بنت السايب الجزء 20

من تأليف Jouhaina Elalaoui و Maryam Amouna

خنساء ابتاسماات عينها على ملااك لي تقول كالسة على الشوك وكل وحدة من البناات كاتنقش ولا تشطح مقصرين مع بعضياتهم ... سالات ليها النقاااشة وحساات بالحنا نشفااات ...

شافت فنسرين : كلمي ليا ديك الشيخة ...

نسرين عيطات لرانيا لي كانت فالكوزينة كاتعمر اتاااي .. جات كاتجري حنات على خنساء : مالكي ؟؟

خنساء : بغيتك تغني لينا ....

رانيا خرجات عينيها : اويلي على نغني ... عرفتي شحال وبيني وبين الغنا من الليسي السااطة لا لا مانقدرش ...

خنسااء : بربي حتى غاتغني لينااا ...

سمعاتها نسرين : اييه نوضي نوضي شحال ماسمعنااا صوتك ...

سارة ابتاسماات : كاتعرفي تغني ... سيل تو بلي سمعينا صوتك نقصروا مكاين حتى حد غريب بلييز ..

دارو بيهااا كاملين باغينهاا تغني ليهم .. مالقات كيف دير وواقفات : واخا الالة ... شنو بغيتي نغني ليك ...

خنساء ابتاسمات بشر وهي كاتشوف فملاك ووقفات حتى هي بحكم مامحنياش رجليهااا ... قربات عند رانيا وهمسات فودنهااا ... ضحكات ليهاااا فاهماهااا وخدات البندير من عند البنت ... ونسرين شدات الطعريجة امااا خنساااء ساست الحنا من يدهااا مبتاسمة وقادات المضمة مزياان كاتوجد راسها ....

رانيااا كلسات مقادة الكلسة ودايرين بيهااا البنااات متوسطاهم خنسااء وااقفة معولة تشطح وتردح ...

ورانيا طلقااات حلقهاااا بصوت شيخااوي زغرتااات ناوية تغني الاغنية لي قالت ليها خنسااء : يووووي يوووووي يوووووي

🎵شفتو حبيتو وحلفت لا خليته لغيري تديه

🎵خطفته ديتو ليهم حيت انا لي عرفت ليه

🎵شفتو حبيتو وحلفت لا خليته لغيري تديه

🎵خطفته ديتو ليهم حيت انا لي عرفت ليه ( خنساااء غمزااات ملاااك بمعنى ااهضرة عليك يا الحادر عينيك )

🎵عرسي الليلة ايوا يوا لليلة طويلة ايوا يوا ( كاتلوي فخصرها)

🎵كلشي يشطح الا لي حسدنا ايوا يوا

🎵عرسي الليلة ايوا يوا لليلة طويلة ايوا يوا

🎵كلشي يفرح الا لي ما باغينا ايوا يوا

خنساء وسعااات ابتسامتهااا على كلمااات الاغنية والحااانهاا كاااتمااايل وتهز فخصرهاااا ومؤخرتهااا كلهااا كااااترعد بشكل متجااانس مع المؤهلااات لي عندهااا كاتلوي وتعاااود .... وكل كلمة تقااالت كاتشوف فملاك كأنهااا كاتخاطبهااا مرددة الاغنية مع رااانيااا ....

رانيا كاضحك وتغني :

🎵دخلته لراسي ونا راسي عاصي كيشد ضد

🎵وقلت لدنيا هذا ديالي منه كلشي يبعد ( كاتشير بخاتمها فيدهااا لملاااك لي كاتقلااا فسمهاا عرفااات تلعب ليهااا على اعصاابهاا )

🎵دخلته لراسي ونا راسي عاصي كيشد ضد

🎵وقلت لدنيا هذا ديالي منه كلشي يبعد

🎵عرسي الليلة ايوا يوا لليلة طويلة ايوا يوا

🎵كلشي يشطح الا لي حسدنا ايوا يوا

🎵عرسي الليلة ايوا يوا لليلة طويلة ايوا يوا

🎵كلشي يفرح الا لي ما باغينا ايوا يوا

كاتلعب بشعرهااا و كلشي فااااهي فحركاااتهاااا المتجااانسة .... وسعاااات على رجليهاااا وزيرااات على كرشهاااا كااتهز البوووط بطريقة احترااافية وتلوي قدامهم محيحة بالبيان ... تحت عدسة كاميرا ديال ساارة لي مصدومة فحركاااتهاااا مامتيقاش اش كاتشوف عينيهااا واش هادي لي قدامهاا حوتة ولا بنادم .... مبتاسمة باعجاااب وخنسااااء كاااتحناااا حتى للارض وتعااااود تطلع كاتلوز بمؤخرتهاااا ...

ملاااك عضااات على شنايفهااا متبعة ليهااا العيين عارفااهااا كاتحشي ليهاا الهضرة بالاغنية ومن الفوق الشوفات لي كادير مستفزة

خنساااء مرددة مع راااانيااا والبنااات :

🎵انا وحبيبي فسماء طائرين الحب ولغرام (بعجرفة)

🎵ان شاء الله يدوموا امين

🎵انا وحلالي نعيشو ليام لبنا صعيب

يوصفه كلام

🎵عرسي الليلة ايوا يوا لليلة طويلة ايوا يوا

🎵كلشي يشطح الا لي حسدنا ايوا يوا

🎵عرسي الليلة ايوا يوا لليلة طويلة ايوا يوا

🎵كلشي يفرح الا لي ما باغينا ايوا يوا

كاتمااايل علييهااا بكل تقة وتشطح وكل حركة كاديرهااا مقاادة كأنها مهندسة رقص وتحير بشعرهاااا تقول شيخة وصدرهااا كايتهز ويتحط ... ساارة خدامة كاتصور فلالة البنااات محيحة مع راااسهااا وتسيفط لمهدي خوهاا فالواااتس ... وخنساااء ومنساجمة مع ايقاااع الاغنية جاوهااا الهوااايش كاتشطح بلا عقل .... فرحااانة برااااسهاااا والبنااات كايصفقوا ليهاااا ويطبلوااا ويغنيييو ...

خنساء من بعد ما سالات الشطيح والرديح وفقصااات العدو وفرحات الصديق طلعات لبيتها تبدل عليهااا داك القفطان وتلبس شي قميص خفيف قنطهاااا داكشي ... خلات البنات التحت كلهم مجموعين باقين محيحين ...

ملاك هزات حاجبهاا وقربات لعند نسرين لي كانت كاتنقش رجليهااا : عافاك احبيبة نتي هي مرااات خو خنساء ..

نسرين بايجاب : اييه اختي ... ياك لاباس ؟؟

ملاك : احم لا اختي غير بغيت نعرف فين جا البيت ديال خنساء بغيت نطلع نعطيها الكادو ديالهااا قبل مانمشي ...

نسرين : ولكن شوية وتشوفيهااا هبطااات بلاما تعدبي ...

ملاك بنفي : لا لا ماشي مشكل انا بغيت نمشي وماكرهتش نعطيه ليهااا ... غير قوليلي فين جا بيتهاا عافااك ...

نسرين تنهداات ضيفة عندهم ماقدراتش تخصر ليها خصوصا انها من طرف العريس : غير طلعي مع الدروج الباب لول على يدك ليمن دقي فيه ..

ملاك ابتاسمات ليهااا : شكرا بزاااف ...

زادت من تمااا تحت انظار نسرين وطلعااات مع الدروووج ... كاانت خنساااء كاتجمع فشعرهااا وتقاااد رااسهاا باش تهبط ... سمعات الدقاان فالبااب ونطقاات : دخووول ....

ملاااك حلااات البااب دايرة ابتسامة صفرة على وجهها ونطقات بهدوء : ممكن ندخل ..

خنسااء هزات حاجبهااا كااع هادي زعامة فيهاا تجي عندها حتى للبيت ... ميقات : اييه تفضلي ...

ملاك دخلات وردات البااب مدات ليهاا بواااط فالاسود كاتباان انيقة : جيت نعطيك الكاادو دياالك ... نتمنى يعجبك اختاريتو خصيصا ليك ..

خنسااء بتعجب : مممم ... ماكنتيش تعدبي رااسك ....شكرااا ...

ملاك ضحكات بشر : بصحتك ... مغاديش تشوفيه ؟

خنسااء حركات راسهااا بايجااب وحلاات البواااطة .... دغيااا قرماات حجبااانهاا وهي كاتشوف سنسلة على شكل حية ( افعى ) محجرة ... دغيا ضربات ليهاا فراسهاا شنو بغااات تقصد ورسمااات ابتسااامة عذبة على شفايفهااا ...

ملاااك باستفزاز : مالقيتش كادو حسن من هاذااا يليق بيييك ...

خنساااء وسعاات ابتسااامتهاا ونطقااات بنبرة تحدي كبيرة فصوتها : فصرااااحة املاااك اول مرة شي واااحد يعرفني اش كانسوااا من نظرة وحدة كانحييك على هاد الااختياار .... فغيموون طلعتي كاتعرفي تقيمي الوااحد ....

ملااك ماكانتش متوقعة هاد ردة الفعل : ايواا مزيااان مني عجبااتك ...

خنسااء هزاااتهاا بهدوء حاطااهااا على عنقهاا وشافت فالمراايااا بكل تقة : كانتشااابهوااا انا وياهااا ياااك ...

ملاااك بسم : بزاااف كاااع ...

خنساااء سداتهاا فعنقهااا : كانشكرك احبيبة ... مغاديش نحيدهااا من عنقي غير تهنااي ...

ملاااك ضغطات على كف يدهاا كانت باغا تفقصهااا صدقااات هي لي فاقصاها بهاد برود الدم دبالها : لهاد الدرجة عجباتك ...

خنسااء بهدوء كاتشوف فيهااا بتتاقل : سيييي بزاااف كااع عرفتي علاش ... حيت لي غادي يشوفهاا فعنقي غايعرف ان لي لابسااهااا سمهااا قوي ولي قرب ليها ولا لشي حاجة كاتخصهااا كاتلدغوااا بلا رحمة ... هاكة بناادم غايعرف معااامن كايتعااامل .. ونتي اكتر وحدة غاتفهمي هادشي ... حيت بطبيعة الحاال عرفتيني بلامااا تشوفي السنسلة هههه ...

ملاااك كرزااات على سنااانهااا : بصحتك ... ومبروك عليييك ...

خنسااء بعجرفة : الله يبارك فيك ... لهلا يخطيك ...

ملاااك زادت باغاا تمشي وهو يوقفهاا صوت خنسااء : نتمنى تكوني عارفة شنو كايعني الكادو ديالك كتر من اي واااحد ....

ملاااك دارت شافت فيهااا مخنزرة وزادت من تمااا زدحاات الباااب ... خنسااء ضحكااات عاجبهاا الحاال : نتي معارفااش معاامن طحتي املاااك ومعاامن كاتلعبي نتي لي قلبتي علياا ... ايوااا غاتلقاايني

قاااداات شعرهاا وحيدات ديك السنسلة حطاتها فبواطتهااا وهبطااات لقات ملاااك شدات طااكسي ومشااات فحاالهااا ... كملااات نشااطهااا وسهرتهااا مع البناات عاااد حلااات ليهااا الكلسة .. اما ساارة قايمة بالواااجب مكايناااش شي صورة وشي فيديو لخنسااء ماسيفطااتوش لمهدي يمتع عويناتو وهو عاجبو الحال كايتفرج فزوجة المستقبل ومؤهلاتهاا ومواهبهاا ..

صبح صبااح جديد....كانو ݣالسين مجموعين فمكتب لعدول...خنسااء بجلابة بيضاء مخزانية حاطة شال خفيف حريري على شعرهاا مخلية لخصلات لي قدام باينين... ودايرة ميكاب صباحي خفيف ونااعم على بشرتهاا لي منورة...وخدودهاا مزنکين تزنيݣة طبيعية...و عينيهاا كايلمعو بلفرح وسعاادة خفية....

كان كالس حداها مهدي لابس قاميجة فلبااج مفتوح وسروال فلمارو مع ساعة يدوية فضية و خاتمو...قبالتهم كان ݣالس عصام ومعاه رانياا لي ختارتهاا خنساء تكون من الشهوود مع خوهاا...كان لعدول حال كتابو لكبير كايقيد فيه لمعلومات الازمة كايوجد فلعقد...

نطق مهدي بصوت خاافت عند ودن خنساء:إخليلي لي لابسة لبيض..اول مرة نشوفو فيك....جيتي بحاال شي حمامة بهاد اللون...

خنساء بتاسمات بخجل ونغزااتو كاتهضر بصوت شبه مسموع:مهدي غاايسمعوك...ههه واش ضروري بعض لمرات يهرب ليك لعقل؟!

مهدي بنفس الصوت الهامس:ونتي خليتي ليا شي عقل...من نهاار شفتك راه بقاا معااك...ديتيه ابنت السايب بهاد الزين لي كايتزااد نهاار على نهاار

حدرات راسهاا كاتضحك فخااطرهاا شوية و طلعات شوفة فرانياا لي غمزااتهاا فرحانة ليهاا بزاااف من قلبها...

نطق لعدول بنبرة رسمية:الله يخليكم..لاكارط ناسيونال تاع لعرساان وتاع شهود...

جبدو ليكارط ديالهم كاملين وعطاوهم ليه..قراهم وتأكد من هوية كل واحد فيهم...وقيد معلوماتهم.

لعدول خاطب خنساء:سيدة خنساء هاد السيد بغا يتزوج بيك على سنة الله ورسوله...وااش موافقة؟!

خنساء رمشات ببراءة شافت فيه وهياا حشماانة..سكتات تواني خدات نفس معمق وشافت فلعدول ونطقات بنبرة رقيقة موجزة:موافقة أسيدي...

مهدي بتااسم برتيااح... وأخيراً لحضة لي كايتسناها من شحال هاهيا تحققات قدام عينيه...

شافيه لعدول وقال:ونتا اسيدي واش قابل تزوج بهاد السيدة على سنة الله ورسوله...

مهدي بدون تردد شاف فخنسااء كأنو مخاطبهاا:موافق...(عااود بتكراار بنبرة صادقة)أااه مواافق...

خنساء بتسامة هادئة ترسمات على ملاميحهاا مع مشاعر الفرح والسرور لي مخلطة فأعماقهاا...شد مهدي فيديهاا مزير عليهاا

لعدول حرك راسو بلإجاب وبداا كايقيد...نطق بتساؤل كايشوف فخنساء:سي المهدي كايقول بلي عطاك فمقدم الصداق عشرة ألف درهم..وااش بصح خديتيهاا؟!

ردت عليه بإجاب:ايه خديتهاا...

لعدول كتب بلي خداتها فكتابو كمل كايتساؤل:واخااا...وبنسبة لمؤخر الصداق شنو درتو فييه؟؟!

خنساء بدات كاتسنى فمهدي يجااوب...قلبها ضرب بشوية...مفكرة طلبهاا لي بقا معلق عندو مجاوبها لا بيه ولا بلا...ساد الصمت لي لحضات فلمكان..حتا واحد فيهم مجاوب بوالو...

نقز عصام ونطق بنفي:لا لا بلااش من مؤخر الصداق...ماشي وقت الماديات دابااا

لمهدي ركز أنضارو على خنساء وشاف مباشرة فعينيهاا...ونطق مبتاسم بجنب: دير اسيدي فمؤخر الصداق بقعة ارضية...غاترجع فسميتهااا....

خنساء وسعات حلة عينيها بصدمة ودهشة مامصدقااش...رمشات بتتاقل لسانها تربط ومقدرااش تنطق بحتا كلمة... كاتشوفيه وهو باقي مبتاسم.. كان متأكد انهاا غاتفاجئ...فكر فشرطهاا مزيان ودورو فراسو...وملقاش مانع من أنه يدير بيه...وخا هيا لاحت لكرة فيديه وقالت ليه سوى بغيتي ولا لا مغايبدل والو وغانتزوجو..ولكن هوا وافق علييه...وختاار يعطيهاا بقعة من البقعات لي كايملك كمؤخر الصدااق...

عصاام حتاا هوا تصدم مكانش متوقعهاا منو.. ونطق بعدم فهم:ولكن أمهدي كيفااش بقعة؟!مكااين لااش...

مهدي:لا ماشي مشكل غير خليهاا...حتا حاجة ماتغلى على لالة خنساء...وتستااهل كتر...(كمل بمزحة)ههه وزيدوون يااك انا لي غاانعطيهاا..ونتاا ماالك اصحبي...

عصام ضحك وماينكرش انه فرح لختو وزاد تهنى عليهاا...ترسمات ابتسامة خفيفة على ملاميحهاا...وهياا كاتشوف فمهدي لي زاد كبر فعينهاا...صدمهاا بشهامتو وخدمة الرجال لي دار معاها...وكيفااش بحركة دكية منو بين بلي هوا لي بغاا يعطيهاا ليهاا..وكبر بيهاا...وماشي هياا لي طلبااتهاا....

لعدول: وخاا اسيادناا...نديروهاا فمؤخر الصداق...ولكن غاايخصني شهاادة الملكية تاع هاد لبقعة...

مهدي دار إديه فجيب تاع سروالو وجبدهاا مطوية:هاهياا موجودة كاتسنى...

عصام ضحك:هههه ورااك مقاد كلشي مايتساالكش...

مهدي غمزو:واامعلووم..زوااج هداا...

لعدول خداا شهادة الملكية وقيد التيتر ديال البقعة وسميتهاا ولموقع ديالهاا...وردهاا ليه...

وعاود تساؤل كايشوف فيهم بجوج: وبنسبة للعقارات والممتلكات لي غاتكتاسبوهاا من بعد الزواج...تبغيو ديرو عقد مستقل على هدا وتشاركو فيهم بجوج...ولا كل واحد فيكم تبقى عندو دمة مالية مستقلة على لاخر...

مهدي سكت تواني ونطق بنفي:لا غانديرو غير عقد الزواج ديالناا صاافي...اصلا من مورة الزواج ان شاء الله لي ديالي هو ديالهاا...مكاين لااش هاد الرسمياات..

لعدول:وعليهاا...(كمل التقيااد دياالو ومدو ليهم بااش يوقعوو) اجي الالة وقعي ليا هنااا

ناضت خنساء هياا اللولة توقع ورانياا هزات تيل ديالهاا بزربة ودارت ليهم فيديوو كايتوتق لحضة عقد القران...سالات خنساء التوقيع ديالهاا على لعقد وهياا طاايرة بلفرحة ورااضية تماام الرضى على زواجهاا بالمهدي...لي زاد أكد ليهاا انه ماشي غير جا ودخل لقلبهاا..ولكن يستااهل...ناض مهدي حتاا هواا وقع و هوا فرحاان فدااخل ديالو...ومن بعد طلب لعدول من الشهود يوقعو... ناض عصام وقع هو لول وتبعااتو رانياا...

لعدوول:الله يكمل عليكم بلخير..ويجعل كلشي مباارك ومسعوود...وبدرية الصالحة إن شاء الله...

الكل برجاء:أميين ياارب....

مهدي بإبتسامة مخاطب خنساء:مبرووك عليناا امرااتي

خنساء بنبرة خجولة:الله يبارك فييك...

لعدول علا على كفوف بجوج: يلاه الإخوان...الفاتحة...

قرااو سورة الفاتحة بتأني بينااتهم...سلاو ونااضو وقفوو..بعدماا حدد معاهم لعادل لموعد باش يجيو يديو لعقد ملي يوجد...خرجو من عندو وهماا مقادهم فرحة...بلخصووص خنسااء..لي حاسة براسهاا فووق السلك عينيهاا كايلمعوو بفرحة كانهاا اول مرة غادي تعيشهاا...مع الشخص لي ختاارتوو يكمل معااها حياتهاا وبغااتو من اعمااقهاا...

كانت نسرين قبالت لمراية كاادير أخر اللمسات وكتتستاعد باش تطلع نااضية فلعرس...هازة حلاقات كباار كااتبتهم على ودنييهاا...سلات ورسماات إبتسامة وهياا كاتشوف راسهاا كيف طلعاات...لابسة قفطان مطروز ومنبت بلعقيق من لفوق لتحت فلون الأصفر... ودايرة أكسيسوارات دهبية من حوالق وساعة يدوية أنيقة فيديهاا دهبية أنيقة فيديهاا ليسرى مع لباݣ ديال لمغياج فصبعهاا..لابسة صبااط طالوون عاالي ديال لعراس منبت بلعقيق وحتا هوا دهبي...مكيااج أنييق ختارت ديرو تقيل هااد لمرة على غير لمعتااد...خدماتو ليهاا لكوافورة على حقوو وطريقو...خلا وجهاا يباان مصرووع..عويناات مكحلين تكحيلة فنة ولخدود موردة وشفايف بارزين بعكر وردي مااط لون غاامق... شعرهااا طولاتو ببعض الخصلات الإصطناعية من نفس لون شعرهااا جاا ملوي من لتحت وكتييف بشكل جميل مخلياه مطلوق على راحتو بلا مدير ليه حتا مشطة...

عصاام كاان جااي لجيهة البيت...لاابس كوستيم فنوااغ مع قاميجة لاصقة عليه وصباط مسيري فنفس اللون...وساعة يدوية فيديه مع خااتم زوااجوو...مطراسي اللحية على وجهو وشعرو ممشوط ومسرح بجيل...و رااش لبرفان ديالو الرجولي...

سمعات نسرين خطاويه وهياا طير لجيهة الباب سورتااتو...عصاام وقف عند لبااب بغاا يحلو ولقااه مسوورت وهوا ينطق كايحرك فلقفل بنرفزة ويدق عليهاا:واااش حمااقيتي لااش مسورتة لبااب؟؟!

نسرين كاتهضر بصوت نرتافع بااش يسمعهااا:وسد عينيك عاد نحل؟؟!

عصاام:تي أشمن سد عينيك عااد نحل...حليي بلاا تبرهييش؟!

نسرين برجااء:وعفااك احبيبة سد عينيك دير لياا خااطري...

عصاام زفر بضيق وسد عينيه على وعدو وسعدو داير بهضرتتاا:هااني سديتهم حلي دغياا وطلقيناا خلااص رااه معطلين...

نسرين:يلاه حلف حتاا سديتيهم....

عصاام ضرب رجلو مع لبااب:زمرر غاانفرع ديلمووو ونجمعك معاااه...

نسرين عضاات على شفايفهاا بخوف:صافي صافي...غير خليك ساادهم هااني غاانحل....

عاوداات شافت راسهاا فلمرااية مقادة بعض لخصلاات لقدامية من شعرهاا...ومشاات حلاات....

نطقات بإبتسامة وهيا كاتشوف فيه مغمض عينيه:يلاااه حلهم داباا...

عصاام حل عينيه بشوية وغير لمحهاا قداامو وشافهاا كيف طلعات..ماشعرش حتاا فك غوبااشتو وترسماات ابتسامة إعجااب على ملااميحو... قرب لعندهاا وشد فيديهااا مدورهاا جوج دورات على راسهاا...

نااطق بإبتساامة وااسعة:واااو وااااو....عفرييتا فين كنتي مخبية هااادشي...

نسرين ضحكاات حتا تبرزو غمازاتهااا عاجبهاا لحال عارفة راسهاا غاتعجبو غمزااتو وردت عليه بتساؤل :كيف جييت؟؟!

عصاام:تحفة...كااتهبلي...كااتصطي ابنت لعبد...ما خليتي لياا ماانقوول...

نسرين :ههه غير بااش تعرف رااك ديتي زيين...

رد عليها كايضحك:ورااني عاارف شحااال هاادي...

نسرين عوجاات شنوفتهاا:إوى بصرااحة أسي عصاام بهااد الزين خااصك تزيدني فصدااق.

عصاام:ههه ياااك الالة صدااق ݣاااع؟!

نسرين:إوى شنووو...نااس رااه ولااو كايعطيو بقعاات فصدااق ومجااتهمش فواالو...مكبريين بعياالتهم (كان قاليهاا على مؤخر الصداق)

عصاام هز حاجبو:ااه إوى نتي الغزالة ديالي مابيكش زياادة فصدااق...(شد فحنكهاا كايضغط عليه)نتي بييك تعااانيد مع لخواادرية...وزايدون انا مااعندي بقعاات لي لي نعطي لا فلول تصداق ولا فلخر دياالو ولااا حتااا وسطووو...غير رتااحي ورخي فيك النفس

نسرين بعدات يدو على وجهاا:حيد حيد غاتخسر لي لميكااب...تيقتك زعمااا كون كاان عندك كنتي غاتعطيهاالي... اودي زهر ولمن قاادو مولاناا...(كملاات بعجرفة): شتي نتااا خااصك تحمد الله تلاقيتي بياا صاابرة معااك...

عصاام:الله أكبر...معرفتش شكوون لي صاابر مع لااخر(حرك يديه لجيهت لباب)تحركي تحركي رااه تعطلنااا...

نسرين بتاسماات وهزاات بوااطة فيهاا كولي لي مع حواالقهاا وعطااتو ليه لبسو ليهااا طااببع قبلة على عنقهاا..هزاات صاكهااا ورشاات عطرهاا وخرجااات معاااه غاادين لبيت خنسااء يشوفو واش وجداات...كان كلشي مشا لقاعة..نصيرة ولعربي ولعائلة...بقااو غير هما مع خنساء لي ختارت تلبس لبستهاا اللولة فداار وتوجد راسهااا عاد. تمشي معاهم..

ݣاالسة فوق لكرسي كاادير ليهاا نݣاافة أخر اللمساات بااش تجي فأبهى حلة فليلة العمر...طلعاات عينيهاا وشافت فلمراية وهياا تبتاسم بخفووت...مكيااج متقوون على وجهاا...مع لكونتوغينݣ لي حدد ملاميحهاا وخلاها تبان بارزة اكتر مع لمعة الهايلايت فوق خدودهاا لموردين...ماكياا لعينين بطريقة محترفة أيلاينر رقيق مع تكحيلة متيرة ممزوجة مع الألوان الترابية لي دايراهم فلجفن العلوي ورموش لي زايدة خلى نضراتهاا تبان جداابة كتر وقتااالة....متبتة ليهاا نݣافة تااج دهبي بلحجر الامع فوق شعرهاا النااعم لي جااي مرولي من لتحت...جامعااه لفوق على شكل ديل حصاان وناافخاه من لوسط..مخلية بعض خصلاتو مرمين على جنااب ودنيهااا...كان متبت مع التاج خيط الريح لي مزين جبينهااا فلون الدهبي...وقفات خنسااء كاتقاد ليهاا النݣاافة المضمة الدهبية على لقفطاان...لي كان فلون الأبيض..قفطاان منخوي مطرووز كلو بصم الدهبي مع السفيفة فلݣرونة جايااا هابطة حتاا لنص الساق وتفتحاات من لتحت...بين لاطاي ديالهاا مخدومة ومنحووتة....مع صباط طالون عاالي خاص غير بلعرايساات زادهاا طول على طوولهااا...جاات واااعرة وعرووس مغربية بكل ماتحمله الكلمة من معنى....ناااازل عليهاا السر بحال شي وردة جماالهاا فاايح وفتاان...

رانياا سالات حتا هياا من توجاد...لبساات قفطان فصومو فااتح ... عاامر جيهت السدر و محجر كااملو بحجر ملون... مع مكيااج انييق طالقة شعرهااا الأسود....مكتافية بحلقاات فودنيهاا وسنسلة هابطة حتا لعند سدرهاا....واكسيسوارات دهبية فيديهااا...وساعة يدوية

نطقاات بإعجااب كاتشوفيهاا:تباارك الله يااختي...جيتي كاتحمقي...الله يحفظك من لعيين...

خنساء بإبتسامة:اميين لعقبة لعندك حتاا نتي..(قرباات شوية لعندهاا وقرصاتها فداارعهاا): هههه هاادي بااش تبعيني...ولعرس الجااي يكوون دياالك..

رانياا هزاات كفوفهاا لسماا:يااربي ياامين.من فمك لبااب السماا...ودااك كحل لعفطة يفهم رااسو خلااص ويجي لداار رااني طبت معااه هههه

خنساء:إن شاء الله يكوون خيير...نتي ضريفة وقلبك كبييبر وبيض... الله مغااديش يخليك بلااش....

راانياا: ربي يحفظك احبيبة...

سالات ليهاا النݣافة تحزيمة المضمة على كرشهاا... وتبتاات ليهاا على التااج الفواال مشبك وحتا هوا دهبي باش يتمشى مع اللبسة جاا هاابط على وجهاا ومغطييه....

دق عصاام عند الباب ودخل مع نسرين لي تابعااه من اللورر يشوفهم واش وجدو بااش يمشييو...

بتااسم باعجاب كبييير وهو كايشوف فيها طلعات بحال الاميرات ... قرب لعندها وحط يديه بجوج على حنااكهاا وطبع قبلة على جبينهاا بلا مايعري على وجهاا...

عصاام:مبروووك علييك...الله يكمل كلشي بلخيير...

خنساء بنبرة رقيقة:ربي يخليك اخوياا الله يحفظك ...

نسرين برجااء:مبرووك عليك أخنسااء...

خنساء بإبتسامة:الله يباارك فييك...

نݣاافة جمعاات لڤاليز لي جابت معاهاا بااش تديهاا لقااعة كانو لمساعدات ديالهاا سبوقوهاا ليهاا...

هبطاات خنسااء بصلى وسلام على رسول الله..وتزغريتة النݣاافة...قادوهاا فاللور تاع اللوطو لي كرى عصاام...وركباات حداهاا هياا وراانياا...ونسرين ركبات لقداام حداا راجلهاا...ونطاالقو لقااعة طاالقيين لمااسق فطونوبيل نااشطيين مع ريوسهم...

وصلو لقداام لقااعة...لقااو مساعداات نݣاافة لابسين لبسة وحدة هازين مخيدات فيديهم فلحمر ولخضر...وااقفين كاايتسنااو فلعرووسة تنزل...ومعاهم ربعة الرجال بجبدوراتهم مع سلهاام وطرابشهم وااقفين وقباالتهم لعماارية حتا هماا كايتسناو فيهاا.... ضوااو بلألوان خارجين من لقااعة لي مفرشين ليهاا قدام بابهاا زربية طوييلة فلݣرونة ودقايقية واقفين عند بابهاا كايطبلو للمدعوين لي وصلوو... و الديدجي خداام لداااخل...خرج لعربي ونصيرة ولعائلة المقربة مع لبنات قداام بااب لقااعة بااش يستقبلو لعروسة بعدماا علموهم بلي وصلاات...نزلااتهااا النكاافة من اللوطو بصلاة على النبي وزغااريت...كاتمشيهاا بلعباار هازة ليهاا قفطانهاا من اللور وݣلساتهاا بشوية عليهاا فوق العماارية وقاداتهاا...سالات و هزوهاا دووك الرجاال على كتاافهم مدخليينهاا للقااعة...الدقايقة تبعوهم و بدااو كاايضربو ويغنييو على لعرووسة خنساء لي مقاداهاا فرحة ركوبهاا فلعمرية لي اول مرة تجربها... دخلات بتطباال وصلاة على النبي والزغااريت حتاا لوسط القااعة كأنهاا سلطانة ...لي كاان ݣالس من لحضور فوق شي كرسي وقف كاايصفق ليهاا...دوروهااا و حطووهااا قباالت لبرزة لي كاانت كاتحمق كلهاا بيضة و مزوقينهاا بلورد فلخضر ولبيض وضواو فجناابهااا... هبطااتهاا نݣافة من لعماارية وطلعاتهاا مع دريجاات و ݣلسااتهاا فوسط الكرسي تلبرزة وهياااا مزاالة مغطية وجهاا.... ݣلساات كااتسنى فمهدي يوصل مع عائلتوو...والديجي خداام محيح ومنشط لحضوور...

مرت دقائق حتااا وصل الدفوع..... طونبيلات قداام لقااعة ناازلين منهم عاائلة المهدي...لعرييس نزل من اللوطو ديالو لاابس جبادور تروى بياس فلبيض مخيطة بصفر فاتح مع بلغة رجولية....وجهو منور ولإبتسامة ممفارقاش محيااه...قربات حدااه ناادية وشداات ليه فيديه...خرج لعربي مع عصام ونصيرة وراانياا ونسرين ولبعض من لحااضرين بااش يستقبلووهم ويرحبو بيهم....تحطو ستة الطياافر فلببض ودهبي كل طيفور قباالتو واحد من الرجاال لي غايهزوو...حلووهم وجاات عدسات الكاميرة بااش تفيلمي وتوتق....حلو دوك الرجاال الطياافر لي كاانو عاامرين مطرطقين ومقاادين من داكشي الرفييع....كل طيفور وشنو فييه....واحد كان فيه غير الجلالب بالوان انييقة مع صباابطهم وسيكاانهم...وتااني كان فيه تفصيلات هماويين تااع لقفاطن حتاهماا بصبابطهم عاالين خاصين بلعريساااات...وطيفور لاخر كانو فيه كساااوي طوال مستييلين ديال لخرووج...محطوط فوقهم اكسيسوارات خاصين بيهم من سواايع وحواالق وأقرااط....وعاد طيفور محطوطين فيه بواطات فيهم شوميز دونوي وبعض الملابس الداخليه مغلفينهم بطريقة جميلة بااش مببانوش...و طيفور لخراني محطوط فيه لميكااب مااركة ممتاازة بشتى انواع....مع سلة متوسطااه محطوط فيهاا البرودويات للجسم والشعر مزوقينهم بطريقة انيقة....وجوج رواايح فبواطتهم فخمة...مع صندوق متوسط لحجم...محطوط فيه خواتم الزواج للعروسين...مع ساعة يدوية راااقية وسرتلة تدهب مع سنسلة بلبلاكة ديالهاا حتاا هياا ديال الدهب...كلشي محطوط فبوااطات لونهم حمر...كاان دفووع هماااوي دياال لقلب...منضرو غزااال ولي ختتارو دواااق...

بصلاة وسلام ودقة العسااوية دخلو الرجاال الدفوع فوق راسهم لدااخل لقااعة...ومهدي فلقداام شاد فناادية فرحاان مع رااسو...كايسلم على النااس لي كايباركو ليه من بعييد.....عسااوة خداامين كاايطبلوو محيحين مع عائلة المهدي بمزامرهم وبنادرهم لكبيرة وريااتهم لملونة والمطروزة...

مولاي صلي على محمد وعلى سادتنا اله وصحبه الكرامي...

الله الله الله... الله الله الله

مولاااي خووود بيدي

الله الله الله

سيدي ياربي وكون بي

الله الله الله

ياوعبيدك لاتخيبوو...

الله الله الله

يااسيدي سعدو بيك سعدوو بياا

شييخ مايفرط فيااا

عاري عليك لعاار على لجواااد ايا باااباا

يااسيدي سعدو بيك سعدوو بياا

شييخ مايفرط فيااا

عاري عليك لعاار على لجواااد ايا باااباا

دخلو لوسط القااعة والديدجي سكت مخلي عيسااوة لي منشطين لحفل يكملو على غنااهم...تقدم مهدي لعند خنسااء لي كانت فرحاانة بزااف بقدومهم وقلبهاا كايرقص بسعاادة...قرب وكلس بجنبهااا....جاابو طياافر ستفوهم و حلوهم قباالتهاا..نݣاافة طلباات من مهدي يعري على وجه خنساء...قرب يدو حاطهاا على لفواال وعرى ليهاا على وجهااا.... خنساء كانت حانية رااسهاا مهبطة عوينااتهاا للأرض حشماانة...مهدي بتااسم بإعجااب كبيير وهو كاايشوف فكتلة الجماال لي قباالتو...حمقاااتو بلمزياان وهياا بميكاب لعروس لي بينهاا جداابة أكتر كانهاا كاتنافس لقمر بجماالهاا...طلعات فيه عينيهاا بشوية وهوا يزيد يدوب بدوك لعينين الكباار والنضرة فيهم خلااتو هااايم...بقاا فنفس الإبتسامة و قرب لعندهاا وطبع قبلة على جبهتهااا تحت عدسات الكااميرة لي موتقة كلشي....

كانت كالسة سارة و نادية ومعاهم ملاك فالطبلة ... نطقاات سارة لي كاتشوف فمرات خوها باعجاب لابسة قفطاان خطير فالبرتقالي مطروز بالبني كايحمق جاها مع فصاالتهاا ودايرة ميكاااب رااسخ واكسيسوارااات بارزين مزينة بيهم ... نطقااات مخاطبة ماماها : ناااري شحااال طلعاات خنسااء فنة ... فغيمون بومبااا ...

نادية برضى : تبارك الله عليهاا مسرارة وطاح عليهاا ملح العرووسة وكاتعرف تبرز ملامحهااا

سارة : سييي وحتى كيفااش كاتحرك لو فيزااج ديالهاا كاتباان فحاال شي مانكان ومن الفووق طخي كااالم فالبرزة مامتوترااش ...

نادية ضحكات بحلتهاا الانيقة لابسة قفطان خفيف سامبل ومكتافية بكحل بارز عينيها قدهم قداااش وكلوز ففمهاا .. دايرة شاال على رااسهاا فلون اللبسة ومخلية خصلات خارجين القدام : ههههه وي ... قولي تبااارك الله ههههه ...

سارة شافت فملااك لي ميقات فيهم كاتموت بالغيرة ونطقات : ماشااء الله ...عين الحسووود فيهاا عود ..

ملااك خنزرات فيهاا فاهمااهااا وعوجاات كماارتهااا بعجرفة وحتى هي مكاتقلش اناقة عليهم لااابسة كومبين خطيرة ديال الحضور فالاسود ومطروزة فالدهبي انيقة ... مع اكسيسوارات خفااف وميكاااب هاادي وصباااط عاالي فالدوغي ... مخلية شعرهاا الاشقر مسرح واصل لخصرهااا جااات فنة ... كاتشوف فخنساء غير بنص عين محاملاااش تشوفهم فالبرزة وهما فرحااانين العافية شاعلة فيها الداخل ..

سارة وقفات : انا غانجي اماما ...

نادية بتساؤل : فين غادة ؟؟؟

سارة شافت جهة الطبلة فين كالس عصام ونسرين مع نصيرة ونجاة وعتيقة والعربي وجاوباتها : غانسلم غير على عصام ومراتو ماشفتهم مني جااو ...

نادية بايجاب : داكوغ ...

ملاك : تسنااي حتى انا بغيت نسلم على عصام ...

سارة خنزرات فيها : علااش فين كاتعرفيه نتي ؟؟؟ ...

ملاك قادات شعرها بعجرفة : كانعرفوا من ايام الليسي احبيبة ... ( حسات بنبرة سارة لي تغيرات فور ما هضرات عليه ): يعني قبل ماتعرفيه نتي ...

ضربات فيها بابتسامة مستفزة وزادت قبالتهااا وسارة حقدات عينيهااا كارزة على سنانهاا وزاادت تاابعاااهاا ...

كان عصاام ونسرين كالسين كايضحكو مستمتعين بالاغنية لي مطلوقة ... حتى قاطعاتهم ملااك موسعة ابتساامتهاا : اهلااا عصاااام ..

هز فيها راسو تحت نظرات نسرين لي دغيا قرماتهم ... جاوب بلباقة : اهلا ملااك ... مرحبا بييك ...

ملااك : ربي يخليك ( مدات يدهاا لنسرين ): اكيد هاد الغزاالة هي مراتك

يلاه غايجاوبهاا وهي تنطق نسرين : اييه هي اناا ... وشكون سيادتكم

عصاام شاف فيها دغيا غاتشعل خاصها غير سبة وهو ينطق بتفسير : احم ... هادي ملاااك قرات معايا فليسي وهي خدامة مع مهدي ...

نسرين : اااااه ( ضحكات ليها فوق النفس ): متشرفين ...

ملاك : كنت متشوقة نعرف مراااتك وفصرااحة ماغاديش نكر انهاا فنة تباارك الله وكااتحمق ... ( شافت فسارة بغيض ): جيتو مواتيين ماشااء الله ... راني ديجا تلاقيتها فالحنة

نسرين دغيا طلع ليها الموراال : لهلا يخطيك احبيبة ... حتى نتي فنة ...

خنزرات فيها سارة ونطقات مبتاسمة مسلمة على نسرين : اهلا نسرين صافا علييك ...

نسرين من داك البلان مابقاتش دازت ليها : الحمد لله ونتي ...

سارة : بيخييير لهلا يخطيك ( شافت فعصام ومدات يدهاا وهي كاتسرق منو شوفاات تحتافظ بيهم فذاكرتها تحت انظار ملاااك لي عاقت بشوفاتها ): عصااام صافا ؟؟؟

عصام جاوبها على قد السؤال : الحمد لله ... ( شاف البنات كترو عليه ووقف ): نخليكم شوية انا جاي ...

نسرين حركات راسهاا بايجاب عارفة راجلها ماعندوش مع كترة العيالات عاجبها الحااال .. ونطقاات : تفضلو كلسو ههههه .... ( كاتشوف فسارة بعينين نارية وهي متبعة العين لعصااام لي مشاا ) ...

وقفات العروسة بالصلاااة على النبي طاالعة تبدل اللبسة ديااالهاا ... وتحت زغاريت النكافااات طلعاات فالدروج لي مخصصين للعرساان قراب من البرزة ومفرشين بالزراابة .... تقدماات هي ومهدي لبلاصة فين غايبدلوا كان بيت داخل فيه بيت اخر ...

دخلات لقاات راانياا سبقاااتهاا كاتسنااهاا طلع مراقباتهاا ومتبعة اي خطوة كاديرهاا بحدر شديد مكاتفلتش على عينيهاااا تحت وصااية نصيرة لي نبهااتهااا عليهااا وعلى اي حاجة كاتخصهااا ...

خنساء ابتاسمااات : نتي هنااا ههههه ...

رانيا قربات عندها : ايييه عاد طلعت مني عرفتهم غايطلعوك ... ياكمااا جااك الصهد تمااا ..

خنساء بنفي : لا لا كلشي كليماتيزي ... الجو مزيااان ...

المهدي نطق باعتدار : احم يمكن ترتاح واحد خمسة دقايق عافاكم ...

النكافة فهماتو وابتاسمات جنب : ايييه واخااا ..

شارت للمساعدات ديااالهااا وخرجوا ورانيااا غمزاات خنساء ونطقات : احم انااا شوية ونرجع ...

زادت من تماا وهو بقا متبعهم حتى سدو الباب وهوو يقرب بخطوات بطيئة وجر خنسااء من يدهااا مقربهاا ليه : شحال باقي لهاد العرس ويسالي ...

خنساء خرجات عينيهاا : هاااء والعرس يلاااه بداا ههههه ...

المهدي حط يدو على وجهها الناعم كايتحسسو : وانا مابقيتش قادر نصبر ... اش بان ليك نهرب بيك ونديرو بنااقص كاع حنا هههه ...

خنسااء ضحكااات ونطقات بصوت عدب : مهدزززيييييي ( تحية لحبيركو 😂😂)

نطق مسبل فيها عينو وقال بحنان : عيووون مهدي ...

قرب بهدوووء وهبط لاوي عنقو شوية و هبط لشفااايفهااا بهدوووء وهي قلبهااا ضرب فالتسعييين كايزدح مغمضة عينيهااا بلاما تحس وانفاسهم كاتقرب لبعض ... طبع قبلة حنينة على شفااايهاااا خلاااتهاااا تهز من بلاصتهااا وهو مكااليهااا بيدو من خصرهااا مستمتع باول قبلة لييهم ... مقادرش يقااوم طعم شفايفهاااا لي بحااال شهد ... منتشي ومتيم بهاد اللحظة مقادرش يبعد عليهااا بالمرة .. خنسااء حسااات بالصهدة طلعااات معااهااا وحلاات عينيهااا مبعدة بهدوء ...

نطقاات بخجل : غاايجي شي حد امهدي ....

المهدي ضحك : ههههه والا جااا مراتي وحلاالي ...

عضات على قنوفتهااا : وااا صاافي ... غاتخصر لياا مكيااجي

ضحك عاجبو خجلهااا لي مني كاينزل عليهااا كايعطيهاا ملامح بريئة سبيسياال ...

دقااات رانيا فالباااب وعاد دخلااات ناطقة : غايخص تبدلي ...

خنساء تنفساات : اييه يللااه ...

المهدي ضحك وخدا الجبادور التالي لي غادي يلبس ودخل للغرفة لي تمااا خاصة بالعرييس وسد عليه باش يبدل ...

دخلات رانيا والنكافااات لي وجدو اللبسة التااالية باااش تلبسهااا ... مع لي اكسيسوار ديااالهاا وكااع لي غايخص

رانيااا نطقات بهمس : فين طاار العكر احم ...

خنساء خرجات عينيهااا وشافت فالمرااايااا لقااتو تمحااا على اتر البووسة لي داار ليهااا ... بقات كادور فيعينيهااا مضهشرة ورانيا كاتموت عليهاا بالضحك ...

تقدمواا النكاافاات لبسووهااا تكشيطة عراائسية فاللون الاحمر مطروزة بالذهبي من الفوق حتى لتحت كاتبري بالاحجار لي مزينينهاا .... عاوداات لي الميكاب ارتيست بعض التعديلات على المكياج مبدلة ليهااا لون العكر بواحد بني غااامق ... وهاد المرة حطاات ليهاا تااج باحجاار خفيفة مع اقرااط وعقد خااصين دياالو مخلية ليهاا نفس الشدة دياال الشعر تحت طلب خنساء لي عجباااتهااا ... ماركات ليها النكااافة بمضمة ذهبية ... شافت راسهاا فالمراايااا جااات كاتحمق واللون الاحمر واتااهااا بلااا قياااس وعطاهااا اشراقة وااعرة ...

خرج المهدي لي كااان لاابس جابادور حتى فالباج مطروز بالاحمر كايتواتاا مع تكشيطة العروس ... جااا معااه البلدي وعطاااه مظهر خاااص ... وسع ابتسامتو فور ما لمحهااا حمقااتو بلا قيااس لي لبساتهاا كاتجي معاهااا وتواتيهااا وكاتخليه هااين فتفاصيهااا ... كاتعرف تلبس البلدي وكايبرز لااطاااي ديااالهااا اكتر ...

قادو ليهااا اخر اللمساات وخرجو مشاادين فاليدين على ايقاااعااات اغنية ^ العروسة هاهي جات ^ كاع الانظار توجهااات ليهم وكلشي فهااا فزينهاا وكيفاش طلعاااات كاتحمق جاو مواتيين بلا قياس مع بعض ... ونصيرة والعربي كايشوفو فيهم فرحانين لبنتهم ما قادااهم فرحة ... الزغاااريت والصلاة على النبي ماالية المكاان مع ايقااعااات الاغنية حتى وصلو للبرزة وقاام المصور بالتقاااط الصور والنكاافة كاتقادليهم لي بوووز لي يديرو وعاد ناضو العائلة حتى هما كاياخدو تصاور مع العرسان مجموعين والبنات الحاضرين مقابلين السيلفيااات ولي سطوري مايقدروش يفلتو هاد الفرصة ...

تطلقاااات اغنية شعبية ديال طهور وكلشي ناض كايشطح ويردح محيحين بالمعقوول فالقاااعة ... مكاين غير التلواااز كل وحدة كاتبين ما عندهاااا كاتطلق زينهااا والعيالات لي عندهاا شي عزري حااطة العين على الحااضرااات كاتفصل وتخيط فيهم ...

لبسااات خنساء اللبسة التالتة لي كاانت فالازرق ملكي وهاد المرة بدلاااات الميكااب كاامل وداارت واحد اخر غااامق برز ملامحهاا اكتر وجمعو ليها شعرهاا لوور كاامل مخليين بعض الخصلااات نازلين على جبهتها وتاج فيه حجيرات خفاف فلون اللبسة واكسيسوارااتو ... وحداهاا كاالس مهدي بجلاابة مخزنية ديال العرسااان واااعرة وبلغة فرجلييه فرحانين كايتهامسو مع بعضيااتهم ويضحكوو مستمتعين بوقتهم ومرة مرة كايبتاسمو فوجه الناس والاغنية خداامة ....

عروستنا فنة مادة يديها للحنا

ياربي تحجبها وتعطيها ما تتمنى

عروستنا هاهي منورة في العمارية

الملحة والسر عليها والنخوة مغربية

واهيا لبنات غير ديرو معانا يدكم

العروسة برزات فرحوا شطحوا عقبة لعندكم

مولاي السلطان يا مرضي الوالدين

الاحباب والاصحاب الليلة معاك حاضرين

لالة لعروسة الهمة والشان مواتيك

وريدة محروسة خمسة وخموس عليك

واهيا لبنات غير ديرو معانا يدكم

العروسة برزات فرحوا شطحوا عقبة لعندكم

العروسة وعريسها في عار الله

واحبابنا وانتما في عار الله

هاد الليلة بالذات تسوى الدنيا بللي فات

عروسة علينا طلات بالدقة والزغراتات

عريسنا اسمع نوصيك لعروسة كتموت عليك

غي ديرها في عنيك راها انت ليها وهي ليك

واهيا لبنات غير ديرو معانا يدكم

العروسة برزات فرحوا شطحوا عقبة لعندكم

تقدماات نادية وسارة جهتهم مبتاسميين .... نادية سلمات على ولدهاا : جيتي غزاااال يا الحبييب ... مبروك علييك ..

المهدي باس على يدهاا : لهلا يخطيك اميمتي ...

باست خنساء : مبروك عليك الحبيبة جيتي كاتحمقي تبارك الله علييك ....

خنساء بفرحة : ربي يخليك حتى نتي جيتي غزااالة وواتااك القفطااان ...

نادية : يخليك ليلي الغزاالة ...

سارة بسعادة : فيليسيطاسيون ماااابيل ....

خنساء عنقاتهاا : ميرسي ما شيغي ... جاااك فن لورونج ...

سارة : سيي فغيي طي زيو بب ... مي فغيمون خطفتي الاضوااء اليووم ... كنتي بومباااا

خنساء : عويناتك لي زوينين احبيبتي ...

سارة هزات تليفونهااا ودارت سيلفي معاها ومع خوهااا فرحاانة بيهم ...

انضامات ليهم نصيرة كاتشوف فبنت خوهااا باعجاب كبير فعينيهاا : الصلااا على النبي عليييك ... كَمرة مضوية المجمع يااا الغزااالة ...

خنساء ضماتها لصدرها بفرحة : لهلا يخطيك عليا اعمتي ...

نصيرة مخاطبة المهدي : الله يبعد عليكم عينين الحساااد ياااربي ويتاويكم بالخير ... قرااو المعودتين راااه العين عليناا حق ... تخرج فالحيط ان شاء الله ...

خنساء ضحكات : هههه كانقراهم اعمتي كوني هاانية ...

حبسات الموسيقى ونادية ابتاسمات : غايحطو العشاااا ...

سارة : انا نيت جاني الجوع ههههههه ... يلاه اماما هما غايجيو ايكلسو معانااا ...

تمشاو كاااملين للطبلة الخاصة بالعرسان عائلتهم وخنساء ومهدي ناضو كايرحبو بالضيااف بكل لبااقة فرحااانين وكايكبرو بييهم ... عااد انضمو للطبلة فين غايتعشااو ... كانت كالسة نادية وسارة من عائلة العريس وعاد العربي وعصام ونصيرة ونسرين ... كلسو كايتعشاااو مجموعين فجو هاادئ وموسيقة كااالم مالية المكااان كاتفتح النفس للاكل والاضوااء خااافتة كاتريح العين والرااس من الصداع لي كاان قايم طيلة الليلة ... واغلبية لي فالطبلة غير نقبوا بحكم داكشي لي لابسين تقل عليهم ومامخليهمش مرتاحين فالاكل ... خصوصا خنساااء لي متقلة بلا قياس ومن الفوق كاتحماق على داك المااكلة ولكن مالقات جهد

لبسات خنسااء اخر قفطان قبل الغوب ولي كاان فالزهري منبت ومطرز بالضوغي لي كايبري وسط منهااا كانت خفيفة مقارنة مع السابقيين ماشي شاغجي بزاااف و مهدي شاد فيدهاا هابط بجلابة تانية فشكل اخر فالكري وبلغة فلونهااا ... شاادين فيد بعض وطبعااا زغااريد النكااافااات وكل مرة خنساء كاتصدم الحاضرين بطلتهااا الناعمة ... وهااد المرة هبطو على ايقاااعااات عبيداات الرمااا لي حيحو بالهيت الغرباااوي ... كايشطحو باحترافية وبحلتهم التقليدية المعتاادة ورئيس الفرقة كايردد كلمات الاغنية والفريق كايردد ورااه وهما كايضربو بالبنادر والطعاارج رقصهم متجانس ومرتب بتدقيق منشطين الجو وناس كاملين محيحين معاه

خارجة ودايرة يديا فيديه

يالحبيب دياالي

خارجة ودايرة يديا فيديه

يا لغزاال دياالي

خاايفة لبناات ييدورو بيه

ياالحبيب ديالي

خايفة لبناات لا يطيرو بيه

يالغزاال ديالي

والله مانفرقو ولا نسااه

يالحبيب دياالي

والله مانفرقو ولا نسااه

يا لغزاال دياالي

هدااك حبيبي ونمووت معااه

يالحبيب ديالي

هداك زماني ونموت معاه

يالغزاالي ديالي

وجيبووه لياا

وجبيوه ليااا

وجيبوه ليااا يخوي بزطامو عليااا

ورااني مريضة

وراني مريضة وعضامي طاابو علياا

ويلى ݣاالهااا

إلى ݣالهاا يݣد بيهااا

ويلى ݣاالها

الى ݣالهاا يݣد بيهااا

ويلى ݣاالهاا كلمتوو سمااعة وسط الجمااعة

ويلى ݣااااالهاااا....هااا

خنساء ومهدي توسطو القااعة كايشطحوا مع بعضيااتهم على ايقااعااات الهيت وخنساء دغيا كايركبوهاا الهواايش حابسة راسهااا غير بزز كاتحرك كتااافهااا مستمتعة ومهدي حتى هو ماقصرش من جهدو كايشطح معااهاا عااجبو الحااال والكاميراات شاادينهم والابتسماامة مامفارقاش وجههم طيلة الحفل ..

المهدي قرب ليهااا : غير صبري كااين فين تبردي هوايشك ..

خنساء بهمس كاتمايل : هههه علااش شكون قالك انا فيا الهوايش ...

المهدي ضحك : الله اودي ... من بعد ونوريك منين عرفت ههههه ....

خنساء قتلها الفضول باغا تعرف ولكن ماشي هادا الوقت لي تبقى تسول فيه ... بقاو كايشطحوا مع بعضياااتهم مستمتعين بالاجوااء ... وخداو صور تذكارية وهما واقفين وسط القااعة مبدلين البوزيسيون لي كانو كايتصورو فيها ... وخنساااء كل مرة وكيفاش باغااا تصور لقااات راحتهااا وكاتفشش عليهم ...

سالاو والنكاافة طلبات من الدراري لي معااها يوجدو راااسهم باش يهزو العروسة فوق العماارية ... تقدماات خنسااء شااادة فيد المهدي بخطواات تاابتة فرحاانة غاتعاود تهز فالعماارية .. ركباات وهزوهاا بين كتااافهم كايدورو بيهاا وهي كاتحرك يدهااا يمين وشمااال للحضور وكلشي كاايشير ليهاا بيدو فرحااانين ... تحت ايقااع اغاني خاصة بدورة العماارية

الف هنية وهنية وياا لالة

العروسة فوق العمارية ويالالة

الف هنية وهنية يالالة

خنساء فوق العمارية ويا لالة

الف هنية وهنية يا لالة

عروستنا خنساء زينة السمية ويالالة

سالاو الدورة ديال العماارية وخدااو تصاور فيهااا فرحااانين وطلعواا للبيت فين كايبدلو وهااد المرة كانت محطوطة لااغووب البيضا معلقة كااتبري وفوق الكوافوز اكسيسواراتهاا ...

خنساء ابتاسمات باعجاب : فصراحة هاد الكسوة كاتحمق ...

النكافة : وغاتجيك فنة .... لي لبستيها كاتواتيك تبارك الله ... طلعتي فنة فعرسك الله يحفضك ...

خنساء : لهلا يخطيك ... نتي مولات كلشي الله يكبر بيك ...

النكافة : وحتى راجلك تبارك الله مواتيين مع بعضياتكم ... وباينة فيه كايبغيك .

خنساء بفرح : الحمد لله ...

النكافة ابتاسمات ليها وعاوناتهاا تلبس الغووب دياالهاا البيضة لي كانت مشبكة من جهة الصدر والسدين جاااتهااا كاتحمق مع طااايتهااا تقول مفصلة علييهاااا وبرزات بشكل خطير تفاصيل جسدها ... ودارت لي اكسيسواار لي اختارو للبسة كانو سامبل وبساااط وهاد المرة طلقات ليها شعرهااا على راحتووو وبدلات ليها لون العكر للغوز ... وفواااال خفيف داارتو فوق راسهاااا ماتقلاتش ليهااا بالتاج لي استغنات علييه ... جات بسيطة وانيقة بديك الكسيوة طلعات كيوووت ...

تسمع الدقان ودخل فالباب كااان مهدي لابس كوستيم انيق فاللون الاسود مع كرافااط كلااس ... وسعاات ابتساامتهااا وهو حتى هو بادلهااا نفس الضحكة ونظرات الاعجاااب ببعض ماليااا عينيهم بجوج ...

تقدم جهتها وشبك يدو فيدهاااا : اجمل عروسة شااافتهاا عيني ...

خنساء حنااات راسها بخجل : ههههه حتى نتااا جيتي انيق ....

المهدي طبع قبلة خفيفة على جبينهااا : مبروك عليناااا ....

هزات فيها عينيهاا وشافت فيه بحب : مبروك علينا والله يكمل كلشي بيخيير ...

المهدي برجاء : اميين ياربي ...

دخلاات رانيا وتنحنحااات : احم ... فصراحة مابغيتش نقطع عليكم هاد اللحظة الرومانسية لكن راه الطاغط واجدة وخاصكم تهبطوا ...

المهدي ضحك : انا على ما بان ليا نتي خارحة ليا فعودي ...

رانيا بطنز : هههههه وباقي ماشفتي والو غير وجد رااسك ههههه ...

شد فيدهااا والنكافة شدات الفواال باش مايعدبهاااش وعلى نغمات اغنية مبروك مبروك الهادية هبطو فالدروج والاضوراء كلهااا ولات فاللون الابيض كتمهيد لاستقبال العروسين ...

مبروك مبروك، يا حياة قلبي مبروك