محتوى القصة
خرجات من لبيت ݣاعمة تسناتهم اردوهاا عليهااا... كاارزة على سنانهاا بعصبية...وجهااا رجع حمر...من نهاار اللول بااين لعربوون....
بلا ماتشعر عيطاات ليه بصوت مرتفع مبغااهش يبقاا ݣالس معاهم ونصيرة ماتمدح ليه فأحلام وتزينهاا قدامو:عصاام...وااا عصاام...اجي لعندي عفااك....
عصاام ستأدن منهم ونااض لعندهاا...لقاهاا طلعاات لبيتهم...تبعهااا حل لبااب...و لقااهاا وااقفة كاتغزز ضفرهاا بلغداايد...
نسرين حبساتو قبل مايدخل:سد عليناا بعداا داك البااب...رااه كتيير لغااشي
عصام ردخو برجليه وقاال مخنزر عارفهاا طلعاات ليهاا:.مالك تااني كاتبومبااي عليااا؟؟؟اشكاااين...
جاوبااتو مغددة كاتحرك يديها فلهوى بعصبية:انااا غانتكاالماا...انااا غاانتهدن لأقصى الحدووود...هاااد لأعصااب واالديهم غاانجمدهم صحة...داباا غير بغيت نفهم حاجة وحدة والى بغاات روحي طلع غير طلع...اشهااادشي كاادير فييه عمتك؟!!
عصاام سكت تواني عرفهاا تقرصاات.... و ببرودة ربع يديه وقاال :شنوو داارت تااني...(يلاه غاتهضر وهو يقاطعهاا بنفس النبرة)لاا حيت انااا كنت ݣاالس حدااكم مباان ليااا وااالو...واااا...لووو
نسرين طرطقات فيه عينيها:لااا..واالو...غير مݣلسة لبنت قداامك...وبااركة كاتشكر ليك فيهاا..لا رحب بيهااا....لااا شوفهاا كبرات لاا شوفهاا زياانت....وهااادشي قدااامي اعبااد الله...مي صافاا بااا؟!!!
عصام حرك راسو بلإجااب:مممم هياا هاادشي تااني لااش طالعة كاطرياام...هاد لمسلسل ديالك مع عمتي مزاال مغايسااليش؟!!
نسرين بصرااخ:وشكووون لي جبد اناا ولا هياا...وااش جااتك عاادي اعصاام مرتك حدااك وتبدااا تشكر ليك فدرية باقاا مشاافت ماتشوفااات بلااا ماادير ليااا حتااا عتبااار....بحااالااا اناا مكايناااش؟!!
عصاام ضحك بجنب وقاال:صدااع على لخااوي... شتي بعض المراات..كايجيب لياا مزوج بدرية صغيرة..لعقل معندهاااش...غاادي وهياا تابعااه برب...
هياا وسعاات فيه نضراتهاا لي لحضاات...هزات فيه حاجبهاا وقالت بنبرة مخنوووقة:دباا وليت درية صغيرة يااك..(حركات راسهاا بلإجاب)وااخااا...واااشباان ليك مت هااد درية صغيرة تحط ولد خاالتهااا لي سمعتيهاا عليه لهضرة دياال بصح ديك لمرة...تحطوو قدامهااا وتبداا تمدح فيه حدااك...(غمزااتو)يلااه قوولياا شنوو غاادي دير ديك السااع...مغااترجعش ولد صغير؟!!
عصاام زاااد خنزر فيهاا وقاال:دابااا علاااش كااتقلبي فهاااد اليل...شنوو باغاااا...
نسريين بلغواات:بااغة عمتك تبسع من سااحتي...بركة عليااا غير مشااكلي معاااك لي مزاال ماالقيتش ليهاا لحل مااتزيدنيش حتااا هيااا بهااد لبرهوشة لي جاايباا معاهااا...رااني كاانحلف ليك بالله وتعااود هاادشي قداامي مرة أخرى حتااا نعطيهاا خوو جواابهاا...داباا نعلت شيطااان لمرة جاايااا راه مغاااديش نعلووو...
عصام محسش حتااا جرهاا لعندوو من حنااكهاا بجووج بعنف حتاا غمضت عينيهاا ونطق بنبرة صوت قوية:مكاانبغييش نحط على ديلمك يدي ولكن نتي لي كااتخرجيني على طوعي...ودابااا انااا لي كانحلف ليك بالله وتنوضي شي صدااع معااهااا...حتااا ندمك...راااني لدابااا مازاال مامسروطش ليااا شنووني درتي وسباااب طلااقك معاياا غيير ميك عليييك.....حاااولي تصلحي لأموور عوض متبقاااي دايرة رااسك فتفااهة وكل مرة تشعلي على واااالو...(رخى منهاا)هااني دويت هاد لمرة بفمييي... والله يعميهاا ليييك...
جمعات ملاميحهاا و عينيهاا مغرغرين بدمووع...شهقاات وتلاحت عليه معنقاااه خاشية وجهاا فعنقو كتبكي...
عطاات لعناان لدموعهاا وقالت:عييت من هاادشي...اهئ اهئ...(زيراات عليه وكملات)من نهاار تزوجت بيك واناا كانقلب على دنب لي درتو فحيااتي حتاا معمرني تهنيت معااك...من مشكل لمشكل...يطلقني ليمن يشدني ليسر...اهى اهئ...وااش مامنحقييش نعييش مرتااحة فزوااجي...حتاا قلت لأمور غاتبداا تصلح بيناتناا وهاهياا عمتك جاابت ليااا معااها الزاايد لداار لي يبداا يفقصني بليل وبنهاار...
عصام تنهد بعدهاا شوية عليه ونطق بملاميحو الجاامدة:غااتعيشي مرتااحة الى درتي عقلك وخدمتييه...ومااتبقاايش على اقل ماهي حاجة تنوضيهااا...راه لعقل ابنت النااس تااج..وقلتوو خماااج...سمعتي...(كمل بتوعد)وغنعااود نݣولهاا ليك...تنوضي شي صدااع معااهاا...مانعرفكش...
سالا هضرتو وزاااد خرج من لبييت...هياا خداات نفس معمق حااطة ييددهاا على جبهتهاا وݣلساات على طرف السرير مغمضة عينيهاا محااولة ضبط اعصابهاا لي تشحناات فسااعتهاا....حااسة ان نصيرة كااتخطط لشي حاجة و مجااتش وجاابت احلام معاهاا غير هكااك...مجاابتهاا الى وبصح نااوية على شي حاجة...مابغااتش تسبق لأحداات...او بلأحرى مباغااش تجبد شي صدااع وخاا عارفة طول ما احلام معااهم غاتبقاا واقفة ليهاا فلحق...والى دواات غاتسمى مامزينااش...وغير غاتنوض الصداع مع عصااام لي تحلفهاا فيهاا...
رانيا خرجات من بيتها مبدلة ومقادة غاتمشي للمحااال لقات ماماها حاطة الفطور هي واسماعيل كايفطرو فهدووء ...
سلمات عليهم مبتاسمة : صباااح الخير ...
عتيقة : صباح النور ... كلسي تفطري ...
رانيا كلسات : كيف صبحتي ابا مزياان ؟؟ ...
اسماعيل مبتاسم باينة فيه نااشط وراشقة لييه : الحمد لله ابنتي ... كيف غادة مع الخدمة ؟؟ ... ولفتي شوية ؟؟ ..
رانيا : ضروري اباا اصلا الخدمة ديال راسك مكاتكونش فيها تمااارة ... وعاد انا وخنساء معاونين ووحدة كتطاكي على الاخرى ...لحد الساعه الامور غادة هياا هاديك
اسماعيل : ايواا مزيااان ... الرااحة غاتبااان مني يسااالي شهر وتطلعوا الأربااااح ... جيب يعمر شي شوية و تبداو تردو راس المااال ...
رانيا : ان شاء الله ابا بشوية بشوية ... (شافت فعتيقة ونطقات بتساؤل)فكرتيني اماما واحد جوج كسوات عطيتهم ليك ولبارح لبنات سميرة خلصاتهم ليك ؟ ...
عتيقة : اييه راااه حطيت فلوسهم فالبواطة لي فوق كوافووزك ... حتى تهزيهم ...
رانيا : مزياان بااش ندخلوهم فالحسااب ... ياك جاو قدهم بعداا ...
عتيقة : اييه حمقووووهم ... جاوهم هما هادوك ...
باقين كايهضرو وهو يصوني التلفون لاسمااعيل شاف النمرة وابتاااسم كايفرنس مشرك فمو حتى بانت ليه ضرسة العقل ... مسح يدو ونااض من حدااهم يجااوب وهما بقااو مكملين على فطورهم وحديتهم حتى جا لعندهم وضحكتوو قدااش ... باينة فيه غايطير من الفرحة وعينيه كايشقشقو ..
كلس حداهم وهي تهز فيه عتيقة حاجبها : يااك لاباس ارااجل شفتك كاضحك حتى بانت ليك ضرسة العقل ... زاايد نغزة ... اشمن خبار جاتك فالتلفون خلااات القلوبة يخرجو من عينيك .. ...
رد عليهاا ضااحك : خباار لخير لي جاية فطريق...ولي غاتفرحنا مجمووعين الى كتااب...
عتيقة وسعات نضرتها وردت عليه مبتاسمة : ايواا طلقنااا فرحناا معاك حتى حناا ... ولاا مانستاهلوووش ...
اسمااعيل ابتاسم ليها: غير صبري فالقرييب تعرفي .. كل حاجة فوقتها زيينة ...
رانيا بطنز : واقلة شي همزة صحيحة هاادي طااااح عليهاا ولا شي مشرووع دايزو الكلااام عليهاا فرحان هاكاا ...با وكانعرفوو
اسماعيل : بحال الا علمك الله ... مشرووووووووع وااشمن مشرووووع ... وهمزة واااشمن همزة ...
رانيا ضحكات : ايواا الله يسمعنا خير ...
عتيقة : شتي باك غير الا نشط عرفي الفلوس غاايدخلووه ...
رانيا : واييه هههه ... يلاااه خليت ليكم الراااحة غانمشي ...
عتيقة : الله يعاونك ابنتي ... سلمي على خنساااء
رانيا : مبلغ احبي ...
بقاا متبعهاا اسماااعيل بعينيه موسع ابتساامتو...شاف فعتيقة وقال بهدوء: كانعقل فلعاام لي غتزاد فيه رانياا مصباتش شتاا لمدة طويييلة...ونهاار لي تزاادت فيه...غير هزيتهاا من بين يدي كتيكيتة صغيرة...طلعت عيني فشرجم..وانا لقاا شتااا غزييرة كاتصب دااك النهاار..وقلت مع رااسي هااد لبنت غااتكوون مريزيقة قدامهاا قداام الربح...ولخير لكتيير غاايجيناا من موراهاا...
عتيقه هزات فيه حاجبهاا كاتضحك:بركة من لألغااز وقولياا شنوو كااين...ضرني رااسي..
رد عليهاا بنبرة مطولة و بعزم:داااابا يجي لوقت وتعرفيني علااش كانهضر...غيييير صبري بلااتي..
خنسااء خرجات من دارهم متاجهة للمحاال ديااالها ... حلااات وقادات لي مانكان فبلاااصتهم وخرجات لي كاتحط على براا
عبدو سمعها جاات كان حال محااالو خرج قداام الباب و بانت ليه ... طلعها وهبطها باعجاب كبير وهو مباتاااسم مسند ظهر على الحيط ... ناطق مبسم : صباح اتاي المشحر والدجاج المحمر والخير والخمير والكلاس بالديسير يا وجه الرباح والتيسير ...
خنساء ميقات فيه معوجة كمارتهاا : صبااح شهيق الحمير والبعير والكلاام ديال التلوااط لي متقب كتر من البغرير ... (مخززة ): واش نتا حافظ نفس الموااال ماعندكش الجديد ولا كيفااش... ماعيتيش من نفس الكاسيطة دياال عهد الموحدين...
عبدو حرك راسو بطنز : واايلي وعلاه لي مصبح على هاد الزين يتقاد ليه الكلااام ... نتي رااااه البلية الحلااال ... ( غمزها ) : النقرة ... تي اشمن نقرة ... نتي راه الذهب ... هو حلو وغالي ... ونتي ديما فبااالي وخيالي ...
خنساء تمطقاات هازة خنافرها للسما : ونتا عندي بحاال التلفة فتلت الخالي يا وجه صباط البالي ... وهاد الكلاااام ديالك مكاياكلش معايا غا تهنااا ... خنزرات فيه وزادت من حداه ضاربة فيه مخلياه وراها كايضحك على نفختها وتعفاارهاا عاجبو ولاقي فييه كاانتووو ...
زاااد دخل عندهاا ونطق بتساؤل : هاداك خيي مابقاش صدعك ؟؟ ...
خنساء خنزرات فيه : وعلااش كاتسول ياااكما ضارب عليا العقد ...
عبدو بلا حول : ماتعرفيش تجاوبي بحال ناااس ضروري من لويان الهضرة ... واش مكاتعياايش ؟؟ ...
خنساء حطات لي فيدها خابطاه وضارت عندو : ومالي اسيدي قلت ليك لي كاااين ... مانتا خويااا ولاااا عمي ولا با ولا راجلي ... شكون قالك وقف عليا ديك الوقفة بحال الرعد وضربو من الفوق ...
عبدو خنزر : شنو بقاا فيك ولا كيفااااش !!! ... دابا هاداك ميخي اولااا مني ...
خنسااء : هادااك ميخي واحد النهار كان راااجلي عندو صفة طليقي ... نتاااا شكووون ... شكووون نتاااااا ؟؟؟ ... بغيت غير نعرف ماالك دااير ليااا فحال ضلي ... انا اسيدي ماقادة على شوووهة وماباغاااا صداااع ... لا منك لاا منووو بغيت تيساااع منكم بجووج ها العاار ...
عبدو هز فيها حاجبو : انااا برب مابقيت كانعرفك ... عييت معااااك ولكن نتي راسك حجر ... مااعرفتك اش باغاااا ... ( مغزز ): غير على ربي مايتقاداااش هااد شوية الصبر لي بقا عندي ... على الله حيت راااه الجهد بدا يساالي
خنساء : وشكيت عليك اخويا الله يجعل بوه يتقاضا باااش تهنيني منك ومن صداااعك ... ودابا الله يرحم باااك خليني نخدم على راااسي ... خصرتي ليا مورالي على الصباااح ..
عبدو عاقدهم : هاهو غاادي ...
مع الدروة وهو يدخل فاحلااام لي كانت كادندن فاغنية الدنيا حلوة ... بلاامااا يشوفهااا كااانت غااطير حتى شدهااا من يدهااا ناطق : سمحي ليااا عاافااك ...
احلام مع هزاات عينيهااا وهي تلوي عنقهااا وسبلااات دوك العينين وكملات كاتغني بلااا شعووور وهي كاتشوف فعينيه نيشاان ودايرة ابتسامة عذباء على وجهها : 🎵🎵 الحب غير معنى الكون
خلالو شكل وطعم ولون
سكر زيادة لاء مش بعااده ده انا حاسة اني هطير
صباح جديد منور واشعة الشمس فالمدينة ... احلااام كالسة فالكرسي فالمحال عند خنساااء مبتااسمة ومرة مرة ضرب طلا لبرا المحل تشوف واش بان ليهاا وهي كاتفرنس ...
خنسااء حانية على شي حسابات : شحال كتبت ليك من كسوة تما ؟؟ ..
احلاام هايمة ماشي فهاد العاالم كاتلعب بديك الورقة كاااع كمشاااتهاا ... هزات فيها خنساء عينيها بانت ليهااا ماشي هنا ونطقااات : عااار ربي لاما اري ليا دوك الحسابات عولنا عليك بكري ...
احلام : هههههه هاكي ... اجي نقولك هاداك الولد الغزاال لي خدام فالمحال حدااكم ...
خنساء مشات لسيمو : مالوو؟؟ ...
احلاام بتسااؤل : كايعرف شي وحدة ولا ديال راسو ؟؟ ...
خنساء بايجاز : اويلي سيمو راااه مع راانيااا ...
احلااام : الا تي ماالكي مقلوبة مداويااش ليك على داك بو لحية ... انا كاندوي على الدري لي معاااه ... هداااك العريييض السمر ...
خنساء حطات الستيلو من يدها وهزات فيها حاجبها : شكون عبدو ؟؟؟ ..
احلام تنهدات مخرجة النفس بعمق وهي حاطة يدهاا على خدها : اييييه هو ياااختشي هووو ... ( كاتسبل فعينيها وهي كاتفكر ): هاداااك السمييييمر لي عويناااتو فحال العسل ... هاداك لي تساطحت معاه الباارح ...
خنسااء ميقات فيها : بااان ليا خاص دوزي على عينيك واقلة فيك الجلاالة منين جااه الزييين هاداااك ... خلاااااص عليااا ....
احلاام : اتي سيري واقلة نتي لي عورة مكاتشووفيش ... بحااال هاداااك قلاااال ناس يقلبو عليهم بريق ناشف ... والعسل مكايعرفو ليه غير القيااااد ... ياااختي كاايحمق انا بعداا عجبني ...
خنساء بلا حول : الله يستر الخرية كاتقلب على ختها مية عااام .... نوضي نوضي شوفي ديك الكلياااانة شنو بغااات ها العااار ... ماعرفتك جاااية تفوجي ولا تزعطي لياااا فالرجاالة ...
هزات على كتافها : وعلاااش اختي اش فيهاااا وزايدون لي ما شرا يتنزه ... وحتى حد ماااعرف اش فرزقووو ... ( كاتلعب بشعرهااا ): ماالي اش ناااقصني ...
خنساء : راه كايقوليك اشريفة ... لحوانت متصافه والارزاق مختلفة .... نوضي قبل مانلاكيها معاك ونتي سحتي ... باز لوجهك بااااز ....
احلاام ضحكااات وناااضت عند البنت لي كانت كاتشوف فشي موضيلات ديال الكسااوي ...
احلاام بلباقة : نقدر نعاونك اانسة .. اش حب الخاااطر ....
البنت دوزات يدها على خصلات شعرهاا ونطقااات بتبعكيك مشيرة ليها لوحدة من الكساوي المعلقين : s'il te plaît ma chérie donnée moi la robe blanche
احلاام غير بدات تهضر بالفرونسي وهي تخصر كمارتها مجاوباتهاش كاااع ورجعاات عند خنسااء كاتميق : نوضي اختي شوفي كلياانتك بدات تسبيكي عليا بالفرونسي تماااا ....
خنسااء ضحكاات عارفاها معقدة من الفرونسي وكاتكرهها من اعماق قلبها : بااقااا معقداااك ... وباغااا تخدمي هههههه ... ايواا باااز لييك ... هاديك اول حاجة بدااي بيها ودخلي لشي سونطر تعلمي غير لاباز بعدااا ... راه حتى حنااا غير مزططين فيهااا ...
هزاات يدها : اختي واخا تبقى غير هي مانتلعمهااش ... انااا مااعندي ماندير بيها حتى حروفها مكانحملهمش ... كايجيني منها غير البلااا ديك النهاار جيت نتعلمهااا وقلت لواحد الاستاد عندناا فالدوار كواااا ... وهو يبدااا يفرنس علياا ماعرفت اش قلت حتى رجعت عند خويا سولتو وهو يشير علياا بصنداالة حلفت مانعاود نقرااهااا ...
خنساء ضحكااات : هههه حمدي الله مني ماكوااكش ... دار معاك المزيااان ههههه
حركات راسهاا بلااا حول وزادت تشوف السيدة اش بغااات مخلية لالة البناات عينها على الباب كل مرة تشوف واش بان ليهااا ...
كانت نصيرة فلبيت كاتستف فلحواايج لي جابت من السفر وكاتعزل فيهم هالي خاصو يتصبن هالي خاصو يتصلح....حلات الباليزة ديال أحلام..وجبداات منهاا حوايجهاا كاملين وبدات كاتستفهم فلبلاكار تاع خنساء فواحد الجهة خاوية...
نسرين يلاه جاات من لفااك..طلعاات لبيتهاا ودازت من حدا بيت نصيرة و دارت لجيهتهاا وهيااا طلع حاجبهاا ملي بانت ليهاا كاتطوي فحوايج احلام...لي لحضة صغرات عينهاا بتشكيك..جاهاا هااد لهتماام الزايد بالبنت مااشي حتاا لتم...فايت جاو عندهم بنات وعيالات من لعروبية ݣلسو عندهم بلأياام ولكن مداارتش معاهم هاادشي كاامل...جاتهاا زاادة نغزة جيهت احلام...
طلعات فيها نصيرة العين ورجعات كاطوي ناطقة بهدوء:على سلامة...حتاا لداباا...
دخلات عندهاا نسرين وݣلسات جنبها وهيا كاتشوف فحوايج احلام وتعبر فيهم بعينيهاا ماكيناااش بياسة مدوزاتش عليها نضرتهاا... وقالت:الله يسلمك...واقلة باقي مدرتيش لغداا...يسحااب لياا غاتكوني وجدتيه..
جاوبتها بنفي:لاا صبااح كولو واناا كانرد فلحواايج لبلاصتهم...مساليتش ليه...(شافت فيهاا جامعة على حجبانها) وزيدون نتي عارفة عندنا النااس...وزعما لغدا لول تااع احلام ليوم...مالك ماݣلستيش طيبيه وتوجدي ليهاا غدا مبرع وتكبري فيهااا...
نسرين دارت فيهاا نضرات تاع منيتك:داباا انا نݣلس ومانمشيش نقرا..باش نوجد لغداا للالهم احلاام...لي قطربيهاا سقف هناا غير لباارح...(كملات بتساؤل) ياكما جاياا تخطب فياا حتاا نوجد ليهاا لغداا واناا مفخبااريش؟!!
نصيرة سكتات تواني وقالت:صواااب ابنيتي صواااب...كون كنتي معلمااه فدااركم وعاارفة تكبري بضيااف ومولفاهم عند موك...كون ݣااعماا تحتااجي نݣوليك هااد لهضرة...رااسك لي يݣوولهاا لييك...(بتسماات بستهزاء) هه كون مشيتي عندهم وتشوفي لكبراانية كيف داايرة...شتي هاديك لبنت لي كاتشوفي..باقا غاصغيرة جدرة فلأرض ...رااه عرس على قدو..طيباات فيه...خلاات كلشي فااهي حاال فيهاا فمووو...(سااطت)اوى نسالي ونووض....خلاتهاا جدة الله يرحمهاا عليهاا كلمة...لي تدوي عليه جرييييه...
نسرين كرزاات على شفاايفهاا..مابغااتش ترد عليهاا لهضرة...هزااات نصيرة تستيفة تاع لحوايج حطااهم فلبلاكاار ورجعاات تكمل الطوياان...
قالت نسرين كاتساؤل بهتمام:هااي هااي هاادي كااملة معزة لهاد الدرية؟... حتاا وصلاات بيك تستفي ليهاا ݣااع حوايجهاا...
جوباتها مستغربة:ومالهاا اشفيهااا..ولاد خوتي ݣاع عزيزين و عندي غالين...راهم ولادي لي مولدتش من كرشي...وزيدون لبنت جات ضيفة...بسيف نكبر بيهااا... راه احلام عندي بحال خنيسة...معزتهاا قدااش
نسرين عوجات قنوفتهاا:مممم بااينة الله اودي ماتحتاجي ݣااع تݣووليهاا...كلشي شايفااه على عيني...دوري دوري وترحبي بيهااا رااك مامقصرااش من جهدك...اوى الله يدومهاا محبة بيناتكم...
نصيرة هربات منها عينيهاا حاساها كاتحشي ليها فلهضرة و قالت برجاء:امييين يااربي..
نسرين نطقاات كاتساؤل باغة تعرف اشتحت راسهاا..باش تجيب احلام لعندهم غير على وجه لمحبة...مدخلاتش ليهاا لدمااغ
تحنحنات قبل ماتقول:احم..هيااا غير بقاات فيك ومابغيتيش تخليها تبقاا غاطسة فداك الدوار لا شغل لا مشغلة؟!! داكشي علاش جبتيها معااك؟!
نصيرة بنرفزة:ونتي بسلامة اش دخلك فلااش جاات...يااااك ماا متقلة علييك...لبنت جاايا تفوج فااش ضرااتك...و هاادي داار عمهاا بحاال باها تجي وقتمااا بغاات مرحبااا بيهااا...
نسرين:غاابشوية لااش شعلتي معاياا انا غااسولتك...اماا اشبغيتهاا تجي ولا تكعد كااعماا حااسة بيهااا كي كااينة كيف لااا...مهامانييش ولا مفيقاني من نعااس
نصيرة حركات راسهاا بشكل دائري:احياااني الله يجعلني نتيق...زعماا مهمااكش...راني ابنت نجاة مكنرضعش صبعيي...شاايفة كلشي على عينيي غير عامياهم...ملي شتيهاا معايا ونتي معاجبك حاال مكروززة تنفخي وتفشي غابحدك...و إنا عاكسناا مكتوبة على جبهتك(كملات بنبرة أمرة)رخفي فيك النفس شوية...لاتمشي تقوليهم فدواار عروستهم مكااتبغييش النااس ..ومن لفوق مسمومة وغير مخنزرة(بتاسمات)ماانبغيهااش لييك امراات ولدي...
نسرين:وااا وتݣوولهااا وماالهم غاايقطعو لياا راسي...لي كايعطيني شي حاجة يسيبها فلبحر...نااس دييري معاهم باات لمزياان و يسفطو ليك لهضرة من لفوووق...
نصيرة:اناا غادويت...وزعماا هماا معولين الى دااك عصام لعندهم...يديرو ليك نهاار...ويصيبو لقديدة تااكليهاا بااش تخفاافي وتسخن ليك لواالدة...عاارفين حباالك مربووطين...
نسرين ناضت وقفاات وقالت بنزعااج:غير يخليو قديدهم عندهم...حتاا الى دااروه مغاناكلووش...حيت كاايدير لياا لحرقة...والى بغاني الله نولد...رااه غاانولد بلااا حتااا حااجة...
كملات وخرجاات مغوبشة... نطقاات نصيرة مسمعاها ليهاا:اوى حتاااا تكوني كااتعرفي ليييه بعداا...خزييت
تنفسات بعمق مابغااتش تديهاا فيهاا...ورجعت تكمل طوياان بزربة...كاتزرب باااش مايفوتهااش وقت لغدا لي قربات توصل وهيا باقا مداارت واالو...وهماا مابقا ليهم واالو ويدخلو من زنقة وغاايكون فيهم جووع...مامعولااش على نسرين عارفاا معندهااش الدراع من جيهت الطيااب غير غاتبقاا تشااحف معاها
بعدماا فاات الضهر...تسمع الدقاان...هبطاات نسرين كااتجري تحل...
مع لحلة وهياا تباان ليهاا احلاام عند البااب مبتاسمة:سلاام حبيبة لابااس...
نسربن بتاسمات ليهاا فوق النفس:لاباس لحمد لله...
دخلات وهيااا يلاه كانت غاتسد البااب...وهياا تحبسهاا احلاام:لاا لاا غير خلييه... عصام راه جاا معاياا غير تلاقاا مع شي صاحبو و وقف يسلم عليه عااد يجي...
كملات على هضرتهاا ومشاات ديريكت للبيت ترتااح شوية...
نسرين حلاات فيهاا فمهاا بندهااش... بلا مااتشعر تبعااتهاا بخطواات سريعة...
كلساات حداها و نطقاات بتلعتم كااتزير على قبضة يديهاا:ك..كيفااش جاا معاااك...علااه كنتو خااارجيين بجوووج ولاا شنوو...
احلام كااتحااول تجمع شعرهاا المطلوق صهدهااا:وااتي لاا...كنت عند خنساء فلبوتيك...وجيت لدار خليتهاا تم...يلاه وصلت لرااس الدرب وانا نتلاقا معااه جااي...وجااا وصلني معااه فسكووتر...
نسرين بلعااتهاا بمرارة كاتخيلهاا راكبة موراه وشادة فيه لاطيح...كاتحس براسهاا قرباات تجنن...متبتة راسهاا غير بلكشاايف لا تلااح عليهاا...عاارفة راسها الى هضراات تاني مع عصام وحيحات عليه غادي يزمطهاا وتسمى مامزينااش و كاتزيد فييه...
خرجاا نفسهاا ببطئ بتاسمات بااش تخفي غلايان دمهاا وقالت:ههه مزيان...هادشي كااملو مزيااان...ولاهيلا مزيان....
احلام: عرفتي شحاال زوينة الركبة فوق السكووتر و شعرك كاايديه الرييح...ياااسلااام...
نسرين نطقاات مع راسهاا :الله ياربي من ليوم مابقاا غايركب فوقو...ولكن غزاا فيه الله..مصاب يتفرشخ...سروو...بااش يتعلم لي جاا يركبو مورااه...
احلام بتساؤل:قلتي شي حاجة احبيبة...
نسرين رجعات سافت فيهااا:لا مقلت واالو...اوى كيف داز عندك هاد الصباح...
احلام:زويين..واخاا باقي مادرتش يلاه مشيت عند خنساء وجيت..مي صافا..اصلا يلاه كانكتااشف
ردت عليها بإجاز:وي شوية بشوبة...
أحلام سكتاات تواني ونطقات كاتشوف فكرشهااا:قولي لياا بعداا..مزاال مكااينش شي ولداات مكااين واالو؟!!
نسرين تقرصاات فديك الللحضة...جااتهاا فضولياا بلا قيااس ومدخلااش سوق جواهاا...
جاوبتهاا فلبلاصة:لاا مزاال مجاابش الله....
ردت عليها احلام بستغراب:كيفاش مزاال مجاابش الله..و شنو غاتبقااي مربعة يدك عاايشة نتي ويااح طيط اطيط بوحدكم؟!!
نسرين بتنهد:يااااااريت اختي كون كناا عاايشيين بوحدنااا...ياارييت...
احلام:ولوااه لوااه...حتااا لإيمتى غاتبقااو هاكا..حناا راه عندناا فدواار لبنت كاتزوج فشهرهاا تخرج تولد...مخااصهااش تعطل...فعامهاا دير تريكة...
نسرين خنزراات فيهاا:وهاااد التريكة الى مبغهااش الله...شنو غادي دير..تنوض ضارب معااه؟!!
أحلام: التريكة هياا لي كادݣ ليك لوتااد...شتي يكدب عليك لكدااب الرااجل واخاا يكون كاايبغيك ويمووت على التراب لي كاتمشي فوقو...يجي نهاار لي مايبقااش قادر يصبر فيه بلا مايشوف وليدااتو...(بدااات كاتعااود ليهاا على نيتهاا)عندناا واحد السيدة فدواار...كان رااجلهاا كاايبغييهاا نيييييت...ولكن مسكينة تصابت عاݣرة...ماولدااتش...اوى ونااض جااب عليهااا الضرة لي تولد لييه...معقلش عليهااا
نسرين ديك كلمة "الضرة" كانت بحاال شي موس دخل فيهاا خلاهاا تشعل....
نطقاات بعصبية:اختي هااد لفعاايل تااع ولاد لحراام كااينين غير فرجالة لي عندكم...اماا رااجلي اناا لي كانعرفوو...ماايديرهااش وخاا بقطيع الرااس..
أحلاام وسعااات ضحكتهااا ونااضت وقفاات حاالة شعرهاا لي جااي طاايح حتااا لخسر ونطقات:ههههه ضحكتيني والله...علااه الفنوون رااجلك منييين؟!!يااك من عندنااا....ولااا نسيتي...(قربات لعند ودنهاا و قالت بتباات)طلبي الله يفك حزاامك فلقريب احبيبة...حيت ماتقدريش ضمني الرااجل لي بلا ولااد شنو يقدر يديير...(بعداات عليهاا وتماات غادة كااتضحك)هههه ولاهيلا قالت ليك هااد لفعاايل كااينين غير فرااجالة لي عندكم...(حركات راسها بلا حول)بااقة نية مسكين...
خرجات من لبيت...مخلياا نسرين من موراهاا شادهاا الدوخة بالفقصة...رجعاات بحاال داك لبالون لي مابقاا ليه واالو ويتفرݣع من كترة الضغط...اخر مكاان كاايجي فباالهاا هو هااد لمخلوقة لي مابين ليلة ونهاار لقااتها فقلب داارهاا ولقاات راسهاا ملزووم عليهاا تحملهاا بجمييع موصفتهاا...بااقي مكملااتش عندهم حتاا يوماين وكااتحسهاا جابت ليهاا تماام...سوييرتي تسلكهاا معاهاا بلهدااوة...صبرهااا قرب ينفد...ومستحييل تبقاا شادة اعصاابهااا لي على أقل حااجة كاايتشحنوو...
ليل خيم وكل واحد سد محااالو ورانيااا غادة مع سيمو فالشااارع كايدوييو كاتشكي عليه : ناااااري راسي غايطرطق ... واخا كانقول مكايناش تماارة ولكن غير من كليااانة لوخرى .. كل وحدة اش بغااات ويبداو يتشرطو علييك لا هادي لا لوخرا ... كايفقسوني راسي كايقلبوه ليااااا ....
سيمو بطنز : داك الخااطر الواسع لي عندك ناااقص ...
ضربااتو : وباااز الله يعطينا وجهك ... يللااه نمشيو فحااالنا لا يصدق تاني قاشعنا بااا ويوريك الخاطر الواسع كي داااير ...
سيمو : على هاد الهضرة وهاد صداع الرااس قلت ليك خليني ندوي مع خالتي خلااااص ... حسن من هاد فريغ الراااااس
رانيا : ورااااه قلت ليك خليني بعدا نمهد لماما الموضووع غايكون حسن تسمعها من عندي انا لولة ...
سيمو : الااا بقيت كانتسناك نتي تلقاي هاد الفرصة فاش تدوي معاها بقينا هنااا ... خلي خالتي تكلف وتقولها ليهاا بلاما تبرزطي راسك نتي ...
رانيا : والاااا غاتعرفني خبيت عليها واجا ما سكتها ديك الساااع ... وهاكا تعرف حتى انا راه باغاااا وموافقة ...
سيمو خنزر فيها : رااه برب مغاديري شي وزة انا لي كانعرفك غاتبقاي غير مجرجرانة فلخر غاتقولي ليا غير قولها نتااااا ... ضياع الوقت غير هكاك
رانيا : وصافي اسيمو راه قلت ليك غاندوي معااهااا
سيمو تنهد بلا حول طالعة ليه القردة : شتي هاد الغنان دياااالك كايطلع ليا القردة ... راسك حجر برب ... صبري ناخد واحد كاس ديال القهوة سخطتيني كاااع ....
رانيا تنهدات وزادت معااه للقهوة لي فدرب وقفااات على براااا :انا غاندخل ناخدها ونجي ...
كان كالس السحت مع منييير فالقهوة وهو يقشعهم السحت وهز حاجبو مخاطبو : ضرب ليا العشييير على السااطة ديااالك معااامن! ...
منير هز حاجبو ودار بااان ليه سيمو دااخل ورانيا كاتسناه على براااا وخنزر كارز على سنانووو ...
السحت ضحك كايتكيف جواان : وهاانتاااا السيد جا غير ورااك وطارلك بالعشيرة ... ماعندك ماتسالو مكايضيعش الوقت ... على القرص
منير غزز على سنااانو ونااض مخلي سيمو وااقف كايتسنى قهوتو وزاااد خاارج وقف قبالة راانيا مغدد : اتباارك الله علييك ... اش كاديري مع هااد زويزووو ؟؟؟ ...
رانيا شافتو وتفافات عينها على سيمو لايشوفو ويصدقو فروينة : ونتا مالك اخوياااا ؟؟ ...
منير خنزر فيها : وليت خووك دابااا ... وباااز ليك ... انا لي جيت من الباااب مابغيتينيش ... وهادا لي كايضور بيك فالزناااقي عااجبك ... ولااا ولفتي التسركيل ماعندكش مع المعقووول ... ماسخيتيش بييه
ميقات فيه : حتى تكون كاتعرف المعقول عاد هضر علييه ... واسيدي ماشي شغلك حياتي هادا نكون مع لي بغييت ...
منير مغدد : يااااك ... كنتي فارعة ليا مخي بجي خطبني جي خطبني لا انااا باغاااا زواااج ... مابقااش عينك فيك غيرتي الفيستاااا ووليتي باغاا طووطيح ... ماتنسااايش راااه سبقناااه لييك ...
رانيا يلاااه غاتجاوبو وهو يوقف سيمو قباالتو مني قشعو واقف عليها سمح كاع فديك القهوة وخرج ... نطق هاز حاجبو وخاشي يدو فجيبو : ياك لاباااس اساااط ... كاااين شي مانقضيييو ...
منير طلعو وهبطو : والو باس دااوي معااهاااا ...
سيمو بابتسامة استهزاء : وااا دوي مع ياا انا لي راجل فحالي فحاالك علاش كاتبوووزاا على العياالاات ... مانخافووش ؟؟؟ ....
رانيا بلعااات ريقهاا ومقادة تنطق بحتى كلمة خاايفة منير يقوليه راااه كانو مرتابطين وهي عمرها صارحاتو بهاادشي ويفهمها غلط ...
منير : شتك كاتهز علياا وتحط اش باغي يالسللاامة ...
سيمو خنزر : شوف الله يرحم ليك الواليدين طالعة لديلمي لطرواازيااام بلاااا نوصل مع خويا كاطريااام ... قلب ستة تسعود الا مابغيتيش نقلب انا وياك هاد القهوة ...
منير غزز على سنانو وهو يجي سحت ورااه مكالميه : زيد اساط نغيروهاااا الله يرحم بيها الواليدين ... خلي عليك النم
منير خنزر فييه غايااكلو بعينيه وزاد مع السحت من تمااا ....
سيمو شاف فرانيا عاقدهم : هااد خيي مالو معااك لااصق فيك فحال خياالك ..
رانيا دورات عينيها : ورااه قلت ليك ... من شحال هادي وهو لاصقني وحلف لا مل ...
سيمو هز حاجبو : وزعما كاعما بغا يقطع لياااس ... شي نهاار غانلاكيها مع حسو الا مابغاااش يحشم ... يولي يشوفك قلب الضورة كااع ...
رانيا : وصافي حتى نتاااا نساه عليك ... فين قهوتك ؟؟
سيمو : درت بنااقص زيدي زيدي مشا الحااال ...
تنهدات وزادت معاه بالها مشغول الا مشا حتى منير دوا مع سيمو شي نهار غاتولي كدابة فعينو ... تنهدااات موكلة امرها لله وكاتدعي الله يكمل كلشي على خير ...
اصبحنا واصبح الملك لله... خنسااء وراانيا فالمحااال مقابلين شغلهمم ومعاهم احلاااام مونساااهم تماا وكاتلاهي الوقت ... ورانيا كاتعاود ليها على لي وقع البارح
رانيااا : ياااختي خاصك تشوفيني كي وليت .... بغيت غير يمشي فحالو خايفة يلوح ليه شي كلمة ونصدق فماهي وما لونها ...
خنساء : هادا خاص والديه شي سلخة عاد يحشم ... يخخخ كلهم كيف كيف حتى كانتفارقو عليهم عاااد كانزيانو فعينهم الله يخليهم بالخلاا ...
رانيا : انا كايبان ليا نقولها ليه حسن مانبقى كل مرة مفاافيااا ...
خنساء بتحدير : واايااك الهبييلة ... ماتقولي ليه وااالو ... وزايدون هاداك مااضي هو مااالو فيييه ...
رانيا : وشنو نبقى كل مرة نقفقف ... وشاداني الرهبة خايفااه يعرف ..... تفو الهم المنحوس خليتو فدار با لقيتو فدار العروس.
خنساء : امالكي هبيلة ... شتي الرااجل عمرك تقوليه ليه على مااضيك حيت ديما غايبقة معمر بيه راااسو ... ديمااا يكون عندك هو لول ومكانش غييييرو وفنظرووو غايكون اول حب ليييك ... اما الا عرف خصوصا هادا فدربكم كل مرة يبدااا يتوسوس مع مخوووو ... على شي حوايج اصلااا نتووما ماعندكم بيها غراااض ... ماتعطيهش رااس الخييط ااصاحبتي ... وهاهو كااع عرف من بعد كايبقى بااسي ماعندو بيه غرض ... راه قالو زمان لا تسرج حتى تلجم واعقد عقدة صحيحة..ولا تكلم حتى تخمم لا تعود عليك فضيحة ..
رانيا : شنو زعما مانقوليه واااالو ... فصراحة من واحد الناحية عندك الحق ... كلهم مسقيين بمغرفة وحدة غيير كايبان ليهم الزاايد وكايعرفو لي فاات كايبقاو يجبدوه على صغيرة والكبيرة ...
احلام ضحكات : هههههههه واصلاااا هادا لي غايقولها لييه ... ماكان خطيبك ماااهو دااق عليك الوتاااد ... راجل فحال ايهاا الناااس ... وتقدري كااع تقولي ليه الا عرف هو لي كان باغيني اما انا كنت حاسباااه غير صدييق ... مدايرش عليك كاميرات ... وبصح من الاحسن الماضي ماتهضريش معاه فييه ... كلها وسرارو زعما هو عمرو تصاااحب ... كون راااه محاا ليها الكاركاااس كاااع .... وخصر ليها لافيشوووور وساسها وكايقلب على بنت دارهم هههههه ... رااه تيبيعو القرد وتيضحكو على اللي شراه ...
خنسااء ضحكات : هههههه شتي ناس لي كايعرفووو ... الراجل ديما نتا لي كاااين ومكاين قبلك مكاين بعدك ... الحب الاول والاخييير وينعل بو بناادم هههههه ...
رانيا : هههه يااختي مقرصين على ترابي وحدة ...
احلاام : ههههههه كلنا تلااامد الباطرونة نصيرة ههههه ...
باقين مجمعين وهو يدخل سيمو مبتااسم هاز فيدو بلاطو ديال القهوة لي عطااوهم البنات فالصباااح ردو ليهم : هاكي اختي شكراا
خنساء : بصحة وراحة ...
سيمو شاف فاحلام وابتاسم بلباقة : سلام اختي ( بتساؤل ): جديدة معاكم ...
رانيا : لا لا بنت عم خنساااء ... مونسانا
سيمو : ااه ... متشرفين ...
هز حاجبو وهو كايشوفيهااا ماشي معاهم مدورة عينهاا لبرااا ساااهية وكاتبسم ... دور عينو فين كاتشوف بان ليه عبدو واااقف برااا عاطيهم بالظهر كايكمي ... هز حاجبو من نظراااتهاااا لييه لي مفضووحين ومخاصهمش تحليل بالمرة السيدة فاااهية وحالة فمها بالعلالي ... ضحك جنب غامز راانيا فهماااتووو بلاماا يدوي ..
احلام بقات فاهية فعبدو لي على برااا وهما مجمعين بتلااااتة .... رانيا بقات حاضياها مرة مرة بنص عين كاتشوف فالسيدة حالة فمها والا فهاد العلااام دايراه فحاال شي تلفااازة ومستمتعة بالشوفة فيه كاتسبل فعينيهااا وهو كايكمي على براااا ...
خنساء هزات فيها عينيها وخنزرات : احلاااام ....
احلام : لا رد ...
خنساء ميقااات : وااا احلاااام ( حركاتها بيدها )
احلام عاد وعات : اءء قلتو شي حاجة !!
سيمو ضحك : كاتبان ليا السيدة ماشي هنا ...
احلام حكات عنقها بتوتر : اءء لا غير كنت ساهية شوية ...
رانيا : مممممم سااهية ... وشنو مسهيك بالسلاااامة ... ( بطنز ): ولا يااكماااا تفكرتي الدوار هههههههه
احلام : لا لا .... غير سهيت وخلاااااص ماشي شي حاجة
خنساء حركات راسها بلا حول عارفاها فاش كانت تبحلق....
سيمو شاف فعبدو سالا الكماية وشار ليه : زيد اصحبي ..
احلام غير شافتو داخل وهي تفرنس حتى بانت ليها ضرسة العقل كاتسبل فعينيهااا
عبدو بهدوء : اهلاااا ... ( شاف فخنساء ): صافا عليك ؟ ...
خنساء بايجاب : الحمد لله ... رديتي مجاجك ... مزال ماعفاش عليك الله ..
عبدو ابتاسم : دعي معاناااا .. ماكرهنااش نبدلو البلية بما حسن ( غمزها ) ...
خنساء : مممممم لي فيه شي لولة ماتخطاااهش .. وعمر الشطاااح ينسى هز الكتاااف ...
عبدو : ههههههه وشحال من هبيل رجع ليه عقلو وشحااال من مبلي عفا علييه الله وشحااال من راس قاااسح رطبو الله ... كلشي قريب عند مولااانا هههههه ...
سيمو شاف فرانيا بهدوء غامزها ونطق : احلام كيف جاتك قنيطرة بديتي تولفي شوية ...
احلام بصوت عدب : اءء ضروري ... اصلا قنيطرة ولاااافة ...
رانيا ابتاسمات فاهمة سيمو علاش كايقلب : ولكن واقلة باقي مادرتي فيهااا ... كاتجي غير هنا للمحل .. خنساء مشغووولة مع الخدمة مالقيتي لي يساريك
احلام : هههههه وايه .... حتى نشوف مع عمتي شي نهاار ...
سيمو شاف فعبدو : كنتي قلتي ليا قنطتي كون غير دورتي الدرية معااك شوية الا بغااات ...
خنساء غير سمعاااتهاااا وهزات عينيها مخرجاااهم : شناااهوااااااا ؟؟ ...
سيمو ابتاسم جنب : مالكي ؟؟ ... زعما مافيها باس ....
عبدو قرم حجبانو مفاهموش علاش كايقلب ماعرف مايقول وماباغيش يحرج الدرية بقا غير ساكت وخنزر ...
خنساء : كيفااش مالي ... ( شافت فاحلام ): نتي باغا ضوري معاااه !!؟؟.
احلاام قلبها ضرب فالتسعين هاداك هوو النهار الكبير عندها : اءء ماعرت
خنساء : نتوماا واقيلة حماقيتوووو ... مني يجي با ولا عمتي اش نقوليهم مشااات مع عبد الله تساارااا .. هبلتووو واقيييلة ....
سيمو : ههههههه غير كانضحكو ماالكي دغيا شعلتي فينا .. اصلا هي مكاتعرفوووش ... راه غير بغينا نشدو فيها وندخلوها معانا فالهضرة ونخلقو الجو...
عبدو حرك راسو بلا حول : بقات ليك غير الدرية حتى هي بااز ... ماديش عليه اختي رااااه بعد المرااات كايهرب ليييه ...
احلاام كاترمش فيه بضحكة ساحرة : لا ماشي مشكل عادي ...
خنساء ميقات : لا نيت راه هرب ليييه عند بالو حنا فسويد .... غا اجي وخرج الدرية ...
عبدو : وا كون ماشي بنادم فيه الهضرة مالها اش فيها درية فحال ختي ... شي نهار ا ( نسا السمية ) ...
رانيا ضحكات : احللاااااام ... سميتها احلاااااام
عبدو ضحك : اييه شي نهار ااحلام نخرجو مجموعين الا كتب الله ...
احلام بايجاب : ان شاء الله ....
خنساء خنزرات كاتشوف فيه وهو كايفرنس وحتى لالة البنات عاجبها الحال هزات حاجبهاا ولوات عنقها مامبيناااش دايرة راسها ماشي هناا مخلياااهم يعومو بحرهم ...
احلام مشات فحالها وخنسااء كالسة فلاكيس ورانيا مقاابلة الكلياانة لي كاتختار الحوااايج ... نطقات بتأفف : لا لا مجاتنيش ... كون غير تجبديلي طااي وحدة اخرى ...
رانيا : واخا ولكن الا عطيتك كبر منها غاتجيك كبيرة بزااف وواسعة ...
الكليانة : نو نو حسن من هاكا مديقة مامرتاحاش فيها ...
خنساء هزات فيها عينيها وابتاسمات : اطط نوريك كسيوة حسن منهااا ... وغاتجيك زويينة حتى الموديل غايجي معاك ....
مشات خنسااء لجهة الموديلات لي معلقين على لباب جبدات ليها كسيوة انيقة فالغوز خفيفة وصيفية فصاالتهااا وااااعرة ... هزات عينيها وهو يبان ليها عبدو كايشير على واحد الدري باينة فيه شمكار ... هزات حاجبها داكشي عطيتي للولد ؟؟ ...
الدري : وااا خويا عبدو رااه غير كانترزقو الله راك عارف الميزيرية ...
تنهد يلا حول : الميزيرية ناوي تحيدهاا بهاد السم لي كاتشير بيه لدراري ... كاتقتل راسك وحتى هما معااك وتزيد تدي الذنوب من الفوق...
الدري حرك راسو : واااش غادير اخويا ولاهيلااا راااه الوقت لي قاسحة مالقيناش البديل ..
رمش ضاغط على سنانو وهو كايشوف راسو قبل واحد خمس سنين تقريبا ... كايدوي بنفس الطريقة ونفس الاسلوب ... نفس المبررات والاعذاار لي كان كايقنع بيهم رااسو حتى لقاا نفسو فالهااوية وشباابو ضااع فوااالو ... احسن ايام حياتو قضاها بين جوج حيوط بسباب هاد الكلااام لي ماعندو معنى
تنهد : سمع هاد الهضرة الخاوية قلناها قبل منك ... وكااع قنعنا بيها دمااغنااا وحنا كانحاولو نحاربو البلية لي كلااتنا ... برب حتى غاتلقى رااسك ضيعتي النص فعمرك ونتا مداااير وااالو ... ( بلع ريقو ): غاتخسر نااس عزاااز علييك وغايكون فااات الفوت وغاترجع عليك بالنداامة ولكن مغاتنفعكش داك ساعة... خلي عليك داك السم راه عمر عاقيبتو مكاتخرج على خيييير ...
خنساء فلحظة حسات بانسان اخر كايدوي وهي كاتسمعو والحرقة لي فصوتو كايهضر بيها معاه كأنه كايعرفو ولا شي واحد من عائلتو كايعاااتبو ... فاهمااه وعارفااه خايف انه يعيش نفس تجريبتو ويتزرف .. بلاما تشعر لقات راسها مبتاااسمة من هاد التغيير الجدري لي بان عليه
عبدو بتساؤل : كاتقرااا؟؟؟؟
الدري : وااا مرة مرة كانمشي ولكن راه ماباليش فيهااا ...
عبدو : ديها فقرايتك لي غاتنفعك اما هادشي غير خوا خاوي وضياع الجهد والوقت والصحة ... (شاف فيه): شحال عندك تما ؟؟؟ ...
الدري : ديالاش ؟؟؟ ....
عبدو بتنهد : هاداكشي لي فجيبك
الدري : واا غااا جوج طريفااات ... غا عدرني اخويااا والله ماكرهت فيه ولايني الغالب الله ....
عبدو جبد 100 درهم ومدها ليه واخد من عندو داكشي ونطق : هاد المرة هااهو غانرمييه المرة جاية الا لقيتك كاضور بهاد الوسخ غانقولها لباااك وتفااهم معااه ديك سااعة ...
الدري : يتوووب اخويا دعي معانا بالعفووو ...
عبدو خرج النفس بعمق ضارو خاطرو : الله يسهل عليك.... ويدير لي تاويل الخير
زاد من تما وعبدو ابتاسم بخفوت رامي داكشي فالزبل كايحرك راسو بلا حول وخاطرو ضارو من داخل .... شاف فيهااا وتنهد بالع ريقو وبلا حتى كلمة زاد لمحااالو مفكر الماضي المر والطيش لي باقي ملاحقو لدابااا ومابغاش يبعد عليه ...
خنساء عضاات على شفااهها مغمضة عينيهااا ... كاتشوف فيه تغير ولكن المها لي لدااخل مقاادرش يسمح ليه الصوت ديال الحقد والكره وكلامو فحقها مابغااش يفاارقهاا واخا كاتعيا تحاول مكاتقدرش وكاتلقى راسهاا غايسة فدواامة حقدها لييه لي مااااعمرو مانقص ... العافية مابغاتش طفااااا وكاتحرف فيها نهار على نهار كلما شافت فعينو كاتفكر داك النهار لي دمرات فيه حيااتها وكيفاش تسنات منو يساندها وعطاها بالظهر ...
فدار السااايب نسرين كااتجمع الطبلة ديال العشااا وعصام والعربي طلعو لبيتهم بقاات غير خنساء واحلام ونصيرة لي مجمعين فبيت الكلااس على واحد الطبسيل ديال الديسير ....
خنسااء : وا المهم حتى تشوفي نتي فاش ارتاحيتي ... هانتي دابا ملاهية معايا فالمحال ويحن الله من بعد ...
احلام بابتسامة :لهلا يخطيك اختي ... باقا حاايرة ولاهيلااا ...
خنسااء : ههههههه حتى نتي لي فيها خير غايديرها ربي ... مكاين لاش تهزي الهم ... حتى الا مالقيتي ماديري هانتي مفوجة معااناااا ههههه ...
احلام : ههههه داكشي ... ربي يخليكم ليا ...
نسرين سالت وكلسات حدااهم : كون شافت ليهاا شي معلمة ديال الخياطة تعلمها معاهاااا ... تشد غير الحرفة
احلام بنفي : لا لا انا مكانحملش الخيط والبرااا ... وداكشي كايحفي غير العينين ..
نصيرة :ايواا يحن الله ... فكرتيني رااااه درت ليك حوايجك فبيت خنساااء ... ولي تنعسي معاهااا حسن ليك من هناااا ... انا غانعس فهاد البيت ...
احلام خرجات عينيها مفافية : اءء لاااا اعمتي غير خليني هنااا هاد يوماين نعست مرتااحة هناايااا بللاماااا تخوي بلاصتك ...
نصيرة : لاوااه ... البيت حسن لييك من هناااا ... غاترتاحي فييه وتنعسي فخاطرك ... بللامااا تبقاي وسط الدااار شي طالع وشي هابط ....
نسرين خنزرات فيها : ورااه اصلاا مجاتش تنعس هناا الفوق حسن ليهاا ماتعرفي النعاااس هادا راه خو الموت ... تحيدي الغطا و تعراااي وتقلبي فخاطرك ...
احلاام باصرااار : لا لا غير خليني اعمتي ... انا مكانقد نعس حدا حد ... ومكانرتاحش فنموسية ديال جوج دناااس ...
نسرين هزات فيها حاجبهاا منوية انهااا بغات تنعس بلعاني تما على قبل عصااام : من نيتك ... هنا راااه مجااتش ... الا هبط غير عصام ولا با العربي ولقاوك مكوزة فنعاسك فين غاديري وجهك ...
احلام بتأكيد : لااا غانسد عليا البييت مني نبغي ... وانا راه كانفيق بكري مولفة ... غانفيق قبل منكم غير تهناااي ...
نصيرة مابغاتش تبزز عليها : وا ونتي تعرفي ابنتي ... حوايجك راه الفوق ونتي نعسي فين ارتاحيتي .. دار داركم
احلااام : الله يكبر بيك ...
نسرين بقات كاتفرك فيدهااا مامرتاحااش والغيرة غادة وكاتعاود تدخل ليهااا نطقات تحت منها مفقوسة : عشرة يهود على قنفود هي ديالي انا
حاسه فهاد احلام ناوية ليها على خزييت ومابغات تنعس هناا الا وعندها سبب وباينة هو عصااام .. راسهااا كلااهااا بالتفكير فهاد الموضووع حاسة براسهااا غاتحماااق ومحاملااش وجودها اصلااا من اساسو ..
داز اسبوع بزربة... ضغط فيه سيمو على عبدو يخرج احلاااام معاه شي عشية حيت هادي هي الطريقة الوحيدة باااش يحرك مشاعر خنسااء... فكر مزيان ولقا عندو الحق وقنعو خنساء بزز باش خلاتهم مابغاتش تبين بيلا راهاا معاجبهااش الحااال وبغات تدير لاحلام خاطرهاا بحكم كاملين اصرو عليها دوزو العشية بجوج ورجعوا فحااالهم بكري باااش مايجبدوش الصداااع ....
حل الليل .. كانت خنساء فلبيت هازة سشوار كاتسرح بيه خصلات شعر أحلام...سلات ودهنااتو ليهااا بسيرووم وݣلساات على طرف السرير محيدة لمقاابط تشعر من فوق سدرهاا حطاهم فوق لكوافوز...
نطقاات كاتحرك يديهاا فلهوى باش تبرد شوية السشواار صهدهاا:ياااختي شعر الطويل كاايعدب فتصيااب...كيف كااديري تصيبه بووحدك؟!؛
جوباتها أحلام كاتشوف فلمراية و كاتقااد خصلاتهاا لقداام بطرااف صباعهاا:كانبقاا معااه خصلة بخصلة حتاا كانسرحو..ولكن صراحة تصيابك وااعر معندي مايتساالك...
خنساء:بصحتك ازيين...
أحلام دارت لعندهاا وعينيها كايلمعوو:ليوووم دااز عندي طووب واناا معااه...هههه عرفتي دابا كاانحس برااسي بحالا فووق سحااب
خنساء عوجاات شفايفهاا وقالت كاتساؤل:تساارتي مزياان؟!!
أحلاام: قولي واااش سرااني مزياان...مخلى فين الدااني..دورني قنيطرة كااملة قنت بقنت...وكليناا مجمووعين...وختماناا بلݣلاص مبرد بجنب لبحر...
ردت عليها بإجااز:اوى بصحة ورااحة
أحلام كاتبتااسم:يااختي شحاال ضريف وكاايدخل للخاااطر...ونشوووطي من لفوووق...تتت يااعيني وشحاال كايحمقني دااك النووع...مكرهتش نترندف معااه مرى اخرى...ونعاود هاد لخرجة
نطقاات خنساء بنزعااج:احلاام الله يهديك..بلاا ماطيحي تااني و تسيحيي..راه غااتجي على زناافرك هاناا كانعلمك...
احلام:من نيتك...وعلااه شنوو فيهاا...زين حبو مولانااا..(بداات كادور خصلة من شعرهاا على صبعهاا وقالت وهياا هايمة بنبرة عدبااء)وخااصني نكون حجرة محجرة الى معجبنيش ولا محركش فياا شي حاجة...وسيد جاامع ماابين كلشي...ولأهم انووو حرش..وضحكتوو كاادوب...(تنهدات بعمق)ااااااه سعداااات هااااادي لي غادي يكون من نصيبهاا...
خنساء ميقاات فيهاا:البنت شتك وااقلة زدتييي فييه..رجووع الله..
أحلاام رجعاات لوعيهاا: اءءء...تي ماالني كدبت قلت غير الصراحة...
نطقاات خنساء بجدية:وااحد بحاال هدااك مايصلااحش لييك....غاا حيديه من باااك حيت غير غاضيعي معااه لوقت...
طرطقاات فيهاا عينيهاا للحد:وعلااش بسلاامة؟!!
خنساء:هكاااك وصاافي...واحد بحالو مغاايبغيش يكوون معااك..ولا يبغيك كيفماا غاتبغيه نتي...غاتصدقي غير مضيعة معااه لوقت وطايحة فيه...و فلخر نتي لي غااتعدبي...
أحلام خنزرات فيهاا:وعلااش ماالني حتاا مايبغيش يكوون معاياا ويبغيني؟!!ماالني شنو نااقصنيي؟!!وزيدوون شنوو لي خلااك تحكمي عليه هاكاا بغيت غا نفهم؟!!
خنساء كاتحااول تحيد ليهاا الفكرة لي هزاهاا على عبدو شوية بشوية وبشكل تدريجي قائلة بنبرة تاابتة:وااش نسيتي بلي ولد دربناا و كبرناا مجمووعين...المشكل ماشي فيك نتي ... المشكل ازييين فيه هو....قلبووو عاامر...وغير غااتعدبي هاني كانقوليك...
جاوباتهاا احلام كااتساؤل بهتماام: ونتي بااش عرفتي بلي قلبو عاامر؟!!يلاااه...
خنساء بتفسيير:وراااني قلت ليك ولد دربناا وكانعرف علييه كلشي...وعااد رااه جاري فلخدمة...ادن غاا الى فكرتي شوية بعقلك وخدمتيه..غااتعرفي بلي هضرتي على صوااب...
ردت عليها بإحباط:وااش هو لي قاالك ليك كاايعرف شي وحدة..؟!
ناضت وقفاات كاتجمع فشي حوايج تاعهاا كانو مرميين فلبيت:بلى ماتبقاااي تسولي بزااف...انااا غير نصحتك..ولي عجبك ديريه...عندااك غسر تندمي فلخر
أحلام مسحاات على شعرها بيأس...بقاات كاتفكر لتوااني...دارت وهزاات صاكهاا لي فوق لكواافوز جبداات منو تيل تااعهاا وقالت:أشباان ليك نعيط لييه؟!!!
خنساء شافت فيهاا بزربة موسعة نضراتهاا... ونطقات بلا ماتشعر:عطاااك نمرتووو؟!!
أحلام ضحكاات:هههه وهو معطاهااش لياا...ولكن خديتهاا بطريقتي...
خنساء بعدم فهم:بطريقتك؟!!
أحلام:قلت ليه بغيت نهضر مع عمتيي تعطلت وغاتشطن الى مسمعاتش صوتي...درت براسي مدوزة لابيل وقلت ليه مشاا لياا صولد...وديك سااعة عطاني تيل ديالو نعيط ليهاا...واناا دوزت النمرة ديالي عوض ديال عمتي...و هاكاا خديت نمرتوو...(كملات بتخميم)داباا بقاات لياا غير حااجة وحدة..نلقاا شي طريقة بااش نهضر معااه..بلا فرشة
خنساء حركاات راسهاا بلاحول:هااد لخبيرة كااملة لي ݣالسة نحاجي عليك من صبااح دخلاات من لودن و خرجاات من لخرى؟!!ماشديتي منهاا والاا حرف..(يلااه غاتهضر احلام وهياا تقااطعهاا)اختي عوومي بحرك...ضبري لرااسك معااه...غاعنداااك...عندااااك تجي تغبني فلخر...
أحلام ردت عليها موسعة نضراتهاا بندهااش:تي ماالك دغياا شعلتي معاياا.. انااري (ضحكات بطنز ولاحت خصلاات من شعرهاا المطلوق وورى ضهرهاا) هههه ولاهيلا قالت ليك نجي نتغبن فلخر...ماالني اختي شتيني خارجة من مسلسل تركي حتى نݣلس نتغبن علييه...اخررر وااحد تنزل عليه احلام دمعتهااا...هو بوركاابي...
طولات فيهاا خنساء النضر لتواني و ناضت وقفاات وقالت بهدووء:واناا غانصحتك... ونصيحة مكتقتل مكاتحيي...ولي عجبك ديريه... وراه كايقوليك الغزاالة *حبي مع النصارة وليهود وخلي عليك الجيران الشهود
كانت حيااة ݣالسة عند عتيقة فدارهاا مجمعين على براد تاع اتااي..هضرة تجبد هضرة...حتاا قررات حيااة تدخل فلموضوع لي خلاهاا بدرجه اللولة تجي لعندهااا
حطات كااس تاع اتااي من يديهاا ونطقات بابتسامة: بصراحة اعتيقة اناا جيت نهضر معااك فوااحد الموضوع...
عتيقة صغرات فيهاا عينيهاا:ايه دوي الله يسمعناا خباار لخيير...
ردت عليها حياة:كول خير ان شاء الله...احم...سيمحمد ولد ختي...
جاوبتهاا عتيقة بستفهاام:ماالو؟!!
حيااة:واا الى كتااب رااه بغاا يكمل دينووو...
عتيقة ابتسمات:اوى مبروووك الله يكمل علييه بلخيير...
حيااة:اميين يااربي...(كملات بنبرة جدية) ودرية لي بغاا يكمل معاهاا حيااتو...هيااا بنتكم راانياا...
عتيقة بدلات ملاميحهاا لإندهااش... وقالت بعدم تصديق:راا..راانياا بنتي؟!!
ردت عليها حياة بإيجااب كاتضحك:ههه اييه بنتك...وراه هو لي مسيفطني بااش نطلب اديهاا منك على سنة الله ورسوله... شافها وعجبااتو وبغاهاا لزوااج وجاا قااصد البااب...
عتيقة رمشاات بتتاقل وقلبهااا تهز بزربة من لفرحة.. نطقاات بابتسامة عريضة: مرحبا وألف مرحبااا...الله اودي هداك هو نهاار لكبيير عندي...
حيااة:ربي يخليك ويطول عمرك...
عتيقة:واا لولد بااينة فيه ولد النااس..مأدب وحشوومي...مغالقااش حسن منوو لبنتي... صرااحة تقاال
حيااة:وييه لولد الله يعمرهاا داار...تربى قدام عيني و حاسبااه بحاال ولدي...والله وماتساليني حلووف حتاا فرحت ملي جاا وقالياا نجي ندوي معااك على راانياا...عاارفااه رااجل دياال زماان يحطهاا فووق رااسو و مغايخصهاا حتاا خير معااه...وخلااص راه حتاا هو مغايلقااش بحالهاا بنت كاملة مكمولة مافيهاا مايتعااب...
عتيقة بفرحة:الله يكبر بيك اختي حيااة ويخلي ليك وليدك والله يجيب ليه حتاا هو شي نقرة فين يغبر نحااسو...
جوباتهاا بتنهد:من فمك لبااب السماا..واخاا رااه مشحفني معااه...ݣااع ݣراانو تزوجو ودارو ولادهم وهو بااقي مسخى بديك تازوفريت...شدااه حالفة مااطلقو...
عتيقة:غير صبري..داباا يرطااب...
حياااة: وهاني صابرة حتاا يحن الله...(كملات بتساؤل)وقولي لياا داباا...باش غاانجااوب اللولد...ههه راه حامية فيه لبيضة كايتسنااني نرد علييه...
عتيقة زاادت ضحكااات مقاداهااا فرحة وقالت :هههه وااش غانقوليك...من جيهتي اناا الله يكمل بلخير موااافقة...واخاا نعرف نشدهاا من يديهاا ونعطيهاا ليكم بزز منهااا...منݣلعهااش لييك...ولكن ضروري نتشاور معاها و نهضر مع باهااا راه هو مول الري وشواار...والى تيسر كلشي...نعلمك باش تجييوو...والله يسخر من عندووو...
حيااة:صااافي ان شاء الله...(كملات كاتضحك)وشكوون كاان كاايقوول غاادي نرجعووو من لعائلة و نتنااسبو معانااا...شووف لك لأرزااق...
عتيقه:وييه سبحان الله العظيم كنتي صحبتي داباا غادة تولي من عائلتي.. .شوفي لمكتااب وكيف غاادي..(عنقااتهاا بحرارة فرحاانة) ونهاار لكبيير عندي نوليو عاائلة وحدة...
بادلاتهاا حيااة العنااق وقاالت برجاء:اوى الله يسر من عندوو ويكمل كلشي بخيير يااربي...
الليل حل على لمدينة..وضلام الحاال...كاان السقيل فداار السايب...بحكم كلشي غير تعشا ونعس... عصاام كاان فوق السرير مزال معطل فلخدمة كايقاد شي لعيبات فلبيسي...وقبالتو نسرين ݣالسة فوق لكرسي تاع لكوافوز قدام لمراية كاتمشط فشعرهاا...سالات و رداتو كاامل لجنب... مسحاات جنب عينيها لي كاانت مكتفة رموشهم بلماسكرة...دايرة ميكاب ليلي خفيف...هزاات كريم دهناات بيه يديهاا و قالت كاتشوفيه من لمراية بنبرة رقيقة: عصاام...وااش مزال معطل؟!!...
طلع فيهاا عينيه عارفهاا علااش كادق وشنو باغا...رجع شاف فلبيسي وقال داير راسو مفاهمش:علاااش؟! بغيتني فشي حاجة؟!
هياا بتاسمات بجنب خدات لبرفان رشات منو جووج رشاات على جناب عنقهاا و ناضت وقفات...حيدات بنوارهاا الحريري بقاات غير بشوميز تاعو قصير فلون لأبيض...
عصام غير وصلو لبرفان ديالها لي كايساالي معااه و يخليه يدوخ..و هو يطلع عينيه سارق بعض النضراات منهاا بلا مايشعر..فكلماا كاتحاول تغرييه..كايلقاا راسو صاابر وحابس راسو عليهاا غير بزز..كل جزء منو مشتااق يعاود يمتالكهاا من جديد...ولكن بنسبة ليه ضروري ماايتقل...مخااصوش يضعااف قدامهاا وخاا يطرى لي يطرى...
قرباات نسرين لسرير و ݣلساات حدااه وبشكل قريب بزااف منو...وبحركة سريعة منهاا سداات لبيسي بطراف صباعهاا....
شافيهاا هاز حاجبو وقاال: دابا علااش كتقلبي فهااد اليل؟!!
جاوباتو برقة حاطة يديها على حنكو كاتحسس لحيتو:بغااك نتااا....باغاا حبيبي و زماني ورااجلي يرجع لياا مرة أخرى...
طول فيهاا شوفة لي لحضاات مدقق فيهاا النضر...و دور عينيه لبيسي و قال: مزيان نيت ملي طفيتيه... درتي فياا خير بااش ننعس و نريح عيني نهار كامل وانا هالكهم(حيدو مبعدو عليه وقال بإجااز)تصبحي على خير...
يلاه غايدور وهياا تشدوو بجهد من دراعوو مدوراه لعندهاا...وقالت بنبرة مخنوووقة عينيهاا غرغرو:عصااااام بركة...عفاااااك اما بركة....رااني ماابقيتش قاادرة نصبر...
رجع تقابل معاهاا و قال ببرود:مممم غتبدااي تبكي علياا تااني...يلاه طيحيهم نشووف...
جوبااتو بنفعاال:لا مغاانبكيش...عوض مااانبقااو بعاادين هاكاا على بعضياتناا خااصناا نلقااو شي حل...حسب شحاال هاادي بااش رجعناا ونتاا هااجرنيي...حاالف ماتحاديني و لا تقرب ليااا...علااش هااادشي كاامل علاااش...وااش غير بااش تندمني...(كملات كاتحتج)رااني كااانتقطع من لدااخل و نتا بعيد عليااااا....نهاار على نهاار وانا كانقول لأمور غاتصلح بيناتناا و غير مكاتزيد تكفس...راااه بزااف هاادشي...والله حتاا بزااف
عصام تسناهاا حتاا كملاات هضرتهااا فخاطرهاا وفرغااات...عااد نطق ببرودة منوو كأنها مهماهش:صافي ساليتي؟!!خويتي دااكشي لي عندك لدااخل.. إوى سيري تنعسي...
نسرين عوجاات شفايفهاا بشكل طفولي..عينيهاا تحجروو فيهم الدمووع...هااد اللامبالاة دياالو قرباات تقتلهاا... نطقاات بنبرة بااحة:حراام علييك...والله حتا حرااام علييك...
رد عليهاا بنبرة هاادئة:أه حراام علياا ومن بعد...
جاوبااتو ودمعة حاارة نزلاات على خدهاا:تبدلتي عليااا بزااف...وااش حتاا حاجة مابقااات شافعة لياا عندك وترجعك لياا كيف كنتي...لهاااد الدرجة رجع قلبك حجرة قااسحة من جيهتي...
عصام خنزر فيهاا:مسحي دوك الدمووع و سيري تنعسي ..(شافهاا مايستاجبش وعاود بتكرار) نسرييين سييييري تنعسي...
دوزاات اديهاا على خدهاا بعصبية وقاللت بنبرة قوية محقدة فيه الشوفة:حتاااا لإمتااا...دوي...حتااا لإمتااا غاتبقااا مجرجرني معاااك بحاال هاكاا وتربي فيااا غير بلفن...
عصام جاوبهاا فلبلاصة:نهااار نتأكد انك حيدتي ديك لغيرة لخااوية من دمااغك...وحطيتي عقلك براسك...ديك الساعة غادي نرجع معاك كيف كنت...اماا داباا راك غير كاضيعي فوقتك...وااا تصبحي على خير
نسرين يلااه كاانت غاتدوي وهو يقااطعهاا هاز عليها صبعو بصرامة:يااا غااتسدي هااد لموضوع و تسدي معااه فمك و تخليني نعس...ياغانهز قلوعي ونوض لصاالون...باااش نيت هااد لقربالة لي منوضين...تزيد تشيع وكلشي لفهاد الداار يسيق ليهاا لخباار...يلاه ختاااري
سالا على هضرتوو وتكاا مجبد فبلاصتو عااطيهاا بضهر...مخلييهاا حدااه كاتغلي.. غمضات عينيهاا بتتاقل وحلاتهم...مدوزة يديهاا على شعرهااا....شوية وهياا تبتاسم بشر...تسنداات على لمخدة و بداات كااتشوف فلفرااغ وتخمم..دقائق و هياا تحرك راسهاا بإجااب كاتفصل وتخيط فلفكرة لي طااحت ليهاا فرااسهاا..معولة طبقهاا علييه دااعية فخااطرهااا بااش تنجح معاهاا هاد لمرة وترجعو معاها كيف كان...داارت لجيهتو شايفة فيه بتوعد...و من بعد غمضات عينيهاا محااولة تسترخي و تنعس
صباح جديييد فالمحل عند خنساااء هي ورانياااا كاايقادو شي سلعة يالاه وصلاتهم فلي مانكاان غااارقين فالكراااطن والميكااات لي وصلووهم .... مزاال منغامسين فشغلهم وهو يدخل رجل ثلاتيني بلحية سوداء خفيفة و مرتبة بحاال لون شعرو الكتييف تمااامااا ... حروفو كحليين مع بشرتو البيضاء وعينيه السوود ... طوييل وعاامر ... تقدم كايهز عينو فالمحل ويدقق فالتفاااصيل
خنساء شافتو وشارت لرانيااا باش تشوف شنو بغا.. حطات لي فيدها وابتاسمات فوجهو : مرحبا اسيدي اش حب الخاااطر ... سمح لينا لقيتينا مرونين شوية مع السلعة ...
الرجل بهدوء خاشي يدو فجيبو : هاد المحل دياالك .... مممم زعما نتي مولاتو ؟؟؟ ...
رانيا بتعجب : اه علااش كاتسول اسيدي كاين فاااش نعاااونك ...
الرجل : وي محتاج شي حواايج ... وسمعت على المحال ديالكم من عند واحد السيدة كانعرفها ...
رانيا : اياااه مرحبااا .. شنو بغيتي بالضبط ؟؟ ...
الرجل بابتسامة : فصراحة انا محتاج بزاف ديال الحواايج يعني غنااخد من كل حااجة بزاف ديال لي بييس ... تقدري تقولي جملة ...
رانيا : اااه واخا حنا صراحة مكانبيعوش بالجملة ... زعماااا راك عارف كايكون عندنا عدد لي بييس لي محتاجين وصاافي ...
الرجل : وي وي عرفت .. ماشي مشكل مغاديش ناخد بزاف فلول حتى نجرب بعدا السلعة وعااد يكون الخير ....
رانيا : اييه واخا اسيدي ... ( حكات راسها كاتشوف الروينة ): تبغي نجبد ليك لي موديل دابا ؟؟ ...
الرجل دور عينوو : نوو بلاما نعدبكم فهاد الوقت ... كاتباانو مشغولين بزاااف وانا نيت ماعنديش بزاف ديال الوقت ... اش بان ليك ندوز عندكم غدا فنفس الوقيتة ...
رانيا بايجاب : اه واخا ماشي مشكل مرحبا بيك فاي وقت ... غانتسناك غدااا بحول الله ...
رد عليها : ان شاء الله.... الله يعاونكم ...
رانيا بلطافة : امين ياربي شكرااا ...
دور عينو لجهة خنساء لي كانت منغامسة فالشغل دارت ليه ابتساامة ديال الصواب وهو مطول فيها الشوفة وزاد فحالو من تماااا ..
خنساء بتساؤل : مال هاد خونا ؟؟ ...
رانيا : قالك بغا يشري بزاف ديال البياسااات من كل موديل ... مافهمتش مني باغي يشري جملة علاش مامشاش لسوق الجملة العجب ... قالك غايجي غدا فنفس الوقيتة
خنساء : حنا مالنا وماااالو المهم غاياخد شنو بغا يخلصنا ... مادخلناش فييه ... حتال غدا ونشوفو معااه ... دوزي دوزي نكملو هادشي قبل مايبداو الكليانات يجيو يلقاو الدنيا مقربلة ...
حركات راسها بايجااب وزادت مكملة معااها داكشي لي كانو كايديرو باش يساليو شغلهم دغياا ...
تعاشاات العشية ورانيا كانت كالسة فوق سريرها ومعاها عتيقة كاتدوي معاها فموضوع الزواج لي قالت ليها حياة : ايوا ونتي زعما ماكنتي عارفة والو ؟؟ ...
رانيا : وا مانكدبش عليك اماما محمد هضر معايا انا لولة فهادشي ... وراكي عارفة قلت ليه بغيتيني راه داارنااا كاتعرفهااا ... هاذا ما كان
عتيقة صغرات فيها عينيهااا : ممممم ونتي باغاا ... احم زعما عااجبك ؟؟؟ ...
رانيا عضات على قنوفتها كاتفرك فيدها : مممم وااا هوو دري ضريف ... ومأدب ...
عتيقة طولات فيها الشوفةة: ضرييييف ... يااك ماكنتيش تحمليه دغيا ولا ضريف ... ايواا بااز .... ( ابتاسمات ليها حاطة يدها على طتفها ): انا المهم عندي تكوني فرحاااانة وتزوجي وديري دارك ... هاداك هو الرباااح ... وسمحمد راجل ديال الزمااان مافيه مايتعاااب ... بما انك باغااا اش بان ليك ندوي مع باااك ماحدو فدار ونطرقو هاد لمسمار ...
رانيا قادات الكلسة فرحانة : بصح اماما ... ( باست على يدها ): لهلا يخطيك عليا ...
عتيقة جمعات الوقفة : هي دابااا نضربو الحديد ماحدو سخووون ... الخير البر عاجله ....
غمزاتها وزادت من حداهااا خلاتها كاتفرنس غاطير بالفرحة ومشاات لبيتهااا مع حلات الباب لقات سماعيل يللااه قطع التلفون والضحكة مرسومة على وجهواا ...
نطقات بابتساامة : اسماعييل ....
شاف فيها وضحك : اجي اعتيقة اجي
عتيقة كلسات حدااه : كاتباان ناااشط مع راسك هننههه ...
اسماعيل كايفرنس : ومالي لي مانشط .... انا لي نضحك ونفرح .. علاش لي عندو مراا فحااالك اش غايخصوووااا ..
عتيقة: هههههه ياااك ... ايوا حتى انا اسيدي عندي ليك مايتقاال باش تزيد تنشط...
اسماعيل : لا اللالة انا لي عندي مانقول لييك هو لول ... شي حاااجة مهمة غاتخليك طاايرة بالفرحة وجات وقتها باااش تعرفييهاااا ..
عتيقة : الله يسمعناا خير ... اش تماا ؟؟؟
اسماعيل ابتاسم وغمزهااا : هاداك النهار لي شحال ونتي تحلمي بيبه قريب غاتعيشيييه ...
عتيقة بعدم فهم : كيفااااش ؟؟؟ ...
اسماعيل ضحك : جاااااو الخطااب فبنتنا رااااانياااا ... وماااشي اي واااحد ...
عتيقة رمشااات بتتاقل : شكوووون ؟؟؟؟ ...
اسماعيل : واحد صااحبي اماراتي خدام معايا فقطر ولدو هو لي طلب يدها للزوااج ... ورااااه خدااام حلاااق عند الامير ديال قطر ... يعني السيد ) غمزها (: شاااااااابع لعاااااااااقة ... بنتك غاتعيش امييييرة معااااااه ...
عتيقة تنهدات : اييه ولكن واش باغي تزوجها ايماراتي ؟؟؟ ...
اسماعيل : اءء ومالو اماراتي ... ياك مسلم بحالنا بحالو ولله الحمد .. شنو المشكل ؟؟؟ ....
عتيقة بلعات ريقهاا وهي كاتفكر منظر رانيا من دوات ليها على سيمو كيفاش فرحاات غاطيير وبانت فيها باغاه من قلبهاا .... اخر حاجة كانت توقعها هي يجي نهار لي تخطب فيه وماتفرحش ليها حيت عارفة مزياان ان بنتها مغاديش تبغي ... نطقات : ونتا كاتعرف مزيان هاد الولد ... زعمااا واش مسول عليه ولا غير غاندرمو هكااك؟؟ ...
اسماعيل : الله يهديك اعتيقة واش انا غير غانجي ولوح بنتي ... السيد راه ولد عائلة وبااه هو لي عاوني نهار يلاااه هاجرت ... وعشرة دزماااااان وولدو كانعرفوا حق المعرفة قاري ومتقف وتبارك الله زين وبخييرو وخمييييرووو ومن الفووق قد رااانيا فالعمر تقريبااا يعني بااقي صغيييير .... مافيه مايتعاااب ...
عتيقة بلا حول : اييه ولايني راه خاص تشاور الدرية وااش باغا ولا لاااا ...
اسماعيل : وعلاش لي ماتبغيييش ... راه تسمعها طير بالفرحة ... دجاجة بكامونها فين غاتلقى بحالهااا ....
عتيقة : اودي ... الله يدير لي فيها الخيير ...
اسماعيل بتأكيد : وا نتي دوي معاها باش نأكد لسيد ... راه قالي سولهاااا واخا انا راه عطيتو الكلمة اصلا ... عارف بيلا رانيا بعقلها وغاتعرف مصلاحتها فين كاااينة ....
عتيقة : واخااا غاندوي معاهاااا ... ويكون خيير ...
اسماعيل : فاش كنتي باغا تدوي معاياااا بعدا نتي ؟ ...
عتيقة : وا هو فصراحة كنت باغا ندوي معاك على نفس الموضوع ...
اسماعيل هز حاجبو : مافهمتش ؟؟؟ ...
عتيقة : اش غانقوليك ... حياة جات طالبة راغبة فيد بنتنا لولد ختهااا محمد وكنت ناوية نشاورك فهادشي ....
اسمااعيل بتذكر : واش لي خدام مع عبد الله فالمحااال ؟؟ ..
عتيقة : اييه شريكو وولد خااالتووو ... الولد مربي وضريف وغزااال ...
قاطعها بصرامة : شوفي الله يرحم بااااك بلامااا تبداي تخبري عليا ... غاتقولي لييهم البنت مخطوبة وداويين فيهاااا وماعندنا بنات للزوااااج .... واش انا غانخلي السيد لي غايحط بنتي فوق الراااس ويديرهاا قايدة ونعطيهااا لمول الزرااابي ومن الفوق غير شرييك ... داكشي لي بقااااا ...
عتيقة : ولايني اسماعيل راااه مابقاتش فالجاااه ولا المااال ... بقاااات فراحة الباال ...
اسمااعيل : راحة الباال امراتي الحبيبة كايديروهااا الفلووووس ... لعاااقة ... مووووكة ... عمر ... الزرقاااالااااف ... مني يكونو عندهاا غادي تحط راسها على المخدة مرتااااااحة وتنعس وهي مسندة على الحرير ماشي كاتحلم بيه ... الفطور حتاااال الفراااش والخداامة والجااه والنخوة والهبة ... وااش ماباغااش لبنت هاد العيشة ولا كيفااااش ؟؟؟ ...
عتيقة : ايه بطبيعة الحااال بغيتها ليهااا ... ولايني ..
اسمااعيل : ايوا الا باغاها ليهااا راااه غاتلقاها مع العريس لي جاايب ليها انا ماشي محمد لي يللاااه كايبني مستقبلووو ... انا بغيت لبنتي الواااجدة مااشي تشيب رااسهاا وتفني عمرهاا وهي كاتضرب الكرفي وتخدم معااه باش يلاااه يكملو الكريدي ديال الدار والطومووبيييل ويتقاااتلو على داكشي لي غايبقى باش يكملو الشهر ... وفلخر نهار تسالي تلقى رااسهاا هي لي تساللااااااات وشبابها لي ضاااع ... ( حط يدو على يدها ): تبغيها تضرب تمارة لي ضربتي معايا...
عتيقة تنهدات بلا حول : وا اش غانقوليك الله يدير لي فيها الخييير وصاافي على ربي غير توااافق ...
ناض داز لبلاكار يهز حوايجو ديال النعاس : غااااتوااافق غير تهناااي ...
عتيقة سكتاات دايرة يدها على خدها كاتفكر فصاحبتهااا واش غاتقول ليهااا وهي عطاتها امل ... وعااد فبنتهااا لي مستحيل تقبل تزوج بخلييجي خصوصا انهاا من عينيها باينة كاتبغي سمحمد وناوية تبني معاه حياااتهاا ... تنهدات فخاااطرهاا كاتدعي الله يدير شي تااويل ....
صبااااح جدييد مشرق حل على المدينة .... خنساااء كاانت جاية للمحل بكري ... تلاقااات مع عبدو يلاااه خاارج من دارهم يجيب بااش يفطر ... هز حاجبو وهو كايشوف فيها خارجة مع النبوري ...
عبدو : صباح الخيير ...
خنساء شافتو وميقاات : صباااح الخير ...
عبدو : فين غادة على هاد الصبااااح راه باقي الحال
خنساء : هاااء ونتا ماالك ... بغيت نمشي بكري فيها شي مشكل ؟ ...
عبدو :، لااا غير قلت حييت باقي الحااال ... وعاد كلشي سااد فهاد الوقت تماااا مكاين لا بيع لا شراا ...
خنساء خشات يدها فجيبها : غير قنطت فالدار وجيت باش نلاهي الوقت ...
عبدو حرك راسو بايجااب : مممممم ... ( غمزهاا ): شنو بان ليك نفطرو بجوج فوااحد البلاصة غاتعجبك ...
خنساء خنزرات : وعلاش غانفطر معاااك اصللااااا ... داكشي لي بقاااا ليااا...
عبدو بتأكيد : هنيناا ويلاااااه ... رااه غير غانفطرو مافيها واااالو وعاد رااه مكاين ماتمشي ديري تما بوحدك غير غاتقنطي كتر ...
خنساء هزات حاجبها : وفين غانمشييووو ؟؟؟ ...
عبدو ابتاسم : غاتعرفي ديك الساااعة ... صافي مشيييناااا ؟؟؟؟
خنساااء بنفي : لا لا مكاين لاااش غير سير خليني عليييك ...
عبدو عرفها غاتعكس وهو يطير ليها ساروت المحل من يدها خاطفها ليهاا : وداباا يااغاتمشي معاايااا نفطرو يااا مغانعطيكش ساروت وغاتبقاي تسناي رانيا حتى تجي عاد تحل ... ومانحتاجش نفكرك رانياا معااش كاتفييق ...
خنسااء خنزرات : عبدو براكة من هاد البسااالة وعطيني السواارت ولا مغادي يعجبك حاااااال ...
خشاهم فجيبو : مغاديش نتفاك معااااك .... انا غانحط ليهم الخبز ونلبس عليا ونجي تسنايني ...
زاد من تما مخليها مفقووسة ماخلا ليها حتى حل عارفاه مغايتراجعش على كلمتو ... ربعات يدها كاتسنااه ...
بزربة وصل عليها بالموطور ديال سيمو ماد ليها الكااسك : طلعي ...
خنساء شداتو بنفضة : مغاديش ندوزها ليييك ..
عبدو ضحك : غير يلاه نفطرو وديك الساعة مادوزيهاليش ...
شار ليها تركب وهي تطلع معاحبهاا حااااال... غفلهاا وكسيرا شااد الفران فنفس الوقت حتى لصقااات عليه ...
خنسااء بعصبية : الله يعطيك الجربة ...
عبدو : ههههههههههه شدي مزيااان لا تجي مقلوبة ...
خصرات فيه كمارتهاااا مخنزرة وزاد هو مكسيري داااز غداا شي حااجة غايحتاااجهااا وعاد كمل طريقو ...
كاانت نسرين فبيتهاا ممقاادة و مسكسفة على لحاالة...لابسة دجين فلكحل مزير و فوق منو قامجة صيفية فلبااج..مع صندالة طاالون فنوواغ و بوشيط صغيرة هزاها فيدهاا...مع ميكااب ناعم و شعرهاا مخليااه مطلووق مسرح مزيان لاوية بعض من خصلاتو...كاتباان بحلة انييقة و كلشي متنااسق ومحطوط فبلاصتو..رشاات عطرهاا وهزاتو خشااتو فصاكهاا...
دخل عصاام لبيت كان يلاه فااق خارج من لحمام هااز فوطة صغيرة كايمسح بيهاا وجهوو...لقاهاا يلاه كاتلبس لمݣانة فيديهاا...طلعهاا ونزلهاا عابرهاا بعينيه من رجليهاا لرااسهاا كايدقق فتفااصيلهاا وبلأخص لبااسهاا لي جااه مبدل...
يلاه بغاا يهضر و ولجم لسانو ساكت ملي داارت عندو مطلعة فيه لعين...وهو يحس بشعوور غريب محركوو من لدااخل... كايشوفهاا مقاادة مصيبة مناقصهااا والو...وعااد لميكاب لي دايرة وخا هادئ ولكن مبين بشرتهاا نااعمة و منورة على صبااح وكاايباان فوجهاا ناعسة مزياان و مرتاحة...
بتاسمات ليه بخفوت..راشقة ليها... هزاات نضاضرهاا وقالت:اناا غاادي نخرج صحبااتي كايتسنااوني فلفاك تعطلت عليهم..
تخطااتو وهو يوقفهااا بنبرة قوية:اجي لهناااا...
ضحكات فخطارهاا ودارت عندو متسائلة بنيرة عادية:نعاام احبيبة...
عصاام كان غاايدوي على لباااس و على لميكاب و شيااكتهااوهياا غادة غير للفاك ويعقب عليهم او بلأحرى يحيح عليهاا حيت مبااغي حتااا واحد يشوفهاا بديك الطلة من غيرو...ولا عل لأقل يكون خاارج معااه وحااضي...ولكن فلأخير شد أعصابو عندو و ترااجع...مباغيش ابين ليها اهتمامو كيفماا كاان مقرر من قبل...محااول يتحكم فأعصابو تجاهها ماا امكن...
و نطق بتلعتم:ءء ل..لفطوور...(عااود غووبش)شنووو القاايدة غااتخرجي ضربي لبااب و تخليني بلاا فطوور؟!
دارت ليه ابتسامة رقيقة وقالت بنبرة عدبااء:وعلاه اناا نقدر نسااك...نتا لول وجدت ليك لفطوور...راه محطوط مغطي فوق طبلة...بصحة وراحة (لبساات نضراتهاا السودااء لي زاادو كملو على لحطة..وقالت مع بتسامة مسيفطة ليه بوسة فلهوى غادة زربانة)بيزوو شيغي...
عصام بقاا متبعهاا بعينيه موسع نضراتو فنفس الوقت...كيفااش مطلبااتش منو يوصلهاا...غاادة هاادئة مبينة ليه بطريقة غير مباشرة انهاا مشغوولة و مزروبة تشوف صحاباتهاا...مسولاتو لاش مامشاش لخدمة..ولا وااش غادي لشي بلاصة..علاش غادي معطل فدااك صبااح...داارت راسهاا مهامهاا فواالو...وزاادت بكامل شياكتهاا خاارجة تقدي شغاالهاا...هو خرج نفسو بضيق و ضرب بديك لفوطة لأرض بعصبية...مفكرهاا كيف خرجاات وبااينة شحاال من عينين غاادي يشوفو فيهاا...ندم حيت ماحبسهااش ولا بزز عليهاا تبدل عاد تخرج ولا يمنع عليهاا تخرج ݣاااع...ختاار يبين ليهاا عدم اهتمامو كيفماا ولف ليهاا من نهاار رجعهاا بااش يربيهاا على فعلتهاا مزياان مشطحهااا على مخيط... ولكن ملي شافهاا بحطتهاا وخاارجة فرحاانة ما على بالهااش...بداا كايتقلا غير بوحدوو منرفز بحالا شي حاجة ناقصااه و مقادرش يعرفهااا
يتبع...
التعليقات
لا توجد تعليقات بعد، كن أول من يعلق.