محتوى القصة
صبااح جديد مغيم وسماا مغطية بسحب كتيفة كادل على مطر قريب يهطل ... فالقهوة ديال المهدي لي كانت عامرة فوقيتة الفطور كيف العادة رغم الجو الا ان الكليان ديالها ولفوها وضروري يفطرو فيها ... ملاك كانت واقفة على شغلها ودايرة فيدها ورقة وستيلو كاتقيد الطلبيات لي كايقولو ليها السرباية باش ماتلفش عزيز عليهاا التدقيق والخدمة المتقونة ... كانت مركزة حتى وقف عليها واحد من الدراري لي خدامين : ملاااك !!!...
بلاما تهز فيه راسها كاتحسب : ممممم ياسين شنوو ؟؟ ..
ياسين بايجاز : غادي نخرج ندير واحد التحليلة ضرورية داباا
قرمات حجبانها وسدات لاجوندا مخنزرة : كيفااش ؟؟؟ ... من نيتك شوف القهوة عامرة عاد بان ليك الخروج نتا ... من بعد وسير بينما خوات الدنيا شوية ...
ياسين : ولكن املاك راه عندي موعد دابا وزايدون باش غانعرف انا ايمتا غاتخوا القهوة ...
ملاك بصرامة : ياااك اخوويااا وبالسلااامة شكون غايسربي هاد الناااس انااا ... حتى يحيى لي يعاون رضا مكاينش ... كيف غايدير ليهم هو بوحدو!! ...
ياسين : غادي يسلك راسو ضروري نمشي انا دابا ... يومين وانا نأجل فيها
ملاك باا نقاش : كلمة وحدة قلتها ليك تخوا القهوة وترخف الدنيا وسير داباا لااا .... يلاااه شوف شغلك ...
خنزر فيها بلا حتى كلمة وزاد من تماا مخليها ورااه كاتكمل شنو كان فيدها واتاجه نيشان للبيرو ديال دق فيه ....
خنساء كانت شادة التلفون ملاهية معااه ونطقات : دخل ...
تقدم لجيهتها باسف : سمحي ليا مادام خنساء على الازعاج ..
بلباقة : مكاين حتى ازعاج اياسين ... ياك لاباس ؟؟
ياسين بطلب : عافاك امادام عندي واحد التحليلة خاصني نديرها ضروري دابااا وبغيت ناخد هاد الصباح ...
خنساء بلا تردد : اييه غير قولها لملاك وسير ماشي مشكل ...
ياسين : فصراحة انا قلتها ليها وهي اصرات نبقى حتى تخوا القهوة وانا مانقدرش نفوت الموعد ... وانا ديجا انيليت دو غونديفو
خنساء حركات راسها بايجاب وحطات تليفونهاا جنب البيرو وناضت خارجة هي وياااه لبرااا .... وقفات قدام ملاك لي باقا فبلاصتهاا وهو وراها ...
خنساء : ياسين غادي ياخد هاد الصباااح
ملاك دارت عندها قارمة حجبانها : راني قلت ليه من بعد ويمشي ...
خنساء بهدوء : وانا عطيتو الاذن يمشي دابااا ... مفهوم!! ...
ملااك ضغطات على يدها وخنساء شارت لياسين يمشي .... حتى هو معاودهاش معاها حط البدلة ديالو وزاد من تمااا بالسمع والطاعة
ملاك : وشكون غادي يقابل الخدمة دابا بالسلااامة !!! .... شكوون غادي يسربي هاد النااس ؟!!!
خنساء ربعات يدها : انا لي كانعرف هاد السيد حالتو الصحية اهم ... والخدمة مغاديش تهرب ... والا اقتضى الحال نسربي انا وياااك فبلاصتو
ملاك : هادشي راه مكايمشيش بالعاطفة امادام ...
خنساء بطنز : غير سمحي ليا انا قلبي هشيش ماعندك ماديري ... ( هزات بدلة السرباي مداتها ليهاا ): مزيااان الواحد يجرب حوايج جداد ويكتاسب مهارااات اخرى ... ( دارت ليها ضحكة استفزاز خلاتها مصدومة كاتشوف فديك البدلة مشوكية ) ...
خنساء هزات وحدة اخرى دارتها عليهااا ونطقات مخاطبة لي كياخد لي الطلبيات : عطيني الكومونض لي واجدة نسربيها بينما استوعبات ملاك الفكرة واعطيها الاخرى ....
خدات من عندو الطلب ومشات تسربي مع الدري لي تما خلاتهاااا مغددة باغا تاكل جناابهااا كاتفرك فيدهااا بالغدايد ونطقات بتوعد : غير زيدي تقلي ميزااانك هاني كانجمع ليك ...
تعاشات العشية و الحال بدا بظلام ... خنساء هزات المونطو ديالها حطاتو عليهااا وصاكها فيدها خرجات من البيرو هازة جوج وراق مسجلة فيهم الحسابات مع الفلوس ديال النهاار .... خرجات لقااات ملاااك باقا خدامة بحكم مكاتمشي حتى تسد القهوة ...
خنساء مدات ليها الوراق : هانتي ها المدخول ديال اليوم ... وهادو مسجلة فيهم كلشي...
ملاك وسعات ابتسامتها : اااه وااخااا ...
خنساء بتأكيد : دوك الوراق حافظي عليهم باش مني يجي مهدي وريهم ليه مافيا لي يبدا يتحاسب شحال دخل وشحال خرج
ملااك بايجاب مصطنع : كوني هانية فالحفض والصون بلاما تهزي الهم ....
خنساء دارت فيها ضحكة صفرة وزادت من تما مودعااهم غاتفتاقد بزاف القهوة لي بقا ليهااا معااهم غير نهااار وغادي ترجع تاني لروتين البيت الملل .... هاد الايام لي دوزات ماحساتش بيهم بالمرة بكترة ما كانت متحمسة ... تنهدااات لقات الطاكسي لي كايوصلها واقف كايتسنااهااا ... ركبااات معااه كان راجل كبير فالعمر نطق بسللاام : اهلا ابنتي ...
خنساء بابتسامة : اهلا باا حمد لاباس ياكما تعطلت عليك ؟؟ ...
حمد : لا لاا ابنتي ... الدار ياك ؟؟؟
خنساء : عافااك دوزني للمارشي الله يسهل عليك وعاد ديني للدار ...
_اييه واخااا ابنتي ....
ديماراا وزاااد من تماااا متاجه بيها لفين قالت ليييه ...
##
فالداار كانت خنساء فلكوزينة كاتقاد فلعشا بتركيز..موجدة بايلة على حقها وطريقهاا دايزهاا لكلام...بخضرة مشكلة بلأنواع والدجااج...كانت كاتقطع لحامض شرائح باش تزوقهااا بها من جنااب كااتدندن بصوت شبه مسموع...باقة على نفس الوضعية حتا دخلات عليها نادية هازة تيل فيدهاا
كاتهضر فيه معصبة:دابا غاافهميني اسارة كيفاش غاتزيدي سيمانة اخرى..فهميني ابنتي حيت تقادات ليا لفهاانة معااك...اويلي شتك نسيتي رااسك....لا لا بصح نسيتي راسك...مي صافا بااا؟!درتي بحال شي وحدة كانو رابطينهاا و لا فلحبس و طلقوهاا...شوفي شوفي بااش نسالي معاك لهضرة..والله يا بنيتي و تفوتي سيمانة جاية غانخليك منك لخووك ديك ساعة هو يتفااهم معااك اما اناا رااك غلبتيني...
(قطعاات عليهاا لمكالمة لايحة تيل فوق لبوطاجي بنرفزة)
نادية بنفعاال:ضسااارة تااع واالو...
خنساء متساؤلة بهتمام: علاه سارة مابقاتش غاتجي نهار تنين...
جاوباتها مغددة:رااه هادشي لي فقصني...داك نهار قالت ليا تنين غانجي...ليوم باركة علياا لا امامي غامفهمتينيش... قلت ليك تنين لااخر ماشي هاداا... قلت ليهاا داك لقواالب ديالك راني عارفااهم وحافضاااهم را انا لي واالدااك...بلحق انا لي ضسرتهااا من لول نخليها قداامي ماتمشي لحتا شي بلاصة...هاااد لبنت غااتشيبني...
خنساء قربات لعندها بخطوة بغات تهدنها:مافيهااا باس...غير بغات تفوج شوية قبل ماتمشي..راك عارفة لغربة...خليهاا مزال الدور مع راسهاا
ردت عليهاا بنزعاج شديد:خفتهاا غا لتمشي لتما وتلقاا مابغاات ديال بصح وتنسا راسهاا.. (تنهدات بحزن)بصراحة اخنساء كاتجيني سارة طايشة بزااف مكاتعرف شنو كادير...نتمنى من الله دير عقلها...
خنساء بإبتسامة:يكون خير..مكاين لاش هاد لخوف كاامل...هني بالك...
نادية:نتمنااو...(شافت فلبايلة وبتاسماات)مممم الله يعطيك الصحة كاتشهي معندي مانقول...
خنساء غمزاتهاا:وغاابلاتي حتاا دوقي وردي علياا لخباار...
نادية ضحكاات:هههه غير حناا بجوجات وشوفي شنو دايرين...
خنساء: ههه ومالنا مانستاهلوهااش.. هانتي غاتشوفي غانكملوهاا كااملة على حسابي...
وقف اللوطو قدام الداار...خرج وبداا كايجبد فيديه كايسوس التعب ديال الطريق... داز للكوفر جبد منو لڤاليز دياالو وخلاه يتسد بطريقة اتوماتيكية...تقدم لجيهت الباب هز السوارت بااش يحل وهوا يبتاسم..ختار يكمل على مفجائتو ويصوني... خنساء سمعاات صوت السرسار..وهياا تهز حاجبهاا كتساؤل:معرفت شكون غايكون جاا فهااد لوقت؟!!
نادية بإجاز : حتا انا معرفتش؟!
يلاه كانت غادة تحل وهيا تمنعهاا
خنساء:غير خليك انا غانشوف شكون...
رجعاات شعرهاا لجنب كتفهاا وصلات لعند الباب وهيااا تحل وقفاااات مصدوومة ملي شاافتووو..وسعاات حجم عينيهاا ولإبتسامة كاترسم على محياهااا وهيااا كااتشوفو قباالتهااا نطقاات بعدم تصديق:مهدي!!!....
المهدي زاد بتااسم وهو كاايشوفهاا قداامو..ماينكرش انه توحشهاا بلاا قيااس...بمجرد مكتلاقا عينو بعينيهاا كايتعماا على لعلام كامل ويبقاا يشوفهاا غير هيااا بوحدهاا فأنضارو...
تلااحت عليه خنسااء بتعنييقة مدورة يديهااا مزيرة علييه كأنهاا كتشفي شوقهاا لييه..متلهفة للقاء ديالو...مكانتش عارفة واش غايجي...فأخر اتصال دار بيناتهم قاليها مزال غايزيد شي نهار اخر...ولكن جاا فوقت مضارباش ليه لحساب فاجئها وكانت احلى مفاجئة ليها فداك النهار...بتااسم مهدي كان متوقع ردت فعلهااا...
بعداات شوية عليه حاطة يديهاا على حناكو مزاال مامتيقااش:ولكن احبيبي يااك قلتي لي مزال مغااتجيش...
مهدي بنزعاج مصطنع:صاافي هاني غادي نرجع منين جيت..وخااا...
خنساء ضحكاات وتجبدات بصباع رجليهاا كاتبوس فيه:توحشتتتك...توحشتتاااااك بزاااف...(تخشاات فعنقو و زاادت كاتبووس فيه باشتياق ناسية راسهااا)
نطقاات نادية من وراهااا كاتضحك:احم وخلي ليا حقي حتااا انااا...هههه ولا ماتقدرييش؟!
خنساء عاد فاقت فلبلاصة ولاات حمرة وتزيكة طلعات معاه...داارت يديهااا ورى عنقهاا حادرة راسهاا حشمااانة...
مهدي ضحك وقرب لعند ناادية معنقهاا:لحبيبة ديالي...
نادية بحناان: على سلامتك اولدي...(بعدات عليه كاتمسح على كتفووو)خليتي بلااصتك قدااش...
مهدي:وااش غانديرو جابتهاا الضرووف...لابااس عليكم بعداا كلشي بخيير؟!!
خنساء مقادراش تنطق مزالة شادهااا لمرݣة من لموقف لي لقاتهاا علييه...
نطقاات ناادية بإبتسامة:لحمد الله...زيد دخل ترتااح غاتكوون عيتي فطريييق...
زاد هوا وياها ضامهاا ليه داخلين لداار... وخنساء سداات لباب..ودخلات جاارة لڤااليز ديالو مدخلاهااا معااهاا...فرحاانة بزااف...
داز من حدااا لكوزينة ونطق بإعجااب:اووو لباايلة لي عزيزة علياا لعشاا..هههه كنتو عواالين تكرموهاا بوحدكم ولكن هجمت علييكم(شاف فخنسااء مبتاسم بشوق)توحشت نااكل شهيوااتك...
خنساء تمشات بخطواات متسارعة لكوزينة: والله الى بحالا عيطات ليك...انا غانوجد طبلة...باينة غايكون غيك جووع
مهدي: تسناوني غير نبدل عليا وناخد دوش نحيد لعيا تطريق و نجي باش ناكلو مجموعين...
نادية بإجاب:اه صافي غي سير على راحتك حناا مزرباانينش...نيت محتاجاك تعاود لياا شنو طرى بتفصيييل..
جاوبهاا وهو ضاحك:هههه كوني هاانية
مشا مهدي يبدل عليه ويدوش... وخنساء مشات بدورهاا تكمل داكشي لي كان مزال خاصهااا...وجدات الطبلة حاطة طباسل صغار مع لفورشيطات وكيسان تاع لعاصير مصيياه بيديها حتا هو... وݣلسو كايتسنااوه هيا ونادية يساالي باش يجي لعندهم وياكلو مجموعين....
تعشااو معاا بعضيااتهم ومهدي كايعاود ليهم على شنو وقع فلعروبية وكيفاش فك لمشاكل تاع لورت مع عمامو وقدر يوصل معاهم لحل مرضي لجميع لأطرااف... خنساء جمعات الطبلة بعدماا كلااو وكل واحد مشاا لبيتو يرتاح...غسلات لماعن بلخف وطرفات لكوزينة من الروينة... طلعاات لقاات مهدي مغطي بلمانطة متكي فوق سرير مسند ضهرو على لمخدة وشااد التييل....
نطق بهدوء:ساعة قنيطرة بااردة بلمعقول...ماشي بحال بنسليمان واخا هكاك داافية...
خنساء ݣلسات فوق لكرسي مقابلة مع لمراية كاترطب فيديهاا...ردة عليه بإجاااب:بصح..هاد لعام لجو باارد شوية...لحمد الله بعداا ملي طاحت هاد الشتيوة...
مهدي:لحمد الله...اوى مخليتش عليك بلاصتي...
بتاسماات ونطقات برقة كاتشوف فيه من لمراية:خليتني قنطاانة...عاد عرفت قدااش معمر علياا الداار..بلا بيك خااوية ومتسوى عندي واالو...
مهدي: اوى شتي...كون كان عندنا شي وليد ولا بنيتة كون عمرو عليك وكاعماا تحسي بلقنطة...معرفتش علااش مزال ممقتانعاش بلفكرة لحد دابااا...ومبغااش نديروو وليدات
خنساء دارت لعندو: مااشي مباغااش...غير هو مزال لحال احبيبي...خلينا نزيدو نشبعو مع بعضياتناا مزال...(كملات بتحلوين)وزيدون انا مباغا حتا واحد يشاركني فيك هااد الساااعة...
بتاسم مهدي بخفوت...سكت تواني ورد عليهاا بتساؤل: دابا بصراحة اخنساء...واش معزيزينش عليك الولاد؟!!
جووباتو بدون تردد: اويلي بلعكس..كنحمااق علييهم بزاااف..
مهدي ضحك و نطق بطنز: هههه وا هياا خاايفة من المسؤولية...
خنساء:كون كنت كانخاف من المسؤولية ݣاعما نقابل القهوة فغيابك ونهزهاا حتا تجي وتلقاا كلشي هو هدااك...
مهدي بتااسم:عاارفك البطرونة ديالي قاادة مع رااسك وحتا حاجة ماتغلبك...غير هو معرفتش واش مزال نقدر نصبر على لولاد حتا تبغي نتي ولا لا...مي خااطرك عندي هو لكبير...مانقدرش نبزز عليك شي حاجة مباغاهااش...
خنساء:راني قلت ليك امهدي ماشي مبغااش غير مسألة وقت وصافي..ملي يجي لوقت لمناسب ان شاء الله نحمل...دابا مزال لحال على لولاد...حنا باقين باغين نزيدو نعيشو دكريات مع بعضناا بوحدنااا...غيير بووحدنااا...
كملات هضرتها و دارت لجهت لمراية حلاات شعرهاا مدخلة صبااعهاا فيه بااش يتفك...ناضت و شعلاات الشوفااج تحت انضاارو...ودازت لبلاكاار لبساات شوميز دونوي قصيرة فنوااغ...ولبسات فوقهاا بينوار حريري ديالهاا فنفس اللون حازماه بجنب..رشاات عطر ليلي شتوي بلڤاني والياسمين على عنقهااا...قرباات لعندو ووقفات... لقاتو مزاال كايشوف فيهاا وكايطلع فيهاا وينزل مشتااق لكل جزء من جسدهاا سااهي معسل فيهاا عينيه....
خنساء ضحكاات بجنب ودارت يديهاا على خسرهاا وهزات حاجبهاا ناطقة بإغراء:احم..مغاتكحازش تخليني نجي حدااك؟!...
مهدي كاحز مخلي ليهاا لمجاال فين تجي حدااه...تخشاات حدااه وحطاات يديهاا على لحيتو كاتحسسهاا...
نطق مهدي بإجااز مركز فيهاا الشوفة: توحشتك...
جاوباات بنبرة هاامسة خلااتو يرتااعش:حتاا انااا.. وبزااف..
قبل ماتكملهااا طول يديه وحطهاا ورى شعرهاا مقربهاا ليه ومتااجه لعند شفايفهاا ملتاهمهم بقبلة مطولة تخالطو فيهاا انفاسهم، كان مشتااق ليهاا مقادرش يحبس منهاا...ماينكرش انها ولات بنسبة لييه ادماان لي مايقدرش يتقطع عليه نهائياً...بداا كايبوس ويعااود ...وخنساء مغمضة عينيهاا منسااجمة غاايبة على لعاالم وهياا معااه...سقيل فلبيت مكايتسمع غير صوت لقبلات وتنهيداتهم الحارة ديالهم...مهدي حط يديه بجوج على دراعهاا متكيهاا فوق سرير حااكمهااا ونزل لعند عنقهاا كايطبع عليه قبلات مبعترة ويمص فييه ويجر بطريقة مخففة الشي لي خلاا خنساء ترتااعش وتعض على شفايفها منتشوية كتأوه وتزييد تغمض عينيهاا...نزل يديه لعند لبينوار كايحل فيه ويديه بدات كاتسارا على جسدهاا بلكامل.... من قبلات وهمساات ومداعباات لدقائق تحولو بجووج لعلااقة حميمية مطولة مسلاو منهاا حتا لوقت متأخر من الليل... مستمتعين مع بعضهم لأقصى الدرجاات....
ليلة معتمة ونجومها غايبين مغطيين عليهم سحب السماء الغامقة بلونها الازرق الداكن ... كان كالس حاني راسو وقبالتو طبيلة صغيرة فوق منها براد صغير ديال اتاي كاب منو فالكاس كايبان قااسح من لونو ورزتو وطفااية ديال الكارو فيها بينتاات بقايا لداكشي لي كما ... كايطفي فوق منها السيكار لي فيدو ودخانو طالع مع الهوااا ... هايم فافكارو فقط صوت انفاسو لي كاتسمع كاسرة الصمت والهدوء الغالب على المكااان .... عيون طافية من الشغف بحال شي قنديل سالات طاقتو وقرب ينفد لهيبو و ملامح حزينة متمتلة فتجاعيد خفيفة تحت العين وفالجبهة كأنه حيوان بري دخل لسن اليأس فوقت مبكر بسبب الصحراء القاحلة لي عايش فيها ... هايم ومنغامس فخيالو وذاكرتوو لي مامحتافظة بحتى حاجة من ماضيه من غير لحظاتو معاهاااا وتفاااصيل فترة دوزوهااا مع بعض .... ندم و عذاب ضمير وحصرة ومشاااعر الحب الممنوع مسيطرة علييه ... كايفكر كيفاش ممكن يعيش حياتو فهاد الحالة .... ايمتى يقدر يخرج من هادشي لي اعوام وهو عايش فيه ... والاهم واش غايقدر يخرج منو شي نهار وهو غير كاتظهر صوتها بين عينيه كايبتاسم بلا هوااااه وفراشات كرشو كايرقصو وكااااع جوارحوا كايتحركو ... صعييب يصدق انه ممكن شي نهار يتخلص من هاد الحب ... صعيييب يرتاح ليه الباال وهوو عارفها بين يدين غيرو ولاسف ماعندو مايدير حيت خسرها وضيعها بين يديه فرمشة عييين ...
طفااا الكاارو لي فيدو وتكا فسريرو محاااول ينعس ولكن بلا فائدة نفس الافكار كاتراودو ومابغاتش تفاارقوا حس براسو مخنووق وقلبو مزيرعلييه محتاج علامن يخويه ويفرغ شنو فالداخل دياالو ....
وقف من بعد مدة طويلة كايتحارب مع ذماغو باش ينعس ولكن للاسف بلا فائدة .. لبس جاكيط دياالو ... وهبط مع الدروج بشوية ماباغيش يفيق مو وحل الباب وخرج ... كانت الشتاا كاتصب بقطرات خفيفة خلاااتو يفضل يشد الطريق بالجري ويسخن ... طريييق طوييلة ومستقيمة شدهاااا وهو كايجري حتى وصل لباب المقبرة ... حيد عليه القب واتاجه نيشااان لقبر باااه وهوو فازك ... ابتاسم وقرب بااس على قبرو وكلس حداااه ... خرج كلمااات مبحوحة ومهمومة من قلبو : ضاقت بيا الدنيل ومالقيت علامن نخوي ولمن نشكي همي من غيرك ... ( خرج النفس بعمق وغمض عينيه حاني راسو ): ياريت ابااا كون كنتي باقي عايش وعرفت قيمتك قبل ماتمشي وتخلينا .... كنت نقدر نعااود ليك على الحرقة والجمرة لي شااعلة ليا فقلبي ومابغااتش طفااااا .... ( ضغط على يدو ): مابغاااتش اباااا طفاااا وكل نهاار كاتزيد تحرقني ومالقيتش دوااها ... كون غير تقطع ليا لساني قبل مانخرج داك الكلااام من فمي داك النهار .... كون غير بلاااصة ماتهربت شديت فيها بيدي وسناااني وقلت ليهااا اناا غانوقف معاااك وقفة الرجااال ... تمنييت كون سمعت كلامك وجمعت راسي وماخليتش البلية والخوا الخاوي يجرني لحباسااات .... ( حل عينيها الدابلين ورموشو فازكين بقطرات الندااا ): كان عندي امل مني سمعتها طلقااات وقلت ممكن يجي النهار لي تسمح ليااا ونصلح غلطي معااها ونكفر على الذنب لي درت فحق راسي وحقها ولكن تعطلت .... تعطلت وانا كانخلص فغلطة الطيش وفالجريمة لي ارتاكبت وانا شارب دااااك السم .... تعطلت حيت كنت بين ربعة الحيووط .... ولكن كانخلص ... كانخلص تمن فعايلي وكاع لي درت هاني كانتعاقب علييه ... حيت نهااار كانت بين يدي انا كنت واخدها نزوة ودايرها طييش ونهااار فرفرااات عاد وعيت على لي فقلبي ولكن لي عطا الله عطاااااه .... انا عارف اباا بيللاا انا لي درتهااا لراسي ولكن وااش نستاهل هاد العذاب .... واش نستاهل نبقى حياتي كلهااا مكوي عليهااا ... ( نزلو دموعوا بلا مايحس ): جاااوبني ابااا ... جاااوبني وضربني وغوت عليا ... وعاير وسب قولي تستاااهل حيت شماااااتة .... كرهت راااسي اباااا ومابقات حتى حاجة عندها معنى ... حتى حاجة مابقاات كاتهمني
صباح جديد مشرق شوية من بعد الشتاا ديال الليل لي باقي اترها فارض المدينة المندي ... كالس مهدي فالبيرو ديالو والبيسي قدامو مقابلة معاه ملاااك دايرة رجل على رجل وابتسامتها وااسعة على محيااها ....
المهدي هز حاجبو : مزال مافهمت والله ... كل نهاار ناقصة منو كتر من 1000 درهم مابايناااش وماعرفتش فين مخشية ... عييت نعاود نلقى فين مشاات زعما فشي حساب والو
ملاك كاتهضر بتقة : كيف قلت ليك امهدي ... لاليست ديال اي حاجة خرجات رااه مسجلة عندك فالضوسيي وحتى الطوطال شحال خاص يكون داخل من لي تبااع .... غير هو ماعرفتش فين مشا داكشي لي ناقص حيت الفلوس كلها لي كانسيفطها للكونط ديريكت ...
المهدي هز في عينو مخنزر : وشكون غايعرف انااا .... علاش بالسلامة شكون لي مكلف بالمداخيل من غيرك ؟؟؟
ملاك : اييه متافقة معاك ... انا لي كانحط الفلوس فالكونط ولكن راه حطيتهم كيف خديتهم ...
شاف فيها مطول الشوفة : كيفاش زعما كيف خديتيهم ... ياك خنساء كاانت كاتعطيك كاع الفلوس ونتي تكلفي بيهم ...
ملاك بتبات : وحتى انا ماقلتش العكس هي كاتعطيني الفلوس وانا كانديرهم فالكونط كيف همااا ... ( جبدات الوراق لي عطاتها خنساء ): وهادشي لي عطاتني كاتسجلو هنااا قبل ماتعطيه ليا ... والا راجعتيهم غاتلقى هما نفسهم الفلوس لي فالكونط بلا زيادة ولا نقصان ...
صغر حجم عينيه : شنو زعمااا خنساء كاتعطيهم ليك ناقصين اصلااا ... هادشي لي باغا تقولي!!!!
ملاااك بنفي : انا قلت ليك غير بيلا هي لي عطاتني الفلوس لي حطيت... ناقصين ولا زايدين ولا فين الكماالة هي لي تقدر تجاوبك على هادشي وانا مهمتي كانديرهااا ...
المهدي حك على لحيتو متأكد ان خنساء مستحيل تمد يدها على فلوس القهوة ومايمكنش تهز منهم ولكن الحسابات لي قدامو كايقولو عكس تفكيرو ومايقدرش يتاهم شي حد قبل مايسول خنساء هي اللولة حيت هي لي كانت مسؤولة فغيابو ....
تنهد وخدا الوراق لي عند ملاااك كايعاود يراجعهم باغي يلقى حل بلاما يدخلهاا او بالاحرى ماباغيش يحطها فموقف السؤال والتشكيك بالمرة حيت بالنسبة ليه كايعرف مزيان انها مستحيل تدير غلطة فحال هادي ... ملاك بقات كاتفرج فيه وهو كايحاول يقلب وابتسامتها كاتوساااع بشوية بشوية عرفات تلعب لعبتهااا وماخلات حتى حاجة وراهااا ولا تشكك مهدي فيهااا ... خرجات من الموضوع وماخلاتش الانظار عليهاااا بالمرة ... حيت بكل بساطة الوراق لي عطاتو كلهم فيهم نفس الحسابات لي مشاااو للكونط ديال القهوة ومهمتها هي هادي ... تشد الفلوس وتوصلهم كأمانة لا غييير ... بقات كالسة كاتلعب بشعرهاااا فرحااانة بشنو داارت مقاداهااا فرحة وكاتسنى بفارغ الصبر ايمتا يعيط لخنساء ...
كانت رانياا ݣااسة فوق صخرة كبيرة بجنب لبحر وحداهاا منيير...كايتمنضرو فلمااج ولغروب لي مابقا ليه واالو...
رانياا مدات ليه لكاغيط لي فيه زريعة وفقالت بنزعااج:شد شد هاد زريعة ديالك نوضاات علياا لمصاارن...كون غادخلنا لشي سنااك قبل مانجييو لهناا...ولاكون غاجبتي معاك غاشي سندويتش...نتا جايب زريعة ولماا بحالا سارحين...
منير:تي اش كاتعرفيي فرومانسية...كاين ماحسن من تاكل زريعة وتمنضر فلبحر وتشوف لغرووب...وتكوون لحبيبة دياالك ݣالسة حدااك...
بتاسمات رانياا بلا ماترد عليه..كمل بهدوء:شتي ارانياا ملي كانكون معااك كانساا لعاالم كاامل...انا الله راضي علياا ملي لقاني بوحدة بحاالك...
تنهداات بتتاقل ترددات بااش تقولهاا ليه ولكن تشجعات و بلعات ريقهاا ناطقة بجدية:بصراحة ومكاين مانخبي علييك...اناا راني غادي نقول لماماا على علاقتنااا ونعاود ليهاا عليك...وو...ونقوليهاا غادي تجي تخطبني...
هرباات عينيهاا منو..رغم انهاا كانت باغة غير تجربو مناوية تقول لماماها والو ولكن لخوف تملكهاا من ردت فعلو وكيف غااتكوون....منير الساكتة شدااتو...شاف فيهاا مطول الشوفة...حطاااتو قدام أمر الوااقع متوقعهااش منهااا...
جمع بين حواجبو ورد عليهاا:اه واخا قوليهاا ليهاا...ومتنسايش تقولي ليهاا بلي خدمتو على قدو...ومعندووش فين يسكني...وباينة غايجرجني فواحد التزويجة لي غالباً غاتكون ملاااوطة....عندااك عنداااك تنساااي...
رانيااا بنفعاال:امنييير حتااا لإمتااا غانبقااو هاكااا...واش لعام لي جا يلقاني كانتسنااا بلا ماتكون حتا حاجة رسمية؟!!!غير قولياا حتاا لإمتاا غانبقاو نأجلو هاد الزوااج
منير بعصبية:حتااا يحن الله...واش مكاتعرفييش تصبري...قلناا ليك عطينااا غير شوية تلوقت غير شوية ومغايكون غير خااطرك....مااال زوااج غاايهرب؟!
رانيا هبطاات راسهاا لأرض كاتفرك فيديهاا: بلا ماتنهض فياا هاكا...انا عييت مانصبر...وهاد لحال ديالنااا رااااه طواال وبساال...
منير سكت تواني بحالا كايفكر فشي حاجة...ونطق كايحرك راسو بلإجااب:صافي..بغيتيناا نتزوجو...واخاا عتابريني من سبت الجااي...غانجي نخطبك...(يلاااه بغاات تبتاسم عند بالهاا خطتهاا نجحاات ووافق تهضر مع مهاا...احتاا جمع ليهاا الضحكة ملي كمل هضرتو)غير هو بشرط...
رانياا ردت عليه فلبلااصة بنبرة موجزة:اما هوا؟!!
منير حك على لحيتو معرفش كيفااش يخرجهاا...خداا نفس معمق وتنحنح ونطق:أحم...تقولي لبااك يكتب ليك تروازياام بيع وشرى...نسكنو فيهااا بجوج ملي نتزوجو...
رانيااا حساات بودنيهاا صفروو...مقدرااتش ترد بحتاا كلمة...بحال لسانهاا تسرط...وهياا كادير فيه نضرات غير مفهومة...
منير عرفها غاتصدم...زااد كمل كايهضر تايق فراسو:مالكي كاتشوفي فيا هاكااا...هضرتي معجباتكش؟!شنو فيهاا داركم الى عطاوك داار غير سادينهاا مامستغلينهاا فوالو...ياك غير بوحدك عندهم..فأخر المطااف غايولي كلشي ديالك....
رانيا لون تاع وجهاا تخطف...زادت تصدماات من هضرتو وهو بدا من دابا كايمعني على لورت غير بلفن....
زااد كمل باغي يتبتهااا:وزايدوون حسن بزااف يكتبووها ليك...لايصدق غدا ولا بعدو عمامك يدخلو معاك فلورت...ويجمعو كلشي ..
رانياا غمضات عينيها كاتحاول تستوعب كلامو لغير المنطقي...كانت حداها قرعة ديال لماا هزااتهاا بزربة حاسة بحلقهاا نشف..نزلات عليها دقة وحدة شرباتهااا...
ردت عليه بتلعتم:وا...واش عارف رااسك شنو كاتقوول؟؟!..واااش منيتك كاتدوي؟!!هاد لهضرة امنير راه مخاصكش تقولهااا حتاا بضحك...
منير ببرودة:ومالهاا عيب؟!عاادي مافيهاا والو...
رانيا ضرباات فخضهااا:اويلي على عادي...واش بهاد لبساطة باغينا نسكنو عند داارناا...هاكااا بدم باارد ݣالس كتقول لياااا فيهااا...واش شوية لبااس...لا لا باينة هرب ليك...
منير:واااشنو فيهااا...يعتبروني بحال ولدهم لي معندهمش... ويسكنونا معاهم نعمرو عليهم الداار...
هنا رانياا زاادت تعصباات نطقاات مرفعة نبرة صوتهاا فوجهو:نعل الشيطاان راه هاد لهضرة لي بارك كاتقوليا فيهاا راااه خااوية...داارنا امنيير راه معندهمش لخيرية باش يجيو يسكنوك معااهم...الى قلت لبابا هااادشي غايرفض هااد الزوااج من دقة لولة بلا حتا مايسمعني...كوون وااعي بدااكشي لي كاتقول ولا سكت...
منير وسع نضراتو ليهااا...كرز على يديه ونطق معصب:تي كيفااااش لخيرية..وبابا غايرفض من دقة لولة..يااكمااا يسحااب لييك انا مقطووع من شجرة ولاا جااي نسعااهم...شنوو بنت ليك بسلامة حتا تبدااي تحشي ليا فلهضووور ؟!!
رانياا بلعاات ريقهاا ونطقات بنبرة خفيفة:غير فهمتيني غلط انا مقصدتش هااد لهضرة..
كمل بنفس النبرة:لا لا قصدتيهااا نييت...رااه نتي لي فيك لمشكل ومبغااش تصبري علياا حتاا نكون رااسي ونكون مستااعد نجي ..نتي لي ملهووفة على زوااج ماشي انااا...والى تقادا صبرك ها لحل عطيتو لييك ...كان كايسحاب لياا قتارحت عليك حل لي يهنينا بجوج...ساعة وليت فتبهديل وحشيان لهضرة بلعلالي...
رانياا حساات براسهاا غالطة فهضرتهااا وخافت لاتكون بصح جرحاتو... نطقاات باعتداار:صاافي نساا ديير بحالا مقلت ليك واالو...وسمحلي عفااك انا مقصدتش نقلقلك ... .ولا نقول شي هضرة لي تجرحك...
منير زاد حس برااسو وفيخرااتو طلعو...نطق بنفخة مرجعها هيا لي غالطة:سري اناا لي كانبغييك وكانتقاتل بااش نبني معااك مستقبلي...عااطيك قلبي وحاطو بين يديك ونتي كاتفرررتي وتقطعي فيه...بلحق ماشي مشكل...غير زيديني انا لنستااهل...
رانياا تنهداات وشدات فيديه بحنان:وصاافي الله يساامح...ماديرش فخااطرك واالو...نساا لموضوع ودير بحالا مقلت ليك حتا حاجة...وحتا ماما مغانقوليهاا والو حتا وكاان توجد....صافي؟!
شاف فيهاا ونطق موجه ليه اصبع سبابتو:اخر مرة بعدا تجبدي معايا حس الزواج راني قلت ملي غانكون وااجد غادي نجي لداركم الوغ بلا ماتبقاي فكل مرة نخرجو فيهاا تخسري ليا لموراال بهاد لهضرة وتنكديها علينااا...
رانياا:د..دابا انا كانخسر ليك المورال ملي كانجبد ليك الزوااج؟!...
خنزر فيهاا منير بنضرات حادة بلا مايدوي وهياا تنطق مرجعة بعض لخصلات ورا ودنهاا:صافي واخا...ان شاء الله يكون خير...الله يسهل علينا فلقريب...
فصالون كبييير قريب لمحطة القطاار كاالسة خنسااء مقابلة مع المرايااا جامعة شعرهاا باقراط خااصة قاداتهم ليهاا المسااعدة باغاا تبوكلي شعرهاا مجمعة مع البنات والكليانات كاتقاد ظفارها ناشطة
خنساء : والله ياختي وماتساليني حلووف عمري درت ليهم شي حاجة داكشي من عند ربي هههههه
_ ههههه ياااختي تبارك الله ماقوسناا عليك كيف شفنااك نخليوك ... انا والله حتى عند بالي دايرة لكديرة لداااك ال*ك ...
خنساء بطنز : اشمن كَديرة الله يهديك ... كون جينا عليها كون هوااا حرقت مؤخرتي راااس مااالي ...
_ بصح ياااختي شحاال من وحدة دارتهااا وفلخر كلهااا ولااات ملوية غير بمسبتها ولحمهاا كولو تكمش ....
خنساء : اييه ياااختي حتى كايفوت التران ويخرجوا على راسهم عاد يطلع معاهم القالب كي قالوها زمان ما حس الديب غير بحزاق النعجة
_واييه عندك الحق ... مافيه فايدة داكشي ...
خنسااء : لو كان الصفيحة ترد العار، لو كانت رداتو على الحمار.... هههههه .... مكاااين غير خييير ربي وبس ... ( غمزاتها ): ونزيدك غييير خلي راجلك يعمر ليك فجناااب يميين وشمااال وتفرجي فالتنايااا والهضاب والسهوووول ... وصفة مضمووونة وفعااالة ... هههههههه حسن من الف كَديييييرة 😂😂 وبحلااااااااوتهااا يااختي وعينيك مقلوبين ههههههه
_ هههههههه ياااكي .... ايواااا نهااار نتزوج ندير بنصيحتك كوني هاانية ...
خنساء يلااه غاتجاوبهاا وهو يصوني ليها التلفون .. شافت نمرة ونطقات : زماني هاااداااا مول الوصفة السحرية ههه ... ( ضحكات وجاوبات ): الو مهدي صافا ... اييه بيخير ... انا فالصالون قريبة ليك ... دابااا ؟؟؟ ... داكووغ شوية ونكون تمااا .... باي شيغي ...
قطعات وخاطبات الكوافورة : عافاك احبيبة غير فكي لي شعري برااكة ... جاني شي غرااض نقضيه
_ الكوافورة : الله يعز الحكااام ههههه
خنساء ضحكات : الله اودي وانا نقدر هههههه ...
ضحكو مع بعض وهي قادات ليهااا شعرهااا بالخف ... كانت سالات ليها الضفاار فضلات ماتصبغهومش على قبل مهدي كايبقى يعقب على الماكلة والظفار مصبوغين ... وخرجات متاجهة للقهوة شادة طاكسي لي مكاملاش خمسة الدقايق وصلهااا بحكم كانت قريبة ليه .. دخلااات نيشاان للبيرو كانت ملاك باقا كالسة شافتها وتبسمات ليهااا بشر ... وخنساء سلمات على مهدي وكلسات : ياك لاباس امهدي ؟؟؟
المهدي : كاين واحد المشكل فالحسابااات ..
خنساء باستغراب : مافهمتش كيفاااش ؟؟؟ ... ياك ملااك لي مكلفة بيهم
ملاك هزات فيها عينيهاا بلاما تهضر فقط كاتبتاسم ومهدي دور عندها البيسي ونطق بهدوء : هانتي احبيبتي ... انا عارفك ذكية وغاتفهميني بالخف ... شوفي الطوطال ديال الاتمنة ديال شنو خرج من القهوة فهاد لاسومين ... وشحااال دخل للكونط .... جاااك هادشي نووغماال ؟؟؟؟
خنساء صغرات حجم عينيها وقربات كاتقراا داكشي لي قدامها تحت انظار ملااك الماكرة ...
خنساء هزات حاجبها كاتشوف داكشي ناقص والفرق واضح قدامهااا .... وجهات نظرها ليه : بصح الفلوس ناقصين ...
المهدي هز يدو : هادشي لي كانشوف ... اذن فين مشاو هاد الفلووس ... عييت نراجع والو مابان ليا حتى حاجة ...
خنساء شافت فملاك : ولكن امهدي راه ملاااك لي مكلفة ... انا غير كانعطيها الفلوس ...
ملااااك خرجات عينيهاا : الله يهديك اخنسااء ... راااه الفلوس عطيتيهم ليا فالاصل ناقصييين ... الا وقع ليك شي خلط ماترميش اللومة على غيرك ...
خنساء قرمات حجبانها : عاااودي شنوو ...دابا انا كانرمي عليك اللومة ... فين الوراااق لي عطييتك ؟؟؟ ...
المهدي تنهد ومد ليها الوراق لي عطاتو ملااك .... غير شداتهم خنساء فيدهااا والبلان وضااح ليهاا ... هاديك الكتابة ماشي دياالهاا ابدااا ... خنزراات فيهااا بلا حتى كلمة ... وملااك دارت ليها ضحكة شريرة بمعنى طحتي فالشبكة ...
خنساء شافت فمهدي لي مانطق بحتى كلمة عارف خنساء غايطون عندها مبرر ... وقفات بتبات ناطقة : حل امهدي داك المجر ... ( شافت فملاك باستحقار ): وجبد عافاك ديك الاجونضا لي تمااا ...
المهدي دار لي قالت وجبد المذكرة مدهااا ليها ... ضحكات لملااك وحلاتها صفحة منهااا وراتها ليه : هادو هما الحسابات لي عطيت لملااك ... وكل نهار مسجل شحال دخل فيه وشحال خرج
فلاش باك
نهار دخلات ملاك على خنساء وهي كاتحسب الفلوس
خنساء : المهم نتي تكلفي بالكونط وانا فكل نهار غانسجل ليك شحال دخل وشحال خرج ونعطيهم ليك ...
ملااك وسعات ابتسامتهاا : داكوووغ ... كوني هاانية ...
خنساء حركات راسهااا بايجااب وعطاتها الوراق والفلوس كيف قال ليهااا .... غير خرجات وسدات الباب وخنساء هزات حاجبهااا مكاتيقش فيها ابدااا... جابت اجونضاا وقيدات فيهاا شحال عطاتها ناطقة : الدنيا والزمان هادي ... هاد سليعفانة مافيها تقة ...
نهاية الفلاش
ضحكات لملاك لي بقات مشوكية ماتوقعاتهاش تكوبي داكشي فبلاصة اخرى وخنساء ابتاسمات ليها كانت ديما كاتعطيها وتقيد الحسابات عندها باش الا بغات تقولبها شي نهار تلقى الدليل عندها ....
خنساء خدات الوراق لي عطات ملاك لمهدي ورماتهم عليها : وهادو رااه ماشي انا لب كتبتهم ... اصلا هادي ماشي كتابتي شوف الفرق ... على ما باان ليا ملاااك بغات تلعب معاياا وصدقات القفة مقلوبة عليها
المهدي خنزر فملاااك لي حناات راسهااا للارض مشوكي فيهااا ونطق مخزز : ملاااك ... شنوووو هاادشي ؟؟؟؟ ...
ملااك كاتفرك فيدها ونطقات : اءء ماعرفتش ؟؟؟ ... انااا ....
زدح البيرو مقفزها: نتيييي شنوووو .. شنووو نتي ....( بالغوات مكشكش): هادي هي تقتي فييك ... هادي هي العشرة والسنين .. دويييي شرحي لياااااااا .....شنووو هاااد الزبل ....
خنساء دارت رجل على رجل مبتاسمة كاتشوف فيها باحتقار بلاما يرف ليها جفن ... وهي كاتخنصص وتبكي قداامهااا ماعرفات باااش تجاااوبوو ...
المهدي شد على راسو مفاهمش علاش دارت هاكااا ولكن لي عارف ان المنصب لي عطا لخنساء هو السبب وهادشي ضااهر ... كانت باغا تورطهااا وتسمى سرااقة قدااموو ..
ملاك هزات فيه عينيها دمعانين : مهدي ... هء خليني نشرح ليك ... انااا .... ( ماعرفات ماتقول غير كادور فعينيهااا ) ...
المهدي خنزر والفاار خارجين ليه من رااسو بقوة الاعصاب لي ركبوه ... رشف من الكاس لي حداه ونطق بتوعد : برب المعبود كون ماشي السنين لي جمعاااتنااا فالخدمة ... ماكنتي غاتزيدي نهااار وااحد هنااا ...
خنساء خرجات عينيهاا كانت متوقعة يجري عليها فالبلاصة .... عوجات قنوفتهااا معاجبها حاال ...
المهدي كمل كلامو : من اليوم مابغيكش تقربي لاكيس ولا الفلوس وللحسابات او اي حاجة كاتخص ادارة القهوة بلاصتك براااا .... ومانبغيش نشوفك فالبيرو ديالي بلا اذني ... شغلك الخدامة والسلعة ولي كوموونض لااااااا غييير .... وغادي تنقص ليك 50 فالمية من الخلصة ديالك تلت شهور متااابعة وبغيت الفلوس اليوم يوصلو للكونط مناقص منهم حتى رياااال ... مفهوووووووم .... واااش مفهوووووووم ...
ملاك مابقاتش قادة تهز راسهااا غير كاتبطي والشمتة كتاكل فيها من الداااخل ...
المهدي بصرااامة : خرجي براااااا ...... براااا ....
ملاااك وقفات من بلاااصتهاا كاتشهق وشافت فيه : مهدي ...
شار ليهااا بلاما يهز فيهاا راسو تخرج ... حقدات عينيها فخنساء لي كالسة بكل برود كاتشوف فيهااا وخرجات من البيرو كاتلهط مقادرااش تهز الرااس بالمرة ...
المهدي مسح على راسو بلا حول : مافهمتش كيفاش قدرات دير هاكة ...
خنساء هزات كتافها : عادي للاسف الغيرة والحقد كاتعمي الواااحد ... انا ماستغربتش منها ... لي مستغربة منو كيفاش باقي غاتيق فيها من هنا للقدام ....
المهدي تنهد بالنسبة ليه هاذا اول غلط ديرو ملااك ومايمكنش يضرب ليها اعوام ديال المهنية بسبب تهور منهااا ... وعااد مستحيل يلقى شي واحد حسن منها غايعرف يتكلف بالقهوة واخا خطأها كبييير ومكايتغفرش ولكن عقابهااا وحرمانها من الادارة والتسيير وعاد ينقص ليها الخلصة كاافي بالنسبة لييه وصعيب عليه يقطع رزقها من الجدر وهي فنات عمرها فخدمة القهوة .... شاف فخنساء لي معاجبها حاال : سمحي ليا على هاد الموقف ...
خنساء ابتاسمات ووقفات مقربة عندو طابعة قبلة على خدو مابغاتش تبين انها هازة من جهة ملاك بالعكس بغات تبان مظلومة : ماشي مشكل احبيبي ... المهم حلينا المشكل باقل اضرار ...
حط يدو على كفها بحنان : الحب نتي ...
خنساء : الله يخليك ليا ... انا غانمشي للدار نتلاقاو فالعشية ...
المهدي بايجاب : اوك عمري ... ودعاتو وهزات صاكها خارجة من تمااا تلاقات ملااك كالسة فوحدة من الطبالي لي تماا ... ضحكاات وتمشات عندها بنخوة وحناات مقربة ليها بهمس : المرة الجاية طلعي النيفو ... بغيت نستمتع وانا كانحاربك ... هاكااااا جاني لملل وانا ماعزيزش عليااا المنافسة السااااهلة .... ( ضغطات على الحروف ): درت ليك تعريف بسيط للحية لي فالكادو ديااالك ... نتمنى تعرفي معامن كاتحاربي وتلعبي بحماس كتر يخليني ننداهش منك 😉😉 باااااااااااااااي ...
زادت من تما كاتمخر وملاك متبعة ليها العين مزيرة على يدها بغضب شديد وحقد نااابع من نظراتها ...
تعاشات العشية ... كالسة نسرين ورانيا فالصالون عند خنساء مجمعين على براد ديال اتاي .... ومهدي وعصام فالبيت لي حداهم شادين ماتش ديال الكورة مقصرين علييه ....
نسرين خدات اتاي محتتة : ههههههه اشمن رومانسية واش مكاتعرفيش خوك ...
رانيا نطقاات بفضول : هااا العااار غير قولي لينا كيفااش كايدير ....
خنساء : ههههههه كانتخايلو كايتعنب عليك ...
نسرين قادات كلستها : النهااارالمبارك المسعود نسمع من عندو كنبغيك .... وعاد كايقولهاااا مسروووطة لداااخل ومستحيل يعاااودهااا هههععع ... وحبيبة عندو هي الماداام ... مكاين لا كبيدة لا عمري لا مولااي بييه خضر خضر ...
خنساء ضحكاات : ومالكي شكون فحالك ... قاليك كون أزماني حرش، وها وجهي بوس وطرش ... بحلااااوتووو ههههههه
رانيااا : الله يا ناري اختي لي سمعك يتيق بييك ...
خنساء : وااا ختي راااه كلها وحالو وحوال نااس شللااا ... كلها ولي كايجي معااه .... ربي لامااا غير تخااايلي عصااام كايزلل رااااه مايتقبلهااش العقل ...
نسرين ضحكات : ههههههه عندك الحق ... غادي تجيني بيزاااغ ... لاهما هااكااا ... ايواا ونتي ؟؟
خنسااء : ماالي يااناا تااني ؟؟؟ ..
رانيا : قولي لينااا مني كايبغي يدلعك سيد المهدي .... اش كايقوليك ؟؟
خنسااء بعجرفة : البااطروونة العفيفة هههههههه .... كل مرة وشنوو هو وكانتو ... غير اغلب تعنابو هوو كلاااس ... رااقي فرومانسيتووو ...
نسرين : هاي هاي هااي هاااي ... ناس ديال رااقي ... وماتشوفيش ليينا معااه يدير دروس الدعم فالرومانسية لخوك هههههه ....
جات فودن عصاام لي كان غادي للكوزينة يهز الماا ... سمعها ونطق بلا حول : الله يجازيك امراتي ... من بعد نتحاسبو غير بلاتي ...
عضات على قنوفتهااا وهو دااز من تمااا خلاهم كايموتو بالضحك على نسرين والحصلة لي حصلات قدامو ...
خنسااء : يد في الطبق وعين على من زهق ... المرة الجااية حضي سواريك ...
نسرين : نتوما اخرتكم مكاتخرجش ياربي السلااامة هههههه .... ما حد ليتيمة تتبكي, وربي تيزيدها.
رانيا : ههههههه هانية هاانية .... ياكل حليوة وينسا ماقالت اليتيمة .....
بقااو مجمعين كاينممو فعصام ومهدي كل مرة واش جاابدين ... مستمتعين بالكلسة واللمة بينااتهم مفوجين مع بعضياتهم ...
دخلات ملاك لدااار وعينيها رجعو حمريين من شدة البكااء...داخلة جاارة رجليهااا...مشات لبيتهااا ديريكت زولات لمونطو وحيدات لكاشكول من عنقهاا ووقفات قبالت لمراية كاتشوف فلفرااغ...كاتحس براسهااا مخنوقة ومخنووقة بلا قيااس...شمتة كبيرة كاتقطع فيهااا من لدااخل... خنسااء عرفااات كيفااش ترد ليهاا دقتهاا...وعطاتهاا صفعة عمرهاا تنساهاا حياتهاا كااملة...كانت عارفاها وحدة مساهلااش ولفعة متدارش بيهاا...رغم دالك تحدات راسهاا وخلات لخوف على جنب وختاارت توقف فوجهاا وتوريهاا علاش قادة...سااعة داارت بيهاا بلمعقول وفجأة لحفرة ليكانت كاتحفر ليهااا طاحت فيهاا هيااا وغيباات بلا ماترد لباال... غمضات عينيهاا ومسحات دمعة طااحت على خدهاا كادل على الضعف ليكاتحس بيه من داخل...حقداات عينيهااا بعصبية هزاات واحد لكااس وضربااات بيه لمرااية بجهد حتاا تشخشخ نصهااا.... فيكسااات عينيهاا فجيهة وحدة...
ونطقات بتوعد وبصوت مخنووق سدرهاا كايطلع وكااينزل بزربة:باينة دابا غادي تكوني فرحانة مع راسك...مستمتعة باللحضة....واخااا...ماشي مشكل...خليك تفرحي واحد الشوية...عند باالك دابا غلبتيني...هانتي غادي تشووفي...غاادي ندمك مزيااان...غادي نخليك تشووفي الويل معااه....(زاادت كرزاات على يدهااا)مغااديش تبقاا فيك الفعة... والله مغادي نخلييهاا فييك...الى مااااندمتكش رااني بنت لحراااام.... هاد المرة مغاتعرفي الدقة منين جاااتك ...
صبح صبااح جديد...كانت ملاك فلقهوة...وجهااا جامد من تعاببر وكاتصرف عاادي راخفة فيها النفس لي شافهاا يحلف عليهاا ماشي هياا ديك لمحطمة ديال لبارح...قربات لبيروه...خدات نفس معمق... ورسمات ابتسامة مصطنعة على ملاميحهاا...
دقاات وحلات لباب ناطقة بستأداان:مهدي نقدر ندخل...
مهدي محملهااش نهائيا تجي عندو ولا يشوف كمارتهاا...رد عليهاا وهو محني على شي وراق كايدقق فيهم:راك واقلة دخلتي...
عضات على قنوفتها صارطة لقمعة...سدات لباب وتقدمات بخطوات كاتقرقب بطالونهاا...وصلات لكرسي وݣلسات عليه دايرة رجل على رجل...
نطقاات بنبرة رقيقة: مهدي.. بصرااحة اناا عارفة راسي غلطت ومكاانش خااصني...
طلع راسو مقاطعهاا بحدة فلبلاصة ممخليهااش تكمل:ملاااك دويناا فداك لموضوع لباارح وسليناا لهضرة وسديناا عليه...ضوونك مكااين لاش تجي تجبديه ودوي لياا عليه مرى اخرى...ودابا غايكون حسن بزااف تنوضي تشوفي شغلك...
ملاك غمضات عينيهاا وحلاتهم بتتاقل...حركاات راسهاا بلإجاب ونطقات بهدوء:صافي واخاا...عتابر اخر مرة غادي نهضر فيه...
مهدي رجع مهبط راسو على لورااق...باغيهااا تفهم راسهاا وتنوض تݣعد ...
سكتات ملاك تواني وقالت معوجة شفايفها لجنب:عرفتي ملي كانت معانا خنسااء ديك لاسومين...لاحضت ان ݣااع لخداامة تبدلو ومبقيتش كانتجاحد معاهم بااش يديرو لحااجة...وهادشي بفضل خنساء طبعاً لي غير الى خرجات كلمة وحدة من فمهاا...كايديرو بهضرتهاا فلبلااصة...(مهدي وقف مابقااش مركز فشنو كايدير كايسمع ليهاا بهتمام)دايرين ليهااا واحد لعتبااار عجييب...ومكااين غير مداام خنساء شنو بغيتي؟! مداام خنساء ياكماا محتاجة لشي حااجة...هههه يحيى يدور يدور ويقولياا غانطلع نشوف مدام خنساء واش باغة شي حاجة...
مهدي محد كلماتهاا كاتفيكسا فمساميعو ودمو بداا كايفوور...حاس بشعور غريب تسلل ليه فلبلاصة معرفش شنو هو...لورقة لي كان كايقرى فيهااا مابقااش كايباان ليه شنو مكتوب فوقهاا...
كملاات ملاك بنفس النبرة كاتعااود: ياسين قبايلة قالياا بصراحة مدام خنساء خلاات بلاصتهاا...ولفناهاا بزربة كون غير كاانت معانا ديما هنايا كان غايكون حسن....
مهدي طلع فيها راسو بتتاقل مزير على ستيلو لي فيديه الشي لي لاحضاتو بلخف وفداخل ديالها فرحانة حيت قربات توصل لمرادهاا وتخليه يتقرص....
نطقات كاضحك بعفوية:هههه امااا الشااف اناا بعدا صدمني...تخيل معاياا نهار لول وقفاات معاه فلكوزينة وورات ليه لاغوسيط تاع لكريب مرة وحدة وولا كايطيير فيهم...واااسيد ولااا كايتفنن ݣااع...كون جبنا ليه شي واحد تاني يدير ليه فورماسيو على شي طبق كون بقا معااه سيماانة ويحلف مايتقنوو...
مهدي خرج نفسو بمهل هيا كاتدوي وهو كاايزيد يتغدد بحاالا هازة ليباري كاتكيهم فصدرو...
نطق مابقااش حاامل يسمع المزيد مكالمي رااسو غير بزز:خرجي راك ملاهيااني على لخدمة...
ملااك زادت وسعات ضحكتهاا:واغاا بلااتي نكمل ليك... يااسين جا عندهاا داك نهاار فلبلاصة عطاتو الرخصة باش يخرج يمشي لطبيب...ومن لفووق سربااات فبلاصتو نهااار كاامل...خلاتنا كلناا داهشين من تصرفهااا...فعلا متوااضعة كون وحدة اخرى ݣاعمة ديرهااا...
هناا مهدي دموو غلااا..وجعر واعصاابو تشنجاات وتشحناات بلمعقول....كيفااش تسربي؟!!شكون عطاها لإذن؟!ياك هو خلاهاا فللبيرو وهيا نزلات لتحت بلا مايسيق لخباار؟!...
يلاه كاانت غاتدوي ملااك وهو يقااطعهااا سااعر :ملااااك واش مابقيتيش كااتسمعي...قلت ليييك نووضي شوفي شغلك...بركة من لهضرة...
ملاك دارت راسهاا متأسفة...ناضت بزربة و نطقات:اه اه... صافي سمحلياا هااني غادة
خرجاات بخطوااات سريعة سدات لبااب...وهياا تقفز ملي سمعااتو ضرب على بيرروه بجهد بحالا كاايفرغ فيه أعصابو....وسعااات ابتساامتهااا بنتصااار و رجعااات بعض لخصلات من شعرهااا ورى ضهرهااا بعجرفة... ونطقات وهياا غادة كاتمختر فلمشية:كايقولوهااا.. لغيرة ملي كاتسكن مولاهاا ماكيكون ليهاا دوى...اوى دابا عااد نمشي نشووف شغلي...
كملات على طريقهااا ونزلات لتحت تشوف لخدامة كيف غادين مراقباهم... طلعات رااسهاا وبان ليهاا لبيرو ديال مهدي تحل وهو خارج منوو... ابتسامة خبيتة رسماتهاا على ملاميحهاا...
بان ليهاا ياسين غادي وهيا توقفو بلعااني:أااءء..ياسين ماسولتكش قبايلة...كيف بقيتي شوية...
طلع فيهاا حاجبو متعجب جاه تصرفهاا فشكل...فين عمرهاا حشاتهاا ليه ولا سولات فيه كيف بقاا...بلعكس ديماا شادا معاه الضد ملي كايبغي يمشي عند الطبيب...مداار فراسو والو وجاوبهاا داير معاها صوااب
ياسين:لحمد الله..لا شوية دابا متبع الدوى من نهاار درت التحاليل وديتهم لطبيب...
ملااك بان ليهاا خيال مهدي كايقرب لعندهم ونطقات بنبرة هادئة:اه اوى مزيان...كون ماشي مدام خنساء ݣاعما تمشي داك نهاار...
يااسين حرك راسو بإجاااب ونطق مبتااسم على نيتو:فعلا معمرني النسا خيرهاا فداك النهاار...غير مشيت عندهاا مرضتهااش فوجهي... بصراحة مدام خنساء تحفة مكاينش بحالهاا...(مهدي وقف ملي سمع سميتهااا مقدرش يزيد خطوة...طلق ودنيه كايتصنط ليهم ووجهو بداا كايحمااار ...اول مرة يسمع شي واحد كايدوي على مرتو ويمدح فيهاا)شكون هادا لي ياخد صحتك بعين لعتباار ويدير ليك لخااطر بلا حتاا مايسول علاش وكيفااش.... بصرااحة قلاال النااس بحالهاا...متوااضعة وقلبهاا كبيير...تمنيت نخدم معا شي وحدة متفهمة بحااالهااا...خساارة مايمكنش تكون معانا ديمااا....
مهدي غمض عينيه كايحااول يتكالمااا...زير على قبضة يديه حتاا لعروقة تبرزو فيهااا...ناار لغيرة شااعلة فدااخل ديالو قربات تردو رمااد...خلاهاا سيمانة ولا كلشي كايدوي عليهااا ومكرهوهااش تبقى معااهم...بداات أسئلة كتيرة كايطرحها عليه دماغو وشيطاان لاعب عليه كايوسوس...وااش لهااد الدرجة دخلاات لقلبهم غير بتصرفاتهااا وتواضعهااا...ولا جمالهاا لفتاان لي خلاهم طاايحين ويشوفوهاا واعرة وبااغنهااا ترجع بااش يسقيو عوينااتهم بحاال من قبل....
خنساء داخلة للكوزينة كادندن كيف عادتها وكاتوجد العشا لمهدي بحكم نادية مشات عند شي وحدة من عائلتها تبات معاها .... قررات توجد ليه شي شهيوة العشية كلها وهي واقفة على رجل ... كاتوجد ليه الدجاج معمر طايب فالفران ... كاتفنن فرحااانة .... قادات صالاد ياكلوهاااا مع العشا ووجدات العصير بيدها ... سمعات الباب تحل بالساروت ووسعات ابتسامتهاا ... مسحات على يدهاا وتقدماات لبرا ... مهدي دخل وغوباشتو معقودة فجبهتو وباينة فيه هازها فالتسعين ...
خنساء بابتسمامة عذباء حطات يدها على كتفو وتعلات تسلم عليه :مواااح ... على سلامتك حبيبي ...
المهدي حرك راسو بايجاب : الله يسلمك ...
هزات حاجبها باستغراب من الطريقة باش جاوبها ونطقات ضنا منها ان التعب هو السبب : سير احياتي خود ليك شي دوش وبدل عليك وهبط تعشا .... موجدة ليك واا...
يلااه غاتكملهاا وهو يقاطها بلا مبالات : غانطلع ندوش ونعس ماتفيقينيش ....
زاد من تما خلاها مشوكية ونطقاات بانفعال : هاااااء وهاد العشا لمن موجداه شكون غاياكلو ...
دار عندها بنفضة : كولييه نتي نييييت ....
خنزر فيها وزاد طالع مكشكش وهي عضات على شنايفها بفقصة : اويلي مااال هااذااا تاني جاتو الحاالة ... ( بالغدايد ): وا وقفي نتي من الصبااااح وجدي ااعشااا وقاديه بااش يجي ينفخ عليك ريشو كي بلارج ... ( غمضات عينيها ناعلة الشيطااان مقررة تخليه يحيد العيا بينماا وجدات العشاا تطلع تقوليه يجي ياكل ) ....
دخلااات كملات شغلهاااا وسالات وتولات داكشي حاطاه فوق الطبلة وطلعااات للبيت حلااات الباب ... قرمااات حجباانهااا فور ما لمحاتو منشور فوق السرير بشورط ضاربهاا بنعسة ماشي فهاد العاالم ... خنزرااات باغاا تاكل جبااابهاا : تاااء هاذااا نعس .... بغى يهز الدجاج ما لقى غا لعجاج ... هي ديالي يااانااا ....
كرزات على سنانها معصبة وزدحات الباااب هابطة فالدرووج مخززة ... هوو غير سمعها خرجات حل عينيه كايشوف فالسقف وتنهد كايفكر فالكلام لي سمع وذنيه لدابا باقين كايصفرو وهو كايتفكر الناس لي خدامين عندو كايشكرو فخنساء ويعاااودو النهاار كاامل دوزو غير على سيرتهااا ... فلول قال ان ملاك غير زادت فيه ولكن فينما مشااا فالقهوة كايسمع سميتهااا لدرجة ندم ندم عمروااا لاش خلااهااا تدير لي فرااسهااا ... هاذو غير الخدامة وشنو كايقلوا ما بااالك الكليااان لي سرباااتهم العلم الله ... افكار كتيرة راودااتووو ووسوااس وشك تخلل لييه كلا ليه الدمااغ وسيطر علييه بالكل لدرجة مقادرش يغمض غير بسباب هاد الموضووع ...
خنساااء جمعاات ديك الروينةةوحلفات حتى تعشا وتشبع كرشها لهلا يوكلو لطاسيلتو كااع ... سالات ودارت الباقي فالتلااجة وغسلاات المااعن بقات فيها الشمتة ديال العشااا لي وجداتو بالعشاقة فلخر نكدوا عليهااا وبلااا سبب ... كملااات وطلعااات لقاتو مغمض عينيه داير راسو نااعس عاطيهااا بظهرو ... حيدات حوايجهاا ولبسات حوايج النعاااس وتخشات فبلااصتهاااا بلامااا تحاااديييه مفكوووعة ...
اصبحنا واصبح الملك لله فاقت خنسااء منبرة على الصباح ... دارت جهة المهدي لي كان بااقي منشور ... لبسات عليهااا بينواار ودخلاات للدوش طرفااات وخرجات لبسات عليهاا كيطمااا مقطنة سخوونة ... كلسات قبالو المراايااا كاتقاد الميكاب ديالها الصباااحي لي مسستحيل تستغنى عليه واخا مغادة لحتى بلااصة ولكن كاتبغي تبان زوينة فدارهاااا وفاي مكاان واي وقت ...
المهدي حل عينيه كايتكسل غيرار وشاافهاااا كاترطب فمهااا وهو يقرم حجبانو ونطق بصوت نعسان ومبحوح : الناس كايصبحو على الله ونتي مصبحة على الزواااق ...
خنساء دارت عندو : ان الاه جميل ويحب الجمااال .... صباااح الخير واخااا مااباان ليا خير ... مالك صابح عاقد غوباشتك تاني ؟؟ ....
المهدي وقف كايحك عينو : الصباح هاذااا كملي شنو كنتي كاديري ... بلا هضرة خاوية ...
زاد من تماا خلاها متبعة ليه العين ما فاهمة واالو ... البارح قالت ممكن الخدمة ودابا مااالو داارت رجل على رجل وحلفات مني يخرج حتى تعرف لااش منفخ عليهااا ...
المهدي طرف عليه وخرج كايتمشى بتتاقل.... غير شافتو وانفاجرات بلا حباساات : مالنا اسيدي على هاد الحالة ياااك لابااس ... شفتك نافخ ريشك وما قااداااك الارض .... اش كاين!!!
المهدي دار عندها وباقي دمو حامي من البارح ماطفااش ... نطق بصرامة : شوفي نتي اش داايرة ....
خنساء باستغراب : مالني بالسلامة اش دايرة فملك الله .... جيني نيشاااان البارح خليتك فخاطرك ... اليوم نفركعوا باباها هاد الرماانة .... اش تمااا !!...
المهدي نفض الفوطة لي كانت فعنقو وزدحهاااا مع الارض مكشكش وفبلاصتو عينيهااا حنااارو كايدوي بانفعااال : ااااش داااا حسك نتي لشي كوزينةةة ولاااا للسربااية .... ياااك خليتك فالببيرووو اش قربك ليييهم ؟؟؟؟ ....
خنساء زرب عليهااا ما عرفات بااش تبلااات نطقات بتلعتم ضهشرها : ماافهمتش ؟؟؟ ....
ضرب يدو مع الكواافوز مقفزهااا : واااش انااا خليتك تجيغي القهوة وتبقاي فالبيرو ولا تبداااي تسربي ليا فالناااس وديري شغل غيرك ومن الفووق تخلي لي يسوا ولي مااايسوااش يطلع ليك فوق رااسك ....
خنسااء هزات عينيهااا : المهدي هضر بشوية ... لاااش كاااتغوت .... راني غير حدااااااك كااانسمعك ... مكاين لاش ترعرع ...
المهدي بانفعااال شديد والغضب ظااهر على وجهواا: انااااااا ليي نعرعر لي فينمااا دزت كانسمع سيرتك فالقهوة وكل واحد اش كاايقووول نسااااو خدمتهم وغير نتي لي على فمهم ... هالي لي الله يعمرهااا دار هالي القلب الكبير هالي ماكرهكش تبقاااي تمااااا .... وليت بووكيمووون انااا لي داز يدوي ليااا فمرتي .... وعلاااااااش حيييت لالاهم خنسااء عزييييز عليهاا تخشي راسهااا فكلشي بلااا حبااسااااااات
خنساء ردة فعلو جاتها قوية هي عارفاه مغيار ولكن ماشي بهاد الطريقة : اءء واش فيهااا امهدي ياك كايجبدوني بالخييير .... شنو بغيتيهم يعايرووني متلاا بااش ترتااح ...
المهدي كرز على سنااانو : ياااااك الالة نتي عااجبك الحااال يبدااااو يمدحوو فيك ويمجدووو فيك .... زيدي شنو اخر درتي مني ماكنتش دويييييي ..... ( ضرب يدو بقوة مع الحيط )
خنساء قرمات حجباانهااا عصبهااا بكلاامو وبدااا كايخرج للعيب وغضبو وترها ... نطقااات بايجاز : زم فمك امهدي وعرف كلامك فين غااادي ... والا كنتي ساااعر سير حتى تبرد واجي ندويو .... والا جات على الغوات كااع كانعرفوااا لييه.... راني مبردة غير بااش مانوصلوش لشي ماصل ماعندها حل .... مايحسابكش ما عندي باش نجاااوب
المهدي تكلم بعصبية زاايدة : ندمتيني ... ندمتيني حييييت خليييتك ....كون يرجع الزمااان اللور برب لا عتبتي فدييك القهوةة وااالااا حلمتي تخدمي فيهاااا ... ولكن سري لي داير ليك الخاااطر حتى صدقت انااا بلا خااااطر ....
خنزر فيهاااا وزاااد من تماا جاااعر هز حوايجو فبلاكارو وخرج لببيت الكلااااس يبدل عليه ... خنساء شدات على رااسهااا وكلسااات فالبيت ماتنكرش ان الدمووع تحجرو فعينيهااا حابساهم غير بزز ماينزلووش .. كانت متوقعة يفرح مني يلقى القهوة مشات على ما يرااام والامور كانت بيخير ويفتاخر بخدمتهااا صدقات وااكلة الشحد لهااااد السبب .... صدرهاااا بدا كايطلع وينزل من قوة التوتر عرفاتو معصب لاقصى ومتأكدة انه مستحيل يتهدن بزربة كاتعرفوااا انفعالي بزااايد وعصبيتو خااايبة ... تنهدااات موكلة امرهااا لله ما باغااش تزيد تناقش معاه ولا تشرح ليه حيت اصلاا مستحيل تبردو وهوو فهاد الحاالة ....
كانت نسرين فلݣوزينة كاتقاد فلغدى لخنساء لي قربات تجي...حداها عصام ݣالس فصالا مونجي كايتحتت معاهاا وقدامو براد تااع اتاي معمرو بيديه كيفما مولف ملي كايجي من لخدمة...
نطقات نسرين بإبتسامة عاطياه بضهر كاطيب:ياه والله الى هاد صاحبك ومرتو صدقو مصوابين...مرة وحدة شفناهم وعرضو علينا انا وياك لعشاا... لعجب
عصام شرب شوية من كاسو:وييه الله يعمرها داار...غير نديرو حتا حنا شي وقيت ونعرضو عليهم..نكبرو بيهم كيفما كبرو بينا...
ردت عليه بإجاب:وي بصح..نيت نديروها بسبت ملي تكون هنا نصيرة تعاوني فطياب...
عصام:ان شاء الله...
زيراات على لكوكوط خلاتها تصفر و قربات حداه ݣلسات و هزات كاس شربات منو ونطقات بنبرة مطولة:الله على كويس...راك كاتسالي معايا بهاد اتاي...وبليتيني بيه مايدوزش عندي نهار الى مشربتوش هههه
عصام نطق بمزحة:ومالو بحال هداك لي كاتصيبي...لي داقو يقول معمراه من شي ضاية تاع لماا...
نسرين خرجات عينيهاا:ياااك واخااا انا لي مسطية كانمدح فيك..كون عرفت نشربو ونسد فمي...
عصام:ههه غير كانضحك معااك...
نسرين هزات كتفهاا:لا صاافي تعقدت..ماتهضرش معاياا...
يلاه غايرد عليهاا وهو يتسمع صوت دقان فلبااب...
نسرين ناضت وقفات:انا غانشووف شكون...
دفعات عليها لكرسي وتمشات جيهة لباب بااش تحلوو...مع لحلة كانت مرى هازة صاك متوسط الحجم فكتفها ديال دراري صغار..وهازة وليد صغير لاوياه فمانطة وهيا تبتاسم ونطقات بترحيب:اهلاا بجارتي زارتنا لبركة...
قربات عندها وسلمات عليهاا: اهلا ختي نسرين لاباس عليك اشخبارك هانية...
نسرين:لحمد الله ربي يخليك اختي ضحى (بتاسمات كاتقرب لبيبي)ويتي ويتي وهاد لفنيكيش لاباس عليه بدا كايكبر..
ضحى:ههه هاهوا كايكبر وكاتكبر معاه حتا تمارتو
نسرين وسعات لحلة تاع لباب:زيدي دخلي ماتبقايش فلباب...
ردت عليها بتساؤل:كاين عصام لداخل؟!
نسرين:اه كاين ولكن غادي ينوض غير دخلي...
ضحى: اويلي لا خليني غاهنا..حشومة نوض السيد...(كملات برجااء)الله يعطيك الستر اختي نسرين وحلت وحلة ديال لمعقول...
نسرين صغرات فيها عينيها بهتمام:ياك لاباس؟؟!
ضحى:انا معروضة ليوم لعرس واحد صاحبتي عزيزة عليا وبحال ختي وكتر...ومالقيتش لي يشد ليا شادي...
نسرين:علاه فين مشات عكوزتك ولوسك
ضحى خنزرات:ياودي مكاين غاليفقص...ملي عرفوني غادة نعرس مع راسي محملونيش...وحتا وحدة فيهم مابغات تشدو...قالك حقا محقا غادين يباتو عند وحدة من عائلتهم...وعلموها وميقضروش يخويو بيهاا...وانا عارفة دايرنها غير ضد فيا بااش مانمشيش...
نسرين:وهانتي على السم يالطيف..
ضحى:اوى وراجل راك عارفاه كايخدم بليل مكايساليش..وقاليا الى ملقيتيش لي يشد ليك لولد ݣلسي فدارك...حلف عليا مانديهش لقاعة اوى هانتي تشوفي حصلة وفراسها بصلة مالقيت ماندير...وفكرت فيك نتي الى بغيتي تشديه ليا غير حتا لصباح غايسالي لعرس نجي نديه...
نسرين طولاات يديهاا فرحانة:الله ياختي وقداش قلتيهااا وعلى انا نكره نشد هاد لكتكوت يبات عندي(عطاتو ليهاا هزاتو ضاماه لسدرهاا بحنان)بلفرحاات علياا....نتي راك غاتدي مني اجر ملي غاتخليه عندي...
ضحى وسعات ابتسامتهاا:ربي يخليك اختي نسرين ويحفضك...ولكن هانتي ماحدي هنا الى كان غايصدعك ولا عصام مايبغيش غير عطيها ليا نديه...مانبغيش نعدبك..
نسرين:اويلي علاه كاين لي كايصدعوه لملايكة...هادا راه لهدنة كون كانت بناادم...غير سيري شطحي وردحي مع رساتك حتاا تشبعي...والى بغيتي ݣاع تبقااي حتاا تدي لفطور لعروسة مكاين حتا مشكل هههه...
ضحى(هزاات كفوفهاا لسما):سيري يابنت نجااة كيفما فكيتيني فلوحلة لي كنت غانوحل...بغيت الله يفك حزامك فلقريب وتحملي...
نسرين:ياااربي ياامين من فمك لبااب سماا...
ضحى مدات ليها صاك غادة زربانة:هانتي هناا راه كاين كلشي رضاعة ليكوش..لحليب وشي حويجات باش ابدل الى ريݣ....والى جاب الله صدعك بليل ولا مابغاش يسكت...غير عيطي علياا انا نجي ديك السااع...
نسرين:صاافي كوني هانياا يلااه سيري باش ماتعطليش...يلاه توجدي راسك
مشات ضحى فحالهاا من بعد ماتهنات على ولدهاا ولقات فين تخليه من بعد مشقة...دخلاات نسرين وشدات لبااب كاتشوفيه مقدرااش تبعد عينيهاا عليه...
نطقات بصوت طفولي:مرحبااا بيك عندي الحبيب دياالي...ويتي ويتي وشحاال كااايحمق
الظهر قرب يودن عاد هبطات خنساء كاتحط الفطوور فوق الطبلة ومهدي متكي حداهاا كايتفرج بلاما يشوف فجيهتها وحتى هيااا ميكة علييه ... حطاات دااكشي وكلسااات مقاابلة معااه كااتفطر ... هز فيها عينو بنظرات هادئة نوعا ماا وقاد الكلسة كايفطر فصمت واحد مكايدوي مع حد وكل واحد هاز من فخاطرو من جهة لااخر ... كملات خنساء وكسرات الصمت ناطقة : عيط ليا با قالي نجي نتغدا معااهم ... شحال هاذا ما شفتوو ....
المهدي كايشرب قهوتو : مممممم مزيااان ...
خنسااء بتساؤل : غاتمشي معاياا ؟؟؟
المهدي : لا ماعنديش الوقت .... غير بصحتك ... انا غانوصلك معاايااا مني نكون غادي وعاد نمشي لشغلي ....
خنساء بايجاب : وااخاا ... نقدر نبات معاهم اليوم ... قلت نعلمك لااا يكون فيها شي حاجة وانا مافراسيش
المهدي رد عليها ببرود : اووك ... ( كمل فطورو وهي ميقات فييه معاجبهاا حاال ) ...
سالت الفطور وجمعات كوزينتهااا بالخف .... وطلعات لبيتهاا لبسااات عليهاا مقررة تمشي لدار باهااا تغدا معااهم تبدل ساعة باخرى حسن ماتصدق منوضة معاه شي صداااع كتر من هااذااا ... حتى ترجع وتلقى معااه حل .... لبساات بودي مقطن فالاسود مع سروال فنفس اللون ودارت عليهااا مونطو طويل فاايت الركبة فاللون الاخضر كلاس وهزات بوشيط فلونووو مع بوت عالي وخلات شعرهااا مسرح كيف هو ...
سمعاات الكلاكصون فالبااب عرفاتو هو لي خرج كايتسنااهاااا .... سدات بيتهاااا وهبطاات بزربة كاتخطوي ... ركبات حداه فاللوطووو ناطقة : غاندوزو لبانتيسري قبل .... ناخد معايا شي حاجة ...
المهدي بايجاب : ممم داكووغ ...
دارت جهة الشرجم بلاما تجاوبو وهو ديمارال متاجه للدرب دياالهم ...
دخلات لقلب داار وتلقا ليهاا عصام
ناطق بستفهاام:شكوون لي جاا؟!(هبط عينيه على يديهاا وقال مع بتسامة خفيفة)ولد من هادا...
نسرين كاتهضر وتشوفيه مقدرااش تحيد منو عينيها:هادا ولد جارتناا..ضحى راك عاارفهاا...
عصاام هز حاجبو:اه عرفتهاا...واش خلاتو عندك..غاتمشي لشي بلاصة؟!
نسرين:اييه اسيدي...هياا معروضة ليوم لعرس و خلاتو يباات معايا نقابلو حتا لصبااح...
عصام ضحك بستهزاء: ههه شنوو؟!يبااات!! مسطية هاادي بالله..شكون لي كايخلي ولدو قد هاكا ويمشي يعرس وينشط...(كمل مخنزر) ونتي كيف ديماا وافقتي تقابلييه بلا متشاااوري
نسرين خرجات عينيهاا:ياويلي علاش غانشاورك...مالو غايغلبنيي...
عصام زاد حمر فيهاا:والى وقعاات ليه شيحاجة فين غانوليو...غالكانت مو مفروحة ومسطية نتسطااو حتا حنااا؟!!
نسرين بلعات ريقهاا دخلات ليها هضرتو بين لعضاام...عاد شدها الخوف من هضرتو..مفكراتش فلعواقب الى شداتو...من كترت معزيزين عليهاا لولاد...وافقت تشدو بلااا ماتفكر...غير شوفة فعينيه نساتها كلشي...
عصام نطق كايتحلف عليها:الى وقعاات شي حاجة بعداا مانعرفكش..بربي مانعرفك...نهارك مغاتروح فيه شمس معاياا....حيت مكاتفكريييش بدااك لمخ غير متقلة بييه
نسرين هزات كتفهااا:وماالهاا شنو فيهااا الى قابلتو...غير بغيتي تحرمهاا عليا وصافي...عاادي مافيهاا واالو...( حدراات راسهاا شافت فيه كاضحك) هههه يااك الفنكووش..غاتبقاا معاياا ليووم..تونسني يااك...ويتي ويتي شوف شوف ضحييكة...
بداا كايحل لبيبي عويناتو الصغيورين بين يديهاا ويتغنغن... عصاام مشعرش حتاا بتااسم وقرب لعندهاا
وقال مطول يديه:عطيه لياا نهزوو...
نسرين وسعات ضحكتهاا:اااه دابا عااد نعطيه ليك تهزو...ياك قلتي مغنتسطااوش بحاالهاااا
عصام:طلقي بركة من لهضرة لخااوية
نسرين بتاسماات عارفاه مكايقدرش يقاوم حبو لدراري الصغار كايتسطاا ويحمااق عليهم...عطاتو ليه وبقاا كايشووف فيه بحنين لوي عليه دراعو وتحدر لعندو باسو فجبهتو: تبارك الله...الله يحفضو لولديه...شنو سميتو؟...
طولات يديها كاتقيس حنيكااتو:سميتو شااادي ماشاء الله...
تمشا عصاام جيهت لبيت ونسرين مخشية فيه..ݣلسو و بقاا شادو كايلعبو معااه ويشدو فديداتو الصغييورين مساخينش بييه واخد عقلهم...بحالا معرفت شنو ولاا عندهم
وقفو قدام الدرب لي مقابل مع زنقة دار السايب .... خنساء هزات صاكهاا وشافت فالمرايا ديال اللوطو كاترتب شعرها تحت انظار المهدي لي تنهد حاس براسو غادي يتوحشها غير فهاد النهار لي غادي تغيب عليه ومن الفوق مخاصمين ... هزات الساشي لي شرات فيه شي حوايج دخلهم معاهااا لدارهم ... وهبطاات ناطقة بايجاز وباينة الفكعة على وجهها : شكرا على التوصيلة ...
المهدي شاف فيها وجاوب بهدوء : بسلامة وسلمي ليا على الدار ...
حركات راسها بايجاب : مبلغ بااي ... هبطاات من اللوطو وردات الباب ... يلاااه زاادت شوية القداام وهو يهبط اللوطو ماقدرش يقاوم تقليقتها منو وتمشي لدارهم معصبة علييه ... حس بشي حاجة ضراتو الداخل من جيهتهاا حس كأنه ممكن يخسرها فخطرة ... بحال الا غاتمشي ومغاديش تعاود ترجع ... احساس وشعور خاايب بزااف انتابو بلاا تفكير نطق باسمهاا : خنسااء ...
الصوت لي جاا فودنهااا وخلااهاا دور عندو كأنها كانت كاتسنااه يعيط باسمها ولي سمعوه اذان اخرى كانت واقفة فراس الدرب ....عبدو كان واقف فور ما سمع اللاسم دياالهااا ... دار لجهة الصوت مدقق النظر ويااريت مااداارش ... يااريت مااشافش فديك الجهة ابدااا ... يارييت مطاحتش عينو على داك المنظر ...
خنساء رجعات عند المهدي لي قرب عندها كايدور عينو فالدرب لي مع وقت الغدا كاان خاوي كل وااحد فداارو .... حط يدو على خصرها مقربها عندو واليد الاخرى لامس بهااا خصلات شعرها بحنان ونطق بصوت مبحوح : شنوو عطاك خاطرك تمشي مقلقة مني هااكااا ؟؟....
خنساء حنات راسها باقي فيها الحال : ولكن انا مادرت ليك والو ... نتا لي بغيتي تنفخ عليا وسمعتيني لي عمري سمعتو ....
المهدي شمر على نيفو وقرب طبع قبلة خفيفة على خدها : سمحيلي احبيبتي ... ( دوز يدو على كتفها بحناان ): غير من كترة حبي ليك الشيطان جابلي شي حوايج مكاينينش ... ماتديش عليااا ...
عيون مشوكية بدهشة متبعاااهم وقلب متنشج غادي يخرج من بلاصتو كايتقطع من المنظر لي كايشوف ... كايرمش بصدمة والنفس كاطلع وتهبط من صدرو بسرعة كبيييرة ... عض على شفايفو مغمض عينييه وكيحلهم كأنه كايحاول يميز واش الصورة لي قدامووو حقيقة ولا خيااال ... تمنى تشق الارض وتبلعوا فديك اللحظة .. تمنى يكون انسان اعمى على انه يشوف الانسانة لي ساكنة قلبو بين يدين رااجل اخر ... وهي كاتشوف فيه بنظرات كلها حب وعشق وهاادشي باااين ... عمرو ماااشااف عينين خنساااء كايلمعو بديك الطريقة وهي كاتشوف فشي راااجل ... كيفااش كاتشوف فمهدي وطريقة لي كاتحرك بيهااا وملامح وجهها ظاااهر فيهم العشق وعشق كببييييير .... كايعرفهااا مزياااان لدرجة ممكن يقراا اي حاجة كاتحس بيهاا غير من تعاابير وجهها .... بسرعة رجعاات بيه الذااكرة للوراااء وهو ضااغط على فكوو
فلاش باك:
خنساء ضحكات ووقفات قادات الكلسة : هههههه دايرة مع مراتو مني يكونوا جايين تعلمني ... القضية غاتسهال دابا
عبدو : وااا نمرة نتيا ... باغا تبروفيتي فيهااا ماااعليكش ....
خنساء : الواحد هو لي يستاغل الفرص والاشخاص على قبل مصلاحتو ...
دوز يدو على خدودها : كل نهار كانزيد نعرف اني معاشر حية فصفة انساان ... قرب عندها بهدوء حاط شفايفو على شفايفهااا طابع قبلة خفيفة بزربة خاطفها منها : اححح على قنوفة عندك غير ديال العضان
هزات حاجبها : ايوااا بااز ( مسحات فمها ): حرام عليك خصرتي ليا العكر ابنادم ... تفووو ... اخر مرة تحط عليا داااك الفم ونتا يلااه كاامي ععع ( مخصرة كمارتها)
ضحك مجبد ليها شعرها : المرة الجاية ندير مسكة عاد نبوسك .... كوني هانية ... ( وقف ): يلاااه تكعدي يلااه نلحقوا المغرب قريبة ... وانا عندي شي غراض
نهاية الفلاش
قلبو تزير عليه وهو كايتفكر ايااامو معااهااا واللحظاات لي دوزو هو ويااهاا ولي لدابااا بااقة مرسخة فذاكرتوو مابااغااش تحيد بالمرة ....
خنسااء ابتاسمات لمهدي لي حزرهاا كايعتادر منها .. ونطقات رغم انها مجروحة من جيهتو ولكن ميكات : صافي اسيدي هادي هاهي داازت ... ولكن ماتعاودش دير هاد الفعايل مرة اخرى ...
المهدي وسع ابتسامتو براحة : كوني هانية الحبيبة دياالي ... عمر دااود ماايعااود ... ( جبد ليهاا حنكها ): ايواا وريني ديك الضحيكة لي كانحماق عليهاا ...
خنساء ضحكاات فوجهو : هههههه هانا اسيدي ... شنو دابا غاتخليني نمشي ولااا غاترجعني معااك هههه ....
المهدي : كون ماخفتش با العربي يصرصدني فالتلفون حيت خليتيهم كون ديتك ....
خنساء : ايوااا هي يللاا خليتيني نمشي ...
المهدي حط يدو فيدها : سخيتي بياااا ؟؟؟ صاافي ؟؟؟
خنسااء شافت فالحومة : الله يهديك راه حناا فالزنقة ... يلاااه نتلاقاو غدا ....
المهدي باس على جبهتها باعتذار : غانتوحشك اعمري ...
خنساء ضحكات ليه رغم انها باقا هازة فخاطرهاا : حتى انا احياتي .... يلاااه بااي ....
زادت من تمااا وهو متبع ليهااا العين ... دارت عندو و شارت ليه مسيفطة بوسة فالهوااا كاضحك ليه.... وهو ردها عليهاا وركب فلوطو مرتااح حيت تصاالحو رغم انه كان معصب منها ولكن مابغاش المشكل يزيد يكبر بيناتهم ... وعارفها الا زاد طول فالخصام مغاديش يقدر يراضيها كيف هاكا بزربة
خنساء تقدماات جهة الزنقة ديااالهم وعبدو كايشوف فيهاا متبع ليها العين كيفاش ولااات ... كبرااات ونضجات وزياانت ... نخوة ومشية وكاريزمااا خطيرة ولااات عندهاا .. كاتمشى بتقة غريبة ورهيبة كيف عادتهااا ... ملامح وحروف وجهها باقين كيف همااا وزينهااا الفتاااان ماتبدل فيه والو من غير انه زاد عمر وجمال على جمال .... شعرهااا المسبسب زااد طوااال وبان عليه الاهتماام ... كاتبااان منورة وبااين عليهاا الخير والراااحة فحياااتهااا ... انييقة وكلاااس ومتولة ... تقدم خطوة لقدااام وشي حاجة رجعااتوو حبساتو يزيد يتقدم عندهاا كتر ... اش غادي يقول ليهااا وباااش غادي يواجهها .... كيفااش غادي يقدر يدوي معااهاااا ... وباشمن وجه غايشوف فيها من ورا داكشي لي وقع ... تمنى لو انه ماتلاقاهاش وماشافهاااش الا كان غايبقى مربوط وهو بعيد عليهااا ... كلااتو الغييرة من الداااخل واخا ماشي من حقو ولكن مقادرش يقاوم احاسيسو ....
كايشوف فيهاا من بعييد وقلبو كايتقطع عليهااا ... كيفااش قدر يضيعهاا من يدوو ... كيفااش خلااهااا لواحد اخر ومشااا ... الندم كلااه من الداااخل كيفااش لاا وهو كايشوف فوردة قدامو يتمناهااا اي راجل سمح فيهاا وفرط فيهااا نهار كان بامكاانو يشد فيدهااا ويخليهااا تكون لييه ... فاااق معطل وللاسف الحماامة فرفرااات وبناات ليه عش اخر بعيد علييه وبلاما تشوف ورااهاااا ... نساااتوو او انها عمرها اصلا بغااتو ... ولا حسات بييه .... كاان ساهل عليهااا تنسى الايااام حيت مكانو عندها حتى مشااعر اتجاهو ولكن هو حس متأخر بمشاعيرو اتجاهها ومن الفوق دمر اي حاجة زوينة كاانت بينااتهم ... وهادشي لي مخليه غايحمااق على فقدانها
دور عينو ماباغيش يشوف فيهااا ... مباغيش مشاعيرو تجرو ليهاااا ويمشي عندها ويدوي معاااهااا .... مبااغيش بالمرة يضعاف كتر من هاكاااا ويقرب ليها .... بخطوات سريعة عطاهااا بظهرو وخرج للشانطي كأنه هارب من احاسيسو وحبو ليها واشتيااقو وشار للطاكسي ركب فيه ....
نطق بحرقة فقلبو مخاطب السائق : مهدية (البحر ) عافااااك ..
مول الطاكسي حرك راسو بترحيب واتاجه لفين قاالييه وهوو كايشوف فالشرجم واللقطات لي شافها فيهم مع راجلهااا كايتعاودو بين عينيه وكايمزقوه من الداخل ...
جيتك يا بحر قلبي عامر ...
حكايتي حكاية راني مدمر ...
سيدي ربي راني صابر ...
مالك يا زهري كافر ...
مني لافوت وانا ظالم ...
خسرت معاك راني فاهم ...
عندي عزيرة ربي لي عالم ...
نطلب سماح راني نادم ...
فزين تهبل تقول كاورية ...
لكلام لحلوا والعقلية ...
العيون قتالة .. ضحكة رومانسية ..
هاديك عمري .. هاديك هي ...
اجمل حكاية ماننساهاش ...
ايسطوار داموغ ماكملناهاش ...
توحشتك عمري قولي لي علاش ...
على فراقك راني خايف ...
على غفلة ومادرت حساب ...
ياك قلنا فالدنيا حباب ...
غلطت غطلة وراني نتعذب ...
قلبي مسكين ياعمروا جرب ...
دنيا لعبات لعبتها تاني ...
دخلات نصيرة لبيت وهزات حاجبهاا كاتشوف فلبيبي ناطقة بهتمام:شفت عندنا تريبية فداار..منين جبتو هااد لولد...
نسرين بإبتسامة:هادا ولد ضحى جاارتناا...
نصيرة غير سمعاات سميتهاا وهياا تقندش..نطقات عاقدة غوباشتهاا:ومالهاا جايباه ليناا...ياكما عندنا لحضانة هناا وحنا مفخبارنااش؟!
عصام عارفهاا غتاخد موقف...قاال باغي يهدنهاا:صافي اعمتي دابا شداتو ولي عطا الله عطااه.. وسيدة غير معندهاا لمن تخليه وجابتو لعند نسرين...
نصيرة شااعلة:اه حيت نسرين مسااالية قبهاا معندها مايداار...ولات كاتقابل ولااد عباد الله...شوية دير ليناا هنا الروض
نسرين فقصاتهاا...نقاات مغززة: حنا جيران لبعضياتناا...مافيها باس الى عاونتهاا وقابلت ليها ولدهاا حتا تسالي... وزيدوون غير ليوم...مالكي درتي فيهاا ليدين ورجليين
جوباتهاا وهيا مخنزرة:نتي عارفاني مناݣرة معاها وتبريت منهاا تعطيني بتسااع....وواخا هكاك شديت بجغوطهاا وهانية لوقت عندك...
نسرين:وهانتي قلتيهاا مناݣرة معاها نتي ماشي اناا...بينااكم لااش غادخلوني اناا...وزوينة هاادي...
عصام:صافي سكتي انسرين...(شاف فنصيرة)الله يسامح اعمتي خلي قلبك كبير...
يلااه غاتحااوبو وهو يوقفهاا صوت دقاان...ومشات تحل...
عصام نطق مخفض صوتو:علااه مالهاا هياا وياهاا... مافراسيش راه مخاسمة معااها...
نسرين:واشحاال هادي...تناقشات معاها فلحمام وبقاات شادة من جيهتاا..نتا عارف عمتك مكاينش فهاد الدرب لي مدارتش معاه مبروك لعوااشر هههه
عصاام ضحك : ههههه وييه حااارة لي جبدهاا يلقاهاا...
حلات نصيرة لباب وبانت ليهاا خنساء واقفة بلبواطة لي جابت من لباتسري فيديهاا...
بتاسماات ليهاا وسلماات عليهاا:اهلا ب بنتي...لابااس علييك...
خنساء:لحمد الله هاد الساعة..ونتومااا...
نصيرة:لاباااس.. وشحال هادي مابقيتي جيتي...شي جوج سمانات دابا ونتي غابرة
خنساء دخلاات سادة من وراها لباب:وراك عارفة اعمتي كان مهدي مسافر..وانا مساليتش.. من هادي لهادي....وعاد مجاتش نخلي نادية بوحدهاا فدار ونجي نباات عندكم...
طرݣات لكوزينة هيا اللولة حطات فيها داكشي لي جابت...و وصلاات لعند لبيت ولقاات عصام ونسرين مزالين منغاامييسن ناسين لعالم مع لبيبي...
خنساء:سلااام وعليكم...هههه شفت نااس داارو تريكة بلا خبااار حد...
عصام طلع فيهاا رااسو:وفيين لابااس...
خنساء كلسااات فوق سداري كا ترتاح: لابااس هاحناا كانعديو مع لوقت..
عصام كان كايتسناا لمهدي يدخل معاها ساعة مدخل حد..هز حاجبو بستغرااب كايتساؤل:فين مهدي..مجاش معااك...
خنساء:لا جا...هو نيت لي وصلني...
نصيرة صغرات فيها عينيها بتشكيك:وعلاش مادخلش يسلم علينااا...شتو غير حطك وزااد..مامولفااش ليه...
خنساء مابغات تبين ليهم وااالو: عندو شي خدمة ومشا زرباان مبغاش يتعطل..(شافت فلولد وقالت بتساؤل) : ولد من هادا لي عندكم؟!
نسرين بتسماات وزادت ضماتو ليهاا:هادا ولدي...رزقني بيه الله بلا وجع وبلا تغريزة...
نصيرة ميقات فيهاا:نعلي عليك الشيطان الله يخلي ليه مو ونتي دغيا درتيه ولدك...(شافت فخنساء)هادا ولد ديك ضحى لمساالية لي ساكنة مع الدورى...
خنساء:اه...تبارك الله شحال زويون...
نسرين عطاتو لعصام بحدر كاتقادو بين يديه:هانتا احبيبة...ديه ليبيت انا غانمشي نقاد ليه لحليب..غايكون فيه الجووع...
عصام لوى عليه يديه وناض وقف كايتمشى بشوية : واخاا ماتعطليش لا يبدا يبكي...مغانعرف ماندير ليه...
نسرين نطقاات وهياا تابعاه:ههه ماتخافش اصلا مهدن ݣاعماا كايبكي...
خرجو من لبيت...ونصيرة متبعاهم بطرف عينها..وقالت كاتنهد بصوت حزيين:والله و تعرفي شحاال كايشتتو ليا لقلب ماتهضريش...وفوقااش حتا هماا يفرحو بولدهم ولا بنتهم...رجاا فالله...
خنساء حدرات راسهاا لبلان لي واقع ليهاا مع مهدي خربقههاا ومخلي عقلها ساارح.. سكتات تواني... نطقات رجااء:مزال ربي يفرحهم...ان شاء الله
نصيرة طولات فيهاا الشوفة...حسات بيهاا ماهيااش...بنت خوها ماتخفااش عليهاا الى كانت مقلقة
وقالت بإجاز:ماالك...معحبتينيش؟! ياكماا واقعة شي حاجة..
يتبع...
التعليقات
لا توجد تعليقات بعد، كن أول من يعلق.