بنت السايب الجزء 44

قرب العصر يودن وخنسااء جات من المحل عياااانة معطلة على الغدااا ... دقاات فالبااب وحلات ليها نسرين : تعطلتي اليووم ماموالفاش ليك ...

خنسااء دخلات : غير الروينة ديال البوتيك وصاافي ...

نسرين : واخا الله يعاونك ... راه غداك فالكوزينة انا غانمشي ندوش عليا حاسة برااسي قنطاانة ...

خنساء : واخا ...سمعت الحس مقطوع مكاين حد ولا؟؟؟ ...

نسرين : نصيرة راها مجبدة فالصااالون فساابع نوماات غير كلااات وجبدات عليهاا واحلام راه فبيتك الفوق .... با العربي راكي عاارفااه فهاد الوقت كايمشي يخرج يضرب ضورة عاد يدوز للجامع ...

خنساء :اه ايوا صافي ... انا غانطلع للبيت نحط راسي عييت ...

حركات ليها راسها بايجاب وزادت من تمااا طااالعة لبيتها حلااات لقاات احلام لابسة حوايجها باينة كانت خاارجة .. نطقات لتسااؤل : كنتي مسخرة ؟؟ ...

احلام بايجاب كاتفرنس : وي كنت برااا ... زيدي زيدي جابك الله بحال درهم الحلااال ... سدي داك الباب ...

خنساء ردات الباب : ياااك لاااباااس ؟؟؟ .. الله يسمعنا خييير ...

احلام جراتها كلسات حداها فسرير : قصدتك والمقصود الله ابنت عمي بغيتك فواحد البلان وماترديهاش فوجهي ها العاار ...

خنسااء : اش تمااا ؟؟ ... غير طلقي عارفة بلاناتك عوجين فحالك ...

احلام : نتي راجعة للمحل ؟؟ ...

خنساء: خليت رانيا تماا جيت نتكا شوية تقرب المغرب عاد غانمشي تاني ... علاااش ؟؟؟

احلام بابتساامة : غاتستري عليا هاد العشية هااا العااار ...

خنساء باستغراب خنزرات : كيفااااش ؟؟؟ ...

احلاام : غانخرج معاك مني تكوني غادا على اساس غادا معاك للخدمة وغانتلاقا مع عبد الله ..

خنساء خرجات عينيها بصدمة : عاااودي اش قلتي ؟؟؟؟ مافهمتش ؟؟؟ ...

احلاام فرنساات وجبدات ليها الكسوة لي شرا الصباح حطااتها على جسدهاااا ونطقات بفرحة : جااابهااا ليا اليوووم وعرض عليا نخرجو بجوج جاات معايااا يااااك ؟؟؟ ...

خنساء بلعاااات ريقهاا بدهشة باان ليها هادشي ديااالهم دغياا طور والامور بيناااتهم مشاات مزيااان ... تصدمات ديال المعقوول اخر حاجة كانت تجي فبالها ان عبدو لي قرن هادا وهو يزن على رااسهاا وحلف لاااا تفرق عليهااا دغيااا قلب الصفح وشاف فاحلااام ...

قاطع تفكيرها صوت احلاام مفيقااها من سهوتها : بغيتك تقاديلي شعري والماكيااج عااافاااك احبي

خنسااء مصدومة فيهااا ... نطقات بصرامة : واااش نتي حماقيتي... فين كاتعرفي هاد عبد الله باش تخرجي معااااه ... داكشي عندك خفاا زرباااا غير اجي وخرج ... مع واحد معاارفااهش داايرة فيه هاد التقة مي صاافا باااا ...

احلام بتفسير : وااا عاادي ناس كايخرجو بااش يتعاارفوا مافيهااا وااالو ... كايتسااارااو مع بعضياااتهم اش فيهاا كاااع ... وزايدون راه لي ماتطوف ماتغزل صوف ...( كاتحزرها برجاء): ماترديهااليش فوجهي عافااااااك

خنساء شدات على راسها بلاااا حول ونطقاات بعصبية مخنزرة فيها : انا مامقااداااك ماا معااوناك مني تحصلي نولي انا لي كاندير ليك طرييق ومشجعاااااك ... بتصرفيقة وحدة تكَري بلي كاااين ولي مكاينش ...

احلاام : وا صاافي عافااااك ... غانخرج من هنا معاك عادي ومني نمشي للمحل نقاااد عندك..

خنسااء حركات راااسهااا بغدايد منهدة ونطقااات بعياء مافيها يزيد يتفقص كتر : ديري لي عجبك غير الله يرحم بيها الواليدين خرجي خليني نرتاااح شوية راااه عييت ...

احلام وسعاات ابتاسمتها مسيفطا ليها بوسة فالهواا : مواااح ... نعول عليك احبي ... غانفيقك مني توصل الوقت صااافي ...

خرجات من تما وسدااات الباااب وخنساااء هزااات المخدة عاااضاااااااهاااااا مبردة فيهااا غدااايدهااا بحال شي مصعوووورة : ععععععععععععععع ... ععععععععع ... اووووف ... الله ينعل الشيطاان اناا مااالي فيييهم ...

خدات نفس عمييق محاااولة تكالمي بييه رااسهااا وهزات تليقونهااا مغددة باغا تنسي : نشوووفو اسييي توتة حريرتك حتى نتاااا واشمن حل غانلقاااو ليييك ... واخا دمااغ لي يفكر ماخلااااوهش ليا هااد جوج ... اوووف ... ماقدو فيل زادووه فييلة ياربي السلامة

السماا تفرشات بالظلمة والنجوووم القمر زينوهاا ... خنساااء كالسة فالبوتيك ومعاهاا سيمو ورانيا مجمعين على كيسانهم ديال القهوة بعدا ترخفات عندهم الدعوة من الكليااان ...

رانيا كبات ليهم : ايوا اخنساء شنو سبب هاد الاجتماع الطارئ...

خنساء رشفات من كاسها : ايوا الالة شنو عندنا هاد السااعة من غير مشكلتكم ...

سيمو هز حاجبو : زعما لقيتي الحل ؟؟؟ ...

خنساء : حنا غانجربو ونشوفو واش غايصدق لينا ولا لا ...

رانيا بتساؤل : وشنو طيح عليك شيطانك هااد المرة ...

خنساء بهدوء : اول حااااجة غايخصني على الاقل سيمانة ولا عشر ياااام ... يعني ضروري تلاهي باباك هاد المدة ... وداك خيي حاولي تواصلي معاه ...

سيمو هز حاجبو مخرج عينو : كيفاااش توااصل معااه تاني ؟؟؟ ... صافا با ؟؟!

خنساء بلا حول : شتي بااااش مامزيانش دخل الجنس الاخر فالخطط ديااللك ... تعلم تسمع بعدا عاد جااوب راااه بالمهل كايتكاال بودنجاال ولي حماااة فيه البيضة كايتصلق بيها ... ( خاطبااات رانيا ): نتي غاتحاولي دوي معاه مرة وتعاملي معااه خااايب ... حاولي تنفريه منك على اسااس انك مامناسباش لييه ... بالمختصر كرهييه فييك ...

رانيا : هادي حالها ساهلها حيت نيت محاملاهش مغاديش تصعاب عليااا ...

خنساء بايجاب : مزيااان ونتا اسيمو غايخصك ضبر لياا على تصاور شي وحدة تكوووون قوووقة بووومبااا ... زويينة بالجهد توتة بحاالو ( بتأكيد ): ومني كانقوليك زوينة كانعني بمؤهلااتهااا ..

سيمو هز حاجبو : كيفاش تاني بمؤهلااتهاا ؟؟!! ...

خنساء ميقااات وخاطبات رانيا : عرفتي شنو غا خودي توتة حسن ليييك ...

رانيااا : راااه غير كايتبوهل عليك ... راه كايعرف القرامد تحت الارض هاااذا ....

خنساء بشرح : غاتكون زوينة شكلاا وجسداااا ... بغيت تصاور غير تشوفهم اولدي اسيمو تنوض ضربها بتدويشة تحيد العرق ( غمزاتو ): دابا فهمتي ...

سيمو حك راسو : ممممم فهمت هادي ساااهلة ... اعتابريهم عندك

رانيا هزات حاجبها : موااالف .... ساااهلة ماهلة ....

سيمو بلا حول : وا الله يهديك ارانيا اش جاب هادي لهادي حنا باغين نلقاو حل ونتي كاتقولي هاكا ... نعلي الشيطاان ...

رانيا عوجات : مكاين شي شيطاان قدك ...

خنساء : بقاااو تغانو ... كل واحد فيكم يدير لي قلت لييه والبااقي خليوه علياا ... وطبعا نتي حاولي فهاد المدة تأكدي على باباك بيلا هاد الراجل مايصلاحش ليك .. مرة مرة لوحي ليه نويطاات رااه كايقلل عليك الحيااا ونتوما باقي مادرتو وااالو ... المهم حاولي تخيبي ليه صورتو ومهديه راه مايسواا مايصلااح بااش مني تجي دقة نكونو فرشنا ليهااا ... غير هو ماتعيقيش ... رقدي القديييد بالقيااااس باش مايملاااحش بزاااف

رانيا : كوني هااانية من هاد الناحية ....

سيمو بتحدير : ماتكتريش معاه الهضرة لا يولي راكب عليك هانا كانعلمك ...

خنساء ضحكات : هههههههه خايف طيح فييه ... غاتهنى البنت غطساات فيك حتى لزنافرهااا واخا تبغي طلع حفرتها غااارقة ههههه ...

رانيا : هههههههه قوليها لييه ... المهم على الله يصدق البلاان ...

خنساء بعجرفة : كانلعبو هناااا اساااطة ... قدام صووت خنيسة وحلاوة لسااانهااا كلشي يطيح على زناااافروووو بلهلا يطريه لواالديه ... ماغلبنتاااش حتى الهندية لي مشوكة يغلبنااا توتة خهههههههه ...

باقين كايهضرو حتى وقف عبدو واحلااام بالموطور بااينة فيها غاطير بالفرحة وهو كايضحك معااهاااا ناااشطين بالمعقووول .... هبطاااات مادا ليه الكاااسك وكاايهمسوو مع بعض تحت نظرات خنسااء لي بلعاات ريقهااا ... احلاام ودعااتووو وهو هبط قاد الموطووور شار ليهم غير بيدو وزااد للمحاال بلاماا يدخل عندهم على غير العادة ...

خنسااء هزات حاجبهاااا ماموالفااش ليه يمشي بلاما يدوز عندها وعاد وهما مجموعين كان كايلقى هاديك هي الفرصة ديالو باش يكلس معاهااا ... لهاد الدرجة مابقاش مهتم اصلااااا حتى الشوفة مكايطلعهااش فيهااا ... بلعااات ريقهااا مراقبااه بعينيها وهو دخل للمحل ديالو حااس بالم قاسح فكتااافوو ومعدتو باقا عاطياااه الحرييق ... غير متجااهلهااا محاول مايعطيهاش اهتمااام ...

احلام دخلااااات عندهم كاتفرنس وكلسااات معاااهم بعدماا نااض سيمو فحااالو يشوف عبدووو ويخليهم فراحتهم ...

رانيا بابتساامة : هاي هاي على التفرنيسة فرحااانة مع راااسك .. جااات معااك الكسيوة بصحنك

احلاام عضات على شنااايفهاا : الله يعطيك الصحة

... احاااي غير سكتي احسن عشية دوزتها فحيااااتي ... مايمكنش شحااال قلبي كايضرب دااباااا ... ماتصوريشش عبدو شحااال حنين وضريف ... انا بعدااا صااافي طحت فييه ...

رانيا : الله الله ... ايواا وهو ؟؟؟ ... كاين شي حاجة ؟؟؟ ...

احلاام سبلاات عينيها : ومالو لخااطرو... سيد ولا يهترس بسميتي ... عينيه كايلمعو مني كايبدا يشوف فياااا ...

خنساء قرمات حجباانها فالبلااااصة وخنزرااات معاجبهااا حااال خصوصا مني سمعااات كيفاش دوات على شوفاتو ليهاا ... غززات على سناانها كاتفرك فيدهااا ومن الداااخل كاتغلااا ...

رانيا : ربي ربي ... هي صافي نقولو مبروك .. قريب ديرو لينا شي عراسية ...

احلاام ضحكات كاتشوف فخنسااء لي لون هرب من وجهها فالبلاصة وولات كلها حمرة بالاعصاااب وابتاسماات : ان شاء الله علاش لااا ...

رانيا ابتاسمات ليها وحولات النظر خنسااء ... صغرات عينيها من ملامحها لي تبدلووو حاسو بيها تقرصااات من الهضرة لي سمعااات ...

احلام : نتوما واقيلة باقين معطلين ... انا غانمشي داابااا حتى نتلاقاااو فالدار اخنسااء ...

خنساء بايجااب معاجبها حال : ممم واخاا ...

زادت احلام من تما ورانيااا قرمات حجبااانهااا كاتشوف فخنساء بتشكييك .. نطقاات بتسااؤل : خنساء ماالك ؟؟ ...

خنسااء رمشات محاولة ماتبينش : والو علااش ؟. ...

رانيا : مااعرت جيتيني فشكل ... بحال الا ماعجبكش الحاال مني احلام وعبدو ولاو مع بعضياتهم

خنساء هربات عينيها محاولة تجاهل احسااس الغيرة لي كياكل فيها من الدااخل مقادراش تعتارف بيه ولا تقبلو واخا كيحفر فيها ... نطقات بنفي :لااا غير البنت باقا صغيرة وطاايشة .. اصلا ماتصلاااحش لييه... مابغيتهاش يجي واحد النهااار ويمشي ويخليهاا ويبقى فيها الحاال ...

رانيا باستغراب : هههه من نيتك ... عبدو ولد النااس والا بغاها عمرو يخليهااا ... شتي كون ماعينوش فيها غادي يجيها نيشاااان ومايضحكش عليهااا ...

خنسااء تشوكات لبرهة ورجعات بيها الذاكرة لداكشي لي داار معاهااا وكيفااش طلع شماتة معاها وماعقلش عليها .. نطقات مغززة : الرجااال مافيهم تقة واولهم هو داك عبدوووو ...

رانيااا بدهشة : وعلاااش ؟؟؟ ... واش حصلتي عليه شي حاجة ؟؟؟

خنساء هزات على كتافها : لااا المهم مايصلاااحش ليهااا وصاافي...

رانيا هزات تليفونهاا ودخلات لسطوريااات وراتهم ليها : شوفي كييف جااو بجوج قالاك مايصلاااحش ليها... فنين مع بعضياااتهم غير كاتزيدي فيه

خنساء دورات عينيهاا بانو ليها مفركَعينها سطورياااات ماخلااو فين مشااااو وهما ناااشطين مع بعضياااتهم ومنسااجمين لواحد الدرجة كبيرة ... غززات سنانهااا وهي كاتشوف فيهم شاااعلة فيهاا العاافية والناار كاتكوي فيهاا من لدااخل ...

رانيا بتاكيد : اختي الله يسهل عليهم ... انا جاوني فرحاانين غا بغيتي تكرتيكي وصاافي ... ( شافت فيها غاطرطق ونطقات ): ولا ياكماا كاينة شي حاجة انا معارفاهااش ؟؟ ...

خنسااء بتهرب : كيفاااش ؟؟؟ ...شنو غايكون متلا !!

رانيا : شوفي فيا اخنساااء هاد الايام مابقيتيش عاجباااني ... ( بتحدير ): غير باش نجيك نيشاان راه مابقا عندك فين تزيدي ... احلام دخلاات فالخط والا كانت شي حاجة ناعسة عندك وفااقت غير رجعيهاا تنعس وتخمر كاااع ... حيت راااه صحصحاات معطلة ... وماتنسايش ما عند القرعة ما ترعى من غير مشيط رأسها ... غاتجيبيها غير فيك هاني علمتك

خنساء محاولة ماتديهاش فكلامها ماباغااش تفكر فانه ممكن تكون غايرة على عبدو : نتي واقلة توتة خربق ليك العقل ووليتي تلاشي ... كون كانت شي حاجة ارانيا غاتبان شحال هادا ماشي حتى جات احلااام ... غير خوي راسك من هاد الهضرة

رانيا : اييه عندك الصح ولكن ماتنسايش احبي راه كاااين جوج احتمالاااات ... يااا كانت عندك شي حاجة راكَدة وفاقت .. ولا عاد تكونات بلاما تحسي بيهاا و الغيرة طلقات جهاز الانداار ...

خنساء بلعااات ريقهااا مطولة فيها الشوفة بلااا رد محاملااش تفكر فهاادشي ولا توقعو ... خصوصا ان عبدو عندها ليه كره كبير ... فنظرها مستحيل تبغيه ولا تحس بشي حاجة من جهتوووو ... والا تقبل على راسها هاد الحالة

فكاافي مهدي...كان ݣالس يااسين فطبلة من طباالي شااد قهوة كحلة داير رجل على رجل مقاابل مع شااريع كايتمنضر وفنفس الوقت كايتسى...نزل المهدي من بيروه بخطواتو تابتة حتاا وصل لعندوو و ݣلس مقاابل معااه...

شافيه ياسين و ناض و قف مسلم عليه بليد:سي مهدي صافاا لاباس عليك؟!!

مهدي بمجاملة:لحمد الله (شار ليه بيديه) تفضل ݣلس...(نطق كاايعيط)يحيى وااحد نوغماال...

يااسين:ياكماا ديرونجيتك بمجيتي..عاارفك غاتكون مشغوول ولكن كاان خااص ضروري نشوفك

مهدي:دنياا هانية تقدر تجي فأي وقت....اوى؟!كيف غادة لأمور؟!!

ياسين:لحد الأن اسي مهدي لأمور واقفة...فينماا كانبغي ندير شي خطوة كانتراجع...بلخصوص ساادة ݣااع لبيبان...و حااضية راسهاا بلمزياان...لبق ماايزهق...

مهدي بتاسم:زعماا كاتقولياا فشي حاجة جديدة؟!!راني عارف هاادشي...و زيدون راني علمتك من قبل...وحدة بحال خنساء...عقلهاا جامع عقلي اناا و يااك وفايتو لهيه..فايقة وعايقة...مكداارش بيهاا بزربة...

ياسين حرك رااسو:وي عاارف...من عينيهاا كاتعرفهاا دكية و زماان مقريهااا...

مهدي:خااصك ترد لباال أيااسين...رد لبااال مزياااان...حيت الى مشاات حتاا عاقت بيك هاادشي كااملو غايتضرب فزيرو..وبحالا مدرناا حتاا زفتة...

يااسين:كوون هاني من هااد النااحية...محااول نخلي ما أمكن لأموور تمشي عاادي

رد عليه بهدوء:نتاا مااشي غاتحااول...نتااا بزز منك تخلي لأموور عاادي...وأهم حاجة دابا هياا تخليهاا التيق فيك وماتشكش نهاائياا...زييد خود من عندهاا السلعة و تكوون كتيرة...و هااد لمرة خلصهاا بشيك مااشي اصبيس...

جاوبو ياسين بموافقة: وخاا كون هااني...

نطق مهدي بتباات:وبلاماا نوصيييك...ماتضرب ضربتك حتاا تكوون كلاات طعم و شداتهاا لمصيدة...خاص تخليهاا توحل و ماتلقاا لي يفكهاا...خااصهاا تغرق كريدياات...مؤخرا راه جاوني خبارهاا شرات الداار...ضونك مغاديش يكون عندها باش تخلص لكريدياات لي غايوليو عليهااا...والى طااحت غااطييح بلكااو...(ضحك بستهزاء) هه مغايكون عندهاا حتاا بااش طااكي...

يااسين بتاسم ليه...سكت توااني و نطق:اشباان ليك اسي مهدي فوااحد لبلان؟!!

جاوبو بستهاام هاز حاجبو:اما هوا؟!!

يااسين بعزم: نناكل ليهاا الدمااغ...(غمزو وكمل)و نحااول ندوبهاا شوية...

مهدي خرج عيني مطرطقهم فيه...تعصب فلبلاصة...شدو من لكوول جاارو لعندو ونطق كاارز على سناانو:برب المعبووود وشفتي فيها الشوووفة عينك نجبدهم لدين حسك و نلعب بييهم...

يااسين بلع ريقو وقال محااول يهدنوو:أا..انااا غير قلت بااش تسهاال عليناا لقضية...مانوييت فيهااا واالو ..

مهدي طلق منو و نطق بتحديير:غاادير لي قلت لك علييه و ديك لفهامات لخااوية طلعهم معااك معاندي ماندير بيهم...اخر مرة نسمع هااه لهضرة ولا اخرتك غاانجيبهاا على يدي...متخلينيش نعجل ليك مأخر لك لي خلقك....(زاد خنزر فيه و قال)نوض تحرك شووف شغلك...

نااض معااودش معااه لهضرة حاادر راسو خاارج فحاالو من لكاافي...

مهدي تسند على لكرسي غمض عينيه و حلهم محااول يهدن أعصابو...خداا نفس معمق و زفرو بمهل...و هو يجبد تيل...بتااسم و قال بهدووء:وداباا اسيهم عبد الله جاات نوبتك...هاناا غاانوريك شنااهياا تحط عينيك على حااجتي...

صباااح جدييد مشرق باشعة الشمس الذهبية ... عبدو كااان فالمحل كايخرج الزرابي على برااا كايستفها كيف العاااادة مكونسونطري مع شغلوو ... قاطعوا صوت التلفون بنمرة ديال حميد لي كان صاحب باااه وكياخد من عندو السلعة ...

جاوب بكل لباااقة : اهلا سي حميد بيخير ... انا الحمد لله ربي يخليك ... وي كانسمعك ( هز حاجبو ): ك..كيفاش .. ايه ولكن اسي حميد انا متافق معااك على كل شهر نعطيك الدفعة لي درنا مع بعضياتنا ... نتا عاارف السلعة باش عمرت المحال خديتها من عندك كتيرة والنص لي بقا قلنا غادي نخلصو ليك طريطات اش تبدل دابا !! ... ( حك على لحيتو): ايييه عارفو رزقك ولايني ماعولتش غادي تبغيهم دابا ... منين غانجيبهم ليك انا فيوماااين ... الله يهديك اسي حميييد ماشي هادشي لي كنااا نتافقين ... واالكن ...( بلع ريقو ): الووو الوووو ... الوووو ... سي حمييد ...

حيد التلفون من على ودنو مشووكي مامتيقش شنو سمع الدنيا داارت بييه : مصيييبة كحلة هااادي ...

مع هز عينو وهو يباان ليه مهدي وااقف مسند على لوطو ديالو كااايضحك وشاار ليه بيديه باستفزاااز كبيير ... فديك اللحظة عبدو عاد سرا معااه البلان مفكر نهار تلاقا مع حميد فالقهوة كان كايعرف مهدي مزياان اكيد هو لي قلبو علييه ... كرز على سنااانو وعينيه حمااارو بالاعصااب وعروقو جهة عنقو برزووو .... مهدي دار ليه باي بيدو مستفزو كاايضحك وركب فلوطو ديااالو زاد مديماري من تما مخليي العجاااب وراااه ...

عبدو خنزر وضرب يدو مع الحيييط مغزز ناطق سااعر : شماااااااااااتة ... شمااااااااااااااتة

سيمو كان الداخل سمعو وخرج كايجري : اش واااقع اعبدو ؟؟ ... ماالك ؟؟ ...

عبدو حك راسو بتلفة حااس براسو مربوط : مصيييبة طرااات ... كاااااااريتة طاحت علينا ...

سيمو باستفسار : اش كاااين دوي اصحبي!! ...

عبدو غمض عينو وحلها : داك حمييد قالك بغا فلوسو لي بقاو ليه عندنا ... من هنا ليومين ...

سيمو خرج عينو : كيفااااش ؟؟؟ ... ياااك كانخلصو لييه طريطات كل شهر ؟؟؟ ...

عبدو تنهد : اييه ولايني داااك الح*ااار ديال مهدي خلوض ليه فراسو وقلب علينا الفيستااا ...

سيمو بعدم فهم : عافاااك بشوية عليااا الله يرحم بيها الواليدين... شكون مهدي وااش راجل خنسااء ؟؟ ... اءء زعما طليقها

عبدو حرك راسو بايجااب عينيه شااعلة فييهم العااافية بلا حتى كلمة ...

سيمو : ولكن اصحبي اش جاااب مهدي لحمييد ... وباش عرفتيه نتا هو مولاها ...

عبدو : داااك الكيداار راااه صاااحب حميد تلاقيت بيه واحد النهار ومع مهدي شحال هادي ... واليوم مني دوا معايا حميد كان هو واقف كايفرنس هنا رااه عاد زاااد ... اصلا هو تحلف علياا مني ضربتو داك النهااار ولكن مايحسابليش غايكونو فال*امل بوه هاد الفعااايل ديال ال*حااب ...

سيمو زير على يدو : صافي دابا غير برد غانشوفو شي حل ... بففففف انا راه قلت ليك اسااط ماتقربش لداك النوووع ... وفرقو عليك

عبدو خنزر : حسابي معااه من بعد غير نفكو بعدا هاد الحريرة ... وغايكون ليا معاه هضرة اخرى

سيمو : اجا مافكها داباااا .... مشكلة غرقنا فيها برب ...

عبدو كلس فوق الكرسي شاد على راسو وجبد كااارو من جيبو شعلو غايطرطق ... حاااس براسو مقجوج من حلقو اخر حاجة كان متوقعها هو يطرا ليه هاد البلااان ويوحل هاد الوحلة .. كان عارفو غايبغي يردها ليه مي ماتوقعوش يكون ولد الحراام بهاد الطريقة وينزل لهاد المستوى كاامل .... سااط مخرج الدخااان بنرفوة وعصبية كبيييرة بااينة عليه ... كايسب ويعاااير بلاما يشعر ...

عند خنساء فلبوتيك...كانت واقفة كاتقااد واحد اللبسة على وحدة من ليمانكاا...

كانت غير بوحدهاا رانيا خاارجة تقضي شي غرااض ديالهاا...

باقة على نفس الوضعية...حتاا وقف عليها يااسين بابتسامتو الخفيفه المعتااد...ناطق بهدوء:أهلا صافا عليك؟!!

خنساء شاافت لجيهتو و قالت بمجاملة:صافا لحمد لله ونتاا امورك هانية

ياسين:لحمد الله ربي يخليك...(بداا كايدور عينو على لمحاال) هاادشي عندك معتبر... حاجة تنسيك فحااجة...معندي ماانقول...

خنساء بتسمات ليه وقالت بإجااز:ميغسي...

ياسين بداا كايدور فلبوتيك و يختاار ويجبد فلكساوي لي معلقين و يحط فوق لكنطوار...هااد لمرة ختاار شكيلاات كتيرة و متنوعة فنفس الوقت...

ياسين:ضونك بغيت فكل كسوة من هاادو نفس العدد لي خديت ديك المرة...

ردت عليه كاتحرك راسهاا:وي مرحباا...غير هو خااص نوصي عليهم...حيت سلعة كتيرة بحال هادي مكاتكونش عندناا محطوطة...ههه حناا كانبقااو بوتيك و مكانبيعوش بجملة

رد عليهاا بتفهم:نو سيبݣغاف... انا مامزروبش عليهم ليوم...المهم عندي هو بعد غداا ندوز نلقاهم...

خنساء:صافي ان شاء الله تلقاهم مجودين...

ياسين:غير هو هاااد لمرى غادي نخلصك بشيك...ولكن عفااك مادفعيش لياا...غاتصبري علياا شوية غير نبيع السلعة و نجيب ليك لفلوس وناخد الشيك...

خنساء دوراتهاا فراسهاا للحضات...سكتاات تواني عاد قالت:ايه وخاا صافي...مدام كاين شيك ضمانة ماشي مشكل...غانخليه عندي حتاا يوجدو لفلوس...غير هو ماتعطلش علياا تاني فووت لقيااس...

جاوبهاا مبتاسم بلطف:اسبوووع الى كترت..و شكرا بزاااف...

تفاهمات معاه على تمن خداات من عندو الشيك قيدات شحاال خصو دياال السلعة لي خاصهاا توجدهاا ليه...و دعهاا و مشااا وهياا بقاات متبعااه بطرف عينها...خااطرهاا مامرتااحش ليه ابدا وخاا ماشدات عليه والو و كايصرف كزياان...ولكن وخاا هكاك جايهاا فشكل...

ضلام طاح فلمدينة....دخلات نسرين مع عصام لداار...كاانو خارجين مدوزين لعشية كاملة على برى كلااو و تسركلو حتاا شبعو...

نطقاات نسرين بنبرة فرحة:الله و شحال توحشت نخرجو اناا ويااك هاكاا...مسخيتش ݣااع نرجعو لداار...

جاوبهاا بطنز كايضحك:ههه اشبان ليك كون بتناا فزنقة حسن عااد تشبعي ديك ساعة...

نسرين:سير سير...غانتا بديتي كاتزرب فياا اماا كاين لي يلاه خاارج..(حطااات يديهاا على عنقهاا)عرفتي غانطلع دابا نبدل علياا و نتجبد..ديك لبيتزاا ݣوفلاتني مبقاا عندي فين ندير لعشاا...

نطق عصام و هو غادي:لي بغيتي صاافي سيري ترتاحي

دازت من حداا لبيت بانت ليهاا نصيرة ݣالسة فوق سداري كاتفرج..قشعاتهاا وقالت مبتاسمة دايرة معاها الصواب:نصيرة لابااس؟!

طلعات فيها لعين وقالت بإجاز ݣاعمة شايفة فيهاا:لحمد الله...

نسرين جمعات ابتسماتهاا قربات لعند عصام ونطقات بخفوت:غا الله يحفض..عمتك كاتبة إن عاكسناا على جبهتهاا و عاقدة مابين لحجباان...معرفت تاني مالهاا...

عصام تقدم بخطوة و قال:طلعي لبيتك هااني جااي...

حركات ليه راسهاا بلإجاب وطلعاات حادرة راسها لبيتهاا عارفة الى دخلات لعندهاا غاتلقمهاا بشي كلمة و مغاتسكتش ليهاا و تاني غاينوض صدااع و هياا مصلحات علاقتهاا بعصام غير بزز...ولات حافضهاا ماا و كاتجنب ما أمكن لمشاكيل معاها

دخل عصاام للبيت...باس على راسهاا و ݣلس حداهاا بتاسم و قال:ماال لعزيزة طالعة ليهاا...شنو خسر خاطرهاا؟!

ردت عليه بنبرة هادئة:ساعتو لله اوليدي...(كملات بتساؤل)إوى خرجتو تفوجو...

عصام:صدعاتني يلاه نخرجو... قنطت لا مابقيتيش كاتخرجني لخدمة داتك...بقات كاتزنزن حتاا قلت ليهاا يلاه جمعي النوضة...اماا كون جات علياا ندوش و نضربهاا بنعسة...

نصيرة:مافيهااا باااس... لخدمة وداار ديماا راه كايطلعو فراس...لواحد هو لي يهرس مرة مرة بشي خرجة...

رد عليها وااقف:داااكشي لي كااين...اناا غانطلع حتاا يوجد لعشاا و عيطو علياا...

نصيرة ترددات فلول ولكن تشجعاات و قالت موقفاه: عصاام...

دار عندها ناطق بستفهام:نعام؟!خصاك شي حاجة؟!

نصيرة:ݣلس بغيت ندوي معااك...

ستاجب ليهاا و رجع لبلاصتو ݣاالس كايتسناها تهضر و كايشوف فيهاا بإصغااء

نصيرة سكتاات تواني و قالت:سولتيني قبايلة شنو خسر خاطر!!

جاوبهاا بإجااب:اه...و مكرهتش نعرف...

جاوباتو محاولة تبتو:هاازة ليك لهم اولدي...مزوج من هادا شحاال و باقي مدرتي لا ولاد لا والو...(يلاه بغا يدوي و قاطعااتو مشارجيا)غااا قولياا حتاا لإمتاا غاتبقاا زوفري ديال راسك و نتا و ديك لمرى لعام لي جا يلقاكم غير بجوج بحاال لعدول... وااش عاجبك هااد لحاال بلا تريكة؟!!...

عصام غمض عينيه و حلهم مكاايحملش يهضر فهااد لموضوع نهاائيا،ولكن نصيرة كاتسكت حتاا تعياا و كاتعااود تهضر معااه فيه و تجبدو ليه رغم انو الأمر ماشي بيدو ولا بيد نسرين

تنهد و رد عليهاا بهدوء:ايه معاجبنيش...ولكن شنو غاندير اعمتي؟!!دقيناا ݣااع لبيبان مجابش الله..باقي ماكتااب...

جوبااتو بملاميح مقلقة:شتي ولد الطاهر صغر منك..وماااتزوج حتا تزوجتي نتاا بشحاال و راه عندو دابا وليد...وليوم سقت لخباار بلي مرتو حاملة بتااني...

رد عليهاا بتفسير:اوى ربي رازقهم من عندو...حتاا حناا نهاار يسهل راه غاتشوفي ولادناا قدامك كايلعبوو...

زفرات بضيق و نطقاات عاقداهم معاجبهاا حاال:والواحد هو لي يضرب لفݣد فراسو...و يولد وليداتو و هو مزاال صغير يكبرو معااه...نهاار يكبر و تقلال صحتو..يلقاا لي يعااونو على زماان و يهز عليه لحمل...

عصام:عمتي الله يهدييك واش اناا كرهت؟!!داكشي راه ماشي بيدي...حتاا اناا بغيت لي يعمر علياا ولكن الغالب الله

نصيرة بنفس النبرة منرفزة:هاااا بااغي وليدات يعمرو عليك...وعلااش غاتبقاا حارم راسك منهم...يااك هياا لي مكتولدش...(سكتاات تواني و نطقاات مقصدة)نتااا من غدااا قاادر ديير ترييكة غير الى مابغيتيش...

عصاام سكت للحضات مرمش بعدم فهم صغر فيهاا عينيه وقاال: كيفاش اعمتي قادر ندير التريكة غير الى مابغيتش؟!!

جاوباتو مخاطبااه بعزم:نتااا غاتجيب ليك بنت النااس فلحلاال لي دير معاهاا ولاادك...لي تلقااهم فجنبك..رااه لعمر غاادي بلقداام مراجعش بلور...لايسحااب ليك غااتبقاا ديماا صغير...

عصام شدااتو الصدمة من هضرتهاا...لهضرة وحلات ليه...نطق موسع نضراتو بعدم تصديق لداكشي لي سمع:داباا بغيتيني نخلي نسرين ونمشي نتزوج بوحدة اخرى لي تولد لياا؟!!

نصيرة حركات راسهاا:اييه... باش دير ولادك...

نطق بلا مايحس غووت:ولاااااادي من نسرييين ااااااه من غيرهااا لاااااا

نصيرة عرفااتو غاياخد موقف و مستحيل يرطاب ليها بسهولة...

نطقاات باغة تاكل ليه دمااغ غير بلفن:رااه هاد نسرين لي نتاا فاضحناا بيهاا غاتبقااا عندك ݣالسة فدارهاا مايخرجهاا منها حد...نتااا غير غادزوج بوحدة لي غاتولد ليك...مالو عاايب ولا حراام...وزيدووون شرع عطاااك ربعة...

عصام رد بنبرة قوية اعصاابو تشحنو: شتي هاااديك لي بغااني نجيب عليهاا الشريكة...راها لهوى لي كااانتنفسوو...وحيااتي بلا بيهاا ضلاام....بااغيهااا كيفما هياا بلولاااد و لا بلا ولاااد...

نصيرة خنزرات فيه وحتاا هياا رفعاات صوتها فوجهوو:ياااك..ݣاالس دابااا كاتغوت عليااا...سري حيت كانفكر فمصلاحتك...

عصام:هااد لهضرة رااه مكاتقاالش...نجيب بنت نااس مبااغيهاا مواالو غير بااش تولد ليااا...مكينة هيااا..نجيبهااا غير بااش ن...(حبسهاا مامكملهااش ماسح على وجهوو بلغداايد)استغفر الله العظيم...

نصيرة خرجات فيه عينيهاا:لا لا غاكمل علااش حبستييي...غير زيد صبني زيييد...

عصام تنفس بعمق محااول يتهدن وقال:بنت النااس اعمتي راه ماشي سلعة نجيبهاا باش نقضدي الغرااض....انااا نهاار تزوجت بنسرين...سديت باابي على ݣااع لبنااات جمعت وطويت....هياا فيهاا مرتي وفيهاا بنتي لي مزاال معطاعااش لياا الله...وعفااااك العزيزة الى بغيتي تبقاااي غالية عندي...معمرك دوي لياا مزال فهااد الموضوع...عفااااك

بلعات ريقهاا بمرارة...عينيهاا غرغرو بدموع... نطقاات بنبرة مبحوحة:وانااا مامنحقيش نشوف ولاادك قبل مانمووت؟!!

عصام ناض وقف وقاال:بطولت عمرك الى كتااب مزاال تشوفيهم...الى مكتاابش غير ولفي....حيت نسرين هيااا لي كاينة..لا فعقلي و لا فتفكيري ولا فقلبي...ومعمر غيرهاا يكووون....

كمل على هضرتو ودار عاطيهاا بضهر مكمل على طريقو غادي خارج من لبيت معصب بلمزياان اخر مكاان غايجي فبالو يسمعو هو هاادشي...

نصيرة بقاات متبعااه بطرف عينها حتاا مشاا كرزاات على سنانهاا مغززة و قالت ضاربة فخضهاا بفقصة كاتحرك صبعهاا بنفي:لااا..لا لاااا...هاداا موكلاااه...هاادي مااشي دقة لمحبة...هداا شي فقيه سوسي ضارب ليه لخط...ماافيهااا شك ملغجة ليييه حتاا مابقاا كايشوووف غيييرهااا...ولكن بلااتي الى مخليتك دير ولادك بزز منك راني مااشي نصيرة

خنساء كانت مجبدة ففراشهاا فليل كان كلشي ناااعس وهي باقا مجمعة مع راانيا كاتعاود ليها على شنو قالها سيمو بخصوص لي طرا ليهم ... كاتسمع ليها مامتيقاااش : اويلي ... واش كايتسالهم بزاااف ؟؟؟ ...

رانيا : ماعرفتش بالضبط مي باااينة رااه ماعندهمش كاملين دابا ...

خنساء مسحات على وجهها : مصييبة هاادي ... انا كنت عارفااه مغايدوزهااش ليه الشماااتة لاااخر ... الله يعطيه العذاب

رانيا : طلع كلب صرااااحة ومايسوااش اويلي مافهمتش كيفاش بنادم يقدر يقطع رزق شي حد هاكا بلاما يضرو خاااطرو ...

خنسااء مغددة : يدير كتر هاداااك ... سوليني انا لي عارفاااه ... ولكن راني قلتها لعبدو ... قلت ليه بعد من طريقو وماتشادش معاااه ... كنت عارفااه غايخرج علييه وهو ماسمعش ... كايدير غير لي فرااااسو ... داكشي لي كنت خايفة منو هاني طحت فيه ... اووووف

رانيا تنهدات : وا دابا لي عطا الله عطاه نتي ماليك دنب ... كون تشوفي حاالتهم .. عبدو ما بغا يقولي والو غير سيمو لي دوا معااياا وراه وصاااه مايعاودش لييك .. عارفك غاتلومي رااسك ...

خنساء خرجات نفس عميق : ياختي بحال الا انا ناااقصة مشاااكل يبقى تابعني هاد مهدي حتى هو ... مزال مافهمتش اش باغي مني ... مكايعيااش ...( شداتها البكية بالفقسة): حرااام علييه

رانيا : بحال هاد النووع مكايتهدش ... غير سكتي سيمو مكشكش ديال المعقول عمري شفتو فهااد الحااالة اما عبدو قالو ماتعرفش الفاار خارجين ليه من رااسو ... عنداك غير يمشيو يبغيو يتحاسبو معاه ... ويدخلو راسهم فشي منتيف كتر من هادا

خنساء بلعات ريقها بخوف : لا لا مانضنش عبدو مايديرهااش ... اصلا اش غايقولو ليه سيد راااه رزقو هاداك ماعندهم منين يشدووه وعلاش يحااسبوه ... داك الشماتة عارف راسو اش كايدير ...

رانيا : بصح عندك الحق ... ايوا الله يدير شي تاويل دالخير ...

خنساء بلا حول : اميين ياربي ... انا غادي نخليك دابا نعس ومن هنا للصباح يحن الله ... تفقست فهاد الليلة والله

رانيا : الله يصاوب من عندو .. بون دودو زين ...

خنساء : تصبحي على خير ...

قطعاات كاتنهد شاادة على راسهااا ماعرفات هادشي منين نزل عليها تاااني ... كاتفكر فهادشي كاتبغي تحماااق بسبابها ممكن عبد الله يخسر كاع لي لي كايملك ... سااطت بنفوور وضيييق كبيير ... وشافت جهة الكواافوز بانت ليها قرعتها خااوية تنهدات هازاهاا ونااضت تماات هاابطة تعمرهااا راسها غايطرطق عليها بهادشي لي وصلها ... يلاااه غادخل للكوزينة وهو يبان ليها البيت ديال الكلاس لي كاتنعس احلام محلووول وصوت خفيف بحال اهاات وتوحويح خافت جاااي منوووو ... خرجاات عينيهااا وقربااات لييه مع دققات الشوووفة وهي دير يدهااا على فمهااا بشهقة مصدووومة وعينيهاااا خرجو من بلاصتهم باش كاتشوف ...

خرجات عينيها بصدمة شاااهقة بصوت مسمووووع وحلااات البااااب مقفزة احلام من بلاصتها لي غير سمعااتها طاح ليها التلفون ووجها تخطف منو اللون كاتفتف وتقااد فسرواالهاا لي كانت منزلااااااه ...

خنساء خنزرات فيها وسدات الباب وراااهاا ناطقة بعصبية : هزي داااك التلفون من الارض واريه ....

احلاام عضات على شفايفها بخوف : خن...ساء ...

ردات عليها بصرااامة : قلت لحسك هزي دااك التلفوون ولا غانضربك بيه للكماارة ... طلقيييييي

احلام بلعاات ريقها وهزاااتوووو مداااتو ليهاااا مفاافية وخنساااء نتراتوووو مخصرة كمارتها من داكشي لي كاتشوف .... طفااتو راميااااه فوق السداااري : من ايمتاا ونتي كاديري هاد العفن ... قولي الموصييييبة من ايمتاااا ؟؟؟؟؟

احلام : خنسااااء ... بلااما تغوتي راااه غايسمعونا ...

خنساء كرزات على سناانها : واش نتي تسطيتي ولا هبلتي بقااا لوادين حسك غا تكفااااااات ... صاافي شدااتك الدودة مالقيتي فااش تبرديهااا ...

احلام تنهدات : وا خنساء بلاماا ديري فيها يدين ورجلين .. ( ساطت ): صافي راااه عادي ... بلاماااا تزيدي فيه

خنساء خرجات فيها عينيها مشوكية : دابا وااااش من نيتك كاتقولي ليا هادشي عااادي ... وااش نتي تسطيتي عارفة رااسك فين غاادة هادي رااااه بلية ... بلية وغاتخرج علييك ...

احلاام : وصاافي ا خنساء زعما نتي راك جون وغادي تفهميني ... وزايدوون هاد العادة راه ولا جاري بيها العمل ... عند الدراري ولا عند البناات ... اماا حسن هاكا ولا نمشي للحراام وراااه عيبنا واحد ... مكاين لاش ديري من الحبة قبة ... نهار نتزوج رااه مغاديش نبقى نديرها ...

*خنساء شدات على راسها : كيفااش الحرااام ... علاااش فنظرك هادشي لي كاديري حلاااال ... ( غمضات عينيها بنفاد صبر ودوات بصرامة محمرة عينيها ): هادشي راااه كايتراااكم وممكن يتمادى وتوصلي لامور اخرى ديريها فبااالك ... هاااذااا راااه سميتوو شغل الحيوااناااات لي المهم عندهم يتنشواااااااو باي وسيلة ( بعيفة ): وماعندو حتى معنى غير العفن ... والا نتي عند باالك هادشي نوغمال رااك غاالطة وبزااف ... حيت بربي حتى عندو مضاعفاات لي مزاال غاتندمي عليها ... هاني قلتهااا ليك ...

احلااام بتبرير : ولاااهما هي ولا شي حاجة اخرى ... وزايدوون رااه مكاضر فواالو ...

خنساء بتغدااد : البعر ... ماشي مكاضرش ... هادشي لي نتي فييه راااه اخرتهااا غادي يشد موك بروود جنسي نهااار تحتاجي هااد النشوة لي كاتبرديها مغاتلقايهااااش وعمر رااجلك يقنعك وغاتولي ديماااا التكفااات هو نشوتك ... اخرتك غادي يولي تحتك مفوووري ومفاااارج ... ومن الفوووق غااادي يجي حسك شي سرطااااان ولا شي مييكروووب ماتلقااي ليه دوااا .... واااش نتي ماحشمتييش ... ( بعتااب ): مكاتفكريييش ولا كيفاااش

احلاام حنات راسها : غير كاتزيدي فييه ... راااه النص فالبنات هاكااا ... غير لي بغا يغطي الشمس بالغرباال

خنساء شداتها من يدهاا : يكون لي بغا يكون نتي مخااصش ديري بحال هااادشي ... ( ضربااات على راس احلام بصبعها ): وااش عاارفة حتى تركييز مكايبقاااش بهاااد الزبل .. راااه صحتك الجنسية والنفسية غاضرر ... هاادشي راااه كايخلي بنادم متوتر وحتى حااجة مكايشدها .... مع الوقت هادشي غااادي يزيد على حدو مغايبقاااوش قادينك يديك وغاتولي باغا طلعي معاك شي حاااجة فين غاتولي ديك ساااعة ... ولا مهااامكش ... الا عند بااالك هاااااد التوحويح ديال جوج دقايق فيه النفع رااك غااالطة ... حييت مااحدك غااادة فهاااد المصييبة ونتي كاضري فرااسك وفشلوووقك مغاايبقاااش صالح نهاار تحتاجيه غايضرب والدين موك تراااان

احلاام كلساات بالعة ريقها : صاافي مغاديش نعاااود ... ( هزات فيها عينيها باسف ): عافااك تبقى بيناتنا ...

خنساااء تنهدااات مخرجة النفس بعمق وكلسات حداهااا حاطة يدهاا على كتفها : ااحلام انا راه بغيت غير مصلاحتك ... عارفة بزاف ولا مبلي بهااادشي وولا جاري بيه العمل كيف قلتي ولكن واااش باغاا تخسري متعتك مع رااجلك مني تزوجي على الخواا الخااوي ... ونهار تبغي القلم يلج في الفج غااتلقاااايه تقج ....

احلاام رمشااات بعينين دمعاانين وعنقااتهااا : صاافي والله مانعاااود .. غير سمحي ليا ...

خنساء طبطات على كتفها : نوضي غاتولي تنعسي معااياااا ... طلعي اني نجيب لما ونلحق علييك

احلاام زمات فمها بلا حتى كلمة حشماانة وهزاات غطااهااا طلعاات وخنسااء حركات راسهااا بلا حول من هادشي لي وصلو ليه بزاف ديال الشباااب ... كايقلبو على متعة وهمية وكايحاولو يبرروها بانهم مخاصهمش يمشيييو للحرام او الزنا ... وناسييين ان الاضرار ديال هاد العادة وخيمة وعندها تأتيرات مكااتبااانش دااابااا وانمااا مع المدة والممارسة ...

بلسان الكااتبة

الحيااة خاصها تعاش بوقتها كل حاااجة كاتجي زوينة فالوقت المنااسب ليهاا ... مكاين لاش الواحد يسبق الاحدات هاد الامور كاتبقى وهمية وماعندها حتى معنى ... العلاااقة الجنسية كاتكون بحلاوتها مني كاتكون بين طرفين حقيقين( زوجين ) ماشي اوهااام وامور خيااالية واستنمااء داااتي لا اساس له من الصحة ولا الواقعية ... واي وحدة عندها هاد المشكل تحاول تغلب علييه تسمع القرأن فليل حتى تنعس او تقرا كتاااب وتبتاعد على الافلام الاباحية او اي حاجة ممكن تفيق الرغبة الجنسية... وماتنفاردش بداااتهاا يستحسن تكون مجموعة مع نااس ... امور بسيطة ممكن تخلي الوحدة تستغنى على هاااد العادة التاافهة ولي كاتجيب غير المضرة سواء على المستوى النفسي او الصحي او الاجتمااااعي ...

صباح جديد ... كاانت رانياا فبيتهاا ببيجامتهاا ݣالسة متكية...شادة لابيل مع خنساء...وفنفس الوقت كاتشوف فلكونڤيغساسيون لي مسيفطاا ليه نطقاات مبتاسمة: هياا بداا سي توتة كاايطيح فشبكة...

خنساء منشورة فوق سرير كاتلعب بشعرها:هدا يلاه التمهيد...مزاال غادي يزييد يغرق حتااا ينزل للقااع ويدووب...

رانيا:تي شوفي الكلب...کايهضر معايا و فنفس الوقت دااير ركن التعاارف معااك...ولايني معندو علااش احشم...اناا باين لياا غانشد هااد الكونفيغساسيون و نزلهاا داباا لسي اسماعيل باش يقرى ويسقي عويناتو فلخطيب لي بغاا وعجبوو ويضل يشكر فيه...

خنساء:ماالك زرباانة ...خلاوها لولين لا زربة على صلااح...لمصيدة راها خداامة...غاادي نزيد نتبتو بدوك التصاور لي صيفط لياا سيمو...و نخليه ينسااا رااسو و يسيييح...عااد ديك ساعة وريه شنوو كااين حطيه بكماارتو و خوي لمزيودة...

رانياا بتاسمات:صاافي مشات...اناا كانتسنااه دابا يفيق..و غاادي غير نعمرو و نبين ليه داك سيهم توتة دمااغو خامج مايسوى مايصلاح...وعااد من بعد مااتخليه يطيح فيك...غااتكوون هضرة اخرى...(سمعاات لخطاوي فدروج كان سماعيل لي نزل يفطر ونطقات جامعة نوضة متحمسة) هاهو فاق خاصني نزل..بسلامة حتاا نتلاقاو فلبوتيك...

خنساء:واخاا...وعرفي كيفااش تهضري...عنداك تبدااي دخلي و تخرجي فلهضرة...

ردت عليها ضاحكة:ههه كوني هاانية عارفة شكاندير...راني تربية يديك

قطعات الخط و نزلات بخطوات هادئة لقاتهم يلاه كاايفطرو و كايدردشو مع بعضهم...

نطقاات جاية لعندهم:صبااح لخيير

شافت فيهاا عتيقة متفاجئة: صبااح الخير..اشجرى وطرى حتاا فقتي ليوم مبكرى..

نطق سماعيل بتعجب:حيدتيها لياا من فمي..هاد لوقيتة كاتكون جابدة عليهاا...مااتفيقش...هههه نبقااو ياطالعين فيقوهاا يا نازلين فيقوهاا واالو كل نهاار نشكو راه لأمانة مشات عند مولاهاا...

ݣلساات قبالتهم خدات طرف تلخبز كاتقاد فيه لفرمااج ونطقات بزعفة:يااودي حتااا الى بغيتي تنعس شكون خلااك...(طلعاات راسهاا شايفة فسمااعيل)الله يستر كااتكون ماعليك ماابيك...حتاا كايتسلط عليك شي زبل طاايح من سماا ماتعرفو منين نزلاتو القدرة عندك...

عتيقة حطات قدامها كاس تأتاي...هزات فيهاا حاجبهاا ونطقات بعدم فهم:يااك لبااس..شكون لي تسلط علييك...

اسماعيل عرفهاا علاش كادق..ونطق مبتاسم مامسوقش:هادي ماتكون غير شي شنيولة فيقتهاا من نعااس وفيقتهاا... دارت فيك لخير مفيقاك بكري...رااه بدهب مشري..نيت تقضي شغالك فلوقت...

رانيا:لاا ابابا شنيولة غير ضلمتيها مدارت والو...هداا بناادم لي بعقلو لي ميفيقني..ولي كنتي نتاا سبابي حتاا عرفتو...

اسمااعيل خنزر فيهاا:مالو الولد اشداار حتاا جبتي عليه سبتك على صباح...

رانياا بنرفزة:ومصدعني بزااف...ليل كامل و هو سر سر فتيليفون محبسش...و كون ماطفيتش تيل مايخلينيش نغمض...ملي ضرباتني لفيقة لفجر شعلتوو و رجعت تكيت نعست... يلاه داني نعااس بشوية و فيقني تااني تقول سيد كايحلم بيااا...ابابا راه زااد فيه...الى مبانش ليك هادشي عيب اناا راه بان لياا...

اسمااعيل دوز يديو على وجهو بخنقة...اكيد مايقدرش يهضر معاه و يقول ليه يجمع راسو..كون كان شي حد اخر كون سمعو خل ودنيه...أماا ملي جاات فيه مغايقدر يعقب عليه خاايف لايخسرو و هو كايعتابرو رزق مهاور لبنتو...

نقزات عتيقة معصبة:ياويلي مالو وااش تسطاا ولا هبل...لا وااقيلة هداا مشياار..

سمااعيل عقد فيهم حجبانو:الله يهديك...راه لوقت لي مخالف..غايكون غير ماردش لباال...

رانيا:راني قلت ليه هداا وقت النعااس...داار راسو بحالا ماسمعش ووخاا هكاك بقاا كايصوني ليااا...(كملات بتأكيد)و صدعنيييي...

عتيقه بداات ترطب معاها:وصافي حتاا نتي مافيهاا بااس...غير بغاا يتعرف عليك كتر...ݣااع فلول كايكونو هكاا...

رانيا عقداات غوباشتهاا وشافت ف سماعيل وقالت بنزعااج:و عااد كايبقاا يسولني شي اسئلة فشكل...معندوهم بااش يفيدووه...و كايدخل معايا فشي ديطااي...تقول سيد ضاارب معايا لكحل فلبيض بلا خبااري...وهادشي غير باقي مادرناا فطاجين مايتحرق و شوف شنو كايدير...

اسماعيل سكت تواني...بتاسم بهدوء و قال: حتاا نتي غايكون سولك غير على شي حاجة عادية و نتي دايرة من لحبة قبة...(كمل ضاحك)هههه شتي ملي مكانكونوش باغين لواحد ضروري نجبدو منو لعيب وخاا مافيهش...

ردت عليه بنبرة قوية موجزة:مسولني على شنو لابسة ابابا...هادي حاجة عاادي عندك؟!!

عتيقة خرجات عينيهاا مطرطقاهم فيهاا و جمعاتهاا معاها بقرصة جنب فخضهاا:الله يقل حيااك حشمي من بااك...

رانيا حكاات على فخضها عاقدة غوباشتهاا:الله يقل حياااه هوا لي بارك كايسولني دوك لأسئلة لخاامجة..(نااضت وقفات و نطقاات مرفعة صوتها)اناا غير قلت لبابا النسيب لي عااجبو دماغ لي عندوو بااش عااامر...

كملات على هضرتهاا و دارت غادة...

نطقاات عتيقة كاتعيط ليهاا:راانياا اجي ݣلسي كملي فطورك...رااانياااا...

شداات على راسهاا بعدم الرضا تماما مفقوصة مع بنتهاا ملاقياا معاها حل... و اسماعيل زير على يديه زاافر بضيق و كايحرك راسو بلا حول...كل نهاا كايزيد يبان ليه بلي صعييب تنسااجم مع لخطيب لي ختاار ليهاا...واخاا يضل يشكر فيه و باين ليه ما فيه حتاا عيب بلعكس جاايه كاامل مكمول...حيراتو معاهاا ولكن بقاا مصمم شاد فهضرتو...كايقول مع راسو باقة صغيرة و معرفاش مصلحتهاا...و مصمم يبقا يحاول معاها حتاا ترطااب...

خنساء كانت فلبوتيك وبجنبهاا ݣالسة رانيا و معاهم سيمو مسند على لكنطوار كايدردشو معااه...

نطقاات خنساء:اودي شماايت معطاا الله غير هوماا فهاد الزماان...كتروو يالطيف يخخ..

سيمو:كنت بغيت نمشي عندو و نغرق ليه مزيان نورييه شنااهياا يتفلا عليناا غير عبدو مخلانيش...حناا درناا فيه تيقة.. يسحاب ليناا راجل عندو الكلمة...ساعة كناا غالطين...كون من لول جاا لعندناا و مقالش ليناا غاندير معاكم طريطاات بغيت فلوسي فوق الطبلة كنا غانعرفو كيفاش نتصرفو...(ضرب يديه مع الطبلة) تبتناا ولد الحراام الله يلݣيهاا ليه...

قالت رانيا محاولة تهدنو:صافي بلا ماتبقاا تفقص فرااسك...داباا يفاجيهاا الله...

سيمو:اناا لي مخليني نغلي هاكاا هو منين غانجيبو ليه هاد لفلوس كاملة وحناا يلاه بعناا نص السلعة و نص لاخر مزاال منشور فلمحاال...و لمشكل لي قلتي ليه سلفني يقول ليك مزير...(زفر بضيق)بفففف وهاادي مكانت على لباال...داير معانا سيمانة ولا نوليو فلحباساات...

رانيا خرجاات عينيهاا:الله يحفظ ماحناا على فاالك...

خنساء شافت فيه...و سكتات للحضاات كاتفكر...حسات بشوية الدنب فلي جرى...و بحالا عندهاا يد..بحكم انهاا كون مكانتش ماعمر مهدي مغايقرب ليهم..لغيرة كيف لعادة عامية ليه لعينين و مخليااه ينتاقم....مقاادرش يجي فااص بحاال الرجاال كايضرب غير من لتحت....فكراات و لقاات انهاا خاصهاا تعااونهم..ومنهاا نيت تحنتو وتبين ليه بلي مافيدوش و غير كايضيع فلوقت...

نطقاات بهدوء مخاطبة السيمو:صافي بلا ماضرب حسبة...اناا غانعطيكم لفلوس لي خاصينكم...

سيمو تفااجئ...ونطق هاز حااجبو: كيفااش؟!!

خنساء:كيف كاتسمع...لفلوس لي خاصينكم تعطيو لدااك لحماار انا غانسلفهم ليكم...

رانيا وسعاات ابتسامتهاا فرحاانة بحالا مسلفاهم ليهاا هياا...

تنهد سيمو بإحباط عارف الى عاوناتهم غايتفكو من مشكل كبير... ولكن عندو تحفظ من لموضوع...و بلخصووص هو حافظ عبدو و عارف بلي نفسو عزيزة بلا قياس...و الى سااق لخباار مغاايعجبوش لحال نهائيا...وخاا خنساء بنت دربهم و جارتهم فلخدمة ولكن كاتبقاا بنت و جايهم فشكل يتسلفو عندهاا وهما رجاال...هكاا تفكيرهم بحال تفكير تاع اي مغربي

نطق بزز منو:شكرا بزااف اختي..قلتيهاا بحالا درتيهاا..اناا غانزيد نقلب عند صحابي على الله نلقاا شي حاجة...

خنساء ميقاات فيه:منيتك؟!.. علاش غاتشوف عند الصحابك و هاا لفلوس موجودين و تقدر تاخدهم من ليوم؟!

سيمو:هاكااك وصافي...مانقدرش ناخدهم..وزيد عليها حتاا عبدو الى قلتهاا ليه مغاايبغيش...

رانيا زادت علات فيه حاجبهاا:اءءء...ولكن علاش مابغيتوش...عاجبكم لحال تبقااو غارقين هاكاا ولحل قداامكم...

نقزات خنساء بإقناع:هانتا اسيمو...راه مافيهاا واالو الى خديتو لفلوس من عندي...و زايدوز اناا غير غانسلفهم ليكم...كيفماا كاان داير معاكم داك خيينا..وداكشي لي كنتو كاتعطيوه فشهر غاتوليو تعطيوه لياا هداا مكاان..

رانيا:عندهاا الصح ره غا سلف...

سيمو بنزعااج:ايه وهاني انا قبلت...عبدو راه مغايبغيش...و باش تخليه يقبل خااصك ماهيا و مالونهاا...

خنساء خنزرات فيه:و لهلا يقبل...ياك نتا وياه شركة فلمحل...نصيبك من ناصيبو...و حتا الى مابغيتيش ماتقولش ليه خديتيهم من عندي...قوليه تسلفتيهم من عند شي حد اخر..وهاانتاا خرجتي راسك...سلكهاا معاه بكدبة بيضة...فأخر المطاف راه غير لمصلاحتو ولمصلاحتك حتاا نتا تقبل تاخدهم من عندي...

رانيا بإلحاح:و عفااك اسيمو قبل و خود من عندهاا... راه الى مارضيتوش لفلوس غاتصدقو فلمشاكيل وتقدرو تسدو لمحل...ونتا زعماا عوال تجي عند سي سماعيل تخطب..كلمة جوج يسولك فااش خدام...فكر شوية...واش حناا ناقصنا الصدااع حتاا نزيدو هااد الصداع تاع لكريدي لي طاح عليناا من سماا..

سيمو غمض عينيه بتتاقل وحلهم...دورهاا فدمااغو ولقاا بلي من لافضل ياخد عندهاا الفلوس...غايصدق غير محنسر الى بقاا معتاارض...وداكشي لي كانو كايعطيو لسيد يعطيوه ليهاا حتا يكملو...يعني حتا حاجة مغاتغير....

نطق بإجاب:صافي واخاا...شكرا بزااف اختي خنسااء الله يرحم ليك الوليدين...خيرك عمرني ننسااه...

خنساء بتاسماات:هانية الله اودي...

رانيا ضحكاات و جبدات ليهاا حنكهاا:يتوووب عليك اعشيرتي...

سيمو جبد التيل من جيبو وقال:ولكن تبقاا بيناتناا...انا غادي نعيط ليه ونقوليه ضبرت على لفلوس عند واحد من معارفي...مغانقولش ليه خنساء...

رانياا:واصاافي كون هااني...

دوز لابيل و تواني حتاا جاوبو عبدو بصوت مبحوح و عيان:الو سيموو...

رد عليه بتساؤل:تا باقي نااعس؟!

عبدو:لا غير متكي...حااس براسي فااشل و رجلي مهازينيش....مقاادش نوقف...

سيمو بقلق:ااه و غير رتااح ليك شوية غايكون غير من ستريس...شووف عيطت عليك على قبل دااك لموضووع...صافي راه تفكاات الجرة..

عبدو:واايلي لقيتي لفلوس؟!!

سيمو:اه ضبرت عليهم عند واحد صاحبي...قلتها ليه و عاودت ليه لمشكل و مخسرش ليااا...

عبدو:يااك بعداا مغايجرجنااش بحال داك ***

رد عليه بنفي:لا لا..الله يعمرهاا داار ماتخااف من والو على ضمانتي..درت معاه فكل شهر ندوز ليه لفلووس...

عبدو رد عليه براحة: اوى مزياان...ولاهيلا فرحتيني وااحد لحمل كاان عندي قد السخط... لحمد الله مزاال ولاد لحلال فدنيااا..

سيمو:وييه لحمد الله...كاتصحابهاا مغااتفاجااش حتاا كاينزل الله الفرج من عندوو...

عبدو:وييه...هانتاا اناا ليوم مانقدرش نجي..خدم حتاا تعياا وسد...حتاا لغدا ان شاء الله...

سيمو بدهشة:تااا وااش مزيرك الحاال بزااف؟!

عبدو:رااه قلت ليك مقادش نوقف..من لباارح و معدتي عاطيااني قتلة مامخلياني نااكل واالو...و كتااافي يااخوياا كتاافي بحالا كنت هاز عليهم خنشة تاع الرملة...و عاد راسي مطنطن...حالتي حاالة معرفت هاادشي منااش...

سيمو:يااربي السلامة..و مايكوون بااس...الى محسيتيش براسك مزياان...سير شووف الطبيب ماتخليش راسك...

خنساء هزات فيه حاجبهاا بإصغاء شديد عرفااتو مريض...

عبدو:حتاا لغدا الى تزاد علياا لحاال نمشي...الى وليت بخيير راه داكشي لي بغيناا...

سيمو:واخاا نتاا تعرف..يلاه سير مانطولش عليك حتاا نتشااوفو...

غير قطع الخط و هياا تنقز رانياا لي حتاا هياا كانت كاتسمع:ماالو يااك لاباس؟!!

خنساء بلا ماتشعر قالت كاتساؤل بهتماام:وااش مرييض...

سيمو:معرفت ماالو...هاد لأياام كل نهاار كاتشدو حااجة...مرة يقوليك ضارني راسي..مرة رجليه فاشلين عليه...كايتشكاا من لمعدة بزاف و كتاافو كايتقاالو عليه...وعااد لباارح تزااد عليه لحال بزاف يمكن حيت تعصب...

خنساء:اوى صافي حتاا هو زااد فيه...مالو مسلفينو لملاير حتاا يتعصب لهااد لحد...رخااها الله...دوزناا ماهوا أعضم و ووقفناا على رجليناا بحالا مكااين والو...تفوت غير صحة و تخرج فينماا بغاات...

سيمو:شتي عبدو..اناا شااك عندو شي مشكل و ماابغيش يقولو...هو سباابو مخليه كايحفر فيه لدااخل...صاحبي و انا كانعرفوو...كايخلي مشاكيلو عندوو لدااخل..مكاايعااود لحتاا واحد شنوو ضاارو...

خنساء صغراات فيه عااينيهاا كااتخمم...لي لحضة شكاات انهاا ممكن تكون سبااب فدااكشي لي طااري ليه...و هياا عارفاه فلأونة الأخيرة كايتعصب معااهااا وهياا كاديرهاا بلعااني وتعطيه فلقرطااس باش تزيد تسممو...مبغاتش تعطي لموضوع اهمية...توااني حتاا نفضاات لأفكاار من رااسهاا...ودعاات راانياا...هزات صاكهاا ونضراتهاا شمسية و توجهاات مع سيمو للبنكة تجبد لفلوس لي خاصينهم...

من بعد يوماين ... فلعشية مع جواايه العصر تقريبا...يلاه دخل عصاام من لخدمة...دخل لقاا العربي ݣالس فلبيت سلم عليه و دردش معااه شوية...و عاد دااز لكوزينة لقاا نصيرة كاتدلك فلمسمن باغة توجدو ليهم لكسكروط...

غير شاافتو وهياا تنطق بطلب:عصاام جابك الله...عفا وليدي إماا سير عند خنساء جيب لياا عندهاا واحد السخرة خااصني ضروري نديهاا لمولاتهاا راه واقفة عليهاا..

رد عليهاا بعيااء:يلااه دخلت والله مقااد...معيطيتيش عليهاا فتيليفون تجيبهاا ولا تسيفطهاا لوحدة من لبناات...

نصيرة:عيطت ووالو مكاتجااوبش..وحتاا احلام بغيت نسيفطهاا و راهاا مشاات معاهاا...و نسرين حتاا هياا غير تغداات و مشاات عند مهاا...بقييت بوحدي و سيدة غاتسناني حشومة...تعصبت كون غير مقلتش للخانزة لخرى جيني فلوقت...نسااتني بحالا مادويتش ݣااع...

عصام هز تيل ديالو يشوف واش تجاوبو..ووالو كايصوني حتاا عياا و سكت...تنهد وقال:صافي اناا غاادي عندهاا...

نصيرة:الله يرضي علييك...غاتجي تلقاني وجدت لمسمن و عمرت ليكم كااس تاع اتااي...وقول لختك بلاااتي حتاا تجي..الى بقاات فيهاا هااوجهي...

حرك ليهاا رااسو مبتاسم...و مشاا عاود خرج سكوتر دياالو و تااجه لعند خنساء للبوتيك...

وصل و دخل لقااهم يلاه كايستفو فشي سلعة وصلاتهم...

خنساء شافتو و نطقاات مبااتسمة:اهلا بخوياا عندي فلمحاال...ياكماا جااي تاخد شي بيااسة لمداام...

عصام خنزر فيهاا:نتي بعداا دااك تيليفوون سيري لوحييه...رااه مقااضي حتاا زفتة لي بغاك مايلقااكش...

خنساء ضربات على راسهاا:نااري درت ليه صيليونص وخليتو كايتشاارجااا...وتشغلت مع السلعة كانستف فيهاا و نسيييتوو...

عصام:مكاتقضايش من لأعداار....طلقيني خلاص اري لياا سخرة را عمتي كااتسنااا...و غاا وجدي ودنييك الى جيتي عولي تنقيهم ليك...مكشكشة باغة غير تشوفك

رانيا ضحكات:هههه كحلتيهاا ليوم تسربس ليك لقديم مع جديد...

خنساء عضاات على شفايفها: نااري غاسكتي... مزياان نيت ملي علمتيني اعصاام...نجيب ليهاا معاياا شي حاجة نسكتهاا...هههه هاادشي الى بغاات تسكت تااني

مشاات بخطواات سريعة هزاات ليه سااشي وعطاتهاا ليه...خداها من عندهاا.... وزع نضراتو على لمحل و نطق بتساؤل ملي مشافوهاش عينيه:اجي فين احلاام؟!!

خنساء قلبهاا ضرب موسعة نضراتهاا من سؤاالو...ملي قالت ليهاا غاتخرج مع عبدو خاطرها مهنهااش ومنعااتهاا و لكن مكاتسمعش... رانيا بلعاات ريقهاا بخوف...كادور فعينيهااا وتحك و رى عنقهاا بتوتر ملحوظ...كل وحدة فيهم لسانهاا تربط...نتاابه ليهم عصام كايشوف فساكتة شدااهم بجوجاات كايشوفو فبعضياتهم...

نطق بتكراار كايشووف فخنسااء:رااني دااوي معاااك..هضري فين أحلااام !!؟؟....

ماحد عصام كايسول فيهم و هماا واقفين مسمراات فبلاصتهم...

خنساء قلبهاا ضرب على حدوو ورجليهاا قربو يفشلوو عليهاا...لسانهاا تربط مقدراات تخرج ولا كلمة...بلخصوص و هيا كاتشوفيه مفيكسي عينيه فيهاا وملاميحو جاامدة كايتسناهاا تهضر

خداات نفس معمق محاولة تكالمي بيه راسهاا بااش تعرف تهضر وقالت بالعة ريقها بصعووبة:خ..خرجاات على برى...مسخرة مكاينااش

عصاام زاد غوبش و نطق متساؤل بعدم فهم:كيفاش خرجاات مسخرة؟!! فين دااايعة هاادي بسلاامة؟...

خنساء خرجت نفسهاا بشكل مطول و بصوت مسمووع... زيراات على يديهاا مفقوصة...دماغهاا خداام كايفكر فشي تخريجة بااش تسلكهاا معااه ووالو مبلووكي مقادرش يطااوعهاا...

يلاه غاتهضر و هياا تنقز راانياا مبتاسمة محااولة ماتبين ليه واالو:مشات مع ماما معاونهاا هازة معاها شي حلوة لواحد السيدة...مقدرااش تهزهاا بوحدهاا حيت تقيلة و قالت لياا نمشي معاها ونتا كيف كاتشوف مرونين مع سلعهاا لي يلاه وصلات كانستفو فيهاا...وهياا كانت غير ݣالسة طلبتهاا تمشي معاها و مرضاتهااش ليا فوجهي...(كملات بعتداار) غير سمح لينا اخويا عصام...معطينهاش لوقت تشااوركم عاد تمشي...

عصام حرك راسو ورد عليهاا بتفهم:يااودي دنياا هانية مكاين حتاا مشكل...ياك مشات غير مع ماماك ومافيها بااس...اناا يسحااب خرجاات بوحدهاا وهياا مزال معرفااش لقناات تاع لمدينة...

خنساء غمضات عينيهاا و حلاتهم بتتاقل...عاد رتاحت ملي دازت معاه على خير و ماشك فواالو...داخلهاا كاان كايغلي بلأعصااب باغا غير تشوفهم مكارهااش تفرسهم على لمشكل لي كانو غايحطوها فيه و يحطو فيه ريوسهم...

رانيا حتاا هيا تنفسات الصعداء نطقاات رادت عليه كاتضحك: ههه ربي يخليك اخوياا عصاام...راني عارفة لي كاين...

خنساء:اناا غانجيب ليك دااكشي...

عصام وسع نضراتو:بسم الله عليك يااكما جااك زهايمر...(طول يديه)هاا ساشي راك جبتيهاا لياا...

خنساء خرجاات الضحكة بزز... الموقف فااش تحطاات خلاه تلف بلمعقول:ههه معرت ماالي سهييت...صافي ديهاا ليهاا و قوليهاا تسمح لياا نسيتهااا...

جاوبهاا ب "صافي واخا" ودعهم و مشااا... رانياا بقاات واقفة كااتشوفيهاا... خنساء زيراات على شفايفها بلغداايد اعصاابهاا تشحنو...هزاات واحد لكسوة باقاا فسااشي دياالهااا من كارطونتهاا...يلاه بغاات تحطهاا فبلاصتهاا تستفهاا وماشعرااتش حتاا هزااتهاا لسماا خاابطة بيهاا لأرض ونطقات صاااعرة:قلت ل*رية مااااتمشيييش...قلت ليهاااااا حطي مسعودة لمبرووودة وشدي لأرض و تبتي و هيااا كاااطيييير...

رانيا قرباات لعندهاا بزربة محااولة تكالميهاا:صاافي اصحبتي ماوقع واالو..لحمد الله داازت طريفة...

ردت عليها كاتغوت ووجهاا تحقن بدم:كوون جااو و لقااوه هنااا..كوون عرفهاا خاارجة كاتسلݣط معااه فزنااقي..فين غاانوليييو...و شكوووون لي غااترجع ليه لوومة...انااااا لي خليتهاا تمشي معااه...هيااا حمقة و مفروحة مقطعة لورااق و اناا كيف لحمااارة داايرة فيهاا رااسي و غادة معاهاا فهباالهااا....

رانيا: وصافي اصحبتي بلا ماتعصبي راسك راه ماوقع واالو...

مسحاات خنساء على وجهاا ونطقات بتوعد كلهاا كاترعد بلغداايد:بلحق لمشكل مني..اااه مني....لبرهوشة زااايغة...ديك سااعات من لول مابغااتش تشد الركنة وتكمش نشد اصل مهاا نبركهاا صحة...(كملاات ضاغطة غلى هضرتهااا)ولكن بلااتي حتااا تجي الى نخلييهاا فيهاا لا هياا ولا هدااك معامن غادة رااني مانتسمااااش...لااقيين السييبة...اوى بلااتي بيني وبينهم غير حتاا يرجعووو

خنساء باقا غادة جاية فالمحال وكشاكشها خااارجين كاتفرك فيدها بعصبية كبيييرة اعصابهاا مشحونين حتى للحد ... بالنسبة ليها هادشي فااات القياس وهما زادو فييه .... فنظرها ان هادشي مامقبولش ... وشي حاجة من الداخل كتاااكل فيها مخليااهاا تزيد تكعااا .... مدة وهي على نفس الحااالة حتى سمعاات صوت المووطور وهزاات حاااجبهااا ملقية ليهم قداام البااب وهما هاابطين كااايضحكو فرحانين ...

خنسااء مخنزرة قفزااتهم : اتبااارك الله عليكم ضحكو ضحكو نتوما لي واتااكم الضحك ...

عبدو هز فيها حاجبو جامع الضحكة : خنسااء يااك لا....

باقي ماكملهااا صبعها موقفااه : بلاتي نتاااا نوبتك ماشي دابااا ...( دارت عند احلام مخنزرة فيها ): خرجو رجليك الشواري ... وليتي خيطي بيطي مع العزاااراا ماعلى ملتك حكاااام ... مالقيتيش لي يشد ليك اللجاام ...( بالغوااات ): صاااافي سبتييي

احلام بعدم فهم معارفاها علاش معصبة : مالك اخنساء ؟؟

خنساء بانفعاال : مااايلة لييك السلكوووطة ... برب المعبووود ومااجمعتي عليااا دوك الرجليين ومشيتي للدار حتى نكردهم ليك ونوريك مااالي ونتي مابقيتي تعرفي تحطي قاااعك للارض ( بعصبية ): حسااابي معاااك مني نرجع ... ومانعااودش نشوووف اصلك .... كادوري بسااحة العزارة ولا لي نديرو ليك مانقولو ... نولي انا كانغطي بااش الغزالة ماتحصلش ليا مع الامير هادشي لي بقا ليا ... على بووونت ويصلحك عصااام فين كنا غانوصلو ديك الساعة... غانولي انا لي مخرجاااك طريييق

عبدو نطق : خنساء بردي ...

قاطعاتو بصراامة : مدااوياااااش معاك نتاااا ... هضرتي معاااك بوحدهااا ( خنزرات فاحلاام ): الداااار يلاااااه يلاااااه ...

احلام بلعات ريقها عارفاهااا غاتزيد معاها كلمة غاتجمعها معاها للكمارة ... بنت عمها وعارفاها كي دايرة مني كاطلع ليها القردة .. زمات فمها وزادت متاجهة لدار ...

خنسااء شافت فعبدو : ودابا اجي ندويو اسيهم عبد الله ...

جراتو بعيد على المحل حيت كانت رانيا وسيمو تماااا ... وهي مخززة نااطقة : عاار ربي وااش ماحشمتييش ...

عبدو هز حاجبو : مالي شنو درت بالسلااامة ؟؟؟

خنسااء : لااا مادرتي وااالو غير كااالس كاضور بالدرية بلا موجب شرع من قنت لقنت ... وكاتفلااا عليهاااا وكاتقولي شنو درتي ...

عبدو بايجاز : وشكون قالك كانتفلا عليهاا ؟؟؟ ...

خنساااء غمضات عينيها وحلااتهم راسها ولا كايفور : وااش عند بااالك انا واكلة صندااالة ... غانتيق راااك باغيها للمعقووول لي نتا اصلا ما عارف ليه لا راس لا رجليين .. كاتخيبر عليا زعمااا !! ... لاااعب عليها العاشق الولهااان ومبيعها العجل وعند بالك غاتدوخني حتى انا الشمااتة ...

عبدو حرك راسو باا حول : خنساااء براكة من الهضرة الخااوية وعرفي رااسك اشكاتقولي

خنساااء شاعلة : عااارفة راسي اش كانقوول ماشي نتا لي غاتوريني هضرتي .... وعارفة مزيااان شكون نتا وشنو فعااايلك ... ( محمرة فيه): ياكماا ناوي حتى هي تجرهاا لدار تاخد مااابغيتي وتدير ل الصااابونة ومااتعقلش عليهااااا .... دوييي ... ولفتيي تبروفيتي فالدريااااات ...

عبدو بلع ريقو مشوكي من الهضرة لي قااالت لييه مخرج عينو بصدمة ... واش لهاد الدرجة كاتشوفو انسان مكايسواااس لدرجة يلعب ببنات الناااس بهاد الطريقة ... لهاد الدرجة كاتشوفو مكبوت وهادي هي نظرتها ليه ... صدمة وطعنة قوية تغرسات ليها فقلبو وهضرتهااا سمماتو بالمعقوول حيت واخا غلط الندم كان ظاهر علييه ومستحيل يعاود يفكر يدير شي حاجة بحال هادي ... رمش بتتاقل : واش نتي عارفة راسك اش كاتخرجي من فمك ...

خنساء منرفزة ديال المعقول : مااالي قلت شي حاجة مكاايناااش .. هادو هما فعاايلك ... كدبت عليييك ...

عبدو زير على قبضة يدو وعينيها احمارو بالعصااااب نطق كاارز على سنانو : نتيي مرييييضة ... مرييييضة بالحقد وعمرك غاتبرااي منووو ... انسااانة حقووودة وعمرك غاتجااوزي هاد المرض ... قلبك كحل ومافيه ولو ذرة دياااال التسااامح ... عرفتي شنووو لي خااايب ماشي تكووون كاتغلط حيت حتى حد مامعصوم والاهم تعرف غلطك... ولكن صعييب هو يكون عندك قلب حجر وكحل .. مكاتعرفش تسااامح ... ونتي هاااكااااااا

خنسااء خنزرات فيه : حتى تكون كاتستااهل بعدااا ...

عبدو قرم فيها حجبانو ونطق مكره : نتي لي ماتستااهليش ... نتي لي ماااتستااهلي حتى حاااجة من داكشي لي درت باااش نرضييك .... ماتستااهلي لا حبي ليييك ولا حتى ليلة ضيعتها وانا كانفكر فيييك ... ماااتستااهلي حتى حد يبغييك حييت مكاتعرفيش تبغي شييي حد ... الحقد عماا ليك عيينيك وماخلا فيك حتى حاجة زويينة... ( معصب بالمعقول خاوي قلبو ): شتي نتيي عمرك غاتجاوزي لماضي ولا غاتقدي تزيدي القدااام ... عمرك غاااتعرفي معنى ان الواااحد يعيش بلاامااا يحقد ... ( مغدد ): وغير تهناااي انا مابيني وبين احلام وااالو ... وهي عارفة مزياان باااش كانحس من جيهتك ... درت هاكة بااش قلبك يرطااب وتحسي بيا شوية ولكن غير ضيعت وقتي ووقتها ... حيت لي قلبو حجر عمرو يرطاااب ...

خنساااء بلعات ريقها بلا حتى كلمة وهو كايدوي معااهاااا بقلب محروق وغصة كبيرة فصوتو ...

عبدو كمل : من اليوووم ... غانسااااك .... غاانساااك بغاا قلبي ولاا كره ومغاااديش نخليك تاخدي من حياااتي كتر ... عطيتك كلشي ولكن نتي ماقدرتي حتى حااجة .. ايه غلطت ولكن تحااااسبت ... الله و رااه كايساامح عبدو ... شكوون نتي قداام عظمتووو لي غادي نبقى حيااتي كلها طاالب منك الغفرااان ...( بنظرااات داابلة و حزن كبير فنبرتو ): من اليوم ابنت الناااس السلااام هو لخر مغاديش نصدعك بيييه ... حيت عند بالي كاتعرفيني ولو غير شوية مادوزناش القليل باش تجي تقولي هاد الهضرة ... عند بالي غاتعرفي شحال ندمت على ما فااااات وتقولي هاد السيد راااه تبدل ... ساعة لااااا كاتشوفيني غيير شمااتة ايوااا بقاااي فالنظرة لي مريحاااك فيا وعيشي بيهااا .. بقاي حااقدة حياااتك كلهااا مكاينش لي غادي يحاااسبك ...( بصوت مبحوح محقد ): كل واحد كايتحااسب عى اغلااطو وانا كاانشوف راسي خديت لي يكفيني ... مابقا عندي فيين نزييد ... ( هز يدو باستسلاام ): حتى لهناا وتقاضاا الصبر ابنت السااايب .... هاذا الجهد ...

ضرب فيها وزااد من تمااا معصب وواصلة فيه للعظم ... خلاها وراااه مشوكية مقاادرة تجاوبو بحتى كلمة ... عطاتو كلاام حتى حد ما يقبلو ولا يصبر لييه ... بلعااات ريقهااا شادة على راااسهاااا ودارت كاتشووف فيه مكمل طريقو حتى غبر مابقااش كاايباان ... نزلات دمعة حارة على خدهااا ماعرفاتهالش ديااالاش ... علاش نزلاات ولا شنو معناااهاا ولكن لي عارفة انهاا دليل على الناار لي شااعلة فقلبها وكاتحرق فييهاا

ليل حل على المدينة وخيم وسمااها ظلااامت وتعتمااات ... خنساء كانت كالسة ببيجامتها دنعاااس حريرية فالغوز وطالقة شعرها على راحتو فالبيت مع احلام لي عاودات ليها شنو طرا وكيفاش تافقات مع عبد الله باش يخليوها تغير وشنو كاان هدفهم ...

خنساء تنهدات بلا حول : مريضة ابنت عمي والله حتى هارب لييك ... اش دااك لهادشي نتي اصلااا ...

احلام : كيفاش اش داني ... واش السيد كانشوف فيه كايحمااق عليه كايتوفى عليك ... مني كانكون انا وياه كايهترس غير بسميتك ... وباغيك ديال المعقوول ... وكاتقولي ليا اش دخلني ...

خنساء تنهدات : وانا فهادشي فيين ... ماسولتيش راسك واش خنساء باغا ولا لا ... واش مقتانعة بيييه ... غير دخلتي معاه هكااك لله فسبيل الله ...

احلام : يااااء ... وشكون هادي لي مغاتبغيش واحد شاريها بالغلاااا ... السيد روحو يعطيهاا لييك ... دم جوفو يخسرو علييك ... ضريف وغزااال وولد النااااس والقلب لكبييير .. الف وحدة تتمناااه ... اش من عييب فييه ... علااش ماباغااااهش بغيت غير نفهم ...

خنساء : شنو زعما نتي لي غاتوريني هاادشي ... شتي عبدو قدامي شحال هادي ... ومن ديما عارفااه شنو باغي مني ... يعني كون كانت شي حاجة مغانتسنااكش نتي لي تقوليها ليي ولا تجيني الغيرة منك باااش نقبل ... المسألة هي انا لي ماباغاااااهش وعمري غانبغي نكون معاااه ... مابغيتوووووش

احلاام ميقاات : ياااك اختي ... عند باالك غاتبقااي صغييرة هاكاا ورجال يتخاطفو عليك ... ابنت عمي راااك غادة فالكبر ... ومطلقة جوج مرااات ... وااش مناويااش ديري وليدااات ... فين غاتلقااي حسن من عبدو رااه كايقولييك خود لي يبغيك ماشي لي تبغي ... ياااك هاداك لي كنتي تحماقي عليه فاول مرضة ساااسك ولااااحك فمحنتك ... شتي لي يبغييك عمرو يسمح فيك وديما تعولي علييه ... غايديرك فعينو وغايهزك للسماااا ...كون يصيب الارض يفرشها ليك حريير ... القلب كايحن مع الولف مع العشرة والا ماكنتيش كاتبغييه دابااا تعاملو غايخليك تولي تحمااااقي علييه ... وعبدو من احسن ناس لي عرفت الدري كون بغاا كون استاغلني انااا ولعب بيا كيف بغااا وكيف قالهالو راسو وقضا غراضو مدوز بيا الوقت ولكن لا السيد جاني نيشااان صرييح ودوا عليك بحب كبيير عمري شتو فعينين شي حد ... شتيي دوري العاالم كلو برب ماتلقاي لي يبغيك فحااالو ...

خنسااء ميقات فيها واخا كلامها اتر فيها ولكن مابغاتش تبين : ونتي دارك محامي عليه متلاا ... انا الالة ماباغاش ...

احلام شهقات : كيفاش ماباغااش ... واش مناويااش تزوجي ولا كيفاش ...

خنساء : وعلاش لي مانتزوجش اش نااقصني بالسلااامة ... الا ماصدقش لول و تاني كاين لي يصدق ... نتزوح اختي الا كان علاش والا ماصلاااحش باي باي مالي اش خاصني ... ونبقى نتزوج ونطلق حتى يبقى فصداقي ريااال ... ولكن ماشي عبد الله غير سدي هاد الموضوع ...

احلام بلا حول : عار ربي لاما بعدي مني غا ديال التصرفيق يخخخ ... غايجي نهار وتندمي عليه وغاتقولي احلام قاالت ...

قلبات عليها وجهها ونعساات فاقصااهااا بعنادهااا ... خنساء تنهدااات وهي كاتفكر فهضرتو وهضرة احلااام عندهم الحق فلي قالو ...ولكن للاسف مقادرااش تجا وز لي وقع ... وحتى نارها مابغااتش تطفى ... خاص شي حاجة تخمدها ولدابا ماعرفاتش شناهياا باش تقدر تقطع الصفحة وترمي لي فات وراها ...

فداار السايب...كانت ݣالسة نصيرة مع احلام كايدردشو و فنفس الوقت كايطويو لحواايج...

نطقاات احلام كاتضحك:والله اعمتي حتاا قنيطرة ولافة...ݣاعمة يسحاب لياا واش غاتعجبني لبركة فيهاا لهااد الدرجة...

نصيرة بإجاب:قلتهااا ليك نهاار غاانجيو..كنت عاارفة غادي يعجبك الحاال...

أحلام بنزعااج : دابا مزال مقررت شنو غاندير...حرت والله...غادة لجوج سيمانات بااش جييت و مزاال مدرت حتاا حاجة

جاوبتهاا بهدوء:بااقي الوقت قداامك ارى ماديري مزال تعلمي صنعة ولا تلقاي خدمة (حطات يديهاا بحناان فوق شعرهاا)والى ݣاع ربي سهل و ررزقك بشي ولد النااس تزوجي بيه غاادي يكوون حسن...

أحلام ردت عليها ضاحكة: عمتي؟!!يااكما لقيتي لياا شي عرييس...

نصيرة ضحكاات و قالت محاولة تستدرجهاا غير بلفن: الى لقيتو ليك بصح...نتي تبغي تزوجي؟!

أحلام:اوى اعمتي لي هرب لزواج هرب لطاعة...و نتي كيف كاتشوفي وقتي غير ضايع...اللهم نقضيه في تربية ولادي و نديهاا فرااجلي...

نصيرة شافت فيهاا بإعجااب كبير و نطقاات مبتاسمة:الله يكملك بعقلك...تباارك الله ألف وااحد يتمنااك...(تنهداات مطولا و قالت)عرفتي شنو..نوضي صيبي ليناا شي غداا فاعل تاارك من شغل يديك...راه عصام قريب يجي من لخدمة...ههه و مانوصيكش حمري لياا وجهي...نضي لياا الشغل الله يرضي عليك

أحلام ناضت وقفاات مستاجبة لطلبهاا:هياا اللولة...مايكون غير خااطرك...

مشاات خرجاات من لبيت مخلية نصيرة كااتشوفيهاا ومتبعاها بطرف العين...

هبطات لتحت تلاقاات مع نسرين يلاه داخلة من لافااك...

أحلام بتاسماات ليهاا بترحيب:اهلا بزيين

سلماات عليهاا نسرين سخفاانة:فين صافا.. اشكاتعودي كلشي مزياان...

أحلام:لابااس ماالك جاياا كاتلهتي؟...

نسرين حطات يديهاا على سدرهاا:غير طريق اختي..كاتسخفني مكانوصل لداار حتاا كايغفر لياا..وزيد عليهاا مع هاد الصهد كايزيد يسخف...

أحلام:وييه بصح..وحتاا نتي اختي هااد الطالون لي كاتلبسي حسن عواان رجليك يوليو طالبين شرع معااه...

نسرين ضحكات:ههه واش غاندير ولفتو...الى لبست لبلا كايقنطني...

أحلام:هههه اناا مخليا طالون غير لعراضاات...اماا الى خرجت مايجيش فرجلي..اويلي يتبعني غير شي شفاار مالقاا كيف ندير ندردك...

نسرين:الله يحفظ...خليني خليني نمشي نبدل علياا و نݣلس نسترااح شوية ترجع فياا النفس...

أحلام حركاات ليهاا ومشات لكوزينة تبداا فتوجااد لغداا...

عند نصيرة...لي كانت مزاال خدامة كاتطوي فلحوايح...و كاتهضر فتيليفون مع وحدة من صحبااتهاا: اشغانقوليك الله يصااوب و صاافي...يااويلي قلتهاا ليه بغيت زعماا ناكل ليه الدمااغ...ساع الولد تسيف ولا وااحد أخر مابقاا ليه واالو وياكلني...لواااه الزعتر ماشي لبغوو...تي نحلف عليهاا حتااا بنت الهم ملغجة ليه شي حاجة مية فلمية..اوى لحمد الله على كل حاال هااني صاابرة معااه...لا لا غانزوجو هيا غانزوجو... حتاا لإمتا يبقى بلا ولاد مزوج غا بسمية....وااا نسرييين تبقاا فدارهاا مايخرجهاا حد...الى مابغااتش هاا لمحكمة تمشي تطلق مالناا غانحبسوهاا...وااا للقييت لبنت ...زوينة كاملة مكمولة تمناهاا اي وحدة لولدهاا...ايه احلاام بنت خوياا...جامعة كلشي الله يحفضهاا...بغيت داباا غير نزيد ناكل لعصاام دمااغو و نخليه يتزوجهااا...هاداا الجهد فين يدير ولادو....

باقاا كاتهضر حتاا تسمعات شهقة من مورااهاا وهيااا نااطقة بصعووبة مخرجة عينيهاا للحد النفس قرباات تقطع فيهااا ودم تسقط من وجهاا من صدمة دااكشي لي سمعاات :كيفااااااش باااغة تزوجي عصاااام؟!!!

يتبع...