بنت السايب الجزء 38

سيف : ههههه تشي راااه لاااا ... تصيدت فيهااا حيت ماعندهااش مع السبووور مقاااابلة غير ميمي ونيني ... تشيي واااش كااينة مرااات شي كوووتش كرشها فيها التوااام ...

خنسااء عجباتها عفويتو بزاااف وكيفاااش بداا يسرسب بلا فراناااات واخا مكايعرفهااش باينة فيه نية بزاف فوج عليها : ههههههههه ... ايوااا مع الوقت تقدر تساااعفك ماااتعرف هههه ...

سيف هز يدو مشريهاا : تشيي اش غااااتسااعف ... ( لواا ليهاا عنقوو مقرب عندها حاني ) : ولاايني اش غاانقووليك اختشي ... وااخاا هكاا اختشي كااانبغيييهاااا وكاانتوفاااااا عليهااااا ... حبهااا مغرووس فقلبي هناااا ( ضرب على صدروو بنفس الطريقة ) : تشيي راااه الحب هااديك الفردة ... مشرشمااا لحسي لمشاااااااعر ....

خنساااء وسعاات ابتساامتهااا كاتموت بالضحك : ههههههههههه ... الله يخليهاا لييك يااربي وااا تهلاا فيهااا راااه ربي مايخيبكش ...

سيف : مااتحتااجيش توصينيي وااايلي ... قولي لياا كاتريني ؟؟ ...

خنساااء بنفي : لااا ماااعندييش الوقت صراااحة ...

سيف مطول كلاااموو : وعلاااااش ... تشي راااه برب حتى يعجبك الحاااااال ... لونطريييماااااا راااه كااتعاااودك كاااملة ... غير اجي عندي لااصااال اناا نتريني بييك والله مانخلييك لدرااااري كااااع ... راااك دخلتشي لياا لخااطري هنااااا اخشتي خنساااء

خنساء : هههههه ربي يخليك ....

النوطير عارفو مكايتقاضااش : ايواا اش بااان لييك نفضيو هاد البيعة وشرية اسي سيف ... ههههههه نتاا موحاال تسااالي ...

سيف : ومااالك زرباان ااستاااااد ... مجااري عليناااااا حد ( شاف فخنساء وتنهد ): لالة خنسااء كااعماا يسخى بهضرتوو معاهاا الوااحد ... واحق موللاانااا حتى دخلتي لياا هنااا ( ضرب على صدرو ) ..

خنساء ضحكاات ليه ونطقاات تحت منهاا فخاطرها : على ربي نكونو دخلنااا بشي طريقة محترمة ... ( بلباقة جاوباتو): الله يكبر بيك ...

سيف : تشي راااه الوااحد المزياان من وجهوو كاايبااان ... رااه والله مكانصبغك اختشي ... اناا راااه ولد درب سلطاان زيادة وخلوووق ... وحناا راااه عدناا غانيشااااان ... الهضرة فالوجه وبلاا نفااق وحق الله ....

خنساء بصواب : ههههه لهلا يحااشمناااا ... ( بابتسامة ): ولكن ماكرهتش صراحة نبداو ... حيت راك عارف يلالااااه نوصل وعندي شلاا مايتقضى ..

سيف : واابيلي حتى نتي بربي ما نتي غادة الا ماوصلتكش .... كااعماا تهزي الهم لطريق

خنساء خرجات عينيها : لاااا لااا ماشي ضروري ...

شكراااا بزااااف ... غانشد غير طاكسي مني نساليو .... بلااماا نعدبك معايا ..

سيف : وااااحق مولااناا مانتي شاادااه ... ماالناااا دراري صغااار .... الله يهدييك اختشي ... والله حتى غانوصلك ... ومااتحنتشينيش اختشي ...

خنساء بلعات ريقهاا مالقات ماتقول حركات راسها بايجااب حسات براسهاا حصلااات معااه ... باينة فييه مكايتفااكش ... بدا النوطير الاجراءااات وسنااو الوتائق المطلووبة ... دوز ليهاا الفلوس كاملة للحساااب ديااالهااا كيف تاافقو عليهاااا وهي سلمات لييه الملكية ... دازت البيعة وشرية على ماا يراااام وكيفماا خططو ليها ...

وقفاات رونج روفر قدام رااس الحومة ... خنساء شافت جهتو وابتاسمات بضحكتها السااحرة بشكر : فصراااحة شكرا بزااف على التوصيلة اسي سيف

سيف عوج عنقو ضاحك : بلااا سي واايلي مابيناتناش ... شكرااا ليك نتي لي قبلتي نوصلك ...

ابتاسمات ليه بلباااقة وهي كاترمش فعينيهاا ونظراتو ليهاا كانت وااضحة عندها خبايا كتيرة ..

نطق سيف بتسااؤل وعفوية كبيرة فكلامو : ايوااا اش مزاااال قلتي ... غااتجي نتريني بييك .... ماااتحشمييش ... تاا رااابربي ماتكمليش شهر حتى تولي عندك طاااااي بووومباااا كتر من داااباااا ( كاايحرك يدو بلا حبااساات ): نتي غااتحلي فوومك فراااسك .... غير تيقييي فيااااا راااه عندي خبرة وكانقولييك اش كااين ...

خنساء جاب ليها الضحكة بطريقة هضرتووو : ههههه ان شاء الله غانشوف ويكون خييير ....

ضرب على صدرو بالجهد حتى قرب يسوسو : راااااك دخلتي لياا هناااا اختشييي خنساااء هنااااا ... بربي المعبود ...

بلعاات ريقهااا حابسة ضحكتها غير بزز : الله يكبر بيك ... ايواا نخليك دابااا بسلامة عليك ( حلاات الباب هابطة ) ...

نطق متبع ليها العين : وااا تهلااااي فراااسك ... وديرينااا فالبال

نزلات من اللوطو كااضحك حااسة برااسهاا فوجاات هاد النهاار وشبعاات ضحك من قلبهااا ....

عبدو كاان دايز مع سيمو جهة الدار وهو يبااان ليه الاخ مخرج راسو من الشرجم متبع ليها للعين كايشير ليها بيدو ويفرنس وحتى هي بادلاتو الضحكة ... وكملااات على طريقهاا لدارهم..

قرم حجباانووو ونطق مخااطب سمووو : تااا شكون هاااد زويزوو تاااني ... ( خنزر بانفعاال ): واش انا ماقلت ايمتاااا تهنيت من اللول زادني التاااني ... تاا وااش هاادو دايرين عليها النوبة ولا كيفااش !!؟؟

سيمو شاافيه ونطق بطنز كايوسع فضحكتو: هههه لقضية عندك صعييبة أساااط...الروونج فلبااب...والسيد بااينة بوكوو حبة....وااافين ايباان للول ولا لتااني....

عبدوو شافيه ورد عليه معصب:سكتناااا الله يرحم بااك....

سيموو كمل بنفس نبرة كايشوف لجيهة اللوطو لي غادة: ومعندك ما تسااال بنت السايب...دغياا كاضبر مكاتبقاااش بلاااش...ولاا عند هاد السيدة الزوااج وطلاق بحالا كااتلعب الضاامة...

عبدو زااد خنزر فيه وجاوب بحدة:سيمووو هاا لعاار جمع عليااا دلقووشك... رااه معندي ݣاانة لهضرتك هااد الساااع....سكتناااا

سيمو كايحرك راسو بتقة:وهاادشي ماجديدش على لعيالات...موس واحد يدبحهم....غير يشوفو لفلوس يجريو بلااا عقل...ريوݣهم يطييحو...

عبدو نهض فيه ديجااا أعصااابو تشارجااو ملي شاف خنساء نازلة من اللوطو تااع واحد غرييب....نطق منفاااعل ومغوت فوجهو بلا مايشعر: الى نتااا داارتهااا بيك *حبة دياال لخلا و غدرااتك طااعنااك من الضهر...تسحااب كلشي بحاالهاا؟!!! هضر على *رك ولااا مايعجبك حااال....

سيمو سكت تواني.. طول فيه الشوفة وقال بإجااز:الله يجاازيك بلخير.... شكرآ وشكرا بزااف...

كمل على هضرتو و دار غادي فحالو...شد فيه وعبدو مانعو بااش يمشي ناطق بعتدار: واااصحبي ماتديش عليااا راني معصب...شحال من مرة قلت ليك ملي نكون منييرڤي متهضرنييش راني كانبقا غير نخرج بلا فرانات...(كمل كايضحك) ههه راااك عارفني خضر العشير....سموووحااات....

سيمو ضحك بتفهم وقاال:هاانية اساااط...عاارفك رااك مقسح (كمل بطنز غاامزو)غييير هو كيف قلت لييك لقضية عندك صعييبة هااد لمرى...الرووونج يااا الروونج...

عبدو رفع صوتو بتحديير:سيييمووو....

سيمو:ههههه صافي صاافي...هااهواا سااكت...يلااه راه تعطلنااا..

بخطواتهاا السريعة كانت جايا رانيا لعند خنساء..حاامية فيهاا البيضة باغا تعرف فين وصلات قضية البيعة والشرية لي دارت...وااش نيت قضاات ولا غير دات الطريق بااطل....دقاات وتسناات توااني حتا حلات عليهاا خنساء البااب...

نطقات راانياا كااتنهج وهياا داخلة:اووف يااختي سخفت...تااعت الله دااك التيليفون لااش داايراه...عزيز عليك تجريني حتاا لعندك نضرب ديك لكعطة كااملة...

خنساء ميقاات فيها:لي سمع الكعطة يقوول معرفت شحاال ضربتي...وتي راك كاينة غا معاا ضورة...هههه ماالك قاتلك لعݣز...

تقدماات هياا ويااهاا لبيت...ݣلسااات رانياا فوق السدااري دايرة لمخدة فوق فخاضهاا... وجاات خنساء ݣلساات حداهاا...

خنساء تقادات فلݣلسة:فين بعدا صافا...خالتي عتيقة لابااس عليهاا...

رانياا بفضوول:كلشي لاباااس...عااودي ليااا عااودي...أمضراا؟!! صاافي بعتي؟؟

خنساء ضحكات:ناااري خااصك تشوفي وااحد الشااري...مفروح..هاااارب لييه وهو تاابعو هههه....عمرني شفت شي حد بوكو حبة..وعفوي بحاال هاكاااك جيب أفم وقوول...فوج علياا ليووم...

رانياا:ههه ربي كايلاقيك غا معاهم واحد ينسبك فلاخر....شكوون هداا..واش من هناا نيت...

خنساء:وااحد لكزاوي من صحااب دوك (قلداتهم مغلضة صوتها) " الفتاااتش...تشاااا راايح" هههه ملي جا عند النوطير وهو يكشكش علينااا...مكاايسكتش من لهضر...يدووور يدوور ويقوولياا دخلتي ليااا لهنااا (شارت لجيهة قلبها)اختشي خنسااء....

راانياا خرجات عينيهاا كاتضحك:هههه اويلي...كادوي بصح...

خنساء وسعات ضحكتها حتاا قربو عينيهاا يتغمضو:هههه قلت ليه فخاطري على الله بعدا نكونو دخلنا غير بشي طريقة محترمة....و سيد تحل بداا كاايعاود على مرتو وقالك كايبغيبهااا....ااه ورااه عاارضني لاصال ديالو...قالي غير جي انا نتريني بييك...

راانياا: هههه كايهضر معااك هاكا؟!!لا لا هادا خااص مرتو تديه تزورو بااين ليااا معدووش لعقل ݣاااع...(كملات بتساؤل) وغاتمشي تريني عندو؟؟!

ردت عليهاا ضاحكة:وااش فيهااا بحاال والو نديرهاا بصح.... نهاار طلع لياا لقردة نمشي عندو نشبع غاا ضحك ياااختشي هههه...

رانيا:ههه حتاا اناا يااختشي نمشي معااك نفوج على قلبي ...ماطلعااش مااطلعاااش...(كملات متسارلة بهتمام)قولي ليااا بعداا لمفيد...دوزتي ليه لبيع؟؟!

جاوباتها بإجاب كاتحرك فراسهاا:أه صافي...واحد تلت ياام غاانمشيو نسينيو...

نسرين كاانت داايزة من حداا لبيت...سمعاات ديك "لبيع"..ووقفاات...محيدة بعض الخصلات ورى ودنهاا كاتستعد بااش تسرق السمع...وتعرف بشحاال دوزات لأرض لشااري...وشحااال دياال لملاين غايدخلو لكونط مرة أخرى....

رانياا بفرحة :اوى مبروووك عليك...بشحااال بعتي ليه؟!! داك تمن نيت...

خنساء:معلوم داك تمن...مالني غانزل ليه على خمس وتلاتين مليون..واخااا نعرف نخليهاا تم مانبيعهاااش بقل...واخاا بيني وبينك..الى خديت فيها غير مليون راه كولو رباااح...

(نسرين عوجاات شفايفهاا بإعجااب من تمن لي سمعاات...)

رانيا:وييه بصح...اوى مزياان الله يكمل بلخير...

خنساء برجاء: امين ازين...

رانيا دورات عينيهاا على دار بان ليهااا السقيل ونطقات كاتسول:كااينة وااقلة غير بوحدك؟!!

خنساء:بحالا علمك الله عمتي نصيرة وبا مشااو يدوزو شي يامات فلعروبية ومنها نيت عمتي تداوي رجلهاا تم عند شي وحدة كايعاودو عليهاا كادلك لفديع.. عصام فلخدمة...وبقيت فدار غير انا ونسرين....

ردت عليها رانياا بتدكر: اه حقا وااش نسرين بدلاات لون تاع شعرهاا...جااا خطيير وخا شفتو غير من لور...

خنساء ردت عليها بستغراب:أشمن لوون؟!!نسرين باقي شعرهاا هو هو مابدلات فيه واالو...

رانيا:واايلي...هياا تغالطات لياا؟!!(صغرات عينهاا بعدم تصديق)ولكن مايمكنش..وتقوولي هياااا...

خنساء:تي شكوون هياا...

جاوباتهااا بتفسير:قبايلة ملي كنت فسونطر ڤيل...شفت عصام فوق لموطور.... ومركب وااحد لبنت(هنااا نسرين خرجات عينيهاا وقلبهااا ضرب على جهدو) عرفتي عندهاا نفس لاطاي ديال نسرين...وشعرهااا هو لي مغاير...داكشي علااش سولتك وااش بدلا...

بااقي ݣااعمة كملاات هضرتهااا حتااا دخلاات عندهم نسريين نازلة عليهم كيف سااعقة وقاالت بصراااخ وجهااا تشحن بلحمورة كلهااا رجعااات كاترعد فلبلااصة:معااااااامن شفتي عصاااااام؟؟!!!!!......

رانيا ضارت عندها مصدومة مخرجة عينيهاا وشافت فخنساء لي عضات على شفايفهااا بمعنى قفاااارت ... رانيا مخاطبة خنساء بصوت خافت : هادي منين خرجااات ...

خنساء تحت سنانها : اليوم غاتريب علينا الدار مافيهاااش ... بففف ..

نسرين قربات عندها مكشكشة وعينيهاا خارجين حمرين فحال قطرة الدم وقلبهااا كااايضرب فالتسعين ... نطقاات بصوت مرتااافع منفااعلة : دوي راااني كانسول فيييك ... معاامن شفتيييييييه ؟؟!...

رانيا بلعات ريفها محاولة تصلح : اءء .. لااا دابا هي فصرااحة ... ماعرفتش واش ... هو ولا غييير ...

قااااطعااتهاا مقفزاااها بنبرة صااارمة شااعلة : بلااااامااا تبدااي دخلي وتخرجي عليا فالهضرة ... فييين شفتييه ومعاامن شفتييه ؟؟؟!!... راااااني سمعتك !!؟؟

خنسااء عرفات القضية غاتحمااض خصوصا ان نسرين غير على سبة وعارفااهاا مكاتعرفش تصرف بالمرة ... نطقاات محاولة تهدنها : نسرين بللااا غوااات ... راه قااالت ليك يمكن تشابه ليهاا ... بلااامااا تنوضي القربااالة ونتي مامتأكدة من واالو ...

خرجاات فيهاا عينيهااا مابقاات عارفة اش كاتدير وهضرة رانيا باقا كاتعااود فودنهااا : نتي سكتي مدااوياااااش معااك اصلاا ... ( شافت فرانياااا وعينيهاا عامرين بالدمووع ): معاامن شفتييه ؟؟!! ..

رانيا تنهدات مابقات لقات باش تسلكهاا اصلاا واخا تحاول تقنعهاا لي عطا الله عطاه وهي سمعاااتهااا ... شافت فخنساء ونطقاات بلا حول : المهم انا متأكدة انه مكاين والو من لي فبالك ... داكشي علااش بللااماا تضخمي الامور ...

نسرين مابقاااش عندهاا الصبر غوتاات عليها مكشكشة : بلاااا فلسفة خاااوية دوي وهنيني ... فييين شفتييهم ... وشنو كانو يديرووو .؟؟؟؟ !!! ( ولااات كلهاا كاترعد بالاعصااب ): طلقيييينيييي ...

رانيا : راااه مكانو كايديرو والو الله يهديك .. غير دازو من حداياا بالموطوور ... يمكن تكون شي وحدة معاه فالخدمة ولا كايعرفهاا بللامااا ديري من الحبة قبة على والو عافااااك ...

نسرين الدنياا دارت بيهااا .. الشك لي كانت محااولة تكبتو كلو نزل على رااسهاا دابا وفسرااات كلشي كيف بغاااات ... متأكدة من ان عصااام كايعرف غيرهاا وداير عليهاا الشريييكة ... رمشات عينيها بتتاقل ونزلاات دمعة حارة من عينيهااا وكلساات على جهدها فوق السداري مامتيقاااش والدم هرب من وجهها حاسة بالدوخة والسخفة ... كاطلع النفس بالجهد وتهبطهاااا بالجهد ... كاتفكر موضوع الريحة والخاتم وكل مرة كان يلقى ليها عذر ومن الفوق كايردهاا غالطة ويقلب عليهااا السينتااا ...

رانيا ندمات حيت هضرااات اخر حاجة توقعاتها تجبد الصداااع بيناتهم ... مكان فنيتها دير حتى مشكل ... ودوات على نيتهااا ... عضات على قنوفتها كاتشوف فخنساء لي ماعرفات مادير وشنو تقول ... مستحيل تشك فان خوهاا ممكن يخون نسرين ولا يعرف غيرهااا ... عارفاااه كايحمااق عليهاا ويتسطى اكيد كاين شي سوء تفاهم فالموضووع ... وفنفس الوقت متأكدة ان رانيا مايمكنش تقول شي حاجة ماواتقاش منهااا ... يعني اكيد هي شاافتو هوو ولكن شكون لي كانت معااه ....

كلساات حداها حاطة يدها على كتفها عارفاها باش غاتكون كاتحس دابا ... خصوصا انها من النوع لي كايتيق اي حاجة دغيا ومكاتباش دير احتمالات اولا تقول تأكد : نسرين بردي فيك الدم الله يرضي عليك ... وحاولي ماتسبقيش الاحدات ... حتى يجي وسوليه ... ماتجبديش الصدااع على والو باااش ماتندميش ...

نسرين هزات فيها عينيها : اناا عاارفة مزياان اش غااندير ... ( كرزااات على سناانهااا محقدة عينيها ): غير بلاااااااتي ... كايخووني ... انااا يخووني الشماااتة

رانيا شدات على راسها ساايطة : اووووف اووووف ...( شارت ليها انها غاتمشي خايفة يجي عصام وتقربل ويضن انها خلقات ليهم مشكل خصوصا عارفاه على سبة ... من الاحسن حتى تدوي معاه خنساء مني يبرد )

خنسااء شارت ليهاا بمعنى غير سيري من بعد ونهضرو ... ساطت وزادت خاارجة كاتشوف فنسرين لي باااينة نااوية على خزييت ولاات كلهااا حمرة وكاترعد فحال الجريييدة اعصااابهااا واصلين للطوب ... خرجاات وخلات خنساااء كاتحاول تهدنها باس تبرد قبل مايجي لا تصدق عاوراهااا ولكن واالو لي فراسهاا فرااسهاا وكلمة وحدة لي ففمها هي كايخوني ... شدات فيها ما بغاات تطلق مدايرة حتى تفسير اخر فباالهاا ...

بقات نسرين غادة جاية فلبيت كاتسنى فيه على أعصابهاا...بغااتو غير يباان ليهاا..مقادرااش تمالك نفسهاا...مجرد مكاتخيل ولا كايطيح فبالها انه مع شي وحدة من غيرهاا.. ناار الحمرة كاتشعل فيهاا لدااخل... شافت فيهاا خنساء بلاحول

ونطقات بضيق:دوختيني تفوو....ݣلسي شدي لارض شوية...هادشي لي كاديري فيه راه مغاينفع بواالو...تهدني وݣلسي تسنايه بلخاطر حتا يجي..وهضري و تفاهمي معااه غير بلعقل

ردت عليها بعصبية كاتغوت:إناااا عقل بقاا عندي بااش نتفاهم معااه إنا عقل...حتاا لهناا وبااااركة...خووك زااد فييه بزااف...واناا ماااابقيتش غاانصبر...

باقة كتهضر وتغوت كاصرة دنياا بصداعهاا حتاا دخل عصاام لي سمع صوتها من على برااا...سد لبااب وقرب لبييت..

ناطق بتساؤل هاز حااجبو فنسرين مخنزر:غواتك واصل حتى لبرى...ماالك؟

نسرين:على سلاامة...عاد طلقااتك محبوبة قلبك الجديدة؟؟

عصاام وسع نضراتو ليهاا مامصدقش شنو كايسمع بلمرة:شكااتخوري تااااني؟؟؟

ردت علييه بنفعاال كبيير:بغييت نعرف داباا لااش جااي لاااش...ديك ساااعة بقاا عندهاا...هانيااا لوقت...مكاااين لي يصدعك....خووود رااحتك...

عصاام معرف بااش تبلى شااف فخنسااء وقاال محااول يستفسر حيت بصح مفهم واالو:تااعت الله اشكااتخربق هادي.. شنوو كااين؟

نقزاات نسرين:كنتييي مقصر نتا وياهاا ياااك...كنتيي معااهاا...

خنسااء شافت فنسرين محااولة تهدنهاا عارفاهاا لسانهاا سليط مغتشدوش عندهاا حتا دير شي كاريتة:نهااك الله نعلي عليك شيطاان...تقدري تكوني غير كااضلمي فيه..حضري عقلك الله يهديك

نسرين ضحكات بستهزاء: ههه شناااهوااا؟؟كانضلموو...الى كااين شي حد مضلووم هناياا رااه هياا أنااا....(شافت فيه محقدة عينيهاا)دابا جيني ݣوود وبلا ماتبداا تلووعب عليااا رااه نااس شاافوك...قووولياا شكوون هاديك خيتي لي مركبهاا ورااك فسكوتر...وغاادي معاها مرتااح بحالا ما خصك حتاا خير...

عصاام عاد بداا كايفهم لبلاان..صغر فيهاا عينيه وقاال بتساؤل:شكوون لي شاافني؟؟

نسرين زادت تعصباات:اهااااه..هياا بصح كنتي مععاها ..وكاتقول فيهاا بوجهك حمر..مامرݣتييش

عصاام بلغواات:قلت لييك شكوون لي شاافني؟؟

نسرين معلياا صوتهاا على صوتو:لي بغاااا يشوفك يشوفك...لمهم خباارك وصلااتني..(كملاات بنبرة مخنوووقة) لخاين لااخر...هادا مانسوى عندك...صافي دغياا طلعت ليك فرااسك..كون غير كنت مقصرة معااك فشي حاجة...كون غير درت معااك شي لافووت لي نستااهل عليهااا هااادشي...

عصاام مسح على وجهوو محاول يتكاالماااا:دابا انا بنت ليك ماعند ديلمي شغل بقاا لياا غيير ت*حبيين و تزلااال فزناااقي..(كمل بتفسير كايشرح بيديه)هااديك ابناادمة لي منوضة عليهاا هاد لقيامة كاملة راا....

نسرين قطعاااتو محيحة: ماااااابغييت نعرف عليهاااا...متعاااودش لياااا...خلي هضرتك عنداااااك...اصلااااا مغاانتيقش مغااانتيقااااكش

عصاام غوت بنفااد صبر أعدى حاجة عندو فدنياا تجاااحيد وشي حد ييبغي يكدبووو: دابااا علااش كاتقلبي؟!!!سووق *رك هدااك.. تيقي ولى لهلاا تيقي...ماالني غانخااف منك..

خنسااء تدخلاات بغاات تصلح بيناتهم بان ليهاا طرح بدا كايتشحن:وصاافي حتا نتي...ماالك زاايدة فييه.....خلييه بعدااا غير يدوي وسمعيييه...(ضغطات على هضرتهااا غامزااهاا غير بلفن) واااغير بلعقل....

نسرين بعصبية:خلاااه هادااا خلااا فيهااا شي عقل...(شافت فيه محقدة شوفتهاا) باااغي تاااني تكدب علياااا...تخيطهم تقااادهم وطرزهم وتمدهووم لياااا...واااانبصم عليهاااا بلخمسة حتااا هضرتك كلهاا غااتكون كدووووب وكون غير غااتعرف تقااادهم.....مطنݣ حتاا فلكدووب...

حمر فيهااا عصاام بداات كاطلع ليه بلمعقوول رد ضااغط على هضرتو مزير على يديه:نسرييييين

ردت عليه مفقووصة كااتغووت مقدرااش تحكم فراسهاا بلعصااب ولاات كلهاا كاتغزل:هادي هياا رجلة عندك....تخلي مرتك فداار وتمشي تعااشق مع لقحباات دياال لخلى..(ضرباات ليه على كتفوو)تباارك الله علييك...اشماااااتة

خنسااء خرجاات عينيهاا بعدم تصديق دارت يديهاا على فمهاا مامتيقااش شنوو كاتسمع...عصاام كرز على يديه ونطق كأنه كايعطيهاا فرصة تانية بااش تراجع على شنو قالت:شنااهوااا.. عااودي شݣلتي؟!!

نسرين بدون تردد كاتشوف فعينيه مخايفااش منووو:اه كيف كااتسمع...نتااا شمااا..

باقي ݣااعماا كملاتهااا حتاا جمعهاا معاها بتصرفيقة صمكااتهااا..يلااه غاتفقد توازنهاا وطيح وهو يجرهاا لعندوو جارهاا من يديهاا...لاويهاا ليهاا ورى ضهرهاا ضااغط عليهااا..غمضاات عينيهاا بألم شديد حاسة بدارعهاا غاايطرطق....

عصاام كارز على سنااانو و نطق مورك علييها مابقااتش كاتباان قداامو: داباا عاد غانوري لأصل مووك فعاايل شماايت دياال بصااح....

غمضاات عينيهاا بشدة وخنساااء جرااات بخطااويهااا تفكهم تأكداات ان لقضية حمااضت....

نسرييين:ااااييي حݣاااار طلق منييي...طلق

خنساء بغاات تدوي وقااطعهاا بهضرتوو ضااغط على نسريين معول على خزييت معاهاا....

نطق كااايسب مببقاااتش بااينة قداامو:يحرق اصل مك ياابنت ل*حبة....دابااا علااش كاتقلبي؟؟...نفرتك فديلمك شي ضلعة بااش تبرد ديك دودة لي طاالعة مععاك وكتنغز فييك....شنووووو؟؟غير شفتيني ساكت ليك ونتي باغة تفرعني علياا...ادووي..اناااا شماااتة ياااك و اشباااااان ليك داباا نوريك فعاايل شماايت وشنوووو كااايديييرو الله عطيييك العداااااب نتي ويااااهم....

نسريين بألم مابقااش كاتحس بيديهاا نفس قرب يتقطع منهاا النفس نطقاات كاتهضر بصعوبة:ااااه... يدي يدي..غاااتهرسنييبي...طلللاااق

خنساااء محااولة تفكهم كاترجاااه بإلحااح:الله يعطيك الستر اعصاام طلق منهاا راك غاتفلعص ليهاا يديهاااا...رااه غير لغيرة مخلاتهااش تعرف شنو كاتخرج على فمهااا

عصاام مغدد وزااد زير علييهاا:هاااد لفم عندهاا خااصو ديلمووو ترياااب...اناا لي ضسرتهاا حتاا ولات باغة طلع فووق *ري...مكاانبغييش نحط عليهاا يدي وخاا عارفهااااا مكاتمشي غير بلعصى بحاال لحمااااااار... هادااك تبووزيق وتخرااج لعينين مااديريهش معااياا.... ولاا بربي حتااا نعووج فييك قنت...(زااد غووت وعروق عنقوو تبرزو بلعصااب)بااااقي متزاادش هااد خاايتيي ليتحل علياا فمهااا وتفرعن عليااا..كااتسمعي

نسريين مغمضة عينيهاا ماقدراتش تصبر ماحيلتهاا للألم لي كاتحس بيه فحنكهااا ولا لهدااك لي حاسة بيه فيديهااا كتبكيي وكاتنطق بترجي قلبهااا كاايضرب على جهدو قرب يخرج من بلااصتو:هء هء...الله يرحم باااك اعصااام طلق ليااا من يدي...

خنساء بنفس النبرة مزاال كاترجااه:عفااااك عفاااك شووف وجهااا كيف تسقط من دم...

رخى منهاا بجهد جاات مردوخة على سدااري نيشاان...ونطق شااعل بتووعد موجه صبعوو ليهااا كاايتحلف:تاقيت فيك وجه الله فهااد اليلة ودوزت ليك هاادي....امااا...

قاطعااتو لحر مجعرهااا شادة علي دراعهااا.. ناطقة بأعلى صووووت عينيهااا ساايليين بدمووووع ووجهاااا حمر:اسيدي متاااقاااهش...قتلنييي وتهنااااا....اهئ اه‍ئ دابااا حيييت تفضحتي باااارك تبرد فياااا غداااايدك....الغدااااار....

شااافتووو خنساااء بغاااا يقرب ليهااا وجااات واااقفة قبااالتهااا حاامية علييهااا:صاااافي صااافي...عفااااااك أعصااام دمك حااامي سسيييير بدل ساااعة بخرى....لادير لي تندم عليه من بعد وماتنفعك ندااامة....

رد عليها ساااعر:حيدي من قدااااميي ولاااا نجمعك معااااهاااا حيدي....ليووووم نسووس لييهااا داااك دلقوووش....بردو على ال*اااامل بوووك عضاااامك...و وجدي...ليوووووم مااايفكك مني حتاااا حد...(نهض فخنسااء)حيدي اخنساااااء حيدي....

نسريين عضاات على شفاايفهاا كاتنخصص بلبكااا خايفة عارفة اشكاايتسناهااا شدااات كاارزة على حواايج خنساااء من لووور كااطلب فيهااا:لاا لااا لميمة مااتحيديييش...بقاااي بقاااي....

خنساء قربااات لعند عصاااام دافعاااه يبعد بشوية محااولة تهدنو عاارفااه وصل لقمة غضبووو ويقدر يقتلهااا ولا يهرس فيهااا شي قنت:صااافي أخوياااا الله يعطيك ستر...شيطااان معندووو شغل....الله يسااامح ماتدييش عليهاااا....

ناااضت نسرين مزاال مابغااتش تسكت:أهئ أهئ....ندمت على دقيييقة لي عرفت فيهااااا واااحد بحااالك غداااااار ومااايسوااااش...

خنساء داارت عندهاا فقصتهاا ونطقاات مغوتة:واااتي سكتي شوية سكتتتتتي.....هاالعااار سيري غسلي وجهك وبدلي ساااعة بأخرى....

عصام:بريي المعبووود هاادي مغاتهنااا حتاا نفووووت فديلمهاااا شي دقة جهد لي تلقى مع روحك نيشاان وتسيفطنييي نااكل عليهاااا لعدس بحجرووو....

نسريين بصراااخ:يلااااه زيييد ضرب وقتلني...اشكاااتسناااا....بحااالك نيييت خااصهم غير لحبس يمشيييو ليه على فعااايلهم....

خنساء شداات على رااسهااا...غيير شااافتووو نسريين غاايقرب ليهااا نااوي على خزييت معاهااا وهيااا تجري داايرة يديهاا على فمهااا كاتشهق...دخلاات لحماام سااادة عليهاااا...بقاات غير كاتبكي وكاتعطي لقلبهاا لي كان كايتقطع بحرقة.....ودمووعهااا مباغينش يتحبسوو...مهامهااش انه ضربهاا... كتر مهااهما انه بصح كايخونهاا مع وحدة مجهولة.... عقلهاا خداا هاد لفكرة وماابغااش يحطهااا نهاائيا...قرباات تحمااق...

عصام كالس فبيتوو كايخمم وراسو زاند عليه بالاعصاب والمشكل لي طرااا ... كايتنهد بصوت مسموع بلا حول ... كايعيااا يحااول يسايرهاا وماينوضش معاها الصداع ولكن والو لي فراسها فراسهااا ... هاد الخفة والتسرع الخاوي دياالهاا كايخلييه ديما يوصل معاها لنقطة الصفر ومكايحس حتى كايلقى راسو مقربلها معااهاا وواصلين لماصل ماباغيهاا حد ... حط يدو على رااسوو كايحك فجبهتو بتلفة مابقاش عارف اش يدير ... حل الباب حس براسو مخنووق وخرج من البيت هابط مع الدروج كان السقيل حتى واحد فيهم ماذاق العشا ولا كلاااه ... غير ناضت القربالة كلها شد بيتوو محامل يشوف لاخر ونسرين نعسات فالصالون ... هبط مع الدروج وداز جهة الصاالون باانت ليه منشورة تمااا نااعسة ووجهها حمر وتحت عينيهاا منفووخ باينة بقات عاطياها لنحيط حتى داها النعااس ... ساااط وداز جهة الشرجم لي خلاتو محلول سدو عليها وغطااهااا بمانطااا باانت ليه معرية ... وكلس بالع ريقو كايشوف فيهاا ويتنهد على الحالة لي واصلين ليها على وااالو ... اموور تافهة بلااصة ماتخليهم يحلوها بينااتهم كاتقربل الدنيا وتنوضها على واالو ... كايشوف فيهاا نادم علااش ضربهاا ولا حاط عليها يدو ولكن رااه تصرفاتها وكلامها السليط كايخرجو على طوعو ويفور ليه دمو .... تحت نظرات خنساء لي واقفة عند الباب كاتحصر على حال خوهاا مراتو ... عارفاه كايبغيهاا ويتسطى عليها بكاع عيوبهااا ... ويقدر يدير اي حاجة على قبلهااا ...

عصام شافهاا وناض من تما خاشي يدو فجيبو وخرج عندها : باقي مانعستي ؟؟! ...

خنساء تنهدات : حلف مايجيني ... ( شافت فنسرين ):، نعسات بقوة البكااا مسكينة ...

جرها جهة الكوزينة ماباغيش يفيقها : بفففف الله يصاوب وصافي ...

خنساء : الصبر اخويا ... ( رمشات بتساؤل ): فصراحة مابغيتش نهضر قبيلة ونزيد نوض نسرين .. ولكن شكون هاديك لي كانت معااك ...

عصام : شكون لي وصل ليها الخبار بعدا ...

خنساء بلعات ريقها : فصراحة ... رانيا جات عندي هنااا ... وسولاتني على نيتها واش نسرين بدلات كولور شعرهااا عند بالها هي لي وراك مشافتش وجهها وهي كانت ورا الباب وكشكشاات راك عارفها دغيا كاتفور ... ( بتفسير ): ولكن اخويا والله رانيا مانوات فيها شي حاجة راه من قبيلة وهي تصوني مقاداش تكلس بكترة الزعفة حيت هي سباب ...

عصام سااط حاك على لحيتوو: اودي المشكل ماشي فرانيا ولا غيرهااا ... لمشكل فهادي لي عندي مكاتعرفش تسد دلقوشهاا وتجيغي تصرفااتهااا .. اش فيها كون سولاتتني بحال عبااد الله ... وفسرت ليهااا .. ( بتأفف ): السيدة كانت خارجة من الخدمة ... واللوطو ديالها خسرات فالطريق ... وقفاتني ماعرفت باش تبليت حتى قالت ليا وصلني معااك ... حشمت وهزيتهاا غير لبلاصة الطاكسيااات ... ولكن هاد العافية لي عندي خاصهاا غير فيمن تشعل كي الوقيدة

حركات راسها بفهم : غير سااعف اخويااا وحاول ماتديرش شي حاجة لي تخلي غيرتها تزيد تفااقهم .. راه غاتولي شك وتوصلو لشي ماصل ماتعجب حد ... حسن دير الاحتياااط حتى تبرد ... باينة راسهااا عامر بهاد الموضوع وشادة فيه ...

عصام : مدة هادي وهي مزندة ليا راسي بيه .. على الخواا الخاااوي كاتوض روينة ...

خنساء : عارفة اخويااا ولكن حتى نتا حاول تحكم شوية فيدك ماشي كل مرة نوضتوها تهز يدك عليهاا رااه عييب ...

عصام : ورااه هي لي كاتصعرني ... كاتعرفني كيف داير على نقشة وكاتزيد تحميني ... واش كانضلمهاا رااه لحمهااا طايب عليهاا ..

خنساء : واخا هكااك ماشي اسلوب للتعاامل ... عارفاهاا خضرة وجيب افم وقول وحتى نتاا دمك حامي ولكن كل واحد فيكم يتنازل شوية الا مابغيتوش تخسرو بعضياتكم .. شوية منك وشوية منها ومايكون غا الخير ... ونتا مول العقل زعمااا ...

عصام بايجاب : يكوون خير ... ( حط يدو على كتفها ): سيري حطي راسك ...

ابتاسمات ليه : حتى نتا ... يلاااه تصبح على خيير ...

عصام تايه : تصبحي على خير ..

طلع حتى هو لبيتو يحط راسو ويقلب على النعااس ...

صبح صبااح جدييد كانت فلكافيتيرية ديال لافاك نسرين مع صفااء....ݣالسة كاتشكي عليهاا مفرغة داكشي لي فخاطرهاا عليهااا...غاطرطق من اللداخل..قلبهاا كايتقطع..قرباات تحمااق بلفقصة...شك غايقتلهاا..ولفكرة ديال أن عصاع كايعرف شي وحدة مبغاش تحيد من راسهاا...

نطقاات بنبرة مخنوقة: لا صفااء لا... هو بصح كاايعرف شي وحدة...راجلي كايمشي من بين إدي وأنا معارفة شنوو نديير...

صفااء تنهداات:مابغيتش نصدمك ولكن بااينة غاتكون بيناتهم شي حاجة...اويلي علاه كاينة شي وحدة بنت دارهم لي تركب مع شي حد برااني ورى سكووتر....(مسحات على شعرهاا)ومعرفتي تااني..تقدر تكون مبيناتهم والو...وتكون غير خدامة معاااه متلا...

نسرين بنبرة باكية:هاد لهضرة لي كاتقولي فيها راه قاالوهاا ليااا من قبل ومابغااتش تدخلش لياا لدماغي... خدامة معااه لاوااه الزعتر...(كملات بتأكيد) هو كايعرف شي وحدة هياا كايعرف شي وحدة..وااه غير جبدتهاا ليه وواجهتو بيها وسيد تسيف و مابقيتش عارفااه وصلات بيه الدرجة إهز يدو عليا على قبلهااا...

صفاء بدلات ملاميحهاا لدهشة:اويلي..ضربك ݣااع

نسرين دورات عينيهاا مابغاش تقوليهاا راه سرفقهاا ولوى ليها يديهاا حتا قرب يهرسهاا..ردت عليهاا بهدوء:لا غير هز باش يصرفقني وحبس...دار هكا غير حيت تعصب من هضرتي

صفااء:بففف..رااني قلت لييك الرجال مافيهم تيقة...يطواال الزماان حتاا يطواال...يغدرك يغدرك...صاافي حتاا نتي نساااي...حتاا تحصليهاا عليه دياال بصح...

نسرين بلعاات ريقهاا :اويلي منيتك ننسااا....لا واقلة نتسنااه حتاا يدخلهاا عندي لداار...( ونطقات برجاء شديد) عفااك أصفااء شنو غاندير...شوفي كيف ديري وعاونيني لقااي معايا شي حل لهااد لوحلة....

صفاء بقاات كاتشوف فيهاا معرفت شنو دير معاهاا..فعلاا بقاات فيهااا ومكرهااتش تعاونهاا ولكن مابيديهاا حيلة...بقاات ساكتة كاتفكر حتاا قفزاتهااا...

عودات نطقات بنفعاال عينيهاا غرغرو بدمووع:رااه أصحبتي الى مشا عصاام حتى داتو ليا شي وحدة غادي ندير شي موصيبة فرااسي...لموت حسن لياا

قطعااتهااا صفااء بنزعااج:شششش برى ولبااس عليك..لااش كاتفايلي على رااسك لااش...الى كاان كايعرف شي وحدة وبغااا يمشي يمشي لهلا يرضوو..الله يعطيه الجايحة ضربو هو وياهااا...

ردت عليهااا نسرين كااتشهق :لاا أختي الله يحفضووو ... مادعييش علليه حراام علييك رااه راجلي هداك وبات ولادي...

صفااء دايرة ليهاا خاطرهااا :صاافي اللالة الله يحفضو وينجيه...والله يحفضك حتاا نتي ويخليك ليه غير هنيناا...

نسرين مسحاات دموعهاا بكف يديهاا:دباا مكاينش شي حل والووو زعماا...مانقدرش نعرف وااش بصح كايمشي مع شي وحدة من غيري...اناا بغيت غير نحيد شك وصافي..الى بقيت هاكاا غانحمااق...غانتصطا ونلوح حواايجي......

طولات فيهاا صفاء الشوفة....سكتاات تواني كاتخمم قبل ماتنطق بإبتسامة خفيفة:وااقلة لقيت ليك لحل...

شافت فيهاا نسرين ورداات عليهاا بلهفة:لعااار شنوو لقيتي؟؟!

جوباتهاا بتخميين:معارفتش وااش غاتصدق ليناا ولاا لاا..

نسرين :وااغير قولي الله يهديك...حتاا الى مكانتش غاتصدق..غانقاادوهاا والديهاا باش تصدق...بزز منهااا

صفاء:غانمشيو عند وااحد الشوافة كاايقولو ليهااا لالة خيرة...دقة ببطلة تقلعهاا شكون هيااا وتجبدهاا ليك واخاا تكوون تحت لأرض...

نسرين خرجات عينيهاا بصدمة:شوااافة؟؟!!

صفاء بتأكيد:أييه شواافة...هيااا لي غاتشووف ليناا واش عصام كايمشي مع شي وحدة ولا مكااين واالو...هياا لي غاتحيد ليناا الشك

نسرين بتسماات بخفوت جاتهاا هيا هاديك مكااين لي يبين ليهااا داكشي لي شاكة فيه قد الشواافة...ولكن تواني حتا حولات ملاميحهاا لخوف... ونطقات بتوتر: ولكن الى مشات دارت ليه شي حاجة..ولا وقعات ليه شي موصيبة بسبابهاا..فين غاانوليو...غانصدقو مقادين جيهة ومخصرين جيهة أخرى...لا لا اختي مقادة على مشاكيل...

صفاء:حنا مالناا حمقين نعطيوهاا شي حاجة ياكلهاا ولا نسحروو ليه الله ينجينااا...حناا بحال جميع لعيالات غادي نمشيو عندهاا غير تشوف ليناا شنو كاين وصاافي...هادا مكاان

نسرين بإصراار خايفة عليه كتر من راسهاا:يااك اصفاء مغانعطيوه ياكل والو..ومغايوقع ليه واالو..على حساابك

صفاء:يااودي غير هني بالك..متخافيش...حناا غير غانشوفو وصافي....

نسرين صغرات فيهاا عينيهاا..دغيااا دوراتهاا فدماغهاا مزياان..وملقاتش من غير الشوافة كا حل أنسب لي يريحهاا من الوسواس لي ولاات عاايشة فييه

نسرين حركات راسها:واخاا نمشيو عندهااا..علااش لاا...وهياا الى نضتي دابا تݣعدتي...يلاه نلقااوهاا...

صفاء جمعات لوقفة هازة صاكهاا من فوق لكرسي:هياا اللولة...مكاين الالة لي نسبقوه على هاادشي...يلاااه

وصلو نسرين وصفاء لدار لي فيهاا شوافة...كان لباب محلول..دخلو هيا واياهاا ولخوف متملكهاا من لمكاان...بدات كادور عينيهاا عليه وقلبهاا تقبط...تقدمو لجيهة الصالة لي كايتسناو فيهاا لعيالات..لقاو غير واحد لبنت كاتسنى...وتوجهو ݣلسو حداها حتا هماا كايتسناو فنوبتهم توصل...

لبنت شافت فيهم و نطقاات بتساؤل:واش خديتو تحاصين قبل مادخلو عند لالة خيرة؟؟!

ردت عليهاا نسرين بتساؤل:تحااصين ديالاش؟؟!

جاوباتهاا لبنت:اوى راه شوافة كايكونو حداها لجوااد..ويلى ماكنتيش هازة تحاصين تقدري تقااسي..

نسرين قلبهاا ضرب لي لحضة ندمات و مبقاتش ݣاع باغة دخل عندهاا...داكشي جاهاا كايخلع بحكم اول مرة تعتبها عند شي شواافة ولا دخل عندها...

نطقات لبنت مفيقاهاا من سهوتها:نوضي عند السيدة لي مكلفة (شارت بيديهاا للبيت لاخر) راهاا لهيه تعطيهم ليك نتي وسيدة لي معااك

حركات ليهاا راسها بلإجاب وشكراتهاا..ناضت هياا و صفاء عند هاديك لي مكلفة كيفما قالت ليهم لبنت..عطاتهم دوك تحاصين داروهم فسدرهم بجوجاات...ومشاو ݣلسو كايتسنااو النوبة... دقائق كاتمر على نسرين كأنها ساعاات طويلة..كأنها ݣالسة على جمرة...لغيرة والشك عماو ليهاا عينيهاا بخطرة..ومخلاوهاش تشوف الصح من الغلط...

وصلات نوبتهم...وجات هاديك لي كادخل لعيالات عند الشوافة طلبات منهم يدخلو لعندهااا...خداات نسرين نفس عميق شداات فصفاء بحالا كاتخد عندها لأمان من لخوف لي متملكهاا ...وصلو قدام لبيت لي كان مسدود..حلات ليهم لبااب...ودخلو و سداتو عليهم...مع ردخة نسرين قفزاات وعاودات شداات فصفاء مزيرة عليهاا...كاانت الشوافة قبالتهم ݣالسة فلأرض مفرشة هيدورة حانية راسها...وقدامهاا عرام ديال شمع مشعلااه ولحروزة وشي مخطوطات مكتوبين بلكحل مايمكنش تفهمهم..وعااد لمجمر على جنبهاا دخااخن طالعين منوو...ريحة لبخوور عااطية.... حسات بيهم بقاو واقفين مدخلوش وهياا تنطق بلا متشوف فيهم

شوافة بصوت غلييض:طلبوو تسلييم من مالين لمكاان وزيدو دخلووو...

نسرين رجليها فشلو عليها بلخلعة تحنات على ودن صفاء ونطقاات بتلعتم كاتهضر بشوية كلهاا كاتقفقف:و..ولكن هياا باش عرفاتناا حنا بجوجاات ݣاعمة شاافت فيينا

صفاء خنزرات فيهاا:ششش سكتي غاتسمعك...جوادهاا كايقولو ليهاا كلشي...

نسرين حلات فمهاا:جواادهااا؟؟!تسليييم تسليييم

تقدموو لجيهتهاا و ݣلسوو..تواني وهياا تهز الشوافة راسهااا فيهم بتتاقل...وهو يزيد قلب نسرين ضرب...كانت بشرتهاا حنطية...

واشمة تحت فمهااا...ومكحلة عين اه وعين لاا..لحوايج لي لابسة ولمكان لي ݣالسة فيه مع ملاميحهاا كايجيبو الرعدة

شوافة بتساؤل:شكوون فيكم لي بغاات غرضهاا يتقضى؟؟!

نسرين قبل متنطق تحنات تاني عند ودن صفاء وقالت بصوت خافت:يااك جوادهاا كايقولو ليهاا كلشي..علاش مقالوش ليهاا بلي انا لي بغيتهاا تقضي لياا لغرااض

صفاء جمعاتهاا معاهاا بقرصة لفخض..زعماا سكتيناا جمعي راسك راك قبالة الشوافة تأوهات فصمت وضربهاا بسكتة

شوافة بتكراار:راني قلت ليكم شكون لي بغات غرضهاا يتقضى...طلقووني خلاااص...

نسرين قفزاات بلعات ريقهاا بصعوبة وردت عليهاا كاتفتف:أاءء...أنا الالة انااا..

هزاات شوافة لكاارطة كانت دايراهاا تحت لهيدورة....

سكتات تواني ونطقات بصوت تقيل مغمضة عينيهااا: جيتيني مهمومة ومديوومة...لبيباان تسدو فوجهك...ولكن بابي تفتح لييك....(مدات ليها لكارطة)هااكي... ديري هادي على قلبك..وقولي فخاطرك....هاقلبي ها تخمامي ها باش يأتيني الله..(كملات بأمر)وديري النية..راك بنتي لياا مديرااش النية

نسرين بلعاات ريقهاا لتاني مرة وخداتهاا من عندهاا بيديهاا لي كايترعدوو..دارتهاا على قلبهاا..وقالت داكشي لي قالت ليهاا الشوافة فخاطرهاا..سالات و عطااتهاا ليهااا...دوزات هاديك لكارطة على لمجمر..و من بعد فرقاتهاا على لأرض...تݣرعاات بصوت مسمووع و بدات كاتقول شي كلاام مامفهوومش بحالا كاتعزم عليهاا...شوية وهيا تنطق كاتشوف فلكارطة..كاتقرى شنو فيهاا

الشوافة:مممم..جيتيني على دااك طوييل..على داك السمر لي لكتاافو عرااض...لي عينيه حجليين...ياااك

نسرين همساات عند ودن صحبتها:اويلي هادي شتهااا كاتعنب لياا على راااجل....

شواافة قفزااتهااا ناطقة بتكراار:ياااااك هوااا....

نسرين بتأكيد كاتحرك راسهاا:اييه هواا..هوا هاداك...رااجلي الالة

شوااافة رفعاات صوتهااا:طاااالبي تسليييم

نسرين:اتسليييم الالة تسلييم..

رجعاات شواافة كاتشوف فلكاارطة...وصغرات عينيهااا كدقق فيها بنضراتهاا...

ونطقات بصوتهاا لباح:عطيني ودنيك وسمعي شنو غاانقول....راجلك تبدل علييك هاد لأياام...مبقااش مديهاا فيك...عقلوو مبقااش معااك....نتي كاتشرقي وهو كايغرب..شاد معااك الضد...وغير كاتهضري معااه كاينهض فييك ويسكتك

نسرين عينيهاا غرورو وردت عليهاا بنبرة مخنوووقة:أه بصح..تبدل عليااا بزااف..بحالا هزيتي واحد وحطيتي واحد أخر...

شواافة:(طلعاات فيهااا رااسهاا) غانجيك من لخر بلى مانعطلك...هاداا مبقااش عاطيك نييتوو....نييتو ولاا عاطيهاا لوحدة أخرى

نسرين شهقاات بعدم تصديق :أنااااري بصاااح؟؟؟(شافت فصفاء ونطقاات بنبرة بكااء) ياك قلتهاا لييك...قلت لييك داتو شي وحدة...كنت عاارفاه نااوى معايا لغدر هء هء...كنت حااسة بيهاا..

صفاء شافت فشوافة وقالت بتسائل مخنزرة:شكوون هاد بنت لحراام؟؟!

شواافة:(حطات صبعهاا على وحدة من لكارطاات) هااهيااا اللفعى كاتلوى علييه بغاات تجرو لعندهااا...عاميا ليه لعينين مكايشوفها غيير هياا....كادورو على جيهة لي بغاات...ورااه مغتهنا حتا تفارقكم بجوج وتݣلسكم على طاابلة لمخزن بااش طلقوو...

نسرين خرجات عينيهااا بصدمة دموع تحجرو من عينيهاا...وداكشي لي كانت خايفة منو هاهواا قالتو ليهاا شوافة ودماغهاا دغياا تيق هضرتهااا بلحرف..

خدات نفس عميق وخرجاتو بمهل محااولة تهدن بيه راسهاا برغم من لعاافية لي شعلاات فدااخل دياالهاا..شوافة نجحاات فأنهاا تبيع ليها الوهم وتنفخ ليهاا راسهاا..وتخليهاا تقتانع بأن عصام داتو شي وحدة

قالت نسرين بنبرة رجاء:و..وشنوو لمعموول...عفاااك اناا مزااݣة فيك عااونيني... الى مشا لياا رااجلي غانحمااق غانهبل..غااانمووت...منقدرش نزيد دقيقة فهااد دنيااا بلا بييه...روحي غااااتخرج الى كاان مع شي وحدة اخرى من غيري

الشوافة:راني بجوااادي ديري نية و تهنااي..نتي راكي مرضية لوليدين لي جابوك رجليك لعندي...انا لي غانحيد ليك الدمعة من عينيك....غادي ندير ليك خدمة لي متنوض غبرة ما دير عجااج ماتفيق دري صغير من نعااس.... خدمة ناضية و متقوونة لي تجيبو رااكع بين رجلييك...ويولي كيف لخاتم فصبعك...

نسرين بلهفة:ش..شنوو غاديري؟؟

شوافة هزات شوية من لبخور لاحتو فلمجمر حتا طلعو منو الدخاخن..شافت فيهاا ونطقات بعزم: غادي ندير ليه لكرااهية بينو وبين هاديك خايتي حتا يولي يشوفهاا كحلة زحلة قدامو بحال شي جنية...وغادي ندير ليك لمحبة بينك وبينوو...غانرضك بلاارة فعينيه مغايشوفك غير نتيااا

بلا متشعر نسرين طاحت على يديهاا كاتبوس فيهاا بحالا دارت ليهاا ديك شوافة طلامص ونطقاات برجااء:الله يعطيك ماتمنيتي....لي باان ليك غادي يقاادو ديرييه... نعول علييك...ولكن عندااك توقع ليه شي حااجة...

الشوافة هرباات يديهاا: متخاافيش عليه غير صفي نيتك وجوادي غادي يتكلفوو...ولكن رااه لجواد لي غايخدمو ليك بااغين اليلة..غاايخصهم الدبيحة...ماشي غير اجي ويقادو ليك شغل..

نسرين:شحاال شحاال بغيتي...غير قولي ..لي مكاانت نحضروهاا لمهم عندي هواا يبقى لياا راجلي...

الشوافة:غاايخصك وااحد ألف درهم تجيبهاا لياا غداا ملي غاتجي تدي لخدمة اللولة...

نسرين:أه نجيبهاا ليك...(كملات متسائلة بهتمام)ولكن شنااهياا هااد لخدمة اللولة لي غاديري ليااا؟؟!

الشوافة: غادي نخدم ليك الشمع هو لول و نكتب عليه وندير فيه "الطلاصيم" لي خاصهم يدارو...و غادي نعطيه ليك تاخديه وتشعليه فلبلاصة لي مايشوفو فيها حتا مخلوق...و ما حد هدااك شمع كايدوب غاادي يدووب ليك راجلك بين يديك وماغايشوفك غير نتي...ولي قلتيهاا غاادي يقوليك واخاا...

نسرين دارت بتسامة جانبة رتاحت ملي عرفات انه مغاديش تعطي لعصام شي حاجة ياكلهاا...حركاات راسهاا بلإجااب...كان همهاا لوحيد فديك اللحضة هياا دير بكلام الشوافة لي غادي تغيز ليهاا الشغل بحكم هيا أملهاا لوحيد..وتجييب ليها لي بغاات بلا متفكر نيهاائيااا فلعوااقب

نطقات الشواافة بنبرة أمرة وهيا كاتشوف فبزطاام نسرين:دابا حطي لفتووح دياال هاد لمجية...لي كاين فداك لبزطاام حطييه لجوااد...وبلا ماتحااسبي الى بغيتي غرضك يتقضى...

حلات نسرين لبزطاام بزربة وخواات كاع داكشي لي فيه من فلوس مصرفة ومجموعة..خلات فيه غيير السواارت الداار....

الشواافة ضربات صباعهاا بجوج :يلاااه نووضي جمعي لوقفة..ديري نيتك و جي غداا عندي بحال هاد لوقت جيبي معااك لفلوس ديال لخدمة لي غانوجد لييك...طلبي تسليييم وخرجي..وماتلافتيييش مورااك...يلااااه

جمعاات نسريين وصفاء لوقفة طالبين التسليم...وخرجو من عندهااا... مخططين انهم يتلاقااو لغد ليه بااش يرجعوو عند الشواافة...ياخدو داكشي لي غاتوجد ليهم..تفاارقو فنص الطريق وكل وحدة مشاات لداارهااا...

نسرين وصلاات لداار ... لقاات عصام جاا ݣالس فلبيت خدام فلبيسي ديالو...طلع فيهاا لعين وهياا شافت فيه مخنزرة حااقدة...كاتحلف عليه فخااطرهاا...مامسروطش ليهاا ابدا انو كايعرف غيرهاا...مهضرااتو ما كلماتو....كملات على طريقهاا ممعبرااهش منفخة علييه...وحتاا هو مهضرهاا محاشاهاا ليهااا...كل واحد فيهم مفݣووع فقنت كتر من لااخر...وحتااا لي يݣلس يتحااور مكااينش...

خرجات رانيا من دارهم بملاميح حزينة ومحبطة...عينيهاا عاامرين بدموووع وشفايفهاا كايترعدو بحرقة....سدات باب دارهم رادخاه بعصبية...وكملات على طريقهاا طالعة ليهاا بلمزياان...كااتبكي بيأس ودمووع داايزين من على خدهاا بغزاارة...بقاات طاالقة رجليهاا غاادة لمجهوول باغة غااتنسي وصاافي..

مع الدورة لي غاادور داايرة يديهاا على خدهاا كاتمسح دموعهاا وتشهق...وهياا تسااطح معا سيمو لي هز حاجبو بستفهاام كبير وتعجب وهو كايشوفهاا فديك اللحالة...اول مرة يشوفهاا كاتبكي

طلعات فيه لعين شافتو هو ونطقاات بعتداار بنبرة باكية وهياا غادة مكملة على طريقهاا:أهئ اهئ...سمحلياا ماشتكش...

سيموو لسانو تلعتم ما رد عليها بحتاا كلمة...حدووو بقااا متبع ليهاا العين وغادة...ماحس حتاا تبعهاا...رجليه غااديين بيه لعندهاا بلا مايشاوروه...خاطرو معطاتوش يمشي ويخليهاا وهياا باينة فيهاا مدمرة وربي بوحدو عالم بيهاا....

رانيا بقاات غادة حتاا وصلات لجردة لي كانت قريبة لدربهم...تمشات حتاا لعند الزعلولة و ݣلساات فيهااا...كاتحركهااا برجلهاا وتشوف فلفرااغ...مهموومة وبحالا هازة جبل فووق ضهرهاا...

سيمو تنهد من حالهاا وقرب لعندهاا...كانت الزعلولة لي حداهاا خااوية..

قال مخاطبهاا بتساؤل: نقدر نݣلس حدااك؟!!

رانياا مجاوباتوش وبقاات فنفس الوضعية كاتخمم وتنخصص من لبكاا لي بكاتو من قبل...

خرج سيمو نفسو بتتاقل...وݣلس فزعلولة لي حداهاا...ونطق بنبرة هادئة:مممم...ݣااعمة كايحسابلي حتا نتي كاتعرفي تبكي...عند بالي كاتعرفي غير تخنزري وتميقي..اماا تخرااج لعينين تساهلي عليه جائزة...حيت مكاين لي كايصرعو قدك....ولكن واخاا هكاك..مجاتش معااك لبكية...تخراج لعينين ديالك حسن...

دارت لجيهتو وقاالت بصوت بااح:حتاا بااش توااسيني مكاتعرفش....خضر فكلشي يااربي السلاامة....دابااا علااش تبعتيني...ولا جااي تسمعني شي درس تاني حيت جيت فيك وماشفتكش؟!!

سيمو خنزر فيهاا:تي ماالك نيتك ديماا عوجة ماالك؟!!

ضحكات بستهزااء:هه وشنوو زعماا... تبعتيني حيت بقييت فيك وباغي تشوف مالي...تتتت واخاا نشوفهاا بعيني مانتيقش....انا عهدي بيك غير معفر...متقدر تشد لخاطر للحد...

سيمو سكت تواني ونطق بجدية: معااك بصح...ماالك؟!!علاش خارجة من دااركم كااتبكي؟!!...قلقك شي حد ولا عندك شي مشكل؟؟..

رجعاات شافت فلفرااغ...ومحسااش حتاا لقاات راسهااا كاتعاود ليه...مهمهااش لمن تعاود فديك اللحضة...من كترة ماهمهاا انهاا تخرج وتخوي قلبهاا لي كااان عاامر قرب يفييض...

نطقات وعينيهاا زادو تغرغرو بدموع: بابا كان داير معاناا فهااد السيمانة يجي...ودبا هضر معايا...قالي خرج ليه واحد البلان على غفلة و مابقااش جااي...

سيمو:على هو فين كااين؟!!

جوباتو كاتمسح فعينيهاا: فقطر...خدام تماا...

رد عليهاا مغووبش:اوى هاانتي قلتيهاا بفمك..خداام تماا...الوغ ماشي كايلعب...ملي غاطلقو لوقت راه غاايجي..لاش داايرة هادشي كاامل؟!

رانياا بصوت مرتافع: هاادي ماشي أول مرة كايخليناا حتا كانعولو عليه ومايجيش...حياااتو كااملة وهو كايجمع فلفلوس..يشوف لهمزة ويقلب دورة لعندهااا بلا مايتسوق ليناا...ربع سنين هاادي مااشفتووش....لخدمة نسااتو فينااا...مهامينوش بنتو ومرتو لي خلاهم هنااا...كتر مهاامو راسو و لفلوس لي كايجمع تما تلفوه بلمعقوول...

سيمو سكت للحظة متنهد بشفقة من حالهاا...ونطق : باباك ارانياا عاارف مصلااحتك...هو كاايجري و كايضرب فتماارة بااش مايخصكم واالو...يااك لي بغيتهاا كايعطيهاا ليك...مامخليك محتاجة لواالو...اشنو مزاال بغيتي...على هو كره يجي لبلادو ويشوفكم..راه ضروفو ماسمحاتش ليه...لغالب الله...

رانياا بعصبية:إناا ضرووف هاادي غاتخليك بعييد على عائلتك كتر من ربع سنين؟!...فينمااا نهضر معااه..لاا راني خداام مامساليش...شحاال بغيتي نسيفطو ليك؟!! (طيحاات دمعة من عينيهاا) أهئ أهئ اناا مامحتاجااش لفلوسو... كتر مامحتاجا لحناان ديالو لي تحرمت منو واناا مزالة صغيرة...كان فلول كاايجي مرة فلعاام يشوفناا فسيمانة بلخف ويرجع كايجري لعند شغاالو بااش مايهربووش... دباا قطع ݣااع مابقااش كايجي(مسحااات على خدهاة بيديها لي كااترعد) كاانحس برااسي بحاالا تيتمت فيه وهو حي....وماما ملي عقلت عليهاا وهيا عايشة بوحدهاا بحالا مامزوجاااش.... ديماا عاايشين غير بجوج بعااد علييه....(كملاات بحرقة)وااش فنضرك الأب هو لي كاايصرف وصاافي؟!! ماعندوش واجباات على عائلتو لا على مرتووو ولا ولااادو....

سيمو تنهد وهو كايشوف فيها...جاتو هضرتهااا معقولة على صواب...كاتهضر وحرقة كبيرة باينة فكلامهااا...كان واخد واحد نضرة غالطة عليهاا...معتابرهاا مفروحة وما عندهااا عقل...عارفة غير الضارب و تخرج فعينيهااا....

بتاسم ليهاا ونطق بهدوء:الله يصااوب...اناا متأكد انا باباك كايبغيك...ومكايدير هاكا غير قبلكم باش يأمن ليكم كلشي...داباا يجي ان شاء الله...دابا يجي...

رانيا برجاء:نتمنى...واخاا هاادشي كاامل اناا مغانحفيهش... ديمااا غايبقا محطوط فلمومو دعيني وعزيز وغالي عندي فهااد الدنياا...(بتاسمات ابتسامة رقيقة و بعيوون لامعة ورموشهاا فازݣين بدموع مما عطاا لنضرتهاا جادبية) غاادي نبقاا ديما عادرااه تماماً بحال ليوم...وغادي نبقاا نتسنى نشوفو...ان شاء الله

سيمو بقااا شارد كايشوف فيهاا بلا مايرمش...شي حاجة فداخل ديالو خلاتو يبقاا يشوف بتمعن فملاميحهاا البريئة...اول مرة يكتاشف ان قلبهاا كبيير وبيض...ومكاتعرفش تشد فخاطرهااا دغياا كاتسامح...خصلة مميزة ماشي كلشي كايتمتع بيهاا...

رانياا حساات بنفسيتهااا رتاحت ملي عاوداات ليه...ناضت من زعلولة وقالت مبتاسمة ليه بلطف:سمحلي الى صدعتك بهضرتي(جمعاات بتسامتهااا وغوبشاات)وداباا انا من نيتي كانطلب السماحة...ياااك نتااا لي جيتي باغي تسمعني ما بززها عليك حد...

سيموو ضحك موسع نضراتو فيهاا:يااا سبحاان الله شحاال كاتبدلي فلبلاصة..يلاه كنتي ضريفة...دغيااا بدلتي المووود تااني..ولعفووو معااك لعفووو...

رنياا ضحكاات..ردت عليه وهيا غادة:بسلامة عليك...سلم على عبدو وخالتي حيااة...

سيمو:مووبلاااغ...

كملاات هضرتهااا وزادت...و سيمو بقاا متبع ليهااا لعين حتاا مشااات...بتاسم حيت فرغاات عليه وعرفهاا رتااحت...شعور غريب تسلل لداخل ديالو تجااهها معرفش كيفااش يفسرو....ماينكرش انو عجبو لحاال حيت ضحكاات على يدو...وتفاجاات شي شوية...بلخصوص و هو أكتر وااحد عاارف شحاال صعيبة تكوون مأزم..مخنووق..بااغي لمن تعااود وتشكي...وملي كااتفرغ فعلااا طاقة جديدة كاترجع لييك...وكاااترتاااح...

صبح صبااح جديد.... خنساء فاقت شوية معطلة فنعااس... مالقات حتاا حد فداار...غسلاات عليهاا و وجداات فطورهاا بلخف...فطراات جمعات لماعن غاسلاهم بزربة... ومشات ديريكت طلعاات لبيتهاا...بدلات عليهاا..سرحاات شعرهاا على طولتو وضفرااتو...دارت مكياج خفيف بااش تصحصح ملاميحهاا....هزاات بزطاامهاا وخرجااات...

مرت ساعة وهياا كاتقلب...من درب لدرب زنقة تلوحهاا لزنقة...كاتقلب على المحاال فموقع ممتاز وتجااري ووالو مالقااتش...عياات وطلع ليهاا الدم...وقرباات تيأس

نطقات وهيااا شادة تيل فيدهاا كاتدوي مع راانياا لي حتاا هياا كانت كاتقلب فجهة اخرى:اووف اصحبتي...شتي شحال ديال لعكس يالطيف...كون مابغيناش هاد لمحل كون راه باان دابا....

رانيا: داباا لقااوه...خاص غير نقلبو مزياان...

خنساء:ومعلوم خاصناا نقلبوو مزياان...رااك عارفة..غير تعطي لعربوون...رااه يلصق فييك....ضروري حتاا نلقبوو بااش مانصدقووش مݣدمين ونخسرو لفلووس من لول..هانتي نتي بقااي تقلبي تم وانا هناا...ونشوف نقدرو نلقااو شي حاجة...

رانيا:عرفتي اشبان ليك نمشي لعند السمسار لي فراس الدرب...هو غاادي يلقاا ليناا لمحل لي بغيناا...غير نقولو لمواصفاات ندورو معااه..ونخرجو سوقو ديك السااع...يلقااه يلقااه..هااديك هياا خدمتووو..بلا مانبقااو خيطي بيطي فزناقي بلا فايدة

خنساء بتفكير:مممم...عندك الصح فهاادي صاافي سيري...وبااشماا كاان رد...

باقي ݣااعمة كملااتهااا حتااا فراناات ليهااا لهضرة فلحلق من دااكشي لي كااتشوف قباالتهاا...خلااها توسع نضراتهاا على حدهم بدهشة...كااتشوف فداار لي معروفة دياال الشواافة...تشوكاات اخر مكاان غايجي فتوقعهااا هيااا تشووف نسرين خارجة من عندهااا مع صحبتهااا...وكادخل ميكة عاامرة وسط صااكهااا بااينة خرجاات من عندهاا شي حاجة...حلااات فمهااا بصدمة كبييرة وبعدم تصديق...مامستوعبااش ان نسرين كاانت عندهااا....

خنساء غادة جاية وسط البيت ديال الكلااس كاتفرك فيدها ومن وجهها باينة طالعة ليهااا واصلة بيها العظم ... كل مرة تهز عينها للباب كاتسناها بفارغ الصبر تعتب بااش توريها شغلهااا وتسمعها خل ودنيهاا .. مخنزرة وكاتنكر بصوت مسموع : ولاهيلا السحاارة ... بقااو لوالدين حسها غير الشواافااات ... لا لا هادي خرجات ليها كووود ... كااادغج لخوويا وحنا بلا خباار وهو مقلوبة عليه القفة ... (كرزات على سنانها مغددة): اويلي ومن ايمتااا ... الله ياربي وشنو غاندير مع هاد الموصيبة ؟؟!

الدنيا دارت بيهاا والحاجة الوحيدة لي هامااهااا هي واش نسرين كاتسحر لخوها وشنو دايرة فييه ..مزال مقادراش تستوعب انها ممكن دير هادشي ... ولكن شنو غاتكون كادير عند الشوافة ... شنو غايخليها تمشي عندها الا مكانش هدفها هو عصام خصوصا المشاكل ديال الايام الاخيرة ... اكيد خلاتها تهور وتمشي فهاد الطريق ...

وهي باقا حايرة فافكارها واسئلتهاا سمعاات الباب تحل وهي تهز عينيهااا مخنزرة ...

نسرين تقدمات للبيت بحال الا مدايرة والو مسايقة خباار ... غير عتباات وهي تنهض فيها خنساااء وكشاكشهاا خاارجين : اعلى السلاااامة بتريكة البخور والجاوي وصلبااان ... كيف كان الفتووووح ياكماا ضربووك حتى تهزيتي ؟!! ...

نسرين خرجات عينيها بصدمة : اءء خنساااء ؟؟!! ( كاتفتف ): ش..شنو مافهمتش ؟!

خنساء بايجاز مخززة مفيكسية عينيها فيها : اش كنتي كاديري عند الشوااافة ... دوييي .. صاافي خرجتي ليها طاااي طاااي ابنت نجااة ...

نسرين خرجات عينيهاا ماعرفات باش تبلات وكيفااش عرفااتها كانت عندهاا ... قلبهاا زدح فالتسعيين ... نطقاات محااولة تنكر : اشمن شوافة ...ان ...

قاطعاتهاا هازة صبعهااا فوجهها : سكتي وايااااااك تكدبي ؟؟ ... شفتك بعيني ... مكاااين مايتخباااا لي عطا الله عطاااه ... وداباا غاتقولي ليا اش داااك لتمااا ولااا وديني حتى قنيطرة كااملة غاتدي خبااارك ... واليوووم خراااك مايجمعووه شراااوط ...

نسرين بلعات ريقها وهي كاتشوف فخنساء واصلة لطوب وباينة فيها مصرة على كلامهاا ومستحيل تراجع ولا دوزهاا ليهاا على خير ... مالقاات حتى حل تسلكهاا بيه من غير تنكر تشجعاات حابسة خوفها: نتي وااش حماقيتي اشمن شواافة ولا زبل ... اش هاد الهضرة الخااوية ( قلبهاا كايخبط ): نتي بااان ليا حمااااقيتي لاااا ؟؟ ...

خنسااء غمضات عينيها بنفاااد صبر : دابااا واش كانبااان ليك عندي للقرون ... انا حمااارة قدااامك غاضحكي عليا بهااد جوج كلمااات ... برب المعبود ماني مفااكة معاااك ... شتي داك التبوهيل دياالك مواكلش معااايا بالمرة ... لي فراس جمل ابنتي انسرين فراااس الجمااالة .... غاتقولي ليا شنو كنتي ديري تماا ولاااا مغايعجبك حااال ...

هاد الجملة الاخيرة لي جات فودن عصام كان داخل من الخدمة وسمع غوااااتهم ونكيرهم ... نطق مقفزهم بصوتو : فيين بالسللاااامة كانت ... وعلاااش مغاااايعجبهاااا حااااااال ؟؟؟!!! ...

دارو لجهتو بجوج مصدومين وخنساااء عضات على شفايفهاااا ماعرفاتو منين جااا ... نسرين غير شافتو الماا هبط ليهاا للركااابي ورجليهاا خوااااو بيهااا ... عينيها فالبلاصة غرغرو كادعي الله يسلكهاا ليهاا بلااااما يعرف وااالو ولا اليوم غايكون كحل معااه ...

عصام تقدم ونهض فيهم : دابا واااش غاتبقاااو تشوفو فبعضياااتكم ؟؟!!! ...مالكم منوضينها وصداعكم واصل لراس الدرب ( شاف فخنسااء ): شنو هادشي لي مغايعجبها فيه حاال ...

خنساء دورات وجهها لنسرين لي هزات فيها عينيها برجاااء كااتحااول طلب فيها بعينيهااا ... خنساء حقدات فيها عينيهاا وهي كاتفكر اللقطة لي شاافتهاا خارجة من عند الشواافة .. وكيفااش قدراات دخل راسها وخوهاا فهادشي ... وللاسف تقدر تكون كادير هادشي من قبل وموالفة تمشي عندها ... ماقدرااتش تحكم لراسهاا وضغطات على يدهااا بلااماا تحن وهي معمية بالغضب والخوف على خوهااا ... نطقاات مكشكشة : يلااااه جااوبييه ... فين كنتي ... دوييي ؟؟؟ ...

نسرين عينيها عمرو بالدموع ماعرفات شنو تقول عرفات خنساء مغاتراجعش ماقدرات تنطق بحتى كلمة ...

عصام باستفسار : نسريين شنو كااين ؟؟ ..

خنساء باستهزاااء : اش غااتقول ... معلووم مغاتقدش تدوي على هي حمقة تقولك شنو كانت دايرة مرة ضهرك ... ( خنزرااات معولة تفركع الرمانة بالنسبة ليها نسرين هاد المرة تمادات وخوها اولى من انها تستر عليها على حساب مصلاااحتو ): ايوااا اسيدي مراااتك المحترمة .... شفتهااا خااارجة من عند احسن شوااافة فقنيطرة كاااملة ...

نسرين نطقات بصوت خاافت دموعها فعينهاا : عفاك ..ا خنساء ... لاا !! ..

خنساء كملات كلاامهاااا : تقدر تسولهاا اشمن طلااسيم دارت ليهااا وبشحاال ولمن بغااااتهم ؟؟؟ ...

عصام خرج عينو بعدم تصديق نطق مشوكي : نعااااام ؟؟؟؟ ...

نسرين بلعات ريقهاا مالقات حتى حل من غير تنكر وترد اللومة لخنساء وتردها كدابة .... حيت اكيد مستحييل تقبل تفرش قداام عصاام لي عارفاااه مغايغفرش ليهااا ... عضات على شنايفهااا كاتبوحط عليه : لااا اعصاام ... هادشي مامنوو وااالو غير كاتكدب عليييك ... انا اش بيني وبين شي شوااافة ... واش انا ديااال هادشي هء هء ... ( بلوم ): ماشي حرااام عليك اخنسااء تلوحي عليا الباااطل ... هي غير فرتكاات شملهاا وبغاات تفاارقنا حتى حناا ..

خنساء شافت فيهااا هازة حاجبهاا كيفااش كاتكدبهااا ومن الفوق راضاها غالطة ... خنزراات فيهاا : يااااك ...وجهك صحيييح ابنت نجاااة ... والله زعمااا السنطيحة علاش تحشمي مااتكساابيهاااش ... ايواا الالة ماقلتي عييب ... مني نتي فيك هاد الفهاامااات حلي دااك الصاااك ورينينا شنوو فييه ... كدبيني قدام خوياا نشووف ...

نسرين تشوكاات وزيراات على صاكها بيدهااا بالعة ريقهاا حسات براسهاا وصلاات لطريق مسدود مابقا عندها هروب منهااا ... محركة راسها بالنفي ودموعها على خدهااا

عصااام اعصابو فالبلاصة تشحنوو مامصدقش كلاام خنسااء بالمرة .. حس بيها كاتدوي على شي وحدة من غير مرااتووو ... شااف فيهااا مزيرة على الصااك وقرم حجباانوو ... قرب يدو بنفضة وطيرو ليهااا من يدها بالجهد خاااطفوااا ليهاا كاايحل فيه بعصبية وساااسو قدااام عينو فالارض مشتت لي فيه ... تحت نظراات نسرين لي كون صابت الارض تبلعها ديك الساااعة ..

بقاا عصاام مشووكي من داكشي لي كايشوف قدامو مرمي...شموعاا ومخطوطاات مكتوبين بلقطراان..دليل الشعودة قبالت عينيه...نسرين خرجاات شهقة حاارقة من اعمااقهاا...حاطة يديهاا بجوج على فمهاا....وعينيهااا عاامرين بدموع حااجبين عليهاا الرؤية...تكشفاات وتكشف امرهااا...تمناات المووت ولا تفضح مع عصام...الزوج والسند لي طوول الوقت مشافت فيه غير الخير....من غير فلحضة وبسباب سوء تفاهم لي معرفاتوش ومعطاتش لراسهاا فرصة بااش تعرفو...دمر كلشي وردو بحالا عمرو مكاان...

عصام سكت من حر الصدمة لي تلقاتهاا مقدرش ينطق ولا يبوح بحتا كلمة منعات عليه النطق بلمرة...حس بخيبة أمل كبيييرة حاطت بييه من جيهتهاا....احسااس خايب بزااف ببداا كايمزق فيه من لدااخل...عتبرهاا غدرااتو...طعناتو فضهرو...داير فيها تيقة عمية لي ماتشرى بماال وما توزن ݣااع....وااش لهاد الدرجة لغييرة خلاااات عقلهاا يغيب؟؟! مقدرش يستوعبهاا نهائيا معمر مكاان كايضن انهاا توصل بيهااا تمشي شي نهاار لطريق موسخة وعامرة معصية بحال طريق التشعويد....طلع فيهاا عينيه...مجمد فيهاا نضراتو لي عتابراتهم نسرين فديك الساعة نضرات قاتلة....كايشوف فيهاا وهو غاطس فمتاهة صعبة الخروج لي حطاتو فيهاا بطايشهااا...عقلو حبس حبسة وحدة فديك اللحضة...بنسبة ليه دارت خطيئة مايمكنش تغفر واخاا يكون عندهاا الف مبرر ومبرر...جااااامي تغفر..

شنو خصص ليهاا حتا مشات عند الشوافة تاخدو من عندها...شنو خدا ليهاا حتا مشات عندها تردو ليهااا...أسئلة كتيرة كانت كاطيح فعقلو وحدة مور لخرى مالقيش ليهم الجواااب....ݣااع داكشي لي بنااو بجوج هدمااتو بقلة عقلهااا...كانت هياا حياتو كااملة...كاايحمااق عليهاا وطاايح فيهاا طيحة وحدة لدرجة مايمكنش يعييش بلا بيهااا ابدااا...كايعدرهاا فشحاال من حاجة كاديرهاا...كايتقي الله فجميع تصرفااتو معهااا... ولكن هااد الزبلة لي دارت...كانت بمتاابة القرطااسة لي ضرباتو بيهااا بقلة وعيهاا وجهلهاا...وبلا مااتفكر ..لااحتو بتهورهااا فاعمق بحر ديال الخدلاان...مرمي فلقاااع لي ماايقدر ينقدو فيه حتاا حد...

نسرين بقات على نفس الوضعية قلبهاا كايضرب على جهدو بخوف شديد وريقهاا كاتبلعو حااااار دايز على حلقهاا....باااش غااتبرر؟!؛وشنو غااتقوليه؟!!باااش غاتفسر لييه مشيتهاا لتم؟!!وشنوو غاادير باااش يسااامحهااا على غلطة كبيرة دارتهاا فحقو فلحضة غضب؟!! مافكرااتش ابداا فلعوااقب...همهااا الوحيد تعرف شكون كاينة فحيااتو...معامن بدلهاا؟!!غلطلة أكيييد غاتكلفهااا التمن غااالي...ومن نضرااتو ليهااا عرفااات انو واخاا يبقا فيه عرق واحد كايضرب مغايدوزهاااش ليهاا بسااهل....

بقااات مسمرة فبلاصتهاا بحال هداك لي كايسنى يتنفد حكم الاعدام فحقو وهيااا كاتشهق فصدرهاا بصوت خافت...

قربااات عندو باغاا تشد فيديه ونطقات بنبرة باكية:ع.. عصاام سمعني اناا غانشرح ل...

وقفهاا مامخليهااش تهضر جاار يديه لعندو مبعد بلوور مخسر كمارتو فيهاا وبصوت مخنوقة قاال:مااتقصينيش...اخر وحدة نتسناها تشرح ليااا هيااا نتي...بلا ماتعدبي رااسك خلي هضرتك عندك...مابقاا ليك فين تشرحي...كلشي بااين...وشاارح رااسو برااسو...

خنساء ضغطاات على يديهااا...كاتشووف فخوهااا لي خدااا دقة صحيحة خلاات جهدو ينهاار... تنهدات فخاطرهاا ورجعاات شافت فنسرين لي زيراات على شفايفها رجعااات حمرة بلبكاا وعينيهاا مابغينش بحبسوو من دمووع...

نطقات بحرقة:هاااادشي كااامل درتو على قبلك أعصاام...تيق بيااا على قبلك...غير بااش نعرف هااديك لي مشيت عندهاا وداتك...والله لعضيم حتااا غير على ودك...

عصام رفع صوتو:ماااتجبدييييش الله على فمك...نتي كاااتعرفي الله لي غادة عند الشوافااات...بوجهك حمررررر كااتقولي ليااا على قبلك...دااايرة لياااا فيهااا عدر أقبح من الزلة....(كمل كايحرك راسو)خساااارة...بربي حتااا خساارة....يجيو يقولوها لي ونكدبهم....كون مشفتش بعيني مانتيقش....نتي انسريين يخرج فيك هااادشي كاامل...

خرجاات بكاائهااا بصوت مسموع حاادرة راسهاا لأرض حاسة بتأنيب كبيير: عصام عفاااك

كمل بنفس النبرة كايدوي مكره فيهاا بلمزياان...دمو كايغلي فعروقو ضااغط على هضرتووو: خمس سنين من زواجناا...بليلهاا بنهاارهاا...عمرني خصصت لك فيهاا شي حاجة؟!!عمركي حليتي فمك على شي حاجة وماجتهااش ليييك....عمركي مرضتي وتخليت عليك ولحتك لدااركم يݣبلووك....تكوني مهمومة ونواااسيك...ديريهااا يزلق فيهاا جمل نميك و ندوزهاا ليك....تغضبي ونرااااضيك...عمرني خبيييت عليك شي حاجة بلا متكوووني نتي لولة تعرفيهااا...دااايرك مرتي ختي بنتي....ساعة كنت غااالط....غاالط وبزاااف....(غوت بنبرة قوية وهياا كاتشهق قباالتو قرباات تسخف بلبكاا) بقاااات ليك غير الشواافة....(يلاااه بقااا يقرب ليهااا و هياا تحبسووو خنساء)الشواااافة ياابنت لحراااااام...

نسريين عضاات على شفاايفهاا كاتنخصص صدرهااا كايطلع وكااينزل بنحييط...

يلاااه كاانت غااتدوي وهوااا يوقفهااا بنبرة قاااسية:سكتيييي....صوتك مااابقيتش باااغي نسمعووو....خلييقتك مااابقيتش بغيييت نشووفهااا قداام عيني....انااا لمرى لي تمشي وتجي عند الشوافااات مخاااصنيش معندي ماااندير بيهاااا....من ليووووم حراااام واااش بااقي تكوووني ليااااا مرى...سيري رااااكي مطلقة مطلقة مطلقااااااااا....*وديييييييي عليااااااااااا......

العشية تعاشات ... عينيهاا طاابو بلبكااا....قربااات تحمااق عقلهااا قرب يتحيد من بلاصتووو....قد ليبكااتو نسرين فداك نهاار عمرهاا بكااتو ولا تصورات تدمعو شي نهاار....كاانت ݣالسة فلبيت فدارهم باليزتهاا مكمدة حداهااا....واقفة عليهاا نجاة ويعقوب خوهاا...جاتهم لخبااار بحال الصاعقة نازلة على راسهم...عاودات ليهم كلشي ومخبات عليهم واالو...كاتعااود وتنحط وتنخصص...بسباب تهورهااا وتفكيرهاا المنعادم وقلة عقلهاا...طيحاات راسهااا فمشكل عااويص...وخسراات أعز شخص عندهااا....ندمااات اشد الندم فلوقت لي مابقاا ينفع فيه وااالو...حيت فاات لفووت....

نطق يعقوب بتننهد:دابااا درتيها قد رااسك وكااتبكي....لاااش كادمعي داباا لااش....صاافي لي عطااا الله عطااا...

نجاة نطقاات بعصبية مغوتة بقاا ليهاا شوية وتجمعهااا معاهاا حابسة راسهاا غاا بزز:خليهااااا تشبع بكااا....خليهاااا...يااك مشاات عند الشواافة...وعاايطي عليهاا دروووك ترجعك ليييه....وربحي داباااا دووقي من لمسݣي...(شافت فيعقوب وهياا شاعلة)ونتااا مزااال كاتسكت فيهااا هااادي راه خاااصهااا نتفة نيييت على الله يتحرك شوية داك لعقل لي غييير متقلة بيييه...

جاوبهااا مخنزر:شنووو بغيتي ندير؟!!نووض نخلي ضااربوهاا على فعلتهاا لي مكاتدكرش؟؟...اييه نديرهاا..ولكن وااش لعصاا غاتوصلناا لشي حل...غاترجع لي ضاااع؟؟؟,

نسرين كاتمسح فحنكهااا كاتخرج لهضرة بزز بتنخصيص:أهئ أهئ...مشيييت... على قبلو أهئ أهئ...على قبلووو....غير على ودوو...مكنتش عاارفة وااش....غانوصل فيهاا لهادشي كاامل...اهئ أهئ...مااكنتش عاارفة....

يعقوب نهض فيها:واااش نتي مريضة ولا شنوو؟!! وااش هو لي صيفطك عندهااا....عند بوك زهر غير طلقك...غا رضات الوليدين وقفات معااك اماا كاان غااينزل عليك حتااا تزهق رووحك...بسبااب لي درتي...

نجاة شداات على رااسهاا لي حاسة بيه كايزدح:الله يااربي واافين كااان مخبي ليناا هاادشي....الله يااربي والى سااقت عمتوو لخبااار غاضرب لينااا الطرررر فوسط الدرب...واوجدي مبروووك...هاااهياااا السحاارة غاطبع ليك حداا سميتك مقااادة...هنية علييك

نسرين كاتغوت بحرقة:اهئ اهئ مكاااايهنييييش....انااا لي بغيييت داباا هو عصااام يرجع لياا ويسمح لياااا صاافي...أهئ أهئ مسووقييش فحد...

نجاااة: واااحلمي الى كنتي كاتسناايه يردك...على قبل فعلتك محااال عصاام وااش بااقي يشووفيك حتااا الشوفة....بلحق سرك غزااا فيك باااش تعلمي...

ردت عليها بنحيبب قوي:صااافي امااماا حراام علييك...اهى أهئ انا قلبي طاايب وغاتزيدي تكملي عليااا....(عاودات مسحاات عينيهاا ونطقات بحقد) هادشي كااامل بسبااب ديك اللفعة السااامة تاع ختووو...الله ياخد فيهااا لحق...شملهاا تشتت وبغااات تشتت شملي حتااا انااا...الله يلݣيهاا ليها فهااد النهاار...

يعقوب وسع نضراتو من هضرتهاا:منيتك؟!!! كيفااش هياا سبااب...سيدة راه مداارت غير لي خااصو يداار...خوهاا أهم ليهاا من اي حد وعااااادي تحطك بوجهك وتقوليه شنوو كااين...شنو بغيتهاا دير متلا...تشوفك خارجة من الدار الشوافة وتسفق ليييك...بحالا حتا حاجة موقعاات؟!!!

نجاة:هااديك رااه بنت الساايب قاادة وحاارة ماتوصليش ليهااا واخااا نرجعك لكرشي ونعااود نولدك من جديييد...( ضرباات على فخضهاا) اويلي يااعبااد الله وطلووو على فضيحتي....اخر ياامي ولات بنتي تمشي عند الشوافااات...رااجلهاا طلقهاا حيت لقاهاا كاتسحر ليييه...اويلي يااعبااد الله على شوووهتي اويلييي...

داارت نسرين يديهاا بجوج على وجهااا كااشهق بحرقة و تندب على زهرهاا العوج.. دنيا ضلاامت قدااام عينيهااا...حاسة برااسهااا بحالا غيير تݣدماات ومكانت عندهاا حتاا نية بااش دير لي داارتوو...فراقهاا مع عصام دمرهاا تماماً جننها وكاان بحال لخنجر لي دبحهاا بلا رحمة...

صباح جديد مشمس واشعتو ضاربة فدار الساايب لي شراجمها كلهم محلولين باش يتهواااو ... خنساء حطات الفطور فوق الطبلة لابسة عليها بيجامة خفيفة وكالسة كاتكب اتااي ... دخل عصام بعدما بدل عليه ناوي يخرج للخدمة ...

خنساء شافت فيه بابتسامة : صباح الخير الغالي ..

بخفوت كلس وباين هم الدنيا والدين على وجهوا : صباح النور ..

خنساء بهدوء : نعستي مزياان ؟؟ ...

عصام بلع ريقو وهز فيها عينو الدابلين : اودي ماشفتش غمضة ديال النعاس .. ( تنهد ): حلف لا جاني ...

خنساء : الله يهديك اخويا براكة ماتفقس فصحتك ... رخف شوية على راسك ولي بغاها ربي هي لي غاتكون ...

عصام هز كاس ديال اتاي : داكشي لي طرا مابغاش يخرج ليا الراس .. برب مقاادر نستوعب ... بفف حاس براسي غانحماااق ...

خنساء بايجاز : قالو زمان ما عند القرعة ما ترعى من غير مشيط رأسها ... وهادشي لي كتب عليك سيدي ربي... دابا يفرجها من عندو انشاء الله .. المهم نتاا ترخف فيك النفس وتديها فراسك ... والله يدير شي تاويل من عندو ...

عصاام : الله يصااوب وصافي ... (وقف لخدمتو ): بصحتك الله يعاون

خنساء : الله يعاون ...

بقات متبعة ليه العين كاتنهد عارفاه مقهور وصعيب عليه الحال ولكن نسرين بالنسبة ليها غالطة وخاصها تحمل مسؤولية غلطها ... صونا تليفونهااا بنمرة رانيا وجاوبات : اهلا الشيخة فين غاطسة ...

رانيا : تي لي فين غارقة ... صونيت عليك الصباح بكري مال موك مكاتجاوبيش ...

خنساء : اكنت باقا ناااعسة اش غاندير لييك انااا ... نتي منبرة عليا... يااك اواا شي باس ما كاين ؟؟؟

رانيا : ياااختي كنت باغا نقوولك راااني لقيت المحل لي غايصلااح ليناا ..

خنساء قادات الكلسة باصغاء : ربي ربي ... وكيف داير مزيااان ؟؟ ...

رانيا : اييه مزيااان ... وراني عربنتووو عطيتو تسبييق تلت شهور ...

خنساء خرجات عينيها وضربااات على فخاضهاا : اويليييي على عربنتوو .. ومعاامن تشاااورتي واااش ضرب والديك الخلااااا... ( بالغداايد ): كااين شي واااحد كايعربن بتلت شهوور تسبيييق ...

رانيااا : الله يهديك اصحبتي رااااه كون ماعطيتهااش ليه كانت غاتاخدو واحد المرااا وغانتزرفوو ... والله وماتساليني حلوف حت...

قاطعااتهااا بالغدايد كاتندب : التزريفة هي لي درتي لينااا داباا ... اويلي ... وشكون قالك اللالة عطيه شي فلووس وااش تخوورجتي ولا مالك .. ياك قلنا حتى نشوفوه بجوج ... مااال موووك كاطيري من المقلة ... غير جيتي وزطمتي ...

رانيا بتفسير : وشنو نخليه يضيع من بين يدينااا ... وزايدون رااه كايقولك ضرب الحديد ماحدو سخوووون ...

خنساء مفقوسة : الحديد هو لي غاانخشيه لوالديك فخرزتك الا صدقتي مزرفااانة ... ( بندبة ): اويلي على المسخوطة المنونخة خدمنا مع حسك بكري ...

رانيا : وا صافي اصحبتي حتى تشوفيه ودوي مالكي كاتعرعري رااسك ... والله حتى غادي يعجبك ... كبير ونقي وجا فموقع زوييين ... ديال الخدمة داكشي لي كناا نقلبو علييه

خنساء ساطت شادة على راسها : والله يا راانيااا ومايصدقش داكشي لي باغاا .. حتى نخلي موك واحلة فيه بووحدك مانعقلش علييك ... بربي و يطلع فاالصو حتى نضربها لختي بنكرة وخلصيه من جيبك ديك السااااع ....

رانيا : راني دويت معاك اصحبتي والله حتى غايعجبك ... كون فلتناه والله مانلقاو بحالو بداك التمن ...

خنساء : هاااحنا غانشوفو انا نفطر وندوز عندك نمشيو نشوفو هاد الفضيحة ... نلقاك واجدة ...

رانيا بايجاز : صافي كوني هاانية غاتلقايني فالبااب ... يلااه تهلااي ...

خنساء : بسلااامة ( بتأفف ): الله يخرج هاد الطرح على خير وخلاص...

يتبع...