محتوى القصة
باقاا كاتهضر حتاا تسمعات شهقة من مورااهاا وهيااا نااطقة بصعووبة مخرجة عينيهاا للحد النفس قرباات تقطع فيهااا ودم تسقط من وجهاا من صدمة دااكشي لي سمعاات :كيفااااااش باااغة تزوجي عصاااام؟!!!
نصيرة دغياا داارت مخلوعة و فنفس الوقت موسعة نضراتهاا فأحلام لي وااقفة مسمرة فبلاصتهاا سدرهاا كايطلع و ينزل من الصدمة... مقدرااش تستوعب شنو لتاقطو مساميعهااا...ريقهاا مبقاتش قادره تهبطو...
نصيرة قطعاات لخط مفزعة تيل لجيهت السرير و مشاات بخطواات سريعة لعندهاا جراهاا باش تدخل لبيت و سداات لباب لايسمعهم شي حد...
أحلام نتراات اديهاا لعندهاا معصبة :رااني سولتك جاااوبني...بااغاا تزوجي عصاام بصح...(كملات مرفعة صوتها فوجهاا) و بيمن بيااااا انااااا...
عوداات نصيرة جرتهاا لجيهت سرير بااش تݣلس:غااا ݣلسي بعداا ابنيتي و ندويو..الله يرضي عليك زيدي تݣلسي...
أحلام حالفة ماتستااجب ليهاا عاوداات قالت بحدة:وااا قوولي لياااا وااش هاادشي بصح لي سمعتوووو...
نصيرة غوبشاات فيهاا:ماالك ابنيتي يا احلاام داايرة فيهاا قياامة...ايييه بصح...بغيت نزوج عصااام و نتي لي بغيتك تكووني مرتووو...مالهاا اشفيهاا؟!!
أحلام زاادت تصدماات و لحمورة طلعاات ليهاا مع وجهاا جاوباتهاا بستفهاام شديد:اييه وهااديك لي عندووو...مااشي مرى؟!!ولا جاايبهااا غير بااش يقصر بيهاااا...ياااكماااا تمحااات ليك من دماااغ بلي سيد مزوج...
نصيرة ردت عليهاا فلبلاصة:عااارفااه مزووج...و شنووو فيهااا الى بغيتوو يتزوج وحدة اخرى...علااه عيب و لا حشووومة...
أحلام زاادت غوتاات حتاا تبرز عرق جنب عنقهااا:هداااا راااه بااات لعيب...هداااا رااه لعيب بعينيه...اويلي اعمتي وااش تصطيتي....رااجل بمرتوو عاايش معاه بخير وعلى خيير...باغة تزوجييه و دخليني انااا ضرة....واااش فكرتي فهااادشي لي باغة ديري ولا غااجاا فبالك و باغة تخرجيه و تشوفيه قداام عينيك؟؟؟!
نصيرة خرجات نفسهاا بمهل ملي شاافت احلام قباالتهاا تشحناات و اعصابهاا طلعووو...
نطقاات باغة تساايس معااهاا:هاانتي راه غير بلعقل...اشفيهااا الى بغيت نزوجوو وفكرت ليه فمصلاحتو...وبغيتو يدير وليدات لي يعمروو عليه دارو...ونتي اكبيدتي راك شتي شحاال و هو مزوج و مزاال مجاابش ليه الله و سخر ليه يدير ترييكة....
أحلام قاطعااتهااا مصغرة فيهاا عينيهاا)بلااتي بلااتي و انااا عااد سراات معايااا...داباا جايبااني لهنااا تزوجيني ليه بااش نولد ليييه....واناا عند بالي على لمعزة ولمحبة وانا همااك جايبااني بااش نخدم و تكون مني لفاايدة.... ساعة نتي جاايبااااااني نخطف رااجل لمرتوووو؟!!!صاافي هاادشي مااسويت عندك...غير تشتااات شمل تااع عبااد الله؟!! فضييحة وسلاااام خايبة حتاا لمعااودة
نصيرة شداات فيهاا:لا لا حااشة اشكاتݣوولي....اشمن فضيحة.. معزتك عندي قدهاا قداااش و الله شااهد...و اناا عارفة عصام قدماا بقاا غايتزوج غاايتزوج...شحاال قدوو يبقاا صابر مع هااديك بلا ولاااد... اللهم نتي كاانعرفوك خير ليناا من لي مكانعرفووهش...و ماايلقااش ماحسن منك...(كملاات باغة تبتهاا)وزيدوون رااك نتي غااديري حسنة الى تزوجتي بيه و فرحتيه بشي وليد ولا بنية لي كايترجاهم من هداا شحاال قالك فضيحة...
ردت عليها بنزعااج شديد:بحاال هااد لحسنااات مخااصينييش....مكااانش كايسحااب لياا واش اناا لهاد الدرجة رخيصة عندك باغة تلوحيني ضرة بااش تهز لولاااد....يااك هاداا هو السعد لي شايفااني نستااهلو؟!!!.
نصيرة بتسماات و قالت بإصراار:يااا لحمقة حمقتك بلخييير...نتي مبااركة الى تزوجتي بواحد بحاال عصاام كاامل مكموول فين تلقااي بحاالو.. الى تزوجتي بيه و ولدتي...غااينساا حس بنت نجااة...شتي شنااهياا حسهاا... حسهااا ينساااه....غايݣلعهاا ويطيرهاا من رااسو...وشكوون لي غادي يشووف ويبغي خاطرو...غير هااديك لي ولادات ليه و داارت ليه الترييكة و عمراات عليه الداار...
أحلام بخنقة:لا اعمتي والله حتاا طار ليك لفريخ...تاعت الله اما قولي لياا شنوو دنب هاديك السيدة مسكينة حتاا ندي ليهاا راجلهاا لي كايموت عليها وكايبغيهاا؟!! رااااه عدوتي و ماانديرهااش معاهاا...وخاا يبقاا راجلهاا بوحدو فدنيااا...مغاانديرهااااذ
نصيرة حركات راسهاا بلاحول: نتي بااقة صغيرة و معارفة واالو فدنيااا....شتي لمرى بلا ولاد..كيف لخيمة بلا وتااد...اطواال الزماان حتاا يطواال غايجي نهاار لي غاطير من بلاصتهاا...حلي دمااغك وسمعيني... هو شحاال قدو يبقاا صابر عليها؟!! غايجي نهاار لي غايعياا...و غايبغي يدير ولاادوو...يعني غاا يتزوج غاايتزوج...ونتي عزيزة عندي و ربي لي عالم وقلت اللهم فيك...وانااا عارفة الى تزوجتي بولد خوياا...غاايدير ليك كيف لماا لقليل و يحطك بين عينيه ويهزك بين كفوف الرااحة...
زيراات احلاام على يديهاا محااولة تكاالماا...سكتاات تواني و قالت:عار ربي بغيت نسولك غير وااحد السؤال وجواابيني بصرااحة...كون كاانت نسرين بنتك...تبغي تجيبي عليهاا الضرة؟!! لاا مانمشويش بعيد...غير اناا ولا خنساء...تبغي دخلي عليناا الضرة غير حيت مكانولدووش...و تعااوني فتشتاات الشمل مع رجالتنا؟!!باااينة مغااتبغييش...ولكن بنت الناااس...تبغيهاا ليهاا ياااك...
نصيرة زيراات على شفايفها بقتضااب...بداا صبرهاا كاينفد معاهاا... نطقاات بتساؤل:وااش نتي مبغااش ديري عائلة...ياك يلااه قلتي لياا باغة تزوجي و ديري ولاادك...قلتيهاا ولا لا؟!!
احلاام بتفسير:قلت ليك باغة نتزوج...وقصدت بيهاا واحد دياال رااسو...مااشي نفرتك ليه شمل مع مرتو باش ناخدو...نكدهاا عليهاا بااش نعيش اناا فرحاانة...واش بنت ليك اعمتي اناا خاايبة حتاا لدرجة تفكري بلي نقدر نبني سعاادتي على ضهر وحدة اخرى مداارت لياا والو...دنبهاا لوحيد انهاا مكتولدش...شي حاجة لي ماابيد حتاا حد...بيد لخاالق بوحدو...بففف ماابقاات فيك لا ديك بنت نااس مسكينة...ولا عصاام ولا حتاا انااا...همك فهاادشي كاامل غير لولااد
نصيرة طلعااتهاا و نزلاتهاا...عرفاات بلي غير غااضيع معاهاا لوقت و مغاتواافقش.. نطقاات بنفضة معاجبهاا حاال:ماابغيتيهش صافي...مغانبزووهش عليك...و هو راني عارفااه غايتزوج...و متنساايش شرع عطااه ربعة...
أحلام:تاااا هو تكفى فهااد الزماان لي حناا فيه حتاا مع وحدة...بقااو ليه غير ربعة؟!!
نصيرة طلعاات ليهاا لقردة.. خنزرات فيها وقاالت:راااااجل ونص..بدراااعو و برزقوو...وكيفمااا ݣلت ليك...ماابغيتيهش مغاانبزوهش عليييك...راااه كااينة من غداا لي تقبل تكون ضرة على تلاااتة وتااخدوو...خااصهاا غاارااجل على عينين لعديااان...
أحلام خرجاات نفسهاا بقوة و قاالت:يتزوج بيمن ماا بغااا...لمهم ماانكوونش اناااا....ومن هاادشي كااامل.. عصاام بحاال خووويااا...وعمري فكرت فيه حتااا نهااار كاان عزري...عساااك دااباا لي مزوج...زعماا عقلك يعشي قبيلة اعمتي عارفة صح من لغلط...حتاا الى بغاا يديرهاا...شوفي فديك بننت نااس لي مادنبهاا وااالو و حتاا هياا كاتقااتل بااش تشوف ولادهااا...وقولي ليه لا حبسييه و حني فيهاااا...يجيب ليك الله لي يحن فلي عزيز عليك وحتاا فييك...
لاحت ليها هاد لهضرة وخرجاات...بلعاات ريقهاا بصعوبة حاسة بغصة فحلقهااا....خدات نفس معمق وزفرااتو بمهل...و مشات تكمل لغداا لي كانت باادية بزربة كملاتو ورداتو يطيب ودماغهاا مرفوووع...وصلاات وقت لغداا و تجمعو...طلباات من خنساء تحطوو...عتادرات منهم و طلعاات لبييتها تمغطاات فوق سرير كاتقلب يمين وشماال راسهاا زااند عليهاا محاملة تشوف حد....حااسة بشمتا كاتحفر فيهاا لدااخل...كاتبغي تااكل جنابهاا بلفقصة ملي كاتفكر بلي جايبهاا نصيرة غير على حاجتهاا...مكان بيهاا لا تخدم و لا تعلم صنعة...كان غرضهاا الوحيد تزوجهاا لعصام باش تولد ليه...و هادشي بحد داتو خلاهاا تغلي...كون كانت عارفة واش هادشي لي لاش بغااه...معمرهاا تفكر تحط رجليهاا عندهم...واخاا معرفت شنوو يطرى...
صباح جدييد مشرق باشعة الشمس ... فالمحل عند خنسااااء كاانت شادة مبرد ديال الضفاار كاتقااد ظفارهااا وحاطة حداها كاس ديال القهوة وكاتكونيكطا من فو كونط مع الخطيب الامراتي لي جاااب اسماعيل لراانيااا مكونسوطرية معاااه ومرة مرة تسيفط ليه اوديو بصوت محلون وحنيين بشوية بشوية كاطيحو فشباكهاا وحلاوة لساانها ودلعهااا وعاد التصااور لي جاب ليها سيمو كانو قاضيين الغراااض عرفااات تستاغلهم ... السيد ولا يصبح ويمسي عليهااا حتى من رانيا مرة مرة فااش ولا يدوي معاهااا كل وقتو خداتو خنساااء ... باقا شادة التلفون ونطقات بابتساامة كاتفرنس مخاطبة نفسها وهي كاتشوف فالكونفيرساسيون : مابقا والو اسي توتة وتقولي هاني جاي للمغرب نخطبك هههه ... اودي الله يحجبني وخلااص ...
مع هزات عينيها وهو يبان ليها عبدو جااي للمحل عاقدهم مشاافش جهة البوتيك دياالها بالمرة .. حتى العين ماهزهاااش فييها ... بلعاات رييقهااا كاتعرف مزيااان هاااد ردة الفعل ... عبدو انسااان لي كايعطي كل ماعندو فشي حااجة ولكن الا هز منها يدو واستسلم وسمح فيها عمرو يعاود يدور بساااحتهااا .. واكيد الهضرة لي داارت بيناتهم مستحيل يجي يدوي معااهااا مورااهاا ... ماعرفاتش علااش هادشي قاااهرهاا ولا علااش ضارها فخااطرهاا ... واش حيت ولفااات انه ديما كان تابعها وهي معااطيااهش وقت ... ولا حييت ولفاات غزلو وكلامو الحلو معاها لي كايخليها كاتحس انهاا مرغوبة من طرفواا ... شي حاجة نقصاااتهاااا مني مجااش سلم علييهااا... باقا ساهية فالتفكير حتى دخلات راانيا كاتسووط : اوووووووف ... سخفت ... اخر مرة نمشي نخلص الفاكتورات انااري نهار كامل وانا شادة الصف فديك لا رااك تقول غانحرر الصحرااا ...
خنساء دورات عينيها : باز شحال فيك ديال الشكاااوي ... نوضي نوضي جمعي دوك الكساوي لي عزلت ليك لسي ياسين راه غايدوز عليهم ...
رانيا بابتسامة : ياااختي الربااح لي كنا ندخلوه فشهر ولينا نضوبلوه مع هاد ياااسين ... هاكا يكونو الكليان ولا بلاااش ... كايجي يدي سطووك ويعطينا ربااحنا ويهنينا بلا فريع راس ...
خنساء بايجاب : ممممم ... انا المهم عندي هو فلوسي كايحطهم فوق الطبلة ... ايوا يلااااه الغزاالة نووضي خليني نجمع ليه الحساااب ...
رانيا بتساؤل : واخا ولكن شنو درتي ليا فالبلاان ديالي ؟؟
خنساء بابتسامة : كلشي غادي فامان الله واحد سيماانة الا كتاب غانكون غيزت ليك الشغل ...
رانيا بفرحة : احاااي بغيت غير ايمتا نتهنى من هاد المرض ... ولاهيلا ...
خنساء : فين بعدا سيمو ما بانش ليا هاد الصبااح ...
رانيا : ماعرت علاش ماشي هو لي حال المحل ؟؟؟ ...
خنساء : لااا عبد الله لي جااا ... ( بلعات ريقها ): مشا ديريكت للمحل حلو ...
رانيا طولات فيها شوفة : تناقشتو داك النهار ياااك ؟؟ ... قاليا سيمو مني جا هو واحلام وبديتي تعرعري ومشيتو دويتو بجوج وهو غير عاقدهم ... ( باستفسار ): شنو طرااا حتى كعاا عليك هاكا؟؟؟ ...
خنساء تنهدات : راكي عارفاني مني كاطلع ليا القردة لراس ... كانبدا غير نخرج بلا فرانات ... قسحت معاه الهضرة وماعجبوش الحااال ..
رانيا : فصراحة انا كاتجيني كاتفقدي اعصابك غير معااه كلشي كاتبردي معااه وكاتصرفي بلا مبالااات وكاتقدي تحكمي فراسك .. حتى لعندو هو وكاتولي وحدة اخرى ... وماشي غير فالعصبية ... حتى الكدوب مكاتعرفيش ليه معااه ... وحتى التخلويض كايجي لعندو ويتقاضاو لييك ... الوحيد لي كايعرف اش تحت راااسك ويفهم عينيك بلاا ماتدوي .. شتي واخا كنتي مزوجة بمهدي مكاانتش بيناتكم هادشي ... يعني ابار مشاعر الحب ولكن كاتجيوني كاتعرفوا بعضياتكم كتر مكاتعرفوا ريوسكم نتي وعبد الله ...
خنسااء رمشاات مهربة عينيها : براكة من الفلسفة ... سيري شوفي لي قلت ليك بلاصت ماتبقاي تخبري هنااا ... ( دورات وجهها كاتحسب ): الهباال هاذاا ...
رانيا ابتاسمات جنب مؤخرا وقتما كاتجبد ليها عبد الله كاتبدا تهرب عكس شحاال هادا كانت مني كادوي عليه كايبان انها نافياه من حيااتهااا وكاتدوي عليه وهي حااقدة ومحااملاااهش بكل اريحية ... ولكن دابااا حتى سميتو ولاات كاتخربقهااا وخنساء من النوع لي كايقدر يخبي كلشي لداخل ومايبين والو ولكن هاد المرة غيير كلشي وااضح ومكاتعرفش تخبيه او بالاحرى تالفة ومعارفااش هي براسها اشنو واقع ليها ...
حياة كانت كالسة معمرة براد ديال اتاااي وحاطة حليوااات ومعاها عتييقة كاتعاود ليها والحصرة فقلبها : غير سكتي اصحيبتي ولدي نهار على نهار كايدوب قداامي وانا مقادرة ندير ليه والووو ... النهار وطالو وهو سااد عليه فالبييت وعاد حتى الصحة راجعة لور ولا غير مسهوووت وماكلتو ما هي مااكلة ... يبات يخمم ويصبح علييه ... هضرتو اصحيبتي قلااالت ... ماعرفت اش عندو ...
حطات يدها على كتفها بحصرة : ماتخافيش فهاد الوقت الهم كايتزاااد ودراري ديال دابا رااه ولاو عندهم مسؤوليات ماشي بحال شحال هااذا .. وماتنسايش عبد الله رااه دوز مدة مابين ربعة الحيووط بسيف يتهد ...
حياة حركات راسها بنفي : لا لا لا ... وليدي نهار خرج من الحبس كاان نور فوجهوو وكاان عندو نفس جديد وامل كبيير فهاد الدنياا ... واخا كان مهمووم ولايني همو كنت عارفااه ...زواج خنسااء كان حارقو .. نهار طلقاات برد وولات الضحكة كاتخرج من عينيه ... ولايني مؤخراااا مابقااش كي كااان ... دبل ليا الولد ... دبل اختي ومالقيت ليه جهد ...
عتيقة : يااكما يكون مخطي شي حااجة .... كون غير تبخري ليه شوية ... ماتعرفي ...
حياة : احياااني وواش هو كايعرف لداكشي ولا كايبغيه ... راااه غير كايشم ريحة شبة والحرمل الا درتهم الجمعة فدار كايبدااا ينكر ويحلف عليا لا دخلتو لبيتوو ... مابقى غير نبخر لييه والله لا قبل لياا ...
عتيقة تنهدات : كلهم كيف كيف ياربي السلاامة مايعرفوش راه العين حق ... والسحور كاااين ... كايقولو ليك داكشي غير خزعبيلاااات وهضرة الجهل ... اودي الله يرد بيهم وصافي .. كاعندك ماديري ساااعفي معاااه ...(شافت فيها مطولة)همك كتر من همي اصحيبتي ...
حياة : عار ربي لاما غير سمحي ليا تلهيت بمشاكيلي ونسيتك .. اش درتي فحريرة راانياا .. باقي اسماعيل
ماهداهش الله ...
عتيقة : غير سكتي وخلي داك الجمل رااكد البنت عندي حالفة بحلوفها دااك الولد لا كانت لييه ومن ولد ختك محمد تخلاق ... وباها مقسح رااسو بحال الحجرة .. وانا وسط منهم ماعرفت لجيهة من نصد ...
حيااة : واا اش غانقوليك ... نتي عاارفة ومانحتاجش نشكر ليك فمحمد ... راه كلشي على عينيك ... والا كانت هي باغاااه رااه حسن ليها من واحد عمرها عرفااتو نهار توقع شي حاجة تقولك نتوما سبابي فعدابي ... وانا باش نجيك لصراحة وبعيد على محمد ماسخاتش عليا تمشي تتغرب تماا ودوك الخليجيين مافيهم تقة ... نفسي كاتهرب منهم ...
عتيقة : اييه وراه حتى يانا ماسخاتش علياا ... وماقاداش نصيفطها ولايني راه هاذا لله ... نتي عارفة اسماعيل كي داااير ... الا شد العكس فشي حاجة راه مكايحيدهاااش ... وكايقتلك غير بالبرودة ... انا ندوي معاه وهو مبرد ولي فراسو فراااسو ... قهرني اختي...
حياة : كلها وهموووو .. وحتى حد ماصاب الهنااا ... الله يدير شي تاويل وخلاااص ...
عتيقة رشفات من كاسها : امييين امييين ... ولينا نهضرو غير على الهم ولغبينة يااربي السلاامة ...
حياة ابتاسمات : وراه قالك لي ولد ماتهنااا ... ( صغرات فيها عينيها ): علاااه حنا دوزنا القلييل ههههه ... اييه يا اليااام حسن الله يرحمو نهار مابغاش با يعطيني لييه حلف بحلوفو الا ما خدانيش حتى يحسن موسطاجووو ولحيتو ... ديك السااعة الموسطااج رااه هو الرااجل ههههه ... وكان نهار وطالو وهو يطوطح فالدوااار حدانااا وفينما يشوفني يبدا تابعني بلاما يدوي وانا زعما مامدياهاش فييه وديك السااعة قلبي رااه كان يفرفر ... ماتهنى حتى عطاني لييه باااا باش يتهنى منووو ومن صداعو وتبرزيطووو ... الله يرحمو مسكين مشا بكري ...
عتيقة : الله يرحمو ويوسع علييه ... كان راجل حاار وقد كلمتو قد دراعو ... ايوا الداايم الله ...
حياااة عينيها غرغرو : الله يرحمووو ويوسع عليه بلاصتو بقات قداااش ... ايوا الغالب مولانااا ... هادا ماعطا الله ... شربي اتااي شربي ... راه برد تلاهنا بالكلااام ....
تعاشات العشية وعبدو كايستف شي سلعة ... دخل سيمو مبتاسم هاز فيدو بواط مغلفة ومقادة على حقها وطريقهاا على شكل هدية ... ووقف على عبد الله
عبدو بتساؤل غمزو : اش تماا ؟؟؟ ..
سيمو ابتاسم : هادا ديااال رانيا غدا لانيف ديالها ..
عبدو بتدكر : ايييه مشالي من الباال .. ايوا مايتسالكش راك تما ...
سيمو : غادي نوجدو ليها واحد الحفلة خفيفة بيناتنا فيهااا فواحد القهوة غدا فالعشية .. بالحق مغايكون حد غير حناا بربعة ...
عبدو : هههه رومانسي مع راسك ... مزيان اسيدي احسن مادرتي ... غير المهم ماتكونش فليل راك عارف تاني باش مايتخلقش ليها شي مشكل مع دار ... ندخلو بكري ...
سيمو : لا لا ضروري كون هاني... راني كلفت خنسااء هي لي غاتريزيرفي القهوة وغاتقاد كلشي معااهم ... بالحق غير واحد الكافي صغيرة نتجمعوا فيها ... راه تفاهمنا مع واحد خيي غايقاد معانا فالتمن
عبدو : ممم مزيااان ... وا المهم هو تفكرهااا ... واصلا غير حنا مكاين لاش تكترو ...
سيمو : ولكن عندي مشكلة وحدة ... مابغيت نقولها واالو .. وخاصني لي يجيبها لتما ... تقد تعاوني فهاد البلان ...
عبدو حط يدو على كتفو : الله اودي ضربها على حسابي ...
سيمو بفرح : يتوب علييك ...(بتدكر): اه حقا غدا خنسااء غاتمشي صبااااح تجيب داكشي لي غايخصها... ( غمزو): اش بان ليك تمشي تعاونها ...
عبدو غير سمعها وهو مخنزر فيه : ونتا اش كادير ... سير نتاااا معاها .. انا حدي نجيب ليكم رانيا شي لاخر عومو بحركم ..
سيمو بتعجب : واايلي ... ياك كنتي كاتبغي غير الفرصة لي تكونو بجوج بيكم ... مني جبتها لعندك مابغيتيش ...
عبدو بتأفف : ايوا من اليوم ماتبقاش تقلب ليا على بحال هاد الفرص ... حيت مابقا لاش منهم ...
زاد فحالو من تما داخل مخليه وراه متبعوا بعينو باينة فيه قطع الياس ومابقاش باغي يزيد يحارب كتر وعااذرو حيت اي واحد فبلاصتو غايتهد ومايقدش يزيد يحارب على قبل وحدة معاطياه حتى امل بسيط وكل مرة رافضااه بشكل قاااطع رغم انو معارفش سبب نزاعهم ولكن عاذر صاحبو الا عيااا ورجع لور ... تنهد بلا حول وحط لي فيدو باش يكمل خدمتو ...
خنساء كاانت يلااه جاات...قبل ماتوصل لداار بقاات ليهاا مساافة صغيرة...حتاا صوناا ليهاا تييل...هزاات تشوف شكون... وقفات و دوزاات لخط نااطقة بهدوء:اهلا سي ياسين اشخبارك...صافا لاباس عليك؟!اوى لحمد الله...كلشي مزيان ربي يخليك...ايه...اهااه.. سلعتك موجودة....لا داباا حناا سادين غاتجي مغاتلقاا حد...حتاا لمور لعصر عاد كانحلو...صافي حتا لعشية وجي...ولكن انا ما مغانكونش فلعشية عندي شي غرض... راه كاينة رانياا بحاالي بحاالهاا غير عطيهاا لفلوس لي بقااو بيناتنااا ديك لمرة....دنياا هاانية...بلحق شيك بقاا عندي اناا حتاا ترجع ليه وغتااخدو...داكووغ ان شاء الله...صافي اسي ياسين اناا غانعلمهاا بلي راك غادوز عندهاا.. بسلامة الله يعااون...
قطعاات لخط و كملات طريقهاا لداار...يلاه حلات لباب مع الدخلة وهياا تقشعهاا هابطة مع الدروج جارة باليزتهااا ولابسة حوايجهاا...
قربات لعندهاا بعدم فهم...وقالت بستغراب كادقق فيهاا: أحلام؟!!! لااين بسلاامة؟!!
كانت خنساء واقفة قداام باب الداار وحداهاا نصيرة و نسرين...كلهم واقفين كايودعو أحلام بحراارة و هياا عينيهاا مغرغرين مسااخيااش بيهم...
نطقاات خنساء مقربة لعندهاا معنقاهاا:نااري اصحبتي وشحاال صدمتيني بهااد لمشية على غفلة....واش متأكدة باغا تمشي...مالك على هااد الزربة..ماماك راه غدا ولا بعدو تعيط ليك و تقوليك صاافي وليت لابااس...غايكون غير شي ريح شادهاا...
أحلام بعدات منهاا و تنهدات بحرقة مقادرة تصارح حتاا واحد فيهم بسبب لحقيقي لي خلاهاا تمشي و تكره لݣلسة معاهم مزاال...بمجرد مكايجي فتفكيرهاا بلي نصيرة باغاه عروسة لعصام...كاتحس بلخنقة شاداها داخل عنقهاا...فيهاا مايݣلس معاهم و تجاهل لموضوع...ولكن خافت الشيطان يغرهاا و يزين ليهاا زواجهاا بيه...و تصدق مساهمة فتشتات شمل تاع جوج تناس معندهم حتااا دنب فلي جااري...
نطقاات راسمة بتسامة خفيفة على ملاميحهاا محاولة تخفي حزنهاا حيت غاتفارقهم:ماما مريضة و راه بوحدهاا مكاين لي يقابل الداار ...ونتي عارفة لعروبية و تمارتهاا تكون صحيح و تعياا عسااك الى مرضتي...مجااتش تاني نبقاا هناا و نخليهااا...
قربات لعندهاا نصيرة لي حتاا هياا معاجبهاا حاال و عارفة مزيان لاش ختارت تمشي...عتابراتهاا هربانة منهاا...
و نطقاات بزعفة:اوى ابينتي راه دار داركم...و ملي بغيتي تمشي مانشدوكش بزز..نتي تعرفي لي يسلكك...
نسرين قرباات لعندهاا وعنقااتهاا: ياااه و شحاال غانتوحش دوك شهيواات لي كنتي كاتوجدي ليناا...
خنزرات فيهاا نصيرة و قالت:نتي هامك غا كرشك...تعلمي ليهم و ديري بحالهم...و لا تعرفي غا تاكليهم...
ميقاات فيها نسرين وقالت مخاطبة احلام: غير تلقااي شي وقيت و جي شوفيناا...والله حتا ولفنااك...
أحلام بتاسماات ليهاا:ان شاء الله احبيبة...و جيو عندناا حتاا نتومااا مرحباا بيكم...
ردت عليها بمجاملة:ربي يخليك...ههه غير يشد عصام لكونجي و نلصقوو كوني هاانية...
خنساء قربات عندهاا وقالت:لكسوة حتاا تلبسيهاا و صوري لياا نشوف كيف جاتك..وخا راني متأكدة غاتجيك مع فصالتك هياا هادييك...وحتاا لباليط ديال لميكاب لي عجباتك راني درتها ليك معاهاا...نهاار تكون شي مناسبة سكسفي لياا على لحالة وخلي بناات دواار حالين فمهم...
احلام عنقاتهاا بشكر: لهلا يخطيك علياا ابنت عمي...والله يخلف علييك عدبتي رااسك معاياا...
خنساء:لا اويلي مكااين عداااب..نتي لي مشيتي مزروبة اما نجيب ليك ماكتر ونوجد ليك على تيسااع...
بااقين كايهضرو حتاا وقف الطاكسي خارج منو عصام جاي معاه حتاا لقدام الداار...هبط و خداا شانطة ديالهاا دارها ليها فلكوفر...و نزل عندهم لعربي لي كانو كايتسناوه حتاا غير يصلى باش يمشي معاهم...
نطق عصام كايشوف فيها مخربق ليهاا شعرهاا:هياا صافي الفنكوشة سخيتي بينااا...
أحلام:لا لا ماسخيتش..ولكن هادا هو جهد خاص نمشي نطل عليهم...مرة أخرى ان شاء الله...
عصام بإبتساامة: ان شاء الله...وخاا ولفناااك كنتي معمرى عليناا...
نسرين:لقيتني يلااه قلتهااا ليهااا...
عصام حل باب طاكسي:ويلااه يلااه مانزيدوش نعطلو سيد يلاه نلحقو لكيران لايكونو خرجوو...
ودعااتهم احلام واحد بواحد و دموع فعينيهاا...قربات لعند نصيرة لي عنقااتهاا مزيرة عليهااا...بعداات بشوية و قالت احلام هامسة:سمحي لياا بزااف اعمتي الى سمعتي مني شي هضرة معجباتكش...راغا لحضة غضب وصافي...
مسحات ليهاا نصيرة دراعهاا بحناان وقالت بتحصر:نتي لي سمحي لياا ابنيتي وماتشديش فشي حاجة...راكي عزيزة عندي و ربي لي عاالم....سلمي على دااركم..وتهلااي فرااسك وفيهم...والله يسهل عليك...
ركبت احلام فطاكسي بدعاوي نصيرة لي عينيها غرغرو بدموع...ركب معاها عصام و معاهم لعربي موصلينهاا لمحطة...بقااو متبعينهاا بعينيهم حتاا مشات...كاتحرك يديهاا جيهت شرجم كحركة كاتودعهم بيهاا...
دخلو لداار ونطقات نسرين موقفة نصيرة بهضرتهاا كاتسد فلباب:اناا هااد لمشية ديالهاا على غفلة جاتني فشكل...هياا كانت معولة تبقى...لعجب لااش مشاات...
دارت عندهاا بتتاقل و هزات فيهاا حاجبهاا شايفة فيهاا شوفة ناقصة و نطقاات معوجة شفاايفهاا لجنب:و يااك هاادشي لي كنتي باغة...على حد عرفي كاانت واقفة ليك على عينيك..اشجرى و طررى حتا وليتي باغاها تبقا ؟!
نسرين شهقات ضاربة على صدرها:اناااا..بلعماااا...هو فلحقيقة فلول ايه مانكرش مارتاحيتش ليهاا ولكن فتالي ولفتهاا...(حركات راسهاا بنفي مؤكد)لا لا غاتكوون شي حاجة تم داكشي علاش مشاات...ماتݣولييش ليااا...
رداات عليهاا نصيرة ناهضة فيهاا بقوة مقفزاهاا:اوى رااااااهااااا مشااااات...سيرري تبعيهاااااا الى بقاااات فيك....
كملات على هضرتهاا و تماات غادة ضاربة فيهاا معصبة...
نسرين عقداتهم و شافت فخنسااء:شتي كون كانت عمتك مزوجة..غانقول غا كاتوحم وجاهاااا لوحم علياااا...اويلي سيدة كلمة جووج ولات كلاقيهاا معاياا...مبينة ليااا محااملاانيش بلعلااالي...
خنساء بغاات ترطبهاا:لا لا عمتي واخاا تشوفيهاا هاكاا راه قلبهاا بيض...غير ولفات احلام و عصبهاا فراقهاا...وزيدون راه احلام غاتكون مشات على وديت مهاا لي قالت ليك مريضة لوليدين مايصبر حد الى كانو مرااض...
نسرين عوجاات شفايفهاا بستغراب: ماعرفتش...ولكن عمتك هادشي ديالهاا غادي وكايتزااد معايااا بحالا معرفتش شنو درت ليهاا...راني غير دايرة عين ميكة و صاافي...
خنساء تمات غادة:و حتااا نتي ماتزيديش فيه...راهاا كل نهاار بمزااج...ماتديش عليهاا...و شتي الى جيتيهاا بلخااطر و متبقاايش ترااضي معاهاا فلهضرة..تملكيهاا بحوايجهااا...يلاااه اناا غانطلع نبدل علياا..خاصني نخرج...
نهااار جديييد وجو زوين فالمدينة كايفتح النفس ... وقف عبدو بالموطور هو ورانيا قداام واحد الكاافي صغييرة ... حيد الكاسك وهبط وهي هزات فيه عينيها بتساؤل : عار ربي لاش جايبني ... شنو هنا ؟؟ ...
عبدو جرها : زيدي وسكتي ... ماتعرفيش ...
رانيا حركات راسها بلا حول وتبعااتوو حتى دخلو للقهوة لي كانت مزوقة بشكل زوين وبسيط لحفلة عيد ميلاااد وواقف خنساااء وسيمو الوسط مبتاااسميين ...
رانيا شافتهم ووسعاات ابتسامتهاا نااطقة بزربة فرحانة : هانتوووما وااخا انا عقت بيكم ولكن غاندير راسي تفااجئت ... ( خرجات عينيها بشهقة اصطناااعية طانزة ): اوووووووووماااااايكاااااااااد ...
خنساء ضحكات: ههههههههه لا لا نتي هرب ليك ...
سيمو ميق فيها : برب مادياال المفاجأت ....
رانيا ضحكات : هااااء وبغيتو نكدب عليكم راه مني قالي عبدو اجي معايا عقت بيكم .. ولكن واخا هكااااك ولاهيلا فرحت وعجبني الحال حيت تفكرتوني شكرا بزاااف والله ....
عبدو ضحك : عيد ميلاد سعيد اسراق زيت ....هههههه ....
رانيا بفرحة : لهلا يخطيك اخويااا ... شكراااا ...
قربااات بهدوء عند سيمو ونطقات بابتسامة غامزاه : دابا انا بغيت نعنقك كيغادي ندير قدام قدام هادو ؟؟؟ ...
خنساء ضحكات : هههه هاي هااااي ...
عبدو هز فيها حاجبو : ايواا شتك خرجتي ليها نيشااان .... تكمشي قالاك نعنقك ...
سيمو ابتاسم وقرب عندها هاز يدها بحب باسها ليها ونطق عينو فعينها : عيد ميلاد سعيد احبيبة ...
رانيا بعينين كايلمعوا : كل عام وحنا بجوج احياتي ...( زيرات على يدو ): شكراا بزاااف ....
خنساء كاتشوف فيهم مبتاسمة وفرحاانة ليهم كايبانو كايحمقو بجوج ... هزات عينيها فعبدو لي كاان كايشووف فيهاااا .. غير شافت فيه العين وهو يدور وجهو بالع ريقو ...
تنهداات وقربات عند صاحبتها باركات ليها وعطااتهاا الكادو ديااالهااا فرحااانين ...طفااو الشمع وقطعواا الكااطو نااشطين مع بعضيااتهم ...
عبدو طان كالس ناشط معاهم حتى حس بالم فكتفوا وخلاهم وزاد للحماام غسل على وجهوا جتى فاتو الحال وخرج من تمااا ... يلااه غايدور وهي تبان ليه خنساء قدامو .. نطقااات بتسااؤل : واش ضاراك شي حاجة ؟؟؟
عبدو هز فيها حاجبو : علااش ؟؟؟ ...
خنساء بلعات ريقها من نظراتو الباردة ليها : شفتك زدتي بزربة داكشي علاش ...
عبدو بايجاز بلاما يشوف فيها : لا انا مزياان ....
رما ليها هاد جوج كلمات وزاد من تمااا مخليها ورااه عارفااه طالع ليه الدم من جهتها ... تنهدات وزادت رجعات عندهم ...
عبدو : المهم انا غايخصني نمشي عندي واحد الغرااض نقضييه ... بصحتكم ...
خنساء شافت فيه بلا حتى كلمة وهو عينو بالمرة ماهزهاش فيها والا شاف لجيهتها ...
سيمو : واخا اخويا شكرااا ... حتى نشوفك فداار ...
عبدو : ان شاء الله ... رانيا تهلااي ...
رانيا : بسلامة اخويا وشكرااا بزااف...
ابتاسم ليها وزاد من تما بلاماا يودع خنساء كأنها مكايناش اصلاااا.... شي لي حسات بيه فحال العافية على قلبها بقات متبعة لييه العيين حتى خرج لبرااا هز الموطوور وزااد من تما بحكم سيمو والبنات غايرجعوا فطاكسي مني يساليو ...
بعد اسبوع
خنساء واقفة فالمحاال كاتستف شي كساوي بعدما جبداتهم لواحد السيدة تقيسهم خدات لي بغاات ومشاات ... باقا منغامسة فشغلهااا كاترتب وهو يدخل يااسين بابتسامة على وجهو ...
خنسااء شافت فيه بترحيب : اهلا سي يااسين مرحباا ...
ياسين : شكراا اخنسااء لهلا يخطييك ... كلشي مزياان ؟؟ ...
خنساء : الحمد لله يسول فيك الخير ... نتا امورك تماام ...
ياسين : بيخير شكراا ( خشا يدو فجيبو وجبد لفلوس (: هادو الخلاص ديال السلعة لي خديت ديك النهار ...
خنساء خداتهم : اه شكرا بزاااف ... ياك بعدا كلشي كان هو هاداك
ياسين بايجاب : لا لا كيف العادة الله يعطيك الصحة ...
خنساء دارت الفلوس فلاكيس وجبدات الشيك لي عطاها ضمانة من تمااا قدامو : ضونك هادا مابقا لاش منو ياك (بلاما تسناه يهضر قطعاتو قدامو ): نرميوه باش نبقاو هما هادوك ...
ياسين شاف فيها حتى رماتو فالبوبيل وحرك راسو بايجاب : ايااه ... هاكااا فضينا هاد لافير ... ولكن راه باقي بغيت شي سلعة ..
خنساء : اياااه مرحبا ... اش حب الخااطر ؟؟
ياسين : بغيت 100 بياسة ...
خنساء هزات حاجبها : اءء 100 ... ولكن اسي ياسين راه بزااف كيف غاندير ليها ...
ياسين: هاد المرة غانساافر بعيد وخاص ندي معايا سلعة كاملة ... ومحتاجها بعد غدا عافاااك ضروري ... معول عليك ...
خنسااء طولات فيه الشوفة ومدة وهي سااكتة ونطقاات بايجاز : اييه واخاااا ... بعد غدا تكون واجدة ان شاء الله
ياسين بابتسامة عريضة : ان شاء الله .. ضونك صوري ليا لي موديل وانا غانقوليك لي تجمعي ليا وشحال من كل حاجة فواتسااب داكوغ ...
خنساء حركات راسهل بواخا : اوك على الرااس والعيين ... لهلا يحااشمناا ...
ياسين : ربي يخليك .... ضونك نخليك دابااا بسلااامة علييك الله يعاونك ...
خنساء بوداع : امين ..الله يهنيك ...
هو خرج وهي كملات شغلهاا كادندن وتستف داكشي لي كانت بداات ...
يااسين ضرب ضورة مع درب تلاقاا مع مهدي فلوطو كايتسنااه ركب حداه مبتاسم ...
المهدي بتساؤل : شنو درتي؟؟ ...
ياسين غمزو : الامور كلهاا هي هادييك ... راني وصيتها على السلعة وغاتوجدهاااا ليااا ...
المهدي حك لحيتو : مزيااااان ... غايكون حسن تاخدها من عند راانيااا ... حيت خنساااء غاتوحل معاهااا ...
ياسين: كوون هاني نهار جمعة خنساء كاتمشي تغدا مع داار ورانيا لي كاتبقى... ضوونك مغاديش نلقااو مشكل ... من هنااا لبعد غدااا غانكونوا فضينا هاد البلااان ... كون هاني ...
المهدي ضحك بانتصار : واخيراااا ... اوى اسيدي ملي نضيتي لياا شغل راني عارض عليك ليووم لكاافي...مشينااا؟!!
ياسين : اياااه مشيناا ...
كسيرا من تماا وزاد وهو فرحاان بشنو دااار متفاائل ان الامور كلها غاتمشي كيف بغا وبلا مشااكل ...
رانيا كانت نازلة مع الدروج كاتفرنس غير بوحدهاا وقلبهاا كايفرفر بلفرحة...هازة تيل فيديهاا كاتقرى فلكونفيغساسيو و تعااود...مطااح عريس الغفلة فشبكة وغرق حتاا قربات تنيااس بلمعقول و تفقد الأمل...بدلات ملاميحها لجدية و دخلات عندهم لبيت لݣلاس لقات سمااعيل متكي و حداه عتيقة لابسة نضاضرهاا شادة كاطرز فواحد لمنديل و فنفس الوقت كايدردشو و يتفرجو فتلفازة مدوزين الوقت...
شافيهاا اسماعيل لي متكي فوق سداري بتاسم وقال: تي زيدي ݣلسي معانا شوية و نتي غير حاجبة فداك البيت...
زادت بخطواتهاا لسداري لي مقابل معاهم و نطقاات بهدوء دايرة راسهاا طالعة ليهاا: نقص ابابا لديك تلفازة عندي شي هضرة مهمة بغيت نقولهاا ليك...
عتيقة هزاات حاجبهاا فيهاا بستفهاام و خاطبتهاا كاتشوفيهاا تحت نضاضر: ياك لابااس؟!!
سمااعيل طفاا ݣااع تلفازة و ناض تݣعد ݣالس قبالتهاا ونطق كايضحك:هههه كانعرفك ملي كاتجي عاقدة لحدااش مابين لحجباان لقضية كاتكون حامضة محمضة....هااني كانسمع...اشكااين...
رانيا خدات نفس معمق وزفرااتو بمهل..و مدات ليه تيل تاعهاا بعدما شعلاتو و نطقاات بهدوء: هاك..قرى هااد لكونڤيغساسيو و شوفهاا تاع من و غاادي تفهم شنو كااين...
اسماعيل استاجب بدون تردد... خداه من عندهاا و فيكسا عينيه على تيل كايقرى و يعااود... مرت تواني محسوبة و ملاميح الصدمة بدات كاتطغا على ملاميحو شوية بشوية... رانيا كانت كادقق فيه و تسنى فردة فعلو وعتيقة موزعة نضراتها عليهم بجوج كاتشوف هنا و هناا مفاهمة حتاا لعبة...
شافت فسمااعيل و قالت بنفاد صبر:تاا دوي ماالك حليتي فمك فتيليفون...شنوو كااين؟!!
عقد غوبااشتوو فتيل مشووكي دياال بصح بحالا صرفقتيه...طلع شوفة فرانياا بتتاقل و قاال متساؤل بهتمام:منين جااك هاادشي؟!! دوييييي....
رانيا تبسماات بجنب و نطقاات ببرودة:لمهم وصلني...منين جااني مكايهمش...
اسماعيل رد عليها بعدم تصديق مقادرش يستوعب شنو قرااو عينيه:لا لا مايمكنش...وشنو عرفني بلي شي واحد لي كاتب هاادشي فبلاصتو وبغاا يوسخ صورتو قداامنا...نضلمو دري غاا هكااك...لااااا مكااداارش حشووومة....
عتيقة غوتاات بجهد صبرهاا تقادا:واااش غااتݣولو ليااا شنو وااقع رااني غاانطيح ليكم هناياااا....
رانيا ردت عليهاا بتفسير:هداا زين الصاافي لي ختاار لياا بابا و بغااني نتزوج بييه...مدوز معاناا لكلمة...و غاادي كايتعااشق فجهة اخرى وعاايش لحيااة بلا حشمة بلا حيااا...
عتيقة وسعات نضرتها بصدمة و نطقاات داايرة يديهاا على فمهاا ضاربة فخضهاا:اويلي اشكاتݣوولي...ابغيييت ليه غبااارة بلحمااار لاااخر...
اسماعيل نهض فيها اعصاابو تشحنوو:متعااييريش فدري و تدي دنوبوو...حنااا ماشي غير شفناا جوج حرووف غاادي نضلمووه...(شااف فراانياا وزااد رفع صوتو)ونتي غيييير مصيفطين ليك هااادشي تيقتيهم...متعرفييش يكونو كدبووو عليييك....
رانيا هزاات فيه حاجبهاا:و شنوو لي خلااك ماتيقش وخا كولشي بااين؟!!
اسمااعيل جاوبهاا فلبلاصة بحدة:لولد مربي مااايديرهااا...
عتيقة عقدااتهم فيه:وعلااااش اخوياااا مايديرهاااش؟! ماالو ملاااك طاايح من سمااا....يااااا سبحااان الله العظيم...و شحاال مدخلش لياا لقلبي ماحملتوو ماقبلتوو غير هكاااك...يخخ ماتشوفيه لا موحمة و لا شادة فحبل..
رد عليها بلغواات:غاااسكتينااا الله يرحم ليك الوليدين رااك غاكدبزي فلهضرة...قلت ليكم مااايديرهااش ماايديرهااش...دري فينما نشوفو عينيه لأرض مايهزهمش فيااا....نوور خاارج ليه من وجهووو...
عتيقة عيباات فيه:ااااه "نوور خارج ليه من وجهو"...كاايصلي بنااس فمكة...وتاااا نووض فيق شوية...لبرهووش راه يدير مااكتر...عاايش بووحدوو...وعندوو لفلووووس...ولفلوووس كايزيغووو...بااارك عليااا لا حقاا مايردهااش...ماالك كنتي معاااه... وزيدوون اناا مامولفااش لكدووب فبنتي..ومتقولش لحاجة حتاا كاينة...
اسماعيل مغدد:وااا عرفناهاااا مكاتكدبش...و لكن هاادوك لي مصيفطين ليهاا هااد لوسخ هماا لي كاادبين عليهاا..وحيت هياا غاا نية وخبز ربي فطبݣو دغياا دوزوهاا عليهااا و تيقااتهم...خااااص لي يجمعهاا معاهاا باااش توݣض...معااارفااش بلي لحساااد كتاارين ومعطاا الله غير همااا...
نطقاات رانياا واقفة غادة لعندو: من حقك ماتيقش هااد لميساجاات..كنت متوقعاهاا...اصلا واخا يديرهاا يزلق فيهاا جمل مغاديش تقولها فيه خاايبة...(خدات تيليفونهاا من يدو و كملات بتقة)اناا غاا نصدمك و غاانزيد نبين ليك هااد بناادم على حقيقتو...
شعلات تيل مرة أخرى و جبدات منو لأديوواات دياالو واحد مور وااحد كادوزهم ليه و هو كاايسمع وزاااد تشووكاا حيت مابقاا ليه مااييبرر...دليل قااطع قدااموو و سي توتة طاالق حلقوو و تحل تقول السيد كاايدوي مع لمداام...
خسر اسماعيل ملاميحو بإنزااعاج و طول يديه حاابسهاا:استغفر الله...طفي طفي عليااا دااكشي...
عتيقة خنزرات فيه و نطقاات شاعلة: لاااا غااخليهااا توريناا فضيحتووو....توريناااا فعااايل هدااك لي خارج النور من وجهوووو وهو داااير خبلة فدنياااا...
رانيا ردت مطولاهاا:غاابلاتي ابابا بلاتي... مزاال مسااليتش...سيد رااه مغرقهااا...
بتاسمات براحة و خدماات ليهم واحد لڤيديو فيه هو فلباار شااد كااس فيدو كايشرب و مقصر مع رااسوو نااسي لعلاام بلي فيه...
عتيقة شهقاات بصدمة و حطاات يديهاا على فمهاا... اسمااعيل حلقو نشف ووجهو تحقن بدم... هرب عينو من لڤيديو مامكملوش مرمش بتتاقل و ماشعرش حتاا شد على راسو لي حس بيه كايزدح ...
رانيا طفات تيل و حطااتو فوق طبلة:واقلة هاادشي كاافي...بلا مانوريك تصااورو فلكازينو...و كيفااش ݣالس كايبزق فلفلوس و كايجمع فيهم...(بتأكيد مفيكسياا عينيهاا فيه)ففلوووس لحراااام....
اسماعيل مسح على وجهوو و قال بتلعتم لهضرة تحبساات ليه:والله ماابقاا عندي ماانقوول...هو يخرج منو هاد لعجب كامل...هو يطلع فااسق لهاد الدرجة...
عتيقة:و ليوووم ياابنتي عااد عرفتك مرضية...ملي ربي بين ليك هااد الشلااهبي قبل ماانديرو فلمقلة ماا يتقلى...انااا بغيت ليه موووصيبة...ݣاااع لبلاوي تاع دنياا و دين جاامعهم...الله يخليهاا ماركااا و كناا غاانتطلااو بيهااا...
رانيا سكتاات توااني...و نطقاات مخنزرة موجهة هضرتهاا لسمااعيل لي مزاال تحت تاتير الصدمة:اناا ابابا مهمنيش حيت مدوز معاناا لكلمة و كنتي تسحاابو راجل و غدرناا....قد مااهمني بلي كنتي غااتزوجني ليه و تلوحني فزوبيا و نتااا فرحااااان...عند باالك لفلووس هماا كلشي...عرفتي شحاال من وااحد فدنياا تقوولب غير بلمظااهر...يااا لمزوق من برى اشخباارك من لدااخل...
اسماعيل تنهد لسانو تربط لعاافية شعلات فيه لدااخل و هو كان كايشوفو زوج ميتالي لبنتو الوحيدة.... ونطق بحسرة:خسااارة مكتااابش...فيهاا خيير...(سكت شوية و قال مصغر فيها عينيه) وراك دايرة مجهودك و كتر...هاادشي كاامل على قبل من؟!!موول زراابي الى مخفت نكدب؟!كون مكاانش ݣاعمة تخرجي ليناا بهااد لونكيط كاااملة...يااك
رانيا غوبشاات بملاميحهاا للحد.وقالت:دااك موول الزراابي لي معاجبكش ابابااا و معمروو دااز ليك...هو راااجل و بدراااعو و خدام بعرق كتاافو ماعندووش و ماخصووش...و ماامخلي حد يتجمل عليييه...راااجل دياال زمااان و الى تزوج غاايكوون قااد بمرتو و وولادو و رزقوو يخطفوو من ناااب الدييب...فيييديل..و مااشي سكاايري و مااااشي قمااار....
اسماعيل ناض وقف مخرج تنهيدة من اعماقو بصوت مسموع...مباغيش نهائيا يهضر عليه...شافيهاا للحظاات و داز متخطيهاا كايݣمݣم ب:لا حول ولا قوة الا بالله...مابقاا ماايعجب...
بقات رانياا متبعاه بطرف عينها حتى خرج من لبييت... وسعاات ضحكتهاا بنتصاار شديد... مكرهاتش تغووت على حر جهدهاا...حمل كان فوق كتافهاا و حطااتو...و مابقاا ليهاا غير خطوة لأخيرة لي خاصهاا تقنع فيه باهاا باش يقبل بسيمو يجي يخطب... عارفة بلي لقضية غاتكون صعيية و لكن ملي حيدات عليها لخطيب لي جاب ليهاا...حاسة براسهاا ضربات نص طريق...و مابقااش ليهاا بزاف توصل لمرادهاا
صباح جديد خنساء كانت بوحدها فالمحل بحكم رانيا كاتجي معطلة كاتبقى توجد مع ماماها الحلوة للمحل ديالها عااد تخرج ... كاتسد فجوج كراطن بالسكوووتش باش يجي ياسين يلقااهم واااجديين ... قطعات السكوتش مع هزات عينيها بان ليها عبدو جااي للمحل خاشي يدو فجيبو وحاني رااسو ... بلا شعور لقااات راسها معيطة بسميتو بلاما تفكر لاش باغاه اصلا ولا علاش معيطة لييه فالاسااس : عبدووووو ...
عبدو شاف فيها وهز حاجبو واقف كايتسناها تقول شنو بغاات ...
تقدمات لجيهتو كاتفرك فيدهاا مخاطبة نفسها تحت منها : لاش معيطة اش غاتقولي ليه دابا ... بففف ... مال موك وليتي تمزركي هاكا فحال شي مرااهقة ...
وقفات حداه راسمة ابتسامة خفيفة على وجهها كاترمش فيه : صباح الخير ..
عبدو بهدوء : صبااح النوور ....
خنساء ضاحكة فوجهوا ببراءة : كيف داير بيخير .... لاباس عليك ؟؟؟ ...
عبدو بايجاز : الحمد لله نتي مزيانة ؟؟؟ ...
خنساء فرنساات حتى تغمضو عينيها : بيخير يسول فيك الخير .. خالتي حيااة مزيانة كيف بقااو رجليها داك النهار تلاقيت معاها كانو ضارينها شوية ياك ولات بيخير ...
عبدو باستغراب ... كاتبان فيها متوترة وغير كاتدوي بلا حتى تفكير .. نطق مجاوبها على قد السؤال : بيخير مع السكر ضروري مرة مرة تعياا ... على العموم مزياانة ...
خنساء كادور فعينيها معارفة ماتقول وفنفس الوقت باغا تهضر معاه كتر : احم ايوا الحمد لله .... اه كنت باغا نقوليك احلاام مشااات فحاالهااا وقالت ليا نسلم عليييك ...
عبدو حرك راسو بايجاب : وي صونات ليا وقالت ليا بسلاااامة الله يوصلها على خير ... ( شاف فيها باستفزاز ): على الله غير ماتكونش سمعات شي حاجة ماعجباتهاش بسبااابي عليها مشات فحالها ... حيت بعد المرات الفم كايبدا يخرج بلا فرانااات ... وكايجرح الناااس واخا يبان ليه راسو على حق ...
خنساء رمشات فاهماه : مممممم ... هي مشات حيت ماماها عياانة عليهاا ... ( بلعات ريقها حاسة بتوتر رهيب قدامو اول مرة تحس بيه وهي معاه ): ايواا هاني بعدا ...
عبدو ببرود : هنيها تهنيك هاد السااعة ... الا ساليتي كلاااامك ... خااصني نمشي نحل المحاال حيت بال ليا غير كانضيع الوقت بايوا ايوا ايوا ...
خنسااء عضات على قنوفتها بالعة القمعة فيها ماتجاوبو وتوريه خو كلامو ولايني غاتزيد غير تعقد الامور وهي باغا تقااادهاا .. ابتاسمات دايرة عين ميكة : ايييه واخا ... نخليك تمشي تخدم ...
حرك راسو بايجااب وزااد وخلاااهااا كايحل محالو وهي مقابلااااه ... كاتفكر فشي طريقة تخلييه يتجاوز كلااامهااا ويرجع يدوي معااهاا عادي ببحاال قبل ... حاسة بواحد الفراغ كبير هي براسها معارفاش تفسرووو ... ولا علااااش كاتحس بيه اصلاااا ... من نهار قلب عليها وهي شي حاجة ناقصااهاااا ... وماقادرااش تعيش بلاا بيهااا ... تنهداات وهي كادور فراسهاا شي بلااان لي تخلييه يجي عندهاا ويدويو شوية وتحااول تقاد معااه الامور شوية ...
صبح صبااح جديد... خنساء كانت جاية لمحل بخطواتهااا الرشيقة...لابسة جلابة مخزنية فلأرونج مخيطة بلخضيضر و مطروزة جيهت الدراع مع رشيمة خفيفه جهت الصدر...جاياها خطيرة و مبينة فصالتهاا بومبة و جايا مع طولتهاا هياا هاديك باينة مهيبة وسطهاا...مكتافية بميكاب صباحي نااعم و شعرهاا الأسود مطلووق مسرح على طولتو...مع طالون فنوااغ
دازت من حدا لمحل ديال عبدو كان عاطيهاا بضهر مشافهااش يلاه كايخرج الزرابي و كايحل... كملاات على خطااويهاا شوية و هياا توقف...حيدات نضرتهاا شمسية... صغرات عينهاا لي لحضات... دارت لعندو كاتشوف فيه بنضرات غير مفهومة مطلعاه و منزلاه كاتبلاني ليه فدامغهاا.. رجعاات بعض لخصلات من شعرهاا ورى ضهرهااا بعجرفة و رجعاات مكملة طريقهاا...
دخلات هواتو...قدات لي خاصو يتقااد..بحكم كان يوم الجمعة مولفة تبخر لمحل...ركباات لبريز ديال لمبيخرة فضو و جبدات بواطة تاع سرغينة مسقية دارتهاا فيهاا تواني حتاا بداات ريحتهاا كاتعطي...عضات على جنب شفايفها و هياا كاتشوف فلبريبز وتخمم...طلعاات عينهاا لفوق جهة ديجانكتور و هيا تبتاسم بشر...قرباات لعندوو حلاتو وركات على لبوطون و طيحات ضو فلمحل كاامل...
نطقاات مخاطبة نفسها بابتسامة:ههه جاي حتا لرحبة فليو وباغي تعطس...راك مكتعرفنيش مزيان اسيهم عبدو...
خرجت من لمحل و توجهات لعندو بخطوات تابتة...لقاتو محني كايقيد فواحد لكتااب
نطقات بنبرة هادئة: صبااح لخير...
عبدو غير سمع صوتهاا و هو يهز حاجبو...معمرهاا صبحات عليه و لا جات لعندو...شي لي خلاه يتفاجئ فلبلاصة...
شافيهاا بستغراب و قال بإجاز مامكترش معاها لهضرة: صباح الخير..
قربات لعندو بهدوء و قالت مبتاسمة بجنب و بنبرة رقيقة:جمعة مباركة...
عبدو رمش لعدة مراات حاس بودنيه مغلطينو وداكشي لي كايسمع مامصدقووش...جمعات دازو عمرهاا حشاتها ليه....رد عليها راجع كايقيد بعدم اهتمام:عليناا و عليك...
خنساء:جيت عندك غير بااش نسولك واش عندكم الضوو حيت انا مقطوع عندي..
عبدو شعل التيل ديالو لي كان كايتشاارجااا فوق لكنطوار و نطق كايشير ليه:لا حنا عندنا الضو...مخلصة؟!!
خنساء بنزعااج:و كون مكنتش مخلصة غانعرفو من لخلاص و مغانجيش نسولك...
عبدو:اوى صافي غايكون عندك غير شي سيغكوي هو لي خلاه يتقطع...
ردت عليه بستفهاام: صراحة معرفتش..اناا دوك لمسائل مكانفهمش فيهم...الى كنتي نتاا تعرف...عفاك اجي شوف معايا
حط ستيلو من يديه...سكت تواني مدورها فدمااغو...كان بغا يمتانع ولكن مقدرش...وهياا جاية برجليهاا لعندو...قرب لعندهاا و قال:واخاا يلاه نشوفو هاد الضو هداا شنو قضيتو...
مشاا معاهاا لمحل...دور عينيه عليه و قال:واش قصتي شي بريز ملي دخلتي؟!!
جوباتو بإجاب:اه خدمت ديك لمبيخرة..ياكما هيا لي فيهاا لمشكل...
نطق كايقرب لجهت الديجانكتور:ممكن..
حلو و لقااه طايح...ورك على لبوطون و فلبلاصة رجع الضو...
عاود سدو و قال:وااقلة هياا لي فيها لمشكل...(كمل بطنز)و اصلا مالك عليهاا..طالقة لبخور فلمحل جايا من لعمرة؟!!
بتاسمات بخفوت و قرباات لعندهاا كاتمختر فلمشية...هزاتهاا بدخانهاا و قالت بنبرة عدبااء:اناا مولفة نبخر محاالي كل نهاار جمعة..الى مشميتش ريحت سريغينة و لعود شي حاجة كا تكون ناقصاني...
قرباتهاا لجهت عنقهاا و دوزااتهاا على سوالفهاا يمين و شماال...تحت نضرات عبدوو لي كايشوفيهاا و يعبر فيها بعينيه ماينكرش انهاا كاتجيب ليه تمام بحركاتهاا وبلخصوص ملي كاتكون لابسة لبلدي لي كايصرعهاا بلمزياان...حطاتهاا مرجعاهاا لبلاصتهاا و حيداات ليهاا لبيريز...
نطق عبدو كايضحك بجنب:ممم نقولو كاتفوسخي لمحال وصافي...
قربات لعندو كاتمختر فلمشية...فيكسات عينهاا فعينو و قالت بنبرة مقصودة:كاانعطروو...(شافت جيهت لماشين)اشبان ليك نشريو قهوة مجموعين...خاصني نشكرك..
ماينكرش انو تفاجئ ديال بصح...من نهاار حلات لمحل حداه عمرها عرضات عليه وخا غير بضحك...طااح ليه لعجب بلمعقوول...
خنساء عرفااتو ستغرب... ضحكات و قالت:ههه ماالك تزعزعتي و دهشتي غا بوحدك...هضر و نتاا باغي تاكلني بعينيك...
عبدو رجع لوعي و قال:لا شكرا لقهوة كاضرني فلمعدة..
خنساء وسعات نضرتها بطنز و نطقاات مطولة هضرتهاا:بصاااح...اوى الى مابغيتيش قهوة ندير ليك اتااي..مابغيتيش اتااي ندير ليك عصير..مابغتيهش ندير ليك بنااشي...(كملات غامزااه)عزل وتخير...لمهم قضيتي لياا لغراض خاصني نضايفك هاد الصبااح...
عبدو محسش حتاا بتااسم عاجبو لحاال وقال:واخاا جاني الصواب عندك ليوم زايد نغزة مي ماشي مشكل...ديري معاك اتااي...
بتاسمات براحة و مشات توجد ليها قهوة و ليه هواا اتاااي...مرت دقائق كاتقاد فلبرااد و تشحر فيه...و دندن مع راسهاا راشقة ليهاا....و هو مراقبهاا بعينيه و كيفاش كاتهز و تحط فدوك خيرات مولانا لي عاطيها سيدي ربي جايبة ليه تماام..وخاا مكايبغيش يشووف..لاقي راسو بلهلا يطريه ليه كايشوف ويسقي فلعوينات
سالات و حطاتو ليه وجات ݣالسة قبالتو...كبات ليه كاس تأتااي مشحر و مكشكش...
مداتو ليه وقالت بهدوء:بصحة و راحة...
عبدو خداه من عندهاا وقال بستفهاام:و بصراحة و الله حتاا جاني هادشي ديالك فشكل...نتي لي كنتي غير داك نهار كاتغوتي وتقولي لياا عطيني بتيسااع..و اناا درت غابهضرتك عاطيك بتيسااع حتاا يوساااع...و دابا جاياا عارضة علياا و معمرة ليا اتااي...هه لعجب..برب لجليل مافهمت شي حاجة...
خنساء رشفات شوية فكاسهاا تلقهوة وقالت:لحضة غضب و دازت...و اناا كان كايسحاب لي بينك نتا و احلام شي حاجة و خفت على لبنت بلخصوص داك خطي بيطي ديالكم كانت كتيرة...وزايدون انا ديك تيساع مخرجتهااش من قلبي...كانت غير ضحك...
جاوبهاا بجدية مخنزر:هداك ماشي ضحك كايضحكو بيه نااس...هاديك لهضرة مكاتقالش..واي واحد نفسو عزيزة غايبقا فيه لحال...
خنساء:وصافي حتا نتا ماتزيدش فيه...ملي كانتعصب مكانبقااش عارفة شنو كايخرج على فمي...(سكتات تواني و كملات مبتاسمة)دابا انا كانطلب منك السماحة...ضونك بلا ماتخلي لأمور تزيد تعقد بيناتناا كتر ماهياا معقدة و ماافيهاا مايتفك...
عبدو شافيهاا و بقا مطول الشوفة..اولهاا فدماغو بلي باغا تنسى و تصلح لأمور..و بلاما يبقاو فديك شد لياا نقطع ليك...ماينكرش انو فرح فدااخل دياالو...بلخصوص انا لمبادرة جاات منهاا...الحاجة لي كان كايتسنى من مدة هادي هاهياا جاات حتاا لبين يدو...
مشعرش من مور دقائق معدودة حتاا لقاا راسو رطااب...بجوج كلماات قدرات تنسيه فلي جرى...تاكل ليه الدماغ و تجرو لعندهاا...كايتسطى عليهاا...كايتوفى على التراب لي كاتمشي عليه...قلبو فيه هياا بوحدهاا...و هادشي كامل كايخليهاا ماتحتاجش مجهود كتير باش تخليه يرجع عندهاا مرة أخرى...كاتلعب بيه كيفماا بغات دايراه خاتم فصبعهاا...تبعدو ملي ترشق ليهاا...و تقربو ملي ترشق ليهاا...
نطق عبدو مبتااسم:اوى الله يسامح...ماشي مشكل...نيت هااد لعدااوة غير كاترهق النفس...نسااو الالة لي فاات...
رسماات بتسامة ساحرة على ملاميحهاا و قالت بإجاز:اوى داباا مزياان...خود شرب كاسك لايبرد...
باقي كايهضرو حتا دخلات عندهم رانياا لقاتهم ݣالسين مع بعضياتهم عالنين لهدنة و هياا تهز على حاجبهاا متفااجئة...قربات لعندهم سلمات عليهم..وعبدو فلبلاصة ناض مودعهم راجع لمحل حيت خلاه بوحدو...
تسناتو رانيا حتا خرج و قالت موسعة ضحكتهاا:ههه هاي هااي ناس ولاو بحال سمن مع لعسل...هياا صافي تصالحتو؟!...
خنساء ببرودة:علاه حناا كناا مخاصمين؟!!كناا غير معصبية شوية على بعضياتناا..وداباا تصلحاات لأموور بحاالا حتا حاجة ماوقعاات...
رانيا جات ݣلسات حداهاا و قالت:غير شيطان معندو شغل...ولكن اصحبتي بانو لياا عينيه كايلمعوو و فرحاان بهااد تصاليح ديالكم باينة فيه من طيارة غادي و يفرنس...(كملات بتحدير) عنداك تخلي سيد كايتأمل على واالو...و تعطيه امل خااوية...
خنساء تبتاات فيهاا شوفة و شرداات فتفكيرهاا كااتخمم و دماغهاا كايفصل و كايخيط فواحد لبلان لي دارسااه فدمااغهااا...و باغاه و مصمة تشوفو قداام عينهاا...و فأقرب وقت
فالمحال كاالسة رانيااا كاتكونيكطاا مع سيمو كيف العاادة مبتااسمة حيت قربااات امورهم تحل ... خصوصا انها تهنات من توتة لي كان مبرزطها الباااقي كلو سااهل بالنسبة ليهاااا ... مكونسونطرياا مع الكونفيرساسيووون حتى قاطع تفكيرهااا صوت ياسين لي نطق بابتساامة : اهلا رااانياااا ...
راانياا وقفات بترحيب : اهلا سي ياسين ... مرحبا بيك ...
ياسين : ترحب بيك الجنة اختي ... امورك هانية ؟؟؟ ...
رانيا : ربي يخليك الحمد لله ... جيتي على قبل السلعة ؟؟ ...
ياسين بايجااب : اييه الا كانت واجدة عافاااك ... زربان شوية ...
رانيا : لا لا راها واااجدة ... قاداتها ليك خنساااء الصباااح كااملة ... وجمعااتهااا فالكرااطن كااع داكشي لي سيفطتي ليهااا راااه وااجد ...( شارت لسلعة ): ياكما بغيتي نحلها ليك تشوف ...
ياسين بنفي : الله اودي واش حنااا بيناتنااا هااد الحسابااات كانتيق فيكم ... ماشي اول مرة نتعاملو ...
رانيا : لهلا يحاااشمنااا ياااربي ...
ياسين : ضونك عافااك غادي تعطيني الكونط دياالك ولا ديال خنساء نسيفط ليك فييه الفلوووس ... حيت ماعنديش كاااش راكي عاارفة المبلغ ماشي قليل ...
رانيا بتقة : اييه ماشي مشكل سيفطهم ليا فالكووونط ....
ياسين محاول يتبتها : ياكماا نمشي نسيفطهم عاد نجي للسلعة ... الا كان شي مشكل ...
رانيا بنفي : الله اودي اسي ياسين واش حنا غانتحاسبو على هادشي غير ديهم وسيفط لياااا انا غانعطيك رقم الحسااب ...
ابتاسم بنصر : لهلا يخطييك ... مغاديش نعطلهم واحد نص ساعة يوصلوك ...
رانيا : ان شاء الله فخاطرك اسي ياسين ...
هز الكرااطن بابتساامة وزااد من تمااا وهي كلسااات تكمل الشاااط ديااالهاا مع حبييب القلب نااسية الفلوس لي غايسيفط ليها مشافتش فجيهتو كاااع ...
مع جوايه العااصر دخلااات خنساااء للمحل لقاتهاا باقا مصمرة قبااصتهااا مكونيكطيااا ....
خنسااء دورات عينيها فالمحل : اهلا البقرة .
.. ( بتساؤل ): جاا يااسين دا الحوايج ؟؟؟
رانيا بايجاب : اييه شي ساعة باش مشاااا ...
خنسااء صغرات فيها عينيها : مزيااان حتى تقيدي شحاال عطاك فلاجونضااا ...
رانيااا رمشاات : اءء لا راااه سيفطهم ليا فالحساااب ... ماشي كاااش ...
خنسااء هزات حاجبها : اينا حساااب ؟؟؟ ...
رانيا هزات التلفون : حساابي ... ( خرجات عينيها مالقات حتى ميساج واصلها بيلا وصلها شي حاجة ): اءء باقي ماوصلونيش ...
خنسااء خرجات عينيها : واااش ماسيفطش ليك ديك الساعة لي دا السلعة ولا كيفاااش ؟؟؟ ...
رانيا بتلعتم : لااااا ... قالي نص ساعة ويوصلوووك ... فصراااحة مابغيتش نحكر معااااه بزااف...
خنسااااء : وااااش تسطيتي ولا ماااالك ... واااش نتي هبيلة عاطيااه سلعة بلااا فلوووس حماقيتي لااااااا ..
رانيا بلعات ريقها : الله يهديك اخنساء مالكي باغا تنزلي ليا الما فركابي غايكون غير تشغل ... دابا يسيفطهم ... مالكي مسبقة الاحداات ...
خنسااء باستهزااء : يااااك غايسيفطهم ... واخا الالة هااااحناا غانشووفووو ... ( جبدااات تليفووونهااا صونااات علييه ودارت مكبر الصوت لقاتو مبلوكي نمرتهااا ): هااا لي غايسيفط لييك ( عطااتها الصبع ) ...
رانيا الدمووع تحجرو فعينيها بعدم تصدييق وعاودات ليه لابيل لقاتو حتى هي مبلوكيهاا من التليفون وحتى من الواتساااب ... خرجااات عينيهاااا بصدمةةةة ونطقااات بتخنصيص : اويلي على ولد الحرااااااااااام ... بلوكاااااااني
خنساء ميقات فيها : لااا ندبي ندبي نيييت ... واش عارفة شحال ديال الفلوووس فدييك السلعة ... عارفة ولا لااا ... راه رباح لي خديناااه من نهار بدينا وكتر منووو ... ( بتأنيب ): مشينااا فيهاااا ارااانياااا ...
رانيا خشاات يدتا فوجهها كاتلهط وتبكي وتندب على كلاخهااا وقلة عقلها : اويلي وحدي واش درت ... اويلي ... ميمتي حبيبتي ... خرجت عليك وعلياااا ... ولد الحرااام بحال الا دار ليا طلاااميس عطيتها ليه بلااما نفكر ... اميمتي على هبااالي ... اويلي وشنو غانديرو داباااا... منين غانجيبو باش نخلصو هاد السلعة اويلي ...
خنساء بعتاب : شحال من مرة كانقول ليك ارانياا بيلا البيع والشراا ماشي دياال النية ... راااه مافيهش تقة واي وااحد يديرهاا بيك ... شحاال مرة قلت ليك راه خااص تكوني حربية ماشي لي جااا يديرك طريييق ... رااه الا ماكدنتيش ديب ياكلوووك .. وعمرك تعطي تقتك لا فكلياان والااا فبياع وشراااي ديمااا كوني على بااال ... ولكن نتي واااالو واااالو هاد دمديم لي فيك مابقاااش واااكل .. ايوا هانتي جبتيها ليا وليك وفقاعنا ... بغى يهز الدجاج ما لقى غا لعجاج... الله يعطيك الصحة
رانيا دموعهااا على خدها كاتخنصص : لا لا ... واخا نعرف نتسلفهم انا لي درت المشكل وانا لي غادي نفكو باشمااا كاااان ... نتي ماعليك وااالو ..
خنساء تنهدات : راه المشكل ماشي فالفلوووس ... راه يمشيو ويجيو ايوا والشمتة ... غادوز ليك اش غاديري فيهاا ... هادي راه خاص دير ليك العقل وتعرفي اش كاديري ....
رانيا عضات على شفايفها : سعداتك اختي دمك بااااارد ... ولاهيلا سعدااااتك ...
خنساء شافت فيها بايجاز : باااردة حيت انا مكانخلي حتى قمقووم يشمتني شكون ما بغا يكون فهااد الكوون ... انا كانعرف مزيااان اش كانديير ... ومكانتصرف حتى كانفكر مزيااان ....
رانيا هزات حاجبها كاترمش بعينيها الفازكين : كيفااش؟؟؟ ...
خنساء بابتسامة عذباااء شارت ليها لبلاصة السطوك : سيري شوفي تمااا ...
رانيا مسحات على دموعهاا مافاهمة واالو وخنساء كلسات على الكرسي دايرة رجل على رجل بكل تقة ...
رانيااا قلباات وهي تخرج عينيها مشوكية كاتبان ليها السلعة لي عطااات لياسين مستفة تمااا كيف شرااوهااا مناقص منهاا وااالو ... بلعاات ريقهااا لي هرب فيه الريق بقوة الفرحة والخلعة لي تخلطات عليهاا خصوصا انهاا مفاااهمة واالوو... نطقات كاتفتف : اءء ... منين جا هادشي ؟؟؟ ...
خنساااء ضحكااات فوجهها وحلات صااكهااا جبدات منوو الشيك ديال ياااسين وهي مبتاااسمة : وهاااا باااش غادي نخلصو السلعة ....وفاااااااااااااابووووووووور .... ( غمزاااتهاا): اراااا ماتبيعي على ظهر لي بغااااا يجيب لينا تماااام ....
رانيا تشوكااات ماعرفات تضحك ولا تصدم .... حساات بالبرودة من الحرقة لي كانت فيهاا ولكن ماعرفات كيفاش دارت ليها خنسااء .. نطقات باستفسار : اءء كيفاااش طرا هادشي ...
خنساء لعبات بخصلات شعرها بعجرفة : اولااا احبييبة هاداك سيهم ياااسين مادخلش ليا لخاطري وجاني هادشي لي كاايدير بيزاااغ ... كيفاااش واحد غايخلي سوق الجملة لي فيه تمن رخص ويجي عندي انا نبيع ليه بالغلاااا بحجة انه باغي لكاليتي
رانيا كلسات قبالها : شنو زعما كنتي عايقة بييه من لول ...
خنساء بايجااب : فلول احبيبة كنت شاااكة ... والامر جاني بيزاااغ ... وقلت ضروري نتأكد ... ومني طرا المشكل لعبدو وسيمو مع مول سلعة فنفس الوقت لي دخل هاد بنادم لحياااتنا وعلى غفلة وحنا يالاه حاالين مزاال مادرناش بلاصتنا فسووق جااني الموضووع فين ان ... وعرفتي شكون لي عااوني فهاادشي ...( رانيا حرطات ليها راسها بمعنى شكون ): تعقلي على فهد ولد دربنا لي فالزنقة لورانية ...
رانيا خرجات عينيها : هاادااك الهبيييل ؟؟؟ ...
خنساء : نتي هي الهبيلة لي جاا مكلخ دارهاا بييك ... اما هاداااك رااه تبعو حتى شافو تلاقااا مع المهدي وصورو ليااا ( وراتها تصااور ): هاانتي الالة ...
رانيااا بلعاات ريقهاا : اويلي ولد الحراام هو لي بغاا يغرقناا ... الله يعطيه موصيبااا ال*امل لاخور
خنسااء : اييه مزاال مابغااا يهنى ... مابغيتش نظلم يااسين ولكن مني شفت هاد التصاااور تأكدت ... وداكشي علاش مني عطاني شيييك ... قطعت قدامو واااحد خااوي من عندي ... وخليت هاذا احتيااااط ... وصراحة مني قالي غايجي جمعة لسلعة .... عمرك لييه الكارطونااات بلومبالاجااات لورااق لي عندي مجمووعين هناا ودرت ليه شي كسيوات من الفووق باش الا حلهم مانحصلوووش ... ووصيتك تعطيها ليه باش حتى نتي تعلمي ان ماشي اي واحد نقدو نتيقو فييه ... هو عند بالو دكي ساعة لقاني سابقااه ... مسكين هههه الفقيه دحمان, قرا البرة سبع أيام, وقاليهم الخط عيان...
رانيا خرجات عينيها زادحااهاا بصلية : درتيهااا بلعاااني ... حراام عليك طيحتي ليا الماا فركااابي الله ياخد فيك الحق ...
خنساء ضحكاات : ههههههه باش تعلمي ماتعاودي تيقي فحد ومنها يكون درس لييك ...
رانيا حطات يدها على قلبها براحة : الحمد لله ... كان غايسكت ليا القلب ( مغددة ): هادااك مهدي خاص واالديه الحبس على هاد فعااايل الشمااايت ... ولد الحرااام ماتسرطاتش ليه شمتة لي درتي لييه بغااا يردها ليك زعماااا ...
خنساء حقدات عينيهاا : الله ياخد فيه الحق ولد الحرااام مابغاش يتوووب ولكن انا لي غادي نعرف لييه ... هاد المرة يا غايبعد مني يااا غادي نمشي نشكي بوالديه ونحط عليه شييي بااطل مايعرف منين جااااه ...
رانيا شافت فيها : بان ليا هاذا موحاال واش غادي يبعد منك .... موصيبة صاافي ....
خنسااء : بزز منو غايبعد مني ولا غاااادي نلصق ليك شي مونتييف ... هاد المرة غانجيه فاااااس ... يا يفرقني ياا غانمشي نشكي بيه للبوليس واخا نعرف نجيب ليييه شهود مزوريين ونقولهم رااااه مكايتفرقش عليا وفينما مشيت نلقاااه من مور طلاااق وباغي يتعدا عليا .. حيت هادشي لي يصلااااح لييه ... صااافي عيييت منوووو ومن همووو ... هاذا لله معااه
رانيا : والله حتى هادشي لي يصلاااح لييه ... غاتلقايه وصلاتو الخباار من عند ياسين بيلا درتيها بيه ماكرهتش نشوف وجهواا فهاد اللحظة ...
خنساء ابتاسمات : اول حاجة غانمشي نصرف هاد الشييك ومن بعد غااادي نمشي نوريه شغلوووو ... ونفضيو علينا هاد الحريرة حيت راااه طولاااات ... ولازمو حد ... انا لي عارفة دواه شنو هو ( ابتاسمات بشر ): ليوم بيا ولا بيه وغايفرقني بلهلا يطريه ليه وبخاطرو من الفوق ...
رانيا بابتسامة عنقاتها : ياااختي نتي راه نعمة ... احاااي وشحال كانبغيك ...
خنسااء ضحكات : يخليك ليلي ازين ... يللااه انا غانمشي دابا نخلييك ...
ودعااتها وزادت من تما مصممة هاد المرة يا غايخليها فالتيقااار يااا غادي دخلو فشي منتف باشماا كاان ... مخططة ليه بلانو ... حيت مابغاش يخليها فحااالهاا ... وهمو طلع ليها فرااس ومابقاتش قادة تصبر عليه كتر
رانيا كانت ݣالسة مع عتيقة فلكوزينة هازة ستيلو فيديهاا كاتقيد فدفتر و عتيقة كاتملي عليها:قيدتي جوج كيلو تاع كاوكااو يااك؟!
جاوباتهاا بملل:اييه قيدتهم...
عتيقة:و زيدي واحد ليترو ديال ماء زهر...وواحد خمسة كليو تاع سنيدة...و كيلو تاع لكوك...صافي هادشي لي بقاا خاص...
قيداتهم رانيا وقطعات لورقة طاوياها مداها ليهاا...
عتيقة شداتها من عندها و خشاتها فصدرهاا:عندااك تنساي ماتفكرنيش فكعب غزال و صالبلي لي خاص نوجد لسعدية...راه عندها لخطبة تاع بنتها نهاار السبت
رانيا:لا كوني هانية وسط السيمانة نفكرك فيهاا...
تنهدات عتيقة بحرقة وقالت:وياا بنيتي حتاا كانقولو ميمونك تݣعد حتا كايرجع ينعس تاني...معرفتش امتا يكتااب حتاا اناا نفرح بيك و ندير ليك واحد لخطبة دايزها لكلام وموراها شي عرس مطرطق...
ردت عليها رانيا بخنقة:وشكون من غير بابا لي معكس لياا و مامخليش داك نهاار يكتااب...بااغي يخمرني عندو و سلاام غاحشم يقولهاا..
عتيقة:ولوااه لوااه ماتحافيش باك ولا تشدي من جيهتو...راه باغي غير مصلاحتك...
رانيا رفعت صوتها بعصبية:غير قولو ليا شنو ناقص داك الراجل... مية وحدة تماناه...خدام على راسو هاز لهم...راجل ديال زمان خاطياه لبلية...و من فوق هادشي كايبغيني و مغايخصني معاه حتاا خير...(كملات بتوسل شديد كاترغب فيهاا بإلحااح) عفااك اماما الله يحفظك اماا طلبيه...عفااك الى كنت عزيزة عليك وقفي معايا فهادي...
عتيقة:وااا رانيااا...وااابنيتي...الله يهديك بحالا مكتعرفيهش...الى قال لا على شي حاجة هياا لا...لبحر يرجع و بااك مايرجعش فهضرتو
رانيا خنزرات فيهاا:وااش مباغانيش نتزوج؟!! واش بغاني نبقاا ݣالسة عندك هنايا حتاا نضفر عندك الشيب؟!!وݣاع ݣراني يتزوجو...
عتيقة شهقات وقالت:برى ولباااس عليك...فمك لاحسو كلب...ماحناا على فاالك...قالك ماتزوجيش...
رانيا بتهديد:وشتي نقولك واحد لهضرة....شتي الى متزوجتش بسيمو راه مغانتزوج بحتاا وااحد من غيرو...الله يجعلو يكون عندو نص فلكرة لأرضية والله لا كنت لي شي مخلووووق مرة من غير سيمووو...الى ماتزوجتش بييه غاانبقااا بلااش...يا هواا يااا مكااين حتاا حد...
عتيقة خرجات نفسها بإحباط كاتسالي معاها ملي كاتقوليهاا يا سيمو يا بلاش...وهياا اكتر وحدة بغاها تزوج....
شدات على راسهاا بلاحول وقالت:وااا وحلة هاادي ياسيدي ياربي...غااتصطيوني نتي و بااك غاتصطيوني وطيرو ليا لعقل من بلاصتو...
رانيا رجعت تاني كاطلب فيها:عفااك...شوفي معااه...راك نتي لي كاتعرفي ليه وكايسمع ليك...قوليه يعطييه غير فرصة..يجي لعندو و يهضرو وانا متأكدة غايعجبو...عرفتي اماما شحال ديال لأجر عندك الى لاقيتي جوج كايبغيو بعضياتهم فلحلاال...
عتيقة سكتات تواني معندهاش حل اخر وقالت بإجااب:واخاا اناا غانشووف معاه..على الله وعسى يقبل ومايبقاش مقصح راسو...ولكن حتاا نتي ماتبقاايش تشدي معاه الزكاير الله يرضي علييك..غاابلمهل يتقضى لي مايتقضى
رانيا:انا صافي مابقيتش غانجبد ليه لموضوع...دابا منك ليه تكلفي نتي لي كاتعرفي تاكلي ليه الدماغ...
عتيقة تنهدات بلا حول و قالت:صافي غاندوي معاه...على الله و عسى يقبل...
رانيا:ياااربي تهديه يااربي...
نطقاات عتيقة مصغرة فيهاا عينيهاا:اجي بعداا...منين جاوك دوك التصاور و المساجات...نتي مافيكش هااد النغايس هاد لفهامات كااملة مامولفاهمش فيك...كيدرتي ليهاا؟!...
رانيا قلبها ضرب و بدات كادور فعينيهاا:احم...لمهم عرفتو داك كحل لعفطة علاش مطوي...واش ضروري تعرفو منين جبت داكشي؟!
عتيقة ردت عليهاا كاتحرك راسهاا بشكل دائري:مممم هاادو مايكونو غير فعايل بنت السايب...هياا لي عرفات تفصلهاا وطرزهاا لييك...
رانيا ميقات فيها و قالت:اييه هياا.. ولكن راه سيد هكاك معجون حنا غير جبنا الدليل...واش بغيتيني نتخشى فزوبيا..ضروري نخرج راسي محد مزال لحاال.. وراكي عارفة خنساء هياا لي كاتعرف لداك النووع...انا غير شفتو عرفت عينيه كايغليو وسط راسو..وحتا هياا دغيا عاقت..وملي دوات معاه تصاب على سبة...دغيا سااح...
عتيقة:مااشي دغياا سااح...راه خنساء لي عاافية وكلشي تحت يديهاا كايولي زبدة..ماعلينااا..بعداا احسن مادرتو..انا نيت محملتو ماقبلتو مابغيتوش ليك...مكرهتتش ليك سيمحمد من شحااال هادي و اناا مشهيتاه ليك..تبارك الله باينة فسه راجل ديال زماان...
رانيا بتوسل:واملي بغيتيه ليااا...واا عاونيني..ياك بنت وحدة لي عندك...الى موقفتيش معايا معامن غاتوقفي...(بااست ليها على يديها)طلبييه عفاااك...الله يحفضك ليااا...
عتيقة:وصاافي هضرة وحدة قلناهاا... ماكتعاود غير الصلى على النبي... مايكوون غير لخيير...
يتبع...
التعليقات
لا توجد تعليقات بعد، كن أول من يعلق.