محتوى القصة
خنساء بنفي محاولة تخبي توترها :لا لا ماماليش...غير منعستش مزيان ليوم وصافي...
نصيرة بتأكيد:بصح...بنتي لياا ماشي حتا لهيه...ياكما تخاسمتي مع راجلك و نااسك...غير قولي ماتخبييش
خنساء:الله يهديك اعمتي مواقع واالو...غير عيانة شوية وصافي...(ناضت وقفات)انا غانمشي نلبس بيجامتي نرتاح فيهاا قنطوني حوايج لخرووج...
حركات ليهاا نصيرة راسهاا بأه ماتنكرش انهاا حسااتهاا مخبية عليهاا شي حاجة...ولكن مابغاتش تحكر عليهاا...كاتقول مع راسهاا...كون كان شي مشكل كون عودااتو ليهاا....
مشاات خنساء لبيتها...سدااا لباب وبقات واقفة موراه شحال كتأمل..دماغها كايدي وكايجييب فلأفكار..مزال مقدراش تقبل تصرف مهدي معاها...علاااش لغيرة عمات ليه عينيه وخلاتو مايشوف حتاا حاجة زوينة دارتهاا... شكرآ هيا اللخرة ماتفكرش يقولها ليهاا واخاا غير بضحك...كانت كاتسنا منو ردت فعل مغاايرة تماماً على هادي...كانت كاتسناا منو التقدير لفتخاار بداكشي لي دارت كيفما ولفهااا ماشي النقد على شي حاجة صغيرة وبسيطة بحال لي وقع..غمضات عينيهاا بتتاقل واخدة نفس معمق مخرجااه بمهل...كاتقول مع راسهاا ماشي مشكل وكاتحاول تخلق مبررات لتصرفو... يقدر يكون بصح تقلق حيت مقالتش ليه شنو وقع فلقهوة بتفصيل..وحيت سمعهاا من جيهة أخرى...ولكن بلاااتي!؟..فين سمعها؟؟وشكون قاليه شنو كااين وعمروو حتاا جا تفرݣع عليهااا مسمعهاا خل ودنيهااا؟؟!...ضيقات نضرتهاا مركزة الشوفة وهياا كاتفكر فشخص وااحد...شكون من غيرهاا لي عندهاا المصلحة يتفارقو ويفرتكو الشمل...
نطقات مزيرة على قبضة يديهاا وشفاايفهااا كايترعدو بلأعصااب:صافي فهمت...باينة هادشي كلو من تحت رااس ديك الدبانة لي مغاتهنى حتاا لصقهااا مع لحيط...ملي مصدقش ليهااا لبلان لول بان ليهااا فهادااا...عند بالهاا مطورة...
حركات راسهاا بلإجااب...اكييد مغاتخليش ليهاا لفرصة بااش توصل لداكشي لي بغاات بامكانها تندموا حتى هو على فعلتو ولكن مايمكنش تزيد تكبر المشكل ... وتخليهااا تشفاا فيهاا وتشمت وإلا مابقااتش خنساء...كملاات على طريقهاااا مزولا لمونطو ديالهاا حاطاه على سرير...وهياا كلهاا عزم بااش تصاالح مع مهدي وتخلي داكشي لي داار على جنب وتقرر ترجع لمياه لمجريهااا فعلاقتهم...وتخطط باش تخرج معاه لغد ليه تبدل الجو...ناعلة الشيطان فكل ماجرى وماتخليش بنادم يرمي السوسة فعلاقتهم ....
دخل عصام لبيت من بعد متعشااو وسالااو...نسرين كلات معاهم بزربة وناضت على لماكلة طالعة لعند لولد مقابلاه مقادراش تفارق معاه حتا دقيقه..شاغل وقتهاا بلكاامل... لقاها منعساه على سرير وشادة رضاعة كاتعطيه يرضع وكادوز يديهاا على شعرو بحناان...وهو نااعس فسابع نومة...
عصام بتساؤل كايقرب لعندهاا:صاافي نعس...
نسرين دارت صبعهاا على فمهاا كاتدوي بحدر:ششش دوي بشوية غاتفيقو(حيدات ليه الرضاعة) عاد عطيتو يااكل ونعس...
عصاام حرك راسو بلإجااب ومشا لجيهت لبلاكار...بدل عليه لابس حوايج خفاف باش يرتااح فنعاسو...قرب لعندهاا وتكا فجنبهاا دايرين لبيبي وسطهم...
زااد قرب لعندو تحنى وطبع قبلة على جبهتو...ونطق بإبتسامة:تبارك الله كايبان بحال شي ملاك صغير وهو نااعس...الله يحفضو لولديه...
نسريين تنهدات بحرقة كاتشوف فيه:اميين...وحتا حناا الله يرزقنا بشي وليد ولا بنيتة لي يعمرو عليناا الداار...ويفرحناا يااربي...
عصام:ان شاء الله...(صغر فيهاا نضراتو وهو شايف عينيها مغرغرين)لاااا ماتقوليش لياا غاتبكي تااني...نعلي الشطاان راه قدر الله هذا معندناا مانديرو...
مسحاات على عينيهاا كاتحاول تقاوم رغبتها الشديدة فلبكاء...ونطقات بنبرة مخنوقة:كوون شفتي شحال كانتقطع ملي كانشوف شي وحدة عندهاا وليد صغير فرحانة بيه وانا لاا...واحد شعوور كايقطعني من لدااخل...
عصام: والى مابغااش ليك الله...شنوو نعارضو لقدر؟!!
نسرين:لا بلعكس انا مكانعارضش قدر الله ولي جاات من عندو مرحبا بيهاا...ولكن احبيبي خاصنا نشوفو شنو نديرو مانبقاوش شادين يدينا كانتسنااو فحاجة مكاينااش...
رد عليها بتفسير:يااك الطبيبة ومشيتي لعندهاا وقالت ليك معندك واالو...شنو بغيتينا نديرو كتر من هاكااا؟!
نسرين:نشووفو طبيبة أخرى مانبقاوش لاصقين غير فهااديك ونخسرو عندهاا فلفلوس بلا حتاا فايدة...عطا الله الأطباء..مالها دارهاا ربي غير هيا لي عارفة؟!
رد عليها بنزعااج:الله يهديك يهاد لمرى.. راه ملي غايجي لوقت لي الله مكتبو غادي تحملي...مكاين لااش تبقاي غادة من طبيب لطبيب..
نسرين شداات فيديه كاتطلب فييه:عفااك دير لياا خاطري وخليناا نمشيو عند واحد الطبيية نعتوهاا ليا وقالو ليا عليهاا دقه ببطلة...شحال من وحدين ولدو على يديهااا...
عصام ساااط راافض للفكرة بنسبة ليه شافو الطبيب وقاليهم مكاين واالو مكاين لاش يشوفو شي واحد اخر لي باينة غاكيأكد ليهم نفس لهضرة...
نطق بنفي:نتي راك دايخة فدمااغك..كاتقلبي على طبيب لي يقوليك حاملة وسلام واخا مايكون وااالو...
نسرين زادت زيراات على يديه باغة تقنعو:وااشنو فيهااا الى شفناا شي طبيب أخر...أش خااسريين؟؟!
جاوبهاا بحدة: رااك بنتي ليااا باغة غاا تمرضي راسك براسك...خوي عقلك من تخربيق...والله الى بغا لينا لولاد...راك غاتحملي وتولدي وتشوفيهم قداامك...مسألة وقت وصافي...بلا ماتبقااي معقدة لأموور
نسرين بإصرار:الله أعصام قاليناا دير السبب وانا نعينك...وانا راه عيييت...مغاديش نبقا كنتسنا فلولاد يجيو لعندي بلا ماندير واالو...(يلاه كان غايدوي وهيا تقاطعو برجاء)هانتاا خلينا نشوفو غير هاد الطبيبة هياا اللخرى..الى قالت ليناا معندكم وااالو صافي نحبسو ونتسنااو ومابقيتش نصدعك... وااا عافاااك دير ليا خااطري...
عصااام ركز فيها الشوفة مسلم امرو لله عارفهاا كيف دايرة ومغاتفااكش معااه حتاا تشحفو ويدير ليهاا لي بغات...
سكت تواني و رد عليهاا بإجااب: صافي واخا...لي بغيتي الالة..نمشيو عند هااد طبيبة...
نسرين وسعات نضرتهاا مامصدقاااش مجاوبااه بضحكة وااسعة:بصح صاافي واافقتي...
عصام بإجاز:ومكتعاود غير الصلاة على النبي...هضرة وحدة...نشوفو نيت هادشي دياالك فين غاايوصى
نسرين:الله فرحتيني...صافي نمشيو عندهاا و ان شاء الله مايكون غير لخيير...
بتاسم ليهااا عصاام وهو كايشوف فعينيهاا لي ولات فيهم لمعة خفية كاتدل على لفرحة لي حاسة بيهاا فدااخل ديالهاا مخلياا قلبهاا كايرقص...حط يديه على خدهاا بحناان كايتحسس رطوبييتو... غمضات عينيهاا بتتاقل....يلاه بداا كاايقرب عندهاا بااش يطبع قبلة على شفاايفهاا لي متشوق يدوق طعمهم...مابقا كايفصلهم غير شوية باش ينغامسو فلقبلة...احتاا فيقهم لبكاا تااع لولد لي فااق قفزووه يديداتو من نعااس...نسرين ضحكاات وحلات عينيهاا ...عصام حركك راسو بلا حول مبعد عليهااا
نطق كايضحك:هههه احم...ليوم معانا الزاايد...تصبحي على خير حتا لغداا ...
كمل هضرتو وتخشاا فبلاصتوو بااش ينعس...نسرين جات ليهاا الضحكة غير سرطاتهاا...سكتااات لولد مخليااه يرجع ينعس مرة اخرى متوسطهم بجوج ...وبدورهاا تغطاات وتخشات فبلاصتهاا...دقاائق مراات حتاا غفااو وستسلموو لنوم عميق...
اصبحنا واصبح الملك لله فاقت خنسااء منبرة على الصباااح كاتكسل ... هزات تليفونها كاتشوف السااعة للقاتهااا 9 لمحات ميساج من المهدي : 💬💬 صباح الخير للاميرة ديالي ... مني تفيقي عيطي ليا توحشت صوتك ...
ابتاسماات من كلماتو وبالخف دوزات نمرتو ... كان كالس فالبيرو فالقهوة شاف اسمهااا وجاوب ناشط : صباح الخير النعااسة ... عاد فقتي ...
خنساء بصوت نعسان : وااييه ... غير شفت الميساج ديالك وصونيت ... صافا ؟؟
المهدي : الحمد لله اعمري ونتي ؟؟ ...
خنساء كاتكسل : بيخييير حبيبي ... كنت باغا نسولك واش مساالي اليوم ؟؟
المهدي : وي مسالي وحتى الا كنت مشغول نخلي كلشي على قبل مراتي الحبيبة ... اش حب الخاطر ؟؟
خنساء : تشهيت ناكل الحوت فالمرسى ... اش بان ليك نتغداااو بجوج اليوم برااا ..
المهدي : الله اودي مرحباااا ... ندوز عليك ؟؟
خنساء عضات على قنوفتها بتفكير باغاا توري لملااك انها ماوصلاتش لهدفهااا ... نطقات بنفي : لا لا غير بلاما تعذب انا نفطر ونبدل وندوز عندك ونمشيو من تمااا ...
المهدي فكر نيت باقي عندو شي خدمة يساليها قبل : واخا احبيبتي ... غانتسناااك فالقهوة ...
خنساء بايجاب : دااكووغ ... يلاااه نخليك داابااا ...
ودعاتو وقطعاات كاتشوف بفقصة باغا تقلي السم لملاااك وتوريها انهاا ماشي بهاد السهولة تقدر تخلق الفتنة بيناتهم وتوصل لهدفهااا ... ومزااال دقتها ترجعهاا ليهاا بتااني والمتني غير حتى تجي الفرصة فيدهاا ... ناضت دايرة عليها بينوار مقطن وهبطات لقاتهم مجموعين على الفطور ... انضماات ليهم وعااد طلعاات لبيتهااا حلات بلاكارهاا كانو فيه شي حوايج مخليااهم ... هزاات جاكيط لاسقة عليهااا فالاسود والاحمر مع سرواال نواااغ سااامبل سلييم ... وحطات مونطو طوييل حد الركبة فنفس اللون ... لبساتهم وسرحات شعرهاا بلبلاك ودارت ميكااب انييق مع غوج اليفغ احمر ناااصع ... خدمات عينيهاا مزيااان مقادااهم باغة تباان فابهى حلة وتطرطق القلب لملااك ... دارت عليهاا المونطو عليهاا مع بووت لي جاات بييه ... هزاات سااك احمر ديالهاا دارتو فوق دراعها ... شافت فراسهاا باعجااب مبتاسمة وهبطاات سلمات على نصيرة ونسرين ودعاتهم هما لي لقات بحكم باها وخوهاا خرجو ...
خرجااات سادة الباب وراهاا نااشطة كاتقرقب بطاالونهاا فرحاانة ومتحمسة للخرجة ... مع الدورة ديال الدرب هزااات راسهااا وجااات عينيهااا فعينيييه وهو غادي جهة الحاانوت ... تشوكااا فبلااصتوو مصدوم ... وهي رجليهاا مابقاوش هازينهاا فور ما فرزااتو ... صدرها بدا كايطلع وينزل بزربة واقفة بلا حراك عينيهاا مابقاوش تابتين بقوة التوتر ... بلعات ريقها وهو كايشوف فيها ... حركات راسها راسمة ابتسامة عذباء على وجهها ماباغاش تبين توترها ... وقالت بهدوء : سلااام ...
عبدو بادلها الابتسامة : سلاام ...
حنات راسها باغا تزيد فحاالهااا مخلياه وراهاا ماقاداش تزيد تشوف فوجهوا بالمرة ... هااربة من الغصة لي فقلبهاا من جهتو ولي سببها سنين هادي ... تبعها بخطوات سريعة مقادرش يتحكم فراسو ... جرها من يدها موقفها .... ضغطات على سنانها محاولة تحكم فراسها باغة تصرف بشكل عادي ... وشافت فيه مرة اخرى : على سلامتك اعبدو ... والله يجعلها اخر الاحزان ياربي ...
بعدات يدهااا وبزز باش باقا متحكمة فراسها الاعصاااب دغيا طلعوا ليها .... وذاكرتها بزربة رجعات للورااء والهضرة لي قال ليها تعاوداات فوذنها كانه عاد كايقولهاا ...
تنهدات محاولة تكالما مكملة كلامها : الله يجعلو حد الباس ....
عبدو بشكر حشمان من راسو وقلبو كايضرب فالتسعين .. الفرحة بشوفتهااا والخوف من ردة فعلها مختالطين عليه : امين ... احم لاباس عليك ؟؟؟
خنساء مقوية راسها بزز : الحمد لله ....
زادت من تمااا ماباغاش تزيد توقف معاه كتر وعلاش اصلا غادي توقف معااه .... شكون هو اصلاا بااش تدوي معااه ... زادت مسربية الخطواات يلاااه غاتخرج من الدرب ويدو وقفاتها مرة اخرى من ذراعهااا ... هاد المرة قرودة طلعوا ليها فرااسهااا .. دااارت عندو محمرة عينيهااا ونظرات الغضب ضهرو عليها ... نترات يدهاا وخنزرات ناطقة بانفعال : سلااام وقلناها ليك ... على سلامتك وحتى هي درنا الصواب وقلناهااا .... علاااش كاتقلب اخر مننممم..
عبدو ماعرف مايقدم ولا ما يوخر شنو يقول ولاش وقفها اصلااا ... علااش جرهااا محبسها مافااهمش لااش تصرف هااكااا اصلاا وهو ماعارف مايقول ليها اشنو لي خلاااه يدير هاد التصرف .... شاف فيهااا وكيفاااش مخنزرة فيه وباينة ماا باغااش ابدا تدوي معااه ... باين الحقد لي ظاهر وضوح الشمس فعينيهااا .... مشمأزة منو ومن وقفتها معاااه .... بااين فيها انهااا ماكرهاتش ماتعاودش تشوفو فحياااتهاا بالمرة ...
خنساء بصرامة : عندك ماتقول ولا نمشي نكمل طريقي ... حيت الا عاودتي وقفتيني مرة اخرى مانضمنش ليك اني غاندوي معاك بالعقل
عبدو بلع ريقو وهز عينو فيهاا ونطق بتلعتم : سمعت بيلا تزوجتي !!! ... يااك ...
خنساء ضحكات بلا حول ونطقات بنبرة استهزاء : لا باقي كانتسنى فيك تخرج من الحبس وتسترني الله يجازيك بالخير ... الا جات على خاطرك اسي عبدو ...
عبدو تنهد من كلامها ونطق باعتذار : مابغيتش تفهميني غلط ... انا ما باغي منك والو من غير تصفي خاطرك من جيهتي ... مابغيتش تبقاي شادة فيا شي حاجة ...
هزات فيه حاجبها ونطقات بطنز والداخل شاعلة فيها العافية بالغدايد : وعلااش بالسلااامة غانكون شادة من جهتك اصلاااا ... شكووون نتا وفين كانعرفك .... على ما باان ليا عاطي لراسك قيمة زاايدة وللاسف راك غاالط ....
عبدو : الله يهديك اخنساء ... حنا زعما راه عشرة سنيين .... ماتخليش الغضب والحقد يعميك ... انا عارف انك بنيتي حياااتك بعيدة ... وعارف ماعنديش الحق حتى ندوي معاااك ... ولكن انا بغيت غير نريح ضميري وتسامحيني على غلطي معااك وما باغي حتى حاجة اخرى ...
غمضات عينيهااا وحلاتهم كاتحاول تكالمااا والاهم ماتعاودش تفكر كلامو ليهااا ... نطقات مغددة وهاد المرة باين التحدير فملامحها : عبدو من الاحسن تخليني نمشي فحاالي بلاما نجرحك ونقوليك هضرة مغاديش تعجبك ومكاين لاش منها اصلااا ... وغايكون افضل تعتابر رااسك عمرك عرفتيني ... محيني من ذاكرتك وديرني ماكنتش فماضيك بالمرة ... والا شفتيني قلب الطريق غايكون حسن ليا وليك ....
عض على فكو ونطق بعتاب : واش لهاد الدرجة كاتكرهيني ؟؟
ضحكااات موسعة ابتسامتهااا : هههههه انااا ... كاانكرهك ... نووووووو ههههههه ( كرزات على سنانهاااا بغضب ودغيا قلبات ملامحها ): وانا علاااش غانكن ليك شي احسااس اصلاااا ... نتااا بزاااف عليك حتى الكره ... ( بحقد ): ومني نتا باغي تسمع هاد الهضرة ... انا غانقوليك شنو كانحس من جيهتك ... ودخل كلاامي مزيااان لرااسك باش ماتعاودش تسولني عليه مرة اخرى .... انااا كانعييييفك ... كااانحتاااقرك ... ونااادمة على النهاااار لي عرفتك فييه ( بغليل فنبرة صوتهاا ): نتااا بالنسبة ليا اوسخ واندل انسااان عرفتو فحياااتي ( رفعات صوتها بغضب ): ماااكرهتش نمحييييك من ذاااكرتي ونمحي الماااضي لي جمعني معاااك شيييي نهااار ومااشي على دااكشي لي فباااالك ولا حيت غلطناا بجوج وااحد النهااار ... ولكن حيت وااااقف داباااا قدااامي ... وبلاا حشمة بلااا حيااا باغي مني نسمح لييك على كلااامك ... خليني علييك وعطيني شبر دياال التيساااع .... بعد منييييي هاا العاار .... فرقنييييي علييييييييييك فرقنييي
زاد من تما منفضة مفقووسة وولات حمرة كاترعد وترجف غير بووحدهااا .... وقفات فالشاانطي كاتشير للطاكسي وهو يوقف قداامهااا باصرار ...
خنزراات فيه مكشكشة مابغاش يتفرق منهااا ... غوتاات علييه بالجهد شااعلة : يااااويلك تحط علياا يدك مرة اخرى ... لااااش جاااي دابااا لااااااااااش ... شنوو باغي وااش ماااكفااكش العداااب لي عشتوو بسباابك ... ( عينيهااا حماارو وفمهاا ولا كلو كايرجف بقوة الاعصاااب ): لااش بااقي كااتحك عليااااا ما فهمتش ....
عبدو بطلب ونظرات الندم باينة فيه : رااه ماشي غير نتي لي تعدبتي ... حتى انااا كل نهااار كنت كاانشوف الويل وعذاب الضمير كايقتلني ماا بين جوج حيوووط .... عطيني فرصة نطلب منك السمااح عافااك
تنفضااات بالجهد سااعرة : ماباغاااش نعرف ... مكايهمنيش .. مااا باغاا نعرف علييك وااالو ... يكفينييي تفرقني وتبعد من ساااحتي .. ( بجزم موجهة ليه صبعها ): وماتسنااش السماح مني شي نهاااار على كلاااااااااامك ... حيت عمري غاااانسااااه وماباغاااش نساااه اصلااااا .... بغييت عمري نسااا حتى حرف قلتيه ونبقى مفكراااااه بالضبط .... باااش عمري نسااااامحك ... عمري نساااااامح الشخص لي رمااني واحد النهار بلاماا يتلفت وراااه ....
عبدو شاف اللهيب لي فعينيهاا بقاا مشوكي ماقدر يقول حتى كلمة .... كلمااتهاا نزلاات على قلبو بحاال الخنجر ربطات ليه اللسااان ... كان متأكد من كرهها لييه ولكن الجرح لي فقلبهااا من هضرتهااا بااان لييه غاارق كتر من لي كااان متوقع ... حرقة صوتهاااا وشرارة الحقد لي فعينيهاااا صدماااتوووو وماقدرش يتقبلهاا بالمرة .... كلااامهااا زاد على ماا بيه وضرو بلا قياااس ... وخلااه يتألم كتر وكتر ...
خنساء طلعاات فيه عينيهااا وهبطاااتهم وبلاا ماتشوف وراهاااا ركبااات فالطااكسي زااادحة الباااب فوجهوو ... غمضات على عينيهاااا حابسة دموعهااا ينزلووو وواحد الشعور غريب انتابهااا .... راحة غريبة حساااات بيهااا كأنها كااانت هازة حمل كبييير على ضهرهاا وحطااتو ... كلااامهااا كانت خازنااه اعوام وسنين خرجاتو وعينها فعينيه ... اي حاجة كانت كاتعاتبو بيها بينهااا وبين راااسهاا قالتها فوجهوااا وخوااات قلبهاااا .... طلعااات النفس بصوت مسموع كاتشوف فيه من الزاج ديال الطاكسي وهو واقف مسمر متبع ليهااا العين ... مشوكي فمكااانو كاااان عارف مزياااان انها مستحيل تسمح لييه ... كان متقبل هاد الموضوع بينو وبين راسو ولكن مني سمعها منهاا وهي خرجاتو من فمها بحال الا خويتي عليه شي سطل ديال المااا باارد خلااه كلو يترعد ... ناار قوية شعلااااااات فقلبو وغير مااا زااادت زندااات بكلاامهاا وعتاابهااا ونظراات الكره لي وجهاتها ليييه ... ندم على كلامو ليهاا ندم حيت باقي كايفكر فيهاا وندم حيت وقف فطريقها مرة اخرى وسمع كلامها
حط الطاكسي خنساء قداام لقهوة...نزلات منو وهيااا هاايمة فتفكيرهااا...دماغهاا مامعاهااش نهائياً...من مورى ماتلاقاتو مورالهاا هبط ودنياا ضياقت فعينيهاا...رغم هاادشي كاامل الى انهاا كاتحس بواحد الراحة عجيية فدااخل ديالهااا ملي واجهااتو وفرغاات داكشي لي كانت مخبياه فداخلهاا أعواام وأعواام... داكشي لي كاانت جاامعااه من جهتوو ليوم حطااتو ليه وعطااتو سواريه ووراتو شحاال كايسوى عندهاا....ضحكات بستهزاء راسمة بتسامة جافة على ملاميحهاا وهياا كاتفكر بأشمن وجه جااي عندهاا من بعد داكشي لي داار فيهااا...نساا هضرتوو ليهاا فداك نهاار وكليمااتو لي تغرسات فقلبهاا بحاال لخنجر معمرهاا قدرات تنساهااا...بدوك الكلماات قتل داكشي لي بقاا فداخل ديالهاا من مشااعر اتجااهو...بدووك لكلماات خلاهاا تحقد علييه وتنعل الدقيقة لي لاقتهاا بيه نهار لول وتنعل راسهاا حتاا هوا ملي تااقت فييه وتورطااات فغلطة لي كلفااتهاا التمن غاالي... خدات نفس عميق محاولة تهدن بيه أعصابها لي تشنجاات... و دخلاات للقهوة بخطوااهاا المعهودة طالعة لعند مهدي بااش يخرجو كيف متافقيين واخاا مابقاا عندهاا خااطر لشي خرجة غير حيت فايتة دايرة معاه..كون جاات عليهاا بغاات ترجع غير لداار....
لقاات دنياا عامرة شوية فلكافي بحكم كان لويكااند ناس جاية تبدل لجو وتسوس لعيا دايال السمانة... طلعات ديريكت لعندو دقات وحلاات فنفس الوقت...مهدي كاان مركز مع لبيسي
دور عينيه لقاهااا لجيهتهاا وهو يبتاااسم:مرحباا بلحبيبة دياالي...رااك منورى لبيرو...
بتاسمات ليه فوق النفس ونطقات بإجااز:منورة بنورك احياتي...
كتفات بهاد لكلمات بلا متزيد والو و قرباات ݣااسة فوق لكرسي لي مقابل مع لمكتب...مهدي نتابه ليهاا وقرى ملامحهاا عرفهاا مغيرة وماشي على برجهاا...عند بالو رااه باقة شادة من جيهتوو...مي مابغاا يقوليهاا والو باش مايجبدش داكشي لي وقع بيناتهم... قرر ينسااه ومايخلي والو ينكدهاا عليهم...
ضحك بخفوت وقال: ههه عرفتي كاانمووت بجووع..كنت كانتسناك باش نمشيو ناكلو...تعطلتي عليااا...
ردت عليه خنساء بنزعااج بلاا مااتشعر: تعطلت مع الدار وصافي بلا مااتزيد فييه..غير عمتي بقات شداني بلهضرة داكشي علااش...
مهدي جمع بتسامتو وهز شوية من حاجبو...وقال موسع نضراتو ليهاا:ممم..وسااااعة تقليقتك صعييبة البطرونة ديالي...(غمزهاا)خااصني نكون على باال فلمرى جااية...
خنساء عااد رضاات لباال وحساات براسهاا فكيفااش كاتصرف...مكانتش عارفا راسهاا واش باينة مفروشة حتاا لديك الدرجة ومتأترة بلقاائهاا بعبدو...وهياا لي كانت جاية فابهى حلة فرحانة تلاقا بمهدي ووتخرج معااه وتنشط...أحتاا تسلط عليهاا وخسر ليهاا لمزااج...
خنساء رسماات ابتسامة ساحرة على شفايفها ونطقات بنبرة رقيقة:حسن احبيبي نسااو لي فاات...داكشي دااز والله يهنييه...دابااا غانخرجوو ونشطوو مع راسنااا...غير انا ويااك الراس فرااس...واخااا...
مهدي تبسم ونااض وقف...قرب لعندهاا وشد فيديهاا منوضهاا على لكرسي...حط يديه على خسرهاا وقربهاا لعندو ملسقهاا مع صدرو...
ونطق بهدووء هاايم فحروفهااا: نتي راك هيا الشميسة لي مضوية علياا حيااتي...والى بقيتي شادة من جيهتي غاتضلام الدنيا فعيني...(باسهاا جنب خدهاا وكمل)لباارح دااز عندي طوييل بزااف ملي مكنتيش معايا...عتابري هادي أخر تقليقة غادي نقلقك...معمرهاا التعااود...ههه ورااك كاتساليني لكاادوو...
شافت فيه مطولة شوفة كاتنهد...كاتفكر رغم داكشي كامل لي داازت منو الى ان ربي عوضهااا براحل تمناه أي وحدة...
ضحكاات لااوية يديهااا ورى عنقو محاولة تنسى بلان عبدو وتمحيه من بالهاا تماماً...حيت مكاين لاش تخلي لجو مكهرب بيناتهم وتنكدها عليها هيا ومهدي لي معندو حتاا دنب
خنساء:اخليك ليلي احبي...
تحنى لمستواهاا وطبع قبلة خفيفة على شفايفها لبارزة...بعد عليهاا وتماا غادي كايهضر:يلااه يلااه نمشيو(هز التيل والسوارت اللوطو ديالو)جووع هلكني بلمعقوول فقااش غير نوصلو للمرصى...
خرجو هو ياهاا بعدماا سورت باب بيروه سادو بإحكاام... مؤخرا ومن مورى داكشي لي وقع مع ملااك مابقاش كايدير تقة فحتا حد...شبك يديه مع يد خنساء وتمو ناازلين مع الدروج...يلاه وصلو لنص وهماا يتلاقاو مع ملااك لي لون تبدل فوجهاا تصدماات وهيا شايفاهم بجوج...نزلاات شوية عينيهاا وهياا تزيد تشوكاا ملي شافت يديهم مشاابكين... خنساء دغياا عرفاتهاا تقرصات وتنغزاات فعلا مكانتش متوقعااهم يكونو كايتصرفو عاادي من بعد داك لموال لي سمعاتو لمهدي...دازو متخطينهاا ممهضرينهااش...خنساء دارت بتسامة جانبية غمزااتهاا بمكر بلا مايرض مهدي لباال... وكملات طريقهاا مع راجلهاا...ملااك بقاات وااقفة فنص الدروج مزادت حتاا خطوة...بقاات مراقبااهم حتاا خرجو من لقهوة بنضراات كلهاا حقد ممصدقااش ومبغااش تستوعب شنو كاتشوف....عضاات على شفايفها بنرفزة شديدة...وكملاات طريقهاا لخدمتهاا مفقووصة بلمزياان صورتهم وهماا بجوج مقدراش تحيد بين عينيهااا نهائيا...
عشية باردة وشتيوة خفيفة كاتصب ملطفة الجو .... خنساء شاعلة شوفاج مدفية الجو فالدار ... مخرجة بلاطو صغير فيه قهوة كحلة ريحتها عاطية وشكلاط مر حاطاه فطبيسيل ... كلسات حدا نادية لي كاتقاد ضفارهاا وتبرد فيهم حاطة على رجليها كاشميرا خفيفة ...
خنساء مبتاسمة : الجو غزاال اليوم ... فصراحة غير كاتصب الشتااا كايتقاد الجو ...
نادية بايجاب : ايوا الله يعطيها لينا على قد النفع ياااربي ...
خنساء : امييين ... نكب ليك قهيوة ؟؟؟ ...
نادية مركزة فيدها : لا لا غير خلي حتى يهبط المهدي ... انا نيت باقي ماساليت ظفراني ...
خنساء ابتاسمات : هههه واخا اللالة بصحتك ... انا نطلع نشوف المهدي ونهبط بيدما ساليتي ....
نادية ضحكات : سيري سيريي ... قولي توحشتي بوسات مهدي ونغزات مهدي ... جااتك الدودة الله يعطيك ما تاكلي ...
خنساء بطنز : ههههههه لي حسدني يدير فحالي ... مالكي اش ناقصك ... ضربيها حتى نتي بتزويجة وشبعي بوساان حلاالااا طيباا هههه
نادية شيرات عليها بمخدة : الله يمسخك .. مادرتها حتى فسعد السعوود ... الله يعطيني فيه الدود الا غايجيب لي البلاااا ... غير بصحة اناااا كليت حقي هههههه .... وشبعت منو حتى خيخت
خنساء طلعات كااضحك مخاطباها : وكاين شي حد كايشبع من بجق بجق ... غير مالقيتيهش امااا تشدييه بسنانك ماطلقيه ههههه ... الفقيه دحمان, قرا البرة سبع أيام, وقاليهم الخط عيان... هي دياااالك نتي هههههه
طلعات كاتخطوي مخلياها وراها كاتحرك راسها بلا حول ... طالعة كاتمختر ببيجامتهااا لاصقة عليهاااا مبيناهاا بكاع تفاصيلها ... حلات الباب كان مهدي كايمسح شعرو فازك بالدوش .... ابتاسم فور ما شاافهاا : حبيبتي ...
خنساء دخلات وسدات اللباب وراهااا مقربة عندو على صباع رجليهاا ... حاطة يدهاا على عنقو بنظرات متيمة : بصحتك الدوش ... ( قربات طابعة قبلة على شفاهو ) ...
المهدي شدها من خصرها وعاود باسها : ونموت انا على هاد القنانف .... حلوة ابنت السااايب .... عسل عسل ...
ضحكات مبعدة : عااااارفة راسي ....
المهدي لوا عنقو : كاديري القوالب ... كاتجبديني وتبعدي.... ماحشمتيش ...
خنساء : ههههههههه لاااااااا انا مكانجبدكش غير نتا لي على سبة ...
المهدي قرب كايلعب بشعرها بحنان : علاش لي عندو نتي غايعقل على راسو ... انا غير الشوفة فيك كاترفعني ...
خنساء : هههههههه يخليلي المتيم فحبي ياناااا ....
المهدي ضحك حتى تغرسو نيابو فشفايفو وقرب لبلاكار ديالو جبد منو ساشي انييق مدو ليهااا : هاذااا الكادو ديال الاعتذاار عااد جابتو الفرصة ... ( غمزهااا ): على الله يعجبك ...
خنساء عينيها شقشقو كاتموت فلكادوااات ... بلا عكز طيراتو لييه فرحاانة كاتحلو ... جبدات كسوة سيكسي خطيييرة فاللون الابيض كاتبري محلولة من الجنب كاتحمق فقياسها ... خرجات عينيهااا بدهشة عاضة على شنايفهاااا كاترمش باعجاب كبيير ... نطقاات بسعاادة : اووووووو ماايمكنش ... نااااري خطيييرة .... هههههههههه وااااااعرة وااااااعرة احبيبي ...
المهدي ابتاسم حيت عجباتها : غاتجي حسن مني تلبسيها ... ( وسع ضحكتو ): ولكن غاتلبسيها غير فهاد البيت 😉
خنساء بفرح : هههههههه اكييييد .... فصرااحة ذوقك خطير احياااتي ...
قربات عندو معنقااااه بحب وعشق كبييير : تاانكيوووو مااي لااايف ....
ضحك وهمس فوذنها : وجدي راسك هاد الليلة غانسهرو انا وياك راس فراااس .... وبغيتك تلبسي هااادي اوووك ...
خنساء عينيها كايلمعو : ونادية ؟؟؟ ...
المهدي جبد ليها حنكهاا : غير خليهااا علياااا .... عارضة عليهااا مامات واحد الدري صااحبي وراه صاحبتهااا .... ضوونك مغاتجيش بكري هاد الليلة ...
خنساء حطات يدهااا على عنقو وهمسااات بصوت عذب : وانا غانكون واااجدة كانتسناك وهاااد الليلة مغاديش تنساها فحياااااااتك ....
طبعات قبلة فعنقو بالخف وحطات الكسوة فبلاصتهااا وهبطااات عند نادية فرحاانة غاااطيييير خلاتو وراهااا باغي غير ايمتاااا يوصل الوقت باش يدي مو ويرجع لحبيبة قلبووو ...
بعد مرور يومين...كانت نسرين ݣالسة بجنب عصام فقاعة الإنتضار عند الطبيبة المختصة...كايتسناو فنوبة ديالهم...عطاو لمعلومات للمساعدة لي حلاات ليهم الضوسي ونوطات داكشي لي خاصو يتقيد...
قالت نسرين بصوت خافت مخاطبة عصام وقلبهااا كايضرب بخوف: كانحس بلخلعة بزااف معرفتش علااش
رد عليهاا بنبرة مطمئنه:رخي فيك النفس...ماتخاافيش...يكون خير
وصل الدور دياالهم...عيطاات عليهم السيدة لي مكلفة وداتهم لعند الدكتورة...دخلو لعندهاا...وتعرفات عليهم فلول..حكات ليهاا نسرين لمشكل لي عندهم مع الإنجاب ولي على قبلو جااو لعندهااا...
طبيبة لبسات نضارضرهاا وقالت بستفسار:دااكوغ...شحال ونتوماا مزوجين؟؟!
نسرين:تقريبا طالعة لخمس سنين دابا ديال زواج...
ردت عليهاا بتساؤل:و هاد لوقت كاامل معمرو حصل حمل؟!
نسرين:لا بلعكس فايت لي حملت...ولكن درت إجهااض ومكملش...
طبيبة:وفهاد لمدة لي دوزتو مع بعضياتكم...لعلاقة بيناتكم منتاضمة مكاينش نقطااع...ولا قليلة(شافت فعصاام باش تفهمو)يعني واااش مكاتغيبش متلا لمدة طويلة ستة شهر ولا عاام عاد كاترجع لدار؟!
عصام بنفي محرك راسو:نو جامي ملي تزوجت عمري مشيت لشي بلاصة وطولت فيهاا....وزيدون خدمتي هنايا ميمكنش ليا نغيب...
طبيبة:اه واخا مزياان...(شافت فنسرين) وبنسبة لدورة الشهرية عندك منتاضمة؟!
نسرين كانت ديما كاتعاني من هاد لمشكل...جوبات بدون تردد:لا مامنتاضماش...كل مرى وفقااش كاتجي...مرى فشهر مرة شهر ونص...وبعض لمراات كاتغيب ݣااع لشهرين وزيادة...
طبيبة:بون...باش منطولش عليكم...غادي نديرو بعداا لختبارات السريرية هيا اللولة ونشوفو...الى ملقيناا والو عاد ديك الساعة نشوفو التحاليل ونديرو تشخيص أخر...
نسرين حركاات ليهاا راسهاا بلإجاب...طلبات منهاا تمشي معاهاا لقاعة الفحص..وعصاام بقاا كايتسنااهم....مرت دقائق...وطبيبة مركزة فشاشة الطبية بصمت كاتحااول تستكشف شنو عند نسرين لي كانت متكية على جمرة فوق سرير معرية على كرشهاا باغة تعرف شنوو كااين ...سلاات الطبيبة من الفحص...وخرجات مخليهاا من موراهاا كاتمسح عليهاا وتلبس فحواايجهااا...
رجعاات لبيروهاا ݣلسات فيه ولتحقات بيهاا نسرين...لي كيف ݣلساات نطقاات كاتساؤل بهتمام شديد:شنو عندي أدكتوورة؟؟...
الطبيبة نزلات على لورقة لي قدامهاا كتبات فيهاا...طلعاات فيهاا لعين وقالت بنبرة تابتة:هو بصراحة بلا ماتشطني...كيف كنت متوقعة... عندك التكيس فلمبيض...هو سباب حتا تعطل الحمل..
نسرين وسعاات نضرتها بالعة ريقهاا بصعوبة...ودم هرب من عروقهااا.. نطقاات بتلعتم وبإحبااط شديد:ك...كيفااش...دابا انا عندي لكيس هادشي لي كاتقصدي؟؟
الطبيبة: تماماً كيف معروف عند الناس كايسميوه لكيس ...
نسرين بحالا خيطات ليهاا فمها بداك لخبار لي نزل عليهاا بحال سااعقة مصمكاهاا...دماغهاا كايقوليهاا صافي مغتولدييش..حلم الأمومة غايولي كابوس بنسبة ليك...عينيهاا عمرو بدموع بلا مااينزلو..حاسة بلإنهياار،حدراات راسهاا مغمضة عينيها مقدرااش تنطق... شعور اليأس مخلط بلإحبااط حاايط بيهاا من كل جهة،عصام نتابه ليهاا وتنهد عاارفهاا حساسة بزاف وصعيب تقبل أي حاجة... سواء كانت هاد لحاجة كبيرة ولا صغيرة...مكاتكونش عندهاا الشجاعة الكافية باش تواجهااا....
قال عصام مخاطب الطبيبة مكمل معاها لهضرة:واش دابا بهاد لمشكل لي عندهاا منقدروش نولدو..فهميني عفاك راني مفاهم والو فهادشي...
ردت عليه بهدوء:ماتخافوش..هاد التكيسات لي كاتكون فلمبيض راه شائعة...وبزاف ديال العيالات ولبنات كايعانيو منهاا...وكايتشفااو عاادي...
عصام:وشنو نقدرو نديرو داباا غاتخد شي دوى ولا شنو المعمول؟!!
الطبيبة:بيانسوغ غاتاخد الدوى...بنسبة لعلااج غايكون على مراحل....غانعطيهاا دابا تاخدو...ومن بعد شهرين ترجع لعندي..الى مكانش شي تحسن ودورة الشهرية مزال ممنتاضماش... غادي نبدلوه بدوى مجهد منو...والى مانفعش و ستمر الوضع الصحي كيفما هوا..فغانطرو نديرو عمليه... غير بليزر غادي ندوبو دوك تكيساات...
نسرين عضات على شفايفها كل كلمة كاتسمعهاا كاتزيد تأزمهاا كتر وكتر...شافت فيهاا وقالت بنبرة مخنوقة:ها دواياات ها لعملية... دكتوره انا بانلية هادشي خطيير...دابا غا واش نقدر نولد من مورة هادش ولا لا...
طبيبة بتاسمات ليهاا بخفوت باش تريحيهاا:سمعي امدام نسرين...مكاين لااش هاد لخوف كاامل...حناا غانديرو لي علينا وكتر...ولكمال على الله...بلا متخاافي راه ماشي اي وحدة عندهاا لكيس كاتسمى عقيمة ومغاتولدش...لا هياا قاادرة تولد...لمشكل ان هاديك التكيساات كتأخر لإنجااب لواحد لوقت لي كايكون طوييل واحد الشوية على المعتااد...دابا غادي تبعي دوى ديالك عاادي...مغاديش تعمري راسك بشي حوايج مكاينينش...لحمد الله لحد الساعة مكاينة حتا شي حاجة خطيرة لي غاتمنع لحمل... داكوغ متاافقيين....
نسرين حركات ليها راسهاا بدماغ مرفووع على تفكير...قلبهاا كايتمزق بحرقة شديدة....رغم ان الدكتورة طمناتهاا... الى انهاا جاتهاا صعيبة تقبل لفكرة وترضى بيهااا...خاايفة لا لوضع يتفااقم ويزيدو حوايج خرين يباانو وتنغص عليهاا تااني... خايفة لا تفقد القدرة على الإنجاب بصورى نهائية....خايفة هاد لمشكل لي ولا عندهاا يكون عاارض ويحرمهاا من انها تكون أم شي نهار بصوورة نهاائية....
شدها من بيدها مدخلها وهي كاتسمي الله فرحاانة ... كاتشوف فالمحال لي ولا فشكل اااخر مستحيل تقول هو نفسو المحاال لي كاان .... ديكورات جداااد واااعرة وديزاين خطييير فالدخلة موقفين فيها جميع انواع الزراابة وجميع الموديلاااات اخر مكااين فالسوق ... وزادو كبروه مني من الداااخل والبلاصة ديال السلعة والسطوك دخلوها مع المحاال زاااد وسااع ... وجا واااعر بالجهد كايبان عاطي للعين وسط الشاارع
حيااة بفرحة عينيها كايلمعوا : تباارك الله مشاااء الله .... صرااحة صدمتووني والله ...
عبدو باس على راسهاا : كلو بدعاك اميمتي الله يخليك ليااا ...
حياة بدعاء : الله يجيب ليكم التيسير يااربي ويحل عليكم بيبان الرزق ويسهل علييكم ويجعلوا فاااال خير ياااربي ....
سيمو خاشي يدو فجيبو حتى هو فرحاان بشنو دارو : غير بقاي دعي معانا هاكا اخاالتي وغاتبقى الامور ديما ميسرة باذن مولانا ....
حيااة قرباات بخطواات كااتقرا المعودتين فرحاانة غاطيييير لولادهااا ... وحطات ليهم مصحف فضي فوق الكتب ديال العبارااات : الله يفتح عليكم ... يااربي ويغلل الرزق ويسر ليكم فييييه ... انا متأكدة حسن غايكون فرحاان بيكم فقبرو ...( دمعوا عينيهاا ) ...
عبدو شاف فيها وباس على راسهاا : بلاا بكاا اميمتي دموعك غالية ... الله يقدرني نرجع ليك غير شوية من شنو درتي على قبلي و نعوضك على العداااب لي سببت لييك ... الله يقدرني
عنقااتو ضاماه لصدرهااا : اناا راضية علييك دنيا واخرة ... الله يخليك ليا اوليدي
عبدو كايدوز يدو على ضهرها بحناان : الله يطول ليا عمرك ... ويخليك ديما تاج فوق الراس يااربي ...
سيمو ابتاسم : امين ياااربي ... ايواا براكة علينا من الحزن وخليونااا نمشيو نتغداااو فشي بلاصة زوييينة ... انا عارض عليكم بهاد المناسبة ....
عبدو : ههههههه مانقولش ليك لااا .... يلاااه للواليدة ...
سدو المحاال وخرجو من تمااا فرحاانين متمنيين هاد المحال يكون فال خير عليهم
كااملين ويكون بداية جديدة لحياتهم ...
تمشات ملاك بخطوات معبورة جيهت مكتب مهدي...مغاايرة تماماً عن المعهوود...لابسة كسوة قصيرة فنوااغ مع ليبة شفافة فنفس اللون...وبوتين نوااغ بطاالون رقيق لااصقين على سااقهاا...بلطااي ديالهاا جااتهاا لكسوة نااضية ورداتهاا بحلة أخرى....دازت من حدا المراية لكبيرة لي معلقة مع الدورة...وشافت شعرهاا ياكماا مخسر... بتاسمات وهياا كاتقااد فخصلاتو لي ولات قصيرة فلون البني الفاتح مع خصلات شقراء مختالف على من قبل..لصقاات شفايفهاا مع بعضهم باش تأكد ان لعكر مقااد وتابت عليهم بجوج...كملات طريقهاا لمكتب مهدي...دقات عطاهاا لإدن حلات لباب ودخلاات... مهدي كان حاني على شي وراق...هز فيهاا عينو يلاه غايهربهم باش يكمل خدمتو وهو يرجع متبتهم عليهاا في سااع....مفكسيهم عليهاا...وكايشوفهاا بحلة جديدة...دايرة غلوكينك ومبدلة كلشي...مكيااج رااسخ مزين حروفهاا وعينيهاا ضربات ليهم ليلونتي فلأزرق السماوي ماركة ممتازة وغالية كايبانو بحال عينيهاا تماماً....كوب جديدة قصيرة عاطية لوجهاا شكل جديد...ولبااس متيير على غير المعتااد....
هز فيها حاجبو وعاود حنا راسو لخدمتو ونطق وهو كايخدم : ياااك لابااس املاااك ؟؟...
كلسات مقابلة معاه دايرة رجل على رجل كاتلعب بخصلات شعرها وابتسامة عذباء دايراها على وجهها ... ونطقات بصوت محلون مادة لييه البون ديال السلعة : جبت ليك هاد لافاكتييغ ...
المهدي شار ليها بايجاب : اييه حطيها تمااا انا غانقادهم ...
حطاتهم وعضات على قنوفتها بدلع : ماقلتيش ليا كيف جاني نيو لوووك !! ...
المهدي بلا مبالاات : ممممم ... بصحتك ... ( هز ورقة من المجر داير فيها شي حسابات ولا هو لي مقابلهم ): هادو رااه قاديتهم ... عطيهم لمول السلعة وقوليه فالويكاند نسيفط لييه الفلوس ...
هز فيها راسو مفيكسي عينيه فعينيهااا نيشان مركز معاها كايدقق ... ونطق بتساؤل مستغرب : داايرة لي لوونتي ولاا كيفااش ؟؟؟؟ ...( قرم حجبانو ): واقلة هادي راه بلاصة الخدمة وماشي ديال هادشي كااامل ...
عضات على شناايفهاا كاترمش ببرائة : لا هادو دياال شوووف ... من اليوم غانولي نديرهم ديمااا ... حسن من النظاااظر ....
المهدي حرك راسو بايجاب متجاهلهااا هااز حاجبو مخليهااا بلااكة بلامااا يجااوبهااا ماعندو كانة لهضرتها الخااوية واصلاا مشغول عارفهاا الا شدات الهضرة مغاديش تساالي ... ومن داك المشكل لي طرااا ولا كايتفاداهااا مااا امكن حيت باقي ماتصرطش ليه بالمرة ...
ملااك شافت فيه فاهية فملاميحو وهو معاطيهااش وقت مامحاشيهاش ليها اصلاااا ... ونطقات مخاطبة رااسهاا بتوعد : شحااال قدك تهرب احبيبي .... وتدير راسك مفااهمش وهبيييل .... اليوم ولا غدا تجيبك المصيدة حتى لعندي .... ورااك وراااك والزمن طوييل يااروحي ...
خرجات تنهيدة بعمق مسمعاها ليه .... وهو يهز فيها راسو مخنزر : ماعندك شغل ولا غاتبقاي تنهدي عليا هنااا بلا حباسااات ... ( قرم حاجبو): غارقين لييك ... سيري شوفي ليك ماتقضي !!! ...
ملااك حركات راسهاا بواخا مبتاسمة سارطة القمعة : واخااا امهدي هي اللولة ... ( كاتعوج ): الا بغيتيني انا على برا
زادت من تما كاتمختر فالمشية وتلواا وهو حرك راسو بلااا حول وكمل خدمتووو فهدووء مركز فشغلو ...
لعشية تعاشاات...وضلام خيم على لمدينة...كانت نسرين ممددة على سرير معنݣة لمخدة...كاتشوف فجيهة وحدة بعينين لي تنفخو بكترة لبكاا...ملي دخلات من عند الطبيبة مكلات مشربات...دخلات لبيتهاا وسدات عليهاا وضلماات الدنياا وتكات فجو مكتأب كاتخمم فمشكلتهاا الجديدة...
دخل عندهاا عصام لي كان موجد راسو لابس سروال دجين مع قاميجة فنواغ لاوي كمامهاا وخاشيهاا فسرواال مع سمطة جلدية فلكحل...
نطق بتساؤل:نسرين صباطي مبانش ليك؟؟!
دارت لعندو طلعاتو ونزلاتو ونطقات بصوت خفيف:شوف غير فلبلاكار ديال صبابط غايكون تم...
عصام هز حاجبو:اجي نتي شتك مزاال موجدتيش رااسك؟؟معوالااش تمشي
ردت عليه بنبرة عياء:مافيا لي يمشي لشي قنت ولا لي يشوف شي حد....سير عندهم بوحدك...
عصام وسع نضراتو مافهم والو:كيفااش سير بوحدك...ولعب الدراري هداا...نااس راه دايرين معاناا بجوج ومعولين عليناا انا وياك نمشيو لعندهم ماشي بووحدي...
نسرين ببرودة:قلت ليك مغادااش
زااد تغدد ونطق محمر فيهاا:نوضي تݣعدي يلاااه راه نااس كايتسنااو فينااا...
نسرين ناضت من بلاصة ونطقات شاعلة:ماااافياااش....موراالي بحال زفت معندي خااطر نشوف حتا حد....غير صباح سمعت خبااار لي قلبات لي دمااغي كاامل...كفااش بااغيني نمشي عندهم ونعطيهم وقت ونتصرف معاهم عاادي؟؟!بغيتي تمشي بووحدك سيييير...انااا مغادااااش....
عصااام زير على قبضة يديه متمالك أعصابو معاهاا غيير بزز لا يدير شي كاارتة...فقصاااتو...
ساااط بغضب وجبد التيل دياالو دوز لابيل:وي الو سعد صافا...لحمد الله...شوف اخوياا غاتسمحو ليناا بزااف ليوم منقدرووش نجيو عندكم...لا لا هانية غير نسرين عياانة شوية...الله اودي هههه نخلصو باباها لفالطة علاش لاا... مرة اخرى ان شاء الله وسمحلياا بزااف....يلااه بسلاامة
سالا لتصاال وعقد غوبااشتو فيهاا...ماشعرش حتاا ضربهاا بتيل بجهد ونطق معصب:تبرهيييش....والله حتااا تبرهييش....
نسرين ناضت تقابلات معااه:جمع يديك أعصاام وهضر بفمك وعرف اشكاتخرج منو...
عصاام زااد غوت معلي صوتو عليهاا:اااااه فعاايل لبراهش هماا هاادو...بلحق اناا لاش داباا كانتغدد معااك ونحرق فدمي....لومة على ديلمي انااا....حيت نهاار لول سيد ملي عرض علياا وقالي جيب مرتك...نقووليه لااا مرتي متعولش عليهاا...مرتي مقطعة لوراااق...مرتي نااس كاايفكروو وهيااا كاااات....(سكت ممكملهااش مخسر فيهاا شوفة)يخ زيييت غانبداا نخسر فلهضرة تفووو...
نسرين بنبرة مرتاافعة:زيد مزااال زييد...لااش حبستي...زيد صبني وعلقني نتسقطر...حيت ساااهلة عندك...سي نوورمااال...محاااسش بياااا نهااائيااا...
عصام:دابااا لاااش هاادشي كاامل....لاااااش هااد لهيلالة كاااملة....على قبل لولاااد ياااك....
نسرين بدهشة:وبنسبة ليك حااجة عادية هادشي لي سمعت عند الطبيبة هااد الصباااح...سااهل عليااا نتقبلهااا بحااال مكاين وااالو....لعااافية شااعلة فداااخل ديااالي ونتااا محاااسش...وااالو مكاااينش فهاااد لعاالم.....
عصام بنبرة قوية:واااكاتهضري بحااالا ماااعرفتش شنو لقااات عند هاااد الطبيبة ومفخبااريش...كون مامشيتش معاك وسمعت بودني كنت غانقول كااينة نييت شي حاجة ومخبياهاا علياااا.....وااااش تصطيتيي ولا شنوو....غير حيت قااالو ليك خصك الدواي بااش تولدي رديتي راااسك عاااݣرة؟؟!....
نسرين دمعو عينيهاا ونطقات بنبرة بكااء:الى كاان كايسحاب ليك غانتقبلهاا بهاد لبساطة وندوزهاا بجغيمة لماا...فرااك غاالط اولد الناااس...والى دوى مداارش لمفعول دياالو؟؟!الى دااز وقت طوييل ومولدتش؟!!شنووو غاادي نديير دييك الساااع...مفكرتيش فهااادي
عصاام مسح على وجهوو كايحاول يضبط أعصاابو لي تشحناات معاهااا....نطق بحدة موجه سباباتو ليهااا:شتي لمشكل ديالك شنو هوااا...كاتشدتي حاجة صغيرة وكااديري منهاا جبل قدو قد السخط...على قبل برغوتة كاتحرقي التوووب كااامل وترضيه رماااد...(كمل بتدكر)نفكرك نهاار كنتي حااملة....فقااش طاااح؟؟!ياك كان صحة سلااام....احتاا سمعتي خوك داار كسيدة...(كمل كااايغوت وعروق عنقو بااارزين)ماخليتيني حتااا نكمل هضرتي ونضتي كااتنقزي وتغوتي بحالا معرفتش شنو طرى... ساعة خوك كان غامقسح فيديه....مامالو وااالو...ولكن نتتي رضيتييه بتنقاازك مااات وودع ووفيتي اجلو...كون حضرتي شوية عقلك كون كاعماا وصلنااا لدااكشي كاامل
نسرين خرجات عينيهاا وحلقهاا نشف...طولات فيه شوفة مصدوومة و ردت عليه بخفووت:داباا شنو بغيتي تقصد بهااد لهضرة....بلي اناا سباااب فموووت ولدي...انا لي طيحتو بلعااني...اناا لي درتي يدي فكرشي وجبدتوو....ياااك هاادشي لي بغيتي تقوول
عصام ساااط:الله يرحم بااك متݣولينيش شي حاجة مݣلتهاااش....نتي لمشكل دياالك مكاتعرفيش تصرفي...اياا حاجة زوينة بغيتيهاا تحضر والرحم الله...على حاجااات قد لبزقة كاتنوضي قياااامة....واااا لحياااة أشريفة راه مابغاتش هاكاا... مكاتعطينتااش كاااع لي بغينااااا...الى ربي كتب ليك شي نهاار تولدي راااك غاااتولدي..والى مكتبهمش ليك راك وااخاا تاكلي طبيب برااسو ماشي غير الدوى،معمرك غاتولدي...دخلي هااد لهضرة لراسك وسدي عليهاااا....
دموووع تحجرو فعينيهااا زيراات على شفايفها بحرقة وتخطاتو ضاربة فيه ومشاات لحمام سداات عليهاا وعطاات لعنان لدمووعهاا ينزلو....كاتشهق وتبكي بصوت مسمووع...كليمااتو ليهاا زاادو اترو فيهاا كتر و كتر....كانت منهاارة مازمة وݣاع لمشاعر لخايبة تجمعو عليهااا...ليلة كاتعتبر من ليالي لكحلة لي دازو من حياتهااا... عصام تنهد من حاالهاا حس بلحوار معاهاا غادي يكون عقيم والى بقاا غايصدق منوض غا شي صدااع لكبير بزااف على حاجة بسيطة... حل لبلاكاار لبس السورفيط ديالو..داار عليه لقب...لبس سبرديلتو تاع سبوور...وخرج يدير شي سااعة ديال الجري بلا مايتوقف...محااول يهرس جهدو ويفرغ طاقتو السلبية واعصاابو حسن مايصدق خااويهم فيهااا....
صبح يوم جديد...وقف مهدي قدااام للداار كايكلاكصوني وخرجات عندو خنساء بالزربة لابسة سروال دجين وبودي فاللون الاسود ودايرة عليهااا مونطو طويل كاارو فالغوج والنوااغ مع بوشيط خفيفة فنفس اللون وميكاب شتوي خفييف مكتافية بغوج اليفغ نيود وماسكاارااا وايلاينر وطبعااا عدسات فالكري مزينة بيهم عينيهااا كيف العادة ... ركبات حدا المهدي وباستو فحنكو : ياكما تعطلت عليك ابب ...
المهدي بابتسامة : لا احياااتي ... ايواا فين غادي نمشييو ؟؟ ...
خنساء بتأكيد : نمشيو لكينيطراا مول (kenitra mall) هي اللولة موصية على واحد المونطو يجيبو قيااس هوو علااش مخرجااك داباا ...
المهدي ضحك : انا راني عارفك مني قلتيلي بغيتيني على شي غراض عرفت للقضية فيها الحواايج ... واخا الالة ماقلتي عيب ومن بعد نمشيو ناكلو شواارما تشهيتهااا ....
خنساء بايجاب : داكوووغ ...
دارت السمطة والمهدي ديماارااا اللوطو مسافة الطريق حتى كانو قدام المول ... هبطوا شادين فيد بعضيااتهم كايتسااراااو نااشطين ... خنساء سبقاات واحد مول الميكاااب تمااا خدات من عندو شي حوايج خااصينهااا وعاد دازو للدروج اوطوماتيك طالعين ... كايدردشو مع بعضياتهم ... حتى جاات عين مهدي فواحد جوج دراري من الجهة الاخرى للدروج هابطين وعينيهم على خنسااء كلاااااوهااااا كايطلعواا ويهبطو فيهااا بلا حشمة بلااا حياا ونظرات الاعجااب باينة فعينيهم .... قرم حجباانووو وكرز على سنانو مخنزر فيهم حتى فهمو راسهم وضار جهة خنساء لي كانت ساهية فجهة اخرى مامدياها فوالو ... ضغط على فكو بنرفزة كون ماكانوش بعااد عليه كون تلاااح علييهم داير فيهم شرع يدووو .... نطق بعصبية وانفعال فصوتو : مافهمتش انا بنااادم مابقاش كايحشم .... يخخخخ شي نهاار غانرتاكب شي جريمة فشي حد ... وديني حتى غانصفيها لشي حد مافيهاش التخرشيش
خنساء هزات حاجبها بعدم فهم : علااااش ؟؟ شنوو كاين ؟؟؟ ...
جرها من يدهاا معصب : واحد جوج قماقم كلاوك بعينيهم ... ( غزز سنانوو شايف فيهاا ): شحال من مرة كانقوليك مكاين لاش تقادي وتصاوبي مني تكوني خااارجة ... وتزيدي فيه ...
خنساء علات حاجبهاا : اءء كيفااش ... نخرج مبهدلة ولاا شنووو !!! ... ياااكمااا نخرج مافيا مايتشاف بااش بنادم مايشوفش .... زوييينة عندك هادي تااني ...
المهدي مغدد : كون كنتي لابسة لباااس محتاارم ومدايرااش دوك الصباايغ فوجهك كاعماا يشوفو فيك ...
خنساء عقدات غوباشتهااا مفقوسة : لااا واااش من نيتك داااوي ولااا شنووو !! ..مالو لبااسي كيف جاااك بسلااامة ... رااني لااابسة عااادي مافهمتش الا شافو هما فيااا انااا مااالي فهااادشي لااش كاتغوت عليا !! ... دابزو يا الفيران على خميرة الجيران.
المهدي فكرة شي حد يشوف فيها باعجاب كاتبغي تحمقو ما باالك يصادف بنادم وهو كياكلها بعينو : هادشي غير وانا معااك وكيف دارو العلم الله كون كنتي بوحدك كون نقزو عليك بلاما يشعرو ...
خنساء غمضات عينيهااا ضابطة اعصابها بزز : واش غانبقاو نعااودو فنفس المواال ولا كيفااش !! ... الا همااا شافو انااا مااالي !! ... شنو بغيتي ندير ليهم متلا !! ... نقبني حسن ولااا شدني فالدار باش حتى مايشوف فياااا ... كل واحد حر فعينيه يشوف فين بغااا نتحكم ليهم فعينيهم ... هاااااء ...
المهدي تنهد ماباغيش يزيد يكبر النقااش خصوصا انهم فالزنقة : دابااا غير هنينا وخودي شنو بغيتييي خلينا نبدلو سااعة باخرى الله يرحم بيها الواليدين ...
خنساء ميقات فيه طالعة ليها القردة للسطح ودخلاات للمحال كاتقلب على قياسهاا فالمونطو لي جاياا على قبلو ... المهدي دور عينو فالمحاال باانو ليه كاشكولات على شكل شاال كااارو كبااار ... هزو وداز لاكيس خلصو بلاما تشوفو وزاد عندهااا وقف قدامها مبتاسم كاسحاول يلطف معاها الجو : هانتي الالة باش ماتبقايش كااعية خديتو ليك على ذوقي ...
خنساء دارت عندو مورالها نازل وهو قادو ليهااا دايرو ليها على راسهااا ولاوي جزء منو على عنقهااا مخلي البعض من خصلات شعرهااا بااين القداام متبتو ليها : جاا معااك احبيبتي ... نيت كاين البرد على برااا ...
خنساء تنهدات عايقة بيه دارو غير بااش يغطيهااا قوالبو مايدوزوش عليهااا ودار السبة بالبرد ... تنهداات مخليااه على خاطرو محركة راسهاا باييه وهزات المونطو دياالهاا يجمعوه ليهاا ... خلص المهدي الحساب وخرجو بجوج بيهم وهي دارت عين ميكة على البلاان محااولة ماتزيدش تعقد الامور وحتى هو دواا معاهااا عادي مخاطبهااا فين يمشييو ناسي لي وقع .... اتاجهواا لمحاال خااص بشواارماااا محاولين يستمتعوا بوقتهم وحتى خنساء دغيااا اندامجاات ومحاات لي طراااا متناااسية الامر ...
رانيااا غادة فطريق بخطواات سريعة طاالعة ليهاا لقردة ومعصبة...كاتصوني عليه وتعااود وتقول واش كاايجاوب...يومين وهو قاطع عليهاا لهضرة معرفاتش السبب شنوو هو....عاودات عيطاا ليه كادير اخر لمحاولات....
تواني حتا جاوبهاا هااد لمرة بهدوء:وي رانياا...
رانيا بعصبية:علا سلامتك...واش بعدا باقي فدنياا ولا ياكماا خرجتي منهااا بلا خباار حد...
منير بنفخة:كنت مشغول هاد لأيام داكشي علاش مقدرتش نجااوبك..شفت لي زابيل ديالك...
رانيا وقفات مخرجة عينيهاا ونطقات هاتفة بنفعاال:شفتي لي زابيل دياولي....هاكا كاتقوول فيهاااا...ومقديتيش امنير حتاا تعيط علياا ولا تخلي غير مسااج...لهاد الدرجة طلعت ليك فرااسك؟؟!
منير:راني قلت ليك كنت مشغووول...مساليتش نعيط لا ليك ولا لغيرك...
رانياا زاد فقصهاا ببرودة نطقات مقررا تنهي لمكالمة:اوكي كنتي مشغول....لخدمة ولات أهم عندك مني داباا؟؟!صافي واخاا.. ملي اسيدي مابقااش عندم لوقت ليااا سير حتا وكان تسالي...و دابا ديرني بحالا ماعيطتش ليك ݣاااع...وسمحليااا الى برزتك...
قطعاات عليه بنرفزة دمهاا كايغلي...عصبهااا بتصرفو الغير مبرر...هياا براسهااا معرفاتش لا قلب عليهااا بلا سبب...كانو عادي وحتاا مشكل ماطرى بيناتهم....زيراات تيليفون فيدهااا وكملاات طريقهااا لدارهم...غادة بخطواات متسارعة مكاتشوفش قداامهااا....مع الدورة لي غاادور وهيااا تسااطح بجهد مع سيمو لي كان يلاه جا من لمحال غادي جهة دار خالتو يشوفها ... يلاه غاينطق يعتاذر بشكل عادي وهو يطلع فيها عينو بااانت ليه هي وخنزر قارم حجبانو من عند الله مكادوزش ليه بالمرة ....
نطق بنرفزة حيت شاف التلفون فيدها كانت ملاهية معاه ومنها الغلط : ناس مني كايكونوا يتمشاااو كايشوفوا قداامهم ماشي فسمااا اشريفة .... شوري ابنادمة ونتي غير مدرمة وراسك مرفوووع ماعرت فيين !!
رانيا ميقااات القرودة كايلعبو ليها الركادة فراااسهااا ... وعاد جا هو فطريقهااا كمل على لي خصهااا ولاات مكشكشة بالمعقول ... نطقات مخنزرة كتر منو : ياااك اسييييدي ... ( دارت يدها على خصرها معولة على خزيت خاصها نيت فيمن تبرد فقستها ): تااااء غير بلاما ديرها مني قلة الصواااب ... ( كاطنز عليه ): اش باان ليك دير ليا حصص فكيفية المشي فالطرقااات اش بااان لييك ... ( مخنزرة فيه ) ... باش نولي نعرف نمشي وانا كانشوف قدامي ...
شاف فيها مخزز مطلعها ومهبطها باحتقاار : شتي انا كون كنت استااد ونتي تلميدة عندي نعتااازل ونشد استقااااالة دااائمة بدون تفكييير ... نفضل نضحي بخدمتي والااا نقري وحدة فحاالك ...
هزاات فيه حاجبها بنظرات نارية كون كانو عينيها قرطاس كون تيرات فيييه ... غير كاتشوفو العافية كاتشعل فيها الجن لي فيها مايحملو مايقبلو ... نطقااات مغددة : حتى تكون عندك فصالة رجل تعليم بعدا ونتا حتى سروالك ما هازو ... ( باستهزاء ): قالك استاد قااال ...
زير على فكو طلعاتها لييه بهاد التصرفات ديالهااا لي ماعندها معنى بالنسبة لييه : واش عاارفة راااسك بااااسلة ... ( بنرفزة ): عند بالي غير قليلة الفهاامة .. ساعة صدقتي عورة ولسانك سليط من الفوق .. بيزاااغ !!!
شافت فيه معصبة طلع ليها الدم كتر م هيا اصلااا شاعلة ... نطقاات بالغداايد : وانا عند بالي غير عاجبك راااسك وهاز خنافرك للسمااا فحااال بلاااارج ... سااعة صدقتي قليل الادب ومامربيش من الفوووق ...
رماتهاا ليه وزاادت من تمااا ضااربة فييه مخلياه مشوكي وراهاا باقي كايستوعب شنوو قالت لييه ... صغر عينو وهو كايشوف فيها غادة والكلمة اللخرة لي لاحت ليه عاد سرات معااه : اءء قالت ليا مامربيش هاد سراق الزيت !! ... ولاهيلا قالت ليا مامربييش ... وعاجبني راسي ....
كرز على سناانووو شااعل وغوت مسمعها ليها قبل ماتبعد : والله كون ماجيتيني بنت حتى نوريييك قلة التراااابي كيف دايرة البرهوووشة ....
دارت عندو من بعيد دايرة فيه ضحكة مستفزة كاتقلي ليه السم وزاادت ضاربة الضورة مخليااه وراهااا مفقوووس من شنو سمعااتو ماداازتش ليه ديك مامربيش بالمرة ... زاد من تمااا غادي مكمل طريقو كايسب ويعااير ما خلا غير لي نسااا ... فورات ليه دمووو بالمعقوول عمرو صادف شي بنت بهاد الوقاحة ديالهااا والطيران لي فيهاااا ... خلاتو مايحملهاااش ويكرهها بلاما يعرفها اصلااا
🖤🖤 لراحة بالك .. أصمت كأنك لم تفهم ، وتجاهل كأنك لا ترى ..#!
خنساء دخلات للدار بعدماا تغدات مع المهدي على براا وقضاو شنو بغااات هازة فيدها ساشيااات فيهم داكشي لي شرااات ... كانت نادية هابطة من الدرووج ... شافتها وابتاسمات متسائلة : لقيتي المونطو ؟؟؟ ...
خنساء حطات الساشيات فوق السداري : ايييه لقيتو دارت معايا الكلمة وجابت ليا قياسي .... ياكما قنطتي بوحدك ؟؟
نادية ضحكات مكسلة حداها : الله يهديك ... اشمن قنطت ... بقيت شادة الستون مع واحد صاحبتي فالسكايب قتلاتني غير بالضحك ... تلاهيت معاااهاااا لقيتيني عاد قطعت معاهااا ...
خنساء : هنههههه ياختي ماعرفت كيف كاديري تعقلي على هاد الصحاباات كااملين ... انا بلااصتك تلفت ....
نادية ضحكات بطنز : انا انسانة اجتماعية هههههه ... عزيز عليا نكون علاقات باش الا ماصدقاتش هادي تصدق لوخرا وهي غادة ... كون مامعمراش وقتي هاكااا كون راني معقدة دابااا ... ماسهلاش لمرأة تعيش بوحدها خصوصا ان الدراري قبل كانو كايقراو وقليل فين كايكونو فالدار ضونك غايخصني باااش نتشغل ...
خنساء بايجاب : عندك الحق هههههه .... الواحد هو لي يعمر وقتو ....
قاطعهم صوت الصونيت فالبااب ... يلاه غاتنوض نادية وهي توقفها خنساء مشات فبلاصتها تحل ... مع الحلة وسعات عينيهاا مفرنسة ونطقااات بفرحة : اووووو ساااارة ... هنههههه على سلامتك احبيبة ...
سارة طارت عليها عنقاااتهااا : ههههههه بيييبيي .... اي ميس يووو .... هههههه ...( بااستهااا بحب ): صافااااا !!...
خنساء : هههههه الحمد لله احبيبة ... مفاجئة زوينة هادي ولاهيلااا ...
سارة سدات وراها الباب مدخلة شانطتها : قلت نديرها ليكم سيربراايز ...
خنساء : احسن ما درتي ولاهيلاااا توحشنااك ... نادية غاطير بالفرحة ...
سارة بتساؤل : كااينة بعدااا ... فغيمون توحشتهاا بزااف ( باقا بنفس الكراكطيير ) ...
خنساء : ههههه وي دخلي راها فالبيت ....
سارة دخلااات كاتنقز معنقة مهاا لي موحشااهاااا بلا قياااس ... وحتى نادية بادلاتها العناق و سمعاتها خل ودنيهاااا حيت تعطلااات وكلسات ضوبل ديال لي دارت معااهاا ... ناضت خنسااء وجدات ليهم اتاااي والقهوة وحطات ليها الطبلة قايمة بالوااجب وكلسات معااهم نااشطيين ... حتى صونا ليها التلفون ... ردات مبتاسمة : الو الشيخة ... عاش من سمع صوتك ...
رانيا مكسلة فدارهم طايح عليها الضيم : صافا عليك ؟؟ ...
خنساء باستغراب : الحمد لله ونتي مزيان صوتك جاني ماهوااش !! ...
رانيا بطلب : بغيت ندوي معاك ...
خنساء بتعجب : ياكما كاين باس ؟؟
رانيا : لا حتى تجي ونقولك ... شنو بان ليك نتلاقاو دابا شوية حدا رولاكس ( Bar Relax )
خنساء خرجات عينيها :اويلي اش غانديرو فرولااكس المسخوطة ...
رانيا بلا حول : غانتلاقاو حدااه ماشي غاندخلو لييه ... نكلسو فالقهوة لي جنبو ...
خنساء عاد فهماتها : اااه ايوااا فرزي اختي كلااامك انااري ونتي باغا تركبي ليا التهمة ... واخااا انا نص ساعة ونكون عندك ...
رانيا بايجاب : دااكووغ ... ماتعطليش ...
خنساء بنفي : لا لا كوني هاانية .... ودعاتها وقطعات معاهااا ... علماات نادية انها غاتخرج تقضي شي حاجة على برااا وترجع ونيت تقضى معاها باش توجد شي عشا على حقو وطريقو لسارة ... صونات على الطااكسي لي كايديها ويجيبهاا علمااتو يجي عندها ...
## فقهوة كالم كاطل على الشاارع كالسة خنساء ورانيا شادين قهوة وهي كاتعااود ليهاا على منير مفقووسة ... وخنساء كاترشف من كااسهااا كاتصنط ليها باصغاء وتركيز باين على ملامحها ...
رانيا منساجمة كاتعاود : ايواااا واليوم كملها وجملهاا مني جاوبني قالي شفت لي زابيل ديالك ولكن ماكنتش مسااالي ...
خنساء هزات حاجبهاا وحطات قهوتها ... شافت فيهاا بهدوء : ايوااا وفين نتي فهادشي ؟؟؟ ...
رانيا بعدم فهم : كيفاش فين انااا ؟؟؟ ...
خنساء ربعات يدها ودارت رجل على رجل : زعماا فين هو داك المخيخ لي حاشة واش يتسمااا عقل .... مخدماااه زعماااا متأكدة انه فبلاصتو ؟؟؟ ... ( خنزرات فيها ): واااش لمووك وااكلة لسااان الضبع ولا كيفاااااش !! ... وااش هاد الاخ دااير ليك التلاااميص حتى صابرة على هاد النم كاامل ... واااش متأكدة انك نووغمااال
رانيا دلات شنايفها : وا صااحبتي نتي عارفة العشرة لي بينااتناا شنوو بغيتي ندييير انااا ...
خنسااء خنزرات فيهااا وهزاات يدهاا مقلزة ليها عاطيااها الصبع فوجهها : هااااا العشرة ... هااا الحب ... هااا الذل ... كي قالوها زمان تفكر حبيبك وهواه، تفكر فعايلو ونساه ... برب المعبوود كون ما جيتيني هنا كون وريتك الحب اش كايسواااا ... حااشا صبعيي .... اماا نتي هو سواااك يااا المدلوولة ... ربي اش عاجبك فيييه .... اش عاطيك هاد السيد لي مكبرة ليه هاد البعرة كااملة ودايرااه الهوااا باش كاتنفسي ... لا زين لا جيب لا خدمة لااا تااا *لوة غيير الهضرة الخاوية والتزلااال فالزناااقي بلاا فايدة ويبوخ عليك بجوج كلمات حافضهم ... والمشكل طااايحة على زنااافرك وهو كايفتخ فييك بحاال الجواااان يتنشوااا علييك وقتماا بغاااا ويرميك مني مايبغيش ... رويضة السوكووور لمك نتي ولا بلعاني كاديري عين شافت وعين ما شافت ... هاد الغولاسيون لي غير غاتمرضني بلاااش منهااا وماعندي ماندير بيها ولاهيلا جبنا القرع ينوسنا عرى راسو وهوسنا ... الهباااال هاذاااا !!
رانياا ساطت عارفة كلامها كلو على صح ولكن رااه قلبهااا واااكلهااا عليه : خنساء كاديري فحاال الا مكاتعرفينييش ... رااه والله شحال من مرة حاولت نتفرق علييه ولكن هااد القلب مكايساعفنييش ... لهلا يطيح حبك على حجرة ...
خنساء بانفعال : على *رية ماشي حجرة ... هاااذااا راه سميتو موت القلب والذل ... شتي هاذا برب ونحلف ليك عليهااا حتى داير موراااك سربيييس ونتي مجايبة خباااار ... هادشي الا مكاانش خاااطب وقريب يتزوج وكايشطح فيك نتي على هواه فحاال مقص المقدم ... وكاترجااي يجي شي نهاالر يدق علييك .... ( مفقوسة ): انا نجيك من اللخر بلا زواااق غايجي نهار لي يكلسك على صبعو الوسطاني ويضربها بتزويجة ويقولك باغيها بنت دارهم ماعندهااش الماااضي ... وعقلي على كلااامي .. ولاهيلا لا ديالي بقا ولا وجهي تنقى ... الهضرة الخااااوية
رانيا تنهدااات قلبها مزير عليهاا داخلة فحرب بين قلبهاا وعقلهااا ماعارفة شكون تبع ... وماعندها باش ترد على خنساء حيت كلامها كلو على صواب
كملات خنساء كلاامهاا : وغاتجي عندي تبداي تبكي وتشكي على سعدك المكوز وعلى التخويرة لي دااار ليك ... الحب قاالت ليك ... شتي لي باغيك غايجي لدااركم ... انا ماعمري دويت معااك نهار كنتو صغار ومدوزينها مع بعضيااتكم كاااع دوزنا وفوتنا ... ولكن الا لدابا باقا معولة علييه رااه غير كاتخربقي ... شوفي حيااتك ورمي الزبل ولي درقك بخيط ضرقيه بحييط ... ورااه مية وااحد يتمنااك ماالو هووو شكون يكوون ولا على قلة الرجاالة ... جمعي *رك والا بغيتي تفيقي فيقي ماحد باقي الحااال هادشي لي غادة فيه رااه مامسلكش وهاداك القلب لي غايجيب ليك الضر قتلي باباه وعطا الله لي يعاود يسقييه ويروييه ويولي كايفرفر على قبل شي واحد يستاااهل ماشي على واحد معارف حتى راسو من ساسو ... ونتوما دايرين بحال لي تيسعى بولدو على كتفو هو تيقول انت على الله وولدو تيقول الله يجيب ...
رانيا حركات راسهاا بايجاب واخااا قلبهاا مامساعفهااش وعارفة راسهاا غاتمشي لدار وتعاود تفكر فييه تاني وهاد الهضرة كلها غاتمشي مهب الريح ... مقادرااش تخرجو من باالهااا بالمرة كاتحس بيه الا بعد عليهاا غاتمووت والدنيا غاضلااام فعينيهااا ... ومغاتعاودش تشوف النهار الزوين من وراااه ... كملوا كلاامهم محاولة خنساء تفيقهااا وتوكضها على حالهااا على الله تعيق شوية وماتبقااش محلولة ومضبعة معاااه ...
سالاااات وعيطات للطاكسي لي كايوصلهاا مجاوبهااش واضطرات تشد واحد اخر متاجهة لداارهاا ... وصلات قدام البااب وهبطاات كان المهدي واقف فالبالكون كايباان مكشكش وطالعة لييه ... هز حاجبو فور ما لمح الطاكسي لي وصلها ماشي نفسو لي موصيه يجيبهااا ... كان السائق دري صغير وزوين بزااف ... فالبلاصة طلعات معااه الحموورية والصهدة وعروقو برزو من شدة الاعصاااب لي ركبوووه ... مراقبهاا كالسة كاضحك معاه مناقصها خير ... العافية شعلاااات فييه
خنساء كانت جبدات 200 درهم من صاكها ماعندهاش الصرف ...
السائق بطنز : ومنين غانجيبو دابا هاد الصرف ... ههههه تسمحي ولا نسمح ؟؟؟ ...
خنساء بنفي كاضحك على نيتها : ههههه سمح نتا اما انا لااااا ...
ضحك وهز شكارة لي كايدير فيها فلوسو رد ليها الصرف وهبطااات حلاات داخلة لدار ... دخلات للكوزينة لقات نادية وسارة تمااا حطات داكشي لي جابت معااها وطلعاات متااجهة لبيتهاا ... مع حلااات الباااب قفزهاااا بنهضة زعزعااتهاا وبااين من وجهوو مقندش وعينيهااا حمريين ... بصوت هاايج : على سللااااامتك الالة ... كووون غاا زدتي تجلوقتي شوية براااا ... مزاااال الحااال !!...
هزات حاجبها باستغراب رادة الباب وراها : كيفاش !! ... مافهمتش ؟؟
المهدي قرب عندها بخطوات بسيطة وباين فيه العصبية : فين كنتي بالسللاااااامة ... خرجو رجليك شواري ولا ماعندك لي يحكمك ...
خنساء خنزرات فيه راسها اصلا ضارها وماعندها كانة تزييد تغاوت : واش امهدي داوي من نيتك .... فين عندي نكون بالسلاااامة !! ....
المهدي جعراتو ببرودة دمها زدح على يدو مع الكوافوز مطيح البرودويااات لي كانو مستفين فوقو ... ونطق بالغوااااااات معرعر : وااااش كاتفلاااي على دين مي ولاااااا كيفاااااش .... شنو انا بوكيمووون قدامك تخرجي وقتما قالها ليك راسك وتجي حتى ترشق لحسك ولا مااالك ...
خنساء خرجات عينيها كاتشوف فداكشي لي هرس وكيفاش كايدوي معاهااا بلاصة مايسولها فين كانت عادي وغاتقوليه .. حسات براجل اخر قدامها ماشي راجلهااا مامتيقاش عينيهااا بالمرة ... حمرات عينيهااا وراسها بدا كايفور من طريقة كلاامو ... جاوباتو بانفعال : واش كاتقلب على الصدااع ولا مااااالك ؟؟.. كنت خارجة مع رانيا وشريت شي حاجات حاصين فالدار ...
قاطعهااا عاميه الغضب والغيرة كتاكل فيه من الداخل ... كايدوي بلا عقل والعصبية مسيطرة علييه ... العروقة ديااال ديال عنقو برزو : شكووووون داااك ال*لاوي لي جايااا كااتكركري معاااه .. واااش انا مادرتش ليك طاكسي فوقتما بغيتيه تمشي معااااه علااااااااش جاياااا مع غيرو علاااااااش ؟؟؟ ...
خنساء هنا صافي القرودة طلعوا ليها لراااسها ... مابقاتش قادة تزيد تحمل كلاامو بالمرة : نتااا راااك تسطييتي ... يااا غاتزم فمك وتعرف اش كاتخرج منو يااا غانوصلوا انا وياااك لشي طريق ديقة مامنها خروووج ... وهاااني علمتك ( كاتشوف فيه بنظرات نارية جاعرة )
كرزات على سنااانهاااا وحاسة براسهاا الا زاادت دقيقة حداااه غادي تخرج شي هضرة مستحيل تعجبو بالمرة .... زادت من تمااا خارجة حالة البااااب بنفضة ...
نادية وسارة سمعو الغوات والتهراس يلاااه طالعين كايتجاراو وهي هاابطة ... خرج المهدي تااابعهااا شاعلة فيه العاافية وغوت مخاطبهااا بصوت عاالي : خنسااااء رجعي لهناااا بااقي ماكملتش كلااامي !! ... اجييي هنااااا ....
مجاوبتتوش وتقدمااات هاابطة ... وهو زدح يدو مع الحييط جااعر من شاف موو طالعة ...
نادية وقفات خنساء فالدروج بتساؤل مندااهشة : خنسااء ياااك لاباااس ؟؟ ...
خنسااء بلعاات ريقهااا الدموع محجرين فعينيهاا ونطقاات بخنقة : مكاااين واالو انااادية ...
نادية بدهشة : كيفاش مكاين وااالو وغواتكم واصل لعندنا لتحت !!
مجاوباتهاااش و ضربات فيهم وزاادت هاابطة وساارة مشوكية من الروينة لي دارو عمرهاا سمعااتهم فهاد الحاالة ... نطقات مفزوعة : مامي على ما بان ليا البروبليم كغااف بيناتهم ...
نادية تنهداات مكالمية ونطقاات بامر : سيري شوفيها انااا غانهضر مع خووك ...
ساارة حركات راسهااا بايجاااب وهبطات كاتجي تابعة خنسااء ... ونادية طلعااات بخطواات سريعة عند ولدهاا
سارة دخلات للكوزينة لقات خنساء كالسة على الكرسي حاطة قدامها شبكة ديال الديسير كتاكل منهاا .... كلسات مقابلة معاها كاترمش ... معارفاش كيفاش تدوي معاهااا .. نطقات بتوتر : مالكم احبيبة ... واش واقع بيناتكم شي مشكل ؟؟؟
يتبع...
التعليقات
لا توجد تعليقات بعد، كن أول من يعلق.