بنت السايب الجزء 37

نهار جدييد... نصيرة كانت فبيت لݣلاس دارة نضاضرهاا باش كاتشوف القرب و شادة البرة كاتخيط فواحد لبيجامة.. يلاه غاتخشيها فتوب فلتات ليهاا و ضرباات صبعهاا.. زيراات على فمهاا بألم وشداات فصبعهااا

تسمع الدقان فلباااب... وهياا تحول ملاميحهاا لستفهاام:اشكووون...خبااار الخير يااربي السلامة مع ضربت يدي دقو فلباب....(رفعاات صوتها)نسرييين شوفي شكون كايدق..

نسرين كانت فلكوزينة كاتغسل فلماعن تاع لفطور... مسحاات يديهاا مستاجبة لطلبهاا ومشات ديريكت تحل لباب....مع لحلة وهو يبان ليهااا رجل غريب واقف عند الباب...هاز محفضة فيديه لابس كوستيم...طلعاتو و نزلاتو من شوفة عرفات السيد رسمي...

بتاسمات بمجاملة وقالت: سلام و عليكم...

رد عليهاا بهدوء:وعليكم السلام...هنااا الالة فين كاتسكن الإدريسي خنساء ؟!...

نسرين بإجاب:اييه دارهم هادي...شكون نتاا اسيدي لي كاتسول عليهااا...

جاوبهاا بنبرة رسمية:معاك عون قضائي...عندي ليهاا واحد الإستدعاء من لمحكمة...وخاصهااا تاخدهاا....

نسرين رمشاات لعدة مراات...وسعاات فيه نضراتهااا بتعجب...وقلبهااا ضرب ملي سمعاات المحكمة...خرجاات نفسهاا بمهل وقاالت:هياا دابا خارجة...يمكن ليك تعطيهاا ليااا انا غانعطيهاا ليهاا ملي تجي...

يلاه غايجاوبهاا وهياا تخرج عندهاا نصيرة كاتقااد فزيفهاا...باانت ليهاا تعطلات فلباب وناضت تشوف شنو طاري...

قربات لعندهم هزات حاجبهاا وقالت كاتساؤل:ياك لابااس...(شافت فنسرين مخفضة صوتهاا)شكون هدااا؟؟

نسرين عرفاتهاا غاتشدهاا الدهشة... نطقاات كاتشوف فيهاا:هادا العون...جاي من لمحكمة عندو استدعاء لخنساء...

نصيرة خرجات فيهااا عينيهاا بعدم تصديق ...قفزااات فبلاصتهااا:اويلي على استيدعى...اشكاتݣولي؟؟!

نطق الرجل كايشوف فنسرين: ضونك ملي مكاينااش هياا غايخصني لاكارط ناسيوناال تاعك...

ردت عليه بزربة:وااخاا دقيقة اناا جااية...

مشاات توااني هزاتهاا ورجعات لعندو...قيد بعض المعلومات فكتابو...وعطاهاا توقع ومدهاا ليهااا...يلاه بغاات تسولو وهيااا تجمد ملي قراات شنو مكتوب فيهااا بلخط العريض....دارت يديها على فمهااا مامتيقاااش اشكاتقرى....

عصاام وقف بسكوتر ديالو...تلاقاا مع العون القضائي يلاه تحرك من عندهم...لقاهم باقي واقفين عند الباب...ونسرين شادة لورقة كاتقرى فيهاا وتعااود....

نطقات نصيرة كاتساؤل بلهفة:شنوو كااين دوي..هضرييي...

عصام قرب لعندهم مبدئيا مفهمش اشنو طارري..نطق مدخلهم كايشير بيديه:دخلو بعداا دخلوو...توماا واقفين عند الباااب....

نصييرة نطقاات بنفعااال صبرهاا تقاادة:وتييي دوي مالك مسقلة...شنوووو كاااين فديك الورقة....

نسرين طلعاات عينيهاا فيهاا بتتاقل... ونطقات بدهوول بصوت متقطع مخرجة هضرتهاا غير بزز:م..مه.. مهدي...رافع على خنساء دعوة دياال طلااق...

نصيرة غوتااات من اخر كلمة سمعاتهااا... خبطااات على فلخدهااا حتااا تسمعاات لخبطة:اناااري على الطلاااق...اويلي وحدي....اويليييي على رافع عليهاا مهدي دعوة ديال الطلاااق...

عصام تنهد كاان متوقع ردت فعلهاا وانهااا مغاتستقبلش الخبر بتباات...ضرووي مغااتفاجئ وانوض ليهم تروبيل... بلخصوص ان الخبر مساهلش عليها تتقبلو ولا تستوعبووو..

قرب لعندهاا ونطق محاول يهدنهاا:عمتي تهدني....هاحناا غانعرفو شنو واااقع...

نصيرة وجهااا تحقن بدم ردت عليه بنحييب كاتغوت:تاااا كيفااش تهدني...ختتتك مسيفط ليهااا راجلهاا الدعوة تطلااااق وكااتقوولييااا ته....

قبل مااتكملهااا غمضات عينيهاا وحطااات يديهاا على سدرهااا فقدااات توااازنهاااا كاانت غااطيح فلارض...جاااب الله كالاها عصام بزربة مدور يديه عليهاااا وهووو مخلوووع...ونسرين حداااه شهقااات بصدمة من لمنضر...

نسرين بلهفة عينيهاا خرجو فيهااا:عصاااام عتق عتق...

شدهااا عصاام مزير عليهااا....مدور يديه على كتفهاا...نصيرة كاانت عيينهاا واخا مغمضة كاتحرك من لدااخل..ووجهاا رجع حمررر بشدة طلعاات معاه حمورية الأعصاااب...ماغيباتش..بقاات غير كاتنين وهياا فيدو... كايضرب ليهاا فوجهاا محااول معاهاا تحل عينيه وهو خاايف عليهاا لاتوقع ليهاا شي كريز بلخصوص انهاا عندهاا الطونسيو...

عصام:عمتي كااتسمعيني عمتيييي....

نسرين قرباات حتااا هياا كاتحرك فيها ونطقات بنبرة مخنوقة بقااات فيهاا عرفاها غاتأزم من جيهة خنساء: نصيرة رجووع الله فيقي...نعلي شيطاان راه المكتااااب هدااا...

نصيرة مدااوتش حدهاا كاان صدرهاا كاايطلع وينزل باينة فيهاا الفقصة ولغداايد لي ركبووهاا من الخبر لي سمعاات...تعقداات من كلمة الطلاااق مبقااتش حاااملة تسمعهاااا بلمرة....

عصام شااف فنسرين...تكاهاا داير راسهاا على كتفو وقال:عااونيني نديوهااا لبيت...

حطاات يديهاا ورى ضهرهاا وعاوناتووو غاديين بيهاا لجيهة لبيت بخطواات تقيلة و بشوية عليهاا...

حطوهاا فووق السدااري متكيينهااا على لمخدة...واقفين عند راسهاا مشطونين من جيهتهااا بزااف...حيداات ليهااا نسرين الزيف من على عنقهاا وعصاام عطاهاا شوية المااا كايحااول يشربو ليهاا واخاا غير جغمة تبلل حلقهااا لي بااينة شحف من الصدمة المفاجئة لي تلقاتهاا على الصبااح...

نصيرة بنبرة بااكية مغمضة عينيهاا كاتهتهت:ااااه...ستيدعى...جاتها الدعوة . طلقااات...ناااري طلقاااات...اويلي ..اويلي تاااني...

عصاام نطق مخااطب نسرين: وااش دوى دياال الطونسيو ديالهاا خدااتو ليووم؟؟

نسرين بتخوف:معرفتش...هيااا مولفة تشربو حتاا تفطر...ولكن بانت لياا ݣااعمة خدااتو يمكن

عصام خاف لايمشي يعطيه ليهاا وتكون ديجاا خدااتو ويزيد يكمل عليهااا قال بنبرة امرة:سيري جيبي غير وااحد كااس فيه الماا وسكر...سربي

نصيرة كاتحرك راسهااا بنفي ولعرق ناازل من على جبهتهاا حناكهاا دغيااا تزنݣو السخاانة طلعااات ليهاااا:الله يااربي...طلقااات تاااني...الرااجل تاالت داابا...ولا تاااني.. اءءء...اااه تاااني تااني...(جمعاات ملاميحهااا وكملاات بنبرة بااكية)اهئ أهى...اويلي وعلى زهر عند بنت خوووك انصيرة....اويليي وشنوو غانقوول لجيراان لي باغينهاا فينااا.....تااااني طلقااات...

عصام بداا كايحرك فيهااا باااش توعى بانت ليه كاتدخل وتخرج فلهضرة:عمتي بسم الله عليييك...(شااف فنسرين باقا واقفة قداامو ونهض فيهااا)وااا تحركي طلقي راااسك جيبي ليقلت ليك عليه...

مشااات نسرين كاتجري...لجيهة الكوزينة تصايب ليه الما مع السكر...

نصيرة بداات كاتحل عينيهاا لي عمرو بدمووع كاتخرج نفسهاا بصعووبة وعصاام شاد فيديها كايصبر فيهااا:اويلي وحدي اشهااااد الزهر عند هااد البنت...غااتبقاا غا زوج طلق حتااا تدخل لقبر!!!واااش مغاتسااليش؟؟؟! كلااب ومشااش لمحاكم ولااو عارفينهااا...خاصهم يعطيوهاا شي كرسي تمااا بلا ماتبقى معدبة غادة جايا اهئ اهئ...

عصام:الله يهديك اعمتي حضري لإيماان...الى ربي كمل رزق فشي بلاصة رااك مغاترديهش فيهااا..

جاات نسرين بخطوات سريعة كاتخلط بلمعلقة والكاس فيديهااا...

عطااتو ليه ݣعدهاا وعطاااه لييهااا... شرباتو دقة وحدة نااازلة عليييه شحفااااانة...سالات ومداات ليه الكااس بيديهاا لي رجعوو كايترعدوو... وهياا كاتشوف فجهة وحدة كاتحااول تبلع الصدمة...

عصاام لعافية شعلاات فيه لدااخل..تمنى غير كون كان مهدي قداامو يفرسو ويبرد فيه غداايدو...ويندمو على كل مداار فيهم

مسح على دراعهاا بحنان ونطق:شوية دابااا...

شاافت فييه وحطااات يديهااا بجووج على وجهاا كااتبكي على سعد خنسااء لعور لي غير كاتقول هاهياا تقادات ليهاا لياام حتا كاتعاود تعوااج تاااني...بقااات كاتبكي و طيحهم صحاااح وهمااا ݣاالسين كايسكتو فيهاا حالفة ماتسكت ليهم كااتقطع من جيهتهااا...

كانت نصيرة فلبيت وݣاالس معاها العربي بملاميحو المحبطة...غير الدخل عاوداات ليه كلشي...عصاام ونسرين حتاا هما كانو ݣالسين معاهم مشاركينهم الحديت...

العربي مسح على وجهوو مسلم امرو ل الله وقال:الحمد الله...معندنا مانديرو...الى مابقااش باغي البنت حسن ليه نيت يطلقهاا بلا مايبقاا لايحهاا فدارهم مايسول مايطل هاجرهاا فعز يامهااا....

نصيرة يلاه بغاات تدوي وهو يوقفهاا صوت البااب كايتحل...كانت خنساء لي جاات دوزات صباح كاامل مع رانيا...

مع وقفاات فباب لبيت وشافتهم كلهم مجموعين حساات انهاا كاينة شي حاجة ماشي حتا لهيه...

تقدمات بخطوة وقالت:سلام وعليكم...

ردوه عليهاا ونطق العربي متنهد من اعماقو:على سلامتك ابنتي...

خنساء قربات وݣلساات حدااه قائلة بابتسامة:الله يسلمك اباا...(العربي هبط راسو للأرض...معرف كيف يقوليهاا على الطلااق لي وصلهااا جمعاات بتيسامتهاا وقالت كاتساؤل بهتمام) مالكم...و..وااش واقعة شي حاجة؟؟

نصيرة قبل ماتفاتحهاا فلموضوع وقالت مصغرة فيهاا عينهاا ببرودة:راجلك لابااس علييه...كايهضر معااك ولا واالو...

خنساء سكتاات تواني... حركات راسهاا وردت عليها

بإجااب:اءءء...ك..كاانهضرو..لابااس عليه...حناا عاادي علااش اعمتي هاد السؤال مافهمتش؟!!

نصيرة عوجات قنوفتهاا كادور فراسهااا :مممم...نتوماا عادي؟!! واخاا(جبداات الورقة الدعوة كانت موسداها تحت لمخدة)واجي ابنتي هااكي..شدي ورقتك...راه سيد رافع عليك دعوة ديال الطلاااق...معرفت هااد عااادي عندك كييف داااير؟؟!

خنساء داارت رااسهاا متفاجئة وبحالا ضرباتهااا شي تصرفيقة جيهت الخد نيشاان خداتهاا من عندهاا...دبلات فيهاا عينيهاا ببراءة.. وبداات شنوفتهاا كاترعد بشكل طفولي كاتوجد بااش تبكي...

مسحاات على خدهاا وقاالت بصوت بااكي:حراام امهدي...حراام عليك واهدشي مانستاهل عندك أهئ أهئ...(هزاات ىاسهاا فيهم)هاانتوماا شهدووو...واش اناا لي ضالماا هااد الرااجل...مكفاااهش لاحني هاكا مايسول فيهاا مايطل ولا يقوول غير كيف بقاات ديك لمرى...اهى أهئ...وداباا مكملهاا ومجملهاا بااغي يطلقني....حراام عليييه....واااش غير حيت مريضة ينووض يطلق...

العربي خاطروو ضرو من جهتهااا....دور يديه عليهاا وضمهااا لييه كايصبر فيهااا ويواسيهاا فمحنتهاا..

العربي:صاافي ابنيتي الله يرضي عليك ماتقهريش رااسك وطعنييه راك مريضة...بغاا يمشي صاافي لهلاا يردوو..المهم هياا نتي تكوني بخير...الى بقاا لعمر كلشي كاايتعوض الى الصحة...

حطاات يديهاا كاتمسح فدمووع لي كايسيلو على خدها بغزاارة...

نطقات نسرين عينيهاا مغرغرين شتتات ليهاا قلبهاا:مسكييينة... الله يااخد فيه الحق... حشومة يديير فيهاا هاااكااا...شكون قاال يخرج فيه هاد لعجب كااامل وزعماا كان كايبغيهاا...

عصاام بقاا مفيكسي عينيه فخنسااء بلا مايرمش وهو كايشوف فهاد كتلة البراءة لي ݣالسة قداامو...سدرهاا كاايطلع وينزل كاتبكي عليهم طاالقة عليهم تبوحيطهاا صااارعة الدور بلمزياان لي شاافهاا تبقا فيه ويقوول هاادي بصح مغلووبة على أمرهاا...تنهد وخلاهاا تكمل تمتيلية معاهم...معندوش شي حل اخر

نطقات ودموع معمرين عينيهاا حاجبين عليهاا الرؤية :نحلف ليكم فلبحر حتاا كنت بغيت لأمور تقااد بيناتناا...واخاا خلاني بوحدي فوسط الحزة والمرض مابغيتش نحاافيه وقلت غانميك ونرجع ليه...ساعة الراجل كاانت عندو هضرة اخرى....

حطاات يديها على فمهااا كدليل انهاا مابقااتش قاادرة تستحمل... وطلعات لبيتهااا معاا سداات لبااب وهياا تسند مورااه مااسحة دموعهااا..راسمة بتسامة خفيفة على ملاميحهاا مفكرة اتصاال المحاامي ملي قاليهاا راه دعوة الطلااق غاتوصلك مع العون هااد الصبااح...ومجاات لداار حتااا خططات مزياان لشنوو غاتقوول...

نصيرة شافت فلعربي:بااينة غير الشيطاان دخل بيناتهم...اشبان ليك أخويي نعيطو ليه يجي ونشوفو الى لقيناا مانصلحوو..

عصاام خنزر ونطق بنفعاال:عمتي وااش عاارفة رااسك اشكاتقولي....هو مابقاااش باغيهاا وحناا نوضو نبدااو نحزرو فيه ونطلعو ليه الشاان باااش نيت نبينو راه مابغينهااش ونردوهاا ليه...

نصيرة بعصبية:حنااا ماعرفناااش شنووو وااقع...شنوو فيهاا الى عيطناا ليه...واش بغيتي شملهاا يعااود يتشتت بلاه قلنا دݣاات لوتاد؟؟!

العربي نااض وقف ونطق بسخط مرفع صوتووو:مااااتعيطو..ماتحاشيوهاا ليه...ماتكبروهااا لييه...خلييه لمخزن بيناتنااا...انااا اصلا بنتي ماشيطاااش عليااا باااش نرجعهاا لوااحد...لاحهاا فاول مرضة جااتهاا وماتسوقش...

كمل على هضرتووو ومشاا طاالع لبيتو مغدد...نصيرة شداات فراسهاا لي كاان كاايزدح بلأعصااب...مصيبة ونزلاات عليهم دقة وحدة..بلا مايضربو ليهاا حتاا حساااب

خنسااء ناضت من بيتها مني سمعات العربي طلع كاتنهد عارفة باهاا مغاديش يعجبو موضوع طلااقهاا للمرة التاانية ... وااخاا مغايبغيش ليهاا الضرر ولكن كاي اب بعقلية شرقية غاتجييه قاسحة يتقبل طلاااق بنتوووو جوج مرااات ... تقدمااات جهة البييت ودقاات بهدوء ... العربي كان كاالس شاد فيدو كايقرا ما تيسر من اياات الله .. حلاات الباااب وابتاسماات لييه بهدوء : ممكن ندخل اباا ...

القران بهدوء حطو جنب ونطق : زيدي ابنتي زيدي ... ( شارت ليها تكلس ): اش حب الخاطر

كلساات حدااه ونطقات بهدوء : انا عارفة ابا بيلا هاد الخبار قلقك .. كيفماا قلقني حتى انااا ... (خرجات النفس بعمق ): تمنيت حتى انا ابااا نكون بحال كاع البنااات .. نعيش فداري مع راجلي عاادي كيف الناااس ندير وليدات وتفرح بيااا بلا مشاااكل ....( دمعوا عينيها ): ولكن ابا الغاالب الله ... والله مادرت لا بيدي لا برجلي وكنت ليه نعم الزوجة كيف ربيتيني وعمري قسرت ... ( هزات فيه عينيها دمعانين بحرقة ): ولكن مالقيت جهد لييه ... هو لي بغانا نوصلو لهادشي ونتفاارقوا راك شايف كلشي على عينيك

العربي قرب لعندهااا وحط راسها على كتفوا : خاصك تعرفي ابنيتي ... انا راه مانبغيش ليك المضرة ... وعمري نرميك للعاافية ... مغاديش نكدب نقوليك مابقااش فيا الحاال ... حيت كيفماا كان راااه هاذاا زواااج وعمري نبغييك تخرجي منو مطلقة ... بغيتك حتى حتى انا تعيشي هانية مع زمانك ... حيت ابنتي الدنيااا وناااسهااا مكاايرحمووش ... ولي ما قاالهااا فوجهك غايعطيها ليك فالظهر ... ورااااه تخرجي للمرة التانية من تزويجة بالفشل مغااديش تقيلك هضرتهم

خنساء حنات راسها كاتفرك فيدها : وشنو ندير ليه اباا واش هوو سيفط ليا طلاقي ونمشي انا على قبل كلام الناس نزاوكو ...

قاطعها بصراامة : وااياااك تقولي هاد الهضرة فين عمري خلييتك انا دليتي لشي حد ... ولا بززتك على شي حد من ديما عندي خنيستي الهمة والشااان ولي ماعرف ليك ضيعك ... انااا داك السيد غسلت عليه يدي نهااار جااابك عندي ولاحك فعز مرضك ... ولي ما جابتو محبة ماتجيبو حزااارة ... مكتااب الله وكايتصرف وماعند بنادم مايدير ... ونتي راك واكلة الدقة الكبيرة اما حناااا رااه غير هاازين همك ... المزود نتي لي مخبوطة بيه واخا ماتبينيش ...

بلعااات ريقهااا محاملاااش زهرها ومكتااابهاا لي خلااهاا توصل لهاادشي ... نهار قالت لقاات الشخص لي بغااتو وعزاتو وتزوجااااتووو وغاتكمل معاه حياااتهااا تهدم ليها كلشي وتبخر بحال الا عمرو ما كاااان ....

نطقاات منهدة ودموعها على خدها : لي فيها خييرالله يديييرهااا ... وبناادم رااه عمرو يسد فمووو... غادي وينبح كي الجرو هادشي الا ماجهلش وشهم لي قداموو.... عمرك ترضيهم سواا مزوجة ولا مطلقة ... ومانكدبش علييك ابااا اناا ماشي من النوع لي نرمي راسي فالعافية على قبل شي حد ... الزواج نصييب وهادشي لي هزات ليا مغرفتي وانا راضية بييه ...والاااا ماكملش لياااا فيه سيدي ربي الله يعاااونووو ...

ابتاسم ليهاا وحط يدو على شعرها مداعبوو بحناان :، الله يكمل ليك بعقلك ... ويعوضك خيير ان شاء الله ... حتى حااجة ماتستاااهل ...

قربات باست على يدو : يااك راضي عليا ابااا ...

بايجااب : اناا مغطيك بالرضاا ومفرشك بييه ... سيري خليني نكمل شي ايااات الله يرضي عليك ...

حركات راسهاا بايجااب وناضت من تمااا كاتحصر عارفاااه كايدوي فوق النفس ومن الداخل ما عاجبوو حااال ... وشنو فيدها دير من غيير ترضى بلي مقسم ... ماكرهااتش تفرحووو ويشوفهاا كيف بغااا ولكن مني كايكون الموضوع فوق الطاقة ماعند بنادم مايدير ...

سدات باب البيت والعربي طول الشووفة كايخرج النفس بصوت مسموع وملامح الحزن ضهرو على وجهو ... اب خايف على بنتو من المجتمع القااسي لي غايشوفها مطلقة للمرة التاانية ... تساؤلاات غادي تطرح حولهااا ... علاش مكاطولش فزواجهاا وتكمل فيه .. الا كان لول عايب حتى تاني هكااك ولا هي لي فيهااا العيب ... مجتمع تفكيرو محدود فقوقعة ديال ان الزواج هوو السترة للفتااة والا خرجات من داك القفس رااه غادي تعرى ... بالنسبة ليهم شنو ماكانت الظروف وكيفماا كانت العيشة خاص الانتى تصبر باش تسمى مزوجة ... مبررات تافهة كايعطيوهااا باسم الحفاظ ميتاق الزوجية وهي فقط معتقدات ذكورية متخلفة ... تخاانت راه الشيطان كايحضر وحتى حد مامعصوم من الخطأ كايبقى راااجل والرجال عيبهم واااحد ... تعنفااات ماعليك غير بالصبر راااه لغضب كايجي وساااعفي حسن مااا تخرجي على زوااجك ... تهمشااات واصلاا نتي غير مرااا تركني فداارط وحمدي الله راااه لقيتي لي يسترك ... تهااانت وا حتى نتي شحاال فيك وماديريش من الحبة قبة وفين بااغاا توصلي كاع ... تحتاقراات شدي الارض وحطي قاااعك وجمعي دارك وولاادك اش باغا تصنعي لينا اصلااا ...

بالنسبة ليهم الانتى هي داك الهااامش لي خااصو يبقى سااارية فالزاااوية صامدة بااش ضاالة ماتريبش ... ولو على حساب كرامتها وشخصيتها وذاتهاا ومستقبلهااا ماشي مهم ... المهم هوو الحفاظ على ذاك القفس لي كايسميوه ذهبي ويبيعوك بيه الوهم وهو فقط قفص حديدي غايدفنو فيه رووحك ...

نساااو ان الزواااج مودة .. رحمة وتعااون واحترااام وحب وحناااان للطرفين .. اخد وعطااااء ... نسااو ان العلاقة الزوجية رااه فيها زوج ...خاص يحافظو عليها بزوج ويتشبتو بيهاا بجوج حيت عمر يد وحدة مكاتسفق وعمر الطير بفرد جنااح مايطير ...

عصام كان متكي فوق السرير سااهي كايفكر فبلان خنساء...من جهة عاجبو شنو داارت...ومن جهة حااط بيه الخوف بلي غير ربي وقف معاها وصدقاات ليهاا الخطة...اما كانت غاطيح فشي ماصل لي صعييبة بزااف...دخلاات نسرين للبيتهاا ولقااتو باقي فنفس الوضعية...يدو ورى راسو كايشوف فجهة وحدة...

قربات لجيهتو بهدوء...حلات شعرهااا حيداات بينوارهاا وتقدماات بخطواات قرباات لعندوو وتخشااات مغطية حدااه...

نطقاات بهدووء: عصااام (شاافتو ماستاجبش ورفعات صوتها) واااعصاام رجووع الله....هزهاا منين خفاافت احبيبي...

عصام خرج نفسو بضيق وهو مزير على قبضتو:لكلب معرفتش كيفاااش حتااا هاانت عليه لعشرى لهااد الدرجة...تشمتناا فيه كااملين مااشي غير خنسااء

سكتاات تواني وقالت بنبرة مخنوووقة:وااش حتاا اناا إلى مرضت شي نهاار غاادي طلقني كيفماا داار المهدي؟!!

عصاام داار لجيهتهااا هاز فيهاا حاجبو محمر فيهاا عينيه:اوى حتااا نكون باين ليك شمااتة عااد سوليني هاد السؤال...

نسرين حكاات على شعرهاا:سمحلي رااك عاارفني غاجييب أفم وقوول...عاارفة رااسي عزيزة علييك

عصام بقااا سااكت شحااال دورهاا فرااسو وقاال مضيق فيهاا نضرااتو:انااا لي بغييت نسولك...

ردت عليه بإجاب:ايه سول احبيبي...

عصام:داابااا...نفتارضوو(عااود بتأكييد)هاانتي رااني مسطر عليهااا بجووج خطووك نفتااارضوو...متلا غرني لغراار وخنتك شي نهاار مع شي وحدة...شنوو غااديري ليااا؟...

نسريين حلاات فيه عينيهاا لحدهم نااطقة بدهشة:أويلييي اعصاااام...تشهاااد لهضرة ݣاالس كاتقوليااا فيهااا...علاااه نتااا معول تخوووني....ياااك ياااك كااتقولهاا لياا فوجهي وماحشمتييش.....

عصاام سااط بنفاااد صبر ندم حيت سولهااا نااسي انهاا عاد تبتات معاه ومبقااوش كاتشك كيف كاانت

رد عليهاا:اوووف ياهااد لمرى كبري عقلك مااالك ديمااا كاتنويهااا عوجة ...قلت لييك نتفتااارضو...وماااتلااا...

جااوباااتو بعصبية:واااغير ديريهااا..عاافاااك امااا ديريهااا وشووف غيري...غير هو قبل ماتنوي تخوووني...وجد قبرك هو اللول...وخرج شي صدقة...

عصاام ضحك بعدم تصديييق: هههه شنوو غاديري زعمااا غااتقتليني؟!!

نسرين بنفس النبرة كااتوعد:غاانشرب من دمك...نقتلك وندفنك بلا ماانحن...كبدتك نجبدهاااا ونحرقهااا ومااانشمش دخاانهاااا....دااكشي لي غاانديرو لييك مغاانعودوووش

عصام زااد وسع ضحكتو محرك رااسو بلاحول:مااايسحاااب لييش عندي بسيكوووبااط فدااار....منيتك كااتدوي...اهااه زيدي كملي وشنو أخر؟

نسرين بتأكيد: واخااا نقطعك طراااف طرااف ... مغاانكونش ضاالماك اراجلي العزيز...

عصام بتااسم...رغم انو مكاانت عندو حتاا شي نية بااش يخوون...من غير بغاا يعرف تفكيرهاا واش نييت مشاابه لتفكيير خنساء...ساعة لقاا لعقس تماما.

جاوبهاا بهدووء مطول هضرتو:ايييه كايقولوهاا...كلهاا وعقلو وكيفااش كايفكر بييه وكيفاااش كاايخدمووو...سبحااان الله...

نسرين حدراات رااسهاا:هاادشي غير كانقول...بااينة الى عرفت جهدي كولو غاادي يطييح...محاالش وااش نتقبلهاا...نقدر نحماااق فييها ݣااع....

عصاام بتااسم ليهاا طبع قبلة خفيفة على خدهاا وقاال:انااا عارفك فيك غير لفم...ولعقل لي يفكر فهااد الموااقف الله يجيب...عطااني الله هبيلة وغاا نية ريح لي جاا تمشي معااه....غير تهنااي نشووف فغيرك هياا لي معمرهاا مغاتكوون...

نسرين بتخوف:ولكن علااش هااد السؤال...عندااك اعصاام..عندااك تكوون عواال على شي حاجة.... عندااااك...

عصام:غانبداااو تااني فنفس المواال...هنيناا راه غاكانضحكوو معااك...ماتندمينااش تااني

كالس عبدو وسيمو ومعااهم حياة فالصالون كايتعشاو ... قارمة ليهم حياة على التلفازة دايرة السهرة كاتمزك الوديناات ...

عبدو بتأففف : ها العاار الواليدة وااش ماضروكش ودنييك بهاادشي .. قلبي خلينا نشوفو شي ماتش

حياة : سكت اشمن يضروووني .. خليني نبرد هوايشي فالموسيقى واخا غا فالتلفاازة ... مكاين عراساات لي يحيدو الغمة لااهمااا ....

عبدو عرفها كادق عليه كيف العادة : اييه واخااا اميمتي ... تفرجي فخااطرك ...

ميقات فيه : اييه عارفااك ... غير نجيك للمعقوول وتااا تلاهي عليا فالكلااام ودور ليااا فالهضرة ... واشتي تاا اخرتك تمرض وماتلقى لي يهزك ( بلات صبعها راشماهاا فالحيط ): غاااتبقى هوكاا كي المنحووس لي عمرو يشوف العروس ... هاءاا هو سهمك امزغوب لياام

سيمو ضحك : ههههههه ورااك حااقدة اخاالتي كااع هاادشي فخااطرك ...

حيااة بالغداايد : انااا راه كون صبت كون قجيتوو ... كون هنشرتو وغززتو بسناني على الفقسة لي مركب فيااااا ....

عبدو ضحك بلا حول :، هههههه دابا واش مشهيا ليا غير الصداااع ... خليني هاني مع رااسي ديال مخي ... اش غاندير انا بجوا منجل نمشي للقنبة برجلي ... تبغيها لولدك اميمتي ...

زدحات التليكوموند على الطبلة بالفقسة : بغييتهااا تجيفك دييك القنبة ... الله يخليه كنس بالخلاااا ... بقاا هوكااا لهلاا يقااادك ...

عبدو كايموت بالضحك عليهااا عارفهاا غاتعوااج وماترتاح حتى تزوجو هاد الموضوع شاغل تفكيرهااا كلووو وكل نهار كاتجبدو ليه على الاقل جوج مرااات لدرجة ولف نكاانهاااا ومابقاش كايتسوق ليه

سيمو : ههههه حشومة اصحبي تفقس ليا الخاللة الحنااانةة...

حيااة عوجات فيه : قالها ديك لي مطفرو وحسن منووو .. عاارربي لاماا سكت حتى نتاا ...

سيمو : دابا واش ساليتي مع عبد الله مابغاش يتشد ليك ودرتي ليا انااا .. دايرة النوبة اخالتي

حياة ربعاات رجلهاا مقابلة معااه بانت ليها فيه : تا غا توكل على ربي اوليدي رااااه الزواج بغاااه الله ولي هرب للزواج هرب للطاعة ...( سهمات فيه عويناتهاا ) : وحتى بنت الناااس راه كاااااينةة

ضحك بصدمة : هااااي هاااي .. ولقيتي ليا المرأة كاااع ...

عبدو ضربو لكتفو كايضحك : امباارك ومسعوووود اساط ... ههههههه

حياة : ايييه رااهاااا تبارك الله حااادكة وزييينة .و مرضية ... بنت داارهم الاصل والمفصل ... مرة حرة بنت حرة غرة ... حطها على الجرح يبرااا ... العينين كيف الكمرااا وسالفها مكاينش عند بنت المرااا ... عمرك تسمع عليها هضرة و لغاهااا مايجيب ريح والا غبرة ... الحااصول بلاااارة الا ماااقلنااش جوهرة

عبدو ابتاسم تحت منو عاارفهاا علااش قاانية وفااش كاتفكر مووو وشاربهاا ماااا ومني كاتبدا تنظم الكلاام كاتبغي ضرب على الصح

سيمو جابت ليه الضحكة مخليها على هواهاا : ههههههههه هاااي هااي وشكووون هاااد المرااا لي مكانهااا فسمااا بلاصة الكمراااا ...

ابتااسماات ليه : رااانيااا بنت عتيقة جاارتنااااا ...

عبدو طلع عينو فحياة كايشوف فيهاا بعدم تصديق متفاجئ من السمية لي سمع...بضبط من البنت لي ختارت تكون مرى لسيمو و شافتهااا مناسبة ليه...وبداات تمدح فيهاا وتنضم عليهاا فلكلام لي كولو قواافي...

سيمو خرج فيهااا عينيه بتعجب...أخر بنت كان كايتسنى يسمع سميتهاا هياا رانياا....

ضحك بجنب وبستهزاااء.... رمش لعدة مراات وقال بعدم فهم :وااايلي "رااانياا" منيتك كاتدوي اخالتي؟؟!

حياة بنفس النبرة كاتهضر بتقة:ايه رانياا... مالهاا جاتك عجب...فين تلقاا بحال ديك لبنت بدرااعهاا معاونة مهاا...زين وتباااتة معمري سمعت عليهااا قد هاااكااا تلعيييب...الله يكملهااا بعقلهااا...شتي بحاالهاا..راه مابقااوش سمع مني راني بحال مك الله يرحمهاا وعاارفة مصلااحتك فين كاينة....

سيمو جمع ضحكتو ملي حس بجدية كبيرة...فهضرتهااا كأنهااا كاتسنى يقوليها غير "اه" وتمشي تطلب ايديها من دارهم...

نطق هااز حااجبو:أخالتي الله يهديك..راك واقلة تسطيتي...اشعجبك فهااديك هاالعااار....اوى صاافي لقينااا لمرى بكري

وتزوجنااا ودرناا التريكة بفففف....

حيااة عوجاات شنوفتهاا:لاواااه لااواه...لبنت ماافيهاا حتاا عيب غير بغيتي تجبدو منهااا وسلاام

سيمو بمجرد مكايسمع حسهاا كايطلع كاطرياةم بلا عقل جاوبهاا بعصبية:كولهاا عيوب من راسهاا لرجليهااا...بحالهااا محاال ݣااع يلقااو شي حد يقبل عليهم...تاعت الله شكوون لي غايتفااهم مع ديك المااركة...لهضرة سابقاهااا ددودودو مكااتسكتش تقول مركبين ليهاا لبريز...(يلاااه بغاات تجااوبو وهو يقااطعها) واااااخالتي سمحيليااا واخاا نتي حسن مني فلعقل...واش بغاني نجيب لداري معامن نتشاحف بليل ونهاار؟؟! تنوض فيااا الشييب والسكر؟؟؟تصيفطني لروضة بفقايسهاا ونخلي ولادي يتاما؟!!

عبدو ستغل الفرصة...بتاسم بمكر ونطق بهدوء :احم الله يهديك اميمتي... اشمن رانيااا...لا لاا ݣااعمة جااو مع بعضياتهم...هاديك البنت تبارك الله ݣاعمة تجي مع واحد بحال سيمو... لاعلاقة الوليدة...

سيمو وسع فيه نضرااتو مشوكي من هضرتو...هز فيه حجباانو بجوج وقاال متساؤل محمر فيه الشوفة:على مالي الأخ كيف بنت ليك حتااا مانجيش معاهاا؟؟!مالك عاودولك عليهااا ملكة جماال قبرص؟؟! واناا مافخبااريش...(كمل معاجبو حال )راااه هيااا لي مغااتجيش معايااا مااشي العكس...

عبدو رد عليه بطنز بااغي يزيد يشد فيه:اه بصح...مغااتجيش مع فخاامتك....وتااا نووض اصحبي وشد معاناا فهضرة وحدة الله يرحم الوليدين...قلتي ماعجباتكش حناا تافقنااا معااك وقلنااا نييت مامناسباكش...هادشي لي قصدت...

سيمو حس بأعصابو بداو كايتشحنو...وهو كايسمع فهضرتو لي جاتو غير منطقية....

نااض وقف ورد عليه كارز على سنانو:انااا اصلا مكاانبغيش نهضر فديك ختنتاا..معنديش معاهاا ومديزاااش ليااا...ومكانفكرش فزواااج داباا ومغااانفكرش فيه هيااا مليووون....وسلااام وعليكم...

كمل هضرتو وناض طالع لبيتوو منرفز...سد البااب وحيد التريكو لي كان لابس بقاا غير بلبودي مشدود على عضلات صدرو...حس بالصهدة طالعة معاه...معرفش لاش هااد نفعاال كامل؟!...رغم ان الموضووع مايستااهلش...كاان ممكن يستقبلو بكل هدووء وبرودة...ولا ممكن العقدة لي تركباات عندوو فدااخل ديالو هياا لي هضرااتو وخلاتو مايبقااش حامل يسمع حس لمرى ولا يتعاشر مع الجنس اللطيف؟!!...

زير على يديه وهو كايدكر دوك اللحضات لي كايحاول بجهدو كاامل بااش يمسحهم من باالو ومايتفكرهمش بالمرة و يسد علييهم فشي حبس منسي باش مايرجعش يدكرهم نهائيااا....ولكن عقلو مامساعفووش حيت لي تحفر فيه صعييب وصعييب بزااف بااش يتمحى بلخصوص الى كاان مااضي قااسي وألييم...

فلااش بااك

شافت فيه بنضرات كادوب...ونطقاات بهمس بصوت عدب شادة فيدو:نتاا أسي محمد هو حيااتي...نقدر على كلشي فهااد الدنياا...الى تبعد علياا شي نهاار (بتااسماات وكملاات برقة) مغانكدبش ولا نكون كانزيد فيه الى قلت بلي قلبي ولا عندو سلطااان....لي هو نتااا أحبيبي....

زير على يديهاا...بتاسم وعينيه كايلمعو بحب وقاال ببحة رجولية:عمري مكان كايسحاب لياا غانبغي شي وحدة شي نهااار...ولكن لي عرفك وعااشرك و شااف فهااد العوينات...وسمع لكلاامك لحلو يولي يبغي بزز منو وبلهلا يتبتو ليه...

نهاية لفلاش بااك

زير سيمو على شفايفو بقوة...عينيه رجعوو حمريين بأعصابو لي تشحناات...نطق مخاطب نفسو وهو كارز على سناانو دمو كايغلي فعروقو مكالمي راسو غير بزز:كلهم كايشمتووك بهضرتهم...نهاار لي كاتباان ليهم المصلحة فجيهة اخرى كايمشيو يجريو بلا عقل...( كرر بتأكيد)كلهم عباداات المال والمصالح...لفعاااااات ورخيصااات.....مايستاهلوش الواحد يبغيهم...يستاهلو لي يدووز ويعفط علييهم...

حيااة بقاات غير كاتشووف هازة حاجبهاا مافهماات واالو...ضحكاات بطنز دايرة يديها على فمهاا:ادري واقلة طااح على زنافرو أوليدي...جبدنا ليه لبنت وهو يشعل...ههه غير بااقي مجااب لدنيا خبااار..اماا من زماان سرى معاه لحاال وغرق...

عبدو:اغير وجدي جهااز..يلاه يلاه

حيااة بتاسماات:ومالهاا..وحدة فحال رانياا جاامعة كلشي..ها لحداݣة ها تاويل هاا الضرافة والزين من لفووق...مالو فين يلقاهاا فين...الى خداهاا تشبعوو غير حلوة...

عبدو محسش حتاااا طلق ضحكة من أعمااقو على أخر جملة قاالت ليه حتااا تغمضو عينينه...

حيااة غوبشاات فيه ونطقاات:مالك كاضحك؟!!مالني كدبت...

عبدوو مزاال موسع ضحكتو:هههههه ايه ايه بصح...ضروري من لحلوة الوليدة...والحلوة هيااا كلشي فزواااج....الى مكااانت مكااين وااالو ههههه

حياة على نيتهاا:دااكشي لي كااين...غاادي نبداا نسايس معااه حتااا يقبل...غي هوا خاصني نزرب معااه....حيت دااك زين غايطيرو بيييه...ولي خداهاا سعداااتو....

شميسة بدات كاتغييب و ضلاام بداا كايحل على المدينة...يلاه فاات المغرب بشوية...كاان عصاام وااقف ورى واحد الشجرة كبيرة...لابس قبية ولايح عليه قبهااا داير ادو فجياابوو...مفيكسي عينيه على الطريق قاااني عليه كايتسنى غير يباان ليه معول على خزييت معااه...باغي يفدي فيه لقديم و جديد ويبرد العافية لي شعل فقلب ختو وغدرو ليهااا بلا ماترمش ليه العين ولا يفكر...هانت عليه ببساطة وبدم باارد مشاا عند غييرهااا....مجرد التفكير فهادشي كايخلي دموو يفوور وكايجعروو كتر وكتر...

مرت دقائق حتااا باان ليه مهدي جا و بدا كايصطاسيوني اللوطو ديالو قدام باب دارهم...درب سااقل ومكاين لي غادي فيه ولا لي جااي...تسنااه حتاا نزل....طرطق عنقو...شمر على نيفو محقد شوفة لجيهتوو نااوي يشوف ليه النجوم قبل مايبانو ديال بصح....

قرب بخطوات تابتة لعندو...كان مهدي عاطيه بضهر كايسد فاللوطو ديالو...وقف وراه وحط يديه على كتفو... دار لعندو مهدي بتتاقل...

شافيه بتعجب هاز حاجبو ونطق بإجااز:عصااام؟؟!...

قبل مايكملهااا ضربو براااس للوجهوو نييشااان...رعفووو فلبلاااصة وطاااح لأرض شااااد على نيفووو معرف بااش تبلاا غفلوو...

عصام بلغوااات عرووق عنقو تبرزوو:نتااااا يااشماااتة تضحك على ختي وتبدلهااا....(هز رجليييه حتااا لسمااا وعطاهاا ليه وسط كرشوو نيشااان زواااه حتااا خرج مهدي صوتو بالم شدييد) انااااا عطيييت لأصل بووك ختي ونتااا كااتزلل بتبك فمن واالاا... وتجي تخشيه فيهاا يا القواد...ادوي...(عاااود عطااااه بحر جهدو مدخلهاا عااود لكرشو قرب يسوسهاا وكمل مكشكش عليييه)هااادي هياااا الرجلة عند ال*اامل بووك....ياااللمسخ(عااود عطاااه)يااا لكلووووشاااار....

مهدي رجع وجهوووو زرݣ ونيفوو كايشرشر بدماااياات... ولعروووق تبرزووو فجبهتووو...تخنق ونفس بقااا ليهاا شوية وتقطع....

عصاام كااان سدروو كاايطلع وكاينزل...غااااكيدخل لييه ضربة موورة ضربة مامخلييش ليييه الفرصة فين يخرج حتااا كلمة....

يلاه حااول مهدي بااش يخرج لهضرة وهو يعااود نزل عليه حتااا تقلب على ضهروو: ماااا تدويييش يااالخااانز...أااشماااتة.....انااا لي غانوري لوالدين بوووك الز*لة اش كااتسواا...ليووم نحيد لوالديك دودة لي فييك....بربي لا بااقي *يمتي على شي ****.....ليوووم نفرع ال*ااامل حسك...

تحنى لعندو وشدو كاامش عليه بقبضة يديه بجووج شاانق علييه منوضو مخلييه مقاابل معااااه....

المهدي فديك لحظة رجع سخفاان بضرب ورجليييه فشلو عليه ومبقااوش قادرين يهزووه...مابقا ليه واالو ويشهد...

نطق بشوية الجهد لي بقااا عندوو وجهوو ݣااع تلطخ بدماياات وتنفخ وبصوت متقطع بزز بااش كايخرج: حبس...خ..خليني ...غ غان..غاندوي...غي..غيير نشرح لييك...

عصام بعصبية مبقااش كاايسمعو همو غير يبرد فيه غدايدو:ختي دااايرهااا بحاال لمونيكة حاطهاا فدااار...خاااانقهااا لهوى مكاتشموووش فخااطرهاا...وخااارج كاااات*وى مع راااسك....

مهدي قرباات روحو تطلع...جهدوو تسالا بلمرة...

عصااام فلبلاصة جمعو بشمااال جاا مردووخ على لأرض...وتحنى لعندو كايدخليه فلكروشيااات لوجهو:اناااا تخووون ختييي...ومعاااامن مع **** ديااال ربعمية......نااااري ضبرتي عليهااااا.....بربي ليووم يااا ال*ااامل مغاتبقااا تحس بعضاامك بياااا ولا بيييك هااد ليلة....ديييك الدودة لي طاالعة معاااك يااا *** ليوووم نزلهاااا....

مابقاااش متحكم فرااسو...بقاااا كاايعطيه كااايعطييه دݣدݣدو مزيااان تحلف لعضم صحيح مابقااش يكسااابو....مهدي دااتو كلهااا رجعاات كاتغزل...مابقااش حاااس بيهاا نهاائياا...قرب يفقد الوعي من كترة الضرب....

عصام شاافو غايغيب وهو يهز رجليه حتاا لسماا عطااا لييه ورى ضهروو نيشاان حتااا داار لعندوو وحط رجليه فووق من سدروو عااافط عليييه....

ونطق بشرااااسة:بربي كون ماا لحبس حتااا نقتل ديلمك هنايااا وندفنك...بحاالك عااار يبقااو فوق لأرض....ودابااا الى نسميك رااااجل نشوفك كاادور بساحت ختي مرة اخرى...يااربي نلقااك محااديهااا....الى مانحرك من لودن لودن...راااني شماااتة بحااالك....

حيد رجليه من فوقو...خسر فيه الشوفة كايبان ليه بحاال شي حتااالة قداامة...دفل لييه على وجهووو.... نااعل الدقيقة لي جمعااتهم معااه نفض على درااعو وساس عليه يديه....رجع لقب فوق رااسو...وكمل على طريقوو كايدخل النفس بشوية عليه ويخرجهاا محااول يهدن بيهاا رااسو ويخليه يتكالمااا...مخلي مورااه مهدي منشوور ݣاااع تمرمد ولا شرويطة فوق لارض حالتو حالا بلعصااا...كولو مضرووب....مخلاا فييه غير لي نسااا

دازو ايام ديال الطلووع والهبوط والجلساات الاولى لي كايخصصها القاضي للصلح والتفكير ... وطبعا الجلسة لي كايكون فيها واحد من العائلة ديال الاطرااف ... رغم ان الطلاق كان مافيهش بزاف ديال الضغوطاات ولكن المسطرة كاتفرض امور ولي مايمكنش تتجاوز ...

فنهاار مشمس نوعااا ماا خارجين من باااب المحكمة فاخر جلسة ولي علن فيها القاضي طلاااقهم ... خنساء تقدمااات ومعاها عصااام والمحاامي ... ومن ورااهم كانت نادية والمهدي لي بااينة فيه وااصلة ليه للعظم ومعااجبو حااال وباقي فيه لي طراس ديال العصاا لي عطاه عصام ... فضل مايشكيش بيه باش مايزيدش صداع كتر .. من ملاامحو بااين عدم الرضى والغضب ... اكيد حيت اخر حاجة كان يتمناها هي طلاقو من خنساء ... سلم على المحامي ديالو بمصافحة وشكرو على مجهودو ... وتقدم ديريكت للوطو ديالو راادخ الباااب وهو كايشوف فخنساء لي باينة لعمااا مرتاحة بهاد الطلااق لي كانت باغااا غير ايمتا يخرج ... خنزرات فييه ومني شافت وجهو عرفات خوها قضا فيه الغرض

نادية وقفات معاها حاطة يدها على كتفهااا وباينة فيها حزينة ومعاجبها حال لهااد الطلاااق لي بالمرة مكانتش ضاربة ليه الحسااب .. نطقات باسى : ماعرفت مانقوليك اخنسااااء ... هادشي لي مكتب الله ... ربي شااهد احبيبة مابغيتش توصلو لهاد لمواصل ولكن الغاالب الله ... ( عينيها غرغرو): راك بحال بنتي سارة والله ..

خنساء تنهدات حاطة يدها على يدها : هادشي لي مكتب الله انادية وكل واحد كياخد نصيبو ... حتى نتي عزيزة عندي رااك عارفة وغاتبقاي ديما بحال هاكااا ...

نادية بابتسامة باهتةة: الله يسر ليك ويدير لي فيها الخير ما عرفنا ربي اش مكتب من هنا للقدام وكلشي عندو قريب اولااا ...

خنساء فهماتهاا كاتلمح لرجوعهم مابغااتش تحكر فالموضوع كتر : الله يدير شي تاويل ... سلمي ليا بزاااف على ساارة وقولي ليها رحلة سعيدة وتهلااا فرااسهااا تمااا .. ايمتا غاتمشي بعدا ؟؟ ...

نادية : السيمانة الجاية ان شاء الله...

مزاال ماكملااات كلااامهااا حتى سمعااات نهضة من مهدي لي حل الشرجم ونطق بتخنزيرة وغوباشو على وجهووو : الواليدة طلقينا يللااااه وااش غانباتو هنااا !؟...

خنساء ميقاات فيه ونادية تنهداات مودعة خنسااء وزادت من تما ركبات فاللوطو مقندشة : مالك كاتعرعر ياك لاباس ؟؟ ...

المهدي بعتاب : مافهمتش علاش كاتلاغاي معاهاا ... يااك بغاات طلااقهاا وطلقتهااا اش مزال بغاات ...

هزات فيه حاجبهاا : شتي انا هاد الهضرة ديال بغااات طلااقهاا غير هكاك لله فسبيل الله ونتااا عطيتيه ليهاا بكل رضى وسمع مادخلااتش ليا لراااسي فهمتيهااا ... وشتي امهدي شحالما طواال زماان غانعرف اش مخبي غانعرف ... ديرها فبالك

المهدي بتأفف :واش غاتبقااو نعااود فنفس الموااال ... الله يهديك الواليدة

خنزرات فيه معوجة ووجهة من جهتووو وهو ديماراا لوطو و عينوعلى خنساء لي باقا واقفة مع عصام والمحاامي كايدويو .. طول فيها الشوفة ومن نظراتو بااينة مناويش يتناازل وباقي شاد فكلمتوو انه مغاديش يخليهاا فحاالهاا بهاد السهولة .. كسيرااا وزااد مخلي العجااج ورااه ...

خنساء مخاطبة عصام : صافي غير سير اخويا قضي شغاالك .. انا بغيت نتمشى شوية على رجلي ..

عصام عرفها بغات تبقى بوحدها : واخا انا نيت عندي شلا مايتقضى هاد النهار ...

خنساء حركات راسها بايجاب ودارت سلمات على المحامي : شكراا بزاف اسي نزاار ... بيناتنا التلفون على قبل الارض واخا ...

المحامي : كوني هانية ... الله يعاونك ...

ابتاسماات ليه وزاادت وهو مشا مع عصااام فحالو ... وهي شدات طااكسي لمهدية تشم هوا نقي ...

كالسة فالجنب الشاااطئ بعيدااا على البحر كااتشوف من بعييد وقلبهاا ضارهاا بلاا قياااس ... زواجهاا سااالااا ومهدي غايولي ماضي بالنسبة ليهااا ... معارفااش كيفاش غاتقد تنساه وتخرجو من قلبهاا ... قدمااا كرهاااتووو قدمااا حبهاا ليه كبيير ومااشي ساااهل يتمحى بين ليلة ونهااار ... وشكون فيناا لي تقد تنسى حب حيااتهااا فنهاارهااا .... عااد الجرح لي تسبب ليها فييه غااارق وغاارق بزاااف صعييب عليهااا دااوييه ... اول مرة دير تقتها فشي رااجل وطعنها فضهرها وهادشي غايخليهااا مستحيل تعااود تيق بسهولة فاياا كاان .. عارفة ان الحيااة مخاصهااش توقف عندو واكيد غايجي واحد النهاار لي يولي هادشي بالنسبة ليها غير تعااويد وغاتكمل حيااتهاا بلا بيه ... وممكن كااع تحب من جديد ولكن فالوقت الحالي .. حاسة برااسهاا ضااايعة لدرجة كبيييرة ... خرجاات النفس بعمق وبلعااات رييقهااا تايهة فافكاارهااا واحاسيسهاا ومشااعرهاا المبعترة ...

قاطع تفكيرهاا ريحتوو لي قرباات ليهاا واستنشقااتهاا بسرعة ميزاتها ... تنهداات وهي حاسة بيه كلس جنبهااا ونطقاات بصوت مبحوح بلاما تنظر فيه : واش ماعييتيش ... غااتبقى كل نهااار تابعني فينماا مشيت ...

عبدو ابتاااسم وهوو كايقاد الكلسة حداها : هاد المرة صاحبتك لي بززت عليها تقولي ايمتا عندك المحكمة ... ومن تما جيت لهنااا ...

خنساء بنفور : الهباال فيه وفييه ...( محاملاهش يكلس معاها بالمرة ) ..

عبدو بهدوء : شنو دابا نقولك مبروك الطلااق .؟؟

خنساء باستهزااء : هه ... من حقك تستشفى بصحتك اسيدي ...( كاتشوف نيشان فالبحر مضارتش جيهوو بالمرة ) ...

عبدو : وعلاش غانستشفى فيك .. بالعكس طلااقك من بحااال هادااك خاصو يكوون خبر زويين بالنسبة لييك ...

خنساء دارت عندو دايرة فيه شوفات طنز : كيشتي نتاا راااك حسن منووو ... ( مخنززة ): كلكم تريكة وحدة اصلاااا ... وانااا سبحان الله ماعرفت فحيااتي غير الشماايت ....

عبدو بلع ريقو وكلماتها كاتوصلو كأنها خنجر على قلبو وللاسف ماعندو باش يجاوبهاا ولا بااش يداافع على رااسو ... فقط يسمع ويسكت بلا حول .... خرج النفس بعمق : عندك الحق ... ماقلتش العكس ... ولكن ماتقتليش راسك على قبل جوج شمايت عرفتيهم ... مزااال قداامك الوقت لي تبني فيه حياااتك من جدييد ... وهاد الدقة مخاصهااش طيحك واخااا تجرحي من جهتو ... تفكري انه مايستاهل حتى شوية من المشاعر لي عطيتيها لييه ... انا عارف بيلا دقة مهدي جاتك قاسحة بزاااف حيت بغيتيه بصح ... ولكن خوي راسك منو وممكن تخليه ذكرى ومراااات فماضيك كيف درتي مع لي قبلو ... عارفك مغايصعابش عليك

خنساء ساطت ووقفات بلاماا تجااوبو وزادت هاابطة جهة البحر وهو متبع ليها العين كايتنهد واخة كاتبان ليه مأزمة ولكن متأكد انها مع الوقت غاترجع كيف كاانت واخااا منهارة ولكن داخلها قوي وغاتجاوز ... طول الشوفة فواحد الربااعة ديال الدراري والبناات مجمعين تماا بلي كيتاار دياالهم كاايغنيو ... حيد السبرديلة ديااالو وزاد كايجري لجهتهم تخشاا وسطهم بعدماا طلب منهم الاذن ... وطلب من جوج بناات يمشييو يجيبوهاا تشااركهم وداكشي لي داااروو مشاو لعندهااا وبقاااو عليهاا حتى جروهاا بلهلاا يطرييه ليهااا كلسوهااا حداهم وهو ابتااسم وغمزهم والدراااري كايضربو الكيتاار وهو ودري اخر كايغنيو بصوت زوين وحنين ... خنساء سمعات الاغنية لي عزيزة بزااف على قلبهاا وكاتفكرها فذكريااات فيها زوينة والخايبة وهي تسوط مخنزرة فيه وداارت من جهتوو مكاتشوفش فييه وكااتصفق مع البنااات بلااماا تعيرو اهتماام ... وهو كايغني معااهم باغي يخليهاا تبدل الجو شوية وتنسى طلاقهاا من مهدي ولو غير شوية الوقت

دازو اياام هاادية على ابطالنااا ... نادية كانت كاالسة وسط الكووزينة كاتوجد الكراطااان للعشااا هي وساارة لي كااتوجد الفروي حدااهااا ... مجمعين فموضوع شي وحدة من عائلتهم

سارة : ايواا وشنووو دارو فلخر ؟؟ ...

نادية : اش عندهم يديرو رااهم باقين شادين معاها العكس ... قالو ليهاا الا خديتيه ماتعرفينا ماانعرفووك ...

ساارة : الله يااربي السلاامة ... ومالهم على حالتهم يخليوها تزوج باشما بغات وتحمل مسؤوليتهااا وصافي ...

نادية يلاااه غاتجااوبهاا وهو يقاطعهم صووت الباااب ... يلاااه بغاات تنوض سارة وهي توقفها نادية : غير خليك انا غانشوف شكوون ...

مسحات يدها و زادت من تماا حلاات البااب بهدوء وابتاسمات للمراة لي واقفة عمرها شافتها : سلااام ابنتي ...

البنت : سلااام ... مادام ناادية ياااك ؟؟؟ ..

نادية بايجاب : اييه هي انا .. شكون نتي ابنتي ؟. ..

البنت : اناا امادام صاحبة ملااااك ... ملااااك لاا جيغوون لي خدامة عند و فالقهوة ... ( بانفعاال ): ولي لعب بيهاا كيف بغااا وسااسهااا من بعد مخليهااا مسيوسة فالحبس ...

##

فدار الساايب كاانت خنساااء واقفة فالكوزينة كاتعااون نسرين فتوجاد العشااا ...

نسرين : والله يااختي حتى المعااونة زوينة ... شحاال هاذااا كنت كانبقى واااقفة على رجل ومع القراايااا مكانسالي حتى نسخف ...

خنساء ابتاسمات : هههههه راه غير نتي لي مرخية وماعندك جهد .... تعرفي تنضمي وقتك تهزي دارك وقراايتك الله يهديك ...

نسرين : ماانعرف كااع يااختي كيف كاديري ... انا بعداا ماقاااداااش ... نعياا نظم مكانلقى بو تنظييم ... الكرفي الكرفي

خنساء : ههههههه ايوااا هانتي الالة لقيتي لي يعااونك ويصدعك تاااني ...

نسرين ضحكاات : هههههههه مرحبااا بصدااعك ... مزيااان يكون سيسباانس فدااار مانقنطوش هههههه ...

خنساااء صونا ليها تليفوونهاا بنمرة المحاامي نزاار ... جاوبااات بهدووء تحت نظرات نسرين : الو سي نزاار لاباس عليك ...

المحامي : الحمد لله .. نتي لاباس عليك الامور تمااام وواحد عصام بيخير ؟

خنساء : الحمد لله يسول فيك الخير ...

المحامي : عيطت لييك على قبل البقعة الارضية لي قلتي ليااا بغيتي ليها الشاري ... واحد السيد صااحبي عااودت ليه عليهاا وبغاا يااخدهاا الاا كاان عندك كيفاش .... ديري نتي ويااه شي وقيتة تلاقااو ... راني درت معاه حتى التمن لي قلتي ليااا ...

البنت : سلااام ... مادام ناادية ياااك ؟؟؟ ..

نادية بايجاب : اييه هي انا .. شكون نتي ابنتي ؟. ..

البنت : اناا امادام صاحبة ملااااك ... ملااااك لاا جيغوون لي خدامة عند و فالقهوة ... ( بانفعاال ): ولي لعب بيهاا كيف بغااا وسااسهااا من بعد مخليهااا مسيوسة فالحبس ...

نادية صغرات فيها عينيها بعدم فهم : كيفااش ماافهمتش !؟؟ ...

البنت بانفعال : كيف كاتسمعي الالة .. ولدك سي مهدي المحترم ... ضحك على ملااااك وتفلااا عليهااا وفلخر نهار دعاتو مراتو وجابت ليهم البوليس قرقبو عليهم بجوج .. هو خرج بتنازل منها وهي خلااهااا مرمية فالحبس ... مابقاش عااود سول فيهااا ...

نادية خرجاات عينيهاا بصدمة شااهقة وشدات على قلبهاا لي بدا يزدح بالجهد والهضرة ديال البنت كاتعاود فودنها مامتيقاش شنوو كاااتسمع ... الدنيا دااارت بيها ديال بصح...خنزرات فيها بعدم تصديق : واش حماقيتي ولا مالك اش هاد الهضرة كاتقولي ... ولدي ماشي ديل هااادشي .. سيري قولي لديك لي باغا طيح عليه البااطل تشوف علامن ترمي سبتهاا ... ولدي اناا مايديرش بحال هاد الحرااام

سارة سمعاتهم وخرجات كاتجري شادة فمهاا لي باينة فيها صفرة والدم طاير فوجهاها : ماما مالكي ؟؟؟ ...

البنت مخاطباهم : البنت مريمية فالحبس وهو عايش حياتو كيف بغااا ... كل نهار هازينها للسبيطار بكريز ديال الاعصااب والضغط ولاااات فحاال شي حمقة بين جوج حيوط وولدك سيادتو ماشي هناااا ... وهي غاتسطااا تمااا بين جوج حيوط

نادية الدموع تحجرو فعينيها بعدم تصديق وهي كاتشوف الجديو فهضرة البنت و كاترجع سينتا لور ولطلاقهم لي جاا على غفلة وخنساء لي مشات مابقاتش شافت وراهااا وعاااد الغياب ديال مهدي لايااام بلا سبب كانت عارفة واقعة شي حاجة ولكن مطاحش فبالها ابدا توصل بيه لهاد الدرجة ... الصورة توضحات قدام عينيهااا ويااريتهاااا ماوضاااحتش ... ياريتها مااتت قبل ماتسمع كلام بحال هادا على ولدها لي رباتو وكبرااتووو ورضاتو راااجل باش تعنى بيه قدام الناااس .... من ديمااا كانت وااخدااه فدرجة عالية ... عمرها ضناتو يوصل شي نهار لهاد المستوى ويخون مراتو ... خنساااء وااش وحدة بحال خنسااء كاتخاان ومع من ... ملاااك ... ملاااااك ... حسات بركابيهاا خواااو بيهااا وقلبها كايزدح بجهد ولات كلهاا كاترعد ..

كانت غاطيح كون ماشداتهااا سارة مخلوعة مزال مفاهمااش مزيان علامن كايدويو : ماما شدي فرااسك ...

البنت : غاتقولي لولدك خاصو يدير شي حل ويخرجها من تماا ولا راااه غادي تموت وهي فداك الحبس ... وذنبهاا غايبقى على رقبتو حياتو كاملة ... مني هو ماباغيهااش لاش يضحك عليهااا ويخليهااا واش عند بالو البنااات لعبة ... يزهى بيها وقتما بغااا ومني ماقااش باغيهااا صااافي ...

نادية هزاات فيهاا عينيهاا وحمراات مغوتة بانفعااال مابقاااتش قاادة تحكم فاعصااابهاا ولا تسمع شي حاجة اخرى غوتاات على حر جهدها بهستيرية : خرجيييي علياااااااا ... سيرييي فحااالك ... سيرييييي بعدي منيي ... سييييريييي فحاااااالك

سارة خنزراات خايفة على ماماها: سيري فحالك عافااك والااا بغيتي شي حاجة من عندي مهدي راكي عارفو قهوتو فين كااينة ... ( شافت فماماهاا لي شوية ويسكت لبهاالقلب ): شوفي كيف خلتيهااا كاترعد كلهاا ...

البنت خنزرات فيهم معصبة وزادت من تماااا خلعاتها حاالة نادية لي ولااات كاترجف بلا قياتس وقطرة الدم مابقاتش فوجهها ...

سارة سدات الباب شادة لمها يدها مدخلاهااا كلها كاترجف حاطة يدها على مفمها كاتفتف مصدومة : لااا ... مايمكنش .... مايديرهاااش ... ( نزلو دموعهااا ): هادشي لي ربيييت فييك امهدي ... هء هء ... اويلي على السلكووط ....

سارة كلساتها عطاتهاا كاس ديال الماا ترجع فيها الروح ونطقاات : ماما هادي علامن كانت دااوية ... شنو وااقع ؟!

نادية هزات فيها عينيهااا مضهشرة : ملاااااك ... خوووك طاااح ملاااك فالحراااااام .... فالحرااااااااام ... خاااان مراااااااااتوووو .. خااان خنسااء مع ملااااك

سارو خرجات عينيهااا مامتيقااش : نووووووو سيبااافغيييي .... ( بلعاات ريقهااا شاهقة ): امبوسيبل .... على هادشي خنساء مشات فحالهاا وطلقاات ... غاتكون عرفات مسكينة بهاادشي ... ( مخززة ): الحماااارة دملااااك مامشاات حتى دارتهاا

نادية شدات على راسها : الحماار هو خووك لي رماا راسو فالحراااام .... الله ياربي شنو هاد الفضيحة ... اويلي وشنو دار فراسو ومراتووو ... اويلي اش دار فينااااا ...

خنساء كالسة مع رانيا فالبيت مجمعين ... وحاطين حدااهم طبسيل ديال الزريعة مدزوزين بيها الوقت

رانيا : صراحة احسن ماغادي ديري بلااش عليك من الروينة ديال البني والصداااع غادي تجيبي على راسك غير حريق الرااس ...

خنساء بايجاب : اصلااا حتى الجهد لداكشي والخاطر واالو ... راه مشيت داك النهار مع عصام شفنا البرطمات لي تبناو هناا حداناا فالتجهيز الجديد .. على مزيناااتهم وحدة تنسيك فالاخرى بتمن مناسب واقيلة غادي ناخد وحدة منهم الا كتب الله ...

رانياا : احسن ماغاديري .. ولكن اصحبتي خااصك تفكري تاني فالمشروع لي دوينا فييه ... رااه خاصو المصااريف التجهيز ديال المحال لي غانكريو وعاد السلعة ... ديري حساابك ..

خنساء : لا لا كوني هااانية .... داكشي دايرة بحسابو ... انا الفلوس لي كانو عندي ماقست فيهم حتى فرنك ... باقين فالبنكة ...

راتيا ضحكاات : يااختي عاادتك هي عااادتك ...

خنساء بعجرفة : ومااالي كانلعب لااش واخدة داك الراجل الا غانصرف من عندي .. انااا الا ماربحت مكانرتاااحش ... مكانبغيش نخسر فالخااوي من رزقي ... لي واخدني يصرف علياااا ههههه ...

رانيا : معلمة ... ياااختي دابا الكونط عندك موور ماتبيعي بالقعة غايتبلوكااا ...

خنسااء : هههه وغايخوااا فسااعتوووو ... غانحط فالبرطمة وعاااد نزيد على فلوسك باااش نكريو ونصلحو المحااال ... من هنااا لواحد شهورة غانبقى الله كريم ...

رانيا : ولكن راااك عارفة فين حاطاااهم ... انا من اليوم غانبدا نقلب على المحال للكراا ... وغاندوي مع المراة لي قلت ليك كاتعرفهاا ماما كاتجيب الحوايج من الشمااال ... باش نشوف واش نعولو عليهاا مني نبداو

خنساء بتحدير : عنداااك ارانيا خاصهااا تكون تقة ...

رانيا : يااودي واش من نيتك ... رااكي عاارفة ماما كوون عرفاتها فيها دغل غاتحط شي رياااال ليااا باش نشاركك ... الله يهديك ... وحناا ماعندنا بيها غرااض غانتفاهمو معاها غير على الوقت لي غانلقاو فيه المحال ونساليو تجيب لينا السلعة ... ونعطيوها فلوسهااا ... ماعندنا بيها سووق

خنسااء بايجاب : صاافي غير قلبي على المحاال ... اناا راه قلتها لعمتي وعصام بقاا غير بااا مانضنش يتعكس اصللا ...

رانيا : صافي كوني هاانية ... غانشوف شي محل فشي موقع زوين وفيه الرواااج ... ( هزاات كفوفها للسماا ): ياااربي تسهل علينا ياااربي وتيسر لينا فهاد البيعة وشرية ...

خنساء ابتاسماات حاسة برااسهاا متفائلة للي جاي : اميين ياربي ... كلشي غايكون هزو هاداك بحول الله

رانيا : غير هو اختي انا حدي حد الكليان الحسابات ولاكيس وعمااار والسلعة والروينة نتي مولااتهم انا داكشي خاطيني ههههه ...

خنساء ضحكات : ههههههه يااك واا زعماا نتي رااه عندك ليكسبيغيونس مع عتيقة ...

رانيا : هههههه لا تحرااامياااتك هماا لي ينفعوو لهادشي ... اناا خااطيني خليني غير مع الكليااان ...

خنساء : ههه معيور هادا ولا مدح غير رصي فوحدة ههههه ... واخا الالة من تما لتما ربي تمااا ... على الله غير هاد السيد نتفاهم معااه على البقعة مافيا لي يبدا يقلب على الشاري من لول تاني

رانيا : ان شاء الله خير ...

العشية تعاشات والمهدي حل باب الدار بالسااروت ... تقدم جهة الصالون ... مع تقدم وهي تباان لييه ناادية حازمة رااسهااا ضارها وساارة كاالسة حداهاا ... شاف فيها مخلوع ونطق : نادية يااك لااباااس ... مريضة؟؟!! ..

حط يدو عليهااا وهي تبعدهاا بانفعاال :، بعد مني مااتقربش لياااا ....

المهدي بعدم فهم : الواليدة !! .. ياك لابااس ..

شاف فسارة لي كاتنهد وحتى هي معاجبهااا حااال ... نطق : شنوو واااقع ؟؟؟ ..

نادية خنزراات ونااضت بزربة مخززة علبيه عاقداااهم وعينيها حمرين بالاعصاب :شنوو وااقع هو نتااا ... وااااش امهدي انا ربيييتك وكبرتك وقريتك ووعيتك .... قصرت فحق تربيتك انااا ( ضربااات على صدرها بغييض ): واااش اناا قصرت فشي حاجة فترااابيك ... هااادي هي تربيتي فييييك ... هاادي هي تقتي فيييك

المهدي مبدئيا بدا يفهم الموضوع نطق بتلعتم : علاااش هاد الهضرة الواليدة ؟؟..

حمرااات عينيهاا وهزاات يدهااا حتى للفوق جمعااتهاا معاااه بصماااكة طراسااات صبااعهااا فحنكووو .. نااطقة بجعرة : وااااااش انااا علمتك تفسد ... دوييي ... واااش انااا علمتك تزني .... دويييييي ....( غرغروو عينيهااا ): خساارة تربيتي فيييك ... خسااارة ..

سارة بقااات مشووكية فيهاا ماعمرهاا شافت ماماهااا فديك الحالة من العصبية لدرجة تضرب مهدي لي عمرهاا فحياااتو حطاات علييه يدهاااا ... ماقدراات تنطق بحتى كلمة غير كاترمش وتشوف ...

المهدي شد غمض عينو حاني رااااسوو ومغزز سنااانووو كااره نفسو فهاد اللحظة ... ماعمرو توقع يجي النهااار لي توسخ صورتو قدام ماااهااه ... ويطيح من عينيها بهاد الطريقة

نادية بعتااب : قليييل التراااااابي ... واااش ماحشمتيييش ... مااابقاااتش فييك دييك المرأة دوييي ... شنووو ناااقصك شنووووو ... غير قولي هي فاااااش قصراات معاااك هاد المراة لي ديييرر فيها بحاال هاكااا ..( ضااربة على فخااضهاا ): اويلي واااش لي عندوو بحااال خنساااء يشووف غيرهاااا ... اويلي واااش خنسااء كاتخاااااان ... شنووو ذنب لي داااارتوو حتى تجاازيهاا بهااكاااا اقلييل العفة ...

المهدي بلع ريقو ماعارف باش يجااوب : الواليدة ...

قااطعاااتو بالغوااات : سكااااااااااات ... انااا مااعنديش ولد فاااااسد ... انااا فحيااااتي عمري ديت درهم لشي حد ... مااات بااااك وخلاااني باقاااا شااابة وعمري شفت فراااااااااجل ولااا قلت شي نهاار نشوف غيييروووو... علااااش .. علااااااش ... حيت قلتي انااا عندي فحيااتي ولدي ... راااااااااجل ... راااااجل ... ساااعة انااا واالة فااااااااسد ... فاااااااااسد ... زاااااااااااني وسلكووووووط ... غاااطس فالحراااام

خنزرااات فيه نااايضة : صدمتيني فيييك المهدي ... ( مكرهة ): ولكز عبراات على بووكم بجوووج ... شتي اناا كانحييهااا حييت عرفاات تربي واالديكم وسااستك سوسة الكلاااااااب لي حاشاا فيك حتى هو .... ومن عندي كون خلاااتك حتى نتي مرمي فالحباااسااات باااش تربى وتعلم الحراام اش كايسوااا ... ( ضربااات على كتفو ): زيد خنسااء لي خنتي على هدى لي خسرتيهااا بغيرتك الخااوية ودرتي السبة بالولاااد .... دير فباالك نتاا ماتستاااهل حتى وحدة فييهم وعمر غاتستاااهل تبغييك شي وحدة ....

المهدي : الواليدة عاافاااك ...

خنزرات فيه ونطقات مخاطبة ساارة : قطعي ليا معاك البيي سيمانة الجااية غانمشي معاااك .. مابقاا عندي ماندير هناااا ...

المهدي خرج عينو بعدم تصديق وهي زادت مخليااه وراهاا مشوووكي ... ناطق بتلعتم محاول يراضيها :الواليدة عافااك ... خليتي غير نشرح لييك

سارة تنهدات : تي سي جامي تخايلتك شي نهار دير شي حاجة بحال هاكااا ... فغيمون جي شوكي ...

ضربات فيه وزااادت محاملااش لي وقع خصوصا انهااا اخر حاجة توقعاتهااا خوها يخون خنساء مع ملااااك ... ويطيح لهاد المستوى

المهدي كلس شاااد على راااسووو حاااس برااسو مكتف معارف مايدير كايخسر كلشي قدام عينووو وهو مقادر يدير حتى حاجة ... فلول خنساااء ودابا ماامااه لي مستحيل تنسى فعلتووو ولا تسامحو عليهااا ... بسباب نزوة دمر عائلتو كااملة بلااماا يضرب حساب ...

دخل عصاام لدار هاز تيلفون فيديه.. نطق مخنزر وهو كايحل الباب تدار:قطع قطع اخوياا راني وصلت لداار....هااد لخدمة تبقاا غاتبعااني ... صافي حتاا لغدا ونشوف معاك الضوسي...الله يعون...

بانت ليه الدنياا ساقلة...طلع لبيتو لقاا نسرين ݣالسة قبالت لكوافوز يلاه صبغاات ضفاارهاا كاتنش عليهم باش ينشفو...

طلعاات فيه عينيهااا... بتاسمات وقالت: على سلامتك...

حيد جاكيط ديالو حطهااا فوق سرير ورد عليهاا بهدوء غادي لبلاكارو باش يجبد مايلبس:لابااس.. اشكاتعاودي...

نسرين بداا حاجبهاا كايتهز شوية بشوية من ريحة لي شماات...صغراات عينيهاا وهياا كااتشوف فجاكيط ديال...قربات هزاتهاا كاتشمشم فيهاا بصوت مسموع...دغيااا غوبشااات بملاميحهاا ونطقات مرفعة صوتهاا:اشهااااد الريحة فجاكيط امولااي؟؟!

عصاام دار عندهاا...معارفهااش شنوو كاتقصد...نطق بستهفهاام:على شمن ريحة كااتهضري...مافهمتش؟!!

بلااا مااتشعر لاحت جااكيط عليه بنفعاال... ونطقات بعصبية:شووف بلااا ماتبووهل علياا الله يرحم باااك...هادي ريحة لعيااالات...مااشي ريحتي؟!!وحتااا خنساء عمرني شميتهاا عندهااا...دياالت من بسلاامة؟!!

عصام خنزر فيهاا...قرب جاكيط لنيفو...تواني حتااا نطق بتدكر مطول هضرتو مفكر:اااااه وي بصح...

نسرين بنفس النبرة ديالو:ااااااه...صباح لخير...تفكرتي ريحت من؟!

عصام نطق بتفسير:قبايلة فلبيرو دخلات عندي واحد السيدة..وقفاات كاتسناني نخدم ليهاا شي تخربيق...شوية وهياا طيح على طولتهاا سخفاات لياا على لبيرو...قربت ليهاا وشديتهاا..اي واحد بلاصتي غايدير نفس شي..حيت الإنسانية لي فيك لي كاتحركك...جات كاتجري واحدة خدامة معانا ورشات ليهاا ريحتهاا بااش تستعقل...ومع رشاتهااا حداهاا..الريحة لسقاات فحوايجي...هاادشي لي كااين...

نسرين بقاات كاتشوفيه بتشكيك مداخلااش ليههاا هضرتو لرااسهااا...

عصاام شافهاا مردات عليه بوالو سكت تواني وقال بتسااؤل:ماالك تاني على دوك الشوفاات ديال كدب كدب راني تايقة بيك؟؟!ماصدقتينيش تاني يااك؟!

نسرين:واااو سيناريوو عندك معتبر...قااديتيهاا و طرزتيهااا ماعندي مانقوول شغلك داايزو لكلاام...ولااااااايني طنز كعري هاداا....واش كايسحااب ليك اناا حماارة غادي نتيق بهااد تخربيق دياالك؟؟!...

عصام بداات كاطلع ليه لخز بهضرتهااا...رد عليهاا مغووبش: يااكمااا يسحااااب لديمك غانبداا نبرر ليك هناايااا...تيقي ولا لهلا يدير ليك كيف تيقي سوقك هداااك...

نسرين:داباا غاجيني نيشاان وقولياا شكون هياا وامتاا ونتاا عارفهااا... وعلااش خليتني ومشيتي عندهاا؟!!

عصاام ضحك بستهزااء:ههه شكوون هيااا يااكماا شي جنية هادي كاتشوفيهاا غير نتي من دون لجميع...

نسرين بصرااخ:اصلاا غير داك نهار باارك كاتسول فيااا اشغاديري الى خنتك...كون مفرااسك الدغل ݣااعمة تسولني...

عصام:وااااندمتي أصل مي ݣاااع على دااك سؤاال...ياااريت كون تقطع لساني وماسولتكش....وااااتي فيين غادة بهاااد الشك والغيرة هااالعااار....مااالك مريضة ماالك؟!

نسرين غرغرو عينيهاا ردت عليه بنبرة مخنوقة:اااه انا مريضة...حبت كانغير عليك...حيت خاايفة لا تمشي مني شي نهااار...مزيااان سري عيرني وقول انا مريضة....كوون ماكنتش مسوقة ليك وماعندي بيك غرااض...مانغيرش علييك شنوو كنتي غاادير...غاايعجبك لحاال؟!!

جاوبهاا فلبلاصة بنبرة قوية :غاااانكووون فرحااان...غااانكوون مرتاااح مع رااسي وبيخيير وعلى خيير...عاايش فووق السلك مهني...

خرجات فيه عينيها وردت عليه بدهوول:ياااك...كاتقولهاا لياا فوجهي...

عصام ضيق فيهاا نضرااتو:كنتي ياا نسرين ماتحركيش الدجاجة على بيضهاا من ناحية لغيرة وشك...غااحتااا نبت فيك هااادشي وعطاا الزرع...جيني نيشاان وقولي ليااا شكوون لي عمر رااسك بهااادشي...

نسرين جوباتو فلبلاصة:معمر لياا حتاا واحد رااسي..لقضية وما فيهاا اني حلييت عيني...

نهض فيها عصاام بقوة حتااا قفزاات:ورجعيي سديييهم...راااك ختااريتي لعين لعورة تشووفي بيهااا....وبربي حتاا غاديري شي موصيبة لي غااتݣلسي تندبي و تندمي عليهااا بهااد الشك ولغيرة لمزفتة دياالك...هاااني كاانعلمك....يخزييييت...

كمل على هضرتو وخرج من لبييت ضارب فيهااا مجعراااه وفااقصااه...على الدخلة لقمااتو بلا ماايدوور...نسرين زيراات على شفايفها مغمضة عينيهاا بتتاقل...حساات براسهااا زبلاتهاا معااه هااد لمرى بلمزياان ...خرجاات نفسهاا بملل فينمااا كاتقول لأمور تقادات فحيااتهاا حتاا كايرجع شبح الغيرة والشك يسيطرو عليهاا مرة أخرى...معاارفااش كيف ديير تهنااا منهم...مدخلة رااسهاا فواحد الدواامة سوداااء كاتأتر عليهاا نهار على نهاار...وحاسة بيهااا غاتخرجهاا فشي كاارتة عضمى...

كانت خنساء ݣالسة فلبيرو عند النوطير...لابسة كسوة طويلة ساامبل بحكم بداا كايسخن الحاال فلون الوردي الغامق...محزومة بسميطة رقيقة فنوااغ مع صبااط طاالون نوااغ فرجلهاا وصااك شيك متوسط الحجم فنفس لون الصبااط...شعرهاا جمعااتو على شكل كعكة نافخااه شوية من لقداام ومخلية بعض من خصلاتو مرميين على وجهااا ...مكتفية بحلاقاات فضيين فودنيهاا بااينين كايلمعو مع مݣانة فيدها...ومكيااج نااعم مخلي ملاميحهاا بارزة ومنورة فنفس الوقت ... مع ليلونتي فلݣري لي مفضلين عندهاا بحكم كايكبرو ليهاا عينيهاا كتر ومع الأيلاينر كاتزيد تخلي عينيهاا مسحوبة ودات جادبية....

دارت رجل على رجل ونطقات بهدوء:ضونك صاافي...اناا اصلا مامسليااش نقااد لأمور تاع الضريبة...من احسن أ أستاد تكلف لياا بكلشي...

رد عليهاا بإجااب مبتاسم:مرحبااا الله اودي امادام...كوني هانية الامور والأجراءات كلهاا ضربيها على حسابي...وحتاا فلوسك ان شاء الله تاخديهاا فلوقت...

بتاسمات ليه بلطف:ميغسي بوكو...لهلا يخطيك....(هزات يدهاا شافت فساعة..شافت فيه وقالت) سيد مزال معطل؟!!حيت خاصني نمشي عندي ماايداار...

رد عليها وهو هاز تيليفونو:نوو نو دابا غايجي...يمكن غاا شي حاجة عطلاتو...انا غانتاصل بيه

دوز لابيل لعندو...تواني وهو يجااوبو:وي موسيو سيف...صافا؟!!فين راك دابا...(حبس الضحكة وكمل) كاتفرج فراجاا؟!! (خنساء دارت فيه النضراات ديال منيتك كاتدوي)وديك ساعة اموسيو سيف علمني سيدة راه جايا كاتسنى فييك ملي عارف راسك غاتعطل..ماتخليناش نفيكسيو معاها لوغنديڤو مع الربعة...داكوغ واخاا غير ماتعطلش عفااك...

خنساء هزات حاجبهاا:شنوو مغاايجيش...غايزيد يتعطل....اناا ا أستااذ راه مغانتسنااش فلمااتش حتاا يسالي..

النوطير بغاا يكالميهاا:لا لا غاايجي...هانتي تشربي شي حاجة...بيدماا جاا؟!!

خنساء حركات راسهاا بلا حول...مالقااتش خيار أخر...فيهاا ماينوض وتمشي ولكن قالت جايا جايا اللهم تكمل على شغلهاا..طلبااات قهوة عاادية...جابوها ليهاا...وبقاات كدردش مع النوطير ويتسنااو...

مرت دقايق...حتااا تسمع الباب تحل...خبراتهم السكريتيرة بلي السيد وصل...باقي ݣاعمة كملاتهاا حتااا دخل سبقهاا....كانت خنساء ساهية فتيل...

مع حل الباب بجهد وهياا تقفز...شافيه النوطير وقال كايضحك عاارفو مفروح: واقلة أمسيو سيف من كترة الضواسا لي دوزتي عندنااا ولاات داار دااارك تدخل بلا دقاان....

خنساء طلعاات فيه لعين كايبان ليهاا راجل سميمر سمورية دياال الشمس طويل و مفوورمي وعضلااتو باارزين...مستيلي مزيان فلبااسو وضاررب حطة نااضية...هاااز لأيفوون اللخر فيديه...ودااير نضاضر تشمس فوق من شعرو...مع لحية خفيفة فوجهوو...رااش بارفااان مااركة ريحتو تشم منين ومنين....

مع دور عينيه لخنساء وهو يوسع الشووفة...شاف فنوطير و عقد حجباانو

بدااا كاايدوي ويحرك بيديه بمعنى زعفاان وكااايهضر مشرمل بلمزياان فهضرتوو:وااااوستاااذ وااابربي حتشااا حراام عليييك...تشااا تيتيز عندك فلبيروو ومخليني كاانتفرج فراجااا بقاااا ليااا شوية ونشرب مع بووهم دولبيرااان...تشاا بريي كون ݣلتيهااا ليااا ماانتسوق لشي مااتش ونخلي تيتيز يتسنى...

خنساء هزات فيه حاجبها باستغراب ونطقات مخاطبااه : انا على ما باان ليا خاص نبدلو الصفقة على هااد الروطاار ... (بابتسامة ): خااص تزيدني فالتمن

كلس مقابل معاهااا حاط يدو على ركبتوو مستحيل تقول علييه ملعق بطريقة تصرفاتو ... عفوي لدرجة كبييرة وحركاتو مشرملة بلا قياااس مابينو وبين البريستيج غير الخير والاحسان : واناا رااه نعطي لهاااد الزييين لي حب خاااطرو الله اودي ... حتى حااجة ماتغلا علييك اختشيي ( شاف فيها بعنى سميتك ) ...

ضحكات لييه : هههه خنساااء خنساااء ...

شير بصبعو : كنت عااارف غااتكون سميتك مق ( عض على لسانو كان غايزبلهاا ) .. تاااء ماديش علياا راااه ماااغنديش الفراانااات اختشي خنسااء برب ... ولكن راااه اسم على مسمى وحق ربي المعبوود ...

حركات راسها بايجااب والضحكة على شفايفهااا جاها فشكل وكاتبان فيه ضريف بلا قياس ومن الفوق كوميدي : ههههههه ... وااخااا اسي سيف مني هاكا مغاانحاسبكش على الروطاار مافيها بااااس ...

جمع قبضة يدو ضاارب على صدروو : يتووووووووب عليييييك اختشييي..

الموتق ضحك عارفو كيف داااير : هههه شنو تشرب اسي سيف ؟! ...

باسلوب مشرمل : وااحد نص نص بلااا سكاار ... نرضو المجااج لي خسر فالماااااتش ...

حرك لييه راسو بايجاااب وطلب لييه قهوة كيف قال لييه ...

النوطير : ايوااا واقلة مانحتاجش نعرفكم سي سيف قاام بالواجب وكتر .... هههههه

سيف : وااايلي حتشاا نتشاااا ... الوااحد هو لي يدير كلشي راسو بلااا رسميااات خااااوية .. اولااا اختشيي خنساااء ...

خنساء حابسة الضحكة : ههه اييه عندك الحق ...

النوطيير : موسيو سيف رااه كوتش ... وعندو بزااف ديال لي صال دسبوور فقنطيرة كااملة ...

خنساء يلاااه غااتقول متشرفين وهو يزرب عليهاا تاني بتشرمييل : ايييه اختشيي اناا رااااه كازااااوي قح ... ولااايني الماداام عندي قنيطرية ... غرباااااوية ... ورااكي عاارفة العيااالااااات بغااات تبقى قريبة لتريكتهاااا... وجابتنااا هناااا

خنساء : ههههه مافيهاا باااس اسي سيف فيهاا خير ..

شير بيدو : تشييي بللااش علييك ديييك سي .... قولي ليا غيير سيف ... تشييي راااك ديالنااا ...( كايسربي الهضرة بلا حباساات ): واا قلت ليك المادااام عندي حلفاات تسكن هناا ودرت ليهاا الخاااطر ... بشوية بشوية كبرناااا لااافير ودرنااا لعاااقة ( بااس على يدو لور والقداام ): وراااه بربي مرضي الواليدين مكايخيبش ... ديرهاا غااا زوينة اختشي ودير نية يسهل عليك يسهل ... حااجة وحدة فاااش تصيدت ...

خنساء باستغراب : شنو هي ؟؟؟

سيف بالخف : المااااااداااام ...

ضحكات بصدمة : وعلااش حشوومة تقوول هااكااا هههه...

يتبع...