بنت السايب الجزء الثالث

خنساء تفكرات انها غاتخرج حاولات ترطب معاها كل مرة كاتعطي وجه كادور فحال الزمان على حساب غايتها : اييه عندي شي حاجة نديرها

نسرين هازة خنافرها عرفاتها باغا فيها حاجتها : ممممم ... مزيان

خنساء : احم ... الا جا عصام قولي ليه غاناخد غير شي دفتار من عند صاحبتي

نسرين هزات كتافها : واخا ... ماتعطليش ...

خنساء ضحكات بزز : واخا امرات خويا ... دخلات لبيتها هزات صاكها وخرجات ... مع سدات البااب هابطة فالعتبة شافت واحد مولااي العظمة نازل من لوطو( اودي) عند الجيران لابس كلاااص وكايباان مكضر ومفورمي ... زعزع ليها المشاااعر ... طلعاتو وهبطاتو شااهقة بصوت منخافض : الله على قلبي ... الله على فؤادي ... الله على مولاااي عابد ديالي ... واشمن اجر اسيدي ربي درت حتى نتلاقا بهاد السعد الميمون

طولات فيه الشوفة وهو دار عندها مبتاسم جاي لجيهتها ... بلعات ريقهاا قلبها كايضرب فالتسعيين : ويلي ويلي جاي ... دوزات يدها على شعرهااا كاتقادو كاضحك حتى بانت ليها ضرسة العقل مخاطبة راسها : نهار زين هاذا .... زاهي

وصل قدمها وهي هزات فيه عينيها كاترمش ببراءة تقول هنا نبات ... نطق بصوت مبحوح : سمحي ليا امادموزيل نسولك

تنهدااااات : الله على مادموزيل وشحال خارجة من فمك فحال الشهد ...

على حاجبو : شنو ؟؟

ضحكات كاتستوعا : احم ... وي سول اخويا مرحبااا

شار للدار لي مقابلة معاهم : هاد الدار للبيع ياااك

خرجات عينيها : اياااه للبيع ... مولاتها شي شهر باش حاطاها

_ممممم واخا وعافاك ممكن فين نقدر نلقى مولاتها

شارت لصدرها بلاما تحس : هنا

_نتي ؟؟؟

توكضات : اءء زعما بغيت نقول عندي نمرتها هنا ( خشات يدها وسط صدرها قدو قداش باينة فرقتو من الكسوة كاتزعزع ... السيد غير شاف داكشي دور عينو كاااع بمرة ... جبدات التلفون كاتقلب ليه على النمرة ) : هاهي ... قيد عندك ...

خشا يدو فجيبو : اءء اطط نجيب تليفوني من اللوطو

وقفاتو بزربة : ماشي مشكل انا نسيفطها ليك ...

_احم لا ماشي مشكل هاهو غير هنا ... مشا جهة اللوطو وهي دلات شنايفها باسى ... ماوصلاتش لداكشي لي بغااات ... جاب التلفيون وفتات عليه النمرة

نطق بشكر : شكرا اختي ... لهلا يخطيك

خنساء : هانية الله اودي ... ان شاء الله غانوليو جيران الا كتاب

_ بتعجب : كيفاش مافهمتش ؟؟

خنساء : احم .... على مافهمت باغي تشري الدار ...

_ اااه ... لا لا ... خت مراتي لي غاتشريها ... نهارك مبروك الالة

خنساء بحال الا ضربتيها فتصرفيقة حتى فكرات فالعرس والطبالة والغياطة والحب وداكشي وحتى الولاد سماتهم فمخيلتها ... جا فلخر صدمها ... عبسات : اناااا لي نبكي اناااا ... انا لي نشكي على زهري انااااااا ...انا لي ندب على ميموني العور ... بغى يهز الدجاج ما لقى غا لعجاج ... قالك مراااتي ايوااا الله يغبر ليك الشقف نتا وياها ... كون عرفت والله نمرة لا شديتيها من عندي ... ( ابتاسمات منهدة): ولايني ولد اللادينا غزااااال ... ولاهيلا غزاااال خاصو غير الكَرون هههه ...( ضربات راسها ): الأرض ما كتقنعش من المطر - و انا ماكتقنعش من النظر ... الله يعفو عليا وخلااص ... كلها وبليتو

زادت جهة الجردة فين دايرة مع عبدو لقاتو كاالس فالكرسي لي موالفين مقنت شاد فيدو جواان كايكميه ... قربات عندو كلسات حداه : مالكي تعطلتي ؟؟

خنساء : غير عصام ماخرجش بكري وصافي ... حتى مراتو نوضتها انا وياها هاد الصباح

عبدو ابتاسم : والله حتى كنت عارف ... حلفات المحبة حتى ترجع عداوة ...

خنساء : بحال الا علمك الله ... فين بانيني ديالي ...

مد ليها ميكا : هاكي تلااتة عنداااك تموتي ...

ابتاسنات واخداه بلهفة : الله يتووب على حبي ... حلات واحد كتاكل بلا عقل كاتموت على الصوصيص .. اصلا كاتحماق على شي حاجة سميتها الماكلة بصفة عامة ...

عبدو ضحك : بشوية توحل ليك وتصدقي واحلة فيا ... انا مقاد على خطية ...

كاتهضر فمها عامر : م .. عرفتي ... شحال ...ماكليتو ... توحشتو ... مكاينش شي واحد فقنيطرة كايصايب بحال ماكلتو ... صافي غدا ندوزو عند رانيا نراجعوا ياك

عبدو : وي ان شاء الله ... راني دويت مع سمير حتى هو غايمشي معانا

خنساء : مممم اوك ... بقاااو مجمعيين شي ساااعة كلات خنساء جوج وخلات واحد حتال الدار ... تحركوا كايتمشاو جهة الدرب ويتسركلوا كل مرة واقفين مع شي حد مجمعين معاااه ... حتى وصلواا للدخلة دياال الزنقة كايضحوا ... مع هزات عينيها شافت عصاام مقاابل معااهااا داير فيها شوفات ديال القرطاس ... تخطف اللون فوجهها : اءء خويا خويا ... عصااام شافني

عبدو شاف فجيهتو : ريحي مال موك كاتفتفي ... هنينا ماتبينيش ... تصرفي عادي ...

بلعات ريقها مبتاسمة ليه وهو جاي جهتها مخنزر وباينة طالعة ليه القردة للسطح بالمعقول ... غير وصل حداها نترها من يدها وشدها من شعرهااا جرها منو بجهد حتا حساات بعنقهاا غايطرطق: واش دين موك ماباااغااش توبي ... اش كاديري هنا مع الزوافرية ؟؟؟ الله ينعل طواسل بووووك

خنساء كاتبحلس : اي اخويا ... قسحتيني بشوية

عبدو : الله يهديك اخويا عصام ... خنساء راه بنت دربنا وبحال ختي وكاتقرا معايا واااايلي ... هضر غير بشوية

قاطعوا موجه سبابتو بتحدير : دخل سوق *رك نتا ... نتا لي غاتعلمني كيفاش نهضر ولا شنو ( بايجااز ): مانتا خوها ماهي ختك ... اش حشااك بيني وبينها هي عشرين ال*اااامل

عبدو تنهد : راه غير تلاقينا فالطريق وجينا مجموعين اش فيها ... وزايدون مالك ساعر هاكا

خنساء موعتها فشعرها بالمعقوول : وعافاك اخويا طلقني ... راه غير تلاقينا فالطريق ... وحنا كانقراو بجوج اخويا غير صحاب

دار جهتها مخنزز جمعها معاها بصماكة للحنك : وديني اليوم حتى تاكلي لي عمرك دقتيه باش تعلمي تلاقاي ليا مع من والااا يااا ال**** ... تحركي ونتي ماخليتي حتى واحد فالدرب .... بقاو لدين موك غير الشماكرية ديال السيكتور تطوطحي معاهم.... الله ينعل جدك يا الباطرونة ديال الحومة ... الله ينعلها حريفة فيك ... السلكووووطة الله يغبر لحسك الشقف ( نزل عليها بكروشي للظهر حتى وعتها حسات بضو طلع معاها )

عبدو شدو من يدو يفكها : تاا طلق البنت اصحبي مااالك هاكااا ... راااه غير كنا غاديين ونتا مكبرها ... برد فيك الدم

عصام حمر فيه دفع خنساء حتى تفافات وشنق علييه : ينعل اصل موك يا **** ... نتا غاتعلمني كيفااش ندوي مع ختي ... يااك وليتي تعرف تهضر حتى نتا انص بلاااصة ...

خنساء بلعات ريقهااا شافت القضية غاتحمى كفضااات على رجليهاا وسلتاات كاتجري للدار تفلت بعضامها ماصوقها فحد المهم تفلت بجلدتها ... طلعااات نيشااان لبيتها قاطعة الحس ... مني كاتعرف راسها زابلااااها كاتلبدها وتكمد عصاتها وتسكت ....

عبدو بعدو عليه : تهدن ابنادم راه غير القراية لي جامعانااا سولتها على شي حاجة

عصام حمر فيه : مرة اخرى الا بغيتي القراية فالليسي برا نشوفك ضور بساحتها ... نوكل لخويا داك الجوانات كاملين لي كاتبزنز فيهم هاني علمتك ... براااهش وليتو ت*حبنو عليا بالعلااالي فالدروبة ( دفعوااااا )

عبدو مبرد : وايلي اعصام حنا راه خوت عيب هادشي اصحبي ...

خنزر : ماصااحب حد انا .... ( عصام شاف جهة خنسااء لقا الريح شد على قبضة يدو عينيه حمارو ودار لجيهتو ): هادي هاهي دازت مرة اخرى غاتشوف مني لي مايعجبكش ....( زاد وخلاااااه صاعر كا يعرعر باغي يشدها يفرسها ) : ال*حبة فلتات ... الله ينعل **** .... اليوم نفرع *****

عبدو حرك راسو بلا حول : الرجلة قالك .... بششش ... كون تعرف اش مدوز مع ختك كووون خشيتي راسك فالغيس ... بوكيمون ديال الخوا الخاوي عند بالو راه عايق ... ططرررر

زاد من تمااا متاجه لدارهم حل بالساروت وطلع نيشان لبيتو فالسطح مكايعمرش بزاف مع دارهم ...

عصام وصل لدار ومشا ديريكت لبيتهاا بغا يحل لباب ولقاه مسورت وخنساء ضاربة طم داخل لبيت تقول ميتة....

بدا كاايضرب فلباب بكل جهدو بااش تحل علييه وكيعااير:طوالو ليك رجلين ياا ل*حبة...ملقيتيش لي يقطهم لييك....

نسرين سمعات لغوات ولباب كايتردخ معرفات باش تبلات جات قرباات لعندو كان عاطيهاا بضهر كايفرع فلباب وهياا مخلوعة أول مرة تشوفو معصب بحاال هاكاا...

نسرين برتبااك:عصاام أشوااقع ماالكم؟؟

مداهااش فيهاا طاالعا ليه بلمزياان بغاها غير تخرج قدامو معول على خزيت معاها

نطق بلغواات لعروقة ديال جنب عنقو تنفخو بلعصااب:خرجتي ليهاا طااي طااي..صاافي تقادو لكتااف ماابقيتيش كتحشمي..بقااو ل*اامل بووك غيير زوافرية تااع درب تخيطي معااهم درووبة...معليك حكاام(زااااد كاايردخ فلبااب برجلييه ويديه)...بربي حتا دوك رجلين لي طوالو ليك حتا ليووم نقطعهم يا ل*حبة ونعلقهم عند رااسك...

نسرين قرباات لعندو بغاات تهدنوو...غواتو كان كاصر الدنياا وبايناا وصل لجيران

...يلااه حطات يديهاا على كتفو باش ترجعو لصوابو...مشعرش حتاا جمعهاا معاها ببونية جاتهاا نيشاان فجنب كرشهاا...زوااتهااا

غوتااات بألم ونفس تقطع فيهااا...شدات كرشهااا بيديهااا مغمضة عينيهااا...

عصاام تخلع وقرب لعنداا شدهاا من دراعهاا...ونطق :نسرين سمحلياا والله مقصدت...تقصحتي؟؟؟

نسرين ردت عليه وهياا مزال شادة كرشها كتوجع:تا وااش مصعوور ولا شنوو...كنتي غتفرݣع لياا كرشي

عصاام:ونتي شايفاني مغدد وجيتي تخشيتي فياا...من ليوم ملي نكون معصب متبقايش تحاديني ولا تقربي لجيهتي راه مكنعرفش فين كنحط يدي...

ردت عليه بنزعااج:واشنو واقع..كنتو خير وسلام حتاا دخلتو مقربلينهااا....راني مفهمت حتا زفتة..شنو كااين؟؟

جاوبها عصام وهو مفقووص:لقيتهاا مع عبدوو فراس درب ݣالسة كاتكركر هياا ويااه بحالا مخاصهاا حتاا خير...

نسرين:هادا وكان؟؟ وأنا يسحاب ليا معرفتش شنو واقع؟؟صافي اعصاام تكاالماا وبرد فيك نفس..راه غايسمعوك جيران...واش بغيتي تشوهناا معاهم على والو

عصام:شوهة هياا لي بغا دير لينا هاد الصوبيصة لي مالقات لي يقاادهاا مع ضلوعهااا...مغاتهناا حتاا تغطس جلايلناا فترااب

نسرين شداتو من يديه كتحاول تكالميه:الله يهديك راه عبدو بحال خوهاا وكبر معاها...وزيد كايقراو بجوج،اشفيهاا إلى تلاقيتهم..متزيدش فيه راك غير بغيتي تكبر لموضووع..مالك تلاقيتهاا خارجا من دارو باش دير هاد لحالة كاملة؟؟

عصاام:إوى من لبيضة لدجاجة.... ليوم تلاقيتهاا كاتكركر معاها...غدا علم الله أشغايديروو...ومن هادشي كامل تهضر معاه فليسي،إخرجو منو..تعطيه تيقاار...هادشي لي كانعرف أناا..

نسرين تنهداات وجراتو من يديه مزيرة عليه باش يحيد من حدا بيت خنسااء...ستااجب ليهاا ومشا معاها...دخلو لبيتهم وݣلسو على سرير

نسرين بهدوء: صافي نساا ماوقع بااس...دير غير على وجهي الله يعطيك الستر اعصاام...راه مبقااش تعاود عرفات راسهاا غلطاات...وكيف قلت ليك راه ولد دربهم مافيها باس إلى لقيتيهم بجوج...هادشي مكايعنيش راه بيناتهم شي حاجة...

عصاام:متقوليش ليا ديك لهضرة تاع ولد دربهم ولا لخرى....علاش نتي كنتي داخلة سوق راسك،مكاتمشي مع حد...علاش مديرش بحالك وتكمش؟؟ ولا حيت هياا زايغة؟؟

نسرين بلعاات ريقهاا بصعوبة...دغيا جا فبالهاا سحت وشحال دوزات معااه ديال دوران وضحك ملي كانو مصاحبين...تنهداات بحرقة...إلى مشا حتا ساق ليهاا لخباار غايقطعهاا طراف...

نسرين حطات يديهاا على شعرو بتحزار كاتنسيه:احبيبي مادير فخاطرك حتا حاجة،صافي دير بوجهي ونسااا...راه موقع والو... عفااك..(بدات كدوز يديهااا على جنب دراعو)

خدا عصام نفس عميق مهدن بيه راسو...مبغاش يخسر ليهااا...

غمض عينيه وحلهم شاف فيهاا وقال بإجاب: غير على وجهك....نوضي سخني ليا دوش...ندوش عليا على الله طفى هاد لعاافية لي شعلات فياا ديك لكلبة...ليوم كانت غاتشوف اللخر معاايا...

نسرين بتاسماات وناضت:هيا اللولة...مايكون غير خاطرك...هاني غادة داباا..خمسة دقايق تلقاه واجد

خرجاات نسرين من لبيت ومشاات دير داكشي لي قال ليهااا...وهو بقاا ݣالس شاد على راسو لي حس بيه بدا كايزدح بلعصااب...كون ماشي نسرين مكانش غايتفااك معاهاا..

خنساااء حطات ودنيها على الباب كاتحسس صوت عصام بان ليها الحس مقطوع وتنفسات برتيااح : الله ياربي الله فلتت منها ... كون شدني يدبحني ... اوووف ...

تكات على السرير لقات عرام ديال لي زابيل من عبدو ... عاودات الاتصال : وي عبدو

_ اش درتي المسخوطة ياكما قتلك ؟

خنساء : هههه لا لا ... راه برد ... كايفور غير ديك السااعة ... ولكن كون شدني كون نحرني هادي مافيها شك ...

عبدو بطنز : كون راه رد ليك لحمك رطب من كرشك ... منعتي العفريتة

خنساء : وايييه ... غير الله حفظ ...

عبدو : ياكما غايشد فيك ولا شي حاجة ؟؟

خنساء : لا لا عصام بزربة كاينسا غدا يصبح معايااا عادي فحال الا ما طرا واالو ... داغي كايفجااا ...

عبدو : ايوا لاباس بعدا ... هربتي وخليتيني مني لييه ماخفتيش ينزل عليا بشي دقة تلفني على لقبلة؟؟

خنساء تكات : المهم نفلت انا بجلدي ... بيناتكم اخويا ....

عبدو : بااااز لوجهك ... تانتي قطعي دابا غير بغيت نسول عليك ... الواليدة بغااتني حتى نتلاقاااو

خنساء : ان شاء الله تهلااا ...

قطعاات وتخشات ففراشهاااا ضرباتها بنعسة مافيها لي يتلاقا معااه حتى يبرد ...

صباح صباح جديد .... خنساء وجدات الفطور كاتدندن باغنية رومانسية صوتها مازوينش ولكن ماعندها غراض مامسوقاش بالمرة ... دخلات عندها نسرين هازة حاجبها باستغراب : هاي هاي بنت السايب فالكوزينة ؟؟ اش طرا ؟؟

ميقات بلاما تشوف فيها : قالتها هاديك لي كاظل فيها النهار كامل .... (دارت مربعة يدها ): سمعي اعروستنا الغزالة ... انا وياااك ماشي عاد غانعرفوا بعضياتنا ..... نتي اكتر وحدة كاتعرفي بنت الساايب شكون ... ياك احبي كاتعرفي حتى خنساااااااااء اش كاتسوا .... بلاما تحاولي دوري بساحتي بلااان البارح مزال مانسيتوش ... والا صابرة ليك راه غير حيت مزال دايرة بوجه الصحبة لي بيناتنا اعشيرتي .... وفوتيني وخلينا مزيانين ولا نوري اختي فعايل اللوسات السوسات اش كايسوااااو ...

نسرين : مالكي اختي شعلتي فيا كي الوقيدة مانخافوش .... قلنا ليك جوج كلمات ندمتينا ... الا عندك شي مطرقة فراسك ماتجيش تزدحيها عليا.... وااا زوينة هاااادي .... طيبيه ولا كلسي ...

تنهدااات كاتسوط : نسرين حيدي من قدامي .... ( بنفضة ) حييييدي ....

تسوخرات جنب مخلياها دوز : هاهي محيدة يخخخ على تريكة كيف دايرة ....

خنساء هزات البلاطو زادت كاتمختر ماباغاش تلاج معاهاا كاتحاول تعطيها التيساع ماباغا صداع مع خوها خصوصا انها باقة عروسة جديدة .... تقدمااات للصالون لقات عصام و العربي كالسين ... حطات الصينية ديال اتااي وكلسات حداهم : بااا كيف صبحتي شوية من الحريق ...

العربي : هاني ابنتي مرة يمشي مرة يجي ... كبي كبي شي كاس ديال اتاااي رااه طلع ليا داك الما والزغاريت لي كادير مرات خوك فالراس

نسرين داخلة سمعاتو : ياااك اعمي ... ضربتي ليا كلشي فالزيرو ...

العربي : غير كانقجم ابنتي .... ولايني الكدوب على الله حرااام اتاي خنساء مكايناش بنت المرا لي دير بحالو ... شابهة لمهاااا ....

نسرين : ايوااا غير عقل هاهي شي نهار يجي شي راجل يديهااا وانا لي غادي نبقى دايمة ليك

خنساء ضحكات : ههههه من دابا طلعت ليك فالراس .... بغيتي تصدريني .... ايوااا هنا بت نبت ليك غير تهناي ( مدات ليها اتاي ): هاكي واحد الدكة من يد بنت السايب ردي بيها المجاج 😉

عصام : نسرين مني تسالي الفطور نوضي لبسي غانخرجوا

بشغف : فين ؟؟؟؟

هز فيها حاجبو : ياك قلتي غادي تمشي تقداي ايوا .... سربي ندوزوا لسوق ماحدي ماخدامش هاد الصباح

نسرين : مممممم يحسابلي غانخرجوا لشي بلااصة ... ( وقفات ): انا غانلبس جلابتي ونجي ..

حرك راسو بايجاب كايفطر وخنساء شافت فيه : ربي واش ماحشمتيش ؟؟

خنزر فيها: مالنااااا ؟؟

_هاد المرا من نهار جات ونتا مركنها فالدار ماديتيها سافرات كيف الناس ماخرجتيها كي العيالات ... راك نتا لي ختاريتيها ماشي جاو بززوها علييك باش دير ليها هاد الحالة ...

عصام : تقدري تديها فراسك شوية ... وزمي داك الفم راه بان ليا طوال كتر من القياااس ولا غادي نخرجك نتي نيت فشي حيط ... ( وقف عاقدهم ): الفطور معاكم حرااام .... ( زاد وخلاهم )

العربي : ديها فالجهة الضاراك نتي وتكمشي .... خوك ومراتو ونتي اش دخلك ....

خنساء هزات كتافها : وانا غير قلت ...

العربي : ياودي سدي غير داك الدلقوش وهنينا .... ( مد ليها الكاس ): كبي شي كااااس ....

كباتو ندمات لاش هضرات اصلا : هاكاا ... كلام الحق مابقا يبغيه حد فهاد الوقت ...

العربي: مقاريااش اليوم ... ولا منكااا تاني ؟؟

خنساء : قارية عشية ابااا ... لقيتيني نيت غانمشي نخدم واحد التمرين نخلييك

باستهزاء : ايييه سيري تخدمي سيري .... الله يعطينا وجهك .... داك المشقوف لي خارج علييك

زادت بلاما تجاوبو طالعة فالدروج بزربة ... جبدات تليفونها من صدرها حلات الكونيكسيون كالسة فوق السرير .... دوزات نمرة : الو عبدو ... صافا ....

عبدو كالس فوق الدرجة ديال دارهم كايتكيف : الحمد لله ... خاصني غير نتي هاد الساعة ... مغانشوفكش الحيباااان ...

خنساء ساطت : تا اشمن حيبان ولا نم ... داك ولد ال*حبة ديال الحارس العام ديك المرة حلف لا عطاني ورقة الدخول حتى شحفني واليوم والله مانشدها من عندو .... واخا نموت ليه تم .... ضبر ليا فيهااا الله يتوب عليك ...

عبدو : شوفي مع المكلفة ضرب علييك مالكي ؟

خنساء : تاا اشمن مكلفة راااه كرابة ديك ختنا خاصني نضربها ليها بشي ترييشا عاد تووب وتحط قاعها للارض .... دير فيا هاد البليزير راه والله ويسمعني با العربي مغيبة تاني ينحرني من الودن للودن ... وتبغي للحيبان دياالك الضرر

عبدو نتر الدخان : واعقلي على الخير مني نقولك كيس مي ( kiss me) قلبي عليا تاني وجهك ...

خنساء : تعلمتي جوج كلمات بلونكلي وجاي تعرضهم عليا ... دابا خلينا من الخاويااات صافي نعول عليك ...

عبدو : وفين عمرك عولتي عليا ومالقيتينيش ... انا معااك على طول السكك الحديدية .... نتلاقاو حدا الليسي ماتعطليش ...

_ كون هاني غانلبس دابا ونهبط ... اه فكرتيني راه دارت معايا رانيا نتلاقاو عندها فدار على قبل الامتحانات .... الا بقينا على هاد الحال والله مغانقراو شي وزة ...

عبدو : هههه واخا .... تلاحي .... قطعااات عليه وبقات كاتلف الوقت حتى وصلات ليها ساعة المدرسة ودازت للماريو ديالها كاتقلب شنو تلبس كاتجبد الشراوط عرام بلا فايدة .... فلخر جبداات سيفرفيط كرونة مزيرة لبساتهاااا وردات داكشي مدكساه بلاما طويه .... وخشات فرجليها سبرديلة كحلة جامعة شعرها سفنجا الفوق بلاما تمشطو عزيز عليهااا يبقا ملوي .... وقفات قدام المرايا دارت عطر ماط باش مايبانش معيق مع ماسكاراااا قادات الشفااار وهزات شكارتها وخرجاااات .... تلاقاات مع عصام و نسرين يلاه داخلين ... طلعها وهبطهاااا بديك الحالة معاجبو حال ... تنهد : لبسي الطابلية ولا نتي حرام واش تحطيها فوق كتاافك ...

خنسااء : واخا غير نوصل قدام باب الليسي ونلبسها ...( شافت جهة نسرين لي عارفاها مكاتبغيش تدوي مع خوها قدامها ... طلعات فيها حجبانها كاتمطق ودخلات مخلياهم ) ...خنساء بتبوحيط : عطيني عفاك واحد عشرة دراهم غاندوز فالعشية عند صاحبتي نراجعوا وبغيت ناكل شي حاجة مني نخرج ....

_ شكون هاد صاحبتك بالسلامة ومعامن تشاورتي هي تسعيين ....

خنساء : راانيا ... راه قلتها لبا وزايدون مغانتعطلش والله ... عطيني الله يرحم باااك راه مصارني كانخرج بيهم كايغوتوااا ...

جبد ليها عشرة الدراهم حطها ليها فيدها : تفوتي المغرب نجبدها مع ختي .... هاااودني منك

ميقات فالفلووس : ناااري ياخويااااا البق مايزهق ميلة مازدتي عليهااا حتى درهم ...

_ تحيدي من قدامي لاااا .... هزات كتافها وزادت كاتشير فشكارتها وهو كايدور عينو فالدراري لي حاضينها من اللور ... خنزر فيهم بنفضة : كولوها راها مزوقة ... تريكة المكابيت يخخخ على سيكتووور ديال الويل .... الله يخليه كنس بالخلاااا ....

دخل كايسوط فحال الرابوز .... مسافة صغيرة ديال الطريق حتى وصلات لليسي ... دورات عينيهاااا باان ليهااا واقف مسند على الحيط وحداه جوج دريااات كيف العادة شاد معاهم الستون .... تقدماات جيهتووو : سي عبدو داير الحلقة ديال جامع الفنااا بلاا خبااري ...

ضحك : ههههه المغيارة خنساء جاات ... هربو قبل ماتعض شي وحدة فيكم

خنزرات فيه : نعضهم مالي كلبة ... ايواا حااشاااك الكيدااار

عبدو : تي مالكي دايرة بحال هاكااا فمك خمج من بيض با علي .... غا الكلبة لي كاتعض .... نتي رااك لفيعتي المسمومة ..

بعدات : خلينا من الهضرة الخاوية شنو درتي فالبلان ... ضبرتي لياا ؟؟

يلاه غايجاوبهااا ووقف دري فمقتبل العمر باينة فيه باقي صغير ... فمووو زرق بالكماية والحشيش والكالة : عبدو كاين شي ولا غا الفرشي ؟؟

غمزو : كاين كلشي ... فالعشية دوز عندي للدرب ....

شير ليه بيدو : يتوب علك ... ديرني فالباال حتى نتقاشعوااا

عبدو : كون هاني ....

خنساء باشمئزاز : شتي نتا بربي مغادي يهزك قبرك .... غاتموت ونتا معارفش الشهادة على هاد السم لي كاتبيع لهاد الدراري مساااكن ... النص فالدرب خرجتي علييه ...

عبدو جرهاا من يدها مزير عليها مبعدها على الكليكة : مالنا على هاد الهضرة واش انا كانضرب شي حد على يدو يشري مني بزز ... مابقى حد يترزق الله فهاد الوقت ...

تنترات مخنزرة : ترزق الله ولا تخرج على عيباد الله .... دنوبك على راسك ... جبتي ليا لبيي ...

جبدهااا من جيبو : هاهي واقولي تاني مكانوقفش معاك ...

بغات تاخجها وهو يردها : وداك الدري لي جابها باش غانخلصوا ؟؟

خنساء : مكاتقشرش بفففف .... الحيباان قاالك ههه

عبدو شمر على نيفو كايضحك : الحب حب والخدمة خدمة ... ماتخلطيش الامور الشخصية والعملية اخنيفيستي ( غمزها)

_ جبدات سوينكة مداتها ليه : هاكااا تريكة الجوووع .... خداات البيي خاوية ودارت فيها سميتها والرقم الترتيبي محاولة تقلد خط الحارس العام ودخلااات مرتااحة كانت هازة هم الدنيا والدين باش غادي تدخل ....

تعاشات العشية ... كالسين بربعة فالصالون ديال وحدة من صحابهم حاطين الكتوبة مشتتينهم ...

خنساء تكاات على السداري : اووف عييت ... الله ينعل بو هاد الباك كااع الا كاان هاكااا

عبدو نغزها : نوضي تقرااي ابنادمة ... يااه على عكز فيك

خنساء : بلاتي عليا نرتاحو شوية اوااه ساعتاين متابعة عمري قريتها فحياتي نص ساعة ماعمري كملتها ... دماغي تبلونطااا عليااا .... ويلي ميمتي راسي زند علياا وا هياا العاالي

عبدوا : انا غانقرا باغي نجح ....

طيرات ليه الدفتار من يدو : تااا بربي ماتقرا يا نجحوا كاملين يا نسقطوا كاملين ... صبروا نرتاحوا

رانيااا : هههه تقول قرات عام ... انا نجيب ليكم شي حاجة تشربوها

منير : شي حاجة باردة ها العار

ميقات فيه خنساء : شي كوكطيل لااا .... سيري اختي جيبي لينا شي براد ديال اتاي منعنع ... راه كايقوليك اتاي العشية حسن من بقرة مشوية

رانيا : ههههه اياااه جاااك اخنساء وحنا نقدوا نرضوها فوجه بنت السايب

عبدو : ههههه .... سيري اختي سيري مع هادي موحال نكملوا حتى هاد الاجتماعيات ... حرطات راسها بايجاب ومشات

خنساء تكعدات : هانتوما مني تجي تجي رانيا قولو ليها تغني لينااا ... صوتها غزااال

منير بتعجب : وااااايلي ؟؟

عبدو : عنداك يكون غير فحال داك الصوت عندك ....

خنساء ضرباتو : مالو صوتي كيف جاك على من زيناتو ... غير مكانديرش راسي فالغنا

عبدو : الحمد لله مادرتيهش فيه ... اما كون هوااا فقدنا طبلة الاذن

خنساء : ايوااا بااز ... المهم صافي من تجي تغني لينا ...

منير : اووك ... كلسوا كايتحتتوا حتى جات رانيا هازة صينية اتاي وطبيسيل ديال كيكة حطاتها ليهم ...

خنساء ربعات رجليها : الله يرضي علييك ... ودابا هاد الدكة خاصها شي مزيكة

رانيا : بلاتي نجيب تليفوني نتموسقوا ...( بغات تنوض شدها منير ): ريحي ... نتي لي غاتمزكينا ...

رانيا خرجات عينيها : اويلي لا ...

خنساء : والله يا الالة حتى غاتغني لينا ...

رانيا : بالحلوووف ... ياختي باز

عبدو : يلاااه نشوفوا هاد الصوت العدب ...

رانيا ابتاسمات : وشنو تبغيو تسمعوااا ؟؟

خنسااء : ها العااار لا عمري بكييت ...

منير : خنساء مزال مبلية بهااد الاغنية ...

عبدو : ايييه لهلا يوريك حفضتها معااهاا بكترة ماكاتسمعها ...

رانيا : يلااااه كلنا صاافي ... احم احم ...

لا عمري بكيت لا شفت دموعي ...

حتى غاب مافي شفتهم يسيلوا ...

عمري ضنيت الحب يهبل ...

ملي رحتي راحلي العقل ...

راني خايف يديرها زهري ...

نشوفك مع واحد غيري ...

خنساء معاها : قلبي يحبس مايستحمل لساني يعواج مايتكلم ...

منير : جيتك يا بحر قلبي عامر ...

حكايتي حكاية راني مدمر ...

رانيا وخنساء : سيدي ربي راني صابر ...

مالك يا زهري كافر ...

عبدو بصوت هادئ كايشوف فخنساء : مني لافوت وانا ظالم ...

خسرت معاك راني فاهم ...

عندي عزيرة ربي لي عالم ...

نطلب سماح راني نادم ...

خنساء بعجرفة : فزين تهبل تقول كاورية ...

لكلام لحلوا والعقلية ...

العيون قتالة .. ضحكة رومانسية ..

عبدو عينو عليها : هاديك عمري .. هاديك هي ...

اجمل حكاية ماننساهاش ...

رانيا : ايسطوار داموغ ماكملناهاش ...

توحشتك عمري قولي لي علاش ...

على فراقك راني خايف ...

خنساء ابتاسمات ليه : على غفلة ومادرت حساب ...

ياك قلنا فالدنيا حباب ...

عبدو رد عليها : غلطت غطلة وراني نتعذب ...

قلبي مسكين ياعمروا جرب ...

منير : دنيا لعبات لعبتها تاني ...

مالك يا زهري اناني ...

مرة تعطيني مرة تنساني ...

مرة تبكيني تخليني نعاني ...

عبدو تنهد : غالية عندي دموعك نتي ...

نقوليك الحق لافيريتي ...

اول حب حبيتك نتي ...

خسرت الدنيا كي خستك نتي ...

خنساء : جامي خصرتي خاطري بمرة ...

يانا لي خصرت هاد المرة ...

عبدو : محروق قلبي بنار الجمرة ...

اليوم نترجاك فهميني يا مرااا ...

رانيا : نعطيك عاهد .. جامي نخالف ...

غيرك عمري مانزيد نوالف ...

ساكنة قلبي راني عارف ...

عمرني نخليك راني حالف...

لاعمري بكيت لا شفت دموعي ...

خنساء ضحكات : ولاهيلا حفضتوهااا هههههه ... برافو عليكم .. ( تكات على كتف عبدو ): صوتك حنين اشلاهبي .. راك حااضر

عبدو : بسييييف نهار كامل ونتي مصدعا ليا راسي بيها ...

رانيا : يلاااه ارتاحيتو ... غنيتو ... نكملوا الخدمة

منير : اييه يلااااه ...نساليو بعدا غير هاد الدرس فالتلخيص ...

خنساء بعكزة : اووف العفو معااكم .... كملوا حفاظتهم مجموعيين ... حتى فاتت المغرب عاد تفرقوا كلها مشا لدااارو

خنساء دخلاات نيشان لبيتها حطات حوايجها بدلات عليهااا ... وخرجات هزات تليفونها ... شافت ميساج من واحد من اصدقاء الفايسبوك من ظبي ... بقات شادة معاااه الستون كاتسيفط ليه تصاور ديال شي بنات بلاما تبين الوجه وهو مسكين متيق بيلا هي ... مدة وهي على نفس الحااال مقرقبة معاااه الناب ... سالات وهبطات نيشااان للصالون ... لقات العربي كايهضر فالتلفون مبتاسم .. كلسات حداه كاتسمع : ايييه اييه وااخااا ... يكون خيير ان شاء الله ... ياااودي راااه بحول الله مايكون غير الخير .... صافي كون هاني ... غير عطيني شي وقيت نشاورهم وانا معاااك ... يلاااه تهلااا ... ان شاااء الله ... بسلااامة وسلم ليا على مالين الداار ...

خنساء بتساؤل : ياك لاباااس ابااا

العربي فرحان : كل خير ابنتي ... ان شاء الله

خنساء : ياك بعدا مكاين حتى مشكل ؟

العربي : لاااا يا بنيتي الحمد لله ... كلشي بيخير وعلى خير ( ابتاسم كايشوف فيها فرحااان ): الله يرضي عليك ابنتي

خنساء : اميين ابااا ... لهلا يخطييك ... احم هبطت عافاااك بغيت نشري شي حاجة خاصااني ...

العربي : يااك عطيت لعمتك نصيرة السمانة الفايتة الفلوس تشري ليك لي خاصك ...

خنساء : ااه فراسي ابااا ... راه قلت ليها تخبيهم ليا بغيت ناخد واحد السنسلة ديال الذهب من شحال وانا نجمع ليها ...

العربي : اييه ... واخا مافيها باس ... شحال خاصك دروك وكان ...

خنساء دلات قنوفتها : 100 درهم اباا .... المهم الا كانت عندك ...

العربي تنهد وجبد بزطاموا من جيبو مدها ليها : هاهي ولايني لا دوريش بساحتي من هنا جوج سيمانات ...

خنساء ضحكااات خداتها : هههههه لاواااه شهر ...( باست على راسو ): الله يخليك ليا ابااا ويطول ليا عمرك ...

العربي : الله يرضي علييك ... واسيري عمري ليا شي براد بقواموااا

خنساء : هي لي ماتعاودش ... مشات وهو بقا متبع ليها العين مبتاسم بنظرات غرييبة ...

عبدو كالس فالدرب مع منير كايشربوا قهوة بهدووء ... نطق منير باستفسار : بغيت نسولك اخويا عبدو وماتقلقش رااك عارفني عشييرك ...

عبدو غمزوا باستفسار : دوي اش تماا ... شنو باغي تسول

منير : البارح كنت مقصر انا ورانيا كاندويو ... وهضرنا عليك نتا وخنساء ... صراحة لدابا مافهمتش شنو هادشي لي بيناتكم ... مرة كاتبانووو كاتحابوا ... مرة كاتبانوا عديااان ... دابا جيني نيشااان العشير كاتحس بشي حاجة من جيهتها ولا غير تدواز الوقت وخلاااص ...

عبدو شعل جوان مكونسونطري معاااه : هههههه ... واش عرفتي بيلا الدرب كلوااا ضارو راسو على شنو بيناتنا ولا اش حنا بالنسبة لبعضيااتنا ....

منير : يااا خوويااا هادشي عندكم مفشكل ... مافهمت فيه حتى وزة ...

عبدو كايتكيف : ودابا نتا باغي تعرف شي حاجة انا براسي معارفهااش

هز حاجبو : كاطنز ؟؟؟

عبدو ضحك : ههههه واااا هي فصراحة ... كاتعجبني متيتزة وقشوبية وزاااهية بالمعقووول ... مكانحسش معاها بالوقت ... ولايني راك عارفني العشير حال واحوااال ... مايمكنش نشد فدرية وحدة ... وحتى هي ماشي شي وحدة تابتة لي تخليني نتعلق بيها ولا نبغيهااا كل مرة والمود فين هي ... وبجوج عارفين هادشي ولكن ها حنا مصاحبين مقصرين مناقصنا خييير ....

منير ابتاسم : ممممم .... هي دابا غير زاهيين بجوج وصافي ...

عبدو : هانتا فهمتي ... دابا سبحان الله وليت مبلي بيهااا .... فحااال الجوااناات كانكميهااا فرحااان واخا عارف راه غير كانقتل صحتي ... وا حتى خنساء هي كايضرني راسي وكانتفشكل الا ماشفتهاااش ... واخا انا عارفها مافيها نفع لياااا ومصالحاش لياااا ...

منير : ماعرفتش اصحبي هادشي معقد .

. ولايني نتا كاتجيني طايح فيها غير معايقش ... من ناحيتها هي معروفة غير كاترتاح ليك ولكن نتا شوفاتك ليها فشكل ... ماشي فحال كيفاش كاتعتابرك هي

عبدو بطنز : تااا ريح اشمن فشكل ... غير جاب ليك الله ... اجي بغيتك فواحد البلااان نيت عليهاااا

منير : امااا هو ؟؟؟؟

عبدو قرب عندو منخفض صوتو : بغيت نقصر معاهااا فالداار

خرج عينو : حماقيتي لا اش كاتخور واش تسطيتي ماشي لديك الدرجة اصحبي واااايلي خنساء ديااالناااا .... حشووومة

عبدو خنزر : واش نتا مرييض ... راااه ماشي داكشي لي فبالك .... بغيت غير نكلسوا فراحتنا عييت من الدوراااان .... واش اناااا مضروب بفردي خااوي ندير ليها شي حاجة بغيتي نجيبها فراااسي .... هادي راه بنت السايب علاااش داويين هي تغتاصبني ماشي انااا

منير : مممممم .. واا ماانعرف نتا راه مافيك تقة ... قولي نتا غير باغي تكلس معاها الراس فالراس بوسة من هنا وبوسة من هنا ... فراااحتك العفرييت ...

عبدو : ايااااه يرضي عليييك ... ولكن الا جيتها نيشان غادور فيا خاصني شي بلاااان نحطها فالموقف وهي راااه كوول ماتقول وااالو ... غير ندردشو شوية

منير : اش بان ليك تقولها راه غانراجعوا مجموعين فالدار عندك ... وهي مني تجي كلسو قصرو بجوج ... ولااايني اصحبي عنداك يغرك الشيطان راه والله حتى تشوهك فالدرب ...

عبدو : مالي مسطي نجبد على راسي النحل اصحبي .... تا صافي راه دوينااا ...

منير : وارد بااالك ... عبدو حرك راسو بايجاااب كايكمي الجوااان منشوي عليييه ناوي يكلس مع خنساء شي عشية يقصرو بجوج ... كايرتاح معاهااا فالكلسة وهادي هي الفرصة باش يبقاو بجوج يهضروا فخاطرهم ...

خنساااء فاااقت على النبوري مشات لليسي كيف العاادة ... لقات عبدو واقف كايتسناها حدا الباااب ... ابتاسمات بهدوء : صباح الخير

عبدو : صباح النور والسرور ... مال الحب مكشر ؟؟

خنساء خاسرة : عيااانة فيا لي غيكل المورااال طااايح ....

عبدو : هاكاااك وانا كانقول مالك صفرة ... يلااااه كايدوي معاهااا وها يوقف عليه بوليسي هبط من السكوتر قاصدو ....

خنساء ابتاسمات : كحلتيها اسي عبدو اليوم تبات فسيليل

باجاز : هنينااا اصحبتي .... ابتاسم ليه : الشااف

_ اهلا سي عبدو ... واش راك غاية ؟؟

عبدو بلع ريقو : الحمد لله هاد السااعة ... ومنين شفتك وليت حسن الشااف ...

خنساء مقابلة بعينيها البوليسي ماحيداتش عليه العين بالمرة

_ بلاما دخل وتخرج عليا فالهضرة ... جاتني شي خبيرة راك مدور صريف هاد الاياام ... ياكما كاتقلب تكلاااصااا فالبنيقة ... مناويش يتوب عليك الله

عبدو : تا الشااف راه والله غير الهضرة وصافي ... راه مكاين والو ... كانكمي الله يعفوا ولايني راه مكانبيعش غير قاريينها فية حسيفة الشااف ...

_ حسييفة فيك غير نتا ... دير فبالك هادي هاهي دازت المر الجاية نشم غير ريحتك فهاد الموضوع نكبل لخويا اليدين ونصيفطوا فين يتربااا ... لدابا داير بوجه سي حسن وداير عين ميكة

عبدو : والله الشاف راه غا مظلوم ... الله يحفظك ...

_ ( البوليسي شاف فخنساء لي باقا حاضيااه دااار ليها ضحكة خفيفة مطلعها ومهبطهااا وزاد وهي كاتفرنس ليييه ماسمعاتش كااع الحوااار كانت مرفوعة فالزين والتكديرة لي قدامها ... حتى ركب على السكوتر وزاد )

عبدو ساااط .... دار لجيهتها لقاها غاتاكل السيد بعينيها ... هز حاجبو خابطها : تي سدي فمك الموت كاضور

خنساااء : متيتز ولد اللادينااا ... منين كاتعرفوا؟؟

عبدو : الله يعفو علييك من هاد البلية ... باه كايعرف لواليد باينة سمع شي تنقنيقة وجا باش يقرا عليا الزابور ... غايكون غا الواليد لي مسيفطو باش يخلعني راك عارفة

خنساء : ربي واش ماعييتيش من هادشي ... راه شي نهار غاتجبد عليك شي نحل ماهواااش وتصدق مجرجر فالحباسااات ... ماقداتكش الكماية زايدها بالبيع ...

عبدو : تي اشمن بيه ... راه غا باش انصوفي راسي ... الواليد الحركة عيااانة عندو ... داك المحال ديال الزرابة غمل كاينش فيه الذبااان ... لاهما كانضبر على مصيريف واخا غير ليا ...

خنسااء : عمر فلوس الحراام مكاتربح ... داكشي غايرجع عليك واحد النهار هانا فين قلتها ليك ... زيد زيد قبل مايسد علينا الباب تاني ... دخلوا بجوج لليسي مناكرين كيف ديمااا مكايسكتوش من الهضرة ...

وصلات لعشية،دخل عصام لدار هاز معاه ساشية فيديه...غير داز من حدا لبيت وهياا تبان ليه نصيرة ݣالسة عاقداهم...

قرب لعندها مبتااسم بترحيب:مرحبااا بعمتي..وأنا كنقوول مال داار مضوية،ساعة نتي فيهاا

نصيرة دورات وجهاا:ممم صبغ فياا صبغ...وزيد حتى جير...على زين لملاقية لي تلاقيتي لياا وجبتيني،نتا فسيمانة لولة ديال زواج نساتك فيااا ..

قرب حط ديك ساشي فوق طبلة ومشا لعندهاا باس على راسهاا:والله يا لعزيزة حتا ليووم مالقيتش لوقت باش نجي نجيبك ...كنت غارق مع واحد ضوسي وتعطلت..صونيت عليك باش نقولها لقيت تيليفونك طافي...

ردت عليه نصيرة زعفاانة:سبحاان الله،ضواسة يلاه ولاو عندك غير دابا،مالهم من قبل مكاانوش....(صغرات فيه عينيها): غير جيني نيشان وقول ليا شكون لاح ليك لبرغوتة فلوذن وقاليك متجيبهااش ؟

عصاام:والله حتا غير مع زفت ديال لخدمة هو لي لاهااني علييك...(قرب وشد يديهاا باسهاا)سمووحاات مبقااش تعااود

نصيرة سكتاات تواني ونطقات لاوية فمهاا:إوى مكاين باس،نكمدهاا فقلبي وندوزهاا...(شافت فساااشي ونطقات بتساؤل مصغرة عينيهاا)شنو داكشيي تماا؟؟

عصام :غير واحد لبيجامة بسروالها لنسرين..وواحد سيروم ديال شعر كانت طالباني عليهم من داك نهاار...دزت من حدا لقيسارية ليوم تفكرتهم وجبتهم ليهاا...

نصيرة جمعاات حواجبهاا:هااكااك...لقيسارية مغا يلاهيوكش عليها ضواسة...ضواسة مديورين غير على عمتك....(عصاام مسح على وجهوو بضيق..عارفهاا كاتشد لهضرة مطلقهااش)

نصيرة كملات بنفس نبرة:وزايدون عااهدي بيك كتجييب تقدياا فاعلة تاركة لداار جوج ميكاات فليد....مكاملة حتا سيمانة فزواجك وليتي داخل لسوق لعيالات..وتخسر فلفلوس على لخوى ديالهم...اشهاادشي أعصاام!!

نسرين كانت فلكوزينة يالاه خلطات واحد لماسك بغاات ديرو لوجهااا...مع لخرجة وهياا كتسمع نصيرة كتهضر... عرات ودنهاا من بعض لخصلات ليكانو مرميين عليه وقفاات كتصنط بهتماام...

عصاام:الله يهديك أعمتي راني غير لبارح تقديت تلاجة عامرة مخااص والو.. واشنو فيهاا إلى جبت ليهاا داكشي لي بغات إلى كنت قادر عليه...راها باقة عروسة ومن حقهاا تفشش

نصيرة رفعات نبرة صووتهاا: شنو مزالة عروسة تفشش؟؟ إوى سبعياام تاع لباكور راه دوزااتهااا...وعاد دينا ليهاا خمسة طياافر عامرين بلحوايج ولقش تلقايهاا مزاال ملبساات فيهم تاحجاا...عيواض متهز ليك لهم وتقول راجلي يلاه خسر فلوس صحيحة فلعرس...غاا مزايدة فييه...غاتبقا كتحلب فيك حتا تخاليك الله كريم عل الضس

عصاام بعصبية:وا حتاا نتي معرفتش علاش كتعقدي فلأمور بحال هاكة...راه مفيهاا والو...وااش دابة اعمتي نتي مولات لعقل بيجامة وسيروم هماا لي غايسيزيونيي ويخليوني على ضس؟؟

نصيرة:سمع نݣولييك...راه تعياا ليد لي تعطي ما تعياا لي تشد...ماتولفهااش هاد لقااعيدة ديال شريان فكل ساعة تم تجر و تجيب ليهاا..عنداااك ضسر عليك ديك خفو دفو...راه نهاار لي مايكونش عندك باش تجيب ليهااا...تشطح والديك على مخيط...هااني وصيييتك

عصاام ساط بصوت مسمووع ومردش عليهاا

نصيرة خفضات نبرة صوتهاا محاولة تاكل ليه دمااغ:أنا عاارفة هضرتي مغاتعجبكش...حيت باينة فيك تعميتي مكاتشوفهاا غير هيااا ...ولكن أولدي أنا مابغيت ليك غير لخيير ..لعيالات ماشي دياال ضساارة،ربط شوية يديك وتعلم تقول "لا" واخاا يكون عند بااش قولهااا وورك عليهاا...رااه لمرأة تاكل ماتشبع،وتاخد و ماتقنع...

نسرين زيرات على فمهااا بجهد...خداات نفس عميق محاولة تهدن بيه راسهااا...مسحاات وجهاا بيد..دارت ابتسامة مصطنعة ومشاات لعندهم

قرباات وهياا كتخلط فلمااسك ونطقات بنبرة حنينة:هاانااا...لاتقولي نسيتك...وجدت ليك واحد لمااسك مداايرش...ديريه وتفكريني...غايرضك(كتحرك صباعهاا)هااكاا هااكاا كتشعلي...عرفتك احبيبتي غاتكوني عيتي من تماارة..وجدتو ليك ديريه لوجهك وليديك...(نصيرة كانت غير كتشوف هازة حاجبهاا فيهاا)وغداا على صباح غنقاد ليك بانيو فيه لماا دافي وخزامة ومليحة باش تكمدي ليا بيهاا رجيلاتك...

عصاام بتاسم جانبيا عجبو تصرفهاا معاها ...شاف فنصيرة ونطق بفتخاار:وهانتي أعمتي..اشباقي بغيتي؟؟

نسرين شافت فيه ضاحكة:عصامي جيتي؟؟...انا دابا غانمشي نسخن ليك دووش ونحط ليك بينوارك ورى لباب...دوش وحيد لعيا دياال لخدمة ورتاح ليا مع راسك...بيدماا وجدت ليك براد أتاي بيقاامتو...كيفما ولفتي تشربو من يدي...رد ليا بيه لمزااج

كملات هضرتهاا ومشات تسخن ليه دووش

نصيرة سكتاات ملقات ماتقول...وحلات ليها لهضرة... نطق عصاام بهدوء: إوى هاهيا شتيهاا شحال كاتعامل مزيان ،ونتي شحال عزيزة عليهاا...وشوفي كيفاش مهلية فياا...تستاهل كل خير..واي حاجة تعطاتها ماشي خسارة فيهاا...ولا لا؟؟

يلله غتجاوبو وهياا تجي نسرين:نوض أعصام ها دوش وااجد...متخليش لما مطلوق غاايضيع

حرك ليها راسو بموافقة ومشاا...قربات لعند نصيرة وݣلسات حداهااا...دغيا بدلات

ملامحهااا وخنزرات فيهااا:فكني الله من لعكوزة ومشاكيلهاا،ولكن بلاني بيك نتي..وراك دايرة جهدك وكتر باش تحرشيه وتعمريه عليااا...

نصيرة بلغوات: مسينى على الله...اش ساايرة كاتروني ؟؟؟

نسرين:راني سمعت كوولشي..كان فياا مايجي ويعرعر عليك ويقوليه مالهاا واش سوقهاا فياا..ولا واش كااتعطيني شي حاجة تاخدهاا...ولكن درت بهضرة مي الله يحفضها ليا..لي وصااتني وقالت لياا.."لعافية ملي تجي متلاقيهاش بلعافية بحالهاا..راه تحرقك وترضك رمااد...لاقيهاا بلماا..وحسن إلى كاان بااارد باش طفى"...بلا متصدعي راسك الحبيبة وتبقاي تعمري فيه..راه مغاتصوري منو غير نخاال...عصام دبا ولا ديالي وكنحركو على جيهة لي بغيت(شارت لخاتم لي فيدها)بحاال هاادا....(شافت فلماسك وضحكات بستهزاء): ههه كنت موجداه لراسي،ولكن غير خوديه بصحة كاادو من عندي..طليه طليه...راه كيحيد حتا لحمورية...تماما بحال هادي لي طلعاات فوجهك دابااا....

سالات هضرتهااا وناضت غاادة كتمشى بشوية..مخلياهاا غطرطق فبلاصتهااا....عرفات كيف ترض ليهاا دقتهاا غير بلبارودي...وبينات لعصاام بلي هياا بريئة ونيتهاا حسنة مع عمتو لي كتهضر عليها بلخايب ومحاملاهااش..وخلاتو بلا ميشعر يفكر فداك لمتل لي كايقول(انا فهمو ندادي،وهو فتقلاع وتادي)

نصيرة زيرات على يديهاا ونطقات بغيض:بنت لحرام سرطاتهاا ليا بشوكهاا...(ضربات فخضهاا): أويلي هالي كنت خايفة منو وقع...دري فسيمانتو ولا مضبع مكيشوفهاا غير هياا...علم الله اشلغجو ليه هو وديك سحارة ديال مهااا حتا بدا كايعوااج عليااا...وااخاا (ضربات على طبلة)هااهياا فيك يا لعݣرب...راني راشماها ليك هنااا...يسحاب ليك دابا درتي مزية...راك جبدتي عليك غير شباح نحل...

خرجات نسرين من لكوزينة هازة صينية أتاي فيديهاا وجادتها لعصام بعدما خرج من دوش....وفليد لخرى هازة تيليفون كتكمل لحديت مع مهاا...دخلاات لبيت لگلاس لقات عصاام مدد فوق سداري شاد تيليكوموند فيديه...شافها دخلات وهو ينوض گلس...حطات نسرين ديك صينية فوق طبلة وجراتها مكحزااها لجيهتو...وگلساات كتهضر...

نسريين:لا صافي كوني هانياا..غدا غير نجمع دار ونطيب لغداا وهاني عندك...(عصام كيخلف أتاي وكيسمع باهتماام): لا لا متخاافيش مغنتعطلوش عليهاا غير تهنااي...يلاه بسلامة عليك سلمي على يعقوب...بسلاامة

غير سلات ونطق عصاام بلى مايشوف فيهااا:فين غادا نشاء الله؟؟؟

نسرين بإبتسامة:نسيت مگلتش ليك...عرضات عليا عمتي غدا لغداا...زعما دايرة ليا لعراضة تاع لعروسة...وغانمشي مع ماما لعندهاا

عصام شرب من لكااس شوية ونطق بهدوء:إييه...مزياان

نسرين بنبرة تفكير:غير هو معرفتش شنو غالبس... واش نلبس جلابة لي جبتي ليا فدفوع...ولا نلبس جلابة لي خيطت...حرت

عصاام شافيها بتتاقل : إوى حتا تكوني بعدا غاتمشي...عاد فكري فشنو غاتلبسي

جوباتو فلبلاصة وهيا هازة حاجبهاا : ك.كيفااش حتا نكون بعدا غانمشي....(ضحكات بستهزااء)هه على أنا بسلامة ولعافية مغانمشيش؟؟

رد عليها بنفي:لا مغاداش..

نسرين تبلوكاات...حسات بريقهاا نشف...نطقات بعدم تصديق: شنااهواا....(حركاات اصبع سبابتها بحركة دائرية وكملاات)عاااود شنوو گلتي...

عصاام ببرودة: ياكما ودنيك خاصهم يتنقااو من لداخل مبقيتيش كتسمعي؟؟...(كمل متقل هضرتو ببرود مستفز) : گلت.ليك...مااغاداااااش...سمعتييهااا داابا

خرجاات فيه عينيهااا...ووجهااا دغيااا طلعااات معااه لحموورة...نطقاات بعصبية:وعلااااش مغاااداااش...علاااش

عصاام عاود جغم من لكااس بصوت مسمووع ونطق بإجااز:حيت أنا مااابغييتش...كاين شي ماانيع؟؟

نسرييين بعصبية كتغغوت على حر جهدهاا:كيفااااش مبغييتيش...وااااش تصطيتيي ولاا مالك...

عصاام:زييدي غوتيي مزاال...زيدي برررحي....طلقي ليا داك لحلووق ولا ديري نتي بوق گاع وسمعيهاا لجيراان

نسرين بحدة:رااك نتااا لي خليتني نغووت...بااغي غير هكاك تفقصنييي....أش درت ليك حتاااا تحرمهاا علياا و متخلينيش نمشيي...

حممر فيهااا عينيه وغوت حتاا هواا معلي صوتو على صوتهاا :مغااتمشيش هياا مغااتمشيش...نتي لي حرمتيهاا على رااسك...معاامن تشااورتي...كديري لي قالك مخك ...شنو كانباان ليك أنااا.... بلاكة تحرگي فياا وتزيدي...دايرااني بحاالا مكاااينش...

ردات عليه بنفعال حاسة براسهاا تزيرات بلأعصاب لي ركبوهااا: تاا واش تصوطا ليك دماغ غانتشااور معااك وأنا غادا غير عند عمتي...رااك غا كتخور ألبشاار معارفش رااسك شنوو كتگول....ناااري أعصام صدمتيني واش كدوي من نيتك...

عصاام :كندوي من جدر نيتي....ورب لكعبة مانتي خاارجة من دااار...وأكبر حايط قدامك سطحي معااه رااسك...باش لمرة جاايا تعلمي تشااوري معايا ..يااكماا نسيتي رااك وليتي مزوجة و مبقيتيش ديال رااسك..

نسرين تغددات بلمعقول...مسحاات على وجهاا باش تكالماا ونطقاات وهيا كتحرك رااسها بلإجااب:أه صاافي من ليوم غانبقاا نتشااور معااك فأي حاجة غنديرهاا..حتا إلى كنت غندخل ن***فطواليط غتتشااور معااك فيهااا...رتااحيتي دابا

عصاام تلااح عليهاا وشادهاا من درااعهاا جارهاا منو حتاا غوتاات بألم ونطق كارز على سناانو:گلييهااا لمك ديك لهضرة كتسمعي...وداابا إلى نسمييك مرى ومزغرتا عليك مك حنتيني و عتبي داك لبااب...إلى مانحييك رااني *اامل

طلق منهااا ودفع ديك صينيااا بيديه بجهد حتاا تزعزعو لكيساان فيهااا ونااض وقف : جغمة ديال سم حررتييها فينااا..نمشي نشربو فقهوة حسن منصدق كاابو ل**مك على رااسك...خزيييت

زفر بعصبية و خرج من لبيت وخلاهااا موراه طالعة ليها..كرزات على شفاايفياا وصغرات حجم عينيهاا ...نطقاات مخاطبة نفسها بتوعد"هااحناا غاانشوفو...باغي تحجبني فداار وتحبسني فيهاا..والله لاكانت ليك...غاانمشي هيااا غاانمشي" ...

العشية تعاشااات وخنساء رجعاات للدار شمرات على ذراعها وخملات بيتها ... طوات حوايجها مرة فالشهر فاش كاتستفهم ... وجمعات الوسخ رماتو فالماكينة يتصبن ... هزات الشبكة ديال التصبين حطات فيها الحوايج المصبنين وطلعاات كاتدندن كيف العادة تنشر حوايجها .... لقات السلوكة عامرين بحوايج نسرين وعصام ... تأفأفات : ياربي تعطيني صبرك على هاد الخليقة يوماين وحوايجها منشورين حلفات لا هبطاتهم .... نتي لي كنتي ناقصاني فهاد الدار وتكمل ( كاتحرك راسها بلا حول ): لي ماعندو هم تولدوا ليه حمارتو هي ديالي انا .... بفففف

تنهداات وكحزاتهم لجهة وحدة حتى تهبطهم معاها .... نشرات حوايجهاا مبتاااسمة حتى سالات وجات تهز الحوايج ديالهم وقرمات حجبانها هازة بجوج صباع سليب عليه بعض القطرات ديال الدم مخارجينش فالصابون ... خصرات كمارتها معيفة : زغرتي يا موكة بلارج دار العرس .... تريكة العفن حتى شراوطها ماتعرف تنقيهم ... يلاااه غاتحطووااا وهي تنترو ليها من يدها بنفضة معاجبها حاال وكشاكشهاا خارجين : يااك الالة خنساااء ولينااا فالحواايج ... وحنا مزال فالبدية .. شراوطي لي بقاو ليك

خصرات كمارتها : يااك لابااس ... شكاتخوري ؟؟؟

وجهاات صبعها بتحدير دخلها الوسواس من داكشي لي وصاتها عليه مهاا : شوفي الوستي ... جوج كلمات غادي نكَولهم ليك ... ومغاديش نعااودهم ... حوايجي وحواايج راجلي علييك بالتيقاار ولا رااه مغادي يعجبك حااال ....

خنساء هزات فيها حاجبها : ياااك الالة البناات واكون كانت فيك الفايدة كاعما نلقاهم والا نشوفهم بالعيين ومني نتي فيك هاد الشك كامل وهاد البهووط ... كون جمعتيهم شحاال هاذاا كاعما ديري الاشهاار لوسخك ... لي جاا يدي فضيحتك ....

نسرين مغززة : شتي دوك القواالب لي معلماك ديك اللفعة ديال عمتك راني عارفااهم وحافضااهم ... مغاديش ديروها بيااااا ... وحوايجي يبقاو حتى تلت يام مادخلكش فيهم ...

_ ايوااا ماديير خير مايطرا بااس ... جيت نقرة فيك حسنة رديتيني سحااارة ياا كبيرة السحاارااات ... والله وكون ماجيتيني مرات خويا ودرت بوجهوا ياحتى نضربها ليك بشي ترييشة ونوريك التشعويد على اصولو بلا مجمر بلا فاخر يا تريكة الحمووووم ...

نسرين : ياااك اختي نتي كاديري لخير ... هاد الموال قرايه على مخك قوالبك حافضااهم ... لي كايديرو ابليس فعام ديرو اللوسة السوسة فسااعة ...

خنساااء شمراات على جنبهااا مخنزرة فيهاااا ومعوجة الوقفة حاطة يدها على خصرها : ايوا السفيه كاينطق غير بلي فيييه .. وانا بزااف علييك حتى نقرب لعفنك ولا نضور بييه .... وهادي هي جيت نعاونوا فقبر بااه هرب ليا بالفاس سري يا كحلة العفطة يااا عود القمااري .... ولكن غير بلاااتي بغيتي غير العوافي وهانتي شعلتيها وجبدتي شري ... كنت عاطياك بالتيقار ولكن مابغيتيش توبي .... ( سااطت ): ولكن لي مجابتو محبة ماتجيبو حزاارة ... عقلي وتفكريينييي ... خراك مغاايجمعوه شراوط معايا من هنا للقدام ....

ضرباات فيها وزاادت مهبطة شبكتهااا باغة تااكل جناابهاا حيت نيتها مكان فيها والوو .... تموت وماتقبلش بلي يطيح عليها الباطل ..

نسرين بنفخة : اعلى مافخيلك ركبيييه كون كنا نخافو من الدجااج كاعما نريشوووه .... ولاااهيلاااا قالت ليك غانورييك .... شتي انا غير سااهلة ليك ضساارتك انا لي غادي نحدهاااا ليماااك ..... الا نتي بنت السايب انا رااه بنت نجاة الزمورية واجرك على الله .... تعلموا يا الحجامة فريوس ليتامة .... عند بالها غادي تلعب بياااا نتي معاااامن ....

هزااات حوايجهااا وهبطااات كاتنكر اصلا معصبة من موضوع عصام كان خاصها غير فيمن تدك شوكتها ..

ناضت نسرين بكري وجدات طبيلة تلفطور وقاداتهاا...جا عصاام فطر وهو مزروب...مكانش خدام حيت سبت ولكن گاليهاا داير مع شي صاحبو غايمشي يقضي معااه شي شغل بلى مديري حسابو لغداا..گلسات فطرات معااه ووهيا منفخة عليه مباغاش تهضر من موضوع البارح ....حتا هو خلاها على گانتهاا محزرهاا محاشاهاا ليهاا ... داير راسو ناسي لمناگرة تاعهم .... خرج وهياا غطات طبلة مخلياها لخنساء و نصيرة لي كانو مزال مفاقوش ... ومشات جمعات الدار بزربة وجفاات...طوات لفراش تاع نعاس وشطبات بيتهاا وحلات شراجم تهوى الدنياا ...

ناضت نصيرة لقاات الدار مجموعة كتشعل...فطراات وسلات و مشات لبيتهاا حلات سااكهاا لي جابت من لخدمة ...وگلسات تحيد منو لحوايج باش تصبنهم ... قرباات نسرين لجيه بيتهااا طولاات شوفة قبل متدخل ... كاانت مترددة تقولهاا ليهاا...خرجات نفسهاا بضيق ونطقات"معنديش شي حل أخر...ضروري نسايس معااها باش تمشي معااياا"

طلعاات فيهاا نصيرة لعين قرماات حجبانهاا باقي بلان لبارح منقوش فدماغهاا ونطقات مخنزرة محاملاهااش:خير شنو كااين...مالكي واقفة علياا بحاال لعلاام ؟؟

تشجعاات ودخلات ݣلسات فطرف السرير حداهاا وقالت بنبرة عاادية : اناا غانمشي عند عمتي...عارضة عليا لغداا

نصيرة شافت فيها وهبطاات عينيهاا على صاكها كتحيد منو لحوايج لي باقين : ومن بعد...سيري لابغيتي تمشي مالي شادااك؟

ردت عليها وهيا كدور فعينيها: بغيتك تمشي معايا...

جوباتها نصيرة بعدم هتمام بلا متشوف فيها:مالكي تالفة على طريق...سيري وحدك لاش بغيتني أناا

سكتات نسرين تواني وكملات مترددة:ع..عصام مخلانيش نمشي...داكشي علاش بغيتك تمشي معاياا

طلعاات فيهاا نصيرة لعين بشوية...دارت بتسامة جانية بستهزاء ونطقات: وأنا نفهم... نتي ماشي معشوقة فياا تديني...(حيدات داك صاك من عليهاا ولاحتو فلأرض وهيا مخسرة فيها شوفة) : شتي أبنيتي داك جامع لي قريتي فيه راه أنا لي بنيتوو...كايسحاب ليك راك مريݣلة..هو مخلاكش تمشي...ونتي باش تسلكيها معاه باغا ديري بياا سبة...وملي يݣولك لاش مشيتي..تݣولي ليه راه عمتك حتا هيا بغات تمشي وحشمت نخسر ليها ... إلى كان غا على تحرامياات راني طيحت سناني فييهم وشارباهم مااا...شتي مايجيك مليح...غير سيري شوفي ليك حاجة أخرى...هادي راه مغاتسلككش

نسرين وسعاات فيها حجم عينيهاا...صدماتهاا تقول كانت كتقرى أفكاارهاا...دغيااا رجعاات لطبيعتهاا مبغاتش تبين ليهاا والوو...

نطقات وهيا كتحرك صبعها بنفي كتحاول تسايس معاهاا:لا ...فهمتيني غلط...هادشي راه مكااينش...ومفكرتش فيه گاع...غجبتيه من راسك وصاافي...

حركات نصيرة راسهها بشكل دائري ونطقات مصغرة حجم عينيها:مممم أحيااني...غا باش مانعطلكش...غنجيك من لخر...أنا را مافياا لي يمشي لشي بلاصة.. هاد سيمانة دازت عندي كلهاا تخماال...ومخلاش ليا رجل لي تمشي لشي قنت...غنتغداا ونضربهاا بنعسا نتسنط لعضامي...

نسرين هزات فيهاا حاجبهاا وقالت بإجااز:دابا مغااتمشيش معاياا

نصيرة:إوى مكاتعاود غير صلى على نبي...نوضي تهزي شوفيلك ماتقضي...راك معطلاني على تصبين

نسرين ناضت مدمرة كتسوط مغوبشة بوجهااا نادمة گاع لاش جات عندهاا...وصلاات حتا لعند لباب ووقفاات..متسرطاتش ليهاا لقمعة...

دارت عندهاا ونطقات بعزم : إوى صافي...أنا غا نوجد راسي...نيت راه تعطلت على ماما...

كتفات بهاد لكلماات وخرجات فحالهاا.

خنساء فطرات بوحدها فخاطرهاا.. دخلات لبيتها كايصوني ليها التلفون فصدرها تلاقات مع نصيرة هابطة مع دروج ...سدات الباب باش ميسمعها حد و جبداتو وجاوباات طالعة ليها : وي عبدو ؟؟

عبدو واقف فالسطح ديال دارهم كايطل كايكمي : صافا الزين دالعالم

خنساء تنهدات : الحمد لله ... الله يبعد علينا غير كحل الراس ...

عبدو : ههههه على ما بان ليا ولا زاهي عندكم الشغل هاد الايااام فالدار ...

خنساء : ههههه ولاهيلا بحال الا علمك الله ... شد ليا نقطع ليك ...

عبدو : ايوااا راه زعما دخلتي صاحبتك للدار ماشي شي وحدة غريبة

خنساء : انا على ما ولا كايبان ليااا ... دخلت غير بلية وبليت بيها راسي وخويا غير الله يحفظ

عبدو : ههههه وراك عارفة نسرين كيف دايرة من الصغر ماشي عااد ... نهار سولك عليها خوك طلعتيها للسحاب فعينيه ...

خنساء تنهدات : ايوا راه قاليك اعمى بن اعمى لي كيشوف الغيام فالسما و كيدير حيكو فالما ...

عبدو : المكتاب سايسي معاها وصافي .... توحشتك اخنفوستي

خنساء ابتاسمات : احم زعما ؟؟

عبدو : وشنو بان ليك ... نتي راه كاتكوني حدايا وكانتوحشك ...

خنساء باجاز محلية صوتها : الله يجعلني نتيق ...

عبدو : يااااك ... داابا انا كاندوي معاك من نيتي ونتي كاتكذبيني ماشي حرام عليك

خنسااء : وانتا مافيك تقة ... كل مرة وعلاياش مطوي ... يلاااه غاتكمل قاطعها صوت العربي لي حل الباب بالجهد ... فزعها حتى زدحات التلفوون من الارض بالخلعة

العربي بحدة : معااامن كادوي اديك سليعفانة ؟؟؟

بلعات خنساء ريقها بتوتر شادة على صدرها كاتحاول تبقى قدامو هادئة و ترجع اللون لوجهها لي بان مخطوف : مالك اباا على هاد الدخلة ... بلا صوت بلا كلام ... غير دير الحس بعدا اووو

العربي قارم حجبانو : اشوفي اديك العافية راني ماشي دري صغير ضوري عليا فالكلام معامن كنتي داوية بلااا ملاااغة ...

خنساء تنهدات : اباا الله يهديك راه غير مع رانيا ... معامن غانكون داوية بالسلامة كاااع ... الله يهديك

العربي بتشكيك :رانية وكالسة تبحلسي معاها فالهضرة ... كَالو لوالديك عندي الكَرون ...

خنساء كاتحاول تقنعوا : واش ابا انا غانكدب عليك ... راه كنا داويين فشي امور خاصة عليها داوية بشوية ... ياكما بغيتي نعيط ليها تسولها

دخل عصام كان نسا شي حاجة رجع ليها : مالكم اش كاين ؟؟

خنساء غمضات عينيهااا هاد المرة مشات فيها بالمعقول ....

العربي : اجي شوف ليا هاد البرهوشة معامن كانت داوية فداك المشقوف ليل وماطال وهي خاشية وجهها فيه ... مكاتحطوش تقول شاركينو ليها مع الدم ... ودابا لقيتها سايرة تدوي بالمهل ماعرفها معامن ...

خنساء : ابا الله يهديك راه قلت ليك مع رانيا والا ماتيقتينيش انعيط ليها سولها ...

عصام شدها من شعرها مزير عليها : واااش هاد البسالة ديالك مابغاتش تحد ... معامن كنتي داوية السلكوطة دوي ...

خنساء مزيرة : رااه بصح معاك اخويا عصام كنت كانهضر مع رانيا علاش مابغيتوش تيقوني ...

زاد لوا شعرها فيدو : واش قالو ليك عليا حمااار مكانفهمش ... يااا غاتدوي مكَود معامن دويتي يا بربي حتى نهرس لوالديك هاد الرجلين ...

خنساء سكتاات بلا حتى كلمة عرفات راسها قفراتها ... شاف جهة التلفون يلااه غاياخدو ليها وهي دخل نصيرة عليهم ... عرفات القضية حامضة سمعاتهم مور الباب : احم خنساء صونيتي على رانيا ... تجيب ليا السخرة ...(خنزرات فعصام ): تامالك شاد البنت اهيا ناري ...

خنساء تنفسات الصعداء : شتي اعمتي شتي ... مادرت لا بيدي لا برجلي وضلموني ...

هزات فيها حاجبها بمعنى حسابي معاك من بعد : مالك اخويي ياك لاباس

العربي : سمعتها كاتوشوش فالبيت ... تي هي كانت داوية مع رانيا ...

نصيرة : اييه وصيتها تقول ليها على شي سخرة وخليتها تدوي معاها وهبطت للتحت ...

العربي تنهد : المرة الجاية دوي كيف النااس بلا ملاااغة وهضرة تحت الحوايج ..

زاد من تما وعصام شاف فيها مخزز : عارفة الا سمع معامن لقيتك جايا اش غايدير فيك ياااك ... بربي حتى ينوض عليك السايب لي راكَد فيه ... ها ودني منك اخنسااء راااه كادوي بالعافية ... ( شاف فنصيرة ): بقاي تغطي عليها نتي ...

نصيرة : لاواه اوليدي .... رديتيني كدابة

عصام : انا غير قلت ... زاد وردخ الباب خارج ... نصيرة دارت عندها : ياااك امسخوطة الشعب ... بغيتي تشفي فينا الزاايد ... بغيتي تولي شفاااية ...

جمعااتها معاهاا بقرصة بين الفخاااض : هااااا لي يدور مع السلااااكط .... هااا لي يدوي مع الشماااكرية ( كاتليطهااا بالقرص )... وليت نكدب على خويا من ورا فعااايلك

خنسااء : عافااك اعمتي الميمة براااكة ... عافااااك ... والله مانعاود ...

نصيرة : لا غير عاودي عاودي ... باااش نمشي عندو نقوليه على نغاايسك يا كحلة العفطة ... ياااا وبربي وبااش كايحلفوا العيااالات الحرااات وبااقي تعاوداااات لا غطيت على حسك ... وهاودني ... طلقااتها كاتلوا فالفراش بحر القرص وخرجات ...

وصل الضهر،هزات نسرين فوطة ودخلات دوشاات بزربة بلا متغسل شعرهاا...وخرجات كتوجد راسها باش تخرج،دارت ميكاب خفيف لوجهاا ... وشدات شعرهاا سرحاتو بلبلاك وبوكلاتو من لتحت ... لبسات جلابة فلأرونج توبهاا حريري مخيطة بلون الأزرق...مع صباط وصاك فنفس اللون...رشاات عطرهااا... لبسات سنسلة ذهبية رقيقة مع حلقااتها فودنيهاا...وخرجاات

تلاقات مع نصيرة يلاه نازلة من سطح..طلعات فيهاا راسهاا من لفووق لتحت سكتات تواني قبل متنطق بتعجب:غاتحطي كلمة راجلك لأرض.. وتمشي..مامرگتيش؟؟...لا زعماا تبارك الله كاتسمعي لهضرة...

نسرين بنزعاج:راني مغاداش نمشي نديع...غادا غير عند عمتي ودرتو لياا هاد لحالة كاملة...وراه جات حشومة نخليهاا معولة عليااا ونخوي بيهاا وزاايدون غانمشي مع ماما...ومغانتعطلش

كملات هضرتهاا وزادت دايرة راسهاا منخلاهاا... حلات لباب و خرجات ... نصيرة بقات كتشوف فيهاا وعيونهاا شاعلة غير بعدات على أنضارهاا وهيا دفل فلأرض..ونطقات عابسة بوجهاا:"سيري أنا بغيتك تمشي مترجعي...صلگوطة لاخرى...الله يخليهاا سلعة....ولكن سرك ياعصاام...سرك...نتاا لي بغيتيهاا تستااهل... ودوق دابا من لمسݣي" ...

خنساء كالسة فدار رانية شادة معاها الستون على براد ديال اتاي مجمعين

رانيا : اش غانقوليك ... كون لقيت انا شي راجل والله مانتردد يقبلني نكمل القراية ... طلع ليا هادشي فراسي ... بغيت غير ايمتا نبدل الحيوط واخا بحيوط خرين ...

خنساء : ههههه انا كون لقيت لي بغيت مانفكر لا فقراية لا فوالو ... من ديما باغا ندير شي حاجة راسي ... ديالي بوحدي مايتحكم فيا حد ... ولايني فين هو الراجل لي يوفر ليك هادشي ... حنا مخشيين فهاد الحومة غير المزلوط على خوه ... كل نهار نفس الكمااامر بلا فايدة

رانيا : وا الا بغيتيه بفلوسو دابا راه خاص يكون عندك غووز غير اجي وخودو بريالاتو ... متطلباااات هماااا ولات عندهم

خنساء شهقاات : هااااء غوووووز ... ياااك اختشي ... ايوا الا بغاه يكون عندي غوووز حتى هو يكون فيه 17 سانتيم .. واش هووعندو عشرة ولا 12 متوسط وبغااه غوز ههههههه ... الحماق هاذاا

رانيا : ههههههههههههه واااع بزاااف اختي ... عندك الحق

خنساء : تي راااه المغرب كولو مافيهش الغور يجيبها من الجبل مكاتقيسهاش الشمس ... داكشي من عند الله ... يتشرط عليا انا فاللوان وهو عندو قد صبعي الصغير لهلا يحييه ... غير نقي رااسك وريحتووو فاايحة على من زيناتها ويكون حتى عزوة بحلااااوتوووو

رانيا : ههههههههه واييه والله ماكدبتي ( عوجات فمها بتفكير ): غانقوليك شي حاجة مي تبقا بيناتنا

خنساء باصغاء : وايلي اصحبتي مالكي عاد غاتعرفيني ...

رانيا : تعرفي الشيباني مول الصاكات لي كنت عاودت ليك عليه ... داك خونا لي طلق جوج مرات غير مؤخراا

خنساء : ايييه عرفتو مالو ؟؟؟

رانيا ضحكات : قالك الالة جاي طالب راغب فيديااا ...

خنساء بدهشة : لا مايمكنش وااايلي ... ومالكي اختي شكون فحالك ... السيد مدور لعاقة وبدارو وبيخير عليه اش بغيتي كتر ؟؟

رانيا : تي اشمن على مافخباركش ... ( خفضات نبرة صوتها ): قالك الالة مااعندوش داااكشي ميت لييه الحوووت عليهااا كل مرة مطلق وحدة ... وولد الحرام كايخرج فيهم هما العيب ... واخا كايقولو هاشنو كايكدبهم ويردهم هما لي فيهم الديفو ... وحيت كايلقاهم درويشات كايتركنوا ويسكتوا ... مارااضيش بييهااا ومغطي الموضوووع

خنسااء حاطة يدها على فمها : ولد الشيباني لااااخر ... وشوفليك *ب بوبريس وشنو خرج منو ... ياااختشي هاذا خاصو شي وحدة تقاد لدين مو طرح ... ماعندك ماديري بيه

رانيا : داكشي اختي لي كااين ... ايوا نتي كيف غادة ... واخا عارفاك مكاتعطي سرايرك لحد

خنساء ضحكات : ههههههه انا ماعندي جديد باش نقولو ... كيف ديما وخلااص ...

رانيا : مممممم الله يجعلني نتيق ...

خنساء وقفات : جري عليا احبي ... با العربي حالفها فيا وعصام خاصو ليا غير السبة نمشي ندوز للمكتبة نطبع شي امتحانات وندوز عند الذهايبي نعطيه شي حاجة دافعة فيها ونجيب شي سخرة يلااااه نلحق ...

رانيا : ماسخيتش بيك والله كاتونسيني ...

خنسااء : هاذا الجهد تهلاي فراسك وسلمي ليا على خالتي ...

رانيا : مبلغ حتى نتي سلمي ليا على نصيرة وقولها دوز راه ماما كل نهار تسول فيها

خنساء : ان شاء الله ... ودعااتها وخرجااات اتاجهااات للمكتبة ...

غادي جااي فلبيت قداام نصيرة...كيسووط...ودنييه كيصفروو بلعصااب...عاود نطق بتكراار:معااش گلتي لياا مشاات؟؟

نصيرة بلاحول:ياودي گلنا ليك من صباح بكري هزات راسهاا ومشات متسوقاات لحد...حتاا شقااا وجميع دار خلاتو گولو على ضهري..أنا لي درتو..مگالت حشومة ديك سيدة خدامة سيمانة كاملة نريحهااا شوية..واالو الله يستر،مسقووطة من صوااب

زاد زير على يديه دااهاا لجيهة فمو كيغزز فصبعوو : بنت لحراام...تحط كلمتي لأرض وتمشي..ملقاااتش لي يربيهاا وگادهاا مع ضلووعهاا..ليووم نفصلهااا

نصيرة:ياوليدي ياا عصاام گلتهااا ليييك..گلت لييك بنت نجااة خفيفة كطيير متصلااحش ليك...ونتاا لي فرااسك فرااسك...شتي إلى طفرتيه معاها أجي سيال ليا....هاهيا بدات من دابا...ووراتك بلي هضرتك عندهاا زايدة نااقصة..كدخل من لودن وتخرج من لخرى

عصاام محدهاا كدوي وهو كيزيد يتغدد..متصرطااتش ليه نهائيا..يتصرعاا منهاا و واخا هكاك مديرش بهضرتو وتمشي...توااني حتاا تسمع لباب تحل دخلاات منو نسرين وقلبهااا كيضرب فتسعين ملي شافت سكوتر محطوط عند لباب عرفاتو جاا..بلعاات ريقهااا ودفعات جبهة وتقدماات لجيهة لبيت كطير خطوة لقدام وعشرة لور..غير شافهااا عصاام وهو يزيد عقد حااجبانوو ...

شاف فنصيرة ونطق بهدوء:عمتي سدي معاك داك شرجم...

نسرين مدواتش تقول لسانهاا تسرط...ناضت نصيرة تسد شرجم وهياا فرحانة من لدااخل عاارفة شكايتسناها..رجع عصاام شاف فنسرين ونطق:على سلاامة..لا كون بتي حسن..زيدي بعداا قربي لعندي

نسرين خدات نفس عميق عرفااتو غير كيمتل لبروود وناار لأعصااب حارقاه من لدااخل...قرباات شوية ووقفاات مقداراش مزال تزيد تقرب منو عرفاات ليلتهاا ليلة معاه،غمض عينيه بنفاد صبر قرب وجرهاا من يديهااا مدخلهاااا لبيت صحة..ونطق بتساؤل محاول يبقاا هاادئ:فين كنتيي؟؟

نسرين بتلعتم كتحس بلبكية واحلة ليها:را..رااه گلت ليك لباارح غانمشي عند ع..عمتيي

عصاام حرك راسو بإجااب وكيگفض كمايمو:أه منسيتش كلتيهاا لياا...واناا...(كايشير لنفسو مغدد)أنااا شنو گلت ليك؟؟

نسريين بدات كتفتف منو:ع..عصاام..راه غير عمتيي عندمن. مشيي...

قبل متكملهاا هز يديه حتا سماا وجمعهاا معااهاا لحنك فقدات توازنهاا وجاات طاايحة على لأرض نيشاان...

رد عليهاا كيغووت:گللت لأصلل مك ماااتمششيش....گلت متعتبيييش لبااااب...ونتييي ياال*حبة أش درتييي نضتيي مشيتي...شنوووو أنااا.... دويي...رضيتيني كلب كينبح مكاااين لي يسمعوووو...داايرة فيهااا واعرة زعمااا مكتخاافيش ..

نسريين مصدوومة حاطة يديهاا على حنكهااا دموع محجرين فعينيهاا:ك..كضربني أعصااام...كضربني وأنا مزاال مكملت عندك حتاا شهررر

عصااام:زمي عليااا داك لفم..نتي مخااصش ديلمك غيير ضرب...نتي خصااك لقتيييلاا...نتي خاااص ديلمك لحبيس وسداان وزياااار من لفوق ماشي ديااال لكبيرة ولخاطر...

يلااه غترض علييه وهيااا تجي خنسااء يلاه دخلاات لدااار لقاات دنياا مقلوبة...ونسرين مليوحة فلأرض مزالة شادة حنكها لي رجع حمر بزربة... وعصاام واقف عليهاا..من طيارة عرفات لقضية حاامضة...نطقاات بتسااؤل:مااالكم شنوو كااين؟؟؟

ردت عليها نصيرة لي عااجبهاا لمنضر:مرت خووك...لعروسة لمصونة جديدة ديالناا...خرجاات قيلاات عند عمتهااا واخااا گاليهاا ماتمشيش

خنسااء دارت راسهاا مصدومة كانتوحالفاها فيها خصوصا من بعد ما طيحات عليها الباطل فالسطح ....نطقات...بغاا تزيد تزندهاا : اواااه...وراك طلعتيي بخبيزتك...لهاد درجة هضرة خوياا مكتسواا عندك واالو...بااااز والله إلى بااز..(شافت فعصام) : قلة الحكاااام باغا ترضك دمدومة

نسرين خرجات عينيهاا كانت كتسناا فشي وحدة فيهم تحي تفكهاا منوو ساعة عاد مكيزيدو يكحلوهاا عليهااا..نطقاات بنبرة بااكية:يااكي...باغا تزيدي تشعليييه كتر ماا هو شااعل

عصااام بلغواات وعرووق عنقوو باارزين:تزيد تشعلنيي برييكة هياا...(حط يديه على سروالو كيحل فسمطة) : ليوووم نووريييك شناهيااا نگول لديلمك لاا على شي حاجة وديريهااا....دااك ضد ليووم نقااضيه ل*ااامل بوووك

غير شاافتو نسرين كيحيد فسمطة وهيا طيير كتجريي لبيتهااا ولحسن حضهاا كان سااروت لاصق ورى لبااب دغيااا سورتاات....تبعهااا صااعر معول يدير فيهااا شي كااريتة...غيير شافتو نصيرة هاايج هكاك وهيا تخلع...عارفة تعصيبتو خاايبة

نصييرة شافت فخنسااء:نمشي نحبسو لايمشي يدير فيهاا شي موصيبة ويصدق مجرجر فلحبساات...لخاانزة كاعمة تستااهل

شداتهاا خنسااء قبل مااتمشي: تي ريحي فين غاداا غايشركك معاها مكاتعرفيهش ... مرتو هااديك يضربهاا يقتلهاا يقطعهاا مسووقنااش فيهم ... هي لي دارتها راسها بغات تديرنا تحت الصباط ويحسابها حتى عصام غايتشد ليها

واخاا هكااك قلبهاا معطاهااش تخليهم...إلى جات على نسرين معندها فيهاا سوق بلعكس بغاتها فيهاا .... ولكن خافت على عصاام لي بحاال ولدهاا يدير شي كاارتة فديك ليل ويخرج على راسو ... ووجهو مكاايبشرش بلخيير ... تخطااتهااا وزاادت عندوو لقااتو وااقف عند باب لبيت كيردخ فيه بكل جهدوو وكيغوت:حللييي لخرى..گلت ليييك حليي ولا نفرع *ااامل بوه عللى رااسك..حلييييي

يتبع...