بنت السايب الجزء 46

عبدو كان متكي فبيتو و معاه سيمو..ݣالسين كايقربو الناب هضرة تجبد هضرة...

عبدو طفى لݣاارو من يديه بعدماا نزل عليه كامل مخلي دخاخن طالعة...

شافيه سيمو و قال منزاعج:تا وااش مزال معفى عليك الله تحيد هاد لمرض..شكون عرف يقدر يكون هو لي مأتر عليك هاد ليام حتاا وليتي نهار نايض و يوماين مجبد عيان...

عبدو بتاسم بجنب:تا مشتينيش ايام لبلية ديال بصح...هادشي لي كانضرب دابا كنت غير كانتصحصح بيهم حال عين وحدة...نقصت بزااف على داكشي لي كنت كانضرب قبل ماندخل للحبس...وليت كانضرب واحد ولا جوج فنهاار مكانفوتهمش...وكاين ياماا ݣاعمة كانقيسو...

سيمو:وخا هكاك...كيفماا قدرتي تنقص منو حاول تحيدو بخطرة...راه غير مضرة وصافي ونتاا و لات صحتك على سبة...

عبدو تنهد:وقول الله يعفوو اسااط...لبلية صعيبة...ساهل تبلى ولكن صعيب تقطع... بشوية بشوية حتاا نقطعو بمرة..راني غادي معاااه...

سيمو سكت تواني و تطق بتتدكر:قوليا بعدا...شنو درتي مع خنساء ؟!!

عبدو شافيه و رد بهدوء:راهاا حال و أحواال...مساير معاها..كل نهار عاطيااني لفاص لي بغات و جاها على لݣانة...ديك لمخلوقة برب مابقيت كانفهم فيها شي حاجة..

سيمو ضحك:ههههه يااك..

عبدو:وييه...بعض لمرات كاتكون سمن و عسل...و بعض لمراات تبداا تعطيك فسم القطاري حتاا تولي هاز يديك معاهااا...مكاتعرف منين تشدهاا...

سيمو:ولكن بيني و بينك مؤخرا بانت لياا رطابت معااك.. وحتا شوفاتها تبدلو..غاا الى بغيتي تنكر و صاافي...

رد عليه مبتاسم بجنب:يااودي مانكرنااش...فعلا هاد ليوماين بانت ليا فشكل...تبدلاات...تخيل باركاات ليا ݣااع جمعة...

سيمو وسع نضراتو كايضحك: هههه واايلي بصح...

عبدو:هههه والله العشير حتا بصح...خلااني مبهوض فبلاصتي متوقعتهااش...شتي الى بقاات غادة على هاد الريتم معايا و الله حتاا بيخيييير وبجهد...

سيمو:بشوية بشوية غاتمشي معاها لأمور مزيان...هادو هما لعيالات وخا تعيش عمرك كامل كاتحاول تفهم مغاتفهم فيهم حتاا وزة...داباا غير بقاا مسايس معاها و شد معاها لخاطر و يكون خيير...عنداك تحاول تضغط عليهااا...

رد عليه عبدو متساؤل: نضغط عليها ؟! تاواقلة معارفش بنت السايب...هاديك تخليك تضغط عليهاا...هههه كاتحلم...هاديك راه كادير لي فراسهاا...كاتمشي لأمور على هواها...الى بغاتها تكون...مابغاتهاش مكاتكونش... مستحيل تقبل لشي واحد يحطهاا تحت ضغط...هياااا لي تحطووو....

جاوبو سيمو مشاطرو الرأي:فهاادي عندك الحق... خنساء فشكل.. سبحان الله فاش كاتهضر معاها ولا تشوفها من بعيد تقول هادي ماتحركش الدجاجة على بيضهاا...ولكن ملي كاتوقف عليهاا كاتولي مرى بمية رااجل...شتي كون كانت عندي شي ختي فحالهاا بربي مانهز لهم لدنياا... ولكن اخوياا نتااا...احسن عواانك معاها...تزوج بوحدة بنفس الكاريزما...ماساهلااش

عبدو:لا لا من ديك ناحية كون مهني...عندي لكود ديالهااا...كاع تحرميات ديالهاا وقوالبها حافضهم مجمدين فدماغي...(كمل متنهد)داباا خاصهاا غير ترطااب...نااري وتقبل زعما تكون معاياا...وتااا رااه مغاندور لا هاك هااك... نيشاان نسيفط ليهاا حيااة لداار...خااص غير تبين لياااا....

سيمو:ههههه وراااك زربااان مع رااسك...نتاا دير قضية...غفلهاا و سير سيفطهاا..مالك كاتسنى فيهاا ترطااب...

عبدو:وعلااه انا كرهت...ولكن سااااهلة فلفم وصعيييبة فتطبيييق....غاا اجي و سير خطبهااا...لقمر و كايبان ليااا قرب منهااا...الله يصااوب و صاافي....طلب الله مايطيحش حبك على حجرة...

وقف الطاكسي قدام القهوة ديال مهدي وخنسااء هبطات منو فكامل اناقتها وشياكتهااا لاابسة تريكو كايحمق فالاسود وسروال سليم فنفس لون فوق منو سميطة خفيفة جامعة بيها خصرهااا وسبااط عااالي فيه حجيرات صغيورين بالدوغي ... دايرة ميكاب مسائي ناااصح خادمة عينيها مزيان بالوان فااتحة ومتيرة ودايرة غوج اليفغ نيود جا مع شفايفها غزااال ... مكتافية بساعة يدوية وكورميط خفيف فرجلهاا ليسر كايبري وصاكها فيدهاا ... قرمات حجبانهاا شحال ما جات لهاد البلاصة ولا حتى دازت من حداها ... صورة مهدي وملاك فالقهوة وشحال من جيست طرا بيناتهم حضرات بين عينيها فالبلاصة ... بلعااات ريقهاا وارشيف السنوات لي دوزات معاااه ترتب بتفاصيلوا الزوينة والخاايبة ... لحظات الفرح والبكا ... الالم والسعادة ... تنهدات فخاطرهاا جرح هاد الموضوع حلف لا برا ليها وغصتو هو بالضبط مابغاتش تسرط ليها وموحال دوز ولو يمرو سنين ... رمشات محاولة تستجمع قواهااا وتقدماات كاتمختر فالمشية ... تلاقااات مع يحيى لي شافها وخرج عينو بصدمة نطق بلا شعور : مدام خنساااء !!!

دارت ليه ابتسامة عذباء ونطقاات ببرود : مادموزيل خنساء ايحيى ... ( ضحكات فوجهو ): صافا عليك ...

يحيى حك على راسو من الغرابة : ههههه الحمد لله ...

خنساء : مزياان ( دورات عينيها بانت ليها بنت انيقة لابسة كومبين فالنواغ ... دارت ابتسامة جانبية عرفااتهاا الجيغون الجديدة ): هههههه عمر الشطاح ينسى هزة الكتااف ...

يحيى ماسمعهاش مزيان : شنو قلتي ؟؟ ...

خنساء بهدوء : بغيت مهدي كاااين ؟؟؟ ....

يحيى بايجاب : اييه امادام .. اءء امادموزيل خنساء ... احم تفضلي ...

خنساء حركات راسها بايجااب وزادت كاتمختر بحركاااتهااا المعهودة مخلية لي دازت من حداه يستارق النظر ويسقي عويناتو بيها وهبتهاااا كاتخلي الطايح كتر من النايض ... وخيرات ربي كاتزدح مع لابسة سليم لاصق عليهااااا ... وقفات قدام البيرو تنفسات بعمق راسمة ابتسامة مااكرة على شفايفهاا وحلاات من بعد مادقاات جوج دقات بزربة ماخلاتش لوقت للادن ابداا ...

نطقاااات بصوت انتوي : مساااااااء الخييييير مهدي ...

المهدي هز عينو مشوكي فيهااا وكيفاش جاات عندو اخر حاجة توقعهااا ... بلاماا يشعر رسم ابتسامة على ملامحو رغم انه عارف لاش جاية من بعد ما تاصل بيه ياسين خبرو بموضوع السلعة المغشوشة لي عطاتو اكيد بما انها جات عندو الا وشكات فانه طرف فهادشي ... وقف من بلاصتو : اهلا خنساء تفضلي مرحبا بيك ...

خنساء وقفات قبالتو بلاما تكلس ونطقاات بصرامة : ماجيتش هنا باااش نتضاايف اسيهم مهدي ... ( هزات فيه حاجبها ): كانضن غاتكون عارف مزياان سبب زيارتي ليك اولا ...

دور عينو محاول مايبين والو : اءء لا ماعرفتش ؟؟

خنساء قابلات معاه عينيها : على ما بان ليا التبوهيل ولعب مور الظهر ولا كايسرا ليك فالدم ... مزاال ماهداكش الله تدير العقل ولا كيفاش ...

المهدي : اش هاد الهضرة الخاوية ... اش كاتخربقي ... شنو بغيتي تقولي ... ولاش جيتي ؟؟؟ ...

خنساء باستفزاز : جيييت بااش نسكت ليك القلب ويجي اجلك قدام عيني .... ( ضربات على لبيرو بالجهد ): واااااااااش مابغيتيش تحشم !!!... ماااعيتيييييش ؟؟؟؟ ... مغاااتووووبش ؟؟؟ ... مااالك وليتي موسخ هاكاااا ... اش هااد المستوى نزلتي ليييه ... ( باستهزاء ): ولا صااافي الوسخ مابقاش بغا يخطاااك ... غطستي فييه لدرجة ولااا كايعجبك ياااااك ؟؟؟ ...

المهدي غمض عينو : خنساااء لزمي حدك ولا...

غوتااات بالجهد : ولااا شنوووووو ؟؟؟ ...شنوووو غادير بالسلااامة ... فراات على باباك هاديك لحماامة ... انا دابا لي قداااامك وحدة حرة مغاتسكتهاش بهاد الهدة دياااالك الخااوية ... ودير فباالك بما انك فكرتي تلعب علياااا راااك ماعرفتي فياا والو ... واااااااالو ... ( جبدات من صاكهاا تصااور ديالو مع ياسين رماتتهم قدامو ): هااادااااك جامع لي قريتي فيه اولدي رااااه انا لي درت ليه الساااااس ... ( باستهزاء غامزاه): ههه جاي حتى لرحبة فليو وباغي تعطس ولا اش قالك راسك!! ...

المهدي هبط عينو وتنهد كايشوف فيهم ... بلع ريقو ونطق : خنساااء ... انا فصراااحة ...

ضحكاات فوجهو طاانزة : شتك وليتي تمتم .... فين هي ديك الهدة دياااالك وانا وانا ... ولا صااافي تقاضااو ليك ... سمع امهدي غانقوليك جوووج كلمااات مغانعااودهمش ... غاتفرق عليا وتعطيني شبر ديال التيساااع ولا ودينييي ... وديني مغايعجبك حااال ...

المهدي : الله يهديك اخنساااء ... خلينااا غير نتفااهمو ... ماتقسحيش راااسك

خنساااء : مكااين لا تقسااح راس ولا مولاي بييه ... فرقني علييك راااه مانصلاااحش ليك امهدي ... (باصراار) : انا على ما بان ليا ماسخيتيش بالحبس لي كنتي فيه وبغيتي ترجع دوز فيه شي ياااامااات ... ياكمااا ولفتي سيلوول!! ..

المهدي تنهد بلا حول : خنساء بلا هضرة خاوية ... نتي عارفة بيلا درت هادشي غير على قبلك .. على قبلنا بجوج ... را...

قاطعاتو بصراامة : على قبلي هي تقطع ليا رزقي وتخليني غارقة فالكريديات ... هي تسيفط لي يخليني على الضس ... شنو عند بااالك زعمااا ... الا درتي هادشي مغاايبقى ليا حتى حل من غير نرجع ليييك ... ياااك ... غاتكتف ليا اليدين زعماااا بهادشي وغاتبااان لياا غير نتااا ... ( خنزرات فيه محمرة ): ايواا شكون دابا لي كتفهم لاخر انا ولا نتااا ؟؟؟؟ .... هاد المرة غانغرقك ومغاااتلقى لي يفكك من الحبيبيس اسي مهدي ... ( غمزاتو ): اش بان ليك ؟ ... وراااه اسهل حاجة فعمااايلي .... نديرها ونفوتها لهييه

المهدي هز حاجبو : كيفااش الحبس ... علاش بالسلامة شنوو دااير ...

ابتاسمااات مخنزرة فيه وعينيها فعينو ونطقااات بتقة : ياكماا عند بالك راني كنت طاايحة على ودني ومدمدمة ومجايبة لدنيا خباار ... عند بالك كنت فدار غفلون ولا كيفااش ... شتي اشريف هادوك الضرااائب ديال الاراضي لي كاتضمس فيييهم مع ديك الرباعة دياال المخلوضيين راااه كلهم عارفاااهم وحتى داااك النواااار لي كتاخد فييه البقاااعي بخبار داك النوطيير لي كاتعاامل معاااه حتى هو داخل فالخط ...

المهدي تشوكا وجمد فبلاصتو اخر حاجة توقعها تكون طااحت ليه على ضوااسا لي كااان مخبي وعارفة بلانااات وتخلويضو كااامل ... ماتوقعهااااش بالمرة حس بالدنيا داااارت بييه وماعرف باش تبلااا مافكرش انها ابدا فهادشي

( غمزاتو مفيقاه ): انا وياااك مادوزناش قليل وكانعرفوا بزااااف على بعضيااااتنا .... حتى حاجة مكاتخبا بين جوج مزوجين خصوصا الا كانت وحدة فااايقة وعاايقة وحاضية صواريها ... مع واحد شماتة ومخلوض بحاالك

المهدي مضهشر : نتي ماتقديش ديري هادشي ... ماديريهاااش ..

خنساء بتصميم : نديرها ونفوتها لهيييه ... ودابااا الا ماعطيتينيش تيييسااااع و تفرقتي على سااااحتي وخليتيني فحااالي ... طريق لي ندوز منها تقلبهااا ... غااانخرج علييك ... برب حتى نخرج علييك ديرهااا فبااالك ... شنو باان ليك ؟؟؟ ... غاتفوووتني بالخااطر ولا غاتفوووتني بزز ... ونتاا مينوووطي فالبنيقة

المهدي عض على فكو ملاقي حتى حل من غير يوافق ليها على كلامهاا عرفات تكتفو وتكالييه ديال المعقول ... نطق بايجااب :وااخااا من اليووم مغانقربش لساااحتك ... غير كوني هاانية ...

خنساء بابتشانة عريضة : مزيااااان ... هاكا تفااهمنا ... شتي شحااال كانتفااهمو مني كادير عقلك وكاتفكر شوية ... وحاول تبدع ونتااا كاتحارب ناااس فوت عليك لعب البراااهشوكبر شوية هادشي ديالك راااه مات ليه الحوت ... هههه خليت ليك الراحة ( يلاه زادت وتدور بتدكر ): ااااه وحتى عبد الله غاتفرق علييه ... بلااان ديك المرة داااز بجغمة المااا .... هاد المرة قسماا بربي المعبوود وماعطيتيه التيسااااع حتى لي ندير فييك مانعاودو لييك ... وعقل على هضرتي مزيااااان ...

ابتاسمات لييه وهزات على سااكهاا خرجات من تما حلااات البااب وزدحاتو فوجهوا خلاااتو حمر بالاعصاااب وعينييه فحال قطرة دم ... عروقو بااارزيين ... بقوة الاعصاب لي فيه زدح داكشي لي فوق البيرو مكشكش : ععععععععع ... الله ياخد فيك الحق ... الله ياخد فيه الحق اخنسااااء .... ععععععع ... اووووف اووووف ...

مر اسبوع هادي بلا مشاكل ولا صدااع ... خنسااء كالسة فالمحل هي وراانيا مجمعيين مع بعضيااتهم حتى وقف علييهم عبدو مبتاسم: اهلاااا ...

رانيا ردات عليه : اهلا خوياا ... صافا عليك ؟

عبدو : الحمد لله اختي يسول فيك الخير ... خنساء صافا،؟ ..

جاوباتو بابتسامة هادية : الحمد لله اعبدو ... شفتك سديتي المحاال فين شادها ؟ ...

عبدو : عندي واحد الغراض ... المهم فصراحة بغيت نشري شي توب للواليدة ... و انا مكانفهمش فهادشي بالمرة ... عليهاا بغيت شي وحدة فيكم تمشي معايااا تعاوني الا مسالية ..

رانيا وسعات ابتسامتهاا عارفاه مقاصدهاش غير دايرها طريق : اءء ... اه فصراحة اخويا انا ماكرهتش مي راك عااارف غايخصني نتسنى سيمو باش ندوي معاااه على قبل موضوع بابا ... داكشي علاااش مانصيبش ... ولكن خنسااء مساالية تقد تمشي معاك الا بغات ...

عبدو شاف فيها بتساؤل : شنو بان ليك ؟؟؟ ...

خنساء طولات شوفة فيهم وعاد ردات : اووك واخااا ... ولكن مانتعطلوش راااه ماتعرف ايمتا يجي عصاام ولا باا ونصدقو فشي صداع مخاصنا بيه ...

عبدو ابتااسم : اوووك واخااا ... يلااه انا كانتسنااك على برااا ...

حركات راسها بايجااب وهو خرج كايتسناهااا ... رانيا شافت فيها غامزاها : نحلف ليك عليها حتى غير سبة ... السيد غير باااغي يخرج معااك ودار هاد البلاان ...

خنساء ضحكات بلا حول : الله يعفوا عليك ... اش فيها الا بغانا نعاونوه ... ياااء شحال فيك ديال الفلسفة...

ميقاات فيهااا : مممممممم معايا اناااا ... تي سيري سيري ... راه واقف على جمر ماتخليهش يتسنى ( غمزااتهاا ): امسية سعيييدة ليكم ...

خنساء عوجات فيها بلاما تجاااوبها وخرجات عندو لقاتو كايتسناها شدو طااكسي واتاجهوا لمدينة ... تقدمو نيشان للقيصاريات ديال التوااااب فين موالفة تاخدهم دخلااات عند المحل لي كاتشري من عندو ...

البائع نطق بابتسامة : اهلا خنساااء مرحباا ...

خنسااء بلبااقة : سي بوشعيب .... لاباس علييك ... كيف دااير

البائع : الحمد لله اختي لهلا يخطيك.... ( شاف فعبدو ): مرحبا اسيدي

عبدو : شكراا اخويااا ...

البائع نطق بتساؤل : اش حب الخااطر ... ( كايشوف فيهم ): هي غادي تديري تاااني لينا شي عرااسية ... بغيتي شي تفيصلاااات فاعليين تاركين ديال النخوة ...

خنساء خرجااات عينيهاا وعبدو رسم ابتساامة جانبية نطق بخفووت : من فمك لعند مولااانااا ماكرهنااش ...

خنسااء سمعاتو وشافت فيه مخنزرة ... ردات بلا حول : الله يهديك ابوشعيب واش نتاا مابغاتش تخطاك هاد الملاغة .... لي فيك مامهنيك

البائع :ههههههه ... ايوا راااه لي هرب للزواج هرب لطااعة ... وبيني وبينك كايقولو تالتة تااابتة اولاااا ههههه ...

كانت نسرين دايرة لكيت فودنهاا ݣالسة مربعة وسط السرير مدورة ليهاا تستيفاا تاع لحواايج..كملات لبلاكار دياالهاا كاامل و داازت لدياال عصام كاتجبد فيه شوية بشوية وكاطوي...

دخل عندها عصام لي يلاه جاا من لخدمة سلم عليها طابع قبلة على خدهاا و قاال: معرفنا فين نشدوك...هانتي مرة كاتحفضي مرة مقابلة شغل الدار وتحداݣي...مرة خارجة دايعة كااتسركلي...كل ساعة واش قالك داك الدمااغ

ردت عليه بعياء محيدة لكيت:واا كنت كانحفظ و عييت...بغيت نهرس شوية و بانو ليا هاد لبلاكارات بجوج مصارنهم خارجين...وبطبيعة الحال نتا مايقولش ليك راسك خود واحد ساعه بليل عوض ماتبقى غا منشور جبد طويهم وعاوني شوية...اوى تكييت و من بعد تكعدت كانطوي على قلبي...

عصام:كاانݣولهاا ليك و نعااودهاا اناا خاطيني شغل لعيالاات ماانعرف منين نجييه....

قرب لعندها خدا حوايج الدار بااش يبدل عليه..

نطقاات نسرين بطلب كاتشير لبلاكارو: لوح لياا معااك دوك لحوايج لي بقاو تم..

ستااجب ليهاا وقرب للبلاكار...مع جبدة لي جبدهم وهياا طيح ضمسة ديال لفلوس...

نسرين وسعاات عينهاا و جمعاات لوقفة بخطوات سريعة هزااتهم وقالت مطولة هضرتهاا:هااي هاااي على نااس مرفحيين... (كملاات بلهفة) شحال شحال من بريكة هنااا...

عصام عارفهاا غير كاتشوف لفلوس كاتحواال خنزر فيهاا وخطفهم من يدهاا بجهد وقال:تي طلقي قالك شحاال من بريكة هناا...سوقك...شغلك..باااش غاينفعك متلا الى عرفتي شحاال؟!!

جاوباتو معوجة شفاايفهاا بشكل طفولي:يااك يااك..رااني مراتك زعماا...شنو فيهاا الى قلتي لياا شحال تما؟!يااك فلوسك هماا فلوسي...

عصام ضرب ليها على جبهتهاا:فلووسي همااا فلوسي...سطري عليهاا..رااه اناا لي كانووض عليهم ملي كايصبح ربي مااشي نتي...

نسرين ميقات فيه سارطة لقمعة وقالت:ايه ايه...ديااولك اسيدي...ويلاه قوليااا شحال فهااد فلوووسك...يااوالله ماني مفاكة معاك حتاا تقولياا شحاال...

ساط بملل عارفهاا فعلاا مغاتفاكش ...نطق بنبرة عادية:جوج ونص...كنت كانسالهم لواحد صاحبي و جابهم ليااا

نسرين وسعاات نضرتهاا:ومالك محطيتيهمش فلابونك...ماخفتيش عليهم هناا؟!!

عصام بعدم هتماام:و علاش غانخااف عليهم؟!! اناا ماعهديش بالشفارة فدارناا ولا بين طاسيلتي...اصلا كنت غانحطهم فلبنكة ولكن مساليتش..

نسرين طولات يديها ليهم ونطقات كاتبلحس:احم...حبيبة...خاصااني واحد زرقلاف..كنت كاانتسنااك غير تجي و نقولهاا ليك...

رد عليهاا بنفي:لا لا بلا ماتبدااي... و بلى ماتحطي عينك على هاادو...حتاا نتخلص و نعطيهاا ليك... دابا ماعنديش...

نسرين غوبشاات بملامحهاا:يااه...وشنوو فيهاا الى عطيتني من هاادو مالهم غاايبكييو الى فارقتيهم...وزايدون راه بغيت نعطيهاا غير لختك كاتسالهاا ليا فدوك شوميز و لكسوة لي خديت عندهاا...حشومة نعطل عليهاا رزقهاا مابقااتش غاتبغي طلقني...

عصام:خليهاا تساال مالناا غانهربو...وزيدون لبدية تااع شهر مابقا ليها والو ونعطيك ديك سااع..هادو اناا مباغيش نقيسهم غانصدق فارمهم معول نجمدهم...(يلاه غاتهضر و هو ينهض فيهاا)وصاافي ال*رى دوييينااا...راني كاانعرفك ملي كااتشووفي لفلووس ريوݣك كايدلااو...سيري كملي طوياان و قلبي علياا...

طلعاتو و نزلاتو مخنزرة وقالت:وشحاال سقرااام...(يلاه غاتكمل هضرتهاا وهياا تحس بضبابة خفيفة حاجبة عليهاا رؤية و ضو ضربهاا فراسهاا خسراات ملامحهاا بنزعااج وغمضات عينهاا بألم... نطقاات حاطة يديها على جبهتها) ايييي رااسي...

عصام قرب لعندهاا بزربة و نطق بخوف:مااالك ياااك لاابااس؟!!...

حلات عينهاا بتتاقل..عاونهااا تݣلس على طرف سرير...وقال بقلق:وااش صافا؟!!بااش كاتحسي ؟!!!

تنفساات بعمق و قالت بنبرة خافتة:نو نو صافا..بلا ماتخااف...بقيت ضاغطة على راسي كانحفظ و ماكلييتش مزيان فلغداا شهية مسدودة لياا...يمكن طونسيوو هبطاات ليااا...

عصام بعصبية:وماالك عليهااا...هاانتي ݣااع نجحت غاتجيبي داك ديبلوم و تزوقي بيه لبلاكاار...(كمل بطنز)خلي بعداا غاشي جوج موضلات نشطي بيهم لوقت لعام جااي ونتي باغا دخلي كلشي...

نسرين هزات فيه حاجبهاا:تاا واش باغيني نسكن عندهم فديك لافااك..راه طلعاات لياا فراسي...بطاا عليااا غير امتاا نشد ديبلووم بااش نخدم...

عصام قرم على حجباانو بجوج وقال:شنااهواا تخدمي...واحلمي لياا مع راسك حلمي...

نسرين:كيفاااش حلمي..راااه غاانخدم هياا غانخدم بغيتي ولا كرهتي بلااا مانقربلوهاا اناا ويااك الله يرحم بااك خليناا هانيين...

ضحك بجنب مبرد وبعد عليهاا مرجع دووك لفلووس لبلاكاار وتماا خاارج من لبيت وقاال بستهزااء : ههه ونتي لي بغيتي ولا كرهتي غااتݣلسي للارض باااش نبقاااو هااانيين...ولاهيلا قالت ليك تخدم...جديدة هاادي....

كانت رانيا فلمحل..واقفة فلكنطوار كاتقاد واحد لبيسة فساشي للكليانة لي واقفة قبالتها كاتسناا فيهاا...

مدات ليها رانيا ساشي بابتسامة وقالت: بصحة وراحة...

ردت عليه لبنت بمجاملة:ميغسي...فوقاش غاتعاودي تجيبو سلعة جديدة؟!

رانيا:من دابا ايون سومين ان شاء الله..

البنت:ان شاء الله...بون جوغني...

رانياا بابتسامة:شكرا لهلا يخطيك...

خدات لفلوس حطاتهم فلاكيس مسورتااه...سمعات صوت لموطور مسطاسيوني قدام لابوتيك... شافت فيه بعيون لامعة..قدات على شعرهاا بلطف وتقدماات لعندو راسمة بتسامة على ملامحهاا...واقفة مقابلة معاه

هبط سيمو من لموطور..حيد نضاراتو الشمسية متفحصهاا بنضراتو وقرب بخطوات لاوي فمو بإعجاب:هانااا تاني على لحطة فصوموو... (شدهاا من يدهااا مدوراهاا كايصفر)وااو هاااد لووون كاايجييك وااعر...كايصرعك بجهد....

رانيا كايسطيهاا يبداا يمدح فيها و يمدح فلباسهاا و تفاصيلهاا...كاتحس بقيمتهاا طاالعة عندوو...و قلبهاا كايبداا يفرفر غير رااسوو...

ردت عليه كاتبتاسم عاجبهاا لحاال:صاافي كوون هااني...ملي نتزوجو هااد لوون لي غانبداا نضرب ليك كل نهاار بجميع درجااتو احيااتي...

سيموو تنهد:وفوقاااش بسلاامة غايكتااب دااك نهاار دياال زوااجناا...ماحد بااك داير ليناا لعصة فرويضة كاايجيني دااك نهاار بعيييد...

رانيا خرجات نفسهاا بنزعااج:غير صبر شوية..مابقاا قدماا فاات..شتي ملي حيدناا داك زبل من طريق...قول نقصناا عليناا نص تاع لخدمة...وراني هضرت مع ماماا...وراهاا كاتسايس معااه...

سيمو سااط بغضب:اوى صااافي تسنااا يااجن حتااا يطيب اللحم...شتي بااك علااش كايقلب...نمشي نوجد و نشفر شي بنكة و نجيب حصيصة مهورة...و نشري داار تكون جنب لبحر و طنوبيل...و ندير شي مشروع مطرطق...عاااد يقبل نتزوجو...

رانيا داارت يديهاا على فمهاا مكرشخة بضحك حتاا تغمضوو عينيهاا:هههههه واناا ماتسالني الكبيدة غير قفتك دياال سيماانة توصلك للحبس مااينقصهاا واالو....

سيمو:ههه عجبااتك كاضحكي يااك...

ردت عليه مزالة كاتفرنس:ههههه ومالني اخويا نطرطق...خليناا نطلقوهاا تسرح و مولاهاا ربي...

سيمو:ولاهيلا معااك بصح...الى ماطحتش على شي رزق مݣمح معمرو غايقبل بياااا...اوى نتسناااو لحنانة ديالك نشوفو شغاادير...وخاا باين ليااا غانبقااا مجرجرين مغايقوول ديك أه حتاا نولي بعݣاازي...هااادي ماافيهااش تخرشيش...متوقعهااا...

رانيا:شووف على حساابي...ملي لحت لماما لكورة و خليتهاا منهاا ليه...غاادي تااكل ليه دمااغ...غير تهناا

جاوبهاا برجاء:اوى نتمناااو...على الله...(شاف جهت المحاال لي مسدود وقاال) عبدو مبانش لييك...عيت نصوني ليه مكايجاوبش معرفتو فين زااد...

رانيا:رااه خرج يشري شي توب لخالتي حيااة...وراه دا معااه خنسااء...

وسع نضراتو بندهااش:هاي هااي...وتقدم ملحووظ هداا...وزعمااا دااك سيد مايتسالوش مكايضيعش الفورص...

رانياا:وييه..بااينة كاايبغيهاا...و عرفتي شحاال جااو موااتيين مع بعضيااتهم...

رد عليها بغمزة:هو بعداا نسيبوو ضريف ويباينة فيه متفهم و عزيز عليه..نهاار يتواافقو على زوااج و يمشي يقصدهم دغياا يبغي...كيتي يانااا...

تنهدات و نطقاات بطلب:وصاافي اسمحمد الله يهديك داباا تصلح لأموور وهاادشي ديالناا يبقاا غا تعااويد...غير صبر شوية

سيمو:وهااني صابر..و غاانبقاا صاابر(بتاسم بحب و شد على يديها) وعلى قبل هااد لعويناات غادي نصبر...ونبقااا كانتسنى على جمرة فدااك نهاار لي نتجمعوو فيه اناا ويااك فداار وحدة...

مزال كايهضر حتاا تسمع صوت من مورااه نبرتو قوية ناطق بحدة:لااااا مزيااااان تبااارك الله...

رانياا غير شافتو بحاالا جمعتيهاا معاها بتصرفيقة...دغياا خطفاات يدسهاا لعندهاا و قالت كاترعد:مم...ب..باباا؟!!!

خنساء خرجات من محال التواب هي وعبدو لي شاد فيها مطلعها عليها وعلى الهضرة لي قااال ليهم بوشعيب ....

خنساء خنزرات فيه : وا صافي هنينا ونتا شديتي فيه شدة وحدة ...

عبدو : هههههه بغيت نعرف غامنين ضبرتي على هاد العملة الناادرة .... وا تي راه عندو شي نويطااات هااارب برب ...

خنساء ضحكات : ههههه هاذا باه كان صاحب الوااليد ومني مات شد حانوتو ايوا وبقات المعرفة هاكاااا ... غير هو ماورتش غير الحانوت ورت منو حتى الملاااغة وضريب الهضرة والفضوول ... هههه الله يرحمو مسكين ....

عبدو : هههههه وا نمرة واشمن نمرة ... ( غمزها بتساؤل ): اش بان ليك نمشيو لبلاصتنا نشربو الحريرة ؟؟؟

خنساء : لا لا قلنا مغانتعطلووش ... غير خليها لمرة ...

عبدو باصرار : تي هنينا قالاك نتعطلو نص ساعة ناخدو زلافة ونمشييو تشهيتهاا شحال هادا ماشربتها عندهم من اخر مرة خديتها انا وياك ...

خنساء باقتناع : واااخااا اسيدي ... يللااه طلقناا ...

ابتاسم وزادت هي وياه لواحد سناك صغيير شعبي وسط (الخبازات) ... دخلو وكلسو فوحدة من الطوابل طلبو الحريرة جابوها ليهم مع جوج خبيزااات صغاار ...

خنساء بداات كتااكل وتبنن : الله ياربي وشحاال بنيينة ...

عبدو ذااق : واااعرة .... نشرب حتى نعيااا وبحال هادي مانلقااش الله يسمح ليا ...

خنسااء مشارطاه الراي : واحق الله ... غانقولك واحد الحااجة تساريت فلي ريسطو الكبار وكليت فاحسن البلايص فقنيطرة ولكن هااد القنات ديالنا ماكلتهم سبيسياااال هاااربة ....

شافيها وابتااسم وهو ساهي بلاما يحس نطق بدون شعور مجاوبها : وانا شفت فالبناات حتى عييت وعمري شفت فحاالك وفحال عينيك .... هااااااربييييين ...

خنساء هزات فيه عينيها : يهديك الله ونتا سحتي

ابتاسم ونطق باصرار : ومالي كدبت علييك ... داوي معاك بصح ... قلت غير لي كاين ...

ضحكات فوجهو بلاما ترد وحنات راااسهااا كتااكل ... عبدو نطق متسائل : ياكما نزيدك وحدة اخرى تبرد ليك شوية بينما كملتي هادي....

حركات راسهاا بايجاااب بحال شي درية صغيييرة : اااه ااااه ... حمقااتني ..

ضحكت على ردة فعلها وخدا ليها شنو بغااااات حطها حداهااا ... بقااا كايشووف فيهاا و سارح فحركاتها ... متبت عليهاا الشوفة كيف كاتاكل وتبنن و تحرك فشفايفهاا و دوز لسانها عليهم بطريقة متيرة ...

ردات لييه البال ورمشات ناطقة : مالك حاضيني ... خايف لا نهرب ولا كيفااش ؟؟؟ ... شرب حريرتك راه غادي تبرد

خرج تنهيدة ونطق بحصرة : وا هي صراحة حريرتي لي حريرة معااك ...

خنساء هزات حاجبها: كيفاااش ؟؟؟

عبدو: بغيت نسولك وتجاوبيني بصراحة ... باقي شادة من جيهتي على قبل داكشي لي طرا بيناتنا من قبل ؟؟ ...

خنساء بلعات ريقهااا وزيرات على يدهااا تحت من الطبلة بلاما تبين لييه وهي متذكرة كلاامو ليها لي باقي كايغرس فيها لدابا ... غمضات عينيها وحلاتهم محاولة تكالما ونطقات : هاذا اخر موضوع عندي كانة نهضر فيه ... غايكون حسن نسدوه ...

عبدو حرك راسو بايجاب مخليها على خااطرهااا مباغيش يضغط عليهااا ... كملوا ماكلتهم بصمت ... سالة ونااض يخلص بقاات متبعة ليه العين بنظراات غرييبة وغير مفهومة وزيرات على سناانهااا ... ساطت بضيق حاسة بقلبها مزير عليها : اووووف اوووف ... الله يصبرني على هادشي ... ( حطات يدها على صدرها) : اووف تخنقت ... الله يدوز هاد الطرح على خير

كانت معبسة كاتشكى ... غير دار عندها وهي تبدل ملامحها لابتسامة كيف كااانت ونطقات: صافي مشينا ..

حرك راسو بايجااب وخرجات تابعاااه هازة صاكهاااا ومشاااو فحااالهم رااجعين يشدو طاكسي ..

سيمو مزال كايهضر حتاا تسمع صوت من مورااه نبرتو قوية ناطق بحدة:لااااا مزيااااان تبااارك الله...

رانياا غير شافتو بحاالا جمعتيهاا معاها بتصرفيقة...دغياا خطفاات يديها لعندهاا و قالت كاترعد:مم...ب..باباا؟!!!

سيمو زير على قبضة يديه عاارف الطرح غايحمى و مغايخرج على خير وباينة غايسمع لي مغايعجبو...

اسماعيل قرب لعندهم ووجهو تحقن بدم..اعصابو تشحنو و بلخصوص و هو شايفهم ليد فليد مبغاااتش نهائيا تسرط ليه...

نطق مرفع صوتو فوجهااا:تقدري تشرحييي لياا اشهااادشي؟!!!اشكااديري معا هاااد خينااااا...

رانيا رجعة بخطوة للوراء شفايفها كايرجفوو ..عارفة باهاا مااشي من نوع لي كايتعصب..كاالم و هادئ...و كايتميز براحد لبروود عجييب...ولكن الى مشاا حتاا نااض كايقربلهاا بلمعقوول و كايخلي تعصيبتو متورخة جهد لي مايخليكش تنساهاا...

سيمو شافهاا مقادرة تنطق بحتاا كلمة و وبداات كاترعد...

نطق بهدوء منو بغاا يهدا الوضع:احم...عمي اسماعييل...را...

قااطعو بشراااسة:انااااا مااعم حد...اخر وااحد نتسناه يهضر معاايااا و لا يبرر ليااا هو نتاااا كاتسمع..سرط هضرتك و متخرج ليااا ولاااا كلمة....

سيمو غمض عينيه مااسح على جبهتوو...لساانو تربط

عااود نطق اسمااعيل بحدة قوية كايشوف فرانياا لي رجعاات صفرة بلخلعة لي راكباهااا من صبعهاا صغير حتاا لراسهاا..كاتغزل قداامو:ادوي الالة لبنااات...يلااااه رااني كاانتسنى.. شرحي لياااا شنوو كاديري مع هااد خينااا فزنقة و ݣاالس شااد ليك فيديك كايقرى عليك زاابورو...يلااااااه دوي...

رانيا حساات بلبكية واحلة ليهاا فلحلق حابساهاا غاااا بزز ولات خايفة غاالا يجمعهاا معاها قداام سيموو... نطقاات بتلعم:ب..بابا...راك فهمتي لموضووع غلااط...

اسماعيل زااد جهر و نطق مقفزهاا:شنوووو..؟!!!غلاااط...اناااا شتكم بعيني مشااادين بليدين و كاااتقولي ليااا فهمت لموضوووع غلاااط؟!!...كاااتكدبيني مااحشمتيييش؟!!(يلاااه بغاات تهضر و هو يوقفهاا بصراامة)دوي كااااان شاااد فييك ولا لاا؟!!

رانيا بخنقة: هو فصراحة...

اسمااعيل قاطعهاااا:جاااوبيني بأه ولا لاااا....

رانيا حدرات راسهاا بلعاات ريقهاا وقالت:أه...

اسماعيل:هاااااا وفينااهوااا لغلاااط هنااا...يلاااه دوي...شنوو زعماا باغا تقولي ليااا كان كاينفض ليك لغبرة على يديك؟!!اه ولا ياكمااا كااان كايقرى ليك لفااال؟!!

رانيا فديك لحظة طلباات غير لأرض تشق و تبلعهااا ولا يصدق مبهدلوو قداامهاااا...

سيموو ضبط اعصاابو بصعووبة وقاال مخااطبو:سي اسمااعيل...خليني نحتااارمك الله يجازيك بالخير...

اسماعيل رفع صوتو حتاا لحد وقال موجه ليه صبعو:نتاااا غاااتسكت... حسك ماانسمعووووش...وزيدووون انااا داوي مع بنتي مااادخلش بيني و بينهااا....

رانيا برجاء شديد:بابا عفااك...خليناا نتفااهمو غير بلخااطر...

سماعيل:نتي خليتي فيهاا شي خااطر...صافي بقااا ليك غير تعااشقي لياا نتي ويااه فزنااقي و لغاادي و الجااي يدي خبااركم؟!!هادا هو المعقول؟!!وبابا راه ولد النااس...لا حقااا بااغيني لزوااج...لاااقيك ساااهلة باارك كايدوز بيييك الوقت و يااكل ليك فدماااغ...بجوووج كلمااات كاايفورمااطي جدك...تلقاااي سميتك كااتنساااي عليهاا ملي كاايدوييك ياااا ضحيكة....

ردت عليه بتفسير:لا لا مااشي هكاااك...

نقز سيمو حتا هوا:خلني غير نهضر معااك..عطيني فرصة وحدة

جاوبو بعصبية:اشبيني وبينك اسي حتاااا تدوي معايااااا...

سيمو فيكساا عينيه فيه وقال بتحدي: لي بيني و بينك هو رااانيااا....

و رانياا قلبهااا ضرب ضرب من اخر كلمة قالهاا...سمااعيل وسع نضراتو نطق كاارز على سناانو:و مزاااااال زااايد فيييه....

سيمو:رااني بصح نااوي المعقوول و الله شااهد...كاانتسنى غير تقبل اسي اسماعيل و نجي نطلب يديهاا عندكم...نااوي لحلاال معاها خااطيني شغل لباارهش...

خسر فيه سمااعيل ملاميحو وقاال:شتي مايجيك ملييح...الله يرحم لييك الوليدين اماا سير فحاالك غبر كمااارتك لانصدقوو فشي حاجة مااهياااش...راااا مابقيتيييش كااتبااان ليااا لا نتاااا لا هيااا...

سيموو تنهد...عارف غااكيخوي فرملة معااه و مغااادي يوصل لحتااا شي نتيجه...

ساط بصوت مسموع وقاال غادي فحاالو:الحااصول الله يعااون...

مشى لمحالو معصب ضاابط رااسو غابزز...اعدى حاجاا عندوو فدنياا شي واحد يطاول علييه و لا ينقص منوو و يسكت ليه...جاه فجهة لي ضارااه مالقاا ليه جهد...و هادشي مخلي لعاافية تشعل فيه لداخل...

نطق سمااعيل مغدد:سدي عليااا هاد لبزااار و زيدي قدااامي...تحركيييي

رانيا معاوداتهااش معااه...مشاات بخطواات سريعة هزاات سواارت و سداات لمحل مهبطة الريدو...وهو وااقف ليهاا عند البااب دااير اديه ورى ضهرو كايتسنى فيهااا...سالاات خنزر فيهاا عاقدهم فتسعيين و زااد بخطواات...هياا ستغلااات الفرصة و دارت لتجااه سيمو لي كان وااقف فمحاالو...هضراات معااه غير بعينهاا وداارت ليه اشاارة بمعنى "نتااصل بيك من بعد"...باقاا كاتشير ليه و هو يدوور عندهاا سمااعيل محمر فيهاا...و هيااا دغيااا رجعاات يديهاا لجهت عينهاا كاتحك فيهاا و قالت:ايي معرفت شنوو دخل لياا لعيني...

اسمااعيل صغر فيهاا عينيه شااف جيهة سيمو لي واقف زااد خنزر فيه و قاال:نتي والله حتااا كاتقلبي على شي شوهة فهااد السوووق...تحركي زيدي قداامي حسن ليك...قدااامي يلاااه....

حدراات راسهاا و تمشاات قداامو غادة حادرة راسها...و هو تابعهاا من لور...

تنهد سيمو بإحباط وقال مخاطب نفسوو:نهار قلبي حن و بغاا وحدة طلع باهاا ميكرووب و مكايتفااهمش...خاارج ليااا فعوودي برب...بفففف وكيف غانديير معاه و هو داير بحال لغرااب غا حتاا كايتبعت من حيت لا تدري...الله يصبرني مع هااد لمكتااب لعور

بيهااا عصااام لي لابس حوااجو و موجد بااش يمشي لخدمة...

قرب باايس على راسهاا... وقاال :صبااح لخيير...

نصيرة بابتسامة: صباح الخير...كيف صبحتي مزيان

عصاام:لحمد الله...(شااف لمسمن فوق طبلة وقال كايضحك) مممم...مسمن على صبااح ... لحدااݣة تااني...

نصيرة بزعفة:تاا قوول الله يخلي لياا عمتي...اناا لي صليت الفجر و نضت عجنتو...خليتو يرتااح و تكيت شوية و نضت ليك سمنتووو...كون عولتي على مرتك...كون راك فااطر بلخبز ديال الباارح...و الى داارت معااك لمزياان تسخنوو ليك....

قطع منو دغمة و نطق برجااء:اوى الله يخليييك لينااا....

نسرين تماات جايبااا صينية تااع اتاااي...حطااتهااا قدامهاا و جاات ݣلساات حدااه كاتساؤل:ماال مرتووو تااني...اشداارت بلا خباار راسهاا؟!!!

نصيرة:كبي اتاااي كبي و نقصي شوية من لهضرة...

كباات كااس تاع اتااي و مدااتو لعصاام:هااك احبيبة فطر مشاا عليك لحاال...

خداه من عندهاا حطو حدااه...و رجع كايااكل...نسرين سهاات و قطعاات شوية من لمسمن...

و نصيرة عقدااتهم فيهااا وقالت:اويلي ستغفر الله...شتك كاباا ليه بوحدوو...كاتبييعي فأتاااي؟!!هو مخلصك انااا مامخلصاااكش؟!!!

عصام مدو ليهاا بزربة:هاك اعمتي نتي لولة...

رداتو ليه فلبلاصة:لاااا اوليدي غاااخليه عندك ...نتاااا لي مخلصهااا اناا راه كاتساالني...

نسرين هزاات لبرااد:مااتديش علياا راه غا دايخة...اناا غانكبو ليك...

نصيرة:نتي ديمااا دايخة....بلاا ماتعدبي رااسك غااا خليييه عندك...(نااضت دفعاات عليهاا الطبلة و وقفاات)طلعي لخز فلواااحد على صباااح....شدي فطري غااا راسك...حتااا وكاان تفيق خنساء و ناكل معاهااا....بناااقص منو فطووور معااك...

نسرين دارت فيهاا نضرات تااع من نيتك هازة حاجبهااا حتاا خرجاات من لبيت وهزاات على كتفهاا وقالت:اوى لهلااا دوݣييه...

عصاام بنبرة قوية:ايوى...هنينااا من صدااع...

نسرين: وسبحان لي مايسهى ولا يناام...اويلي كااتنووض شااعلة يلاطيف تقول كاتشارجاا فنعااسهااا....

عصام:وصااافي سكتييينااا... دابا غاتقربلوهاا على اتااي خايبة حتاا لمعااودة...

نسرين بعصبية:و عمتك لي كاتقلب تقربلهاا ماالني انااا...

عصاام : الله يهديكم...و فقااش يجي هااد نهاار لي تفااهموو فيه( شاف فمݣاانتو...خداا طرف تلكيك و شرب شوية فكااسو ونااض وقف)يلاااه انااا مشييت...الى خصاات شي حاجة عيطي...

ودعااتو و رجعاات كاتفطر بوحدهاا فهدووء..هازة تيل كاتبقشش فيه...شوية و هو يوصلهاا ميسااج من عند صفاء...دخلاات لواتسااب عندهاا غير حلاات لميساج لي كان عبارة على طووف....و هيااا توسع نضراتها مطرطاقهم فيهاا بصدمة...حااطة يديهااا على فمهااا و ناطقة بنديهاااش كبيبر:اشهاااادشي؟!!!

رجعت كاتكبر فصورة بطراف صباعهاا كادقق فيهاا بتعجب كبير و مخرجه عينيهاا بلا ماترمش...وهيا كاتشوف فصفاء ضاربة سيلفي مع صاحبهاا مقابلين مع لمراية ديال دوش...هيااا لابسة بينوار فلبيض قصير مع فوطة لاوياها لشعرهاا...و هو واقف وراها لابس غير شورط و شعرو فازݣ حتاا هو باين فيهاا يلاه دواش...

بزربة نسرين دوزاات لابيل و هياا تجاوبهاا صفااء بطنز راشقة ليهاا على الصبااح:اهلااا بزاااين...عيطتي تقولي لياا صباح لخير..ولا بصحة طووف لي درت مع زمااني المستقبلي؟!!

نطقات نسرين بصدمة:صفااء منيتك؟!! لا لا وااش منيتك ؟!!!

ردت عليهاا موسعة ضحكتهاا معلى بالهااش:هههه هااادي هياا بصحة عندك... دغيا لقمتيني...قولي غير كيف جااتك...وااش عجبااتك؟! ههه هااديك راه من عين لمكان غبااش تعرفي؟!

نسرين رفعت صوتهاا:تي اشغاايعجبني لمسخ؟! اشكاايجيك فملك الله هااداا لي دايرة معاه هااد طووف...راجلك..ضاربك بيك لعقد...مزوجييين؟؟؟

جاوباتها هاتفة بتقة:خطيبي طبعاً...

نسرين كرزات على سنانهاا:صفااااء

ردت عليها بإجاب:ايه ايه باقي ماتخطبنا ولكن عن قريب غادي يجي لدارنا...يعني بحالا مخطوبيين...

نسرين طرطقاات عينيها : وااش واعية بهادشي لي كاديري مع هاداا؟!! واااش عاارفة شنوو معنيت تسلمي راسك لواحد غير مصاااحبة معاااه؟!راااه لهلاااك بعينيه هداااك اصحبتي...

صفاء بعدم اهتمام:عاادي ماالك زاايدة فييه....شنوو زعماا كاتقصدي غاادي يخليني؟! لا احبيبة راه كانبغييو بعضياتناا... ومولفني من لفووق...يعني مستحيل يتخلى عليااا...

نسرين:داباا دنياا هاانية عندك تمشي معاه لداار...هادي كاملة شجااعة فيك...داخت ليك لحلوفة معرفااش شنو كاايوقع..

صفااء بابتسامة:اه دنيا هانية عندي..مالهاا شنو فيهاا...داكشي لي غانديرو فزنقة...غاانديروه فدار نبيت...لي غادي تولي دااري من بعد...

نسرين شهقااات بدهشة تحبساات ليهاا لهضرة:اويلي اصفاااء اويلي...وااش تصطيتي...راااك غارقة فلحرااام حتااا لودنييين...راااك غاتولي لا دين لا دنيا.....وااش عينيك معمييين حتااا لهااد الدرجة...واااا لبنااات كايكونو ضااربين لعقد وحالفة مااتمشي معااه حتاا دير لعرس....سمعتي ناااس بكااغيطهم وماديرينش هااد لحاالة لي دايرة نتي...رااه لحراااام هادااا... نعلي عليك شيطااان...

صفاء بعصبية:وبربي المعبوود حتااا ندمتيني...شتي الى بقينااا مقاابلين هادي حراام و هاادي حلاال مغاانعيشوووش..واصلا يااك قلت ليك هو داير معايا من هنا للخر تاع شهر غايجي يدوي مع دارنااا...واعدني وانا كانتيق فيه... الوغ معندي منااش نخااف

نسرين بلاحول:نااري يااختي واش دار ليك طلااامس...ايه عارفينك كاتبغييه...ولكن واش نتي حتاا لهااد الدرجة معمية ضبابة على عينك؟!مي صافا بااا؟!!هادشي لي نتي غاطسة فيه وحدة بعقلهاا ماديروش...

صفاء:ورااني عاارفة راسي مرسكيااا معااه...ولكن راه كانبغيو بعضياتناا لعشرة تااع سنين...كااانتييق فيه انسريين كاانتيق فيه...عااطيااه رااسي بخااطري حيت عاارفة اناا لي غادي نكون ليه بوحدي...مغاايدي حتاا وحدة من غيري...

نسرين خرجات نفسهاا بصوت مسمووع و قالت:تااعت الله اماا فيقي شوية حلي دووك لعينين...وااش لي لاقي سلعة فابور غايدوز يعطي فيها شي تمن ؟!!

صفاء تواففات بعدم اقتنااع: غانبقااو انا نشرق و نتي تغربي..خليناا خلينااا حتاا نتلاقااو ونهضرو..يلاه بااي شيغي..ومتنساايش تمسحي طوف لايشوفهاا شي حد من غيرك...

نسرين تنهدات متأسفة على حالهاا ولهااوية لي غادة فيهاا و قالت:وسيري اختي بسلاامة...(قطعاات لخط...حركاات رااسهاا بلاحول وقالت كاتشوف فتيل)الله يرد بيك...اماا هاادشي دياالك ماااغاايتلااش بلخيير...قاالت ليك كايبغيني...(ضحكت بستهزااء)ههه نهاار يلصق ليك شي كرش...عااد غاتشوفي لبغو دياال لمعقوول...احسن نكرة يضربهاا لجدك...بلحق سرك...ولي فرط يكرط...

عتيقة حطاات لغدا فوق الطبلة...و ݣلسات فبلاصتهاا كاتفرق فلخبز لي مقطع طريفات فسلة...

نطق سماعيل بتسااؤل:رانياا مغاتاكلش؟!!

ردت عليه بنفي:لا قالت ليك شبعاانة...

سمااعيل عقد فيهاا حجبانو و قال بنبرة قوية:قولي فݣعااانة...

ردت عليه بضيق: وحتا نتاا قصحتي معاهاا لهضرة..حتا بكيتي درية بحالا معرفت شنو لقيتيهم كايديرو...حرام عليك والله...

سماعيل:دابا انااا مبقااش عندي لحق ندوي مع بنتي...ووايه الالة غزا فياا الله...حيت انا لي فششتهاا كتر من لاازم...حتااا وليت ملي ندوي معاهاا تهز علياا خناافرهاا لسماا و نتسمى مامزياانش...بلحق من ليووم ماابقيتش ندوزهم ليهاا...لي داارت غاترباا عليه...والى مݣراتش فيهاا لهضرة بلفم وخلاتهاا تردع...ندوز لهضرة لحااجة اخرى

جاوباتو هازة حاجبهاا:ااه...حتاا وصلو كتاافهاا لطولتك عااد نووض ضربهااا... مزيان ولاهيلا مزيان...

سماعيل خنزر فيهاا و خداا طرف تلخبز كايقطع فيه بعصبية:ماالهاا كبراات عليهاا...وغابلاتي حتااا نعااااود نشوفهاا مع داك بوزباال لي متلفهاا ديك سااع واجي تفرجي...

عتيقة خسرات فيه ملاميحهاا فاقصها:الله يعطيك الستر اماا دوز تغداا و خلينا من هااد الصداعااات

سمااعيل سااط بغضب و تکاحز لطابلة ....

عتقية دارت دغمة ففمهاا...سكتات تواني و قالت: عرفتي...جاتني شي خبااار عليه و الله و أعلم واش غالطة ولا بصح...

سمااعيل:شنوو...داير شي فضيحه..ياكماا مصفيهاا لشي حد وجاااي مخبي...ولا ياكماا شاافر....ياااك بصح يديرهااا من وجهووو باينة فيه باانضي...

عتيقة:الله يهديك ماالك دغياا كاضلم لوااحد...(كملات مخفضة صوتها)حيااة...قالت لياا واقلة غايضرب شي ورتة دايزهاا لكلاام..

سمااعيل غااسمع حس لورت ولفلووس غايدخلو وولا كلو ادن صاغية...نطق بهتماام شديد:ورتة؟!!و عند من؟؟

عتيقة:عند واحد عمو من جديدة...ارض سااوية تمن صحييح..غايبرع رااسو..والى تناسب معاناا غايبرعناا حتاا حنااا...ولكن الله واعلم...

سمااعيل نطق بنزعااج:داباا واش كااينة شي حاجة ولا غاااسامعة...

عتيقة: و كاااينة ولكن قالت لياا مزال معارفينش...هااد عموو كان مزوج هداا شحااال و مرتو هربات ليه...داباا كايقلبو عليهاا لا تكوون حاملة و عندو شي ولد منهاا...ولكن رااه عاام دابا هما كايقلبو عليهاا مالقااوهااش...شوية غاينايسوو من تقلااب..و غايدوزو ليه كلشي...و هو لوريت لوحيد لي غادي يكوون..الى ماتصابوش عند عمو لولااد...

سمااعيل دورهاا فراسو و فك غبااشتو و نطق بتخمين:نااس مكايقولو لحاجة الى و راها كاينة...(شااف فعتيقة و قال بهدووء) احم ... و شحاال زعماا يكون فهاد الورت؟!شي حاجة مهورة زعما؟؟؟

عتيقة هزات فيه حاجبهاا:و نتا علاااش كاتسول...يااك اصلا مبااغيهش..لاش غايهمك شحاال غايكون فورتو...

سماعيل: و تي هضري هضري...راجل راه مايعيبو غا جيبو...

عتيقة خركات راسهاا بطنز:مممم و قول نتاا سمعتي حس لفلوووس...داكشي لي عزيز عليك...تمووت يااراجلي لعزيز على الرياال

نطق مرفع صوتو بنفااد صبر:يهااد لمرى هضري خلااص بركة من الهضرة الخاوية...

عتيقة عوجاات شفايفهاا:وعلى مقالت ليااا سااوية تمن...و جاات فموقع داايزو لكلاام..غير ينوي يبيع غايبيع وبتمن لي بغا..و نزيدك راه عندو حتا شي ملاكات خرين جهة لغرب مزال مدخلوش لمحافظة...و حتاا هماا سااوين تمن...(فكسات فيه عينهاا و قالت)سيد غايطلع برزقووو اسمااعيل...

رسم بتساامة خفيفة على محيااه...دور عينيه لجهة لخرى و بداا كايدورهاا فدمااغو مزياان و كايخمم...تحت نضرات عتيقة لي كاتشووف فيه بنضرات مامفهومااش...و دور فعينيهاا بشر عرفاات الفار شداتو لمصيدة...

خنساء كانت منشورة فبيتها فلييل متكية طالعة فالفايس هااابطة ... حسات بالقنط مالقات معامن تقرقب الناااب حتى عمتهاا مخشية فالكوزينة كاتغسل ماعن العشاا ... لابسة علييهاااا شورط وديباردور خفيف كاتنعس بيهم ... دورات عينيهااا وهي تبتاسم بشر ... مشاات لقائمة البلوك بانت ليها نمرة عبدو ... ديبلوكاتهاااا ودوزات لااابيل كاتلعب بخصلات شعرها ...

عبدو كان لابس علييه شوورط منشوور فوق السرير وحداه سيمو فوق الكرسي مجمعين على براد ديال اتاااي ... سمع الصونيت ونفر بضيق : بفففف غايكون غا منير تاني مصدع ليا مخي ...

سيمو سمع سميتو وخنزر : داك الميكروب ...

عبدو التلفون مع شاف فشاشة خرج عينو وناااض قااافز من بللااصتووو حتى طاااح ليه التلفون بالتلفة مفااافي : هي والله حتى هي.... برب هي ...

سيمو قفزو معااه : انااري مالك اصاحبي ...

عبدو هز التلفون وراهليه بالفرحة : خنساء كاتصوني والله .... تا بربي حتى هي ...

سيمو ضحك بلا حول : ومال خنساء جنية دير عليها هاد الحالة خهععهعهع برد اصحبيي وجاوب السيدة ...

عبدو بلع ريقو وتنفس الصعداااء ودوز لابيل بهدوء : الو ...

خنسااء بصوت محلون : اهللااا ... يااكما فيقتك من النعاس ؟؟ ...

عبدو بنفي : لا لاا ... مكانعسش بكري باقي مقصر ... صافا عليك بعدا؟ ...

خنساءكاتلعب بخصلات شعرها : الحمد لله يسول فيك الخير ... سمح ليا صدعتك فهاد الوقت ... فصراحة بغيت نطلب منك شي حاجة ...

عبدو بايجاب : امري ... اش حب الخااطر...

سيمو هز فيه حاجبو كايضحك علييه وكيفاش كايدوي معاها ... عارف الحب اش كايدير فبناادم ...

خنساء : فراسك بعدا غدا ديربي ديال الراجا والوداد ؟؟ ...

عبدو ضحك : هههه اييه فخباااري ...

خنساء : ايوا قلت بما انه غايجينا فوقت الخدمة ... نجيب معايا البيسي نتفرجو بربعة بينااا فالمحل عندنا ..

عبدو بالفرحات عليه : ايه علاش لااا

خنساء : ولكن غايخصنا الويفي ونتا عندك ماشي فيكس داكشي علاش عيطت ليك باش تجيبو معااك ...

عبدو بابتسامة : ايييه واخا ... جاك الالة ... واخا نتيجة راه باينة غاتربح الودااد ...

خنساء بنفي : تاا سير قالاك ... الرجا لي غاتربح ... ولاهيلا قاالك الودااد...

عبدو ابتاسم مضورها فمخو : نتخاطرو ؟؟؟؟ ...

خنساء بتحدي : اهااااه علايااااش ..؟؟؟

عبدو : لي ربح يطلب شي حاجة من لاااخر المهم ديك الساعة نشوفو ...

خنساء بطنز : غير وجد رااااسك .. غادي تنفد اوامري هاني كانعلمك ...

عبدو : هههههه مشااااات غانشوفو شكون غايربح ...

خنساء : اوووك ... ضونك نخليك دابا ... تصبح على خييير ...

عبدو : ونتي على خير ... تهلاي فراسك ...

قطعااات علييه كاتفرنس عاجبها الحااال وخشااات وجهها فالمخدة ناعسة ...

سيمو شاف فعبدو : مالهااا ؟؟؟ ....

عبدو : بغاااتنا نتفرجو فديربي غدا وخاصها البوسط دلويفي ... ايوا وانا ماضيعتش الفرصة وتخاطرت معااها ....

سيمو ضحك : ههههههه اسيدي راااك على بال مايتساالكش الواعرة هي الا حنسراتك غدا وربحاااتك ههههههه ...

عبدو : اتاا مربوحة ان شاء الله... ( دار يدو تحت راسو ): وليلة زوينة هادي مسينا على صوت بنت الساايب ..

سيمو وقف : ايوا نخليك مع انغام صوتها فودنيك باش مايهربوش ليك نوطات ونهبط نحط راسي ههههه ...

عبدو : هههههه هبط معاك هاد البراد يتووووب علييك ...

سيمو هزو كايضحك وعبدو بقااا كايشوف فالسقف حاس براسو غايطير بالفرحة عينيه كايلمعوا وعلاقتو معاها كاتحسن نهار على نهااار وهادشي مخلييه ناااشط وفرحااان كتر من اي وقت ...

صباح جديد مشرق ... كان كالس اسماعيل وعتيقة كاايفطرو بجوج ... هبطاات رانيا مقادة باش تمشي للمحل ولابسة عليهااا وااجدة ... ابتاسمات مصبحة علييهم وكلسات معااهم كيف العاادة ...

اسماعيل سولها وهو ناسي لي وقع طبعا بعدما صرصدها فليل ونعسها باكية مايقدش يزيد يغضب عليها كتر : كيف صبحتي ابنتي مزيان ...

رانيا خدات بتيبان : الحمد لله اباابا ... ولكن ماكرهتش تبدل ليا ديك الناموسية هبطات بلا قياس وكاضرني فضهري ...

اسماعيل : وااا الله يهديك نتي كل نهار تبدلي حاجة فداك البيت ... لي دخل عندك يقوول رااك بنت شي طاشرووون ... بيتك حسن من ديااال ولاد الوزراااء ... الا ماخسرتش فييه غانكون خسرت واحد الخلصة ديال عام كامل ...

عتيقة : ولهلا يوريك ... واحد الحوااايج كاين فيهم لي كاع مكاتلبسهم ... تقول ماعرت شكون هي البلاكار غايكل جنابو ونهار تبغي تخرج تقولك ماعندي مانلبس ...

رانيا ضحكااات من صغرها وهما مفششينها ولي طلباتها كاتحضر بيتهااا عامر بكل ماتشهاااات النفس وطلبااات بحكم بنتهم الوحيدة دايرين فوق الجهد وحتى هي كاتفشش عليهم ... نطقات بامتنان : الله يخليكم ليااا وخلاااص ... ولكن راه داك سرير اعوام وهو تماا بسيف ياكل دق

اسماعيل : واخا دابا نشوف واش خاصوا يتبدل ... ولا غير كاتفلاي ...

رانيا : لهلا يخطيك ابابا ...

عتيقة شافت فيه مطولة وغمزااتوو: ايواا طلقناا ...

اسماعيل فهمها وتنهد نااطق : نتي باقا كاتهضري مع داك خوناا ...

رانيا هزات فيه عينيها : اءء ... علاش ابابا ؟؟؟ ...

اسمااعيل سااط ونطق فوق النفس : عيطي لييه وقولي ليه بابا بااغي يتلاقاا معاااك هاد العشية ... نشوفو هاد عريس الغفلة حريرتو فين غاتخرج ...

كاان سيمو وااقف مع رانيا فلمحاال بملاميح كلهاا دهشة و تفاجئ...

عاود نطق بتكراار:داباا هو قالك قولييه يجي بغيت نشوفو؟!!متأكدة !!! ناااااري و تكووني كااتفلااي...

رانيا ضحكات عرفاتو مغايتياقش:و الله مكاينة شي تفلية...معااك بصح...على صبااح فقت لقيتو نااشط..هضرة جوج جبدك ليااا...كون لقييت نطيير بلفرحة كوون طرت...

سيموو مااحسش حتاااا نقز عليهاا بتعنيقة حتاا تقجااات:يااااه و أخيييرا...لحمد الله ملي سمع دعوتي..مااتخيليش فرحتي قداااش...

رانيا تخنقاات و هياا مدفوونة وسط سدروو...بداات كاتهضر بصعوبة و ضرب ليه على كتاافو بقبضة يديهااا:كح...و..و تااا رخي راااا خنقتيني ... واش بااغي تقتلني؟!!...

سيمو بعدهاا علييه لقاهاا رجعت حمرة فعلاا تخنقاات...حط يديه بجوج على حنااكهاا وقاال كايضحك:هههه غا مع لفرحة ماحسييتش....الله الله على لمرى عندي هبيرة تاع لحم صحتها على قدهااا تعنيقة و خنقاتهاا( غمزهاا وكمل بطنز حابس ضحكة) تي شنو غاديري فشي لاااخرر...هههه مع نبدااو تقوولي حبس...

خنزرات فيه محيدة يديه من على حناكهاا:كووون تحشم...واخر مرة تنمر لياا على صحتي...راه بغااوهاا ناس بدوى و مالقااوهااش...

سيمو خربق ليها على شعرهاا:وتي غاكنضحكووو معااك فكي عليناا لغوبااشة...وقولي ليااا كيفااش باباك قبل...حيت مستحيل مابين ليلة ونهاار يوافق...و هو غير ولبارح بارك كايسرصط فياا من ليمن ليسر بلا مايحن...

رانيا بتاسمات:اوى قوول الله يجعل لبركة فنسيبتي...هيااا لي قدات ليناا الشغل وغيزاااتو مزيان...

عوداات ليه على ݣاع داكشي لي دارت عتيقة و كفااش طمعاات سمااعيل بلي سيمو غاايورت و غايدير لعاقة صحيحة...بيعاتو لعجل غيير بلفن..

سيموو وسع نضراتو مصدووم فيهاا و فداكشي لي عاودات ليه... نطق بندهااش:تاا برب إتى بزاااف....هيااا ݣالت ليه هاادشي...

رانيا:فنضرك كون مدارتش هاكا..كان غايبغي...والله مايشوفيك حتاا شوفة...

سيمو عقد فيهاا حجبانو بعدم رضى:رانياا سمعي..راه عم وااحد لي عندي...و عندو خمسة دياال لولاااد عرفتي شناهياا خمسة و معندووش ݣاع لبنت غا لعزارة...وزيد عليهاا مݣررد بلمعقوول...ملي ماات خلى ليهم غير ديوون كايفكو فيهم...الى سااق بااك لخباار...غايفرتك ليناا الشمل قبل مايتجمع...وهاا فين قلتهاا ليك...موك راه جاات تكحلهاا عمااتهااا

رانيا غوبشاات فيه:تاامالك خاايف..ويعرف ݣااع حناا مالناا..اصلا ماما ضربات لحساب قالت ليه عندو لورت و الله وأعلم...هياا سبقااتهاا ليه...

سيمو مقتانعش نهاائيا بلفكرة...عاارف لكدبة قدماا بقاات كاتفضح..مسح على وجهوو و قال متنهد بإجااز: معرفتش صراحة واش هادشي غايخرجناا ...

رانيا بعصبية:و شنوو بغيتيناا نديرو...نبقااو حاطين يدينا على خدنا كانتسنااو سقف ينزل علينااا...نبقااو نتسنااو فسي سمااعيل ...تاا راه باينة مغايقبل حتاا لشهر عشررين......و بحال والو يتماا جايب لياا شي كحل لعفطة و يقولك تزوجي بييه...و ديك ساعه نبقااو تاني كانفكرو كيفاش نفكوهاا و ندخلو معانا حتا بنادم يفكر معانا....(شدات ليه فيديه)الله يهديك راه الى مدرناش هاكا مغانطفرووهش...

سكت تواني و بتاسم ليهاا مطبطب على يديهاا بحنان:ان شاء..لمهم عندي هياا غانكونو بجوج...لغااية كاتبرر الوسيلة...كدبة بيضة و سلاام..

رانيا: هانتااا دويتي

سيموو بنزعااج: و لكن الى مشا حتاا عااق...رااه مشكلة...

رانيا:يضبر لرااسو...اصلا حناا غانزربو باش نضربو لكحل فلبيض فأقرب وقت و نݣعدوو فحالنااا...و ديك ساعه الى بغاا يعيق...غير يعييق....

باقين كايهضروو حتااا دخلات عندهم خنساء لي كانت يلاه جات من داارهم...هازة ساشي من لباتيسري فيدهاا...لابسة سرواال دجين لاصق مع تيشورط ساامبل فلخضر...و جامعة شعرهاا لفووق مع ميكاب ساامبل مركزة غير على لعينين لي خادماهم مزيان بلماسكرة و ساحباهم بلأيلاينر و مكحلاهم من لدااخل...

نطقاات رانياا كاتضحك:هااي هاااي نااس ضاربين عليناا لخضر معولين على الربااح...

خنساء بعجرفة:ديمااا خضرة (شافت فسيمو غامزااه)و لاطلق المرى...كا ولا ما كااا؟!!...

سيمو:هااديك الله يعطيك الصحة ماكدبتييش...

رانيا خرجاات فيه عينيها:تزوجتي بعداا بقاا ليك غير طلاق الله يعطيناا وجهك..

خنساء بتسااؤل:فين هوا صااحبك؟!!معوالش يجي..راه لماتش قرب يبداا..

سيموو تماا غادي:انا غانمشي نعيط ليه...

حركات ليه راسهاا بلإجااب...عطاات الساشي لرانيااا فيه طورطات صغاار و كرواسة جايباهم باش يدوزو المااتش...و مشاات كاتوجد القهوة ليهم بينماا جااو...

فالدقاائق الاخيرة ديااال المااتش كالسية الرباااعة مكونسونطريين وخنسااء حامية فيها البيضة باغا هدف التعاااادل باااش مايربحهاااش عبدو ...

عبدو ضحك : وحدي راسك اخنساء لحكمة ...

مقابلة البيسي : زيييد زييييد ... ماتضحكوش فينا الشمااايت ... عععععععع ...

رانيا مشجعة الرجا مع خنساء : اووووووف ... طلق كورة اصحبي ونتاااا مزااااكل ... ععععععع ...

سيمو ضحك : هههههههه غايطرطقو مساااكن ...

خنساء خنزرات فييه : قضيتوهااا زعماااا ...

صفر الحكم لنهاية المباراة بتقدم فريق الوداد على الرجااء بهدفين لهدف ...

خنسااء بتافف ضربات على طبلة حتاا تحركو الطباسل : يخخخخخخ على زهر ...

عبدو بابتسامة فرحان بربحتو لخطار مع خنساء كتر ما فرحاان لنتيجة الديربي ...

رانيا : هههههه حسن عوانك اخنساء ...

سيمو : لييك الله اختي ... لقا منين يشدك ....

خنساء ميقات : ايوا اسي عبدو اشنووو هااد الحكمة بالسلااامة ؟؟ ...

عبدو هز حاجبو ديجا موجد الحكمة مقادهاا فدماغو ونطق راسم ابتساامة شر على شفايفو : غاتعشاااي معايا اليووم فمهدية ...

خنساء خرجات عينيها : اويلي على نتعشا معااك ... مالنا ساكنين فسويد اش غانقول لدااار ... لا لا مايمكنش غا شوف ليك شي طلب اخر ...

عبدو : هااااء ... نتي مغاديش يصعاب عليك تسلكي راااسك...كاضحكي عليااا...

خنساء : لاا لا غا عفيني ... مافيا لي يمشي وعاد ماعندي كيفاش نقنعهم ...

عبدو:وملي مقادااش تخااطري لااش كاتنقزي...خااصك تكووني قد كلمتك...واناا ماسوقيش مغاانتفاااكش

ردت عليه بنزعااج:حول لموعد للغداا...

عبدو:لا...لعشاا هو لعشاااا

خنساء تأففات بحيرة و رانيا شافت فيهاا وقالت: ايوا صافي اسااطة ... قولي ليهم غاتعشااي معاايااا سيرو ضربو ضوورة ... واجي لدااار انا غانحل لييك ...

خنسااء : اويلي وكيغانديرو ليها بالسلامة ...

رانيا : عادي غاتجي عندي فالعشية راكي عارفة ماما مكاتجي من الحانوت حتى كاتودن العشاا وبابا كايصلي ويتعشى وينعس مع الدجااج ... ايوا ناكلوا ونطلعوا للبيت ديك الساعة خرجي ومني تجي غانحل ليك انا ...

خنساء دوراتها فراسها : مممممم اوك مي مانتعطلوش باااش ماينوضش صداع انا غانقول لدارنا غانبات معااك ... الخروج ساهل دخول لي ردي البااال لايفيقوا ...

رانيا : اودي ماتخافييش ... هما كايضربوها بنعسة مكاينوضوووش ...

عبدو غمزها : ايوا صاافي يلاااه خلينا نبدلو الجو نتعشااو ونجييو مغاديش نتعطلو ...

خنساء بابتسامة : دااكووغ ...

عبدو بفرح : يتووووب علييك ... وكوني هانية مغاديش نعطلك ...

خنساء : غانشوفوا ... مزاال غانوريك الحكيم اش كايسواا غير صبر ....

عبدو بطنز غامزهاا : وانا فالانتظاار

خنساااء خرجات من دار رانيا كانت لابسة كسيوة صيفية خفيييفة ... تلاقااات مع عبدو فراس الدرب شافها وابتااسم غامزهااا ناطق : اوووووو بنت السااايب تواضعااات وخرجات حتى لعندي ... وغادي تمشي معايااا ... معجزة طرات اليوم ...

خنساء : راااه نقد فاخر لحظة نقلب علييك وندير بنااقص ... زيد زييد ...

عبدو ضحك : ورت سيمو فموطورو شي نهااار ينوض ليااا ... ( مد ليها الكااسك ): هاااكي لبسي .. فين بغيتي نمشيييو قبل العشا ....

خنسااء : صراااحة تشهيت نمشي نلعب شوية ... اش بان لييك نمشي لمهدية نركبو فالالعااب ...

عبدو بايجاز : اوك لي بغيتي يلاااااه ...

خنساء : اوك ولكن ماتولفهاش هاد الخرجة راه غير حيت ربحتيني فالتخاطيرة ديال الصباح ...

عبدو بلا حول : زعما مايمكنش تخلينا فراحتناا شوية ... عرفناك الالة خارجة غير حيت حكمت علييك ... ويلاااااه داباااا هنينااا ...

خنساء ابتاسمات وركبات فالموطور وهي حاضية جنابهااا لايكون شي حد من داارهم شافها ولا كايعرفهاا ...

مسافة الطريق حتى وصلو قداام الالعاااب لي كانو عامرين بالناااس كيف كل فترة فهاد الوقت من الصييف الدنيا كاتعمر فليل ... خنساء دغيا عينيها شقشقو بالقلوبة مني شافت الالعاب ولات فحال شي درية صغيرة تهبط من لعبة وتقولو بغا وحدة اخرى ... ماخرجات ليه من تما حتى سخف بالالعاب وتجرو معاهاااا ...

عبدو جرها من يدها : مغاتخرجي من هنا حتى تخلينا على ضس وتصدقي بلا عشااا ...

خنساء كااضحك كلها حمرة بالعياا والتنقاز : هههههه ناري ماتصورش شحال بيني وبين هادشي والله حتى نشطت كنت محتاجة لهاد الخريجة ...

عبدو بابتسامة : ههههههههه تكبري حتى تعياااي ... غاتبقاي على هباالك ...

ضحكااات مشاطراه الرأي : هاد الهباال كايخرج غيير معاااك ياربي السلااامة ...

ابتاسم برضى غامزها : حيت انا لي كانعرف لييك .... ( شاف عينيهااا ): شكرا بزااف حيت قبلتي تخرجي معايا اليوووم ... واخا غير مخاطرين ...

خنساء سبلات فيه عينها : وشكون قالك غير على قبل المخاطرة ... ( رمشات فيه ): حتى انا كنت باغا نخرج معاك ... عجبني الحااال بزاااف...

عبدو قلبو فرفر بالفرحة من هضرتها : شنو نمشيو نتعشااو ...

نطقات بايجاب : اوك يلااااه ....

زادت هي وياااه لواحد ريسطو موالفين يكلسو فييه تعشاااو مجمووعين ناشطين كل مرة يقولها نوكتا وهي تفرنش عاجبها الحال ... دوزو ليلة خطيرة مع بعضياتهم كهلها نشاااط تفكرو بيها ايام زمااان والزهو ...

نص ليل و سقييل فدرب...كانت رانيا فوق السرير كاتدوي مع سيمو شادة معااه لحتة... وفنفس الوقت كاتسناا لخنساء لي تعطلاات عليهاا بلا قياس...

نطقاات بقلق:هاادو تعطلوو بزااف...اويلي جوج تاع ليل قربات تضرب...ياكماا وقعاات ليهم شي حاجة ؟!!

سيمو مكسل حتا هو لابس غير شورط:صونييت لعبدو قبل مانعيط ليك قاليا راه جايين...واااا زعماا نتوما لعيالات مخااصش يتعطل عليكم لواحد نهائيا ولا يغبر...غير يديرهاا تبدااو تنوااو...

ردت عليه كاتضحك:هههه خصوصا مع الرااجل...

سيمو:ههه لا الراجل الى تعطل مكاتقوليش واقعة ليه شي حاجة...

رانيا:هههههه نيشاااان كايمشي بالك لخياانة... سبحان الله

سيمو:ويييه وخاا يكون مسكين مقابل مع عزرااين...رااه كايقولوهاا...الله يعطيك داكشي لي كاتنوى عليه مرتك ملي تعطل مايعطيكش داكشي لي كاتنوى عليه موك...حيت مك ديريكت كايمشي بالهاا لكساايد و لمصاايب...اماا لمرى كاتقوول تلقاايه ݣالس كايكركر مع شي وحدة ولا راه مقصر...

رانيا:هههه و لاهيلا بصح هادا حالناا معاكم....(كملات بقلق)ولكن والله حتاا تعطلوو بزااف...ماما راه مشاافتهااش ملي خرجات...وحتا بابا ملي دخل غير قلت ليه معايا صاحبتي فلبيت ما شافهااش ݣاع...نااري ويمشي يدخل فيهم شي حد عندي لبييت...صافي كحاالت علينااا بلكحلااات....حتاا عتيقة الى دارت لمزياان و مقالت والو...سيهم سماعيل يمشي نيشاان عند با السايب يقوليه معرفت فين ساهرة...يحرق ليهاا الضواسة بلمعقوول...

(يلاه غايجااوبهاا و هياا تقاطعو) هاهياا كاتصوني غاتكون وصلات خاصني نحل ليهاا ...يلاه باااي شيغي حتاا نتشاوفو غدااا...

ودعاتو قاطعة لخط...هبطات هازة سوارت كاتسلت فدرووج بحدر شدييد...حتاا وصلات لباب حلاتو بشوية و بطراف صباعهاا باش ماديرش لحس...لقااتهاا قباالتهااا خنزرات فيهاا وقالت كاتهضر بشوية:على سلااامتك...كون غاابتي حسن...

خنساء ردت عليها بصوت خاافت:و غاا مع طرييق اشبغيتي ندير نطيير متلا...

رانيا بعصبية:دخلي لهضرة ماشي هنااا...

يلاه دخلات خنساء و رانياا رجعاات كاتسد لبااب بشوية و تسورت فيه...حتاا تسمع صوت رجولي من ورااه ناطق بصراامة كايطلع و ينزل فخنسااء بعينيه مطرطقهم فيهاااا :فيييين كاااانت هاااادي فهااااد لوقت....

خنساء عضاات على شفاايفهاا و رانياا شهقااات...لحصلة لي خاافت منهاا هاهياا كاتشوفهاا قداامهاا اونكولوور....داارو عندو بجووج دقة وحدة قلبهم ضرب على حدو و دغياا شاافو فبعضياتهم و دم بداا كايتسقط من وجووهم بلخوف....

خنساء بالخف جمعات افكارها لي تشتتو بقوة الخلعة والرهبة لي دار فيهم وبزربة غمزاات رانيااا وغمضات عينيهااا بحال الا ضاربها حماار ليييل ... رانيااا شافت فيهااا مفاهماهاش وهي خنساء تزيد تحرك حتى دخلات فالحييط وعاودات دخلات فيه كأنها مواعيااااش .... رانيااا هزات حاجبهاا عاد سرااات معاها وبلعااات ريقهااا شادة فيها ناطقة : لا احبيبة ماشي من هنا ...

اسماعيل باستغراب : اش واااقع ... فين كنتوو ؟؟؟ ...

رانيا حيدات الخلعة : الله يهديك ابابا فين غانكونو راه فقت مالقيتش خنساء حدايااا نضت تبعتها لقيتها مسكينة غادة فنعاااسهااا ...( بخفوت ): غاتكون عاودات ليك ماما لي طرا ليها مؤخراا باقي مأتر عليهاا ...

اسماعيل هز حاجبو وطلعها وهبطها مادخلاتش ليه لراسو : كاتمشي ناااعسة وبحوايج الخروووج ... كاتفلاي عليا ولا مااالك!! ...

رانيا تنهدات محاولة تشرح ليه : لاااا رااه كاتنوض تبدل بحال الا خاارجة وتمشى مسيكينة ... لهلا يوريك الحاالة لي كااانت فييهاااا ... راااه عالم بيهاا غير الله ... ( قربات ليه ): كانت مملوكة وباااقي لي فيها مامهنيهااا وهو لي داير ليها هاد الحااالة ...

اسماعيل : اعود بالله من الشيطاان الرجيم ...

رانيا بتفسير : اييه لهلا يورييك ابااا ... ولقيتيني كانسورت الباااب لاتمشي تخرج رااك عاارف الا وقعات ليها شي حاجة حنا لي غانوحلو ...

اسمااعيل : يااربي السلااامة ... واش كايطرا ليها هاكا ديماا ؟!...

رانيا دوراتها فراسها : الااا دابا هي الفقيه كان عطاها حجاااب خاصها تبقى تحطو تحت من راسها كل ليلة ايواا ومني جات نسااتو عليها طرا ليها هاكا ... بسم الله الرحمان الرحيم لي مالكينها لقاو فيها ما بغااااااو ... ورااااه صعاااااب ذكرنا السمن و العسل ...

اسمااعيل شاف فيها كاتبان ليه بصح مرفوووعة : دخليهاا دخليها لاا تمشي تجي على راسها وردي معاها الباااال ...

خنسااء تحركاات جوج خطوات للقدام هازة راااسها لسماااا ودخلاااات فيه حتى كانت غاطيح كون ماشدهاااش ونطق : بسم الله عليك ابنتي ... نتي فعار سيدي ربي ... الله ياربي الله ...

رانيا : احيااني هادشي راه غير شوية .. حالتها تشفي العدااا ابااا ....

اسماعيل ماينكرش انه فلول دخلو الشك ولكن هو من قبل سامع من عند عتيقة على لي طرا ليها وكاتباان ليه بصح مااشي فوعيهااا مرفوعة بالبياان .. ماقدرش يشكك فكلااام بنتو بالمرة .. نطق : طلعي طلعي انا غانسورت البااب ... ردي معاها الباال فالدرووج ...

رانياا بايجاب : واخا ابااابااا ... ( قرصااتها وزادت جارااها بالغداايد وعلى الموقف لي تحطو فيه على شوية كانو غايوليو فمصيبة مامنها خروووج غير زهر لي وقف معااهم ) ..

اسمااعيل بقاا متبع ليهم العين حتى دخلو للبيت وسورت الباب ديال الزنقة مزيان : ياربي تخرجنا من دار العيب بلا عيب ...

ساط وهز قرعتو ديال الماااا ودخل لبيتووو يكمل نعاااسو ...

خنسااء تنشرات فوق السرير : اوووووف فلتنا ... نااري هاد البااك داير فحاال الغرااب ماعرفتو منين خرج ...

رانيا خنزرات فيها : اويلي واش نتي عارفة كون عاق بينا فين غانوصلو ...

خنساء : ماشكش فينا يااكي... اصلا حتى الا قالهم شي حاجة غانقولهم نفس الهضرة وحتى حد مغايشك ... اووووف ... ناري قلبي كان غايوقف ...

رانيا حطات يدها على صدرها جاتها الضحكة : هههههههههههههههه ناري انا وياااك يخاف مننا لواحد ولينا ديرين عصاابة ...

خنسااء :هههههههههه لي عندو باب واحد الله يسدو عليه ... ههه قالك الحيلة حسن من العااار ... مايتسالكش دغيا فهمتيني ... الحر بالغمزة والعبد بالدبزة ... ماعليكش هههه

رانيا بايجااب : ههههه نوضي نوضي بدلي عليك نعسو راه جوج هادي وزيادة ... الخلعة لي ركب فيا موحال تبرا على يوماين هههههه

صباااح جدييد خنساااء جاية من لمحال من بعد ما تقضات شي اتات لداارهااا جدييدة واخا غير خفيف بحكم فلوسها على قدها خدات غير شي حاجة قليلة باش ماتبقااش خاااوية وصلاتهم لتمااا عاد رجعاات ... دخلااات للمحل لقات رانيا ملاهية مع شي كلياانااات ... خرجات برا جهة محل عبدو باان ليها كايستف شي سلعة هوو وسيمو شاافها وطلق لي فيدو خارج عندهااا : صباااح الخيير ...

خنساء بابتسامة : صباااح النووور ... البارح صونيتي ليا لقيتيني نعست...

عبدو : اه كنت باغي نسولك غير واش الامور دازت مزيااانة ...

خنساء تفكرات لي وقع جاتها الضحكة : هههههههه المهم سلينا الشوكة بلا دم ...

عبدو حك على راسو : ايوا مزيااان ... فصرااحة حتى انا غير مشيت نعست ( غمزهاا ): شحال مانعست مرتاح هاكااا ...

خنساء فهماتو : مممممم ايوا الله يزيد فرااحتك ...

عبدو طول فيها الشووفة : نقدر نسول فيك مرة مرة فالواتسااب ... ( بتردد ): ماكرهتش صرااحة ندوييو بحال قبل ...

خنساء رمشات : اييه راه دخلت نمرتك عندي وحتى الفايس راني ديبلوكيتك .. المهم وقتما بغيتي تسول سول ...

عبدو عاجبو الحاال : اوووك ... هاكا مزياااان ... ااه فكرتيني الا ماكنتوش غاتمشيو لغدااا انا غاندوز نجيب شي سوندويتشات نجيب ليكم معانا ....و ..

باقي ماكملش كللامو قاطعااتو حيااة لي وقفات عليهم : ايوا اسي عبد الله مني نتاا غاتغدا بسوندويتش هاداك الطاجين لي رادة انا لمن للجنوون ولا وااقلة مابقيناش فبااالك ... مابقيناش معمرين ليك العين

عبدو بلع ريقو عارفها كيف دايرة من ناحية موضوع خنسااء : الواليدة مرحباا بييك ....

حياة دارت ضحكة صفرة لخنساء : اهلا ابنتي ...

خنساء عارفاها ماعندهاش معاها من زمان : اهلا خالتي حياااة ... لاباس عليك ...

حياة : هنيها تهنيك هااد الساااعة يسول فيك الخير ... ايوا اعبد الله وليتي باغي دير الكانون هنا ولا كيفاش ؟؟ ..

عبدو تنهد محاول يلطف الاجواء : لا امي غير حيت عندنا الخدمة بزاااف هاذاا كان ...

خنساء ضحكات : هههههههه اصلا حتى انا عمتي موجدة الغدا ودايرة بحسابي نخليوها لمرة اخرى اعبد الله ...

عبدو : اوك ... ان شااء الله ...

خنساء مخاطبة حيااة : خليك ليك الراااحة ...

حياة حركات ليها راسها بايجاب بلاما تجاوبهاا ماعندها حتى مشكل مع خنسااء بالعكس كاتبان ليها مراة وقادة وصورتها ليها ديال زمان تبدلات ولكن وجودها جنب ولدها لي معاجبهاااش بالمرة ومامتقبلاااهش بالنسبة ليها مايمكنش تقبل تخليه يتزوجها وهي مطلقة جوج مرااات ...

عبدو شاف فيها : مالكي امي على هاد الدخلة ... واش ديك تخنزيرة درتي فالدرية ....

حيااة بعتاب : حمد الله لي غير خنزرت واش نتا مزال مباغيش تقيل عليك بنت الساايب ... ما بانت ليك غير هي فبنااات العالم كاامل ... مالقيتي من غيرهااا حد ...

عبدو بلا حول : الله يهديك امي حنا كنا واقفين داويين ... وعااد نتي عارفة موقفي فهاد الموضوووع ... وعارفة مزيااان رأيي يعني بلاما تبقااي تحفي الحجرة على وااالو ...

حيااة : اشوووف نقوولك شتي اوليدي واخا تبقى غير نتا وبنت السااايب فوجه اللارض ... ياااا راااه مغاتكونش لييك ... مانتاا من سهمك ماهيا من سهمهااا ... فهمتيهاااااا ...

عبدو بتأفف : باز الواليدة .... لاش جيتي بعدااا ؟؟ ...

حيااة : ولينا فلاش جييت ... واخا اسيدي جييت باش نعلم سمحمد راااه عيطات ليا عتيقة ... سبت غانمشيو ندويو فراانيا ونتفاهمو مع نااس ...

عبدو ابتاسم : اييه راه قالتها ليه رانيا الصباااح ... الله يسر ليهم

حياة : ممم ... على الاقل نفرحو بيه هو اما شي نااس موحال واش يديرو نفس ...

عبدو بطنزر : النفس فالرابوز امي الله يهديك حتى نتي ...

حيااة : اييه ولدوهم ويضحكو عليك ... انا غانتسناكم فالغدااا ... الا ماجيتيش ماتلوم غير راااسك وراك عاارف ... راه قاليك وريه وريه, وإلى عما سير وخليه.

ضحك برضى : الله اودي طلباتك اواامر ...

حياة حرطات راسها بلا حول وزاادت من تمااا للحانووت تجيب شي سخرة خااصااهاا وهو دخل يكمل شغااالو فالمحل ...

يتبع...