محتوى القصة
حيااة رجعات للدار حلااات الباااب لقاات سيمو وعبدو كالسي فالصاالون ... وهو طالعة ليه القردة داكشي لي طرا اليوم مابغاش يتنسى ليه
عبدو شاف فيها باستفساار : الواليدة فين كنتي ؟؟. .
خنزرات فيه شااعلة : مشيت عند هاديك لي مكاااتسماااش ... ولي عند بااالها بنت بوووتن ... وحااكمة العاااالم
سيمو رمش فيهااا عرفهااا علااش كاتهضر ...
عبدو وقف من بلااصتوو مشووكي مامتيقش شنو سمع : كي... كيفاش ... واش مشيتي عند خنسااء،...
حياة كلسات بايجاب : اييييه عندهااا بااش نوريها حدها وكيفااااش تطلع على لالاتهااا وتسمعها الهضرة وتوقف ليك قدام باب رزقك ... والمرة الجاااية الا ماجمعااتش رااسهاا كلااامي مع باهااا وخوهااا هما لي غايردعوها
عبدو عض على فكو بعصبية نطق ناااهض فيها بالغوااات : وااش تسطيييتي لاااااش غادة عندهااا لاااااااااش ... اش داااك لعندهاا واش دخلك نتي اصلا فهااادشي .... شحال من مرة قلت ليك خلي عليك مشاكيلي فالتيقااااااار ....
حيااة : ياااك اوليدي وليتي كاااتضور فيا على ودهاااا ... هاادشي هي تربيتي ليك ...
عبدو مسح على وجهوا وعروق راسو برزو : على ود من الواااليدة على ود من ... واااش تسطيتي تمشي عند الدرية ... لا ومن الفوق ناوية تمشي لعند باهاااا واش باغا تخرجي عليهااا ... اصلااا لاش هاد الخوا الخاوي كاامل ... اش داك ليهااا هي ميتيين
حياة : على قبلك بغيتك تنساها وتبدا من جدييد تطوي صفحتها وتشوف للقداام واش ماشي من حقي ...
عبدو زير على يدو معصب : من حقك الله اودي... وباااش نسهلهاا عليك حتى اناااا قررت غانبيعوا الداار وغانخويو المدينة ... هاكا غاترتاحي الواليييدة
سيمو خرج فيه عينو مصدوووم من شنو كايسمع من فمووو..
حياة خرجات عينيها بالصدمة ونطقات بتلعتم : كك..يفااش ... واش حماقيتي ولا شنو ... علاش غانبيعو دارنا بالسلامة ؟؟؟ ..
عبدو خرج صوت مبحوح : مابقى عندي مايدار هناا .. بغيت نبدل المدينة ونشوف شي قنت اخر نعيش فيه حيااتي من جدييد ... تخنقت الواليدة مابقيتش قاد نزيد هناااا ساعة ....
حياة مامتيقاش حاسة براااسها فشي حلم : الله يهديك اولدب واش عارف راسك اش كاتقول ... خدمتك وحيااتك دارنا وعمرنا كلو دوزناه هنااا كيفااش سخاااو عليك ... مافهمتش شنو لي غايخليك تنفر وطج ...
عبدو بالغواااات حاااس بالفتحة كاضرو مخرج كلاامو من جوفو : عيييييييت ... تخنقت واااش كاتفهمي شنو هي تخنقت .... مابقاااااش عندي الصبر لي يزيد نهاااااااار وااحد هناااا ... غااادي نهزو قلوعنا ونزيدو ولا برب حتى انا لي غادي نخوي حسها هاد البللااد كاااااملة ماشي غير المدينة ... الله يجعل البراكة تقهرت
حيااة عينيها غرغرو : لا لا نتا تسطيتي ... لا صافي حماااقيتي ...
عبدو خنزر فيها باصرار : هادا هو كلامي لخر وغير وجدي رااسك انااا ماببقى عندي ماندير هناااااا .... دخليها لراااااسك ...( شاعل. بالبيان ) : راااني مراجعش فهضرتي. ..
ضرب فيهااا وزااد مخليهاا مشوكية فبلااااصتها مامستوعبااش بالمرة شنوو قالهااا ... شافت فسيمو مصدومة : واااش سمعتيه اش قااال ..اويلي وحدي على بغاناا نخويو ... لا لا مابقيتش كانعرفوااا هادا ماشي ولدي مااابقيتش كاانعرفوااا .... صطاااتو ليا بنت الساايب صاافي خرجاات ليه العقل ... شوية غايولي يرمي حوايجو فالزنقة ...
سيمو تنهد هو براسو مصدوم وماعرف باش تبللا نطق محاول يهدنها : غير رخفي على راسك نتي غايكون غير معصب وصااافي ... انا غانطلع ندوي معاااه. .. بردي نتي ... وماتمرضيش رااسك عافااك ...
فصباح اليوم الموالي... رانيا كااتحل عينيهاا بتتاقل مخسرة ملامحهاا بنزعاج من خيوط اشعة الشمس لي ضاربة فبيتهاا...كاتحس براسهاا تقييل عليهاا وعضامهاا من ليل طايحين عليهاا و مع صبااح تزادهاا الحااال...فركات عينيها بجوج بصباع يديهاا...هزات فيليل من فوق لكواافوز و جمعاات بيه شعرهااا...ناضت محيدة عليهاا لغطى و تجهاات لشرجم حلااتو و وقفاات كاتكسل قبالتو وتشم لهوى بااش تصحصح...طلاات باانو ليهاا شي دراري بشكارتهم جااين لمدرسة..حولات ملاميحهاا بتعجب و مشات هزات تيل تشوف ساعة لقاات 12 و نص قربات تضرب... عوجاات شفايفهاا بستغراب معرفاتش كيفاش طرى حتى نعست هااد لوقت كاامل بلا ماتفيق بليل و ماتسهرش كيفماا مولفة...
مابغاتش تعطي لموضوع أهمية و كملات على خطاويها غادة و تجر فرجليهاا لحماام...غسلات و طرفات حالتهاا... خرجات و هبطاات لتحت لقات لفطور فوق طبلة و عتيقة مكاينااش...مقدااتش نهائيا تفطر شهيتهاا مسدودة...نقباات غير شوية و طلعاات تبدل عليها بااش تخرج البوتيك...لبساات حوايج لخروج تقابلاات مع لمراية...يلاه تقابلات معاها باش تفك شعرهاا و هياا دور بيها دنيااا.... غمضات عينيهاا كانت غاتفقد توازنهاا جاااب الله شداات فسريير و ݣلساات فيه كاتحاول تلتاقط انفاسهاا لي مابقاتش منتاضمة...
غير حلاات عينيهاا و هياا تحس بخااطرهاا تروعاات فلبلاصة...دارت يديهااا على فمهاا و مشاات كلتجري لحمام تفرغ...مكانت واكلة واالو رداات غير لمراار تقيى و تجي على رااسهااا قربااات تجيف...غسلاات وجهاا بماء دافئ بااش ترخى...هزاات فوطة و خرجات من لحماام كاتمسح فوجهاا لي رجع مسقوط من دم...دخلات لبيتهاا و ݣلساات على طرف السرير كااتشوف فجهة وحدة مفيكسياا عينيها عليهااا...و كاترمش ببطئ..حطاات لفوطة من يديهاا و بداات كاتحسب بصبااعهاا
مخاطبة نفسها بهتماام:لاااا هادشي ماشي نوغماال....زعمااا نكوون!!!!... اويلي ؟!!(سكتاات مامكملاهااش محااولة تنفض الفكرة) بلاتي شهر لي فاات جاتني لغيݣل فنهاار (25)..ااااه بضبط اصلا ديما كااتجيني فنفس النهاار...اييه وليووم شحاال؟!!
هزاات تيل بانت ليها (10) فشهر... خرجت فيه عينيها عااضة على شفايفها بقوة... محسااتش حتاا لاحتو من يديهاا ضااربة على حنكهاا و ناادبااه حتى تطبع بضفارهاا بصدمة حلقهااا نشف....
كااين تفسير وااحد لاعراض لي جااوهاا و روطار تاع ليغيݣل...انهاا بلا ادنى شك "حااملة"...
ضربات على فخضهااا عااضة على شفايفهاا مقدرااش تستوعب... ونطقاات مخااطبة نفسهاا بهستييرية:لا لاا ماايمكنش نكون حااملة لاا ماايمكنش...(زااادت ندبات حنكها وقالت)ناااري الى كاانت بصح قفرتهاا قفرتهااا....اشغاغنقوول لماما...اويلي و اسمااعيل...(عضاات على شفاايفهااا) يااااربي اشغااندييير
جمعااات نوضة....دغيااا جمعااات شعرهاا و هزاات بزطاامهاا و سواارت داار... لبساات فرجليهاا بلخف و مشاات بخطواات سريعة لأقرب فرمسيان فحومتهم...خداات عندهم تيست و رجعاات فحالها غادة و دعي فطرييق...
دخلاات و تااجهاات نيشاان لحمااام...خداات نفس معمق و داارت تييست...خرجاات من لحماام هازااه بين يديهااا لي كاايترعدوو...تواااني و هيااا تشهق بصدمة داايرة يديهاا على فمهاا كاتمااها... رجليهاا مابقااوش هاازينهاا ݣلساات على لكرسي بااش تبت رااسهاا....فعلاا حااملة وجوج خطووط حمرين متواازين ضاهريين بشكل وااضح على تيست...
دمووع تحجروو فعينيهاا...لخبر قدماا هوا مفرح بنسبة ليهاا قدماا حزنهاا و طيح عليهاا ضيم و خلى صدمة كبيرة تحيط بيهااا...حمل جاا سرييع مضاربة ليه حتاا حسااب...بمعنى اخر مااشي وقتو نهائياا...اول تساؤل طااح فبالهاا هو كيفااش غاتعلم وليديهاا؟!! وكيف غاتكون ردت فعلهم؟!!...و لعرس لي كاتوجد ليه و غير اسابيع قليلة لي كاتفصلهاا عليه كيف غاادير معااه و ااش غاتبرز بحماالتهااا؟!!....و عااد الجيران و العائلة لي باغين غي فمن يدويو... اشمن اشعات غايخرجو عليهاا الى عرفوو و شنو غايقولو؟!!....
اسئلة بحال شتا كايطيحو عليهاا و مالقياا ليهم حتاا جوااب...
فشلات فبلاصتهاا مابقات عارفة ماتقدم و لا تأخر...كلهاا رجعاات كاترجف.... بداات كاتمسح فوجهاا محااولة تهدن بااش تعرف تتصرف...
شاافت فصاكهاا لي كانت موجداه باش تخرج حلااتو و جبداات تيل مدوزة نمرتو....بنسبة ليها ورطة طااحو فيها بجوج و ماشي معقول تقلب على لحل بوحدهاا...
دوزاات لابيل و تسناات تواني حتاا جااوبهااا...
سيمو هاتف بابتسامة: الحب دياالي...فين غاابرة علياا هااد صبااح دزت لبوتيك نفطر معااك مالقيتكش...
رانيا بجدية داخلة فلموضوع نيشاان: خااصني نشوفك ضروري او داباا...
سيمو عقد حجباانو بتعجب و نطق بتساؤل:ياك لاباس...
ردت عليه بخنقة كادوز يديهاا على جبهتهاا بتوتر و قالت: لاباس او ملاباسش...لموهيم خاصني نشوفك و سلاام...دروووكاا
جاوبهاا بنفااد صبر:راانياا دوي شنوو كاااين خلعتينيي...
ردت عليه بنفي:هاادشي ماشي ديال تيليفون نتلقاااو ونقولك...
رد عليها بعناااد:واااا تي هضري الله يهديييك..
جاوباتو بإصراار:و قلت ليك هااادشي ماشي ديال تيليفوون...خااصني ضروري نشوفك...
خرج نفسو بمهل و قاال: اوكي... نتلاقاو فجردة لي قريبة لداركم...نسد لمحل ربع ساعة نكون عندك...
قطعاات الخط و نااضت خدات دااك تيست رداتو فسااشي و دارتو فصااكهاا...هزات تيل تعيط لخنساء و هيا تراجع خافت تعيق بنبرة صوتهاا و باينة غاطيرهاا فسماا بيهاا شي حاجة و تزيرهاا تعااود ليها و هياا مامستاعدااش فوقتهاا الحاالي تعااود حتاا لراسهاا بقاليها غا شي حد اخر...سيفطاات ليهاا ميساج فواتسااب كاتقوليهاا "راني صابحة عياانة شوية غنتعطل على لمحل"...
خشاات تيل فصااكهاا و هزااتو و خرجاات بخفة ضاربة لبااب و عقلهااا مرفووع....
عبدو بعدما فطر و ݣلس شوية كايتفرج كيف موالف كل صبااح...طلع لبيتو يرتاح ويبدل علييه يمشي للمحل ... يللااه حيد التيشورط ديااالو وشااف فالفتحة لي دااير منهد حتى هي زايداه بهمها ... تسمع الدقاان فالبااب ونطق بايجاب :دخل ...
حيااة حلااة البااب هازة بلاطو فيه طبسييل ديال الفوااكه منقيااهم لييه بطريقة زوينة .. شاف فيها وابتاسم عارفها فاش جاية تهضر معااه هاد الاسلوب حافضو : اودي لهلا يخطيك عليا الواليدة وخلااص ...
حطاتو لييه فوق الكوافوز : بصحة والراحة اوليدي علاه انا شحال عندي منك ..
عبدو بابتسامة خافتة : للله يطول عمرك الحنااانة ... ( شافها كادور فوجهها ونطق ): كلسي الواليدة قولي شنو باغا ؟؟؟ ...
حيااة كلسات مقابلة معااه : راك عارفني علاش جاية ندوي ياااك ؟؟ ...
عبدو بابجاب : اياااه ... وراه سيمو قالك لبارح اشنو فرااسي .. انا قررت وكلاامي مغاديش نرجع فييه ... هاد المدينة مابقا عندي ماندير فيها ...
حيااة بحصرة : والله يهديك اوليدي واش مابقيتش فييك باغي تغربني ... هاد الداار راه هي لي بقااات ليا من المرحوم بااك وهي لي كانشم فيهااا ريحتووو ... هي لي عشت فيها الحلوة والمرة ... ضحكت وبكيت فيهااا هنا ولدتك وربيتك وشفتك كاتكبر قدام عيني ... لي دوزت فيهااا مادوزتووش فدااار بااا ... جيراني وحباابي وحيوط هاد الدااار راااه همااا كلشي عندي... باغي تحرمني منهم ... كيفاش غنسخى بييهم ...
عبدو بايجاب شاد فيدهاا : فاااهمك امي ... ولكن حتى نتي حسي بياااا... الا نتي عندك دكريات زوينة هنااا اناا رااه ماشفتش فيهاا غير المشااكل والهم ...
حياا. عينيهاا غرغرو :وترضى لميمتك تولي بحال الحنش المقطوع لييه الراااس ... انا رااه مانقد نعيش فحتى بللااصة اخرى ... راه بحاال الا خرجتي حوتة من المااا وحطيتيها فالبر ... مانصيبش اوليدي ..
عبدو : حتى انا امي راااه مابقيتش قااد ... والا بقيت هنا ماعمري غانزيد خطوة للقداام ... عييت وباغي نبدل الحيووط والوجووه
حيااة خنزرات فيه : بنت الساايب هي السباااب يااك ... مقادرش تبقى حداها ونتا فنفس الوقت بعيد عليهاا.. بسبابها باغي طج وتخوي ...
تنهد بلااا حول : امي الله يهديك ... وااش نتي فدماغك غير خنساااء ... اييه حتى هي من الاسبااااب ... شنو بغيتيني ندييير نجبد قلبي ونخرجها منو بزز ... اي حاجة هنا كاتفكرني فيهاا فينما مشيت كانلقاها قدااامي ... كاتقوليلي نساااهاااا وخرجهااا من بااالك وبعد من ساااحتهااا بحال الا انا بخااطري ... الله يرحم الواليدين الا بغيتيني بصح نشوف حياااتي خليني ندير لي يريحني ... غايدوووز عرس محمد وغانشوف شي شاري للدار ...
حياااة نزلو دموعها وهي كاتشوف الاصرار فعينيه .. نطقاات بطلب : ها العار اوليدي لاماا عاااود فكر .. هادشي لي غادير راه ماخدااامش ... هاني كانقوولك ...
ناضت من تما دموعها على خدهاا هابطة مع الدرووج وهو كايتنهد بحرقة كتر منهااا ... الا هي غاتخلي دكرياااتها وهو راه غايهرب من قلبو لي متيماه خنسااء... غايخليه ليها ويمشي ... غايهرب من اكتر انساانة كاان باغيها تبقى قريبة لييه .. ماكرهش يدوز ليها فعلتهااا ويرمي كلشي وراه ولكن مقادرش لخوف من انها تقدر تلعب ليه بمشاعرو وتضحك كيف داارت قبل مااانعو ومخليه متمسك بقرار البعد عليهاااا ...
كاانت واقفة رانيا فجردة على اعصابهاا كاتسنى فييه...معرفاات ماادير بلى بييه كاتسنى على جمرة امتاا يجي باش يشووف معاها شي حل...
شاافتوو جااي لعندهاا و هياا تنفس بعمق....
قرب بخطواتو السريعة و قاال: خلعيتيني بلمزيااان شنوو كااين...
راانياا: كحلناهاا...يمكن زبلاناهاا غااسكت...قفاارت عليناا بجووج...
سيموو رفع صوتو وقال:واااا دوي طلقيني شنوووو كاااين...
حلاات صاكهاا بزربة جابدة منو تيست و عطااتو ليه شدو فيدو: شووف هاداا و غااتعرف كلشي...
حيد تيست من ساشي ديالو و جبدوو منوو...دقق فييه انضاارو للحضااات...شاافيهاا و رجع تااني كاايشوفيه و قاال: مااافهمتش؟!!
راانياا بنزعااج:اويلي على ماافهمتيييش...هاداا test de grossesse
قااطعهاا وقاال: واااعرفت ولكن..اءءء(حبس لهضرة عااد سراات معااه...رمش لعدة مراات فيهاا وقاال متساائل بهتماام وااضح و بتلعتم) بل..بلااتي...و...وااش.... نتيييي؟!!!
مخلااتوش يكملهاا....حركاات رااسهاا بإجااب و نطقاات بنبرة ضيق:اه....انااا حاااملة اسمحمد..حاااملة...
وسع نضراتو محااول يستوعب شنو سمع.... صهدة طلعاات معااه... تصدم صدمة مكاانتش على لباال ...بلع ريقوو بصعووبة كاايرمش فيهاا و يعااود...لساانو تربط بين سناانو و مااقدر ينطق بحتى كلمة سااكتة شدااتوو...ݣااع لأحاسيس تخلطوو علييه حتاا مابقاا كايميز حتا واحد فيهم...للحضة حس بواعيوو مابقااش معااه و سرح....زير على شفاايفو بقوة و دوز يديه بجهد على وجهو و رجع تااني كاايشووف فتيست حادر رااسو بلاا ماايرد عليهاا بواالو...
راانياا تسنااتو يدوي ينطق بشي حاجة و لكن مكانت حتاا شي إجابة من عندوو...
و هياا تهز فيه حاجبهاا بستغراب: شتك سكتي...واش مغاتقوول واالو؟!!
سيموو طلع فيها لعين...لتازم صمت للحضاات و قاال:اشغاانقوول؟!! اناا تحدو ليااا...وااش متأكدة؟!!
رانيا كانت مصدومة من لحمل و زااد كمل عليهاا بردت فعلوو...
نطقات بنفعاال فقصهاا:لاا غافقت رشقااات لياا خططت جوج خطووطة على تيست و جيت نوريهم ليك....(زادت رفعاات صوتهاا) واااش امولااي كااتشووف فنتييجة بوزيتيف قداام عينيك و نتااا كاتسول فيااا وااش متأكدة...
خنزر فيهااا و نطق بحدة:هضري بلااااا غوووات...(ساااط بسووط مسمووع وقاال بلا مايشعر) بففف مشكلة هاادي...
راانياا خرجات فيه عينيهاا بندهااش...و نطقاات بعدم تصديق: مشكلة؟!!
سيموو عااد وعى بشنوو خرج على فموو...شاافيهاا و نطق بتفسيير محااول يشد فيهااا :لاا مااتفهينييش غلاااط..رااا
بعداات يديهااا...قاطعااتو و قالت بنبرة مبحوحة :دابااا حملي ولاا مشكلة عندك يااااك؟!!....
سيموو رد عليها فلبلاصة:راانياا مااشي هكاااك....غاااسمعي...هادشي جديد عليااا...معرفت وااش نفرح و لا نتصدم لعرارم تخلطو فدمااغي... فهميني...
حقداات فيه انضاارهاا لأول مرة... خطفاات تيست من يدوو بقوة.....
خنزرات مخسرة شوفتهاا فيه وقالت بنكساار:واا سير حتااا تعرف اشنوو بغيتي عااد اجي نهضروو...سمح لياا الى برزطتك بمشكلتي...
لاحت ليه هااد جوج كلماات و زاادت كاعية عااطيااه بضهر...تبعهاا و شد فدرااعهاا بااش ترجع و لكن فكااتهااا منووو و كملاات على طريقهاا مبقاااتش بااغاا تشووفيه...دموعهااا ساالو....دارت يديهاا على فمهاا بحرقة و سرعاات خطاويهاا لداارهم كااتبكي...
زير سيموو على يديه بعصبية مخليهاا فراحتهاا حتا تبرد بلا مايزيد يضغط عليهاا خاايف يتفاقم الوضع بيناتهم ويوصل معاهاا لشي ماصل لي ماتعجبش...ضرب رجلييه على لأرض مغدد...عاارف لساانو خضر و بعض المراات كايزبااليهاا...بلخصووص ملي كايتفاجئ..تماما بحال مفجاائتو بحملهاا الغير منتضر...
طلع رااسو لسمااا و بداا كاايلتااقط انفااسو بااش يتكاالماا... تواني و هو يحس بهتزااز خفيف فجيبوو..كاان تيليفوني لي كايصوني...جبدو لقاا ختو هياا لي كاتااصل بيه....
حااول يرخي اعصابو باش ماتحس بواالو....دوز لخط و نطق مصطاانع الهدووء:وي الو وردة...صافا(دغيااا عقد حجباانو و رفع صوتو بعدم تصديييق) كيفاااش؟!!!...
فدار السايب ...خنساء كالسة مع نسرين غير جاات طلباااتها على طرح ديال المسمن صايباتو ليهاا وكلسو مجمعيين علييه ...
خنساء : والله ياختي حتى عندك الزهر .. وهادي دير ليك العقل الا بغيتي ...
نسرين كتاكل من المسمن : هادي وتوبة اختي على انا باقي نعاااود ... صاافي تبت تبت ...اللي عضو الحنش كيخاف من الحبل.
خنساء : ايوا لاباس مني فهمتيها بعداا ... شنو وليتو درتو فلخر تساامحتووو بعدا
نسرين كاتنقب : وراكي عارفة خوك كيف داير نفسو فنيفوا... قالك غايفكر ويحاااول يتناسى... قالك الالة صعيب ...
خنساء : وا الا جينا نشوفو راه عندو الصح اصحبتي فعلتك رااه ديال الدبيحة واااش السيد مابيه ماعلييه ... حتى بغا يهز الدجاج لقا غا العجااااج ... دمر حتى عيا كايجمع فدوك جوج ريالات جيتي نتي عطيتيهم لوحدة مكمداهم ليها بااردين ... خدم يا تاعس بسعد الناااعس ...
نسرين تنهدات : غير سكتي راه مابغاتش تصرط بيااا دارتها بيا بنت الحرام وانا عند بالي راها صااحبتي ...ساعة دارت ليا ديال جا ايعاونو فقبر باه هرب لو بالفاس.
خنساء: فهااد الوقت الواحد يتيق غير فرااسو ... راه كايقولك ما تقطع الواد حتى تبان حجارو، وما تمشي في الليل حتى يطلع نهارو.. وما تصحب صديق حتى تعرف خبارو... الصحااب ديال القلب والنية قلاااالو ... وخصوصا لي مكاتعرفيييهش ... خلاوها مصراوة غلوو سعر الكلاب علشان بقت أوفا من الصحاب ...
نسرين ابتاسمات ليهااا : والله ماكدبتي اخر مرة ندير تقة فشي قردة ... لولة كشطاتني والتااانية درت فيها النية وغدرااتني ...
خنساء بلا حول : وااا نتي مكاتعرفيش تصرفي ... بلاصة ماتلقاي حل زدتي طين بلة .. جا يكحل ليها عماااهاا ... ديري فبالك واحد الحااجة رااه لا تسرج حتى تلجم واعقد عقدة صحيحة, ولا تكلم حتى تخمم لا تعود
عليك فضيحة ... رزني شوية وتبتي وخدمي داك العقل ... وشدي فسنانك براااجلك... وعرفي دابا كيفاش تردييه لجنااحك ... ماتديريش داك البهلااان الخاااوي ....
نسرين بايجااز : ياااختي راااه كايحيرني داااك خووك .. عييت نرطب معاااه ولكن رااكي عارفااه لي فراسو فراسو ....
ميقات فيهااا مطلعاها ومهبطاها : وباغا ترطبيه بهاااد الحااالة ... يشويني فييك ... الالة دوري ليا بالحااااالة وعطي لراااجل حلااوة اللسااان ... باش تاكل الشوك أ عمي الجمل, باللسان لحلو ...دوي معااه ونتي كاتشوفي فعينيييه نيشاااان حتى يتفاافاااا ... اش بغيتي احبيبي اشخااصك اكبييدة يكون فيك التحلوييين ... تكوني عندو نتي هي الشرع ربعة فوحدة ... فالربيع عذراء والصيف أم والخريف أرملة والشتاء زوجة ... ونتي خضر من الحبااق لي مربية عمتي ...
تنهدات : ياااختي نكدب عليك انا هادشي مكانعرفش واخا كانحاااول فمي مبلوووز... وعاد التحلوين مكانعرف منين نجييه ...
عطاتها الصبغ : علاااه مالكي اش ناااقصك... مرا بحاال العيااالاااات... ضربي ليك الحطة ويجي يلقااك عروسة من لول... عييت نقرا عليك هاد الكاسيطة وحلفتي لاحفضتيهااا غا كانخوي الما فالرملة .. (بجدية ): الالة كوني *حبة فالحلااال مااالكي اش غايطرااا لييك... انا راه كانصحك حيت قلبي علييك ... واخا نتغاوت معاااك راااه والله حتى عزيزة عليا وكاندويعلى مصلاحتكم ... راه كايقوليك كلسني كلسة خوك وحاسبني حساب عدوك .... كوني مراة وقاااادة وماتخليش رااجلك يشوف هاه ولا هاااه ... راه غير كاديري عليهم الغفلة كااايتلوااو عليهم اللفعااات ... خاصهم غير تغفلي ...
نسرين دوراتها فراسها : فصرااحة عندك الحق... مالي على حاالتي ... اش نااقصني ...
خنساءابتاسمات ليها :ايواااا هكاااك ... هي الا كليتي داابااا ونضتي دوشتي حيدي علييك هااد ريحة الدسم والمسمن ... وسكسفي ليا على الحااالة ... ( ضربااتها بت*حبين ): وخلي اخويااااا فاااايه فجماالك
نسرين غمزاتها ونااضت مسحاات يدهااا : هي لولة ...
زادت من تما وخنسااء تنهدات ناااطقة بلا حول : اودي زهر لي عندك نتي لي بلااا عقل مانكسابوش انااا ... خلااوها زمان الفول كايعطيه ربي غير لي ماعندو ضرااس... ( هزات يدها لسما ): ياااربي ياااربي ... رطب قلبو من جيهتي راه شهمني شهمني اوووف ...
تعاشات العشية خنساء سالات شغالها ومشات ديريكت عند راانيا لي عيطااات ليهاا ... كالسين بجوج فالبيت ورانيا غادة جاية كاتفرك فيدها بتوتر ...
خنساء فقساتها : عاار ربي لاما دوزي حطي قااعك للارض وقولي ليا اش كااين ونتي غادة عليا جاية كي دلو الجاامع ...
رانيا سااطت وكلسااتها قبااالتهاا : كووون تعرفي ماالي نتي لي غاادي تولي غادة جااية ...
خنساء بنفور : وااهااد الموصيبة نطقي وطلقيني اش كااين راااه ركبتي فيا السكر.. من قبيلة ونتي درت ما درت وجملة مفيدة ماقلتيهااا ..
شافت فيها بارتجاف وهي مترددة : بصح انا درت شي حاجة مخاصهاش تداار .. وندمت
خنساء هزات حاجبها باستغراب : مافهمتش من قبيلة ونتي تمضغي فالهضرة ... وحتى حاجة ماقلتيها ... ماتزيديش تخلعيني كتر وقولي ليا اش كاااين ؟؟؟...
رانيا عضات على شنايفهاا وعينيها مغرغرين بالدمووع : والله مادرتها بلعاااني ... ولكن هادشي لي عطا الله ... ا
قاطعاتها شاعلة فيها العافية والفضول غادي يقتلها : نطقي ... بلا تفيلية ( بصرامة محمرة فيها ): اش درتي المسخوووووووطة ؟؟؟؟
نزلو دموعها بتخنصييص حشمانة من راسها : انااا حااااااملة ... هء هء ...
خنسااء هزات فيها حااجبهاا : كيفاش حااملة ؟؟! ...
رانيا ميقات فيها كاتخنصص : شنو لي كيفاااش .. حاملة هي حاااملة عندها شي معنى اخر ...
خنساء رمشااات حتى استوعباات : اءء لااا زعما بغيت نقول كيدرتو ليهاا... بففف .. زعمااا ايمتاااا هاادشي وقع ؟! ...
رانيا تنهدات : وراه كلشي جا على غفلة ... واحد المرة مشينا للدار وطرا لي طرااا ...
خنساء حركات راسها بايجاب : ومال موك نتي مكفية عليك البرمة ... ولا واكلة مخ الضبع لي دايرة علاقة بلا احتيااط ... ايه راجلك ماقلناشااي وحلاالك من حقك تعااشريه حتى ربعين مرة فالنهار ولكن اصحبتي خفا زربااا الولااد كيدرتي ليهااا !؟... باقي ماعشتو حتى شهر بجوج
رانيااا تنهدات : وااا رااه ماكنتش ضااربة الحساااب ... داكشي وقع بلاااما نحس وماوعيت على راسي حتى لي عطا الله عطااه ... ولكن ماضنيتش ضربت لصقت غانهز ...
خنسااء بفهم : ال*ملة وماادير ... ماعليناا مالكي دايرة فراسك هاد الحااالة ؟؟ راه مجايباهش حرااامي...
رانيا عينيها غرغرو : وراااه الا عرف باااااا اجا ماسكتووو ... هو قال لماما مايدخل بيها حتى لعرس ... وحلف الامشيت حتى حتى حملت والله مانحلم بييه .. وعاد راكي عاارفااه كيف داااير ... هادشي الا مانوضهاش مع سيمو حيت خوا بيه ومادارش بكلمتو ليه
خنساء : ياااء وهو مالو ... ايه بااك ولكن هادشي كايخصك نتي وراااجلك ... ونتوما لي غاتقررو ايمتاا غادي تكونو مع بعضيااتكم وايمتا غاتولدو ماسوق حد ...
رانيا ضرباات يدها على فخضها : وراااه هادشي مغاتقنعيهمش بيه راكي عارفااهم كيف دايرين انا وياك ايه هكا كانفكرو ولكن هما راااه دماغهم بوحدو
خنساء: عندك الحق ... المهم دابا نتي علمي سمحمد ودوي معاه فالموضوع وديك السااعة نشوفو شي حل
رانيا ساطت : رااه هااادااك الصكع ... هو لي زايد فاقسني... انا كانقولو حاملة وهو كايقولي مشكلة هادي ... السيد بحال الا ضربتيه بتصرفييقة .... اللون فوجهو تبدل بحال الا صاحبتو لي قالت ليه حااملة ماشي مرتو ...
خنساء عوجات فيها كماارتها :, لاااا واقلة هبلتي .. ياكما عند باالك السيد والد ومعاااود .. راااه نوغمال غايتصدم بشي حاجة ما ضاربش ليها الحسااب ... غير التفكير فرد فعل باااك الا عرف راه تجيه جلطة دمااغية ... ( خنزرات فيها ): هاد الفشووش الخاوي والنفخة من دابا راه ماعندها فين توصلك ... والا هزيتي خناافرك للسماا على الخوا الخاوي غير بااش تحزري غاتجيبيها غير فقاااعك .. وغاتخلي غير عشك ومكاين لي يفكك...
رانيا : ولكن اصحبتي وااش هاديك هضرة كايقولوهاا ناااس ... وزايدون ماعيطش ليا ولا سول منين تلااقيناا ...
خنساااء : ايوا ماعيطش هوا عيطي نتي ... علم الله اش قلتي ليه اصلااا مني غضبتي وشعلات فيك العافية ...
رانيا هزات كتافها : لهلا يحييه حتى نعيط لييه ... هو لي خاصو يعيط ...
خنساء خنزرات فيها : غاتجبدي التلفون وغاتعيطي داباا وهااد الت*حبين خلييه حتاال من بعد وديريه دابا عندكم موضوع خاصكم دويو فييه باشماااا كاان ... ( مدات ليها التلفون ): طلقينا بلااااا فعايل دراري الصغاار ...
رانيا تنهدااات بلا حول وخدات التلفون دوزات النمرة ... كايصووني وهي دايراه على ودنها كاتسنااه يجااوب ... حتى تقطع الاتصاال ...
رانيا نفضاتو : شفتي ايواا هاهو مكايجاوبش ... شفتي اش درتي هاهو غايدفع دابا كبير
خنساء : عاودي صوني يمكن ماسمعوووش ... كاديري بحال الا مكاتعرفيش رااجلك ... راكي مزوجة براجل بغيتيه وعرفتيه ماشي رمانة مغمضة ولقيتيها مدودة
رانيا هزات على كتافهااا مابغاتش تعااود .. هزاتو خنساء وعاودات صونااات جوج مرات ووالو ماردش فخطرة ... بلعات ريقها حتى هي وتنوات ولكن حاولات تنعل الشيطان وتصفي نيتها باش ماتزيدش تشعل رانيا ... لي اصلا موسوسة غير بوحدهااا ...
خنساء مبردة ليها السوق : غايكون ناسيه فشي بلاااصة شوية وعاودي صوني لييه ولا سيفطي ميسااج ... وها العاار صفي النية وخلي علييك افكار الحية رااه غايرجعوا عليك غير بالخطية ... وهاني غادااا اهاااد الولية وباشماا كاان ردي علياااا ... قبل ماتجي نصيرة تجرني من شعري وبا يدعي فيااا
عصام كاان فبيتو مكسل فوق سرير شااد التيل طالع نازل فلمواقع و الفيديوهات...
دخلات نسرين لعندو سادة عليهم الباب... قبل مايجي خداات دووش سخوون و ضربات بيجامة بكولون فنواغ مزوقة بلحمر..سرحاات شعرهاا مزياان بلبلاك و شاداه فجنب بفيليل متوسط الحجم فلون الأحمر على شكل فراشة... و هاازة بواطة تااع لݣلاص كتاكل فيهاا...شافيها عصام مطلعهاا و منزلهاا داير ليهاا صكاانير بنضراتو..ماينكرش انو شتااق لتفاصيلهاا بلخصوص ملي كااتكوون مزيزة فداار و مسكسفة على لحالة...
نسرين حساات بيه غايكالهاا بعينيه و لكن و خاا تعرى قدامو مستحيل يقوليها شي حاجة و لا يقرب ليهاا و هو مخاسم معاها...شيئ تعودااتو منو....دارت راسهاا مامسوقااش ليه ... مخلياااه فخااطرو....حطات بواطة لݣلاص فوق لكواافوز و حيداات دااك لفيليل من شعرها قنطها ... هزاات عطرهاا المفضل رشاات منو فعنقهااا و رجعت تاني هزات لمعلقة كتااكل بشرااهة...
عصاام بقاا متبت شوفة فجيهتها حتاا تلاقاات عينهاا مع عينو من لمراية...دغياا هرب شوفتو
و قاال:بركة متبقااي تجغدي فدااك لݣلاص بواطة على قدها صتي فيهاا بوحدك فنهاارهااا....ندمتيني ݣااع لااش خديتو غايصدق غاضارك..
نسرين: هو لي كايحيد هااد لحرقة لي كاتشدتي و كايبردهاا عليااا...مكانحس حتاا كانلقاا رااسي هازااه...
عصام:الى كاتشدك لحرقة بزااف رجعي عند طبيبة قبل لكونطرول تشوف منااش...
ردت عليه بهدوء:قلتهاا ليهاا...قالت لياا عاادي فلفترة اللولة تاع لحماالة تشدك...
عصام حرك ليها راسو...رجع تااني كايشوف فتيل بلا ماايدويهاا...مقلل هضرتو معاها بلمزياان و هياا مساعفة معااه حتاا و كان يتفش على خاطرو... لي غااايدير بيناتهم شي نيقااش وخاا يكوون غير صغير محاولة تفدااه نهاائياا...
كملات لݣلاص تاعهاا و بداات كاتدهن شعرهاا بسيرومها المعتااد و كاادير ليه مسااج خفيف...
عصام تنهد بملل..لاح تيل ضارب بيه و قال:يخخخ على قنط...نهااار فهااد الدار بحال شهر...أطول كونجي جاني شديتو هوا هدا و باقي فيه نص مزاال... مكرهتش نهرسو بشي حاجة...
نسرين دارت عندو ناااطقة بلهفة:عفاااك اعصااام يلااه نساافرو...منها نيت نبدلو لجو شوية...
ݣلس مقاابل معاها و قال مفيكسي عينيه فيهاا : وسياادتكم خلاات لياا بااش نساافر؟!ممممم؟
نسرين بلعات ريقهاا... عوجاات فيه شفايفهاا و قالت بعتدار:صافي سمح ليا دير بحالا مقلت ليك والو...
رجعت تقابلات مع لمرااية و هضرتو كااطلع و تنزل فيهاا متسرطااتش ليهااا...و هياا تعااود دوور عندوو و قالت بنرفزة: وأخير مرة تعااود ضربني بلهضوور...ضريب لمعااني و حشياان لهضرة رااه كلنااا كاانعرفوو ليهم...و فلوووسك رااا...
عصام قاطعهااا بصرامة محمر فيها شوفة:اييببه اييييه حبسي...تزيدي كلمة اخرى مغاايعجبك حاال...و ااخليناا هانييين لا نوري لمت ولادي رداان لهضرة بشحاال كتايتقاام...
نسرين لتزماات الصمت ... زفراات بضيق و قالت :بقى تعصب فياا واناا حاملة بقى...عنداك غا لاتندم...
دور عبنيه بلا مايجاوب و هياا رجعاات تقابلات مع لمرااية مغمضة عينيهاا و حلااهم كاتحااول تكاالماا...عاطيااه لخااطر و كتر و داايرة معااه سياسة و عارفة بلي دوااه هو الخااطر...و يطوال زمان حتا يطواال..غادي يرجع...اللهم تسلح بصبر و ماتجاحدش معااه نهائياا و خاا كاتحس بيه بلعااني كايديرهاا و كايطلع فيهاا الخز...ولكن كادير راسهاا مامسوقاش وخاا بعض لمراات كايتفزهاا بكلامو حتا كاتقرب تخرج على طوعهاا غير كاتفراني
دقاائق و هياا تسمعووو كايهضر من مورة ضهرهاا فتيليفون...
عصام هاتف بابتسامة:فين اخااي عمااد...لحمد الله ونتاا...ااه فوقاش دزتي للجماعة؟!...لا اناا مكااينش خاارج كونجي شي سيمانة هاادي..دزتي على ديك الرخصة ياك...لا كون هااني غاانقول لدرااري يدفعوهاا لرئيس تسيناا غداا دوز من موراها...هاانية الله اودي...لا غا داار داكشي علاش عيطت ليك...ديك لابخطومون لي عندك فأݣادير خااوية ولا كريتيها لتوريست؟! الله يحفضك العشير مخليتني ݣااع نكملها ههه...ايتووب عليك اخااي...(نااض وقف)صافي انا جااي عندك لقهوة لمعلومة ناخد سواارت...يلاه تلاح حتاا نتقااشعو....
غير كمل و هياا تنووض نسرين عندوو تلاحت عليه بتعنيقة فرحاانة:ياااااه غاانسااافروو لأݣااادير... الله يخليك ليااا احبيبة عرفتك مغتخسرش ليااا...
عصام ستنشق عطرهاا للحضاات مغمض عينيه...يلااه غاايحط يديه على ضهرهاا يبادلهاا العنااق و هو يترااجع جامعها على شكل قبضة عااقد حجباانو بقلق زااائف....بعدهاا عليه بشوية..
و نطق ببرودة:و شكوون لي قاالك اناا غاادي معااك اصلا؟!!
نسرين رمشاات بدهشة جمعاات ابتساامتهاا و ردت عليه بتساؤل نبرتها تخنقاات:غاا...غااتمشي بووحدك؟!...
دااز لبلاكاارو جبد منو جاكيط تااعو...قرب حتااا لعند ودنهاا و همس :لا ناشي بوحدي....غاادي انا و ولدي...
هبط يديه لكرشهاا قايسهاا بحناان...و خرج فحاالو ساد لبيت مخليهااا مورااه كاتقلى...
محسااتش نسريين حتاا ضرباات بديك المشطة لي كانت هاازة و قااالت بعصبية كاتعيب فييه:"غاادي انا و ولدي"....ولدك غااتهزو من كرشي و تديييه؟!!!....نااااري اعبااااد الله مااالو هااااكااا مااالو هااااكااا...داااير بحاال الجمل مكااينساااش يلااطيف... اوووووف....
نهار جديد وخنساء حلاات المحل كاتخرج لي مانكااان على برااا .... شافت فعبدو لي حتى هو كايستف السلعة وابتاسمات ليه كاترمش ... شاف فيها وقلب كمارتو مكمل شغلو بلاااما يعطيها اهتمام .. ضحكاات بلا حول على هاد النفخة لي دااير ليهااا ...
عبدو كااان مشغول حتى صونا ليه التلفون ... جاوب بابتسامة : اهلااا... بيخير الحمد لله ونتوماا ... اه مايكون باااس اخويااا ... لا لا الخدمة بيخير كون هاااني ... هههههه الله يعطينا وجهك ... اييه صاافي حتى نتشااوفوا اسيمو تهلااا فيهاا ...
خنسااء سمعات سميت محمد ونطقات مخاطباه فور ماقطع : ياكما كااين باااس خلااا رانيا مشطونة علييه كاتصوني عليه حتى تعيااا ت...
عبدو هز فيها حاجبو داير عندها : معاياااا داااوية ؟؟!! ...
خنسااء بايجااز : فنظرك معامن غانكون كاندوي مع المانكااان .... شكون كاين من غيري انا وياااك هنااا ؟ ...
عبدو : وعلاش كاتسولي بالسلاااامة ... اش دخلك نتي فهااادشي ؟! ... شكون نتي اصلا باش تسوليني ؟؟ ...
خنساء هزات حاجبها فييه : ياااك ؟ ... وليتي كاااتهضر بهاد الطريقة ؟ ...
عبدو بايجاب : وعلاش شنو الطريقة لي كاتسناي مني نهضر معااك بيهااا ... على ما كانظن مراتو اولاا تسول عليه ( غمزها ):نتي شكوون فهادشي ؟ ...
خنساء رسمات ابتسامة خفيفة على وجهها ببرود : انا هي مرات ولد خالتو المستقبلية ... كيف جاتك هاد الصفة ...
عبدو كرز على سنانو كاتستافزو بهاد البرود دياالهااا واجوبتهااا وكيفااش كاترد علييه بلاما يحرك فيها حتى شعرة : ديها فراسك غايكون حسن ليك ... قابلي محااالك رااك مخليااه بوحدو ...
خنساء : ياكماااا شكااا علييك ...
عبدو خنزر فيها بلااامااا يجااوبها وزاد دخل لمحااالو ... وهي نطقاات بهدوء : غير بقااا تهرب الحبيييب ... غانشوفو شحاااال قدك ... نجيبك نجيبك ..
رانيا هوات تليفونها دخلات للواتساااب لي مسيفطة لييه فيه عرام ديال لي ميساج مجاوب على حتى واحد فييهم وحتى لي زابيل دياااالهاااا ماردش عليهم شداتها البكية وعضات على شنايفهااا والخوف غادي وكايزيد يتسلل لخاطرهااا ... ودموعها نزلوا على عينيه وقلبها زدح فالتسعيين والشيطان كلا ليها الدماااغ ..
بعد مرور خمس اياام
كانت رانيا فلبوتيك واقفة مع خنساء فلكنواطر كاايختاارو شي سلعة جديدة لي خااص يدخلو لمحل..
نطقات خنساء كاتشير لصورة جابداها من تيل:عشيرتي... هااد لكسوة حتاا هياا خطيرة...و هااد جوج تلوان باش خادمينها مصروعين...غانقوليه يجيب ليناا واحد لعشرة بطايات مختالفة..و الى تباعو نضوبليو هاد لمرة لكونتيطي... اشبان ليك ؟!
ردت عليها رانيا واخا معندها خاطر: صافي واخاا...قوليهاا ليه...بلحق بزربة لا تلقايهم تقاداو...
خنساء حركات راسها:واخاا غير نشوف موضيلات لخرين نختار منهم حتاا هماا وعاد نعيط عليه بااش نفضي معاه بخطرة ..
رانيا حركات عينيها بستغراب و بدات كاتشمشم بصوت مسموع
شافت فيها خنساء و قالت بتسااؤل موجز:مالك ؟!!
رانيا و هيا مزال كاتشم:هاادي ريحة سيموو ولا كدبت؟!!..اه والله حتاا ريحتو...
خنساء جابت ليهاا الضحكة:ههه بسم الله عليك فيناهوا سيمو ولا ريحتو...هادا غالوحم بداا يدير شغلو معاك...
راانياا غمضات عينيهاا كتستنشقهااا بتمعن و قالت بتأكيد:ريحتو هااادي ماتقوليش ليااا...
بااقين كاايهضرو حتااا دخل عندهم سيمو للمحل عمرو طويل...دق فلباب تاع لبوتيك و قال متقدم لجيهتهم:ها وااحد سلام و عليكم...
خنساء وسعات نضرتهاا مصدومة كيفاش قدراات صحبتهااا تميز عطرو و تعرفو جااي على بعد امتاار ...رانيا غير سمعات صوتو و قلبهاا تهز...طلعات فيه عينيها بدهشة كاترمش بعدم تصديق و دغياا عقدااتهم فيه مخنزرة على حدها...
ضحكات بستهزاء و قالت مخاطبة خنساء كاتنغز فيها بيديها:نوضي نوضي...يلاه فين نصيبوو شي كيكة دايزها لكلام و لحلوة و لبغرير راه غدا لعيد...على سلامتناا لهلال لي كنا كانتسنااوه بااااان...
سيمو قرب لعندهاا و نطق عاقدهم فيهاا: شهااد لهضرة لخااوية بااركة كاتحشي ليااا...
خنساء غمزاتها باش ترطب معاه و لكن مداتهااش فيهاا...ݣفضاات على يديهاا و دارتها عند خسرهاا... و ليد لاخرى بداات كاتشالي بيهاا فوجهوو مطلعة لحااجب و ناطقة مرفعة صوتها:نعاااااام نعااااام اسيدي...و شنو بغيتيني ندير متلا...نتلاح عليك معنقااك و نقولييك ااااه حبيبة ديالي توحشتك...اااه و لا نلاقي ليك لحلييب و تمر...ادوي؟!!
سيمو تنهد عارفهاا غاتكون واخدة موقف منو و ماغيكونش ساهل عليه يراضيها..
نطق بهدوء: رانيا اناا غادي نشرح لك..غاا سمعيني و بلا ماتسبقي لعيب...
رانياا كرزاات على سناانها محقدة فيه الشوفة تسيفااات عليييه: مكااين لي سبق لعيب قدك...سيمااااانة هاااادي بلحساااب و نتااا قالب وجهك معرفتش انا ارض سرطاتك...كاانعيط و نعيط و مبااغيش تجااوبني....و مقديتي تخسر عليااا ميساااج...ميساااج واحد اسمحمد مقديتيش تسيفطووو....
سيمو زفر بضيق واضح محااول يتكاالماا و نطق بنزعااج:ددووددد وااش سارطة كاسيطة على صبااح؟؟!! غاتخليني نهضر و لا غنبقاااو نتناابحو اناا ويااك هنااياااا..
رانيا بحدة:هضرتك سير كوولهااا مبقااا عندي مااندير بيهاااا....
خنساء تدخلاات ملي شافت طرح غايسخن و مغايوصلو لحتاا نتيجة...ونطقات كاتهدن فيهاا محاولة تلطف الجو بيناتهم:الله يهديك ارانياا نعلي شيطاان و سمعي ليه شنو بغاا يقوول...
سيمو خاطب خنساء: وعلااه هياا خلااتني نهضر...اسحااب ليهااا اناا ݣاالس مفطح مع راسي...واااا سيماانة هاادي واناا كانتجاارى فسبيطاارات تاع ربااط هنا و هناا مݣبل ختي فيهم...و تيليفووني بتلفة والله مديتو معاياا بقااا فداااري...ربي بوحدو لي عالم شنوو داز عليااا...
رانيا بلأعصااب مابقاات كااتسمع واالو من هضرتوو...ردت عليه مصغرة عينيهاا:براافو ...سيناريوك محبووك مخليتي ليا ماانقوول...عند بالك اناا درية صغيرة لي ضحك عليهاا بهااد جوج كلماات...غااشوف ليك شي تخربيق اخر اما هادا مغايليقش لك معايااا...
سيمو بتفاجئ:دابااا انا كاانقولك ختي كانت فسبيطااار و نتي كاتقولي ليااا تخربييق؟!!!
ردت عليه فلبلاصة مكشكة عليه: معلوووم تخربييق...علاااه هااد ختك معندهااش نمرتي متقدرش تعيط لياا من عندهاا و تقولي شنوو كااين...اضعف الإيمان سير غاا لسيبير كتب لياا ميل و سيفطوو دير دااكشي دياال لألفيناات و متخلينيييش بحاال لحنش لي مقطووع ليه الراااس معرفتش فيين غاااطس...
يلاه بغاات تدوي خنساء و وهوا يحبسهاا:غاا بلاااتي....دابااا لحاالة لي خليتك فيهاا داك نهاار غادي ينفع معااك شي ميل و لا حتااا نعيط لييك...كاضحكي عليااا....(كمل بتفسير) راااه عرفتك معصبة مني و وخا نقول لي قلت مغااتيقينييش...داكشي علاش ختااريت حتاا نفضي مشاكيلي و نجيك فااص نقوليك لي كااين...لهضرة مااشي دياال تيليفوون...
راانياا بإصراار عينيهاا رجعوو حمرين بلأعصااب لي ركبوهاا و نطقاات بنفعاال شديد:نتاااا كدااااب...راااني منسياااش لون كيف تبدل فوجهك ملي عرفتيني حااملة...قول غير خفتي من لمسؤولية و سلااام...غير سمعتي حس لولاااد و نتاا تغبر غبرة وحدة ضربتيهاا بجرية عفطتي بلا ماتلاافت موورااك...(طلعااتو و نزلااتو مخسرة فيه شوفتهاا و قاالت) عند بالي وااخدة رااجل و لكن دوومااج كنت غااالطة...
رانيا غير كملاات هضرتهاا و هياا تلجم لساانها عااد عرفاات شنو خرجااات.... خنساء خنزرات فيهاا قارصاهاا من فخضهاا كون لقااات تلااح عليهااا ليهاا فمهاااا تسدو بشي تهريسة...
هنااا سيمووو صعر بلمعقوول و ݣااع لأعصااب لي حاااول يتحكم فيهم ملي تلاقات عينو مع عينهااا بلسانهاا فقداتو السيطرة...
وبنبرة قوية رد عليهااا: بربي كووون محشمت حتااا نوريييك هااد لهضرة معاياااا بشحااال كااتقاام...
خنساء عرفااتو غااينوض كاطرياام و قرباات لعندو متدخلة كاتحااول تسكتو: هاانتاا اخويااا من لأحسن كون غاا بدلتي سااعة بأخرى شيطاان كايحضر و كاايغييب...
سيموو فيكسااا انضاارو فراانياا لي رجعاات كلهااا كااتغزل و قاال ضاغط على هضرتو:اااه اناا ماطلعتش رااجل ياااك؟!! وبلاتي نعطيك واحد جوج كلماات ابنت نااس علقيهم حلقة فودنك....(رفع صوتو حتاا قفزاات) كووون مكنتش رااجل كون ݣاعمة قصدت داركم نهاار اللول و طلبت يديك من وليديك داير ليك شااان...كون مكنتش رااجل منجيش من لبااب شرجم لمخير فدااركم نقز منو و نبقاا انا ويااك نخيطوو فدرووبة و تسركلو فلقهااوي حتاا نشبع منك و نقوليك بسلامة مقاادش على زواااج...(رانيا هرباات عليه عينيهاا بالعة ريقهاا بمرارة عرفات راسهاا جرحااتو بكلمة خرجات فلحضة غضب...و هو كمل بنفس النبرة)كون مكنتش رااجل مغانصبرش على اهانات بااك لياا و نغمض عيني عليهم غير على ودك...و كوووون ماكنتش رااجل مغاتلقاينيش كانخدم بليل و بنهاار كانتقااتل بااش نشري ليك احسن دهااز ونفرش لك داار احسن فراااش...(سكت لتواني محسوبة و غمزهاا و كمل بنبرة مقصودة) سمعتي يالي... مااشي مرى....
دغيا طلعاات فيه رانياا شوفة مطرطقة فيه عينيهااا..و نطقاات شااهقة بصدمة: يااااك...كااتعير فياااا و فوجهي؟!!!
جااوبهاا صااعر مابقاتش كاتبان ليه: وشكوووون لي بداااا...انا ولا نتي...خااصني نكوون حمااار حاااني الراااس الى مجاااوبتكش...
خنساء نفخااات بقلق:ااااوف بركة عفااكم...نعلوو شيطاااان... اويلي راانياا حضري عقلك اصاحبتيي..
رانيا بعصبية شديدة وجهااا تحقن بدم:فيناهواا لعقل...(كاتنعت فيه و تغوت) بسباااابوو مبقاااش لياااا حس لعقل....بابا كاايسولني و اول مرة نكدب عليه و نقوليه لاباس عااد تشااوفنااا...و اناا بيني و بينو اياام و اياام... سيد علم الله فييييين عاااطي الراااس و انااا مخليني مورااه كاانغلي فمشكلتي لي من لمفروض تكوون مشكلتنااا بجوووج....اااه ولاااا حاجاات زوينة نعيشوهاا انصووبل و لمراار نصرطوو بوووحدي..ولا لاا؟!!!
سيمووو رد عليها كاارز على يديه و لعروقة تبرزو و سط عنقوو: وقلنااااا ليك الخ*ى رااه وردة كاانت فسببطاار داايرة اوبيغاسيون تشغلت معاااهااا و تيليفووني نسيتوووو....وااش انااا لخااطري خليتك و لا مابغييتش نجاااوب...واااضرووووف بزاااتهااا على ديلمي بلهلاا يطريييه لياااا..
رانيا عينيهاا غرغرو و ردت عليه بخنقة مبغااش تقبل مضرتو نهائيا: و هااد وردة مااشي لووستي...مامنحقيش نعرف الى كاانت مريضة؟!!!نقوولو نسيتي تيليفونك فداارك عيط لي من عندهاااا....و تبت ليااا انك ماتهربتييش ملي عرفتيني حااملة... ولا زعمااا هاادشي صعييب؟!
لجو رجع مشحووون بيناتهم ديال بصح....سيمو ضرب على لكنطوااار ساايط بنفعاال شديد...مخسر ملاميحو فيها ... حااس الى بقاا معاها مغاايوصلو لحتاا نتيجه و غاايزيد غير يصعر و يصعرهاا معااه..فكر فلبلاصة و لقاا مكااين لااش يبقاا يتلااج معاها...
شاف فخنسااء و قاال محاول يخفظ صوتو: احسن حاجة غاديري هياا تردي لعقل لصاحبتك حيت ولاات غا كاترݣع....
كمل على هضرتو و دااار عاطيهاا بضهر...
و هياا توقفو رااانيااا قائلة بشراااسة :انااا كاااانرݣع؟!! و بلااتي...(داار عندهاا هاز على حاجبو...حيداات لخااتم من يديهااا و لااحتو عليه جاا مسيب فلأرض)هاااك شد... نسيتيي قزديرتك لي جامعاناا...ديهااا معاااك مبقاااا عندي ماندير بيهاااا....
خنساء شهقاات دايرة يديهاا على فمهاا بندهاش....
سيمو رمقهاا بنضراات غير مفهومة...يلااه بغاا يرجع لعندهاا هو ينعل الشيطاان فخااطروو...تراجع بخطوة و تحنااا لعند لخااتم و هزو...وقف و قسح فيهاا الشوفة لأول مرة غاايشوفهاا بيهاا...و قاال بنكساار: عقلي مزياان على شنو درتي...الله يعاااونك...
لااح ليهاا هضرتوو و مشاا خرج بحاالو مبقااش بااغي يشووف فيهاا فعلاا عصبااتو بلمزياان و صدمااتو بتصرفهاا كأنو مبقااش عاارف واش بصح راانياا لي بغااا و تعلق بيهاا و لا شي وحدة اخرى...
رانيا ردت مسمعااهاا ليه:الله يعااون...و سييير متعاااودش توريني وجهك لي مشفت منووو حتااا رباااح...سيييير(حولااات ملاميحهااا لإحباااط قوي و دمووع بدااو ينزلوو شداات على جبهتهاا عاضة على شفايفها)نااااري شنووو درت..اهئ اهئ سيموووو رجع....سيموووووو...اهى اهئ ..
تماات غادة بااش تبعووو و شداتهااا خنساء من دراعهاا بقوة مرجعاها لعندها:اجي لهناااا يااهااد لمووصيبة فين غااادة....
راانياا بنحيييب شديد حلقهاا بح:غاادة نرد رااجلي وااش مكاتشوفيش فييه مشاا اهى اهئ...سيييمووو
خنسااء بصرامة ضاربة على راسهاا:تبارك الله على لعااقلة... و انا لي كان كايسحاب لياا نسرين لي عقلهاا فيه خ*ية سااعة قلتي ليهاا غاا نعسي نتي مكاتعرفي واالو فتكووليخ...اشهااد لحاالة درتي لسيد انااا و صدمتيني فييك...مخليتي فيه غالينسيتي...كلمة مخليتيهش يكملهااا كليتييه ؟!! هو كايقوليك ختو فسبيطاار وعارفاه ياحسرة بشحاال متعلق بيهاا و نتي كاتعطيه فلهضوور بحاال سم...تعت الله وااش هدااك وجهك و لا مسلفااه؟!!(قرصااتهاا من داارعهااا لاويهااا بجهد) جهلتيييي...
رانياا ولاات كاتنخصص بدمووع..حكات على دراعهااا بألم و ردت عليهاا بتفسييير كاترمش فيهاا ببراءة: اناا كنت بغيت غير نجبد ليه ودنيه شوية وصاافي..اهئ اهى ومن بعد نتصالح معااه...
خنساء:اوى مزيان...من بعد هادشي لدرتي ليه هاانتي غااتشوفي داباا شكوون لي غايجبد لودنين لاخر وااش نتي و لا هواا...(ضرباات على فخضها جعرااتهاا) اويلي اعبااد الله و زايداهاا لايحة ليه خاتمو (عيبات فيها) "هاااك شد قزدييرتك" لا والله حتاا مزيان عبرتي...وتسناااي دااابااا شنوو غايطرى...(عطااتهاا صبع مغددة ) هاااكي لا باقي شفتييه.....واحد بحاال سيموو والله لادوزهاا لك...
رانيا حطاات يديهاا على لكنطواار و دارت وسطهم و جهااا كااتشهق بلبكاااا و تهبطهم صحااح...ملي برد فيهاا دم عاااد عرفاات شنوو دااارت...و ماتنادم معاها لحاال و رجعاات لعقلها حتااا فااات لفوووت...و لي عطاا الله عطااه...مكاانتش عندهاا نية نهائيا تنفااعل عليه بديك الطريقة لدرجة معرفات حتاا كيفااش وقع...لغضب عماا ليهاا عينيهاا على صوااب و خلاها تخرج على طوعها بشكل رعيب عمرها خرجات بيه من قبل...
عبدو كان ݣالس مع سيموو فلمحل شادين قهوة لواحد مدوزين بيهاا الوقت و فنفس الوقت كايقرقبو النااب..
نطق عبدو بلا حول:شتي هاد لمشاكيل لي وقعو ليكم...راه ضرورين بين أي زوج يلااه مزوجيين..وسع خاطرك حتا نتاا اصحبي...
سيمو جاوبو مفقوص:تاا ماشتيهاااش كيف كااانت...و مخلااتنييش حتااا نكمل هضرتي...وليت كلمتي بكالمتهاا مابقاا ليناا واالو و نديرو ليدين و نجمعو علينااا عبااد الله....
عبدو:دابا اشفيهااا الى هبطتي كوااريك شوية و درتي لماا منين يدووز...واش تبدااو من داباا فشد لياا نقطع ليك و نتوماا باقي مدرتو فطااجين مايتحرق راه مغاتساليوش...
سيمو حرك راسو بنفي: لا لا سيدة بيهاا شي حاجة.. وااه .. غير مجاوبتهااش و مالقيتش معاها حل لحماالة غاادير هاادشي كاامل...لا مايمكنش...
عبدوو وسع نضراتو ماصدقش شنوو سمعو ودنيه...و قال بصدمة:لحماالة؟!! وااايلي؟؟ دخلنااا عليك بالله حتااا رانياا حااملة؟!
سيمو قلب عليه شوفة معصب معرفش اصلا كيفااش زلقاات لييه...دار ليه اشاارة بمعنى "اه" بلا مايرد عليه...
عبدوو من ملاميح الصدمة وسع ضحكتوو: ههههه ناااري لااا...بهاااد الزربة اصحبي غاانولي عم...دغياااا....(حركوو بيديه كاايضحك) ههه واااا تااا كي درتي ليهااا...
سيمو بنزعااج عارفو غايطلعهاا عليه بلمزياان:عبد الله....عفااك و الله يرحم بااك خليني عليك معندي ݣاانة...
عبدوو ضحكة مبقااتش بغاات تحبس ليه:ههههه بشاااخ .. اسااااط هداا كولو فيك جهد...و تبااارك الله موطوورك نحيلة مزݣلتيش درية بنهااركم ضربت لصقت قديتو لغراااض درتو خدمة نقية داايزهاا لكلاام....هههه مبروووك مبروووك...
سيمو جااب ليه الضحكة حبسهاا غا بزز و قال:هه الله يبارك فيك و لعقبة لعندك بشي تريكة صالحة...
عبدو هز يديه برجاء كايشوف فسقف:امييين اميين...(حول شوفة لعندو و غمزو ناطق بطنز) اجي...قلتيهاا لنسيبك...و لا نقولهاا ليه اناا...منها نيت نباارك ليه ونجيب ليه تماام بشي جلطة ههههه
سيمو تنهد: غااسكت...الى سااق داك شيباا العاصية لخباار اجاا مفكوو مني مقادر ݣاع نتخيل شنو غايدير...و لمشكل منوضهاا صبااط مع بنتو قبل لعرس...(مسح على وجهوو) يخخخ على نحس تفوو..عوض مانكونو كانوجدو لعرسناا هاحناا غاطسين يالطيف فمشكلتناا لي نزلات عليناا بحال القدرة من سماا...
عبدو بقا فيه... جمع ابتسامتو و حط يديه على كتفو ناطق كايواسيه: حتا نتا اصحبي مالك عقدتي لأمور...سايس معاها اشخاسر؟!...علاه دابا ݣاع لي مزوجين مطفرينها..راه نهار محابين و مقصرين و سيمانة منوضينها تشطح...سااعف و سلك... كانقووليك هااد لهضرة حيت عاارف رانيا بنت نااس و الى مشيتي حتاا خسرتيها مغاتلقاش بحالها...
سيمو:وا عرفناها بنت الناس...و لكن دااك لوجة لي لقااات لياا ملي جيت نتفاهم معاها و نلقااو شي حل...راااه لاحولة و خلااص...وخاا تكون داير اعصابك فتلاجة مجمدهم غاااتنيرڤيك...
رد عليها بهدوء: وعدرهاا حتاا نتاا...سيدة راها حااملة وباينة لحمل لي دار ليها هادشي كامل و صعرهاا مخليها تخرج على طوعهاا...نتاا ملي قطعتي لهضرة عليها و تشغلتي مع وردة اسحاب ليهاا تخليتي عليهاا...وانا نسيت مقلت ليهاا والو و كملت عليهاا...
سيمو صغر فيه عينو و قال : زعما؟!! نتا هادشي لي بان ليك...
عبدو:واايه...دير الما منين يدوز...لعيالات فهاد لفترة كايكونو حسااسين و كايبغيو لخاطر و لي يعاملهم بحال شي بنيتة صغيرة...شوية صبر اصحبي شوية صبر
سيمو سكت لتواني و نطق مخنزر ملي مفكر لفلاش لي دارت ليه:هاديك راه سخن عليهاا الرااس...ولقاتها مسلكاها تجيب فشوشها عليااا...رامية ليا لخاتم على وجهي غداا ولا بعدو تقولي طلقني...
عبدو: مغاتقولهاااش على ضمانتي... رانيا راه كبراات معايا انا لي كانعرفهاا الضرفات كون كانت بناادم...بربي حتاا ماشي لخاطرهاا فوق نفس دارت هكااك...تلقاهاا داباا ݣالسة شادة شي مخدة كاتخنن و تغبن عليك...حيت ملي قربلاتها معااك كانت معمية....هههه شغل لهرموناات و لا معرفت شمن عجب كايشد هاد خياتناا كايتسيفو فرمشة عين...
سيمو دورها فرااسو...و نطق بتخميم:ممكن...(شوية و هو يعقدهم تاني و قال) وخا هكااك...هادو مااشي فعايل لي دايرة معايااا..مالني واخد برهوشة تاع 18 عام...سيدة راه ناضجة و الى معرفاتش تحكم فراسهاا ملي تعصب غير تمشي تمووت...
عبدو ساط بنفاد صبر عيااه و مابغاا يتراجع...عرفو اكبر عنييد و نفسوو عزيزة بلا قياس
رد عليه كايحك جنب عنقو: وعندااك اسااط غا لتندم..الى مشا سماعيل حتا عرفكم مقربلينها و نتوما عاد تكاتبتو ماانتاا فخير...و طامة لكبرى درية حاملة...اجااا مافكك معااه...و عااد كاايقلب غيير منين يشدك...
(سيمو شافيه بالع ريقو و عبدو كمل بنفس النبرة باغي يتبتو) حتاا الى بغاات رانيا تصلح لامور..هو غايدير ليهاا لعصة فرويضة و مايبغيهااش ترجع معااك....هاااودني...سخونية الرااس مكاترجع على مولاها غير بنداامة... نصحك هبط كوااريك العشيير....الى بغيتي هاد زواج يكمل...
عتيقة كالسة مع حياااة فالدار مجمعين مع بعضياتهم كايعااودو ويديو ويجيبو فالهضرة على براد ديال اتاي وجداتو عتيقة حاطة معاه حليواااات ...
حياة كاترشف من كاسها : اويلي غير سكتي مات البنت ماخلات فيا غير لي نسااات عند باالهاا بغيت ولدي يلعب ببنتهاا ... ومني جيت قلت لييه راااني تبريت فبنت الساايب خرج فيها عينيه قد البولااات ... وقالي انا كاع غانخوي المدينة بغا يفقسني ويطرطق ليا مرارتي ...
عتيقة تنهدات: وا شغانقوليك اصحيبتي الزواج راه عمرو كاان بالسيف ... اييه عارفاك باغاا تهنا ي علييه مع شي بنت الناااس ولاايني راااه القلب ومايريد ... علاااه هادي لي عندي ماشي وقفات فوجه باااهااا عصااااا ... قالت ليه من محمد نخلاااق وخرجات فيه دوك العينين .. تحلفي حطيتي وحدة وهزيتي وحدة اخرى مكانعرفوهاش ... عاندها حتى عيا وهبط السلااااح وتنازل ليهاا ... شتي فهاد الوقت راااه والله ياصحيبتي ماتقدي عليهم لي فراسهم فراسهم ...
حياة : وشنو دابا خااص نخليه يطج ويدير ما بغااا ... نتغرب انا باش هو يبقى على خاطرو ...
عتيقة شافت فيها بجدية : عندك جوج اختيارات ونتي غاتشوفي لي عندك فيه اقل اضراااار ... يااا امااا غادي تساعفي ولدك وتبعيه وتخليه يبني حياااة جديدة فقنت اخر لي يقد ينسى فيه ديك لي سلبات ليه العقل ... ولاااا ( سكتااااو توااني ) ...
حياة هزات فيهاااا حاجبهااا باستفسار : ولا اشنووو ؟؟؟ ...
عتيقة بايجاز : ولاا غادي ديري يدك فيد بنت السااايب وتقبلي بيهااا عروووسة وهي لي غاتعرف تخليييه هنااا بطريقتهااا ...
حياة خرجات عينيها : اويييلي ... شنو زعماااا نوااافق عليييهاااا ...
عتيقة : ايوا الالة ماعندكش حل اخر مكايناااش لي غاتعرف ليه قدهاااا ... وعاد الا جينا نشوفو اصحبتي البنت مافيهااا مايتعااااااب ... غزااالة بللاااااارة شهوة منهااااا شكون هادي لي ماتمناهااااش عروستهاااا .... بدراااااااعهااااا وعقلهااا يهد قبيلة على قدهااااا ... جيتيهاااا للمعقول تلقايها جيتيهااا للضحك تلقاايهااا.... مرااا ونص وعمرنا شفنا عليها شي حاجة ماهياااش ... ايه بصح فصغرها كانت كاطير ولاااايني كلشي بالعلااالي ضحك مع اي وااحد قدام النااس مكاضربش حسي مسي ... وكاع عندنا الولاد وعارفين طيشهم فوقتهم وماهياش من دونهم ...
حياااة رمشات : ايواا وطلاااقهااا جوج مرااات اش غاندير فييه ... ترضاي لولدي باقي عزري ياخدها مطلقة ... وجوج مرات من الفوق
عتيقة : هااااااء ايوا الله يهديك احياااة ... كاع عندنا البناااات وماعرفنا اش جايبة لينا الياااام ... وا دوي علينا وجي علينااا الرجااالة ليداتهم كلهم تهاتفوا عليهااا وواخا فرقاتهم بقاو كايجريو وراااهااا حيت مغايلقاوش فحااالهااا ... وهي ماعبرات حتى واااحد فييهم ساستهم وعاااشت حياتها وبدات من اللول بدااااارهاااا وخدمتهاا ومشروووعهاااا .... طاحت وناااضت ومادازش عليهااا القليل وومني تشوفيها مايهدوهااا جباااال حرة بنت حرة ومهااا عيشة كان يتضرب بيها المتال فعقلها وعمتهااا واخا عيشورية كلشي كايقول حقااانية وحطيها على جرح يبرا وغير هزانها لولاد خوها اكبر دليل وبنت خوها شابهاها ... راه صاحبة بنتي وكاانعرفهااا مزيااان ... القلب الزويين ولي بغاااتو رااه تموت على قبلووو وتعض فيه بسنانهاااا ونيااابهااا ... وشتي عبد الله ماشي غير جاااا وبغاااهاااا ...
حياة تنهدات : والله ياختي ماعرفت انا براسي راااه كانضرب بيها للمتل واخا كانتزاكر انا وياهااا كاتجيني حااارة وقااادة ولكن راااه عمري شفت فيها عروستي .. انا كنت نحلم لولدي بمرا مامفوتاااا واالو رماانة مغمضة ودرويشة لي تصلح بيه وبوليدااااتوو ... وبنت السااايب رااه مافيهاش هاادشي ... ومجاتنيش على كانتي
عتيقة هزات ليها يدها وحطاتهاا فكفها : سمعي فهاد الوقت مكاااينااااش بنت المرااا لي رمانة مغمضة ... كاااينة لي دايرة قشور باش تبان مغمضة وهي فراسها العجب... وماعرفتي الخير فين كاااين ... ولي تعرفي اصلهاااا ونحاااسهااا حسن ليك من لي غاتسيف علييك ... انا قلت ليك رااييي ونتي تعرفي ... الا بغيتي تريحي ولدك وكاتفكري لييه خليه ياخد لي ختار قلبو وتشهات خاطرو ...
حيااة دوراتها فراسها لقاتها عندها الحق واخا مراضياش ولكن ماعندها مادير تلوات ليها اليد وماعندها حتى حل اخر ... شافت فعتيقة : وزعماا هي غاتقد تقنعوا يبقى ؟؟؟ ...
عتيقة : هااااديك تخلي ابليس يطمر ومايهزش الراااااس ... عاد تحير فعبد لله
تعاشات العشية وخنساااء سدات المحل عيااات بالخدمة بوحدهاااا ... باش ليها عبدو فاامحل بوحدو وهي تقدم عندو اصلاااا كاانت باااغا تهضر معاااه ... دخلااااات عندو كاتمختر بحطتها الانيقة وشعرها مسبسب على ظهرهااا ... شاف فيها وخنزر ناطق : اش تماا؟؟ ...
خنساء ميقاات فييها : قول غير سللاااام بعدااا ... ولا حتى هو تقيل عليك ...
عبدو بنفور : خنساااء بلااا تفليا وملاااغة فالهضرة الخااطر راه مانكسااابوش .. اش باغااا ؟؟؟ ....
خنساء هزات حاجبها معوجة فيه كمارتها : باااز اسيدي والله حتى بااز .. ايوا انا مجايااش هنا على الخاااوي ... بغيت ندوي معاك فموضوع سيمو ورانيااا والمشكل لي بيناتهم ...
عبدو بهدوء : ايوا هانتي قلتيها المشكل بيناتهم ... اش دخلنا فيه حناااا ؟؟؟ ....
خنساء : ايوا اسيدي الا مافخبااااركش. .. هاد المشكل راه كبر وتفاقم غير بسباااابك ...
خرج فيها عينو : بسبااااابي؟؟ .. صافا باااااا ؟؟؟ ...
خنسااء ربعات يدها : وعلااش بالسلااامة كون علمتي رانيا بلي طرا لختو كيف وصاااك السيد كااانت غاتوصل بيهم لهاد الدرجة على الاقل كانت غاتعرفوا ناسي تليفونو هناااا ومشغول مع ختوووو وماتنويهاش فيه عوجة ... ولكن نتااا ما الى بااالكش ... نسيتي وخليتي العاافية زادت زندااات. ..
خنزر فيهااا : تشغلت ونسيييت ... وزايدون مادرتهااش بلعاااني بااش نكون السبااب ...
هزات كتاافهاا:ايوااا بلعاني ولا ماشي بلعااني عندك يد فالمشكل ... يعني مخاااصكش تبقى تشوف فيهم كايتفاارقو وتفرج ... وزعماا رانيا راه بحال ختك وسيمو ولد خااالتي ترضى ليم هاد الحاالة. .
شاف فيها عاقدهم : ونتي بالسلااامة اش مشااا ليك ؟؟؟ ...
خنسااء ابتاسمات بدلع : قلبي هشيييش وبقااو فياااا مابغيتش هاااد الحب لي بيناتهم يضييع ...وعاد الا ماعاونتش صاحبتي شكون غانعاااون ...من غير الا مكانوش هامينك ديك الساعة هضرة خرااا
شاف فيها بلاا حول كاتعرف تلعب ليه على نقطة الضعف وتقنعوا بتحلوينها ... تكلم مخزز : كلسي شدي الارض ... شتي بربي كون ماكااان الموضوع كايتعلق برانيا وسيمو بربي لا كلستي معايا هاد الكلسة ...
خنساء جرات الكرسي وكلسات : ايوا الله يدوزنا فوجههم ... كلس وخلينا نفكرو فشي حل ... قبل مايزيد يكبر المشكل ... ونوليو فماهي وما لونهاا ...
شاف فيهااا وكلس مقابل معاها واخا معاجبو حاال : ايوا امولاات الافكار الشيطانية ... اش الحل فنظرك ...
خنساء رمشااات كاتفكر ونطقات : وا هو فصرااااحة ... (يللااه غاتكمل وهو يصوني ليها التلفون ... جبداتو بانت ليها نمرة غريبة وناضت جمعات الوقفة ناطقة ): سمح ليا واحد الدقيقة ....
عبدو بلااما يجاوبها بقا متبع ليها العين علااش ناضت من حداه عاد جاوبااات دخلاات لييه الوسواااس ...
خنساء جاوبااات الرقم بهدوء :الوووو ...
خاطباااتهاا حيااة : الو بنتي خنساااء ... لاباااس علييك ...
خنساء عرفات الصوت وبغات تاكد : الحمد لله ... شكون معايا الالة ...
جاوباتها بلباقة : اناااا حيااة مامات عبد الله ...
خنساء بايجاب : اه كيف دايرة لاباس علييك ... امورك هانية ...
حياة بايجاب : الحمد لله ... عافاك الا جات على خااطرك .. ممكن دوزي عندي للدار بغيت ندوي معاك فواحد الموضووع ...
خنساء باستغرااب : انااا ... اييه واخا ولكن ياكما كاين باااس ...
حيااة : الهضرة ماشي ديال التلفون ... دوزي عندي وندوييو انا كانتسنااك الله يرضي عليك ماتعطليش عليا ...
خنساء طاح عليها العجب والفضول كلااهاا : وااخااا شوية واناا عندك ...
ودعااتها وقطعاات هازة حااجبهاااا كاتفكر فاش غاتكون بغاااااتهاااا متلاااا ... دلااات شنايفهااا وتقدمااات لجهة محل عبدو ونطقاات مخااطبااه من بعيد : عبد الله غدا ونكملو كلااامناا وااخا ... دابا عندي واحد الغرض مهم خاص نقضيه...
عبدو هز حاجبو منوي : مممممممم هي هاد للاتصال اهم من صااحبتك ...
خنساء ابتاسمات حاسة بيه تقرص وتنوى غير راسو نطقاات : بحااال داااكشي (غمزاتو): كلهاااا يتحاسب على قد نيتو اودي اعبدو ...
رمات ليه هاد الكلمااات وزادت من تماا متااااجهة ديريكت عند حياااة .. مسافة الطريق حتى كاانت قدااام داارهاااا دقات فالباااب وهي تحل ليها ودواات معاها بترحييب : اهلا اهلاااا ببنتي خنساااء زارتنا البركة ...
خنسااء رمشات بتعجب داخلة : ترحب بيك الجنة ...
حيااة تقدمات معاها للصالون لقاتهاا موجدة طبلة على حقها وطريقها دكاسطرووط ها الكيكة ها الحلوة ها الملوي ها الحرشة ها اتاي والقهوة ماخلاات ماحطاااات تمااا ... نطقااات : ولااهيلاا نورتي الدااار ...
خنساء ضحكات ليها داخلها العجب : ههههههه الله يكبر بيك اخالتي حياااة لاش موحلة رااسك ..
حيااة : الله اودي عدابك راااحة ابنيتي ... مالكي رخيصة عندناااا ..
خنساااء رمشات جاها هاد الاداب والصوااب بزاااف وكترااات عليهااا مامتيقاتش ...
حياة بتسااؤل : قهيوة ولا اتاااي ... خودي خودي ماتحشميش الدار دارك ...
خنساء : لهلا يخطيك ... عطيني غير كاس داتااااي ....
حياة مداتو ليها فالحين : هااكي راااه فيه العلك على من زينااتو دوقي وردي عليااا ... وسمحي ليا جبتك من خدمتك ولاهيتك على شغاالك ...
خنساء : لااامكاين باااس ... غير هو ممكن نعرف علااش عيطتي ليا شطنتيني صرااحة ...
حيااة : اول حااجة بغيت نطلب منك السمااحة على داكشي لي طرا ديك النهااار راااه غير حر الكبدة و من خوفي على ولدي جيت بردت فيك نتي الغداايد ... لا تحافينيش لله يرضي علييك ...
خنساء كاترمش مفاهمة والو : مكااين البااس الغلط كايوقع الله يسمح لينا من الواليدين ...
حيااة : والله وماتساليني حلووف الا ليل كاامل داك النهار مانعست ماشفتوو .. ندمت ندمت ندمت حيت قلت ليك ديك الهضرة ... وبقا فيا الحاال قداااش ..
خنساء هناا صافي سااالات معااهاا وعرفات القضية فيهاا ان وكاتكمد ليها الطرح على شي بللاان مغاتجيش غير هكااك وتحلي معاها الكلاام واللغااا ... نطقاات بجدية : مافيها بااس ... غير هو اخالتي حياة حنا ماشي عاااد غانتعاارفوااا ونتي قاريااني مااا وحتى اناا ... نحااس بعضياااتناا وسوومووو مايخفا لا عليا والا علييك ... وبجوج. عارفين اش فكاشووش لوخرى ... داكشي علاش بلاماا نبقاااو نتماالغوا فالهضرة وحناااا ادرى ببعضيااتناا .. غير جيني من اللخر وقولي ليا اش باغا من عندي ولي خلاااك ديري ليا فحااال الماا القليل هاكا على غفلة ... حيت راه مكاين حتى دخااان بلااا عافية
حياة ضحكات فوجهها : ايواااا ماقالو بنت السايب حتى نيت مقرصااك نصيرة ... ماعندي مانقول ... ايوا مني هااكااا حتى انااا غانجييك من الخر ومغاديش نطول عليك فالهضرة ..
خنساء بايجاب حطات كاسهاا : داكشي لي بغييت ... قولي اش عندك ..
حياة بجدية وبلا مقدماات : بغيتك تزوجي بولدي عبد الله وتكوني عروستي ....
خنساء خرجاات عينيهاا بصدمة بحال الا ضربتيها بتصرفيقة ماااعرفااات الصفعة منين جااتهاااا مافاهمة وااالو ..
خنساء من هول الصدمة تربط ليها اللسان بقات غير كاتشوف فيها وترمش مامستوعبااااش بالمرة اشنو سمعااات ودنيهااا ... بلعات ريقهااا ونطقات بتلعتم : اءء .. ماف ...همتش ...
حياة بابتسامة : وا زعما نتي مولات العقل جيتي حتى لهادي وتلفات ليك الفهامة ...
خنساء حاولات تستوعى : لا اخالتي ولكن واش عارفة راسك اش كاتقولي ... وعاد واش هادي هي الطريقة المناسبة باش كاتقال هاد الهضرة ... كيفاش زعما بغيتك تزوجي بولدي ... راه ماشي لوجيك هاد الهضرة ...
حياة بشرح : ايييه ابنتي ماقلتي عيب ... حتى انا راااني عارفة الاصول ... ولاااايني لي مخافيش عليا والا عليك ان عبد الله ماهواش على برجوا مؤخرااا ...( غمزاتها ): وحتى معااك نتي اولا ... راني واخا مانهضرش قااارياه وماااا وعارفة اش تحت راسو ...
خنساء بلعات ريقها : ايييه ... ومني اخالتي نتي عارفاه بيلااااا ماهوااش معاااايا .. شنو بغيتي مني انا ؟!
حيااة : وااايلي اخنساااء والفم حاجة القلب حااجة اخرى عبد الله واخا يكون غضبان منك راااه قلبو مافيهش غيييرك .... هو الحق يتقال شنو المشكل لي بيناتكم انا معارفاهش وماعنديش فيه غرض شغلكم هاداك ... ولكن مني قرر يخوي المدينة عرفتو بغااا يبعد عليك ... ونتي لي غاتعرفي تلقاي الحل لهادشي
خنساءرمشات فيها : شنوو زعمااا ناوي يخوي المدينة بصح ؟؟؟ ... كايدوي بالمعقوول
حيااة : اييييه وقالك من مور عرس رانيا ومحمد غااادي يبيع الدار ونتحولووو ... وهادشي اخنساااء علااااش بغيتك نتي تقنعييه يبقى وتلقاي شي حل لي يخلييه يبدل رايووو... وديك الساااعة نفرحو بيكم بجوج ... ونديرو الالة كلشي بالاصول وعلى حقو وطريقووو ...ونغنيو داتو وداتو لالة خنسااء داتووو ...
خنساء هزات حاجبهااا عاااد عرفاات منين طااحت هاد المحنة وشنو السبب لي خلاااهاا ترضى وتوافق على علاااقتهم ... نطقااات بابتسامة : وانا نفهم ... هي قوليلي نتي دابااا جبتيني هنااا باااش تعقدي معايا صفقة ... نتي غاتوافقي على زواجنا وانا خااص نقعنوا يبقى ...مني مالقيتي حل قلتي العقبة ف وجه لحباب حدورة ياك...
حياة بابتسامة عريضة : ايواا ابنتي نتي قارية عليا .... وغاتكوني عارفة حسن مني المتل لي كايقوليك مصاائب قوم عند قوم فواائد ... وانا نگمگم ونتي فهمي ...
خنساء بايجاب : اياااه كااانعرفوااا وفهاااااامتك ... واخاا الالة نديرو وااافقت شنو غايخليه يبقى هنااا. .. وكيفاش غانفكو هاد الحريرة ...
حياااة : ايوااا هنااا غاتبيني ليا شطاارتك وتوريني حنة يديك وانا ماتساليني غير نعاااونك وندير يدي فيدك ... وانا عديني بييك تغلبي قبيلة وتجيك قليييلة ... دماااغك يهد الجباااال تبارك الله ... وشيطااانك صحييح وفااايق مايغلبوه لا فقهاااا والا طلبة ولا تزمااام ... ومغاااديش يصعاااب عليك تلقااي شي تخريجة ليك وليا ...
خنساء دوراتها فراسهااا ... الموضوع ماشي ساهل عليها ولكن حياااة غاتكون ورقة رابحة عندهااا وكيف حتى هي محتاجة ليهاا اكيد غاتنفعهااا والا وافقات وجات فجنبهااا غاتكون دوزات نص طريق وغايبقى ليها غير عبدو ليي تهز هموو وتلقى ليه شي حل لي يردو للطريق ... شافت فيهااا ونطقااات بتأكيد : واخاا اخالتي حياااة ماايكون غير خاااطرك ... ولكن راااه كلمة العيااالاااات ماشي تخليني نقنع ولدك وفلخر تقلبي علينا وديري العصا فالرويضة ... نتي عارفاني مكانافقش وعندي غير نيشااان ... الا دوزتي معايا الكلمة غير تهناااي من ناحية الرحيل انا مايجي فين يسالي العرس حتى نكون غيزت الشغل ...
حيااة ابتاسمات : الالة غانعطيك وعد مرا حرة غرة ... مكايناااش بنت لمرااا لي تدخل لداري وتكون عروستي من غيرك الا بلغناا المقصوود ...
خنساء دارت رجل على رجل بضحكة فرحانة : ايواا مني هااكا كبي عليهااا شي كاااس داتاااااي مشحر احمااااتي الغزاالة ...
حيااة ضحكااتهاا : ههههههههه هي اللولة الالة ... ماسماوكش بنت الساايب غير هكاك قالك مايولد الفار غير الحفاااار ...
خنساااء شافت فيهااا : ايوااا رااه هااد الفاااار هو لي غاايخرجك من هااد الغااار لي شااغلك ... خاصك تباتي تصلي وتدعي لهاداك الحفااار لي ولدني ... راااه غاتوليو نساااب ( غمزاتهااا ) ...
حياة مدات ليها اتااااي : اربي السلااامة جوااابك على نااابك ... غير بلااااتي عليك انا لي غانرووديك مابقااش بزاااف وغاادي تطيحي بين يدي ونوريك هاد ردان الهضرة اش سومو ... ههههههه ...
خنساء فرنساات كاترشف من كاسها : هههههههه ايوا حتى يزيد ونسميوه سعيييد ... ( غمزاتها ): وا كويييس هواااا
دازت سيمانة طااايرة وصبح نهااار جدييد .. خنسااء فااقت على الصباااح وجدات الفطور لعمتها وباهاااا بحكم عصام ونسرين باقين مساافريين ... قادات كلشي فووق الطبلة متولاااه على حقو وطرييقووو ... وداارت الحواايج يتصبنووو ... عاد كلسااات ترتااح بينما فااقو شاافت السااعة وهي تهز التلفون ديااالهااا دخلاات للفايس سيفطاات ميسااج لعبدو : 💬💬 صافي غادير دااكشي لي تاافقنا علييه يااك ؟؟ .. نعول عليك
عبدو كاان كايبدل عليه سمع الميسااج وصلو وشافواا هاز حاجبو وكتب مجاوبها فالبلاصة :💬💬 صافي راااه دوينااا ... غير يباان ليك الفرصة المنااسبة وعلميني ...
ابتااسمااات من ردوو وحطات التلفوون كاتبلاااني وتخطط لداكشي بااش يدوز هو هادااك وتفك بلاااان راانياا وسيمو بااش تباالي بشغلهاا هي خاص تهنى عليهم عااد ترتاااح ... ناضت من تماا تفيق بااهاااا وعمتهاا باش يفطرو مجموعين
*** كاالسة رانيااا مع مهااا كيااكلوا .... رانيااا غير كاتنقب من الماكلة وتنهد ماعندها لا خاطر والا گانة وحتى الحمل مكمل عليهاااا لي باااقي ومخليهاااا هاايمة وغير سااهية ... وعاد المشكل ديال سيمو معاهااا شااغل تفكيرهااا
شافت فيها عتيقة ونطقاات بتسااؤل : اش هاد المااكلة ولات عندك انااري ... وليتي تنقبي كي الدجاااجة واش باغاا يشدك بووصفييير ..
رانيا محاولة ماتبينش : واامااما ورااكي عارفة شطنة دالتوجاد وهم العرس وعاد بالي مشطون مع وردة حتى هي باقا عياااانة ...
عتيقة تنهدات : ياااختي غير عوينة هااادي وصاابتنااا من حاجة لحاجة حلف هاد العرس لا بغاااا يتيسر ... خاصني نبخرك شوية وندير ليك شوية الشبة والحرمل ... راه العين صعيبة تتقتل الكسيبة وتخوي الزريبة ..
رانيا تنهدات : وا الله يصااوب امااااماااا ...
عتيقة باستفسار : ايه فكريتيني محمد شحال ما طل ما بااان غير الا تلاقيتو فالزنقة. ... غبر غبرة وحدة يااكمااا مخااصميين ...
رانيا شافت فيها كاترمش : اءء لااااا ماهو فاالنااا .... راه غير مع صداع للخدمة والعرس وزادتو ختو حتى هي راكي عاارفة الوقت ... الله يحسن العوااان
عتيقة : ايواا هي الااا قلتي لييه يجيب ليك داك الخااتم ونتي راميااه سيمانة عند الدهاايبي ... ياك غاا حجرة لي غايقااد لييه .. ديك اليد غاتبقى خاااوية هكاااك ...
رانيا بلا حول : واخا اماما راااه مع مشغول داااه وماتلااش رجع عند السيد باش ياخدو .. غايساالي ويجيبو ... مالكي درتي ليا طياارة اليوووم ... اوووووف
عتيقة عقدات عليهااا حجباانهاا : شتك نتي وليت غير ندوي معاااك تردي عليا فالهضرة ... ولا خديتي الراجل وتقااادو الكتااف كلمتي بكلمتك تقووول قرينتك ... ياااكمااا كااين شي باااس ... تشعلي فيا كي الوقييدة مابقا احترااااام ...
رانيااا مابغاتش تزاكر معاها : واا مااا حااشة رااه غير السترييس راكي عارفاني ماحيلتي لهادي ولا لهااادي ... رحميني حتى نتيي شوية ....
يلاااه غاتكمل كلااامهاا وهو يتحل باب الداار بالسااروت وتم دااخل اسمااعيل هااااز سااااكوو ونطق : هاااا وااحد السلاااام وعليكم ....
رانيااا خرجات عينيهاااا بصدمة : بااااااابااااا ؟! .... جيتي ؟
يتبع...
التعليقات
لا توجد تعليقات بعد، كن أول من يعلق.