بنت السايب الجزء 35

داز اسبوع طويل كل مرة خنساء واش دير لمهدي وتخليه غايحمااق مخرجاها منوو ... ومرة مرة دير ليه موتة حمار وتسخف لييه غادة على خطتها بخطى تابتة مكاتعيقش وفنفس الوقت ملي كاتلقى الفرصة كاتلعبها علييه حتى ولا متأكد انهااا مقيوسة ولي ساكنها خطاار عليه ... وشكون فينا لي مايخاافش على راسو فبحال هاد لمواقف ولا واخد منها الاحتياط لدرحة كبيرة وحتى النعاااس حرمااتو علييه غير كايغمض كاتفيقو بشي بلااان ... نهار كايبغي ينسى الهم شوية كايمشي عند عشيقتو يفوج ويدبل الجو

فعشية سماهاا صافية والغروب بداا يباان ... تقدمات رانيا لدار حيااة دقاات مدة فالبااب كاتسنى ... حل عليها سيمو غير شافتو وهي تكحل بالعمااا سبحان الله مكايدوزش ليهاا خصوصا مني كايكون مخنزر ... نطقاات فوق النفس : السللااااام

رد عليها بهدوء : وعليكم السلااام ...

رانيا : كلم ليا عافااك خالتي حيااة ...

سيمو طلع فيها الشوفة كيفاش كاتهضر معااه محاملاهش ... نطق حتى هو من حلقو لفوق : خالتي مكايناااش ..

هزات فيه حاجبها : واخا كلم ليااا عبدو ( بضحكة صفرة ):، الا جاات على خاطرك ...

رد عليها بنفس النبرة : حتى هوو مكااينش ... كاين غا انااااا هاد ااساااعة ( بنفضة ): اشبغييتي !!؟؟ ...

نطقات مخصرة فيه الشوفة : صافي حتى نرجع عندهم ....

خنزر فيها : علااااش انا ماقنعتكش ولا كيفاااش !! ( ميق فيها ): ولا عرفتي شنو ... سيري سيري انا نيت ماعندي ليك خااطر ...

دارت عندو راجعة : ومااالك مفااافي غير الراااسي .... شد غاا فوحدة ونتا كاتنبش على الصداع وسط التبن فحال العكوزة المسعورة ... ( باستهزاء ): موهبة هادي عندك ولا كيفااش !! ...

ساط بنفور هضرتها كاضرو فودنوا : سيري سيري الله يعفو علييك

مجاوبااااه جاعرى : الله يعفو عليا منك ...اؤ

يلاه عاتكمل وهو يقاطعها صوت الموطور ديال سيمو لي وقف قدام الباب كان راكب فيه عبدو .... هبط بانو ليه من الشوفة منوضينها صباط اصلااا ولف على حاالهم ...

عبدو كايحيد الكاسك : اهلااا رانيااا ...

رانيااا : مزياان مني جيتي اخوياااا ...،( طلعات سيمو وهبطات ): شي نااس راااه ماكرهوش يقطعو الاكسجين لي كانتنفس ياربي السلاامة

سيمو ميق فيها بلا حول بلاما يجااوبهاااا غير كايشوف فيهااا ويخنزر كون كانو عينيه قرطاس كون تيراا فيهااا وجاب ليها الكاااو ... هضرتها كاضر ليه طبلة الادن دياالو ...

عبدو تنهد : هههه دايرين فحال المش والفااار مكاتلاقااوش ...

رانيا عوجات فمها وجبدات من جيبهااا 2500 درهم مداتها ليه : هادي ديال خالتي حياتهااا نوبتها فالقورعة ...

سيمو غير شافهاا عطاتو الفلوس وهو يتحسس جاب ليه الله فحال الا متاقتش فيه عليها ماعطاتهمش ليه هو ... خنزر فيها وبلاا شعوور نطق حاس بكرامتو تهاانت : مايحسابليش اشريفة عندي فصالة شفاار ولا زمااكري ... مني جايبة الفلوس حتى الباب ولقيتيني وماباغاش تعطيهم لياا .. عند بالك غانطمع فديك جوج دريال ديالك ولا كيفاااش !!! ..

رانيا بنفور : انا الامانة لي تعطات ليا قالو ليا من يدك ليد حياة ولا ولدهااا لااااغييير هادشي لي كانعرف ... واِلا اسيدي نتا فهمتيها هكااك سوقك هااداااك اناا ماعندي ماندير لييك

صغر فيها عينوو : اصلاااا انا عارف من اللول مامسروطش لييك ... واحد ليك فالحلق ضونك هاد الهضرة كوليهاااا

هزات فيه حاجبهاا وضحكات بستهزاء : هاهاهاهاه ... واش شوية لاباس الاخ ... فين انا اصلااا حاسة بييك ولا معبرااك كاااع باش توحل ليا فالحلق ولا فالقرجوطة ولاااا فالفم .... ( باستفزاز ): بالنسبة ليا مانتااش حتى دفلة فاللساان ندفلهااا

خرج فيهاا عينو بعصبية السيدة ولات كاتعاير فيه كاااع ... يللااه غايجاوبهاا وهو يحبسو عبدو لي شاف القضية غاتحمى بينااتهم وهما كل واحد فيهم على سبة ... نطق : اشرفاااا ياكماا غاتقلبوهاا ليا هناا صباط ( خاطب رانيا ): سيري نتي لداركم وهنيونااا ...

رانيا سبلات عينيهاا فسيمو فاقساه زعمااوزاادت من تمااا كاتعوج وتمختر فالمشية ...

سيمو : شتي مني كاتطبر لبرااهش الشاان هادشي لي كايطراا .... حتى هاد البرهوشة تعلمات تدوي وولات كاتخيبر علياا وتسمعني ااهضرة ...

عبدو جرو : زيد اصحبي هنينااا وايلي حتى نتااا ... دخل دخل راني فيا الموت ديال الجوع ...

خنساء خرجات من الكوزينة حاطة الطبلة ديال العشااا تشهاااات تااكل ماعكرونة بالبيشااميل ... كان مهدي متكي فوق السداري حاط يدو مور عنقو والبيسي دايرو فوق المخدة فوق حجرو كيف العاادة كايقرا شي بونااات ويحسبهم .... شافهااا جابت العشااا وهو يحط لي فيدو وناااض .. نطق بتساؤل : حتى سارة مشاات عند خالتي !!...

خنساء كاتحط ليه العشا فطبسيلو : اييه غايجيو غدا ان شاء الله مشاو يباتو معاها اليوم ....

حرك راسو بايجاب : ممممممم .. مزيااان ... ( شاف فيها ونطق مبتاسم ): شحال هاذا ماتعشينا انا وياك راس فراس ... ياك احبيبتي

خنزرات فيه : كون ماتشهيتوش والله مايطيح فضرسك ... خلينااا عافااك ناكلو دغمة فخاطرنا حسن مانديرو بناقص كاااع ....

تنهد بلاا حول وكلس كيااكل فهدوووء واحد مكايدوي مع لاخر فحال شي غرااب على بعض ... سالا وناض : انا غتنطلع نعس عياان ..

خنساء : ممم .. واخا انا غانغسل هادشي ...

حرك راسو بايجاب وزاد من تما طالع وهي متبعة ليه العين حتى مشااا وهي تبتاسم بشر : احااااي سير حط راسك راه موحااال تكمل لييك النعسة هاد الليلة تاني ...

ضحكاات بشر وزادت دارت دوك الماعن فلاماشين وردات لي بقا من العشا فالتلااجة وطلعاات لبيتهاا لقاتو متكي منشور فوق السرير ناعس باينة فيه مسخسخ دغيا داه اانعاااس ... ضحكات داخلهااا وجمعات شعرهااا كيف العادة وتكات حداه طافية الضووو ....

فنص الليل والصقييل مالئ المدينة كاااملة كلشي ناااااعس ... خنسااء حلاات عينيهااا ودارت جهة المهدي بان ليها غاارق فنومو .. ناضت بشوية عليهااا كاتستل لبلاكاارهاااا لبسااات جلاابية بيضة بحال الحليب فوق ملابسهاا الداخلية وبلغة فنفس اللون وطلقااات شعرهاا عللى راااااحتووو .. عضاات على قنوفتها وهي كاتشوف فيه بتوعد وعقلهااا كايخطط ويبلاااني لهاد الخطوة لي غادي ديير ولي باغا تجيب ليه بيها التماام ..

وصلات للبااب وشافت جهة الدروج مبتاسمة بشر وزدحااات الباااب على حر جهدهااا حتى تخبط وهز الداار كاااملة وزادت من تما ... وصل الصوت لعند مهدي لي قفز من نعاااسوو مخرج عينووو : اعود بالله من الشيطان الرجيم...

حك على عينو كايتكسل مع دور وجهو جهة بلاصة خنساء وهو يخرج عينو مابانتش ليه فبلااصتهااا ... صغر عينوو ونطق بالجهد : خنسااااء ... خنسااااااء... فين مشات هاد المرأة تاني ... ععععع غاتخرج ليا العقل ...

خصر كماارتوو وناض من بلاصتو بلهلا يطريه لييه هبط عينو جهة الارض وهو يفيكسيهوم فاتار الاقدام لي مطبوعة فالارض بالقطرااان ... وباينة رجلين خنسااء هاادوك .. بلع ريقو : ياربي السلامة اش هادشي تااني ...

بقا غادي تاابع الاتار وقلبو كايخفق بقوة من الخوف لي حاس بييه ... هبط مع الدروج حتى وصل لباب الدااار وهو يتفكر الصوت لي فيقو من النعااس عااد عرف مصدرو ... خرج عينو بصدمة : هاادي فين مشااات . ... ببببببف غاتحمقني هااد المرأة ... واش غانبقى تاابعهااا كي الهبييل عععع

خنزر معصب وهز الجاكيط دياالوو خاارج من الدار وسد البااب معارف فين يصد واينا جهة غاايمشي فيهااا ... بقاا غاادي فالطريق والنص ديال الليل فحاال شي هبييل كايدور بووحدو فالظلااااام معاارف لا ايناا جهة يعطي ولا فين يصد ....

وصل قداام الباركينغ لي حداهم وهو يوقف على العسااس بتسااؤل : بااا عيسى لاباس عليك ...

عيسى : الحمد لله اولدي اش مفيقك فهاد الليل ...

مهدي كايلهت بالسخفة : عافااك ابا عيسى واش مبانتش ليك خنساء مراتي خاارجة ...

عيسى : لا اوليدي .. ماشفتهاااش ... ( صغر عينو ): ياكما هي لي كانت لابسة البيض ودازت من ديك الزنقة ...

المهدي : واش شفتي شي وحدة دايزة من هناا لابسة البيض ...

عيسى : اييه اعود بالله من الشيطان الرجيم يحسابلي غير شي جنية بسم الله الرحمن الرحيم ماقديتش نحقق فيها مزياااان ... مانكدبش عليك اوليدي خلعااتني ...

المهدي شد على راسو بحيرة ونطق بتوتر : ومنين داازت اباا عيسى .. شفتيهاا !!!...

عيسى : اييه دازت من ديك الدورة (شار ليع بصبعو): جهة المقاابر ... ذكرنا السمن والعسل ...

المهدي خرج عينو ونطق بتعجب ودغيا الخوف ركبو : القبووور .. متأكد !! ...

عيسى : ايه اوليدي بحال الا شفتيهاا بعينيك ..

حرك راسو بايجااب وزااد من تماا بللا حتى كلمة كايجري ببيجامة النعااس فوقها فيسط ويدوور ويقلب بعينو والظلااام مخيم على المدينة والبرد كايسوووط فييه محااسش بييه بكترة الجري والخلعة لي فيه وهو كايقلب عليهااا من جهة خاايف تكون وقعات ليهاا شي حاجة ومن جهة اخرى خاايف الا لقااهااا دير فيه شي مصيبة حيت الحالات لي ولات كادير رعبوه منهاا وخلااوه يتخلع من تصرفااتهااا ...

المهدي وصل قدام المقبرة وهي تبااان لييه كالسة فالباب ديال المقبرة بجلباب بيضاااء كاااملة كاتشوف فالفرااغ بنظرااات يائسة جاامدة ... مكاتحركش بالمرة ويديهااا كايرجفوا من البرد وليل القاااحل ضاير بيهاااا وشفاهها زرقيين يابسين ... فقط صوت انفااسهاا والكلااااب كاتنبح فالارجاااء ...

بخطوااات سريعة كايقرب ليهااا تلفاان وعينيه فالتين كايقلب عليهااا مشطون .... لمحهااا حدا المقبرة بداك اللباس كاتبان فحال شي جنية وشعرهااا مخبل على وجهها ... تحرك كايجري لعندها ووقف عليهاا ... تكلم وهو كاينهج بصوت مبحوح سخف بقوة البحت : شنو كاديري هناااا !!! ( كايدور عينو فالمكان ): واش خرج ليك العقل ولاا مااالك ... لاش جيتي لهنااا!!

خنساء هزات فييه راسهاا بتتاقل كاتضحك بطريقة غريبة بعدم وعي ونطقات بهدوء : هههههههه .... ههههههه ... هههههه ..هههه كانوجد ليك قبرك ههه .. ههههه .... ( ضحكاات مشركة فهمهاااا بطريقة كاتخلع ): غااااانقتلك وغاااندفك هنااااا ... هناااااا غاايكون قبرك ( دورااات عنقهااا وضحكاااات بهستيرية مخرجة فيه عينيهااا ): ههههههههههههههه غاااتمووووت ههههههههههه غاااتموووووت ...

المهدي بلع ريقو وهو كايشوف فيها كيفاااش كادوي ومن نبرة صوتهااا كاتباان ليه مصرة على شنوو كاتقوول .. هو عارف انهاا ماشي هي لي كادير هادشي ولكن اكيييد هادشي لي فيهاا ناوي لييه على المووت ... الرعدة شدااتوووو ديال المعقوول ... غمض عينو وحلهاا محاول يشد فرااسو وقرب عندهااا هااابط محاول ينوضهاا : زيدي نمشييو للدار غايقتلك البرد هناا يلاااه ...

تكعداات وهو شاد ليهاا فيدهاا غفلاااتووو مخرجة عينيهااا فيه ورماات يدهاا على عنقو خانقاااااه فرقبتووووو :ههننننههههههه قلت ليك غااتموووت ( غارسة فييه صباااعهاااا حتى ضفاارهااا جرحووه وساال دم فعنقو كارزة على سناانهاا ونظرااتهااا كاتخلع بالمعقوول ): ههههه غاتمووت هنااا غانقتلك ههههنننههههههههه

المهدي النفس تقطعاات فييه وهي قاااجاااه مزيرة علييه مابغااتش تحيد يدهاا ولا تفلتووو جيفاااتووو ديال المعقووول بزز باش حيدهاا من عليه كايتنفس بصوت عاالي بالخنقة ودمايااتوو كاتجري فعنقوو لي تغرسو فييه ضفاارهاا كاامليين : وااااش ... همن تسطيتي ولااا ماالك ...

خنساء ابتااسماات جنب دايرة فيه ضحكة توعد : غانقتلك والاا ماامتيش اليووم غانقتلك غداااا .. غااتمووت هي غاتموووت وهاذااا وعد من ميطرووون ليييك ... ( كاااضحك بطريقة غرييبة لدرجة مع الصقيل صوتهااا كايتعاااود جهة القبوووور بالصدى ... موقف كاايجيب الرعب ): مووتك على يديي ههههههههههههههههههه ... خههههههههههههههههه ... دير فباااالك ماحدي معااك مغانتهنى حتى نصفيهاا لييك ( باصراار واااضح ): غانقتلك ههههنهنههههههههه

المهدي كايشوف جناابو الدنية كاتصفر دايرين بييه غير القبوورة وهي قداموووو كاتبااان فحاال الجنية ... مغاديش ينكر انه مابقا ليه والو ويسخف بالخلعة ... حاس برجلوو مابقااوش هازينو والمشكل مايقدش يهرب ويخليهااا وفنفس الوقت وجودهم تماا وهي معاه كايشكل علييه خطر ...

خنسااء شدااات رااسهااا كاتغمض عينيهااااا وهي تنزرل على طولهاا فوق دراااعووو سخفاانة .... شدهااا بين يدوو وهزهاا مطيحة لييه درااعو بكترة ما تقيلو علييه : ياااربي تحفظ اجاا ماوصلني لدار وانا هازهااا بففففف ... ( دور عينوو فالبلاصة والرعب قالتلو لدرحة صوت قلبو واصل لعندهاا حدا ودنها لي محطوطة على صدرو): ماخااصش نبقى هنا ...( بنبرة حمقاااء ): لا لا خاص نمشي ..

هزهااا محااول يتحمل تقلهاا وزااد من تماااا الطريق كااملة حتى للدارو هو هاازهااا سخفاااتوووو بالمعقوول ومع ركابيه خااويين بالخلعة زااد كمل علييه مااوصل حتى هرب الريق من فمووو وشحف ... طلعهاا فالدروووج بزز وحطهاا فوق السرييير كايلهت وينهج وهي الطريق كلهاا كاتنين وتنطق بشي حوايج مافهومينش كأنها كاتهلوس ...

المهدي شد درااعو لي تقاال علييه : يااربي كتاافي طااحو ... اوووف ...

شااف فيهاا وتنهد معاارف مايدير فهاد الحاالة والا دارت لي قالت ليه وقتلااتووو وصفااتهاا لييه ... حاس براسو فخطر واكييد هادشي مستحيل يخرج على خييير ... مقادر لا ينعس ولا يحط الرااس وكيفااش غايغمض وهي حلفاات حتى تصفيهاا لييه الا نعس وجااات قتلااتوو بلااماا يرف ليهاا جفن .. ولا متأكد انهاا مابقااتش كاتحكم فرااسهااا وممكن توصل بيها الدرجة لاي حاجة ..

اصبحنا وأصبح الملك لله...خنسااء واقفة فالكوزينة كاتوجد فطورهاا بعدماا خرج المهدي ودايرة ابيل فيديو مع رااانياا كاتعاود ليها : ناااري اصحبتي رااه مايمكنش شنوو درت فييه ... انا متأكدة مستحيل يزيد يصبرر .. مور بلاان فالفقيه حس بالرعب .. وعااد داكشي لي درت فييه البااارح خلااه يزيد يخااف ... ليل كامل وهو يتقلب مشاافش غمضة ديال النعاااس ... شوية ويولي غادي ويرمي حوايجو فالزنقة بكترة الوسواس لي ركبت فيه

رانياا كاضحك : ههههههههه رااه انا اصحبتي داك النهااار تيقت ... شفتي الفقيه برااسو ضهشر .... هههههه خرج وجهوو صفر مافيهش قطرة الدم من عندك ... اما المهدي خلااص شوااربو زرااقووو ...

خنساء : ههههههه خليه انا بغيت ليه كتر ..البارح جابني هازني بين يدو ماوصل حتى سخفتووو وحتى انا لحت عليه تقلي كلووو ... تخاايلي من المقبرة وهو هازني وصل كايلهت شوية وتخرج روحوو واناا واخدة راااجتي فالهزة مخاصني خيير ...

رانيا : ههههه ناري اصحبتي مايقد علييك حد .. شتي نتي غييير لي بغاا يغلط معااك حييت غادي يشووف الويل من مور هاادشي ... بركاااتك يااا شيييخة ...

خنسااء : غير صبري داباا عاد غايبدا اللعب ... خاص غيير يمل ويديني لداارنااا وغانزهااو ديك السااعة مزياااان وغانولي انااا لي متحكمة فللعب بالبياان ...

رانيا : مشهية نشوف وجهووو مني يطلع معااه القاالب ويعرف بيللاا راااه هادشي كولو غير لعب باش توصلي لهدفك ... اكيد غاتجييه جلطة دمااغية ماافيهاااش

شك غاايحماااق بالمعقووول

خنسااء : غييير بللاااتي عليه انا لي غانربيييه ومن هادشي عمرووو يحاول ولا يفكر يضحك على شي بنت المرأة ... غايكره رااسو وفعلتووو وغادي نعلمووو اللعب مع بنت الساايب كيف دااااير ...

رانيا ابتاسمات : صراااحة هاد الفكرة ماطيحش على بنت المرأة .. كون كاع العيالاااات يعرفواا يتحكمو فرااسهم فهاد الموااقف ويخرجو راابحين بحاالك .. كون عمر شي راجل تجرأ يلعب على مرتووو ويغدرهااا ويطعنهاا فظهرهاا ... ويفكر الف مرة فالعوااقب ... بلااااصت ماتشبع خناااخن ومن الفوق بناادم مغاايرحمهاااش واخا مضلومة يقولو هي السباااب وهو مسكين لي مظيليم ... علااش حيت اكييد مراتووو لي خلااااتو يمشي لغييرهاا الموال لي كانسمعوه كل مرة ....

خنساء تنهدات : عندك الحق وعرفتي علاااش حيت حنااا العياالاات اكبر خطأ كانديرو وهو كانبنيو حياااتناا على اساس رااجل ... وكايولي هو محور الحياااة بالنسبة ليناا بلااامة مانعتابروه فقط شريكناااا فهاد الحياااة كيف هما كايعتاابروناا .. حنااا لاااا كايولي عندنا هو مركز الكون ... وكانعطيوه قيمة كتر من لي كايستااحق .. كانتغيرو باش هو رضى وكانبدلو طبعناا بااش راجلنا مايتقلقش وكانوليو نمشييو على خيوووط تحكموو فحااال الكرااكيز لدرجة مني كايبعد علينا غير شوية كانتلفو ومكانبقااو عارفين ماندييرو ... للاسف مزاال ماوصلنااش لمرحلة ان كل مراة تبني حياااتهااا برااسهاا وتكون هي فيهاا الاسااس ... شخصيتهاا تبقى كيف هي وكيف مرتاحة ليهااا وهو لي خاص يتقبلك كيفماا نتي فحال لي نتي واخداه بخصايلو ... بصح ممكن تصلحي اغلااطك حيت كلناا عيووب ... ولكن ماشي حيت هو كايشوفها فيك خطأ نووو وانماا حيت نتي مقتانعة ان هاكا عيب فيه وخااصو يتبدل ... ماشي باش ترضيه ويبقلك وانماا بااش ترضي داتك وتقبلي راسك ونهاار توقفي قدام المراياا تكوني تايقة ان هادي نتيي ماشي شخصية كونهاا ورسمها شخص اخر .. حيت ماعمرك تزيدي للقدام ونتي واقفة على صورة فيك رسمها غيرك

رانيا تنهدات : عندك الحق ... المرأة خاص تبني شخصيتهاا وتكون داتهااا وتكون ليها الاولوية حيت الا هي تنازلاات هو غايشوفو منها ضعف ويزيد يتمادى ...

خنساء : داااكشي ... وهادا اكبر غلط درت فحيااااتي ... نهار بغيت طحت على زنااافري ونسيت رااسي وخليتووو هو اول حاجة نفكر فيهاا لدرجة مابقيت عارفة شكون انا وشنو باغا وشنو لااا ...

✒✒✒

إن المرأة القوية لا تجعل الآخرين يشعرون نحوها بالشفقة ولا تلعب دور الضحية .. وإنما تعتمد على نفسها وتتحمل مسؤلية قرارتها واختياراتها ،؛،

سيدتي .....

👑 كوني فاتنة بعقلك جميلة بثقافتك ،؛،

👑 أسعي خلف احلامك واجعليها حقيقة ... لا تتقبلي من يقول لكِ ان احلامك صعبة او لا يمكن تحقيقها ،؛،

👑 قولي لنفسك هذه الكلمات دوما ☜ أنا قوية لم أخلق لأهزم ...مثلي خلقت لتزهر ⚘كل يوم ولن أذبل ،؛،

كانت ملاك ݣالسة حدا مهدي...هازة لقطن فيديهاا دايرة فيه لانكول كادوزو على جروح لي فعنق مهدي بشوية وهو مغمض عينيه بألم...مخدمة الشوفاج فدار ولابسة شوميز دونوي قصيرة فوقو بينوارو الحريري... سدرهاا كايباان مبندر تحت منو...

نطق مهدي نزعااج مدور لكاشكول على عنقو:سسس... صافي حبسي بركة...

ملااك حطات لقطن فوق طبلة وقالت :عندااك غاليخليو ليك لاطرااس...لمصعورة خلاات فيك ضفارهاا هكاك مغروسين

مهدي نطق بزعفة طالعة ليه لقردة بلمعقول:واا بربي حتاا حرت مع ديك لمخلوقة...مابقيت عارف ماندير معاها...صافي تحدو ليااا...دخت بلمزياان...

ملااك عوجاات شفايفها وقالت:اوى اشغاانقوليك...هاادشي لي عاودتي لياا بااين ليااا بزااف...حتا لإمتا احبيبي غاتبقاا صابر عليهاا؟!!

مهدي خسر ملاميحوو بنزعاج:عييت والله حتا عييت...معمر مكان كايجي فبالي غانوصلو لهاد لماصل كااملة...ومعمر مكان كايجيني فبالي واش خنساء غاتولي هاكاا...(شاف فيهاا بضيق) بحالا هزيتي وحدة وحطيتي وحدة أخرى...ماابقيتش عاارفهااا....

ملاك بتاسمات بشر فخاطرهاا... فرحانة وباغاها فخنسااء وكاتمنى ليهاا من كل قلبهاا يتزااد عليهاا لحال كتر ومهدي مايبقاش يشوف نهار لبيض معاها...

حطاات يديهاا على كتفو..صطانعات الجدية وقالت:اييه وحتا لإمتى أمهدي غاتبقاا صابر على لمشاكل...كل نهاار خاصك تستاعد...كل نهاار تبقى حااضي معاها...ورااد لباال...ايوى؟!!شحال قدك!!...

مهدي مسح على وجهوو بشنج: معرفتش...تخلطو ليا لعرارم معاها...

ملاك:ومالك على هاادشي كاامل...مملزومش عليك تبقى هااز هبالهاا وصابر عليه

مهدي داار شافيهاا ونطق بستفهام:شكاتخربقي مافهمتش؟!

ملاك بدات كادور فعينيهاا وتقاد فهضرتها باغة تقنعو:و بصراحه بصاااارحة.... داكشي لي عودتي لياا بزااف...من غير لبلان ديال لموس لي لقيتيهاا هازاه عليك فنصاصت ليل حفظ الله ضرباتك لفيقة شي صدقة وقفات معاك أما كنتي غاتكون فلقبر دابا وحنا كانترحمو عليك...لواعرة هياا ملي ولات تخرج بليل للقبور وتلاح عليك بلقجاان..(ضربات فخضها بفقصة)وصافي دااكشي لي بقاا كل ليل وجد وستاعد نعام اسيدي لشنو غاايخرج ليك...باااز ليك والله

مهدي بتأفف :اييه وشنو بغيتني ندير ليهاا؟!!

جاوباتو بإقناع:هادشي امهدي راه مكايعجبش... خنساء ولاات خطر على نااس لي دايرين بيهاا وأولهم نتااا..(سكتاات تواني وقالت) من لأحسن ليك تشري رااحتك...

رد عليها بتساؤل مصغر عينيه: كيفاش؟؟

ملاك:يعني من لخر تسوس عليك لباكور...طلق لخرى وهني مخك..

مهدي خنزر فيهاا ونطق بحدة معلي صوتو:ملااااك جمعي فمك ومتعاااايريهاااش قداامي ولااا مايعجبك حااال هااني كانعلمك...

ملااك خرجات فيه عينيها ضغطات على شفايفها بنرفزة:زييد داافع عليهاا زييد...زيييد بين ليااا شحاال هياا عزيزة علييك لالاهم خنساء وكتمووت على لهوى لي كاتنفسو ...

مهدي سااط بصوت مسموع:هاانتي غاتبدااي تااني...كانجي زعماا عندك بااش نبدل لجو...ساعة باين لياا ديلمي غاكنضيع فلوقت...

ملاك بعصبية:اه كاتجي عندي غير بااش تنسى...نهاار تصح ديك زين الصافي تاع مرتك وتولي بخير...(صفراات)غاطير بلا ماتلفت لياا وتخلي موراك غالعجااج....

مهدي هز لكونطاكط تاع لوطو ديالو من فوق طبلة وبغااينوض زااعف:لحاصول غانمشي فحاالي..خليك ليك الراحة...

ملاك حبسااتو برجااء شادة فيدو بجهد كاترمش فيه ببراءة:صافي صافي سمحلي...ماتقلقش مني عفااك...

مهدي عااود رجع لبلاصتو داير بحالا موقع والو..

بتاسم بخفوت حاط يدو تحت دقنهاا:كاتقولي لي غانطير...علااه انا نقدر نخلي هاد لبلارة ونمشي؟؟!(طبع قبلة على خدهاا)جناوح باش نطير بقااو عندك ازين دياالي...

بتاسمات ليه بخفوت وقالت محاولة تاكل ليه دماغو غير بلفن:اناا خايفاا عليك احياتي...خايفة لاتوقع ليك شي حاجه بمسبتهاا...غير كاتجي فبالي نتا وياها فقنت وحدة كانبغي نحمااق بلخوف...

نطق وهو كايدوز يديه على خدها: متخافيش...

جوباتو مرفعة صوتها:لااا من حقي نخااف...سيدة مواعيااش بداكشي لي كادير نص فنهاارها كادوزو مرفوعة لعلام أخر مجايبة لدنياا خباار...ضروري تلقاا شي حل لهادشي...قبل مايتزاد على حدو...

مهدي: وكيفاش داير هااد لحل؟!زعماا نتفارق معاها و نطلقهااا؟...نتي عارفة طلاقي معاها مستحيل...هو لي عمرو يكون...

هيااا بلعات ريقهاا بمرارة حساات بلعافية شعلات فيهاا من هضرتو ولكن حاولات تبرد السوق...عارفة بلى الى هضرات ليه على طلاق غاتكون داخلة معاه فواحد الطريق مكاتخرجش...غير غاتعيي راسهاا وسلام....

دوراتها فراسها ... سكتات تواني قبل ماتكمل بإقناع:من لأحسن تديهاا لدارهوم...تكلس عندهم حتا تولي لاباس...وترتاح شوية...

مهدي دغيااا رد عليها بنفي رافض للفكرة: حمااقيتي لا؟؟واش كاتفكري ولا مكاتفكريش؟نهزهاا نحطهاا فدارهم جاتك ساهلا نديرها...شنو غادي يقولو علياا..أه حقاا ملي كانت بصحتهاا راه كانت عاجباه وباغيهاا وملي مرضات طلعات ليه فرااس وهزها حطهاا فدارهم..تتتت لا مانقدرش...

ملاك بنبرة رقيقة :مافهمتينيش احبيبة شنو بغيت نقول...إكووت غادي تديهاا لعندهم غير شي أياام قليلة..ماشي ديماا...غير بينماا رجعات لصحتها وتكالماات...(قراات فملاميحو انو بداا كايستاجب لفكرة..كملات بنفس النبرة) نتاا قلتي لي علاقتكم متوترة هاد لأيام والى بقات معااه فكون متأكد... لأمووور غااتزيييد تعقااد بيناتكم وهياا مغاتكونش مرتااحة معااك...حسن تبعد واحد الفترة...إوى اشقلتي؟؟!

لمهدي بقا ساكت مجاوب لا "باه" لا "بلا"...بقاا فصرااع قوي مع دمااغو...هضرت ملااك جااتو منطقية وعلى صواب...محد خنساء معاه فمعمرهاا غاتولي لاباس...غادي يبقاا ديماا معاها فلمعاناة ليل ونهاار... لحيااة لي ولا عايش معاها مل منهاا وفعلا طلعاات ليه فرااس...عاد زيد عليهاا لحالة لي ولاو فيهاا بجوج عايشين فدار وحدة وواحد فيهم مكايهضر مع واحد...علااقتهم بردت بواحد الدرجة خيالية...وعاد مرضهاا زااد الطين بلة..وخلا لأمور بيناتهم تزيد تازم أكتر وكتر....

عبدو كان كان كالس فالقهوة ديال الدرب كايرشف من كااسو بهدووء وكايفكر فالمنظر لي شااف ديال مهدي وملااك من نهاار شافهم ماخرجش ليه من الرااس ... معاارفش شنو خاصو يدير صحييح هو عطا لراسو وعد مايقربش لساحتهاا ويخليهاا فحاالها تعيش حيااتهاا وتكون سعيدة ولكن هاادشي كاان مني كان متأكد انهاا هانية فحيااتهاا ومع راجل كايبغيهاا ويستاهلهاا وغاتكون فرحاانة معاه وكايتبادلو نفس المشاعر ... ماشي داباا مني عرف راجلهاا شمااتة ومايسواااش .. هنا حاجة اخرى ... هادشي خلااه يتلف ومايعرف شنو يدير من جهة قلبو مامخليهش يدير بحال الا ما طرا وااالو ومن جهة عقلوو لي كايقولييه نتا ماعندك دخل فهاد الموضوع .. الحيرة قاتلااه ومخلياه ما يركز فواالو بالمرة ...

هز عينو وهو يبان ليه منير جاي لجيهتوو .. ابتاسم ليه : اهلا اصحبي ؟؟ ..

منير طالعة ليه : اهلاا ... صافا ؟؟ ...

عبدو : الحمد لله ... مالك نتاا طالعة لييك اش تم !؟ ...

دار عندو شااعل : مشيت عندك للمحال باش نشوفك ولقيت داك خيي تما ...

عبدو باستغراب : شكون هاذااا ؟؟؟ ...

منير خصر كمارتوو : ولد خالتك ولا ماعرفت اش كايجيك كاااع ...

عبدو مافهمش : اييه ولايني مالو شنو دار ليك حتى كادوي عليه هاكاا بالجهاالة ... ياكمااا قاليك شي حاجة ماهياش!

منير خنزر " : وكيفاش غاندوي عليه بالسلاامة ... غير جااا وضار براانيااا وتصاحب معاها كان طالب علييها مالقى معاامن غير هي ...

عبدو صغر عينو : كيفاااش مافهمتش .. شش شكااتخور نتااا ؟؟

منير : كاندوي معااك ... زعما معارفش شنو بينااتهم ... راااه هي قالتها ليا بفمهاا هي وياااه .... ( كرز على سنانو ): لي سمعهاا كانت تدوي على الحب يقول عمرها تشوف غيري مكاملاش شهر شاافت ليها البديل وعايشة معاه لافي ...

عبدو رمش مفااهم واالو : وااش نتاا داوي من نيتك ... كيفاش قاالتها ليك هي ... شنو قاالت لييك؟؟ ... خربقتيني برب ...

منير : ورااه داوي معااك من نيتي اسااط .. داك النهار كنت داوي معااهاا وهو يوقف علينااا بحال جن ..بدا يتهز عليا ويتخبط ودار فيهاا شي شوفات تقول ضرب بيها الكاغيط وهي غير شاافتوو وهي طير عندو قداامي وكاتغوت ليه حبيبي من الفوق ...

عبدو خرج عينو : حبيبي !!! .. واش نتتااا متأكد راااه سيموو ... ( هز حاجبو مفاهم تا وزة من هادشي ): العجب!! ...

منير : لا كانتخااايل ... رااه هو اصحبي ... ولكن رااه مغاديش نخليهاا لييه ... رانيا من اللول ديااالي ومغانتهنى حتى ترجع ليا ...

عبدو هز فيه حاجبو : كيفااش دياالك مااال حسك داوي على مونيكة ديااالك قاالك! .. وهاهي كاانت معاه اصلاا شنو دخلك فيهاا ياك نتاا لي غير شفتي غيرها سستيها وزدتي .. ولا عاد حلاات لييك .. ( بتحدير ): شنو بينهااا وبين سيمو ماعندي فيه غراض ولكن نتاا وياهاا واخا تلااقاا السما مع الارض مغاانخليكش تعااود ضحك عليهااا وتلعب بقلبها ديرهااا فمخك .. ( نااض ساخط ):، وديك الهضرة ديال ديالي انا لول كوولهاا حيت هي ماشي لعبة عندك مني تمل منها تسوسها ومني تقنط تاني تعاود ترجعهااا ...

جبد من جيبو الفلوس مخاطب مول القهوة : هااا خلااصك وجيب معاك شي نص نص لمنير يرد بيها المجاااج ...

زاد من تماا خاشي يدو فجيبو ماعاجبو حااال سوا من الهضرة لي سمع من منير ولا من داكشي لي كان يفكر فيه قبل ...

كانت ملاك ݣالسة على سرير...كاتحرك رجليهااا بجهد كدليل على التوتر لي حاسة بيه فداخل ديالهاا... طرطقات عنقهاا و نااضت تقابلات مع لمراية مسحاات على شعرهاا بشوية...خداات نفس عميق وزفراتو بمهل كتحاول ترتب بيه أفكارهاا...حلات صاكهااا وخدات منو اختباار الحمل...طولات فيه النظر لي لحضات...بتسمات بخفوت حاطة يديهاا على كرشها و بخطوات سريعة تشجعاات و مشات ديريكت لحماام...

مرت دقائق من بعد ماجهزات تيست...حطااتو فوق لافابو وطولات فيه الشوفة بتدقيق...قلبهااا كاايضرب على جهدو و دقاتو تسرعو ومشاعرهاا مخلطة فديك اللحضة وهياا كاتسنى على جمرة تطلع النتيجة..

دخل مهدي لبيت نعاس...لقاا خنساء كاطوي فحوايج التصبين ديالهاا ومخلياا ليه حوايجو متجاهلاهم...دارت شافت فيه بنفخة شوفة ناقصة مامهضراهش ورجعات كاطوي معاطياه حتاا إهتماام مامسوقااش ليه...

قرب لعندهاا بهدوء ݣلس حداهاا وقال:كيف كاتحسي دابا مزيان؟؟!

ردت عليه بإجاز:هاد لمدة لي ماشفتش فيهاا كمارتك راني بخير وعلى خير..نحمد الله ونشكرو...

مهدي خرج تنهيدة حارقة من صدرو سكت تواني ونطق: معرفتش شنو وقع بيناتناا حتا ولا هاد لجفااف مسيطر على علاقتنا...شنو طرى حتى تبدل كلشي...واش لهاد الدرجة مابقااش عندنا لأمل نرجعو كيف كنااا؟!!...

جوباتو ببرود قوي:مهدي راك غير كاتعيي راسك بلا فايدة...الى كنتي غاتناقش معاياا على طلاقناا مرحباا...ماكنتيش ماتدويني ماتهضرني...حيت هضرتك ولاات كاتدخل من لودن وكاتخرج من لخرى...

مهدي ساط بعصبية:واش نتي كلمة جوج طلااق...هو لي كاين ففمك؟؟واش مباغاش تفهمي ولا كاديري فيهاا مكلخة..ولاا واقلة دوك لي ساكنينك جمكوك؟!!(زاد على صوتو)راني كانبغيييك البشااار وكاانبغييييك

خنساء زادت فيكساات عينيهاا فعينيه وقالت بنبرة قاسية:ماعندي مااانفهم...تسلات ليا معاك لفهاامة شحااال هادي... داباا عطيني بتيسااع...وخليناا نفرتكوو هااد تزويجة لملاوطة بلاصدااع بلامشاكيل...

قرب لعندهاا بغاا يشد فيديها وهياا تجرهاا لعندهاا ناتراها:جمع عليا يدك ماتقيسنيش...

رجع يديه لعنندو مخرج نفسو بضيق وقال برجاء:اناا مزاوݣ فيك طلاق لاا..شحال من مرة غانبقا نطلب فيك ونقوليك صافي نساي؟!!(شافهاا حركات راسهاا بلاحول وكمل بتوسل)عطيني فرصة ... هانتي احبيبتي..خلينا ندويو غير بلعقل ونقادو لأمور بيناتنا...

خنساء هزات لحوايج لي طوات بغات ترجعهم لبلاكار..ناضت وقفات وقالت بنبرة مرتاافعة :مابقااا عندنااا فااش ندويو...ساالينااا...ونقولها ليك أمهدي...نموووت...شتي نموووت ومانرجعش ليك...

كملات هضرتهاا لي سمماتو بلمزياان وزادت...مهدي رمش بتتاقل ضاغط على قبضة يديه...عارف غاكيكب لماا فرملة معاها...قلبهااا رجع حجرة قااسحة....ويلى كايضن غايلقاا معاها شي تخريجة وترطاب ليه بلخصوص مع وحدة راسهاا قاسح مكاتساهلش و مصاحبة مع لغنان بحال خنسااء فغايكون غير كايرهق فراسو...

ناض حتاا هو وقف...ونطق بنبرة تابتة معندوش حل اخر:جمعي حوايجك..انا شوية غانرجع باش نوصلك لدااركم....

خنسااء دارت بلعرض البطئ هازة فيه حاجبهاا مامصدقاااش بلمرة اخر جملة قالهااا...

دازت دقائق معدودة وملاك باقة على نفس لوضعية...كاتشوف فإختبار الحمل مدققة فيه انضارهااا...تواني وهياا تلمح واحد لخط بداا لونو أحمر كايوضااح شوية بشوية على لجهااز...هزااتو بيديهاا لي كايترعدوو وهياا كاتسنى لخط التاني يباان...طولاات فيه النضر كاتسنى عاضة على شفايفها مفيكسياا عينيهاا عليه بلا ماتبعدهم نهائيا...ولكن ماطلع والو...خط واحد لي بان كادليل على عدم حملهاا...مسحات على شعرهاا بخيبة أمل...وضرباات بداك تست لأرض رادخاه بعصبية...تغددات ووجهاا رجع حمر و دمووع محجرين فعينيهاا مامتقبلاش نهائيا انا خطتهاا فشلاات...

خنسااء دارت بلعرض البطئ هازة فيه حاجبهاا مامصدقاااش بلمرة اخر جملة قالهااا...

قرب لعندهاا بخطوات قلال ووقف مقابل معاها...هياا بقاات واقفة جامدة فبلاصتهاا ملاميحهاا تبدلو لستفهاام.. متفاجئة...فعلا كانت كاتسناها ودايرة لمستحيل باش توصل لنهار لي يهزها فيه ويحطها فدارهم...ولكن جاتهاا عجب فكيفاش قبل بهاد السرعة...

صغرات فيه عينيها بتشكيك...اكيد لهضرة ماديالوش...بااينة اقتانع من شي قنت أخرى...حيت هياا عارفاه مايمكنش يخليهاا تغيب على عينيه دقيقة وحدة...

نطق مهدي بهدوء كأنو مفيقهااا:ولكن ماتفرحيش بزااف...غادي تمشي غير شي أيام وترجعي لداارك..حيت بلاصتك هنااا الغزالة ديالي ماشي فجهة أخرى...

خنساء ماتنكرش انهاا فرحات بزاف فداخلها حيت داكشي لي كانت باغة توصل ليه راه وصلاتو....

شافت فيه مخنزة وقالت:شتك تايق فراسك...

مهدي هز على كتفو:زعما؟!!هادشي لي بان ليك؟؟وعلاش ماتقوليش تايق فحبناا لي معمرو غايسالي...حيت نتي لياا بوحدي وغاتبقااي لياا...

خنساء:الى كايسحاااب ليك غانرجع ليك شي نهار...فبربي راك كاتحلم..كااااتحلم

مهدي بنفس النبرة:ماشي بخاطرك أمراتي لحبيبة...

زادت خنزرات فيه مخسرة فيه الشوفة بلا ماتنطق...قرب لعندهاا طول يديه وحطهاا على شعرهاا المطلوق واخد منو خصلة لاويهاا على صبعو...

وقال بنبرة مستفزة: الى مابغيتيش ترجعي ليا بخاطرك فاغترجعي بزز منك...حيت غادي ندعيك لبيت طاعة...ونقوليهم مرتي مخليا دارها هكاك باطل مناقصها حتاا خير... وخرجات منهاا...وقولي ليااا دابا لقاضي ملي غايسمع هاد لهضرة...فصف من غاايجي...وشكون لي غادي ينصف فينا ...انا ولا نتي...مممم؟!!

خنساء طولاات فيه شوفة للحضات...عاد عرفات كمية السداجة لي كانت عليهاا واحد الوقت ملي بغاتو وتغرات بحبو الخادع وهضرتو الحلوة وغزلو لي مكانش كاتسالا...كأنو كان كايتبتهاا بتزواقو قبل مايحيد المااسك من عليه ويبان على حقيقتو...

سكتات تواني و هياا توسع ضحكتهااا بستهزااء:هههه خلعيتني...شوف شوف وليتي كلي كانترعد...(عودات رجعات تعابير ملاميحهاا لجمود) سير سير بلا ماتعطلني بهضرتك لخاوية...اناا غانجمع حوايجي ونهبط

مهدي طلعهاا ونزلهاا..وزااد..فداخلو مراضيش تماما انو خلاهاا تمشي بإرادتو...ولكن مخلااتش ليه خيار أخر..

خنسااء غير خرج وهياا طير طلعات فوق سرير كاتنقز وتضحك بلفرحة بحال شي بنت صغيرة تعطاتها شي لعبة كانت كاتسناها من شحال توصلها...

فرحانة بلاقيااس حيت خطتهاا غادة كما ينبغي...

مشات ديريكت لبلاكار ...اول حاجة بادية بيهاا هياا سامسونيط تجمع فيهاا أغراضهاا التمينة كلهاا.. هزات دهبهاا ومجوهرتهاا الغالية وكدواتهاا الرفيعة لي ساوية التمن مع شي فلوس كانت تيراتهم من لابونك ومصرفاتهمش دارتهم فيهاا..وخدات لكاغط بونكيغ سوى لخاصة بيهاا ولا لي داير ليهاا مهدي دارتهم فبزطامهاا....وعااد هزات حوايجهاا كاملين بلخف لاحتهم فوق سرير وخدات شانطتها لكبيرة ستفات فيها لميكاب ديالهاا وعطورهاا ولبرودوياات لي كاتستعمل كلهم جمعاتهم حتاا هماا...سداتهااا من بعد ما قدات فيهاا سامصونيط باش ماتبانش ليه... سالات ودورات عينيهاا على لبيت لقات راسهاا مشطباه كامل...لبساات عليهاا بزربة هزات صاكهاا...وجرات الشانطة معاها...يلاه غاتخرج وهيا تعاود دور كاتشوف فلمكان...داك لمكان لي شهد على حبهم...لي شهد على شحال من حاجة زوينة كانت كاتجمعهم... كادور عينيهاا كانهاا كاتودعو بنضراتهاا...شوية وهيا تبتاسم بجنب...مابقاش فيهاا لحال...بلعكس كانت هادئة مهامهااش انهاا غاتمشي...انهاا مابقاتش غاترجع...انهاا غاتعطي بضهر لحياة كانت عايشاها من قبل وتبدا حيااة جديد بعيدا على واحد الانسان لي عطاتو قلبهاا وحباتو من اعماقهاا...ولكن مالقات عندو فلمقابل الى الخيانة والغدر...

خدات نفس معمق مرجعة بعض من خصلات شعرهاا المطلوق ورى كتفهااا...بنسبة ليهاا ضربة مطيحاتهااش ولكن رجعاتها قوية كتر من قبل...لمهم عندهاا ماشي هيا تمشي ولكن انهاا غاتحرر من لقيود لي كانو حاكمينهاا...و غاترجع خنساء لقديمة لي هامهاا راسهاا اولا عاد لأخر...مكاتضعاافش قدام لي جا قدامها وتستسلم ولأهم انهاا غاتنتاقم فكل من ضلمهاا وكان سباب فأنو يخلي دمعتهاا تسيل...ويخلص ثمن غاالي مع فعلتو معاها...

المهدي وخنساء دخلو للداار وهو هاز فيدو الشانطا ديااالهاا قدها قدااااش تقريباا حوايجهاا كلهم فيهم خلاات غير شي حاجة قليلة تحت نظرات نسرين لي رحبات بيهم وعينها غير على دوك الباليزات عرفات القضة حامضة ... غير وصلو للصالون كانت نصيرة متكية تماا باقا رجلها كاتعطيها الحرييق كاتحركهاا غير بزز ... ابتاسمات مني شافتهم ونطقات بترحيب :اهلاا اهلاا ... زارتنا البراكة ( مع دورات عينيها جهة المهدي لي بان ليها شنو هاز وهي تبدا تلاشى ضحكتها بشوية بشوية وقرمات حجباانهاا ... السكار طاح ليها فديك اللحظة ) ...

خنساء قربات بهدوء سلمات عليها بلا حتى كلمة وكلسات حداهاا ...

المهدي حتى هو سلم : اهلا لالة نصيرة كيف بقيتي شوية ؟؟ ..

نصيرة بالها غير مع الباليزات : الحمد لله اوليدي شوية نتا لابااس ؟؟؟ ... مالين الدار ؟؟؟

المهدي : بيخير يسول فيك الخير كايسلمو عليك ...

نصيرة : يسلم عليهم الخير اوليدي كلس ماالك وااقف ؟؟ ...

المهدي : لااا خاصني نمشي للخدمة .. جبت غير خنسااء بغات تكلس ترتاح شوية هنا ... عيانة وبغاات تبدل الجو ...

نصيرة شافت فيها وهي ضاربة الطم ساقرة مفيكسيا عينيها فجهة وحدة مرفووعة مكادويش وعينيهاا فالتين : اييه اوليدي مرحبا بيهاا غير هو ياكما وكان كاين شي باااس ؟؟ ...

المهدي بنفي : لا لا مكاين والو ... غي راكي عارفاهاا كاتوحشكم دغياا ... ومؤخرااا راكي عارفة نفسيتها كيف دايرة مع لي وقع قلت هناا غاترتاح كتر وسطكم ومنهااا تبدل الحيووط ... ( شاف فخنساء ): يااك احبيبة ...

مجاوباتو بحتى كلمة وماشافتش فيه اصلاا مشوكية فبلاااصتها وكاتشوف فنفس الجهة بحال شي مصدوومة مرفوووعة كاترمش بتتقال تحت نظرات نصيرة ونسرين لي جاتهم فشي شكل ...

المهدي محاول يتهرب مافيه مايبدا يفسر ويبرراكيد مغايساليش : المهم خليتكم على خير هاد السااعة حتى نرجع من بعد ...

نصيرة بايجااب : واخا اوليدي الله يعااونك ...

نسرين : انا نوصل معاك للباب ...

ابتاسم ليها بلباقة وزاد خرج من تما ونسرين سدات الباب وراااه ودخلااات كاتجري للصالون باش تعرف اش واااقع ...

نسرين بتساؤل : خنساااء يااك لاابااس ... ماتقوليش ليا كبتيها مع راجلك تااني ...

خنساء بقات على نفس الحاالة مكاتجاوبش تقول شاداها اللقوة كاتشوف فجهة وحدة فالفرااغ

نصيرة قربات ليها محركااهاا باش تستعقل : خنساء بنتي بسم الله علييك ... الرجوع الله ...

عاد خنساء شافت فيهاا ونطقات بنبرة هادية : عيانة اعمتي ... بغيت نرتاح شوية ...

نصيرة شافتهااا كاتدوي بسخفة باينة ضاربة فيها حتى للجدر واصلااا هي غير شاافت الشانكات كحلات بالعملا عارفة بيلاا شي حاجة تما ... طبطبات عليهاا مخليااهاا ترد فيها النفس بعداا عاد تدوي معاهااا ...

نسرين رمشاات فيهاا : غير الله يحضر السلامة وصافي ... القضية باااينة حااامية من هاد الدخلة ...

نصيرة خنزرات فيهاا بنهضة : اللقوة فداك الفم لي كايطلق غير القطراان سيري شوفي غدااك رااه غايتحرق ... شوية ويدخل عصاام وعطييه النابوبي والهضرة الخااوية ...

نسرين هزات على كتافهاا : راجلي مجايش لغداا خداام ....

نصيرة :غير هو مجايش حنا مناكلوهش تاكلي جغديد .. سيري شوفي ماتقضي

نسرين : هااااهي غاادة ... نتي تشعل فيك العافية وبرديها فنسريين ...

زادت من تماا ونصيرة متبعة ليهاا العين كاتنكر : الله يخليه كنس بالخلاا ... موصيبة هاادي بلانا بيها الله ... غير نجاة تهناة منك وطليناك حنا بخخخخ

شافت جهة خنساء لي ابدا ماحركاتش ساكن غير كالسة وصاقلة ضاربة الطم مخليااهم يشرقوا ولا يغربوو على خااطرهم ... نصيرة خرجات نفس بعمق مسموع خايفة من لي جاااي ومتأكدة ان القضية موحاال تخرح سالمة غير من هااد السقيل ديال بنت خوهااا لي معاجبهاش بالمرة وسلتة لي ضربهاا مهدي باش مايعطيهااش راس الخيط وحط الدرية وزاد مخليها على غير العادة...

كانت نسرين يلاه خرجات من لمخبزة..خداات لي خاصهاا باش يديرو كسكروط مخلياا عصام يلاه جا من لخدمة... خلصاات وخرجاات...مع لخرجة وهياا تلاقا مع عتيقة حتاا هياا جاية تقداا لكسكروط...سلمات عليهاا وقالت مبتاسمة:اهلا خالتي عتيقة لاباس عليك امورك هانية؟!

عتيقة بإجاب:لحمد الله ابنتي ونتي وناسك وراجلك وواحد نجاة ياك لاباس؟

نسرين:لحمد الله سول فيك لخير وربااح...

ردت عليها برجاء:اربي واحد خنساء كيف بقات شوية؟!!

نسرين:لا لا شوية..راك عارفة لمرى الى خسر ليها بنادم راه ولات تنوض فسيمانتهاا كاتصح وتولي صحة سلام هههه...

عتيقة: لاا كيف بقاات من شي لاخر؟؟!

جوباتهاا بعدم فهم: اشمن شي أخر اخالتي مافهمتش؟؟

عتيقة وسعاات نضرتهاا فيهاا:اويلي ياك بنتي لي دات ليهاا الفقيه السوسي بيديهاا حتاا لدار...علاه مافخباركم واالو؟؟! خباات عليكم!!

نسرين حركاات راسهاا بنفي وقالت:لا حنا مافراسناا حتاا حاجة؟!!كيفااش لفقيه..علاه شنو واقع ليهاا!!

عتيقه دارت راسهاا مصدومة ونطقات عاضة على جنب شفايفهاا:اويلي عنداك تكون مباغة تقوليكم والو وتشطنكم وانا فضحتهاا...(ندبات خدها)اويلي اشدرت...

نسرين:داباا راك هضرتي ولي عطا الله عطاه...بلعكس مايبقاش فيك لحال نتي راك قلتي لينا لي كاين حنا والله مكان فراسنا شي حاجة...حدهاا جابها راجلهاا ليوم وهيا مكادوي مكاتكلم قاطعة لحس بلمرة...(كملات متساؤل بفضول) شنو قاليها لفقيه ملي داتو رانيا لعندها؟؟

عتيقة تنهدات وقالت:احيااني يابنيتي وشنو قاليهاا الفقيه...غير الله يكون من حالها وصاافي...(خفضاات صوتهاا كملات بحدر)تقاست مسكينة..

نسرين وسعات نضرتهاا ونطقات بلا ماتحس بصدمة:اويلي..

عتيقة:ششش هضري بشوية...(زادت جراتهاا لعندها وهمساات فودنها)

ياربي سلامة مقلناهش هناا تملكات وملكوهاا تلاتة...

نسرين بلعاات ريقهاا بصعووبة ودنيهاا صفرو وزغب تاع شعرهاا وقف من داكشي لي سمعات...لسانهاا تربط مابقات قادرة ترد عليهاا بحتا كلمة...

عتيقة مسحت على دراع نسرين:متخافوش عليهاا دابا يفوتهاا لحال...وملي متبعة مع لفقيه راه غاتصح ان شاء الله...(كملاات بتاكيد) ولكن عنداك تشطنيهم ابنيتي...عرفي كيفاش تهضري الله يرضي عليك...

نسرين رجعات لوعيهاا مابقاتش كاتسمع كليماتهاا الاخيرة نهائيا... نطقاات وهياا غادة:الله يعونك خاصني نمشي...

مشاات بخطوات سريعة بطا عليهاا امتا توصل لدار حامية فيها لبيضة بلمعقول ...بقاات متباعهاا عتيقة بطرف عينها حتاا بعدات عليها بشكل واضح...

هزات تيليفون ودوزاات لخط لرانياا..

لي تواني حتا جوباتهاا كأنها كاتسنى فإتصالهاا:امضرا اماما؟!!

عتيقة:صافي راني قلت ليهاا داكشي لي قلتي لياا...

رنياا بتسماات:الله يخليك لياا الحبيبة دياالي...

عتيقه:ودابا يابنيتي نبغي نجي نلقاا ديك كيلو تاع لبهلة وكيلو تلفقااص معجوونين وكايطيبو...وعندااك تحرقي شي لاطة عندااااك هاودني...

رانيا:واخاا اماما كوني هانية غاتلقايهم فسوبيرة غارتاحي لياا..

عتيقه:اوى هاكاك...يلاه بسلامة...

قطعات لخط ورانيااا بزربة سيفطات ميساج لخنساء...

رانيا تكات على سريرهاا براحة مني عرفات غرضها تقضى وبالخف هزات تليفونهاا سيفطات ميسااج لخنسااء : 💬💬 فرحي يالالة وسعدي ياا لالة ... رااه غراضك تقضى وماما زندات المجمر لنسرين وحتى هي راه غير درمتهااا فهادشي ... قلت ليها رااه خنساء مقاداش تقولها ليهم لاهماا نتي تقوليها لنسرين باااش تكون فخبارهم باش يعاونوها ويسايسو معااهااا وديري الاجر ورشيتها بواحد شوية الحلوة نقادها ليهاا ومع الحنانة ماطيرياليست عندي دغيا زربت عليها ... ايواا دابااا نتي نوبتك ...

خنساء كانت كالسة فبيتها كاتبدل عليها حوايجهاا ونصيرة غير جا عصام جراتو للبيت الفوق تدوي معااه عرفااتهاا غاتبغي تستفسرو ... شافت الميساج ديال رانيا وابتااسماات ... زادت وسااعت ضحكتها مني سمعاات نسرين زدحاات باب الدار وطلعاات فالدروج كااتجري مستحيل تقد تصبر وتسكت ..

نسرين تقدماات لبيت نصيرة وحلاات الباب فزعااتهم وهما كايهضرو

نصيرة خنزرات فيها : ربي ابنتي ماالكي كلك مفاافية وحتى حاجة ماعندك مقااادة ... واش مكاتعرفيش سيااسة والتقاالة .. ها العاار منييين جاايبة هاد الخفة ...

نسرين شدات على صدرهاا لي كايطلع وينزل بكترة ما جات بالزربة : كادويو على خنساااء ؟؟؟ ...

عصام هز حاجبو : اييه عليهاا بردي ... بغيناا نعرفواا علاش هاد المجية ديالها هاكا على غفلة وبحوايجهاا .. مزياان دابا ارتاحيتي واا رخفي فيك النفس ونتي غاتموتي بالفضول شي نهاار ...

نسرين ميقات فيهم وسدات وراها البااب : ايواا نوضو على سلااامتكم الخبار لي باغين تعرفوا راها عندي ... وحنا اخر من يعلم ...

نصيرة صغرات فيها عينيها : اش كاتقولي نتيي ...شوفي هاااااه ... هادا الدخول والتزواق فالكلاام دياالك ماعنديش معااه ... كوني ديكوردبة وجيني نيشان اش هادشي لي معارفينش !!! ...

نسرين كلسات حداهاا ونطقاات : ايوااا الالة راااه سيدكم نسيبكم المهدي المصووون مول الاصل والشرف والعرف والاصول ... غير عرف خنسااء مريضة وهو يجيبها لهنااا ودار سبة بانها بغاات ترتاح وهو راه هو لي بغاا يرتاح منهاا ...

عصام خصر فيها كمارتو : مرييضة !! ... مافهمتش شنو باغااا تقصدي؟؟؟ ... ( خلعاتو بكلمة مريضة وهو ينهض فيها ): طلقيناااا

نسرين عوجات قنوفتها وتنهداات وبدات تعاااود ليهم كلشي من زيييرو ... وداكشي لي قااالت ليهااا عتيقة بالضبط مانساات حتى كلمة تقول حفضاتو ليهاااا ...

نصيرة ضربااات على فخااضهااا : اويلي على غدااااااايدي .... اويلي على الميمون العور لي عند بنتي ... اويلي على مملوكة وساكنينها تلاااتة ... ( شدات راسهاا بالغداايد ،): ميمتي وعلى زهر عندهااا وفين طان مخبي ليها هاادشي ...

عصاام هز حاجبو فيها : ونتي شكون قالك هو لي بغا يجيبها وماشي هي لي بغااات تجي ؟؟؟!! ...

نسرين : هاااء ورااهاا بااينة الرجاال كاملين كنس وااحد ... نهار تكون المرا بصحتهاا كاتكون عندهم لالة العياالااات ونهاار كاتقلاال ليها الصحة مكايعقلووش عليهاا وكاتقل علييهم ...

خنزر فيها : سكتي نتي الله يرحم ليك الواليدين انا هاد الهضرة مال مادخلااتش ليا لرااسي ... خاص ضروري ندوي مع خنساء ونعرف اش واقع بالضبط ..

نصيرة باقا كاتندب : اميمتي وانا نقول مال البنت مني جاات وهي مرفوووعة ... لااا لاااا هادي دقتهاا صحيييحة والدعوة لي خاارجة فيها مولااهاا ماستغفرش ... ميمتي واش هااد الزهر اميمتي ... وعااد قالت بسم الله ماجاات فين تخرج من غصة ولدها لي طاااح وزاادها هاادي ... الله على كبيدتي هازة الدقة وسااكتة عليهااا ..

عصام تنهد شاد على راسو صحيح هو ماعندوش مع هاد الخزعبيلااات ولكن كيأمن ان المس ممكن يوقع لاي وااحد وماشي شي حاجة لي مكاينااش ... خايف ان هادشي ياتر بزاف على خنساء ويصدقوا واصلين لحوايج كبر ...و لي مبرزكو فرااسو كتر هو تكون هضرة نسرين صحيحة ويكون بصح المهدي دار هاكااا وساس مراتو فنص الطريق من اول عترة ...

باقي غايس فافكاارو حتى قفزهم صوت غوتة حاارة جااياا من بيت خنساااء ناضو على اترهاا مخلوعين بتلااتة ...

نصيرة مخرجة عينيهاا : صوت ختك هاداا ... اويلي حاااي ...

زادو كايتجاراو كامليين متاابعين لبيت خنساااء ...

غير وصلو لبيت خنسااء وهي يلقااوها مرمية فالارض كاتركل وتغوت بهستيرية وتنتف فرااسهاا فحااال شي هبيييلة وتلوااا ليهم ...

نصيرة شافت حالهاا و خرجات عينيها الماا نزل ليها للركابي ... دغيا طااحت عليهاا محاولة تشدها : بسم الله عليك ... بسم الله الرحمن الرحيم ... الرجوع الله ابنيتي

عصاام قرب ليهاا : ماالهاااا .. خنسااء ؟؟؟؟ ... خنسااء !!رجوع الله ..

وهي كاضرب وتغوت لربي لي خلقهاااا وتركل ليهم فحااال شي مسعوورة وتقلب فعينيهااا بطريقة جنوونية خلااتهم مصدومين معارفين بااش تبلاااو

نصيرة بالغوات مخاطبة عصام : شدهااا باش ماتأديش رااسهاا ... حكمها معايا الله يرضي عليك ...

عصاام شدهاا مكاليهاا بيديه كايحااول يغلب جهدو على جهدهاا بااش تكاالمااا وماتضربش راااسهاااا وهي كاتنتر وتنتف فشعرهااا بطريقو ماشي طبيييعية وتبيض فعينيهااااا تقول ضربها جن كحل ... فحال الا فيها عشرة كأنها موااعياااش على شنو كاااادير ...

نسرين مشاات كاتجري للشرجم مخلووعة من حاالهاا بزاااف طرقااتووو مفاافية لايسمعهم شي حد وتولي سيرتها على كل لسااااان ... وبالخف دازت للقرعة لي فوق الكواافوز هزاات منهااا كاس ديال الماا مدااتووو لنصيرة ...

عصاام نزلهاا للارض محكم فيهاا وهي كاتبكي ودووعهاااا يسيلووو وتجدب ديااال المعقوول ... بدااات ترش عليهاا شوية دياال المااا وهزااات سواااارت داارتهم ليهاا فيدهاا وكاتقراا ليها القرأن عند رااسهااا بااش تهدن ... مدة وهي على نفس الحالل عاد بداات ترخااا بشوية بشوية بين درااع عصااام وتلااشى قوااهااا فحضنوو .... حتى غاابت سخفااانة مغمضة عينيهااا ...

نسرين عضات على شفايفهاا : غير الله يشوف من حاالهااا ... هادشي لي فيهاا جاهل ...

نصيرة خنزراات فيهااا مغددة اصلااا : الله يعطيك اللقوة ... يا قولي شي حاجة مقاادة يا سكتي هااا عااار اللله ... تريكة الملااااوطة يخخخ ...

شافت فعصام : هزهاا اوليدي حطهااا ففراشهااا ترتاح ... ضروري خاصني نبطر بيهاا ولا غاضيع مننااا ... انا مانصيبش نصبر هااكاااا ... مانقدش ...

عصاام هزهاا وحطهاا فوق السرير وهي كاتنين بصوت خاافت بكلمات غير مفهوومة كانها معاقلااش .. نطق : خليوهاا ترتاح بعدااا .. البنت عيااانة ... ( تنهد مشفيااه حاالهااا ولكن مقاادش يتيق انها بصح مسكونة ولا ضاربها شي جن مامستوعبهاش بالمرة ) ...

نصيرة ردات عليها الغطاا : جيبي ليهااا شي موس حطيه تحت مخدتهااا وخليها تنعس شوية ... ( شافت فنسرين لي عاقدة غوباشتها فيها ونهضات فيها مخنزرة ): راااني دااوية معاااك ...

نسرين ميقاات : هاني غاادة ...

نصيرة : هي داااباااا ... طيري طلقينااا ...

نسرين زادت من تمااا وعصاام خرج حتى هو لبيتوو كايتنهد وراسو زاند عليه بقوة التفكييير .. اما نصيرة حطات ليها الموس تحت مخدتهاااا كيف كانو يديرو زمااان وحطات يدها على راسهاا كاتقرا عليها شوية القرأن حتى حسات بيهااا ترخاات ومابقاتش تنين ونااضت مخليااهاا وراها ترتاح ...

خنساء دوزات العشية كاملة فبيتها وحتى هما خلااوها ترتااح من مور داكشي لي وقع ... جا العربي وعاودو ليه كلشي بالتفصيل ... خنسااء بدلات عليهاا حواايجهااا وقادات شوية شعرهااا خلات وجهها عادي وهبطااات كاتشمشم فريحة الطياب عرفات نصيرة لي موجدة العشاا ريحتو فايحة لي فيها مايهنيها واخا تكون عياانة كاتنوض تكابر ... تقدمات للصالون لقاتهم مجموعين ...

العربي شافها ابتاسم :خنيستي .. لاباس عليك ...

ابتاسمات ليه وقربات حداه باست على يدو : الحمد لله اباا ونتا بيخير ؟؟ ...

طبطب على كتفها برضى : الحمد لله ابنيتي ... كيف بقيتي شوية بعداا ..

ابتاسمات بخفووت : انا بيخير ماتشطنش رااسك معاياا ....

عصام بهدوء محاول يطلع ليها المورال : كاتباني منورة هاد العشية ( غمزها ): اش هاد الزين كامل ..

ضحكات ليه : ههههه يااك .... منين جاني هادشي ... زيننا سلااالة هههه

العربي تنهد مخاطبها : وعلاش ابنيتي ماقلتيش لينا رااك عيانة ومريضة ... علاش تخلينا نسمعوها من البراني ...

خنساء بلعات ريقها ماكرهاتش تصارحو وهو باين حزنو عليها تقولو انا ابا مامريضة ماا واالو ولاايني ماتقدش خاصها ضروري تكمل باش توصل للي بغات والا كلشي غايضيع منهااا ... تنهدات مخرجة النفس بعمق بحال الا غارقين ليها البااابر ودغياا غرغرو عينبهاا بتبوحييط نطقاات بنبرة مخنوقة : غير مابغيتش نبرزطكم معاياا اباااا ...

العربي بعتاب : علاااه ابنتي كاين شي حد كايبرزطوه ولاادو ... علااه حنا ماشي عائلتك ولي ضراتك ضرااتنااا ...

خنساء هزات فيه عينيها الدمعاانين كاتشوف فيه بنظرات تقطع القلب وتدوب التلج : عاارفة اباا وكنت باغاا نقولها ليكم ولاايني .. ( قطعات الهضرة ) ...

عصام باستغراب : ولايني شنووو ؟؟؟ كملي كلااامك ؟؟؟ ..

خنساء نزلاااات دمعاات خفاف على خدهاا لي شافهاا يقول السيدة مضلووومة وتحلف عليهااا يلااامقهورة بصح وماشي كاتمتل : هء... فصرااحة حتى المهدي قالي بلااش ماتقوليها ليهم .. مكاين لااااش وماخلااانيييش

العربي خنزر هاز على حاجبو بغضب : وعللاش بالسلااامة مايخليكش تعااودي ليناا علاا حناا برانيين علييك ... شكون هو فملك ربي لي يقوليك ماتخبريش دااركم بلي وااقع ليك ( بعصبية ضارب يد على يد ): وزاايدون انا هااد المجية لي جااا خفاا زرباا وحطك وزاااد بلاا هضرة بلااا كلاام ماعجباتنيش... ماشي فعاايل ولااد الناااس اش هاااد اللعب .... يزيد ويعطيك بالظهر بلاما يسمعناا لغاااا ... سلعة نتي عندو ولاا كيفاااش ...

عصام حك على لحيتو كايتنهد ما عرف مايقول ونصيرة كاتنهد بعمق حاسة براسهااا محصرة على بنت خوهاا ...

خنسااء دبلاات فيهم عينيهااا كاتمسكن : اصلااا هو مابقااش هاامووو.... ( تقطعاات فيها الهضرة بالدموع ): مااعندو .. غراااض فياا ...هء هء

نزلااات دمووعهاا شلااال وشداات على فمهااا كاتشهق وتبكي وزادت نااضت من حدااهم كااتنين وتلهط تقول السيدة طايح عليها هم الدنياا والدين خلااااتهم وراهااا قلوبهم كااتقطع وطلعاات تجري لبيتهااا ... متبعين ليها العين ومصدومين من حالهااا .. خلاتهم فدواامة من الافكار حتى واحد فيهم ما متقبل تصرف مهدي والا مصروط لييه وعااد حيرااتهم بصمتهاا لي بااين من وراااه هازة حزن كبيير .. عرفاات تخليهم كامليين يتقلبو ضد المهدي بجوج كلمات وشوية الدموع وتحننهم فيها باش هاكا تسهال عليها الطريق كتر

نصيرة جاتهاا البكية : الله على البنت مقهوورة ..

العربي بغدة : هاد البنت ضاربة فيها لجدر مافييهااش وبااقي غانشوفو من ورا هاد البكا شلاا حوااايج ... بنتي وعارفهااا حالتها ماتعجبش ...

نصيرة : هادااك راجلهاا خاصو يعرف شغلو مزياان ... عند بالو حيت رديناها ليه داك النهار راه شايطة عليناا بنتنا ... اش هاااد الخصايل

عصام جبد التلفون : انا غانعيط لمهدي ... ونفهم شنو واقع !

نهض فيه العربي بصرامة : حط عليااا دااك المشقوووف ... ماتعيط ليه وماتهضرووو ... لااش تزيد تكبر لييه الشااان هو لي خاصو يسول ويعيط ... الا بغاا يدوي راااه عارف فين حط البنت ... وديك السااعة غانتفااهم معااه على شغل الدراري الصغار لي ساير يديير ... مالها تقللات عليه .. نهار لول جاي طاالب رااغب ونهاار مرضاات لاايحهااا ...

عصام تراجع وجاتو هضرة باه منطقية واخا باقي مخربق فمخو .. نطق مخاطب نسرين : نوضي حطي العشا وخلي لخنساء نسالي ونطلعو ليها ...

نسرين بايجاب : هي اللولة ... انا غانجيلو دابا ...

طلع عصام لفوق بعدماا تعشاو وسالاو...هاز فيديه بلاطو داير فيه لعشا لخنساء لي ماكلاتش معاهم...داز من حداا بيتها لقاهاا رادة الباب تاع لبيت...قرب لعندو ودق بشوية مرداتش عليه...وسع لحلة تاع لباب برجل باش يدخل ولقااها شاعلة ضو خافت فلبيت فوق من سريرهاا...وهياا ناعسة او بلأحرى دايرة راسهاا ناعسة...حيت غاسمعات خطاويه وهيا تحط تيل بزربة من يديهاا ودوزات عليهاا لغطاا...

تنهد من حالهاا...قرب لعندهاا حط لبلاطو فوق لكوافوز وݣلس...حيد بعض لخصلات من شعرهاا على وجهاا بحنان...فكل مرة كاتقطع ليه قلبو على لوضع لي ولات فيه.... مافهمش كيفاش حتاا وصلات لهادشي...خاطرو ضارو من جيهتهاا...

نسرين غسلات لماعن ديال لعشا وطرفات لكوزينة وطلعات...دازت من حداا لبيت وهياا تلمحو ݣالس بجنب خنساء لي غاطسة فنوم عميق....شافهاا عصاام ودار ليهاا اشارة بيديه بااش تقلل من صداع لا تفيقهااا....

دخلات لبيت بحدر... شافت فيهاا وقالت بتحسر:نعسااات مسكينة...

عصام مسح على وجهوو بضيق واضح طول الشوف فخنساء وقال كايهضر بشوية: لي شافهاا هاكاا مايقولش واش هياا لي كانت كاتغوت وتجدب قبايلا... ماعرفتش شنوو وقع...وشنو وصلهاا لهاد لحالة كااملة...(شاف فنسرين وقال بقلق كبير)ختي معمرهاا كانت هاكا انسرين...ماعمرهاا...

ردت عليه بهدوء كاتشوف فيهاا:اوى راه باينة تقاست بصااح...وهادوك لي مالكينهاا هما لي كايخرجوها على طوعهاا ويخليوهاا دير هكااك...

عصام بنزعااج:هاالعاار محيدي هاد تخربيق من رااسك...مالكينهاا ولا لخرى... معرفتش كيف كاتيقي هاد تخربيق...

نسرين كاتحرك راسهاا بتقة: معلووم نتيق...واناا غانعرف حسن من لفقيه لي صرعهاا...قال ماكينهاا تلاتة يعني مالكينهاا...

عصام سكت تواني مخرج فيها عينيه بدهشة: عرفتي زعماا شي مراات...راك كاتولي تجيني مطنݣة وسايط ليك الريح فدمااغ بلمعقوول...كاتصدميني فيك والله...رااه اي فقيه جبتيه غايقولك.. اءء عندك سحر لا ضاربك جن..لا عندك المس.. حقاا تخطيتي شي حاجة....هضرة وحدة حافضينها ݣاع لفقهة كايترزقو بيها...

نسرين:ومال لفقيه غاايكدب؟!

عصام:علاه مافخباركش بلي لكدابة كايجيو حتا لعند لفقهة وكايحطو السلااح...تي عرفتي لفقهة اشكايديرو لكدووب ونفاق مايقد عليهم حد...كايستاغلو كتاب الله فتخلويضهم الله يعطيهم دنوبو...

نسرين عوجات شفايفها:واناا احبيبة قلت ممكن يكون بصح...راه لمس كااين...وبزاف ديال ناس كايتقاسو بيه... وكايقولو كايجي حتاا من لعين...

عصام تنهد مباغاش دخل ليه ديك لهضرة نهائيا لراسو...متأكد ان كاينة شي حاجة مخبعة

رجع شاف فخنسااء وقال:باينة عندهاا شي ازمة وشي مشكل كبير رجعاتو فيها لداخل هو لي موصلهاا لهاد الشي...اما مكاين لا جنون لا والو...هاداكشي غير تخربيق...ختي مريضة وعندها داكشي نفسي...

نسرين خرجات نفسها بإحباط وقالت:الله يكون معاها...

عصام سكت وتواني ونطق ضاغط على قبضة يديه ملي تفكر بلان مهدي:ولي زاد كفرني انايا ماشي مرضهاا...هاداااك لي جا حطهاا و مشا فحالو سالت دايرهاا بحال شوية تلهم لاحو موراه ومشاا عاادي مامسوقش...ملي كانت صحيحة راه شادها عندو ويجيبها مرة فشحال...وملي مرضات تفك منهااا...ياودي على رجلة وختي بيمن محزمة يااودي...تعاوناا على زمان بكررري...

ردت عليه بإجاب : ماشي كلشي كايوقف معاك...وفوقت الشدة عاد كايتعرف لعدو من الصديق...وعاد كاتعرف كتافك باش عامرين...(قربات شدات ليه فيديه منوضاه)نوض نوض احبيبة تنعس..نخليوهاا ناعسة بلا مانفيقوهاا بلهضرة

عصام خرج نفسو بمهل...رجع طول يديه لغطاها وغطاا ليهاا كتافهاا و خرج مع نسرين غاديين لبيتهم...

خنساء غير سدو لباب وهياا تحل عينيها...رسمات ضحكة بنتصار على ملاميحهاا...غادة لأمور كيفما خططت ليها وحسن ݣاع وسهل من داكشي لي كانت متخيلة...قداات لمخدة باش متعدبهاش فنعااس...وتكاات نااعسة براااحة مستسلمة لنوم هادئ وعميق...

بعد مرور يومين...

فدار السايب لباب محلول وها لي داخل ها لي خارج...لعربي كان كايسر طول لوقت باش يدير صدقة فدار ويجيب الطلبة يقراو شوية لقرأن ويدعيو بشفاء لخنساء...

خنساء قدات الزيف فوق راسهاا وهياا كاتشوف فلمراية...لابسة جلابة مخزنية خفيفة ديال لحضور فلبلونكاصي مع زيف حريري رامياه على شعرهاا...و مكياج خفيف وناعم...مكتافية بيبي كريم فبشرتهاا متبتاه بباودر مع فغاجو وردي وماسكارا مكتفا بيهاا رموشهاا مع ايلاينر رقيق فوق الجفن و كلوص لامع لشفايفها البارزة....لبسات فرجلهاا شربيل تاع صم فلبيض بطالون صغير ... رشات عطرهاا ونزلاات لعندهم لتحت...

لقاات عصام يلاه دخل لابس كندورة رجالية فلݣري مخيطة بنواغ مع مݣانة فضية فيديه...

تقدم لجيهتهاا وقال: سولت عليك قبايلة مابنتيش ليا معاهم فلكوزينة قالو ليا ناعسة...ياكما كاتحسي تاني بشي حاجة؟؟

خنساء:لا لا اخوياا غير تكيت شوية دابا فاتني لحاال...باقي مجاوش الطلبة؟!

عصام:قالك حتاا يصليو لمغرب فجامع عاد ٱجيو...

خنساء بإجاب:اه واخا...بينما نيت تجمعو ناس...

حرك ليهاا راسو بلإجاب ومشا لكوزينة يحط تقدية لي باقا خاصة...كانت فيها نسرين كاتقاد الحلوة فطبسيل لابسة قميص سامبل إڤازي فلغوز وطالقة شعرهاا مسرحاه مزياان مخلياه على راحتو ماديارش لمكياج من غير مرطبة وجهاا ودايرة بوم اليڤغ لونو وردي مع مسكارا خفيفة لرموشهاا..كانت معاها نصيرة و معاهم مرى لي جايبينها تعااونهم...لقاهم دايرين لكسكسو كايتفور ريحتو عاطية كاتشهي...

نسرين شافتو جا وقربات خدات من عندو السخرة...

عصام نطق كايشوف فنصيرة:صافي أعمتي راني جبت داكشي لي بقا..الى باقي خاصة شي حاجة عيطي علياا...

نصيرة:صافي اولدي الله يرضي عليك

عصام:غير شوية وݣلسي ماتبقايش واقفة بزاف رجلك مزالة عيانة...

نصيرة:ونكابر بيهااا اشغاندير...نفس لحارة راه ماتخليكش تݣلس واخا تكون مهرس...(سمعاات وحدة من لعيالات كاتناديها...دغياا مسحات يديها فتزارتها ونطقات مرفعة صوتها)هااني جايا اخديجة بلاااتي...

مشاات بخطوات سريعة طل عليهم

عصاام شاف فنسرين جرهاا لخرجة تاع لكوزينة و قرب لعند ودنها وقال مخنزر: فرحانة كاتشالي بسوالفك؟؟لوحي عليك شي زيف...راه حشومة يشوفوك الطلبة هاكا...

نسرين:يااااه...وانا باش غانشوفهم...ياك غايجيو ويطلعو لصالون لفووق...وزيدون نتا عارفني مامولفااش نشقا بزيف كايخنقني...

عصام حمر فيهاا: والى نزل شي واحد فيهم وشافك...مغانعودهااش معااك...تحركي لبسي زيفك....

بتسمات ليه وقالت:صاافي واخاا...(حطاات يديها كاتقاد ليه لكندورة فوق كتاافو)ياختي يااختي ورااجلي شحاال جا معاه لبلدي وبينو همة وشاان...(نزلات عينيها ليديها وكملات)مهداكش الله زعما تنعل شيطان وتلبس خاتمك؟!!وصافي احبيبي ياك قلت ليك مابقيتش نغيير...

عصام:حلفت البرينسيسة ديالي...ومغاتحنتينيش...

بتاسم ليها بجنب وكمل على طريقو ملي سمع شي واحد من الرجال لي عارضين عليهم كايعيط ليه....هياا تنهدات وعضات على شفايفها معصبهاا بعنادو و راسو لقاسح ...ورجعات تكمل شغاالهاا....

خنساء كانت فلمراح هازة تيل كاتهضر مع رانيا:وايلي اصحبتي غاتعطلي بزااف...نتي نهار لي يجي يلقاك غارقة...واخاا صافي ماشي مشكل وقولي لخالتي عتيقة تسربي راه غاتلقاا ناس شربو اتااي...يلاه بسلامة عليك احبي حتا تجي...

قطعاات لخط وهياا حادرة راسها خدامة فتيل...شوية وهياا تسمع صوت من مدة ماسمعاتو...

مخاطبهاا من لورااء بصوتو الرجولي وهدوء:مغاترحبيش بياا؟؟!

دارت عندو فلبلاصة بتتاقل غير لمحاتو وهياا توسع نضراتها متفاجئة من الشخص لي قدامهاا... اخر حاجة كانت متوقعاها هي تشوفو اليوم قبالتها ... طبعاا عارفة ان باباها معيط على الدرب كاامل ولكن ماظناتش انه ممكن يجي ... هزات حاجبها فيه ودارت ضحكة صفرة : مرحبااا بيك ... ( شارت ليه جهة الصالون من فوق النفس ): تفضل ...

عبدو متبت عليها الشوفة كايحاول يقرا ملامحهاا ويفرز داكشي علاش جا ... مستحيل يتيق الهضرة لي كادور فالدرب وانها بصح مقيوسة ولا مسكونة ... ابتاسم ليها بنظرة هادية : قلتيها من قلبك زعما ؟؟ ...

ميقات فيه : قلتها من حلقي ... ( مخاطبة راسها بعتاب ): مااعرفت اش درت فحياتي حتى كايلاقيني سيدي ربي غير بالشمايت وااحد ينسيك فلاااخر ... يخخخ

نطقات مخصرة فيه كمارتها : كي قلتها من فمي كي من بلاصة اخرى ... سير اخويا الله يرحم ليك الواليدين حط قااعك دابا يجي عصاام ونصدقوا فحوايج ماتعجبش تاني ...

ابتاسم ليها : ههههه كاتباني بيخير علييك ... ( دور عينو ): لي شافك هاكا كاتهضري مايتيقش رااه عليك دايرين هادشي باش تولي بيخير وتصحي اولااا ...

خنساء عيباتو : مااشي سوووقك ... دابا من اللخر كاين شي مانقضيو ولا غير داوي خااوي

همس بهدوء وبصوت خافت ناطق مخاطبها : غادي يكون عندنا بزااف فاش نهضرو مني تسالي هاد المسرحية دياااالك ماشي دابااا ... ( بهدوء كايضحك من نظراتها المتفاجئة فيه ): نخليك تركزي فشغلك بااش كلشي يمشي هو هادااك ...

ضحك فوجهها محرك راسو بلااا حول وخشا يدو فجيبو غامزهااا وزاد من تماااا داخل جهة الصالون مخليهاا ورااه مشوكية اللساان هرب ليها بكترة الصدمة وعينيهاا فاالتين ... مامتيقااش شنوو سمعاات ودنيهاااا ... هو كيفاااش عرف شنو كااتخطط ... حطات يدها على رااسهااااا عاضة على شفايفهاا : هاذا شنوو بغاا يقصد ... اويلي منين عرف لاش ناوية ... مشكلة هاادي اووووف ....

دازت من حداها نسرين هازة طبسيل ديال الحلوة ونطقاات : خنساء جيبي الطبسيل لاااخر ...

خنسااء مرفووعة وراااسهاا هايم فالافكاار ماسمعاتهااش اش كاتقوول لحاجة الوحيدة لي كادور فباللهاا هي كلاام عبدو وكيفاش كان متاكد وواتق من هضرتووو وشنو كااايقول ... وعينيه فعينيهاا كأنه سايق الخبار لكااع داكشي لي كاتخطط لييه

نسرين مفقيقاها من سهوتها : واااا خنسااااااء راني معاااك داااوية ...

خنساء عااد استوعاات ليها : اءء .. نعااام شنووو ؟؟ ...

نسرين : فاش كنتي ساااهية ... رااااه قلت ليك جيبي الطبسيل لاخر لعند العياالااات ...

خنساء حركات ليها راسهاا بايجاب وزاادت من تما لجهة الكوزينة مشوكية ديال المعقولل خربق ليهاا دمااغهاا بالبيان وشتت ليها افكااارهااا ... عياات تحاول تلقى شي تفسير مغااير لكلامو لي كان وااضح وضوح الشمس غيير بااش تقنع راسهاا بالعكس ولكن وااالووو ... هزات الطبسيل لي قالت ليها نسرين وخرجات داتو للصالون غاتحمااااق بالتفكير ... حطاتووفوق الطبلة وخرجات بالخف لبرااا تحاول تضبط افكاارهااا لي تشتتو بهضرتوو ... يلااه وصلااات للباب وهي تلاقا مع عتيقة ورانياا عاد داخلين سلماات عليهم وخلااات عتيقة حتى زاادت وجرات رانيااا شاعلة : اجي نتي معايااااا

رانيا باستغرااب : فين ....

خنساء بتميااق : غير زيدي وهنيناااا ...

يتبع...