بنت السايب الجزء السادس

خنساء رجعااات لدارهم ... كلسات شوية فالصاالو معاهم حتى تعشااو وكلها مشا لبيتووو ... دخلات لبيتهااا وسدات عليهااا ... وقفاات قدام المرااياا مدة كاتشوف فرااسهااا ... جمالها وشعرها ... مدة وهي كاتامل فملامحها ... ابتاسمات بخفووت : ايييه اخنساء وفين وصلتي راااسك ... ماعرفتش واش هادشي لي غاندير صحيح ولا لا ولكن ماعندي حتى حل اخر ... ياااربي ... ياااربي تعااوني ... عارفة راسي غاالطة ونستاهل ولكن وقف معاايااا نحل هاد الفضيحة بلاما يعرف حتى وااحد ...

بلعات ريقها وكلسات كاتحيد فالميكاب دياالها وحيدات العدساات ... تكااات كاتشوف فالسقف ساهية فدوامة افكارها مرة تحس براسها غادة فالطريق الصح وحتى حاجة مغاتخرجها من غير هادشي ومرات اخرى كاتبغي تراجع وتشوف شي حل اخر ولكن مكاتلقاهش وكاتعاود تصمم على شنو فبالها ... ليل كامل وهي على نفس الحال ... مانعسات حتى قرب يصبح الصباح عاد داتها عينيهااا واستلماات لنوومهااا

صبح الصبااح ... عصاام خاارج من بيتو مبدل غادي للخدمة ... تلاقا مع العربي يلاه صلا الصبح خاارج ... تقدموا مع بعضياتهم خرجوا كل واحد يقضي شغلوا تحت انظار خنسااء لي كانت مراقباهم من الشق ديال باب بيتها لابسة جلابيتها مقاادة ومصايبة ... غير خرجوا وهي هزات على صاكهاا وهزات صباطها فيدها كاتمشى بالميزان باش ماتسمعهاش نسرين حلات باب الدار بشوية وخرجات كاتسلت ... تنفساات بهدوء : على بركة الله ... ياربي تيسر يااربي ... لهلا تعكس الاموور ...

بلعات ريقها وزادت من تما متاجهة للعنوان لي قالت ليها رانياا ... لقات وحدة البناات ديال الابتدائي خارجة للمدرسة من الدار لي حدا دار السيد ... وقفاتها بابتسامة : عافاك احبيبة نسولك ؟؟

_ نعام اختي سولي

خنساء : احم واحد السيد سميتو عدنان كايسكن فهاد الدار لي حداكم ؟؟

_ ايييه عمي عدنان كايسكن هنا ...

خنسااء : مممممم ومعاش كايمشي للخدمة ... زعماا واش دابا باقي فالدار ولا يكون خرج ؟؟

_ ماعرفتش صراحة اخالتي ولاايني غادي يكون باقي حيت هو كايوصلني مرة مرة منين نكون غادة مع العشرة هاديك هي وقيتوو

خنساء : ممممم ... واخا احبيبة شكرا وقراي مزياان

_ شكرا اخالتوو ... زادت من تما خلااتهاا هازة حاجبها كاتأمل فالدار كانت تلاتة طاج ... التحت فيه جوج مكازاات كاريهم وعاد ليطاج لوخرين ساكن فيهم ... كلساات فواحد الدرجة تماا بعيدة شوية علييه مقاابلة المكانة ... دايراها يا ربحة يا دبحة وكاتسنى على الله يكون باقي ما خرج ... شي سااعة والزيادة وهي مصمرة حااضية البااب ... حتى خرج منها رجل خمسيني بشعر ابيض وبعض الخصلات السوداء فالجنااب ... لحية كتيفة شوية بيضة حتى هي ... متوسط فالطول وبشرتو بيضااء ... باين فايت فيه الزين فالصغر ... عينيه كحلين مشفريين مع بعض التجاعيبد فالجناب ...

حضاتو بعينيها كاتوزنوا وهي كاتفكر المواصفات لي عطاتها رانيا كااع كاينطابقو علييه ... تبعاتو بعينيهاا حتى داز للحانوت خدا منو شي حاجة وزااد على رجليييه كايتمشى ... تبعااتووو دقة دقة حتى وقف قدام صاكاا قريبة ليهم ... كان محاال كبيير بزاااف فيه انواااع كتيرة من السجائر وما جاورهااا ... ابتاسمات فور ما دخل ليهااا عرفاتها ديالو ... كاتمعن فيهاا داايرة فحال شي سيبير ماارشي دياال السجائر .... هزات حاجبها : ولاهيلا عند بالي عندو صااكاا عادية ... صدق السيد دااير مارشي ديال الكارووو ... ولاهيلااا نتا لي جات معااك ... ايواااا على مولااانااا ...

بقات شوية على براا حتى شافتو ما خرجش وزاادت فحالها راجعة للدار كاتفكر وتخطط والاهم هازة الهم شحال ديال الوقت غاتقدر تااخد بااش تقضي هاد الغرااض بالنسبة ليهاا خاصهاا ضروري يكون فيدهاا شي حاجة تعزز بيها راسها ... مايمكنش غير تدرم وتزيد وتخشا فالحفرة هكاااك ...

دازو اسبوعين تقاال على خنساء بحال عماين ... كل نهار كاتخرج فالوقت ديال عدنان وتبعواا على امل تشد شي حاجة عليه لي تخليهاا تأكد انه باقي عندو مشكل فالجهاز التنااسلي ... كل صباااح تابعاااه ومراقبااه بلا ما تمل والامل لي عندها فانها ممكن تخرج راسها كايزيد يحفزهااا ويخليهااا تحمس ... كاتخرج مني يخرج باها وخوها قبل ماتفيق نسرين وكاترجع فوقيتة الفطور ... بلا ملل اصرارها مخليهااا تصمم على هدفها كتر وكتر ...

صباح جدييد ساطع بشمس قوية داخلة لبيت خنسااء لي كالسة مربعة رجليها مبتاااسمة وعااجبهاا الحااال ... كاتمعن فصور فتليفونها وهي كاتشوف بشرارة ديال الفرحة والعودة للحيااة ... كانت حاسة براسها مخنوقة وملات الدنيا ولكن وصلات لهدفهااا ... كاتدوز تصاور عدنان وهو داخل لعند الطبيب المختص فالامراض التناسلية ... مصوراه بشكل واضح وحتى العيادة شاداهااا مزيااان ... ملاميحوا بااينة وضاهرة بوضوح

ابتاسمات بانتصار : طحتي بين يديا اسي عدنااان ... نتا هو لي غادي تخرجني من هاد الوحلة ... اححح علياا وخلااص ماابقااش بزاااف ونتهنى من هاد الهم ... الله على رااحة

كاتمعن فيهم ودوزهم بفرحة كبييرة متسللة لقلبها لي شحال هاذاا ماحسات بيها ولا دخلات لفؤادها ... حسات براسهاا وصلات لهدفها و حققات مبتغاهاا لي شحاال وهي كاطمح ليه...خرجات من تصاور و دازت لبلاصت ليزابيل..باش تهضر مع رانياا..قبل مدوز نمرتها...مشات بيها داكرتهاا لنهاار لي جبدات معاها لموضوع...وقالت ليهاا على عدنان

فلاش بااك

كانت ݣالسة خنساء فبيت رانياا سادين عليهم لباب...شادين لحديت مع بعضياتهم...

من بعد ما ترددات خنساء تشجعاات ونطقاات:بصراحة أرانيا بغيتك ضروري توقفي معايا فواحد لبلان

ردت عليها رانياا متسائلة بهتماام:اييه قولي شنوو؟

خنساء:هنا فين غانعرف واش انا صاحبتك نيت بلمعقول ولا غير بلفم

رانياا تقادات فلكلسة:غير قولي شنو..فاش بغيتيني...إلى كنت قادرة عليهاا منرضهاش فوجهك.. على راس ولعين

خنساء:ولكن قبل مابغيتكش ماتسوليني لا علااش وللا كيفااش

رانيا بنفاد صبر: ياودي غير دوي و قولي شنو كاين ودخلي نيشاان فلموضوع واش غاتبقاي تقطري فلهضرة...

خنساء رجعات بعض من لخصلات ورى شعرهاا ونطقات بجدية:بغيتك تقولي لماماك..تهضر ليا مع خت عدنان...

رنياا صغرات فيهاا عينيهاا...ردت عليهاا بتسائل مفاهماش شنو كاتقصد: كيفاش ماما تهضر مع خت عدناان...مافهمتش بحالاش هاد لهضرة؟؟!

خنساء:بيما ان ماماك هيا لي كاتقلب ليه على لعروسة...بغيتها تهضر ليها عليا،وتقوليها راه كاينة واحد بنت الناس،ديال الزواج..حتا هيا باغا لمعقول إلى طلبتو يديها راه مغاترفضش

سكتات رانيا تواني كتستوعب كلماتها ونطقات مرفعة نبرة صوتهاا:دااابا نتي...باغا تزوجي بعدنان؟؟

خنساء بإجاز : بضبط... هانتي فهمتي...

رانيا مصدقاتش شنو كاتسمع..صدماتها بلمزياان..دارت يديها على فمها ونطقات كاضحك بعدم تصديق:هههه لااا نتي غير كاضحكي معايا يااك...غييير كاضحكي..

خنساء خسرات ملاميحها بنزعااج معندهاا خاطر: واش اصحبتي غانضحك ونمزح معاك فموضوع بحال هاداا .. مالقيت مايدار

دغيا رانياا جمعات الضحكة ملي شافت خنساء كاتهضر وتشوف فيهاا بجدية..وسعاات حجم عينيهاا

بصدمة:اويييلي أخنساااء..وااش من نيتك كاادوي..عدنااان اصحبتي..عدناان الشارف..لي كايتزوج ببنات الناس ويطلق فيهم...و موطورو حافي...بغيتي تزوجي بيه...

خنساء كانت متوقعة منها هاد ردت لفعل...جاوباتهاا بهدوء:اييه..عدنان الشارف لي كايتزوج و يطلق و موطورو حافي انا بغيتو و قابلة نتزوج بييه..

رانياا بدهشة :ول..ولكن ع.علاااش...علااش عدنان بضبط

خنساء:قلت ليك ارانياا متسولينيش علااش... دابا بلا متندمينيش حيت طلبت منك توقفي معاياا...انااا ماقابلة نتزوج بيه حتا دورتها فراسي مزياان...وزيدون اناا عارفة شنو كاندير...

رانياا بعصبية:اشعاارفاا اشعاارفاا...هادا راه سميتو خرجان لعقل..هاداا راه لحماق كايتمشى على رجليه...واش تصطيتيي ولا هرب ليك...فلوقت لي الف واحد كايتسنااك غاتمشي ضحي بشبابك مع واحد قد بااك وتكملي معاه حيااتك...غا معطاك الله باغة تلوحي راسك..

خنساء:انا فكرت وعاودت فكرت مزياان ولقيتهاا مسلكاني عاد جيت عندك..عدنان جاني على ݣانتي... عندو لفلوس لي معنديش..قادر يوفر لياا داكشي لي كانبغي وكانتمناه من ديماا.. ولي تقالت عليا غادي تخفاف عليه...مهامنيش إلى كان كبر مني...عاادي شحال من وحدة تزوجاات بواحد كبر منهااا وعايشة معاه بخير مخاصهاا والو...

رانياا : زواج بحال هدا مخاصكش ݣاااع تحلمي بيه عسااك تفكري فيه...باش تعيشي مزياان تلوحي راسك فلعافيه؟(صغرات فيها حجم عينيها بتشكيك) من إمتى اخنساء وليتي طماعة ولاو هامينك لفلوس...جيني نيشان وقولي ليا علاش باغة تزوجي بعدنان..بلا كدوب...متخبيش عليااا،شنو كاين؟

خنساء حسات بيها غادي تعيق بشي حاجة،حلات عينيهااا وسدااتهم ونطقاات بنرفزة : مكاااين والو لقاضية وما فيهاا حليت عيني ولقيت ان مكااينش لي يصلااح لياا من غيرو... راه كايقوليك الشوف ما يبرد الجوف, والناقة ما ترضع الخروف ... خليت ليكم الصغر والزين

رانيا بإقناع مباغاش تقبل هضرتها : ختي اللهم النعاس في البرد ولا ضيافة القرد ولاهيلا قالت ليك يصلاح ليا ... ( تنهدات): اخنساء الله يهديك،علاش غاتغصبي شبابك و ضيعي راسك مع هدااك...نتي باقة صغيرة غزالة شهوة منك.. وباقي لمستقبل قدامك..خاصك واحد قدك لي يفهمك وتكون عندو بحال عقليتك...تكبرو مع بعضياتكم...ماشي واحد شاارف دا وجاب فدنيااا وعااش حياتو ودوزهاا...وطلع ليه كلشي فرااس...نعلي شيطان راك غي غاديري شي حاجة لي تبقى تقتلك عليها ندامة حياتك كاملة...

خنساء ساطت بنفاد صبر حاسة بلخنقة:اشغااندير بقدي.. يبقى يعطيني لكلام لحلو بلا فايدة..ماعندي مااندير بييه..انا باغة ندير علاش نرجع و مقررت نتزوج بيه حتا عفطت على قلبي وخدمت عقلي...

رانيا: راك غا كاتروني...إيه هانتي بغيتيه..وعائلتك مافكرتيش فيهم عند بالك غايقبلو ليك بهاد لعريس لملاوط ويدوزوه مع حلقهم بكل بساطة؟؟ ويعطيوك ليه؟؟لا لا سمحيليا راك تكلختي بلمعقول

خنسااء:عائلتي حالهاا ساهل انا عارفة كيفااش نقنعهم(يلاه كانت غاتهضر وقاطعاتهاا)داباااا بلا منبقااو نمضغو فلهضرة بلا فايدة بغيت نسمع منك كلمة وحدة...وااش عاتعااونيني "اه" ولا "لا"

خدات رانيا نفس عميق وخرجاتو بشوية...دخل ليها الشك فخنساء هيا عارفة صاحبتها مزيان ومخدات هاد لقرار المتهور حتاا ورااه شي إن..اكيد بنسبة ليهاا شي حاجة تماا ماشي غير جات وخداتو

قطعاتهاا خنساء فدوامة الشك برجااء :إلى كنت صاحبتك دياال بصح عااونيني فهاادي..عفااك ارانيا...ولا ماتبقااي تعرفيني مانعرفك ... ديري فبالك انا ماعندي غرض فداكشي راه الزين بحروفو؛ ديه لمو تشوفو, القرع بفلوسو؛ أرا داك الرأس نبوسو.

رانياا سكتات تواني ونطقات بلاحول: شغانقوليك.. ضبري لراسك..نتي غاتعرفي لي يصلااح ليك كتر مني...على وجه الصحبة لي بيناتناا...صافي غانقولهاا ليهااا...

ترسمات إبتسامة خفيفة على وجه خنساء ملي قبلات...واخا لأمور باقة شبه معقدة عندهاا رتاحت نسبيااا...بنسبة ليها كلشي غادي مزيان و لأمور غادة كيفماا خططات ليهاا

نهاية لفلاش باك

تنهدات وناضت بشوية عليهاا من سرير هازة تيل فيديهاا...دوزاات لابيل لرانياا..متشوقة تعررف اشقالت مهاا...

جوباتهاا وردت عليها خنساء هاتفة بهدوء: الو رانيا

رانيا : وااش الحب صافا عليك

خنساء : الحمد لله ونتي ؟؟

رانيا : بيخيير يااختي ... شي جديد ؟؟

خنساء هزات حاجبها : وا الجديد من عندك ... شنو درتي ليا فالبلاان ..

رانيا تنهدات : والله اختي ماعرفت مانقول ليك ... احم

خنساء ساطت : غير طلقيها طلقيها اش بغات خالتي عتيقة ؟؟

رانيا : مممممم قالت ليك الالة بغات تعرفي ليها الفقيه لي غيزات عندو الشغل بنت الدويري لبناتها .... وهي غاتقضي ليك العراض وتدوي ليك مع خت عدنان

دوزات شعرها على عينيها : هكاااك قولي هي باقا بطبايعها داكسي فيفتي فيفتي ... واخا الالة جاتك ولايني قولي ليها ماتبينش انا لي قلت ليهاا ...دير فحال الا لقات ليه بنت للزواج وصافي ... عنداك تمشي تفرشني وتدير ليا خطابة الرجالة ... قولها تعرف تهضر وغرااضك دابا نيت يتقضى كوني هانية

رانيا تنهدات : خنساء واش فكرتي مزيان فهاد الموضوع ... انا مامرتاحاش لهادشي

ساطت : واش غانبقى نحفي معاك الحجرة من اللول راني عارفة شنو كانديير ... نتي غير قولي ليها تدوي معاها عشية يكون عندك خبار الفقيه

رانيا : هاحنا غانشوفوا اللالة هادشي ديالك فين غادي يوصلك ... انا المهم تعرضي عليا

خنساء ضحكات : حتى يزيد ونسميوه سعيد ... غير يتقضى الغراض ونتي اللولة الالة من دابا

رانيا : يلااااه حتى نتعايطوااا ....

خنسااء : الله يعاون ... قطعات حاطة تليفونها : ايوا اللالة كيفاش غادي نفكوا هاد القضية ... الفقيييه الفقييييه ...

هزات حاجبها مبتاسمة بتشيطين : ايييه طاااحت وصبناهاا .... اليوم نبالي بيك احفيضة بنت الدويري ... نشوفوا هاد سيد الفقهة لي حاميين علييه السوق وماباغاااش توريه لنااس ... ( شافت فالساعة ): نيت هادي الوقت لي كايجمعوا فييه ... هادي هي الوجيبة

هزات عبايتهااا لبساتهااا وطلقات سالفها على رااحتو ... هبطات لقاات نصيرة كاالسة كاتنقي العدس باغا ديرو للغدا ...

خنساء بتبحليس : عمتي الحبييبة ... انا غادي نمشي للحانوت نجيب اولويز وقيتة لي غيكل هادي نحطها ماتعرفي ...

هزات فيها حاجبها : نممممم لي غيكل .. اجي امي نوريك دار خوالي ... نتي باغا طوطحي وتجي ضحكي عليا

خنساء برجاء : وا حتى نتي غير ربع ساعة وهاني راجعة ... قبل مايدهل با غير تهنااي

نصيرة : دروك تكوني هنااا ... هاودني منك ... راه العربي مكشكش عليه خاصو ليك غير السبة

خنساء بتأكيد : كوني هاانية ... زادت من تماا ساالتة ... خرجاات جهة الحومة فين ساكنة حفيضة .... كانت كيف العادة كالسة مع جوج صحاباتها بعدما وجدو غداهم كايخرحوا يجمعوا فالباب حتى يجيو رجالااتهم ...

عضات على شنايفها وقرباات بضحكة مصطنعة : اهلاا اهلااا ... حفيضة لاباااس عليك ... ( سلمات عليها ) : كلشي بيخير ؟؟

حفيضة : الحمد لله اخنساء ... غبووور هاادي شحال هادي مابقيتي دوزي للدرب ولا طلي

خنساء شدات كرسي معاهم : ايوا غير الوقت وخلاااص ... وراكي عارفة نصيرة كيف دايرة مرة هوك ومرة هوك

وحدة من العيالات : ايوا مافيها بااس ... هاد الوقت نيت راه ولات تخلع كل وحدة ولات تخااف على بنيااتهاا ...

خنساء كاتفكر كيفاش غادي تجبد الموضوع : واييه دااكشي نييت ... احم ... الدنيا ما بقا فيها مايعجب ...

حفيضة : ايوا الله يحفض بنياتنا وبنيات المسلمين اجمعين ... لي مزوجة الله سكمل عليها ولي ماظة يديها الله يجيب ليها شي نقرة فين يغبر نحاسها ..

خنساء ضحكاات : ههههه وهاد الساعة حتى المزوجين مساكن مهانيين غير الله يكون معاهم

حفيضة : علاه ياك لاباس

خنساء ( بجدية مصطنعة ): اييه قالك هاد اليام العشور خدامين .. كاين العكووس والدنيا مقربلة عند مالين المكاان ... ولي داايرة شي حاجة لراجلها مشاات على عينيهاا ضبابة ... ( كاتختارع من راسها وترسم السيناريو وتلاقي وتخيط وهما متبعين معاها بتركيز تقلشو ليهم الودنين ): ايوااا وقالك الالة لي عندها شي فقييه خااصها تمشي عندو يحيد ليها العكوووس ... ويبقاو الجواد خدامين معاها وكلشي هو هادااك ماشي ضدها ... اييه وراه قاالك الفقهة الصحااااح لي مخدمين معاهم ملووك الجاان ورباطهم صحيح وكايهرسو الحجر والصخر ... حتى همااا براسهم مفالتيش ... ( كاتشوف فحفيضة لي بدات تدور فعينيهاا كاتفكر فبناتها ).... كملااات كاتزيد تاكد ليها : الجواد هاد الليام محركين وشادين كلشي بالعكس ... كااع لي غيزات الشغل لشي واحد ولا زوجات بناتها بالسحور والفقهة ولا دارت شي حاجة لشي راجل كاتعكس ... ياربي السلاامة

حفيضة بلعات ريقها تفافات : اءء ونتي شكون عطاك هاد الخباار ...

خفضات نبرة صوتها كادور عينيها : احم وااحد السيدة خدامة فالامارااات يدها غاطسة فهادشي كانعرفها حق المعرفة وهي لي جابت ليا هاد الخبااار ... ايوا والله وعلم تااني انااا غير قلت وخلاااص ... الواحد يبطر بهادشي ويدير الاحتياط ماتعرفي الوقت اش تجيب وراه قالت ليا لي شد فيه العكوس مابقاش يقدر يردوااا الا شد فيه مابقى ليه ما يدير واخا ماعرفت عندمن يمشي ... ايوااا الله يحد للبااس وخلااص الله يبعد بلاهم عليناا رااه هادشي فيه غير المعصية والا ماسبق يتلاااا ...

المرأة لي معاهم : الله يحد البااس ...

حفييضة ولات حمرة كيف مطيشة دخلها الشك ولات كلها كاترعد ... هبطات على جلابيتها لي كانت لابسة وهزات كرسيها واقفة : الحااصول هو هاذاا خليت ليكم راحة الله ... الراجل علاين يوصل نحط ليه الغداا

خنساء ابتاسمات جنب عرفاتها تخلعات ووصلات لشنو بغاات : اييه هاذا هو الوقت ... راجلك هو اللول

حفيضة ودعاتهم وخنساء غير هي زادت جمعات الوقفة وتبعاتهااا ... رجليها برجلييهاا وهي كاتسربي فالخطاااوي .. حتى وصلات للزنقة المجاورة ليهم ودخلات حفيضة حاضية جنابها لدار واحد الشواافة فايت ليها سامعة بيها ....

خنساء هزااات حاجبها : ممممممم هكاااك الالة حفيضة قولي نتي خدامة مع الشوافات ماشي الفقهة .... ايوااا الله ينفعنا ببراكتك ... هي القضية فيها محجوبة الشواافة وراك مساااهلااش ... شايلاااه امالين المكاان ( مسات الحيط )

باقاا تمااا هزات تليفونها صونات لرانيا : الو الباطرونة

رانيا : واش اصحبتي شتك وليتي تحبيني هاد الايام كااع هاذا عشق فسي عدنان

خنساء : بحال ديكشي ...غراضك تقضااا الغزاالة نوبتك دابا

رانيا خرجات عينيها : لاااا مايمكنش بهااد الزربة ... كي درتي ليها ؟؟؟

خنساء بعجرفة : الطماع شكون كايقضي عليه ؟؟

رانيا بضحك : الكذاااب .... ياااختي مااعندي مايتسالك فران زقاد بحوومة ... ايوااا نمشي نفرح ماما باش حتى هي تديرك فبالها ... ودوزي عشية قولي ليها فين جا هاد سيد الفقهة لي مصدعة ليا بيه راسي

خنساااء : الله ياودي ... غير قولهاا تقضي ليا الغراااض ... انا درت لي عليا دابا نوبتها ... نعول عليكم

رانيا : عتابري سي نان فالعمارية بارز معاااك و ناس كايغنيو وااا خنساء المرضية وااا المرضية هاكاا يكونواا بنات الرجاال المحضية

خنسااء ضحكاات : على مولااناا ... يلاااه نشوفك عشية ...

رانيا : ان شاء الله

ودعااتهااا ورجعااات لدربهم فرحانة وناشطة كل مرة كاتوصل لشي انجاز كاتفرح ... كاتحاول ما امكن تلقى حل لراسها ... حيت عارفة مكاااين لي يعااونها ولا يحل ليها الموضووع الا ماخدماتش دماغها وتنوعيرها

رانيااا دخلاات للبيت عند ماماها كانت شادة التلفون كاتدوي : اييه اييه ان شاء الله اليوم ندوي معاهااا ... ياااودي كوني هانية مايكون غير الخيير .. ( راانياا عرفاتها كاتدوي مع خت عدنان ... كلسات كاتصنت ليها )

عتيقة : اييه هاد العشية غاندوز عندها ... صافي صافي غانرد عليك باشما كااان ... يلاااه نخليك ... سلمي على الدااار ... خليت ليك الرااحة ... بلا جمييل بلاا جمييل ...

عتيقة قطعااات ورانيا نقزات عليها : دويتي معاها ؟؟؟

عتيقة : ايييه دويت معااهااا ...

رانيا بفضول : وشنو قالت ليك ... بغااات

عتيقة باستهزاء : علاااه حتى ماتبغي ... قالت ليك غير لاماتبغيش البنت اما هي بالفرحاات عليهاا .. معارفاش راااه ديك مغصوبة الشباب هي لي غادي تموت وتزوج بيه ... غير سمعات خنساء قالت ليا موحاااال تبغي ...ولكن فرحاات مني اقتارحتها علييهااا وقالت الا بغاو هاداك هو النهار الكبييير

رانيا ابتاسماات : مزيااان الله يرضي عليك اميي ... على الله غير تريكة السايب مايتعكسوووش ليهاا ...واخا لدابا ماعرفت اش بغات بداك الشارف الهارف .... هبيلة وماعندها عقل

عتيقة : نتي لي هبيلة وماعارفة وااالو بنت السايب فراان وقاااد بحومة وهي لي عارفة اش غادي يخرج ليها من هاد التزويجة واش ليها وراه ... تقتلوا غير بالفقسة وتضربها بورتة وتزوج بلي حبات وبغات وتمنات لا تابع لا متبوع حتى الواد ولا الخوت لي يصدعوها مكاينينش ... هي القاايدة ....

رانيا : ايوااا مانعرف تاني ... اناا واخا هكاك مامرتاحاش لهادشي ... مابغيتهاش تغصب شبابها صراحة وهي غزااالة كاتحمق الف واحد يتمناها غير تشوف فيه

عتيقة قرصاتها بفقسة : انوضي تكعدي وفيقي من القلبة ... رااه هاد الوقت بغات المراة تكون حاارة وعارفة اش كادير وكاتفكر فبعيد ماشي عند رجليهااا وشتي ديك صاااحبتك لي نتي بقات فيك ومابغيتيهاش تغصب شبابها رااه غادي دير لاباس وغاتولي دوز مطرطقة قدامك ونزرزة من راسها لرجليهاا ومانحتاجش نعاود ليك على حلاوة لسانها وتلحليحها ذوب الحجر هاديك والله حتى تكشطووو .... ومن الفوق غاتسوس هاذا وتاخد ليك المخير ديال الرجالة ونتي غاتبقاي ضفري الشيب حدايااا ... ( عطاتها الصبع بالغدايد ): هاااا لي غاتغصب شبابها ....

ناضت من حداها خلااتهاا حالة فيها فمها كاتنهد ... مكادخلش ليها هضرة مها للراس ... سيفطات ميساج لخنساء علماتها بيلا مها دوات مع خديجة وراه غادوز عندهم للدار عشية باش تعلم نصيرة .... وهبطات تكمل شغلها

خنساء كانت كاتغسل المااعن سمعات الميساج مسحات يديهااا وهزات تليفونهاا ... شافتوو وابتااسماات : الحمد لله هاذا مسماار وطرقنااه بقاااو غيير هاادووو يوافقوا ... الله يحفظ وصافي ...

حطات التلفوون وكملات ماعنها كاتدعي فخاطرها وتعااود مايتعكسوش ليهاا واخاا نوعا ما متأكدة انهم مستحيل يوافقوا ولا يتقبلوا الموضووع ...

دقات عتيقة لباب ووقفات كاتسنى يحلو عليهاا..ماهيا إلى تواني حتا حلات عليهاا

نسرين بتاسمات ليهاا ونطقاات بترحيب:اهلا خالتي عتيقة..

عتيقة وهياا كاتسلم عليهاا:اهلا لاباس عليك..كلشي بخير

نسرين:لحمد الله ربي يخليك...دخلي مرحبا بيك

دخلات عتيقة لقلب دار وتوجهاات هياا وياهاا لبيت...

عتيقة تقادات فلݣلسة:إوى واحد نجاة لاباس عليهاا شحاال هادي مشتهاا

نسرين:لابااس عليهاا يلاه لقيتيني غالبس نمشي عندها...سيمانة هادي مشتهاش

عتيقة: إلى مشيتي سلمي لياا عليهاا...(دورات عينيهاا)واقلة كاينة غير بوحدك نصيرة مكااينااش

مع جبدات سميتهاا وهياا تجي لعندهم

نصيرة:هاهيااا نصيرة موجودة...

عتيقة بإبتسامة:اهلا أهلا...عااش من شاافك

قربات نصيرة لعندهاا وسلماات عليهاا:لاباس عليك كلشي بخير

عتيقة :لحمد الله اختي نصيرة ونتي اشخباارك...كلشي مزياان

نصيرة ݣلسات حداهاا:نشكرو الله ونحمدوه..

عتيقة:لحمد لله.. وغبورات هادي...وخا راني مفݣوعة عليك...مابقيتي طلي عليا ماتجي تشوفيني..ياكما درت ليك شي حاجة؟؟

نصيرة:لا لا اويلي على درتي ليا شي حاجة...نتي كاتعرفيني عندي شرح ملح لي دار ليا شي حاجة نجيه نيشان...غير مع لخدمة سيمانة كاملة وانا فيهاا... يوماين لي كانجي لدار كانبقى من هادي لهادي مكانساليش باش نخرج..بغيت نمشي غير نشوف رشيدة نقوليها على سلامة عروستها ولدات مساليتش...

عتيقة:اودي مابقيناش كانساليو من شطون الدنياا...الله يخلي هم الدنياا فيهاا

نصيرة :اميين اختي..(شافت فنسرين)نوضي عمري واحد براد ديال ووجدي لينا كاسكروط

عتيقة حبساتهاا:لا ماادير واالو..مقادة ناكل حتا حاجة..غير سيري ابنيتي منعطلوكش على ماماك

نصيرة:حتا نتي مالهاا غاتوجد الشوى باش يعطلهااا...براد اتاي فيساع تحطوو وتمشي..وزيدون مهاا راه كاينة غير مع دورة تحل عينها تسدهم تلقا راسها عندهاا...

نسرين خنزرات فيهاا وقفات شافت فعتيقة وبتاسمات:ماشي مشكل اخالتي..مغادي يعطلني بواالو

مشاات نسرين لكوزينة...وهماا بقاو كايهضرو مع بعضياتهم...وجدات ليهم اتاي حطاتو...وقاد ليهم طبلة..ستأدنات منهم ومشات لبسات عليهاا جلابيتهاا وجمعاات شعرهاا...ودعاات عتيقة وخرجاات...بقات نصيرة مع عتيقة كايتعاودة هضرى كاتجبد هضرة مجمعين على داك لكسكروط..حتا دخلات عتيقة فصلب لموضوع لي جاية على قبلو

عتيقة:بصراحة انا راه ماجيتش عندك غير هاكاك..بغيت نهضر معاك فواحد لموضوع...

نصيرة عقدات حجبانها:الله يسمعنا خببار لي فيها لخير...

عتيقة:ههه ولا لخير براسو...ممم كاتعرفي خديجة خت عدنان مول الصاكة لكبيرة

نصيرة باهتمام:اه كانعرفهاا مالهااا

عتيقة جغمات فكاس اتاي شوية وحطاتو وكملات:إوى الالة راه عاجباها بنتكم خنساء..و قالت ليا باش نقوليك إلى كتااب راه باغة تجي تطلب يديها منكم لخوها عدنان..الى قبلتو عليهم

نصيرة خرجاات عينيهاا:أشنو؟؟قوليهااا حااشااك...قوليهاا لهلا يحييك ويلا يتمنيك ولا يوصل يديك رجليك..مالهاا شايطة عليناا..

عتيقة هزات حاجبها:كيفاش حاشاك..مالها انصيرة جايبة ليك كلب الله يهديك

جاوباتها بعصبية:تي واش هاديك هترات ولا شنوو؟؟ياكما جاتهاا بنت خويا بايرة ولا ضافرة شيب..ولا طايحين ليها سناان؟؟حتا جاية باغة تزوجها لشارف لهارف ديال خوهاا...والله كون ماحشمت حتا نوض دابا نمشي ندق عليها ونسمعها لمنقي خياارو تدي ماتعاود...نوريهاا اشنااهياا تجي تطلب يد خنساء...وزوييينة هاادي..

عتيقة باغة تهدنهاا:الله يهديك انصيرة مالكي باغة تخرجي لعيب..هياا جاية طلب لبنت على سنة الله ورسوله..وراه غاتعيش معااهم معززة مكرمة ماغا ينقصهاا خير...متزربيش وتقطعي رزق الدرية...سوليهاا بعداا وخودي ريهاا ماتعرفي إلى كانت قابلة

نصيرة مخنزرة : اويلي ستغفر الله على قابلة..هيا جااو فيهاا رجاال كيف دايرين تمناهم اي بنت ميوصلش لترااب لي كايمشيو عليه ومابغااتهمش..عاد تقبل ليك بواحد بحال هدااك...لبنت كيف لبلارة كاضوي غاتبغي تزوج بواحد بحال عدناان..

عتيقة تنهداات مبغاتش تقوليهاا راه خنساء بغاتو ختارت تسايس معاهاا:هانتي غير تشاوري معاها وفكري شوية..ماتزربيش

نصيرة بإصراار كاتغوت: خليني مزيانة معاك اعتيقة..راه مكاااااين تماا فين نفكر ولا نتشااور..هضرة وحدة قلتهاا ليك...دابا غاتهضري معا هاديك خيتي وغاتقولي ليهاا ماعندنا بنات لزواج..تشوف جيهة اخرى خنسااء لااا

عتيقة بانت ليها شعلات وقررات تنهي معاها لموضوع لاتسمع خل ودنيهاا:صافي لي بغيتي اختي نصيرة..الله يجيب ليه ماحسن ويجيب ليها حتا هيااا..وسمحيلياا اناا راه غير بغيت نتوسط بيناتكم ماعندي لا ناقة ولا جمل فهاادشي...

نصيرة:دنياا هانية نتي مدرتي والو....

عتيقة ناضت وقفاات كاتقاد فزيفها غاتمشي:يلااه نخليك...تهلاي فراسك

نصيرة:ݣلسي مزال مالك زربانة اشتابعك

عتيقة:لا غادي نمشي..باقة تابعاني شحال من حاجة...الله يهنيك..مرة اخرى إن شاء الله

ناضت معاهاا نصيرة لباب:بسلامة عليك..وسلمي على رانيااا...

وصلاتها لباب...سدااتو و ونطقاات مخاطبة نفسهاا بعصبية من ورااه...

"والايني بنادم شحال ولا مقزدر يا لطيف معندو علااش يمرݣ...بلحق سيري الله يهنيك اخديجة حتا نتلاقا بيك..ونوريك شناهياا بغيتي خنساء لشارف تاع خووك..يااك هادا ماتستاهل عندك بنت خوياا..وااخاا"

خنساء عاقدة حجبانهاا كتهضر بشوية مع خنساء فتيلفون سادة عليهاا لبيت:إيه زيدي كملي..

رانياا:وقوليها حنا معندنا بنات لزوااج ...تشوف جيهة اخرى...خنساء لاا..هادي هيا هضرة عمتك بلحرف كيفما قالتها ليا ماما وصلتها ليك بلا زيادة بلا نقصان.

خنسااء ضربات يديهاا مع لكوافوز:تفوو على نحس...مشكلة هاادي...

رانياا كاتعيب فيها:"مشكلة هاادي"رااه قلتها ليك...عائلتك اخنساء مغايبغيوش ؤزوجوك لعدنان..الى يسحاب ليك غايعطيوك ليه راك غتكوني كاتحلمي بنهاار وشمس طالعة

خنسااء:يخ لمرض صافي...دابا عمتي غاتزيد تكحلهاا ليا حتا مع لوليد...

رانياا:إوى ماما راه باغة تعيط على خديجة تقولهاا ليهاا...مابقاتش باغات دخل لهاد لمعماعة ديالك..قالت ليا لي تسحر مع دراري يصبح فاطر..وانا مافيا لي يتصادع مع نصيرة ولا يفيق داك جن لعيشوري لي ساكنهاا...

خنساء حسات بقلبهاا ضرب بجهد وسط سدرهاا،بتوتر رهيب...نطقااات

بتوسل:عفاااك ارانياا الله يعطيك الستر إماا طلبيهاا تسنى واحد شوية...انا غانشوف كيفااش نقنعهم فاقرب وقت..عنداك تمشي تقول ليهم شي حاجة

رانياا بنزعااج:اخنسااء حضري عقلك..كيفاش غاديري تقنعيهم...راه كلهم غايوقفو ضدك...كلهم..راك بوحدك عندهم..واش لهاد الدرجة غايسخااو بيك..

جاوباتهاا خنساء كاتمسح على وجهاا محاولة تهدن: مزيان ارانياا...باش تلقااي معايا شي حل زيدي كملي علياا ...اوووف

رانياا: مكااين حتاا حل...نكدب عليك..راه لامور هاكة معقدة معندك ماديري...نجيك من لخر ..شتي طريق لي غاتوصلك لعدناان كلهاا شووك وحفاري...صعيب توصلي لييه صعيييب

خنسااء خرجاات تنهيدة حارقة من اعماقها.. متنكرش انهاا خايفة بزاف لا متزوجش بعدناان لي ولا هو املهاا لوحيد.. وديك نقطة الخضرة فارضهاا لقاحلة...إلى مشا حتا ضاع بين يديهاا غاتزيد تكفس عليهاا كتر ما هياا مكفسة..

ردت عليهاا برجاء : شوفي داباا غاتقولي لماماك متهضرش معاا هاديك..تعطيني يومين..غير يومين وانا غادي نتصرف...عنداااك تخليهاا تعيط عليهاا عنداااك..نعول عليك

رانياا بإجاب :واخة انا غادي نحاول معااها..الله يفك هاد تشعكيكة على خير...

قطعاات عليهاا خنساء...وݣلسات على جنب سرير...شادة رااسهاا كااتخمم...يلاه كاتقول تقادات حتا كاتعواج ليهاا من شي بلاصة...ساهية وكاتشوف فجيهة وحدة ودماغهاا كايطرح عليهاا بزاف لأسئلة لي فمقدمتهم"كيفااش غادير تقنع عائلتهاا بهااد زوااج"

حطات نسرين العشا ... مجموعين كااملين كايتعشاو فهدووء ... حتى سااالااو ونااضت جمعات الطبلة وجابت الديسير ...

نصيرة تنهدات ونطقات : ايوااا لهلا يوريكم اش طرا هاد النهاار ... الطنز العكري سمعتو بودني ...

العربي : الله يسمعنا خير ...

خنساء كانت كتاكل واحد التفااحة وحلاات ليها بالعة ريقها عرفاتها علاش غادي تدوي ...

عصام : ياكما كاين باس ؟؟

نصيرة : ايواااا لهلا يوريكم ... جات عندي اليوم عتيقة ... وجابت ليا شي خبااار ... يسمعها الكلب يقطع الحس ...

العربي : الله اودي ... اش هاد الخبار ... ياكما مات شي حد ؟؟؟

نسرين بفضول : طلقينا انصيرة ... ونتي كاتمضغي فالهضرة

(خنساء عرفات القضية حامضة كاتسمع وساكتة وتنهد فوق النفس )

عوجات فيها وكملات كلامها : قالت ليك الالة عدنان خو خديجة مول الصاكة لي فالدرب الفوقاني ... جاي باغي يتزوج من عندنا ويتناسب معانا

عصام ابتاااسم : هاي هاي هاي ... ايوا مبارك ومسعود اعمتي ... هانتي الناس ولاو يجيو فيهم الخطاب ... احم احم

نسرين ضحكاات : الله الله ... وهانتي انصيرة صمتي حتى صمتي وغاتفطري على بيبي مشوي شكون فحالك

العربي : احم ... الله يهديكم اش هاد الهضرة ... مابقيتو تحشموا فحد

خنساء شدات على راسهااا كاتاكل بالغدااايد عارفة الا سمعو شكون غايقربلو الدنيااا مافيهاش

نصيرة ميقات : ربي واش وجهكم هاداك ولا قفاتكم ... اشمن زواج وانا فهاد العمر واشمن خطاااب ( بايجاااز ): السيد جااااي طااالب رااااغب فيد بنتنا خنسااااء بلااا حشمة بلاااا حيااا ....

كلشي خرج عينيه بصدمة غير متوقعة وهي كاترمش بعويناتنا كاتحاول تقرا نظراتهم لي كلهااا دهشة ...

العربي وحلااات ليه : اكح اكح اكح ... شناااهواااا ؟؟؟

نصيرة : ايييه السيد عاد بطر بيه الحااال وقالت بااغي ... خنسااااء بلاااما يحشم ولا يستحيا لا على عمروا ولا على الشيب لي فراسو

العربي عقد حجبانووو : لا لا هاذاا طار ليه الفرخ نييت ... داكشي لي بقا لياا غير نزوج بنتي لواحد قد باها مالها شايطة عليااا ...

( نسرين شدات فمها حابسة الضحكة غير بزز )

عصااام بلا حول : الشرف والهتف ... حتى شاب عاد دارولوا حجاااب .... السيد رجل فالدنيا ورجل فلاخرة عاد باغي وحدة قد بناتو كون ولدهم ... استغفر الله ...

(خنساء الدموع تحجروا فعينيهاا عرفاتهم غادي يرفضوااا واجااا ما خلاهم يوافقو )

نصيرة : ايوااا هاانتومااا كاتشوفوااا ولايني لا تخافواا شااي راني سيفت لختو خووو جوابها مع عتيقة وعطيتها من المنقي خيااارو ... وقلت ليهااا ماعندنا بنات للزوااج .... وماشايطاش علينا بنتنا باش نعطيوها للشارف ديال خوها

خنساااء حقدات عينيهاا مابقاتش قادة تصبر ... بلا شعور نطقات بصوت مرتافع : ومعاااامن تشاااورتيي ؟؟؟ ....

كلشي دار لجيهتها عاقدين حجبانهم ... العربي مخنزر : كيفاااش ؟؟؟

خنساء كاترمش كاتستجمع قوتهاا ونظراتها كايبانو حاارين

نصيرة بنفعاال : كيفااش معامن تشااورت..طحتي على راسك ولا شنوو...على هاد الهبال فيه المشااورة ...

خنساااء تنفساات بعمق محاولة تهدن : اييه فييه حيت هاد القرار كايخصني انااا وانا لي خاص نقرر فيه وعلى الاقل تستاشري معايااا ماااشي غير تجي وتقولي لااا ولا راه ماعندنا بنااات للزوااج ... وترفضي بحال الا ماعندي كلمة فالموضووع ... وشكون قالك انا اصلا ماموافقاش..

عصاام خرج عينيه مصدوم من هضرتهااا ونطق بنفضة : خنساااااااء ... اش هاااد الحماااق ... واش صافاا باااا ولا ماالك ... واش عارفة راسك اش كاتقولي ولا غا داوية

نصيرة قاطعااتو : بلاتي بلاتي ... دابا نتي كنتي كاتسناي مني نشاورك على الشارف الهارف ديال عدنااان ... تفاافيتي ولا تخووجتي ابنت خويااا

نسرين باقا مامستوعبااا جاتها الضحكة : ههههههه ... عدناان وخنسااء ... وماالها هههههه مزيااانة

خنسااء خنزرات فيها وكملات كلاامهاا : الموضوع ماعندو علاقة لا بعدناان لا بغيرووو... المشكل حيت تصرفتي من راسك ومادرتيش لقراري اعتبااار .. الزواج كايعني مولاتو..لاا اعمتي لاا...سمحيلياا ولكن زررربتي...

قاطعها العربي بصرامة : شتك ݣالسة كتراضي مع عمتك فلهضرة..اشبغيتيهاا دير تقبل ليك براجل قد بااك...عدنان كون ولد من نهار تزوج بمرتو لولة غاتكون بنتو كبر منك..

خنسااء:علاه شنو فيهاا إلى كان كبير مني..عاادي..(كملات بتلعتم كدور فعينيهاا) : ومن فوق هادشي سيد مزال صحيح شااد فرااسو..

لعربي بعصبية: جمعي عليا داك الدلقوش ولا نهرسو ليك ... اش هاد التخربيق كاتقولي فيه واش حنا مونيكات قدامك ...

خنساء : ابااا الله يهديك رااه ....

عصاام مقااطعهاا عاد ستوعب هضرتهااا: حبسي حبسي... واش نتي باغا عدنان ولا كيفاش اش كات*وري ؟؟

خنساء باصرار : ايييه باغاااه ... اش فيهااا ماالو اش ناقصواا راجل كيف الرجاال

نسرين خرجاات عينيها بشهقة والهضرة كاتضحك : وااات هههههه

العربي خنزر حتى بانو عروقو : نووضي تكعدي من حدايااا غبري كماارتك الله يغبر ليك الشقف...مابقيتيش تحشمي بقا لوالديك غير عدنااان ... واااش مريضة ولا مااللك ... رااداا رجال بشلاغمهم وباغااا واحد قد باااك ... هرب لوالدين موك الفرخ ....

عصاام بحدة : طلعي لبيتك ....

خنساء دارت رااسهاا بحالا مسمعااتهمش وكملاات معصبة كتغووت : انا مناسبني ...وزايدون لي مااباغيش يتفهم لياا كنتو باغين تزوجوني وداباا مابقيتوش بااغين .. اش هاد التناقض ولا خاصكم غير تشدو معاياا الضد ... لي بغيتو لا ولي مابغيتوش خوديه بزز

نصيرة بالجهد : شتك ساايرى تغوتي علينااا...بقاا فيك لحاال حيت طاار ليك الزين الصافي ديال عدنان من يديك..هداك هو لي بغيتي لرااسك..كايبدل فبنات الناس بحالا كايبدل فصباطو كل مرة مدخل عروسة فشكل...بغيتيه يتزوجك ليووم ويطلقك غدااا...يااك

ردت عليهاا بنبرة مخنوووقة:حياتي هادي من حقي نختار الراجل لي بغييت... ماشي شغلكم...وااش مكااترتااحو حتاا كتنكدووهاا عليااا...

نصيرة شاافت فيهاا بدهشة ومقدرات ترد عليهاا بواالو...لعربي حتاا هو تصدم بلمعقول وهو كايشوف لإصرار وسط عينين بنتو وكيفااش باغا وقاابلة هاد الزوااج...

عصاام حمر فيهااا:رااك ماابقيتيش كتباااني قداامي،..نوضي غبري كماارتك حسن ليك....رااه غاانفوت فيك شي دقة فهاااد ليل

نطقاات نصيرة حتاا هياا مغددة منهااا:سيري الله ينعل طوااسلك ... طلعي لبيتك وسدي داك الدلقوش الله يعطيك موصيبة ... تريكة ناقصة الله يغبر ليك الشقف

هزات كتافها وطلعاات الدموع محجرين فعينيهااا معارفة مادير معاااهم ... ولا كيفاش ممكن يوافقوا وهما غير سمعوا الموضوع رفضوا بشكل تاام

العربي شد رااسو : لا هاادشي لي بقاااا .. البنت تخورجات مافيهااش ...

نسرين دوراتهاا فدماغهاا مزياان ونطقاات محاولة معااه : علااش اعمي لي هرب للزواج هرب للطااعة ... ومالو عدنان اش خاااصو مابقاتش فالعمر

عصاام بايجاز :غاتسكتينااا لاااا .... سالينا بقا غير عدنان نتناسبو معاه .... تقاداو الرجاال؟؟

نسرين عوجات فمهااا ... ماكرهاتش يوافقوا وتهنى منهااا ... ولكن على ما بان ليها موحااال حتى يفكروا فالموضوع

كانت نسرين ݣالسة قدام لمراية مرجعة شعرهاا لجيهة وحدة كتمشط فيه...ساهية كاتخمم ودماغهاا خداام..شحال وهياا كاتسنى هاد لعريس يجي ويهز خنساء عليهاا من الدار..وملي جا وبغاتو هياا هماا مقبلوهش...لقات راسها كاتفكر بلا ماتشعر فكيفاش تقنع عصام باش يقبل يزوجها....هادي بنسبة ليها فرصة لا تعوض...دخل عصام لبيت وداز ديريكت لبلاكار جبد لحوايج كايبدل عليه وهياا كتمشط بتتاقل وكتشوف فيه بنضرات غير مفهومة من لمراية،بلا ماتهضر..

نطق عصام بتساؤل: مالك على دوك شوفاات؟؟

نسرين دارت عندو : بصراحة بقات فياا خنسااء...مافهمتش علااش عكستو ليهاا فهاد الزواج

عصاام سااط :واش جابت شي زواج بعقلو وقلناا ليهاا لااا...(داز لسريرحيد عليه لغطى قاد لمخدة وتمدد فوقو مسند عليهاا وكمل بضيق) : خنساء واقلة موحشة تلبس لبيض قبل لوقت ...

جمعات شعرها باش مايديرونجيهاش فنعاس...و ناضت لعندو حيدات لبنوار لي كانت لابسة بقات غير بشوميز وقربات لسرير..جات تكات حداه مغطيا فخاضها بنص فلغطى...و قربات تخشات فيه حاطة راسهاا على كتفو

نطقات بهدوء ناوية تقنعوو :دابا نهضرو غير بلعقل...وحدة بحال خنساء عارفة شنو كادير..كون مبانش ليهاا فهاد الزوااج مصلاحتهاا...كانت غاتقبل بييه...اكيد لااا...راه جاو فيهاا رجال شهوة منهم فتاقدة ديالهاا ومبغاتهمش...

عصام هز حاجبو ونطق بنزعااج : اشمن مصلحة فزواج بحال هدا الله يهديك...وزاايدون راجل بحال هداك مانرضاهش لختي...تکمش حتا يجيب ليها الله مااحسن..هيا صامت حتا لمغرب وباغة تفطر على بصلة

هزات راسها شافت فيه مقابلة عينيها مع عينيه ونطقات بتفسير : الراجل اعصام حاجة وحدة لي كاتعيبو...هيا إلى كان جيبو خاوي...أما هداا قادر يوفر ليهاا كلشي...دابا نتوما عكستو ومابغيتوش على قبل لعمر ديالو...وهياا مدام بغاتو إدن مكايهمهااش ݣااع داك لااج ... واصلا لااج اعصاام راه غير ارقاام لي مساوية حتا زفتة ...وانا بانت ليا خنساء كاتفكر بعقلهاا عرفات انهاا غادوز من هاد لحياة غير مرة وحدة واختارت تزوج بواحد بحاالو لي يمتعهاا فيهااا...(زادت باغة تاكل ليه دماغو ملي شافتو كايسمع ليهاا بهتماام) هاهياا ݣاع دات واحد شباب ومتيتز،إلى كانت عينيهاا كبيرة والله مايقنعهاا...اصلا شباب ديال هاد لوقت غير كايفقصو...ونص ديال لمشاكل لي كايكونو بين اي كوبل سبابهم لفلوس...صغر كااين أه،ولكن جيب العامر ماااكاينش

عصام عقد حجبانو فيهاا : أسبحاان الله...شتك بحالا كاتمعني عليااا

نسرين بنفي : وهانتا بديتي كاتفهمني غلط عاوتاني...نتاا راك سيد الرجال عندي.. بغاك وخاا مايكونو عندك لا فلوس لا والو...ولكن لي بغيت نوصل ليك ان خنساء إلى خدات شي واحد جيبو على قدو..تقدر تعيش معاه غير فلمشاكيل ومايتفاهموش..ناخدو غير متال حناياا...هاحنا بغيناا نديرو دارنا ونستقرو بوحدنا بعيدين على عائلتك ولكن الغالب الله...مالقيناش بااش

رد عليها بنبرة قوية: لاا متقوليش حناا وتجمعيني معااك،قوولي انا لي بغيت داري بوحدي...حيت كون جاات عليا انا مكاينش لي يحيدهاا لياا،من غدا نمشي لببنكة نطلب منهم كريدي يستقبلوني بلأحضاان ويعطيوه ليااا...أنااا ماابغيتش...نعاود نقولها ليك مغانخليش داار باا غير تهنااي...و غير نساي شي حاجة سميتها داري بوحدي

وسدي هاد لباب...راك غير كاتحليه كايجبد الصدااع(بتاسم ): سمعتي ابرينسيسة

نسرين بعدات عليه وغوبشات بوجهااا:واش حنا مايمكنش ليناا نهضرو شي شوية تلوقت نقرقبو الناب انا وياك بحال اي جوج مزوجين بلا منتنااقشو وبلااا ماتقمعني...واالو زعمااا...

حط صباعو على فكهاا ونطق بهدوء:نتي كاتكوني كاتهضري مزياان حتاا كطلقي شي هضرة ماهيااش وانا ماشي من نوع لي يخلي لهضرة كتحفر فيه لداخل..ضروري نعطيك خو جوابك...

خنزرات فيه ومردات عليه بوالو...تفقصات حيت مقدراتش تقنعو...كايغددها ملي مكايسمعش ليهاا،كايجننهاا ملي كايقمعهاا...بمجرد كتفكر انه راسو قاسح وواخا تبقا معاه حتى يصبح لحال مكايرطابش ليهاا كااتبغي تاكل جنابها بلعصاب...هبط عصام بصبعو مدوزو من عنقهاا وبقا غادي بيه حتاا لفرقة ديال صدرهااا خشاه..عسل فيها عينيه وبدا كايقرب وجهو ليهاا..دغياا حيداات يديه من على صدرهاا بنفضة بعدات شوية

نطقاات كاتجر لغطى عليهااا كاتقاد فبلاصتهااا:تصبح على خير اعصاام...

عصام ميق فيهاا...دغيا بدا كاينغز فيهاا بصبعو وهيا عاطيااه بضهر ناطق بتساؤل:وايلي..تي كيفااش هاد تصبح على خير عندك...(قرب لعند ودنهاا وهمس بنبرة خفيفة)غاتنعسي من داباا؟...راه باقي لحاال...

جاب ليهاا الضحكة ولكن حلفات فخاطرهاا ماترطاب ليه ديك ليلة...ناوية ترض ليه لقمعة غير بلفن..دغياا غوبشاات ودارت عندو:خليني نعس وسير تنعس حتا نتاا راك غدا فايق بكري للخدمة مخاصكش تسهر...

عصام:مالي شكيت عليك...راك مغاتفيقيش بلاصتي

ساطت بصوت مسموع ودغياا دارت و غطاات وجهااا ونطقات كاتهضر مصطنعة لعيااء:ماافيااش اعصاام...لعضم الصحيح ماعندي....عطا الله ليام خلينا نعسوو

بعد عليهاا و رد عليها بعصبية :يااك..دابا دفعتي كبير...واخا مقلتي عيب...الله ينعل لي يحزرك فهاد ليل...بخااطرك

دااز تكاا فبلاصتوو طالعة ليه...حاس بصهدة طالعة معااه ولكن مابغاش يحزرهاا...تسناهاا مدارت حتاا ردت فعل وعاود دار عندهاا مقادرش يصبر

عصام داير راسو زعفاان: عقلي عقلي فيهاا...إلى مشيت عند شي وحدة فلحرام عندااك تبكي وتحيحي...بعداا دنوبي عليك أنسرين...دنوبي علييك...

حبسات الضحكة فداخل ديالهاا خايفة طلقهاا وهزات عليه كتفها بلا مبالاة...من بعد تقدات فنعسة مستسلمة لنوم عميق...مخلياه غايطرطق مهامهااش..

خنساء فبيتها كااتنفض معاجبهااا حاال كانت متوقعة منهم هاد ردة الفعل حيت عارفة تفكيرهم ومستحيل يسلموا بنتهم الوحيدة لمن والااا خصوصا العربي لي من ديما كايحلم يعطيها ويزوجها لراجل يستاهلها ويواتيها ... كان متأمل بنتو تزوج بشي واحد همة وشاان ماشي ضروري بفلوسو المهم راجل يعطيها حقهاا وترتاح معاااه ويكون صالح ليهاا ... جمعات شعرها معصبة شادة على راسهااا : ياااربي وكيف غادي ندير لهاااد الحريرة ياامولاانااا ... مشيييت فيهااا ... الااا فلت هاد الفرصة من يدي عمري نحلم نعيش حياتي عادية ولا نرتاااح فيهااا ... هاد الهم ديمااا غايبقى تاابعني ... اووووف اوووف

زدحااات العكورة لي كانو قدامها مغددة معارفااش شنو غادير ولا كيفااش غادي تقنعهم باغا تاكل جنابها... قااطع تفكيرها صوت التلفون ... كانت نمرة رانيا ...

طلعات النفس وهبطاتها كاتحاول تهدن باش تفكر فشي حل وجاوبات : الو رانيا

رانيا متكية فبلاصتها : اهلاااا صافا عليك ؟؟

خنساء كاتسوط : ما كاين بو لاباس هاد السااعة ...

رانيا فهماتها : دارو ليك العصا فالرويضة ؟؟؟

خنساء قادات الكلسة كاتنهد : ايييه غي سكتي سمعوها وبغااو يحمااقوا كلشي دار فيا دروة العدوو ... لدرجة مافكروش كاع فالموضووع ... اما واحد با العربي بقالو شوية يجمعها معايا بتصرفيقة مني قلت ليه باغا...

رانيا ضحكات : وعلاه كنتي كاتسناي منهم ... يواافقووو ... شنو غاديري داباااا ؟؟؟ ... خديجة عيطات لمي اليوووم ... وسولااتهااا وبقات تلاهي فيها بزز باش قنعاتهااا تصبر شوية ... صرااحة هادشي باان لياا موحاال يصدق لييك غير كاتعدبي راسك على والو

خنساء لوات فمها بتفكير معمق وهي كاتدورها فراسها : قولي ليا مسالية غدا ؟؟

رانيا : علاااش ؟؟؟

خنساء : ياودي شحال من مرة غانقوليك جاوبيني على قد السؤاال مال موك هوكا مالك ...

رانيا : الله يعطيني معاك الصبر ... عندي حصة الصباح ولكن خارجة مع العشرة ... نهار كامل خاوي

خنساء ضحكات : مزياان الرضاا ... غدا بغيتك تكوني لييبغ .. عندي فراسي واحد البلان على مولانا يصدق ...

رانيا : يااااربي تحفظ عبادو من شر افكارك وبلاناتك واش داك الراس عندك مكايديرش بووز .... خدام 24 على 24

خنساء ابتاسمات : قل اعود برب الفلق كيفما شفتيني تخليني ... ماعرفتش واش هادشي غاينفع ولكن الا ماصدقش مستحيل يوافقوواااا ... المهم غانشوف ندير اخر محاولة على مولانا وخلاص ...

رانيا : الله يسر هههههه ... سيري سيري باقي تابعيني مااعن العشا نغسلهم بغيت غير نسول فيك شنو درتي تهلاااي

خنساء : باااي ... مع قطعات دخلااات عليها نصيرة لقااتهااا عاقدة غوباشتهاا فيهاا

نصيرة :مال موك نتي عاقدة عليا مية وحداش فجبهتك مانخافووش ؟؟

خنساء هزات على كتافها قالبة وجهها بلاماا تجااوبهاا ...

نصيرة قرمات حجبانها : انا فهمو ندادي وهو يقلع فوتادي ... واش عند والدين بوك شي عقل ولا ماتكسابيهش ...ماالكي لصقتي فيه هاد لصقة تااع لعمة فضلمة... تقادااو الرجال فالدنيا بااان ليك غييير عدناان ماالقى فيمن يطيح حبك غير على الشاارف الهااارف .. لازين لا مجي بكري ...

خنساء عوجات قنوفتها : اييه عاجبني وهو لي بغييت ... وزايدون الزين فالدفلة وعروقها حاارين ... ماالو عدناان بحال كااع الرجال ومهلي فراسو اش ناااقصواا

نصيرة عوجات فيها : وجه الشارف ما يخفى, ولو تحكو بالحلفة .... واخااا يكون ماعرفت شكون كايبقى قد باااك ...

خنساء بنفضة : اللالة واش نتوماا لي غادي تعيشووو معااه اناا بغيتووو هوكاااك انا لي عاارفة مصلاحتي كيف دايرة ... ( بتحدير ): وشتي الا مازوجتونيش ليييه والله وعليا بليميين لااااا فخضي تلااقااا مع غيرووو من الرجال واخااا تعرفوااا تربطوني بالسناااسل ...يااا عدنااان يااا بلااااش ... وغانشوفواا ديك الساااعة ديوني بكفن بلاااصة كسوة العرس

لاحتها ليهاا بعصبية وتخشاات ففراشهااا خلاااتهاا مشوووكية و العربي وراا الباااب كااايسووط ويمسح فراااسوو مامتيقش شنووو كاايسمع ابدااا ... حاس برااسوو كاايحلم .... مستحيل يستوعب ان هادي بنتو خنساء لي ربا وكبر ولي مستحيل تعصى كلمتو ولا تخالفها ....

الصباح صباح ماليه الملحة والسر عليه ... فاقت خنساااء واقفة قدام المراايااا لاابسة كسوة حد الركبة مزيرة غاتطرطق ... بينات ليها تفاصيل جسدها المنحوووت ... صدر مزلع كايبان قداش فوق الكسوة وليهونش بارزين ... طالقة شعرها على راحتو مرولي واصل لخصرهااا ودايرة ميكاااب رااسخ كايبااان من بعيد هزات صاكهاا وهبطاات لقاتهم مجموعين على الفطور من غير عصام لي كان خرج للخدمة ... نسرين هزات فيها عينيها وطولات فيها الشوفة مطعرجة هكااك ... نصيرة كانت كاتشرب اتاي غير قشعاتها وحلات ليها

العربي خنزر فيها : فين شاداها بالسلااامة بديك الحالة ...

خنساء بهدوء وبرود : دايرة مع رانيا نخرجواا ... ( شافت فتليفونها فالساعة ) : يلاااه نوصل عندها غاتكون كاتسنى ...

زادت من تما كاتلواا وتعوج قدامهم معاوداتهاش معاااهم ... وهما كل واحد مصدوم كتر من لاخر ... العربي ما ستوعب شنو قالت وشنو دااايرة حتى تزدح باااب الزنقة ...

العربي ناض وقف معول يتبعهاا شعلات فيه العافية : واااش هادي حماااقت ولا مالهااا ... باغااا تخرج ليا العقل ... واش شفتيهاا كيف دااايرة ووجهها و كيف مطعرج...

نصيرة شداتو لا يمشي يتبعها : صافي اخويااا غييير برد راااه غير خارجة تفوج شوية مع صاحبتها تبرد الفقسة ديال البااارح حسن ما تبقى كاالسة هناااا بين جوج حيوط

نسرين هزات حاجبها : خارحة تفوج بغووب وميكاب سوااغي الله يهدييك

نصيرة خنزرات فيهااا : اللقوة تضرب عشرياام متااابعة وتبعها الغمة ...

نسرين غوبشات فيهاا : الله يحفضني وينجيني...مالكي على هاد الدعوات على الصبااح...

نصيرة:كون دخلتي سوق جوااك ݣاعمة تسمعيهم...

العربي سعر نااض من تماا طاالع لبيتووو معصب مكايبغيش يتمادا معاا خنسااء ولكن ولاات تااتطلع لييه الدم ...

نسرين غير شافتو غبر على لبيت ونطقاات بهدوء:إوى الدعوة الدور الدرو وترجع لمولهاا

نصيرة خنزراات فيهاا طالعة ليهاا من بلان خنساء وزادتهاا حتاا هياا:صبحنا على الله شتك سيرى تلاجي معايااا...

نسرين :مالكي عزيز عليك تشعلي فياا وتبردي غدايدك..انا مقلت غير الصراحة..كاينا شي وحدة باش تبدل الجو تخرج من دارهم بديك الحالة وقداام باها من لفووق...شنوو زعماا خنسااء ولاات ضاسرة حتى لهاد الدرجة ومعليهاا حكاام..حشوومة ݣااااع... هضري معاها تنقص شوية من هادشي ديالهاا حسن ليهاا..لايسيق عصاام لخباار

نصيرة ناضت وقفاات كتحط لكيسان فصينية محااملااش تسمع لهضرتهااا:لهلا يحيك حتاا نتصنط ليك ولاا نسمع ليييك...نوض نبدل ساعة بخرى نشوف ليا مانقضي خير لياا...

خنساء وقفات قدام الجردة لقات راانيا كاتسناهاا فير شافتها خرجات عينيها :اويلي اش هاد الحالة داايرة فرااسك ...

خنسااء : جبتي ليا العبااية معااك ؟؟؟

رانيا : ااااه اويلي خرجتي هكاا قدامهم ...

خنسااء كاتلبس العبااية : اييييه غانشوفو دابا واااش بااا العربي غايقبل يزوجني ولا لا مني غايشوفني كانخرج ليه من يديه وغادة للهاوية ... راه كايقوليك الحيلة حسن من العاار

رانياا : هاذاا راه العااار برجليه ويديه نااري اصحبتي هادشي لي كاديري راه خطاااار ... تخااايلي تجي تقاديهااا وتعوريهاا

خنساااء لبسات العبااية تستر فخاضها : بااا وانا لي عارفاااه كيف داااير ... مني غاايشووف القضية غاتحماااض غادي يوااافق .... خصوصا اني مصممة ... علمتي ماماك راه غانتعطلوا بليل ...

رانيااا : ايييه علمتها وغير بزز خلاااتني ... غاتقول لباا راني عندكم ...

خنسااء : صاافي مزيااان ... زيدي زيدي نتسركلواااا شوية

رانياا : الله يخرج هاد الطرح على خير ... تحركوااا من تمااا شدو طااكسي لمهدية يتسااراااو معولين مايدخلوا حتال النصايص دليل

لعربي كان ݣالس مقابل مع لمݣانة كايتسنى فخنسااء على اعصاابو...

نطق مخاطب نصيرة لي كانت حتا هيا ݣالسة كتسنا معاه وهو مغدد:داباا فيناهيا هاادي...إنا زنقة صارطاهاا فهاد ليل...واش باغاا طرطق فياا شي عرق...لعشاا فاات وهيا باقة خارجة كاتطوطح ليااا فزنااقي...

نصيرة محاولة تهدنو :عفاك اخويااا بلا متعصب..راه عيطت عليهاا لقيتهااا مع رانية شداتهاا حيت عندهم شي شغل...

لعربي صغر فيها عينه:معاش عيطتي عليهاا؟؟

نصيرة بتلعتم كدور فعينيهاا:م..ملي فات لعشا نيت...

جاوبهاا مغوت حتا قفزهاا:سكتي متكدبيش عليااا...من قبيلة وانا كانعيط ليهاا وتليفونهاا طاافي..كيفااش هضرتي معاها...صفطات ليك برية مع لفااكتور ولاا شنوو؟؟

نصيرة لسانهاا جمد...فداخل ديالهاا كتحلف على خنساء بغاات غير فقااش تشوفهاا قدامهاا:راك اخيي غايطلع ليك سكر..برد فيك الدم الله يستر علييك...داباا غاتجي دابااا

العربي:لاا مزياان قالت ليك بررد...خوهاا لي راجل دخل لداار...وصلكوطة مزالة كتخيط ليا فزناقي فهاد ليل وكاتقولي ليا بررد....بلحق اناا لي خليتهاا تخرج على طوعي...انااا لي خليت رجليهااا يخرجو شوااري...نستااهل... بلااتي غير تجي غانتفااهم معااهاا،على هاد تصلݣيط لي ولات كاتديير

باقي كايهضر حنا تسمع لباب تحل عرفهاا هياا وناض وقف...قربات لعندو نصيرة شادة فيه كتبوس على كتفوو كاطلب فيه:انا مزاوݣة فيك العربي اماا هدن راسك وخليني انا غانهضر معااها ونجبد ليهاا لودنين عمرهاا باقي تعااود

جاوبهاا بتوعد كايغوت:عليا بليمين انصيرة وتفكيهاا مني حتى نجمعك نتي وياهاا...نتييي لي غاااتخليني مني ليهاا...نوريهااا الضساارة وزيغة بشحاال كتقاام...

تقدمات خنسااء لجيهت لبيت بالعة ريقهاا سمعاات لغوات وعرفات راسهاا،ووصلات لمرادهاا تعطلات حتا عصبات باهاا...ستجمعات انفاسها ودخلات لبيت لقات نصيرة مزاال كتشد فيه

خنسااء:مالكم ياك لاباااس

دغيااا نتر لعربي يديه من نصيرة ونطق بعصبية:لااا والو بااس...غير لالة لبنات لي عندي يلاه طفات عليها شمعة ودخلات لداار...(كمل مغووت)فييييين كنتي حتى لداابااا؟؟

خنسااء بهدوء: علاش ابا كاتغوت راني كنت غير مع رانياا كنا خارجين ومحسيناش بلوقت حتا لدابا (كملات باغا تزيد تجعرو بلعاني مرجعة بعض لخصلات من شعرهاا ورى كتفهاا)اصلا باقي لحال،و شنو فيهاا ݣااع إلى تعطلت ساعة لمݣانة

العربي قرب لعندهاا مغدد وتلااح على شعرهاا جاارهاا منوو بعنف:نصاصات ليل قربات وباركة علياا سااعة لمݣاانة...طواالو لولديك رجليين...مبقاتش الدار شدااك...وليتي عااطياهااا لديعااان...ادوي

خنسااء مغمضة عينيهاا بالم:أاي أباا طلق مني..رااني مدرت واالو

قربااات عندو نصيرة خافت لايسمعهم عصاام لي كان متكي فبيتوو مصادعين ويصدق جاي عندهم عارفاه غايخلطهااا كتر من لعربي... دغياا فكااتهاا منوو محررة شعرهاا من يدو مبعداهاا عليه

نصيرة بلهفة:نعل شيطاان اخيي نعل شيطاان...صاافي مبقااتش تعااود..من ليوم غاتولي دخل فلوقت

رد عليهاا بتأنييب:ياك اخنسااء..حيت ممزيرش عليك...مخليك على خاطرك،وليتي باغا تعوااجي...ماالكي اشجرى ليك حتا تبدلتي؟؟واااش مغااتهنيني وترجعي لطريق حتااا ندير فيك شي يامارة...هادشي علاش كاتقلبي؟؟

عقداات حجباانهاا وجات واقفة قدامو بتحدي مخايفااش ناطقة بنبرة حادة منفاعلة بنفاد صبر:صاافي برااكة..انا عيييت من هااد لعدااب لي وليتو معيشيني فيه..خنقتووني...بقا ليكم غير لهوى لي كنتنفس تقطعوه عليااا...بزااف هادشي والله حتاا بزااف...(كملات بنبرة جدية مفيكسياا عينيهاا فعينيه)إلى بصح بغيتي اباا نهنيييك..هياا إلى قبلتي عدناان يتزوج بياا...ديك سااعة غاتهني رااسك وتهنيني معااك حتا انا بخطرة

العربي بدل تعابير وجهو لدهشة...سكت تواني موسع فيهاا حجم عينيه ونطق بتسااؤل :هااكاك هيااا مزال دايرة داك لهضرة تزواج فراسك...

نصيرة خنزرات فيهاا:تي اشسايرى تݣولي...صافي خرجتي ليهاا نيشاان... ماحشمتي لا مني لا من باك لي والدك؟؟..

خنسااء بنفس الحدة:علااش غانحشم؟...ياك نيت سيد باغي يجي يطلب إدي وناوي معايا لحلال ولمعقول...وانا بغيتو وقبلتو..نتوومااا لي مابغيتووش... شكوون لي غاايحشم انا ولا نتوما لي وقفين فباب رزقي و سعدي وبغيتو تنكدوهاا عليااا

كتفات بهااد لهضرة وخرجاات مشاات لبيتهاا...بخطوات سريعة مقدراش تشوف فوجهوو...حابسة لبكية..أول مرة تهضر مع باها بديك الطريقة....العربي تصدم حس بودنيه كايصفرو...كالمااتهااا كايترددو فودنيه غير همااا...ݣلس مفيكسي عينيه فجيهة وحدة...شوية شاف فنصيرة و

نطق بنبرة مخنوقة:واش نيت هادي بنتي ولا وحدة أخرى لي كاتهضر بلاصتهااا...

نصيرة تنهداات وݣلساات حدااه:مديير فرااسك والوو...ماتديشاي عليهاا راه غير معصبة

العربي:سمعتيهاا اشقاالت...(كايشير لنفسو )انا وليت واقف فباب سعد بنتي انصيرة..

نصيرة كتمسح على كتفو:وصاافي العربي بلا متقلق ولا تديهاا فهضرتهاا...غير تعصباات ومعرفات شنو كاتقول

جااوبها بجدية:لاااا خنسااء عارفا نيت شنو قالت..وعاارفة شنو كاتخرج على فمهااا...(سكت تواني وكمل بتفكير)واقلة حسن نيت نزوجهااا

نصيرة خرجاات عينيهاا فيه بعدم تصديق:اويلي اش هادشي كاتقول العربي

العربي:كنقول الصح لي خاصو يكون...هضرتهاا دورتهاا مزيان فرااسي...ولقيتها عندهاا لحق..خنسااء انصيرة تبدلات بزااف،واقلة حسن نيت نزوجها،قبل ماتمشي دير لياا شي موصيبة لي منطلعش منهاا الرااس...نݣلس حتا لخر يامي ويبداو ينعتوني نااس...لاااا منقبلهاااش

نصيرة بتحسر:واش هداا زوااج تبغيه لبنتك...واكبببير عليهاااا العربي الله يهديك ..راك غاتغصبهاا فشباابها وهيا كي نوارة مفتحة...

العربي بإصرار مابغيش يخلي هضرتها تأتر عليه:دنياا هاانية ماحد باغاه هياا...ياك ماشي حناا لي بززناه عليهااا...ضبر لراسهاا معااه...(شافهااا غاتهضر وقاطعها كاايغوت معصب)راااااه مبقااتش خلات لياا فين نتخير ليهااا...ماابقاا ليهاا والو وتخرج لياا بين إدي...ماعندي حتا حل إلى نزوجهااااا ليه

كمل هضرتو وناض خارج من لبيت زعفاان،نصيرة شدات على راسهاا بلاحول،عارفاه ماغايرجعش فهضرتوو...تنهدات بحرقة..حتاا هياا مقابلاش هاد زواج لبنت خوها ولكن مابيديهاا والوو...

عصاام ݣالس مع لعربي ونصيرة فلبيت...طالعة ليه بلمزياان ملي وصلوه لخباار زواج خنسااء من عند لعربي لي عاود ليه كلشي..

عصاام:لا الوليد...هادشي لي درتيه معاهاا راه مكيتقبلوش لعقل..نعل شيطاان راه بنت وحدة لي عندك متلوحهااش هاكا..راك غاتندم عليهااا...

نصيرة :قولهاا ليه اولدي... انا راه مابغااش يسمع لياا..راسو قسااح...على الله يدير بهضرتك...

لعربي بحدة:ما غنسمع لا ليه لا ليك نتي...صاافي هضرة وحدة قلتهاا مغانعودهااش...من نهاار عرفاتو بغا يجي يخطبهاا..وهياا مكاين ففمهاا غير بغيتو بغيتو...طلعاات ليا الخز...ملي لصقاات فيه الله يطليه بيهاا..خليوهاا تعوم بحرها معااه...

عصاام بنزعااج:نتااا دابا غير معصب و دمك حامي داكشي علاش قبلتي ليهااا...

نصيرة:هاودني منك العربي...راه الى برد فيك الدم غادي تندم على شنو درتي...نوض نوض اخيي توضا ليك وصلي واحد جوج ركعاات ترخف فيك النفس شوية...على الله وعسى تعرف شنو كادير

العربي بإصرار:سمعوو...انا راه مغااديش نتراجع...غادي نزوجهاا ليه هياا غادي نزوجها ليه...مكاتعاود غير الصلى على النبي...فكرت ولقيت اللهم نزوجهاا نتهناا منهاا..درية بداات تزيغ وتخرج لطرييق...واناا مقاد على مشاكل معاهاا..

عصاام:وغير قول اباا غلبااتك وصاافي...واخاا خفتيهاا تخرج لطريق...طلقني عليهاا والله حتاا جوج تصرفيقاات يرعفوهااا نرد والديهااا لطريق بلهلا يطريه ليهاا...ديك الضساارة نقااديها منهاا...والله متعاود تهز الراس...

لعربي غووت ونطق بحدة:عصاام راني هضرت..يااك بغات هاد عدناان..خليوهااا..مايعااود يحبسهاا حد...مانسمحش ليك الى حطيتي عليهاا يديك...

عصاام حدر راسوو ومسح على وجهوو..فعلا رافض لهاد الزوااج رفض تاام..ولكن ماعندو مايدير..باه قال كلمتو وحسم..وهو عارف باه الى تاخد شي قرار..مغايعااودش يتراجع عليه...نااض وقف ومشاا طلع عندهاا لبيتهااا...لقااه محلول وهياا متكية على سرير كاتفكر...غير شافتو وهيا تنوض تݣلس بزربة...وقلبهاا كاايضرب بدقاات متسارعة..عرفاتو لاش جااي

قرب عندهاا بخطوات تقيلا وݣلس حداهااا ناطق بهدوء:حنااا كناا بغينا ليك لخير...ورجاال لمخيرين حطيناهم فطريقك...كبرناا بيك ساعة نتي ماشي ديال لكبيرة(خنسااء كاتسمع..حدرات راسهاا وعينيهاا غرغرو)رضيتنا واقفين فباب رزقك..وباغين نكدوهاا عليك...ولكن مااشي مشكل..لقرد راه كايحطو قدامو اللوز وكاينقز لبنان...

خنسااء بنبرة مخنوقة:دابا شنو؟؟جااي طعني بهااد لهضوور..اسيدي اناا عارفة شنو كاندير..خليني نعيش حياتي كيفماا بغيتهااا...عدناان هو لي لقيتو مناسبني بين رجاال كاملين..حيت هو لي غادي يوفر لياا كلشي..

عصام:لي سمعك يقول راه كناا مخلينيك بجووع وقاهرينك...فين عمر كانت خاصك شي حاجة...لي بغيتيهاا و ملقيتيهااش عند الوليد كاتلقايها عند عمتي..ولي ملقيتيهااش عند عمتي كاتلقايهاا عندي...واش لهاد الدرجة اخنسااء الطمع عما ليك لعينين...تحديتي هدااك لي والدك بااش تبعي لفلووس...

خنسااء ببلعاات ريقهاا..ودموع بداو يطيحو من عينيهااا... هضرتو بنسبة ليهاا بحاال السم..كاتزيد تأنب ضميرهاا كتر وكتر...

نطقاات بنبرة بكااء:صافي بركة..اصلا نتا ماشي مسؤول علياا باش تقوليا هاد لهضرة...حتاا تولدهم وحكم فيهم..

رد عليهاا مغدد:ايه عندك الصح فهاادي...حيت كون كنت بصح مسؤول عليك وكنتي بين يدي...احسن قتلة نوكلهاا لختي جهد لي تنسيك فعدناان وما يجي منو...و تخليك ترعدي ملي تفكريه...ولكن لي مسؤول عليك قاال كلمتو ودار ليك لخااطر ووافق يعطيك ليه...دابا طلبي من الله يسخر ليك فهاد الزواج لي عكس ليك فيه كلشي..باين لعربون فيه من اللول

عضاات على شفايفهاا بتحسر وعاودات حدرات راسهاا ومجوباتوش...

عصاام نااض وقف:راك درتي لي بغيتي...الله يكمل عليك بلخيير...وخاا ما بان لياا بو خير فهااد تخربيق ديالك

‌

‌لاح ليهاا هاد لهضرة وخرج من لبيت مفقووص...خنسااء دارت يديهاا على فمهاا كتحااول تكتم شهقااتهاا...حاسة بقلبهاا كايتقطع و يتألم...بسباب غلطة دارتهاا فلحضة طيش...بسباب تيقة عميااء دارتهاا فشخص الغلط...غامرات معااه وعطاتو اعز مكاتملك اي بنت...و فلخر خلاهاا فنص طريق كاتواجه مصيرهاا بوحدهااا...خسر عليهاا جوج كلماات وقاليهاا ساعتك سالات... وما بززتش عليك ابنت الناس ولا ضربتك على يديك..جيتي برجليك وماجبك حد....غلطة خلصات تمنهاا غالي و كلفااتهااا بزااف ديال ندامة...نداامة لي جاات حتى فاات لفوت...ضلماات راسهااا،وضلماات حتاا عائلتهاا معاها....

رانياا سمعاات تلفون ديال مها كايصوني.. قربات لعندو و هزاتو غير قشعات سميت نصيرة عليه وهياا توسع نضراتهاا..دغياا مشاات بخطوات سريعة لعند عتيقة لكوزينة..

رانياا بلهفة ماداه ليهاا :ماما ماما..نصيرة كااتعيط..

عتيقة خدااو من عندهاا وخنزراات فيها:تي غابشوية علييك..مالكي كاطيري(دوزات لابيل..و جات رانياا تخشاات عند ودنهاا كتسمع...نطقات عتيقة بهدوء)الو سلام وعليكم

نصيرة:وعليكم سلام...عتيقة لاباس عليك ...

عتيقة:لحمد الله اختي ونتي ومالين الدار ياك كلشي بخير

نصيرة بإجااز:كلشي لاباس سول فيك لخير

عتيقة:اوى لحمد لله..

نصيرة دغياا دخلاات معاها فلموضوع مباغاش طول:عرفتي علاش عيطت ليك...

عتيقة دارت راسهاا معارفااش:الله يسمعناا خير...شنوو؟

نصيرة:داك نهار لي هضرتي ليا على عدنان لي بغاا يتزوج بخنسااء..قلتي مزال لختو داكشي لي قلت ليك ولا مزاال؟؟

رانياا بتاسماات فهماتها لاش عيطاات...ردت عليهاا عتيقة بنفي:لا مزال مقلت ليهاا والو...كنت نيت ليوم غادي نهضر معاها..ونقوليهاا تشوف جيهة اخرى كيفما قلتي ليااا...

نصيرة زيرات على يديهاا:لااا عيطي عليهاا وقولي ليهاا راه موافقين نعطيوكم لبنت...وباها قاليكم جيو فلخر ديال سيماانة باش تهضرو فيها وترشموهاا...

عتيقة:اربي بصاااح...اوى مبارك ومسعوود..الله يكمل كلشي بلخيير

نصيرة تنهداات :اميين..وخاا كنا باغيين ليهاا شي واحد اخر حسن منو..ولكن ماشي مشكل..لخير فيما ختاره الله...ملي بغاتو،مانقدرو نبزو عليهاا حتا حد اخر...

عتيقة (حساات بنبرة صوتهاا حزينة وكاتهضر فوق من قلبهاا):مايبقااش فيك لحال انصيرة ختي... بنات ليوم هماا هادو..راجل لي بغااو و ختارو هو لي غايتزوجو بيه واخا معرفت شنو يوقع...مشا داك زماان لي يتسناو واليديهم يختارو ليهم..

نصيرة:هداكشي لي كاين..كيف كايقولو..ولدهم ليوم يحكمو فيك غداا...وملي كاتوريهم الصوااب كايرضوك مامزيانش...لحاصول الله يهديهم على عقلهم.

عتيقة:اميين...وغير تهنااي على خنساء راهم نااس مزيانين الله يعمرهاا داار....غادي تعيش معاهم بخير وعلى خير،مغايخصهاا واالو

نصيرة برجااء: اوى نتمنااا يكون خير معاهم...

عتيقة:صافي غير نقطع معاك غانعيط عليها ونقوليهاا بلي وافقتوو...ونقوليها يجيو عندكم بااش تفااهموو على لأموور...

نصيرة:ان شاء الله...يلاه بسلامة علييك...

عتيقة:بسلامة عليك...سلمي عليهم..

قطعاات نصيرة لخط،وعينيهاا مغرغرين بدموع..من اعماقهاا ماحملااش هاد راجل لبنت خوهاا لي كاتعتبرهاا بحال بنتهاا لي مولداتهااش من كرشهاا...ولكن تجرى الرياح بما لا تشتهي السفن...ملي خنساء بغاتو ولصقات عليه و باها وافق مابقاا عندهاا مادير الى تستاجب بدورهااا وتوافق حتا هيااا..

يتبع...