بنت السايب الجزء الثاني

نسرين غوبشاات بوجهاا وهزاات كتافهاا بلامبالاة:مااسوقيش...تقلب عليا غاتلقااني...مالني غانخااف منهااا..شنو نحني ليها راس؟؟داكشي لي بغااات...

نجااة نهضاات فيهاا:ياالمسخوطة رااك متݣدييش عليها...قيليهاا علييك...كنعااود نوصيك...هااااودني منك..تفرقي منهااا...راه غترݣد ليك ليد مع رجل..ولا تفاارقك مع راجلك...هااديك راه ما عندهاا متخسرر...بعدي من سمهاا لا يبلييك...هاني كنتصرعى منك...

ردت عليها بضيق:وصافي أماما حتى نتي...طيبتيني بهااد لهضرة..كل مرة تعاودي فيهااا

نجااة:وݣلتهاا وعاودتهااا وغانبقاا نعااودهاا...نصيرة عليك بتيقاار...الله يرضي عليك

نسرين:لي مصبرني هو مغانشوفش كمارتهاا سيمانة كاملة...مغاتجي غير سبت ولحد... لخدمة غاتهنيني منهاا...

نجااة:واخا هكااك..حضي معاها...وردي لباال...(جراتها لعندها وخفضات نبرة صوتهاا ونطقات بتحدير) حوايجك لدخلانيين وحوايج راجلك...وايااك تخليهم مليوحين فينماا كان جمعيهم..وخلي حتا متكونش فدار وصبنيهم متشوفكش......وملي تمشطي شعرك ولا تغسليه عنداااك تخلي شي زعبة مليوحة...وردي لباال لماكلتك...ماشي اي حاجة عطاتها ليك تخشيهاا فوجهك بحال لبݣرة...عندااك..هااني وصييتك

بعدات منهااا نسرين:وصاافي...غاتهنااي ومتخاافيش علياا..شغلي هداك وأنا قادة بييه

نجااة:هاكدا نبغيك...يلاه أنا غنخرج لبيت نݣلس لا تݣولك كنهضرو عليهاا...ونتي متعطليش طلقي راسك وأجي تفطري...وديري بحالا موقع واالو ...حركات ليها نسرين راسهاا بموافقة مصدراها

خرجات نجاة من لبيت...لقات نصيرة وجدات صينية أتاي...وحطات داكشي لي جابت نجاة لفطور...ݣلسو فطرو وتبعاتهم نسرين بعدما غسلات وجهاا...وگلسات تفطر معااهم

تنحنحات نصيرة وهيا هازة فيدها كاس تاع أتاي كتجغم فيه...شافت فنجاة وقالت بهدوء:إوى نسرين مخاصش يبقا فيهاا لحال...أنا غير هزيت ليها لهم وبغيتها تكون حارة...راه زوااج كيبغي لمرى تكون قافزة...(غمزاتها)مخفااكش رجاال غير يشوفوك غافلة يديروهاا بيك...

نجاة:إيه إيه...عندك صح...دابا تولف معا لوقت...وتعرف هادشي كامل

نصيرة:علااه مشتيش شنو وقع لنعيمة لحريزية...

صغرات فيهاا نجااة حجم عينيها بتسااؤل:شكون نعييمة بعدااا

نصيرة:يااويلي نعيمة مرت لخراز...معقلتيش عليهااا

نجااة:أااه هاديك لي تفارقات مع راجلهااا...وخوات درب...شحال هاادي

نصيرة:ونتي عرفتيهااا علاش تفاارقات معاااه

نجااة بإهتمام:لااا...كانو كايݣولو متفاهموش...وكلها مشى فطريق

نصيرة:تي أشمن متفاهموش...(شافت فنسرين لي كانت كتاكل حداهم..وكملات لهضرة وهياا كتشوف فيهاا): حتاا هيا كان نعااسهاا تقيل...وراجلهاا كايبات مقصر مع راسو وكايزهى ويسهر حتى لإنى وقت عااد كايدخل لداار...وهياا مكتشوفوش إمتا دخل... ملي كتفيق مع صباح وتسولو إمتا جاا...كايݣوليهاا ملي فات لعشا بشوية...ساعة لحرامي لاخر مكايدخل حتا كيفوت لفجر....وفلخر راه لقاات عندها الضرة...وربيب من لفووق...

نسريين وحلاات لييهاا:كح كح...(ضربات طبلة بجوج صبااع)شكيكو..ما حناا على فااالك...

نجاة:مسكينة..الله يستر مابقا مايعجب

نصيرة:لا سمحلييا ممسكيناش...كون حاضية جنابها گاعما يمشي...گول دابا لنعاس وشخير ينفعهاا ...

نسرين:أنا لحمد الله نعااسي خفيف وبزااف...دبانة إلى دازت من حدايا كتفيقني...

نصيرة تسندات على لمخدة: غا ݣلت ليك...ملي كتولي لبنت مزوجة خاصهاا تبدل طباايعهاا كلهم...وتكوون حاارة..وتحضي رااجلهاا تعرفو إمتا دخل وإمتا خرج...أنا غانصحتك وصافي..خلاوها ناس زمان سمع لي كبير منك...يقلال همك...أولى أنجااة

نجاة كتحااول تسايس معاها:بصح...كااينة...

نسرين تنهداات فخاطرها..أول نهاار ليهاا على صبااح سمعاات لمحاضرة مطولة من عند نصيرة لي عندهاا حشياان لهضرة بلعلالي...كملات نجاة فطورهاا ومشااة...وصلاتهاا بنتهاا لباب وودعاتهاا...ورجعاات كملات حتا هياا فطورهااا فجو هادئ بلى متهضر معا نصيرة..محاولة ما أمكن تفاداهاا...

سالات الحصة وخرجوا بجوج كارهين الاستادة و ساعتها لي دازت بحال نهار حلفات لا سالات ... كلسو فالكرسي وسط الليسي ...

خنساء نشرات رجليها : عرفتي من البارح وانا كانموت بالحريق رجلي قتلوني

عبدو : بالسيف ونتي مني بدا العرس ماحطيتي قاعك للارض ... كون كنتي شيخة تجمعي تسبيق فدار غير من الغرامة لي غاتشدي ... ( صغر عينو ): اجي بعداا ... لاش مصدعة راسك بالقراية ... حتارفي الشطيح وحيحي قصاير وزهو وهانتي شابعة مصروف ومضبرة على حب قلبك ...

ميقات فيه : ربي واش نتا راجل ... شتي نتااا ريحة النفس مافيك خزييت ... (بعجرفة )انا راه دايرين بيا جوج رجال مامحتاجاش نهز قاعي باش نصرف على راسي ... تفووو ...

شدها من شعرها : ومال موك على تخصار الهضرة ... غير ضحكت معاااك

خنساء : مكايعجبنيش هاد الضحك ....

عبدو شد يدها : وااهنينا اصحبتي ... راه غير بغيت نشد فيك ماتخصريش الجو ... وزايدون نتي راك العمر وانا نبغي ليك شي حاجة خايبة مايمكنش ...راكي عارفاني غير جيب افم وكَول ... ياك انا هديتك قلبي تهلاي ليا فيه ، ماشي حيت ديالي ، ولكن حيت نتي اخنسائي فيه

بعداتو مخصرة كمارتها : هنينا اشمن قلب ولا حب ... انا مافيا لي يدخل عند المااط ... كايعصبني ... اش بان ليك نتحركوا ؟؟

عبدو : لي بان ليك ... يللااه زيدي ...

تقدموا بجوج خرجوا من باب ليسي ... يلاه غادور عينيها وهو يبان ليها كايشوف فواحد ختنا يطلعها ويهبطهااا .. كلاها بعينيه وهو كايشعل الكارو فيدو ... وقفااات قدامو وهو ماشي فهاد العالم عينو على التيتيز ... بلاماا يحس دخل فيهاا كان غايطيح : الرجوع الله ... عاد دابا كنتي تقول القلب والشرايين والمعدة والكلاوي ... ونزال قحباني كايتشاير ... غير شفتي التقزاب ونتا تحوال ...

عبدو كايلبس الكاسكيط : الله يهديك اشمن حواليت ... راه كنت غير كانعبرها .. زعما كانوزنها ... احم بغيت نقول غير جات عيني فيها هاذا ماكان

خنساء : ايواا الله يعطينا كمارتك ... باااز ياخويااا ولوجهك قسح من ترمتي ...

هز حاجبو وهبط عينو لمؤخرتها : علاش نتي عندك قاسحة ... ( خنزرات فيه )... وايلي الزين ديالي ... وشكون يقدر يخلي هاد الجمال والزين ويشوف فالبراني ... نتي رااك البوان فيبل ... ( كاتميق فيه بمعنى غير زيد صبغ) ... قاطعوا صوت التلفون : تسناي الواليد كايصوني ...

جاوب : واش الواليد ؟؟

_ فين نتا ؟؟ واش باقا عندك الورقة ديال دوا ديال موك ؟

قلب جيابو جبدها : اه كاينة ... ياك لاباس ؟؟

_ الا عندك شي حاجة جيبو معاك الله يرضي عليك بينما تخلصت فواحد الزربية ونعطيهم ليك ... راه تقادا ليها ورجليها تاني كايعطيوها الحريق ...

تنهد : واخا انا غانشوف ... رد ليها البال شوية ونجي

قطع عليه تحت انظار خنساء : ياكما كاين باس ؟

عبدو تبدلو ملاميحو : لا والو يلااه ندوزو للفارماسيان ناخد شي دوا للواليدة

خنساء : باقي مسكينة رجليها كايضروها ؟؟

عبدو : وااه ... باقي ... والسكر قاتلها حتى هو ... غير الله يصاوب وخلااص ...

تقدموا جهة الفارماسيان وهو دخل بقات خنساء على برا كاتسنا ... جبد الورقة : عافا اخويا شوف ليا هاد الدوا يتوب عليك

خدا من عندو الورقة وجبد ليه الدواياات لي بغا خشاهم ليه فكيس : هاهما اعبدوا ...

عبدو : شحال اسااط ؟؟

_220 درهم فالمجموع ...

جبد من جيبو 100 درهم : وايلي 200 كاملة ... ( بلع ريقو كايشوف فدوك الدواياات كايتنهد بحصرة ... شاف فواحد البراسلي نقرة فيدو وحيدها مدها ليه هي والفلوس ): هانتا اعشيري عندي 100 هنا .. وهاد التويشية راه نقرة غاتبقى عندك حتى ندوز ليك 120 لي غاتبقى ....

_ والو العشير والله مانصيب ... راك عارف غير خدام هنا ومولات شي مرة مرة كاضرب ضورة .... هانتا خليه عندي هنا .... ضبر على مصيريف ودوز وراهم ....

عبدو ساط جامع داكشي فجيبو : واخا اخويا ... الله يرحم الواليدين ... ( ابتاسم ليه بزز وخرج من تماا سااخط )

خنساء هزات حاجبها : تا مالك خارج بلا دوا ؟؟

عبدو مابغاش يبين : مالقيتوش حتاال العشية وندوز ليه .... عاد غايوصل ... ( كايبدل الموضوع ): واحد نصيرة لاباس عليهااا ههههه

خنساء : لاباااس عليهاا كاتسلم عليك ... راه عارفة كاتحمااق عليك

ضحك بطنز : وااايلي ههههه عارفهااا الله اودي حتى انا كانبادلها نفس الشعور ...

خنساء وقفات قدام باب دارهم : يلاااه نتلاقااو غدا اووك ...

عبدو : ان شااء الله .... شيرات ليه بسلامة وزادت طلعات لدارهم ... غير تفارق معاها وهو يعقدهم معاجبو حال ... اتاجه نيشان للقهوة لي فراس الدرب ودخل عند واحد خوناا مشرمل فلباسو ولكن بوكووص وجهوا بيض وعينين عسليين ...وضربة تحت عينو مرشومة بالغراز مني كايضحك كاتجي معاه ... حاط قدامو كاس قهوة كحلة مع طفاية عامرة بقايا ديال الكارو .... كلس مقابل معاه : واافين السَّحْت ؟؟ صافا ؟؟

السحت : عاش من شافك اصحبي .. غبور هادو ؟؟

عبدو خدا ليه الكارو من يدو كاينتر : تا راااه غير الوقت وصافي ... اش كاتعاود شي جديد ؟؟

السحت : والو هاد الساعة كاين غا البيريمي .... الجديد عندك نتا

عبدو : وريلي (والو) هاد الساعة حتى انا غير الكحط والجفااف ... ( صغر فيه عينو): البرينسيسة ديالك طار بيها سي عصااام

ضحك : ههههههه شكون نسرين ؟؟

عبدو تكا مقاد الكلسة : وشكون من غيرها .... الباارح ضربات الكحل فالبيض مع الصعصوعي ديال الدرب وخلاتك نتا شاد فبولة تسعين .

السحت : عاارف ... تا راااه صدعات ليا كري بالزواج ما الزواج ... مني شافتني قالب لمود من داك الموضوع غيرااات الطرح وشافت فعصام ... اصحبي من عندي الله يسعدها مشات نسرين وجات هجاار كلشي زييين الله يجيب غير الصحة والسلاامة ....

عبدو : هاااديك العشييير الواحد هو لي يكون شادها من كاع الجوايه الا طلقات هادي تبقا هادي

السحت : ايكزاكتلي ... واش نتا باقي مابغا يتوب عليك الله من بنت السايب

عبدو : ههههه بااااقي ... بيني وبينك مزااال معمرة ليا العييين .... دايرة فحال جوان كاطلع ليا التبويقة ونساااااا العاالم ...

السحت : وااا بسيييف تااا راااه بومباا الدرية عندك ....

عبدو : جيت عندك محتاجك فواحد البلااان

السحت : امااا هو ؟؟

عبدو : بغيت واحد 100 درهم السيمانة الجاية تكون عند خويااا ... فكني راني وااقف علييها ايرجوونص ...

السحت : اياااه علااش لاااا ....

عبدو : يتووب عليييك .... كنت عارفك كااباابل

السحت : تااا راااه تطلب مليون تحضر .... مااالهاااا تغلااا علييك ... ( جبد 100 درهم ): هااك اخوياااا

عبدو شدها خشاهااا فجيبو : الله يحن عليك ... ويعفو علييك ...

السحت : عليااا وعليييك ههههه ... ولكن اصحبي هادشي راه ماخدامش ... مالك محمق راسك مع القرااياااا وعارف راسك مامطفرووش ... ضبر ليك فشي خدمة صوفي رااسك والواليدين ....

عبدو : واااا حاالف حتى نجيب دين مو هاد الباك ... حتى هو حلف لااا تشد ليااا دااير معااياا الكونطرير ..

السحت : تااا واش لي مخزز تلت سنين فالكاطريااام وتلت سنين خرا فالباااك غاايقرااا ... غا كااضيع وقتك الساااط .... 24 عااام رااه خااصك تكون بولااادك ههههه

عبدو وقف : وتااا ديرهم نتااا ونتبعك ههههه ... تهلااااا حتى نتقاشعوااا ،(زاد)

السحت : الله يعاون ... سلم ليا على السااطة .... ضحك وجبد كاارو اخر كاايكمييه ماشي فهاااد العاالم كاااع ...

عبدو دخل للدرب وااقف مقنت كايدور عينووو ...بان لييه وااحد الدري عشريني خااارج وهو يقصدووو شدوو من قرفادتوو مكاليه : احصلتي فين عند ال*حبة دمووك تهرب ... اش حدك ال*امل

_ عبدو ... طلق اصحبي ماالك ؟؟

مزير عليه : طلّع داكشي لي كانتساالك ... ولا فتختي الجوااان وطلعتي الموراال ونسيتيني ... طلاااع ولااا نطلع مع خويا شي كروشي نغيبو على القبلة ...

_ تااا غااطلق ابنااادم ...

_ عبدو ساعر : بربي وماجبدتي لعاقة مانتفااك معااك اليوووم بيااا ولا بيك ...

(خنزر فييه جابد 20 درهم من جيبو ): هادي لي عندي ... وا طلق ال*لاوي ...

دفعوا نافضوا على الحيط: ماكاتفهوش بالخاااطر ... تموتواا فالزكييير ... المرة الجاية شوفلك فين تشري بليتك ... مابقيتش باايع لفحااالك ... تجي عندي نفض الكيدااار لي حطك ...

زاد من تماااا مخلييه كاينكر ويسب ويعاااير ... مشا نيشان للصيدلية خدا الدوااا وخرج متاجه للدار ... مستحيل يدخل بلا بيه واخا يعرف يشفر ويجيبو ... المهم مو تولي بيخيير ...

خنساء دخلات للدار لقاات نسرين كاتجمع الطبلة ديال الفطور .... ابتااسماات مقربة عندها : صبااح صباح ماليه الملحة والسر علييه ..لالة نسرين ياا المرضية هاكااا يكونوا بناات الرجاال الحضية ... وا نسرين وااا المرضية هاكا يكونوا بنات الرجال المحضية

نسرين ضحكات : هههههه باااز يااختي ... عرفتي بقيت نحسب سوايع ايمتا تجي قنطت فهاد الدار مع عمتك ... ياربي تستر بريز مركبينو ليها مكاتسكتش من النكير ...

خنساء حطات شكاتها كاتعاونها فجميع : عهههههه مزاال تولفي على لمود ديالها وتولي كاعما تسمعيها مني ماتبغيش بكترة الغوات لي فيها غايولي عندك فحال الموسيقى ههههه ...

نسرين : غير الله يحفض وخللااص ...

خنساء صغرات فيها عينيهااا وحطات الصينية ... جراتها من يدها مكلساها فالكرسي : خلينا من الماعن دابا وعاودي ليا

نسرين هزات حاجبها : شنو غانعاود ليك ؟؟؟

خنساء : كيفاش شنو غانعاود ليك وااش كاتحماقي عليا ... بلا بهلاان قولي ليا كيف داز داكشي ...

نسرين فهماتها مسبلة عينيها : ويلي اصحبتي .... كوني تحشمي ... عيييب

ميقاات فيهااا : ياااك اختشي حشومة عليا غي انا فالمعاودة مني كنتي حالة رجليك مكانش حشوومة ... ( بشغف ): هنينا اصحبتي وقولي ليا .... العيب ماشي على الحرت فالسطح العيب على لي فالموت وكايشطح .... دوي دوي ...

نسرين دارت رجل على رجل حاطة يدها على خدهااا مفيكسية عينيها فواحد الجهة كاتفكر وتنهد : لي يقول ليك العرس فالمغرب نزاهة غير كدب عليك ... ولي يقوليك ليلة العرس فالمغرب راحة غير يطنز عليك .... ولكن حلاااوتهااا غير كاااع البلداااان ...

خصرات كمارتها : تي دوي بالداريجة ونتي سرحتي ووليتي تنضمي عليا الشعر هنااا ... هضري بالفاروزي الحلااوة فالكلااام الفاااحش هههههه

نسرين : ايوا اش غانقوليك الالة نساي عليااا داكشي الافلام والمسلسلات والكلاام الحلو والغزل ولا ماعرف لييه ... داكشي حرش ... بلا مقدمة ولا مؤخرة .... غير شاف اللحم ولاو فيه عشرة ... مااعقلش عليااا ...

خنسااء : اويلي بديتو داكشي بلاا تسخينااات ولا وااالوو

نسرين : تي اشمن تسخينااات ... سخن ليا غير جنااابي ... مكاين والو من داكشي ... ماخلانيش حتى نستوعب فين انااا ولا معامن ... دغيا حما المجمر وزند العافية وطفاهاااا ... ماحسيتش ايمتاااا وقع داكشي .... ولكن الضوو ضرب ليا تحتي .... لداباا الا تحركت بزاف نتعكر ....

خنساء : ختي وااا ماااجاااتش ... حشومة كااع ... واغير شوي الكلام الحلو تلطفوا الجو ... داكشي شااحف ناااشف ...

نسرين ابتاسمات : ولكن واخا هكاااك دااكشي بحلاااوتووو ... بصح حرش ميي خلاني نهيت فالفرااش ... ( خفضات نبرة صوتها هامسة ): ما جابو حتى وليت نعيط بالعاداااو .... ماشي داكشي ديااال كب الماا يفيض الكاااس ... بقواااامووو يااالالة .... غيز ليا الشغل

خنسااء صغرات فيها عينيهاا : ممممم ... يااختي وهاانتي على السي عصااام ...

نسرين بعجرفة : ومني سالينى وشافني تقسحت .... وجد ليا الدوش فنصاصة الليل وهزني ليه وغسل لياااا فحال شي درية صغييرة ... خلااا قلبي كايفرفر ... زماااني يااا زمااني ...

خنسااء : هاااي هاااي هاااي ... خويا والرومانسية .... ايوا بعدا الحمد لله داز كلشي بيخيير .... فين هو بعداا مولااي السلطان

عوجات شنايفها : ماعرفت لييه فقت الصباح مالقيتوش حدايااا ...

خنساء : غايكون عندو شي غرااض ... نوضي نوضي ورينيي داكشي لي جبنا ليك كيف جااك ... يلاااه زيدي

نسرين : والمااعن ؟؟؟

_ غير زيدي دابا تغسلهم نصييرة ....

( جات فودنهااا نيشان وهي داخلة للكوزينة ): خدم يا التاعس للناعس ... جوج عيالات فالدار ونغسل انا المااعن ....

خنساء : ههههه عافااك اعمتي غير توريني شي حاجة الله يرحم باااك ...

نصيرة عوجات : سيري الله يتبعك البلا نتي ويااهااا ... ماقدو فيل زادوه فيلة ... جيل المانيكييير لله يخليكم بالخلاا

زادو طالعين فالدروج كايضحكو ... نسرين : المدبوحة كاضحك على المسلوخة جات مقطوعة الراس قالت الله ينجينا من هاد الناس ... هاد عمتك عاالاام ...

خنساء : هنينا دابا تسمعك وتجبدي علينا النحل ... دخلوا للبيت كاتقيس ليها وهي تقولها الزوين والخااايب ماخرجوش من داك البيييت دايرين فيه عرض الازياء

حل عصام باب لبيت ودخل لقى نسرين شادة تيل..كتفرج على تصاور ديال لعرس...شافت فيه وطلعاات حاجبها كتسائل:على سلامة..فين كنتي من صبااح؟؟!

قرب لعندها ونطق بهدوء:وعليكم سلام ورحمه الله...على مضهر ليا خاصني نبدا نعلمك صواب..

ناضت لاحت تيل من يدهاا و تقابلات معااه:كيفاش بغيتيني نعقل على شي صوااب وأنا فقت مالقيت غير يدي وريح..معرفتك فين زدتي ؟؟...

عصام بتفسير : كنت فلجماعة عيط عليا رئيس يبارك ليا،ومشيت عندو

نسرين:وديك ساعة قولهااا... قول عيطو عليا بغاوني فلخدمة،ولا سيفط ميساج نفيق نلقااه،متخلينيش مقلوبة عليا لقفة معارفاك فين مشيتي،عمتك كتسول فيا ملقيت باش نجاوبهااا حتا مرݣاتني قدام ماما...

عصاام زفر بضيق : سر ديلمي أنايا لي قاري ليك لهم ومبغيتش نفيقك قلت غاتكوني مسخسخة،ساعة نتي ماشي دياال لمحنة،ديال لي ينوضك بزز توجدي ليه حوايجو وطايبي ليه لفطور وتسدي من موراه لباب من لفوق...

رجعات نسرين بعض لخصلات ورى ودنهاا ونطقاات باغا تهدنو،محاولة تنهي نقاش : ماشي حتا لديك درجة أعصام،غير لمرة جاية ملي تكون خارج علمني فين غاتمشي،باش ملي يسولوني عليك نلقا باش نجاوبهم... دابا أنا وليت مراتك خاصني نعرف عليك كلشي(كملات بإبتسامة)واخاا؟؟

سكت تواني ورد عليها بلإجاب:واخا الالة...(بتاسم جانبيا ونطق بمزحة) : سير على مولانا بدينا فلأوامر ومنين جيتي وفين كنتي من نهار لول...

ضحكات ليه بخفوت:هه شوية وصافي

عصاام: يلاه سربي وجدي راسك،باش نخرجو أنا وياك،ليوم غانتغدااو على برى..

ردت بلهفة:بصح فين غاتديني

عصاام:وسربي وجدي راسك ونخرجو وديك ساعة غاتعرفي..

نسرين بإبتسامة:مكرهتش نمشي لبحر...تشهيت ناكل لحوت و نسمع صوت لمااج وندورو تماا..نيت لجو زوين

جاوبهاا وهو غادي خاارج : ومايكوون غير خااطرك،طلقي راسك وسربينا خلااص راه فياا جووع...

بتااسماات ليه وزادت حالة لبلاكار جابدة منو كسوة صيفية حمرة مخططة بلبيض طويلة...لبسااتهاا من بعد دازت لمراية دارت ميكااب خفيف باش تفيق ملاميحهاا..مع عكر لونو وردي برزات بيه شفاايفهاا....حلات شعرهااا سرحاتو بسشواار بلخف،وطلقااتو مخليااه على راحتووو...لبسات سنيديلة عالية شوية فلون الأبيض...وهزات شال خفيف فنفس اللون لاحتو على عنقهااا...و كتفات بمݣانة فضية مع لباݣ ديال لمغياج فيديهااا

هزات صاكهاا وخرجاات،لقات عصاام ݣالس فلبيت مع خنسااء...ونطقاات بهدوء:يلااه أعصاام راني سااليت

هز فيهاا رااسو وعلى حااجبوو،وناض مقرب لعندهاا كايتسائل مصغر عينيه فيهاا :أش داكشي فوجهك؟؟!

جوباتو وهيا كدور فعينيهاا:أءء...و.وااالو

عصاام وسع نضراتو ليهاا:واالو؟؟!...لا لا على مضهر ليا فيك باغا تحرمي عليك هاااد لخرجة...ماافيهااش..لمن مزوقة بسلامة؟؟

خنسااء ناضت لعندهم كضحك:ههه وحتا نتا أعصاام..مالك على هاد لحكاام من نهاار لول...أشفيهاا إلى دارت شوية لمكيااج..وااش بغتيهاا تخرج صفرة وهياا مزاالة عروسة؟؟!تت..مجااتش

عصاام شافيهاا ورد بعصبية:صفرة ولا حمرة نتي عارفاني جني وجنووني مع هاد صبايغ...منحملهم منقبلهم...

نسرين :راه درت غير عكر ولونو خفييف ݣاع ماباين...ووجهي مابايين فيه والو...ياك أخنسااء (غمزاتهاا بشوية بلا ماتعيق)

خنسااء بإقنااع:أه أخووياا عندها صح...راه مكايبان واالو...غا نازل عليهاا السر من عند الله...داكشي علاش كاتبان ليك هاكاا..

خنزر فيهم :الله يجعلني نتيق..زعماا نتوما لبنات ملي كدورو شي واحد وسطكم،كتقنعو والديه بلهلا يتبتو ليه...(شاف فنسرين)أنا غانمشي نديماري سكوتر...نكلاكصوني عليك نلقاك قدامي..

حركات ليه راسهاا بلإجاب...خرج وقرباات عندهاا خنساء كتهضر بشوية:فين غاتمشيو؟؟...وااش غتعطلوو؟؟.

جوباتها نسرين وهيا كضحك:ههه علاش هااد لأسئلة كلهااا

خنسااء:عندي واحد لبلان،ومبغيتش يجي عصام مايلقانيش فداار،غاينوض عليا لقيامة وأجا مسكتو عليا تااني...داكشي علاش بغيت نعرف واش غتعطلو..باش نضرب لحساب

نسرين:وصراحة أنا معرفتش..هو قالي وجدي راسك غانخرجو وصاافي...نتي عارفة خوك مايعطيكش راس لخيط...واقلة يمكن غانمشيو لبحر..

خنسااء حكات شعرهاا بتفكيير:ممم واخاا غانشووف

نسرين:عرفتي شنو...ملي غنوصلو غانصيفط ليك ميساج فواتساب نقوليك فين حناا..وملي نقربو نجيو غاانسيفط ليك ميسااج تاني..ونقولهاا ليك باش تسبقينااا لداار

خنسااء بتااسمات ليهاا:معلييكش...حتاا هداا بلاان...هههه باين ليا أنا ويااك غنتفاهمو مزيااان

يلاه غترد عليهاا وهو يقاطعم صوت لكلاكصوون...

خنسااء:ههه سربي لا يصدق راجع فهضرتو،راه يديرهاا

ضحكات ليهاا وودعاتهاا ومشاات...وهيا دخلاات لبيتهاا باش توجد رااسهاا ... بالخف قادات و هزات صاكهاا لابسة جلابة قصيرة محلولة من الجناب التحت فالخزي مخيطة بالرانضا مع باسكيط سامبل فالابيض ... طلقات شعرهااا على راحتو مرولي كيف العاادة يلاه بغات تخرج شافت راسها فالمرايا وعبسات : ويلي نخرج صفرة هاكاا ... نووووووو

ابتاسمات و دوزاات على فمها عطر ماااط كرونة .... هزات عدسات فالاخضر ركباتهم باتقان مولفاهم لدرجة مكاتقدرش تستغنا عليهم ولا فيها بلية كاتشريهم باللوان واخا غير الماركة العادية .... دارت ماسكاارااا هزات شفاارها ودوزات مشطة رقيقة على على حجبانها رتباتهم ... هزات عكر حمر حطات شوية على حناكهاا وقاداتهم حتى ولاو موردين ... وخرجات كاتسلت فالدروج شافت نصيرة فالكوزينة وتمشااات بشوية بااش ماتسمعهاش يلااه غادور للباب وهي توقفها بصوتها : شنو زعما خارجة كاتسلتي ولا شنوو ... مكانشوفش فيك اياااه ... ولكن ريحتك كاسرة الدار كااملة ... الا بغيتي تهربي عرفي غير كيفاش بعدا

دارت عندها مدلية شنايفها : يااختي عندي نيف ديال السلوكي ...

هبطات هازة صندالتها : الله ينعل طاسيلتك ... تقادو الكتاف وليت سلوكي...

تخبات ورا الحيط : غير كانضحك معاك ماالكي اعمتي ... لقيتي غانخرج نضرب ضورة مع واحد صاحبتي نفوج شوية قنطت ..

طلعاتها وهبطاتها : بهاد الحالة ... وجهك مطعرج ولابسة جلاابة شوية وتطرطق عليك وغادا مع صاحبتك ... قالو ليك عليا كانرضع صبعي ... ( وجهات ليها صبعها ): ياكما يحساب ليك انا مقلوبة عليا القفة ولا مجايبة للدنيا خبااار ... الدرب كامل عارفك مع دااك الشمكاار .... الليل والنهار ونتي طوطحي معااه مخليتو لا حاحة لا ملاحة ... حتى قنت فقنيطرة ماخليتوه يضروا راسو ... وااش ماحشمتييش مالقيتي معامن ... كون غير كان علاش بعدا نقولو .. ونتي كاتجلوقي ليا مع المزلوط ديال الدرب ...

خنساء تأفأفات : الله يهديك راااه غادااا نخرج غير مع صاحبتي ماتزيديش فيه .. وانا وعبدو غير اصدقاااء .. ديك الهضرة غير خاوية لي كاتسمعي ماتعمريش بيها ودنيك ... والا جات غير على الناس مكايناش شي بنت فاولاد وجيه مادواوش فيهااا ...

نصيرة : هاا ودني منك اديك المسخوطة ... راه والله خوك ويشوفك معاه ... يا حتى يخرج فموك القديم والجديد وهاني كانعلمك ... والله ماتفكك منو غير سكرات الموت ... نتي وداك السلكوط مغاتهناو حتى ديرو شي فضيحة ... ونوليو شفايا للعدياان ...

خنساء زادت : مكاتقاضاايش ... ماحنا على فاالك اوووف ...زاادت وخلااتهااا كاتغوت .. زدحاات الباب وخرجااات ... ابتاسمات للرباعة الدراري لي كايوقفوا تما غير على قبلها بااش يمتعوا عويناتهم ... وحتى هي عاجبها الحال كل مرة تشوف واش تزاد عليهم شي وااحد يعمر العيين سااعة ولا كل نهار نفس الكمااامر ....

زاادت من تمااا جهة الدرب والمرا لي دازت من حداهااا تسلم عليها .. واخا قبيحة وضاربة الدنيا بركلة ولكن بشوشة ولي عطاها الصواب كاتردو ليه .... وقفاات قداام داار عبدو كاتعاود تصوني واالو طااافي ... دقات فالبااب كادور عينيها لا يشوفها باهاا اما حتى خوها تهنات علييه خارج بعيد ... كادق وتعااود عاد حلااات مو الباااب ... امرأة كبيرة شوية اربعينية باين عليها شوية العياء صفرة وغليضة بالسكار .... ملامحهاا بيضة وباينة مدوزة الزين فالصغر... لايحة عليها فولار فالاسود مع بيجامة مزوقة ... غير شافتها واقفة هكااك سيكانها باينين بيضين من الفتحات ديال الجلابة كحلات بالعما ...

خنساء دارت ضحكة صفرة عارفة مشاعرها اتجاهها : اهلاا خالتي حياة ... لباس عليك

حياة : هاد الساعة حامدين الله وشاكرينواا الا قالونا شي ناس وعطاونا التيساع ... ياك لابااس ابنت السايب اش جابك فهاد الطيطانية ديال الشمس ؟؟

خنساء : بغيت عبدو ( حياة خنزرات فيها )

فهماتها وضحكات كاتسايس : احم بغيت عبد الله واش كااين ؟؟

حياة : عبد الله خاارج وزايدون راه شحال من مرة تبريت منك قلت ليك لا باقي شاي تجي دقي فالباب ... واش ما عندك والدين يحكمووك ... شي نهار تجبدي لينا شي صداع مانتفاكوش معااه ...

خنسااء بنفاد صبر : صافي اخالتي شكرا بسلامة ... يلاااه بغاات تزيد وهو يطل من الفوق فالسطح : خنساااء

دارت هازة راسها تحت انظاار حياة لي غاتاكلها بعينيها : ياك ماكونتيش فالدار ( شافت فحياة ): ولا نقزتي من عند الجيران ...

عبدو ضحك : صبري هاني هابط ... خنساء ميقات فيها وهي ردخاات الباب فوجهها معاجبهاا حاال ... هبط عبدو من الفوق لبس عليه وتم خارج

حياة بعتاب : واش مباغيش تفرق من ديك الموصيبة ... الله يهديك اوليدي بعد من الخنز لا يطلييك .... رااه باهااا جلااخة وخوهااا قالو ماتعرفش اما ديك عمتها خلاااص عافية كحلة .... واش هاد شوي الصحة لي عندي باغي تهدها ليا

عبدو قرب باس ليها راسها : غير تهناي الواليدة ... راه غير عندنا شي حاجة ديال القراية ... نساليوهااا ... ونجي ....

حياة : ياربي تهزها من هاد الدرب ... وتهنيني منها ياربي .... من نهار عاشرتيها ونتا اللور اللور

عبدو لبس كاسكيط ديالو وخرج عندها لقاها واقفة كاتسناه ... خنزرات فيه : طيباتني الشمس ياربي السلاامة ... علاش مكاتجاوبنيش ولا غير باااش نسمع هاد الموال من عند موك ....

عبدو تقدم باسها فحنكها : رااه تليفوني كان طافي درتو فشارج وماشعلتوش ...

خنساء : ياربي السلاامة هاااد ماماك الجن لي فيها مايحملني .... تقول قاتلة ليهاااا

عبدو خاشي يدو فجيبو : راك عارفة الواليدة كيفاش دايرة نسايها عليك ... ( شاف فيها باعجاب ): اش هاد الشياكة والاناقة كاملة ... تهبلي ...

خنساء رجعات خصلات شعرها بتكبر : ايوااا انا ديمااا زينة ونهبل ... مااشي عااد

عبدو : غير لي بغاا يدوي معااك ... فين غانتحركواا ؟؟

خنساء : بغيت نمشي للواد ... ماحد خويا خاارج .... هاد القنت طلع ليا ف*ري .... خلينا نبدلوا السيكتوور ...

عبدو : هي اللولة ... وازيدي نشدو الطوبيس فالبلاكة

ميقات فيه : حتى فلوس الطاكسي ماعندك ... ماعرفت اش مخليتي معاااك ....

عبدو : الحب الحب لي شاادك ... مربوطة فيا والربطة زغبية هههه

خنسااء : هادشي غير فراسك ...اما انا القلب خاااوي فيه غير راسي هاد السااعة

عبدو : ونعمروا باباه مالو يغلبنا .. وزايدون بغيتي ولا كرهتي راااك ديالي .... انا بعدا من نهار شفتك وانا كننعس حفيان .

ضحكات بصوت شيخاوي : علاااش كاين لي مكاينعسش حفياان ... هاد التعناب عندك قداام ... زيد ناكلوا الدجاج فحسان وعاد نهبطوا للواد ...

عبدو : ههههه اهاااه علاااش لااا ...

ركبو فالطوبيس واتاجهوا نيشاان لوسط المدينة يتساراااو ويشبعواا دورااان .... دازو نيشااان للسنااك تغداااو ودخلوا للمولاات كايتمنظروا وخنساء لي تشوفها تعجبهااا وتحلم تشريهااا كلشي باغااااه ...

سلاو عصام ونسرين لغداا دياالهم لي كلاوه فقهوة لي كاانت بااردة ومهوية مزياان بحكم كطل على بحر مهدية ...

نسرين تسندات شوية على لكرسي نطقات وهياا حاطة يديهاا على كرشهاا:الله تنفخت...عرفتي شحاال وأنا مشهية ناكل لحووت فشي بلاصة بحاال هاكا

عصام:بصحة...(كمل بتسااؤل)ياكما بغيتي مزال تزيدي؟؟!

نسرين بنفي:لا الله يجعل لبركة...دابا غادي نوضو نتمشاو باش نهضمو هادشي...معزيزش عليا نبقى متقلة

ابتاسم بخفوت و حرك ليهاا راسو بلإجااب وناضو...غسلو يديهمم،وعصام مشا خلص وخرجوو مع بعضيااتهم ناشطين ... هاابطين لجيهت لبحر...كيتمشااو بشوية فوق رملة..هازين صبابطهم فيديهم ومرة مرة كيوصل شوية تلماا لرجليهم...دخلات نسرين يديهاا فدراع عصاام ونطقات وهيا كضحك:هه هياا مولف كاتجي تبحر مع راسك هنايااا؟

رد عليها وهو كايقاد لكاسكيط ديالو فوق شعرو البني الغامق:اه.. تقريباً فصيف كل ويكاند كانجي...ولفت هاد لبحر،كاينسيني فكلشي ملي كنجي ليه وكنحيد بيه حتا ستريس ديال لخدمة

نسرين بتساؤل : ولحمد الله بعدا ياك عمرو ماغرقك؟؟

وقف وشاف فيهااا...ونطق وهو كايضحك مركز أنضارو عليهاا:أنا لوحيدين لي يقدرو يغرقوني هما عينياا...وراه داروهاا ليااا،وغرقوني فيك...

بتاسمات ليه بخجل...وهيا هايمة فملاميحو الرجولية...و حروفو لكحلين زائد عينيه لعسليين لي كاتحس بيهم مغناطيس كيجدبك تشوف فيهم بلا متحس...عاد لحيتو لخفيفة لي مزينة بشرتو السمراء..زادت عطات لملاميحو جادبية خاصة..عاقت براسهااا مطولة شوفة...هربات عينيهاا ورجعاات خشات يديهاا فيه ونطقاات بتساؤل كتمشاا معاه:ماقلتيليش...من إمتاا ونتااا حااط علياا لعين؟؟

عصااام بتااسم بتدكر : من مممدة هاادي ...(كمل كيضحك)ههه تعقلي نهاار لي لقيتك مطايفة مع خنسااء وفارقتكم؟؟

جوباتو بعدم تصديق:لااا..متقوليش ملي كنت كنقرى فسنكياام ونتا طايح فيااا

عصاام: بحالا شفتيهاا بعينيك،من تم وأنا طايح على زناافري،لدابا باقي كنتخيلك فداك نهار كيفاش كنتي كتجعوقي وتغوتي وماخفتيش مني...ههه بلعكس بقيتي كتخرجي فياا عينيك بحال شي ببوشة...وماسكتيش على حقك..رجعت لداار و بقيت كنفكر فيك و مقدرتش نحيدك من باالي ماعرفتش شنو وقع لياا

نطقات نسرين و ضحكة شادها من هضرتو:ههه وراك طحتي طيحة فاعلة تااركة ماجمعوهاا شرااوط..شكون كان كايقول من ديك ساعة حتا تولي عندي 21 عام عاد يكتااب نتجمعو مع بعضياتتاا..(كملات بتساؤل)زعما عمرك مفقدتي لأماال؟؟

جاوبهاا بتقة:لا لا مفقدتوش،حيت كنت مأمن بديك لفكرة ديال إلى كنا مجموعين فسماا..حتا حد مايقدر يفرقناا فلأرض ...

عراضت ابتسامتهاا وهيا كترد علييه:وييه...عندك صح...

عصاام سكت تواني ونطق :إوى ونتي؟؟!

جوباتو وهيا لاوية فمهاا بستفهاام:ماالي أنا؟؟؟

عصاام:ممم واخا ساكنين فدرب واحد معمرك حطيتي عليا لعيين ولا كنتي طايحة فياا متلا؟؟

نسرين:وبصراحة بصراااحة....كنت مزعوطة فيك...

عصام ميق فيهاا:مزعوطة ݣااع؟؟..هه تي بركة من طنز..

جوباتو وهيا كضحك:ههه والله إلى معااك بصح...و نهار لي قالت ليا خنساء غادي تجيو تخطبوني..مقداتني دنياا...مقدرتش نغمض عيني ديك ليلة و ننعس بالفرحة.... اصلااا بنات الدرب كاملين كاتعجبهم غير هما بالعلالي وانا داكشي فالقلب

‌ضحك ليهااا...وشبك يديه مع يديهاا و كملو لمشي كايهضرو مع بعضياتهم ونسرين خدات تصاور مع رااسهاا..وعطات لعصام يصورهااا...شبعاات بوزاات...اي تصويرة خداتها كتلوحهاا ديك ساعة فسطوري..زعمااا شوفوني راني خارجة مع رااجلي...من بعد دازو حدا واحد مول لكروسة كايبيع لببوش...غير قشعاتهاا وهياا تجر عصام يمشيو لعندو ملهوفة عليه...دار ليهاا خاطرهاا..ومشا معاها كلاتو بوحدهاا أما هو مبغاهش مكايكلوش أصلاا ..من بعد زادو دارو مع راسهم... حتا بدا كايضلام لحال...خدات نسرين لݣلية وعصام خداا فاكية مخلطة... كملو تفويجة مسخااتش نسرين بديك لخرجة معاه لي عجبااتهاا بزااف... رجعو لباركينݣ باش ياخدو سكوتر... وقفات هياا كاتسناا فيه..حلات صاكهاا وهزات منو تيل... سيفطات ميساج لخنسااء بلا مايشوفهاا علماتهاا راهم جاايين.... جا عصاام...و ركباات موراه دارت لكاصك ديالهاا ومن تماا انطالقو لداار ..

تعاشات العشية وخنساء متكية على رجل عبدو فوق الربيع وقدامهم ممر ديال الناس كايتمشااو خصوصا لي كوبل لي فمقتبل العمر هادي هي بلاصتهم ... عاد الجهة لي فيها الوااد مقابل معاهم ... كايلعب بشعرها ويتأمل ملامحهاا ... بعض المرات كايحس ببراءة غريبة فتفاصيل وجهاا ... وبعد المراات كاتبان افعى سامة لي قرب ليها ممكن تلدغوا فأي لحظة ... ابتاسم بهدوء : شنو مزاال ماشبعتيش ؟؟

خنساء عينها فالسماا : صراحة وبلاما نكدب عليك ... بعد المراات كانحس براسي ماعندي فايدة فهاد الحيااة ... لا قراية كيف النااس ... لااا خدمة ... لا حتى حاجة غير عايشة وصافي ...

عبدو : واايلي حتى نتي ... واش نتي قد هاكا كاتفكري ليا فهادشي ... الحياة باقا قدامك ارااا ماتحققي فيها ... وماشي ضروري بالقرايا .... المهم الواحد يكوون قادر ... شوفيني انااا عاايش لااافي ( la vie) كيفما هي وماحاسبش للدنيا خباار ... كاندوز النهار بنهارو حتى يحن مولااناا ...

حسات براسها غايخصر ليها الجو : مافيا لي يطيح الموراال ... نسدو الموضوع حسن ...

عبدو : ماخفتيش خوك يجي يلقاك خاارجة ؟،

خنساء ضحكات ووقفات قادات الكلسة : هههههه دايرة مع مراتو مني يكونوا جايين تعلمني ... القضية غاتسهال دابا

عبدو : وااا نمرة نتيا ... باغا تبروفيتي فيهااا ماااعليكش ....

خنساء : الواحد هو لي يستاغل الفرص والاشخاص على قبل مصلاحتو ...

دوز يدو على خدودها : كل نهار كانزيد نعرف اني معاشر حية فصفة انساان ... قرب عندها بهدوء حاط شفايفو على شفايفهااا طابع قبلة خفيفة بزربة خاطفها منها : اححح على قنوفة عندك غير ديال العضان

هزات حاجبها : ايوااا بااز ( مسحات فمها ): حرام عليك خصرتي ليا العكر ابنادم ... تفووو ... اخر مرة تحط عليا داااك الفم ونتا يلااه كاامي ععع ( مخصرة كمارتها)

ضحك مجبد ليها شعرها : المرة الجاية ندير مسكة عاد نبوسك .... كوني هانية ... ( وقف ): يلاااه تكعدي يلااه نلحقوا المغرب قريبة ... وانا عندي شي غراض

خنساء هزات صاكها : ممممم الغرااض .... قول عندك شي بنت داير معاهااا .... الله يمسخك

خرج عينو بلعاني : كاضلمني هاكا ابنت السايب ... على انا نقدر نشوف فغيرك ...

جراتوو كاتعوج كمارتها ... تمشااو وطلعوا نيشان للبلاكة ديال الطوبيس .... ركبوااا واتااجهوا راجعين للحومة ...

وصل عصام و نسرين للدار .... لقاو خنساء متكية فالصالون وحداها نصيرة معبسة شبعاتها معيور منين جااات ... بالطليب والرغيب باش قنعاتها ماتقولهاش لخوها وباها ....

خنساء دارت جهتهم : على السلامة ... نتوما لي جا معاكم الخروج ...

نسرين ضحكات غامزاها : ايوا الله يجيب لي يخرجك حتى نتي

عصام كلس : نوضي وجدي ليا الدوش ...

شافت فحوايجوا عامرين رملة : ياااك اخويا نتا تبحر ليا مع المدام وانا نوجد الدوش ... ايواا الله ينعل لي مايحشم

نصيرة مغددة كاتحشي ليها الهضرة : الله ينعلوا ويخزيه ....

نسرين عاقت بالبلان كاضحك اما خنساء غير شافتها بدات تشعل وهي تنوض توجد لخوها الدوش .... كلسات نسرين كاتبل عينيها : ولاهيلا كانت خرجة على من زيناتها ... دوزنا نهار مبرع

شافت فيها بنص عين : ايوا بااصحة والراااحة .... ( ميقااات كاتدوي تحت منها ): الحنة ما زال فظفارها والخطاب جابو خبارها

عصام : قلتي شي حاجة اعمتي ؟؟

نصيرة: قلت ليك اوليدي راه ختك تكون وجدات ليك الحمام الا بغيتي دوش باااش ترتااح ... العشاا رااه وااجد الاا بغيتوووه ( طلعات فيها ): ولكن على ما بااان لياا جايين شبعانين ... عصام حرك راسو وزااد يدوش

نسرين : ايوا مافيها بااس نتغداو بيه غدا ... راه كايقوليك اللي خلى عشاه لغداه، ربي اغناه.

نصيرة باستهزاء : اياه وكايقولو اللي خلى غذاتو لعشاتو, ما تشفات فيه عذاتو .... ولكن كون كفضتي على يديداتك ووريتي حنتهم اما الا غير الفم وضريب الكلاام كاااع كانعرفوا ليه ... ايوا نمشي نصلي واحد جوج ركعات ونحط راسي للارض غدا صابحة خدامة ... نستغفر مولاياااا حسن من عطيني نعطيك

زادت ونسرين تنهدات براحة : الله على راحة ... مشية بلااا رجعة ياربي ...

ناضت طلعات لبيتها بدلات عليهاا ودارت حوايجها فالسلة حتى تجمعهم للصابون .... بدلااات عليهااا ولبسات شورط قصير مع ديباردور وتكات فبلاصتها كاتسناه يخرج ...

خنساء تعشات مع العربي مني دخل من القهوة وطلعات لبيتها لقاات نصيرة كاتشخر .. غاطسة فنومهااا ... هزات تليفونهاااا لقات ميساج من اينوي بيلا قريبة تسالي ليها الكونيكسيون ... عوجات كمارتها كاتسووط : بفففف ... نموت ونعرف هادو كيفاش كايديرو لهاد الروشاارج ... كايسرطوها ياربي السلامة ...

تنهدات ودخلات للفايس بداكشي لي بقا .... حلااات الكونفيرساسيون ديال واحد السيد شحال وهو مصدعها دوات معاه غير شي مرة وقلبات عليه .... دخلات نيشان للبروفاايل ديالو بنقشاتو فين كايكلس كاتوزونوا وااش ملعق شوية ولا واالوو ... بان ليها كايكلس فبلايص عادية... خصرات وجهها : هاذا يلاااه ينفعني هاد الليلة ...

سيفطات ليه ميساج كاتعض على قنوفتها :💬💬 سلام نور الدين ... سمح ليا مجاوبتكش كنت مشغولة شوية مع الامتحاناات ... ياك صافا بيخير عليك

بالخف جاوبها : 💬💬الحمد لله ... نتي لاابااس ... عاش من هضر معاك مدة هادي وانا نسيفط ليك ... قلت غير مابغيتيش تجاوبيني

خنساء : 💬💬 لا حاشة الله اودي ... شكون هادي لي ماتجاوبش راجل فحالك غير الا كانت هبيلة

غير قرا الميساج وهو يصوني ابييل ... شاافت جهة عمتها وخرجات من البيت كاتسلت هبطات للصالون لتحت ... جاوباات بنبرة حنينة مستحيل تقول انها خنساء نفسها : اهلاااا نور الدين ... ( كاتلعب بشعرها بتحلوين )

نور الدين طاح فالصوت بلاما يحس : عيون نوور الدين وقلب نور الدين ... هاد الصوت كااامل ومخبياه علياا ...

خنساء كاتزيد ترطب هضرتها : احم ... ايوا خلاااص ماشي كاااع لديك الدرجة ...

نور الدين : لهاد الدرجة وفوتها كاااع ... نمووت ونعرف انا مولااات هاد الصوت الرنااان ... كيف دايرة ؟

خنسااء : كاين الشرجم حداك ؟؟

نور الدين : كاااين البالكون كاااع نطيح منو على قبل لالة البناات ...

خنساء ضحكات بت*حبين : ايواا طل منو هز عينيك للسماااا وشوف مولات الصوت الرنااان كيف دايرة . ورد بالك لاا طيح من تما بصح...

نور الدين شاف فالقمر و وسع ابتسامتو : الله على ضو الكَمرة وانا كانقول علاش الليل ليوم غير كااع الليالي

خنساء : ايوااا شتي ... مرة مرة بقا الطل علييه الا توحشتيني ...

نور الدين : ايوا الليل هاهو لقينا ليه الحل ... وفالنهار اش ندييير ؟؟؟

خنساء بضحكة شريرة : نخاف نقوليه طل فالشمس وتعميك ....

نور الدين : نعما ونصماك ونعرااج على ودك ... ماكرهتش نشوفك ... زعمااا ماتقدري تضوي عليا هاد العتمة ؟؟

هزات عينيها بعجرفة ونطقات بنبرة هاادية كادوب الحجر : ممممم ماكرهتش صرااحة ... ولكن الانترنيت غاتسالي دااباا ... ( كاتعض شنايفها ): ماعندك زهر ...

نور الدين : نجيبو والديه هاد الزهر ... سيفطي ليا نمرتك انا غانسيفط ليك روشارج داباااا

ابتاسمات بنصر : احم ... مابغيتش نعدبك صراااحة ...غير بللاااش انا الصباااح ونشارجي ...

نور الدين : وشكون قالك انا غايصبح عليا الصبااح الا ما شفتكش ... سيفطي دابا قبل ما تقاضى لييك ...

خنساء : اووك ... لهلااا يخطيك علياااا ....

نور الدين : لهلا يخطيني على هاد الولية ياااربي ... يااااربي ومنين عندي هاد الزهر ... انا راااه كنت منحوس حتى جيتي نتي

خنساااء : هههههه لاااوااه لاااواااه ... يتنحس عدوك ولي مايبغييك .... قطعااات علييه بزربة عااجبهاا الحااال وسيفطات ليه النمرة وتكات فوق السدااري كاتسنى الروشاارج ... مكاملاش قسمااين حتى وصلها الميساااج فيه 100 درهم كونيكسيووون ... وسعاات ابتساامتهااا مكانتش متوقعاه يسيفطها كاملة ....

هزات حاجبها بتفكييير : ولاهيلاا صدقتي سخي ... هههههه باش تاكل الشوك أ عمي الجمل, باللسان لحلو .. احح عليا وخلااص ...

صونا عليهااا وهي ضحك وقطعاات بكل دم باارد بلوكات نمرتوا ... ودخلات كتبات ليه فالفايس : 💬💬الراجل بالهمة أما اللحية راها حتى عند العتروس .... وماتنساش الي دار راسوا في النخالة ينقبوه الدجاج .... واش كاين لي كايتيق فالكَمرة وهي كل مرة فشكل ... على الاقل صبر حتى تكمل ... 🌑🌒

🌓🌔🌕🌖🌗🌘🌙 ... بصحتك القالب مواااح 💋

سيفطات الميساج وبلوكااتوو فرحاانة كايعجبها تشمت الرجال لي كايبغيوو ياكلو للمرأة دماغها بالهضرة الحلوة ... طلعاات لبيتهااا كاتفرج فالفايس طالعة هابطة حتى داها النعاس ...

فاق عبدو على الصباااح خرج من البيت لي كاينعس فيه فالسطح ... داز جهة الروبيني غسل وجهوااا كايصحصح ... الجو باقي بااارد مع الحال بكري .... دخل للبيت هز سيرفيت لبسها عليه ... خدا كاارو على الريق كماااه وهبط للتحت لقا باه ومو كالسين على الطبلة ديال الفطور ... غير شافو وهو يخنزر : تااا واش مباغيش تحشم

عبدو كلس قارم حجبانو : مالنا الواليد على الصباح اش كااين ؟؟

حسن : صابح على الكماية تااني ... ريحة داك الويل هابطة عندي حتال هناا .... مااعرفتش اش درت فحياتي حتا بلاني بيك الله ...

حياة : نعل شيطان احسن وخلينا نفطرو فراحتنا ها العاار ...

حسن قارم حجبانو : تي اشمن راحة ولا زبل ... واش لي عندو بحال هاد الكنس يبقى ليه شي خاطر .... ياااك قلت لموك بعد على ديك البلية راه غاتخرج عليك ... المراهقة وفتيهااا اش باااقي لييك ... راك فتيني فالطول وشي مادرتيه .... لحيتك قد العترووس والدرااع الله يجيب

عبدو : بدينا تاني ... العفواااا

حسن : الله يعفو عليا منك يا تريكة الناقصة ... ماخدمتي كيف سيادك ماقريتي ... غادي جاي بديك الشكارة تشير بيها عامرة غا حشيش وجوانااات الشمكاااار ....

عبدو وقف صاعر : تاااا مااالك على هاد الصبااح بانت ليك فيا تاني ولا كيفاش ...

حياة كاتهدنوا : ها العار احبيبي لاما ميك علييه .... البزيزيلة اوليدي لا تجاوبوش ...

عبدو بعدها عليه : هاهو الواليدة هاهو ... حياااة ديال الويييل ... ( هز كاسكيط وخرج من تما شااعل )

حياااة محروقة على كبدتها : هادشي لي بغيتي هاهو خرج بلا فطووور ...

حسن زفر : لهلا يوكلوا ليه الكلوشاار لاااخر ... الله يخليه كنس بالخلاا ولكن نتي نتي لي ضسرتيه حتى خرج بيا فعودي ... انا عند بالي واالد رااجل ساعة والد غير خطية الله يلكَيها ليه

حياة تنهدات : برا والباس علييه ... ( مدات ليه اتاي ): فطر فطر

حسن : بحالك بحالو غير سهم الخطية ياربي السلااامة .... كمل ماكلتوو كايعرعر وعبدو طلع لبيتو الفوق هز شكارتو وخرج نيشان للقهوة فين كايريح دار بناقص من الفطور

خنساء كالسة مع نسرين فالبيت كاتعاودو حتى صونا ليها التلفون ... وسعات ابتسامتها : ياااختي حب قلبي كايعيط على النبوري

نسرين : الله الله على حب قلبي ... جاوبي جاوبي ...

جاوبات : اهلا عبدو صافا

عبدو كالس فالقهوة : صافا الحمد لله ونتي ؟؟

خنساء : بيخير ؟؟ ( بان ليها من صوتو ماهواش ): ياك لاباس عندك شي مشكل ؟؟

عبدو تنهد : لا غير ضارني راسي ... اليوم مغاديش نجي لليسي ... دوي مع ديك الكرابة ديال المكلفة ماتقيدنيش ..

خنساء : علاااش ؟؟

عبدو : من بعد وندويو ... صافي نعول عليك ؟؟

خنساء :واخا كون هاني ...

عبدو ماعندو خاطر : يللاه تهلاااي .....

خنساء : باااي ... خنساء قطعات لابيل تحت انظار نسرين لي كاتشوف فيها بنظرات استهزاء .... حركات ليها راسها بمعنى شنو ...

نسرين ضاربة يد على يد بالغدايد : ربي نموت ونعرف اش عاجبك فداك كحل العفطة لا زين كيف الناس ... لا خدمة لا فلوس لا حتى حاجة تفرح القلب ...

خنساء : وشكون قالك اختي انا بغيتو على زينو ولا على فلوسو .... هاااء كون بغيت مول الزين والفلوس لمخير فاولاد اوجيه يطييح مايعاود يهز الراس .... نحط فيماه سمي يفشل ولكن مابغيييتش ... ( سبلات عينيها بطنز مكاتبغيش تعطي راس الخيط لحتى واحد ) ... وزايدون القلب مايشاور اختشي .... ههههه انا بعدا كايوفوج عليااا وكانسا العاالم والهم والغم غير بالنشاط لي فيه ... ولاهمااا خايب و يونس ولا غزال يهوس ....

نسرين هزال يدها بلا حول : اختي والله بعد المرات مكاتفهمي ليا ..... مكاتبغيه مكايبغيك وشاريين السعادة وكل واحد فيكم عايش هاني بحال الا مناقصكم خير .... جيني نيشااان كاتحسي بشي حاجة من جيهتو ؟؟

دارت رجل على رجل كاتبرد ظفارها وتمضغ المسكة مجبدة عينيها كايعجبها تخلي بنادم تالف : واش غانقول ليك ... داكشي صعيب تفهميه ... وزايدون زعماا نتي السَّحت كنتي تحماقي عليه .... دوزتواا يامات وفلخر هانتي تزوجتي بالزين ديال خوياااا ... نتي حلال عليك وانا حرام عليا .... تبيعي القرد وتضحكي على لي يشريه هههههه

خرجات فيها عينيها كادورها لايسمعها شي حد : سكتي يعطيك الساكتة .... يسمعك خوك ينحرني .... مالنا على هاد الهضرة دابا ... داكشي عقل الصغر وصافي وزايدون على الاقل حسن من داك عبدو ديالك ....

صغرات فيها عينيها بابتسامة : ممممم وماحشمتيش ... زعما راك مرت الراجل دابا .... باقا كاتفكري ليا فالحيبان القديم ولا كيفاش ( غمزاتها )

نسرين : واش نتي مريضة لا ... اشمن حب ولا خرا راااه غير كنا مدوزينهاا وصافي ... وزايدون عمري بغيتوو غير مصاحبين باش نتسماو اون كوبل وصافي ... نهار قلت ليه غانتزوج راه شاف فالايكس ديالو يردها زعما بقاا سول فيا .... واصلاااا عمري طرات بيناتنا شي حاجة ... صديق وصافي

خنسااء عوجات فمها : ممممممم ايواااا ومني كنتو تخشاو فمور الليسي نتي وياه فاص افاص ... ( هزات حاجبها ): كنتو كاتقراو المعودتين متلااااا ههههه

نسرين خنزرات : خنساء صافي هنينا ماتعاوديش تجبدي ليا هادشي .... خوك الا سمعني يطلقني باقي كاعما كملت نهاري ... واش نتي باغا تشتتي ليا الشمل .... معارفاش خوك شوكتو غير مقلزة راه والله حتى يدير فيها شد ليا نقطع لييك ... كنا فالنعالة غانوليو فالعمامة .... سدي الموضوع

خنساء وقفات : ههههه غير تهنااي داكشي بيناتنا .... ولكن خويا راه غاالط فيك عند بالو كاعما كاتحركي الدجاجة على بيضها ونتي السلكوط ديال الدرب كنتي طايحة معااه ههههه .... ( نسرين شافت فيها بعصبية ): هههههه صافي صافي هاني ساكتة ....

ناضت من بلاصتها يلاه غاتخرج وهي دور عندها مصغرة عينيها : كانتخايل ردة فعلو الا عرفك مدوزة العجب مع السحت

نسرين بلعات ريقها : خنساااااء

هزات حاجبها بمكر باغا طنز عليها: اش غايطرا الا قلتها ليه ههههه

نسرين الدم هرب من وجهها ... وخنساء ضحكات : بردي بردي غير بغيت نشد فيك ونتي غاتموتي غير راسك

ضحكات وزادت خرجات من البيت كاتمختر متاجهة لبيتها تبدل باش تمشي للمدرسة ... خلاتها بالعة ريقها اكتر حاجة خالعاها هي ان خنساء عارفة علاقتها اللولة وهي متأكدة انها الا قلبات عليها تحرق العشرة وتفضحها وعصام ماشي من نوع لي يتفهم ولا يقول ماضي غادي يندمها ... دوراتها فراسها مزياان ... معرفة خنساء بهادشي وهي معاها فدار خطااار عليهااا .. الا نوضاتها معاها شي نهار تقدر تشبك فيها وتفرش كلشي بلااامااا تفكر ... تنهدات كاتحاول تنفض الافكار من راسها ودارت جهة المجر هزات كريم تمسح يدهااا كاتلاهي الوقت وفنفس الوقت دماغها خدام فشي حل لي يهنيها من هاد الوسواس فخطرة مايمكنش تبقا عايشة هاكا ديما

خنساء سالا الحصص ديالها .. قراتهم غير بزز خصوصا ان عبدو لي كايونسها مكاينش دازو عندها تقاااال .... خرجات من الليسي راجعة للدرب مشات للقهوة سولات عليه قالو ليها عاد مشا واتاجهات للدرب ... قشعاتو كاالس قدام باب دارهم ... تقدمات جهتو كلسات حداه فالعتبة ديال الباب ... كاتدور عينيها جهة الدرب لايكون جاي خوها : شفتك اليوم ماجيتيش للمدرسة مالك ...

تنهد : ماعندي كانة لا لقراية لا تا *لوة ... ( هز فيها عينو ): حتى نتي كون غير ماجيتيش ... غير غاتسمعي شي حاجة ماشي هي هاديك ماشي على كانتي .... فوتيني هاد الساعة وزيدي خلفة لداركم .... ( كاينتر فالجوان )

خنساء : ممممم هي طرا شي مشكل فالدار ؟؟

عبدو خنزر فيها : خنساء قلبي ستة تسعود الله يحن علييك ... ولا غانخرج فموك هاد الاعصاب لي فيااا .... تلاحي *ودي لداركم .... المغرب هادي وخوك شوية ويوصل ... المجاج لي يزيد شي مشكل اخر مكاينش ... سيري فحالك ...

حطات يدها على ركبتو : ومن ايمتا كانشوفك مغير ونفوتك .... حنا زعما راه عشران ومادوزناش قليل ... قول ليا اش تماااا ... خوا الجيب تاني ؟؟؟

عبدو ساط عارفها مغاتفرقوا حتى تعرف اش كاين : شتي بربي كون مكانت الواليدة مانعاود نضرب الضربة فهاد البلاااد .... غا لي يزيد خلفة مايعاودش يتلفت وراااه .... حتى حاجة مامقادة .... م*ودة على مي من كاع الجواايه ...

خنساء ابتاسمات : ونتا ديما م*ودة علييك .... الله يهديك مالك هازها منين تقالت .... خفف عليك اصحبي وعيش لافي ( la vie ) زعما غير نتا لي عندك المشاااكل راااه العالم كاامل ضربة فمو حتال الجدر .... مكاينش لي عايش هاني لي ماعندوش هادي عندو هادي وهي غادة ...

عبدو : نتي رااااك معارفة وااالو .... طرف الخبز كايوصلك حتاال الدار .... خوك معيشك قاايدة ولي طلبتيها كايحضرها واخا يقطعها من لحموااا .... باك من نهار ماتت مك عمروا دخل بنت المرا عليكم غير باش تبقاو هانيين ... شكون فحاااالك .... غير ماباغااش تحمدي الله ... اودي قلبي السيجي حسن ...

شدات الجوان من يدو : ايوا نتاااا عندك هاادااا كايهزك من الدنياااا وكايخليك طاااير ( غمزاتو): نجرب نشوف باش كاتحس ...

نترو ليها من يدها مخزز : *مل على موك الضمير ولا ماالك ... شتي نهار لي يسخا عليك عمرك قربي لهاد السم ..... والله حتى نقلب على حسك الدنيا .... ( رما الجوان فالارض وعفط عليه مغزز ): الوسخ ماشي ديااالك ومايصلاحش لييك .... وياويلك تعااودي هاد البلان مرة اخرى ..... ولا وديني حتى نفوتي فمووك شي دقة ماتعاوديش تهزي الراس

خنساء هزات حاجبها : مالك اصحبي صعرتي راه غير كنت كانقجم معاك .... هاااء

حمر فيها واقف : هادا ماشي ضحك ... تلااحي فحالك ... يلاااه رولي ....

خنساء كاتسوس حوايجهااا : ها هي غادا .... وماتزابيييش ... نشوفك غدا صافي ...

عبدو : على مولانااا .... تهلاااي .... شارت ليه بيدها بسلااامة وزادت جهة داارهم معاجبهاش حالو ... عزيز عليهاا واخااا مكاتحسش بجيهتو بشي مشاعر خاصة ولكن علاقتهم دامت مدة وخلاتهم يولفوا بعض ويرتاحو لبعضياتهم ... والمشاكل كايتقاسموها بجوج واخا غير بالمعاودة ....

صبحاات نسرين بوحدهاا فداار كولشي خرج ..ناضت شمراات على درااعهاا،وعطااتهاا لشقاا،جمعاات داار كاملة، غسلات لماعن،وطرفاات ݣاع لبيوت،هواتهم و مسحات شراجم من لغبرة...وضربات دار بتجفيفة من لفوق لتحت،خلات دنيا كتشعل،من ديماا شقااها كتعطيه قتلة،مبلية بنقى وتاويل ، طفاات على طاجين لي طيباتو على مهلو فوق لبوطة...وݣلساات فلببت مقابلة تلفازة كتسنى فيهم يجيو،مرت دقائق حتا دخل عصاام هو لول،سلم عليهااا

ونطق بتسائل:وااا ريحة طيااب مكدورش فداار،صايمين ولا؟؟

نسرين :الله قداش قلتيهاا..يلاه لقيتني طفيت على لبوطة(كملات بإبتساامة)وجدت ليك واحد مولاي طاجين فاعل تاارك

عصاام قرب لعندهاا وݣلس حداها:إوى كون كان فاعل تارك ،كون شميت ريحتو عند لبااب، ولا درتي فيها ديك لقضية دياال شكاار سلعتو؟

نسرين:واا حتاا دوقو عااد حكم ديك ساعات...متزربش

دخلات خنسااء بشكارتهاا هازها فكتف واحد وحالة طابلية،سلمات عليهم وݣلسات كترتاح من طريق...

عصاام خنزر فيهاا:نتي إلى هدااك الله،هداك... ولبستي ديك طابلية كاتحليهاا لي دااز يتمنضر ويسقي عينيه عاد يكمل طريق،الله ينعلهاا قاعدة فيك،مغااااتهنااي حتا نقطعها فوق لحمك شي نهاار..

خنسااء بعيااء:وصاافي،بديتي تااني...(شافت فنسرين)كااين شي غداا...مصارني ملويين بجووع

نسرين:موجود،سيري بدلي علييك أنا غنحطو

يلاه ناضت باش تمشي وهو يوقفها صوت عصاام:خنسااء على وقفتك سيري طلعي لسطح نزلي ليا حوايجي

دارت عندو هازة حاجبهاا ناطقة كتحسب بصباعها:خنساء وجدي ليا دوش...خنسااء نزلي ليا حواايجي من سطح، وزيد وزيد....وكنت فرحانة أخويا ملي عرفتك غاتزوج قلت غنتهناا حيت جبتي لي ينوب عليا ويهنيني من هاد ديري ليا وفعلي ليا لي مكاتقاداش عندك،ولكن على مابان غانهز حتا هبالك دياال مورة زوااج....

نسرين ناضت وقفاات:غير خليك أنا غنوض نهبطهم

عصاام شد نسرين من يديهاا جرها منها باش تݣلس

ونطق كراز على سناانو: ݣلسي للارض...(شاف فخنسااء بنفعاال) : طلعي ديري لي ݣلت ليك عليه بلا متصعري ديلمي فهااد لعشية...راك ماغتخليش رجليك فسطح وتهبطي بلا بيهم...يلاه رولي طلقيناا

مزادتش معااه لهضرة و كملات طريقهااا طالعة لسطح وهياا كاتنݣر...

نسرين خنزرات فيه:عندهاا صح....حتاا نتاا،دايرني بحالا مكينااش..كتشوفهاا غير هيااا

عصام:واش غاندير؟؟صراحة ولفتها..واخا كل مرة حتا كنقربلوها أنا وياها عاد كدير ليا لحاجة،ولكن مكترضهااش لياا فوجهي

نسرين بإبتسامة:ولقضية تبدلات، دابا أنا كااينة ولحاجة لي بغيتهاا قولهاا لياا بوحدي(غمزاتو وكملات): طلبااتك ااواامر وعلى راس ولعين

عصاام بإجاب مبتاسم جانبيا:هيا لي متعااودش...

سكتات تواني قبل متشجع وتنطق بهدوء : هيا راه مغتبقااش معانا ديماا،قريب تزوج ودير دارهاا وتستقر مع رجلهاا ( كاتشوف فيه باغا تقرا ردة فعلوا )

عصاام:لا لا..مزال عليها لحاال،باقة صغيرة على زوااج

نسرين:لا مصغيرة والو هادا هو الجهد فين دير وليداتها تكبر معاهم...هاني أنا ياك هياا كبر مني بعاام...وتزوجتيني مالي باش فايتاهاا؟؟؟

عصاام تنهد:ونتي حاجة وخنساء حاجة أخرى... سوليني انا عليهاا ... هيااا راه ريشة كاطيير،وباقة مقاداش على زواج ومسؤوليتو...لي تزوجهاا ليوم،بحال والو يردها ليناا غدااا

نسرين بتأكيد باغا تدخل ليه الفكرة للراس : حتا نتاا زدتي فيه... نهار يكتاب ودير دارهاا راه غا تقد بيهاا و غاتبدل ملي غاتزوج وغادير عقلهااا..دابا غير حيت ديال راسهاا داكشي علااش كتفلا وممسوقااش... انا جيتني غير بغيتي توقف فباب سعدهاا وصافي

رد عليهاا وهو مصغر فيهاا شوفة :اجي،ياكماا لقيتي ليهاا شي عريس وأنا مفخبااريش...

ردات بعض خصلات من شعرهاا ورى ودنهااا وقالت مبتاسمة ... هادي الفرصة باش تهنا منها : وهو بصراحة انا ملقيتش ولكن إلى حلات عينيها غير شوية غاتتلقااه..لعريس كاين وموجوود كايتسنا غير لإشارة منهاا ويجي بجرية...

عصاام:مفهمت واالو،الله يرحم بااك دوي نيشاان بلا ألغااز

نسرين:ممم...سيكليس لي فدورة صاحب خويا يعقوب...ملي عرفكم خطبتوني..دوى معااه عليهاا... بغاه يدخل ليه وقاليه راني ناوي معاها لمعقول وبغاهاا...وأنا قلت ليه حتاا لمن بعد وندويو...ودابا جابتهاا لفرصة وفااتحتك فلموضووع...

عصاام بقاا ساكت شحاال وهو يضحك بستهزااء:ههه حمييد سيكلييس...من نيتك ابنت لعبد...لا واقلة حماقيتي....

لاحت خنسااء لي كانت نازلة مع دروج وسمعاات كلشي السلة من يديهااا رادخاهاا مع لأرض حتا تسمع صوتهاا ...ومشات عندهم واقفة عند لبااب

ناطقة بلغواات:شكووون قااليكم أنا باغا نتزوج ؟؟

شافت فيهاا نسرين وطريقة باش هضرات خلاتهاا تبلع ريقهااا حيت باينة فيهاا تعصباات

عصاام على فيهاا حاجبو : وبااش عرفتينا بسلاامة كنهضرو على زوااج؟؟

جوباتو بعصيية:إوى أخوياا لحيوطة كايسمعوو

رد عليهااا وهو كايغووت:وااقولي ودنيك لي طاالقلهم عليناا بحال طارواات كايجمعو فلهضور..هماا لي كايسمعووو

جوباتو بلغواات:رااه مرتك لي كاانت كتهضر بجههد...(شافت فيههااا وعينيهاا بدااو كايحماارو) : مفخبااريش يا بنت نجاة بلي نتي هياا لخطابة ديال درب،لعزبة لي ملقات فين ترصي متهناي حتا تحطيهااا فوق لعماارية والكرسي...

نسرين خرجات فيهاا عينيهاا بدهشة ناضت تقابلات معاها:اويلي اخنساء اشهاد لهضرة لملاوطة ݣالسة كاتقولي ليا فيهااا،يااك ...بلحق نستااهل حييت بغيت ليك لخير ، فكرت فييك زعمااا

خنسااء:ختي شكيت علييك؟؟!طلبتهاا منك؟؟... اش حرݣ شطاتك فياا...و شكوون قاليك انا أصلا باغا شي زوااج ولا كانفكر فيه هياا جوج..

نسرين (محاولة تبقا هادئة):كتهضري بحالا نقصت منك و جبت ليك شي واحد ماهوااش...راه هدااك سيد ولد نااس وقصد لباب..وتباركلاه خداام وقريب يدفع فداار وغايسكنك بوحدك...غتكوني معااه معزوزة ومحطوطة فوق رااس

خنسااء جوباتهاا وهياا كتحرك سباابتاا وكتهضر: اناااا كون بغيت ... ننطق بنص كلمة نجيب سيد سيدوو وميوصلش ليه ݣااع ، كون راكي تجي ݣاعمة تلقايني هنااياا...ولكن لحمد الله مملهوفااش على لحيووط ولفلووس ومن فوقهم زوااج...راك وااقلة مشيتي غاالطة فياا ومغاتلقايش لي يرجعك...

نسرين وسعاات انضاارهاا عليهااا: إيه سمعيني و عطيني على ودني...سري حيت درتك بحال ختي لي معنديش،بغيت ليك لخير...ساعة مادير خير مايطرى بااس...

خنسااء:لخير الالة..دريه فرااسك(صغراات فيهاا عينيهاا)ولكن على مباان ليااا مُراادك فاات لخير لديك جييه... نتي بااغة لي يخوي ليك داار وتبقااي تمرحي فيهاا بوحدك،كيفماا بغيتي...إوى نقولها ليك من هناا إلى كنت مزااحمااك...طلعي لسطح غاتمرحي،رااه واسع وسوعية لي يجري فيهاا لخيل مااشي غير بناادم...

نسريين شهقاات بصدمة:أنااا...انااا مبغيتكش تكوني فداار ومزاحمااني...درتيني مع هادوك لي كايدخلو لداار عاامرة..وماا يتهنااو حتاا يفرتكو شمل باش تبقاا ليهم بوحدهم

خنسااء:حسبيهاااا كيفمااا بغيتي...حتااا واحد ماكيعرف بنادم علاش مطوي...ونقولك واحد لهضرة ديريها فبالك سدي عليهاا ومتنساايهااش...شتي لمرة جايا باقي تخشي نيفك فشبوقاتي...وتبداي تفصلي وتخيطي فحيااتي.....غانوري لختي لي خضر من لخز فلمااا كتسمعي....

نسرين ضربات على صدرهاااا بعدم تصديق:أناااري...شتك ݣالسة كاتحلفي عليا و قداام خووك من لفووق

يلاه غااتجاوبهااا وهو ينوض عصاام وقف عليهم:ساليتو ولاا مزاال...(شاف فخنسااء محمر فيهاا شوفة مغوت فوجهاا)اجي نتي...مااال ملتك ملي دخلتي ونتي ݣالسة كتنفخي وتبوخي غير بوحدك،ولي هضر معااك كطلعي معااه كاطرياام وتبغي تااكليه...اشكاااين ؟؟

شاافت فيه ورجعاات شافت فنسرين طلعااتها ونزلاتهاا بعيون شااعلة ودارت غاادة وكتهضر مرفعة نبرة صوتهااا:بناادم مكايعطيك حتاا زفتة ومدايرى ليه واالو وواخا هاكاك ݣالسة لواالديه على لقلب باغي إمتا يتفك منك ... بشاااار(طلعات لبيتهاا رادخة لبااب بجهد) ...

حطات نسرين الغدا فور ما دخل العربي ... تجمعوا على الطاجين ... دور عينو مابانتش ليه بنتو : فين هي خنساااء ... واش قارية اليوم ؟؟

نسرين عوجات وجهها .. وعصام جاوب بهدوء : فبيتها ...

خنزر فيه : وهي بالسلامة ماعليهاش الله تجي تغدا ؟؟علاش ماعيطتوش ليهاا؟؟

عصام ماعندوش مع الدوران جاه نيشان : ما عاجبها حال ... تناقشات مع نسرين

العربي تنهد : لا حول ولا قوة الا بالله .... تناقشوا ييه ...ولايني الماكلة عيطو ليها تجي تاكل الهبال هاذا ... ( هز على فوقيتو وناض دق عليها فالبيت ) : خنساء ... وا خنساااء ...

حلات الباب عادية : نعام أباااا

العربي : دوزي تغداي

خنساء باستغراب : علاااه حطيتوه .... ( حرك راسو بايجاب وهي تبعاتو مامسوقاش لشنو وقع .... كرشها قبل كلشي...دخلات كلسات حداهم )

حلو الطاجين لي من وجهوا كايبان كايشهي ويحل النفس على المااكلة .... بداو الغدا فهدوء ... مافاتوش جوج دغمات حتى عصام هز يديه هو لول وتبعو العربي وخنساء حتا هياا هزو يديهم تحت نظرات نسرين لي كاتعجب : مالكم ؟؟

خنساء شربات جغمة الما باش تحيد بيه لمداق ونطقات مخصرة كمارتها : ربي غا ݣولي ليا باش مطيبة هاذ الطاجين بيديك ولا برجليك ؟

نسرين دارت عندها : مالو اش فيه .... (هزات دغمة كلاتها ... بلعاتها غير بزز ... شافت فيهم كادور عينيها ): اءء ماموالفش يجي باسل هاكا .... كايجي بنين..معرفتش مالو ليوم

خنساء حطات الخبز : لا موحال واش نتي عمرك طيبتي ... بففف عشنا معااك بكري ... الرزق قليل و طاحت فيه دبانة

نسرين شافت فعصام ونطقات متسائلة بخنقة:ع..عصام واش ماعجبكش ݣااع

عصام تنهد : واش غانݣوليك..إلى طيبتيه برجليك راه بنين..إلى طيبتيه بيديك حسن خليني ساكت لانخرج شي كلمة ماهيااش...(شاف فخنساء)نوضي اخنساء وجدي لينا شي حاجة نوضي .... الا بقات لالة المصون كاطيب هاكا غاندير ريجيم بلا وقت ...

خنساء بنفرة : واااا ءءء

العربي قاطعاا بتحزار : نوضي أبنتي الله يرضي عليك...نوضي

تنفضات : النمل إلى بغى يعذبو الله, تيدير ليه الجناح... هي ديالي يانااا ... اوووف قلت غارتاح زدت هم على هم

نسرين بغات تعتق الموقف : غير خلييك ... انا نوجدو ....

عصام : لا لا وايااك ها العاااار إما شدي يديك عندك ....

ناضت خنساء هزات الطاجين معاجبها حااال .... والعربي تنهد ماباغيش يزيد يحكر اما عصام قرم حجبانو وهي البكية حبسات ليها فالحلق .... من ديما سبحان الله ماكلتها كاتجي باسلة وعمرها كاتبنان ليها ... حادكة لواحد الدرجة كبيرة وكاتعطي للتاويل قتلة والشقا ولكن الطيااب ديما كيخرج ليها فالصوا واخا ماعرفت اش دير وتقوموا حتى تعيااا مكايصدقش من عند الله ... عوجات وجهها معاجبها حاال وربعات يديهااا ... صايبات خنساء شلاضة وهرسات بيضات على ماطيشة وحطات ليهم تغداااو ... نسرين كتاكل غير بزز مارضاتش حيت دارت مجهود ولكن داكشي لي عطاها الله ...

عصام سالا و طلع لبيتو وتبعاتو نسرين بعدها غسلات الماعن نعسو يرتاحو والعربي تنشر فالصالون يحط عضامو شوية .... خنساء طلعات لبيتها كاتستل باش ماتفيقوش وسدات عليها الباب بشوية بالساروت .. جبدات تليفونها من صدرها سخووووون وعرقان بين خير ربي لي عندها .... وصونات لعبدو لقاتو حال لواتس دغيا جاوبها : الو الحيبااان

خنساء تكات : باااز ياخويا لي فيك مايهنيك ياك عاد كنتي معصب

عبدو : هههههه وتانتي نسا الهم ينسااك .... فين رااااك مانشوفوكش توحشتك

خنساء : لا اليوم عصام ماخدامش هاد العشية ... مانقدرش نخرج حتى يتحرك للقهوة ونتلاقاو .... قالك توحشتك ايوا الله يمسخك تشبع فيا معيور وسبان وتقولي الحيبان تحبك جنية

عبدو : الحب اللي مفيهش ، السبان ، المدابزة ، الخصام ، السهير ، مافيهش النكهة .... وزايدون انا كاتحبني لفعة ساامة ماشي جنية

خنساء : خلاص ... عيطت غير باش نقوليك حتى للمغرب ونشوفك دابا ماعنديش كيفاش

عبدو : واخا الالة ... غانتسناك

ابتاسمات : جيبلي معاااك بانيني صوصيص من عند حمادي ... ها العااار وقولو يكتر الحار

عبدو : ياااك كاتوحمي عليا ايواا باز ... خوك زاوي اللعااقة قالبة عليا وجهها هاد الساعة فحال شي ناس

تنهدات : عافااك ناكلوه بجوج فالجردة بلييز ...

عبدو : ممممم ... واخا الالة مايكون غير خاطرك ... ماتعطليش

خنساء : نو كون هاني ... يلاااه نخلييك ... ... ابتاسمات ودعاتو وقطعات ... من ديما كاتفشش عليه وتطلبو ومايردهاش ليها فوجهها حيت نهار يحتاجها كايلقاها معاه مرا ونص وعمرها خلاتو ولا قلبات عليه وجهها ... علاقتهم فشكل ... مصاحبين ولكن صداقتهم قوا من اي مشاعر خرااا .... يمكن صعيب نفهموا هاد الشعور ولكن بزاف مننا حس بيه ... هادااك اه اه ... اول واحد تعلقتي بيه وقلتي هاذا هو حب حياتي .... تفكرتيه ياااك .... جا فبالك دابا .... واحد النهار كنتي كاتقولي ان داك الشخص حياتك بلا بيه والو وعمرك تنسايه ولفتيه لدرجة مني كايغبر كاتحسي بشي حاجة ناقصاك ... اكيد مجربة هادشي ...ولكن فالواقع الولف حاااجة والحب شيء اخر ... واحد مني كاتولفيه كاتعولي عليه صعيب تخلاي عليه ولكن ابدا هادشي مكايعنيش انك كاتبغيه وعمرك تنسايه ... حيت شحال من وحدة فينا داك الشخص مابقاش فحياتها وكان وحد النهار المتنفس ديالها هاهي دابا عايشة بلا بيه عادي ... ونهار كاتفكري انك كنتي كاتقولي هاد الهضرة كاتضحكي على راسك ... ولكن الفرق بينا وبين خنساء انها واعية بهادي وعارفاااه ومخافيش عليها ... ومتاكدة ان علاقتها بعبدو ماعندها صلة بالحب ... فقط صداقة وحتى هو نفس الشيء ولكن فهاد الوقت كل وحدة كاتبغي تقول انا مصاحبة مع فلان وكل واحد كابغي يكون مع وحدة تمناوها صحابو وهو لي وصل ليها ...

هزات حوايجها دخلات دوشات حيدات العرق والعيا كلسات سوايع فالحمام ... خرجات كان كلشي باقي متكي قريبة تغرب الشمس ... لبسات عليها ونشفات شعرها غير بالفوطة كايعجبها يبقى مرولي ... لابسة كسوة طويلة فايتة الركبة نص كم واخا الجو معتدل ولكن هي دغيا كاتصهد مكاتلبسش الحوايج بزاف واخا البرد فيها طبيعة .... دارت ميكاب كيف العادة واخا فالدار تموت فالزواق ... سمعات حس عصام فاق ... مدة قليلة من الوقت حتى تزدح باب الدار عرفاتو خرج ... عاد تقدمات خارجة طلات فالصالة مكانش العربي عرفاتو حتى هو مشا يصلي ...

دارت باغا تخرج وهي تشوف نسرين هابطة من الدروج ... ميقات فيها

نسرين بهدوء : خارجة ؟؟؟

يتبع...