بنت السايب الجزء 26

دخلات نسرين لبيتهاا لاوية فوطة على شعرهاا ولابسة بينوار يلاه خرجاات من دووش...لقات عصاام متكي فوق سرير حاط لبيسي على فخضو كايتفرج...ݣلساات فوق لكرسي مقابلة مع لمراية وبداات كاتنشف شعرهاا الفازݣ بلفوطة...سكتات

تواني ونطقات بتوسل كاتشوف فيه من لمراية:وعفااك أعصاام خليني نمشي....

نطق مركز انضارو على لبيسي بلا مايشوف فيهاا وقال ببرودة:نعاام؟!!

كرزات على شفايفها بنرفزة شديدة وردت عليه بهدوء كاتسايس معااه:واااعفاااك واش عاجبك لحال نبقا نطلب فيك بحال هاكا بحالا معرفتش فين غانمشي؟؟!

جاوبهاا بطنز:أختي ضوسيك مرون...سيري حتاا لغداا وأجي... بلا ماتصدعي لياا مخي داباا...واخااا

ضرباات بلمشطة فوق لكوافوز ونطقات بنفعاال:شوف اااه...باركا ماتبقا تفلا علياا...داك الضحك لباسل خليه عندك راه معندي خااطر ليه..

عصام طلع عينو فيهاا وضحك بستهزاء:ومعرفتش شكون لي كايتفلا على لاخر داباا...حنااا سيفطنااك تقرااي ندمتينا...وليناا فنزاهاات ونمشي لغابة نتغداا فيهاا مع صحاباتي...شوية لاباااس لااا؟!!

ردت عليه بنبرة باكية:واشنو فيهااا الى مشيت معاهم وتغدينا فلغاابة ونشطناا شوية...مافيهاا واالو...غاا نتا معرفتش كيف جاتك حتاا عكستي هاكااا....(كملااات بتوسل)عفااك راه عاولو عليا حشومة نخوي بيهم...

عصاام هز كتفو بلامبالاة:هااانية...الى عاولو عليك خسري عليهم ابيل..سمحولياا مانقدرش نجي...ولمرة جاياا ديريها فبالك...باش ماتبقاايش غا تجي وتخططي بحالا معليك حكاام...

نسرين بعصببة:ياااك هادي هياا هضرتك اللخرى؟؟!حيت جيت عندك وطلبتك بااش نمشي معاهم مباغاش نخدم من رااسي...اما نقوليك نيت راني غادا لافااك ونمشي معاهم ݣاعمة تشوفني ݣاااع...

عصاام بحدة: زعما نتيااا مجبدة حتاا لديك الدرجة واناا مغانسيقش لخباار.....إوى الى زغبك الله غااديريهااا ديك الساع...وعندااك يقوليك راسك ترجعي لهنااا...سيري عند نجااة ديريكت...

نسرين ساطت عارفة غير غاتبقا الضيع معاه لوقت...صغرات فيه عينيهاا وحدرات راسهاا دايرة فيهاا محطة ومضلومة ومغلوبة على أمرهاا...دخلات النفس بصوت مسموع وقالت بنبرة بريئة:صافي لي بغيتي...غانعيط عليهم ونقوليهم مغاداش...نتا عندي أهم منهم بزااف ومنقدرش نخسر ليك...وخاا مكاتبغيش دير بخااطري...ماشي مشكل..اصلا ولفت

دارت لجيهت لمراية وكملات نشيف ديال شعرهاا...كاترمش بزربة و كاطلب من الله فخاطرهاا يرطااب ويقبل يخليهاا تمشي...عصاام بقا كايشوفيهاا شحااال بقاات فيه...فعلا اول مرة طلب منو تخرج معاهم...ختاار انو مايزيدش يزير معاهااا ويدير بخاطرهاا

سكت توااني و نطق من وراهاا: تمشي...ولكن بشرط؟؟!

وسعاات ابتسامتهااا و دارت عندو ناطقة بلهفة:شنو شنو؟؟! غير قول..شرطك على الراس ولعين...

جاوبهاا بأمر:اناا لي غانوصلك حتاا لعندهم...وغانعطيك سااعة بلحسااب ونرجع ندييك...

يلااه بداات كاطلع فحااجبهااا غاتعقب عليه وهوا يقاطعهاا بصرامة:بغيتي مرحباا...مابغيتيش كلسي لأرض بربي مغاتمشي...

نسرين طولات فيه شوفة كاتنهد فخاطرها...فكرات وقالت مع راسهاا"اللهم لعمش ولا لعماا"ديك سااعة تكفيهاا والى وقف معاها الزهر يسهى عليهاا ويشدو شي غرااض وهاهياا فوجاات بلمعقوول...

رسماات بتسامة عدباء على ملاميحهاا وناضت لعندو وقالت بنبرة هاامسة:صااافي مواافقة...( جرااات حنكوو بتغنااج)اخلييك ليلي ألحب...

شدهااا جرهااا من يديهاا بجهد حتاا تردخاات فووق السرير..ونطق مبتاسم معسل فيهاا عينيه حاكمهااا ممخليش ليها لمجال فين تفلت:مممم شنو زعمااا..حنا نديرو ليك فلخااطر...ونتي ماديريش ليناا لي بغيناااا؟؟...

نسرين بغاات تفك:ولااا أعصااام لااا...يلاااه دوشت حراام علييك...

بتااسم بجنب...ملي كاتمتاانع عااد مكاتزيد شهوتو عليهاا كتر وكتر...تحناا لعند عنقهاا خااشي وجهو فيه كاايشم فريحتو ونطق بصوت باااح حاط يدو على سدرهاا كايتحسسو:عاادي ازين دياالي...ديري علااش وعااودي دوشي...لماا مووجوود...

ضحكاات نسرين بإغرااء عارفة راسهاا مابقاا ليهاا فين تفلت ليلة ليلتهاا... طولات يديهاا حطااهم ورا عنقو وتعلات بدرجة لاجمة شفاايفو بقبلة مطولة مستسلمة بين أحضاانو ....

اصبحنا واصبح الملك لله ... كاالسة خنسااء فداارهم صبحااات علييهم قبل ماايفطروو جابت الفطوور وفطرااات معاااهم ... عاد مشا عصام وصل نسريين لافاااك وداز لخدمتووو والعربي خرج يقضي شغاالو ... بقات غير نصيرة مجمعين فالكوزينة كايوجدو الغدااا ...

نصيرة باغاا تجبد معاها اللغاا : واحد عكوزتك لابااس علييهاااا ؟؟؟ .... كيف دااايرة ؟؟ ...

خنسااء : الحمد لله بيخييير ...

نصيرة : ياااكماااا عندك معاها شي مشاااكل هي ولا لوستك ؟؟

خنساء بنفي لا لا اعمتي بالعكس الله يعمر ليهم الدااار ....

نصيرة : ايوااا الحمد لله بعدا ... ايواا والمهدي نتي ويااه مزيااانين ...

خنسااء بلعاات ريقهااا مباغاش تبين : مزياانين اعمتي غير هني باااك ....

نصيرة شافتهاا جاوباتها باغاا تسل كاتهرب وحطاات داكشي لي فيدها مقاابلة معااهاا : رااك تربيتي وعجينة يدي اش كاااين ماالكي ؟؟ ... وبلامااا تحاولي تلهي عليا فالهضرة ديك النهاار خليتك فراحتك ولايني اليوم غاتقولي ليا اش كااين ؟؟؟، ... دوي ؟؟؟

دخل للسيمو لدار عبدو سلم على خاالتو لي قاالت ليه يطلع عندو راه الفوق فبيتووو ... اتاجه لعندو طااالع لقاااه جابد صاااك كبيير وناااشر تصاااور وشي كادويااات وبزااف ديال الاشيااء بااغي يخشيهم فيه ... نطق باستغراب : ناوي ترحل ولا اش ؟؟؟ فين صااد ؟!

عبدو كايجمع مركز : فين عندي نمشي ؟؟ ... ( بهدوء ): كانحيد شي حوااايج مكانش خااص يكونو هناااا ...

سيمو قرب لجهة داكشي كانوو تصااور خنساااء لي عندو وشي وحدين دياللهم بجوج ... وعرام دياال الدفااتر دياالهاا ديااال ليسييي ... وشي كادويااات كاانت عطااتهم لييه ... وواحد الكااشكول خدااه ليهاا فالقسم ... بزااف ديال الحواايج كاايخصووهااا من ايااام الدرااسة ...

كلس جنب السريير وشااف وااحد السيدي ( قرص ) مرمي تمااا ... هزو بين يدو بتسااؤل : ديااالااش هااذا ؟؟ ...

عبدو خشا داكشي لي كان هااز فالسااك وشاف فيه ... ترسماات ابتساامة حزينة على وجهو وقرب خدااه من عندو ... تنهد وهز البيسي ديااو مركبو فييه وخدمو .... كاانو فييه مجمووعة ديال لي فيديو دياالهااا واخدهم ليهاا وسط القسم وهي كاتغوت وتضحك معااااه وتفرنس ... كل مرة واينااا وضعية كايصورهااا فيييها .... ابتااسم بخفووت ودوك المشااهد كايدوزو قدااامووو ... ايااام زوينة دوزوهاا كانت كلهاا ضحك ونشااط وزهووو ... وصل لمشهد كانو فيه فالجردة وهي لي مصوراااهم طاالقة الاغنية لي عزيزة عليهاا وحاطة رااسهااا على كتفوو ... وكلماات الاغنية غاديين وهي كاتردد معااهم بصوتها : لا عمري بكيت لا شفت دموعي ... حتى غااب مافي شفتهم يسيلو .. عمري ضنيت الحب يهبل ... ملي رحتي راحلي العقل ... راني خاايف يديرهاا زهري ... نشوفك مع واحد غيري ...

عبدو غمض عينو ووقف الشريط محيدو من البيسي ونطق بايجاااز : غايكون حسن نجمع هادشي ماعندو لاش يبقى هنا ...

سيمو بتساؤل : شفتيهاا داكشي علااش باغي ترمي هادشي ؟؟ !!...

عبدو : مغاديش نرميه غير غاادي نحيدو من هنااا ...

خشااا داكشييي كلووو فالساك ودارو فوااحد البلااكااار الفووق وسد عليه مسوورتووو : المهم هي داباا فرحاانة ... ومرتاحة فحيااتها

سيمو بايجاب : احسن مااادرتي ( غمزو بطنز ): اش بااان ليك نعرفك على واااحد البنت تنسيييك فخنساااء ومايجي منهااا ( بتأكيد ): مغاااديش تندم 😉

عبدو ضحك عليه : كون كان الربااح فهاد البنات لي كاتعرف كون طحتي فيهم نتا لول ... كاعماا تخليهم لياا اناا

سيمو : ياااااك ... شوف وكاان رااه غاتندم ...

عبدو بايجااز : وااا برااكة من الغميق وسير تلعب ههههههه ... ولاهيلا درية داكشي لي بقاااا صاافي .... الله يعطينا وجهك ...

سيمو بطنز : بغيت ندير فيك خير وليت غماااق ... مااعليكش اصحبي داايزة عواااشر ...

بقااو مجمعيين كايهضرو شوية حتى حطات ليهم حياة الغدااا وهبطو ياااكلوواا ...

##

نصيرة شافتهاا جاوباتها باغاا تسل كاتهرب وحطاات داكشي لي فيدها مقاابلة معااهاا : رااك تربيتي وعجينة يدي اش كاااين ماالكي ؟؟ ... وبلامااا تحاولي تلهي عليا فالهضرة ديك النهاار خليتك فراحتك ولايني اليوم غاتقولي ليا اش كااين ؟؟؟، ... دوي ؟؟؟

خنساء تنهدات عرفاتها مغاتفاكش معاها حتى تقول ليها اش كااين : المهم فصراحة كاين بيناتنا شي مشاااكل صغاار ...

نصيرة قادات الكرسي وكلسات فيه متبتة فيها الشوفة : حتى جوج ماخطاوهم المشااكل ولايني بحااالاش هادشي ؟؟!

خنساء غمضات عينيهاا وساطت مقررة تسكتها بموضوع الولاد وتخلي الغيرة جاانبااا مابغاتش تشطنها بهااد الموضووع حتى هو : راكي عارفة اعمتي شنو غايكون المشكل ... نفس المواال ديال الولااااد ... رجع تاني يدق عليااا على قبلهم ...

نصيرة صغرات فيها عينيهااا : ايييه ومالو قاال العيب ... ماال موك مقصحة رااسك على الخواا الخااوي ...

خنساء بتأفف : كيفاش اعمتي الخوا الخاااوي نتي عارفانا يلاااه باديين ومزاال ماوصل الوقت ديال الوللاااد .... ماعرفتش علاش زربان هاكاا ...

نصيرة خدات نفس عميق محركة راسها بلا حول شحال تناقشات مع خنساء فهاد الموضوع وهي لي فراسها فراسهااا ... حلفاات لا تراجعاات ... نطقات محاولة تدوي معاها باللتي هي احسن : الله يهديك ابنتي رااك غادة لكبر ماشي الصغر ... شحال قدك تبقاي بلاااش !!... حاولي تفهمي راه الراجل قدما كان فيه المشاكل وقدما كان صعيب الولاد كايهدو ليه الجنااااح ... راه غير يشوف عويناتو يدوب ... وحتى زين ماخطاتو لولة و مول التاج وكيحتاج.

خنساء باصرار : نتي عارفة اعمتي رأيي فهاد الموضووع .... راه غير كاتعدبي راسك ...

خنزرات فيهااا بجدية : كيفاش كانعدب راسي علاااه مالكي نتي ديال ماشي بنتي ... سمعي كلااامي راني عارفة مصلاحتك كتر منك ... لي فاتك بليلة فاتك بحيلة ... راااه الراجل نهار تولدي ليه كاتهبطي ليه كواارييه ... وبلهلا يطريه لييه كايتردع ... ويحس بالمسؤولية وحتى هو كايرتاح ... ويهزك فوق كتافو كتر ما هاازك دابااا ...

خنساء بلعات ريقها مدلية شنايفهاا كاتصنت ليها باصغاااء واخاا هي مامستاعداش ولكن جاها كلااام عمتها على حق ... حسات براسهاا حايرة وماقادرة تاخد حتى قرار ...

نصيرة شافتها كاترطاب وبغات تزيد تلح عليها وتلعب ليها على المشاعر : ونتي كرهتي تكوني ام بحال قرااانك ... ناس راااه كايقلبو عليهم للدواا ومالقاوهمش ونتي حارمة رااسك ... شحال قدك تاكلي فدااك السم وتقتلي فصحتك على واااالو ... ( بالحااح ): شوفي غير مرااات خووك شحال حامقة علييهم كون لقات تهز من غداااا ... كاتشوااا غير على قبل هاد الموضووع ونتي مالكي !! ... ماعندكش الكبدة!! ... ونتوما راه دوزتو وقتكم مع بعضياااتكم ... دابااا خاصكم وليدات يكبرو ويترباو بيناتكم يعمرو عليكم ويحليو حيااااتكم ... وكوني متأكدة على ضماانتي المهدي غير يهز ولدو ولا بنتو بين يدو غاتهناو من كااع مشاكلكم ...ماتنسايش هو شحال مشتاق ليهم وربي ماعطاهش ليه مع مراتو اللولة ونتي دابا حارماااه .... رااه بسيف يزعف ونتي راه بعقلك زعمااا ماشي انا لي غانوريك ...

خنساء طلعات النفس بعمق كاترمش بعينيها ونطقات بهدوء : غانفكر اعمتي غانفكر ..

ابتاسمااات برضى : هكااا نبغيييك .... كوني تسمعي الهضرة ...

خنساء بتأكيد : قلت ليك غانفكر اعمتي .... غادي نفكر ماشي واااخاااا ... ( بغات تبدل الموضوع ): وانوضي كملي راني كانموت بالجووع ...

نصيرة ميقات فيهااا بلا حول وناضت تكمل شغلها وهي كلسات تعااونهاااا فلي بقاااا ...

بدات لعشية كاتعاشا...جواايه العصر تقريباً كانت خارجة عتيقة ورانيا للشاريع كايتسااارااو شوية مقررين يسدو المحاال ويفوجو هاد العشية قنطو ومنها نيت يجيبو داكشي لي خااصهم ... كايتمشااو مع بعضياااتهم وكل مرة وفين عتيقة وااقفة كاتشوف كلشي وتسول على كلشي واخا ماتكونش باغااه المهم لي ماا شرااا يتنزه ... دازو على المحاال ديال عبدو وهو يبان ليها الداخل ونطقات باصرار : ايه تباااارك الله على عبد الله .... ولاهيلاا قاد المحاال ولا على مزينااتوو ... ماعندك ماتساليه ....

رانيا : اااه حلق علييه ... ايوا بعدااا راااه خداام حسن ليه من التجلوييق ...

عتيقة : اييه يعوض غير ميمتو على شبابهاا .... ( جراتهاا ): دوزي نشوفو ونبارك ليه ...

رانيا : وعلااش امي اووووف .... خلي من بعد

جراتها بزز عليهاا مدخلاهااا لعندهم ... عبدو شافهاا جايا وقرب سلم عليهاا باحترام : اهلاا خالتي عتيقة ... زارتنا البراااكة ....

عتيقة : الله يكبر بيك ااوليدي ويعطيك مانويتي هاادشي زين تبارك الله ... الله يجعل كلشي مباارك ومسعود ....

رانيا خرجات عينيها قرصاتها : اويلي امي مالو غايتزوج ... يهديك الله ...

عوجات فيها : اش تعرفي نتي سكتي !!

عبدو ضحك مخاطب رانيا : هههههههه تي مالكي لاصقة فيهاا قارمااهااا .... زيدي زيدي اخالتي دخلي نوريك لداخل ...

عتيقة بعدات على رانيا وتقدمات معاه : بسم الله ... الله يجعلو خير ياربي ...

دخلااات معااه وهي بقاات تما كاضور فعينيهاا فداااكشي ... بلاما ترد البال لسيمو لي كان فالجنب شاد واحد الماكينة كايقاد فشي موكيطااات .... يلااه غاتزيد وهي طير البرييز ديااال ضو لي خدااام بيه كاانت غاطيح تجي على فمها كون ماشداتش فالحيط .... دورات عينها لجيهتو وهو هز فيها راسو باانت ليه وفالبلاصة خنزر ووقف جاي لجيهتها مقصدهاااا غايضور فيهااا .... مع دور عينوو قشع مهااا قبااالتوو وهو يلبدها مزير على قبضة يدووو مغمض عينو بنفاد صبر ... هي شافتو وعوجات وجهها محاملاهش ماهضراتووش ...

مشا على وعدو وسعدو لجهة البريز يركبوو يكمل داكشي لي كان باادي ... تم راجع وهي تبان ليه عتيقة ملاهية مع عبدووو ... هز حاجبو وكرز على سنانو وقرب عند رانيا مخاطبهاا بصوت منخافض : قريب هنا كاين واحد الطبيب دياال العينين مزيااان .... يقدر يوافقك واخا بانت ليا حالتك صعييبة ... وفاات فيك الفوت ...

ميقات فيه معوجة ملامحهااا : وانا كانعرف واحد الطبيب نفسي ممتاز ... غايكون حسن تاخد شي حصص عندو يوريك الناس كيفااش كاايضحكو ويبتاسمو ... غاتموت ونتااا عاقدهم و معبس ( خنزرات فيه محمرة فيه الشوفة)

سيمو طلعها وهبطها باستفزااز منرفز بلاماا يجاوبها وزااد من تما يكمل شغلو .... حتى هي دارت من تماا وخرجات كاتسنى مها على براا مابقاتش حاملة تشوفو كايعصبها من عند الله ... حتى خرجات عتيقة وكملات طريقها هي وياهاا ...

عتيقة بتذكر : شفتي داك ولد خالتو شحاال غزاال ( بفضول ): شفتك دويتي معااه اش قالك ؟!...

رانيا : اويلي منين جااه زين امي وهو داير فحاال الكواالااا .. الله يهديك ... واصلا ماحملتوش وماعنديش معاااه ....

ميقات فيها : بقااي لمك داافعة كبير وهازة خنافرك لسما .... راجل لي جا فطريقك خرجي فيه العيب واخا مافيهش ...

رانيا هزات كتافها : وناااري اماما طيبتيني بهاد الهضرة اوووف ...

عتيقة بعتاب : كاان لييك الله .... كايقولو قلب البرمة على فمها, تطلع البنت لمها... ساعااا نتي ماديتي مني وااالو ( جرات على سنانها بمعنى والو ): حتى حاااجة ياربي السالاامة شابهة لعمتك الله يخليه كنس بالخلاا

خنزرات فيها وزادو من تماا منااكريين ... مكملين طريقهم ...

دخلات خنساء لدار ...لقاات نادية ݣالسة فوسط لمراح تاع دار فوق لفوتوي كاتهضر مع وحدة من صحباتهاا وهياا كاتبتاسم فرحاانة...قربات لعندهاا وهيا تݣلس حداهاا...

نطقات نادية بإمتنان:مبروك عليهاا مسكينة ملي غير تفكات على خير وبخير...يتربا فعزهم يااربي...يااختي وليتي ميمة سعدااتك..(خنساء بدات كاتسمع بهتمام عرفات لهضرة متعلقة بشي ولادة...) واخا ان شاء الله...سبت جاي نجي...الله اودي علاش مانحضرش..هههه وانا كرهت ناكل الرفيسة...صافي ربي يخليك...بسلامة عليك...

قطعات لابيل وشافت فخنسااء وقالت مبتاسمة كاتمسح ليهاا على ضهرهاا بحنان:على سلامتك احبيبة...

خنساء تسندات على ضهرهاا:الله يسلمك...لاباس عليكم كلشي مزياان...

ردت عليها بإجاب:لحمد الله...وداركم كيف لقيتيهم...لاباس عليهم؟؟!

خنساء: كلشي بخير الحمد الله.. هياا كاينة فدار غير بوحدك؟؟سارة مكاينااش

نادية بنفي:لا خرجات قبايلة دير شوبينݣ...هههه راك عارفهاا داك الجن لي ضاربهاا ضاربهاا على الشراوط...اوى يلاه كنت غانخرج نتمشا واحد شوية..حتا عيطات علياا صاحبتي وشداتني بلهضرة...كاانت فرحاانة بلا قيااس تزاد عندهاا حفييدهاا اللول ليوم...

خنساء بتاسماات:بصااح اوى مبروك عليهم...

نادية:كايكونو لولاد عزااز..وولادهم كايكونو غاالين...عرفتي احسن شعور يقدر يحس بيه شي واحد... ملي ربي يحيه حتاا يشوف ولاد ولادو... يشوف حفايدو كايكبرو بين عينيه...(طلعات عينيهاا برجاء)يااربي مااتحرمنيش من هاديك لفرحة...وحتا انا تكتب ليااا نشوف حفايدي...

خنساء احساس غريب تسلل لداخل ديالهاا...وهياا كاتشوف فنادية متشوقة يكون حتا هياا عندهاا حفيد لي شحال وهياا كاتسنااه...مقدرات تجاوبهاا بوالو من غير انهاا تقول بإجاز:ان شاء الله دابا تشوفيهم...

نادية وسعاات بتسامتهاا ومسحات ليهاا على كتفهاا ناطقة بنبرة خجولة:هههه زعماا..احم مزالين باغين تبقااو بوحدكم...باقي مغديروش ليناا شي فنيكيش صغيور حتاا نتوماا لي يجري فهاد الدار وونلعبو معااه...مممم؟؟!

خنساء تنحنحات بصوت مسموع ودارت بعض لخصلات من شعرهاا ورى ودنهاااا...كانت عارفهاا غادي تجبد معاها لموضوع...قالت بهدووء:هاد الساعة مزال مقررناا...مزال شوية تلوقت...

نادية جمعاات ابتسامتهاا بشوية ختارت تسد لموضوع لي يلاه حلاتو...معتابرة انها ماشي من حقهاا تهضر فيه...هاديك حياتهم بجوج وهماا لي كاايخططو لإمتا يدخلو فيهاا لولاد وامتا لا...عندهم كاامل لحرية

حركات راسهاا بلإجااب وقالت بنبرة تابتة: وي سيفغي...نتوماا تعرفوو خودو وقتكم...اكيد قرار بحال هدا ماشي ساهل يتخاد دغياا..خاصو لوقت وتفكير طوييل

خنساء حساات بيها بحالا تغيرااات ومعجبتهااش هضرتهاا...بتاسمات ليهاا بلطف وطبطبات علي يديهاا مشاطراهاا الرأي:هداكشي لي كاين...يكون خير...

ناضت وقفاات ستأدنات منها وطلعات لبيتهاا... سدات لبيت ومشاات ديركت لسرير طاحت مجبدة فوقو كاتشوف فسقف وتخمم...حاسة براسهاا كاتعوم فبحر ديال تفكير ولماج تاع لأسئلة كايديو فيهاا...هيا فعلا قالت مغاتفكر فلولاد حتا دوز عماين من زواجهم...حتا يتعود كل واحد فيهم على لاخر...ويعيشو فجو بعيد على مشاكل ومسؤوليات ومتهدمش مشاعرهم لبعضهم...نجحات فأنها تقنعو وتستدرجو باش يتنازل على شعور لأبوة لواحد لفترة....وها عامين دازت وطلعات فلعام التالت ومزال مترددة ومتهربة من واحد لحاجة لي ضرورية عند كل كوبل وهيا سنة الحياة....معرفاتش واش بصح قراار صائب انها تزعم وتولد؟تهز جزء مصغر منو بين يديهاا؟ شحال قدهاا تهمل لموضوع وتبقا تعطي فلمبررات وأسباب لا منتهية وتبقاا راافضة؟!بدات كاتقول مع راسهاا ربما الى ولدات مهدي يقدر يتبدل،وحتاا لمشحنات تقل بيناتهم...لعمر كايدوز وشحال قدهاا تبقى تسنا فنهار لي غاتقبل فيه تكون أم وتجيها ديك الرغبة...بلخصوص انها هيا نهار اللول واعداتو باش تأجل الفكرة ، مااشي ترفضها....مكملات حتا تواني قليلة وهياا تراجع بسرعة ... غمضات عينيهاا وحيا حايرة حاسة بهاد لقرار من اصعب القرارات لي غاتخاد فحياتهاا وماشي ساهل عليهاا تاخدو بلمرة...بلخصوص المضايقات ولخصامات لي ولات بينهاا ومابين مهدي فلأونة الأخيرة...كايخليهاا تراجع بخطوات للوراء على انهاا تعبر ممر الإنجااب...

مهدي كان عندو شي غراض على برا يلاه جا للكاافي...دار جولة كايشوف الاوضاع فلمكان وشاف لأمور كيف غادة مع لخدامة...يلاه كان طالع مع الدروج وهياا توقفو ملاك كاتعيط ليه من اللور...

ملاك : مهدي بلاتي عفااك واحد دقيقه

ستاجب ووقف داير عندهاا ناطق بستفهاام:وي شنو كااين

قربات لعندو وبتاسماات:ههه على سلامتك بعداا...صافا؟؟!

رد عليهاا بإجاز معندوش لوقت : لحمد الله...

ملاك دغيا زربات عليه:بون... عندي ليك غير واحد الطلب،الى جات على خاطرك...بغيت ليوم ونخرج بكري ... عندي واحد لغراض ضروري خاصني نقضيه من هنا واحد ساعة ...

مهدي شاف انه مكاين لاش يعتراض جاه طلب عادي ومكاين فيه حتا اشكال

رد عليها بموافقة:وي سيباݣغاف يمكن تخرجي قبل لوقت...باقي شي حاجة أخرى؟؟

ملاك بتاسمات :لا صافي.. شكرآ...

مهدي طلع فحالو لبيروه...وملاك هبطات تكمل خدمتهاا لي بقات ليها ...كاتحسب الدقايق امتا يوصل لوقت باش تمشي... بدا الحال يغيب هزات ساشي كبيرة فيها لحوايج جايباها معاها من الداار...عرفات راسهاا غادة لحي من لأحياء الشعبية بغات تكون مرتاحة كتر ... وماتقدش تمشي بلحوايج لي لابسة تفاديا لا تعرض لشي مضايقاات حيت لباسها كان قصير بزااف ولو البلاصة لي غادة ليها عادية غير حطتها كانت اتيري و هي غاتبقى ضور كاتسارا على المحال بالضبط وتقلب قالت حسن تلبس عادي ... دخلات لحمام.. حيدات الساعة اليدوية لي كانت لابسة...و زولات لحلقات الدهبية من ودنيهاا...مسحات لعكر لي كانت دايرة...وجبدات من الساشي باش تبدل لحوايج لي لابسة...لبسات سروال دجين بوي فريند مع قبية بيضة مقطنة وسبادري فنفس اللون...هزات بزطامهاا خشاتو فجيب...وتيل دارتو فجيب التاني...خشات لحوايج لي حيدات ولأكسيسورات فداك الساشي خرجاتو وحطاتو فبلاصة مخبعة فلكافي حتا ترجع ليه من بعد ...

مهدي راجع شي حسابات و ناض من كرسيه وقف وتقابل مع الشرجم لكبير لي فبيروه داير يديه فجيبو كايطل... هز حاجبو بستغراب ملي لمح ملاك خارجة بخطوات صغيرة وغادة بلباس مغاير على هداك لي كانت لابسة من قبل ...

نطق مخاطب نفسو بتساؤل كايتعجب:ولكن هادي علاش غادة مبدلة حوايجها هاكا؟؟! لعجب؟؟ شنو هاد لغراض لي يخليهاا ماتمشيش بلحوايج لي لابسة وتبدلهم؟(خنزر عاقد حجبانو وقال بتشنج)وانا مااالي ضبر راسهاا...الله يجعلهاا تخرج عريانة ݣاع شغلي فيهااا؟؟!...

ملاك شارت لوحد طاكسي صغير ووقف ركبات فيه بزبة ونطقاات بهدوء:ولاد وجيه المغرب العربي عفااك ...

حرك ليها السائق راسو ونطالق للوجهة...وهيا كاتشوف فزاجة وعينيهاا كايلمعو بشوق...فعلا متشوقة ومتحمسة تعرف شنو مخبي عبدو....وواش بصح كاين شيحاجة كاتجمعو بخنساء ولا غاجاب ليهاا الله

وقف الطاكسي ملاك قدام الشاريع الكبير لي عامر محالات تاع لبيع وشرى ...خلاصاتو ونزلات...جبدات التيل ديالهاا وشافت رقم المحل لي مسيفطو ليها حميد فميسااج...بدات كاتقلب...كانو محالات كتيرة وبحكم كان ليل بدا كايطيح جوايه لمغرب...الناس خارجين كايتقداو وكايدورو فنفس الوقت...بعد رحلة بحت لقات لمحال...خدات نفس معمق رجعات بعض من خصلاتهاا لجنب...وتقدمات ليه...

كان سيمو بارك كايقاد شي حسابات تالفين ليه...وعبدو كايستف فشي زرابي حلهم لشي ناس شافوهم وختارو فيهم لي بغاو...

ملاك بلباقة داخلة لمحل:سلام وعليكم...

عبدو دار لعندهاا بتاسم بلطف:وعليكم السلام..زيدي الالة مرحباا،شوفي شنو خااصك...

شكراتو و زادت بخطوات كاتمشا بلعبار وتمختر فلمشية..دايرة راسهاا كاتشوف وتختار فزرابي وهيا أصلا ݣاعمة هامينهاا...معمرة سوق غير هكاك..كاتمهد لخطتهاا وتفرش ليهاا الطريق،و كاتوجد باش طبقهاا على اكمل وجه...

ملاك وهيا حاطة يديها على واحد الزربية تاع لحرير هماوية:ممم بصراحة هادشي عندكم غزال...حاجة كاتنسيك فحاجة

عبدو بتاسم :ربي يخليك الالة...

بدا كايوريها شكالات ولموضيلات الجداد...كايتعامل معاها عاادي بحال اي كليان جديد دخل عندو لمحاال...هيا كاتختاار وتشوف فهاد الزربية وتقوليه جبد لياا لخرى عطيني لي لونهاا كادا وزواقهاا كداا...وهو كايدير لي بغات و طلبات منو ممخسرش ليهاا...

عبدو حل واحد الزربية قدامهاا:وهادي حتاا هياا شي حاجة وااعرة...ماشي كانشكر ليك سلعتي ولكن لحاجة باينة من شوفة وتعطيك خبارهاا...

ملاك:ايييه بصح...حتاا هادي عجباتني(كملات هضرتها حاطة يديها على جنب شفايفها بتركيز) غير هو معرفتش وااش غاتجيني لصالون ولا غاتكون صغيرة...

عبدو:ماشي مشكل الى عندك صالون كبير كاين ماكبر منهاا...غير عطيني لعبار ولا عليك...

ملاك بيأس:ماجبتش معايا لعباار...وأصلا واخا نبغي نعبر مانعرفش...غايكون حسن الى مشيتي معايا وعبرتي لراسك نتا غاتعرف ماشي بحالي...

عبدو سكت تواني ونطق بتفهم:واخاا مافيها بااس هالمعلم غدا ان شاء الله يمشي معاك (شار لسيمو)ياخد لعبار..وجي ديك ساعة ختاري لي بغيتي...

ملاك زيراات على يديها...شافت فسيمو موسعة نضرتها عليه وبدات كاتلون بحالا صمكتيها...اكيد ماشي فصاليحهاا يمشي معاها...والى داكشي لي مخططا ليه كامل غايتضرب فزيرو وخاصهاا تعاود من أول وجديد...بدات كادور فعينيهاا معرفات مادير...

حاولات بزربة تخفي توترهاا بإبتسامة مصطنعة ردات بعض من خصلاتها ورى ودنهااا وقالت بهدوء باغة تبحلس عليه:هو فصراحة (بلعات ريقهاا وكملات بنبرة رقيقة)احم...غايكون حسن الى مشيتي معايا نتا..ديجا هضرت معاك وتافقنا...وزيدون سي حميد سيفطني عندك..ماشي عند شي واحد اخر...

سيمو هز فيهاا راسو طلعهاا ونزلهاا..ضحك فخاطرو فهمها ان عبدو عجبهاا داكشي علاش متانعات يمشي معاها هو...

وهو يقول :غااسير اعبدو نتا...انا اصلا مامساليش عندي شي خدمة...سير مع السيدة وخود لعبارات وتفاهم معاها...

ملاك تنهدات برتياح وبدات كاترمش ببراءة...عبدو معرف ما يدير حس براسو تحرج..أكيد ملي سيمو بغاه يمشي مجاتش يرفض...وحتا ملي قالت ليه سيفطها حميد..مبقاش قادر يخسر ليهاا...

حرك راسو بلإجااب وقاليهاا:واخا صافي....واش دارك بعيدة من هنااا؟...

ملاك:داري فسونطر ڤيل... كاينة واحد شوية تاع طريق...

عبدو:هانتي انا نعطيك لكاغط فيزيت...سيفطي ليا لوكالزاسيون...وغدا ان شاء الله نجي لعندك

شكراتو بحرارة وخدات من عندو لكاخط معولة غير توصل لدار تسيفط ليه...ودعاتهم وخرجات من لمحال طايرة...وفرحانة حيت قريبة توصل لداكشي لي بغات....

ناض سيمو من بلاصتو وقال كايضحك:هههه على مبانت ليا لأنسة طاحت فيك طيحة وحدة ومن أول نضرة اسي عبدو جبتي ليهاا تمام...

عبدو هز حاجبو فيه:شنوو..شكاترون ؟!!

سيمو:اااه زعما داير راسك مفاهمش...(غمزوو) وبصرااحة درية قرطاااسة..وبوومباا تيتيزة دياال بصح...

عبدو خنزر فيه:الى كانت بومباا وتيتيزة سير معاها ديك ساع لاش ملصقهاا فيا متلا...

سيمو:وهياا بغااتك نتاا...راه واقلة قلتي ليهاا يمشي معاك ورفضاات من تما تبان لمعنى...(كمل معوج فمو بإعجاب)اشمنك يالاطاي مانكا مقاادة...اشمنك يازعورية،ولعينين زورق...ولأداب فلهضرة وداك صويت...برب حتاا تيتيزة محطوطا..الى فلتيهاا هزك لماا أودي اعبدو...

ساااط بصوت مسموع ورد عليه بنزعااج :شوف شوف خدمتك براكة من لهضرة الخاوية...ونتا وليتي تهضر بلا قياس...

سيمو حرك راسو بلا حول ضحك ومشا رجع لبلاصتو...وعبدو بداا كايقااد فزرابي لي جبد ليهاا... شوية هو يتساؤل ملي تفكر راه قالت ليه دارهاا فسونطر ڤيل..وقال مخاطب نفسو بهتمام:ولكن لمحلات تما واعرين وديال رفيع...علاش مختارتش تقدا منهم وجات حتا لهناا؟؟!

تعجب مع راسو ولكن معطاش لموضوع أهمية وتحنااا مكمل على شغلو فصمت...

خنساء هزات الدوا لرجلهاا كلسات فوق السرير ... هزات رجليها دارتها على ركبتهاا الاخرى كاتحاول داوي جرحهااا ... مكونسونطريااا كا تعااالجو ... دخل مهدي هاز فيدو كاس قرعة ديال الماا جابها من التحت ... شاف فيهااا وهي كداوي معدبة ... تنهد وحط القرعة فوق الكواافوز وقرب بهدوء تحنى على ركاابيه وشد ليها يدها موقفها نطق بصوت خافت كايشوف فعينيها : عطيني نعاونك ....

خنساء عوجات قنوفتها باقا مقلقة منو ماهضراتش معااه من داكشي لي طراا وهي منخلااه ... هزات على كتافها وبعدات يدها بنرفزة : بلااااش انا قادة بشغلي ...

باصرار جر رجلها عندو وخدا من يدها القطن والدواا ... دورات كمارتها من جهتو مخليااه وجامعة يدهاااا مربعااهم باينة فيهاا الغضبة زعماااا ... دااوااهاا بهدووء مدور عليهاا الفااصمة .... هز فيها عينو وحط يدو على فخضها مدوزها بحنان : اكتر حاجة كاضرني هي تآداااي بسبااابي ...

رمشات عينيهااا وهي محاولة ماتسمعش لقلبهااا بلاماا تجاوبو مكاتشوفش فيه ...

زاد شد على يدهااا بحب وطبع قبلة خفيفة على كفهااا ... وبصوت متيم نطق : نصبر على تقليقة العاالم الكااامل وغضبتك نتي كاتجيني صعيييبة ... ( هز يدو لعند خدها ودور ليها وجهها مفيكسي عينيهاا فعينيه ... كايشوف فيهااا بحب كبييير ): الدنيااا مكاتسوا والو بلااا بيك ... وبلا ضحكتك ..

خنساء دغيا قلبها فرفر من بلاصتو ماكرهااتش تعنقو وتعفط على داك الكبريااء لي حابسهاا بقاات كاتشوف فيه بلاما ترد ...

دوز يدو ببطئ وحنان شديد على عنقهااااا كايتحسسو بلهفة ... كايتساراا معاااه بشوية ... خنسااء دغياا غمضات عينيهاا من لمساااتو عاضة على قنوفتهااا ومع السيدة مدودة دغيا زيرااات على يدهااا موركة على فرااش سرييير وتحتهااا دغيا كلاها غير بلمسة منووو الا زااد شوية غاطير علييه هي بلاما تفكر ....

المهدي حس بيهااا بدات كاتسيح معاااه وكلس فجنبهااا وهي حدراات على رااسهااا كابتة بااش كاتحس وكاتقااوم مشااعرهاا غير بزز ... شاف فيهااا بحركة خفيفة جرهاا لعندو مكلسها على حجرو ومقابلهاا معاااه ... خرجااات عينيهااا فيه باالعة ريقهااا وقرب طبع قبلة خفيفة على شفاايفهاااا ... وحرك يدو هابط مع عنقهااا حتى وصل لسنسلة ديال السيرفيط لي لابسة وحلهااااا ... السايبة غير حسااات بالمعلم تحتهااا والسخونية طلعااات معااااهااا ولمسااتو خلاااوهاا تنتاااشي وتنسى شنووو دااار بالمرة مستسلمة لرغبااتهااا ... كانت موجدة لييه جريدة تقراهااا علييه مشا كلشي مهب الريح مع قبلااتووو لي كاايبعترهااا على جسدهاا ... ماعرفاات ايمتا جابهاا تحتو فوق السرير وحيد ليهااا حواايجهااا دااخل معااها فعلااقة حميمية عامرة حب ومشااعر صاادقة ..... بلاامااا تفكر ولاا تشعر لقاات رااسهاا فخبر كااان كاتوحوح وتشد على المخاااد بحر النشوة لي حااسة بيهااا وهي معاااه ... وعينيهااا مقلوبيين عاضة على شفاايفهااا ... سواايع وهما على نفس الحااال فعالمهم الخاااص .... حتى طااح المهدي على ضهرو صدرو كايتهز مبتااسم ونطق بكل حب : الشووفة فيك كاتنسيني العاالم وماا فييه .... حلوة حلوة ...

خنساء وسعاات ابتساامتها ضاربااه على كتفو : لقيتي البواان فيبل دياالي وليتي تستاغلني هههههه ...

المهدي قرب ليها وجرها لعندو معنقها : نهههههه وعلاش حنا مزوجين غير باش كل واحد يعرف لاخر ... ( جبد ليها حنكها ): غاندخل ندوش تمشي معايااا ...

خرجات عينيها : لاااا اويلي بغيتي تشدني تما تاني ماطلقني حتى للصباح ... غير دوش وندخل انااا ... ههههههه بصحتك ...

بطنز : لقيتي لي يدفيك ويحيد ليك البرد فهاد الشتا ومزال تهضري ... مكاتقدريش النعمة باااز هههه ...

ناض من تمااا دخل للدوش وهي ابتاسمااات بفرحة كاترتاح مني كاتصالح معااه وقلبها مكايطاوعهااش تبقى مخاصماه ولو يكون غاالط كاتخنق من خصامهم ... وكاتفضل تسمح فحقها وتغاضى على شي حوايج غير باش تبقى مرتاحة معاااه وديماا سعدااء ... هاد الحب هو اكتر حاجة غالية فحياااتها ومخلية ليهااا امل فالحياة بعدما كانت عايشة غير لراسها اول مرة مع المهدي حسات ان شي حد جزء كبير منهااا وكاتخاف تخسرو ولا تفقدو ... الحب خلااهاا تكون انسانة اخرى ... ومع مهدي كاتولي خنسااء العاشقة الولهاانة ... وكاتهرب ليهاا الساايبة لي كاتعرف ... بعد المرات هي كاتعجب فراسهاا ولكن من بعد تفكير كاتعرف ان الحب الاول والحقيقي لي كانت تقلب عليه هو المهدي وهادشي لي كايخليهاا عاجزة قدام عشقها وحبهاا ليه وكاع افكارهااا كايتنفااو ...

تنهدات ووقفات كاتشوف تليفونها غير شاافت ساعة خرجات عينيهاا ناضت قاافزة للمجر ديالها هزاات البيليل خشاتها ففمهاا وصل وقتها المحدد فاش كتاخدهااا قبل مكاتنعس ديما.... مع غاتهز المااا تدوزهاا وهي تغمض عينيهاا شي حاجة لداخل ديالهاا منعاتهااا ... شي حاجة تحركات فيهااا وقفاتها من انهااا تاكلهااا ... صوت داخلي يمكن كانت مسكتااااه فااق كايصرخ بكل قوتو مانعها تاخدهااا .... بلا شعور لقات راسهاا محيداها من فمها ورماتها فالسلة لي عندها فالبيت ... بلعاات ريقهاا قلبها كايخفق بالجهد متخوف من هاد القرار لي خداات ولكن احساسهاا كاان كبر وغلب خلاهااا تخلى على افكاارهاا وتديرها فيد الله ماابقاتش قادة تحارب مشاعيرها ... وعلاش غاتبقى معاااندة رغبتها فالامومة لي شحال وهي طافياااهااا ومخلية عقلها لي يقرر ... حسات بان جا الوقت فين تنسى العقل ومعتقداتهاا فالحيااة وانانيتهاا ولمرة وحدة فحياااتهااا تكون خنساء الانتى الحنونة لي كلهااا مشاااااااعر بلاما تخلي عقلهااا ياخد قرااار ...

صبح يوم جديد...حامل فطباتو احداات كتيرة....

وقف عصام السكوتر فدخلة تاع لغابة نزلات نسرين لي كانت راكبة موراه كاتقاد فشعرهاا...

نطق عصام مخنزر:وعلاش بسلامة نوقفو غير هناا وماندخلش معاك لداخل؟!

نسرين بنفاد صبر: وعصام الله يهديك نعل عليك الشيطان زدتي فيه بحالا معرفت فين غادة... كادير ليا بحال شي بنت صغيرة موصلها باها عند صحاباتهااا....

عصام ماباغيش يزيد يتجاحد معاها جاوبهاا معاجبو حاال: غير نصوني ليك تخرجي لعندي...

نسرين سااطت :وصاافي غير تصوني نخرج ومغانفوتش ساعة فهمت هادشي تافقنا عليه فداار...ودابا خليني نمشي حشومة تعطلت على لبناات غايكونو كايتسناوني...

حرك ليهاا راسو بلإجااب..بانت ليه جاكيط لي لابسة سنسلتهاا هابطة مركزة على صدرها...طول يديه وطلعهاا ليهاا حتاا قرباات لعنقها وحبس:خليهاا هاكاا عندااك تنزليهاا...يلاه سيري...

نسرين بتاسماات وطبعات قبلة على خدو مودعاه بيهاا...ومشاات...بقاا مراقبهاا بأنضارو حتاا مابقاتش كاتبان ليه وديمارا السكوتر تاعو ومشاا فحالو... نسرين دخلات للغابة بدات كادور عينيهاا مبانوش ليها..كاينين غير ناس غراب جاين مع ولادهم يتغداو ويدوز لوقت فطبيعة بحكم كان لويكاند الغابة كاتعمر... يلاه جبدات تيل بغات تصوني على صفاء وهياا تبدا تسمع صوت لبندير جاي من واحد الجيهة... بتاسمات وبقات متبعة الصوت حتاا وصلات لعندهم...لقاتهم ݣاالسين بجوجات... صفاء شادة لبندير وطالقااا حلوقهاا كاتغني...ولاخرى شادة طعريجة وكاتغني معاهاا...مفرشين فلأرض ومزندين لمجمر كايشويو فيه...قرباات لعندهم وهياا تقشعهاا صفاء جايا وحبساات...

نطقاات كاتضحك:هاااهياا جااات...يااختي نيسناا قلناا محال واش تجي...

سلماات عليهم وردت عليهاا كاتضحك:وااش كانلعبوو هناا...راني عطيتكم لكلمة..قلت غانجي هياا غاانجي...لاباس عليكم بعداا كلشي مزيان؟؟!...

صفاء:لحمد الله ولاهيلا بيخير..

نسرين:ونتي اوفاء صافا؟!

وفاء:ها حنااا لحمد الله احبيبة...هياا سلكتيهاا معااه وخليتيه يقبل؟!

نسرين بعجرفة: ههه معلووم غير بسياسة قضيت لغراض...وجا موصلني حتاا هناا...

صفاء هزات لبنيدير مقاداه فيديهاا:ويلاه نديرو عليهاا شي طريح...بينماا طابت الشوايا اللولة...

وفااء هزات طعريجتهاا كاتضحك:سيري اختي بدااي...ليوم مكااين غاا نشاااط...

بدااو مقصرين مع بعضيااتهم منشطين لوقت...اغنية تلوحهم لأغنية بلخصوص صفااء لي عندهااا مع الشعبي وتعرف لقصارات وتنشط لقضية...بقااو كايطبلو محيحين غاا مع بعضيااتهم ومع لبلاصة لي ݣالسين فيهاا بعيدة شوية على النااس لقااو راحتهم...أحتاا دااز واحد الدري بااقي شااب قااطعهم...

نطق بتساؤل كايفرنس:اتبارك الله عليكم...

دارو شافو فيه بتلاتة دقة وحدة وكمل كايضحك:يااكماا بغيتو لي يجيب شي كماانجة ويشدهاا ليكم...انا موجود...نشطو مجموعين ولا لا؟؟!

ردت عليه صفاء مقندشة:سير انا بغيت ديك لكمانجة تخرݣ ليك على رااسك...

جمع ضحكتو و خنزر فيهاا :يااه على معقدة...

يلاه كاانت غاتجاوب معااه وهياا تشد فيهاا نسرين ونطقات بهدوء:خويا نعل شيطان وسير فحالك..حسن ماينوض شي صداع لي مانقدو عليه لا حنا لا نتا...

ميق فيهم ومشاا مكمل على طريقو...صفاء شافت فنسرين وطلعات حاجبهاا:علااش حبستيني كون خليتني نقي ليه ودنيه...ياااخ ولاعندهم داكشي بلعلالي مابقاوش يحشمو...

نطقات وفاء حابساهاا:وصافي حتا نتي.. مالك عيشورية؟؟!...واحد مريض بحال هدا غاديري فيه الرااس؟؟!

صفاء:شتي نحلف عليهاا حتاا تلقايه مزوج ووالد من لفوق...مخلي مرتو فداار وعاطيهاا لتزلال فزنااقي...

نسرين وسعات نضراتها:انااري بااش عرفتيهاا...هههه مالك كاتعلمي لغيب؟؟!

صفاء:وراهاا بااينة اصحبتي...الرجال أصلا مسقيين بمغرفة وحدة...كلهم بحاال بحال(شارت لوفاء)وهاا دليل قدامك...داك الشارف لي مصاحبة معااه...كايخلي مرتو فدااار ويجي لعندهاا يدوز لوقت ويزهى مع راسو...

نسرين خرجات عينيها بصدمة وشافت فيهاا:يااك قلتي طلقهاا شحال هادي وعايش بوحدو...ولادو لي مخلاوهش يعاود يتزوج...

وفاء تنهدات:حتا انا بحالك يلاه عرفتهاا...كان كادب علياا فيهاا..وملي حصلتو بدا كايطلب وكايرغب باش نبقاا معااه...وقاليا مابقات كاتهمو فواالو..كاينة بحالا مكاينااش...

صفاء:هاا لي قلت سمعي على ودنيك

وفاء:واناا سوقي فيهاا بيناتهم اختي...لمهم عندي مبرعني كادوات وخرجاات...لبلايص لي معمرني حلمت نشوفهم شفتهم معااه...ويدبر رااسو معاها..قالياا نهار لي تعرف غانطلقهاا ونكمل معااك نتي...

نسرين حلات فمهاا بشهقة:هاانتي على شارف لاخر...لهاد الدرجة هانت عليه لعشرة من مورة لأعوام كاملين تصاحب عليهاا وكايفكر يطلقهااااا

صفاء:تي اشكانقوليك راه ولااد لحرام..(شافت فوفاء)ونتي عاجبك لحال معااه...

وفااء هزات كتفهاا بعدم اكترات:عاجبني فلوسو..ولحيااة زوينة لي معيشني فيهاا...كانبروفيتي فيه كيفماا بغيت...لي طلبتها منو وجاتني غاليه عندو رخيصة وكايحضرهاا فينما كانت...ولأهم باغي غير يدوز لوقت ويتفكر شبابو معاياا..مطالبش مني شي حاجة كتر...

صفااء كاتحرك راسهاا بشكل دائري:مممم زعماا هاادشي كايديرو فاابور

وفاء:والله لعضيم...معمرني درت معاه شي حاجة...كانخرجو نفوجو وكانتحلون عليه...بلسان لحلو كاتقدري ديري كلشي...(كملات كاتضحك)هههه ونتي زعماا عندك مع حجيب..ماسمعتيش لديك نوطة لي كاتقول "واابناات ليوم كايحيدو لهموم"

ردت عليهاا كاضحك:هههه لا سامعة غير ل"الى بغيتي تقصر شوف لي تصبر"وباينة لحاجة عندو مابقاا عندهاا جهد..

وفاء:ههه الله يمسخك...

صفاء بجدية:لا بصااح نيت شتي ديري تيقة فلكلب وماديريهااش فرااجل...يطواال زمان حتاا يطواال..يغدرك يغدرك

نسرين عضاات على شفايفها وقالت كاتحاول تنفض بعض لأفكار الخايبة لي بداو يطحو فراسها:ناس حجر وطوب...لا لا ماشي كلشي بحال بحاال...

صفاء:احيااني راك باقة نية...عمتي اناا كانو كايموتو على بعضيااتهم...عرفتي دااك لحب لي مايطيحش على لباال...كايبغيهاا ديال بصح ويغير عليهاا وهياا عينيه...زواجهم كان كايضرب بيه لمتل فلعائلة...حياها الله حتاا خاانهاا لحرامي لاخر مع وحدة اخرى...وجااب عليها الضرة...

ن

سرين بلعات ريقهاا وخسرات ملاميحهاا بنزعااج...

كملات صفاء بنفس النبرة:ونزيد نصدمك...كتاشفاتو خيانتو غير بصدفة...كانت غتبدل لاكاخط ناسيونال وطلبو ليها عقد الزواج..قالت بلا ماتبرزطو تجبدو لراسهاا عارفاه فين كايحط لورااق...إوى يالحبيبة يااريتهاا ماقلباات وماجبدات...لقات لعقد ديالو معاها سميتهاا مع سميتوو خاشيه مابين لوراق مخبيه...ملي واجهاتو...قاليهاا بغيت نعاود ليك كلشي ولكن مقدرتش...

نسرين كرزات على سنانهاا:ولد لحراام...الله يخليه ݣنس...

صفاء:اوى ردي لبال مع داك الزين الصافي بيمن مزوجة...وحضيه فداخلة وفلخارجة...ماااعرفتي يدورو عينيه لشي قنت...وياااك ديري فيه تيقة...عنداااك

نسرين بقات كاتشوف وتخمم...فعلا ماتنكرش ان لخوف نتابهاا،خافت لاشي نهاار حتا هياا تصدم فراجلهاا لي معتابراه كلشي فحياتها وهو لهوى لي كاتنفس ...دخلهاا شوية الشك وبدا الشيطاان كايلعب ليهاا بدماغهااا ويحرك فيه...جبدو بزااف تاع لهضور على الرجال لي كايغدرو عيلاتهم وماديرينش بوجه العشرة مهاماهم فوالو...وكايهضرو على تحرميات ديالهم وقوالبهم لي مكاتساليش...حتاا نفخو ليهاا رااسهاا بلمفييد...هياا اصلا على حاجات بسيطة كايدخلهاا لوسواس ...ومع لهضور لي سمعاات..زادت توسوساات بلمعقول....

هبط عبدو من الطااكسي هاز فيدو التلفون ... اتاجه للعمارة لي فيهاا دار ملاااك ... ركب فالمصعد وتقدم للشقة ... صونااا بهدوء راسم ابتسامة بشوشة كيف كايدير مع اي كلياان غايخدم معااه ... ملاااك كانت كاتسنااه بعدما صونا علمها انه غايجي ... غير سمعاات الباب وهي تضحك بالخف مشات حلات ليه : مرحبا سي عبد الله ....

ابتاسم بلباقة : شكرا اختي ... ( كايدور عينو متردد واش يدخل ولا لا ) ...

ملااك بترحيب : تفضل زيد راااه كاينة غير ماما فبيتهااا ... خود راحتك ...

عبدو ارتاح نسبياا ماموالفش بهادشي ديما كايسيفط سيمو هو لي متعود .. تنهد ودخل : عافاك فين كاين الصالون لي غاتعبري ....

شارت ليه : ايه زيد راااه اون فاص ...

تقدم هو ويااهااا وراتو البلاصة فين باغا تبدل الزراباا ... خدا ليها القيااساات لي خاصينو بالخف وسجل كلشي عندو ... نطق بايجاز وهو كايجمع الميترو ديالو : المهم انا خديت القياسات والتمن رااه قلت ليك شحاال يجيك للميترو .. ( مد ليها ورقة فيها الطوطال ): وهادشي غايجيك فالمجموع ... المهم الا بغيتي نبداو نوجدوهم ليك عندك واحد تلت يام ولا ربعة ودوزي تلقاي شغلك وااجد ... بغيتي تسولي على راسك وتستاشري فخاطرك رااه المحاال عارفاااه ....

ملااك بايجاز : نووو اش غادي نستاااشر الله يهدييك انا سي حميد ضمنك ليااا وماعندي مانشوف ... غير يسر ...

عبدو : الله يسر ولهلا يحاشمنااااا ... ( كايتسناها تعطيه العربون ) ...

ملاك حتى هي جابت سااكها ومدات ليه التسبيق دارو فجيبو ونطق بشكر : نخليك داباااا .... خاصني نمشي ....

يلاااه غايزيد وهي توقفو بصوتها : على ماا بان لياا ماعقلتيش عليااا اسي عبد الله !!...

دار عندها باستغراب هاز حاجبو ... ونطق بتساؤل : علاش كانعرفوا بعضياتنا...

ابتاسماات ببراءة : ماشي كااع كانعرفوا بعضياااتنااا ... ولكن فايت تشااوفنا مني كنتي مع سي حميد فالقهوة ( بتأكيد ): نهاار عيد الميلاااد ...

هز حاجبو بتذكر عااد مفكر انها كانت معااهم ولكن ماردش ليهاا الباال .... تنهد ماباغيش يفكر فداك النهاار : ااااه ... ولكن ماعقلتش علييك فصراااحة ... غير مارديتش ليك الباال ...

وسعات ابتسامتها ونطقاات بهدوء : ولكن انا رديت ليك الباااال ومزياااان ... ( هز فيها حاجبو كايشوف لاش باغا توصل جاتو فشكل .... )

ملاك كملات كلامها : خصوصا انك ماااشي شي وااحد غريب على صاحبتي ....

عبدو باستفسار مافهمهاش : صااحبتك !؟؟

قربات عندو ونطقات : كاندوي على خنساااء

بلع ريقو محاول يكون عادي ويبقى فكلامهم داك النهار واصلااا ماعرف لاش جبداتها لييه واش غير جابتها لهضرة ولا كاين شي حاجة ورااا كلامها : اييه بصح بنت جيرااناا ....( حنا راسو باغي يزيد )

ملااك نطقااات بجرأة دايراهاا ياربحة يااا دبحة باغاا تشوف ردة فعلو وتستنتج واش شكها فمحلو ولا لا ... والطريقة الوحيدة هي تختابرو : ابااااار بنت جيرانكم ... ( باصرار ): كاندوي على الغولاسيون لي كانت بيناتكم من قبل ... ( ربعات يدهاا متكية على الحيط كاتدوي بكل تقة ): فصراااحة هي عاودات ليا علييك شوية ....

هز فيها حاجبو بنظرات تشكيك ، ونطق بتأكيد : خنساء عاودات ليك عليا انااا ؟؟؟ ..

ملاك بغات تجر ليه اللسان : هي معاوداتش ليا بزااف راك عارف هي مزوجة دابا ... ولكن دوات عليك واحد المرة ...

عبدو ابتاسم جنب محرك راسو باستهزاء وهز فيها عينو ... حك على لحيتو لاوي عنقو : ايوا مزياان المرة الجاية تكمل ليك داكشي لي بدات ... هههههه واخا لدابا مزال ماعرفتش هادشي لي جمعني بيها وعاوداتو ليك ( بنظرات حارة ): اولا تخايلتيييه حيت فصراحة انا مافهمتكش اصلا علاش كاتهضري للاسف ( صغر فيها عينو ): قلتيلي نتي خدامة مع راجلها وصاحبتها من الفوق ياك !! ....

ملاك حركات راسها بايجاب كاتحاول تقرا نظراتو وتصرفاتو ...

عبدو شمر على نيفو محرك راسو بواخا .... متأكد ان خنساء ماشي من النووع لي تعاود لشي حد على علاقتههم اولا لي طرا بيناااتهم ... رانيا براسها صديقتها من الطفولة وعمرها عاودات ليهاا ... هي مكاتيق فحتى حد ابدا ما بالك شي وحدة عاد عرفاتها ... يمكن هو الوحيد لي كانت كاتشاركو بخصوصيااتها وكاتعاود ليه على راسها مرة مرة .... حس بالشك من جهة ملاك مدورها فمخو كيفاش وحدة فحالها ساكنة فحي راقي غاتخلي محلات كبار فسونطر عندهم غير الفرييع ومن الفوق مغاديش تهز الهم لتمن هادشي باين عليها ... و جات لعندو هو بالضبط كاتقلب علييه ومن الفوق اكدات هو لي يجي عندها لدار ...وعاد جبدات ليه خنساء بلا حتى مقدمات وهي خدامة مع راجلها وكاتقول انها صاحبتها .... وخنساء لي كايعرف مستحيل تصاحب مع وحدة خدامة مع راجلها بالعكس متأكد انها محاملاش وجودهاا ... هي كاتكره المشااركة ولا شي حد يكون قريب لحاجة كاتخصهااا ... هادشي دخل ليه الشك وجاه فشكل وغريب ....

شاف فيها ونطق باغي يتبتها: شحال ونتي خدامة مع راجلها ولا صاحبتك لي توسطات ليك عندو ؟؟

ملاك جاوبات : لا انا كانعرف مهدي قبل مانعرفها وقبل حتى ما تعرفوا هي ...

ضحك ساري معاه البلاااان ... متأكد ان غايتها ماشي تشري الزرابي وانمااا تاخد معلومات على خنساء ... اكيد عندها معاها شي مشكل ... وباغااا تحفر ليها ...

نطق محاول يسد معاها الموضوع : مزياان ... الا ماعندك حتى سؤال على قبل الزرابي غايخصني نمشي امادموزيل ...

ملاك الاعصاب طلعوا معاهااا والتوتر ركبهاا خصوصا انها حاسة بشي حاجة كاينة ولكن ما بايناش غاامضة ... اكيد كانت بيناتهم شي حاجة داكشي علاش هو حاول يتهرب منها ومايعطيهاش راس الخيط ... حاولات تهدن باقي الحال ومغاديش تستسلم دغيا .... نطقات مجاوباه : لا مكاين حتى سؤال ... مني توجد ليا الشغل صوني ليا انا ندوز ناخدهم

حرك راسو بايجاب : واخاا ...

دور وجهوا وخنزر معاجبوش الحال بالمرة ... ماحملهااش بهاد التصرفاات لي داارت خصوصا انهاا بغات تستاغلو باش توصل لشنو بغاات .... خرج وزدح البااب هابط فحاالو مخزز ... ملااك ضغطات على يدهااا كانت كاضن ان مهمتها معاه غاتكون ساااهلة ولكن لااا بالعكس ... حسات بيلا غادي تعدب باش توصل للحقيقة خصوصا الا كاان هاد عبدو كاتعني ليه خنساء شي حاجة ... يا اما غايديير يدو فيدها ولا غادي يفضل يحميهااا وهادشي لي ماباغاش هي ولكن اول حاجة خاصها تعرف كيفاش تسل ليه اللسان المرة الماجية باش تأكد اولا من صحة شكوكها .... تنهدات وبدلات حوايجها واتاجهات للخدمة تكمل شغلها مامشاتش فالصباااح اكيد غايكون مهدي سول فيها حيت ماعلماتوش ...

عبدو مشاا ديريكت للدار طلع لبيتو كايتنهد ويسوط راسو مبلوكي وافكارو مشتتين معارف شنو يدير .... هاد ملااك حس بيهاا خطيرة وكاتقلب لخنسااء على شي منتف واكيد باغا تخرج ليها على حيااتها .... ماعرف واش يحدر خنساء منها ويقول ليهاا راه حاولات تعرف علاقتهم ولا يبقى بعيد ويخلي الامور كيف هي حيت يقدر يبعي يعانها ويصدق مورطها فشي حاجة ما كفس ... متأكد ان خنساء قادة بشغلها ولكن الا مكانتش عارفة النوااياا ديال هاد ملاك ولا شنو تحت راسهاا ومقلوبة عليها القفة ... ولي محيرو كتر هو انها خدامة مع راجلهاا وقريبة لييه .... هاز الهم من جهتهاااا وحاس براسو تالف معارف مايدير ليها ولا باش يعاونها وواش الحل هو يبقى فالجانب ويخليها تكلف بحياااتها بلاماااا يتدخل او يدير لي عليه ويحدرها .... راسو تشنج ليه بقوة التفكير حيت اكيد هاد السيدة مناوياش تحبس هناااا .... قاطع تفكيرو صوت حياة لي طلعات ليه براد ديال اتاي منعنع : تاا فين خليتي محمد ... نحطو الغدا خلاص

عبدو فاق من سهوتو : اءء راه فالمحال شوية ويجي غير يستف شي سلعة وصلات ...

حياة : اييه واخا وعاود دور لييه شوف ياكما خاصو لي يعاونوا ...

عبدو ضحك : هازة الهم لولد ختك ههههه ... غير تهناي راه سولتو وقالي قريب يسالي شوية ويجي ...

ضحكات وكبات ليه اتاااي كاتشربو هي ويااه كايتسناو فسيمو يجي ولفوه يولي يتغدا معاااهم وحياة حلفات ليه لا باقي كلا فزنقة حتى من عشاه كاتوجدو ليه قبل مايمشي لدارو كايدوز ياخدو ويديه معاه الا ما باتش معااهم بحكم مو متوفية مؤخرا وبااه مات خلااه صغير وخوتو كل واحد شاف حياتو ودار دارو ...

خنساء وجدات الغدا وسالات ... كلاات غير هي وسارة ونادية بحكم مهدي عيط ليها علمها راه مغايجيش حيت ملاك مكايناش وخاصو يبقى فالقهوة ... سالاو وناضو بدلو عليهم .. نادية مشات عند صاحبتهااا وخنساء وسارة خرجوا يتقداو شي حوايج خاصينهم للدار ونيت سارة باغا دوز تاخد شي سروال موصية عليييه ... اتاجهوا للمول هو لول ياخدو سخرة ساارة عااد يمشيو لسيبير مارشي .... دخلو باش ياخدو سرواال صدقات سارة هازة معاها جوج ساشياااااااااات على اسااس راه مغادي تاخد واالو من غير السروال وخنسااء خدات معاها البااارفان لي كاتستعمل قريب يسالي ليهااا ... تمو خارجين كايتسركلوا وهو يبااان لخنساء محال ديال الدراري الصغاار ... شقشقوا عينيها بالقلوبة مني شااافتهم اول مرة كاتحس بهاد المشااعر ... جرات سارة بطلب : اجي نشوفو هاد المحال عافاك ..

سارة بطنز: هههههه اناري اصحبتي ... مالك عندك الزياادة ...

خنساء غمزاتها بحماس : واا ماتعرفي من هنا للقدام اش يجيب الله ...

سارة خرجات عينيهااا : اويلي يااكمااا ؟؟ ...

خنساء بتفسير : ههههه عاد ناوية اختي ....( غمزاتها ): الا بغاا الله ...

سارة بفرح : احححح علييك والله ياختي حتى غاتفرحينا كاملين الا حبلتي لينا بشي فنكوش ولا فنكوشة صغيورة ...

خنساء جراتها : ويلااه ندخلو نديرو الفاااال ههههه ....

تمشااو بجوجاات داخلين للمحل كايتفرجو فالحويجااات لي كايحمقوا دياال التراابي ... داكشي غزاال وحاجة تنسيك فالاخرى ... ماسخاوش يخرجوا من تماااا بالمرة ... خداات خنسااء كسيوة ديال الدراري الصغار فالابيض كايلبسوها بنات وولاد ... بااش تفاايل على راسهاا كادعي الله مايخيبهااش والا كتبهم عليهاا يدخلو بالخيرر و السعاادة كيف كاتمنى ...

خرجوا ناشطين كايدردشو ... مع دوراات سارة عينيها وهي تخرجهم ... والابتسامة كاترسم على شفايفهاا .. ماحسااتش بيهاااا خنسااء حتى لقاتهاا طارت كاتجري معلقة فوااحد الشااب معنقااااااااه بقوة وهو مبادلها العنااق كايضحك .... خرجاات عينيهاااا كادورهم كاتشوف فهاد اللوسة ديالها لي مخشية فراجل بشلاغمو وسط الشارع كاطبطب فيه وتعااود بحال شي حيبان بلا موجب شرع ...

وصل عصام مع نسرين لدار...دخلات هيا لولة سابقاه تلاقات مع العربي خارج غادي لجامع...باست ليه على يديه وكملات طريقها لبيتهاا...تبعهاا عصام لبيت دخل لقاهاا كاتحل فجاكيط غاتبدل حوايج لخروج..

نطق بتساؤل هاز حاجبو: شتك ملي جيت نديك ونتي لاسلام لا كلام...منفخة ومعاجبك حال...(رفع نبرة صوتو)اشكاااين..

نسرين دارت لعندو صغرات فيه الشوفة وردت عليه مخنزرة :نتا داير معايا ساعة تجي...وكاتوصي وتعاود باش مانفوتهااش...وفلخر تلاتة سوايع ونتا غابر...وليت انا كانصوني عليك باش تجي تديني...فين كنتي بسلامة غااطس هاد لوقت كاامل؟؟!يمكن لياا نعرف!!

عصام ضحك بستهزاء:ههه الى مخفت نكدب كنتي طالبة عليهاا ولا لا؟؟

ركزات فيه الشوفة وقالت بملامح جامدة:فين كنتي اعصام؟؟!

عصام:ومالك كاتقولي فيهاا ونتي مغددة وشااعلة وباغا الضاربي؟!!!

نسرين خدات نفس وزفراتو بمهل...نطقات بصوت مهدن:هاني غانعاود نسولك عاادي...فين كنتي؟؟!

سكت تواني و رد عليها بهدوء:حطيتك ومشيت تقهويت مع راسي..حتا عيط عليا صاحبي خدام معايا عندو مشكل فواحد الضوسي..وجا عندي خدمتو معاه محسيت ݣاع بلوقت...صافي تهنيتي ملي عرفتي؟!

نسرين بإجاز مصغرة عينيها بتشكيك:صااحبك؟؟!

عصام:وي صاحبي...

نسرين:وعلاش متلا مخلاش حتا تكونو فلخدمة وتخدمو هاد الضوسي تما؟؟!مممم

عصام بنرفزة:كترتي عليا لأسئلة لي ماليهاا معنى...نتي دابا طالعة ليك لقردة...معصباك شي حاجة لي معرفت دلمهاا شنو هيااا وباغة تقربليهاا فهاد اليل وانا مافياا لي يتصادع ...دوي شنو بغيتي تاكلي؟؟!

نسرين دارت عاطياه بضهر كاتحيد فجاكيط مبغاش تناقش تزيد تناقش معاه :غاالي جبتي...ماتعطلش علياا...

مشا عصاام وهياا بقات مراقباه حتا خرج من الدار وسد الباب...دورات عينيهاا لجيهت لبلاكار وقربات ليه بخطوات متسارعة..طولات يديهاا كاتقلب جيهت حوايجو على شي حاجة هيا أصلا معارفهااش...هزات واحد لقاميجة تاعو وبدات كاتشم فيها...شك دخلهاا بلمزيان وبدا كايسيطر على عقلهاا شوية بشوية...تنهدات وبلعات ريقهاا حاسة بغصة فحلقهاا...طوات ديك لقاميجة رضاها لبلاصتهااا....

وقالت بنبرة منزعجة كاتحاول ماأمكن ترجع لوعيهاا وتنفي الأفكار الخايبة من دماغهاا:اعود بالله من الشيطان الرجيم....انا مخاصنيش نشك فيه...وفين عمرني شفت فيه شي حاجة باش نشك أصلا...واش غير جوج هضرات غادي ينوضو ليا لعجاج فدماغي...لا مكاين واالو....(مسحاات على شعرهاا وسداات عينيها وحلاتهم محاولة تنفض الشك من عقلهاا)لا لا واالو...هو كايبغيني...ومستحيل يشوف شي وحدة من غيري...(بلعات ريقهاا و قالت بصوت مخنوق كاتشوف فلفرااغ)لا مستحيل يديرهاا....

عند المهدي لي كااان كاالس فالبيرو ديلو فالقهوة كايراجع شي بوناات ديال السلعة مكونسونطري معااهم .... حتى سمع الدقان فالباب ونطق : دخل ...

تقدمااات ملاااك بحلتهاا الانيقة كيف العاادة كاتبان فنة بلوكهااا الجديد عطاها مظهر اخر ... وحتى لباسهااا واتاهاااا نهار على نهار كاتحسن مظهرها ... هازة فيدها بلاطو صغير فيه القهوة ديال المهدي ... ونطقات بمزح : هاا القهوة ديال الشااف واجدة ..

المهدي بابتسامة خفيفة : شكراا ... فين صديتي هاد الصباح بلا خبار ...

ملااك : ولاهيلااا غير كنت كانتسنى فواحد المعلم يجي ياخد ليا شي قياسات على قبل شي زراباااا بغيت نبدلهم ... مشيت عندو البارح مني خرجت ودار معايا اليوم ... وقلت نسالي عاد نجي ...

المهدي بتفهم : ااه مافيهاا باس ... غير مني ماعلمتينيش قلت ياكما كاين شي ايغجونص ...

ابتاسمات ليه بفرح من قلقو عليها : لا لا الحمد لله .... ( مدات ليه القهوة بيدهااا ... يلاااه جاا يشدها من عندهااا وهي تحط يدها فيدو مدوزاهااا بحناااان كاتحااول تلمسو ... هازة فيه عينيهااا وراسمة ابتساامة عذباااء على وجهها ... كاترمش بكل براااءة وترحك فمها بطريقة متيرة )

المهدي حس بيدهاا لي جابتها نيشاان فوق كفو ... وبدات تحركهااا ببطئ وهي مادة ليه القهوة .... هز فيها حاجبو وقرم حجبانو جاار يدو بانزعااج : حطيهااا ....

ملاك حسات بيه ماعجبوش الحاال ... حطااتهااا ونطقات : بصحة والراحة ...

المهدي عاقد حجبانو : الله يعطيك الصحة ... والمرة الجاية الا بغيت القهوة غانجي ليهاا رااسي ... بلاما تعدبي راسك

ملاك بلعات ريقها وحركات راسها بواخا : داكوووغ ... انا غيير ...

نهض فيهاا بانفعاال : غير سيري شوفي خدمتك برااكة من الهضرة بلا فاايدة ( خنزر ): يلاااااااه ....

ملاك شافتو تعصب بزااف ورمشات عينيهااا زايدة فحاالهااا سداات الباب ورااهاا هاربة لا يصدق فاش فيها ... المهدي هبط عينو ليدو لي قاستها ... لمساتهاا بااقي كايحس بيهم لدابااا وكيفاش كان ناعمين ... زير على قبضتو وزدح على لبيرو محاملش رااسو ... كرز على سنانو ونااض لجهة الشرجم كااعي من تصرفاات ملاااك ... عارفهاا لاااش باغاا توصل وبيلااا حركااتها بااش تيرو ليهاا ... هادشي مااشي عااد من ديماا عارف هاد المسألة وحاس بيهااا ولكن ابداا مكانش عاطي للموضوع اهتمام بالمرة ومكانش كااع كايهتم بهادشي لدرجة عمرو شاف فيها حتى شوفة ... ولكن مؤخرااا ولاات ماتوترو وكاتخلي تفكيرو يتخربق وهاد الحواايج لي كااان كايميك عليهم ولاو كايعصبووه كتر حيت حس براسو كايسها فيها بشكل غير مسبوق .. كايفكر واااش خاصو يبعدهااا لايمشيو يوصلو لشي حوايج مايعجبو حد او يكمل فتجاهلو ليهاا ولكن الا بقااو على هاد الحاال مغاديش يكون مرتاااح بالمرة ... تنهد ضاااغط على فكووو شاااعل ... وراسو غايطرطق بقوة التفكييير ...

خنساء خرجاات عينيهاااا كادورهم كاتشوف فهاد اللوسة ديالها لي مخشية فراجل بشلاغمو وسط الشارع كاطبطب فيه وتعااود بحال شي حيبان بلا موجب شرع ...

سارة بعدات عليه ونطقاات بفرحة : توفييق ... غبوور هاادو توحشتك بلااااا قياااس ....

توفيق دوز يدو على كتفها بحناان : حتى انا الكتكوتة ... هههههه كبرتي العفريتة وزيانيتي عام على عاام كاتولي حسن ....

سارة ضرباتو على كتفوا : باااز ياا خويااا ... ايمتااا جيتي بعدااا عند بالي باقي فكندااا ... حتى خالتي مقالت ليناا واالو ...

توفيق : ههههه يلاه شي دو جوغ بااش جيت ... غادي ندوز شي يااانااات ونرجع راكي عارفة الخدمة ...

ضحكاات بطنز : الخدمة ولاااا ديك الشهبة لي مخلي تمااا ...

خرج فيها عينو : نسمع موك كاتجبديها قدام خالتي ولا ماامااا نهرسك راكي عارفااهم كيف داايريين ...

سارة ضحكات : غي كون هاني سرك فبير .... ( شافت فخنسااء لي متبعة ليهم العيين مفاهمة شكون هاد البوطو لي شاد ستون مع لوستها)

جراتو سارة لعندها بتعريف : ايوااا غالبا مغاتكونوش كاتعرفو بعضياتكم .... ( مخاطبة خنساء بطيرة ): ضونك هاذا ولد خااالتي ساامية كاتعرفيهااا ... هاذاا ولدهاا الكببييير لي عايش فكندا ... ( خاطبات توفيق ): وهااادي خنساااء مرااات المهدي ....

خنساء بلباقة مدات يدها : متشرفين اخوياااا ...

توفيق ابتاسم ليها : اهلاااا امراات خويااااا ... لاباس علييك ...

خنساء : الحمد لله ... يسول فيك الخير ... على سلااامتك

توفيق : الله يسلمك ... شكرااا ... ( نطق باعتداار ): المهم غايخصني نمشي داباا داير مع شي دراري ... نشوفكم من بعد داكوغ...

سارة : خهههههه اوك ولكن راااه غانوصلها لخالتك وشوف كيف تفكها معاها الا مادزتيش عندها ... غاتخلص لافوط مزياااان

توفيق : كوني هاانية ضروري غانجي نيت نشوفكم ...( شاف فخنساء ): تشرفت بمعرفتك اختي ...

خنساء بصواب : الشرف لياااا اخويااا الله يكبر بييك ...

ودعهوم وعنق تاني ساارة تحلف عليهم كوبل ولا مزوجين مكاين غير طبطب عليا نطبطب عليك وبوس ياماا تبووس .... خنسااء حساات براسهاا فسويسراا ماشي المغرب ...

مشا وهي تنطق جارة سارة : ربي واش ماعندكش الكماارة ...

سارة : هاااء علاااش ... ؟؟؟

خنساء : مخشية فرااجل كليتييه انااري ... ربي كون شافك خوك هااكة معااه ...

سارة هازة على كتافها : ويشووف اصلااا انا ويااه ديماا بحال هاكا وقدام المهدي وهو عارف بيلاااا غير حيت مولفاااه ... ماعندو مايقوول اصلااا

خنساء هزاات على حاجبها : المهدي عندو هااانية تباوسو وتعاانقو ....

سارة بعدم اهتمام : حتى نتي شحال فييك ... رااه ولد خالتي بحاال خويااا علاش غايكون عندو اشكااال ... ( ضرباتها بطنز ): وزايدون خويااا كول وغربي فتفكيرو .... ( غمزاتها ): اووووبن مااايند

خنساء صغرات فيها عينيهااا ... بحال الا كاتهضر على شي حد من غير المهدي لي كاتعرف : خوووك غربي فتفكيرو ... ( ضحكاات بلا حول ناطقة تحت منها ): ايواا الله يلاقيك معاه فشي طريق ضيقة وتشوفي اوبن ماايند ديال بصح

جراتهااا وزاادو من تما مكملين المساارية ديااالهم فجو كلو نشاااط .... حتى قربات العشا تودن وعيطو لمهدي داز عليهم مرجعهم كيف تافقو معااه ...

صباح جديييد ونهااار مشرق نوعااا مااا .. الشتااا هزاااات وبداا الفصل كايودع بااش يخرج ويدخل فصل جديد ونسيم الربيع بدا كايحط الرحااال ديالو وزقزقة عصافيرو كاترحب بفصلها المفضل ... خنسااء دخلات لدار باهاا ومعاها المهدي هاز فيدو بسطيلة ديال الحوت وهي فيدها ديال الدجاااج صايباتهم فدارها وجابتهم معاها ... دايرة مع خوها ومراتو يتغداو مجموعين بحكم سارة ونادية مشاو لشي جمعية وحتى العربي معروض لعند شي صااحبو ونصيرة خدامة .. قررو يديرو شي كليسة بيناتهم شحاال ماتجمعوا عير هما وحتى عصام توحش طيااب ختو وطلبها توجد ليه بسطيلة ... كلسو بربعة بيهم مجتمعين عليهاا بفرحة ونشااط مستمتعين بوقتهم مع بعض ... تغداااو فرحاانين وخلااو للعربي حقو حيت موصيهم علييه كايموت على بسطيلة بنتو ....

ناضو مهدي وعصام لبيت لاخر ونسرين ناضت وقفات كاتجمع فطبلة...مرشقااش ليهاا وراسها ضارهاا...دايرة معاهم الصواب غير بزز...نتابهاات ليهاا خنساء انها ماشي على برجهاا...ناضت معاوناها كاتجمع معاها الطباسل دايرة واحد فوق واحد...

ونطقات بتساؤل:نسرين مالك؟ملي دخلناا ونتي ماشي حتا لهيه...واش مخاصمة مع عصام ولا عندك شي مشكل؟!

نسرين تنهدات وقالت بنفي:لا لا مكاين والو غا شوية تاع لعيا وصافي...

خنساء مابغاتش تزيد تحكر عليهاا...خلاتها على راحتهاا...

سكتات نسرين تواني طلعات فيها الشوفة ونطقات بهتمام:قولي لياا...عمرك شكيتي فمهدي شي نهار...

خنساء فاجئهاا سؤالهاا طلعات حاجبها بستغرااب وردت عليهاا بستفهاام:وعلاش هاد سؤال مافهمتش؟!

جوباتها بإلحااح شديد:وغير قولي واش عمرك شكيتي فيه كايعرف شي وحدة اخرى من غيرك؟؟؛

خنساء ردت عليها فلبلاصة بتقة:لا معمري شكيت...حيت معمري شفت شي حاجة لي تخليني نشك...وزيدون شنو لغايخليني نشك فيه وانا مشايفة واالو؟؟!

نسرين حطات داكشي لي فيدهاا وقربات لعندها وݣلسات... خنساء حسات بيها باغة تعاود ليها وتفرغ خاطرهاا لي عاامر وهيا تݣلس حداها محاولة تسمعها بهتمام...

نسرين:وزعما معمر هاد لوسواس مادخل لراسك؟؟!ݣااع واخا ماتشوفي واالو

خنساء بتفسير:الله يهديك راه ضروري خاص يكون شي سبب بااش نشك...راجلي كايجي فلوقت..والى خرج انا عارفاه فين غادي...وتليفونو ديما محطوط حدايا...ومعرني شفتو كايدوي بشوية وشافني وقطع...ولاا فعلا لقيت ميسجاتو مع شي وحدة ولا تصاورهم...إدن علاااش غاندخل الشك لدماغي ونمرض بيه حيااتي؟!

نسرين زادت كاتساؤل بتعجب :وايلي!!! عمرك قلبتي ليه تيليفونو؟! ونفترض تعطل عليك متلا معمر مشا بالك بعيد بلي راه مع شي وحدة؟؟

خنساء صحكات:ههه هاديك هيا لي معمري نديرهاا...معمري قلبت ليه تيليفونو ومغنقلبوش ليه...حيت دايرة فيه التقة مدام مامحصلا عليه والو... والاو (ضغطات بصباعها بجوج)قد هاكا... شنو فنضرك نردو خااين صحة!!!

قاطعاتها نسرين موسعة نضرتها:وغاتبقاي دايرة فيه هاد تقة العميا حتاا تحصلي عليه...والى كان داير لإحتياط ومخليك فدار غفلون معارفة واالو وهو عاايش لحياة بطول وبلعرض مع وحدة اخرى من غيرك...هادي ماشتيهااش؟؟!

خنساء صغرات فيهاا عينيهاا ونطقات بإجاز:جيني نيشااان بلا منبقاو مكترين فلهضرة...واش شاكة فعصاام؟؟

نسرين كان قلبهاا طايب ودغيا عينيها غرغرو بدموع..جوباتها بنبرة باكية لاوية فمها:وهو ماشي شاكة فيه..ولكن دخلني لوسواس من جيهتو ومقدراش نتيق فيه...وخاا مداير والو...داكشي لي سمعت على رجال خلاني نتوسوس بلمعقول...

خنساء صغرات فيهاا عينيهاا طاح ليها لعجب ونطقات بتساؤل: كيفاش سمعتي على الرجال؟؟!..منين سمعتي وشكون عمر ليك راسك...

نسرين قلبها ضرب...مابغاتش تقولها بلي صحباتي هما السباب...خافت لاتمشي تعاود عليهم عند عصام ويمنعا تعاود تلقاهم...بحجة كايعمروها ومايصلاحوش ليهاا...

ردت عليها بهدوء:عطا الله منين نسمع...لعيااالات فلحمام يضلو يهضرو على رجال وتحرمياات ديالهم...وعاد كاينين بزاف كاعاودو فلفيس..وحتا فراديو...

خنساء بتاسماات بخفوت بغات تحاول تهدنها...وقالت برتياح:سمعي نقولك وخوديهاا مني نصيحة...الى بغيتي تعيشي مزيان مع راجلك..حيدي هاد لوسواس من راسك...شحال من وحدة دمرات زواجها وشتتات شملهاا...غير حيت حاسة وهو رامكااين وااالو...كاتسوء الضن فراجلهاا وخانقااه "فين مشيتي!!معامن كنتي؟!!علااش تعطلتي؟؟" حتاا كادير ليه نييت السبب باش كايطج بلمعقول

حدرات راسها وردت عليهاا بإحباط:لا رجال مافيهمش تيقة...(بإصرار)ماافيهمش اختي

خنساء:الى كنتي بصح كاتعرفي عصام مزياان...راه مستحيل يشوف فشي وحدة من غيرك... ولا يفكر فيهاا...الله يهديك حيدي هاد تخربيق من عقلك... تيقي فيه وتيقي فراسك...تيقي فجمالك وانوتتك...وفقلبك...وكوني متأكدة غادي تعيشي مزيان مع راجلك ديك ساعات...

نسرين بقات كتشوف فيهاا وتنهد من لداخل قالت بنبرة مخنوقة:يمكن من كترة مكانبغيه مابقيتش قادرة يغيب على عيني بلا مانعرفو فين،ولا معامن كااين...(مسحاات على شعرهاا كاتحاول تهدن)غااانحمااق الى شاركاتو معايا شي وحدة...غير كانفكر هاكا حاسة بقلبي غايسكت...

خنساء وسعات نضرتهاا:وااش منيتك غاتبقااي هاكا حتا لإمتا؟؟انسرييين راه تقة هياا كلشي...والى مكانتش بين زوج مزوجين راه مكاين واالو...والى بقيتي مرضا راسك بهاد شك لخااوي..مغااديش تسالي...غااادمري زوااجك بيدك...وتندمي عليه من بعد حياااتك كااملة...

وخا تقول لي قالت نسرين كان عقلها واخد فكرة مدخلهاا وسطو حاالف مايخرجهاا...وعتابرات خنساء غير كدافع على خوهاا..وواخا ݣاع تكون شي حاجة أكيد غادي تستر عليه و مغاديش تقولهااا ليهاا...بدات كاتقول مع راسهاا"هيا راه غاتجي فصفو.. كيفااش غاتفهمني وانا كاندوي على خوهاا..غير كانضيع معاها لوقت"ناضت تكمل الجميع تاع الطبلة...نادمة ݣاع لاش جبدات معاها لموضوع...ولات حاسة براسهاا متوترة بلا قيااس من نهار الخرجة وحالتهاا غادة كاتكفس...داخلة فدوامة شك لامنتهية وكاتزيد تعقد نهار على نهار على شي حاجات مجهول ووجودهاا منعدم....

خنسااء ودعاات خوهاا ونسريين بعدماا دارو كاسطروط مجموعين ... خدات الساروت من عند المهدي سابقاه لبرااا وهو بقاا كايدوي مع عصاام على شي ورااق بغااه يتوسط ليه فيهم بااش يخرجو ليه دغيااا ... تقدمااات لجهة اللوطو لي كانت وااقفة قداام البااب ... يلااه غاتحل باااش تدخل وهو يبان ليهاا عبدو جاااي لجهة داارهم ... كاان بااغي يشوف العربي على قبل شي حرايفي كايعرفو بغااه يقااد لييه شي رخام فالمحااال .... شاف خنساء واقفة وتجمد فبلاصتو واول حاجة طاحت على بالو هي ملاااك ... تشجع وتقدم بخطوات بطيئة وقف قبالتها : اهلااا خنسااء ....

خنساء قلبها تهز بالخلعة ... عارفة راجلهاا وافكارو وخايفة بزاااف لايمشي يجي فبالو شي حاجة ماهيااش ... بلعات ريقها وجاوبات محاولة ماتنفاعلش : سلااام ...

عبدو حس بيها ماباغاش وجودو : اءء جيت بغيت با العربي محتاجو ...

خنساء باغاا تسل منو : اااه باا مكااينش ... دوز عندو فليل تقدر تلقااه ...

عبدو حرك راسو بايجاب يلاااه حنا راسو باغي يمشي وهو يحس بشي حاجة شداتو وقالت ليه خاصك تعلمهااا باش تاخد احتيااطهاا دور راسو لجهتهااا : فصرااحة بغيت نقولك شي حاجة ...

خنساء تنفساات بعمق يلاااه غاضور فييه وهو يخرج مهدي كايسد فالباب ورااه ... قرم حجباانو فور مالمح عبدو وااقف معااهااا ... دغيا تفكر وجهواا وفين شاافو .... تقدم لجهتهم وخنسااء قلبهااا ضرب فالتسعيين ... كاتحاول تكالمي راسهاا غير بزز ...

عبدو شافو وتنهد مابقا عندو مايقول قداموو كان باغي غير يحدرها من ملااك ولكن جاه الوقت ماشي مناسب بوجود المهدي ...

المهدي العافية شعلاات فييه مستحيل يتقبل شي واحد يوقف مع مراتو راس فرااس .. ولكن برد معتابرو ولد دربهم وداز وسلم عليها ... غمض عينو محاول يتحكم فاعصابو بااش مايوقعش شي مشكل مع خنساء ... خصوصااا انهم فدربهم وقدام دارهم ...

خنساء شافت فيه ونطقات دايرة ضحكة صفرة تلطف الجو : ههه ... عبد الله سول على با العربي بغااه فشي حاجة ...

عبدو حرك راسو بايجاب حس بالخوف فصوت خنساء ولمح البهطة فكرماتها وكيفاش كاتبرر وهادشي عمرو شافو فيهااا ... هز فيه عينو ضاحك فوجهو : سلااام اخويااا ... فرصة سعيدة تشاوفنا مرة اخرى .... لاباس عليك

المهدي فوق النفس العافية شاعلة فييه حيت انفارد ليه بمرتو .. جاوبو بنبرة جامدة : الحمد لله ....

عبدو : المهم حتى نرجع فليل نشوف با العربي ... خليت ليكم الرااحة ...

زاد من تما بخطواات سريعة وارتجااف خنسااء مني شاافت مهدي ونبرتهااا الخيفاانة من راجلهاا عنكشااتووو ... حس بوحدة اخرى غير خنسااء لي كانت وااقفة قداامووو ... شي حاجة فشكل وغريبة ولاات فيهااا وبدلاااتها ... استاعد الشيطان محاول يخلي راسو بعيد اصلاا ماشي سوقو او باللاحرى مخاصوش يدخل فشي حوايج بعاد عليه ...

المهدي ركب فلوطو وخنساء جنبو كاتقاد السمطة ... شافت فيه بان ليهاا ماعجبو حاال ... نطقات بهدوء : المهدي ...

دار عندها ورسم ابتاسمة على وجهو ماباغيش يدخل لراسو وسواس اخر : وي حبيبتي ... داز نهار زوين ...

خنساء ضحكات براحة : وييي ههههه ... ( شدات فيدو مزيرة عليها ): الله يخليك ليا احياتي

مهدي هز يدو عندها وطبع قبلة خفيفة : ولياا اعمري ...

كملو على طريقهم كايدردشو مع بعض...حتا بداو كايقربو لدار مابقا ليهم والو ويوصلو.... شوية وهو ينطق مهدي بتدكر:بففف...نسيت لبيسي ديالي فلكافي...ولمشكل عندي فيه شي خدمة مهمة...

خنساء:ودابا شنو غاادير...غاتمشي تاخدو؟!

مهدي مركز مع طريق:وشنو غاندير فنضرك..ضروري خاصني ننزل ليه...تمشي معايا؟؟!

خنساء بعيااء:لا لا بلاش غير سير احبيبي بوحدك...بغيت غير ندخل نبدل عليا بلخف ونتخشا فبلاصتي...عيييت ليوم بزااف

حرك ليهاا رااسو بلإجاب وكملو على طريقعم حتا وصلو لدار...حطهااا بلا ماينزل وكمل طريقو مكسيري للقهوة...

يتبع...