محتوى القصة
ملاااك كاالسة فالقهوة حااطة قداامها كااس ديال العصير خوخ كاترشف منو وتبنن وهي كاتفكر الحالة لي جااا فيها عندهاا مهدي... حاسة براسهاا غاطير حيت بما ان الدرجة وصلااات بيه لانه مايقى ملجأ من غيرها الا وان علاقتو مع خنسااء تدهوراات ومابقاتش كيف كااانت .. ولكن بالنسبة ليهااا هادي غير البدااية وباقااا مااوصلاات لواالو ... وضروري ان هادشي يبقى مخبي فهاد الفترة حيت الا ساقت خنساء الخبااار ممكن تقلق منو ومايعجابهاش الحال ويتخااصمو ولكن اكييد مغاديش تفاارق معاااه حيت كيفما كان الحااال باقي ماطرا بينهم وااالو ومزااال يلللااااه خطوة وحدة لي دار لعندهاااا وهادشي بالنسبة ليهااا مكاافيش ... اكيد مغاديش تغاامر وتخلي خطتها تحبس هناااا ومهدي يضيع منها من بعد ما بدا كايتشد ليهااا ... داكشي علاااش حسن تسكت وتلتازم الصمت وبما انه جا مرة فغاايعااودهااا جوج وتلاااتة وهادشي لي باغاا حتى هيي ... خصوصا الا مابقااش لاقي الرااحة مع مرااتو ... ابتاسماات بانتصاار عاجبهاا الحااال ونطقاااات مخاطبة النادل : يحيى جيب ليااا واحد الحلوة ديااال شوكوولااااا ... انا فرحااانة اليوووووم ..
يحيى حرك راسو بايجاب : واخاااا .....
عضات على قنوفتهااا وجبدات تليفونهااا باغا تسول فيه حيت مجاش للخدمة اليوووم ... صونات عليييه ولكن بلااا رد ... هزات على كتافهاا مهامهاش الامر مناويااش تفكر فالسلبياات بالمرة لي ممكن تخلي فرحتهاا تفسد ... الا مجاوبهاش دابا غايجاوبها من بعد
خنساء واقفة قدام لبلاكار كاتستف فحوايجهاا لي جابت معاهاا...
نطقات نصيرة بإلحاح شديد من صباح وهيا باغا تجر ليهاا لسانها ووالو:واغير قولي ابنيتي مالك الله يرضي عليك...
خنساء ساطت مكملى على طويان:واالو اعمتي غير هني باالك واالو...
نصيرة بنفعاال:وااش نتي جايبة حوايجك وجايااا باينة من وجهك غضباانة وتݣولي لياا والو...لا لا نحلف عليهاا وسط لماا حتاا طارية سي حاجة غااا ݣررري...
خنساء تنهدات مباغاش تقوليهاا شنو طاري بضبط...ولا لدرجة الغيرة والشك لي وصل ليهاا مهدي حتاا ولا وحد أخر هياا لي خلاتهاا الطج من دارهاا بلا ماتزيد فيهاا حتاا دقيقة...
عودات قالت نصيرة بإحباط ملي شافتهاا سكتات:ياااك وليتي تخبي على عمتك...مسقلة وضاربة الطم مبغاش تهضري...
باقة كاتخاطبهاا برجاء حتاا دخل عندهم عصام...غير قشعاتو خنساء وهيا تزيد تنهد عارفاه لاش جااي...
عصام شاف فنصيرة ونطق كايستأدن منها بلطف:عفاك اعمتي الى جات على خاطرك خليني مع خنساء واحد الدقيقه...
نصيرة ساطت بغضب ناضت وقفات... شافت فيه مخنزرة وردت عليه بعصبية: هياااا ضارباها سااكتة معرفتش مالهاا حالفة ماتدوي....نتاا دابااا جاي بااغي تعزلهاا بوحدها وتهضر معاها...واناا رجعت كيف شي درية صغيرة وسطكم...غاااتصطيوني...
لاحت ليهم هاد لهضرة وخرجات من لبيت طالعة ليها لقردة...
عصام شد فخنساء وكلسهاا وجا ݣلس حداهاا....هياا محساتش حتاا عينيها غرغرو بدموع...
قال بهدوء:شنو كااين؟!!
يلاه غاتدوي وهو يقاطعهاا:ماتقوليش ليااا واالو وتحاولي تخبي...دوي وقولي مالك مع رااجلك.؟؟!
خنساء خرجات نفس بعمق عرفاتو مغاديش يتفاك معاها الا مقالتش ليه ... بلعات ريقها مقررة تعاود ليه : انا براسي اخويااا ماعرفتش شنو وقع بيناتنا ... ولا كايغير على اي حاجة وابسط الحواايج كايدير منهم مشكل قد السخط .. وقتلتي بالشك فامور اصلا مكاايناااش ....( بخنقة ): مابقيتش قادرة نعيش معاااه بحريتي ... على والو كايتعصب لدرجة وليت نضرب لحساب للكلمة الا بغيت نخرجها من فمي ... كايهز الدنيااا ويحطها ويدير قرباااالة والمشكل عمرو شاف فيا شي حاجة لي تخليه فهاد الحااالة ولا ينويها فيا خاايبة ويحيد فيا التقة ( شافت فيه عينبها مغرغرين بالدموع ): وقسما بالله حتى دوزت مرة وجوج وتلاااااتة .... النفس مابقيتش كانطلعهاا الا بخبارو الخروووووج هو اللخر غير باش نفكر فييه وليت كاندير الحساابااات .... تخنقت
عصام كايسمع ليها باصغاء حاس بيهاا كاتدوي والحرقة فقلبهاااا ... وباينة هاازة فوق طاقتها غير من طريقة كلااامهااا ...
خنسااء كملااات مغددة : الباارح التلفوون على الخواا الخاوي هزو وزدحو مع الارض شخشخوو ... بلا حتى ما يفهم ولا يسمع كايتصرف نيشاااان وبلاااا تفكير ... ( حنات راسهاا مغمومة ): مكانقوليكش هاكة اخوياا بااش ندافع على راسي ولا نسمييه خااايب ... كون جات عليااا والله ماتسمع مني كلمة ... ولكن باش تعرف بيلاااا راه ماجيت هنااا حتى وصلااات بيا للجدر ومابقى عندي فيين نزييد نهز ... هاد الهبال ديالو طلعلي فصحتي
عصام تنهد بلا حول : ولكن اختي تخرجي من دارك هاكة ماشي دياالك اولااا ... على الاقل كنتو تكلسو وتهضرو وتحطو نقط على الحروووف ممكن تلقاو حل وفين كاين الخلل ...
خنساء سااطت : وااااشكووون خلااك اعصااام شكووون ... رااه حتى انااا ماشيي لخاااطري عييت بالصبر ... ( عزات يدها بعياء ): وهاداا الجهد ... بغيت نعطي فرصة لراسي نرتاااح وحتى لعلااقتنااا واحد الفترة ... حيت الا بقينا على هاد الحاال غانوصلو لشي حوايج مغايعجبو حتى حد فينااا ولي مابغيت لا انا لا هو نوصلو لييهم .... ودير فباالك رااه حتى قط مكايهرب من دار العرس ... وما حااس بالمزود غير لي مخبوط بييه وواكل دقة على كتاافو ...
عصام حرك راسو بايجاااب وحط يدو على كفها : واخا اخنساء فهمتك ... وحااس بييك ولكن راه مكانعنيش عندك الحق ولا كانقول درتي صحييح ( طبطب عليهاا ): كيف قلت فاااهمك مزياااااان ولكن مانقدر نحكم على حتى واحد فيكم ... كاتبقاو مزوجين ونتي عارفااه حسن مني واخا صاحبي وحتى هو عاارفك حسن مني واخا انا خووك ... غير هو لي نصحك بيه اختي ... حاولي ماتفكريش بزاااف فالخاايب ... عمر الزوااج كاان مفرش بالورد وراه لي ماعندو هادي عندو لخرى .... وحتى رااجل مامعفي من لعييب وممكن نتي تكوني كاتشوفي الامور من جهتك وهو من جهتو ... يعني ممكن كاين حواايج نتي ماترديش ليهم البال ماعجبوهش ... ضونك ضروري من شوية التنازلاات ... بصح بعد المراات الامور كاتخرج على نطاق صبرنااا وكانعيااااو اننا نبقاو هاازين وكانفشلو ولكن راه هاذا حال الدنيااا لي عيا فيها هزو لما ... انا عاارفك قد المسؤولية وماشي ساهل تستسلمي .... ومتأكد انك غاتعاودي توقفي على رجلييك وتصرفي بحكمة وترجعي زواااجك كيف كااان وحسن كاااع ... يااك !؟
خنسااء حركات راسها بايجااب : يكون خير اخويااا ...
عصام وقف وحط يدو على كتفها : ماشي ديمااا غاندوي معااك ضريف هاكااا ... نتي عارفاااني كيف دااير ... تصرفي بعقلك الله يرضي علييك ... ورااه الزواج هاداااا ماشي لعب الدراري ...
خنساء عضات على شفايفهااا بلاماا تجاوبوو ... كانت عارفة غاتكون ردة فعلو هاكة وواخا تعيا تشرح راه اكيد هو كايشوف الامور من منظورو ... مكاتلومووش حيت اي اخ غايتصرف هاكاااا ومغايبغيش ختو تمشي فتخراب عشها ويبقى يشوف فيهااا ... خرج وهي تنهداات بعمق وناضت كملااات شغلهااا كاتحااول تبرد على رااسهااا وتنسى شوية الهم حييت عيااات وباغاا ترتااح واخا غير وااحد الفترة ..
صبح صبااح جديد...نصيرة فاقت بكري هياا لولة فطرات بوحدهاا و وجدات حوايجها لي غاتدي معاها لخدمة كيف لعادة ودعاتهم ومشات... خنساء وجدات لفطور مقاداه فوق الطبلة...هبط عصام ونسرين ولعربي وفطرو مجموعين....نسرين طلعات لبيتها بدلات عليهاا بلخف باش ماتعطلش على عصام لي باغاه يوصلهاا لافاك بلا ماتجرجرش فطاكسيات على صباح...
هبطاات بعدما وجدات راسهاا لقات خنسااء يلاه كاتجمع فطبلة...
نطقاات برجاء:عفااك اخنساء إلى جاات على خاطرك صايبي لينا داك لمسمن معمر فلفران لي كااديري توحشنااه...
عصام كان دايز خارج سمعها وهو يرد عليهاا كايضحك :ههه كيفااش توحشنااه...هضري على رااسك ونتي كاتجمعي كلشي...
نسرين ميقات فيه وشافت فخنسااء:اييه توحشتو وعييت نصيب بحاالو ووالو مكايجينيش بحاالك...
خنساء حركاات راسهاا:اناا غادة عند رانيا... واخا غانشوف الى جيت بكري نصيبو...بلحق الى كانو قوامو مجودين مافيا لي يهبط لسوق...
نسرين:قواامو كااينين عمريه باشما بغيتي...والى حتاجيتي شي حاجة سيفطي ميساج نجيبها معايا ملي نكون جايا..
عصام تبسم بستهزاء:تي رااه كلشي كااين...ليدين لي يطيبو مقااد لي مكاينينش...
نسرين خنزرات فيه:بركة بركة...بلا ماتبداا تعيب لياا فماكلتي تااني...داكشي راه ديال الله..كانعياا نقاد فيه ونتبع الخطوات كيفماا هماا ووالو...
عصام نطق وهو غادي :زيدي قدامي راه تعطلت...الله يعون اخنساء...
ودعوهاا ومشااو...وهيااا ناضت لكوزينة غسلات لماعن وطرفاتهاا....عجناات لمسمن وخلاتو يرتاح باش يسهاال عليهاا تطلقوو...طلعاات لبيتهاا بدلات عليهاا..لبسات بيجامة بكولون قطنية فلحمر ولبيض...جمعاات شعرهاا لفوق على شكل كعكة...يلاه بغات تجبد تصبغ ضفرانهاا...حتاا سمعات الدقان فلباب....قالت مع راسهاا باها لي رجع...ناضت بزربة نزلاات باش تشوف شكوون...مع لحلة شافتو قبالتهاا وهيااا تقطب حجانهاا وضربات فيه واحد تخنزيرة فاعلة تاركة...
قالت بنفخة:نعااام..شنو بغيتي؟!
مهدي طول فيها الشوفة قبل ماينطق...كاتباان منورة على الصباح...وتوريدة خفيفة على خدودهاا زادتهاا واسمة...مكاملاش24 ساعة باش غابت على عينيه وهو يتوحشها بحالا مشافهاش أيام وأيام...
رد عليهاا بإبتسامة:لاباس عليك...
خنساء حطاات يديها على خسرهاا وقالت بنفضة:هاد الساعة نحمد الله ونشكرو...
هو حدر عينه على لبيجامة لي لابسة كيفاش مبيناهاا بومبة كاتضوي وسطهاا وكل حاجة فبلاصتها..طول يديه دافعهاا من صدرهااا باش تدخل وسد من موراه لباب...
وقفاتو بنزعااج مرفعة نبرة صوتها:ايه ايه فين داخل..عارض على راسك ولا شنوو؟!
مهدي هز حاجبو فيها:واشنو نهضرو فلباب ونتي بهاد لباس لي داز يسقي عويناتو عاد يكمل على طريقو...(زادت خنزرات فيه وهو ينطق مبتاسم باغي يهدنهاا)وانا عهدي بلمرى عندي مصوابة مكاتخلي حتا حد فلباب...
خنساء بعصببة:داباا شنو بااغي لااش جااي؟! ياكماا نسيتي شي حاجة مقلتيهاش وباغي تسمعهاا ليا؟!
قرب لعندها شاف فعينيهاا نيشان ونطق بتنهد:علااش خرجتي من داارك احبيبتي...كيفما كان لحال مكانش عليك ديريهاا وتخليني...متخايليش لبارح ملي رجعت ومالقيتكش كيف كانت حالتي...بحال شي حوتة بعيدة على لما(قرب وشد فيديهاا وكمل بنبرة خافتة ، خلاها ترتاعش)واش بغيتيني نحمااق؟مممم!!
من طريقه باش هضر وكيفاش شاد فيديهاا كايتحسس رطبيتها بصبعو... بدات كاتحس بقلبهاا غايديرهاا بيهاا تاني وتسامحو ودوب فيه وهياا تمتانع جارة يديهاا لعندهاا ناتراهاا بجهد
نطقات بنفرة مبعدة خطوة اللور: عرفتي علااش خرجت من داري...حيت ماابقاا عندي فيين نزييد معااك...وصلناا انا ويااك لواحد طريق مسدودة معندهاا خرووج...والى زدت بقيت فيهااا غير غانأزم القضية ونكفسهاا كتر ماهياا مكفسة عليناا بجوووج...
مهدي رد عليها بملامح حزينة:واصافي اخنساء...لي غلب يعف...عاارف راسي غلطت...مكانش خااصني نفاعل بديك الطريقة... سمحيلي عفاااك...
جاوبتو مركزة فيه الشوفة وهياا شااعلة:لا نتااا لي غاتسمح ليااا...حيت مانقدرش نعيش مع واحد سايط ليه الريح فدماغو ولحاجة لي جاات واخاا تكون صغيرة كاتزعزع تيقتو فيااا...وعزيز عليه يضلمني...
مهدي بلع ريقو و نطق بإلحاح داير جهدو كامل معاها باش تصالحو:عدريني شوية،ماشي لخاطري،من حبي ليك لغيرة عماتني... (كمل بنبرة صادقة نابعة من أعماقو )كانبغييك أخنساء...والله حتاا كانبغيك...
حركات راسهاا بلإجااب وقالت بنبرة تابتة:اه نتاا بصح كاتبغيني...ولكن اولد نااس مكتعرفنيش...(كملات بتأنيب)خسااارة كاضن اني نقدر ندير شي حواايج لي يعصااو الله ويخربو زوااجنااا....لصبر حدود أمهدي..وانا صبري معااك تقادة...هادشي ديااالك طلع ليااا فرااسي ومتبقيتش قادرة نتحملوو مزاال...
مهدي وسع نضراتو بندهااش:لهااد الدرجة؟!
خنساء بنبرة إحتجااج:ااااه لهاد الدرجة وكتر....حييت ملي يولي لواحد يهز العلاقة غير بووحدو ويحاارب باش تبقى كيفما هياا وماتهرسش..ولاخر مامسوقش مااشي فهااد لعلاام...هنااا بصح خااصني نقوول صطوووب....حبس..
مهدي بحالا كبيتي عليه سطل تاع لماا متلج وهو كايسمع لهضرتهاا كلمة بكلمة بهتماام وااضح...خداا نفس عميق وخرجو بإحبااط...
ونطق برجااء شديد:الله يحفظك احبيبتي خلي قلبك كبير كيفماا كانعرفو...سمحيلياا و عطيني فرصة...وعطي فرصة لعلاقتنااا... شيطان كايحضر وكايغيب..نعليه و فكري عفاك فيناا...راه بحال هاد لمشاكل كايوقعو عند شلااا عائلات...فكري وماتقتليش علاقتنااا...
خنساء خسرات ملاميحها بنزعااج وقالت بحدة:دابا معندي ݣاانة ولا جهد باش نفكر فحتاا حااجة...بغييت نرتاااح ونخلي دماااغي طروونكييل...ونيت نخليك حتى نتا تعرف راسك من رجليك حيت وليتي فهاد التواخير غير كاتركع...(يلاه غاايدوي وهياا تقاطعو بصرامة محقدة فيه شوفتهااا) محتااااجة لشوية تاع لوقت نقاد فيهاا اموري معااك....ممكن؟!
مهدي مسح على وجهو محاول يبقاا هادئ معاهاا حيت فأخر المطاف الغلط منو ويستاهل كل ماجرى ليه....رد عليهااا بموافقة :واخاا..خاطرك هو لكبير... شحال تلوقت يخصك؟!
رفعت صوتها فوجهو: نهار نتأكد بلي عندك التقة فيااا ومااابقيتييش على أبسط حاجة تغير وتشك وتبداا تفرشخ فلي تجي قداامك...ديك ساعة يمكن نشووووف...داباا الله يهنيك...ساليت هضرتي معااك...
المهدي زير على قبضة يديه...خرج تنهيدة حارقة من صدرو..عارف وخا يبقا يطلب فيهاا حتا لصباح غاتبقاا مصممة على قرارهاا ومغاتراجعش...غير غايعيي راسو...
نطق بيأس محاول يترجاهاا بعينيه: صاافي لي بغيتي...خليت ليك الراحة....
خنساء هربات عينيها:الله يعونك...
حل لباب وخرج فحالو زااعف ومحبط وݣاع مشاعر اليأس،مخلطة عليه فديك اللحضة... خنساء دغياا حولات تغوبشة لي كانت دايرة على ملاميحهاا لحزن ...مبغاتش توصل معاه لهادشي ولكن هو لي سبااب...فعلا مابقاتش قادرة تصبر عليه وعلى غيرتو الزايدة لي ماليها معنى فكل مرة...عيات ماتعطيه فلفرص وتميك ودير بحال مواقع والو وتبرد الطرح...وترطب معاه وتخلق ليه فلأعدار ولكن لاحضات انها مكتستافد والو وغير كاتقاد ليه الطريق باش يتمادا كتر وكتر...حتاا لإمتا غاتبقاا صابرة ليه على هباالو...اكيد خاصهاا توضع حد وتعلمو درس قبل مايتفاقم الوضع...خدات نفس معمق وطلعات لبيتها توجد راسهااا باش تمشي عند رانيا دايرة معاها يتلاقاو فلمحال.... محاولة تنسى هاد لمخاسمة لي نزلات عليهاا دقة وحدة بلا ماضرب ليهاا حساب...وتستمتع شوية بوقتهاا وهياا بعيدة عليه
خنساء كالسة فالمحل عند عتيقة مجمعين ورانيااا كاتقاد المسمن باش تطيبو وتوجدو فالوقت ...
عتيقة كاتلبس جلابيتها : هاني غانمشي ندي لميلودة سخرتها ... وندوز للدار راني عيااانة هانتي مع خنساااء صافي
رانيا بايجاب : صافي كوني هانية واش عااد غاتخليني ...
خنساء بطنز : ويلي السيدة راه شدات الحرفة مابقيناش نتقادو معاها ههههههه
عتيقة : هههههه واهاانتي تشوفي مابقااتش ترضا بالوصية ...يلااه نخليكم وسلمي على الداار ...
خنساء يايجاب : مبلغ اخاالتي ههههه
خرجات عتيقة ورانيا غير مشات وهي دور عند خنساء : واش بصح تخاصمتو ... انا شفت الميساج ديالك تصدمت ...
خنساء : ياااودي حتى نتي راه مكبتينهااا ... نسااي علياا الزمر عاد جا دابااا قلب ليا المجااج ...
رانيا : يااااختي باااز لييك دمك باارد هااكااا ... انا كون تخاصمت مع راجلي كون راني مانسكتش من البكاا ههههه ...
خنساء : ههههههههه وااابااز يااختي لوجهك ..
جات وحدة من الكليان نااضت عندهاا خنساء تشوفهااا شنو بغاات ورانيا مقابلة المسمن ... عطاتها اش خاصهاا وتخلصات من عندهاااا ... هزات عينيها وهي يبان ليهااا عبدو وسيمو وااقفين بالموطور حدا المحل ... هزات على حاجبهااا كاتسوط وردات لمراااا الصرف ...
عبدو تقدم جهة الحانوت كايصغر عينو فيهاا ... غير قشعها بلا شعور ترسمات ابتسامة على محياااه ووقف قداامهااا وسيمو وراااه ...
عبدو بلباقة : سلااام ...
خنسااء بكل برود : سلااام عبد الله ...
تنهد ونطق بسؤال : بيخير علييك اخنسااء امورك هاانية ...
سيمو كان خاشي وجهو فالتلفون غير سمع سميتها وهز عينو فيها متفااجئ وفضول كبير بكترة ما سمع عليهااا من عند عبدو حس بدهشة مني شافهااا ونطق بلا شعوور :خنساااء ...
هزات فييه حاجبهااا ودارت لجهتو : كانعرفك اخويااا ؟؟؟
عبدو حرك راسو بلااا حول ورانيا شافت فيهم بفضول ...
سيمو عض على لسانو عاد عرف راسو زبلهاااا وشاف فعبدو لي خنزر فيه ...
عاودات خنساء سؤالهااا باستغراب : واش كانعرفك ؟؟؟
سيمو حك على لحيتو ونطق : اءء فصرااحة لاااا مكانعرفوش بعضياتنا ... ولكن سمعت علييك ...
خنساء شافت فعبدو مطلعاه ومهبطااه وجاا فبااالهااا انه ممكن يكون عاود ليه حتى على داكشي لي طرااا بينهم ...
ابتاسمات بضحكة صفرة : اااه ماعندش بالي مشهورة لهاااد الدرجة ...
سيمو محاول يصلح الموقف توتر من شنو دار : فصراحة سمعت عليك غير بالصدفة وصافي ...
خنساء بايجاب : مممممم فهمت ...
رانيا حسات بالجو تكهرب ونطقات : عبدو شنو نعطيك ...
عبدو شمر على نيفو كايتحلف على سيمو بعينيه : عطيني ربعة لمسمناات سخان ....
خنساء شافت فرانيا بمعنى غير خليك وهزاتهم جمعاتهم لييه ودارت ضحكة جانبية ناطقة بنبرة هادئة : بصحة والراحة
عبدو عرفهاا غاتنويها عوجة ونطق بلطافة واخد من عندها : الله يعطيك الصحة ....
خلصهاا وزاد من تمااا وهي شافت فرانيااا : شكون هاذا لي معااه ؟؟؟
رانيا : واحد المنفخ ديال ولد خالتو خدام معااه عاجبو راااسو ... حاسب نفسو ماعرت شكون كايشوف غير فسمااا ...
خنساء : مممممم ولكن من حقو الولد زويين ... بسيف يعجبو راسو
رانيا : ماعرت منين جااااه ... فين كاتشوفو فيه هاد الزين ... انا بعدا ما بانش ليااا ...
خنساء : ومالكي اختي مفقوسة من جيهتو اناااري ... تنفسي تنفسي ... لي سمعك يقول هارب ليك بالورت ...
رانيا عوجات فيهااا : خلااص عليا حتى نتي مكانحملوش وصافي ... اجي شفتي عبدو كيف تبدل وزيااان ولا عاطي للعين ... وخدام تبارك الله دغيا دار بلاصتو فالسوق ... الدرب كلو تصدم فيه ...
خنساء بعدم اهتمام :الله يكمل علييه ...( مكاتبغيش تهضر عليه ): شوفي دوك الملويات لا يتحرقو ...
عبدو خنزر فسيمو : واش حماقيتي اصحبي ؟؟
سيمو : برب حتى قلتهااا عن غير قصد ... بكترة ما دويتي علييهاا سمعت سميتها وخرجات هكاك...
عبدو بلا حول : بااااز يااا خوياااا والله حتى باااز ... بفففف
سيمو : ولكن بصح اساااط من حقك طيح فيهاااا ... السيدة غييير شِكل ... ماتنويهااش عوجة غير زعمااا زويينة ... اما راني عارفها مزوجة قلت رأيي ببرااءة
عبدو هز فيه حاجبو : ببراااءة ... غانخلط خويااا لااا ... قلب السينتااا الله يرحم بااك ودخل عطي لخالتك السخرة وغيرهااا ....
سيمو ضحك : ههههه وا هاهو غااادي ...
عبدو حك لحيتو بتفكير خنساء شنو كادير مع رانيا فالمحل زعما جااات تشوفهااا ... ولكن مامواالفااش ليهااا ... حس بشعور غريب من جهتها وجاتو ماشي هي هاديك .... خايف لايكون واقع ليها شي مشكل مع راجلهااا ... مني تلاقا مع ملااك وهو مشغول بالو عليهااا ودايرها فرااسو مامهنيش ... تنهد مستاعد الشيطااان محااول يتنااسااا الموضووع ومايعمرش بيه راسو بلا قيااس ...
داز أسبوع كاامل...ماتبدل فيه والو بخصوص مشكل خنساء مع مهدي...بقات فيه على كلمتهاا وبعدات عليه تماماً ...فينماا كايبغي يهضر معاها كاترفض تجاوبو مقصحة قلبهاا عليه...لميساجات ولأديوات بلجملة كايسيفطهم نهار على نهار بلى مايمل وهياا كاتشوفهم ببرودة وتمر عليهم مرور الكرام ومتردش...جرب حتاا يتاصل فتيل ديالها الجديد خدا نمرتها عند نادية ووالو كاترفض تجااوب...
نصيرة جاات من لخدمة وهياا مقلقة على حال خنساء...كيفماا خلاتهاا اسبوع هادا كيفماا لقاتها....مابغاتهاااش تبقااا مجبدة لحبل و ماينعلوش الشيطان ويرجعوو..
كانت ݣالسة مع نسرين وعصام فبيت لݣلاس كايهضرو على لمشكل لي طااري...وكايحاولو يلقاو لحل قبل مايتفاقم لوضع ويصدقو فلفراق ديال بصح...
نطقات نصيرة بفقصة: لا لا هاادشي بزااف اويلي حتاا لإمتاا غايبقااو هاكااا...تقولي ساحرين ليهم...
رد عليها عصام بهدوء:بصح هاد لحال ديالهم طواال وبداا كايبساال... وخنساء الله يهديها مقصحة راسهاا معااه ومبغااش ترطااب...
نصيرة:ايوااا...هااد لغنااان غاتبقاا شادة فيه منااويااش طلقو؟!اشيكون داااير هاااد الرااجل فملك الله ݣااع حتااا طول معاه لخصاام هاكااا...ونفتاارضو غلط...كلناا كانغلطو وحناا ماشي ملائكة...
نسرين جاوباتهاا مشاطراها الرأي:حتا هيا خنساء ملي كاتعصب على شي واحد مكاتبغيش تبرد من جيهتوو...والله يهديهاا راه لبحر وكايرجع...ومدام بغاا يدوي معاهاا ويصلح لأمور صافي تنعل الشيطان...وزيدون هادي هياا لمخاسمة ديالهم اللولة...مافيهاا باس الى ميكاات ودارت للما منين يدوز...
عصاام تنهد مبغااش يحكر على خنساء باش ترجع لمهدي...من مورى داكشي لي عاودت ليه...بغا يخليهاا هياا تقرر بلا مايضغط عليهاا...بقاا ساكت مخليهم كايهضرو اصلا مكانش معاود ليهم على لمشكل فلأصل ولا سباب لفراق لحقيقي...قاليهم غير تناقشو وصافي...ولكن ملي بداا كايدوز لوقت وحتاا حاجة ماتصلحاات مكرهش حتاا هو ختو ترجع لدارهاا..وبلا مايتشتت شملهاا...
نصيرة شافت فيه بنزعااج:واا عصام راني معااك داوية...شنو غانديرو بااش نصالحهم؟!راه اولدي مابغيتش ختك ترجع مطلقة تااني...
عصام:مانقدر نقوليك والو اعمتي...يضبرو لريوسهم راهم كباار عارفين مصلاحتهم فين كااينة...
ردت عليه بعصبية:وشنووو غير حيت كباار نخليوهم يعومو بحرهم ومانديرو واالو...
نسرين بتاسماات:صافي لقيتهاا...
نصيرة بإجااز:شنوو؟!...
نسرين سكتاات شوية وقالت بتقة :احسن مغانديرو هو نعيطو لمهدي و...
قبل ماتكملهااا قاطعاتهاا نصيرة بنفعاال ضاربة على فخدهاا بلغداايد:هااا عاار تاع سيدي ربي لماا سدي درݣومك...راه مكاتݣولي حتاا زفتة...غااجيب افم وݣوول(كملات كاتعيب فيهاا)نعيطو على مهدي...اوى زياااان حالنااا...داكشي لي بقا... نعيطو عليه ونقولو ليه عفااك جي هز مرتك ...باش نباانو محاملينهاا ومقابلينهاا و متقلة علينا بغيناا غير نتفكوو منها و نركبو ليهااا الدل بلعلالي...
نسرين ساااطت و غوبشاات فيهاا مجاوباهاا شاعلة محملااش لقمعة لي عطاتهاا ممخلياها حتاا تكمل:بغييت غاانعرف...دابا طالعة لخمس سنين وانا مزوجة بولد خووك....تمنيت مرى وحدة ندوي فيهااا ماتوقفينيش حتاا نكمل هضرتييي....راااه انصيييرة ملي كااتقاطعيني كتبااان لفكرة ديالي زرݣة واناا مولاتهاا كانولي نباان مطنݣة وداوية خاااوية...وااش متقدريش زعماا تسكتي شوية حتاا نكمل شنو بغيت نقول!!؟
عصاام بغاا يهدن لوضع قبل مايقلبوهاا صبااط تاني وتهز لأرض ديال الدار بصداعهم مافيه لي يبدا يفك ويصالح فيهم :صاافي ماشي مشكل ماقصداتش تقاطعك...دوي ها حناا كانسمعووك...
نسرين بزعفة باغا توقف :اناا غانوض نتݣعد فحاالي تحبساات لياا ݣااع لهضرة...
عصام شد فيهاا ترجع ونطق محمر فيهاا الشوفة :وصاافي دوي بركة من لبساالة...غانبداو نحزرو فيك ولا؟!
نصيرة خنزرات فيهاا :وااتي دوي سربينا خلاااص...الى عندك شي هضرى طلقي نسمعوهاا...
نسرين رجعاات بركات فبلاصتهاا وقالت بهدوء:غاادي نهضرو مع مهدي...ونعرضو عليهم غدا يجيو يتغداو عندناا هو ومو...وديك ساعة غادي نحاولو ندخلو بخيط بيض من جيهتناا...وهمااا يحاولو يدخلو بخيط بيض من جيهتهم...هياا ملي غاتشوف ناس لكبار كايهضرو ضروري غادي دير بوجهم...(بداو كايسمعوها بجوج بهتمام جاتهم هضرتهاا على صواب)ومااشي نتاا اعصام لي غاتهضر معاه يجي...عمي لعربي لي غايهضر...وملي يجيو غادي يحطو نقط على لحروف و يكون خير ان شاء الله...(شافتهم سكتو كايشوفو فبعضياتهم وباينة على ملامحهم رضااو بلفكرة..كملات بتساؤل)اوى اشقلتوو؟!
عصام سكت تواني ونطق بإجاب: واقلة عندك الصح...نديرو هاد لمحاولة ونشوفو...ماربماا تحل لأمور بيناتهم...ولكن لمشكل فيهاا هيااا محال تبغي..
نسرين:هداااكشي علاااش نقولو لعمي هو يهضر معاه ويعرض عليه...ونبانو حناا مامدخلين ما واالو...
عصام شاف فنصيرة:اوى اشقلتي اعمتي؟!
نصيرة حركات راسهاا بموافقة:اييه حتا هداا نضر...على الله يصدق هادشي وترجع لمياه لمجريهااا...واخاا خنساء تقدر تزعف الى عرفاتناا عيطنا ليهم بلا خبارهااا ولكن ضبر لراسهاا...
نسريين بتاسمات بعجرفة تسندات على لمخدة:لمرى جاياا ماتبقاوش تقاطعوني...راني نافعااكم..وفشحااال من حاااجة...غيير مراضينش لباال..
عصام ضحك بلاحول...ونصيرة ناضت ديك الساعات طلعات لعند لعربي تهضر معاه يعرض على مهدي ومو يتغداو عندهم...كاترجى من الله يتصلح الوضع فأقرب وقت...
كانت خنساء كاتمشط فشعرهاا...دخلات نصيرة لبيت...
شافت فيهاا خنساء من لمراية وقالت:عمتي اناا غداا خارجة مع رانياا غانتقداا شي حوايج خاصيني...ياكما محتاجة لشي حاجة نجيبهاا ليك معايا...
ردت عليها ببرودة:نتي مغادة فين غدااا...
خنساء حطات لمشطة من يديهاا ودارت لعندهاا هازة حاجبهاا:علااش مغانمشيش؟!!
نصيرة:نااسك جايين عارضين عليهم للغداا...وخاصك تكوني حاضرة...
خنساء بحال سرفقتيهاا فديك لحظة نطقاات بعدم تصديييق:شنااهوااا...كيفااش نااسي جاايين...واش هما لي عيطو عليكم قالو غايجيو ولا شنو؟؟!
نصيرة:بااك عيط لمهدي وعرض عليهم يتغداو عندنا ان شاء الله...
خنساء حقداات عينيهاا ماتسرطاتش ليهاا يعرضو عليهم بلا خباارهاا..ردت بنفعاال:اييه وبسلامة معامن تشاورتو؟! هادشي كولو واقع بلا خبااري انا معندي رأي وااقلة غير زايدة فهااد الداار...(كملاات مرفعة نبرة صوتهاا)ولا واااقلة تقلت عليكم وبغيتو تفكووو مني...
نصيرة بغاات تسايس معاها:ابنتي الله يهديك...شنو لي قالك متقلة عليناا...لعين لي مبغاتش تشوفك فهاد الدار الله يعميهاا...حنا راه بغيناا ليك غير لخيير...وترجعي لدارك عند راجلك....واش عاجبك لحال تولي مطلقة تااني.. اشغايقولو علينا النااس...
خنساء زادت شعلات وقربات تفقد أعصابهاا ... نطقاات بصرااخ:ناااس ناااس...رجعناا عااود لهاد الاسطوانه... وااالي عندو فمو يشركو كااع انااا مااالي؟؟ غاتبقااي متبعااهم وقارية همهم حتا ليين؟!..راااه جبااال يتهدو وفامهم مايتهدووش....
لعربي كان دايز غادي خارج هو يسمع خنساء كاتغوت وسمع هضرتهاا الاخيرة كاملة...خنزر ودخل لبيت ونطق ناهض فيها بحدة:اتبارك الله على الترابي...تبارك الله على بنتي...شتك وليتي تغوتي على عمتك..وكلمة منك كلمة منهاا...لا بلاتي نجيب ليك شي عصاا وضربيهاا...غاايكوون حسن...
خنساء كرزات على شفايفها مكانتش باغاه يسمعهاا..وهيا سماانة كامل كاتهرب منو وكادعي الله فخاطرهاا ماايجبدش معاها لموضوع حيت مغتلقاا باش تجاوبو...
نطقات بعتدار كادور فعينيها:غاسمحيلي اعمتي معرفتش كيفاش تعصبت...ماتديش عليااا..
رد عليها لعربي عاقد غوباشتو فيهاا:انااا لي عيطت ليهم وعرضت عليهم...شنو نعاود نعيط ليهم نقوليه اااه حقاا ماتجويش حيت لالات لبنات لي عندي مابغاتش تشوفكم ؟!
خنساء حدرات راسها لسانهاا تصرط نطقات بتلعتم:ءءء..انااا مقصدتش هااد لهضرة...راك غير فهمتيهاا غلط ابااا...(هزاات راسهاا فيه باغا تشرح)انا لي بغيت نقول...
قاطعهااا بصرااامة:مكااين ماتقولي...ماال هاد الرااجل اشيكوون دااار ݣاااع حتااا تجرجريه هاكاا وتبقاااي نافخة عليه ريشك وماتبقاايش باغا حتاا تشووفيه...(كمل بتشنج)خنساااء سيمانة هاادي واناا ميك عليك ومخليك على هوااك شايف كلشي وسااكت وكانقول دابا دير لحل مع راجلهاا بلا ماندخل... ولكن مبان لياا بوو حل...عاد مزايدة فيييه...
خنساء بنبرة باكية باغة زعماا ترطبو:اناا ابا باغة غير شوية لوقت وصاافي...وااش مامنحقييش؟!
لعريي بصرامة:الالة حنااا ماشي نصارى بااش نبدااو كانديرو وقفة فزواج ناخد وقت نحبسو فيه عااد نكملو تااني...ارجووع الله ابنيتي...
خنساء زيرات على قبضة يديهاا عارفة مغايتراجعش على هضرتو...
لعربي كمل بتأكيد:دابا غايجيو نهضرو معاهم بااش نلقااو شي حل..وديك الساعة الى ملقينااهش وشفناا بصح بلي لعيشة حرارت بيناتكم بلمعقوول تطلقوو و كل غاازي يقصد بلدوو...ةلله يعاونا ويعاونو...
خنساء وسعات نضرتهاا بلعات ريقهااا وشافت فيه بصدمة:كيفااش الطلااق...اويلي اباا حناا موصلنااش لدووك لمااصل ݣااع باش نلحݣوو لطلااق...ايه مناقشين ولكن ماشي حتا لديك الدرجة....
جاوبها مرفع نبرتو فوجها: اوى الى بقيتي مجبدة لحبل و مقصحة راسك... هادشي لي غايطرا..مال هاد راجل غايبقا يتسنا فيك بسلامة حتاا يقولها ليك مخك وترجعي ليه ونتي ݣاالسة ضاربة الدنياا بركلة كااتفششي ...شحااال قدوو يتسنااا فيك ويبقا يحزر؟!...
نصيرة زادت باغة تقنعهااا:وملي نتياا مابغتيش طلااق خلي غداا يجيو ونشوفو شي حل لهااد لمشكل...والى ربي يسر ترجعي لدارك ...حناا مانبقاوش مربعين يديناا كانتفرجو...
خنساء تنهدات مقدراتش مزال تعارض ولا تقول حتا كلمة...بلخصوص وهياا شايفة لإصرار وسط عينيهم...بغاات ولا كرهاات بزز منها غايجي مهدي مع عائلتو...
نطق لعربي بحدة:صافي الله يجعل البركة...هادشي ديالكم طول...ولازمو حل...
لاح ليهاا هاد جوج كلماااات وخرج فحاالو معصب...نصيرة فداخل ديالهاا فرحاات حيت غايجيو ومكاين لي يعارض... طلعاتها ونزلاتهاا وخرجات حتاا هيااا....
خنساء ݣلساات على سرير شادة راسهاا... ونطقات مخاطبة نفسهاا مغددة:واخااا...ديرو لي عجبكم...وانا غاندير لي يعجبني...ولي فرااسي هو لي فرااسي...(تبسمات جنب بستهزاء)هه قالك الطلاق..زعماا نتخلع...مالو لخاطرو...الى سمعهاا يسكت ليه لقلب ولا طيح ليه ليد مع الرجل هادي مافيهاا شك...
صبح الحاال مشمس .... دخل سيمو كيف العاادة كايفطر مع عبدو وعاد كايمشيو للخدمة ... حطات ليهم حياااة الفطور وكلسات معاهم كاتكب اتااي : نتا غاتسلخ المعدة بديك القهوة قاسحة على الريق ...
عبدو ضحك كايرشف منها : اش غادي تسلخ حتى نتي ههههه ...
سيمو بطنز : السيد عندو الاعضاء صحاااح مكايكَر فيهم واالو ... ( مخاطب خالتو ): البارح جيت مالقيتكش خرجتي ؟؟
حياة بايجاب : اييه مشيت شفت واحد جارتي شحال هاذا مازرتهااا ... ( شافت فعبدو ): الزااهية عرفتيهااا ؟؟
عبدو بايجااب : اااه لي ورانااا عرفتهاا ...
حياة : تباارك الله بنتهاا كبراات وزياااانت تشوفها كاعمااا تعرفهااا اش منك ياااا طولة واش منك يااا تجريدة والملح والسر كاتشقشق ... (، كادور فعينيها ):، ومزاال بلااااا زواااج ...
عبدو حرك راسو بلا حاول فاهمها لاش باغا توصل : اييه مزيااان ...
سيمو جاتو الضحكة : احم ... اييه اخالتي زيدي ...
حياااة على سبة كملاات : واااش نقول اولدي ... الصغر والحداااكة والتاويل دااارهم هاااك هاااك تبري بالنقااا هازاهاااا بوحدها ... وشعرهااا تباارك الله ضاارب لنصهاااا مسبسب كي الحريييير .... والصواااب مانعاااودش لييك يا وليدي يااا عبد الله ... دوب الحجر بهضرتهااا الزيينة الله يحجبهااا ... المبااركة المسعودة لي طيح فنصيبهااا وتولي عروستهاا ...
عبدو سااط بنفور : ببفف .. الله يسر ليهاا اميي ... (وقف ): انا غانطلع نبدل عليااا بااش نمشييو ...
زاد من تما مخلي حيااة ورااه مفقووسة نطقاات مغددة : ربي وااش مااشي الغدااايد هاااادو ... فينما نجبد ليه شي بنت ولا الزواج يقلب عليا الهضرة ويزيييد ....
سيمو تنهد : وا علاااا خاطرو اخاالتي هو لي غايعرف مصلاحتووو ....
خنزراات فييه : اصلااا بحااالك بحااالو ... كيشتي نتاااا مطفرووو ...
سيمو ابتااسم ليهاا : يااكمااا لقيتي ليا حتى انا شي عروسة ...
حيااة طلعات ليها القردة : بسع مني طنز على رااااسك ....
سيمو ضحك ونااض طلع لبيت عبدو لقاه كااالس مخزز كايكمي كارو ....
سيمو : مالك اصحبي على ديك النوضة ...
عبدو : وماشتيهااش هي شنوو كاتقوول ... كل نهار نفس الموااال ولهلا يوريك مني كاتجيب تصاور البنااات وتحطهم قداامي زعمااا عزل ... طلعلي فصحتي هاد سيجي برب ...
سيمو : ولكن مافيهااا عيب فهمها حتى هي راااه نتااا لي عندها وباغاا تفرح بيك وتشوف ولااادك عذرهااا ... واصلاااا راااه قالت غير المعقول حتى نتا خاص تبدااا حياااتك شنو العيب فهادشي ...
عبدو تنهد : واش من نيتك داوي اصحبي وزعما نتااا راااك عاارف كلشي ... واش بنت ليك انا عندي الكاانة نفكر فشي وحدة ونمرمد معاياا بنت الناااس ... باش مي ترضى وترتاح ...
سيمو : ولكن شنو المشكل فهااادشي ... راه حتى نتااا خاص تشوف القداام ...
عبدو بنرفزة : القداااااام .... بان ليااا راااك محااس بحتى *رية ... ومني تكون كالسة حداياااا وانا فبالي وحدة اخرى ... عايش معااهااا وعقلي غااايب وكانفكر فدرية من غيييرهااا ماشي حراااام ... اش دنبها هي فهاد النم كااامل ... كايبااان لييك ساااهل تجيب ولية لداار وتعيش معااهااا ونتااا فعاالم غاايب عليهااا ... اشمن حيااااة هاادي ...
سيمو تنهد : ماعرفت مانقوليك اساااط عندك الحق ... ولايني دير فبالك رااه اكيد واحد النهاار غايوصل هاد الوقت شحالما هربتي ....
عبدو حرك راسو لاوي على عنقو : نهاااار نحس بالكاشووش خاوي وخاصو لي يعمرو نشوفو الزواااج ... دابااا ماشي وقتو ... ماقاااد على دنوب حد ...
سيمو ضحك : هههههههههه شي كاشوشو عاامر وشي حلف لا بغااا يعمر هههههههه ...
عبدو بطنز : ههههههه نتاااا قول عندك مول شي داخل شي خااارج ماباغييش يرصي على حاجة ...
سيمو : انا حالتي صعب من حالتك اصحبي شتي انا باضاااض عندي منو فووبيااااا مصالحش لياااا .... خليت ليك البغووو ...
عبدو ناض جاارو : مايصلاااح لا ليا لا لييك ... زيد زيد نترزقوا الله هههههه ....
زادو بجوج بيهم هبطو ودعوا حياااة وخرجو ركبو فالموطور متاجهيين للمحل ...
رانيااا خارجة مع خنساء للسوق كايتقضااو داكشي لي وصاتهم علييه نصيرة غاتحتااجو على قبل الغدااا ... جارين القفة ديال التقدية ... مجمعين مع بعضيااتهم كايضحكو ...
رانيا هزات عينيهااا وهي يبان ليهاا منير مقاابل معاها جاي فطريقهم ... جرات خنساء من دراعهااا : هادااك خينااا جاي من هنا يلاااه نمشيو من الجهة الاخرى ...
خنساء شافتو وخنزراات فيها : تي مال والديك كاترعدي بحال الا شفتي عزراايل ... بردي وتصرفي عاادي هو لي خاصو يقلب الطريق شكون يكووون فملك الله حتى ترعدي مني تشوفيه ... ومن الفوق نهز ليه الهم منين غادي باااز
جراتهاا وزادو مكملين طريقهم ... منير شافهم ونطق بهدوء مخاطبهم : سلاااام ...
خنسااء ميقات فيه مطلعاااه ومهبطاااه نااطقة بنرفزة : يسلمو علييك الجنوون ان شاااء الله ...
منير سمعهااا وحرك راسو بلا حول وهما كملو طريقهم عاطينو بالظهر بلاما يتلفتو ورااهم ...
رانيااا ابتاسماات : عبرتي علييه .... كايسلم بلااا حشمة بلاا حيااا ...
خنساء : بحال هااذا هو لي يديرهاا يغرق فيها جمل ويجي يطلب السمااح كي الكلب ... الله يخلييهاا سلعة ....
رانيا ضحكات : ههههه حق ربي ماكدبتي ... كااع ولاد الطيط مسققين بمغرفة وحدة ...
خنسااء : هههههههه حاقدة يااختي ... زيدي زيدي خففي رجليك نصييرة غانلقاوهاا حيدات سروالهااا بالاعصاااب ...
الشمس وزعاات اشعتهااا على المدينة والظهر قرب يودن .... وقفات اللوطو ديال مهدي قدام دار السااايب .... هبطاات ناادية هازة فيدهااا بواطة فيها الحلوة من الصوااب و سارة هازة شوكولااا ...
نادية قادات على جلابيتهااا و شافت فمهدي : عنداك تنعسى علاش تافقنااا .... ماتحاولش تبزز عليهاا بالخااطر اولدي الله يرضي عليك رااه بالمهل كايتكال بودنجال
المهدي باصغاء : صافي اناادية كوني هاانية ...
حركات راسها بايجاب ودقو فالباب حلات ليهم نسرين بابتساامة وسرور : مرحبا مرحبااا بيكم ...
نادية : الله يكبر بييك احبيبة ...
سارة شافت فيهااا وابتاسماات ليهاا : اهلاا نسرين صافاا عليك ..
نسرين بضحكة صفرة ماعندهاش معاها بالمرة : الحمد الله يسول فيك الخير ... دخلوا ماتبقااوش فالبااب ...
مدات يدها لمهدي : اهلا نسيبناا لابااس عليك زاارتنا الببراااكة ...
ضحك فوجهها بلباقة : الله يكبر بيك اختي ...
تقدموا لجهة الصااالون وخنسااء وراانيااا الفوق فالبيت شافوهم من الشرجم مني هبطو من اللوطو .... حلفاات ماتهبط ديك سااعة ...
دخل المهدي مع نادية وسارة لقلب الداار...تلقاات ليهم نصيرة وعصاام كايرحبو بيهم..فرحانين بقدومهم...
نصيرة كاتسلم على نادية موسعة ضحكتهاا:أهلا اهلا..نهاار كبير هادا...
نادية:الله يكبر بيك احبيبة...
عصام بترحيب بعدما سلم على مهدي:افين اصحبي لابااس كلشي مزيان...
مهدي بابتسامة جانبية:لحمد الله اخوياا سول فيك لخير...(دور انضارو على لمكاان بغا خنساء تبان ليه يشوفهاا ويعمر بيهاا عينيه...توحشهاا بلا قيااس..ساعة مكانتش..)
نادية (خدات الشكلاط من سارة و مداتو هو و لبواطة تاع لحلوة لنصيرة:)بسم الله...
نصيرة بابتسامة شداتهم من عندهاا:ربي يخليك...علاش عدبتي رااسك...
نادية:الله أودي مكااين عدااب...
عصام مشاا معاا مهدي لبييت...وتبعاتهم نادية وسارة بعدماا دردشو شوية مع نصيرة على لأحواال....لتااحق بيهم لعربي سلم عليهم وݣلس معااهم...
نطقات نادية بإمتنان: اوى اسي لعربي كيف بقات صحيحة شوية؟!!
لعربي:هاحنا مرى هاكا مرى هاكا...كنعديو مع لوقت ولي الله الحمد...
المهدي واخاا كان مجمع مع عصام...لبيضة حامية فيه بغاا يشوف خنسااء...عقلو غاايب معاهاا...
نادية تحنات لعند نصيرة باش مايسمعهومش الرجال لي كانو كايهضرو بيناتهم وقالت كتساؤل:فين خنساء ݣااعمة بانت لياا... خارجة ؟!!!
نصيرة:اويلي موجودة...هياا لفوق فبيتهاا غير مشغولة يمكن..داكشي علاش مسمعاتكمش أماا تنزل قباايلة...
نسرين دخلات حطاات ليهم لماا فوق الطبلة وشارت ليهاا نصيرة بعينيهاا بااش تجي لعندهاا...
قرباات وهمساات ليهاا بشوية:طلعي كلمي هااديك لي لاصقة لفوق...قوليهاا قالت ليك عمتك نزلي لعند ناسك بلا ماتخليهاا الطلع عندك..
حركات ليهاا نسرين راسها بلإجاب ومشات تكلمهااا.... دقائق حتا نزلات لعندهم خنساء كانت ضافرة شعرهااا ولايحا الضفيرة لجنب..لابسة بيجامة عادية بسرواال وفوقهاا بينوارهاا القصير... مكتافية بميكاب خفيف على بشرتهااا....لمهدي غير قشعهااا وهو يطول فيهاا الشوفة...هاايم كيف لعادة فملاميحهااا وحروفهااا....بحالا اول مرى غايشوفهم....كااتساالي معاه بمعنى الكلمة...
شافت فيه خنساء وهرباات عينيهاا...قرباات لعند نادية وسلمات عليهاا معنقاهاا بحرارة توحشاتهاا:أهلا لابااس عليك...
نادية بابتسامة:لحمد الله ابنتي... ونتي لابااس؟...
خنساء بمجاملة:لحمد الله ريي يخليك...
سلمات على سارة حتاا هياا...ودازت لعند مهدي... مدات ليه يديهاا وجرهاا منهاا مسلم عليها بلحنك ناطق عند ودنهاا بشكل مسامعو حد من غيرهاا:سلمي مقاااد ماالك؟!
بعدات عليه مخنزرة وهو يبتاسم ونطق بصوت خافت: اشخبارك..لاباس عليك...
خنساء طلعات فيه حاجبها ونطقات بنفخة خاطفة يديها لعندهاا:لحمد الله...
ݣلسات حدا نادية..كاتهضر معاهااا ويتعاودو بشكل عاادي مجابدينش موضوع لخصاام نهائيا... خنساء حسات بنضراات مهدي وتروهاا وهو ملي ݣلسات فينما دور عينيهاا كاتلقاه كايشوف فيهاا بغا ياكلها بعينيه...ناضت ستأدنات منهم...متهربة من نضراتو لي كانو كايترجااوهاا تولي ليه مخاطبينهاا بلا مايدوي...خافت تضعااف قدامهم وتخسر داكشي لي مخططة ليه... ومشات لتاحقات بنسرين ورانيا لكوزينة كانو غارقين كايوجدو بااش يحطو ليهم لغداا...لي كان وااجد على حقو وطريقو...
لغداا تحط وتجمعو على الطبلة...بستتناء نسرين ورانياا لي مكلاوش معاهم مخلينيهم يتغداو فراحتهم...سلااو ونادية طلباات من خنساء بااش تهضر معاهاا على نفراد... خنساء فهماتهاا بغات تهضر معاهاا على الموضوع...
ستأدنو منهم و طلعو لبيتهاا لفوق...تقدمات نادية هياا اللولة وخنساء سداا لباب وقرباات لعندهاا ݣالسة حداهاا...
بتاسمات ليهاا نادية ونطقات بمزحة:اوى ولفتي ضاركم..ههه نسيتينا يمكن ݣااع...
خنساء بنفي:حاشا الله اودي وانا نقدر نساكم...غير باغة شوية نرتااح وصاافي..أماا ݣاعمة نجي لهنا ونݣلس هاد لمدة كااملة...رااك عارفة كلشي بلا مانحتاج نبدا نعاود...
ردت عليها نادية بتساؤل:اوى ودابا؟!...غاتمشي معانا ولا مزال خاصاك الراحة؟!!
خنساء تنهدات بهدوء وحدرات راسهاا:شغانقولك انادية...وجهك عندي غاالي...ومعزتك ربي بوحدو لي عالم بيهاا..ولكن مزاال غانبقاا شوية فداارنااا...(طلعات فيهاا عينيها)مزال مامستعدااش نرجع معاكم...
نادية تبسمات بحنان وشدات فيديهاا: سمعي أخنسااء...زوااج ابنتي رااه مسااهلش...فيه لبلاصة لي ضاوية ولبلاصة لي مضلمة...ولمخاصمة مابين لمرى وراجل هيا سنة عارفينها جميع النااس...وكلشي داايز منهااا...ولكن لي كايعرف يتصرف هو لي كايتحكم فديك لمخاصمة بشكل صحيح....وميخليهااش تغلب عليه
خنساء بنبرة مخنوقة:لغيرة الزايدة لي فمهدي كانحس بيهاا كادمر فزواجناا واناا مقادرة ندير والو الى نبعد لا نوليو فشي حاجة ماكبر...مكايعطينيش حتاا لفرصة باش نبرر ليه أخطاء لي صغيرة وماتحتاجش ديك لقيامة كاملة لي كاينوض...وبسباب لغيرة كايتعصب حتاا كايولي واحد اخر...(مسحات على شعرهاا بعنف)وليت خايفة انادية... خايفة نرجع ليه ونطيح فنفس لمشكل مرى أخرى...مليييت
نادية بنبرة ارتياح:انا مغنبززش عليك شي حاجة مابغيتيهاااش...بغيتي ابنتي وقت خوديه....زيدي سمانة تانية وتالتة حتا لشهر ݣااع ماشي مشكل....ولكن حااولي تستاغلي هاد لوقت وتعرفي لخلل فين كاين....مااشي تهربي منووو...حيت ماغاتستافدي وااالو...رااه لي بعيد ابنتي على لعيين...كايولي بعيد حتاا على لقلب...
خنساء جاوباتها بحرقة:هاد لفرااق ولبعد لي ولا بيني وبينو راه محملتو ماقبلتو... كايقطعني من لداخل بلكشايف باش صابرة..ولكن معندي ماندير...بعض لمراات باش تبقاا لعلاقة مزياانة...ضروري نديرو واحد لبووز عااد نكملوو...كانكونو صلحناا فيه شحال من حاجة...
جاوباتهاا نادية بتفهم:انا عارفاك تبارك الله بعقلك ومدرتي غير لحاجة لي خاصهاا الداار...ولكن كيفما قلت ليك...زواج هاكا داير...وضروري من الصبر... الى تنازلتي على شحال من حاجة كاتشوفيهاا كاتهيج لغيرة لي فيه وكاتخصمكم...راه مااشي ضعف منك ابنتي...بلعكس را دكااء..باش تعيشو فزواجكم مزياان...وتكوني مرتاحة نتي وهو(كملات برجااء)والى كنتي كاتبغيه ديري بوجه العشرة وماتحكريش بزااف وتعااندي كتر من لقياااس...خلي لماا منين يدوز...واخاا ؟!!
خنساء خدات نفس معمق مخرجااه بمهل...هياا عارفة نادية مبغات ليها غير الخير...واكيد مغاتبغيهااش تفارق مع ولدهاا لي باينة من عينيه شحاال كايبغيهاا ومقادرش يبعد حتا دقيقه عليهاا...مكرهاتش دير بوجهاا وتقوليهاا صافي غانمشي معاكم ونوضعو حد لهاد لمشكل لي طااري...ولكن لاا...مزال خاص تعطي لعلاقتهم وقت...هااد لمرى ماغترجعش ليه بساهل...ضروري تقصااح
بتاسماات وقالت بنبرة رقيقة:ان شاء الله...يكون خير....
كملو هضرتهم...ونزلو لعندهم لتحت لقاوهم مزالين مجمعين...خنساء شافت فمهدي لي مفيكسي عليهاا عينيه مباغيش يبعدهم...بلخصوص ملي قشعهم نازلين ضاحكين قلبو ضرب بسرور...كايقول صافي لأمور تصلحاات... ݣلساات خنساء حداا سارة...ونادية حدا نصيرة...و بقااو مجمعين...حتاا ودن لعصر...حطو ليهم كاسروط معمرين ليهم الطبلة مخلااو لبنات ماحطو...
كلاو وسلاو ... نادية وقفات ونطقات هازة صاكهاا من بلاصتو:اوى خليناكم على خير...وفرحناا بشوفتكم...الله يكبر بيكم كيفماا كبرتو بيناا...يلاه امهدي نمشيو...
لمهدي وسع نضراتو مافهم والو... كيفااش يلااه...وخنسااء ݣالسة مامحركاش من بلاصتهااا مجامعة حوايجهاا مامبدلى عليهاا ماحتا لعبة...يعني مغادااش...
نطق بلا مايشعر:يلااه؟!! اييه وخنساء؟؟!
نطقات نادية بهدوء كاتشوف فيها: خنساء مغاتمشيش معاناا باقة باغا ترتااح...مزال غاتدوز شي ياماات فدارهم...
المهدي تلون ولحمورة طلعات ليه على وجهو مصدوووم بلمزياان...تفاااجئ وماضنش واش خنساء غاتقسح قلبهاا عليه حتاا لهاد الدرجة...
طرطق فيهاا عينيه...نطق بنفعاال مبقاش قاادر يصبر:داباا وليناا فتجرجير...هااد لمدة كاااملة ومزال مارتاحتش؟؟!(شااف فلعربي لي تنهد من حالهم)وااش ابا لعربي عااجبك هااد هاادشي لي وليناا فيه؟!!
جاوبو برجاء:غساايس أولدي ووسع خااطرك الله يرضي عليك..بنات ليوم هماا هادوو...الى زيرتي معاهم مغاتوصل لفين..(شاف فخنسااء وغوبش)وحتا نتي الله يهديك نعلي شيطان وخلي لماا منين يدووز...ماتزيديش فيه... صاافي الله يسامح...
خنساء ببرودة منهاا دارت رجل على رجل ونطقات بنبرة هادئة:اناا ابااا قلت داك نهاار هضرتي...(شافت فمهدي وكملات بنفس النبرة)خااصني نفكر...بلا ماتبقاا ضغط عليااا عفااك...عطيني شوية تاع لوقت...راني ماطلبتو منك حتا فعلا باغااه...
لمهدي تشنجو أعصاابو حتاا لحد...فقصاااتو ببرودهاا محااسااش بناار لي شاعلة فيه لدااخل كاتحرقووو...تصرفهاا الجديد ماتقبلووش نهائياا...ماينكرش انو ولف منهااا تعدرو وتلقاا ليه مبررات وتسامحو على اغلاطو لكتيرة...ملي بدلات لفاااص تصدم...مكرهش يجرهاا من دراعهاا صحة ويديهااا معااه...يغووت بأعلى صوت ويقوليهاا معاطيكش لا وقت ولا والو...
نااض وقف سااط بقلق وااضح ونطق كاارز على سنانو:تخربييييق.... بربي حتااا تخربيييق...
خرج فحالو من لبيت مقاليهم حتا بسلامة...مابقاش قادر يݣلس...عصاام نااض تاابعوو مابغااش يخليه يمشي وهو فديك لحال...نادية تنهدات بحسرة على حال ولدهاا...لعربي مسح على وجهوو وناض لبيتو...ونصيرة بقاات شادة على راسهاا معاجبهااش لوضع بلمرى بغاات تلاح على خنساء حابسة راسهاا غا بزز كاتحلف عليهاا بعينيهاا...
عصام شد فمهدي لي شااعل موقفو:وصاافي اصحبي نعل الشيطاان كلشي كايتحل بلعقل بلا ماتعصب...بغات وقت عطيهاا وقت...
مهدي بنفعاال كايغوت:اشمن وقت ولا زبل...غاااقولياا حتاا لإمتا غانبقااو هاكاا؟؟!
عصام محاول يهدنو:وتاا غاخليهاا على خاطرهاا...ما ربما ترطااب وترجع...ماطلبات منك واالو...غير شوية تاع لوقت تفكر فيه...اشنو فيهااا؟!
رد عليه مغدد:وزعمااا كنت كانتسنا فيك نتا ولا با لعربي تهضرو معاها وتردو ليهاا عقلهاا ساعة مخلينهاا على راحتهاا...داايرة لي عاجبهااا...مانكدبش عليك لمووس وصل لعضم...وختك زااادت فيييه...
عصاام عصبوو بهضرتوو قاطعوو بعصبية:وشنوووو بغيتينا نديرو ليهاا...نجروهاا من شعرهاا ونردوهاا ليك بزز...رااه مابغاااتش...صاافي خليهاا نهار لي غاتشوفو مسلكهاا غاترجع ليك فييه...بلا ماتحكر...
مهدي لاحظ انو غاكايكب لما على الرملة وݣاع الطرقان لي غاترجع خنساء ليه مسدودة...
زفر بضيق وقال غادي فحالو:لحاصول الله يعون...عيط عليهم قوليهم يخرجو عندي راه كانتسناا مابغيش نزيد نتعطل بلا فايدة...
خرج مهدي بحالو ركب فلوطو ديالوو مزير على قبضة يديه مامسروطش ليه لبلاان...عصام حرك راسو بلاحول ودخل عندهم يكلمهم...محبط من لحال لي وصلاات ليه ختو مع راجلهااا....
صباااح جديد مشرق باشعة الشمس الساطعة على المدينة ... المهدي تكسل ففراشو ضاير لجهة الاخرى وتنهد وهو كايشوف بلاصتها حدااه خاااوية ... حاس براسو مخنوق وتالف بلا بيها ... الخدمة هي لخرى مابقاش عندو الخاطر ليهااا كايمشي غير مرة مرة يطل على الامور كيف دايرة ... ناض من بلااصتو كايسوط بصوت مسموع وزاد جهة الكوافوز هز البارفان ديالها مقربو لنيفو كايحاول يواسي راسو بريحتهااا ... ابتاسم بخفوووت وصورتهااا بين عينيه كايتخايلهاا ... حاس كأنه مدمن تقطع من البلية ديااالو وكاايحااول يقاااوم باااش ماينهارش بلا بيهاا .. خلااات فرااغ كبيير بلاا قيااااس فحياااتو وعيشتو مابقى عندها معنى بلا بيها وولات فارغة وبلا طعم فغيابها ...
هز التلفون ودوز نمرتهااا على امل تجاوبو : جاااوبي اخنساااء جاااوبي ....
مدة ولابيل دايزة كاترن لا رد ... عض على فكو ورما التلفون فووق السرييير كاااعي طاالع لييه الدم ... حتى صوتهااا ومكالمة فالتلفون حرماااتو منهااا وخلاتو فحال الحنش المقطوع لييه الراااس بلا بيهااا ... زفر مخصر وجهو مزاجو خاااسر و دخل للدوش يكب علييه الماا بااش يصحصح ...
خنسااء ناضت من بلاااصتهاا قافزة من النعاااس واااقفة كاتجري خااارجة للحماااام ويدهااا على فمهااااا ... دخلااات للدوووش معدتهااا مقلووبة عليهااااا مروعة .... فرغاااات خااطرهااا ومسحااات على وجهها شادااهاا الدوخة ...
شافت راسهاا فالمراايااا كايبان ليها وجهها صفر : يااربي السللاامة .. بفففف اش هااد الحاالة ....
خدات نفس عميق وغسلااات وجهها محااولة تصحصح حاس براسهااا ماشي هي هااديك وصحتهاا كلهاا طاايحة عليها مهدوودة وخااطرهااا مغير ... مسحاات بالفوطة وخرجااات متاااجهة لبيتهااا ... هزاات تليفوونهااا بانت ليها نمرة المهدي ابتااسمااات عاجبهاا الحاال من شنو دايرة فييه ودوزاات لابيل لرانياا لي كانت فالمحل : الو الشيخة ...
رانيا : اهلاااا ازين البااطرونة ... صافاا علييك ...
خنساء ضحكات : الحمد لله ... مسالية هاد العشية نضربو دورة رااااه الخاطر عندي هاارب بغيت نخرج نشم شوية الهوااا ...
رانيا : واخااا غانشوف مع عتيقة ونخرجو ان شااء الله ... المهم باشمااا كان غانرد عليك ...
خنساء بايجااز : داااكووغ ... يلاااه سيري مانعطلكش على شغلك نهبط نفطر راه معدتي خويتهاا على الصبااح ....
رانيا ابتاسماات : وايلي .... ياااكماا العفرييتة !!؟ ..
خنساء ضحكات : وشكوون عرف ... بحااال وااالو هه
رانيااا : هههههههههه ياااختي من فمك لباب السمااا ماكرهناااش والله ...
خنساء : بلااامااا تسبقي الاحداات وتبداي تحلمي ههههههه ...
رانيااا : ههههههه ماتقتلي ماتحيي اصحبتي ههه سيري سيري سوقك خااوي ...
خنساء : الله يعااون ...
قطعااات وشافت فمراياا بيتهااا راسمة ابتساامة خفيفة على وجهها كاتخرج النفس بعمق وترمش فعينيهااا فحال الا فرحااانة ومعارفااش علاااش ... كاتفرنس بلاااا سبب ... حركات راسهاا بلا حول وهبطااات لتحت يفطرو مجموعين
عبدو كان داير يديه فجيبو كايتمشا بخطوات تابتة حاني راسو فتيجاه دار رانياا...فكر وعاود فكر ولقاا لحل لأنسب هو يمشي عندهاا وصل لدارهم...دق وحلات عليه عتيقة بجلابيتهاا كاتقاد فزيفهاا غادة لمحل...
نطقات بابتسامة: اهلا ولدي عبد الله لاباس كلشي مزيان..
رد بمجاملة كايسلم عليهاا:لحمد الله ونتوما؟!
عتيقة :بخير ... واحد حياة لاباس عليهاا وغبراات مابقينا ݣااع نشوفوهاا
عبدو: غير مشغولة وصافي..مابقاتش كاتخرج بزااف..غير الدار هاد الساعة
عتيقة: مزياان....ولاهيلا كانقول ندير شي وقت ونمشي لعندهاا نݣلس معاهاا...غير مع لخدمة مساليتش..فلخر ديال سيمانة ندوز نشوفهاا
عبدو:ان شاء الله...كاينة رانيا؟!
جاوبتو بإجاب:اييه كاينة...بغيتيها على شي حاجة؟؟!.
رد عليها برجاء:اه عفااك كلميهاا لياا...
عتيقه عيطاات على رانياا خلات لباب مردود ودعااتو وكملات طريقهاا لمحاال مزروبة باش ماتعطلش...
رانيااا نزلاات مݣفضة على يديهاا كانت غارقة فغسيل لماعن وفشقا ديال الصباح لي مكايساليش....حلات لباب شافتو
ووسعاات ابتساامتهاا بترحييب:اهلاا..زارتناا لبركة
عبدو: هههه اتي فين غاااطسة؟!
ردت عليه كاتقاد كمامهاا: أخويا غير تماارة...كنت ملهية مع شي شقاقف عااد ساليتهم ومزال تابعني نطيب...
عبدو بطنز:مممم...ههه زعماا لحدااݣة تيقتك...
جوباتو كاتضحك:هههه تيق ولا بلااش وانا ماالي...اجي بعداا ياك لاباس أشجابك لعندنا ݣاعمة موالفة لييك...
رد بجدية: بصراحة ارانياا محتااجك دياال بصح فوااحد لموضووع...
صغراات فيه عينيهاا وقالت كاتساؤل بهتمام:نعاام...فااش محتاجني ياك لاباس؟!
عبدو سكت توااني...تردد فلول ولكن تشجع وقال:غانقولك شي هضرة بغيتك توصليهاا لخنساء ضرووري...
رانياا شهقاات بصدمة وخرجات فيه عينيهاا بندهااش:تااا وااش حمااقيتي...ياكماا باغيني نولي مرساال بينااتكم...نسيتي بلي السيدة مزوجة!!!...
عبدو خنزر فيهاا:تي مااال حسك كااطيري فحاال الزوااق مايشدك حد؟!..صبري خليني نكمل هضرتي عاااد دوي...ونتي غاا كاتسرسبي بلا حبااسااات...وااش انااا ناقصني الصدااع نزيد مشاكل مع خنسااء وراجلهااا...
رانياا تشوقاات تعرف شنو بغاهاا توصل لصحبتهاا... نطقات بزربة: يلاه دوي شنو بغيتيني نقوليها؟!
عبدو بتساؤل:واش كاتعرفي شي وحدة سميتها ملاك خدامة مع راجل خنساء؟!
ملاك حركات راسهاا بلإجااب:اييه كانعرفهاا ماالهاا...
رد عليها بنزعااج:هااديك بنادمة بااينة كاتحفر ليهاا ومعرفتش بضبط لاش باغة توصل...
رانياا قلبهاا الضرب فلبلاصة بلعات ريقهاا بخوف:عبدو الله يرحم الباك غير وحدة وحدة...كيفاش كاتحفر ليهاا مافهمتش؟!!؟بحالااش!!...
عبدو بتفسير:جاات عندي داك النهاار لمحاال دايرة السبة بشي زربية باغة تشريهااا... ولكن مكان فعينيهاا لا تشري ولا حتاا زفتة...كانت باغة غير تقلقل سوق على خنساء...وتعرف شنو بيني وبينهااا....
رانياا طرطقات فيه عينيهاا بصدمة وندباات حنكهاا وقالت مرفعة صوتهاا:أويلي على اللفعة...وصلااات بيهااا الدرجة حتااا تجي لعندك...بنت لحراام هاادي...
عبدو:وييه بحال شتيهاا بعينيك...انااا معرفتش شنو بينهاا وبين خنساء حتاا تبدااا تسول وتنبش من مورى ضهرهاا هاكة..ولكن خاصهاا ترد الباال لا طيحهاا فشي موصيبة لي ماتقدرش تهز منها الرااس...
رانياا بنفعاال عوجات فمهاا:إوى حتااا تكوون ساهلة ليهاا عاد طيحهااا فشي موصيبة...(سكتاات تواني وصغرات فيه عينيهاا بتشكيك)أجي ياكمااا قلتي ليهاا شي حاجة ولا جرااات ليك لسانك باش تعرف بلي راك مصاحب معاها من قبل...
عبدو طلع حاجبو:ماالني دري صغير تجر لياا لساني...ماعطيتهااش رااس لخييط و وضرتهااا ݣااع غااتهنااي...(كمل برجااء)داباا ارانيااا غاتهضري معاها وتقولي ليهاا ترد لباال من ديبة لي ضايرة بيهااا...راه كاتبان مااشي سااهلة ومانوياااش ليهاا على لخييير....
رانيا مسحات على جبهتهااا:صاافي غانقولهاا ليهاا...العقرب معرفتش شنو باغااا ولا علاياااش كاتقلب...الله ياخد فيهاا لحق ويشتتهاا قبل ماتشتتهم..
عبدو:يلاه نخليك تعطلت خاصني نمشي...بسلامة عليك...
ودعااتو تمشى بخطواات شوية ووقفاتو كاتعيط ليه...دار لعندهاا وحرك راسو كايشير ليهاا (بشنو؟!)
تبسماات ليه وقالت بنبرة شاكرة:نتاا انسان مزيان وربي مغاديش يخيبك...الله يسهل عليك وشكراا...شكراااا بزااف اعبدو...
بادلهاا نفس الإبتسامة بمجااملة وودعهاا مرى اخرى ومشاا...غادي فطريق كايتنفس الصعدااء وهو حاااس برااسو حط حمل تقيل كان هاازو...لمهم داار لي عليه...سيفط لي يحدرهاا باش ترد باالهاا....وتعرف بلي كاين لي نااوي ليهاا على خزييت وبااغيهاا فيهااا....
رانياا بزربة سالات داكشي لي كان تابعهاا و جات طاايرة عند خنساء...كانت ݣالسة معاهاا فلبيت...كاتعاود ليهاا بلحرف ݣااع داكشي لي قال ليهاا عبدو على ملااك وطلب منهاا توصولو ليها...وهيا كاتسمعهاا بتركيز وااضح...
رانيا هزات مخيدة صغيرة دارتها على فخضهاا ونطقات بهدوء:هادشي لي كاين...وبحالا كنتي حاضرة يا عشيرتي....
خنساء تعصبات بلمزياان ودمهاا رجع كاايغلي فعروقهاا بسبااب لهضرة لي سمعاات...قالت بعدم تصديييق:وااش كااتهضري بلمعقول...متأكدة هو قالك هادشي...جات لعندو وبغاات تعرف شنو كان بيني وبينوو..
رانيا:واايه اصحبتي مالني مالقيت مايداار وجيت بغيت نتمازح معااك فموضوع بحال هداا...الله يهديك...
خنسااء نااضت ضرباات لكوافوز بقبضة يديهاا ونطقات سااعرة طلع ليهااا الدم:بنت لحراااام...لكلبة لمجرااابة.....دابااا هاادي علااش كاتقلب...الله يحفر لديلمهاا الجدر...الصوبيصة لخرى...بناااادم عااطيه بتيسااع مواااصلو بوااالو..متااقي وجه الله فييه...وهو كااايقلب على خلى عشتوووو....
رانياا وقفات نايضة لعندهااا:وصافي حتااا نتي بلااا ماتعصبي مع وحدة خامجة بحال هااديك ݣاعمة تستااهل...
خنساء ضااغطة على هضرتهااا:هاااديك ل*رى كااتقلب علياااا....قلت ليهااا تشوف جيهة أخرى رااني مانصلااحش ليهااا...عند باالهااا مطورى...باغة تكوغطني وتلوي ليااا درااعي...بلحق رااه جنااات على راااسهااا....نااااري لخااامجة كون كااااانت قداامي داباااا نفرسهاااا بسناااني ومانطلقهاااش حتااا نسيل دمهااااا...
رانيا حطات يديهاا على كتفهااا محاولة تكالميهاا:وسمحي لياا اخنساء حتا نتي مادرتي فيهاا مايصلاح...ملي وقع داك نهاار لبلان معاها ولقيتيهاا باغة تغرقك مع المهدي كان عليك تسيفطيهاا فحالهاا...واخا مايبغيش كنتي ضغطي عليه حتى يخرج الزبل...راه مغااتهنى حتاا تفارقكم...
خنساء حطات يديهاا على راسهاا لي حسات بيه كايزدح بلأعصاااب:زعماااا مابغيناااش نحرموو رزقهااا...قلت ملي مخرجهاش بخاطرو ماشي مشكل هااديك غادير ليهااا عقل وتقلب عليااا...ساعة غاا مزاايدة فيه...بلحق دااك نووع اناا لي كانعرفو...واخااا تسد عليه لبااب ينقز ليك من الشرجم....
ردت عليها بزعااج:معرفتش منين تسلطاات عليك يالطييف...يخ على بشاار...
خنساء كاتحلف عينيهاا شااعلين:شتي الى بقااات فيهااا راه مي هزااتني فوق لكرطوون وفزنقة....الى خليتهااا فيهاا هاد لمرة راه ماولد فياا السايب غير لخلا وجلاااا...مسخووطة الوليدين هاااديك من كترة الدنوب لي جامعة عند عباااد الله... اخرتها قبرهاا غادي يكون شوكة لي جا يسكر عليه ويبووول فوقوو....
رانيااا بتفكيير:هاادي مغااتهناا حتاا تااخد شي نتفاا فاعلة تااركة...عاد تبرد الدودة لي طالعة معاها...
خنساء دورات الشوفة لجيهتهاا بتتاقل..دققات فيهاا النضر ونطقات بلإجاب:اه عندك الحق...من اللخر داكشي لي خااصهاا...
رانيا وسعات فيهاا نضراتها ملي شافتهاا كاتدوي بجدية قبلات الفكرة.. نطقاات كاتضحك:ههه اويلي كاتدوي من نيتك نوضوهااا تشطح دارتهاا بصح...رااه غاتقربليهاا مع راجلك اصݣعة وتكبتيهاا معاه دياال بصح...
خنساء خدات نفس معمق محاولة ترخي بيه أعصابهاا المشنجة...تبسماات بجنب وقالت بتباات:وشكون قالك انا لي غانبالي بيهااا؟!!ونوسخ يدي فوحدة مزفتة فحال هاديك...كااين لي غايتكلف بيهاا ويعطيهاا علاش دوور...موجوود كايتسنااا غااا الإشاارة...
رانيا سكتاات توااني دوراتهاا فراسهااا ونطقات موسعة ضحكتهاا:أجي ياااكمااا...
خنساء زاااادت وسعااات ابتسامتها وحركاات راسهاا ب"أه"بلا ماتدوي
رانيا ضرباات على يديهااا كاتضحك:ناااري يااختي ومايقد عليك غير لي خلقك... هههه شيطان الى كان دايز غايوقف يسلم عليك ويتحنا ياخد بركتك عاد يكمل طريقو...
خنساء ضحكات بعجرفة...مصممة هاد لمرة وبلا ماتراجع تعطي لملاك لي فقصاتها وغدداتهاا علاش كاتقلب ومدوزهااش ليهااا..وتعلمهاا درس عمرهاا تنسااه... مامسروطش ليهاا تبداا تحفر من موراهااا...حلفااتهااا فيهااا بلمعقوول...
وصلاات لعشية...دخل عصاام لداار هاااز فيديه بواطة فيهاا كااب كيك بشكولا جايبهاا من لباتيسري...دخل لبيت لݣلاس لقاا نسرين متكية كاتفرج شافتوو وݣلسااات...باسهاا فحنكهاا وحط لبواطة فوق الطبلة...
نطقات بتساؤل كاتشوف فيهاا:جبتي شي حاجة لكسكروط؟!
عصام:هادو واحد لكاب كيك جبتهم لخنساء عيطات علياا وطلباتني نجيبهم ليهاا ملي نكون جاااي...ورااه خديتهم بزاايد باش ناكلهم مجموعين...
نسرين:واخاا انا نوض نعمر اتااي..ولا نصيب شي عصير غادي يكون حسن؟!اشبان ليك
رد عليها بعياء:غاالي درتي..انا نوض ندوش بينماا وجدتي...
باقين كايهضرو حتاا نزلاات عندهم خنساء...يلاه غاتهضر وهياا تسكت لايحة عينيهاا على الطبلة...بانت ليهااا لبواطة جاية من لباتسري وعينيهاا خرجوو منهم لقلوبة...لا سلام لا كلاام مشات بزربة حلاتهااا...عضاات على شفايفهاا بتلدد وهزاات وحدة عضات منهاا بشراااهة كاتبننهاا
نطقات كاتمضغ:الله جبتيهم...من قبايلة واناا كانتسناااا...
دغيااا سرطااتهاا تقول عمرهاا داقتهم...وهزاات التاانية كاتكل فيهااا وكاتهضر بإعجااب:واااو...وااعرين...عمري دقت بحاالهم خطيرين هادو لي تقديتيهم عندهم...وحتااا شكلاط لي دايرين ليهم فن وبنييين
نسرين باانت ليهاا قرباات تنزل عليهم كاملين دقة وحدة وتسرطهم...قالت حابسهااا:بلااتي بلاتي... حتااا نوجد بااش ندوزوهم وناكلوهم مجموعين...شتك طحتي فيهم بوحدك..
خنساء هزاات فيهاا حاجبهاا: شنوو؟!على عوالين بسلامة تشااركووهم معايا...هادشي يلاه يكفيني بوحدي...سيرو تلعبو ونتومااا بغيتو تهجمو عليااا...
عصام ضحك:ههه راه زعماا جبت ليناا وليك...اصلا راهم كتاارين ماتقديش ضربيهم بوحدك غايݣهموك غا رتااحي...
خنساء ناضت وقفاات مغوبشة مدورة يديهاا على لبواطة مباغة يشاركهاا فيها حد:أشمن كتاارين غاجاب ليك الله...يلااه يكفيوني...راك غلطتي فلحساب(هزاات وحدة حطاتها ليهم فوق طبلة)هاكو قسمو هادي بااش مايبقاش فيكم لحاال...
خرجاات وطلعااات بخطواات سريعة لبيتهااا....غادة وتاكل فطريق...نسرين وعصاام شافو فبعضياتهم بتعجب...رجعو شافو فديك لكاب كيك لوحيدة توااني وهماااا يتكرشخوو بضحك...
نسرين شادة على كرشهاا:ههههههه لا لا ختك باينة صطاهاا لفرااق مع الراجل...فريخهاا طاار....هادشي ديالهاا ماشي طبيعي...
عصام:ههههه وهاانتي تشوفي...(نااض وقف)اوى نووض على سعدي ووعدي نمشي نجيب وحدين اخرين...ههه واقلة غناكلهم بتخببة لا تمشي تصووط فيهم حتاا هماا...
نسرين:هههه داكشي لي بان ليااا...دوزهم لبيتناا نيشااان...
خرج عصاام من الداار...ونسرين تواني بدات كاتفكر وتجمع ضحكتهااا شوية بشوية...صغراات حجم عينيهاا جاهاا تصرف خنساء فشكل...وفكرهااا غااملي كاانت كااتوحم..حتا هياا كانت كاتعطي قتلة لديسير وماتحمل حتاا واحد يشاركو معاهااا...
عوجات شفايفهااا وقالت مخاطبة نفسهاا بتخميم ولفضول متسلل ليهاا:شنوو زعمة...تقدر تكون حااملة...لا لا محاال...علاه غالي تشهى شي حاجة صافي راه دقة لوحم...لااا مكانضنش...
ضلاام لحاال... خنساء كانت واقفة قداام لمراية كاتنشف فشعرهاا...خدات دوش ترخي بيه داتهاا وعضامهاا لي حاسة بيهم تقااالين عليهاااا....وقفاات لحركة لي لحضات...كاتفكر فملااك ولااش باغة توصل بضبط...عرفاات ان هاادشي كاامل كاديرو غير بااش تكحل صورتهااا قداام مهدي...وتخليه يكرهااا...حلفاات فخاطرهاا ماتعطيهاا لفرصة...وغاادي توريهاا علاش قادة وتندمهاا على دقيقة لي فكرات فيه تأديهاا وتلعب مورى ضهرهااا...
قاطعهااا من التفكير صوت التيل...كاان مهدي كايصوني ليهاا... تنهدات بملل...مكايهدااش من ليزابيل...كايعيط فصباح عشية وفليل...وديماا عندو أمل انهاا تجااوبو... خنساء على غير لعادة يلااه كانت بغاات تخليه يصوني حتاا يفهم راسو ويقطع...ولكن غير تفكراات ملااك...وعرفاات ان ساحة خاوية ليهاا دابا وغاتلقاا مابغاات...بلا ماتشعر هزاات التيل فلبلاصة دوزاات لابيل...مسمعاااه صوتهاا لي كايرفع ليه المورال...
نطقات بنبرتهاا الرقيقة:وي مهدي...
غير سمع صوتهاا وقلبو ضرب...حتاا يأس قاال محاال تجااوبو وهو يحن قلبهاا بلا مايعرف شنو السبب وردات عليه
نطق بفرحة:عيوون مهدي...حياااة مهدي...رووح وعقل مهدي
تأففات وقالت بإجاز:نعااام
رد عليهاا بهدوء:على السلاامة وأخيييرااا اناا كايسحاب ليا مابقيتيش كاتعرفي تجااوبي فتيليفون...
خسرات ملاميحها بنزعااج كاتهضر معااه فووق النفس:يااك لابااس...شتك مكاتعيااش من ليزابيل...ديماا مصدعني بتيليفون...
رد عليها بتنهد:يااك...دابا وليت كانصدعك أخنسااء...واخاا مااشي مشكل مقبولة منك...
خنساء بتتاقل: شنو بغيتي...طلقني خلااص رااني زرباانة...
مهدي بغاا يسايس معاه ويدير اخر المحاولات:وااش بااقي مهدااكش الله ترجعي لداارك وماتبقاايش هاجرااني فحاال هاكااا...
خنساء سااطت جاتهاا هضرتوو تقييلة حاسة براسهاا كاتسمعهاا غير بزز..بطاا عليهاا غير فوقااش تنهي المكاالمة...محاملااش تسمعو
ردت عليه ببرودهاا الجديد:بغيت غانعرف امهدي واش فهمك تقييل...زعماا هضرناا فهااد لموضووع..وعاودنااا هضرناا...مغانساليوش متلا نبقااو غير نطبلو فلماا حتا يقصااح؟!
رد عليها برجاء:عفاااك إماا سمحي ليااا...الله يخلييك...رحميني من هاد لفراق راني مابقيتش قااد علييه...ندمت على كل ماادرت...والله حتااا ندمت...
خنساء تنفخاات عليه بصوت مسموع:مهدي الى ساليتي هضرتك بغيت نقطع راك شادني على شغلي...
لمهدي تحبط رد عليها مرفع صوتو: واااش قلبك ولاا حجرة من جيهتي ولا شنوو...طلبنااك جيناا عندك حتا لدار وترجينااك...شنوو نديير بااش ترجعي غااقولي...فخبااارك قرب يخرج لياا عقلي ونتصطااا بسباابك...حرت معاااك...بربي حتااا حرت...
خنساء حلاات فمهاا بندهااش زاائف:اااه بصااااح...واسير اخويااا تصطاا فتيسااع مااتجيبش سبتك عليااا...بسلااامة علييك...
مهدي غوت كايطلب:مااتقطعييش خنساااء...خنسااا...
قطعاات عليه قبل مايكمل هضرتو...فلبلاصة عاود ابيل وحدا اخرى وهيااا تطفي عليه التليفون مسكتاته بخطرة...ضاربة بيه سرير...مبقااتش حااملة تسمع صوتوو ممرضهااا...
ونطقات بزعفة:اووووف مكاايتساااسش ياالطييف لصقة لصقة...
صبح صباح جديد كايحمل فطياتو أحداث كتيرة... خنساء ضرباتها الفيقة معطلة فنعاس على غير العاده، هزات التيل فوق لكوافوز وهيا باقة مجبدة على سرير...حالة عين وعين لا...شعلاتو وهيا توسع نضراتهاا بتفاجئ..كانت 12:30 قربات توصل...تعجبات كيفاش قدرات تنعس هادا لوقت كاامل ويكون نعاسهاا تقيل لدرجة حتاا صوت مسمعااتو مفيقهاا،نااضت من بلاصتها وهياا تخسر ملاميحهاا بألم قوي شادهاا فجنب راسهاا..حطاات يديهاا على جبهتهاا شاداهاا الشقيقة على الصباح...ناضت لحمام غسلات عليهاا،خرجات بدلات حوايجهاا لي كانت ناعسة بيهم،ونزلات تفطر..
كانت الدنياا ساقلة كلشي خارج هياا بوحدهاا لي فداار...دخلات لبيت لقات لفطور فوق الطبلة مغطي عرات عليه شافتو وهياا تغطيه فلبلاصة حاسة بترويعة طالعة معاهاا مقدااش تفطر معندهاا منين يدوز....مشات لكوزينة عصرات كاس تاع الليمون وهزات كيك كلاتو معاه من بعد طلعاات لبيتهاا وباقي نفس الألم شادهاا وتزادتهاا حتاا الدوخة،لبسات عليها جلابيتهاا جمعات شعرهاا وخرجاات متوجهة لفرماسياان...
وقفات كاتسنى فنوبتهاا حتا وصلات
نطقات السيدة لي مكلفة:نعاام الالة شنو خاصك؟!!
ردت عليهاا برجاء:بغيت شي حاجة لشقيقة عفااك...
مشات السيدة بخطوات سريعة تجيب ليهاا لي بغاات...وبقاات خنساء واقفة كاتسنااها... شوية وهياا دور عينيهاا...بانو ليهاا اختبارات الحمل مستفين،بقات كاتشوفيهم مطولة النظر حتاا فيقاتهاا السيدة من سهوتهااا...حاطة قدامهاا الدوى..
قالت بنبرة رسمية:خودي حبة فنهاار لمدة تلت يام...وإلى مفاتكش لحال ضروري تشوفي الطبيب...
خنساء حركاات ليها راسهاا بفهم:ايه واخا(شارت ليهاا لختباار) الى ممكن بغيت واحد عفاك...
جبداتو ليهاا فلبلاصة،جمعاات ليهاا الطوطال خلصاتهاا ومشات لدار...لقات نسرين يلاه جات من لافاك..سلمات عليهاا وطلعات لبيتها جبدات جلابيتهاا،فكات شعرهاا كايقنطهاا الى كان مجموع،ومشاات ديريكت لحماام...
يتبع...
التعليقات
لا توجد تعليقات بعد، كن أول من يعلق.