بنت السايب الجزء 30

اصبحنا واصبح الملك لله ... ملاك كانت فلاكيس كاتحسب شي فلوس حتى سمعااات الغوات فوحدة من الطواابل وقربات كان يحيى واقف مع واحد من الكلياان كايغوت حيت ماوصلوش داكشي لي طلب .. حطات داكشي لي فيدهاااا كاتسوط ماعندها كاانة وقرباات عندو : يااك لابااس اسيدي ؟؟

السيد مكشكش : انا طلبت الكريب شوكولاا ونتوما جايبينو ليا بالكريم ... واش كاتفلاااو ولا شنوو ...

ملاك محاولة تهدنو : واخا اسيدي مشكل بسيط وكايوقع فاي بلاصة مكاين لاش تعصب حنا غانبدلوه ليك...

السيد اصلااا خاصو غير معامن : هاد المشكل كايوقع غير عندكم ... الخدمة النااقصة ...

ملاك هزات حاجبها طالعة ليهاا وهو كالس كايتبورد علييها وهي مهدنة معاه .. نطقاات بانفعال : راااه قلنا ليك اشريف غانبدلووه ليك لااش هاد الهيلاااالة كااملة ...

السيد صعر ونطق ناهض فيهاااا بقاليه شوية ويضربهاا : احتاارمي راااسك وعرفي معاامن كاااتهضري ... ولااا راااه مغادي يعجبك حااال ونوريك اش كاتسواي لي تهزي عليااا ...

الهضرة جات فودن المهدي لي كان داخل القهوة وشاف السيد ساااخط وشااعل فملااك كايهز علييها فيدو ... قرم حجباانو بانزعاااج وتمشى بخطواات سريعة واقف قباالتو مخنزر : اش كاااين ؟؟ اش وااقع ؟؟

يحيى : والو اسي مهدي غير السيد غلطنا ليه فالبلا وقلنا غانبدلوه ليه ...

المهدي بتفسير : ضونك مكاين حتى مشكل بدلوه ليه وصاافي ... لاش روينة ...

ملاك : جيستومو ... داكشي لي كانحاول نقوليه ولكن هو مكايفهمش ..

الراجل سمعها والقرودة طلعوا لراسو :انا مكانفهش .. ايواا الله يجاازيك بالخيير .. هاكاا كاتعاملي مع الكلياان دياالك وتهضري معاهم

المهدي وقف قدامهااا : خليها عليك هي دابا انا لي كاندوي معاك ... انا لي مول القهوة

ملاااك الفراشلاات ديال كرشها تزعزعوا مني سمعااتو وشافتو كيفاش وقف فوجهو مدافع علييها .. حساات بقلبها غايخرج من بلاااصتو بالفرحة ...

السيد : ايواا الا نتا مول القهوة شوف شكون تولي تخدم حيت هاد الانوااع ماشي ديااال اخدمة بالمرة

المهدي جعرو بهضرتو هو كايحاول يكالميه وهو زايد فييه نطق معصب : ماشي نتا لي غادي توريني شغلي ... ودابااا الله يخلييك سير من هنااا حسن ليييك ولا مغايعجبك حاال ....

السيد خرج فيه عينو مرااضيش وهز شطايطو وزاد من تمااا كاينكر ويعااود ويعاير ويسب ... المهدي شااف جهة ملااك لي بان فيهاا الاحرااج قدام النااس وماحملااتش الوضع لي تحطات فيه .. نطق مخاطبها : ملااك اجي معايااا ...

زاد من تما وهي عضات على شفايفها بفرح وتبعااتوو ... دخلو للبيرو وكلسااات قدامو ... المهدي شاف فيهااا بانت ليه حمرة بالاعصااب وكلهاا كاترعد عاارفهاا مكاتبغييش الشوهة قدام النااس ... هز كاس ديال الما ومدو ليها : هاكي شربي وتهدني ...

ملااك شداتو من عندو كااترجف ورشفاات منوو وهو كلس مقابل معااهااا حتى حطاتو وشافهاا باقا متوترة وحط يدو على يدهااا بموااساات : صافي تهدني ماوقع واالو ...

ملااك هزات فيه راااسهااا غادي تسخف وهي كاتشوف يدو شادة فيدهاااا كايطبطب عليها وكيفااش بقااات فييه ومهتم لامرهاا حسات براسها فوق السلك ... رمشات بتتاقل وبراءة زايدة : ديزولي مهدي ... ماكنتش باغااا نوض معاه ...

قاطعهااا محيد يدو من عليهاا : صافي راه هو لي كايقلب فيمن يبرد ماديريش فبالك وسيري كملي شغلك ...

حركات راسها بايجااب دايرة ابتساامة عذباء فوجهوا وزادت من تمااا وهو متبع ليها العين حتى خرجات ... حرك راسو بلااا حول وزاد كلس فبلااصتو يشوف شغلو

خنساء كانت واقفة فالكوزينة كاتوجد الغدااا ودايرة ابيل فيديو مع رانيا لي حتى هي فالمحااال كاتوجد عجينة المسمن لعشية ...

خنساء : صافي نعول عليك غدا الصباااح سيفطي ليا خياااتنا ... ووصيهم على لي تافقنا علييه ... انا مع ديك العشرة غانكون تمااا وغانسيفط مهدي بشي سبة يجيب ليا شي حاجة باش مايطرا حتى مشكل ...

رانيا بتردد : واش متأكدة اصحبتي من هادشي لي غادي ديري ... انا خايفة غير نوليو فشي ماصل مغاتعجب حد ... كون غير خليتي عليك الزبل

خنساء باصرار : انا الا خليتها مغاااديش تخلينيي هي ... ديري لي قلت ليك وانا راه غير غانتفرج من بعيد ماعندو مايوقع غير هني بااالك ... غايدوز كلشي تمام ولا عين شافت لا قلب وجع ... وانا غانبرد فيها دقتي بتاني والمتني ... وعليا بالليمين مانتهناا حتى نسيفطها لشي جايحة غير بالفقسة ... وراه قالوها زمان لي وصل بلاد غير بلادو خلا الهم لولادو ... وهي لي قلبات على خليان دار بوها تحمل العواقب

رانياا : واا ختي نتي تعرفي انا غانقولها ليهم ...

خنساء بتأكيد : ووصيهم معااك بغيت كلشي يبان مدابزة عااادية ومايخليوش ليها الفرصة فين تراجع دغيا يغمقو على والديهااا ويقضيو الغرااض ويتسلووو من تمااا ...

رانيا : اييه الالة كوني هانية نتي عارفاااهم فهاادشي محتاارفاااات .... موحااال تعااود تقد تعري وجهها ... هههههه بقات فيا من دابااا ...

خنساء حقدات عينيها : شحال وانا صابرة عليهاا وتانقول دابا يهديهااا الهاادي وتحشم وتفرق عليااا وعلى راجلي ولايني هي غير مزاايدة فيه ... وكل نهااار فيلم جديييد ... وزادتهاا كاتقلب بااش تلوي ليااا الدراااع وماشياا كاتنبش ورااايااا ... هي لي ماتكونش ليهااا وهاد المرة غانوريهاا خنسااء بنت الساايب اش كاتسوااا ...

رانيا : وا غييير ردي بااالك ومااتبانيش فالوااجهة حضي رااسك وداكشي حسي مسييي ..

خنساء : كوني هااانية ماعند حسها ما تدي مني ... لي فراس الجمل فرااس الجمااالة ودااك الجاامع لي هي قراات فييه انا راه درت ليه الساااس شحااال هاذااا ... مزاال معارفااش راسهااا معااامن ... والجنوية لي كاتعلب بيها شحال ماااضية ...

رانيا ضحكااات بايجااب : الله اودي ماتحتاجيش تقولي ليااا ... ههههه يلاااه سيري كملي غداااك وانا نكمل لي فيدي باش نقضي ليك الغراض بكري ...

خنسااء : يلااااه ازين سيري حتى انا نوجد هاادشي راااه مهدي شوية يجي ونادية وسارة حتى همااا شوية ويدخلوا ...

ودعااتهااا وقطعات التلفون مكملة شغلهاااا باغا غير ايمتا يصبح الصباااح بااش تنفد خطتهااا متحمسة تبرد غليلهاا فملاك لي قدماا عطاتهاا تيساااع وهي كاتزييد تدخل لحياااتها بحال الجربة ... ومابقاتش تقيلها عليها

صباح جديد مشمس ونسيم الربيع عاطي جو رائع فالمدينة ... كالسة خنساء ومهدي فالقهوة كايفطرو بجوج بيهم ... جات عندو على الصبااح دايرة ليه زعما مفاجأة يفطروا تمااا وحتى هو ماخصرش ليهاا ... كالسين فجو هادئ وزوين وخنساء عينيها على الباب كل مرة ضرب طلة ... وملاااك واقفة حدا لاكيس مفقوسة كاتشوفيهم كايفطرو السم والغليل كياكلو فيها من الداااخل ...

خنساء : اجي ديك عطيتيها البارح للخيااط ينقسها ليا ...

المهدي كايرشف قهوتو : اااه ... راه دوزتها ليه البارح ...

خنساء حركات راسها بايجاب وهي تهز عينيها فالباب بانو ليها جوج عيالات داخلين طول وقامة وعرض وهامة .... الباب مامدخلهم غير بزز وكل وحدة تنسيك فالاخرى .... وحدة صابغها شعرها بالاحمر مشعشع والاخرى مزعراااه كايبان من بعييد وضاربين لييك سراول مطرطقييين وخيراااات ربي بااااينة قدااااش وماكيااجهم ارااك من بعييد ريمونتااادااا ... خنساء وسعااات ابتساااامتهااا كاتفرنس متبعة ليهم العين حتى كلسو فوحدة من الطواابل وجا عندهم سربااااي ياخد شنو طلبو ...

شافت فالمهدي ونطقات بطلب : عافااك احبيبي نوض جيبلي الكسوة نشوف واش قادها مزياان بااش الا مجاتش هي هاديك نردها ليه ماحدي قريبة ...

المهدي : حتى نكونوا غاديين ونهزوها معانا فطريقنا ..

خنساء باصرار : والاااا غايبقى ضارني راسي عليهااا .... راك عارفني تشهيت نلبسهاا بلييز ...

تنهد بلا حول ماباغيش يخصر ليهااا : واخا الالة ماتبقاي غير على خاطرك ...

ابتاسمات بفرح : يخليك ليلي حبي ...

ناض من تما هاز سوارتوو غادي يجيب ليها سخرتهااا تأكدات انو ديماراا وبعد .... و شافت فالبنااات لي كايفطرو وكايضحكو بصوت عاااالي هازين القهوة بضحكهم ... غمزات خنساء وحدة فيها مشيرة جهة ملاااك مورياها ليهاا بمعنى طلقيني للفراجة ...

حتى هي حركات ليها راسهاا بايجاااب وناااضت كاتلعب بزغيباتها متاجهة للحمام زعمااا ... تحت انظار خنساء لي دارت رجل على رجل وهزاااات كاسها ديال العصير معولة تفرج فعرض ديال الاكشن شحال هاذا ماحضرات ليه ماكرهاتش كون كانت عندها الدرة وتكمل ليهااا الفراجة ..

نعيمة تمشااات جهة ملااااك غادة رافعة راسها لسمااااا يلاااه غادور وهي دخل فيهااا مزعزعاهااا من بلاااصتهااا كانت غاتجي على فمهاااا بطالونها كون ماشداتش فالكونطواار ...

ملاااك بانفعااال : اختي واش مكاتشوفيش دخلتي فيا طول وعرض كنت غانجي على وجهي

نعيمة دارت عندهاا مطلعاها ومهبطاها بتبعصييص : وااختي نتي مكاتبااانيش اش غاندير ليك انا .. كولي شوية ونتي بنادم ماعرفك غادة ماعرفك جاية ...

ملاك خنزرات فيها مخرجة عينيها وناطقة بتبعكيك : ياكمااا ياكماا بغيتي نولي قدك ... بفففف ...

نعيمة دارت عندها بالعرض البطيئ : ومالي الزرمومية كيف جيتك بالسلاااامة ...

ملاك حركات راسها بلا حول ماباغاااش تكتر معاهااا اللغا .... زادت من تما ميكة وهي تجرها الاخرى زعزعاااتها مرجعااهااا لعندهاا بجوج صباااع : شنو بغيتي تقولي بهضرتك اسفوود العوااااشر ... ( كادور يدها جهة ودنهاا ): عااودي عااودي اسميمي عندة مسمار الهندة اش قلتي ...

ملاك خنزرات فيها مراضيااش وفنفس الوقت باغا تسل ما قادة على صداع معاها : ماعنديش الوقت لي نضيع معااك ...

نعيمة هزااات على تريكوهااا مكفضة وناطقة : يااااااك اختي ايوااا انااا مساالية ومااعند بويا مايداااار اجي نورييك حشيااان الهضرة اش كايسوااا ... هاانااا غانوري لوالديك فحااالي كيفااش دايرييين ابلااارج ديااال الصوماااال ....

ملاك مااعرفاات باااش تبلااااات حتى جراااتهااا من شعرهاااا كاتريش فيهااا وتدي فيها وتجيب بحااال الزعلووولة ... منزلااهاااا تحت منهااا كاتريش فيهااا وتعااااااود وتنتف فيهاااا والسبااان تحت السمطة مكاين غير جيب افم وقول ... جات صااحبتهاا حتى هي انضامااات ليهاا وداروهااا وسطهم ... تجمعوا النااس والخدااامة محاولين يفكوهااا من يدهم وهمااا خااشيينها بين رجلييهم حلفوااا لا طلقوهاا ... نتف يااامااا تنتف زغب شعرهااا كايهزووه بين صباااعهم

وخنساء من بعيد كاتفرج دايرة يدهااا على فمها كاتموت بالضحك وتكرشخ فرحانة غاطير ومستمعة بالقتلة لي دايرين ليهاا النااس كايفكووو وهي ماشي هناااا شاارية السعاادة ... خلاااتهم حتى شبعوا فيها تغزاااز وقمييش ولاات فيدهم فحال دجاااجة المريشة ... كايهزوهم بيهااا ويحطوهم بيهااا وهماا بحاال توااار الهاايجين تقول حالفينها فيهاا .. خنساء خافت تموت ليهم فيدهم عارفاااهم مهاوشات على المدابزة ولا يصدق جاي مهدي ... وهي تنوض قربااات لعندهم ونغزات نعيمة من اللور بمعنى بركة دايرة راسهاا كاتفك ... عاد ناضو عليهاا طاالقينهااا والدراري شدو فملاااك لي كانت غادي تسخف وقلبهااا كايزدح فتسعيين شعرها طلع فحااال الا ضاربها ضو وعينهاااا خاااارجين بالصدمة مزااال مامستوعباش شنو وقع ولا فين هي الدوخة شدااااتهااا كادور فعينيهاااا كاتحاول تفهم اش وااااقع مضهشرة ووجهاااا ولااا مشرط بظفارهم فحاال الا قامشهااا مش جاااعر ...

كانو الدراري ملهيين وخنساء غمزات البنااات يتسلو من وسط الجقلة ... دوروا عينيهم هاكة هاكااا مابقاوش لقاااوهم طااارو من حدااااهم غابرين...

خنسااء شافت فملاااك ولداخل كايفرفر بالفرحة وهي كاتشوف فحالتهاااا لي تشفي العدااا ...

نطقات باعتدار من الكلياان : سمحوا ليناا عفاااكم .. يحيى شوف الناااس معااك ...

يحيى : واخا اماداام ....

خنساء : ياااسين دخل ملاااااك للداخل ... شوف حالتها كيف ولاااات ... .

ملااط هزات فيها عينيهاا مااقادرة تنطق بحتى كلمة مرااضياش بالمرة ودموعها نازلين على خدهااا ... وجههااا كلوا عاطيهااا الحرييق وجلدة ديال شعرهااا كاتوزوز عليهااا دارو ليها نتفة ديال المجاديب ...

ياسين : ولكن امادام دوك البنات ...

خنساء : واش حنا دابا فالبنات شوف الكلياااان كيف دايرين غايجي مهدي يلقى هاد الروينة اجا مافككم معاااه ...

حرك راسو بايجاااب وزاد من تمااا شاد فيد ملاااك والدراري كايحاولو يهدنوا الوضع فالقهوة والكليااان ...

خنساء خرجات النفس براحة : ايوااا هادي خدمة نقية (ابتاسمات ): نشوفو ملاك اش غاتكون ردة فعلها ملي تعرفني انا سبااابهااا ههههه ...

ضحكااات عاضة على قنوفتهااا بطنز شامتة فيهااااا من اعمااق قلبها ومابقاتش فيها بالمرة ولا انبها ضميرهااا حيت هي لي جبداااتهاا وحكات نحاسها وجبدات باااسهااا ...

دورات عينها جهة الباب وهو يبان ليهااا المهدي داخل وباينة فيه مكشكش عرفات شي واحد من الدراري وصلها ليه سخونة عليها جا كايجري ... دخل ونطق بالغواات مقرب ليحيى : لا تبارك الله عليكم ... ولات السيبة هنا

يحيى : سي مهدي ...

قاطعواا بعتاب ولا حمر بالاعصاب : بلاتي مزااال غانتفاهمو فين ملاااك ؟؟؟ ...

خنساء قربات عندو بخطوات بطيئة هازة فيه حاجبها : ملاك لداخل فالدوش اشيغي ... برد فيك الدم ونتااا غاتسخف ..

عوجاات فيه وزادت داخلة للبيرو دايرة ضحكة جانبية عارفااه مايمكنش يقبل بالروينة وسط القهوة ... المهدي شاار ليحيى ويااسين يتبعووه ودخل حتى هو ...

مهدي ضرب على بيروه بقبضة يديه بجهد...ونطق ساااعر:والله ياادلمهم حتاااا نصيفطهم فين يتربااو....ونوريهم شناهيااا يجيييو حتاااا لقهوة عندي ويضااااربو...سيبى ولااات فلبلاد ولاا؟؟!...

خنساء كانت ݣالسة قبالتو دايرة رجل على رجل مستمتعة من لدااخل مقاداهاا فرحة حيت عطاات لملااك علااش كاتقلب....

نطق مهدي مخااطب وااحد من لخدامة لي وقفين قبالتو:يحيى سير جيب ليااا لكااسيط تااع لكااميراات دااابااا نشووف هااد خيااتنااا...

خنساء تنحنحات حاطة يديهاا ورى عنقهاا كاتحك فيه وعينيهاا كايدورو....يحيى تلون ولون تاع وجهو تخطف..

نغز دري لي حدااه وقال بصوت خافت:احم... دوي دوي اخوياا ياااسين...

رد عليه فلبلاصة:لا لا... دوي نتاااا تعرف تقادهاا حسن مني...

مهدي هز حاجبو فيهم ملي بانو ليه كايتهاامسو بيناتهم..وقال بتساؤل:اشكاااين؟!!

يحيى تشجع : بصراحة اسي مهدي لكاميرات لقيناهم طاافين...

مهدي وسع نضراتو: شنووو؟؟!طاافيين!!! (ضحك بستهزاء)هه نكتة هااادي ياك...

خنساء حطاات يديها على جبهتهااا وهيااا كاتفكر بتدكر ... قبل ماتدخل عند مهدي الصباح لبيروه وتعيط باش افطر معاهاا دايرة زعماا ليه مفاجئة مزيفة مع الصبااح...طرݣاات لكاميرات هماا الولين سكتاات ليهم لحس دارت راسها مشات عند شاف توصيه شنو يوجد ليهم للفطور باش واخا تشد داخلة مغايديو مايجيبو عااد كملاات طريقهااا لعندووو ...

نطق يحيى بتفسير: تيق بياا معرفت حتااا كيفااش وقع...كاانو خداامين مع صباااح...ولكن ملي وقعات لمدابزة جينا نشوفوهم لقيناهم كانو طافيين...

مهدي كان معصب وزااادو اعصاابو تشحنوو.... ونطق بنبرة قوية:دابااااا واااش كاتفلاااو ....اناااا باااش غانجبد لكمااامر تاع هاااد لكلبااات باااش...الى مشيت عند لبوليس نديكلاري بيهم غااايضحكووو علياااا....قهوة قدهااا قد السخط كاميرااتهااا مخداااامينش...اشهااااد لخدمة الناااقصة...

خنساء نطقات محاولة تهدنو مبغاتوش يخاسم عليهم ويضلمهم حيت مدارو والو:صافي امهدي سيباݣغاااف...مكاين لااش تعصب...

مهدي بنفعاال دااير فيهااا:نووو سي ݣغاااف الالة...ملي تولي مخدم معاااك بنادم مامسوقش غااا كايكور فخدمتووو ويدبز فيهااا بااش يدوز لوقت مهاااموش لحاال... هناااا بصح كااايكوون مشكل...

خنساء سكتاات ملبداهاا مقدارتش تجاوبو بواالو خايفة لاتفضح وتصدق فشي مشكل معااه...

نطق يحيى بتأسف:والله لعضييم حتاااا سيفت عمر يراقبهم...وقاالي راهم مزياانين واناا ديت على هضرتوو...

جااوبو بعصبية:ومااالك نتااا مهرس؟؟! علااش مامشيتيش رااقبتيهم برجليك ولااا صيفتي ياااسين يشوفهم... يااك تومااا لي مكلفين بلكاميراات....ولاااا سيااادتكم ممساالينش عندكم لي مهم ياااك؟؟!

يااسين:رااك عاارف ليوم سبت اسي مهدي كاتكون لكاافي عاامرة وتلهيناا مع لكلياان و...

مهدي قااطعوو مخفض شوية صوتو حااس برااسو كاايزدح بلأعصااب مبقااش قاادر يسمعهم: خلي هضرتك عندك و خرجوو عليااا من هنااا....تحركوو

حدرو ريوسهمم بجوج مزايدينش معاه لهضرة وزادو فاتجاه لباب غاديين خارجين..

نطق مهدي بصوت مرتااافع مسمعهااا ليهم:ماااتنسااوش تحيدووو ديك سمية لي مكتووبة فوق باااب لكااافي وديرو سمياااتكم...وعيطووو عليااا نديير خدمتكم....الله ينعلهاااا خدمة معااااكم....

سدو عليهم لبااب ومهدي ݣلس على كرسيه شااد على راااسو...نااضت عندو خنساء وحطااو يديهااا على كتاافو بجوج كاتحااول دير ليه مساج خفيف وتخليه يتهدن...

نطقاات بنبرة رقيقة:صافي اشيغي...بلا ماتبقااا تحرق فدمك...تهدن بلا مااتعصب...

مهدي مسح على وجهوو وقال:نتي شتي هادو لي ضربوهااا...كيفااش وقع؟!!

خنساء دايرة فيها البراءة : حتاا نتاا...مالك عزيز عليك دخل لسوق لعيالات ...انااا علا ما شفت تزايدات معاهم فلهضرة ومسكتاتش ليهم ونااضو ليهاا وطراات لمداابزة...هادشي لي كاين ... ربي كيفاش البوليس غاتمشي تقولهم جوج عيالات تناتفوا بيناتهم ... هااء

مهدي سااط بصوت مسموع ونطق بتشنج جاه فبالو مشكل البارح مع الراجل واليوم تاني اكيد ملااك غاتكون معصبة مؤخرااا عليها نوضاتها معاهم :موصييبة هاادي برب...

خنساء رجعاات لبلاصتهااا :وصااافي انااا مافهمتش لاش هااد تعصببة كااملة...بنسبة ليااا لموضوع ݣاعمة يستاهل ... ملااك غير خداامة هنااا تناتفات ولا ترايشاااات نتااا مااالك وهياا اصلااا عارفة كيفاش تحل مشااكلهاا الراسهااا ...

شااف فيهاا وخنزر فيهااا ونطق بحدة:خنسااااء...ملاك قبل ماتكون خدامة معايااا راهااا صديقتي وزيدون اي وااحد خداام هناايااا رااني مسؤول علييه...ضونك ملي يطرى شي مشكل هاكاا خاصني ندخل وبزز مني...

خنساء ميقاات فيه وردت عليه بنزعااج :شووف الله يرحم بااك بلااا مانعاودو تااني نفس المواال...راهااا فلحمااام كاتبكي سير سير عندهااا طبطب عليهاا وواسيهااا وشوف ياكماا ناقص فيهاا شي يد ولا رجل ..اشباان لييك غايكون حسن ياااك... (معيباااه ):مممم... صدييقتي قااالك

مهدي خسر ملاميحوو فيهاا :بلااا ماتبقاااي تخلطي فلأمور وتفهميهاا غلط...اي وااحد بلاصتي غاايدير نفس الحااجة ...

عوجاات شفايفهاا بعدم رضى...ناضت جمعاات لوقفة ونطقات ا غادة : انا غانمشي لدار..بااي حتا نتشاوفو فلعشية...

خرجات و تقدمات للحمااام عند ملاااك حلااات عليهاا الباب لقاتهاا واقفة قدام المرااايااا كاتغسل وخهها وتشهق وتبكي على حااالتهااا ... قربات عندهااا كاتمختر ونظرات الاسف المصطنعة على وجهها ونطقات بطنز : الله الله تقسحتي الاميرة الجميلة دياااالناااا ... ( باستفزاز كاتشفى ): اوووووف تء تء تء خساارة فحق داك الوجه الزوين ... حشومة عليهم صرااااحة تكرفصوا عليييك ....

ملاااك خرجات عينيهاا ودارت عندهاا ناطقة تحت سنااانهااا : نتي مولاتها يااااك ...

خنسااء ببراءة كاترمش مطلعاها عليها : تء ...( ابتسماات ليهااا باستفزاز ): وماشي حرااام عليك ضلميني بحاااال هاكة .... حشووومة والله ههههههههههههههههههه ....

ملاك حقدات فيها عينيهااا عرفاااتهااا هي مولات الفعلة حيت ديك ختنا كاانت باينة مقصدااهااا وباغاا تشري معاها الصدااااع ... كلشي داز فرمشة عييين وخنساء بلعاني جات لهنااا على الصباااح باااش تفرج فالمسرحية لي دارت ليها الاخرااج ...

خنساااء ضحكااات : ماتفكريش بزااف احبييبة ... شتي داكشي كولو لي كايدور فباالك دابااا بصح وصحييييييح ... ( شافت فوجهها ): تكرفسو عليك امسيكينة .... شتي انااا بغييت ليهم الحنااااني فدووك اليدين ... ويعطيهم القلب الهاااني ويشربو اتااي فالصواااني حيت فرجووني وبردو ليا قلبي فيك الغزااالة دياااالي

ملاااك كرزااات على قبضة يدهاا بعصبية وعينيهااا ولاو حمرييين ... نطقااات كاتحلف : بربي اخنسااااء مغاندوزهااا ليييك ... غااندمك غير صبري ...

خنسااء بلا مبااالاااات : اعلى ما فخييلك املاااك ركبيييه وسرجيه وتبوردي بييه ... ولكن راااه حتى التبوريدة كاتبغي الوجه الزوين ماااشي لي مخصر ليه الكاااركاااص ههههههه ... انا باان ليا قبل ماتبداااي تخططي ليااا وكيفااش غاتندميني ... شوفي ليك شي دكتور ديال التجمييل ييحيد ليك دوك لي طااش لي فوجهك همااا اللولين ... حيت ضفااارهم مسمووووومييين وموحااااااال واش يتحيدو ليك ...

ملااااك شداتها البكية حااابساااهااا غير بزز وريق هرب ليهاا من فمهااا وهي كاتشوف حالتهااا فالمراااياااا ... خصوصا دابا مني عرفات خنسااء سبابهااا زاااد همهاا وكرههااا كبر كتر من قبل ..

خنسااء بتحدير : هاد المرة احبيبتي رااك خرجتي على رجلييك وركابيك باقين فبلاااااصتهم ... المرة الجاااية وديني حتى تخرجي بلااااااش وباقي ضوري بساحتي ولا ب راااجلي دخليهاا لراسك ...( يلاااه زادت وهي ترجع دور تاني عندها ): وهااد النتفة فصراحة كنت باغااهااا تكون على يدي ولكن لقيتيني الكبيدة ديااالي ( حطات يدها على كرشهااا ونطقات بعجرفة ): حااااااااااملة ومابغيتش نكرفص معايااا ولدي ولا بنتي ... باااااااااااالي 😉 #فهمتي#

غمزاااتهاا وزااادت من تمااا كاضحك خلاااااتهاا وراهاا الفااار خاارجين ليهاا من رااااسها وبكاااهاا تعااالى بكترة الفقسة والنااار لش شعلااات فيهاااا كاضرب فالارض بجعرة وتنتف فشعرهااا كتر ما هو منتووف ... خنساااء سمعااتهااا وزادت وسعااات ابتسااامتهااا وخرجااات من تماا هزااات صاااكهااا فرحااانة ونااشطة غاااطير حيت بردااات غدااايدهاااا مورااالهااا طلع بالمعقووول ...

تعاشات العشية ... رانياا كاانت بوحدهااا فلمحال كاتقاد واحد لكموند تاع لبريوات معسلين فطبسيل...وقف منير قدام لكونطوار ونطق بهدوء:سلام وعليكم...

غير سمعااتو وهيااا ترجع ملاميحهااا لجموود...دارت لعندوو مخنزرة مطلعة حاجبهاا فيه مرادااش عليه السلام بلمرة....

منير بتااسم ليهاا وقال بهدوء:رانياا صافا..لاباس عليك...

جوبااتو مخسرة فيه الشوفة ناطقة بنبرة موجزة:شنوو بغيتي؟؟...

منير سكت توااني عارف تاقب معهاا لورقة بلمزياان...واكيد أي تصرف غير لائق منهاا يستاهلو

قال بطلب:عفااك واحد كيلو ديال كعب غزاال...الى جات على خاطرك(كمل مبتااسم بجنب) ...الغزاالة...

رانيا سااطت...زيراات على يديها بعصبية قرباات لعندو حتاا تقابلات معااه... ونطقات مرفعة نبرة صوتهااا:معندنااا لا كعب غزاال ولا كعب حمااار..سييير فحااالك...

منير وهو كايشير ليه بصبعو: ولكن راهوا كانشوف فيه بعيني...

رانيا بنفعاال:وااامبقيناااش باااغين نبيعو... أسيدي سدينااااا...سير لقنت اخر خودو منوو..هنااا لاااا

جاوبهاا بتأكيد:وداباا كانشوفيه بعيني ومابغيتيش تعطيه ليااا حشومة عليك...

رانياا:واااقلت ليييك سديييناااا...سير لجيهة أخرى وشرييه....عطااا الله لباتسرياات ولمحالات دياال لحلوة....هناااا عليااا بليمين ماانتااا وااخدو منوو...وسيييير فحااالك داباااا حسن ليك...

منير:شنوو حاالين لمحاال غاا هكااك مكاتبيعوش ؟!!

ردت عليه بنفعاال مطلع ليها الدم: مكااانبيعووش لشماااايت فحاالك فهمتيييهااا دابااا...والى بغيتي لمرة الجايا تقدااا سير لتيسااع مااتجيش عندي هناااا..

منير تنهد بحرقة..سكت ساارطهاا...عاود شاف فيهاا بتحسر وقاال: بصراحة ارانياا انااا بااغي نهضر معااك ...ضروري...عفاااك عطيني فرصة غير ندوي...ان...

قطعاااتو كاارزة على سنانهاا:فاااش بااقي غاانهضروو واش غانتݣاولو بسلاامة؟!!...اناااا وياااك(ضرباات يديهاا مع بعضهم)صاافي ساالينااا شحااال هااادي...لفيلم دياالناااا ساالااا وطلع لجنيريك..مابقااا عندناا فااش نهضروو... دابااا بلاا ماتبقااا واقف قداامي وسير كون تحشم وغبر عليااا كماارتك...حسن ليييك لااتشووف مني شي حاجة مغااتعجبكش...هاااني كانعلمك

منير عض على فموو بشدة...متأكد انهاا مغاتسمعوش داكشي علااش قرر يبدل ساعة بأخرى...ضرب يديه مع لكونطوار وقال :انااا غاادي....ولكن مغاانتفااكش معااك حتاا نهضرو...ديريهاا فباالك..حيت محتااج ديال بصح ندوي معااك..

راانياا بلغواات:الى كايسحاااب ليك غاانشرك مزال معاك شي هضرة راك كاتحلم....دابااا سير عليااا فحااالك...اخر مرة تحط رجليك عندي هناااا ولا والله حتااا نجمع عليك جووقة وندير ليك الشووهة...نوريييك بصح شنووو كانسوى رااك مكاتعرفنيش...

منير طول فيهاا الشوفة ودااار يديه فجييبو ومشااا فحاالو... بقاات راانيااا متبعة ليه لعين حتااا ختافااا على انضاارهاا وقالت مخااطبة نفسهاا مغددة: ولاهيلا قالك باغي ندوي معااك...غاااحشمت نشير على ديلمك بوواحد البلاطو يهرس ليك دااك لوجه...يخخخ تفووو على بشااار وفين كاانو عيني نهاار لول حتااا كنت معااه وصابرة على جلاخة بحاالو....يخزيييت ياالطييف....

كانت نسرين متكية جنب عصام فوق السرير وهو حداهاا مسند على المخدة شاد التيل...

قربات شوية لعندو وحطات يديهاا ورى راسو كاتحسس شعرو ونطقات بتساؤل:علاش مابقيتيش خرجتي مع صحابك فهاد الليلة...ياك قلتي لياا سربي ليا لعشاا غانخرج معاهم...شتك جيتي وتكيتي داير بنااقص ههه...

عصام بنزعااج:غير معندي ݣانة وصافي...قلت ليهم مرة أخرى...

نسرين هزات حاجبهاا جامعة ضحكتهاا:علاش أحبيبة شنو عندك؟!!مامولفش ليك تخبي علياا...

رد عليها بهدوء:غير شي مشاكل فلخدمة وصافي مكاين لااش نصدع ليك بيهم دمااغك...

نسرين حيدات يديهاا من عليه وبداات كاتفرك صباعهاا بتوتر وتنهد بنزعااج...حاسة بيه مخبي عليهاا شي حاجة مي مبغاتش تحكر عليه...

عصام لاحظ انهاا ماشي حتاا لهيه...ونطق متسااؤل بإجااز:مااالك؟؟!

حدرات راسها ونطقات بنفي:لا لا واالو...

عصام حط التيل دياالو فوق لكوافوز لي حداه...طلع راسهاا بشوية ونطق:نسرين هاد لأياام بنتي لياا مااشي حتاا لهيه...وااش عندك شي مشكل؟؟!...ياكمااا شي حد كاايتعرض ليك فلفااك ولا شي حاجة؟؟!

نسرين جاوباتو بزربة محاولة ماتبينش ليه بلي راه شاكة فيه وحاسة كايعرف شي وحدة من غيرهاا:لا لااا مكااين واالوو...غير خاطري هاد لأيام مقبووط عليااا..وكنت عند الطبيبة ليوم وخرجات لياا شي تحاليل وخفت لا تكون فيهم شي حاجة خاايبة...هادشي لي مبرزطني...

جاوبهاا بايس على خدهاا وقال بنبرة مطمئنة:ماتخاافيش.. ان شاء الله مايكون غير لخير...غير تهنااي ومتبقاايش منرفزة هاكة على واالو...

نسرين برجاء:ان شاء الله...(رجع هز التيل ديالو وهياا سكتاات تواني ونطقات بطلب مادة ليه يديهاا) عصاام عفااك حط داك تيلفونك وعطيني يديك...

جوبهااا بتعجب كايضحك:ههه لاش باغاها؟؟!

نسرين:وعفااااك دير ليااا خاطري...عطيهاا لياا ونقوليك...

عصام حط تيل و مد ليهاا يدو..شدات فيهااا و شبكاات صباعها مع صبااعو مزيرة علييه وقالت:بغيتك تعطيني لعااهد لي يخرج فيك الى خنتيني ولا شفتي فشي وحدة من غيري...

عصام وسع نضراتو ليهاا بتعجب من طلبهااا....جابت ليه الضحكة مشعرش حتاا طلقهاا وقال بعدم فهم:هههه واااش حمااقيتي...اشهاادشي كاتقولي فيه...منيتك؟!!وااش دابااا شتيني كانخوونك ولا كاانعرف شي وحدة؟؟!...

نسرين بإصرار:وعفاااك اعصااام الى كنت عزيزة عليك بصح ديرو معاياا ..وااغيير دير لياا خاطري اشخااسر...

عصام زاد ضحك بلا حول...حيد صباعو من صبااعهاا وشد فيديهاا ونطق بحنان:نعلي عليك شيطاان ياهاد لمرى...حيد هاد لوسواس من راسك...شتي واخاا يجيو لعيالات تااع لعالم كااامل قداامي عمري نفرط فيك...(زاد زير على يدها)نتي رااك دخلتي لقلبي لدااخل سورتي عليك وبقيتي تم...مكااين لي يخرجك...نتي بوحدك لي عندي بلا ماتحتااجي نعطيك حتاا عااهد بااش نتبت ليك هاادشي...نعلي الشيطان...

نسرين بتاسماات ليه بخفوت حاسة بشوية الراحة من هضرتو...خداات نفس معمق وخرجاتو بمهل...كاتحااول ماأمكن تنفي دوك لأفكاار لخاايبة لي جاوهاا عليه فدماغهاا وماتبقااش معمرى بيهم راسهااا لي حاسة بيه فلأونة الأخيرة غاينفاجر...

تنهدات وقالت مرجعة يديهاا لعندها:اعود بالله من الشيطان الرجيم...صاافي احبيبي دير بحالا مقلت ليك والو....نعس ورتااح غدا راك فايق بكري...

عصام قرب لعندهاا ونغزهاا بيديه جيهت خسرهاا:مممم اشباان لييك نقسروو هااد ليلة...

نسرين ضحكات:هههه صاافي رجعاات ليك لݣانة دغياا...يااا سبحاان الله...

عصام:ورااه نيت مابغيتش نخرج معا صحابي على قبلك حيت توحشتك...غير اناا خضر معرفتش كيفااش نقولهااا ليك هههه

نسريين بتاسماات وحطات يديهاا على خدوو و طبعاات قبلة خفيفة على شفايفو: عارفة رااجلي وخااا يعياا يزوق فلهضرة ماتقاادش لييه...وولفتك هااكة(حطاات يديهاا على سدرو وغمزاتو) اوى على الله تصدق شي حاجة هااد لمرة...

عصام خشاا رااسو فجنب عنقهااا كايشم ريحتو لي كاتخليه يزيد يتيه فيهاا وعقلو يترفع....نطق بهمس:طفي طفي دااك الضو لي حدااك...لحاجة لمستوورة كاااتيسررر....

خنساء ومهدي خرجوا على الصبااح لمحااال كبير ديال الرواايح والعطور ... دخلوا كايقلبو على الريحة لي غاتحمااق خنسااء عليهااا ... جبدو ليهم مجموعة من الرواايح والماركات ولي عطاوها ليها تشمهااا كاتلقااهااا ماشي هي وتقولهم لا ... شرحوا لمول المحال الوضع ديااالهااا ودار معاها الجهد محاول ما امكن يعاونهم يلقااااوها ... كل مرة وشنو جابد ليهم ها روايح العيالااات ها الرجااال ها الاطفاااال ماخلاااا ما دااار ونوااع لي عندو حضرهم ليها .... وكااع المساعدين محااولين معاهاا خصوصا مني بااانت ليهم متوترة والبكية شاداهااا بسباب هااادشي بقااات فييهم ولكن بلااا جدوى ... المهدي تأسف منهم على الوقت ديالهم والعذاب لي سببوه ليهم وخدا ريحة ليه عجباااتووو وشكرهم على مجهوودهم ... رجعو للدار وهي متحسرة وبخيبة امل كبيرة كانت متوقعة غاتهنى من موضوع هاد الريحة وتلقاهااا ولكن للاسف وااالو ...

بدلااات عليهااا وكلسااات قدام المراايااا كاتسرح شعرهااا مدلية شناايفهاا تحت انظار مهدي .. تنهد وقرب لعندهااا حط يدو على كتااافهااا خاشي وجهوا فعنقهااا : مايبقاش فيك الحااال احبيبتي اكيد غانلقااوهااا والا ماشي اليوم غدا نمشيو عند محاال اخر المهم نتي ماتبقايش مقلقة ...

خنساء عينيهاا غرغرو : مكانعسش امهدي يلاااه كانغمض عيني كاتجيني لنيفي ... مقادراااش نتجاوزهااا والله ماعرفت ماندير ... وليت فحال الحمقة لي جا قدامي نبدا نشمشم فييه ونعاااود على امل راه ممكن نلقاها .... ( تأفأفات بعيااء ): مانكدبش عليك امهدي هادشي مرضني ...

المهدي بمواساة خدا من يدها المشطة كايسرح ليها شعرها بحنان : عارف احياتي عااارف ... وحاس بيك راااه مكانعسش ونتي كاتقلبي فالفراااش بلااااا ماتغمضي ... وماكرهتش نريحك ولكن هانتي كاتشوفي الله غالب ... لي فجهدي هو هاذااا ... ماعليك غير بالصبر وماتعيايش من دابا مزاال تابعك شهوور صعب من الوحم ...

خنساء ابتاسمات بخفوت حاطة يدها على كفو وطبعات قبلة خفيفة عليه : الله يخليك ليا ... ماديرش فبااالك ان شااء الله يدوز هادشي ونشدو ولدنا بين يدينااا ...ويوليو هاد الايام غير معاودة وضحك هههه

المهدي باس خدهاا : هاكااا نبغييك الباطرونة دياالي انا غانمشي نطل على القهوة راكي عارفة مكاين لي يقابلها دابا ... ومن بعد نجي باش نديك لرونديفو ديال الطبيبة يااك دايرة معاك وراا الغدا ...

خنساء بايجاب : وي ...

المهدي هز سوارتو : اوك بلاما تعدبي راسك فالغداا انا غانجيب معايا شي حاجة ... وندوز على سارة ونادية نطل عليهم يمكن غدا غايجيو ...

خنساء حركات راسها بايجااب وهو زاد من تمااا حتى سمعاتو خرج وسد الباب وهي تشد على رااسهااا عاااضة على شفايفهااا بفقصة : اويلي وشنو غانقولييه ... شنووو غانقولييه

ضرباااات على فخاااضهااااا نادبة : اويلي وعلى زهر عندك ابنت الساااااايب .... ومالقيتي علااااياااش توحمي غير على ريحتوووو ... اميمتي على السكوووعية ولمن عطااااهاااا الله ... اش غانقوليييه .... نقوووليه كانتوحم على ريحة صااااحبي لول ... وخااايبة حتى لمعااااودة ...( خرجات نفس بضيق ): يااااربي ومال هاد المكتوووب عندي ماااااالو ...

ضغطااات على سنااانها : وكي غادي ندير نفكهاااا داااابة كيفاااش .... ( شااافت فكرشهااا ): مالقيتيش شنوووو يعجبك ... اءء ... مااالك اولدي ماجاتك الكانة على بااااك على جدااااك على ريحة مووووك .... مااالقيتي علااااااااامن غير ريحة عبدو ....غييير هو اويلي حاااااااااي ...

دبلاااات عينيهاااا شاداااهااا البكية : وباش اناااا غانعرف سميت هاااد الريحة اميمتي ... ماعرفتو منين جااايبهااا ( ضربات جبهتها ): ايييه ومالكي نهاار كنتي معااه عمرك سولتيه علييهااا ... ولا حاادكة غير فحواايج خراا وريحتووو ماعاارفااش سميتهاااا ... وهااانتي داباااا طاااح وحمك عليهااا واااا خرااايهااااا ابنت الساااايب خرااايهاااا ... بفففففففففففف ... ولايني راه قالوهاا لولين الهم المنحوس, خليتو فدار با لقيتو فدار العروس.

ناضت من تماااا مفقووسة من نهاار عرفاتو هو مولااااهاااا وتفكرااات وهي غاتحماااق ماحيلتهااا لوحمها ماحيلتها لفضيحة ديال انهاا موحمة على ريحتووو وغاتهبل عليهااا ... حاسة بعقلهااا غايخرج باغااا تشمهاااا وفنفس الوقت ما حااملاااهاااش حيت ريحتو هو بضبط ... ماعرفاات منين تسلط عليهااا هاااادشي وكيفااش حتى ريحتووو فنيفهاااا مكاتفارقهااش تقوول كاضل تشمشم فييه وراااه حداااهااا على طووول ....

تعااشاات العشية وخنساااء ومهدي مشاو عند الطبيبة لرونديفو طمنوو على صحة الجنين وخرجهااا يتساارااااو وتبدل الجو بحكم مزااجهااا ولا متقلب وعلى سبة ... خرجوا من الموول تقضا ليهااا دااكشي بغاااات ... خنساااء دوراات فيه عينيهااا وهمااا كايتمشااااو وهزات حاجبهااا باستغرااب : المهدي ...

رد عليها : وي ؟؟

وقفاتو وسط الطريق كاتحنزز فيه بطريقة غريبة : شي حاجة مبدلة فيييك ...

المهدي دور عينو : كيفاااش مبدل مافهمتش ؟؟ ..

كاتشوف فوجهواا بتدقيق : واااش كبرتي لحية كتر ولا شنو ؟؟

المهدي : الله يهديك اخنساء غير البارح كنت عند الحلااق ودرت التحسينة لي موااالف عليهااا ... شنو لي مجاكش هو هاداااك ...

حركات راسهاا بنفي : لااااا لاااا انا متأكدة ماحسنش ليك كيف ديماااا شوف لحيتك كي باقاااا مغووفلة وحتى شعرك مجاااكش هو هادااااك ... ( بتبعصيص ): مجاااش معااك هاادشي غير سير عندو يعاود ليك ..

المهدي حرك راسو بلا حول عارف هرمونااتهااا تقلبو وحالهاا جاها علييه ولا اي حاجة كايديرهااا مكاتعجبهاااش ... ابتاسم مسايس معاها : واخا الالة غدا نرجع نعااود نحسن ... غير ارتاحي ...

خنسااء : اااه وحتى هاد الكلاااس بزاااف فاللباس حاول تنقص منوو ... خليه غير للخدمة كايبينك كبير ...

المهدي جاتو الضحكة ماعرفش اصلااا فين هو الرسمي لي لاااابس وحوايجو عااديين كيف الناااس : اييه واخاا امادام خنسااء امري ... باقي شي حاجة خراا ..

طلعاتو وهبطاتو : نووو الا بانتلي شي حاجة اخرى نقولهااا ليك ...

ضحك بلااا حول وزاد جاارهاااا للوطو هاز الهم لهااد شهورة ديال الوحم كيفااش غايدوزو علييه ... ركبو وداز خدا ليهاااا السوندويتش لي كاتبغي عارفها غاتفيق فنصاصة ليل تبغييه ولا كايخلي السوكور معاااه ... واتاجهوا للدار وقفوااا بالطوموبيل ونزلااات خنساااء ساابقااه داخلة يلاااه غايهبط وهو يصوني ليه التلفون ... شاف نمرة ملااااك ودور عينو جهة الباب تأكد ان خنساااء دخلاااات وجاوب : وي ملاااك ...

ملاااك كادمع وتخصص بالبحووط : مهدي هء هء ... مهدي ...

المهدي هز حاجبو : ماالكي ... لاش كاتبكي !!....

ملاااك : عاافااك امهدي لااماا عتقني بشي بومااض لحرييق فوجهي قاااتلني وهادي لي عندي مااقضاات لياا والو ... ماعرفت لمن نعيط وجيتي فبااالي ... عاافااك غير سمح ليا عااارفة رااسي صدعتك ...

المهدي بايجااب: نووو مكاين حتى صدااااع .. نتي فدار ياااك ...

ملاااك : وفين عندي نمشي وانااا كانقوليك كانموت بالحريييق ...

المهدي شاف ساعة قريبة التسعود : اييه صاافي واخاا غاندوز للفارماسي نشوف ليك شي كالمووون ونجيبو ليك .... على الله غير نلقاه باقي حال

ملاااك ابتاسماات جنب : واخا امهدي غانتسناك شكراا ...

قطع عليهاا وديمارا الطوموبيل زايد من تما بلااماا يتسوق متاجه لاقرب فارماسي ...

ملااك وسعاات ابتساامتهااا دايرة خصلات شعرهاا وراا ودنهااا ناطقة بتوعد : الا نتي اخنساء عند بالك راااك حاسبتيني بهاادشي رااك غاالطة بالعكس نتي غير سهلتي عليااا الطريق باااش سيدك مهدي يبقى يجي كل نهار لعندي يطل علياااا .... هههههههه هاد المرة انا لي غادي نوريك لعب كيف داااير ... والخطة لي درتي غاتقليب عليك وطيحي فحفرتك ابنت السايب

رانيا خرجات من لمحاال معطلة شوية بليل...بقات كاتجمع فروينة بوحدهاا عتيقة مشات بكري لدار حساات براسهاا عيانة...كانت غادة دايرة يديهاا فجيبهاا مع الدورة لي غادور وهو يباان ليهاا منير مسند على لحيط فراس الدرب مربع يديه بحالا كاان كاايتسناا فيهااا...شافت فيه وعقداتهم فتسعين....يلاه كانت غاتقلب الدورة محملاش دوز من حدااه...شوية

وهيا تنطق مخاطبة نفسهاا بتقة: مال الطريق تاع باه حتااا يقطعهاا عليااا واحد حمااار بحاالو؟!والله لاكانت لييه...نكمل طريقي لدارنا وخنافري لسما..

هزات على كتفهاا بعزم وكملات على طريقهاا حادرة على راسهاا يديها فجيوبهاا...يلاه داازت من حداه وهو يشدهاا من درااعهاا جارها لعندو...

منير:وقفي... وقفي ...غير ندوي معااك...

رانيا نترااات دراعهاا من يديه بعصيبة:طلق مني ابناااادم

عااود شد فيهاا مقربهاا لحيط:غير ندوي معااك غير اانشرحك ليييك مغاانعطلكش...

رانيا دفعااتو بجهد شااعلة:وبسع منيي اشبني وبينك حتاا تشرح ليااا،ولا تدوي معايا....تفرق عليااا وعطينيي بتيسااع هاالعاار...

منير:واا والله حتاااا رااني ندمت تيقي بيااا...بربي حتااا ندمت....

ردت عليه مرفعة صوتهاا:واناااا مالي ندم ولا ݣعد انااا سوقي فييك...واااا سير عند هااديك لي خليتني على قبلهااا وقوليهاا هااد لهضرة ماالك جااي داباا بااغي تفرع لياا بيهاا مخي...

منير:هاااديك نساايهااا ماابقاااش تفااارقت انااا وياهااا وكل واحد شد طريق..اناا منصلاحش ليهاا وهيااا ماتصلاحش ليااا...

رانيااا ضحكات بستهزاؤ: ههه وعلى سلامتك...بصحة نوض تشلل اولد ميمتو ...هيااا سااستك وصيفطااتك... هههه وااا مبروك عليك...(جمعاات ضحكتهاا وخنزرات فيه)شنوو انااا رويضة سكوور...غاملي كانت لأمور سمينة على عسيلة رااك مشيتي...بان ليك لبلان مامسلكش ونتااا تقلب تاني الدورة لعندي...(خسرات فيه الشوفة بستفزااز)والله مكاتمرݣ...تفوو هاااز من الرجلة غاا سمية....

منير برجاء زاد قرب لعندهاا ونطق مرفع صوتو:اييه اناا غلطت ملي خليتك..غلطت حيت مشيت عند وحدة متستاهلنيش وتفرقت عليك...ودابا جااي نصلح غلطي ولي طلبتيه مني نديرو غير ترجعي ليااا(كمل مخفض صوتو)مكااينش بحاالك ارانياا فهاد الدنياا كاملة..وخا ندورها بطول وبلعرض مغانلقاش بحالك....صافي نسااي عفااك ....هااديك ماصدقااتش ومايمكنش نكمل حياتي مع وحدة بحاالهااا...صافي تفارقنااا وكل غازي قصد بلدو...

قطعااتو بحدة:واناااا مااالي لاااش كااتعاود ليااا هاااد لهضرة...كاتسنااني نسفق ونقز بلفرحة ونرجع ليك....وااافيق اشرييف فيييييق راااك كاتحلم بنهاار وشمس طالعة....سوقك هدااك بقاا معاهاا ولا تفارقو وااا جااايحة لكحلة ضربكم بجوووج مكاايهمنييش...

رد عليها بتوسل شديد:عفاااك ارانيااا لميمة اما نسااي لي فاات وخليناا نبدااو صفحة جديدة..

جوبااتو بلغواات ضاغطة على هضرتها بشدة مجعرهاا:وسييير بعد منييي...

تنهد و ركز فيهاا شوفة ونطق بإلحاح:انااا هااديك خيتي ندمت على نهاار لي عرفتهاا فيه...ندمت على دقيقة لي خليتك فيهاا ومشيت لعندهااا...مريضة مامربيااش كايسحاب ليهاا معرفت شنو وبغاات تسيطر علياا صحة...عدريني الى غلطت وسمحي ليااا عفاااك...

رانيا:وعبرااااات عليك اناا بغيتهااا تشدك تقطعك طراااف و دير ليك كتر...حيت دااك النوع هو لي كاايعجبكم نتوماا...اماا لبنت لي كاتكون صابرة معاكم ودرويشة حانياا الراس لي قلتوها ليهاا تقوليكم واخاا كادوزوهااا عليهاا...كتاخدوهاا لحم وتلوحوها عضم....(زادت غادة ناهضة فيه)وداباااا خليني نمشي فحااالي... مامسالياش لهضرتك لخااوية

منير حبسهاا:واا غااصبري وخليني غير ندوي معاااك ونشرح ليك عطيني غا دقيقه من وقتك وسمعيني...

رااانياا:وتاااا بسع مني خوي طريق خلينيي نمشي وااش بااغيني ندير صبااعي فودني ونغووت...تفررررررق منيييي...

بااقة كاتجااحد هيا ويااه حالف مايخليهاا تمشي لداارهم... حتااا كاان داايز سيمووو يلاه جاا من لمحال...شافهم فداك لحال ومنير شاااد فيهاا وهياا كاتنتر منو باينة الوضع مشحون بيناتهم وباينة فيهم كايتناااݣرو...هز حاجبو وقرب لعندهم...

قشعااتو رانيااا جاي وهياا توسع نضراتهاا...وقف حدااهم ونطق كايشوف فمنير بملامح جامدة:رانيااا يااك لابااس...

رانياا بتسمات بشر فخااطرهااا...منير شااف فيه وخنزر يلاه كاان غايدوي... وهيااا تقرب جيهت سيمو بزربة

ناطقة وهيا حاطة يديهاا على دراعو :لا لا ماتصدعش رااسك ماوقع واالو أحبيبي....

سيمو تصدم محااول يستوعب هضرتهاا وكلمتهاا الأخيرة كتعاود فمساميعو غير هياا...ومنير بحالا صرفقتيه فديك اللحضة تبلووكاا وخرج عينيه متيقش شنو سمع ...تواني صمت عمة المكان...رانياا عضات على جنب شفايفهاا وهياا مركزة عليهم النضر بجوج وكيفااش كايشوفو فيهاا فخطرة وحدة كل واحد مصدوم كتر من لاخر...

نطق السيمو بصوت خافت مسامعاه غير هيااا...باقي دااهش:ن..نعاام

قلبهاا ضرب بجهد دغيااا جرااتو وتماات غادة خاايفة لا يفرشهاا قداامو عارفاه الى ضرباتو لفيقة يديرهاا ويحطهاا بوجهااا...منير بقا واقف كايشوف فيهم غاديين وحرقة شديدة شداتو من لدااخل...تحسر وندم على دقيقة لي فكر يبعد عليهاا ويمشي عند وحدة اخرى...مزال مقدرش يدخل لدماغو بلي بهاد الزربة قدرات تربط علاقة جديدة وتنسااه عليهاا بخطرة....

رنيااا بقات جارة سيمو كادعي الله فخاطرهاا مايهضرش....مع الدورة لي غاايدور وهو يتفك منهاا...

كاينطق موسع نضراتو بندهاش غير مسبوق:تيي..كيفاااش حبيبي؟!!اشهااد تخربيق كاتقولي فييه؟؟

رانيا تنهدات عرفات راسهاا زبلاتهاا معاها واجا مايفاهمو بلي باغا غي تقلي السم لمنير:انا غانشرح ليك غير صبر...

سيمو:معلوووم غاتشرحي ليااا...وتفهميني فوقاااش تحابينا انا ويااك بلا خباااار لقايد...

رانيا سااطت :اوووف مالك دابا باغي تشعل ماالك؟!!هاحنااا غانشرحو ليك...صبر وعطيني ودنك

سيمو:واازعمااا تخراج لعينين جميلنااا فيه كاتعطيع قتلة مايتقاد معاك حد فيه....يلاااه شرحي هانا كانسمع...ومااتقوليش لياا غاتزلقات ليااا مقصدتش...حيت مااايمكنش

ردت عليه بنفي: لا اناا قصدت نݣولهاا...ماتزلقاات لياا ما واالو....(كملات بتفسير محاولة تسايس معاه مبغاش تقوليه على علاقتهاا بمنير)نتا دابااا عتاابر راسك بحالا درتي خير فختك وعاونتيهااا...

سيموو قاطعهاا:معااانديش ختي اصلااا لي نديير فيهاا لخير...اناا مزيوود غاابوحدي معندي لا ختي لا خوياا...

رانيا مرفعة صوتهاا عصبهااا:وعباااااد الله غاانغوت حتااا نفيق لي ناااعسين.... خليني غير نكمل هضرتييي واااش ماتقدرش...بلا ماتندمنااا هاالعاار ...(سكتاات معوجة شفايفهاا لجنب كاتهضر بشوية)وخاااا باين ليااا غاتلبسني الندامة من الراسي حتا لرجلي ملي فكرت نديرهااا مع واحد زايدة فيه ضلعة بحاالك...

سيمو بإجاز:ايييه ايييه سمعتك...تلبسك الندامة ولا تلبسيهاا سوقك هدااك...وبصحتي الى كاانت مزيودة فييااا ضلعة...داباااا طلقينااا دوي راك معطلااني كايسناوني لعشااا...

زيراات رانياا على يديها مقدرااش تعطيه خو جواابي ومخليااه يتبورد عليهااا بلاا ماتوقفو حيت فأخر المطاف هياا لي عطاتو لحق...

نطقاات بهدوء:هداااك بناادم لي لقيتيه واقف عليااا..مصدعني بلمزياان بااغي يتصاحب معايا بزز واناا مبغاااش...درت معااه كلشي بااش يتفرق علياا ويخليني عليه ووالو...ديمااا كايتلاقا لياا ديمااا قاطع علياا الطريق وموقفني....وملي نتااا جيتي ليووم قلت هكااك بااش نصدرو علياا ويعرفني بلي ماشي ليه...هاادشي لي كااين...

سيمو سكت تواني ونطق هااز حاجبو:وبسلاامة تقدااو ݣااع لحلول...مالقيتي غير هاد لهضرة تحلي بيهاا لمشكل...وماالك مقلتيش لياا شنو كااين ملي وقفت عليك كنت غاندوي معااه وميبقاااش غاايدور بسااحتك...بلاااا هاد لعب لبرااهش لي درتي...

رانياا خرجات فيه عينيها لحد:كيفاااش لعب لبرااهش!!!دابااا بنت ليك انا برهوشة؟؟؟

سيمو: ولعفووو معاااك... هضرتي كاملة وشوفي اشهزيتي منهااا تااني...ورااه بصح هاادااا راااه لعب لبرااهش...عطااا الله بااش تسلكي معااه القضية وتخليه يبسع منك مااشي هاادشي لي درتي...(سكت تواني حك على لحيتو وقال بتاسم بجنب)معادا الى كنتي..أحم بصح..اءءء(قطع هضرتو ممكملهااش ملي شااف ملاميحهاا تغيرو لدهشة موسعة نضراتها فيه)

رانيا:شكااتقصد؟؟؟

سيمو بعجرفة زائدة:اوي شكوون عرف...تكووني بصح طالبة عليهااا...ودايراهاا فبالك ودابا بردتي على رااسك بيهااا....

رانيا بلعاات ريقهاا بدهشة من شنو قاليهاا...ندمهاا على تانية لي فكراات تقوليه فيهاا "احبيبي"...

ردت عليه كاتحرك يديهاا فلهواا:ابسم الله علييك اسي رجووع الله .. كيفااش طاالبة عليهاا وكانبرد على رااسي...منيتك؟؟!

سيمو: وااشنو ؟؟! تقدري تكوني بصح مزعوطة فيااا..وكون مكنتش محرك فيك شي نغزة مغاتقوليهااش...ولا زعماا نتوما لبنات عزيز عليكم التعفاار...غير عتاارفي(غمزهاا وكمل)كيف كايقولو...يخ منو وعيني فيه ومقديت نوصل لييه...

رانيا حلقهااا نشف ومبقااات عارفة ماتقول...ولاا بااش تبرر لييه... تزنݣااات ورجعة حمرة...صهدة طالعة معاها....

نطقاات بخفوت كاضحك بصدمة:هه لا لا مغانجاوبكش...

سيمو بتقة معلي راسو لسماا:ورااه بصح ا انسة مغاتجوبينيش... حيت معندك بااش تجااوبي اصلااا...مااشي مشكل كلناا كانوقعووو فديك لقضية تااع إعجاب من طرف واااحد كانطيحوو فيه بلا هوانااا ومن اول نضرة كاايشدناا لحااال علييه...ونبصم عليهااا وبلا شك هاادشي لي وااقع لييك...احم..معايا...

رانيااا ماابقاااش قاادرة تصبر على هضرتو حاسة كايستفزهااا بلعلالي ويقلل من كبريائهاا...معمر شي حد وصل معاها لهاد نيڤوو...

رداات عليه بحدة:اشريييف اشرييف حدك تم شتك تيقتي راااسك...مااتحلش راااه غييير....

وقفهااا بنفس النبرة كايتعالى عليها:ممم زعمااا دااكشي كاامل تمتيل بااغاا تقنعيني صحة...وزعماا كون مشيتي شتي شي مخرج وعرضتي عليك موهبتك وكيفااش كاتعرفي تمتلي على لبشاار وطنزي عليه..بربي حتااا غاايعطيك لبطوولة من دقة لولة وبلا مايدوز ليك لكااستينݣ...انااا جيتيني كاتهضري بصح وعارفه شكااتقولي...

يلااه كاانت غاتدوي وتحتج على هضرتوو لي جااتهاا بحاال السم داخلة ليهاا بين لعضاام نااادمة بلمزياان على شنوو قالت....

وهو ينطق بصرااامة:تحركي حسبي لخطواات لداااركم...يلااااه

راانياا بلغواات:شتك بااارك كااتنهض فياااا...رااك وااقلة زدتي فييه وبزاااف ݣاااع...حتاااارم رااسك

سيمو ضحك بستهزاء: ياك انا حبيبك على حساب هضرتك....ومن حقي نهض فيييك....(طلعهاا ونزلهاا وزاد بتاسم بجنب )ههه قالت ليك حبيبي...بففف اوى من عندي الله يعطيك عقل...

ميق فيهااا وزااد فحاالو مكمل على طريقو داير يديه فجيبو...مخلي رانيااا موراه كاتغلي... عضاات على شفايفهاا مغددة وضربات رجليهاا مع لأرض بعصبية...

محسااتش حتااا قرصاات قنانفهااا لااوياااهاا بجهد:هااااااك أفمييي وتستاااااهل....اويلييي تكلخت جيييت حتى لرحبة فليو وبغيت نعطس...(ضربات خدهاا) اويلييي و مااالقيتيي غااهاادااا...شحاال وهو شاانت وناافخ ريشووو عليييك لهوااا بزز بااش كايدخلو ...وداباا بهااد تطنيݣة لي عطااك الله زدتي حليتيهااا ليه بلمعقووول....وشوووفي كييف تفكيهااا معاااه..ودوقي من لمسݣي دابااا....

ساااطت بغضب وكملااات طريقهااا لداارهم كااتسب فرااسهااا ناااادمة على كدبتهااا بلمزياان معمرهااا تحطااات فموقف بحال هداا بلمرة....

المهدي دق فالبااب ديال ملااك هاز فيدو الدوا لي جاب معااه ... ملااك بالخف اتاجهات للباب حلاات ووسعات ابتسامتها بترحيب : اهلا مهدي على سلامة ...

المهدي : الله يسلمك ... كيف بقيتي شوية ؟؟؟

ملاك بايجاب : صافا واخا الحريق ولكن الصبر ... اءء زيد دخل ماتبقاش فالبااب ... لقيتيني عاد صايبت عصير ... زيد تفضل

المهدي تقدم بخطوات داخل وهي وراااه عاضة على قنوفتها غاطير بالفرحة حاسة براسهاا فراااشة فوق الارض ... تقدمو للصالون لقاها حاطة عصير فوق الطبلة وبعض الفواكه الجافة ... مد ليها الدوا : هاد البوماض غاتخفف عليك الحريق شوية ... اه وحسن تعاودي تشوفي الطبيب باش مايتعفنوش ليك الجرحات ...

ملاك ضحكات لاهتمامو ناشطة : راه مشيت غير كون هاني ... وقالي مع الوقت والدوااا نولي مزيااان ... فصرااحة انا حشمت منك حيت جبتك فهاد الوقت ... ولكن فغيمون ديك الساعة حسيت بواحد الحريق انكخوايابل ....

المهدي : جو سي رااه خلعتيني مني كنتي كاتهضري وتبكي ... مي الحمد لله كاتباني دابا صافا ...

عضات على قنوفتها كاترمش ببراءة مادة ليه العصير : وي الحمد لله ميغسي بزااف امهدي ... لهلا يخطيك ...

المهدي خداه من عندها : الله اودي مابيناتناش ...

كلسو كايرشفوا من العصير وهو ينطق بتساءل : ماماك باقا فالرباط ...

ملاك : وي باقا مكاين لي يقابلها هنااا وانا خدامة داكشي علاش كايعجبها تبقى تمااا ...

المهدي : ولكن غاتبقاي بوحدك هنا ونتي عيانة ...

ملاك : مكاين لاش نشطنها معاياا بهادشي وهي مريضة راك عارفها

المهدي : وي مي فصراحة راسي غايبقى مشطون معااك ... كون غير جات عندك شي صاحبتك على الاقل بينما وليتي شوية تكلس معاك هاد لابيغيود ....

ملااك عاجبها الحال : اودي هاد السااعة مكاين فيمن تيق ... لاهمااا بلاااش وانا مولفة بوحدي ماشي شي حاجة جديدة ... ( شافت فيه بنظرات حنينة ): مي الا بقيتي مشطون تقدر تبقى تجي طل عليا مرة مرة مرحبا بيك هههه ... وغانفرح بمجيتك

المهدي ابتااسم : ضروري غااانجي نشووفك نطمن عليك ... والا خصاتك شي حاجة غير قوليها ليا ..

تنهدات وحطاات يدها على كتفو بشكر : لهلا يخطييك ...

المهدي شاف فيها وعينو تلاقااات مع عينيهااا ويدها فوق كتفو ... ماحسش براسو حتى سهااا فيها وفتفاصيلها معن النظر فوجهااا وهو فاااهي مقاادرش يحيد عليها العين ... ملامحهاا متيرة وجدااابة اول مرة يركز مزيان فوجهها وبطريقة غير لي قبل شي حاجة اتيراتو فيها بلاما يستعقل ...

ملاك حسات بنظراااتووو وعرفات راسهاا طيحاتو فالشبكة خصوصاا كيفاش سهاا فيهاااا ... دارت ليه ابتسامة عذباااء خلااتووو يبادلهااا بضحكة بلاااامااا يشعر ...

هزات حاجبهااا بلعاني مفيقاه ونطقات : انا على ما بان ليا مشاا لحال خاصك تمشي اولاا ؟؟ ...

المهدي عاد وعا على راسو وشاف فساعة لقاها 11 قريبة مخرج عينو : اءء ويي بصح .... تعطلت نيت ...

وقف متوتر حاس براسو ماساخيش ولا ماعرفت شنو شعور غريب انتابو وحس بيه وماعرفش علاش ولا كيفاااش ... تنهد محاول يستاعد الشيطان وزاد وهي وراااه موصلاااه للباب مبتااسمة وباغا تخليه مايشبعش من الكلسة معاها باش فكل مرة يتشوق يشوفهااا ....

المهدي : نخليك تهلاي فراسك ...

بلطافة زايدة : حتى نتا تهلا فراسك وماتغبرش ...

المهدي حرك راسو بايجاااب وزااد من تماا هابط ركب فلوطو ديالو وكسيرااا متاجه للدار ....

ملااك تكاات على الباااب كاتفرنس وعينيها كايلمعوا بالفرحة اكيد وعلاش لا وهي كاتسنى حياتها كلها فهاد النهااار بالنسبة ليها المهدي هدف وباغا توصل ليه باشما كان وبكاع الطرق ... مهامهااش كيفاااش المهم عندها هو يكون ديااالهااا ولو مزوج او اب ماعندها غرض ... حاسة براسهاا قربااات لواحد النقطة كانت كاتشوفهااا بعيدة ... شي حاجة كااانت مشتاقة ليهاا وكاتعتابرهاا من المستحيللااات قريبة تحقق ... خرجات النفس بعمق ناطقة بتوعد : مابقااش بزااف امهدي وغااتولي بين يدي ودياااالي ههههههه ... وهاذااا وعد مني بربي مانتفاااك معاااك ...

المهدي دخل للدار كانت خنسااء فالصالون كالسة كاتفرج وتسنى فيه .... شافت فيه ونطقاات متسائلة : فين مشيتي خليتك ورايااا طليت لقيتك طرتي ...

المهدي دور عينو وكلس : مشيت غير قضيت واحد الغرض وصافي ياكمااا تعطلت علييك ...

خنساء بهدوء : لا غير مني ماعلمتينيش تشطنت .... راااه الدوش سخون الا بغيتي تحيد العياا ...

المهدي : اوك نيت عرقااان ... تعشيتي ولا باقي ؟؟ ...

خنساء : لا كنت كانتسناااك ... نسخن غير داكشي لي جبنا معاانا ...

المهدي : واخا احبيبتي انا شوية ونهبط ....

طلع يدوش عليه وخنساء ناضت كاتوجد داكشي لي جابو ودارت عصير خفيف يشربووه مع العشااا ... دقاائق حتى هبط مهدي لابس سيرفيط سخونة على البرد وكلس كايتعشا هو وياهاا فهدووء وهي شادة على تليفونهااا مكونسوطريااا معاااه كاتنقب من الطبسيل مامركزاااش مع الماكلة ...

المهدي كان كيااكل وهو يهز عينو طول فيهااا الشووفة هاز على حاجبو كايشوف فيهااا كيفاش كاتبتاسم مع التلفون والضحك بطريقة غريبة ... بالزربة طلعااات ليه السخونية للراااس وقرم حجبااانووو داخلو الشك انها كاتدوي مع شي حد عليهااا كاتبسم وتفرنس ... طريقة شوفاتها فالتلفون وضحكتها العذباااء معاااه نواااتو وجاتو ماشي هي هاديك بالمرة لدرجة محاساش بيه اصلا واش حداهااا وماواعياش لوجودو ...

ماحساتش بيه حتى نااض وطير ليها التلفون من يدهااا مقفزهاا بصووتوو كي الرعد : معااامن كالسة كاتراسلي لياا فهاد الليل وتفرنسي مشركة فمك ...

خنساء هزات فيه عينيها : كيفاااااش ؟؟؟ ...

المهدي بنهضة : كيف سمعتي .... ( خنزر فيهااا وشاف جهة التلفون ... بشوية بشوية تخنزيرتو تلاشااات وهو كايشوف كانت كاتفرج فتصاور عرسهم بجوج وشهر العسل ديالهم )...

بلع على ريقو عرف راسو عورهاا ودار عندها : خنساا....

قاطعااتو بتحدير مخنزرة : وااايااااك واااياااك تدوي ..... شنو عند بااالك انااااا ... اش هاااد لمرض واش حنا مغانساليوش من هاد التخااارف دياااالك ولاا كيفااااااش ...

المهدي بتفسير: راااه ...

ماخلاتوش يكمل موقفااه بنبرة عالية موجهة صبعها قبالتو : شتي بربي حتى نهااااار نهااار كاتزيد تأكد ليا ان هاد المهدي لي فالتصااور ابدا ماشي هو هاذا لي قداامي ( بعتااب ): زعمااا راني مرااااتك وحاملة بولدك شنووو بااغي كتر ماااااااا فهمتش ...

المهدي حنا على راسو : عارف احبيبتي غير مع كنت باغي نكلس معااك ونتي مامركزاش معاايااا تعصبت ...

خنساء بنظرات حصرة : الله يهديك امهدي .... والله يشوف من حااالك وحاالتي حيت هادشي راه مكايعجبش بالمرة ... وموحااااااال واش كايخرج على خير

خنزراات فيه وطيرات ليه ااتلفون من يدو طالعة ليهااا القردة للراس واتاجهات لبيتهااااا رادخاااه عليهاا بانفعاااال ...

المهدي كلس شاد على راسو : بربي مكانعرف نتصرف ... عععععهع موصيبة هااادي ...

صاط بنفور عارف راسو قفرهاا معاها تاني واجااا مابردهاا من جهتو والا بقاا غادي على نفس الحاال غاتعاود دير ليه فحال اخر مرة وطج وتخليه خصوصااا وهي دابا واحلة فروحهااا ... تنهد معارفش اصلا علاش كايتصرف هاكاا .. مكايشعر بانفعالاتو حتى كايطرا لي طراااا ويوقع لي وقع ... حرك راسو بلا حول وناض يجمع داكشي لي تمااا عاد يطلع عندها ...

صبح صبااح جديد... خنساء كانت جاية عند دارهم تشوفهم توحشاتهم ودوز معاهم نهاار دايرة مع مهدي يدوز ليهااا ملي يسالي لخدمة...وقفهاا الطاكسي ونزلات كملات على رجليهاا لخطااوي لقلال لي بقااو ليهااا باش توصل....يلاه غادور على دربهم وهو يبان ليهاا عبدو وااقف مع مو وهياا تحبس لمشي واقفة فبلاصتهاا...كاتسنا فيهم حتا يمشيو عاد تكمل طريقهاا مباغاش دوز من حداهم....

نطقاات حياة كاتقاد لعبدو لكاشكول على عنقو:صاافي اوليدي الله يرضي عليك ياك مغاتعطلش...

عبدو:ومعندي كيف ندير راني بايت ليوما عند السيمو مجااتش نخوي بييه...

حيااة:لاااا نتااا ليوم غااتجي لدااركم(بتحدير ) وياااك يقولك راسك تباات......وغااتجي بكري بااش تشوف خالتك وبنتهاا وتݣلس شوية معاهم....صاافي

عبدو:واش بغيتني الوليدة؟!!وااا نتعطل ولا نجي بكري ولا مانجيش ݣااع اشفيهااا؟!يجيو مرحبا بيهم مالني هاز الدار على كتافي وغادي بيهاا؟

حياة كاتمسح ليه على كتفو بتحزاار:لواه لوااه...خالتك وبنتهاا جايين عندناا خاصك تݣلس معااهم..وتهضر وتعطيهم وقتهم ودير معاهم الصواب...حشومة تجي متلقاهمش..وهماا غير غايتعشاو ويمشيو مغايباتو ݣااع...

عبدوو خرج نفسو بنفااد صبر...عاارف لااش كاتخطط ولااش بغاا توصل...من صباح وهياا كادور عليه باغاه يجي بااش تلاقيه مع بنت خاالتو محاولة تقربهم...

نطق بنزعااج:وا الله يهديك...وااش بنت خالتي عااد غانشوفهاا...راه كابرة معاياا... وحياتي كاملة وهياا قدامي (يلاه غاتدوي وقاطعهاا)شوفي الوليدة نعااود نقولهاا ليك...انااا مااباغي زوااج هااد الساعة... مكانفكر فزوااج...ماعندي ماندير بشي هم...(تحنى على يدهاا بايسهاا)غااعفيني اميمتي الله يخليك ليااا...

حيااه غوبشاات فيه:يااااك داباا بااغي تفقصني..كادير هاادشي بلعااني بااغي طرطق فيا شي عرق...

عبدو حط يديهاا بجوج على كتافهاا كايسايس معاهاا:وراك دابا باغا غير تفقصي راسك برااسك...رااه نهاار لي غاايكتااب غاانتزوج بلاا ماتبقااي كل مرى تلاقيني بوحدة...مكااين لااش...

ردت عليه بعصبية ضارباه لكتفو:هضرتك حفضتهااا كل مرة كاتقولهاا ليااا...بقااا تسكتني بيهاا بقااا...(دفعااتو رادة لباب باغة تسدو)وسير سير حتااا وكاان يهديك الله..وخاا باين لياا مغادير ولادك حتاا نمووت...

عبدو:بطولت عمرك اميمتي...

خرجات نفسهااا بنزعااج ودخلاات ساادة الباب عليه طالعة ليهاا لقردة...عبدو تنهد وشااف جيهت السيمو لي كان واقف فراس الدرب شاد التيل كايتسنااه باش يمشيو...مع الدورة لي غايدور عقلو مرفوع مقادرش يدير لخاطر لمو ويلبي ليهاا رغبتهاا وهدشي فحد داتو ممرضو ومخليه كايتحسر فكل مرة كاتجبد معااه الزواج ونهار على نهاار صبرهاا كايقلال...لدرجة كايكونو هاانين حتاا كايجبدو لموضوع ولا تبدا تلمح ليه على شي بنت كاينوض بيناتهم الصداع وتاخد منو موقف وتفݣع علييه...تماا غاادي ومحسش حتاا طااح ليه لكاشكول لي لابس فلأرض...

دااز مكمل طريقووو وخلااه طايح مراضش ليه لباال نهاائياا عقلو غايب كايفكر غاادي فتجاه سيمو....خنساء عينيها دغياا طاحو على لكاشكول لمرمي....بدون شعور جروهاا رجليهاا بلا هواهاا ومشاات بخطوات سريعة كاتسلت هزااتو....مكمشااه فيديهاا بجوج...وقربااتو لجيهت نيفهااا كااتشم فيييه بصوت مسمووع بشكل معمق بحالا كاضروݣااا...مغمضة عينيهااا كأنهاا كاانت عطشااانة تحت شمس حارة وعطاهاا شي حد تشررب...مقدراااش تحيدو من على وجهااا ابدا...سيمو مع لهزة لي غايهز رااسو وهو يقشعهااا هازااه...طلع حااجبو وسع نضراتو بعدم تصديييق....

سيمو مع لهزة لي غايهز رااسو وهو يقشعهااا هازااه...طلع حااجبو وسع نضراتو بعدم تصديييق...كاايشوف فيهاا ويحقق بلي بصح هياا خنساء وهازة لكاشكول تاع عبدو وعينيه مامكدبينوش...

عبدو غير وصل لعندو (كان عاطيهاا بضهر مشاف والو) نطق بزعفة غادي كايتمشى :لحاصول نهاار باين من صباحو...يلاه اسيموو راه تعطلنااا...

سيموو داار لعندوو ونطق بنبرة سريعة غاادي تاابعو:بلاااتي اصحبي بلااتي...تسنااا

خنساء دغياا ستعقلاات وضرباتهاا لفيقة...بلعاات ريقهاا وهياا كاتشوف جيهتهم غاادين يسحاب ليهاا مشافهاا حد...بزربة كمشات هداك لكاشكول خاشياه فصكهاا وقلبات الدورة لدارهم بخطوات سريعة كاتشبه لجري...

سيمو غاادي تاابع عبدوو وهو حاالف مايوقف ليه غاادي منيرڤي:واااعبدوو تسنااا وقف رااك سخفتيني....

عبدو وقف شاف فيه مخنزر:ماافيااا لي يهضر والله لعضييم...مورالي بحال زفت...زيد وسكت وطلب الله مانتشادش ليك مع شي كليااان ليوم...

سيمو:وتاا كون تشووف شنوو شفت تص...

قااطعو غااادي بزربة كاينݣر فطريق:معندي خااطر دااباا نسمع لواالو...لحناانة نكدااتهاا علياا تااني...معرفت امتااا غاانتهنااا من هاد لموال تزوااج لي ولا مشكلني فحياااتي...

سيمو محااول يخلق فرصة باش يهضر ويخليه يسمعو:تااا اصحبي وااش مبااغيش تسكت...خليني غااندوي واغااا....

عااود قااطعو:من بعد اسيموو من بع(سكت ووقف حابس لمشي عاقد حجبانو بعدم فهم..حااس بشي حاجة ناقصاه...عااد رد ليهاا لباال...حط يديه على عنقووو ونطق بنرفزة) تفووو طااح لياا لكااشكول فطريق وݣااعمة رضيت ليه لباال...شتي بااش تعرف لعقل غاايب...

سيمو:هاااا....(خداا نفس معمق وهو كاينهج مسخفو عااد كمل كاايفسر ليه)رااه هاادشي لي بغييت نشرح ليك من الصباح ونتااا غاادي مبااغي ݣااع تسمع...انااا رااه شتك ملي طيحتيه

عبدو سكت تواني كايشوف فيه بتعجب ونطق :سيمو وااش فااطر بحليب خااسر على الصبااح ولا شنوو...رااك بنتي ليااا مهوااش...يااكماا السخاانة طلعاات فنعااس...تااا شتييه اصحبي طاايح ومااقديتيش تهزوو؟؟!

سيموو:ورااه بسيف مانهزوش....وانااا كاانشووف فحبيبت لقلب لقديمة طاارت علييه بزربة هزاااه...خايفاه لا يدير الجنحين ويتبعك هههه

عبدو خرج فيه عينيه رمش بتتاقل حال فمو قبل ماينطق وهو كايضحك بستهزاء:ههه شنوووو...حبيبت لقلب لقديمة؟؟!...لاواااه جنية لي هزااتو...واااش عااارف رااسك شكااتقوول؟؟!

سيموو: وااا بربي المعبووود حتااا شفتهااا...غير طااح ليك جاات لييه هزاااتو بيديهاا بجووج...وكاتشم فييه..ومغمضة عينيهااا أساااط...تاارااه لحماااق...

عبدوو بصدمة :تااا ششتاتݣووول؟؟؟

جااوبو بتأكيد:ويييه بحالا شتيهاااا بعينيك...(كمل بطنز)صااافي بااينة شي دقة السحوور جاية فطريق غااتلاقاا ليك وتجمعهاا معاك لݣفة...هههه بقيتي فيا اصحبي وغااتمشي فيها بين الرجلين ونتااا بااقي ماشتي ماتشوفتي...

عبدو خسر فيه ملاميحو بنزعااج:هاالعاار اما خلي ضحكك لحاامض عندك معندي ݣاانة لييه...

سيمو خنزر فيه:داباا مبااغيش تيقني...بنت ليك انا فااضي خلاوهاا المصريين معندي مايدار غانضحك معاك فحاجة بحال هاادي....وبربي ياخوياا حتاا هياا لي هزاات لكاشكول...

عبدوو صغر فيه أنضارو للحضات...فعلا هو مامولفش لكدوب فيه وهو عارفو عندو غاا نيشااان...

نطق وهو شاارد بتفكيرو مامتيقش:اءء؟؟!ولكن علااش خدااتو...اشنو بغات دير بيه؟؟...واايلي خنساء هزااات لكااشكول دياالي...لااااا ماايمكنش...

سيمو:هزاااتو ودااتو نيشاان لنيفهاا خاشيااه فيه كااتشم...

وسع فيه نضرااتو ونطق بإجااز:كااتشم ݣاااااااع...

جااوبو بإجااب:وااايه هازاه وكااتشم...وتشمشم(كمل كايضحك حتاا صغارو عينيه)هههه والله يعفووو....

عبدو بعصبية:ل*رى دوي معاانا مقاد ونتااا عااطيهاا غالضحك...عاجبك لحاال...راااه هاادشي لي كاتقول فيه مقادرش نستوعبووو....(حك على جبهتو حااير)هاادشي فشكل تخربقت والله .. تاا كيفااش خنساء دير هاكاا...ولعجب هادااا...

سيمو:هانتاا تشوف...(سكت تواني وكمل بتفكير) زعمااا تكوون مزاال داايراك فلبال ومقدرااش تنساااك...(شااف عبدو عقد فيه حجبانوو بتعجب وقال بهدوء)وانا غا قلت وشكون عرف...شتي تفهم كلشي الى لبنات...

عبدو دقق فيه النظر للحضات...شوية وهو يشرد بتفكيرو ودماغو بدا كايطرح عليه عرام تااع لأسئة لي ملاقي ليهم حتاا جوااب...نطق مصغر عينيه: وبصح نيت لاش هزااتو...اشبغاات بيه..(شاف فسيمو وغوبش)كون غااسكتي اصحبي...غاا خربقتي لياا دماغي وصافي...

رد عليه كايضحك:ههه وااايلي،واهياا مكتعرفنيش العشير... نشوف حاجة بحال هادي ومنقولهااش...لااا ماايمكنش خاطري يضياق علياا...

عبدو سكت دورهاا فمخو..شوية وهياا ترسم ابتسامة خفيفة على ملاميحو..وقال مع راسو: هياا مزال كاتحس بشي حاجة من جيهتي...مايمكنش تهز لكااشكول ديالي غاا هكااك...(شوية هو يجمع ابتسامتو...خنزر وقال وهو مزال مخاطب نفسو) فين عمرهاا أصلا حسات من جيهتي بشي حاجة..لاا حولة...مشييت بعيد وبااينة غانرجع على رجلي...

سيمو فيقو من سهوتو كيدوز يديه فتيجااه وجهو:وااا لعاام الجااي فين سرحتي راني معاك داوي...

عبدو زااد خنزر ونطق نااهض فيه: نعااود نقولهاا بربي حتاا كون غاا بغيتي سااكت ولا هاادشي بااش عمرتي لياا دماغي على صبااح...الله يااخد فيك لحق اسمحمد.. هادشي لي غانقوليك...

كمل على طريقو ضارب فيه وزااد...حااير فتفكيرو ومخربق بلمزياان...لفضوول قااتلو بااغي يعرف لااش هزات كاشكولو وشنو السبب...

نطق سيمو لاوي على فمو بتعجب كايشوف جيهتو:وأناا ماالي اشنو درت؟؟ قلت ليك شنو كاين؟؟اوى هادي هياا ديالت مادير حسنة مايطري باااس...

خنساء مشات لدارهم لقاتهم يلاه كايفطرو كلسات معااهم حتى خرج العربي ونسرين ناضت للكوزينة وهي طلعاات لبيتهااا هزات لكشكول فيديهاا مرة مرة تشم فيه مقدراش تحطو...سدات عليها الباب وحيدات تيل ديالها من شارج...

ودوزاات لابيل كاتصوني على رانياا لي تواني حتاا جوباتهاا : الو اشيخة فين غابرة .... نهار كانبغيك مكانلقاكش

رانيا كاطوي حوايجها : فين عندي نكون حتى نتي يا مخشية فداك الحانوت يااا فهاد الروينة ديال الدار ...نتي لاباس عليك امورك تمام ...

خنساء : الحمد لله على كل حااال ... اش كاتعاودي نتي ...

رانيا : وااالو من عندك .... كاين شي حاجة بنتي ليا ماهيااش ...

خنساء ساطت : لهلا يوريك فاش طحت اصحبتي ... اخر حاجة كانت تجي على بالي هي هادي ...

رانيا حطات لي فيدهااا وكلسات باصغاء : اش درتي المصيبة ماتقوليش ليا البلاااان لي درنا تفرش ...

خنساء سااطت : اشمن تفرش لااا ماشي على دااكشي ...

رانيا : وااا دوي اصحبتي رااه طيحتي ليا المااا لركاابي ... دوي خلااااص ...

خنسااء تنهداات : غانقوليك وبلااامااا تفهميهاا غلط .... رااااه اصلااا غير تفكير فالموضوع كايخليني نتعصب ...

رانيا خنزرات : طلقينااااا البعر ... واش غايتبقااي تلواااي عليا هنا اخنساااء ...

خنسااء بلعات ريقهاا هزات لكشكول شمااتو بعمق وقالت بصوت خافت : فصراحة جاني الوحم على ريحة عبدو ... وليت غانحماااق باااش نشمهااا ...(رجعاات كاتشم فيه) غانحمااق عليهاا...

رانيا خرجااات عينيهااا وضرباات على فخااضها : اويلي ... تي كيفااااش كاتوحمي على عبدو ... اشمن نووع ديال الوحم هااذااا ... عيش نهاااار تسمع خبااار جدييدة هاادي عندك

خنسااء شدااات على راسهاا : بلاما تزيدي عليا اصحبتي .. راني غارقة فالهم من ساسي لراسي ... واش عند بااالك اناا لخااطري ... اليوم شفت الكاشكول ديالو طاايح ماحسيت براسي حتى لقيتو فيدي كانشمشم فييه ... اوووف حاسة براااسي غااانحمااق ...

رانيا تنهدات : الله يكون معاك اصحبتي صرااحة هاادشي ماتبغيهش لعدووك ... ماافهمتش انا اش هاد الزهر عندك حتى يجيك الوحم على ريحتو ...

خنساء : فين هو هاد الزهر اصلااا راه لي ماعندو زهر مايكسابو حتى فخلاا دار بووه... داباا عافااك محتاجاك تعاونيني ...

رانيااا : فاااش غانعااونك ... نتي غير فينماا تحرااف ليك جي عند رانياا تفكك ... اش تماا تاني دوي ؟؟ ...

خنساااء : نتي ماال موك كاتعفري عليااا ... غاتمشي عندو وتهضري معاه عاادي وتقوليلو شنو سميت ريحتو على اسااس عجبااتك وصااافي ... وديك السااعة دوزي شريها لياااا باش نديهااا معاياا مني نكون غادة فحاالي وهاجنا فضيناا...

رانيا : شتي انا مزااال ماتزوجت ما حملت ما توحمت وبكترة هااد المطاارق ديااالك كرهت الزوااج ومايجي منووو ... نتي فالدار دابااا ؟؟ ...

خنسااء : اييه وعافااك قضي ليا الغراض داابااا قبل العشية الله يحن علييك ... راني عشيرتك زعمااا ...

رانيا : كولي ليااا دماااغي مااعرت اش داايرة لياااا حتى لي قلتيها مانقد نردها فوجهك ... ولايني لي مشطحة جوج رجااالة ولا كتر غاتحير فيااا انااا الله يعطيناا وجهك ... اناا غانوض دابااا ( بطنز ): ضرتي حتى ضرتي ابنت السايب وتعفرتي حتى عييتي فلخر توحمتي على عبدو هادي لي مكاننتش على البااال عههههههن ....

خنساء : واخاا طنزي نهاار تجربي غااانشوفوك علاااش غاتوحمي اناا رااه غير على ريحتووو نتي نشاء الله غاتوحمي على المعلم ديااال منييير ههههه ...

رانيا دقااات فالحيط بصباعها : مااحنااا على فاالك اختي ... سيري سيري غانوض نمشي نشوف ليك هاد الحريرة ونجي ...

خنساء ابتااسماات : يخلييك ليلي ... ودعااتهااا وقطعاات كاتشوف فالكاشكوول ودارتو فنيفهاا كاتشمشم وتعاااود ماقاادراااش تبعد منو بالمرة ...

رانيااا دارت عليهااا الجااكيط ديااالهااا وجمعاات شعرهاا بزربة مع حلاات باب بيتهااا لقات عتيقة وااقفة عليهاا مبوردة وراه ... طلعااتهااا وهبطاتهاا : فين صاادة تااني !! ..

رانيااا : غادة نقضي واحد الشغل امي دغيا ونجي مغاديش نتعطل ..

عتيقة حركات راسهاا بايجااب مصغرة فيها عينيهاا : ممم غرااض .... واخاا سيري ...

رانياا بزربة ضربااات فيهاا وزاادت وهي بقاات متبعة ليهااا العين كاتحرك راسهااا يمين وشماال ودخلااات للكوزينة تكمل شغلهاا ...

يتبع...