بنت السايب الجزء 25

خنسااء ابتاسمااات فوجهها ونطقات بطنز كتقشر فالتفااح : جيتي مع القربالة يااختي دااخلة بعجاجتك ههههههه

سارة بصدمة واش هادي هي لي كانت دابا عاقدااهم ... كيفااش تسيفاات ورجعات تضحك تاني فرمشة عين ... نطقااات باندهااش : انااري عاد كنتي عاقدااهم !!...

خنساء بهدووء : كنت عاقداهم مع خوووك ... نعقدهم عليك حتى نتي اش درتي لياا !! ... ( ببرود مدات ليها ليمونة ): كولي كولي ونوضي نوجدو شي عشيوة متختخة دايزها الكلاااام ...

سارة بعدم تصديق : هههههه مايمكنش تكوني نوغمال ههههههه ... كانحييك اختي على هاد برودة الدم لي عندك

خنسااء نطقات بطنز : دابا نعطيك شوية منها ... هنينا ونوضي ولا باغا تفلتي ههههه ...

ناضت بخطواتها التابتة حلات الفريكوو غير دارت عاطية لسارة بالظهر وهي تضغط على فكهااا مغمضة عينيهااا كاتحاول تبلع لي طراااا ... تنفسات بعمق حاسة براسها هازة فوق طاقتهااا ومصبرة راسها غير بزز ... رسمات تاني ابتسامة باهتة ودارت عندها عاادي كاتوجد معاها العشا ....

فالبيت كالس مهدي خاشي وجهو بين يدو وباين فيه باقي معصب مكالمي غير بزز .. كالسة قبالتو نادية دايرة مخنزرة دايرة رجل على رجل ... نطقات بصرامة والجدية باينة على وجهها : مابغيتش نعرف المشكل وماعندي بيه غراض اصلاااا داكشي بينكم ... ولكن امهدي ااااخر مرة اااخر مرة نسمعك كاتغوت على مراتك بديك الطريقة وسط الدار ( هزات صبعها موجهاه بتحدير واضح ): مانبغيش نسمع حسكم مني تكونوا مناااقشين و مشاااكلكم حدها بيتكم ... مكاين لاش نسمعها لا انااا لاااغيري .... حيت غير كايدخل التالت بين جوج مزوجين عرف بيلا كلشي غايتضرب فزيرو

المهدي هز فيها راسو محاول يبرر : ولكن الواليدة ...

قاطعاتو بنرفوة مرفعة نبرة صوتها بحدة : مكاااين ما ولكن ... انا سمعت صوتك نتاااا وغوااتك نتااا ... هي حسهاا ماسمعتوش بالمرة ... كلامها مجااش لودني ... نتاا لي كاتعرعر مجعور ماعرت لمن باغي توصل كلااااامك ... ( شافت فيه عاقداهم ): ماتسناش نجي منك حيت ولدي غير ديرها فبالك ونكون منافقة مع واحد بنت الناس ماشفت فيها لا انا لا نتا للعييب ... الظلم مايبغيه لا ربي لا عبدو ...

نطق منفاعل : ولكن انااادية نتي معارفاهاش شنووو دارت ... خارحة بلااا خباري ماعرت فين صااادة بوحدهااا وليل هاذااا ومن الفوق جايااا فطاكسي مع واحد زوفري كاتكركر هي ويااااه ... شنو بغيتي ندير متلاا راااه اي واحد فبلاصتي غايجعر ...

هزات فيه حاجبها : بلاتي بلاتي كيفاش خارجة بلاما تقولها ليك ... علاش اسيدي خاصهااا تاخد اذنك ونتا مكاينش باش تقضي غراضااتها ولا كيفاااش ... عند بالك الزواج هو فين مشيتي وفين جيتي !! ... السيدة كانت فالدار خرجات عند صاحبتهااا شافتها وتقضات باش تدير العشا لختك لي عاااد جااات فين الاشكاال فهادشي ... ( صغرات فيه عينيها ): وكيفاش جااية مع زوفري ... علاش قبل ماتشد طاكسي خاصها تسولو واش اشريف مزوج ولا لا وتقوليه راجلي مكايبغيش نركب مع الزوافرية واش نتا شوية لاباس !! ... ومن هادشي كاامل ولو تغلط كااااع ... ربي عطااك فم بااش تحاور بيه وتناااقش بالهدنة ماشي بااش تنبح بيه وتشهق ... ( ناطقة بعتاب ): الا نتا انسان خاص تعرف ربي باش ميزك وشنو الفرق بينك وبين المخلوقات الاخرى ... ماحنااش فغاابة وكانتمنى مانعاودش كلامي مرة اخرى

المهدي حناا راسو هضرتهااا حرجاتو كايشوف راسو انفاعل على والو وكبر مشكل غير حيت غيرتو عمااتو كان ممكن يسولها بهدوءوغاتشرح ليه عادي بلا غوات ... مني كايتعصب مكايبقاش يوعى على تصرفاتو بالمرة ... زير على قبضة يدو مالقى باش يجاااوب وشنو عندو يقول اصلااا ...

نادية وقفات منهدة وقربات حاطة يدهااا على كتفو : ربي رزقك بمراة مكاينش فحااالهاا ... حاول تكون زوج ليها ماشي حاكم عليهااا ... ( غمضات عينيها وحلاتهم وخفضات نبرة صوتها ): ماتخلينيش نحس اولدي بيلا مشاكلك مع هدى كايتعاودو مع خنسااء

هز فيها عينوو مخرجهم بالع على ريقو ... مستحيل يتقبل ان خنساء تخليه ويتفرق عليها بالنسبة ليه هي الهوا لي كايتنفس ... مايقدرش ابدا يتفرق عليهاااا ... هاد الفكرة تقدر تخليه يحماااق ...

نادية بهدوء مطبطبة عليه : نتا عارف كيفاش غاتصلح هادشي فالعشاااا يااك ...

المهدي تنهد وحرك راسو بايجاب : واخا الواليدة .. واخااا ...

شافت فيه برضااا وزادت من تمااا سدات الباب عليه خلااتو شاد على راسو نادم على لي داار وحاس انه زاد فيه بتصرفوا لي مكان عندو حتى معنى ومعارفش علااش قام بيه اصلا

كانت نسرين واقفة قدام لمراياا حاطة طبسيل صغير فوق لكوافوز ديالهاا حاطة عليه لحامض مقطع دواور...شادة زيف لاوياه على جبهتهاا...

كاتدخل فيه لحامض وكادندن بصوت ملحن:قااابييلت إكتييير... فرشولي عشان الأرض حرير..وشوفتي كتييير....ومااااشفتش زاااي حبييي امييير...وماانيش راايدااا....مانييش رايداا الى هوااا ماانيش راايدااا....(كملات تستاف لحامض فوق جبهتهاا وهيا تبتاسم)مممم ودابا غانشوفو واش غاتبقاا منفخ وفݣعاان عليااا ولا غاتهبط كوااريك...

هزات لبواطة تاع بودرة الفغااجو ودارتهاا على حناااكهااا مزياان مزنݣااهم صح مايتمكن...هزات بودورة شفاافة دارتهاا تحت عينيهااا و على شفايفها باش يبانو شاحبين بطريقة مصطنعة...سمعاات لباب تحل وهياا تسد لبوااطة بزربة...ومشاات كااتجري تخشاات فوق سرير وغطات رجليهاا وغمضااات عينيهااا دايرة رااسهاا مريييضة طاايحة كاااو.... عصاام دخل بخطوات متساارعة وقرب لعندهاا...ملي شااف وجهاا زاد تخلع وقلبو تقبط

ونطق بخوف كايقيس فحنكهاا: نسريين يااك لابااس شنو وقع ليك...عيطتي عليااا فلخدمة ماعرفت بااش تبليت جيت كانجري...واش عياانة بزااف باااش كاتحسي...

نسرين كاتهضر بتتاقل كاطلع لهضرة غير بزز مغمضة عينيهاا وتقطع فنفس:مريضة بزاااف اعصاام...حاسة براسي كاانمووت...معرفتش ماالي...(بدات كاطيح الدموع)أهئ اهئ عيااانة وحالتي حالة من صبااح...

عصاام بداا كايݣعد فيهااا:نوضي نوضي نديك عند الطبيب يشوفك باش نعرفو ماالك...نوضي انا نجبد ليك حوايجك...

نسرين حبساتو شادة فيديه مغمضة عينيهاا كاتهتهت:حبيبي مغاينفع معايا لا طبيب لا واالو...خير خليك معايا...نتا دوايا وكلشي فحيااتي...خلييك معايا غانولي لابااس...غير شوفة فعينيك كاداويني

عصام بنفعااال:تي واش سخانة قلبات ليك الطبسيل ديال الدمااغ...بركة من الهضرة الخاوية و توݣضي معايا يلاه نديك عند الطبيب،هادا مية فلمية غا شي ريح شادك...

نسرين كاتهضر بتتاقل وتشوف فيه بعوينات مدمعين وكاتهصر مضيومة:غير سمحلياا اعصام عاارفة راسي مقصرة من جيهتك وغير صابر عليا...عارفة لعيشة مع وحدة بحالي مساهلااش...سمحلياا عفااك وماتبقااش شااد من جيهتي على لبارح راني مقصدتش نعصبك...

عصام:والله يهديك واش وقت هاد لهضرة دابااا...نعلي شيطاان..

نسرين زادت كاتنهد:لموووت كااينة اعصام...لموت كااينة...وواقلة هادي لخرى لياا...غير سمحلياا...وخليك معايا نشم ريحتك ونشبع منك...قبل مايوفى لأجال..

عصام قلبو ضرب من هضرتهاا خلعااتو عليهاا بزااف وبلمعقول..طريقة باش كاتمتل راها مريضة وكيفاش كاتعصر خلاه يتييق بيهاا...

زاد قرب لعندهاا وشد فحناكهاا بجوج ونطق برجااء:برى ولباس عليك ...ماتبقايش تݣولي هاكا... نوضي نديك عند الطبيب..ماتزيديش تخلعيني عليك...

نسرين شافت فيه بقنت عينيهاا ونطقات بخفوت:يااك سمحتي لياا على لباارح... مابقيتيش شااد من جيهتي...ياك غاتفش وماتبقااش منفخ علياا...

عصام بنفاااد صبر مخلووع باغيهاا غير توقف يديها لسبيطار:واش انا مولف نشد من جيهتك...داباا لمهم هو تنوضي نمشيو عند الطبيب يشوف مالك وتاخدي دوى انشاء الله غا تولي لابااس...يلاه بلا مانبقاو نضيعو فلوقت

باقي كايهضر حتاا لمح قطرة من لحامض نازلة عل جنب حنكهاا...هز كنينيكس من لكوافوز الصغيرة لي حداها...دوزها عليهااا ماسح ليها بيه...يلاه غايحطو وهو يشوفو تطبع و لونو رجع وردي...هز حاجبو فيه...وهزو من بين يديه صغر فيه عينو بتشكيك...عاد عااق بلقاالب وستنتج بلي مامريضة ما والو غير مطلعاها عليه....

شاف فيهاا بحدة هياا كانت مزال مغمضة عينيهاا

نطق بنبرة قوية:وااش غانقولييك...سيري الله يمسخك

نسرين حلات عينيهاا...يلاه غاتدوي وهيا تشوف كنينيكس لاصق عليه لفاغاجو بشكل وااضح...لسانهاا تربط بلعاات ريقهاا عرفات راسهاا تفرشااات....تقادات فݣلستهاا ونطقات كاتفتف وترمش بزربة:عصاام لميمة بلا ماضرب بلا ماتحيح...انا غاانشرح ليك كلشي...غااا تكالماا

ماينكرش عصاام ان ضحكة شداتو غير سرطهاا باش مايبينهاش ليهااا...دغياا عقد غوباشتو لحد ونطق بعصبية شااعل شادهااا من دراعهاا حتاا تكمشات فبلاصتهاا قلبهاا غايسكت وقال كايغوت:اش غايشرح لياا ديلمك اشغااتشرحي....ݣاالسة كاتكدبي عليااا...ماحشمتيش هداااك وجهك ولا مسلفااه...شنووو بنتك ليك اءءء؟!هضري؟؟

هيا تقول لسانها تسرط معرفات باش تجاوبو ولات كاتفتف وكلهاا كاترعد بخوف بين يديه خايفاه يخلطهاا نطقات بتلعتم محاولة تشرح ليه:شوف... هانتاا راه غير...

عصاام قاطعهاا مرفع نبرة صوتو:لااا بغيت غير نعرف كيف بنت ليك...حتااا دايرة راااسك مرييضة وخالعاني عليك...وݣالسة تفايلي على راسك بلمرض....باغا تبايدقيني...ولاا شننو؟!

نسرين كاتحرك يديها بتفسير : غا سمعني...نتا عاارفني مكانبغيش نخليك مقلق مني...وقلت ضروري نصالحك وماللقيتش من غير هاد لحل...

عصام وسع نضراتو:ياااااك...مالقيتي غير هاد لحل!!...(زاااد زير على دارعهااا حتااا غمضات عينيهااا بألم وكمل)تعيطي عليا كاتموتي ولي سمعك يقول سيدة فخطر ونجي نجري بلا عقل مخلي خدمتي كلهاا وشغالي...باش فلخر يكون كلشي كدوووب...يااهاد لمرى واش باغا تنوضي فياا السكر بهاد لغدايد لي كاتركبي فيا ؟؟وااش باغا تسكتي لياا لقلب بفعاايلك؟!

نسرين نطقاات بنبرة بااكية:نتاا عاارفني معندي زهر حتا فخلا ضاربوياا...يلاه لأموور غادة مزيااان احتاا تفضحت... نحس يالطييف...انا اصلا مقصدتش نكدب عليك تيقني...

عصام زاد حبس الضحكة طلق منهاااا وكمل مخنزر:وااش هادااك وجهك ولا مسلفاااه غا ݣولي ليااا؟!...دابا كاتستاغلي خوفي عليك باش تقضي مصالحك معايا؟!...تكدبي عليا وانا كيف شي حمااار متيقك ...عند بالك لعب ببنادم سااهل؟؟!

نسرين رققات صوتهاا وعوجات شنوفتهاا كاتبحلس عليه:واا...واا نتاا تقليقتك خايبة...وماغتبغيش تسمح ليا بزربة...داكشي علااش درت هاكا...اما انا احبيبي راك عارفني...ماانقدرش نكدب عليك واخاا نبغي...غير هاد لخطرة وصافي عمرهاا تعااود...ديرهاا كدبة بيضة

رد عليها بنبرة تهديد:لا الى قديتي لمرة جاية تعااودي غيير عااودي...عليااا بلميييين وباااش كايحلفو غرباااوة الى مافلعصتكش ديك الساع من شي قنت ورضيتك مريضة بلمعقول رااني مانتسماااش....

نسرين بتاسماات باغة ترطبو...حيدات داك لحامض من على جبهتهااا وناضت تقابلت معاه ناطقة بتحلوين شادة فيدو:غير قول اولد ساايب شنو درتي ليا....حتا ولييت نكدب وندير راسي مريضة باش تسمح ليااا؟!غير قوليااا شنو درتي لياا حتااا نفضل نمووووت...نمووووت احبيبي وماتخاسمش معايااا وتعاديني....تتتت لا لا هااادشي بزااف على لبغوو...بزااف ݣاااع

عصام ضحك بعجرفة ونطق بنفخة:هه..وااش غاندير ليك متلا....راه نتي لي طايحة فيااا طيحة مجامعينهاا شروااط..داكشي ديال الله...

ضرباتو فجنب كتفو:هاكااك...زعمااا نتاا مطاايحش...احيااني يااالباانضي راك غير كااتمهاا فقلبك وسااقل...عينيك فااضحينك...

رد عليها ناطق بجدية: نسرين اخر مرة ديري معايا هاد الضحك لباسل...هادشي راه مكايداارش... واخا...

نسرين:كون هااني...(كملات كاترمش ببراءة)صافي مصاالحين... سمحتي ليااا احبيبة...

حرك راسو و جاوبهاا بإجاب:الله يساامح(قرصهاا فحنكهااا بلطف...وهو يشوف فصباعو وخنزر)نااري دايرة كيلو ديال لفغااجو...شتي كون درتي تمتيل بربي حتا تمشي فييه بعيييد....(داز متخطيهاا)حيدي حيدي خليني نمشي نغسل يدي...

نسرين بصوت مرتافع:اعنداااك تمسح يديك بلفوطة لبيضة رااه يلاه صبنتهااا..

كملات هضرتهااا ضاحكة وبدات كاتجمع فروينة لي دارت فلبيت... وهياا فرحانة من لداخل وخا خطتهاا تكشفاات فلخر ولكن داكشي لي كانت باغة توصل ليه راه وصلاتو وتم الصلح....

كالسة سارة وخنساء ونادية حاطين العشااا كياااكلو فهدوء وباين الجو هادئ على غير العادة بحكم شنو وقع كل واحد قاطع الحس ... خنساء كاتنقب غير بزز والماكلة حلفات لا دازت ليها واخا محاولة ماتبينش ولكن مخنوقة من الداخل معاجبها حاال ... كتاكل وعينيهااا على الدرووج بقا فيها الحال من تصرفوا ومابغاش يتصرط ليهااا حيت بالنسبة ليها ماعندو معنى وزاد فيه ... كاتنهد تحت نظرات نادية لي نطقات بهدوء : خنسااء بنتي ...

هزات فيها راسها : نعااام انادية ؟؟ ...

نطقات بابتسامة على وجهها : الزواج فيه الحلوة والمرة وماشي كلو مفرش بالورد ... والوحدة خاصهاا تعرف تجيغي الامور كيفما كااانت وتفادا المشاكل ... قدما طول الخصام العلاقة كاتبرد ومكاتبقاش كيف كااانت ... انا عارفاك بعقلك وغاتعرفي تصرفي ياك ... ومغاتعطيش للموضوع كتر من حجمو ..

خنساء تنهدات فاهماها قصدات انها خاصهاا تدير للما منين يدوز .. نطقات بفهم : يكون خيير انادية ...

ابتاسمات ليهاا وكملو ماكلتهم ... دقائق وهزات عينيها بان ليهااا هابط خاشي يدو فجيبو بالسيرفيط ديالو ... بزربة قلبات عينيها من جهتو هازة خنافرها للسما ... شاف فيهاا وابتاسم جنب عرفها طالعة ليها ومقلقة .... قرب بهدوء وكلس جنبهااا ...

خنساء عوجات قنوفتهاا وكحزاات باغية تبعد وهو يشدها من ذراعها متبتها فبلاصتهاا : شنو غاتبقاي مقلقة ؟؟ ..

خنساء شافت فنادية وسارة ماباغاش تنوضها قدامهم .. نطقات بهدوء : ماشي وقتو المهدي ...

المهدي بنفي : لا وقتو ... ( قرب لجبهتها بهدوء وباااس على راسهاا باعتدار كايشوف فعينيها بحب ): سمحي ليا احبيبتي عارف راسي غلطت فيك وزدت فيه ... دوزيها ليا هاد المرة

نادية وسارة ابتاسموو عاجبهم تصرفوا معاهااا ... خنساء هزات عينيها فيهم وماقدراتش تزيد تحكر قدامهم حشمات منهم خصوصااا ان نادية لمحات قدامها ومابغاتش تخصر ليهااا وهو اعتادر قدامهم على تصرفوا ... تنهدات واخا من الداخل مراضياش بالمرة ... نطقات بايجاب : الله يساامح المهدي ... غير تعشااا ...

ابتاسم ليهااا وحط يدو فيدهااا كايراضيهااا محاول يصلح غلطو معااهااا ...

فدار ملاااك لي كانت كالسة فوق سريرهااا حاطة قدامها سااعة يدوية رجالية كلاااااس ... انيقة ومستييلة بللااااا قياااس ... شافت فيها ورسمات ابتسامة عدباء على وجهها كاتحسسها باعجاب ... ونطقات منهدة : غاتجي واعرة فيديك احبيبي ... متأكدة غاتجي معااااك ... ( وسعات ضحكتهااا ): كل عام ونتا بالف خير امهدي ...

نادية ݣالسة شادة طبيلة فلكافي تاع مهدي دايرة رجل على رجل ݣالسة كاتمنضر فهدوء... دقائق حتا جات عندهاا ملاك بإبتسامة هازة بلاطو فيديهاا ونطقات بترحيب:مرحباا بلالة نادية عندنا فلكاافي...نورتي...

ردت عليهاا بلطف:ربي يخليك احبيبة

حطات ليهاا لقهيوة لي طلبات ومعاها لما ونطقات كاتضحك:هانتي لا تقولي معزيزاش عليا...بيدي جبت ليك لقهوة حتا لعندك...

ن

ادية: ميغسي عاارفة لي كااين..(كملات بإعجاب)هااي هااي بصحة اللوك الجديد..جااك زويين تبارك الله

ملاك ردت عليهاا وهياا كاتحرك بعض لخصلات من شعرهاا بيدهاا:بصح زوين...جا غا على غفلة ݣاعمة نويت نديرو..

ناادية:معاك بصح ولاهيلا جااك غزاال حتاا لوون خطيير(شارت بيديهاا)ݣلسي بعدا ماتبقايش واقفة

ݣلسات ملاك ونطقات كاتسائل: ممم هيااا بلا شك كاتوجدو شي مفاجئة لمهدي...ولا كدبت؟!

نادية شرفات شوية من كاسها:بحاال داكشي...وبيما ان المفاجئة غاتكون هنا فلقهوة...ختاروني انا لي نخرج مهدي منهاا...

ملاك عوجات شنوفتها:هاكااك...هادي ماتكون غير اوامر خنساء هههه

نادية ضحكات:وشكون من غيرهاا ملي تلاقات مع سارة صافي كملات لباهية...من لبارح وهما حاطين الراس على الراس كايخططو... ولكن خنساء هيا مولات الفكرة ديك السيدة ديما كاتفاجئني...فنة بحالها بحال أفكارهاا الله يحجبهاا ويخليهم ديماا مجموعين وفرحانين ياربي...

ملااك تقرصاات مي مابغااتش تبين محملاتهاش تهضر على خنساء هاكاك وتبدا تمدح فيهااا قدامهاا... بلعات ريقهاا و رسمات ضحكة شبه مصطنعة على شفايفها...لمحات مهدي نازل وهيا تنوض توقف:بون ها مهدي جاا نخليك خاصني نرجع لخدمة دابا(غمزاتها)حتا نتشاوفو من بعد...

ودعاتهاا ومشات...قرب مهدي لعند نادية ونطق بنزعااج:واش زعماا ضروري نمشيو عند خالتي دابا... والله الوليدة مافيا لي يضرب ديك لكعطة...

نادية:راه قلت ليك مغانتعطلووش...نهز عندها غير شي سخرة ونجيو فيسااع...

مهدي:ونتي تقدري تقولي شي حاجة ومانديرهااش...يلاه يلاه باش مانتعطلوش خاصني نرجع لقهوة مزال تابعيني شي حسابات خاص نراجعهم

نادية ناضت وقفات:واخا ساعة ݣاع تلقانا رجعناا...

خرجو مع بعضياتهم..ونادية محاولة ما امكن تعطلو ودوز لوقت وتخليه بعيد على لقهوة...بينما وجدو لمفاجئة، كاتسنا فميساج خنساء كيفما تاافقو...

خنساء كانت مع سارة فلكوزينة ݣالسين كايخططو ... شادة ورقة وستيلو كاتقيد لي خااص...وسارة كاتوريهاا لموديلات تاع لبيفي فتيل...

سارة:هاانتي هاادا طوووب...وقولي تااني ماعجبكش...

خنساء ميقاات فيها:اويلي شوفي مدخلين فيه لبلوسياال..تي مالني عاودو ليك غاندير عيد ميلاد لولدي...لا لا انوول انوول...

سارة قلباات ليهاا الطووف:واخاا الالة...(بداات كاتقلب ودوز حتا طاحت فوااحد خلاهاا توسع نضراتهاا) وواااوو شوفي هااداا..خطييير معندك ماتقولي فييه...

خنساء شدات من عندهاا التيل وبدات كاتكبر فصورة كان بيفي رااقي فلكحل والدهبي مع نفاخاات كبيرة ومتوسطة...وعواصر متنوعة مع مكسرات وحلوياات وعاد متوسطو كااطو واعر بلباط داموند فنوااغ ومزوق بنحاسي خطيير كايفتح الشهية نطقات لاوية فمها بإعجاب :واهادا اييه...شوف لألوان كيف متناسقة والديكوور لي كايجي معااه غزاال...

سارة:ويي ماانيفييك...انا بعدا كانڤوطي على هداا

خنساء: حتاا اناا حمقني....وااش كايجي معااه بعدا حتا لݣاطو ولا كايجي غير لبيفي بوحدو؟؟

سارة:نو يمكن حتا لݣاطو كايجي راهم نيت حاطينو وسطو..اطط ندخلو لباج عندهم باش نتأكدو

بداات سارة كااتقلب وفعلا لقاات حلوياات كتييرة ومتنوعة كايصيفطوهاا حتا هياا...يكفي تختار لحلوة لي عجباتك ولي جاتك مع ثيم ديال لبيفي وكاتوصلك معااه...ختارو كاطو بريستيج تخوا طااج دمونداو عليه...وتااصلو بيهم ودارو معاهم لوقت وعطااوهم لادغيس ديال لقهوة... خنساء رتاحت نسبيا حيت غايجيهاا كلشي واجد من برى...وطلعااات هياا وسارة يوجدو ريوسهم بزربة...باش يمشيو للكافي يكملو تحضيرات تماا ويوقفو على الشغل كما ينبغي

عبدو كان فلمحال شاد التيل كايهضر فيه وسيمو حداه مزال كايستف فاالسلعة ويقاد فيهاا...

عبدو نطق هاتف بهدوء:صافي اسي حميد شوية نكون عندك غير تهناا... ياك فديك لقهوة لي تلاقينا فيهاا ديك لمرة..ايه لي فسونطر...واخاا يلاه سير نتلاقاو تم...

سالا وناض وقف وقال مخاطب سيمو:هانتا دابا غادي نمشي...وباشما كان نعلمك...بغا ينقص ليناا فسلعة راه غانعطيه لعربون..مابغاش نشوفو شي حد اخر..واخا راني متأكد دوك زرابي ديال توركيا لي عندو مغانلقاوهم عند التاحد...

سيمو:واخاا يبغي ينقص ماتعطيه حتا ريال حتا يجيب لينا االسلعة لمحال...مغاديش نبداو نشريو لحوت فلبحر الله يهديك اعبدو...

عبدو:تا مالك خايف أصحبي...سيد راه تيقة...وعلى حسابي

سيمو:قوليه شريكي مباغي يعطي حتا درهم حتا تجيه السلعة لمحاال...هادي هيا أخر هضرة عندو..

عبدو ضحك:وااشحاال قااصح اصحبي...

رد عليه بإبتسامة:هادشي لي بغات لوقت ألعشير..لا تيقة فولاد عتيقة...بنادم راه يكوغطك فرمشة عين...

عبدو برجاء: اوى الله يبعد علينا ولاد لحرام...انا اانشوف معاه...مانعطيوه والو حتا يجيب السلعة...

سيمو:صافي...وعليهاا...

ودعو عبدو بعدما طرق المعاه لمسائل لي كانت خاصة فلمحال...وخرج شد طاكسي متاجه للقهوة يتلقا بالسيد لي داير معاه...

خنساء وسارة واقفين على لخدامة لي جاو كايقادو لبيفي.. وخنساء بدورها كاتقاد معاهم...حتا هيا عندها مع الديكور و لبريستيج كاتصرو وكاتبغي توقف على شغل بيدهاا...

بعدات عليهم باش تقدر تهضر بعيدة على الصداع... هزاات التيل كادوز لابيل لعصام تواني حتا جاوبهاا:وي عصاام صافا...لحمد الله...يااك مزال غاتجيو؟؟...(خسرات ملاميحها بنزعااج)وعلاااش اجلو لخرجة حتا لمن بعد وجيو عندنا تنشطو معانا...صافي لي بغيتو ملي عولتو مبقا عندي مانقول،بصحتكم...ااه اوى مافيها باس اخويا ساعف..كيف كايقولو الى لقيتي جوج ملاقيين عرف الدرك على واحد...موبلاغ..ههه صافي غانبارك ليه فبلاصتك...يلاه بسلامة عليك وسلم على نسرين...

قطعات لابيل ورجعات عند سارة لي عرفاتها غاتهضر معا عصام... نطقاات بتساؤل هازة نفاخة فيدها كاتزير فيهاا:شنو قالك غاايجيو؟!

خنساء عوجات شنوفتها: خسارة خارجين وغادي يمشيو دابا لحدائق العجيبة..بغاو يبدلو لجو...يمكن كانو مناقشين وبغا ينسيو شوية(كملات كاتضحكك)هههه سبحان الله ولا كلشي شااعل هاد لأيام...مكاين غاشد ليا نقطع ليك..

ردت عليها سارة كاتضحك:هههه سيفغي...وخليهم يبدلو لجو مع بعضياتهم..كونا بغيناهم يحضرو ويفوجو معانا..مرى اخرى ان شاء الله

خنساء برجاء: ان شاء الله...

باقين كايهضرو حتا جات لعندهم ملاك...لابسة كسوة فلغوز باارد..قصيرة حد الركبة...مقبوطة من لفوق..ومنفوخة من لتحت...مع صباط طالون فنوااغ...شعرها مسرحااه ومجبدة خصلاتو لقصيرة مزيان بلبلاك مخلياه مطلوق على راحتو...دايرة مكياج تقيل شوية...سموكي بني مع ايلاينر رقيق ساحبة بيه عينيها مع ليلونتي لي مابقااش كاتحيدهم...وعكر أحمر مااط مغلووق على شفايفهاا.. مكتافية فقط بحلاقات فضية...وساعة محجرة فيديها ليسرى...لي شاافهاا دايرة بلحالة هاكاك يقول هيا مولات لحفلة وهيا لي غادي طفي الشمع...

قربات لعند خنساء لي طلعاتها ونزلاتها...عاد شافتهاا بلوك الجديد...

نطقاات ملاك فوق النفس بضحكة جانبية:ساليتو ولا مزال...ممم كاين فاش نعاونكم....

يلاه غاتجاوب خنساء وهيا ترد عليها سارة محقدة فيها الشوفة: نوو مكااين فاش تعاونينيا هاد الساعة...هادا شغلناا وحنا قاادين بيه...مامحتاجين لحتا شي حد يعاونا...

ملاك مردت عليهاا بوالو...مخليا دمهاا باارد...دورات عينيهاا على لمكان...وقلبات دورة رجعات لخدمتهاا...معولة تخلي حتا تبدا لحفلة عاد ترجع لعندهم...

خنساء صغرات فيهاا عينيهاا طاح ليها لعجب ونطقات مخاطبة نفسها بخفوت:والله حتا علاام هاد خيتي...هه بقات فلعينين زرقين...راه لمش عندو عينين زرقين وخاشي راسو فلقادوس كايقلب على لفيران...بففف لاحولة

ماتنكرش انهااا فاجئتهاا شوية بلغلوكينݣ لي دارت..وكيفاش كاتبان مبدلة...دماغهاا بداا كايفكر فلهدف من هاد التغير المفاجئ...واش غير رشقات ليهاا ودارتو؟! ولا باش تير الإنتباه لشي شخص معين؟!غمضات عينيهاا وحلاتهم بتتاقل...محاولة تنفض هااد لأفكاار من رااسهاا مابغااتش تعطي لموضوع أهمية...او بلأحرى مباغا حتا حاجة تنكد عليهاا فرحتهاا فداك النهاار..

بيفي خطير فيه كل مايتشهى االخاطر محطوط فوق الطبلة لي موجدين للانيف ... كراسا مقادين مستفينهم بطريقة زوينة والارجااء مزينة باللون الاسود والذهبي عاطي للمنظر جمالية خااصة ... طااااغط كبيرة وواعرة بمذاف الفاني كيف كايبغي محطوطة فالوسط وموسيقى هادية مالية المكان ... مستمتعين بيها حتى الكليااان لي كاينين واخا بعاد شوية على مكان الاحتفال لي جا فالقنت ... خنساء ابتاسمات فور ما شافت اللوطو ....

نطقات بحماس مخاطبة سارة : هاهما جاااو ههههه ...

بالخف سارة دازت لبيسي ديالهااا بدلات الموسيقى رداتها ديال اعياد الميلاااد طالقاها وخنساء تقدمات كاتقاد خصلات شعرهااا بحلتها الانيقة مستقبلاه بابتسامة ساحرة ...

المهدي تقدم هو ونادية غير شافها ووسع ابتاسامتو وهو فرحااان وقرب عندهااا قبلها من حنكها : ههههههه ... ناااس ديال المفاجئات ... ماعندي مايتسالكم ....

خنساء عنقاتو بفرح : طبعااا ههههه ... كل عام ونتا بالف خير احياتي ...

حط يدو على خدها متحسس بشرتها بحنان : كل عام ونتي معاياااا ااميرتي ....

عاود ضمها لصدرواا معنقها تحت نظرات ملااك لي حقدات عينيهااا عاضة على سنانها بغيرة وحقد وبغض كبير فعينيهاا ...

سارة ابتاسمات مقربة عندو مسلمة عليه حتى هي وعاد دار عند مووو والخدامة لي حاظرين وحتى ملاك سلم عليها وباركات ليه...

خنساء دغيا خنزرات فيها وقربات عند مهدي شداتو من يدو جاراه لجتهتها .... كلسوا مجموعين على الطبلة مستمعين بوقتهم والاجوااء ... بالنسبة ليهم هاد المناسبة جات فوقتها كانو محتاجيش شي فرحة تدخل عليهم وتنسيهم فالاحدات الاخيرة لي وقعات خصوصا خنسااء لي كانت محتاجة بلا قيااااس فاش تفرغ طاقتها السلبية وتنشط .... ونيت شي حاجة تلطف الجو بينها وبين المهدي لي ولا مؤخرا معصب وغير على سبة ... اجواء زوينة قاضيينها وكلشي فرحااان عاجبو الحاال محتافلين ....

دخل عبدو للقهوة بخطوات تااابتة كايدور عينو فالقهوة ... بان ليه السيد كالس فطبلة فالقنت ... قرب عندو مبتاسم وكلس مقابل معاه : ياكما تعطلت عليك !!

الرجل : لا لا ماتعطلتيش لقيتيني نيت يلاه كلست ....

عبدو باستفسار : لاباس عليك الامور هانية ....

الرجل : الحمد لله اولدي هنيها تهنيك ... ونتا الواليدة لاباس ؟؟

عبدو : بيخير اسي حميد .... كاتعجبك هاد القهوة على ما بان ليا هههههه ...

حميد : واييه كالم ونقية وزايدون مولاها صااحبي عليهااا ...

عبدو : وي زوييينة....(عبدو تقاد فلݣلسة مخاطبو بجدية) واش قلتي...داك تمن لي عطيناك،مسلكك ولانشوفو جيهة أخرى...

حميد:لا لا غازيدو شوية...زرابي واعرين على حسابي...غادخلو من موراهم لفلوس لكتيرة...انا ولد السوق وعارف لي كااين

عبدو:وخا هكاك...داك تمن لي درتي معانا قاصح...ونتا عارف يلاه باديين...

سكت تواني كايفكر ورد عليه بإجاب:واخا نتوكلو على الله...ملي يلاه باديين وعلى وجه لوليد ديالك الله يرحمو وداكشي لي دوزنا معاه... نحسب ليكم تمن لي بغيت...

عبدو:ربي يخليك...غير هو فلحقيقة اسي حميد.. شريكي مباغيش يعطي لفلوس حتاا يشوف السلعة...ونتا عارف بلي انا وياه واحد..ولحاجة الى مبغاهاش مغانقدرش نبززها عليه..تجيب لينا سلعة هيا اللولة نشوفهاا عاد ديك نغيزو لأمور...

رد هليه بتفهم: اسيدي مقال عيب ...ومن حقو مايبغي يعطي لفلوس بلا مايشوف والو...غداا ان شاء الله غادي تكون عندهم على الصباح...شوفوهاا والى عجباتكم مانزيدكم غير لخير...وحتاا الى موجدينش لفلوس سيرو اولدي حتا وكان تبيعو وخلصو ديك الساع...انا راه معندي حتا مشكل..

عبدو بإبتسامة : الله يكبر بيك ...صافي واخا...يكون خير...قوليا شنو تشرب ؟؟؟ ...

_ قهوة نص نص بلا سكار ....

دااار عبدو جهة النادل شار ليه خدا منو شنو بغاااو ....

حميد يلاااه غادي يكمل معاه الهضرة وهو يشوف جهة الحفلة وهز راسو باستغراب : مول القهوة لي قلت ليك عليه داير حفلة هنااا ..... ( شاف سميتو معلقة بالنفاخات فالحيط كادل على صاحب العيد الميلاد ): هههههه ليوم عيد ميلادو غالباا

عبدو دار لجهة فين كايشوف بفضول وهو يخرج عينووو من هول الصدمة مشوكي من شنو كايشوف قدامو ....

منير كان واقف مع رانيا فرااس الدرب...تعاببر جامدة على وجهو ويديه عرقانين..متوتر لأقصى درجة مقادرش يفاتها نهائيا فلموضوع...معارفش حتا كفاش يهضر فيه...شحال وهو غايب عليهاا وقرر مايبقاش متجاهلهاا يفرتك الرمانة ويخوي لمزيودة ويقولهاا لي كااين

نطق بتلعتم كيدور فعينيه:ر..رانيا نتي عارفة شحاال عزيزة علياا يااك...

رانياا هزات حاجبهاا:من صباح امنير ونتا ونتا كاتدخل وتخرج فلهضرة ومزير باغي تقول شي حاجة ومقادرش...قول شنو كااين؟!راك خلعتيني

منير بتحصر:ممم..هو فلحقيقة دوزناا وقت زوين مع بعضياتناا...وقت لي مانقدر لا انا ولا نتي نسااوه...اي لحضة دوزناها بجوج غاتبقاا منقوشة فدمااغي حتى لأخر نهار فحيااتي...

رانياا بلعات ريقهاا بخوف...ردت عليه بنفاد صبر:شنووو كااين...لاش كاتقولياا فهااد لهضرة دابا..وااش غاتمشي لشي بلاصة ولا شنوو؟!!

منير:اناا كانبغيك ارانياا هادي هياا لمهمة بغيتك ديريها فباالك وماتنسايهااش..وخاا يوقع لي يوقع (شاار لقلبو)نتي هناا مسدود عليك...

بقااات كاتشوف فيه بلا ماترمش...منير خدا نفس معمق وخرجو بمهل...تشجع وقاال:بصراحة مكاين مابقا لياا مانخبي ...انا جيت ليوم غير باش نصارحك ونمشي فحالي...حسن ماتسمعيهاا فجيهة اخرى...(هناا رانياا مابقاا ليهاا والو وطيح قدامو رجليهاا مابقااوش هازينهاا...زاد كمل بنبرة ضائقة مخرجهاا من أعماقو بزز)غادي نتزوج اراانيااا...ربي ختار اني نكمل حياتي مع وحدة اخرى مااشي معااك..عاارف غاتجيك صعيبة ولكن معاندي ماندير ليك...مااشي بيدي

رانياا كأن الزمن توقف بيهاا...لسانهاا جمد مقدرااتش تحركو...ضباب جاات على عينيهاا من حر الصدمة لي تلقااتهاا...تلقاتهاا من لإنسان لي كانت عندو مكانة خاصة فقلبهاا ومتوقعاتهااش منو ابداا....

سكتات تواني وهياا تبداا ترسم ضحكة على شفايفها غادا وكاتطول فيها حتاا طلقااتهاا بجهد:ههههههههه لاااا...نتااا كااتفلاا...غييير كاااضحك ياااك...ههههه بصح غير كااضحك...ماكتهضرش بصح...ياااك غيير كااتكدب؟؟؟...

منير بقاا حادر راسو ومسح على وجهو بنرفزة عاارفهاا مغتقبلهاااش بسهوولة...رانياا ملي شافتو سااكت وسكاتو طول و كايدل على ان كلامو صحيح ومكايتفلااش...جمعاات ضحكتهااا وشافت فيه محقدة الشوفة وعينيهاا رجعووو حمرريين....

نطقات بلغوااات:وااااش كاااتهضر بصاااح...دوي قووول شي حاجة...هاادشي غير كدووب مامنو واالو...نتااا مايمكنش تمشي من مورة هااد لمدة كااملة لي دوزناا وتخليني...(منير سكت مقدرش يجاوب ضرباتو على كتفوو بجهد)هضاااار البشاار عطيني خووو جوااابي....ولاا صاافي صرطتي لسااانك..هضااارر ومااتزيدش تعصبنييي....

منير بلغوااات:تيقي بيااا ربي لي عااالم بيااا...تمنيت نموووت ومايجيش هاد نهااار لي نتفاارق معااك فيه...ولكن لوليدة هيااا سباااب...خيااارتني ماابين السخط والرضى...لواات لياا درااعي وهيااا لي ختارت تخطب لياا بنت عمي...ماااشي انااا....اه نتي عزيزة عليااا وكاانبغييك...ولكن مي عز لياا منك ومايمكنش نهبط كلاامهاا للأرض...

رانياا زادت تشوكاات ملي سمعاات لبنت لي غايخطب شكون هيااا...بتاسماات بستهزااء:ههه بنت عمك...هاديك لي كنتي عادوتي ليا عليهاا خدامة وعندهاا دار وطنوبيل وكونط مفرݣع فلبانكة...خاصهاا غا راجل على عنين لعدياان...هيااا يااك؟؟!

حرك راسو بلإجااب يلاااه غاايدوي وهياا تقااطعوو بحدة: الله يعطيناا وجهك يااا لكدااااب...عمرني شفت شي واااحد فدنيااا بشمااتة ديااالك....كفاش قضرتي هاااد لوقت كاامل ضحك عليااا...هاااد لوقت كااامل ونتااا كاتجرجر فيااا وانااا كيف شي حمااارة متيقااك ومتيقة كدوووبك وعينيااا معمييين...باااش فلخر تبع لفلووس وتلوحني وتقولياا خيارتني مي مابين السخط والرضااا؟؟!(زادت كملاات بصراااخ) بااش فلخر تجي لعنديي ببرودة وتقولياا سااعتك سلاات....

منير رد عليهاا بصراامة حس بيهاا هاانتو :عرفي شنوو كااتخرجي من فمك حسن لييييك...خليني معاااك مزيااان...لدابا مباغيش نغلط فييك ابنت نااس داير بوجه لعشرة لي دوزنااا...و اناا مااشي طمااع حتاا نتبع لفلووس...لوليدة هيااا السبااب واناا مانقدرش نهبط هضرتهاا الارض...ورااه عندهاا الحق...ندوور حتا نعياا مغانلقااش حسن من بنت عمي هياا لي غااتقرى همي خير ليااا بزااف من لبرااني...

اللسان عبدو تربط وحلقو نشف هارب منوو ريق مخرج عينو كايشوف فخنساء واقفة مع المهدي لي كايقطع الكاطو فرحانين ... كايرمش بتتاقل مامتيقش عينيه ابدااا ...

خنساء هزات الكادو لي جابت للمهدي فبواطة كحلة صغيرة وانيقة ... مداتها ليه : عيد ميلاد سعيد عمري ....

المهدي شدها من عندها ضاحك : هههههه شكراا امراتي الحبيبة .... ( غمزها وهمس فودنها ): اصلا نتي اجمل كادو خديتو فحياتي ....

خنساء وسعات ابتسامتهااا تحت انظارهم كاملين وهما فرحانين من غير ملاااك لي كون كانو عينيها قرطاس كون عطاتهم ليها بلاماا تحن ... شاعلة فيها العااافية من الداااخل ...

المهدي حل البواطة لي كانو فيهااا اقرااط راقية ديال كمام القاميجة كايبانو كلااااس خطيرييين وباينة فيهم غاليين ... المهدي وسع ابتسامتو كايعجبو يديرهم فيدو خصوصا فالمناسباااات ... هزهم بفرحة ضاحك حتى بانو نيابو وتبتهم فالقاميجة ديالو وخنساء كاتعاااونو .... سالاو وعنقها شاكرها بايس على جبهتها

عبدو كايشوف فيهم وقلبو كايضرب فالتسعين ماكرهش كون تشقات الارض وبلعاتو فهاد اللحظة ... علاااش ديماا كايجي فهاد المواااقف غير باش قلبو يتحرق .. ما جا فين ينسى الصفعة لولة تزادتو هادي

ملااااك قادات خصلات شعرها دايرة ابتساامة عريضة وقربات عند المهدي مدات ليه الكادو ديالو كاتهضر بصوت محلون : عيد ميلاد سعيد امهدي العقبة لمية عام ان شاء الله

المهدي ابتاسم ليها بلباقة واخدها من عندها : شكرااا ماكنتيش تعدبي راسك ...

ملاك كاترمش ببراءة مصطنعة : مكاين حتى عذاب تستاهل كتر

حرك راسو بايجااب وحلهااا كانت فيها ساعة يدوية لي واخدة ليه ... عجباتو حيت شييييك وانيقة ومن النوع لي كايبغي ... ملاااك كاتسناه يلبسها دايرة فخنساء شوفات نارية وهي كاتميق فيهااا ... المهدي حطها فوق الطبلة قدام عينيهااا خلاها مصدومة كانت متوقعاه يحيد لي فيدو ويلبسها ... خنساء شافت فيها وضحكات باستفزاز هي وسارة لي سراااا معاها البلااان عااااجبهم الحال ...

زيرات على قبضة يديهااا بعصبية محاولة تكااالمااا وماتنفااعلش واخااا الفقصة غادي تاكلهاااا ... مزيرة على فكهاااا بضغط كبير...

عبدو تنفس وحيد عينو من عليهم بزز كايتنفس كابت مشاعيرو لداخل ديااالو ...

حميد نطق باصرار : اجي معايااا نعرفك علييه ومنها نباركو ليه من باب الصواب ...

عبدو حل فيه عينو ناطق بنفي : لا لا غير سيييير ماشي ضروري واصلا ماعنديش مع ديك الاجوااء ...

الرجل بتأكيد : الله يهديك اولدي عبد الله نووض الله يرضي علييك متأكد غادي يعجبك وتفاهم معااه ...يلاه ...

بقااا مصر علييه بالهضرة حتى نوضو بزز منوو جارو لجهتهم ... قربو لعندهم ونطق الرجل بلبااقة : سي مهدي فرصة سعيدة هادي ...

المهدي شاف فيه مبتاااسم : ههههههه سي حمييد ... اهلاااا غبوور هاادي ...( سلم عليه بلباقة) ...

خنساء كانت ضااحكة ودايرة كاتدوي مع نادية ... سمعااتهم ودورات راسها لجهتهم غير شاافتو كايشوف فيهااا واقف قبالتها تصدمات من الداخل ولكن ملامحهاا بقات جامدة وما دارت حتى رد فعل ...

حميد : عيد ميلاد سعيد اسيدي ... شفتك وانا نقول لعبد الله والو نمشي نسلم علييه ... ( بتدكر ): اييه الله ينعل الشيطان هاذا عبد الله ولد صديق عزيز عندي ...

المهدي مد ليه يدو بلباقة : متشرفين اخويا مرحبا بيك ...

عبدو جاوب والتوتر باين على وجهو : الله يكبر بيك ...

خنساء كاترمش معارفة كيفاش تصرف كاتحاول تكون مهدنة وعادية ... مد ليها حميد يدو مسلم عليهااا بحكم فايت تعرف عليهااا وعاد شاف فيها عبدو ورسم ابتسامة هادية على وجهوا كايشوف فعينيهااا نيشااان نطق بصوت باح مباغيش يبين انه عارفها ابدا ولا يخلق ليها شي مشكل : سلام الالة ....

خنساء بملامح جامدة وبلا مبالات نطقات وهي دايرة ابتسامة خفيفة فالجنب ... ناطقة : سلام عبد الله صافا !! ( بهدوء ): كيف دايرة الواليدة لاباس عليهااا احوالها مزيااانة

عبدو تفاجئ من تصرفها كان متوقع تنكر معرفتها ليه بالمرة ... رمش بتتاقل ويدو فيدها متوتر وحاس بواحد الشعور غريب بزااف ... شحال ماتحسس لمساتها ويديها النااعمة ... دغيا باان فوجهو التوتر وهي مفيكسيا عينها فعينيه بكل برود كأنها صخرة قدامو وهادشي لي مخليه يرتابك كتر ... نطق بتلعتم مجاوبها : الحمد لله لاباس عليها ... ( محاول يخفي ارتباكو ): نتي بيخير مالين الدار !!...

دارت ابتسامة عادية وجرات عندها يدها بكل تقة : انا بيخير والدار نسولك عليهم نتا غاتكون عارف احوالهم كتر مني ...

المهدي باستفهام : اءء كاتعرفيه ؟؟ ...

خنساء وسعات ابتسامتها وجاوباتو متبتة نظرها على عبدو : الله اودي ... حق المعرفة ( هزات حاجبها فعبدو ضاحكة عادي ونظرة الاستفزاز فعينيها ): ومعرفة قديمة كاااع ... ولد دربنااا كايسكن حدانا ...

حميد : ههههه سبحان الله دنيا شحال صغيرة ... انا كانعرف باه الله يرحمو من شحال هاذا ودابا هو لي خدا بلاصتو وشد محال الزرابي ديالو وكاندوز ليه السلعة ... فلخر صدقتو جيران هههه ...

المهدي ضحك : ههههه سبحان الله ( خاطب عبدو لي بلع ريقو متحكم فراسو غير بزز ): تشرفت بمعرفتك ...

عبدو بايجاب : اه الشرف ليا اخويا ربي يحفظك ...

خنساء كاتبان هادية ومكالمية كاتصرف بشكل عادي كأن حتى حاجة ما واااقعة وتاابتة مدايرة ليه حتى اعتبار .. عكس عبدو لي باين فيه ماشي هو هادااك ومتوتر بلا قياس ... كيحك على راسو محاول يغطي ارتباكو قدر الامكاان ولكن وااالو ... غير وجودو مع خنساء فبلاصة وحدة وراجلها معاهااا مخليه يفقد تركيزو بالمرة ... هادشي بان فيه ولاحظاتو ملااك لي مني وقفو وشاف خنساء جاها فشكل دخل ليها الشك خصوصا انه مني سلم عليها بين على انه معارفهاش وفرمشة عين صدقات هي كاتعرفوا مزياان ومن الفوق ولد جيرانهم ولكن علاش مرتابك هاكااا ؟؟ ... علاش ماحيدش عينو عليها بالمرة ؟؟ ... اسئلة كتيرة طاحت فبالها وخلات عقلهاا مشوش بمعنى الكلمة ...

عبدو مابقاش قادر يصبر نطق باعتذار : الحاصول غاتسمحو ليا خاصني نمشي ... فرصة سعيدة هادي .. ( شاف فخنساء لي مامعتابراهش واش كاين اصلا مبينة ان وجودو بحال عدمو ): بسلامة اخنساء ...

خنساء بلباقة : الله يعاون وسلم على الداار ( ضغطات عليها ): اخوياا عبد الله ..

ديك خويا ضرباتو لودنو مصمكاااه حرك راسو باييه ونطق مخاطب المهدي: تهلا فراسك ..

المهدي بصواب : كلس شوية معانا شاركنا باقي الحال ...

عبدو باعتذار : لا لا غير عفيني ... عندي مايتقضى دابااا مرة اخرى ان شاء الله ...

المهدي سلم عليه : ان شاء الله ... تهلا فراسك ....

ودعهم وزاد من تما خاشي يدو فجيبو حاس بالخنقة شاداااه والصهدة ركباتو من الموقف لي طاح فيه معاهااا .. غادي خارج فحالو كايلعن النهار لي جا فيه لهاد البلااصة .. تحت نظراات ملااك لي كاتشوف فيه بشكيك اضطرابو دخل ليها الوسوااس وخلاااهاا تسائل من جيهتو على بزاف ديال الامور ... خصوصا ان شافاتو لخنساء ابدا ماشي عادية وهي ممكن تميز هادشي فرمشة عيين ... اكيد من وراه شي قصة وهي مغاتهنى حتى تعرفها ...

منير رد عليهاا بصراامة حس بيهاا هاانتو :عرفي شنوو كااتخرجي من فمك حسن لييييك...خليني معاااك مزيااان...لدابا مباغيش نغلط فييك ابنت نااس داير بوجه لعشرة لي دوزنااا...و اناا مااشي طمااع حتاا نتبع لفلووس...لوليدة هيااا السبااب واناا مانقدرش نهبط هضرتهاا الارض...ورااه عندهاا الحق...ندوور حتا نعياا مغانلقااش حسن من بنت عمي هياا لي غااتقرى همي خير ليااا بزااف من لبرااني...

رانيا دموع تحجرو فعينيهاا...دنياا ضلامت قدامهاا..شحاال وهيا صابرة معاه وكاتشوفيه الراجل لي غايتزوجهاا شي نهار...شحال وهيا كاتسناا نهار لي تكون مسدود عليهاا معاه فدار وحدة...وباش جزاها فلخر؟!مشى عند وحدة اخرى و خلاهاا ...

نطقات بنبرة مخنوقة كاتضرب فصدرهاا بحرقة:انا مقريتش همك امنير... خمس سنين وانا كانتسنا فيك بحال عروسة لمنحوس لي مامطلقة ما هيا عرووس....انا ماقريتش همك ملي تسنيتك هاد لوقت كامل تكون راسك وتلقا خدمة مزيانة ودفع فدار فين نسكنو بجوج...جااو حسن منك دقو فبابي ومتوصلهمش واخاا طير لسماا السابعة ومابغيتهمش... قلت لاا...لااا ماميمكنش نخليه...مايمكنش نتبع لفلووس ونضحي ببنادم لي كانبغي ورتااح ليه قلبي...(كملااات بلغواات ولات كلهاا كاترعد بلأعصااب)هاادشي كااامل ماشفع لياا بوالو عندك... بااش فلخر تمشي وتخليني ومن فوق هادشي كاامل ترضني براانية ومقريااش همك...

منير تنهد وزاد قرب لعندهاا يلاه بغاا يشد فيديهاا وهياا تنفر منوو بجهد:ماااتقيسنيييش...حيد علياااا يدييك

منير بعد عليهاا بخطوة ونطق بتفسير:كون كنت نقدر ماغانخليكش تيقيني...نتمنى يجي شي نهاار تعدريني فيه...شي حاجة فوق طاقتي...ومااشي بيدي..شي..

قاطعاتو بحدة:كيفااااش غادي يجي هااد نهاار ونعدرك غير قوليااااا...وخاا ترجع لكرش مك وتخرج تولد من جديد معمرني غانعدرك ياا لكداااب...فاول فرصة...(زاادت ضاغطة عليهاا بحرقة)اول فرصة سستيني بلا ماترمش ولا تفكر...هادي هيااا كانبغييك ونتي لهوى لي كانتنفس...هاادي هيااا نتحداا دنياا كااملة غير على قبلك...(طلعاتو ونزلاتو بشمئزاز) : طلع عندك غير لفم بحاال لبراااد...

منير بلغوااات:وااشنو بغيتيني ندير.. حطي راسك بلاصتي...لوليدة هيا لخطباتهاا لياا...انا غامݣدم ومانقدرش نقوليهاا لاا...الى كنتي كاتحسي بشي حاجة من جيهتي..عدريني عفااك

راانيا: دااكشي لي كنت كانحس من جيهتك قتلتييه اولد ميمتوو...مافكريتيش فياا انااا لي مطمعني بالزوااج هااد لوقت كامل...انا لي ضيعت معااك ياامي... مافكرتيش فشنوو غاايكوون فيااا؟؟!واااش لهاااد الدرجة معندكش الضميير؟؟رضيتيني بحال شي لعبة كنتي كادوز بيهاا لوقت وكاتلعب بيهاا ملي كاترشق ليك وملي ماكايكون عندك مايدااار

منير مابقاش قادر يسمع لتأنيبهاا نطق بصوت خافت باغي ينهي معاهاا نقااش:حاشاا ارانياا تكوني لعبة....بااش بغيتي نحلف ليك بلي كاانبغيك...بلي كانتوفى على تراااب لي كاتمشي علييه...ولكن غادي نتزوج ببنت عمي مااشي بيك نتي بزز مني ...نتمنى تفهميهاا

رانياا حدراات رااسهاا حابسة لبكية مابغااش طيحها باش ماتزيدش تضعااف قداامو......ناار شااعلة فداخل ديالهاا كاتحرق فيهاا بلمزياان...مشعرااتش حتاا هزات يديهاا لفووق وجمعاتهاا معاه بتصرفيقة...

ونطقات كاارزة على سنانهاا بشدة:غداااار....شماااتة ورجلة بزاااف عليك...وخاا يبقا فيا عرق وااحد كايضرب...معمرنيي غانسى هادشي لي درتي فيااا يالمنااافق...معمرنييي غااانسااه

منير زير على قبضات يديه محاول يتكالمااا رد عليهااا شااعل:كون مااشي على وجه لعشرة لي دوزنااا...كنت غاانوريك شناهاااا تهزي عليااا يديبك...دابااا نساايني وخليني معاك مزياان...وديري فباالك بلي حيااة قصيرة..وغانتشاوفو من بعد...خلي لأمور تبقاا مزيانة حسن لياا ولييك...

راانياا بعصبية مابقااش باين قدامهااا:الى كاانت لحيااة قصيرة سير طولهااا وطلعهااا معااك اشماااتة...وهااا لعاار قلب طريق الى شفتيني شي نهاار ومتورينيش خليقك..الله ينعل دقيقة لي عرفتك فيهاااا...تفوووو

كملاات هضرتهااا ومشاات بخطواات سرييعة غادة فحاالهاا...دايرة يديهااا على فمهاا كاتحاول تكتم شهقااتهااا المتتالية لي خارجة من أعماقهااا...عااد قدراات طيح دموعهاا الحاارة...شمتة وغدر تلقاتهم من أعز انسان عرفاتو...لوقت كاامل وهيا دايرة فيه تيقة عميااء كاتشوف غير لحوايج الزوينة فيه وكاتعاماا على شي لااخر...فرمشة عين قرر الرحيل...خلاها بإرادتو ومشى عند وحدة اخرى...وكاان لفرااق هو نهاية قصتها المأساوية بيه....

صباااح جدييد مشمس شوية .... فالدار عند رانيا كالسة خنساء مربعة رجليها فوق السرير وسادين عليهم البيت بالساروت كاتعاود ليها شنو وقع مع منيير بالتفصيل وشنو قاال ليهاا ... وكاتلهط بحرقة عينيهااا شلاااال .. كاتخصص وتعااود محروقة من الداااخل حااسة بحمل الدنيا طاااح على ضهرها

خنساء حطاات يديهااا على كتفهاا وهيا كاتشوف فيها بتحسر قطعات ليهاا قلبها:وصافي بركة عليك من لبكاا...شوفي عينيك كيف ولااو..كاتبكي هادشي كامل وكاطعني فراسك على وااحد مايستاهلش حتى دمعة طيح من عينيك...نعلي شيطاان

راانياا زاادت فتنخصييص كاتبكي بحرقة ودمووع دايزين من على خدهاا بغزاارة وكتفرك يديهاا مع فخضهااا بلعصاب:ولد لحراام غدرني...اهى أهئ...شحااال وهو مجرجرني اعواام و أعواام وانا معلقة كانتسناا فيه..رجال لمخيرين دقو فبابي ورديتهم وخرجت فيهم لعيب واخا مافيهمش...وفلخر يخليني ويمشي يتزوج بوحدة أخرى لي جات فيوماين ودااتو ...اهئ أهى...الله يااخد فييه لحق... غدرني الكداااب غدرني...

خنساء لوات يديهاا على درااعهاا ضماها ليهاا قطعات ليها قلبهاا... ونطقات بحنان كاتواسي فيهاا: وصاافي اصحبتي داباا ربي يسهل عليك وتاخدي سيد سيدو..وهو لي خلاك كاتبكي هاكا وتفقصي والله مايكمل عليه فهااد الزوااج...دابا تسمعي خباارو....شتي رااه مايسوااش ولد الحرااام

رانيا كااتشهق مغمصة عينيها لي تسدو بدمووع:واااا بقااااات فيااا الشمتة...صدق غير مدوز بياا لوقت..وانااا كيف شي هبيلة داااايرة فيه رااسي ومتيقاا هضرتوو وزفووط لي كايزفط عليااا...وكانتسنااه(زاادت غوتاات كارزة على يديهاا وفمهاا كايترعد بتنخصيص)واااضحك علياااا الحيوااان...خداااني لحم ولااحني عضم..أهئ أهئ...

خنساء وسعات نضراتهااا...ضربات ليهاا الطن فراسهاا...بعداتها عليهاا و شافت فيهاا بحدة ونطقات مخنزرة:كيفااااش يااصݣعة لياام "ضحك علييا"...(كملات بتشكيك محمرة فيها الشوفة)ياااااكماااا؟؟؟!

رانياا هزات على كتافها : واااش من نيتك اصحبتي ... كيفااش ياااكمااا ... بففف انا فين ونتي فييين ... هء هء هء... اش خاصك العريان خاتم امولاي

خنساء بتأكيد : تيي جاااوبيني ...( بحدر ): ياااكمااا دار ليك شي حاااجة؟؟؟

رانيا تمطقاات : اش غايدير ليااا حتى نتيي ... بحال هاذااك مايقد يهز حتى سروالو يهز ليا رجلي ... انا ماعرت فين كانو عيني وعقلي النهاار اللول ....

خنساء بارتيااح : ايوااا صافي مكاين لااش تحمقي راسك دابا وتمرضي ... نوضي غسلي وجهك وبدلي علييك وخليناا نخرجو نفوجوا شوية ... راني علمت المهدي غاندوز معاااك النهااار اليوووم يللاااه بلاماا تبقاي تفقسي فراسك هنااا بوحدك ...

رانيا بعدم رضى : لا غير خليني هناا مااعندي كااانة ... بلاااش ...

خنسااء خنزرات فيهاا : دابااا يااا غاتنوضي يا غانهبط عند عتيقة نقولهااا هاديك الهبيلة عندك راااه ضحك عليهااا منييير وساااسهااا وشوفي ديك الساااعة حريرتك معااهااا ..( زاادت للماريو كاتجبد ليها حواايجها): تكعدي براكة من النحييط ونتي تقولي هرب عليك ولي العهد ... حتى داك زويزو ديال منير يبكيو عليه الناااس تقلبيه تلقااايه عندو قد البلوطة خهههههههه ... ونتي دايرة هاد الحااالة

رانيا رسمات ابتسامة خفيفة على وجهها كاتمسح دموعها : ماتعرفيش تخليني نكتائب فخاطري!! ...

خنساء رمات عليها شنو تلبس : لااا غانخليك .... ولكن حتى نخرجو ونرجعوا وارا ماتندبي وتبكي باش مرا اخرى ماشي لي جا يطلع مع **** موووك الصبغ ...

لبسات ووخرجات هي وياها يبدلو الجو واخاا حالة رانيااا حالة ولكن فضلات تساريها شوية على انها تبقى مخشية بوحدها .. عارفة صاحبتهاا كيف دايرة واكيد مغاديش تجاوز هادشي بسهوولة ... وغايخصها وقت تقبل الصدمة خصوصا انها انسانة حساسة وماعندهاش قوة التحمل ودغيا كاتنهار واصغر حاجة ممكن تأتر فيها ما بالك تغدر فاقرب انسان لقلبها اكيد مغاديش دوز عليها بالساهل ...

دقات ملاك لباب كاتسنا يتعطاهاا لإدن باش تدخل...راسمة بتسامة هادئة وهازة شي وراق فيديهاا...

قال مهدي بإجاز مركز انضارو على لبيسي:وي دخل...

حلات لباب ودخلات عندو بخطواتها الرشيقة كاتقرقب بطالونهاا...قربات لعندو وحطات لوراقي فوق لبيرو

ناطقة بهدوء:هادو شي فاكتورات خاصهم يتخلصو...وبيما اني مابقيتش مكلفة بلاكيس جبتهم ليك تتكلف بيهم...

مهدي ناض وقف هز تيل ديالو وسوارتو غايخرج:صافي غا خليهم انا غانخلصهم من بعد...

حركات ليه راسهاا بلإجااب ودارت عاطياه بضهر ... رسماات بتسامة شر على ملاميحهاا...غمضااات عينيهاا وحطات يديهاا على جبهتهاا..فقدات توازنهااا وجاات غااطيح جاب الله قرب لعندهاا مهدي بخطواات سريعة على نيتو شدهاا جاات طاايحة نيشان على درااعو...شافيهاا بدهشة مرمية قدامو وهو لاوي عليهاا يديه...

بداا كايضرب فحنكهاا بضرباات خفيفة باش تفيق وهياا مغمضة عينيهاا:ملااك كااتسمعيني...ملااااك

حلاات عينيهااا بتتاقل قلبهاا كايضرب على جهدو أول مرة تكون قريبة ليه بداك الشكل...طولاات فيه الشوفة هاايمة فملامبحو الرجولية لي سكناتهاا وهياا كاتشم ريحتوو لي مدوخاهاا مند زماان...مهدي هز حاجبو مركز عليهاا انضاارو...مشعرش حتاا لقااا راسو كايشوف فتفاصيلهاا بحالا أول مرة غايشوفهم...كيفاش كاتشوف فييه وترمش ببراءة بين يديه وبعض من خصلاتهاا مليوحين ورى دراعو...شكل باش كانت قريبة ليه وملاصقة معااه لدرجة مابقاش كايفصل بيناتهم حتا سونتيم خلااه يسرح فيهاا بلا مايشعر....ولكن مدازتش تواني كتيرة حتااا رجع لوعيو و ستعقل..ݣعدهاا وهياا قبل مااتفك منو...حطات يديهاا على صدرو بلعااني بااش زعماا تقااد فلوقفة حركة خفيفة وشيطانية منها خلاتو يرتاعش....بعدات عليه وغمضات عينيها حاطة يديهاا على جبهتهاا كاتصطانع لألم...

مهدي تساؤل بهتمام:يااك لابااس...واش عياانة؟؟!

ردت عليه بنبرة تقيلة وهياا باقة على نفس الوضعية:شوية وصافي...يمكن طونسيو هبطات لياا وهيا لي خلاتني ندووخ هاكاا...

رد عليها برجاء:مايكون بااس عندك...خودي هاد نهاار وسيري ترتاحي...والى كنتي عيانة غدا بلا ماتجي...

ملاك وهياا كاتحرك راسهاا بإجاب:واخاا...نكمل غا شيحاجات خفاف ونمشي...

مهدي يلاه كان غاايدوي وهو يقااطعو صوت التيل كايصوني...دغياا دوز لابيل ومشاا خرج من بيروه بزربة ناسي ݣاعمة يسدو كيف لعادة...ملاك بقااات متبعاا ليه لعين حتااا مشاا وتأكدات انه غايكون خرج من لقهوة...مشاات كااتجري لبيروه كااتقلب...طااحت يديهاا على واحد لاجونداا مقيد فيهاا جميع النوامر والإمايلات لمهمة ديال الناس لي كايتعامل معاهم...بدات كااتصفح اوراقهاا بزربة خوفا لا يجي شي واحد ولا هو يرجع ويلقهاا...بقاات كاتقلب وتقلب ودوز فصفاحي حتااا طااحت على نمرة مكتوب فوقهاا"حميد مول الزرابي"هنااا وسعااات ابتسامتها الخببيتة حيت لقااات لي بغااات...

صبح يوم جديد..لجو مغيم فلمدينة وشتاا خفيفة كااطيح....كرز مهدي على قبضة يديه وضررب لفلون ديال اللوطو بجهد كايفرغ فيه اعصابو...مخنزر عااقدهم فتسعين... عااود دوز لابيل مرة أخرى وهو مغدد...تواني حتاا جااوب الشخص..

قبل مايهضر نطق مهدي بعصبية مامخليش ليه لمجال فين يدوي:وعل لأقل خلي فيك شوية الرجلة وجااوبني...بلا ماتبقاا مخبي بحاال لولية...

رد عليه الشخص هاتف بتأسف:والله اسي مهدي حتاا مابقاش عندي لوجه باش ندوي معااك...غاسمحلياا وصاافي...

مهدي بصوت مرتاافع:هاادشي لي خااسر عليااا...وااادييك سمحلياا سيير كوولهاا...ملي ماعينيكش تشري لأرض...لااش باارك كاتفلاا وطنز علياا ومعمر السووق هكاااك باااطل...سوووق خلييه لسيااادك همااا لي قادين بييه...

الشخص بتفسير:واارااني كنت بااغي نشري من عندك...وكون تشوف شحاال ديك لأرض عاجبااني ماتهضرش....ولكن لغالب الله...لفلوس مكاملينش عندي...وسيد لي كان غايسلفني خوى بياا فأخر لحضة...وحتاا الى بغيت نتسلف عند لبنكة معنديش الضماناات...

جااوبو شااعل:وانااا مخليني عند النوطير ݣالس كانتسنااا ومعول علييك...ديك سااعة قوولهااا...قوولياااا معنديش لفلووس كااملة...كنت نقدر ندير معااك مصاارفة ولا نأجلو لمن بعد عاد ندوزو لبييع...ولكن بااش تخوي بيااا هاكاااا مااانقبلهاااش....

يلااه غايرد عليه باش يزيد يعتادر وهو يقطع عليه مهدي مابقااش بااغي يسمعو...ضارب بتييل ديالو ونطق ساااعر:تفوو على بشااار...رجلة تلكرطون

خداا نفس معمق وزفرو بمهل محاول يهدن بيه رااسو ...ديماارة اللوطو بعصبية ممصروطش ليه لبلان.. وكسيراا بجهد حااقد راجع فحاالو لدارو...

المهدي هبط من اللوطو طااالعة ليه القردة للراس ... ماتصرطش ليه البلان لي دار ليه الشاااري شبع فيه تجرجير وفلخر خوا بييه ... مكايحملش هاد البلاناااات ... سد اللوطو واتاجه للداار داااخل ... سلم على نادية وسارة لي كانو كاالسين مجمعيين مع بعضياااتهم وحاطين حداهم الجلباانة كاينقيوهااا مقرقبين بيها الناااب وتم طالع لبيتو ... خنساء كانت واقفة حدا الشرجم حالااااه مستمتعة بنسيم الهواااء لي داخل منوووو وساارحة كاتشوف فجهة وحدة كاتفكر فبلان عبدو لي دخل تاني لحياااتها ... خايفة يخلق ليها شي مشكل ولا مهدي يعرف شي حاجة من لي طرااا ... اكيييد ماعندو منين يعرف غير منووو حيت هاد السر مكايعرفوا تا واااحد وهادشي علاش مشاركاات هاد الامر من حتى حد حيت اي حاجة قدما عرفوهااا نااس كاتفضح ... تنهدات بعمق كادعي الله فخاااطرهااا يسهل عليهااا ويسترهااا كيفمااا سترهاا هاد المدة كاااملة ... باقااا فسهوتهااا حتى دخل المهدي للبيت لامحها بانظارو وهي ماحساتش بيه بالمرة مرفوووعة ماشي فهاد لعاااالم ... تقدم عندها بخطوات بطيئة لجهتهااا وهز حاجبو فور ما لمح واحد من الجيرااان قبالتهم واااقف فالبالكون ديال دارهم كايكمي جااااي نيشااااان معااهم ...

خنزر قاارم حجبااانوو مخصر كمااارتو وعينيه حماارو بالاعصااب نطق بالغواااات : عاجبك الحاااال كاتمنضري ..

قفزات من بلاصتها عاااد وعااات عليه ... حطات يدها على قلبهااا مفزوووعة : انااري قفزتيني ... ( على نيتهاا ): وي كانتمنضر هههههه ...

زاااد عقد حجباانووو شااعل فيه : وماااحشمتييييش ... مقااابلة فالشراااجم مع الرجااالة ....

خنساء عاد سرااات معاااهااا صغرات عينيهااا ... عاااد شاااافت الرااجل لي كاان وااقف مقابل معاهااا مكانتش كااع رادة لييه البااال ... ساطت بتعب : غاتبدا تاني المهدي !!! ....

دغيااا انفااعل ونطق بالغوااات : مااافهمتش علااااش وااقفة قدااامو .... ماعليك حكااام ولا عاجبك الحاال يطلع فيك ويهبط ...

خنساء طلعااات ليهااا القردة : واااش من نيتك امهدي ... براااكة من الهضرة الخاااوية ... بلااامااا تبداااا تاااني هااد الهضرة دياالك طلعاتلي فمخي .... خااصك غير سبة شكووون شااف شي رااجل ولااا نم ....

المهدي عروق عنقو برزو بالاعصااب ... زدح الشرجم بالجهد حتى تشق كاااعي ديال المعقووول : كووون كااان عندك الغرض وكاتسوقي وكاتردي الباااال كون شفتيييه وحشمتي وتجمعتي فبيتك ولكن نتي لاااا ماعندك سووووق .... مقااابلة معاااه راس فالراااس شااابع فييك شوووفااان ...

خنساااء طلع ليها الدم خنزرااات فيه وهاد المرة محمرة فييه عينيهااا : اش كات*ور ابناااادم ... الاااا عقلك هاكااا كايفكر رااه غير كاااتخربق ... اناا فالدااار شكون كاين مكاايهمنيييش بالمرة .... غير حيد من راااسك هاد الوسواااس الخاااوي ....

المهدي بجعرة : دابااا لي كايقول الحق كايتسمى مريض وفيه الوسواااس ....

كانت ملاك نااعسة على كرشهااا فووق السرير كاتلعب بشعرهاا شاادة التيل كايصوني كاتسناا لابييل دوز...تواني حتااا جااوب الشخص:الو سلام وعليكم...

ملاك بنبرة رقيقة:الو سي حميد لاباس عليك امورك هانية...

حميد:لحمد الله...شكون معاياا...

ردت عليه بهدوء:معااك ملاك...انا لي خدامة مع مهدي مول لقهوة لي كنتي عندو لباارح...

جاوبهاا بتدكر بقا عاقل عليهاا حيت شافهاا فلكاافي:ايييه مرحباا...لاباس عليك اختي كلشي مزياان...

ملاك بإجاب:لاباس ربي يخليك...

حميد:لحمد الله...اشحب لخااطر الالة ملااك...

ملاك ردت بإبتسامة: بصراحة انا دابا كانفرش الصالون ديالي..و دايرة ليه فراش بلدي...ومحتاجا لشي زربية...وعرفتك نتاا كاتبيع وكاتشري فيهم غاتقدر تشوف ليا شي حاجة مزيانة...

حميد:واش غانقوليك هو فلحقيقة اناا كانبيع بجملة وندفع لمحالات ماشي بلبياسة...

ملاك بضيف زائف:اااه بصااح...خساارة والله اسحااب لي كاتبيع وتشري فيهم...(سكتاات تواني ونطقات بتوسل باغا طبق خطتهاا)احم ...وماتشوفش لياا اسي حميد شي واحد تيقة من صحابك لي كادفع ليهم الزرابي تصيفطني لعندوو...

جاوبهاا بإجاب:اييه مرحبا كااين...ويلاه حطيت ليه زرابي جداد غير فصبااح...راه نيت كان معايا لباارح فلقهوة

ملاك فرنساات:اييه...الله يحفظك اسي حمييد...( كملات بتأكيد معوجة قنوفتها )ياك هدااك لي سميتو عبد الله هو لي غاتصيفطني لعندو...

حميد:اييه هو بضبط... انا غانصيفط ليك لعنوان ديال محالو فميسااج...سيري عندو وقوليه غير من طرف حميد راه غايعطيك حاجة مزيانة و يتصايب معاك حتااا فتمن...

ملااك:واخاا ربي يخليك...شكرا بزاااف

سلات لإتصاال وهياا غااطير بلفرحة حيت قربات توصل لمرادهااا...

نطقاات مباتسمة بنتصاار وهياا مخاطبة نفسهاا:مممم ودابا غانشوفو هااد سيهم عبد الله شكوون وشنو تحت راسو...زعمااا الى كاان بصح هادشي لي فراسي...غاتكوني جينيتي على رااسك بيديك...(زادت صغرات عينيها)نتي لي حركتي لحمق وخليتيه يضرب بلحجر....نتي لي قلبتي عليااا...ولي قلب علياا كايلقااني موجودة كانتسنااااه...

خنساء ميقات فييه : وشنو بالسلااامة هااادااا راااه المرض .... كل نهااار فيلم جديييد ... وااش حنااا هاد الغيرة ديااالك كغاااديش نسااليو منهااا راااه خرجان العقل هااذااا ... ( زادت من تما غادة جهة السرير طالعة ليها القنديشة للراس ركب فيها الاعصاب بهاد الفعاايل ديااالو بدا كايطلع ليها فالرااس .... يلااااه غادور جهة بلاصتهااا وهي تعفط على طرف من جاااااج طااح من الشرجم لي دخل ليهااا فرجلييهااا رشكهاااا زاابرهااا) ... غوتااات بلاا شعوررر : ايييي ايييييي ايييييي ...

المهدي شاف فيها ماعرف باااش تبلااااا مخرج عينو كايشوف دمااياااتهاا كااتجري تحت منهااا .... كلسااات فووق الكنااابي كاتزوي بالحر ديال الحرقة ... هو مشا جهتها كايجري بخوف علييهاااا باااين فوجهواااا : خنسااااء .... حبيبتييي ....

غوتاااات بجعرة من حر الضربة : بعااااااااااااد منيي ... فرقنيي عليييك الله ياااخد فييك الحق ... بسع منيييي ... نتااا سبااابي الله ياااااخد فيك الحق ..

المهدي ساااط حط يدو غايشوف رجلهااا وهي تدفعو بيدهااا صاااعرة ومع دمهااا سخوون دم شلاااال : فرقنييييي ابناااادم ماااتقربش لياااااااا .... واااااااع ... عععععععع .... الله يعطيييك العداااب ... ( كاتغوت من حر ضربة وحر الاعصااب لي ركب فيهااا كاااع مجموعين علييها) ...

المهدي تلف كايسوط بلا حول : الله يهديك اخنسااء ... رااه رجلك كاتجري بدم ...

بانفعااال مغددة : ماااشي سووووقك ... خرج فحااالك علياااا فرقني ( دمووعهااة نزلواا ) : مااتشوف ليا مانشوووف لييك .... مرضتيني فصحتي بهاد الزمر دياااالك ... ( كااتهضر بحااال الااا كااانت كاتجمع وتفركعااات ): خنقتيني ووليتي داااير لياااا قنبة على عنقييي . بقاا غير الهوااا لي كانتنفسوو تحبسووو علياااا ... اووووف اووووف هء هء هء ...( كاتشهق )

المهدي بقاات فييه وكلاااه ندم على شنوو داار : صافي احبيبتي غييير بردي فيك الدم داااباااا خليني نشووف ليك رجلييك ...

غوتااات كاااضرب فخااضهااا بجعرة : لاااااا لااااا غيييير فرقني هء هء فرقني ... ( كاتهضر بهستيرية شاااعلة فيهااا العااافية كأنها خاصهاا غير فااش تفش ... )

المهدي تنهد ونااض لمستواااهااا قرب لعندهااا معنقهااا كايحاااول يكاالميهااا : عاافااك اخنساااء صافي .... الله يرضي علييك غير بردي ... خليني نداوي ليك رجلييه ... وديري لي بغيتي من بعد ....

خنسااء بقااات كاتخنصص عينيهااا كاينزلوا بالدموووع : حرااام علييك فييين عمرك شفتي فياا العييب ... اش درت لييك حتى نستااهل هااادشي هء هء هء ... ( مع الجرحة فرجلهااا والغص لي فقلبهااا خلااتهااا تفركع ): واااخاااا تكووون وااخدني كانفسد ماديرش هاااد الحااالة ...

المهدي عض على فكو بندم منهد ... معارف بااش يجااوبهااا وناض جاب فاصمااا وبيطادين داااواا ليهااا الجرحة وحزمها ليهااا حاابس الدم ... ساالاااا وكلس حدااهااا منهد وهي باقا شادة على رااسهااا كاتخنصص وتلهط ...

المهدي بهدوء : فصراحة انا ماقصدتش ندير ليك هاااكااا ... غير الخدمة لي عصباااتني وانفااعلت مني شفت داك بنادم مقابل معااك ... ماشعرتش براسي ...

خنساء غمضات عينيهاا كاتحاااول تكالمااا حساات بدمهاا فااار ... نطقاات بايجااز : شتي الا زدتي غير شوية فهاد الحمااق لي كادير امهدي غاتخرج على هادشي لي بنينا هاد السنيين ( وقفات باغاا تخرج ): والا كااان شي نقص فزواجنااا غايكون سبابو هاد عدم التقة ديااالك ... ديرهاا فبالك ...

زادت من تماا باغاا تخرج كاتعرج برجلهااا لي محزمة ونطق موقفهاا بصوت بااح : علااش ماتخليش لي بيناتنا يقوااا .... ( بتأنيب ): علااش مابغيتيش تكون عندنا تمرة لهاااد العلاااقة ... ( بنبرة صوت هادية ): اناااا بغيت ولد ولا بنت يجمعني بيك اخنسااء ويوطد لي بينااا ... مالكي وااقفة فطريق سعااادتننا ممكن نفهم !! ...

غمضات عينيها بهدوء ودارت عندو هازة على حاجبها ... نطقات بنبرة استهزااء : الولااااااد !!!! ... الولااااد ؟!!

المهدي قرب عندها بخطوات كايدوي بهدوء وعينو فعينيهاا : اااه الولاااد ... شنو لي مخليك مزاال معكسة فهاد الموضوع ؟؟... علاش ماباااغاااش !! ...

خنساء تنهدات بعمق ونطقات بخفوت: واش داوي من نيتك امهدي !! ... فين غانديرو هاااد الولااد بالسلاااامة ... وفين غايعيشووو وحنا حيااااتنا اصلااا مامقاداااش ...

ضغط على فكو مزير يدو : علاااش شنو ناااقصنااا ... شنووو لي مخصص ليك حتى ماباغاش تولدي معاياااا ...

بلعات ريقها وشافت فعينيه نيشااان مفيكسياااهم عليه : شنو ناااقصنا !! ... ( بجدية ): واش باغيني نجيب ولاد نعيشهم فوسط كلووو شك وغيرة خاااوية ( بانفعاال ): فين غايتزااادو هاااد الولاااااااد ... وااش عند بااالك الا وفرتي ليااا كلشي صااافي راااه عاايشييين مزياااان مناقصنا وااالو ... مخااصني خير ... ( ضربااات يدهااا مع الكواافوز مكشكشة ): واااااااش الا جبتي ليهم لي بغاااااااااو راااك قاااد على المسؤولية ولااااا كيفااااش ... عند بااالك هادشي لي خاص الاسرة ... ماكلة وشراب وفلوس ولبس والدنياااا زااااااهية .... للاسف رااااه غير كاضحك على رااااسك بهاادشي ومعاارف واالو ...

كايشوف فيهااا ويرمش مكانش متوقع منهااا هااد الهضرة بالمرة ... كملااات مغددة : ماااحدك مزااال ماااقدرتي دير سااااس صحييييح مااعندنااا فين نزيدو نبنييو ... حيت غايريب كلشي على رااسنااا ....

المهدي بتفسير : خنساء بلامااا تقولي هضرة خاوية ماااعندهاااا معنى ...

خنزرات فيه : شنو لي ماااعندو معنى ... فاش كدبت؟؟ ... نتااااا مكاتيقش فيااااا وانااا مادرت حتى خطأ ... مابااالك الا درت شي حاجة عن غير قصد فين غانوليو ديييك ساااعة ... والا كانووالولاااد غاتجي تصعر عليا انا وياااهم متلااااا ... وتبرد فينا اعصاابك وغدااايك ... ( محركة راسهاا بنفي ): غير سمح ليا ولكن انااا مامستاعداش نعيش ولادي فوسط مافيمش التقة .... حتى لداباا باقاا كانشوف انك كاتسنى مني غير نغلط بااش تخرج داكشي لي فيك لدااااخل .... ( بتأكيد ونبرة اصرار فصوتها ): مني تكون قااااد تحسسني بتقتك فياااا نشوووفو الولاااد دييك الساااعة ....

شافت بتأنيب وزاادت من تماا مخلياااه ورااهااا مشووكي مقااادر ينطق بحتى كلمة ... حط يدو على الكرسي مزير عليهااا بعصبية كبييرة وغصة فقلبو ... كلاامهااا كاان قاسح وضرو فخاااطرو ...

خنساء الدمووع تحجرو فعينيهااا هبطااات فالدرووج كاتعرج برجلهااا باقااا عاطياهاا الحريق ... قاالت لنادية رااه تهرسات ليهاا ريحتهااا وماشافتش الزاج وعفطاات عليهااا ...

فدار الساايب كااانت كااالسة نصيرة والعربي على براد دياال اتاااي ... نطق العربي بشطنة : دويتي مع خنسااء هاد الاياام ؟؟

نصيرة بنفي : لا شحال هاذا مادويت معاااهااا ... تشغلت وحتى هي ماسولاتش هربات ليا من الباال ...

العربي : انا هادي يومااين وخاطري مامهنينيش عليهااا ... كون غير عيطتي ليهااا ودوزيهاا لياااا معااك ... ماموالفااش تغبر هاد الوقت كامل بلاما تسول

نصيرة جبدات تليفونهااا من الطابلية لي دايرة ودوزات نمرتهااا .. كانت خنساء متكية مع سارة فالصاالون كايتفرجو ... شافت النمرة وردااات : الو عمتي ...

نصيرة بزربة شعلات معاها : يعمي ليك العينين ... تي مااال بوووك جايبة عليناا شبااابك غاالي .... الااا ماسولنااش حنااا بالحلووف لاااا عيطتي ... مااعرت شكوووون لي خااصو يسول فلاااخر ... ولااا قد القب قد السطل ... صاااافي

خنساء حكات على شعرها عرفات راسها مقفراهااا معاهم : والله اعمتي غير الشطنة وصاافي راكم فالبااال ...

نصيرة : مممم ايواااا الله يعطينااا كمااارتك يااا بنت خويااا .... كون ماشي باااك والله من عندي لا سولت فيك نوري لوالدييك فعايل المساااخيط ...

خنساء : غير سمحي ليا راني عارفة راسي زابلاهااا ... نتوماا لابااس ...

نصيرة بايجااز : حامدين الله بلا بيك ... شدي باااك هضري معااه حسابي معااك من بعد .. ( مدات التلفون للعربي )

خنساء : الوو بااا لاابااس علييك ؟؟

العربي : الحمد لله ابنتي نتي لاباس ؟؟ ...

خنساء طلعات النفس بعمق : الحمد لله لهلا يخطييك ... عصااام ونسريين وكلشي مزيااان ...

العربي حس بصوتها ماهواااش : بيخييير ابنتي الله يرضي علييك ... واا غبرتي عليااا توحشتك

خنساء بابتسامة ذابلة : والله ابا الا حتى انا توحشتك ... غير لوقت هول الدنيا راك عاارف ...

العربي : مكاين باااس ... وااا غداااا دوزي عندي نشووفك الله يرضي عليك ...

خنساء بايجااب : ان شااء الله ابااا غدا ندووز بحول الله غير كون هااني ...

العربي : يللااه مانشدكش كتر ... خليت ليك الرااحة وسلمي على راجلك و نااسك ...

خنساء بشكر : مبلغ اباا حتى نتا سلم عليهم وتهلا فراسك ....

ودعهااا قطع مد التلفوون لنصيرة مخاطبهااا : هااد البنت صوتهاا مااهوااش غدااا مني تجي وشوفي ماالهااا .... ماتفرقيهااا حتى تقوليك اش عندهااا من دااك النهار لي جاات حالهااا معاجبنيش ...

نصيرة حتى هي ديك المرة ماعجباتهااش : ان شاء الله اخووياا ... وااخاا رااك عاارف بنتك لي فراسهاا مايعرفو حد غاانشوف معااهاا ...

العربي : غير حااولي معااهاااا راااه تقوليييك ...

نصيرة : على مولاانااا ... الله يجعلوا خيير ....

العربي : امييين ياااربي ... زيديني شي كاااس ديال اتااااي ...

بقااو كايدوييو على داك البراااد دياال اتاااي ويدردشو مع بعضياااتهم .... وبالهم بجوج مهول على خنسااء لي بانت ليهم ماشي على عادتها

يتبع...