديال الكاافي فقنت بعيد على ناااس كايطل على الشاارع ... كل واحد فيهم هاز نص نص كايشربها ...

اسماعيل تنهد : المهم انا عارف البداية بيناتنا مكانتش مزيااانة ... كانتمنا تكون فاهم علاااش.... انا واحد الانسان صريح ... وفصراحة نتا ماشي الراجل لي تمنيتو لبنتي ... مكانقصش منك ولكن انا اب وكنت باغيها تزوج بشي حد لي ماتهزش معااه هم للفلوس ولا للمصاريف .... هادشي شحاال وانا كانحلم بيه ... ماشي ساهل تكون عوال على شي حاجة وباني احلااامك عليهاا وفلخر تجي تهدم ليك ...

سيمو حرك راسو بايجاب : انا فاهمك اسي اسماعيل ... وعارف ان رانيا البنت الوحيدة لي عندك ... وعادي انك تخاف عليها .. ولكن خاصك تعرف واحد الحاجة ... انا عندي ختي كبر مني ... الوقت لي ماتت الواليدة كنت انا باقي كانقراا ... يلاه دخلت للمعهد العالي للتجارة والتسيير ... الواليد خلاني باقي صغير ومي الله يرحمها كانت كاتخدم علينا وباغاني نقرا ونوصل ونولي شي حاجة ... ولكن ربي بغاها وداها عندو ...

سماعيل برجاء و هو مزال كايسمع ليه:الله يرحمهاا

سيمو:اميين...هيا فاش توفاات لقيت راسي وااحل وفعنقي درية واخا كبر مني مي كاتبقى بنت ... العمام مكايرحمووش كاتولي فغابة عامرة دياب وسط عائلتك ... مكانش عندي شي حل اخر من غير نسمح فقرايتي واحلااامي ... كنت باغي ناخد الماستر فالكوميرس وكان عندي طموح لي بناتو ليا الواليدة ... ولكن ماكتااابش ... خرجت ودمرت فاشما كاان وصرفت على ختي لي عندي ... وعمري خصصت ليها شي حاجة حتى تزوجات ... داكشي علاااش راه مكاين لاش تخاف على بنتك معايا ... نقطعها من لحمي ونعطيها ليهاااا ومانخصصهاش ....

اسماعيل بايجاب : اصلا مابقاش عندي خيار المهم هو تكون راجل معااهااا ... حيت هي اختارتك ومايمكنش نزيد نوقف فطريقكم ... الدار ديالك باقي ماطلقتيهاش بعدا ؟؟ ...

سيمو : لا لا باقي ... وراني عاودت ليها الصباغة وكانفرشها من لول بداكشي علاش قديت ...

اسماعيل : واخا ... ولكن راه ضروري ديرو العقد ... قبل مانمشي ...

سيمو رد عليه بصدمة موسع نضراتو: اءء ولكن اسي اسماعيل كيفاش بغيتينا نتزوجو فهاد الظروف ... نتا عارف عبدو بحال خويا وهو مريض داابااا وشاد الفرااش ...

اسماعيل قاطعوا : عبد الله بحال ولدنااا وقلبنا عليه بحااالك وبطبيعة الحال مغانديروش الحيحة وهو مريض ... غاديرو غير العقد قبل مانمشي باش نتهنى على بنتي ونسكتو عباد الله لي خاصهم غير فاش يدويو ... وديك ساعة مني نسالي شغل لي عندي ونرجع ديرو العرس ومنها يكون عبدالله ولا لااابااس ونفرحوا مجموعين ...

سيمو :, اييه واخااا اسي اسماعيل حتى هاذا نظر ...

اسماعيل رشف من قهوتو و نطق : غير هو راه بنتي مغااااتسكن معاك حتى تدير عرسهاااوبينما نتا كملتي الفراااش وتروح معززة مكرمة ...

سيمو بفهم : اييه واخا ... لي درتيهااا انا معاااك ... لهلا يحااشمنااا ...

اسماعيل تنهد :, على مولااناااا ... راني عاطيك اغلى مااكانملك فهاااد دنيااا و ربي شاهد على هضرتي....

سيمو : الله اودي غانديرها فعيني ... كون هاني عليهاااا ...

اسمااعيل وقف : وا هو هادا اسيدي ... انا غانشوف واحد العدول صاحبي نشوفو معاااه شي وقيت ونعلمك ....

سيمو رمش و قال على نيتو: علاش نديرو حنا شي وقت فهاد السمانة و نمشيو عندو لبيرو نتكاتبو...

سماعيل خنزر فيه و قال بعجرفة ضاحك بستهزاء:ههه اناا بنتي تمشي تكاتب فلبيرو..(كمل مطولهاا) لعدوووول قالااك هو لي يجي عندهاا حتاا لداار...علااش اشكاايدير بسلامة؟!!

سيمو بتاسم بجنب مباغيش يتجاحد معاه ناني لايصدقو منوضينها و هو كاثبل ليه غير بلكشايف....

نطق بايجاب : ان شاء الله انا غانعلم ختي وراجلها باش الا قدرات تحضر معاناااا للعقد ...

اسماعيل : ان شاء الله يالاه الله يعااون ...

زاد من تما واخا معاجبو حال ولكن بنتو ربكات ليه اليديين ... ولا خايف غير لا دير سي موصيبة فراسها بكترة ماااا متعلقة بسيمو .... عيا يكاابر ولكن فلخر مالقى حتى حل من غير يستاجب لرغبتها ويدير للما منين يدووز ...

يتبع...