بنت السايب الجزء 54

مع جوايه 12 تنهار تقريباً... خنساء بخطوات سريعة هابطة مع الدروج بااش تحل البااب...

مع الحلة و هياا توسع ابتسامتها ناطقة بترحيب: اهلا اهلا...على سلامة...

قربت عندها نسرين معنقاها:الله يسلمك احبيبة توحشنااك...

خنساء: والله الى حتاا اناا توحشتكم..(غمزاتها كاضحك) هههه جيتي مزنݣة لهوى تاع أكادير واافقك....(قرباات لعند عصام معنقاه) صافاا خوياا على سلامتك...

عصام بإبتسامة جاار لڤاليز مدخلهاا: الله يسلمك اختيتو...

دخلو لدااخل و جاات عندهم نصيرة لي كانت فلكوزينة كاتقاد فلغداا...سلماات عليهم و دخلوو لبييت لݣلااس كايستاراحوو...

نصيرة كتساؤل: هياا فوجتوو العفااريت...مشيتوو نسيتونااا...

قرب لعندهاا عصام باايس على راسها و شد فيديهاا:تنساك لمووت العزيزة...والله الى دااز لكونجي معتبر...

نسرين:تفويجة دايزهاا لكلاام...نااري اݣاادير شحاال زوينة لجو فيهاا غزااال...محسينااش بسيماانة فوقااش داازت

خنساء:بصحتكم... مزيان لوااحد يسافر مرة مرة لݣلسة فبلاصة وحدة كاتقنط و تجيب لخنقة...

نسرين:الله يعطيك الصحة...لا زعماا ملي مشيناا غير نفيقو مع صبااح و نبقااو سير هناا جي من هناا...لعشية تاني غير نتغدااو كانخرجوو و مكنرجعوو حتى لتلاتة صبااح...فليل كاايكون تااني جو اخرر تماك...نهاار فرمشة عين كايدوز مكانحسوش بييه...

عصام:عندهاا الصح...بعداا هرسناا لكونجي...عشر يام لي كاانت باقا فيه دازت طاايرة...

خنساء: مزيااان عبرتو ... اجي بعداا ضربتوها بشي تبحيرة و لا والو؟!!

نقزاات نسرين:خووك لي شبع بحر...اما اناا منين؟!!مخلانيش نقرب ليه...ݣالسة بلبوركيني ديالي كانتشمش بااطل بحال ليتيمة..

نصيرة قرماتهم فيها: تصطيتي باغا تعومي؟!! رااه لبحر غايركب فيك لبرد و نتي حاملة...مخااصكش ݣااااع تقربي ليه...و زيد عليهاا نتي حبالتك غير على سبة خااصك تراري بيهاا...تبتي شوية الله يرضي عليك ونتي لخفة لابساك من راسك لصباع رجليك...تسع شهور دايزة و ملي تولدي ارى ماديري

عصام:و ݣوليهاا ليها اعمتي...هياا غا كتشوف لماا كاتحواال...

نسرين غوبشاات بملاميحهاا :اييه نقولو لبحر مامزيانش ليااا...اوى و تيليفيريك لي كنت مشهياا نركب فيهاا كانشوفها غير فسطوريات فإنسطاا كايعاود عليهاا وااعرة ...بحلوفو مخلانيش...و كنت معولة نضرب فيهاا تصيوراات و نشوف أكادير من لفوق كيف كاتباان...

عصام:إيييه تعلقي فسما تشوفي أݣادير من لفوق بااش نيت ينزل داكشي لي هازة فكرشك من لتحت...

خنسااء طلقاات الضحكة حابساها بيديهاا و نسرين خرجاات فييه عينيهااا

نصيرة نااضت واقفة حشماانة:احم... اناا غاانوض نرد لغداا يسخن...بيدماا رتااحيتوو...

عصام حرك ليهاا راسو حابس ضحك بزز... و نصيرة تمات غادة بخطوات سريعة كاتݣمݣم: ولاد ليووم جيب افم و ݣول...لحشمة طاارت يالطيف...

نطق مخفض صوتو ضارب على جبهتو: بعض المراات شحال كانولي مبلووز...

نسرين:نتاا راك فتي لبليز لديك الجيه...

نااض وقف وقرب مخربق ليهاا شعرهاا و قال: وشكوون لي خلاني نبلزهاا قدامهاا من غيرك شكوون؟!

بتااسماات ليه و كمل على طريقو طالع لبيتو و مطلع معااه لڤاليز...

خنساء نغزاات نسرين لي بقاات متبعاه بنضراتهاا و قالت بفضول:تصاالحتو؟!!

نسرين ضحكات كاتقاد خصلاتهاا: ههه شوية...

ردت عليها مطلعا حاجبها:كيفاش شوية..واش اه ولا لا؟!!

نسرين تسنداات على لحيط جارة لمخدة حاطاهاا على فخضهاا غمزاتها و قالت:احم...بزز بااش تواضع و عطاني بوسة...

خنساء صغراات فيها عينهاا بتشكيك:مممم زعما زعما...شوفي وكاان....

نسرين رمشاات و قالت بطنز:لا هو فلحقيقة جوج بوسات...

ردات عليهاا خنساء ضاغطة على هضرتها عارفاها كاتفلى:نسرييين....

جوباتهاا بهدوء:وااشنو بغيتي نقوليك نعس معاياا؟!! بحالا مكتعرفيش خوك...بااقي معفر و دافع شيكي...ولكن صراحة هاد تسافيرة كانت لصاليحناا و خلاتو يرطاب شوية...ملي نفاردنا بجووج راس فرااس بداا يتفش...

خنساء بتاسمات ليهاا و حركاات يديهاا جهة عينيها كاتحك فيها: اوى مزيان...غاا ديري عقلك معااه مزاال يرجع...شحااال قدو يبقاا منفخ...اصلا الى ماتفش دابا غايتفش ملي نولد...فجميع الحالات غاايهبط كوااريه معاياا...

نسرين ركزات النضر فيديهاا وبضبط فضفارهاا للحضات و قالت منزاعجة: غااقولي لياا تاعت الله فين باغا توصلي هاد الضفار لعاااار..

خنساء حولات نضر ليهم و قالت بتعجب: علااش ماالهم...

نسرين:اختي طوااالين بزااف غير شوفة فيهم غيلفاتني...كون غاحيديتهم غايجيوك حسن فيديك....

خنساء ضحكات بجنب: ههه من نيتك كادوي...غير لباارح كنت فصالون و قاديتهم بتمااان حتا رجعو كايشقشقو هااكااا..و نتي كاتقولي لياا حيديهم...

نسرين: اوى صافي مالقيتي مايداار ݣالسة كاتصرفي عليهم...لقيتك معندك عقل...

خنساء حركاات شفايفهاا بلا حول و بلا ماتجاوبهاا...حلاات شعرهااا و جاا طاايح على ضهررها مسبسب...

ناضت وقفات و هياا تحس بنسرين شداات فيه و عاودات نطقاات بنفس لإنزعااج الساابق : غاااااقولي ليااا وااش هااد سواالف مكايقنطووكش...كون غانقصتي منهم

خنساء فيكسات عينيها فيها وقالت:و نتي لي (طولاتهااا بفقصة) غاااااااقولي ليااا وااش جاااك لوحم علياا و لا كدبت...وليتي مقشرااني بعينك بلعلاالي الله يستر...

نسرين رمشات بتتاقل بحالا مرفوعة كاتشوف فيهاا كيف كاتدوي و تحرك فملاميحهاا...بلاا مااتشعر جبداات ليهاا حنكهاا بتغنااج:ياااختي ياااختي عاد لاحضتهااا....ملي كاتهضري معصبة هاكاا شحاال كااتجي فنة و خدودك كايتوردو و حروفك كاتجدب...هههه تبارك الله عمي لعربي والد زييين...

خنساء رمشاات فيهاا بدهشة جابت ليهاا الضحكة:ديك لمرة يسحاب لياا غامطلعاها علياا ملي خديتي طوف...ساعة بان لياا بصح نيت هاادي غا دقت لوحم و ماجاات غير عليااا...

نسرين مداتهااش فهضرتهاا و قالت كاتقيس فشعرهاا: نو معاك بصح اشبان لييك تقطعي شعرك....و الله حتااا غاايصرعك...و وجهك غاايولي بلاارة...جربي جربي اشخااسرة...

ردت عليهااا موسعة نضرتها:اويلي على اشخااسرة...شعري رااه ترباا معاياا...عرفتي شحاال ديال لمسكاات و زيووت كانخسر علييك بااش يزيد يطواال ونتي كاتقولي لياا قطعييه...صافا با؟!!(سمعات نصيرة كاتعيط ليها) وخاا هااني جاايا...

كملات على هضرتهاا و خرجاات من لبييت مستااجبة لنصيرة لي بغاتهاا بااش يحطو لغداا...طلعااات نسرين تبدل عليهااا و من بعد نزلو هياا و عصاام مغديين مجموعين بعدما لتاحق بيهم العربي لي كاان خارج...

دردشو مع بعضيااتهم كايعاودو ليهم على سفر و كيف دااز و يستفسرو على لاحوال و شنو داز فدرب ملي كانو غايببن...تغداو و سالاو وجمعو طبلة... تعاونو خنساء و نسرين على الروينة تاع لغداا حتاا جمعو. دنياا عااد كل وااحد دااز لبييت...عم السقيل فدار كاملة

خنساء حساات بصهد فبيتهاا و هبطاات لبيت لݣلااس تسرحاات فوق سدااري...بان ليهاا باقي لحاال باش تمشي لمحل...هزات تيل دوزات بيه شوية الوقت..شعلات التلفازة و بقاات كاتفرج دازت دقائق حتااا غفاات فنوم عميق بلا ماتحس...

نسرين كانت داايزة من لبيت و هياا تباان ليهاا نااعسة...تمعنااات فيهاا لتوااني و قربات لعندهاا...كااتشوف فيهاا ناعسة لايحة شعرهاا على طولتو على لوساادة...شيطاان وسوس ليهاا و مشعراتش حتا لقاات رجليها غادين بيهاا لجهت بيتهاا...حلاات لمجر تاع لكوافورة جبدات منو مقص ماضي و متوسط لحجم...و هبطاات بخطواات سريعة كاتزرب باش ماتلقاهاش فايقة...قربات لعندهاا كاتسلت بصباع رجليهاا حتا من نفس قطعاتهاا باش مادير حتاا حس...كلساات على ركابيهاا فلأرض...و بلا ماتردد هزات خصلة كتيفة من شعرهااا و حطاات عليهاا لمقص....

مع حطات عليه لمقص و هو يوقف عصام عند لباب البيت جاامد فبلاصتوو مخرج عينيه فيهاا مصدوووم ديال بصح....و سيدة عاطياه بضهر مركزة بااش تجي تقطيعة ناضية...مع غاتقول بسم الله و هيااا مباانت ليه غير مخدة صغيرة فوق سدااري...هزهاا شير عليهاا بيها جااتهاا لقرفاادة نيشاان فيقاتها و قفزااتها و مع لقفزة و هياا طيح لمقص من يديهااا...

داارت و هياا تلقااه قبلاتهاا... يديها عرقو فلبلاصة و ترعيدة شداتهاا عرفات راسهاا شنو داارت...

عصاام خنزر فيهاا بلا مايدوي ولا يتكلم لا يفيق خنساء و تصدق مدوزة داك لمقص على نسرين لي كاانت معولة تقطع ليها بيه شعرهاا...

دار ليهاا اشاارة بمعنى "اجي لهناا"

و هياا تحرك ليه رااسهاا بنفي...

عصام سااط عرفهاا خافت منوو و نطق مخفض صوتو بحدة:غااتجي و لا غاانجي...

نسرين حبساات لبكية فحلقهاا و رجعاات حركاات ليه رااسهاا بنفي فشلاات فبلاصتهااا...هو زير على قبضة يديه و تماا جااي عندهاا و هيااا توقفو بيديهاا نايضة لعندو...

قبل ماتقرب دار ليها اشارة بعينيه بااش تهز لمقص من لأرض...تحناات عليه و تمات غادة لعندو بخطواات تقيلة رجليها كايقفقو بلخلعة بالعة ريقهاا بصعووبة...طول يديه جاارهااا لعندو من درااعهاا و هياا تغمض عينيها بالم...

ونطق بهمس كاارز على سناانو:واااش تفروحتي و لاا هرب لييك اشهااادشي باغا ديري لبنت (زااد ضغط عليها) وااش خرج لييك لعقل...

نسرين بنبرة مبحوحة محاولة تخفض صوتها :لاا واالو والله مكنت بغيت ندير ليهاا شي حاجة...

عصام شد فيديهاا خاطف ليها لمقص: باغاا تصطيني؟!! و هداااا شكوون لي لقيت حااطو على شعرهاا جنوون؟!!!

ردت عليه بتلعتم: اي ايه اييه ا ااناا لي حطيتو ولكن هانتااا غير فهمني...انا منويت غير لخير بغيت غير نقص ليهاا شوية منو و ندير ليهاا تقطيعة خطييرة لي تجيهاا واعرة مع وجهااا...

عصام ضرب ليهاا على راسهاا: شكااات علييك الالة..طلبااتهاا منك...مااال واالديك كااطيري من لمقلة و خف من رزقك...

نسرين شافتو غايصدق جااعر و هياا دورهاا عليه:ياك يااك..هداا هوا خيري حيت بغيت نتهلى فختك و نخليهاا تباان زوينة بين النااس...قلت نقطع ليهاا شعرهاا بااش يولي وجهاا ضااوي غاترجع شهوة منهااا...(عوجات شفايفها كاتبوحط) اهئ اهئ ولكن سري مادير خير مايطرى بااس...(بغاات تقنعو ) هاانتااا راه هياا فنة تبارك الله و دوك لحنيكاات لموردين مايجي معاهم غير شعر لقصير...غاايصرعهاا والله تيق بيااا

عصام جابت ليه الضحكة و جااتو عجب انهاا كاتمدح فيها بشكل عمرهاا مدحاتها بيه من قبل...عرف انهاا غير دقة لوحم لي ضارباهاا و ماجتهاا غير على خنسااء...

دغياا حمر فيهاا و قال: داباا كون فاقت و لقاااتك حاطة لمقص على شعرهاا غااتيق هااد لهضرة لي باركة كاتخبري علياا فيهاا؟!!بربي حتاا كاانت غادردك على مك وسط لبيت و توريك تقطعي ليها الشعر بشحال كايتقاام...

نسرين بتقة:بلعاااكس..كانت غااتجيهاا زوينة ويعجبها الحال.. غاترحم لياا لوليدين عليهااا...(بإلحااح) عفااك عفااك غير ساعفني فهااادي و خليني نقااد ليهاا شعرهاا...مسكينة راه بااينة طولتو قنطااتهااا...

خنساء وصلهاا توشويش و فيقهاا منعااس...شافت فيهم مقندشة هزاات حااجبهاا خاسرة و قالت:ماالكم اشكااين تاني؟!! وااش ماتخليو حد يرتااح فهاد الدار ...

عصام خبى داك لمقص ورى ضهرو بلا ماتعيق بيه و قال: تي مغادااش تمشي تحلي راه مشاا عليك لحاال...

خنساء وسعاات نضرتهاا و هزات تيل غير شاافت شحاال فسااعة و هيااا تنووض بزربة جمعاات نوضة:ويلي ويلي و دايرة مع مول السلعة فربعة غاايجي مغاايلقى حد...اودي على لقيلولة ياودي...يخخخ اشدااني...

داازت من حدااهم طاايرة و عصاام نطق بخفوت:كاان غايخليك مول السلعة و حتاا الشعر...غااربي لطف...

نسرين تبعااتهاا بنضرتهاا و قالت هاايمة بتفكير:ناااري كيف كاانت غاتجيهاا تقطيعة...خساارة والله حتاا ضالمة حروفهاا بدااك شعر طويل...(دورات شوفة لعصاام رمشاات ببراءة و قالت) حس بياا احبيبي شهوتي نشوفهاا بشعر لقصير...عفاااك خليني نقطعو ليهااا...

عرفهاا مغاتبتش معااه بلخااطر...شد دااك لمقص و غرس قنتوو فدراعهاا حتاا تاوهاات بالم و قاال: عرفتي الى مجمعتييش رااسك انسرين و خليتي عليك هاد تبرهييش و بعدتي من ختي...رااه كاانحلف ليك بالله لي خلقني و خلقك حتااا نساا رااك حاملة و ندير فيك شي كااريتة...

نسرين مغمضة عينيهاا بالم:صافي صافي ماابقيتش نحااديهاا اشبغيتهاا ضبر لرااسهااا...اييي راااك ضريتيني فدرااعي والله....(رفعت صوتهاا) راااك يا لمجعوور غااتجرحني بييه رخي مني رررخي...

عصااام زااد كاايتحلف بصرامة: هااني دويييت...و يااربي تجيني خباارك قستي ليهاا فشعرهااا الى مدوزت هااد لمقص على لحمك كاامل و زوقتوو بييه رااه ماولد فياا ساايب غاا لخلاا...

حركاات ليه رااسهاا ب اه و رخف منهاا و هياا تبلع ريقها بخوف شديد و تسلتاات منوو غاادة بخطواات سريعة لبيتهااا معاودااتس معااه لهضرة.. ناادمة ݣااع لااش قرباات لخنساء شوية و يتجبد عليهاا نحل...مبقااتش باغاا تفكر نهائيا فلموضووع...

حتا حسات براسها بعدات عليه بشكل مافي باش تقدر تهرب من بعد

و هياا تقول: اصلاا نتاا حݣااار و مغااتحسش بيااا....رااه مغااايهناا لياا لباال حتااا نشوفهاا مقطعاااه...بسبابك غانبقااا نتخيل فيهااا و ريوݣي طايحين..دنووبي علييك اعصااام دنووبي عليييك...

كملات على هضرتهاا وطلعاات كاتجري لبيتهاا خاايفة لايرجع ليهااا....

عصام حرك راسو بلا حول و نطق متنهد:لالة زينة و زاادهااا نوور لحماام...اصلااا هاارب ليهااا بلااا وحم ودابااا غااتكمل لباهية..مغادووز هااد تسع شهور حتاااا يغفرهم لياا الله معاا هااد لمرى...

تمشى بخطوات و عاود وقف و نطق شاد على راسو ملي دكر هضرتها: قالت لك شهوتهاا تشوفهاا بشعر لقصير.....بااينة الى مشافتهااش و خاا نبقاا نتحلف عليها و نتغااوت حتاا نشحف مغاادير غير لي فراسهاا و تخرج على شعر درية هكااك بااطل...يخزيييت(صغر عينو بتخميم و قال) صااافي لقيتهااا...و مالني كانحمق فرااسي ولحل موجود....اصلا ماكااين لي غاايفكني قدوو..

فبيت رانياا حاطة الحوايج لي جااب ليها باها مستفاااهم .. التواااب ديال الفريييع وشي كساوي طوال وصاتو عليهم وواحد الباك ديال الدهب سنسلة بحلقاتها وكورميطتهااا كااتحمق كادو لعرسهاا ...

نطقات بفرحة كاتجرب فالسنسلة : غزالة ابابا كاتحمق ...

عتيقة قربات كاتشوف : ماشي رقيقة ... كون غير جبتي ليها شي حاجة عامرة تبااان ...

رانيا : لا لا بالعكس هاكاا خفيفة حسن ... ماعنديش مع داكشي عامر معربن ... سااامبل وااعرة ...

اسماعيل : اودي اعتيقة راني عارف بنتك دوقها كيف داااير داكشي ديال الدهب يكون واازن وعاطي للعين كان فجيلنا حنا اما هادو غير شيكي. ..

عتيقة : عليهااا الدهب مابقاتش فيه النخوة... كايلبسو خويطاات ويقولو ليك راااه دارو الدهب والمشكل كايشريوه بالتمن ...وماعليه حتى الربح ...

اسماعيل مخاطب رانيا : ايوا ابنتي مني دابا فكيت مشاكل خدمتي ... خاص نحددو نهاراش العرس مكاين لاش نزيدو نطولواا ... باش تروحي عند راجلك ...

رانيا شافت فيه وبلعااات ريقهاا ... الا قالت ليه راهم مخاصمين من دااابا اكيد مغاديش تفك منووو وعاد الا عرف حملها مشكلة اخرى .. نطقات منهدة : اييه واخا ابابا ... وقتما بغيتي ...

اسماعيل : ايوااا عيطي لراجلك علميه يجيو يتعشاو معانا غدا ومنها نيت نقررو مجموعين نهاراش غانديرو العرس ...

رانيا رمشااات موكلة امرها لله : واخااا ابابا انا غانعلمووو ونرد علييك ...

بقااو مدة وهما كايتفحصو دااكشي وعاد زاد اسماعيل وعتيقة لبيتهم يوريهااا شنو جااب ليهااا بينو لبينهاااا ... رانيا بقات غادة جاية فالبيت ماعرفاات اش تقدم ولا توخر مابقى عندها حتى حل اخر من غير تصوني ليه حيت اكيد الا مجاش باهاا غايشك ... دوزات نمروتو كاترمش وهو يجاوب ببرود : الووو ...

رانيا من نبرة صوتو عرفاتو باقي دافع عليها كبيير نطقاات حتى هي بنفخة : الو ... لاباس عليك؟

سيمو بايجاب: ولله الحمد ... شنو ؟؟؟ ...

رانيا هزات حاجبهااا عارفااه نااافخ من الفلاش لي دارت ليه وماشي سااهل يتناازل : بابا قال ليااا نعلمك تجيو غدا تعشااو معانا .. على قبل موعد العرس ...

سيمو فهم انها ماعيطاتش ليه حيت عرفات غلطها ولا باش تعتاادر وانما غير حيت اضطارااات ... نطق بهدوء : اااه باك جا ... غدا موحال نسالي قولي ليه غير نلقى شي وقت وندوز عندو .... ( بزربة ): المهم نخليك دابا مشغول فالمحل الله يعاونك ..

قطع عليهااا ورانيا خرجااات عينيهاا مصدوومة من ردة فعلوااا عضاات على شناايفهاا والبكية شداااتهاا ندمات حيت دوات معاه بديك الطريقة ... ماعرفاتش اصلا كيفاش خرجااتها خصوصا من مورا ما قالت ليها خنساء انه اكد على عبدو يعلمهاا انو نسا التلفون وختو مريضة داكشي علاش سافر على غفلة .. حسات براسها تصرعااات وجرحاتو بكلاامهااا ونقصااات منووو ... نزلات دمعة حارة على خدهااا وهزات تاني التلفون صونات لخنساااء ...

خنسااء فالموول كتااخد شي ديكورااات ديال الحيط لداارهااا كل مرة كاتجمع شي فليساات كاتحاول تنقص عليها من الاتات باش تكملهاا حيت ماعندهاش الجهد ولا الفلوس لي تقد دير كلشي فدقة وحدة... شافت التلفون كايصوني وجاااوباات : الو الكبدة

رانيا بتخنصيص : عتقي اصحيبتي مشيت فيهااا ...

خنسااء هزات حاجبها : يااك لابااس ؟؟ ..

رانيا كادمع : بابا جاااا اليوم وقاالي خااص سيمو يجي عندنا باش نتعشاو غدا مجموعين على قبل العرس ... ومني صونيت عليه قاالي مامساليش عندو الخدمة فالمحل ... حتال من بعد ونتي عارفة بابا الااا قلتها ليه غااايقربل عليا الدنياااا ...

خنساء تنهدات : وا صاحبتي هادشي كان عليك تفكري فيه قبل ماتخرجي داك الكلام وتصغري من السيد .. على الخوا الخاوي...

رانيا : وااا بلاماا تزيدي عليااا .. راني عارفة راسي زابلااااهااا ...

خنسااء:. كاديروها قد راسكم وتوحلو فيها وتبداو تغبنو ... والمشكل راكم عارفين راسكم كاتموتو عليهم ووااهلي اش دايرين فيكم مزغبين الزكوكااا ... ( ساطت ): واخا دابا غير بردي وتهدني ماتخليهمش يحسو بوالو ... ودوزي عندي لداري غانكون تماااا من هنا واحد سااعة باش نهضرو ونلقاو شي حل...

رانيا بايجاب : وااخااا انا شوية ونجي عندك ... لهلا يخطيك عليا احبيبتي

خنساء قطعاات وحركات راسها بلاااا حول ماحيلتها لمشاكلها ولا لصاحبتها لي ماتقدش تخليهاا بوحدهااا وخاطرها مايعطيهاااش ... دخلااات للميساااجاات سيفطاات لعبدو ميساااج وخشات التلفون فالسااك شدات طاكسي متاجهة لدارها ..

فلابخطمون ديال بنت السايب...رانياا هزااات كنينيكس اخر كااتمسح بيه عينيهاا لي كااايسيلوو بدموووع تبكي و تقول مابكينش دموعهاا مبغااوش يتحبسوو....كاانت ݣالسة مع خنساء وسط الصاالون لي مفرش بطريقة عصرية انييقة لبركة فيه كاتفتح النفس...

نطقات خنساء بتحسر: وصاافي اصحبتي زدتي فييه..بركة من لبكاا طيبتي ليا قلبي

رانيا بنحييب قوي: اناا لي نبكي انااا...انااا لي نطيحهم صحااح و جاات معاياا....صاافي سيمو مشاا اختي مشااا...اهى اهئ..و اناا لي ضيعتوو بيدي...(ضرباات على فمهاا) اهى...هاااد لفم خااصني نفرشخوو هو سبااب لمصاايب هواااا...

عودات حطاات كنينيكس فوق طبلة لي عمراتها رجعاات كلهاا بيضة تكمش و تلوح...و عاوداات هزاات كنينيكس اخر كااتمسح بيه نيفهاا...

خنساء طولات يديهاا ضماها لعندهاا حاطة راسهاا على كتفهاا و كادوز يديها على دراعهاا بااش تهدنها: اوى شتي راه كايقولوها..الهم رصاصة بدمها و لا كلمة بسمهاااا...و زيدون غايكون مقلق غير شوية..داباا يتفش...اصلا يا لهبيلة راه كايبغيك و غاادي يرجع معاك عااود...تيقي بيااا...

رانيا بنبرة باكية كاتنخصص بحرقة:هء هء موووحاال وااش غاايرجع...انا لي عاارفااه...سمحمد نفسو عزيزة كاايشوف غير فسماا...من مورة تبهديلة لي درت ليه و لخاتم لي لحت عليه مزال غايشوف فياا؟!!مستحليييل(بعدات من عليهاا و قالت) تخيلي عمرني خرجت لعيب مع شي واحد..حتاا خرجتو مع راجلي باات ولااادي... واش لهااد درجة انا صݣعة هء هء و معندي زهر فزوااج...

خنساء بإقناع: نتي ضربفة و قلبك بيض و سيمو عاارف هاادشي...داكشي لي قلتي ليه كامل كان فلحضة غضب و صافي...و صبري شوية دابا ينسى و يرجع...

رانيا:عرفتي كيفاش دوى معايا قبايلة بحالا مكايعرفنيش...و مدار حتاا بوجه بابا لي عارضو... قالي هاكا قوليلو مشغوول ...اهى اهئ عمرو مكان بهاد لبرود كاامل...بااينة غداا و لا بعدو غايسيفط لياا طلااقي...ميمتي و على شوهة غاانتحط فيهاا و زيد عليهاا حاااملة اهى اهئ...

باقاا كاتبكي و كاتنووح..حتاا تسمع دقاان فلباااب... خنساء بتاسمات بخفوت عارفة شكون جاا...دارت راسهاا بغات تنوض و شدها كلاكاج...

رجعاات ݣلسات شادة على ضهرها: يااربي سلامة ضهري تكوانسا.. رانيا شوفي معااك شكون عفااك منقدرش نووض...

راانياا مسحاات على وجهااا لي رجع حمر عينهاا منفوخين و ناضت تحل لباب...مع الحلة و هياا توسع نضراتهاا ملي لقاات سيمو قبالتهاا...بدون اي مقدمات تلااح عليهااا معنقهااا مزير عليهاا بلهفة كبيرة حتاا حساات بضلوعهاا غايطرطقو و قااال: رانيا صاافااا؟!! موقع ليك وااالو ياااك....(بعدهاا عليه شااد فحناكهاا بجوج وسط اديه) دوي نتي بخيبير ؟! باااش كاتحسي؟!!

فلاش باك:

سيمو كان فالمحل كاايسورجي شي سلعة ووعبدو كايحسب شي مصااريف ... صونا التلفون لسيمو وعبدو هز عينو فييه عارف شكون المتصل ..

خنساء فالكوزينة ديال دارهااا مخلية رانيا فالصالون : الو محمد ...

سيمو : خنسااء صافا عليك اختي ؟؟ ...

خنساء بايجاب : الحمد لله ... بغيت نقولك شي حاجة ولكن بلاما تخلع عافااك ...

سيمو حط داكشي لي فيدو ونطق : يااك لاااباااس ؟؟؟ ..

خنسااء باسف مصطنع : رااانيااا زلقااات عندي فالدااار ... كناا كانجمعوا شي حاجة وطااحت ... عافااك لاماا اجي ...

سيمو خرج عينوو وقلبو ضرب فالتسعيين : كيفاااااش ... شنوو وقع ليهااا وااش هيا بيخييير فينكم نتومااا داابااا .. ( كايتفتف ): كيف بقاات ؟؟ ...

خنساء : حنا فالداار ديالي اجي باش تشوفهااا ... انا غانتسنااك ...

قطعاات عليه وهو خرج عينو : الو الووو الوووو ... ( كرز على سنااانو بعصبية ) ..

عبدو بتساؤل داير فيها مافراسو والو : مالك ياكما كاين بااس ...

سيمو هز سواارت الموطوور : رااانيااا طاحت فالدار عند خنسااء .. ماعرفت مااالهااا .. خاص نمشي ضروري ...

عبدو كيف تافق مع خنساء لي وصاتو مايخليهش يصوك وهو مخلوع لا يوليو باغين يصلحو حاااجة ويوليو فحاجة اخرى .. أكدت عليه مايتفارقش معاه : انا غاانجي معاااك ... لله يحضر السلامة...

سدو المحل وزاادو هزوا الموطوور وعبدو كسيييرااا متااجه للدار دخنسااء

باك

رانيا تشوكات من وجهو لي صفر ولونو المخطووف باينة فيه مخلوع .. نطقات بعدم فهم : ماااالك ... انااري ؟؟ ...

سيمو طلع عينو فيهااا : قولي ليا شنو وقع ليك فين تقصحتي ...

رانيااا مضهشرة :اويلي علاش غانتقسح ...ما بيا واالو الحمد لله صحة سلااام ...

سيمو هز راسو فخنساء وخنزر عاد سرا معاه البلاااان : كاااتفلاااااي عليا ؟؟!!! ... بلعااني قلتيلي طااحت باش نجي هناااا ...

خنساء هزات يدها : ايوااا مالقيت حتى حل بااش تهبط كوااااريك وتنااازل شوية .. وزايدوون الغاية تبرر الوسيلة ...

رانيا متفااجئة : واش هادشي علاااش قلتي ليا اجي هنااا ...

سيمو خنزر : ماااشي بللاااااان اخنساااء هاادشي مكايضحكووش فييه النااس ركابياااا خوااااو علياااا بالخلعة مااعرفت كاع كيفاش وصلنا لهنااا ... ( شاف فعبدو ): ونتاا فخباارك ياااك دورتوووني .. ودرتوني دمدومة وسطكم ...

عبدو : واا هيل لي خططات انا قالت ليا غير اجي معااه لاااطرا ليه شي حاجة بالخلعة .. ونفدت... مادرت لا بيدي لا برجلي ...

رانيا شافت فيه بابتسامة كاترمش : خفتي عليااااا ؟؟ ...

سيمو ميق فيها كاعي : حتى نتي معاااااهم ياااكي ؟؟ ...

رانيا بشرح مصدومة : قسما بالله مافخباري شي حاجة ... وحق الله ... ( شارت للصالون ،): من الصبااااح وانا كانبكي ونتخنصص .. شوف الكلينيكيس وعيني كي منفووخييين قداااش ...

سيمو رمش فيها ونطق بهدوء مصغر فيها عينو : سنو زعما كنتي كاتبكي على قبلي

رانيا هزات كتافهاا: هااء وعلااش بالسلااامة علااامن غانبكي من غييرك ( دغيا تغرغرو عينيها ): هاادا سؤاال ؟

دغيا ترسمات ابتسامة خفيفة على وجهوا ونطق بطنز : الله ينعل هادا لي يبكي هااد العويناات ( مسح بيدو دموعهاا ): ماااايسوواااااش ...

بللاااماا تفكر ولاا تشعر طاارت علييه معنقااااتااه كاتبكي فحضنوو وتقول مااابكيت تفركعاات بحال شي درية صغييرة كاان خاصهاا غير علاامن تشكي ...خلااهاا فرااحتهااا وهو كايدوز يدو بحناان على ضهرهااا ...

خنسااء ابتااسماات للمنظر وشافت فعبدو لي حتى هو نشط ..

نطقاات مقصدة : ايوا لعقبة لشي ناااس ...

عبدوو شاف فيهاا وميق بلاااماا يجااوبها ... نطقاات مخاطبااهم : ودخلو لدار وسدو الباب وارا ماتعاااانقووو ... راااه بنادم خاصو غير علاش يدوي ....

رانيا بعدات عليه كاتشوف فعينو ونطقات باسف : سمح ليا احبيبي عافاااك ...

سيمو جرها وسد الباااب : حتى نتي احياااتي ... ( جبد حنكها ): على سبة خاصك غير علاش تبكي ...

عبدو بطنز : ها حبيبي هااا حياااتي ... تكايسو لا تموتو بشي اوفردوز ديال الحب ...

تقدموا للصااالون مجمووعين .... خنسااء نطقاات : نتووما كلسو هضرو فخااطركم ... ( شافت بعبدو ): ونتا اجي معايا نوجدو شي حاجة ناكلوهاا ....

نطق بنفي : غانكلس غير هنااااا ...

ميقات فيه : واقلة. ناس راه مزوجين و كانو مخاصمين عاد تصاالحوا وعندهم فااش يهضرو بجوج ... ( هزات كتاافها ): بغيتي تبقى عسااس علييهم سووقك هاااداااك ...

زادت مخلياااه وراها وهو تنهد بلااا حول شاف كلامهاا على حق مابغاااش يبرزطهم ... تقدم تابعهاا وهو كايشوف فالديزاين ديال الدار لي كان زوين وبسييط متول على حقو وطريقو واخا باقي الفراش مكاملش ولكن كاتباان زويينة ... دخل للكوزينة لي كاانت خااوية فيها غير شي حاجات قلااااال ...

خنساء خاطباااتوو: ياااكما خفتي نطييير عليييك ...

عبدو ميق : مابغيتش نبرزطك ... اصلااا عندي شي خدمة خاص نمشي نكملها بما ان المشكل تحل ...

خنساء : ايوااا غير كول معانا وسير لله يعرضك السلاااامة مكاين لي يشدك

عبدو شاف فيها : زوينة دارك ...

خنساء : بصح عجبااتك ... صراحة خديتها كانت مصلوحة غييير هو قاديت فيها بزاف ديال الحواايج ...

عبدو : مزيان الله يدخلها عليك بالخييير ...

خنساء : وهااانتااا قااد داكشي لي فالطبسيل ... رااه البتيبااان تمااا

حرك ليها راسو بايجاااب وبدا كايحط دااكشي لي قاالت لييه فالطباااسل ... عاد تجمعوا هما ورااانياااا وسيمو كيااكلوا فرحاانين برجوووعهم.

فلعشية مع ادان لمغرب...يلاه رجعات خنساء لدارهم..حلات لباب و دخلاات تلاقاات مع نسرين نازلة مع الدروج..

خنساء شافت فيها و قالت:فين صافا

نسرين:لحمد الله...شتك ليوم جيتي بكري؟!

خنساء : غير عيت شوية مع خدمت نهار كامل و سديت بكري...عمتي موجدة شي حاجة لعشاا كانموت بجووع

نسرين قربت لعندهاا: يلاه يمكن غاتردو يطيب...(بداات كاتشمشم بنيفهاا و خسرات ملاميحها بنزعاج) اووف اختي هاا لعاار ما نقصي من هااد رواايح لي كاديري رااه مجهدين و قااصحيين بلا قياس...

خنساء هزات فيهاا حاجبهاا:اويلي؟! دابا سكوندال جاتك قاسحة ؟!!

نسرين: والله حتا رايحهم مجهديين...عفااك اما نقصي منهم غير حتاا نولد...

خنساء سااطت ينفاد صبر و دازت ضاربة فيهاا غادة و تنݣر:حيدي عليااا...اوى صاافي قهرتيناا...غاا نتي و لمشة لي عند احلام فدوار لي حاملين...زدتي فيييه ݣااع...

نسرين خنزرات فيهاا و رجعاات طالعة لبيتهاا يلاه خطاات جوج خطوااات و هياا تحس بترويعة طالعة معاها... مشاات ديريكت لحماام كااترد...داكشي كامل لي كلات فكاسكروط مابقااش فكرشها...

غسلاات و جهااا و خرجات كاتمسح بلفوطة كاتحااول تنفس بعمق باش ترخى...دخلاات لبيتهاا لقاات عصاام شااد لبيسي مقصر كاايتفرج فلمااتش

نطق بعصبية: و طلق لبااالووون اصاااحبي ماالك مراااجل يخخخ؟!!

طلعاتوو و نزلاتو موغبشة...لاحت لفوطة من يديهاا و قالت ناهضة فيه:تبااارك على السيد نااعس على جنب الراحة كايتفرج فلماااتش معلا بالووش بيااا وانااا من صبح كانتقياااا معدتييي كنت غاانلوحهااا...

عصام دار شافيهاا بستفاام و نطق مخنزر: شنووو بغااني نوض نتقياا معاااك عاااد ترتااحي؟!

نسرين بنبرة بااكية:و زاايدهاا كاتقمع فياااا...حتااا وااحد محااس بيااا فهاااد الداار حتاا واحد...لي دوييت معااه يلقمني...

عصاام مدااهااش فهضرتهاا ملهي معاا لمااتش...نطق بصراااخ:و لااااا احكااااام بربي مااافيهااا شي حاجة....تفوووو صاافي عمرووو لك جيبيييك بسييييف تجي منهم....

نسرين مغمضة عينيهاا:عصاااام والله حتااا رااسي مفروووق على جوووج دنياا كولهاا كاادور بيااا مقاادة على صدااعك...نووض خرج تفرج فلبييت لتحت و خليني نرتااح شوية...

عصام نطق بلا مايشوف فيهاا:سيري نتي لبييت لتحت و لا صالون و نعسي اناا مانصطاالي هنااياا مناايضش...

ردت عليه بنفعاال: صااالوون راك عمتك داايرة عليه لحصااار مكاتبغي حد يدخل لييه...و زايدوون عمي لعربي شاد تلفاازة لتحت مغاانمشيش نتكسل حدااه حشووومة...ضونك نتااا لي غاااتنووض

عصاام ضرب فليكرو تاع لبيسي:واااعباااد الله شيخااات كايتحركو حسن منهم امااا هادو مفضيييبن...تاااواااش فاااطرين بحلييب خاااسر و بزاااف ماالعب مااا بيكاالاا بالله...

نسرين عضاات على شفاايفهاا حابسة لبكية...عارفة مبلي بلكوورة و مغاينوضش ليهاا حتاا يسالي لمااتش....خداات نفس عميق و نطقاات مصطاانعة لهدووء باغا تسايس معاه باش يخرج:عصاااام...الحبيبة ديالي...الله يهديك لياا إماا سير لقهوة و كمل لفراجة فخااطرك و خليني نعس شوية....عفاااك

عصام: مالني غاانتسنااك تقوليها ليا؟!مشيت ليها قبايلة ملي جيت من لخدمة و لقيتهااا مبلووكية....داكشي علاش جيت نتفرج فدااار...

نسرين بفقصة: رااااه الى ماانضتيش خويتي علياااا غاانمشي نعس فداار مي حتاا لغداا و نرجع

عصام نطق مرفووع: سييييير اصاااحبي سيييييير...يخخخخ دويتي و هو يزݣلهاااا...شوية سكااات...

نسرين يلااه غااتغوت و هو يوقفها صوت التيل تااع عصام كاايصوني...نقص الصوت من لبيسي و جااوب: وي .. نتاا قداام الداار؟ صاافي انااا ناازل عندك...

دغياا جمع النووضة و مشااا...نسرين مشات بخطواات سريعة كلاهاا لفضول تعرف شكون جاا...حلاات شرجم تااع بيتهاا و طلاات كايباان ليهاا شااب هااز علبة مربعة فييدو...حليه عصاام تسالمو...دردرشو للدقائق و عطاهاا لييه و مشاا فحاالو...

طلع عصاام نيشاان لبيتوو لقاها ݣالسة كاتسناه يدخل...مع لحلة و هياا طير مسولاه كاتسوف فيدو بهتمام:اشدااكشي فيدك ؟!!

عصاام:هاااد لأياام وليناا خداامين معاك غاانتي...(مدهااا ليهاا ) هاكيي شي حاجة غااتعجبك...

خداتها عندوو حركاات شفايفهاا بستغراب و حلاتهاا ...جبداات منهاا صورة متوسطة الحجم بلكاادر دياالهاا سامبل عليه وريدات فلحمر من جنب ضاربين ليهاا جاجة كاتبري من لفووق...شهقاااات بصدمة خرجاات عينيهااا فصوورة مامصدقاااش شنوو قباالتهااا شادة على فمها...

وسعاااات ضحكتهااا لحد و هيااا تلااح علييه معنقاااه بسرور:نووووو مااتقوولهاااش...ناااري صرعتيهاااا...

عصام بعدهاا عليه و قال مبتاسم فرح حيت نجحات خطتو معاها: الله يخلف على لفوطو شووب هو لي صرعها اما انا مدرت واالو...عحبااتك...

رجعاات كاتمعن فصورة خنساء بإعجااب كبيير غير مسبوووق عينيهاا قربو يخرجوو منهم لقلوبة... كيف قادهاا المصور بشكل احترافي و رد ليهاا شعرها قصير بشكل تحلف علييه حتاا مقطعاااه و مصورة بييه...

نطقاات كاادوز صباعهاا عليهاا:حمقااااتني والله العظيم... نااري شحااال جاااتها تقطيعة كااتحمق...فنة فنة الله يحجبهاا من لعين و صاافي...ياااختي على حنيكاات و شحااال باانو مضوييين...

باقين كايهضرو و هياا دوز خنساء من حدا بيتهم...غير شافتهاا نسرين و هياا تعيط ليهاا:اجي اجي تشوووفي..

ستاجبات ليهاا بلخف و دخلاات لعندهم... دورات ليهاا نسرين الصورة و قالت موسعة ابتسامتهاا:شوووفي شكوون هاااد فنة لبنااات لي هنااا؟!!

خنساء وسعات نضرتهات و رمشاات لعدة مرات مفاهمة حتاا لعبة

و ردت عليها كاتشير لنفسهاا:هاادي انااا..ولكن منين جبتي هااد تصويرة و فين شعري انااااري ؟!!

عصاام ضحك عرف غايتخلطو عليها لعرارم و قال:من بعد و نشرح ليك من بعد...خودديهاا و شوفي كيف جااتك؟!!

نسرين عقدااتهم فيه:اشغااتااخد؟!!!! هاادي دياالي صيبتيهاا لياا غاتبقاا قداام عيني مغانعطيهاا لحد...صيب وحدة اخرى و عطيهاا ليهاا...

عصام: و تي عطي لدرية غير تشووووف...

نسرين بمتنتاع كرزاات عليها:تشووفهاا من هنااا راه غاتباان ليهااا.. ندمت ݣااع لاش عيطت ليهاا كون غير سكت...

خنساء:وااش غنااكلهاا...طلقي نشووفهاا و نردهاا لك...

نسرين سكتاات لتواني و عطاتهاا تشووفهااا... خنسااء تمعناات فيهاا للحضاات وهياا تبتااسم:يااه ولاهيلااا...و هاااد لااكوب شحاال جاااتني زويينة...ماايسحاابليش شعر لقصير غايجيني هاكااا...(بتكراار) زويين معندي ماانقول...

نسرين خطفاات ليهاا تصويرة من يديهاا و حطااتهاا فوق لكواافوز تاعهااا و قالت: معلوووم معندك مااتقولي...و فوت زوين لديك جيه...جاااك خطييير و ردك ناااضية بلمزيااان...

خنساء حركاات ليهاا راسهاا مشاطراها الرأي و رجعاات كاتشوف فلفوطوو شيطان بداا كايوسوس ليها باش تقطعو و نطقاات بإعجااب: ولاهيلا جاني شعر لقصير زوين و مخااير...(طلعااات شوفة فلمراية مدوزة صباعها على خصلاتهاا الطويلة و رداهم كلهم لجنب واحد) ممممم شنوو نزعم؟!(دغياا خرجات عينيها راجعة لوعيهاا خارجة من لبيت) اعود بالله من لأفكاار لي كايرجعو بنداامة... نو نو... ماانديرهاا وخا بقطيع الراااس.... مستحييل نحط عليه لمقص...مااايمكنش..

صبح نهاار جديدة بشيميسو لي طلات على لمدينة كااملة...

كاانت خنساء قبالت لمراية كاتوجد راسها بااش تمشي للمحل...داارت ميكاابها الصباحي المعتااد...و ختارت تجبد عينيهاا بلأيلاينر مع تكحيلة خفيفة...حطاات لعكر نيود من يديهااا بعدما تأكد انو توزع على شفايفها بشكل متساوي و جدااب...

بحكم يوم الجمعة ديماا كاتلبس البلدي...هزات جلابة إڤازي فلبلوماغين مخيطة بلبااج و مطروزة فجنب واحد من صدرهاا بطرزة خفيفة منبتة بلعقيف مع رشيمات خفااف فجنب ليدين...كملات لباسها بعدما دارت اكسيسوارات خفااف...حلقاات مع مونتخ بݣوغميط و خااتم ساامبل فأصبع سبابهااا

توجعااات لبلاصة فين مستفة عطورهاا لي كاتحمااق عليهم كل نهاار راشة من نووع.... مخصصة ليهم بلاصة بوحدهم فبيتهاا....

و بيما انها لابسة لبلدي فهزاات مود عود و رشاات منو جوج رشاات فعنقهاا و جنب يديهاااا...لبساات فرجليهااا و خدات صااكهاا و نزلات...لقااتهم عااد كايفطرو...كاينة غير نصيرة و عصام موجد راسو لخدمة و نسرين...أماا لعربي مزال ناعس...

خنساء مبتااسمة:صباااح لخيير...كاتفطرو بلا بيااا واخاا عليكم..

نصيرة:يلاه حطيناه تقول عيط ليك...

نسرين تأففااات مخسرة كماارتهااا:اووووف و لا خااصني معاااك كمااامة فهاااد الداار...وااش رييحت لعووود على صباااح...عيقتييي ݣااااع

خنساء عقدااتهم فيهاا صبرااات حتااا عيااات و شافت فعصاام مخااطبااه:هضر معاااا مرتك عفااااك...راااه حماااضت بهاد لوحم...هاااد زبل دياالهااا طلع ليااا فݣووونتي...وبزاااف و الله حتاا بزاااف...

نسرين ناااضت وقفاات حااطة يديهاا على فمهاا طلعااات معااهاا الردة:حشوووومة عليييك نوضتي ليااا خاطري على صبااح.... الى مرااعيتيش لياااا رااعي غاا لهااادشي لي فكرشي رااك عمتووو زعماااا....عععععع

مشااات كااتجري لحماااام راادخاااه بجهد...

عصاام شااف فخنسااء و قال: راااه عندهااا الصح...شنوو فيهاا الى نقصتي من هااد الرواايح...غير حتااا تولد و ارى ماترشي دوشي نتي ݣااع بيهم الله ينعل لي يدويي معااك...

خنساء بنزعااج: قوة لفشووش...ولااات ملي تشوفني و هياا تكريتيكي ...(بغاا يرد عليهااا و قاطعااتو باغا تسد لموضوع)صافي صباااح هاداا عفاااك

عصام نهض فيهاا:وااا عرفناااه الصباااح مالني بنت ليك ݣالس فضلمة ليل؟!!!...(ناااض وقف دافع عليه طبلة معصب) سيدة وااحلة فروحهاا غير تشم ريحتهاا تبداا ترد ݣااع لي كلاتو بسباااابهاا و تقوليك لفشووش...

نصيرة كاتعيط ليه: اجي رجع ݣلس كمل فطووورك...

عصام هز يديه بزعفة:بناااقص ݣااااع...

نصيرة خنزرات فيهاا:عجبك الحااال...ها هوااا مشااا لخدمة بلا فطووور

خنساء تبعااتو بانضاارهاا حتا خرج و هياا ترد عليهاا مفقوصة: وشنووو اعمتي حتااا نتي معاااهم؟!!

نصيرة بحدة: انااا معا الحق...ماتزيدي حتاا كلمة...هااد الرواايح لي غايجبدو علينا الصدااع...ماتبقاايش ديريهم حتااا تبلز هاااديك و رجعيهم ...صاافي هنينااا...

خنساء سااطت مكمداها فخااطرهااا و قالت كاتجبد فلخبز:دابااا انااا لي وليت غاالطة و سبااب لمشاكيل...

نصيرة حمرات فيهاا: كووولي و سكتي...سيدة حااملة خااص نصبرو عليهااا...لوحم مسااهلش...

خنساء كاتحل فلخبز بجهد مغددة: بحااالا غااتولد لينااا هاااد السيدة وزيير الدااخلية...غااا هيااا لي حااملة...

نسرين كانت راجعة لعندهم و سمعاات اخر جملة قالتهااا... زيراات على شفاايفهاا و داارت بنااقص من شي فطوور و جهااا تحقن بلأعصاب لي ركبووها...عرفااتهاا واخاا يهضرو معاها كلهم مغااتزݣااش من رواايح بلخصووص و هياا كاتحمااق عليهم.....تسناتهاا حتاا خرجات و نصيرة دخلات لكوزينة ملاهية فيهاا...و هبطاات حلااات شراجم تااع داار كااملة كاتهويهاا ...واالو ديك الريحة لسقاات فنيوفهااا قرباات تخليهاا الطج من الداار حلفاات ماتحيد...فكراات و مشاات هزات بلاستيكة و طلعاات ديريكت لبيت خنساء...داارت كمهاا سااادة بيه نيفهااا...و مشاات ديريكت فين مستفة رواايحهااا...هزاااتهم كلهم دااارتهم فلبلاستيكة...و تقول خلات ليهااا واحد كاايدور... تهز و تلوح فيهااا....مامسوقااش نهائيا لروايح ليمن ماركة عالمية ولا روايح جداد لي بااقي قراعيهم عاامرين يلاه ترش منهم شوية...و لا رواايح لي غاالين و مشريين بتمن....ماسوقاا لحتاا حاجة همهاا الوحيد مااتبقااش تشمهم....حتاا من ليديودوغو طرݣاتهم معاها و خشاتهم... مخلاات ليهااا واالو...شطباات دنيااا...بستتنااء لميكب بوحدو لي نجم منهااا...مشات لبيتهااا لبسااات عباايتهااا و جمعاات شعرهاا...

هزاات ديك لبلاستيكة فيديهاا و خرجاات من داار...مشاااات ديريكت لمزبلة لااحتهم فيهاااا عاد حساات بخاطرهااا تفاجاا...

رجعاات فحاالهاا لداار و هياا كااتقوول فخااطرهااا:الله على راحة...و دابااا عااد غانتهنااا من هاااد ديسك ...

فلمحل عند خنساء كانت واقفة كاتقاد بعناية واحد لونصوبل على لمانكاا...شوية و هياا دخل عندهاا رانيا من ملاميحهاا باينة طايرة بلفرحة عينيهاا كايلمعو شادة فسيمو

مشابكة صباعهاا مع صبااعو...

تقدموو لجهة خنساء سلماات عليهاا رانيا و قالت:صبااح نوور...هااي هااي جلاالب يااختي و لعقل هارب...

سيموو ضحك و قال بطنز: هههه...هاادي عقلهاا عندو عقلو قالاك هارب...شوفي غاا لبلان لي غيزاات لياا نباات نفكر نهاار كاامل مايطيحش عليااا..

خنساء بعجرفة: خليت ليك باش تفكرني بعداا.. هههه دوز ياامك كاملة و متقدرش تصرطو...(شافت فرانيا) اشمزال درتو مع سي اسماعيل

رانيا بنبرة مسرورة: صافي ليوم فطرناا مجموعين و تافقناا على لمسائل كاملة و حددنا موعد العرس...غايكوون من هناا لجوج اسابيع

خنساء بفرحة: اوى هنية عليكم...الله يكمل كلشي بلخير...

رانيا بابتسامة:ربي يخليك ليا احبيبة

سيمو شاف فرانيا:هاني غانمشي للمحل تعطلت على عبدو خليتو بوحدو هاد صباح...اشباان ليك تمشي معايا فلعشية لدار تشوفي ليسطول لي درت فلبييت لݣلاس...

رانيا وسعاات نضراتها و قالت بنفي هستيري:لا لا لاااا...مكااين فين نمشي معااك....غااصورهم ليا احياتي و سيفطهم لي و نعطيك رأي فييهم...

سيمو ميق فيهاا: شنوو فيهااا خمسة دقاايق مانفوتوهااش...

رانيا جرااتو من دراعو ناطقة بهمس مخلياا موراهاا خنساء حاابسة ضحكة:بحاال خمسة دقايق تااع دااك نهاار....سيفط لياا لفوطو فواتساب غاانتسناهااا...اشخاسر؟!!

سيمو حرك راسو بلا حول و قاال: مابغيتيش تمشي معايا تشوفيهم ضونك مغاانسيفط واالو...تلاحي لخدمتك...

كمل هضرتو وزااد ونطقاات مرفعة صوتها:سيموووو غاانتسنااهاا قلت لييك...(داار شافيها و عوداات بتكراار) غااانتسناهاا...

سيمو هز على كتفو بعناد:تسنااايهااا و انا ماالي؟!...و صبري توصلك ان الله مع الصابرين...

غمزهاا و زاااد خاارج فحاالو ... راانياا شافت فخنسااء و قالت منرفزة:شوفي اشكاايدير ليااا شوفي...الى كنتي كاتقلبي على شي واحد غااطس فلعناااد هوااا هاداااا...بلا مادوري جي ليه نيشااان...

خنساء وسعات ضحكتهاا و قالت:ههههههه تي و ياه و الله حتاا تلاقيتو....غاا جبد ليك حس داار و تي تقفزي...خفتي ينفااارد بييك تاااني ههههه ماابقيتيش درتي فيه تيقة...

رانيا:تي فهاد لأموور مكاينة لا تيقة و لا عتيقة....كاين غاا لعرس من مورة جوج سيمانات و ارى ماينفارد بيااا ديك سااع...

خنساء:حقاا قولي لي .. شنوو درناا مزاال فدااك لبلاان...يااك غانقنعو ماماك ؟

رانيا عوجات شفايفها: بصراحة و الله معرفت واش تبغي...

خنساء: اصحبتي رااه غايكونو معانا غير ولاد العائلة مغايكون حد براني...معندهاا لاش تعكس ...

ردت عليها و هياا حايرة: انا غانحااول من جيهتي نقنعهااا و نشوفو على الله تيسر معانااا

خنساء سكتاات تواني و قالت بتفكير:شتي شنوو غاندير...غاندي معايا خالتي حيااة هياا لي غاتقنعهاا راها عشرتهاا زعمااا...

رانيا خرجاات عينيها:حيااااة...

خنساء بتاسمات و غمزااتهاا: اييه الالة غانعيط ليهاا و نطلبهاا...و على ضماانتي مغاتخسرش ليااا...و غاتقبل تفك ليناا الجرة مع ماماك و تخليهاا تقبل...

خنساء دخلاااات للدااار هازة سواارتها فيدها حاسة براااسهاا عيااانة سمعات حسهم فبيت الكلاااس مجمعين وفضلاااات تطلع لبيتها ديريكت تبدل عليها وتحيد العياا عاااد تهبط تكلس معاهم ... دخلااات راسهااا مرفووع ومشات لبلاكار نيشان حطااات بيجامتهاا فوس السرير باغا تلبسهااا ... دازت جهة الكوافوز تمسح الميكاب وهي تهر حاجبهاا مخرجة عينيهااا فجهة الروااايح لي كاملة خاااوية وتقول شي باغفاان بقا تمااا ... فلحظة تشوكات مفيكسيا عينيهااا من المنظر يلاااه غاتمشي تسول عمتها وهي تهز حاااجبهااا مفكرة هضرة نسرين على الروايح ... تنهدات ضااناااها هي لي خباتهم عليهاا فشي قنت باش ماتبقااش ديرهم ..

نطقاات بلااا حول : غاااتحمقني انا هااد الموصيبة فين غاتكون خزنااتهم ... لالة زينة وزادها نور الحمام

سااطت كاتقلب فالمجورا والبلاكاار لا تكون دخلااتهم ليه باش مايبقاوش قداامهااا ولا خزناتهم فشي قنت والو مالقاتهم عرفاتها غاتكون دارتهم فشي بلاصة اخرى ... مخبياهم عليها باش ماتلقااهمش ... .سااطت بنفور وخرجاات هااابطة مع درووج ... دخلات لبيت الكلااس لقااتهم مجموعين ونسرين غير شاافتهاا حساات بيها قااصداهاااا وقلبها ضرب فالتسعين ...

خنساء سلمات على باها وعمتها وعصام ودازت لنسرين مسلمة عليها عاد نطقات بتسااؤل : نسرين ... فين درتي الرواايح دياالي؟! ...

نسرين خرجات عينيها بالعة ريقهااا كاترمش ودور فعينيها بلاااا جوااب

خنساء : غير اريهم ليا انا غانخشيهم فالبلاكار ماتبقايش تشوفيهم قداامك ... فين درتيهم ؟!

عصام شاف فيها هاز حاجبو : اشمن رواايح ؟؟؟ ....

خنساء سااطت : مرتك اسيدي جمعات روايحي وخزناتهم ماعرفتها فين دارتهم ...

عصام شاف فيها ونطق بتساؤل : واش هزيتي ليها روايحهااا. .؟!.

حركات ليه راسها بايجاب كاتقفق عاضة على قنوفتهاااا ... كاترمش بعينيهااااا والخوف باين فيها كااتفكر اش غادير فيهااا الا عرفاات بيلاااا رماتهم ....

خنسااء قفزاتهااا بنهضة : وااا دوي فين درتي ليا الزمر براااكا من هاااد التفلية دياالك ....

نسرين عينيها غرغرو وتخبات ورا عصاام نااطقة بخفووت : اءء وا هو بصراااحة انا ماخبيتهمش ... ( عضات على فمها ): ماحسيتش براسي حتى جمعتهم ورميتهم فالزبااالة على برااا ..

خنسااء خرجااات عينيهاااا كاتحاول تسوتعب شنو سمعاات ودنيهااا

نصيرة غير سمعاتها حطات يدها على راااسهاا عارفة اش تاابع هادشي وشنو ممكن تدير فيها خنساء .. العربي حرك راسو بلااا حول اما عصااام باقي مصدوم بحااال ختو ...

خنساااء رمشااات كاتشوف فيهااا عااااد استوعباات ونطقاات كاتفتف : عاااودي عااودي فين رميتيهم!؟ ... كاتفلاااي

نسرين زيرااات على دراع عصااام خايفة منها : والله ما دارتها بلعاااني..

خنساااء الكشااكش خرجو ليهاا من راااسهاا وعينيهاااا ولاو حمرين بالاعصاااب بلاااماا تفكر طاارت عليهااا بقوة الاعصاااب بااااغااا تشدهاا من شعرهااا تريشهاا ... كون مااكااالاااهااش عصااام حابسهاا...

خنساااء كاتنتر من يدو : طلقني عليهااااا الحماااارة نورييهااا ترمي ليا رووااايحي ... ( بجعرة باغا تفك منو طير عليهاا ): اويليييييي رزاااتني فزباابل الفلووووووس ... اوييييلييي على غدااايدي... اويلي على روااايحي مشاااااو

عصاام مكااليهاا عاارفهاا عينيها تعمااو والا طلقها غادير شي فضييحة فيهاا : خنساااء ريحي .... حضري عقلك ...

خنساااء كشااكشهااا خرجو مااابقااااتش عااقلة على رااسهااا باغا تبردفيهاا غدااايدهاا لي ركباات فيهااا كاااترطاااا وهو حاكمها اما نسرين البولة غاتنزل ليهااا ...

نصيرة : يهديك الله اخنسااء وااش باغاااها تجيب سبتهااا عليك وهي واحلة فرووحهاا يهديك الله ...

خنسااء بالجهااالة : غااتخليوني مني ليهااااا ... بيااا ولا بيك اليوم ابنت نجااة ...

العربي نطق بصراااحة نااهض فيهاا : واا الا سميتك مرااا حطي عليهااا يديك ... السيبة فالبلااد ولااا.. تبتي ولا غانوض لييك اديك المجعورة ...

خنسااء جمعاات يدها مبعدة وعينيها غرغرو : واااش هاادي حمااااقت راامية ليا رواايحي.. واااش تسطاات اويييلييي ..

نصيرة محاولة تكالميها : صافي ابنيتي ربي يخلفهم ... مرت خوووك وااحلة فرووحهاا وغير الوحم لي لاااعب عليهااا ... ماتديش عليهااا ...

نسرين كاتخنصص : والله ماشعرت براسي كااعما قصدت ... غير سمحي ليا ماعرت كيطرا ليااا قسما بالله

عصام خنزر فيهااا : باااز لوجهك ... باااز ... برب ماتكسابي الكماارة علااش تحشمي

خنساء خرجاات عينيهااا : وااش تسطيتووو... وااش رواايحي كاملين ترميهم ليا جاتكم عاادي وتقبلوتوهااا بهاد البسااطة ... وباغيني نتفهمهااا (القردة طلعات ليها. للسطح ): مالها درية صغييرة غاانديها على قد عقلهااا .... الوحم كااع مجربينوووو ولاااايني هادا راااه خرجاان العقل .. واش كاتبيعوا القرد وكاتضحكو على لي شراااه ولا مااالكم

نصيرة بطلب : عايشك ابنتي لاما غير بردي.. راااه المرا فالوحم كاتولي بلا عقل نيت .... واش مني كانت ديال راسها عمرهاا قاست ليك فحوايجك ...

خنساااء ساالات معاها برودة دمهم وكيفاش تقبلو الموضوع وسهلوه لهاد الدرجة غي حيت موحمة .. نطقااات باغا تاكل جنااابها : ورااااه رزاااتني فيييهم ... تسطييتو ولاااا ماااالكم هبلتوووو .. لاااا ...

العربي : لبكا ورا الميت خساارة بلاما طبخي لينا راسما على واالو

خنساء بالجهاالة وااصلة بيها لعظم مخرجة فيهم كاملين العين ... اعدى حاجة عندها يقيس ليها شي حد فحواايجها وخصوصا الا كانووو غاليين وعندهم قيمة وعااد هي رمااتهم بلاااماا تفكر فيهااا ومن الفووق بغااوهاااا تقبل الموضوع ودوزهاا ليهااا ... ركبو فيهاا الجنووون : راااه والله مااافهمتكم باااش كاتفكرو ... عمتي واش عارفة راااسك اش كاتقولي .. واابااا وااش داوين من نيتكم

العربي بايجاز : هنيناا اخنساااء ... لي عطا الله عطااه للاااااش منوضة عليهااا هاد الهيلاالة كااملة دااباا ... غاترضيهم متلااااا ....

عصااام غزز عينو فنسرين لي حادرة راسهاا كاتبكي ونطق بعتاااب : كاديريهااا قد رااااسك الموصيبة وتعطيها لنحيط عجبك الحااال دااابااا

خنساااء عضات على فمهااا معصبة : شنو دابا نتوومااا كلكم معااهاا وانا لي وسطكم خاايبة ... اعباااد الله راااه رمات لياااا زباابل دلفلوووس فالزباااالة ... ماعرفااتهم بشحااال مقيووومين ولاااا شنوو كايعنيييو لياااا وبغيتوووني نساااعف ... والا دويت غاااااالطة ... هادي هي لااا تاعي بقا لا وجهي تنقى ...

عصاام طلع ليه الدم ... نطق كااعي على الوضع باغي غير يسكتهااا راسو مابقاش قاد يتحمل الغواات : بشحااال مقيوووم داااك الزبل نخلصو ليك وهنينا الله يرحم بيها الواليدين ...

خنساء شوكاااهااااا حسااات بودنيهااا كايصفىرو خصوووصاا انه اعتابر الموضوع غير مساألة فلوس ماشي دنب قتارفااتو فيهاا مرتووو ... خنزراات كعااها بالبيااان : شوف اعصاااام الله يرحم بيها الواليدين بلاما تقرا عليا داك الزابور دياااالك ... مابقااتش فشحاال مقيوووم بقااات فهااديك المرااا عندك دمااغهاا ماشي فبلاااصتوووو وماشي اي حاجة داارتها غانمرو عليها مرور الكرااام ... لااا ونساااعفو معاااهاااا لااواااه راااه حاااملة .. واااقلة رااه كاتوحم ماااشي حمقة ... غدا ولا بعدو دووز ترمي ليا حواايجي فزنقة ... ولااا ماتحملنيش انا نيت وتلووحني... غانقوولو رااهاااا حاااملة ... وكاتخنصص بحال المظلومة وندوزها ليهااا باغا دير ليا فيها ضربني وبكا وسبقني وشكا

نصيرة : واااابنتي رااه الوحم بحاال الحمااااق ...

نسرين خرجااات عينيهااا هازاهم فيهااا : داابااا اناا حمقة ...

عصااام نااهض فيها: سدي عليا دلقووشك نتي ولا غانريبووو ليييك تحسبيييه قدااامك ...

خنساااء بالجهاالة : لااا انا لي حمقة كاندوي معاااكم ( طلع ليها الدم بابياااان مابقاااتش كاتفرااني خصوصاا من بعد الكلمة لي قالها عصااام وبغااا يغرمهم فيهااا ): شوفو الله يرحم بيهاا الواليدين ليعندو شي كلااااخ يهز هباالو رااسو ولا يشوف ليه شي حل مااايجيبوووش علينااا حنااا .... وااااه وااااه بزاااف هااادشي عيقتووو كاااع بهاادشي لاااا نتوماا لااا هي .... كلهااا يصبر يشد حماااقو عندووو ... ماقدو فيل زاادوووه فييلة

عصاام عرفها كادق علييه هز حاجبو فيهااا :ولينااا فالمعيووور تحل لوالديك الفم لااا ...

خنسااءبتاكيد : ماااقلتش ليك العيب الا عااجبك هباال مرتك هزو راااسك مامفرووضش عليا انااا نصبر عليييه .. فعاايل الهبااال هاادو ... دااويهاا ولااا زورووها شي نهاار طججنا كاامليين ... وقولو لينا عدروووهاااا راها وااحلة فروووحهااا ولا انخلصهم ليك وشي باااس مااكااان ... اناااا ماااشي مسؤوولة عليهاااا هادي هي لي ماعندو هم اتولدو ليه حمااارتووو...

عصااام خنزر حس بيهااا كاتصغر منو بهاد الهضرة وكاترااد معااه بحال الا قدهااا ... عقدهم : وصلنااا لهادشي ابنت ميمتي ....

العربي شافها غاتزيد تبلز ونطق : هنينا نتي وياااه ... كاترادي مع خوك قداامي.... صااافي صبري شوية وديري للما منين يدوووز ... مرت خوك غايفوتها الوحم ونتهنااو من هادشي .. مافيهاا والو الا ساعفتي شوية ...

خنسااء عصبووها مابقااتش كاتقشع قدامها حسات بيهم كلهم ضدها وحتى واحد ما عطااها الحق بالعكس دارو فييهااا كااملين ودورووهاا بيناتهم : يااكما غاتولد ليكم ولي العهد ... رااااه كاااع الناس حملو وتوحمووو ... وماداروووش هااد الحااالة دالحمااااق ... ومن هاادشي كااامل انا ما قادة نهز هباال حد ولا نصبر على حد وماااعندي فين تقيل دبااانة بقاا غا عرووستكم ... المخ ولا المجاااج لهاد النم راه مانكساابوش ... الا هي كاتوحم وباغا ليها بوحدهااا انا غانخويها ليها ونمشي لداري حتى تبلز ويفوووتهاا هبااالهاااا اما رااه مابقااش كايتسمى وحم ...

العربي خنزر فيهااا: كاتقلبي غااا على السبة ... غااتبتي لارض ولا مغاايعجيك حااال .... الا عتبتي الباااب ومشيتي بلااااما ترجعي عندي ...

خنساء باعتراض : لا اباا غااانمشي مابقااش عندي فين نزيد الصبر ... حتى نجي شي نهاار نلقااهاا راميااا ليا كلشييي على براااا فالزباالة

العربي باصراار : الاا سميتك مرااا خرجي وسيري ليهااا .. ديك الساااعة ماانا بووك مانتي بنتي

خنساء كرزات على سنانها ودمووعهاا فعينيهاا .. خبطات رجليهااا بنفضة مع الارض ... ضااربة فيهم وزاادت طاالعة ... كاتنكر ناطقة : الدار دااار بونااا وعبيد بوناااا طردوووناااا ...

عصاام حمر الشوفة فنسرييين وزير على يدوو من كلااام ختووو لياير بحاال السم ماعمرهاا قللات عليها الاداب بها الطرييقة واخا كاتناقش معااه كاتعرف تجمع فمها هااد لمرة دخلاات فيه طول وعرض وماراااعاتش ليه بالمرة ...

تبعااتها نصيييرة كاتجارااا لقاااتها حطاات الباليزااا فوق السرييير كاتجمع فيها حواايجهاااا ...

نصيرة ضربااات على فخااضهاا :اويلي ابنت الحرااام ... باغاا تعصاااي كلااام باااك ...

مجااوبااتهااش خنسااء بحتى كلمة .. عينيهاا حمرييين بالاعصااب كاتنفض فالشراااوط ... جمعاات الحوايج ديااالهااا ودهبهااا لي بغاااات وتمااات هااابطة فالدروووج ...

نصيرة تبعاااها مع الدروووج كاتجااراااا لقااتها يلاااه غاتحل الباااب وهي توقفهااا بانفعااال : واااش تسطيتي باغااا تعصااي كلااام بااااك ... بغيتي تشفي فينا العديااان ويسميوك مسخوطة باهااا ... غاتخرجي ويتبرااا منك فين غاتولي ديك السااعة ...

خنسااء سااطت بنفور : عمتي .... وااا عمتي واااش كانبااان ليك درية صغيييرة غااتفتي عليا هادشي يحسااابك معاارفاااهش ... عند بااالك مقااريااش بااا مزيااان ... راااه شاارباااه مااا وعااارفة الا خالفت كلاامو ماعمرو يعااود يشووف فيا حتى الشووفة هي اللخرة ...

نصيرة : ايوا ابنيتي مني عارف. هادشي علاش مقسحة راااسك وبااغاا تطجي من الدار وهو حلف عليك

خنساء بنفاد صبر : وراني اعمتي ماااشي مسطية نعصاااه ولاااا نطيح كلمتو لاارض ... هااد الحواايج عزاز علياا غانديهم لدااري نحطهم تماا ونرجع ... لااتمشي تسووط ليا فييهم حتى همااا ... وترميهم ليا شي نهاار ...َ راه مشَتاق الَسْرواْل كُُل َساعة ْيحلو .. مابقاات فيها تقة

نصيرة حطاات يدها على قلبها براااحة : ناري ابنتي كنتي غاتسكتي ليا القلب... عند بااالي غير تعصبتي وبغيتي تضربي فينا وتزيدي ...

خنسااء: ماانيش مسخووطة بااهااا ولهلاا يحيي الزماان لي تجي برهووشة بحاال بنت نجاااة تكون سباب اني نخسر عاائلتي ... ونضحكهااا فيا هي والعديااان .... مزاال تجيبها لياام لبين يدي وغاادي نوريهاااا سووومهااا .. واخا رااه ماشي غير هي لي بقاات فيا قالوها زمان لِعيب ماشي على من حرث في السطح العيب لي فالموت وكاي

يشطح

نصيرة برجااء : الله يهديك ابنتي ... بردي فيك الدم ... واااش نتي مكاتهدييش ... صاافي داااو الباااااس ... ماتشديش فخاطرك على خوك

خنسااء: عاافاااك اعمتي لااماا خليني ... نمشي نبدل الساااعة باخرى ... شوية ونرجع ....

ضربااات فيهاا وزاادت حاالة الباااب ... خاارجة غادي تطرطق ومعااجبهاا حااال ...

نصيرة رجعااات للبيت لقاات العربي وعصام ونسرين حتى هما كاالس شافت فيه ونطقاات : مشاات غير تدي حواايجها ....

العربي بايجاااب : عرفت .... اصلااا بنتي ورااني عاارفهاا ماتعصاش كلاامي واخا تموووت ... خليهاا تديهم الا كانت غاترتااح هاكااا ...

عصام خنزر : مااابقاااتش كاااتحشم ... كاتعطيني فالوجه بحال الا قدي قدهااا ...

العربي بنرفزة : صااافي راااه سدينا الموضوووع ... واقلة راااه كااملين ضرنااا فيهااااا قدااامك ... بغيتي نووض نسوطهااا باااش تبرد ولااا كيفاااش ... هنينااا حتى نتاااااا وماتزيدش فييه ...

نسريين حطات يدها على عصام : صااافي .. برد شوية ...

خنزر فيهاا بنفضة : نتي زمي فمك .. مكاااين شي جباااد البلااا قدك ... من موونتيف لمونتييف يااربي السلاااامة مكاااتقااضااايش. ...

ضرب فيهااا نافض يدوو وزااد طاالع لبيتو وهي عينيهااا عمرو بالدمووع من هضرتوو حيت كيفماا كان الحاال عندو الحق وهي السبب فالمشكل لي واااقع بينوووو وبين ختوو ولي اجاا ماافكوو .. من نهار جات عمرهاا شافتهم وصلو لهااد الدرجة واخا كاايتخااصموو ... تنهدااات واعتادراات منهم طاالعة لبييتهاا تااابعااه ...

نصيرة كلسااات منهدة : اجا ما فك هااد الحريييرة تااني... خنساااء شعلااات فيها العاافية وعصاام حتى هو طااالعة ليه عليهاا غير الله يحضر السلااامة ...

العربي بلا حول : حتى واحد فيهم مكااايساااعف ... وكلهااا فموو حماا من لااخر ... تلااقاااو الله يدير شي تااويل وصااافي ... نووض نصلي المغرب لي بقا تااابعهم مغاايساالييش ... لله يهديهم وصاافي...

زاد يصلي وهي تنهدات كاتسوط : اما ديك لالة العرايس خلاااص .. لالة زينة وزادهااا نوور الحمااام ... يااربي تصبرني حتى تولد ... ياااربي صبرك ... للا مليحة و زادتها ترويحة. .. اووف

صبااح جدييد خنساااء كانت كاتبدل حوايجها فالبيت خلات غير باااش تبدل اما اي حاجة غالية عندها دااتهاااا لدارها ... دخلات عندها نصييرة لقااتهااا كاتقاد الميكااب دياالهااا وكاتدوز الرووج على فمهااا ...

نصيرة : صباح الخير ... غادة للخدمة ؟؟؟ ...

خنساء بايجاب : اه عندي واحد الغرض نقضيه عاد غاندوز للمحل نحلوا ...

نسرين قربااات عندهم كاتفرك فديهاااا ونطقااات باعتدار : خنساااء بغيت نهضر معااك ...

خنساء غير سمعات حسها خنزرااات فيهااا بلا جواااب محاملااش حتى الشوفة فيهااا من بعد داكشي لي وقع الباارح كاتشوفهاا هي لي من مورا الصداااع كاامل ...

نسرين قربااات كاترمش فعينيها : فصرااحة اخنسااء انا عاارفة رااسي غلطت معاااك ... ودرتها قد راااسي ولكن لي غلب يعف .. مابغيتش تبقااي مقلقة مني هاكة وهازة من جيهتي ... سمحي ليااا ...

خنساء هزات فيها حاجبهاا : ساااليتي ... ( بتأفف ): واااقلبي الضوورة ...

نسرين تنهدات عرفات راسها كحلاتها بالبيااان : فصرااحة والله مابغيت توصل الامور لهاد الدرجة ...

خنساءبلاما تعيرهاا اهتماام خاطبات نصيرة : راه حطيت ليك اعمتي السواارت فوق الكونطواار مانعااودش نلقى بيتي محلووول من اليوووم ... راه قالوها نيت الباب المحلولة كتدخل الغول و الغولة ...

الجملة لي جاات فودن عصااام نيشاان كان خاارج من الحماام...زير على يدو وهو كايشوف نسرين حانية رااسهاااا وخنسااء مامعبرااهااش وكاتنفخ ومن الفووق باغا تولي تسد البااب بحال الا كاينين شفارة فاالداار ودارتهابلعااني قدام نسرين باااش تحشي ليها الكلااام وعاد الهضرة لي قالت ليه الباارح بااقا ضااراااه....

نسرين : الله يهديك اخنسااء ... والله ماقصدت.. انا ..

يلاااه غاتكمل وهو ينهض فيهااا عصاااام : نسرييييين ... زيدي قدااامي ... برااكة مااتكبري ليها الشااان ... ماتدويها ماتدوييك ... ياك انا لي غانهز هباالك خلااتها هي ... ايوااا برااكة ...

نسرين باصرار : راااه انا لي غاالطة وخااص نعتااادر ... ومامحركاش من هنا حتى تسمح ليا ...

خنسااء واااقفة هازة حاجبهاا مامعبرااهااش بالمرة باقي ماتصرطاتش ليها الفقسة وغدايدها باقين مابردوو ..

عصاام شافهاا مابغاتش تحرك وهو يغوت عليها : زيييدي قدااااامي ولاااا مغايعجبك حااال

نسرين شافت فيهااا وخنساء نطقاات بعصبية واستفزاز : سمعي كلاااام راااجلك وخرجي عليا من بيتي لا تبااان ليك شي حاجة اخرى تاااني وتلووحيهاااا فالزبااالة ...

عصاااام شعلااات فيه العاافية من طريقة تعااملهاا وقلة الادب لي كاتصرف بيها قداامو ... نطق جار نسرين : مابقيتيش كاتسمعي بييييييتك يلااااه ...

زيدها قدامو وخنزر فخساء لي حتى هي حمرات فيه عينيهاا باقا شادة من جيهتووو ديااال بصح... حساات بيه جرحهااا وماعطاهااش قيمة بالمرة وهادشي لي ضرها كتر ... غير مشااا وعضاات على شناايفهاا محاملااش الوضع لي وصلاات ليه معااه واخا متاكدة انها ماغلطاااتش ....

نصيرة شدات رااسهااا ماقادرة تقول حتى كلمة وهي الااخرى قلبها كايتقطع عليهم. .. مكاتبغيش تشوفهم مخاااصمين ...

خنساااء ساطت ونطقات بتأكيد وهي خارجة : سدي البييييت ... ماتبقايش تخليه محلوول ...

زادت من تمااا خاارجة اعصابهااا مشحوونييين بالمعقووول وخاطرها ضاارهاااا بالبيااااان

فالدار عند حياااة كالسة خنساااء فالصاالون وهي قباالتهاا كاتحاااول تقنعهاااا : وااغير فهميني اخااالتي حيااااة ... راااه ضروري تقنعيهاا ليا ..العرس مابقا ليه والو وانا خااص نتحرك ولا غايهزنا المااا ...

حيااة : واش بغيتيني نفرض على السيدة ... تخليكم تجمعوا فدارها ... واش تسطيتي ...

خنسااء بلا حول : واا خالتي حيااة مالنا حنا غانجيبو العزارة والعزبات ... راااه غير حنااا بيناتنا وغايكونو ولاد عم محمد وجوج صحابات درانيا ... وولاد خاالتها وخواتاتهم ... مغايكونش البراااني وعاااد غاتكونو معاااناااا نتومااا . مااشي بوحدنااا ... نتي وياهاااا راااه غاتحضرو معانا مافيهاا والو ... غانديرو غير حفيلة انا غانقضي الغرض ... الله يخليك راااه هادي هي الفرصة دياالي ...

حياة : ايوا على الاقل قوليلي لااايااش كاتخططي وشنو باغا ديري ماتخلينيش هاكة زي الاطرش في الزفة ...

خنساء : والله يهديك حتى نتي ...انا عاارفة شنو غاندير ... يااك نتي المهم عندك هو ولدك يترااجع ايوا انا لي غااانفك هاد المشكل ... نتي محتااجااك غير تقنعي ليا عتيقة بالبلااااان ... وشي لاااخر خليه علياااا ...

حيااة رمشات بلاا حول : زعما نتي داايرة بحااال العلقة ... مكاتفااكيش ... واخا الالة ولكن راااه غانكونو معاااكم ... حنااا ماشي نصاارة باش نخليوكم مختاالطين بلاااا موجب شرع دراري وبنات بلاااا رقاابة. ..

خنساء ابتاسماات : ايييه الالة غاتكونو معااانااا نتي ويااهاااا ... وغانكونو غير فداار وغير غادي نتصورو ونشطو ونخليوهاا دكرى وصاافي... وانا غاانكون فكيت الجرة مع ولدك ...

حياااة : ايواا واااخااا ... واا مني هاااكااا سيري لبيتي جيبي ليا دواااياااا وجلااابيتي وديري دوك الحوااايج فالماكينة يتصبنوووو راهم فالسلة ...

خنسااء خرجات عينيها : من دابا احيااااة ... بااقي كاااعماااا درنا فالطاجين مايتحرق غاتبدااااي تحرتي علياااا ...

حيااة بايجااب : ايواااا غاتبقاااي كاتسناايني نلبس بلاااا فاايدة راااه الطرمة لي تطوف ماتغزل الصووووف ... وعاااد باغااا ترديهاا فوجه عكووزتك مااشي دياالك هادي ابنت الساايب ...

خنسااء ميقاات : هاادي هي حب ليا *كي ولااا نبكي .... باااينة غاانعاااااني معاااك غير الله يحضر. السللااامة وصاافي ... يلااااه غير طلقيناا نمشييو نغيزو معاها الشغل ...

حيااة ابتااسماااات : ايوا هكاااك الله يرضي علييك ... كوني تسمعي الهضرة ...

خنسااء وكلاات امرهاااا ومشات جابت ليها جلاابيتها وعطانها دوااهااا وداارت التصبيين فالمااكيينة .. عاد خرجو بجوجااات متااجهيين لداار رااانياا ...

فدار عند السي سماعيل....ريحة لبخوور لعود و سرغينة فاايحة و موسيقى هادئة خدامة فصالون...لهرااج باب تدار محلول و شي داخل و شي خارج من لمقربين ديالهم طبعاا لي ختارو يعيطو عليهم فالحفلة قبل من لعرس...مجموعين غير بيناتهم....نقاشة كانت كاتسنى مقادة البرزة فين غاتݣلس رانياا لي ختاارت انهاا دير لحنة قبل من سيمانة على موعد لعرس حيت سيموو معندووش نهائيا مع ريحتهااا و عرفاات غادي تحرم منهاا...فقالت بيما انهم مجموعين فلحفلة تستغل الفرصة و تنقش رشيمات خفااف فيديها و رجليهاا...مايجي نهاار العرس حتاا تحيد منهااا ريحتهااا و منها نيت تزول شهوتها فيها و مايبقاش فيها لحال حيت محناتش فلعرس....

فلكوزينة كانت غير عتيقة و حياة و معاهم نصيرة معااونين بيناتهم... ريحة الطيااب عااطية...عتيقة طلبت من نصيرة هيا لي طيب ليها فالحفلة بسطيلة حلوة هماوية تاع دجاج و حتا طباسل تاع اللحم...بحكم هيا لي كاتصرعهم فدرب و بلخصوص البسطيلة لي كلشي كايشكرهاا ليهاا...قبلات و مرداتهاش فوجها...

تقدمات عندهاا عتيقة بقفيطين خفيف مخدوم براندة مݣفضة على يديه و محزمة بتزارتهاا المطروزة....لايحة زيف مرخوف على شعرهاا مخلية بعض منو كايباان من قداام دايرة غير كحيلة فعينيهااا و مزݣة حناكهااا مع شوية لعكر...

حلات على طنجرة تقلب اللحم لنصيرة لي مشغولة مع الفران عاسة عليه لايمشي يديرها بيها ويحمر البسطيلة كتر من لقياااس...

نطقات بهدووء: هاداا واقلة انصيرة قرب اجي شوفي...

ضرباات عليه بعينها غير من بعييد و قالت: صافي بركة غااا نقصي عليه دابا بااش يتعلك...

حياة مدات اللوز لي غايزوقو بيه اللحم لعتيقة: هاكي راه فسختو كامل...ردي زيت يغلا باش تقليه...

عتيقة بشكر:صافي الله يعطيك اللصحة...و الله معرفت اشكنت ندير فهااد الروينة بوحدي بلا بيكم...طياب لضياف مكاين ما وعر منو صراحة...

نصيرة:لا ماتقوليش هاكا...حنا جيران و عار الجار على جارو...الى مالقيتيناش ملي تحتاجينااا لااش نصلاحو؟!

عتيقة:ربي يخليك اختي و يطول لياا عمرك....(شافت فحياة) شتي كون مانتي و الله مانخليهم يديرو شي حاجة...ولكن عارفاني العفريتة منقدرش نردها فوجهك...

حياة: هههه اوى حتااا نتي خلي لبنات ينشطو شوية شنوو فيهاا...

عتيقة: واايه غااملي قرب لعرس قلت زعماا مكاين لاش ندير جوج لاماات داكشي علاش...

نصيرة:حتاا نتي بنادم راه برزقو...وعاد الراجل كيفما قالت لبنت مكايبغيش لحنة...من هنا سيمانة بعدا غاتكون تمحاات و ريحتها طارت...(غمزاتها كاضحك) بحرى يقضي شغلو فخااطرو...

عتيقة:هههه تي شتي الى شاف لخيورات قدامو باقي غايديها فشي حنة...رجال كلهم خطاار و عيبهم واحد راه غاا كايشوفو اللحم و كايتلفو...لقصارة عندهم هياا كلشي...

حيااة: هههه والله مكدبتي...

عتيقه دارت لوز يتقلة و قالت كاتحرك فيه: حقاا كون غاا عيطتي لنسرين تجي تݣلس معاناا شوية...حسن ماتبقى بوحدها فداار...

ردت عليها كاتحل فلفراان:راه اختي لوحم قاهرهاا مامخليهااش تهز الرااس اليوم...كانت بغاات تجي و لكن مقدرااتش...من صباح و هياا ناعسة ممغطة فبيتهاا...

عتيقه برجاء:الله يفك وحايلهااا على خير و يجعلوو من نصيبهااا هااد المرة...

نصيرة: انين من فمك لباب السما

حياة:مسيكينة لبااارح تلاقيتهااا فلحماام... بانت ليا تنفخات واقلة عندها بنت

ردت عليها نصيرة كاتضحك:ههههه تي راه تنفخات غابنعاس و الماكلة... ملي حملات مابقات كادير والو ضل تبعصص عليناا و كل نهار تقولك ضارني قنت مقاداش نوض...لقياهاا مسلكاها

عتيقة:اوى هادوك هما بنات ليوم...ماعندهم خرقة لسخون..يضربهم غير لبرد يشدو لفرااش...ساعفي معاها تسع شهور دايزة طايرة...

نصيرة تنهدات: غاسكتي ومجاهاا الوحم غير على اللوسة ولات كل نهار معاها فشد ليا نقطع ليك...قربو ينزلو ديك الدار على راسناا...

حياة وسعاات نضرتهاااا: بصح...انااري كناا فبنت سايب وحدة فدرب دابا غاتجيناا خليفتهااا...(شداات على راسها بطنز)اربي سلاامة الله الله رااسي...

نصيرة: هههه وغاا وجدوو راها حاطة تصويرتهاا فلبييت عندهاا.. ضل مقاابلة معاهاا...

عتيقة: على ربي تكون بنية...غاتكون غزاالة بحالهاا تبارك الله....اما الى كااان ولد ميمتي ميمتي...ههههه بفعاايل خنساء لحومة ضربها لخلاا...

نصيرة ميقاات فيهم:لواااه لا تزيدو شاي فيبه..هو حقا بنتي مشيطنة و لكن غير شوية...

شهقو بجوج و قالو دقة وحدة مقفزينها: شوية؟!!!!!

نصيرة رفعات صوتها بدرجة و قالت و هيا راجعة كااتحل فلفراان: اوى خلااص شوية و لا بزاااف هنيونااا....دابا تجي تسمعكم و فكوها معاها ديك السااع...

يتبع..